ఒవియా హెలెన్‌.. కొద్దిరోజులుగా ఈ బ్యూటీ పేరు సౌత్‌ ఇండియాలో భారీగా ట్రెండ్‌ అవుతుంది. కేరళకు చెందిన ఒవియా తమిళ చిత్ర పరిశ్రమలో రాణిస్తుంది. తమిళ బిగ్‌బాస్‌ సీజన్‌ 1లో పాల్గొని పాపులారిటీ సొంతం చేసుకున్న ఈ బ్యూటీ ప్రస్తుతం నెట్టింట వైరల్‌ అవుతుంది. ఆమెకు సంబంధింఇచన లీక్డ్‌ వీడియో అంటూ ఒకటి నెట్టింట షేర్‌ అవుతుంది. ఇలాంటి సమయంలో ఒవియా ఫోటోను లారెన్స్‌ షేర్‌ చేస్తూ సినిమా ఆఫర్‌ ప్రకటించినట్లు తెలుస్తోంది.రాఘవ లారెన్స్‌ స్వీయ దర్శకత్వంలో తెరకెక్కిన చిత్రం 'కాంచన' ప్రాంచైజీ చిత్రాలకు మంచి ఆదరణ ఉంది. ఈ సిరీస్‌లో భాగంగా ఇప్పటి వరకు సుమారు 3 చిత్రాలు విడుదలయ్యాయి. అవన్నీ కూడా ప్రేక్షకులను మెప్పించాయి. అయితే, 'కాంచన 4' ప్రాజెక్ట్‌ను త్వరలో లారెన్స్‌ ప్రారంభించనున్నారు. ఈ సినిమాలో ఒవియాకు కీలక పాత్రను ఆఫర్‌ చేసినట్లు తెలుస్తోంది. ఈ క్రమంలో కాంచన 3 షూటింగ్‌ సమయంలో వారిద్దరూ కలిసి తీసుకున్న ఒక ఫోటోను తాజాగా ఆయన పంచుకున్నారు. ప్రస్తుతం తీవ్రంగా ట్రోల్‌కు గురౌతున్న ఒవియాకు లారెన్స్‌ మరో సినిమా ఛాన్స్‌ ఇచ్చారంటూ ఆయన అభిమానులు మెచ్చుకుంటున్నారు. కాంచన బొట్టుతో ఉన్న ఒవియా ఫోటో నెట్టింట భారీగా వైరల్‌ అవుతుంది. లారెన్స్‌ దర్శకత్వంలో 2011లో విడుదలైన 'కాంచన' భారీ విజయాన్ని సాధించింది. హారర్‌ కామెడీ జానర్‌లో ట్రెండ్‌ని సెట్‌ చేసిన ఈ సినిమా 2015లో రెండో పార్ట్‌ను రిలీజ్‌ చేశారు. అది కూడా మంచి సూపర్‌ హిట్‌ కావడంతో 2019లో 'కాంచన-3'ను ప్రేక్షకుల ముందుకు తీసుకువచ్చారు. మళ్లీ భారీ విజయాన్ని నమోదు చేసిన ఈ చిత్రం ఈ నవంబర్‌లో నాలుగో భాగం షూటింగ్‌ ప్రారంభించనున్నారని ప్రచారం జరుగుతుంది. అయితే, అదికారికంగా మాత్రం ప్రకటన వెలువడలేదు. మూడు భాగాల్లో లారెన్స్‌ ప్రధానపాత్రలో నటించడమే కాకుండా దర్శకత్వం వహించారు. కోవై సరళ, శరత్‌కుమార్ గత మూడు చిత్రాల్లో కీలకపాత్రల్లో నటించారు. View this post on Instagram A post shared by Raghava Lawrence Fans (@raghavalawrenceoffl)

ఒవియా హెలెన్‌.. ఇండియన్‌ మోడల్‌ అయిన ఈమె పేరు అందరికీ తెలియకపోయినా తమిళ, మలయాళ ప్రేక్షకులకు మాత్రం సుపరిచితురాలే. అయితే, తాజాగా ఆమె లీక్డ్‌ వీడియో అంటూ ఒకటి నెట్టింట తెగ వైరల్‌ అవుతుంది. తమిళ బిగ్‌బాస్‌ సీజన్‌ 1లో పాల్గొన్న ఈ కేరళ కుట్టి.. కోలీవుడ్‌లో ఒక్కసారిగా స్టార్‌గా మారిపోయింది. బిగ్‌ బాస్‌ షోను ఇష్టపడే తెలుగు వారికి కూడా ఆమె పేరు పరిచయమనే చెప్పవచ్చు. అలా సౌత్‌ ఇండియాలోని పలు భాషల్లో సినిమా ఛాన్సులు కూడా దక్కించుకుంది.ఒవియాకు సంబంధించిన ఒక ప్రైవేట్ వీడియో లీక్‌ అయిందిన నెటిజన్లు రెండురోజులుగా షేర్‌ చేస్తున్నారు. ఈ క్రమంలో కొన్ని లింక్‌లు కూడా ఎక్స్‌ వేదికగా షేర్‌ చేస్తున్నారు. ఓవియా లీక్డ్‌ హ్యాష్‌ట్యాగ్‌తో ట్విటర్‌లో వైరల్‌ చేస్తున్నారు.కొందరైతే ఓవియాకు కూడా సోషల్‌మీడియాలో మెసేజ్‌లు పెడుతున్నారు. కేవలం 17 సెకండ్లు మాత్రమే వీడియో ఉందని ఆమెను ట్యాగ్‌ చేస్తూ కామెంట్‌ చేస్తున్నారు. మరికొందరే మాత్రం సుమారు ఒక నిమిషం పైగానే వీడియో ట్రెండ్‌ అవుతుందని ఒవియాకు మెసేజ్‌లు చేస్తున్నారు.ఒవియా మాత్రం తనదైన స్టైల్లో రిప్లై ఇచ్చింది. నెక్ట్స్‌ టైమ్‌ ఎక్కువ నిడివి ఉన్న వీడియో షేర్‌ చేస్తాలే అంటూ.. అప్పటి వరకు దీంతో ఎంజాయ్‌ చేయండి అని ఆమె తిరిగి సమాధానం చెప్పింది. ఒవియా పేరుతో డీప్‌ ఫేక్‌ వీడియోను క్రియేట్‌ చేసి ట్రెండ్‌ చేస్తున్నారని ఆమె అభిమానులు ఫైర్‌ అవుతున్నారు. ఇలాంటి వీడియోను సోషల్‌మీడియాలో షేర్‌ చేయవద్దని వారు పేర్కొంటున్నారు. ఈ విషయం గురించి ఒవియా ఇంకా ఎలాంటి సమాధానం చెప్పలేదు. కానీ, కేరళ సైబర్‌ క్రైమ్‌ విభాగంలో ఆమె ఫిర్యాదు చేసినట్లు తెలుస్తోంది.

‘కళవాణి’ సినిమాతో హీరోయిన్‌గా తెరంగేట్రం చేసింది తమిళ నటి  ఓవియా. ఆ సినిమా సక్సెస్ సాధించినప్పటికీ ఆమెకు అవకాశాలు పెద్దగా రాలేదు. కొన్ని చిత్రాల్లో నటించినా హిట్ టాక్ తెచ్చుకోలేదు. అయితే తమిళ బిగ్‌ బాస్‌ సీజన్‌లో పాల్గొన్న ఓవియా ప్రేక్షకుల దృష్టిని ఆకర్షించింది. ఆమె అసలు పేరు హెలెన్ నెల్సన్ కాగా.. కేరళలోని త్రిసూర్‌లో జన్మించింది.  మలయాళం, తమిళ, కన్నడ చిత్రాల్లో ఎక్కువగా కనిపించింది. అయితే తాజాగా ఓ ఇంటర్వ్యూలో పాల్గొనిన ఓవియా.. తన పెళ్లి గురించి ఆసక్తికర విషయాలు వెల్లడించింది. గతంలో ఆమె బిగ్ బాస్ విన్నర్‌ అరవ్‌తో డేటింగ్‌లో ఉందంటూ రూమర్స్ వచ్చాయి. ఈ నేపథ్యంలో ఆమె చేసిన కామెంట్స్‌ వైరల్‌గా మారాయి.  బిగ్ బాస్ మొదటి సీజన్‌లో పాల్గొనిన ఓవియా సహా-కంటెస్టెంట్ ఆరవ్‌తో సన్నిహితంగా ఉందని చాలాసార్లు రూమర్స్ వినిపించాయి. అంతే కాకుండా వీరిద్దరూ ప్రేమలో ఉన్నారని పెద్దఎత్తున వార్తలు వైరలయ్యాయి. అయితే వీటిపై ఇద్దరూ మౌనంగానే ఉంటూ వచ్చారు. బిగ్ బాస్ ముగిసిన తర్వాత వీరిద్దరూ తమ కెరీర్‌పైనే దృష్టి సారించారు. ఆ ఆ తర్వాత ఓవియా కాంచన -3, 90 ఎంఎల్ సహా చిత్రాల్లో నటించింది. రెండు సినిమాలకు పెద్దగా ఆదరణ దక్కలేదు.  పెళ్లి కాలేదు.. కానీ బిగ్ బాస్ తర్వాత  సినిమా అవకాశాలు రాకపోవడంతో ఓవియా పెళ్లి చేసుకోనున్నట్లు గాపిప్స్ వినిపిస్తున్నాయి. ఈ నేపథ్యంలో ఓ ఇంటర్వ్యూకు హాజరైన ఓవియా స్పందించింది.  నాకు పెళ్లి ప్రస్తుతం ఎలాంటి ఆలోచన లేదని.. నటనపైనే దృష్టి పెట్టనున్నట్లు వెల్లడించింది. మీకు పెళ్లై ఓ పాప కూడా ఉందని వార్తలొచ్చాయని ప్రశ్నించగా.. వాటికి ఫన్నీ ఆన్సర్‌ ఇచ్చింది మలయాళీ భామ. ఓవియా మాట్లాడుతూ.. 'అవును నాకు ఓ పిల్లాడు ఉన్నాడు. కానీ నాకు పెళ్లి కాలేదు.  అది నా కుక్కపిల్ల. దానిని నేను చిన్న పిల్లలానే చూసుకుంటా. అన్నం తినిపిస్తాను. అంతే కాకుండా కుక్కపిల్ల నా పక్కనే పడుకుంటుంది.' అని సమాధానమిచ్చింది. అయితే నెటిజన్స్ మాత్రం ఆమెపై తెగ ట్రోల్స్ చేస్తున్నారు. అయితే తనకు పెళ్లయిందని వస్తున్న వార్తలను ఆమె ఖండించారు.   

