వన్డే క్రికెట్‌ వరల్డ్‌ కప్‌లో భారత్‌ సత్తా చాటి మరికొన్ని గంటల్లో నేడు ఆస్ట్రేలియాతో ఫైనల్‌ ఫైట్‌కు రెడీ అయింది. లీగ్‌ దశలో పరాజయమే లేకుండా  విజయ పరంపరతో కొనసాగిన భారత జట్టు.. అదే దూకుడుతో ఫైనల్‌ మ్యాచ్‌లోనూ వీర విజృంభణతో దూసుకెళ్లి కప్‌ సాధించాలని కోట్లాది మంది భారతీయులు ఆశిస్తున్నారు. అహ్మదాబాద్‌ వేదికగా నేటి వరల్డ్‌ కప్‌ ఫైనల్‌ మ్యాచ్‌ ప్రత్యక్ష ప్రసారాన్ని వీక్షించేందుకు విద్యార్థులు, ఉద్యోగులూ, వ్యాపారులూ, సినీ సెలబ్రెటీలు తదితర క్రికెట్‌ క్రీడాభిమానులంతా సిద్ధమయ్యారు. ఇలాంటి సమయంలో క్రికెట్‌ బ్యాక్‌డ్రాప్‌లో వచ్చిన కొన్ని సూపర్‌ హిట్‌ సినిమాలను గుర్తుచేసుకుంటున్నారు. ఆ సినిమాలో ఏ ఓటీటీలో ఉన్నాయో అని తెగ వెతుకుతున్నారు. సచిన్: ఎ బిలియన్ డ్రీమ్స్  2017లో 'సచిన్: ఎ బిలియన్ డ్రీమ్స్'    అనే చిత్రాన్ని జేమ్స్ ఎర్స్‌కిన్ దర్శకత్వం వహించారు.  భారతీయ త్రిభాషా డాక్యుమెంటరీ స్పోర్ట్స్ చిత్రంగా తెరకెక్కించారు.  200 నాటౌట్ ప్రొడక్షన్స్, కార్నివాల్ మోషన్ పిక్చర్స్ సంయుక్తంగా  రవి భాగ్‌చంద్కా, శ్రీకాంత్ భాసీ నిర్మించారు . ఈ చిత్రం భారత క్రికెటర్ సచిన్ టెండూల్కర్ జీవితంపై రూపొందించిన డాక్యుమెంటరీ.ఇది టెండూల్కర్ క్రికెట్, వ్యక్తిగత జీవితాన్ని పూర్తిగా చూపించారు. అలాగే అతని జీవితంలో ఇంతకు ముందెన్నడూ వినని లేదా చూడని కొన్ని అంశాలను కూడా ఈ చిత్రంలో చూడవచ్చు. ఇందులో సచిన్ టెండూల్కర్, ఎంఎస్ ధోని, వీరేంద్ర సెహ్వాగ్ కూడా కొన్ని సీన్స్‌లలో కనిపిస్తారు. ఈ చిత్రం చూడాలనుకుంటే సోనీ లైవ్‌లో అందుబాటులో ఉంది. MS ధోని: ది అన్‌టోల్డ్ స్టోరీ  2016లో MS ధోని: ది అన్‌టోల్డ్ స్టోరీ చిత్రం విడుదలైంది. ధోని బయోగ్రాఫికల్ స్పోర్ట్స్ డ్రామాగా ఈ చిత్రం తెరకెక్కింది. నీరజ్ పాండే రచించి దర్శకత్వం వహించారు. భారత జాతీయ క్రికెట్ జట్టు మాజీ కెప్టెన్ మహేంద్ర సింగ్ ధోని జీవితం ఆధారంగారూపొందించబడింది. ఈ చిత్రంలో MS ధోనిగా దివంగత సుశాంత్ సింగ్ రాజ్‌పుత్ నటించారు , వీరితో పాటు దిశా పటానీ , కియారా అద్వానీ,  అనుపమ్ ఖేర్ నటించారు. ఈ చిత్రం ధోని చిన్నప్పటి నుంచి జీవితంలోని అనేక సంఘటనల ద్వారా అతని జీవితాన్ని వివరిస్తుంది. ధోనీ అంగీకారంతో ఈ సినిమా మొదలైంది. 61 దేశాలలో ఈ సినిమా విడుదలైంది. వాణిజ్యపరంగా ఈ సినిమా భారీ విజయం సాధించింది. ఇది 2016లో అత్యధిక వసూళ్లు చేసిన ఐదవ బాలీవుడ్ చిత్రంగా నిలిచింది. 2016లో ప్రపంచవ్యాప్తంగా రూ. 215.48 కోట్లు వసూలు చేసిన ఆరవ భారతీయ చిత్రంగా రికార్డ్‌ క్రియేట్‌ చేసింది. ఈ సినిమాను చూడాలనుకుంటే.. డిస్నీ ప్లస్‌ హాట్‌స్టార్‌లో ఉచితంగానే చూడొచ్చు. 800  ముత్తయ్య మురళీధరన్ 2023లో తెలుగులో ఈ సినిమా విడుదలైంది. శ్రీలంక స్టార్‌ క్రికెటర్ ముత్తయ్య మురళీధరన్ జీవితం ఆధారంగా ఈ చిత్రాన్ని రూపొందించారు. మూవీ ట్రైన్ మోషన్ పిక్చర్స్ బ్యానర్‌పై వివేక్ రంగాచారి నిర్మించిన ఈ సినిమాకు ఎంఎస్ శ్రీపతి దర్శకత్వం వహించగా శ్రీదేవి మూవీస్ పై శివలెంక కృష్ణప్రసాద్ దేశవ్యాప్తంగా డిస్ట్రిబ్యూషన్ చేశాడు. మధుర్ మిట్టల్, మహిమా నంబియార్, నాజర్ ప్రధాన పాత్రల్లో నటించిన ఈ సినిమా అక్టోబరు 6న తమిళ, తెలుగు, హిందీ భాషల్లో విడుదల చేశారు.  టెస్ట్ క్రికెట్ చరిత్రలో 800 వికెట్స్ తీసిన ఏకైక బౌలర్‌గా ముత్తయ్య మురళీధరన్ ఉన్నారు. అందుకే ఈ చిత్రానికి 800 అనే టైటిల్‌ ఫిక్స్‌ చేశారు. డిసెంబర్‌ 2 నుంచి జియో సినిమాలో స్ట్రీమింగ్‌ కానుంది. 'ఆజార్‌' 2016లో భారత మాజీ కెప్టెన్ మహ్మద్ అజారుద్దీన్ జీవితం ఆధారంగా 'ఆజార్‌' అనే పేరుతో ఈ చిత్రాన్ని తెరకెక్కించారు. టోనీ డిసౌజా దర్శకత్వంలో సోనీ పిక్చర్స్ ద్వారా శోభా కపూర్, ఏక్తా కపూర్ ఈ చిత్రాన్ని నిర్మించారు. ఇమ్రాన్ హష్మీ టైటిల్ రోల్‌లో సూపర్‌గా మెప్పించారు. ఈ చిత్రం ప్రపంచవ్యాప్తంగా 13 మే 2016న విడుదలైంది . అజార్‌ జీవితంలో మ్యాచ్‌ ఫిక్సింగ్‌, వివాహేతర సంబంధం వంటి అంశాలపై కూడా ఈ చిత్రంలో క్లారిటీ ఇచ్చారు. అజార్‌ నెట్‌ఫ్లిక్స్‌లో స్ట్రీమింగ్‌ అవుతుంది. క్రికెట్ బ్యాక్‌డ్రాప్‌లో రూపొందిన సినిమాలో ఇవే  ► నాని నటించిన జెర్సీ ZEE5లో స్ట్రీమింగ్‌ అవుతుంది.  ► గోల్కోండ హైస్కూల్ (సన్‌నెక్ట్స్‌)  ► కౌస‌ల్య కృష్ణ‌మూర్తి (సన్‌నెక్ట్స్‌)  ► విజయ్‌ దేవరకొండ 'డియ‌ర్ కామ్రేడ్' (అమెజాన్‌,డిస్నీ హాట్‌స్టార్‌)  ► నాగ‌చైత‌న్య 'మ‌జిలీ' (అమెజాన్ ప్రైమ్ వీడియో)  ► వెంక‌టేష్ 'వ‌సంతం'  (డిస్నీ హాట్‌స్టార్‌)  ► లగాన్‌ హిందీ (నెట్‌ఫ్లిక్స్‌)

‘‘నిన్ను కోరి, మజిలీ’ వంటి నా గత చిత్రాల్లో విఫలమైన ప్రేమకథలను చూపించాను. కానీ, ఈసారి పూర్తి స్థాయి వినోదం, ఉత్సాహంగా ఉండే ప్రేమకథ తీయాలని ‘ఖుషి’ చేశాను’’ అన్నారు శివ నిర్వాణ. విజయ్‌ దేవరకొండ, సమంత జంటగా నటించిన చిత్రం ‘ఖుషి’.  నవీన్‌ యెర్నేని, వై. రవిశంకర్‌ నిర్మించిన ఈ సినిమా సెప్టెంబర్‌ 1న  రిలీజ్‌ కానుంది. ఈ సందర్భంగా చిత్రదర్శకుడు శివ నిర్వాణ చెప్పిన విశేషాలు. డైరెక్టర్‌ మణిరత్నంగారి ఫ్యాన్‌గా ఆయన దగ్గర చేరాలనుకుని చెన్నై వెళ్లాను. కానీ ఆయన్ను కలవడానికి కుదరలేదు. మణిరత్నంగారి సినిమాలను ఇష్టపడతాను కానీ ఆయనలా తీయాలనుకోను. ఆయన తీసిన ‘సఖి’ లాంటిపాయింట్‌తో ‘ఖుషి’ తీశామనే వార్తలు అవాస్తవం. ప్రస్తుత సమాజంలోని ఒక సమకాలీన అంశాన్ని విజయ్, సమంతలాంటి స్టార్స్‌ ద్వారా చూపిస్తే బాగుంటుందని నమ్మాను. ప్రేమకథను ఎంత కొత్తగా చెప్పాలనే ఆలోచన నుంచి పుట్టిందే కాశ్మీర్‌ నేపథ్యం. ఈ చిత్రంలో విజయ్‌పాత్ర అమ్మాయిలకు, కుటుంబ ప్రేక్షకులకు బాగా నచ్చుతుంది. సమంత వాస్తవ జీవితానికి, ఈ చిత్రానికి ఎలాంటి సంబంధం లేదు. నిర్మాతలు నవీన్, రవిశంకర్‌గార్లు డైరెక్టర్స్‌కు స్వేచ్ఛ ఇస్తారు కాబట్టి సంతోషంగా సినిమా చేసుకోవచ్చు. హేషమ్‌ అద్భుతమైన మ్యూజిక్‌ ఇచ్చాడు. నేను డైరెక్ట్‌ చేసిన ‘నిన్ను కోరి, మజిలీ, టక్‌ జగదీశ్‌’ సినిమాల్లో కొన్నిపాటలు రాశాను. కానీ, ‘ఖుషి’కి అన్నిపాటలు రాయాల్సి వచ్చింది.. రాశాను. మనంపాన్‌ ఇండియా సినిమా చేయాలని ముందే అనుకుని, కథ రాసుకోనవసరం లేదనేది నా అభిప్రాయం.‘బాహుబలి, పుష్ప, ఆర్‌ఆర్‌ఆర్, కార్తికేయ 2’ వంటి సినిమాలన్నీ మన నేటివిటీకి నచ్చేలా చేసుకున్నవి. ఇతర భాషల వాళ్లు కూడా వాటిని ఇష్టపడ్డారు కాబట్టిపాన్‌ ఇండియా సినిమాలు అయ్యాయి. మనకు నచ్చే మన నేటివిటీ సినిమా బాగా చేసుకుంటే అది ఇతరులకు నచ్చిపాన్‌ ఇండియా మూవీ అవుతుందన్నది నా అభిప్రాయం.  

