టీడీపీ నేతలు వైఎస్సార్‌ సీపీలో చేరిక

పాలకోడేరు: పాలకోడేరు టీడీపీ నాయకుడు కొత్తపల్లి కృష్ణంరాజుతో పాటు మరికొందరు ఆ పార్టీ కార్యకర్తలు గురువారం వైఎస్సార్‌ సీపీలో చేరారు. పాలకోడేరు సచివాలయం–2 పరిధిలో గురువారం నిర్వహించిన గడపగడపకు మన ప్రభుత్వం కార్యక్రమంలో భాగంగా డీసీసీబీ చైర్మన్‌ పీవీఎల్‌ నర్సింహరాజు సమక్షంలో వారు పార్టీలో చేరారు. ఈ సందర్భంగా వారికి వైఎస్సార్‌సీపీ కండువాలు కప్పి పీవీఎల్‌ వారిని పార్టీలోకి ఆహ్వానించారు. ఈ కార్యక్రమంలో ఉండి ఏఎంసీ చైర్మన్‌ బి.వెంకటేశ్వరరావు, ఎంపీపీ భూపతిరాజు చంటిరాజు, సర్పంచ్‌ ఇంజేటి మరియమ్మ, ఉప సర్పంచ్‌ దెందుకూరి వెంకటరాజు, ఏఎంసీ డైరెక్టర్‌ గుండు నాగేశ్వరరావు, వైస్‌ ఎంపీపీ ఆదాడ లక్ష్మీ తులసి తదితరులు పాల్గొన్నారు.