పుష్ప-2 ది రూల్ మూవీతో మరో బ్లాక్‌బస్టర్‌ హిట్‌ను తన ఖాతాలో వేసుకున్నారు డైరెక్టర్ సుకుమార్. ‍టాలీవుడ్‌లో క్రియేటివ్‌ దర్శకుడిగా గుర్తింపు తెచ్చుకున్నారు. 2021లో పుష్ప పార్ట్‌-1కు సీక్వెల్‌గా వచ్చిన ఈ చిత్రం ప్రపంచవ్యాప్తంగా బాక్సాఫీస్‌ను షేక్ చేసింది. ఈ నేపథ్యంలో పుష్ప టీమ్ థ్యాంక్ యూ మీట్ ఈవెంట్‌ను గ్రాండ్‌గా నిర్వహించింది. హైదరాబాద్‌లో జరిగిన ఈవెంట్‌లో దర్శకుడు సుకుమార్‌ ఆసక్తికర కామెంట్స్ చేశారు. మ్యూజిక్ డైరెక్టర్ దేవీశ్రీ ప్రసాద్‌ గురించి మాట్లాడారు. ఇంతకీ ఆయన ఏమన్నారో తెలుసుకుందాం.దేవీశ్రీ ప్రసాద్ లేకుండా తాను ఇప్పటి వరకు ఏ సినిమా చేయలేదని సుకుమార్ అన్నారు. భవిష్యత్తులో కూడా చేయనేమో అని వెల్లడించారు. దీంతో తన రాబోయే ‍ప్రాజెక్ట్‌లో కూడా దేవీశ్రీ ప్రసాదే సంగీత దర్శకుడని పరోక్షంగా హింట్ ఇచ్చేశారు. దీంతో రామ్ చరణ్- సుకుమార్‌ కాంబోలో రాబోయే చిత్రానికి డీఎస్పీనే మ్యూజిక్ డైరెక్టర్‌గా చేయనున్నట్లు తెలుస్తోంది.సుకుమార్ మాట్లాడుతూ.. 'నా పేరుతో పాటు ఉండే మరొక పేరు దేవీశ్రీ ప్రసాద్. నాపేరు సుకుమార్ కాదు.. దేవీశ్రీ ప్రసాద్‌ సుకుమార్. తను లేకుండా ఎప్పుడు సినిమా చేయలేదు. భవిష్యత్తులో కూడా తీయనేమో. అందుకే ముఖ్యంగా తను నా ఫస్ట్ ఆడియన్‌. పుష్ప 2 కూడా ఫస్ట్ హాఫ్ గురించి చెప్పగానే దేవీశ్రీ కథ అయిపోయింది అన్నాడు. సినిమా ఇంతే అనేశాడు. అలా పుష్ప-2 కూడా ఫస్ట్ హాఫ్ మాత్రమే రిలీజ్ చేశాను.. అది దేవీశ్రీకి మాత్రమే తెలుసు' అని అన్నారు. దీంతో తన రాబోయే ప్రాజెక్ట్‌లో కూడా డీఎస్పీనే మ్యూజిక్ డైరెక్టర్ అని హింట్ ఇచ్చేశారు. కాగా.. రామ్ చరణ్ ప్రస్తుతం ఉప్పెన ఫేమ్ బుచ్చిబాబు డైరెక్షన్‌లో నటిస్తున్నారు. ఈ మూవీ షూటింగ్‌ శరవేగంగా కొనసాగుతోంది. ఇటీవలే చెర్రీ సైతం సెట్‌లో తన కూతురితో ఉన్న ఫోటోలను పంచుకున్నారు. ఆ తర్వాత రామ్ చరణ్.. సుకుమార్‌తో జతకట్టనున్నారు. తాజాగా పుష్ప డైరెక్టర్‌ చేసిన కామెంట్స్‌తో ఈ ప్రాజెక్ట్‌లో దేవీశ్రీ ప్రసాద్ ‍బీజీఎం కొట్టడం ఖాయంగా కనిపిస్తోంది.ఇటీవల దర్శకధీరుడు రాజమౌళి రామ్‌ చరణ్‌- సుకుమార్‌ సినిమాలో ఓపెనింగ్‌ సీక్వెన్స్‌ హైలైట్‌గా ఉంటుందని అన్నారు. అంతేకాకుండా రాజమౌళి తనయుడు కార్తికేయ సోషల్‌ మీడియాలో ఓ పోస్ట్‌ చేశారు. ఆర్‌ఆర్‌ఆర్‌ క్లైమాక్స్‌ షూటింగ్‌ సమయంలోనే సుకుమార్‌తో సినిమా చేయబోతున్నట్లు రామ్‌ చరణ్‌ చెప్పారని వెల్లడించారు. ఓపెనింగ్‌ సీన్‌ దాదాపు ఐదు నిమిషాల పాటు ఉంటుందని తెలిపారు. కాగా..రంగస్థలం తర్వాత వీరిద్దరి కాంబోలో వస్తున్న చిత్రం కావడంతో ఆర్‌సీ17పై భారీ అంచనాలు నెలకొన్నాయి.

టాలీవుడ్‌ మోస్ట్ ఎలిజిబుల్ బ్యాచిల‌ర్ లిస్ట్‌లో దేవిశ్రీ ప్రసాద్‌ ముందు వరుసలో ఉంటాడు. 40 ఏళ్ల వయసు దాటిన ఆయన ఇంత వరకు పెళ్లి చేసుకోలేదు. కారణం ఏంటనేది తెలియదు కానీ కెరీర్‌ పరంగా బిజీగా ఉండడంతోనే పెళ్లి చేసుకోవట్లేదని కొంతమంది అంటుంటారు. గతంలో పలుమార్లు దేవిశ్రీ ప్రసాద్‌కు సంబంధించి పెళ్లి వార్తలు వైరల్ అయ్యాయి. హీరోయిన్‌, నటి చార్మిని పెళ్లి చేసుకోబోతున్నట్లు వార్తలు వచ్చాయి. కానీ అవన్నీ పుకార్లుగానే మిగిలాయి. కొన్నాళ్ల తర్వాత ఓ యంగ్‌ హీరోయిన్‌తో ప్రేమలో పడ్డాడని..త్వరలోనే పెళ్లి అనే వార్తలు వినిపించాయి. అదీ జరగలేదు. ఇక ఆ మధ్య బంధువుల అమ్మాయితో పెళ్లి ఫిక్సయిందని కోలీవుడ్‌ మీడియాలో కథనాలు వచ్చాయి. కానీ అవేవి కార్యరూపం దాల్చలేదు. ఇప్పటికీ దేవీశ్రీ సింగిల్‌గానే ఉన్నాడు. అయితే తాజాగా ఈ రాక్‌స్టార్‌ పెళ్లిపై నిర్మాత బన్నీవాసు(Bunny Vasu ) ఫన్నీ కామెంట్స్‌ చేశాడు.తాజాగా జరిగిన తండేల్‌(Thandel) మూవీ ప్రీరిలీజ్‌ ఈవెంట్‌కి దేవిశ్రీ ప్రసాద్‌( Devi Sri Prasad ) హాజరయ్యాడు. స్టైజ్‌పై ఒక్కొరు మాట్లాడుతూ.. సినిమా గురించి గొప్పగా చెప్పుకొచ్చారు. ఇక నిర్మాత బన్నీవాసు మాట్లాడుతూ.. సినిమా ఇంతగొప్పగా రావడానికి కారణం దేవిశ్రీ ప్రసాద్‌ సంగీతమే కారణమని చెప్పాడు. మా చిత్రానికి అదిరిపోయే పాటలు అందించాడాని ప్రశంసలు కురిపించారు. ఈ సందర్భంగా దేవి పెళ్లిపై ఫన్నీ కామెంట్స్‌ చేశారు. ‘దేవిని ఇంట్లో ముద్దుగా బుజ్జి అని పిలుస్తారు. మా సినిమాలో కూడా బుజ్జితల్లి ఉంది. మా బుజ్జి ఇక్కడే ఉన్నాడు.. ఆ తల్లి(దేవికి కాబోయే భార్య) ఎక్కడ ఉందో(నవ్వుతూ..). మా పెళ్లిళ్లు అయి పిల్లలు కూడా పుట్టారు. కానీ దేవి బ్యాచిలర్‌గానే ఉన్నాడు. త్వరలోనే దేవికి కూడా పెళ్లి జరగాలి. ఆయన పిల్లలు కూడా మంచి మ్యూజిక్‌ డైరెక్టర్లు కావాలి(నవ్వుతూ)’అని అన్నాడు. అక్కడే ఉన్న దేవి..‘పెళ్లి మన చేతుల్లో లేదు..రాసి పెట్టి ఉంటేనే జరుగుతుంది’ అన్నట్లుగా సైగలు చేశాడు. ఇక బన్నీవాసు దేవి పెళ్లి గురించి మాట్లాడినప్పుడు.. పక్కనే ఉన్న దిల్‌రాజు పగలబడి నవ్వుతూ దేవిని గట్టిగా హత్తుకున్నాడు. దేవి కెరీర్‌ విషయానికొస్తే.. చిన్న వయసులోనే ‘దేవి’ సినిమాతో మ్యూజిక్‌ డైరెక్టర్‌గా కెరీర్‌ని ఆరంభించాడు. మొదటి సినిమాతోనే తన టాలెంట్ నిరూపించుకుని స్టార్ కంపోజర్‌గా ఎదిగాడు. చిరంజీవి మొదలుకొని నాని వరకు అందరి హీరోల సినిమాలతకు సంగీతం అందించాడు.లవ్ సాంగ్స్ తో పాటు.. మాస్ , రొమాన్స్, డెవోషినల్, సెంటిమెంట్, పాప్ సాంగ్స్ ఇలా అన్నిరకాల పాటలు అద్భుతంగా కంపోజ్ చేసి.. అదరగొట్టాడు. దేవి సంగీతం అందించిన తండేల్‌ మూవీ ఫిబ్రవరి 7న ప్రేక్షకుల ముందుకు రానుంది.

సినిమా ఆడాలంటే..దమ్మున్న కథ కావాలి. మంచి కంటెంట్‌ ఉంటే ప్రేక్షకుడు కచ్చితంగా థియేటర్‌కు వస్తాడు. అందులో డౌటే లేదు. కానీ అది ఎంత మంచి కంటెంట్‌ అయినా సరే.. ప్రేక్షకులకు రీచ్‌ కాకపోతే అంతే సంగతి. అందుకే రిలీజ్‌కు ముందే పాటలు, ట్రైలర్‌, టీజర్లను విడుదల చేస్తూ సినిమాని ప్రమోట్‌ చేసుకుంటారు మేకర్స్‌. రిలీజ్‌కు ముందు..రిలీజ్‌ తర్వాత కూడా సినిమా విజయంలో కీలక పాత్ర పోషించేంది సంగీతం అనే చెప్పాలి. పాటలు, నేపథ్య సంగీతం బాగుంటే చాలు సినిమా సగం హిట్టయినట్టే. అందుకే సంగీత దర్శకుల విషయంలోనూ నిర్మాతలు ఆచి తూచి అడుగేస్తారు. జానర్‌ని బట్టి మ్యూజిక్‌ డైరెక్టర్లను ఎంచుకుంటారు. ఇక ప్రేమ కథలకు పెట్టింది పేరు దేవిశ్రీ ప్రసాద్‌(Devi Sri Prasad). లవ్‌స్టోరీ చిత్రాలకు ఆయన అందించే పాటలు ఎలా ఉంటాయో తెలుగు ప్రేక్షకులందరికి తెలిసిందే. మెలోడీ అయినా మాస్‌ సాంగ్‌ అయినా.. హృదయాలను హత్తుకుంటాయి. తాజాగా తండేల్‌(Thandel) చిత్రానికి కూడా దేవి అలాంటి పాటలే అందించాడు. ఈ చిత్రం నుంచి విడుదలైన అన్ని పాటలు ఇప్పటికే సూపర్‌ హిట్‌గా నిలిచాయి. హైలేస్సో హైలెస్సా.. సాంగ్‌ అయితే అంతటా మార్మోగుతుంది. అలాంటి చాట్‌ బస్టర్స్‌ అందించిన దేవిశ్రీ.. ఈ సినిమాకు ఫస్ట్‌ చాయిస్‌ కాదట. అసలు ఈ చిత్రానికి అతన్ని తీసుకోవద్దని నిర్మాత అల్లు అరవింద్‌ అనుకున్నారట. బన్నీ చెప్పడంతోనే తండేల్‌ చాన్స్‌ డీఎస్పీకి వచ్చిందట. ఈ సినిమా ప్రమోషన్స్‌లో భాగంగా చిత్రబృందం ఇచ్చిన ఓ ఇంటర్వ్యూలో అరవింద్‌ ఈ విషయాన్ని చెప్పారు.దేవి సంగీతం వద్దని చెప్పానుతండేల్‌ సినిమాకు మ్యూజిక్‌ డైరెక్టర్‌గా దేవిప్రసాద్‌ని పెట్టుకుందామని మా టీమ్‌ చెబితే నేను వద్దని చెప్పాను. ఎందుకంటే..పుష్ప2 సినిమా, మా సినిమా పనులు ఒకేసారి ప్రారంభం అయ్యాయి. దేవి పుష్ప 2కి సంగీతం అందించడంలో బిజీగా ఉన్నాడు. అలాంటి వాడిని తీసుకుంటే మన సినిమాకు న్యాయం చేయలేడని టీమ్‌కి చెప్పాను. వేరే మ్యూజిక్‌ డైరెక్టర్‌ని తీసుకోవాలనుకున్నాం.బన్నీ చెప్పడంతో..దేవి నాకు చిన్నప్పటి నుంచి తెలుసు. వాళ్ల నాన్న(సత్య మూర్తి) నా స్నేహితుడు. మేమిద్దరం కలిసి ఎన్నో సినిమాలు చేశాం. కానీ పుష్ప 2 లాంటి సినిమాకు పని చేస్తున్నప్పడు.. ఇంకో సినిమాకు న్యాయం చేయలేడేమో అనిపించింది. దేవిని వాళ్లే(పుష్ప టీమ్‌) లాగేసుకుంటారు. మాకు సమయం కేటాయించడు అనుకున్నాం. అయితే తండేల్‌కి మ్యూజిక్‌ డైరెక్టర్‌గా ఎవరి తీసుకోవాలనేది అర్థం కాలేదు. ఓ రోజు ఇంట్లో భోజనం చేస్తున్న సమయంలో అల్లు అర్జున్‌కి ఈ విషయం చెప్పాను. ‘ఎవరి తీసుకోవాలో తెలియడం లేదు. దేవిని తీసుకుంటే.. మీరు(పు​ష్ప 2) ఇబ్బంది పెడతారు. అతన్ని తీసుకోవాలంటే నిన్ను(బన్నీ), దర్శకుడు(సుకుమార్‌) ఇలా అందరిని అడగాల్సి ఉంటుంది. అందుకే వేరే వ్యక్తిని చూద్దాం అనుకుంటున్నాను’అని చెప్పా. వెంటనే బన్నీ.. ‘దేవినే బెస్ట్‌ చాయిస్‌. లవ్‌స్టోరీలకు దేవిని మించినోడు లేడు..అతన్నే తీసుకోండి’ అని చెప్పాడు. దీంతో మేం దేవిని సంప్రదించాం’ అని అరవింద్‌ చెప్పుకొచ్చాడు. కాగా, చందు మొండేటి దర్వకత్వంలో నాగచైనత్య, సాయి పల్లవి జంటగా నటించిన తండేల్‌ చిత్రం ఫిబ్రవరి 7న ప్రేక్షకుల ముందుకు రాబోతుంది.

కోలీవుడ్ స్టార్ హీరో సూర్య నటించిన భారీ యాక్షన్ చిత్రం కంగువా. ఈ మూవీకి శివ దర్శకత్వం వహించారు. గతేడాది నవంబర్‌లో థియేటర్లలో విడుదలైన ఈ చిత్రం బాక్సాఫీస్ వద్ద పెద్దగా మెప్పించలేకపోయింది. భారీ బడ్జెట్‌తో తెరకెక్కించిన ఈ చిత్రం ఊహించని విధంగా డిజాస్టర్‌గా నిలిచిందిఅయితే ఈ సినిమాకు టాలీవుడ్ మ్యూజిక్ డైరెక్టర్‌ దేవీశ్రీ ప్రసాద్ సంగీతమందించారు. ఈ మూవీలో దేవీశ్రీ సంగీతంపై సోషల్ మీడియా వేదికగా ట్రోల్స్ ఎదురయ్యాయి. కొన్ని సీన్స్‌లో విపరీతమైన బీజీఎం(బ్యాక్ గ్రౌండ్ మ్యూజిక్) కొట్టారని దేవిశ్రీ ప్రసాద్‌పై కొందరు నెటిజన్స్ విమర్శలు చేశారు. తాజాగా ఓ ఇంటర్వ్యూలో తనపై వచ్చిన విమర్శలపై డీఎస్పీ స్పందించారు. ఇంతకీ ఆయన ఏమన్నారో తెలుసుకుందాం.దేవీశ్రీ ప్రసాద్ మాట్లాడుతూ..' సోషల్‌ మీడియాలో వచ్చే ట్రోల్స్‌ నేను పెద్దగా పట్టించుకోను. నా పని మీద మాత్రమే ఫోకస్ పెడతా. మనం ఏం చేసినా విమర్శించే వారు విమర్శిస్తూనే ఉంటారు. సూర్య కంగువా ఆల్బమ్‌ నాకు చాలా ఇష్టం. ఈ సినిమాలో మణిప్పు పాటపై ప్రశంసలు కూడా వచ్చాయి. సూర్య కూడా నాకు ఫోన్‌ చేసి పాటల గురించి చాలాసేపు మాట్లాడారు. నా పనిని ఆయన ప్రశంసించారు. ప్రతి సినిమాలో మంచి చెడు రెండూ ఉంటాయి. కంగువా మేము ఎంత కష్టపడ్డామో విజువల్స్‌లో చూస్తే మీకు స్పష్టంగా కనిపిస్తుంది. ఈ సినిమా కొందరికీ నచ్చకపోయినప్పటికీ మేం గర్వపడుతున్నాం' అని అన్నారు.ఆస్కార్ బరిలో కంగువా..‍అయితే బాక్సాఫీస్ వద్ద పెద్దగా రాణించలేకపోయిన కంగువా ఆస్కార్-2025 నామినేషన్స్‌లో చోటు దక్కించుకుంది. భారత్ నుంచి ఆరు చిత్రాలు ఎంపికవ్వగా అందులో కంగువా కూడా ఉంది. ఈ ఏడాది అందించనున్న 97వ ఆస్కార్‌ అవార్డుల్లో ఉత్తమ చిత్రం విభాగంలో పోటీలో నిలిచింది. ఆస్కార్‌ నామినేషన్స్‌కు ఎంపికైన చిత్రాల జాబితా జనవరి 19న రానుంది.

మరో ఒకటి రెండు రోజుల్లో 'పుష్ప 2' థియేటర్లలోకి రాబోతుంది. రిలీజయ్యేంత వరకు అంతా టెన్షన్ టెన్షనే. ఫైనల్ మిక్స్ ఇప్పుడు పూర్తయినట్లు చెప్పారు. కొన్నిరోజుల క్రితం 'పుష్ప 2' బ్యాక్ గ్రౌండ్ మ్యూజిక్ విషయంలో ఎంతలా రూమర్స్ వచ్చాయో ప్రత్యేకంగా చెప్పాల్సిన పనిలేదు. ఇప్పుడు ఆ విషయమై షాకింగ్ విషయం ఒకటి వైరల్ అవుతోంది.'పుష్ప' సినిమాలకు మ్యూజిక్ అంతా దేవిశ్రీ ప్రసాదే. అయితే పార్ట్-2 విషయంలో టైమ్ దగ్గర పడుతుండేసరికి తమన్, అజనీష్ లోక్‌నాథ్, శామ్ సీఎస్ తదితరులు కూడా పనిచేస్తున్నారని రూమర్స్ వచ్చాయి. కొన్నిరోజుల క్రితం బాలకృష్ణ 'డాకు మహరాజ్' టీజర్ రిలీజ్ ఈవెంట్‌లో మాట్లాడిన తమన్.. తాను కూడా 'పుష్ప 2' కోసం పనిచేస్తున్నట్లు చెప్పాడు.(ఇదీ చదవండి: 'పుష్ప 3'.. అసలు ఉన్నట్టా? లేనట్టా?)కానీ ఇప్పుడు 'పుష్ప 2' ఫైనల్ మిక్సింగ్ అంతా పూర్తయిన తర్వతా ఇంట్రెస్టింగ్ విషయం తెలిసింది. సినిమా కోసం కేవలం దేవి, శామ్ సీఎస్ మాత్రమే బ్యాక్ గ్రౌండ్ స్కోర్ అందించారని, మిగిలిన వాళ్లిచ్చిన ఔట్‌పుట్ ఉపయోగించుకోలేదని అంటున్నారు. మరి ఇందులో ఎంత నిజముందనేది మరికొన్ని గంటల్లో తేలిపోతుంది. ఎందుకంటే సినిమా టైటిల్ కార్డ్స్‌లో పేర్లు పడతాయిగా!హైదరాబాద్‌లో మంగళవారం ప్రీ రిలీజ్ ఈవెంట్ జరగ్గా.. దాదాపు అందరూ దేవిశ్రీ ప్రసాద్ మ్యూజిక్ గురించే ప్రస్తావించారు తప్పితే మరో మ్యూజిక్ డైరెక్టర్ గురించి మాట్లాడలేదు. ఇప్పుడొస్తున్న రూమర్స్ చూస్తే బహుశా నిజమే అనిపిస్తోంది.(ఇదీ చదవండి: 'బ్లాక్' సినిమా రివ్యూ (ఓటీటీ))

ప్రస్తుతం అందరిచూపు పుష్ప-2 ది రూల్‌పైనే ఉంది. రోజులు గడిచే కొద్ది ఆడియన్స్‌లో మరింత ఆతృత పెరుగుతోంది. ఇప్పటికే రిలీజైన ట్రైలర్‌ యూట్యూబ్‌ను షేక్ చేస్తోంది. మరో వారం రోజుల సమయం మాత్రమే ఉండడంతో మూవీ మేకర్స్ ప్రమోషన్స్‌ జోరు పెంచారు. ఇటీవల చెన్నైలో జరిగిన ఈవెంట్‌లో కిస్సిక్‌ సాంగ్‌ విడుదల చేశారు.అయితే ఈ ఈవెంట్‌లో మ్యూజిక్ దేవీశ్రీ ప్రసాద్‌ చేసిన కామెంట్స్ టాలీవుడ్‌ హాట్‌టాపిక్‌గా మారాయి. మైత్రి మూవీ మేకర్స్‌ నిర్మాతలకు నాపై ప్రేమతో పాటు ఫిర్యాదులు కూడా ఎక్కువే ఉన్నాయంటూ మాట్లాడారు. తాను ఏదైనా చెప్పాల్సి వస్తే వ్యక్తిగతంగా అడిగితే పెద్ద కిక్ ఉండదు. ఇలా ఓపెన్ గా మాట్లాడుకుంటేనే బాగుంటుందని డీఎస్పీ మాట్లాడారు.అయితే దేవీశ్రీ ప్రసాద్ చేసిన కామెంట్స్‌పై తాజాగా నిర్మాత యలమంచిలి రవిశంకర్‌ స్పందించారు. నితిన్ రాబిన్‌హుడ్‌ ప్రెస్‌మీట్‌లో పాల్గొన్న ఆయన మీడియా ప్రతినిధులు ‍అడిగిన ప్రశ్నకు బదులిచ్చారు. మా వాళ్లకు నాపై లవ్ ఉంటది.. దాంతో పాటు కంప్లైంట్స్‌ కూడా ఎక్కువే అన్నారు. అందులో తప్పేముంది సార్? మాకైతే దేవిశ్రీ ప్రసాద్ మాటల్లో ఎలాంటి తప్పు కనిపించలేదని రవిశంకర్ అన్నారు. మీరేదో రాసినంత మాత్రాన మేమంతా ఒక్కటే.. ఇందులో ఎలాంటి సందేహం లేదు.. డీఎస్పీ ఉన్నంతవరకు ఆయనతో సినిమాలు చేస్తాం.. మేము ఉన్నంతసేపు ఆయన సినిమాలు చేస్తారు.. అందులో డౌటే లేదని రవిశంకర్ క్లారిటీ ఇచ్చారు. కాగా.. అల్లు అర్జున్‌- సుకుమార్ కాంబోలో వస్తోన్న పుష్ప-2 ప్రపంచవ్యాప్తంగా డిసెంబర్ 5న థియేటర్లలో సందడి చేయనుంది.

'పుష్ప 2' మరో పదిరోజుల్లో థియేటర్లలోకి రానుంది. హైప్ గట్టిగానే ఉంది. కాకపోతే కొన్నిరోజుల క్రితం మ్యూజిక్ విషయంలో చిన్నపాటి గందరగోళం జరిగిందని చెప్పొచ్చు. స్వతహాగా ఈ సినిమాకు దేవిశ్రీ ప్రసాద్ మ్యూజిక్ డైరెక్టర్. కానీ బ్యాక్ గ్రౌండ్ కోసమని చెప్పి మరో ముగ్గురు సంగీత దర్శకుల్ని అప్పటికప్పుడు తీసుకొచ్చారు. ఇలా జరగడం ఓ రకంగా దేవీకి అవమానం అని చెప్పొచ్చు. తాజాగా చెన్నైలో జరిగిన ఈవెంట్‌లో ఇతడు ఓపెన్ అయిపోయాడు. 'పుష్ప' నిర్మాతలని పొగుడుతూనే సెటైర్లు వేశాడు. ఇప్పుడు ఈ విషయం ఇండస్ట్రీలో హాట్ టాపిక్ అయిపోయింది.'పుష్ప మా అందరికీ స్పెషల్. మనకు ఏది కావాలన్నా సరే అడిగి తీసుకోవాలి. నిర్మాతలు ఇచ్చే రెమ్యునరేషన్ అయినా తెరపై మన క్రెడిట్ అయినా.. అడగకపోతే ఎవరూ ఇవ్వరు. కరెక్టే కదా బన్నీ. రవిశంకర్ (నిర్మాత) సర్.. నేను స్టేజీపై ఎక్కువ టైమ్ తీసుకుంటున్నానని అనొద్దు. ఎందుకంటే నేను సమయానికి పాట ఇవ్వలేదు, బ్యాక్ గ్రౌండ్ చేయలేదు, టైంకి ప్రోగ్రామ్‌కి రాలేదు అంటుంటారు (నవ్వుతూ). మీకు నాపై చాలా ప్రేమ ఉంది. కానీ అంతకుమించి కంప్లైంట్స్ కూడా ఉన్నాయి'(ఇదీ చదవండి: అల్లు అర్జున్‌ పుష్ప-2.. శ్రీలీల కిస్సిక్ ఫుల్ సాంగ్ వచ్చేసింది)'నా విషయంలో మీకు ఫిర్యాదులు ఎక్కువగా ఉంటాయి. ఇక్కడికి వచ్చేటప్పుడు కూడా రాంగ్ టైమింగ్ అన్నారు. ఇవన్నీ వ్యక్తిగతంగా అడిగితే పెద్ద కిక్ ఉండదు. ఇలా ఓపెన్ గా మాట్లాడుకుంటేనే బాగుంటుంది. నేనేప్పుడూ ఆన్ టైమ్ సర్' అని దేవిశ్రీ ప్రసాద్ అన్నాడు.మరి దేవిపై 'పుష్ప' నిర్మాతలైన మైత్రీ మూవీ మేకర్స్‌కి ఏం కంప్లైంట్స్ ఉన్నాయో తెలీదు గానీ అవన్నీ ఇప్పుడు ఈవెంట్‌లో బయటపెట్టేశాడు. అది కూడా నవ్వూతూనే. పుష్ప 2కి అనుకున్న టైంలో దేవి శ్రీ ప్రసాద్ బ్యాక్ గ్రౌండ్ స్కోర్ ఇవ్వలేదని మరో ముగ్గురుని సంగీత దర్శకుల్ని తీసుకొచ్చారు. బ‌హుశా ఆ విష‌యమై త‌న నిర‌స‌న‌ని దేవిశ్రీ ఇలా స‌భాముఖంగా ఇలా తెలియ‌జేశాడేమో?(ఇదీ చదవండి: అన్నపూర్ణ స్టూడియోస్‌లో పెళ్లి.. అసలు కారణం వెల్లడించిన చైతూ!)

'పుష్ప 2' మూవీ మరో నెల రోజుల్లో థియేటర్లలోకి రానుంది. లెక్క ప్రకారం చూసుకుంటే ఈ పాటికే పనులన్నీ పూర్తయిపోవాలి. కానీ ఐటమ్ సాంగ్ షూటింగ్ పెండింగ్ ఉంది. దీనికోసం సమంత, శ్రీలీల పేర్లు వినిపిస్తున్నాయి. ఒకటి రెండు రోజుల్లో దీని చిత్రీకరణ ఉండనుందని. ఇదలా ఉండగానే ఇప్పుడు మరో ఇద్దరు మ్యూజిక్ డైరెక్టర్స్ ఈ మూవీ కోసం పనిచేస్తున్నారనే టాక్ బయటకొచ్చింది.'పుష్ప' సినిమాలకు దేవి శ్రీ ప్రసాద్ సంగీత దర్శకుడు. తొలి పార్ట్‌లోని పాటలు ఎంత హిట్టయ్యాయో ప్రత్యేకంగా చెప్పాల్సిన పనిలేదు. కానీ బ్యాక్ గ్రౌండ్ స్కోర్ విషయంలో మాత్రం అప్పట్లో కంప్లైంట్స్ వచ్చాయి. ఓవరాల్ సక్సెస్ వల్ల దాన్ని పెద్దగా పట్టించుకోలేదు. ఇప్పుడు మాత్రం ఆ తప్పు జరగకూడదనో ఏమో గానీ తమన్, అజనీష్ లోక్‍‌నాథ్‪‌ని బ్యాక్ గ్రౌండ్ కంపోజ్ చేసేందుకు తీసుకున్నారట.(ఇదీ చదవండి: 'దేవర'తో పాటు ఈ శుక్రవారం ఓటీటీల్లోకి 15 సినిమాలు)తమన్ గురించి తెలుగోళ్లకు తెలుసు. బ్యాక్ గ్రౌండ్ మ్యూజిక్ అంటే రెచ్చిపోతాడు. ఇక అజనీష్ విషయానికొస్తే 'కాంతార', 'మంగళవారం' లాంటి సినిమాలతో మనోళ్లు కాస్త పరిచయమే. వీళ్లిద్దరూ తోడయితే 'పుష్ప 2'కి ప్లస్ అనే చెప్పాలి. కానీ దేవి శ్రీ ప్రసాద్ ఉండగా కొత్తగా వీళ్లిద్దరిని ఎందుకు తీసుకున్నారా అనేది అభిమానుల్ని కాస్త కంగారు పెడుతోంది. బహుశా దేవిశ్రీ ప్రసాద్‌కి వర్క్ లోడ్ ఎక్కువ కావడం ఇలా చేశారేమో?డిసెంబరు 5న 'పుష్ప 2' మూవీ పాన్ ఇండియా వైడ్ రిలీజ్ కానుంది. ఇప్పటికే సౌత్, నార్త్‌లో ఈ సినిమాపై బీభత్సమైన అంచనాలు ఉన్నాయి. ఏకంగా రూ.1000 కోట్ల కలెక్షన్ దాటేస్తుందని అంటున్నారు. మరి ఏం జరుగుతుందో చూడాలి?(ఇదీ చదవండి: అప్పుడు 'దసరా'.. ఇప్పుడు 'ది ప్యారడైజ్')

కోలీవుడ్‌ టాప్‌ హీరో సూర్య నటించిన ‘కంగువ’ సినిమాపై దేశవ్యాప్తంగా భారీ అంచనాలు ఉన్నాయి. ఇప్పటికే విడుదలైన టీజర్‌, సాంగ్స్‌ ప్రేక్షకులను మెప్పించాయి. అయితే, తాజాగా విడుదలైన ఒక పాటలో నటి 'దిశా పటాని' ధరించిన డ్రెస్‌పై అభ్యంతరాలు వచ్చాయి. దీంతో సెన్సాబోర్డ్‌ కీలక నిర్ణయం తీసుకుంది. భారీ పీరియాడికల్‌ యాక్షన్‌ చిత్రంగా దర్శకుడు శివ తెరకెక్కించారు. నవంబరు 14న రిలీజ్‌ కానున్న ఈ మూవీని స్టూడియో గ్రీన్, యూవీ క్రియేషన్స్‌ బ్యానర్స్‌ పై కేఈ జ్ఞానవేల్‌ రాజా, వంశీ, ప్రమోద్‌ నిర్మించారు.తాజాగా సూర్య- దిశా పటానీ మధ్య 'యోలో – యు ఓన్లీ లైవ్ వన్స్' అనే పాటను మేకర్స్‌ విడుదల చేశారు. ప్రస్తుతం నెట్టింట ఈ సాంగ్‌ ట్రెండ్‌లో ఉంది. ఇందులో వారిద్దరి మధ్య కెమిస్ట్రీ సూపర్‌ అంటూ ప్రశంసలు కూడా వచ్చాయి. అయితే, సెంట్రల్ బోర్డ్ ఆఫ్ ఫిల్మ్ సర్టిఫికేషన్ (CBFC) మాత్రం అభ్యంతరం చెప్పింది. ఈ పాటలో మూడు సెకన్ల పాటు తొలగించాలని బోర్టు తెలిపింది. దిశా పటానీ ధరించిన 'డీప్ క్లీవేజ్' డ్రెస్‌తో ఉన్న సన్నివేశాలను తొలగించాలని బోర్డు సూచించింది. దీంతో చిత్ర యూనిట్‌ తగిన నిర్ణయం తీసుకోనుంది.ఈ సాంగ్‌లో దిశా పటాని గ్లామర్‌కు కుర్రకారు ఫిదా అవుతుంది. సూర్యతో ఆమె వేసిన స్టెప్పులు సోషల్‌ మీడియాలో వైరల్‌ అవుతున్నాయి. ఈ సినిమా కథపై అభిమానుల్లో భారీ అంచనాలు ఉ‍న్నాయి. ఈ మూవీ టైమ్‌ ట్రావెల్‌ కాన్సెప్ట్‌తో తెరకెక్కినట్లు తెలుస్తోంది. ఓ గిరిజన యోధుడైన కంగువ 1678 నుంచి ప్రస్తుత కాలానికి వస్తాడు. ఓ మహిళా సైంటిస్ట్‌ సాయంతో తన మిషన్‌ని పూర్తి చేయాలనుకుంటాడు. ఆ మిషన్‌ ఏంటి? ఆ కాలం నుంచి ఇప్పటి కాలానికి అతను టైమ్‌ ట్రావెల్‌ ఎలా చేశాడు? అనే నేపథ్యంలో భూత, భవిష్యత్తు, వర్తమాన కాలాలతో ఈ సినిమా కథ సాగుతుందని టాక్‌.

సౌత్‌ ఇండియాలో వరుసగా చిత్రాలు చేసేస్తున్నారు నటుడు సూర్య. ఈయన కథానాయకుడిగా ద్విపాత్రాభినయం చేసిన తాజా చిత్రం కంగువ. తాజాగా ఈ సినిమా నుంచి రెండో సాంగ్‌ను మేకర్స్‌ విడుదల చేశారు. యూవీ క్రియేషన్స్‌ సంస్థతో కలిసి స్టూడియో గ్రీన్‌ సంస్థ అధినేత కేఈ.జ్ఞానవేల్‌ రాజా నిర్మించిన ఈ భారీ చిత్రానికి శివ దర్శకత్వం వహించారు. బాలీవుడ్‌ నటుడు బాబీడియోల్‌ ముఖ్య పాత్రను పోషించిన ఇందులో నటి దిశాపటాని నాయకిగా నటించారు. కాగా నిర్మాణ కార్యక్రమాలను పూర్తి చేసుకున్న ఈ చిత్రం 3డీ ఫార్మెట్‌లో 10 భాషల్లో నవంబర్‌ 14వ తేదీన తెరపైకి రానుంది.సూర్య- దిశా పటానీ మధ్య సాగిన ఈ సాంగ్‌ చాలా కలర్‌ఫుల్‌గా ఉంది. మొదట తమిళం, మలయాళం వెర్షన్‌ పాటను విడుదల చేయగా తెలుగు వెర్షన్‌ను తాజాగా రిలీజ్‌ చేశారు. రాకేందు మౌళి సాహిత్యం అందించిన ఈ పాటను దేవిశ్రీ ప్రసాద్‌, సాగర్‌, శ్రద్ధాదాస్‌ ఆలపించారు. ఈ చిత్రానికి రాక్‌స్టార్‌ దేవివ్రీ ప్రసాద్‌ సంగీతం అందిస్తున్నారు.

తమిళ స్టార్‌ హీరో సూర్య నటించిన తాజా పాన్‌ ఇండియా చిత్రం ‘కంగువ’. పీరియాడిక్ యాక్షన్ జానర్ లో ఇప్పటిదాకా తెరపైకి రాని ఒక కొత్త కాన్సెప్ట్ తో దర్శకుడు శివ ఈ చిత్రాన్ని తెరకెక్కించాడు. దిశా పటానీ, బాబీ డియోల్ కీలక పాత్రల్లో నటిస్తున్నారు. అక్టోబర్‌ 10న ఈ చిత్రం ప్రేక్షకుల ముందుకు రాబోతుంది. నేడు(జులై 23) సూర్య బర్త్‌ డే సందర్భంగా ఈ సినిమా ఫస్ట్‌ సింగిల్‌ ‘ఫైర్‌ సాంగ్‌’ని రిలీజ్‌ చేశారు మేకర్స్‌. ఈ పాటలో యుద్ధ వీరుడిగా సూర్య మేకోవర్, ఫెరోషియస్ లుక్స్ ఆకట్టుకుంటున్నాయి. దేవిశ్రీ ప్రసాద్ 'ఫైర్ సాంగ్' కు ఫైర్ ఉన్న పవర్ ఫుల్ ట్యూన్ కంపోజ్ చేశారు. శ్రీమణి ఆకట్టుకునే లిరిక్స్ అందించగా అనురాగ్ కులకర్ణి ఎనర్జిటిక్ గా పాడారు. 'ఆది జ్వాల..అనంత జ్వాల..వైర జ్వాల.. వీర జ్వాల..దైవ జ్వాల..దావాగ్ని జ్వాల.. ' అంటూ ఈ పాట సాగుతుంది. 'పైర్ సాంగ్' "కంగువ"కు స్పెషల్ అట్రాక్షన్ కానుంది.

సాక్షి, హైదరాబాద్‌: అతిపెద్ద సౌత్‌ ఇండియన్‌ ఫిల్మ్‌ ఫెస్టివల్‌ ‘ఐఫా అవార్డ్స్‌ 2024’కు సర్వం సిద్ధమైంది. సుదీర్ఘకాలం తర్వాత ‘ఐఫా’ ప్రారంభ కార్యక్రమం నగరంలోని హెచ్‌ఐసీసీ వేదికగా మంగళవారం నిర్వహించారు. యూఏఈ అబుదాబిలోని యస్‌ ద్వీపం వేదికగా సెపె్టంబర్‌ 6, 7 తేదీల్లో జరగనుంది. నగరంలో ఏర్పాటు చేసిన ప్రారంభ వేడుకల్లో పలువురు తెలుగు, తమిళ, మలయాళీ, కన్నడ సినీ తారలతో పాటు అబుదాబి కల్చరల్‌ టూరిజం ప్రతినిధి అబ్దుల్లా యూసఫ్‌ మొహమ్మద్, ఫెస్టివల్‌ యూనిట్‌ హెడ్‌ డీటీసీ– నవాఫ్‌ అలీ అల్జాహ్దమీ తదితర ప్రతినిధులు సందడి చేశారు. ఈ సందర్భంగా పలువురు సినీ తారలు పంచుకున్న అభిప్రాయాలు వారి మాటల్లోనే...ప్రపంచ స్థాయి గుర్తింపు భారతీయ సినిమాకు ప్రపంచ స్థాయి గుర్తింపు దక్కుతోంది. సినిమాకు ప్రాంతం, బాషతో సంబంధం లేదు. ప్రతీ రంగాన్ని ఆస్వాదిస్తున్నాను కాబట్టే సినిమా, టీవీ, రాజకీయ రంగాల్లో రాణిస్తున్నాను. తెలుగులో తారక్‌ నటన అంటే చాలా ఇష్టం. అవకాశముంటే చిరు, బాలయ్య, తారక్‌ తో సినిమా చేయడాని సిద్ధంగా ఉన్నాను. – కుష్బూనెల రోజుల్లో కొత్త సినిమా ఈసారి అబుదాబి ఐఫా ఉత్సవం 2024ను నేను, తేజా సజ్జ కలిసి చేయబోతున్నాం. సినిమాను తెలుగు అభిమానులు సెలబ్రేట్‌ చేసుకున్నంత మరెవరూ చేసుకోరేమో. మరో నెల రోజుల్లో కొత్త సినిమా గురించి వివరాలు చెబుతాను. – రానా దగ్గుపాటి రాశీ ఖన్నా– చివరి సారి జరిగిన ఐఫా ఉత్సవంలో పాల్గొన్నాను. ఇన్నేళ్ల తరువాత మళ్లీ జరుగుతుండటం సంతోషంగా ఉంది. దేవీ శ్రీ ప్రసాద్‌ – పుష్ప 2 కోసం అందరిలానే నేనూ ఎదురు చూస్తున్నారు. సుకుమార్‌ మరింత క్రేజీగా రెండో భాగాన్ని రూపొందించారు. రషి్మక ఇరగదీసింది. సినిమా ప్రయాణంలో హైదరాబాద్‌ ప్రత్యేకమైనది. శ్రీలీల– ఐఫా వేదికపై డ్యాన్స్‌ స్టెప్పులు వేయనున్నాను. కుర్చీ మడతపెట్టి ప్రజలకు బాగా చేరువైంది. ఇలాంటి వేదికల పై సినిమా కుటుంబాన్ని ఒకేసారి కలుసుకోవడం ఆనందంగా ఉంటుంది. తేజ సజ్జ– హనుమాన్‌ సక్సెస్‌ సంతోషాన్నిచి్చంది. మంచి ప్రాజెక్ట్స్‌ వస్తున్నాయి. త్వరలో అప్డేట్‌ చేస్తాను. ఐఫా లో రానా తో పాటు హోస్ట్‌ గా చేస్తున్నాను. ఫరియా అబ్దుల్లా– కలి్కలో నటించే అవకాశం రావడం అదృష్టంగా భావిస్తున్నాను. షూటింగు సమయంలో ప్రభాస్‌ చేసిన అల్లరి మరచిపోలేను. మరో 3 సినిమాల్లో నటిస్తున్నాను. సిమ్రాన్‌– చాలా రోజుల తరువాత తెలుగు అభిమానులను కలుసుకోవడం ఆనందంగా ఉంది. బాలయ్యతో నరసింహ రెడ్డి పాటలకు వేసిన స్టెప్పులు గుర్తొస్తున్నాయి. ప్రస్తుతం హిందీ, తమిళ్‌లో సినిమాలు చేస్తున్నాను. అవకాశాలను బట్టి తెలుగులోనూ చేయాలని ఉంది. అక్షర హాసన్‌– తమిళ్, హిందీ సినిమాల్లో నటిస్తున్నాను. హైదారాబాద్‌ ఎప్పుడు వచి్చనా మంచి అనుభూతి. తెలుగులోనూ చేయడానికి సిద్ధంగా ఉన్నాను. ప్రగ్యా జైశ్వాల్‌– 2017లో ఐఫా ఉత్సవంలో కంచె సినిమా నేపథ్యంలో పాల్గొన్నాను. తెలుగు సినిమా ఎదిగిన తీరు ఎంతో ఆనందాన్ని ఇస్తుంది. తెలుగులో మరో 2 సినిమాలు చేస్తున్నాను. నవదీప్‌– మొదటి ఐఫా అవార్డ్స్‌ కు హోస్ట్‌ గా చేశాను. నా నటన కన్నా నా మాటలను అభిమానులు బాగా ఆదరించారు. ఈ మధ్య కాలంలో ఓటీటీ లో మంచి సక్సెస్‌ ను అందుకున్నాను.

సింగర్స్, పాప్ సింగర్స్ చాలామంది దేశంలో వివిధ ప్రాంతాల్లో మ్యూజిక్ షోలు పెడుతుంటారు. వాటికి జనాల నుంచి ఆదరణ నుంచి కూడా అలానే ఉంటుంది. బయట నగరాలతో పోలిస్తే హైదరాబాద్‌లో ఇలాంటి కాస్త తక్కువనే చెప్పాలి. ఇప్పుడు తెలుగు ప్రేక్షకుల కోసం ప్రముఖ సంగీత దర్శకుడు దేవిశ్రీ ప్రసాద్.. హైదరాబాద్‌లో లైవ్ షోలో ఫెర్ఫార్మెన్స్ చేయబోతున్నడు. ఈ విషయాన్ని స్వయంగా ఇతడే ప్రకటించారు.(ఇదీ చదవండి: ఈ వారం ఓటీటీల్లోకి ఏకంగా 26 సినిమాలు.. ఆ మూడు డోంట్ మిస్)దేశవ్యాప్తంగా మ్యూజిక్ ప్రదర్శనలు ఇవ్వబోతున్నానని చెప్పిన దేవిశ్రీ.. హైదరాబాద్ నుంచే దీన్ని మొదలుపెడతానని చెప్పాడు. అక్టోబరు 19న సాయంత్రం గచ్చిబౌలి స్టేడియంలో ఈ ఈవెంట్ జరగనుంది. ఆన్‌లైన్‌లో ప్రస్తుతం టికెట్స్ అందుబాటులో ఉన్నాయి.(ఇదీ చదవండి: హీరో కిరణ్ అబ్బవరంతో పెళ్లి... తేదీ రివీల్ చేసిన హీరోయిన్)

వినోద రంగ కార్యక్రమాలకు పేరొందిన ప్రముఖ ఈవెంట్‌ మేనేజ్‌మెంట్‌ సంస్థ ఏసీటీసీ ఆధ్వర్యంలో దేశవ్యాప్త సంగీత ప్రదర్శనలు జరుగనున్నాయని సంస్థ ప్రతినిధులు తెలిపారు. టాలీవుడ్‌ అగ్రగామి సంగీత దర్శకుడు, రాక్‌స్టార్‌ దేవి శ్రీ ప్రసాద్‌ ఇందులో పాల్గొంటారని, త్వరలో ప్రారంభం కానున్న ఈ ఇండియా టూర్‌ అదనపు సమాచారం దేవిశ్రీ ప్రసాద్‌ అధికారిక మాధ్యమాల ద్వారా లేదా తమ సంస్థ అధికారిక వెబ్‌సైట్‌లో తెలుసుకోవచ్చని సూచించారు.

అల్లు అర్జున్‌ హీరోగా నటిస్తున్న పుష్ప 2 మూవీ నుంచి రెండో సాంగ్‌ అనౌన్స్‌మెంట్‌ వీడియో వచ్చసింది. ‘సూసేకి అగ్గిరవ్వ మాదిరి ఉంటాడే నా సామి’అంటూ సాగే ఈ కపుల్‌ సాంగ్‌ని ఈ నెల 29న విడుదల చేయనున్నారు. సాంగ్‌ రిలీజ్‌ డేట్‌ని పరిచయం చేస్తూ రష్మికతో ఓ స్పెషల్‌ వీడియోని షూట్‌ చేశారు మేకర్స్‌. అందులో ‘శ్రీవల్లి వదినా..పుష్ప 2 నుంచి సెకండ్‌ సింగిల్‌ రిలీజ్‌ చేస్తున్నారట కదా.. ఆ పాట ఏంటో చెబుతావా’ అని చిత్తూరు యాసలో ఓ వ్యక్తి అడగ్గా.. మేకప్‌ వేసుకుంటున్న రష్మిక వచ్చి ‘సూసేకి అగ్గిరవ్వ మాదిరి ఉంటాడే నా సామి’ అంటూ క్యూట్‌ ఎక్స్‌ప్రెషన్స్‌తో రిలీజ్ డేట్‌ని ప్రకటిస్తుంది. ఈ రొమాంటిక్‌ సాంగ్‌ని మే 29న ఉదయం 11.07 నిమిషాలకి రిలీజ్ చేయబోతున్నారు. రాక్‌స్టార్ దేవీ శ్రీ ప్రసాద్‌ సంగీతం అందిస్తున్నారు. ఫహద్‌ ఫాసిల్, జగదీష్‌ ప్రతాప్ బండారి, జగపతిబాబు, ప్రకాశ్‌ రాజ్‌, సునీల్‌, అనసూయ భరద్వాజ్‌, రావు రమేశ్‌, ధనంజయ, షణ్ముఖ్‌, అజయ్‌, శ్రీతేజ్‌ ఇతర కీలక పాత్రల్లో నటిస్తున్నారు.ఆగస్ట్‌ 15న ఈ చిత్రం విడుదల కానుంది.

టాలీవుడ్ రాక్‌స్టార్ దేవి శ్రీ ప్ర‌సాద్ త‌మ్ముడు, సింగ‌ర్ సాగ‌ర్ తండ్రిగా ప్ర‌మోష‌న్ పొందాడు. అన్న సంగీత ద‌ర్శ‌క‌త్వంలో ఎన్నో పాట‌లు పాడి త‌న‌కంటూ ప్ర‌త్యేక గుర్తింపు తెచ్చుకున్నాడు సాగ‌ర్‌. ఈయ‌న 2019లో డాక్టర్ మౌనిక‌ను పెళ్లాడాడు. కొద్ది నెల‌ల క్రితం మౌనిక గ‌ర్భం దాల్చ‌గా తాజాగా పండంటి మ‌గ‌బిడ్డ‌కు జ‌న్మ‌నిచ్చింది. ఫిబ్ర‌వ‌రి 21న ఆమె డెలివ‌రీ అయిన‌ట్లు తెలుస్తోంది. సాగ‌ర్ దంప‌తుల‌కు సెల‌బ్రిటీలు, అభిమానులు శుభాకాంక్ష‌లు తెలియ‌జేస్తున్నారు.  ఇక ఇది చూసిన అభిమానులు దేవిశ్రీప్ర‌సాద్ మాత్రం ఇంకా పెళ్లి చేసుకోలేద‌ని బాధ‌ప‌డుతున్నారు. త్వ‌ర‌లో దేవిశ్రీప్ర‌సాద్ పెళ్లి అంటూ ఎన్నోసార్లు వార్త‌లు వ‌చ్చాయి. కానీ ఏదీ కార్య‌రూపం దాల్చ‌లేదు. ప్ర‌స్తుతం చేతినిండా సినిమాల‌తో బిజీగా ఉన్న డీఎస్పీ ఈ ఏడాదైనా పెళ్లి చేసుకుంటాడేమో చూడాలి! చ‌ద‌వండి: ష‌ణ్ముఖ్ అన్న‌ ఆరు రోజుల్లో పెళ్లి పెట్టుకుని ఇంకో అమ్మాయితో..

69వ జాతీయ అవార్డుల్లో తెలుగు సినిమా సత్తా చాటింది. మొత్తం 11 కేటగిరీల్లో పురస్కారాలు సొంతం చేసుకుంది. మిగతా విభాగాల సంగతేమో గానీ ఉత్తమ నటుడిగా అల్లు అర్జున్ నిలవడం సరికొత్త ఘనత అని చెప్పొచ్చు. ఎందుకంటే 69 ఏళ్ల సినీ చరిత్రలో ఓ తెలుగు నటుడికి జాతీయ అవార్డ్ రావడం ఇదే ఫస్ట్ టైమ్. అలానే డీఎస్పీ కూడా 'పుష్ప' సాంగ్స్‌కి గానూ అవార్డు అందుకున్నాడు. అసలు వీళ్లిద్దరికీ కలిసొచ్చిన అంశాలేంటి? పాటలు వైరల్ సినిమాలో కథ ఎలాంటిదైనా సరే జనాల్లో అంచనాలు పెరగాలంటే ప్రమోషనల్ కంటెంట్ ముఖ్యం. ఆ విషయంలో 'పుష్ప' ఫుల్ మార్క్స్ కొట్టేసింది. ఎందుకంటే రిలీజ్ చేసిన ప్రతి పాట కూడా జనాలకు తెగ నచ్చేసింది. పిచ్చిపిచ్చిగా ఎక్కేసింది. శ్రీవల్లి, సామీ సామీ, ఏయ్ బిడ్డా, ఊ అంటావా మావ, దాక్కో దాక్కో.. ఇలా ప్రతి సాంగ్ కూడా చార్ట్ బస్టర్‌గా నిలిచింది.  (ఇదీ చదవండి: 69వ జాతీయ సినిమా అవార్డులు ఫుల్ లిస్ట్) విదేశాల్లోనూ హవా అయితే 'పుష్ప' పాటలు తెలుగు వరకే పరిమితం కాలేదు. విదేశాల్లోనూ సెన్సేషన్ క్రియేట్ చేశాయి. 'పుష్ప' రిలీజ్‌కి కొన్నిరోజుల ముందు, ఆ తర్వాత కూడా ఎక్కడా చూసిన పుష్ప పాటలకు డ్యాన్స్, రీల్స్ తెగ కనిపించాయి, వినిపించేవి. అలా పాటలన్నీ మిలియన్ల కొద్దీ వ్యూస్‌తో సినిమాపై భారీ అంచనాలు పెంచాయి. సినిమా కూడా 'పుష్ప' సినిమా రిలీజైన తొలిరోజు చాలామంది బాగోలేదని అన్నారు. కానీ వీకెండ్ పూర్తయ్యేసరికి టాక్ మొత్తం మారిపోయింది. బ్లాక్‌బస్టర్ హిట్ సొంతం చేసుకుంది. తెలుగుతో పాటు సౌత్‌లో సెన్సేషన్ క్రియేట్ చేసింది. ఇక నార్త్‌లో అయితే చెప్పాల్సిన పనిలేదు. 'పుష్ప' దెబ్బకు బన్నీ.. పాన్ ఇండియా స్టార్ అయిపోయాడు.  (ఇదీ చదవండి: కంగ్రాట్స్‌ బావా.. ఈ అవార్డు నీకు రావాల్సిందే: తారక్‌) బన్నీ ఊరమాస్ అల్లు అర్జున్ డిఫరెంట్ పాత్రలు చేయడంలో ఎక్స్‌పర్ట్. అయితే 'పుష్ప' కోసం మరింత కష్టపడ్డాడు. చిత్తూరు యాసతో పాటు డీగ్లామర్ లుక్‌తో ప్రేక్షకుల మనసులు గెలుచుకున్నాడు. కామెడీ, ఎమోషన్, ఫైట్స్.. ఇలా అన్ని అంశాల్లోనూ ఊరమాస్ ఫెర్ఫార్మెన్స్ ఇచ్చాడు. దీంతో ఆలోవర్ ఇండియా అల్లు అర్జున్‌కి ఫిదా అయింది. ఇప్పుడు ఏకంగా జాతీయ అవార్డు వరించింది. 'పుష్ప' సీక్వెల్‪‌లో.. 'ఇది 'పుష్ప'గాడి రూలు' ఓ డైలాగ్ ఉంది. ఆ మూవీ రిలీజ్‌కి ముందే జాతీయ అవార్డుల్లో ఆ మాట నిజమైంది. ఎందుకంటే 'పుష్ప' రూల్ చేసి పడేశాడుగా. ఇలా పైన చెప్పిన అంశాలతోపాటు సుకుమార్ డైరెక్షన్, రష‍్మిక యాక్టింగ్, సినిమాటోగ్రఫీ, నిర్మాణ విలువలు ఇలా చాలా అంశాలు కలిసొచ్చాయి. దీంతో జాతీయ సినిమా అవార్డుల్లో ఉత్తమ నటుడిగా అల్లు అర్జున్, ఉత్తమ సంగీత దర్శకుడిగా దేవిశ్రీ ప్రసాద్ నిలిచారు. తెలుగు సినిమా స్థాయిని అందనంత ఎత్తుకి పెంచేశారు. (ఇదీ చదవండి: ఉత్తమ నటుడిగా జాతీయ అవార్డు.. అల్లు అర్జున్‌ ఫస్ట్‌ రియాక్షన్‌ ఇదే!)

