3న జిల్లా సదస్సుకు తరలిరావాలి

3న జిల్లా సదస్సుకు తరలిరావాలి

ఎస్‌ఎస్‌తాడ్వాయి : గీత కార్మికుల సమస్యల పరిష్కారానికి డిసెంబర్‌ 3న జిల్లా కేంద్రంలో నిర్వహించనున్న జిల్లా సదస్సుకు గీత కార్మికులు తరలివచ్చి విజయవంతం చేయాలని జిల్లా అధ్యక్షుడు పులి నర్సయ్య పిలుపునిచ్చారు. సోమవారం మండలంలోని కాటాపూర్‌ తాటివనంలో గీత పారిశ్రామిక సహకార సంఘం సొసైటీ అధ్యక్షుడు గడ్డం శ్రీధర్‌ ఆధ్వర్యంలో సదస్సుకు సంబంధించిన కరపత్రాలను ఆయన ఆవిష్కరించారు. అనంతరం నర్సయ్య మాట్లాడుతూ ఏజెన్సీలో గీత కార్మికులందరీకి సేప్టీమోకులు ఇవ్వాలని, రద్దు చేసిన సొసైటీలను పునరుద్ధరించాలని డిమాండ్‌ చేశారు. జిల్లా కేంద్రంలో నీరా కేంద్రం ఏర్పాటు చేసి, బెల్ట్‌షాపులను నియంత్రించాలని డిమాండ్‌ చేశారు. కార్యక్రమంలో గీత కార్మికులు బెల్లంకొండ రోశయ్య, గడ్డం రాములు, పాలకుర్తి మధు, పులి రవి, బెల్లంకొండ రాజు, తడక హరీష్‌, సదయ్య, ఉపేందర్‌, బెల్లంకొండ నరేష్‌, రాజు, కొమురయ్య పాల్గొన్నారు.