సాక్షి, వైఎస్సార్: పులివెందులలోని భాకరాపురం క్యాంపు కార్యాలయంలో వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి.. కార్యకర్తలు, ప్రజలు, నేతలు, అభిమానులతో మమేకమయ్యారు. వారి బాధలు, కష్టాలు, సమస్యలు వింటూ నేనున్నాను అంటూ భరోసాతో పాటు ధైర్యాన్ని కల్పించారు. వివిధ ప్రాంతాల నుంచి వచ్చిన వారిని ఆప్యాయంగా పలకరించి, యోగక్షేమాలు తెలుసుకుని, వారి సమస్యలు ఓపిగ్గా విని, వారికి భరోసా కల్పించారు.కూటమి ప్రభుత్వం చాలా దారుణంగా వ్యవహరిస్తోందని, అరాచక పాలన సాగిస్తోందని, అకారణంగా దాడులు చేస్తున్నారని పలువురు వైఎస్సార్‌సీపీ నేతలు, కార్యకర్తలు వైఎస్‌ జగన్‌ వద్ద వాపోయారు. దీనికి ఆయన స్పందిస్తూ.. ఎవరూ అధైర్యపడొద్దని, మంచి రోజులు వస్తాయని, సమస్యలు శాశ్వతం కాదంటూ భరోసా కల్పించారు. త్వరలోనే మన ప్రభుత్వం మళ్లీ వస్తుందని, అప్పుడు అందరికీ మంచి జరుగుతుందని చెప్పారు. టీడీపీ అరాచకాలను పార్టీ శ్రేణులు ధైర్యంగా ఎదుర్కోవాలని ఆయన సూచించారు.కష్టాలు ఎల్లకాలం ఉండవని, ప్రతి ఒక్కరూ పోరాట పంథాను ఎంచుకుని ముందుకు సాగాలని పార్టీ శ్రేణులకు ఆయన పిలుపునిచ్చారు. ఇటీవల హింసాత్మక రాజకీయాలకు పాల్పడుతున్న కూటమి నేతల తీరుపై ఆయన ఆగ్రహం వ్యక్తం చేశారు. ఈ సందర్భంగా పులివెందులలోని క్యాంపు కార్యాలయం కార్యకర్తలు, పార్టీ శ్రేణులు, ప్రజలతో కిక్కిరిసిపోయింది. కష్టకాలంలో పార్టీ కార్యకర్తలకు నేతలు అండగా నిలబడాలని వైఎస్సార్‌ కాంగ్రెస్‌ పార్టీ ప్రజాప్రతినిధులకు శ్రీ వైయస్‌ జగన్‌ సూచించారు.ఆపన్నులకు అండగావివిధ సమస్యలతో బాధపడుతున్న పలువురు వైఎస్‌ జగన్‌ వద్ద వారి సమస్యలు విన్నవించుకున్నారు. వారి సమస్యలను ఆలకించిన ఆయన వారికి అన్నలా అండగా ఉంటానని ధైర్యాన్నిచ్చారు. స్వయంగా పరిష్కరించగల వాటికి తక్షణమే స్పందించారు. వారి సమస్య పరిష్కారానికి ఏమి చెయ్యాలో పక్కనే ఉన్న కడప ఎంపీ వైఎస్‌ అవినాష్‌రెడ్డికి సూచించారు. ప్రభుత్వం నుంచి తమకు ఎలాంటి మేలు ఒకటి కూడా జరగలేదని వచ్చిన వారంతా తమ గోడు వెళ్ళబోసుకున్నారు. అన్ని వర్గాలకు వైఎస్సార్‌ కాంగ్రెస్‌ పార్టీ అండగా ఉంటుందని భరోసానిచ్చిన వైఎస్‌ జగన్, వారి పక్షాన ప్రభుత్వాన్ని నిలదీస్తామన్నారు. ప్రజల నడ్డి విరుస్తున్న విద్యుత్‌ ఛార్జీలపై ప్రజల పక్షాన వైఎస్సార్ కాంగ్రెస్‌ పార్టీ పోరాటం చేస్తుందని, రేపు రాష్ట్రవ్యాప్తంగా ఆందోళన కార్యక్రమాలకు పిలుపునిచ్చిందని ఆయన అన్నారు.

సాక్షి, హైదరాబాద్‌: ప్రజాదర్బార్‌ (ప్రజావాణి)లో ప్రధానంగా చాలామంది తమకు ఉద్యోగాలు ఇవ్వాలని, భూ సమస్యలు పరిష్కరించాలని, ఇళ్లు కేటాయించాలని ప్రభుత్వం దృష్టికి తీసుకొస్తున్నారు. సోమవారం మహాత్మా జ్యోతిబా పూలే ప్రజాభవన్‌లో నిర్వహించిన ప్రజాదర్బార్‌కు విజ్ఞాపన పత్రాలతో ప్రజలు భారీగా తరలివచ్చారు. ఐటీ, పరిశ్రమలశాఖ మంత్రి డి.శ్రీధర్‌ బాబు వినతులు స్వీకరించారు. ఈ సందర్భంగా శ్రీధర్‌బాబు మాట్లాడుతూ, ప్రభుత్వం అందరికీ న్యాయం చేస్తుందని భరోసానిచ్చారు. దరఖాస్తుదారులు తమ విజ్ఞాపనపత్రంలో సమస్యతోపాటు అడ్రస్, ఫోన్‌ నంబర్‌ను రాయాలని సూచించారు. తద్వారా దరఖాస్తుదారుల సమస్యను క్షుణ్ణంగా పరిశీలించి పరిష్కరించేందుకు వీలవుతుందన్నారు.  జెన్‌కో పరీక్ష వాయిదాపై సీఎంతో మాట్లాడతాః మంత్రి శ్రీధర్‌బాబు  ఈ నెల 17న నిర్వహించనున్న జెన్‌కో ఏఈ పరీక్షను వాయిదా వేయాలని అభ్యర్థులు విజ్ఞప్తి చేశారు. అదే రోజు రెండు, మూడు పరీక్షలు ఉన్నట్లు అభ్యర్థులు వివరించారు. ఈ అంశాన్ని ముఖ్యమంత్రి రేవంత్‌ రెడ్డి దృష్టికి తీసుకు వెళ్లనున్నట్లు మంత్రి తెలిపారు. సంబంధిత అధికారులతో చర్చించి పరీక్ష వాయిదాపై ప్రభుత్వం నిర్ణయం తీసుకోనున్నట్లు తెలిపారు. తమకు ఇచ్చే గౌరవ వేతనాన్ని ప్రతి నెలా రెగ్యులర్‌ గా ఇవ్వాలని మధ్యాహ్న భోజన వంట కారి్మకులు విజ్ఞాపన పత్రం అందజేశారు. జీహెచ్‌ఎంసీ కమిషనర్‌ రోనాల్డ్‌ రాస్, ఆయుష్‌ విభాగం డైరెక్టర్‌ హరిచందన, సీనియర్‌ ఐఏఎస్‌ అధికారి ముషారఫ్‌ అలీ, హైదరాబాద్‌ కలెక్టర్‌ అనుదీప్‌ దురిశెట్టి, ఖైరతాబాద్‌ జోనల్‌ కమిషనర్‌ వెంకటేష్‌ దోత్రి పాల్గొన్నారు.  ఇప్పటివరకు 4,471 వినతులు  సీఎం రేవంత్‌ రెడ్డి ఈ నెల 8వ తేదీన మహాత్మా జ్యోతిబా పూలే ప్రజాభవన్‌లో ప్రారంభించిన ప్రజాదర్బార్‌కు విశేష స్పందన లభిస్తోంది. ప్రజలు వివిధ రకాల సమస్యలపై వినతి పత్రాలను సమర్పించేందుకు ప్రజా భవన్‌ కు పెద్ద ఎత్తున చేరుకుంటున్నారు. ఈ కార్యక్రమం ప్రారంభించిన నాటి నుంచి సోమవారం వరకు మొత్తం 4,471 వినతి పత్రాలు అందాయి. డబుల్‌ బెడ్‌ రూమ్‌ ఇళ్లు, పింఛన్లకు సంబంధించిన వినతి పత్రాలే ఎక్కువగా ఉన్నాయి. సోమవారం నిర్వహించిన ప్రజా దర్బార్‌ కార్యక్రమంలో 1,143 వినతి పత్రాలు అందినట్లు ప్రజా భవన్‌ అధికార వర్గాలు తెలిపాయి. 