సౌత్‌ ఇండియా స్టార్‌ హీరో సూర్య  హీరోగా శివ దర్శకత్వంలో రూపొందుతున్న పాన్‌ ఇండియా సినిమా ‘కంగువ’. భారీ బడ్జెట్‌తో  స్టూడియో గ్రీన్‌, యూవీ క్రియేషన్స్‌ సంస్థలు కలిసి దీనిని నిర్మిస్తున్నాయి. నేడు జులై 23న సూర్య పుట్టినరోజు సందర్భంగా ఈ సినిమాకు సంబంధించిన ఫస్ట్‌ గ్లింప్స్‌ను మేకర్స్‌ విడుదల చేశారు. ఇదొక పిరియాడిక్‌ మూవీగా ప్రేక్షకుల ముందుకు రానుంది. (ఇదీ చదవండి: Oppenheimer Movie Review: ఓపెన్‌హైమర్ సినిమా రివ్యూ) ఇప్పటివరకు ఏ సినిమాలో కనిపించని సరికొత్త లుక్‌లో సూర్య కనిపించారు. ఈ సినిమా కూడా బహుబలి మాదిరిగా రెండు బాగాలుగా రానుంది. సూర్యకు ఇది తొలి పాన్‌ ఇండియా సినిమా కాబట్టి కోలీవుడ్ ఇండస్ట్రీ కూడా ఈ ప్రాజెక్ట్‌ మీద బాగానే ఆశలు పెట్టుకుంది. దీనిని సుమారు పది భాషల్లో రిలీజ​ చేయనున్నారు.  త్రీడీలో కూడా చూసి ఎంజాయ్‌ చేయవచ్చు. నేడు విడుదలైన గ్లింప్స్‌ను గమనిస్తే ఇందులో భారీ ఫైట్లతో పాటు. అదిరిపోయే  విజువల్‌ ఎఫెక్ట్స్‌ ప్రధానంగా ఉండనున్నాయని తెలుస్తోంది.  దేవిశ్రీ ప్రసాద్‌ ఇచ్చిన బ్యాక్‌ గ్రౌండ్‌ స్కోర్‌తో దుమ్ములేపాడనే చెప్పవచ్చు. వచ్చే ఏడాది ప్రారంభంలో ఈ సినిమా విడుదల కానుందని మేకర్స్‌ ప్రకటించారు. ఇంతకు 'కంగువ' అంటే తెలుసా..?  అగ్ని శక్తితో ఉన్న వ్యక్తి, వీరుడు, పరాక్రమవంతుడు అని అర్థం. 

డీఎస్పీ అనగానే ఠక్కున గుర్తొచ్చేది పేరు దేవిశ్రీ ప్రసాద్. ఎందుకంటే తన మ్యూజిక్‌తో ఆడియన్స్‌ను ఊర్రూతలూగించడం ఆయన టాలెంట్‌. టాలీవుడ్‌లో మెగాస్టార్ నుంచి యంగ్ హీరోల సినిమాల దాకా తన మ్యూజిక్‌తో అభిమానులను అలరించాడు. అందుకే టాలీవుడ్‌లో అతన్ని ముద్దుగా డీఎస్పీ అని పిలుస్తారు. అయితే తాజాగా తన టాలెంట్‌ను అమెరికాలో ప్రదర్శించేందుకు సిద్ధమయ్యారు డీఎస్పీ. ఈ సందర్భంగా మెగాస్టార్ చిరంజీవి డీఎస్పీ బృందానికి ఆల్‌ ది బెస్ట్ చెప్పారు.  'అమెరికాలో పూనకాలు లోడింగ్'  అంటూ ఓ వీడియోనూ రిలీజ్ చేశారు. ప్రస్తుతం ఈ వీడియో సోషల్ మీడియాలో వైరలవుతోంది.  (ఇది చదవండి: ప్రేమికుల రోజున సీనియర్‌ హీరోకి అదితి ప్రపోజ్‌! సిద్ధార్థ్‌ రియాక్షన్‌ ఇదే..) అమెరికాలోని నాసా ఆధ్వర్యంలో నిర్వహించే రాక్ స్టార్ దేవి శ్రీ ప్రసాద్ మ్యూజికల్ కన్సర్ట్‌కు సంబంధించిన మోషన్ పోస్టర్‌ను కూడా మెగాస్టార్ చేతుల మీదుగా లాంఛ్ చేశారు. నాసా అధ‍్వర్యంలో  దేవి శ్రీ ప్రసాద్‌తో మ్యూజిక్ కన్సర్ట్స్ నిర్వహించనున్నారు. జులై 2న డల్లాస్, జులై 8న ఫిలడెల్ఫియా, జులై 15న సియాటెల్, జులై 22న సాన్ జొస్ , జులై 29న చికాగోలో ఈవెంట్స్ జరగనున్నట్లు తెలిపారు. ఈ ఈవెంట్స్‌లో సింగర్ ఇంద్రవతి , సాగర్, గీతా మాధురి , హేమ చంద్ర , రీటా , పృథ్వి , మౌనిక అలరించనున్నారు. ప్రముఖ యాంకర్ నటి అనసూయ ఈ షోస్‌ను హోస్ట్ చేయనున్నారు. గతంలో నార్త్ అమెరికా సీమాంధ్ర అసోసియేషన్ ఆర్ఆర్ఆర్ సినిమా  ‘నాటు నాటు’ పాటకు 150 టెస్లా కార్లతో లైట్ షో నిర్వహించడం వంటి ఎన్నో అద్భుతమైన కార్యక్రమాలను నిర్వహించిన సంగతి తెలిసిందే.  టీజీ విశ్వప్రసాద్ గారి అధ్వర్యంలో నాసా, పీపుల్ మీడియా ఫ్యాక్టరీ  సంయుక్తంగా నిర్వహించారు. ఇటీవలే  సింగర్ రామ్ మిరియాలతో పలు చోట్ల మ్యూజిక్ కన్సర్ట్ నిర్వహించారు.  ఈ షోస్ కి ఊహించని రీతిలో అనూహ్య స్పందన లభించింది.  (ఇది చదవండి: సిద్ధార్థ్- ఆదితి డేటింగ్‌.. అసలు విషయం చెప్పేసిన హీరో!) ℒℴ𝓋ℯ 𝓎ℴ𝓊 𝓂𝓎 𝒷ℴ𝓎 𝐑𝐎𝐂𝐊 𝐓𝐇𝐄 𝐒𝐇𝐎𝐖𝐖𝐖𝐖 Just do KUMMUDU..🎶🕺 Wishing ROCKSTAR @ThisIsDSP & his TEAM All The Very Best for DSP-USA TOUR 2023 *#DSPOoAntavaTourUSA*https://t.co/c6jea4ILUe@sagar_singer @itsvedhem @PrudhviChandrap @geethasinger… pic.twitter.com/8AvvNUZKQi — Chiranjeevi Konidela (@KChiruTweets) June 10, 2023

టాలీవుడ్‌ టాప్‌ డైరెక్టర్స్‌లలో దేవీశ్రీ ప్రసాద్‌ ఒకరు. దేవి సినిమాతో ఇండస్ట్రీకి అడుగుపెట్టిన ఆయన మొన్నటి వాల్తేరు వీరయ్య వరకు ఎన్నో సూపర్‌ హిట్‌ సినిమాలకు సంగీతం అందించారు. ఇదిలా ఉంటే ఇప్పుడు దేవీశ్రీ ప్రసాద్‌కు సంబంధించిన ఓ వార్త నెట్టింట వైరల్‌గా మారింది. నాలుగు పదుల వయసు దాటినా దేవీశ్రీ ఇంకా పెళ్లి చేసుకోలేదు. అయితే త్వరలోనే ఆయన ఓ ఇంటివాడు కాబోతున్నాడట. ఇక అమ్మాయి ఎవరో కాదు దేవిశ్రీప్రసాద్ దూరపు బంధువుల అమ్మాయట. ఆమె వరసకి మరదలు అవుతుందట. వీరిద్దరికి సుమారు 17ఏళ్ల గ్యాప్‌ ఉందని తెలుస్తుంది. కుటుంబసభ్యుల సమక్షంలో త్వరలోనే వీరి వివాహం జరగనుందని జోరుగా ప్రచారం జరుగుతుంది. మరి నెట్టింట వైరల్‌ అవుతున్నట్లుగా ఈ వార్తలో ఎంత వరకు నిజం ఉందన్నది తెలియాలంటే అధికారిక ప్రకటన వచ్చేవరకు వేచిచూడాల్సిందే. గతంలోనూ దేవీ ఓ హీరోయిన్‌తో పీకలదాకా ప్రేమలో ఉన్నట్లు వార్తలు వచ్చాయి. పెళ్లి వరకు వెళ్లిన వాళ్ల రిలేషన్‌ మున్నాళ్ల ముచ్చటగానే మిగిలిపోయింది. 

‘‘వాల్తేరు వీరయ్య’లో ‘పూనకాలు లోడింగ్‌..’ పాటలో బూరలాంటి వాయిద్యం ఉపయోగించి ఆ ట్యూన్‌ని కంపోజ్‌ చేశాను. అది చిరంజీవిగారికి నచ్చడంతో ‘అదరగొట్టావ్‌ అబ్బాయ్‌’ అన్నారు. నేను కంపోజ్‌ చేసిన ట్యూన్‌ ఒక ఎత్తు అయితే ఆయన డ్యాన్స్‌తో పాటని మరో స్థాయికి తీసుకెళ్లారు’’ అని సంగీత దర్శకుడు దేవిశ్రీ ప్రసాద్‌ అన్నారు. చిరంజీవి, శ్రుతీహాసన్‌ జంటగా హీరో రవితేజ కీలక పాత్రలో బాబీ కొల్లి (కేఎస్‌ రవీంద్ర) దర్శకత్వంలో తెరకెక్కిన చిత్రం ‘వాల్తేరు వీరయ్య’. నవీన్‌ యెర్నేని, వై. రవిశంకర్‌ నిర్మించిన ఈ సినిమా నేడు రిలీజవుతోంది. ఈ సందర్భంగా దేవిశ్రీ ప్రసాద్‌ చెప్పిన విశేషాలు. ∙చిరంజీవిగారి ‘వాల్తేరు వీరయ్య’, బాలకృష్ణగారి ‘వీరసింహారెడ్డి’ చిత్రాలు నిర్మించింది మా మైత్రీ మూవీస్‌ నిర్మాతలే (నవీన్‌ యెర్నేని, వై. రవిశంకర్‌). రెండు సినిమాలూ మావే కావడం, సంక్రాంతికి విడుదలవడం చాలా గర్వంగా ఉంది. సంగీతం విషయంలో ఎలాంటి ఒత్తిడి లేదు. ఏ సినిమాకైనా కథ ప్రకారమే మ్యూజిక్‌ చేస్తాం.. రెండు సినిమాలూ అద్భుతంగా ఆడాలి. బాబీతో నాకు చాలా అనుబంధం ఉంది. ‘వాల్తేరు వీరయ్య’లో అన్ని పాటలూ హిట్‌ కావడానికి కారణం బాబీ కథ, ఆయన నాపై పెట్టుకున్న నమ్మకం. అన్నిటికీ మించి చిరంజీవిగారు మా ఇద్దరిపై పెట్టుకున్న నమ్మకం. ►చిరంజీవిగారితో సినిమా చేయాలనే బాబీ కల ఈ చిత్రంతో నెరవేరడం ఆనందంగా ఉంది. ఈ సినిమా చూసి చిరంజీవిగారితో ‘నవ్విస్తూ ఏడిపించారు.. ఏడిపిస్తూ నవ్వించారు’ అని అన్నాను. ఆయన ‘ఎంత బాగా చెప్పావ్‌ మై బాయ్‌’ అన్నారు. ∙ఈ సినిమాలో రవితేజ, చిరంజీవిగారి సీన్స్‌కి క్లాప్స్‌ మామూలుగా ఉండవు. కంటతడితో, నవ్వుతూ క్లాప్స్‌ కొట్టే సీన్స్‌ చాలా ఉంటాయి. బాస్‌ని (చిరంజీవి) మనం ఎలా అయితే చూస్తూ పెరిగామో.. ఆ ఎలిమెంట్స్‌తో పాటు కొన్ని కొత్త ఎలిమెంట్స్‌ కూడా ఉన్నాయి. ► కామెడీ, డ్యాన్స్‌ ఫైట్స్‌.. అన్నీ కుమ్మేశారు. బాస్‌ని చాలా రోజుల తర్వాత పక్కా మాస్‌ ఎంటర్‌టైనర్‌లో చూస్తున్నాం.. ఎక్కడా తగ్గకూడదని ప్రతి పాట విషయంలో జాగ్రత్తలు తీసుకున్నా. ప్రతి సినిమా సవాల్‌గానే ఉంటుంది. కానీ, ఒత్తిడిగా భావించకుండా సరదాగా చేస్తాను. నేను బాస్‌ని చూస్తూ పెరిగాను.. ఆయన్ని చూడగానే ఒక ఎనర్జీ వచ్చేస్తుంది. ఇందులో ‘నువ్వు శ్రీదేవి..’ పాటకి ఆయన స్క్రీన్‌పై ఎలా చేస్తారో ముందే ఊహించి, కంపోజ్‌ చేసి బాబీకి చూపించా.. అలాగే ‘పూనకాలు లోడింగ్‌..’ పాటలో చిరంజీవి, రవితేజగార్లు కనిపిస్తే ఎంత సందడిగా ఉంటుందో ఆ ఎనర్జీ అంతా పాటలో ఇచ్చేశాం. అదరగొట్టావ్‌ అబ్బాయ్‌ అన్నారు – దేవిశ్రీ ప్రసాద్‌

సంగీత దర్శకుడు దేవిశ్రీ ప్రసాద్‌పై పోలీసులు కేసు నమోదు చేశారు. హిందువుల మనోభావాలు దెబ్బతీశారంటూ నటి కరాటే కల్యాణితో పాటు హిందూ సంఘాలు సీసీఎస్ పోలీసులకు ఫిర్యాదు చేయగా..  దీనిపై పోలీసులు కేసు నమోదు చేశారు. ఓ ప్రైవేట్ ఆల్బమ్‌ సాంగ్‌లో హిందువుల మనోభావాలు కించపరిచేలా చిత్రీకరించారని వారు ఆరోపించారు.  (చదవండి: దేవీశ్రీ ప్రసాద్‌పై కరాటే కల్యాణి ఫిర్యాదు) ఇటీవల దేవి శ్రీప్రసాద్‌.. ఓ పరి అనే  నాన్‌-ఫిల్మ్ మ్యూజిక్ వీడియోను రిలీజ్‌ చేశాడు. ఈ ఆల్బమ్‌లో హరే రామ హరే కృష్ణ అనే మంత్రాన్ని ఐటం సాంగ్‌లో చిత్రీకరించారని ఫిర్యాదులో పేర్కొన్నారు. పవిత్రమైన హరే రామ హరే కృష మంత్రంపై అశ్లీల దుస్తువులు, నృత్యాలతో పాటను చిత్రీకరించిన సంగీత దర్శకుడిపై చర్యలు తీసుకోవాలని డిమాండ్‌ చేశారు. దీనిపై డీఎస్పీ హిందూ సమాజానికి తక్షణమే క్షమాపణ చెప్పి తీరాలన‍్నారు. వెంటనే ఆ పాటలోని మంత్రాన్ని తొలగించాలని... లేనిపక్షంలో దేవిశ్రీ ప్రసాద్ కార్యాలయాన్ని ముట్టడిస్తామని కరాటే కల్యాణి హెచ్చరించింది. 

ప్రముఖ సంగీత దర్శకుడు దేవిశ్రీ ప్రసాద్‌పై సినీ నటి కరాటే కల్యాణి, హిందూ సంఘాలు బుధవారం నాడు సైబర్‌ క్రైమ్స్‌లో ఫిర్యాదు చేశాయి. ఇటీవల దేవి శ్రీప్రసాద్‌.. ఓ పరి అనే  నాన్‌-ఫిల్మ్ మ్యూజిక్ వీడియోను రిలీజ్‌ చేశాడు. ఈ ఆల్బమ్‌లో హరే రామ హరే కృష్ణ అనే మంత్రాన్ని ఐటం సాంగ్‌లో చిత్రీకరించారని కరాటే కల్యాణి తన ఫిర్యాదులో పేర్కొంది. పవిత్రమైన హరే రామ హరే కృష మంత్రంపై అశ్లీల దుస్తువులు, నృత్యాలతో పాటను చిత్రీకరించిన సంగీత దర్శకుడిపై చర్యలు తీసుకోవాలని డిమాండ్‌ చేసింది. హిందువుల మనోభావాలు దెబ్బతీసిన డీఎస్పీ హిందూ సమాజానికి తక్షణమే క్షమాపణ చెప్పి తీరాలంది. వెంటనే ఆ పాటలోని మంత్రాన్ని తొలగించాలని... లేనిపక్షంలో దేవిశ్రీ ప్రసాద్ కార్యాలయాన్ని ముట్టడిస్తామని కరాటే కల్యాణి హెచ్చరించింది. మరి దీనిపై దేవిశ్రీప్రసాద్‌ ఎలా స్పందిస్తాడో చూడాలి! చదవండి: నా కూతురి పెళ్లికి రండి.. సీఎం జగన్‌కు ఆహ్వానం

తమిళ సినిమా: ప్రముఖ సంగీత దర్శకుడు దేవీశ్రీ ప్రసాద్‌.. తమిళంలోనూ పలు చిత్రాలకు సంగీతం అందిస్తూ వస్తున్నారు. తాజాగా ఓ పెన్నే (ఓ అమ్మాయి) అనే పాన్‌ ఇండియా ప్రైవేట్‌ ఆల్బమ్‌ను రూపొందించారు. టి.సిరీస్‌ సంస్థ ద్వారా భూషణ్‌ కుమార్‌ తమిళం, తెలుగు, మలయాళం, కన్నడం, హిందీ భాషల్లో రూపొందించిన ఈ ఆల్బమ్‌కు దేవీ శ్రీ ప్రసాద్‌ పాటను రాసి, పాడి, సంగీతాన్ని అందించి నటించడం విశేషం. కాగా, ఈ పాట హిందీ వర్షన్‌ ఇటీవల బాలీవుడ్‌ నటుడు రణ్‌వీర్‌ సింగ్‌ ఆవిష్కరించారు. తమిళ వెర్షన్‌ పాట ఆల్బమ్‌ను ఆదివారం సాయంత్రం చెన్నైలోని ప్రసాద్‌ ల్యాబ్‌లో జరిగిన కార్యక్రమంలో నటుడు కమలహాసన్‌ విడుదల చేశారు. ఈ సందర్భంగా దేవి శ్రీ ప్రసాద్‌ మాట్లాడుతూ నటుడు కమలహాసన్‌ ప్రేమకు కృతజ్ఞతలు తెలిపారు. ఈ అంతర్జాతీయ ఆల్బమ్‌ ఐడియాను ముందుగా తాను కమలహాసన్‌కే చెప్పానన్నారు. ఆయన ప్రోత్సాహం, ఉద్వేగమే తాను ఈ ఆల్బమ్‌ను పూర్తి చేయడానికి కారణం అయ్యాయన్నారు. స్వయం సంగీత కళాకారులు బయట ప్రపంచంలోకి రావాలనే తాను కరోనా కాలంలో రాక్‌ స్టార్‌ కార్యక్రమాన్ని నిర్వహించానని అదేవిధంగా స్వయం సంగీత కళాకారులు అన్ని భాషల్లోనూ తమ ప్రతిభను నిరూపించుకోవాలన్న ఉద్దేశంతోనే ఈ ఓ పెణ్నే మ్యూజిక్‌ ఆల్బమ్‌ను రూపొందించినట్లు చెప్పారు. కమలహాసన్‌ మాట్లాడుతూ దేవి శ్రీ ప్రసాద్‌ తనకు చాలాకాలంగా తెలుసన్నారు. ఈయన తనను ఎంతో అబ్బురపరుస్తున్నారని, ఎంతో సాధిస్తూ ఉద్వేగభరితంగా ముందుకు సాగుతున్నారన్నారు. ఒక ఉత్తమ సంగీత కళాకారుడికి ఉండాల్సిన లక్షణం ఇదే అన్నారు. ఈయనకు తమిళంలో సక్సెస్‌ ఆలస్యం అయ్యిందనే అభిప్రాయాన్ని వ్యక్తం చేశారు. దేవి శ్రీ ప్రసాద్‌ ఇంకా ఉన్నత శిఖరాలకు చేరుకోవాలని, అందుకు మీ అందరి సహకారం కావాలన్నారు. అదేవిధంగా సినిమా పాటల కంటే ఇలాంటి ప్రైవేట్‌ ఆల్బమ్‌లు చాలా రావాలన్నారు. సంగీత కళాకారులు అందుకు కృషి చేయాలనే భావన తనకు ఎప్పుడూ ఉంటుందన్నారు. సినిమా పాటలకు సంగీత దర్శకులకు కొన్ని పరిధులు ఉంటాయని, అయితే ప్రైవేట్‌ పాటలకు వారి ప్రతిభను పూర్తిగా చాటే అవకాశం ఉంటుందని పేర్కొన్నారు. ఇతర దేశాల్లో సినీ సంగీత దర్శకుల కంటే స్వతంత్ర సినీ సంగీత కళాకారులే ప్రముఖులు అయ్యారని వెల్లడించారు.

అల్లు అ‍ర్జున్‌ హీరోగా సుకుమార్‌ దర్శకత్వంలో తెరకెక్కిన 'పుష్ప' సినిమా అవార్డుల్లోనూ తగ్గేదేలె అంటోంది. పాన్‌ ఇండియా స్థాయిలో క్రేజ్‌ సంపాదించుకున్న ఈ సినిమా ఎన్నో రికార్డులను తిరగరాసింది. తాజాగా ప్రతిష్టాత్మక 67వ ఫిల్మ్ ఫేర్ అవార్డుల్లోనూ పుష్ప క్లీన్‌ స్వీప్‌ చేసేసింది. ఏకంగా 7 ఫిల్మ్‌ఫేర్ అవార్డులను సొంతం చేసుకుని సత్తాచాటింది. ఉత్తమ డైరెక్టర్, ఉత్తమ నటుడు, ఉత్తమ చిత్రం, ఉత్తమ సినిమాటోగ్రఫీ, ఉత్తమ నిర్మాత, ఉత్తమ మేల్ సింగర్, ఉత్తమ ఫిమేల్ సింగర్, ఉత్తమ మ్యూజిక్ ఆల్బమ్‌ విభాగాల్లో పుష్ప చిత్రానికి అవార్డుల పంట పండింది. ఈ సందర్భంగా అల్లు అర్జున్‌ ట్విట్టర్‌ వేదికగా ప్రేక్షకులకు ధన్యవాదాలు తెలిపాడు. ఫిల్మ్‌ఫేర్‌ అవార్డుల్లో పుష్ప క్లీన్‌ స్వీప్‌.. థ్యాంక్యూ అంటూ ట్వీట్‌ చేశాడు.  ఫిల్మ్‌ఫేర్‌ అవార్డులో..;పుష్ప;కి అవార్డు పంట ♦ ఉత్తమ నటుడు: అల్లు అర్జున్‌  ​​​​♦ ఉత్తమ దర్శకుడు: సుకుమార్‌  ♦ఉత్తమ చిత్రం: పుష్ప - ది రైజ్ ♦​​​​ ఉత్తమ సంగీత దర్శకుడు: దేవిశ్రీ ప్రసాద్‌  ​​​​♦ఉత్తమ గాయకుడు: సిద్ద్‌ శ్రీరామ్‌ (శ్రీవల్లి..) ♦ఉత్తమ గాయని: ఇంద్రావతి చౌహాన్‌ ( ఊ అంటావా మావ) ​​​​♦ ఉత్తమ సినిమాటోగ్రాఫర్‌: మిరోస్లా బ్రొజెక్ (పుష్ప - ది రైజ్)   THANK YOU 🖤 pic.twitter.com/1zlOcNx2sS — Allu Arjun (@alluarjun) October 10, 2022 #PUSHPA CLEAN SWEEP AT @filmfare . BEST ACTOR , BEST DIR , BEST MUSIC DIR , BEST CINEMATOGRAPHY , BEST MALE SINGER , BEST FEMALE SINGER & BEST FILM . THANK YOU ALL . HUMBLED 🙏🏽 — Allu Arjun (@alluarjun) October 10, 2022

Bigg Boss Telugu 6, Episode 36: బిగ్‌బాస్‌ షోలో సండే వచ్చిందంటే చాలు హౌస్‌మేట్స్‌ గుండెల్లో రైళ్లు పరిగెడుతుంటాయి. తమలో ఎవరు ఎలిమినేట్‌ అవుతారోనన్న భయంతో బిక్కుబిక్కుమంటుంటారు. మరోవైపు వారి టెన్షన్‌ను పోగొట్టేందుకు నాగ్‌ ఫన్‌ టాస్కులు ఇస్తూ ఎంటర్‌టైన్‌ చేస్తుంటాడు. అయితే ఈసారి దేవిశ్రీప్రసాద్‌ స్టేజీపైకి వచ్చి సందడి రెట్టింపు చేశాడు. తను కంపోజ్‌ చేసిన ఓ పిల్లా సాంగ్‌ను అందరికీ వినిపించాడు. అనంతరం కంటెస్టెంట్లతో ఓ ఫన్‌ గేమ్‌ ఆడించి రిలాక్స్‌ చేసిన నాగ్‌ ఆ తర్వాత వాసంతి సేఫ్‌ అయినట్లు వెల్లడించాడు. తర్వాత సామెతలను ఇంటిసభ్యులకు అంకితం చేయమన్నాడు నాగ్‌. ఈ క్రమంలో ఏమిరా పడ్డావ్‌ అంటే, అదొక పల్టీలే అన్నాడంట అనే సామెతను ఫైమా రాజ్‌కు డెడికేట్‌ చేసింది. అన్నీ ఉన్న ఆకు అణిగిమణిగి ఉంటుంది, ఏమీ లేని ఆకు ఎగిరెగిరి పడుతుంది అన్న సామెత రోహిత్‌కు సెట్టవుతుందన్నాడు బాలాదిత్య. పచ్చకామెర్లు వచ్చినవాళ్లకి లోకమంతా పచ్చగానే కనిపిస్తుంది అన్న వాక్యం బాలాదిత్యకు సరిపోతుందన్నాడు ఆదిరెడ్డి. ఆకై మేకైనాడు అనేది శ్రీహాన్‌కు సరిపోతుందంది గీతూ. గీతూ అగ్గికి ఆద్యం పోస్తుందని చెప్పింది ఇనయ. కందకు లేని దురద కత్తిపీటకు ఎందుకు అనేది కీర్తికి సూటవుతుందన్నాడు చంటి. ఊర్లో పెళ్లికి కుక్కల హడావిడి సామెత గీతూకే ఎక్కువ సరిపోతుందన్నాడు మెరీనా. ఏదో అనుకుంటే ఇనయ ఆకే మేకై కూర్చుందన్నాడు రాజ్‌. ఇనయకు చింత చచ్చినా పులుపు చావదని చెప్పింది వాసంతి. గుమ్మడికాయ దొంగ ఎవరు అంటే భుజాలు తడుముకున్నట్లు, చింత చచ్చినా పులుపు చావదు, కంచె చేను మేసినట్లు, అందితే జుట్టు అందకపోతే కాళ్లు సామెతలన్నీ రేవంత్‌కు అంకితమిచ్చారు మిగతా హౌస్‌మేట్స్‌. చెవిటివాడి చెవిలో శంఖం ఊదినట్లు అనే సామెతను అర్జున్‌కు బాగా సెట్టవుతుందన్నాడు శ్రీహాన్‌. అర్జున్‌కు కుక్క తోక వంకర అని తేల్చేశాడు రేవంత్‌. అనంతరం నాగార్జున.. చంటి ఎలిమినేట్‌ అని ప్రకటించగానే ఇనయ కన్నీరుమున్నీరుగా ఏడ్చేసింది. ప్లీజ్‌ చంటిగారు, నేనే వెళ్లిపోతానంటూ శోకమందుకోవడం గమనార్హం. చదవండి: నయన్‌ ఫ్యాన్స్‌కు బిగ్‌ సర్‌ప్రైజ్‌

అమరగాయకుడు, ప్రముఖ సంగీత దర్శకుడు, స్వాతంత్ర సమరయోధుడు పద్మశ్రీ ఘంటసాల వెంకటేశ్వర రావు శత జయంతి వేడుకల సందర్భంగా వారికి భారతరత్న పురస్కారం ఇవ్వాలనే నినాదం కొంత కాలంగా వినిపిస్తున్న సంగతి తెలిసిందే. ఈ నేపథ్యంలో శంకర నేత్రాలయ యు.ఎస్.ఏ. అధ్యక్షుడు బాల రెడ్డి ఇందుర్తి ఆధ్వర్యములో 165 పైగా టీవీ చర్చ కార్యక్రమాలు కూడా ఇటీవలే నిర్వహించారు. ఈ కార్యక్రమంలో ముఖ్యఅతిథిలుగా ప్రముఖ దర్శకులు సుకుమార్, ప్రముఖ సంగీత దర్శకులు దేవిశ్రీ ప్రసాద్, ప్రముఖ రచయిత, నటులు దర్శకులు తనికెళ్ళ భరణి, ప్రముఖ గేయరచయితలు చంద్రబోస్ అనంత శ్రీరామ్ తదితరులు పాల్గొన్నారు. ఈ ప్రత్యేక కార్యక్రమం 10 మంది సహ నిర్వాహకులతో కలిసి ప్రపంచ వ్యాప్తంగా 100 మంది పైగా గాయనీగాయకులతో కలిసి ఘంటసాల శత గళార్చన కార్యక్రమాన్ని నిర్వహించారు. మొదటి భాగాన్ని 21 ఆగస్టు నాడు ప్రసారం చేయడం, దానికి అనూహ్యమైన స్పందన వచ్చిందని నిర్వాహుకులు తెలియజేశారు. 28 ఆగష్టు నాడు రెండవ భాగం ప్రసారం చేశారు.  మిగతా రెండు భాగాలు 4 సెప్టెంబర్, 11 సెప్టెంబర్ లో ప్రసారం చేయనున్నారు.   శత గళార్చన రెండవ భాగంలో పాల్గొన్న సంగీత దర్శకుడు దేవిశ్రీ ప్రసాద్ మాట్లాడుతూ.. ఘంటసాల గొప్ప గాయకులూ అని చెబుతూ, అదే సమయంలో గొప్ప సంగీత దర్శకుడిగా అంతే గొప్ప విజయం సాధించారని, తరతరాలుగా గుర్తుండి పోయే వ్యక్తి ఘంటసాల అని కొనియాడారు. అలాగే వారి పాడిన భగవద్గీత మన అందరి  హృదయాలలో ఇప్పటికి ఎప్పటికి మరిచిపోలేనంత ముద్ర వేసిందని చెప్పుకొచ్చారు. అంతటి గొప్ప అవకాశం రావడం అంటే వారు నిజంగా కారణజన్ములు అని.. అలాగే వారి పాడిన భగవద్గీతని వినడం మనమందరము, రాబోయే తరాలు కూడా చేసుకున్న అదృష్టమని చెప్పారు. ఘంటసాల శతజయంతి సందర్భంగా వారికి భారత రత్న ఇవ్వాలని మనస్పూర్తిగా కోరుకుంటున్నట్లు తెలిపారు. రామ్ దుర్వాసుల (అట్లాంటా, యూఎస్‌ఏ) బృందం నుంచి దర్భా భాస్కర్, కృష్ణమాచారి కారంచేడు, మోహన్ దేవ్,  రాధికా నోరి, స్రవంతి కోవెల, శ్రీయాన్  కోవెల, దుర్గ గోరా పలువురు గాయకులు పాల్గొని ఘంటసాల పాటలు పాడి చక్కటి వ్యాఖ్యానంతో ఘంటసాలని స్మరించుకున్నారు. దేశవిదేశాల నుంచి పాల్గొన్న కొందరు ప్రముఖులు: ఇండోనేషియా నుంచి తెలుగు అసోసియేషన్ అఫ్ ఇండోనేషియా తెలుగు సంఘం అధ్యక్షుడు టీవీయస్ ప్రవీణ్, ఒమాన్ నుంచి తెలుగు కళా సమితి అధ్యక్షుడు అనిల్ కుమార్ కడించర్ల.

సూర్య హీరోగా నటించనున్న 42వ సినిమాకి శ్రీకారం జరిగింది. తమిళంలో మాస్‌ దర్శకుడిగా గుర్తింపు తెచ్చుకున్న శివ దర్శకత్వంలో ఈ సినిమా రూపొందనుంది. స్టూడియో గ్రీన్‌ బేనర్‌తో కలిసి టాలీవుడ్‌లో అగ్ర బేనర్లలో ఒకటైన యూవీ క్రియేషన్స్‌ ఈ సినిమాను నిర్మిస్తోంది. ఈ చిత్రం ప్రారంభోత్సవం పలువురు ప్రముఖుల సమక్షంలో జరిగింది. త్వరలో పూర్తి వివరాలు తెలియజేస్తామని దర్శక-నిర్మాతలు పేర్కొన్నారు. యూవీ క్రియేషన్స్‌ బ్యానర్లో వంశీ, ప్రమోద్, జ్ఞానవేల్‌ రాజా, విక్రమ్‌ నిర్మించున్న ఈ చిత్రానికి దేవిశ్రీ ప్రసాద్ సంగీతం అందించనున్నాడు.

Ram Pothineni The Warrior Movie Bullet Song Gets 100 Million Views: రామ్‌ పోతినేని హీరోగా తమిళ డైరెక్టర్‌ లింగుసామి దర్శకత్వంలో రూపొందుతోన్న సినిమా ‘ది వారియర్‌’. పవన్‌ కుమార్‌ సమర్పణలో శ్రీనివాసా చిట్టూరి నిర్మిస్తున్నారు. కృతీశెట్టి హీరోయిన్‌గా నటిస్తున్న ఈ చిత్రంలో ఆది పినిశెట్టి విలన్‌గా, అక్షర గౌడ్‌ కీలకపాత్రలో కనిపించనున్నారు. తెలుగు, తమిళ భాషల్లో తెరకెక్కుతున్న ఈ చిత్రం జూలై 14న రిలీజ్‌ కానుంది. ఈ సినిమా నుంచి 'కమ్‌ ఆన్‌ బేబీ లెట్స్‌ గో ఆన్‌ ది బుల్లెటు..' సాంగ్‌ రిలీజై తెగ వైరల్‌ అయిన విషయం తెలిసిందే. తాజాగా ఈ సాంగ్‌ కొత్త రికార్డ్‌ను నమోదు చేసింది.  తెలుగు, తమిళ భాషల్లో విడుదలైన ఈ పాట మొత్తంగా 100 మిలియన్‌ క్లబ్‌లోకి చేరింది. ఈ విషయాన్ని సోషల్‌ మీడియా వేదికగా చిత్రబృందం తెలిపింది. ఈ సాంగ్‌ను కోలీవుడ్‌ స్టార్ హీరో శింబు, హరిప్రియ ఆలపించారు. తెలుగులో శ్రీమణి, తమిళంలో వివేక సాహిత్యమందించిన ఈ పాటకు దేవిశ్రీ ప్రసాద్‌ సంగీతం అందించారు. కాగా ఈ సినిమాలో ఈ ఒక్క పాట కోసం రూ. 3 కోట్లు ఖర్చు చేశారు నిర్మాతలు.  చదవండి: 13 ఏళ్ల పిల్లల నుంచి అత్యాచార బెదిరింపులు, తట్టుకోలేకపోయాను: నటి ముసలిదానివైపోతున్నావ్‌.. అంటూ అనసూయపై కామెంట్లు తెలుగు అబ్బాయిని పెళ్లి చేసుకునేలా ఉన్నావని నాన్న అన్నారు: సాయి పల్లవి   #BulletSong Spark Causing the Wildfire on YouTube 💥 Continues to make whole India groove with 100 Million+ Views 🕺💃 Telugu: https://t.co/XiPpHzsESj Tamil: https://t.co/amuQsznXC2@ramsayz @SilambarasanTR_ @AadhiOfficial @dirlingusamy @ThisisDSP @IamKrithiShetty @SS_Screens pic.twitter.com/HU9lVFA1Z1 — Srinivasaa Silver Screen (@SS_Screens) June 15, 2022

‘‘ఎఫ్‌ 3’ లాంటి పూర్తి కామెడీ సినిమాకి కథ రాసుకోవడం కష్టం. అనిల్‌ రావిపూడిగారు అద్భుతంగా కథ రాసుకుని ‘ఎఫ్‌ 3’ తీశారు. ‘ఎఫ్‌ 2’లో ఉన్న వినోదం కంటే పది రెట్లు ఎక్కువగా ‘ఎఫ్‌ 3’లో ఉంటుంది’’ అని సంగీత దర్శకుడు దేవిశ్రీ ప్రసాద్‌ అన్నారు. వెంకటేశ్, వరుణ్‌ తేజ్‌ హీరోలుగా అనిల్‌ రావిపూడి దర్శకత్వంలో తెరకెక్కిన చిత్రం ‘ఎఫ్‌ 3’. ‘దిల్‌’ రాజు సమర్పణలో శిరీష్‌ నిర్మించిన ఈ సినిమా ఈ నెల 27న రిలీజ్‌ కానుంది. ఈ చిత్రానికి సంగీతం అందించిన దేవిశ్రీ ప్రసాద్‌ చెప్పిన విశేషాలు. ► ఓ సినిమాకి సంగీతం అందించే ముందు కథని అర్థం చేసుకుంటాను. డైరెక్టర్‌ ఎలాంటి మ్యూజిక్‌ కావాలనుకుంటున్నాడో తెలుసుకుని, నా శైలి మిస్‌ కాకుండా సంగీతం అందిస్తాను.  ► అనిల్‌ రావిపూడి ఫాస్ట్‌గా సినిమా తీసినా బాగా తీయడం తన ప్రత్యేకత. జంధ్యాల, ఈవీవీ సత్యనారాయణగార్ల సినిమాల్లో ఉండే సెన్సిబుల్‌ చమత్కారం అనిల్‌ సినిమాల్లోనూ ఉంటుంది. ► ‘దిల్‌’ రాజుగారు ఎన్నో సక్సెస్‌లు చూసినా కథలోని కొత్త అంశాలకి ఇప్పటికీ ఎగ్జయిట్‌ అవుతుంటారు. ‘ఎఫ్‌ 3’ సినిమాని ఆయన ఫుల్‌గా ఎంజాయ్‌ చేశారు. ∙‘ఎఫ్‌ 3’లో అన్ని పాటలకూ ప్రాధాన్యత ఉంటుంది. ఇప్పటికే విడుదలైన ‘లబ్‌ డబ్‌ లబ్‌ డబ్‌ డబ్బు’, ‘ఊ ఆ ఆహా ఆహా’, ‘లైఫ్‌ అంటే ఇట్లా ఉండాలా..’ పాటలకు మంచి స్పందన వచ్చింది. ‘నేపథ్య సంగీతం కూడా అద్భుతం.. నీకు వంద హగ్గులు.. వంద ముద్దులు’ అన్నారు అనిల్‌. ► సినిమా కష్టాలు తెలుసు కాబట్టి ప్రతి సినిమా హిట్‌ కావాలనుకుంటాను. ఎవరి మ్యూజిక్‌ బాగున్నా, సినిమా బాగున్నా అభినందిస్తాను. ‘మనం విజయం సాధించినప్పుడే కాదు.. ఇతరులు విజయం సాధించినప్పుడు అభినందించేవాడే గొప్ప’ అని మా నాన్నగారు (సత్యమూర్తి) చెప్పిన మాటలే నాకు స్ఫూర్తి. ► ‘రౌడీ బాయ్స్, గుడ్‌ లక్‌ సఖి, ఆడవాళ్ళు మీకు జోహార్లు’ చిత్రాల్లో పాటలు బాగున్నా మేము అనుకున్నంత రీచ్‌ కాలేదు. సినిమా హిట్‌ని బట్టి కూడా మ్యూజిక్‌ రీచ్‌ ఉంటుంది. అయితే కొన్నిసార్లు ఊహించిన దానికంటే పెద్ద సక్సెస్‌ వస్తుంది. ఇందుకు ‘రంగస్థలం, ఉప్పెన, పుష్ప’ సినిమాలు ఉదాహరణ.  ► దక్షిణాదిలోని అన్ని భాషలవాళ్లు ఎక్కువగా ఉండేది చెన్నైలోనే. అక్కడ మంచి మ్యూజిక్‌ స్కూల్స్‌ ఉన్నాయి. ఇప్పుడు హైదరాబాద్‌లోనూ మ్యూజిక్‌ స్కూల్స్‌ పెరుగుతున్నాయి. ఒక సంగీత పాఠశాల ఆరంభించి, ఉచితంగా నేర్పించాలనే ఆలోచన ఉంది. దానికి కొంత సమయం పడుతుంది. చదవండి 👉🏾 ఎఫ్‌ 3కి మూడురెట్ల పారితోషికం తీసుకున్న వెంకటేశ్‌! కాస్ట్‌లీ కారు కొన్న హీరోయిన్‌ కంగనా రనౌత్‌

First Single Released From The Warrior Movie: రామ్‌ పోతినేని హీరోగా తమిళ డైరెక్టర్‌ లింగుసామి దర్శకత్వంలో రూపొందుతోన్న సినిమా ‘ది వారియర్‌’. పవన్‌ కుమార్‌ సమర్పణలో శ్రీనివాసా చిట్టూరి నిర్మిస్తున్నారు. కృతీశెట్టి హీరోయిన్‌గా నటిస్తున్న ఈ చిత్రంలో ఆది పినిశెట్టి విలన్‌గా, అక్షర గౌడ్‌ కీలకపాత్రలో కనిపించనున్నారు. తెలుగు, తమిళ భాషల్లో తెరకెక్కుతున్న ఈ చిత్రం జూలై 14న రిలీజ్‌ కానుంది. చదవండి: జెర్సీ మూవీ టీంకు భారీ షాక్‌, ఆన్‌లైన్‌లో లీకైన సినిమా ఈ నేపథ్యంలో మూవీ ప్రమోషన్స్‌ను వేగవంతం చేసిన చిత్రం బృందం వరస అప్‌డేట్స్‌ ఇస్తోంది. ఈ క్రమంలో తాజాగా ఫస్ట్‌సింగిల్‌ పేరుతో తొలి సాంగ్‌ను తాజాగా విడుదల చేశారు మేకర్స్‌. బుల్లెట్‌ అంటూ సాగే ఈ పాట యువతను సాంతం ఆకట్టుకుంటోంది. దేవిశ్రీ ప్రసాద్‌ అందించి ఎనర్జీటిక్‌ మ్యూజిక్‌, శింబు, హరిప్రియ ఆలపించిన ఈ పాట ఇప్పటికే యూట్యూబ్‌లో దూసుకుపోతోందీ. ఈ పాటకు శ్రిమణి లిరిక్స్‌ను అందించాడు. 

ది వారియర్‌కు పాట పాడారు తమిళ హీరో, సింగర్‌ శింబు. రామ్‌ హీరోగా లింగుసామి దర్శకత్వంలో రూపొందుతోన్న సినిమా ది వారియర్‌. పవన్‌ కుమార్‌ సమర్పణలో శ్రీనివాసా చిట్టూరి నిర్మిస్తున్నారు. కృతీశెట్టి హీరోయిన్‌గా నటిస్తున్న ఈ చిత్రంలో ఆది పినిశెట్టి విలన్‌గా, అక్షర గౌడ్‌ కీలకపాత్రలో కనిపిస్తారు. తెలుగు, తమిళ భాషల్లో తెరకెక్కుతున్న చిత్రం జూలై 14న రిలీజ్‌ కానుంది. కాగా ఈ సినిమాలో బుల్లెట్‌ అంటూ సాగే పాటను శింబు పాడారు. శ్రీనివాసా చిట్టూరి మాట్లాడుతూ.. రామ్‌, దేవి శ్రీ ప్రసాద్‌లతో ఉన్న స్నేహం వల్లే శింబు మా చిత్రంలోని బుల్లెట్‌ పాట పాడారు. ఇది ఒక మాస్‌ నెంబర్‌. ఇటీవల ఇంట్రవెల్‌ సీన్‌తో పాటు హీరోహీరోయిన్లపై ఓ పాటను చిత్రీకరించాం. మా మూవీ చిత్రీకరణ తుదిదశకు చేరుకుంది అన్నారు. ఈ సినిమాకు సంగీతం దేవిశ్రీప్రసాద్‌, కెమెరా : సుజీత్‌ వాసుదేవ్‌. Thank you @SilambarasanTR_ #STRforRAPO #Thewarriorr pic.twitter.com/KUX2Fu62sa— Lingusamy (@dirlingusamy) April 17, 2022 చదవండి: షారుక్‌, అజయ్‌లతో అక్షయ్‌ యాడ్‌, ఫైర్‌ అవుతున్న ఫ్యాన్స్‌

‘‘నేను సంగీత ప్రేమికుణ్ణి.. అదే నన్ను ముందుకు నడిపిస్తోంది. సంగీతానికి ఎప్పుడూ స్వర్ణయుగమే. అందుకే వందేళ్ల క్రితం పాటలను ఇప్పటికీ గుర్తుపెట్టుకుంటున్నాం. మైఖేల్‌ జాక్సన్, ఎం.ఎస్‌. విశ్వనాథన్, ఇళయరాజా.. వంటి వారు సంగీతం చేసినప్పుడు సోషల్‌ మీడియా లేదు. అయినప్పటికీ సంగీతం తీరాలు దాటి వెళ్లింది.. వెళుతూనే ఉంటుంది’’ అని సంగీత దర్శకుడు దేవిశ్రీ ప్రసాద్‌ అన్నారు. శర్వానంద్, రష్మికా మందన్న జంటగా కిశోర్‌ తిరుమల దర్శకత్వంలో తెరకెక్కిన చిత్రం ‘ఆడవాళ్ళు మీకు జోహార్లు’. సుధాకర్‌ చెరుకూరి నిర్మించిన ఈ సినిమా మార్చి 4న విడుదలవుతోంది. ఈ సందర్భంగా చిత్ర సంగీతదర్శకుడు దేవిశ్రీ ప్రసాద్‌ విలేకరులతో చెప్పిన విశేషాలు. కిశోర్‌ తిరుమలగారు క్రియేటివ్‌ పర్సన్‌. ఆయన సినిమా కథలన్నీ పాటల ప్రాధాన్యంగా సాగుతాయి. ఎక్కడ పాట రావాలనేది కథ చెప్పేటప్పుడే స్పష్టంగా వివరిస్తారు. కిశోర్‌గారి సినిమాల్లో ఎమోషన్‌తో పాటు ఎంటర్‌టైన్‌మెంట్‌ కూడా ఉంటుంది. కథ చెప్పగానే నాకు ఐడియా వచ్చేస్తుంది.. అందుకే ఆయనతో కలిసి సినిమా చేయడం చాలా సౌకర్యంగా ఉంటుంది. ‘ఆడవాళ్ళు మీకు జోహార్లు’ కిశోర్‌ కెరీర్లో బెస్ట్‌ మూవీ అవుతుంది. ఈ సినిమాలోని ‘మాంగళ్యం తంతునానేనా..’ పాట సందర్భాన్ని ఫోన్లో విని, వెంటనే ట్యూన్‌ కట్టేశాను. ∙‘ఆడవాళ్ళు మీకు జోహార్లు’లో కుటుంబ భావోద్వేగాలున్నా కూడా ప్రేమకథ, వినోదం ఉంటాయి. ఈ సినిమా కథలో అంత స్పాన్‌ ఉంది కాబట్టే సంగీతం బాగా కుదిరింది. ఇందులో నాలుగు పాటలే కాకుండా మరో సర్ర్‌పైజ్‌ సాంగ్‌ కూడా ఉంది. ‘శంకర్‌దాదా ఎంబీబీఎస్‌’ సినిమా అప్పటినుంచి శర్వానంద్‌ తెలుసు. మేమిద్దరం ఓ సినిమా చేయాలనుకునేవాళ్లం.. అది కిశోర్‌గారి వల్లే కుదిరింది. ‘ఆడవాళ్ళు మీకు జోహార్లు’లో శర్వానంద్‌ బెస్ట్‌ పెర్‌ఫార్మెన్స్‌ ఇచ్చాడు. రష్మికకు ‘పుష్ప’ తర్వాత ‘ఆడవాళ్ళు మీకు జోహార్లు’ రావడం ప్లస్‌ అవుతుంది. ఖుష్బూ, రాధిక, ఊర్వశిగార్లు ఈ సినిమాకు హైలైట్‌. ∙నేను జోహార్లు చెప్పాల్సి వస్తే మొదట మా అమ్మకే చెబుతాను. ఇప్పటికీ మా ఫ్యామిలీలో అంతా సంతోషంగా ఉండటానికి కారణం మా అమ్మే. మా నాన్నకి 32 ఏళ్లప్పుడు  గుండెపోటు వస్తే, మా అమ్మ చిన్నపిల్లాడిలా చూసుకున్నారు. ‘మా ఆవిడకు ముగ్గురు పిల్లలు కాదు.. నాతో కలిపి నలుగురు పిల్లలు’ అని మా అమ్మ గురించి నాన్న చెబుతుండేవారు.   సినిమా సినిమాకి తప్పకుండా వేరియేషన్‌ చూపించాలి. ‘పుష్ప’ రగ్డ్‌ సినిమా. ‘ఆడవాళ్ళు మీకు..’ కూల్‌ మూవీ. ఈ సినిమా టైటిల్‌ సాంగ్‌ని దర్శకులు సుకుమార్‌గారు, అనిల్‌ రావిపూడి, బాబీ ఇలా చాలామంది మెచ్చుకున్నారు. ∙ప్రస్తుతం ‘ఎఫ్‌ 3’ చేస్తున్నాను. చిరంజీవిగారు హీరోగా బాబీ దర్శకత్వంలో చేస్తున్న సినిమాకు మూడు పాటలు చేశా. వైష్ణవ్‌ తేజ్‌తో ‘రంగరంగ వైభవంగా’, హరీష్‌ శంకర్‌–పవన్‌ కళ్యాణ్‌గారి సినిమాతో పాటు ఓ హిందీ సినిమా చేస్తున్నాను. ఈ నెల 28న మా గురువు మాండొలిన్‌ శ్రీనివాస్‌గారి జయంతి సందర్భంగా కొత్త ప్రోగ్రామ్‌ చేస్తున్నాను.

‘‘ఏ సినిమాని కూడా నేను నటునిగా చూడను.. ఒక ప్రేక్షకునిగా చూస్తాను. నేను కూడా మీలో(ఆడియన్స్‌) ఒక్కణ్ణే. ఓ ప్రేక్షకునిగా నాకు ‘ఖిలాడీ’ నచ్చింది కాబట్టి మీకూ నచ్చుతుందని నమ్ముతున్నాను’’ అని హీరో రవితేజ అన్నారు. రవితేజ హీరోగా, మీనాక్షి చౌదరి, డింపుల్‌ హయతి హీరోయిన్లుగా నటించిన చిత్రం ‘ఖిలాడీ’. రమేష్‌ వర్మ దర్శకత్వం వహించారు. కోనేరు సత్యనారాయణ నిర్మించిన ఈ సినిమా ఈ నెల 11న విడుదలవుతోంది. ఈ సందర్భంగా హైదరాబాద్‌లో జరిగిన ప్రీ రిలీజ్‌ వేడుకలో రవితేజ మాట్లాడుతూ– ‘‘నేను జాతకాన్ని, అదృష్టాన్ని పెద్దగా నమ్మను. వందశాతం కష్టాన్నే నమ్ముతాను. అయితే ఒకటి లేదా రెండు శాతం నాకు లక్‌ ఉండి ఉంటుంది.. ఆ మాత్రం లక్‌ కూడా లేకపోతే ఇక్కడి వరకు రాలేను. రమేష్‌ వర్మకి జాతకం, అదృష్టం శాతాలను పెంచాలనిపిస్తోంది. ఆ జాతకానికి, అదృష్టానికి ఓ పేరు ఉంటే కోనేరు సత్యానారాయణగారు. దేవిశ్రీ ప్రసాద్‌ అద్భుతమైన సంగీతం ఇచ్చారు. మీనాక్షి, డింపుల్‌ హయతి భవిష్యత్‌లో స్టార్‌ హీరోయిన్స్‌ అవుతారనే నమ్మకం ఉంది. నేను ‘ఖిలాడీ’ ఒప్పుకోవడానికి ఒక కారణం రచయిత శ్రీకాంత్‌ విస్సా, మరోకారణం సత్యనారాయణగారు. ఈ సినిమాలో నేను బాగున్నాను అంటే ఆ క్రెడిట్‌ జీకే విష్ణుగారికి వెళ్తుంది’’ అన్నారు. కోనేరు సత్యనారాయణ మాట్లాడుతూ– ‘‘ ఖిలాడీ’ ఈ నెల 18న విడుదల చేద్దామనుకున్నాం. కానీ 11న రిలీజ్‌ చేద్దామని ఐదు రోజుల క్రితం నిర్ణయం తీసుకున్నాం. ప్రీ రిలీజ్‌ వేడుకకి చిరంజీవి, బాలకృష్ణగార్లను ఆహ్వానించాం.. వారు బిజీగా ఉండటం వల్ల రాలేకపోయారు. ‘ఖిలాడీ’తో రవితేజ వందశాతం పాన్‌ఇండియా హీరో అయిపోయారు. ఈ మూవీ చూస్తే రాజమౌళిగారి సినిమాలా అనిపించింది. రమేశ్‌ వర్మతో ఈ చిత్రం చేసినందుకు గర్వపడుతున్నా’’ అన్నారు. డైరెక్టర్‌ రమేష్‌ వర్మ మాట్లాడుతూ – ‘‘కథ చెప్పిన 15 నిమిషాలకే సినిమా చేద్దామని చెప్పిన రవితేజకు థ్యాంక్స్‌. అరగంటలో అన్ని సాంగ్స్‌ ఇచ్చేశాడు దేవిశ్రీ ప్రసాద్‌. డింపుల్, మీనాక్షిలకు సమానమైన క్యారెక్టర్స్‌ ఉంటాయి. నాకు అవకాశం ఇచ్చిన సత్యనారాయణగారికి థ్యాంక్స్‌’’ అన్నారు. ‘‘చిన్నగ్యాప్‌ తర్వాత రవితేజగారితో వర్క్‌ చేశాను.‘ఖిలాడి’ లో కొన్ని సీన్స్‌ చూసినప్పుడు ఇంగ్లీష్‌ సినిమా చూసిన ఫీలింగ్‌ కలిగింది’’ అన్నారు దేవిశ్రీ ప్రసాద్‌. ఈ వేడుకలో నిర్మాత దాసరి కిరణ్‌ కుమార్, డైరెక్టర్స్‌ బాబీ, నక్కిన త్రినాథరావు, ఫైట్‌ మాస్టర్స్‌ రామ్‌–లక్ష్మణ్, నటి అనసూయ పాల్గొన్నారు. (ఫొటో గ్యాలరీ కోసం ఇక్కడ క్లిక్ చేయండి)

మాస్​ మహారాజ రవితేజ వరుస సినిమాలతో ఫుల్​ బిజీగా ఉన్న సంగతి తెలిసిందే. జనవరి 26న రవితేజ పుట్టినరోజు సందర్భంగా వరుస సినిమా అప్​డేట్​లతో అభిమానులకు పెద్ద పండుగ విందు ఇచ్చాడు. ఇప్పటికే 'రామారావు ఆన్​ డ్యూటీ' పోస్టర్​ విడుదల కాగా తాజాగా ఖిలాడి సినిమాలోని నాలుగోపాట ఫుల్​ కిక్​ను విడుదల చేశారు మేకర్స్​. ఈ గీతాన్ని సాగర్​, మమత శర్మ ఆలపించగా శ్రీమణి సాహిత్యం అందించారు. అలాగే దేవిశ్రీ ప్రసాద్​ సంగీతమందించిన ఈ మాస్​ బీట్​కు శేఖర్ మాస్టర్​ కొరియోగ్రఫీ అలరిస్తున్నాయి. పాట ప్రారంభంలో రవితేజ చెప్పే డైలాగులు ఆకట్టుకుంటున్నాయి. ఇక ఖిలాడి సినిమా విషయానికొస్తే ఈ సినిమాను 'రాక్షసుడు' ఫేమ్​ రమేశ్​ వర్మ డైరెక్ట్ చేస్తున్నారు. సత్యనారాయణ కోనేరు నిర్మాతగా వ్యవహరించగా మీనాక్షి చౌదరి, డింపుల్​ హయాతిలు రవితేజ సరసన అలరించనున్నారు. అలాగే అర్జున్​, అనసూయ కీలక పాత్రలు పోషించగా, ఈ సినిమా ఫిబ్రవరి 11న విడుదలకు సిద్ధంగా ఉంది. 

