బిగ్‌బాస్ ఫేమ్ నోయల్ లేటెస్ట్ మూవీ '14'. ఇందులో ఇతడు డిటెక్టివ్ పాత‍్ర పోషించాడు. రామ్ రతన్ రెడ్డి, విషాక ధీమాన్ హీరోహీరోయిన్లుగా నటించారు. పోసాని కూడా కీ రోల్ చేశారు. లక్మీ శ్రీనివాస్ దర్శకత్వం వహించగా.. సుబ్బారావు రాయన, శివకృష్ణ నిచ్చన మెట్ల సంయుక్తంగా నిర్మించారు. తాజాగా థియేటర్లలోకి వచ్చిన ఈ సస్పెన్స్ రొమాంటిక్ క్రైమ్ థ్రిల్లర్ ఎలా ఉంది? టాక్ ఏంటనేది రివ్యూలో చూద్దాం.కథేంటి?రతన్ (రామ్ రతన్ రెడ్డి).. ముఖ్యమంత్రి (పోసాని కృష్ణ మురళి) కుమారుడు. ఇతడిది జాలీ లైఫ్. నేహా (విషాక ధీమాన్) అనే డాక్టర్‌తో ప్రేమలో ఉంటాడు. ఉన్నట్టుండి ఓరోజు.. నేహా ఫ్లాట్‌లో వీళ్లిద్దరూ విగత జీవులుగా కనిపిస్తారు. ఆత్మహత్య కింద కేసు నమోదు చేసి పోలీసులు.. కేస్ మూసేస్తారు. జర్నలిస్ట్ సుబ్బు(శ్రీకాంత్ అయ్యంగార్) మాత్రం వీరిది ఆత్మహత్య కాదని, హత్య అని ఇన్వెస్టిగేషన్ ప్రారంభిస్తాడు. ఇంతకీ సుబ్బు ఏం కనుక్కొన్నాడు. ఈ చావులో సీఎం పాత్ర ఏంటి? డిటెక్టివ్ నోయల్ ఈ కేస్ స్టడీలో ఎంత వరకూ ఉపయోగపడ్డాడు? అనేదే స్టోరీ.(ఇదీ చదవండి: రష్మిక 'కుబేర' వీడియో.. ఆ సూట్ కేసులో ఏముంది?)ఎలా ఉందంటే?మొదట్లో ఓ సాధారణ మర్డర్ మిస్టరీలాగ సినిమా ప్రారంభించారు. ఆ తరువాత ఇంట్రెస్టింగ్ మలుపులతో స్క్రీన్ ప్లే నడిపించారు. మధ్యలో యూత్‌ని ఎంటర్ టైన్ చేయడం కోసం రొమాంటిక్ సీన్స్ పెట్టారు. ఇంటర్వెల్ నుంచి క్లైమాక్స్ వరకు ట్విస్టులతో ఆకట్టుకున్నారు. 14 ఏళ్ల యువకుల్లో వచ్చే మార్పులు ఎలా ఉంటాయి? వారు టెక్నాలజీలో పడి ఎలాంటి వాటికి బానిస అవుతున్నారు? తల్లిదండ్రులు వారి పట్ల ప్రవర్తిస్తున్న తీరు తదితర విషయాలను ప్రీ క్లైమాక్స్ నుంచి బాగా చూపించి... తల్లిదండ్రులకు ఓ మెసేజ్ ఇచ్చారు. పిల్లల ఎదురుగా తల్లిదండ్రులు ఎలాంటి పనులు చేయకూడదో... అలా చేయడం వల్ల వారు ఎలాంటి క్షణికావేశాలకు లోనవుతారనేది ఇందులో చూపించారు.ఎవరెలా చేశారు?నోయల్ డిటెక్టివ్‌గా... ప్రీ క్లైమాక్స్‌లో ఆకట్టుకుంటారు. లీడ్ రోల్స్ చేసిన రతన్, విషాక పర్లేదు. రొమాంటిక్స్ సీన్లలో బాగానే చేశారు. పోసాని కృష్ణ మురళి పాత్ర ఓకే. జబర్దస్త్ మహేష్ పాత్ర కాసేపు ఉన్నా... తన మార్క్ సంభాషణలతో ఆకట్టుకుంటారు. జర్నలిస్ట్ సుబ్బు పాత్రలో శ్రీకాంత్ అయ్యంగార్ పాత్రకు న్యాయం చేశారు. మిగతా పాత్రధారులు తమ తమ పరిధి మేరకు నటించారు. దర్శకుడు లక్ష్మీ శ్రీనివాస్ రాసుకున్న కథ... కథనాలు చాలా బాగున్నాయి. రొమాంటిక్ సస్పెన్స్ క్రైం థ్రిల్లర్ తీసినప్పటికీ.. చివర్లో ఓ మంచి మెసేజ్ ఇచ్చి ఆకట్టుకున్నారు. సినిమాటోగ్రఫీ బాగుంది. సినిమాటోగ్రఫ, సంగీతం పర్వాలేదు. ఎడిటింగ్ ఇంకాస్త గ్రిప్పింగ్‌గా ఉండాల్సింది. (ఇదీ చదవండి: ప్రభాస్ 'రాజాసాబ్'... ఆ వార్తలు నమ్మొద్దని టీమ్ ప్రకటన)

బిగ్‌బాస్‌ నోయల్ హీరోగా, విషాక ధీమాన్ హీరోయిన్‌గా నటిచంఇన చిత్రం 14. లక్మీ శ్రీనివాస్ దర్శకత్వం వహించిన ఈ సినిమాను మెట్ల రాయల్ పిక్చర్స్ పతాకంపై సుబ్బారావు రాయన, శివకృష్ణ నిచ్చన సంయుక్తంగా నిర్మించారు. ఈ మూవీ జూలై 5న ప్రపంచ వ్యాప్తంగా రిలీజ్ కాబోతుంది, ఈ సందర్భంగా చిత్రం ఫస్ట్ లుక్ పోస్టర్‌ను డైరెక్టర్స్ యూనియన్ ప్రెసిడెంట్ డైరెక్టర్ వీర శంకర్ లాంచ్ చేశారు.ఈ సందర్భంగా వీరశంకర్ మాట్లాడుతూ అద్భుతమైనటువంటి స్క్రీన్ ప్లే ఉన్న సస్పెన్స్ థ్రిల్లర్ మూవీ "14" చిత్రం కచ్చితంగా మంచి హిట్ కొడుతుందన్నారు. రొమాంటిక్ క్రైమ్ థ్రిల్లర్ గా రూపొందిన ఈ చిత్రంలో రతన్, పోసాని కృష్ణ మురళి, శ్రీకాంత్ అయ్యంగర్, రూపాలక్ష్మి తదితరులు నటించారు. కళ్యాణ్‌ నాయక్ పాటలు అందించగా ఆదిత్య భార్గవ్ మాటలు రాశారు.

కన్నడలో పలు సినిమాల్లో నటించి ఆపై తెలుగులో 'భీమవరం బుల్లోడు' సినిమాతో హీరోయిన్‌గా ఎంట్రీ ఇచ్చింది ఎ‍స్తర్‌ నోరోన్హ. ఆమె ఇప్పటి వరకు తెలుగు, తమిళం, కన్నడ, మరాఠీ, కొంకణి, హిందీ భాషా చిత్రాలలో నటించింది. జయ జానకి నాయిక, గరం,69 సంస్కార్‌ కాలనీ,డెవిల్,టనెంట్‌ వంటి తెలుగు సినిమాల్లో మెరిసింది. పలు సినిమాల్లో ఐటెం సాంగ్స్‌లో కూడా మెప్పించిన ఎస్తర్‌ రెండో పెళ్లికి సిద్ధమైనట్లు తెలిపింది.టాలీవుడ్‌ సింగర్‌, నటుడు నోయల్‌ను ప్రేమించి 2019లో పెళ్లి చేసుకున్న ఎస్తర్‌.. వారి బంధం కూడా ఎక్కువ కాలం నిలవలేదు. ఆరు నెలల్లోనే వీరిద్దరూ విడాకులు తీసుకున్నారు. పెళ్లి తర్వాత కూడా కొన్ని సినిమాల్లో నటించిన ఎస్తర్‌ తన గ్లామర్‌తో కుర్రకారును అదరగొట్టింది. రెక్కి, సంస్కార్‌ కాలనీ చిత్రాలలో తన గ్లామర్‌తో ఆకట్టుకుంది.తాజాగా ఓ ఇంటర్వ్యూలో తన పెళ్లి గురించి ఎస్తర్‌ ఇలా చెప్పుకొచ్చింది. 'నేను 2019లో పెళ్లి చేసుకున్నాను. అయితే, మేము కేవలం 16 రోజులు మాత్రమే కలిసి ఉన్నాము. పెళ్లయిన 16 రోజుల తర్వాత అతనితో దూరంగానే ఉంటూ వచ్చాను. అలా 2020లో విడాకులు తీసుకున్నాను. ప్రస్తుతం నాకు ఒంటరిగా బతకాలని లేదు. నేను మళ్లీ పెళ్లి చేసుకుంటాను. నాకు అందమైన జీవితం కావాలి. అందుకు తగిన భాగస్వామి కోసం వెతుకుతున్నారు. అయితే, ఎలాంటి అబ్బాయిని పెళ్లి చేసుకోవాలో నాకు క్లారిటీ లేదు. నేను ఇప్పటికే ఒకసారి వివాహం చేసుకున్నాను.. అందులో చాలా సమస్యలను ఎదుర్కొన్నాను, నన్ను అర్థం చేసుకునే అబ్బాయి నాకు దొరుకుతే సంతోషం. షోకేస్ లాంటి భర్త వద్దు.' అని ఎస్తర్‌ చెప్పుకొచ్చింది. రెండో పెళ్లిపై ఆమె చేసిన కామెంట్స్‌ సోషల్ మీడియాలో ప్రస్తుతం వైరల్‌గా మారాయి.

'భీమవరం బుల్లోడు' సినిమాతో హీరోయిన్‌గా టాలీవుడ్‌ ఎంట్రీ ఇచ్చింది ఎస్తర్‌ నోరోన్హ. 'జయజయజానకి నాయక'లో ఓ చిన్న పాత్ర చేసి తెలుగు ప్రేక్షకులకు దగ్గరైంది. అంతలోనే ఆమెకు అవకాశాలు కరువయ్యాయి. ఈ క్రమంలో సింగర్‌ నోయల్‌ను ప్రేమ వివాహం చేసుకున్నప్పటికీ ఈ బంధం కూడా ఎక్కువ కాలం నిలవలేదు. పెళ్లి చేసుకున్న ఆరు నెలల్లోనే వీరు విడాకులు తీసుకున్నారు. ప్రస్తుతం కెరీర్‌లో బిజీగా ఉన్నానంటోంది ఎస్తర్‌. రీసెంట్‌గా ఓ యూట్యూబ్‌ చానల్‌కు ఇచ్చిన ఇంటరవ్యూలో ఆమె మరోసారి నోయెల్‌పై కామెంట్స్‌ చేసింది. అతనితో విడిపోయాక నాపై నెగిటివ్‌ ప్రచారం చేశాడు. విడాకుల తర్వాత బిగ్‌బాస్‌లోకి వెళ్లిన నోయెల్‌ ఆ ఇష్యూని సానుభూతి కోసం వాడుకున్నాడు. మనుషులు ఇలా కూడా ఉంటారా అని అప్పుడు అర్థమయ్యింది. నేనేదే తప్పు చేసినట్లుగా చిత్రీకరించాడు. దీంతో సోషల్‌ మీడియాలో నాపై చాలా ట్రోల్స్‌ వచ్చాయి. ఒకతను అయితే నువ్వు హైదరాబాద్‌కి వస్తే యాసిడ్‌ పోస్తానంటూ బెదిరించాడు. మంచితనం అనే ముసుగులో నోయెల్‌ సింపతీ క్రియేట్‌ చేసుకున్నాడు. కానీ నిజం ఏంటన్నది నాకు తెలుసు కదా.. పెళ్లయిన 16రోజులకే అతని నిజస్వరూపం తెలుసుకున్నా. అందుకే విడాకులు తీసుకున్నా అంటూ చెప్పుకొచ్చొంది. 

