వచ్చే ఏడాది సౌదీ అరేబియాలో జరిగే ఆసియా కప్‌కు అర్హత సాధించడం ద్వారా భారత అండర్‌-17 పురుషుల ఫుట్‌బాల్‌ జట్టు చరిత్ర సృష్టించింది. ఆదివారం జరిగిన క్వాలిఫయర్ ఫైనల్లో ఆసియా పవర్‌ హౌస్‌ ఇరాన్‌ను ఓడించడం ద్వారా ఈ ఘనత సాధించింది. అహ్మదాబాద్‌లోని ఈకే ఏరినాలో జరిగిన ఈ మ్యాచ్‌లో భారత్‌ 2-1 తేడాతో ఇరాన్‌ను చిత్తు చేసింది. గత 20 ఏళ్లలో భారత్‌ ఆసియా కప్ ఫైనల్స్‌కు చేరడం ఇది మూడోసారి మాత్రమే. ఆసియా కప్‌లో భారత్‌ ఇదే సంచలన ప్రదర్శనలు చేసి టాప్-4లో నిలిస్తే, 2027 FIFA U-17 వరల్డ్ కప్ (ఖతార్) అర్హత సాధిస్తుంది. మ్యాచ్‌ విషయానికొస్తే.. మ్యాచ్‌ 19వ నిమిషంలో ఇరాన్ గోల్‌ చేసి ముందంజలోకి వెళ్లింది. హాఫ్ టైమ్‌కు ముందు దల్లాల్ముయోన్ గాంగ్టే (కుకి) పెనాల్టీని గోల్‌గా మలిచి స్కోర్‌ను సమం చేశాడు. రెండో అర్దభాగంలో గున్లైబా వాంక్హైరక్పం (మీతై) కౌంటర్ అటాక్‌లో గోల్‌ కొట్టి భారత్‌ను చారిత్రక విజయం దిశగా నడిపించాడు.జాతి ఘర్షణలు పక్కకు పెట్టి దేశం కోసం పోరాడిన యువకులుమణిపూరి జాతి ఘర్షణల్లో ప్రత్యర్థులుగా పోరాడిన కుకి-మీతై తెగలకు చెందిన ఆటగాళ్లు కలిసికట్టుగా గోల్స్‌ చేసి భారత్‌ను గెలిపించారు. మణిపూర్‌లో 2023 నుంచి మీతై–కుకిల మధ్య ఘర్షణలు జరుగుతున్నాయి. భూస్వామ్య హక్కులు, రాజకీయ ప్రతినిధిత్వం, భద్రతా సమస్యలు వంటి అంశాలపై వివాదాలు కొనసాగుతున్నాయి.కుకి అంటే ఈశాన్య భారతదేశంలోని ఓ ప్రధాన గిరిజన సమూహం. వీరి మతం క్రైస్తవం. మీతై అంటే ఈశాన్య భారతదేశంలోని మణిపూర్ రాష్ట్రానికి చెందిన ప్రధాన జాతి సమూహం. వీరు హిందుమతాన్ని ఆచరిస్తారు. ప్రస్తుత భారత జట్టులో 9 మంది మణిపూర్‌ ఆటగాళ్లు ఉన్నారు. వీరిలో 7 మంది మీతై, 2 మంది కుకి తెగలకు చెందిన వాళ్లు. మణిపూర్ ఎప్పటినుంచో భారత ఫుట్‌బాల్‌కు ప్రతిభావంతుల్ని అందిస్తున్న టాలెంట్ ఫ్యాక్టరీగా కీర్తించబడుతుంది.

యాంగాన్‌ (మయన్మార్‌): భారత సీనియర్‌ మహిళల ఫుట్‌బాల్‌ జట్టుతో స్ఫూర్తి పొందిన భారత జూనియర్‌ మహిళల జట్టు అద్భుతం చేసింది. 2006 తర్వాత ఆసియా కప్‌ అండర్‌–20 మహిళల టోర్నీకి అర్హత సాధించింది. ఆదివారం ముగిసిన క్వాలిఫయింగ్‌ టోర్నీలో భారత జట్టు అజేయంగా నిలిచి అగ్రస్థానాన్ని దక్కించుకుంది. నాలుగు జట్లు పోటీపడ్డ గ్రూప్‌ ‘డి’లో టీమిండియా రెండు విజయాలు, ఒక ‘డ్రా’తో ఏడు పాయింట్లు సాధించి టాపర్‌గా నిలిచి ఆసియా కప్‌ బెర్త్‌ను సంపాదించింది. 2026 ఆసియా కప్‌ అండర్‌–20 టోర్నీ థాయ్‌లాండ్‌లో ఏప్రిల్‌ 1 నుంచి 18వ తేదీ వరకు జరుగుతుంది. గ్రూప్‌ ‘డి’లో భాగంగా మయన్మార్‌ జట్టుతో జరిగిన చివరి లీగ్‌ మ్యాచ్‌లో భారత్‌ 1–0 గోల్‌ తేడాతో గెలిచింది. ఆట 27వ నిమిషంలో పూజ చేసిన గోల్‌తో ఖాతా తెరిచిన టీమిండియా నిర్ణీత సమయం పూర్తయ్యే వరకు ఈ ఆధిక్యాన్ని నిలబెట్టుకొని విజయాన్ని అందుకుంది. తొలి అర్ధభాగంలో భారత్‌ ఆధిపత్యం చలాయించగా... రెండో అర్ధభాగంలో మయన్మార్‌ ఆకట్టుకుంది. నేహా, షిబాని దేవి సమన్వయంతో ముందుకు దూసుకెళ్లడంతో ఆట మూడో నిమిషంలో భారత్‌ గోల్‌ చేసినంత పని చేసింది. మరోవైపు మయన్మార్‌ ఫార్వర్డ్‌ సు సు ఖిన్‌ తొమ్మిదో నిమిషంలో ఎదురుదాడికి దిగినా ఫినిషింగ్‌ లోపంతో గోల్‌ చేయలేకపోయింది. 27వ నిమిషంలో కుడి వైపు నుంచి మయన్మార్‌ గోల్‌ పోస్ట్‌ వైపునకు దూసుకెళ్లిన పూజ బంతిని లక్ష్యానికి చేర్చడంతో భారత్‌ బోణీ కొట్టింది. రెండో అర్ధభాగంలో మాత్రం సొంత ప్రేక్షకులు ఉత్సాహపరుస్తుండగా మయన్మార్‌ తమ దాడుల్లో పదును పెంచింది. పలుమార్లు భారత గోల్‌పోస్ట్‌ వైపు దూసుకొచ్చింది. కానీ టీమిండియా గోల్‌కీపర్‌ మోనాలీసా దేవి సదా అప్రమత్తంగా ఉంటూ మయన్మార్‌ జట్టు ఆశలను వమ్ము చేసింది. ఈ మ్యాచ్‌కంటే ముందు భారత్‌... ఇండోనేసియాతో మ్యాచ్‌ను 0–0తో ‘డ్రా’ చేసుకొని ... తుర్క్‌మెనిస్తాన్‌ జట్టుపై 7–0తో గెలిచింది. చివరిసారి భారత జట్టు 2006లో జరిగిన ఆసియా కప్‌ అండర్‌–20 టోర్నీలో పోటీపడి ఒక్క మ్యాచ్‌లోనూ నెగ్గకుండానే లీగ్‌ దశలోనే వెనుదిరిగింది. 25 వేల డాలర్ల నజరానారెండు దశాబ్దాల తర్వాత ఆసియా కప్‌ టోర్నీకి అర్హత సాధించిన భారత మహిళల జట్టుకు అఖిల భారత ఫుట్‌బాల్‌ సమాఖ్య (ఏఐఎఫ్‌ఎఫ్‌) నజరానా ప్రకటించింది. జట్టు మొత్తానికి 25 వేల డాలర్లు (రూ. 21 లక్షల 88 వేలు) అందజేస్తామని తెలిపింది.

చియాంగ్‌ మాయ్‌ (థాయ్‌లాండ్‌): ఆసియా కప్‌–2026 మహిళల ఫుట్‌బాల్‌ క్వాలిఫయింగ్‌ టోర్నీలో భారత జట్టు ‘హ్యాట్రిక్‌’పై కన్నేసింది. గత రెండు మ్యాచ్‌ల్లో అద్వితీయ విజయాలు సాధించిన భారత్‌... బుధవారం మూడో మ్యాచ్‌లో ఇరాక్‌తో పోటీపడనుంది. గ్రూప్‌ ‘బి’లో ఆడిన రెండు మ్యాచ్‌ల్లోనూ సంపూర్ణ ఆధిపత్యం కనబర్చిన టీమిండియా ప్రస్తుతం 6 పాయింట్లతో అగ్రస్థానంలో ఉంది. తెలంగాణ ప్లేయర్‌ గుగులోత్‌ సౌమ్య గాయం కారణంగా ఈ మ్యాచ్‌కు దూరమైంది. తిమోర్‌ లెస్టెతో జరిగిన గత పోరులో సౌమ్య ముక్కుకు బలమైన గాయమైంది. తొలి మ్యాచ్‌లో మంగోలియాపై 13–0 గోల్స్‌ తేడాతో గెలిచిన మన అమ్మాయిలు... రెండో మ్యాచ్‌లో తిమోర్‌ లెస్టెపై 4–0 గోల్స్‌తో నెగ్గారు. ఈ మ్యాచ్‌లో కూడా అదే జోరు కొనసాగిస్తూ మరో భారీ విజయం ఖాతాలో వేసుకోవాలని కృతనిశ్చయంతో ఉన్నారు. గ్రూప్‌లో భాగంగా శనివారం ఆతిథ్య థాయ్‌లాండ్‌తో భారత్‌ చివరి గ్రూప్‌ మ్యాచ్‌ ఆడనుంది. అంతకుముందే అగ్రస్థానాన్ని మరింత సుస్థిరం చేసుకోవడమే లక్ష్యంగా టీమిండియా బరిలోకి దిగనుంది. ‘థాయ్‌లాండ్‌తో చివరి మ్యాచ్‌ ఆడనున్నాం. అయితే ప్రస్తుతానికి మా దృష్టి ఇరాక్‌తో పోరుపైనే ఉంది. మంగోలియాపై థాయ్‌లాండ్‌ ఎన్ని గోల్స్‌ సాధిస్తుంది... మేము ఇరాక్‌పై ఎన్ని సాధించాలనే లెక్కలు పక్కన పెట్టి సానుకూల దృక్పథంతో బరిలోకి దిగుతాం. గత మ్యాచ్‌ ప్రదర్శనను దృష్టిలో పెట్టుకొని మెరుగవ్వాల్సిన విషయాల్లో మరింత సాధన చేశాం. ఒక్కో ప్లేయర్‌కు ప్రత్యేక బాధ్యతలు అప్పగించాం. ఇరాక్‌తో మ్యాచ్‌ను తేలికగా తీసుకోవడం లేదు. అందరికీ అవకాశం ఇస్తూ... చివరి మ్యాచ్‌ వరకు తాజాగా ఉంచాలనుకుంటున్నాం. రొటేషన్‌ పద్ధతిని సరిగ్గా వినియోగించుకుంటాం’ అని భారత కోచ్‌ క్రిస్పన్‌ ఛెత్రీ పేర్కొన్నాడు. ఈ టోర్నీ కోసం భారత జట్టు 23 మంది ప్లేయర్లను ఎంపిక చేయగా... గత రెండు మ్యాచ్‌ల్లో 22 మందికి మ్యాచ్‌ ఆడే అవకాశం దక్కింది. సరైన సమయంలో ప్లేయర్లకు విశ్రాంతినిస్తూ... సబ్‌స్టిట్యూట్‌లను సమర్థవంతంగా వినియోగించుకోవడంతోనే ఇది సాధ్యమైంది. మరోవైపు టోర్నీలో మూడు మ్యాచ్‌లాడిన ఇరాక్‌... ఒక విజయం, ఒక ఓటమి, ఒక ‘డ్రా’తో 4 పాయింట్లు ఖాతాలో వేసుకొని పట్టిక మూడో స్థానంలో ఉంది. ప్రపంచ 173వ ర్యాంకర్‌ ఇరాక్‌... ఇదే టోర్నీలో తమ తొలి అంతర్జాతీయ విజయం (మంగోలియాపై 5–2 గోల్స్‌తో) నమోదు చేసుకుంది.

న్యూఢిల్లీ: ఆసియా కప్‌–2026 మహిళల ఫుట్‌బాల్‌ క్వాలిఫయర్స్‌ టోర్నమెంట్‌లో పాల్గొనే భారత జట్టును ప్రకటించారు. 24 మంది సభ్యులతో కూడిన భారత జట్టులో తెలంగాణకు చెందిన సౌమ్య గుగులోత్‌ తన స్థానాన్ని నిలబెట్టుకుంది. దేశవాళీ లీగ్‌లో ఈస్ట్‌ బెంగాల్‌ జట్టుకు ప్రాతినిధ్యం వహిస్తున్న సౌమ్య గత సీజన్‌లో భారత మహిళల ఉత్తమ ఫుట్‌బాలర్‌ అవార్డును అందుకుంది. ఆసియా కప్‌ క్వాలిఫయర్స్‌లో భాగంగా భారత జట్టు గ్రూప్‌ ‘బి’లో ఉంది. భారత జట్టుతోపాటు గ్రూప్‌ ‘బి’లో థాయ్‌లాండ్, మంగోలియా, తిమోర్‌ లెస్టె, ఇరాక్‌ జట్లున్నాయి. ఈనెల 23 నుంచి జూలై 5 వరకు జరిగే గ్రూప్‌ ‘బి’ మ్యాచ్‌లకు బ్యాంకాక్‌ ఆతిథ్యమిస్తుంది. ఈనెల 23న తమ తొలి మ్యాచ్‌లో మంగోలియాతో ఆడనున్న భారత జట్టు ఆ తర్వాత వరుసగా తిమోర్‌ లెస్టె (జూన్‌ 29న), ఇరాక్‌ (జూలై 2న), థాయ్‌లాండ్‌ (జూలై 5న) జట్లతో పోటీపడుతుంది. 2026 ఆసియా కప్‌ మహిళల ఫుట్‌బాల్‌ టోర్నీకి మార్చి 1 నుంచి 21 వరకు ఆ్రస్టేలియా ఆతిథ్యమిస్తుంది. మొత్తం 12 దేశాలు బరిలోకి దిగుతాయి. ఆతిథ్య దేశం హోదాలో ఆ్రస్టేలియా, 2022 టోర్నీ చాంపియన్‌ చైనా, 2022 టోర్నీ రన్నరప్‌ దక్షిణ కొరియా, 2022 టోర్నీలో మూడో స్థానం పొందిన జపాన్‌ జట్లు ఇప్పటికే నేరుగా అర్హత సాధించాయి. మిగిలిన ఎనిమిది బెర్త్‌లు క్వాలిఫయర్స్‌ టోర్నీ ద్వారా ఖరారవుతాయి. క్వాలిఫయర్స్‌ టోర్నీలో మొత్తం 34 జట్లు పాల్గొంటున్నాయి. 34 జట్లను ఎనిమిది గ్రూప్‌లుగా విభజించారు. ‘ఎ’, ‘బి’ గ్రూపుల్లో 5 జట్ల చొప్పున... మిగిలిన ‘సి’, ‘డి’, ‘ఈ’, ‘ఎఫ్‌’, ‘జి’, ‘హెచ్‌’ గ్రూపుల్లో 4 జట్ల చొప్పున ఉన్నాయి. ఎనిమిది గ్రూప్‌ల విజేత జట్లు వచ్చే ఏడాది ఆసియా కప్‌ టోర్నీకి అర్హత సాధిస్తాయి. భారత మహిళల ఫుట్‌బాల్‌ జట్టు: ఎలాంగ్‌బమ్‌ పంథోయ్‌ చాను, మోనాలీసా దేవి, పాయల్‌ బసుదె (గోల్‌కీపర్లు), హేమం షిల్కీ దేవి, కిరణ్‌ పిస్దా, మార్టినా థోక్‌చోమ్, స్వీటీ దేవి, నిర్మలా దేవి, పూర్ణిమ కుమారి, సంజు, రంజన చాను (డిఫెండర్లు), అంజు తమాంగ్, గ్రేస్‌ డాంగ్మె, కార్తీక అంగముత్తు, రత్నబాలా దేవి, ప్రియదర్శిని సెల్లాదురై, సంగీత బస్ఫోరె (మిడ్‌ ఫీల్డర్లు), లిండా కోమ్‌ సెర్టో, మాళవిక, మనీషా కల్యాణ్, మనీషా నాయక్, ప్యారీ జక్సా, రింపా హల్దర్, సౌమ్య గుగులోత్‌ (ఫార్వర్డ్స్‌).