రాక్‌స్టార్‌ దేవిశ్రీ ప్రసాద్‌ సంగీతం గురించి టాలీవుడ్‌ ప్రేక్షకులకు కొత్తగా చెప్పాల్సిన పనిలేదు. ఎన్నో సినిమాలకు ఆయన సూపర్‌ డూపర్‌ ఆల్బమ్స్‌ అందించారు.  మెలోడీ అయినా.. ఐటమ్‌ సాంగ్‌ అయినా.. దేవిశ్రీ తర్వాతే ఇంకెవరైనా. ఆయన నుంచి ఒక పాట విడుదలైదంటే.. యూట్యూబ్‌లో రికార్డు క్రియేట్‌ చేయాల్సిందే. అంతలా తన మ్యూజిక్‌తో మెస్మరైజ్‌ చేస్తాడు డీఎస్సీ. కేవలం ఆయన అందించిన సంగీతంతోనే సూపర్‌ హిట్‌ అయినా సినిమాలు చాలా ఉన్నాయి. అందుకే ఆయనకు టాలీవుడ్‌లో చాలా డిమాండ్‌ ఉంది. ఇటీవల అల్లు అర్జున్‌ పాన్‌ ఇండియా మూవీ ‘పుష్ప’కు కూడా అదిరిపోయే సంగీతాన్ని అందించి అందరిని ఆకట్టుకున్న దేవిశ్రీ.. తాజాగా  మరో క్రేజీ ప్రాజెక్ట్‌కి మ్యూజిక్‌ డైరెక్టర్‌గా వ్యవరించబోతున్నాడు. గబ్బర్‌ సింగ్‌ తర్వాత పవర్‌స్టార్‌ పవన్‌ కల్యాణ్‌, హరీష్‌ శంకర్‌ కాంబినేషన్‌లో తెరకెక్కుతున్న చిత్రం భవదీయుడు భగత్ సింగ్. ఈ మూవీకి దేవిశ్రీ సంగీతం అందిస్తున్నాడు.దీని కోసం దేవి భారీ రెమ్యునరేషన్‌ తీసుకుంటున్నట్లు ఇండస్ట్రీలో గుసగుసలు వినిపిస్తున్నాయి. ఈ సినిమా కోసం రాక్‌స్టార్‌ ఏకంగా రూ. 5 కోట‍్లు రెమ్యునరేషన్‌గా తీసుకుంటున్నట్లు సమాచారం. ఇదే గనుక నిజమైతే ఇప్పటి వరకు ఆయన తీసుకున్న అత్యధిక రెమ్యూనరేషన్ ఇదేగా రికార్డు లో నిలుస్తుంది. సాధారణంగా దేవిశ్రీ ఒక్కో సినిమాకు  రూ.3కోట్లు తీసుకుంటారని సమాచారం. పవన్, దేవిశ్రీ లది బ్లాక్ బస్టర్ కాంబినేషన్. వీరి కాంబోలో జల్సా, గబ్బర్ సింగ్, అత్తారింటికి దారేది లాంటి సూపర్ హిట్ మూవీస్ వచ్చాయి. అందుకే భవదీయుడు భగత్ సింగ్‌పై భారీ అంచనాలు ఉన్నాయి. అందుకు తగ్గట్టే డీఎస్పీ అద్భుతమైన సాంగ్స్‌ని కంపోజ్‌ చేసే పనిలో ఉన్నాడట. ఇప్పటికే రెండు పాటలను కంప్లీట్‌ చేసినట్లు  ఇటీవల ఓ ఇంటర్వ్యూలో తెలిపాడు దేవీశ్రీ. ఈ మూవీ షూటింగ్‌ త్వరలోనే ప్రారంభం కానుంది.

పుష్ప సినిమా విడుద‌లై నెల రోజులు కావ‌స్తున్నా దాని క్రేజ్ మాత్రం ఇంచు కూడా త‌గ్గ‌లేదు. ఇప్ప‌టికీ పుష్ప డైలాగులు, పాట‌లు మార్మోగుతూనే ఉన్నాయి. బాక్సాఫీస్‌ను ద‌డ‌ద‌డ‌లాడించిన ఈ మూవీ ఓటీటీ ప్లాట్‌ఫామ్ అమెజాన్ ప్రైమ్‌లో కూడా ర‌ఫ్ఫాడిస్తోంది. తాజాగా పుష్ప చిత్రాన్ని లోక‌నాయకుడు క‌మ‌ల్ హాస‌న్ వీక్షించాడు. మ్యూజిక్ డైరెక్ట‌ర్ దేవిశ్రీప్ర‌సాద్‌తో క‌లిసి చూశారు. ఈ విష‌యాన్ని రాక్‌స్టార్ ట్విట‌ర్‌లో అభిమానుల‌తో పంచుకున్నాడు. 'ప్రియ‌మైన క‌మ‌ల్ హాస‌న్ స‌ర్‌, మీరు స‌మ‌యం తీసుకుని పుష్ప సినిమాను వీక్షించినందుకు ధ‌న్య‌వాదాలు. మా ప‌నితీరుపై ప్ర‌శంస‌లు కురిపించిన మీకు కృత‌జ్ఞ‌త‌లు' అని చెప్తూ క‌మ‌ల్‌తో దిగిన ఫొటోను షేర్ చేశాడు. ప్ర‌స్తుతం ఈ ఫొటో వైర‌ల్‌గా మారింది. ఇది చూసిన అల్లు అర్జున్ త‌మ‌ సినిమా చూసిన క‌మ‌ల్‌కు ధ‌న్యవాదాలు తెలిపాడు. పుష్ప: ద రైజ్‌ను తెరకెక్కించిన సుకుమార్ రెండో భాగాన్ని ప్రారంభించేందుకు రెడీ అవుతున్నాడు. వ‌చ్చే నెల‌లో ఈ సినిమా షూటింగ్ మొద‌ల‌వుతుండ‌గా డిసెంబ‌ర్‌క‌ల్లా రిలీజ్ చేయాల‌ని భావిస్తున్నారు. Thank you for watching #Pushpa @ikamalhaasan garu . Humbled 🙏🏼 — Allu Arjun (@alluarjun) January 15, 2022

Pawan Kalyan Bhavadeeyudu Bhagat Singh Movie Crazy Update: పవన్‌ కల్యాణ్‌ అభిమానులు ఎంతగానో ఎదురుచూస్తున‍్న భీమ్లా నాయక్‌ మూవీ వాయిదా పడింది. జనవరి 12న విడుదల కావాల్సిన ఈ సినిమా ఫిబ్రవరి 25కి పోస్ట్‌పోన్‌ అయిన సంగతి తెలిసిందే. దీంతో పవన్‌ ఫ్యాన్స్‌ తీవ్ర నిరాశకు గురయ్యారు. అయితే నిరాశలో ఉన్న పవన్‌ అభిమానులను ఉత్తేజపరిచేందుకు మ్యూజిక్‌ డైరెక్టర్‌ దేవిశ్రీ ప్రసాద్‌ గుడ్‌ న్యూస్‌ చెప్పినట్లు సమాచారం. పవన్‌ హీరోగా హరీశ్‌ శంకర్‌ డైరెక్షన్‌లో తెరకెక్కుతున్న చిత్రం 'భవదీయుడు భగత్‌ సింగ్‌'. ఈ సినిమాలో ఇప్పటికే రెండు పాటలు కంపోజ్‌ చేశానని దేవీశ్రీ తెలిపాడట. సినిమాలోని ఈ సాంగ్స్‌ ఎనర్జిటిక్‌, మెలోడియస్‌గా ఉన్నట్లు తెలుస్తోంది. షూటింగ్‌ త్వరలోనే ప్రారంభం కానుందని సమాచారం.   టాలీవుడ్‌లో సూపర్‌ హిట్ కొట్టిన పవన్‌ కల్యాణ్‌ సినిమా గబ్బర్‌ సింగ్‌. ఈ చిత్రం తర్వాత మళ్లీ హరీశ్ శంకర్‌తో పవర్‌ స్టార్‌ కాంబో  రిపీట్‌ కానుంది. దీంతో ప్రేక్షకుల్లో, అభిమానుల్లో భారీ అంచనాలు నెలకొన్నాయి. పవన్ కల్యాణ్‌ 28వ చిత్రంగా వస్తోన్న 'భవదీయుడు భగత్‌  సింగ్‌' సినిమాకు ఇది కేవలం వినోదం మాత్రమే కాదు అంటూ ఇచ్చిన క్యాప్షన్‌ ఆసక్తిరేకెత్తిస్తోంది. ఇటీవల ఈ సినిమాకు సంబంధించిన ఫస్ట్‌ లుక్‌ను విడుదల చేశారు.  ఇదీ చదవండి: మారిపోయిన రష్మిక పేరు.. మందన్నా కాదట

Dakko Dakko Meka Full Video Song From Pushpa  Released: అల్లు అర్జున్‌- సుకుమార్‌ కాంబినేషన్‌లో తెరకెక్కిన 'పుష్ప' సినిమా బాక్సాఫీస్‌ వద్ద అదిరిపోయే కలెక్షన్లతో దూసుకుపోతుంది. మైత్రీ మూవీ మేకర్స్‌ నిర్మించిన ఈ సినిమా అన్ని భాషల్లో మంచి లాభాలను తెచ్చిపెడుతుంది. సినిమా రిలీజ్‌కు ముందే ఈ సినిమా పాటలు సూపర్‌ హిట్టైన సంగతి తెలిసిందే. తాజాగా పుష్ప చిత్రంలోని తొలి సాంగ్‌ 'దాక్కో దాక్కో మేక' ఫుల్ వీడియోను చిత్రబృందం గురువారం విడుదల చేసింది. ఒకేసారి తెలుగుతో పాటు తమిళ, కన్నడ, మలయాళ, హిందీ భాషల్లోనూ ఫుల్‌సాంగ్‌ను రిలీజ్‌ చేశారు. ఇక ఈ చిత్రంలోని అన్ని పాటలను చంద్రబోస్‌ రాయడం విశేషం. ఎర్రచందనం అక్రమ రవాణా నేపథ్యంలో తెరకెక్కిన ఈ సినిమాలో రష్మిక హీరోయిన్‌గా నటించింది.   #DaakkoDaakkoMeka #OduOduAadu #OduOduAade #JokkeJokkeMeke Full video song out now 🔥🔥 ▶️ https://t.co/js1UAKhvj1#PushpaTheRise@alluarjun @iamRashmika @aryasukku @ThisIsDSP @adityamusic @MythriOfficial pic.twitter.com/7KTSyZlCr0 — Pushpa (@PushpaMovie) December 30, 2021

Pushpa Movie Cast Remuneration: పాన్‌ ఇండియా చిత్రం పుష్ప విడుదలైన తొలి రోజు(డిసెంబర్‌ 17) నుంచే వసూళ్ల ఊచకోత మొదలుపెట్టింది. అల్లు అర్జున్‌, రష్మిక మందన్నా జంటగా నటించిన ఈ సినిమా తొలి రోజు రూ.71 కోట్లు రాబట్టగా రెండో రోజు రూ.45 కోట్ల గ్రాస్‌ వసూలు చేసింది. రెండురోజుల్లోనే ప్రపంచవ్యాప్తంగా రూ.116 కోట్ల గ్రాస్‌ సాధించింది. ఈ రోజు సండే కావడంతో ఈ కలెక్షన్లు ఇంకా పుంజుకునే అవకాశం ఉంది. ఈ రేంజ్‌లో వసూళ్ల వర్షం కురిపిస్తున్న పుష్ప సినిమాకు నటీనటులు, దర్శకుడు సుకుమార్‌ ఎంత రెమ్యునరేషన్‌ తీసుకున్నారనే విషయం ప్రస్తుతం హాట్‌ టాపిక్‌గా మారింది. ఫిల్మీదునియాలో వినిపిస్తున్న సమాచారం ప్రకారం.. పుష్ప చిత్రం కోసం అల్లు అర్జున్‌ ఏకంగా రూ.50 కోట్ల పారితోషికం అందుకున్నాడట. హీరోయిన్‌ నేషనల్‌ క్రష్‌ రష్మిక మందన్నా రూ.8 నుంచి రూ.10 కోట్ల మేర డబ్బులు తీసుకుందట. విలన్‌గా నటించిన మలయాళ నటుడు ఫహద్‌ ఫాజిల్‌ రూ.3.5 కోట్ల రూపాయలు వసూలు చేశాడంటున్నారు. దర్శకుడు సుకుమార్‌ పాతిక కోట్లు, సంగీత దర్శకుడు దేవిశ్రీప్రసాద్‌ రూ.3.5 కోట్లు, ఐటం సాంగ్‌లో చిందేసిన సమంత రూ.1.5 కోట్లు తీసుకున్నారని భోగట్టా. నెగెటివ్‌ పాత్రను పోషించిన యాంకర్‌ అనసూయ భరద్వాజ్‌ ఒకరోజు షూటింగ్‌కు రూ.1.5-2 లక్షల వరకు అందుకున్నట్లు తెలుస్తోంది.

Bigg Boss 5 Telugu Grand Finale Guests: నెవర్‌ బిఫోర్‌ అన్న రీతిలో గ్రాండ్‌ ఫినాలేను ప్లాన్‌ చేస్తున్నారు బిగ్‌బాస్‌ నిర్వాహకులు. ఇప్పటివరకు టాలీవుడ్‌ హీరోహీరోయిన్లను ముఖ్య అతిథులుగా తీసుకువచ్చిన బిగ్‌బాస్‌ టీం ఈసారి మాత్రం బాలీవుడ్‌ స్టార్ల మీద ఫోకస్‌ పెట్టింది. ఇప్పటికే బాలీవుడ్‌ జంట రణ్‌వీర్‌ సింగ్‌, దీపికా పదుకునే స్పెషల్‌ గెస్టులుగా రానున్నారని ప్రచారం జరిగింది. అలాగే ఆర్‌ఆర్‌ఆర్‌ టీమ్‌ నుంచి రాజమౌళి, రామ్‌చరణ్‌, అలియా భట్‌ కూడా వస్తున్నారట! వీళ్లతో పాటు టాలీవుడ్‌ నుంచి మరో స్టార్‌ కూడా వస్తున్నట్లు తెలుస్తోంది. బిగ్‌బాస్‌ తెలుగు రెండో సీజన్‌కు వ్యాఖ్యాతగా వ్యవహరించిన నేచురల్‌ స్టార్‌ నాని మరోసారి బిగ్‌బాస్‌ స్టేజీపై సందడి చేయనున్నాడట! ఆయనతో పాటు హీరోయిన్‌ సాయిపల్లవి, రాక్‌ స్టార్‌ దేవిశ్రీప్రసాద్‌ శ్యామ్‌ సింగ రాయ్‌ ప్రమోషన్స్‌ కోసం గ్రాండ్‌ ఫినాలేకు విచ్చేయనున్నట్లు సమాచారం. వీళ్లతోపాటు డైరెక్టర్‌ సుకుమార్‌, నటుడు జగపతిబాబు, రష్మిక మందన్నా ఇలా ఇంకెందరో షోలో హాజరు కానున్నట్లు తెలుస్తోంది.. ఏదేమైనా రెండు సీజన్ల తర్వాత నాని మరోసారి బిగ్‌బాస్‌ స్టేజీపైకి రానుండటంతో అతడి ఫ్యాన్స్‌ తెగ సంబరపడుతున్నారు. మరి ఈ స్టార్ల సందడి చూడాలంటే రేపటి వరకు ఆగాల్సిందే!

Raja Singh Warning To Music Director Devi Sri Prasad Over His Comments: 'పుష్ప' సినిమా ఐటెం సాంగ్‌పై వివాదం ఇంకా ముదరుతూనే ఉంది. ఇటీవలె ఈ సాంగ్‌పై వస్తున్న విమర్శలపై దేవీశ్రీ ప్రసాద్‌ చేసిన కామెంట్స్‌ వివాదాస్పదంగా మారాయి. పుష్ప ప్రమోషన్స్‌లో భాగంగా ఐటెం సాంగ్స్‌ను భక్తి గీతాలతో పోలుస్తూ దేవీశ్రీ ప్రసాద్‌ చేసిన వ్యాఖ్యలపై హిందూ సంఘాలు ఆగ్రహం వ్యక్తం చేస్తున్నాయి. ఈ నేపథ్యంలో బీజేపీ ఎమ్మెల్యే రాజాసింగ్‌ స్పందించారు. దేవీశ్రీ ప్రసాద్‌ చేసిన వ్యాఖ్యలతో హిందువుల మనోభావాలు దెబ్బతిన్నాయని ఆయన ఆరోపించారు. వెంటనే దేవీశ్రీ ప్రసాద్‌ హిందువులకు క్షమాపణలు చెప్పాలని, లేకపోతే ఆయన్ను బయట తిరగనివ్వమని వార్నింగ్‌ ఇచ్చారు. ఐటెం సాంగ్‌లోని కొన్ని లిరిక్స్‌ని దేవుడి శ్లోకాలతో పోల్చాడాన్ని ఖండిస్తున్నామని పేర్కొన్నారు. ప్రస్తుతం రాజాసింగ్‌ చేసిన ఈ కామెంట్స్‌ నెట్టింట చక్కర్లు కొడుతున్నాయి. కాగా పుష్ప ప్రమోషన్స్‌లో పాల్గొన్న డీఎస్పీ.. తన దృష్టిలో భక్తి గీతాలు, ఐటెం సాంగ్స్ ఒక్కటేనని మాట్లాడిన సంగతి తెలిసిందే. అంతేకాకుండా  'రింగ రింగా', 'ఊ అంటావా మావా' పాటలను సైతం భక్తి గీతాలుగా మార్చి పాడటంపై విమర్శలు వెల్లువెత్తుతున్నాయి. 

Devi Sri Prasad Strong Counter To Trolls Over Pushpa Movie Special Song: టాలీవుడ్‌ స్టార్‌ హీరోయిన్‌ సమంత స్పెషల్‌ సాంగ్‌పై వస్తున్న వివాదాలపై రాక్‌స్టార్‌ దేవిశ్రీ ప్రసాద్‌ స్పందించాడు. ఇటీవల జరిగిన ‘పుష్ప’ ఈవెంట్‌లో దేవిశ్రీ మాట్లాడుతూ.. ఐటెం సాంగ్స్ అన్ని తనకు డివోషనల్ సాంగ్సే అంటూ షాకింగ్‌ కామెంట్స్‌ చేశాడు. ‘నాకు అన్నీ ఒకటే. నేను కేవలం మ్యూజిక్ గురించి మాత్రమే ఆలోచిస్తాను. ఐటెం సాంగ్ మీకు మాత్రమే నాకు కాదు. ఐటెం సాంగ్స్ అన్ని నాకు డివోషనల్ సాంగ్సే’ అని అన్నాడు. చదవండి: సమంత స్పెషల్‌ సాంగ్‌ను చుట్టుముడుతున్న వివాదాలు, తమిళంలోనూ వ్యతిరేకత ఉదాహరణకు పాడి చూపిస్తాను అంటూ తాను కంపోజ్ చేసిన రెండు ఐటెం సాంగ్స్‌కు డివోషనల్ లిరిక్స్‌తో ట్యూన్‌ కట్టి పాడి వినిపించాడు కూడా. ఆర్య 2లోని ‘రింగ రింగ..’ సాంగ్‌కు ‘నాకు ఉన్న కోరికలన్నీ.. నువ్వే తీర్చాలి స్వామి.. స్వామీ.. స్వామీ..’ అంటూ అదే ట్యాన్‌తో జతకలిపాడు. ఇక ‘ఊ అంటావా.. ఊ ఊ అంటావా..’ సాంగ్‌కు కూడా ‘స్వామీ.. నేను కొండ ఎక్కాను, పూలు పళ్ళు అర్పించాను.. ప్రసాదం తినేసి.. నా కష్టాలు తీర్చు స్వామి.. ఊ అంటావా స్వామి.. ఊ ఊ అంటావా స్వామి..’ అని పాడి వినిపించాడు. చదవండి: ‘పుష్ప’ థియేటర్‌ ఎదుట ఫ్యాన్స్‌ ఆందోళన, రాళ్లతో దాడి అలాగే ఇటీవల విడుదలైన పుష్ప స్పెషల్‌ సాంగ్‌ను ప్రముఖ డివోషనల్ సింగర్ శోభారాజ్ గారు ‘ఊ అంటావా.. ఊ ఊ అంటావా’ అంటూ డివోషనల్‌కి మార్చి పాడుకున్నారంటూ డీఎస్పి వివరణ ఇచ్చాడు. దీనిపై దేవిశ్రీ కామెంట్‌ చేసిన అనంతరం సింగర్‌ శోభరాజ్‌ ఈ పాటను ‘ఊ అంటావా మాధవ.. ఊ ఊ అంటావా మాధవ..’ అని కృష్ణుడి కోసం పాడిన వీడియో ప్రస్తుతం నెట్టింట వైరల్‌గా మారింది. దీని గురించే దేవిశ్రీ మాట్లాడుతూ పాటని మనం ఎలా తీసుకుంటే అలాగే ఉంటుందంటూ విమర్శకులకు స్ట్రాంగ్‌ కౌంటర్‌ ఇచ్చాడు.  

'పుష్ప' సినిమాలో సమంత స్పెషల్‌సాంగ్‌ ఎంత పెద్ద హిట్‌ అయ్యిందో అదే స్థాయిలో వివాదాలు చుట్టుముడుతున్నాయి. సమంత తొలిసారిగా చేసిన ఐటెం సాంగ్‌‘ఊ అంటావా మావా.. ఊఊ అంటావా మావా.. పాట లిరిక్స్‌పై తీవ్ర అభ్యంతరాలు వ్యక్తమవుతున్నాయి. ఇప్పటికే ఈ పాటను బ్యాన్‌ చేయాలంటూ ఆంధ్రప్రదేశ్‌ పురుషుల సంఘం కోర్టును ఆశ్రయించిన సంగతి తెలిసిందే. ఇటీవలె తమిళనాడులోని పురుషుల సంఘం సైతం ఏపీలోని చిత్తూరు కోర్టును ఆశ్రయించినట్లు తెలుస్తోంది. తాజాగా పుష్ప ప్రమోషన్లలో పాల్గొన్న అల్లు అర్జున్‌ ఈ కాంట్రవర్సరీపై స్పందించారు. ‘మీ మగబుద్ధే వంకరబుద్ధి..'  అంటూ పాట లిరిక్స్‌పై వస్తున్న వివాదాలపై మీ స్పందన ఏంటి అని ఓ రిపోర్టర్‌ బన్నీని ప్రశ్నించగా... 'లిరిక్స్‌లో తప్పు లేదు, ఇదే నిజం' అంటూ షాకింగ్‌ కౌంటర్‌ ఇచ్చాడు. ప్రస్తుతం దీనికి సంబంధించిన వీడియో నెట్టింట చక్కర్లు కొడుతుంది.  "ஊ சொல்றியா மாமே!" பாடலில் வருவது உண்மை தானே...! அல்லு அர்ஜூன் பதில்..#AlluArjun #Pushpa pic.twitter.com/1TLqtscOe7 — Shruti TV (@shrutitv) December 14, 2021

Pushpa Movie Item Song: పుష్ప సినిమా నుంచి రిలీజైన 'ఊ అంటావా మావా.. ఊఊ అంటావా మావా..' పాట నిన్నటి నుంచి తెగ ట్రెండ్‌ అవుతోంది. పాట ఇలా రిలీజైందో లేదో నెటిజన్లు ఈ పాటను తెగ వాడేస్తూ రకరకాల ఎడిటింగ్‌లు చేస్తున్నారు. మరీ ముఖ్యంగా ఈ సాంగ్‌ను ప్రముఖ కమెడియన్‌ బ్రహ్మానందానికి అన్వయిస్తూ ఎడిట్‌ చేసిన ఓ వీడియో ప్రస్తుతం వైరల్‌గా మారింది. దీన్ని రాక్‌స్టార్‌ దేవిశ్రీప్రసాద్‌ రీట్వీట్‌ చేశాడు. హిలేరియస్‌, సూపర్‌గా ఎడిట్‌ చేశారంటూ పొగడ్తల వర్షం కురిపించాడు. అంతేకాదు బ్రహ్మానందాన్ని కాపీ కొడుతోందంటూ కొన్ని మీమ్స్‌ కూడా వైరల్‌ అవుతున్నాయి. 😂🤣😂🤣😂. This is Hilarious !!! Superrr Edit !! 😀😀😀👌🏻👌🏻👌🏻 https://t.co/Ii9AVEEamC — DEVI SRI PRASAD (@ThisIsDSP) December 11, 2021 View this post on Instagram A post shared by Unprofessional Trollers (@unprofessional_trollers) బ్రహ్మీనే కాదు ప్రభాస్‌ను కూడా వాడేస్తూ ఎడిటింగ్‌ చేసిన వీడియోలు నెట్టింట చక్కర్లు కొడుతున్నాయి. కాగా ఐకాన్‌ స్టార్‌ అల్లుఅర్జున్‌- సుకుమార్‌ కాంబినేషన్‌లో వస్తున్న చిత్రం పుష్ప. రష్మిక మందన్నా హీరోయిన్‌గా నటిస్తోంది. ఊ అంటావా మావా అనే ఐటం సాంగ్‌లో సమంత సందడి చేయనుంది. ఇక ఈ చిత్రం ఈ నెల 17న విడుదల కానుంది. Thq Anna Big Fan Check This Out Too 😍https://t.co/Box3YkmMEy — DHK ™ (@Devineni_Hari) December 11, 2021

Pushpa Movie Making Video Released And Goes Viral: ఫేవరెట్‌ హీరో సినిమాను ఫస్ట్‌ డే, ఫస్ట్‌ షో చూస్తే ఎంత కిక్కు వస్తుంది. అది చూసి హీరో ఎలివేషన్, యాక్టింగ్‌, యాక్షన్‌ సీన్స్‌, రొమాన్స్‌ అందరికంటే ముందు చెప్తే ఆ హాయి మాములుగా ఉండదు. అలాగే సినీ ప్రియులకు సినిమా మేకింగ్‌ చూసినా అంతకు డబుల్‌ కిక్‌ వస్తుంది. అందుకే సినిమా అయిపోయాక టైటిల్‌ క్రెడిట్స్‌ పడేటప్పుడు సినిమా మేకింగ్‌ వీడియో చూపిస్తే 'అబ్బా సాయిరాం' అనిపిస్తుంటుంది. అలాగే సినిమా మేకింగ్‌ వీడియోస్‌ లీకైనా, మేకర్సే రిలీజ్‌ చేసిన చూసి తరిస్తాం. ఇది అర్థం చేసుకున్నారో ఏమో గానీ 'పుష్ప' చిత్ర బృందం ఆ సినిమా చిత్రీకరణ వీడియో ఒకటి సోషల్ మీడియాలో పంచుకుంది.  ఈ వీడియోలో 'మనం ఈ లొకేషన్‌ నుంచి ఖాళీ చేసి వెళ్లేలోపు ఇక్కడున్న ప్లాస్టిక్‌ సామాను, చెత్త చెదారం అంతా క్లీన్‌ చేసి నీట్‌గా ఉంచాలి' అని అల్లు అర్జున్‌ చిత్ర బృందానికి చెప్పడం కనిపిస్తుంది. తర్వాత సినిమాను చిత్రీకరించే వివిధ లొకేషన్స్‌లో టీమ్‌ పడిన కష్టాన్ని వీడియోలో చూపించారు. మొబైల్‌తో చిత్రీకరించిన ఈ మేకింగ్‌ వీడియో ప్రస్తుతం సోషల్‌ మీడియాలో వైరలవుతోంది. The team's blood and sweat to give you the best 🤘 You will witness it tomorrow 🔥 PUSHPA TRAILER ON DEC6TH 🔥 ▶️ https://t.co/UsKxyjTsWT#PushpaTheRise #ThaggedheLe 🤙#PushpaTheRiseOnDec17@alluarjun @iamRashmika @aryasukku @ThisIsDSP @adityamusic @MythriOfficial pic.twitter.com/zZmIjYTRXx — Pushpa (@PushpaMovie) December 5, 2021 టాలీవుడ్‌ ఐకాన్‌ స్టార్‌ అల్లు అర్జున్‌, క్రియేటివ్‌ డైరెక్టర్‌ సుకుమార్‌ కాంబినేషన్‌లో తెరకెక్కుతున్న పాన్‌ ఇండియా చిత్రం 'పుష్ప: ది రైజ్‌'. మైత్రీ మూవీ మేకర్స్‌, ముత్తంశెట్టి మీడియా సంయుక్తంగా నిర్మిస్తున్న ఈ చిత్రం డిసెంబర్‌ 17న థియేటర్లలో సందడి చేయనుంది. కాగా సోమవారం (డిసెంబర్‌ 6)న ఈ  సినిమా ట్రైలర్‌ను విడుదల చేయనున్నట్లు మేకర్స్‌ ప్రకటించారు.  ఇదీ చదవండి: ఇక్కడ ప్రభాస్‌..అక్కడ సల్మాన్‌.. బన్నీకి సపోర్ట్‌గా ఆ ఇద్దరు!

1. అ అంటే అమలాపురం (ఆర్య, 2004) ఈ పాటలో అభినయ తన అభినయంతో కుర్రకారును ఓ ఊపు ఉపేసింది. అప్పట్లో ఈ స్పెషల్‌ వచ్చిన క్రేజ్‌ అంతా ఇంతా కాదు. ఈ సాంగ్‌ను బాలీవుడ్‌ నటుడు సోనూసూద్‌ హీరోగా చేసిన 'మాక్జిమమ్‌' సినిమాలో రీమేక్‌ కూడా చేశారు.  2. 36 24 36 (జగడం, 2007) రామ్ పోతినేని, సుకుమార్‌ కాంబినేషన్‌లో వచ్చిన తొలి చిత్రం జగడం. గ్యాంగ్‌స్టర్‌ అవ్వాలని తపించే హీరో పెద్ద పేరు తెచ్చుకున్న ఒక గ్యాంగ్‌స్టర్‌ వద్ద చేరి సెటిల్‌మెంట్‌లు చేస్తాడు. ఈ నేపథ్యంలో వచ్చే ఈ సాంగ్‌కి రెస్పాన్స్ మాములుగా రాలేదు.  3. రింగ రింగ (ఆర్య 2, 2009) ఆర్య తర్వాత అల్లు అర్జున్‌, సుకుమార్‌ కాంబోలో వచ్చిన చిత్రం ఆర్య 2. అ‍ప్పటికే ఈ సినిమాలో స్పెషల్ సాంగ్‌కు అంచనాలు పెరిగిపోయాయి. అలా అంచనాలతో వచ్చిన ఈ సాంగ్‌ ఏ ఒక్క అభిమానికి ఉత్సాహన్ని తెచ్చింది. ఇంతే కాకుండా ఈ సినిమాలో అన్ని పాటలు సూపర్ హిట్టయ్యాయి.  4. డియ్యాలో డియ్యాల (100% లవ్‌, 2011) అక్కినేని నాగ చైతన్య, తమన్నా జంటగా లవ్లీ మూవీ 100% లవ్‌. ఈ చిత్రంలోని అన్ని పాటలు కూడా శ్రోతలను తెగ అలరించాయి. చంద్రబోస్ సాహిత్యమందించిన ఈ పాటకు అదిరిపోయే రెస్పాన్స్‌ వచ్చింది.  5. లండన్‌ బాబు (1 నేనొక్కడినే, 2014) సూపర్‌ స్టార్‌ మహేశ్‌ బాబుతో సుకుమార్‌ తెరకెక్కించిన థ్రిల్లర్‌ చిత్రం 1 నేనొక్కడినే. ఈ సినిమాలో మహేశ్‌ బాబు రాక్‌స్టార్‌ పాత్రలో అలరించారు. హీరో తన తండ్రి ఎవరో తెలుసుకునే ప్రయత్నంలో లండన్‌ వెళ్తాడు. ఈ నేపథ్యంలో వచ్చే ఈ సాంగ్‌ పర్లేదనిపించింది. 6. జిగేల్‌ రాణి (రంగస్థలం 2018) అప్పటివరకు అంతగా గుర్తింపు లేని ఆర్టిస్‌లతో స్పెషల్‌ సాంగ్స్‌ చేయించారు డైరెక్టర్‌ సుకుమారు. కానీ జిగేల్‌ రాణిగా మాత్రం హీరోయిన్ పూజ హెగ్డేను చూపించారు. పూజ గ్రేస్‌, డ్యాన్స్‌తో ఆ పాట బ్లాక్‌ బస్టర్‌ అయింది. ఈ సాంగ్‌లో రామ్‌ చరణ్‌కు జోడిగా సూపర్‌ పెర్ఫామెన్స్‌ ఇచ్చింది పూజ. 7. బ్రేకప్‌ ప్యాట్చప్‌ (కుమారి 21F, 2015) ఈ బ్రేకప్‌ ప్యాట్చప్‌ సాంగ్‌ సుకుమార్‌ కథ అందించి, నిర్మించిన కుమారి 21Fలోది. ఈ సినిమాను పల్నాటి సూర్య ప్రతాప్‌ దర్శకత్వం వహించగా.. రాజ్‌ తరుణ్‌, హెబ‍్బా పటేల్‌ హీరోహీరోయిన్‌లుగా నటించారు. 

Devi Sri Prasad Birthday: సంగీతంతో మ్యూజిక్‌ ప్రియులను ఉర్రూతలూగించే రాక్‌స్టార్‌ దేవిశ్రీ ప్రసాద్‌ నిన్న (ఆగస్టు 2) పుట్టినరోజు జరుపుకున్నాడు. ఈ సందర్భంగా టాలీవుడ్‌ సెలబ్రిటీలు డీఎస్పీకి బర్త్‌డే విషెస్‌ తెలియజేశాడు. అయితే నిన్న డీఎస్పీ విజయవాడలోని గన్నవరంలో ఉన్నాడు. అక్కడ డ్యాడీస్‌ హోమ్‌లో అనాథ చిన్నారుల మధ్య గడిపాడు. చిన్నారులను చూసి చలించిపోయిన డీఎస్పీ వారందరి కోసం ఆగస్టు నెల సరుకులు ఇవ్వడానికి సిద్ధపడిపోయాడు. ఈ మేరకు ఓ లేఖ విడుదల చేశాడు. 'మీ ప్రేమాభిమానాలకు ఇదే నా వందనం.. నా బర్త్‌డే సందర్భంగా మీకో విషయం చెప్పాలనుకుంటున్నా. గన్నవరంలో డ్యాడీస్‌ హోమ్‌ అని ఒక అనాథాశ్రమం ఉంది. ఇది తల్లిదండ్రులు లేని వందలాది మంది చిన్నారుల బాగోగులు చూసుకుంటుంది. ఈ చిన్నారులపై వారు చూపించే శ్రద్ధ, నిస్వార్థ సేవ నా మనసును తాకింది. గతంలో సర్‌ప్రైజ్‌ అంటూ నన్ను ఇక్కడికి తీసుకురాగా, వాళ్ల కోసం నేను సంగీతం వాయించాను. అప్పటినుంచి వాళ్లతో కనెక్ట్‌ అయిపోయాను. ఈ ఆశ్రమంలోని కొందరు చిన్నారుల బాగోగులను చూసుకోవడం నా బాధ్యతగా స్వీకరిస్తున్నా. అలాగే అందరికీ ఈ నెలకు సరిపడా నిత్యావసర సరుకులను అందిస్తాను' అని దేవిశ్రీ ప్రసాద్‌ చెప్పుకొచ్చాడు.

సాక్షి, వెబ్‌డెస్క్‌: ఆయన మ్యూజిక్‌ వింటే ఎవరికైనా స్టెప్పులేయాలనిపిస్తుంది. రొమాంటిక్‌, సెంటిమెంటల్‌, దుమ్మురేపే మాస్‌ బీట్స్‌, హుషారెత్తించే ఐటమ్స్‌ సాంగ్స్‌.. ఏదైనా తనదైన సంగీతంతో ప్రేక్షకులను ఉర్రూతలూగిస్తాడు. ఆయన మరెవరోకాదు.. అభిమానులచే ముద్దుగా డీఎస్పీ అని పిలవబడే దేవిశ్రీ ప్రసాద్‌. స్వచ్ఛమైన సంగీతానికి కేరాఫ్‌గా నిలిచే పేరు అది. ఎనర్జీ అనే పదానికి నిర్వచనం ఆయన. తన మ్యూజికల్‌ మ్యాజిక్‌తో ఎన్నో చిత్రాలకు బ్లాక్‌బస్టర్‌ హిట్స్‌ అందించిన రాక్‌స్టార్‌ దేవీశ్రీ ప్రసాద్‌ పుట్టిన రోజు నేడు(ఆగస్ట్‌ 2). ఈ సందర్భంగా ‘డీఎస్పీ’గురించి.. దేవీశ్రీ ప్రసాద్‌.. 1979, ఆగస్ట్ 2న గొర్తి సత్యమూర్తి, శిరోమణి దంపతులకు జన్మించారు. పశ్చిమగోదావరి జిల్లాలోని రాయవరం మండలంలోని వెదురుపాక వీరి స్వగ్రామం.దేవీకి ఒక తమ్ముడు సాగర్‌, చెల్లి పద్మిణి ఉన్నారు.  దేవిశ్రీ ప్రసాద్ చిన్ననాటి నుండి సంగీత ప్రపంచంలోనే పెరిగారు. ఆయన తండ్రి గొర్తి సత్యమూర్తి గొప్ప కథా రచయిత. దేవత’‘ఖైదీ నంబర్‌ 786’, ‘అభిలాష’, ‘పోలీస్‌ లాకప్‌’, ‘ఛాలెంజ్‌’ వంటి విజయవంవతమైన చిత్రాలకి ఆయన కథలు అందించారు. ఒక రకంగా దేవీ సినిమాల్లోకి రావడానికి కారణం ఆయనే. అసలు దేవిశ్రీప్రసాద్ అనే పేరు ఎలా వచ్చిందో తెలిస్తే ఆశ్చర్యపోతారు. దేవిశ్రీ ప్రసాద్ అమ్మమ్మ పేరులోని  దేవి.. తాతయ్య పేరులోని ప్రసాద్ ను తీసుకొని దేవిశ్రీ ప్రసాద్ గా కూర్చి ఆ పేరు పెట్టారు.చెన్నైలో ఇంటర్ వరకు చదువుకున్న దేవిశ్రీ ప్రసాద్ చిన్న వయసులోనే మాండొలిన్ నేర్చుకున్నాడు. మాండొలిన్ శ్రీనివాస్ ఈ సంగీత దర్శకుడి గురువు.  టీనేజ్ లోనే మ్యూజిక్‌ దర్శకుడిగా దేవిశ్రీకి చిన్నప్పటి నుంచే సంగీత దర్శకుణ్ణి కావాలని కోరికట. ఆరో తరగతిలో ఉండగానే, పెద్దయ్యాక ఏమవుతావని స్కూల్లో అడిగితే, ‘మ్యూజిక్ డెరైక్టర్‌ని అవుతా’చెప్పాడట. ఇంట్లో కూడా అతని ఇష్టాలను గౌరవించేవాళ్లు. ఒక రోజు ఎంఎస్‌ రాజు దేవీశ్రీ ప్రసాద్‌ ఇంటికి వచ్చారట. ఆ సమయంలో దేవీశ్రీ గదిలో నుంచి  సంగీత వాద్యాల శబ్దాలు విని, ఒక సందర్భానికి ట్యూన్‌ ఇవ్వమని అడిగారు. రెండు రోజుల్లోనే ట్యూన్‌ ఇచ్చి ఎంఎస్‌ రాజు ఫిదా అయ్యాడట. వెంటనే ‘దేవి’సినిమాకు సంగీత దర్శకుడిగా అవకాశం ఇచ్చాడట. అప్పుడు దేవిశ్రీ  ప్లస్‌ 2 చదువుతున్నాడు. అలా టీనేజ్‌లో మ్యూజిక్‌ డైరెక్టరై రికార్డును సృష్టించాడు. మెగా ఫ్యామిలీతో మ్యూజికల్‌ బాండ్‌ డీఎస్పీ కెరీర్ ను గమనిస్తే మెగా కాంపౌండ్ తో అవినాభావ సంబంధం ఉందని చెప్పొచ్చు. చిరంజీవి, పవన్ కల్యాణ్, అల్లు అర్జున్, రామ్ చరణ్ - ఇలా ఫ్యామిలీలోని అందరికీ మ్యూజికల్ హిట్స్ అందించాడు. చిరంజీవి ‘శంకర్‌ దాదా ఎంబీబీఎస్‌, శంకర్‌ దాదా జిందాబాద్‌, అందరివాడు, ఖైదీ150 చిత్రాలకు సంగీతం అందించిన దేవీ... పవన్‌ కల్యాణ్‌కు 'జల్సా, గబ్బర్ సింగ్, అత్తారింటికి దారేది మూడు బ్లాక్‌ బస్టర్స్‌ హిట్స్‌ అందించాడు. అలాగే అల్లు అర్జున్‌ ఆర్య, ఆర్య-2, బన్ని, జులాయి, ఇద్దరమ్మాయిలతో, సన్నాఫ్ సత్యమూర్తి, రామ్ చరణ్ ‘ఎవడు’, మెగా మేనల్లుడు వైష్ణవ్‌ తేజ్‌ ‘ఉప్పెన’చిత్రాలను స్వరకల్పన చేసి విజయంలో పాలుపంచుకున్నాడు.  ఒక మెగా హీరోలకే కాదు.. టాలీవుడ్‌ టాప్‌ హీరోలందరితో పనిచేశాడు దేవిశ్రీ. అక్కినేని నాగార్జున ‘మన్మథుడు, మాస్' ఢమరుకం, కింగ్‌ , భాయ్‌ చిత్రాలకు, మహేశ్‌బాబు ‘వన్-నేనొక్కడి,శ్రీమంతుడు, భరత్‌ అనే నేను, సరిలేరు మీకెవ్వరు సినిమాలతో పాటు, ప్రభాస్‌ వర్షం,పౌర్ణమి, మిస్టర్ పర్ ఫెక్ట్, మిర్చి, జూనియర్ ఎన్టీఆర్‌ "నా అల్లుడు, రాఖీ, అదుర్స్, ఊసరవెల్లి, జనతా గ్యారేజ్‌మూవీస్‌కు కూడా దేవిశ్రీ పసందైన బాణీలు అందించాడు. రెండు దశాబ్దాలుగా సంగీత ప్రియులకు అలరిస్తున్న దేవీ.. మున్ముందు కూడా తనదైన బాణీలలో ప్రేక్షలకు వీనులవిందు అందించాలని ఆశిస్తూ.. ‘సాక్షి’తరపున దేవీశ్రీ ప్రసాద్‌కు పుట్టిన రోజు శుభాకాంక్షలు.

ఐకాన్‌ స్టార్‌ అల్లు అర్జున్‌,రాక్‌స్టార్‌ దేవీశ్రీ ప్రసాద్‌ మంచి స్నేహితులన్న సంగతి అందరికి తెలిసిందే. బన్నీ నటించిన ‘ఆర్య’ మొదలు బన్నీ, ఆర్య 2, జులాయి, ఇద్దరమ్మాయిలతో, సన్నాఫ్ సత్యమూర్తి, డి.జె. దువ్వాడ జగన్నాథం’ చిత్రాలకు డీఎస్పీ సంగీతం అందించారు. తాజాగా అల్లు అర్జున్ క్రేజీ ప్రాజెక్ట్ 'పుష్ప'కు మ్యూజిక్ అందిస్తున్నాడు వీరి కాంబోలో వచ్చిన ప్రతి సినిమా సూపర్‌ హిట్‌గా నిలిచింది. దీంతో బన్నీ, డెస్పీల మధ్య స్నేహం మరింత బలపడింది. తన సన్నిహితులకు, స్నేహితులకు స్పెషల్‌ గిఫ్ట్‌ ఇచ్చి సర్ ప్రైజ్ చేయడం అల్లు అర్జున్ కు అలవాటు. తాజాగా అలాంటి స్వీట్ సర్‌ప్రైజ్‌ను డీఎస్పీకి ఇచ్చాడు.   బన్నీ ఇచ్చిన స్పెషల్ గిఫ్ట్ ను ఎంతో ఆనందంగా దేవిశ్రీ ప్రసాద్ తన ట్విటర్‌ ఖాతా ద్వారా అభిమానులతో షేర్ చేసుకున్నాడు. అంతేకాదు... బన్నీకి ఫ్లయింగ్ కిస్ ఇచ్చి తన అభిమానాన్ని చాటుకున్నాడు. ‘ఐకాన్‌ స్టార్‌ అల్లు అర్జున్‌ నుంచి సర్‌ప్రైజ్‌ ‘రాక్‌స్టార్‌’ గిఫ్ట్‌ . థాంక్యూ సో మచ్ మై డియరెస్ట్ బ్రదర్ బన్నీ బాయ్... లవ్లీ గిఫ్ట్... అస్సలు ఊహించలేదు. నువ్వు చాలా స్వీట్’అంటూ దేవిశ్రీ ప్రసాద్ ఆ గిఫ్ట్ కు సంబంధించిన వీడియోను తన సోషల్ మీడియా ఖాతాలో పోస్ట్ చేశారు.  A SURPRISE “ROCKSTAR” Gift from the “ICON STAR” @alluarjun 😍 Thank you so much my dearest Brother Bunny boy..🤗.. What a Lovely Surprise!!🕺 Totally unexpected !!😁 Daaaamn Sweet of U 😁🎶🤗😍#PUSHPA pic.twitter.com/xkn8TLKKW5 — DEVI SRI PRASAD (@ThisIsDSP) July 8, 2021

భార్య నవమోసాలు మోసి పిల్లలకు జన్మనిస్తే.. అతడు కంటికి రెప్పలా కాపాడతాడు. బుడిబుడి అడుగులు వేస్తుంటే మురిసి మెరిసిపోతాడు. వారసుల భవిష్యత్తు కోసం అవిశ్రాంతంగా శ్రమించడంలోనే సంతోషం ఉందనుకుంటాడు. పిల్లల ఎదుగుదలను చూస్తూ కష్టాన్ని మర్చిపోతాడు. పొద్దంతా షూటింగ్స్‌తో అలసిపోయినా పిల్లలు ఎదురు రాగానే వారి చిరునవ్వు చూసి ఆనందంతో పరవశించిపోతాడు. సంతానం ఉన్నత స్థితికి చేరుకుంటే సంతోషాన్ని కూడా వ్యక్తం చేయలేక భార్య పక్కన నిలబడి విజయగర్వంతో కళ్లనీళ్లు పెట్టుకుంటాడు. నేడు ఫాదర్స్‌ డే సందర్భంగా సినీతారలు సోషల్‌ మీడియా వేదికగా తండ్రులకు శుభాకాంక్షలు తెలియజేశారు.  ► నా బలం, మార్గదర్శి, ఆదర్శం, హీరో అన్నీ నా తండ్రే. హ్యాపీ ఫాదర్స్‌ డే నాన్న: మహేశ్‌బాబు My hero, guiding light, strength, inspiration.. you're all of this and much more to me. Celebrating you today and every day of the year! Happy Father's Day Nanna ❤️ pic.twitter.com/BujCvGCNec — Mahesh Babu (@urstrulyMahesh) June 20, 2021 ► నాన్నకు కోపం ఎక్కువ. ఆ కోపానికి ప్రేమ ఎక్కువ. ఆ ప్రేమకు బాధ్యత ఎక్కువ. తమ కలల్ని పక్కనపెట్టి కుటుంబ బాధ్యతల నెరవేర్చటం కోసం ప్రతి రోజు కష్టపడే నాన్నలందరికి హ్యాపడీ ఫాదర్స్‌డే: చిరంజీవి మా నాన్న కి కోపం ఎక్కువ.. ఆ కోపానికి ప్రేమ ఎక్కువ.. ఆ ప్రేమకి బాధ్యత ఎక్కువ. తమ కలల్ని పక్కనపెట్టి కుటుంబ బాధ్యతల నెరవేర్చటం కోసం ప్రతి రోజు కష్టపడే నాన్నలందరికి #HappyFathersDay pic.twitter.com/62jXHkbWTR — Chiranjeevi Konidela (@KChiruTweets) June 20, 2021 ► తండ్రితో దిగిన చిన్ననాటి ఫొటోను షేర్‌ చేసిన అంజలి I Love You and Miss You Daddy. Always and forever. Happy Father’s Day ❤️#daddyslittlegirl #FathersDay pic.twitter.com/nsU6Dy5Tgx — Anjali (@yoursanjali) June 20, 2021 ► నీతో ఉన్న క్షణాలు నా జీవితంలోనే అత్యంత మధురమైనవి: మంచు లక్ష్మీ Happy Father’s Day @themohanbabu ❤️ Most of my favourite memories of life are with you Nana. You’ve been the mentor, leader, best friend and the best inspiration for everyone in the family. We couldn’t have been what we are today without your constant love & support. pic.twitter.com/LnLbgVfaI1 — Lakshmi Manchu (@LakshmiManchu) June 20, 2021 ► నాన్న సినిమాటోగ్రాఫర్‌ అని చాలా కొద్దిమందికే తెలుసు: దేవి శ్రీ ప్రసాద్‌ Very Few know that my FATHER’s passion was Photography/Cinematography🎥 Tho he was a Writer/Director🖊 He is d Reason 4 d Photography Passion in me..He taught me😁 Lov U Daddy..4 painting our LIVES with Beautiful COLOURS❤️🎶🤗#HappyFathersDay2021 ❤️@sagar_singer pic.twitter.com/OSN4CSc0q5 — DEVI SRI PRASAD (@ThisIsDSP) June 20, 2021 ► తండ్రి ప్రేమానురాగాలతోటే మేము ఇంతటివాళ్లమయ్యాం: సుధీర్‌ బాబు And we grew up, with the help of ever growing love and care. Happy #FathersDay Nanna ❤️ Best of the best 🤗 pic.twitter.com/X6RrY5CU8r — Sudheer Babu (@isudheerbabu) June 20, 2021 Happy Father's Day#FathersDay pic.twitter.com/UrXE3rKje8 — Mohanlal (@Mohanlal) June 20, 2021 Happy Father’s Day to the captain of our ship, for smoothly sailing us through thick and thin. I love you Boatloads Dad ❤️😘 #FathersDay pic.twitter.com/TC73g3bVRg — Sidharth Malhotra (@SidMalhotra) June 20, 2021 Nana! I’m so glad our father-son relationship has evolved into such a beautiful friendship over years! Love you 🤗🤗🤗@NagaBabuOffl #happyfathersday pic.twitter.com/cTMWQnoV2C — Varun Tej Konidela 🥊 (@IAmVarunTej) June 20, 2021 You are blessed if the person you learn from the most and the person who makes you laugh the most also happen to be your parent !! Happy Father’s Day @ikamalhaasan 💖 pic.twitter.com/pj4bBSfPhR — shruti haasan (@shrutihaasan) June 20, 2021

దేవి శ్రీ ప్రసాద్‌ మ్యూజిక్‌ ఏ రేంజ్‌లో ఉంటుందో మనందరికి తెలిసిందే. దక్షిణాన రాక్‌స్టార్‌గా పేరు తెచ్చుకున్న దేవిశ్రీ సంగీతం వల్లే ఎన్నో పాటలు సూపర్‌ హిట్టాయ్యాయని చెప్పడంలో ఎలాంటి అతిశయోక్తి లేదు. తన మ్యూజిక్‌ మహిమతో కరోనా కాలంలో కూడా ప్రేక్షకులను థీయేటర్‌కు తీసుకురాగలిగాడు డీఎస్పీ. ఇదిలా ఉంటే దేవి శ్రీ సంగీతం అందించిన ఐకాన్‌ స్టార్‌ అల్లు అర్జున్‌ ‘డీజే’ మూవీలోని సిటీమార్‌ సాంగ్‌ సౌత్‌లో ఎంతటి ఘనవిజయం సాధించిందో ప్రత్యేకంగా చెప్పనవసరం.  అంతటి గుర్తింపు తెచ్చుకున్న ఈ పాటను బాలీవుడ్‌ భాయిజాన్‌ సల్మాన్‌ ఖాన్‌ చిత్రం ‘రాధే’లో కూడా రీమేక్‌ అయిన సంగతి తెలిసిందే. అక్కడ కూడా సిటీమార్‌ బి-టౌన్‌ ప్రేక్షకులను విపరీతంగా ఆకట్టుకని ఘన విజయం సాధించింది. ఈ నేపథ్యంలో ఓ హిందీ ఛానల్‌కు ఇచ్చిన ఇంటర్వ్యూలో దేవిశ్రీ పలు ఆసక్తికర విషయాలను పంచుకున్నాడు. ఈ సందర్భంగా డీఎస్పీ సిటీమార్‌ హిందీ రీమేక్‌, సల్మాన్‌ ఖాన్‌ గురించి మాట్లాడుతూ.. ‘సిటీమార్‌ సాంగ్‌ ఇప్పటికే దక్షిణాన బ్లాక్‌బస్టర్‌గా నిలిచింది. ఇంతకుముందు సల్మాన్ ఖాన్‌తో కలిసి ‘డింకా చికా’, ‘రింగా రింగా’ కూడా చేశాను. ఈ పాటలు ఎంత హిట్‌ అయ్యాయో మీకు కూడా తెలుసు. హిందీలో ఎదైనా సాధ్యమే కానీ సల్మాన్ ఖాన్ వంటి సూపర్‌ స్టార్‌తో కలిసి చేయడమనేది అసాధారణమైన విషయం కాదు. అందుకే ప్రపంచం వ్యాప్తంగా ‘డింకా చికా’ అంతగా వైరల్‌ అయ్యింది. ఇది మీకు కూడా తెలుసు. ఇక నేను ప్రపంచంలో ఎక్కడ పాడినా ‘రింగా రింగా’, ‘డింకా చికా డింకా చిక’ పాటలతో ముగ్గిస్తాను. నాకు అంత్యంత ఇష్టమైన పాటలు ఇవే. ఇక సల్మాన్ ఖాన్‌లో నేను ఇష్టపడేది ఏమిటంటే.. దేనినైనా ఆయన ఇట్టె పట్టేస్తాడు. అది సీన్‌ అయినా కొరియోగ్రఫీ అయినా.. అందుకే ఎదుటి వారు ఆయనకు తక్కవ సమయంలోనే ఆకర్షితులవుతారు’ అంటూ చెప్పుకొచ్చాడు. అలాగే సిటీమార్‌ హిందీ రీమేక్ చేసే అవకాశం ఎలా వచ్చిందని, తెలుగు పాటను హిందీలో రీమేక్‌ చేయడం ఎలా సాధ్యమైందని యాంకర్‌ అడగ్గా.. ‘ప్రభుదేవ మాస్టర్‌ నన్ను పిలిచి ఇలా అడిగారు. ఆయన హిందీలో సల్మాన్ ఖాన్‌తో రాధే మూవీ చేస్తున్నానని, దానికి నాకు ఒక మంచి సూపర్‌ హిట్‌ సాంగ్‌ కావాలన్నారు. అప్పటికే ప్రభుదేవా మాస్టర్‌ దర్శకత్వం వహించిన తెలుగు, తమిళంలోని ఎన్నో సినిమాలకు సంగీతం అందించాను. అయితే సిటీమార్‌ నేను హిందీలో చేయాలనుకుంటున్న పాటలో ఒకటి. ఎందుకంటే దక్షిణాన మంచి విజయం సాధించిన ఈ పాట హిందీలో కూడా సూపర్‌ హిట్‌ అవుతందని నేను అప్పుడే భావించాను. నా పాటల్లో కూడా హిందీ పదాల ప్రభావం ఎక్కువగా ఉండటానికి కారణం కూడా అదే. ఎందుకంటే హిందీలోని ఒక పదం మిగతా భాషల్లో కూడా వాడుకలో ఉంటుంది. దీని వల్ల ఇది ఏ భాష సంగీతానికి, ట్యూన్‌కు బాగా సరిపోతాయి. ఈ క్రమంలో అది తన మనోజ్ఞోతను, కవితా స్వభావాన్ని కోల్పోదు’ అటూ చెప్పుకొచ్చాడు.  చదవండి:  సీటీమార్: సల్మాన్‌ ఖాన్‌ డ్యాన్స్‌ చూసేయండి

సుకుమార్‌ దర్శకత్వంలో అల్లు అర్జున్‌ నటించిన హ్యట్రిక్‌ చిత్రం ‘పుష్ప’. దేవీ శ్రీ ప్రసాద్‌ ఈ చిత్రానికి సంగీతం అందించారు. ఇటీవలె రిలీజ్‌ అయిన పుష్ప టీజర్‌ ప్రస్తుతం కాంట్రవర్సీకి కేరాఫ్‌ అయ్యింది. ఇందులోని మ్యూజిక్‌ను దేవీ కాపీ కొట్టారంటూ పలు వార్తలు సోషల్‌ మీడియాలో వైరల​ అవుతున్నాయి. బన్నీ  బర్త్‌డే(ఏప్రిల్‌ 8) సందర్భంగా విడుదలైన టీజర్‌...ఇప్పటి వరకు 30 మిలియన్ల వ్యూస్‌, 9 లక్షలకు పైగా లైకులు సంపాదించి సెన్సేషన్‌ క్రియేట్‌ చేసిన సంగతి తెలిసిందే. అయితే ఈ టీజర్‌ బీజీఎంను ప్రముఖ హాలీవుడ్ చిత్రం అవెంజర్స్ ఎండ్ గేమ్ నుంచి దేవీ శ్రీ కాపీ కొట్టాడని పలువరు నెటిజన్లు ఆరోపిస్తున్నారు. టీజర్‌ మొత్తానికి హైలెట్‌గా నిలిచిన దేవీ మ్యూజిక్‌ తన సొంతంగా కంపోజ్‌ చేసింది కాదని, ఇది పక్కా కాపీ పేస్ట్‌ అంటూ నెటిజన్లు దుమ్మెత్తిపోస్తున్నారు. దీనిపై మూవీ టీం కానీ, మ్యూజిక్‌ డైరెక్టర్‌ దేవీ శ్రీ ప్రసాద్‌ కానీ ఇంతవరకు ఎలాంటి ప్రకటన చేయలేదు. శేషాచలం అడవుల్లో ఎర్రచందనం స్మగ్లింగ్ కథాంశంతో రూపొందిన ఈ సినిమాలో అల్లు అర్జున్‌ లారీ డ్రైవర్‌గా కనిపించనున్నాడు. పాన్‌ ఇండియా స్థాయిలో తెరకెక్కుతున్న ఈ చిత్రంలో ఆల్లు అర్జున్‌ సరసన రష్మిక మందన్నా హీరోయిన్‌గా నటిస్తుంది. ఆగస్టు 13న ప్రపంచ వ్యాప్తంగా ఈ సినిమా రిలీజ్ కానుంది. It's just a coincidence franss 🏃 Paavam DSP !! pic.twitter.com/T3Svk9g7yK — Chandu Tarak ⚡ (@ChanduTarak99) April 7, 2021 చదవండి : పుష్ప : అల్లు అర్జున్‌ రెమ్యునరేషన్‌ ఎంతంటే? బన్నీ ఖాతాలో మరో అరుదైన ఘనత.. అది ‘పుష్ప’కే సొంతం    

సినిమాకు పాటలతోనే మాంచి హైప్‌ వస్తుందీ రోజుల్లో. అందుకు '30 రోజుల్లో ప్రేమించడం ఎలా?', 'ఉప్పెన' సినిమాలే లేటెస్ట్‌ ఉదాహరణ. ఇందులోని పాటలు ఎంత హిట్టయ్యాయో, సినిమాలు అంతకు మించి సూపర్‌ డూపర్‌ హిట్టయ్యాయి. కేవలం పాటల కోసమే పని గట్టుకుని థియేటర్‌కు వెళ్లిన ప్రేక్షకులు కూడా ఉన్నారు. ఇదిలా వుంటే.. గురువారం సాయంత్రం 'ఉప్పెన' చిత్రం నుంచి జలజలజలపాతం నువ్వే.. వీడియో సాంగ్‌ను రిలీజ్‌ చేసింది చిత్రబృందం. దేవిశ్రీ ప్రసాద్‌ సంగీతం అందించిన ఈ పాటను శ్రేయాఘోషల్‌, జాస్‌ప్రీత్‌ జాజ్‌ మనోహరంగా ఆలపించారు. అప్పట్లో కేవలం లిరికల్‌ సాంగ్‌ను మాత్రమే రిలీజ్‌ చేసిన చిత్రయూనిట్‌ తాజాగా ఈ మెలోడి పూర్తి వీడియోను విడుదల చేసింది. ఇది 39 లక్షల పై చిలుకు వ్యూస్‌తో యూట్యూబ్‌లో ట్రెండింగ్‌లో దూసుకుపోతోంది. కాగా వైష్ణవ్‌ తేజ్‌, ఉప్పెన జంటగా నటించిన చిత్రం 'ఉప్పెన'. బుచ్చిబాబు సనా దర్శకత్వం వహించిన ఈ సినిమాలో విజయ్‌ సేతుపతి కీలక పాత్రలో నటించాడు. ఫిబ్రవరి 12న విడుదలైన ఈ సినిమా బాక్సాఫీస్‌ దగ్గర సూపర్‌హిట్‌ టాక్‌ను సొంతం చేసుకోవడమే కాక వంద కోట్లకు పైగా కలెక్షన్లు రాబట్టింది. ఇక ఈ సినిమాపై పలువురు టాలీవుడ్‌ సెలబ్రిటీలు ప్రశంసలు కురిపించిన విషయం తెలిసిందే! చదవండి: వంద కోట్లు: రికార్డులు తిరగరాసిన ఉప్పెన

సాక్షి, హైదరాబాద్‌:  నితిన్‌ లేటెస్ట్‌ మూవీ ‘రంగ్‌ దే’ ప్రమోషన్‌లో భాగంగా  ప్రిన్స్‌ మహేహ్‌బాబు అందమైన మెలోడీ సాంగ్ లిరికల్ వీడియోను గురువారం రిలీజ్‌ చేశారు.‘‘ నా కనులు ఎపుడు.. కననే కనని.. పెదవులెపుడూ అననే అనని…’’ పాట లిరికల్‌ వీడియోను అభిమానులకు పరిచయం చేశారు. ఈ సందర్భంగా సంగీత దర్శకుడు దేవిశ్రీ ప్రసాద్, సింగర్‌ సిధ్‌ శ్రీరాంపై ప్రశంసల వర్షం కురిపించారు. రాక్‌ స్టార్‌, అమేజింగ్‌ అంటూ ఇద్దరినీ పొగడ్తల్లో  ముంచెత్తారు సూపర్ స్టార్.  అటు డీఎస్‌పీ, సిద్‌ శ్రీరాం డెడ్లీ కాంబినేషన్‌ అంటూ ఫ్యాన్స్‌ కమెంట్‌ చస్తున్నారు.విడుదలైన కొన్ని క్షణాల్లోనే  లక్షకుపైగా వ్యూస్‌తో  దూసుకుపోతుండటం విశేషం. వెంకీ అట్లూరి దర్శకత్వంలో తెరకెక్కిన 'రంగ్​దే'  మూవీలో నితిన్‌, కీర్తి సురేష్‌ జంటగా నటించారు. ఇప్పటికే  ఈ సినిమాలోని రెండుపాటలు అభిమానులను ఆకట్టుకున్నాయి.  పోస్టర్లు, టీజర్లు కూడా సినిమాపై  భారీ హైప్‌ క్రియేట్‌  చేశాయి. మార్చి 26 న ఈ మూవీ ప్రేక్షకుల ముందుకు రాబోతున్న సంగతి తెలిసిందే. మరోవైపు  చెక్ సినిమాతో బ్లాక్ బస్టర్ విజయాన్ని సొంతం చేసుకున్న నితిన్‌ ఈ సినిమా కూడా బంపర్‌హిట్‌ అనే  అంచనాలతో ఉన్నారు.

