అదుపుతప్పి స్తంభాన్ని ఢీకొన్న ఆటో

అదుపుతప్పి స్తంభాన్ని ఢీకొన్న ఆటో

యాలాల: ఆటో అదుపుతప్పి స్తంభాన్ని ఢీకొన్న ఘటనలో నలుగురికి గాయాలయ్యాయి. ఈ సంఘటన మండల పరిధిలోని రసూల్‌పూర్‌ హనుమాన్‌ ఆలయ సమీపంలో బుధవారం సాయంత్రం చోటు చేసుకుంది. ఎస్‌ఐ గిరి తెలిపిన వివరాల ప్రకారం.. తాండూరు మండలం జినుగుర్తికి చెందిన దాసు తన ఆటోలో ముగ్గురు ప్రయాణికులతో లక్ష్మీనారాయణపూర్‌ నుంచి తాండూరు వైపు వస్తున్నాడు. ఈ క్రమంలో రసూల్‌పూర్‌ సమీపంలోకి రాగానే ఆటో అదుపుతప్పి రోడ్డు పక్కన స్తంభాన్ని ఢీకొంది. ఈ ప్రమాదంలో దాసుతో పాటు పాత తాండూరుకు చెందిన నజీర్‌, నసీమా, సత్యనారాయణలకు గాయాలయ్యాయి. గమనించిన స్థానికులు తాండూరులోని ప్రభుత్వ జిల్లా ఆస్పత్రికి తరలించారు. ప్రస్తుతం వీరంతా ఆస్పత్రిలో చికిత్స పొందుతున్నట్లు ఎస్‌ఐ తెలిపారు.

నలుగురికి గాయాలు