బాల్యంలో చదువుకున్న పంచతంత్ర కథల ఇన్‌స్పిరేషన్‌తో తెరకెక్కిన ఆంథాలజీ మూవీ పంచతంత్ర కథలు. నోయల్‌, నందిని రాయ్‌, సాయి రోనక్‌, గీత భాస్క‌ర్‌, ప్ర‌ణీత ప‌ట్నాయ‌క్‌, నిహాల్ కోద‌ర్తి, సాదియ‌, అజ‌య్ క‌తుర్వ‌ర్ ముఖ్య పాత్ర‌లు పోషించారు. గంగ‌న‌మోని శేఖ‌ర్ దర్శకత్వం వహించగా ప్రముఖ వ్యాపారవేత్త డి. మధు నిర్మించారు. ఇందులో అడకత్తెర, అహల్య, హ్యాపీ మ్యారీడ్‌ లైఫ్‌, నర్తనశాల, అనగనగా అని ఐదు కథలు ఉంటాయి. వాటి సమాహారమే ఈ సినిమా. తాజాగా ఈ మూవీ ఓటీటీలోకి వస్తోంది. ఆగస్టు 31 నుంచి ప్రముఖ తెలుగు ఓటీటీ ప్లాట్‌ఫామ్‌ ఆహాలోకి అందుబాటులోకి రానుంది. ఈ మేరకు అధికారిక ప్రకటన వెలువడింది. ఆహా అనిపించిన అనౌన్స్‌మెంట్‌ ఇది అంటూ నోయల్‌ సోషల్‌ మీడియాలో తన సంతోషాన్ని వ్యక్తం చేశాడు. Bittersweetness of love is the most beautiful part being in marriage. Here's such a story "Happy Married Life." #PanchatantraKathaluOnAha from August 31st. @creations_madhu @ShekarPhotos @syedkamran @mrnoelsean @ImNandiniRai@saironak3 @nihalkodhaty1 @ajaykathurvar pic.twitter.com/jx53GqsLqM — ahavideoin (@ahavideoIN) August 27, 2022 చదవండి: బాలీవుడ్‌లో నా స్నేహితులే నన్ను పక్కన పెట్టేశారు సీతారామం సినిమా అన్ని కోట్లు వసూలు చేసిందా?

ర్యాప్‌ సింగర్‌ నోయెల్‌ గురించి ప్రత్యేకంగా పరిచయం చేయాల్సిన పనిలేదు. ర్యాపర్‌గా తనకంటూ ప్రత్యేక గుర్తింపు తెచ్చుకున్న నోయెల్‌  సింగర్‌గానే కాకుండా నటుడిగానూ పలు సినిమాల్లో నటించాడు. బిగ్‌బాస్‌ తెలుగు సీజన్‌-3లో కంటెస్టెంట్‌గానూ పాల్గొని అలరించాడు. అయితే నోయెల్‌ ఇంట ఇప్పుడు తీవ్ర విషాదం చోటుచేసుకుంది. గత కొంతకాలంగా అనారోగ్యంతో బాధపడుతున్న నోయెల్‌ తండ్రి శనివారం రాత్రి కన్నుమూశారు. ఈ విషయం తెలిసి సింగర్‌ రాహుల్‌ సిప్లిగంజ్‌ సహా పలువురు టాలీవుడ్‌ ప్రముఖులు సంతాపం వ్యక్తం చేస్తున్నారు. కాగా నోయెల్‌కు తండ్రితో ఎంతో అనుబంధం ఉంది. ఆయనతో కలిసి పంచుకున్న పలు సరదా వీడియోలను నోయెల్‌ సోషల్‌ మీడియాలో షేర్‌ చేస్తుంటారు. తండ్రి మరణంతో నోయెల్‌ కుంగిపోయినట్లు తెలుస్తోంది. 

టైటిల్‌: పంచతంత్ర కథలు నటీనటులు: నోయెల్, నందిని రాయ్‌, సాయి రోనక్‌, గీత భాస్క‌ర్‌, ప్ర‌ణీత ప‌ట్నాయ‌క్‌, నిహాల్ కోద‌ర్తి, సాదియ‌, అజ‌య్ క‌తుర్వ‌ర్  తదితరులు నిర్మాణ సంస్థ‌: మ‌ధు క్రియేష‌న్స్‌ నిర్మాత‌: డి. మ‌ధు ర‌చ‌న‌-ద‌ర్శక‌త్వం: గంగ‌న‌మోని శేఖ‌ర్‌ సంగీతం: క‌మ్రాన్‌ సినిమాటోగ్ర‌ఫి: గంగ‌న‌మోని శేఖ‌ర్‌, విజ‌య్ భాస్క‌ర్ స‌ద్దల‌ ఎడిట‌ర్‌: శ్రీ‌నివాస్ వ‌ర‌గంటి బాల్యంలో మ‌నం పంచ‌తంత్ర క‌థ‌లు పుస్తకం చ‌దువుకుని... వాటి నుంచి ఎంతో కొంత నీతిని నేర్చుకున్నాం. అలాంటి క‌థ‌ల ఇన్సిపిరేష‌న్ తో తెర‌కెక్కిన ఆంథాలజీ చిత్రం ‘పంచ‌తంత్ర క‌థ‌లు’. గంగ‌న‌మోని శేఖ‌ర్ దర్శకత్వం వహించిన  ఈ చిత్రాన్ని ప్రముఖ వ్యాపారవేత్త డి. మధు నిర్మించారు. నోయెల్, నందిని రాయ్‌, సాయి రోనక్‌, గీత భాస్క‌ర్‌, ప్ర‌ణీత ప‌ట్నాయ‌క్‌, నిహాల్ కోద‌ర్తి, సాదియ‌, అజ‌య్ క‌తుర్వ‌ర్ ముఖ్య పాత్ర‌లు పోషించారు. తాజాగా విడుదలైన ఈ చిత్రం ప్రేక్షకులను ఏమేరకు ఆకట్టుకుంది? ఆ ఐదు కథలు ఏంటి? అవి ప్రేక్షకులను ఎలాంటి నీతిని భోధించాయో రివ్యూలో చూద్దాం. ఈ చిత్రంలో మొత్తం ఐదు కథలు ఉన్నాయి.  1) అడ్డకత్తెర కథేంటంటే.. కృష్ణ(నిహాల్‌) అనే యువకుడు క్షవర వృత్తి చేస్తూ జీవనం సాగిస్తుంటాడు. అదే వీధిలో ఉంటున్న యువతిని సత్య(సాదియ అన్వర్‌) ప్రేమిస్తాడు. వేరు వేరు కులాలకు చెందిన వీరిద్దరి ప్రేమకు పెద్దల నుంచి ఎలాంటి ఆటంకాలు ఎదురయ్యాయి? చివరకు  వీరి ప్రేమకు శుభం కార్డు ఎలా పడిందనేదే మిగతా కథ. ఎలా ఉందంటే.. ఇప్పటికీ సమాజంలో కుల పిచ్చి అనేది ఇంకా పూర్తిగా తొలగిపోలేదు.కులామ మధ్య ఉండే అంతరాలతో ఎలాంటి ఇబ్బందులు ఎదురవుతున్నాయో రోజూ చూస్తూనే ఉన్నాం. దాన్ని తొలగించాలనే  ఉద్దేశంతో ఈ కథను తెరకెక్కించారు. మ‌నం చేసే వృత్తుల వ‌ల్ల కులాల‌ను నిర్ణ‌యించారని, వాటి వ‌ల్ల ఎలాంటి ఉప‌యోగంలేద‌ని ఇద్ద‌రి ప్రేమికుల‌ను ఒక‌టి చేసే క్ర‌మంలో పెద్ద‌ల‌కు వివ‌రించి చెప్పారు.ఇందులో నిహాల్, సాదియాల నటన అందరినీ ఆకట్టుకుంటుంది. 2)  అహల్య కథేంటంటే.. రేవతి (ప్రణీత పట్నాయక్) ఓ వేశ్య. తన  కుటుంబాన్ని పోషించుకోవడానికి ప‌డుపు వృత్తిని ఎంచుకుంటుంది. ఆమెకు పెయింటింగ్‌ ఆర్టిస్ట్‌ అయోధ్య(అజయ్ )పరిచయం అవుతాడు. అతని పరిచయంతో ఆమె తనలో మార్పు వస్తుంది. వేశ్య వృత్తిని వదిలేసి మంచి మనిషిగా బతకాలనుకుంటుంది. అలాంటి సమయంలో సమాజం నుంచి రేవతికి ఎలాంటి సమస్యలు ఎదురయ్యాయి? చివరకు ఆమె జీవితం ఎలా ముగిసింది? అనేదే మిగతా కథ.  ఎలా ఉదంటే.. ఈ కథ అందరి హృదయాలను హత్తుకుంటుంది. ఓ వేశ్య మాములు మనిషిగా బతకాలని చూస్తే ఆమెను సమాజం ఎలా చూస్తుంది? అనేదానిని తెరపై చక్కగా చూపించారు. వేశ్య వృత్తికి ఎంత దూరంగా ఉండాలని చూసినా.. ఆ మార్పును సమాజం అంగీకరించదు. అందు కోసం వాళ్లు పెద్ద యుద్ధమే చేయాల్సి వస్తోందనేది ఈ కథ ద్వారా చూపించారు. వేశ్య వృత్తిని వదిలేసి వచ్చిన చిన్నచూపు చోడొద్దనేది ఈ కథ ఇచ్చే సందేశం. క్లైమాక్స్‌ కంటతడి పెట్టిస్తుంది. వేశ్యగా ప్రణీత పట్నాయక్ తనదైన సహజ నటనతో ఆకట్టుకుంది.   3) హ్యాపీ మ్యారీడ్ లైఫ్ కథేంటంటే: మధ్యతరగతి కుటుంబానికి చెందిన కీర్తిక (నందిని రాయ్)కి డబ్బు అంటే పిచ్చి. బాగా డబ్బు  ఉన్న వ్యక్తిని పెళ్లి చేసుకుంటే జీవితం సుఖంగా ఉంటుందని భావించి ప్రాణంగా ప్రేమించిన ప్రశాంత్‌(నోయల్‌)ని వదిలేస్తుంది. అనుకున్నట్లే బాగా డబ్బు ఉన్న వ్యక్తిని పెళ్లి చేసుకుంటుంది. ఆ తర్వాత కీర్తిక జీవితంలో ఎలాంటి పరిణామాలు చోటు చేసుకున్నాయి. భర్తతో సుఖంగా జీవించిందా లేదా? లగ్జరీ లైఫ్‌కి అలవాటు పడిన కీర్తికకి  ప్రశాంత్‌ ఎలాంటి గుణపాఠం నేర్పాడు అనేదే మిగతా కథ.    ఎలా ఉదంటే..  డబ్బుకు ఆశపడి నమ్ముకున్నోళ్లను మోసం చేయొద్దని అనేది ఈ కథ సారాంశం. ప్రాణంగా ప్రేమించిన అబ్బాయిని కాదని, తండ్రి మాట కూడా లెక్క చేయ‌కుండా కేవ‌లం డ‌బ్బున్న అబ్బాయిని పెళ్లి చేసుకుని వెళ్లిపోయిన అమ్మాయికి ఓ భ‌గ్న ప్రేమికుడు చెప్పే గుణ‌పాఠం అందరిని ఆకట్టుకుంటుంది. అయితే ఈ కథలో రొమాంటిక్‌ సీన్స్‌ కాస్త ఎక్కువవడం.. ఫ్యామిలీ ఆడియన్స్‌కు ఇబ్బందిగా అనిపిస్తుంది.  4 ) నర్తనశాల  ఇందులో ఓ వింత లవ్‌స్టోరీని చూపించారు. డ్యాన్స్‌ స్కూల్‌ నడిపించే ఓ డ్యాన్స్‌ మాస్టర్‌(సాయి రోనక్‌)కు ఫోన్‌ ద్వారా శిరీష అనే యువతి పరిచయం అవుతుంది. ఆమెను చూడకుండా ప్రేమలో పడిపోతాడు. కొద్ది రోజుల తర్వాతను ఆమె చూడాలని ఉందని చెప్పి బీజ్‌కి రమ్మని రిక్వెస్ట్‌ చేస్తాడు. మరి బీచ్‌లో వీరిద్దరు కలిశారా? అసలు ఫోన్‌ కాల్‌ మాట్లాడిన వ్యక్తి ఎవరు? వీరిద్దరు కలిశాక ఏం జరిగింది? అనేదే మిగతా కథ.  ఎలా ఉందంటే ఈ కథ చాలా ఇంట్రెస్టింగ్‌ ఉంటుంది. డ్యాన్స్‌ మాస్టర్‌తో ఫోన్‌లో మాట్లాడింది ఎవరనే సస్పెన్స్‌ని క్లైమాక్స్‌ వరకు కొనసాగించి ప్రేక్షకుల్లో క్యూరియాసిటీని పెంచేలా చేశాడు. క్లైమాక్స్‌లో వచ్చే ట్విస్ట్‌ అయితే అదిరిపోతుంది. వేగంగా పెరిగిపోతున్న టెక్నాలజీ కారణంగా ఎలాంటి మోసాలు జరుగుతాయి? ఫోన్‌ పరిచయాల ద్వారా మోససోయిన వ్యక్తులను నిత్యం చూస్తూనే ఉన్నాం. అలాంటి వారికి ఇది నచ్చుతుంది. 5) అనగనగా వృద్ధురాలు కమలక్క (గీతా భాస్కర్)ది ఇద్దరి కుమారుల మధ్య నలిగిపోయే జీవితం. భర్త ఉన్నప్పుడు ఎంతో హుందాగా బతికిన ఆమె.. వృద్ధాప్యంలో ఇద్దరు కొడుకులు చెరో నెల అని ఆమెను పంచుకుంటారు. దాని వల్ల ఆమెకు ఎదురయ్యే సమస్యలేంటి?  వృద్దాప్యంలో ఆమె జీవితం ఎలా సాగిందనేదే ఈ కథ.  ఎలా ఉదంటంటే.. ఆస్తులను పంచుకున్నట్లుగా తల్లిదండ్రులను కూడా పంచుకుంటున్నారు నేటి పిల్లలు. చెరో నెల అంటూ వంతులు పెట్టికొని మరీ వారిని పోషిస్తున్నారు. దీని వల్ల పేరెంట్స్‌ పడే బాధ ఏంటి అనేది కళ్లకు కట్టినట్లు చూపించారు.సగటు తల్లి పడే బాధ ఏంటో  గీతా భాస్కర్ ద్వారా తెరపై చక్కగా చూపించారు.  మొత్తంగా ఈ ఐదు కథలుగా తెరకెక్కిన ఈ పంచతంత్రకథలు.. మంచి సందేశాన్ని ఇచ్చాయి. ఒక్కో కథలో ఓక్కో నీతి ఉంది.  ద‌ర్శ‌కుడు ఎంచుకున్న క‌థ‌లు... వాటిని న‌డిపించ‌డానికి రాసుకున్న స్క్రీన్ ప్లే బాగున్నాయి.స‌య్య‌ద్ క‌మ్రాన్ అందించిన సంగీతం చిత్రానికి బాగా ప్ల‌స్ అయింది. మొదటి కథలో వచ్చే మోతెవారి పాటతో ప్రేక్షకుల్లో జోష్‌ నింపుతుంది. మిగిలిన పాట‌లు కూడా  బాగున్నాయి. చిత్ర ద‌ర్శకుడు గంగ‌న‌మోని శేఖ‌ర్ యే సినిమాటోగ్రాఫ‌ర్ కావ‌డంతో మంచి విజువ‌ల్స్ తీశారు. దీనికి మ‌రో సినిమాటోగ్రాఫ‌ర్ విజ‌య్ భాస్క‌ర్ స‌ద్దల కూడా త‌న వంతు స‌హ‌కారం అందించారు.  శ్రీ‌నివాస్ వ‌ర‌గంటి ఎడిటింగ్ పర్వాలేదు. సాధారణంగా ఏ నిర్మాత అయినా తన తొలి చిత్రాన్ని కమర్షియల్‌ ఫార్మెట్‌లో నిర్మిస్తాడు. అలాంటి చిత్రాలను నిర్మిస్తే.. సేఫ్‌ జోన్‌లోకి వెళ్లొచ్చు. కానీ నిర్మాత డి మధు మాత్రం.. తొలి చిత్రంగా మంచి సందేశాత్మకమైన అంశాలు ఉన్న ‘పంచతంత్రకథలు’ ఎంచుకోవడం అభినందనీయం.