మెగా మేనల్లుడు పంజా వైష్ణవ్‌ తేజ్‌ తన తొలి సినిమా ఉప్పెనతోనే రికార్డులు సృష్టిస్తున్న సంగతి అందరికీ తెలిసిందే. మెగా హీరోలను సైతం షాక్‌కు గురి చేస్తూ బాక్సాఫీస్‌ దగ్గర ఉప్పెనలాంటి వసూళ్లను కురిపిస్తున్నాడు. ఇప్పటికే ఈ సినిమా రూ.70 కోట్ల కలెక్షన్లు సాధించి అందరి చేత శభాష్‌ అనిపించుకుంది. ఇందులో నటించిన హీరోయిన్‌ కృతీ శెట్టికి ఇప్పటికే బోలెడన్ని ఆఫర్లు వస్తున్నాయి. తాజాగా మెగాస్టార్‌ చిరంజీవి.. కృతీ శెట్టిని, అభినందిస్తూ ఓ లేఖ పంపించాడు. బ్లాక్‌బస్టర్‌ సంగీతాన్ని అందించిన సంగీత దర్శకుడు దేవిశ్రీప్రసాద్‌కు లేఖతో పాటు ఓ ఖరీదైన బహుమతి అందించాడు. ఈ కానుకలు అందుకున్న ఈ ఇద్దరూ ఆనందంతో ఉబ్బితబ్బిబైపోయారు.  చిరంజీవి రాక్‌స్టార్‌కు పంపిన లేఖలో "డియర్‌ డీఎస్పీ, ఎగసిపడిన ఈ ఉప్పెన విజయానికి నీ సంగీతం ఆయువుపట్టు. స్టార్‌ చిత్రాలకు ఎంత ప్యాషన్‌తో సంగీతాన్ని ఇస్తావో, చిత్రరంగంలోకి ప్రవేశిస్తున్న కొత్త టాలెంట్‌కు అంతే ప్యాషన్‌తో సంగీతాన్నిస్తావు. నీలో ఉండే నీ ఎనర్జీ సినిమాలకు, మ్యూజిక్‌కు ఇచ్చే ఈ ఎనర్జీ ఎప్పటికీ ఇలాగే ఉండాలని కోరుకుంటూ మనస్ఫూర్తిగా అభినందిస్తున్నాను" అని రాసుకొచ్చారు. OMG ! 😍 This MEGA GIFT & LETTER frm 1 & Only MEGASTAR Dearest @KChiruTweets Sir made my DAY & YEAR🎶❤️🙏🏻😍 I made a Video 2 share it with U all coz a Tweet cant do Justice😁🎶 Lov U Chiru Sir..Always ❤️🎶🙏🏻@MythriOfficial #Uppena https://t.co/Tn7CqQ16QM — DEVI SRI PRASAD (@ThisIsDSP) February 21, 2021 చదవండి: ఆచార్య@ మారేడుపల్లి.. చిరు గ్రాండ్‌ ఎంట్రీ 2021ని ఇరగదీయాలని డిసైడ్‌ అయ్యాను: డీఎస్పీ

‘‘2021ని ఇరగదీయాలని డిసైడ్‌ అయి, ఈ కొత్త సంవత్సరంలోకి అడుగుపెట్టాను. ఈ సంవత్సరం మ్యూజికల్‌గా నాకు అద్భుతంగా ఉంటుంది. డీయస్పీ (దేవిశ్రీ ప్రసాద్‌) లో కొత్త వెర్షన్‌ని చూస్తారు’’ అన్నారు దేవిశ్రీ ప్రసాద్‌. ఆయన సంగీతం అందించిన చిత్రం ‘ఉప్పెన’. చిరంజీవి మేనల్లుడు, సాయితేజ్‌ తమ్ముడు వైష్ణవ్‌ తేజ్‌ హీరోగా పరిచయం అవుతున్న చిత్రమిది. బుచ్చిబాబు సానా దర్శకత్వంలో మైత్రీ మూవీ మేకర్స్, సుకుమార్‌ రైటింగ్స్‌ ఈ చిత్రాన్ని నిర్మించాయి. ఫిబ్రవరి 12న ఈ సినిమా థియేటర్స్‌లోకి రానుంది. ఈ సందర్భంగా దేవిశ్రీ ప్రసాద్‌ చెప్పిన విశేషాలు. ► ‘ఉప్పెన’ పాటలు అన్ని మ్యూజిక్‌ ప్లాట్‌ఫామ్స్‌లో టాప్‌లో ఉండడం ఎలా అనిపిస్తోంది? అందరూ ఈ పాటలు ఎంజాయ్‌ చేస్తున్నారు. ‘మీ మ్యూజిక్‌ వల్లే సినిమాకు ఈ రేంజ్‌ వచ్చింది’ అని టీమ్‌ అందరూ చెప్పడం అన్నింటికంటే సంతోషమైన విషయం. ఈ క్రెడిట్‌ టీమ్‌కే దక్కుతుంది. బుచ్చిబాబు మంచి కథ చేశాడు. దానికి తగ్గట్టు మ్యూజిక్‌ ఇచ్చాను నేను. ► మీరు ప్రేమకథలకు సంగీతం ఇచ్చి చాలా రోజులైనట్టుంది? అవును. కెరీర్‌ ప్రారంభంలో వరుసగా లవ్‌స్టోరీ సినిమాలు చేశాను. ఇప్పుడు ప్రేమకథా సినిమాలే తగ్గిపోయాయి. పెద్ద కమర్షియల్‌ సినిమాలు, కొత్త కాన్సెప్ట్‌ సినిమాలు, లార్జర్‌ దెన్‌ లైఫ్‌ సినిమాలే వస్తున్నాయి. ప్రేమకథలు రావాలి. ‘ఉప్పెన’ మంచి ప్రేమకథ. వరుసగా కమర్షియల్‌ సినిమాలు, టాప్‌ స్టార్స్‌ సినిమాలు చేస్తున్న నాకు ‘ఉప్పెన’ మంచి రిలీఫ్‌లా అనిపించింది. ఈ కథ, కథనం ఫ్రెష్‌గా అనిపించాయి. ఈ సినిమా తర్వాత నేను చేసిన నితిన్‌ ‘రంగ్‌ దే’ కూడా పూర్తిస్థాయి ప్రేమకథే. ► సినిమాలో దర్శకుడు సుకుమార్‌ అసోసియేట్‌ అయితే మీ మ్యూజిక్‌ నెక్ట్స్‌ లెవల్‌కి వెళ్లిపోతుంది. ఏంటా సీక్రెట్‌? సుకుమార్‌ ఆలోచనా విధానమే కొత్తగా ఉంటుంది. ఆయన కథలు కూడా అంతే డిఫరెంట్‌గా ఉంటాయి. అలాంటి కొత్త సబ్జెక్ట్‌ మీద ఎవరు పని చేసినా డిఫరెంట్‌ మ్యూజిక్కే వస్తుంది. అది మొదటి విషయం. రెండోది మా ఇద్దరి మధ్య ఉన్న బంధం, ఒకరినొకరం అర్థం చేసుకున్న విధానం. సుక్కు నా అన్నయ్య. ‘పుష్ప’ పని మీద వచ్చినప్పుడు బుచ్చిబాబును తీసుకొచ్చి ‘ఉప్పెన’ కథ వినిపించాడు సుక్కు. ► లాక్‌డౌన్‌లో ఏం చేశారు? లాక్‌డౌన్‌లో ఈ ప్రపంచం మొత్తంలో ఎవరైనా బిజీగా ఉన్నారంటే అది నేనే అనుకుంటాను. ‘ఒకేసారి నాలుగైదు సినిమాలు చేసినప్పుడు కూడా కనిపించేవాడివి, ఇప్పుడు కనిపించడం కూడా లేదు కదరా’ అనేవారు మా అమ్మ. ఇంతకు ముందు చేయడానికి కుదరనవన్నీ లాక్‌డౌన్‌లో చేశాను. యూట్యూబ్‌లో చూస్తూ యావిడ్‌ (ఎడిటింగ్‌ సాఫ్ట్‌వేర్‌) చాలా త్వరగా నేర్చుకున్నాను. ప్రస్తుతం ఏం నేర్చుకోవాలన్నా ఇంటర్నెట్‌లో దొరుకుతుంది. సరిగ్గా వాడుకోవాలే కానీ చాలా చాలా నేర్చుకోవచ్చు. నేర్చుకుంటావా? నాశనమైపోతావా నీ ఇష్టం. నాకు ఫొటోగ్రఫీ చాలా ఇష్టం. కెమెరాలు చాలా కొనిపెట్టుకున్నాను. అవన్నీ బయటకు తీశాను. డ్రోన్‌ కెమెరా నేర్చుకున్నాను. పాటలు రాస్తూ, పాటల ఐడియాలు రెడీ చేసి పెట్టుకున్నాను. నాకు మ్యూజిక్‌ ఇచ్చే కిక్‌ ఇంకేదీ ఇవ్వదు. వీడియో కాల్స్‌లో సినిమా పాటల రికార్డింగ్‌ చేశాను. భవిష్యత్తుకి సంబంధించి ఇంకా ప్లాన్స్‌ ఉన్నాయి. అవన్నీ మెల్లిగా చెబుతాను. ► పెళ్లి విషయం కూడా చెబుతారా? ఆ ఒక్కటీ అడక్కండి (నవ్వుతూ). ► లాక్‌డౌన్‌ చాలా నేర్పింది అని చాలా మంది అన్నారు. మీరు నేర్చుకున్న విషయాలు? లాక్‌డౌన్‌లో నేను ముఖ్యంగా తెలుసుకున్న విషయాలు రెండు. ఒకటి.. టైమ్‌ చాలా విలువైనది. చాలా జాగ్రత్తగా ఉపయోగించుకోవాలి. రెండోది.. మనల్ని ప్రేమించేవాళ్లకు వీలైనంత ఎక్కువ సమయాన్ని కేటాయించాలి. ఈ రెండూ జీవితంలో చాలా ముఖ్యమైనవి.  వీటిని కోల్పోతే తిరిగి తెచ్చుకోలేం. ఆరోగ్యం జాగ్ర త్తగా చూసుకోవాలి. ► మీరు ట్యూన్స్‌ చాలా ఫాస్ట్‌గా ఇచ్చేస్తారట.. దర్శకుడు ట్యూన్‌ చెబుతున్నప్పుడు ఆ క్షణంలో ఏది అనిపిస్తే అది వాయిస్తుంటాను. చాలాసార్లు ట్యూన్స్‌ అలానే ఒకే అవుతాయి. ట్యూన్స్‌ అవలీలగా ఇచ్చినా దాని వెనక ఎంతో శ్రమ ఉంటుంది. చాలా సంవత్సరాల కృషి ఉంటుంది. చిన్నతనం నుంచి నేర్చుకున్న సంగీతం, పడ్డ తపన ఆ సందర్భంలో ఉపయోగపడతాయి. అవుట్‌పుట్‌ త్వరగా వచ్చినంత మాత్రాన ఈజీ అని కాదు. బిడ్డను కనడం అరగంట పనే కదా అనేయగలమా? పది నెలల శ్రమను తీసివేయలేం కదా. ఇది కూడా అలానే.

ప్రముఖ పాటల రచయిత శ్రీమణి కొత్త ఇన్నింగ్స్‌కి శ్రీకారం చుట్టారు. పదేళ్లుగా ప్రేమించిన ఫరాతో ఏడడుగులు వేశారు. వారిది ప్రేమ వివాహమే అయినా ఇరు కుటుంబాల పెద్దల సమ్మతితోనే ఈ వేడుక జరిగింది. ఈ విషయాన్ని శ్రీమణి సామాజిక మాధ్యమం ద్వారా వెల్లడించారు. ‘‘నా జీవితంలోకి నా దేవత ఫరాకు స్వాగతం. పదేళ్లుగా ఈ మూమెంట్‌ కోసం ఎదురుచూశాం.. మా కల నెరవేరింది. మా మనసును అర్థం చేసుకున్న దేవుడికి, మా తల్లిదండ్రులకు థ్యాంక్స్‌’’ అని ట్విట్టర్‌లో పోస్ట్‌ చేశారు శ్రీమణి. ఆయన ట్వీట్‌కి సంగీత దర్శకుడు దేవిశ్రీ ప్రసాద్‌ స్పందిస్తూ, ‘శ్రీమణీ.. నీ రొమాంటిక్‌ లిరిక్స్‌ వెనక ఉన్న సీక్రెట్‌ ఇప్పుడు అర్థం అయ్యింది. ‘ఇష్క్‌ షిఫాయా’ అని పాడి, ‘రంగులద్దుకున్న’ అని సీక్రెట్‌గా లవ్‌ చేసి, ‘ఏమిటో ఇది’ అని మేమందరం అనుకునేలా పెళ్లి చేసుకున్నారన్న మాట. హ్యాపీ మ్యూజికల్‌ మ్యారీడ్‌ లైఫ్‌’ అని పోస్ట్‌ చేశారు.

స్టైలిష్ స్టార్ అల్లు అర్జున్, జీనియస్ డైరెక్టర్ సుకుమార్ కలయికలో మైత్రీ మూవీస్ నిర్మిస్తున్న పాన్ ఇండియా మూవీ ‘పుష్ప’. దేవి శ్రీ ప్రసాద్‌ సంగీతం అందిస్తున్న ఈ సినిమాపై ప్రేక్ష‌కుల్లో భారీగానే అంచనాలున్నాయి. కరోనా మూలంగా ఈ సినిమా షూటింగ్‌ వాయిదా పడింది. అయితే ఈ గ్యాప్‌లో రాక్‌స్టార్‌ డీఎస్పీ సినిమాకు సంబంధించిన అన్ని పాటలు కంపోజింగ్‌ చేశారట. అందులో ఓ ఐటమ్​ సాంగ్ ఫ్యాన్స్‌ అంచనాలకు ఏమాత్రం తగ్గకుండా ఉన్నట్లు తెలుస్తోంది. గతంలో సుకుమార్‌- డీఎస్పీ కాంబినేషన్‌లో వచ్చిన ఐటమ్స్‌ సాంగ్స్‌ ఎంత పెద్ద విజయం సాధించాయో తెలిసిందే. అలాగే బన్నీ-డీఎస్పీ కాంబో అంటే రాకింగ్‌ ఆల్బమ్‌ కచ్చితంగా ఉంటుందని ఫ్యాన్స్ బలంగా నమ్ముతుంటారు. ఈ నేపథ్యంలో పుష్ప ఆల్బమ్‌పై భారీ అంచనాలు ఉన్నాయి. వాటికి ఏ మాత్రం తగ్గకుండా రాక్‌స్టార్‌ పుష్ప సాంగ్స్‌ని కంపోజ్‌ చేసినట్లు తెలుస్తోంది. (చదవండి : కాబోయే భ‌ర్త‌ని ప‌రిచ‌యం చేసిన హాస్య న‌టి)  మరోవైపు పుష్ప సినిమా షూటింగ్‌ త్వరలోనే ప్రారంభం కానుందట. షూటింగ్‌లో పాల్గొనేందుకు బన్నీ రెడీగా ఉన్నా..సుకుమార్ మాత్రం ఇలాంటి ప‌రిస్థితుల్లో షూటింగ్ షురూ చేసేందుకు సుముఖంగా లేడ‌ట‌.షూటింగ్‌కి మరికొద్ది రోజులు సమయం తీసుకుందామని సుక్కు చెప్పినట్లు తెలుస్తోంది. మ‌రోవైపు సినిమాటోగ్రాఫ‌ర్ మిరొస్లా బ్రొజెక్ లాక్ డౌన్ కు ముందే పోలండ్ కు వెళ్లిపోగా..మ‌ళ్లీ ఇండియాకు తిరిగి రావాల్సి ఉంది. మిరొస్లా భార‌త్ కు వ‌చ్చి సుకుమార్ తో క‌లిసి లొకేష‌న్ల‌ను ఫిక్స్ చేసిన త‌ర్వాత షూటింగ్ షెడ్యూల్ ను ఫైన‌లైజ్ చేయ‌నున్నారు. ఇదంతా జ‌ర‌గాలంటే మ‌రికొన్ని వారాలు ప‌ట్టే అవ‌కాశం ఉంది. రష్మికా మందన్నా కథానాయికగా నటిస్తున్న ఈ సినిమాలో సునీల్‌ శెట్టి, బాబీ సింహా ముఖ్య పాత్రల్లో కనిపించనున్నారు. ఈ సినిమా తెలుగు, హిందీ, తమిళ, మలయాళ, కన్నడ భాషల్లో విడుదల కానుంది.

హైదరాబాద్‌: అంతర్జాతీయ సంగీత దినోత్సవం సందర్భంగా సంగీత అభిమానులకు రాక్‌స్టార్‌ దేవిశ్రీప్రసాద్‌ ప్రత్యేక శుభాకాంక్షలు తెలుపుతూ ఓ స్పెషల్‌ వీడియోను విడుదల చేశారు. అంతేకాకుండా ఈ వీడియోను ఫాదర్స్‌ డే సందర్భంగా తన తండ్రి సత్యమూర్తికి, సంగీత పాఠాలు నేర్పిన తన గురువుకు అంకితమిస్తున్నట్లు పేర్కొన్నాడు. ప్రస్తుతం ఈ వీడియో సంగీత ప్రియుల్ని, ముఖ్యంగా మాస్‌ అండ్‌ ఫాస్ట్‌ బీట్‌ సాంగ్స్‌ను అభిమానించే వారికి బాగా నచ్చుతోంది. (‘హేయ్‌..సత్తి నా పాట విన్నావా?') ఎలాంటి సంగీత వాయిద్య పరికరాలు ఉపయోగించకుండా తన బృందంతో కలసి ప్లాస్టిక్‌ కుర్చీలు, ట్రంకు పెట్టెలనే డ్రమ్స్‌గా ఉపయోగించుకొని అందరినీ ఉర్రూతలూగించే సూపర్బ్‌ ప్రదర్శన చేశారు. అయితే ఈ ప్రదర్శన తాజాగా చేసింది కాదు. గతంలో యూఎస్‌ఏలో జరిగిన ఓ మ్యూజికల్‌ షోలో చేసిన పర్ఫార్మెన్స్‌కు సంబంధించిన వీడియోను తాజాగా తన ట్విటర్‌లో షేర్‌ చేశారు. ఇక ఈ క్రేజీ మ్యూజిక్‌ డైరెక్టర్‌ ప్రతిభకు, క్రియేటివిటీకి నెటిజన్లు ఫిదా అవుతున్నారు. (‘మా నాన్న నవ్వు.. మా బిడ్డ చిరునవ్వు’) రాళ్లు రప్పలతో కూడా సంగీతాన్ని అందించొచ్చని దేవిశ్రీ మరోసారి నిరూపించాడని అందుకే అతడిని రాక్‌స్టార్‌ అంటారని ఓ అభిమాని కామెంట్‌ చేశాడు. ఇక లాక్‌డౌన్‌ సమయంలో తన పాత షోలకు సంబంధించిన వీడియోలను ఒక్కొక్కటి విడుదల చేస్తూ ఆడియన్స్‌ను ఎంటర్‌టైన్‌ చేస్తున్నాడు దేవిశ్రీ. గతంలో తన తండ్రి సత్యమూర్తి జయంతి సందర్బంగా మ్యూజికల్‌ విషెస్‌ తెలుపుతూ విడుదల చేసిన వీడియో అందరినీ తెగ ఆకట్టుకుంటున్న విషయం తెలిసిందే. (సీతు పాప సింపుల్‌ యోగాసనాలు) On #WorldMusicDay2020 tomorrow, Since MUSIC HAS NO LANGUAGE, Hope U all wud like 2 watch this FULL PERFORMANCE, When I, along wit my RHYTHM PLAYERS, turned these LIFELESS OBJECTS into DRUMS filled wit LIFE 💟🥁🎶 FULL VIDEO-9AM..21ST JUNE Subscribe to https://t.co/zuPJJrmU6I pic.twitter.com/D855136wpU — DEVI SRI PRASAD (@ThisIsDSP) June 20, 2020

సాక్షి, హైదరాబాద్‌ : నాకూ బాగా ఆనందం వేసినప్పుడు నాన్నని ‘హేయ్‌..సత్తి నా పాట చూశావా? ఎలా ఉందేంటి? ఏంటీ ఏం మాట్లాడట్లేదు’ అంటూ పిలిచేవాడ్ని. ఆయన కూడా అంతే జోష్‌లో ‘రేయ్‌ కొడతా..పెద్ద డైరెక్టర్‌ అయ్యావని పేరుతో పిలుస్తున్నావా? నాకు దొరకవా..నువ్వు’ అంటున్న సమయంలో ఆ సంతోషానికి అవధులు లేకుండా పోయేవని ప్రముఖ సంగీత దర్శకులు దేవీశ్రీప్రసాద్‌ అన్నారు. నాన్నను కొన్ని సందర్భాల్లో అలా పేరు పెట్టి పిలిచేంత సాన్నిహిత్యం నాకు రావడం నా అదృష్టంగా భావిస్తున్నా..! ఊహ తెలిసినప్పటి నుంచి నాన్నతో గడిపిన ఆ సరదా సన్నివేశాలు, నాన్న నన్ను మెచ్చుకున్న సందర్భాలు, ఇతరులను ఆదర్శంగా తీసుకోవాలనే ఆయన సూచించే సూచనలు ఎప్పుడూ నాతోనే ఉంటాయి. నాన్న కొట్టాడని, తిట్టాడని, అరిచాడని మనం అలిగి ఆయనపై నిందలు వేస్తే మన జీవితానికి అర్థం లేదంటూ ‘ఫాదర్స్‌డే’ సందర్భంగా దేవీశ్రీప్రసాద్‌ ‘సాక్షి’తో ప్రత్యేకంగా ముచ్చటించారు. తండ్రి సత్యమూర్తితో ఆయనకున్న అనుబంధం ఆయన మాటల్లోనే.. తప్పు చేస్తే కొట్టేవారు కాదు  నాన్న మంచి ఒక టీచర్, మంచి రైటర్, సింగర్‌ కూడా. ఆయన టీచర్‌ కావడంతో పిల్లలతో ఎలా ఉండాలనేది బాగా తెలుసు. అనుకోకుండా ఏదైనా తప్పు చేస్తే కొట్టేవారు కాదు తిట్టేవారు. ఆ తప్పు వల్ల పిల్లలు ఎలాంటి చెడు మార్గంలో వెళతారు అనేది ఏదైనా ఒక ఉదాహరణ ద్వారా చెప్పేవారు. పిల్లలకు ఇది చేయొద్దు అంటే అదే చేస్తారు కాబట్టి ఆయన కొత్తగా ట్రై చేసేవారు. స్కూల్లో టీచర్లు కంప్లైంట్‌ చేస్తే వాళ్లకు క్లాస్‌ తీసుకునేవారు.(ధనుష్‌ చిత్రాలను రజినీ ఎందుకు నిరాకరించారు?) ‘నాన్నకు ప్రేమతో’ దగ్గరయ్యా..  హీరో ఎన్టీఆర్‌ సినిమా ‘నాన్నకు ప్రేమతో’లో టైటిల్‌ సాంగ్‌ ‘నాన్నకు ప్రేమతో’ సాంగ్‌ని రాసి పాడాను. ఆ పాట ఎంత విజయవంతం అయ్యిందో..ప్రత్యేకంగా చెప్పన్నక్కర్లేదు. అప్పటి వరకు ఎందరో పిల్లలు వాళ్ల తండ్రులను సరిగ్గా చూసుకోకపోవడం, గౌరవించకపోవడం, ప్రేమించకపోవడం వంటివి చేసేవారు. ఈ సాంగ్‌ విన్నాక కొన్ని లక్షల మంది నాకు ట్విట్టర్, ఫేస్‌బుక్, ఇన్‌స్ట్రాగామ్, వాట్సప్‌లలో సందేశాలు పంపారు. మీరు రాసి, పాడిన పాట మా హృదయాలను ఎంతో తాకింది, మా నాన్నపై ప్రేమ, గౌరవం, ఆప్యాయత, అనురాగం పెరిగిందన్నారు. లైఫ్‌లో ఇంతకన్నా బెస్ట్‌ ఇంకేం ఉంటుంది?. నా హృదయానికి బాగా నచ్చిన పాట అది. ఇళయరాజా వస్తున్నాడనేవారు  పెద్దాయ్యాక నువ్వు ఏం అవ్వాలనుకుంటున్నావని స్కూల్లో అడిగారు. నేను అప్పుడు 6వ తరగతి చదువుతున్నాను. పెద్ద మ్యూజిక్‌ డైరెక్టర్‌ అవ్వాలనుకుంటున్నా అన్నాను. అంతే..ఆ తర్వాత రోజు నుంచి నేను స్కూలుకు వస్తుంటే ‘అరేయ్‌ ఇళయరాజా’ వస్తున్నాడురా అని ఆటపట్టించేవారు. ఈ విషయాన్ని నాన్నకు చెబితే నాన్న నవ్వేవారు. వాళ్లు అలా ఆటపట్టిస్తున్నారు కదా? నువ్వు దానిని సీరియస్‌గా తీసుకో..మ్యూజిక్‌ డైరెక్టర్‌ అయిపో అంటూ నా భుజం తట్టి, నాలో సంకల్పాన్ని నింపిన గొప్ప వ్యక్తి మా నాన్న.  ఏటా ఊరికి వెళ్లేవాళ్లం  మాది తూర్పుగోదావరిలోని ‘వెదురుపాక’ గ్రామం. మేం చెన్నైలో సెటిల్‌ అయినప్పటికీ..మాకు సొంత ఊరుపై మమకారం ఉండాలని అక్కడ అన్ని  సౌకర్యాలతో మంచి ఇల్లు కట్టారు. ప్రతి ఏటా సంక్రాంతి, దసరా సమయాల్లో వెదురుపాక వెళ్తుండేవాళ్లం.  నాన్న కొనిచ్చిన కారు ఇప్పటికీ జ్ఞాపకంగా ఉంచుకున్నాను. ఈ ఐదేళల్లో నాన్న లేని లోటు స్పష్టంగా కనిపిస్తుంది.  నాన్నను ప్రేమిద్దాం  ఎంత తప్పు చేసినా కడుపులో పెట్టుకుని క్షమించే దయాహృదయుడు నాన్న మాత్రమే. నాన్న మనతో ఉన్నంత వరకు మన వెనక ఉన్న కొండంత బలాన్ని మనం అంచనా వేయలేం.  అందిపుచ్చుకోలేం, గ్రహించలేం. ఒక్కసారి ఆ అండ దూరమైతే ఆయన వాల్యూ ఏంటి అనేది అప్పుడే తెలుస్తుంది. కోపంలో నాన్న తిట్టాడని, కొట్టాడని, అరిచాడని మీరు మీ ఫ్రెండ్స్‌ వద్ద నాన్న గురించి తప్పుగా మాట్లావద్దు. లోపల ఏదైనా బాధ, ఆలోచన ఉంటేనే మనపై అరుస్తారు. కాబట్టి మనందరం నాన్నని ప్రేమిద్దాం, గౌరవిద్దాం..పూజిద్దాం. మనల్ని కన్న తల్లిదండ్రులకు మనమిచ్చే అతి పెద్ద గిఫ్ట్‌ ఇదే..!   

బాలీవుడ్‌ కండల వీరుడు సల్మాన్‌ ఖాన్‌ సీటీ మార్‌ అంటూ చిందేసేందుకు సిద్ధమవుతున్నారు. తన తాజా చిత్రం ‘రాధే: యువర్‌ మోస్ట్‌ వాంటెడ్‌ భాయ్‌’లో తెలుగు ‘సీటీ మార్‌’ పాటని రీమిక్స్‌ చేసేందుకు రెడీ అవుతున్నారు. ప్రభుదేవా దర్శకత్వంలో సల్మాన్‌ ఖాన్‌ హీరోగా నటించిన చిత్రం ‘రాధే: యువర్‌ మోస్ట్‌ వాంటెడ్‌ భాయ్‌’. ఈ చిత్రాన్ని రంజాన్‌ సందర్భంగా మే నెలలో విడుదల చేయాలనుకున్నారు. అయితే కరోనా వైరస్‌ కారణంగా నెలకొన్న లాక్‌ డౌన్‌తో సినిమా విడుదల వాయిదా పడింది. తాజా సమాచారం ఏంటంటే.. అల్లు అర్జున్‌ హీరోగా నటించిన ‘దువ్వాడ జగన్నాథమ్‌’ చిత్రంలోని హిట్‌ సాంగ్‌ ‘సీటీ మార్‌.. సీటీ మార్‌..’ని ‘రాధే..’ చిత్రం కోసం  రీమిక్స్‌ చేయనున్నారట. ఒరిజినల్‌ తెలుగు వెర్షన్‌కి సంగీతం అందించిన దేవిశ్రీ ప్రసాద్‌ హిందీ రీమిక్స్‌ పాటకి కూడా స్వరాలు అందించనున్నారని సమాచారం. కాగా అల్లు అర్జున్‌ ‘ఆర్య 2’ చిత్రంలోని ‘రింగ రింగ..’ పాటని సల్మాన్‌ ఖాన్‌ ‘రెడీ’ చిత్రంలో ‘ధింక చికా...’ అంటూ రీమిక్స్‌ చేయగా సూపర్‌ హిట్‌గా నిలిచిన సంగతి తెలిసిందే. ‘సీటీ మార్‌...’ హిట్‌ ట్యూన్‌ కాబట్టి రీమిక్స్‌ ట్యూన్‌ కూడా ఆకట్టుకుంటుందని ఊహించవచ్చు. దిశా పటాని, రణదీప్‌ హుడా, జాకీ ష్రాఫ్‌ తదితరులు నటించిన ‘రాధే: యువర్‌ మోస్ట్‌ వాంటెడ్‌ భాయ్‌’ చిత్రాన్ని రీల్‌ లైఫ్‌ ప్రొడక్షన్స్, సోహైల్‌ ఖాన్‌ ప్రొడక్షన్స్, సల్మాన్‌ ఖాన్‌ ఫిల్మ్స్‌ సంయుక్తంగా నిర్మించాయి.

చెన్నై : ప్రముఖ సంగీత దర్శకుడు దేవిశ్రీ ప్రసాద్‌.. తన తండ్రి సత్యమూర్తి జయంతి సందర్భంగా ఆయనకు నివాళులర్పించారు.  ఈ సందర్భంగా తన తండ్రితో దిగిన ఫొటోలను పోస్ట్‌ చేసిన డీఎస్పీ.. ఆయనను ఎంతగానో మిస్‌ అవుతున్నామని పేర్కొన్నారు. సన్నాఫ్‌ సత్యమూర్తి అని చెప్పుకోవడం ఎప్పుడు గర్వంగా ఉంటుందన్నారు. ఆయన బర్త్‌ డే రోజును మ్యూజికల్‌గా జరుపుకుందామని చెప్పిన దేవి.. అభిమానుల కోసం తన షోలకు సంబంధించిన కొన్ని ప్రదర్శనలను సోషల్‌ మీడియాలో షేర్‌ చేస్తానని చెప్పారు. తొలుత యూఎస్‌ఏలో ఓ షో కోసం శ్రద్దా దాస్‌తో కలిసి రాఖీ రాఖీ సాంగ్‌ రిహార్సల్‌ చేస్తున్న వీడియోను దేవి శ్రీ పోస్ట్‌ చేశారు. రిహార్సల్‌కు, ఫైనల్‌ షోకు మధ్య నాకు తేడా తెలియదని అన్నారు. నాకు తెలిసిందల్లా.. ప్రేమతో పర్ఫామెన్స్‌ అందించడమేనని పేర్కొన్నారు. అది తనకు నెర్పించిన తన తండ్రికి కృతజ్ఞతలు తెలిపిన దేవి.. మ్యూజికల్‌ బర్త్‌ డే విషెస్‌ తెలియజేశారు. కాగా, దేవికి తన తండ్రి సత్యమూర్తిపై ఎంత ప్రేమ ఉందో అందరికి తెలిసిందే. పలు వేడుకలపై దేవి తన తండ్రిపై ఇష్టాన్ని వ్యక్తపరిచారు కూడా. అనారోగ్య కారణాలతో సత్యమూర్తి కొన్నేళ్ల కిందట మృతిచెందారు. ‘ఏ కష్టం ఎదురొచ్చినా...’ అంటూ సాగే పాటను రచించిన దేవి.. తన తండ్రిపై ప్రేమను అందులో వ్యక్తపరిచారు. ఈ సాంగ్‌ను దేవి తన సోదరుడు సాగర్‌తో కలిసి పాడారు.  So here is d 1st of #DSPSingleShotVideos #RAKHI wit @shraddhadas43 I never know d difference between REHEARSAL & FINAL SHOW All I know is d LOVE to PERFORM❤️ Thanks to my Father 4 teaching me that🙏🏻 HAPPY MUSICAL BDAY dearest DADDY#SatyaMurty garu❤️https://t.co/yYTyQgrbTo — DEVI SRI PRASAD (@ThisIsDSP) May 24, 2020

అమ్మంటే అనురాగం అమ్మంటే ఆనందం అమ్మంటే ఆత్మీయం అమ్మంటే ధైర్యం అమ్మంటే త్యాగం అమ్మంటే రక్షణ అమ్మంటే ఓదార్పు అమ్మంటే... చెప్పడానికి ఇలా ఎన్నో ఉంటాయి. ‘మదర్స్‌ డే’ సందర్భంగా ‘మా అమ్మే మా స్టార్‌’ అంటూ కొందరు సినీ స్టార్స్‌ పంచుకున్న విశేషాలు. మన తప్పులను ప్రేమించే వ్యక్తి అమ్మ: దేవిశ్రీ ప్రసాద్‌ ► అమ్మ గురించి మాటల్లో చెప్పడం అంత సులభం కాదు. కొన్ని వేల పాటలు చేసినా కూడా అమ్మ గురించిన కంప్లీట్‌ ఎమోషన్‌ను చెప్పలేం. ఎందుకంటే వారు చూపించే ప్రేమ అటువంటిది. అమ్మ చేసే త్యాగాలు అటువంటివి. మనం ఎన్ని తప్పులు చేసినా ఎప్పుడూ ఒకేలా మనల్ని ప్రేమించగల ఏకైక వ్యక్తి అమ్మ. అటువంటి ప్రేమకు ప్రతిరూపమైన మదర్స్‌ అందరికీ ‘హ్యాపీ హ్యాపీ మదర్స్‌ డే’. ► మా కుటుంబంలో మేమందరం సాధించిన ప్రతి విజయానికి కారణం మా అమ్మగారే. మా కోసం ఆమె ఎన్నో త్యాగాలు చేశారు. మా అందరి పని కంటే మా అమ్మగారు మా కోసం చేసే పనే ఎక్కువ. ఏ పనినైనా చాలా అకింతభావంతో, ఏకాగ్రతగా చేస్తారు. ‘మీరు చేసే హార్డ్‌వర్క్, ఆ కమిట్‌మెంట్, ఆ డెడికేషన్‌లో మాకు పదిశాతం ఉన్నా మేం జీవితంలో ఇంకా ఉన్నత స్థాయికి వెళతాం’ అని మా అమ్మగారితో నేను అంటుంటాను. ఈ విషయాన్ని మా నాన్నగారు కూడా ఒప్పుకున్నారు. ‘మా ఆవిడకు నలుగురు పిల్లలండీ నాతో కలిపి’ అని మా నాన్నగారు అంటుండేవారు. మా నాన్నగారిని కూడా మా అమ్మగారు ఓ చిన్నపిల్లాడిలా చూసుకున్నారు. ► నా ఇంటిపైనే నా స్టూడియో ఉంటుంది. దాని పై నా పెంట్‌హౌస్‌ ఉంటుంది. కింద అమ్మ ఉంటారు. పైన నేను ఉంటాను. మాములుగానే లంచ్‌ టైమ్, డిన్నర్‌లను మా అమ్మగారితో చేస్తాను. ఈ క్వారంటైన్‌ సమయంలో అమ్మతో ఇంకా ఎక్కువసేపు స్పెండ్‌ చేస్తున్నాను. ఖాళీ సమయంలో నేను ఏదైనా వంటకాన్ని ట్రై చేద్దామన్నా కూడా అమ్మ ఒప్పుకోవడం లేదు. ► ఈ మదర్స్‌ డే రోజు మా అమ్మగారి గురించి మాట్లాడటం చాలా చాలా హ్యాపీగా ఉంది. మా అమ్మగారి గురించి చెప్పమంటే నేను చెబుతూనే ఉంటాను. మా అమ్మగారు వంట చేసినప్పుడల్లా నేను ఓ కాంప్లిమెంట్‌ ఇస్తూనే ఉంటాను. ‘మమ్మీ వంటలో నువ్వు ఇళయరాజాగారిలా అని’. మ్యూజిక్‌ గురించి ఏదైనా పోల్చాలంటే నా దృష్టిలో ఇళయరాజాగారు నంబర్‌ వన్‌. ‘మ్యూజిక్‌లో ఇళయరాజాగారు ఎలానో వంటలో నువ్వు అలా’ అని మా అమ్మకు నేను కాంప్లిమెంట్‌ ఇస్తుంటాను. ► చిన్నతనం నుంచే మ్యూజిక్‌ పట్ల చాలా ఆసక్తికరంగా ఉండేవాడిని. చాలా ఎక్కువ టైమ్‌ స్పెండ్‌ చేసేవాడిని. స్కూలు, మ్యూజిక్‌ క్లాసులు, ఇంటికి వచ్చిన తర్వాత మ్యాండలిన్‌ శ్రీనివాస్‌గారి దగ్గర క్లాసులు, మళ్లీ ప్రాక్టీస్‌.. ఇలా వేళకు భోజనం చేయడానికి కుదిరేది కాదు. అందుకే ఇప్పటికీ నాకు డిఫరెంట్‌ టైమ్స్‌లో ఆకలి వేస్తుంది. అప్పుడు ఏదైనా తినాలనిపిస్తుంది. ఆశ్యర్యంగా అప్పుడే మా అమ్మగారు ఫోన్‌ చేసి ‘ఏరా.. ఆకలేస్తుందా’ అని అడుగుతారు. ఇది జరిగినప్పుడల్లా నాకు ఒళ్లు పులకరిస్తుంది. ‘నాకు ఆకలేస్తున్నట్లు మీకు ఎలా తెలిసింది?’ అంటే ‘ఏమోరా నాకు అనిపించింది’ అని చెబుతారు. ఇంకో విశేషం ఏంటంటే.. నేను ఏదైతే తినాలనుకుంటున్నానో మా అమ్మగారు ఆ డిష్‌ పేరు చెప్పి తింటావా? అని అడుగుతారు. ఉదాహరణకు నాకు ఎగ్‌ రైస్‌ తినాలనిపించిందనుకోండి.. ‘ఏరా ఎగ్‌రైస్‌ తింటావా?’ అని మా అమ్మగారు అడుగుతారు. అమ్మా నేను అదే అనుకుంటున్నాను అంటాను. చాలా ఆశ్చర్యపోతారు. ఇలాంటివి చాలా జరిగాయి. మనం అందరం అమ్మకు రుణపడి ఉండాలి. వారిని ప్రేమిస్తూ, బాగా చూసుకుంటూ, వారితో ఎక్కువ సమయం గడపడమే మనం చేయగలిగింది. ఎందుకంటే వారి స్థాయికి మనం ఎప్పుడూ చేరుకోలేం. హ్యాపీ మదర్స్‌ డే. విత్‌ లవ్‌ టు మై మదర్‌ శివమణి సత్యమూర్తిగారు. మళ్లీ మళ్లీ నీకే పుట్టాలనుకుంటున్నా: చిన్నికృష్ణ ► బుడి బుడి అడుగుల నుంచి పరుగుల వరకు.. జీవితంలో అమ్మ (లక్ష్మీ సుశీల) ఎన్నో పాఠాలు నేర్పింది. నా జీవిత ప్రయాణానికి కూడా గురువు అయ్యింది. మా ఇంటో ఓ కష్టం వస్తే.. దేశంలో ఉన్న ఎన్నో దేవాలయాలు తిప్పింది. అమ్మ వేలు పట్టుకుని అన్ని గుళ్లూ తిరిగాను. అప్పుడు ఎన్నో కథలు చెప్పింది. ఆ కథలే ప్రేక్షకులకు చెప్పే రచయితను చేశాయి. ► నేను సంపాదించడం మొదలుపెట్టాక ఏం కావాలని అడిగితే అమ్మ ‘కపిల గోవు’ని అడిగింది. మాకు గోశాల ఉండేది. అమ్మ అడిగిన గోవుని కొనిపెడితే సంబరపడిపోయింది. అమ్మకి తన పిల్లలు ఎప్పుడూ చిన్నవాళ్లే. ఇప్పటికీ నాకు అన్నం తినిపిస్తుంది. ► మానవత్వానికి, మంచితనానికి జంతువుల్లో ఆవుకి ప్రథమ తాంబూలం ఇస్తారు. అలా మానవత్వంలో మా అమ్మకు నేను ప్రథమ తాంబూలం ఇస్తాను. అందర్నీ సమానంగా చూడటం అనేది ఆమె దగ్గరే నేర్చుకున్నాను. వాళ్లూ వీళ్లూ అనే తేడా లేదు. మా అమ్మగారు ఆర్‌ఎస్‌ఎస్సా? మదర్‌ థెరిస్సానా? ఇప్పటికీ నాకు అర్థం కాదు. ఆవిడకు అందరూ ఒకటే. ‘మానవకులం’ అనుకుంటుంది. చెడ్డవాళ్లల్లోనూ మంచిని చూసే మనిషి. చెడ్డవాళ్లకు దూరంగా ఉండకు. వీలైతే మంచివాళ్లలా మార్చు అని చెప్పింది. అందుకే ‘అమ్మా... మళ్లీ మళ్లీ నీ కడుపునే పుట్టాలనుకుంటున్నాను’. ► అమ్మ నా దగ్గరే ఉంటుంది. మా అన్నయ్య, చెల్లెలు తెనాలిలో ఉంటారు. వాళ్లతో, వాళ్ల పిల్లలతో ఉండాలని తెనాలి వెళ్లింది. జీవితంలో ఎన్నో ఆనందకరమైన విషయాలకు కారణంగా నిలిచిన అమ్మా... నీకు ‘హ్యాపీ మదర్స్‌ డే’. లక్ష్మీ సుశీల, చిన్నికృష్ణ చిన్నప్పటి రోజులకు వెళ్లిపోయాం: కాజల్‌ అగర్వాల్‌ ► నా పదేళ్ల కెరీర్‌లో ఇన్ని రోజులు ఇంట్లో ఉండటం ఇదే ఫస్ట్‌ టైమ్‌. ఇంట్లో వాళ్లతో క్వాలిటీ టైమ్‌ స్పెండ్‌ చేస్తున్నాను. అమ్మ, నాన్న, నాన్నమ్మతో ఎక్కువ టైమ్‌ గడిపే వీలు దొరికింది. అలాగని సమయాన్ని వృథా చేయడం లేదు. నన్ను నేను బిజీగా ఉంచుకుంటున్నాను. అందరం కష్టకాలంలో, భయంలో ఉన్నాం. దీన్ని ఎలా అయినా దాటగలుగుతాం. ► నేను అమ్మకి చాలా క్లోజ్‌. నేను ఈరోజు మంచి పొజిషిన్‌లో ఉన్నానంటే దానికి కారణం కచ్చితంగా మా అమ్మే. నన్ను సరైన మార్గంలో గైడ్‌ చేస్తుంటుంది. నాకు వంట నేర్పించాలని చాలా ఏళ్లుగా ప్రయత్నిస్తోంది అమ్మ. ఫైనల్‌గా ఇప్పుడు  నేర్చుకుంటున్నాను. నేను వంట గది బాధ్యతలు తీసుకోవడం అమ్మకు చాలా సంతోషంగా ఉంది (నవ్వుతూ). ► మా చిన్నప్పుడు నేను, చెల్లెలు (నిషా అగర్వాల్‌) మదర్స్‌ డే కోసం స్పెషల్‌గా గ్రీటింగ్‌ కార్డ్‌ తయారు చేసి, అమ్మకి ఇచ్చేవాళ్లం. అలాగే ఆ రోజు బ్రేక్‌ఫాస్ట్‌ మేమే తయారు చేసేవాళ్లం. అమ్మ గదిని బాగా అలంకరించేవాళ్లం. పెద్దయ్యాక లంచ్‌కి బయటికి తీసుకెళుతున్నాం. లాక్‌డౌన్‌ ముందు వరకూ మదర్స్‌ డే అంటే అవుటింగే. కానీ ఇప్పుడు చిన్నప్పటి రోజులకు వెళ్లిపోయాం. బయటికి వెళ్లలేం కాబట్టి, చిన్నప్పుడు చేసినట్లుగా మా అమ్మ రూమ్‌ని అందంగా డెకరేట్‌ చేశాం. బ్రేక్‌ఫాస్ట్‌ కూడా మేమే తయారు చేస్తాం. ► అమ్మకు బహుమతులంటే ఇష్టం ఉండదు. తనతో మేం ఉండటమే పెద్ద గిఫ్ట్‌ అనుకుంటుంది. ఈ లాక్‌డౌన్‌ వల్ల ఓ రెండు నెలలుగా అమ్మతోనే ఉంటున్నాను. ఆవిడకు చాలా ఆనందంగా ఉంది. తల్లి సుమన్‌ అగర్వాల్‌తో కాజల్‌ అమ్మ ఏం చెప్పినా వింటాను: నిధీ అగర్వాల్‌ ► సాధారణంగా షూటింగ్స్‌తో బిజీగా ఉండటంవల్ల ఇంటిపట్టున ఉండటానికి కుదరదు. ఇప్పుడు ఇంట్లో ఉండటం చాలా బావుంది. ఇంట్లో ఉండటం ఎవ్వరికైనా ఇష్టమే కదా. అమ్మ చేతి వంట తింటూ జాగ్రత్తగా ఉంటున్నాం. ఇంట్లో ఉంటే చాలా గారాభంగా చూస్తారు. ఇలా ఎక్కువ రోజులు ఇంట్లో ఉండి 2–3 ఏళ్లు అవుతోంది. షూటింగ్స్‌ వల్ల మహా అయితే 2 రోజులు కూడా ఉండటానికి కుదిరేది కాదు. ► చిన్నప్పుడు మదర్స్‌ డే అంటే అమ్మకి స్వయంగా గ్రీటింగ్‌ కార్డ్‌ తయారు చేసి ఇచ్చేదాన్ని. ఎలాంటి కార్డ్‌ తయారు చేయాలనే విషయంలో ముందు రోజంతా ఆలోచించేదాన్ని. అలాగే చిన్న చిన్న గిఫ్ట్స్‌తో సర్‌ప్రైజ్‌ చేసేదాన్ని. ► ఈ మదర్స్‌డేకి అమ్మకి ఏదైనా కొందామంటే బయటకు వెళ్లే వీలు లేదు. ఇవాళ అమ్మ ఏం చెప్పినా వింటాను (నవ్వుతూ). షూటింగ్స్‌ ఉన్నప్పుడు ఇంటికి ఫోన్‌  చేయడం కుదరదు. కొన్నిసార్లు ఇంటి నుంచి ఫోన్‌ వచ్చినా ఆన్సర్‌ చేయడం వీలవదు. కానీ ఈసారి నుంచి అమ్మ ఫోన్‌ని ఎప్పుడూ మిస్‌ చేయకూడదని నిశ్చయించుకున్నాను. ► అమ్మానాన్న ఇద్దరితోనూ నేను క్లోజ్‌. అమ్మతో మంచి అటాచ్‌మెంట్‌ ఉంది. అమ్మకు చిన్న వయసులోనే నేను పుట్టాను. మా ఇద్దరి మధ్య 20 ఏళ్ల వ్యత్యాసం కూడా ఉండదు. చిన్నప్పటి నుంచి అమ్మ నన్ను అన్ని క్లాస్‌లకు పంపేది. కేవలం చదువు ఒక్కటే కాదు. మన పర్సనాలిటీ డెవలప్‌ అవ్వాలంటే అన్నీ నేర్చుకోవాలని డ్యాన్సింగ్‌ క్లాస్, స్పోర్ట్స్‌ క్లాస్‌ చేర్పించారు. ప్రస్తుతం నేను సినిమాలో ఈజీగా డ్యాన్స్‌ చేసినా, ఈజీగా ఎవ్వరితో అయినా కమ్యూనికేట్‌ అవుతున్నా అంటే చిన్నప్పుడు అమ్మ తీసుకున్న శ్రద్ధ వల్లే. మన ప్రవర్తన, అలవాట్లు ఇవన్నీ అమ్మ పెంపకం మీద ఆధారపడి ఉంటాయి. ఆ విధంగా చూస్తే ‘మై మమ్మీ ఈజ్‌ బెస్ట్‌’. మంచి చెబుతూ పెంచారు. ► లాక్‌డౌన్‌లో వంట గదిలో ఎక్కువ ప్రయోగాలు చేస్తున్నాను. ఇప్పటివరకూ  2 కేకులు బేక్‌ చేశాను. దోసె, గ్రీన్‌ చట్నీ, టీ తయారు చేశాను. అన్నింటికీ మా అమ్మ పదికి పది మార్కులు వేశారు. ఏదైనా పని చేస్తే పక్కాగా చేయాలి, లేదంటే పక్కన పెట్టేయాలి అనుకుంటాను నేను. ఆ అలవాటు అమ్మ వల్ల వచ్చింది. అలాగే మా అమ్మ అందర్నీ సమానంగా చూస్తారు. తననుంచి నేను నేర్చుకున్న మరొక విషయం అది. తల్లి ఇందూ అగర్వాల్‌తో నిధి

చాలా మంది నెటిజన్లకు తమ అభిమాన నటుల బర్త్‌ డేలకు సీడీపీ(కామన్‌ డిస్‌ప్లే పిక్చర్‌) పెట్టుకోవడం అలవాటుగా మారిన సంగతి తెలిసిందే. ఇలా చేయడం ద్వారా తమ అభిమానాన్ని చాటుకోవడమే కాకుండా.. తమ అభిమాన తారల క్రేజ్‌ను ప్రపంచానికి తెలిసేలా చేస్తున్నారు. ఈ క్రమంలోనే ఏప్రిల్‌ 8న పుట్టిన రోజు జరుపుకోనున్న హీరో అల్లు అర్జున్‌కు ప్రముఖ సంగీత దర్శకుడు మూడు రోజుల ముందుగానే సర్‌ప్రైజ్‌ ఇచ్చారు. బన్నీ బర్త్‌ డే సందర్భంగా కామన్‌ డీపీని విడుదల చేశారు. ‘నా ప్రియమైన స్నేహితుడు స్టైలిష్‌ స్టార్‌ అల్లు అర్జున్‌ సీడీపీని విడుదల చేయడం చాలా సంతోషంగా ఉంది. అడ్వాన్స్‌ హ్యాపీ బర్త్‌ డే బన్నీ బాయ్‌. బర్త్‌ డే రోజు మరోసారి విష్‌ చేస్తాను’ అని దేవీశ్రీ ట్వీట్‌ చేశారు.  దేవీశ్రీ ట్వీట్‌ చేసిన కొద్దిసేపటికే బన్నీ సీడీపీ సోషల్‌ మీడియాలో వైరల్‌గా మారింది. ప్రస్తుతం కరోనా కట్టడి కోసం దేశవ్యాప్తంగా లాక్‌డౌన్‌ కొనసాగుతున్న నేపథ్యంలో.. ఆ ఫొటోలో ‘ఇంటి వద్దే ఉండండి.. క్షేమంగా ఉండండి’ అనే సందేశాన్ని కూడా జతచేశారు. కాగా, బన్నీ, దేవీశ్రీల మధ్య మంచి స్నేహం ఉన్న సంగతి తెలిసిందే. సుకుమార్‌,  బన్నీ కాంబినేషన్‌లో తెరకెక్కుతున్న తాజా చిత్రానికి దేవీశ్రీనే మ్యూజిక్‌ అందిస్తున్నారు.