సాక్షి, హైదరాబాద్‌: రైతుల బ్యాంకుఖాతాల్లో రైతుబంధు నిధులు జమ చేసే ప్రక్రియ మంగళవారం నుంచి ప్రారంభించాలని ముఖ్యమంత్రి రేవంత్‌రెడ్డి అధికారులను ఆదేశించారు. వ్యవసాయశాఖపై సోమవారం ఆయన డాక్టర్‌ బీఆర్‌.అంబేడ్కర్‌ తెలంగాణ సచివాలయంలో ఉన్నతస్థాయి సమీక్ష సమావేశం నిర్వహించారు. వ్యవసాయశాఖ మంత్రి తుమ్మల నాగేశ్వరరావు, రాష్ట్ర పరిశ్రమలు, ఐటీశాఖ మంత్రి దుద్దిళ్ల శ్రీధర్‌ బాబు, రాష్ట్ర రెవెన్యూ శాఖ మంత్రి పొంగులేటి శ్రీని వాసరెడ్డి, ప్రభుత్వ ప్రధాన కార్యదర్శి శాంతి కుమారి, ఆర్థికశాఖ ప్రత్యేక ప్రధాన కార్యదర్శి రామకృష్ణారావు, సీఎంఓ కార్యదర్శి శేషాద్రి, వ్యవసాయశాఖ కార్యదర్శి రఘునందన్‌రావు తదితర అధికారులు పాల్గొన్నారు. 3 గంటల పాటు జరిగిన ఈ సమీక్ష సమావేశంలో వ్యవసాయశాఖ, సంబంధిత విభాగాల పనితీరు, రైతు సంక్షేమ కార్యక్ర మాల అమలుపై విస్తృతంగా చర్చించారు. ఈ సందర్భంగా సీఎం రేవంత్‌రెడ్డి మాట్లాడుతూ ఏ ఒక్క రైతుకు ఇబ్బంది కలగకుండా పంట పెట్టుబడిసాయం అందించాలన్నారు. రైతుబంధు నిధులను రైతుల ఖాతాల్లో జమచేసే విధానం గతంలో ఉన్న మాదిరిగానే కొనసాగించాలని ఆయన స్పష్టం చేశారు. 68.99 లక్షల మంది రైతులకు రైతుబంధు సాయం అందనుంది. ఎన్నికల సమయంలో ఇచ్చిన హామీ మేరకు రైతులకు రెండు లక్షల మేరకు రుణమాఫీ చేసేందుకు తగిన కార్యాచరణ ప్రణాళిక రూపొందించాలని ఉన్నతాధికారులను సీఎం ఆదేశించారు. వారానికి రెండ్రోజులు ప్రతి మంగళ, శుక్రవారాల్లో  ఉదయం 10గంటల నుంచి మధ్యాహ్నం  ఒంటిగంట వరకు   ప్రజాదర్బార్‌ప్రజావాణిగా మార్పు  ప్రజాదర్బార్‌ను ఇకనుంచి ప్రజావాణిగా పిలవాలని సీఎం ఆదేశించారు. దీనిని ప్రతీ మంగళ, శుక్రవారాల్లో ఉదయం 10 గంటల నుంచి మధ్యాహ్నం ఒంటిగంట వరకు నిర్వహిస్తామన్నారు. ప్రజావాణికి ఉదయం 10లోగా జ్యోతిరావు పూలే ప్రజాభవన్‌కు చేరుకున్న వారికి అవకాశం ఇవ్వాలని సూచించారు. వికలాంగులు, మహిళలకు ప్రత్యేక క్యూలు ఏర్పాటు చేయాలని, తాగునీరు, ఇతర సౌకర్యాలు కల్పించాలని సీఎం ఆదేశించారు. తొలి ప్రజాదర్బార్‌ శుక్ర వారం నిర్వహించగా,  ఆ తర్వాత రెండు రోజులు శని ఆదివారాలు సెలవు కావడంతో ప్రజా దర్బార్‌ నిర్వహించలేదు, సోమ వారం ప్రజా దర్బార్‌ ఉన్నా, సీఎం రేవంత్‌రెడ్డి కాకుండా ఐటీ మంత్రి  శ్రీధర్‌ బాబు నిర్వహించారు, ఇకపై దీనికి ఎవరెవరు హాజరవుతారనే దానిపై ఇంకా స్పష్టత రాలేదు. సీఎం ప్రజావాణికి హాజరై విజ్ఞప్తులు స్వీకరిస్తే అవి త్వరితగతిన పరిష్కారం అవుతాయన్న అభిప్రాయం వ్యక్తమవుతోంది.  

