నిఖిల్‌ మళియక్కల్‌ (Nikhil Maliyakkal).. సీరియల్స్‌తో బుల్లితెర ప్రేక్షకులకు దగ్గరైన ఇతడు తెలుగు బిగ్‌బాస్‌ ఎనిమిదో సీజన్‌లో పాల్గొన్నాడు. ఈ షోలో టాస్కులతో అదరగొట్టిన ఇతడు సీజన్‌ విజేతగా నిలిచాడు. షోలో ఉన్నప్పుడు తన ప్రేమ కావ్యాన్ని చెప్తూ ఎమోషనలయ్యాడు. నటి కావ్య (kavyashree)ను తలుచుకుంటూ తమకు బ్రేకప్‌ అయిందన్న విషయాన్ని బయటపెట్టాడు. అయితే ఎప్పటికైనా తనే భార్య అని.. కాళ్లు పట్టుకుని బతిమాలైనా సరే తన జీవితంలోకి తిరిగి రమ్మంటానని కన్నీళ్లు పెట్టుకున్నాడు. సీరియల్‌లో ఎంట్రీకట్‌ చేస్తే షో అయిపోయాక కావ్య తనపై ఎంత కోపంగా ఉందో గ్రహించాడు. తను ఎదురుపడితే చాలు ఆగ్రహంతో భగభగా మండిపోతున్నట్లు తెలుసుకున్నాడు. తను తిరిగి జీవితంలోకి రాదని అర్థమై.. ఆమెకు దూరంగా ఉంటున్నాడు. అయితే కావ్య నటిస్తున్న చిన్ని సీరియల్‌లో నిఖిల్‌ ఇటీవలే ఎంట్రీ ఇచ్చాడు. కొన్ని ఎపిసోడ్లలో కనిపించి తర్వాత కనుమరుగయ్యాడు. మరోపక్క అభిమానులేమో నిఖిల్‌, కావ్యను ట్యాగ్‌ చేస్తూ పోస్టులు పెడుతూనే ఉన్నారు.మీ ప్రేమ మర్చిపోలేనుఈ వ్యవహారానికి ఎలాగైనా ఫుల్‌స్టాప్‌ పెట్టాలనుకున్నాడు నిఖిల్‌. తాజాగా ఇన్‌స్టాగ్రామ్‌ స్టోరీస్‌లో.. మీ ‍ప్రేమాభిమానాలకు కృతజ్ఞతలు. మీ వల్లే నేను ఈ స్థాయిలో ఉన్నాను. మీరు చూపించిన ప్రేమను ఎప్పటికీ మర్చిపోలేను. కాకపోతే నాదో చిన్న విన్నపం. ఇప్పుడు పరిస్థితులు మారిపోయాయి.. ఎవరి జీవితాలు వాళ్లు గడిపేస్తున్నాం. కాబట్టి దయచేసి నన్ను ఎవరితోనూ కలపకండి. మీ ప్రేమ, సపోర్ట్‌ నాకెప్పటికీ ఇలాగే కావాలి. నన్ను వేరేవాళ్లతో లింక్‌ చేయొద్దునేను చేయాల్సిన పనులెన్నో ఉన్నాయి. పని పరంగా కాకుండా ఇంకా ఏ ఉద్దేశంతో అయినా సరే.. నన్ను ఎవరితోనూ లింక్‌ చేయకండి, ఎవరి పోస్టులకూ నన్ను ట్యాగ్‌ చేయకండి. మీరందరూ అర్థం చేసుకుంటారని ఆశిస్తున్నాను. ఐ లవ్యూ ఆల్‌.. అని రాసుకొచ్చాడు. మరి ఇప్పటికైనా నిఖిల్‌, కావ్య అభిమానులు ఈ జంటను బలవంతంగా కలపడం మానేస్తారేమో చూడాలి!చదవండి: ప్రవస్తిది అంతా డ్రామా.. తప్పు నీవైపే.. ఇంకా లాగి ఏం సాధిస్తావ్‌?

ఈసారి బిగ్‌బాస్ షో (Bigg Boss 8 Telugu) విజేతగా సీరియల్ నటుడు నిఖిల్ (Nikhil Maliyakkal) నిలిచాడు. గేమ్‌లో గెలవడం సంగతి పక్కనబెడితే ఇతడికో లవ్ స్టోరీ ఉంది. తనతో పాటు సీరియల్స్ చేసిన కావ్యనే ప్రేమించాడు. కొన్నాళ్లు రిలేషన్‌లో ఉన్నారు. ఏమైందో ఏమో గానీ బ్రేకప్ అయింది. ఇదంతా నిఖిల్.. బిగ్‌బాస్‌కి రాకముందే జరిగిపోయింది. షోలో ఉన్నప్పుడే నిఖిల్-కావ్య ఒకరిపై ఒకరు కౌంటర్స్ వేసుకుంటూ ఇన్ స్టాలో పోస్టులు కూడా పెట్టారు.బిగ్ బాస్ అయిపోగానే వచ్చి కావ్యని కలుస్తానని షోలో ఉన్నప్పుడు నిఖిల్ చెప్పాడు. కానీ అలా చేయలేదు. నేరుగా కర్ణాటకలోని సొంతూరు వెళ్లిపోయారు. షోలో గెలిచిన ఆనందంలో పార్టీ చేసుకున్నారు. కానీ ఊహించని విధంగా మాజీ ప్రేమికులు నిఖిల్-కావ్య (Kavyashree) ఒకే షోలో ఎదురెదురు పడ్డారు. ఇంకా చెప్పాలంటే ఎదురు పడాల్సి వచ్చింది. కానీ కావ్య అయితే కనీసం నిఖిల్ ముఖం వైపు కూడా చూసేందుకు ఇష్టపడలేదు. షోలో నిఖిల్ ఉన్నంతసేపు చాలా సీరియస్ ఫేస్‌తో కనిపించింది.(ఇదీ చదవండి: Allu Arjun Issue: 3.30 గంటలు.. 20 ప్రశ్నలు)తాజాగా ఆదివారం విత్ స్టార్ మా పరివారం షోకి సంబంధించిన ప్రోమో రిలీజ్ చేశారు. దీనికే బిగ్‌బాస్ విజేత నిఖిల్ వచ్చాడు. అయితే కావ్యతో బ్రేకప్ గురించి తెలిసినా సరే హోస్ట్ శ్రీముఖి కావాలనే.. వీళ్లని పరిచయం చేస్తాను పదా అని చెప్పి కావ్య ఆడుతున్న టీమ్‌ దగ్గరకు తీసుకెళ్లింది. అయితే నిఖిల్ వైపు కనీసం చూసేందుకు కూడా కావ్య ఇష్టపడలేదు. షోలో ఉన్నంతసేపు కళ్లజోడు పెట్టుకునే నిఖిల్ కనిపించాడు. కళ్లద్దాలు తీయవా అని నిఖిల్‌ని శ్రీముఖి అడిగింది కానీ తీయను అనే సమాధానం నిఖిల్ నుంచి వచ్చింది.నిఖిల్-కావ్యని ఎదురెదురుగా పెట్టిన శ్రీముఖి.. మాట్లాడించడానికి చాలానే ప్రయత్నించింది. కానీ కావ్య మాత్రం చాలా కోపంగా చూసింది. కనీసం నిఖిల్‌ని చూడ్డానికి కూడా ఇష్టపడలేదు. నిఖిల్ నవ్వుతూనే కనిపించాడు కానీ కావ్యకి మాత్రం కన్నీళ్లు ఒక్కటే తక్కువ అన్నట్టుగా చాలా దిగులుగా కనిపించింది. తెగిపోయిన బంధం మళ్లీ అతుక్కునే ప్రసక్తే లేదు అన్నట్టుగానే కనిపించాయి కావ్య చూపులు. ప్రోమోలో అయితే కనీసం చూడలేదు. షోలో అయినా సరే వీళ్లు మాట్లాడించారా అనేది చూడాలి?(ఇదీ చదవండి: పీవీ సింధు రిసెప్షన్‌‌లో సినీ స్టార్స్.. చిరు, అజిత్‌తో పాటు)

సోనియా ఆకుల.. బిగ్‌బాస్‌ తెలుగు ఎనిమిదో సీజన్‌లో సెన్సేషన్‌ అయిన పేరు. నిర్భయంగా, నిర్మొహమాటంగా తనకు ఏదనిపిస్తే అది మాట్లాడుతుంది. ఎవరేమనుకున్నా లెక్క చేయకుండా నచ్చింది చేసుకుంటూ పోతుంది. బిగ్‌బాస్‌ 8లో స్ట్రాంగ్‌ కంటెస్టెంట్స్‌ అయిన పృథ్వీ, నిఖిల్‌తో కలిసి ఒక ‍గ్యాంగ్‌గా ఏర్పడింది. ఆ ఇద్దరినీ తన గుప్పిట్లో పెట్టుకుందన్న విమర్శలు కూడా మూటగట్టుకుంది. కట్‌ చేస్తే షో నుంచి ఎలిమినేట్‌ అయ్యాక తనపై నెగెటివిటీ వచ్చిందని తెలుసుకుని దాన్ని ఎలాగోలా కవర్‌ చేసేయాలనుకుంది.నిఖిల్‌కు ఆహ్వానం.. కానీ!అందుకుగానూ తన గుప్పిట్లో పెట్టుకున్న పెద్దోడు అలియాస్‌ నిఖిల్‌నే నామినేట్‌ చేసింది. సోషల్‌ మీడియాలోనూ అతడికి వ్యతిరేకంగా పోస్టులు పెట్టింది. ఇప్పుడు షో పూర్తయింది కాబట్టి అంతా కలిసిపోయారు. తన పెళ్లికి రమ్మని శుభలేఖ ఇచ్చిందట. ఆమెపై అలిగాడో, కోపమో, పనివల్లో కానీ సోనియా వివాహానికి నిఖిల్‌ డుమ్మా కొట్టాడు. అయితే గత సీజన్‌ విజేత రైతుబిడ్డ పల్లవి ప్రశాంత్‌ మాత్రం సోనియా రిసెప్షన్‌కు హాజరై ఆమెను ఆశీర్వదించాడు. పుష్ప లెవల్‌లో ఎంట్రీఈమేరకు తన గ్రాండ్‌ ఎంట్రీ వీడియోను సోషల్‌ మీడియాలో షేర్‌ చేశాడు. అందులో ప్రశాంత్‌ చుట్టూ ఇద్దరు, ముగ్గురు బౌన్సర్లు కూడా ఉన్నారు. కొత్త జంటను కలిసిన అనంతరం బిగ్‌బాస్‌ సెలబ్రిటీలందర్నీ పలకరించాడు. ఇక ఈ వీడియోకు పుష్ప 2 మూవీలోని గంగో రేణుక తల్లి పాటను యాడ్‌ చేయడం గమనార్హం. ఇది చూసిన జనాలు ఇతడేంటి? హీరోలా ఫీలైపోతున్నాడు అని కామెంట్లు చేస్తున్నారు. View this post on Instagram A post shared by MALLA OCHINA (@pallaviprashanth_) చదవండి: ఓవరాక్షన్‌ చేస్తే తాట తీస్తాం.. హైదరాబాద్‌ సీపీ సీరియస్‌ వార్నింగ్‌

బిగ్‌బాస్‌ 8 ట్రోఫీ గెలిచిన నిఖిల్‌ చాలా సెన్సిటివ్‌. చిన్నచిన్న విషయాలకే ఎమోషనలైపోయి కంటతడి పెట్టుకుంటుంటాడు. హౌస్‌లో అందరితోనూ కలిసిమెలిసి ఉండేవాడు. ముఖ్యంగా మొదట్లో సోనియాతో, తర్వాత యష్మితో ఎక్కువ క్లోజ్‌ అయ్యాడు. కానీ ఒకానొక సందర్భంలో తను సింగిల్‌ కాదంటూ లవ్‌స్టోరీ బయటపెట్టాడు.హౌస్‌లో కన్నీళ్లుసీరియల్‌ నటి కావ్యతో ప్రేమలో ఉన్న విషయాన్ని ఆమె పేరు చెప్పకుండానే వెల్లడించాడు. ఇండస్ట్రీలోకి అడుగుపెట్టినప్పుడు తనే నా భార్య అని తెలిసిపోయింది. నా అన్ని బ్రేకప్‌లను ఆమె మర్చిపోయేలా చేసింది. మా ప్రేమకు ఆరేళ్లు. మేము విడిపోయామా? అంటే నేనైతే ఆ ఎమోషనల్‌ బంధం నుంచి బయటకు రాలేదు. భవిష్యత్తులోనూ తనతోనే కలిసుంటా.. తనే నా భార్య అని ఫిక్సయిపోయా! షో అయిపోగానే తన దగ్గరికే వెళ్తాను. యూటర్న్‌?ఆమె కోప్పడుతుందని తెలుసు. అయినా వెళ్తా.. తిడితే పడతాను, కొడితే కొట్టించుకుంటాను.. పిచ్చి లేస్తే లేపుకెళ్లిపోతా.. షో అయిపోగానే నీ ముందు నిలబడతా.. అంటూ కావ్యపై ఉన్న ప్రేమను చెప్తూ ఏడ్చేశాడు. తాజాగా బిగ్‌బాస్‌ బజ్‌లో అడుగుపెట్టిన నిఖిల్‌ను యాంకర్‌ అర్జున్‌ అంబటి ఇదే ప్రశ్న అడిగాడు. ట్రోఫీ గెలవగానే డైరెక్ట్‌గా తన దగ్గరకే వెళ్తానన్నావు.. మరి వెళ్తున్నావా? అని ప్రశ్నించాడు. ఆలస్యంగానైనా..అందుకు నిఖిల్‌ బయటకు వెళ్లేదాక తెలియదు పరిస్థితి! అని చెప్పాడు. అప్పుడేమో వెంటనే వెళ్తానని ఇప్పుడేమో పరిస్థితులు చూసి చెప్తానంటున్నాడేంటని నెటిజన్లు షాక్‌ అవుతున్నారు. అయితే ఆలస్యంగానైనా నిఖిల్‌.. కావ్య దగ్గరకు వెళ్లి తన ప్రేమను నిలబెట్టుకుంటాడేమో చూడాలి! మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

సరైనోడు, దమ్మున్నోడు, జెంటిల్‌మెన్‌.. ఇలాంటి ట్యాగులన్నీ నిఖిల్‌కు సరిగ్గా సరిపోతాయి. ఎంత కోపం వచ్చినా అది క్షణకాలం మాత్రమే! వంద రోజుల జర్నీలో అతడు కంట్రోల్‌ తప్పిన సందర్భాలను వేళ్లపై లెక్కపెట్టుకోవచ్చు. ఎవరెన్ని నిందలు వేసినా తనలో తను బాధపడ్డాడే తప్ప తిరిగి ఒక్కమాట కూడా అనలేదు. ఫిజికల్‌ టాస్కుల విషయానికి వస్తే అతడిని ఢీ కొట్టేవాడే లేడన్నంతగా రెచ్చిపోయాడు. నిందలు పడ్డ చోటే నిలబడ్డాడునిఖిల్‌ ఆటలో అడుగుపెడితే వార్‌ వన్‌సైడ్‌ అయిపోద్ది అన్న లెవల్‌లో ఆడాడు. ఈ క్రమంలో తనకు దెబ్బలు తగిలినా లెక్కచేయలేదు. కంటెస్టెంట్ల సూటిపోటి మాటల వల్ల హౌస్‌ను వీడాలనుకున్నాడు. కానీ తనను ప్రేమించిన ప్రేక్షకుల కోసం మాటలు పడ్డ చోటే నిలబడాలనుకున్నాడు. ఆటతోనే సమాధానం చెప్పాడు. వేలెత్తి చూపించినవారితోనే చప్పట్లు కొట్టేలా చేశాడు. (Bigg Boss 8: అవినాష్ ఎలిమినేట్.. రెమ్యునరేషన్ ఎంతంటే?)సంపాదన ఎంత?సీరియల్‌ యాక్టర్‌గా పేరు గడించిన నిఖిల్‌ బిగ్‌బాస్‌ ప్రియుల మనసు గెలుచుకుని ఏకంగా టైటిల్‌ విజేతగా నిలిచాడు.‍ రూ.55 లక్షల ప్రైజ్‌మనీ అందుకున్నాడు. దీనితోపాటు మారుతి డిజైర్‌ కారు అదనపు బహుమతిగా లభించనుంది. ఇకపోతే నిఖిల్‌ వారానికి రూ.2.25 లక్షల పారితోషికం తీసుకున్నాడట! ఈ లెక్కన పదిహేనువారాలకుగానూ రూ.33,75,000 సంపాదించినట్లు తెలుస్తోంది. అంటే మొత్తంగా రూ. 88 లక్షలు వెనకేశాడు. చదవండి: కోరిక మిగిలిపోయిందన్న తేజ.. నాగార్జున బంపరాఫర్‌

బిగ్‌బాస్‌ ఫైనల్‌లో సూట్‌కేస్‌ ఆఫర్‌ చేయడమనేది గత కొన్నేళ్లుగా వస్తున్న ఆనవాయితీ! అయితే మధ్యలోనే టెంప్ట్‌ అయి సూట్‌కేస్‌ తీసుకున్నవాళ్లు చాలామందే ఉన్నారు. దీనివల్ల విన్నర్‌ ఫుల్‌ ప్రైజ్‌మనీ అందుకోలేకపోతున్నాడు. పైగా ఈసారి కంటెస్టెంట్లకు చాలా హింట్స్‌ వెళ్లాయి.సూట్‌కేస్‌ ఆఫర్‌అసలు సిసలైన పోటీ నిఖిల్‌, గౌతమ్‌ మధ్యే అని అందరికీ క్లారిటీ వచ్చేసింది. అందుకే టాప్‌ 5 మెంబర్స్‌కు సూట్‌కేస్‌ ఆఫర్‌ చేయలేదు. కానీ ఎవరూ మొగ్గు చూపలేదట.. తర్వాత ముగ్గురు మిగిలినప్పుడు టెంప్ట్‌ చేసే ప్రయత్నం చేయగా ఎవరూ తలొంచలేదట!అడుగు దూరంలో ఆగిపోయిన గౌతమ్‌చివరి ప్రయత్నంగా టాప్‌ 2 అంటే నిఖిల్‌, గౌతమ్‌లకు సూట్‌కేస్‌ ఆఫర్‌ చేసినప్పటికీ తీసుకోవడానికి ఇద్దరూ వెనకడుగు వేశాడు. దీంతో విన్నర్‌కు రూ.55 లక్షల ప్రైజ్‌మనీ అందింది. మరి ఈ మొత్తం అందుకున్న కంటెస్టెంట్‌ ఎవరనేది ఆల్‌రెడీ లీకైపోయింది. గెస్టుగా వచ్చిన రామ్‌చరణ్‌.. నిఖిల్‌ మళయక్కల్‌ను విన్నర్‌గా ప్రకటించినట్లు సమాచారం. దీంతో గౌతమ్‌ కృష్ణ రన్నరప్‌ స్థానంతో సరిపెట్టుకున్నాడు.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

గత కొన్నిరోజులుగా నవ్వుతూ తుళ్లుతూ ఎంజాయ్‌ చేస్తున్న ఫైనలిస్టులను చివరిసారి ఏడిపించే ప్రయత్నం చేశాడు బిగ్‌బాస్‌. మీ జీవితంలోని అత్యంత బాధాకరమైన సంఘటనను పంచుకోమని చెప్పడంతో అందరూ ఫ్లాష్‌బ్యాక్‌లోకి వెళ్లిపోయారు. మరి ఎవరెవరు ఏమేం చెప్పారు? హౌస్‌లో ఇంకా ఏమేం జరిగాయో తెలియాలంటే నేటి (డిసెంబర్‌ 14) ఎపిసోడ్‌ హైలైట్స్‌ చదివేయండి..సోనియాను బ్లాక్‌ చేస్తానన్న ప్రేరణషో అయిపోయాక ఎవరితో కలిసుండాలనుకుంటున్నారు? ఎవరిని కలవకూడదనుకుంటున్నారో చెప్పమంటూ ఫాలో- బ్లాక్‌ గేమ్‌ ఆడించాడు బిగ్‌బాస్‌. దాదపు అందరితోనూ కలవాలనుకుంటున్న చెప్పారు టాప్‌ 5 కంటెస్టెంట్లు. ఎవరిని కలవకూడదన్న విషయానికి వస్తే.. సోనియా పర్సనాలిటీ నచ్చలేదంటూ తనను బ్లాక్‌ చేస్తానంది ప్రేరణ. తక్కువ పరిచయం వల్ల పృథ్వీని టెంపరరీగా బ్లాక్‌ చేశాడు గౌతమ్‌. నబీల్‌.. హరితేజ, సోనియాను బ్లాక్‌ చేస్తానన్నాడు. నిఖిల్‌.. బేబక్క, సీతను బ్లాక్‌ చేశాడు. అవినాష్‌.. పృథ్వీని టెంపరరీగా బ్లాక్‌ చేస్తానన్నాడు.మూడేళ్లు ఇంట్లో ఖాళీగా..తర్వాత చలిమంట వేసిన బిగ్‌బాస్‌.. జీవితంలోని బెస్ట్‌, వరస్ట్‌ సంఘటనలను పంచుకోమన్నాడు. నబీల్‌ మాట్లాడుతూ.. బైక్‌ యాక్సిడెంట్‌ వల్ల హాస్పిటల్‌పాలయ్యాను. అదే నా చేదు జ్ఞాపకం అన్నాడు. నిఖిల్‌ మాట్లాడుతూ.. నేను ఆర్కిటెక్ట్‌ కోర్స్‌ చేస్తున్నప్పుడు సినిమా ఆఫర్‌ వచ్చింది. చదువు మధ్యలోనే వదిలేశాను. మూడేళ్లపాటు ఇంట్లోనే ఖాళీగా ఉన్నాను. రోజూ అమ్మ దగ్గర రూ.30 అడుక్కునేవాడిని. నువ్వు ఇంటికి భారమయ్యావు, నీకు తిండి పెట్టడమే కాకుండా ఖర్చులకు కూడా డబ్బివ్వాలా? అని తిట్టింది. తెలుగు ఇండస్ట్రీకి వచ్చాకే..తర్వాత కన్నడ సీరియల్‌లో ఆఫర్‌ వచ్చింది. రోజుకు రూ.2500 ఇస్తామన్నారు. అంటే నెలకు రూ.75వేలు వస్తాయనుకున్నాను. కానీ పదిరోజులే షూటింగ్‌ జరిగింది. ఆ తర్వాత తెలుగు సీరియల్‌ చేశాను. అప్పటినుంచి నేను వెనుదిరిగి చూసుకోలేదు అని చెప్పాడు. ప్రేరణ నానమ్మ చనిపోయిన విషయాన్ని గుర్తు చేసుకుని ఏడ్చేసింది.ఏ పాపం చేశానో..గౌతమ్‌ మాట్లాడుతూ.. మెడిసిన్‌ చదువుతున్నప్పుడు ఒకమ్మాయితో బ్రేకప్‌ అయింది. ఆ బాధ తట్టుకోలేక నేను ఉంటున్న 18వ అంతస్థులోని బాల్కనీలో నుంచి దూకి చనిపోదామనుకున్నాను. కానీ నాతోపాటు నన్ను ప్రేమించేవాళ్లు గర్వపడేలా చేస్తే ఈ ప్రపంచమే దాసోహం అవుతుందని ఆలోచించి ఆగిపోయాను అన్నాడు. అవినాష్‌ మాట్లాడుతూ.. నేను, నా భార్య అను ఎన్నో కలలు కన్నాం. ఏ జన్మలో ఏ తప్పు చేశానో మాకు బాబు పురిటిలోనే చనిపోయాడు. నా చేతిలో కొడుకున్నాడు, కానీ వాడికి ప్రాణం లేదు అంటూ కన్నీళ్లు పెట్టుకున్నాడు.యష్మిపై ఫీలింగ్స్‌?తర్వాత యాంకర్‌ సుమ వచ్చి సరదా టాస్కులు ఆడించింది. అలాగే ప్రేక్షకుల మనసులోని ప్రశ్నలను ఫైనలిస్టులను అడిగేసింది. కావాలని స్ట్రాటజీతో రెచ్చగొట్టి గొడవలు పెట్టుకుంటారా? అని గౌతమ్‌ను అడగ్గా అలా ఏం లేదని, దేనికైనా హర్ట్‌ అయితేనే గొడవపడతానన్నాడు. యష్మిపై నీకు నిజంగా ఫీలింగ్స్‌ ఉన్నాయా? లేదా లవ్‌ యాంగిల్‌ కోసం వేసిన స్ట్రాటజీయా? అని అడగ్గా మొదట్లో కొంచెం ఫీల్‌ ఉండేది కానీ ఒకసారి అక్క అన్నాక అలాంటి ఫీలింగ్స్‌ ఏమీ లేవని గౌతమ్‌ క్లారిటీ ఇచ్చాడు.ఫైర్‌ తగ్గలేదన్న నబీల్‌రాయల్స్‌(వైల్డ్‌ కార్డ్స్‌) వచ్చాక నీలో ఎందుకు ఫైర్‌ తగ్గింది? అని నబీల్‌ను అడగ్గా.. తనలో ఫైర్‌ ఎక్కడా తగ్గలేదని, కాకపోతే కొన్నిసార్లు కనిపించకపోయుండొచ్చన్నాడు. పృథ్వీ కాకుండా ఈ ఇంట్లో ఎవరిని ఎక్కువ నమ్ముతారు? అని నిఖిల్‌ను అడగ్గా ఆ రేంజ్‌లో ఎవరినీ నమ్మలేనన్నాడు. సీజన్‌ 4 లేదా సీజన్‌ 8లో ఏది బెస్ట్‌ అని ప్రశ్నించగా అవినాష్‌ క్షణం ఆలోచించుకోకుండా నాలుగో సీజన్‌ అని చెప్పాడు.అక్కడే అసలు గొడవనిఖిల్‌, గౌతమ్‌.. మీరిద్దరూ ఎందుకు ఎప్పుడూ గొడవపడతారు? అన్న ప్రశ్నకు అభిప్రాయబేధాలు అని ఇద్దరూ బదులిచ్చారు. తర్వాత ఓ టాస్క్‌లో నిఖిల్‌ గెలవడంతో అతడి తమ్ముడి వీడియో సందేశాన్ని చూపించాడు. అనంతరం ప్రేరణ గెలవడంతో తనకు ఓ ఫోటోఫ్రేమ్‌ ఇచ్చారు. అలా ఎమోషన్స్‌, ఆటపాటలతో ఎపిసోడ్‌ పూర్తయింది.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

బిగ్‌బాస్‌ తెలుగు ఎనిమిదో సీజన్‌ వైల్డ్‌ కార్డ్స్‌ వచ్చాకే వైల్డ్‌ ఫైర్‌లా మారింది. మొత్తంగా 22 మంది కంటెస్టెంట్లు పాల్గొన్న ఈ సీజన్‌లో ఐదుగురు ఫైనల్స్‌కు వచ్చారు. నిఖిల్‌, నబీల్‌, ప్రేరణ, గౌతమ్‌, అవినాష్‌ టాప్‌ 5లో ఉన్నారు. అసలు సిసలు పోటీ మాత్రం ఇద్దరి మధ్యే నెలకొంది. గౌతమ్‌, నిఖిల్‌.. నువ్వా?నేనా? అన్న రీతిలో ఓటింగ్‌లో దూసుకుపోయారట! గెస్టుగా అల్లు అర్జున్‌వీరిలో ఒకర్ని విజేతగా ప్రకటించేందుకు ఐకాన్‌ స్టార్‌ అల్లు అర్జున్‌ రాబోతున్నాడని ప్రచారం జరిగింది. నిజానికి గత సీజన్‌ ఫైనల్స్‌లోనూ మహేశ్‌బాబు అతిథిగా వస్తున్నాడని టాక్‌ నడిచింది. కానీ చివరికి ఆయన రానేలేదు. ఇక ఈ సీజన్‌లోనూ పుష్పరాజ్‌ వస్తున్నాడని వార్తలు వచ్చాయి. పుష్ప 2 సినిమా ప్రమోషన్స్‌ కోసమైనా వస్తాడేమోనని ఫ్యాన్స్‌ ఎదురుచూశారు. నాగార్జున చేతులమీదుగానే..కానీ అంతలోనే సంధ్య థియేటర్‌ ఘటనలో అరెస్టయ్యాడు. హైకోర్టు మధ్యంతర బెయిల్‌ మంజూరు చేసినప్పటికీ పోలీసులు బన్నీని రాత్రంతా జైల్లోనే ఉంచి శనివారం ఉదయం రిలీజ్‌ చేశారు. జైలు నుంచి విడుదలై ఇంటికి వచ్చిన అల్లు అర్జున్‌ను పరామర్శించేందుకు సెలబ్రిటీలు క్యూ కడుతున్నారు. ఇలాంటి సమయంలో బన్నీ బిగ్‌బాస్‌ షోకు వచ్చే అవకాశం కనిపించట్లేదు. దీంతో ఈసారి కూడా నాగార్జున చేతులమీదుగానే విన్నర్‌కు ట్రోఫీ ఇచ్చేయనున్నారన్నమాట!మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

టాప్‌ 5 ఫైనలిస్టుల్లో గౌతమ్‌, అవినాష్‌ జర్నీ వీడియోలు అయిపోయాయి. ఈరోజు మిగతా ముగ్గురి వీడియోలు ప్లే చేశారు. మరి బిగ్‌బాస్‌ వారిని ఏ రేంజ్‌లో పొగిడారో నేటి (డిసెంబర్‌ 13) ఎపిసోడ్‌ హైలైట్స్‌లో చదివేయండి..మీ మనసు ఒప్పుకోలేదుఒక్క బొట్టుతో మొదలై మహానదిగా మారే నదిలా మీ ప్రయాణం సాగింది. ఎన్నో నిందలు వేసినా ఏకాగ్రత కోల్పోలేదు. ఎన్నో బంధాలు మీతో చివరివరకు కలిసి నడవలేకపోయాయి. ఈ ఇంట్లో పృథ్వీ మీకు దొరికిన అసలైన సోదరుడు. మీరిద్దరూ ఒకరితో ఒకరు, ఒకరికోసం ఒకరు నిలబడ్డారు, ప్రత్యర్థులతో తలపడ్డారు. గ్రూప్‌ గేమ్‌ అని మీ ఆటను వేలెత్తి చూపించినప్పుడు మీ మనసు అందుకు ఒప్పుకోలేదు. ఎందుకంటే మీరు మీ స్నేహం కోసం ఆడారు. రక్తాన్ని చిందించావ్‌మీరు నమ్మిన స్నేహితులందరూ మీ నమ్మకాన్ని నిలబెట్టుకోలేదు. అప్పుడు మీ మనసుకైన గాయాన్ని మనసులోనే దాచుకున్నారు. మీరొక స్మార్ట్‌ గేమర్‌. మీ సహనాన్ని పరీక్షించినప్పుడు కామ్‌గా ఉన్నారు. మీ సత్తాను పరీక్షించే టాస్కుల్లో రక్తాన్ని సైతం చిందించి దూకుడు చూపించారు. మీరు నిజమైన జెంటిల్‌మెన్‌. రాయల్స్‌(వైల్డ్‌ కార్డ్స్‌) ఇంట్లోకి వచ్చినప్పుడు ఓజీ (పాత కంటెస్టెంట్ల)కోసం లీడర్‌లా నిలబడ్డారు. మీకన్నా ఇంటికోసమే ఎక్కువ ఆలోచించారు. ఆ లోటు నాకు తెలుసుసరదాకు మీరేం చేసినా హద్దులు దాటలేదు. మీ ప్రయాణం మీకు సంతృప్తినిచ్చినా మీ మనసులోని ఆ ఒక్క లోటు నాకు తెలుసు. మనసుకు దగ్గరైన ప్రతీది మీకు దక్కాలని కోరుకుంటున్నా అంటూ అతడి ప్రియురాలు కావ్య తిరిగి అతడితో కలిసిపోవాలని పరోక్షంగా కోరుకున్నాడు. తర్వాత జర్నీ వీడియోలో నిఖిల్‌కు రాఖీ భాయ్‌ లెవల్‌ ఎలివేషన్స్‌ ఇచ్చాడు. ప్రేక్షకుల రుణం తీర్చుకోలేనన్న నిఖిల్‌. ఎవరినీ ఆడుకుని, వాడుకుని ఇక్కడిదాకా రాలేదని కుండబద్ధలు కొట్టి చెప్పాడు.ఆ పట్టుదల వల్లే..తర్వాత ప్రేరణ వంతు రాగా.. సందర్భోచితంగా మిమ్మల్ని మీరు మార్చుకున్న తీరే ఈ స్థాయిలో నిలబెట్టింది. పసిపాపలాంటి అమాయకత్వం అందరికీ దగ్గర చేసింది. ఓటమిని ఒప్పుకోని తత్వమే మిమ్మల్ని ఎన్నోసార్లు గెలుపు అంచులవరకూ తీసుకెళ్లింది. ఆ పట్టుదల వల్లే మెగా చీఫ్‌ అయ్యారు. కానీ అప్పటినుంచే కష్టాలు మొదలయ్యాయి. తనమన బేధం లేకుండా మెగా చీఫ్‌గా వ్యవహరించారు. కానీ ఇంటిసభ్యుల దృష్టిలో వరస్ట్‌ మెగా చీఫ్‌ అయ్యారు. మనసారా ఏడ్చేసిన ప్రేరణఅయితే బిగ్‌బాస్‌ దృష్టిలో మాత్రం మీరు బెస్ట్‌ మెగా చీఫ్‌. తప్పు జరిగితే స్నేహితుల్నైనా నామినేట్‌ చేసేందుకు వెనుకాడలేదు. మీలోని మొండిఘటం మిమ్మల్ని ప్రశ్నించినవారికి చెమటలు పట్టించింది. ఆ లక్షణమే టాప్‌ 5కు తీసుకొచ్చింది. వివాహితలు కూడా ఎంతో సాధించివచ్చని, మీ ప్రయాణంతో ఎంతోమందికి ప్రేరణగా నిలుస్తారని భావిస్తున్నా.. అంటూ బిగ్‌బాస్‌ తన జర్నీ వీడియో చూపించాడు. దీన్నంతటినీ ఆస్వాదిస్తూనే మనసారా ఏడ్చేసింది ప్రేరణ.వరంగల్‌ కా షేర్‌ నబీల్‌అనంతరం నబీల్‌ అఫ్రిది గురించి బిగ్‌బాస్‌ మాట్లాడుతూ.. వరంగల్‌ కా షేర్‌ నబీల్‌ అన్న పేరు ఇప్పుడు ప్రతి ఇంట్లో సుపరిచితం. మీ టాలెంట్‌, వ్యక్తిత్వాన్ని కోట్లమందికి తెలియజేసే ఈ అవకాశాన్ని సద్వినియోగం చేసుకున్నారు. ఎవిక్షన్‌ షీల్డ్‌ త్యాగం చేసి ఉన్నతంగా ఆలోచించే గుణానికి వయసుతో సంబంధం లేదని నిరూపించారు. మీరు సెల్ఫ్‌ మేడ్‌. అందుకే ఆత్మగౌరవం కూడా ఎక్కువే. దాన్ని ప్రశ్నించినవారికి ఆటతోనే ధీటుగా జవాబిచ్చారు. బలహీనత కాదు బలంఈ ఇంటి మొదటి మెగా చీఫ్‌గా నిలిచారు. మీలో ఫైర్‌ తగ్గిందన్నప్పుడు మీ సామర్థ్యాన్ని ప్రశ్నించుకున్నారు. మీ చుట్టూ ఉన్న తారల తళుకుబెళుకుల మధ్య ఒక సామాన్యుడిలా ఒంటరై నిల్చున్నట్లు మీకనిపించింది. కానీ అది మీ బలహీనత కాదు మీ బలం అంటూ జర్నీ వీడియో ప్లే చేశాడు. అది చూసి నబీల్‌ ఓపక్క సంతోషిస్తూనే మరోపక్క కంటతడి పెట్టుకున్నాడు. మొత్తానికి అందరి జర్నీ వీడియోలు పూర్తయ్యాయి. ఇక విన్నర్‌ను తేల్చడం మాత్రమే మిగిలింది.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

బిగ్‌బాస్‌ ఫైనల్‌ వీక్‌లో టాప్‌ 5 కంటెస్టెంట్లు ఆడుతూపాడుతూ గడిపేస్తారు. అలాగే తమ జర్నీ వీడియోలు చూసుకుని మురిసిపోతుంటారు. అయితే సగం వారం అయిపోయాకగానీ ఈ జర్నీ వీడియోలు ప్లాన్‌ చేయలేదు బిగ్‌బాస్‌. వైల్డ్‌కార్డ్‌ కంటెస్టెంట్లయిన అవినాష్‌, గౌతమ్‌ల స్పెషల్‌ జర్నీని నిన్నటి ఎపిసోడ్‌లో చూపించాడు. పక్షపాతం?సీజన్‌ ప్రారంభం నుంచి ఉన్న కంటెస్టెంట్లు ప్రేరణ, నిఖిల్‌, నబీల్‌ జర్నీ వీడియోలు ఈరోజు ప్లే చేయనున్నాడు. 70 రోజులు హౌస్‌లో ఉన్న ఇద్దరి కోసం ఒక ఎపిసోడ్‌ అంతా కేటాయిస్తే వంద రోజులకు పైగా ఉన్న ముగ్గురినీ ఒకే ఎపిసోడ్‌లో సర్దేయడమేంటని నెటిజన్లు అసంతృప్తి వ్యక్తం చేస్తున్నారు.ప్రేరణగా నిలిచావ్‌ఇక తాజా ప్రోమోలో ప్రేరణ భావోద్వేగానికి లోనైంది. పసిపాపలా హౌస్‌లో అడుగుపెట్టావ్‌.. పెళ్లి దేనికీ అడ్డుకాదని, పెళ్లయిన మహిళలు కూడా ఎంతో సాధించవచ్చని ఎంతోమందికి ప్రేరణగా నిలిచావంటూ బిగ్‌బాస్‌ పొగడ్తల వర్షం కురిపించాడు. ఇంటి సభ్యుల దృష్టిలో వరస్ట్‌ మెగా చీఫ్‌ కానీ నా దృష్టిలో మాత్రం బెస్ట్‌ మెగా చీఫ్‌ అని చెప్పడంతో ప్రేరణ కన్నీళ్లు ఆపుకోలేకపోయింది. మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

బిగ్‌బాస్ 8వ సీజన్ సెంచరీ కొట్టేసింది. అంటే 100 రోజులు పూర్తయ్యాయి అనమాట. ప్రస్తుతం ఫినాలే వీక్ నడుస్తోంది. దీంతో టాస్కులు, గేమ్స్ అని పెట్టుకోకుండా వారమంతా ఎమోషనల్‌గా ఉండేలా బిగ్‌బాస్ ప్లాన్ చేశాడు. ఇందులో భాగంగానే స్టార్ మాలో సీరియల్స్ చేస్తున్న నటీనటులు హౌసులోకి వచ్చి సరదాగా అలా కాసేపు గడిపి, హౌస్‌మేట్స్‌తో ముచ్చటించి వెళ్తున్నారు. మంగళవారం ఎపిసోడ్‌లోనూ అలా దీప్తి, సుహాసిని, ఆకర్ష్ వచ్చారు. ఇంతకీ బిగ్‌బాస్‌లో 100వ రోజు ఏం జరిగింది?'మామగారు' సీరియల్ జంట ఆకర్ష్-సుహాసిని హౌసులోకి వచ్చారు. అలానే ఇద్దరూ హౌస్‌మేట్స్‌ని తమ తొలి ప్రేమ- బ్రేకప్ స్టోరీలు చెప్పాలని అడిగారు. దీంతో నిఖిల్-గౌతమ్ తమ భగ్న ప్రేమకథల్ని బయటపెట్టారు. తొలుత గౌతమ్ ఓపెన్ అయ్యాడు. కాలేజీలో ఉన్నప్పుడు నేను చాలా సీరియల్ రిలేషన్‌లో ఉన్నాను. పెళ్లి చేసుకుందామని ఫిక్సయ్యా. కొన్ని కారణాల వల్ల అనుకున్నది జరగలేదు. చాలా బాధపడ్డా, డిప్రెషన్‌లోకి వెళ్లిపోయా. అప్పుడు నా కుటుంబం అండగా నిలిచింది. ఇలాంటి కష్టమొచ్చినప్పుడే కుటుంబం విలువ ఏంటో తెలుస్తుంది. ఎవరూ శాశ్వతంగా ఈ భూమి మీద ఉండటానికి రాలేదు. అది గుర్తుపెట్టుకొని జీవితాన్ని జాలీగా గడిపేసుకుంటూ వెళ్లాలని అర్థం చేసుకున్నా అని గౌతమ్ చెప్పుకొచ్చాడు.(ఇదీ చదవండి: హాస్పిటల్‌లో చేరిన ప్రముఖ నటుడు మోహన్ బాబు)తర్వాత నిఖిల్ ఓపెన్ అ‍య్యాడు. నా తొలి బ్రేకప్ జరిగినప్పుడు చాలా డిప్రెషన్‌లోకి వెళ్లాను. ఆ తర్వాత ఇండస్ట్రీలోకి రావడం, తొలి మూవీ పోస్టర్.. మా ఊరిలో నేను చదివిన కాలేజీ పక్కన థియేటర్ బయట కటౌట్ పెట్టడం, తర్వాత నేను గుర్తుకురావడంతో తను ఫోన్ చేసి క్షమాపణ చెప్పింది. సారీ మీరెవరో నాకు తెలీదు అని నేను ఆమెని బ్లాక్ చేశా అని నిఖిల్ చెప్పాడు. బ్రేకప్ గురించి మాట్లాడుతూ.. పరోక్షంగా కావ్య గురించి చెప్పాడు.అందరి జీవితంలో బ్రేకప్ జరుగుతుంది. అయితే మనం చూడాల్సింది మనకేంటి అని కాదు, వదిలేసేటప్పుడు ఏం కారణం చెప్పారా అనేది ముఖ్యం. భవిష్యత్తులో నాకు ఎఫెక్ట్ అవుతుందని చెప్పి కూడా కొందరు బ్రేకప్ చెప్పి వెళ్తారు. ఉదాహరణ చెప్పుకొంటే.. నా వల్ల నీకు ఏమైనా అవుతుందా అని నిన్ను వదిలేసి వెళ్తాను, నువ్వు హర్ట్ అవ్వకూడదని.. అలాంటి బ్రేకప్‌ని బ్రేకప్ చేసుకోకుండా సెట్ చేసి పక్కన నిల్చోబెట్టుకోవడమే మంచిది.. నువ్వు ఎక్కడ హర్ట్ అవుతావోనని వదిలేసి వెళ్లడం.. ఈ జనరేషన్‌లో కరెక్ట్ అనుకోవడం లేదని నిఖిల్ చెప్పాడు. అయితే ఇదంతా కూడా కావ్యని ఉద్దేశించి చెప్పాడా అనిపించింది.(ఇదీ చదవండి: జర్నలిస్టుపై దాడి.. మోహన్ బాబుపై పోలీస్ కేసు)తర్వాత 'బ్రహ్మముడి' కావ్య పాత్రధారి దీపిక వచ్చింది. వచ్చీ రాగానే తనదైన వెరైటీ స్టెప్పులు, తింగరి మాటలు, పిచ్చివాగుడుతో అందరి బుర్రలు తినేసింది. ఓ దశలో ఈమె దెబ్బకు బిగ్ బాస్ కూడా ఏం మాట్లాడలేకపోయాడు. మిగతా వాళ్ల సంగతేమో గానీ దీప్తి, నిఖిల్‪‌ని ఓ ప్రశ్న అడిగింది. దీనికి అతడు చెప్పిన సమాధానం ఇంట్రెస్టింగ్‌గా అనిపించింది. నీకు ఓ గర్ల్‌ఫ్రెండ్ ఉంది. గతంలో నువ్వంటే తనకు చాలా ఇష్టం. కానీ ఇప్పుడు కాదు. మీకు తన మీద ఇంకా ప్రేమ ఉంది, కానీ నువ్వు వద్దు నిన్ను పెళ్లి చేసుకోను అని చెబుతుంది అలా అని ఆ అమ్మాయి వేరే పెళ్లి చేసుకోలేదు. మీ ఇంట్లోనూ పెళ్లి చేసుకోవాలని మీ అమ్మ నుంచి ప్రెజర్ వస్తుంది. అప్పుడు మీరు ప్రేమించిన అమ్మాయి కోసం ఇంకా వెయిట్ చేస్తారా? లేకపోతే వేరే పెళ్లి చేసుకొని హ్యాపీగా ఉంటారా? అని దీప్తి, నిఖిల్‌ని అడిగింది.ప్రేమ ఉందంటే నేను నిజంగా ఎదురుచూస్తా, ఎన్ని ఏళ్లయినా కచ్చితంగా వెయిట్ చేస్తా, అమ్మవాళ్లు చెప్పిన సంబంధం చేసుకోను, నేను మూవ్ ఆన్ అవ్వలేను ఆ అమ్మాయిపైన ఇంకా ఫీలింగ్స్ ఉన్నాయంటే కచ్చితంగా ఆమె కోసం ఎదురుచూస్తానని నిఖిల్ చెప్పాడు. అలా మంగళవారం ఎపిసోడ్ ముగిసింది.(ఇదీ చదవండి: నా గుండెలపై తన్నావ్.. మోహన్ బాబు ఆడియో వైరల్)

ప్రైజ్‌మనీ గెలిస్తే ఏం చేస్తావ్‌? ప్రతి సీజన్‌లో అడిగినట్లే ఈ సీజన్‌లోనూ టాప్‌ 6 కంటెస్టెంట్లను ఇదే ప్రశ్న అడిగాడు నాగార్జున. ముందుగా అవినాష్‌.. మా అన్నయ్యకు ముగ్గురు ఆడపిల్లలు. వారిలో పెద్దమ్మాయి పెళ్లి చేయాలనుకుంటున్నాను అని తన గొప్ప ఆలోచనను బయటపెట్టాడు. మరి మిగతావారు ఏమేం అన్నారు? విష్ణు వెళ్లేముందు ఏం చెప్పిందో తెలియాలంటే నేటి (డిసెంబర్‌ 8) ఎపిసోడ్‌ హైలైట్స్‌ చదవాల్సిందే!అందరికీ పంచిపెడతానన్న విష్ణునబీల్‌ ప్రైజ్‌మనీ గెలిస్తే తన కెరీర్‌పై ఇన్వెస్ట్‌ చేస్తానని, మంచి సినిమా తీస్తానని చెప్పాడు. ప్రేరణ.. నా పేరెంట్స్‌కు ఉన్న అప్పులు తీర్చేస్తా.. మిగిలిన డబ్బును ఎక్కడైనా పెట్టుబడి పెడతా అని తెలిపింది. విష్ణుప్రియ.. అభయ్‌ నవీన్‌ ఫారిన్‌ ట్రిప్‌కు రూ.2 లక్షలు, మణికంఠ కారుకు రూ.1.5 లక్ష, గంగవ్వ ఇంటికోసం రూ.5 లక్షలు, పృథ్వీకి గోల్డ్‌ ఇయర్‌ రింగ్స్‌.. ఇలా అందరికీ పంచాలనుకుంటున్నాను అని చెప్పింది.ప్రైజ్‌మనీతో ఏం చేస్తానంటే?నిఖిల్‌ మాట్లాడుతూ.. చిన్నప్పటి నుంచి అద్దె ఇంట్లో ఉంటున్నా.. అమ్మానాన్నలకు ఓ ఇల్లు కట్టాలి. ఇప్పటిదాకా నాకోసం ఎంతో ఖర్చుపెట్టిన మా అన్న, తమ్ముడి కోసం ఈ డబ్బు ఉపయోగిస్తాను అన్నాడు. గౌతమ్‌.. మా అమ్మానాన్న రిటైర్‌మెంట్‌ కోసం ప్రైజ్‌మనీ వాడతాను. అలాగే గంగవ్వ తన కూతురికి కట్టివ్వాలనుకున్న ఇంటి కోసం రూ.10 లక్షలు ఇద్దామనుకుంటున్నాను అని తెలిపాడు.మీ వాడిగా స్వీకరించారు: నిఖిల్‌అనంతరం నాగార్జున నిఖిల్‌ను సెకండ్‌ ఫైనలిస్ట్‌గా ప్రకటించాడు. ఈ సందర్భంగా నిఖిల్‌.. నేను ఆర్టిస్టుగా ఇక్కడికి వచ్చినప్పుడు బయటివాడిని అని కామెంట్స్‌ చేశారు. కానీ మీరు అది తప్పని రుజువు చేశారు. నన్ను మీ వాడిగా స్వీకరించారు అని ఎమోషనలయ్యాడు. మూడో ఫైనలిస్ట్‌గా గౌతమ్‌ను ప్రకటించాడు. నాలుగో ఫైనలిస్ట్‌గా ప్రేరణను ప్రకటించగానే ఆమె షాకై, ఆ వెంటనే సంతోషంతో కన్నీళ్లు పెట్టుకుంది.నిఖిల్‌కు ముద్దుపెట్టిన గౌతమ్‌ఈ సీజన్‌లో ఎవరికైనా థాంక్యూ, సారీ చెప్పాలనుకుంటే చెప్పేయమన్నాడు నాగ్‌. విష్ణుప్రియ.. తనతో స్నేహం చేసిన సీతకు థాంక్యూ.. తెలిసీతెలియకుండా కొన్నిసార్లు బాధపెట్టినందుకు రోహిణికి సారీ చెప్పింది. నబీల్‌.. ఏదున్నా మణికంఠకు షేర్‌తో చేసుకునేవాడినంటూ అతడికి థాంక్యూ.. ప్రేరణను నామినేట్‌ చేసినందుకు సారీ చెప్పాడు. నిఖిల్‌.. నేనెలా ఉన్నానో అలాగే యాక్సెప్ట్‌ చేసినందుకు పృథ్వీకి థ్యాంక్స్‌.. గౌతమ్‌పై నోరు జారినందుకు క్షమించమన్నాడు. ఈ సందర్భంగా గౌతమ్‌.. నిఖిల్‌కు బుగ్గపై ముద్దు పెట్టాడు.థాంక్స్‌, సారీ.. రెండూ నిఖిల్‌కు చెప్పిన గౌతమ్‌అవినాష్‌.. ఎవిక్షన్‌ షీల్డ్‌ ఇచ్చిన నబీల్‌కు థాంక్స్‌.. నా ఫ్రెండ్‌ అయిన విష్ణును నామినేట్‌ చేసినందుకు సారీ అన్నాడు. గౌతమ్‌ వంతు రాగా.. ఇప్పటివరకు జరిగిన అన్నింటికీ సారీ అంటూ నిఖిల్‌ను హత్తుకున్నాడు. అలాగే అందరికీ వండిపెట్టినందుకు అతడికి థాంక్యూ చెప్పాడు. ప్రేరణ.. ప్రతీది నబీల్‌కు చెప్పుకుంటానని అతడికి థాంక్యూ చెప్పింది. విష్ణుపై నోరు జారినందుకు క్షమాపణలు తెలిపింది. చివరగా నాగ్‌.. నబీల్‌ను ఐదో ఫైనలిస్ట్‌గా పేర్కొంటూ విష్ణు ఎలిమినేట్‌ అయినట్లు ప్రకటించాడు.గౌతమ్‌పై విష్ణు సెటైర్లుఎప్పుడూ గ్రహాలు అంటూ వేదాంతం మాట్లాడే విష్ణుతో అందుకు సంబంధించిన గేమ్‌ ఆడించాడు నాగ్‌. ట్రోఫీ అనే సూర్యుడికి దగ్గరగా ఉన్న గ్రహం/ కంటెస్టెంట్‌ ఎవరో చెప్పాలన్నాడు. దీంతో విష్ణు.. గౌతమ్‌ ఆట ఇప్పటికీ తెలియట్లేదు.. అర్జంట్‌గా నువ్వేం ఆడావో చూసేయాలంటూ అతడిని ఐదో స్థానంలో పెట్టింది. అవినాష్‌ను నాలుగు, నబీల్‌ను మూడో స్థానంలో ఉంచింది. ప్రేరణ గెలవాలంటూనే ఆమెను రెండో స్థానంలో పెట్టింది.డిసెంబర్‌ 15న గ్రాండ్‌ ఫినాలేట్రోఫీకి అత్యంత దగ్గరగా ఉన్న గ్రహం నిఖిల్‌ అంటూ అతడికి విన్నర్‌ స్థానంలో కూర్చోబెట్టింది. ఈ పిచ్చిపిల్లను, నత్తిబుర్రను ఇన్నాళ్లు భరించినందుకు ప్రేక్షకులకు థ్యాంక్స్‌ చెబుతూ వీడ్కోలు తీసుకుంది. వచ్చేవారమే గ్రాండ్‌ ఫినాలే అని ప్రకటించిన నాగార్జున.. ఎపిసోడ్‌ అయిపోయిన క్షణం నుంచి శుక్రవారం వరకు ఓటింగ్‌ లైన్స్‌ ఓపెన్‌ ఉంటాయన్నాడు. మరి నబీల్‌, ప్రేరణ, నిఖిల్‌, గౌతమ్‌, అవినాష్‌లలో ఎవరు గెలవాలనుకుంటున్నారో వారికి ఓట్లు వేసేయండి.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

బిగ్‌బాస్‌ విన్నర్‌ను ప్రేక్షకుల ఓట్ల ఆధారంగానే నిర్ణయిస్తారా? అంటే సమాధానం చెప్పడానికి కొంత తడబడాల్సిందే! ఎందుకంటే బిగ్‌బాస్‌ అంటేనే స్క్రిప్టెడ్‌ షో అన్న పేరుంది. గొడవలు, కలిసిపోవడాలు, లవ్‌ ట్రాక్స్‌.. ఇలా అన్నీ కూడా ఒక ప్లాన్‌ ప్రకారమే జరుగుతాయన్న అపవాదు ఎప్పుడూ ఉండనే ఉంది. ఎవరికి ట్రోఫీ?ఇది నిజమేనని కొందరు, వంద రోజులు అందర్నీ ఒకే ఇంట్లో పడేస్తే కొట్టుకోకుండా ఇంకేం చేస్తారని మరికొందరు.. ఇలా ఎవరి అభిప్రాయాలు వారివి! మరి విన్నర్‌ను ప్రేక్షకులు డిసైడ్‌ చేస్తారా? లేదా మేనేజ్‌మెంట్‌ ఆల్‌రెడీ ఫిక్సయిన వ్యక్తికే ట్రోఫీ ఇచ్చేస్తారా?.. నటుడు, బిగ్‌బాస్‌ కంటెస్టెంట్‌ అఖిల్‌ సార్థక్‌ దీనికి సమాధానం చెప్పాడు.గౌతమ్‌ గెలిచే అవకాశం లేదటతాజాగా ఓ ఇంటర్వ్యూలో అఖిల్‌ మాట్లాడుతూ.. ఇది పెద్ద వివాదం అవుతుందేమో! జెన్యున్‌గా చెప్పాలంటే నాకైతే గౌతమ్‌ ఈ షో గెలిస్తే బాగుంటుందనిపిస్తోంది. అయితే బిగ్‌బాస్‌ టీమ్‌లో కొందరు నాకు తెలుసు.. వాళ్లు చెప్పినదాని ప్రకారం గౌతమ్‌ గెలిచే అవకాశం లేదని టాక్‌. నిఖిల్‌ గెలుస్తాడని చెప్తున్నారు. కష్టపడిన వాడే గెలుస్తే బాగుంటుందని నా అభిప్రాయం. ఎందుకంటే గత సీజన్‌కు, ఇప్పటికి గౌతమ్‌ చాలా మెచ్యూరిటీ వచ్చింది అని అఖిల్‌ పేర్కొన్నాడు.ఈ మాత్రం దానికి ఓట్లు ఎందుకు?ఇప్పుడీ వ్యాఖ్యలు సోషల్‌ మీడియాలో సంచలనంగా మారాయి. విజేత ఎవరనేది బిగ్‌బాస్‌ యాజమాన్యం ముందుగానే డిసైడ్‌ చేస్తే ఇంక మమ్మల్ని ఎందుకు ఓట్లు వేయమని అడగడం? అని బిగ్‌బాస్‌ ప్రియుడు ఆగ్రహం వ్యక్తం చేస్తున్నారు.బిగ్‌బాస్‌ ప్రత్యేక వార్తల కోసం ఇక్కడ క్లిక్‌ చేయండి