పవర్‌స్టార్‌ పవన్‌ కల్యాణ్‌కు ఉన్న ఫ్యాన్‌ ఫాలోయింగ్‌ గురించి ప్రత్యేకంగా చెప్పక్కర్లేదు. సినిమా హిట్టయినా ప్లాఫయినా ఆయనకు ఉండే క్రేజ్‌ ఏ మాత్రం తగ్గలేదు. ఖుషితో టాలీవుడ్‌లో సెన్సేషన్‌ క్రియేట్‌ చేసిన పవర్‌స్టార్‌ ఆ తర్వాత ఏడేళ్ల పాటు విజయం రుచి చూడలేదు. జానీ, గుడుంబా శంకర్‌, బాలు, బంగారం, అన్నవరం వంటి చిత్రాలు అన్ని వర్గాల ప్రేక్షకులను ఆకట్టుకోలేక బాక్సాఫీస్‌ వద్ద బోల్తాపడ్డాయి. ఈ సమయంలోనే ఓ క్రేజీ కాంబినేషన్‌కు బీజం పడింది. అప్పుడెవరూ అనుకోలేదు ఈ కాంబినేషన్‌ టాలీవుడ్‌లో నయా రికార్డులను సృష్టిస్తుందని.. సినీ అభిమానుల ఆలోచనల్లో మార్పులు తీసుకొస్తుందని.. ఆ జోడీయే పవన్‌-త్రివిక్రమ్‌. పవన్‌ క్రేజ్‌.. త్రివిక్రమ్‌ మాటలు.. దేవిశ్రీప్రసాద్‌ పాటలు ఇవన్నీ కలగలపి వచ్చిన చిత్రం ‘జల్సా’ . గీతా ఆర్ట్స్‌ బ్యానర్‌పై అల్లు అరవింద్‌ నిర్మించిన ఈ చిత్రం విడుదలై నేటికి పన్నెండేళ్లు పూర్తయింది.  పవన్‌ కల్యాణ్‌-ఇలియానల మధ్య వచ్చే లవ్‌ సీన్స్‌, పవన్‌-బ్రహ్మానందం, ప్రకాష్‌ రాజ్‌ కామెడీ సీన్స్‌, సినిమా ప్రారంభంలో మహేశ్‌ బాబు వాయిస్‌ ఓవర్‌, సినిమాలో ఫ్లాష్‌ బ్యాక్‌ ఎపిసోడ్‌లో సమాజంపై కోపంతో నక్సలైట్‌ పాత్రలో చెగువేరా గెటప్‌లో పవన్‌ కనిపించడం ఇవన్నీ సినిమాకు ప్రధాన బలంగా నిలిచాయి. అంతేకాకుండా ప్రతీ సీన్‌లోనూ త్రివిక్రమ్‌ తన మ్యాజిక్‌ చూపించాడు. ఇక తివిక్రమ్‌ అంటేనే ఆలోచింపజేసే మాటలు, డైలాగ్‌లకు కేరాఫ్‌ అడ్రస్‌ అన్న విషయం తెలిసిందే. ‘యుద్దం గెలవడం అంటే శత్రువును చంపడం కాదు.. ఓడించడం’అంటూ పవన్‌ చెప్పే పవర్‌ఫుల్‌ డైలాగ్‌లు థియేటర్‌లో ఈలలు వేయించాయి. అంతేకాకుండా దేవిశ్రీప్రసాద్‌ అందించిన సంగీతం, బ్యాక్‌గ్రౌండ్‌ మ్యూజిక్‌ సినిమాను మరో మెట్టుపై నిలిచేలా చేసింది. అన్ని వర్గాల ప్రేక్షకులను అలరించిన ఈ చిత్రం బాక్సాఫీస్‌ వద్ద అనేక రికార్డులను తిరగరాసింది. అంతేకాకుండా ఎక్కువ థియేటర్లలో వందరోజులు పూర్తి చేసుకుని ఘన విజయం సాధించింది. మరి ఇంకెందుకు ఆలస్యం చేస్తున్నారు లాక్‌డౌన్‌ నేపథ్యంలో కుటుంబంతో కలిసి ఇంట్లోనే ఉంటున్నారు కదా అందరూ కలిసి మరోసారి జల్సా చూసి ఎంజాయ్‌ చేయండి.  చదవండి: చిరంజీవికి జేజేలు: పవన్‌ కళ్యాణ్‌ ‘బాహుబలి’ని బ్రేక్‌ చేసిన మహేశ్‌ చిత్రం

మెగాస్టార్ చిరంజీవి మరో మేనల్లుడు వైష్ణవ్‌ తేజ్‌ హీరోగా పరిచయమవుతున్న చిత్రం ‘ఉప్పెన’. దర్శకుడు సుకుమార్‌ దగ్గర అసోసియేట్‌గా పని చేసిన బుచ్చిబాబు సానా ఈ సినిమాతో దర్శకుడిగా పరిచయమవుతున్నారు. కథానాయికగా కృతీ శెట్టి నటిస్తున్నారు. మైత్రీ మూవీ మేకర్స్, సుకుమార్‌ రైటింగ్స్‌ పతాకాలపై నవీన్‌ ఎర్నేని, వై. రవిశంకర్‌ నిర్మిస్తున్న ఈ సినిమా ఏప్రిల్‌ 2న విడుదల కానుంది. ఈ సందర్భంగా మూవీ ప్రమోషన్లను చిత్ర బృందం అప్పుడే ప్రారంభించింది. ఇందులో భాగంగా సినిమాలోని తొలి పాటను సోమవారం సాయంత్రం 4:05 గంటలకు విడుదల చేయనున్నట్లు చిత్ర బృందం ప్రకటించింది. దీనికి సంబంధించి ఓ చిన్న వీడియోను కూడా రిలీజ్‌ చేసింది.  60 సెకన్ల నిడివి గల ఈ వీడియోలో సముద్రపు ఒడ్డును సంగీత దర్శకుడు దేవిశ్రీ ప్రసాద్‌తో దర్శకుడు బుచ్చిబాబు మ్యూజిక్‌ సిట్టింగ్‌ చేశారు. ‘హీరో దర్గా దగ్గర ఫస్ట్‌ టైమ్‌ హీరోయిన్‌ను చూస్తాడు. చూసి ఆ దేవుడికి పెట్టే దండం.. అదే దండం ఈ అమ్మాయికి పెడతాడు. అప్పుడు దర్గానుంచి వచ్చే కవాలి మ్యూజిక్‌తో మంచి సాంగ్‌ ఇవ్వండి. ఈ పాటను ప్రేమతో నింపేయండి సర్‌’అంటూ డైరెక్టర్‌ రాక్‌స్టార్‌ను కోరతాడు. ‘ప్రేమ ఒక సముద్రం.. అందులో వాడిదొ పడవ ప్రయాణం అనే చిన్న ఐడియా వచ్చింది సర్‌’ అంటూ ‘నీ కన్ను నీలి సముద్రం’ అనే సాంగ్‌ను దేవి అందుకుంటాడు. లిరిక్స్‌, ట్యూన్‌ నచ్చడంతో ఈ పాటకు డైరెక్టర్‌ ఓకే చెప్పేస్తాడు. ప్రస్తుతం ఈ వీడియో ఆసక్తికరంగా ఉండటంతో నెటిజన్లను తెగ ఆకట్టుకుంటోంది. ఇక అలా.. అలల మధ్య పుట్టిన ప్రేమ పాటను దేవి ఏ రేంజ్‌లో కంపోజ్‌ చేశాడో తెలియాలంటే రేపటివరకు వేచిచూడాలి. చదవండి: ఈ వారం మాకెంతో స్పెషల్‌ మరో మర్చిపోలేని సంక్రాంతి.. అందరికీ థ్యాంక్స్‌​​​​​​​

దేవిశ్రీ ప్రసాద్‌ అదిరే బీట్‌ ఇవ్వగా.. రామజోగయ్యశాస్త్రి పార్టీ సాంగ్‌కు కావాల్సిన లిరిక్స్‌ అందించగా.. నకాష్ అజీజ్, లవిత లోబో సూపర్ ఎనర్జీతో పాటను ఆలపించగా.. శేఖర్‌ మాస్టర్‌ కొత్త స్టెప్పులు కంపోజ్‌ చేయగా.. మహేశ్‌-తమన్నాలు అదిరిపోయే డ్యాన్స్‌లతో పిచ్చెక్కించారు. ఇది కదా అసలు సిసలు మహేశ్‌ బాబు ఫ్యాన్స్‌ కోరుకునేది. న్యూఇయర్‌ కానుకగా మహేశ్‌ ఫ్యాన్స్‌కు కావాల్సిన ఫుల్‌  ధూంధాం సాంగ్‌ వచ్చేసింది. ఇక డాంగ్‌ డాంగ్‌ పార్టీ సాంగ్‌తో బ్యాంగ్‌ బ్యాంగ్‌ అంటూ న్యూఇయర్‌కు గ్రాండ్‌ వెల్‌కమ్‌ చెప్పడానికి రెడీ అవుతున్నారు సరిలేరు నీకెవ్వరు టీం.   మహేశ్‌బాబు హీరోగా అనిల్‌ రావిపూడి దర్శకత్వంలో తెరకెక్కుతున్న చిత్రం ‘సరిలేరు నీకెవ్వరు’. రష్మిక మందన్నా హీరోయిన్‌గా నటిస్తున్న ఈచిత్రాన్ని రామబ్రహ్మం సుంకర, ‘దిల్‌’ రాజు, మహేశ్‌బాబులు నిర్మించారు. సంక్రాంతి కానుకగా జనవరి 11న విడుదలవుతున్న ఈ చిత్రంపై హై ఎక్స్‌పెక్టేషన్స్‌ నెలకొన్న విషయం తెలిసిందే. అయితే ఇప్పటికే విడుదలైన సినిమా పాటలు, టీజర్‌తో అంచనాలు పీక్స్‌కు తీసుకెళ్లాయి. తాజాగా ‘సరిలేరు నీకెవ్వరు’ నుంచి చివరి లిరికల్‌ సాంగ్‌ను చిత్ర బృందం విడుదల చేసింది. ఈ పాటకు సంబంధించి ఇప్పటికే విడుదలైన ప్రోమో సోషల్‌ మీడియాను షేక్‌ చేస్తుండగా.. తాజాగా ఫుల్‌ లిరికల్‌ సాంగ్‌ను కొద్దిసేపటి క్రితమే చిత్ర బృందం విడుదల చేసింది.  ‘డీజే దించుతాం.. సౌండ్‌ పెంచుతాం’, ‘లెట్స్‌ పార్టీ విత్‌ దిస్‌ సాంగ్‌.. గుర్తుండిపోవాలి లైఫ్‌ లాంగ్‌’, ‘వాటే స్కిన్‌ టోను.. నచ్చావే గ్లామర్‌ క్వీన్.. నిన్ను చూసి దిల్‌ మె గిర్రుమంది రొమాంటిక్‌ టోను’, ‘నువ్వు పక్కనున్న కిక్కు చాలు అదే చంద్రయాను’ అంటూ పాటలో వచ్చే లిరిక్స్‌ నెటిజన్లను తెగ ఆకట్టుకుంటున్నాయి. ప్రస్తుతం ఈ సాంగ్‌ సోషల్‌ మీడియాలో తెగ వైరల్‌ అవుతోంది. ఈ పాటతో సంగీత అభిమానులు ఉర్రూతలూగుతున్నారు. ఇక దాదాపు దశాబ్దం తర్వాత ఈ సినిమాతో లేడీ సూపర్‌స్టార్‌ విజయశాంతి రీఎంట్రీ ఇవ్వనున్న విషయం తెలిసిందే. రాజేంద్రప్రసాద్‌, ప్రకాష్‌రాజ్‌, సంగీత తదితరులు నటిస్తున్న ఈ చిత్రానికి రత్నవేలు సినిమాటోగ్రఫీ అందిస్తున్నారు. ఇప్పటికే చిత్రీకరణ పూర్తిచేసుకున్న ఈ చిత్రం ప్రస్తుతం పోస్ట్‌ ప్రొడక్షన్స్‌ పనులు జరుపుకుంటోంది. మహేశ్‌ కూడా తన పాత్రకు డబ్బింగ్‌ చెప్పేశాడు.

దేవిశ్రీప్రసాద్‌ మరోసారి తన మ్యాజిక్‌ చూపించాడు. పార్టీ సాంగ్‌లకు కేరాఫ్‌ అడ్రస్‌గా నిలిచే ఈ క్రేజీ మ్యూజిక్‌ డైరెక్టర్‌ తాజాగా మరోసారి తన మార్క్‌ పార్టీ సాంగ్‌తో దుమ్ములేపాడు. ఇప్పటివరకు ఎన్నో ఐటమ్‌, పార్టీ సాంగ్‌లను అందించిన దేవి తాజాగా ‘డాంగ్‌ డాంగ్‌’ సాంగ్‌తో ముఖ్యంగా యూత్‌ను ఉర్రూతలూగిస్తున్నాడు. టాలీవుడ్‌ సూపర్‌స్టార్‌ మహేశ్‌బాబు హీరోగా అనిల్‌ రావిపూడి దర్శకత్వంలో తెరకెక్కుతున్న చిత్రం ‘సరిలేరు నీకెవ్వరు’. డిసెంబర్‌లో ప్రతి సోమవారం ఒక్కో పాటను రిలీజ్‌ చేస్తూ ఇప్పటివరకు నాలుగు పాటలను రిలీజ్‌ చేసింది. చివరి పాటను రేపు(సోమవారం) విడుదల చేయనున్నారు. అయితే ఈ పాటకు సంబంధించిన చిన్న వీడియో ప్రోమోను శనివారం సాయంత్రం విడుదల చేశారు. ఈ వీడియోలో మహేశ్‌, తమన్నాల డ్యాన్స్‌ హైలెట్‌గా నిలిచింది. పాట ఎంత బాగుందో అంతకుమించి డ్యాన్స్‌ ఫార్మెషన్స్‌, మహేశ్‌-తమన్నాల స్టెప్పులు అదిరిపోయాయి. దీంతో ప్రస్తుతం ఆ చిన్న వీడియో ప్రోమో నెట్టింట్లో రచ్చరచ్చ చేస్తోంది. దేవిశ్రీ ఈజ్‌ బ్యాక్‌ అని కొందరు కామెంట్‌ చేస్తుండగా.. మహేశ్‌-తమన్నాలు స్టెప్పులు సూపర్బ్‌ అంటూ మరికొందరు పేర్కొంటున్నారు.  ఈ ప్రోమో విడుదల సందర్భంగా అనిల్‌ రావిపూడి ఓ వీడియోను ట్విటర్‌లో పోస్ట్‌ చేశాడు. ‘అందరికీ అడ్వాన్స్‌ హ్యాపీ న్యూ ఇయర్‌. సరిలేరు నీకెవ్వరు పాటలను ఇంత బాగా ఆదరించిన ప్రేక్షకులందరికీ మా కృతజ్ఞతలు. అలాగే దేవిశ్రీప్రసాద్‌కు నా స్పెషల్‌ థ్యాంక్స్‌. చాలా మంచి పాటలు ఇచ్చారు. ఈ నెలలో ప్రతీ సోమవారం ఒక్కొపాటతో మీ ముందుకు వచ్చాం. ప్రతీ పాటను మీరు అద్భుతంగా రిసీవ్‌ చేసుకుని, టిక్‌టాక్‌లలో వీడియోలు చేస్తూ ట్రెండ్‌ చేశారు. చాలా సంతోషంగా ఉంది. అలాగే గత సోమవారం వచ్చిన డిఫరెంట్‌ ఆంథమ్‌ సాంగ్‌ను కూడా చాలా బాగా రిసీవ్‌ చేసుకున్నారు. ఈ సోమవారం ఆల్బమ్‌లో చివరి పాటగా ఓ పార్టీ సాంగ్‌ రాబోతుంది. కొంతమంది సినీ స్టార్స్‌ను తీసుకెళ్లి, ఆర్మీతో ఇంట్రాక్ట్‌ చేయిస్తుంటారు. దానిని స్పూర్థిగా తీసుకుని ఈ సినిమాలో తమన్నా కూడా ఓ సినీ స్టార్‌గా వచ్చి  ఆర్మీతో కలిసి సందడి చేస్తారు. ఇది కేవలం సరదా పాట మాత్రమే. ఐటమ్‌ సాంగ్‌ కాదు. ఈ పాట కూడా మిమ్మల్ని అలరిస్తుందని ఆశిస్తున్నా. ఈ ఏడాది సంక్రాంతికి ‘ఎఫ్‌2’ తో మంచి విజయాన్ని అందించారు. రాబోయే సంక్రాంతికి అంతే వినోదంతో మహేశ్‌బాబు సరికొత్త పాత్రతో అలరించబోతున్నారు’అంటూ అనిల్‌ రావిపూడి ఆ వీడియోలో పేర్కొన్నాడు.  Director @AnilRavipudi about the blockbuster #MassMBMonday's and the power packed party song #DaangDaang 🤙🏼 Daang Daang Song Promo will be launched today at Visakha Utsav 🔥 Super⭐@urstrulyMahesh @AnilSunkara1 @ThisIsDSP @tamannaahspeaks @RathnaveluDop @ramjowrites pic.twitter.com/0ZR085gGbR — AK Entertainments (@AKentsOfficial) December 28, 2019 మహేశ్‌ సరసన రష్మిక మందన్నా హీరోయిన్‌గా నటిస్తున్న ఈచిత్రాన్ని రామబ్రహ్మం సుంకర, ‘దిల్‌’ రాజు, మహేశ్‌బాబులు నిర్మించారు. ఇక ఇప్పటికే విడుదలైన ఫస్ట్‌లుక్‌ పోస్టర్‌, టీజర్‌, పాటలతో సినిమాపై భారీ అంచనాలే నెలకొన్నాయి. దాదాపు దశాబ్దం తర్వాత ఈ సినిమాతో లేడీ సూపర్‌స్టార్‌ విజయశాంతి రీఎంట్రీ ఇవ్వనున్న విషయం తెలిసిందే. రాజేంద్రప్రసాద్‌, ప్రకాష్‌రాజ్‌, సంగీత తదితరలు నటిస్తున్న ఈ చిత్రానికి రత్నవేలు సినిటోగ్రఫీ అందిస్తున్నారు. ఇప్పటికే చిత్రీకరణ పూర్తిచేసుకున్న ఈ చిత్రం ప్రస్తుతం పోస్ట్‌ పొడక్షన్స్‌ పనులు జరుపుకుంటోంది. మహేశ్‌ కూడా తన పాత్రకు డబ్బింగ్‌ చెప్పేశాడు. సంక్రాంతి కానుకగా జనవరి 11న ఈ చిత్రం ప్రేక్షకుల ముందుకురాబోతుంది.  చదవండి: జనవరి 5న కలుస్తానంటున్న రష్మిక సూపర్‌స్టార్‌ ఈవెంట్‌కు మెగాస్టార్‌

మహేశ్‌ బాబు ఆర్మీ మేజర్‌ అజయ్‌ కృష్ణ పాత్రలో నటిస్తున్న చిత్రం ‘సరిలేరు నీకెవ్వరు’. సంక్రాంతి కానుకగా ప్రేక్షకుల మందుకు రానున్న ఈ చిత్రానికి సంబంధించి ప్రమోషన్స్‌ ఉపందుకున్నాయి. డిసెంబర్‌లో ఈ సినిమాలోని 5 పాటలను వారానికి ఒకటి చొప్పున 5 సోమవారాలు రిలీజ్‌ చేయాలనుకుంటున్న సంగతి తెలిసిందే. ఇప్పటికే విడుదలైన ‘మైండ్‌ బ్లాక్‌’ సాంగ్‌కు ప్రేక్షకుల నుంచి మంచి రెస్పాన్స్‌ వచ్చింది. తాజాగా ఈ చిత్రానికి సంబంధిం రెండో సాంగ్‌ లిరికల్‌ వీడియోను చిత్ర బృందం సోమవారం విడుదల చేసింది.  ‘సూర్యుడివో చంద్రుడివో.. ఆ ఇద్దరి కలయికవో’ అంటూ సాగే ఈ పాట లిరిక్స్‌ ప్రేక్షకులను ఆకట్టుకునేలా ఉన్నాయి. ఈ పాటకు రామజోగయ్య శాస్త్రి లిరిక్స్‌ అందించగా, దేవి శ్రీ ప్రసాద్‌ సంగీతం సమకూర్చారు. ముఖ్యంగా మహేశ్‌, విజయశాంతిల మధ్య వచ్చే సన్నివేశాలు ఈ సినిమాకు ప్రత్యేక ఆకర్షణగా నిలవనున్నట్టు ఈ లిరికల్‌ వీడియోను చూస్తే అర్థమవుతోంది. కుటుంబానికి మేజర్‌ అజయ్‌ కృష్ణ ఎలాంటి ప్రాధాన్యత ఇస్తాడో తెలిపేలా ఈ సాంగ్‌ను రూపొందించినట్టుగా తెలుస్తోంది. అనిల్‌ రావిపూడి దర్శకత్వం వహించిన ఈ చిత్రంలో మహేశ్‌కు జంటగా రష్మికా మందన్నా నటిస్తుంది. రామబ్రహ్మం సుంకర, ‘దిల్‌’ రాజు, మహేశ్‌బాబు సంయుక్తంగా నిర్మిస్తున్న ఈ చిత్రంలో.. విజయ్‌శాంతి, రాజేంద్రప్రసాద్, ప్రకాశ్‌రాజ్‌ కీలక పాత్రల్లో నటిస్తున్నారు.   

సూపర్‌ స్టార్‌ మహేశ్‌ బాబు ‘సరిలేరు నీకెవ్వరు’మూవీ ప్రమోషన్స్‌ ఊపందుకున్నాయి. సంక్రాంతి బరిలో నిలిచిన ఈ చిత్రంపై అందరిలోనూ భారీ అంచనాలే ఉన్నాయి. ఇప్పటికే విడుదలైన మూవీ టైటిల్‌ సాంగ్‌, ఫస్ట్‌ లుక్‌ పోస్టర్‌, టీజర్‌, ‘మైండ్‌ బ్లాక్‌’సాంగ్‌ ఓ రేంజ్‌లో ఉన్నాయి. ప్రస్తుతం టీజర్‌, మైండ్‌ బ్లాక్‌ సాంగ్‌ సోషల్‌ మీడియాను కుదిపేస్తున్నాయి. మిలియన్‌ వ్యూస్‌ సాధించి రికార్డుల మీద రికార్డులు సృష్టిస్తున్నాయి. ఇక ప్రమోషన్‌లో భాగంగా ఐదు సోమవారాలు ఐదు పాటలను రిలీజ్‌ చేయనున్నట్లు చిత్ర బృందం ఇది వరకే ప్రకటించిన విషయం తెలిసిందే. ఇప్పటికే మైండ్‌ బ్లాక్‌ సాంగ్‌ను రిలీజ్‌ చేయగా వచ్చే సోమవారం మరో పాటను రిలీజ్‌ చేసేందుకు సన్నాహాలు చేస్తున్నారు.  దీనిలో భాగంగా ‘సూర్యుడివో చంద్రుడివో’అంటూ సాగే మెలోడీ పాటను సోమవారం సాయంత్రం 5:04 గంటలకు రిలీజ్‌ చేయనున్నట్లు చిత్ర బృందం అధికారికంగా ప్రకటించింది. ఈ సాంగ్‌కు సంబంధించి ఓ పోస్టర్‌ను కూడా రిలీజ్‌ చేసింది. ఈ పాటకు రామజోగయ్య శాస్త్రి లిరిక్స్‌ అందించగా దేవిశ్రీ ప్రసాద్‌ కంపోజ్‌ చేశారు. ఈ సందర్భంగా ‘మంగళకరమైన మాధుర్య ప్రధానమైన సంగీతానికి మనిషి తనం తాలూకు  భావోద్వేగం తోడైతే ఇలాంటి పాట పుడుతుంది. చాలా సంతృప్తిగా ఉన్నా ఈ పాట రాసి’అంటూ రామజోగయ్య శాస్త్రి ట్వీట్‌ చేశారు.  అనిల్‌ రావిపూడి దర్శకత్వంలో తెరకెక్కుతోన్న ఈ చిత్రంలో మహేశ్‌ సరసన రష్మికా మండన్నా హీరోయిన్‌గా నటిస్తున్నారు. దాదాపు దశాబ్దంన్నర తర్వాత ఈ సినిమాతో లేడీ సూపర్‌ స్టార్‌ విజయశాంతీ రీఎంట్రీ ఇస్తున్నారు. రాజేంద్ర ప్రసాద్‌, ప్రకాష్‌ రాజ్‌ తదితరులు ప్రధాన పాత్రలు పోషిస్తున్నారు. ‘దిల్‌’ రాజు, రామబ్రహ్మం సుంకర, మహేశ్‌ బాబు నిర్మిస్తున్న ఈ చిత్రానికి దేవిశ్రీ ప్రసాద్‌ సంగీతమందిస్తున్నాడు.  "సూర్యుడివో చంద్రుడివో 🥁" #SuryudivoChandrudivo .. a SOULFUL MELODY.. from #SarileruNeekevvaru will be live on Monday @ 5:04 PM#maSSMBmondays మంగళకరమైన మాధుర్యప్రధానమైన సంగీతానికి మనిషితనం తాలూకు భావోద్వేగం తోడైతే ఇలాంటి పాట పుడుతుంది చాలా సంతృప్తిగా ఉన్నా ఈ పాట రాసి pic.twitter.com/CdoKLFEusE — Ramajogaiah Sastry (@ramjowrites) December 7, 2019

‘‘ఇండస్ట్రీలో చిన్న సినిమా, పెద్ద సినిమా అంటూ ఉండదు. మంచి సినిమా, చెడ్డ సినిమా అన్నదే ఉంటాయి. అందరూ మంచి సినిమా తీయాలనే చేస్తారు. ఒక్కోసారి ప్రేక్షకులు తిరస్కరిస్తుంటారు. ‘రాగల 24 గంటల్లో’ టీమ్‌ చాలా కష్టపడ్డారు. తప్పకుండా ఈ సినిమా బ్లాక్‌ బస్టర్‌ అవ్వాలి.. అవుతుంది కూడా’’ అని సంగీత దర్శకుడు దేవిశ్రీ ప్రసాద్‌ అన్నారు. సత్యదేవ్, ఈషా రెబ్బా జంటగా, శ్రీరామ్, ముస్కాన్‌ సేథ్, గణేశ్‌ వెంకట్రామన్‌ కీలక పాత్రల్లో శ్రీనివాస్‌ రెడ్డి దర్శకత్వంలో తెరకెక్కిన చిత్రం ‘రాగల 24 గంటల్లో’. శ్రీనివాస్‌ కానూరు నిర్మించిన ఈ సినిమా ప్రచార పాటని దేవిశ్రీ ప్రసాద్‌ విడుదల చేసి, మాట్లాడుతూ– ‘‘ఈ చిత్రంలోని ప్రచార పాటని విడుదల చేసినందుకు శ్రీనివాస్‌రెడ్డిగారు నాకు థ్యాంక్స్‌ చెబుతున్నారు.. నిజం చెప్పాలంటే ఇది నా అదృష్టం. ఈ అవకాశం ఇచ్చినందుకు ఆయనకే నేను థ్యాంక్స్‌ చెబుతున్నా. సినిమాని ప్రమోట్‌ చేయడం నటీనటులు, సాంకేతిక నిపుణుల బాధ్యత. సరిగ్గా ప్రమోట్‌ చేసి చిత్రాన్ని ప్రేక్షకుల్లోకి తీసుకెళ్లినప్పుడే విజయం సాధించి మరో సినిమా రూపంలో అందరికీ పని దొరుకుతుంది. సినిమా బాగా ఆడుతుందని నమ్మకం ఉన్నా  కూడా ప్రమోషన్‌ చేయాలి. ఎవరికైనా విజయాలు, అపజయాలు సాధారణం. అయితే శ్రీనివాస్‌ రెడ్డిగారు అందరితో మంచివాడు అనే ట్యాగ్‌లైన్‌ పొందడం సంతోషం. ఆయన ఎన్నో సక్సెస్‌లు కొడుతూనే ఉండాలి’’ అన్నారు. శ్రీనివాస్‌ రెడ్డి మాట్లాడుతూ– ‘‘ఈ సినిమాకి నేను, రఘు కుంచె ప్రమోషనల్‌ సాంగ్‌ చేద్దామనుకున్నప్పుడు దేవిశ్రీగారి ప్రత్యేక పాటలే గుర్తొచ్చాయి. మా ఈ పాటకి ఆయన పాటలే స్ఫూర్తి. అందుకే ఈ పాటని ఆయనతో విడుదల చేయించాం. ప్రస్తుతం యాక్టర్స్, టెక్నీషియన్స్‌ ప్రమోషన్స్‌కి రావడానికి ఇష్టపడటం లేదు. అందరూ రావాల్సిన అవసరం ఉంది. నిర్మాతలను కాపాడాల్సిన బాధ్యత నటీనటులు, సాంకేతిక నిపుణులు, మీడియాపై ఉంది. నిర్మాత బాగున్నప్పుడే మరో సినిమా చేస్తారు.. దాని ద్వారా కొన్ని వందల మందికి పని దొరుకుతుంది. శ్రీనివాస్‌లాంటి నిర్మాతలు ఇండస్ట్రీకి అవసరం’’ అన్నారు. ‘‘సినిమాలంటే చాలా ప్యాషన్‌. కనీసం ఓ టీవీ సీరియల్‌ అయినా తీయలేనా? అనుకునేవాణ్ణి. సినిమా నిర్మిస్తానని కలలో కూడా అనుకోలేదు. కానీ, శ్రీనివాస్‌ రెడ్డి, కృష్ణ భగవాన్‌గార్ల వల్లే ‘రాగల 24 గంటల్లో’ సినిమా తీయగలిగాను. ఈ ఏడాదిలో వచ్చిన మంచి చిత్రాల్లో మా ‘రాగల 24 గంటల్లో’ సినిమా కూడా నిలుస్తుంది’’ అన్నారు శ్రీనివాస్‌ కానూరు. ‘‘నాకు మంచివాళ్లంటే ఇష్టం. అందుకే.. శ్రీనివాస్‌రెడ్డిని బ్రదర్‌ థెరిస్సా అని పిలుస్తుంటా. ఈ సినిమాతో ఆయన స్టార్‌ డైరెక్టర్‌ కావాలి.. శ్రీనివాస్‌ కానూరు పెద్ద నిర్మాత అవ్వాలి’’ అన్నారు నటుడు కృష్ణభగవాన్‌. చిత్ర సంగీత దర్శకుడు రఘు కుంచె, కెమెరామన్‌ అంజి, పాటల రచయిత శ్రీమణి, నటుడు రవివర్మ తదితరులు పాల్గొన్నారు.

సంగీత ప్రపంచంలో తనకంటూ ప్రత్యేక స్థానాన్ని సంపాదించుకున్న మ్యూజిక్‌ డైరెక్టర్‌ దేవీ శ్రీ ప్రసాద్‌. హీటెక్కించే మాస్‌ సాంగ్‌ అయినా.. ఎప్పటికీ నిలిచిపోయే క్లాసికల్‌ సాంగ్‌ అయినా, ప్రేమ పాటలు, విషాద పాటలు ఇలా అన్నింటిలో తన ముద్ర వేస్తూ.. సంగీత ప్రియుల్ని అలరిస్తున్నారు.  టాలీవుడ్‌లో మోస్ట్‌ వాంటెడ్‌ మ్యూజిక్‌ డైరెక్టర్‌గా నిరంతరం బిజీగా ఉండే.. దేవీ ప్రస్తుతం మహేష్‌ బాబు సరిలేరు నీకెవ్వరు చిత్రానికి సంగీతాన్ని అందిస్తున్నారు. దేవీ శ్రీ ప్రసాద్‌ బాణీలు, రామజోగయ్య శాస్త్రి సాహిత్యం కలిస్తే.. ఇక ఆ పాట ఏ రేంజ్‌లో ఉంటుందో అందరికీ తెలిసిందే.  వీరి కాంబినేషన్‌లో మహేష్‌ బాబుకు చాలానే హిట్‌ సాంగ్స్‌ పడ్డాయి. శ్రీమంతుడు, భరత్‌ అనే నేను, మహర్షిలతో హ్యాట్రిక్‌ కొట్టిన ఈ ద్వయం ప్రస్తుతం ‘సరిలేరు నీకెవ్వరు’కు పనిచేస్తున్నారు. తాజాగా ఈ మూవీకి ఓ పాట రాసినట్టు.. దానికి అద్భుతమైన ట్యూన్‌ ఇచ్చినట్టు రామజోగయ్య శాస్త్రి ట్వీట్‌ చేశారు. అనిల్‌ రావిపూడి తెరకెక్కిస్తున్న ఈ సినిమా వచ్చే ఏడాది సంక్రాంతికి థియేటర్లలో సందడి చేయనుంది. ఆమ్మో @ThisIsDSP గారు అదరగొట్టేసారు 💕పూర్తి సంతృప్తి I am sure Bro💕 will like it💕#SarileruNeekevvaru — Ramajogaiah Sastry (@ramjowrites) September 21, 2019

సంగీత దర్శకుడు దేవీ శ్రీ ప్రసాద్‌ తన తల్లి శిరోమణి పుట్టినరోజు సందర్భంగా ఆమెకు ఓ సర్‌ప్రైజ్‌ ఇచ్చారు. అమెరికాలో జరిగిన ఓ మ్యూజికల్‌ కన్సర్ట్‌లో ఆమె పుట్టిన రోజు సందర్భంగా పాడిన పాట వీడియోను తన ట్విటర్‌ పేజ్‌లో పోస్ట్ చేశారు దేవీ. ఈ సందర్భంగా మాట్లాడుతూ.. ‘మా నాన్న 30 ఏళ్ల వయసులో తీవ్రమైన గుండెపోటు వచ్చింది. కానీ అప్పటి నుంచి మా అమ్మ ఆయన్ను అంటిపెట్టుకొని ఉంటూ ఆయన్ను కాపాడుతూ వచ్చారు. ఆమె ఓ మెడిసిన్‌లా నాన్నను రక్షించారు. ఈ రోజు మేం ఇలా ఉన్నాం అంటే అందుకు కారణం అమ్మే’ అన్నాడు దేవీ శ్రీ ప్రసాద్‌. దేవీ తమ్ముడు సాగర్‌తో పాటు ఆయన మ్యూజిక్‌ ట్రూప్‌లోని గాయకులు, వాద్య కళాకారులు కూడా ఆమెకు పుట్టిన రోజు శుభాకాంక్షలు తెలియజేశారు. ప్రస్తుతం దేవీ శ్రీ ప్రసాద్ తెలుగులో మహేష్ బాబు హీరోగా నటిస్తున్న సరిలేరు నీకెవ్వరు, మెగాస్టార్ చిరంజీవి, కొరటాల శివ సినిమా, అల్లు అర్జున్‌, సుకుమార్‌ల సినిమా, నితిన్‌ రంగ్‌దేలకు సంగీతమందిస్తున్నారు. ThankU all so much 4 d Love n wishes on my Mom’s Birthday today❤️🙏🏻 Here’s d Special Video 4 my Mom, which was a Surprise 4 her on my USA TOUR Thanks 2 all my Singers,Musicians & Team 4 makin it Happen🙏🏻@sagar_singer @Raninareddy @shraddhadas43 @iamMadhuShalini @amritharam2 pic.twitter.com/sx7wbTa4LR — DEVI SRI PRASAD (@ThisIsDSP) August 27, 2019

టాలీవుడ్‌ మెగాస్టార్‌ చిరంజీవికి, ప్రముఖ సంగీతదర్శకుడు దేవిశ్రీ ప్రసాద్‌ తనదైన శైలిలో పుట్టినరోజు శుభాకాంక్షలు తెలిపారు. చిరంజీవి అప్‌ కమింగ్‌ మూవీ సైరాపై స్పందిస్తూ.. సైరా టీజర్‌ అదిరిపోయింది సర్‌.. ఫ్యాన్స్‌ అందరిలాగానే మేం కూడా ఈ మూవీ కోసం ఎదురు చూస్తున్నామన్నారు. చిరంజీవి ఎన్నో సినిమాలకు సంగీత దర్శకత్వం వహించిన డీఎస్‌పీ ప్రధానంగా తమ (చిరంజీవి, డీఎస్‌పీ) కాంబినేషన్‌లోని పాపులర్‌ సాంగ్‌ శంకర్‌ దాదా ఎంబీబీఎస్‌ పాటతో సైరా సరసింహారెడ్డికి సూపర్‌ డూపర్‌ మ్యూజికల్‌ విషెస్‌ తెలిపారు. దీంతో మెగా అభిమానులు లైక్‌లు, రీట్వీట్‌లతో పండగ చేసుకుంటున్నారు. మరోవైపు మెగాస్టార్ చిరంజీవి 64వ పుట్టినరోజును (ఆగస్టు 22) పురస్కరించుకొని, మెగా అభిమానులు బుధవారం హైదరాబాద్‌లోని శిల్పకళా వేదికలో అట్టహాసంగా వేడుకలను జరుపుకున్నారు. చిరంజీవి హీరోగా  ప్రతిష్టాత్మకంగా వస్తున్న 151వ చిత్రం  'సైరా నరసింహారెడ్డి'. సురేందర్ రెడ్డి దర్శకత్వంలో, కొణిదెల ప్రొడక్షన్ బ్యానర్‌పై  ఈ సినిమా రూపుదిద్దుకుంటోంది. అక్టోబర్ 2న ఈ మూవీని విడుదల చేయాలని చిత్ర యూనిట్‌ ప్లాన్‌ చేస్తున్నారు.  ఈ క్రమంలో ఇటీవల రిలీజైన  సైరా టీజర్‌ అంచనాలను భారీగా పెంచేసింది.  Wishing our Dearest 1 & Only #MEGASTAR #Annayya #Chiranjeevi Sir a SUPER DUPER MUSICAL HAPPY BIRTHDAY !!😁🎵🎶🎹❤️🎂🎂🎂🎂🎂🎂🎂🎂 Love frm my Whole Team❤️😍#SyeRaaNarasimhaReddy #HBDMegaStarChiranjeevi @KonidelaPro #RamCharan @upasanakonidela @IAmVarunTej @IamSaiDharamTej pic.twitter.com/v5jNjLc7oB — DEVI SRI PRASAD (@ThisIsDSP) August 22, 2019

టాలీవుడ్‌ మోస్ట్‌ వాంటెడ్‌ మ్యూజిక్‌ డైరెక్టర్‌ దేవీ శ్రీ ప్రసాద్‌ సోదరుడు సాగర్‌ మాటల రచయితగా అవతారమెత్తాడు. ఇప్పటివరకు పాటలు పాడి ప్రేక్షకులను మెప్పించిన సాగర్‌.. ఇకపై మాటలతోనూ పలకరించనున్నాడు. తన సోదరుడు డైలాగ్‌ రైటర్‌గా మారిన విషయాన్ని సోషల్‌ మీడియా వేదికగా తెలియజేశాడు. సింగర్‌గా ఉన్న తన సోదరుడు ‘రాక్షసుడు’ చిత్రంతో మాటల రచయితగా మారాడని.. ఈ విషయాన్ని పంచుకోవడం తనకు ఎంతో సంతోషంగా ఉందని అన్నారు. తమ తండ్రి (రచయిత సత్యమూర్తి) వారసత్వాన్ని కొనసాగించేందుకు అందరి ఆశీస్సులు కావాలని ట్విటర్‌ వేదికగా కోరారు. బెల్లంకొండ శ్రీనివాస్‌, అనుపమా పరమేశ్వరణ్‌ కాంబోలో తమిళ సూపర్‌హిట్‌ రాక్షసన్‌కు రీమేక్‌గా ‘రాక్షసుడు’ చిత్రం తెరకెక్కుతోంది. Am Glad 2 share dat my brother @sagar_singer whom U all know as a SINGER is bein introduced as a DIALOGUE WRITER in #RAKSHASUDU 😁🎶 Need all ur blessings 4 him to take up my Father’s Love 4 Writing n continue his Legacy🙏🏻❤️@BSaiSreenivas @anupamahere https://t.co/HbgmZO1rt7 — DEVI SRI PRASAD (@ThisIsDSP) June 8, 2019

‘మహర్షి’ సినిమా ఎలా ఉన్నా.. మ్యూజిక్‌ పరంగా తీవ్ర విమర్శలను మూటగట్టుకుంది. సూపర్‌స్టార్‌ మహేష్‌ బాబు ఫ్యాన్స్‌ సోషల్‌ మీడియాలో దేవీ శ్రీ ప్రసాద్‌ను ఏకిపారేస్తున్నారు. మహేష్‌-అనిల్‌ రావిపూడి సినిమాకు దేవీశ్రీ ప్రసాద్‌ను తీసుకోవద్దని సోషల్‌ మీడియాలో నేరుగా నమ్రతకే సూచిస్తున్నారు. ఇదంతా ఓ వైపు జరుగుతుండగా.. మహేష్‌ బాబు- అనిల్‌ రావిపూడి సినిమా టైటిల్‌ను ఫిక్స్‌ చేయడం, మ్యూజిక్‌ డైరెక్టర్‌గా దేవీనే కన్‌ఫర్మ్‌ చేయడం జరిగిపోయింది. అయితే అభిమానులు చేస్తున్న కామెంట్స్‌ దేవీ చెంతకు చేరిపోయాయో ఏమో కాని నేడు జరిగిన సినిమా ప్రారంభోత్సవ కార్యక్రమంలో మాట్లాడుతూ.. సూపర్‌స్టార్‌ అభిమానులకు ఓ మాటిచ్చాడు. తాను ఇంతవరకు మహేష్‌ బాబుతో చేసిన సినిమాల్లోని కథ పరంగా మంచి మాస్‌ బీట్‌ ఇవ్వలేకపోయాయని అన్నారు. ఎక్కడ పార్టీ జరిగినా ఈ పాట పెట్టాల్సిందే.. అనేట్టుగా ఓ మాస్‌ బీట్‌ను కంపోజ్‌ చేస్తానని, ప్రేమికులు ఈ పాటను ప్లే చేయకుండా లవ్‌ చేసుకోకూడదు అని ఉండేలా ఓ లవ్‌ సాంగ్‌ను ఇస్తానని మహేష్‌ అభిమానులకు ప్రామిస్‌ చేశాడు. అనిల్‌ సుంకర, దిల్‌ రాజు, మహేష్‌ బాబు కలిసి నిర్మిస్తున్న ఈ చిత్రంలో రష్మిక మందాన్న హీరోయిన్‌గా నటిస్తోంది.

వరుస విజయాలతో మంచి ఫాంలో ఉన్న యంగ్ హీరో వరుణ్ తేజ్‌ ప్రస్తుతం వాల్మీకి సినిమాలో నటిస్తున్నాడు. తమిళ సూపర్‌ హిట్ జిగర్‌తాండకు రీమేక్‌గా తెరకెక్కుతున్న ఈ సినిమాకు హరీష్‌ శంకర్‌ దర్శకుడు. ప్రస్తుతం షూటింగ్ జరుపుకుంటున్న ఈ సినిమాకు సంబంధించి రకరకాల వార్తలు హల్‌చల్ చేస్తున్నాయి. ముందుగా ఈ సినిమాలో హీరోయిన్‌గా నటిస్తున్న పూజా హెగ్డే ప్రాజెక్ట్ నుంచి తప్పుకున్నట్టుగా ప్రచారం జరిగింది. ఈ వార్తలపై క్లారిటీ రాకముందే సంగీత దర్శకుడు దేవీ శ్రీ ప్రసాద్‌ కూడా ప్రాజెక్ట్‌ నుంచి తప్పుకున్నారన్న టాక్‌ వినిపిస్తోంది. అంతేకాదు దేవీ స్థానంలో మిక్కీ జే మేయర్‌ను తీసుకున్నారట. మరి ఇప్పటికైన వాల్మీకి టీం ఈ వార్తలపై స్పందిస్తుందేమో చూడాలి.