హోలీ వచ్చిందంటే ఆ సందడే వేరు. బంధువులు సన్నిహితులంతా ఒక్కచోట చేరి రంగుల్లో మునిగితేలుతూ సంబరాలు చేసుకుంటారు. ఆకాశంలోని ఇంద్ర దనుస్సు నేలకు దిగి వచ్చిందా అనేంతగా ప్రజలంతా రంగుల్లో మునిగిపోతారు. ఇక ఈ పండుగ ప్రత్యేకతను చాటుతూ వెండితెరపై ఎన్నో చిత్రాలు ఆవిష్కృతమయ్యాయి. ముఖ్యంగా ప్రేమికులను కలిపేందుకు ఈ హోలీ పండుగను వేదికగా మలిచిన ప్రేమ కథ చిత్రాలేన్నో.  కొట్టు కొట్టు కొట్టు…రంగు తీసి కొట్టు రంగులోన లైఫ్ ఉంది రా… అంటూ కింగ్‌ నాగార్జున అందాల భామలను పడేశాడు. రంగు రబ్బ..రబ్బ అంటూ యంగ్ టైగర్ ఎన్టీఆర్, ఇలియానాతో కలసి రంగుల్లో మునిగి తేలాడు. రంగేలీ హోలీ…హంగామా కేళీ అంటూ డార్లింగ్‌ ప్రభాస్‌ అందాల భామలతో సందడి చేశాడు. ఇలా ప్రేమకథా చిత్రాల్లో హీరోహీరోయిన్ల మధ్య సయ్యాటలు, పాటలకు ఈ రంగుల పండుగను చేర్చి మరితం ఆకర్షనీయంగా మలిచిన ఆ చిత్రాలేంటో ఓ సారి చూద్దాం!  ‘మజిలి’లో చై-సామ్‌ హోలీ!  ఈ సినిమా సమంత, హీరో నాగ చైతన్య చాటుమాటుగా ప్రేమిస్తుంది. క్రికెట్‌ ఆడుతూ తన స్నేహితులతో జాలిగా తిరుగుతున్న హీరోని ఫాలో అవుతూ ఉంటుంది. అతడి అల్లరి చూస్తూ మురిపోతుంటుంది. తన ప్రేమను చెప్పకుండా వన్‌ సైడ్‌ లవ్‌లో పడుతుంది. నేరుగా అతడికి ఎదురుపడేందుకు భయపడే సామ్‌ హోలీ పండగలో మాత్రం ఏకంగా హీరోకి చాటుగా కలర్‌ పూసి ఆనందపడిపోతుంది. అలా ఎన్నో ప్రేమ కథ చిత్రాల్లో హీరోహీరోయిన్ల ప్రేమకు ఈ హోలీ పండుగ వేదికగా నిలిచింది.  నాని-లావణ్యల ‘భలే భలే’ హోలీ భలే భలే మగాడివో చిత్రంలో నాని-లావణ్య త్రిపాఠిల ప్రేమలో కూడా హోలీ పండుగను చేర్చారు. రోడ్డుపై హీరోయిన్‌ చూసిన నాని అప్పుడే ఆమెతో ప్రేమలో పడతాడు. ఆ వెంటనే మొట్ట మొదటి సారి అంటూ పాట వేసుకుంటాడు నాని. ఇక ఇందులో హీరోయిన్‌తో కలిసి హోలీ ఆడుతూ ఆమెతో ప్రేమ ఆటలు ఆడుతాడు. ఇక ఆ తర్వాత తన మతిమరుపు జబ్బు దాచి హీరోయిన్‌ ఎలాగోలా ప్రేమలో పడేస్తాడు.  ఛార్మితో నాగ్‌ ‘మాస్‌’ హోలీ కింగ్‌ నాగార్జున కెరీర్‌లో హిట్‌ సినిమాల్లో ‘మాస్‌’​ సినిమా ఒకటి. అన్నమయ్య, రామదాసు వంటి చిత్రాలతో తర్వాత నాగార్జున యూత్‌ మంచి క్రేజ్‌ తీసుకువచ్చిన సినిమా కూడా ఇదే. డాన్స్‌ మాస్టర్‌ రాఘవ లారెన్స్‌ ఈ సినిమాతోనే దర్శకుడిగా పరిచయమయ్యాడు. 2004లో వచ్చిన ఈ మూవీ బ్లాక్‌బస్టర్‌ అయ్యింది. ఇందులో జ్యోతిక, ఛార్మిలు హారోయిన్లుగా నటించారు. తన పగ కోసం చార్మి ఉంటున్న అపార్ట్‌మెంట్‌లో ఉండేందకు వచ్చిన నాగ్‌ తన ఉనికిని ఎవరికి తెలియకుండ జాగ్రత్త పడతాడు. ఈ క్రమంలో నాగ్‌ అపార్ట్‌మెంట్‌ వాసులకు దగ్గరయ్యేందుకు లారెన్స్‌ హోలీ పండగను వేదికగా తీసుకున్నాడు. ఈ క్రమంలో కొట్టు కొట్టు కొట్టు.. రంగు తీసి కొట్టు అంటూ నాగ్‌ ‘మాస్‌’లో ఛార్మితో ఆడిపాడాడు. ఈ పాట తర్వాతే ఛార్మీ నాగ్‌ ప్రేమలో పడుతుంది. రంగుల్లో భూమిక ప్రేమలో పడ్డ ‘వాసు’ తన ఫ్రెండ్‌ను కొట్టిన విలన్‌ గ్యాంగ్‌పై ప్రతీకారం తీర్చుకునేందుకు వెళతాడు వెంకటేశ్‌. అయితే అప్పుడే హీరోయిన్‌తో వెంకి ప్రేమలో పడతాడు. ఈ సీన్‌ ఆకర్షనీయంగా తీర్చిదిద్దేందుకు రంగుల పండుగను తీసుకున్నాడు డైరెక్టర్‌. విలన్లను కొట్టేందుకు వచ్చిన వెంకీ రంగుల మబ్బుల్లో చందమామల హీరోయిన్‌ వైట్‌ డ్రెస్‌తో ఎంట్రీ ఇస్తుంది. తనపై రంగుల పడకుండా నవ్వుతూ పరుగెడుతుంటే వెంకీ ఆమెను అలా కళ్లార్పకుండా చూస్తునే ఉండిపోతాడు. అలా వైట్‌ డ్రెస్‌తో చందమామల మెరిసిపోయిన్‌ హీరోయిన్‌ భూమికతో లవ్‌లో పడతాడు.  అమెరికాలో ‘దేవదాసు’ హోలీ సెలబ్రెషన్స్‌ రామ్‌-ఇలియాన వెండితెర ఎంట్రీ ఇచ్చిన చిత్రం దేవదాసు. ఇండియాలో ఉండే రామ్‌ అమెరికా సెనెటర్‌ కూతురైన ఇలియానతో ప్రేమలో పడతాడు. ఇండియాకు వచ్చిన మధుతో లవ్‌లో పడ్డ హీరో తన ప్రేమను గెలిపించుకునేందుకు అమెరికాకు వెళతాడు. అక్కడ ఆమెను కలుసుకునేందుకు హోలీని ప్లాన్ చేస్తాడు. హీరోయిన్‌ను ఎలా అయినా కలవాలి అన్న సాకుతో హోలీ రోజున హీరోయిన్‌ను తన తండ్రి చేతనే బయటకు తీసుకు వచ్చేలా ప్లాన్ చేసి కలుస్తాడు. చివరకు హీరోయిన్ తండ్రితో చివరి వరకూ యుద్దం చేసి తన ప్రేమను గెలిపించుకుంటాడు. షామిలిని పడేసేందుకు హోలీని అడ్డుపెట్టుకున్న సిద్దూ ఈ సినిమాలో రిచ్ పర్సన్యాలిటీ అయినటువంటి హీరో, తనకు నచ్చిన షామిలీని ప్రేమించేందుకు అనేక పాట్లు పడుతూ ఉంటాడు. అందులో భాగంగానే షామిలీ కుటుంబంలో ఉన్న పిల్లలను తనకు సపోర్ట్‌గా చేసుకునేందుకు హోలీ పండుగను ఎంపిక చేసుకుని రంగుల్లో మునిగి తేలతాడు. ఇక ఆ పద్దతి నచ్చని షామిలీ తన ఇంట్లో పిల్లల్ని తీసుకెళ్ళి పోయి, హీరోకి పెద్ద షాక్ ఇస్తుంది. అలా ఎన్నో ట్రైల్స్ వేసి హీరో చివరకు ప్రేమ కథను ముగిస్తాడు. 

సమంతతో విడాకుల తర్వాత నాగచైతన్య పర్సనల్‌ లైఫ్‌కు సంబంధించి తరుచూ గాసిప్స్‌ వినిపిస్తున్న సంగతి తెలిసిందే. శోభిత దూళిపాళతో చై డేటింగ్‌ రూమర్స్‌ అప్పట్లో ఇండస్ట్రీలో హాట్‌టాపిక్‌గా మారాయి. ఆ మధ్య మజిలీ బ్యూటీ దివ్యాంశ కౌశిక్‌తోనూ చై ప్రేమలో ఉన్నాడని జోరుగా ప్రచారం జరిగింది. త్వరలోనే వీరిద్దరూ పెళ్లి కూడా చేసుకుంటారనే టాక్‌ వినిపించింది. అంతేకాదు మజిలీ తర్వాత రామారావు ఆన్‌ డ్యూటీ సినిమాలో దివ్యాంశకు హీరోయిన్‌గా ఛాన్స్‌ రావడానికి కూడా నాగ చైతన్యనే కారణమని, ఆయనే దివ్యాంశ పేరును రికమెండ్‌ చేసినట్లు గుసగుసలు వినిపించాయి. తాజాగా ఈ రూమర్స్‌పై స్వయంగా దివ్యాంశ క్లారిటీ ఇచ్చింది. రీసెంట్‌గా ఓ యూట్యూబ్‌ చానల్‌కు ఇచ్చిన ఇంటర్వ్యూలో ఆమె మాట్లాడుతూ.. 'ఐ లవ్‌ నాగచైతన్య. చూడటానికి చాలా బాగుంటాడు. అతనిపై నాకు క్రష్‌ ఉంది. కానీ మేం పెళ్లి చేసుకోబోతున్నట్లు వస్తున్న వార్తల్లో నిజం లేదు. రామారావు ఆన్‌ డ్యూటీలో నాకు ఛాన్స్‌ రావడానికి చై కారణమంటూ వచ్చిన రూమర్స్‌లో కూడా నిజం లేదు' అంటూ చెప్పుకొచ్చిందీ బ్యూటీ.   

సినిమా స్టార్స్‌కు ఉండే ఫాలోయింగ్‌ గురించి ప్రత్యేకంగా చెప్పాల్సిన పనిలేదు. తమ ఫేవరెట్‌ హీరో, హీరోయిన్‌తో ఒక్క ఫోటో అయినా దిగాలని చాలామంది కలలు కంటారు. అదే గనుక నిజమైతే వారి ఆనందానికి అవధులు ఉండవు. సరిగ్గా ఇలాంటి సీన్‌ రిపీట్‌ అయ్యింది. రితేష్‌ దేశ్‌ముఖ్‌, జెనీలియా జంటగా నటిస్తున్న చిత్రం వేద్‌. తెలుగులో మజిలీ చిత్రానికి రీమేక్‌ ఇది. త్వరలోనే ఈ సినిమా విడుదల కానుంది. ఈ సందర్భంగా మూవీ టీం ప్రమోషన్స్‌ మొదలుపెట్టారు. ఇందులో భాగంగా ఓ కాలేజీ క్యాంపస్‌కు వెళ్లారు చిత్ర యూనిట్‌. ఆ సమయంలో ఓ యువతి స్టేజ్‌పైకి వచ్చి రితేష్‌తో డ్యాన్స్‌ చేయాలని ఉందని చెప్పింది. అభిమాని కోరిక మేరకు వెంటనే రితేష్‌ ఆమెతో కలిసి డ్యాన్స్‌ చేశాడు. దీంతో ఆమె ఆనందం తట్టుకోలేక ఏడుస్తూ అతడి కాళ్లు పట్టుకుంది. వెంటనే రితేష్‌ ఆమెను పైకి లేపి ఆమె కాళ్లు తాకడంతో అతని బిహేవియర్‌కు ఫిదా అయిపోయారు. దీనికి సంబంధించిన ఫోటోలు, వీడియోలు ప్రస్తుతం నెట్టింట వైరల్‌గా మారాయి.  ఎంత ఎదిగినా ఒదిగి ఉండటం రితేష్‌ను చూస్తే అర్థమవుతుందంటూ అతడిపై నెటిజన్లు ప్రశంసలు కురిపిస్తున్నారు.

టాలీవుడ్‌ మోస్ట్‌ క్యూటెస్ట్‌ కపుల్‌గా పేరు తెచ్చుకున్న సమంత- నాగ చైతన్య విడిపోయి సుమారు 6నెలలు కావోస్తుంది. అయినప్పటికీ ఈ జంట విడాకుల విషయం ఇండస్ట్రీలో ఇప్పటికీ హాట్‌టాపిక్‌గా హల్‌చల్‌ చేస్తుంది. అసలు చై-సామ్‌ విడాకులకు సంబంధించి కారణాలు ఏంటన్న దానిపై ఇప్పటివరకు స్పష్టత లేదు.  కానీ సోషల్‌ మీడియాలో మాత్రం వీరి గురించి నిత్యం ఏదో ఒక వార్త చక్కర్లు కొడుతూనే ఉంటుంది. ఇక విడాకుల తర్వాత ఎవరి లైఫ్‌లో వాళ్లు బిజీ అయిపోయారు. సమంత అయితే నాగ చైతన్య ఙ్ఞాపకాలను కూడా చెరిపేస్తూ సోషల్‌ మీడియాలో అతని ఫోటోలన్నింటిని డిలీట్‌ చేసేసింది. రీసెంట్‌గా చైని ఇన్‌స్టాలో అన్‌ఫాలో కూడా చేసేసింది. అయితే తాజాగా సామ్‌ విడాకుల అనంతరం తొలిసారిగా నాగచైతన్య ఫోటోని షేర్‌ చేసింది. అయితే ఇది పర్సనల్‌ లైఫ్‌కి సంబంధించింది మాత్రం కాదు. ఇద్దరూ చివరగా జంటగా నటించిన బ్యూటిఫుల్‌ లవ్‌స్టోరి మజిలీ 3ఏళ్లు పూర్తయిన సందర్భంగా.. 3ఇయర్స్‌ ఆఫ్‌ మజిలీ అంటూ పోస్టర్‌ని షేర్‌ చేసుకుంది. డివోర్స్‌ తర్వాత తొలిసారి సామ్‌ చై ఉన్న ఫోటో షేర్‌ చేయడంతో ఈ పోస్ట్‌ కాసేపటికే నెట్టింట వైరల్‌గా మారింది. 