ఈవారం డబుల్‌ ఎలిమినేషన్‌ ఉందంటూ నాగార్జున బాంబు పేల్చాడు. వచ్చేవారం ఫినాలే జరగబోతుందని తెలిపాడు. ఇక ఇన్నివారాల ప్రయాణంలో ఏ విషయంలో రిగ్రెట్‌ ఫీలయ్యారు? అది ఏ వారమో చెప్పాలన్నాడు నాగ్‌. మరి ఎవరెవరు ఏమేం చెప్పారో నేటి (డిసెంబర్‌ 7) ఎపిసోడ్‌ హైలైట్స్‌లో చదివేయండి..మెగా చీఫ్‌ నా కొంప ముంచిందిమొదటగా అవినాష్‌.. 12వ వారంలో నేను మెగా చీఫ్‌గా ఉన్నప్పుడు విష్ణు, రోహిణి మధ్య గొడవను పరిష్కరించలేకపోయానన్నాడు. ప్రేరణ.. పదకొండోవారంలో నేను మెగా చీఫ్‌గా ఉన్నప్పుడు సాఫ్ట్‌గా ఉండాల్సింది. కానీ బ్యాలెన్స్‌ కోల్పోయాను. దానివల్ల నాకు, హౌస్‌మేట్స్‌కు ఎఫెక్ట్‌ అయిందని చెప్పుకొచ్చింది. నబీల్‌.. తొమ్మిదో వారంలో మెగా చీఫ్‌ అయ్యే ఛాన్స్‌ వచ్చింది. కానీ, ఏదో బాధలో ఉండటంతో ఆ అవకాశాన్ని ఈజీగా వదిలేసుకుని తప్పు చేశానన్నాడు. ఎందుకంత తుత్తర? ఈ సందర్భంగా నాగ్‌.. టాస్కులు సరిగా పూర్తిచేయకముందే ఎందుకు గంట కొడతావ్‌? ఎందుకంత తుత్తర? అని ప్రశ్నించాడు. అలాగే ఫైనలిస్ట్‌ అవడానికి చెక్‌పై రూ.15 లక్షలు రాసి, దాన్నెందుకు చించేశావని సూటిగా అడిగాడు. మొదట నా స్వార్థం కొద్దీ రాశాను కానీ తర్వాత మనసొప్పకపోవడంతో దాన్ని చింపేశానని తెలిపాడు. రోహిణి వంతురాగా పదోవారం ఎవిక్షన్‌ షీల్డ్‌ గేమ్‌లో అవినాష్‌ గుడ్డు పాము నోట్లో వేసినందుకు ఎన్నోసార్లు బాధపడ్డానంది. పృథ్వీతో ఫ్లర్ట్‌ చేశావిష్ణుప్రియ వంతురాగా.. పృథ్వీతో ఫ్లర్ట్‌ చేయడం వల్ల అతడి గేమ్‌ ఏమైనా ఎఫెక్ట్‌ అయిందేమోనని బాధపడుతున్నాను. అలాగే తొమ్మిదో వారంలో నేను చీఫ్‌ అయినప్పుడు ఐదుగుర్ని నామినేట్‌ చేయమన్నారు. అప్పుడు నబీల్‌ను నామినేట్‌ చేసినందుకు రిగ్రెట్‌ అయ్యానంది. గౌతమ్‌.. ఆరో వారంలో కామెడీ టాస్క్‌లో నన్ను అశ్వత్థామ అన్నందుకు ఫీలయ్యాను. అది నామినేషన్స్‌ దాకా వెళ్లింది. అక్కడ ఫీలయ్యాను అని చెప్పాడు. సారీ చెప్పాలి కదా!ఈ సందర్భంగా నిఖిల్‌తో గొడవ గురించి అడిగాడు నాగ్‌. నా క్యారెక్టర్‌ గురించి తప్పుగా అనడంతో నేనూ నోరు జారానన్నాడు. వాడుకున్నావ్‌ అనేది ఎంత పెద్ద మాటో తెలుసా? అని నాగ్‌ చెప్తుంటే గౌతమ్‌.. తాను చేసింది తప్పని, కానీ వేరే ఉద్దేశంలో అనలేదన్నాడు. తప్పు ఎలా చేసినా తప్పే.. మనస్ఫూర్తిగా సారీ చెప్పాలి కదా అని క్లాస్‌ పీకడంతో గౌతమ్‌ మరోసారి నిఖిల్‌ను అందరి ముందు క్షమాపణలు కోరాడు.వీడియోతో క్లారిటీనిఖిల్‌ వంతు రాగా.. ఎన్నడూ నోరు జారని నేను పద్నాలుగోవారంలో గౌతమ్‌పై నోరు పారేసుకున్నందుకు రిగ్రెట్‌ అవుతున్నానన్నాడు. రంగుపడుద్ది టాస్క్‌లో గౌతమ్‌ నిఖిల్‌ను కావాలని కొట్టాడా? లేదా? అనేది వీడియో ప్లే చేసి చూపించాడు. అది అనుకోకుండా తగిలిందని క్లారిటీ రావడంతో నిఖిల్‌ సైతం అతడికి సారీ చెప్పాడు. తర్వాత ఎవరు ఎలిమినేట్‌ అవుతారో అవిష్‌ను గెస్‌ చేయమన్నాడు నాగ్‌. అవినాష్‌ ఊహించిందే నిజమైందిఫస్ట్‌ టైమ్‌ నామినేషన్స్‌కు రావడం పెద్ద మైనస్‌.. కాబట్టి రోహిణి ఎలిమినేట్‌ అవుతుందని అంచనా వేశాడు. అతడు చెప్పిందే నిజమైంది. రోహిణి ఎలిమినేట్‌ అయింది. అయితే హౌస్‌లో ఆమె మాటతీరు, ఆటతీరును ప్రశంసిసిస్తూ చప్పట్లు కొట్టి, సెల్యూట్‌ చేసి మరీ సెండాఫ్‌ ఇచ్చారు. స్టేజీపైకి వచ్చిన రోహిణి.. అవినాష్‌, గౌతమ్‌, ప్రేరణను హీరోలుగా పేర్కొంది. ఆ ముగ్గురు హీరోలు: రోహిణిగౌతమ్‌తో.. వైల్డ్‌ కార్డ్‌గా వచ్చిన మొదటివారమే ఎలిమినేషన్‌ అంచుల దాకా వెళ్లొచ్చావ్‌.. అలా ఎందుకు జరిగిందన్న ఆలోచనతో ఆ తర్వాతి వారం నుంచి నువ్వు ఆడిన విధానానికి హ్యాట్సాఫ్‌. సోలో.. సోలో అంటూ ఫైనల్‌కు వచ్చేశావ్‌.. ఫ్రెండ్స్‌తో ఉండటం తప్పేం కాదు, అందరికీ కాసేపు సమయం కేటాయించు సలహా ఇచ్చింది. విష్ణు, నబీల్‌, నిఖిల్‌ను విలన్లుగా పేర్కొంది. ట్రోఫీ గెలవకపోయినా రోహిణి సగర్వంగా విన్నర్‌లా బయటకు వెళ్లిపోయింది.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

చివరి ఓటు అప్పీల్‌ ఛాన్స్‌ పొందేందుకు గౌతమ్‌, నిఖిల్‌ హోరాహోరీగా ఆడారు. అటు ఓంకార్‌ హౌస్‌లోకి వచ్చి తన ఇస్మార్ట్‌ జోడీకోసం ఓ జంటను బుక్‌ చేసుకుని వెళ్లాడు. మరి మౌస్‌లో ఇంకా ఏమేం జరిగాయో నేటి (డిసెంబర్‌ 6) ఎపిసోడ్‌ హైలైట్స్‌లో చదివేయండి..రంగు పడుద్దిగత వీకెండ్‌లో గోల్డెన్‌ టికెట్‌ పొందిన నిఖిల్‌, రోహిణి, గౌతమ్‌కు ఓట్‌ అప్పీల్‌ గేమ్‌లో పాల్గొనేందుకు చివరి ఛాన్స్‌ ఇచ్చాడు. ముందుగా కేక్‌ గేమ్‌ పెట్టాడు. కేక్‌పై ఉన్న ఎనిమిది నెంబర్‌ కిందపడకుండా కేక్‌ కట్‌ చేయాలన్నాడు. ఈ ఆటలో రోహిణి ఓడిపోయింది. నిఖిల్‌, గౌతమ్‌కు రంగుపడుద్ది అనే ఛాలెంజ్‌ ఇచ్చాడు. ప్రత్యర్థి టీ షర్ట్‌పై ఎవరు ఎక్కువ రంగు పూస్తే వారే విజేతగా నిలుస్తారు. ఈ గేమ్‌లో కొట్టుకుంటూ తోసుకుంటూ, లాగుతూ, ఈడడ్చుకెళ్తూ భీకరంగా ఆడారు.కొట్టుకున్న గౌతమ్‌, నిఖిల్‌మొదటి రౌండ్‌లో గౌతమ్‌ గెలిచాడు. రెండో రౌండ్‌ అయిపోయేసరికి గౌతమ్‌ కొడుతున్నాడని నిఖిల్‌ ఆరోపించాడు. నేను కావాలని కొట్టలేదు, నీకు తగిలిందనగానే సారీ చెప్పాను. మరి నువ్వు నన్ను లాక్కెళ్లలేదా? అని ప్రశ్నించాడు. పక్కకెళ్లి కూసోబే అని నిఖిల్‌ అనడంతో గౌతమ్‌.. బే అని ఎవడ్ని అంటున్నావ్‌? ఎక్కువ తక్కువ మాట్లాడకు అని మండిపడ్డాడు. ఆడే విధానం తెలియదు, ముఖం మీద కొట్టావ్‌.. అని నిఖిల్‌ రెచ్చిపోయి మాట్లాడుతూనే ఉన్నాడు. నలిగిపోయిన ప్రేరణవీళ్లిద్దరికీ సర్ది చెప్పలేక సంచాలకురాలు ప్రేరణ మధ్యలో నలిగిపోయింది. మొన్న నేను నోరు జారినప్పుడు హౌస్‌ అందరూ నన్ను తప్పని వేలెత్తి చూపారు.. మరి ఇప్పుడు నిఖిల్‌ నోరు జారితే ఎవరూ ఎందుకు స్పందించట్లేదని గౌతమ్‌ హౌస్‌మేట్స్‌ను ప్రశ్నించాడు. అందుకు వాళ్లు.. అమ్మాయిని వాడుకుంటున్నావ్‌? అనడం చాలా పెద్ద తప్పు కాబట్టే ఆరోజు మాట్లాడాల్సి వచ్చిందన్నారు. ఇకపోతే రెండు, మూడవ రౌండ్స్‌లో నిఖిల్‌ గెలిచాడు. ఎక్కువ రౌండ్లు నిఖిల్‌ గెలవడంతో ప్రేక్షకులను ఓట్లు అడిగే చాన్స్‌ పొందాడు.ఎప్పటికీ రుణపడి ఉంటానిఖిల్‌ మాట్లాడుతూ.. ఇన్నివారాలు నన్ను సేవ్‌ చేసినందుకు థాంక్యూ.. నేనెంతో కష్టపడ్డా.. మీరూ అంతే ఇష్టపడి నన్ను సేవ్‌ చేశారు. నేను విజేత అవ్వాలని మనస్ఫూర్తిగా కోరుకుంటున్నాను. అందుకోసం ఇంకా ఎంతైనా కష్టపడతాను. ఈ ఒక్కసారి మీ నిఖిల్‌ను గెలిపించండి. ఇప్పటికీ, ఎప్పటికీ మీకు రుణపడి ఉంటాను. తెలిసో తెలియక తప్పులు చేశాను. అందుకు నన్ను క్షమించండి. అప్పుడు, ఇప్పుడు, ఎప్పుడూ నిఖిల్‌ ఒకేలా ఉంటాడు. ఓటు వేయండిమీ ప్రేమాభిమానాలు కూడా ఎప్పటికీ ఇలాగే ఉంటాయని నా గట్టి నమ్మకం. ఈ షో గెలవాలంటే మీ ఓట్లు కావాలి. తెలుగు రాష్ట్రాల ప్రజలు నన్ను మీ ఇంటిబిడ్డగా భావించి ఓటు వేయమని కోరుతున్నాను అని అభ్యర్థించాడు. తర్వాత యాంకర్‌ ఓంకార్‌ హౌస్‌లో ఎంట్రీ ఇచ్చాడు. ఇస్మార్ట్‌ జోడీ మూడో సీజన్‌ రాబోతుందంటూ గ్లింప్స్‌ రిలీజ్‌ చేశారు. తర్వాత అతడు కంటెస్టెంట్లతో చిన్న గేమ్‌ ఆడించాడు. నీ పార్ట్‌నర్‌ కోసం నీలో ఏ లక్షణాన్ని దూరం చేస్తావని అడగ్గా నిఖిల్‌ తన చిరాకును వదిలేస్తానన్నాడు. బిగ్‌బాస్‌ ఇస్మార్ట్‌ జోడీతర్వాత అందర్నీ జంటలుగా విడగొట్టి డ్యాన్సులు చేయించాడు. అయితే వీళ్లందరూ పేపర్‌ పైన స్టెప్పులేయాల్సి ఉంటుంది. ప్రతి రౌండ్‌కు ఆ పేపర్‌ సైజ్‌ను తగ్గిస్తూ ఉంటారు. పేపర్‌ దాటి అడుగు బయట పెట్టిన జంట అవుట్‌.. అలా మొదటి రౌండ్‌లో గౌతమ్‌-రోహిణి అవుట్‌ కాగా తర్వాత నిఖిల్‌- విష్ణు ఎలిమినేట్‌ అయ్యారు. ప్రేరణ నబీల్‌ను ఎత్తుకుని మరీ డ్యాన్స్‌ చేసి గెలిచేసింది. పెళ్లి వీడియో చూసుకుని మురిసిపోయిన ప్రేరణనబీల్‌ తనకు తందూరి చికెన్‌ బర్గర్‌+ సాఫ్ట్‌ డ్రింక్‌ కావాలని కోరగా.. ప్రేరణ.. తన పెళ్లి వీడియో అందరికీ చూపించాలని ఉందంది. నబీల్‌ను ఒప్పించి ప్రేరణ తన పెళ్లి వీడియో వచ్చేలా చేసింది. తన పెళ్లి క్షణాలను చూసుకుని ఆమె భావోద్వేగానికి లోనైంది. ఇంతలో ఓంకార్‌ ట్విస్ట్‌ ఇచ్చాడు. నీ కోరిక తీర్చినందుకుగాను నువ్వు, నీ భర్తతో ఇస్మార్ట్‌ జోడీలో తప్పకుండా పాల్గొనాలంటూ మాట తీసుకున్నాడు. అందుకామె సంతోషంగా ఒప్పుకుంది.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

బిగ్‌బాస్‌ తెలుగు ఎనిమిదో సీజన్‌ ముగింపుకు చేరుకుంటున్న సమయంలో నిఖిల్‌, గౌతమ్‌ బ్యాలెన్స్‌ తప్పుతున్నారు. మొన్న గౌతమ్‌ నోరు జారి.. తన స్థాయిని తనే తగ్గించుకోగా నేడు నిఖిల్‌ వంతు వచ్చినట్లుంది. ఎదుటివారికి గౌరవం ఇవ్వవు అని గౌతమ్‌ను తప్పుపట్టే నిఖిల్‌.. నేడు అతడిని చులకన చేసి మాట్లాడాడు. ఈ మేరకు తాజా ప్రోమో రిలీజైంది.గోల్డెన్‌ టికెట్‌ అందుకున్నవారికి ఆఫర్‌పోయినవారం గోల్డెన్‌ టికెట్‌ అందుకున్న నిఖిల్‌, గౌతమ్‌, రోహిణిలలో ఒకరికి ఓట్‌ అప్పీల్‌ చేసే ఛాన్స్‌ ఉంటుందన్నాడు బిగ్‌బాస్‌. మొదటగా ఈ ముగ్గురికి కేక్‌ గేమ్‌ ఇచ్చాడు. ఇందులో రోహిణి ఓడిపోయినట్లు తెలుస్తోంది. మిగిలిన ఇద్దరికి బిగ్‌బాస్‌ రంగు పడుద్ది అనే గేమ్‌ పెట్టాడు. ప్రత్యర్థి టీషర్ట్‌పై వీలైనంతవరకు రంగు పూయాల్సి ఉంటుంది. ఈ గేమ్‌లో నిఖిల్‌, గౌతమ్‌ పోటాపోటీగా ఆడారు.నిఖిల్‌ వెకిలి మాటలుగేమ్‌ అయ్యాక.. గౌతమ్‌ నన్ను కొట్టాడని నిఖిల్‌ అన్నాడు. రంగు పూయబోతుంటే తగిలింది.. అలా అంటే నువ్వు నన్ను కిందపడేసి ఈడ్చుకుంటూ పోయావా? లేదా? అని గౌతమ్‌ ప్రశ్నించాడు. దానికి నిఖిల్‌ సమాధానమివ్వకుండా పక్కకెళ్లి కూసో బే అని కామెంట్‌ చేశాడు. బే అని ఎవడ్ని అంటున్నవ్‌? అంటూ గౌతమ్‌ సీరియస్‌ అయ్యాడు.కావాలని కొట్టినా కొడతావునీకు ఆడే విధానం లేదు, నన్ను కొట్టావని మరోసారి ఆరోపించాడు నిఖిల్‌. గేమ్‌లో ఎవడైనా కావాలని కొడతాడా? అని గౌతమ్‌ అంటుంటే కూడా ఎవరికి తెలుసు? నువ్వు కావాలని కొట్టినా కొడతావు అంటూ నిఖిల్‌ మరింత రెచ్చగొట్టాడు. ఇకపోతే ఈ గేమ్‌లో నిఖిల్‌ గెలిచిన ఓట్‌ అప్పీల్‌ ఛాన్స్‌ పొందినట్లు తెలుస్తోంది.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

ప్రేరణ ఆటలో గెలిచింది. కానీ సంచాలకురాలిగా మాత్రం తడబడింది. నిన్న ప్రేరణ ఓట్లు అడిగే ఛాన్స్‌ పొందగా నేడు ఆ అదృష్టం నబీల్‌ను వరించింది. మరి హౌస్‌లో ఇంకా ఏమేం జరిగాయో నేటి (డిసెంబర్‌ 4) ఎపిసోడ్‌ హైలైట్స్‌లో చదివేయండి..అడ్డదిడ్డంగా చుట్టేసిన నబీల్‌ఓట్‌ అప్పీల్‌ గెలిచేందుకు బిగ్‌బాస్‌ క్రాసింగ్‌ పాత్‌ అనే మొదటి ఛాలెంజ్‌ ఇచ్చాడు. ఈ గేమ్‌లో నబీల్‌ అడ్డదిడ్డంగా తన తాడును పోల్‌కు చుట్టేసి అందరికంటే ముందు గంట కొట్టాడు. తర్వాత రోహిణి గంట కొట్టింది. అనంతరం ప్రేరణ, గౌతమ్‌, నిఖిల్‌ వరుసగా గంట కొట్టారు. అయితే నిఖిల్‌ తన పోల్‌కు బదులు వేరేవారి పోల్‌కు తాడు చుట్టాడు. దీంతో నాలుక్కరుచుకుని మళ్లీ తన పోల్‌కు తిరిగి చుట్టాడు. విష్ణుప్రియ, అవినాష్‌ చివరి స్థానాల్లో ఉన్నారు.నేనే గెలిచా: ప్రేరణహౌస్‌మేట్స్‌ అందరూ కలిసి ఎవరు గెలిచారో చెప్పాలన్నాడు. నబీల్‌ తాడు సరిగా చుట్టలేదని, తానే గెలిచానని ప్రేరణ వాదించింది. లేదు, నేనే ఫస్ట్‌ అని నబీల్‌ అరుస్తూ ఉండటంతో ఆమె అతడిని ఇమిటేట్‌ చేసింది. ఇన్నాళ్లూ అవతలివారిని వెక్కిరించిన నబీల్‌.. తనను ఒకరు ఇమిటేట్‌ చేయడంతో తట్టుకోలేకపోయాడు. నన్ను వెక్కిరిస్తే బాగోదంటూ వార్నింగ్‌ ఇచ్చాడు.నబీల్‌కు బిగ్‌బాస్‌ కౌంటర్‌చివరకు అందరూ కలిసి నబీల్‌ గెలిచినట్లు ప్రకటించారు. అప్పుడు బిగ్‌బాస్‌.. మీరు తాడును సరిగా చుట్టారని అనుకుంటున్నారా? అని అడగడంతో అందరూ మనసు మార్చుకుని ప్రేరణ పేరు చెప్పారు. అయినా నబీల్‌ తనది కరెక్టే అనడంతో మీకు చుట్టడమంటే అర్థం తెలుసా? అని ప్రశ్నించాడు. దీంతో అతడు కిక్కురుమనకుండా ఉండిపోయాడు.అయోమయం.. గందరగోళంఈ ఆటలో ఎవరు ఓడిపోయారని ప్రేరణను అడగ్గా ఆమె మొదట అవినాష్‌ పేరు చెప్పింది. గంట కొట్టేశాక మళ్లీ ఆడటం తప్పు కాదా? అని అవినాష్‌ అడగడంతో ఆమె మనసు మార్చుకుని నిఖిల్‌ పేరు చెప్పింది. అందుకతడు అభ్యంతరం చెప్పడంతో ఆమె మళ్లీ యూటర్న్‌ తీసుకుని అవినాష్‌ పేరు చెప్పి ఇదే ఫైనల్‌ నిర్ణయమంది. దాంతో అవినాష్‌ రేసు నుంచి తప్పుకున్నాడు.నబీల్‌కు ఓట్లు అడిగే ఛాన్స్‌టర్ఫ్‌ వార్‌ అని బిగ్‌బాస్‌ మరో ఛాలెంజ్‌ ఇచ్చాడు. ఈ గేమ్‌లో చివరివరకు సర్కిల్‌లో ఉన్నవారు విజేతగా నిలుస్తారు. మొదటగా ప్రేరణను తోసేశారు. తర్వాత వరుసగా గౌతమ్‌, నిఖిల్‌, రోహిణిని తోసేశారు. చివర్లో నబీల్‌, విష్ణుప్రియ మిగిలారు. వీరిద్దరిలో ఎవరు ఓట్‌ అప్పీల్‌ చేసే ఛాన్స్‌ పొందాలో ఇంటిసభ్యులు నిర్ణయించాలన్నాడు. అందరూ కలిసి నబీల్‌ను సెలక్ట్‌ చేశారు.ప్రాణం పోయినా సరేనని..నబీల్‌ మాట్లాడుతూ.. నేనొక సామాన్యుడిని. సినిమాల్లో నటుడవ్వాలని కలలు కన్నాను. ఎన్నో ఆడిషన్స్‌ ఇచ్చినా ఎక్కడా అవకాశం రాలేదు. ఎవరో అవకాశాలివ్వడమేంటని సోషల్‌ మీడియాలో వీడియోలు చేయడం స్టార్ట్‌ చేశాను. తొమ్మిది సంవత్సరాల్లో నాకు వచ్చిన పెద్ద అవకాశం బిగ్‌బాస్‌. ప్రాణం పోయినా సరే అని టాస్కులు గెలవాలని ఆడాను. నన్ను విజేతగా చూడాలన్నది మా అమ్మ కల. దాన్ని మీరే నిజం చేయాలి అంటూ ప్రేక్షకులను ఓట్లు వేయమని అభ్యర్థించాడు.ఎన్నాళ్లకెన్నాళ్లకు..అనంతరం ప్రముఖ చెఫ్‌ సంజయ్‌ హౌస్‌లో ఎంట్రీ ఇచ్చాడు. హౌస్‌మేట్స్‌తో ఫన్నీ గేమ్స్‌ ఆడించాడు. అలాగే వారికోసం రుచికరమైన భోజనం వండి మరీ తీసుకొచ్చాడు. నిఖిల్‌, గౌతమ్‌ మధ్య దూరాన్ని చెరిపేస్తూ ఒకరికొకరు ఫుడ్‌ తినిపించుకోమన్నాడు. స్టార్టర్‌, బిర్యానీ, ఐస్‌క్రీమ్స్‌ అన్నీ కడుపారా తిన్న కంటెస్టెంట్లు ఇది జీవితంలో మర్చిపోలేని జ్ఞాపకమంటూ ఫుల్‌ ఖుషీ అయ్యారు.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

కంటెస్టెంట్ల మధ్య పోటీ ఉంటేనే కిక్కుంటుంది. ఈ సీజన్‌ ప్రారంభంలోనే నిఖిల్‌ విన్నర్‌ అని అంతా తేల్చేశారు. కానీ వైల్డ్‌ కార్డ్స్‌ వచ్చాక ఈ అభిప్రాయం మారింది. నిఖిల్‌కు పోటీఇచ్చే వ్యక్తి దొరికాడని అనుకున్నారు. అతడే గౌతమ్‌. వైల్డ్‌ కార్డ్‌ కంటెస్టెంట్‌గా వచ్చిన వారమే వెళ్లిపోవాల్సిన వ్యక్తి ఇప్పుడేకంగా విన్నర్‌ రేసులో నిలవడమంటే మామూలు విషయం కాదు.నోరు జారడం.. సారీ చెప్పడంఅయితే మొన్నటి ఎపిసోడ్‌లో నిఖిల్‌ను.. యష్మిని వాడుకున్నావ్‌ అంటూ పెద్ద అభాండం వేయడం అతడికి భారీ మైనస్‌గా మారింది. ఓ రేంజ్‌లో పైకెళ్లిన గ్రాఫ్‌ ఢామ్మని కిందపడిపోయింది. నిన్నటి ఎపిసోడ్‌లో నిఖిల్‌కు సారీ చెప్పి తన డ్యామేజ్‌ను కంట్రోల్‌ చేయడానికి ప్రయత్నించాడు గౌతమ్‌.ఈ ఇద్దరినీ కలిపేందుకు హౌస్‌లోకి చెఫ్‌ సంజయ్‌ అడుగుపెట్టాడు. అందరికోసం ఆయన దగ్గరుండి వంట చేశాడు. అలాగే గౌతమ్‌, నిఖిల్‌ మధ్య మంటను తగ్గించేందుకు ఒకరికొకరు తినిపించుకోండంటూ ఇద్దర్నీ కలిపేశాడు.. హౌస్‌మేట్స్‌తో సరదా గేమ్స్‌ కూడా ఆడించాడు. చదవండి: Pushpa 2: పుష్ప 2 కథేంటి? సుకుమార్‌ ఏం చెప్పబోతున్నాడు?

హౌస్‌లో నామినేషన్స్‌కు స్వస్తి పలికారు. బిగ్‌బాసే స్వయంగా అందర్నీ(ఫైనలిస్ట్‌ అవినాష్‌ మినహా) నామినేట్‌ చేశారు. అంటే ఇకనుంచి ఇంట్లో కొట్లాటలుండవా.. ఈ రెండువారాలు పిక్‌నిక్‌లా ఎంజాయ్‌ చేస్తారా? అనుకునేరు. ఫినాలేకు ఇంకో రెండురోజులుందనగా కూడా మేము గొడవపడేందుకు రెడీ అన్నట్లుగానే ఉన్నారు కంటెస్టెంట్లు.ఓట్‌ అప్పీల్‌ఓట్‌ అప్పీల్‌ కోసం బిగ్‌బాస్‌ టాస్కులు ఇస్తున్నాడు. ఇప్పటికే ఓసారి ప్రేరణ గెలిచి ప్రేక్షకుల్ని తనకు ఓటేయమని అభ్యర్థించే ఛాన్స్‌ గెలిచింది. నేడు మరొకరికి ఛాన్స్‌ ఇచ్చేందుకు రెండు గేమ్స్‌ పెట్టనున్నాడు. అందులో మొదటిదే క్రాసింగ్‌ పాత్స్‌. ఇందులో నిఖిల్‌ తన తాళ్లను తనకు సంబంధించిన పోల్‌కు కాకుండా మరో పోల్‌కు పెట్టి బెల్‌ కొట్టాడు. నిఖిల్‌ను విజేతగా ప్రకటించిన ప్రేరణఈ తప్పు గురించి అవినాష్‌ అడుగుతుంటే అదసలు తప్పే కాదని వాదించింది ప్రేరణ. అటు నబీల్‌ తన తాడును అడ్డదిడ్డంగా కట్టడంతో అతడినసలు లెక్కలోకే తీసుకోలేదు. దీంతో నబీల్‌ గొడవకు దిగాడు. నా పోల్‌ సరిగ్గానే ఉంది.. నువ్వే కావాలని నేను చుట్టిన తాడును చెడగొడుతున్నావ్‌.. అని మండిపడ్డాడు. దీంతో ప్రేరణ ఇమిటేట్‌ చేయగా.. నన్ను వెక్కిరించకు, ఇది జోక్‌ కాదంటూ గద్దించాడు. మొత్తానికి ఈ గేమ్‌లో ప్రేరణ గెలిచింది. మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

మరో వారం పదిరోజుల్లో బిగ్ బాస్ ఫినాలే ఉండొచ్చు. దీంతో ఈసారి నామినేషన్స్ హడావుడి పెద్దగా లేదు. ఫైనలిస్ట్ అయిన అవినాష్ తప్పితే అందరూ లిస్టులో ఉన్నారు. అంటే గౌతమ్‌, రోహిణి, నిఖిల్‌, విష్ణుప్రియ, ప్రేరణ, నబీల్‌ నామినేషన్స్‌లో ఉన్నట్లే. అయితే బిగ్‌బాస్ ఈ వారమంతా కొన్ని గేమ్స్ పెడుతుంటాడు. వాటిలో ఎవరైతే గెలుస్తారో.. వాళ్లకు ఓట్లు అడుక్కునే అవకాశం దక్కుతుంది. మంగళవారం ఎపిసోడ్‌తో ఈ తంతు మొదలైంది. ఇంతకీ 93వ రోజు ఏమేం జరిగిందనేది హైలైట్స్‌లో చూద్దాం.(ఇదీ చదవండి: బండ్ల గణేశ్ సినిమాకు ఓకే చెప్పా.. కానీ మోసం చేశాడు: టాలీవుడ్ కమెడియన్)అయితే ఓటింగ్ రిక్వెస్ట్ కోసం జంటలుగా కొన్ని ఛాలెంజెస్‌లో పాల్గొనాలి. ఎవరికైతే జంట ఉండదో వారు ఈ ఓట్ అప్పీల్ రేసు నుంచి తప్పుకోవాల్సి ఉంటుంది. కాబట్టి మీ జంటలని ఎంచుకొని చెప్పండని బిగ్‌బాస్ చెప్పాడు. అలా అవినాష్-నబీల్, ప్రేరణ-నిఖిల్, విష్ణు-రోహిణి జంటలుగా సెట్ అవగా.. గౌతమ్ ఏకాకిగా మిగిలిపోయాడు. ఇంతలో ట్విస్ట్ ఇచ్చిన నబీల్.. అవినాష్‌ని వదిలేసి గౌతమ్‌తో జోడీ కట్టాడు.మూడు జంటలకు తొలి పోటీగా 'నా టవర్ ఎత్తయినది' అనే గేమ్ పెట్టారు. ఇందులో భాగంగా జంటలు ఎవరికి వాళ్లు ఓ టవర్ నిర్మించాల్సి ఉంటుంది. నిలబెట్టిన దాన్ని వేరే జోడీలు పడగొట్టొచ్చు. బజర్ మోగేసరికి ఎవరిదైతే ఎత్తుగా ఉంటుందో వాళ్లు గెలిచినట్లు. ఇందులో అందరూ బాగానే ఆడతారు గానీ ప్రేరణ-నిఖిల్ తొలి స్థానంలో నిలుస్తారు. రోహిణి-విష్ణుప్రియ రెండో స్థానం సొంతం చేసుకుంటారు. చివర్లో నిలిచిన గౌతమ్-నబీల్.. ఓటు అప్పీల్ రేసు నుంచి తప్పుకొన్నారు.(ఇదీ చదవండి: 'బ్లాక్' సినిమా రివ్యూ (ఓటీటీ))మొదటి పోటీ తర్వాత రెండో పోటీ పెట్టారు. 'టక్ టకాటక్' అనే గేమ్‌లో భాగంగా తమ తమ ప్లేసులో ఉండే డిస్కులు.. పక్క వాళ్ల ప్లేసులోకి తోసేయాలి. ఈ పోటీని ఒక్కొక్కరుగా ఆడాలి. దీంతో ప్రేరణ-నిఖిల్ ఉంటారు. విష్ణు-రోహిణిలలో ఒక్కరే ఆడాలని బిగ్ బాస్ చెప్పగా.. రోహిణి ముందుకొస్తుంది. ఈ పోటీలో గెలిచిన ప్రేరణ.. ఓటు అప్పీల్ చేసుకునే అవకాశం దక్కించుకున్న తొలి విజేతగా నిలిచింది. దీంతో ఈమెని ఇన్ఫినిటీ రూంకి పిలిచిన బిగ్ బాస్.. ప్రేక్షకుల్ని ఓట్లు అప్పీలు చేసుకోమన్నాడు.'బిగ్‌బాస్ జర్నీలో ఇక్కడ ఉంటానని అనుకోలేదు. తెలుగు ప్రేక్షకుల నుంచి చాలా ప్రేమ, సపోర్ట్ దొరికింది. ఇక్కడికి వచ్చి నాలాగా ఉండాలనుకున్నాను, ఉంటున్నాను. కచ్చితంగా కొన్నిసార్లు తప్పు చేశా. ఎవరూ ఫెర్‌ఫెక్ట్‌గా ఉండరు. నేను తప్పులు చేశాను. ఎవరు చెప్పినా వాటి నుంచి నేర్చుకున్నాను. నా గురించి నాకే కొన్ని మంచి, కొన్ని చెడు అంశాలు తెలిశాయి. ఇప్పటివరకు 13 వారాలు సేవ్ అయ్యాను. ఇది దాటేస్తే ఇక ఫైనల్స్. మీ ఓట్స్ నాకు ఇవ్వండి. బిగ్‌బాస్ హిస్టరీలోనే తొలి మహిళా విన్నర్ అవ్వాలని ఆశ ఉంది. అది మీ వల్లే అవుతుంది. ఓటు మీది గెలుపు నాది' అని ప్రేరణ రిక్వెస్ట్ చేసింది.(ఇదీ చదవండి: 'పుష్ప 2'.. తమన్‌ని సైడ్ చేసేశారా?)సోమవారం నామినేషన్స్ లేకపోయినా సరే గౌతమ్-నిఖిల్ మధ్య పెద్ద వాగ్వాదమే నడిచింది. 'యష్మిని వాడుకున్నావ్' అని నిఖిల్‌పై నోరు జారిన గౌతమ్.. మంగళవారం ఎపిసోడ్‌లో మాత్రం అందరిముందు క్షమాపణలు చెప్పాడు. ఎవరిది తప్పు ఎవరిది కాదు అని నేను చెప్పను. వాడుకున్నావ్ అన్నది వేరే రకంగా అనలే, గేమ్‌లో నువ్వు ఆటాడుతున్నావ్ అని ఎట్ల అన్నావో నేను వాడుతున్నా అని అట్ల అన్నా.. దానికి నువ్వు హర్ట్ అయ్యావనిపించింది కాబట్టి నేను అన్న ఆ మాటని వెనక్కి తీసుకుంటూ ఆ బాధ్యత వహిస్తూ ఐయామ్ రియల్లీ సారీ నిఖిల్.. మరోసారి నీ దగ్గర నోరు జారకుండా జాగ్రత్త పడతానని గౌతమ్ అన్నాడు.దీనికి స్పందించిన నిఖిల్.. నాకు తెలినంతవరకూ నిన్న మాట్లాడింది నీది కానీ ఇంకెవరిదైనా పర్సనల్ విషయం నేను తీయలేదు. ఒకవేళ నీకు అలా అనిపించి ఉంటే ఐ యామ్ సారీ. వేరే ఎక్కడా నేను ఇప్పటివరకూ నోరు జారలేదు.. మూస్కొని నొక్కు అన్న మాట వాడినందుకు సారీ.. దానికి నేను నిజంగా సారీ చెబుతున్నా అని చెప్పాడు. వెంటనే ఇద్దరూ ఒకరికొకరు హగ్ ఇచ్చుకున్నారు. అలా మంగళవారం ఎపిసోడ్ పూర్తయింది.(ఇదీ చదవండి: కవలలకి జన్మనిచ్చిన టాలీవుడ్ హీరోయిన్)

నిన్నమొన్నటివరకు కిచెన్‌లో ఎంత సేపు వంట చేసుకోవాలన్నది బిగ్‌బాసే డిసైడ్‌ చేసేవాడు. గంట, రెండు గంటలు మాత్రమే టైమ్‌ ఇచ్చేవాడు. సీజన్‌ ముగింపుకు వచ్చేసిన సందర్భంగా కిచెన్‌ టైమర్‌ను అన్‌లిమిటెడ్‌ చేసేశాడు. నామినేషన్స్‌ లేకపోయినా అలాంటి ఓ ప్రక్రియ పెట్టడంతో గౌతమ్‌, నిఖిల్‌ రెచ్చిపోయి మాట్లాడుకున్నారు. మరి హౌస్‌లో ఇంకా ఏమేం జరిగాయో నేటి (డిసెంబర్‌ 2) ఎపిసోడ్‌ హైలైట్స్‌లో చదివేయండి..రోహిణిని ఆటపట్టించిన గౌతమ్‌చాలాకాలంగా మనసులో దాచుకున్న మాటను చెప్పేస్తున్నానంటూ రోహిణి దగ్గర తెగ సిగ్గుపడిపోయాడు గౌతమ్‌. కానీ నోరు తెరుస్తూనే.. ఈ హౌస్‌లో ఉన్న అమ్మాయిలందరూ నా అక్కలు. ఓ సహోదరుడిగా నీకు ఎల్లప్పటికీ తోడుగా, నీడగా ఉంటాను అని చెప్పాడు. ఆ మాటతో అవాక్కయిన రోహిణి.. ఎవడ్రా నీకు అక్క అంటూ గౌతమ్‌ను సరదాగా తిట్టిపోసింది.సెకండ్‌ ఫైనలిస్ట్‌ ఎంపికతర్వాత బిగ్‌బాస్‌.. ఫస్ట్‌ ఫైనలిస్ట్‌ అవినాష్‌ మినహా మిగతా అందరూ నేరుగా నామినేట్‌ అయినట్లు ప్రకటించాడు. రెండో ఫైనలిస్ట్‌ ఎంపిక కోసం ఓ టాస్క్‌ పెట్టాడు. ఎవరైతే ఫినాలేలో ఉండకూడదనుకుంటున్నారో వారి ఫోటోను కాల్చేయాలన్నాడు. చివరకు ఎవరి ఫోటో అయితే కాలకుండా ఉంటుందో వాళ్లు సెకండ్‌ ఫైనలిస్ట్‌ అవుతారని చెప్పాడు. మొదటగా అవినాష్‌.. విష్ణుప్రియ ఫోటో కాల్చేశాడు. విష్ణుప్రియ వంతురాగా.. ఎవరితోనూ ఎక్కువగా కలవట్లేదు, నీ గేమ్‌ అర్థం కావట్లేదంటూ గౌతమ్‌ ఫోటో కాల్చేసింది. అమ్మాయిలను వాడుకున్నావ్‌గౌతమ్‌.. పదేపదే పోట్రే చేస్తున్నానని నాపై లేనిపోని నింద వేశావంటూ నిఖిల్‌ను రేసులో నుంచి తీసేయాలనుకున్నాడు. నిఖిల్‌ స్పందిస్తూ.. వచ్చినప్పటినుంచి నువ్వు అదే చేస్తున్నావని వాదనకు దిగాడు. ఈ క్రమంలో గౌతమ్‌.. యష్మిని వాడుకుంది నువ్వు, అమ్మాయిలను వాడుకున్నావ్‌ అంటూ నీచంగా మాట్లాడాడు. ఇలానే మరోసారి కాస్త వల్గర్‌గా మాట్లాడటంతో నిఖిల్‌ కోపాన్ని అణుచుకోలేకపోయాడు. ఇంకోసారి నోరు జారి మాట్లాడితే బాగోదని హెచ్చరించాడు.రోహిణిని తప్పించిన నిఖిల్‌ఈ గొడవను ఆపేయమని చెప్తున్నా కూడా.. గౌతమ్‌ వినకుండా విషయాన్ని సాగదీస్తూనే ఉన్నాడు. యష్మికి గాజులు సెట్‌ చేస్తూ ఆమెకు హోప్స్‌ పెట్టడం తప్పంటూ తన వ్యక్తిగత విషయాలను ప్రస్తావించి మరింత ఇరిటేషన్‌ తెప్పించాడు. అనంతరం నిఖిల్‌.. నామినేషన్స్‌లోకి రాలేదంటూ రోహిణిని రేసు నుంచి తప్పించాడు. నామినేషన్స్‌లోకి రాకపోయినా నేను అన్ని గేమ్స్‌ గట్టిగానే ఆడాను అని రోహిణి సమాధానమిచ్చింది. చివర్లో ప్రేరణ, నబీల్‌.. ఇద్దరు మాత్రమే మిగిలారు. వీరికి బిగ్‌బాస్‌ బంపరాఫర్‌ ఇచ్చాడు. ఇమ్యూనిటీ కొనుక్కోవాలన్న బిగ్‌బాస్‌మీ ముందున్న చెక్‌పై రూ.15 లక్షల వరకు ఎంతైనా రాసి ఇమ్యూనిటీ కొనుక్కోవచ్చన్నాడు. ఆ డబ్బు విన్నర్‌ ప్రైజ్‌మనీలో నుంచి కట్‌ అవుతాయన్నాడు. కాసేపు ఆలోచించుకున్నాక ఇద్దరూ తమకు తోచినంత అమౌంట్‌ రాశారు. ఇంతలో మరో ట్విస్ట్‌ ఇచ్చాడు బిగ్‌బాస్‌. ఇమ్యూనిటీ కొనుక్కోకుండా వారిని నామినేషన్స్‌లో ఉంచేందుకు హౌస్‌మేట్స్‌ ఒప్పించవచ్చన్నాడు.చెక్కులు చింపేయమన్న హౌస్‌మేట్స్‌ప్రైజ్‌మనీని ఒక్కో రూపాయి సంపాదిస్తూ ఇక్కడివరకు తేవడానికి అందరం ఎంతో కష్టపడ్డాం. మీకు జనాలు ఓటు వేశారు కాబట్టే పద్నాలుగోవారం దాకా వచ్చారు అని నిఖిల్‌ చెక్‌ చించేయమన్నాడు. మిగతావాళ్లు కూడా అదే సలహా ఇచ్చి ఎలాగోలా ఒప్పించడంతో ప్రేరణ, నబీల్‌.. ఫైనలిస్ట్‌ స్థానాన్ని కొనుక్కోవాలనుకోవడం లేదని చెప్పారు. రాసిన చెక్కులు చింపేయడానికంటే ముందు ఇద్దరు ఎంత రాశారో చెప్పాలన్నాడు. నబీల్‌ స్వార్థంప్రేరణ.. రూ.4,30,000 రాయగా నబీల్‌ ఏకంగా రూ.15 లక్షలు రాసేశాడు. అది విని హౌస్‌మేట్స్‌ నోరెళ్లబెట్టారు. కంటెస్టెంట్లే కాదు చూసే జనాలు కూడా వీళ్లు ఇంత స్వార్థంగా ఉన్నారేంటని ఈసడించుకోవడం ఖాయం. ఏదేమైనా వీరిద్దరూ మనసులు మార్చుకుని చెక్కులు చించేయడంతో నేరుగా ఫైనల్‌కు వెళ్లే అవకాశం కోల్పోయారు. ఈ వారం గౌతమ్‌, రోహిణి, నిఖిల్‌, విష్ణుప్రియ, ప్రేరణ, నబీల్‌ నామినేషన్స్‌లో ఉన్నారు.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

బిగ్‌బాస్‌ హౌస్‌లో ఏడుగురు మిగిలారు. టికెట్‌ టు ఫినాలే గెలిచి అవినాష్‌ ఫస్ట్‌ ఫైనలిస్ట్‌ అయ్యాడు. దీంతో అతడు మినహా మిగతా ఆరుగురు నామినేషన్స్‌లో ఉన్నట్లు ప్రకటించాడు బిగ్‌బాస్‌. తర్వాత హౌస్‌మేట్స్‌తో ఓ గేమ్‌ ఆడించాడు. ఈ రేసు నుంచి తొలగించాలనుకుంటున్న కంటెస్టెంట్ల ఫోటోలను కాల్చాల్సి ఉంటుంది. విష్ణు ఫోటో కాల్చిన అవినాష్‌ముందుగా అవినాష్‌.. విష్ణుప్రియ ఉండకూడదనుకుంటున్నట్లు చెప్పాడు. గేమ్‌ అంటే టాస్కులు మాత్రమే కాదు పర్సనాలిటీ కూడా అని చెప్పావు. గేమ్స్‌ ఆడుతున్నాం.. కానీ అది ఎలా ఆడుతున్నామనది ముఖ్యం అని నొక్కి చెప్పాడు. తర్వాత నిఖిల్‌, గౌతమ్‌ మధ్య వార్‌ మొదలైంది. పృథ్వీ, నేను.. ఇలా ఎవరో ఒకరు అవతల వ్యక్తిని అగౌరవపరిస్తే తప్పు.. కానీ నువ్వు చేస్తే మాత్రం ఒప్పా? అని నిఖిల్‌ ప్రశ్నించాడు. ఒప్పని నేనెప్పుడు చెప్పానని నిలదీశాడు. నీ ప్రవర్తనతోనే తెలిసిపోతుందని నిఖిల్‌ కోపంతో ఊగిపోయాడు.కోపంతో ఊగిపోయిన నిఖిల్‌ఇన్ని రోజులు ఈ స్వరంతో ఎందుకు మాట్లాడలేదు? అని గౌతమ్‌ అడగ్గా.. ఎందుకంటే ఇదే చివరి ఛాన్స్‌.. నువ్వు చేసిందంతా బయటకు రావాలి కదా అని బదులిచ్చాడు. ఇలా మాటామాటా అనుకునే క్రమంలో గౌతమ్‌.. యష్మిని వాడుకుంది నువ్వు అని పెద్ద నింద వేశాడు. నువ్వు ఏదిపడితే అది అంటుంటే వినడానికి రాలేదు, ఇంకోసారి నోరుజారితే వేరేలా ఉంటుంది అని నిఖిల్‌ వార్నింగ్‌ ఇచ్చాడు. మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

ఈరోజు మొదటగా గౌతమ్‌ను సేవ్‌ చేశాడు నాగార్జున. తర్వాత ఓ ఫన్‌ గేమ్‌ కోసం హౌస్‌మేట్స్‌ను రెండు టీమ్స్‌గా విడగొట్టాడు. అవినాష్‌, రోహిణి, నబీల్‌, గౌతమ్‌ ఒక టీమ్‌ కాగా మిగతావారంతా విష్ణుప్రియ టీమ్‌గా విభజించాడు. హుక్‌ స్టెప్‌ వేస్తే ఆ సాంగ్‌ ఏంటో గెస్‌ చేయాలన్నదే గేమ్‌. ఇందులో విష్ణుప్రియ టీమ్‌ గెలిచింది. మరి తర్వాత ఏం జరిగిందో నేటి (డిసెంబర్‌ 1) ఎపిసోడ్‌ హైలైట్స్‌లో చదివేయండి..షాక్‌లో ప్రేరణఈ వారం ప్రేరణ సేవ్‌ అవుతుందని కలలో కూడా అనుకోలేదేమో! ఆమె సేవ్‌ అయినట్లు చెప్పగానే నమ్మలేనట్లు నోరెళ్లబెట్టింది. వెంటనే తేరుకుని సంతోషంతో ఉబ్బితబ్బిబ్బయిపోయింది. ఆ వెంటనే నిఖిల్‌ను సైతం సేవ్‌ చేశాడు. తర్వాత కళ్లకు గంతలు కట్టి మ్యూజికల్‌ చెయిర్‌ గేమ్‌ ఆడించాడు. ఇందులో నిఖిల్‌, అవినాష్‌ను సంచాలకులుగా పెట్టారు. ఇందులో పృథ్వీ గెలిచాడు.టాప్‌ 8 కోసం స్పెషల్‌ పోస్టర్స్‌హౌస్‌లో ఉన్న ఎనిమిది కోసం బిగ్‌బాస్‌ స్పెషల్‌ పోస్టర్స్‌ క్రియేట్‌ చేశాడు. అలా నబీల్‌ కోసం డబుల్‌ ఇస్మార్ట్‌, విష్ణుప్రియ కోసం నిన్ను కోరి, పృథ్వీ కోసం యానిమల్‌, గౌతమ్‌ కోసం ఏక్‌ నిరంజన్‌, రోహిణి కోసం అరుంధతి, ప్రేరణకు అందాల రాక్షసి, నిఖిల్‌కు ద ఫ్యామిలీ స్టార్‌, అవినాష్‌ కోసం సుడిగాడు పోస్టర్స్‌ వేశాడు.ఎక్స్‌ట్రాలు చేయకుండా ఉండటం ఎలా?అనంతరం నబీల్‌ను సేవ్‌ చేసినట్లు ప్రకటించాడు. నెక్స్ట్‌ ఓ చిన్న టాస్క్‌ పెట్టాడు. కొన్ని టైటిల్స్‌ రాసున్న బుక్స్‌ను హౌస్‌మేట్స్‌కు అంకితమివ్వాలన్నాడు. ఎక్స్‌ట్రాలు చేయకుండా ఉండటం ఎలా? అన్న పుస్తకాన్ని ప్రేరణ.. అవినాష్‌కు డెడికేట్‌ చేసింది. సరైన కారణాలు లేకుండా నామినేట్‌ చేయడం ఎలా? పుస్తకాన్ని గౌతమ్‌ నిఖిల్‌కు ఇచ్చాడు.బ్రెయిన్‌ వాడమన్న అవినాష్‌బ్రెయిన్‌ వాడి ఆడటం ఎలా? పుస్తకాన్ని అవినాష్‌.. విష్ణుప్రియకు ఇచ్చాడు. సపోర్ట్‌ కోరుకోకుండా ఉండటం నేర్చుకో అన్న పుస్తకాన్ని నబీల్‌.. రోహిణికి డెడికేట్‌ చేశాడు. సేఫ్‌ గేమ్‌ ఆడకుండా ఉండటం ఎలా? అనేది అవినాష్‌కు ఇచ్చాడు పృథ్వీ. నిజాయితీగా ఉండటం ఎలా? అన్న పుస్తకాన్ని విష్ణు.. అవినాష్‌కు ఇచ్చింది.పృథ్వీ ఎలిమినేట్‌ఒక్కరిని టార్గెట్‌ చేయకుండా ఉండటం ఎలా? అన్న బుక్‌ను నిఖిల్‌.. అవినాష్‌కు ఇచ్చాడు. తర్వాత నాగార్జున విష్ణును సేవ్‌ చేసి పృథ్వీ ఎలిమినేట్‌ అయినట్లు ప్రకటించాడు. దాంతో విష్ణు కన్నీళ్లు పెట్టుకుంది. నువ్వు గొప్ప మనిషివి పృథ్వీ, ఐ మిస్‌ యూ అంటూ ఏడ్చేసింది.కన్నీళ్లు పెట్టుకున్న పృథ్వీఅటు స్టేజీపైకి వచ్చిన పృథ్వీ తన జర్నీ చూసుకుని ఎమోషనలయ్యాడు. కాసేపటికి తేరుకున్నాక హౌస్‌మేట్స్‌తో మాట్లాడాడు. నిఖిల్‌, నబీల్‌, విష్ణు సూపర్‌ హిట్‌ అని.. రోహిణి, అవినాష్‌ సూపర్‌ ఫ్లాప్‌ అని చెప్పాడు. నిఖిల్‌, నబీల్‌, విష్ణు, ప్రేరణకు తప్పకుండా ఓటేస్తానన్నాడు. చివర్లో నాగార్జున ఓ సర్‌ప్రైజ్‌ రివీల్‌ చేశాడు. ఈ సీజన్‌ విజేతకు ట్రోఫీ, ప్రైజ్‌మనీతో పాటు బ్రాండెడ్‌ కారు కూడా లభిస్తుందని చెప్పాడు. మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

గెస్టులుగా వస్తున్న మాజీ కంటెస్టెంట్లు అందరూ విష్ణు-పృథ్వీ లవ్‌ట్రాక్‌పైనే ఎక్కువ ఆసక్తి చూపిస్తున్నారు. అందరికీ మామీద ఎందుకంత ఇంట్రస్ట్‌ అని విష్ణుప్రియ కాస్త అసహనానికి లోనైంది. మరి హౌస్‌లో ఇంకా ఏమేం జరిగాయో నేటి (నవంబర్‌ 28) ఎపిసోడ్‌ హైలైట్స్‌లో చదివేయండి..హౌస్‌లో వితికా, పునర్నవిఅవినాష్‌ టికెట్‌ టు ఫినాలే కంటెండర్‌ అవడాన్ని ప్రేరణ ఇప్పటికీ జీర్ణించుకోలేకపోతోంది. అవినాష్‌ ఓవర్‌ స్మార్ట్‌ అనుకున్నానే తప్ప అతడికంత దమ్ముందని అనుకోలేదంది. ఇంతలో మాజీ కంటెస్టెంట్లు వితికా షెరు, పునర్నవి భూపాలం హౌస్‌లో ఎంట్రీ ఇచ్చారు. హౌస్‌మేట్స్‌తో ట్రూత్‌ ఆర్‌ డేర్‌ గేమ్‌ ఆడించారు. క్రష్‌ కోసం ఫ్రెండ్‌ను వదులుకున్నావా? అని పృథ్వీని అడగ్గా లేదని బదులిచ్చాడు.అబద్ధం చెప్పానన్న నిఖిల్‌మీరు ఆడిన అతిపెద్ద అబద్ధమేంటన్న ప్రశ్నకు నిఖిల్‌.. మెంటల్‌గా నేను స్ట్రాంగ్‌ అని అబద్ధమాడానన్నాడు. ట్రూలవ్‌ - నో ఫ్రెండ్స్‌, ట్రూ ఫ్రెండ్‌- నో లవ్‌.. ఈ రెండింటిలో ఏది ఎంచుకుంటావని నబీల్‌ను ప్రశ్నించగా అతడు క్షణం ఆలోచించకుండా ఫ్రెండ్స్‌ కన్నా ప్రేమే ముఖ్యమని బదులిచ్చాడు. ప్రస్తుతానికైతే సింగిల్‌ కింగునని తెలిపాడు.సింపతీ కార్డు?తర్వాత పునర్నవి విష్ణు-పృథ్వీలను ఇంటరాగేట్‌ చేసింది. విష్ణు ఫ్రెండ్‌ అని పృథ్వీ.. పృథ్వీ ఫ్రెండ్‌ కంటే ఎక్కువ అని విష్ణు చెప్పారు. ఈ స్నేహం వల్ల మీ గేమ్‌ పాడవుతుందనుకుంటున్నారా? అని ప్రశ్నించగా.. అలా ఏం లేదన్నాడు పృథ్వీ. విష్ణును సింపతీ కార్డులా వాడుతున్నావని పునర్నవి అనగా అలాంటి కార్డు తనకక్కర్లేదన్నాడు. అనంతరం వితికా, పునర్నవి.. గేమ్‌ కోసం నిఖిల్‌, గౌతమ్‌ను సెలక్ట్‌ చేశారు. వీళ్లిద్దరూ పృథ్వీ, ప్రేరణను ఎంపిక చేశారు. పృథ్వీకి అన్యాయంతన పేరును పరిగణనలోకి తీసుకోకపోవడంతో తేజ హర్టయ్యాడు. జారుతూ గెలువు అని బిగ్‌బాస్‌ గేమ్‌ పెట్టాడు. ఈ గేమ్‌లో నిఖిల్‌ 9, పృథ్వీ 10, ప్రేరణ, గౌతమ్‌ చెరో 5 డిస్కులు బాస్కెట్‌లో వేశారు. పృథ్వీ గేమ్‌లో చిన్న పొరపాటు చేశాడని అతడికి బదులుగా నిఖిల్‌ను విజేతగా ప్రకటించడం గమనార్హం. అలా పృథ్వీకి 2, ప్రేరణకు 3, గౌతమ్‌కు 4వ ర్యాంక్‌ ఇచ్చారు.ప్రేరణకు బ్లాక్‌ బ్యాడ్జ్‌ఈ గ్యాప్‌లో అవినాష్‌, రోహిణి, తేజ కామెడీ స్కిట్‌తో తెగ నవ్వించారు. తర్వాత రెండో గేమ్‌ ఆడించారు. కానీ ఇక్కడ ముగ్గురికే ఛాన్స్‌ ఉంటుందనడంతో ప్రేరణను తప్పించి మిగతా ముగ్గురితో ఆడించారు. సంచాలక్‌గా ఉన్నప్పుడు తమ మాట వినలేదంటూ ప్రేరణకు బ్లాక్‌ బ్యాడ్జ్‌ ఇచ్చారు. ఆ బ్యాడ్జ్‌ తనకెలా ఇస్తారని గెస్టులతో వాగ్వాదానికి దిగింది. ఇంతలో బిగ్‌బాస్‌.. టికెట్‌ టు ఫినాలే రేస్‌ నుంచి ప్రేరణను తొలగించినట్లు ప్రకటించడంతో ఆమె కన్నీళ్లు పెట్టుకుంది.కోపం, బాధర్యాంకుల ఆధారంగా బిగ్‌బాస్‌ ఇచ్చిన అడ్వాంటేజ్‌తో నిఖిల్‌, పృథ్వీ, గౌతమ్‌ గేమ్‌ ఆడారు. ఈ గేమ్‌లో నిఖిల్‌ గెలవగా గౌతమ్‌ రెండో స్థానంలో, పృథ్వీ మూడో స్థానంలో నిలిచారు. రెండు గేమ్స్‌లో నిఖిల్‌నే విజేతగా ప్రకటించడంతో అతడికే కంటెండర్‌ బ్యాడ్జ్‌ ఇచ్చారు. గెస్టులు వెళ్లిపోతుంటే కూడా ప్రేరణ వారితో మాట్లాడేందుకు నిరాసక్తత చూపించింది. హత్తుకునేందుకు వస్తే కూడా ముఖం తిప్పేసుకుంది. రేసు నుంచి తీసేశారన్న బాధ ఉండటం సహజమే.. కానీ దాన్నిలా రూడ్‌గా వ్యక్తం చేయడం వల్లే తనకు మైనస్‌ అవుతోంది.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