వంట చేస్తూ అమ్మ తీసిన రాగాలు దేవిశ్రీని మ్యూజిక్‌ డైరెక్టర్‌ని చేశాయి!కథల పుస్తకాల్లో అమ్మ తిప్పిన పేజీలు రానాను కథానాయకుణ్ణి చేశాయి!అమ్మ కొంగు పట్టుకుని వెంట తిరిగిన రోజులునమ్రతను ఇంటికి పట్టుగొమ్మను చేశాయి! స్టార్‌లకైనా.. సామాన్యులకైనా..కథ, స్క్రీన్‌ప్లే, డైరెక్షన్‌ అన్నీ అమ్మే. పాలు పట్టినట్లే కథల్ని పడుతుంది అమ్మ.తేనెల్ని చిలికినట్లే మాటలు నేర్పుతుంది అమ్మ.పాలబువ్వ పెడుతూనే..బతుకు తోవల్ని చూపుతుంది అమ్మ. నేడు ‘మదర్స్‌ డే’. ఈ సందర్భంగా ఇస్తున్నఈ మూడు ఇంటర్వ్యూలు.. ముగ్గురమ్మల చిత్ర కథలు! అమ్మ అనగానే మీకు గుర్తొచ్చేది ఏంటి?  దేవిశ్రీ ప్రసాద్‌: అమ్మ అనగానే ఎవరికైనా ప్రేమే గుర్తుకు వస్తుంది. లైఫ్‌లో మనం  ఏం చేసినా, ఏమీ చేయకపోయినా మనల్ని మనస్పూర్తిగా సపోర్ట్‌ చేసేది అమ్మ మాత్రమే. కేవలం తల్లిదండ్రులు మాత్రమే. ఒకవేళ తప్పు చేసినప్పుడు కూడా క్షమించేసి మళ్లీ చేయరు అని మనల్ని నమ్మి, మరోసారి చేయకూడదని కోరుకునేది అమ్మ మాత్రమే. పిల్లలకు, అమ్మకు ఉండే గ్రేట్‌ కనెక్షన్‌ అది. ఈ ప్రపంచం ఇంత అందంగా, ఆనందంగా ఉంటుందంటే అది అమ్మ ప్రేమ వల్లే.  మీరు రాక్‌స్టార్‌ కదా... మీ అమ్మగారికీ మ్యూజిక్‌ మీద ఇంట్రెస్ట్‌ ఉందా? మా మదర్‌కు మ్యూజిక్‌ అంటే చాలా ఇంట్రెస్ట్‌. మా అమ్మమ్మగారు (దేవి మీనాక్షి) చాలా పెద్ద సింగర్‌. అమ్మ వంట చేస్తూ రాగాలు పాడతారు కానీ పూర్తిస్థాయిలో ఆమ్మ పాడటం మేం విన్నది లేదు. అమ్మకు చాలా సిగ్గు. తను ఏ పని చేసినా అందులో సంగీతం ఉండాల్సిందే. మ్యూజిక్‌ వింటూనే వంట చేస్తారు. అలాగే అమ్మ మ్యూజిక్‌ని బాగా జడ్జ్‌ చేయగలుగుతారు. ‘రేయ్‌ ఈ పాట చాలా బావుంది రా’ అని అమ్మ చెప్పిన పాటలన్నీ సూపర్‌హిట్‌ అయ్యాయి. మీకు సంగీతంపై ఆసక్తి పెరగడంలో మీ అమ్మగారి పాత్ర ఎంత?  నా కెరీర్‌ ఇలా బిల్డ్‌ అవ్వడానికి కారణం మా మదర్‌. మేం చెన్నైలో కొత్త ఇల్లు రెడీ అయ్యే వరకూ అద్దె ఇంట్లో ఉన్నాం. అప్పుడు మా అమ్మమ్మగారు ఊరికి వచ్చారు. మా అమ్మమ్మగారు మా అమ్మతో ‘ఇక్కడ ఎవరో సంగీత విద్వాంసులు ఉన్నట్టున్నారు. వాళ్లు వేసుకునే బట్టలు ఆ ఇంటి ముందు ఆరేసున్నాయి. ఎవరో కనుక్కో’ అని చెప్పారు. మా అమ్మ కనుక్కోగా అది మాండలిన్‌ శ్రీనివాస్‌గారి ఇల్లు అని తెలిసింది. మా అమ్మగారి ఆనందం అంతా ఇంతా కాదు. నాకు మ్యాండలిన్‌ అంటే ఏంటో కూడా సరిగ్గా తెలియదు. మ్యాండోలిన్‌ శ్రీనివాస్‌గారు ఎవరో కూడా తెలియదు. వెంటనే నన్ను తీసుకెళ్లి శ్రీనివాస్‌గారి దగ్గర జాయిన్‌ చేశారు అమ్మ. అప్పుడే పాడటం, వయోలిన్‌ నేర్చుకుంటున్నాను. శ్రీనివాస్‌గారి దగ్గరకు వెళ్లినప్పుడు నా కళ్లలో కళ్లు పెట్టి చూసి ‘నీకు నిజంగా ఆసక్తి ఉందా?’ అని అడిగారు.  ‘ఉంది’ అన్నాను. ‘రేపటి నుంచి రా’ అన్నారు. అప్పటినుంచి అన్నీ మానేసి ఆయనతో సంగీతం నేర్చుకున్నాను. అన్నయ్య అని పిలిచేవాణ్ణి. మా అమ్మగారి ఇంట్రెస్ట్‌ మీద నేర్చుకోవడం స్టార్ట్‌ చేసిన నేను సంగీతంలో గొప్పతనం తెలుసుకొని ఆయన దగ్గర 10–12 ఏళ్లు సంగీతం నేర్చుకున్నాను. ఎక్కువ శాతం వాళ్లింట్లోనే ఉండేవాణ్ణి. వాడ్ని కొంచెం ఇంటికి పంపిస్తారా? అని మా వాళ్ల శ్రీనివాస్‌గారి ఇంటికి ఫోన్‌ చేసేవారు. అమ్మ బ్యాడ్‌ మూడ్‌లో ఉన్నప్పుడు పాట పాడి చీర్‌ చేస్తారా?  ఆవిడ ఇప్పటి వరకు బ్యాడ్‌ మూడ్‌లో ఉండటం నేను చూడలేదు. ఆవిణ్ణి మేము చీర్‌ చేసే అవకాశం మాకెవ్వరికీ ఇప్పటివరకూ ఇవ్వలేదు. అందుకే తను చాలా గ్రేట్‌. ఎప్పుడూ మాకేం కావాలో చూసుకోవడమే తప్ప తనని చూసుకోనివ్వరు. హాలీడే వెళ్దాం అంటే అవన్నీ ఎందుకులే మీ పని చేసుకోండి అంటారు. మిమ్మల్ని చూసి మీ మదర్‌ ప్రౌడ్‌గా ఫీల్‌ అయిన సందర్భం ఏదైనా ఉందా? ఎప్పుడూ ప్రౌడ్‌గానే ఫీల్‌ అవుతుంటారు. ప్రత్యేకంగా ఒక్క సందర్భం మాత్రం నేను ఎప్పుడూ మర్చిపోలేను. ‘కలుసుకోవాలని’ సినిమాలో ‘ఆకాశం తన రెక్కలతో నను కప్పుకుపోవాలి’ అనే పాట రాశాను. అది రాసిన వెంటనే అమ్మ, నాన్నలకు వినిపించా. నేను ఏ పాట రాసినా అమ్మానాన్నలకు ఫస్ట్‌ వినిపించడం నాకు అలవాటు. అందరం డైనింగ్‌ టేబుల్‌ దగ్గర కూర్చుంటాం. చెల్లి, తమ్ముడు, బావ అందరికీ వినిపిస్తా.  ఒక అమ్మాయి తనకు రాబోయే వాడు ఎలా ఉండాలనే సందర్భంలో ఆ పాట రాశాను. పాట వినిపించిన  వెంటనే నన్ను హగ్‌ చేసుకున్నారు. ‘ఒక అమ్మాయిలా ఆలోచించి ఎలా రాయగలిగావు? నాకు పెళ్లయ్యే ముందు నా ఆలోచనలు ఇలానే ఉండేవి. చాలా బావుంది.. చాలా బావుందంటూ’ మెచ్చుకున్నారు. నేను ఆశ్చర్యపోయా. ఎందుకంటే ‘బావుంది’ అని మాత్రమే చెప్పే ఆవిడ ఇంత బాగా మెచ్చుకున్నారంటే నాకు ఇంకా ఆనందంమేసింది. నాన్నగారి రచయిత కాబట్టి బాగా రాశావు, ఇంకోసారి పాడు అన్నారు. ఆ పాటను, అమ్మ పొగడ్తను ఎప్పటికీ గుర్తుపెట్టుకుంటాను. పది ఆస్కార్లు ఒకేసారి వచ్చినంత ఆనందం.   మీరు కంపోజ్‌ చేసిన పాటల్లో మీ అమ్మకు బాగా నచ్చిన పాటలు?   ఇందాక చెప్పిన ‘ఆకాశం తను రెక్కలతో’, ‘నువ్వొస్తానంటే నేనొద్దంటానా’లో ‘ఘల్‌ఘల్‌ ఘల్‌ఘల్‌..’ మా అమ్మ, నాన్న ఇద్దరికీ ఇష్టం. అలాగే నేను చేసిన వాటిలో క్లాసికల్‌ టచ్‌ ఉన్న సాంగ్స్‌ అన్నీ తనకు ఇష్టం. బేసిక్‌గా అమ్మకు నేనేం చెసినా నచ్చుతుంది. అలా అని పార్షియాలిటీ ఉండదు. వేరే మ్యుజిషియన్స్‌ సాంగ్స్‌ నచ్చినా జెన్యూన్‌గా అభినందిస్తారు. మీ పేరు కూడా మీ అమ్మ వాళ్ల పేరెంట్స్‌ పేర్లని తెలిసింది? మా అమ్మమ్మగారి పేరు దేవి మీనాక్షి. తాతగారి పేరు ప్రసాదరావు. దేవి ప్రసాద్‌ ఇద్దరి పేర్లు కలిపి శ్రీ జత చేసి దేవి శ్రీ ప్రసాద్‌ అని పెట్టారు. పెట్టింది కూడా నాన్నగారే. మా అమ్మగారి పేరెంట్స్‌కి మా నాన్నతో అటాచ్‌మెంట్‌ ఎక్కువ. వాళ్లు కూడా అమ్మ కంటే నాన్ననే ఎక్కువ సపోర్ట్‌ చేసేవారు. నాన్న అల్లుడిలా కాక కొడుకులా ఉండేవారు. నేను కెరీర్‌ స్టార్టింగ్‌ లో ఆల్బమ్స్‌ చేసేటప్పుడు మ్యుజిక్‌ కంపెనీ వాళ్లు  ‘దేవి శ్రీ ప్రసాద్‌’ అంటే చాలా పెద్ద వాళ్ల పేరులా ఉంది. పేరు మార్చుకోమని అడిగారు. నేను మార్చుకోను అని చెప్పాను. నేనేం చేసినా ఇదే పేరుతో చేస్తాను అని చెప్పాను. ఇప్పుడు ఎక్కడికి వెళ్లినా నన్ను చీర్‌ చేస్తూ నా ఫ్యాన్స్‌ డీఎస్పీ డీఎస్పీ అని అరుస్తారు. వాళ్లు నాకోసం అరుస్తున్నారనే దానికంటే వాళ్లు పెట్టిన పేరుకి అందం తెచ్చిపెట్టాను అనిపిస్తుంది.  పెళ్ళి చేసుకోమని అడగరా? అది ఎప్పుడూ ఉంటుంది. పెళ్ళి చేసుకోవడం ఒకరి చేతిలో ఉండదు. ఏ పేరెంట్స్‌ అయినా వాళ్ల పిల్లల్ని పెళ్ళి చేసుకో అని ఫోర్స్‌ చేయకూడదు. అది కరెక్ట్‌ కాదేమో. నా కోసం కార్‌ కొను, పరిగెత్తు, అది చేయ్‌ ఇది చేయ్‌.. ఇలా ఏది అడిగినా ఓకే. కానీ నా కోసం నువ్వు పెళ్ళి చేసుకో అని చెప్పకూడదు అని నా ఫీలింగ్‌.  మీ సక్సెస్‌లో ఎంత క్రెడిట్‌ మీ అమ్మగారికి ఇస్తారు.  నా అచీవ్‌మెంట్‌ అంతా మా అమ్మకే ఇస్తాను. నేను డే అండ్‌ నైట్‌ వర్క్‌ చేస్తాను అది ఇదీ అని అంటారు. అది నా జాబ్, నా డ్రీమ్‌. వచ్చిన పేరు నిలబెట్టుకోవాలి ఇలా చాలా కారణాలుంటాయి. అదెప్పుడూ కష్టం అనిపించలేదు. అది నా లైఫ్‌స్టైల్‌ అయిపోయింది. ఫేమ్, నేమ్‌ ఇలా అన్నీ వస్తాయి. హోమ్‌ మేకర్స్‌గా ఉండే మదర్స్‌కు ఎక్కువ గుర్తింపు ఉండదు. అమ్మకు నచ్చితే అది నాకు ఆస్కారే  హోమ్‌ మేకర్స్‌ని మించిన అచీవ్‌మెంట్‌గానీ, జాబ్‌గానీ లేదని నా ఫీలింగ్‌. ఎవరెన్ని పనులు చేసినా ఇంటిని వాళ్లు మేనేజ్‌ చేయడం టఫ్‌ జాబ్‌. వాళ్ల త్యాగం, వాళ్ల వల్ల మిగతా వాళ్ల లైఫ్‌ అంతా ఈజీ అయిపోతుంది. మా అందరి కంటే ముందు లేస్తారు. అందరు పడుకున్న తర్వాత పడుకుంటారు ఇప్పటికి అదే అలవాటు. ఇంక వద్దూ రెస్ట్‌ తీసుకో అమ్మా అన్నా వినరు. మదర్స్‌ అంటే అంతేనేమో? వాళ్లు లైకపోతే మన లైఫ్‌ ఇంత ఈజీగా ఉండదు. మా నాన్నగారు మాకు ధైర్యం.      అమ్మ నా కాన్ఫిడెన్స్‌. మీ అమ్మ చేసే వంటల్లో మీకేది ఇష్టం?   నాకు రెగ్యులర్‌ టైమింగ్స్‌ అని ఉండవు. ఒక్కోసారి 2కి తింటా. మరోసారి 3, 4.  ఎప్పుడు ఆకలి వేసినా అమ్మ కాల్‌ చేస్తుంది. రేయ్‌ ఆకలవుతుందా? అని. నాకు షాక్‌ అనిపిస్తుంది. నా ఆకలి తనకెలా తెలిసిపోతుందని? ఫస్ట్‌లో షాక్‌ అయ్యేవాణ్ణి. తర్వాత అలవాటైపోయింది. అమ్మగారు చేసే ఎగ్‌రైస్‌ అంటే చాలా ఇష్టం. షోలు చేస్తూ విదేశాల్లో ఉన్నా ఇంటికి వచ్చిన వెంటనే ఫస్ట్‌ తినాలినిపించేది ఎగ్‌రైస్‌. అది తిన్న తర్వాత  మళ్లీ ఇంట్లో పడ్డాం అనే ఫీలింగ్‌ వస్తుంది. పైనా స్టూడియోలో ఉంటాను. సేమియా తినాలిపించింది అని నాకు అనిపించినా తనకు తెలిసిపోతుంది. కింద నుంచి ఫోన్‌ చేస్తుంది. ‘రేయ్‌ సేమియా చేశాను తినడానికి కిందకు రా’ అని. మదర్స్‌కు మాత్రమే వాళ్ల పిల్లలతో ఓ విచిత్రమైన బంధం ఉంటుందనిపిస్తుంది. ఎందుకంటే మనం కూడా వాళ్లలో ఓ భాగమే కదా.  మీ అమ్మగారు తనకు ఏదైనా కావాలని అడుగుతారా?  అమ్మ ఎక్కువ ఏదీ అడగరు. మా ఫాదర్‌ ఆ టైమ్‌లో ఆయన టాప్‌ రైటర్‌. ఎంత సంపాదిస్తున్నారు, ఎంత ఖర్చుపెడుతున్నారో తెలియదు. ఆయన రెమ్యునరేషన్‌ లెక్క చూసుకుంది లేదు. అంతా అమ్మగారు హ్యాండిల్‌ చేసేవారు. ఇంటికి, మా అందరికీ ఖర్చుపెట్టడం తప్ప ఆవిడ సొంతంగా ఖర్చు పెట్టుకోవడం తనకు అస్సలు తెలియదు. ‘నువ్వేమైనా కొనుక్కో’ అని నాన్న తిట్టేవారు. ఎప్పుడో ఓసారి షిరిడీ తీసుకెళ్లమన్నారు. మా అందరి షెడ్యూల్స్‌ ఎప్పుడు బిజీగానే ఉండేవి. అమ్మానాన్న ఇద్దర్నీ కలిపి తీసుకెళ్లడం కుదర్లేదు. ఇటీవల ఓసారి షిరిడీ వెళ్లాం. చిన్నపిల్లలా చాలా సంతోషపడింది. లోపలికి వెళ్లాం. బయటకు రాగానే మళ్లీ ఇంకోసారి చూద్దాం రా అని అడిగింది. అమ్మ అలా ఎప్పుడూ అడగలేదు. ఏదైనా అడగండి అని చెబుతుంటా. అడగరు.  కెరీర్‌ బెస్ట్‌ మూమెంట్స్‌ అన్నీ అమ్మతో షేర్‌ చేసుకుంటారా?  కచ్చితంగా షేర్‌ చేసుకుంటాను. చిరంజీవిగారు ఇలా అన్నారు. మహేశ్‌ ఇది చెప్పారు అని చెబుతుంటాను.  మీకు ఏదైనా హార్డ్‌ టైమ్స్‌లో మీ మదర్‌ స్ట్రాంగ్‌గా నిలబడి మీకు స్ఫూర్తిగా నిలిచిన సందర్భాలున్నాయా? మా చిన్నప్పుడు నాన్నగారికి హార్ట్‌ అటాక్‌ రావడంతో ఆరోగ్యం దెబ్బతింది. చాలా పెద్ద ప్రమాదం. చాలా రోజులు హాస్పిటల్‌లోనే ఉన్నారు. తర్వాత కోలుకున్నారు. ఇది మెడికల్‌ మిరాకిల్‌ అని డాక్టర్స్‌ అన్నారట. ఆ అద్భుతానికి ఆయన కాన్ఫిడెన్సే కారణమట. మనకేం జరగదు అని అనుకునే స్వభావం ఆయనది.  చెన్నైకు మేం కొత్త. సిటీకి అటువైపు మా స్కూల్, హాస్పిటల్‌ ఏమో ఇటువైపు. ఉదయాన్నే వెళ్లి డాడీకి ఏం కావాలో చూసుకొని మమ్మల్ని స్కూల్‌ దగ్గర డ్రాప్‌ చేసి మళ్లీ హాస్పిటల్‌కి వెళ్లేవారు. మా స్కూల్‌ అయిపోయే టైమ్‌కు మమ్మల్ని తీసుకొచ్చేవారు. ఇలా ఇబ్బంది అవుతుందని హాస్పిటల్‌ నుంచి స్కూల్‌కు వెళ్లే ఈ గ్యాప్‌లో డ్రైవింగ్‌ క్లాసులకు వెళ్లి కార్‌ డ్రైవ్‌ చేయడం నేర్చుకొని హాస్పిటల్‌ టు స్కూల్‌ తిరిగేవారు. నాదీ, తమ్ముడిది వేరే స్కూల్‌ చెల్లిది వేరే స్కూల్‌. ఇప్పుడు తలుచుకుంటే భయమేసేది.  30 ఏళ్లు నాన్నగారిని గాజుబొమ్మలా చూసుకున్నారు అమ్మ. అలానే ఉండిపోయారు. అది త్యాగం అని కూడా కాదు. నాన్నకు ఏ టాబ్లెట్‌ దేనికో కూడా తెలియదు. అమ్మ ఏది ఇస్తే అదే వేసుకోవడమే. అలాంటి కాంబినేషన్‌ ఎక్కడా చూడలేదు.  వాళ్లకు ఏ విషయంలో అసంతృప్తి లేదు. మేం నేర్చుకున్నది అదే. ఇద్దరూ మా కోసం చేసిన త్యాగాలు, మమ్మల్ని ప్రోత్సహించిన తీరు మాటల్లో చెప్పలేనిది. ఆవిడ ప్రయాణం నిజంగా స్ఫూర్తిదాయకం.  నువ్వు కానీ ఏదైనా జాబ్‌ టేకప్‌ చేసుంటే మోస్ట్‌ సక్సెస్‌ఫుల్‌ అయ్యేదానివి అని చాలాసార్లు చెప్పాను. మా అందరికంటే సక్సెస్‌ఫుల్‌ తనే నా అభిప్రాయం.  నేను ‘లీడర్‌’లా ఉండడం అమ్మకు ఇష్టం  మదర్స్‌ డే జ్ఞాపకాలు ఏమైనా ఉన్నాయా? రానా: మదర్స్‌ డే అనేది కొత్తగా వచ్చింది.. అంతే. అమ్మతో నాకు చాలా జ్ఞాపకాలు ఉన్నాయి. ఈరోజు నేను ఇలా ఉన్నానంటే ఎక్కువ అమ్మ ప్రభావమే. నాన్నగారు, తాతగారు సినిమాల్లో ఉన్నప్పటికీ చిన్నప్పుడు నేను సినిమా కథలకన్నా కామిక్‌ బుక్స్‌ బాగా చదివాను. ఆ బుక్స్‌ అన్నీ అమ్మ ఇచ్చినవే. ఇప్పుడు ‘అమర్‌చిత్ర కథ’ కామిక్‌ బుక్స్‌తో అసోసియేట్‌ (అమర్‌ చిత్రకథ లెర్నింగ్‌ సెంటర్‌ ఏర్పాటు) అయ్యున్నానంటే అది అమ్మ వల్లే. నా చిన్నప్పుడు అమర్‌ చిత్రకథ పుస్తకాలు ఇచ్చింది. ఆ పుస్తకాలన్నీ నాతో ఇంకా ఉన్నాయి.  అమ్మ కథలు కూడా చెప్పేవారా?  చెప్పేవారు. అలా నాకు అలవాటు అయింది. చాలా సైలెంట్‌గా నా జీవితాన్ని బాగా ప్రభావితం చేసింది మా అమ్మే. చిన్నపుడు నాకు లెక్కలు వచ్చేవి కాదు. మా స్టూడియో (రామానాయుడు)లో చాలా పనులు చేసేవాణ్ణి. లెక్కల విషయానికొస్తే మాత్రం దూరం పారిపోయేవాణ్ణి (నవ్వుతూ). దాంతో మా అమ్మ నన్ను స్టూడియోలో కూర్చోబెట్టి అకౌంట్స్‌ రాయించేది. ప్రతి సమ్మర్‌ హాలిడేస్‌లో కాసేపు ఇలా ఎంగేజ్‌ అయ్యేవాణ్ణి. ఈ రోజు ఇలా సక్రమంగా లెక్కలు వేస్తున్నానంటే అప్పుడు స్టూడియోలో రాసిన అకౌంట్సే కారణం. ఆ తర్వాత చదివింది ఏమీ లేదు.  అమ్మ లెక్కలు నేర్పారు. ఎలా బతకాలో కూడా నేర్పించారా?  కథలతో బతకాలని నేర్పింది అమ్మే. ఆర్టిస్ట్‌ కథ (చేసే సినిమా కథలను ఉద్దేశించి)ల మీదే బతుకుతాడు. ఆ కథలు నాకు త్వరగా తెలిసింది అమ్మ ద్వారానే. అమ్మ కథలు నేర్పిన విధానమే ఇప్పుడు నా లైఫ్‌స్టైల్‌లో రిఫ్లెక్ట్‌ అవుతోంది. చిన్నప్పుడు స్కూల్‌కు బాగానే వెళ్లేవారా? అమ్మ కొట్టి పంపించాల్సి వచ్చిన సందర్భాలు ఉన్నాయా? ఆ.. కొట్టిందండీ.. చాలాసార్లు. ఆ తర్వాత పెద్దోడిని అయిపోయా. సైజ్‌లో చిన్నప్పటికే పెద్ద సైజ్‌లో ఉండేవాణ్ణి (నవ్వుతూ). దాంతో చేయి దాటిపోయాడు అని ఆపేసింది. అక్కడితో కొట్టుడు ఆగిపోయింది. నేను వెరీ బ్యాడ్‌స్టూడెంట్‌ని. అయితే ఇప్పుడు మా అమ్మ చాలా హ్యాపీ. ఎందుకంటే చిన్నప్పుడులా ఇప్పుడు అల్లరి చేయలేను కదా. ప్రోగ్రెస్‌ కార్డ్‌ సంతకం కోసం అమ్మను కాకా పట్టిన సందర్భాలు ఉన్నాయా?  అన్నీ అమ్మే చూసుకునేది. మేం ఏం చేస్తున్నాం? ఏంటి? ఇలా అన్నీ నాన్నకు తెలుసు కానీ అమ్మే చూసుకునేది. నాన్న చదువు గురించి చాలా తక్కువ మాట్లాడేవారు. నాన్న మమ్మల్ని ఎప్పుడూ తిట్టలేదు. కొట్టలేదు. దేని గురించీ అరిచింది లేదు. ఇష్టమొచ్చింది చేసుకోనిచ్చారు. అయితే వెనక నుండి గమనిస్తూనే ఉండేవారు. అమ్మ మాత్రం కొట్టడం, తిట్టడం. అయితే తక్కువ మార్కులు వచ్చాయని పెద్దగా ఫీలయ్యేది కాదు. ఒక బ్యాడ్‌ స్టూడెంట్‌తో లైఫ్‌ గడిపితే ఎలా ఉంటుందో అదంతా చూసింది మా అమ్మ. బ్యాడ్‌ అంటే బాగా బ్యాడ్‌. క్లాస్‌లో లాస్ట్‌ వచ్చే వాళ్లు ఇద్దరు ముగ్గురు ఉంటారు కదా. అందులో నేనొకడిని. అందులోనూ హైట్‌ కాబట్టి లాస్ట్‌ బెంచ్‌. నాకు సైట్‌ ఉండేది. దాంతో బోర్డ్‌ కనిపించేది కాదు. ఓహ్‌.. నాతో అమ్మ చాలా టెన్షనే పడింది. ఎడ్యుకేషన్‌ ఇంపార్టెంట్‌ అంటారు. మీలాంటి రిచ్‌ కిడ్స్‌కు జాబ్‌ చేస్తేనే... అనే పరిస్థితి లేదు కాబట్టి మీకు తక్కువ మార్కులొచ్చినా ఇంట్లో ఫీలవ్వలేదా? ఎడ్యుకేషన్‌ అనేది ఎవ్వరికైనా కచ్చితంగా ఇంపార్టెంట్‌. నాకు ఆర్ట్స్‌ అంటే ఇష్టమని నా చిన్నప్పటి నుంచే వాళ్లకు అర్థం అయింది. చిన్నప్పుడు నేను చదివినన్ని కామిక్‌ బుక్స్‌ బహుశా ఎవ్వరూ చదివి ఉండరేమో. అప్పుడే నా ఇంట్రెస్ట్‌ ఏంటో వాళ్లకు అర్థం అయ్యుంటుంది. ఫిఫ్త్‌ క్లాస్‌ టైమ్‌లోనే ఎడిటింగ్‌ నేర్చుకున్నాను. టెన్త్‌ క్లాస్‌లో అకౌంట్స్‌ చేసేవాణ్ణి. నా జీవితంలో ఏ దశలో అయినా నేను సినిమాకు సంబంధించినవే నేర్చుకుంటూ ఉన్నాను. ప్రతి ఒక్కరు వాళ్లు ఏం కావాలో దానికి సంబంధించినదే నేర్చుకుంటుంటారు కదా. నాకు స్టాండర్డ్‌ ఎడ్యుకేష  మీద నమ్మకం లేదు. ఇవాళ ఏదైనా నేర్చుకోవాలంటే ఇంటర్న్‌నెట్‌ ఓపెన్‌ చేస్తే చాలు.. అన్నీ తెలుస్తాయి. ఆ సిస్టమ్‌లో నేను పెరగలేదు. వీడు ఇలానే నేర్చుకుంటాడేమో అని మా అమ్మ అనుకుంది.. అర్థం చేసుకుంది. అందుకే ఆర్ట్స్‌లో షైన్‌ అవుతానని అనుకుంది.   ఏదో సందర్భంలో అమ్మ కన్నీళ్లు పెట్టుకునే పనులు చేస్తాం కదా... అలాంటివి ఏమైనా మీ లైఫ్‌లో ఉన్నాయా? అబ్బో! లెక్కలేదండి బాబు. బోలెడు అంటే బోలెడు ఉన్నాయి. సిగిరెట్‌ తాగానని.. ఇలా చాలా ఉన్నాయి. అప్పుడు ఇలాంటివి మళ్లీ చేయకూడదు అనుకున్న సందర్భాలు..?  మా అమ్మ స్ట్రిక్ట్‌గా ఎప్పుడూ లేరు. ఆ ఫ్రీడమ్‌ ఎప్పుడూ ఉంటుంది. నేను బాగా చదువుకునేవాణ్ణి కాదు కానీ, అంత పెద్ద బ్యాడ్‌ మూమెంట్స్‌ ఏం లేవు. అన్నీ చిన్న చిన్నవే. వాటిని కరెక్ట్‌ చేసుకుంటూ వెళుతుంటాను. మీ బర్త్‌డేలు ఎలా చేసేవారు? మాది జాయింట్‌ ఫ్యామిలీ. మేం 8, 9 మంది పిల్లలం కలసి ఉండేవాళ్లం. మా ఇంట్లో చాలా మంది నవంబర్‌  – డిసెంబర్‌ టైమ్‌లో పుట్టాం. అలా సెలబ్రేషన్స్‌ రెండు నెలలు సాగుతుండేది. మనకు నచ్చినా నచ్చకపోయినా సెలబ్రేషన్స్‌ అనేవి జరుగుతూనే ఉండేవి.  అమ్మ చేసే వంటకాల్లో బాగా ఇష్టపడి తినేవి?  తను రెగ్యులర్‌గా కుక్‌ చేయకపోయినా అప్పుడప్పుడూ బిర్యానీ చేస్తుంది. చాలా బాగా చేస్తుంది. అది ఇష్టంగా తింటాను. అమ్మ కోసం ఏదైనా చేసి పెట్టారా? అంత ట్యాలెంట్‌ నాకు లేదు. బ్రెడ్‌ టోస్ట్‌ లాంటిది ఏదైనా చేసుంటానేమో కానీ పెద్ద పెద్దవి కష్టం.  మీ అమ్మగారు కుటుంబం మొత్తాన్ని బాగా చూసుకుంటారని, కుటుంబం మొత్తం కలసి ఉండటానికి ఈవిడ మెయిన్‌ పిల్లర్‌ అని విన్నాం..  100 పర్సెంట్‌ కరెక్ట్‌. ఆమె అందరూ కలసి ఉండాలనుకుంటుంది. చాలా సింపుల్‌ పర్సన్‌. మనీ, ఫేమ్‌ ఇవేమీ తనను ఎఫెక్ట్‌ చేయవో లేక తను అసలు వాటిని పట్టించుకోదో నాకు తెలియదు. ఆవిడ చేసేది ఏదైనా చాలా నార్మల్‌గా, రియల్‌గా ఉంటాయి. ఆర్టిఫీషియల్‌గా ఏదీ ఉండదు.  మీ అమ్మ నుంచి అడాప్ట్‌ చేసుకున్న క్వాలిటీ?  అమ్మ ఏదైనా ఫిక్స్‌ అయితే ఫిక్స్‌ అయినట్టే. దాని గురించి లాగడం, నాన్చడం ఉండవు. చాలా విషయాల్లో స్ట్రయిట్‌ ఫార్వార్డ్‌. అది నాకు నచ్చుతుంది. ఆ లక్షణాన్ని ఫాలో అవుతుంటా. కొడుకు పెళ్లి చేయాలని అమ్మకు బాగా ఉంటుంది. మరి ప్రెషర్‌ చేయడం లేదా?  అస్సలు లేదు. ఓ సరదా సంఘటన జరిగింది.. అది చెబుతాను. ఇది వింటే మీకు మా మదర్‌ ఎలాంటి ఆవిడో అర్థం అవుతుంది. ఓ రోజు అమ్మా నేను పెళ్లి చేసుకుంటాను అన్నాను. నువ్వే వేస్ట్‌గా ఇంట్లో పడున్నావు.. ఇంకో అమ్మాయిని కూడా తెచ్చి పెట్టుకోవాలా మేము? అన్నారు. ఆవిడ  అంత సరదాగా, ప్రాక్టికల్‌గా ఉంటారు (నవ్వుతూ). కొడుకు చిక్కిపోతే అమ్మకు కంగారుగా ఉంటుంది. ‘బాహుబలి’ కోసం లావైన మీరు ఇప్పుడు మరీ సన్నగా ఉన్నారు..   ఏదైనా కథ కోసమే. నేను సక్సెస్‌ఫుల్‌ ఫ్యామిలీలో పుట్టాను. ఏ పని చేయకపోయినా నన్ను చూసుకునే పరిస్థితిలో మా వాళ్లు ఉన్నారు. అలాగని నేనేమీ చేయకుండా ఉండలేను. నా లైఫ్‌కి ఓ అర్థం ఉండాలిగా. మా అమ్మ దాన్ని అర్థం చేసుకుంది. జస్ట్‌ ఊరికే ఓ పని చేయాలనుకుని చేయడం మానేశాను. ఊరికే ఓ సినిమా చేయను నేను. కథ లేకపోతే సినిమా మొదలుపెట్టను. అలాంటి థాట్‌ ప్రాసెస్‌లో ఉన్నాను. ఆ విషయాన్ని అమ్మ గ్రహించింది. అందుకే బరువు తగ్గినా, పెరిగినా సినిమాల కోసమే కాబట్టి టెన్షన్‌ పడదు. ‘బాహుబలి’లో మీరు అతి కిరాతకుడు భల్లాలదేవగా కనిపించినప్పుడు మీ అమ్మగారు ఏమన్నారు? ‘బాహుబలి’ సినిమా  చేసే సమయంలో సినిమా కథ చెప్పాను అమ్మకు. ముఖ్యంగా సినిమాలో నేను మా అమ్మను చంపేసే సీన్‌ ఉంది కదా.. దాని గురించి చెప్పాను. ఒక్కసారి నా వైపు చూసి ‘ఒరేయ్‌.. ఇలాంటి సినిమాలు చేస్తున్నావేంట్రా నువ్వు?’ అని నవ్వింది. ఆ రోజు ఆ సీన్‌ చెప్పకుండా ఒకేసారి థియేటర్లో డైరెక్ట్‌గా సినిమా చూపిస్తే ఆవిడకు అనవసరమైన ఆలోచనలు వచ్చే చాన్స్‌ ఉండేదేమో (పెద్దగా నవ్వుతూ). మీరు చేసిన సినిమాల్లో ఏ పాత్ర ఆమెకు బాగా ఇష్టం? ‘లీడర్‌’లో అర్జున్‌ ప్రసాద్‌ పాత్ర తనకు బాగా ఇష్టం. ఎందుకంటే అర్జున్‌ ప్రసాద్‌ బాగా చదువుకున్నవాడు. యాక్చువల్లీ రానా అనే తన కొడుకు అంత గుడ్‌ బాయ్‌లా ఉండాలని అమ్మ కోరుకుంది. అందులో ఓ డైలాగ్‌ ఉంటుంది. ‘అతను అమెరికాలో చదువుకున్నాడు. కంపెనీ సీఈఓ’ అంటూ పొగిడే డైలాగ్‌ అది. ఆ సీన్‌ చూసి ఎంత మురిసిపోయానో తెలుసారా అంటుంది అమ్మ.  అమ్మకు ఏదైనా గిఫ్ట్స్‌ ఇచ్చారా? చిన్న చిన్నవే. బుక్స్‌. అందులోనూ కామిక్స్‌ ఎక్కువ ఇస్తుంటాను. మా కమ్యూనికేషన్‌ అంతా ఎక్కువ బుక్స్‌ ఇచ్చుకోవడమే. ఎలాగూ బ్యాడ్‌ స్టూడెంట్‌ అన్నారు.. చదువు కాకుండా అమ్మకు మీ నుంచి వేరే ఏదైనా ఎక్స్‌పెక్టేషన్స్‌ ఉన్నాయా? మళ్లీ అమ్మ చెప్పిన ఓ సంఘటన చెబుతాను. ఒకరోజు ‘ఒరేయ్‌.. చిన్నప్పుడు నువ్వు అంత బ్యాడ్‌ స్టూడెంట్‌గా ఉండటంతో నువ్వు ఇప్పుడు ఏం చేసినా బాగానే ఉంది రా’ అంది. అంటే.. ఒక్క టెన్త్‌ క్లాస్‌ పాస్‌ అవ్వడానికే బాగా కష్టపడినవాడు లైఫ్‌లో వేరే ఏది చేసినా బాగానే ఉంటుంది కదా? (నవ్వుతూ). మా అమ్మకు అలా ఉంది ఇప్పుడు.  అమ్మ హెల్త్‌ గురించి మీరు కేర్‌ఫుల్‌గా ఉంటారా? నేను ప్రత్యేకంగా పట్టించుకోనక్కర్లేదు. తనే చాలా జాగ్రత్తగా ఉంటుంది. హెల్దీ ఫుడ్‌ తీసుకుంటుంది. మిమ్మల్ని ఏమని పిలుస్తారు?   బాబు అని పిలుస్తుంది. ఫైనల్లీ .. ఇప్పుడు ‘అమర్‌ చిత్రకథ’తో మీ అసోసియేషన్‌ మీ అమ్మగారికి రిటర్న్‌ గిఫ్ట్‌లా అనుకోవచ్చా?  నేను అమర్‌ చిత్రకథలో ప్రస్తుతం చిన్న భాగం అయ్యానంటే కచ్చితంగా అమ్మ వల్లే. అందులో సందేహమే లేదు. అమ్మకి గిఫ్ట్‌ అని పెద్ద మాట అనను కానీ, ఇవాళ ఇలా ఉన్నానంటే తనే కారణం. చిన్నప్పుడు మీ అమ్మగారు మీకు ఆడపిల్ల వేషం వేసి ఫోటోలు తీసిన సందర్భాలు ఉన్నాయా?  ఒకసారి తీసింది. అప్పుడు తాత (రామానాయుడు) అబ్బాయికి అమ్మాయి వేషం ఏంటి? అని తిట్టారు. ఆ తర్వాత మళ్లీ అలా వేషం వేయలేదు. ఆ ఫొటో ఏ వయసులో తీశారో సరిగ్గా గుర్తు లేదు.  మ్యాన్లీగా ఉండే రానా ఆడపిల్ల వేషంలో ఎలా ఉంటారో తెలుసుకుందాం.. ఫొటో చూపిస్తారా? అస్సల.. అస్సల. అస్సల... చాన్సే లేదు. నేను బయటివాళ్లకు కనపడనివ్వకుండా లైఫ్‌ లాంగ్‌ జాగ్రత్తగా దాచుకుంటున్న ఫొటో అది. ఎవరికీ చూపించను (నవ్వేస్తూ). అమ్మకు ముద్దు పెట్టందే కదలం  మీ అమ్మగారి గురించి చెప్పాలంటే.. నమ్రత: ఆమెతో నా రిలేషన్‌షిప్‌ వెరీ వెరీ స్పెషల్‌. అన్‌ ప్యారలెల్‌. తనే నా ధైర్యం. నా బ్యాక్‌బోన్‌. ఫ్రెండ్‌. చాలా త్వరగా చనిపోయారు. ప్రస్తుతం నాతో లేకపోయినప్పటికీ ఆమె నేర్పిన విషయాలు నాతోనే ఉంటాయి. ఆమె తాలూకు జ్ఞాపకాలు నా మనసులో పదిలంగా ఉంటాయి. మీ అమ్మగారి నుంచి అడాప్ట్‌ చేసుకున్న క్వాలిటీస్‌?  నాకు ఫ్యామిలీ చాలా చాలా ఇంపార్టెంట్‌. ఆ తర్వాతే ఏదైనా. ఇది అమ్మ నుంచే అలవాటైంది. ఆమె ఫ్యామిలీకి ప్రాధాన్యం ఇచ్చేది. ఒక స్త్రీ ఎలా ఉండాలో అమ్మ దగ్గర్నుంచి నేర్చుకున్నాను. ఇవాళ నేను నా ఫ్యామిలీని బాగా చూసుకుంటున్నానంటే అమ్మే కారణం. మీతో మీ అమ్మ ఎలా ఉన్నారో మీరు మీ పిల్లలతో అలానే ఉంటారా? అవును. మా అమ్మ చాలా శుభ్రంగా ఉండే మనిషి. అన్నీ క్లీన్‌గా ఉండాలనుకుంటారు. నేను కూడా అలానే ఉంటాను. మా పిల్లలకు కూడా అదే వచ్చింది. మహేశ్‌ కూడా (నవ్వుతూ). మా మమ్మీ ఒకేసారి ఎన్ని పనులైనా హ్యాండిల్‌ చేయగలిగేది. నేను కూడా అందులో బెస్ట్‌ అని చెప్పుకోగలను. పిల్లలకు ఫ్రెండ్‌గా, గైడ్‌లా ఉండేది. నేను నా పిల్లలతో అలానే ఉంటాను.        మహేశ్‌ వాళ్ల మదర్‌తో ఎలా ఉంటారు. ఆయనెంత గుడ్‌ సన్‌?  మహేశ్‌ చాలా మంచి కొడుకు. మహేశ్‌ తన ఫీలింగ్స్‌ని ఎక్కువగా ఎక్స్‌ప్రెస్‌ చేయకపోయినా తన హార్ట్‌ గోల్డ్‌. మా అమ్మంటే నాకు ఇష్టం అదీ ఇదీ అని మహేశ్‌ ఎప్పుడూ బయటకు చెప్పడు. వాళ్ల అమ్మ మీద తనకున్న ప్రేమ అన్‌ప్యారలెల్‌.  ‘మదర్స్‌ డే’ అంటే పిల్లలు గిఫ్ట్‌లు ఇవ్వాలని కోరుకుంటారా? మనుషుల్ని గిఫ్ట్స్‌తో గెలవాలనుకోవడం కరెక్ట్‌ ఐడియా కాదని నేననుకుంటాను. వాళ్లతో మనం ఎలా ఉంటున్నాం? ఎలా నడుచుకుంటున్నాం? వాళ్లతో మన ఎమోషన్‌ ఏంటి... అన్నది ముఖ్యం. తల్లిదండ్రులకు గిఫ్ట్స్‌ ముఖ్యమే కాదు. వాళ్లతో మంచిగా ఉంటున్నామా? జాగ్రత్తగా చూసుకుంటున్నామా? ప్రేమ చూపిస్తున్నామా? అవి ముఖ్యమని నేననుకుంటాను. నేనొక తల్లిగా నా పిల్లల నుంచి ఇలాంటివి కోరుకుంటాను తప్పితే నెక్లెస్, ఫోన్, ఫ్లాట్‌ ఇవేం కాదు. వాటి బదులు నా మీద ప్రేమ, ఆప్యాయత, గ్రాటిట్యూడ్‌ చూపించాలని కోరుకుంటాను.        మీరు మీ, సిస్టర్‌ (శిల్పా శిరోద్కర్‌) లో మీ అమ్మకు ఎవరంటే ఎక్కువ ఇష్టం? మా అమ్మకు మా సిస్టర్‌ అంటే బాగా ఇష్టం.  ఎందుకలా? ఎందుకంటే నేను మా ఫాదర్‌ ఫేవరెట్‌ కాబట్టి.  మహేశ్‌ తన మదర్‌ని ఎప్పుడెప్పుడు కలుస్తుంటారు? ఇంట్లో ఉంటే ప్రతి ఆదివారం కలుస్తూనే ఉంటాం. వీలున్నప్పుడల్లా కలుస్తూనే ఉంటాం. ఏప్రిల్‌ 20న మా అత్తయ్య బర్త్‌డే. ఏప్రిల్‌ 19న కలిశాం. కేక్‌ కట్‌ చేయించాం.  గౌతమ్, సితార మిమ్మల్ని ఏమని పిలుస్తారు? డాడీ, మమ్మీ? అమ్మ, నాన్న? అమ్మ, నాన్న. మహేశ్‌ ఫస్ట్‌ నుంచి చాలా క్లారిటీగా ఉన్నాడు. పిల్లలు నన్ను నాన్న అనే పిలవాలి అని నాతో చెప్పాడు. మా ఇంట్లో నేను మా అమ్మానాన్నలను మా, పప్పా అని పిలిచేదాన్ని.  ‘మదర్స్‌ డే’ని ఒకరోజు సెలబ్రేట్‌ చేసుకునే పద్ధతిని నమ్ముతారా? మనకు ప్రతిరోజు మదర్స్‌ డేనే. మా ఇంట్లో ఒక రూల్‌ ఉంది. మా పిల్లలు ఇల్లు వదిలి ఇంటికి వెళ్లేప్పుడు అది ట్యూషన్‌కి అయినా, స్విమ్మింగ్‌కి అయినా సరే వాళ్లు అమ్మకు ముద్దు పెట్టి వెళ్లాలి. ఒకవేళ వాళ్లు ఇంట్లో ఉండి నేను బయటకు వెళ్లాను అనుకోండి.. వాళ్లకు నేను ముద్దిచ్చి బయటకు వెళ్లాలి. మహేశ్‌ కూడా ఈ రూల్‌కి అలవాటుపడ్డాడు. ఇది మాకో అలవాటు అయిపోయింది. మా తల్లిదండ్రులు అలా చేసేవారు. మా అమ్మానాన్న బతికి ఉన్నంతవరకూ ఇలానే చేసేవాళ్లం. 

టాలీవుడ్‌లో టాప్‌ పోజిషన్‌లో ఉన్న సంగీత దర్శకుడు దేవీ శ్రీ ప్రసాద్‌. ఇటీవల తన స్థాయికి తగ్గ మ్యూజిక్‌ హిట్స్‌ ఇవ్వడంలో కాస్త ఇబ్బంది పడుతున్న దేవీ, ఈ వారం మహర్షితో ప్రేక్షకుల ముందుకు రానున్నాడు. భారీ అంచనాల మధ్య ప్రేక్షకుల ముందుకు వస్తున్న మహర్షి పై దేవీ కూడా చాలా ఆశలు పెట్టుకున్నాడు. తాజాగా దేవీ శ్రీ సంగీతమందించిన ఓ పాట అంతర్జాతీయ వేదిక మీద ప్రశంసలు అందుకుంది. ప్రపంచంలోనే బిగ్గెస్ట్ డ్యాన్స్‌ కాంపిటీషన్‌గా పేరున్న ‘ఎన్‌బీసీ వరల్డ్‌ ఆఫ్‌ డ్యాన్స్‌’ ఫినాలేలో కింగ్స్‌ టీం, దేవీ పాటకు డ్యాన్స్‌ చేసింది. సర్థార్ గబ్బర్‌ సింగ్ సినిమాలోనే ‘ఆడేవడన్నా.. ఈడేవడన్న’ అనే పాటను ప్రదర్శించిన కింగ్స్‌ టీం ప్రేక్షకులతో పాటు న్యాయనిర్ణేతలను కూడా ఆశ్చర్యానికి గురిచేసింది. ఈ విషయంపై  దేవీ శ్రీ ప్రసాద్ ట్విటర్‌ వేదికగా స్పందించాడు.‌ గతంలో అదే వేదిక మీద తాను సంగీతమందించిన ఖైదీ నంబర్‌ 150 సినిమాలో సుందరి పాటను ప్రదర్శించిన సంగతిని గుర్తు చేసుకున్నాడు. నా సంగీతం ప్రజలతో డ్యాన్స్‌ చేయించటం నాకు ఆనందంగా ఉంది అంటూ ట్వీట్ చేశాడు. OMG ! What a Brilliant Performance!!👏🏻👏🏻🙏🏻 That time it was #SUNDARI frm #Khaidi150 & now it is #Vadevadanna frm #SARDARGabbarSingh on d International Dance Stage !! Am so Thrilled wn my MUSIC makes People DANCE !! ThankU & Lov U guys ! U just nailed it !! Keep Roc’KING’S !! https://t.co/mfkd1BhwJG — DEVI SRI PRASAD (@ThisIsDSP) 6 May 2019

వరుణ్‌ తేజ్‌, హరీష్‌ శంకర్‌ కాంబినేషన్‌లో వాల్మీకి చిత్రం తెరకెక్కుతున్న సంగతి తెలిసిందే. తమిళ హిట్‌ మూవీ జిగర్తాండను తెలుగులో ‘వాల్మీకి’గా రీమేక్‌ చేస్తున్నారు. కొన్ని రోజుల క్రితమే పూజా కార్యక్రమాలను పూర్తి చేసిన చిత్రయూనిట్‌.. నేడు షూటింగ్‌ను ప్రారంభించింది. నేడు వరుణ్‌తేజ్‌పై కొన్ని సన్నివేశాలను షూట్‌ చేసినట్టుగా తెలుస్తోంది. వరుణ్‌ లుక్‌కు సంబంధించిన ఓ పిక్‌ను హరీష్‌ శంకర్‌ పోస్ట్‌ చేస్తూ.. ‘వెల్కమింగ్‌ మై వాల్మీకి.. మొదటి రోజు షూటింగ్‌ బాగా జరిగింది.. ఇంకా ఇలాంటి రోజుల గురించి చూస్తుంటాను.. దేవీ శ్రీ ప్రసాద్‌కు ప్రత్యేక కృతజ్ఞతలు.. ఈ హాట్‌ సమ్మర్‌లో టెర్రఫిక్‌ వర్క్‌ చేస్తున్నారు’ అని ట్వీట్‌ చేశారు. Welcoming My VALMIKI to the board ... @IAmVarunTej ... such a great first day shoot with you .... looking forward for many more ..... 🤗🤗🤗🤗 and special thanks to @DoP_Bose for the terrific work in this hot summer 🙏🙏🙏 pic.twitter.com/8Pxx6WH5LA — Harish Shankar .S (@harish2you) April 18, 2019

వరుస హిట్‌లతో ఫుల్‌ ఫామ్‌లో ఉన్న మెగాహీరో వరుణ్‌ తేజ్‌. తాజాగా సంక్రాంతి బరిలో దిగి ‘ఎఫ్‌2’తో బ్లాక్‌బస్టర్‌ హిట్‌ కొట్టాడు. మెగా హీరోలందరిలో డిఫరెంట్‌గా స్టోరీలను సెలెక్ట్‌ చేసుకుంటూ తనకంటూ ఓ ఇమేజ్‌ను ఏర్పరుచుకుంటున్నారు వరుణ్‌ తేజ్‌. ప్రస్తుతం ఓ తమిళ రీమేక్‌లో నటిస్తోన్న సంగతి తెలిసిందే. తమిళంలో హిట్‌ అయిన ‘జిగర్తాండ’ను తెలుగులో వాల్మీకి పేరుతో తెరకెక్కిస్తున్నారు. గ్యాంగ్‌స్టర్‌ నేపథ్యంలో పూర్తి హాస్యభరితంగా ఉండే ఈ చిత్రంలో వరుణ్‌ గ్యాంగ్‌స్టర్‌గా నటించనున్నాడు. ఈరోజు ఈ మూవీ షూటింగ్‌ను ప్రారంభించినట్లు.. వరుణ్‌ ట్వీట్‌ చేశాడు. గబ్బర్‌సింగ్‌లాంటి అదిరిపోయే రీమేక్‌ను తెరకెక్కించిన హరీష్‌ శంకర్‌ ఈ చిత్రానికి దర్శకత్వం వహిస్తున్నారు. ఈ చిత్రానికి దేవీ శ్రీ ప్రసాద్‌ సంగీతాన్ని అందించనున్నారు. Day 1 of shoot for #Valmiki Super kicked about this one! 📽🎬 — Varun Tej Konidela (@IAmVarunTej) April 18, 2019

మెగా ఫ్యామిలీ నుంచి మరో హీరో ఎంట్రీ ఇవ్వనున్నాడన్న సంగతి తెలిసిందే. సాయి ధరమ్‌ తేజ్‌ సోదరుడు వైష్ణవ్‌ తేజ్‌ చిత్రం లాంచనంగా ప్రారంభం అయినప్పటికీ.. షూటింగ్‌ మాత్రం ఇంకా మొదలుపెట్టలేదు. అయితే ఈ చిత్రంలో వైష్ణవ్‌కు జోడిగా మలయాళ బ్యూటీని తీసుకున్నట్లు వార్తలు వినిపిస్తున్నాయి. గతంలో వైష్ణవ్‌కు జోడిగా మేఘా ఆకాష్‌ను తీసుకున్నట్లు వార్తలు వినిపించినా.. తాజాగా మరో హీరోయిన్‌ పేరు ప్రచారంలోకి వచ్చింది. ఇటీవలె మలయాళంలో ఎంట్రీ ఇచ్చి మంచి పేరు తెచ్చుకున్న దేవికా సంజయ్‌ను ఈ చిత్రంలో తీసుకున్నట్లు తెలుస్తోంది. సుకుమార్‌ వద్ద దర్శకత్వ శాఖలో పనిచేసిన బుచ్చిబాబు డైరెక్టర్‌గా.. మైత్రీ మూవీ మేకర్స్‌, సుకుమార్‌ రైటింగ్స్‌ సంయుక్తంగా నిర్మిస్తున్న చిత్రానికి దేవీ శ్రీ ప్రసాద్‌ సంగీతాన్ని సమకూరుస్తున్నారు. ఈ చిత్ర షూటింగ్‌ ఏప్రిల్‌ నెలలోనే ప్రారంభం కానుందని సమాచారం.

టాలీవుడ్ సూపర్‌ స్టార్‌ మహేష్‌ బాబు గారాలపట్టి సితార ఇప్పటికే స్టార్‌గా మారింది. పాటలు పాడుతూ, డాన్స్‌ చేస్తూ సోషల్‌ మీడియా ఆడియన్స్‌ను అలరిస్తోంది ఈ లిటిల్‌ స్టార్‌. ఇటీవల బాహుబలి సినిమాలో మురిపాలా ముకుంద పాటకు సితార డాన్స్ చేసిన వీడియో వైరల్‌గా మారిన సంగతి తెలిసిందే. తాజాగా మరో డాన్స్‌ వీడియోతో సోషల్ మీడియాలో సందడి చేస్తోంది సితార పాప. సంగీత దర్శకుడు దేవీ శ్రీ ప్రసాద్ ఈ కొత్త వీడియోనే షేర్‌ చేశాడు. శ్రీమంతుడు సినిమాలోని పాటను దేవీ ఆలపిస్తుండగా సితార డాన్స్‌ తన స్నేహితురాలు, దర్శకుడు వంశీ పైడిపల్లి కూతురు ఆద్యాతో కలిసి డాన్స్ చేస్తున్న వీడియోను తన ఇన్స్‌స్టాగ్రామ్‌ పేజ్‌లో షేర్‌ చేశాడు దేవీ. ఈ వీడియోతో పాటు జూనియర్‌ మహర్షి (సితార) తనకు డాన్స్‌ చేయటం నేర్పిస్తోంది అంటూ కామెంట్ చేశాడు. గతంలోనూ సితార, ఆద్యాలతో కలిసి దిగిన ఫోటోలను వీడియోలను షేర్‌ చేశాడు దేవీ. ప్రస్తుతం మహేష్‌ హీరోగా వంశీ పైడిపల్లి దర్శకత్వంలో తెరకెక్కుతున్న మహర్షి సినిమాకు దేవీ శ్రీ ప్రసాదే సంగీతమందిస్తున్నారు. ఈ సినిమాలో ఫస్ట్‌ సింగిల్‌ మార్చి 29న విడుదల చేయనున్నారు.పీవీపీ, దిల్‌ రాజు, అశ్వనీదత్‌లు సంయుక్తంగా నిర్మిస్తున్న ఈ సినిమాలో మహేష్ సరసన పూజా హెగ్డే హీరోయిన్‌గా నటిస్తుండా అల్లరి నరేష్‌ మరో కీలక పాత్రలో కనిపించనున్నాడు. ఈ సినిమా మే 9న ప్రేక్షకుల ముందుకు రానుంది.

మెగా ఫ్యామిలీ నుంచి మరో హీరో వెండితెరకు పరిచయం కాబోతోన్న సంగతి తెలిసిందే. మెగా మేనల్లుడిగా సాయి ధరమ్‌ తేజ్‌ ఇండస్ట్రీలో నిలదొక్కుకోగా.. ప్రస్తుతం ఆయన సోదరుడు వైష్ణవ్‌తేజ్‌ ఎంట్రీ ఇచ్చేందుకు రంగం సిద్దమైంది. ఈ చిత్రానికి రేపే ముహుర్తం ఫిక్స్‌ కాగా.. దీనికి సంబంధించిన ఓ పోస్టర్‌ను కొద్దిసేపటి క్రితమే చిత్రయూనిట్‌ విడుదల చేసింది.  వైష్ణవ్‌ తేజ్‌ జాలరి గెటప్‌లో ఉన్న ఈ పోస్టర్‌ అందర్నీ ఆకట్టుకుంటోంది. సుకుమార్‌ రైటింగ్స్‌, మైత్రి మూవీస్‌ సంయుక్తంగా నిర్మిస్తున్న ఈ మూవీకి బుచ్చిబాబు దర్శకత్వం వహిస్తున్నాడు. ఈ మూవీకి రాక్‌ స్టార్‌ దేవీ శ్రీ ప్రసాద్‌ సంగీతాన్ని సమకూర్చనున్నారు. రేపు జరిగే ముహుర్తపు కార్యక్రమానికి మెగాస్టార్‌ చిరంజీవి ముఖ్య అతిథిగా విచ్చేయనుండగా.. మిగతా మెగాహీరోలు కూడా హాజరుకానున్నారు. Introducing Hero #PanjaVaisshnavTej and Director #BuchiBabuSana on our Production No. 9 in association with @SukumarWritings. Muhurtam tomorrow in the presence of Megastar Chiranjeevi garu and esteemed special guests.. A Rockstar @ThisIsDSP Musical! pic.twitter.com/Cj6etJJsw0 — Mythri Movie Makers (@MythriOfficial) January 20, 2019

తమిళసినిమా: దక్షిణాదిలో రాక్‌స్టార్‌గా ముద్రవేసుకున్న సంగీతదర్శకుడు దేవీశ్రీప్రసాద్‌. ఈయన మెలోడీ బాణీలు శ్రోతల మనసుల్ని ఉల్లాస పరుస్తాయి. ఫాస్ట్‌ బీట్‌ సాంగ్స్‌ యువతను ఉత్సాహపరుస్తాయి. మొత్తం మీద దేవీశ్రీప్రసాద్‌ సంగీత ఆల్బమ్‌ సూపర్‌హిట్‌ అవుతుంది.  ఈ మధ్య కాలంలో స్టార్‌ హీరో చిత్రాలకు అధిక చిత్రాలను చేసిన సంగీతదర్శకుడిగా దేవీశ్రీప్రసాద్‌ వాసికెక్కారు. ప్రస్తుతం కోలీవుడ్‌లో విక్రమ్‌ హీరోగా నటిస్తున్న సామి స్క్వేర్‌ చిత్రానికి దేవీ అందించిన పాటల ఆల్బమ్‌ సంగీత ప్రియుల నుంచి విశేష ఆదరణను అందుకుంటోంది.  ఒక చిత్రంలో అన్ని పాటలు హిట్‌ అవ్వడం అన్నది అరుదైన విషయమే. అలాంటి అరుదైన విషయం సామి స్క్వేర్‌ చిత్రానికి రిపీట్‌ అయ్యిందని మ్యూజిక్‌ సంస్థల నిర్వాహకులు అంటున్నారు. దర్శకుడు హరి, విక్రమ్‌ కాంబినేషన్‌లో తెరకెక్కుతున్న తాజా చిత్రం సామి స్క్వేర్‌. ఇందులోని అదిరూపనే అనే మెలోడీ పాట, మిలగాపొడి అనే పెప్పీ సాంగ్‌ విడుదలై విశేష ఆదరణను పొందాయి. కాగా చిత్ర ఆడియో విడుదల తరువాత డర్నాకా అనే పాట, పుదు మెట్రో రైలు అనే పాటకు సంగీత ప్రియుల నుంచి విపరీతమై రెస్పాన్స్‌ వస్తోందని చిత్ర వర్గాలు అంటున్నారు.   పుదు మెట్రోరైలు పాటను రాక్‌ స్టార్‌ దేవీశ్రీప్రసాద్‌ రాయడం విశేషం. ఈయన ఇప్పటికే పలు తెలుగు చిత్రాల్లో పాటలను రాసి అవార్డులను కూడా అందుకున్నారు. ఇక తమిళంలోనూ గీత రచయితగా తన ప్రస్తానాన్ని ప్రారంభించారన్నమాట. ఇందులో అమ్మ గురించిన పాటకు చాలా మంచి స్పందన వస్తోందని చిత్ర వర్గాలు తెలిపారు. ఇలా చిత్రంలోని అన్ని పాటలు హిట్‌ అవ్వడంతో సామి స్క్వేర్‌ చిత్ర యూనిట్‌ ఖుషీ అవుతోంది. దేవీశ్రీప్రసాద్‌ సినిమాలతో బిజీగా ఉన్నా, అమెరికా వంటి విదేశాల్లో సంగీత విభావరిలను నిర్వహిస్తూ అక్కడ తెలుగు, తమిళ ప్రేక్షకులను ఆనందంలో నింపేస్తుంటారు. అదేవిధంగా మరోసారి అమెరికాలో సంగీత విభావరిని నిర్వహించడానికి రెడీ అవుతున్నారు. ఈ నెల 11,18, 25, సెప్టెంబర్‌ నెల 1,8, 16 తేదీలలో అమెరికాలోని ముఖ్య నగరాల్లో రాక్‌స్టార్‌ సంగీత విభావరిని నిర్వహించనున్నారు. ఇందులో ఆయన బాణీలు కట్టిన తమిళం, తెలుగు సూపర్‌హిట్‌ పాటలతో అక్కడి మన వారిని అలరించడానికి రెడీ అవుతున్నారు. అందుకు రిహార్సల్‌ జరుగుతున్నట్లు దేవీశ్రీప్రసాద్‌ వర్గాలు పేర్కొన్నాయి.

టాలీవుడ్‌లో ప్రస్తుతం ఓ చిత్రం వందరోజులు ఆడటం గగనంగా మారిపోయింది. ఈ దశలో మొన్నీమధ్యే రామ్‌ చరణ్‌ ‘రంగస్థలం’ విజయవంతంగా 100 డేస్‌ పూర్తి చేసుకోగా.. ఇప్పుడు భరత్‌ అనే నేను కూడా ఆ ఫీట్‌ను సాధించింది. సూపర్‌ స్టార్‌ మహేష్‌ బాబు హీరోగా తెరకెక్కిన ఈ చిత్రం నేటితో వంద రోజులు పూర్తి చేసేసుకుంది. దీంతో మహేష్‌ ఫ్యాన్స్‌ పండగ చేసుకుంటున్నారు. నేడు చిత్రం ప్రదర్శించబడుతున్న థియేటర్ల వద్ద సందడి నెలకొంది.  డైరెక్టర్‌ కొరటాల శివ గ్రిప్పింగ్‌ స్క్రీన్‌ప్లే ఈ పొలిటికల్‌ డ్రామాను బ్లాక్‌బస్టర్‌గా నిలబెట్టింది. సీఎం రోల్‌లో మహేష్‌ బాబు నటన, ప్రధాన పాత్రల నటన,  దేవీ మ్యూజిక్‌ ఇలా అన్ని అంశాలు చిత్రానికి కలిసొచ్చాయి. రికార్డు స్థాయిలో చిత్రం కలెక్షన్లు రాబట్టింది కూడా. భరత్‌ అనే నేను 100 డేస్‌ పూర్తి చేసుకోవటం, 25వ చిత్రం కోసం మహేష్‌ లుక్‌ ఛేంజ్‌, మేడమ్‌ టుస్సాడ్‌లో మహేష్‌ విగ్రహం ఏర్పాటు, ...ఇలా అన్ని ఒకదాని వెంట ఒకటి జరిగిపోతుండటంతో ఫ్యాన్స్‌  హ్యాపీగా ఫీలవుతున్నారు. 100 days since Bharat has arrived as the C.M. Thank you Superstar @urstrulymahesh garu, director @SivaKoratala garu and the entire cast&crew for giving a blockbuster #BharatAneNenu. Thanks to our dearest fans for all the love that you have shown to the film. #BharatAneNenu100Days pic.twitter.com/tJHbyQ4pQk — DVV Entertainment (@DVVEnts) 27 July 2018

అవును.. సంగీత దర్శకుడు దేవీ శ్రీ ప్రసాద్‌ దర్శకత్వంలో స్టార్ డైరెక్టర్‌ సుకుమార్‌ నటించారు. ప్రతీ ఏడాది లాగే దేవీ ఈ ఏడాది కూడా ఫారిన్‌లో ప్రదర్శనలు నిర్వహించనున్నారు. ఆగస్టు, సెప్టెంబర్‌ నెలలో ఈ కన్సర్ట్స్‌ జరగనున్నాయి. ఈ షోకు సంబంధించిన ప్రోమోనూ దేవీ శ్రీ స్వయంగా డైరెక్ట్‌ చేశారు. షోకు సంబంధించిన వివరాలను తెలియ జేస్తూ రూపొందించిన ఈ ప్రోమోలో దర్శకుడు సుకుమార్ నటించారు.  దేవీ శ్రీ, సుకుమార్‌ ల మధ్య ఉన్న స్నేహం గురించి ప్రత్యేకంగా చెప్పాల్సిన పని లేదు. ఆ స్నేహం కారణంగా దేవీ అడిగిన వెంటనే ప్రోమోలో నటించేందుకు అంగీకరించాడు సుకుమార్‌. ఈ ప్రోమో ఈ రోజు (శనివారం) సాయంత్రం 6 గంటలకు సమంత చేతుల మీదుగా రిలీజ్ చేయనున్నారు.

హ్యాట్రిక్‌ సక్సెస్‌లతో సూపర్‌ ఫాంలో ఉన్న యువ దర్శకుడు అనిల్‌ రావిపూడి. ఇటీవల రాజా ది గ్రేట్‌తో సూపర్‌ హిట్‌ కొట్టిన అనిల్‌ రావిపూడి ఓ క్రేజీ మల్టీ స్టారర్‌కు రెడీ అవుతున్నాడు. వరుణ్ తేజ్‌, వెంకటేష్‌లు హీరోగా కామెడీ జానర్‌లో ఎఫ్‌ 2 (ఫన్‌ అండ్‌ ఫ్రస్ట్రేషన్‌) సినిమాను తెరకెక్కిస్తున్నారు. ప్రస్తుతం ప్రీ ప్రొడక్షన్‌ కార్యక్రమాలు జరుపుకుంటున్న ఈ సినిమాకు స్టార్ మ్యూజిక్‌ డైరెక్టర్‌ సంగీతమందించనున్నారు. దర్శకుడు అనిల్‌ రావిపూడి ఈ విషయాన్ని ట్విటర్‌ ద్వారా వెల్లడించారు. ‘ మీతో కలిసి పనిచేయటం ఆనందంగా ఉంది సర్‌. దేవీ శ్రీ ప్రసాద్‌ గారు ఎఫ్‌ 2(ఫన్‌ అండ్‌ ఫ్రస్ట్రేషన్‌కు స్వాగతం’ అంటూ దేవీతో కలిసి దిగిన ఫొటోను ట్వీట్‌ చేశాడు అనిల్‌ రావిపూడి. ప్రస్తుతం వరుణ్‌ తేజ్‌ సంకల్ప్‌ రెడ్డి దర్శకత్వంలో స్పేస్‌ బ్యాక్‌డ్రాప్‌లో తెరకెక్కుతున్న మూవీలో నటిస్తున్నారు. ఈ సినిమాతో పాటు ప్యారలల్‌గా ఎఫ్ 2 సినిమాలోను నటించనున్నాడు వరుణ్‌. Super excited to start working with you sir ....@ThisIsDSP garu Welcome on-board #F2(fun& frustration) ...😀👌👍 pic.twitter.com/mCWwPXDcc5 — Anil Ravipudi (@AnilRavipudi) 9 June 2018

సాక్షి, చెన్నై: కోలీవుడ్‌లో ప్రయోగాలకు కేరాఫ్‌ అడ్రస్‌ హీరో ‘చియాన్‌’ విక్రమ్‌. కానీ, అపరిచితుడు తర్వాత ఆయనకు సరైన హిట్‌ లేకుండా పోయింది. దశాబ్దానికి పైగా వరుసగా చిత్రాలు బోల్తా పడుతున్నాయి. గత చిత్రం స్కెచ్‌ అయితే డిజాస్టర్‌గా మిగిలింది. దీంతో 15 ఏళ్ల క్రితం తనకు సామితో బ్లాక్‌ బస్టర్‌ ఇచ్చిన దర్శకుడు హరితో విక్రమ్‌ మరోసారి జోడీ కట్టాడు. సామి స్క్వేర్‌గా త్వరలో మన ముందుకు రాబోతున్నాడు. ఈ చిత్రం ఫస్ట్‌ లుక్‌ మోషన్‌ పోస్టర్‌ను తాజాగా వదిలారు. ఫుల్‌ మాస్‌ లోడెడ్‌గా సామి స్క్వేర్‌ తెరకెక్కినట్లు ఫస్ట్‌ లుక్‌ చూస్తే అర్థమౌతోంది. మాస్‌ కంటెంట్‌.. పైగా రేసీ స్క్రీన్‌ ప్లేతో చిత్రాలను తెరకెక్కించటంలో హరి దిట్ట. అలాంటిది వీరిద్దరి కాంబోలో మళ్లీ చిత్రం వస్తుండటంతో చియాన్‌కి హిట్‌ గ్యారెంటీ అని ఫ్యాన్స్‌ సంతోషంలో ఉన్నారు. కీర్తి సురేష్‌ హీరోయిన్‌గా నటిస్తున్న ఈ చిత్రానికి దేవీశ్రీప్రసాద్‌ సంగీతం అందిస్తుండగా.. తమీన్‌ ఫిలింస్‌ చిత్రాన్ని నిర్మి‍స్తోంది.