పెళ్లి తర్వాత సమంత-నాగచైతన్య జంటగా నటించిన తొలి చిత్రం ‘మజిలీ’. రీయల్‌ లైఫ్‌లోనే కాకుండా రీల్‌ లైఫ్‌లో కూడా చైతూ- సామ్‌లు కపుల్స్‌గా కనిపించిన ఈ చిత్రం సూపర్‌ డూపర్‌ హిట్‌గా నిలిచింది. శివ‌నిర్వాణ డైరెక్ష‌న్ లో తెర‌కెక్కిన ఈ చిత్రం బాక్సాఫీస్ వ‌ద్ద 40 కోట్ల‌ రూపాయలకు పైగా వ‌సూళ్ల‌ను రాబ‌ట్టింది. 2019లో భారీ హిట్‌గా నిలిచిన ‘మ‌జిలీ’ మూవీ తాజాగా మ‌రోసారి వార్త‌ల్లోకెక్కింది. కాగా ఈ చిత్రం హిందీలో డబ్‌ అయిన సంగతి తెలిసిందే. ఈ డబ్బింగ్ వెర్ష‌న్‌కు యూట్యూబ్ ఛాన‌ల్‌లో అద్భుత‌మైన రెస్పాన్స్‌ వస్తోంది.  యూట్యూబ్‌లో ఈ హిందీ వెర్షన్‌ 100 మిలియన్లకు పైగా వ్యూస్‌తో దూసుకుపోతూ ప్రస్తుతం ట్రెండ్ంగ్‌ జాబితాలో చేరింది. ఓ తెలుగు హిందీ డబ్బింగ్‌ వెర్షన్‌కు ఈ స్థాయిల రెస్పాన్స్‌ రావడం అంటే సాధారణ విషయం కాదు. కాగా ఇటీవల సమంత నటించిన ‘ది ఫ్యామిలీ మ్యాన్‌-2 వెబ్‌’ సీరిస్‌ ఓటీటీ అత్యధిక వ్యూస్‌తో దూసుకుపోతున్న సంగతి తెలిసిందే. ఇక నాగచైతన్య అమిర్‌ ఖాన్‌ తాజా చిత్రం ‘లాల్‌ సింగ్‌ చధా’తో త్వ‌ర‌లో బాలీవుడ్ ఎంట్రీ ఇవ్వ‌బోతున్నాడు. ఇప్ప‌టికే షూటింగ్ లో జాయిన్ కావాల్సి ఉండ‌గా కోవిడ్ సెకండ్ వేవ్ తో ఆల‌స్య‌మైంది. మ‌రోవైపు నాగ‌చైత‌న్య న‌టించిన ‘ల‌వ్ స్టోరీ’ త్వ‌ర‌లో ప్రేక్ష‌కుల ముందుకు రానుంది. చదవండి:  సమంత కలర్‌పై విమర్శిస్తారని తెలుసు

‘ఏ మాయ చేశావే’ సినిమాలో జంటగా నటించిన నాగ చైతన్య- సమంత 2017 అక్టోబరు 6న మూడుముళ్ల బంధంతో ఒక్కటైన సంగతి తెలిసిందే. టాలీవుడ్‌లో మోస్ట్‌ రొమాంటిక్‌ కపుల్‌గా పేరొందిన చై- సామ్‌ మంగళవారం నాడు మూడో వివాహ వార్షికోత్సవం పూర్తి చేసుకున్నారు. ఈ సందర్భంగా భర్తతో కలిసి ఉన్న ఫొటో షేర్‌ చేసిన సామ్‌.. ‘‘నువ్వు నా వాడివి. నేను నీ దానిని, ఎల్లవేళలా కలిసే ఉంటూ జీవితంలోని అన్ని మలుపులను కలిసి స్వాగతిద్దాం. శ్రీవారికి పెళ్లిరోజు శుభాకాంక్షలు‌’’అంటూ నాగ చైతన్యపై ప్రేమను చాటుకున్నారు. ఈ క్రమంలో సోషల్‌ మీడియా వేదికగా చై- సామ్‌లపై శుభాకాంక్షల వర్షం కురిసింది. అదే విధంగా చైతూ కజిన్‌ రానా దగ్గుబాటితో పాటు వ్యాపారవేత్త ఉపాసన వంటి సెలబ్రిటీలు సైతం వారిని విష్‌ చేశారు. ఇక పెళ్లి తర్వాత కూడా సామ్‌ నటన కొనసాగిస్తున్న సంగతి తెలిసిందే. ఈ క్రమంలో ఇద్దరు మరోసారి జంటగా నటించిన మజిలీ చిత్రం ఎంతటి విజయం సాధించిందో ప్రత్యేకంగా చెప్పాల్సిన పనిలేదు. కాగా కెరీర్‌ పరంగా ఎంత బిజీగా ఉన్నా ఒకరికోసం ఒకరు టైమ్‌ కేటాయించుకుంటూ.. వీలు చిక్కినప్పుడల్లా హాలిడే ట్రిప్‌ ఎంజాయ్‌ చేస్తూ ఇటు పర్సనల్‌ లైఫ్‌ను,  అటు ప్రొఫెషనల్‌ లైఫ్‌నూ సక్సెస్‌ఫుల్‌గా లీడ్‌ చేస్తూ ఆదర్శంగా నిలుస్తున్నారు చైసామ్‌లు. . View this post on Instagram You are my person and I am yours , that whatever door we come to , we will open it together . Happy anniversary husband @chayakkineni ❤️ A post shared by Samantha Akkineni (@samantharuthprabhuoffl) on Oct 5, 2020 at 8:40pm PDT

సినిమా: నటి సమంత కోలీవుడ్‌లో మరో కొత్త చిత్రానికి పచ్చజెండా ఊపినట్లేనా?.. అంటే అవుననే ప్రచారమే ఇప్పుడు సామాజిక మాధ్యమాల్లో జరుగుతోంది. 2019లో సక్సెస్‌పుల్‌ కథానాయకిగా కొనసాగిన నటి ఈ బ్యూటీ. తమిళంలో సూపర్‌డీలక్స్, తెలుగులో మజిలి, ఓ బేబీ వంటి హిట్‌ చిత్రాల్లో నటించింది. తాజాగా తమిళంలో సంచలన విజయాన్ని అందుకున్న 96 చిత్ర తెలుగు రీమేక్‌లో నటించి పూర్తిచేసింది. కాగా ఇప్పుడు తొలి సారిగా వెబ్‌ ప్రపంచంలోకి అడుగు పెడుతోంది. దీ ఫ్యామిలీ మాన్‌ అనే వెబ్‌ సిరీస్‌లో నటిస్తోంది. కాగా ఇటీవల చిత్రాల ఎంపికలో ఆచీతూచి నిర్ణయాలను తీసుకుంటూ వచ్చింది. తాజాగా మళ్లీ నటిగా వేగం పెంచినట్లు తెలుస్తోంది. తమిళంలో రెండు చిత్రాలకు గ్రీన్‌ సిగ్నల్‌ ఇచ్చినట్లు తాజా సమాచారం. ఇప్పటికే తాప్సీ హీరోయిన్‌గా గేమ్‌ ఓవర్‌ వంటి సక్సెస్‌పుల్‌ చిత్రాన్ని తెరకెక్కించిన అశ్విన్‌ సరవణన్‌ దర్శకత్వంలో నటించడానికి సిద్ధమవుతున్నట్లు ప్రచారంలో ఉంది. లేడీ ఓరియన్‌టెడ్‌ కథా చిత్రంగా తెరకెక్కనున్న ఈ చిత్రం తమిళంతో పాటు తెలుగులోనూ రూపొందనున్నట్లు సమాచారం. కాగా తాజాగా మరో చిత్రానికి సమంత పచ్చజెండా ఊపినట్లు టాక్‌ స్ప్రెడ్‌ అయ్యింది. ఇంతకుముందు మలయాళ నటుడు నవీన్‌ పౌలీ హీరోగా రిచ్చీ చిత్రాన్ని తెరకెక్కించిన గౌతమ్‌ రామచంద్రన్‌ కొత్త చిత్రానికి రెడీ అయ్యినట్లు తెలుస్తోంది. ఇందులో నటి సమంత ప్రధాన పాత్రలో నటించడానికి అంగీకరించినట్లు సమాచారం. ఇదిచాలా ఆసక్తికరమైన కథాంశంతో కూడిన చిత్రంగా ఉంటుందని టాక్‌. మరో విషయం ఏమింటే దీన్ని స్క్రీన్‌ సీన్స్‌ మీడియా ఎంటర్‌టెయిన్‌మెంట్‌ సంస్థ నిర్మించనున్నట్లు సమాచారం. ఈ సంస్థ ఇటీవల సుందర్‌ సీ హీరోగా ఇరుట్టు చిత్రాన్ని నిర్మించింది. ప్రస్తుతం శశికుమార్‌ హీరోగా ఎంజీఆర్‌ మగన్‌ చిత్రాన్ని, హరీశ్‌కల్యాణ్‌ హీరోగా ధారల ప్రభు అనే చిత్రాన్ని నిర్మిస్తోంది. కాగా సమంత హీరోయిన్‌ సెంట్రిక్‌ కథా పాత్రలో నటించే చిత్రాన్ని పిబ్రవరిలో ప్రారంభించనున్నట్లు టాక్‌. దీనికి సంబంధించిన అధికారిక ప్రకటన వెలువడాల్సి ఉందన్నది గమనార్హం.