బిగ్‌బాస్‌ హౌస్‌లోకి మాజీ కంటెస్టెంట్ల రాక కొనసాగుతోంది. ఇప్పటివరకు అఖిల్‌, దేత్తడి హారిక, మానస్‌, ప్రియాంక జైన్‌ వచ్చి వెళ్లగా నేడు పునర్నవి, వితికా షెరు ఇంట్లో అడుగుపెట్టారు. వీరు గేమ్స్‌ ఆడేందుకు నిఖిల్‌, గౌతమ్‌ను సెలక్ట్‌ చేశారు. వీళ్లిద్దరూ మరో ఇద్దర్ని సెలక్ట్‌ చేయాల్సి రాగా నిఖిల్‌.. పృథ్వీ పేరు సూచించాడు. గౌతమ్‌ క్షణం ఆలోచించకుండా ప్రేరణ పేరు ఎంపిక చేశాడు.షాక్‌లో తేజతన పేరు చెప్తాడని ఊహించిన తేజకు ఇది పెద్ద షాకే! నన్నెందుకు సెలక్ట్‌ చేయలేదని తేజ హర్టయ్యాడు. గెలిచినా, గెలవకపోయినా అవకాశం వస్తుందేమో ఆడదామనుకున్నాను, ఇలా సెలక్ట్‌ చేయనప్పుడు బాధనిపిస్తుంది.. దీన్ని సింపతీ అనుకుంటే నేనేం చేయలేను అని తేజ ఫ్రస్టేట్‌ అయ్యాడు. ప్రేరణకు బ్లాక్‌ బ్యాడ్జ్‌ఫైనల్‌గా నిఖిల్‌ గెలిచి కంటెండర్‌ అవగా ప్రేరణకు బ్లాక్‌ బ్యాడ్జ్‌ ఇచ్చినట్లు భోగట్టా! తనను టికెట్‌ టు ఫినాలే రేసులో నుంచి తీసేయడంతో ప్రేరణ అస్సలు తట్టుకోలేకపోతుందట! మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

నామినేషన్స్‌లో ఫైర్‌ చూపించాలని నబీల్‌ బాగా తాపత్రయపడ్డాడు. నాగార్జున మాటలతో గౌతమ్‌ డిస్టర్బ్‌ అయ్యాడో, ఏమోకానీ ఓపక్క కోప్పడుతూనే మరోపక్క బాధపడుతున్నట్లు కనిపించింది. మరి ఎవరు ఎవర్ని నామినేట్‌ చేశారో తెలియాలంటే నేటి (నవంబర్‌ 25) ఎపిసోడ్‌ హైలైట్స్‌ చదివేయండి..ఫైర్‌ లేదుబిగ్‌బాస్‌ హౌస్‌లో పదమూడోవారం నామినేషన్‌ ప్రక్రియ మొదలైంది. ఫైనలిస్టుగా చూడకూడదనుకుంటున్న ఇద్దర్ని నామినేట్‌ చేయాలన్నాడు బిగ్‌బాస్‌. మొదటగా నబీల్‌.. నామినేషన్స్‌లో తప్ప గేమ్‌లో ఫైర్‌ లేదంటూ గౌతమ్‌ను నామినేట్‌ చేశాడు. నబీల్‌తో పెట్టుకుంటే బొరాన్‌ ఉంటదంటూ దమ్కీ ఇచ్చాడు.ఆ ఫోకస్‌ గేమ్‌పై చూపించునీ గేమ్‌ కనిపించడం లేదు, నీకు సీరియస్‌నెస్‌ లేదంటూ విష్ణుప్రియను నామినేట్‌ చేశాడు. ఒక మనిషిపై పెట్టిన ఫోకస్‌ గేమ్‌పై పెడ్తే గెలుస్తావని సలహా ఇచ్చాడు. కానీ ఈ సలహాలు పట్టించుకునే పరిస్థితిలో విష్ణు లేదు. పృథ్వీ వంతురాగా.. అమ్మాయిలు గొడవపడ్తున్నప్పుడు మెగా చీఫ్‌గా నువ్వు దాన్ని పరిష్కరించడానికి ప్రయత్నించలేదంటూ అవినాష్‌ను నామినేట్‌ చేశాడు.తొడగొట్టిన అవినాష్‌ఎంటర్‌టైన్‌మెంట్‌ తప్ప ఏమీ చేయట్లేదు, ఆడియన్స్‌ నిన్ను నామినేషన్స్‌లోకి వచ్చినవారమే ఎలిమినేట్‌ చేశారు, కానీ నబీల్‌ ఎవిక్షన్‌ షీల్డ్‌తో సేవ్‌ చేశాడని ఎగతాళి చేశాడు. దీంతో అవినాష్‌.. నేను వచ్చిన ఏడువారాల్లో రెండుసార్లు మెగా చీఫ్‌ అయ్యానంటూ తొడగొట్టి చెప్పాడు. తర్వాత పృథ్వీ.. ​కెమెరాలతో మాట్లాడటం, ఏం పీకుతావనడం నచ్చలేదంటూ గౌతమ్‌ను నామినేట్‌ చేశాడు. ఇక్కడ వీళ్లిద్దరూ బుగ్గలు గిల్లుకోవడం గమనార్హం.విష్ణు ఎవర్ని నామినేట్‌ చేసిందంటే?ప్రేరణ.. గెలవాలన్న స్పిరిట్‌ నీలో లేదంటూ విష్ణుప్రియను, నువ్వు గెలవకూడదంటూ గౌతమ్‌ను నామినేట్‌ చేసింది. ఈ క్రమంలో ప్రేరణ, గౌతమ్‌ చాలాసేపు గొడవపడ్డారు. తేజ.. నీ గేమ్‌ నచ్చలేదంటూ విష్ణును, ఎదుటివారిని రెచ్చగొడుతున్నావంటూ పృథ్వీని నామినేట్‌ చేశాడు. విష్ణుప్రియ.. తేజను, ప్రేరణను నామినేట్‌ చేసింది.మాట తప్పావ్‌: గౌతమ్‌గౌతమ్‌.. ఫిజికల్‌ అవకూడదని చెప్పిన నువ్వే చాలా గేమ్స్‌లో ఫిజికల్‌ అయ్యావని నిఖిల్‌ను నామినేట్‌ చేశాడు. పృథ్వీ ఎందరినో అవమానించాడు, అలాంటప్పుడు అతడినెందుకు నామినేట్‌ చేయలేదని ప్రశ్నించాడు. వీళ్లిద్దరూ గొడవపడుతుంటే మరోసారి పృథ్వీ మధ్యలో దూరడంతో ఇది చిలికిచిలికి గాలివానలా మారింది.నీ కాళ్లు పట్టుకుంటా ప్రేరణతర్వాత ప్రేరణను నామినేట్‌ చేశాడు. నువ్వు కావాలని ట్రిగ్గర్‌ చేస్తావని ఆమె అనడంతో.. నీ కాళ్లు పట్టుకుంటా ప్రేరణ.. నేను ట్రిగ్గర్‌ చేయలేదు, ఏదో సరదాగా చేశానంటూ గౌతమ్‌ ఫ్రస్టేట్‌ అయ్యాడు. అవినాష్‌ వంతు రాగా.. మూటల టాస్క్‌లో ఫౌల్‌ గేమ్‌ ఆడావు, ఎదుటివారికి గౌరవమర్యాదలు ఇవ్వడం లేదంటూ పృథ్వీని, కసిగా ఆడట్లేదంటూ విష్ణుప్రియను నామినేట్‌ చేశాడు.మెగా చీఫ్‌ తప్ప అందరూ నామినేషన్‌లోనిఖిల్‌ వంతు రాగా గౌతమ్‌, ప్రేరణను నామినేట్‌ చేశాడు. చివరగా మెగా చీఫ్‌ రోహిణి.. నేను పక్కవాళ్లను తొక్కుకుంటూ వెళ్తానని చెప్పడం నచ్చలేదని విష్ణును నామినేట్‌ చేసింది. గేమ్‌లో నిన్నెవరైనా సైడ్‌ చేస్తుంటే భరించలేవు, అలాగే నన్ను వీక్‌ అన్నావంటూ నబీల్‌ను నామినేట్‌ చేసింది. అలా ఈ వారం విష్ణుప్రియ, గౌతమ్‌, ప్రేరణ, పృథ్వీ, తేజ, అవినాష్‌, నిఖిల్‌, నబీల్‌ నామినేట్‌ అయ్యారు.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

ఒకరి గురించి ఒకరు రాసిన కంప్లైంట్లు చదవడంతోనే సగం ఎపిసోడ్‌ అయిపోయింది. యష్మి వెళ్లిపోతూ.. ఎవరేమనుకున్నా నిఖిల్‌ తన ఫ్రెండ్‌ అని బల్లగుద్ది చెప్పింది. మరి హౌస్‌లో ఇంకా ఏమేం జరిగాయో నేటి (నవంబర్‌ 24) ఎపిసోడ్‌ హైలైట్స్‌లో చదివేయండి..నేను చెప్పేదే నిజంనాగార్జున.. ప్రేరణను సేవ్‌ అయినట్లు ప్రకటించడంతో ఆమె ఎమోషనల్‌ అయింది. తర్వాత హౌస్‌మేట్స్‌ అందరూ తమపై వచ్చిన ఫిర్యాదుల చిట్టా చదివి వినిపించారు. తేజ.. తను మాట్లాడాలనుకుంది మాట్లాడి వెళ్లిపోతాడు, నేను చెప్పేదే నిజం అన్న మైండ్‌సెట్‌ నుంచి బయటకు రావాలని నబీల్‌, నిజాయితీగా ఉండు, అబద్ధం ఆడటం చాలాసార్లు చూశా.. అని పృథ్వీ కంప్లైంట్స్‌ చేశారు. గౌతమ్‌పై వచ్చిన కంప్లైంట్స్‌..అన్‌ప్రిడక్టబుల్‌గా ఉండటం వల్ల తనను నేను నమ్మలేను, త్వరగా ట్రిగ్గర్‌ అవడం నాకు నచ్చదు అని యష్మి గురించి ప్రేరణ ఫిర్యాదు చేసింది. నీ ఇండివిడ్యువాలిటీ కనిపించడం లేదు, ఎవరైనా ఏదైనా చెప్తే వెంటనే మారిపోతావు. అసలైన నువ్వు ఎవరనేది అర్థం కావట్లేదు.. అని రోహిణి పేర్కొంది. కెమెరాలతో కన్నా మనుషులతో ఎక్కువ మాట్లాడు, ఫుడ్‌ అందరితో షేర్‌ చేసుకో అని పృథ్వీ.. కొన్నిసార్లు కావాలనే గొడవలు సృష్టిస్తున్నాడేమో అనిపిస్తుందని అవినాష్‌ .. గౌతమ్‌ గురించి అభిప్రాయపడ్డారు. ఎవరికోసం గేమ్‌ ఆడుతుందో తెలీదునీకు అవినాష్‌ రక్షణ కవచంలా అనిపిస్తోంది.. అవినాష్‌, తేజతోనే ఎక్కువగా ఉంటున్నావ్‌ అని పృథ్వీ. ఒకే విషయాన్ని మళ్లీ మళ్లీ చెప్పడం ఇబ్బందిగా అనిపిస్తోందని తేజ రోహిణి గురించి రాసుకొచ్చారు. తను ఎవరికోసం గేమ్‌ ఆడుతుందో తెలియదు, నామినేషన్స్‌లో క్లారిటీ లేదు, ఆట పట్ల ఆసక్తి అంతకన్నా లేదు అని అవినాష్‌, మేమందరం కష్టపడి తనను మెగా చీఫ్‌ చేశాం. తనను గెలిపించినవారికంటే యూనివర్స్‌కే ఎక్కువ కృతజ్ఞత చూపిస్తుంది అని నబీల్‌.. విష్ణు గురించి కంప్లైంట్‌ చేశారు.ఎక్కువ విని తక్కువ మాట్లాడాలినువ్వొక్కడివే బలవంతుడివని ఆలోచించడం మానేయ్‌.. ప్రతి ఒక్కరికీ టాలెంట్‌ ఉంది. కాబట్టి ఎవర్నీ తక్కువ అంచనా వేయకు అని రోహిణి‌.. గొడవ నీ గురించి కాకపోయినా నువ్వే గొడవ సృష్టిస్తున్నావ్‌.. అభ్యంతరకర పదాలతో అటాక్‌ చేస్తావ్‌.. అని గౌతమ్‌.. పృథ్వీ గురించి ఫిర్యాదు చేశారు. ఆటలో అయినా, చర్చలో అయినా ఎక్కువ విని తక్కువ మాట్లాడాలని నబీల్‌, మెగా చీఫ్‌గా ఉన్నప్పుడు తన డిక్టేటర్‌ ప్రవర్తన నచ్చలేదని అవినాష్‌.. ప్రేరణకు చెప్పారు.నబీల్‌పై ఫిర్యాదులుకామెడీ వెనకున్న ఎమోషన్స్‌ దాచుకోవడం ఆపేసి తన నిజస్వరూపం చూపించాలని ప్రేరణ, నీ అరుపు ఎక్కువైందని యష్మి.. అవినాష్‌పై ఫిర్యాదు చేశారు. వైల్డ్‌ కార్డ్స్‌ వచ్చాక నువ్వు మారిపోయి అందరితో బాగుండాలని ప్రయత్నిస్తున్నావని పృథ్వీ, ఒక్కోవారం ఒక్కోలా ప్రవర్తిస్తున్నావు, పెద్ద విషయాల్ని వదిలేసి నిన్ను ప్రశ్నించినవారిని మాత్రం టార్గెట్‌ చేస్తున్నావని గౌతమ్‌.. నబీల్‌ గురించి తెలిపారు.యష్మి ఎలిమినేట్‌మనసులో మాట డైరెక్ట్‌గా చెప్పుంటే నా గేమ్‌ ఎఫెక్టయ్యేదే కాదు. ఈ జర్నీలో నువ్వు ఫైటర్‌ కన్నా సేఫ్‌ గేమర్‌గానే ఎక్కువ కనిపించావని యష్మి, అందరినీ సంతోషంగా ఉంచాలనుకుంటావ్‌.. అతడి గేమ్‌ ప్లానేంటో తెలియదు, అందుకే తనను నమ్మలేనని ప్రేరణ.. నిఖిల్‌ గురించి రాసుకొచ్చారు. అనంతరం నాగార్జున.. నబీల్‌, పృథ్వీని సేవ్‌ చేసి యష్మి ఎలిమినేట్‌ అయినట్లు ప్రకటించాడు. నా మాటల వల్ల, ప్రవర్తన వల్ల ఎవరైనా బాధపడుంటే సారీ అంటూ యష్మి కన్నీటితో వీడ్కోలు తీసుకుంది. నిఖిల్‌ నా ఫేవరెట్‌ ఫ్రెండ్‌స్టేజీపైకి వచ్చాక ఆమెతో ఫ్రెండ్స్‌ ఎవరు? శత్రువులు ఎవరు? అన్న గేమ్‌ ఆడించాడు నాగ్‌. ప్రేరణ, నిఖిల్‌, పృథ్వీ, విష్ణుప్రియ తన ఫ్రెండ్స్‌ అంది. నిఖిల్‌ తన ఫేవరెట్‌ ఫ్రెండ్‌ అని, ఎవరేమన్నా తమ స్నేహం అలాగే ఉంటుందని క్లారిటీ ఇచ్చింది. శత్రువుల లిస్ట్‌లో గౌతమ్‌, అవినాష్‌, రోహిణిని చేర్చింది. స్నేక్‌ అండ్‌ లాడర్‌ గేమ్‌లో గౌతమ్‌, నిఖిల్‌ పాములని మెజారిటీ హౌస్‌మేట్స్‌ అభిప్రాయపడ్డారు. వీరిలో ఒకర్ని నామినేట్‌ చేయాలని యష్మిపై భారం వేశాడు నాగ్‌. దీంతో ఆమె గౌతమ్‌పై బిగ్‌బాంబ్‌ వేసింది.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

తెలుగు బిగ్‌బాస్‌ ఎనిమిదో సీజన్‌ ఎలా ఉంది? మొదట్లో చప్పగా.. వైల్డ్‌ కార్డ్స్‌ వచ్చాక కాస్త జోష్‌గా సాగుతోంది. ఎప్పుడో అస్సాం ట్రైన్‌ ఎక్కాల్సిన సీజన్‌ను తిరిగి గాడిలో పడేలా చేసింది వైల్డ్‌ కార్డ్సే! అయితే వీరితో పోలిస్తే పాత కంటెస్టెంట్లు నెలరోజులపాటు తమ మనుగడను కాపాడుకునేందుకు ఎక్కువ కష్టపడ్డారు. ఆ సమయంలో తమకంటూ ఫ్యాన్‌బేస్‌ ఏర్పరుచుకున్నారు. దీంతో మధ్యలో వచ్చినవారికంటే పాతవారికే ఓట్లు పడే ఛాన్సులు ఎక్కువుంటాయి.వైల్డ్‌ కార్డ్‌ విన్నర్‌ కాకూడదట!వైల్డ్‌ కార్డ్స్‌ రెట్టింపు కష్టపడితేనే ఓట్లు తమవైపు మళ్లుతాయి. ఇక విషయమేంటంటే.. వైల్డ్‌ కార్డ్‌ కంటెస్టెంట్‌ విన్నర్‌ అవకూడదంటున్నాడు అభయ్‌ నవీన్‌. నిఖిల్‌కు ఫ్రెండ్‌ అయిన ఇతడు.. పరోక్షంగా గౌతమ్‌ గెలవకూడదని చెప్తున్నాడు. పెద్దగా గేమ్స్‌ ఆడకపోయినా ఈజీగా చీఫ్‌ అయిపోయి నోటి దురుసుతో షో నుంచి ఎలిమినేట్‌ అయిన అభయ్‌ తాజాగా సోషల్‌ మీడియాలో ఓ వీడియో షేర్‌ చేశాడు. ఇది అధర్మం కాదా?నిఖిల్‌, నేను బెలూన్‌ టాస్క్‌ ఆడినప్పుడు వాడి చేతిలో స్టిక్‌ ఇరిగిపోయినా నేను ఫైట్‌ చేశాను. అది ధర్మం కాదు, ఒకరి చేతిలో స్టిక్‌ లేనప్పుడు గేమ్‌ ఆడకూడదు అన్నారు కదా! అదే ధర్మం కానప్పుడు మధ్యలో వచ్చిన వ్యక్తి ఎలా గెలుస్తాడన్నా? బయట ప్రపంచంలో ఏం జరుగుతుందో తెలుసుకోకుండా, తనపై జనాల్లో పాజిటివ్‌ ఉందా? నెగెటివ్‌ ఉందా? తెలుసుకోకుండా మొదటి నుంచి నచ్చిన గేమ్‌ ఆడుతున్నవాడు గెలిస్తే కరెక్టా? అప్పుడు ఈ కాన్సెప్ట్‌ దేనికి?లేదా వారి బలం, బలహీనతలు తెలుసుకుని గేమ్‌ మధ్యలో జాయిన్‌ అయి ఆడేవారు గెలిస్తే కరెక్టా? ఏదైనా సరే.. ఫస్ట్‌ నుంచి ఆడుతున్నవాడు గెలిస్తేనే కిక్‌ ఉంటదన్నా.. అది నా ఫీలింగ్‌ అని చెప్పుకొచ్చాడు. ఈ వీడియో చూసిన ఓ వ్యక్తి అలాంటప్పుడు వైల్డ్‌ కార్డ్స్‌ కాన్సెప్ట్‌ తీసేయమని చెప్పండి.. ఫస్ట్‌, లాస్ట్‌ ఇదంతా కాదు.. ఎవరు బాగా ఆడితే వాళ్లు గెలవాలి అని కామెంట్‌ చేశాడు. దీనికి అభయ్‌.. వైల్డ్‌కార్డ్‌ అనేది కేవలం జనాల్ని ఎంగేజ్‌ చేయడానికి మాత్రమేనని రిప్లై ఇచ్చాడు. View this post on Instagram A post shared by B Naveen Kumar (@abhainaveen) మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

విష్ణుప్రియ- రోహిణి, గౌతమ్‌-పృథ్వీల గొడవలు పరిష్కరించడానికి నాగార్జున తలప్రాణం తోకకొచ్చింది. గేమ్‌లో మిమ్మల్ని వెనక్కు లాగుతుందెవరు? అన్నప్పుడు గౌతమ్‌, నిఖిల్‌ పేర్లే ఎక్కువమంది చెప్పడం గమనార్హం. మరి హౌస్‌లో ఇంకా ఏమేం జరిగాయో నేటి (నవంబర్‌ 23) ఎపిసోడ్‌ హైలైట్స్‌లో చదివేయండి..క్యారెక్టర్‌లెస్‌ అనలేదుగా: విష్ణునువ్వు జీరో, నీకు అర్హత లేదు.. అని నానామాటలన్నవారికి నీ విజయంతోనే సమాదానం చెప్పావంటూ నాగార్జున.. మెగా చీఫ్‌ రోహిణిని మెచ్చుకున్నాడు. ఆ వెంటనే రోహిణి, విష్ణును కన్ఫెషన్‌ రూమ్‌కు పిలిచి వీళ్లిద్దరి గొడవకు సంబంధించిన వీడియో క్లిప్‌ చూపించాడు. క్యారెక్టర్‌ అని తన వ్యక్తిత్వం గురించి అన్నానే తప్ప క్యారెక్టర్‌లెస్‌ అనలేదంది విష్ణు. దీనికి నాగ్‌.. ఆ పదం వాడినప్పుడే నీ క్యారెక్టర్‌ కనిపించిందన్నాడు.నిఖిల్‌కు ట్రై చేశా అనలేదునిఖిల్‌కు ట్రై చేశా వర్కవుట్‌ కాలేదు.. తర్వాత పృథ్వీకి ట్రై చేశా.. అని విష్ణు నిజంగానే అందా? అని రోహిణిని అడిగాడు. అందుకామె అవునని తలూపింది. అదే తన ప్లానా? అంటే కాదని చెప్పింది. దీనిపై విష్ణు స్పందిస్తూ.. నిఖిల్‌, నేను కలిసి బయట ఓ షో చేశాం. తన పర్సనాలిటీ అంటే ఇష్టమని చెప్పానే తప్ప ట్రై చేశాననలేదు అని క్లారిటీ ఇచ్చింది. ఏ ప్లాన్‌ వర్కవుట్‌ అయిందని విష్ణు హౌస్‌లో ఉంటోందన్నావని రోహిణిని అడగ్గా.. పృథ్వీతో లవ్‌ ట్రాక్‌ వల్లే ఆమె హౌస్‌లో ఉంటుందనిపిస్తోందని రోహిణి అభిప్రాయపడింది. తర్వాత ఇద్దరూ క్షమాపణలు చెప్పుకున్నారు.గ్రూప్‌ గేమ్‌ ఆడితే తప్పేంటన్న నాగ్‌పృథ్వీ, గౌతమ్‌ గొడవ గురించి నాగ్‌ చర్చించాడు. వైల్డ్‌కార్డ్స్‌ను పంపించేయాలని గ్రూప్‌ గేమ్‌ ఆడారని గౌతమ్‌ చెప్పగా.. అందులో తప్పేముందన్నాడు నాగ్‌. నా ఉద్దేశంలో తప్పేనంటూ హోస్ట్‌పైకే తిరగబడ్డాడు గౌతమ్‌. పెద్ద తప్పు చేసినవారినే నామినేట్‌ చేయాలే తప్ప వైల్డ్‌ కార్డ్‌ అన్న కారణంతో నామినేట్‌ చేయడం ముమ్మాటికీ తప్పేనని వాదించాడు. ఇంతలో పృథ్వీ.. అతడు ఇండివిడ్యువల్‌ ప్లేయర్‌ అని నిరూపించుకోవడానికి మమ్మల్ని బ్యాడ్‌ చేయడానికి ప్రయత్నిస్తున్నాడని ఆరోపించాడు.నోర్మూయ్‌.. నాగ్‌ సీరియస్‌ఆట అయిపోయాక కెమెరాలతో మాట్లాడతావు, నీ ఆట ఎవరూ నొక్కలేరు అని నాగార్జున గౌతమ్‌పై సెటైర్లు వేశాడు. అప్పటికీ గౌతమ్‌ మాట్లాడుతూనే ఉండటంతో బీపీ తెచ్చుకున్న నాగ్‌.. నోర్మూయ్‌, నేను మాట్లాడేటప్పుడు మధ్యలోకి రాకు అని తిట్టిపోశాడు. మనిషి పైపైకి వెళ్లడం తప్పని పృథ్వీని సైతం హెచ్చరించాడు. అనంతరం హౌస్‌మేట్స్‌తో ఓ గేమ్‌ ఆడించాడు.నిచ్చెన- పాముఆటలో మిమ్మల్ని ముందుకు తోస్తున్నదెవరు?(నిచ్చెన), వెనక్కు లాగుతుందెవరు?(పాము) చెప్పాలన్నాడు. రోహిణి.. అవినాష్‌ నిచ్చెన అని, పృథ్వీ పాము అని పేర్కొంది. అవినాష్‌.. తేజ నిచ్చెన, పృథ్వీ పాము అని తెలిపాడు. నబీల్‌.. పృథ్వీ నిచ్చెన, నిఖిల్‌ పాము అని పేర్కొన్నాడు. పృథ్వీ.. నబీల్‌ నిచ్చెన, గౌతమ్‌ పాము అన్నాడు. గౌతమ్‌.. రోహిణి నిచ్చెన, నిఖిల్‌ పాము అని చెప్పాడు.రెండు పాములునిఖిల్‌.. పృథ్వీ నిచ్చెన, గౌతమ్‌ పాము అంది. యష్మి.. ప్రేరణ నిచ్చెన, నిఖిల్‌ పాము అని తెలిపింది. తేజ.. అవినాష్‌ నిచ్చెన, విష్ణుప్రియ పాము అన్నాడు. విష్ణుప్రియ వంతురాగా పృథ్వీ వల్లే తనకు ఆక్సిజన్‌, కార్బండయాక్సైడ్‌ అందుతున్నాయంటూ.. చివరకు నబీల్‌కు నిచ్చెన ఇచ్చింది. రోహిణికి పాము ఇచ్చేసింది. ప్రేరణ.. రోహిణి నిచ్చెన, గౌతమ్‌ పాము అని పేర్కొంది. నిఖిల్‌, గౌతమ్‌కు పాముగా సమాన ఓట్లు పడ్డాయని, వీరిలో ఒకరిపై బిగ్‌బాంబ్‌ పడబోతుందన్నాడు నాగ్‌. నిఖిల్‌ను సేవ్‌ చేయడంతో నేటి ఎపిసోడ్‌ పూర్తయింది.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

చేయని తప్పుకు నిందలు పడటం ఎవరికైనా కష్టమే! అవతలివారిపై నోరుజారకుండా ఆచితూచి మాట్లాడే నిఖిల్‌.. అమ్మాయిలను గేమ్‌ కోసం వాడుకుంటాడని సీత పెద్ద నిందేసి వెళ్లిపోయింది. ఆ మాటను నిఖిల్‌ జీర్ణించుకోలేకపోతున్నాడు. తాను అలాంటి వ్యక్తిని కాదని కెమెరాలకు గోడు వెల్లబోసుకున్నాడు. మరి హౌస్‌లో ఇంకా ఏమేం జరిగాయో నేటి (నవంబర్‌ 20) ఎపిసోడ్‌ హైలైట్స్‌లో చదివేయండి..నిఖిల్‌కు సారీ చెప్పిన యష్మిఆడవాళ్లను ట్రాప్‌ చేస్తున్నావ్‌.. ఎమోషన్స్‌తో ఆడుకుంటున్నావ్‌ అని సీత ఇచ్చిన స్టేట్‌మెంట్‌ విని ప్రేక్షకులే కాదు హౌస్‌మేట్స్‌ కూడా షాకయ్యారు. తనవల్లే అలాంటి నిందలు వచ్చాయంటూ నిఖిల్‌కు యష్మి సారీ చెప్పింది. నా వల్లే ఇదంతా మొదలైంది.. మన ఇద్దరి గేమ్‌ పాడవుతుందంటే మనం మాట్లాడకుండా ఉండటమే నయమని చెప్పుకొచ్చింది. తర్వాత ఒంటరిగా కూర్చున్న నిఖిల్‌ బిగ్‌బాస్‌కు తన గోడు చెప్పుకున్నాడు. నాకు ఓటు వేయకండి: నిఖిల్‌ఒకర్ని తొక్కి ఆడాలని ఎన్నడూ అనుకోలేదు. నామినేషన్స్‌లో సీత చెప్పినట్లు స్ట్రాంగ్‌ మహిళల్ని అడ్డుపెట్టుకుని గేమ్‌లో గెలవాలనుకోలేదు. మనసుకు ఏమనిపిస్తే అదే చేశాను. ఎవర్నీ తొక్కాలనుకోలేదు. ఈ వారం నామినేషన్‌లో ఉన్నాను, హౌస్‌ నుంచి వెళ్లిపోవాలనిపిస్తోంది. ఇక్కడ నా ప్రయాణం అయిపోయింది. దయచేసి ప్రేక్షకులు ఎవరూ నాకు ఓటు వేయకండి.. నన్ను ఎలిమినేట్‌ చేయండి అని కోరుకున్నాడు. వెళ్లిపోతా అన్నందుకు క్షమించండిమరికాసేపట్లోనే మనసు మార్చుకుని.. నేనేంటో నిరూపించుకున్నాకే బయటకు వస్తాను. వెళ్లిపోతా అన్నందుకు క్షమించండి. కప్పు తీసుకునే బయటకు వస్తా అని తనకు తాను ధైర్యం చెప్పుకుని కెమెరాలతో మాట్లాడాడు. తర్వాత హౌస్‌మేట్స్‌ అందరూ సమావేశమై మాట్లాడుకున్నారు. ఈ సందర్భంగా ప్రేరణ.. ఎవరినైనా బాధపెట్టుంటే క్షమించమని కోరుతూ ఏడ్చేసింది. అది నా వ్యక్తిత్వం కాదుయష్మి మాట్లాడుతూ.. నిఖిల్‌ గేమ్‌కోసం అమ్మాయిలను వాడుకోలేదు అని క్లారిటీ ఇచ్చింది. నిఖిల్‌ మాట్లాడుతూ.. నన్ను తప్పు అని నిందవేసినచోటే నేనేంటో నిరూపించుకోవాలనుకుంటున్నాను. ఒకర్ని వాడుకుని గేమ్‌ ఆడే వ్యక్తిత్వం నాది కాదు అని తెలిపాడు. అనంతరం తేజ నిద్రపోయినందుకు చీఫ్‌ అవినాష్‌ పనిష్మెంట్‌ ఇచ్చాడు. షర్ట్‌ తీసేసి స్విమ్మింగ్‌ పూల్‌లో 10 సార్లు దూకాలన్నాడు. ఈ టాస్క్‌ పూర్తి చేస్తే యష్మి.. తేజకు ముద్దుపెడతానంది. ముద్దు కోసం తేజ ఆశఆశతో పూల్‌లో పదిసార్లు మునకేసిన తేజను కళ్లుమూసుకోమని పక్కనే నిలబడింది యష్మి. తీరా నిఖిల్‌ వచ్చి తేజ చెంపపై ముద్దుపెట్టాడు. ఆ విషయం తెలియని తేజ కుప్పిగంతులు వేశాడు. నీకంత సినిమాలేదు, నీకు కిస్‌ పెట్టింది నిఖిల్‌ అని నబీల్‌ అసలు విషయం బయటపెట్టాడు. అనంతరం ఈ సీజన్‌కే ఆఖరి మెగా చీఫ్‌ పోస్టును ప్రకటించాడు బిగ్‌బాస్‌. సమయానుసారం ఒక్కొక్కరి పేరుతో టీషర్ట్స్‌ గార్డెన్‌ ఏరియాలో వేస్తుంటాడు. మెగా చీఫ్‌ ఎవరంటే?ఆ టీషర్ట్‌ను చించకుండా భద్రంగా కాపాడుకున్నవారు కంటెండర్లవుతారు. అలా ఈ గేమ్‌లో ప్రేరణ, గౌతమ్‌, అవినాష్‌, నబీల్‌ ఓడిపోగా.. పృథ్వీ, తేజ, యష్మి, విష్ణుప్రియ కంటెండర్లయ్యారు. చివర్లో నిఖిల్‌, రోహిణి మాత్రమే మిగలగా.. వీరిలో ఎవరు కంటెండర్‌ అవ్వాలనేది హౌస్‌మేట్స్‌ నిర్ణయించాలన్నాడు. అంతటితో ఎపిసోడ్‌ ముగిసింది. అయితే రోహిణిని కంటెండర్‌ చేయగా చివరకు ఆవిడే మెగా చీఫ్‌ అయినట్లు తెలుస్తోంది.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

ఎలిమినేట్‌ అయిన కంటెస్టెంట్లతో నామినేషన్‌ చేయిద్దాం అని బిగ్‌బాస్‌కు ఏ ముహూర్తాన అనిపించిందో కానీ ఇది ఒకరకంగా నిఖిల్‌కు ప్లస్సే అయింది. వచ్చినవాళ్లంతా.. నిఖిల్‌ ఆట గురించి కాకుండా పర్సనల్‌ టార్గెట్‌ చేశారు. సింహంలా ఉండే నిఖిల్‌ను పిల్లిలా మార్చి తనవైపు తిప్పుకున్న సోనియా కూడా అతడిని తప్పుపట్టింది.క్లారిటీ ఇవ్వకపోవడం తప్పే!యష్మి విషయంలో క్లారిటీ ఇవ్వకపోవడం తప్పని కుండ బద్ధలు కొట్టింది. సీత అయితే మరో అడుగు ముందుకేసి స్ట్రాంగ్‌గా ఉండే ఆడవారిని టార్గెట్‌ చేస్తున్నావని, వారిని గేమ్‌ కోసం వాడుకుంటున్నావంటూ నిందలేసింది. ఇది మరీ విడ్డూరం.. నిఖిల్‌తో డ్యాన్స్‌ చేయాలనుంది, నిఖిల్‌తో ఓ కలగన్నాను అంటూ యష్మినే అతడి వెంట పడింది. కనీసం ఫ్రెండ్‌లా అయినా ఉండమని అర్థించింది. అటు సీత కూడా నిఖిల్‌పై ఇష్టం చూపించింది. జీవితంలో క్షమించనన్న నిఖిల్‌వీరిని పెద్దగా పట్టించుకోని నిఖిల్‌.. మీపై నాకు ఎలాంటి ఫీలింగ్స్‌ లేవు అని ముక్కుసూటిగా చెప్పలేకపోయాడు. అదే అతడికి పెద్ద మైనస్‌ అయింది. అయితే యష్మితో కొన్ని సందర్భాల్లో ఫీలింగ్స్‌ పెట్టుకోవద్దన్నట్లు ఛూఛాయగా చెప్పినప్పటికీ అదంత హైలైట్‌ అవలేదు. ఫలితంగా 12వ వారం నామినేషన్స్‌లో సీత.. ఆడవారి ఎమోషన్స్‌తో ఆడుకుంటావ్‌ అని నిందేయడంతో నిఖిల్‌ చాలా హర్టయ్యాడు. ఆమెను జీవితంలో క్షమించనన్నాడు. ఆ బాధతో భోజనం కూడా తినకుండా నిద్రపోయాడు.నిఖిల్‌కు సింపతీబిగ్‌బాస్‌ హౌస్‌లో ఎవరినైనా టార్గెట్‌ చేస్తే ప్రేక్షకులు అస్సలు ఊరుకోరు. అతడిపై చాలా సింపథీ చూపిస్తారు.. అదీ ఓట్ల రూపంలో! ఈ నామినేషన్‌ ప్రక్రియతో నిఖిల్‌పై జనాల్లో సింపథీ వచ్చింది. పైగా నటి కావ్యతో ప్రేమస్టోరీ చెప్తూ.. తమ మధ్య దూరం వచ్చింది, కానీ ఈ జీవితానికి తనే భార్య అని ఏడ్చేయడంతో జనాలు తెగ కనెక్ట్‌ అయిపోయారు. నిఖిల్‌ ప్రేమ సఫలం కావాలని కోరుకున్నారు. అలా ఈ వారం నిఖిల్‌కు నెగెటివిటీ కంటే సింపథీయే ఎక్కువ వచ్చింది. దీంతో విన్నింగ్‌ రేస్‌లో గౌతమ్‌ను వెనక్కు నెట్టి మరీ ముందుకు దూసుకొచ్చేశాడు. మరి తర్వాతి వారాల్లో వీరిద్దరి గేమ్‌ ఎలా ఉంటుందో చూడాలి!మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

బిగ్‌బాస్ 12వ వారం విచిత్రమైన పద్ధతిలో నామినేషన్స్ జరుగుతున్నాయి. ఇప్పటికే ఎలిమినేట్ అయినవాళ్లు హౌసులోకి వచ్చి ఈ వారం ఎవరెవరు నామినేట్ అవ్వాలనేది డిసైడ్ చేశారు. సోమవారం కొంతవరకు జరగ్గా.. మంగళవారం కూడా ఇదే కొనసాగింది. మణికంఠ, నైనిక, ఆదిత్య ఓం, కిర్రాక్ సీత వచ్చారు. తన పాయింట్లు చెప్పి రఫ్ఫాడించేశారు. ఇంతకీ బిగ్‌బాస్‌లో మంగళవారం(79వ రోజు) ఎపిసోడ్‌లో ఏమేం జరిగిందనేది చూద్దాం.(ఇదీ చదవండి: బిగ్‌బాస్‌ హౌస్‌లో వైల్డ్‌ కార్డ్‌గా అడుగుపెట్టిన శోభా శెట్టి)తొలుత హౌసులోకి వచ్చిన నైనిక.. నిఖిల్‌ని పలకరించి హగ్గు ఇచ్చింది. ఎక్కువగా ఆలోచించి బాధపడకు అని చెప్పింది. ఇక తన మొదటి నామినేషన్ నబీల్ పేరు చెప్పింది. 'నువ్వు వచ్చినప్పుడు ఏం చెప్పావ్ నబీల్.. షేర్ (సింహం) అన్నావ్ కదా! మరి అది ఇప్పుడు ఎక్కడికి వెళ్లిపోయింది. గత కొన్నివారాలుగా నువ్వు కనిపించట్లేదు' అని అడిగింది. దీనికి సమాధానంగా.. నేను వచ్చిందే ఆ కప్పు కోసం.. ఖచ్చితంగా దాని కోసమే ఆడతా.. నేను ఎవరి గురించి వెనకాల మాట్లాడలే అని నబీల్ తనని తాను డిఫెండ్ చేసుకున్నాడు.నైనిక తన రెండో నామినేషన్ యష్మీకి వేసింది. ఒకప్పుడు యష్మీ ఇప్పుడు కనిపించట్లేదని, ఎప్పుడైతే నిఖిల్ వెంటపడటం మొదలుపెట్టావో అప్పటినుంచి యష్మీ మిస్ అయిపోయిందని చెప్పింది. దీనికి ఆన్సర్ ఇచ్చిన యష్మీ.. నేనెందుకు ఇలా అయిపోయానో నాకు అర్థం కావడం లేదు.. నేను బాగానే ఆడుతున్నా అంటూ యష్మీ ఏడ్చింది. ముందు యష్మీని తీసుకొస్తా.. కప్పు కొట్టడానికి ట్రై చేస్తానని చెప్పుకొచ్చింది.(ఇదీ చదవండి: క్షమించమంటూ నిఖిల్‌ ఏడుపు.. అది చూసి మోసపోవద్దన్న కావ్య!)తర్వాత వచ్చిన మణికంఠ.. నిఖిల్‌ని నామినేట్ చేశాడు. నేను వెళ్లేటప్పుడే నీ గ్రాఫ్ పడిపోతుందని నీకు చెప్పా. కానీ నీకెలా తెలుసు అని నువ్వు అడిగావ్.. ఇప్పుడు నేనే చూసి వచ్చా అందుకే చెబుతున్నా.. నీ గ్రాఫ్ పడిపోయింది, నువ్వు ఇక్కడికి కనెక్షన్స్ పెట్టుకోవడానికి వచ్చావా? కప్పు కోసం వచ్చావా అనే క్లారిటీ నీకు లేకపోతే టైటిల్ గెలవడం చాలా కష్టం నిఖిల్ అని అన్నాడు. దీనికి నిఖిల్ వైపు నుంచి పెద్దగా సమాధానం ఏం రాలేదు. సైలెంట్‌గా ఉండిపోయాడు.రెండో నామినేషన్ నబీల్‌కి వేసిన మణికంఠ పెద్ద మోటివేషన్ ఇచ్చాడు. నాలుగు వారాలుగా నువ్వు నామినేషన్స్ నుంచి తప్పించుకుంటున్నావ్. త్యాగాలు చేస్తున్నావ్. సైలెంట్‌ అయిపోయావ్. ఇవన్నీ ఎందుకు. నిన్ను ఇష్టపడే వాళ్లు నీ గేమ్ చూడాలనుంకుంటారు.. నీ త్యాగాలు కాదు అని అన్నాడు. దీంతో ఇకపై నా ఆట చూపిస్తా అని నబీల్ సవాల్ చేశాడు.(ఇదీ చదవండి: ఏఆర్ రెహమాన్‌కి విడాకులు ఇచ్చేసిన భార్య)అనంతరం హౌసులోకి వచ్చిన సీత.. విష్ణుప్రియని సూపర్ ఆడుతున్నావ్ అని మెచ్చుకుంది. ప్రేరణని నామినేట్ చేసింది. నువ్వు చీఫ్‌గా అట్టర్ ఫ్లాప్. డిక్టేటర్‌లా బిహేవ్ చేశావ్. ఇదే విషయం నీ భర్త కూడా చెప్పారు. ఆయన చెప్పి వెళ్లిన కాసేపటికే కిచెన్ దగ్గర తేజతో దోస గురించి గొడవపడ్డావ్. నువ్వు చిరాకుగా మాట్లాడే మాటలు గుచ్చుకుంటున్నాయ్ అని చెప్పుకొచ్చింది. నేను వాటిని మార్చుకుంటానని ప్రేరణ చెప్పింది. సీత తన నెక్స్ట్ నామినేషన్ యష్మీకి వేసింది. నువ్వు నిఖిల్ వెంట పడటం మొదలుపెట్టిన తర్వాతి నుంచి నీ గేమ్ పోయింది. నిఖిల్‌ ఉంటేనే నువ్వు కనపడుతున్నావ్ అని గట్టిగానే క్లాస్ పీకింది.తర్వాత వచ్చిన ఆదిత్య ఓం.. కర్మ ఈజ్ బ్యాక్ అనే డైలాగ్‌తో హౌసులోకి వెళ్లాడు. యష్మిని మొదటగా నామినేట్ చేశాడు. ఈ సందర్భంగా కన్నడ బ్యాచ్ గ్రూప్ గేమ్ గురించి తన అభిప్రాయాన్ని బయటపెట్టాడు. మీరు ముందే ఫిక్సయి లోపలికి వచ్చినట్లున్నారు. ఎందుకంటే ప్రేరణ, నిఖిల్, పృథ్వీలను మీరు ఇప్పటివరకూ నామినేట్ చేయలేదు. వేరే వాళ్లని టార్గెట్ చేస్తున్నారు. వాళ్లు పెద్ద తప్పులు చేసినాసరే మీరు వదిలేస్తున్నారు. పక్షపాతంగా ఉంటున్నారు. ఫేవరిటిజం చూపిస్తున్నారు. న్యూట్రల్‌గా ఉన్నట్లు నటిస్తున్నారు. ఇది 12వ వారం అండి.. ఇంకెన్ని వారాలు చేస్తారని తన అసహనాన్ని వ్యక్తపరిచాడు.(ఇదీ చదవండి: జీవితంలో పెళ్లి చేసుకోను: హీరోయిన్ ఐశ్వర్య)ఆదిత్య మాటలపై స్పందించిన యష్మీ.. గ్రూప్ గేమ్ ఆడితే నా గేమ్ స్పాయిల్ అవుతుందని నాకు క్లారిటీ ఉందని చెప్పింది. గ్రూపిజం గురించి ఆదిత్యతో యష్మి కాస్త వాదన పెట్టుకుంది. కానీ చివరకు తను కొన్ని గేమ్స్‌లో ఫేవరెటిజం చూపించానని ఒప్పుకొంది. తర్వాత ప్రేరణని ఆదిత్య నామినేట్ చేశాడు. ఈమె కూడా గ్రూప్ గేమ్ ఆడుతోందనే కారణమే చెప్పాడు. దీంతో యష్మీని మీరు 12 వారాల్లో ఒక్కసారి కూడా ఎందుకు నామినేట్ చేయలేదు? అని ఆదిత్య అడిగాడు. అంతకంటే ఎక్కువ తప్పులు వేరే చోట కనిపించాయ్ అని ప్రేరణ అనేసరికి.. అవును మీకు నబీల్‌లో, నాలో, విష్ణుప్రియలో కనిపించాయ్, ప్రతిసారి మీకు మేమే కనిపిస్తామా? బయట జనాలు ఎలా నమ్ముతారు అని అడిగేసరికి ప్రేరణ సైలెంట్ అయిపోయింది.అలా ఈసారి నామినేషన్స్ కాస్త వెరైటీగా జరిగింది. కాకపోతే కన్నడ బ్యాచ్ ఫుల్ టార్గెట్ అయింది. ఇన్నాళ్లు గ్రూప్ గేమ్‌ ఆడుతూ నామినేషన్స్ నుంచి తప్పించుకున్నారు కానీ ఈసారి మాత్రం వీళ్లు నలుగురిపై కత్తి వేలాడుతోంది. ఎందుకంటే ఈ వారం నామినేషన్స్ పూర్తయ్యేసరికి లిస్ట్‌లో యష్మీ, ప్రేరణ, నిఖిల్, పృథ్వీ, నబీల్ చేరారు.(ఇదీ చదవండి: నటి కస్తూరిపై మరిన్ని కేసులు)

బిగ్‌బాస్‌ మాస్టర్‌ ప్లాన్‌ వేశాడు. ఎలిమినేట్‌ అయిన కంటెస్టెంట్లను తిరిగి హౌస్‌లోకి తీసుకొచ్చి వారితో నామినేషన్స్‌ వేయించాడు. వచ్చిన ప్రతిఒక్కరూ నిఖిల్‌ గ్యాంగ్‌పైనే విరుచుకుపడ్డారు. మరి ఎవరు ఎవరెవర్ని నామినేట్‌ చేశారనేది తెలియాలంటే నేటి (నవంబర్‌ 18) ఎపిసోడ్‌ హైలైట్స్‌ చదివేయండి..గౌతమ్‌పై ప్రేరణ కుళ్లుగత వారం అవినాష్‌, తేజ డేంజర్‌ జోన్‌లో ఉన్నారు. అయితే వీరికి బదులు గౌతమ్‌ ఉండాల్సిందని ప్రేరణ అభిప్రాయపడింది. వచ్చినవారమే గౌతమ్‌ ఎలిమినేట్‌ అవ్వాల్సింది.. ఇప్పుడు ఏకంగా స్ట్రాంగ్‌ ప్లేయర్‌ అయి కూర్చున్నాడు. అదెలాగో నాకర్థం కావట్లేదు. ఈ వారం గౌతమ్‌, విష్ణుప్రియ, యష్మిలలో ఎవరో ఒకరు ఎలిమినేట్‌ అవుతారనుకున్నాను. అంతా రివర్స్‌లో జరుగుతోంది అని నబీల్‌తో ముచ్చట్లు పెట్టింది.వచ్చావా అక్క..తర్వాత బిగ్‌బాస్‌ ఆసక్తికర ఘట్టానికి తెరదీశాడు. ఎలిమినేట్‌ అయిన కంటెస్టెంట్లు హౌస్‌లోకి వచ్చి ఇద్దర్ని నామినేట్‌ చేస్తారన్నాడు. మొదటగా సోనియా.. ప్రేరణను నామినేట్‌ చేసింది. వచ్చావా అక్క అని ప్రేరణ అనడంతో గొడవ పీక్స్‌కు వెళ్లింది. నాకు అక్క కాదు, నిఖిల్‌కు అక్కవి అని ప్రేరణ సంజాయిషీ ఇవ్వడంతో సోనియాకు మరింత తిక్క రేగింది. అతడికి అక్కను అని నువ్వెలా డిసైడ్‌ చేస్తావు? అంటూ గట్టిగా నిలదీసింది. అందుకు బదులుగా దాదాపు మూడునాలుగుసార్లు ప్రేరణతో సారీ చెప్పించుకుంది.తేజది తప్పయినప్పుడు యష్మిది కూడా తప్పేగా?అనంతరం నా పెద్ద కొడుకు నిఖిల్‌ను నామినేట్‌ చేస్తున్నా అంటూ నైస్‌గా మొదలుపెట్టి వైల్డ్‌గా మారిపోయింది. అప్పట్లో పృథ్వీని చిన్న కారణంతో నామినేట్‌ చేశావు. ఎప్పుడైనా కరెక్ట్‌ కారణంతో ఎవర్నైనా నామినేట్‌ చేశావా? యష్మి, ప్రేరణను ఎందుకు నామినేట్‌ చేయలేదంటూ ప్రశ్నల వర్షం కురిపించింది. ఎవిక్షన్‌ షీల్డ్‌గేమ్‌లో తేజ ముందుగా ఎగ్‌ వేశాడని అతడిని వరస్ట్‌ కంటెస్టెంట్‌ అన్నావు.. మరి తేజ ఎగ్‌ వేసేవరకు ఆగి కావాలని యష్మి మరో గుడ్డు వేసింది. ఆమె చేసింది తప్పని ఎందుకు ఒప్పుకోవట్లేదు అని నిలదీసింది.ఆమె ముందు మాట్లాడు.. నిఖిల్‌కు సలహాఅతడి లవ్‌ట్రాక్‌ గురించి మాట్లాడుతూ.. యష్మి నీపై ఫీలింగ్స్‌ చూపించింది.. ఒక మహిళకు గౌరవమిచ్చేవాడివే అయితే.. ఆమె రిలేషన్‌షిప్‌ కోసం హౌస్‌కు రాలేదు, ఆమె ఏం చేస్తే అది పడటానికి రాలేదు అని తన వెనకాల మాట్లాడాల్సిన అవసరం లేదు. అవన్నీ తన ముందే చెప్పాలని గద్దించింది. తన మీద ఇష్టం లేనప్పుడు ఆమె జోలికి వెళ్లకూడదు అని తేల్చేసింది.ఏడ్చేసిన యష్మిసోనియా మాటలతో యష్మి కన్నీళ్లు పెట్టుకుంది. నువ్వు క్లారిటీగా చెప్పుంటే నీ జోలికే వచ్చేదాన్ని కాదని నిఖిల్‌పై మండిపడింది. నిఖిల్‌తో ఒక కలగన్నానే తప్ప తనపై నాకు పెద్ద ఫీలింగ్సే లేవని ప్లేటు తిప్పేసింది యష్మి. చివరగా సోనియా.. నువ్వు నీలా ఉండు నిఖిల్‌, నువ్వు గెలిస్తే సంతోషపడే మొదటి వ్యక్తిని నేనే అంటూ అతడి తలపై గాజు బాటిల్‌ పగలగొట్టింది.బేబక్కపై సెటైర్లుతర్వాత బేబక్క హౌస్‌లోకి వచ్చి అవతలివాళ్లను తక్కువ చేయడం నచ్చలేదంటూ పృథ్వీని నామినేట్‌ చేసింది. దీంతో అతడు.. ప్రేక్షకులు మాకు ఓట్లు వేసి ఇక్కడిదాకా ఉంచారు. మీకు ఓట్లు వేయకుండా ఎలిమినేట్‌ చేశారంటూ సెటైర్లు వేశాడు. చీఫ్‌గా ఉన్నప్పుడు తనకు సపోర్ట్‌ చేయలేదంటూ బేబక్క.. నిఖిల్‌ను నామినేట్‌ చేసింది.గ్రూప్‌ గేమ్‌ మానేస్తే బెటర్‌అనంతరం శేఖర్‌ బాషా హౌస్‌లో అడుగుపెట్టాడు. ప్రేరణలో చిన్నపిల్లల మనస్తత్వం ఎంతో నచ్చేవి. కానీ రానురానూ రూడ్‌గా మారిపోయింది.. కొందర్ని పురుగుల్ని చూసినట్లు చూస్తోందంటూ ఆమెను నామినేట్‌ చేశాడు. గ్రూప్‌ గేమ్‌ మానేస్తే బెటర్‌ అని సలహా ఇచ్చాడు. యష్మిని సైతం గ్రూపిజం కనిపిస్తోందంటూ నామినేట్‌ చేశాడు.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

నిఖిల్‌ అంటే ఇష్టమని అతడి వెంట తిరిగింది యష్మి. తనకు అలాంటి ఫీలింగ్స్‌ లేవని నిఖిల్‌ క్లియర్‌గా చెప్పకుండా చెప్పీచెప్పినట్లు చెప్పి తప్పించుకున్నాడు. పైగా యష్మి.. గౌతమ్‌ షర్ట్‌ వేసుకున్నప్పుడు అలగడం, వేరే ఎవరితోనైనా డ్యాన్స్‌ వేస్తే కుళ్లుకోవడం, తనను హత్తుకుని ముద్దుపెట్టడం వంటివి చూసినప్పుడు నిఖిల్‌కు కూడా ఆమె అంటే ఇష్టముందేమో అన్న సంకేతాలు కనిపించాయి.ముసుగులో గుద్దులాటఈ ముసుగులో గుద్దులాట దేనికి? అసలు నీ అభిప్రాయమేంటి? అని నిఖిల్‌ను ముఖం పట్టుకుని అడిగేసింది సోనియా. అందుకతడు ఆ మ్యాటర్‌ను ఎప్పుడో కట్‌ చేశానని, యష్మిపై తనకలాంటి ఉద్దేశమే లేదన్నాడు. అయితే యష్మి మాత్రం అది అబద్ధమని, తనకు ఏదీ క్లారిటీగా చెప్పలేదని వాదించింది. దీంతో నిఖిల్‌కు ఈ ఎపిసోడ్‌ కొంత మైనస్‌గా మారేట్లు కనిపిస్తోంది.పురుగుల్ని చూసినట్లు చూస్తావుఇక బేబక్క.. మనుషుల్ని చాలా తక్కువ చేసి చూస్తుంటావంటూ పృథ్వీని నామినేట్‌ చేశాడు. ఆర్జే శేఖర్‌ బాషా.. ప్రేరణను నామినేట్‌ చేస్తూ అదిరిపోయే పాయింట్లు చెప్పాడు. అవతలివారిని కించపరిచేట్లుగా మాట్లాడతావ్‌.. కొన్నిసార్లు కొందర్ని పురుగుల్ని చూసినట్లు చూస్తావు.. పానీపట్టు టాస్క్‌లో నిఖిల్‌ నిన్ను, యష్మిని రఫ్‌గా హ్యాండిల్‌ చేశాడు. ఆ పాయింట్‌తో నువ్వు నిఖిల్‌ను నామినేట్‌ చేయొచ్చు. కానీ అది వదిలేసి నీ టీమ్‌ మెంబర్‌ అయిన గౌతమ్‌ను ఎందుకు నామినేట్‌ చేశావు? అని ప్రశ్నించాడు.నిఖిల్‌కు లేని బాధ నీకెందుకు?అటు యష్మిని సైతం నామినేట్‌ చేస్తూ.. అవినాష్‌.. రోహిణిని సేవ్‌ చేసి నిఖిల్‌ను నామినేట్‌ చేశాడు. అక్కడ నిఖిలే లైట్‌ తీసుకున్నాడు, కానీ నువ్వెందుకు బాధపడ్డావు? మీ ముగ్గురూ కలిసి గ్రూప్‌ గేమ్‌ ఆడుతున్నారని జనాలకు తెలిసిపోయింది అంటూ యష్మిని నామినేట్‌ చేశాడు. మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