ఎనిమిదిన్నర ఏండ్ల ప్రధాని నరేంద్ర మోదీ పాలనలో ప్రజలకు మేలు చేసిన పని ఒకటి కూడా లేదనే చెప్పాలి. అధికారంలోకి వచ్చినప్పటి నుండి దేశ ప్రజలపై మోయలేని భారాలు వేసి కడ గండ్లపాలు చేశారు.  బీజేపీ సర్కార్‌ తీసుకున్న అనాలోచిత నిర్ణయాలు, దివాలాకోరు ఆర్థిక విధానాలు దేశాన్ని అధోగతిలోకి నెట్టాయి. ఈరోజు దేశంలో ఆర్థిక వ్యవస్థ పతనానికి బీజేపీ ప్రభుత్వ ఆర్థిక విధానాలే ప్రధాన కారణం. 2016లో పెద్ద నోట్లను అకస్మాత్తుగా రద్దు చేస్తూ కేంద్రం నిర్ణయం తీసుకోవడం వల్ల దేశ ఆర్థిక వ్యవస్థ కుప్పకూలింది.  ఏటా రెండు కోట్ల మంది నిరుద్యోగులకు కొలువులు ఇస్తామని హామీ ఇచ్చి గద్దెనెక్కిన బీజేపీ ప్రభుత్వం ఈ దేశ నిరుద్యోగ యువతను నిండా ముంచింది. ఎనిమిదిన్నర ఏండ్లలో ఇవ్వాల్సిన 16.05 కోట్ల ఉద్యోగాల లెక్క చెప్ప మని ప్రశ్నిస్తే పకోడీలు, బజ్జీల బండ్లు పెట్టుకొని అమ్ము కోండని చెప్తున్నారు. కేంద్ర ప్రభుత్వ పరిధిలో ఉన్న వివిధ శాఖల్లో ఖాళీగా ఉన్న 16 లక్షలకు పైగా ఉన్న పోస్టులను భర్తీ చేయకుండా కాలం గడుపుతూ దగా చేస్తున్నారు. అంతే కాకుండా ప్రభుత్వ రంగ సంస్థలన్నింటినీ హోల్‌ సేల్‌గా బడా కార్పొరేట్‌లకు అమ్మేస్తున్నారు. డిజిన్వెస్ట్‌మెంట్‌ పేరుతో 35 సంస్థలను 3 లక్షల 72 వేల కోట్ల రూపాయల విలువైన ఆస్తులను అమ్మేశారు. బ్యాంకులకు వేలకోట్లు ఎగవేసిన కార్పొరేట్‌ పెద్దలపై మోదీ సర్కార్‌ జాలి పడి ఏకంగా 12 లక్షల కోట్ల రుణాలను రైటాఫ్‌ చేసి వాళ్ళ రుణం తీర్చుకుంది. కానీ ఓట్లేసి గెలి పించిన సామాన్య ప్రజలకు ఆసరాని ఇచ్చే అనేక సంక్షేమ పథకాలను ఉచితాలుగా ప్రచారం చేస్తూ వాటిని రద్దు చేయించడానికి ప్రయత్నిస్తున్నది. చివరకు నిత్యావసర వస్తువులైన పాలు, పెరుగు, పప్పు, ఉప్పు తదితర వస్తు వులపైన కూడా జీఎస్టీని పెంచి సామాన్యుల బ్రతుకులను దుర్భరంగా మార్చారు. 2014 లో రూ. 410 ఉన్న గ్యాస్‌ సిలిండర్ల ధర ఇప్పుడు రూ. 1100 దాటింది. అడ్డగోలుగా ఎక్సైజ్‌ సెస్సులు వడ్డించి పెట్రోల్, డీజిల్‌ ధరలను హద్దు పద్దు లేకుండా పెంచి ఎనిమిదేండ్లలో 30 లక్షల కోట్ల రూపాయలను ప్రజల నుండి వసూలు చేశారు. ఎస్సీ, ఎస్టీ, బీసీ, మైనారిటీ యువతకు రిజర్వేషన్‌ కోటాకు గండికొట్టారు. హైదరాబాద్‌ కు ముంజూరైన ఐటీఐఆర్‌ ప్రాజెక్టును రద్దు చేసి లక్షలాది ఐటీ ఉద్యోగాలకు గండి కొట్టి తెలంగాణ యువతకు తీరని ద్రోహం చేసింది మోదీ సర్కార్‌. దేశానికి అన్నం పెట్టే రైతన్నల పొట్ట గొట్టడానికి మూడు వ్యవసాయ నల్ల చట్టాలను తెచ్చి వాటికి వ్యతిరేకంగా ఉద్యమిస్తున్న రైతులను దేశ ద్రోహు లుగా చిత్రించింది. 750 మంది రైతుల మరణాలకు కారణ మైన నల్ల చట్టాలను చివరికి మోదీ సర్కార్‌ ఉపసంహ రించుకుంది. కేంద్రం అసమర్థ ఆర్థిక విధానాల ఫలితంగా మన దేశ రూపాయి విలువ గింగిరాలు తిరిగి 83 రూపాయలకు పడిపోయింది. దీనితో ఆర్థిక వ్యవస్థ అతలాకుతలం అవుతోంది. ‘మేకిన్‌ ఇండియా’ అట్టర్‌ ఫ్లాప్‌ అయ్యింది. దేశం అప్పుల కుప్పగా తయారయ్యింది. స్వతంత్ర భారత దేశంలో 67 ఏండ్ల కాలంలో పాలించిన ప్రధానులందరూ చేసిన అప్పు రూ. 55.87 లక్షల కోట్లు. 2014 లో మోదీ అధికారంలోకి వచ్చిన తర్వాత ఈ ఎని మిదిన్నర ఏండ్లలో చేసిన అప్పు అక్షరాల 80 లక్షల కోట్లు. ఇప్పుడు మొత్తం దేశం అప్పు రూ. 135.87 లక్షల కోట్లకు చేరుకుంది. అంతర్జాతీయ ఆకలి సూచిలో భారతదేశ ర్యాంక్‌ దారుణంగా దిగజారి 107వ స్థానానికి చేరుకుంది. మన చుట్టూ ఉన్న దేశాల కంటే మన దేశంలోనే ఆకలితో అలమటించే వారు ఎక్కువని ఈ ర్యాంక్‌ స్పష్టం చేస్తోంది. రైతుల వ్యవసాయ బావుల మోటార్లకు మీటర్లు పెట్టాలని నెల నెలా రైతులు కరెంట్‌ బిల్లులు కట్టాల్సిందేనని రాష్ట్రాల మెడల మీద కత్తి పెట్టి బెదిరి స్తుంది మోదీ సర్కార్‌. ఉచిత విద్యుత్తును రైతులకు ఇవ్వొ ద్దని ఆదేశిస్తున్నది. కృష్ణా నది జలాల్లో తెలంగాణ వాటా తేల్చకుండా రాజకీయం చేస్తూ రెండు రాష్ట్రాల మధ్య తగువు పెంచుతోంది.  దేశంలో కొత్తగా 157 మెడికల్‌ కాలేజీలను మంజూరు చేసిన మోదీ ప్రభుత్వం అందులో ఒక్కటంటే ఒక్కటి కూడా తెలంగాణకు ఇవ్వకపోవడం కేంద్రం వివక్షకు సంకేతం. ప్రతి జిల్లాకు ఒక నవోదయ పాఠశాల ఇవ్వాలని చట్టం చెబుతున్నా తెలంగాణ లోని కొత్త జిల్లాల్లో ఒక్క నవోదయ పాఠశాల కూడా ఏర్పాటు చేయకుండా కక్ష పూరితంగా వ్యవహరించింది. ఎనిమిదిన్నరేండ్లలో ఐఐటీ, ఐఐఎం, ట్రిపుల్‌ ఐటీ లాంటి 36 ప్రీమియర్‌ విద్యాసంస్థలను వివిధ రాష్ట్రాల్లో నెలకొల్పిన కేంద్రం తెలంగాణలో ఒక్క ఉన్నత విద్యాసంస్థను కూడా ఏర్పాటు చేయలేదు. విభజన చట్టం ప్రకారం ట్రైబల్‌ వర్సిటీ ఏర్పాటు చేయాల్సి ఉండగా కొర్రీలు పెడుతూ, జాప్యం చేస్తూ రాష్ట్ర విద్యార్థులకు అన్యాయం చేస్తున్నది. కాజీపేట కోచ్‌ ఫ్యాక్టరీ విషయంలో మోసానికి పాల్పడింది మోదీ సర్కారు. ఇక్కడ పెట్టాల్సిన కోచ్‌ ఫ్యాక్టరీని వేరే చోటుకు తరలించి రాష్ట్రంలోని ప్రజల దశాబ్దాల కలల్ని కాల్చేసింది. బయ్యారం ఉక్కు ఫ్యాక్టరీ పై అబద్ధాలు చెబుతూ ఫ్యాక్టరీ పెట్టడం కుదరదని చావు కబురు చల్లగా చెప్పారు. గిరిజన ప్రజల ఆశల్ని అవకాశాల్ని ఆవిరి చేశారు. పక్క రాష్ట్రాల ప్రాజెక్టులకు జాతీయ హోదా ఇస్తున్న కేంద్రం పాలమూరు రంగారెడ్డి, కాళేశ్వరం ప్రాజెక్టులకు హోదా అడిగితే కుదరదని చెప్పి తెలంగాణ రైతాంగంపై పగ పట్టినట్టు వ్యవహరిస్తున్నారు కేంద్ర పెద్దలు. వెనుకబడిన జిల్లాల అభివృద్ధి నిధులను ఎగ్గొడుతూ బకాయిల్ని విడుదల చేయకుండా తప్పించుకు తిరుగుతున్నది మోదీ ప్రభుత్వం. 9, 10 షెడ్యూళ్లలోని సంస్థలను విభజించకుండా నాన్చుతూ రెండు రాష్ట్రాల మధ్య చిచ్చుపెట్టి చోద్యం చూస్తున్నది. ఈ విధంగా మోదీ ప్రభుత్వం ప్రజా వ్యతిరేక విధానాలను అవలంభిస్తూ ఇచ్చిన హామీలు నెరవేర్చ కుండా మత విద్వేషాలను రెచ్చ గొడుతూ పబ్బం గడుపుకుంటున్నది. ప్రజలు ఎన్నుకున్న బీజేపీయేతర రాష్ట్ర ప్రభుత్వాలను కూల్చడానికి ప్రయత్నిస్తున్నారు. తమను వ్యతిరేకించిన వారిని ఈడీ, సీబీఐ లాంటి దర్యాప్తు సంస్థలను ఉసిగొల్పి కేసులు పెట్టి వేధించి లొంగదీసు కుంటున్నారు. బీజేపీ యేతర రాష్ట్ర ప్రభుత్వాలను గవర్నర్ల ద్వారా అనేక ఇబ్బందులు పెడుతున్నారు. ఒకే భాష, ఒకే మతం, ఒకే ఎన్నిక, ఒకే పార్టీ ఉండాలనే లక్ష్యంతో ఫాసిస్టు పోకడలతో మోదీ ఈ ఎనిమిదిన్నర సంవత్సరాలు పాలన సాగిస్తూ వచ్చారు. తెలంగాణ రాష్ట్రానికి ఏ విధమైన సహాయం అందిం చకపోగా ఈ ప్రభుత్వాన్ని అక్రమ పద్ధతుల్లో పడగొట్టడానికి ఢిల్లీ బ్రోకర్ల ద్వారా వందల కోట్ల రూపాయలతో ఎమ్మె ల్యేలకు ఎరజూపి ప్రజాస్వామ్యాన్ని అపహాస్యం చేస్తున్న క్రమంలో ఆ దొంగలు బయటపడ్డారు. తమ పప్పులు ఉడకకపోవడంతో గవర్నర్‌ని ఉపయోగించి ప్రభుత్వాన్ని అస్థిర పరిచేందుకు కుట్రలు పన్నుతున్నారు. (క్లిక్ చేయండి: రాష్ట్రాల వృద్ధిలో కేంద్రం పాత్రేమిటి?) ఇది ప్రజాస్వామ్యానికి గొడ్డలిపెట్టు లాంటిది. దీన్ని తిప్పి కొట్టవలసిన సమయం ఆసన్నమైంది. అధికార టీఆర్‌ఎస్‌ ఒక్కటే కాకుండా రాష్ట్రంలోని వామపక్షాలు, అభ్యదయ, లౌకిక శక్తులు అందరినీ కలుపుకొని కేంద్రం మీద యుద్ధభేరి మోగించాలి. అదే సమయంలో రాష్ట్ర ప్రభుత్వం కూడా గతంలో తాను ఇచ్చిన హామీలు, వాగ్దానాలు అమలుకు పూనుకోవాలి. ప్రగతిభవన్‌లో ప్రజా దర్బార్‌ ప్రారంభించాలి. ప్రజల సమస్యలు తెలుసుకోవాలి. ముఖ్యమంత్రిగా కేసీఆర్‌ ఆ బాధ్యతను భుజానికెత్తు కోవాలి. ఇవన్నీ చేసినప్పుడే బీజేపీ ఆటలు సాగకుండా నివారించగలుగుతాము. అదే మనందరి కర్తవ్యం. - జూలకంటి రంగారెడ్డి సీపీఎం రాష్ట్ర కార్యదర్శివర్గ సభ్యులు, మాజీ ఎమ్మెల్యే

