భక్తులకు ఉచిత బస్సు సదుపాయం

భక్తులకు ఉచిత బస్సు సదుపాయం

శ్రీశైలంటెంపుల్‌: భక్తుల సౌకర్యార్థం శ్రీశైల దేవస్థానం శుక్రవారం సాయంత్రం ఉచిత బస్సు సౌకర్యం ప్రారంభించింది. వారాంతపు సెలవు రోజులతోపాటు పర్వదినాల్లో అధిక సంఖ్యలో భక్తులు క్షేత్రానికి తరలివస్తున్న నేపథ్యంలో ఉచిత బస్సు సౌకర్యాన్ని ఏర్పాటు చేశారు. వారాంతపు రోజుల్లో భాగంగా శుక్రవారం సాయంత్రం 5 నుంచి సోమవారం మధ్యాహ్నం 2 గంటల వరకు గణేశ సదన్‌ నుంచి అన్నప్రసాద భవనం మీదుగా క్యూకాంప్లెక్స్‌ వరకు భక్తులు ఈ ఉచిత బస్సును వినియోగించుకోవచ్చు. కార్యక్రమంలో ఎగ్జిక్యూటివ్‌ ఇంజినీరు ఎం.నరసింహారెడ్డి, డిప్యూటీ ఎగ్జిక్యూటివ్‌ ఇంజినీరు (ఐ/సి) పి.చంద్రశేఖరశర్మ పాల్గొన్నారు.