ఈసారి నామినేషన్స్‌ ప్రక్రియను బిగ్‌బాస్‌ వెరైటీగా ప్లాన్‌ చేశాడు. ఎలిమినేట్‌ అయిన కంటెస్టెంట్లను హౌస్‌లోకి రప్పించి.. ఇద్దర్ని నామినేట్‌ చేయాలన్నాడు. అలా మొదటగా సోనియా ఆకుల హౌస్‌లో ఎంట్రీ ఇచ్చింది. వచ్చీరావడంతోనే నిఖిల్‌ బ్యాచులో పుల్లలు పెట్టింది. పృథ్వీని ఇంట్లో నుంచి పంపించేయాలనుకున్నావ్‌ అంటూ ప్రేరణను నామినేట్‌ చేసింది.సిల్లీ రీజన్స్‌తో నామినేషన్‌ఇక నిఖిల్‌ను అయితే ఓ ఆటాడేసుకుంది. మొదట్లో పృథ్వీని ఎందుకు నామినేట్‌ చేశావ్‌? అని అడిగింది. అందుకతడు నిర్లక్ష్యంగా ఉన్నందుకు చేశానన్నాడు. అది విని అవాక్కైన పృథ్వీ.. ఆ కారణంతో నామినేట్‌ చేశావా? అని నోరెళ్లబెట్టాడు. మంచి పాయింట్లతో ఎప్పుడైనా నామినేట్‌ చేశావా? అని నిఖిల్‌ను నిలదీసింది. ఇక యష్మితో లవ్‌ ట్రాక్‌ గురించి మాట్లాడుతూ.. యష్మి తన మనసులో ఫీలింగ్‌ చెప్పింది.. కానీ నువ్వు అంటూ సోనియా మాట్లాడుతుండగా.. మధ్యలో నిఖిల్‌ అందుకున్నాడు. నిఖిల్‌ జోలికే వెళ్లేదాన్ని కాదుతన ఫీలింగ్‌ చెప్పగానే అక్కడే కట్‌ చేసేశాను అని క్లారిటీ ఇచ్చాడు. అది అబద్ధమని యష్మి గట్టిగా అరిచింది. క్లారిటీగా తనకు చెప్పుంటే నిఖిల్‌ జోలికే వెళ్లేదాన్ని కాదంది. అతడి వల్ల తాను బ్యాడ్‌ అయ్యానంది. అలా సోనియా నిఖిల్‌ నెత్తిపై బాటిల్‌ పగలగొట్టి నామినేట్‌ చేసింది. మరి హౌస్‌లోకి ఇంకా ఎవరెవరు వచ్చారు? ఎవర్ని నామినేట్‌ చేశారు? అనేది తెలియాలంటే ఎపిసోడ్‌ వచ్చేవరకు ఆగాల్సిందే! మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

నిఖిల్‌ మళయక్కల్‌.. గోరింటాకు సీరియల్‌తో బాగా ఫేమస్‌ అయ్యాడు. ఇదే ధారావాహికలో అతడికి జోడీగా నటించింది కావ్య శ్రీ. సీరియల్‌ ఎంత పాపులర్‌ అయిందో కానీ, వీరి జోడీ అంతకంటే ఎక్కువ క్లిక్‌ అయింది. ఇంకేముంది.. ప్రతి ఫంక్షన్‌లోనూ, షోలోనూ, ఈవెంట్‌లోనూ జంటగా మెరిసేవారు. కలిసి యూట్యూబ్‌ ఛానల్‌ కూడా ప్రారంభించారు. ఇద్దరి మధ్య దూరంవీళ్ల యవ్వారం చూసిన జనాలు ఈ ఇద్దరూ ప్రేమించుకుంటున్నారని భావించారు. ఇదే ప్రశ్న ఓసారి నిఖిల్‌కు ఎదురైతే.. కావ్య మంచి అమ్మాయి.. పెళ్లి అని జరుగుతున్న ప్రచారంలో నిజం లేదు. కానీ భవిష్యత్తు ఎలా ఉంటుందో చెప్పలేమని తమ ప్రేమ నిజమేనని హింటిచ్చాడు. తర్వాత ఏమైందే ఏమో తెలియదుగానీ ఇద్దరి మధ్య దూరం పెరిగింది. యూట్యూబ్‌ వీడియోలు చేయడం ఆపేశారు. కొట్టినా, తిట్టినా పడతా..ఇ‍క నిన్నటి బిగ్‌బాస్‌ ఎపిసోడ్‌లో నిఖిల్‌ తన లవ్‌స్టోరీ చెప్తూ ఎమోషనలయ్యాడు. ఆరేళ్ల ప్రేమ.. విడిపోయామని నేను అనుకోవడం లేదు. బిగ్‌బాస్‌ అయిపోగానే నీ ముందు ప్రత్యక్షమవుతాను. నువ్వు కొట్టినా, తిట్టినా పడతాను కానీ నన్ను క్షమించు. నువ్వే నా భార్యవి.. పిచ్చిలేస్తే నిన్ను లేపుకెళ్లిపోతా.. అని ఏడుస్తూ చెప్పాడు. అయితే అతడి కన్నీళ్లకు కావ్య కరిగినట్లు లేదు. ఇలాంటివి చూసి మోసపోవద్దంటూ ఇన్‌స్టాగ్రామ్‌ స్టోరీలో ఓ పోస్ట్‌ చేసింది. మోసపోవద్దుమాస్కు వేసుకుని నటించేవాళ్లను చూసి మోసపోవద్దు. ఫేక్‌ మనుషులు పరిస్థితులకు తగ్గట్లుగా తమ అసలు రంగును బయటపెడుతుంటారు. ఆ మాస్కులు పూర్తిగా ఊడిపోయేవరకు ఎదురుచూడండి అని తన ఇన్‌స్టాగ్రామ్‌ స్టోరీలో ఓ కొటేషన్‌ను పోస్ట్‌ చేసింది. ఇది చూసిన అభిమానులు నిఖిల్‌- కావ్య మళ్లీ కలుస్తారా? లేదా? అని చర్చించుకుంటున్నారు.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

హౌస్‌మేట్స్‌ తమ మొదటి ప్రేమకథ చెప్పాలన్నాడు బిగ్‌బాస్‌. ఈ క్రమంలో ఫస్ట్‌ లవ్‌స్టోరీ చెప్తూ కొందరు సిగ్గుపడితే మరికొందరు ఎమోషనలయ్యారు. ముందుగా యష్మి మాట్లాడుతూ.. నేను టీవీ యాంకర్‌గా ట్రై చేసినప్పుడు ఓ వ్యక్తి పరిచయమయ్యాడు. మొదట ఫ్రెండయ్యాడు.. తర్వాత ప్రేమించుకున్నాం. కానీ ఒకానొక సమయంలో నాకు ఫ్యామిలీనే ముఖ్యమనిపించింది. అప్పుడు మా మధ్య కూడా విభేదాలు వచ్చాయి. ఒప్పుకోలేకపోతున్నా..ప్రేమ మీద నమ్మకం పోయింది. మా నాన్న తప్ప ఇంకెవరూ వద్దనుకున్నాను. కానీ ఈరోజుకూ ఆయన నాకోసం ఎదురు చూస్తూనే ఉన్నాడు. ఎందుకో ఆయన్ను ఒప్పుకోలేకపోతున్నాను. కానీ ఈరోజుకూ నన్ను గైడ్‌ చేస్తూ ఫ్రెండ్‌గా ఉన్నాడు. మరో జన్మంటూ ఉంటే అప్పుడు నిన్ను పెళ్లి చేసుకుంటాను.. అని యష్మి భావోద్వేగానికి లోనైంది.బాగోలేనని బ్రేకప్‌: తేజతేజ మాట్లాడుతూ.. నాలుగేళ్లపాటు రిలేషన్‌లో ఉన్నాం. ఓసారి ఇంటికెళ్లి రాగానే బ్రేకప్‌ చెప్పింది. తన పక్కన నేను బాగోలేనని వాళ్ల పేరెంట్స్‌ వద్దన్నారట! ఆమె పెళ్లికి కూడా వెళ్లాను. ఓసారి ఆమె సడన్‌గా కాల్‌ చేసి సారీ అంటూ ఏడ్చేసింది. నా లైఫ్‌లోకి వచ్చే అమ్మాయికి ఒకటే చెప్తున్నా.. మా అమ్మను ఎంత ప్రేమగా చూసుకుంటానో, తనను కూడా అంతే ప్రేమగా చూసుకుంటా అని బిగ్‌బాస్‌ షో సాక్షిగా మాటిచ్చాడు.పృథ్వీ లవ్‌ స్టోరీపృథ్వీ.. నేను, నా బెస్ట్‌ ఫ్రెండ్‌ ఒకే అమ్మాయిని ప్రేమించాం. ఇద్దరం ట్రై చేసుకుందాం, ఎవరికి పడితే వాళ్లకే ఆ అమ్మాయి సొంతం అని డీల్‌ మాట్లాడుకున్నాం. ఓసారి ఆమె దగ్గరకు వెళ్లి ఐ లవ్యూ చెప్తే నీ పేరేంటి? అని అడిగింది. కాలేజీలో నా పేరు అందరికీ తెలుసు.. అలాంటిది ఆమె నా పేరు అడిగేసరికి ఇన్సల్ట్‌ అనిపించింది. తర్వాత ఆమె నా ఫ్రెండ్స్‌ దగ్గర నెంబర్‌ తీసుకుని నాకు మెసేజ్‌లు చేసింది.మోసం చేశాడు: రోహిణిఓరోజు ప్రపోజ్‌ కూడా చేసింది. అంతా బాగానే సాగింది. త్వరగా పెళ్లి చేసుకుందామంది. నా కెరీర్‌ నాకు ముఖ్యం, పెళ్లికి సమయం పడుతుందని చెప్పేసరికి ఇద్దరం పరస్పర అంగీకారంతో విడిపోయాం అని తెలిపాడు. రోహిణి.. డైమండ్‌ రింగ్‌తో నాకు బాగా దగ్గరైన స్నేహితుడికి ప్రపోజ్‌ చేశాను. ఆర్థిక ఇబ్బందులున్నాయి. అవి క్లియర్‌ అయ్యాకే పెళ్లి చేసుకుందామన్నాడు. సరేనన్నాను. కట్‌ చేస్తే వేరే అమ్మాయితో రెండేళ్లుగా రిలేషన్‌లో ఉన్నాడు. అది నా దగ్గర దాచాడు. తర్వాత సిల్లీగా బ్రేకప్‌ చెప్పాడు అంటూ ఎమోషనలైంది.నా భార్య అని ఫిక్సయ్యా: నిఖిల్‌నిఖిల్‌ వంతు రాగా.. తెలుగు ఇండస్ట్రీలో కాలు పెట్టినప్పుడే ఈ అమ్మాయి నా సొంతం అనిపించింది. అన్ని ప్రేమకథల్ని మరిపించేలా చేసింది. మాది ఆరేళ్ల రిలేషన్‌.. తను నా భార్య అని ఫిక్సయిపోయాను. కానీ ఫ్యామిలీ వల్ల మా మధ్య దూరం వచ్చింది. ఈ జన్మకు సరిపోయేటన్ని జ్ఞాపకాలనిచ్చింది. తిట్టు, కొట్టు..కోపంలో విడిపోయాం.. కానీ నా వల్ల కావట్లేదు. కచ్చితంగా తన దగ్గరకు వెళ్తా.. తిట్టు, కొట్టు, నువ్వు మళ్లీ ఒప్పుకునేవరకు నీ వెంటపడ్తాను. నాకు పిచ్చి లేసిందంటే మాత్రం లేపుకెళ్తాను. బిగ్‌బాస్‌ షో అయిపోగానే నీ కళ్ల ముందుంటాను. బిడ్డ తప్పు చేస్తే అమ్మ ఎలా క్షమించి దగ్గరకు తీసుకుంటుందో నువ్వూ అలాగే దగ్గరకు తీసుకోవాలని కోరుకుంటున్నాను. నాకు నువ్వు కావాలి అంటూ చిన్నపిల్లాడిలా ఏడ్చేశాడు.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

తెలుగు బిగ్‌బాస్‌ ఎనిమిదో సీజన్‌ విజయవంతంగా పది వారాలు పూర్తి చేసుకుంది. ఇప్పుడు పదకొండో వారం ఫ్యామిలీ వీక్‌ నడుస్తోంది. నిన్నటి ఎపిసోడ్‌లో నిఖిల్‌ తల్లి, అవినాష్‌ భార్య, యష్మి తండ్రి హౌస్‌లో అడుగుపెట్టారు. అయితే ఏ ఫ్యామిలీ మెంబర్‌ ఇవ్వనన్ని హింట్లు నిఖిల్‌ తల్లి.. తన కొడుక్కి ఇచ్చింది.నిఖిల్‌ను ఆదేశించిన తల్లిఏమాత్రం సంకోచించకుండా చెప్పాలనుకున్నవన్నీ చెప్పేసింది. గౌతమ్‌తో గొడవపెట్టుకోవద్దని, అతడిని నామినేట్‌ చేయొద్దని సూచించింది. యష్మిని కంట్రోల్‌లో పెట్టమంది. ప్రేరణకు బయట నెగెటివిటీ పెరిగిపోతోందని పరోక్షంగా చెప్తూ తనతో దూరంగా ఉండమంది. యష్మి, ప్రేరణ, నిఖిల్‌ అంతా ఒకే గ్రూప్‌.. కానీ ఇక మీదట గ్రూప్‌ గేమ్స్‌ వద్దు, ఒంటరిగా నీ ఆట నువ్వు ఆడు అని నొక్కి చెప్పింది. విష్ణుపై ఎందుకంత కోపం?ఈ క్రమంలో నిఖిల్‌ తల్లి సోషల్‌ మీడియాలో చేసిన పాత పోస్టులు కొన్ని వైరల్‌గా మారాయి. అందులో ఆమె విష్ణుప్రియపై దారుణ కామెంట్లు చేసింది. ఎప్పుడూ నవ్వుతూ కనిపించే ఈ ముఖంపై లాగిపెట్టి కొట్టాలనుందని ఓ పోస్ట్‌ పెట్టింది. అందులో విష్ణును డ్రామా క్వీన్‌ అని విమర్శించింది. దీనిపై ఓ వ్యక్తి స్పందిస్తూ.. విష్ణు కనీసం డ్రామా అయినా చేస్తుంది.. మరి నిఖిల్‌ ఏం చేస్తున్నాడు? అని కామెంట్‌ పెట్టాడు. అందుకామె.. నిఖిల్‌ తన గేమ్‌ ఆడుతున్నాడు.. టాస్కులు గెలుస్తున్నాడు. విష్ణు మాత్రం కేవలం డ్రామానే చేస్తుందని విమర్శించింది. ఇతర కంటెస్టెంట్లను తిట్టడమేంటి?ప్రేరణను వీడియోను షేర్‌ చేస్తూ.. వావ్‌. ఆ కల్చర్‌ ఏంటి? నీ ప్రవర్తన ఏంటి? ఆ లాంగ్వేజ్‌ ఏంటి? అని విమర్శించింది. ఇందుకు సంబంధించిన స్క్రీన్‌షాట్లు నెట్టింట ప్రత్యక్షం కావడంతో బిగ్‌బాస్‌ ఫ్యాన్స్‌ ఆశ్చర్యపోతున్నారు. ఫ్యామిలీ తన కంటెస్టెంట్‌ గురించి పోస్టులు పెట్టాలి కానీ ఇలా ఇతర కంటెస్టెంట్లను తిడుతూ పోస్టులు పెట్టడం తప్పని పలువురూ అభిప్రాయపడుతున్నారు. నిఖిల్‌ను తిడుతుంటే ఎలా ఊరుకుంటుంది?ఓ టాస్కులో ప్రేరణ, విష్ణుప్రియ.. నిఖిల్‌పై నోరుపారేసుకోవడం వల్లే ఆ తల్లి తట్టుకోలేక అలాంటి కామెంట్స్‌ చేసిందని నిఖిల్‌ అభిమానులు ఆమెను వెనకేసుకొస్తున్నారు. నిఖిల్‌ చేతికి గాజులు వేసుకుని బొట్టు పెట్టుకోవాలి అని విష్ణు తిట్టినందుకే అతడి తల్లి ఆమె చెంప పగలగొడతానందని.. అందులో తప్పేముందని కామెంట్లు చేస్తున్నారు. WTH 🤯🤯🤯This is absolutely rude & disgusting!!Being a contestant’s mom posting so harshly with such a unnecessary rude description on #VishnuPriya & #Prerana is absolutely worst 👎🏻👎🏻Didn’t expect this from #NikhilMaliyakkal mom 🤢🤢#BiggBossTelugu8 pic.twitter.com/fYCl3SN7QU— Vamc Krishna (@lyf_a_zindagii) November 14, 2024 మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

ఫ్యామిలీ వీక్‌ అంటేనే సంతోషం, దుఃఖం రెండూ కలగలసి ఉంటాయి. అయితే అవినాష్‌ మాత్రం దుఃఖాన్ని దాచేస్తూ సంతోషాన్ని పంచేందుకే ప్రయత్నించాడు. అటు నిఖిల్‌ తల్లి.. ఏమాత్రం సంకోచించకుండా చెప్పాల్సిన హింట్లన్నీ చెప్పేసింది. అవేంటో నేటి (నవంబర్‌ 13) ఎపిసోడ్‌ హైలైట్స్‌లో చదివేయండి..యష్మికి హింట్‌ ఇచ్చిన తండ్రితండ్రిని చూడగానే యష్మి.. పప్పా అంటూ సంతోషంతో ఏడ్చింది. కూతుర్ని ఓదార్చిన ఆయన అందరితోనూ కలివిడిగా మాట్లాడారు. తర్వాత కూతురికి అవసరమైనన్ని హింట్లు ఇచ్చాడు. 'నువ్వు నీకోసమే ఆడాలి.. ఇండివిడ్యువల్‌ గేమ్‌ ఆడు.. టాస్కులు ఆడకుండా ఊరికే కూర్చుంటే నీపై బ్యాడ్‌ ఇంప్రెషన్‌ వస్తుంది. నువ్వు మనసులో అనుకుంది అందరికీ చెప్పేయకు.. నువ్వు చేయాలనుకుంది నేరుగా చేసేయు. కూతురి తరపున సారీఇన్నివారాలున్నావ్‌.. నిన్ను స్టేజీపై చూడాలనుంది. నీకోసమే ఆడితే కప్పు గెలుస్తావు.. నీ గురించి ఎవరేమనుకున్నా పట్టించుకోకు అని చెప్పాడు. గారాలపట్టికి గోరుముద్దలు కూడా తినిపించాడు. నాన్నతో యష్మి డ్యాన్స్‌ చేస్తుంటే.. నబీల్‌కు తండ్రి గుర్తొచ్చి కన్నీళ్లు పెట్టుకున్నాడు. యష్మి తండ్రి ఆడిన గేమ్‌లో వచ్చిన రూ.21 వేలు ప్రైజ్‌మనీలో యాడ్‌ చేశారు. వెళ్లిపోయేముందు.. నా కూతురు ఏమైనా తప్పుగా మాట్లాడి ఉంటే.. దయచేసి ఎవరూ ఏమనుకోవద్దు అంటూ కూతురి తరపున క్షమాపణలు చెప్పి ఓ మెట్టు పైకి ఎక్కేశాడు. .కుమిలిపోతున్న తేజఆయన వెళ్లిపోతుంటే యష్మితో పాటు తేజ కూడా ఏడ్చేశాడు. అందరి పేరెంట్స్‌ వచ్చినప్పుడల్లా కుమిలి కుమిలి ఏడుస్తున్న తేజను ఎలా ఓదార్చాలో హౌస్‌మేట్స్‌కు అర్థం కాలేదు. అతడి బాధను చూడలేకపోయిన గౌతమ్‌.. తన ఫ్యామిలీకి బదులుగా తేజ పేరెంట్స్‌ను పంపించమని బిగ్‌బాస్‌ను అభ్యర్థించాడు. అనంతరం నిఖిల్‌ తల్లి హౌస్‌లో అడుగుపెట్టింది. ఏయే కారణాల వల్ల నిఖిల్‌ గ్రాఫ్‌ పడిపోతుందో.. అవన్నీ పూసగుచ్చినట్లు చెప్పి మార్చుకోమని సూచించింది. నిఖిల్‌ను జాగ్రత్తపడమన్న తల్లిగ్రూప్‌ గేమ్‌ ఆడకు, ఇకపై ఇండివిడ్యువల్‌గానే ఆడు. నెల రోజులు మాత్రమే ఉంది. G (గౌతమ్‌)తో ఎక్కువగా ఫైట్‌, డిఫెన్స్‌కు వెళ్లొద్దు, నామినేషన్‌ దాకా అసలే వెళ్లొద్దు అని హింట్లు ఇచ్చింది. తప్పు చేస్తేనే నామినేట్‌ చేస్తున్నా అని నిఖిల్‌ సంజాయిషీ ఇవ్వగా.. నీతో జరిగిన దానికే మాత్రమే నామినేట్‌ చేయు, వేరే వాళ్ల గురించి చేయకు. Y(యష్మి)ని కొంచెం కంట్రోల్‌ చేయు. ఆమెకు దూరంగా ఉండుP (ప్రేరణ) అనే అమ్మాయి నుంచి కొంచెం దూరంగా ఉండు.. గ్రూపిజం ఆడకు.. నీకోసమే ఆడు అంటూ ఎవరూ ఇవ్వనన్ని హింట్లు ఇచ్చేసింది. తర్వాత ఆమె గేమ్‌ ఆడి మటన్‌ సంపాదించింది. తమకు నాన్‌వెజ్‌ రావడంతో హౌస్‌మేట్స్‌ ఫుల్‌ ఖుషీ అయ్యారు. ఆమె వెళ్లిపోయాక బిగ్‌బాస్‌ హౌస్‌మేట్స్‌ అందరికీ ఓ గంటసేపు నిద్రపోయే అవకాశం ఇచ్చాడు. ఈ సమయంలో అనూజ వచ్చి నిద్రలో ఉన్న అవినాష్‌ను హత్తుకుంది.భార్య కోసం డ్రెస్‌ మార్చుకున్న అవినాష్‌భార్యను చూడగానే దెబ్బకు నిద్రమత్తు వదిలింది. అనూజ బ్లాక్‌ డ్రెస్‌లో వచ్చిందని వెంటనే అతడు కూడా వెళ్లి డ్రెస్‌ మార్చుకున్నాడు. బిగ్‌బాస్‌ వీళ్లిద్దరికీ కంపారిబులిటీ టెస్ట్‌ పెట్టాడు. ఈ గేమ్‌ ద్వారా రూ.51,000 ప్రైజ్‌మనీ కావాలా? లేదా మూడుగంటలు కిచెన్‌ టైమింగ్‌ కావాలా? అని అడిగాడు. అందుకు వీళ్లు ప్రైజ్‌మనీని ఎంచుకున్నారు. ఇక ఈ దంపతుల కోసం బిగ్‌బాస్‌ పెద్ద జే ప్లాన్‌ చేశాడు. బిగ్‌బాస్‌ సర్‌ప్రైజ్‌యాక్షన్‌ రూమ్‌ను హార్ట్‌ షేప్‌ బెలూన్లతో నింపేసి డిన్నర్‌ డేట్‌ ఏర్పాటు చేశాడు. అది చూసి మురిసిపడ్డ అవినాష్‌.. ఇది తన జీవితంలోనే అద్భుతమైన ఎక్స్‌పీరియన్స్‌ అన్నాడు. ఇంతలో బిగ్‌బాస్‌ అవినాష్‌ ముచ్చటపడినట్లుగా లైట్లు ఆఫ్‌ చేశాడు. దాంతో అతడు తన భార్యపై ముద్దుల వర్షం కురిపించాడు. చివరగా అనూజ నవ్వుతూ అక్కడి నుంచి వీడ్కోలు తీసుకుంది.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

బిగ్‌బాస్‌ షోకివ వచ్చినవాళ్లు కప్పు గెలవకపోయినా పర్లేదు కానీ తమ ఫ్యామిలీ మెంబర్‌ను ఒక్కసారైనా హౌస్‌కు తీసుకురావాలని తహతహలాడతారు. గంగవ్వ కూడా అదే ఆశపడింది. కానీ, ఆరోగ్యం సహకరించకపోవడంతో సడన్‌గా హౌస్‌ నుంచి నిష్క్రమించింది. అటు గతేడాది బిగ్‌బాస్‌కు వచ్చిన తేజ మరోసారి ఈ సీజన్‌లో అడుగుపెట్టడానికి ప్రధాన కారణం... తన తల్లిని హౌస్‌లోకి తీసుకురావాలని!వరస్ట్‌ కంటెస్టెంట్‌కానీ మెజారిటీ హౌస్‌మేట్స్‌ తేజను వరస్ట్‌ కంటెస్టెంట్‌ అని తేల్చడంతో ఫ్యామిలీ వీక్‌లో అతడి కోసం ఎవరూ రారని నాగ్‌ తేల్చిచెప్పాడు.. ఎంతోమంది ఎన్నో తప్పులు చేసినా, చేస్తూనే ఉన్నా చూసీచూడనట్లు ఉన్న బిగ్‌బాస్‌ తేజకు మాత్రం ఇలాంటి దారుణమైన శిక్ష విధించడం చాలామందికి ఆశ్చర్యాన్ని కలిగించింది.నిఖిల్‌ పశ్చాత్తాపంఇది విన్నాక నిఖిల్‌ సైతం పశ్చాత్తాపపడ్డాడు. ఎందుకంటే తేజను వరస్ట్‌ కంటెస్టెంట్‌ అని డిసైడ్‌ చేసినవారిలో నిఖిల్‌ కూడా ఉన్నాడు. (విష్ణుప్రియ, పృథ్వీ కూడా తేజను చెత్తప్లేయర్‌గా పేర్కొన్నారు) తల్లిని హౌస్‌లోకి తీసుకురావడమే తేజ ఏకైక లక్ష్యం అని అందరికీ తెలుసు! అలాంటిది.. అతడి కోరిక నెరవేరకపోవడానికి తాను కూడా కారణమవుతున్నానని నిఖిల్‌ బాధపడ్డాడు.తేజ తల్లి వస్తుందా? రాదా?అయితే నిజంగా తేజ తల్లి హౌస్‌లోకి అడుగుపెట్టే అవకాశమే లేదా? అంటే కచ్చితంగా ఉంది. టీఆర్పీ కోసం తేజ ఎమోషన్స్‌ను వాడుకుంటున్నట్లు కనిపిస్తోంది. అందరి ఇంటివాళ్లు వచ్చి వెళ్లాక చివర్లో తేజ ఫ్యామిలీ మెంబర్‌ హౌస్‌లో సర్‌ప్రైజ్‌ ఎంట్రీ ఇవ్వడం ఖాయం. ఇక ఈరోజైతే నిఖిల్‌ తల్లి హౌస్‌లోకి వచ్చింది. అందుకు సంబంధించిన ప్రోమో తాజాగా రిలీజైంది. అమ్మను చూడగానే నిఖిల్‌ చంటిపిల్లాడిలా ఏడ్చేశాడు. మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

కంటెస్టెంట్ల ఫోటోపై పెయింట్‌ వేసి నామినేట్‌ చేయాలి. బజర్‌ మోగినప్పుడు ముందుగా బ్రష్‌ పట్టుకున్న వారికే నామినేట్‌ చేసే ఛాన్స్‌ ఉంటుంది. నామినేషన్స్‌ అంటేనే గొడవలు కాబట్టి దానికి ఏమాత్రం కొదవ లేదు. యష్మి తప్పును తన నోటితోనే చెప్పించాడు తేజ.. మరి ఎవరు ఎవర్ని నామినేట్‌ చేశారో నేటి (నవంబర్‌ 11) ఎపిసోడ్‌ హైలైట్స్‌లో చూసేద్దాం..ఫేవరిటిజం స్పష్టంగా కనిపిస్తోందిముందుగా మెగా చీఫ్‌ ప్రేరణ.. గౌతమ్‌ ఫోటోకు పెయింట్‌ పూస్తూ ప్రతీది ఆడియన్స్‌ ఏమనుకుంటారు? అనేది ఆలోచిస్తూ అడుగు వేస్తున్నాడు. అందరితో కలవట్లేదు, టీమ్‌ స్పిరిట్‌ లేదు అని కారణాలు చెప్పింది. ఆ కారణాలు గౌతమ్‌కు ఏమాత్రం మింగుడుపడలేదు. టీమ్‌ వర్క్‌ అంటే.. ఓడినా, గెలిచినా కలిసి పోరాడటం.. అంతే తప్ప నీవల్ల ఓడిపోయాం అంటూ గుచ్చిగుచ్చిచెప్పడం టీమ్‌ మెంబర్‌ లక్షణం కాదు. ఇక్కడ ఫేవరిటిజం, గ్రూపిజం స్పష్టంగా కనిపిస్తోంది అని ప్రేరణపై మండిపడ్డాడు.నాది తప్పయితే యష్మిది కూడా తప్పే!తర్వాత బజర్‌ మోగగానే బ్రష్‌ పట్టుకున్న నిఖిల్‌.. తేజను నామినేట్‌ చేశాడు. ఎవిక్షన్‌ షీల్డ్‌ గేమ్‌లో అతడు కావాలని తప్పు చేశాడన్నాడు. దీనికి తేజ స్పందిస్తూ.. నేను తెలిసి తప్పు చేయలేదు. నేను గుడ్డు వేయడం తప్పయితే నా తర్వాత యష్మి చేసింది తప్పు కాదా? అని సూటిగా ప్రశ్నించాడు. ఈ ప్రశ్నకు నిఖిల్‌ సమాధానం దాటవేస్తుంటే.. నీకు మాట్లాడటానికి భయం.. అంటూ రెచ్చగొట్టాడు. దాంతో నిఖిల్‌.. ఆమెది తప్పు కాదు, నీదే తప్పు అన్నాడు. దమ్ము లేదుఇంతలో నిఖిల్‌ గ్యాంగ్‌ వీళ్లను ఆపేందుకు రాగా.. ముగ్గురూ నాపై అటాక్‌ చేస్తున్నారా? అని తేజ అన్నాడు. దాంతో పృథ్వీ.. ఆ ముగ్గురు ఎవరని అడిగారు. నువ్వు అడిగితే నేను చెప్పను అని తేజ అంటే.. నీకు పేర్లు చెప్పే దమ్ము లేదు అంటూ తేజపై రెచ్చిపోయాడు. తర్వాత గౌతమ్‌.. అవతలి వ్యక్తులను అగౌరవపర్చడం అలవాటైపోయిందంటూ పృథ్వీని నామినేట్‌ చేశాడు.తల్లికి తేజ క్షమాపణలుదీని గురించి చర్చించే క్రమంలో.. నీ బెదిరింపులకు అందరూ భయపడతారేమో కానీ నేను కాదు అని గౌతమ్‌ అన్నాడు. నువ్వు విక్టిమ్‌ కార్డ్‌ ప్లే చేస్తున్నావని పృథ్వీ ఆరోపించాడు. అనంతరం తేజ ముందుగా తన తల్లికి సారీ చెప్పాడు. నిన్ను హౌస్‌కు తీసుకొస్తానని చెప్పాను, కానీ ఆ మాటపై నిలబడలేకపోతున్నందుకు క్షమించమన్నాడు. ఇందుకు కారణమైన హౌస్‌మేట్స్‌కు థాంక్యూ చెప్పాడు. వరస్ట్‌ ప్లేయర్‌ అంటూతర్వాత యష్మిని నామినేట్‌ చేస్తూ.. ఆమె అభిప్రాయాన్ని గౌరవించకుండా నేను ఒక గుడ్డును పాము నోట్లో పెట్టాను. తర్వాత యష్మి కూడా ఆలోచించకుండా వెళ్లి మరో గుడ్డు పాము నోట్లో వేసింది. నేను చేసింది తప్పే.. అలాగే యష్మి చేసింది కూడా తప్పే! అన్నాడు. దీనిపై యష్మి.. తాను తప్పు చేయలేదని వాదించింది. ఈ క్రమంలో హే.. పో, కూర్చో అంటూ చిరాకుపడింది. వరస్ట్‌ ప్లేయర్‌ అంటూ తేజపై ముద్ర వేసింది. పృథ్వీ.. చీఫ్‌గా, సంచాలకుడిగా ఫెయిలయ్యావంటూ అవినాష్‌ను నామినేట్‌ చేశాడు.మాట తప్పావ్‌రోహిణి.. చీఫ్‌ కంటెండర్‌ అయినప్పుడు నాకు సపోర్ట్‌ చేస్తానని చెప్పి మాట తప్పావంటూ విష్ణుప్రియను నామినేట్‌ చేసింది. ఆ రోజు అందుకే ఏడ్చానని రోహిణి పేర్కొంది. దీనికి విష్ణు తలతిక్క సమాధానమిచ్చింది. తొక్కలో మాట ఇచ్చుండకపోతే నాకు ఈ సమస్య వచ్చేదే కాదు. ఇప్పుడు చెప్తున్నా.. నాకు అందరికంటే పృథ్వీయే ఎక్కువ అని ప్రకటించేసింది. ఇక ఈ వారం గౌతమ్‌, తేజ, పృథ్వీ, అవినాష్‌, విష్ణుప్రియ, యష్మీ నామినేట్‌ అయ్యారు.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

బిగ్‌బాస్ 8లో పదోవారం కూడా అయిపోయింది. హరితేజ ఎలిమినేట్ అయి వెళ్లిపోయింది. ఎప్పటిలానే సోమవారం వచ్చేసింది. దీంతో నామినేషన్స్ హంగామా మొదలైంది. హౌస్ట్ నాగార్జున ఇప్పటికే కన్నడ బ్యాచ్‌ చేసిన తప్పుల్ని చూసిచూడనట్లు వదిలేస్తున్నాడు. హౌస్‌లో మాత్రం అలా సాగదు కదా! తేజ, గౌతమ్ వాళ్లకు ఇచ్చిపడేశారు. ఈ ప్రోమోని ఇప్పుడు రిలీజ్ చేశారు.11వ వారానికి సంబంధించిన నామినేషన్ వేసేందుకు ఈసారి హౌస్‌మేట్స్ పెయింటింగ్స్‌ని స్మాష్ చేయాల్సి ఉంటుందని బిగ్‌బాస్ చెప్పాడు. దీంతో ప్రేరణ.. గౌతమ్ ఫొటోని స్మాష్ చేసింది. దీంతో ఇద్దరి మధ్య వాదన నడిచింది. నిఖిల్ వంత వచ్చేసరికి.. గతవారం తేజ చేసిన తప్పుని ఎత్తి చూపుతూ నామినేట్ చేశాడు. బయటకొచ్చిన తర్వాత తేజ వదల్లేదు. నేను చేసింది తప్పు సరే, యష్మీ చేసింది తప్పు కాదా అని ప్రశ్నించాడు. దానికి నేను సమాధానం చెప్పను అని నిఖిల్ మాట దాటవేశాడు.(ఇదీ చదవండి: ఈ వారం ఓటీటీల్లోకి 22 సినిమాలు.. అవి ఏంటంటే?)అలా నిఖిల్-తేజ మధ్య చాలాసేపు గొడవ జరిగింది. ఇదంతా చూస్తుంటే హోస్ట్ నాగార్జున.. వీకెండ్ వచ్చి మిగతా వాళ్లు చేసిన తప్పుల్ని చెబుతున్నాడు. అదేదో పెద్ద పాపం అన్నట్లు రచ్చ చేస్తున్నాడు. సోమవారం వచ్చేసరికి దాన్నే కన్నడ బ్యాచ్.. నామినేషన్స్ కోసం ఉపయోగిస్తున్నారు. ఈ వారం కూడా అదే జరిగేలా ఉంది. అలా ఈ వారం దాదాపు ఆరుగురు నామినేట్ అయినట్లు తెలుస్తోంది.నామినేట్ అయినవాళ్లలో పృథ్వీ, యష్మీ, విష్ణుప్రియ, గౌతమ్, టేస్టీ తేజ, అవినాష్ ఉన్నట్లు సమాచారం. లిస్ట్ చూస్తుంటే నిఖిల్, ప్రేరణ లేరు కాబట్టి వాళ్ల ఫ్యాన్స్.. కన్నడ బ్యాచ్‌లో భాగమైన పృథ్వీ, యష్మీకి సపోర్ట్ చేస్తారు. మిగతా వాళ్లలో ఎవరి ఫ్యాన్ బేస్ వాళ్లకు ఉంది. కానీ ఈసారి ఎందుకు విష్ణుప్రియ మీద దెబ్బపడుద్దా అనే సందేహం వస్తోంది. చూడాలి మరి ఈ వారం ఎవరు బలైపోతారో?(ఇదీ చదవండి: నన్ను అలా పిలవొద్దు.. కమల్ హాసన్ రిక్వెస్ట్)

ఈరోజు హౌస్‌ జంబలకిడిపంబగా మారిపోయింది. వాళ్లు వీళ్లయ్యారు, వీళ్లు వాళ్లయ్యారు. అదేనండి.. ఆడాళ్లు మగాళ్ల గెటప్‌లోకి. మగాళ్లు ఆడాళ్ల గెటప్‌లోకి మారిపోయారు. వీరినలా చూస్తుంటేనే ప్రేక్షకులు పడీపడీ నవ్వడం ఖాయం. అలా ఉన్నాయి ఒక్కొక్కరి అవతారాలు.. పైగా ఒకరి పాత్రల్లో మరొకరు లీనమై నటించారు. ముఖ్యంగా ప్రేరణ.. నిఖిల్‌గా నటించి అదరగొట్టేసింది. మరి హౌస్‌లో ఇంకా ఏమేం జరిగాయో నేటి (నవంబర్‌ 10) ఎపిసోడ్‌ హైలైట్స్‌లో చదివేయండి..ఐటం సాంగ్‌నాగ్‌.. ప్రేరణ, గౌతమ్‌ను సేవ్‌ చేశాడు. తర్వాత మెగా హీరో వరుణ్‌ తేజ్‌ మట్కా సినిమా ప్రమోషన్స్‌ కోసం స్టేజీపైకి వచ్చాడు. వచ్చీరావడంతోనే ఆడవేషంలో ఉన్న మగవారికి ఐటం సాంగ్‌ చేసే టాస్క్‌ ఇచ్చాడు. అలాగే మగవేషంలో ఉన్న ఆడపిల్లలు మాస్‌ పాటలకు చిందేయాలన్నాడు. పర్ఫామెన్స్‌ బట్టి మార్కులిస్తానన్నాడు. ఈ గేమ్‌లో నబీల్‌కు 6, రోహిణి, తేజ, విష్ణుప్రియకు 10, అవినాష్‌, ప్రేరణ, నిఖిల్‌, హరితేజలకు 9, యష్మికి 8, గౌతమ్‌కు 7 మార్కులిచ్చాడు. తేజ డ్యాన్స్‌కు ముచ్చెమటలుముఖ్యంగా తేజ పర్ఫామెన్స్‌కైతే వరుణ్‌తేజ్‌కు చెమటలు పట్టాయి. ఒక్కరు నవ్వకుండా ఉంటే ఒట్టు! ఆ రేంజ్‌లో ఉంది మనోడి పర్ఫామెన్స్‌. ఫైనల్‌గా ఈ గేమ్‌లో బాయ్స్‌ వేషంలో ఉన్న ఆడవారు గెలిచారు. అనంతరం వరుణ్‌ తన మనసుకు దగ్గరైనవారి గురించి మాట్లాడాడు. రామ్‌ చరణ్‌ తనకు సోదరుడని, ఏ సమస్య వచ్చినా అతడి దగ్గరకు వెళ్తానన్నాడు. నిహారిక కొడుతుందా?చిరంజీవి తన ఇన్‌స్పిరేషన్‌ అని, అల్లు అర్జున్‌ హార్డ్‌వర్కర్‌ అని, పవన్‌ కళ్యాణ్‌ గురించి చెప్పడానికి మాటలు సరిపోవన్నాడు. నిహారిక బెస్ట్‌ఫ్రెండ్‌ అని.. ఎప్పుడూ తనను కొడుతుందన్నాడు. తర్వాత సెలవు తీసుకుని వెళ్లిపోయాడు. అనంతరం నాగ్‌ నిఖిల్‌ను సేవ్‌ చేశాడు. ఇకపోతే కొన్ని హ్యాష్‌ట్యాగులు ఇచ్చిన బిగ్‌బాస్‌ అవి ఎవరికి సెట్టవుతాయో చెప్పాలన్నాడు. ముందుగా తేజ.. ఎవరికోసం ఆలోచించకుండా పండ్లు తినేసిన గౌతమ్‌కు సెల్ఫిష్‌ ట్యాగ్‌ ఇచ్చాడు. బిల్లు మాఫీ చేయించిన నాగ్‌ఈ క్రమంలో హౌస్‌లో జరుగుతున్న దొంగతనం గురించి నాగ్‌ ఆరా తీశాడు. సూపర్‌ మార్కెట్‌లో హౌస్‌మేట్స్‌ కొన్ని వస్తువులు దొంగతనం చేశారు. అందుకుగానూ బిగ్‌బాస్‌ రూ.1,85,000 బిల్లు వేశాడు. అసలు ఏమేం దొంగిలించారనేది నాగ్‌ వీడియో ప్లే చేసి మరీ చూపించాడు. అయితే చిన్నచిన్న దొంగతనాలను చూసీ చూడనట్లు వదిలేయమని, ఆ బిల్లును ప్రైజ్‌మనీలో నుంచి కట్‌ చేయొద్దని నాగ్‌ బిగ్‌బాస్‌ను అభ్యర్థించడం విశేషం.అవినాష్‌ కట్టప్పహ్యాష్‌ట్యాగుల గేమ్‌ విషయానికి వస్తే.. విష్ణుప్రియ.. ప్రేరణ టేప్‌రికార్డర్‌ అని, హరితేజ.. తేజ లేజీబాయ్‌ అని, నబీల్‌.. ప్రేరణకు ఇగో ఎక్కువ, యష్మి.. అవినాష్‌ కట్టప్ప (వెన్నుపోటు), అవినాష్‌.. విష్ణుప్రియ ఓవర్‌ డ్రమటిక్‌, గౌతమ్‌.. ప్రేరణ కంట్రోల్‌ ఫ్రీక్‌, రోహిణి.. అవినాష్‌ అటెన్షన్‌ సీకర్‌, ప్రేరణ.. గౌతమ్‌ ఇరిటేటింగ్‌, పృథ్వీ.. నిఖిల్‌ ఇమ్మెచ్యూర్‌, నిఖిల్‌.. పృథ్వీ అటెన్షన్‌ సీకర్‌ అని పేర్కొన్నారు. తర్వాత విష్ణు, పృథ్వీ సేవ్‌ అయ్యారు.హరితేజ ఎలిమినేట్‌చివరగా హరితేజ, యష్మి మాత్రమే మిగిలారు. నబీల్‌ను ఎవిక్షన్‌ షీల్డ్‌ వాడతావా? అని నాగ్‌ అడగ్గా అతడు ఇప్పుడు వాడనని తేల్చిచెప్పాడు. దీంతో నాగ్‌ యష్మిని సేవ్‌ చేసి హరితేజ ఎలిమినేట్‌ అయినట్లు ప్రకటించాడు. హరితేజ వెళ్లిపోతుంటే విష్ణుప్రియ వెక్కివెక్కి ఏడ్చింది. చివర్లో హరితేజ.. హౌస్‌లో ఎవరు మాస్కులు తీసేస్తే బెటరో చెప్పాలన్నాడు. ఐదుగురు మాస్క్‌ తీయాల్సిందే!అవినాష్‌, రోహిణి మాస్కు తీసేయాలని అభిప్రాయపడింది. తేజ.. రూల్స్‌ చెప్పడమే కాకుండా పాటించాలని సూచించింది. ప్రేరణ మంచి అమ్మాయే కానీ కొన్ని చెడు లక్షణాల వల్ల తన మంచి కనడకుండా పోతుందని తెలిపింది. నిఖిల్‌.. తన ఎమోషన్స్‌ బయటకు చూపించాలన్నాడు. అలా ఈ ఐదుగురు మాస్క్‌ తీసేస్తే బెటర్‌ అని చెప్పింది. మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

ఎవిక్షన్‌ షీల్డ్‌ గేమ్‌ను బిగ్‌బాస్‌ మెగా ఛీఫ్‌ ప్రేరణతో మొదలుపెట్టాడు. షీల్డ్‌ అందుకోవడానికి అనర్హులైన ఐదుగురిని గేమ్‌లో నుంచి తీయాలన్నాడు. గేమ్‌లో ఎవరు ఉండకూడదనుకుంటున్నారో వారి ఎగ్స్‌ను పాము నోట్లో పెట్టాల్సి ఉంటుంది. దీంతో ప్రేరణ... విష్ణుప్రియ, పృథ్వీ, గంగవ్వ, హరితేజ, గౌతమ్‌లను సైడ్‌ చేసింది.ప్రేరణ జోలికొస్తే విష్ణును తీసేస్తానన్న పృథ్వీఅనంతరం హౌస్‌మేట్స్‌ను జంటలుగా పిలిచి.. వాళ్లు ఎవర్ని తీసేయాలనుకుంటున్నారో నిర్ణయించుకుని ఆ కంటెస్టెంట్‌ ఎగ్‌ను పాము నోట్లో వేయమన్నాడు. అలా విష్ణుప్రియ, పృథ్వీని పిలిచాడు. విష్ణు.. ప్రేరణను తీసేద్దామనడంతో పృథ్వీ సరేనని తలాడించాడు. ఇక హరితేజ- రోహిణి వంతు వచ్చింది. హరితేజ.. అవినాష్‌ను తీసేయాలనుకుంటున్నట్లు చెప్పింది. నిఖిల్‌ను తీసేద్దామన్న రోహిణిఅయితే రోహిణి.. నిఖిల్‌ తనంతట తానుగా అవుట్‌ అయ్యేందుకు రెడీ ఉన్నప్పుడు ఆ పని మనమే చేసేస్తే అయిపోతుందిగా అని తన అభిప్రాయం చెప్పింది. అది హరితేజకు మింగుడుపడలేదు. అటు యష్మి-తేజ సైతం ఎవర్ని తీసేయాలన్నదాని గురించి ఏకాభిప్రాయానికి రాలేదు. ఇక నిఖిల్‌ తనను తీసేయమని చెప్పడానికి ప్రత్యేక కారణం ఉంది. ఎవిక్షన్‌ పాస్‌ వల్ల సేవ్‌ అవడం అతడికి ఏమాత్రం ఇష్టం లేదు. నిఖిల్‌ ప్లాన్‌ అదేనామినేషన్స్‌లో ఉంటేనే తనకు ఓట్‌ బ్యాంక్‌ పెరుగుతుందని.. అది తన విజయానికి దోహదపడుతుందని భావిస్తున్నాడు. అందుకే ఎవిక్షన్‌ షీల్డ్‌తో తనను తాను కాపాడుకోవడానికి సుముఖత చూపించడం లేదు. ఒకవేళ నిజంగా ఆ షీల్డ్‌ గెలుచుకున్నా తనకోసమైతే వాడుకోనని.. వేరేవారికోసమే ఉపయోగిస్తానని స్పష్టంగా చెప్పేశాడు. చదవండి: బిగ్‌బాస్‌ 8.. డేంజర్ జోన్‌లో ఆమె.. వేటు పడటం గ్యారంటీ!

బిగ్‌బాస్‌ హౌస్‌లో కంటెండర్‌షిప్‌ బ్యాడ్జ్‌ కోసం పోటీలు జరిగాయి. అందులో భాగంగా ఓ గేమ్‌లో విష్ణును బురిడీ కొట్టించి పృథ్వీ గెలిచాడు. ఆ తర్వాత పృథ్వీ, విష్ణు మధ్య ఏదో వాదులాట జరిగినట్లు కనిపిస్తోంది. ఎప్పుడూ వెనకపడుతూ ఉంటే అలుసైపోతున్నానని భావించిన విష్ణు.. అతడితో మాట్లాడటమూ మానేసింది.సారీ చెప్పువేరేవాళ్లను హర్ట్‌ చేసేసి అతడు మాత్రం చాలా కూల్‌గా ఉంటున్నాడు. అలాంటి వ్యక్తి నాకు వద్దు అని తన బాధను యష్మితో పంచుకుంది. దీంతో యష్మి.. పృథ్వీని పిలిచి సారీ చెప్పమని అడిగింది. అంతలోనే విష్ణు కలగజేసుకుంటూ నేనేమీ సారీ అడగలేదు అనగా పృథ్వీ కోపంగా నేను నీతో మాట్లాడట్లేదు అన్నాడు.ఇకపై పృథ్వీకి దూరంగా?ఎందుకంత కోపం? కూర్చుని మాట్లాడుకుందాం అని యష్మి చెప్తుంటే కూడా మళ్లీ వస్తానంటూ అక్కడి నుంచి వెళ్లిపోయాడు. తనపై అంత కోపం చూపించడంతో హర్టయిన విష్ణు.. ఎవరూ నాపై ఇంత సీరియస్‌ అవలేదు.. ఇకపై ఈ వ్యక్తే లేడనుకుంటాను అని పృథ్వీని దూరం పెడుతున్నట్లు చెప్పింది.అక్కా అని పిలవకుఇక బిగ్‌బాస్‌ ఇచ్చిన ఫన్‌ టాస్క్‌లో అవినాష్‌, రోహిణి ఆయా పాత్రల్లో దూరేశారు. డైరెక్టర్‌ రోల్‌ చేసిన అవినాష్‌ ఏబీసీ అనే ట్రయాంగిల్‌ లవ్‌స్టోరీతో సినిమా చేస్తున్నట్లు చెప్పాడు. ఆడిషన్స్‌లో యష్మి, నిఖిల్‌, గౌతమ్‌ ఓ సీన్‌ చేసి చూపించారు. అక్కా అని పిలవకు అని యష్మి అరుస్తుంటే నేను అక్కా అనే అంటాను అని గౌతమ్‌ వాదించాడు. ఇంతలో నిఖిల్‌ అక్కా అని పిలవద్దు అంటోందిగా అని మధ్యలో దూరాడు. దీంతో గౌతమ్‌.. సరే నేను పిలవడం మానేస్తా.. మరి నువ్వు అక్కా అని పిలుస్తావా? అని అడిగాడు. ఈ డైలాగ్‌తో అందరూ నవ్వేశారు. బిగ్‌బాస్‌ ప్రత్యేక వార్తల కోసం ఇక్కడ క్లిక్‌ చేయండి

నామినేషన్స్‌ అంటే మాటల యుద్ధమే.. ఎప్పుడూ ఇద్దర్ని నామినేట్‌ చేయాలని చెప్పే బిగ్‌బాస్‌ ఈసారి మాత్రం ఒక్కరిని మాత్రమే నామినేట్‌ చేయాలన్నాడు. మరి ఎవరు ఎవర్ని నామినేట్‌ చేశారో నేటి (నవంబర్‌ 4) ఎపిసోడ్‌ హైలైట్స్‌లో చదివేయండి..హరితే, ప్రేరణ.. ఇద్దరూ ఇద్దరే!మొదటగా పృథ్వీ.. నాకు నెక్‌ ఫాంటసీ ఉందనడం నచ్చలేదంటూ రోహిణిని నామినేట్‌ చేశాడు. నెక్‌ ఫాంటసీ అన్నది బూతు పదమా? అని రోహిణి ఆశ్చర్యపోయింది. హరితేజ.. నోరు బాగుంటే ఊరు బాగుంటుంది.. నోటికొచ్చిన మాటలు అనేయొద్దని ప్రేరణను నామినేట్‌ చేసింది. ఈ క్రమంలో ఇద్దరూ వాదులాడుకున్నారు. హరితేజ చెప్పే పాయింట్లు కరెక్టే ఉన్నా కాస్త యాక్టింగ్‌ చేస్తూ చెప్పడం అతిగా అనిపించింది. తెలుగులో కొత్త బూతు 'అక్క'అటు ప్రేరణ కూడా ఈమెపై రివేంజ్‌ నామినేషన్‌ చేసింది. అంత అరుచుకున్నాక చివర్లో ఇద్దరూ కలిసిపోయి హగ్గులిచ్చుకోవడం గమనార్హం. నిఖిల్‌ వంతురాగా.. ఒకమ్మాయి తనను అక్కా అని అనొద్దని చెప్తున్నా పదేపదే అనడం బుల్లీయింగ్‌ అంటూ గౌతమ్‌ను నామినేట్‌ చేశాడు. అక్కా అనడంలో తప్పేముంది? అని గౌతమ్‌ అంటే అశ్వత్థామ అని పిలిస్తే నువ్వు హర్టయినప్పుడు.. ఆమె వద్దంటున్నా అక్కా అని పిలవడం కూడా తప్పేనని లాజిక్‌ లేని సమాధానమిచ్చాడు. అశ్వత్థామ ఈజ్‌ బ్యాక్‌.దీంతో చిర్రెత్తిన గౌతమ్‌.. ఇప్పుడు చెప్తున్నా.. అశ్వత్థామ ఈజ్‌ బ్యాక్‌.. నన్ను ట్రోల్‌ చేసుకోండి.. ఏమైనా చేసుకోర్రి అన్నాడు. ఇద్దరూ అరుచుకుని కాసేపటికి నిఖిల్‌.. అమ్మతోడు, గేటు తీయమను.. బయటకెళ్లి చూసుకుందాం అని రెచ్చగొట్టాడు. నా ప్రవర్తన తప్పు అంటున్నావ్‌.. మరి నా మీద కోపాన్ని టాస్కులో అమ్మాయిలపై చూపించడం తప్పు కాదా? ఎవరేంటో నాకర్థమైంది.. ఇప్పుడు నాకు భయం లేదు, ఎవరికీ వినేది లేదు, తగ్గేది లేదు అని గౌతమ్‌ ఆవేశంతో మాట్లాడుతుంటే రోహిణి, హరితేజ చప్పట్లు కొట్టారు.నువ్వే ఆ ఛాన్సిచ్చావువిష్ణుప్రియ వంతు రాగా.. నేను నిన్ను నామినేట్‌ చేయకూడదనుకున్నాను.. కానీ నువ్వే ఆ ఛాన్సిచ్చావు! ఈ వారం చాలా తప్పులు చేశావంటూ ప్రేరణను నామినేట్‌ చేసింది. నబీల్‌.. పోయినవారం నామినేషన్స్‌లో ఫేవరెటిజం చూపించావు, మెగా చీఫ్‌గా ఫెయిలయ్యావంటూ విష్ణుప్రియను నామినేట్‌ చేశాడు.చప్పట్లు కొట్టిన గంగవ్వగంగవ్వ.. యష్మిని అశ్విని అనడంతో అందరూ పడీపడీ నవ్వాడు. గౌతమ్‌ బాగా ఆడతాడు. చిన్నదానికీ పెద్దదానికీ నువ్వు, ప్రేరణ ఇద్దరూ అతడిపై అరుస్తారు. ఆటలో గెలవకపోతే మాత్రం చీదరించుకుంటావు అని చెప్పింది. నామినేట్‌ అయినందుకుగానూ యష్మిపై ఆయిల్‌ పెయింట్‌ పడటంతో గంగవ్వ చప్పట్లు కొట్టింది. రోహిణి.. మెగా చీఫ్‌ కంటెండర్‌షిప్‌ గేమ్‌లో నీకంటే ఒక అడుగు ముందున్న గౌతమ్‌ను సైడ్‌ చేయడం బాగోలేదని యష్మిని నామినేట్‌ చేసింది. బిగ్‌బాస్‌కు గౌరవం ఇవ్వలేదుగౌతమ్‌ వంతు రాగా.. టీమ్‌లీడర్‌గా ఉన్నప్పుడు పదేపదే ఇరిటేట్‌ అయ్యావ్‌.. రెండోది నన్ను గేమ్‌లో సైడ్‌ చేసినప్పుడు నాకో కారణం చెప్పావ్‌.. కానీ వెనకాల మరో కారణం చెప్పావ్‌.. అంటూ యష్మిని నామినేట్‌ చేశాడు. తేజ.. నామినేషన్స్‌ ప్రక్రియ జరుగుతున్న సమయంలో నువ్వు స్మోకింగ్‌ జోన్‌లో సిగరెట్‌ తాగుతూ కూర్చున్నావు.. ఇది బిగ్‌బాస్‌ను అగౌరవపర్చాడంటూ పృథ్వీని నామినేట్‌ చేశాడు.ఆమెను సేవ్‌ చేసిన అవినాష్‌యష్మి.. నువ్వు నన్ను అక్కా అని పిలవడం నచ్చలేదు. క్రష్‌ అంటావ్‌, అక్కా అంటావ్‌.. ఫ్లిప్‌ అవుతున్నావు అంటూ గౌతమ్‌ను నామినేట్‌ చేసింది. చివర్లో ఒకరిని స్వాప్‌ చేసే అధికారం మెగా చీఫ్‌ అవినాష్‌కు ఇవ్వడంతో అతడు రోహిణిని సేవ్‌ చేసి ఆమె స్థానంలో నిఖిల్‌ను నామినేట్‌ చేశాడు. అలా ఈ వారం యష్మి, ప్రేరణ, గౌతమ్‌, నిఖిల్‌, హరితేజ, విష్ణుప్రియ, పృథ్వీ నామినేట్‌ అయ్యారు. మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

బిగ్‌బాస్ 8లో అప్పుడే పదోవారం వచ్చేసింది. నయని పావని ఎలిమినేట్ కావడంతో ఆదివారం ఎపిసోడ్ ముగిసింది. ఇక ఎప్పటిలానే సోమవారం నామినేషన్స్ సందడి మొదలైంది. కాకపోతే ఇద్దరికి బదులు ఒక్కరినే నామినేట్ చేయాలని బిగ్‌బాస్ ఆదేశించాడు. దీంతో ఒకరిపై ఒకరు అరుస్తూ రచ్చ లేపారు.తాజాగా రిలీజ్ చేసిన మొదటి ప్రోమోలో పృథ్వీ.. రోహిణిని నామినేట్ చేశాడు. 'నెక్ ఫ్యాంటసీ' అనడం తనకు అస్సలు నచ్చేలేదని, అదో పెద్ద బూతు అన్నట్లు సీన్ క్రియేట్ చేశాడు. కానీ రోహిణి అస్సలు ఊరుకోలేదు. గట్టిగానే ఇచ్చిపడేసినట్లు కనిపించింది. మరోవైపు హరితేజ.. ప్రేరణని నామినేట్ చేసింది. ఈ నామినేషన్ కూడా మంచి ఫన్ ఉండబోతుందని ప్రోమో చూస్తే అర్థమవుతుంది.(ఇదీ చదవండి: ఈ వారం ఓటీటీల్లోకి ఏకంగా 23 సినిమాలు.. ఐదు స్పెషల్)ఇక గౌతమ్-నిఖిల్ మధ్య హీట్ పుట్టించే డైలాగ్ వార్ నడిచినట్లు తెలుస్తోంది. 'అశ్వద్ధామ ఈజ్ బ్యాక్' అని మళ్లీ గౌతమ్ క్లారిటీ ఇచ్చాడు. దీంతో నిఖిల్ ఊరుకుంటాడా.. 'సరే నువ్వు బయటకెళ్లడానికి రెడీ హా. బయటకు వెళ్లి చూసుకుని వద్దాం, అమ్మతోడు దమ్ముంటే గేట్ తీయమను' అని అనేసరికి.. 'పదా.. దా' అని గౌతమ్ గట్టిగానే ఛాలెంజ్ చేసినట్లు తెలుస్తోంది.ఓవరాల్‌గా ఈ వారం నామినేషన్స్‌లో హరితేజ, యష్మి, గౌతమ్, ప్రేరణ, పృథ్వీ, నిఖిల్, విష్ణుప్రియ ఉన్నట్లు తెలుస్తోంది. మిగతా వాళ్ల సంగతేమో గానీ గౌతమ్-నిఖిల్ మధ్య మినీ మాటల యుద్దమే జరిగిందని తెలుస్తోంది. అయితే ఎవరు ఎవరిని ఏ కారణం చెప్పి నామినేట్ చేశారనేది తెలియాలంటే రాత్రికి ఫుల్ ఎపిసోడ్ వచ్చేంతవరకు ఆగాల్సిందే.(ఇదీ చదవండి: బిగ్‌బాస్‌: నయని రెమ్యునరేషన్‌ ఎంతో తెలుసా?)