న్యూఢిల్లీ: మహిళల ఆసియా కప్‌ ఫుట్‌బాల్‌ టోర్నీ క్వాలిఫయర్స్‌ కు ముందు నిర్వహించనున్న జాతీయ శిబిరానికి 39 మంది ప్లేయర్లు ఎంపికయ్యారు. జూన్, జూలైలో జరగనున్న ఈ అర్హత పోటీల్లో మెరుగైన ప్రదర్శన కనబర్చడమే లక్ష్యంగా... జాతీయ మహిళల సీనియర్‌ ఫుట్‌బాల్‌ టీమ్‌ కోచ్‌ క్రిస్పిన్‌ ఛెత్రీ శనివారం 39 మంది ప్లేయర్లను ఎంపిక చేసింది. ఈ ప్రాబబుల్స్‌లో తెలంగాణకు చెందిన సౌమ్య గుగులోత్‌ చోటు దక్కించుకుంది.ఇటీవల ఇండియన్‌ ఉమెన్‌ లీగ్‌ (ఐడబ్ల్యూఎల్‌) ఫుట్‌బాల్‌ టోర్నమెంట్‌లో ఈస్ట్‌ బెంగాల్‌ ఫుట్‌బాల్‌ క్లబ్‌ (ఎఫ్‌సీ) తరఫున 9 గోల్స్‌తో సత్తాచాటిన సౌమ్య... ఇప్పటికే జాతీయ జట్టు తరఫున 33 మ్యాచ్‌లాడింది. మహిళల ఆసియాకప్‌ 2026 క్వాలిఫయింగ్‌ టోర్నీకి థాయ్‌లాండ్‌ ఆతిథ్యమిస్తోంది. జూన్‌ 23 నుంచి జూలై 5 వరకు జరగనున్న ఈ టోర్నీలో భారత జట్టు గ్రూప్‌ ‘బి’ నుంచి బరిలోకి దిగనుంది. ఆతిథ్య థాయ్‌లాండ్, మంగోలియా, టిమొర్‌ లెస్ట్, ఇరాక్‌తో భారత జట్టు తలపడుతుంది. దానికి ముందు భారత ప్లేయర్ల కోసం మే1 నుంచి బెంగళూరులో ప్రత్యేక శిబిరం నిర్వహించనున్నారు. సీనియర్‌ ప్లేయర్లు బాలా దేవి, ఆశాలత దేవికి ఈ ప్రాబబుల్స్‌లో చోటు దక్కలేదు. ఇటీవల ఐడబ్ల్యూఎల్‌లో రాణించిన యంగ్‌ ప్లేయర్లకు ఎక్కువ అవకాశాలు లభించాయి. ప్రాబబుల్స్‌: పాయల్, ఎలాంగ్‌బమ్‌ చాను, కైశమ్‌ మెలోడీ చాను, మోనాలిసా దేవి (గోల్‌ కీపర్స్‌), పూర్ణిమ కుమారి, నిర్మలా దేవి, మార్టినా థోక్‌చమ్, శుభాంగి సింగ్, సంజూ, మాలతీ, టోయిజమ్‌ చాను, రంజనా చాను, స్వీటి దేవి, విక్‌సిత్‌ బారా, షిల్కీ దేవి (డిఫెండర్స్‌), కిరణ్, రత్నబాలా దేవి, ముస్కాన్, బబీనా దేవి, కార్తీక అంగముత్తు, కోల్నీ, సంగీత, ప్రియదర్శిని, బేబే సనా, సంతోష్, అంజూ తమాంగ్‌ (మిడ్‌ఫీల్డర్స్‌), మౌసుమీ ముర్ము, మాళవిక, సంధ్య రంగనాథన్, సౌమ్య గుగులోత్, సులాజన, లిండా కామ్, రింపా హల్దార్, మనీషా నాయక్, రేణు, కరిష్మా పురుషోత్తమ్, సుమతి, మనీషా, గ్రేస్‌ డాంగ్‌మెయి (ఫార్వర్డ్స్‌).

న్యూఢిల్లీ: ఆసియా కప్‌ మహిళల ఫుట్‌బాల్‌ క్వాలిఫయింగ్‌ టోర్నమెంట్‌ ‘డ్రా’ విడుదలైంది. భారత జట్టుకు గ్రూప్‌ ‘బి’లో చోటు లభించింది. మలేసియా రాజధాని కౌలాలంపూర్‌లో గురువారం ‘డ్రా’ కార్యక్రమం జరిగింది. ఆసియా కప్‌ క్వాలిఫయింగ్‌ టోర్నీలో గ్రూప్‌ ‘బి’ మ్యాచ్‌లకు జూన్‌ 23 నుంచి జూలై 5 వరకు థాయ్‌లాండ్‌ ఆతిథ్యమిస్తుంది. భారత్‌తోపాటు థాయ్‌లాండ్, మంగోలియా, తిమోర్‌లెస్తె, ఇరాక్‌ జట్లు గ్రూప్‌ ‘బి’లో ఉన్నాయి. గ్రూప్‌ విజేత వచ్చే ఏడాది ఆస్ట్రేలియాలో జరిగే ఆసియా కప్‌ ప్రధాన టోర్నమెంట్‌కు అర్హత సాధిస్తుంది. మొత్తం 34 జట్లను ఎనిమిది గ్రూప్‌లుగా విభజించారు. గ్రూప్‌ ‘ఎ’... గ్రూప్‌ ‘బి’లలో ఐదు జట్ల చొప్పున ఉన్నాయి. మిగతా ఆరు గ్రూపుల్లో నాలుగు జట్ల చొప్పున ఉన్నాయి. మొత్తం ఎనిమిది గ్రూప్‌ల విజేత జట్లు ఆసియా కప్‌ ప్రధాన టోర్నీకి అర్హత సాధిస్తాయి. ఆతిథ్య ఆస్ట్రేలియాతోపాటు 2022 ఆసియాకప్‌లో తొలి మూడు స్థానాల్లో నిలిచిన చైనా, కొరియా, జపాన్‌ జట్లు ఇప్పటికే ఆసియా కప్‌–2026 టోర్నీకి నేరుగా అర్హత పొందాయి.

దోహా (ఖతర్‌): ఆసియాన్‌ కప్‌ ఫుట్‌బాల్‌ టోర్నీని భారత జట్టు పరాజయంతో ప్రారంభించింది. శనివారం జరిగిన మ్యాచ్‌లో ఆ్రస్టేలియా 2–0 గోల్స్‌ తేడాతో భారత్‌ను ఓడించింది. ఆసీస్‌ తరఫున 50వ నిమిషంలో జాక్సన్‌ ఇరి్వన్, 73వ నిమిషంలో జోర్డాన్‌ బాస్‌ గోల్స్‌ సాధించారు. ఆసీస్‌ ఆటను దూకుడుగా ప్రారంభించింది. ఆరంభంలోనే అజీజ్‌ బెహిచ్‌ కొట్టిన షాట్‌ గోల్‌ పోస్ట్‌కు దూరంగా వెళ్లిపోగా, గుడ్‌విన్‌ ఇచ్చిన ఫ్రీ కిక్‌ను హెడర్‌తో గోల్‌ చేయడంలో డ్యూక్‌ విఫలమయ్యాడు. 16వ నిమిషంలో భారత్‌కు గోల్‌ చేసేందుకు మంచి అవకాశం లభించింది. నిఖిల్‌ పుజారి క్రాసింగ్‌ పాస్‌ అందించగా, కెపె్టన్‌ సునీల్‌ ఛెత్రి దానిని గోల్‌గా మలచడంలో విఫలమయ్యాడు. తొలి అర్ధభాగంలో ఆసీస్‌ను నిలువరించడంలో భారత గోల్‌కీపర్‌ గుర్‌ప్రీత్‌ సింగ్‌ సఫలమయ్యాడు. తమకు లభించిన 11 కార్నర్‌ కిక్‌లలో ఆసీస్‌ సఫలం కాలేదు. అయితే రెండో అర్ధభాగం ప్రారంభమైన కొద్ది సేపటికే ఆ్రస్టేలియా పైచేయి సాధించింది. మార్టిన్‌ బాయెల్‌ కొట్టిన షాట్‌ను గుర్‌ప్రీత్‌ ఆపగలిగినా...అక్కడే ఉన్న ఇర్విన్‌ దానిని గోల్‌గా మలిచాడు. 69వ నిమిషంలో కూడా గోల్‌ చేసేందుకు చేరువైన భారత్‌ మళ్లీ విఫలమైంది. స్కోరు సమం చేసేందుకు ఎంత ప్రయత్నించినా లాభం లేకపోయింది. కొద్ది సేపటికే సుభాషిష్‌ బోస్‌ను తప్పించి ర్యాన్‌ మెక్‌గ్రీ బంతితో దూసుకెళ్లగా...పోస్ట్‌కు దగ్గరలోనే ఉన్న బాస్‌ దానిని అందుకొని సునాయాసంగా గోల్‌ సాధించాడు. తమ తర్వాతి మ్యాచ్‌లో గురువారం ఉజ్బెకిస్తాన్‌తో తలపడుతుంది.    

చైనా గడ్డపై భారత క్రీడాకారుల పతకాల వేట అప్రతిహతంగా కొనసాగుతోంది. పోటీల ఆరో రోజు భారత్‌ ఏకంగా ఎనిమిది పతకాలతో అదరగొట్టింది. ఇందులో రెండు స్వర్ణాలు, నాలుగు రజతాలు, రెండు కాంస్య పతకాలు ఉన్నాయి. పురుషుల డబుల్స్‌ టెన్నిస్‌లో సాకేత్‌ మైనేని–రామ్‌కుమార్‌ జోడీ రజతం నెగ్గింది. మహిళల స్క్వాష్‌ టీమ్‌ ఈవెంట్‌లో భారత జట్టు సెమీస్‌లో ఓడి కాంస్యం సాధించింది. అథ్లెటిక్స్‌ మహిళల షాట్‌పుట్‌ ఈవెంట్‌లో కిరణ్‌ బలియాన్‌ కాంస్య పతకాన్ని సొంతం చేసుకుంది. ఫలితంగా పతకాల పట్టికలో భారత్‌ నాలుగో స్థానానికి ఎగబాకింది. 1986 సియోల్‌ ఆసియా క్రీడల్లో ఐదో స్థానంలో నిలిచిన భారత్‌ ఆ తర్వాత మళ్లీ టాప్‌–5లోకి రావడం ఇదే తొలిసారి. తదుపరి అథ్లెటిక్స్, ఆర్చరీ, రెజ్లింగ్, హాకీ, బ్యాడ్మింటన్, వెయిట్‌లిఫ్టింగ్‌లోనూ మరిన్ని పతకాలు వచ్చే అవకాశముండటంతో భారత్‌ ఈసారి నాలుగో స్థానంతో ఆసియా క్రీడలను దిగి్వజయంగా ముగించే అవకాశాలు కనిపిస్తున్నాయి. 72 ఏళ్ల తర్వాత.. ► మహిళల షాట్‌పుట్‌లో భారత్‌కు తొలి పతకం! ► కిరణ్‌ బలియాన్‌ ఘనత.. సుదీర్ఘ నిరీక్షణకు తెరపడింది. ఆసియా క్రీడల అథ్లెటిక్స్‌ మహిళల షాట్‌పుట్‌ ఈవెంట్‌లో భారత్‌కు 72 ఏళ్ల తర్వాత మళ్లీ పతకం లభించింది. శుక్రవారం జరిగిన షాట్‌పుట్‌ ఈవెంట్‌లో భారత్‌కు చెందిన 24 ఏళ్ల కిరణ్‌ బలియాన్‌ మూడో స్థానంలో నిలిచి కాంస్య పతకం సొంతం చేసుకుంది. కిరణ్‌ ఇనుప గుండును 17.36 మీటర్ల దూరం విసిరింది. ఉత్తరప్రదేశ్‌లోని మీరట్‌ ప్రాంతానికి చెందిన ట్రాఫిక్‌ పోలీస్‌ హెడ్‌ కానిస్టేబుల్‌ కూతురైన కిరణ్‌ తొమ్మిదేళ్ల క్రితం ఈ ఆటలో ప్రవేశించింది. 1951లో న్యూఢిల్లీ వేదికగా జరిగిన తొలి ఆసియా క్రీడల్లో మహిళల షాట్‌పుట్‌ క్రీడాంశంలో ఆంగ్లో ఇండియన్‌ బార్బరా వెబ్‌స్టర్‌ కాంస్య పతకం గెల్చుకుంది. ఆ తర్వాత ఈ క్రీడాంశంలో కిరణ్‌ బలియాన్‌ రూపంలో భారత్‌కు రెండో పతకం లభించడం విశేషం. లిజియావో గాంగ్‌ (చైనా; 19.58 మీటర్లు) స్వర్ణం... జియాయువాన్‌ సాంగ్‌ (చైనా; 18.92 మీటర్లు) రజతం సాధించారు. భారత్‌కే చెందిన మరో షాట్‌పుటర్‌ మన్‌ప్రీత్‌ కౌర్‌ (16.25 మీటర్లు) ఐదో స్థానంలో నిలిచింది. మహిళల హ్యామర్‌ త్రో ఈవెంట్‌లో భారత క్రీడాకారిణులు తాన్యా చౌధరీ (60.50 మీటర్లు) ఏడో స్థానంలో, రచనా కుమారి (58.13 మీటర్లు) తొమ్మిదో స్థానంలో నిలిచి నిరాశపరిచారు. మహిళల 20 కిలోమీటర్ల నడక రేసులో ప్రియాంక గోస్వామి (1గం:43ని:7 సెకన్లు)... పురుషుల 20 కిలోమీటర్ల నడక రేసులో వికాశ్‌ సింగ్‌ (1గం:27ని:33 సెకన్లు) ఐదో స్థానంలో నిలిచారు. హాంగ్జౌ: ఆసియా క్రీడల్లో మరోసారి భారత తుపాకీ గురి అదిరింది. శుక్రవారం భారత షూటర్లు రెండు స్వర్ణాలు, మూడు రజత పతకాలతో మెరిపించారు. ముందుగా పురుషుల 50 మీటర్ల రైఫిల్‌ త్రీ పొజిషన్‌ ఈవెంట్‌లో ఐశ్వరీ ప్రతాప్‌ సింగ్‌ తోమర్, స్వప్నిల్‌ కుసాలె, అఖిల్‌ షెరాన్‌లతో కూడిన భారత జట్టు 1769 పాయింట్లు స్కోరు కొత్త ప్రపంచ రికార్డు సృష్టించింది. అంతేకాకుండా స్వర్ణ పతకాన్ని కూడా సొంతం చేసుకుంది. 2022లో 1761 పాయింట్లతో అమెరికా నెలకొలి్పన ప్రపంచ రికార్డును భారత జట్టు బద్దలు కొట్టింది. క్వాలిఫయింగ్‌లో స్వప్నిల్‌ (10 పాయింట్ల షాట్‌లు 33), ఐశ్వరీ ప్రతాప్‌ సింగ్‌ (10 పాయింట్ల షాట్‌లు 27) 591 పాయింట్ల చొప్పున స్కోరు చేసి వరుసగా తొలి రెండు స్థానాల్లో నిలిచి వ్యక్తిగత విభాగం ఫైనల్‌కు అర్హత పొందారు. అఖిల్‌ షెరాన్‌ 587 పాయింట్లు సాధించి ఐదో స్థానంలో నిలిచాడు. అయితే ఒక దేశం నుంచి గరిష్టంగా ఇద్దరు షూటర్లు మాత్రమే ఫైనల్లో ఆడాలి. దాంతో అఖిల్‌ ఫైనల్‌కు దూరమయ్యాడు. టాప్‌–8లో నిలిచిన షూటర్ల మధ్య ఎలిమినేషన్‌ పద్ధతిలో జరిగిన ఫైనల్లో ఐశ్వరీ ప్రతాప్‌ సింగ్‌ 459.7 పాయింట్లు సాధించి రెండో స్థానంలో నిలిచి రజత పతకం గెల్చుకున్నాడు. స్వప్నిల్‌ 438.9 పాయింట్లతో నాలుగో స్థానంతో సరిపెట్టుకున్నాడు.   పలక్‌ ‘పసిడి’.. మహిళల 10 మీటర్ల ఎయిర్‌ పిస్టల్‌ టీమ్, వ్యక్తిగత ఈవెంట్లలో భారత షూటర్లు అద్భుత ప్రతిభతో ఆకట్టుకున్నారు. పలక్, ఇషా సింగ్, దివ్యలతో కూడిన భారత జట్టు 1731 పాయింట్లు స్కోరు చేసి రజత పతకం దక్కించుకుంది. క్వాలిఫయింగ్‌లో తెలంగాణ షూటర్‌ ఇషా సింగ్‌ 579 పాయింట్లు సాధించి ఐదో స్థానంలో, పలక్‌ 577 పాయింట్లు సాధించి ఏడో స్థానంలో నిలిచి ఫైనల్‌కు అర్హత పొందారు. ఎనిమిది మంది షూటర్ల మధ్య ఎలిమినేషన్‌ పద్ధతిలో జరిగిన ఫైనల్లో పలక్‌ 242.1 పాయింట్లు స్కోరు చేసి పసిడి పతకం సొంతం చేసుకోగా... ఇషా సింగ్‌ 239.7 పాయింట్లతో రజత పతకాన్ని గెల్చుకుంది. పాకిస్తాన్‌ షూటర్‌ తలత్‌ కిష్మలా 218.2 పాయింట్లతో కాంస్య పతకం సాధించింది. ఈ ఆసియా క్రీడల్లో ఇషా సింగ్‌ ఓవరాల్‌గా నాలుగు పతకాలు సాధించడం విశేషం.   