సాక్షి, హైదరాబాద్‌ : రాజ్‌భవన్ వేదికగా ప్రజా సమస్యలకు సబంధించిన వినతిపత్రాలు స్వీకరించి... పరిష్కారానికై ప్రత్యేక వ్యవస్థను రూపొందిస్తామని గవర్నర్‌ తమిళిసై సౌందర్‌రాజన్‌ అన్నారు. రాజ్‌భవన్‌లో ప్రజాదర్బార్‌ నిర్వహించిన అనంతరం ఆమె విలేకరులతో మాట్లాడారు. ఈ సందర్భంగా రాష్ట్ర ప్రజలకు తెలుగులో నూతన సంవత్సర శుభాకాంక్షలు తెలిపారు. తెలంగాణ ప్రజలు మంచి మనస్సు ఉన్నవాళ్లని... పోరాడి ప్రత్యేక రాష్ట్రాన్ని సాధించుకున్నారని కొనియాడారు. ఈ కొత్త సంవత్సరంలో ప్రజలంతా అభివృద్ధి, సుఖ, సంతోషాలతో, ఆయురారోగ్యాలతో ఉండాలని ఆకాంక్షించారు.  అదే విధంగా గవర్నర్‌గా వంద రోజులు పూర్తి చేసుకున్నందుకు సంతోషంగా ఉందని తమిళిసై హర్షం వ్యక్తం చేశారు. వంద రోజుల పాలనపై రాష్ట్రపతికి నివేదిక ఇచ్చానని తెలిపారు. తెలంగాణ ప్రభుత్వం ఇరిగేషన్, వ్యవసాయ విద్యారంగాల్లో అభివృద్ధి దిశగా పనిచేస్తోందని నివేదికలో తెలిపినట్లు పేర్కొన్నారు. 2019లో బతుకమ్మ ఆటలు, గిరిజనులతో మమేకం కావడం సంతృప్తినిచ్చాయని సంతోషం వ్యక్తం చేశారు. ఇటీవల సందర్శించిన గిరిజనులను రాజ్ భవన్‌కు ఆహ్వానించానని తెలిపారు. రక్తదానం కోసం యాప్‌ను అందుబాటులోకి తీసుకొచ్చామన్నారు. రెడ్‌క్రాస్‌తో కలిసి దీనిని సంయుక్తంగా నిర్వహిస్తున్నామని తెలిపారు.15 లక్షల మంది ఇందులో సభ్యులుగా ఉండడం సంతోషమన్నారు.

సాక్షి, హైదరాబాద్‌: సామాన్య ప్రజల సమస్యలను తెలుసుకునేందుకు తెలంగాణలో ప్రజా దర్బార్‌ను ఏర్పాటు చేయాలని ఎప్పటి నుంచో ప్రతిపాదనలు వినిపిస్తోన్న విషయం తెలిసిందే. తాజాగా దీనికి నూతన గవర్నర్‌ తమిళిసై సౌందరరాజన్‌ సానుకూలంగా ఉన్నట్లు తెలుస్తోంది. ఈ మేరకు వారానికోసారి సామాన్య ప్రజల కోసం ప్రజా దర్బార్‌ను ఏర్పాటు చేయాలని కోరుతూ.. ఎంబీటీ నేత అమ్జద్‌ ఉల్లాఖాన్‌ గవర్నర్‌కు విజ్ఞప్తి చేశారు. అయితే దీనికి వెంటనే స్పందించిన తమిళిసై.. ‘మీ ప్రతిపాదనకు నా ధన్యవాదాలు. ఈ విషయం నా దృష్టిలో కూడా ఎప్పటి నుంచో పరిశీలనలో ఉంది’ అంటూ రిప్లే ఇచ్చారు. దీంతో త్వరలోనే ప్రజాదర్బార్‌ కార్యక్రమానికి శ్రీకారం చుడతారని తెలుస్తోంది.

సాక్షి, అమరావతి: త్వరలో అసెంబ్లీ సమావేశాలు ప్రారంభం కానుండడంతోపాటు ముఖ్యమంత్రిని కలుసుకునేందుకు వచ్చే ప్రజల కోసం ఇంకా కొన్ని సదుపాయాలు కల్పించాల్సి ఉండడంతో ప్రజాదర్బార్‌ కార్యక్రమాన్ని వాయిదా వేసినట్లు అధికార వర్గాలు వెల్లడించాయి. రాష్ట్ర ప్రజలు ఈ విషయాన్ని గమనించాలని విజ్ఞప్తి చేశాయి. ప్రజలను ప్రత్యక్షంగా కలుసుకుని, వారి సమస్యలను స్వయంగా తెలుసుకునేందుకు ముఖ్యమంత్రి వైఎస్‌ జగన్‌మోహన్‌రెడ్డి ప్రజాదర్బార్‌ను నిర్వహించ తలపెట్టిన సంగతి తెలిసిందే. శాసనసభ సమావేశాల తర్వాత ప్రజా దర్బార్‌ ప్రారంభం కానున్నట్లు సమాచారం. జూలై 1వ తేదీ నుంచి ప్రజాదర్బార్‌ జరుగుతుందని మీడియాలో ప్రచారం సాగుతోందని, అది సరికాదని మంత్రి కురసాల కన్నబాబు చెప్పారు. అసెంబ్లీ సమావేశాలు మొదలైతే ముఖ్యమంత్రి ప్రతిరోజూ ఉదయం 8.30 గంటలకే అసెంబ్లీకి వెళ్లాల్సి ఉంటుందని, ఈలోగా ప్రజలను కలుసుకుని, విజ్ఞప్తులు స్వీకరించడం కష్టం అవుతుందని అన్నారు. ముఖ్యమంత్రిని కలుసుకోవడానికి వచ్చే ప్రజల కోసం మౌలిక వసతులు కల్పించాల్సి ఉందని, ఇతర ఏర్పాట్లు చేయాల్సి ఉందని, అవన్నీ పూర్తయ్యాక ప్రజా దర్బార్‌ ప్రారంభిస్తారని తెలిపారు. 