బిగ్ బాస్ ద్వారా స్టార్స్ అయిన వారు చాలా మంది ఉన్నారు. ప్రతి భాషలోనూ, ప్రతి సీజన్‌లోనూ అలాంటి స్టార్లు ఉంటారు. వారిలో నటి ఓవియా ఒకరు. మలయాళీ అయిన ఓవియా తమిళ బిగ్ బాస్ మొదటి సీజన్‌తో అలరించింది. ఓవియాకు దక్కిన పాపులారిటీ తమిళంలో మరే బిగ్‌బాస్ స్టార్‌కి లేదన్నది నిజం. అప్పట్లో ఓవియా కోసం చాలా ఆర్మీ గ్రూపులు ఏర్పడ్డాయి. ఆ ఇమేజ్‌ ద్వారా తమిళ, మలయాళంలో అమెకు పలు సినిమా అవకాశాలు కూడా దక్కాయి. ఇప్పటి వరకు సుమారు 25 సినిమాలకు పైగా నటించిన ఈ బ్యూటీ తెలుగులో మాత్రం 'ఇది నా లవ్ స్టోరీ' అనే మూవీలో మాత్రమే మెరిసింది. (ఇదీ చదవండి: బస్‌ డిపోలో రజనీకాంత్‌ సందడి.. ఫోటోలు వైరల్‌) తమిళ బిగ్‌బాస్‌ చరిత్రలో ఓవియా ఒక సంచలనమే అని చెప్పాలి. ఆ షోలో ఆమె ఆత్మహత్యకు పాల్పడటం పెద్ద దుమారమే రేగింది. ఇలా బిగ్‌బాస్‌ చరిత్రలో జరగడం ఇదే తొలిసారి. దాంతో ఓవియా తమిళంలో సంచలనంగా మారింది. ఆ అలజడి కొద్దిరోజుల్లోనే ముగిసినా ఆమెకు ఎన్నో గొప్ప అవకాశాలు వచ్చాయి. ప్రస్తుతం ఆమె చూయిగం అనే వెబ్ సిరీస్‌తో బిజీగా ఉంది. ఈ సీరిస్‌ ప్రమోషన్‌లో భాగంగా ఇచ్చిన ఇంటర్వ్యూలో ఓవియా వివాహం గురించి పలు వ్యాఖ్యలు చేసింది. (ఇదీ చదవండి: డ్రగ్స్‌ కేసులో వరలక్ష్మి శరత్‌కుమార్‌కు నోటీసులు) గతంలో ఓవియా పెళ్లిపై చాలా గాసిప్స్ వచ్చాయి. ఓవియా లెస్బియన్ కాబట్టి పెళ్లి చేసుకోలేదని ఒకప్పుడు ప్రచారం జరిగింది. దీన్ని ఓవియా తాజాగ ఖండించింది. 'నేను లెస్బియన్‌ని కాదు. నాకు అలాంటి ఫీలింగ్స్‌ ఏమీ లేవు. అంతే కాకుండా ఇప్పుడు పెళ్లి గురించి నేను ఆలోచించడం లేదు. ఇప్పుడే కాదు, నా జీవితంలో ఇలాంటివి జరుగుతాయో లేదో కూడా తెలియదు. జీవితంలో పెళ్లి అనేది తప్పనిసరి అని నేనెప్పుడూ భావించలేదు. అందరూ అనుకుంటున్నట్లు నేను ఏ బిడ్డకు జన్మనివ్వలేదు. నేను ఇప్పటికీ ఒంటరిగానే ఉన్నాను. పెళ్లయ్యాక బిడ్డను కనాలనే ఆలోచన కూడా నాకు లేదు. పెళ్లయ్యాక ఒత్తిడిలో ఉండి జీవితాన్ని నాశనం చేసుకునే వారు చాలా మంది ఉన్నారు. నేను అలా ఉండాలనుకోను. నేను నా కోసమే జీవిస్తున్నాను' అని ఓవియా తెలిపింది. View this post on Instagram A post shared by Oviya (@happyovi)

సినిమాల్లో కాకున్నా సామాజిక మాధ్యమాల్లో తరచూ మెరుస్తున్న నటి ఓవియా. ఈ కేరళా బ్యూటీ తొలి రోజుల్లో కలవాని అనే తమిళ చిత్రంలో నటించి మంచి గుర్తింపు తెచ్చుకుంది. అలా పలు చిత్రాల్లో నటించిన ఓవియా బిగ్‌బాస్‌ రియాలిటీ గేమ్‌ షో మొదటి సీజన్‌లో పాల్గొని మరింత ప్రాచుర్యం పొందింది. అయితే ఆ తరువాత ఆ క్రేజ్‌ను ఉపయోగించడంలో ఫెయిల్‌ అవడంతో ఇప్పుడు అవకాశాలు లేక ఖాళీగా ఉంటోంది. అయితే తరచూ తన గ్లామర్‌ ఫొటోలను సామాజిక మాధ్యమాల్లో విడుదల చేస్తూ అభిమానులతో చిట్‌చాట్‌ చేస్తూనే ఉంది. ఇటీవల తన స్నేహితుడొకరితో సన్నిహితంగా ఉన్న ఫొటోను ఇన్‌స్ట్రాగామ్‌లో పోస్ట్‌ చేసింది. అయితే సామాజిక మాధ్యమాల్లో వైరల్‌ అవుతోంది. అదేవిధంగా ఈమెకు  తరచూ ఎదురవుతున్న ప్రశ్న పెళ్లెప్పుడు చేసుకుంటారు అనేది. కాగా ఇటీవల ఓవియా తన ఫేస్‌బుక్‌ ద్వారా అభిమానులతో ముచ్చడించింది. అప్పుడు ఒక అభిమాని నుంచి పెళ్లెప్పుడనే ప్రశ్న ఎదురైంది. దీంతో నటి ఓవియాకు చిర్రెత్తుకొచ్చింది. కోపాన్ని ఆపుకోలేక మీకు అడగడానికి మరే టాపిక్‌ లేదా? ఎప్పుడూ అదే ప్రశ్నా అంటూ మండిపడింది. అసలు తనకు పెళ్లి చేసుకునే ఆలోచనే లేదని, ఇలాంటి ప్రశ్నలు వేస్తూ ప్రాణాలు తీయొద్దని సీరియస్‌ అయ్యింది. దీంతో అభిమానులు చాలా హర్ట్‌ అయ్యారు. 

సినిమాల్లో కాకున్నా సామాజిక మాధ్యమాల్లో తరచూ మెరుస్తున్న నటి ఓవియా. ఈ కేరళా బ్యూటీ తొలి రోజుల్లో కలవాని అనే తమిళ చిత్రంలో నటించి మంచి గుర్తింపు తెచ్చుకుంది. అలా పలు చిత్రాల్లో నటించిన ఓవియా బిగ్‌బాస్‌ రియాలిటీ గేమ్‌ షో మొదటి సీజన్‌లో పాల్గొని మరింత ప్రాచుర్యం పొందింది. అయితే ఆ తరువాత ఆ క్రేజ్‌ను ఉపయోగించడంలో ఫెయిల్‌ అవడంతో ఇప్పుడు అవకాశాలు లేక ఖాళీగా ఉంటోంది. అయితే తరచూ తన గ్లామర్‌ ఫొటోలను సామాజిక మాధ్యమాల్లో విడుదల చేస్తూ అభిమానులతో చిట్‌చాట్‌ చేస్తూనే ఉంది. ఇటీవల తన స్నేహితుడొకరితో సన్నిహితంగా ఉన్న ఫొటోను ఇన్‌స్ట్రాగామ్‌లో పోస్ట్‌ చేసింది. అయితే సామాజిక మాధ్యమాల్లో వైరల్‌ అవుతోంది. అదేవిధంగా ఈమెకు తరచూ ఎదురవుతున్న ప్రశ్న పెళ్లెప్పుడు చేసుకుంటారు అనేది. కాగా ఇటీవల ఓవియా తన ఫేస్‌బుక్‌ ద్వారా అభిమానులతో ముచ్చడించింది. అప్పుడు ఒక అభిమాని నుంచి పెళ్లెప్పుడనే ప్రశ్న ఎదురైంది. దీంతో నటి ఓవియాకు చిర్రెత్తుకొచ్చింది. కోపాన్ని ఆపుకోలేక మీకు అడగడానికి మరే టాపిక్‌ లేదా? ఎప్పుడూ అదే ప్రశ్నా అంటూ మండిపడింది. అసలు తనకు పెళ్లి చేసుకునే ఆలోచనే లేదని, ఇలాంటి ప్రశ్నలు వేస్తూ ప్రాణాలు తీయొద్దని సీరియస్‌ అయ్యింది. దీంతో అభిమానులు చాలా హర్ట్‌ అయ్యారు.