ఇండస్ట్రీలో ఒక గమ్మల్తైన గండం ఉంది. ఫస్ట్‌ సినిమా ఫస్ట్‌ క్లాస్‌లో పాస్‌ అయినా కూడా రెండో సినిమాకు తడబడుతుంటారు దర్శకులు. సినిమా భాషలో దీనికి ‘సెకండ్‌ మూవీ సిండ్రోమ్‌’ అనే పేరు కూడా పెట్టారు. ఇండస్ట్రీలో ఇది తరచూ కనిపించేదే. దర్శకులు మొదటి సినిమాతో ఎంతలా మెప్పించినా, రెండో సినిమాతో నిరాశపరిచిన సందర్భాలు చాలానే ఉన్నాయి. కొందరు దర్శకులు మాత్రం సెకండ్‌ హిట్‌ కూడా ఇచ్చేస్తారు. అలా తొలి సినిమాతోనే ఇండస్ట్రీ దృష్టిని ఆకర్షించిన కొందరు దర్శకులు ఈ ఏడాది తమ రెండో సినిమాతో వచ్చారు. కానీ ముగ్గురు దర్శకులు మాత్రం ద్వితీయ విఘ్నాన్ని విజయవంతంగా దాటేశారు. ఈ ‘సెకండ్‌ మూవీ సిండ్రోమ్‌’ను సక్సెస్‌ఫుల్‌గా దాటేసిన సక్సెస్‌ఫుల్‌ డైరెక్టర్స్‌ స్టోరీ. శివ మజిలీ ‘నిన్ను కోరి’ (2017) సినిమాతో ఇండస్ట్రీకు పరిచయం అయ్యారు శివ నిర్వాణ. ప్రేమలో ఓడిపోయినా జీవితాన్ని ముందుకు సాగించొచ్చు అని ‘నిన్ను కోరి’లో చెప్పారు. ఈ చిత్రంలో నాని, నివేదా థామస్, ఆది ముఖ్య పాత్రల్లో నటించారు. అద్భుతమైన స్క్రీన్‌ప్లే, టేకింగ్,  పాటలు, ఫెర్ఫార్మెన్స్‌లతో ఈ సినిమా సక్సెస్‌ కొట్టింది. రెండో సినిమాగా టాలీవుడ్‌ యంగ్‌ కపుల్‌ నాగచైతన్య, సమంతలతో ‘మజిలీ’ తీశారు శివ నిర్వాణ. వివాహం తర్వాత చైతన్య, సమంత స్క్రీన్‌ షేర్‌ చేసుకున్న చిత్రమిదే. మనం కోరుకున్నవాళ్లు మనకు కొన్నిసార్లు దక్కకపోవచ్చు. మనల్ని కోరుకునేవాళ్లూ మనకోసం ఉండే ఉంటారు అనే కాన్సెప్ట్‌తో ఈ సినిమా తీశారు శివ. ఎమోషనల్‌ మీటర్‌ కరెక్ట్‌గా వర్కౌట్‌ అయింది. బాక్సాఫీస్‌ దగ్గర మంచి వసూళ్లు సాధించిన ఈ చిత్రం నాగచైతన్య, సమంత గుర్తుంచుకునే చిత్రం అయింది. ప్రస్తుతం తన తొలి హీరో నానీతో ‘టక్‌ జగదీష్‌’ చేస్తున్నారు శివ. మళ్ళీ హిట్‌ మొదటి చిత్రానికి ప్రేమకథను ఎన్నుకున్నారు గౌతమ్‌ తిన్ననూరి. కథను చెప్పడంలో, కథను ఎంగేజ్‌ చేయడంలో తనదైన శైలిలో ‘మళ్ళీ రావా’ని తెరకెక్కించారు. ఇందులో సుమంత్, ఆకాంక్షా సింగ్‌ జంటగా నటించారు. మన ఫస్ట్‌ లవ్‌ మళ్లీ మన జీవితంలోకి ప్రవేశిస్తే? ఆమెను వదులుకోకూడదనుకునే ఓ ప్రేమికుడి ప్రయాణమే ఈ సినిమా. ఎమోషనల్‌ డ్రామాగా ఈ సినిమా యువతను బాగా ఆకట్టుకుంది. రెండో సినిమాగా నానీతో ‘జెర్సీ’ని తెరకెక్కించారు గౌతమ్‌. వందమందిలో గెలిచేది ఒక్కడే. ఆ ఒక్కడి గురించి అందరూ చర్చించుకుంటారు. మిగతా 99 మందికి సంబంధించిన కథే ‘జెర్సీ’. 36 ఏళ్ల వయసులో మళ్లీ క్రికెటర్‌గా టీమ్‌లో సెలక్ట్‌ కావాలనుకున్న ఓ ప్లేయర్‌ కల నెరవేరిందా లేదా అనేది కథ. నాని కెరీర్‌లో మైలురాయిగా ఈ సినిమా ఉండిపోతుంది. ప్రస్తుతం ఈ సినిమాను హిందీలో షాహిద్‌ కపూర్‌ హీరోగా రీమేక్‌ చేస్తున్నారు గౌతమ్‌ తిన్ననూరి.   నో కన్‌ఫ్యూజన్‌ ‘దర్శకుడిగా వివేక్‌ ఆత్రేయకు ‘మెంటల్‌ మదిలో’ తొలి సినిమా. శ్రీవిష్ణు, నివేదా పేతురాజ్‌ జంటగా నటించారు. ఏ సందర్భంలో అయినా ఏదైనా ఎంపిక చేసుకోవాలంటే కన్‌ఫ్యూజ్‌ అయ్యే మనస్తత్వం హీరోది. అలాంటి అతను లైఫ్‌ పార్ట్‌నర్‌ని ఎలా ఎంచుకున్నాడన్నది కథ. హీరో కన్‌ఫ్యూజ్డ్‌ అయినప్పటికీ ప్రేక్షకులు కన్‌ఫ్యూజ్‌ కాకుండా బావుందనేశారు. దాదాపు అదే టీమ్‌తో  ‘బ్రోచేవారెవరురా’ తెరకెక్కించారు వివేక్‌. క్రైమ్‌ కామెడీ జానర్‌లో తెరకెక్కిన ఈ సినిమా  వినోదం పంచింది. లైంగిక వేధింపులు అనే సున్నితమైన సబ్జెక్ట్‌ను ఈ చిత్రంలో అతి సున్నితంగా చర్చించారు వివేక్‌. ప్రస్తుతం మూడో సినిమాను పట్టాలెక్కించే పనిలో ఉన్నారు. ఈ ముగ్గురు దర్శకులూ ద్వితీయ విఘ్నాన్ని దాటేశారు. ప్రస్తుతం మూడో సినిమా పనిలో ఉన్నారు. మూడో హిట్‌ని కూడా ఇస్తే ‘హ్యాట్రిక్‌ డైరెక్టర్స్‌’ అనిపించుకుంటారు. – గౌతమ్‌ మల్లాది

సంగీత దర్శకుడు తమన్‌ సోషల్‌ మీడియాలో చాలా యాక్టివ్‌గా ఉంటాడు. తన గురించి వచ్చిన ప్రతీ ట్వీట్‌ను రీ ట్వీట్‌ చేస్తూ అభిమానులకు మరింత చేరువయ్యేందుకు ప్రయత్నిస్తుంటాడు. అయితే ఒక్కోసారి తమన్‌ చర్యలు బెడిసి కొడుతుంటాయి. గతంతో దేవీ శ్రీ ప్రసాద్‌ను దూషిస్తూ పెట్టిన ఓ ట్వీట్‌ను తమన్‌ లైక్‌ చేయడం వివాదాస్పదమైంది. తాజాగా మరోసారి తప్పులో కాలేశాడు తమన్‌. నాగచైతన్య, సమంత జంటగా తెరకెక్కిన మజిలీ సినిమా వంద రోజులు పూర్తి చేసుకున్న సందర్భంగా తమన్‌ తన సోషల్ మీడియా పేజ్‌లో చిత్రయూనిట్‌కు శుభాకాంక్షలు తెలిపాడు. అయితే ఫేస్‌బుక్‌లో లీడ్ పెయిర్‌ అంటూ సమంత, అక్కినేని నాగార్జునల పేర్లు రాయటంపై సెటైర్లు పడుతున్నాయి. శివ నిర్మాణ దర్శకత్వంలో తెరకెక్కిన మజిలీ సినిమాకు తమన్ నేపథ్య సంగీతం అందించాడు. షైన్‌ స్క్రీన్స్‌ బ్యానర్‌పై తెరకెక్కిన ఈ సినిమా విమర్శకుల ప్రశంసలు అందుకోవటంతో పాటు కమర్షియల్‌గానూ సక్సెస్‌ అయ్యింది.

పెళ్లైన తర్వాత నాగచైతన్య, సమంత కలిసి నటించిన తొలి చిత్రం ‘మజిలీ’. ప్రేమికులుగా ఉన్నప్పుడు విజయాలు అందుకున్న ఈ జంట భార్యాభర్తలయ్యాక విజయం అందుకోవడం చాలా స్పెషల్‌గా భావిస్తున్నారు. అయితే ఈ సక్సెస్‌ను ఎంజాయ్‌ చేసేలోపే ‘వెంకీమామ’ సెట్‌లో జాయినైపోయారు చైతూ. ఇప్పుడు టైమ్‌ దొరకడంతో సమ్మర్‌ వెకేషన్‌ని ప్లాన్‌ చేసుకున్నారు చైతూ అండ్‌ సామ్‌. నచ్చిన ఫ్లేస్‌లో నచ్చిన ఫుడ్‌ లాగిస్తూ, ప్రేమ కబుర్లు చెప్పుకుంటూ ఫుల్‌గా ఎంజాయ్‌ చేస్తున్నారు. స్పెయిన్‌ వీధుల్లో ప్రేమ విహారం చేస్తున్నారు. దొరికిన హాలిడేని మనసారా అస్వాదిస్తున్నారు. ఈ సందర్భంగా సమంత కొన్ని ఫొటోలను షేర్‌ చేశారు. వాటిలో ఓ ఫొటోలో ఓ ఫొటో పై ‘ఐ లవ్‌ యు 3000’ అని చైతూని ఉద్దేశించి పోస్ట్‌ చేశారు సమంత. ఇంతకీ ‘ఐ లవ్‌ యు 3000’ అంటే ఏంటో ‘అవెంజర్స్‌: ఎండ్‌ గేమ్‌’ సినిమా చూసినవాళ్లకు అర్థం అయ్యే ఉంటుంది. అందులో ఐరన్‌ మేన్‌ని అతని కుమార్తె ‘ఐ లవ్‌ యు 3000’ అంటుంది. అంటే.. బోలెడంత ప్రేమ అని అర్థం. సమంతకు కూడా చైతూ అంటే బోలెడంత ప్రేమ. అందుకే అలా అని ఉంటారని ప్రత్యేకంగా చెప్పక్కర్లేదు.

సినిమా: డిమాండ్‌ ఉంటే రేటు పెరుగుతోంది. ఇది వ్యాపార లక్షణం. నటన అనేది వృత్తి అయినా, సినిమా కూడా వ్యాపారమే కాబట్టి డిమాండ్‌ అండ్‌ సప్‌లై అనేది ఈ రంగంలోనూ వర్తిస్తుంది. అయితే ఇక్కడ విజయాలే కొలమానం. నటి సమంత ఇదే కొటేషన్‌ను పాటిస్తోంది. ఇతర కథానాయికలకు సమంతకు వ్యత్యాసం ఉంది. సాధారణంగా హీరోయిన్లు పెళ్లి అయిన తరువాత సైడైపోతారు. ఒక వేళ మళ్లీ నటించడానికి సిద్ధం అయినా అక్క, వదిన లాంటి పాత్రలకే పరిమితం అవుతుంటారు. అయితే నటి సమంత మాత్రం పెళ్లయిన తరువాత కూడా హీరోయిన్‌గా రాణిస్తోంది. అదీ మరింత క్రేజీగా,   సక్సెస్‌ఫుల్‌గా. నిజం చెప్పాలంటే వివాహానంతరమే సమంత కేరీర్‌ సక్సెస్‌ఫుల్‌గా కొనసాగుతోంది. తాజాగా తన భర్త నాగచైతన్యతో కలిసి నటించిన తెలుగు చిత్రం మజిలీ మంచి విజయాన్ని అందుకుంది. ఇక తమిళంలో చాలా ధైర్యం చేసి నటించిన సూపర్‌ డీలక్స్‌ చిత్రంలోనూ తన నటనకు మంచి ప్రశంసలు లభించాయి. నిజం చెప్పాలంటే ఈ చిత్రంలో చాలా చర్చనీయాంశ పాత్రలో నటించింది. ఇక వివాహానంతరం గ్లామరస్‌గా నటించడానికి ఏ మాత్రం వెనుకాడకపోవడం కూడా సమంత క్రేజ్‌ పెరగడానికి ఒక కారణం కావచ్చు. ఈ అమ్మడు ప్రస్తుతం ఇరానీ చిత్రానికి రీమేక్‌ అయిన ఓ బేబీ ఎంత చక్కగున్నావే చిత్రాన్ని పూర్తి చేసే పనిలో ఉంది. అదేవిధంగా తమిళంలో సంచలన విజయం సాధించిన 96 చిత్ర రీమేక్‌లో నటించడానికి సిద్ధం అవుతోంది. అదే విధంగా మన్మధుడు–2 చిత్రంలో తన మామ నాగార్జునతో కలిసి నటించడానికి రెడీ అవుతోంది. అసలు విషయం ఏమిటంటే ఈ చిత్రానికి తన పారితోషికాన్ని అమాంతం పెంచేసిందనేది ఇప్పుడు టాక్‌ ఆఫ్‌ ది ఇండస్ట్రీగా మారింది. నటి సమంత ఇప్పటివరకూ రూ.2 కోట్లు పారితోషికం పుచ్చుకుంటుందట. ఇటీవల వరుస విజయాలతో దూసుకుపోతున్న ఈ బ్యూటీ ఇప్పుడు ఏకంగా రూ.3కోట్లు పారితోషికం డిమాండ్‌ చేస్తున్నట్లు టాక్‌. తన మామ నాగార్జునతో నటించనున్న మన్మధుడు–2 చిత్రానికి రూ.3 కోట్లు డిమాండ్‌ చేయగా నిర్మాతలు అందుకు ఓకే అన్నట్టు సమాచారం.

అక్కినేని నటన వారసుడిగా ఎంట్రీ ఇచ్చిన అఖిల్ సక్సెస్‌ కోసం ఇంకా ఎదురుచూస్తూనే ఉన్నాడు. ఇప్పటికే మూడు సినిమాలు చేసిన ఈ యంగ్ హీరో బొమ్మరిల్లు భాస్కర్‌ తన నాలుగో సినిమా చేయనున్నాడు. మెగా నిర్మాత అల్లు అరవింద్‌ నిర్మిస్తున్న ఈ సినిమాతో ఎలాగైనా సక్సెస్‌ కొట్టాలని భావిస్తున్నాడు అఖిల్. ఈ సినిమాలో అఖిల్‌కు తొలి విజయాన్ని అందించేందుకు అల్లు అరవింద్‌ కూడా పక్కాగా ప్లాన్ చేస్తున్నాడు. ముందుగా ఈ సినిమాకు దేవీ శ్రీ ప్రసాద్‌ను తీసుకోవాలని భావించినా బడ్జెట్‌ను వీలైనంత తగ్గించాలన్న ఉద్దేశంతో దేవీని పక్కన పెట్టేశారు. తరువాత తమన్‌ పేరు వినిపించినా ఫైనల్‌ గా గోపిసుందర్‌ను ఫిక్స్ చేశారన్న టాక్‌ వినిపిస్తుంది. నాగచైతన్య, సమంత జంటగా తెరకెక్కి ఇటీవల ప్రేక్షకుల ముందుకు వచ్చిన మజిలీ సినిమాకు గోపిసుందర్ సంగీతమందించాడు. అయితే వ్యక్తిగత కారణాల వల్ల ఈ సినిమాకు నేపథ్యసంగీతం పూర్తి చేయకుండానే ప్రాజెక్ట్ నుంచి తప్పుకున్నాడు. అలా అన్న నాగచైతన్యకు హ్యాండిచ్చిన సంగీత దర్శకుడు గోపి సుందర్‌ను తమ్ముడు అఖిల్ ఇప్పుడు తన తదుపరి చిత్రానికి సంగీత దర్శకుడిగా తీసుకోవటం పై ఆసక్తికర చర్చ జరుగుతోంది.