Panchatantra Kathalu Trailer Released: ఐదు వేరు వేరు క‌థ‌లతో ఆంథాల‌జీ మూవీగా తెర‌కెక్కుతోన్న‌ చిత్రం `పంచ‌తంత్ర క‌థ‌లు`. మ‌ధు క్రియేష‌న్స్ ప‌తాకంపై ప్రొడ‌క్ష‌న్ నెం.1గా ప్ర‌ముఖ వ్యాపార‌వేత్త డి. మ‌ధు నిర్మిస్తున్నారు. ఈ మూవీ ద్వారా గంగ‌న‌మోని శేఖ‌ర్ ద‌ర్శ‌కుడిగా ప‌రిచ‌య‌మ‌వుతున్నారు. నోయెల్, నందిని రాయ్‌, సాయి రోనక్‌, గీత భాస్క‌ర్‌, ప్ర‌ణీత ప‌ట్నాయ‌క్‌, నిహాల్ కోద‌ర్తి, సాదియ‌, అజ‌య్ క‌తుర్వ‌ర్ ముఖ్య పాత్ర‌ల‌లో న‌టిస్తున్నారు. ఇప్ప‌టికే ఈ చిత్రం నుంచి విడుద‌లైన `మోతెవ‌రి` సాంగ్ ట్రెమండ‌స్ రెస్పాన్స్‌తో చార్ట్ బ‌స్ట‌ర్‌గా నిలిచింది. తాజాగా ఈ మూవీ ట్రైల‌ర్‌ను ప్ర‌ముఖ సంగీత ద‌ర్శ‌కుడు ఎం.ఎం.కీర‌వాణి విడుద‌ల చేశారు. ఈ సంద‌ర్భంగా ఎంఎం. కీర‌వాణి మాట్లాడుతూ - ``గంగ‌న‌మోని శేఖ‌ర్ ద‌ర్శ‌క‌త్వంలో మ‌ధు క్రియేష‌న్స్ ప‌తాకంపై 'పంచ‌తంత్ర క‌థ‌లు' అనే ఈ ఆంథాల‌జీ ఐదు వేరు వేరు క‌థ‌లు.. వేరు వేరు జోన‌ర్ల‌లో రావ‌డం చాలా ఇంట్రెస్టింగ్‌గా ఉంది. ట్రైల‌ర్ చాలా బాగుంది. క్యారెక్ట‌రైజేష‌న్స్ అన్నీ కొత్త కొత్త‌గా ఉన్నాయి. అన్నింటిని మించి మా ఫ్యామిలీ మెంబ‌ర్ నోయెల్ ఈ సినిమాలో న‌టిస్తున్నాడు. ఈ సినిమా కోసం చాలా ఈగ‌ర్‌గా వెయిట్ చేస్తున్నాను`` అని తెలిపారు. కాగా ఈ సినిమా ఇటీవ‌ల సెన్సార్ కార్య‌క్ర‌మాలు పూర్తిచేసుకుని యు/ ఎ స‌ర్టిఫికేట్ పొందింది. సెన్సారు  స‌భ్యులు ఈ సినిమా చూసి చిత్ర యూనిట్‌ను అభినందించారు. అతి త్వ‌ర‌లో ఈ చిత్రం విడుద‌ల‌ తేదిని ప్ర‌క‌టించ‌నున్నారు. 

Noel Ex Wife Ester Noronha: 'భీమవరం బుల్లోడు' సినిమాతో టాలీవుడ్‌లో హీరోయిన్‌గా ఎంట్రీ ఇచ్చింది ఎ‍స్తర్‌ నోరోన్హ. ఆ తర్వాత వెయ్యి అబద్ధాలు, జయ జానకి నాయిక, గరం వంటి చిత్రాల్లో కనిపించినా పెద్దగా అవకాశాలు రాలేదు. కొన్నాళ్లకు సింగర్‌ నోయల్‌ను ప్రేమ వివాహం చేసుకున్నప్పటికీ ఈ బంధం కూడా ఎక్కువ కాలం నిలవలేదు. ఆరు నెలల్లోనే వీరిద్దరూ విడాకులు తీసుకున్నారు. విడాకుల అనంతరం అడపాదడపా చిత్రాలు చేస్తున్న ఎస్తర్‌ తాజాగా ‘69 సంస్కార్‌ కాలనీ’ మూవీలో నటించింది. ఈ క్రమంలో వరుస ఇంటర్వ్యూలు ఇస్తున్న ఎస్తర్‌ కాస్టింగ్‌ కౌచ్‌పై ఆసక్తికర విషయాలు షేర్‌ చేసుకుంది. 'ఇండస్ట్రీలో అన్‌ ప్రొఫెషనల్‌ ట్రాక్స్‌ చాలా చూశాను. సినిమా ఆఫర్లతో పాటు ఈ ఆఫర్లు కూడా వచ్చేవి.. వాళ్లని ఇంప్రెస్ చేయమని వీళ్లని ఇంప్రెస్ చేయమని అనేవాళ్లు. ఆఫర్‌ కోసం ఏం చేయడానికైనా రెడీ అని చెప్పిన హీరోయిన్లు కూడా ఉన్నారు. ఆ సోకాల్డ్‌ హీరోయిన్స్‌ చాట్స్‌ స్క్రీన్‌ షాట్స్‌ కూడా నేను చూశాను. కెరీర్‌ కోసం ఏదైనా చేస్తాం అంటారు. అలా ఆడవాళ్లే స్వయంగా ఆఫర్స్‌ ఇవ్వడం అనేది కూడా ఇండస్ట్రీలో ఉంది. క్యాస్టింగ్‌ కౌచ్‌ నేను కూడా ఎదుర్కొన్నాను. కానీ ఆఫర్స్‌ కోసం అలాంటి నీచమైన పనులు చేయను' అని చెప్పుకొచ్చింది.   

'భీమవరం బుల్లోడు' సినిమాతో హీరోయిన్‌గా టాలీవుడ్‌ ఎంట్రీ ఇచ్చింది ఎస్తర్‌ నోరోన్హ. ఆ తర్వాత 'గరం'లో ఓ సాంగ్‌, 'జయజయజానకి నాయక'లో ఓ చిన్న పాత్ర చేసి తెలుగు ప్రేక్షకులకు దగ్గరైంది. అంతలోనే ఆమెకు అవకాశాలు కరువయ్యాయి. ఈ క్రమంలో సింగర్‌ నోయల్‌ను ప్రేమ వివాహం చేసుకున్నప్పటికీ ఈ బంధం కూడా ఎక్కువ కాలం నిలవలేదు. పెళ్లి చేసుకున్న ఆరు నెలల్లోనే వీరిద్దరూ విడాకులు తీసుకున్నారు.  చదవండి: Manchu Family: ఆ పోస్టులు డిలీట్‌ చేయకపోతే రూ.10 కోట్ల పరువు నష్టం దావా.. విడాకుల అనంతరం అడపాదడపా చిత్రాలు చేస్తున్న ఎస్తర్‌ తాజాగా ‘69 సంస్కార్‌ కాలనీ’ మూవీలో నటించింది. మార్చి 4న ఈ చిత్రం ప్రేక్షకుల ముందు రానుంది. మూవీ ప్రమోషన్లలో భాగంగా ఓ యూట్యూబ్‌ చానల్‌కు ఇచ్చిన ఇంటర్య్వూలో ఎస్తర్‌ పలు ఆసక్తికర విషయాలను పంచుకుంది. తన వ్యక్తిగత విషయాలతో పాటు టాలీవుడ్‌లో క్యాస్టింగ్‌ కౌచ్‌పై నోరు విప్పింది. అలాగే నోయల్‌తో విడాకులపై కూడా స్పందించింది. విడాకుల అనంతరం రెట్టింపు సంతోషంగా ఉన్నానంటూ ఆసక్తికర వ్యాఖ్యలు చేసింది.  ‘విడాకుల సమయంలో చాలా ఒత్తిడికి లోనయ్యాను. కానీ ఎప్పుడైతే అన్నింటికీ సిద్ధపడి విడాకులు తీసుకోవాలని నిర్ణయించుకున్నానో అప్పుడు ఫ్రీ అయ్యా. ఎందుకంటే దీనిపై నా ఫ్యామిలీకి నేను ఎలా సమాధానం చెప్పుకోవాలని భయపడ్డాను. కానీ ఎప్పుడైతే వారికి తెలిసిందో నా తల్లిదండ్రులు కూడా నాకు అండగా నిలబడ్డారు. దీంతో నాకు రెట్టింపు ధైర్యం, ఎనర్జీ వచ్చింది’ అని చెప్పుకొచ్చింది ఎస్తర్‌.  చదవండి: పోలీసులను ఆశ్రయించిన ప్రముఖ టాలీవుడ్‌ రైటర్‌ ఇక ‘ఎక్కడో బయటి వ్యక్తులు విడాకులు తీసుకున్నారనే వార్తలు వినడమే కానీ ఆ అనుభవం ఎలా ఉంటుందో తెలియదు. ఇప్పుడు నేను ఆ పరిస్థితికి వస్తానని ఊహించుకోలేదు. మా కుటుంబంలో కూడా ఇలాంటివి లేవు. అలాంటి పరిస్థితుల్లో విడాకుల నిర్ణయంతో సతమతమయ్యాను. కానీ ఎప్పుడైతే విడాకుల పోస్ట్‌ షేర్‌ చేశానో కంటిన్యూస్‌గా నా ఫోన్‌ రింగ్‌ అయ్యింది. అందులో కొందరూ ఈమె కూడా జీవితం చెడగొడ్డుకుంది నాలాగే అంటూ సంతోషించారు.. మరికొందరెమో నీకు మేమున్నామంటూ ధైర్యమిచ్చారు’ అని చెప్పింది ఎస్తర్‌. 