సాక్షి, చెన్నై : ప్రధానమంత్రి నరేంద్ర మోదీని కించపరుస్తూ సోషల్‌ మీడియా వేదికగా హాట్‌ బ్యూటీ ఒవియా హెలెన్‌ చేసిన వ్యాఖ్యలపై బీజేపీ తీవ్ర ఆగ్రహం వ్యక్తం చేస్తోంది. ఆమెపై వెంటనే పోలీసు కేసు నమోదు చేయాలని తమిళనాడు బీజేపీ నేతలు డిమాండ్‌ చేస్తున్నారు. ఈ మేరకు రాష్ట్ర బీజేపీ చీఫ్‌ డీ అలెక్స్‌ సుధాకర్‌ స్థానిక పోలీసుకు ఫిర్యాదు చేశారు. ప్రధానమంత్రి నరేంద్ర మోదీ ఆదివారం తమిళనాడు పర్యటించిన విషయం తెలిసిందే. ఎన్నికలు సమీపిస్తున్న తరుణంలో పలు అభివృద్ధి కార్యక్రమాలకు శంకుస్థాపన చేశారు. రూ.3,770 కోట్లతో పూర్తయిన చెన్నై వాషర్‌మెన్‌ పేట–విమ్కోనగర్‌ మధ్య మెట్రో రైలు, రూ.293 కోట్లతో పూర్తి చేసిన చెన్నై బీచ్‌–అత్తిపట్టు మధ్య 4వ ట్రాక్‌లో, రూ.423 కోట్లతో విద్యుద్దీకరించిన విల్లుపురం–తంజావూరు – తిరువారూర్‌ మార్గంలో రైలు సేవలకు జెండా  ఊపారు. చెన్నై నెహ్రూ ఇండోర్‌ స్టేడియంలో ఆదివారం జరిగిన కార్యక్రమంలో పాల్గొన్ని ప్రసంగించారు. ఈ క్రమంలో మోదీ రాకను నిరశిస్తూ నటి ఒవియా హెలెన్‌ సోషల్‌ మీడియాలో ఓ పోస్టు చేశారు. గో బ్యాక్‌ మోదీ అనే హ్యాష్‌ ట్యాగ్‌తో చేసిన పోస్టు వివాదాస్పదంగా మారింది. ఈమె తీరుపై బీజేపీ నేతలు మండిపడుతున్నారు. దేశద్రోహం, ఐటీ చట్టం కింద ఆమెపై చర్యలు తీసుకుని అరెస్ట్‌ చేయాలని పోలీసులకు ఫిర్యాదు చేశారు. కాగా ఇండియన్‌ మోడల్‌ అయిన ఒవియా పేరు అందరికీ తెలియకపోయినా తమిళ, మలయాళ ప్రేక్షకులకు మాత్రం సుపరిచితురాలే.. విలక్షణ నటుడు కమల్‌ హాసన్‌ వ్యాఖ్యతగా వచ్చిన తమిళ బిగ్‌బాస్‌ సీజన్‌ 1లో ఈ కేరళ కుట్టి పాల్గొంది. బిగ్‌బాస్‌ షోతో ఒవియా కోలీవుడ్‌లో ఒక్కసారిగా స్టార్‌గా మారిపోయింది.  తెలుగు, తమిళం, మలయాళం భాషల్లో 40కి పైగా చిత్రాల్లో ఒవియా నటించారు. వరసగా కాంట్రవర్సీ స్టేట్‌మెంట్స్ కూడా చేస్తుంటుంది.

ఒవియా హెలెన్‌.. ఇండియన్‌ మోడల్‌ అయిన ఈమె పేరు అందరికీ తెలియకపోయినా తమిళ, మలయాళ ప్రేక్షకులకు మాత్రం సుపరిచితురాలే.. విలక్షణ నటుడు కమల్‌ హాసన్‌ వ్యాఖ్యతగా వచ్చిన తమిళ బిగ్‌బాస్‌ సీజన్‌ 1లో ఈ కేరళ కుట్టి పాల్గొంది. బిగ్‌బాస్‌ షోతో ఒవియా కోలీవుడ్‌లో ఒక్కసారిగా స్టార్‌గా మారిపోయింది. ఇందుకు హౌజ్‌లో ఒవియా, ఆరవ్‌ మధ్య నడిచిన ప్రేమాయణమే కారణం. హౌజ్‌లో ఈ జంట చేసిన రొమాన్స్‌ షోకు టాప్ రేటింగ్స్‌ని తీసుకొచ్చింది. అంతే కాదు ఒవియా కోసం అప్పట్లో ఓ ప్రత్యేక ఆర్మీ కూడా ఏర్పాటైంది. బిగ్‌బాస్‌లోకి వెళ్లిన తొలి రోజుల్లోనే ఆరవ్‌తో ఒవియా చాలా సన్నిహితంగా గడిపింది. ఆరవ్‌ను ప్రేమిస్తున్నానంటూ పలుసార్లు తెలిపింది కూడా. అయితే తొలుత ఆమెతో సన్నిహితంగా ఉన్న ఆరవ్‌ ఆ తర్వాత క్రమంగా దూరం పెట్టాడు. ఆమె మంచి స్నేహితురాలు మాత్రమేనని, అంతుకుమించి తనకు స్పెషల్‌ ఫీలింగ్స్‌ లేవని చెప్పుకొచ్చాడు. దీంతో బిగ్‌బాస్‌ అనంతరం ఆరవ్‌ తనకు మంచి ప్రెండ్‌ అని,  అంతేగాక  తాను ఇప్పటికీ సింగిల్‌గానే ఉన్నట్టు నటి పేర్కొంది. చదవండి: ‘ఆ చెత్త షోలో పాల్గొనేది లేదు’ తాజాగా ఒవియా తన ట్విటర్‌లో ఓ పోస్టు చేసింది. ఓ వ్యక్తితో రొమాంటిక్‌గా దిగిన ఫోటోను ఆమె ట్విటర్‌లో షేర్‌ చేయగా.. దీనికి ‘లవ్’‌ అనే క్యాప్షన్‌ను జతచేసింది. ఈ ఫోటోలో ఒవియా అతన్ని కిస్‌ చేస్తున్నట్లు కన్పిస్తోంది. అయితే సింగిల్‌ అని చెప్పిన ఒవియా ఇలా ఒకరిని కిస్‌ చేస్తున్నట్లు కనిపించడంతో దీనిని చూసిన నెటిజన్లు షాక్‌ అవుతున్నారు. ఈ వ్యక్తి ఎవరు అని ప్రశ్నిస్తున్నారు. అతనెవరనేది తెలుసుకోవాలని చాలా ఉత్సుకత ప్రదర్శిస్తున్నారు. ‘ఎవరు అతను ఒవియా.. ఎవరో మాకు చెప్పొచ్చుగా. కొత్త జీవితాన్ని ప్రారంభిస్తున్నందుకు శుభాకాంక్షలు’. అంటూ కామెంట్‌ చేస్తున్నారు. కాగా  తెలుగు, తమిళం, మలయాళం భాషల్లో 40కి పైగా చిత్రాల్లో ఒవియా నటించారు. Love pic.twitter.com/MFJsQylQeJ — Oviyaa (@OviyaaSweetz) January 14, 2021

