రూ.2 కోట్లకు ఐపీ దాఖలు

కోదాడ: ఓ ఆర్థోపెడిక్‌ వైద్యుడు రూ.2 కోట్లకు ఐపీ (ఇన్‌సాల్వేషన్‌ పిటిషన్‌) దాఖలు చేశాడు. కోదాడ పట్టణానికి చెందిన ఆర్థోపెడిక్‌ వైద్యుడు ఆనంద్‌కుమార్‌ మొదట రంగా థియేటర్‌ సెంటర్‌లో, ఆ తరువాత నాగార్జున సెంటర్‌లో ఆనంద్‌ ఆర్థోపెడిక్‌ వైద్యశాల ఏర్పాటు చేశాడు. కొంతకాలంగా దాన్ని మూసి వేశాడు. రెండు రోజుల క్రితం ఆనంద్‌కుమార్‌ కోదాడ సీనియర్‌ సివిల్‌ జడ్జి ముందు ఐపీ (నెం:42/2024) దాఖలు చేశాడు. వైద్యశాల నిర్వహణ నిమిత్తం తాను 42 మంది నుంచి రూ.2 కోట్ల అప్పుగా తీసుకున్నానని, వైద్యశాల నిర్వహణలో నష్టం రావడంతో తాను అప్పులు చెల్లించలేని స్థితిలో ఉన్నానని అందులో పేర్కొన్నాడు. దీంతో అప్పులు ఇచ్చిన వారు లబోదిబోమంటున్నారు.