కార్తీక్ రాజు, మిస్తీ చక్రవర్తి హీరో హీరోయిన్లుగా నోయెల్, ఆమని, పృద్వీ, సత్యం రాజేష్, కాశి విశ్వనాధ్,  తాగుబోతు రమేష్, గెటప్ శ్రీను తదితరులు ముఖ్య పాత్రల్లో నటిస్తున్న చిత్రం  'దీర్ఘాయుష్మాన్ భవ'. ప్రముఖ నటుడు కైకాల సత్యనారాయణ గారు  చాలా రోజుల తర్వాత మళ్ళీ యముడి పాత్రలో నటించగా డాక్టర్ ఎంవీకే రెడ్డి సమర్పణలో ప్రతిమ ఈ సినిమా ని ఎంతో ప్రతిష్టాత్మకంగా నిర్మిస్తుంది. పూర్ణానంద మిన్నకూరి కథ స్క్రీన్ ప్లే దర్శకత్వం వహించారు. మలహర్ భట్ జోషి ఛాయాగ్రహణం అందించగా వినోద్ యాజమాన్య సంగీతం సమకూరుస్తున్నారు. కిషోర్ మద్దాలి ఎడిటర్ గా చేస్తున్నారు. కాగా ఈ సినిమాలోని ‘వదిలి వెళ్ళిపోకే’ అనే పాట యూట్యూబ్ లో విడుదల కాగా ఈ పాటకు ప్రేక్షకుల నుంచి మంచి రెస్పాన్స్ దక్కుతుంది. సోసియో ఫాంటసీ ప్రేమకథా చిత్రం గా ప్రేక్షకుల ముందుకు రాబోతున్న ఈ సినిమా షూటింగ్ పూర్తి కాగా త్వరలోనే విడుదలతేదీ ని ప్రకటించనున్నారు.

సింగర్‌, యాక్టర్‌ నోయల్‌ సేన్‌.. గత బిగ్‌బాస్‌ సీజన్‌లో పాల్గొని హల్‌చల్‌ చేశాడు. హౌస్‌లో ఉన్నన్ని రోజులు చాలా కూల్‌గా ఉంటూ అందరికీ హితబోధ చేస్తూ బాబాలా మారిపోయాడు. కానీ తనకు ఆరోగ్యం సహకరించలేక కుంటుకుంటూ నడిచి, చివరకు షోలో కొనసాగలేని పరిస్థితి ఏర్పడంతో అర్ధాంతరంగా షో నుంచి తప్పుకున్నాడు. అయితే వెళ్లిపోయేటప్పుడు మాత్రం తన మీద, తన హెల్త్‌ మీద కుళ్లు జోకులేసిన ఒక్కొక్కరికీ వాయించేసి వీడ్కోలు తీసుకున్నాడు. ఇప్పటికీ నోయల్‌ అనగానే బిగ్‌బాస్‌ వీక్షకులకు ఇదే సీన్‌ గుర్తొస్తుంది. షో నుంచి నిష్క్రమించాక అతడు దేత్తడి హారిక, లాస్యకు సపోర్ట్‌ చేసి వారికి అండగా నిలబడ్డాడు. ఇదిలా వుంటే ఈ మధ్యే ప్రారంభమైన బిగ్‌బాస్‌ తెలుగు ఐదో సీజన్‌లోనూ అతడు ఓ కంటెస్టెంట్‌కు సపోర్ట్‌ చేస్తున్నాడు. సింగర్‌ శ్రీరామచంద్రకు ఓటేయమని అభిమానులను కోరుతున్నాడు. ఈవారం అతడు నామినేషన్స్‌లో ఉండటంతో శ్రీరామ్‌ను ఎలాగైనా గట్టెక్కించాలని ప్రయత్నిస్తున్నాడు. అనధికారిక పోల్స్‌లో అయితే శ్రీరామ్‌కు ఈవారం ఈజీగా సేఫ్‌ అవుతాడని తెలుస్తోంది. ఎవరో ఒక లేడీ కంటెస్టెంట్‌ ఎలిమినేట్‌ కావడం ఖాయంగా కనిపిస్తోంది. మరి అఫీషియల్‌ ఓటింగ్‌లోనూ శ్రీరామ్‌ టాప్‌ 3లో ఉన్నాడా? అన్నది తెలియరాలేదు. ఏదేమైనా శ్రీరామ్‌ హౌస్‌లో ఉన్నన్ని రోజులు అతడికి నోయల్‌ అండదండలు గట్టిగానే ఉండేటట్లు కనిపిస్తోంది.

సింగర్‌, ‘బిగ్‌బాస్‌’ఫేమ్‌ నోయల్‌ రెండు రోజుల క్రితం ‘ఓ ఎగ్జైటింగ్ న్యూస్ మీతో పంచుకోవాలని అనుకుంటున్నాను’అని ట్వీట్‌ చేసిన విషయం తెలిసిందే. ఎగ్జైట్ న్యూస్ అని చెప్పడంతో అది కచ్చితంగా పెళ్లి గురించి అయి ఉంటుందని నెటిజన్లు భావించారు. అయితే నోయల్‌ తాజాగా అసలు విషయాన్ని చెప్పాడు.  తన జీవితంలోని కొత్త ఆరంభం గురించి ప్రకటించేశారు. తాను హీరోగా రాబోతోన్న కొత్త సినిమా అప్డేట్‌ను ఇస్తూ ఫస్ట్‌లుక్‌ని రివీల్‌ చేశాడు. మనీషి అనే సినిమాతో హీరోగా నోయల్ ఎంట్రీ ఇవ్వబోతోన్నారు. పూజిత పొన్నాడ హీరోయిన్‌గా రాబోతోన్న ఈ మూవీ ఫస్ట్ లుక్ అదిరిపోయింది. స్పార్క్ ఓటీటీలో ఈ మూవీ జూన్ 18 నుంచి అందుబాటులోకి రానుందని ప్రకటించారు. ఈ మూవీకి వినోద్ నాగుల దర్శకత్వం వహించగా.. సత్యనారాయణ నాగుల నిర్మాతగా వ్యవహరిస్తున్నాడు.  Here's the First Look of my upcoming movie #MoneyShe🎭 Very happy to share that it's Releasing Exclusively in @sparkottin on June 18th! 📝 Thank you @VinodNagula bhayya & team for making me a part this project!#మనిషి @pujita_ponnada pic.twitter.com/Uphoij6mEZ — Noel (@mrnoelsean) June 9, 2021 చదవండి: PSPK28: ఫ్యాన్‌ మేడ్‌ పోస్టర్‌ వైరల్‌.. స్పందించిన నిర్మాణ సంస్థ  సమంతకు కొడుకుగా నటించేది ఈ స్టార్‌ హీరో తనయుడే!

 యువ గాయకుడు, నటుడు, ‘బిగ్‌బాస్‌’ ఫేమ్‌ నోయల్‌ సేన్‌  ప్రేమ, పెళ్లి, విడాకుల గురించి అందరికి తెలిసిందే.  హీరోయిన్‌ ఎస్తర్‌తో ప్రేమలో పడిన నోయల్‌.. 2019లో ఆమెను వివాహం చేసుకున్నారు. పెళ్లైన కొన్ని నెలలకే వారు విడిపోయారు. కోర్టు ఉత్తర్వులు రావడంతో ఈ ఇద్దరూ కూడా తమ విడాకుల విషయాన్ని 2020 బహిర్గతం చేశారు. అనంతరం నోయల్‌ బిగ్‌బాస్‌ షోకి వెళ్లి, అనారోగ్యం కారణంగా అర్థాంతరంగా బయటకు వచ్చారు. అయితే బిగ్‌బాస్‌ ఇంట్లో ఉన్నది కొద్ది రోజులే అయినా.. తనదైన ముద్ర వేసుకున్నాడు నోయల్‌. సినిమాల్లో చూసిన నోయల్‌కి.. బిగ్‌బాస్‌లో చూసిన నోయల్‌కి చాలా తేడా కనిపించింది. ఒకనొక దశలో మరీ ఇంత మంచితనం పనికి రాదని కూడా నోయల్‌పై కామెంట్లు చేశారు నెటిజన్లు. ఇక బిగ్‌బాస్‌ ఇంటి నుంచి బయటకు వచ్చిన నోయల్‌కు  సోషల్ మీడియాలో విపరీతమైన ఫాలోయింగ్ వచ్చేసింది. ఆయన చేసిన ట్వీట్లు, పోస్ట్‌ చేసిన వీడియో సోషల్‌ మీడియాలో వైరల్‌ అయ్యాయి. తాజాగా నోయల్‌ చేసిన ట్వీట్‌పై నెటిజన్లు పలు అనుమానాలను వ్యక్తం చేస్తున్నారు.   ‘ఓ ఎగ్జైటింగ్ న్యూస్ మీతో పంచుకోవాలని అనుకుంటున్నాను.. ఈ విషయం చెప్పాలని ఎంతో ఆత్రుతగా ఉంది.. ఆగలేకపోతోన్నా’అంటూ ట్వీట్‌ చేశాడు నోయల్‌. దీంతో ఇది పక్కా పెళ్లి విషయమే అని నెటిజన్లు ఫిక్సయ్యారు. ‘మళ్లీ పెళ్లి చేసుకుంటున్నావా? అని కామెంట్లు చేస్తున్నారు. ఇక మరికొంత మంది అయితే.. సినిమాకి సంబంధించిన అప్డేట్‌ అయి ఉంటుందని కామెంట్లు పెడుతున్నారు. ఇంతకి ఆ ఎగ్జైటింగ్ న్యూస్ ఏంటో తెలియాలంటే.. నోయల్‌ చెప్పే వరకు ఆగాల్సిందే.  Am Gonna Share An Exciting News Soonnnn!!!! Can't Wait For It!!! pic.twitter.com/XqjAofXZrA — Noel (@mrnoelsean) June 5, 2021

♦ అదితి భాటియా సెల్ఫీ మోడ్‌ ♦ నేనిలాగే ఉంటా, కానీ ఇది యాటిట్యూడ్‌ మాత్రం కాదంటోన్న కౌశల్‌ మండా ♦ ఆకాశమే హద్దుగా సాగిపో అని చెప్తోన్న ముమైత్‌ ఖాన్‌ ♦ మంచు లక్ష్మీకి కూతురి సర్‌ప్రైజ్‌ ♦ అప్పట్లో ఎంతో సేఫ్‌గా ప్రయాణించేవాళ్లమంటోన్న నోయల్‌ సేన్‌ ♦ గుడ్‌ హెయిర్‌డే అంటోన్న మాధురీ దీక్షిత్‌ ♦ ఎందుకో తెలీదు గానీ నిన్నుచూసిన మరుక్షణం నా పెదాల మీద చిరునవ్వు ప్రత్యక్షమవుతుందంటోన్న అషూ రెడ్డి ♦ బ్లాక్‌ అండ్‌ వైట్‌ ఫొటోలో ఆర్‌ ఎక్స్‌ 100 భామ ♦ నన్ను నమ్మండి, నేను నిజంగానే పని చేస్తున్నాను అంటోన్న సన్నీలియోన్‌ View this post on Instagram A post shared by Shivathmika Rajashekar (@shivathmikar) View this post on Instagram A post shared by Anasuya Bharadwaj (@itsme_anasuya) View this post on Instagram A post shared by mon (@imouniroy) View this post on Instagram A post shared by mon (@imouniroy) View this post on Instagram A post shared by Anasuya Bharadwaj (@itsme_anasuya) View this post on Instagram A post shared by Niveditha Gowda 👑 (@niveditha__gowda) View this post on Instagram A post shared by MEHREEN 🌟🧿 (@mehreenpirzadaa) View this post on Instagram A post shared by Hebah Patel (@ihebahp) View this post on Instagram A post shared by Anveshi Jain (@anveshi25) View this post on Instagram A post shared by Shruti Haasan (@shrutzhaasan) View this post on Instagram A post shared by Shruti Haasan (@shrutzhaasan) View this post on Instagram A post shared by Shruti Haasan (@shrutzhaasan) View this post on Instagram A post shared by Mehaboob Shaik (@mehaboobdilse) View this post on Instagram A post shared by Vithika Sheru (@vithikasheru) View this post on Instagram A post shared by Vithika Sheru (@vithikasheru) View this post on Instagram A post shared by Ruhani Sharma (@ruhanisharma94) View this post on Instagram A post shared by Ruhani Sharma (@ruhanisharma94) View this post on Instagram A post shared by Aditi Bhatia 🎭 (@aditi_bhatia4) View this post on Instagram A post shared by Aditi Bhatia 🎭 (@aditi_bhatia4) View this post on Instagram A post shared by Adah Sharma (@adah_ki_adah) View this post on Instagram A post shared by Lakshmi Manchu (@lakshmimanchu) View this post on Instagram A post shared by k a u s h a l M a n d a (@kaushalmanda) View this post on Instagram A post shared by Mumait Khan (@mumait) View this post on Instagram A post shared by Tejaswi Madivada (@tejaswimadivada) View this post on Instagram A post shared by Lavanya T (@itsmelavanya) View this post on Instagram A post shared by Noel (@mr.noelsean) View this post on Instagram A post shared by Madhuri Dixit (@madhuridixitnene) View this post on Instagram A post shared by Janhvi Kapoor (@janhvikapoor) View this post on Instagram A post shared by Ashu Reddy❤️ (@ashu_uuu) View this post on Instagram A post shared by Payal Rajput (@rajputpaayal) View this post on Instagram A post shared by Alekhya Harika (@alekhyaharika_) View this post on Instagram A post shared by Alekhya Harika (@alekhyaharika_) View this post on Instagram A post shared by Akanksha Puri🧚‍♀️ (@akanksha8000) View this post on Instagram A post shared by Akanksha Puri🧚‍♀️ (@akanksha8000) View this post on Instagram A post shared by Archana Gupta🧿 (@archannaguptaa) View this post on Instagram A post shared by Archana Gupta🧿 (@archannaguptaa) View this post on Instagram A post shared by Daksha Nagarkar (@dakshanagarkar) View this post on Instagram A post shared by 𝐒𝐘𝐄𝐃 𝐒𝐎𝐇𝐄𝐋 𝐑𝐘𝐀𝐍 (@syedsohelryan_official) View this post on Instagram A post shared by Apsara👼 (@apsararaniofficial_) View this post on Instagram A post shared by Sunny Leone (@sunnyleone) View this post on Instagram A post shared by Sunny Leone (@sunnyleone)