చెన్నై: తమిళ్‌ బిగ్‌బాస్‌ సీజన్‌ 1 విన్నర్‌ ఆరవ్‌ నఫీజ్‌ త్వరలోనే ఓ ఇంటివాడు కాబోతున్నాడు. తన స్నేహితురాలు, మోడల్‌ రేహీని పెళ్లిచేసుకోనున్నాడు. వచ్చే నెల ఆరో తేదీన అత్యంత సన్నిహితుల సమక్షంలో చెన్నైలో వీరి వివాహం జరుగనున్నట్లు సమాచారం. అయితే ఇందుకు సంబంధించి అధికారిక ప్రకటన వెలువడాల్సి ఉంది. ఇక బిగ్‌బాస్‌ హౌజ్‌లో ఆరవ్‌.. నటి ఓవియాతో ప్రేమాయణం నడిపిన సంగతి తెలిసిందే. ఈ జంట బిగ్‌బాస్‌ అభిమానులను విశేషంగా ఆకట్టుకుంది.(చదవండి:నిశ్చితార్థం చేసుకున్న ప్రముఖ కొరియోగ్రాఫర్‌) వీరి మధ్య ఉన్న కెమిస్ట్రీ, రొమాన్స్‌ కారణంగా షో రేటింగ్‌ను పెంచడంలో కీలక పాత్ర పోషించాయి. వీరికి ప్రత్యేకంగా ఫ్యాన్స్‌ ఆర్మీలు కూడా పుట్టుకొచ్చాయి. అయితే బిగ్‌బాస్‌ హౌజ్‌ నుంచి బయటకు వచ్చాక కొన్నాళ్ల పాటు కలిసే ఉన్న ఆరవ్‌- ఓవియాల మధ్య అకస్మాత్తుగా విభేదాలు తలెత్తాయి. ఈ నేపథ్యంలో ఓవియా ఆత్మహత్యకు ప్రయత్నించినట్లు కూడా అప్పట్లో వార్తలు వెలువడ్డాయి. (చదవండి:తండ్రి కాబోతున్న విరాట్‌ కోహ్లి) ఇక గత ఏడాదికాలంగా రేహితో ప్రేమలో ఉన్న ఆరవ్‌.. ఇరు వర్గాల పెద్దలను ఒప్పించి పెళ్లికి సిద్ధపడినట్లు తెలుస్తోంది. కెరీర్‌ విషయానికొస్తే.. ఆరవ్‌ నటించిన తొలి సినిమా రాజా భీమా ప్రస్తుతం పోస్ట్‌ ప్రొడక్షన్‌ పనులు జరుపుకొంటోంది. దర్శకుడు నరేశ్‌ సంపత్‌ తెరకెక్కించిన ఈ చిత్రం ఈ ఏడాదే విడుదల కావాల్సి ఉండగా లాక్‌డౌన్‌ కారణంగా వాయిదా పడింది. ఇక రేహి విషయానికొస్తే మోడల్‌గా కెరీర్‌ ఆరంభించిన ఆమె.. ప్రముఖ డైరెక్టర్‌ గౌతం మీనన్‌ రూపొందిస్తున్న ‘జోషువా ఇమాయి పోల్‌ కాకా’ అనే రొమాంటిక్‌ సినిమాతో హీరోయిన్‌గా పరిచయం కానుంది. 

ఇక ముందు తాను నటించను అని అంటోంది నటి ఓవియా. కలవాని చిత్రంతో కోలీవుడ్‌కు కథానాయికగా పరిచయం అయిన మలయాళి కుట్టి ఈ బ్యూటీ. ఆ తర్వాత కొన్ని చిత్రాల్లో నటించినా పెద్దగా రాణించలేకపోయింది. ఆ మధ్య బిగ్‌ బాస్‌ రియాల్టీ గేమ్‌ షో పాల్గొని అందరినీ ఆకర్షించింది. ఆ షో నుంచి బయటకు వచ్చిన తర్వాత పలు సినీ అవకాశాలు వచ్చాయి.  ప్రస్తుతం చేతిలో ఒక్క చిత్రం కూడా లేదు. సామాజిక మాధ్యమాల్లో తన గ్లామర్‌ ఫొటోలను విడుదల చేస్తూ ఎప్పుడూ వార్తల్లో ఉండే ఓవియా ఈమధ్య వాటికి దూరంగా ఉంటూ వచ్చింది. అలాంటిది లాక్‌ డౌన్‌ కాలంలో మరోసారి తన ట్విట్టర్‌ ద్వారా అభిమానులతో ముచ్చటించింది. అభిమానులు సంధించిన ప్రశ్నలకు ఓవియా తనదైన స్టైల్‌లో బదులిచ్చింది. ప్రస్తుతం నటిస్తున్న చిత్రాలు గురించి అడిగిన ప్రశ్నకు రెండు వెబ్‌ సిరీస్‌లో నటిస్తున్నట్లు చెప్పింది. ఎవరినైనా ప్రేమిస్తున్నారా..? అన్న ప్రశ్నకు లేదు తాను ఇప్పటికీ సింగిల్గానే ఉన్నట్టు చెప్పింది. అదేవిధంగా రాజకీయ వారసత్వం గురించి అడిగిన ప్రశ్నకు ఇప్పుడు రాజకీయం అన్ని రంగాల్లోనూ ఉందని పేర్కొంది. అదేవిధంగా ప్రస్తుత కరోనా కష్టాల గురించి మీరు ఎలా స్పందిస్తారు..? ప్రశ్నకు మన కష్టాలు ఇతరులకు ఎదురైనప్పుడే ఆ బాధ వారికి అర్థమవుతుందని చెప్పింది. కాబట్టి మన కష్టాన్ని మనమే ఎదుర్కోవాలని అంది. ఎవరో వచ్చి మనల్ని కాపాడాలని ఎదురు చూడరాదని పేర్కొంది. ప్రస్తుత జరుగుతున్న ఘటనపై ఎలా స్పందిస్తారు అన్న ప్రశ్నకు బదులిస్తూ నిజమైన నేరస్తులను శిక్షించే అధికారం తనకు లేదని, అలా జీవితంలో తాను నటించనని పేర్కొంది. అదేవిధంగా పెళ్లెప్పుడు చేసుకుంటారన్న ప్రశ్నకు తనకు ఇప్పట్లో అలాంటి ఆలోచన లేదని స్పష్టంగా చెప్పింది. (ప్రముఖ కమెడియన్‌కు లైంగిక వేధింపులు..)   

చెన్నై : తనకు తన ఆర్మీ ఉందిగా అని చెప్పుకొచ్చింది నటి ఓవియ. కలవాని చిత్రంతో కోలీవుడ్‌కు దిగుమతి అయిన మలయాళీ కుట్టి ఈ జాణ. తొలి చిత్రమే మంచి పేరు తెచ్చి పెట్టడంతో ఇక్కడ అవకాశాలు వరుసకట్టాయి. వాటిలో చాలా తక్కువ చిత్రాలే సక్సెస్‌ కావడంతో ఓవియ మార్కెట్‌ ఒక్క సారిగా పడిపోయ్యింది. అవకాశాలు సన్నగిల్లిపోయాయి. అలాంటి సమయంలో బిగ్‌బాస్‌ రియాలిటీ గేమ్‌ షో రూపంలో ఈ అమ్మడికి మరోసారి క్రేజ్‌ వచ్చింది. బిగ్‌బాస్‌ హౌస్‌లో సహ నటుడు ఆరవ్‌తో ప్రేమాయణం, అది బెడిసి కొట్టడం, ఆత్మహత్యాయత్నం వంటి సంఘటనలు ఓవియను సంచలన నటిగా మార్చేశాయి. దీంతో బిగ్‌బాస్‌ హౌస్‌ నుంచి బయటకు వచ్చిన తరువాత నటిగా మరోసారి క్రేజ్‌ పెరిగింది. అయితే దాన్ని ఓవియ సరిగ్గా ఉపయోగించుకోలేదు. అదే సమయంలో 90 ఎంఎల్‌ వంటి గ్లామరస్‌ కథా చిత్రంలో నటించడం తన కెరీర్‌కు పెద్ద డ్యామేజ్‌ అయ్యింది. అందులో మద్యం తాగడం, పొగత్రాగడం వంటి సన్నివేశాల్లో నటించి తీవ్ర విమర్శలకు గురైంది. అయితే అలా నటించడాన్ని ఈ అమ్మడు సమర్థించుకుంది. దీంతో వచ్చే అవకాశాల ను కూడా కోల్పోయింది. ప్రస్తుతం అవకాశాల్లేని ఓవియ తరచూ ఫేస్‌బుక్‌లో అభిమానులతో టచ్‌లో ఉంటోంది. ఈమెకు ఫేస్‌బుక్‌ ఫాలోయింగ్‌ కాస్త ఎక్కువే. అలా అభిమానుల  ప్రశ్నలకు బదులిస్తుంటుంది.  సంచలన నటి పేరు రాజకీయంగా దుమారం రేపింది. కారణం ఈ మధ్య ఒక టీవీ చానల్‌కిచ్చిన భేటీలో రజనీకాంత్, కమలహాసన్‌ రాజకీయరంగప్రవేశం గురించి అడిగిన ప్రశ్న ఓవియను చిరెత్తించింది. అందుకు తాను బదులివ్వనని చెప్పింది. అయినా రజనీ, కమల్‌ రాజకీయాల గురించి తనను అడుగుతారేంటీ అని ఆవేశంగా ఎదురు ప్రశ్నవేసింది. అంతే కాదు ఈ విషయం గురించి తన ట్విట్టర్‌లో పేర్కొంటూ రాజకీయాలతో సంబంధం లేని నటీనటులను రాజకీయాల గురించి అడగడాన్ని మీడియా మానుకోవాలని హితవు పలికింది. ఇలాంటి ప్రశ్నలను ప్రజలను అడిగితే వేరే విధంగా సమాధానాలు వస్తాయని ట్విట్టర్‌లో పేర్కొంది.  ఒక నెటిజన్‌ మీరు కూడా ఒక రాజకీయ పార్టీని ప్రారంభించవచ్చుగా అని అన్నారు. అందుకు తనకంటూ ఒక ఆర్మీ ఉందిగా అని బదులిచ్చింది.  