కడప కార్పొరేషన్‌: కడప పార్లమెంటు సభ్యుడు వైఎస్‌ అవినాష్‌రెడ్డి సోమవారం కడపలో బిజీ బిజీగా గడిపారు. సోమవారం ఉదయం 7 గంటలకే కడపలోని వైఎస్‌ఆర్‌సీపీ కార్యాలయానికి చేరుకున్న ఆయన తొలుత జర్నలిస్టులతో ముఖాముఖి నిర్వహించారు. అనంతరం ప్రజా దర్భార్‌ నిర్వహించి ప్రజల నుంచి వినతులు స్వీకరించారు. ఈ సందర్భంగా మాట్లాడుతూ  వైఎస్సార్‌సీపీ ఎన్నికల హామీల్లో ఒకటైన రాజోలి ఆనకట్ట నిర్మాణం పూర్తి చేసేందుకు నివేదికలు సిద్ధం చేయాలని,అలాగే  కుందూ–సర్వరాయసాగర్‌ లిఫ్ట్‌ ఇరిగేషన్‌ పనుల పూర్తికి ప్రణాళికలు తయారు చేయాలని తెలుగుగంగ ఎస్‌ఈ  శారదను ఆదేశించారు. విజయవాడలో ఈనెల 15, 16, 17 తేదీల్లో నిర్వహించనున్న స్వరూపానందస్వామి బాల సన్యాస దీక్ష కార్యక్రమానికి హాజరు కావాలని ఏíపీ బీఎస్‌ఎస్‌ఎస్‌ నాయకులు ఎంఎల్‌ఎన్‌ సురేష్‌బాబు, సత్యనారాయణ శర్మ ఆహ్వాన పత్రం అందజేశారు. ఈ కార్యక్రమంలో మేయర్‌ సురేష్‌బాబు పాల్గొన్నారు. తొలుత ఎంపీ వైఎస్‌ అవినాష్‌రెడ్డి కడపలోని జర్నలిస్టులతో మాటామంతి నిర్వహించారు. ఈ సందర్భంగా కడపలోని ప్రధాన సమస్యలను తెలుసుకొని వాటి పరిష్కారానికి సలహాలు, సూచనలు స్వీకరించారు. అనంతరం జర్నలిస్టుల ఇళ్ల స్థలాలు, పక్కాగృహాలు, మౌలిక వసతుల  కల్పన వంటి సమస్యలు తెలుసుకొని వాటి పరిష్కారానికి కృషి చేస్తానని హామీ ఇచ్చారు. ఎంపీని కలిసిన ఆర్‌కే వ్యాలీ మెంటార్స్‌ పదేళ్లుగా పనిచేస్తున్న తమను రెగ్యులర్‌ చేయాలని ట్రిపుల్‌ ఐటీ ఆర్‌కే వ్యాలీకి చెందిన మెంటార్స్‌ కోరారు. సోమవారం వారు కడప ఎంపీ వైఎస్‌ అవినాష్‌రెడ్డిని కలిసి వినతిపత్రం సమర్పించారు. ఈ సందర్భంగా వారు మాట్లాడుతూ దివంగత వైఎస్‌ రాజశేఖర్‌రెడ్డి హయాంలో 2008లో తాము అపాయింట్‌అయ్యామని, తమకంటే వెనుక 2011, 2017లో నియమితులైన వారికి ఎక్కువ జీతభత్యాలు ఇస్తున్నారని, పదేళ్ల సర్వీసు పూర్తి చేసుకున్న తమకు మాత్రం రూ.33వేలే ఇస్తున్నారని వాపోయారు. తమ సర్వీసును రెగ్యులర్‌ చేయాలని హైకోర్టును ఆశ్రయించినా అధికారులు పట్టించుకోలేదని ఆవేదన వ్యక్తం చేశారు. తమ సర్వీసును బ్రేక్‌ చేయడానికే కొత్తగా ఇంటర్వ్యూకు రమ్మని పిలుస్తున్నారని తెలిపారు. దీనిపై ఎంపీ స్పందిస్తూ వైస్‌ చాన్స్‌లర్‌తో ఫోన్‌లో మాట్లాడారు. మెంటార్స్‌ సర్వీసులో ఒక్క రోజు కూడా నష్టం కలగకుండా న్యాయం జరిగేలా చూస్తామని, అవసరమైతే స్పెషల్‌ సెక్రటరీ దృష్టికి తీసుకుపోయి న్యాయం చేస్తామని హామీ ఇచ్చారు. పసుపు పంటకు గిట్టుబాటు ధర కల్పించాలి పసుపు పంటకు గిట్టుబాటు ధర కల్పించాలని ఖాజీపేట మండలం సన్నపల్లెకు చెందిన టీ. రవీంద్రారెడ్డి కోరారు. సోమవారం ఆయన తాము పండించిన పసుపు పంటను ఎంపీ వైఎస్‌ అవినాష్‌రెడ్డికి చూపి గిట్టుబాటు ధర లేదని ఆవేదన వ్యక్తం చేశారు. దివంగత వైఎస్‌ రాజశేఖర్‌రెడ్డి ముఖ్యమంత్రిగా ఉన్న సమయంలో క్వింటాకు రూ.16,500 ఉండేదని, ప్రస్తుతం మూడు వేలు కూడా లేదని తెలిపారు. కనీసం క్వింటాకు రూ.8వేలు గిట్టుబాటు ధర కల్పించాలని కోరారు. అభినందనల వెల్లువ కడప పార్లమెంటు సభ్యుడిగా మూడు లక్షలకు పైగా మెజార్టీతో ఘన విజయం సాధించి మొదటిసారి కడపకు వచ్చిన వైఎస్‌ అవినాష్‌రెడ్డికి పలువురు అధికారులు, అనధికారులు అభినందనలు తెలిపారు. పోలీసు సంఘం రాష్ట్ర గౌరవాధ్యక్షుడు నర్రెడ్డి చంద్రశేఖర్‌రెడ్డి, జిల్లా అధ్యక్షుడు దూలం సురేష్, జిల్లా కార్యదర్శి యోగా రాయల్, పంచాయితీరాజ్‌ ఎస్‌ఈ సుబ్బారెడ్డి, మెప్మా పీడీ ఎన్‌. రాధ, ఏíపీట్రాన్స్‌కో ఎస్‌ఈ శ్రీనివాసులు, డీటీ శోభా వాలంటీనా, డీఈ జగన్‌మోహన్‌రెడ్డి, ఇరిగేషన్‌ అధికారులు, వైఎస్‌ఆర్‌సీపీ ప్రచార విభాగం రాష్ట్ర ప్రధాన కార్యదర్శి తుమ్మలకుంట శివశంకర్, జిల్లా అధికార ప్రతినిధి గుమ్మా రాజేంద్రనాథ్‌రెడ్డి, నగర అధ్యక్షుడు పులి సునీల్‌ కుమార్, ఎస్టీ సెల్‌ జిల్లా అ«ధ్యక్షుడు వేణుగోపాల్‌నాయక్, మహిళా నేతలు బోలా పద్మావతి, టీపీ వెంకటసుబ్బ మ్మ, రత్నకుమారి, 21వ డివిజన్‌ ఇన్‌చార్జి ఐస్‌క్రీం రవి, రైతు విభాగం జిల్లా అధ్యక్షుడు సంబటూరు ప్రసాద్‌రెడ్డి, బీసీసెల్‌ జిల్లా అ«ధ్యక్షుడు బంగారు నాగయ్య, వల్లూరు జెడ్పీటీసీ వీరారెడ్డి, కార్పొరేటర్లు సానపురెడ్డి శివకోటిరెడ్డి, చల్లా రాజశేఖర్, రామలక్ష్మణ్‌రెడ్డి, బండిప్రసాద్, మదన్, ఆలూరు ఖాజా, మాజీ జెడ్పీటీసీ రాజారెడ్డి, చీర్ల సురేష్‌యాదవ్, సంబటూరు ప్రసాద్‌రెడ్డి తదితరులు ఎంపీని కలిసి పుష్ఫగుచ్ఛాలు అందజేసి అభినందనలు తెలిపారు. జమ్మలమడుగు కన్నెలూరుకు చెందిన యాదవ సంఘం అధ్యక్షుడు డి. శ్రీనివాసులు యాదవ్‌ ఎంపీని కలిశారు.