ఆసియా కప్‌ 2023కి భారత ఫుట్‌బాల్‌ జట్టు క్వాలిఫై అయింది. మంగళవారం పిలిప్పీన్స్‌తో జరిగిన మ్యాచ్‌లో పాలస్తీనా జట్టు 4-0 తేడాతో విజయం సాధించడంతో భారత్‌కు మార్గం సుగమమైంది. హాంకాంగ్‌తో మ్యాచ్‌ మిగిలి ఉండగానే భారత్‌ అర్హత సాధించినట్లయింది. గ్రూప్ -డిలో భారత జట్టు 6 పాయింట్లతో రెండో స్థానంలో ఉండగా.. టాప్‌లో ఉన్న హంగ్‌కాంగ్‌కి, భారత జట్టుకి మధ్య ఒక పాయింట్‌ మాత్రమే తేడా. ఒకవేళ హాంకాంగ్‌తో మ్యాచ్‌లో భారత్‌ ఓడినప్పటికి ఆసియన్‌ కప్‌కు అర్హత సాధించనుంది. 1956లో ఆసియా కప్ ఆరంభం కాగా.. భారత జట్టు ఇప్పటిదాకా ఐదు సార్లు మాత్రమే అర్హత సాధించగలిగింది. 1964లో మొదటిసారి ఆసియా ఫుట్‌బాల్ కప్ ఆడిన భారత జట్టు.. ఆ తర్వాత 20 ఏళ్లకు అంటే 1984లో ఆసియాకప్‌లో ఆడింది. ఆ తర్వాత 37 ఏళ్ల పాటు ఆసియాకప్‌కు అర్హత సాధించని భారత్‌.. 2011లో మూడోసారి ఆసియాకప్‌ ఆడింది. ఇక 2019లో నాలుగోసారి అర్హత సాధించిన భారత్‌ ఫుట్‌బాల్‌ జట్టు 2023 ఆసియాకప్‌ సీజన్‌లో ఐదోసారి ఆడనుంది. 1964లో ఆసియా కప్ ఫైనల్ మినహా మరెన్నడూ భారత్‌ ఫుట్‌బాల్‌ జట్టు చెప్పుకోదగ్గ ప్రదర్శన నమోదు చేయచలేదు. 🥳 HERE WE COME 🥳 As Palestine 🇵🇸 defeat Philippines 🇵🇭 in Group 🅱️, the #BlueTigers 🐯 🇮🇳 have now secured back-to-back qualifications for the @afcasiancup 🤩#ACQ2023 🏆 #BackTheBlue 💙 #IndianFootball ⚽ pic.twitter.com/3aNjymWLSm — Indian Football Team (@IndianFootball) June 14, 2022 చదవండి: రూట్‌ సెంచరీ.. ఎవరు ఊహించని సర్‌ప్రైజ్‌! విషాదం.. క్రికెట్‌ ఆడుతూ కన్నుమూత

న్యూఢిల్లీ: ఆసియా ఫుట్‌బాల్‌ కాన్ఫడరేషన్‌ (ఏఎఫ్‌సీ) ఆసియా కప్‌ టోర్నమెంట్‌ సన్నాహాల కోసం భారత సీనియర్‌ మహిళలకు ఈనెల 16 నుంచి జంషెడ్‌పూర్‌లో శిబిరాన్ని ఏర్పాటు చేశారు. వచ్చే ఏడాది జనవరి 20 నుంచి ఫిబ్రవరి 6 వరకు జరిగే ఆసియా కప్‌ టోర్నీకి భారత్‌ ఆతిథ్యమివ్వనుంది. ఈ మెగా ఈవెంట్‌ కోసం భారత మహిళల ఫుట్‌బాల్‌ జట్టు హెడ్‌ కోచ్‌ థామస్‌ డెనర్‌బై 30 మందితో ప్రాబబుల్స్‌ను ప్రకటించాడు. ఈ ప్రాబబుల్స్‌లో తెలంగాణకు చెందిన 20 ఏళ్ల సౌమ్య గుగులోత్‌కు చోటు లభించింది. గతంలో భారత అండర్‌–17, అండర్‌–19 జట్లకు ప్రాతినిధ్యం వహించిన నిజామాబాద్‌ జిల్లాకు చెందిన సౌమ్య ఈ ఏడాది ఏప్రిల్‌లో ఉజ్బెకిస్తాన్‌తో జరిగిన మ్యాచ్‌ ద్వారా భారత సీనియర్‌ జట్టు తరఫున కూడా అరంగేట్రం చేసింది.

షార్జా: మరో నాలుగు నిమిషాలు గడిస్తే... భారత ఫుట్‌బాల్‌ జట్టుకు ఆసియా కప్‌లో నాకౌట్‌ బెర్త్‌ ఖాయమయ్యేది. కానీ ఇంజ్యూరీ సమయంలో ‘డి’ ఏరియాలో ప్రణయ్‌ హల్డర్‌ చేసిన తప్పిదంతో భారత్‌ భారీ మూల్యమే చెల్లించుకుంది. బహ్రెయిన్‌ ప్లేయర్‌ను ప్రణయ్‌ మొరటుగా అడ్డుకోవడంతో రిఫరీ ప్రత్యర్థి జట్టుకు పెనాల్టీ కిక్‌ను ప్రకటించారు. జమాల్‌ రషీద్‌ భారత గోల్‌ కీపర్‌ను బోల్తా కొట్టిస్తూ బంతిని లక్ష్యానికి చేర్చాడు. దాంతో బహ్రెయిన్‌ 1–0తో ఆధిక్యంలోకి వెళ్లింది. ఇంజ్యూరీ సమయంలోని మిగతా మూడు నిమిషాలు ఈ ఆధిక్యాన్ని కాపాడుకున్న బహ్రెయిన్‌ తుదకు 1–0తో భారత్‌పై విజయాన్ని ఖాయం చేసుకుంది. దాంతో గ్రూప్‌ ‘ఎ’ నుంచి ఆతిథ్య యూఏఈ (5 పాయింట్లు), థాయ్‌లాండ్‌ (4 పాయింట్లు), బహ్రెయిన్‌ (4 పాయింట్లు) జట్లు నాకౌట్‌ దశకు అర్హత సాధించాయి. 3 పాయింట్లతో భారత్‌ చివరి స్థానంలో నిలిచి నిష్క్రమించింది. తొలి మ్యాచ్‌లో 4–1తో థాయ్‌లాండ్‌ను ఓడించిన భారత్‌... రెండో మ్యాచ్‌లో 0–2తో యూఏఈ చేతిలో... మూడో మ్యాచ్‌లో 0–1తో బహ్రెయిన్‌ చేతిలో ఓడింది. గ్రూప్‌ ‘ఎ’లో సోమవారమే జరిగిన యూఏఈ–థాయ్‌లాండ్‌ మ్యాచ్‌ 1–1తో ‘డ్రా’ కావడం భారత్‌ నాకౌట్‌ ఆశలను దెబ్బ తీసింది. ఒకవేళ యూఏఈ గెలిచి ఉంటే భారత్‌కు నాకౌట్‌ అవకాశాలు మిగిలి ఉండేవి. ఓటమి తర్వాత భారత కోచ్‌ పదవికి తాను రాజీనామా చేస్తున్నట్లు కాన్‌స్టంటైన్‌ ప్రకటించారు. 

అబుదాబి: అన్ని విభాగాల్లోనూ ఆధిపత్యం చెలాయించిన యునైటెడ్‌ అరబ్‌ ఎమిరేట్స్‌ (యూఏఈ)... ఆసియా కప్‌ ఫుట్‌బాల్‌ టోర్నీలో భారత్‌ను 2–0 తేడాతో ఓడించింది. గ్రూప్‌ ‘ఎ’లో భాగంగా రెండు జట్ల మధ్య గురువారం ఇక్కడ జరిగిన పోరులో ఆతిథ్య యూఏఈ తరఫున ఖల్ఫాన్‌ ముబారక్‌ (41వ నిమిషం), అలీ మబ్కోత్‌ (88వ నిమిషం) గోల్స్‌ చేశారు. ఆటగాళ్లు పాస్‌లను చక్కగా అందుకోవడంతో బంతి ఎక్కువ శాతం ఆ జట్టు ఆధీనంలోనే ఉంది. సునీల్‌ ఛెత్రి నేతృత్వంలోని భారత జట్టు ప్రత్యర్థి గోల్‌పోస్ట్‌పై దాడుల్లో ఫర్వాలేకున్నా... ఫౌల్స్‌ ఎక్కువగా చేసింది. పాస్‌లలోనూ వెనుకబడ్డారు. తొలి భాగం, రెండో భాగం చివర్లో ప్రత్యర్థికి గోల్స్‌ సమర్పించుకున్నారు. ఈ మ్యాచ్‌ను కనీసం ‘డ్రా’ చేసుకున్నా భారత్‌ నాకౌట్‌ చేరేది. ప్రస్తుతం 3 పాయింట్లతో గ్రూప్‌లో రెండో స్థానంలో భారత్‌... సోమవారం జరిగే చివరి మ్యాచ్‌లో బహ్రెయిన్‌ను ఎదుర్కొంటుంది.

అబుదాబి: తొలి మ్యాచ్‌లో థాయ్‌లాండ్‌ను 4–1తో చిత్తుగా ఓడించిన భారత ఫుట్‌బాల్‌ జట్టుకు ఆసియా కప్‌లో నేడు అసలు పరీక్ష ఎదురుకానుంది. గ్రూప్‌ ‘ఎ’లో భాగంగా గురువారం ఆతిథ్య యునైటెడ్‌ అరబ్‌ ఎమిరేట్స్‌ (యూఏఈ)తో భారత్‌ ఆడనుంది. యూఏఈ మాత్రం థాయ్‌లాండ్‌లా బలహీన జట్టేమీ కాదు. ర్యాంకింగ్స్‌లో కానీ, ఆటతీరులోగానీ భారత్‌ కంటే మెరుగ్గా ఉంది. అయితే బోణీ కొట్టిన ఆత్మవిశ్వాసంతో ఉన్న భారత్‌ కనీసం ఈ మ్యాచ్‌ను ‘డ్రా’ చేసుకున్నా గ్రూప్‌ ‘ఎ’ నుంచి నాకౌట్‌కు చేరే అవకాశాలున్నాయి. భారత కెప్టెన్‌ సునీల్‌ ఛెత్రి సూపర్‌ ఫామ్‌లో ఉన్నాడు. తన అనుభవంతో యూఏఈ మ్యాచ్‌లోనూ జట్టును ముందుండి నడిపిస్తే సానుకూల ఫలితం సాధించొచ్చు. మరోవైపు ప్రపంచ 79వ ర్యాంకర్‌ యూఏఈ తొలి మ్యాచ్‌లో బహ్రెయిన్‌తో అతికష్టంమీద ‘డ్రా’ చేసుకుంది. దీంతో ఆతిథ్య జట్టు ఈ మ్యాచ్‌లో విజయంపై కన్నేసింది. యూఏఈలో మిడ్‌ఫీల్డర్‌ ఇస్మాయిల్‌ హమది, అహ్మద్‌ ఖలీల్‌ కీలక ప్లేయర్లు. ఖలీల్‌ తొలి మ్యాచ్‌లో జట్టుకు  కీలక గోల్‌ తెచ్చిపెట్టాడు. వీళ్లిద్దరిపై భారత డిఫెండర్లు దృష్టి పెట్టాలి. ఇప్పటివరకు భారత్, యూఏఈ ముఖాముఖిగా 13 సార్లు తలపడ్డాయి. రెండు మ్యాచ్‌ల్లో భారత్‌ గెలుపొందగా... ఎనిమిదింటిలో యూఏఈ విజయం సాధించింది. మరో మూడు మ్యాచ్‌లు ‘డ్రా’ అయ్యాయి.    

అబుదాబి: స్టార్‌ స్ట్రయికర్‌ సునీల్‌ చెత్రి (27వ, 46వ నిమిషాల్లో) రెండు గోల్స్‌తో చెలరేగడంతో ఆసియా కప్‌లో భారత ఫుట్‌బాల్‌ జట్టు శుభారంభం చేసింది. గ్రూప్‌ ‘ఎ’లో భాగంగా ఆదివారం జరిగిన మ్యాచ్‌లో భారత్‌ 4–1తో థాయ్‌లాండ్‌ను చిత్తు చేసింది. గోల్స్‌ పరంగా ఆసియా కప్‌ చరిత్రలో భారత్‌కిదే అతి పెద్ద విజయం. ఎనిమిదేళ్ల తర్వాత ఈ టోర్నీలో అడుగుపెట్టిన భారత్‌ 1964 తర్వాత తొలి విజయాన్ని నమోదు చేసింది. కెప్టెన్‌ చెత్రి రెండు గోల్స్‌ చేయగా... అనిరుధ్‌ థాపా (68వ ని.లో), జెజె లాల్‌పెఖుల (80వ ని.లో) చెరో గోల్‌ చేశారు. థాయ్‌లాండ్‌ తరఫున తీరాసిల్‌ దంగ్డా (33వ ని.లో) ఏకైక గోల్‌ చేశాడు. తొలి అర్ధభాగంలో లభించిన పెనాల్టీని చెత్రి గోల్‌గా మలచడంతో భారత్‌ 1–0తో ఆధిక్యంలోకి వెళ్లింది. అయితే ఈ సంబరం ఎక్కువ సేపు నిలవలేదు. మరో ఆరు నిమిషాల్లోనే థాయ్‌లాండ్‌ తరఫున తీరాసిల్‌ దంగ్డా గోల్‌ కొట్టడంతో స్కోరు 1–1తో సమం అయింది. రెండో అర్ధభాగం ప్రారంభ నిమిషంలోనే సునీల్‌ చెత్రి మెరుపు వేగంతో ఫీల్డ్‌ గోల్‌ చేసి భారత్‌కు  2–1తో ఆధిక్యం అందించాడు. ఆ తర్వాత అనిరుధ్, జెజె లాల్‌పెఖుల గోల్స్‌తో తిరుగులేని ఆధిక్యంతో భారత్‌ మ్యాచ్‌ను ముగించింది. ఈ మ్యాచ్‌లో రెండు గోల్స్‌ చేసిన సునీల్‌ చెత్రి (66 గోల్స్‌) అంతర్జాతీయస్థాయిలో అత్యధిక గోల్స్‌ చేసిన ప్రస్తుత క్రీడాకారుల జాబితాలో లియోనెల్‌ మెస్సీని (అర్జెంటీనా–65 గోల్స్‌) వెనక్కి నెట్టి రెండో స్థానానికి ఎగబాకాడు. క్రిస్టియానో రొనాల్డో (పోర్చుగల్‌–85 గోల్స్‌) అగ్రస్థానంలో ఉన్నాడు. తదుపరి మ్యాచ్‌ల్లో భారత్‌ 10న ఆతిథ్య యూఏఈతో... 14న బహ్రెయిన్‌తో ఆడనుంది. ఈ రెండింటిలో ఒక దానిని ‘డ్రా’ చేసుకున్నా భారత్‌ ప్రిక్వార్టర్‌ ఫైనల్‌కు అర్హత సాధిస్తుంది.   ఆసీస్‌కు షాక్‌...  మరోవైపు డిఫెండింగ్‌ చాంపియన్‌ ఆస్ట్రేలియాకు ఆసియా కప్‌లో గట్టి ఎదురుదెబ్బ తగిలింది. గ్రూప్‌ ‘బి’ తొలి మ్యాచ్‌లో పటిష్ట ఆసీస్‌ 0–1తో అనామక జోర్డాన్‌ చేతిలో ఓటమి పాలైంది. మ్యాచ్‌లో నమోదైన ఏకైక గోల్‌ను అనస్‌ బనీ యాసీన్‌ (26వ ని.లో) చేశాడు.  

కొలంబో: చివరి ఓవర్‌దాకా ఉత్కంఠభరితంగా సాగిన ఎమర్జింగ్‌ టీమ్స్‌ ఆసియా కప్‌ క్రికెట్‌ టోర్నమెంట్‌లో భారత్‌ రన్నరప్‌గా నిలిచింది. అజేయంగా ఫైనల్‌ చేరిన భారత జట్టుకు తుదిపోరులో ఆతిథ్య శ్రీలంక జట్టు చేతిలో చుక్కెదురైంది. శనివారం జరిగిన ఫైనల్లో జయంత్‌ యాదవ్‌ సారథ్యంలోని భారత జట్టు మూడు పరుగుల తేడాతో ఓటమి పాలైంది. చివరి ఓవర్‌లో విజయానికి 20 పరుగులు కావాల్సి ఉండగా... అతీత్‌ సేథ్‌ (15 బంతుల్లో 28 నాటౌట్‌; 1 ఫోర్, 2 సిక్స్‌లు) 16 పరుగులతో పోరాడినా ఫలితం లేకపోయింది. లీగ్‌ దశలో లంకను 4 వికెట్ల తేడాతో ఓడించిన భారత్‌ తుదిపోరులో ఆ ఫలితాన్ని పునరావృతం చేయలేకపోయింది. మొదట బ్యాటింగ్‌ చేసిన లంక 50 ఓవర్లలో 7 వికెట్లకు 270 పరుగులు చేసింది. హసిథ బోయగొడ (54; 8 ఫోర్లు), ‘మ్యాన్‌ ఆఫ్‌ ద మ్యాచ్‌’ కమిందు మెండిస్‌ (61; 4 ఫోర్లు, 1 సిక్స్‌) అర్ధశతకాలు సాధించారు. భారత బౌలర్లలో అంకిత్‌ రాజ్‌పుత్‌ 2, షమ్స్‌ ములాని, మయాంక్‌ మార్కండే, జయంత్, నితీశ్‌ రాణా తలా ఓ వికెట్‌ పడగొట్టారు. అనంతరం లక్ష్య ఛేదనకు బరిలో దిగిన భారత్‌ 9 వికెట్ల నష్టానికి 267 పరుగులకు పరిమితమైంది. జయంత్‌ యాదవ్‌ (71; 5 ఫోర్లు) కెప్టెన్‌ ఇన్నింగ్స్‌ ఆడగా... ములాని (46; 5 ఫోర్లు), నితీశ్‌ రాణా (40; 2 ఫోర్లు, సిక్స్‌) రాణించారు.    