చెన్నై : పెళ్లి, మంచి భర్త, పిల్లలు ఇలా అందమైన జీవితాన్ని కోరుకోని స్త్రీ ఉండదనేది గత మాట. మారుతున్న కాలంలో మనుషుల మనస్థత్వాలు మారుతున్నాయి. పెళ్లి అనేది జీవితంలో ఒక భాగం అని కొందరంటుంటే, పెళ్లిపై నమ్మకం లేదు అనేవారు మరికొందరు. ఇక నటి ఓవియ విషయానికొస్తే ఈ అమ్మడు రెండో కోవకు చెందింది. అసలు పెళ్లితో పనేంటి అని అంటోంది. ఈ మలయాళీ జాణ నటిగా రంగప్రవేశం చేసి దశాబ్దం దాటింది. స్టార్‌డమ్‌ను పెద్దగా పొందకపోయినా, పాపులారిటీని మాత్రం బాగానే పెంచుకుంది. వివాదాంశ పాత్రలతో వార్తల్లో సంచలన నటిగా ముద్రవేసుకున్న ఓవియ ఇటీవల 90 ఎంఎల్‌ అనే చిత్రంలో మగాడికి మగువ ఏ విషయంలోనూ తక్కువ కాదన్నట్లుగా విచ్చలవిడిగా నటించేసింది. తాజాగా ఈ అమ్మడు కథానాయకిగా నటించిన కలవాణి–2 చిత్రం శుక్రవారం తెరపైకి వచ్చింది. ఈ సందర్భంగా నటి ఓవియ ఇచ్చిన ఇంటర్య్వూలో పేర్కొంటూ కలవాణి చిత్రం తన మనసుకు దగ్గరైన కథా చిత్రం అని పేర్కొంది. హెలన్‌ అనే తన అసలు పేరును ఓవియగా మార్చింది ఆ చిత్ర దర్శకుడు సర్గుణంనేనని తెలిపింది. తాజాగా ఆయన దర్శకత్వంలో నటించి కలవాణి–2లో నటించడం సంతోషంగా ఉందని అంది. ఇందులో తాను మహిళా సంఘం అధ్యక్షురాలిగా నటించానని చెప్పింది. నిజజీవితంలో తాను స్వేచ్ఛా జీవినని, వివాహ బంధంపై తనకు నమ్మకం లేదని చెప్పింది. కాబట్టి పెళ్లితో పని లేదని అంది. జీవితంలో పెళ్లే చేసుకోనని, స్వతంత్ర భావాలతో జీవించడం తనకు ఇష్టం అని పేర్కొంది. అందువల్ల మగతోడే అవసరం లేదని పేర్కొంది. జీవితాంతం నటిస్తూనే ఉండాలని ఆశపడుతున్నానని అంది. తనకు స్నేహితులంటూ ప్రత్యేకంగా ఎవరూ లేరని, అలాగని శత్రువులూ లేరని అంది. అందరితోనూ ఒకేలా మసలుకుంటానని చెప్పింది. తనకు నచ్చితే ఎలాంటి పాత్రనైనా నటించడానికి రెడీ అని, అయితే సూపర్‌ ఉమెన్‌గా నటించాలన్న కోరిక మాత్రం ఉందని తెలిపింది.అలాంటి పాత్ర లభిస్తే సంతోషంగా నటిస్తానని అంది. నయనతార, కాజల్‌ అగర్వాల్, అమలాపాల్‌ వంటి నటీమణులు నిర్మాతలుగా మారారు. మీకు అలాంటి ఆలోచన ఉందా అని అడుగుతున్నారని, తాను నటిగా పరిచయం అయ్యింది ఇటీవలేనని, ఇంకా సంపాదించలేదని అంది. అందువల్ల సొంతంగా చిత్రాలు చేసే ఆలోచనలేదని స్పష్టం చేసింది. ఇక రాజకీయాలపై ఆసక్తి ఉందా అని అడుగుతున్నారని, తనకు రాజకీయాల గురించి తెలియదని, అందువల్ల ఆ ఆలోచనే లేదని ఓవియ చెప్పింది. 

సాక్షి, చెన్నై : బిగ్‌బాస్‌–3లో వివాదాస్పద నటి శ్రీరెడ్డి పాల్గొననున్నట్లు సోషల్‌ మీడియాలో ప్రచారం హోరెత్తుతోంది. ప్రముఖ నటుడు, మక్కళ్‌నీదిమయ్యం పార్టీ అధ్యక్షుడు కమలహాసన్‌ వ్యాఖ్యాతగా వ్యవహరిస్తున్న రియాలిటీ షో బిగ్‌బాస్‌. ఇప్పటికే రెండు సీజన్లు జరిగిన షో కార్యక్రమం సీజన్‌–3 జూన్‌ రెండో వారంలో ప్రారభం కానుంది. ఇందుకు సంబంధించి కమలహాసన్‌ నటించిన ప్రోమోను కూడా విడుదల చేశారు. తాజాగా నటి శ్రీరెడ్డి ఈ షోలో పాల్గొంటున్నట్లు సమాచారం. అందుకు సంబంధించి చర్చలు కూడా జరుగుతున్నాయట. శ్రీరెడ్డి గతంలో టాలీవుడ్‌లో తనతో లైంగిక చర్యలకు పాల్పడిన వారిలో కొందరి పేర్లు బయటపెట్టడంతో పాటు వారిపై తగిన చర్యలు తీసుకోవాలంటూ అర్ధనగ్నంగా నడిరోడ్డుపై దీక్ష చేపట్టింది. ఆ తరువాత చెన్నైకి మకాం మార్చి కోలీవుడ్‌ సినీ ప్రముఖులపై ఆరోపణలు చేసి వివాదాంశ నటిగా వార్తల్లోకి ఎక్కింది. ఇక బిగ్‌బాస్‌ రియాలిటీ గేమ్‌ షో శ్రీరెడ్డి ఎంట్రీ ఇస్తే ఇక వీక్షకులకు ఫుల్‌ ఎంటర్‌టైన్‌మెంటే. అయితే దీనిపై శ్రీరెడ్డి ఇంకా స్పందించలేదు. తాజాగా ప్రారంభం కానున్న బిగ్‌బాస్‌ రియాలిటీ గేమ్‌ షో సీజన్‌–3లో పాల్గొనే వారి ఎంపిక జరుగుతోంది. ఇప్పటికే ఒరుకల్‌ ఒరుకన్నాడీ చిత్రంలో నటుడు సంతానంకు జంటగా నటించిన జాంగిరీ మధుమితను ఎంపిక చేసినట్లు తెలిసింది. కాగా బిగ్‌బాస్‌ రియాలిటీ షో సీజన్‌ ఒకటిలో నటి ఓవియ వివాదాస్పద  చర్యలతో బాగా పాపులర్‌ అయ్యింది. అయితే ఆ షోలో విన్నర్‌గా మాత్రం ఆమె లవర్‌గా పాపులర్‌ అయిన నటుడు ఆరవ్‌ గెలుచుకున్నాడు. అలాగే సీజన్‌–2లో నటి ఐశ్వర్యదత్తు, యాషికలు పాపులర్‌ అయ్యారు. అయితే ఆ షోలో నటి రిత్విక విన్నర్‌గా నిలిచింది. 

సినిమా: ప్రేమ పుట్టింది కానీ.. అంటోంది నటి ఓవియ. సమీప కాలంలో సంచలన నటిగా మారిందీ బ్యూటీ. 90 ఎంఎల్‌ అనే వివాదాస్పద కథా చిత్రంలో నటించి విమర్శలను ఎదుర్కొన్న ఓవియ ఇప్పటికి 25 చిత్రాల్లో నటంచింది. వాటిలో మలయాళం, కన్నడం చిత్రాలు ఉన్నాయి. ఈ సందర్భంగా ఈమె తన గురించి తెలుపుతూ సొంత ఊరు కేరళలోని తిరుచూర్‌. బీఏ చదివి 2007లో నటిగా రంగప్రవేశం చేశాను. కంగారు అనే మలయాళ చిత్రంతో కథానాయకిగా నటించాను. అలా కొన్ని చిత్రాల్లో నటించిన తరువాత 2010లో కలవాణి చిత్రంతో కోలీవుడ్‌కు ఎంటర్‌ అయ్యాను. కథానాయికల మధ్య పోటీ ఉన్నమాట నిజమే. అయితే అన్ని రంగాల్లోనూ పోటీ ఉంటుంది. నా అందం గురించి చాలా మంది అభినందించారు. అయితే నా ముఖం అందం కంటే మనసు ఇంకా అందం అని ధైర్యంగా చెప్పగలను. కళాశాలలో చదువుతున్నప్పుడే ప్రేమ పుట్టింది. అయితే దానిపై మనసు పెట్టలేదు. అప్పుడు నావయసు 18 ఏళ్లు.  సినిమాల్లోకి వచ్చిన తరువాత నటనపైనే శ్రద్ధ పెడుతున్నాను. ప్రేమించడానికి సమయం లేదు.ఎవరికీ ఎందుకూ భయపడను. చిన్న వయసు నుంచే నాకు ధైర్యం ఎక్కువ. సినిమాల్లోకి వచ్చిన తరువాత కూడా అది తగ్గలేదు అని నటి ఓవియ చెప్పుకొచ్చింది.