‘‘నా లైఫ్‌లో, నా కెరీర్‌లో నిజంగా ఒక క్రూషియల్‌ పాయింటాఫ్‌ టైమ్‌లో అందమైన పాత్రను, ఎప్పటికీ మరచిపోలేని సక్సెస్‌ను ఇచ్చాడు శివ నిర్వాణ. ఫ్యూచర్‌లో సక్సెస్, ఫెయిల్యూర్స్‌ వస్తుంటాయి. కానీ, ఈ సక్సెస్‌ అన్నది నాకెప్పుడూ ప్రత్యేకమే. థ్యాంక్యూ సో మచ్‌ బ్రో’’ అని నాగచైతన్య అన్నారు. నాగచైతన్య హీరోగా, సమంత, దివ్యాంశ కౌశిక్‌  హీరోయిన్లుగా తెరకెక్కిన చిత్రం ‘మజిలీ’. ‘నిన్నుకోరి’ ఫేమ్‌ శివ నిర్వాణ దర్శకత్వంలో షైన్‌ స్క్రీన్స్‌ పతాకంపై సాహు గారపాటి, హరీష్‌ పెద్ది నిర్మించిన ఈ సినిమా ఈ నెల 5న విడుదలైంది. మంగళవారం హైదరాబాద్‌లో నిర్వహించిన ‘గ్రాండ్‌ థ్యాంక్స్‌ మీట్‌’లో నాగచైతన్య మాట్లాడుతూ– ‘‘ఒక సినిమా సక్సెస్‌ అన్నది ఎవరో ఒకరి వల్ల అవదు. ఒక డైరెక్టర్‌ విజన్‌తో స్టార్ట్‌ అయి, ఆ విజన్‌ని నిర్మాతలు సపోర్ట్‌ చేసి, ఎంతోమంది నటీనటులు ఆ కథ విని ఓకే చేసి, ఆ తర్వాత సాంకేతిక నిపుణులు జాయిన్‌ అయ్యి, లాస్ట్‌కి డిస్ట్రిబ్యూటర్స్‌ సినిమా చూడకుండా జస్ట్‌ ట్రైలర్స్, టీజర్స్‌ చూసి, సినిమా కొని, ప్రేక్షకులకు అందించి.. ఫైనల్లీ ఒక మంచి హిట్‌ని అందుకుంటాం. ఈ ప్రాసెస్‌లో ఉన్న అందరూ ఈ రోజు సక్సెస్‌ని ఎంజాయ్‌ చేస్తున్నారంటే చాలా చాలా సంతోషంగా ఉంది. నా చివరి చిత్రాలు పెద్ద ఎంకరేజింగ్‌గా లేకపోయినా సాహు, హరీష్‌గారు నన్ను ప్రోత్సహించి, పెద్ద సక్సెస్‌ ఇచ్చినందుకు థ్యాంక్స్‌. చివరి నిమిషంలో తమన్‌ ఈ సినిమాని ఒప్పుకుని జీవితం ఇచ్చినందుకు ధన్యవాదాలు’’ అన్నారు.   డైరెక్టర్‌ కొరటాల శివ మాట్లాడుతూ... ‘‘శివ నిర్వాణ ‘మజిలీ’ ఐడియా చెప్పినప్పుడు చాలా మంచి సినిమా అని దానయ్యగారితో అన్నాను. మంచి రైటింగ్, సీన్స్‌ చాలా ఫ్రెష్‌గా ఉన్నాయి, సినిమా కూడా ఇలాగే నేలమీదుండాలి.. అలాంటి కథలు తక్కువ అని శివకి చెప్పాను. వైజాగ్‌ నేపథ్యం, నటీనటులను ఎంచుకున్న విధానం బాగా నచ్చింది. ఒక్క సీన్‌లో నటించినవారు కూడా బాగా గుర్తుండిపోయారు. శివది ఎక్స్‌ట్రార్డినరీ వర్క్‌. నీలో ఓ చిన్న నొప్పి ఉంది. లైఫ్‌లో ఎవరైనా అమ్మాయి వదిలేసి వెళ్లిపోయిందేమో (నవ్వుతూ).. రావు రమేశ్, పోసానిగారులాంటి నటులు ఉండటం మా ఇండస్ట్రీ అదృష్టం. చైతన్యగారిని స్క్రీన్‌పై చూసినప్పుడు చాలా నిజాయతీగా కనిపిస్తారు. తన బలం, బలహీనతలు ఏంటో ఆయనకు తెలుసు. నిజాయతీగా ఉండటం వల్ల ప్రతి పాత్ర ఆయన చేస్తుంటే గుర్తుండిపోతోంది. ‘మజిలీ’ సినిమా చూసినప్పుడు మీ నటనని నమ్మలేకపోతున్నాను. పూర్ణ  (చైతన్య పాత్ర)ని చూస్తుంటే వైజాగ్‌లోని రైల్వే కాలనీలో నిజంగానే అలాంటి పాత్ర ఉందేమో అనిపించింది. సమంతగారు గ్రేట్‌ ఆర్టిస్ట్‌. ‘జనతా గ్యారేజ్‌’కి పనిచేశా. సాహు, హరీష్‌ మరెన్నో హిట్‌ సినిమాలు తీయాలి’’ అన్నారు. నటుడు రావు రమేశ్‌ మాట్లాడుతూ...  ‘‘హిట్‌ అవుతుంది అనుకున్న సినిమా హిట్‌ అయితే ఆ కిక్కే వేరు. ఈ చిత్రంలో అన్ని పాత్రలను శివ నిర్వాణ ఎంతో ధైర్యంగా డిజైన్‌ చేసిన విధానం నాకు నచ్చింది. ఫస్టాఫ్‌లో చైతన్య, దివ్యాంశ లవ్‌ట్రాక్‌ చూస్తే ‘టైటానిక్‌’ సినిమా చూసినట్టుంది. సెకండాఫ్‌లో చైతు, సమంత ట్రాక్‌ కూడా చాలా బాగా కుదిరింది’’ అన్నారు.  నటుడు పోసాని కృష్ణమురళి మాట్లాడుతూ... ‘‘పరుచూరి బ్రదర్స్‌ వద్ద నేను చెన్నైలో అసిస్టెంట్‌గా ఉన్నప్పుడు ఇలాంటి ఫంక్షన్స్‌కి వెళ్లేవాణ్ణి. సినిమా హిట్టయ్యాక నటీనటులు, సాంకేతిక నిపుణులకు షీల్డ్‌లు ఇచ్చేవారు. చాలా రోజుల తర్వాత ఇప్పుడు ‘మజిలీ’ సినిమా హిట్‌ షీల్డ్‌ అందుకుంటుండటం హ్యాపీ. నాగచైతన్య.. నీ తొలి సినిమా ‘జోష్‌’లో నువ్వు బొమ్మలా ఉన్నావ్‌.. ఈ సినిమాలో అంతకు మించి ఉన్నావ్‌. కామెడీ, సెంటిమెంట్‌ పాత్రలు చేయాలని నాకు బాగా కోరిక. నాకు స్కూల్‌డేస్‌లో, యూనివర్శిటీలో బెస్ట్‌ కమెడియన్‌ అవార్డు వచ్చింది. నాకు పోలీస్, తండ్రి పాత్రలు నచ్చవు. కానీ, ఆ తండ్రి పాత్రలు చాలా మంచి పేరు తెచ్చిపెట్టాయి. అలాగే ‘టెంపర్‌’లో పోలీసు పాత్రతో ఎంత పేరొచ్చిందే, నా జీవితాన్ని ఎంత మలుపు తిప్పిందో అందరికీ తెలుసు. ‘టెంపర్‌’ కి ఎంత పేరొచ్చిందో ‘మజిలీ, చిత్రలహరి’ సినిమాల్లో తండ్రి పాత్రలకు అంత పేరొచ్చింది’’ అన్నారు.  ‘‘8రోజుల్లో ‘మజిలీ’ సినిమాకి నేపథ్య సంగీతం అందించాను.  ఎంతో ప్రేమించి పనిచేశా’’ అన్నారు తమన్‌.  శివ నిర్వాణ మాట్లాడుతూ... ‘‘ఇటీవల కొన్ని రోజుల వరకూ నాకు గ్రాస్‌కి, షేర్‌కి తేడా తెలియదు. కానీ 15రోజుల నుంచి కొత్త కొత్త విషయాలు చూస్తున్నా. ఇన్ని కోట్లు వసూలు చేసింది సినిమా అని డిస్ట్రిబ్యూటర్ల నుంచి ఫోన్లు వస్తుండటం, వసూళ్ల నంబర్స్‌ చూస్తున్నప్పుడు ముఖ్యంగా చైతన్యగారికోసం చాలా సంతోషంగా ఫీలయ్యా. ఆయనకి ఈ రేంజ్‌లో సక్సెస్‌ రావడం చాలా హ్యాపీ. చైతన్యగారిలో ఇంత మంచి నటుడు ఉన్నాడని అనుకోలేదు, చాలా బాగా చూపించారని చాలా మంది అన్నారు. ‘ఏమాయ చేసావే’ నుంచి తన నటనని నేను నమ్మాను. తనకు కరెక్ట్‌ పాత్ర పడితే తనకంటే న్యాయం చేసేవారెవరూ ఉండరని అనుకున్నా. ‘మజిలీ’ లో చైతన్య కాకుండా వేరే ఎవరైనా అయితే బాగుండని ఒక్కరూ అనలేదు. సినిమా చూస్తున్నప్పుడు సమంతగారికి నేను ఫ్యాన్‌గా మారిపోతున్నానేమో అనుకున్నా. క్లైమాక్స్‌లో వచ్చే సన్నివేశాల్లో ఆమె చాలా బాగా చేశారు. రేపంటూ ఒక కథ రాస్తే సమంతగారి లాంటి నటిని దృష్టిలో పెట్టుకుని సీన్స్‌ రాస్తా. ఈ సినిమాకి చైతన్య, సమంతగారు లైఫ్‌ ఇచ్చారు’’ అన్నారు. దర్శకుడు అనిల్‌ రావిపూడి చిత్రబృందాన్ని అభినందించారు.ట 

ప్రతి మనిషి జీవితం పెళ్లికి ముందు.. తరువాతలా  ఉంటుంది. అందుకు నటీమణులు అతీతం కాదు. ఈ నేపథ్యంలో సమంత కూడా పెళ్లికి ముందు ఆ తరువాత జరుగుతున్న విషయాల గురించి ఒక ఇంటర్వ్యూలో చెప్పుకొచ్చింది. అవేంటో చూద్దాం. ‘వివాహానంతరం మనసుకు ప్రశాంతత లభించింది. పెళ్లికి ముందు నేను నటించిన ప్రతి సన్నివేశాన్ని నేను మానిటరింగ్‌ చేసుకుని నటించేదాన్ని. బాగా నటించానా అన్నది నాకు నేనే పరిశీలించుకునేదాన్ని. వివాహానంతరం నా భర్త నాగచైతన్య నటించే సన్నివేశాలను మానిటరింగ్‌ చేస్తున్నాను. తగిన సలహాలు ఇస్తుంటాను. ఇదంతా చూసి నా భర్త నువ్వెందుకు కష్టపడతావు దర్శకుడు చూసుకుంటారుగా అని అంటుంటారు. అయినా నేను ఊరుకోను. భర్త గురించి ఆలోచించడం భార్య బాధ్యత అని చెప్పుకొచ్చారు. అంతేకాక ‘వివాహానంతరం మా మధ్య ఒక ఒప్పందం చేసుకున్నాం. మేమిద్దం సెలబ్రిటీలమే. మాకు చాలా బాధ్యతలు ఉన్నాయి. మాపై అభిమానుల అంచనాలు అధికంగానే ఉంటాయి. వాటిని పూర్తి చేయడానికి మంచి కథా చిత్రాల్లోనే కలిసి నటించాలన్నదే ఆ ఒప్పందం. అలా నటించిన చిత్రమే మజిలీ. ఇకపై కూడా వైవిధ్యభరిత కథా చిత్రాలను చేయాలన్నదే నా కోరిక. నిజ జీవితానికి సినిమా జీవితానికి చాలా వ్యత్యాసం ఉంటుంది. నాగచైతన్య ఒక సన్నివేశంలో బాగా నటిస్తే ప్రశంసిస్తాను. ఆశించిన విధంగా నటించకపోతే తిట్టేస్తాను. ఇకపోతే నేను నటించే చిత్రంలో నటించడానికి ఒప్పుకుంటే ఆ తరువాత ఎట్టి పరిస్థితుల్లోనూ ఆ కథలో తల దూర్చను. అదే కథ నచ్చకపోతే ఆ తరువాత ఎన్ని మార్చులు చేసినా నటించడానికి అంగీకరించన’న్నారు. ‘సినీనటిగా ఒక లక్ష్యాన్ని చేరుకున్నాను. సినిమా విషయంలో నా శ్రద్ధ ముందు కంటే ఇప్పుడు ఎక్కువ అయ్యింది. ఐదారు చిత్రాల్లో ఒకే సారి నటించడం కంటే మంచి కథా చిత్రం ఒక్కటి చేస్తే చాలు అని భావిస్తున్నాను. ప్రస్తుతం సామాజిక మాధ్యమాల్లో నా గురించి పలు విమర్శలు ప్రచారం అవుతున్నాయి. అయితే అలాంటి వాటిని పట్టించుకోవడం మానేశాను. తమిళంలో నేను నటించిన సూపర్‌ డీలక్స్‌ చిత్రం సక్సెస్‌ఫుల్‌గా ప్రదర్శింపబడుతోంది. ఇందులో నేను స్వతంత్ర భావాలు కలిగిన యువతిగా నటించాను. దానిని పలువురు విమర్శిస్తున్నారు. నటిస్తున్నప్పుడు సహ నటుడిపై చేయి వేయడం, ముద్దు పెట్టడం, సన్నిహిత సన్నివేశాల్లో నటించడం, పాత్రకు తగ్గట్టుగా నటించడం నా వృత్తి. ఎందుకంటే నేను నటిని. నటించకుండా ఎలా ఉండగలను అని ప్రశ్నించారు. ‘ముందే చెప్పినట్లు, సినిమా జీవితం వేరు, నిజ జీవితం వేరు. నిజ జీవితంలో నేను భావోద్రేకాలకు గురవ్వను. అలసిపోను. అందుకు విభిన్నంగా మజిలీ చిత్రంలో నటించాను. కొన్ని సన్నివేశాల్లో నటిస్తున్నప్పుడు నిజంగానే గ్లిజరిన్‌ లేకుండా ఏడ్చేశాను. ప్రస్తుతం హీరోయిన్లకు ప్రాధాన్యత కలిగిన చిత్రాలు వస్తున్నాయి. ఇది ఆహ్వానించదగ్గ విషయమే. నాకు ఒక క్రీడాకారిణిగా నటించాలన్నది ఆశ. అదే విధంగా దివ్యాంగురాలిగానూ నటించాలని కోరుకుంటున్నాను. ఇప్పుడు విరామం లేకుండా నటిస్తున్నాను. కాస్త నటనకు గ్యాప్‌ తీసుకుందామంటే సమంతకు అవకాశాలు లేవు అని ప్రచారం చేసేస్తారు. తమిళ చిత్రం ‘96’ రీమేక్‌లో నటించబోతున్నాను. ఇది మేలో సెట్‌పైకి వెళ్లబోతోంది. తాజాగా నటించిన ఓ బేబీ ఎంత చక్కగున్నావే చిత్రం త్వరలో తెరపైకి రానుంది అని సమంత పేర్కొన్నారు.