బిష్‌కెక్‌ (కిర్గిస్తాన్‌): వరుసగా 13 మ్యాచ్‌ల్లో పరాజయం లేకుండా దూసుకెళ్తున్న భారత ఫుట్‌బాల్‌ జట్టుకు కిర్గిస్తాన్‌ బ్రేక్‌ వేసింది. ఆసియా కప్‌ క్వాలిఫయింగ్‌ టోర్నమెంట్‌లో భాగంగా మంగళవారం జరిగిన చివరి లీగ్‌ మ్యాచ్‌లో భారత్‌ 1–2 గోల్స్‌ తేడాతో కిర్గిస్తాన్‌ చేతిలో ఓడిపోయింది. కిర్గిస్తాన్‌ తరఫున జెమ్లియాన్‌ఖున్‌ (2వ నిమిషంలో), ముర్జయెవ్‌ (72వ నిమిషంలో) ఒక్కో గోల్‌ చేశారు. భారత్‌కు 88వ నిమిషంలో జెజె లాల్‌ఫెకులువా ఏకైక గోల్‌ను అందించాడు. ఈ మ్యాచ్‌లో భారత రెగ్యులర్‌ కెప్టెన్‌ సునీల్‌ చెత్రి బరిలోకి దిగలేదు. ఇప్పటికే భారత్, కిర్గిస్తాన్‌ వచ్చే ఏడాది యూఏఈలో జరిగే ఆసియా కప్‌ ప్రధాన టోర్నమెంట్‌కు అర్హత సాధించడంతో ఈ మ్యాచ్‌ ఫలితం రెండు జట్లపై ఎలాంటి ప్రభావం చూపలేదు. చివరిసారి 2016 మార్చి 29న తుర్క్‌మెనిస్తాన్‌తో జరిగిన మ్యాచ్‌లో 1–2తో ఓడిన భారత్‌ ఆ తర్వాత వరుసగా 13 మ్యాచ్‌ల్లో అజేయంగా నిలిచింది. ఆడిన 13 మ్యాచ్‌ల్లో భారత్‌ 11 విజయాలు సాధించి, రెండింటిని ‘డ్రా’ చేసుకుంది.    

భువనేశ్వర్‌:  ఆసియా కప్‌లో ఇటీవలే విజేతగా నిలిచి సత్తా చాటిన భారత హాకీ జట్టు ముందు మరో పెద్ద సవాల్‌ నిలిచింది. అగ్రశ్రేణి జట్లు బరిలో నిలిచిన హాకీ వరల్డ్‌ లీగ్‌ ఫైనల్‌లో భారత్‌ తమ అదృష్టాన్ని పరీక్షించుకోనుంది. నేటినుంచి జరిగే ఈ టోర్నమెంట్‌లో ప్రపంచ టాప్‌–8 జట్లు పాల్గొంటున్నాయి. భారత్‌ తమ తొలి మ్యాచ్‌లో ఈ టోర్నీ డిఫెండింగ్,  ప్రపంచ చాంపియన్‌ ఆస్ట్రేలియాతో తలపడుతుంది. ఉపఖండంలో జరిగే ఏ టోర్నీలోనైనా భారత్‌ మెరుగైన ప్రదర్శనే చేస్తోంది. కానీ ఈ లీగ్‌లో పరిస్థితులు భిన్నం. ప్రపంచ మేటి జట్లు పాల్గొంటున్న ఈ లీగ్‌లో భారత్‌ గెలవాలంటే అద్భుతంగా పోరాడాల్సి ఉంటుంది. ఆసియా కప్‌ దక్కించుకొని మన జట్టు మంచి ఊపు మీద ఉంది. ఇటీవల ఆస్ట్రేలియాతో జరిగిన మ్యాచ్‌లలో మన జట్టు పెద్దగా ఆకట్టుకోలేకపోయింది. చాంపియన్స్‌ ట్రోఫీ, అజ్లాన్‌ షా కప్, కామన్‌వెల్త్‌ గేమ్స్‌లో ఆ జట్టు చేతిలో పరాజయం పాలైంది. ఆ పరాజయాలకు బదులు తీర్చుకునే అవకాశం ప్రస్తుతం భారత్‌ ముందుంది.   కోచ్‌కు పరీక్ష... రెండు నెలల క్రితమే భారత జట్టు కోచ్‌ పగ్గాలు చేపట్టిన జోయెర్డ్‌ మరీనేకు ఇది అసలు సిసలు పరీక్ష. వచ్చే ఏడాది పెద్ద పెద్ద టోర్నీలు జరగనున్న నేపథ్యంలో జట్టు బలాబలాలను పరీక్షించుకునేందుకు కోచ్‌కు ఈ టోర్నీ ఉపయోగపడనుంది. మరీనే కోచ్‌ బాధ్యతలు చేపట్టినప్పటి నుంచి పెను మార్పుల జోలికి వెళ్లకుండా.. డిఫెన్స్‌తో పాటు, వ్యూహాత్మక శిక్షణ పైనే దృష్టి పెట్టారు. వచ్చే ఏడాది ఆసియా గేమ్స్, కామన్వెల్త్‌ గేమ్స్, వరల్డ్‌కప్‌ జరగనుండటంతో.. ఈ టోర్నీలో మన ఆటగాళ్ల లోపాలతో పాటు సత్తా పై ఓ అంచనాకు వచ్చే అవకాశం ఉంది. మరీనే కోచ్‌గా బాధ్యతలు చేపట్టిన అనంతరం మన జట్టు ఆసియా కప్‌ ఫైనల్‌లో 2–1తో మలేసియాపై విజయం సాధించింది. సర్దార్‌ సింగ్‌ లేకపోవడంతో మిడ్‌ఫీల్డర్‌గా కెప్టెన్‌ మన్‌ప్రీత్‌పై బాధ్యత మరింత పెరిగింది. కెప్టెన్‌తో పాటు గతేడాది జరిగిన జూనియర్‌ వరల్డ్‌ కప్‌లో ఆకట్టుకున్న  హర్మన్‌ప్రీత్‌ సింగ్, సుమిత్, దిప్సన్‌ టిర్కీ, గుర్జంత్‌ సింగ్, వరుణ్‌కుమార్‌ లాంటి యువ ఆటగాళ్లపైనే అందరి దృష్టి ఉండనుంది. జట్టులో సీనియర్లు రూపిందర్‌ పాల్‌ సింగ్, బీరేంద్ర లక్డా గాయాల నుంచి కోలుకొని తిరిగి జట్టులోకి వచ్చారు. వారు తమని తాము నిరూపించుకోవడానికి ఇది చక్కటి అవకాశం. హాకీ ఇండియా లీగ్‌–2017లో అద్భుత ప్రదర్శన కనబర్చిన అమిత్‌ రోహిదాస్‌ జట్టులో ఉండటం అదనపు బలాన్ని చేకూర్చనుంది. మరోవైపు ఆస్ట్రేలియా జట్టు ఈ టోర్నీ కోసం పూర్తిస్థాయిలో సిద్ధమైంది. దూకుడుగా ఆడుతూ.. ట్రోఫీని నిలబెట్టుకునే లక్ష్యంతోనే ఆసీస్‌ బరిలోకి దిగుతోంది. గతేడాది జరిగిన రియో ఒలింపిక్స్‌లో వైఫల్యం తర్వాతినుంచి ఆ జట్టు నిలకడగా రాణిస్తోంది. పూల్‌ ‘బి’:     భారత్, ఆస్ట్రేలియా, ఇంగ్లండ్, జర్మనీ పూల్‌ ‘ఎ’:     అర్జెంటీనా, నెదర్లాండ్స్, బెల్జియం, స్పెయిన్‌ మ్యాచ్‌ సా.7.30 గం. నుంచి స్టార్‌స్పోర్ట్స్‌లో ప్రత్యక్ష ప్రసారం

కకమిగహర (జపాన్‌): ఆసియా కప్‌ మహిళల హాకీ టోర్నమెంట్‌ తుది అంకానికి చేరుకుంది. నేడు జరిగే టైటిల్‌పోరులో భారత్, చైనా జట్లు అమీతుమీకి సిద్ధమయ్యాయి. ఈ టోర్నీ ఆసాంతం వరుస విజయాలతో చెలరేగుతూ అజేయంగా ఫైనల్‌కు చేరిన భారత్‌ ‘ఆసి యా టైటిల్‌’తో పాటు వరల్డ్‌ కప్‌ బెర్తునూ సాధించాలని తహతహలాడుతోంది. ఫైనల్లో గెలిస్తే భారత అమ్మాయిలు వచ్చే ఏడాది జరిగే హాకీ ప్రపంచకప్‌కు అర్హత సాధిస్తారు. క్వార్టర్స్‌లో కజకిస్థాన్‌పై, సెమీఫైనల్లో డిఫెండింగ్‌ చాంపియన్‌ జపాన్‌పై గెలవడం భారత్‌ ఆత్మవిశ్వాసాన్ని మరింత పెంచింది. దీనితో పాటు టైటిల్‌ పోరులో తలపడనున్న చైనాను పూల్‌ స్థాయిలో భారత్‌ 4–1తో ఓడించింది. ఇదే ఫలితాన్ని ఫైనల్లోనూ పునరావృతం చేయాలని టీమిండియా పట్టుదలతో ఉంది. పూల్‌లో ఓడించినప్పటికీ చైనాను తేలిగ్గా తీసుకోబోమని, సరైన వ్యూహాంతో ఫైనల్లోనూ మట్టికరిపిస్తామని జట్టు కెప్టెన్‌ రాణి చెప్పింది. ‘ఆసియా కప్‌’ టైటిల్‌ను నెగ్గిన పురుషుల జట్టు నుంచి తాము స్ఫూర్తి పొందామని, అమ్మాయిలంతా ఫైనల్‌ కోసం ఉత్సాహంగా ఎదురుచూస్తున్నారని ఆమె పేర్కొంది. పూల్‌ స్థాయి నుంచి చెలరేగి ఆడుతున్న భారత అమ్మాయిలు ఈ టోర్నీ మొత్తంలో 27 గోల్స్‌ చేయడం విశేషం. భారత డ్రాగ్‌ ఫ్లిక్కర్‌ గుర్జీత్‌సింగ్‌ ఇప్పటివరకు 8 గోల్స్‌ సాధించి టోర్నీలో ఎక్కువ గోల్స్‌ సాధించిన జాబితాలో మూడో స్థానంలో నిలిచింది. నవ్‌జ్యోత్‌ కౌర్, నవ్‌నీత్‌ కౌర్‌ చెరో నాలుగు గోల్స్‌తో, దీప్‌ గ్రేస్‌ ఎక్కా, రాణి చెరో మూడు గోల్స్‌ సాధించి మంచి ఫామ్‌లో ఉన్నారు. ఫైనల్లోనూ రాణించి చాంపియన్‌లుగా నిలవాలనుకుంటున్నారు.   

కకమిగహర (జపాన్‌): ఆసియా కప్‌ హాకీ టోర్నమెంట్‌లో భారత అమ్మాయిల జోరు కొనసాగుతోంది. ఈ టోర్నీలో వరుసగా మూడో విజయాన్ని నమోదు చేసిన భారత హాకీ జట్టు 9 పాయింట్లతో గ్రూప్‌ టాపర్‌గా నిలిచింది. మంగళవారం జరిగిన మ్యాచ్‌లో భారత్‌ 2–0తో మలేసియాపై విజయం సాధించి క్వార్టర్స్‌లో అడుగుపెట్టింది. ఈ మ్యాచ్‌  ఆరంభంలో ఇరు జట్లు జాగ్రత్తగా ఆడటంతో తొలి మూడు క్వార్టర్స్‌లోనూ ఒక్క గోల్‌ కూడా నమోదు కాలేదు. నాలుగో క్వార్టర్‌లో అప్రమత్తమైన భారత్‌ 54వ నిమిషంలో వందన కటారియా ఫీల్డ్‌ గోల్‌తో 1–0తో ఆధిక్యంలోకి వెళ్లింది. వెంటనే నిమిషం వ్యవధిలో లభించిన పెనాల్టీ కార్నర్‌ను గుర్జీత్‌ కౌర్‌ గోల్‌గా మలచడంతో భారత్‌ 2–0తో పటిష్ట స్థితిలో నిలిచింది. చివరి నిమిషాల్లో మలేసియా పోరాడినప్పటికీ భారత్‌ వారిని సమర్థంగా నిలువరించింది.     

కకమిగహర (జపాన్‌): భారత మహిళల హాకీ జట్టు అసాధారణ విజయంతో ఆసియా కప్‌లో శుభారంభం చేసింది. శనివారం పూల్‌ ‘ఎ’లో జరిగిన తొలి మ్యాచ్‌లో భారత్‌ 10–0 గోల్స్‌తో సింగపూర్‌పై ఘన విజయం సాధించింది. నవ్‌నీత్‌ కౌర్‌ (3వ, 41వ నిమిషాల్లో), రాణి రాంపాల్‌ (15వ, 18వ ని.లో), నవజ్యోత్‌ కౌర్‌ (30వ, 50వ ని.లో) తలా రెండేసి గోల్స్‌ చేశారు. లాల్‌రెమ్సియామి (18వ ని.లో), దీప్‌ గ్రేస్‌ ఎక్కా (25వ ని.లో), గుర్జీత్‌ కౌర్‌ (41వ ని.లో), సోనిక (45వ ని.లో) ఒక్కో గోల్‌ చేశారు. ఈ మ్యాచ్‌లోనే కెప్టెన్‌ రాణి రాంపాల్‌ తన కెరీర్‌లో 100 గోల్స్‌ను పూర్తి చేసుకుంది.   

ఢాకా: కొరకరాని కొరియాతో భారత హాకీ జట్టు ‘సూపర్‌ ఫోర్‌’ సమరానికి సిద్ధమైంది. ఆసియా కప్‌ హాకీలో కొత్తగా సెమీఫైనల్‌కు బదులుగా ఈ రౌండ్‌ రాబిన్‌ స్టేజ్‌ను నిర్వహిస్తున్నారు. ఇందులో భాగంగా బుధవారం ప్రపంచ ఆరో ర్యాంకర్‌ భారత్‌ తమ తొలి మ్యాచ్‌లో 13వ ర్యాంకులో ఉన్న దక్షిణ కొరియాను ఎదుర్కోనుంది. ఈ టోర్నమెంట్‌లో పూల్‌ ‘ఎ’లో భారత్‌ అజేయంగా లీగ్‌ దశను ముగించింది. వరుస విజయాలు సాధించడమే కాకుండా టీమిండియా ఆటగాళ్లు ప్రతీ మ్యాచ్‌లోనూ అసాధారణ ప్రదర్శన కనబరిచారు. కొత్త కోచ్‌ జోయెర్డ్‌ మరిన్‌ మార్గదర్శకంలో కుర్రాళ్లు రాణిస్తున్నారు. స్ట్రయికర్లు రమణ్‌దీప్‌ సింగ్, ఆకాశ్‌దీప్‌ సింగ్, లలిత్‌ ఉపాధ్యాయ్, చింగ్లేన్‌సన సింగ్‌ దూకుడు కనబరుస్తున్నారు. వీళ్లతో పాటు మిడ్‌ఫీల్డర్లు సర్దార్‌ సింగ్, కెప్టెన్‌ మన్‌ప్రీత్‌ సింగ్‌లతో భారత్‌ ఇప్పుడు అత్యంత పటిష్టంగా ఉంది. అయితే అందివచ్చిన పెనాల్టీ కార్నర్‌లను గోల్‌గా మలచలేకపోవడంపై కోచ్‌ మరిన్‌ దృష్టిపెట్టారు. మరోవైపు కొరియా పూల్‌ ‘బి’లో రెండో స్థానంలో నిలువడం ద్వారా సూపర్‌ ఫోర్‌కు చేరింది. గతంలో భారత్‌కు చేడు ఫలితాలిచ్చిన అనుభవం కొరియాది. అటాకింగ్‌ గేమ్‌లో, మ్యాచ్‌ ముగిసే దశలో కొరియన్ల ఆటతీరు ప్రమాదకరంగా ఉంటుంది. భారత్‌ ఫామ్‌ దృష్ట్యా దక్షిణ కొరియాను ఓడించే సత్తా ఉన్నప్పటికీ అదేమంత సులభం మాత్రం కాదు. మరో సూపర్‌ ఫోర్‌ మ్యాచ్‌లో పూల్‌ ‘బి’ టాపర్‌ మలేసియాతో పాకిస్తాన్‌ తలపడనుంది. ►సాయంత్రం 5 గం. నుంచి స్టార్‌ స్పోర్ట్స్‌–2లో ప్రత్యక్ష ప్రసారం

ఈనెల 28న జపాన్‌లో మొదలయ్యే ఆసియా కప్‌ మహిళల హాకీ టోర్నమెంట్‌లో పాల్గొనే భారత జట్టును ప్రకటించారు. 18 మంది సభ్యులతో కూడిన టీమిండియాకు రాణి రాంపాల్‌ నేతృత్వం వహించనుంది. ఆంధ్రప్రదేశ్‌కు చెందిన రజని ఎతిమరపు రెండో గోల్‌కీపర్‌గా జట్టులో స్థానాన్ని నిలబెట్టుకుంది. మరో గోల్‌కీపర్‌ సవిత జట్టుకు వైస్‌ కెప్టెన్‌గా వ్యవహరిస్తుంది. కొత్త కోచ్‌ హరేంద్ర సింగ్‌ ఆధ్వర్యంలో తొలి టోర్నీలో బరిలోకి దిగుతున్న భారత్‌ విజేతగా నిలిస్తే వచ్చే ఏడాది ఇంగ్లండ్‌లో జరిగే ప్రపంచకప్‌కు నేరుగా అర్హత సాధిస్తుంది.   