డైరెక్టర్‌ తేజ దర్శకత్వంలో తెరకెక్కిన వెయ్యి అబద్దాలు చిత్రంతో హీరోయిన్‌గా ఎంట్రీ ఇచ్చింది ఎస్తర్‌‌. ఆ తర్వాత సునీల్‌ సరసన 'భీమవరం బుల్లోడు సినిమాలో నటించినా ఆమెకు పెద్దగా అవకాశాలు రాలేదు. ఈ క్రమంలోనే సింగర్‌ నోయల్‌ని ప్రేమించి పెళ్లి చేసుకుంది. అయితే ఏడాది కూడా గడవక ముందే వారి పెళ్లి పెటాకులైంది. ఇద్దరి మధ్యా అభిప్రాయ బేధాలు తలెత్తడంతో విడాకులు తీసుకుంటున్నట్లు ఇరువురూ సోషల్‌ మీడియాలో వెల్లడించిన సంగతి తెలిసిందే. తమ వైవాహిక బంధానికి ముగింపు పలుకుతున్నట్లు అధికారికంగా ప్రకటించారు. ఆ తర్వాత ఇద్దరూ తమతమ కెరియర్‌లో ముందుకు సాగారు. అయితే పలు సినిమాల్లో హీరోయిన్‌గా నటించినా ఆమెకు సరైన అవకాశాలు రాకపోవడంతో మరో కొత్త మార్గాన్ని ఎంచుకుంది. ఇప్పటికే పలు మ్యూజిక్‌ ఆల్భమ్స్‌లో నటించిన ఎస్తర్‌‌...కొన్ని పాటలు కూడా పాడింది. త్వరలోనే ఓ కన్నడ మూవీతో సంగీతదర్శకురాలిగానూ పరిచయం కానున్నట్లు తెలిపింది. దీనికి సంబంధించిన పూర్తి వివరాలను ఏప్రిల్‌4న రివీల్‌ చేస్తానని వెల్లడించింది.  View this post on Instagram A post shared by Ester Valerie Noronha (@esternoronhaofficial)

బిగ్‌బాస్‌ నాల్గో సీజన్‌లో పాల్గొన్న యాంకర్‌ లాస్య సోషల్‌ మీడియాలో అభిమానులతో టచ్‌లో ఉంటోంది. ఆమె మాటలకు తోడు కొడుకు జున్ను అల్లరిని కూడా కెమెరాల్లో చిత్రీకరించి లాస్య టాక్స్‌ ద్వారా వినోదాలను పంచుతోంది. కొత్త కొత్త కాన్సెప్టులతో ముందుకు వస్తూ ఫ్యాన్స్‌ను ఎంటర్‌టైన్‌ చేస్తూనే ఉంది. అయితే సడన్‌గా ఈ ఎంటర్‌టైన్‌మెంట్‌కు బ్రేక్‌ పడింది. అదేంటి అంటారా? ఎనిమిది లక్షల మందికి పైగా సబ్‌స్ర్కైబర్లు ఉన్న లాస్యటాక్స్‌ ఛానల్‌ హ్యాక్‌ అయింది. ఈ విషయాన్ని లాస్య స్వయంగా వెల్లడించింది. అయితే తన ఛానల్‌ను ఎవరు? ఎందుకు? హ్యాక్‌ చేశారో తెలీట్లేదని చెప్పుకొచ్చింది. కానీ ఈ విషయాన్ని వేరేవాళ్లు చెప్పేవరకు తనకు తెలియలేదని పేర్కొంది. దీనిపైన తన టెక్నికల్‌ టీమ్‌ పని చేస్తోందని, తప్పకుండా లాస్య టాక్స్‌ తిరిగి వస్తుందని చెప్పుకొచ్చింది. అయితే లాస్య ఛానల్‌ హ్యాక్‌ అయినందుకు నోయల్‌ చాలా సంతోషపడ్డాడు. "మా లాస్య అకౌంట్‌ హ్యాక్‌ చేశారంటే ఆమె ఎంత తోపు, తురుము? అని పొగిడాడు. ఎదిగేవాళ్ల అకౌంట్లే హ్యాక్‌ అవుతాయ్‌. నా అకౌంట్‌ కూడా ఒకప్పుడు హ్యాక్‌ అయింది. ఇలాంటివి వంద అకౌంట్లు నువ్వు క్రియేట్‌ చేయగలుగుతావు, అయినా నీ అకౌంట్‌ తిరిగొస్తుందిలే" అని భరోసా ఇచ్చాడు. (చదవండి: బిగ్‌బాస్‌కు ఎందుకు వెళ్లానా అనిపించింది: నోయ‌ల్‌) View this post on Instagram A post shared by Lasya Manjunath (@lasyamanjunath)

బిగ్‌బాస్ హౌస్‌లో కంటెస్టెంట్లు ఆఖ‌రుసారి సంతోషంగా డ్యాన్సులు చేసుకుంటూ గ‌డిపారు. ఎలిమినేట్ అయిన‌వాళ్ల‌ను తిరిగి హౌస్‌లో చూస్తున్నందుకు ఓప‌క్క సంతోషం, త‌ర్వాతి రోజు నుంచి ఈ హౌస్ ఉండ‌ద‌న్న మ‌రో వైపు బాధ వాళ్ల‌ను ఉక్కిరి బిక్కిరి చేశాయి. దీంతో హౌస్‌లో చివ‌రి రోజు కొంత ఎమోష‌న‌ల్‌గా సాగింది. అయితే దేవి నాగ‌వ‌ల్లి, సూర్య కిర‌ణ్‌, అమ్మ రాజ‌శేఖ‌ర్ మాత్రం రీయూనియ‌న్ పార్టీకి రాక‌పోవ‌డం గ‌మ‌నార్హం. మ‌రి సంతోషాలు వెల్లివెరిసిన నేటి బిగ్‌బాస్ ఎపిసోడ్ ఎలా సాగిందో చ‌దివేయండి.. ఇంటి నుంచి సందేశం.. అఖిలూ, ఓ అఖిలూ.. అని పిలుచుకుంటూనే గంగ‌వ్వ లోప‌ల‌కు వ‌చ్చింది. అవ్వ పిలుపు విన‌గానే అఖిల్ ఉత్సాహం ఉర‌క‌లెత్తింది. ఆమెను చూడ‌గానే పిల్లాడిలా సంబ‌ర‌ప‌డిపోయాడు. త‌ర్వాత‌ జోర్దార్ సుజాత లోనికి రాగా అవ్వ‌తో క‌లిసి ఫైన‌లిస్టుల‌తో ఆటాడించారు. న‌న్ను ఇంప్రెస్ చేస్తే మీ ఇంటి నుంచి వ‌చ్చిన మెస్సేజ్‌ను చూపిస్తాన‌‌ని సుజాత బంప‌ర్ ఆఫ‌ర్ ప్ర‌క‌టించింది. దీంతో అభిజిత్ సోహైల్ పోటీప‌డుతూ ఇంట్లోకి ప‌రుగెత్తారు. ఈ క్ర‌మంలో అభి మైకు విర‌గొట్టుకుని మ‌రీ మొద‌ట‌గా కాఫీ మ‌గ్గు తీసుకొచ్చాడు. త‌ర్వాత సోహైల్ ప్లేటు మీద ఐ ల‌వ్ యూ అని రాసుకొచ్చి మ‌రీ అందించాడు. ఇలా ఎవ‌రికి తోచిన ప్ర‌య‌త్నాలు వారు చేయ‌గా.. ఫైన‌లిస్టులంద‌రికీ కుటుంబ స‌భ్యులు మాట్లాడిన‌ వీడియోలు చూపించారు. అనంత‌రం గంగ‌వ్వ‌, సుజాత ఇద్ద‌రూ వీడ్కోలు తీసుకున్నారు. (చ‌ద‌వండి: కృష్ణుడిలాంటి భ‌ర్త కావాలి: మోనాల్‌) నేను నిన్ను గెలిచాను.. త‌ర్వాత వ‌చ్చిన‌ నోయ‌ల్‌ ర్యాప్‌తో ఊపేస్తూ అంద‌రి సంతోషాన్ని రెట్టింపు చేశాడు. అత‌డి కోసం ఓ సందేశాన్ని రాసిన బాటిల్‌ను అభి నోయ‌ల్ చేతికందించాడు. దానిపై 'నోయ‌ల్ టైటిల్ గెలిచేందుకు అర్హుడు' అని ఉంది. ఇది చ‌దివిన నోయ‌ల్ నేను నిన్ను గెలిచాను, ఇది చాల‌దా.. అంటూ అభిజిత్‌తో చెప్పుకొచ్చాడు. హౌస్‌ను మిస్స‌వ‌లేదు, కానీ మిమ్మ‌ల్ని మిస్ అవుతున్నానని పేర్కొన్నాడు. ఈ బిగ్‌బాస్ త‌న‌కు ఎంతో ఇచ్చింద‌ని, కానీ త‌ను ఏమీ తిరిగివ్వ‌లేక‌పోతే క్ష‌మించండి అంటూ హౌస్‌కు గుడ్‌బై చెప్పాడు. (చ‌ద‌వండి: బిగ్‌బాస్‌ : నోయల్‌కు వచ్చిన వ్యాధి ఇదే) దివి.. దీపిక ప‌దుకొణెలా ఉన్నావు త‌ర్వాత మెహ‌బూబ్‌ను చూడ‌గానే సోహైల్ తెగ ఎగ్జైట్ అయ్యాడు. అత‌డు మాత్రం త‌న ఆతృత‌ను లోలోప‌లే అణుచుకుంటూ దివితో స్టెప్పులేశాడు. అనంత‌రం త‌న జిగిరీ దోస్తులు సోహైల్‌, అఖిల్‌, అభిజిత్‌తో క‌బుర్లు చెప్పాడు. అటు అఖిల్ మాత్రం దీపిక పదుకొణెలా ఉన్నావంటూ దివిని పొగ‌డ్త‌ల‌తో ముంచెత్తాడు. చాలా బాగున్నావంటూ అభిజిత్ కూడా మెచ్చుకోవ‌డంతో ఏంటి పులిహోరా? అని దివి ప్ర‌శ్నించింది. మ‌రోప‌క్క మెహ‌బూబ్‌, సోహైల్ భావోద్వేగానికి లోనై క‌న్నీళ్లు పెట్టుకున్నారు. అనంత‌రం ఫైన‌లిస్టులు అన్ని హార్ట్ దిండుల‌ను మెహ‌బూబ్‌, దివికి బ‌హుమ‌తిగా ఇచ్చారు. మీ ఐదుగురు విన్న‌ర్లే అన్న విష‌యాన్ని గుర్తు పెట్టుకోండ‌ని మెహ‌బూబ్ ప‌దే ప‌దే చెప్తూ సెల‌వు తీసుకున్నాడు. (చ‌ద‌వండి: బిగ్‌బాస్‌: పెద్ద‌గా ఆక‌ట్టుకోని కంటెస్టెంట్లు వీళ్లే..) మిస్ అవుతున్నానంటూ ఏడ్చేసిన అరియానా త‌ర్వాత అవినాష్ ఎంట్రీ ఇవ్వ‌డంతో అరియానా ఆనందంతో గెంతులేసింది. కానీ ఆ వెంట‌నే నిన్ను మిస్ అవుతున్నానంటూ గుక్క‌పెట్టి ఏడ‌వటంతో ఆమెను ఓదార్చాడు. త‌న‌నిప్పుడు అవినాష్ అని కాకుండా ఎంట‌ర్‌టైన‌ర్ అని పిలుస్తున్నాడ‌ని చెప్పుకొచ్చాడు. త‌న ఇంటికి వేరే వేరే జిల్లాల నుంచి అభిమానులు క‌లిసేందుకు వ‌స్తున్నారని తెలిపాడు. అఖిల్ పులిహోర మామూలుగా క‌ల‌ప‌డం లేదంటూ సెటైర్లు వేశాడు. హారిక అలాగే చూస్తుండ‌టం చూసి ఏంటి? దినాల‌కు పిట్ట‌కు పెట్టిన‌ట్లు చూస్తున్నావు అని పంచ్ వేశాడు. అనంత‌రం అంద‌రి హౌస్‌కు గుడ్‌బై చెప్తూ అక్క‌డి నుంచి నిష్క్ర‌మించాడు. త‌ర్వాత ఫైన‌లిస్టులు డ్యాన్సులు చేస్తూ ఎంజాయ్ చేశారు. (చ‌ద‌వండి: బిగ్‌బాస్ విన్న‌ర్ అత‌డే: అలీ రెజా)