సండే అంటే ఫన్‌డే.. ఆటలు, పాటలు, డ్యాన్సులు.. మొత్తం ఇవే ఉంటాయి. ఇలాంటి ఫన్‌ గేమ్‌తోనే ఎపిసోడ్‌ మొదలైంది. అంతకంటే ముందు గౌతమ్‌ను సేవ్‌ చేశాడు. తర్వాత ఏం జరిగిందో నేటి (నవంబర్‌ 3) ఎపిసోడ్‌ హైలైట్స్‌లో చదివేయండి..విష్ణుప్రియ టీమ్‌ గెలుపునిఖిల్‌, రోహిణి, ప్రేరణ, నయని పావని, విష్ణుప్రియ, తేజను టీమ్‌ 'A'గా మిగతావాళ్లందరినీ టీమ్‌ 'B'గా విభజించారు. ఈ గేమ్‌లో భాగంగా ఒక చీటీ తీసి అందులో ఇంగ్లీష్‌లో రాసి ఉన్న వాక్యాలు చదివి తెలుగులో పాటను గెస్‌ చేయాలి. చిన్నపిల్లలు కూడా ఆడగలిగేలా సింపుల్‌గా ఉన్న ఈ గేమ్‌లో విష్ణుప్రియ టీమ్‌ గెలిచింది. తర్వాత యష్మి సేవ్‌ అయినట్లు ప్రకటించాడు.నిఖిల్‌ వెంటే గెలుపుఅనంతరం అందరూ పక్షుల్లా మారిపోయారు. ఆకాశం, సముద్రం, పర్వతాలు.. వీటిలో నాగ్‌ ఏ పేరు చెప్తే ఆ పేరు రాసున్న బోర్డ్‌పై కంటెస్టెంట్లు నిలబడాల్సి ఉంటుంది. ఈ గేమ్‌లో కూడా నిఖిలే ఆఖరివరకు చేరుకుని గెలిచాడు. అలాగే లక్ష రూపాయలు ప్రైజ్‌మనీలో యాడ్‌ చేయడంతో విన్నింగ్‌ ప్రైజ్‌మనీ రూ.42,16,000కు చేరింది.జ్యూస్‌లకు మారు పేర్లుతర్వాత కొన్ని జ్యూస్‌లకు స్వార్థం, కోపిష్టి, ఫేక్‌.. ఇలా పలురకాల పేర్లు ఇచ్చారు. అవి ఎవరికి సూట్‌ అవుతాయో వారితో ఆ జ్యూస్‌ తాగించాలన్నాడు. మొదటగా గౌతమ్‌.. ఆనియన్‌ (నకిలీ), టమాటో (స్వార్థం) జ్యూస్‌ను యష్మీకి ఇచ్చాడు. రోహిణి.. కీరా దోస(బాధ్యతారాహిత్యం), చిల్లీ (కోపిష్టి) జ్యూస్‌ను గౌతమ్‌కు ఇచ్చింది. విష్ణుప్రియ.. చిల్లీ, లెమన్‌ (నోటిదురుసు) జ్యూస్‌ను ప్రేరణకు ఇచ్చింది. ఆమెకు నోటిదురుసు ఎక్కువహరితేజ.. చిల్లీ, ఆమ్ల జ్యూస్‌ను నిఖిల్‌తో తాగిపించింది. పృథ్వీ.. ప్రేరణకు జ్యూస్‌ ఇస్తూ తనకు నోటిదురుసు ఉందని, కోపిష్టి అన్నాడు. అవినాష్‌.. గౌతమ్‌కు నోటిదురుసు, బాధ్యతారాహిత్యం ఉందంటూ అతడితో లెమన్‌, కీరా జ్యూస్‌ తాగిపించాడు. తేజ.. ప్రేరణకు నోటిదురుసు, మందబుద్ధి ఉందన్నాడు. నబీల్‌.. అవినాష్‌ డంబ్‌ అండ్‌ టాక్సిక్‌ అన్నాడు. ప్రేరణ వంతు రాగా.. హరితేజ ఫేక్‌ అంటూ ఆనియన్‌, ఆమ్లా జ్యూస్‌ తాగిపించింది. ఎక్కువ జ్యూస్‌లు ఎవరికంటే?యష్మి.. గౌతమ్‌ ఫేక్‌ అంటూ ఆనియన్‌ జ్యూస్‌ ఇచ్చింది. గంగవ్వ.. రోహిణికి మందబుధ్ది, నోటిదురుసు ఉందని తెలిపింది. నయని కూడా ప్రేరణకు కోపమెక్కువ అంటూ నిమ్మ, మిర్చి జ్యూస్‌ కలిపిచ్చింది. నిఖిల్‌.. గౌతమ్‌ బాధ్యతారాహిత్యంగా ఉంటాడంటూ అతడికి లెమన్‌, కీర జ్యూస్‌ కలిపిచ్చాడు. అలా ప్రేరణ, గౌతమ్‌ అందరికంటే ఎక్కువ జ్యూస్‌లు తాగారు.నయని ఎలిమినేట్‌తర్వాత నాగ్‌ హరితేజను సేవ్‌ చేసి నయని ఎలిమినేట్‌ అయినట్లు ప్రకటించాడు. ప్రతిదానికి కన్నీళ్లు పెట్టుకునే నయని ఈసారి తన దుఃఖాన్ని దిగమింగుకుని నవ్వుతూ అందరి దగ్గర వీడ్కోలు తీసుకోవడం విశేషం. స్టేజీపైకి వచ్చాక .. గంగవ్వ, రోహిణి, ప్రేరణ, గౌతమ్‌, విష్ణును డమ్మీ ప్లేయర్స్‌ అంది. హరితేజ, నిఖిల్‌, పృథ్వీ బెస్ట్‌ ప్లేయర్స్‌ అని కితాబిచ్చింది.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

క్లాన్‌ (టీమ్‌) గొడవలకు చెక్‌ పెడుతూ బిగ్‌బాస్‌.. ఓజీ, రాయల్‌ క్లాన్స్‌ను ఏకం చేసేశాడు. ఇకపై హౌస్‌ అంతా ఒకే ఒక్క మెగా టీమ్‌గా ఉంటుందని పేర్కొన్నాడు. వీరికి బీబీ ఇంటికి దారేది అనే ఛాలెంజ్‌ ఇచ్చాడు. ఈ గేమ్‌లో భాగంగా హౌస్‌మేట్స్‌ను నాలుగు టీమ్స్‌గా విభజించాడు.పగ తీర్చుకున్న నిఖిల్‌ టీమ్‌ఈ క్రమంలో నిన్న రెడ్‌ టీమ్‌.. బ్లూ టీమ్‌కు మొత్తం మూడు ఎల్లో కార్డ్స్‌ ఇచ్చింది. దీంతో బ్లూ టీమ్‌లో గంగవ్వను గేమ్‌ నుంచి సైడ్‌ చేశారు. తాజా ప్రోమోలో బ్లూ టీమ్‌ రెడ్‌ టీమ్‌పై పగ తీర్చుకుంది. ఇదివరకే ఓ ఎల్లోకార్డ్‌ ఇవ్వగా ప్రోమోలో మరో ఎల్లో కార్డ్‌ ఇచ్చారు. దీంతో ప్రేరణ, యష్మి, గౌతమ్‌.. తమలో ఎవరు సైడ్‌ అవ్వాలనేదానిపై చర్చించుకున్నారు. చివరకు గౌతమ్‌ను సైడ్‌ చేసేశారు.కొత్త చీఫ్‌ ఎవరంటే?ఇక తాడో పేడో టాస్కులో విజృంభించి ఆడిన నిఖిల్‌.. టాస్కుల్లో తనకు ఎవరూ సాటి లేరని నిరూపించుకున్నాడు. ఇకపోతే ఈ వారం నిఖిల్‌ బ్లూ టీమ్‌లోని సభ్యులే చీఫ్‌ అయ్యారట. ముక్కు అవినాష్‌ మెగా చీఫ్‌ అయినట్లు ఓ వార్త నెట్టింట చక్కర్లు కొడుతోంది. మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

బీబీ ఇంటికి దారేది టాస్కులో కొట్లాటలు పుష్కలంగా ఉన్నాయి. అన్నింటికీ మించి కన్నడ టీమ్‌ మధ్యలోనే ఎక్కువ పోట్లాటలు జరుగుతూ ఉండటం గమనార్హం. మరి హౌస్‌లో ఇంకా ఏమేం జరిగాయో తెలియాలంటే నేటి (అక్టోబర్‌ 30) ఎపిసోడ్‌ హైలైట్స్‌ చదివేయండి..పానీపట్టు యుద్ధం గెలిచిందెవరంటే?బీబీ ఇంటికి దారేది ఛాలెంజ్‌లో భాగంగా ఇచ్చిన పానీపట్టు యుద్ధం టాస్క్‌ కొనసాంగిపుతో ఎపిసోడ్‌ ప్రారంభమైంది. ఇప్పటికే ఈ గేమ్‌లో బ్లూ టీమ్‌ సైడ్‌ అవగా తర్వాత రెడ్‌ టీమ్‌ ఓడిపోయింది. చివరి రౌండ్‌లో ఎల్లో టీమ్‌పై గ్రీన్‌ టీమ్‌ విజయం సాధించింది. వీరు బ్లూ టీమ్‌కు ఎల్లో కార్డ్‌ ఇచ్చారు. తర్వాత గ్రీన్‌ టీమ్‌ లీడర్‌ నబీల్‌ రెండుసార్లు డైస్‌ వేసి ఒక పాయింట్‌ను తేజకు, మూడు పాయింట్లను తనకు ఇచ్చుకున్నాడు.నిఖిల్‌తో యష్మి వాదనపానీపట్టు యుద్ధం గేమ్‌లో తనను విసిరేయడాన్ని గుర్తు చేస్తూ నిఖిల్‌తో గొడవకు దిగింది యష్మి. సంచాలకుడు ఆపేయమని చెప్తున్నా నువ్వు నన్ను వదిలేయలేదు.. అక్కడ నీ శక్తి వాడాల్సిన అవసరం లేదు అని గద్దించి చెప్పింది. దీంతో చిరాకు పడ్డ నిఖిల్‌.. నీ గేమ్‌ నువ్వు ఆడుకో, నా గేమ్‌ నేను ఆడుకుంటా అంటూ అక్కడి నుంచి విసురుగా వెళ్లిపోయాడు. కానీ ఆ కోపం కాసేపటికే బాధగా కరిగిపోవడంతో కన్నీళ్లు పెట్టుకున్నాడు.ఇక్కడి నుంచి వెళ్లిపోతే బాగుండుయష్మి హగ్‌ చేసుకోవడానికి వస్తే కూడా నిరాకరించాడు. నాకు ఎవరితోనూ మాట్లాడాలని లేదు. ఉన్నన్ని రోజులు నేను సోలోగానే ఆడతా.. త్వరగా వెళ్లిపోతే బాగుండనిపిస్తోంది. రిలేషన్‌షిప్‌ ఏదైనా ఉంటే బయటకు వెళ్లాక చూసుకుందాం అని కఠినంగా చెప్తూనే కన్నీళ్లు పెట్టుకున్నాడు. అతడి మాటలకు బాధపడ్డ యష్మి సారీ చెప్పి ఒక్కసారిగా ఏడ్చేసింది.నా కన్నా నువ్వే ముఖ్యంమరోవైపు అన్నీ తెలిసిన పృథ్వీ.. నన్నెందుకు నామినేట్‌ చేయవు అని విష్ణును అడిగాడు. అందుకామె.. నా దృష్టిలో నాకన్నా నువ్వే ఎక్కువ అని బదులిచ్చింది. మరి నేనెందుకు నిన్ను నామినేట్‌ చేయను? అని అడిగాడు. నువ్వు చేయగలవు, ఎందుకంటే నీకు నువ్వే ముఖ్యం, నేను కాదు.. అని విష్ణు తెలిపింది. అందుకతడు అవునని తలాడిస్తూనే అయినా నేను ఇప్పటికీ నిన్ను నామినేట్‌ చేయలేదని నవ్వాడు. అందుకు విష్ణు.. అది నీ గ్రేట్‌ పర్సనాలిటీ అని పొగడ్తలతో ముంచెత్తింది.మళ్లీ ఏడ్చేసిన నయనితర్వాత బిగ్‌బాస్‌ స్లీపింగ్‌ రేస్‌ అనే ఛాలెంజ్‌ ఇచ్చాడు. ఈ గేమ్‌లో గెలిచిన బ్లూ టీమ్‌ గ్రీన్‌ టీమ్‌కు ఎల్లో కార్డ్‌ ఇచ్చింది. హరితేజ డైస్‌ వేయగా వచ్చిన ఐదు పాయింట్లను నిఖిల్‌కు, మూడు పాయింట్లను అవినాష్‌కు ఇచ్చాడు. ఇకపోతే స్లీపింగ్‌ రేస్‌లో ఫౌల్‌ గేమ్‌ ఆడావంటూ నయనిని పక్కకు తీసుకెళ్లి చెప్పింది రోహిణి. మన టీమ్‌వాళ్లే ఇలా మాట్లాడితే బాధగా ఉంటుందంటూ వెంటనే కన్నీళ్ల ట్యాప్‌ ఓపెన్‌ చేసింది.తేజపై విష్ణు చిరాకుఆమె రియాక్షన్‌ చూశాక రోహిణి.. ఇదంతా కావాలని చేస్తున్నట్లుందని అభిప్రాయపడగా.. ఏదో ఇమేజ్‌ క్రియేట్‌ చేసుకోవడం కోసం చేస్తోందని ప్రేరణ కూడబలికింది. ఇక అవినాష్‌, తేజ సరదాగా పొట్టతో గేమ్‌ ఆడుతుంటే అందుకు విష్ణు ఒప్పుకోలేదు. ఇలాంటి గేమ్స్‌ వల్ల తేజ ఎనర్జీ పోతుందని, అయినా వినకుండా ఆడతానంటే నెక్స్ట్‌ గేమ్‌లో తేజను పంపించనని చెప్పింది. సరదాగా ఆడుకుంటే అందులో తప్పేముంది? అంత పెద్ద మాటలనాల్సిన అవసరమేంటని తేజ ఫ్రస్టేట్‌ అయ్యాడు.గంగవ్వ అవుట్‌బిగ్‌బాస్‌ పాయిజన్‌ యాపిల్‌ అనే ఛాలెంజ్‌ ఇచ్చాడు. ఈ గేమ్‌లో రెడ్‌ టీమ్‌ గెలుపొందింది. వీరికి బిగ్‌బాస్‌ రెండు ఎల్లో కార్డ్స్‌ ఇవ్వగా ఆ రెండింటినీ బ్లూ టీమ్‌కు ఇచ్చారు. దీంతో వాళ్లు తమ టీమ్‌లోని గంగవ్వను రేసులో నుంచి తీసేశారు. ఇక యష్మి డైస్‌ వేయగా వచ్చిన ఒక పాయింట్‌ను గౌతమ్‌కు, రెండు పాయింట్లను ప్రేరణకు ఇచ్చింది. ఇంతటితో నేటి ఎపిసోడ్‌ ముగిసింది.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

బీబీ ఇంటికి దారేది ఛాలెంజ్‌.. కొట్లాటలకు దారి చూపింది. ఫ్రెండ్స్‌ అని కూడా చూడకుండా నిఖిల్‌.. యష్మి, ప్రేరణను పక్కకు లాగేశాడు. వద్దని మొత్తుకుంటున్నా వినిపించుకోకుండా వాళ్లను విసిరేస్తూ అరాచకం సృష్టించాడు. అమ్మాయిలతో ఇలాగేనా ప్రవర్తించేదని గౌతమ్‌ నిలదీయగా అతడితో గొడవకు దిగాడు. ఇంత గొడవ జరిగిన టాస్క్‌ పేరు పానీపట్టు యుద్ధం. ఈ యుద్ధం నేటి ఎపిసోడ్‌లోనూ ఇంకా కొనసాగనుంది. ఈ మేరకు ప్రోమో రిలీజ్‌ చేశారు.నిఖిల్‌ను తప్పుపట్టిన యష్మిప్రోమో ప్రకారం గేమ్‌ చివర్లో కేవలం ఎల్లో, గ్రీన్‌ టీమ్స్‌ మాత్రమే ఉన్నాయి. వీళ్లు నీటిని ట్యాంకులో నుంచి పోకుండా ఆపుకోవడానికి విశ్వ ప్రయత్నం చేశారు. మరోవైపు నిఖిల్‌, యష్మి ఇంకా గొడవపడుతూనే ఉన్నారు. సంచాలకుడికి గౌరవం ఇవ్వలేదని యష్మి నిఖిల్‌ను తప్పుపట్టింది. గేమ్‌లో అంత శక్తి వాడాల్సిన అవసరం ఏముందని ప్రశ్నించింది. అందుకు నిఖిల్‌.. నా శక్తి వాడుంటే మీరు వాటర్‌ ట్యాంక్‌ దగ్గర ఉండేవాళ్లు కాదని బదులిచ్చాడు.అవసరం లేదుతర్వాత నిఖిల్‌ కన్నీళ్లు పెట్టుకోవడంతో యష్మి ఓదార్చేందుకు ప్రయత్నించింది. అయితే తన దగ్గరకు రావద్దని నిఖిల్‌ అనడంతో ఒక ఫ్రెండ్‌గా వచ్చానని యష్మి చెప్పింది. అయినా అవసరం లేదని అతడు కరాఖండిగా చెప్పేశాడు. తనకు ఎవరితోనూ మాట్లాడాలని లేదు అని కన్నీళ్లు పెట్టుకున్నాడు. మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

ఈసారి బిగ్‌బాస్ షోలో కాస్తోకూస్తో కూల్‌గా, స్ట్రాటజీతో ఆడుతున్నది నిఖిల్ ఒక్కడే. ఫైనల్ రేసులో ఉన్న ఇతడు.. ఇప్పుడు వయలెంట్ అయిపోయాడు. మంగళవారం ఎపిసోడ్ సందర్భంగా అమ్మాయిలని కూడా చూడకుండా కంట్రోల్ తప్పి ప్రవర్తించాడు. గేమ్ కోసమే అయ్యిండొచ్చు కానీ మరీ ఈ రేంజ్‌లో అరాచకం చూపించడం మాత్రం కాస్త ఇబ్బందిగా అనిపించింది. ఇంతకీ తాజాగా(అక్టోబర్ 29) హౌస్‌లో ఏమేం జరిగిందనేది 58వ రోజు హైలైట్స్‌లో చూద్దాం.రెండు కాదు ఒక్కటే క్లాన్గౌతమ్, హరితేజ, టేస్టీ తేజ, నయని పావని, యష్మి ఈ వారం నామినేషన్స్‌లో ఉండటంతో సోమవారం ఎపిసోడ్ ముగిసింది. రాయల్, ఓజీ క్లాన్స్ కాదు ఇకపై అందరూ బీబీ క్లాన్‌లోనే ఉంటారని బిగ్‌బాస్ చెప్పడంతో మంగళవారం ఎపిసోడ్ మొదలైంది. ఈసారి కెప్టెన్ కంటెండర్‌షిప్ కోసం 'బీబీ ఇంటికి దారేది' అనే గేమ్ పెడుతున్నట్లు బిగ్‌బాస్ చెప్పాడు. ఇందుకోసం హౌస్‌మేట్స్‌ని నాలుగు టీమ్స్‌గా విడగొట్టారు. టీమ్ రెడ్‌లో గౌతమ్-ప్రేరణ-యష్మీ.. టీమ్ బ్లూలో అవినాష్-నిఖిల్-హరితేజ.. టీమ్ గ్రీన్‌లో తేజ-విష్ణుప్రియ-నబీల్.. టీమ్ ఎల్లోలో రోహిణి-పృథ్వీ-నయని పెట్టారు. గంగవ్వని ఏదో ఓ జట్టులోకి తీసుకోవాలని చెప్పాడు. దీంతో ఆమెని బ్లూ టీమ్ తీసుకుంది.(ఇదీ చదవండి: ఆ సినిమాలో నా మీద ట్రోలింగ్ చేశారు: కిరణ్ అబ్బవరం)తొలి టాస్క్ బ్లూ టీమ్‌దేఒక్కో టీమ్‌లో హరితేజ, పృథ్వీ, నబీల్‪‌ని లీడర్లుగా ఎంచుకున్నారు. ఇక తొలి టాస్క్ మంచు మనిషిని తయారు చేయడం. ఇందులో భాగంగా టీమ్స్‌లోని ముగ్గురు సభ్యులు ఒకే స్కీ బోర్డ్‌ని ఉపయోగించి బొమ్మకి రూపు తీసుకురావాలి. ఇందులో గెలిచిన టీమ్.. రెండు డైస్‌ని రోల్ చేసే అవకాశంతో పాటు ఓడిపోయిన మిగిలిన టీమ్ నుంచి ఓ టీమ్‌కి ఎల్లో కార్డ్ ఇవ్వొచ్చు. ఎప్పుడైతే ఓ టీమ్‌కి రెండు ఎల్లో కార్డ్స్ వస్తాయో ఆ టీమ్ లీడర్ తమ టీమ్ నుంచి ఓ సభ్యుడ్ని ఆట నుంచి తప్పించాల్సి ఉంటుంది. తొలి పోటీలో గెలిచిన బ్లూ టీమ్.. టీమ్ రెడ్‌కి ఎల్లో కార్డ్ ఇచ్చింది. డైస్ రెండు సార్లు రోల్ చేయగా.. 6,3 పడ్డాయి. దీంతో 6 పాయింట్లని హరితేజ తీసుకుంది, 3 పాయింట్లని అవినాష్‌కి ఇచ్చింది.నీళ్ల ట్యాంక్ తెచ్చిన తంట'పానిపట్టు యుద్ధం' అని రెండో టాస్క్ పెట్టారు. ఇందులో భాగంగా చిన్నసైజు ట్యాంకుల్లో ఉన్న నీటిని ఆయా టీమ్స్.. బజర్ మోగేంతవరకు కాపాడుకోవాలి. నీటి ఎత్తు తగ్గిన టీమ్.. పోటీ నుంచి తప్పుకోవాల్సి ఉంటుందని బిగ్‪‌బాస్ క్లారిటీ ఇచ్చాడు. మరోవైపు బజర్ మోగిన తర్వాత ట్యాంక్‌లోని నీటిని తగ్గించేందుకు అపోజిట్ టీమ్స్ నుంచి ఒక్కొక్కరు ప్రయత్నించొచ్చు. అయితే ఈ గేమ్ సాఫీగా సాగిపోతే బాగుండేది కానీ నిఖిల్.. అందరితో గొడవ పెట్టుకోవడం రచ్చ రచ్చ అయింది.(ఇదీ చదవండి: తెలుగు నిర్మాత.. హైదరాబాద్‌లోని చెరువులో దూకేశాడు: శ్రియ)నిఖిల్ టీమ్‌కి కలిసిరాలేదుతొలిసారి బజర్ మోగగానే నబీల్, నిఖిల్ లైన్ దాటి లోపలికి వచ్చారు. దీంతో నీటిని తగ్గించే అవకాశం వీళ్లకు ఇచ్చింది సంచాలక్ గంగవ్వ. తర్వాత ఛాన్స్.. నబీల్-పృథ్వీకి రాగా వీళ్లిద్దరూ కలిసి బ్లూ టీమ్‌ని టార్గెట్ చేశారు. ఓసారి బజర్ ఆగిపోయిన తర్వాత బ్లూ టీమ్ ప్లగ్గులని పృథ్వీ విసిరేశాడు. దీంతో నిఖిల్-పృథ్వీ మధ్య కాసేపు డిష్యూం డిష్యూం జరిగింది. మూడోసారి పృథ్వీ, గౌతమ్‌కి ఛాన్స్ వచ్చింది. హరితేజని పక్కకు లాగిన గౌతమ్.. బ్లూ టీమ్ ట్యాంక్‌లోని నీరంత పోయేలా చేశాడు. దీంతో బ్లూ టీమ్ గేమ్ నుంచి ఔట్ అయిపోయింది.అమ్మాయిలపై నిఖిల్ అరాచకంతర్వాత ఛాన్స్ నిఖిల్‌కి వచ్చింది. తమని గేమ్ నుంచి తప్పుకొనేలా చేసిన గౌతమ్ ఉన్న టీమ్ రెడ్‌ని టార్గెట్ చేశాడు. వాటర్ దగ్గర అడ్డుగా ఉన్న యష్మి-ప్రేరణని పక్కకి లాగేశాడు. అటు ఇటు విసిరేస్తూ రచ్చ రచ్చ చేశాడు. ఇలా చేయకూడదని రూల్స్‌లో ఉందా అని ఉల్టా గౌతమ్‌తోనే గొడవ పెట్టుకున్నాడు. నిఖిల్ అరాచకం దెబ్బకు హౌస్‌మేట్స్ చాలా హెచ్చరించాడు. అయినా సరే అమ్మాయిలిద్దరినీ కాస్త కంట్రోల్ తప్పి ప్రవర్తించాడు.గౌతమ్ పాయింట్స్బజర్ మోగి ఈ రచ్చ అంతా ఆగిపోయిన తర్వాత.. అక్కడ అమ్మాయి ఉందనే సెన్స్ లేదా అని గౌతమ్, నిఖిల్‌తో గొడవ పెట్టుకున్నాడు. నీకుందా అని నిఖిల్ కూడా గౌతమ్‌పై రెయిజ్ అయ్యాడు. ప్రేరణ కూడా ఏదో తిట్టడంతో మైండ్ యూ ఆర్ వర్డ్స్ అని నిఖిల్ వార్నింగ్ ఇచ్చాడు. ఒకరిపై ఒకరు వచ్చి కొట్టేసుకుంటారా అన్నంతలా హడావుడి చేశాడు. చివరకు హౌస్ అంతా వీళ్లని విడదీయడంతో ఎపిసోడ్‌కి ఎండ్ కార్ట్ పడింది.(ఇదీ చదవండి: మా ఆయన కోసం సినిమా చూడండి: హీరో కిరణ్ అబ్బవరం భార్య)

గంగవ్వ అర్ధరాత్రి దెయ్యం పట్టినట్లు ప్రవర్తించిన వీడియో ప్లే చేసిన నాగ్‌ అది కేవలం ప్రాంక్‌ అని బయటపెట్టాడు. ప్రైజ్‌మనీలో అరలక్ష పోయినా నామినేషనే ముఖ్యమనుకున్న నబీల్‌పై పోయిన డబ్బును తీసుకొచ్చే బాధ్యతను వేశాడు. హీరో సూర్య నేటి (అక్టోబర్‌ 26) ఎపిసోడ్‌లో సెంటరాఫ్‌ అట్రాక్షన్‌గా మారాడు. హౌస్‌లో ఇంకా ఏమేం జరిగాయో చదివేయండి..ఇవే తగ్గించుకుంటే మంచిదిఘోస్ట్‌ ప్రాంక్‌లో గంగవ్వ యాక్టింగ్‌కు ఇంప్రెస్‌ అయిన నాగ్‌ ఆమెను కన్ఫెషన్‌ రూమ్‌కు పిలిచి మరీ సీక్రెట్‌గా మెచ్చుకున్నాడు. పృథ్వీ ప్రాణం పెట్టి సింహంలా ఆడాడని పొగిడాడు. అయితే నామినేషన్స్‌లో రోహిణిని కింది నుంచి పైకి చూస్తే అది బాడీ షేమింగ్‌లానే కనిపిస్తుందని.. దాన్ని మార్చుకోమని సూచించాడు. పృథ్వీ- నిఖిల్‌.. ఆర్‌ఆర్‌ఆర్‌ మూవీ హీరోల్లా కలిసి ఆడారని క్లాప్స్‌ కొట్టాడు. నీ వల్ల అరలక్ష గోవిందా..ప్రైజ్‌మనీలో రూ.50 వేలు కట్‌ అవుతాయని తెలిసినా హరితేజను నామినేట్‌ చేశావు. ఆ అర లక్ష మళ్లీ ప్రైజ్‌మనీలో జమ చేయాల్సిన బాధ్యత నీదేనని నబీల్‌కు నొక్కి చెప్పాడు. గౌతమ్‌ గురించి మాట్లాడుతూ.. మహిళలపై గౌరవం ఉందని చెప్పే నువ్వు యష్మిపై ఎందుకు అరిచావ్‌? నీ షార్ట్‌ టెంపర్‌ తగ్గించుకో అని సలహా ఇచ్చాడు.ట్రయాంగిల్‌ లవ్‌ స్టోరీతర్వాత నిఖిల్‌- యష్మి - గౌతమ్‌ల ట్రయాంగిల్‌ లవ్‌స్టోరీని నాగ్‌ బయటపెట్టాడు. హౌస్‌లో జరిగిన టీ షర్ట్‌ వ్యవహారం గురించి పృథ్వీ చెప్తే ప్రైజ్‌మనీలో రూ.50 వేలు యాడ్‌ చేస్తానని నాగ్‌ బంపర్‌ ఆఫర్‌ ఇచ్చాడు. ఇంకేముంది, ఫ్రెండ్‌షిప్‌ను పక్కన పెట్టి పృథ్వీ లేచి నిల్చున్నాడు. గౌతమ్‌ టీషర్ట్‌ కావాలని యష్మి అడిగింది. నిఖిల్‌ టీషర్ట్‌ లేదు కాబట్టి గౌతమ్‌ది వేసుకుంది. అప్పుడు నిఖిల్‌ జెలసీ ఫీల్‌ అవుతున్నాడని యష్మి నాతో చెప్పింది. అక్కడినుంచి ఏమైనా ఉందా? అని అడిగింది అంటూ పూసగుచ్చినట్లు చెప్పాడు.యష్మికి గడ్డి పెట్టిన నాగ్‌రాయల్‌ టీమ్‌లో విభేదాలున్నాయని.. అవన్నీ పక్కనపెట్టి ఓజీ టీమ్‌లా ఐకమత్యంగా ఉండాలని సలహా ఇచ్చాడు. ఇక నిఖిల్‌ చుట్టూ తిరిగిన యష్మిని.. ఎవరి చుట్టూనో తిరగడం మానేయ్‌, మళ్లీ గేమ్‌కు వచ్చేయమని సూచించాడు. అలాగే సంచాలకురాలిగా నా స్ట్రాటజీ నాకుంటుంది, నా గ్రూపును నేను గెలిపించుకోవాలనడం తప్పు అని కుండబద్ధలు కొట్టాడు. దీంతో అడ్డంగా దొరికిపోయిన యష్మి నాకు ఏ స్ట్రాటజీ లేదంటూ కవర్‌ చేసుకునేందుకు ప్రయత్నించింది.అప్పుడు కెమెరామన్‌, ఇప్పుడు డైరెక్టర్‌ఇక గంగవ్వ దెయ్యంగా మారి భయపెట్టింది ప్రాంక్‌ అని.. ఈ ఐడియా అవినాష్‌, తేజదని వీడియోతో సహా క్లారిటీ ఇచ్చాడు నాగ్‌. తర్వాత కంగువా ప్రమోషన్స్‌ జరిగాయి. అందులో భాగంగా హీరో సూర్య, దర్శకనిర్మాత స్టేజీపైకి వచ్చాడు. డైరెక్టర్‌ అవ్వకముందు నాగార్జున నటించిన నేనున్నాను, బాస్‌: ఐ లవ్యూ సినిమాలకు శివ కెమెరామెన్‌గా నటించాడు. ఆ సమయంలో ఒకరోజు నాగ్‌ పిలిచి.. నువ్వు కచ్చితంగా డైరెక్టర్‌ అవుతావన్నాడు అని చెప్పుకొచ్చాడు.సూర్య కోసం వచ్చేందుకు రెడీసూర్య వస్తున్నాడని తెలిసి నయని ఆనందంతో కన్నీళ్లు పెట్టుకుందట! ఇక హౌస్‌మేట్స్‌ అందరూ సూర్య పాటలకు డ్యాన్స్‌ వేసి అతడిని సర్‌ప్రైజ్‌ చేశాడు. సూర్యను కలవడానికి హౌస్‌ నుంచి శాశ్వతంగా బయటకు వచ్చేస్తావా? అని నాగ్‌ అడగ్గా తప్పకుండా వస్తాను సర్‌ అంటూ నయని మెలికలు తిరిగిపోయింది. పృథ్వీ కోరిక మేరకు సూర్య.. రోలెక్స్‌ డైలాగ్‌ చెప్పాడు. తర్వాత బై చెప్పివెళ్లిపోయాడు.డ్యాన్స్‌ రిహార్సల్స్‌లో గొడవఅయితే డ్యాన్స్‌ రిహార్సల్స్‌లో యష్మి హర్టయిందట! ప్రాక్టీస్‌ మీద ఆసక్తి చూపించడం లేదు, నీకసలు డ్యాన్స్‌ పార్ట్‌నర్‌ ఎవరు కావాలి? అని విష్ణు పృథ్వీని అడిగగింది. అందుకతడు ఎవరైనా ఓకే అన్నాడు. దీంతో హర్టయిన విష్ణు.. నేను, పృథ్వీ కంఫర్ట్‌గా లేము బిగ్‌బాస్‌. పార్ట్‌నర్స్‌ మార్చుకునే వీలుందా? అని అడిగింది. దీంతో బిగ్‌బాస్‌ నిఖిల్‌ -యష్మిని విడదీశాడు. నిఖిల్‌తో విష్ణు, యష్మితో పృథ్వీ కలిసి డ్యాన్స్‌ చేయాలన్నాడు.బిత్తరపోయిన విష్ణుఇది యష్మికి అస్సలు నచ్చలేదు. తన కోసం నా ఆనందాన్ని చెడగొడుతోందని ఏడ్చేసింది. నువ్విలా చేస్తావని ఊహించలేదంటూ పెద్దపెద్ద మాటలు మాట్లాడింది. దీంతో బిత్తరపోయిన విష్ణు.. పృథ్వీతో డ్యాన్స్‌ చేసేందుకు ఒప్పుకోవడంతో సమస్య సద్దుమణిగింది.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

రెండు రోజులుగా కొనసాగుతున్న బీబీ రాజ్యం ఛాలెంజ్‌ ఈరోజుతో పూర్తయింది. రాయల్స్‌(వైల్డ్‌ కార్డ్స్‌) ను వెనక్కు నెట్టి ఓజీ టీమ్‌(పాత కంటెస్టెంట్లు) రాజ్యాన్ని కైవసం చేసుకుంది. అదొక హఠాత్పరిణామం.. అన్నట్లుగా విష్ణుప్రియ మెగా చీఫ్‌గా నిలిచింది. హౌస్‌లో ఇంకా ఏమేం జరిగాయో తెలియాలంటే నేటి (అక్టోబర్‌ 25) ఎపిసోడ్‌ హైలైట్స్‌ చదివేయండి..పొడుపు కథబీబీ రాజ్యం చాలెంజ్‌లో భాగంగా మీలో ఎవరు తెలివైనవారు? అనే టాస్క్‌ ఇచ్చాడు. ఈ గేమ్‌కు నిఖిల్‌ సంచాలకుడిగా వ్యవహరించాడు. '13 హార్ట్స్‌ ఉంటాయి.. కానీ మిగతా ఆర్గాన్స్‌ ఉండవు.. ఏంటి?' అన్న ప్రశ్నకు తేజ ప్లేయింగ్‌ కార్డ్స్‌ అని బదులిచ్చాడు. కొన్ని నెలలకు 31 రోజులుంటాయి కొన్ని నెలలకు 30రోజులుంటాయి. ఎన్ని నెలలకు 28 రోజులుంటాయన్న ప్రశ్నకు గౌతమ్‌ 12 నెలలు అని కరెక్ట్‌ ఆన్సర్‌ చెప్పాడు.బతికుండగానే పాతిపెడతారా?ఏపీ, తెలంగాణ సరిహద్దులో విమానం పడిపోతే అందులో ఉన్న సర్వైవర్లను ఎక్కడ పాతిపెడతారు? అని అడిగాడు. అందుకు నిఖిల్‌, నయని.. ఆంధ్ర, తెలంగాణ అంటూ శుద్ధ తప్పు సమాధానం చెప్పారు. బతికున్నవాళ్లను పాతిపెడతారా? అని బిగ్‌బాస్‌ కౌంటర్‌ వేయడంతో అందరూ పడీపడీ నవ్వారు. ఇలాంటి ప్రశ్నలే మరికొన్ని వేయగా రెండు టీమ్స్‌కు టై అయింది. దీంతో చివరి ప్రశ్నగా.. కోతి, ఉడుత, పక్షిలో ఏది ముందుగా కొబ్బరిచెట్టు ఎక్కి అరటిపండు తెంపుతుందన్నాడు. తేజను వాయించిన గంగవ్వముందుగా బజర్‌ నొక్కిన ప్రేరణకు ప్రశ్న సరిగా అర్థం కాలేదు. ఆ క్వశ్చన్‌ రిపీట్‌ చేయడానికి వీల్లేదని తేజ వాదించాడు. కావాలంటే జంతువుల పేర్లను ఇంగ్లీష్‌లో చెప్పుకోవచ్చన్నాడు. దీంతో గంగవ్వ వచ్చి.. ప్రేరణకు ఎందుకు చెప్తున్నావు, నీకు ఆన్సర్‌ చెప్పొస్తలేదా? అని తేజను కొట్టింది. ఇంతలో ప్రేరణ కొబ్బరిచెట్టుపై నుంచి పండును ఏ జంతువూ తెంపలేదని పేర్కొంది.ప్రేరతో గౌతమ్‌ ఫైట్‌అలా ఈ గేమ్‌లో ఓజీ గెలిచి బీబీ రాజ్యంలో స్కూల్‌, న్యాయస్థానం గెలుచుకుంది. అలాగే తన టీమ్‌లో ప్రేరణను కంటెండర్‌గా ప్రకటించారు. రాయల్స్‌ టీమ్‌లో మెహబూబ్‌ను చీఫ్‌ కంటెండర్‌ పోస్టు నుంచి తప్పించారు. ఇంతలో గౌతమ్‌.. ప్రేరణతో ఏదో వాదులాటకు దిగగా మధ్యలో యష్మి వచ్చి సముదాయించబోయింది. మా ఇద్దరి మధ్యలోకి రాకు, వెళ్లిపో అని యష్మిపై అరిచాడు. కాసేపటికి వాళ్లిద్దరికీ సారీ కూడా చెప్పాడు. ప్రేమ ఉంది కాబట్టే అలా..మరోవైపు నిఖిల్‌, యష్మి మధ్య దోబూచులాట అవుతూనే ఉంది. నీకు, నాకు సెట్టవదు, ఎక్స్‌పెక్టేషన్‌ పెట్టుకోకు అంటూ ఏవేవో మాట్లాడుకున్నారు. నిఖిల్‌ ప్రవర్తన అంతుపట్టని యష్మి.. సడన్‌గా వచ్చి నాపై ఇంట్రస్ట్‌ ఉందన్నట్లు మాట్లాడతాడు. అలాగే నేను, గౌతమ్‌ డ్యాన్స్‌ చేస్తే జెలసీ ఫీల్‌ అయ్యాడు.. ఇలాంటివి చాలా ఉన్నాయి. కెమెరా ముందు మంచోడిలా ఉండాలనుకుంటే ఉండు.. నేను మాత్రం ఫేక్‌గా ఉండలేను అంది. అలా ఈర్ష్యపడటం లవ్‌ లాంగ్వేజ్‌ అని ప్రేరణ నిర్ధారించింది.ఆరుగురు మెగా చీఫ్‌ కంటెండర్స్‌ఇక బీబీ రాజ్యం టాస్కు పూర్తయిందన్న బిగ్‌బాస్‌.. ఓజీ, రాయల్స్‌ నుంచి చెరొక కంటెండర్‌ను సెలక్ట్‌ చేయవచ్చన్నాడు. దీంతో విష్ణుప్రియ, తేజను ఎంపిక చేశారు. ప్రేరణ, నిఖిల్‌, విష్ణుప్రియ, పృథ్వీ, రోహిణి, తేజలలో ఒకర్ని మెగా చీఫ్‌గా ఎన్నుకునే బాధ్యతను హౌస్‌మేట్స్‌పై వేశాడు. మెగా చీఫ్‌కు అనర్హులనుకునేవారికి మిరప దండ వేసి రేసు నుంచి తప్పించాలన్నాడు.కొత్త చీఫ్‌గా విష్ణుప్రియఅలా మొదటగా మెహబూబ్‌.. ప్రేరణను తప్పించడంతో ఆమె కన్నీళ్లు పెట్టుకుంది. నబీల్‌.. రోహిణిని, అవినాష్‌.. పృథ్వీని అవుట్‌ చేశారు. చివరగా గౌతమ్‌.. నిఖిల్‌ను అవుట్‌ చేస్తూ విష్ణుప్రియను చీఫ్‌గా గెలిపించాడు. అయితే ఒక్కరికే అధిక ప్రాధాన్యత ఇవ్వకుండా అందరినీ సమానంగా చూడాలని మాట తీసుకున్నాడు. ఇక విష్ణుప్రియకు ఇచ్చిన ఎన్విలాప్‌లో రూ.2 లక్షలు ఉండగా అది ప్రైజ్‌మనీలో యాడ్‌ చేశారు. దీంతో ప్రైజ్‌మనీ రూ.40,16,000కు చేరింది.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

ఫిజికల్‌ టాస్క్‌ వస్తే పృథ్వీకి తెలియకుండానే పూనకం వస్తుంది. మనుషుల్ని పిట్టల్లా విసిరేస్తూ, పురుగుల్లా నలిపేస్తుంటాడు. ఈ రోజూ ఇదే జరిగింది. ఈసారి నిఖిల్‌ తోడయ్యాడు. టాస్కులో ఈ దోస్తులిద్దరూ అరాచకం సృష్టించారు. మరి వీరితో పోటీపడిందెవరు? హౌస్‌లో ఇంకా ఏమేం జరిగాయో తెలియాలంటే నేటి (అక్టోబర్‌ 24) ఎపిసోడ్‌ హైలైట్స్‌ చదివేయండి..నిఖిల్‌, పృథ్వీ అరాచకంబీబీ రాజ్యం ఛాలెంజ్‌ కొనసాగింపుగా నేటి ఎపిసోడ్‌ ప్రారంభమైంది. ఎనిమిది ధాన్యపు బస్తాలను తోపుడు బండిపై ఎవరు ముందుగా పెడతారో ఆ టీమ్‌కు రాజ్యంలో వ్యవసాయం దక్కుతుందన్నాడు. ఓజీ టీమ్‌ నుంచి నిఖిల్‌, పృథ్వీ విజృంభించి ఆడారు. వారిని అడ్డుకునేందుకు గౌతమ్‌, మెహబూబ్‌ చాలావరకు ప్రయత్నించారు. ఈ క్రమంలో కొట్టుకున్నారు, తోసేసుకున్నారు. నానా అరాచకం సృష్టించడంతో బిగ్‌బాస్‌ కొన్ని సెకన్లపాటు గేమ్‌ను పాజ్‌ చేశాడు. అదుర్స్‌ అనిపించిన తేజ, అవినాష్‌అలాగే ఈ ఆటలో పోటీదారులను మార్చుకోవచ్చని వెసులుబాటు కల్పించాడు. అలా గౌతమ్‌, మెహబూబ్‌ స్థానంలోకి అవినాష్‌, తేజ వచ్చారు. వీళ్లు కూడా తమ శక్తికి మించి ప్రయత్నించి ఆడారు. వాళ్లు ఎంతో కష్టపడి ఓ సంచిని బండిపై పెట్టారు. కానీ అది ముందు ఓజీ తోపుడు బండికి టచ్‌ అయిందంటూ వారికే పాయింట్‌ ఇస్తానని సంచాలకురాలు యష్మి వితండ వాదం చేసింది. ఒక్క బస్తా కూడా రాయల్‌ టీమ్‌ను పెట్టనివ్వకపోవడం నిఖిల్‌, పృథ్వీల శక్తికి నిదర్శనం.మనలో ఒకరే విన్నర్‌ఫైనల్‌గా ఈ గేమ్‌లో ఓజీ టీమ్‌ గెలవడంతో వ్యవసాయ భూమి గెలిచారు. అలాగే తన టీమ్‌లో నుంచి పృథ్వీని మెగా చీఫ్‌ కంటెండర్‌గా ప్రకటించారు. ఈ క్రమంలో కంటెండర్‌ అవ్వాలనుకున్న ప్రేరణకు, యష్మికి మధ్య గొడవ జరిగింది. ఈ ఇద్దరికీ సర్ది చెప్పిన నిఖిల్‌.. ఇది మన సీజన్‌.. మన టీమ్‌లోని ఒకరే ట్రోఫీ ఎత్తాలి. మనలో మనకు గొడవలొద్దు అని టీమ్‌ సభ్యులకు హితోపదేశం చేశాడు. ఓడిన రాయల్స్‌ టీమ్‌ నుంచి గంగవ్వను మెగా చీఫ్‌ కంటెండర్‌ పోస్టు నుంచి తప్పించారు.కూతుర్ని తల్చుకుని హరితేజ ఎమోషనల్‌వచ్చినప్పటినుంచి మేమే గెలిచాం అని రాయల్స్‌ ఫీల్‌ అవుతున్నారు. మనం మిగతా టాస్కులు గెలిచి ఆ పొగరును తగ్గించేయాలని ప్రేరణ.. నబీల్‌తో అంది. అన్నట్లుగానే తర్వాత టాస్కుల్లోనూ దూకుడు ప్రదర్శించారు. మరోవైపు హరితేజ.. తన కూతురు భూమిని తల్చుకుని ఎమోషనలైంది. అమ్మ గురించి బెంగపెట్టుకోకు, స్కూలుకు వెళ్లు, పిన్నితో ఆడుకో.. వీకెండ్‌లో నాన్న వస్తాడు. అమ్మమ్మ, తాతయ్య అందరూ ఉన్నారు, నీకోసం ఏడవట్లేదు. నువ్వు కూడా ఏడవొద్దంటూనే కన్నీళ్లు పెట్టుకుంది.మళ్లీ ఓజీ టీమ్‌దే గెలుపుబీబీ రాజ్యంలో సైన్యం, హాస్పిటల్‌ను పొందడానికి బిగ్‌బాస్‌ వైరల్‌ అటాక్‌ అనే టాస్క్‌ ఇచ్చాడు. ఇందులో ఓజీ టీమ్‌ నుంచి నిఖిల్‌, నబీల్‌ ఆడగా రాయల్‌ టీమ్‌ నుంచి గౌతమ్‌, తేజ ఆడారు. మరోసారి ఓజీ టీమ్‌ గెలిచి హాస్పిటల్‌, సైన్యం పొందింది. అలాగే తన టీమ్‌లో నుంచి నిఖిల్‌ను మెగా చీఫ్‌ కంటెండర్‌గా ప్రకటించారు. రాయల్స్‌ నుంచి గౌతమ్‌ను మెగా చీఫ్‌ కంటెండర్‌ రేసు నుంచి తప్పించారు.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

బిగ్‌బాస్‌ హౌస్‌లో ఫన్‌ టాస్కులు ఎక్కువైపోయాయి. అందుకే బీబీ రాజ్యం అంటూ ఓ ఆసక్తికర ఛాలెంజ్‌ విసిరాడు. రెండు టీముల్లో ఏది ముందుగా రాజ్యాన్ని ఏర్పాటు చేసుకుంటోందో చూద్దామన్నాడు. ఈ క్రమంలోనే వరుస టాస్కులిస్తున్నాడు. నిన్నటి వాటర్‌ టాస్కులో రాయల్‌ టీమ్‌ గెలిచింది. నిజానికి వైల్డ్‌ కార్డ్స్‌ వచ్చినప్పటినుంచి తెగ దూకుడుగా ఆడుతూ వరుస విజయాలను సొంతం చేసుకుంటున్నారు.ఆ పొగరు తగ్గాలిదీనివల్ల వారికి గర్వం నెత్తికెక్కిందంటోంది ప్రేరణ. అన్నీ మేమే గెలిచాం అంటున్నారు. ఆ పొగరు కొంత తగ్గాలి అని నబీల్‌తో అంది. అటు నిఖిల్‌ సైతం తన ఓజీ టీమ్‌తో.. ఇది మన సీజన్‌. ట్రోఫీ ఎవరైనా ఎత్తాలంటే మన టీమ్‌లోనే ఒకరై ఉండాలి అని సభ్యుల్లో ధైర్యం నింపాడు. తర్వాత రెండు క్లాన్స్‌కు గేమ్స్‌ పెట్టాడు.గర్వం అణిచేసిన ఓజీ టీమ్‌ఇందులో ఓజీ టీమ్‌ గెలిచినట్లు తెలుస్తోంది. అంతేకాదు బీబీ రాజ్యంలో ఇచ్చే టాస్కుల్లో ఎక్కువ టాస్కులు ఓజీ టీమ్‌ గెలిచి రాయల్స్‌ గర్వాన్ని అణగదొక్కిందని సమాచారం.! మరి ఏయే టీమ్‌ ఏయే టాస్కు గెలిచిందో తెలియాలంటే నేటి ఎపిసోడ్‌ వచ్చేంతవరకు ఆగాల్సిందే! మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

బిగ్‌బాస్‌ తెలుగు ఎనిమిదో సీజన్‌లో విన్నర్‌ అయ్యే లక్షణాలు ఎవరికైనా ఉన్నాయా? అంటే అది నిఖిల్‌కే అని బలంగా వినిపించింది. అందుకు తగ్గట్లుగానే అతడి ఆట ఉంటోంది. నాలుగైదు సార్లు మెగా చీఫ్‌ అవడం అంటే మామూలు విషయం కాదు. అంతేకాదు కండబలం, బుద్ధి బలం రెండూ ఉండటం అతడికి ప్లస్‌. తను స్లో అయిపోతున్నాడని హౌస్‌మేట్స్‌ అంటున్నారు. కానీ టాస్కులు వస్తే చెలరేగిపోతాడు.ఓటింగ్‌లో టాప్‌తనంతట తానుగా ఏ గొడవలోనూ దూరడు. అందుకే ప్రతి వారం ఓటింగ్‌లో నిఖిల్‌ టాప్‌ ప్లేస్‌లో ఉంటాడు. కానీ ఈ వారం లెక్కలు మారాయి. నిఖిల్‌ను వెనక్కు నెట్టి ప్రేరణ మొదటి స్థానంలో ఉంది. నామినేషన్స్‌లో ఉన్నవారికంటే ప్రేరణకే ఎక్కువ ఓట్లు పడుతున్నాయట! ఆటలో శివంగిలా పోరాడుతుంది. ఎవరి సపోర్ట్‌ లేకపోయినా సింగిల్‌గా ఫైట్‌ చేస్తుంది. ఈ మధ్య పృథ్వీ ఆమెను టార్గెట్‌ చేయడంతో తనపై కాస్త సింపతీ కూడా వర్కవుట్‌ అయింది. టార్గెట్‌ వల్ల మేలు జరిగిందా?గత సీజన్‌ హౌస్‌ అంతా కలిసి పల్లవి ప్రశాంత్‌ను టార్గెట్‌ చేశారు. కట్‌ చేస్తే అతడు విన్నర్‌ అయి కూర్చున్నాడు. ఈ సీజన్‌లో హౌస్‌ అంతా మణికంఠకు వ్యతిరేకంగా నిలబడ్డారు. దీంతో ప్రతివారం నామినేషన్‌లో ఉన్నా సరే సేవ్‌ అవుతూ వచ్చాడు. చివరకు ఒత్తిడి తట్టుకోలేక తనంతట తానే ఎలిమినేట్‌ అయ్యాడు. పోయినవారం నామినేషన్స్‌ డిసైడ్‌ చేసే పవర్స్‌ కిల్లర్‌ గర్ల్స్‌ హరితేజ, ప్రేరణకు లభించింది. ఫైటర్‌అప్పుడు పృథ్వీ, నయని ప్రేరణను ఆడనివ్వకుండా అడ్డుపడ్డారు. అప్పుడామె కన్నీళ్లు పెట్టుకుంటే కూడా హౌస్‌లో ఎవరూ తనను ఓదార్చలేదు, సపోర్ట్‌ చేయలేదు. చివరాఖరకు యష్మి సపోర్ట్‌గా నిలబడ్డప్పటికీ ఆమె మొసలి కన్నీళ్లను ఎవరూ నమ్మలేదు. మరి ప్రేరణ మున్ముందు వారాల్లోనూ ఓటింగ్‌లో ఇదే దూకుడు ప్రదర్శిస్తే బిగ్‌బాస్‌ విన్నర్‌ కావడం తథ్యం!మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