వరుసగా హారర్‌ సినిమాలతో సత్తా చాటుతున్న కోలీవుడ్ డాన్సింగ్ స్టార్‌ రాఘవా లారెన్స్‌ మరోసారి భయపెట్టేందుకు రెడీ అయ్యాడు. ‘ముని’ సిరీస్‌లో ‘కాంచన 3’తో త్వరలో ప్రేక్షకుల ముందుకు రానున్నాడు. లారెన్స్‌ హీరోగా నటిస్తూ దర్శకత్వం వహిస్తున్న ఈ సినిమా తెలుగు, తమిళ భాషల్లో రూపొందుతోంది. ఈ సినిమాను తెలుగులో లైట్‌హౌస్‌ మూవీమేకర్స్‌ ఎల్‌ఎల్‌పీ పతాకంపై బి. మధు సమర్పణలో రాఘవేంద్ర ప్రొడక్షన్‌ బ్యానర్‌లో రాఘవ నిర్మిస్తున్నారు. రిలీజ్ డేట్‌ దగ్గర పడుతుండటంతో చిత్రయూనిట్ ప్రమోషన్‌ కార్యక్రమాలు ప్రారంభించారు.తాజాగా సినిమా థియేట్రికల్‌ ట్రైలర్‌ను రిలీజ్ చేశారు చిత్రయూనిట్‌. ముని సిరీస్‌లోని గత చిత్రాలతో పోలిస్తే ఈ సినిమా మరింతగా భయపెడుతుందంటున్నారు చిత్రయూనిట్. లారెన్స్‌ డిఫరెంట్ లుక్‌లో కనిపిస్తున్న ఈ సినిమాలో కబీర్‌ దుహన్‌ సింగ్ ప్రతినాయక పాత్రలో కనిపించనున్నాడు. ప్రస్తుతం నిర్మాణానంతర కార్యక్రమాలు జరుపుకుంటున్న ఈ సినిమాలో ఓవియా, వేదిక, కోవై సరళ, సత్యరాజ్, శ్రీమాన్‌ ముఖ్య పాత్రలు చేస్తున్నారు. ముందుగా ఈ సినిమాను మే 1న రిలీజ్ చేస్తున్నట్టుగా వార్తలు వచ్చాయి. అయితే నిర్మాణానంతర కార్యక్రమాలు ముందుగానే పూర్తవుతుండటంతో ఏప్రిల్ లోనే సినిమాను రిలీజ్‌ చేసేందుకు నిర్ణయించారు. ఏప్రిల్ 19న కాంచన 3 ప్రేక్షకుల ముందుకు రానుంది.

సౌత్‌లో సూపర్‌ హిట్ జానర్‌ అనిపించుకున్న హరర్‌ కామెడీ జానర్‌లో మరో సినిమా ప్రేక్షకుల ముందుకు వచ్చేందుకు రెడీ అవుతోంది. వరుసగా హారర్‌ సినిమాలతో సత్తా చాటుతున్న కోలీవుడ్ డాన్సింగ్ స్టార్‌ రాఘవా లారెన్స్‌ మరోసారి భయపెట్టేందుకు రెడీ అవుతున్నాడు. తాజాగా ‘ముని’ సిరీస్‌లో ‘కాంచన 3’ రెడీ అవుతోంది. లారెన్స్‌ హీరోగా నటిస్తూ దర్శకత్వం వహిస్తున్న ఈ సినిమా తెలుగు, తమిళ భాషల్లో రూపొందుతోంది. ఈ సినిమాను తెలుగులో లైట్‌హౌస్‌ మూవీమేకర్స్‌ ఎల్‌ఎల్‌పీ పతాకంపై బి. మధు సమర్పణలో రాఘవేంద్ర ప్రొడక్షన్‌ బ్యానర్‌లో రాఘవ నిర్మిస్తున్నారు. ప్రస్తుతం నిర్మాణానంతర కార్యక్రమాలు జరుపుకుంటున్న ఈ సినిమాలో ఓవియా, వేదిక, కోవై సరళ, కబీర్‌ దుహన్‌ సింగ్, సత్యరాజ్, శ్రీమాన్‌ ముఖ్య పాత్రలు చేస్తున్నారు. ఇప్పటికే రిలీజ్‌ అయిన ఈ సినిమా ఫస్ట్‌లుకు మంచి రెస్పాన్స్‌ వచ్చింది. ఇటీవల ఈ సినిమాను మే 1న రిలీజ్ చేస్తున్నట్టుగా వార్తలు వచ్చాయి. అయితే నిర్మాణానంతర కార్యక్రమాలు ముందుగానే పూర్తవుతుండటంతో ఏప్రిల్ లోనే సినిమాను రిలీజ్‌ చేసేందుకు నిర్ణయించారు. ఏప్రిల్ 19న కాంచన 3 ప్రేక్షకుల ముందుకు కానుంది.

పెరంబూరు: నటి ఓవియాపై పోలీస్‌ కమిషనర్‌ కార్యాలయంలో మరో కేసు నమోదైంది. బిగ్‌బాస్‌ రియాలిటీ షోతో పాపులర్‌ అయిన నటి ఓవియ ఇటీవల నటించిన చిత్రం 90 ఎంఎల్‌. మహిళా దర్శకురాలు అనితాఉదీప్‌ తెరకెక్కించిన ఈ చిత్రంలో నటి ఓవియా విచ్చలవిడిగా నటించడంపై విమర్శలు చెలరేగుతున్నాయి. ఈ చిత్రంలో ఓవియా ధూమపానం చేయడం, మద్యం తాగడం, లిప్‌లాక్‌ సన్నివేశాలు, సహజీవనం లాంటి సన్నివేశాలు మన సంస్కృతి సంప్రదాయాలు మంటగలిపేలా ఉన్నాయంటూ తీవ్ర వ్యతిరేకత వ్యక్తం అవుతోంది. ఈ చిత్ర దర్శకురాలు అనితాఉదీప్, కథానాయకి ఓవియాలపై ఇప్పటికే పోలీస్‌స్టేషన్లలో పలు కేసులు నమోదయ్యాయి. తాజాగా తిరువేర్కాడుకు చెందిన తమిళ్‌వేందన్‌ అనే వ్యక్తి బుధవారం స్థానిక వెప్పేరిలోని పోలీస్‌ కమిషనర్‌ కార్యాలయంలో ఫిర్యాదు చేశాడు. అందులో.. ఇటీవల పొల్లాచ్చిలో 100 మందికి పైగా విద్యార్థినులు అత్యాచారం, చిత్రవధకు గురయ్యారన్నాడు. ఫేస్‌బుక్, ట్విట్టర్‌ వంటి సెల్‌ఫోన్‌ పరిజ్ఞానంతో ప్రేమ, పెళ్లి పేర్లతో కట్ర పన్ని ఆ ప్రాంతానికి చెందిన నలుగురు యువకులు చేసిన ఆకృత్యాలు మానవ జాతికే అవమానం అని పేర్కొన్నారు. ఇలాంటి సంఘటనలు మళ్లీ మళ్లీ జరిగేలా సినిమాలు రూపొందించడం అంతకంటే నీచంగా పేర్కొన్నారు. గత మార్చి 1వ తేదీన అనిత ఉదీప్‌ దర్శకత్వంలో నటి ఓవియ ప్రధాన పాత్రలో నటించిన 90ఏఎల్‌ చిత్రం విడుదలైందని, ఇందులో ఓవియ సభ్యసమాజం తల దించుకునేలా నటించిందని వివరించారు. తమిళ సంస్కృతిని నాశనం చేసేవిధంగా, మహిళలను తప్పుదోవ పట్టించే విధంగా 90 ఎంఎల్‌ చిత్రాన్ని తెరకెక్కించిన దర్శకురాలు అనిత ఉదీప్, అందులో నటించిన నటి ఓవియలను అరెస్ట్‌ చేయాలని కోరాడు. అతని ఫిర్యాదుపై  పోలీసులు కేసు నమోదు చేశారు.

వరుసగా హారర్‌ సినిమాలతో సత్తా చాటుతున్న కోలీవుడ్ డాన్సింగ్ స్టార్‌ రాఘవా లారెన్స్‌ మరోసారి భయపెట్టేందుకు రెడీ అవుతున్నాడు. తాజాగా ‘ముని’ సిరీస్‌లో ‘కాంచన 3’ రెడీ అవుతోంది. లారెన్స్‌ హీరోగా నటిస్తూ దర్శకత్వం వహిస్తున్న ఈ సినిమా తెలుగు, తమిళ భాషల్లో రూపొందుతోంది. ఈ సినిమాను తెలుగులో లైట్‌హౌస్‌ మూవీమేకర్స్‌ ఎల్‌ఎల్‌పీ పతాకంపై బి. మధు సమర్పణలో రాఘవేంద్ర ప్రొడక్షన్‌ బ్యానర్‌లో రాఘవ నిర్మిస్తున్నారు. ప్రస్తుతం నిర్మాణానంతర కార్యక్రమాలు జరుపుకుంటున్న ఈ సినిమాలో ఓవియా, వేదిక, కోవై సరళ, కబీర్‌ దుహన్‌ సింగ్, సత్యరాజ్, శ్రీమాన్‌ ముఖ్య పాత్రలు చేస్తున్నారు. ఇప్పటికే రిలీజ్‌ అయిన ఈ సినిమా ఫస్ట్‌లుకు మంచి రెస్పాన్స్‌ వచ్చింది. తాజాగా సినిమా రిలీజ్‌ డేట్‌పై క్లారిటీ ఇచ్చారు చిత్రయూనిట్. అన్నికార్యక్రమాలు పూర్తి చేసి మే 1న సినిమాను రిలీజ్ చేయనున్నట్టుగా తెలిపారు. ముని సిరీస్‌లో  గతంలో వచ్చిన సినిమాలన్నీ ఘనవిజయం సాధించటంతో కాంచన 3పై కూడా భారీ అంచనాలు ఏర్పడ్డాయి.