బిగ్‌బాస్ నాల్గో సీజన్‌లో అనారోగ్య కార‌ణాల‌తో నోయ‌ల్‌ షో మ‌ధ్య‌లో నుంచే వెళ్లిపోయాడు. ఆ మ‌ధ్య‌ త‌న రీఎంట్రీ ఉంటుంద‌ని హోరెత్తించాడు. గేమ్ ఈజ్ స్టిల్ ఆన్‌.. ఈసారి వెళ్తే మామూలుగా ఉండ‌దు అంటూ పోస్టులు పెట్టాడు. దీంతో రీఎంట్రీ ఖాయ‌మ‌ని అంతా అనుకున్నారు. కానీ చివ‌రాఖ‌ర‌కు అదంతా ఉత్తిదే అని తేలింది. దీంతో అత‌డు త‌న‌ స్నేహితుల‌కు స‌పోర్ట్ చేయ‌డం ప్రారంభించాడు. అభిజిత్‌, హారిక‌కు ఓటేయ‌మ‌ని ప్ర‌చారం చేప‌ట్టాడు. ఆ ఇద్ద‌రి గెలుపు గురించి అనునిత్యం అలుపెర‌గ‌ని పోరాటం చేస్తున్నాడు. అందుకే సిటీకి దూరంగా ఉంటున్నా.. ఎలిమినేట్ అయిన‌ కంటెస్టెంట్లు అంద‌రూ జోరుగా ఇంట‌ర్వ్యూలు చేస్తుంటే నోయ‌ల్‌ మాత్రం వాటికి దూరంగా ఉన్నాడు. తాజాగా ఎక్క‌డో సిటీకి దూరంగా, రాష్ట్రానికి స‌రిహ‌ద్దులో ఉన్న నోయ‌ల్ నివాసానికి హారిక అన్న‌య్య వంశీ, ఆమె స్నేహితుడు, యాంక‌ర్‌ నిఖిల్ వెళ్లి స‌ర్‌ప్రైజ్ చేశారు. నోయ‌ల్‌కు చెప్పాపెట్ట‌కుండా అత‌డి ఇంటికి చేరుకుని ఆశ్చ‌ర్య‌ప‌రిచారు. ఈ సంద‌ర్భంగా నిఖిల్‌కు ఇచ్చిన ఇంట‌ర్వ్యూలో నోయ‌ల్ షాకింగ్ విష‌యాల‌ను వెల్ల‌డించాడు. 'మ‌నుషుల‌ను ఎంత ఇష్ట‌ప‌డితే అంత దూరంగా ఉండాలి. వాళ్ల‌కు ఎంత‌ ద‌గ్గ‌ర‌గా ఉంటే అన్ని ప్రాబ్ల‌మ్స్‌ వ‌స్తాయి, అందుకే సిటీకి దూరంగా ఉంటున్నా'న‌ని పూర్తి వైరాగ్యంలో ఉన్న‌ట్లుగా మాట్లాడాడు. ఏడాదిన్న‌ర క్రిత‌మే ఈ ఇల్లు కొన్నాన‌ని తెలిపాడు. (చ‌ద‌వండి: కాళ్లు ప‌ట్టుకుంటే బాగోదు, ప్లీజ్‌..: అవినాష్‌) అమ్మాయిని గెలిపించండి.. బిగ్‌బాస్ షో గురించి చెప్తూ అది మ‌న‌క‌వ‌స‌రం లేద‌ని అర్థ‌మైంద‌న్నాడు. ఆ షోకు ఎందుకెళ్లానో, ఏమో అనిపించిందని బాధ‌ప‌డ్డాడు. షో చూడ‌టం కూడా మానేశాన‌ని తెలిపాడు. హౌస్‌లో అంద‌రూ మంచివాళ్లేన‌ని, త‌న స‌పోర్ట్ మాత్రం అభిజిత్‌, హారిక‌కు ఉంటుంద‌ని స్ప‌ష్టం చేశాడు. ఎనిమిది సార్లు కెప్టెన్సీ పోటీదారులుగా నిల‌బ‌డ‌టం మామూలు విష‌యం కాద‌ని హారిక‌ను మెచ్చుకున్నాడు. ఆమె మ‌నుషుల్ని వాడుకుని గేమ్ ఆడి టైటిల్ కొట్టాలి, రూ.50 ల‌క్ష‌లు తీసుకోవాలి, వాడేమైపోతే ఏంటి? వీడేమైపోతే ఏంటి? అనుకుని ఆడే ర‌కం కాదు. తాను గెల‌వాల‌న్న కోణంలోనే ఆడుతుంద‌ని చెప్పుకొచ్చాడు. హారిక‌కు ల‌వ్ ట్రాకులు, కామెడీ ట్రాకులు లేవ‌ని క‌ష్ట‌ప‌డి ఆడి ఇక్క‌డివ‌ర‌కు వ‌చ్చింద‌న్నాడు. జీవితంలో కూడా ఎన్నో క‌ష్టాలు ప‌డింద‌ని, ఈసారైనా అమ్మాయిని గెలిపించ‌మ‌ని అభిమానుల‌కు పిలుపునిచ్చాడు. (చ‌ద‌వండి: నోయ‌ల్ అవుట్‌, మోక‌రిల్లి దండం పెట్టిన అవినాష్‌)

బిగ్‌బాస్ నాల్గో సీజ‌న్‌లో ఎప్పుడో వెళ్లిపోవాల్సిన కంటెస్టెంటు అమ్మ రాజ‌శేఖ‌ర్‌. అదృష్టం బాగుండి, బిగ్‌బాస్ టీమ్ కాపాడ‌టం వ‌ల్ల కొన్నివారాలు ఎలిమినేష‌న్ నుంచి త‌ప్పించుకోగ‌లిగాడు. కానీ ఆయ‌న‌ను బ‌య‌ట‌కు పంపించేందుకు ప్రేక్ష‌కులు కాచుకుని కూర్చున్నారు. తీరా నామినేష‌న్‌లోకి వ‌చ్చాడు. వేటు వేశారు. వెళ్లిపోయారు. అయితే అఖిల్ చెప్పిన‌ట్లు అమ్మ రాజ‌శేఖ‌ర్ త‌న‌కు న‌చ్చిన‌వాళ్ల‌తో బాగా మాట్లాడ‌తారు. న‌చ్చ‌క‌పోతే ఎదుటివాళ్ల‌ను మాట్లాడ‌నిచ్చేవారే కాదు. తాజాగా ఆయ‌న బిగ్‌బాస్ బ‌జ్‌లో రాహుల్ సిప్లిగంజ్ ద‌గ్గ‌ర ఇంటిస‌భ్యుల గురించి త‌న అభిప్రాయాల‌ను వెల్ల‌డించాడు.త‌న ఎంట‌ర్‌టైన్‌మెంట్‌కు న‌వ్వుతూనే, అందులో త‌ప్పులు వెతుకుతూ నామినేట్ చేస్తార‌ని చెప్పుకొచ్చారు. (చ‌ద‌వండి: ప్యాంటులో మాస్క్ పెట్టుకుంటావా?: స‌ల్మాన్ ఫైర్‌) లాస్య సింప‌థీ గేమ్ ఆడుతోంది "అభిజిత్‌ను చూసి చాలామంది ప‌ని చేయ‌కుండా బ‌ద్ధ‌క‌స్తుల‌వుతున్నారు. అత‌డు పొద్దున డ్యాన్స్ చేయ‌డు, గేమ్ ఆడ‌డు, టాస్క్‌ను మ‌ధ్య‌లో ఆపేస్తాడు. అస‌లు బిగ్‌బాస్‌కు అభిజిత్‌ సూట్ కాడు. ఇక అఖిల్‌కు యాటిట్యూడ్ ఎక్కువ‌. అరియానా ముక్కుసూటిగా మాట్లాడుతుంది. కానీ, టాస్కులో మాత్రం ర‌ఫ్ఫాడిస్తుంది. దేవి నాగ‌వ‌ల్లి ప్ర‌తీది నెగెటివ్‌గా ఆలోచిస్తుంది. దివి.. నేను జ‌నాల్లో బ్యాడ్ అవ‌కుండా కాపాడింది. ఆమెకు నేను దిండు పెట్టిన గొడ‌వ‌లో ఆమె నావైపు నిల్చుని దేవ‌త‌లా కాపాడింది. అప్ప‌టి నుంచి ఆమె నా బెస్ట్ ఫ్రెండ్‌. గంగ‌వ్వ‌.. నేను ఏడుస్తుంటే చీర కొంగుతో క‌న్నీళ్లు తుడిచింది. నేను వెళ్లిపోతే బిగ్‌బాస్ షోనే ఉండ‌దు అంటూ ఓదార్చింది. హారిక‌.. ఇంగ్లీషులో మాట్లాడేవాళ్ల‌తో ఉంటుంది. లాస్యకు ఆమె ముఖంలో ఉన్న క్లారిటీ లోప‌ల ఉండ‌దు. ఆమె న‌వ్వుకు ఏదో ఒక అర్థం ఉంటుంది. సింప‌థీ గేమ్‌ ఆడుతోంది. మెహ‌బూబ్‌ను చూస్తే చిన్న‌ప్పుడు న‌న్ను నేను చూసుకున్న‌ట్లు ఉంటుంది. ఫైర్ ఉంది కానీ తెలివి లేదు. మోనాల్‌.. ఏం చేస్తుందో ఆమెకే అర్థం కాదు. చిన్న‌వాటికి ఎమోష‌న‌ల్ అయిపోతుంది" (చ‌ద‌వండి: బిగ్‌బాస్‌: కెప్టెన్‌గా మాస్ట‌ర్‌, మ‌రి ఎలిమినేష‌న్‌?) నోయ‌ల్ ఫేక్‌, ఎనిమ‌ది వారాలు న‌టించాడు "నోయ‌ల్‌.. ఫేక్ కంటెస్టెంటు‌. నిజానికి నోయ‌ల్ కోస‌మే బిగ్‌బాస్‌కు వ‌చ్చాను. మొద‌ట జాలీగా ఉన్నాం. త‌ర్వాత అత‌డికి కాళ్ల‌నొప్పి రావ‌డంతో గేమ్ ఆడ‌లేక‌పోయాడు. త‌ర్వాత ఫాద‌ర్‌, ఆ త‌ర్వాత‌ గురూజీ అయిపోయాడు. అత‌డికి హ‌గ్గింగ్ డాక్ట‌ర్ అని పేరు కూడా పెట్టాను. కానీ అత‌డి క్యారెక్ట‌ర్ చివ‌ర్లో బ్లాస్ట్ అయింది. అంటే హౌస్‌లో ఎనిమిది వారాలు న‌టించాడంటే ఆస్కారు అవార్డు ఇవ్వాల్సిందే. సోహైల్‌కు కోప‌మెక్కువ‌. అంద‌రితో బాగుండాల‌ని తాప‌త్ర‌య‌ప‌డ‌తాడు. అవినాష్‌.. నాలాగే ఎంట‌ర్‌టైన్ చేస్తాడు. నోయ‌ల్ అత‌డిని చిల్ల‌ర కామెడీ అన‌డం చాలా త‌ప్పు" అని విమ‌ర్శించాడు. దీంతో రాహుల్ మ‌ధ్య‌లో క‌ల‌గ‌జేసుకుని నోయ‌ల్ ఆ మాట మిమ్మ‌ల్ని అన్నాడు కానీ అవినాష్‌ను కాద‌ని వెన‌కేసుకొచ్చాడు. అయితే మాస్ట‌ర్ మాత్రం అత‌డు ఎవ‌రి పేరూ చెప్ప‌లేద‌ని, ఇద్ద‌రికీ వేలు చూపించాడ‌ని చెప్పుకొచ్చాడు. ఇక త‌న‌కు స్విచ్ అయ్యే అవ‌కాశం వ‌స్తే.. అభిని బ‌య‌ట‌కు పంపించి తాను లోప‌లికి వెళ్తాన‌ని పేర్కొన్నాడు. త‌న‌ వ‌ల్ల క‌నీసం టీఆర్పీ అయినా పెరుగుతుంద‌ని, వాడి వ‌ల్ల ఏదీ అవ‌ద‌ని కుండ‌బ‌ద్ధ‌లు కొట్టిన‌ట్లు చెప్పాడు.