సాక్షి, హైదరాబాద్‌: ఎనర్జిటిక్‌ స్టార్‌ రామ్‌ హీరోగా నటించిన కొత్త చిత్రం ‘హలో గురు ప్రేమకోసమే’.. ఫస్ట్‌ లుక్‌ వచ్చేసింది. దర్శకుడు త్రినాథ్‌రావు నక్కిన‌ డైరక్షన్‌లో తెరకెక్కుతున్న ఈ చిత్రంలో అనుపమ పరమేశ్వరన్‌ హీరోయిన్‌. రామ్‌ బర్త్‌ డే సందర్భంగా ఫస్ట్‌ లుక్‌ను వదిలారు. అనుపమ వెనకాల ఫాలో అవుతున్న రామ్‌.. స్టైలిష్‌గా ఫస్ట్‌ లుక్‌ను వదిలారు. ఎస్వీసీ బ్యానర్‌పై దిల్‌రాజు ఈ చిత్రాన్ని నిర్మిస్తుండగా.. దేవీశ్రీ ప్రసాద్‌ సంగీతాన్ని అందిస్తున్నాడు. ‘ఉన్నది ఒకటే జిందగీ’ చిత్రంతో ఆకట్టుకున్న రామ్‌ మరోసారి ప్రేమకథతోనే రాబోతున్నట్లు స్పష్టమౌతోంది. సెప్టెంబర్‌లో హలో గురు ప్రేమకోసమే ప్రేక్షకుల ముందుకు రానుంది. #HelloGuruPremaKosame Wishing our Energetic Star @ramsayz a very happy birthday. Here is the #HGPKFirstLook. @anupamahere pic.twitter.com/kJrNsr5epV — S V C (@SVC_official) 14 May 2018

టైటిల్ : భరత్‌ అనే నేను జానర్ : కమర్షియల్‌ డ్రామా తారాగణం : మహేష్‌ బాబు, కైరా అద్వానీ, ప్రకాశ్‌ రాజ్‌, శరత్‌ కుమార్‌, బ్రహ్మాజీ, రావు రమేష్‌ తదితరులు సంగీతం : దేవీశ్రీ ప్రసాద్‌ స్టోరీ-డైలాగులు-స్క్రీన్‌ప్లే-దర్శకత్వం : కొరటాల శివ నిర్మాత : డీవీవీ దానయ్య టాలీవుడ్‌ అగ్రహీరోల్లో ఒకరైన మహేష్‌ బాబుకు గత కొంత కాలంగా సరైన సక్సెస్‌ పడటం లేదు. ఈ క్రమంలో శ్రీమంతుడితో తనకు ఇండస్ట్రీ హిట్‌ అందించిన దర్శకుడు కొరటాల శివతో మరోసారి మన ముందకు వచ్చాడు. కంప్లీట్‌ పొలిటికల్‌ అండ్‌ కమర్షియల్‌ డ్రామాగా కొరటాల దీనిని తెరకెక్కించాడు. పొలిటికల్‌ సబ్జెక్ట్‌.. పైగా ముఖ్యమంత్రి పాత్రను మహేష్‌ పోషించటం విశేషం. భారీ అంచనాల మధ్య ఈ చిత్రం ఈరోజు ప్రేక్షకుల ముందుకు వచ్చింది. మరి ఫలితం ఎలా ఉందో ఇప్పుడు చూద్దాం .. కథ: భరత్‌ రామ్‌(మహేష్‌ బాబు)కు కొత్త విషయాలను నేర్చుకోవటమంటే చాలా ఇష్టం. అందుకే లండన్‌ ఆక్స్‌ఫోర్డ్‌ యూనివర్సిటీలో డిగ్రీలు చేస్తూనే ఉంటాడు. అలాంటి సమయంలో తండ్రి రాఘవ(శరత్‌ కుమార్‌) మరణం అతని జీవితాన్ని మలుపు తిప్పుతుంది. ప్రజలకు సేవ చేయాలన్న ఉద్దేశంతో నవోదయం పార్టీని స్థాపించి ముఖ్యమంత్రిగా ఎదిగిన రాఘవ మృతితో పార్టీలో చీలిక రాకుండా ఉండేందుకు రాజకీయ గురువు వరద(ప్రకాశ్‌ రాజ్‌) భరత్‌ను సీఎంను చేస్తాడు. అదుపు తప్పిన ప్రజా జీవితాన్ని భరత్‌ తన మొండి నిర్ణయాలతో గాడిన పెట్టే యత్నం చేస్తుంటాడు. భరత్‌ దూకుడు స్వభావం రాజకీయ వ్యవస్థ మీద కూడా తీవ్ర ప్రభావం చూపుతుంది. ముఖ్యంగా ప్రతిపక్ష పార్టీ నాయకుడి కుమారుడి కేసులో భరత్‌కు తొలి ఎదురుదెబ్బ తగులుతుంది. ప్రజల నుంచి భరత్‌కు మద్ధతు పెరుగుతున్నా.. సొంత పార్టీ నుంచే  ప్రతిఘటన ఎదురవుతుంటుంది.  ఈ పోరాటంలో భరత్‌ ఎలాంటి సమస్యలు ఎదుర్కొన్నాడు..? వాటన్నింటిని అధిగమించి భరత్‌ తన ప్రామిస్‌లను ఎలా పూర్తి చేస్తాడు? అన్నదే కథ. నటీనటులు భరత్‌ రామ్‌గా మహేష్‌ బాబు నటన గురించి ఎంత చెప్పుకున్నా తక్కువే. పొలిటికల్‌ డ్రామాగా తెరకెక్కిన కథను పూర్తిగా తన భుజాల మీదే నడిపించాడు. ముఖ్యమంత్రి పాత్రకు కావాల్సిన హుందాతనం చూపిస్తూనే, స్టైలిష్‌గా రొమాంటిక్‌గానూ ఆకట్టుకున్నాడు. తన కెరీర్‌లో మహేష్‌ క్లాస్‌ రోల్స్‌ చేసినప్పటికీ.. వాటిలో ఏదో వెలితిగా అనిపించేది. కానీ, భరత్‌గా ఓ ఛాలెంజింగ్‌ రోల్‌లో మహేష్‌ పూర్తిస్థాయిలో ఆకట్టుకున్నాడు. యంగ్‌ అండ్‌ డైనమిక్‌ చీఫ్‌ మినిస్టర్‌ పాత్రలో పర్ఫెక్ట్‌ గా ఒదిగిపోయాడు. తన కెరీర్‌ బెస్ట్‌ పెర్‌ఫార్మెన్స్‌ ఇచ్చాడు. యాక్షన్‌ ఎపిసోడ్స్‌ కూడా సూపర్‌ స్టార్‌ అభిమానులను అలరిస్తాయి.  ఇక గాడ్‌ ఫాదర్‌ పాత్రలో ప్రకాశ్‌ రాజ్‌ మెప్పించాడు. ఇలాంటి పాత్రలను తాను తప్ప మరెవరూ పోషించలేనన్న రీతిలో ఆయన నటించాడు. హీరోయిన్‌ గా పరిచయం అయిన కైరా అద్వానీది చిన్న పాత్రే.. అయినా ఉన్నంతలో మంచి నటన కనబరిచింది. అందంతో పాటు అభినయంలోనూ మంచి మార్కులు సాధించింది. సీఎం భరత్‌ పర్సనల్‌ సెక్రటరీగా బ్రహ్మజీ.. పోసాని కామెడీ ట్రాక్‌లు ఆకట్టుకున్నాయి. శరత్‌ కుమార్‌, ఆమని, సితార, అజయ్‌, రావు రమేష్‌, దేవరాజ్‌, తమ పాత్రల మేర అలరించారు.  విశ్లేషణ  హ్యాట్రిక్‌ బ్లాక్‌బస్టర్లతో జోరు మీదున్న కొరటాల.. మహేష్‌తో చేసిన ప్రయత్నం ఆకట్టుకుంది. సమకాలీన రాజకీయ అంశాలు.. వాటికి తగ్గట్లు కమర్షియల్‌ అంశాలను జోడించి ప్రేక్షకులను ఎంగేజ్‌ చేశాడు. రాజకీయాలపై అవగాహన లేని వ్యక్తి ఏకంగా సీఎం అయిపోవటం, త్వరితగతిన నిర్ణయాలు తీసుకుని అందరినీ ఇబ్బంది పెట్టడం, అసెంబ్లీలో సరదాగా సాగిపోయే సన్నివేశాలు... ఫస్టాఫ్‌ను ఎంటర్‌టైనింగ్‌గా మలిస్తే, దుర్గా మహల్‌ ఫైట్‌.. సామాజిక సందేశం, హీరోయిజం ఎలివేట్‌ అయ్యే సన్నివేశాలు... ఇవన్నీ సెకండాఫ్‌ను నిలబెట్టాయి. పది నిమిషాల్లో అసలు కథలోకి ఎంటర్‌ అయిన దర్శకుడు తరువాత కథనాన్ని నెమ్మదిగా నడిపించాడు. అయితే కొరటాల మార్క్‌ డైలాగ్స్‌, మహేష్ ప్రజెన్స్‌ ఆడియన్స్‌ను ఎంగేజ్ చేస్తాయి. సీఎం స్థాయి వ్యక్తి రోడ్డు మీద అమ్మాయిని చూసి ప్రేమించటం లాంటి విషయాల్లో కాస్త ఎక్కువగానే సినిమాటిక్‌ లిబర్టీ తీసుకున్నట్టుగా అనిపిస్తుంది. కొరటాల గత చిత్రాల్లో కనిపించిన వీక్‌నెస్‌ ఈ సినిమాలో కూడా కొనసాగింది. క్లైమాక్స్‌ అభిమానులు ఆశించిన స్థాయిలో లేదు. భరత్‌ సీఎంగా రాజీనామా-తిరిగి పగ్గాలు చేపట్టడం లాంటి సన్నివేశాల్లో దర్శకుడు నాటకీయత ఎక్కువగా జోడించాడు.  ఇక టెక్నీకల్‌ టీమ్‌ మంచి తోడ్పాటును అందించింది. సినిమాటోగ్రఫర్‌ రవి కే చంద్రన్‌, తిర్రు టాప్‌ క్లాస్‌ పనితనాన్ని అందించారు. ముఖ్యంగా పాటలు, యాక్షన్స్‌ సీన్స్‌ పిక్చరైజేషన్స్‌ వావ్‌ అనిపిస్తుంది. దేవీ పాటలు, బ్యాక్‌ గ్రౌండ్‌ స్కోర్‌తో మెప్పించాడు. ముఖ్యంగా ఒక్కో పాత్రకు ఒక్కో సిగ్నేచర్‌ బ్యాక్‌ గ్రౌండ్‌ స్కోర్‌తో పాత్రలను మరింతగా ఎలివేట్‌ చేశాడు శ్రీకర్‌ ప్రసాద్‌ ఎడిటింగ్‌ బావుంది. నిర్మాణ విలువలు బాగున్నాయి.  భరత్‌ పాత్ర.. దానిలో మహేష్‌ కనబరిచిన నటన.. కొరటాల అందించిన డైలాగులు ఇలా అన్ని హంగులు అన్నివర్గాల ప్రేక్షలను అలరించేవిగా ఉన్నాయి.    ఫ్లస్‌ పాయింట్లు : మహేష్‌ బాబు కథా-కథనం పాటలు, బ్యాక్‌ గ్రౌండ్‌ స్కోర్‌ సమకాలీన రాజకీయాంశాలను సమతుల్యంగా చూపించటం మైనస్‌ పాయింట్లు: స్లో నెరేషన్‌ సాగదీత సన్నివేశాలు క్లైమాక్స్‌  

భారీ అంచనాల నడుమ మరో రెండు రోజుల్లో ‘భరత్‌’  థియేటర్లలోకి రాబోతున్నాడు. మహేశ్‌బాబు తొలిసారి ముఖ్యమంత్రిగా నటిస్తున్న ఈ సినిమాపై భారీ అంచనాలు ఉన్నాయి. వరుస సూపర్‌హిట్లతో దూకుడు మీదున్న కొరటాల శివ దర్శకత్వంలో తెరకెక్కిన ‘భరత్‌ అనే నేను’ సినిమా శుక్రవారం విడుదల కానుంది. ఈ సినిమాను ఎప్పుడెప్పుడు చూద్దామా అని మహేశ్‌బాబు ఫ్యాన్స్‌ కూడా ఎదురుచూస్తున్నారు. ఈ నేపథ్యంలో ఈ సినిమా విడుదల సందర్భంగా ఎనిమిది రోజులపాటు డైలీ ఒక ప్రత్యేక షో ప్రదర్శించేందుకు ఏపీ ప్రభుత్వం అనుమతి ఇచ్చింది. వేసవి సెలవులు కావడం, సినిమాకు భారీగా రద్దీ ఉంటుందన్న అంచనాల నేపథ్యంలో నిర్మాత డీవీవీ దానయ్య అభ్యర్థన మేరకు ఆంధ్రప్రదేశ్‌లో ఈ నెల 20 నుంచి 27వ తేదీ వరకు ఉదయం 5 గంటల నుంచి పది గంటల మధ్య ప్రత్యేక షో ప్రదర్శించేందుకు అనుమతిస్తూ ప్రభుత్వం ఉత్తర్వులు జారీచేసింది. రాష్ట్రంలోని థియేటర్లు, మల్టిప్లెక్స్‌ థియేటర్లలో ఈ ప్రత్యేక షోను ప్రదర్శించనున్నారు. ఈ మేరకు ప్రభుత్వ ప్రత్యేక కార్యదర్శి మహమ్మద్‌ అసన్‌ రేజా ఉత్తర్వులు జారీచేశారు. మహేశ్‌బాబు-కొరటాల శివ కాంబినేషన్‌లో వచ్చిన ‘శ్రీమంతుడు’ బ్లాక్‌బస్టర్‌హిట్‌గా నిలిచింది. ఆ తర్వాత మహేశ్‌కు పెద్దగా విజయాలు లేవు. శ్రీమంతుడు తర్వాత వచ్చిన మహేశ్‌ బాబు సినిమాలు బ్రహ్మోత్సవం, స్పైడర్‌ బాక్సాఫీస్‌ వద్ద బోల్తా కొట్టాయి. ఈ నేపథ్యంలో ముఖ్యమంత్రి పాత్రలో మహేశ్‌ను చూపిస్తూ కొరటాల శివ తెరకెక్కించిన ‘భరత్‌ అనే నేను’ సినిమాపై భారీ అంచనాలు ఏర్పడ్డాయి.

రంగస్థలం సినిమాకు పనిచేసి ప్రతీ ఒక్కరూ ప్రశంసల వర్షంలో తడిపోతున్నారు. హీరో రామ్‌ చరణ్‌, హీరోయిన్‌ సమంత, దర్శకుడు సుకుమార్‌లతో పాటు సంగీత దర్శకుడు దేవీ శ్రీ ప్రసాద్‌ను కూడా పొగడ్తలతో ముంచేస్తున్నారు. అయితే తాజాగా తనకు వచ్చిన  ఓ మెసేజ్‌ ను సోషల్ మీడియా ద్వారా అభిమానులతో పంచుకున్నారు. రంగస్థలం సినిమా చూసిన సీనియర్ దర్శకులు కోడి రామకృష్ణ.. దేవీ శ్రీ ప్రసాద్‌ను ప్రశంసిస్తూ మెసేజ్‌ చేశారు. ‘నీ సంగీతంతో తెలుగు చలనచిత్ర రంగస్థలం మీద ఓ భారీ విజయాన్ని నమోదు చేశావు. గర్వంగా ఉంది’ అంటూ దేవీ శ్రీకి మెసేజ్‌ చేశారు కోడి రామకృష్ణ. తనకు సంగీత దర్శకుడిగా తొలి అవకాశం ఇచ్చిన కోడి రామకృష్ణను దేవీ శ్రీ గురువుగా భావిస్తారు. అందుకే ఆయన ప్రశంసించటంతో దేవీ శ్రీ ఆనందానికి అవధుల్లేవు. అందుకే వెంటనే కృతజ్ఞతలు అంటూ కోడి రామకృష్ణ రిప్లయ్‌ ఇచ్చిన దేవీ ఆ మెసేజ్‌లను సోషల్‌ మీడియాలో షేర్‌ చేశారు. Feel so Blessed to get this message frm d Great Director, SRI KODI RAMA KRISHNA GARU, who introduced me as a Music Director ! Thank U soo much for this wholehearted Love Filled message Dearest Uncle !! 🎹🎹🎹🎵🎵🎵🙏🏻🙏🏻🙏🏻❤️❤️❤️ Wil Cherish this forever !! 🎹🎹 pic.twitter.com/BX4yFpYANM — DEVI SRI PRASAD (@ThisIsDSP) 6 April 2018

ఇటీవల ప్రేక్షకుల ముందుకు వచ్చిన రంగస్థలం సినిమా ఘనవిజయం సాధించిన సంగతి తెలిసిందే. ఇప్పటికే 100 కోట్లకు పైగా వసూళ్లు సాధించిన ఈ సినిమా సరికొత్త రికార్డ్‌ ల దిశగా దూసుకుపోతోంది. అయితే ఈ సినిమా రిలీజ్‌ తరువాత ఈ గట్టునుంటావా పాటపై చర్చ జరిగిన విషయం తెలిసిందే. పాటకు ఆడియోలో శివ నాగులు గొంతు వినిపించగా.. సినిమాలో మాత్రం దేవీ శ్రీ ప్రసాద్ గొంతు వినిపించింది. దీంతో అభిమానులతో పాటు సినీ వర్గాలు కూడా ఆశ్చర్యం వ్యక్తం చేశారు. శివ నాగులు ఈ పాటను అద్భుతంగా ఆలపించినట్టుగా ప్రీ రిలీజ్ వేడుకలో చెప్పిన చిత్రయూనిట్ ఈ నిర్ణయం ఎందుకు తీసుకున్నారన్న చర్చ జరిగింది. అయితే ఈ విషయాలపై దర్శకుడు సుకుమార్‌ క్లారిటీ ఇచ్చారు. ఓ మీడియా సంస్థకు ఇచ్చిన ఇంటర్వ్యూలో పాట ఎందుకు మార్చాల్సి వచ్చిందో వివరించారు. షూటింగ్ సమయానికి శివ నాగులతో పాట రికార్డ్‌ కాలేదని దీంతో దేవీ పాడిన వర్షన్‌తో షూటింగ్ కానిచ్చేశారట. తరువాత శివ నాగులుతో పాట రికార్డ్‌ చేసినా.. రీ రికార్డింగ్ సమయంలో ఈ వర్షన్‌కు లిప్‌ సింక్‌ కాకపోవటంతో దేవీ శ్రీ ప్రసాద్ వర్షన్‌ను అలాగే ఉంచేశామని సుకుమార్‌ వెల్లడించారు. అంతేకాదు ఆల్బమ్‌లో ఎప్పటికీ శివ నాగులు పాడిన పాటే ఉంటుందని, పాటను ఉద్దేశ పూర్వకంగా మార్చలేదని కేవలం సాంకేతిక కారణాల వల్లే అలా చేయాల్సి వచ్చిందని తెలిపారు. 

సాక్షి, హైదరాబాద్‌ : అనూహ్యమైన స్పందనతో రంగస్థలం సినిమా థియేటర్లలో సందడి చేస్తోంది. సెకండాఫ్‌లో కాస్త సాగదీత సన్నివేశాలు ఉన్నప్పటికీ.. చెర్రీ నటన, విలేజ్‌ సెట్టింగ్‌తో సుక్కూ చేసిన మాయ వర్కవుట్‌ అయ్యింది. దీనికి దేవీశ్రీ ప్రసాద్‌ స్వరాలు కూర్చిన పాటలు, బ్యాక్‌ గ్రౌండ్‌ స్కోర్‌ సినిమాకు అదనపు బలంగా నిలిచాయి. అయితే సినిమాలోని ఓ పాట గురించి ఇప్పుడు చర్చ మొదలైంది.  ఈ చిత్రంలో ‘ఆ గట్టునుంటావా నాగన్న?’ పాట ఆడియో ఆల్బమ్‌లో ఇన్‌స్టాంట్‌ హిట్‌గా నిలిచింది. పొలిటికల్‌ నేపథ్యంలో సాగే ఆ పాట సినిమాలో హైలెట్‌ కావటమని అంతా అనుకున్నారు. అయితే థియేటర్లకు వెళ్లిన వారికి ఆ సాంగ్‌తో దేవీ షాకిచ్చాడు. ఆడియోలో ఈ పాటను దేవి పాడిన వర్షన్‌ ఉంది. (రంగస్థలం రివ్యూ) నిజానికి ఒరిజినల్‌ వర్షన్‌ పాడింది జానపద గేయకారుడు శివ నాగులు. ఆడియోలో ఆ పాట అంత హిట్‌ కావటానికి కూడా ఆయన గాత్రమే కారణం. కానీ, సినిమాలో నాగులు వాయిస్‌ బదులు దేవీ గొంతు వినిపించటంతో ప్రేక్షకులు పెదవి విరుస్తున్నారు. సోషల్‌మీడియాలో దేవీని నిలదీస్తూ ట్వీట్లు చేస్తున్నారు. @ThisIsDSP Totally unfair playing your version of Aa gattununtava song in the Rangasthalam movie. Then what’s the point to have it sung by Shiva Nagulu in the first place. Disappointment! — Lee Keith (@ilikith) 30 March 2018 Enti @ThisIsDSP Garu ila chesaru.. #aagattununtava song entha trend aindi entha bagundi #ShivaNagulu voice lo.. didn’t expect this from you sir..album motham super anukuni movie ki vellelope ila chesaru.. ide movie lo chinna dissatisfaction #Rangasthalam — No One (@AnirudhBhupathi) 30 March 2018 The Only Complaint I have in this movie. Is @ThisIsDSP Singing for #Agatununava song instead of Shiva nagulu .. He Completely Ruined it.#Rangastalam#Rangasthalam — Pawan Kalyan™ (@Nanistweetz) 30 March 2018 @ThisIsDSP Is there any reason to sing "aa gattununnava" song instead of shiva nagulu's version ? Just curious to know. — Gowtham Lokanadham (@gowthamrebel) 30 March 2018 @ThisIsDSP Shiva nagulu song is Missing, why does the movie has DSP sung version #DSP #Rangasthalam. — Abhishek (@abhishek_2411) 30 March 2018

సాక్షి, సినిమా : మెగా పవర్‌ స్టార్‌ రామ్‌ చరణ్‌ నటించిన రంగస్థలం నుంచి రెండో సాంగ్‌ వచ్చేసింది. రంగా.. రంగా... రంగస్థలానా రంగుపూసుకోకున్నా... అంటూ సాంగే మాస్‌ బీట్‌ను కాసేపటి క్రితం మేకర్లు విడుదల చేశారు. చంద్రబోస్‌ రాసిన సాహిత్యం.. రాహుల్‌ సిప్లిగంజ్‌ గాత్రం...  అందుకు దేవీశ్రీప్రసాద్‌ అందించిన బాణీ అద్భుతంగా ఉంది. వినబడేట్లు కాదు రా.. కనబడేట్లు కొట్టండహే అంటూ చెర్రీ వాయిస్‌ ఓవర్‌ తో ఊర మాస్‌ బీట్‌ సాంగ్‌ను దేవీ అందించాడు. రంగస్థలం ఊరు నేపథ్యంలో సాగే ఈ పాటలో చెర్రీ స్టైలింగ్‌ కూడా వైవిధ్యంగానే ఉంది. సుకుమార్‌ డైరెక్షన్‌లో తెరకెక్కుతున్న ఈ చిత్రాన్ని మైత్రి మూవీ మేకర్స్‌ వారు నిర్మించారు. హీరోయిన్‌గా సమంత, కీలక పాత్రల్లో ఆది, అనసూయ తదితరులు నటించగా.. పూజా హెగ్డే ఐటెం సాంగ్‌లో కనిపించనుంది. మార్చి 30న రంగస్థలం ప్రేక్షకుల ముందుకు రాబోతుంది.​

సాక్షి, సినిమా : రంగస్థలం చిత్ర రిలీజ్‌ డేట్‌ దగ్గర పడుతుండటంతో ప్రమోషన్లను వేగవంతం చేసేశారు. ఇప్పటికే తొలి సాంగ్‌ ఎంత సక్కగున్నవే ట్రెండ్‌లో కొనసాగుతుండగా.. ఇప్పుడు రెండో సాంగ్‌ రిలీజ్‌ డేట్‌ ను మేకర్లు అధికారికంగా ప్రకటించేశారు. ‘రంగా.. రంగా.. రంగస్థలానా’... అంటూ సాంగ్‌ను మార్చి 2న సాయంత్రం 6 గంటలకు విడుదల చేయబోతున్నారు.  ఈ మేరకు మేకర్లు ఓ చిన్న వీడియోను వదిలారు. అంతకు ముందు ముందుగా ఎంత సక్కగున్నావే పాటను లెజెండరీ తార శ్రీదేవికి అంకితమిస్తున్నట్లు ప్రకటించిన చిత్ర యూనిట్‌.. పాటను అంతగా ఆదరించినందుకు దర్శకుడు సుకుమార్‌, రైటర్‌ చంద్రబోస్‌లు శ్రోతలకు కృతజ్ఞతలు తెలియజేశారు. ఆపై మ్యూజిక్‌ డైరెక్టర్‌ దేవీశ్రీప్రసాద్‌ సెకండ్‌ సాంగ్‌ రికార్డింగ్‌కు  సంబంధించిన దృశ్యాలను  చిన్న బైట్‌ రూపంలో విడుదల చేశారు. గ్రామ నేపథ్యాన్ని వివరిస్తూ సాగే ఈ సాంగ్‌లో చెర్రీ గెటప్‌ కూడా వైవిధ్యంగా ఉండబోతున్నట్లు స్పష్టమౌతోంది. మొత్తానికి ఊర మాస్‌ సాంగ్‌తో మెగా ఫ్యాన్స్‌కు పూనకాలు తెప్పించేందుకు దేవీ సిద్ధమైపోతున్నాడు. మైత్రిమూవీ మేకర్స్‌ బ్యానర్‌పై తెరకెక్కుతున్న ఈ చిత్రంలో రామ్‌ చరణ్‌, సమంత, జగపతి బాబు, ఆది, అనసూయ తదితరులు నటిస్తుండగా.. మార్చి 30న రంగస్థలం ప్రేక్షకుల ముందుకు రానుంది.

యేరుశనగ కోసం మట్టిని తవ్వితే.. ఏకంగా తగిలిన లంకేబిందెలాగ.. ఎంతసక్కగున్నావె లచిమి.. ఎంత సక్కగున్నావె.. సింతా చెట్టు ఎక్కి సిగురు కొయ్యాబోతే సేతికి అందిన సందమామలాగ.. ఎంత సక్కగున్నావే లచిమి.. ఎంత సక్కగున్నావె.. మల్లెపూల మధ్య ముద్దబంతిలాగ.. ఎంత సక్కగున్నావె.. ముత్తెదువ మెళ్లో పసుపుకొమ్ములాగ.. ఎంత సక్కగున్నావె.. సుక్కల సీర కట్టిన ఎన్నెలలాగ ఎంత సక్కగున్నావె.. అంటూ చిట్టిబాబు తన రామలక్ష్మీ కోసం పాడిన పాట ఇప్పుడు అందరినీ అలరిస్తోంది. పల్లె నేపథ్యాన్ని కళ్లకు కట్టెలా చంద్రబోస్‌ అందించిన సాహిత్యం, జానపద రీతిలో చెవులకు ఇంపుగా దేవీశ్రీప్రసాద్‌ అందించిన సంగీతం, గాత్రం ఈ పాటకు ప్రాణం పోశాయి. శ్రోతలను, నెటిజన్లను ఎంతగానో ఆకట్టుకుంటున్న ఈ పాటపై తాజాగా దర్శకుడు రాంగోపాల్‌ వర్మ, సినీ రచయిత కోన వెంకట్‌ ప్రశంసల జల్లు కురిపించారు. సుకుమార్‌ ‘రంగస్థలం’ ట్రైలర్‌ ఎంతగానో నచ్చింది. కానీ ఈ పాట రంగస్థలంను మరో లెవల్‌కు తీసుకెళ్లేలా ఉంది. ఈ పాటకు సాహిత్యం అందించిన చంద్రబోస్‌కు, సంగీంత అందించిన డీఎస్పీకి మిలియన్‌ చీర్స్‌ అంటూ వర్మ ప్రశంసించారు. ‘చాలా అరుదుగా కొన్ని పాటలు మన గుండెల్ని తాకి, మన మనసుల్ని మీటి, మన జ్ఞపకాల్లో చిరస్థాయిగా మిగిలిపోతుంటాయి. ఇది అచ్చం అలాంటి పాటే’ అంటూ కోన వెంటక్‌ ట్వీట్‌ చేశారు. ఈ పాటకుగాను సమంత ఎప్పటికీ గుర్తుండిపోతుందని, ఈ పాటలో రాంచరణ్‌ కనబర్చిన హావభావాలు అద్వితీయమని కొనియాడారు.   సుకుమార్‌ దర్శకత్వంలో ప్రతిష్టాత్మకంగా తెరకెక్కిన ‘రంగస్థలం’ లో చిట్టిబాబుగా రామ్‌చరణ్‌, రామలక్ష్మిగా సమంత నటిస్తున్న సంగతి తెలిసిందే. ప్రేమికుల రోజు కానుకగా మంగళవారం ఈ పాటను యూట్యూబ్‌లో విడుదల చేశారు. ఎంతసక్కగున్నావె.. లచిమి పాట రెండు మిలియన్లకుపైగా వ్యూస్‌ సాధించి.. యూట్యూబ్‌లో ట్రెండ్‌ అవుతోంది. ‘హో.. హో.. హో.. ఏం వయ్యారం.. ఏం వయ్యారం...’ అంటూ రామ్‌చరణ్‌ వాయిస్‌తో సాగే టీజర్‌ ఇంతకుముందు విడుదలై సోషల్‌ మీడియాలో హల్‌చల్‌ చేస్తోంది. మైత్రీ మూవీ మేకర్స్‌ పతాకంపై నవీన్‌ ఎర్నేని, వై. రవిశంకర్, చెరుకూరి మోహన్‌ నిర్మిస్తున్న ఈ సినిమా మార్చి 30న విడుదలకానుంది.

రామ్‌చరణ్‌, సుకుమార్‌ కాంబినేషన్‌లో ప్రతిష్టాత్మకంగా తెరకెక్కిన ‘రంగస్థలం’ సినిమా మొదటి పాట వచ్చేసింది. ‘ఎంత సక్కగున్నావే..’ అంటూ రామలక్ష్మిని పొడుగుతూ చిట్టిబాబు పాడుకున్న ఈ పాట అభిమానులను అలరిస్తోంది. ప్రేమికుల రోజు కానుకగా మంగళవారం ఈ పాటను యూట్యూబ్‌లో విడుదల చేశారు. విడుదలైన గంటలోనే మూడున్నర లక్షల పైచిలుకు వ్యూస్‌ దక్కించుకుంది. రామలక్ష్మి, చిట్టిబాబు పాత్రల్లో సమంత, రామ్‌చరణ్‌ నటించారు. ‘‘హో.. హో.. హో.. ఏం వయ్యారం.. ఏం వయ్యారం...’’ అంటూ రామ్‌చరణ్‌ వాయిస్‌తో సాగే టీజర్‌ ఇంతకుముందు విడుదలై సోషల్‌ మీడియాలో హల్‌చల్‌ చేస్తోంది. తాజాగా విడుదలైన పాట కూడా అభిమానులను కట్టిపడేస్తోంది. చంద్రబోస్‌ రాసిన ఈ పాటను స్వీయ స్వరకల్పనలో సంగీత దర్శకుడు దేవిశ్రీప్రసాద్‌ పాడారు. మైత్రీ మూవీ మేకర్స్‌ పతాకంపై నవీన్‌ ఎర్నేని, వై. రవిశంకర్, చెరుకూరి మోహన్‌ నిర్మిస్తున్న ఈ సినిమా మార్చి 30న విడుదలకానుంది.

సాక్షి, సినిమా : గణతంత్ర్య దినోత్సవ కానుకగా ‘భరత్‌... అను నేను’ పేరిట ఆడియో బిట్‌ను విడుదల చేసిన దర్శకుడు కొరటాల శివ మరికాసపేటికే ఇంకో ట్రీట్‌ ఇచ్చేశాడు. టైటిల్‌ లోగోతోపాటు మహేష్‌ లుక్కును కూడా రివీల్‌ చేస్తూ ఓ పోస్టర్‌ వదిలాడు.  స్టైలిష్‌ అవతారంలో సీరియస్‌గా బ్యాగ్‌ పట్టుకుని ఆఫీస్‌లో నడుచుకుంటూ బయటకు వస్తున్న మహేష్‌ పోస్టర్‌ స్టన్నింగ్‌ గా ఉంది. ముఖ్యమంత్రి ఛాంబర్‌తో ఉన్న బ్యాక్‌ గ్రౌండ్‌ థీమ్‌ కూడా బాగుంది. ఇక ఇంతకాలం ఊరిస్తూ వస్తూ... మేకర్లు ఇప్పుడు ఒక్కోక్కటిగా వరుసపెట్టి వదులుతుండటంతో సూపర్‌ స్టార్‌ అభిమానులు పండగ చేసుకుంటున్నారు. ప్రస్తుతం భరత్‌ అను నేను యాష్‌ ట్యాగ్‌ ట్రెండింగ్‌లో కొనసాగుతోంది. ప్రమోషన్లలో కూడా కాస్త వైవిధ్యం కనిపిస్తుండటం విశేషం. కొరటాల శివ డైరెక్ట్‌ చేస్తున్న ఈ చిత్రానికి డీవీవీ దానయ్య నిర్మాత. బాలీవుడ్‌ భామ కైరా అద్వానీ హీరోయిన్‌గా నటిస్తోంది. దేవీశ్రీప్రసాద్‌ సంగీతాన్ని సమకూరుస్తున్నాడు. పొలిటికల్‌ డ్రామాగా తెరకెక్కుతున్న భరత్‌ అను నేను... ఏప్రిల్‌లో ప్రేక్షకుల ముందుకు రానుంది. Presenting the logo of #BharathAneNenu pic.twitter.com/eXMKVtDqry — #BharathAneNenu (@DVVEnts) 26 January 2018 Ladies & Gentlemen, meet Bharath#BharathAneNenu pic.twitter.com/LwaaEBEXYw — #BharathAneNenu (@DVVEnts) 26 January 2018

2017కు సక్సెస్ తో గుడ్ బై చెప్పేందుకు యంగ్ హీరో నాని రెడీ అయిపోయాడు. ఈ ఏడాది వరుస విజయాలతో సత్తా చాటిన నాని మరోసారి ఎమ్‌సీఏతో అదే జోరును కంటిన్యూ చేయాలని భావిస్తున్నాడు. వేణు శ్రీరామ్ దర్శకత్వంలో దిల్ రాజు బ్యానర్ లో తెరకెక్కిన ఈ సినిమా డిసెంబర్ 21న ప్రేక్షకుల ముందుకు రానుంది. ఇప్పటికే ఆడియోతో పాటు టీజర్, ట్రైలర్ లకు సూపర్బ్ రెస్పాన్స్ రావటంతో సినిమాపై మంచి హైప్ క్రియేట్ అయ్యింది. ప్రొడక్షన్,పోస్ట్ ప్రొడక్షన్ కార్యక్రమాలు పూర‍్తి చేసుకున్న ఈసినిమా సెన్సార్ ఫార్మాలిటీస్ కూడా పూర్తి చేసుకుంది. ఫ్యామిలీ డ్రామాగా తెరకెక్కిన ఈ సినిమాకు ఎలాంటి కట్స్ లేకుండా యు/ఎ సర్టిఫికేట్ ను జారీ చేశారు సెన్సార్ సభ్యులు. నాని సరసన ఫిదా ఫేం సాయి పల్లవి హీరోయిన్ గా నటించిన ఈ సినిమాలో సీనియర్ హీరోయిన్ భూమిక కీలక పాత్రలో నటించింది. దేవీ శ్రీ ప్రసాద్ సంగీతమందించాడు.

టాలీవుడ్‌ లో సక్సెస్‌ ఫుల్‌ కాంబినేషన్‌లకు మంచి క్రేజ్‌ ఉంటుంది. అలాంటి హిట్‌ కాంబినేషనే దర్శకుడు త్రివిక్రమ్‌ శ్రీనివాస్‌, సంగీత దర్శకుడు దేవీ శ్రీ ప్రసాద్‌ లది. ఈ ఇద్దరి కాంబినేషన్‌లో జల్సా, జులాయి, అత్తారింటికి దారేది, సన్నాఫ్‌ సత్యమూర్తి లాంటి మ్యూజికల్‌ బ్లాక్‌ బస్టర్స్‌ వచ్చాయి. కానీ అ..ఆ.. సినిమా నుంచి సీన్‌ మారిపోయింది. ఈ సినిమా అనిరుద్‌ ను సంగీత దర్శకుడిగా తీసుకున్నాడు త్రివిక్రమ్‌, తరువాత అనిరుద్‌ తప్పుకోవటంతో తిరిగి దేవీతోనే మ్యూజిక్‌ చేయిస్తారని భావించారు ఫ్యాన్స్‌. కానీ త్రివిక్రమ్‌ మాత్రం మిక్కీ జే మేయర్‌ ను సంగీత దర్శకుడిగా తీసుకున్నాడు. తరువాత పవన్‌ కళ్యాణ్‌ సినిమాకు హిట్‌ కాంబినేషన్‌ కాబట్టి దేవీతోనే మ్యూజిక్‌ చేయిస్తారని ఫ్యాన్స్‌ ఆశించినా.. త్రివిక్రమ్‌ మాత్రం అనిరుద్‌ను మ్యూజిక్‌ డైరెక్టర్‌గా తీసుకున్నారు. దీంతో త్రివిక్రమ్‌, దేవీ శ్రీ ప్రసాద్‌ల మధ్య దూరం పెరిగిందన్న టాక్‌ మొదలైంది. త్రివిక్రమ్‌ ఎన్టీఆర్‌తో చేయబోయే సినిమాకు కూడా అనిరుద్‌తోనే మ్యూజిక్‌ చేయిస్తుండటంతో ఆ టాక్‌కు మరింత బలం చేకూరింది. అంతేకాదు కమల్‌ హాసన్‌ల పుట్టిన రోజు సందర్భంగా సోషల్‌ మీడియాలో శుభాకాంక్షలు తెలిపిన దేవీ శ్రీ, అదే రోజు పుట్టిన రోజు జరుపుకుంటున్న త్రివిక్రమ్‌కు శుభాకాంక్షలు తెలుపలేదు. వరుసగా నాలుగు సినిమాలకు కలిసి పనిచేసిన దర్శకుడికి విషెస్‌ తెలపకపోవటంతో నిజంగానే దేవీ శ్రీ, త్రివిక్రమ్‌ ల మధ్య ఏదో నడుస్తుంది అన్న టాక్‌ బలంగా వినిపిస్తోంది.

‘‘మూడు పాత్రల మధ్య జరిగిన అసాధారణ ఘటన వల్ల ఎలాంటి పరిణామాలు జరిగాయనే నేపథ్యంలో రూపొందిన చిత్రం ‘దేవి శ్రీ ప్రసాద్‌’. పూజా రామచంద్రన్, భూపాల్‌రాజు, ధనరాజ్, మనోజ్‌ నందం ప్రధానపాత్రల్లో శ్రీకిషోర్‌ దర్శకత్వంలో రూపొందిన  చిత్రమిది. యశ్వంత్‌ మూవీస్‌ సమర్పణలో డి. వెంకటేష్, ఆర్‌.వి. రాజు, ఆక్రోష్‌ నిర్మించిన ఈ సినిమా ఈ నెల 17న విడుదల కానుంది. ఈ సందర్భంగా హైదరాబాద్‌లో ప్రీ–రిలీజ్‌ వేడుక నిర్వహించారు. ‘సోగ్గాడే చిన్ని నాయనా’ దర్శకుడు కల్యాణ్‌కృష్ణ మాట్లాడుతూ– ‘‘టైటిల్‌ వైవిధ్యంగా ఉంది. ట్రైలర్‌ చూస్తుంటే కొత్త కథాంశంతో రూపొందిన సినిమా అనిపిస్తోంది. శ్రీకృష్ణతో నాకు పరిచయం ఉంది. తన ప్రతి సినిమా వైవిధ్యంగా ఉండేలా చూసుకుంటాడు. ఈ సినిమా కూడా అలాగే ఉంటుందనే నమ్మకం ఉంది’’ అన్నారు. ‘‘కొత్తదనం కోరుకునే తెలుగు ప్రేక్షకులకు మా చిత్రం కచ్చితంగా నచ్చుతుంది. ఓ మంచి వైవిధ్యమైన కథని ఎంకరేజ్‌ చేయాలని ఈ సినిమాలో నేనూ భాగస్వామి అయ్యా. అమెరికాలోనూ 45 థియేటర్స్‌లో ఈ చిత్రం విడదలవుతోంది’’ అన్నారు నిర్మాతల్లో ఒకరైన డి. వెంకటేష్‌. ‘‘ముగ్గురు యువకుల మధ్య జరిVó  విచిత్రమైన కథ ఇది. దెయ్యం ఉంటుందా? లేదా? అన్నది సస్పెన్స్‌’’ అన్నారు శ్రీకిషోర్‌. పూజా రామచంద్రన్, భూపాల్‌రాజు, ధనరాజ్, మనోజ్‌ నందం, ఆక్రోష్, రాజు పాల్గొన్నారు. 

సూపర్‌ స్టార్‌ మహేష్‌ బాబు తన 25వ సినిమాను వంశీ పైడిపల్లి దర్శకత్వంలో నటిస్తున్నట్టుగా చాలా కాలం కిందటే ప్రకటించారు. ప్రస్తుతం కొరటాల శివ దర్శకత్వంలో మహేష్‌ 24వ సినిమాలో నటిస్తుండగా వంశీ సినిమాకు సంబంధించిన ప్రీ ప్రొడక్షన్‌ పనులు కూడా శరవేగంగా జరుగుతున్నాయి. ప్రస్తుతం దర్శకుడు వంశీ పైడిపల్లి, సంగీత దర్శకుడు దేవీ శ్రీ ప్రసాద్‌లో విదేశాల్లో సంగీత చర్చల్లో ఉన్నారు. దిల్‌ రాజు, అశ్వనిదత్‌లు సంయుక్తంగా నిర్మిస్తున్న ఈ సినిమా టైటిల్స్‌ ఇవే అంటూ కొన్ని పేర్లు తెర మీదకు వచ్చాయి. కొద్ది రోజులుగా మహేష్‌25 టైటిల్స్‌ అంటూ ‘కృష్ణా ముకుందా మురారీ’, ‘హరే రామ హరే కృష్ణ’ అనే టైటిల్స్‌ ప్రముఖంగా వినిపించాయి. ఈ టైటిల్స్‌ మహేష్‌ బాబు ఇమేజ్‌కు దిల్‌రాజు బ్యానర్‌ కు తగ్గట్టుగా ఉండటంతో దాదాపు ఈ టైటిల్స్‌ ఒకటి ఫిక్స్‌ చేస్తారని భావించారు. అయితే ఈ విషయంపై స్పందించిన దర్శకుడు వంశీ పైడిపల్లి మహేష్‌ 25కి ఇంతవరకు టైటిల్‌ ఫిక్స్‌ చేయలేదని ప్రకటించారు. టైటిల్‌ నిర్ణయించిన తరువాత అధికారికంగా ప్రకటిస్తామని తెలిపారు. Title for #MAHESH25 hasn't been decided as yet.. It is neither "Krishna Mukunda Murari" nor "Hare Rama Hare Krishna"... will keep you all posted once we decide on an apt title... :) — Vamshi Paidipally (@directorvamshi) 27 October 2017

ట్విట్టర్ వేదికగా సంగీత దర్శకుడు దేవీ శ్రీ ప్రసాద్ పోస్ట్ చేసిన ఓ పజిల్ కు అఖిల్ సమాధానం ఇచ్చాడు. ప్రస్తుతం మహేష్ బాబు 25వ సినిమాకు సంగీతమందించే పనుల్లో బిజీగా ఉన్న దేవీ శ్రీ, విదేశాల్లో చక్కర్లు కొడుతున్నాడు. తాజాగా ఓ ఫోటోను తన ట్విట్టర్ పేజ్ లో పోస్ట్ చేసిన దేవీ.. ఈ ఫోటోలో కనిపిస్తున్న ఇద్దరు ఎవరు..? ఎక్కడున్నారు..? అక్కడ ఏం జరుగుతోంది అంటూ ట్వీట్ చేశాడు. ఈ ట్వీట్ పై స్పందించిన అక్కినేని యంగ్ హీరో అఖిల్, 'కుడి వైపు ఉన్న వ్యక్తి వంశీ, మరో వ్యక్తి నువ్వే' అంటూ ట్వీట్ చేశాడు. వంశీ పైడిపల్లి దర్శకత్వంలో తెరకెక్కుతోన్న మహేష్ బాబు 25వ సినిమాకు దేవీ శ్రీ ప్రసాద్ సంగీతమందిస్తున్నాడు. ఈసినిమా మ్యూజిక్ సిట్టింగ్స్ లో భాగంగా యూనిట్ సభ్యులు ఫారిన్ లో మకాం వేశారు. ఈ ఫోటో సంగీత చర్చలు జరుగుతున్న సమయంలో తీసినప్పటిదే అయి ఉంటుందని భావిస్తున్నారు ఫ్యాన్స్. The one on the right is Vamshi and left is you — Akhil Akkineni (@AkhilAkkineni8) 26 October 2017

‘దేవిశ్రీ ప్రసాద్‌ సినిమా ప్రారంభంలో చిన్నపాటి భయం ఉండేది. కానీ, సినిమా చూశాక హ్యాపీగా ఉంది. మూడు పాత్రల మధ్య జరిగిన అసాధారణ ఘటన వల్ల ఎలాంటి పరిణామాలు జరిగాయన్నదే  చిత్రకథ’’ అని మనోజ్‌ నందం అన్నారు. పూజా రామచంద్రన్, భూపాల్‌ రాజు, ధనరాజ్, మనోజ్‌ నందం ప్రధాన పాత్రల్లో శ్రీ కిషోర్‌ దర్శకత్వంలో రూపొందిని చిత్రం ‘దేవి శ్రీ ప్రసాద్‌’. యశ్వంత్‌ మూవీస్‌ సమర్పణలో డి.వెంకటేష్, ఆర్‌.వి.రాజు, ఆక్రోష్‌ నిర్మించిన ఈ సినిమా నవంబర్‌ 10న విడుదల కానుంది. మనోజ్‌ నందం మాట్లాడుతూ– ‘‘గతేడాది నవంబర్‌లో షూటింగ్‌ స్టార్ట్‌ చేసి, 25 రోజుల్లో పూర్తిచేశాం. అయితే చిన్న నిర్మాతలు, సమస్యల వల్ల విడుదల ఆలస్యమైంది. వెంకటేష్‌గారికి మా సినిమా నచ్చడంతో విడుదల చేయడానికి ముందుకు వచ్చారు. సినిమాటోగ్రాఫర్‌ ఫణి మంచి విజువల్స్‌ అందించారు. సంగీత దర్శకుడు కమ్రాన్‌గారు నేపథ్య సంగీతంతో సినిమాకు ప్రాణం పోశారు. నా మరో చిత్రం ‘మనసైనోడు’ నవంబర్‌లో రిలీజవుతుంది. ‘వీరభోగ వసంతరాయులు’లో మంచి పాత్ర చేస్తున్నా. మహేశ్‌బాబుగారి సినిమాలో అవకాశం వచ్చినట్లే వచ్చి చేజారింది’’ అన్నారు.


 
 
 'జై లవకుశ' ఫీవర్‌.. టాలీవుడ్‌ను, జూనియర్‌ ఎన్టీఆర్‌ అభిమానులను ఊపేస్తోంది. తొలిసారి యంగ్‌ టైగర్‌ ఎన్టీఆర్‌ త్రిపాత్రాభినయంతో తెరపై దుమ్మురేపడానికి సిద్ధమవుతుండటంతో ఈ సినిమాపై భారీ అంచనాలు నెలకొన్నాయి. డైరెక్టర్‌ బాబీ (కేఎస్‌ రవీంద్ర) దర్శకత్వంలో సోదరుడు కల్యాణ్‌ రాం తెరకెక్కించిన ఈ సినిమాలో జై, లవ, కుశగా మూడు విభిన్నమైన పాత్రల్లో ఎన్టీఆర్‌ అలరించబోతున్నాడు. ఈ సినిమా కథ ఏమిటనేది ట్రైలర్‌ ద్వారా.. ఎన్టీఆర్‌ తాను ఇచ్చిన ఇంటర్వ్యూల ద్వారా చూచాయగా చెప్పేశారు. రామలక్ష్మణుల్లా పెరగాల్సిన ముగ్గురు అన్నదమ్ములు రావణ, రామ-లక్ష్మణులుగా మారడమే ఇందులోని కథ. ఇందులో జై పాత్ర రావణుడి ఛాయలతో సాగుతోంది. నాటకాలు అధికంగా ఇష్టపడే జై.. రావణుడిలా ప్రతినాయకుడి పాత్రలో కనిపించనున్నారు.
 
 రావణుడిని అభిమానించే 'జై' పాత్రపై ఇప్పటికే విశేషమైన క్రేజ్‌ ఏర్పడింది. ప్రతినాయకుడిగా తొలిసారి నటించిన ఎన్టీఆర్‌.. 'జై' పాత్రలో వీరోచితమైన అభినయాన్ని ప్రదర్శించినట్టు తెలుస్తోంది. 'జై' పాత్రను పరిచయం చేస్తూ విడుదల చేసిన టీజర్‌కు, 'జైలవకుశ' ట్రైలర్‌కు ఆన్‌లైన్‌లో విశేషమైన స్పందన లభించింది. దేవీశ్రీ ప్రసాద్‌ సంగీతం అందించిన ఈ సినిమా పాటలు కూడా బాగున్నాయనే టాక్‌ వినిపిస్తోంది. ముఖ్యంగా 'జై రావణ' పాట శ్రోతలను అలరిస్తోంది. ఈ నేపథ్యంలో 'జైలవకుశ' ఎలా ఉండబోతుంది? అసలు కథలో ట్విస్టేమిటి? జై పాత్ర అంచనాలను అందుకుంటుందా? మరికాసేట్లో తేలనుంది.
 
 ఇప్పటికే తారస్థాయి అంచనాలు ఉన్న ఈ సినిమాపై అంచనాలు మరింత పెరిగేలా మ్యూజిక్‌ డైరెక్టర్‌ దేవీశ్రీ ప్రసాద్‌ ట్వీట్‌ చేశారు. 'జైలవకుశ' సినిమాను డైరెక్టర్‌ బాబీ అద్భుతంగా తెరకెక్కించారని, యంగ్‌టైగర్‌ ఎన్టీర్‌ మైండ్‌బ్లోయింగ్‌ పర్ఫార్మెన్స్‌తో అదరగొట్టాడని దేవీ ట్వీట్‌ చేశాడు. రావణా అంటూ 'జై' పాత్రలో ఎన్టీఆర్‌ అదరగొట్టినట్టు హింట్‌ ఇచ్చారు.
 
 Get ready guys 4 JLK tmorow..
 Brilliant Making by @dirbobby and Mindblowing Performance by Young Tiger Dear @tarak9999 !! RAAVANAAA !!😁🎹🕺🕶
 — DEVI SRI PRASAD (@ThisIsDSP) 20 September 2017
 
 #JaiLavaKusa has Potential to break All Non Baahubali Records ! Full on Mass Masala Entertainer with #JrNTR Star Power & Racy Screenplay ! 👏 pic.twitter.com/Ab5WSRPrky
 — Umair Sandhu (@sandhumerry) 20 September 2017
 
 #JrNTR gave Career Best Performance ever in #JaiLavaKusa. Best Tollywood Male Performance of the Year by so far ! Hatsoff to him 👍👏 3.5*/5* pic.twitter.com/ZVDhlUrcqj
 — Umair Sandhu (@sandhumerry) 20 September 2017
 
 My Review of #JrNTR #JaiLavaKusa is Trending all over the World ! Thank you Telugu Media ! SUPERHIT #OverseasTopCritic #UmairSandhu 🙏😊 pic.twitter.com/pudNmhVfcz
 — Umair Sandhu (@sandhumerry) 20 September 2017
 ఇక, ఏసియన్‌ మూవీస్‌ మార్కెటింగ్‌ నిపుణుడైన ఉమైర్‌ సంధు 'జైలవకుశ' మీద తొలిరివ్యూను ప్రకటించారు. ఈ సినిమాలో ఎన్టీఆర్‌ కెరీర్‌ బెస్ట్‌ పర్ఫార్మెన్స్‌ ఇచ్చాడని కితాబిచ్చాడు. 'బాహుబలి' యేతర రికార్డులన్నీ ఈ సినిమా బద్దలుకొట్టవచ్చునని విశ్లేషించాడు. మాస్‌ ఎంటర్‌టైనర్‌గా రూపొందిన ఈ సినిమా ప్రేక్షకులను అలరిస్తుందని పేర్కొంటూ.. 3.5/5 రేటింగ్‌ ఇచ్చాడు. ఈ రివ్యూతో ఎన్టీఆర్‌ ఫ్యాన్స్‌ ఖుషీ అవుతున్నారు. ఏదిఏమైనా 'జైలవకుశ' సినిమా ఎలా ఉందో తెలియాలంటే రేపటివరకు ప్రేక్షకులు ఆగాల్సిందే.
  


 పిన్న వయసులోనే నమోదు చేసిన దేవీశ్రీ ప్రసాద్‌
 ఏఎన్‌యూ: లింబో స్కేటింగ్‌లో ఒకేసారి నాలుగు గిన్నిస్‌ రికార్డులు నమోదయ్యాయి. ఆచార్య నాగార్జున యూనివర్సిటీ  వెనుక రామకృష్ణ హౌసింగ్‌ ప్రాజెక్ట్స్‌ ప్రాంగణంలో గురువారం ఉదయం జరిగిన గిన్నీస్‌ రికార్డు ప్రదర్శనలో తిరుపతికి చెందిన పదేళ్ల బాలుడు జి.దేవీశ్రీ ప్రసాద్‌ ఈ రికార్డులను నమోదు చేశాడు. లింబో స్కేటింగ్‌లో దేవీశ్రీ ప్రసాద్‌ 115.6 మీటర్ల పొడవులో అమర్చిన 60 రేనాల్ట్‌ డస్టర్‌ కార్ల కిందుగా ముందుకు విజయవంతంగా స్కేటింగ్‌ చేసి ఒక రికార్డును నెలకొల్పాడు.
 
 అలాగే 115.6 మీటర్ల పొడవులో 60 రేనాల్ట్‌ డస్టర్‌ వాహనాల కిందుగా వెనుకకు స్కేటింగ్‌ చేసి మరో రికార్డును నమోదు చేశాడు.  దీంతో పాటు 10 అంగుళాల ఎత్తు ఉన్న అండర్‌ బార్‌ల కింద నుంచి 184 మీటర్ల పొడవు ముందుకు విజయవంతంగా స్కేటింగ్‌ చేసి రికార్డును నమోదు చేశాడు. 10 అంగుళాల ఎత్తు ఉన్న అండర్‌ బార్‌ల కింద నుంచి వెనుకకు 167 మీటర్లు పొడవు స్కేటింగ్‌ చేసి మరో రికార్డును నెలకొల్పాడు.


 ‘‘సంగీతం వచ్చు కదా అని కథలో అనవసరంగా ఎక్కడ పడితే అక్కడ వాడకూడదు. కథకు తగ్గట్టు ఎక్కడ తక్కువ వాడాలో కూడా తెలుసుండాలి. నేను కథకు తగ్గట్టుగానే మ్యూజిక్‌ ఇస్తాను’’ అని సంగీత దర్శకుడు దేవిశ్రీ ప్రసాద్‌ అన్నారు. బెల్లంకొండ సాయి శ్రీనివాస్, రకుల్‌ప్రీత్‌ సింగ్‌ జంటగా బోయపాటి శ్రీను దర్శకత్వంలో మిర్యాల రవీందర్‌రెడ్డి నిర్మించిన ‘జయ జానకి నాయక’ ఈ శుక్రవారం విడుదలవుతోంది. ఈ చిత్రానికి సంగీతం అందించిన దేవిశ్రీ ప్రసాద్‌ మాట్లాడుతూ– ‘‘బోయపాటి స్టైల్‌ మిక్స్‌ అయిన ఫ్యామిలీ మాస్‌ ఎంటర్‌టైనర్‌ ఇది. సినిమా ప్రారంభం నుంచి మనం కూడా కథతో పాటే ప్రయాణిస్తాం. ఓ సారి దర్శకుడు త్రివిక్రమ్‌గారు ఫోన్‌చేసి పవన్‌ కల్యాణ్‌గారి చిత్రానికి ‘అత్తారింటికి దారేది’ అన్నదే టైటిల్‌ అన్నారు.
 
 అంతపెద్ద స్టార్‌ హీరోకి ఆ టైటిల్‌ ఏంటి? అనుకున్నా. కానీ, కథ పరంగా చూస్తే కరెక్టే అనిపించింది. ఈ చిత్రానికి ‘జయ జానకి నాయక’ అని బోయపాటిగారు చెప్పగానే కథ నాకు తెలుసు కాబట్టి, కరెక్ట్‌గా సరిపోతుందనిపించింది. ప్రతి ఫ్రేమ్‌ బాగుంటుంది. కథకు తగ్గట్టుగా భారీ ఖర్చుతో తీశారు. స్టార్టింగ్‌ టు ఎండింగ్‌ ప్రేక్షకులు ఎంజాయ్‌ చేసే సినిమా ఇది. ‘భద్ర, తులసి, లెజెండ్‌’ తర్వాత బోయపాటిగారు, నా కాంబినేషన్‌లో వస్తున్న ‘జయ జానకి నాయక’ మరో విజయంగా భావిస్తున్నాం’’ అన్నారు.