పెరంబూరు: స్త్రీ స్వేచ్ఛను హరించడమే సమాజానికి చేటు అని నటుడు శింబు పేర్కొన్నారు. ఎప్పుడూ వివాదాల్లో ఉండే ఈ సంచలన నటుడు 90 ఎంఎల్‌ చిత్రంతో మరోసారి వార్తల్లోకెక్కారు. సంచలన నటి ఓవియా ప్రధాన పాత్రలో నటించిన తాజా చిత్రం 90 ఎంఎల్‌. మహిళా దర్శకురాలు అనితా ఉదీప్‌ దర్శకత్వం వహించిన ఈ చిత్రం ప్రేక్షకుల నుంచి మిశ్రమ స్పందన దక్కిం చుకుంది. విమర్శకుల నుంచి మాత్రం తీవ్ర వ్యతి రేకతను ఎదుర్కొంటోంది. అందుకు కారణం చిత్రంలో అమ్మాయిలు మద్యం సేవించడం, పొగ తాగడం, సహజీవనం సాగించడం లాంటి పలు అంశాలు చోటు చేసుకోవడమే. 90 ఎంఎల్‌ చిత్రం సెన్సార్‌ బోర్డు నుంచి ఏ సర్టిఫికెట్‌ పొందింది. కాగా ఈ చిత్రానికి నటుడు శింబు సంగీతాన్ని అందించారు. ఈ విషయమే ఆయన్ని విమర్శల పాలు చేసింది. దీనికి స్పందించిన శింబు తొలిసారిగా మహిళల ఇతివృత్తంతో కూడిన చిత్రాల్లో మగవారిని కించపరచకుండా స్త్రీల స్వేచ్ఛ గురించి అనితా ఉదీప్‌ కథను తయారు చేశారని అన్నారు. అలాంటిది మనమే భావితరాలను, సమాజాన్ని నాశనం చేసే చిత్రం అని గగ్గోలు పెడుతున్నామన్నారు. స్త్రీ స్వేచ్ఛను అడ్డుకోవడమే సంప్రదాయాలకు చేటు అని పేర్కొన్నారు. తాను మహిళా వ్యతిరేకినని అందరూ తప్పుగా అర్థం చేసుకున్నారనీ, అందుకే ఈ చిత్రానికి మద్దతు ఇచ్చి, సంగీతాన్ని అందించాననీ చెప్పారు. దీన్ని అర్థం చేసుకున్న మగవారికి ధన్యవాదాలు అని శింబు పేర్కొన్నారు. దీంతో ఆయనపై విమర్శలు వెల్లువెత్తున్నాయి. నటి ఓవియను అరెస్ట్‌ చేయాలి కాగా 90 ఎంఎల్‌ చిత్రంపైనా, దర్శకురాలు, హీరోయిన్‌ ఓవియలపై తీవ్ర విమర్శలు వెల్లు వెత్తుతున్నాయి. ముఖ్యంగా మహిళలను కించపరచే సన్నివేశాల్లో నటించినందుకు గానూ నటి ఓవియను అరెస్ట్‌ చేయాలంటూ ఇండియా దేశీయ లీగ్‌ పార్టీ మహిళా విభాగ నిర్వాహకులు సోమవారం నగర పోలీస్‌ కమిషనర్‌ కార్యాలయంలో ఫిర్యాదు చేశారు.

పెరంబూరు: సమాజాన్ని భ్రష్టు పట్టించే చిత్రం అంటూ నటి ఓవియ నటించిన 90ఎంఎల్‌ చిత్రంపై విమర్శలు వెల్లువడుతున్నాయి. బిగ్‌బాస్‌ గేమ్‌ షో ఫేమ్‌ ఓవియ ప్రధాన పాత్రలో నటించిన తాజా చిత్రం 90 ఎంఎల్‌. దీన్ని మహిళా దర్శకురాలు అనితా ఉదీప్‌ తెరకెక్కించారు. నటుడు శింబు సంగీతాన్ని అందించడం విశేషం. శుక్రవారం తెరపైకి వచ్చిన ఈ చిత్రం ప్రేక్షకుల నుంచి మిశ్రమ స్పందనను పొందుతోంది. అయితే ఇందులో నటి ఓవియతో పాటు ఆమె స్నేహితురాళ్ల పాత్రలు మద్యం తాగడం, దమ్ము కొట్టడం, లిప్‌లాక్‌ చుంబనాలు, అదే విధంగా సహజీవనం, లెస్బియన్‌ సన్నివేశాలాంటివి చోటుచేసుకోవడంతో విమర్శలు వెల్లువెత్తుతున్నాయి. 90ఎంఎల్‌ చిత్రం గురించి నిర్మాత ధనుంజయన్‌ స్పందిస్తూ సమాజాన్ని భ్రష్టు పట్టించే చిత్రం అని ట్విట్టర్‌లో పేర్కొన్నారు. అంతే కాకుండా డబ్బు సంపాదన కోసం యువతరాన్ని నాశనం చేయకూడదని అన్నారు. ఈయన వ్యాఖ్యలకు 90ఎంఎల్‌ చిత్ర దర్శకురాలు అనితా ఉదీప్‌ బదులిచ్చేలా మీరు నిర్మించిన చంద్రమౌళి చిత్రంలో సందేశం ఇచ్చేలా అశ్లీల పాటను పొందుపరిచిన చిత్రానికి నేను దర్శకరాలిని కాదు అని వెటకారపు వ్యాఖ్యలతో ట్వీట్‌ చేశారు. అందుకు ధనుంజయన్‌ నా చిత్రంలో పాట గ్లామరస్‌గా ఉందే కానీ అశ్లీలంగా మాత్రం లేదని అన్నారు. నా చిత్రానికి యూ/ఏ సర్టిఫికెట్‌నే పొందాను. మీ చిత్రం మాదిరి ఏ సర్టిఫికెట్‌ కాదు. అయినా చిత్రంలో పాటలు ఎలా ఉండాలన్నది దర్శకుడి నిర్ణయం అని, నేనెప్పుడూ పాటల విషయంలో సొంత నిర్ణయాలను తీసుకోలేదని బదులిచ్చారు. దీంతో దర్శకురాలు అనితా ఉదీప్‌ సార్‌ మీతో వివాదం బోర్‌ కొడుతోంది. కాస్త ఆసక్తికరంగా, కొంచెం స్మార్ట్‌గా మాట్లాడండి అని పేర్కొన్నారు. ఆ తరువాత ధనుంజయన్‌ నుంచి బదులు రాకపోవడంతో అనితా ఉదీప్‌ ప్లీజ్‌ పారిపోకండి. మీతో కొంచెం కామెడీ చేయాలని ఉంది అని ట్వీట్‌ చేశారు. వీరి వివాదం ఇప్పుడు సోషల్‌మీడియాలో వైరల్‌ అవుతోంది.    

తమిళసినిమా: నన్నూ రాజకీయాల్లోకి రమ్మన్నారని నటి ఓవియ చెప్పింది. ఈ కేరళా కుట్టి ఇప్పుడు వార్తల్లో హాట్‌హాట్‌గా నానుతోంది. కలవాణి చిత్రంతో కోలీవుడ్‌కు దిగుమతి అయినా, అప్పట్లో అంతగా పాపులర్‌ కాలేకపోయింది. ఎప్పుడైతే బిగ్‌బాస్‌ రియాలిటీ గేమ్‌ షోలో పాల్గొందో, అందులో నటుడు ఆరవ్‌తో ప్రేమ అంటూ వివాదాలకు తావిచ్చి హెడ్‌లైన్‌ వార్తల నటిగా మారిపోయింది. ఆ పాపులారిటీ  సినీరంగంలోనూ పని చేసింది. తాజాగా ఈ అమ్మడు నటించిన 90 ఎంఎల్‌ చిత్రం శుక్రవారం తెరపైకి వచ్చింది. అయితే ఈ చిత్రం విడుదలకు ముందే వివాదాంశంగా మారింది. అందుకు కారణం చిత్రంలో నటి ఓవియ పోషించిన పాత్రనే. మద్యం, పొగ తాగడం వంటి సన్నివేశాల్లో నటించి ఓవియ చర్చల్లో చిక్కుకుంది. అయితే ఇవన్నింటినీ ఈ భామ సమర్థించుకోవడం విశేషం. అసలీ అమ్మడు ఏమంటుందో చూద్దాం. పురుషాధిక్యత నుంచి బయటపడ్డ ఒక యువత స్వేచ్ఛగా జీవించాలనుకునే ఇతివృత్తంతో తెరకెక్కిన చిత్రం 90 ఎంఎల్‌. మహిళా దర్శకురాలు అనిత ఈ కథను చెప్పగానే వెంటనే నటించడానికి అంగీకరించాను. ఇందులో ద్వందర్థాల సంభాషణలు, మద్యం తాగడం, పొగతాగడం వంటి సన్నివేశాలు ఉన్నాయంటూ విమర్శిస్తున్నారు. అయితే అలాంటి అలవాట్లన్నీ నా నిజజీవితానికి సంబంధించినవి కాదు. చిత్రంలో ఒక పాత్రకు చెందిన అలవాట్లు. అందుకే ఈ చిత్రాన్ని వయసుకు వచ్చిన వాళ్లు చూస్తే చాలు అని చెబుతున్నాం. మళ్లీ ఈ తరహా పాత్రల్లో నటిస్తారా అని అడుగుతున్నారు. అయితే ఒక్కో చిత్రంలో ఒక్కో తరహా పాత్రలో నటించాలని కోరుకునే నటిని నేను. అది నాయకి పాత్ర అయినా, ప్రతి నాయకి పాత్ర అయినా సరే. పెళ్లి గురించి అడుగుతున్నారు. అది నాకు సరిపడదని అనుకుంటున్నాను. ఎందుకంటే నేను చిన్నతనం నుంచి నా ఇష్టానుసారం స్వేచ్ఛగా జీవిస్తున్నాను. అయితే ఇకపై ఎం జరుగుతుందో చెప్పలేను. మనం అనుకున్నవన్నీ జరగవు కదా ఇకపోతే రాజకీయాల్లోకి వెళతారా అని అడుగుతున్నారు. ఇప్పుడికే కొందరు ప్రముఖ రాజకీయ నాయకులు నన్ను కలిసి తమ పార్టీలో చేరమని కోరారు. అందుకు నేను నిరాకరించాను. అయితే నన్ను పార్టీలో చేరమని అడిగిందెవరన్నది చెప్పదలచుకోలేదు. కోటి రూపాయలు ఇస్తానంటే రాజకీయ పార్టీ తరఫున ప్రచారం చేస్తారా అని అడిగితే కచ్చితంగా చేయననే చెబుతాను. నేను నటిగా కోలీవుడ్‌లో నాకంటూ ఒక స్థానాన్ని అందుకోవాలని కోరుకుంటున్నాను అని నటి ఓవియ పేర్కొంది.