సమయం దొరికినప్పుడల్లా అవినాష్‌ అటు హౌస్‌మేట్స్‌ను, ఇటు ప్రేక్షకులను నవ్విస్తూనే ఉన్నాడు. అటు తేజ, అవినాష్‌.. గంగవ్వను దెయ్యం పట్టినట్లు యాక్ట్‌ చేయమన్నారు. కానీ గంగవ్వ ఏకంగా జీవించేసింది. ఇంకా హౌస్‌లో ఏమేం జరిగాయో తెలియాలంటే నేటి (అక్టోబర్‌ 23) ఎపిసోడ్‌ హైలైట్స్‌ చదివేయండి..తిక్క కుదిర్చిన బిగ్‌‌బాస్‌ఇంటిని శుభ్రంగా ఉంచట్లేదని, తన ఆదేశాలను లెక్కచేయట్లేదని బిగ్‌బాస్‌ హర్టయ్యాడు. అందుకని ఈ వారం సూపర్‌మార్కెట్‌లో షాపింగ్‌ చేసే సమయాన్ని కాస్త కట్‌ చేసిపారేశాడు. దీంతో మెగా చీఫ్‌ గౌతమ్‌.. నిఖిల్‌ను మార్కెట్‌కు పంపించి అతడితో షాపింగ్‌ చేయించాడు.యష్మి- నిఖిల్‌ లవ్‌ ట్రాక్‌?ఇక యష్మి.. నిఖిల్‌ను తనతో మాట్లాడమని బతిమాలింది. ఫ్రెండ్స్‌గా ఉన్నప్పుడే బాగుండేది.. నా వల్ల నీ గేమ్‌కు ప్రాబ్లం కానివ్వను. నాది పడిపడి చచ్చే క్యారెక్టర్‌ అయితే కాదు, ఇకపై జస్ట్‌ ఫ్రెండ్‌గా ఉంటా అని చెప్పుకుంటూ పోయింది. నిఖిల్‌ శిలావిగ్రహంలా స్తబ్దుగా కూర్చోవడంతో కోపంతో వెళ్లిపోయింది. ఆమె అలకను తీర్చేందుకు నిఖిల్‌.. యష్మిని హత్తుకుని ముద్దిచ్చాడు.ఇంకా పృథ్వీ వెనకే పడుతోన్న విష్ణుపృథ్వీ మెడలో గోల్డ్‌ చెయిన్‌ చూసి నిలువెత్తు బంగారం.. మళ్లీ బంగారం వేసుకుని తిరగడమేంటో అని మురిసిపోయింది. ఈ మాట విన్న హౌస్‌మేట్స్‌ ఇక మా వల్లకాదు, వెళ్లిపోతాం అని జోక్‌ చేశారు. బిగ్‌బాస్‌ కూడా సరే, మీ సరదా నేనెందుకు కాదంటాను అన్నట్లు గేట్లు తెరిచాడు. దీంతో అబ్బాయిలంతా కలిసి అవినాష్‌ను లాక్కెళ్లి మరీ బయట పడేసేందుకు ప్రయత్నించారు.మనసు మార్చుకున్న బిగ్‌బాస్‌అనంతరం బిగ్‌బాస్‌ ఇచ్చిన టాస్క్‌ మేరకు అవినాష్‌ జిమ్‌ ట్రైనర్‌గా మారి హౌస్‌మేట్స్‌తో చిత్రవిచిత్రమైన కసరత్తులు చేయించి నవ్వించాడు. దీంతో కిచెన్‌ టైమర్‌కు మరో రెండు గంటల సమయం యాడ్‌ చేశాడు. అలాగే మార్కెట్‌లో మర్చిపోయిన కూరగాయలు, పండ్లను సైతం పంపించి తన మనసు వెన్న అని నిరూపించుకున్నాడు.అవ్వకు ఆస్కార్‌ ఇవ్వాల్సిందే!అవినాష్‌, తేజ.. గంగవ్వను దెయ్యంలా రెడీ అయి భయపెట్టాలన్నాడు. ఇంకేముంది.. అర్ధరాత్రి గంగవ్వ జుట్టు విరబోసుకుని కేకలు వేయడంతో హౌస్‌మేట్స్‌ నిద్రలో నుంచి లేచి జడుసుకున్నారు. ఇది చూసిన తేజ.. నెక్స్ట్‌ వీక్‌ నామినేషన్స్‌ పక్కా అని భయపడిపోయాడు. నిఖిల్‌, పృథ్వీ, నబీల్‌ మాత్రం నిద్రలో నుంచి లేవలేదు. అయితే ఇది ప్రాంక్‌ అని, అవినాష్‌ చేయించి ఉంటాడని గౌతమ్‌ అనుమానపడ్డాడు.మెగా చీఫ్‌ కంటెండర్‌గా రోహిణిబీబీ రాజ్యం ఏర్పాటు చేసుకునేందుకు రెండు క్లాన్స్‌ పోటీపడతాయన్నాడు. మొదటగా అక్వేరియంలో నీళ్లను నింపే టాస్కులో రాయల్‌ టీమ్‌ గెలిచింది. అందుకు గానూ రాజ్యంలో మంచినీటి సరస్సును పొందారు. అలాగే రాయల్‌ టీమ్‌లో నుంచి రోహిణి మెగా చీఫ్‌ కంటెండర్‌ అయింది. అలాగే ఓజీ టీమ్‌లో యష్మి మెగా చీఫ్‌ కంటెండర్‌ రేసు నుంచి తప్పుకుంది. రోహిణిని కంటెండర్‌గా సెలక్ట్‌ చేయడంపై హరితేజ రాద్దాంతం చేసింది.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

ఆదిత్య ఎలిమినేషన్‌తో హౌస్‌లో తొమ్మిది మందే మిగిలారు. వీరికోసం బిగ్‌బాస్‌ అదిరిపోయే డీల్‌ తీసుకొచ్చాడు. ఇంటి వంటను కళ్లముందుంచాడు. కానీ దాన్ని తినే అదృష్టం మాత్రం కొందరికే ఉంటుందని ట్విస్ట్‌ ఇచ్చాడు. మరి ఎవరెవరు ఇంటి భోజనం అందుకున్నారో తెలియాలంటే నేటి (అక్టోబర్‌ 04) ఎపిసోడ్‌ హైలైట్స్‌ చదివేయండి..జాతకం చెప్పిన మణిమణికంఠకు సపోర్ట్‌ చేస్తే ఆడియన్స్‌ దృష్టిలో మనల్నే విలన్‌ చేస్తున్నాడని సీత అభిప్రాయపడింది. అతడు సింపతీ గేమ్‌ ఆడుతున్నాడంది. ఇదిలా ఉంటే తర్వాతి రోజు మార్నింగ్‌ మస్తీ పేరిట బిగ్‌బాస్‌ మణికంఠతో హౌస్‌మేట్స్‌కు జ్యోతిష్యం చెప్పించాడు. ఈ సందర్భంగా మణి తనలోని ఫన్‌ యాంగిల్‌ను బయటపెట్టాడు. తర్వాత హౌస్‌మేట్స్‌ మణి జాతకం చెప్పారు. ఈ వారం వెళ్లిపోయేలా ఉన్నావని నబీల్‌, ప్రతిదానికి ఏడవొద్దని యష్మి సెటైర్లు వేశారు.భార్య మెసేజ్‌ కోసం మణి ఆరాటంఅనంతరం అసలైన ఆట మొదలుపెట్టాడు. మొదటగా యష్మిని కన్ఫెషన్‌ రూమ్‌లోకి పిలిచాడు. నిఖిల్‌ కోసం అతడి అమ్మ చేసిన వంటను, నాగమణికంఠ కోసం అతడి భార్య చేసిన వంటను ముందు పెట్టాడు. వీరికి మెసేజెస్‌ కూడా వచ్చాయన్నాడు. అయితే ఇద్దరిలో ఒకరినే సెలక్ట్‌ చేసుకుని వారికి ఫుడ్‌, లెటర్‌ ఇవ్వాలన్నాడు. యష్మి.. క్షణం ఆలోచించకుండా నిఖిల్‌ పేరు చెప్పింది. అది విని మణికంఠ గుండె బద్ధలయ్యింది. తన భార్య ఏమని మెసేజ్‌ పంపిందోనని దిగులు చెందాడు. అంతలోనే తనకోసం బిర్యానీ చేసి పంపినందుకు తినకపోయినా మనసు నింపుకున్నాడు.నువ్వు వారియర్‌వి..అమ్మ చేతి వంట తిన్న తర్వాత నిఖిల్‌.. 'ఎవరి కోసమూ మారాల్సిన అవసరం లేదు, లక్ష్యాన్ని మర్చిపోకు' అంటూ తల్లి పంపిన మెసేజ్‌ చూసుకుని మురిసిపోయాడు. తర్వాత కన్ఫెషన్‌ రూమ్‌లోకి వెళ్లిన పృథ్వీ విష్ణుప్రియకు బదులుగా నైనిక కోసం ఆమె తల్లి చేసిన ఇడ్లీసాంబార్‌ తీసుకెళ్తానన్నాడు. విష్ణు ముందుగానే త్యాగం చేసేందుకు రెడీ అని హింటివ్వడంతోనే పృథ్వీ ఈ నిర్ణయం తీసుకున్నాడు. నువ్వు వారియర్‌వి, నీ బలం చూపించు అంటూ అమ్మ పంపిన మెసేజ్‌ చూసి నైనిక మురిసిపోయింది.యష్మి ఎమోషన్స్‌తో ఆడుకున్న బిగ్‌బాస్‌మణికంఠ వంతురాగా యష్మీని పక్కన పెట్టేసి పృథ్వీ ఫుడ్‌ తీసుకెళ్లిచ్చాడు. దీంతో యష్మి బోరుమని ఏడ్చేసింది. నువ్వు నా కొడుకు అని చెప్పుకోవడానికి గర్వపడుతున్నాను అంటూ తల్లి నుంచి వచ్చిన మెసేజ్‌ చూసి పృథ్వీ ఖుషీ అయ్యాడు. ఇంతలో బిగ్‌బాస్‌ యష్మి కోసం తండ్రి పంపిన మెసేజ్‌ను సైతం టీవీలో వేశాడు. కానీ ఒక లైన్‌ చదివేలోపే దాన్ని తీసేయడంతో యష్మి ఒక్కసారి మెసేజ్‌ చూపించు బిగ్‌బాస్‌ అని ఏడుస్తూ వేడుకుంది. కానీ బిగ్‌బాస్‌ కనికరించలేదు. ఒంటరి పోరాటం..ఇంతకీ ఆ మెసేజ్‌లో ఏముందంటే.. హాయ్‌ అమ్మూ, నువ్వు చిన్నప్పటి నుంచి ఒంటరిగానే నీ పోరాటాలను ఎదుర్కొన్నావు.. ఆ సమయంలో నీకు తోడుగా లేను. నీ కలలను సాకారం చేసుకునేటప్పుడు కుటుంబంలో ఎవరమూ నీకు సపోర్ట్‌ చేయలేదు. అయినా నువ్వు వారియర్‌లా పోరాడావు, మేము తప్పని నిరూపించావు. మేము గర్వపడేలా చేశావు. ధైర్యంగా ఉండు, మిస్‌ యూ మగలే.. ఇట్లు నీ పప్పా అని రాసి ఉంది.పెళ్లయి 10 నెలలే..తర్వాత కన్ఫెషన్‌ రూమ్‌లోకి వెళ్లిన నిఖిల్‌.. ప్రేరణ, నబీల్‌, సీత.. ముగ్గురిలో ప్రేరణను సెలక్ట్‌ చేసుకున్నాడు. తనకు ఇష్టమైన పావ్‌ బాజీని ప్రేరణ ఆవురావురుమని ఆరగించింది. 'మన పెళ్లయి పది నెలలే అవుతోంది.. నీకు ఈ షో ఎంత ముఖ్యమో నాకు తెలుసు. నిన్ను కలవలేనప్పటికీ టీవీలో సంతోషంగా చూస్తున్నాను. నిన్ను చూసి గర్విస్తున్నాను. మిస్‌ యూ.. ఇట్లు నీ పుట్టు' అని భర్త మెసేజ్‌ చదివి సంతోషించింది.విష్ణుకు మెసేజ్‌చివరగా ఇంటి నుంచి భోజనం అందుకోలేకపోయినవారికోసం బిగ్‌బాస్‌ మరో ఛాన్స్‌ ఇచ్చాడు. నిఖిల్‌, నైనిక, ప్రేరణ, పృథ్వీ కలిసి.. మిగతా హౌస్‌మేట్స్‌లో ఒకరికి ఫుడ్‌ తీసుకెళ్లొచ్చనగా అందరూ విష్ణుప్రియ పేరు చెప్పారు. చెల్లి పంపిన చికెన్‌ బిర్యానీ చూసి విష్ణు కన్నీళ్లు పెట్టుకుంది. తనకు ఏమని మెసేజ్‌ వచ్చిందంటే. ఆట మీద దృష్టి పెట్టి రేసుగుర్రంలా ఆడు, సైలెంట్‌గా ఉండటం వల్ల నీ గేమ్‌ డల్‌ అవుతుంది. టాస్కుల్లో ఫైర్‌ చూపించు.. ప్రేక్షకుల మనసు గెలుచుకో అని రాసుంది. మరి ఇప్పుడైనా విష్ణు.. పృథ్వీపైనే కాకుండా గేమ్‌పై ఫోకస్‌​ పెడుతుందేమో చూడాలి! మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

బిగ్‌బాస్‌ తెలుగు ఎనిమిదో సీజన్‌ మొదలై నెలరోజులైపోయింది. అయినవాళ్లను వదిలేసి వచ్చిన హౌస్‌మేట్స్‌కు ఇంటి మీద ఆల్‌రెడీ బెంగ మొదలైంది. ఈ బెంగను ఎంతోకొంత తీర్చేందుకు బిగ్‌బాస్‌ ఇంటి భోజనం ప్లాన్‌ చేశాడు. కంటెస్టెంట్లకు వారి ఇంటి నుంచి రుచిరకమైన భోజనం తెప్పించాడు. అలాగే ప్రియమైనవారి లేఖలు సైతం వచ్చాయని గుడ్‌న్యూస్‌ చెప్పాడు.ఇద్దరిలో ఒక్కరికే ఛాన్స్‌..కానీ అంతలోనే మరో బ్యాడ్‌న్యూస్‌ చెప్పాడు. కన్ఫెషన్‌ రూమ్‌లోకి వెళ్లే ప్రతి కంటెస్టెంట్‌.. తన ముందు ఇద్దరికి సంబంధించిన ఫుడ్‌ ఉంటుంది. అందులో ఒక్కరి ఫుడ్‌ మాత్రమే తీసుకుని మరొకరిది తిరస్కరించాల్సి ఉంటుంది. ఈ క్రమంలో యష్మి ఎదుట నిఖిల్‌ కోసం అతడి తల్లి చేసిన వంటను, మణికంఠ కోసం అతడి భార్య చేసిన వంటను రెడీగా పెట్టారు. వీరికి ఇంటి నుంచి లెటర్స్‌ కూడా వచ్చాయని బిగ్‌బాస్‌ తెలిపాడు.మణికంఠ టెన్షన్‌అయితే మణికంఠపై పీకలదాకా కోపం పెంచుకున్న యష్మి.. నిఖిల్‌కే ఇస్తానంది. దీంతో మణి.. విదేశాల్లో ఉన్న తన భార్య ఇండియాకు ఎందుకొచ్చేసిందో అర్థం కావట్లేదు, ఈ షో వల్ల ఏమైనా జరిగుంటుందా? అని ఏడ్చేశాడు. అటు మణికంఠకు పృథ్వీ, యష్మి ఫుడ్‌ ఎదురుగా పెట్టి ఏదో ఒకటి సెలక్ట్‌ చేసుకోమన్నాడు.సోనియాను మర్చిపోని నిఖిల్‌అందుకు మణి.. పృథ్వీకే ఇంటి భోజనం ఇవ్వాలనుకుంటున్నట్లు తెలిపాడు. ఈ నిర్ణయం విని యష్మి కన్నీళ్లు ఆపుకోలేకపోయింది. ఇక ఈ ఇంట్లో ఎవరంటే బాగా ఇష్టం? అని నిఖిల్‌ను ప్రశ్నించగా అతడు సోనియా పేరు చెప్పాడు. మరి ఎవరెవరు ఇంటి భోజనాన్ని ఆస్వాదించారో తెలియాలంటే నేటి ఎపిసోడ్‌ వచ్చేవరకు ఆగాల్సిందే! మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

గమ్యం లేకుండా ఆట ఆడుతున్న కంటెస్టెంట్స్‌ ఎవరైనా ఉన్నారా? అంటే విష్ణుప్రియ పేరే ఎక్కువగా వినిపిస్తుంది. ఆదిత్య కూడా అసలు హౌస్‌లో ఉన్నాడా? లేడా? అన్నట్లుగానే ఉన్నాడు కానీ తనకు ఈ షో అవసరమని ఒకానొక సందర్భంలో చెప్పాడు.గేమ్‌ను లైట్‌ తీసుకున్న విష్ణు?విష్ణుప్రియ మాత్రం అవసరం కాదుకదా టైం పాస్‌ అన్నట్లుగా గేమ్‌ను లైట్‌ తీసుకుంటోంది.. పృథ్వీతో లవ్‌ యాంగిల్‌ ట్రై చేస్తూ గేమ్‌ను పక్కన పడేసింది. పైగా నోటికి ఎంతొస్తే అంత వాగేస్తోంది. పతివ్రత, పుణ్యస్త్రీ వంటి పదాలు వాడిన ఆమె పోయినవారం నిఖిల్‌ చేతికి గాజులు, నుదుటన బొట్టు ఒక్కటే తక్కువయ్యాయంటూ దారుణంగా మాట్లాడింది.ఈయనకే నోటిదూలఇదే పాయింట్‌ను ప్రస్తావిస్తూ నిఖిల్‌.. విష్ణుప్రియను నామినేట్‌ చేశాడు. కానీ దాన్ని ఒప్పుకోని విష్ణు.. ఈయనకే పెద్ద నోటిదూల ఉంది, అయినా నా దగ్గరకు వచ్చి ఎలా చెప్తున్నాడో అర్థం కావట్లేదని నవ్వేసింది. తర్వాత నిఖిల్‌.. మణికంఠను నామినేట్‌ చేశాడు.మంటలో చేయి పెట్టిన ఆదిత్యప్రేరణ వంతు రాగా.. ఎక్కువ మంచిమాటలు చెప్పి నెగెటివ్‌ విషయాల్ని మాత్రం చెప్పడం లేదని ఆదిత్యను నామినేట్‌ చేశాడు. నాజీవితంలో ఇలాగే ఉంటాను.. వచ్చేవారం కూడా ఇలాగే ఉంటానని ఆదిత్యబదులిచ్చాడు. వచ్చేవారం దాకా హౌస్‌లోనే ఉంటావన్న నమ్మకం నీకు లేదటూ ఆదిత్య ఫోటోను మంటల్లో వేసింది. ఈ నామినేషన్‌ను ఒప్పుకోని ఆదిత్య మంటల్లో చేయి పెట్టి తన ఫోటో బయట పడేశాడు. మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

ఎంతోమంది బిగ్‌బాస్‌ ప్రియులు ఎదురుచూసిన రోజు రానే వచ్చింది. సోనియా ఎలిమినేట్‌ అయింది. తను వెళ్లిపోతుంటే నిఖిల్‌ కన్నీళ్లు ఆపుకోలేకపోయాడు. వెళ్లిపోయేముందు కంటెస్టెంట్ల గురించి తన అభిప్రాయాలను వెలిబుచ్చింది సోనియా.. మరి హౌస్‌లో ఇంకా ఏమేం జరిగాయో నేటి (సెప్టెంబర్‌ 29) ఎపిసోడ్‌ హైలైట్స్‌లో చదివేయండి..ముందే ఊహించిన సోనియాఈ వారం తానే ఎలిమినేట్‌ అవుతానని సోనియా ముందే పసిగట్టింది. హౌస్‌ మొత్తం తనను తప్పుగా అర్థం చేసుకుంటోందంటూ తొలిసారి ఏడ్చేసింది. నాగ్‌ ఓదార్చే ప్రయత్నం చేయగా సోనియా తన కన్నీళ్లను దిగమించుకునేందుకు యత్నించింది. దీంతో యష్మి లేచి.. సోనియా ఒక సోదరిలా పృథ్వీ, నిఖిల్‌కు సలహాలు ఇస్తోందని, అక్కడ ఈమె తప్పే లేదని వెనకేసుకొచ్చింది. తర్వాత నాగ్‌ చిన్న ఫన్‌ గేమ్‌ ఆడించగా ఇందులో కాంతార టీమ్‌ గెలిచింది. సోనియా టాక్సిక్‌అనంతరం మీకే అంకితం అనే చిట్టీల గేమ్‌ ఆడించాడు. కంటెస్టెంట్లు ఓ చీటీ తీసి అందులో ఉన్న వాక్యాన్ని ఒకరికి అంకితం చేసి వారిని చెంపదెబ్బ కొట్టాలన్నాడు. అలా మొదటగా ప్రేరణ.. హౌస్‌లో సోనియా టాక్సిక్‌ అని ఆమెను కొట్టింది. నైనిక.. విష్ణుప్రియను లౌడ్‌ స్పీకర్‌ అంది. సీత.. మణికంఠ విక్టిమ్‌ కార్డ్‌ వాడతాడంది. ఆదిత్య.. మణికంఠ నెగెటివ్‌గా ఆలోచిస్తాడని పేర్కొన్నాడు. నబీల్‌.. నిఖిల్‌ సేఫ్‌ ప్లేయర్‌ అని తెలిపాడు. పృథ్వీ.. మణికంఠ మానిప్యులేట్‌ చేస్తాడన్నాడు.కంటెస్టెంట్ల చేతికి ఎలిమినేషన్‌ పవర్‌ యష్మి.. పృథ్వీ అటెన్షన్‌ సీకర్‌ అని తెలిపింది. నిఖిల్‌.. మణికంఠకు ఏ లక్ష్యం లేదన్నాడు. మణికంఠ వంతురాగా నిఖిల్‌ బయాస్‌డ్‌ అని పేర్కొన్నాడు. విష్ణు.. నైనిక ఇమ్మెచ్యూర్‌ అని అభిప్రాయపడింది. సోనియా.. విష్ణుకు సెల్ఫిష్‌ అన్న ట్యాగ్‌ ఇచ్చింది. తర్వాత నాగ్‌ ప్రేరణను, ఆదిత్యను సేవ్‌ చేశాడు. చివర్లో సోనియా, మణికంఠ మాత్రమే మిగిలారు. మణికంఠ హౌస్‌లో ఉండేందుకు పనికిరాడని మీరన్నారు. కానీ, సోనియాకు తక్కువ ఓట్లు పడ్డాయి.. మరి వీరిద్దరిలో ఎవరు హౌస్‌లో ఉండాలనేది మీరే నిర్ణయించాలంటూ కంటెస్టెంట్లకే పవర్‌ ఇచ్చాడు నాగ్‌.జైలుకు మణికంఠఈ క్రమంలో నిఖిల్‌, పృథ్వీ, నైనిక మాత్రమే సోనియాకు సపోర్ట్‌ చేయగా మిగతా అందరూ మణికంఠకు మద్దతిచ్చారు. దీంతో నాగ్‌.. అటు ప్రేక్షకుల ఓట్ల ప్రకారం, మెజారిటీ హౌస్‌మేట్స్‌ నిర్ణయం ప్రకారం సోనియా ఎలిమినేట్‌ అని ప్రకటించాడు.​ డేంజర్‌ జోన్‌లో ఉన్న మణి ఈ ఎపిసోడ్‌ అయిపోగానే జైల్లో ఉండాలన్నాడు. ఇక సోనియా ఎలిమినేట్‌ అవడంతో నిఖిల్‌, పృథ్వీ భావోద్వేగానికి లోనయ్యారు. (చదవండి: సోనియా ఎలిమినేషన్‌కు కారణాలివే!)నేనెవరికీ నచ్చనుస్టేజీపైకి వచ్చిన సోనియా.. నేను ఉన్నదున్నట్లు మాట్లాడటం వల్ల ఎవరికీ నచ్చను. కాలేజీలోనూ అంతే, ఇక్కడా అంతే.. కానీ, ఎవరికోసమూ నా స్వభావాన్ని మార్చుకోలేను. నిఖిల్‌, పృథ్వీకి సలహాలు ఇస్తాను. కానీ, వారు నా మాటలు వినరు, నేను వాళ్లను ఇన్‌ఫ్లూయెన్స్‌ చేయలేదు అని నొక్కి చెప్పింది. హౌస్‌మేట్స్‌ గురించి మాట్లాడుతూ.. విష్ణుప్రియ పులిహోర కలుపుతుందని, సీత.. కాకరకాయలా చేదుగా మాట్లాడుతుందని చెప్పింది. ప్రేరణ.. ఆవకాయ అని, నబీల్‌.. సాఫ్ట్‌ కుర్రాడు అని తెలిపింది. పృథ్వీ.. స్వీట్‌ పాయసం అని, యష్మి.. పెరుగన్నం అని పేర్కొంది. మిడ్‌ వీక్‌ ఎలిమినేషన్‌అన్నం లేకపోతే ఏదీ లేదు, అలాగే నిఖిల్‌ లేకపోతే బిగ్‌బాస్‌ హౌసే లేదంది. నైనిక.. అప్పడంలా ఈజీగా బ్రేక్‌ అవుతుందని చెప్పింది. సోనియా వెళ్లిపోతుండటంతో నిఖిల్‌ కన్నీళ్లు ఆపుకోలేకపోయాడు. మిస్‌ యూ అంటూ ఒకరినొకరు కళ్లతోనే సంభాషించుకున్నారు. సోనియాను పంపించేశాక.. నాగ్‌ పెద్ద ట్విస్ట్‌ ఇచ్చాడు. ఈ వారం మిడ్‌ వీక్‌ ఎలిమినేషన్‌ ఉండబోతుందని చెప్పాడు. అంటే.. వచ్చే ఆదివారం (అక్టోబర్‌ 5న) వైల్డ్‌ కార్డ్‌ ఎంట్రీలు ఉండబోతున్నాయని తెలుస్తోంది. వీరితోపాటే సోనియా కూడా రీఎంట్రీ ఇచ్చే అవకాశం ఉంది.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

బూతులు మాట్లాడుతూ అతిగా ఆవేశపడే పృథ్వీ తన తీరు మార్చేసుకుని ఈ వారం హీరో అయ్యాడు. పోయినవారం సోనియాను నిర్భయంగా ఢీకొట్టి హీరోగా నిలిచిన యష్మి.. మణికంఠపై చేసిన చులకన కామెంట్ల వల్ల తన స్థాయి తగ్గించుకుంది. అటు విష్ణుప్రియ సైతం.. నోటికి ఎంతొస్తే అంత వాగేస్తోంది.మీకే అంకితం..దీంతో ఆడాళ్ల నోటిదురుసు ఎక్కువవుతోందని భావించిన నాగ్‌ దానికి కళ్లెం వేయమని వార్నింగ్‌ ఇచ్చాడు. శనివారం ఎంత కోప్పడ్డా సరే సండే రోజు మళ్లీ మామూలు స్థితికి వచ్చేసి ఫన్‌ గేమ్స్‌ ఆడిస్తుంటాడు. ఈ క్రమంలోనే మీకే అంకితం అన్న గేమ్‌ ఆడించాడు. అలాగే ఏదైనా అంకితం ఇచ్చేటప్పుడు చెంపదెబ్బ కొట్టాలన్నాడు. హౌస్‌లో లౌడ్‌ స్పీకర్‌ విష్ణుప్రియ అని, మణికంఠ విక్టిమ్‌ కార్డ్‌ వాడతాడని, పృథ్వీ అటెన్షన్‌ సీకర్‌ అని చెప్తూ మిగతా కంటెస్టెంట్లు వారిని గట్టిగా కొట్టారు.పృథ్వీ అటెన్షన్‌ సీకర్‌ఏ లక్ష్యం లేనివారు? ఎవరు? అన్న చీటి నిఖిల్‌కు రాగా.. దాన్ని ఎవరికి అంకితం ఇవ్వాలో అర్థం కాక జుట్టు పీక్కున్నాడు. దీనికి బదులుగా ఇంకో చీటి తీసుకుంటానన్న నిఖిల్‌.. తీరా మరో చిట్టీ తీశాక.. దానికంటే మొదటిదే నయమన్నాడు. ఇక్కడ కూడా సేఫ్‌ ప్లే అని నాగ్‌ సెటైర్లు వేశాడు. ఈరోజు హౌస్‌మేట్స్‌ అందరూ రెట్రో లుక్‌లో కనిపించడం విశేషం

మాటలు హద్దులు దాటడంతో యష్మి, విష్ణు, సోనియాకు నాగ్‌ గట్టిగానే క్లాస్‌ పీకాడు. మణికంఠను అబ్బాయే కాదంటావా? నిఖిల్‌ చేతికి గాజులు ఒక్కటే తక్కువయ్యాయా? యష్మి దృష్టి ఎంతసేపూ ఇద్దరబ్బాయిల మీదే ఉందా? అని ముగ్గురిపైనా విరుచుకుపడ్డాడు. ఇంతకీ ఎవరిపై ఏ రేంజులో ఫైర్‌ అయ్యాడో తెలియాలంటే నేటి (సెప్టెంబర్‌ 28) ఎపిసోడ్‌ హైలైట్స్‌ చదివేయండి..హీరోగా నబీల్‌నాగార్జున వచ్చీరావడంతోనే హీరో-జీరో గేమ్‌ ఆడించాడు. మొదటగా మణికంఠ.. సీత హీరోలా గేమ్‌ ఆడుతుందని, నైనిక గేమ్‌లో జీరోలా అయిపోతోందని చెప్పాడు. మణికంఠ కరెక్ట్‌గా చెప్పాడని నాగ్‌ మెచ్చుకున్నాడు. తర్వాత యష్మి.. నబీల్‌ను హీరో, నైనికను జీరో అనేసింది. ఇక్కడ నాగ్‌.. నబీల్‌ ఆటకు చప్పట్లు కొట్టడమే కాకుండా ఆడియన్స్‌తోనూ సూపర్‌ అనిపించాడు. ఇతడు పృథ్వీ హీరో, మణిని జీరో అని అభిప్రాయపడ్డాడు. ఈ సందర్భంగా మణికంఠ డబుల్‌ యాక్షన్‌ చేసిన వీడియోలు ప్లే చేశారు. గేమ్‌లో త్యాగం చేయలేదని ఓసారి, తనే త్యాగం చేశానని మరోసారి చెప్పాడు. ఏదైనా ఒక్కదానిపైనే నిలబడు, అతిగా ఆలోచించకు అని నాగ్‌ మణికి సలహా ఇచ్చాడు.సీత హీరో, మణి జీరోఆదిత్య వంతురాగా.. నిఖిల్‌ హీరో, మణి జీరో అని పేర్కొన్నాడు. నైనిక.. సీత హీరో, మణి జీరో అని తెలిపింది. ప్రేరణ వంతురాగా.. నబీల్‌కు హీరోగా కిరీటం పెట్టింది. పప్పులా ఆడుతున్నాడా? ఎవరి వల్లయినా ఇన్‌ఫ్లూయెన్స్‌ అవుతున్నాడా? అనేది అర్థం కావట్లేదంటూ నిఖిల్‌ను జీరోగా అనేసింది. ఎందుకలా? అని నాగ్‌ అడగ్గా మిస్‌ బ్యాలెన్స్‌ అయ్యానని నిఖిల్‌ చెప్పాడు. మిస్‌ బ్యాలెన్స్‌ అవడానికి ఏ మిస్‌ కారణం? అని నిలదీశాడు. అంతేకాకుండా నీ క్లాన్‌లోకి రావడానికి హౌస్‌ అంతా ఇష్టపడలేదు, ఎందుకో తెలుసా? నీ ఆట నువ్వు ఆడట్లేదు, ఈజీగా ఇన్‌ఫ్లూయెన్స్‌ అయిపోతున్నావు.. అనే ఎవరూ ఇష్టపడలేదు అని అర్థమయ్యేలా వివరించాడు. చదవండి: సోనియా ఎలిమినేట్‌.. సీక్రెట్‌ రూంలాంటి ట్విస్టులేమైనా..?నా ఆట నేనే ఆడతాసోనియా, నిఖిల్‌.. పృథ్వీని హీరోగా, మణికంఠను జీరోగా అభిప్రాయపడ్డారు. సీత.. నబీల్‌ను హీరోగా పేర్కొనగా.. ఇండివిడ్యువల్‌ గేమ్‌ కనిపించడం లేదంటూ నిఖిల్‌ను జీరోగా అభిప్రాయపడింది. నెమ్మదిగా విషయం బోధపడుతున్న నిఖిల్‌.. ఇకమీదట నా ఆట నేనే ఆడతా, నా నిర్ణయాలు నేనే తీసుకుంటా అని మాటిచ్చాడు. పృథ్వీ.. నబీల్‌ను హీరోగా.. మణికంఠను జీరోగా పేర్కొన్నాడు. తర్వాత నాగ్‌ సోనియాకు క్లాస్‌ పీకాడు.. విష్ణును అడల్ట్రేటెడ్‌ కామెడీ అన్నావ్‌.. మరి నామినేషన్‌లో నువ్వు చేసిందేంటి? అని వీడియో ప్లే చేశాడు.నాగ్‌తో వాదించిన సోనియాఅందులో సోనియా.. ఎంతసేపు పృథ్వీ, నిఖిల్‌నే చూస్తే ఎలా? మమ్మల్ని కూడా చూడు అంటూ యష్మిపై సెటైర్లు వేసింది. ఇది తప్పు కాదా? అని నిఖిల్‌, పృథ్వీని ప్రశ్నించగా అబ్బే, తన ఉద్దేశం అది కాదంటూ వీళ్లు ఆమెను వెనకేసుకొచ్చే ప్రయత్నం చేశారు. ఇంతలో ప్రేరణ అందుకుని.. ఇందుకే, ఇలా తప్పు చేసినా సరే వారిని వారే సమర్థించుకోవడం వల్లే ఎవరూ ఆ క్లాన్‌లోకి వెళ్లలేదని ఉన్నమాట అనేసింది. తర్వాత సోనియా లేచి.. గేమ్‌లో వాళ్లతో పాటు నన్ను కూడా చూడు అని చెప్పానే తప్ప అందులో ఎటువంటి తప్పుడు ఉద్దేశం లేదని వాదించింది. ఇది జోక్‌ కాదువిష్ణుప్రియ.. ప్రేరణకు హీరోగా కిరీటం ఇవ్వగా, సోనియా జీరో అని తేల్చింది. ఈ సందర్భంగా విష్ణు.. నిఖిల్‌ చేతికి గాజులు, నుదుటన బొట్టుబిళ్ల ఒక్కటే తక్కువ అని హేళన చేసిన వీడియోను నాగ్‌ ప్లే చేశాడు. అది సరదాగా అన్నానని విష్ణు నవ్వడంతో.. ఇది జోక్‌ కాదు, అంత నిర్లక్ష్యంగా ఎలా ఉంటావ్‌? ఇలాంటివి మళ్లీ రిపీట్‌ కావొద్దని నాగ్‌ హెచ్చరించాడు. అనంతరం మణికంఠను అబ్బాయిల లిస్టులో నుంచి పక్కనపడేసిన వీడియో ప్లే చేశారు.యష్మిపై ఫైర్‌అందులో.. ఇంట్లో నలుగురు అబ్బాయిలే ఉన్నామా? అయినా మణికంఠ ఉన్నాడుగా అని పృథ్వీ అనగా వాడు లెక్కలో లేడు అని యష్మి అనేసింది. ఇది చూసి నోరెళ్లబెట్టిన యష్మి.. అమ్మతోడు, నేను ఆ ఉద్దేశంతో అనలేదు, గేమ్‌పరంగా అతడు లెక్కలో లేడు అన్నానే తప్ప మరే ఉద్దేశం లేదంటూ క్షమాపణలు చెప్పింది. ఫైనల్‌గా నాగ్‌ ఈ రోజు నబీల్‌ ఒక్కడినే సేవ్‌ చేశాడు. రేపు సోనియా ఎలిమినేట్‌ అన్న విషయం అందరికీ తెలిసిందే!బిగ్‌బాస్‌ ప్రత్యేక వార్తల కోసం ఇక్కడ క్లిక్‌ చేయండి

బిగ్‌బాస్‌ ప్రోమో రానే వచ్చింది.. కింగ్‌ నాగార్జున ఇంటిసభ్యులతో హీరో- జీరో గేమ్‌ ఆడించాడు. అంటే హౌస్‌లో మీకు హీరోగా కనిపించిన వ్యక్తికి రాజకిరీటం పెట్టమని.. ఆటలో జీరో అనిపించిన వ్యక్తి ముఖంపై రాంగ్‌ సింబల్‌ అచ్చు దింపాలని ఆదేశించాడు. అలా ఎక్కువమంది నబీల్‌, నిఖిల్‌, సీత హీరో అని అభిప్రాయపడగా నైనిక, మణికంఠను ఎక్కువమంది జీరో అని తేల్చేశారు.కేవలం శక్తి టీమ్‌ విజయం కోసంఈ క్రమంలో ప్రేరణ.. నిఖిల్‌కు జీరో ట్యాగ్‌ ఇచ్చింది. అందుకు బలమైన పాయింట్‌ కూడా చెప్పింది. వైల్డ్‌కార్డ్‌ ఎంట్రీలను ఆపడానికి హౌస్‌ అంతా కలిసి ఆడదామన్నాడు. కానీ చివరికి తన టీమ్‌ కోసం హౌస్‌ను పక్కనపడేశాడంది. అందుకు నాగార్జున సైతం తనకూ అలాగే అనిపించిందన్నాడు. నబీల్‌ను గేమ్‌లో నుంచి తీసేయడం కరెక్టేనా? అని అడగ్గా.. అందుకు నిఖిల్‌ ఎక్కడో మిస్‌ బ్యాలెన్స్‌ అయిందన్నాడు. బ్యాలెన్స్‌ తప్పడానికి ఏ మిస్‌ కారణం? అని నిలదీయడంతో నిఖిల్‌ బిక్కముఖం వేశాడు.ఒక్కసారైనా ఆలోచించావా? నువ్వు క్లాన్‌ చీఫ్‌ (టీమ్‌ లీడర్‌)గా ఉన్నప్పుడు హౌస్‌ అంతా కూడా నీ టీమ్‌లోకి రావడానికి ఇష్టపడలేదు. అది ఎందుకో ఒక్కసారైనా ఆలోచించావా? అని నాగ్‌ సూటిగా అడిగాడు. ఏం చేసినా మేం ముగ్గురమే కలిసి చేస్తున్నామని అందరూ అనుకుంటున్నారని తెలిపాడు నిఖిల్‌. అది నిజమేనా? అని నాగ్‌ అడగ్గా హౌస్‌ అంతా కూడా అవును అని బదులిచ్చింది.చదవండి:

బిగ్‌బాస్‌ తెలుగు ఎనిమిదో సీజన్‌లో బాగా ట్రోల్‌ అవుతున్న కంటెస్టెంట్లలో సోనియా మొదటిస్థానంలో ఉంటుంది. తన ఆట తీరు, మాట తీరు వల్ల విమర్శలకు కేంద్రబిందువుగా మారింది. మొదట్లో నిఖిల్‌ను గ్రూపిజం అంటూ పెద్దపెద్ద మాటలన్న ఆమె తర్వాత అతడినే తనవైపు తిప్పుకుంది. అటు పృథ్వీని సైతం తన చేతికింద పెట్టుకుని ఇద్దరిని తన గేమ్‌ కోసం అస్త్రంగా వాడుకుంటోంది.కావ్యతో బ్రేకప్‌?ఇక్కడ జనాలకు అర్థం కాని విషయాలు రెండున్నాయి. ఒకటి.. నిఖిల్‌కు ఆల్‌రెడీ నటి కావ్యతో బ్రేకప్‌ అయిందా? రెండు.. డిసెంబర్‌లో పెళ్లి పెట్టుకుని సోనియా.. అబ్బాయిలతో కాస్త అతి చనువుగా ప్రవర్తించడం! ఈ రెండు విషయాలపై సోనియా స్నేహితుడు, బిగ్‌బాస్‌ కంటెస్టెంట్‌ అభయ్‌ నవీన్‌ క్లారిటీ ఇచ్చాడు. ముందుగా సోనియా గురించి చెప్తూ.. ఆమె అబ్బాయిలు, అమ్మాయిలు అని తేడా ఏం చూపించదు. అందరితో ఒకేలా ఉంటుంది. బయటకు వచ్చాక తనపై వచ్చిన ట్రోల్స్‌ చూసి నేనే షాకయ్యాను. నాకు ఏ ప్రాబ్లం లేదుఆమె కుటుంబాన్ని, కాబోయే భర్తను కలిశాను. అతడేమన్నాడంటే.. 'సోనియా ఎలాంటిదో మాకు తెలుసు. ఇంట్లో వాళ్లను సోదరుల్లా చూస్తుంది. అబ్బాయైనా, అమ్మాయైనా తనకు నచ్చితే అలా చేతులు పట్టుకునే మాట్లాడుతుంది. అందులో నెగెటివిటీ ఏం లేదు. ఆమెను పెళ్లి చేసుకోబోయేది నేను కదా.. నాకు ఎలాంటి ప్రాబ్లం లేదు.. తనపై ట్రోలింగ్‌ను పట్టించుకోను అని చెప్పాడు.బ్రేకప్‌ అంటూ ఏడ్చేశాడునిఖిల్‌ విషయానికి వస్తే.. బిగ్‌బాస్‌కు వచ్చేముందే తనకు బ్రేకప్‌ అయిందని క్లారిటీ ఇచ్చాడు. హౌస్‌లో సీత బ్రేకప్‌ స్టోరీ చెప్పినప్పుడు నిఖిల్‌.. తాను కూడా నాలుగేళ్లపాటు రిలేషన్‌లో ఉన్నానని, ఈమధ్యే బ్రేకప్‌ అయిందని చెప్పుకుంటూ ఏడ్చాడు. నిఖిల్‌ బ్రేకప్‌కు సోనియా కారణం కాదు అని పేర్కొన్నాడు.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

పన్నెండు వైల్డ్‌ కార్డ్‌ ఎంట్రీలు ఉండబోతున్నాయని బాంబు పేల్చిన బిగ్‌బాస్‌.. వాటిని వీలైనంతవరకు తగ్గించవచ్చని బంపర్‌ ఆఫర్‌ ఇచ్చాడు. అలా ఐదు ఛాలెంజ్‌లు ఇచ్చాడు. కానీ అందులో మూడు మాత్రమే గెలవడంతో వైల్డ్‌ కార్డ్‌ ఎంట్రీల సంఖ్యను తొమ్మిది వరకే నరుక్కుంటూ రాగలిగారు. ఈ ఛాలెంజ్‌ల మధ్యలో బోలెడు గొడవలు. అవేంటో నేటి (సెప్టెంబర్‌ 26) ఎపిసోడ్‌ హైలైట్స్‌లో చదివేయండి..అదుర్స్‌ అనిపించిన నబీల్‌, పృథ్వీవైల్డ్‌కార్డ్‌ ఎంట్రీలను ఆపేందుకు బిగ్‌బాస్‌ మూడో ఛాలెంజ్‌ ఇచ్చాడు. ఇందులో నబీల్‌, పృథ్వి పోటీపడ్డారు. పావుగంటసేపు బెలూన్‌ పగలకుండా చూసుకోమంటే వీళ్లు ఏకంగా మూడుగంటలకుపైగా అలానే ధ్వజస్థంభాల్లా నిలబడి ఔరా అనిపించారు. ఈ గేమ్‌లో పృథ్వి (శక్తి) టీమ్‌ విజయం సాధించడంతో 11 మందిలో ఒక వైల్డ్‌కార్డ్‌ ఎంట్రీని అరికట్టారు. అంతేకాదు, అవతలి టీమ్‌లో నుంచి ఒకరిని గేమ్‌లో నుంచి తీసేసే పవర్‌ను శక్తి టీమ్‌కు ఇచ్చాడు. చిల్లర గేమ్‌..దొరికిందే ఛాన్స్‌ అనుకున్న శక్తి క్లాన్‌.. కాంతార టీమ్‌లో నుంచి నబీల్‌ను అవుట్‌ చేసింది. బాగా ఆడే వ్యక్తిని ఎలా గేమ్‌లో నుంచి తీసేస్తారని కాంతార టీమ్‌ ఉడికిపోయింది. చిల్లర గేమ్‌ ఆడుతున్నారని ప్రేరణ మండిపడింది. సీత అయితే.. వైల్డ్‌ కార్డ్‌ ఎంట్రీలను కలిసి ఆపుదామనుకున్నాక మళ్లీ నీ టీమ్‌ కోసం స్వార్థంగా ఆలోచించావని నిఖిల్‌ను తప్పుపట్టింది. విష్ణుప్రియ అయితే.. నిఖిల్‌ చేతికి గాజులు, నుదుటన బొట్టుబిళ్ల ఒక్కటే తక్కువైంది.. అలా అని ఆడవాళ్లను తక్కువ చేయట్లేదు అంటూనే నిఖిల్‌ మీద సెటైర్లు వేసింది. బలవంతమైన త్యాగం!అసలు శక్తి టీమ్‌లో మణిని ఎలా సైడ్‌ చేశారన్న డౌట్‌ ప్రేరణకు వచ్చింది. అదే ప్రశ్నను ముక్కుసూటిగా అడగ్గా మణికంఠయే స్వయంగా త్యాగం చేశాడని సోనియా అంది. అందుకు మణి.. అది నిజం కాదంటూ అక్కడినుంచి వెళ్లిపోయాడు. దీంతో శక్తి టీమ్‌ బిక్కముఖం వేసింది. మన టీమ్‌లోని ముగ్గురు నేను సైడ్‌ అవ్వాలని కోరుకున్నారు. అందుకే నేను కూడా పక్కకు తప్పుకున్నానే తప్ప నా అంతట నేనుగా త్యాగం చేయాలనుకోలేదని మణి క్లారిటీ ఇచ్చాడు. కన్నీళ్లు పెట్టుకున్న మణికంఠఅయినా వెనక్కు తగ్గని సోనియా, యష్మి .. అప్పటిదాకా త్యాగం అని చెప్పి ఇప్పుడేమో మాట మార్చేశాడంటూ నోరేసుకుని పడిపోయారు. నీ వయసెంత? చిన్నపిల్లాడిలా ప్రవర్తించకు. ఎవర్నీ బ్యాడ్‌ చేయొద్దంటూ యష్మి వార్నింగే ఇచ్చింది. దీంతో ఎమోషనలైన మణి.. తప్పంతా నాదే! ఇకమీదట నోరు మూసుకుని కూర్చుంటాను అంటూ ఎమోషనలయ్యాడు. వీళ్ల అరుపులతో పసిపిల్లాడిలా భయపడిపోయిన మణికంఠ.. మాట్లాడాలంటేనే భయమేస్తోందంటూ ఏడ్చేశాడు. ధైర్యం నూరిపోసిన నబీల్‌అతడి బాధను అర్థం చేసుకున్న నబీల్‌.. ఎవరికీ భయపడాల్సిన పని లేదు, నీకు మాట్లాడాలనిపించినప్పుడు మాట్లాడాలంతే. అని తనకు ధైర్యం చెప్పాడు. ఇక బిగ్‌బాస్‌ రంగురంగుల పజిళ్లు అనే నాలుగో ఛాలెంజ్‌ ఇచ్చాడు. ఇందులో ఏ టీమ్‌ గెలవకలేకపోయింది. నచ్చిన స్టెప్పులేసుకోండి అంటూ ఐదో ఛాలెంజ్‌ ఇవ్వగా ఈ గేమ్‌లో శక్తి టీమ్‌ గెలుపొందింది. దీంతో 10 వైల్డ్‌ కార్డ్‌ ఎంట్రీలు కాస్తా తొమ్మిదికి చేరాయి. 9 మంది వైల్డ్‌ కార్డ్‌ ఎంట్రీలుగా..అప్పుడే బిగ్‌బాస్‌ ఓ బాంబు పేల్చాడు. ఇంతటితో ఛాలెంజ్‌లు పూర్తయ్యాయని, ఇప్పటివరకు మూడు వైల్డ్‌ కార్డ్‌ ఎంట్రీలను మాత్రమే ఆపగలిగారని చెప్పాడు. అంటే ఇంకా తొమ్మిదిమంది హౌస్‌లోకి వచ్చేస్తున్నారని హౌస్‌మేట్స్‌ గుండెల్లో గుబులు పుట్టించాడు. వీరిలో ఆరేడుగురు మాజీ కంటెస్టెంట్లు కాగా మరో ఇద్దరు ఈ సీజన్‌లో ఎలిమినేట్‌ అయినవారితో రీఎంట్రీ ప్లాన్‌ చేయిస్తున్నట్లు టాక్‌!మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

ఇప్పటిదాకా కంటెస్టెంట్లు తాము ఎలిమినేట్‌ కాకుండా మరిన్ని వారాలు హౌస్‌లో ఉండేందుకు ఆటాడారు. ఇప్పుడేమో బయట నుంచి వచ్చే వైల్డ్‌కార్డ్‌ ఎంట్రీలకు చెక్‌ పెట్టేందుకు ప్రయత్నిస్తున్నారు. ఈ క్రమంలోనే బిగ్‌బాస్‌ పెట్టిన రెండు ఛాలెంజ్‌లలో కాంతార ఒకటి గెలిచి 12 వైల్డ్‌ కార్డ్‌ ఎంట్రీలను కాస్తా 11కి తీసుకొచ్చింది. ఈ సంఖ్యను ఇంకా తగ్గించుకునే అవకాశం కల్పించాడు బిగ్‌బాస్‌.లవ్‌ సాంగ్‌..పట్టుకుని ఉండు, పగిలిపోతుంది అని మూడో టాస్క్‌ ఇచ్చాడు. ఈ గేమ్‌లో పృథ్వీ, నబీల్‌ హోరాహోరీగా పోరాడారు. చివరికి పృథ్వీ శక్తి టీమ్‌ను గెలిపించాడు. ఈ టాస్క్‌ మధ్యలో బిగ్‌బాస్‌.. పృథ్వీని ఓ పాట పాడమన్నాడు. అతడు లవ్‌ సాంగ్‌ పాడగా ఇది ఎవరికోసమో? అని నబీల్‌ అడిగాడు. అందుకు పృథ్వీ క్షణం ఆలోచించకుండా విష్ణుప్రియ పేరు చెప్పాడు. ఇంకేముంది.. ఆ మాటకు విష్ణు సిగ్గుపడుతూనే తెగ మురిసిపోయింది.త్యాగం చేయలేదన్న మణిమరో ప్రోమోలో గెలిచిన శక్తి టీమ్‌.. కాంతార టీమ్‌లో ఒకరిని తొలగించాలన్నాడు. అందుకు వాళ్లంతా స్ట్రాంగ్‌ ప్లేయర్‌ నబీల్‌ను సైడ్‌ చేశాడు. ఈ నిర్ణయం కాంతార టీమ్‌కు ఏమాత్రం నచ్చలేదు. ఈ క్రమంలో పెద్ద రభసే జరిగింది. అసలు మీ టీమ్‌లో నుంచి మణిని ఎందుకు తీసేశారని ప్రేరణ అడగ్గా అతడే త్యాగం చేశాడని సోనియా అంది. అవునా? అని ప్రేరణ ప్రశ్నించగా లేదని మణి బోర్డు తిప్పేశాడు. నోరు మూసుకుని కూర్చుంటాదీంతో సోనియా, యష్మి.. అతడికి చుక్కలు చూపించారు. నీ అంతట నువ్వే తప్పుకుంటానన్నావ్‌, ఇప్పుడేమో మాట మారుస్తూ అందరినీ బ్యాడ్‌ చేస్తున్నావని ఫైర్‌ అయ్యారు. దీంతో మణి.. ఏదీ మాట్లాడకుండా నోరు మూసుకుని కూర్చుంటా అని ఎమోషనల్‌ అవుతూ మైక్‌ నేలకేసి కొట్టాడు. నలుగురు కలిసి మణిపై ఎగబడటం చూసిన ప్రేరణ.. వారిని చెత్త ఫెల్లోస్‌ అని తిట్టింది. మరోవైపు సీత. వైల్డ్‌కార్డ్‌ ఎంట్రీలను ఆపాలంటే స్ట్రాంగ్‌ ప్లేయర్స్‌ గేమ్‌లో ఉండాలంది. నిజమే, కానీ ఆ మాటను ఎవరైనా పట్టించుకుంటారో? లేదో!మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