 స్నేహాన్ని సుకుమారంగా పెంచుకుని ప్రసాదంగా పంచుకున్న ఇద్దరు స్నేహితుల కథ ఇది. ఈ ఇద్దర్నీ పట్టుకోవడం అంటే... అటువంటి స్నేహాన్ని పొందడమంత ఇంపాజిబుల్‌. ఇవాళ ‘స్నేహితుల దినోత్సవం’ అని సుకుమార్‌ చెవిలో ఊదాం. దానికి దేవిశ్రీ వంత పాడారు.మ్యూజిక్‌–డైరెక్టర్‌ కలిస్తే ‘జుగుల్‌బందీ’ అవుతుంది. అసలు ‘మ్యూజిక్‌ డైరెక్టర్‌’ అనే పద బంధంలోనే ఇద్దరూ ఉన్నారు. వీళ్ల స్నేహాన్ని చూసి మీరంతా పాడుకునే పాట ‘ఐ వన్నా ఫాలో ఫాలో ఫాలో ఫాలో యూ....’
 
 సినిమా ఇండస్ట్రీలో ఆర్థిక అవసరాల కోసం స్నేహం చేసేవాళ్లే ఎక్కువ అంటారు.. మరి మీ ఇద్దరి స్నేహానికి లెక్కలేమైనా?
 దేవి: లెక్కలా? ఏమీ లేవండి. గ్లామర్‌ ఇండస్ట్రీ గురించి చాలావరకు బయట అనుకునేవన్నీ అబద్ధాలే. ‘మనం ఇది చేయకపోతే వాళ్లు ఇది చేయరేమో... మనం ఇలా ఉండకపోతే మనతో వాళ్లు బాగుండరేమో’ అనే ఇన్‌సెక్యూర్టీ చాలామందికి ఉంటుంది. దాంతో దేనికైనా లెక్కలేసుకుంటారు. అలాంటివాళ్లు ఒక్క గ్లామర్‌ ఇండస్ట్రీలోనే కాదు... అన్ని చోట్లా ఉంటారు. కాకపోతే ఇండస్ట్రీలో ఏ విషయమైనా భూతద్దంలా కనిపిస్తుంది. కాబట్టి అందరూ గ్లామర్‌ ఇండస్ట్రీ మీదే పడతారు. మంచి కన్నా చెడునే తొందరగా ప్రొజెక్ట్‌ చేసి, సంతోషపడిపోతారు. ఇప్పుడు నన్ను తీసుకోండి. నేనెవరి గురించీ చెడుగా మాట్లాడను. ఎందుకంటే దాని వల్ల ‘పెద్ద స్థాయి’కి వెళ్లనని తెలుసు కాబట్టి. సుక్కు కూడా నాలాంటి వాడే. మా ఇద్దరి మధ్య స్నేహం కుదరడానికి ఈ లెక్క మాత్రమే కారణం. వేరే లెక్కలు లేవు.
 
 సుక్కు: దేవీతో నాకు స్నేహం ఇష్టం. అది అవసరానికైనా.. అనవసరానికైనా (నవ్వుతూ). కారణం ఏదైనా తనతో ఫ్రెండ్‌షిప్‌ ఉంటుంది కదా. నిజంగా అవసరం కొరకే ఫ్రెండ్‌షిప్‌ అయితే నేనే నీతో (దేవి) ఫ్రెండ్‌షిప్‌ చేయాలి. నీకు నాతో ఫ్రెండ్‌ఫిప్‌ చేయాల్సిన అవసరం లేదు. ఎందుకంటే నువ్వు స్టార్‌ మ్యూజిక్‌ డైరెక్టర్‌వి.
 
 దేవి: భలే చెప్పావు డార్లింగ్‌. నువ్వు మాత్రం తక్కువా?  సుక్కూగారి ఫోన్‌లో ‘దేవి డార్లింగ్‌’ అని మీ ఫోన్‌ నంబర్‌ ఫీడ్‌ చేసి ఉంది.. మరి మీ ఫోన్‌లో?
 దేవి: సుక్కూ భాయ్‌ అని ఉంటుంది. మా ఇద్దరికీ కామన్‌గా ఒక ట్యూన్‌ ఉంది. ‘మిర్చి’లో ‘డార్లింగే... ఓసినా డార్లింగే’ సాంగ్‌ ఉంది కదా. నాకు సుక్కు ఎప్పుడు ఫోన్‌ చేసినా ఆ పాట పాడతాడు. నేను కూడా పాడతాను.
 
 సుక్కు: ఎప్పుడు ఫోన్‌ చేసినా తనూ ఫుల్‌ లైన్‌ పాడాలి. నేనూ పాడాల్సిందే. ఆ తర్వాతే మా సంభాషణ మొదలవు తుంది. కామెడీ ఏంటంటే ఏదైనా సీరియస్‌ మ్యాటర్‌ మాట్లాడాల్సి వచ్చినప్పుడూ పాడుకున్న తర్వాతే మాట్లాడుకుంటాం. అంటే.. ఆ విషయాన్ని మేం లైట్‌గా తీసుకున్నట్లు కాదు. ఆ పాట పాడటం అంత అలవాటైపోయింది.
 
 ఇప్పటివరకూ ఒకరికి మరొకరు చెప్పాలని చెప్పలేకపోయిన విషయాన్ని షేర్‌ చేసుకుంటారా?
 సుక్కు: అలాంటివేవీ లేవండి. ప్రొఫెషనల్, పర్సనల్‌ ఏదైనా ఇద్దరం షేర్‌ చేసుకోదగ్గవి ఓపెన్‌గా చెప్పుకుంటాం.
 
 దేవి: అవును. అది కరెక్టే. ఏ విషయాన్నయినా నాతో సూటిగా చెప్పగలవాళ్లల్లో సుక్కు ఒకడు. తనంటే నాకు గౌరవం. జిమ్‌కు వెళ్లమంటాడు. నేను కాస్త నిర్లక్ష్యంగా ఉన్నప్పుడు... ‘ఏంటీ పొట్ట పెంచేస్తున్నావ్‌’ అని తిడతాడు. నేను ఫీలవ్వను. సుక్కు తిడతాడనే భయంతో పొట్ట తగ్గించేస్తుంటాను.
 
 సుక్కు: ఇండియాలోనే దేవి బెస్ట్‌ ఫెర్ఫార్మర్‌. స్టేజి మీద పాటలు పాడుతూ, డ్యాన్స్‌ చేస్తుంటాడు. అలా చేయాలంటే ఫిట్‌గా ఉండాలి. అందుకే జాగ్రత్తలు చెబుతా. పైగా తనకు చాలా ఫాలోయింగ్‌ ఉంది. దేవి చూడ్డానికి బాగుండాలనుకుంటాను. నా దృష్టంతా ఎప్పుడూ తన ఫిజిక్‌ మీదే ఉంటుంది. అందుకే కొంచెం లావైనట్లు కనిపిస్తే, తిట్టేస్తాను.
 
 సరే.. మీ ఫ్రెండ్స్‌ లిస్ట్‌లో దేవీ ‘నంబర్‌’ ఎంత?
 సుక్కు: నాకు చాలా తక్కువమంది స్నేహితులు.  హరిప్రసాద్, రవికుమార్‌ అనే ఇద్దరు ఫ్రెండ్స్‌ ఉన్నారు. ఇండస్ట్రీకి సంబంధించి దేవీ ఫస్ట్‌ ఫ్రెండ్‌. ఇందులో ఎవరికి ఏ ‘నంబర్‌’ ఇచ్చినా ఎవరూ  ఫీలవ్వరు. దేవీకే నంబర్‌వన్‌ ప్లేస్‌. దేవీ చాలా కేరింగ్‌గా ఉంటాడు. నాకు ‘కోస్తా కాఫీ’ ఇష్టం. లండన్, దుబాయ్, యూరప్‌ ఎక్కడికి వెళ్లినా కోస్తా కాఫీ షాప్‌ ఎక్కడా ఉందా? అని వెతుకుతుంటాం. ఒకసారి దుబాయ్‌ వెళ్లినప్పుడు ఎయిర్‌పోర్ట్‌లో దేవీకి కోస్తా కాఫీ షాప్‌ కనిపిస్తే, సెల్ఫీ దిగి ‘సుక్కూ... నీ కోస్తా కాఫీ’ అంటూ ఆ ఫొటో పంపించాడు. తనకు నేనెప్పుడూ గుర్తు ఉంటాననడానికి ఇదో ఎగ్జాంపుల్‌. ఆ సెల్ఫీ చూసి, కళ్లల్లో నీళ్లు తిరిగాయి.
 
 దేవి: సుక్కూకి నంబర్‌ ఇవ్వను. తను నాకు ఫ్రెండ్‌కి మించి.  నా మీద సుక్కూకి ఎంత ప్రేమ అంటే... మొన్న నా పుట్టినరోజుకి నేను హైదరాబాద్‌లో లేను. అయినా కేక్‌ కట్‌ చేసి, ఆ సెలబ్రేషన్‌ చూపించడం కోసం నాకు వీడియో కాల్‌ చేశాడు. గుర్తు పెట్టుకోవడంతో పాటు నేనక్కడ లేకపోయినా సెలబ్రేట్‌ చేయాలనుకోవడం నాకు ఆనందంగా అనిపించింది. ఎవరైనా నన్ను ఒక్క మాట అంటే తను చాలా ఫీౖలైపోతాడు. నేను ఫీలవ్వకపోయినా తను ఫీలవుతుంటాడు.
 
 ఏమోనండి.. ‘కుమారి 21ఎఫ్‌’ అనే చిన్న సినిమాకి మీలాంటి స్టార్‌ మ్యూజిక్‌ డైరెక్టర్‌ని తీసుకోవడంతో మీ స్నేహాన్ని సుక్కూ వాడుకున్నారని కొందరి ఫీలింగ్‌?
 సుక్కు: అవునండి. దేవీని చాలా దారుణంగా వాడుకున్నాను. కరెక్టే (నవ్వులు).
 
 దేవి: అలా ఎవరైనా అనుకుంటే పొరపాటు. సుక్కు ‘కుమారి 21ఎఫ్‌’ సినిమా తీయాలనుకున్నప్పుడే నాకు తెలుసు అది డిఫరెంట్‌ మూవీ అని. ఒక రోజు ‘నువ్వు చాలా బిజీ. మంచి మ్యూజిక్‌ ఇస్తావ్‌’ అని స్టార్ట్‌ చేసి, అసలు విషయం చెప్పకుండా ఏదేదో మాట్లాడాడు. ‘చెప్పు సుక్కూ’ అంటే, మొహమాటపడుతూ మ్యూజిక్‌ ఇవ్వాలన్నాడు. ‘ఓస్‌... ఇంతేనా’ అనిపించింది.
      
 సుక్కూగారిప్పుడు తీసిన ‘దర్శకుడు’ మూవీకి వేరే మ్యూజిక్‌ డైరెక్టర్‌ని పెట్టుకున్నారు. మిమ్మల్ని అడగడానికి మళ్లీ మొహమాటపడ్డారా?
 సుక్కు: ‘దర్శకుడు’ చిన్న సినిమా. హీరో మా అన్నయ్య కొడుకు. షూటింగ్‌ స్టార్ట్‌ చేసినప్పుడు దేవీకి చెప్పలేదు. మ్యూజిక్‌ డైరెక్టర్‌గా చేయమని అడిగితే కాదనడు. ఇందాక మీరు అన్నట్లు ఫ్రెండ్‌షిప్‌కు ఆర్థిక సంబంధాలు కారణం అయ్యుంటే ఈ సినిమాకు నేను తప్పకుండా దేవీని ఉపయోగించుకుని ఉండేవాణ్ణి.
 
 దేవి: డార్లింగ్‌... చాలా అన్యాయం. నీ అన్న కొడుకు మీద నాకు అభిమానం ఉండదా? నాకు చెప్పకుండా నన్ను మ్యూజిక్‌ డైరెక్టర్‌గా అనౌన్స్‌ చేసి ఉండాల్సింది.
 
 సుక్కు: డోంట్‌ వర్రీ డార్లింగ్‌. ఈ మధ్య నీకు చెప్పకుండా ఓ సినిమా అనౌన్స్‌ చేశా.
 
 దేవి: హ్యాపీ డార్లింగ్‌ (నవ్వుతూ).
 
 ఒకరిలో మరికొరికి కనిపించే మైనస్‌ పాయింట్‌?
 దేవి: ‘సుక్కూ.. నువ్వు వచ్చేటప్పడు ఇది తీసుకురా’ అని చెబితే అది తప్పకుండా మర్చిపోయి వస్తాడు. ‘ఈ హార్డ్‌డిస్క్‌ను మా ఇంట్లో ఇవ్వ’మని చెప్పాననుకోండి.. మా ఇంటికి వెళతాడు.. మాట్లాడతాడు. హార్డ్‌ డిస్క్‌ మాత్రం మర్చిపోతాడు. తనలో ఇంకో క్వాలిటీ కూడా ఉంది. అదేంటంటే.. ఫలనా వ్యక్తికి ఏదైనా ఇవ్వమని స్ట్రాంగ్‌గా చెప్తే కచ్చితంగా ఇస్తాడు. అయితే ఫన్‌ ఏంటంటే తనకు సంబంధించిన మిగతా విషయాలను మర్చిపోతాడు. ఇలా మర్చిపోవడం మినహా సుక్కూ లో మైనస్‌ పాయింట్స్‌ ఏమీ లేవు.
 
 సుక్కు: దేవీ సమయానికి భోజనం చేయడు. నాకిష్టమైన వాళ్లకు ఫిట్‌గా ఉండమని చెబుతాను. ముందు ఫిట్‌నెస్‌ తర్వాత మ్యూజిక్‌ అని తనతో అంటుంటాను. తను మాత్రం ముందు మ్యూజిక్‌ తర్వాతే ఇంకేదైనా అన్నట్లు ఉంటాడు. ఫిట్‌నెస్‌ మీద శ్రద్ధ పెట్టడు. నాకది నచ్చదు.
      
 మీరు ఒకరికి ఒకరు ఇచ్చుకున్న గిఫ్ట్‌?
 దేవి: సుక్కూతో ఫ్రెండ్‌షిప్‌ నాకు పెద్ద గిఫ్ట్‌ అండి. నాకు ఎనీ టైమ్‌ ఏ హెల్ప్‌ అయినా అడగడానికి ఎవరైనా ఉన్నారంటే అది సుక్కూనే అని చెప్పవచ్చు.
 
 సుక్కు: ‘కుమారి 21 ఎఫ్‌’ కోసం బ్యాంకాక్‌  సాంగ్‌ చేశాం. అప్పుడు దేవీకి ఐఫోన్‌ ఇద్దామనుకున్నాను. కానీ, అది చిన్నదైపోతుందేమో అనిపించింది. ఏదైనా పెద్ద గిఫ్ట్‌ ఇస్తే ఇంత చిన్న విషయానికి అంత ఖర్చు చేయాలా? అని తిడతాడని భయం. ఇప్పటివరకూ ఏమీ ఇవ్వలేకపోయా. ఏమిస్తే బాగుంటుంది? అని ఆలోచిస్తూనే ఉన్నాను.
    
 ఫైనల్లీ.. ఫ్రెండ్‌షిప్‌ హిట్‌ అవ్వాలంటే ఏం చేయాలి?
 సుక్కు: ఒక సాంగ్‌ హిట్‌ అవ్వాలి అంటే ఏం చేయాలి? ఒక సినిమా హిట్‌ అవ్వాలంటే ఏం చేయాలి? అన్న ప్రశ్నలకే సమాధానం లేదు. అలాంటిది ఒక ఫ్రెండ్‌షిఫ్‌ హిట్‌ అవ్వాలంటే ఏం చేయాలి? అని అడిగితే చెప్పడం కష్టం. పదీ పదిహేను రోజులు, లేకపోతే ఇంకొన్ని రోజులు గుర్తుండే సాంగ్సే అలా ఉంటే ఇక లైఫ్‌లాంగ్‌ ఫ్రెండ్‌షిప్‌ని హిట్‌ ట్రాక్‌లో తీసుకెళ్లాలంటే ఏం చేయాలి? సింపుల్‌గా చెప్పాలంటే.. నమ్మకం ఉండాలి. ఇగో ఉండకూడదు.
 
 దేవి: ఒక సినిమా హిట్టయితే 100 రోజులాడుతుంది. అదే స్నేహం అంటే లైఫ్‌ లాంగ్‌ ఆడే సూపర్‌హిట్‌ సినిమా. ఫ్రెండ్‌షిప్‌ హిట్టవడానికి రీజన్స్‌ చెప్పలేను. ఒక్కటి మాత్రం చెబుతాను. ‘ఈ ఫ్రెండ్‌షిప్‌ అనే థియేటర్‌లో నుంచి మనం మాత్రం ఎప్పటికీ బయటికి రాలేం డార్లింగ్‌’  (సుక్కూని ఉద్దేశించి).
 
 సుక్కు: థ్యాంక్స్‌... లవ్‌ యూ డార్లింగ్‌...
 
 దేవి: లవ్‌ యు టు డార్లింగ్‌.
 
 లైఫ్‌కి ఫ్రెండ్స్‌ అవసరమా?
 సుక్కు: చిన్నప్పుడు ఫ్రెండ్స్‌తో నేను చాలా ఎమోషనల్‌గా ఉండేవాణ్ణి. డిగ్రీ చుదువుకునే రోజుల్లో ఎవరైనా ఫ్రెండ్‌ మాట్లాడకపోతే ఎంతో ఎమోషన్‌ అవుతాం. వాడు ఏడిస్తే మనం ఏడుస్తాం. అసలిదంతా ఎందుకు జరుగుతోందంటే, కలిసి ఉండటం అనేది ఎక్కడో జెనిటికల్‌గా ఉంది. కలిసి ఉండాలనే మనుషుల తత్త్వం వల్లే ఫ్రెండ్‌షిప్‌ అనేవి ఉన్నాయి. ఫ్రెండ్‌షిప్‌లో ఓ థ్రిల్‌ ఉంటుంది. ఇష్టమైన వ్యక్తితో షేరింగ్‌ అనేది బాగుంటుంది. తప్పకుండా ఫ్రెండ్‌ అవసరం. 10 కిలోమీటర్ల దూరం నుంచి గోల్ఫ్‌ బాల్‌ని కొడితే గోల్‌ పడినప్పుడు సంతోషపడతాం. కానీ, ఆ సంతోషాన్ని చూడడానికి, వినడానికి ఓ ఫ్రెండ్‌ లేకపోతే ఆ అద్భుతం వృధా. ఒక విషయాన్ని షేర్‌ చేసుకోవడానికి ఓ ఫ్రెండ్‌ లేకపోతే... ఆ విషయానికి అర్థం ఏముంటుంది? మంచైనా.. చెడైనా. ఎవరితోనైనా పంచుకుంటేనే బాగుంటుంది.
 
 దేవి: లైఫ్‌లో ఫ్రెండ్‌ కావాలండి. లేకపోతే కొన్ని విషయాలు పంచుకోవడానికి మనుషులు లేక మనసులోనే ఉండిపోతాయ్‌. పంచుకోవాలనుకున్న విషయాలు చెప్పుకోవడానికి ఓ ఫ్రెండ్‌ ఉంటే చాలా అదృష్టం అండి. అందుకే ఫ్రెండ్‌ చాలా అవసరం.
 
 ‘నాన్న’ గురించి మాట్లాడితే మీ ఇద్దరూ ఎమోషన్‌ అయిపోతారు. మీ ఇద్దరిలో ఉన్న కామన్‌ పాయింట్స్‌లో ‘ఫాదర్‌ లవింగ్‌ సన్స్‌’ ఒకటేమో..
 దేవి: ఎగ్జాట్లీ. ఏడాదిన్నర గ్యాప్‌లో మా ఇద్దరి ఫాదర్స్‌ పోయారు. మా నాన్నగారు చనిపోయిన టైమ్‌లో నా పక్కన ఉన్నది సుక్కూనే. నా సొంత బ్రదర్‌ ఉంటే ఎలా చూసుకునేవాడో అలా నన్ను చూసుకున్నాడు. అలాగే సుక్కూ నాన్నగారు చనిపోయినప్పుడు నేను చాలా బాధపడ్డాను.
 
 సుక్కు: దేవీకి తన నాన్నగారు అంటే చాలా ఇష్టం. ఒక మంచి సక్సెస్‌ వచ్చిందనుకోండి... ‘డార్లింగ్‌.. నాన్నగారు పై నుంచి చూస్తున్నారు’ అంటాడు. ఆయన ఆశీర్వాదం ఉండటం వల్లే ఈ సక్సెస్‌ వచ్చింది అంటుంటాడు. ఇప్పుడు రామ్‌చరణ్‌తో నేను చేస్తున్న ‘రంగస్థలం’కు మంచి ట్యూన్‌ వచ్చింది. ఈ సాంగ్‌ నాన్నగారు వింటే ఎంత ఆనందపడేవారు అంటుంటాడు. తన క్రియేషన్‌ని వాళ్ల నాన్నగారు చూడలేదని బాధపడుతుంటాడు. ఈ మధ్య తన బర్త్‌డేని సెలబ్రేట్‌ చేసి, వాటిని వీడియోలో చూపించాను కదా. అప్పుడు దేవి ‘చూడు డార్లింగ్‌.. నాన్న నా వెనకాలే ఉన్నారు. సెలబ్రేషన్స్‌ చూస్తున్నారు’ అని వెనకాల ఉన్న సత్యమూర్తిగారి ఫొటో చూపించాడు. వెంటనే నా కళ్లలో నీళ్లు తిరిగాయి.
 
 దేవీగారిని ఆన్‌–స్క్రీన్‌ ఎప్పుడు చూపిస్తారు? తను హీరోగా మీరే సినిమా చేయాలనుకున్నారు కదా?
 సుక్కు: దేవీని హీరోగా చేయమని నేనే ప్రపొజ్‌ చేశాను. కానీ, అనుకోని కారణాల వల్ల వాయిదా పడింది. అంటే, నేను వెంటనే వేరే  సినిమా చేయాల్సి వచ్చింది. ఇక్కడ నేను స్వార్థం చూసుకున్నానని చెప్పాలి. దేవీతో సినిమా అనుకున్నప్పుడు, మనీ కోసం ఇంకో సినిమా చేశాను. అప్పుడు కుదరలేదు. ఇప్పటివరకూ కుదరలేదు. కానీ తప్పకుండా తనని హీరోగా పెట్టి ఒక్క సినిమా అయినా తీస్తాను. అలా అని తనను హీరోగా కంటిన్యూ చేయమని నా ఉద్దేశం కాదు. హీరోగా ఎవరైనా చేయగలరు కానీ మ్యూజిక్‌ అందరూ చేయలేరు కదా.
 – డి.జి. భవాని


 హైదరాబాద్ :
 బాహుబలి 2 చూసి ఇప్పటికే మూడు రోజులవుతుంది.. సినిమా పూర్తయిన తర్వాత థియేటర్ నుంచి అయితే బయటికి రాగలిగాను గానీ,  బాహులి సినిమా నుంచి మాత్రం ఇంకా బయటకు రాలేకపోతున్నానని సంగీత దర్శకుడు దేశ్రీ ప్రసాద్ ట్విటర్లో పేర్కొన్నారు.
 
 బాహుబలి2 అనేది కేవలం భారీ వ్యయంతో నిర్మించిన చిత్రం మాత్రమే కాదు, పెద్ద కలలు నెరవేరాలంటే ఎక్కువ కష్టపడాలి. అప్పుడే ఎలాంటి సందేహం లేకుండా లక్ష్యాన్ని సాధిస్తావు. ఎవరు నువ్వు, ఎక్కడి నుంచి వచ్చావు అనేది అసలు మ్యాటరే కాదని దేవీ తెలిపారు. అద్భుతమైన స్టోరీ లైన్ , ఉత్కంఠను పెంచే స్రీన్ ప్లే, ఒళ్లు గగుర్పొడిచే విజువల్స్, దిమ్మతిరిగే నటన అంటూ సినిమా పై ప్రశంసల ఝల్లు కురిపించారు. తాను అనుకున్నట్టుగా సినిమాను అందమైన శిల్పంలా చెక్కిన దర్శకుడు జక్కన్న పర్ఫెక్షన్.. సినిమా చూస్తున్నంతసేపు  సీట్ ఎడ్జ్లో కూర్చునేలా చేశాయని తన అనుభూతిని వ్యక్తం చేశారు.  వీఎఫ్ఎక్స్ ఎఫెక్ట్స్, లొకేషన్స్, బడ్జెట్ను పక్కన పెడితే బాహుబలి సినిమా తనను మంత్రముగ్ధున్ని చేసిందని పేర్కొన్నారు. ఎన్నిసార్లు అరుస్తూ, క్లాప్స్ కొట్టానో నాకే తెలియదు. కనీసం ఇలాంటి కలను కనాలనే సాహసం కూడా చాలా మంది చేయలేరు, హ్యాట్సాఫ్ రాజమౌళి సర్ అంటూ ఓ నోట్ను తన ట్విట్టర్ అకౌంట్లో పోస్ట్ చేశారు. దీనికి రాజమౌళి థ్యాంక్స్ అంటూ రీప్లే ఇచ్చారు. ఒక ప్రాంతీయ చిత్రం వంద కోట్ల వసూళ్లు సాధించటమే కష్టంగా ఉన్న సమయంలో 1000 కోట్లు వసూళ్లు చేసిన తొలి చిత్రంగా బాహుబలి2 రికార్డు సృష్టించింది.


 ప్రస్తుతం సౌత్ ఇండస్ట్రీలో టాప్ రేంజ్ ఉన్న సంగీత దర్శకుల్లో దేవీ శ్రీ ప్రసాద్ ఒకడు. ఎక్కువగా స్టార్ హీరోల చిత్రాలకే సంగీతం అందించే దేవీ శ్రీ రెమ్యూనరేషన్ కూడా అదే రేంజ్లో తీసుకుంటాడు. అందుకే మీడియం రేంజ్ చిత్రాలకు కూడా ఈ మ్యూజిక్ సెన్సేషన్ అందుబాటులో ఉండడు. అయితే ఇటీవల ఈ యువ సంగీత తరంగం మీడియం బడ్జెట్తో నాని హీరోగా తెరకెక్కిన నేను లోకల్ సినిమాకు సంగీతం అందించాడు. దిల్ రాజు నిర్మించిన ఈ సినిమా ఘనవిజయం సాధించింది.
 
 దీంతో మరోసారి అదే ఫీట్ను రిపీట్ చేసేందుకు రెడీ అవుతున్నారు. దిల్ రాజు బ్యానర్లో నాని హీరోగా ఓ మై ఫ్రెండ్ ఫేం వేణు శ్రీరాం దర్శకత్వంలో మరో సినిమా ప్రారంభం కానుంది. ఈ సినిమాకు కూడా దేవీ శ్రీతో మ్యూజిక్ చేయించాలని నిర్ణయించాడు దిల్ రాజు. రెమ్యూనరేషన్ కూడా దేవీ కోరినంత ఇచ్చేందుకు సిద్ధమయ్యాడట. దేవీ లాంటి సంగీత దర్శకుడు ఉంటే సినిమా మ్యూజిక్ తోనే సగం సక్సెస్ సాధిస్తుందన్న నమ్మకంతో ఉన్నారు. మరి ఈ లోకల్ టీం మరోసారి సక్సెస్ మ్యాజిక్ రిపీట్ చేస్తుందేమో చూడాలి.


 డీయస్పీ అంటే సంగీత దర్శకుడు దేవిశ్రీ ప్రసాద్‌ గుర్తొస్తారు. ఇప్పుడా పేరుతో ఓ సినిమా రూపొందుతోంది. మనోజ్‌ నందన్, భూపాల్, పూజా రామచంద్రన్‌ ముఖ్య తారలుగా శ్రీ కిశోర్‌ దర్శకత్వంలో ఆర్వీ రాజు, ఆక్రోశ్‌ నిర్మించిన థ్రిల్లర్‌ ‘దేవిశ్రీ ప్రసాద్‌’. ధనరాజ్‌ కీలక పాత్రలో నటించిన ఈ సినిమా టీజర్‌ను నిర్మాత రాజ్‌ కందుకూరి విడుదల చేశారు. నిర్మాతలు మాట్లాడుతూ – ‘‘దేవి, శ్రీ, ప్రసాద్‌... అనే ముగ్గురు యువకులు, లీలా రామచంద్రన్‌ అనే నటి చుట్టూ కథ నడుస్తుంది. ప్రతి సీన్‌ ప్రేక్షకుల్ని థ్రిల్‌కు గురి చేస్తుంది. నిర్మాణానంతర కార్యక్రమాలు జరుగుతున్నాయి. త్వరలో చిత్రాన్ని విడుదల చేస్తాం’’ అన్నారు.


 హీరో రామ్, దర్శకుడు కిశోర్‌ తిరుమల కలయికలో వచ్చిన మొదటి సినిమా ‘నేను శైలజ’. ‘స్రవంతి’ రవికిశోర్‌ నిర్మాత. దేవిశ్రీ ప్రసాద్‌ స్వరకర్త. ఈ సక్సెస్‌ఫుల్‌ కాంబినేషన్‌లో మరో సినిమా ప్రకటించిన సంగతి తెలిసిందే. స్రవంతి మూవీస్, పీఆర్‌ సినిమా సంస్థలపై ‘స్రవంతి’ రవికిశోర్‌ నిర్మించ నున్న ఈ సినిమా ఏప్రిల్‌ 25న ప్రారంభం కానుంది.
 
  ‘నేను శైలజ’లో మలయాళీ బ్యూటీ కీర్తీ సురేశ్‌ కథానాయికగా నటించారు. తాజా సినిమాలో మరో మలయాళ కుట్టి (అమ్మాయి) అనుపమా పరమేశ్వరన్‌ను ఓ నాయిక గా, తమిళ పొన్ను (అమ్మాయి) మేఘా ఆకాశ్‌ను నాయికగా ఎంపిక చేశారు. ఆమెకు తెలుగులో తొలి అవకాశమిది. తమిళంలో ధనుష్‌ హీరోగా గౌతమ్‌ మీనన్‌ దర్శకత్వంలో తెరకెక్కుతోన్న ‘ఎన్నై నోక్కి పాయుమ్‌ తోట్టా’లో మేఘా ఆకాశ్‌ నటిస్తున్నారు.
 
  ‘స్రవంతి’ రవికిశోర్‌ మాట్లాడుతూ – ‘‘నేను శైలజ’లో రామ్‌ను సరికొత్తగా చూపించిన దర్శకుడు కిశోర్‌ తిరుమల తాజా సినిమాలోనూ సరికొత్త లుక్, బాడీ లాంగ్వేజ్‌తో చూపించబోతున్నారు’’ అన్నారు. ఈ చిత్రానికి సాహిత్యం: ‘సిరివెన్నెల’ సీతారామశాస్త్రి, కళ: ఏఎస్‌ ప్రకాశ్, కూర్పు: శ్రీకర్‌ ప్రసాద్, కెమేరా: సమీర్‌రెడ్డి.


 కొరటాల శివ అనే దర్శకుడు ఇప్పటివరకూ మూడు సినిమాలు చేశారు. మూడింటికీ దేవిశ్రీ ప్రసాద్‌ అనే సంగీత దర్శకుడు స్వరాలు, నేపథ్య సంగీతం అందించారు. హిట్‌ కాంబినేషన్‌ అనే పేరొందిన ఈ ఇద్దరూ హ్యాట్రిక్‌ హిట్స్‌ తర్వాత నాలుగోసారి కలసి పని చేస్తున్నారు. ఏదో కొత్తవాళ్లను అన్నట్లుగా ‘అనే..’ అంటున్నారేంటి అనుకుంటున్నారా? మరేం లేదు.
 మహేశ్‌బాబు హీరోగా నటించనున్న ‘భరత్‌ అనే నేను’కి కొరటాల దర్శకత్వం వహిస్తున్నారు. దేవిశ్రీ ప్రసాద్‌ స్వరకర్త. ఆల్రెడీ మూడు ట్యూన్స్‌ ఫైనలైజ్‌ చేశారు. దుబాయ్‌లో జరిగిన ఈ సినిమా మ్యూజిక్‌ సిట్టింగ్స్‌లో కొరటాల శివ, దేవిశ్రీ ప్రసాద్‌లతో పాటు నిర్మాత డీవీవీ దానయ్య, సినిమాటోగ్రాఫర్‌ రవి కె.చంద్రన్‌ కూడా పాల్గొన్నారు.


 నేను శైలజ సినిమాతో సూపర్ హిట్ కొట్టిన ఎనర్జిటిక్ హీరో రామ్, ఆ తరువాత రిలీజ్ అయిన హైపర్తో మరోసారి ఆకట్టుకున్నాడు. అయితే హైపర్ తరువాత ఎలాంటి సినిమా చేయాలన్న ఆలోచనతో చాలా రోజులు పాటు సినిమాను ఎనౌన్స్ చేయకుండా కాలం గడిపేశాడు. ఈ గ్యాప్లో కరుణాకరణ్, అనీల్ రావిపూడి లాంటి దర్శకులతో సినిమా చేస్తున్నట్టుగా వార్తలు వినిపించినా.. ఏది సెట్స్ మీదకు రాలేదు.
 
 ఫైనల్గా మరోసారి నేను శైలజ కాంబినేషన్కే ఫిక్స్ అయ్యాడు రామ్. మరోసారి కిశోర్ తిరుమల దర్శకత్వంలో నటించేందుకు రెడీ అవుతున్నాడు. ప్రస్తుతం ప్రీ ప్రొడక్షన్ కార్యక్రమాలు జరుపుకుంటున్న ఈ సినిమా ఏప్రిల్ 25న ప్రారంభించనున్నారు. రామ్ కండలు తిరిగిన దేహంతో కనిపించనున్న ఈ సినిమాలో అనుపమా పరమేశ్వరన్, మేఘా ఆకాష్లు హీరోయిన్లుగా నటిస్తున్నారు. నేను శైలజ సక్సెస్ లో కీ రోల్ ప్లే చేసిన మ్యూజిక్ డైరెక్టర్ దేవీ శ్రీ ప్రసాద్ మరోసారి అదే కాంబినేషన్లో పనిచేస్తున్నాడు.


 సూపర్ స్టార్ మహేష్ బాబు ప్రస్తుతం తమిళ స్టార్ డైరెక్టర్ మురుగదాస్ దర్శకత్వంలో ఓ సినిమా చేస్తున్న సంగతి తెలిసిందే. ఇప్పటికే 70 శాతానికి పైగా షూటింగ్ పూర్తి చేసుకున్న ఈ సినిమాకు సంబంధించి.., ఇంత వరకు టైటిల్ లోగో, ఫస్ట్ లుక్ పోస్టర్లు రిలీజ్ కాలేదు. అయితే మురుగదాస్ సినిమా తరువాత మహేష్, కొరటాల శివ దర్శకత్వంలో ఓ సినిమా చేయనున్నాడు. ప్రస్తుతం ప్రీ ప్రొడక్షన్ పనుల్లో బిజీగా ఉన్న ఈ సినిమా టైటిల్పై క్లారిటీ వచ్చేసింది.
 
 ప్రస్తుతం మహేష్, కొరటాల శివల సినిమాకు సంబంధించిన మ్యూజిక్ సిట్టింగ్స్ జరుగుతున్నాయి. దేవీ శ్రీ ప్రసాద్, ఈ సినిమాకు సంగీతం అందిస్తున్నాడు. తన స్టూడియోలో జరుగుతున్న మ్యూజిక్ సిట్టింగ్స్ ఫోటోలను తన సోషల్ మీడియా పేజ్లో పోస్ట్ చేసిన మ్యూజిక్ డైరెక్టర్ దేవీ శ్రీ ప్రసాద్, హ్యాష్ ట్యాగ్లలో 'భరత్ అనే నేను' అనే ట్యాగ్ను పోస్ట్ చేశాడు. చాలా రోజులుగా ఈ టైటిల్లో ప్రచారంలో ఉన్నా.., యూనిట్ సభ్యుల నుంచి మాత్రం అఫీషియల్ ఎనౌన్స్మెంట్ రాలేదు. ప్రస్తుతం దేవీ శ్రీ ట్వీట్తో టైటిల్ ఇదే అన్న క్లారిటీ వచ్చేసిందని ఫీల్ అవుతున్నారు ఫ్యాన్స్.
  
 
 Had an Awesome time composing 4 @sivakoratala sir & @urstrulyMahesh sir's #BHARATHaneNENU !! Thx 4 joinin us @dop007 sir 😁🎹🎵 wit my team🎹🎻 pic.twitter.com/voleTG3Czp
 — DEVI SRI PRASAD (@ThisIsDSP) 15 March 2017


 ప్రముఖ సంగీత దర్శకుడు దేవీ శ్రీ ప్రసాద్, తన గురువు మాండలిన్ శ్రీనివాస్కు ఘనంగా నివాళి అర్పిస్తున్నారు. ఫిబ్రవరి 28న మాండలిన్ శ్రీనివాస్ జయంతి సందర్భంగా గురవే నమః పేరుతో ప్రత్యేక గీతాన్ని రూపొందించారు. ఈ పాటకు దేవీ శ్రీ స్వయంగా కాన్సెప్ట్ డిజైన్ చేసి, సంగీతం అందించి ఆలపించాడు. ఈ పాట కేవలం ఏదో ఒక భాషకు పరిమితం కావొద్దన్న ఉద్దేశంతో సంస్కృతంలో రూపొందించాడు. గురువు, సంగీతాల గొప్పదనాన్ని వివరిస్తూ రూపొందించిన ఈ పాటకు జొన్నవిత్తుల సాహిత్యం అందించారు.
 
 'గురువు గొప్పదనాన్ని మాటల్లో చెప్పలేం అందుకే నేను సంగీతంతో చెప్పే ప్రయత్నం చేశానన్నా'డు దేవీ శ్రీ. అంతేకాదు తన గురువు మాండలిన్ శ్రీనివాస్కు నివాళిగా రూపొందించిన ఈ పాటను ఆయనకు ఎంతో ఇష్టమైన కీరవాణి రాగంలో రూపొందించినట్టుగా తెలిపారు. వీడియో రూపంలో కూడా రిలీజ్ కానున్న ఈ ఆల్బమ్ కోసం ప్రపంచ వ్యాప్తంగా ఉన్న మాండలిన్ శ్రీనివాస్ అభిమానులు సహాయ సహకారాలు అందించారు. వారందరికీ దేవీ శ్రీ కృతజ్ఞతలు తెలియజేశాడు.
 
 లహరి మ్యూజిక్ ద్వారా మ్యూజిక్ ఆల్బమ్ను రిలీజ్ చేయటంతో పాటు ప్రముఖ సంగీతకారులు ఉస్తాద్ అంజాద్ అలీఖాన్, డ్రమ్స్ శివమణి, మాండలిన్ యు రాజేష్ లతో కలిసి ద గ్రేట్ మాండలిన్ పేరుతో మ్యూజికల్ కన్సర్ట్ను నిర్వహించనున్నారు. అతి చిన్న వయసులో దేవీ శ్రీ ప్రసాద్కు మాండలిన్ను పరిచయం చేసిన శ్రీనివాస్, దేవీ కూడా మాండలిన్ విద్వాంసుడిగా ఎదగాలని ఆశించారు. తరువాత సంగీత దర్శకుడిగా మారిన దేవీ శ్రీ పలు వేదిక మీద మాండలిన్ శ్రీనివాస్ పట్ల తన గురుభక్తిని చూపించారు.


 
 ఎక్సలెన్స్‌ అవార్డులకు ఎంపిక ప్రక్రియ మొదలు 
 
 అర్హుల పేర్లను అవార్డులకు ప్రతిపాదించే అవకాశం
 
 సాక్షి, హైదరాబాద్‌: ప్రతిభ–కృషి ఏ ఒక్కరి సొంతమూ కానట్టే.. అవి ఏ కొందరికో పరిమితం కాకూడదు. సమాజమంతటికీ విస్తరించాలి. అసాధారణమైన కొందరు ప్రతిభామూర్తులు, నిబద్ధత కలిగిన కొన్ని సంస్థల సామాజిక సేవ ఇంకా ఎందరెందరికో స్ఫూర్తి కావాలి. సమాజహితంలో జరిగే ఇటువంటి కృషి మరింత పెరగాలి. ఈ భావనతోనే ‘సాక్షి’ ఎక్సలెన్స్‌ అవార్డులు ఇవ్వడం ద్వారా లక్ష్యసాధనలో విశేష కృషి సల్పిన విజేతల్ని ప్రోత్సహించడంతో పాటు ఇతరులకు ప్రేరణ కల్పించేందుకు పూనుకుంది. ఈ అవార్డుల ప్రక్రియను ఒక సామాజిక బాధ్యతగా సాక్షి మీడియా గ్రూప్‌ చేపట్టి రెండేళ్లవుతోంది.
 
 తెలుగునాట వివిధ రంగాల్లో విశేషంగా కృషి చేస్తున్న పలువురు 2014, 2015 సంవత్సరాల్లో ఈ అవార్డులకు ఎంపికై ఎందరెందరిలోనో స్ఫూర్తిని రగిలించారు. కొత్త చిగుళ్లుగా ఎదుగుతున్న యువకిశోరాల నుంచి జీవన సాఫల్యం పొందిన మహామహుల వరకు అందులో ఉన్నారు. వారి అసాధారణ ప్రతిభ, విశేష సేవల్ని గుర్తించిన ‘సాక్షి’ తగు రీతిన సత్కరించి తద్వారా ఇతరులకు స్ఫూర్తి, ప్రేరణలను కలిగించింది. 2016కు గాను అవార్డులకు ఎంపిక ప్రక్రియ ఇటీవలే మొదలైంది. ఫిబ్రవరి 15వ తేదీ వరకు గడువు ఉండటంతో ఎంట్రీలు అందుతున్నాయి. ఈ ప్రక్రియలో విశేషమేమంటే.. ఎవరికి వారు ఎంట్రీలు పంపే అవకాశం లేదు. విశేషంగా ప్రతిభ కనబరుస్తున్న, సేవలందిస్తున్న, లక్ష్యాలు సాధిస్తున్న విజేతల్ని గుర్తించి వారినెరిగిన ఇతరులెవరైనా ఈ ఎంట్రీలు పంపొచ్చు. ఆయా రంగాల్లో నిష్ణాతులైన వారు న్యాయనిర్ణేతలుగా ఉండే జ్యూరీలు తుది ఎంపిక జరుపుతాయి.
 
 విభిన్న రంగాల్లో ప్రతిభకు పట్టం
 విద్య, వైద్య, వ్యవసాయ, వాణిజ్య, సామాజిక సేవ, క్రీడలు తదితర రంగాల్లో సేవ చేస్తున్న వ్యక్తులను, సంస్థలను ‘సాక్షి ఎక్సలెన్స్‌ అవార్డు’ల కోసం గుర్తిస్తారు. కొన్ని విభాగాల్లో యువతరానికి,  ప్రవాస భారతీయులకూ అవార్డులున్నాయి. జ్యూరీ ప్రత్యేక అవార్డుల్ని కూడా పొందుపరిచారు. ఇవి కాకుండా సినిమా రంగానికి చెందిన వివిధ విభాగాల్లో అత్యుత్తమ ప్రదర్శన కనబర్చిన, ప్రతిభ చూపిన వారిని ప్రజాదరణ ఆధారంగా ఎంపిక చేసి అవార్డులిచ్చే ప్రక్రియకూ స్థానం కల్పించారు. ఉత్తమ ప్రజాదరణ పొందిన చిత్రం, నటీనటులు, దర్శకుడు, సంగీతం, నేపథ్యగానం వంటి విభాగాల్లో ఈ అవార్డులున్నాయి.
 
 ప్రఖ్యాత సాహితీవేత్త సి.నారాయణరెడ్డి, ప్రముఖ సినీ దర్శకుడు కె.విశ్వనాథ్‌లకు గత రెండు సంవత్సరాల్లో జీవన సాఫల్య పురస్కారాలను అందించారు. వివిధ రంగాల్లో విశేష లక్ష్యాలు సాధించి అవార్డులు పొందిన వారిలో డా.సతీశ్‌రెడ్డి, శ్రీకాంత్‌ బొళ్ల, డా.మధుకర్‌ గంగాడి, డా.ఆర్‌.ఎస్‌.ప్రవీణ్‌కుమార్, వినోద, జ్యోతిరెడ్డి, బాల థెరిసా సింగారెడ్డి వంటి వారితో పాటు డా.గోపాలమ్‌ శివనారాయణ, పూర్ణ, ఆనంద్‌ తదితరులు ఉన్నారు. క్రీడాకారిణులు సైనా నెహ్వాల్, నైనా జైస్వాల్‌ వంటి వారు ఉన్నారు. ఇక ఫోరమ్‌ ఫర్‌ గుడ్‌ గవర్నెన్స్, రూరల్‌ డెవలప్‌మెంట్‌ ట్రస్ట్‌ (అనంతపురం), ప్రజాదరణ వంటి పలు సంస్థలు కూడా ఈ అవార్డు గ్రహీతల్లో ఉన్నాయి. అవార్డులు పొందిన సినీ ముఖ్యుల్లో మహేశ్‌బాబు, సమంత, రకుల్‌ప్రీత్‌సింగ్, గుణశేఖర్, దేవీశ్రీ ప్రసాద్, కారుణ్య వంటి వారున్నారు.
 
 వరుసగా రెండేళ్లు జరిగిన అవార్డు ప్రదానోత్సవాలకు మీడియా ప్రముఖులైన శేఖర్‌గుప్తా, రాజ్‌దీప్‌ సర్దేశాయ్‌లు ముఖ్య అతిథులుగా హాజరయ్యారు. ఈ అవార్డు విభాగాల రూపకల్పన, ఎంపిక ప్రక్రియను ‘యర్నెస్ట్‌ అండ్‌ యంగ్‌’ సంస్థ స్వతంత్రంగా పర్యవేక్షిస్తోంది. ప్రతిభకు పట్టం కట్టడం, ప్రత్యేక కృషిని అభినందించడం, లక్ష్య సాధనను ప్రశంసించడం ఎవరైనా చేయదగ్గ మంచి పని అనే భావన కలిగిన వారంతా అర్హుల పేర్లను ఈ అవార్డుకు ప్రతిపాదిస్తూ ఎంట్రీలు పంపుతారని ‘సాక్షి’ అభిలషిస్తోంది. తద్వారా మనమంతా విజేతల్ని ప్రోత్సహిస్తూ, వారి స్ఫూర్తిని వ్యాప్తి చేసినవాళ్లమవుతామన్నది ఈ పిలుపు వెనుక ఉద్దేశంగా సాక్షి భావిస్తోందని నిర్వాహకులు ఒక ప్రకటనలో తెలిపారు.


 – ‘దిల్‌’ రాజు
 ‘‘ఓ ఎన్టీఆర్, ఓ ఏయన్నార్, కృష్ణ, శోభన్‌బాబు, కృష్ణంరాజు... తెలుగు చిత్ర పరిశ్రమ పుట్టినప్పుడు ఎలాంటి నేపథ్యం లేకుండా వచ్చిన వీళ్లందరూ స్వయంకృషితో హీరోలయ్యారు. తర్వాత చిరంజీవి వచ్చి ఇరగదీశారు. ఆ తర్వాత ఈ 30 ఏళ్లలో స్వయంకృషితో హీరోలయింది రవితేజ, నాని మాత్రమే’’ అన్నారు ప్రముఖ నిర్మాత ‘దిల్‌’ రాజు. నాని, కీర్తీ సురేశ్‌ జంటగా ‘దిల్‌’ రాజు సమర్పణలో శిరీష్‌ నిర్మించిన చిత్రం ‘నేను లోకల్‌’. యాటిట్యూడ్‌ ఈజ్‌ ఎవ్రీథింగ్‌... అనేది ఉపశీర్షిక. త్రినాథరావు నక్కిన దర్శకత్వం వహించిన ఈ చిత్రానికి దేవిశ్రీ ప్రసాద్‌ స్వరకర్త. శనివారం కాకినాడలో ఆడియో సీడీలను విడుదల చేశారు. నాని మాట్లాడుతూ – ‘‘థియేట్రికల్‌ ట్రైలర్‌ చూసి షాకయితే ఎలా? ఫుల్‌ సినిమా చూస్తే మంచి క్రేజీగా ఉంటుంది.
 
 కాకినాడ స్పెషల్‌ ఏంటని కీర్తీ సురేశ్‌ అడిగితే.. ‘కాకినాడ కాజా’ అన్నాను. ‘కాజా అంటే ఏంటి?’ అనడిగింది. ఏం చెప్పాలో తెలియలేదు. కాజా రుచి చూసి ఎక్స్‌పీరియన్స్‌ చేయాలని చెప్పా. అలాగే, ‘నేను లోకల్‌’ గురించి ఏం చెప్పాలో తెలియడం లేదు. థియేటర్‌లో బొమ్మ చూసి ఎక్స్‌పీరియన్స్‌ చేయాల్సిందే. దేవిశ్రీ ప్రసాద్‌ తన మ్యూజిక్‌తో నన్ను బాగా డ్యాన్స్‌ చేయించాడు. ‘దిల్‌’ రాజుగారి గొప్పతనంలో 90 శాతం ఆయన టీమ్‌ శిరీష్, హర్షిత్, బెక్కం వేణుగోపాల్‌లదే. బయటకు మాత్రం క్రెడిట్‌ ఈయన కొట్టేస్తారు. వాళ్లందరూ కష్టపడి పనిచేసిన చిత్రమిది. ఫిబ్రవరిలో చిత్రాన్ని విడుదల చేస్తున్నాం. ప్రేక్షకులందర్నీ డిస్ట్రబ్‌ చేస్తామనే నమ్మకం ఉంది’’ అన్నారు. ‘‘క్యారెక్టరైజేషన్‌తో కూడిన ‘ఇడియట్‌’, ‘ఆర్య’ వంటి ప్రేమకథలంటే నాకు ఇష్టం.
 
  ఇది ఆ తరహా చిత్రమే. ఓ ప్రేమకథకి ఒక క్యారెక్టరైజేషన్‌ యాటిట్యూడ్‌గా ఉంటే... ఎలా ఉంటుందనేది ‘నేను లోకల్‌’. ‘ఇడియట్‌’, ‘ఆర్య’ తరహాలో పెద్ద హిట్టవుతుంది. వరుసగా ఐదు సక్సెస్‌లతో జోరు మీదున్న నానీకి సెకండ్‌ హ్యాట్రిక్‌ అవుతుంది’’ అన్నారు ‘దిల్‌’ రాజు. ‘‘రాజుగారితో నేను చేసిన ఆరో చిత్రమిది. ఆయనెప్పుడూ వందశాతం గ్యారెంటీ హిట్‌ చిత్రాలు తీస్తారు. అలాంటి హిట్‌ చిత్రమిది’’ అన్నారు దేవిశ్రీ ప్రసాద్‌. తూర్పు గోదావరి జిల్లా కలెక్టర్‌ అరుణ్‌కుమార్, కాకినాడ మున్సిపల్‌ కమీషనర్‌ అలీం భాషా, చిత్ర దర్శకుడు త్రినాథరావు నక్కిన, నిర్మాత శిరీష్, హీరోయిన్‌ కీర్తీ సురేశ్, రచయిత ప్రసన్నకుమార్, హీరో నవీన్‌ చంద్ర తదితరులు పాల్గొన్నారు.


 
 
 హైదరాబాద్: మెగా అభిమానులకు మరో శుభవార్త. అమ్మడు- కుమ్ముడు సాంగ్ తో  పండగ చేసుకుంటున్న  మెగాస్టార్ చిరంజీవి ఫ్యాన్స్ కు సంగీత దర్శకుడు దేవీశ్రీ  ప్రసాద్ మరో మాంచి కిక్కు  ఎక్కించే  సమాచరం అందించారు.  ఆల్  సందరాస్ గెట్ రడీ అంటూ ట్విట్టర్ లో  పోస్ట్ చేశారు. సుందరీ పాట పాడుకోవడానికి రడీగా ఉండండి ..లెట్స్ పార్టీ ఫర్ క్రిస్మమస్ అంటూ లెట్స్ పార్టీ ఫర్ క్రిస్మమస్ అంటూ  ఈ  మోస్ట్ ఎవైటింగ్ సినిమాలోని రెండవ పాటపై మరింత ఉత్కంఠ రాజేశారు. డిసెంబర్ 24  (రేపే)  రెండవ పాటను రిలీజ్ చేస్తున్నట్టు వెల్లడించారు.
 
 కాగా  కొణిదెల ప్రొడక్షన్ లో మెగాస్టార్ చిరంజీవి హీరోగా ప్రతిష్టాత్మకంగా  రూపొందుతున్న చిత్రం ఖైదీ 150.  లాంగ్ గ్యాప్ తర్వాత  చిరు సినిమాల్లోకి రీ ఎంట్రీ ఇస్తుండటంతో ఈ మూవీపై భారీ హైప్ క్రియేట్ అయింది.  దీనికి  తగ్గట్టుగానే  ఇటీవలన విడుదలైన చిత్ర సంగీత దర్శకుడు దేవీశ్రీ అందించిన  కుమ్ముడు పాట దుమ్ము రేపిన సంగతి తెలిసిందే.
  


 జనతా గ్యారేజ్ సక్సెస్ తరువాత నెక్ట్స్ సినిమా ఎంపిక కోసం చాలా రోజుల పాటు ఎదురుచూసిన యంగ్ టైగర్ ఎన్టీఆర్ ఫైనల్గా కొత్త సినిమాను ఎనౌన్స్ చేశాడు. కళ్యాణ్ రామ్ నిర్మాతగా ఎన్టీఆర్ ఆర్ట్స్ బ్యానర్లో బాబీ దర్శకత్వంలో ఓ సినిమా చేసేందుకు అంగీకరించాడు ఎన్టీఆర్. ప్రస్తుతం ప్రీ ప్రొడక్షన్ కార్యక్రమాలు జరుపుకుంటున్న ఈ సినిమాకు నటీనటులు, సాంకేతిక నిపుణుల ఎంపిక జరుగుతోంది.
 
 ఈ సినిమాకు సంగీత దర్శకుడిగా కోలీవుడ్ సెన్సేషనల్ మ్యూజిక్ డైరెక్టర్ అనిరుద్ను తీసుకోవాలని భావించారు. అయితే తాజాగా సమాచారం ప్రకారం అనిరుద్ కన్నా దేవీ శ్రీ ప్రసాద్ అయితేనే బెటర్ అని భావిస్తున్నారట. అనిరుద్ వర్క్ విషయంలో కాస్త స్లోగా ఉండటం అందులోనూ ప్రస్తుతం నాలుగు సినిమాలతో బిజీగా ఉండటంతో అనిరుద్ను పక్కన పెట్టి దేవీని తీసుకునే ఆలోచనలో ఉన్నారు.
 
 త్వరలో సెట్స్ మీదకు వెళ్లనున్న ఈ సినిమాలో ఎన్టీఆర్ కు జోడిగా ముగ్గురు ముద్దుగుమ్మలు అలరించనున్నారు. కాజల్ అగర్వాల్ తో పాటు నివేదా థామస్, అనుపమా పరమేశ్వరన్ లను హీరోయిన్లుగా తీసుకోవాలని భావిస్తున్నారు.


 సూపర్ స్టార్ మహేష్ బాబు, తన సినిమాలకు ఎప్పుడు సాంకేతిక నిపుణులుగా ఒకే టీంను కంటిన్యూ చేస్తుంటాడు. అప్పటికే స్టార్ ఇమేజ్ ఉన్న టెక్నిషియన్స్తోనే కలిసి పనిచేసేందుకు ఇష్టపడే మహేష్, ఎక్కువగా తన సినిమాలకు మణిశర్మతో మ్యూజిక్ చేయించుకున్నాడు. ఆ తరువాత దేవీ శ్రీ ప్రసాద్ టాప్ పొజిషన్కు రావటంతో తనతో మ్యూజిక్ చేయించుకున్నాడు. కానీ థమన్ విషయంలో మాత్రం ముందే స్పందించాడు. తమన్ కెరీర్ స్టార్టింగ్లోనే దూకుడు సినిమా ఇచ్చిన మహేష్, తరువాత బిజినెస్మేన్, ఆగడు సినిమాలకు కూడా థమన్తో కలిసి పనిచేశాడు.
 
 అయితే తాజాగా మరోసారి థమన్, మహేష్ బాబు సినిమాకు సంగీతం అందిస్తున్నాడట. ఈ విషయాన్ని స్వయంగా ప్రకటించిన థమన్, ఏ సినిమాకు మహేష్తో కలిసి పనిచేయబోయేది మాత్రం క్లారిటీ ఇవ్వలేదు. ప్రస్తుతం మహేష్, మురుగదాస్ల కాంబినేషన్లో రూపొందుతున్న సినిమాకు హరీష్ జయరాజ్ సంగీతం అందిస్తున్నాడు. ఆ తరువాత కొరటాల శివ దర్శకత్వంలో చేయబోయే సినిమాకు దేవీ శ్రీ ప్రసాద్ మ్యూజిక్ చేస్తున్నాడు.
 
 ఈ రెండు సినిమాల తరువాత పీవీపీ బ్యానర్లో వంశీ పైడిపల్లి దర్శకత్వంలో సినిమా చేయనున్నాడు మహేష్. అయితే ఈ సినిమాకు మలయాళ సంగీత దర్శకుడు గోపిసుందర్ మ్యూజిక్ చేస్తాడన్న టాక్ వినిపిస్తోంది. అధికారిక ప్రకటన మాత్రం రాలేదు. ప్రస్తుతం ప్రకటించిన సినిమాలకు సంగీత దర్శకుడు దాదాపుగా ఫిక్స్ అయిపోయారు, మరి థమన్ సంగీతం అందించే సినిమా ఎవరితో ఉంటుందో చూడాలి.