నాగచైతన్య ‘మజిలీ’ సినిమాతో తెలుగు తెరకు పరిచయం అయింది ఢిల్లీ సుందరి దివ్యాన్ష కౌశిక్‌. ‘‘స్టోరీలైన్‌ నచ్చితే చిన్నపాత్ర అయినా  చేస్తాను’ అంటున్న దివ్యాన్షు తన గురించి తాను చెప్పుకున్న కొన్ని ముచ్చట్లు.... అమ్మా నాన్నా నేను మొదటిసారి నాగచైతన్యను కలిసినప్పుడు ‘‘నా పేరు దివ్యాన్షు’’ అని పరిచయం చేసుకున్నాను.  నా పేరులోని  చివరి అక్షరాలతో ‘మజిలీ’లోని నా పాత్రకు  ‘అన్షూ’గా పేరు పెట్టారు. ఇంట్లో నన్ను ‘అన్నీ’ అని పిలుస్తారు. అమ్మ ‘అనూ’, నాన్న ‘అశ్విన్‌’ నా పేరులో ధ్వనిస్తారు! నాటకాలు వేశాను మా అమ్మ ఢిల్లీలో పేరున్న మేకప్‌–ఆర్టిస్ట్, బ్యూటీ ఎడిటర్‌. ఆమె నిరంతర విద్యార్థి. ఇప్పటికీ ఫ్యాషన్‌ వరల్డ్‌కు సంబంధించి కొత్త కోర్సులు చదువుతూనే ఉంటుంది. ఢిల్లీలో అమ్మతో పాటు షూట్స్‌కు వెళుతుండేదాన్ని.‘‘మీ అమ్మాయి బాగుంది. సినిమాల్లోకి తీసుకురావచ్చు కదా’’ ఇలాంటి కామెంట్స్‌ వినిపిస్తూ ఉండేవి. ఈ సంగతి ఎలా ఉన్నా ముస్సోరిలోని బోర్డింగ్‌ స్కూల్‌లో చదువుకునే రోజుల్లో డిబేట్స్‌లో చురుగ్గా పాల్గొనేదాన్ని. నాటకాలు వేసేదాన్ని. అయితే నటనను ఎప్పుడూ సీరియస్‌గా తీసుకోలేదు. భవిష్యత్‌లో  మేక్‌ప్‌–ఫీల్డ్‌లో పనిచేయాలని అనుకునేదాన్ని. అమ్మకు ఢిల్లీలో ఉన్న  ఫామ్‌హౌస్‌లో స్పా, సెలూన్‌ను ఉన్నాయి. ఆ సినిమా చూసిన తరువాత... ‘కబీ ఖుషీ కబీ ఘమ్‌’ సినిమాలో కరీనాకపూర్‌ను చూసిన తరువాత యాక్టర్‌ కావాలని డిసైడైపోయాను.అంతకుముందు జర్నలిస్ట్‌ కావాలని, ఒక పత్రికకు ఎడిటర్‌ కావాలని అనుకునేదాన్ని!అప్పట్లో కాస్త లావుగా ఉండేదాన్ని.సినిమాల్లో నటించాలనే ఆలోచన వచ్చిన తరువాత...‘‘అసలు ఈ బరువుతో సాధ్యమేనా?’’ అనే సందేహం వచ్చింది. ఆ తరువాత మాత్రం బరువు తగ్గడంపై ప్రత్యేక శ్రద్ధ పెట్టాను. ఆమెతో మళ్లీ పనిచేయాలని ఉంది! యశ్‌రాజ్‌ ఫిలిమ్స్‌లో పనిచేస్తున్నప్పుడు కాస్టింగ్, ఫిల్మ్‌మేకింగ్‌ ప్రాసెస్‌ గురించి వివరంగా తెలుసుకున్నాను. మోటర్‌సైకిల్‌ కమర్షియల్‌ పదిమంది దృష్టిలో పడేలా చేసింది. ఆ సమయంలోనే డైరెక్టర్‌ శివ నిర్వాణ ‘‘తెలుగు ఫిల్మ్‌ అడిషన్‌కు ఆసక్తి ఉందా?’’ అని అడిగారు. ఉంది అన్నాను. సెలెకై్టపోయాను. ముఖ్యవిషయం ఏమిటంటే నేను సమంతకు పెద్ద ఫ్యాన్‌. మక్కీ(ఈగ) సినిమా చాలాసార్లు చూశాను. ఆమెతో మళ్లీ పనిచేయాలని ఉంది. 