  సంజయ్ మంజ్రేకర్
 
 చిరకాల ప్రత్యర్థి భారత్‌తో మ్యాచ్‌కు ముందు పాకిస్తాన్‌కు నిజంగా ఇది తీపి కబురే. బ్యాటింగ్ విభాగంలో తంటాలు పడుతున్న ఈ జట్టు బంగ్లాదేశ్‌తో జరిగిన మ్యాచ్‌లో పూర్తి స్థాయిలో విజృంభించింది. మొహమ్మద్ హఫీజ్, అహ్మద్ షహజాద్ రాణింపుతో గతంలోకన్నా వీరి బ్యాటింగ్ మెరుగైనట్టే. బౌలింగ్‌లో ఎలాగూ దూకుడు ఉంది. దీంతో ఇటీవలి ఆసియా కప్‌లా కాకుండా ఈసారి భారత్‌కు తగిన హెచ్చరిక జారీ చేసినట్టుగానే భావించాలి. అయితే ధోని సేనను ఇప్పటికీ ఫేవరెట్‌గానే భావించాల్సి ఉంటుంది. తమ చివరి 11 మ్యాచ్‌ల్లో పదింట్లో గెలిచిన భారత జట్టు ఒక్క ఓటమితో తేడాగా కనిపిస్తోంది. ఈ టోర్నీలో ఇప్పటిదాకా ఈ జట్టు ప్రమాదకరంగా కనిపించలేదు. ఆసియా కప్‌లో కనిపించిన జోరు ఇప్పుడు లేదు. ఒక్క టి20 మ్యాచ్‌లో ఓడిపోవడం పెద్ద విషయం కాదు.
 
 కానీ మరీ 47 పరుగుల తేడాతో ఓడడం.. అదీ సొంతగడ్డపై అంటే దారుణమే. నిజానికి తమ బ్యాట్స్‌మెన్ ఆటతీరును క్షుణ్ణంగా పరిశీలించుకోవాల్సిన అవసరం ఉంది. ఇప్పటికిప్పుడు కాకపోయినా సమీప భవిష్యత్‌లో మాత్రం తప్పదు. నైపుణ్యత కలిగిన బ్యాట్స్‌మెన్‌ను గుర్తించాలి. అప్పుడే ఏ పిచ్‌పైనైనా భారత్ ప్రమాదకారిగా కనిపిస్తుంది. అయితే ఇప్పటికి మాత్రం పాకిస్తాన్‌ను ఓడించేందుకు ప్రస్తుత జట్టు సరిపోతుంది.


 నేడు భారత్ రెండో వార్మప్ మ్యాచ్  దక్షిణాఫ్రికాతో పోరు  ‘తుది’ జట్టు బరిలోకి దిగే అవకాశం
  
 ముంబై: ఈ ఏడాది ఆడిన 11 టి20 మ్యాచ్‌లలో 10 విజయాలను సాధించిన భారత్ జోరు కొనసాగిస్తోంది.  ఆస్ట్రేలియాతో మొదలుపెట్టి శ్రీలంక, పాకిస్తాన్, బంగ్లాదేశ్ వరకు ప్రత్యర్థి ఎవరైనా ధోని సేన విజయయాత్రకు అడ్డు ఉండటం లేదు. అయితే ఈ దూకుడుకు కాస్త ముందు దక్షిణాఫ్రికా మనకు పరాభవం మిగిల్చింది. అదీ సొంతగడ్డపై 0-2తో ఓడిన తీరు అటు ఆటగాళ్లు, ఇటు అభిమానులు కూడా మరచిపోలేదు. ఇప్పుడు ప్రపంచకప్‌కు ముందు ఆ జట్టుతో మరోసారి తలపడే అవకాశం వచ్చింది. పేరుకు వార్మప్ మ్యాచే అయినా, జట్ల బలాబలాలను పరిశీలిస్తే హోరాహోరీ పోరు సాగవచ్చు. వరుసగా టి20 మ్యాచ్‌లే ఆడి కావాల్సినంత సన్నాహాలు చేసుకున్న టీమిండియాకు... మంగళవారం కివీస్‌తో జరిగే ప్రధాన టోర్నీ తొలి మ్యాచ్‌కు ముందు ఇదే ఆఖరి ప్రాక్టీస్. భారత్ ఆడిన తొలి మ్యాచ్‌కు ఈడెన్ గార్డెన్స్‌లో దాదాపు 25 వేల ప్రేక్షకులు హాజరు కావడం చూస్తే ఫ్యాన్స్, ప్రాక్టీస్ మ్యాచ్‌లను కూడా సీరియస్‌గా తీసుకుంటున్నారని అర్థమవుతుంది.
 
  రైనా ఫామ్‌లోకొచ్చేనా!
 భారత బ్యాటింగ్‌కు సంబంధించి కోహ్లి అద్భుతమైన ఫామ్‌లో ఉండగా, రోహిత్ శర్మ కూడా అదరగొడుతున్నాడు. ఇక ఆసియా కప్ ఫైనల్‌తో ధావన్‌పై కూడా నమ్మకం పెరిగింది. చివర్లో హిట్టింగ్ చేసే ధోని గురించి ఆందోళన లేకపోగా, యువరాజ్ కూడా నిల దొక్కుకునే ప్రయత్నంలో ఉన్నాడు. అయితే ఇప్పుడు కాస్త ఇబ్బంది పెడుతున్న అంశం సురేశ్ రైనా బ్యాటింగ్. ప్రధాన బ్యాట్స్‌మెన్‌లలో అతను మాత్రమే కాస్త తడబడుతున్నాడు. ఆస్ట్రేలియాతో సిరీస్‌లో రాణించిన అతను శ్రీలంకతో సిరీస్‌లో రెండు ఇన్నింగ్స్‌లలో చెప్పుకోదగ్గ రీతిలో ఆడలేదు. ఆసియా కప్‌లో రెండుసార్లు బ్యాటింగ్ అవకాశం రాకపోగా... రెండింటిలో విఫలమై, ఒక్క లంకతో మాత్రం అతి కష్టమ్మీద కొన్ని పరుగులు చేయగలిగాడు. వెస్టిండీస్‌తో వార్మప్ మ్యాచ్‌లో ఎనిమిదో స్థానంలో వచ్చి ఒకే బంతి ఎదుర్కోవడం అతనికి పెద్దగా పనికి రాలేదు. ఇప్పుడు తన బ్యాట్‌కు పదును పెట్టేందుకు రైనాకు ఇదే సరైన సమయం.
 
 ఇక్కడ రాణించి ఫామ్‌లోకి వస్తే అసలు పోరులో అతని గురించి ఆందోళన ఉండదు. గత మ్యాచ్‌లో రహానే, నేగిలకు అవకాశం ఇచ్చినా, ఈ వార్మప్‌లో అసలైన తుది 11 మందినే ఆడించే అవకాశం ఉంది. కివీస్‌తో మ్యాచ్‌కు ముందు ఇదే బృందంతో ఫలితం సాధించడంపై జట్టు దృష్టి పెట్టింది. బౌలింగ్‌లో కూడా అంతా ఊహించినట్లే ఉన్నా... షమీ పునరాగమనంతో ఆ ఒక్క స్థానం విషయంలో అస్పష్టత నెలకొంది. పూర్తి ఫిట్‌నెస్‌ను అందుకునే ప్రయత్నంలో ఉన్న షమీని సిద్ధం చేసేందుకు ధోని అతనికే అవకాశం ఇవ్వవచ్చు.
 
  సఫారీలు సిద్ధం...
  సొంతగడ్డపై 1-2తో ఆస్ట్రేలియా చేతిలో సిరీస్ ఓడిన అనంతరం భారత్ చేరిన దక్షిణాఫ్రికా తొలి ప్రాక్టీస్ మ్యాచ్‌కు సిద్ధమైంది. ఆ జట్టు కూడా ఎక్కువ ప్రయోగాలకు పోకుండా ఇటీవలి మ్యాచ్ ఆడిన తుది జట్టునే ఆడించవచ్చు. కెప్టెన్ డు ప్లెసిస్, డివిలియర్స్, డి కాక్, మిల్లర్‌లాంటి హిట్టర్లకు తోడు ఆమ్లా కూడా మంచి ఫామ్‌లో ఉండటంతో సఫారీల బ్యాటింగ్ పటిష్టంగా కనిపిస్తోంది. బౌలింగ్‌లో స్టెయిన్, రబడ, అబాట్‌లపై జట్టు ఆ జట్టు ఆధారపడుతోంది. అయితే ఐపీఎల్ అనుభవంతో రాటుదేలిన ఆల్‌రౌండర్లు డుమిని, మోరిస్, వీస్ కీలకం కానున్నారు. వీరిలో దాదాపు అందరికీ భారత్‌లో ఆడిన అనుభవం ఉండటం ఆ జట్టుకు అనుకూలాంశం.


 యూఏఈపై శ్రీలంక గెలుపు
 రాణించిన చండిమల్
 ఆసియా కప్
  
 మిర్పూర్: చిన్న ప్రత్యర్థిని మొదట తేలికగా తీసుకున్న డిఫెండింగ్ చాంపియన్ శ్రీలంక... బ్యాటింగ్‌లో తడబడినా... నాణ్యమైన బౌలింగ్‌తో మ్యాచ్‌ను నిలబెట్టుకుంది. ఈ లోస్కోరింగ్ మ్యాచ్‌లో యునెటైడ్ అరబ్ ఎమిరేట్స్ (యూఏఈ)ని కట్టడి చేసి ఆసియా కప్ టి20 టోర్నీలో బోణీ చేసింది. గురువారం జరిగిన లీగ్ మ్యాచ్‌లో లంక 14 పరుగుల తేడాతో యూఏఈపై నెగ్గింది. షేర్ ఏ బంగ్లా జాతీయ స్టేడియంలో జరిగిన ఈ మ్యాచ్‌లో... టాస్ ఓడి బ్యాటింగ్‌కు దిగిన శ్రీలంక 20 ఓవర్లలో 8 వికెట్లకు 129 పరుగులు చేసింది. చండిమల్ (39 బంతుల్లో 50; 7 ఫోర్లు, 1 సిక్స్) వేగంగా ఆడగా, దిల్షాన్ (28 బంతుల్లో 27; 4 ఫోర్లు) అండగా నిలిచాడు. ఈ ఇద్దరు తొలి వికెట్‌కు 68 పరుగులు జోడించి శుభారంభాన్నిచ్చినా... యూఏఈ బౌలర్ల ధాటికి మిగతా బ్యాట్స్‌మెన్ చేతులెత్తేశారు. జావేద్ 3, నవీద్, షెహజాద్ చెరో రెండు వికెట్లు తీశారు. అనంతరం యూఏఈ 20 ఓవర్లలో 9 వికెట్లకు 115 పరుగులు మాత్రమే చేసింది.
 
 స్వప్నిల్ పాటిల్ (36 బంతుల్లో 37; 3 ఫోర్లు, 2 సిక్సర్లు) టాప్ స్కోరర్. తొలి ఓవర్‌లోనే మలింగ... ముస్తఫా (0), షెహజాద్ (1)లను అవుట్ చేసి యూఏఈకి షాకిచ్చాడు. తర్వాత కులశేఖర తన రెండో ఓవర్‌లో కలీమ్ (7), ఉస్మాన్ (6)లను వెనక్కిపంపాడు. హెరాత్ వచ్చి రావడంతోనే తన తొలి రెండు ఓవర్లలో అన్వర్ (13), హైదర్ (1) వికెట్ తీయడంతో యూఏఈ 47 పరుగులకే 6 వికెట్లు చేజార్చుకుంది. ఇక రెండు వైపుల నుంచి లంక బౌలర్లు ఒత్తిడి పెంచడంతో యూఏఈ ఏ దశలోనూ కోలుకోలేకపోయింది. ఏడో వికెట్‌కు 38 పరుగులు జోడించాక... పాటిల్, అంజద్ జావేద్ (13)లతో పాటు నవీద్ (10)లు వరుస ఓవర్లలో అవుట్‌కావడం దెబ్బతీసింది.   
 
  


 పాకిస్తాన్ క్రికెట్ బోర్డు హెచ్చరిక
 
  కరాచీ : వచ్చే డిసెంబర్‌లో తమతో ఆడాల్సిన ద్వైపాక్షిక సిరీస్‌ను రద్దు చేసుకుంటే ఇక భవిష్యత్‌లో భారత్‌తో మ్యాచ్‌లు ఆడబోమని పాకిస్తాన్ క్రికెట్ బోర్డు (పీసీబీ) హెచ్చరించింది. ఐసీసీ, ఆసియా కప్ ఈవెంట్లలో జరిగే మ్యాచ్‌లను బహిష్కరిస్తామని వెల్లడించింది. ఇంతవరకు సిరీస్ కోసం భారత క్రీడాశాఖతో అనుమతి తీసుకునే ప్రయత్నం బీసీసీఐ చేయకపోవడం బాధ కలిగిస్తోందని పీసీబీ చైర్మన్ షహర్యార్ ఖాన్ విమర్శించారు. ‘ఇప్పటి వరకు ఏదీ తేలలేదు. అయితే భారత బోర్డు అధికారికంగా సిరీస్ నుంచి వైదొలిగితే... మేం ఇతర టోర్నీల్లో వారితో ఆడాల్సిన అన్ని  మ్యాచ్‌లను బహిష్కరిస్తాం.
 
 డిసెంబర్ దగ్గరకు వస్తోంది. ఏదో ఒక స్పష్టమైన నిర్ణయాన్ని బోర్డు మాకు తెలపాలి. మేం ఆగస్టు 28న అధికారికంగా ఓ లేఖ కూడా రాశాం. దానిపై స్పందన కోసం ఎదురుచూస్తున్నాం. ఆడతారో, లేదో చెప్పాల్సిన బాధ్యత వాళ్లపై ఉంది. ద్వైపాక్షిక సిరీస్ ఒప్పందాలను ఉల్లంఘిస్తూ పోతే మేం కూడా దానికి తగ్గట్లుగానే నిర్ణయం తీసుకుంటాం’ అని ఖాన్ పేర్కొన్నారు. రాజకీయాల్లో ఉన్న బీసీసీఐ కార్యదర్శి అనురాగ్ ఠాకూర్... ఇండో-పాక్ సిరీస్ గురించి నెగెటివ్‌గా ఎందుకు మాట్లాడుతున్నారో అర్థంకావడం లేదన్నారు.


  సిక్కు ఆటగాళ్ల తలపాగా తొలగింపు
  నాగ్‌పూర్: ఇటీవల చైనాలో ముగిసిన ‘ఫిబా’ ఆసియా కప్‌లో భారత్ ఆటగాళ్లు ఇద్దరు జాతి వివక్షకు గురయ్యారు. మ్యాచ్‌లు ఆడాలంటే తలపాగా (టర్బన్స్) తొలగించాల్సిందేనని జట్టులోని సిక్కు ఆటగాళ్లు అమ్రిత్‌పాల్ సింగ్, అమ్‌జ్యోత్ సింగ్‌లకు నిర్వాహకులు అల్టీమేటం జారీ చేయడంతో చేసేదేమీలేక తలపాగా తీసేసి బరిలోకి దిగారు. అంతర్జాతీయ బాస్కెట్‌బాల్ సమాఖ్య (ఎఫ్‌ఐబీఏ) నిబంధలన (ఆర్టికల్ 4.4.2) ప్రకారం తలకు హెల్మెట్‌గానీ, పిన్నులుగానీ, విలువైన వస్తువులుగానీ ధరించి మ్యాచ్‌లు ఆడకూడదు. వీటివల్ల ప్రత్యర్థి ఆటగాళ్లకు గాయాలు అవుతాయనే ఉద్దేశంతో ఈ నిబంధనను విధించారు.
  
 
 అయితే సిక్కులు ధరించే టర్బన్స్‌తో ప్రత్యర్థి ఆటగాళ్లకు ఎలాంటి ఇబ్బంది లేకపోయినా దీన్ని సాకుగా చూపి నిర్వాహకులు జాతి వివక్షకు గురి చేశారు. లీగ్ మ్యాచ్‌లకు దూరంగా ఉన్న ఈ ఇద్దరు ఆటగాళ్లు... భారత్ క్వార్టర్‌ఫైనల్‌కు చేరుకునేసరికి తప్పనిసరి పరిస్థితుల్లో టర్బన్స్‌ను తీసేసి ఆడారు. ఈ మ్యాచ్‌లో అమ్రిత్‌పాల్ 15 పాయింట్లు చేశాడు.
 
 భారత్ జట్టు అమెరికన్ కోచ్ స్కాట్ ఫ్లెమింగ్ ఈ నిబంధనపై ఓ రోజంతా నిర్వాహకులకు నచ్చజెప్పినా మొదట ఒప్పుకొని మ్యాచ్‌కు కొన్ని నిమిషాల ముందు మళ్లీ షాకిచ్చారు. గతంలో ఏ టోర్నీలోనూ ఇలా టర్బన్స్‌ను తీసేయమని చెప్పకపోవడంతో ఈ ఇద్దరు ప్లేయర్లు స్వేచ్ఛగా మ్యాచ్‌లు ఆడారు. కానీ ఇప్పుడు... భారత్‌లో తప్ప బయటి దేశాల్లో మ్యాచ్‌లు ఆడబోమని చెబుతున్నారు. అయితే ఇంత జరిగినా... ఈ విషయం గురించి భారత బాస్కెట్‌బాల్ సమాఖ్య (బీఎఫ్‌ఐ)కు ఇప్పటి వరకు తెలియకపోవడం కొసమెరుపు!
  


 ది హేగ్ (నెదర్లాండ్స్): టోర్నీ ఆరంభంలో అంచనాలకు అనుగుణంగా రాణించడంలో విఫలమైన భారత పురుషుల హాకీ జట్టు... ప్రపంచకప్‌లో తొమ్మిదో స్థానంతో సరిపెట్టుకుంది. 9-10వ స్థానాల కోసం శనివారం జరిగిన వర్గీకరణ మ్యాచ్‌లో టీమిండియా 3-0 గోల్స్ తేడాతో దక్షిణ కొరియాను ఓడించింది.
  
  ఈ విజయంతో గతేడాది ఆసియా కప్ ఫైనల్లో కొరియా చేతిలో ఎదురైన ఓటమికి సర్దార్ సింగ్ బృందం బదులు తీర్చుకుంది. భారత్ తరఫున ఆకాశ్‌దీప్ సింగ్ రెండు గోల్స్ (6, 50వ నిమిషాల్లో) చేయగా... రూపిందర్ పాల్ సింగ్ (43వ నిమిషంలో) ఒక గోల్ సాధించాడు. స్వదేశంలో జరిగిన 2010 ప్రపంచకప్‌లో భారత్ ఎనిమిదో స్థానంలో నిలువగా... ఈసారి ఒకస్థానం పడిపోయి తొమ్మిదో స్థానంతో సంతృప్తి పడింది.
  