బిగ్‌బాస్‌ నాల్గో సీజన్‌ నుంచి నోయల్‌ అర్థాంతరంగా వెళ్లిపోయాడు. అనారోగ్య పరిస్థితి దృష్ట్యా అతను హౌస్‌లో ఉండటం సరికాదని వైద్యులు సూచించడంతో నోయల్‌ బిగ్‌బాస్‌ను వీడాల్సివచ్చింది. మొదట మెరుగైన వైద్యం కోసం నోయల్‌ బయటకు వెళ్తున్నాడని.. త్వరలో కోలుకుని తిరిగి వస్తాడని బిగ్‌బాస్‌ చెప్పాడు. అయితే శనివారం నాగార్జున వచ్చి.. నోయల్‌ ఇక శాశ్వతంగా బిగ్‌బాస్‌ హౌస్‌ని వీడుతున్నాడని కుండబద్దలు కొట్టాడు. ఎలిమినేట్‌ అయిన అందరి కంటెస్టెంట్స్‌లాగే నోయల్‌కు కూడా ఘన వీడ్కోలు పలికారు. నోయల్‌ని స్టేజ్‌ మీదకు రప్పించి సెల్ఫీ తీసుకొని బైబై చెప్పి బయటకు పంపించేశాడు. దీంతో నోయల్‌ ఫ్యాన్స్‌ ఒకింత అసంతృప్తికి లోనైనా.. ఆయన త్వరాగా కోలుకోవాలని ప్రార్థనలు చేశారు. (చదవండి : బిగ్‌బాస్‌ : ఆమెను నామినేట్‌ చేసి షాకిచ్చిన అఖిల్‌) ఇంతవరకు బాగానే ఉన్నా... సోమవారం ఓ సర్‌ప్రైజ్‌ వీడియో సోషల్‌ మీడియాలో పోస్ట్‌ చేసి.. ఫ్యాన్స్‌కి శుభవార్తని అందిచాడు నోయల్‌. ‘బిగ్‌బాస్‌ గేమ్‌ ఇప్పటికీ ఆన్‌లోనే ఉంది(The Game is still ON).  ఏదైనా జరగొచ్చు.. నన్ను ఎంతగానో సపోర్ట్ చేస్తున్నారు. నా హెల్త్ కోసం ఎంతోమంది ఫోన్లు చేస్తున్నారు. ఎన్నో మెసేజ్‌లు వస్తున్నాయి. వాటిని చూస్తే చాలా ఎమోషనల్‌గా ఉంది. కానీ.. బిగ్ బాస్ గేమ్‌లో ఏదైనా జరగొచ్చు.. ది గేమ్ ఈజ్ స్టిల్ ఆన్. పని అయిపోయింది అనుకున్నవాడు మళ్లీ తిరిగి వస్తే ఆ కిక్ వేరేలా ఉంటుంది కదా? త్వరలో ఫుల్‌ డీటైల్స్ అందిస్తా మళ్లీ కలుద్దాం’ అంటూ వీడియో విడుదల చేసి ఫ్యాన్స్‌ని అయోమయోనికి గురిచేశాడు నోయల్‌. ఇప్పటికే బిగ్‌బాస్‌లో ఎన్నెన్నో ఊహించని పరిణామాలు చోటు చేసుకుంటున్నాయి. గత వారం పక్కా ఎలిమినేట్‌ అవుతారనుకున్న అమ్మ రాజశేఖర్‌ని సేవ్‌ చేస్తూ అందరిని అశ్చర్యపరిచాడు బిగ్‌బాస్‌. మరి నోయల్‌ని కూడా తిరిగి హౌస్‌లోకి పంపి మరో ట్విస్ట్‌ ఇస్తాడేమో చూడాలి. ఏదైనా జరగొచ్చు అంటున్నాడుగా నోయల్.. ఏం జరుగుతుందో చూడాలి మరి.  The Game is still ON!#EdainaJaragochu#BiggBossTelugu4 #BiggBoss4 #BiggBoss4Telugu #NoelSean pic.twitter.com/E9OUQqcBM9 — Noel (@mrnoelsean) November 2, 2020

బిగ్‌బాస్‌ నాల్గో సీజన్‌ నుంచి నోయల్‌ అర్థాంతరంగా వెళ్లిపోయాడు. అనారోగ్య పరిస్థితి దృష్ట్యా అతను హౌస్‌లో ఉండటం సరికాదని వైద్యులు సూచించడంతో అతను మధ్యలోనే హౌస్‌ని వీడి బయటకు వచ్చాడు. బిగ్‌బాస్‌ హౌస్‌లోకి వెళ్లిన తొలివారంలోనే నోయల్‌కు కాళ్లనొప్పి ప్రారంభమైంది. అయితే ప్రేక్షకుల కోసం నోయల్‌ ఆ నొప్పినంతా భరిస్తూ పైకి నవ్వుతూ చక్కగా గేమ్‌ ఆడాడు. నొప్పి రోజు రోజుకి తీవ్రతరం కావడంతో నోయల్‌ అసలు విషయం చెప్పి బయటకు వచ్చాడు. అయితే ఇన్ని రోజులు నోయల్‌ నరకం అనుభించినట్లుగా శనివారం ఆయన చేసిన వ్యాఖ్యలను బట్టి అర్థం అవుతోంది. ఆయన మామలు కాళ్ల నొప్పులతో బాధపడలేదు.. ఆయనకు యాంకిలాసింగ్ స్పాండిలైటిస్ అనే వ్యాది ఉందట. ఇది ఎముకలకు సంబంధించిన వ్యాధి. ఈ వ్యాది వల్ల ఎముకల పనితీరు మెల్ల మెల్లగా క్షీణిస్తుందని వైద్యులు చెబుతున్నారు. దాని వల్ల దేహంలోని పలు అంగాలపై ప్రభావం పడుతుందట. ఈ వ్యాధి బారిన పడిన వారి నడక తీరు, నిలబడే విధానం మారిపోతుంట. ఈ వ్యాధి ప్రభావం పక్కటెముకలపై పడితే శ్వాస తీసుకోవడం కష్టంగా మారుతుందని వైద్యులు చెబుతున్నారు. కంటి చూపు కూడా ప్రభావితం అవ్వడంతో పాటు గుండెకు సంబంధించిన సమస్యలు కూడా మొదలు అవుతాయి. ఇలా శరీరం మొత్తం కూడా ఈ వ్యాది వల్ల క్షీణిస్తూ మనిషి జీవచ్చవం మాదిరిగా అయ్యే ప్రమాదం ఉందని అంటున్నారు. నోయల్‌కు అత్యున్నత చికిత్స అందిస్తే ఆయన తప్పకుండా మళ్లీ మామూలు మనిషి అవుతాడని కూడా వైద్యులు చెబుతున్నారు. 