రాష్ట్ర వ్యాప్తంగా సంచలనం సృష్టించిన యాదాద్రి జిల్లా బొమ్మలరామారం మండలం హాజీపూర్‌ గ్రామంలో సైకో కిల్లర్‌ శ్రీనివాసరెడ్డి హత్యాచారాలు వెలుగులోకి రావడంలో రాచకొండ పోలీసు కమిషనరేట్‌ చేపట్టిన ప్రజాదర్బార్‌ పాత్ర కీలకం. శ్రావణి అదృశ్యంపై ఇచ్చిన ఫిర్యాదును బొమ్మల రామారం పోలీసులు తేలిగ్గా తీసుకోవడంతో మొదలైన హాజీపూ ర్‌ గ్రామస్తుల ఆందోళన ‘ప్రజాదర్బార్‌’కు ఫిర్యాదుగా చేరింది. దీంతో వెంటనే అక్కడి ఎస్సై వెంకటేశ్‌ను హెడ్‌క్వార్టర్స్‌కు అటాచ్‌ చేశారు. అదనపు బృందాలతో కేసు విచారణ జరిపి నిందితుడు శ్రీనివాసరెడ్డిని స్వల్ప వ్యవధిలోనే అరెస్టు చేశారు.  రిటైర్డ్‌ కస్టమ్స్‌ ఇన్‌స్పెక్టర్‌ నాగేశ్వరరావుకు కుంట్లూరు గ్రామంలో ఉన్న భూమిని కొంతమంది కబ్జా చేయడంతో ప్రజా దర్బార్‌లో సీపీ మహేష్‌ భగవత్‌ను కలిసి వివరించారు. వెంటనే సీపీ మహేష్‌ భగవత్‌ సంబంధిత పోలీసు అధికారులను కేసు విచారణకు ఆదేశించారు. ఆ ప్లాట్‌ నాగేశ్వరరావు భార్య జ్యోతి పేరుపై ఉండటంతో ఆమె మరణ ధ్రువీకరణ పత్రాన్ని సృష్టించి ఎస్‌ఆర్‌వో కార్యాలయం నుంచి సేల్‌డీడ్‌ సర్టిఫైడ్‌ కాపీలు పొందారు. దీని ద్వారా ఆ ప్లాట్‌ను ఇతరులకు విక్రయించారని విచారణలో తేలడంతో నిందితులను అరెస్టు చేశారు.  సాక్షి, హైదరాబాద్‌: రాచకొండ పోలీసు కమిషనర్‌ నిర్వహిస్తున్న ‘ప్రజాదర్బార్‌’బాధితులకు న్యాయం చేయడంతో పాటు సంచలన కేసుల పరిష్కారానికి వేదికగా మారింది. భూకబ్జాలు, హత్యలతో పాటు వివిధ కేసుల్లో ఠాణాలో న్యాయం జరగని పక్షంలో రాచకొండ పోలీసు కమిషనర్‌ మహేష్‌ భగవత్‌ నిర్వహిస్తున్న ప్రజాదర్బార్‌ తలుపు తడితే విచారణలో వేగం పెరిగి బాధితులకు న్యాయం జరుగుతోంది. ఇలా రాచకొండ కమిషనరేట్‌లో నిర్వహిస్తున్న ప్రజాదర్బార్‌ బాధితులకు ఆపన్నహస్తం అందిస్తోంది. సైబరాబాద్‌ విభజన అనంతరం ఏర్పాటైన ఈ కమిషనరేట్‌లో ఈ ప్రయోగం సత్ఫలితాలిస్తోంది. విభజన అనంతరం విస్తీర్ణపరంగా దేశంలోనే అతిపెద్ద కమిషనరేట్‌గా అవతరించిన నేపథ్యంలో కమిషనర్‌ మహేష్‌ భగవత్‌ ఈ కార్యక్రమాన్ని ప్రారంభించారు. కమిషనరేట్‌లో 3జోన్‌ల ప్రజలకు అందుబాటులో ఉండాలనే ఉద్దేశంతో వారంలో ఒకరోజు ప్రజాదర్బార్‌ నిర్వహించాలని నిర్ణయించారు. ఈ మేరకు ఆయా డీసీపీ కార్యాలయాల్లోనే అందుబాటులో ఉంటూ ఫిర్యాదులను స్వీకరించారు. ఆ ఫిర్యాదులను చట్టపరంగా పరిష్కరించేందుకు చర్యలు తీసుకుంటున్నారు. అయితే గచ్చిబౌలిలోని రాచకొండ పోలీసు కమిషనరేట్‌ కార్యాలయం కొన్ని నెలల క్రితం నేరేడ్‌మెట్‌కు మారినా సీపీ మహేష్‌ భగవత్‌ మాత్రం ప్రతి మంగళవారం ఎల్బీనగర్‌లో ప్రజాదర్బార్‌ను కొనసాగిస్తున్నారు.  మూడేళ్లలో ‘4సీ’కి వచ్చిన ఫిర్యాదులు  591 పోలీసు స్టేషన్‌లలో బాధితులకు న్యాయం జరగని పక్షంలో కమిషనర్‌ను కలిసేందుకు ఉమ్మడి సైబరాబాద్‌ కమిషనరేట్‌లో అప్పటి సీపీ సీవీ ఆనంద్‌ ‘4సీ’సెల్‌ను ఏర్పాటుచేశారు. అప్పట్లో కమిషనర్‌ను నేరుగా కలిసేందుకు అవకాశం ఉండేది కాదు. ఠాణాలో ఎస్‌హెచ్‌వో స్పందించుకుంటే ఆ తర్వాత ఏసీపీ, డీసీపీని కలవాల్సి వచ్చేది. అక్కడా చర్యలు లేకుంటేనే కమిషనరేట్‌లోని ‘4సీ’విభాగంలో ఫిర్యాదు స్వీకరించేవారు. అప్పుడే కమిషనర్‌ను కలిసి పరిస్థితి వివరించే అవకాశం ఉండేది. అయితే ఏసీపీ, డీసీపీలను కలవకున్నా నేరుగా ప్రజాదర్బార్‌లో పోలీసు కమిషనర్‌ను కలిసేందుకు అవకాశం కల్పిస్తున్నారు. దీంతో కమిషనరేట్‌లోని ‘4సీ’విభాగానికి కొంతమేర ఫిర్యాదులు తగ్గుతున్నాయి. మూడేళ్లలో ‘4సీ’కి 591 ఫిర్యాదులు వస్తే 415 పరిష్కారమయ్యాయి. మిగతావి వివిధ దశల్లో విచారణలో ఉన్నాయి.  దర్యాప్తు వేగిరంగా.. నిష్పక్షపాతంగా తన దృష్టికి వచ్చే ఫిర్యాదులపై కమిషనర్‌ తక్షణమే స్పందిస్తున్నారు. చట్టపరిధిలో అందుకు తగిన చర్యలు తీసుకునేలా సంబంధిత ఠాణాల ఎస్‌హెచ్‌వోలకు ఆదేశాలు జారీ చేస్తున్నారు. అనంతరం దర్యాప్తు పురోగతి క్రమాన్ని సంబంధిత పోలీసు ఇన్‌స్పెక్టర్‌కు కమిషనర్‌కు తెలియజేయాల్సి ఉంటుంది. ఠాణాల్లో ఫిర్యాదు చేసినా స్పందన లేని కేసుల్లో తీవ్రతను బట్టి అవసరమైతే దర్యాప్తు బాధ్యతను ఆ ఠాణాకు సంబంధం లేని అధికారులకు అప్పగిస్తున్నారు. ఈ కేసుల్నీ కమిషనర్‌ స్వయంగా పర్యవేక్షిస్తున్న దృష్ట్యా దర్యాప్తు వేగిరంగా, నిష్పక్షపాతంగా జరిగేందుకు అస్కారం ఏర్పడుతోంది. ఈ విధంగా ప్రజాదర్బార్‌కు వచ్చిన ఫిర్యాదుల్లో ఎక్కువగా భూకబ్జా కేసులే ఎక్కువగా ఉండటంతో ఎస్‌వోపీ నిబంధనల ప్రకారం బాధితులకు న్యాయం చేసేందుకు కమిషనర్‌ చొరవ చూపుతున్నారు. 