  నెదర్లాండ్స్‌కు టైటిల్
  మహిళల విభాగంలో నెదర్లాండ్స్ జట్టు విజేతగా నిలిచింది. ఫైనల్లో నెదర్లాండ్స్ 2-0తో ఆస్ట్రేలియాను ఓడించింది. మూడో స్థానం కోసం జరిగిన మ్యాచ్‌లో అర్జెంటీనా 2-1తో అమెరికాపై గెలిచింది.
  


 వన్డేల్లో స్థానం కోసం నెట్స్‌లో
   శ్రమిస్తున్న బ్యాట్స్‌మన్
  
  న్యూఢిల్లీ: చతేశ్వర్ పుజారా అంటే చక్కటి బ్యాట్స్‌మన్‌గానే గుర్తింపు ఉంది. ఇకపై అతనిలో బౌలర్‌ను కూడా చూస్తామేమో! కేవలం బ్యాటింగ్‌తో వన్డే జట్టులో స్థానం దక్కడం అసాధ్యమని అనుకున్నాడేమో, బౌలింగ్‌పై కూడా దృష్టి పెట్టాడు. ఇటీవల ఆసియా కప్‌లో భారత జట్టుతో పాటు ఉన్నా అతనికి మ్యాచ్ ఆడే అవకాశం రాలేదు. తాజాగా పుజారా నెట్స్‌లో లెగ్‌స్పిన్  ప్రాక్టీస్ చేస్తున్నాడు. ఎనిమిదేళ్ల ఫస్ట్ క్లాస్ కెరీర్‌లో చతేశ్వర్ 25 ఓవర్లు మాత్రమే బౌలింగ్ చేశాడు.
  
  ‘నెట్స్‌లో బౌలింగ్ కూడా చేస్తున్నా. పార్ట్ టైమ్ బౌలర్‌గా నా వంతు పాత్ర పోషించగలను. కెప్టెన్ అవకాశం ఇస్తే బౌలింగ్‌తో కూడా జట్టుకు ఉపయోగపడగలని నా నమ్మకం’ అని పుజారా వ్యాఖ్యానించాడు. రాబోయే ఐపీఎల్‌లో సత్తా చాటితే తనకు వన్డే జట్టులోనూ రెగ్యులర్‌గా స్థానం దక్కుతుందని విశ్వాసం వ్యక్తం చేశాడు. ‘నేను గతంలో కొన్ని చక్కటి టి20 ఇన్నింగ్స్ ఆడాను. ఈ ఫార్మాట్‌లోనూ రాణించగల సామర్థ్యం నాకుంది.  భారీ షాట్లు ఆడటం కూడా ప్రాక్టీస్ చేస్తున్నాను’ అని పుజారా వెల్లడించాడు. ఐపీఎల్-7లో పుజారా కింగ్స్ ఎలెవన్ తరఫున ఆడనున్నాడు.
  


  ఆఖరి లీగ్ మ్యాచ్‌లో లంక విజయం  
  ఆసియాకప్
  
  మిర్పూర్: ఆసియాకప్ చివరి లీగ్ మ్యాచ్‌లో ఆతిథ్య బంగ్లాదేశ్ పోరాడి ఓడిపోయింది. గురువారం షేర్-ఎ బంగ్లా స్టేడియంలో జరిగిన నామమాత్రపు మ్యాచ్‌లో శ్రీలంక మూడు వికెట్ల తేడాతో బంగ్లాపై విజయం సాధించింది.
  
  టాస్ గెలిచి తొలుత బ్యాటింగ్‌కు దిగిన బంగ్లా 9 వికెట్లు కోల్పోయి 204 పరుగులు చేసింది. అనాముల్ హక్ (49),రెహమాన్ (39) పరుగులతో రాణించారు. లక్మల్ (2/32), తిషార పెరీరా (2/29), మెండిస్ (2/55), ప్రియంజన్ (2/11) బంగ్లాను కట్టడి చేశారు. ఆ తర్వాత బరిలోకి దిగిన శ్రీలంక 49 ఓవర్లలో 7 వికెట్లు కోల్పోయి 208 పరుగులు చేసింది.
  
  మాథ్యూస్ (103 బంతుల్లో 74 నాటౌట్; 7 ఫోర్లు, 1 సిక్సర్) కెప్టెన్ ఇన్నింగ్స్ ఆడి జట్టు విజయంలో కీలక పాత్ర పోషించాడు. ఇప్పటికే ఫైనల్‌కు చేరిన శ్రీలంక... లీగ్ దశలో అన్ని మ్యాచ్‌ల్లో గెలిచి పాయింట్ల పట్టికలో అగ్రస్థానం (17 పాయింట్లు)లో నిలిచింది. గత ఏడాది ఫైనలిస్ట్ బంగ్లాదేశ్ ఈ సారి ఒక్క విజయం కూడా లేకుండా టోర్నీని ముగించింది. శనివారం జరిగే ఫైనల్లో డిఫెండింగ్ చాంపియన్ పాకిస్థాన్‌తో శ్రీలంక తలపడుతుంది.
  
  మాథ్యూస్ కెప్టెన్ ఇన్నింగ్స్
  ఫైనల్‌కు ప్రాక్టీస్‌గా భావించిన ఈ మ్యాచ్‌లో శ్రీలంక 205 పరుగుల స్వల్ప లక్ష్యాన్ని ఛేదించేందుకు అష్టకష్టాలు పడింది. ఓపెనర్ కుషాల్ పెరీరా (0), సంగక్కర (2), జయవర్ధనె (0) విఫలమయ్యారు. ప్రియంజన్ (24), తిరిమన్నె (33) ఫర్వాలేదనిపించినా... శ్రీలంక 75 పరుగులకే 5 వికెట్లు కోల్పోయి పీకల్లోతు కష్టాల్లో పడింది. ఈ దశలో బరిలోకి దిగిన ‘మ్యాన్ ఆఫ్ ద మ్యాచ్’ మాథ్యూస్.... చతురంగ డిసిల్వా (44)తో కలిసి ఆరో వికెట్‌కు 82 పరుగులు జోడించి లంకను గెలిపించాడు.
  


 చివరి వరకు ఉత్కంఠ... నువ్వా, నేనా అంటూ పోటీ... భారత్, పాకిస్థాన్ మధ్య మ్యాచ్ ఎలా ఉండాలని సాధారణ అభిమాని ఆలోచిస్తాడో సరిగ్గా అదే తరహాలో మిర్పూర్ వన్డే సాగింది. అయితే విజయం మాత్రం ప్రత్యర్థినే వరించింది. ముందుగా భారత జట్టు సగటు బ్యాటింగ్ ప్రదర్శననే కనబర్చింది. ముగ్గురు ఆటగాళ్ల అర్ధ సెంచరీలతో కోలుకున్నా... ఆ ప్రదర్శన భారీ స్కోరుకు బాట వేయలేకపోయింది.
  
  చివరి ఓవర్లలో బ్యాటింగ్ వైఫల్యం తుది ఫలితంపై ప్రభావం చూపించింది. పాకిస్థాన్‌కు మాత్రం అది భారీ లక్ష్యమే అయిపోయింది. టీమిండియా స్పిన్నర్లు కట్టడి చేయడంతో చివరి వరకు ఆ జట్టు పోరాడాల్సి వచ్చింది. కోహ్లి సేన గెలుపు ముంగిట నిలిచినా... అపార అనుభవజ్ఞుడు షాహిద్ ఆఫ్రిది తనదైన మెరుపులతో జట్టును గెలిపించాడు.
  
  మిర్పూర్: వన్డే క్రికెట్‌లో భారత్, పాకిస్థాన్ మధ్య మరో చిరస్మరణీయ పోరుకు ఆసియా కప్ వేదికగా నిలిచింది. ఆదివారం ఇక్కడి షేర్-ఎ-బంగ్లా స్టేడియంలో హోరాహోరీగా జరిగిన లీగ్ మ్యాచ్‌లో పాకిస్థాన్ వికెట్ తేడాతో భారత్‌పై విజయం సాధించింది. ముందుగా బ్యాటింగ్ చేసిన భారత్ నిర్ణీత 50 ఓవర్లలో 8 వికెట్ల నష్టానికి 245 పరుగులు చేసింది.
  
  అంబటి తిరుపతి రాయుడు (62 బంతుల్లో 58; 4 ఫోర్లు, 1 సిక్స్), రోహిత్ శర్మ (58 బంతుల్లో 56;  7 ఫోర్లు, 2 సిక్స్‌లు), రవీంద్ర జడేజా (49 బంతుల్లో 52 నాటౌట్; 4 ఫోర్లు, 2 సిక్స్‌లు) అర్ధ సెంచరీలు చేశారు. అనంతరం పాకిస్థాన్ 49.4 ఓవర్లలో 9 వికెట్లకు 249 పరుగులు చేసింది. మొహమ్మద్ హఫీజ్ (117 బంతుల్లో 75; 3 ఫోర్లు, 2 సిక్స్‌లు) చక్కటి ఇన్నింగ్స్‌తో విజయానికి పునాది వేశాడు. షాహిద్ ఆఫ్రిది (18 బంతుల్లో 34 నాటౌట్; 2 ఫోర్లు, 3 సిక్స్‌లు) చివర్లో మెరిశాడు. చివరి 4 బంతుల్లో పాక్ విజయానికి 9 పరుగులు కావాల్సి ఉండగా ఆఫ్రిది వరుసగా రెండు సిక్సర్లు బాది మ్యాచ్‌ను ముగించాడు. ఈ ఓటమితో ఆసియా కప్‌లో ఫైనల్ చేరాలనుకున్న భారత్ ఆశలకు ఎదురుదెబ్బ తగిలింది.
  
  మూడు అర్ధ సెంచరీలు...
  టాస్ ఓడిన భారత్ ముందుగా బ్యాటింగ్‌కు దిగింది. ఫోర్‌తో ఇన్నింగ్స్‌ను ఆరంభించినా... శిఖర్ ధావన్ (10) ఎక్కువ సేపు నిలబడలేకపోయాడు. అయితే మరో ఓపెనర్ రోహిత్ శర్మ మాత్రం చాలా కాలం తర్వాత చెప్పుకోదగ్గ బ్యాటింగ్ ప్రదర్శన కనబర్చాడు. మొదటి నుంచి ధాటిగా ఆడిన అతను గుల్, జునేద్ బౌలింగ్‌లలో ఒక్కో సిక్సర్ బాదాడు. మరోవైపు విరాట్ కోహ్లి (5) అరుదైన వైఫల్యంతో జట్టు ఇన్నింగ్స్ తడబడింది. గుల్ బౌలింగ్‌లో థర్డ్‌మ్యాన్ వైపు ఆడబోయి కోహ్లి, కీపర్‌కు క్యాచ్ ఇచ్చాడు. చక్కటి షాట్లతో 44 బంతుల్లోనే అర్ధ సెంచరీ పూర్తి చేసుకున్న రోహిత్ ఆ వెంటనే పుల్ షాట్‌కు ప్రయత్నించి అవుటయ్యాడు. తొలి వన్డే ఆడుతున్న తల్హాకు ఇదే మొదటి వికెట్ కావడం విశేషం. నింపాదిగా ఆడిన అజింక్యా రహానే (50 బంతుల్లో 23; 3 ఫోర్లు) కూడా తల్హా బౌలింగ్‌లోనే వెనుదిరిగాడు.
  
  ఈ దశలో రాయుడు, కార్తీక్ (46 బంతుల్లో 23; 1 ఫోర్) కలిసి సమన్వయంతో ఆడారు. వీరిద్దరు ఐదో వికెట్‌కు 52 పరుగులు జోడించారు. కార్తీక్ అవుటైనా... రాయుడు 55 బంతుల్లో కెరీర్లో రెండో అర్ధ సెంచరీ అందుకున్నాడు. ఆ తర్వాత రాయుడు, జడేజా భాగస్వామ్యం జట్టుకు కీలకమైన పరుగులు అందించింది. 7 పరుగుల వద్ద అంపైర్ చలవతో, 12 పరుగుల వద్ద సునాయాస క్యాచ్‌ను హఫీజ్ నేలపాలు చేయడంతో బతికిపోయిన జడేజా ఆ తర్వాత చెలరేగాడు. ఆరో వికెట్‌కు 59 పరుగులు జత చేసిన అనంతరం రాయుడు పెవిలియన్ చేరాడు. ఇన్నింగ్స్ 48వ ఓవర్లో 16 పరుగులు చేసిన భారత్... చివరి 2 ఓవర్లలో 8 పరుగులు మాత్రమే చేయగలిగింది. 46 బంతుల్లో అర్ధ సెంచరీ పూర్తి చేసుకొని జడేజా అజేయంగా నిలిచాడు.
  
  కీలక భాగస్వామ్యం...
  సాధారణ విజయలక్ష్యంతో బరిలోకి దిగిన పాకిస్థాన్‌కు ఓపెనర్లు షెహజాద్ (44 బంతుల్లో 42; 6 ఫోర్లు), షర్జీల్ (30 బంతుల్లో 25; 3 ఫోర్లు, 1 సిక్స్) శుభారంభం ఇచ్చారు. భారత బౌలర్లను అలవోకగా ఎదుర్కొంటూ వీరు వేగంగా పరుగులు సాధించారు. ఇద్దరూ ధాటిగా ఆడటంతో పవర్‌ప్లేలో పాక్ వికెట్ నష్టపోకుండా 67 పరుగులు చేసింది. అయితే అశ్విన్ చక్కటి బంతికి షర్జీల్ బౌల్డ్ కావడంతో 71 పరుగుల తొలి వికెట్ భాగస్వామ్యానికి తెర పడింది.
  
  కొద్దిసేపటికే మిశ్రా బౌలింగ్‌లో షెహజాద్ వెనుదిరగ్గా... సమన్వయ లోపంతో మిస్బా (1) రనౌట్ కావడంతో పాక్ మూడు పరుగుల వ్యవధిలోనే రెండు వికెట్లు కోల్పోయింది. ఆ వెంటనే ఉమర్ అక్మల్ (4) కూడా పెవిలియన్ చేరాడు. అయితే ఈ దశలో హఫీజ్, మఖ్సూద్ (53 బంతుల్లో 38; 2 ఫోర్లు, 1 సిక్స్) కలిసి ఇన్నింగ్స్‌ను నిలబెట్టారు. పరుగులు పెద్దగా రాకపోయినా వికెట్ కాపాడుకోవడానికి వీరిద్దరు ప్రాధాన్యతనిచ్చారు. ఈ క్రమంలో 82 బంతుల్లో హఫీజ్ అర్ధ సెంచరీ పూర్తయింది. వీరిద్దరు ఐదో వికెట్‌కు 87 పరుగులు జోడించడమే పాక్‌ను విజయానికి చేరువ చేసింది.
  
  బంతి బంతికీ ఉత్కంఠ
  హఫీజ్, మఖ్సూద్‌ల భాగస్వామ్యంతో పాక్ గెలుపు ఖాయమనిపించింది. 39 బంతుల్లో 46 పరుగులు చేయాల్సిన స్థితిలో ఆ జట్టు నిలిచింది. అప్పుడు స్వీప్‌కు ప్రయత్నించి హఫీజ్ అవుటయ్యాడు. మరో మూడు పరుగుల తర్వాతే అనవసర పరుగుకు ప్రయత్నించి మఖ్సూద్ వెనుదిరిగాడు. దాంతో భారత్ శిబిరంలో ఆనందం. ఈ దశలో ఆఫ్రిది వరుసగా సిక్స్, ఫోర్ కొట్టడంతో మ్యాచ్ పాక్ వైపు మొగ్గింది. 47వ ఓవర్లో కూడా 13 పరుగులు రావడంతో ఇక మన ఓటమి ఖాయమనిపించింది. 48వ ఓవర్లో షమీ నాలుగు పరుగులే ఇచ్చాడు. దాంతో పాక్‌కు చివరి రెండు ఓవర్లలో 13 పరుగులు అవసరమయ్యాయి. ఆఫ్రిది ఉన్నాడన్న ధీమా పాక్‌దైతే... అతని వికెట్ తీస్తే చాలని భారత్ భావించింది.
  
  అయితే తర్వాత ఓవర్లో భువనేశ్వర్ అద్భుతంగా బౌలింగ్ చేశాడు. 3 పరుగులే ఇచ్చి రెండు వికెట్లు తీశాడు. దాంతో మ్యాచ్‌పై మళ్లీ టీమిండియాకు ఆశలు. ఆఖరి ఓవర్లో 10 పరుగులు చేయాలి... బౌలర్ అశ్విన్. తొలి బంతికే అజ్మల్‌ను అవుట్ చేయడంతో భారత్ విజయానికి వికెట్ దూరంలో నిలిచింది. ఆఖరి ఆటగాడు జునేద్ సింగిల్ తీసి ఆఫ్రిదికి స్ట్రైక్ ఇచ్చాడు. అంతే... ఆ తర్వాతి రెండు బంతులకే మ్యాచ్ ఖతం! నియంత్రణతో ఆడకపోయినా ఆఫ్రిది బలంగా బాదడంతో వరుసగా రెండు సిక్సర్లు... భారత జట్టులో నైరాశ్యం.
  