హౌస్‌ అంతా ఒకవైపు.. నిఖిల్‌, సోనియా, పృథ్వీ ఒకవైపు.. ఎవరూ తన టీమ్‌లోకి రావడానికి ఆస​క్తి చూపించకపోవడంతో నిఖిల్‌ షాక్‌ తిన్నాడు. కానీ దాని ద్వారా నేర్చుకుందేమైనా ఉందా? అంటే జీరో! అందరితో బాగానే ఉండే నిఖిల్‌ తనకు తానే ఏదేదో ఊహించుకుంటున్నాడు. ఇంతకీ ఏం జరిగింది? అనేది తెలియాలంటే నేటి (సెప్టెంబర్‌ 25) ఎపిసోడ్‌ హైలైట్స్‌లో చదివేయండి..జీవించేసిన మణికంఠమణికంఠ ఎమోషన్స్‌తో ఓ స్కిట్‌ వేయించింది సోనియా. నీ కూతుర్ని చాలా మిస్‌ అవుతున్నావు. తనను నీ దగ్గరికి రమ్మని ఎలా పిలుస్తావో యాక్టింగ్‌ చేయమని మణికంఠకు ఆర్డర్‌ వేసింది. అందుకాయన కూతుర్ని తలుచుకుని రా బంగారుతల్లి అంటూ కంటనీరుపెట్టుకుని ఏడుస్తూ జీవించేశాడు. అతడి యాక్టింగ్‌కు అందరూ చప్పట్లు కొట్టారు.ఆదిలోనే హంసపాదుఇకపోతే శక్తి (నిఖిల్‌), కాంతార(సీత) టీమ్స్‌లో దేనికి వెళ్తారో సెలక్ట్‌ చేసుకోమని బిగ్‌బాస్‌ చెప్పాడు. సోనియా, పృథ్వీ తప్ప విష్ణు, నైనిక, నబీల్‌, ఆదిత్య, యష్మి.. నలుగురూ కాంతార టీమ్‌నే ఎంచుకున్నారు. దీంతో చివర్లో ప్రేరణ, నాగమణికంఠ మాత్రమే మిగిలారు. వీళ్లకు సైతం కాంతార టీమ్‌కే వెళ్లాలని ఉందని మనసులో మాట బయటపెట్టారు. కానీ మరో ఆప్షన్‌ లేకపోవడంతో శక్తి టీమ్‌లోకి వెళ్తున్నానని నాగమణికంఠ అన్నాడు.ప్రేరణ కోసం యష్మి త్యాగంప్రేరణ.. తనకు బదులుగా ఎవరైనా శక్తి టీమ్‌కు వెళ్లమని కోరడంతో యష్మి ముందుకు వచ్చింది. తాను ఎక్కడున్నా గేమ్‌ ఆడతానంటూ లేచి నిలబడింది. అలా శక్తి టీమ్‌లో నిఖిల్‌, పృథ్వీ,సోనియా, యష్మి, మణికంఠ చేరారు. తన టీమ్‌లోకి రావడానికి ఎవరూ ఇష్టపడటం లేదు, ఇప్పుడైనా ఇది నిఖిల్‌కు అర్థం అయితే బాగుండు అని సీత ఫీలైంది. కానీ నిఖిల్‌కు ఇదంతా మరోలా అర్థమైంది. హౌస్‌ అంతా ఒక్కటైందని, వాళ్లందరితో మనం ముగ్గురం ఫైట్‌ చేయాలని సోనియా, పృథ్వీకి నూరి పోస్తున్నాడు. తన టీమ్‌కు వచ్చిన యష్మి కూడా మనసులో ఏదో దురుద్దేశంతోనే వచ్చిందని ఊహించుకున్నాడు.12 వైల్డ్‌ కార్డ్‌ ఎంట్రీస్‌తర్వాత బిగ్‌బాస్‌ ఓ పెద్ద భూకంపం రాబోతుందని ట్విస్ట్‌ ఇచ్చాడు. మిమ్మల్నే సవాలు చేస్తూ కొందరు ఇంట్లోకి రాబోతున్నారని సర్‌ప్రైజ్‌ చేశాడు. ఒకటీరెండు కాదు ఏకంగా 12 వైల్డ్‌ కార్డ్‌ ఎంట్రీలు ఉండబోతున్నాయన్నాడు. అయితే ఈ వైల్డ్‌ కార్డ్‌ ఎంట్రీలను ఆపే పవర్‌ ఇంటిసభ్యులకు ఇచ్చాడు. తాను ఇచ్చే ఛాలెంజ్‌ గెలిచిన ప్రతిసారి ఒక వైల్డ్‌ కార్డ్‌ ఎంట్రీని ఆపొచ్చని తెలిపాడు. అలాగే గెలిచే ప్రతి టీమ్‌ తరపు నుంచి ప్రైజ్‌మనీలోకి రూ.1 లక్ష జమ అవుతాయని పేర్కొన్నాడు.మణికంఠపై కుళ్లు జోకులువైల్డ్‌ కార్డ్‌ ఎంట్రీలు అని చెప్పగానే మణికంఠ భయంతో వణికిపోయినట్లున్నాడు. ఒంటరిగా దిగాలుగా కూర్చున్నాడు. అలాంటి సమయంలో 'అబ్బాయిలెంతమంది ఉన్నాం? నలుగురుమా? అ‍య్యో మణిని లెక్కపెట్టాలిగా' అని పృథ్వీ అంటే అందుకు యష్మి కౌంట్‌ లేదు అనేసింది. dwgsy నిఖిల్‌ దీన్ని పెద్దది చేశాడు. నిన్ను అబ్బాయిల లిస్టులోనే తీసేశారంటూ మసాలా జోడించాడు.వార్నింగ్‌!తను అబ్బాయే కాడంటూ జోకులు వేయడంతో కంటెస్టెంట్లపై ఫైర్‌ అయ్యాడు. ఇంకోసారి ఇలా చేస్తే బాగోదని వార్నింగ్‌ ఇచ్చాడు. ఇక వైల్డ్‌ కార్డ్‌ ఎంట్రీలను ఆపేందుకు బిగ్‌బాస్‌ ఇచ్చిన ఫస్ట్‌ ఛాలెంజ్‌ బాల్‌ పట్టు- టవర్‌లో పెట్టు. ఈ గేమ్‌లో కాంతార టీమ్‌ గెలవడంతో సభ్యులు ఎగిరి గంతేశారు. వీరు రూ.1 లక్ష గెలవడంతో పాటు ఒక వైల్డ్‌ కార్డ్‌ ఎంట్రీని హౌస్‌లో అడుగుపెట్టకుండా చేశారు.నిఖిల్‌ అనుకున్నదే వేరుఓడిన టీమ్‌లో ఒకర్ని ఆటలో నుంచి తీసేయాలని బిగ్‌బాస్‌ చెప్పాడు. నిఖిల్‌ మినహా అందరూ తన పేరే చెప్పడంతో పక్కకు తప్పుకునేందుకు మణి అంగీకరించాడు. అయితే నిఖిల్‌ మనసులో మాత్రం మరొకరి పేరు ఉందట! యష్మిని పక్కన పెట్టేదామనుకున్నానని, ఇంతలో మణి స్వయంగా సైడ్‌ అయ్యాడని సోనియాతో వాపోయాడు. ఎలాగో ఈ వారం నామినేషన్స్‌లో కూడా లేదు కదా! పైగా మన తప్పులు వెతకడానికే ఆమె ఈ టీమ్‌లోకి వచ్చిందని అభిప్రాయపడ్డాడు.బిర్యానీ ఛాలెంజ్‌ఇంతలో బిగ్‌బాస్‌ బిర్యానీ ఛాలెంజ్‌ ఇచ్చాడు. ఈ గేమ్‌లో తాను ఆడతానని యష్మి ముందుకు రాగా.. నిఖిల్‌ తనను పక్కనపెట్టి సోనియాను సెలక్ట్‌ చేశాడు. కాంతార టీమ్‌ నుంచి నబీల్‌ విందు ఆరగించాడు. ఎంత కష్టపడ్డా బిర్యానీ ఖాళీ అవట్లేదని గ్రహించిన బిగ్‌బాస్‌ వీరికి తోడుగా మరో ఇద్దరు వెళ్లొచ్చన్నాడు. అలా యష్మి, ఆదిత్యను పంపించారు. అయినప్పటికీ మహాథాళిని 40 నిమిషాల్లో పూర్తి చేయకపోవడంతో రెండు టీమ్స్‌ ఓడిపోయాయని బిగ్‌బాస్‌ తెలిపాడు. అయితే మిగిలిన బిర్యానీని ఎవరైనా తినొచ్చనడంతో మిగతావాళ్లు ఎగబడి మరీ ఎంగిలి ఫుడ్‌ ఆవురావురుమని ఆరగించారు.మరిన్ని బిగ్‌బాస్‌ వార్తల కోసం ఇక్కడక క్లిక్‌ చేయండి

బిగ్‌బాస్‌ హౌస్‌లో ప్రస్తుతం నిఖిల్‌, సీత చీఫ్‌లుగా ఉన్నారు. రెండు టీముల్లో నచ్చినవాటికి వెళ్లమంటే పృథ్వీ, సోనియా తప్ప మిగతా అందరూ సీత టీమ్‌కే జై కొట్టారు. నిఖిల్‌ టీమ్‌కు వెళ్లేది లేదని తేల్చి చెప్పారు. అంటే సోనియా వల్ల నిఖిల్‌పై ఎంత వ్యతిరేకత వచ్చిందో అర్థమవుతోంది.శక్తి టీమ్‌కు వెళ్లేదే లేదన్న హౌస్‌మేట్స్‌కానీ బిగ్‌బాస్‌ ఊరుకుంటాడా? కచ్చితంగా ఇద్దరయినా నిఖిల్‌(శక్తి) టీమ్‌కు వెళ్లాల్సిందేనని కండీషన్‌ పెడతాడు. దీంతో చివరగా మిగిలిన మణికంఠ, ప్రేరణ అతడి టీమ్‌లోకి వెళ్లాల్సింది. కానీ ప్రేరణ.. ఆ టీమ్‌లో అడ్జస్ట్‌ అవలేదని అర్థం చేసుకున్న యష్మి.. ఆమెకు బదులుగా తాను ఆ టీమ్‌లో చేరింది.బిగ్‌బాస్‌ చరిత్రలోనే తొలిసారి!తాజాగా బిగ్‌బాస్‌.. హౌస్‌లో భూకంపం అంటూ మరో బాంబ్‌ పేల్చాడు. ఇంట్లోకి వచ్చేందుకు 12 మంది వైల్డ్‌ కార్డ్‌ ఎంట్రీలు రెడీగా ఉన్నాయన్నాడు. కాకపోతే ఆ వైల్డ్‌ కార్డ్‌ ఎంట్రీలకు అడ్డుకట్ట వేసే అవకాశాన్ని హౌస్‌మేట్స్‌కు ఇచ్చాడు. తాను ఇచ్చిన ఛాలెంజ్‌ గెలిచినప్పుడల్లా ఒక వైల్డ్‌ కార్డ్‌ ఎంట్రీని ఆపొచ్చన్నాడు. ఇందుకు రెండు వారాలపాటు గడవు ఇచ్చాడు.వైల్డ్‌కార్డ్‌ ఎంట్రీస్‌..అంటే సరిగ్గా దసరా రోజు మిగిలిన వైల్డ్‌ కార్డ్‌ ఎంట్రీలను హౌస్‌లోకి పంపిస్తారన్నమాట! ఇప్పటికైతే ముక్కు అవినాష్‌, నయని పావని, హరితేజ, రోహిణి.. వైల్డ్‌కార్డ్‌ కంటెస్టెంట్లుగా కన్ఫామ్‌ అయినట్లుగా ప్రచారం జరుగుతోంది. మరి వీరితో పాటు ఇంకెవరు వస్తున్నారో చూడాలి! మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

బిగ్‌బాస్ 8లో ఎ‍ప్పుడేం జరుగుతుందో అస్సలు చెప్పలేం. ఎందుకంటే ఈరోజు వరకు స్ట్రాంగ్ అనుకున్న కంటెస్టెంట్ ఎలిమినేట్ అయిపోవచ్చు. ఓ వైపు ఉన్నోళ్లంతా మరోవైపు జంప్ అయిపోవచ్చు. ఇప్పుడు సేమ్ ఇలాంటి పరిస్థితే నిఖిల్‌కి ఎదురైంది. సోనియా వల్ల అతడికి చెడ్డపేరు రావడంతో పాటు నెగిటివిటీ కూడా మరింత ఎక్కువైపోతోంది. తాజా ప్రోమోలో ఇదే స్పష్టమైంది.(ఇదీ చదవండి: Bigg Boss 8: సోనియా బండారం బయటపెట్టిన యష్మి.. నిఖిల్-సోనియా మధ్య మనస్పర్థలు)బిగ్‌బాస్ 8లో ప్రస్తుతమున్న వాళ్లలో నిఖిల్ స్ట్రాంగ్ కంటెస్టెంట్. శక్తి క్లాన్‌కి ఇతడు చీఫ్‌గానూ ఉన్నాడు. అలానే పెట్టిన ప్రతి గేమ్‌లోనూ పోటీ పడుతూ బెస్ట్ ఇస్తున్నాడు. ఇతడి కూడా ఉంటున్న సోనియా మాత్రం ఆడటం సంగతి పక్కనబెడితే అందరి మధ్య పుల్లలు పెడుతోంది. ఈమె చేస్తున్న పనివల్ల నిఖిల్‌కి చెడ్డ పేరు వస్తోంది. ఈ వారం నామినేషన్స్‌లోనూ యష్మి-నిఖిల్ బంధం గురించి సోనియా మాట్లాడిన తీరు చాలా వరస్ట్. ఇదంతా అప్పుడు ఎవరూ చెప్పనప్పటికీ ఇప్పుడు బయటపెట్టారు.తాజాగా క్లాన్ కోసం జరిగిన పోటీల్లో గెలిచిన సీత.. కొత్త చీఫ్‌గా ఎంపికైంది. హౌస్‌లోని ఉన్నవాళ్లు ఎవరు ఏ క్లాన్ లో ఉండాలనేది నిర్ణయించుకోవాలని బిగ్ బాస్ చెప్పాడు. దీంతో ఎప్పటిలానే నిఖిల్ చీఫ్‌గా ఉన్న శక్తి క్లాన్‌లోకి సోనియా, పృథ్వీ వెళ్లగా.. మిగిలిన వాళ్లందరూ సీత చీఫ్‌గా ఉన్న 'కాంతార' క్లాన్‌లోకి వెళ్లినట్లు చూపించారు. దీనిబట్టి చూస్తే సోనియా చీప్ బిహేవియర్ ఆమెకు మాత్రమే కాదు నిఖిల్‌కి కూడా మరింత చెడ్డ పేరు తీసుకొచ్చేలా ఉంది.(ఇదీ చదవండి: యూట్యూబర్ హర్షసాయిపై కేసు.. నిజాలు బయటపెట్టిన యువతి)

రెడ్‌ కార్డ్‌, సీరియస్‌ వార్నింగ్‌లతో బిగ్‌బాస్‌ హౌస్‌ నిన్న హీటెక్కింది. ఈ వాతావరణాన్ని కూల్‌ చేసేందుకు నాగ్‌ సండే రోజు కంటెస్టెంట్లతో ఫన్నీ గేమ్‌ ఆడించాడు. అటు హౌస్‌మేట్స్‌ కూడా సినిమా పాటలకు అద్భుతమైన పర్ఫామెన్స్‌తో అల్లాడించారు.హార్ట్‌ బ్రేక్‌అలాగే సెట్‌, కట్‌ గేమ్‌ ఆడించారు. హౌస్‌లో సెట్‌ అయ్యేవాళ్లకు హార్ట్‌, సెట్‌ అవని వాళ్లకు బ్రేక్‌ చేసిన హార్ట్‌ ఇవ్వమన్నాడు. దీంతో నిఖిల్‌.. పృథ్వీ సెట్‌ అని.. సోనియా తెలిసో తెలియకో కొన్ని మాటలు అనేస్తుందని, దానివల్ల హార్ట్‌ బ్రేక్‌ అవుతుందన్నాడు.సీతతో సెట్‌..మణికంఠ.. తన ఫ్రెండ్‌ నిఖిల్‌తో కట్‌, సోనియాతో సెట్‌ అని చెప్పాడు. విష్ణుప్రియ తనకు సీతతో సెట్టయిందని చెప్పింది. మంచి ఫ్రెండ్స్‌లా కనిపించే విష్ణుప్రియ, పృథ్వీ ఒకరికొకరు కటీఫ్‌ చెప్పుకోవడం గమనార్హం. యష్మి సెట్‌ అయిపోందంటూ ఆమెకు హార్ట్‌ సింబల్‌ ఇచ్చాడు. మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

తెలివితేటలు ఉంటే ప్రపంచాన్ని ఏలవచ్చని అందరూ చెప్తుంటారు. కానీ జీవితంలో గెలవాలంటే తెలివితేటలు (Intelligence Quotient) మాత్రమే ఉంటే సరిపోదని భావోద్వేగ ప్రజ్ఞ/ ఈక్యూ (Emotional Intelligence) అవసరమని అనేక అధ్యయనాలు చెప్తున్నాయి. ఐక్యూ వ్యక్తి మేధస్సును, విశ్లేషణా సామర్థ్యాలను, సమస్యలను పరిష్కరించే ప్రతిభను కొలుస్తుంది. ఈక్యూ భావోద్వేగాలను గుర్తించడం, నియంత్రించడం, ఇతరులతో సంబంధాలను మెరుగుపరచడంపై దృష్టి పెడుతుంది. ఐక్యూ ఉంటే విద్య, వృత్తి రంగాల్లో గొప్ప విజయాలు సాధించవచ్చేమో కాని సంతోషంగా జీవిస్తారన్న గ్యారంటీ లేదని టర్మన్ (1921) అధ్యయనంలో తెలిసింది. ఈక్యూ ఉంటే నాయకులుగా ఎదుగుతారని హార్వర్డ్ విశ్వవిద్యాలయం 2001లో నిర్వహించిన అధ్యయనం తెలిపింది. ఈక్యూ ఉన్న వ్యక్తులు వృత్తిలో నాలుగురెట్లు ఎక్కువ విజయం సాధిస్తారని గోల్మన్ పరిశోధన పేర్కొంది. ఉద్యోగుల విజయంలో ఈక్యూ 30శాతం ప్రభావం చూపగా, ఐక్యూ 20శాతం మాత్రమే ప్రభావం చూపుతుందని మరొక పరిశోధనలో వెల్లడైంది. అంటే, ఉద్యోగంలోనైనా, జీవితంలోనైనా, బిగ్ బాస్‌లోనైనా నిలవాలంటే, గెలవాలంటే ఎమోషనల్ ఇంటెలిజెన్స్ ముఖ్యం. ఇంకా చెప్పాలంటే ఈ రెండింటినీ బ్యాలెన్స్ చేసినవారు సుఖంగా, సంతోషంగా జీవిస్తారు.ఈక్యూలో ఐదు ప్రధాన అంశాలు ఉంటాయని డేనియల్ గోల్మన్ తన ‘ఎమోషనల్ ఇంటెలిజెన్స్’ పుస్తకంలో ప్రతిపాదించాడు. 1. స్వీయ అవగాహన: వ్యక్తి తన భావోద్వేగాలను తెలుసుకోవడం.2. స్వీయ నియంత్రణ: కఠిన పరిస్థితుల్లో భావాలను నియంత్రించడం.3. ప్రేరణ: బాహ్య ప్రేరణ కంటే అంతర్గత విలువల ద్వారా ప్రేరేపించడం.4. సహానుభూతి: ఇతరుల భావాలను అర్థం చేసుకొని స్పందించడం.5. సామాజిక నైపుణ్యాలు: సంబంధాలను నిర్వహించడం, నెట్వర్క్‌లను బలోపేతం చేయడం.ఈక్యూ ఉన్నవారే బిగ్ బాస్..సరే, ఇక బిగ్ బాస్ షోలోకి వచ్చేద్దాం. బిగ్ బాస్ లాంటి రియాలిటీ షోలో తీవ్రమైన ఒత్తిడి ఉంటుందన్న విషయం తెలిసిందే. అలాంటి వాతావరణంలో పార్టిసిపెంట్స్ ప్రవర్తన, నిర్ణయాలు, మాటలు వారి భావోద్వేగ ప్రజ్నను ప్రతిబింబిస్తాయి. మూడో వారం జరిగిన సంఘటనల్లో గ్రూప్ డైనామిక్స్, నిర్ణయం తీసుకోవడం, గొడవల పరిష్కారంలో ఈక్యూ ఎలాంటి పాత్ర పోషించిందనే విషయం తెలుసుకుందాం.స్వీయ అవగాహన (Self-Awareness)మన చర్యలు ఇతరులపై ఎలాంటి ప్రభావం చూపిస్తాయో అర్థం చేసుకోవడమే స్వీయ అవగాహన. ఈ అవగాహన లేకనే విష్ణుప్రియ అనుమతి లేకుండా గుడ్లు తినేసింది. ఆ విషయంలో ప్రేరణతో గొడవకు దారితీసింది. యష్మి, మణికంఠల మధ్య గొడవలకు కూడా ఇదే కారణం. ఒక వ్యక్తి తన ఎమోషన్స్ ను అర్థం చేసుకుని, ఎలా స్పందించాలో తెలుసుకుంటే బిగ్ బాస్ షోలోనైనా, జీవితంలోనైనా గొడవలు తగ్గుతాయి.స్వీయ నియంత్రణ (Self-Regulation)పృథ్వి ప్రతి ఆటలోనూ ఆవేశంగా కనిపించాడు. అతని భావోద్వేగాలను నియంత్రించుకోవడంలో అతని ఫెయిల్యూర్ స్పష్టంగా కనిపిస్తోంది. ఒక్కోసారి అదుపుతప్పి బూతులు కూడా మాట్లాడుతున్నాడు. విష్ణుప్రియ ‘పతివ్రత’ అనే పదాన్ని మళ్లీ వాడేసింది. మరోవైపు మణికంఠ తరచూ ఎమోషన్స్ వాడి ప్రేక్షకులను ఆకర్షించడానికి ప్రయత్నిస్తున్నాడు. దీనివల్ల మొదట్లో కొంత సానుభూతి ఏర్పడినా, తరచూ ప్రదర్శించడం చిరాకుకు దారితీస్తుంది. ఇక అభయ్ నేరుగా ‘బిగ్‌బాస్‌ వరస్ట్’ అంటూ కామెంట్స్ చేయడం అతనికి ఎమోషనల్ రెగ్యులేషన్ లేదనే విషయాన్ని సూచిస్తుంది. అందుకే ఎమోషన్స్ ను నియంత్రించుకోవడం, సరైన స్థాయిలో, సరైన రీతిలో ప్రదర్శించడం అవసరం.సహానుభూతి (Empathy)నిఖిల్ తన ప్రతి నిర్ణయం కోసం సోనియాను సలహా అడగడం సహానుభూతిని సూచిస్తుంది. కానీ, దాన్ని బ్యాలెన్స్ చేయకపోవడం వల్ల సోనియాపట్ల పక్షపాతం చూపిస్తున్నాడనే అభిప్రాయం ఏర్పడుతోంది. మరోవైపు సోనియా గొడవలకు దూరంగా ఉండి సేఫ్ గేమ్ ఆడుతున్నప్పుడు, ఆమె ఎమోషనల్ బ్యాలెన్స్‌తో ఉన్నట్లు కనిపించినా, ప్రేక్షకులు ఆమెను బలహీనంగా భావించే ప్రమాదం ఉంది. ఇతరులపట్ల సహానుభూతి ఉండాలి, కానీ అది బలహీనతగా మారకూడదు.సామాజిక నైపుణ్యాలు (Social Skills)ప్రేరణ, విష్ణుప్రియల మధ్య వాగ్వాదంలో 'బ్రెయిన్‌లెస్', 'యూజ్‌లెస్' వంటి పదాలను ఉపయోగించడం సంఘర్షణలను మరింత పెంచుతుంది. మరోవైపు క్లాన్ లీడర్ కంటెస్టెంట్‌గా తనను పరిగణించనందుకు సీత బాధపడింది. కానీ ఆ విషయం నేరుగా నిఖిల్ కు చెప్పకుండా మరొకరితో చెప్పుకుని బాధపడింది. వ్యక్తి తన ఎమోషన్స్‌ను వ్యక్తీకరించాలి. కానీ వ్యక్తిగత దూషణలు లేకుండా. ఇదో ముఖ్యమైన సోషల్ స్కిల్. ఇది గొడవలు రాకుండా నిరోధిస్తుంది.ప్రేరణ (Motivation)అనేక నామినేషన్లు, విమర్శలు ఎదుర్కొన్నప్పటికీ యష్మి తన నాయకత్వ శైలి సరైనదేనని కట్టుబడి ఉంది. ఇది తనలో మోటివేషన్ ఉందనే విషయాన్ని తెలియజేస్తుంది. కానీ తన మోటివేషన్ తో పాటు క్లాన్ ఎమోషనల్ ఫీలింగ్స్ ను పరిగణనలోకి తీసుకోకపోవడం వల్లనే అనేక నామినేషన్లు ఎదుర్కోవాల్సి వచ్చింది. పృథ్వి హై కాంపిటీటివ్ నైజం అతని తపనను చూపిస్తుంది. కానీ నియంత్రణ లేకపోవడం గ్రూప్ లో విభేదాలకు, గొడవలకు కారణమవుతుంది.ఎవరు ఎలిమినేట్ కావచ్చు? ప్రేక్షకులు సాధారణంగా భావోద్వేగ పరిపక్వత కలిగిన ఆటగాళ్లను కోరుకుంటారు. ఎక్కువ ఆవేశంగా ప్రవర్తించే పృథ్వి వంటి ఆటగాళ్లను నెగెటివ్‌గా పరిగణించే అవకాశం ఉంది. అదే విధంగా, మణికంఠ లాంటి ఆటగాళ్లు ఎమోషనల్ డ్రామాను ఉపయోగించడం వల్ల నమ్మకం కోల్పోతారు. ఇతరుల కేరక్టర్ పై తరచూ తప్పుడు కామెంట్స్ చేయడం విష్ణుప్రియకు నెగెటివ్ గా మారవచ్చు.నా పరిశీలన మేరకు నిఖిల్ లో మంచి ఐక్యూ కనిపిస్తోంది. షో చివరి వరకూ ఇలాగే ఉంటుందో లేదో పరిశీలించాలి. కోపం అందరికీ వస్తుంది. అయితే దాన్ని ఎప్పుడు, ఎక్కడ, ఎంత మోతాదులో ప్రదర్శించాలన్నది తెలుసుకున్నవారే సంతోషంగా జీవిస్తారు. అదే ఎమోషనల్ ఇంటెలిజెన్స్. జీవితంలోనైనా, బిగ్ బాస్ షోలోనైనా ఈక్యూ ఉన్నవారే విజేతగా నిలుస్తారు.సైకాలజిస్ట్ విశేష్+91 8019 000066www.psyvisesh.comబిగ్‌బాస్‌ ప్రత్యేక వార్తల కోసం ఇక్కడ క్లిక్‌ చేయండి

బిగ్‌బాస్‌ను ధిక్కరిస్తే ఏమవుతుంది? వీకెండ్‌లో నాగార్జున క్లాస్‌ పీకుతాడు. కానీ ఈసారి అంతవరకు ఆగలేకపోయాడు బిగ్‌బాస్‌. తనమీద కామెడీ హద్దులు దాటడంతో కంటెస్టెంట్లందరికీ వార్నింగ్‌ ఇచ్చాడు. అటు నిఖిల్‌.. టీమ్‌లో అందరినీ పక్కన పెట్టి సోనియాను చీఫ్‌గా గెలిపించాలనుకున్నాడు. మరి హౌస్‌లో ఇంకా ఏమేం జరిగాయో తెలియాలంటే నేటి (సెప్టెంబర్‌ 20) ఎపిసోడ్‌ హైలైట్స్‌లో చదివేయండి..చీఫ్‌ పదవి పాయే..నేను ఆడను, మరొకరిని ఆడనివ్వను.. అన్నట్లుంది చీఫ్‌ అభయ్‌ వాలకం. ఇదేం పనికిమాలిన గేమ్‌, బిగ్‌బాస్‌ బయాస్‌డ్‌.. బయట ఇంటర్వ్యూకు వెళ్లినా కూడా అదే మాట చెప్తా.. అని బిగ్‌బాస్‌నే తిట్టాడు. ఇదేదో తేడా కొడుతుందని భావించిన బిగ్‌బాస్‌ గుడ్ల టాస్క్‌ను ముగించేశాడు. ఈ గేమ్‌లో కాంతార టీమ్‌ ఓడిపోవడంతో అభయ్‌ చీఫ్‌ పదవి పోయిందన్నాడు.మరోసారి చీఫ్‌ రేసులో నిఖిల్‌శక్తి టీమ్‌ గెలవడంతో ఆ టీమ్‌ లీడర్‌ నిఖిల్‌ మరోసారి చీఫ్‌ పదవి కోసం పోటీపడవచ్చన్నాడు. అలాగే రెడ్‌ ఎగ్‌ ఎవరి దగ్గర ఉంటే వాళ్లు కూడా చీఫ్‌ పోస్ట్‌ కోసం పోటీలో ఉంటారని బిగ్‌బాస్‌ చెప్పాడు. ఆ గుడ్డును ఎవరికి ఇవ్వాలనుకుంటున్నారనేది నిఖిల్‌ ఆలోచించి తన నిర్ణయం చెప్పాలన్నాడు. అటు కాంతార టీమ్‌ చర్చించుకుని తమలో ముగ్గురిని కంటెండర్లుగా ప్రకటించాలన్నాడు. దీంతో హౌస్‌మేట్స్‌ ఆశ్చర్యపోయారు. బిగ్‌బాస్‌నే తీసేయాలట!ఓడిపోయిన టీమ్‌లో నుంచి ముగ్గురిని సెలక్ట్‌ చేయడమేంటని నోరు తెరిచారు. అభయ్‌ అయితే మరోసారి తన నోటికి పని చెప్పాడు. బిగ్‌బాస్‌కేమైనా క్లారిటీ ఉందా? నోటికేదొస్తే అది చెప్తున్నాడు. అసలు బిగ్‌బాస్‌నే మార్చేయాలి అని అసహనం వ్యక్తం చేశాడు. వీళ్ల నోటిదురుసుకు అడ్డుకట్ట వేయాలని భావించిన బిగ్‌బాస్‌ అర్ధరాత్రి హౌస్‌మేట్స్‌ను గార్డెన్‌ ఏరియాలో నిలబడెట్టాడు. ఇప్పుడే వెళ్లిపోండిగెలిచిన శక్తి టీమ్‌లో నిఖిల్‌ చీఫ్‌ పదవి కోసం ఒకరితో మాత్రమే తలపడాల్సి ఉంటుంది. అది అతడికి లభించిన ప్రయోజనం.. ఓడిన కాంతార టీమ్‌లో ముగ్గురు చీఫ్‌ పదవి కోసం పోట్లాడాల్సి ఉంటుంది. ఇదే బిగ్‌బాస్‌ గేమ్‌ అని క్లారిటీ ఇచ్చాడు. బిగ్‌బాస్‌ రూల్స్‌కు కట్టుబడి ఉంటేనే ఇక్కడ ఉండండి, కాదు కూడదనుకుంటే వెళ్లిపోండి, బిగ్‌బాస్‌కంటే తామే ఎక్కువని ఫీలైతే ఉండాల్సిన అవసరం లేదు అని గేట్లు తెరిచాడు.సారీ చెప్పమన్న సోనియాదీంతో సోనియా.. అభయ్‌ను పిలిచి సారీ అయినా చెప్పు అని సలహా ఇచ్చింది. అతడు అందుకు ఒప్పుకోకపోవడంతో హౌస్‌మేట్స్‌ అందరూ కలిసి బిగ్‌బాస్‌కు సారీ చెప్పారు. పైగా తనేం తప్పు చేయలేదని బుకాయించాడు. తన కామెడీని సీరియస్‌గా తీసుకోవద్దని బిగ్‌బాస్‌కే నీతులు చెప్పాడు. ఇదిలా ఉంటే నిఖిల్‌ సిగరెట్‌ తాగినందుకు సోనియా హర్ట్‌ అయింది.. ఎంతోమంది చెప్పినా మానుకోలేదు, ఈమె చెప్తే సడన్‌గా ఎలా మానేస్తానని నిఖిల్‌ తన బాధను అభయ్‌తో చెప్పుకున్నాడు. నిఖిల్‌ సుద్దపూసతన వ్యక్తిగత విషయాల్లో దూరడం నచ్చట్లేదన్నాడు. అటు సోనియా.. అభయ్‌ దగ్గరకు వెళ్లి నిఖిల్‌ సుద్దపూస అని సెటైర్లు వేసింది. తనతో రెండు రోజులదాకా మాట్లాడాలని లేదని పేర్కొంది. అసలతడికి నిర్ణయాలు తీసుకోవడమే సరిగా లేదంది. అలా అన్న కాసేపటికే మళ్లీ నిఖిల్‌ దగ్గరకు వెళ్లి సారీ చెప్పింది. సరిగ్గా అదే సమయంలో రెడ్‌ ఎగ్‌ ఎవరికి ఇస్తావని సీత నిఖిల్‌ను అడిగింది. అందుకు యష్మి.. ఆన్సర్‌ అందరికీ తెలిసిందేగా అనేసింది.ఒక్కరు చేసిన తప్పుకు అందరికీ శిక్షఇక బిగ్‌బాస్‌.. అభయ్‌ తనపై అభ్యంతరకర పదజాలం వాడారని మండిపడ్డాడు. రాజు అలా ప్రవర్తిస్తే ప్రజల నుంచి ఇంకా ఏం ఆశించగలం? అతడు చేసిన పనికి టీమ్‌ సభ్యులందరూ శిక్ష అనుభవించాల్సిందేనంటూ కాంతార టీమ్‌కు చీఫ్‌ పదవి కోసం కంటెండర్‌ అయ్యే అవకాశాన్ని కోల్పోయినట్లు ప్రకటించాడు. అటు అందరూ ఊహించినట్లుగానే నిఖిల్‌ రెడ్‌ ఎగ్‌ను సోనియాకు ఇచ్చాడు. మరోసారి చీఫ్‌గా నిఖిల్‌ఆ ఎగ్‌ తీసుకోమని సలహా ఇచ్చిన తననే పక్కన పెట్టేయడంతో సీత ఏడ్చేసింది. ఆమెను ఓదార్చడానికి నిఖిల్‌ రాగా.. వెళ్లిపో, ప్లీజ్‌ అని బతిమాలింది. ఇక నిఖిల్‌, సోనియాకు నిదానమే ప్రధానం అని టాస్క్‌ ఇవ్వగా ఇందులో నిఖిల్‌ గెలిచి మరోసారి చీఫ్‌గా నిలిచాడు. అయితే అతడిలో మరోసారి చీఫ్‌ అయ్యానన్న సంతోషం కన్నా సోనియా గెలవలేదన్న బాధే ఎక్కువగా ఉన్నట్లు కనిపించింది.చదవండి: నటుడితో ప్రేమ.. అమ్మకు అస్సలు ఇష్టం లేదన్న హీరోయిన్‌

కోడిగుడ్డు టాస్క్‌లో కంటెస్టెంట్లు కొట్టుకున్నంత పని చేశారు. దీంతో ఈ రోజు బిగ్‌బాస్‌ ఈ గేమ్‌కు స్వస్తి పలకనున్నాడు. తాజాగా రిలీజ్‌ చేసిన ప్రోమోలో నిఖిల్‌.. సోనియాను తిన్నావా? అని అడిగాడు. అందుకామె ఆకలేసినప్పుడు తింటానని బదులిచ్చింది. తను అలిగిందన్న విషయం అర్థమైన నిఖిల్‌.. గొడవ తర్వాత పెట్టుకుందాం కానీ ముందు తిను అని గోముగా బతిమాలాడు. అందుకు సోనియా.. నీకంత ఉంటే నువ్వు తినేటప్పుడే అడగాల్సింది అని కొట్టినట్లు సమాధానమిచ్చింది.సుద్దపూసతన మాటలతో హర్ట్‌ అయిన నిఖిల్‌.. నేను తనకు ఎలా కనిపిస్తున్నాను? నేను పర్సనల్‌ లైఫ్‌లో ఎలా ఉన్నాననేది అందరి ముందు జడ్జ్‌ చేస్తుంటే నాకు కోపం రాదా? అని అభయ్‌ దగ్గర గోడు చెప్పుకున్నాడు. అటు సోనియా కూడా కాసేపయ్యాక అదే అభయ్‌ దగ్గరకు వెళ్లి.. అందరూ తిన్నతర్వాత ఈ సుద్దపూస నిల్చుని తింటాడు. వీడు ఇప్పుడొచ్చి తినలేదా? అని అడుగుతున్నాడు అని నిఖిల్‌పై సెటైర్లు వేసింది.గుడ్డు కోసం ప్లేటు తిప్పిన సోనియాఇంతలో బిగ్‌బాస్‌ ఎర్రగుడ్డు ఎవరి దగ్గరుందని అడిగాడు. ఆ గుడ్డు ఎవరి దగ్గర ఉంటే వారు క్లాన్‌ చీఫ్‌ అయ్యే అవకాశాన్ని పొందుతారని చెప్పాడు. ఆ గుడ్డు నిఖిల్‌ దగ్గరే ఉంది. దాన్ని భద్రంగా దాచమని చెప్పిన సీత.. కుతూహలంగా ఆ ఎగ్‌ ఎవరికి ఇస్తున్నావని అడిగింది. ఇంతలో సోనియా.. తన గొడవకు ఫుల్‌స్టాప్‌ పెడుతూ నిఖిల్‌కు సారీ చెప్పింది. ఇంకేముంది, మంచులా కరిగిపోయిన నిఖిల్‌.. ఆ గుడ్డును సోనియాకు ఇచ్చేశాడు.సీత కన్నీళ్లుఎర్రగుడ్డుతో ప్రయోజనాలు ఉంటాయని చెప్పిన తనను నిఖిల్‌ పక్కనపెట్టేయడంతో సీత కన్నీళ్లు పెట్టుకుంది. నిఖిల్‌ మాట్లాడేందుకు వస్తే కూడా వెళ్లిపో అని అరిచేసింది. ఈ ప్రోమో చూసిన జనాలు నిఖిల్‌ సోనియా జపం చేస్తున్నాడు. ముందు పోట్లాడిన ఈమె ఎగ్‌ కోసం వెంటనే వెళ్లి సారీ చెప్పింది. తన గుంటనక్క స్వభావాన్ని నిఖిల్‌ అర్థం చేసుకోలేకపోతున్నడు అని కామెంట్లు చేస్తున్నారు. మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

ఆడపులి.. అసలు దీనికి అర్థం తెలుసా? అందులోని లక్షణాలేమైనా సోనియాకు ఉన్నాయా? పెద్దగా అరిస్తే చాలు, అందరూ తోకముడుచుకుని తనకు భయపడుతారనుకుంటుందేమో మరి! బహుశా జనాలెలాగో తనను ఆడపులిగా గుర్తించరని తనకు తానే ఈ ట్యాగ్‌ వేసుకుందేమో!విష్ణుప్రియను ఆడుకున్నావ్‌, మరి ఇదేంటో?పోనీ ఆ తోక తగిలించుకున్నందుకైనా ఆ పేరుకు న్యాయం చేస్తుందా? అంటే అదీ లేదు! పైగా రోజురోజుకీ తన ప్రవర్తనతో అందరితో ఛీ కొట్టించుకుంటోంది. మీకు గుర్తుందిగా.. నిఖిల్‌తో స్నేహం ఎలా బలపడింది? అని విష్ణుప్రియ అడిగినందుకు ఆమెను రాచిరంపాన పెట్టింది. నీకు కుటుంబం లేదేమో కానీ నాకు ఉంది, వాళ్లు ఇలాంటి ప్రశ్నలు వింటే ఏమనుకుంటారు? ఎంత బాధపడతారు? అని నానా రాద్దాంతం చేసింది.ఆ ముగ్గురికీ హగ్గుల దాతకట్‌ చేస్తే ఒక్క నిఖిల్‌ ఏం కర్మ? పృథ్వీ, అభయ్‌లకు సైతం నిత్య హగ్గులు పంచుతోంది. స్నేహం అన్న పదానికే అర్థాలు మార్చేస్తోంది. వాళ్లతో కూర్చున్నప్పుడు తన చేతులు ఆమె ఆధీనంలోనే ఉండట్లేదు. గడ్డం నిమరడమో, కాళ్లపై చేయి వేయడమో, చేతులో చేయేసి పట్టుకోవడమో.. ఇదే తంతు.. బిగ్‌బాస్‌ లైవ్‌ చూసేవారికైతే ఈమె ప్రవర్తన చూసి తల బొప్పి కడుతోంది.హౌస్‌లో చెండాలం పనిఇవన్నీ చాలదన్నట్లు ఈసారి ఇంకాస్త రెచ్చిపోయింది. నిఖిల్‌ను అసభ్యంగా తాకింది. అందుకు అతడు కూడా ఏమీ అభ్యంతరం తెలపకుండా వెంటనే హగ్‌ చేసుకోవడం గమనార్హం. ఈ విషయంపై సోషల్‌ మీడియాలో సోనియాను నెటిజన్లు దుమ్మెత్తిపోస్తున్నారు.ఎలిమినేట్‌ చేయండి మహాప్రభో'ఆమె స్థానంలో ఒక అబ్బాయి ఉంటే మాత్రం రెడ్‌ కార్డ్‌ ఇచ్చి వెంటనే హౌస్‌ నుంచి పంపించేసేవారు. అదే ఈ సోనియాకు కనీసం గడ్డి పెట్టేవాళ్లు కూడా లేరు', 'హౌస్‌లో ఇలాంటి పిచ్చి చేష్టలకు చెక్‌ పెట్టకపోతే బిగ్‌బాస్‌ షో ఫ్యామిలీతో కలిసి చూడటం కష్టమే', 'తనను ఎలిమినేట్‌ చేయండ్రా బాబూ' అని నెటిజన్లు బిగ్‌బాస్‌కు మొర పెట్టుకుంటున్నారు.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

బిగ్‌బాస్‌ ఐదో సీజన్‌లో వచ్చిన ప్రభావతి అలియాస్‌ కోడిగుడ్డు టాస్క్‌ మళ్లీ రిపీట్‌ అయింది. గుడ్డు పోయిందని కంటెస్టెంట్లు అరిచిగోల చేయలేదు, ఏకంగా కిందపడేసి రక్కి మరీ అవతలివారి దగ్గరనుంచి సాధించారు. ఈ గుడ్డు కంటే ముందు దోస గురించి ప్రేరణ, విష్ణుప్రియ పంచాయితీ పెట్టుకున్నారు. హౌస్‌లో ఇంకా ఏమేం జరిగాయో తెలియాలంటే నేటి (సెప్టెంబర్‌ 18) ఎపిసోడ్‌ హైలైట్స్‌ చదివేయండి..'శక్తి'కి లగ్జరీ రేషన్‌ఆడింది అయిదునిమిషాలైతే అరుచుకోవడం అరగంట.. కాదు, హాఫ్‌డే అన్నట్లుంది బిగ్‌బాస్‌ హౌస్‌ పరిస్థితి. రేషన్‌ కోసం పెట్టిన గేమ్‌ శక్తి టీమ్‌ గెలవడంతో వారికి లగ్జరీ రేషన్‌ అందింది. ఓడిన కాంతార టీమ్‌ కేవలం ఆకుకూరలు, కూరగాయలతోనే సరిపెట్టుకుంది. మరోవైపు వంటరాని విష్ణుప్రియ ఒక దోసె అడిగితే చేసివ్వడానికి ప్రేరణ ఒప్పుకోలేదు. తనకు దోసె వేసుకోవడం రాదు, కాబట్టి ఒకటి వేసిస్తే తప్పేంటని మణి నచ్చజెప్పడంతో ప్రేరణ అయిష్టంగానే దోసె వేసిచ్చింది.ఏడుపందుకున్న విష్ణుఇలా ముఖం మాడ్చుకుని ఫుడ్‌ విసిరేయడం నచ్చలేదంటూ విష్ణు శోకమందుకుంది. తిండి విషయంలో ఎందుకీ గొడవలు? అని మణి, నిఖిల్‌ చెప్పడంతో ప్రేరణకు మరింత చిరాకెత్తిపోయింది. అటు విష్ణుప్రియ తనకొద్దని మారాం చేయడంతో పృథ్వీ వెళ్లి ప్రేమగా తినిపించడంతో కూల్‌ అయింది. తర్వాత కాసేపటికి ప్రేరణ కూడా వెళ్లి తాను కావాలని అలా చేయలేదని విష్ణుకు క్లారిటీ ఇచ్చింది. అంతేకాకుండా మణి వల్లే ఈ గొడవ పెద్దదైందని అతడిని చులకన చేస్తూ మాట్లాడింది.సోనియాకు దూరంగా పృథ్వీ?ఇదిలా ఉంటే 'నువ్వెవడివిరా నాకు చెప్పడానికి..' అని సోనియా అన్న మాటను మర్చిపోలేక పృథ్వీ బాధపడుతూనే ఉన్నాడు. తన వల్ల గేమ్‌ డిస్టర్బ్‌ అవుతుందని ఏకంగా సోనియానే దూరంగా పెట్టాలనుకున్నాడు. కానీ నిఖిల్‌ అది జరగనిస్తాడా? తెల్లారే సోనియా చెవిలో జారేశాడు. అలా ఆమె పృథ్వీని ఎలా కూల్‌ చేయాలా? అన్న ఆలోచనలో పడింది.సోనియా ప్రేమ కబుర్లుతర్వాత సోనియా.. ప్రేరణతో తన ప్రేమవిషయాలను పంచుకుంది. మేము మూడేళ్లుగా కలిసి పనిచేస్తున్నాం. నేను ప్రారంభించిన ఒక ఎన్జీవోకు అతడు వెబ్‌ డిజైనింగ్‌లో సహాయపడ్డాడు, అలాగే అమెరికా నుంచి తనొక స్పాన్సర్‌ కూడా! అయితే ఇంతవరకు నేను ప్రపోజ్‌ చేయలేదు. తను నా జీవితంలోకి వచ్చాక చాలా మార్పులు వచ్చాయి. ఇప్పటికీ ఆయన నా నిర్ణయం కోసం ఎదురుచూస్తున్నాడు అని చెప్పింది.14 గంటల టైమ్‌లైన్‌అనంతరం బిగ్‌బాస్‌ కిచెన్‌ విషయంలో ఓ బాంబు పేల్చాడు. కిచెన్‌లో వంట చేసుకునేందుకు వారమంతా కలిపి కేవలం 14 గంటలు మాత్రమే కేటాయిస్తునట్లు తెలిపాడు. ఆ సమయం గడిచిపోయాక వంటగ్యాస్‌ ఆన్‌ చేసేదే లేదన్నాడు. తర్వాత బంగారుకోడిపెట్ట ప్రభావతి 2.0 హౌస్‌లోకి వచ్చింది. ప్రభావతి వదిలే గుడ్లు పట్టుకునేందుకు, పట్టుకున్నవాళ్ల దగ్గర లాక్కునేందుకు రెండు టీమ్స్‌ బాగానే కష్టపడ్డాయి. తోసుకుని, నెట్టేసుకుని, లాగేసి, కిందామీద పడేసి నానాతంటాలు పడ్డారు.చలనం లేకుండా పడి ఉన్న మణిమొదటి రౌండ్‌లో శక్తి టీమ్‌ 21, కాంతార టీమ్‌ 10 గుడ్లు సంపాదించింది. కామన్‌సెన్స్‌, బ్రెయిన్‌ వాడని ఒకే ఒక్క వరస్ట్‌ పర్ఫామర్‌ పృథ్వీ అని అభయ్‌ మండిపడ్డాడు. నిఖిల్‌ అయితే నాగమణికంఠను లాగి పడేయడంతో అతడు కొద్ది క్షణాలపాటు లేవలేకపోయాడు. అతడి పరిస్థితి చూసి తలపగిలిందేమోనని కాంతార టీమ్‌ లీడర్‌ అభయ్‌ పరిగెత్తుకు వచ్చాడు. తనకేదైనా అవుతుందేమోనన్న భయంతో గేమ్‌లో నుంచి పక్కన పెట్టాలనుకున్నాడు. దీంతో హర్ట్‌ అయిన మణి కెమెరాలకు కనిపించకుండా గోడకు అతుక్కుని వెక్కివెక్కి ఏడ్చాడు. బిగ్‌బాస్‌ షో.. నా జీవితంనీకేమైనా అయితే ఎలా? నిన్ను నమ్ముకుని ఇద్దరున్నారని అభయ్‌ అనడంతో ఈ షోయే నా జీవితం, నా పెళ్లాంబిడ్డలు కావాలంటే ఈ షో విన్‌ అవ్వాలి అని ఏడుపు కొనసాగించాడు. సరే, ఆడుదువులేనని అభయ్‌ సముదాయించాడు. అటు నబీల్‌ తనను అభ్యంతరకరంగా టచ్‌ చేశాడని విష్ణుప్రియ అనగా.. తాను కేవలం గుడ్లు తీసుకునేందుకు మాత్రమే ప్రయత్నించానని, అనవసరంగా నిందలు వేయొద్దని నబీల్‌ మండిపడ్డాడు. అటు పృథ్వీ ఆవేశంలో బూతులు అనేసి తలపట్టుకున్నాడు.నబీల్‌ అవుట్‌ఇంతలో బిగ్‌బాస్‌ రెండు టీమ్స్‌ ఎగ్స్‌ లెక్కపెట్టమన్నాడు. అలా శక్తి టీమ్‌ దగ్గర 66, కాంతార వద్ద 34 గుడ్లు ఉన్నాయి. దీంతో కాంతార టీమ్‌లో ఒకర్ని సైడ్‌ చేసే ఛాన్స్‌ శక్తి టీమ్‌కు ఇచ్చాడు. అలా వాళ్లు నబీల్‌ను గేమ్‌ నుంచి ఎలిమినేట్‌ చేయడంతో ఎపిసోడ్‌ పూర్తయింది.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

వీకెండ్‌లో క్లాసులు పీకే ఆనవాయితీని నాగ్‌ మళ్లీ మొదలుపెట్టాడు. లేకపోతే కంటెస్టెంట్లు దారితప్పడం ఖాయం. అందుకే నాగ్‌ కొందరికి చీవాట్లు పెట్టాడు, వార్నింగ్‌లు ఇచ్చాడు. టీమ్‌ లీడర్‌గా విర్రవీగిన యష్మి ఫెయిల్‌ అని ప్రకటించాడు. అసలు ఉన్న మూడు టీముల్లో రెండింటినీ పీకేశాడు. ఇంకా ఏమేం జరిగాయో తెలియాలంటే నేటి (సెప్టెంబర్‌ 14) ఎపిసోడ్‌ హైలైట్స్‌ చదివేయండి..పృథ్వీకి వార్నింగ్‌నాగార్జున వచ్చీరాగానే టీమ్‌ లీడర్స్‌తో గేమ్‌ ఆడించాడు. మీ టీమ్‌లో బాగా ఆడిన వారి ఫోటోలను గ్రీన్‌ బాక్స్‌లో, సరిగా ఆడనివారి ఫోటోలను రెడ్‌ బాక్స్‌లో పెట్టాలన్నాడు. ముందుగా అఖండ టీమ్‌ చీఫ్‌ యష్మి.. అభయ్‌, పృథ్వీ బాగా ఆడారంది. ఈ సందర్భంగా నాగ్‌.. ఆటలో వాడకూడని పదాలు వాడుతున్నావు, నోరు అదుపులో పెట్టుకుని మాట్లాడు అని పృథ్వీకి వార్నింగ్‌ ఇచ్చాడు.సంచాలక్‌గా ఫెయిల్‌ప్రేరణ సంచాలకురాలుగా కన్‌ఫ్యూజ్‌ అయిందంటూ తన ఫోటోను రెడ్‌ బాక్స్‌లో పెట్టింది యష్మి. ఈ సందర్భంగా నాగ్‌.. సంచాలకురాలిగా నువ్వు కూడా ఫెయిలే అంటూ ఓ వీడియో చూపించాడు. అందులో రేషన్‌ టాస్క్‌లో పావుకిలోకు దగ్గరగా మరమరాలు తీసుకొచ్చినవారిని విజేతగా ప్రకటిస్తానంది. తీరా సీతకు బదులుగా మణికంఠ పావుకిలోకు దగ్గరగా తెచ్చినప్పుడు కరెక్ట్‌గా 250 గ్రాములు తేలేదు కాబట్టి ఎవరినీ విన్నర్‌గా ప్రకటించనంది. కావాలనే అలా చేశాను: యష్మిఈ వీడియో చూపించేసరికి యష్మి ఏడ్చేసింది. తను కావాలనే అలా చేసినట్లు నిజం ఒప్పుకుంది. అంతులేని వీరులు టీమ్‌ ఓడిపోతే ఐదుగురు ఆకలితో అలమటిస్తారని.. వారు గెలవాలన్న ఉద్దేశ్యంతోనే ఆ పని చేశానని అంగీకరించింది. తర్వాత సోనియా ఫోటోను సైతం రెడ్‌ బాక్స్‌లో పెట్టింది. అప్పుడు నాగ్‌ మాట్లాడుతూ.. సోఫాలో కూర్చుంటే అయిపోదు, గేమ్స్‌ ఆడాలని ఆమెకు హితవు పలికాడు. అలాగే నామినేషన్స్‌లో విష్ణుప్రియకు ఫ్యామిలీ లేదని మాట్లాడిన వీడియో ప్లే చేసి క్లాసు పీకాడు.బెస్ట్‌ పర్ఫామర్‌ అతడేఅప్పటికీ సోనియా.. ఆ మాటలు అనుకోకుండా వచ్చాయే తప్ప కావాలని అనలేదని కవర్‌ చేసింది. దీంతో నాగ్‌ కోప్పడుతూ.. ఇంకేం మాట్లాడకు.. విష్ణుప్రియ డ్రెస్సింగ్‌ గురించి కూడా మాట్లాడావు, ప్రతీది జనాలు చూస్తున్నారు, నీ మంచి కోసమే చెప్తున్నా.. జాగ్రత్తగా ఉండు, నోరు అదుపులో పెట్టుకో అని హింటిస్తూనే, సుతిమెత్తగా హెచ్చరించాడు. యష్మి చివరగా శేఖర్‌ బాషా ఫోటోను రెడ్‌ బాక్స్‌లో పెట్టింది. అప్పుడు నాగ్‌.. బాషా తండ్రయ్యాడంటూ గుడ్‌న్యూస్‌ చెప్పాడు. అనంతరం యష్మి.. అవతలి టీమ్స్‌లో నబీల్‌కు బెస్ట్‌ పర్ఫామర్‌ అంటూ అతడికి గ్రీన్‌ బ్యాడ్జ్‌ ఇచ్చింది.అసలైన ఆడపులిఅనంతరం అంతులేని వీరులు టీమ్‌ చీఫ్‌ నైనిక వంతు రాగా.. నబీల్‌, విష్ణుప్రియ, సీతల ఫోటోలను గ్రీన్‌ బాక్స్‌లో పెట్టి ఆదిత్యను రెడ్‌ బాక్స్‌లో పడేసింది. సీత అద్భుతంగా ఆడిందని, తనే నాకు అసలైన ఆడపులి అని, మేము తింటున్న ఫుడ్‌ తనవల్లే గెలుచుకున్నామని పొగిడింది. ఈ సందర్భంగా నాగ్‌ సీత కోసం ఇంటి నుంచి వచ్చిన బహుమతిని ఇచ్చాడు. తర్వాత.. ఇతర టీమ్స్‌లో నుంచి నాగమణికంఠ బెస్ట్‌ పర్ఫామర్‌ అంటూ అతడికి నైనిక గ్రీన్‌ బ్యాడ్జ్‌ ఇచ్చింది.ఇద్దరికి బుల్లెట్లు దింపిన నాగ్‌మూడో టీమ్‌లో ఉన్నది ఇద్దరే ఇద్దరు. వీరి గురించి వీళ్లు చెప్పుకోనవసరమే లేదు. ఇద్దరూ అద్భుతంగా ఆడి ప్రైజ్‌మనీని పెంచడం గొప్ప విషయమని స్వయంగా నాగార్జునే మెచ్చుకున్నాడు. అటు నిఖిల్‌ కూడా మణికంఠ బాగా ఆడుతున్నాడని తన ఫోటోను గ్రీన్‌ బోర్డులో పెట్టాడు. బెస్ట్‌ పర్ఫామర్‌ అంటూ సీతకు గ్రీన్‌ బ్యాడ్జ్‌ తొడిగాడు. తర్వాత నాగ్‌.. చీఫ్‌గా నైనిక, యష్మి ఫెయిలయ్యారంటూ వారి ఫోటోలకు బుల్లెట్లు దింపాడు. అంతేకాకుండా ఆ క్లాన్‌లను రద్దు చేస్తున్నట్లు ప్రకటించాడు.చీఫ్‌ను మీరే ఎంచుకోండిఇప్పుడు చీఫ్‌ను ఎంచుకోవాల్సిన బాధ్యతను కంటెస్టెంట్లపైనే వేశాడు. ఎవరిని చీఫ్‌గా సెలక్ట్‌ చేయాలనుకుంటున్నారు? ఎవరిని వద్దనుకుంటున్నారో చెప్పాలన్నాడు. ఈ క్రమంలో మణికంఠ.. విష్ణుప్రియను సెలక్ట్‌ చేసుకోగా అభయ్‌ను వద్దనుకున్నాడు. నబీల్‌.. మణికి సపోర్ట్‌ చేస్తూ ప్రేరణ చీఫ్‌గా వద్దనుకున్నాడు. విష్ణుప్రియ వంతురాగా.. మణికంఠకు సపోర్ట్‌ చేయగా ఆదిత్య చీఫ్‌గా వద్దని పేర్కొంది. ఆదిత్య వంతురాగా.. సీత చీఫ్‌ కావాలని, పృథ్వీ మాత్రం లీడర్‌గా వద్దన్నాడు.కొత్త చీఫ్‌ ఎవరంటే?సోనియా.. అభయ్‌ చీఫ్‌ అవాలని, శేఖర్‌ బాషా చీఫ్‌గా వద్దని పేర్కొంది. సీత వంతురాగా అభయ్‌ చీఫ్‌ అవాలని, ప్రేరణ లీడర్‌గా వద్దంది. ప్రేరణ, పృథ్వీ.. అభయ్‌కు సపోర్ట్‌ చేయగా ఆదిత్యకు లీడర్‌ అయ్యే అర్హత లేదన్నారు. అభయ్‌ వంతురాగా సోనియా లీడర్‌ కావాలని, మణికంఠకు చీఫ్‌ కావొద్దన్నాడు. బాషా.. అభయ్‌కు మద్దతివ్వగా సోనియాకు లీడర్‌ అయ్యే అర్హత లేదన్నాడు. మెజారిటీ జనాలు అభయ్‌కు సపోర్ట్‌ చేయడంతో అతడు లీడర్‌గా నిలిచాడు. దీంతో హౌస్‌లో ఇప్పుడు రెండు క్లాన్సే మాత్రమే ఉన్నాయి. ఏ క్లాన్‌లో ఎవరు ఉంటారేంటనేది నాగ్‌ తర్వాత నిర్ణయిస్తానన్నాడు. చివర్లో నైనిక, నిఖిల్‌ సేవ్‌ అయినట్లు ప్రకటించాడు. చదవండి: విజయ్‌ చివరి సినిమా ఫిక్స్‌