సాక్షి, హైదరాబాద్‌: నూతన సంవత్సరం సందర్భంగా సాధారణ ప్రజలకు అందుబాటులో ఉండాలనే ఉద్దేశంతో గవర్నర్‌ నరసింహన్‌ రాజ్‌భవన్‌లో ప్రజాదర్బార్‌ నిర్వహించారు. ఈ కార్యక్రమానికి పలువురు ప్రముఖలతో పాటు, పెద్ద ఎత్తున సామాన్య ప్రజలు హాజరయ్యారు. ఈ సందర్భంగా తెలంగాణ హోం మంత్రి మహమూద్‌ అలీ, స్పెషల్‌ చీఫ్‌ సెక్రటరీ అజయ్‌ మిశ్రా, అసెంబ్లీ కార్యదర్శి నర్సింహులు, హైదరాబాద్‌ సీపీ అంజన్‌ కుమార్‌, ఏసీబీ డీజీ పూర్ణచందర్‌రావులతో పాటు పలువురు ప్రముఖులు గవర్నర్‌ను కలిసి నూతన సంవత్సర శుభాకాంక్షలు తెలిపారు. పలు పాఠశాలలకు చెందిన విద్యార్థులు గవర్నర్‌తో ఫొటోలు దిగారు.  సామాన్యులు, యువతి యువకులు పెద్ద ఎత్తున తరలివచ్చి గవర్నర్‌ దంపతులకు న్యూ ఇయర్‌ విషెస్‌ తెలిపారు. ఈ సందర్భంగా గవర్నర్‌ మాట్లాడుతూ.. రెండు తెలుగు రాష్ట్రాల ప్రజలకు నూతన సంవత్సర శుభాకాంక్షలు తెలియజేశారు. ఇది అందరి రాష్ట్రం అని.. రాష్ట్రాభివృద్ధి కోసం ప్రతి ఒక్కరు కృషి చేయాలని పిలుపునిచ్చారు. రెండు తెలుగు రాష్ట్రాల మధ్య ఉద్యోగుల విభజన మిగిలే ఉందని.. దానిపై వర్కవుట్‌ చేస్తున్నట్టు తెలిపారు. ఈ సందర్భంగా అందరికి మంచి జరగాలని అకాంక్షించారు.

కర్నూలు : అదనపు కట్నం కోసం అల్లుడు గర్భిణిగా ఉన్న తన కుమార్తెను హత్య చేసి ఆత్మహత్యగా చిత్రీకరించాడని డోన్‌ పాత పేటకు చెందిన లక్ష్మీదేవి అడ్మిన్‌ ఎస్పీ షేక్షావలికి ఫిర్యాదు చేశారు. తనకు రెండు కళ్లు కనపడవని, తన కుమార్తె హత్య సంఘటనపై విచారణ జరిపించి తగు న్యాయం చేయాలని ఆమె కోరారు. సోమవారం జిల్లా పోలీసు కార్యాలయంలోని వ్యాస్‌ ఆడిటోరియంలో అడ్మిన్‌ ఎస్పీ ప్రజాదర్బార్‌ కార్యక్రమాన్ని నిర్వహించారు. జిల్లా వ్యాప్తంగా  52 ఫిర్యాదులు వచ్చాయి. ఫిర్యాదుల్లో కొన్ని...   ♦ ఎస్వీఆర్‌ చిట్‌ఫండ్స్‌ వారు చిట్టీలు కట్టించుకుని మెచ్యూర్‌ అయినప్పటికీ డబ్బు ఇవ్వకుండా ఇబ్బందులకు గురిచేస్తున్నారని కర్నూలు ప్రజలు ఫిర్యాదు చేశారు. సంఘటనపై విచారణ జరిపి తగు న్యాయం చేయాల్సిందిగా బాధితులు విజ్ఞప్తి చేశారు.   ♦ ఏపీ సీడ్స్‌ డిపార్ట్‌మెంట్‌లో జూనియర్‌ ఇంజినీర్‌ ఉద్యోగం ఇప్పిస్తానని ఆళ్లగడ్డకు చెందిన రమణ నాయక్‌ రూ.5 లక్షలు తీసుకుని మోసం చేశాడని నంద్యాలకు చెందిన రాకేష్‌కుమార్‌ ఫిర్యాదు చేశారు.    ♦ తన కుమారులు ఇంట్లో ఉన్న డబ్బులన్నీ తీసుకుని వెళ్లిపోయారని, ప్రస్తుతం జీవనాధారం లేక ఇబ్బందులు ఎదుర్కొంటున్నట్లు కర్నూలు బండిమెట్టకు చెందిన మహబూబ్‌ బీ ఫిర్యాదు చేశారు. భర్త అనారోగ్యంతో చనిపోయినందున తనను పోషించాల్సిన బాధ్యత కుమారులు మరచి తన వద్ద ఉన్న డబ్బును కూడా లాక్కుని వెళ్లాపోయారని ఆమె వాపోయారు.   ♦ తమ పొలానికి సంబంధించి వేరే వ్యక్తి నకిలీ పాసు పుస్తకం సృష్టించి నంద్యాల ఆంధ్రాబ్యాంకులో రుణం తీసుకుని ఆ మొత్తాన్ని చెల్లించడం లేదని, అతనికి సహకరించి తనను మోసం చేసినవారిపై చర్యలు తీసుకోవాలని రుద్రవరం మండలం మందలూరుకు చెందిన వేణుగోపాల్‌రెడ్డి విన్నవించారు.   ♦ తన భర్త అనారోగ్యంతో చనిపోయాడని, అయితే వారసత్వంగా రావాల్సిన ఆస్తిలో భాగం ఇవ్వకుండా భర్త సోదరులు లింగన్న, నానెపాటి ఇబ్బందులకు గురిచేస్తున్నారని ఆలూరు మండలం మొలగవేలినికి చెందిన సంధ్య ఫిర్యాదు చేశారు. తనకు ఇద్దరు ఆడపిల్లలు ఉన్నారని, భర్త చనిపోయిన తర్వాత హైదరాబాదులో కూలీ పనిచేస్తూ జీవనం సాగిస్తున్నామని ఆమె ఫిర్యాదులో పేర్కొన్నారు.   ♦ ప్రజాదర్బార్, డయల్‌ యువర్‌ ఎస్పీకి వచ్చిన ఫిర్యాదులపై విచారణ జరిపి చట్టప్రకారం చర్యలు తీసుకుంటామని అడ్మిన్‌ ఎస్పీ హామీ ఇచ్చారు. లీగల్‌ అడ్వైజర్‌ మల్లికార్జునరావు, డీఎస్పీలు బాబుప్రసాద్, హుసేన్‌ పీరా, వెంకటాద్రి ల్గొన్నారు. 