  స్కోరు వివరాలు
  భారత్ ఇన్నింగ్స్: రోహిత్ (సి) హఫీజ్ (బి) తల్హా 56; ధావన్ (ఎల్బీ) (బి) హఫీజ్ 10; కోహ్లి (సి) అక్మల్ (బి) గుల్ 5; రహానే (సి) హఫీజ్ (బి) తల్హా 23; రాయుడు (సి) (సబ్) అన్వర్ (బి) అజ్మల్ 58; కార్తీక్ (సి) అజ్మల్ (బి) హఫీజ్ 23; జడేజా (నాటౌట్) 52; అశ్విన్ (స్టంప్డ్) అక్మల్ (బి) అజ్మల్ 9; షమీ (సి) మఖ్సూద్ (బి) అజ్మల్ 0; మిశ్రా (నాటౌట్) 1; ఎక్స్‌ట్రాలు 8; మొత్తం (50 ఓవర్లలో 8 వికెట్లకు) 245.
  
  వికెట్ల పతనం: 1-18; 2-56; 3-92; 4-103; 5-155; 6-214; 7-237; 8-237.
  బౌలింగ్: హఫీజ్ 9-0-38-2; గుల్ 9-0-60-1; జునేద్ ఖాన్ 7-0-44-0; ఆఫ్రిది 8-0-38-0; తల్హా 7-1-22-2; అజ్మల్ 10-0-40-3.
  
  పాకిస్థాన్ ఇన్నింగ్స్: షర్జీల్ (బి) అశ్విన్ 25; షెహజాద్ (సి) అశ్విన్ (బి) మిశ్రా 42; హఫీజ్ (సి) భువనేశ్వర్ (బి) అశ్విన్ 75; మిస్బా (రనౌట్) 1; అక్మల్ (సి) జడేజా (బి) మిశ్రా 4; మఖ్సూద్ (రనౌట్) 38; ఆఫ్రిది (నాటౌట్) 34; గుల్ (సి) రహానే (బి) భువనేశ్వర్ 12; తల్హా (సి) జడేజా (బి) భువనేశ్వర్ 0; జునేద్ (నాటౌట్) 1; ఎక్స్‌ట్రాలు 17; మొత్తం (49.4 ఓవర్లలో 9 వికెట్లకు) 249.
  
  వికెట్ల పతనం: 1-71; 2-93; 3-96; 4-113; 5-200; 6-203; 7-235; 8-236; 9-236.
  బౌలింగ్: భువనేశ్వర్ 10-0-56-2; షమీ 10-0-49-0; అశ్విన్ 9.4-0-44-3; జడేజా 10-1-61-0; మిశ్రా 10-0-28-2.
  
  భారత్‌కు కష్టమే!
  పాక్ చేతిలో ఓటమితో ఆసియాకప్‌లో భారత్ ఫైనల్ చేరడం దాదాపు అసాధ్యంగా మారింది. గణాంకాల పరంగా కొంత అవకాశం కనిపిస్తున్నా, వాస్తవానికి అది అంత సులభం కాదు. టీమిండియా తుది పోరుకు అర్హత సాధించాలంటే...
  
  ఈనెల 5న అఫ్ఘానిస్థాన్‌తో జరిగే మ్యాచ్‌లో భారత్ బోనస్ పాయింట్‌తో గెలవాలి. శ్రీలంక తమ మిగిలిన రెండు మ్యాచ్‌లు (అఫ్ఘాన్, బంగ్లాలతో) ఓడిపోవాలి.బంగ్లాదేశ్‌కు పాకిస్థాన్ బోనస్ పాయింట్ కోల్పోరాదు.
  
  ‘ఓ మోస్తరు లక్ష్యమే అయినా మా కుర్రాళ్లు బాగా పోరాడారు. మిశ్రా బంతిని బాగా టర్న్ చేస్తుండటంతో చివరి వరకు కొనసాగించా. డెత్ ఓవర్లలో అశ్విన్‌పై నమ్మకం పెట్టొచ్చు. కాకపోతే ఈసారి అది ఫలించలేదు. ఓవరాల్‌గా మేం 20, 30 పరుగులు తక్కువ చేశాం. గత రెండు మ్యాచ్‌ల్లో మా ఆటతీరు సంతృప్తినిచ్చింది. ముఖ్యంగా బౌలర్ల ప్రదర్శన బాగుంది’.  
  -విరాట్ కోహ్లి (భారత కెప్టెన్)
  
  32 భారత్ తరఫున 100 వన్డేలు ఆడిన 32వ ప్లేయర్‌గా జడేజా గుర్తింపు పొందాడు.
  
  2 భారత్‌పై పాక్ వికెట్ తేడాతో నెగ్గడం ఇది రెండోసారి
  
  50 భారత్‌పై ఆఫ్రిది సిక్సర్ల సంఖ్య. లంకపై ఆఫ్రిది(63), పాక్‌పై జయసూర్య (53) మాత్రమే వన్డేల్లో ఒక జట్టుపై 50కి పైగా సిక్సర్లు కొట్టారు.
  


 ఢాకా: భారత జట్టుకు సారథిగా వ్యవహరించడం పెద్ద పరీక్ష అని, దానికి తాను సిద్ధంగా ఉన్నానని ఆసియాకప్‌లో జట్టు కెప్టెన్ కోహ్లి చెప్పాడు. పూర్తిస్థాయి బాధ్యతలకు, తాత్కాలిక బాధ్యతలకు తేడా ఉంటుందన్నాడు. ‘నేను కేవలం ఒక టోర్నీకి మాత్రమే సారథిని. తాత్కాలిక బాధ్యతలు, పూర్తిస్థాయి బాధ్యతలకు చాలా తేడా ఉంది. గతంలో నాకప్పగించిన బాధ్యతలు సక్రమంగా నిర్వర్తించాను.
 
 కాబట్టే మళ్లీ నాకు అవకాశం వచ్చింది. గెలిస్తే అంతా పొగుడుతారు, లేదంటే విమర్శిస్తారు. ఈ రెండింటికి సిద్ధమై ఉండాలి’ అని కోహ్లి అన్నాడు. తనపై ఎలాంటి ఒత్తిడీ లేదన్నాడు. పాక్‌తో మ్యాచ్ గురించి ప్రత్యేక ఆలోచన లేదన్నాడు. ‘ఆడిన ప్రతీ మ్యాచ్‌లో గెలవడమే మా లక్ష్యం. పాకిస్థాన్‌తో మ్యాచ్ కోసం అంతా ఎదురుచూస్తున్నారు. దాయాదితో మ్యాచ్ అంటే సహజంగానే ఒత్తిడి ఉంటుంది’ అన్నాడు. ఆసియాకప్ ఆడేందుకు కోహ్లి బృందం ఆదివారం ఢాకా చేరింది.
  
  ఒక్కటి గెలిస్తే ‘రెండు’
  ఆసియాకప్‌లో భారత్ కనీసం ఒక్క లీగ్ మ్యాచ్ గెలిచినా ఈ ఏడాది ఐసీసీ వన్డే ర్యాంకింగ్స్‌లో రెండో ర్యాంక్‌ను నిలబెట్టు కుంటుంది.
  


  పసికూనే... కానీ ప్రమాదకరం
  తొలిసారి ఆసియాకప్ ఆడబోతున్న అఫ్ఘానిస్థాన్
  
  గత ఐదేళ్లలో అఫ్ఘానిస్థాన్ క్రికెట్ జట్టు కంటే వేగంగా అభివృద్ధి చెందిన జట్టు ప్రపంచంలో మరొకటి లేదు. 2009లో ఐసీసీలో ఎనిమిదో డివిజన్ మ్యాచ్‌లు ఆడిన జట్టు ఐదేళ్లలో ఆసియాకప్ ఆడుతుందని ఎవరూ ఊహించలేదు. భారత్, పాకిస్థాన్, శ్రీలంకల మాదిరిగా బలమైన జట్టు కాకపోవచ్చు. కానీ ఎవరో ఒకరిని ఓడించే ప్రమాదకర జట్టు అఫ్ఘాన్. ఈ జట్టుతో మ్యాచ్‌లను ఏ మాత్రం తేలికగా తీసుకున్నా భంగపాటు తప్పదు.
  
  సాక్షి క్రీడావిభాగం
  క్రికెట్ ప్రపంచంలో అఫ్ఘానిస్థాన్ పసికూనే... అలాగని ఆ జట్టును తీసిపారేయలేం. ఎందుకంటే... 2010, 2012లలో వరుసగా రెండు టి20 ప్రపంచకప్‌లలో ఆ జట్టు ఆడింది. ఇది పెద్ద ఘనత. దీనికి మించిన పెద్ద ఘనత 2015 వన్డే ప్రపంచకప్‌కు ఆ జట్టు అర్హత సాధించడం. ఐదేళ్ల వ్యవధిలో ఆ జట్టు సాధించిన ప్రగతి చూసిన తర్వాత... అటు ఐసీసీ, ఇటు ఆసియా క్రికెట్ కౌన్సిల్ కూడా ఆ జట్టును ప్రోత్సహించాలని నిర్ణయించాయి. ఫలితంగా ఆసియాకప్‌లో ఆడే అవకాశం దక్కింది. నిజానికి 40 రోజుల క్రితం అప్ఘాన్ జట్టు కూడా ఆసియాకప్‌లో ఆడే అవకాశం తమకు లభిస్తుందని ఊహించలేదు. ఏదైతేనేం వన్డేల్లో తొలిసారి ఓ మెగా టోర్నీలో ఆడే అవకాశం ఆ జట్టుకు దక్కింది.
  
  ఒక్కో మెట్టు ఎక్కుతూ...
  అఫ్ఘానిస్థాన్‌కు క్రికెట్ కొత్త కాదు. పక్కనే ఉన్న పాకిస్థాన్ ప్రభావం కావచ్చేమో... దశాబ్దాలుగా వాళ్లకు ఈ ఆట పరిచయమే. అయితే అన్ని క్రీడల్లాగే  తాలిబన్లు క్రికెట్‌పై కూడా నిషేధం విధించారు. కానీ ప్రజల్లో ఉన్న ఆసక్తిని గమనించి అదే తాలిబన్లు 2000లో నిషేధాన్ని ఎత్తివేశారు. తాలిబన్లు నిషేధం ఎత్తేసిన ఒకే ఒక్క క్రీడ క్రికెట్ కావడం విశేషం.దీంతో 2001లో అఫ్ఘానిస్థాన్‌ను ఐసీసీ అనుబంధ సభ్యదేశంగా గుర్తించింది. అప్పటి నుంచి ఐసీసీలో ఒక్కో డివిజన్ ఆడుతూ అడపాదడపా విజయాలతో 2007, 2008 నాటికి కాస్త క్రికెట్ ప్రపంచానికి తెలిసొచ్చింది. 2010 ఆ దేశ క్రికెట్‌కు పెద్ద మలుపు అనుకోవాలి. 2010లో వెస్టిండీస్‌లో జరిగిన టి20 ప్రపంచకప్‌కు అర్హత సాధించింది.తర్వాత 2012లో శ్రీలంకలో జరిగిన టోర్నీలోనూ ఆడింది. తాజాగా వన్డేల్లో ప్రపంచకప్, ఆసియాకప్ ఆడబోతుండటం ఆ దేశ క్రికెట్ భవిష్యత్‌కు కీలక మలుపుగా భావించాలి. 27న పాకిస్థాన్‌తో అఫ్ఘాన్ తమ తొలి మ్యాచ్ ఆడుతుంది.
  
  తక్కువ అంచనా వేయలేం
  అఫ్ఘానిస్థాన్ జట్టులో సత్తా ఉన్న ఆటగాళ్లకు ఏ మాత్రం కొదవలేదు. కెప్టెన్ నబీ ఆల్‌రౌండ్ ప్రదర్శన జట్టుకు కీలకం. వికెట్ కీపర్ షెహ్‌జాద్‌ను ఇప్పటికే అప్ఘాన్ ధోని అని పిలుస్తారు. ధోనిని తలపిస్తూ హెలికాఫ్టర్ షాట్స్ ఆడగలగడం షెహ్‌జాద్ ప్రత్యేకత. మరో ఓపెనర్ నౌరౌజ్ మంగళ్ కూడా నైపుణ్యం ఉన్న క్రికెటర్. పేసర్లు హమీద్ హసన్, షాపూర్ జద్రాన్ జట్టుకు కీలక బౌలర్లు. లెగ్ స్పిన్నర్ షమీయుల్లా ప్రమాదకర బౌలర్. కరీమ్ సాదిఖ్ అటు బ్యాటింగ్‌లో, ఇటు బౌలింగ్‌లోనూ ఉపయుక్తకరమైన క్రికెటర్.
  
  జట్టులో ఎవరూ 30 ఏళ్ల పైన వయసు ఉన్న వాళ్లు లేరు. అంతా యువరక్తం. దీనివల్ల కూడా జట్టు మైదానంలో ఉత్సాహంగా కనిపిస్తుంది. ఓవరాల్‌గా ఈ జట్టులో ఏ ఒక్కరూ పెద్ద స్టార్ కాదు. జట్టు విజయాల్లో అందరిదీ తలా ఓ చెయ్యి ఉంది. తమదైన రోజున ఎంత పెద్ద జట్టునైనా కంగుతినిపించగల నైపుణ్యం వీరికి ఉంది. కాబట్టి ఆసియాకప్‌లో స్టార్ జట్లన్నీ అప్రమత్తంగా ఉండాల్సిందే.
  


  ఢాకా: ఆసియా కప్ క్రికెట్ బంగ్లాదేశ్‌లోనే జరుగుతుందని ఆసియా క్రికెట్ మండలి (ఏసీసీ) ప్రకటించింది. టోర్నీలో ఆడేందుకు ఇన్నాళ్లూ తటపటాయించిన పాకిస్థాన్ జట్టు... ఇప్పుడు అంగీకరించడంతో ఈ ప్రకటన వెలువరించింది. పాక్ టీమ్‌కు ఆ దేశ ప్రభుత్వం అనుమతి ఇచ్చినట్లు సమాచారం.
  
   ‘సహజంగానే ఉపఖండపు దేశాల్లో టోర్నీల్లో ఆడేందుకు ఏ జట్టుకైనా ప్రభుత్వ అనుమతి తప్పనిసరి. పాక్ భద్రతాధికారి శనివారం వచ్చి పరిస్థితిని సమీక్షిస్తారు. అయితే జట్టు ఆడటం మాత్రం ఖాయమైంది. ఈ నెల 22న పాక్ టీమ్ ఢాకా చేరుకుంటుంది’ అని ఏసీసీ సీఈ అష్రాఫుల్ హఖ్ వెల్లడించారు. ఫిబ్రవరి 25నుంచి మార్చి 8 వరకు జరిగే ఈ టోర్నీలో భారత్, పాకిస్థాన్, శ్రీలంక, బంగ్లాదేశ్‌లతో పాటు తొలి సారి అఫ్ఘనిస్థాన్ కూడా బరిలోకి దిగుతోంది. మొత్తం 11 మ్యాచ్‌లలో ఐదింటిని ఫతుల్లాలో, ఫైనల్ సహా ఆరు మ్యాచ్‌లను మిర్పూర్‌లో నిర్వహిస్తారు.


 సాక్షి, హైదరాబాద్: ఆరడుగులకు పైగా ఎత్తు...చక్కటి వేగం...బంతిని స్వింగ్ చేయగల నైపుణ్యం...ఒక అగ్రశ్రేణి బౌలర్‌గా ఎదిగేందుకు కావాల్సిన అన్ని లక్షణాలు చామ వ్రజేంద్ర (సీవీ) మిలింద్‌లో ఉన్నాయి. ఈ హైదరాబాద్ లెఫ్టార్మ్ పేస్ బౌలర్ గత కొంత కాలంగా భారత అండర్-19 జట్టు వరుస విజయాలలో కీలక భాగస్వామిగా ఉన్నాడు. ఇటీవల ఆసియా కప్ గెలిచిన జట్టులో సభ్యుడైన మిలింద్, వచ్చే నెలలో జరిగే ప్రపంచకప్‌కు కూడా ఎంపికయ్యాడు. ఇటీవల తన ప్రదర్శనపై అతను ‘సాక్షి’తో మాట్లాడాడు. విశేషాలు అతని మాటల్లోనే...
  ఆసియా కప్ గెలుపు: సీనియర్లు గెలవలేని చోట షార్జాలో మేం పాక్‌ను ఓడించి టైటిల్ నెగ్గడం అమితానందాన్నిచ్చింది. లీగ్‌లో పాక్ చేతిలో స్వల్ప తేడాతో ఓడినా ఫైనల్లో ఎలాంటి ఒత్తిడి లేకుండా బరిలోకి దిగాం.
  
  మేం భారీ స్కోరు చేయడంతోనే ప్రత్యర్థిపై ఒత్తిడి పెరిగింది. మ్యాచ్‌లో తొలి వికెట్ తీసి శుభారంభం అందించగలిగాను. విజయంతో పాటు త్వరలో ఇక్కడే వరల్డ్ కప్ ఆడనున్న నేపథ్యంలో మైదానాలు, పిచ్‌లపై కూడా మంచి అవగాహన ఏర్పడింది.
  
  అండర్-19 కెరీర్: చాలా బాగుంది. హైదరాబాద్‌లో స్కూల్ క్రికెట్, లీగ్ మ్యాచ్‌లతో పాటు అండర్-19 వరకు నిలకడగా ఆడాను. అదే నాకు వరుస అవకాశాలు తెచ్చి పెట్టింది.  ఆస్ట్రేలియా పర్యటన, శ్రీలంకతో టెస్టులు, వైజాగ్ టోర్నీ...ఇలా నా కెరీర్ బాగా సాగుతోంది.  
  రాబోయే ప్రపంచకప్: ఇతర జట్లతో పోలిస్తే భారత్ పటిష్టంగా ఉంది. ఆడిన గత ఎనిమిది వన్డే టోర్నీల్లోనూ భారత్ విజేతగా నిలిచింది. ఇప్పుడు ఆ సంఖ్య తొమ్మిదికి చేరుతుందని నమ్ముతున్నా. ఆసియా కప్ విజయం మా ఆత్మవిశ్వాసాన్ని పెంచింది. యూఏఈలో ఎక్కువగా బ్యాటింగ్ వికెట్లే ఉన్నాయి. వ్యక్తిగతంగా చూస్తే పేసర్లకు ఏ మాత్రం అనుకూలించకపోయినా జట్టుపరంగా చూస్తే మనకు మంచి ఫలితం దక్కవచ్చు. ఏమైనా లోపాలు ఉంటే ఈ నెల 20నుంచి జరిగే ప్రత్యేక శిక్షణా శిబిరంలో సరిదిద్దుకోవచ్చు. టైటిల్‌ను నిలబెట్టుకోగల సత్తా మన జట్టులో ఉంది.
  