ప్రైజ్‌మనీని పెంచుకునేందుకు బిగ్‌బాస్‌ ఇంటిసభ్యులు బాగానే కష్టపడ్డారు. అయితే అందరికంటే చిన్న టీమ్‌ ఎక్కువ ప్రైజ్‌మనీ గెలవడం విశేషం. టాస్కుల్లో రెచ్చిపోయిన హౌస్‌మేట్స్‌ను మళ్లీ మామూలు స్థితికి తీసుకొచ్చేందుకు సరదా గేమ్‌ ఆడించారు. ఆ వెంటనే వాళ్ల ఇంటి నుంచి కొన్ని వస్తువులు తెప్పించి కొందరికి ఇచ్చి మరికొందరికి కళ్లముందు ఆశపెట్టివెనక్కు తీసేసుకున్నారు. ఇంతకీ ఎవరెవరు బహుమతులు అందుకున్నారో తెలియాలంటే నేటి (సెప్టెంబర్‌ 13) ఎపిసోడ్‌ హైలైట్స్‌ చదివేయండి..ఆడపులిలా సోనియాప్రైజ్‌మనీ కోసం ఇచ్చిన పోటీ ముగిసిందని బిగ్‌బాస్‌ ప్రకటించాడు. అంతులేని వీరులు టీమ్‌.. రూ.75 వేలు, అఖండ టీమ్‌ రూ.1,25,000, కెరటం రూ.2,45,000 సాధించినట్లు వెల్లడించాడు. ఈ మూడింటిలో కెరటం టీమ్‌ సాధించిన డబ్బును ప్రైజ్‌మనీలో యాడ్‌ చేశారు. దీంతో ప్రైజ్‌మనీ రూ.5,45,000కు చేరింది. అనంతరం బిగ్‌బాస్‌ ఇంటిసభ్యులతో ట్రూత్‌ ఆర్‌ డేర్‌ గేమ్‌ ఆడించాడు. ఈ క్రమంలో యష్మి చికెన్‌ దొంగిలించినట్లు ఒప్పుకుంది. సోనియా ఆడపులిలా రెడీ అయింది. విష్ణుప్రియ పోల్‌ డ్యాన్స్‌ చేసింది. నిఖిల్‌ చీర కట్టుకుని స్టెప్పులేశాడు.ఇంటి నుంచి బహుమతులుతర్వాత కంటెస్టెంట్లకు ఇంటి నుంచి బహుమతులు వచ్చాయని గుడ్‌న్యూస్‌ చెప్పాడు. కానీ ఐదుగురికి మాత్రమే గిఫ్ట్స్‌ పొందే అవకాశం ఉందని మెలిక పెట్టాడు. ఆ ఐదుగురు ఎవరనేది హౌస్‌మేట్స్‌ నిర్ణయించాలన్నాడు. ఎవరు గిఫ్ట్‌ పొందాలి? ఎవరి బహుమతి వెనక్కు పంపించాలన్నది ఇంటిసభ్యుల చేతిలోనే ఉంటుందన్నాడు. మొదటగా అభయ్‌, నిఖిల్‌ గిఫ్టులు వచ్చాయి.నాన్నకు తెలియకుండా దొంగతనంఅభయ‌ మాట్లాడుతూ.. మా నాన్న లెక్కల మాస్టారు. తాను చాలా స్ట్రిక్ట్‌. కానీ, నేను సినిమాల్లోకి వస్తానంటే సపోర్ట్‌ చేశాడు. అలా నేను ఇండస్ట్రీకి వచ్చిన కొత్తలో నేను సంపాదించిన డబ్బుతో కొన్న వాచ్‌ అది.. ఆయన ఉన్నన్ని రోజులు అదే ధరించాడు అని చెప్పాడు. నిఖిల్‌ మాట్లాడుతూ.. అబ్బాయిలకు నాన్నను హగ్‌ చేసుకునే అదృష్టం ఉండదు. అందుకని నాన్నకు తెలియకుండా ఆయన షర్ట్‌ దొంగతనం చేశాను అంటూ ఏడ్చేశాడు. నైనిక కోసం సీత త్యాగంమెజారిటీ ఇంటిసభ్యులు అభయ్‌కు లాలీపాప్‌ ఇచ్చి సపోర్ట్‌ చేశారు. దీంతో అతడు వాచీ అందుకున్నాడు. నైనిక, సీతకు బొమ్మలు గిఫ్ట్స్‌గా వచ్చాయి. సీత మాట్లాడుతూ.. ఐదేళ్లపాటు రిలేషన్‌లో ఉన్నాక అతడు నన్ను వదిలేసి పోయాడు. అప్పుడు నాకు ఒక ఫ్రెండ్‌ దొరికాడు. అతడే ఈ బొమ్మ కొనిచ్చాడు. ఆ బొమ్మ లేకుండా నేనసలు నిద్రపోలేనంటూ ఏడ్చేసింది. కానీ ఈ బిగ్‌బాస్‌ హౌస్‌లో నైనిక, విష్ణుప్రియ దొరికారని.. వాళ్లతో కబుర్లు చెప్తూ నిద్రపోతున్నానంది. కాబట్టి ఆ బొమ్మ లేకుండా ఉండగలనని నైనికకు గిఫ్ట్‌ ఇచ్చేయండని కోరింది.చాలాసార్లు విడిపోదామనుకున్నామునైనిక మాట్లాడుతూ.. ఎవరినైనా గాఢంగా ప్రేమిస్తే ఎన్నో గొడవలు జరుగుతాయి. అలా ఎన్నోసార్లు గొడవలయ్యాయి, చాలాసార్లు విడిపోదామనుకున్నాము. ఒక హింసాత్మక రిలేషన్‌ నుంచి బయటకొచ్చాక ఈ వ్యక్తి వల్లే ఆ బాధను మర్చిపోయాను. నేనూ కొన్ని తప్పులు చేశాను, సారీ కన్నా, నన్ను ఇంతలా ప్రేమిస్తున్నందుకు థాంక్యూ అని ఏడ్చేసింది. సీత త్యాగం, హౌస్‌మేట్స్‌ సపోర్ట్‌తో నైనిక తన బొమ్మను గెల్చుకుంది.అదే చివరి ఫోటో..నబీల్‌, పృథ్వీలకు తండ్రి ఫోటోలు వచ్చాయి. నబీల్‌ మాట్లాడుతూ.. నాన్నకు సింగర్‌ అవ్వాలన్నది కోరిక. తనకెలాగూ అనుకున్న కల నెరవేరలేదని నాకు ఎక్కువ సపోర్ట్‌ చేసేవాడు. కాలేజీకి కూడా సరిగా వెళ్లకుండా యూట్యూబ్‌ వీడియోలు చేసుకుంటూ ఉండేవాడిని. 2021 జూన్‌లో నాన్నతో చివరిసారి ఫోటో దిగాను. ఆ మరుసటి నెలలోనే తను చనిపోయాడు. కానీ, నేను స్ట్రాంగ్‌.. పృథ్వీకి వచ్చిన బహుమతిని అతడికి ఇచ్చేయమని కోరాడు.నాన్నతో దిగిన ఏకైక ఫోటోపృథ్వీ మాట్లాడుతూ.. మా నాన్నతో నేను దిగిన ఏకైక ఫోటో ఇదొక్కటే. మా నాన్నతో ఆగస్టు 15న చాలాసేపు మాట్లాడాను. ఆరోజే ఆయన కాలం చేశాడు. నేను నటుడినవ్వాలన్నది ఆయన కల. అది నెరవేర్చాను అని చెప్పుకొచ్చాడు. మెజారిటీ ఇంటిసభ్యులు నబీల్‌కు లాలీపాప్స్‌ ఇవ్వడంతో అతడు ఫోటోఫ్రేమ్‌ అందుకున్నాడు. అనంతరం మణికంఠకు శాలువా, ఆదిత్యకు తండ్రి ఫోటో ఫ్రేమ్‌ గిఫ్టుగా వచ్చాయి. చనిపోదామనుకున్నా..మణికంఠ మాట్లాడుతూ.. అమ్మ చనిపోతుందనడానికి ముందు తన శాలువా ఇచ్చింది. సింపతీ కోసమైతే దీన్ని నాకు ఇవ్వకండి అన్నాడు. ఆదిత్య మాట్లాడుతూ.. నాలో ఉన్న మంచి లక్షణాలకు నాన్నే కారణం. కరోనా టైంలో నా భార్య, కుమారుడు, తల్లి.. అందరికీ కోవిడ్‌ వచ్చింది. ఆ సమయంలో ఆత్మహత్య చేసుకోవాలన్న ఆలోచనలు నన్ను చుట్టుముట్టాయి. అప్పుడు నాన్న ఫోటో కిందపడి నన్ను హెచ్చరించింది అని ఎమోషనల్‌ అయ్యాడు. దొంగతనంఈ క్రమంలో నాన్న గొప్పదనం గురించి చెప్తూ బాషా భావోద్వేగానికి లోనయ్యాడు. హౌస్‌మేట్స్‌ సపోర్ట్‌తో ఆదిత్య తన తండ్రి ఫోటో అందుకున్నాడు. ఇకపోతే మణికంఠ అర్ధరాత్రి అఖండ టీమ్‌ బెడ్‌రూమ్‌లో దూరి సరుకులు దొంగతనం చేశాడు. అందర్నీ ఓ ఆటాడుకుందామనే ఈ ప్లాన్‌ వేసినట్లున్నాడు.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

ప్రతి సీజన్‌లో ప్రైజ్‌మనీ రూ.50 లక్షలయితే ఈసారి మాత్రం జీరో పెట్టాడు బిగ్‌బాస్‌. అంటే.. మీకు కావాల్సినంత ప్రైజ్‌మనీని మీరే సంపాదించుకోవాల్సి ఉంటుందని ట్విస్ట్‌ ఇచ్చాడు. ఇందుకోసం టాస్కులు కూడా మొదలుపెట్టాడు. నిన్న అందరికంటే చిన్న టీమ్‌ అయిన కెరటం ఎక్కువ డబ్బులు గెలవడంతో దాన్ని ప్రైజ్‌మనీలో యాడ్‌ చేసినట్లు తెలుస్తోంది.బాషాను స్విమ్మింగ్‌ పూల్‌లో పడేసిన నైనికఈ టాస్కులతో కంటెస్టెంట్ల బుర్రలు హీటెక్కిపోయాయని అర్థం చేసుకున్న బిగ్‌బాస్‌ తాజాగా వారితో సరదా గేమ్‌ ఆడించాడు. ట్రూత్‌ ఆర్‌ డేర్‌ గేమ్‌ పెట్టాడు. ఈ గేమ్‌లో భాగంగా ఆదిత్య, నిఖిల్‌ అమ్మాయిగా ముస్తాబయ్యాడు. నైనిక.. శేఖర్‌ బాషాను బలవంతంగా స్విమ్మింగ్‌ పూల్‌లో పడేసింది. నాన్నకు కొన్న వాచ్‌అనంతరం కంటెస్టెంట్లకు వారి ఇంటినుంచి గిఫ్ట్స్‌ వచ్చాయి. కానీ అంత ఈజీగా ఎలా ఇస్తాడు? ఐదుగురికి మాత్రమే గిఫ్ట్‌ పొందే ఛాన్స్‌ ఉందని చెప్పాడు. నైనిక, సీత, నిఖిల్‌, అభయ్‌, ఆదిత్యకు బహుమతులు రాగా.. ఆ గిఫ్టుల వెనక బ్యాక్‌స్టోరీని చెప్పారు. సినిమాల్లోకి వచ్చాక నా తొలి పారితోషికంతో నాన్నకు కొన్న వాచ్‌ అది.. ఆయన ఉన్నన్ని రోజులు అదే పెట్టుకున్నాడంటూ అభయ్‌ ఎమోషనలయ్యాడు. దొంగతనం చేశా..నిఖిల్‌ మాట్లాడుతూ.. అబ్బాయిలకు తండ్రిని హగ్‌ చేసుకోవాలని ఉన్నా చేసుకోలేరు. కాబట్టి నాన్నకు తెలియకుండా ఆయన షర్ట్‌ దొంగతనం చేశానని ఏడ్చేశాడు. సీత మాట్లాడుతూ.. ఐదేళ్లు రిలేషన్‌షిప్‌లో ఉన్నాక అతడు నన్ను వదిలేసిపోయాడు. అప్పుడు నాకు దొరికిన ఫ్రెండ్‌ కుమార్‌ అంటూ తన బొమ్మను చూస్తూ కన్నీళ్లుపెట్టుకుంది.ఆ బాధ నుంచి బయటపడేశాడునైనిక మాట్లాడుతూ.. ఒక హింసాత్మక రిలేషన్‌ నుంచి నేను బయటపడ్డాను. ఆ బాధ నుంచి నన్ను బయటపడేసింది తనే.. నన్ను అంతలా ప్రేమిస్తున్నందుకు థాంక్యూ అంటూ నైనిక బోరుమని ఏడ్చింది. మరి ఎవరెవరు గిఫ్ట్‌ గెలచుకున్నారనేది తెలియాలంటే నేటి ఎపిసోడ్‌ వచ్చేంతవరకు ఆగాల్సిందే!

నేను మరీ అంత చెడ్డోడిని కాదంటూనే తన సైకోయిజాన్ని చూపిస్తున్నాడు బిగ్‌బాస్‌. కెరటం టీమ్‌(నిఖిల్‌, మణికంఠ) ఆకలేస్తుందని అర్ధరాత్రి దొంగల్లా దోసెలు తిన్నందుకు అందరినీ నిద్రలేపి మరీ క్లాసు పీకాడు. ఇంకోసారి ఇలా ఫుడ్‌ తింటే బాగోదని వార్నింగ్‌ ఇచ్చాడు. మరోవైపు లూజర్‌ అని సోనియాతో మాటలు పడ్డ నిఖిల్‌ తన సత్తా చూపించాడు. ఓడిపోయేవాళ్లంటేనే గిట్టదన్న సోనియా ఒక్క గేమ్‌లో కూడా గెలవలేదు. ఇంకా హౌస్‌లో ఏమేం జరిగాయో తెలియాలంటే నేటి (సెప్టెంబర్‌ 12) ఎపిసోడ్‌ హైలైట్స్‌ చదివేయండి..ప్రైజ్‌మనీ పెంచుకునే ఛాన్స్‌ఈ సీజన్‌లో అంతులేనంత డబ్బు ప్రైజ్‌మనీగా సంపాదించుకునే అవకాశం కల్పించాడు బిగ్‌బాస్‌. తాను ఇచ్చే ఛాలెంజ్‌లలో మూడు టీమ్స్‌ పాల్గొని డబ్బు సంపాదించుకోవాలన్నాడు. ఏ టీమ్‌ దగ్గర ఎక్కువ డబ్బు ఉంటే అది ప్రైజ్‌మనీలో యాడ్‌ అవుతుందన్నాడు. మొదటి ఛాలెంజ్‌లో మణి, విష్ణుప్రియ, సోనియాను స్విమ్మింగ్‌ పూల్‌లో దూకాలన్నాడు. సోనియా మధ్యలోనే కిందపడిపోగా మణికంఠను పృథ్వీ ముందుకు వెళ్లనీయకుండా గట్టిగా పట్టేసుకోవడంతో అతడు వెనకబడిపోయాడు. విష్ణు మొదటగా దూకేసి తన అంతులేని వీరుల టీమ్‌ ఖాతాలో రూ.25 వేలు పడేలా చేసింది.ఎగిసిపడ్డ కెరటంబిగ్‌బాస్‌.. రెండో ఛాలెంజ్‌ విలువను రూ.50 వేలుగా ప్రకటించాడు. ఈ కలర్‌ బాల్స్‌ గేమ్‌లో పృథ్వీ, నబీల్‌, నిఖిల్‌ హోరాహోరీగా పోరాడారు. చివరకు నిఖిల్‌ గెలవడంతో కెరటం టీమ్‌ ఖాతాలో అర లక్ష పడింది. మూడో ఛాలెంజ్‌ విలువను రూ.70 వేలుగా ప్రకటించాడు. ఈ స్పెల్లింగ్‌ గేమ్‌లో యష్మి, మణికంఠ, నైనిక పాల్గొన్నారు. ఇందులో ఎక్కువ పదాలు కరెక్ట్‌గా రాసిన మణికంఠ కెరటం టీమ్‌ ఖాతాలో రూ.70 వేలు పడేలా చేశాడు.ఆకలితో అలమటించిన నిఖిల్‌రేషన్‌ లేకపోవడంతో కేవలం రాగిజావతో సరిపెట్టుకుంటున్న మణి, నిఖిల్‌ అర్ధరాత్రి ఆకలేసింది. దీంతో దొంగచాటుగా పక్క టీమ్‌ చేసుకున్న దోశలు ఆరగించారు. ఇది చూసిన బిగ్‌బాస్‌ హౌస్‌మేట్స్‌ అందర్నీ నిద్రలో నుంచి లేపి మరీ వార్నింగ్‌ ఇచ్చాడు. రూల్స్‌ ఉల్లంఘిస్తే కఠిన చర్యలు తప్పవని గుర్తుచేశాడు. ఇంట్లో ఫుడ్‌ దొంగతనం మొదలుపెట్టిన యష్మికి.. తమ పాలప్యాకెట్‌ అవతలివారు ఎత్తుకుపోయేసరికి ఉక్రోశం పట్టలేకపోయింది. విష్ణుప్రియతో గొడవకు దిగింది. దబాయించిన యష్మిమా చికెన్‌ దొంగిలించలేదా? అని విష్ణు ఎదురుతిరిగితే.. నీ దగ్గర సాక్ష్యం ఉందా? అని దబాయించింది. ఎందుకు అరుస్తున్నావంటే నేనిలాగే అరుస్తానని యష్మి తెగేసి చెప్పింది. నాలుగో ఛాలెంజ్‌ విలువ ఏకంగా రూ.1,50,000గా ప్రకటించాడు. ఈ గేమ్‌లో అభయ్‌, ఆదిత్య, నిఖిల్‌ పోటీపడ్డారు. ఆదిత్య ఓడిపోగా.. అభయ్‌(అఖండ టీమ్‌), నిఖిల్‌(కెరటం టీమ్‌) గెలిచి చెరో రూ.75 వేలు గెలుచుకున్నారు. ఐదో ఛాలెంజ్‌ విలువను రూ.50 వేలుగా ప్రకటించాడు. నిఖిల్‌, నబీల్‌, పృథ్వీ వ్యాక్స్‌ చేయించుకోవాలన్నాడు. కాళ్లు మొక్కిన విష్ణుప్రియఅయితే ఆ నొప్పి భరించలేక తన వల్లకాదని పృథ్వీ మధ్యలోనే చేతులెత్తేశాడు. సోనియా.. నబీల్‌ (అంతులేని వీరులు టీమ్‌)ను విజేతగా ప్రకటించడంతో ఆనందం పట్టలేకపోయిన విష్ణుప్రియ ఏకంగా ఆమె కాళ్లకు నమస్కరించింది. ఆరో ఛాలెంజ్‌ విలువ బిగ్‌బాస్‌ రూ.1 లక్షగా ప్రకటించాడు. చివరి బజర్‌ వరకు కాళ్లకు సాక్స్‌ ఉండేలా చూసుకోవాలన్నాడు. ఈ గేమ్‌లో విష్ణుప్రియ, నిఖిల్‌, మణికంఠ, నబీల్‌, అభయ్‌, పృథ్వీ పాల్గొన్నారు. ఒకరినొకరు నెట్టుకోవడంతో సంచాలకురాలు ప్రేరణ అందరిమీద గరమైంది. ఈ తోసుకోవడాలు, కొట్టుకోవడాలు ఆపండని అరిచింది.బిగ్‌బాస్‌ నుంచే వెళ్లిపోతా..పాపం, తన మాటల్ని ఎవరూ లెక్క చేయలేదు. పృథ్వీ తర్వాత విష్ణుప్రియ అవుట్‌ అయింది. అయితే అభయ్‌ నెట్టడం వల్లే తాను కిందపడ్డానని విష్ణుప్రియ, అది నిజమైతే బిగ్‌బాస్‌ హౌస్‌ నుంచే వెళ్లిపోతానని అభయ్‌ వాదించాడు. కాసేపటికి విష్ణుప్రియను మళ్లీ ఆడించినా చివరికి అవుట్‌ అయింది. అనంతరం నబీల్‌ను కూడా ఎలిమినేట్‌ చేయడంతో అతడు గరమయ్యాడు. చివర్లో నిఖిల్‌, అభయ్‌కు టై అయినట్లు ప్రకటించడంతో ఇరు టీమ్స్‌కు చెరి రూ.50 వేలు లభించాయి. ఫైనల్‌గా రూ.2,45,000తో కెరటం టీమ్‌ లీడ్‌లో ఉంది.బిగ్‌బాస్‌ వార్తల కోసం ఇక్కడ క్లిక్‌ చేయండి

బిగ్‌బాస్‌ హౌస్‌లో కిరాణా సామాను పంపిణీ ముగిసింది. యష్మి, నైనిక టీమ్‌ సభ్యులు రేషన్‌ గెలుచుకుని, దాన్ని హాయిగా వండుకుని కడుపు నింపుకున్నారు. కానీ నిఖిల్‌ టీమ్‌ మాత్రం రాగిముద్ద, ఉడకబెట్టిన కూరగాయలతో సరిపెట్టుకుంది. రేషన్‌ గొడవ అయిపోవడంతో బిగ్‌బాస్‌(#BiggBossTelugu8) ప్రైజ్‌మనీపై దృష్టి సారించాడు. ప్రస్తుతం రూ.3 లక్షలుగా ఉన్న ప్రైజ్‌మనీని హౌస్‌మేట్స్‌ వీలైనంతవరకు లాక్కుంటూ పోవచ్చన్నమాట!కిందపడ్డ సోనియాఈ ప్రైజ్‌మనీ టాస్కుల్లో భాగంగా మొదట విష్ణుప్రియ, సోనియా, మణికంఠలను స్విమ్మింగ్‌ పూల్‌లో దూకాలన్నాడు. ఇంట్లో నుంచి బయటకు పరుగెత్తుకుంటూ వెళ్లే క్రమంలో సోనియా కిందపడిపోయింది. విష్ణు అందరికంటే ముందు దూకి రూ.25 వేలు గెలిచింది. తర్వాతి టాస్కులో నిఖిల్‌, నబీల్‌, పృథ్వీ కలర్‌ బాల్‌ గేమ్‌ ఆడారు. ఇందులో నబీల్‌ ఆదిలోనే అవుట్‌ అయిపోగా నిఖిల్‌, పృథ్వీ హోరాహోరీగా పోరాడారు. అబ్బాయిల కష్టాలుఅంతిమంగా నిఖిలే గెలిచి రూ.50 వేలు సంపాదించినట్లు తెలుస్తోంది. అనంతరం నిఖిల్‌, పృథ్వీ, నబీల్‌ను వ్యాక్స్‌ చేసుకోమన్నాడు బిగ్‌బాస్‌. ఈ వ్యాక్స్‌ చేసుకునేందుకు ముగ్గురూ నానాతంటాలు పడ్డారు. ఇకపోతే ఏదో పాల ప్యాకెట్‌ డస్ట్‌ బిన్‌లో కాకుండా కింద పడేసినందుకు విష్ణుప్రియకు యష్మి క్లాస్‌ పీకింది. మీరు మా చికెన్‌ దొంగిలించారుగా అని తనేదో చెప్పబోతుంటే యష్మి ఒంటికాలిపై లేచింది. సాక్ష్యం ఉందా? మేము తీసుకున్నట్లు మీ దగ్గర ఏదైనా సాక్ష్యం ఉందా? అని నిలదీసింది. ఎందుకు అరుస్తున్నావని అడిగితే నేనిలాగే మాట్లాడతానంటూ తన కోపాన్ని ప్రదర్శించింది. బహుశా ఇప్పటివరకు ప్రైజ్‌మనీ కోసం పెట్టిన గేమ్స్‌లో తన టీమ్‌ ఒక్కటి కూడా గెలవలేదన్న బాధను యష్మి ఇలా చూపిస్తుందేమో!

బిగ్‌బాస్‌ హౌస్‌లో రెండోవారమే ఆకలికేకలు మొదలయ్యాయి. మూడు టీములకు పోటీపెట్టగా రెండు టీమ్స్‌ గెలిచి రేషన్‌ పొందింది. కానీ ఒక్క టీమ్‌ మాత్రం మంచి తిండి దొరక్క అల్లాడిపోయింది. ఓడిపోయేవారితో ఉండనంటూ నిఖిల్‌కు హ్యాండిచ్చింది సోనియా. తనను లూజర్‌ అని పదేపదే అనడంతో అతడు ఉండబట్టలేక ఏడ్చేశాడు. ఇంకా హౌస్‌లో ఏమేం జరిగాయో తెలియాలంటే నేటి (సెప్టెంబర్‌ 11) ఎపిసోడ్‌ హైలైట్స్‌ చదివేయండి..ఇచ్చినట్లే ఇచ్చి లాక్కున్న బిగ్‌బాస్‌వారానికి సరిపడా ఆహారాన్ని బిగ్‌బాస్‌(#BiggBoss8Telugu) సూపర్‌ మార్కెట్‌ నుంచి తీసుకోమని చీఫ్స్‌ను ఆదేశించాడు బిగ్‌బాస్‌. అలా చీఫ్స్‌ యష్మి, నైనిక, నిఖిల్‌ తమకు ఇచ్చిన గడువులో వీలైనంత ఆహారాన్ని తమ ట్రాలీలలో వేసుకున్నారు. కానీ ఇక్కడే ఓ ట్విస్ట్‌ ఇచ్చాడు. ఈ మూడు టీమ్స్‌ సంపాదించిన రేషన్‌ను వాడుకోవాలంటే తాను ఇచ్చే టాస్కులు గెలవాలని మెలిక పెట్టాడు. మొదటగా మూడు టీమ్స్‌కు లెమన్‌ పిజ్జా టాస్క్‌ ఇచ్చాడు. ఇందులో యష్మి టీమ్‌ గెలిచింది.సోనియా ఏడుపు.. హగ్గులతో ఓదార్పుఇక వేరే టీమ్స్‌కు ఫుడ్‌ దొరకదనుకుందో, ఏమో కానీ ఆహారం అనేది అందరూ షేర్‌ చేసుకోవాలంటూ సోనియా ఏడ్చేసింది. దీంతో అభయ్‌, నిఖిల్‌, పృథ్వీ వరుసగా ఆమెకు హగ్గులిచ్చి ఓదార్చారు. తర్వాత నిఖిల్‌, నైనిక టీమ్స్‌కు బిగ్‌బాస్‌ పోటీపెట్టాడు. తాను అడిగే వస్తువులను తీసుకురావాలని ఛాలెంజ్‌ ఇచ్చాడు. ఈ గేమ్‌లో ఆడేందుకు నిఖిల్‌ రెడీ అవగా అందుకు మణికంఠ ఒప్పుకోలేదు. తాను నామినేషన్‌లో ఉన్నానని, తానే ఆడతానని మంకుపట్టు పట్టాడు. ఆ ఒక్క నిర్ణయంతో కెరటం ఓటమిఅలా నిఖిల్‌ టీమ్‌ నుంచి మణి, నైనిక టీమ్‌ నుంచి సీత బరిలోకి దిగారు. పప్పులు, పిండి, నెయ్యి, యాపిల్‌.. ఇలా ఒక్కో వస్తువు చెప్పినకొద్దీ ఎవరు ముందు తీసుకొస్తే వారు ఆ రౌండ్‌లో గెలిచినట్లు! మరమరాలు పావుకిలో తెమ్మన్నప్పుడు మణికంఠ దానికి దగ్గర్లో (290 గ్రాములు) పట్టుకొచ్చాడు. అయితే సరిగ్గా 250 గ్రాములు ఉంటే మాత్రమే అంగీకరిస్తానని, ఈ రౌండ్‌లో ఎవరూ విజేతలు కాదని ప్రకటించింది యష్మి. సంచాలకురాలిగా తన నిర్ణయమే ఫైనల్‌ అని వెల్లడించింది. వారమంతా రాగి ముద్దతోనే..ఫైనల్‌గా ఈ ఛాలెంజ్‌లో సీత తన అంతులేని వీరులు టీమ్‌ను గెలిపించింది. కెరటం టీమ్‌లోని నిఖిల్‌, మణికంఠకు రేషన్‌ లేదని బిగ్‌బాస్‌ తెలియజేయడంతో సీత ఏడ్చేసింది. రేషన్‌కు బదులుగా వారమంతా రాగిపిండితోనే సర్దిపెట్టుకోమన్నాడు. దీంతో యష్మి కూడా కంటతడి పెట్టుకుంది. ఇక రాత్రి యష్మి.. టీమ్‌ అన్నాక అందరూ ఒకే దగ్గర పడుకోవాలని ఆదేశించింది. దొంగతనం షురూఅందుకు సోనియా సరేనంటూ తలూపుతూనే నిఖిల్‌ దగ్గరకొచ్చి దానిపై అభ్యంతరం తెలిపింది. ఉదయాన్నేమో.. అందరూ దోసె చేద్దామనుకుంటే కుదరదు ఎగ్‌ రైసే చేయాలని యష్మి ఆదేశించింది. ఇంత కఠినంగా ఉండటం దేనికని తన టీమ్‌ సభ్యులే గుసగుసలాడారు. అప్పటిదాకా ఫుడ్‌ అందరికీ రాలేదని బాధపడిపోయిన ఇంటిసభ్యులు కాస్త ఫుడ్‌ కడుపులో పడగానే దొంగతనం మొదలుపెట్టేశారు. అటు బిగ్‌బాస్‌ పంపిన కూరగాయలు ఉడికించుకుని తిని నిఖిల్‌, మణి కడుపు నింపుకున్నారు.ఎమోషనల్‌ ఫూల్‌మరోవైపు నిఖిల్‌ నామినేషన్స్‌లో జరిగిన తంతు నుంచి ఇంకా బయటకు రాలేకపోతున్నాడు. ఒంటరిగా కూర్చుని తనలో తానే బాధపడుతున్నాడు. అది చూసిన నైనిక.. నువ్వొక ఎమోషనల్‌ ఫూల్‌ అనేసింది. హౌస్‌లో ఏం చేసినా ప్రాబ్లమేనంటూ ఏడ్చేశాడు. నిజానికి ఆ ఏడుపు సోనియా అన్న మాటల వల్లేనని మనకు తర్వాత తెలుస్తుంది. అభయ్‌తో సోనియా.. నిఖిల్‌గాడిని చూస్తేనే కోపమొస్తుందని చెప్పింది. లూజర్స్‌తో ఉండనన్న సోనియాఅందుకు అభయ్‌.. నువ్వు నిఖిల్‌ను పదేపదే లూజర్‌ అన్నావంటగా.. లూజర్స్‌తో ఉండను అన్నావంట.. అలా అన్నప్పుడు తనతో ఇంకెలా మాట్లాడతానని నిఖిల్‌ ఫీలయ్యాడని ఆ సమాచారం సోనియాకు చేరవేశాడు. అందుకు సోనియా.. మరీ అంత కాకపోయినా, క్యాజువల్‌గా మాట్లాడితే అయిపోతుందిగా అని లైట్‌ తీసుకుంది. ఇక హౌస్‌లో అవతలివారిని రెచ్చగొట్టేది ప్రేరణ, విష్ణుప్రియ వీళ్లిద్దరు మాత్రమేనంది. అయినా మొన్నటి నామినేషన్స్‌తో రెచ్చగొట్టడంలో ఎవరు తోపు? అనేది జనాలకు ఈజీగా అర్థమైపోయిందిలే!మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

నేను నీతులు చెప్తాను, కానీ పాటించను.. సోనియా ప్రవర్తన చూస్తున్న చాలామందికి ఈ డైలాగ్‌ గుర్తురాక మానదు. ఎవరు ఏం మాట్లాడినా అందులో తప్పులు, పెడార్థాలు తీయడమే పనిగా పెట్టుకుంది. పైగా హౌస్‌లోకి వచ్చిన కొత్తలో నిఖిల్‌ గురించి చెడుగా మాట్లాడి ఇప్పుడు అతడితోనే క్లోజ్‌గా ఉంటోంది.అంతేనా లైవ్‌లో విష్ణుప్రియ, యష్మి గురించి నిఖిల్‌కు నెగెటివిటీ ఎక్కిస్తోంది. మరోవైపు అతడి జుట్టుతో ఆడుకుంటూ.. మనం ఒక టీమ్‌ అంటూ.. జంట కలిపేసింది. ఇంకా తనతో సిగరెట్‌ అలవాటు కూడా మాన్పించే ప్రయత్నం చేసింది. సిగరెట్‌ తాగకుండా ఉంటే నువ్వేమడిగినా ఇస్తానని బంపర్‌ ఆఫర్‌ ఇచ్చింది. మరోవైపుథ్వీ చేతిలో చెయ్యేసి మాట్లాడింది. ఇవన్నీ చూసిన జనాలు.. ఈమె ఇంకో రతిక అయ్యేలా ఉందని కామెంట్లు చేస్తున్నారు. View this post on Instagram A post shared by GMK (@shindu.beautiful.souls)

మణికంఠ ఏడుపు ఆగిందో లేదో ఇటు విష్ణుప్రియ, సోనియాల పంచాయితీ మొదలైంది. ఇది రేపటి నామినేషన్‌ ముగిసేదాకా తెగేలా లేదు. కంటెస్టెంట్ల తప్పొప్పులు చెప్పే నాగ్‌ ఫస్ట్‌ వీక్‌.. అందర్నీ చూసీచూడనట్లు వదిలేశాడు. ఎవరినీ గద్దించలేదు, ఎవరినీ బుజ్జగించలేదు. ముందుగా ఊహించినట్లుగానే బేబక్కను ఎలిమినేట్‌ చేశారు. హౌస్‌లో ఇంకా ఏమేం జరిగాయో తెలియాలంటే నేటి (సెప్టెంబర్‌ 7) ఎపిసోడ్‌ హైలైట్స్‌ చదివేయండి.ప్రైజ్‌మనీ ఎంతంటే?నాగార్జున వచ్చీరాగానే గుడ్‌న్యూస్‌ చెప్పాడు. ఇప్పటివరకు జీరోగా ఉన్న ప్రైజ్‌మనీ.. హౌస్‌మేట్స్‌ పర్ఫామెన్స్‌ బట్టి పెరుగుతూ ఉంటుందన్నాడు. ఈ వారం రూ.5 లక్షల వరకు ఉండొచ్చన్నాడు నాగ్‌. కానీ హౌస్‌మేట్స్‌ ఇంగ్లీష్‌ మాట్లాడటం, హిందీ పాటలు పాడటం, సమయం సందర్భం లేకుండా నిద్రపోవడం వల్ల ప్రైజ్‌మనీకి అనేక కోతలు పెట్టి రూ.3 లక్షలుగా నిర్ణయించాడు. అనంతరం నామినేషన్‌లో ఉన్న శేఖర్‌ బాషా సేవ్‌ అయినట్లు ప్రకటించాడు.ఫన్నీ గేమ్స్‌..తర్వాత రెండు గేమ్స్‌ ఆడించగా మొదటిదానిలో అబ్బాయిలే గెలిచి సినిమాపిచ్చోళ్లమని ప్రూవ్‌ చేసుకున్నారు. రెండో గేమ్‌లో అమ్మాయిలు గెలిచారు. అలా గిఫ్ట్‌ హ్యాంపర్‌ను రెండు టీమ్స్‌ షేర్‌ చేసుకోవాల్సి వచ్చింది. తర్వాత నాగ్‌.. విష్ణుప్రియను సేవ్‌ చేశాడు. ఇక ఫన్నీ గేమ్స్‌ చాలంటూ నాగ్‌ ఓ సీరియస్‌ గేమ్‌ ఆడించాడు. హౌస్‌మేట్స్‌ను ఒకరిని ఒకరు జంతువులతో పోల్చుకోమని చెప్పాడు. దానికన్నా ముందు ఏ జంతువుది ఎలాంటి క్యారెక్టర్‌ అనేది తెలిపాడు.బాషాకు కరెక్ట్‌ ట్యాగ్‌నక్క- జిత్తులమారి, దోమ-చిరాకు, ఊసరవెల్లి-రంగులు మార్చడం, మొసలి- దొంగ కన్నీళ్లు, పిల్లి- స్వార్థం, గాడిద-తెలివితక్కువ, తేలు-నమ్మదగనిది, గొర్రె- గుడ్డినమ్మకం అని ఆ జంతువుల గురించి వర్ణించాడు. నబీల్‌ అఫ్రిది, అభయ్‌.. యష్మిది స్వార్థమంటూ పిల్లితో పోల్చారు. ప్రేరణ.. సీతను నమ్మడానికి వీల్లేదని తేలుతో పోల్చింది. కుళ్లుజోకులతో చిరాకు పుట్టిస్తాడంటూ నిఖిల్‌, ఆదిత్య, మణికంఠ ముగ్గురూ కూడా.. బాషాకు దోమ ట్యాగ్‌ ఇచ్చారు. దో.. మా (ఇద్దరు తల్లులు) అని మంచిగా పిలిచారని దాన్ని కూడా పాజిటివ్‌గా మార్చేశాడు బాషా.తెలివి తక్కువ గాడిద..యష్మి.. బేబక్క గొర్రెలా గుడ్డిగా అవతలివారిని ఫాలో అయిపోతుందని పేర్కొంది. నైనిక.. మణికంఠను నమ్మలేకపోతున్నానంటూ అతడిని తేలుతో పోల్చింది. పృథ్వీ.. బేబక్కను తెలివి తక్కువ గాడిదతో పోల్చాడు. టాస్క్‌లో ఓడిపోయినప్పుడు భవిష్యత్తులో మాట్లాడతానంది.. నా దృష్టిలో ఫ్యూచర్‌ అనేదే లేదు. ఒక వారంలోనే ఎలిమినేట్‌ అవొచ్చు. అలా తన సమయం వృథా చేసుకుంది. అలాగే నిఖిల్‌ను స్ట్రాంగ్‌ కంటెస్టెంట్‌ అని చెప్తున్న ఆమె తనను తాను స్ట్రాంగ్‌ అని చెప్పుకోలేకపోయిందని కారణాలు చెప్పాడు.బిగ్‌బాస్‌ షో 100 రోజులెందుకు?దీంతో బేబక్క.. వచ్చిన ఒక్క రోజులోనే ఎవరి బలం ఏంటనేది ఎవరూ గ్రహించలేరు. అలా గ్రహించగలిగితే బిగ్‌బాస్‌ షో 100 రోజులెందుకు? ఒక్క రోజులోనే ముగించేయొచ్చుగా! అని ధీటుగా సమాధానమిచ్చింది. సోనియా.. జిత్తులమారి నక్క ట్యాగ్‌ను విష్ణుప్రియకు ఇచ్చింది. తనను ర్యాగింగ్‌ చేసిందని, ఏడుస్తుంటే కూడా పోక్‌ చేసిందని పేర్కొంది. బేబక్క ఎలిమినేట్‌అటు విష్ణుప్రియ.. నన్ను తిట్టి తను ఏడవడం అర్థం కాలేదంటూ సోనియావి మొసలి కన్నీళ్లు అని తెలిపింది. సీత.. నిఖిల్‌ను గుడ్డిగా ఫాలో అయిపోతుందంటూ ప్రేరణను గొర్రెతో పోల్చింది. బాషా.. యష్మిని జిత్తులమారి నక్కతో పోల్చాడు. బేబక్క.. తనను చూస్తే చాలు చిరాకు పడుతోందని సోనియాను చీమతో పోల్చింది. చివరగా నామినేషన్‌లో మణికంఠ, బేబక్క మిగలగా.. వీరిలో బేబక్క ఎలిమినేట్‌ అయినట్లు నాగ్‌ ప్రకటించాడు. ఆ నలుగురికి అర్హత లేదు!ఎంతమంది నిజంగా బేబక్కను మిస్‌ అవుతారని నాగ్‌ ప్రశ్నించగా.. ప్రేరణ, విష్ణుప్రియ, నైనిక, సీత, ఆదిత్య, అభయ్‌ చేతులెత్తారు. అనంతరం ఆనవాయితీ ప్రకారం షో నుంచి వెళ్లిపోయేముందు బేబక్కతో ఓ టాస్క్‌ ఆడించాడు. ఇంట్లో ఉండటానికి అర్హత లేనివారి ఫోటోలను రోడ్డు మీద పడేయమంది. నెగెటివ్‌ వైబ్స్‌ అంటూ సోనియాను, కోపం ఎక్కువగా ఉందని పృథ్వీ ఫోటోలను రోడ్డున పడేసింది. బోరుమని ఏడ్చిన సీతనిఖిల్‌ కోసం కూరలో కారం ఎక్కువ వేశాను.. దానివల్ల అందరూ ఇబ్బందిపడ్డారు. అతడి వల్లే బయటున్నానంటూ నిఖిల్‌ ఫోటోను రోడ్డున పడేసింది. ఒంటరిగా ఉంటూ నీలో నువ్వే టెన్షన్‌ పడుతున్నావంటూ మణికంఠ ఫోటోను నడిరోడ్డుపై వేసింది. బేబక్క వెళ్లిపోతుంటే సీత వెక్కి వెక్కి ఏడవటం గమనార్హం.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

మొన్నటిదాకా కూల్‌గా ఉన్న బేబక్క తన విశ్వరూపం చూపిస్తోంది. ఏదో పోనీలే అనుకుంటే అందరూ ఎక్కువ చేస్తున్నారని తన స్వరం పెంచింది. అయితే కిచెన్‌లో లేటుగా వంట చేయడం వల్ల లేనిపోని గొడవలకు కారణమవుతోంది. మరోవైపు తొలినాళ్లలో ఫైర్‌తో కనిపించిన నిఖిల్‌ కాస్తా చల్లబడిపోయాడు. ఇక ఈ వారం పర్ఫామెన్స్‌లో ఎక్కువ‌మంది లేడీస్‌ ఫెయిలయ్యారని తీర్పునిచ్చాడు నాగ్‌. ఇంకా హౌస్‌లో ఏమేం జరిగాయో తెలియాలంటే నేటి(సెప్టెంబర్‌ 7) ఎపిసోడ్‌ హైలైట్స్‌ చదివేయండి..ఆమె మీద కోపం అతడిపై..ఎప్పటిలాగే కిచెన్‌లో గొడవ మొదలైంది. బేబక్క.. 'సోనియా.. నన్ను పర్సనల్‌ అటాక్‌ చేస్తోంది. తనతో వైబ్‌ రావట్లేద చెప్తుంటే కూడా పట్టించుకోవట్లేదేంటి?' అని తన టీమ్‌ లీడర్‌ నిఖిల్‌ మీద ఫైర్‌ అయింది. సోనియా అయినా ముఖం మీద మాట్లాడుతుంది కానీ నువ్వు మాస్క్‌ వేసుకుని ఉన్నావంటూ అతడిపై నిందలు వేసింది. అయితే సోనియా మీద కోపం నిఖిల్‌ మీద చూపించినట్లు అనిపించింది.అడల్ట్‌ కామెడీ..మరోవైపు విష్ణుప్రియ.. మొదట్లో నీకు నిఖిల్‌తో పడలేదుగా, మరి ఇప్పుడెలా స్నేహం కుదిరిందని అడిగింది. ఈ ప్రశ్న నచ్చకపోవడంతో సోనియా.. అడల్ట్‌ జోకులు నాపై వేయొద్దని ఫైర్‌ అయింది. ఆ మాటతో చిర్రెత్తిన విష్ణుప్రియ మీ మధ్య ఏదో ఉందని అనలేదుగా.. దానికి అంత మాట అనాల్సిన అవసరం లేదని తిట్టిపోసింది. దీంతో సోనియా ఏడ్చేసింది. అయినా విష్ణుప్రియ వల్లేదు. నన్ను ఆ మాట ఎలా అంటావ్‌? నువ్వు ఒక్కదానివే పుణ్య స్త్రీ.. మేము మాత్రం ఇలాంటివాళ్లమా? అని చిర్రుబుర్రులాడింది. ఇవన్నీ శుక్రవారం జరిగాయి.కత్తి దింపిన కంటెస్టెంట్లుశనివారం నాడు.. నాగార్జున వచ్చీరాగానే వినాయక చవితి సందర్భంగా ఇంట్లో అందరికీ స్వీట్లు పంపించాడు. అలాగే ఓ టాస్క్‌ ఇచ్చాడు. మాటలతో గాయపర్చేవారిని చురకత్తితో, నెగెటివ్‌ అనిపించినవారిని నల్లకత్తితో, రెండునాలుకలు ఉన్నవారిని ఇరువైపులా పదునున్న కత్తితో, చలనం లేకుండా పడి ఉన్న కంటెస్టెంట్లను తుప్పుకత్తితో పొడవాలన్నాడు. మొదటగా బాషా.. మణికంఠలో నెగెటివ్‌ ఎనర్జీ చూస్తున్నానంటూ అతడు ధరించిన దిండుపై నల్లకత్తితో పొడిచాడు.నిఖిల్‌ టీమ్‌ నుంచి బయటకువిష్ణుప్రియ.. అడల్ట్రేటెడ్‌ కామెడీ చేస్తున్నానంటూ సోనియా తనపై మాటలు జారిందని చురకత్తితో పొడిచింది. ఈ విషయంలో నాగ్‌ సోనియాకే సపోర్ట్‌ ఇవ్వడం గమనార్హం. విష్ణు.. సోనియాను పుణ్య స్త్రీ అంటూ వెక్కిరించి మాట్లాడటాన్ని తప్పుపట్టాడు. నైనిక.. తన టీమ్‌తో ఎక్కువ పని చేయించిందంటూ యష్మిని చురకత్తితో పొడిచింది. బేబక్క.. నిఖిల్‌ తన టీమ్‌లో ఉన్న నాకు బదులుగా సోనియాను ఎక్కువ పట్టించుకున్నాడంటూ అడిని పదును కత్తితో పొడిచింది. మారిపోయిన నిఖిల్‌అలాగే అతడితో ఉండటం ఇష్టం లేదంటూ టీమ్‌ నుంచి బయటకు వచ్చేసింది. అభయ్‌.. నిఖిల్‌ను మాస్క్‌ తీసే కత్తితో పొడిచాడు. మొదట్లో అగ్రెసివ్‌గా ఉన్న నిఖిల్‌ ఇప్పుడు ఎవరితో ఏం మాట్లాడితే ఎలా ఫీల్‌ అవుతారోనన్న భయంలో పడిపోయాడు. అవన్నీ అవసరం లేదు, మొదట్లో ఎలా ఉన్నావో అలా ఉంటే చాలని సూచించాడు.వెగటు కామెడీనెగెటివ్‌ ఎనర్జీ అన్న కారణంతో సీత.. యష్మిని, సోనియా.. బేబక్కను నల్లకత్తితో పొడిచారు. నబీల్‌.. నిఖిల్‌ వెగటు కామెడీ నచ్చలేదని అతడిని చురకత్తితో పొడిచాడు. ప్రేరణ, పృథ్వి.. ఆదిత్య ఓంకు తుప్పు పట్టిన కత్తి దింపారు. మణికంఠ, యష్మి ఒకరినొకరు పదునుకత్తితో పొడుచుకున్నారు. నిఖిల్‌ వంతురాగా.. రెండు నాలుకలు ఉన్నాయంటూ బేబక్కను పదును కత్తితో పొడిచాడు. ఆదిత్య.. బాషాను తుప్పు పట్టిన కత్తితో పొడిచాడు.ఆ ఐదుగురు ఫ్లాప్‌అనంతరం నాగ్‌.. ఈ వారం కంటెస్టెంట్ల రిపోర్టు కార్డును బయటపెట్టాడు. పర్ఫార్మెన్స్‌ ఆధారంగా చూస్తే ప్రేరణ, సీత, బేబక్క, ఆదిత్య, విష్ణుప్రియ ఫ్లాప్‌ అయ్యారని తెలిపాడు. చివర్లో సోనియా సేవ్‌ అయినట్లు వెల్లడించాడు. ఇక సండే ఎపిసోడ్‌ షూట్‌ పూర్తవగా బేబక్కను ఎలిమినేట్‌ చేశారట! పాపం.. ఇది ముందు గ్రహించలేకపోయిన ఆమె తనే లీడర‌ను అవుతానని శపథం చేసింది. ఇంతలోనే ఇల్లు వదిలి బయటకు వెళ్లాల్సి వచ్చింది.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

ఎలాంటి అంచనాలు లేకుండా బిగ్‌బాస్‌ తెలుగు ఎనిమిదో సీజన్‌ మొదలైంది. ప్రేక్షకులకు ముక్కూముఖం తెలియని కంటెస్టెంట్ల సంఖ్యే ఈసారి ఎక్కువగా ఉంది. అయినా ప్రతి సీజన్‌ ప్రారంభంలో ఇది మామూలేలే! కొన్నాళ్లు పోతే వీళ్లకే మళ్లీ అభిమాన సంఘాలు పుట్టుకొస్తాయి. ఈసారైతే కంటెస్టెంట్లు మొదటిరోజే గొడవలుపడ్డారు. ఆ విషయాలు, విశేషాలేంటో సెప్టెంబర్‌ 2 నాటి ఎపిసోడ్‌ హైలైట్స్‌లో చదివేయండి..ఆవేశంగా నాగమణికంఠబిగ్‌బాస్‌ లాంచింగ్‌ రోజే కంటెస్టెంట్ల మధ్య చిచ్చు పెట్టాడు నాగ్‌. అడుగుపెట్టిన మొదటిరోజే ఒకరు ఎలిమినేట్‌ అవుతారంటూ అనిల్‌ రావిపూడిని హౌస్‌లోకి పంపించి బాంబ్‌ పేల్చాడు. ఎవరిని బయటకు పంపిద్దామన్నప్పుడు మెజారిటీ జనాలు నాగమణికంఠకు ఓటేశారు. ఇలా వచ్చానో లేదో అప్పుడే వెళ్లగొట్టడమేంటని అతడిలో అగ్నిపర్వతం బద్ధలైంది. నాకు ఉన్న ఒకే ఒక్క అవకాశం బిగ్‌బాస్‌, మీరేమో ఎలిమినేట్‌ చేస్తున్నారంటూ ఫ్రస్టేట్‌ అయ్యాడు.అందరికీ నచ్చే వ్యూ..అయితే అనిల్‌ రావిపూడి అది ప్రాంక్‌ అని చెప్పడంతో ఊపిరి పీల్చుకున్నాడు. దీంతో అతడిని పంపించేయమని సూచించిన కంటెస్టెంట్లు తనను కూల్‌ చేసే ప్రయత్నం చేశారు. కానీ మనోడు తగ్గేదేలే అన్నట్లుగా కోపాన్ని అలాగే కంటిన్యూ చేశాడు. ఇకపోతే బాత్‌రూమ్‌లో శేఖర్‌ బాషా.. అందరికీ నచ్చే వ్యూ.. ఐ లవ్యూ అనడంతో గలగలా మాట్లాడే బేబక్క సైతం అవాక్కయిపోయింది. రూల్స్‌ పెట్టడానికి నువ్వెవరు?తర్వాత కిచెన్‌ టీమ్‌లో ఉన్న ఆర్జీవీ బ్యూటీ సోనియా.. ఎవరికీ బాధ్యత లేదంటూ అందరిపైనా రంకెలేసింది. ఆరెంజ్‌తో గేమ్‌ ఆడినవారెవరూ ఆ పండ్లు తినడానికి వీల్లేదంటూ కొత్త చట్టాలు తీసుకొచ్చింది. దీంతో బాషాకు ఒళ్లు మండింది. రూల్స్‌ పెట్టడానికి నువ్వెవరు? అంటూ తనపై ఫైరయ్యాడు. తర్వాత కాసేపటికి కూలైపోయి మళ్లీ మామూలుగానే మాట్లాడుకున్నారు.బిగ్‌బాస్‌ ట్విస్ట్‌ ఈసారి కెప్టెన్‌కు బదులుగా ఇంటికి ముగ్గురు కంటెస్టెంట్లు చీఫ్‌లుగా ఉండనున్నారని బిగ్‌బాస్‌ ట్విస్ట్‌ ఇచ్చాడు. షో లాంచింగ్‌ రోజు పెట్టిన గేమ్స్‌లో గెలిచిన నిఖిల్‌, యష్మి, శేఖర్‌ బాషా, పృథ్వి, నైనిక, బేబక్క చీఫ్‌ పదవి కోసం పోటీపడనున్నట్లు ప్రకటించాడు. వీరికి.. పట్టుకుని ఉండండి- వదలకండి అనే టాస్క్‌ ఇచ్చాడు. మూడో చీఫ్‌గా..ఈ గేమ్‌లో ఎక్కువసేపు తాడును పట్టుకుని ఉన్న నిఖిల్‌ మొట్టమొదటి చీఫ్‌గా గెలిచాడు. రెండో గేమ్‌లో నైనిక గెలిచి రెండో చీఫ్‌గా నిలిచింది. యష్మి, బేబక్క, అఫ్రిది, బాషాలలో ఒకరిని మూడో చీఫ్‌గా సెలక్ట్‌ చేయండంటూ నిఖిల్‌, నైనికలకే నిర్ణయాన్ని వదిలేశాడు. అందరూ ఊహించినట్లుగానే నిఖిల్‌ తన ఫ్రెండ్‌ యష్మిని చీఫ్‌గా ఎంపిక చేశారు. గొడవకు దిగిన సోనియాఅఫ్రిదికి బదులు యష్మిని సెలక్ట్‌ చేయడంపై సోనియా అసంతృప్తి వ్యక్తం చేసింది. ఫ్రెండ్‌షిప్‌ను పక్కనపెట్టి నిజంగా అర్హులైనవారిని సెలక్ట్‌ చేయాలంటూ గొడవకు దిగింది. ఆల్రెడీ చీఫ్‌గా ప్రకటించాక మధ్యలో నీ గొడవేంటని సోనియామీద గరమైంది యష్మి. అలా ఈరోజు ఎపిసోడ్‌ వాడివేడిగానే ముగిసిపోయింది. నేటి గొడవలే రేపటి నామినేషన్‌కు దారి తీయనున్నాయి.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

బిగ్‌బాస్‌ తెలుగు ఎనిమిదో సీజన్‌లో పద్నాలుగు మంది అడుగుపెట్టారు. ఒకరినొకరు నవ్వుతూ పరిచయం చేసుకున్నారు. కొందరు ఇంకా మొహమాటంగానే ఉన్నారు. మరికొందరేమో అప్పుడే అందరినీ కలుపుకునిపోయి మాట్లాడుతున్నారు. ఇంతవరకు బాగానే ఉంది కానీ బిగ్‌బాస్‌ హౌస్‌లో అడుగుపెట్టిన మరుసటి రోజే పోట్లాటకు దిగుతున్నారు.అసలేమైందంటే.. ఈ సీజన్‌లో కెప్టెన్‌ ఉండడని నాగార్జున ముందే చెప్పేశాడు. అయితే కెప్టెన్‌ లేకుండా హౌస్‌ను ఓ ఆర్డర్‌లో పెట్టడం కష్టమే.. అందుకే చీఫ్‌ అనే పోస్టులను ప్రవేశపెట్టారు. చీఫ్‌గా ఎంపికవడం కోసం టాస్కులు పెట్టాడు. అలా ఇంట్లో ఉదయం కొన్ని టాస్కులు జరగ్గా అందులో నిఖిల్‌, నైనిక గెలిచారు. అందులో ఓడిన వారికి మరో ఛాన్స్‌ ఇస్తూ టాస్క్‌ పెట్టారు.అందుకు సంబంధించిన ప్రోమో తాజాగా రిలీజైంది. యష్మి, అఫ్రిది, బేబక్క, శేఖర్‌ బాషా ఈ గేమ్‌లో ఉన్నారు. వీరిలో చీఫ్‌ అవ్వడానికి ఎవరు అనర్హులో నిఖిల్‌, నైనిక చెప్తే దాన్ని సదరు కంటెండర్‌ డిఫెండ్‌ చేసుకోవాలి. అలా బేబక్క, అఫ్రిదిలను పక్కన పెట్టేశాడు. వారి కంటే యష్మి బాధ్యతారాహహిత్యంగా ఉందని సోనియా అనడంతో గొడవ మొదలైంది. మధ్యలో నా పేరు ఎందుకు ప్రస్తావిస్తున్నావంటూ సోనియాతో వైరానికి దిగింది. చూస్తుంటే యష్మి చీఫ్‌గా సెలక్ట్‌ చేసినట్లు కనిపిస్తోంది. మరిన్నిబిగ్‌బాస్‌ వార్తల కోసం ఇక్కడ క్లిక్‌ చేయండి

గోరింటాకు సీరియల్‌తో మంచి పేరు సంపాదించుకున్నాడు నిఖిల్‌. ఇతడు పుట్టి పెరిగిందంతా కర్ణాటకలోని మైసూర్‌లో.. చిన్నప్పటి నుంచే నటనపై ఇష్టం. అలా 2016లో కన్నడ భాషలో ఊటీ అనే సినిమా చేశాడు. ఇందులో సహాయక పాత్ర పోషించాడు. అనంతరం కన్నడలో మలయే మంత్రాలయ సీరియల్‌లో నటించాడు. తెలుగులో ఛాన్స్‌ రావడంతో ఇక్కడికి షిఫ్ట్‌ అయ్యాడు. ఈ మధ్యే ఊర్వశివో రాక్షసివో సీరియల్‌లో అలరించాడు. కన్నడలో హీరోగా రెండు సినిమాలు చేసిన నిఖిల్‌కు విలన్‌గా కనపడటమే ఎక్కువ ఇష్టమంటున్నాడు. ఇప్పుడు బిగ్‌బాస్‌ 8లో సెకండ్‌ కంటెస్టెంట్‌గా అడుగుపెట్టిన నిఖిల్‌ తనలో హీరోయిజం చూపిస్తాడా? విలనిజం చూపిస్తాడా? అనేది చూడాలి.. ఇకపోతే నాగ్‌ అతడిని సింగిల్‌గా లోనికి పంపలేదు. యష్మి గౌడతో కలిసి జంటగా హౌస్‌లోకి పంపించాడు. అదుర్స్‌ అనిపించేలా ఆటలు ఆడిన నిఖిల్‌ ఈ సీజన్‌ విజేతగా నిలిచాడు.