నోయ‌ల్ అభిమానుల‌కు చేదువార్త‌. త్వ‌ర‌లోనే సంపూర్ణ ఆరోగ్యంతో రీఎంట్రీ ఇస్తాడ‌ని ఆశ‌గా ఎదురు చూస్తున్న త‌రుణంలో అత‌డు నోయ‌ల్ అంద‌రి ద‌గ్గ‌రా వీడ్కోలు తీసుకుని షో నుంచి నిష్క్ర‌మించాడు. హౌస్‌లో ఉన్న‌న్ని రోజులు బాబాగా ఉన్న‌ప్ప‌టికీ బ‌య‌ట‌కు వ‌చ్చాక మాత్రం నిజ‌మైన నోయ‌ల్ క‌నిపించాడు. తాను చెప్పాల‌నుకున్న మాట‌ల‌ను తూటాలుగా మ‌లిచి కంటెస్టెంట్ల మీద‌కు వ‌దిలాడు. మ‌రికొంద‌రికి మంచి మాట‌ల‌తో పూల బాణాల‌ను వ‌దిలాడు. మ‌రి నేటి బిగ్‌బాస్ ఎపిసోడ్ ఎలా సాగిందో తెలుసుకోవాలంటే దీన్ని చ‌దివేసేయండి.. కులు మ‌నాలీ నుంచి కొత్త బ‌ట్ట‌లు తెచ్చిన నాగ్‌ ఈ మ‌ధ్య ఎలిమినేష‌న్స్ అన్‌ఫెయిర్‌గా ఉంటున్నాయ‌ని బిగ్‌బాస్ షోపై విమ‌ర్శ‌లు వ‌స్తున్న విష‌యం తెలిసిందే. దీనిపై హోస్ట్ నాగార్జున ఓ క్లారిటీ ఇచ్చారు. మీరు వేసే ఓటును బ‌ట్టే ఎలిమినేష‌న్ జ‌రుగుతుంద‌ని కుండ బ‌ద్ధ‌లు కొట్టి చెప్పారు. ఇక కులు మ‌నాలీ నుంచి వ‌స్తూ వ‌స్తూ కంటెస్టెంట్ల కోసం కొత్త‌బ‌ట్ట‌లు కూడా తీసుకురావ‌డం విశేషం. అనంత‌రం అఖిల్‌, సోహైల్‌ను క‌న్ఫెష‌న్ రూమ్‌లోకి పిలిచి వీడియో చూపించారు. ఇందులో ఎక్క‌డి విష‌యాలు అక్క‌డే వ‌దిలేయ్ అని సోహైల్ మోనాల్‌కు మంచి మాట‌లు చెప్పాడు. అయినా ఆమె మార‌క‌పోగా అఖిల్ ద‌గ్గ‌ర‌కు వెళ్లి సోహైల్ నీ గురించి మాట్లాడుతున్నాడ‌ని చెప్ప‌డంతో వారి మ‌ధ్య బేధాభిప్రాయాలు వ‌చ్చాయి. ఇద్ద‌రి మ‌ధ్య దూరం పెరిగింది. అయితే ఈ వీడియో ద్వారా అస‌లేం జ‌రిగింద‌నేది వారికి ఓ క్లారిటీ వ‌చ్చింది. దీంతో వీళ్ల మ‌ధ్య అపార్థాలు తొలిగిపోయాయి. మాస్ట‌ర్ స్వార్థం కోసం అరియానాకు సాయం అనంత‌రం మోనాల్‌కు బిగ్‌బాస్‌ ఓ వీడియో చూపించాడు. మోనాల్ న‌న్ను మోసం చేసింది అని అభి మాట్లాడిన‌దానితో పాటు, ఆమె ఒంటెలా న‌డుస్తుంద‌ని కామెంట్ చేశాడు. లాస్య‌, నోయ‌ల్ కూడా త‌న గురించి అభికి చెప్పడాన్ని‌ చూపించాడు. దీనిపై నాగార్జున స్పందిస్తూ కొన్నిసార్లు ప‌క్క‌నున్న వాళ్ల ద్వారా కూడా దూరాలు పెరుగుతాయ‌ని హెచ్చ‌రించారు. ఇక అరియానాకు మాస్ట‌ర్ మాట్లాడిన వీడియో చూపించారు.  నీ ద‌గ్గ‌ర నుంచి ఏదో ఎక్స్‌పెక్ట్ చేసి మాస్ట‌ర్ నీకు సాయం చేశాడ‌ని నాగ్ స్ప‌ష్టం చేశారు. ఈ విష‌యం గురించి అరియానా మాట్లాడుతూ.. కెప్టెన్ కావాల‌ని క‌ల‌లు క‌న్నాను, కానీ అయ్యాక చాలా బాధ‌ప‌డ్డాను అని చెప్పుకొచ్చింది. (చ‌ద‌వండి: కాబోయే భార్య ఎలా ఉండాలంటే..: అఖిల్‌) సోహైల్‌కు అరియానా విల‌న్‌, కానీ ఆమెకు మాత్రం కాదు ఈ 56 రోజుల జ‌ర్నీలో విల‌న్ ఎవ‌రు? అంటూ నాగ్ కంటెస్టెంట్ల‌తో ఓ ఆట ఆడించారు. అఖిల్ త‌న‌కు అభిజిత్ విల‌న్ అని, సోహైల్‌కు అరియానా, అమ్మ రాజ‌శేఖ‌ర్‌కు అభిజిత్‌, హారిక‌కు మెహ‌బూబ్‌, మెహ‌బూబ్‌కు హారిక‌, అవినాష్‌కు లాస్య‌, లాస్యకు అవినాష్‌, అరియానాకు అఖిల్‌, అభిజిత్‌కు మాస్ట‌ర్‌, మోనాల్‌కు లాస్య విల‌న్‌గా అనిపించార‌ని చెప్పుకొచ్చారు. త‌ర్వాత అఖిల్ సేఫ్ అయిన‌ట్లు ప్ర‌క‌టించారు. (చ‌ద‌వండి:సంకేతాలిచ్చిన బిగ్‌బాస్‌: మాస్ట‌ర్ ఎలిమినేట్?!) ఫ‌స్ట్ వీక్‌లోనే నాకు నొప్పి స్టార్ట్ అయింది: నోయ‌ల్‌ నోయ‌ల్ ఆరోగ్య ప‌రిస్థితి దృష్ట్యా అత‌డు హౌస్‌లో ఉండ‌టం స‌రికాద‌ని వైద్యులు సూచించార‌, దీంతో అత‌డు వెళ్లిపోతున్న‌ట్లు నాగ్ వెల్ల‌డించారు. త‌నకు 'ఆంక్లియో స్పాంటిలైటిస్'‌ ఉంద‌ని, హౌస్‌లోకి వెళ్లిన మొద‌టి వారంలోనే కాళ్ల నొప్పి ప్రారంభ‌మైందని నోయ‌ల్ తెలిపాడు. అయినా స‌రే ఆ నొప్పిని పంటికింద భ‌రిస్తూ, అంద‌ర్నీ ఎంట‌ర్‌టైన్ చేస్తూ హౌస్‌లో రెండు సార్లు కెప్టెన్ అవ‌డం విశేషం. ఇక నోయ‌ల్‌.. అవినాష్‌, అమ్మ రాజ‌శేఖ‌ర్‌ల‌ను ఒంటికాలి మీద నిల‌బ‌డ‌మని ప‌నిష్మెంట్ ఇచ్చాడు. అభి, హారిక‌, లాస్య టాప్ 5లో ఉండాల‌న్నాడు. మోనాల్‌ను ఏడ‌వ‌ద్ద‌ని, లాస్య‌ను దేన్నీ పట్టించుకోవ‌ద్ద‌ని, సోహైల్‌ను చిన్న పిల్లాడ‌ని చెప్పుకొచ్చాడు. హౌస్‌లో త‌న వెన్నెముక నోయ‌ల్ వెళ్లిపోతున్నాడంటూ హారిక‌ ఏడ్చేసింది. ఆమెను బుజ్జ‌గించడం కోసం ఓ ర్యాప్ సాంగ్ పాడి అంద‌రి చేత ప్ర‌శంస‌లు అందుకున్నాడు. నా బాధ‌ను హేళ‌న చేశారు: నోయ‌ల్‌ ఆ త‌ర్వాత‌ ఒంటికాలిపై నిల్చున్న ఆ ఇద్ద‌రినీ కాళ్లు నొప్పెట్టాయా? అని అడ‌గ్గా అవున‌ని త‌లూపారు. దీని క‌న్నా వెయ్యి రెట్లు ఎక్కువ నొప్పి ప్ర‌తిరోజూ అనుభ‌విస్తున్నాన‌ని నోయ‌ల్ త‌న బాధ‌ను బ‌య‌ట‌కు క‌క్కాడు. "నాకు ఆంక్లియోస్పాటిలైసిస్ ఉంది. పొద్దున లేచాక అర‌గంట కాళ్లు స్ట్రెచ్ చేసుకుంటేనే న‌డ‌గ‌ల‌ను. దాన్ని మీరిద్ద‌రూ జోక్ చేస్తారేంటి?" అని నిల‌దీశాడు. తాను ఎలా న‌డిచానో చూపిస్తూ అవినాష్ ఎగ‌తాళి చేశాడ‌ని చెప్పాడు. కానీ అత‌డి కాలికి దెబ్బ త‌గిలినప్పుడు తాను క‌ట్టు క‌ట్టాన‌ని పేర్కొన్నాడు. దీంతో అవినాష్ "మీరు కావాల‌ని ఇద్ద‌రినీ బ్యాడ్ చేస్తున్నార‌ని మండిప‌డ్డాడు. ప్రేక్ష‌కుల ముందు బ్యాడ్ చేయొద్ద‌ని హిత‌వు ప‌లికాడు. చిల్ల‌ర కామెడీ అయితే ఇక్క‌డి వ‌ర‌కు వ‌స్తానా? "అని ఆవేశంతో ఊగిపోగా ఇవే త‌గ్గించుకుంటే మంచిదని నోయ‌ల్ స‌మాధాన‌మిచ్చాడు. (చ‌ద‌వండి:సోనూసూద్‌, మోనాల్‌కు స‌పోర్ట్ చేయండి) మోక‌రిల్లి సారీ చెప్పినా క‌నిక‌రించ‌ని నోయ‌ల్‌ అలా అయితే నువ్వు ఇన్నిరోజులు న‌టించావంటూ అవినాష్‌ నోయ‌ల్‌ను త‌ప్పు ప‌ట్టాడు. కామెడీని త‌క్కువ చేసి మాట్లాడొద్ద‌ని సూచించాడు. "మిమిక్రీని త‌ప్పు ప‌డుతున్నావు, క‌ళామ‌త‌ల్లిని అవ‌మానిస్తున్నావు అంటూ అవినాష్ అస‌లు విష‌యాన్ని త‌ప్పుదోవ ప‌ట్టించిన‌ట్లు క‌నిపించింది. కానీ చివ‌రికి మాత్రం మోకాళ్ల‌పై మోక‌రిల్లి రెండు చేతులు జోడించి సారీ చెప్పాడు. త‌ప్పు చేసి సారీ చెప్ప‌డం పెద్ద‌రికం కాదని నోయ‌ల్ చెంప‌పెట్టుగా స‌మాధాన‌మిచ్చాడు. అనంత‌రం లాస్య సేఫ్ అయిన‌ట్లు ప్ర‌క‌టించారు. చివ‌ర‌గా ర్యాప్ సాంగ్‌తో నోయ‌ల్ వీడ్కోలు తీసుకున్నాడు. ఇన్నిరోజులు అత‌డు కేవ‌లం శారీర‌క బాధ‌నే కాకుండా మ‌నాసిక వేద‌న‌ను కూడా భ‌రించిన‌ట్లు నేటి ఎపిసోడ్‌తో రుజువు అయింది.

నేటి బిగ్‌బాస్‌ ఎపిసోడ్‌లో పెద్ద ట్విస్టులే చోటు చేసుకున్న‌ట్లు క‌నిపిస్తోంది. అనారోగ్య స‌మ‌స్య‌ల‌తో ఇబ్బందిప‌డుతున్న నోయ‌ల్ స్టేజీ మీద‌కు వ‌చ్చాడు. నాగార్జున ప‌క్క‌నే ఉండి కంటెస్టెంట్ల‌తో మాట్లాడుతున్నాడు. ఈ మేర‌కు స్టార్ మా తాజాగా ప్రోమోను రిలీజ్ చేసింది. అయితే నోయ‌ల్‌స్టేజీ మీద ఉండ‌టంతో అత‌డు శాశ్వ‌తంగా హౌస్ నుంచి వెళ్లిపోతున్నాడా? అన్న అనుమానాలు మొద‌ల‌య్యాయి. ఈ విష‌యాన్ని కాస్త ప‌క్క‌న పెడితే ఇంట్లో కొంత కాలంగా నోయ‌ల్ కాలి నొప్పితో తీవ్రంగా ఇబ్బంది ప‌డిన విష‌యం తెలిసిందే. అయితే తాజాగా ప్రోమోలో నోయ‌ల్ మాట్లాడుతున్న‌దాన్ని బ‌ట్టి చూస్తే అత‌డు మాన‌సికంగానూ న‌ర‌కం అనుభ‌వించిన‌ట్లు తెలుస్తోంది. అత‌డి దీనావ‌స్థ‌ను చూసి తోటి కంటెస్టెంట్లు జాలి ప‌డాల్సింది పోయి పుండు మీద కారం చ‌ల్లిన‌ట్లుగా వెట‌కారాలు చేశార‌ట‌. నోయ‌ల్ కుంటిగా ఎలా న‌డుస్తాడో చూపిస్తూ అవినాష్, నోయ‌ల్ ప‌రిస్థితి మీద జోకులు చేస్తూ మాస్ట‌ర్ అత‌డిని హేళ‌న చేస్తూ మాన‌సికంగా వేధించార‌ట‌. వారి వైఖ‌రిని నోయ‌ల్ ఆ స‌మ‌యంలోనే ఖండించాడో తెలీదు కానీ నేడు మాత్రం ఆ ఇద్ద‌రినీ దుమ్ము దులిపాడు. (చ‌ద‌వండి: బిగ్‌బాస్: స‌గం కాలం గ‌డిచిపోయాక మంగ్లీ‌ ఎంట్రీ?) ఈ మేర‌కు నోయ‌ల్‌.. అమ్మ రాజ‌శేఖ‌ర్‌, అవినాష్‌ల‌ను కాసేపు ఒంటికాలిపై నిల‌బ‌డ‌మ‌న్నాడు. కానీ కాసేప‌టికే వాళ్లు నొప్పి తాళలేక‌పోయారు. మీరు ప‌డ్డ‌ కంటే వెయ్యి రెట్లు ఎక్కువ నొప్పి త‌న‌కు రోజూ ఉంటుంద‌ని, దాన్ని మీరు జోక్ చేస్తారేంటని నిల‌దీశాడు. అస‌లు మీ ప్ర‌వ‌ర్త‌న‌తో ఏం చెప్పాల‌నుకుంటార‌ని ప్ర‌శ్నించాడు. త‌ర్వాత‌ అవినాష్ అస‌లు రంగును కూడా బ‌ట్ట‌బ‌య‌లు చేశాడు. నేనెలా న‌డుస్తానో అవినాష్ న‌డిచి చూపిస్తున్నాడు, మీరు రెండు నిమిషాలు నిల‌బ‌డ‌లేక‌పోయారు. మ‌రి నాకు ఎంత పెయిన్ ఉంటుందో తెలుసా? అంటూనే ఈ చిల్ల‌ర కామెడీలు ఏంట‌ని విమ‌ర్శించాడు. దీంతో ఆగ్ర‌హించిన అవినాష్.. మీరు వెళ్తూ వెళ్తూ ఇద్ద‌రిని బ్యాడ్ చేయాల‌ని ఫిక్స‌య్యారు అని నోయ‌ల్‌పై మండిప‌డ‌గా అత‌డు మాత్రం పిచ్చ లైట్ అంటూ ఎందుకు న‌టిస్తున్నావ్ అవినాష్‌? అని కౌంట‌రిచ్చాడు. దీంతో అవినాష్ ఆవేశం మీద నీళ్లు గుమ్మ‌రించిన‌ట్లైంది. ఈ ప్రోమోపై నెటిజ‌న్లు స్పందిస్తూ నోయ‌ల్ బాధ‌లో అర్థం ఉందంటూ అత‌డికి మ‌ద్ద‌తిస్తున్నారు. అయితే అవినాష్.. వెళ్లిపోయే ముందు బ్యాడ్ చేస్తున్నావ్ అనడాన్ని బ‌ట్టి చూస్తే నోయ‌ల్ ఎలిమినేట్ అవుతున్నాడేమో అని ఆయ‌న అభిమానులు ఆందోళ‌‌న‌ వ్య‌క్తం చేస్తున్నారు. (చ‌ద‌వండి: నీకోసం ఎదురు చూస్తూ ఉంటా: హారిక‌)