పలు రైళ్ల రద్దు

తాటిచెట్లపాలెం: విజయవాడ డివిజన్‌ పరిధిలో జరుగుతున్న ఆధునికీకరణ పనుల నిమిత్తం విశాఖపట్నం నుంచి, విశాఖపట్నం మీదుగా నడిచే పలు రైళ్లు ఆయా తేదీల్లో రద్దు చేస్తున్నట్లు వాల్తేర్‌ డివిజన్‌ సీనియర్‌ డీసీఎం సందీప్‌ తెలిపారు. ఈ నెల 25న విజయవాడ–విశాఖపట్నం–విజయవాడ(12718/12717) రత్నాచల్‌ ఎక్స్‌ప్రెస్‌, కాకినాడ–విశాఖపట్నం–కాకినాడ(17267/17268) మెము ఎక్స్‌ప్రెస్‌, రాజమండ్రి–విశాఖపట్నం–రాజమండ్రి(07466/07467) స్పెషల్‌, గుంటూరు–విశాఖపట్నం(17239)సింహాద్రి ఎక్స్‌ప్రెస్‌, ఈనెల 26న విశాఖపట్నం–గుంటూరు(17240) సింహాద్రి ఎక్స్‌ప్రెస్‌ రద్దు చేసినట్లు పేర్కొన్నారు. విశాఖపట్నం–రాయ్‌పూర్‌ (08528)పాసింజర్‌ స్పెషల్‌ ఈ నెల 25, డిసెంబరు 2,9వ తేదీల్లోను, రాయ్‌పూర్‌–విశాఖపట్నం(085270 పాసింజర్‌ స్పెషల్‌ ఈ నెల 26, డిసెంబరు 3,10వ తేదీల్లో రద్దు చేశారు.