తమిళ బిగ్‌బాస్‌ షో తో ఫేమస్‌ అయిన ఓవియా.. ప్రస్తుతం సినిమాలతో బిజీగా ఉన్నారు. తాజాగా 90ఎమ్‌ఎల్‌ చిత్రంతో ప్రేక్షకుల ముందుకు రాబోతున్నారు. ఈ చిత్రంలో ఓవియా బోల్డ్‌గా నటించడంతో అభిమానులు ఆగ్రహం వ్యక్తం చేసిన సంగతి తెలిసిందే. తాజాగా ఈ మూవీ ప్రమోషన్స్‌లో పాల్గొన్న ఓవియా ఆసక్తికర విషయాలను చెప్పుకొచ్చారు. హీరో శింబుతో కలిసి ఓవియా గతకొంతకాలంగా సన్నిహితంగా ఉంటోన్న విషయం తెలిసిందే. అయితే ఈ విషయంపై స్పందిస్తూ.. ‘స్నేహానికి .. ప్రేమకి మధ్య చాలా తేడా వుంది. శింబు మంచి స్నేహితుడు .. నా వ్యక్తిగత విషయాలను నేను తనతో షేర్ చేసుకుంటాను. ఆయన సలహాలు .. సూచనలు తీసుకుంటాను. ఏ సాయం కోసమైనా .. ఏ సమయంలోనైనా ఆయనకి ఫోన్ చేసి మాట్లాడేంత చనువు వుంది. ఎదుటివారి కష్ట సుఖాలను అర్థం చేసుకోగల మంచి మనసు శింబుకి వుంది. ఎదుటివారి సమస్యలకి తగిన పరిష్కారాలు సూచించగలగడంలో ఆయన ముందుటాడు. అలాంటి వ్యక్తి నా జీవితంలో ఉండాలనే నేను కోరుకుంటున్నాను’ అని అన్నారు.

తమిళసినిమా: అలాంటి వారు నా చిత్రాన్ని చూడొద్దు అంటోంది నటి ఓవియ. కలవాణి చిత్రంతో కోలీవుడ్‌కు దిగుమతి అయిన మలయాళీ కుట్టి ఈ అమ్మడు. ఆ చిత్రంలో విమల్‌కు ప్రేమికురాలిగా నటించి మంచి పేరు తెచ్చుకున్న ఓవియా ఆ తరువాత కొన్ని చిత్రాల్లో నటించినా పెద్దగా సక్సెస్‌ కాలేదు. అలాంటిది బిగ్‌బాస్‌ రియాలిటీ గేమ్‌ షోలో పాల్గొని సంచలన నటిగా చాలా పాపులర్‌ అయ్యింది.  తాజాగా కథానాయకిగా బిజీ అయిపోయింది. లారెన్స్‌తో కాంచన–2, 90 ఎంఎల్‌ వంటి సంచలన చిత్రాల్లో నటిస్తోంది. ఈ రెండు చిత్రాలు నెల రోజుల గ్యాప్‌లో విడుదలకు సిద్ధం అవుతున్నాయి. ముఖ్యంగా 90 ఎంఎల్‌ చిత్రంపై వివాదం చెలరేగుతోంది. అందుకు కారణం ఈ చిత్ర ట్రైలర్‌లో ఓవియా మద్యం సేవించడం, సిగరెట్లు తాగడం వంటి సన్నివేశాలు చోటు చేసుకోవడమే. దీనికి సంచలన నటుడు శింబు సంగీ తాన్ని అందించారు. చిత్రం మార్చిలో తెరపైకి రానుంది. వ్యతిరేకతపై నటి ఓవియా స్పందిస్తూ పాటలు, ట్రైలర్‌ను చూసి చిత్రాన్ని అంచనా వేయరాదని పేర్కొంది. చిత్రం విడుదలైన తరువాత అభిమానుల మధ్య తానీ చిత్రాన్ని చూడాలని నిర్ణయించుకున్నట్లు చెప్పింది. కారణం చిత్రం బాగుం టుందని, మహిళల సహజమైన జీవన విధానంలో వారి భావాలను ఆవిష్కరించే చిత్రంగా 90 ఎంఎల్‌ చిత్రం ఉంటుందని పేర్కొంది. అయితే సంస్కృతిపై నమ్మకం లేకపోతే పురుషాధిక్యం కోరుకునే వారెవరూ తన చిత్రాన్ని చూడవద్దు అని అంది. కాగా 90 ఎంఎల్‌ చిత్రానికి సెన్సార్‌ బోర్డు సభ్యులు ఏ సర్టిఫికెట్‌ను ఇచ్చారన్నది గమనార్హం.

చెన్నై : తమిళ హీరోయిన్‌ ఓవియాపై ప్రస్తుతం ఆమె అభిమానులతో పాటు, సినీ విమర్శకులు కూడా తీవ్ర ఆగ్రహం వ్యక్తం చేస్తున్నారు. నీ నుంచి ఇలాంటి సినిమాలు ఊహించలేదు అంటూ విమర్శిస్తున్నారు. ఇంతకీ విషయమేమిటంటే.. ఓవియా నటించిన 90 ఎంఎల్‌ అనే సినిమా ట్రైలర్‌ను శనివారం విడుదల చేసింది చిత్రబృందం. మొదట వుమెన్‌-సెంట్రిక్‌గా తెరకెక్కుతున్న సినిమాగా 90ఎంఎల్‌ను ప్రచారం చేశారు. అయితే ట్రైలర్‌ చూసిన ప్రేక్షకులు మాత్రం.. ‘ఇది చాలా చెండాలంగా ఉంది. మీరు అడల్డ్‌ సినిమా చేయడమేమిటి’ అని ఓవియాపై అసహనం వ్యక్తం చేస్తున్నారు. ‘యువతను పెడదారి పట్టించి డబ్బులు సంపాదించడానికి ఇలాంటి సినిమాలు తీయడం నిజంగా బాధాకరం. ఇలాంటి వాటిని నిషేధించాలి. నువ్వు అందరిలాంటి దానివి కాదు. ఎంతోమంది యువతులు నిన్ను అనుకరిస్తారు. అలాంటి వారికి నువ్విచ్చే సందేశం ఇదేనా. సారీ ఓవియా చాలా అప్‌సెట్‌ అయ్యాం’ అని ట్విటర్‌ వేదికగా ఆమెను విమర్శిస్తున్నారు. కాగా అభిమానుల కామెంట్లకు స్పందించిన ఓవియా.. ‘చూడండి. పండు రుచి చూడబోతూ విత్తనం ఎలా ఉంటుందో నిర్ణయించేయకండి. సినిమా విడులయ్యేదాకా ఆగండి. అప్పటి వరకు ఈ ట్రైలర్‌ ఎంజాయ్‌ చేయండి’ అని విషయాన్ని చాలా లైట్‌ తీసుకుంది. ఇక తమిళ బిగ్‌బాస్‌ షో ద్వారా ప్రాచుర్యం పొందిన ఓవియా నిరంతరం ఏదో ఒక కారణంతో నిరంతరం వార్తల్లో నిలుస్తూనే ఉంది.  ఆ షోలో తనతో పాల్గొన్న ఆరవ్‌తో ఈమె ప్రేమలో పడినట్లుగా వదంతులు ప్రచారమవుతున్నాయి. అయితే అదేమీ లేదని ఓవియా కొట్టిపారేసింది. ప్రస్తుతం 90 ఎంఎల్‌తో పాటుగా కలవాని-2, కాంచన-3 చిత్రాల్లో ఆమె నటిస్తోంది. இந்த மாதிரி படங்கள் தமிழ் சினிமாவின் சாபக்கேடு @itisprashanth ...I feel sad & angry people indulging in making such cinema to make money by titillating the youth. Down down such vulgar & crude films. Sorry to say this but I am so upset seeing these scenes #90MLTrailer ✍️✍️✍️👎👎 https://t.co/rmJylaUsEr — Dhananjayan BOFTA (@Dhananjayang) February 8, 2019 Actress @OviyaaSweetz is not just any other star . So many young girls follow her closely and are getting inspired by her. A movie like this - Only will guide them in the wrong direction. Sorry Oviya - Expected much more from you !! #90MLTrAiler — Prashanth Rangaswamy (@itisprashanth) February 8, 2019