‘‘మజిలీ’ని చాలా కాన్ఫిడెంట్‌గా చేశాం. ఫెయిల్‌ అయితే లైఫ్‌ లాంగ్‌ అది ఓ డ్యామేజ్‌లా ఉండిపోతుంది. అందుకే ఎలాగైనా వర్కౌట్‌ అవ్వాలనుకున్నాం. పెళ్లితర్వాత కలిసి చేసిన తొలి సినిమా కాబట్టి రిజల్ట్‌ ఎలా ఉంటుందో అని కాస్త టెన్షన్‌ పడ్డాం. మంచి స్పందన వచ్చినందుకు ఇప్పుడు  హ్యాపీ’’ అని నాగచైతన్య, సమంత అన్నారు. శివ నిర్వాణ దర్శకత్వంలో నాగచైతన్య, సమంత, దివ్యాంశా కౌశిక్‌ ముఖ్య తారలుగా  సాహు గారపాటి, హరీష్‌ పెద్ది నిర్మించిన చిత్రం ‘మజిలీ’. ఈ నెల 5న విడులైంది. శనివారం చైతూ, సమంత ఇద్దరూ కలిసి చెప్పిన ‘మజిలీ’ కబుర్లు. ► మీకు కెరీర్‌లో విడి విడిగా హిట్స్‌ ఉన్నాయి. కంబైన్డ్‌గా ఉన్నాయి. ‘మజిలీ’ హిట్‌ ఎంత స్పెషల్‌? సమంత: మోర్‌ స్పెషల్‌. పెళ్లి తర్వాత ఈ సినిమా హిట్‌ మాకు ఎంత ముఖ్యమో అందరికీ తెలుసు. సరైన సమయంలో సరైన సినిమాతో సరైన హిట్‌ వచ్చిందనుకుంటున్నాను. కథ విన్నప్పుడు, షూటింగ్‌ స్టార్ట్‌ చేసినప్పుడు ఏదో స్పెషల్‌ జరుగుతోందనే భావన మనసులో ఉంది. అదే ఫీల్‌ని, స్పెషల్‌ని ఆడియన్స్‌ కూడా ఫీలై మాకు మంచి విజయం అందించారు. వారికి ధన్యవాదాలు. ► సమంత మీ లక్కీఛార్మ్‌ అని మరోసారి ప్రూవ్‌ అయిందని నమ్ముతారా? (సమంత అందుకుంటూ....) ఆయనే నాకు ఇంకా లక్కీఛార్మ్‌. ఎందుకంటే... మ్యారేజ్‌ తర్వాత నా యాక్టింగ్‌ కెరీర్‌ నెక్ట్స్‌ లెవల్‌కి వెళ్తోందన్న ఫీలింగ్‌ కలుగుతోంది. చైతన్య: లక్కీఛార్మ్‌ అనడం కన్నా సపోర్ట్‌ అంటాను. సక్సెస్‌ టైమ్‌లో సపోర్టివ్‌గా చాలామంది ఉంటారు. ఫెయిల్యూర్స్‌ అప్పుడు సపోర్ట్‌ చాలా ముఖ్యం. ► పెళ్లి తర్వాత కలిసి నటించడానికి బాగా ఆలోచించారా? మళ్లీ నటిస్తారా? చైతూ: యాక్చువల్లీ పెళ్లి తర్వాత ఓ సినిమా చేద్దామని మా అంతట మేము ఏ దర్శక–నిర్మాతలను సంప్రదించలేదు. దర్శకుడు శివ భార్యాభర్తల కథతో మా దగ్గరకు రావడం అనుకోకుండా జరిగింది. ఇప్పుడు ఎలా అయితే మ్యాజిక్‌ జరిగిందో అలాగే భవిష్యత్‌లో జరిగితే తప్పకుండా మేం ఇద్దరం కలిసి సినిమా చేస్తాం. ‘మనం’ చిత్రానికి కూడా ఇలాంటి మ్యాజిక్కే జరిగింది. ► పూర్ణ (చైతూ పాత్ర పేరు) క్యారెక్టర్‌ను సిల్వర్‌స్క్రీన్‌పై చూసినప్పుడు ఒక ప్రేక్షకురాలిగా మీరెలా ఫీల్‌ అయ్యారు? సమంత: చైతన్య కెరీర్‌ బెస్ట్‌ పెర్ఫార్మెన్స్‌. యాక్టర్‌గా చైతన్యలో పెద్ద గ్రోత్‌ కనిపించింది. ఒక సినిమా చేసేప్పుడు ఈ సీన్‌ బాగా చేశాను.. ఈ సీన్‌ బాగా వచ్చిందని ఫీలింగ్‌ కలగవచ్చు... కానీ ఫైనల్‌ ప్రొడక్ట్‌ చూసేప్పుడు అలా అనిపించకపోవచ్చు. ఈ సినిమాలో నేను లేని సీన్స్‌ను వెండితెరపై చూసినప్పుడు షాక్‌ అయ్యాను. యంగ్‌ అండ్‌ మిడిల్‌ ఏజ్డ్‌ క్యారెక్టర్స్‌లో చైతన్య మంచి వేరియేషన్‌ చూపించారు. అద్భుతంగా నటించారు. ► సెకండాఫ్‌లో చైతూని సమంత టేకోవర్‌ చేశారని అంటున్నారు? చైతూ: నా క్యారెక్టర్‌ ఎలివేట్‌ అవడానికి కారణం సినిమాలో సమంత చేసిన శ్రావణి క్యారెక్టరే. లవ్‌స్టోరీలో హీరో ఎంత ముఖ్యమో హీరోయిన్‌ కూడా అంతే ముఖ్యం. ఆఫ్‌ స్క్రీన్‌ అయినా ఆన్‌స్క్రీన్‌ అయినా పూర్ణ క్యారెక్టర్‌కు సామ్‌ మంచి సపోర్ట్‌. తను ఒప్పుకోదు కానీ క్లైమాక్స్‌ కంప్లీట్‌గా తనదే. సమంత: అలా ఏం లేదు (నవ్వుతూ). ► ఈ సినిమాలో చైతూకి బైక్‌ గిఫ్ట్‌గా ఇచ్చారు. చైతూతో మీకు పెళ్లి అయ్యాక.. మీరు  ఇచ్చిన ఫస్ట్‌ గిఫ్ట్‌ ఏంటి? చైతూ: నా బర్త్‌డేకి ఓ స్పోర్ట్స్‌ బైక్‌ గిఫ్ట్‌గా ఇచ్చింది. సమంత: అవును.. బైక్‌ ఇచ్చాను. ► ఈ సినిమా సక్సెస్‌ గురించి నాగార్జునగారి రియాక్షన్‌? సమంత: సడన్‌గా ఇంటికి వచ్చేశారు (నవ్వుతూ). చైతూ: ఈ సినిమా రిలీజ్‌కు ముందు ఫ్యామిలీలో కొంతమందికి చూపించాను. షో అయ్యాక ఎవరూ ఏం మాట్లాడలేదు. ఎర్రబారిన కళ్లతో తలదించుకుంటూ ఇళ్లకు వెళ్లిపోయారు. నాకు నిజంగా అర్థం కాలేదు. ఫస్ట్‌ టైమ్‌ ఇలాంటి రియాక్షన్‌ చూశాం. అందరూ ఎమోషనల్‌గా కనెక్ట్‌ అయ్యి మాట్లాడలేకపోయారని తర్వాత అర్థమైంది. నెక్ట్స్‌డే మార్నింగ్‌ ఫోన్‌చేసి అందరూ మాట్లాడారు. సినిమా బాగుందని అభినందించారు. ఫస్ట్‌టైమ్‌ నాన్నగారికి లేట్‌గా సినిమా చూపించాను. ఆర్‌ఆర్‌ లేట్‌ అవ్వడం వల్ల ముందే చూపించలేకపోయాను. కథ కూడా అంతగా నాన్నగారికి తెలీదు. ► సాధారణంగా నాగార్జునగారు మీ సినిమాల రషెస్‌ చూస్తుంటారు. అవసరమైనప్పుడు సలహాలు ఇస్తుంటారు. కానీ ఈ సినిమాను మీకే వదిలేయడం వెనక కారణం ఏంటి? చైతూ: ‘ఏదైనా ఒక పాయింట్‌ నచ్చినప్పుడు నువ్వు చేసెయ్‌. నా దగ్గరకు తీసుకు రావొద్దు’ అని ఎప్పట్నుంచో నాన్నగారు చెబుతున్నారు. ‘నీ ఆత్మవిశ్వాసం, నీ నిర్ణయంపై ముందుకు సాగిపో’ అని చెబుతుంటారు. ‘మజిలీ’ కథ విన్నప్పుడు నాకు ఒక్క డౌట్‌ కూడా లేదు. సెకండ్‌ ఒపీనియన్‌ తీసుకుందామా? అనే ఆలోచన రాలేదు. ఎటువంటి డౌట్‌ లేనప్పుడు మన జడ్జ్‌మెంట్‌ని ఓసారి పరీక్షించుకుందాం అనుకున్నాను. ఒకవేళ డౌట్స్‌ ఉంటే కథ వినమని నాన్నగారికి చెబుతాను. సమంత: నాకు డౌట్‌ వచ్చింది. కానీ ఇది చాలా మంచి స్క్రిప్ట్‌. డైరెక్టర్‌కు సెల్ఫ్‌కాన్ఫిడెన్స్‌ ఉండాలి. అది శివగారిలో కనిపించింది. ► మీ కెరీర్‌లో హయ్యస్ట్‌ ఫస్ట్‌వీక్‌ కలెక్షన్స్‌ (50కోట్లు) ఈ సినిమాకు వచ్చాయి. ఆ ఫీలింగ్‌ ఎలా ఉంది? చైతూ: చాలా సంతోషంగా ఉంది. సినిమా ఒప్పుకునే ముందు ఇంత వసూలు చేయాలి, అంత వసూలు చేయాలని పెద్దగా ఆలోచించను. నిర్మాతలు, డిస్ట్రిబ్యూటర్స్‌ హ్యాపీగా ఉండాలని కోరుకుంటాను. ఈ సినిమా ఫస్ట్‌వీక్‌ కలెక్షన్స్‌తోనే అందరూ ప్రాఫిట్‌ జోన్‌లోకి వచ్చారంటుంటే సంతోషంగా ఉంది. ఈ కలెక్షన్స్‌ పట్ల అభిమానులు, ఫ్యాన్స్‌ ఇంకా ఎగై్జటెడ్‌గా ఉంటారు. అఫ్‌కోర్స్‌ నేను కూడా. ప్రాఫిట్‌తో పాటు సక్సెస్‌ వస్తే అది అల్టిమేట్‌ కాంబినేషన్‌ అవుతుంది. సమంత: ఇంట్లో కలెక్షన్స్‌ నేను చూసుకుంటాను. ► ఎలక్షన్‌  టైమ్‌లో కూడా సినిమాకు ఇంత మంచి రెస్పాన్స్‌ రావడం గురించి.... చైతూ: స్టార్టింగ్‌లో కొంచెం టెన్షన్‌ పడ్డాం. సమ్మర్‌ ఫస్ట్‌ ఫిల్మ్‌ తప్పకుండా అడ్వాంటేజ్‌ ఉంటుంది, రిలీజ్‌ చేద్దామని డిస్ట్రిబ్యూటర్స్‌ అందరూ ప్రోత్సహించారు. సినిమా బాగుంటే ఆడియన్స్‌ సపోర్ట్‌ తప్పకుండా ఉంటుందన్నారు. ►  ‘మజిలీ’ సినిమా తర్వాత ఫస్ట్‌టైమ్‌ నాగార్జున గారు మీ ఇంటికి వచ్చారు అన్నారు? అంటే ఇంతకుముందు సినిమాలకు రాలేదా? సమంత: చెప్పి వస్తారు. ఆహ్వానిస్తే వస్తారు. కానీ చెప్పకుండా వచ్చారు. చైతూ: ఆ రోజు సడన్‌గా మార్నింగ్‌ ఫోన్‌ చేసి ఎక్కడున్నారు? వస్తున్నాను? అని చెప్పి వచ్చేశారు. అలా ఎప్పుడూ రాలేదు. సమంత: చాలా కష్టపడి సినిమా చేశాం. ఆడియన్స్, అభిమానులకు నచ్చింది. కానీ తల్లిదండ్రులను గర్వపడేలా చేయడం వేరు కదా. ►  సమంత నటించిన తమిళ చిత్రం ‘సూపర్‌ డీలక్స్‌’ చూశారా? చైతూ: ఫస్ట్‌ హాఫ్‌ చూశాను. సినిమా షూటింగ్‌ స్టార్ట్‌ అయ్యే ముందే కథ చెప్పింది. అందుకే పెద్దగా షాక్‌ అవ్వలేదు. స్టెప్‌ బై స్టెప్‌ యాక్టర్‌గా నేను ఇప్పుడే గ్రో అవుతున్నాను. భవిష్యత్‌లో తప్పకుండా ఇలాంటి సినిమాలు చేస్తాను. ► ఒకవేళ ‘సూపర్‌ డీలక్స్‌’ లాంటి సినిమా చేయొద్దని చైతన్య చెబితే మీరు ఏం చేస్తారు? సమంత: ఆయన అలా చెప్పరని నాకు తెలుసు. పెళ్లి తర్వాత నా నిర్ణయాలు, నా కాన్ఫిడెన్స్‌ పట్ల నాకు మరింత నమ్మకం కుదిరింది. ఆ నమ్మకానికి కారణం ఇంట్లోని పరిస్థితులే. చైతూ ప్రోత్సాహం. తెలియకుండానే నాకో బలం వచ్చింది. ► ‘మజిలీ’లో ఓ సీన్‌లో క్రికెట్‌ బ్యాట్‌ పట్టుకున్నారు. నిజంగా ఆడటం వచ్చా? సమంత: నాకు పెద్దగా క్రికెట్‌ బ్యాక్‌గ్రౌండ్‌ లేదు. అయితే స్పోర్ట్స్‌ బ్యాక్‌డ్రాప్‌లో ఓ సినిమా చేయాలని మాత్రం ఉంది. ► మీరు తమిళంలోకి ఎప్పుడు వెళ్తున్నారు? చైతూ: నాకు తమిళ సినిమాలంటే చాలా ఇష్టం. చెన్నైలో పుట్టి పెరిగాను. చిన్నతనంలో తమిళ సినిమాలు చూస్తూ టైమ్‌ స్పెండ్‌ చేశాను. కానీ నా హృదయం ఇక్కడే ఉంది. ఏమో... నటుడిగా ఇక్కడ ఇంకా చాలా ఆకలిగా ఉన్నాను. చాలా హిట్స్‌ ఇవ్వాలి. మంచి మంచి సినిమాలు చేయాలి. ప్రస్తుతానికి మనసు టాలీవుడ్‌పైనే ఉంది. ► బైలింగ్వల్‌ సినిమా ఆలోచన ఉందా?  చైతూ: అలాంటి స్క్రిప్ట్‌ వచ్చినప్పుడు తప్పకుండా చేస్తాను. కానీ ప్రస్తుతం తెలుగే. ►  ‘యు–టర్న్, ఓ బేబి’... ఇటీవల ‘96’ ఇలా రీమేక్‌ సినిమాలపై మొగ్గు చూపుతున్నట్లున్నారు? సమంత: రీమేక్స్‌ అంటే కాస్త రిస్కే. ఇవన్నీ మంచి సినిమాలు. అందుకే నో చెప్పలేకపోయాను. హీరోయిన్‌కు ప్రాధాన్యత ఉన్న కథలకు నో చెప్పడం నాకు ఇష్టం లేదు. ►  చైతూతో పెళ్లికి ముందు ‘ఏ మాయ చేసావె, మనం, ఆటోనగర్‌సూర్య’ సినిమాలు చేశారు. తాజాగా ‘మజిలీ’. అప్పటి చైతూకి, ఇప్పటి చైతూకి యాక్టింగ్‌లో వచ్చిన తేడా ఏంటి? సమంత: నాకు తెలిసిన చైతన్య ఎందుకు స్క్రీన్‌పై కనిపించడం లేదనే ఫీలింగ్‌ ఉండేది. అవుట్‌సైడ్‌ చైతన్య మాటలు, ప్రవర్తన, లుక్స్‌ అమేజింగ్‌గా ఉంటాయి. అది ‘మజిలీ’ సినిమాలో స్క్రీన్‌పై నాకు కనిపించింది. తన రియల్‌ పర్సనాలిటీని స్క్రీన్‌పైకి తీసుకువచ్చి ఆడియన్స్‌ను ఎంటర్‌టైన్‌ చేయడంలో బాగా సక్సెస్‌ అయ్యారు. ఇక యాక్టర్‌గా తను చాలా పరిణితి చెందారు. చైతన్యలో బాగా ఆత్మవిశ్వాసం పెరిగింది. ‘ఏ మాయ చేసావె’ టు ‘మజిలీ’ ఒక పర్సన్‌గా, యాక్టర్‌గా చాలా పాజిటివ్‌గా మారారు. ► ‘బంగార్రాజు’ ఎంతవరకు వచ్చింది? ఇంకా స్క్రిప్టింగ్‌ జరుగుతోంది. జూలై నుంచి స్టార్ట్‌ చేయవచ్చు. నేను, నాన్నగారు కలిసి చేస్తాం. ►  ‘ఏ మాయ చేసావె’ సినిమా టైమ్‌లో చైతన్యను చూసి ఇన్నోసెంట్‌ అనుకున్నారా? లేక హ్యాండ్‌సమ్‌ అని ఫీల్‌ అయ్యారా? సమంత: నిజం చెప్పాలంటే ఇప్పుడు కూడా ఇన్నోసెంటే (నవ్వుతూ). అప్పుడు నాకు తెలుగు రాదు. చాలా పెద్ద స్క్రిప్ట్‌. ఎప్పుడూ డైలాగ్స్‌ చదువుతూనే ఉండేదాన్ని. సెట్‌లో ప్రతి రోజూ షివరింగే. గౌతమ్‌ మీనన్‌గారు కట్‌ కూడా చెప్పరు. ‘ఏ మాయ చేసావె’ అప్పుడే వేరే ఏ డిస్ట్రాక్షన్స్‌ లేవు. చైతూ: నాకు ఫొటో చూపించారు. అమ్మాయి చాలా బాగుంది. హీరోయిన్‌గా పెట్టుకుందాం అనుకున్నాం. కట్‌ చేస్తే చెన్నైలో లుక్‌ టెస్ట్‌. ►  నాగార్జునగారి ‘మన్మథుడు –2’లో ఓ స్పెషల్‌ రోల్‌ చేయబోతున్నారని తెలిసింది. నిజమేనా? సమంత: అవును... చేస్తున్నాను. ►  సమ్మర్‌  వెకేషన్‌ ఎక్కడ ప్లాన్‌ చేశారు? చైతూ: ఈ నెలాఖరు వరకు ‘వెంకీమామ’ షూటింగ్‌ ఉంది. మే ఫస్ట్‌ వీక్‌లో ప్లాన్‌ చేద్దామనుకుంటున్నాం. సమంత: నాకు వెకేషన్‌ తప్పకుండా కావాలి. ఈ సినిమా విషయంలో ఇంతవరకు ఎప్పుడూ ఫీల్‌ అవ్వని స్ట్రెస్‌ ఫీల్‌ అయ్యాను.