  ఐపీఎల్: అండర్-19 క్రికెటర్‌గా ఇప్పుడు నాకు కొంత గుర్తింపు దక్కింది. దాని ఫలితంగా ఈ ఏడాది ఐపీఎల్‌లో ఆడే అవకాశం వస్తే అదృష్టవంతుడినే!
  


 ముంబై: అండర్-19 ప్రపంచ కప్‌లో పాల్గొనే భారత జట్టును సెలక్టర్లు సోమవారం ప్రకటించారు. ఒక మార్పు మినహా ఇటీవల ఆసియా కప్ సొంతం చేసుకున్న జట్టుపైనే నమ్మకముంచిన సెలక్షన్ కమిటీ, దానినే కొనసాగించాలని నిర్ణయించింది. లెఫ్టార్మ్ పేసర్ రిషీ అరోథే స్థానంలో మీడియం పేసర్ అతీత్ సేఠ్‌ను ఎంపిక చేసారు. ఆసియా కప్ గెలిచిన జట్టులో ఉన్న ప్రీతమ్ చక్రవర్తి వరల్డ్ కప్ ప్రారంభమయ్యే సమయానికి వయసు పరిమితి దాటిపోతున్న కారణంగా అతడిని కూడా ఎంపిక చేయలేదు. దుబాయ్‌లో జట్టును విజయ పథంలో నడిపించిన విజయ్ జోల్‌కే కెప్టెన్సీ బాధ్యతలు అప్పగించారు. ఫిబ్రవరి 14నుంచి మార్చి 1 వరకు యూఏఈలో జరిగే ప్రపంచకప్‌లో భారత్ డిఫెండింగ్ చాంపియన్‌గా బరిలోకి దిగుతోంది.
 
  జట్టు వివరాలు: విజయ్ జోల్ (కెప్టెన్), అఖిల్ హేర్వాడ్కర్, అంకుశ్ బైన్స్, రికీ భుయ్, సంజు శామ్సన్, శ్రేయస్ అయ్యర్, సర్ఫరాజ్ ఖాన్, దీపక్ హుడా, కుల్దీప్ యాదవ్, ఆమిర్ గని, కరణ్ కైలా, సీవీ మిలింద్, అవేశ్ ఖాన్, మోను కుమార్ సింగ్, అతీత్ సేఠ్. కోచ్: భరత్ అరుణ్, అసిస్టెంట్ కోచ్: ఆర్. శ్రీధర్, ఫీల్డింగ్ కోచ్: బిజూ జార్జ్, మేనేజర్: ఆర్.ఐ. పళని.
  


 దుబాయ్: ఉత్కంఠభరితంగా సాగిన అండర్-19 ఆసియాకప్ మ్యాచ్‌లో పాకిస్థాన్ జట్టు రెండు వికెట్ల తేడాతో భారత జట్టుపై నెగ్గింది. కెప్టెన్ సమీ అస్లాం (108) సెంచరీతో చెలరేగడంతో 251 పరుగుల లక్ష్యాన్ని మరో మూడు బంతులు మిగిలి ఉండగానే పాక్ సాధించింది.
  
  అంతకుముందు బ్యాటింగ్‌కు దిగిన భారత్ 50 ఓవర్లలో ఏడు వికెట్లకు 250 పరుగులు చేసింది. రికీ భుయ్ (64), సంజూ సామ్సన్ (38) రాణించారు. కరామత్ అలీకి నాలుగు వికెట్లు దక్కాయి. లక్ష్య ఛేదనకు బరిలోకి దిగిన పాక్ కుర్రాళ్లు 49.3 ఓవర్లలో ఎనిమిది వికెట్లు కోల్పోయి 253 పరుగులు సాధించారు. ఈ రెండు జట్లు ఇప్పటికే సెమీస్‌కు చేరాయి.
  


 అండర్-19 ఆసియా కప్
   షార్జా: ఆసియా కప్ అండర్-19 టోర్నమెంట్‌లో యువ భారత్ శుభారంభం చేసింది. అఖిల్ హేర్వాడ్కర్ (121 బంతుల్లో 101; 10 ఫోర్లు, 1 సిక్స్) సెంచరీతో కదంతొక్కడంతో భారత్ 189 పరుగుల తేడాతో ఆతిథ్య యూఏఈ జట్టుపై ఘనవిజయం సాధించింది. శనివారం ఇక్కడ జరిగిన టోర్నీ తొలి మ్యాచ్‌లో మొదట బ్యాటింగ్ చేసిన భారత్ నిర్ణీత ఓవర్లలో 4 వికెట్లకు 320 పరుగుల భారీస్కోరు చేసింది.
  
   అంకుశ్ బేన్స్ (77), సంజు శామ్సన్ (65), రికీ భూయ్ (54) అర్ధసెంచరీలు సాధించారు. తర్వాత లక్ష్యఛేదనకు దిగిన యూఏఈ 40.1 ఓవర్లలో 131 పరుగులకే కుప్పకూలింది. చిరాగ్ సురి (26), డాన్ డిసౌజా (25) మినహా ఇంకెవరు చెప్పుకోదగ్గ స్కోర్లు చేయలేకపోయారు. భారత పేసర్ దీపక్ హుడా (4/21), ఆఫ్ స్పిన్నర్ ఆమిర్ ఘని (3/33) ధాటికి యూఏఈ బ్యాట్స్‌మెన్ చేతులెత్తేశారు.
  


 కౌలాలంపూర్: ప్రపంచకప్ బెర్త్‌ను కోల్పోయిన భారత మహిళల హాకీ జట్టు... ఆసియా కప్‌లో కాంస్యంతో సంతృప్తిపడింది. శుక్రవారం జరిగిన మ్యాచ్‌లో భారత్ పెనాల్టీ షూటౌట్‌లో 3-2 గోల్స్ తేడాతో చైనాపై విజయం సాధించింది. నిర్ణీత సమయానికి ఇరుజట్ల స్కోరు 2-2తో సమం కావడంతో షూటౌట్‌ను నిర్వహించారు. తొలి అర్ధభాగంలో ఆధిపత్యం కనబర్చిన భారత్ రెండు ఫీల్డ్ గోల్స్ చేసి 2-0 ఆధిక్యంలో నిలిచింది. అనురాధా దేవి (16వ ని.), వందనా కత్రియా (31వ ని.) చెరో గోల్ చేశారు.
  
  అయితే రెండో అర్ధభాగంలో పుంజుకున్న చైనా వ్యూహాత్మకంగా ఆడింది. యాన్ యాన్ (51వ ని.), వు మెంగ్రాంగ్ (64వ ని.)లు చెరో గోల్ చేసి స్కోరును సమం చేశారు. షూటౌట్‌లో భారత క్రీడాకారిణులు మూడు అవకాశాలను సద్వినియోగం చేసుకోగా.. చైనీయులు రెండింటితోనే సరిపెట్టుకున్నారు. మరోవైపు ఫైనల్లో సంచలన ఆటతీరుతో చెలరేగిన జపాన్ 2-1తో డిఫెండింగ్ చాంపియన్ కొరియాపై నెగ్గి టైటిల్‌ను సొంతం చేసుకుంది.
  


 ఇపో (మలేసియా): ఆసియా కప్‌లో భారత్ హాకీ జట్టుకు మళ్లీ నిరాశే మిగిలింది. ఆరేళ్ల తర్వాత కప్ గెలిచే సువర్ణావకాశం వచ్చినా మ్యాచ్ చివరి నిమిషాల్లో చిన్న తప్పిదాలకు భారీ మూల్యం చెల్లించుకుంది. డిఫెండింగ్ చాంపియన్ దక్షిణ కొరియాతో ఆదివారం జరిగిన ఫైనల్లో భారత్ 3-4 గోల్స్ తేడాతో ఓటమిపాలై రన్నరప్‌గా నిలిచింది.
  
  దీంతో వచ్చే ఏడాది జరిగే ప్రపంచకప్‌కు ఎలాంటి సమీకరణాలు అవసరం లేకుండా నేరుగా అర్హత సాధించే గొప్ప అవకాశాన్ని చేజార్చుకుంది. ఈ మ్యాచ్‌కు ముందే భారత్‌కు సాంకేతికంగా ప్రపంచ కప్ బెర్త్ ఖాయమైంది. అయితే కొరియా ఆసియా కప్ విజేతగా అవతరించడంతో ప్రపంచ కప్‌లో భారత్ పాల్గొనేది లేనిది అధికారికంగా ఖరారు కావాలంటే నవంబరు వరకు వేచి చూడాలి. నవంబరులో జరిగే ఓసియానియా టోర్నీలో ఆస్ట్రేలియా లేదా న్యూజిలాండ్ విజేతగా నిలిస్తే అధికారికంగా భారత్ ప్రపంచ కప్‌కు అర్హత సాధిస్తుంది. ఇప్పటికే ఆస్ట్రేలియా, న్యూజిలాండ్ ప్రపంచ కప్‌కు అర్హత సాధించడంతో రిజర్వ్ జట్టుగా భారత్‌కు ఆ అవకాశం దక్కుతుంది. ఒకవేళ ఓసియానియా టోర్నీలో ఫిజీ గనుక గెలిస్తే భారత్‌కు ప్రపంచ కప్‌లో పాల్గొనే అవకాశం చేజారుతుంది. అయితే అత్యున్నత ప్రమాణాలున్న ఆస్ట్రేలియా, న్యూజిలాండ్‌లపై పసికూనలాంటి ఫిజీ జట్టు గెలుస్తుందనుకోవడం అత్యాశే అవుతుంది.
  
  ఆసియా కప్‌లో ఫైనల్‌కు చేరే క్రమంలో అజేయంగా నిలిచిన భారత్ అంతిమ సమరంలో తడబడింది. తొలి అర్ధభాగంలో నిరాశపర్చిన టీమిం డియా ఆటగాళ్లు రెండో అర్ధభాగంలో మాత్రం పోరాటపటిమను కనబర్చారు. అయితే కొరియా ఎదురుదాడులను సమర్థంగా అడ్డుకున్నా... ప్రత్యర్థి సర్కిల్‌లోకి దూసుకుపోవడంలో విఫలం కావడం దెబ్బతీసింది. భారత్ తరఫున రూపిందర్‌పాల్ సింగ్ (48వ ని.), నికిన్ తిమ్మయ్య (54వ ని.), మన్‌దీప్ సింగ్ (64వ ని.) గోల్స్ చేశారు. జాంగ్ జోంగ్ హుయున్ (28వ ని.), యు హో సిక్ (29వ ని.), నామ్ హుయున్ వూ (57వ ని.), కాంగ్ మూన్ క్వియోన్ (68వ ని.)లు కొరియాకు గోల్స్ అందించారు. శ్రీజేష్ (బెస్ట్ గోల్ కీపర్),  రఘునాథ్ (బెస్ట్ అవుట్‌స్టాండింగ్ ప్లేయర్)లకు అవార్డులు లభించాయి.
  
  పాక్‌కు కాంస్యం
  ప్రపంచ కప్‌లో పాల్గొనే అర్హతను కోల్పోయిన పాకిస్థాన్ జట్టు కాంస్యంతో సరిపెట్టుకుంది. మూడు, నాలుగు స్థానాల కోసం జరిగిన మ్యాచ్‌లో పాకిస్థాన్ 3-1 గోల్స్ తేడాతో మలేసియాపై విజయం సాధించింది.
  


 సా.గం. 5.30 నుంచి
  స్టార్ క్రికెట్‌లో ప్రత్యక్ష ప్రసారం
  
  ఇపో (మలేసియా): పరిష్కారం లభించని సమాఖ్య వివాదాలు... ఆటగాళ్ల పేలవ ప్రదర్శనతో అంతకంతకూ దిగజారుతున్న ప్రతిష్ట... మధ్యలో ఒలింపిక్స్ క్వాలిఫయింగ్ టోర్నీలో ఆకట్టుకున్నా... మిగతా ఈవెంట్లలో మళ్లీ నిరాశే. క్లుప్తంగా చెప్పాలంటే ప్రస్తుతం భారత హాకీ జట్టు పరిస్థితి ఇది.
  
   ఇలాంటి నేపథ్యంలో బరిలోకి దిగిన యువ జట్టు దుమ్మురేపే ఆటతో ఆసియా కప్ టైటిల్ పోరుకు దూసుకుపోయింది. ఆదివారం ఇక్కడ జరిగే ఫైనల్లో పటిష్టమైన దక్షిణ కొరియాతో అమీతుమీ తేల్చుకోనుంది. 2007 చెన్నైలో జరిగిన టోర్నీలో విజేతగా నిలిచిన భారత జట్టు ఆ తర్వాత ఘోరంగా విఫలమైంది. గతేడాది టోర్నీలో ఏడో స్థానంలో నిలిచిన భారత్‌కు ఈసారి కప్ గెలిచే సువర్ణావకాశం దక్కింది.
  
  టోర్నీలో ఇప్పటి వరకు ఆడిన నాలుగు మ్యాచ్‌ల్లో గెలిచిన టీమిండియా సూపర్ ఫామ్‌లో ఉంది. అనుభవం లేకున్నా నిలకడైన ఆటతీరుతో కుర్రాళ్లు అదరగొడుతున్నారు. లీగ్ దశలోనే కొరియాపై 2-0తో గెలవడం జట్టులో ఆత్మ విశ్వాసాన్ని పెంచుతోంది. ఈ టోర్నీలో ప్రత్యర్థులపై 21 గోల్స్ చేసిన భారత్ ఒకే ఒక్క గోల్‌ను సమర్పించుకుంది. చాలాకాలం నుంచి వేధిస్తున్న డిఫెన్స్ సమస్యకు ఈ టోర్నీలో కాస్త పరిష్కారం లభించింది. బ్యాక్‌లైన్‌లో వీఆర్ రఘునాథ్, రూపిందర్‌పాల్ సింగ్, కొతాజిత్ సింగ్, గుర్మెల్ సింగ్, బీరేంద్ర లక్రాల బృందం అడ్డుగోడలా నిలుస్తుండటం జట్టుకు కలిసొచ్చే అంశం. గోల్ కీపర్ శ్రీజేష్ కూడా మెరుగ్గా రాణిస్తున్నాడు. డ్రాగ్‌ఫ్లిక్స్‌లో రఘునాథ్, రూపిందర్ అదనపు బాధ్యతలు తీసుకుంటున్నారు. మిడ్‌ఫీల్డ్‌లో కెప్టెన్ సర్దారాకు తోడుగా మన్‌ప్రీత్, చింగ్లెన్‌సనా, ఉతప్పలు చక్కని సహకారాన్ని అందిస్తున్నారు. యువ ఫార్వర్డ్‌లైన్‌లో మన్‌దీప్ ఆకట్టుకుంటున్నాడు.
  
   ఇప్పటికే నాలుగు గోల్స్ చేసిన అతను మరోసారి విజృంభిస్తే కొరియాకు కష్టాలు తప్పవు. నితిన్ తిమ్మయ్య, మలక్ సింగ్‌లు కూడా విశేషంగా రాణిస్తుండటం భారత్‌కు లాభిస్తోంది. అయితే జట్టులో ప్రస్తుతం నెలకొన్న ఆత్మ విశ్వాసం...అతి విశ్వాసంగా మారితే ప్రమాదకరమైన కొరియా నుంచి ముప్పు తప్పదు. ఆసియా కప్ గెలిస్తే జట్టుపై మళ్లీ నమ్మకం ఏర్పడుతుందని కెప్టెన్ సర్దారా ఆశాభావం వ్యక్తం చేశాడు.
  
  మరోవైపు కొరియా ప్రతీకారమే లక్ష్యంగా బరిలోకి దిగుతోంది. ఏ ఒక్క అవకాశం లభించినా ఒంటిచేత్తో మ్యాచ్‌ను మలుపు తిప్పగల సమర్థులు జట్టులో ఉండటం అదనపు బలం. ఓ రకంగా చూస్తే భారత్‌తో పోలిస్తే అన్ని రంగాల్లో కొరియాదే కాస్త పైచేయిగా కనిపిస్తోంది. డిఫెన్సివ్‌గా ఆడుతూ భారత్‌ను దెబ్బకొట్టాలని వ్యూహం రచిస్తోంది.  
  
  గెలిస్తే... నేరుగా
  ఈ మ్యాచ్‌లో భారత్ గెలిస్తే... వచ్చే ఏడాది జరిగే ప్రపంచ కప్‌కు నేరుగా అర్హత సాధిస్తుంది. లేదంటే నవంబర్‌లో ఓసియానియా కప్ ముగిసే వరకు వేచి చూడాలి. సెమీస్‌లో మలేసియాను ఓడించిన భారత్‌కు దాదాపుగా వరల్డ్‌కప్ బెర్త్ ఖరారైనా మరికొన్ని మ్యాచ్‌ల ఫలితాలు దీనిపై ప్రభావం చూపే అవకాశం ఉంది. కాబట్టి గెలిస్తే నేరుగా... ఓడితే మరికొంత కాలం వేచి చూడక తప్పని పరిస్థితి.