రీల్‌ పెయిర్‌గా సక్సెస్‌ అయి తరువాత రియల్‌ లైఫ్‌లోనూ బెస్ట్ పెయిర్‌ అనిపించుకున్న జంట నాగ చైతన్య, సమంత. ఏం మాయ చేసావే సినిమాతో తెలుగు ప్రేక్షకులను మాయ చేసిన ఈ జంట తరువాత మనం, ఆటోనగర్‌ సూర్య లాంటి సినిమాలతోనూ ఆకట్టుకున్నారు. సక్సెస్‌ను పక్కన పెడితే చైతూ సామ్‌ల కెమిస్ట్రీకి మాత్రం ఫుల్‌ మార్కపడ్డాయి. తాజాగా మజిలీ సినిమాతో మరోసారి మ్యాజిక్‌ చేశారు ఈ జోడి. ఏప్రిల్ 5న ప్రేక్షకుల ముందుకు వచ్చిన మజిలీ ఘన విజయం సాధించటమే కాదు ఇప్పటికే  50 కోట్ల క్లబ్‌లో చేరి సత్తా చాటింది. దీంతో మరో సినిమాలో కలిసి నటించేందుకు చైతూ, సమంతలు రెడీ అవుతున్నారట. 2019లోనే వీరి కాంబినేషన్‌లో మరో సినిమా పట్టాలెక్కే అవకాశం ఉందన్న టాక్‌ వినిపిస్తోంది. మరి మరోసారి అక్కినేని జంట మ్యాజిక్‌ చేస్తుందేమో చూడాలి.

నాగ చైతన్య, సమంత రియల్‌ లైఫ్‌ క్యారెక్టర్స్‌నే.. రీల్‌ లైఫ్‌లో పోషించిన మజిలీ చిత్రం ప్రేక్షకులను ఆకట్టుకుంది. మొదటి ఆట నుంచే ఈ సినిమాకు మంచి స్పందన వచ్చింది. సమంత, నాగచైతన్యల నటనకు విమర్శకులతో పాటు, సినీ ప్రముఖుల నుంచి మంచి రివ్యూస్‌ వచ్చాయి. ‘నిన్ను కోరి’ సినిమాతో హిట్‌ కొట్టిన శివ నిర్వాణ.. మరో అందమైన కథతో మజిలీని తెరకెక్కించాడు. గత వారం విడుదలైనా కూడా ఇప్పటికీ మంచి వసూళ్లతో రన్‌ అవుతోంది. ఈ మూవీ ఇప్పటివరకు ప్రపంచవ్యాప్తంగా దాదాపు 45కోట్ల గ్రాస్‌ను కలెక్ట్‌ చేసినట్టు సమాచారం. చైతన్య కెరీర్‌లో హయ్యస్ట్‌ గ్రాసర్‌గా ఈ మూవీ రికార్డు సృష్టిస్తుందని విశ్లేషకులు అభిప్రాయపడుతున్నారు. ఈ మూవీలో మరో హీరోయిన్‌గా దివ్యాంశ ​కౌశిక్‌ నటించారు. ఈ చిత్రానికి గోపి సుందర్‌ సంగీతాన్ని అందించారు.

ఇటీవల కాలంలో సినిమాల థియేట్రికల్‌ రైట్స్‌తో డిజిటల్‌ రైట్స్‌ పోటిపడుతున్నాయి. డిజిటల్‌ ప్లాట్‌ఫామ్స్‌ పెరిగిపోవటంతో వాటి మధ్య పోటి నెలకొంది. దీంతో కోట్ల రూపాయలు వెచ్చించి సినిమాల డిజిటల్‌ రైట్స్‌ను సొంతం చేసుకుంటున్నారు. అంతేకాదు సినిమా రిలీజ్‌ అయిన మూడు వారాల్లోనే డిజిటల్‌లో ప్రదర్శించుకునే ఒప్పందం చేసుకుంటున్న అమెజాన్‌, నెట్‌ఫ్లిక్స్, జీ5, జియో మూవీస్‌ లాంటి సంస్థలు థియేటర్ల ఆక్యుపెన్సీ మీద ప్రభావం చూపిస్తున్నాయి. దీంతో నిర్మాతలు డిజిటల్‌ స్ట్రీమింగ్‌లపై ఆంక్షలు విధించారు. సినిమా విడుదలైన 8 వారాల వరకు డిజిటల్‌ ప్లాట్‌ఫాంలలో విడుదల చేయకూడదన్న నిర్ణయానికి వచ్చారు. ఈ నిబంధన మజిలీ సినిమా నుంచే ఆచరణలోకి వచ్చింది. ఏప్రిల్ 5న ప్రేక్షకుల ముందుకు వచ్చిన మజిలీ జూన్‌ 4న అమెజాన్‌ ప్రైమ్‌లో అందుబాటులోకి రానుంది.

టాలీవుడ్ లో వరుస విజయాలతో దూసుకుపోతున్న యంగ్ హీరో విజయ్‌ దేవరకొండ. అర్జున్‌ రెడ్డి సినిమాతో సెన్సేషనల్‌ స్టార్‌గా గుర్తింపు తెచ్చుకున్న విజయ్‌, తరువాత గీత గోవిందం, టాక్సీవాలా లాంటి సక్సెస్‌లతో వర్సటైల్‌ యాక్టర్‌గా పేరు తెచ్చుకున్నాడు. ప్రస్తుతం డియార్ కామ్రేడ్‌ సినిమా పనుల్లో బిజీగా ఉన్న ఈ యంగ్ హీరో, క్రాంతి మాధవ్‌ దర్శకత్వంలో రొమాంటిక్‌ ఎంటర్‌టైనర్‌లో నటించేందుకు సిద్ధమవుతున్నాడు. ఈ సినిమాతో పాటు తమిళ డైరెక్టర్‌ ఆనంద్‌ దర్శకత్వంలో ఓ స్పోర్ట్స్ డ్రామా ఇటీవల ప్రారంభమైంది. ఈ సినిమాలతో పాటు మరో క్రేజీ ప్రాజెక్ట్‌కు విజయ్‌ దేవరకొండ ఓకే చెప్పినట్టుగా తెలుస్తోంది. నిన్నుకోరి సినిమా తరువాత మజిలీతో మరో హిట్ సాధించిన శివా నిర్వాణ దర్శకత్వంలో విజయ్‌ హీరోగా ఓ సినిమా తెరకెక్కనుందట. హార్ట్‌ టచింగ్ ఎమోషనల్‌ డ్రామాలతో అలరించిన శివా.. విజయ్‌ కోసం ఎలాంటి కథను రెడీ చేశాడో చూడాలి.

‘‘చాలా రోజుల తర్వాత నటుడిగా ‘మజిలీ’ చిత్రం సంతృప్తినిచ్చింది. ఈ మూవీ నా లైఫ్‌లో స్పెషల్‌ జర్నీ’’ అన్నారు నాగచైతన్య. శివ నిర్వాణ దర్శకత్వంలో నాగచైతన్య, సమంత, దివ్యాంశా కౌశిక్‌ హీరో, హీరోయిన్లుగా నటించిన చిత్రం ‘మజిలీ’. సాహు గారపాటి, హరీష్‌ పెద్ది నిర్మించిన ఈ చిత్రం ఈ నెల 5న విడులైంది. ‘మజిలీ’ చిత్రానికి మంచి స్పందన లభిస్తోందని చిత్రబృందం పేర్కొంది. ఈ సందర్భంగా ఆదివారం విలేకర్ల సమావేశంలో నాగచైతన్య మాట్లాడుతూ– ‘‘దర్శకుడు శివ కథ చెప్పినప్పుడు నేను ఏయే అంశాలకు కనెక్ట్‌ అయ్యానో అవే అంశాలకు ఆడియన్స్‌ కూడా కనెక్ట్‌ అయ్యారు. శివను నేను నమ్మాను. శివ నన్ను నమ్మాడు. పోసానిగారు, రావురమేష్‌గారు కో–స్టార్స్‌గా బాగా సపోర్ట్‌ చేశారు. సినిమాలోని శ్రావణి క్యారెక్టర్‌ లాంటి మంచి భార్య కావాలని సోషల్‌ మీడియాలో కొందరి పోస్టులు చూశాను. నిజంగానే నాకు శ్రావణి లాంటి అమ్మాయి వైఫ్‌గా దొరికింది. శ్రావణి క్యారెక్టర్‌ను సమంత బాగా చేసింది. దివ్యాంశా కౌశిక్‌ బాగా నటించారు. డిస్ట్రిబ్యూటర్స్‌ నష్టపోతే తట్టుకోలేను. ఈ సినిమా ఫలితం పట్ల వారు హ్యాపీగా ఉండటం చాలా సంతోషంగా ఉంది’’ అన్నారు. ‘‘సినిమాపై పూర్తి నమ్మకంతో ఉన్నా రిలీజ్‌ రోజు ఏదో చిన్న టెన్షన్‌. సాహుగారు ఈ చిత్రానికి అద్భుతమైన స్పందన లభిస్తోందని చెప్పారు. అరగంటసేపు ఏడ్చాను. స్ట్రెస్‌ అంతా పోయింది. ‘ఏ మాయ చేశావె’ తర్వాత ‘మజిలీ’ నాకు స్పెషల్‌ మూవీ. నాగ్‌మామ డైరెక్ట్‌గా ఇంటికి వచ్చి అభినందించారు. చైతూ భార్యగా గర్వపడుతున్నాను’’ అని సమంత అన్నారు. ‘‘ఒక సినిమా మంచి సినిమాగా నిలవడం వేరు, కమర్షియల్‌గా విజయం సాధించడం వేరు. కానీ ఈ రెండింటినీ ‘మజిలీ’ చిత్రం సాధించింది. డిస్ట్రిబ్యూటర్స్‌ డైరెక్ట్‌గా డైరెక్టర్‌కి ఫోన్‌ చేసి సినిమా రెస్పాన్స్‌ను ఎంజాయ్‌ చేస్తుంటే ఆ చిత్రం బ్లాక్‌బస్టర్‌ కింద లెక్క. చైతూగారు నన్ను బాగా నమ్మారు. నిర్మాతలు బాగా సహకరించారు. వీరితోనే మరో సినిమా చేయబోతున్నాను’’ అన్నారు శివ నిర్వాణ. ‘‘సినిమాను సక్సెస్‌ చేసిన ప్రేక్షకులకు ధన్యవాదాలు’’ అన్నారు నిర్మాతలు. ‘‘ఈ సినిమాతో చైతన్య ఎంత మంచి నటుడో అందరికీ తెలిసింది. సమంత నటన గురించి నేను ప్రత్యేకంగా చెప్పక్కర్లేదు. మూడు, నాలుగు లొకేషన్స్‌తోనే ప్రపంచం అంతా సినిమా చూపించాడు శివ. ఇలాంటి కథను నాకు ఇచ్చి ఇంత బాగా తీయమంటే నేను తీయలేను’’ అన్నారు పోసాని కృష్ణమురళి. ‘‘సెట్‌లో నాగచైతన్య చాలా కూల్‌గా ఉంటారు. ఈ సినిమాలో అత్యద్భుతంగా నటించారు. సమంత, దివ్యాంశ బాగా చేశారు. బాధ కలిగించే అంశాలను కమర్షియల్‌గా స్క్రీన్‌పై బాగా చూపించారు శివ’’ అన్నారు రావు రమేష్‌. దివ్యాంశా కౌశిక్‌ మాట్లాడారు. (ఫొటో గ్యాలరీ కోసం ఇక్కడ క్లిక్ చేయండి)

అక్కినేని నాగచైతన్య, సమంత జంటగా నటించిన మజిలీ మంచి టాక్‌ను సొంతం చేసుకుంది. పెళ్లి తరువాత వీరిద్దరూ కలిసి నటించిన చిత్రం కావడంతో ఈ మూవీపై హైప్‌ ఏర్పడింది. అభిమానుల అంచనాలకు తగ్గట్టుగా ఈ చిత్రం అందర్నీ మెప్పించింది. విమర్శకుల ప్రశంసలతో పాటు, సినీ ప్రముఖుల నుంచి మంచి స్పందన వస్తోంది. ఈ సినిమా విజయవంతం కావడంతో చిత్రబృందం సక్సెస్‌మీట్‌ను ఏర్పాటుచేసింది. ఈ కార్యక్రమంలో నాగచైతన్య, సమంత, దివ్యాంశ కౌశిక్‌, శివ నిర్వాణ, పోసాని మురళీకృష్ణ, రావు రమేష్‌లు పాల్గొన్నారు. ఈ మూవీ రెండు రోజుల్లోనే ప్రపంచవ్యాప్తంగా 21కోట్లకు పైగా కలెక్ట్‌ చేసింది. ఓవర్సీస్‌లో కూడా ఈ మూవీ మంచి వసూళ్లను సాధిస్తోంది.