 
 – నాలుగు సంవత్సరాలుగా భూమి ఆన్‌లైన్‌ చేయలేదని కన్నీరుమున్నీరు
 
 – రూ.30వేల లంచం అడిగిన తహసీల్దార్‌ 
 
 – పొలంలోకి వెళితే చంపేస్తామని బెదిరింపులు
 
 – కర్నూలు మీ కోసం ప్రజాదర్బార్‌లో కలకలం
 
  
 
 కల్లూరు(రూరల్‌): అయ్యా.. నాకు న్యాయం చేస్తే బతుకుతా, లేదంటే పురుగుల మందు తాగి చస్తానంటూ ఓ రైతు పురుగుల మందు డబ్బాతో కలెక్టర్‌ ఎదుట కన్నీరుమున్నీరయిన ఘటన ప్రజాదర్బార్‌లో కలకలం రేపింది. సోమవారం కర్నూలు జిల్లా కలెక్టరేట్‌లో మీకోసం ప్రజాదర్బార్‌ నిర్వహించారు. కలెక్టర్‌ ఎస్‌.సత్యనారాయణ ప్రజల విజ్ఞప్తులను పరిశీలిస్తుండగా బండిఆత్మకూరు మండలం ఈర్నపాడుకు చెందిన రైతు బారికి శ్రీనివాసులు ఒక్కసారిగా ఆ ప్రాంతానికి దూసుకొచ్చాడు. వెంట తెచ్చుకున్న పురుగుల మందును తాగేందుకు ప్రయత్నించగా కలెక్టర్‌ గన్‌మన్‌, కానిస్టేబుళ్లు, అటెండర్‌ అప్రమత్తమై డబ్బాను లాగిపడేశారు.
 
  
 
 అనుకోని ఘటనతో ఆ ప్రాంతంలో కొంతసేపు గందరగోళం నెలకొంది. ఆ వెంటనే కోలుకున్న కలెక్టర్‌ రైతు శ్రీనివాసులు, కుటుంబ సభ్యులను కూర్చోబెట్టి సమస్యను వివరించాలని కోరారు. ఈర్నపాడులోని సర్వే నెంబర్‌ 380, 422/ఏలో తనకు 3.97 ఎకరాల పొలం ఉందని, 2002లో ఈ పొలాన్ని మల్లె రామన్న అనే వ్యక్తి నుంచి కొనుగోలు చేశానన్నారు. సర్వే కోసం 2015లో దరఖాస్తు చేసుకోగా.. 380 సర్వే నెంబర్‌లోని పొలాన్ని మాత్రమే సర్వే చేసి 422 సర్వే నెంబర్‌ను అలాగే వదిలేశారన్నారు. అయితే ఇదే సర్వే నెంబర్ భూమిని బద్రి లింగమయ్య, బద్రి గాంధయ్య, బద్రి మాణ్యాల పేరిట ఆన్‌లైన్‌ చేశారన్నారు. ప్రస్తుతం వీరు ఆ పొలంలోకి వెళితే.. చంపుతామని గొడ్డళ్లతో వెంటబడుతున్నారని.. తనకు, కుటుంబ సభ్యులకు వీరి నుంచి ప్రాణహాని ఉందని శ్రీనివాసులు కలెక్టర్‌ ఎదుట బోరుమన్నాడు.
 
  
 
 ఆన్‌లైన్‌ చేయాలని నాలుగేళ్లుగా కోరుతున్నా రెవెన్యూ అధికారులు పట్టించుకోవడం లేదని.. తహసీల్దార్‌ శేషఫణి రూ.30వేలు లంచం తీసుకుని కూడా పని పూర్తి చేయలేదన్నారు. కలెక్టర్‌ స్పందిస్తూ బండిఆత్మకూరు తహసీల్దార్‌ శేషఫణితో పోన్లో మాట్లాడారు. ‘ఏంటయ్యా ఈ సమస్య. పొలం ఆన్‌లైన్‌ చేయడానికి డబ్బులు అడిగావా. అది నిజమైతే నీ ఉద్యోగం పోతుంది.’ అని ఆగ్రహం వ్యక్తం చేశారు. వెంటనే సమస్యను పరిష్కరించాలని ఆదేశించారు. ఆ తర్వాత నంద్యాల ఆర్డీఓ రామసుందర్‌రెడ్డితో ఫోన్లో మాట్లాడుతూ సమస్యను వివరించారు. ఓపెన్‌ ఎంక్వయిరీ చేసి డాక్యుమెంట్‌, ఎంజాయ్‌మెంట్‌ ప్రకారం న్యాయం చేయండని ఆదేశించారు. తహసీల్దార్‌ వ్యవహారంపై మూడు రోజుల్లో నివేదిక అందజేయాలన్నారు. భయపడకు, న్యాయం చేస్తామని రైతుకు భరోసానిచ్చి పంపించారు.
 
  


 అదిలాబాద్‌: నాగోబా జాతరలో కీలక ఘట్టమైన ప్రజా దర్బార్‌కు రాష్ట్ర ప్రభుత్వం తరఫున మంత్రులు ఇంద్రకరణ్‌రెడ్డి, జోగు రామన్న హాజరై ప్రత్యేక పూజలు నిర్వహించారు. ప్రజా దర్బార్‌లో పాల్గొనడానికి గిరిజనులు పెద్ద ఎత్తున తరలిరావడంతో అటవీ ప్రాంతమంతా భక్తులతో కిటకిట లాడుతోంది. కాగా ప్రజా దర్భార్‌ సందర్భంగా జిల్లా వ్యాప్తంగా ప్రభుత్వ, ప్రైవేటు విద్యాసంస్థలకు సెలవు ప్రకటిస్తున్నట్లు జిల్లా కలెక్టర్‌ ఒక ప్రకటనలో తెలిపారు. 


 ప్రగతి భవన్‌లో జనంతో సీఎం కేసీఆర్‌ ముఖాముఖి
 కులాలు, వర్గాలవారీగా సమావేశాలు
 సమస్యలు, పరిష్కారాలు పంచుకునే యోచన
 సీఎంఓ అధికారులు, సన్నిహిత మంత్రులతో ఇప్పటికే మంతనాలు
 
 సాక్షి, హైదరాబాద్‌: సంక్రాంతి తర్వాత ప్రజా దర్బార్‌ ప్రారంభానికి సీఎం కె.చంద్రశేఖర్‌ రావు సిద్ధమవుతున్నారు. కొత్తగా నిర్మించిన సీఎం అధికారిక నివాసం ప్రగతి భవన్‌ వేది కగా ప్రజాదర్బార్‌ నిర్వహణకు ఏర్పాట్లు చేస్తు న్నారు. ఈమేరకు సీఎంఓ అధికారులు, సన్ని హిత మంత్రులతో సీఎం ఇప్పటికే సమాలోచ నలు జరిపారు. దర్బార్‌ నిర్వహణకు అనుస రించాల్సిన విధానాలను చర్చించారు. అన్ని కులాలు, వర్గాలతో సమావేశమయ్యేలా ప్రణా ళిక ప్రకారం ప్రజా దర్బార్‌ నిర్వహించాలని ముఖ్యమంత్రి నిశ్చయించారు. దీంతోపాటు తమ గోడు వెళ్లబోసుకునేందుకు వచ్చే బాధితులు, ఆపన్నులను సైతం తనను కలిసేందుకు వీలు కల్పించాలని సూచించారు. దీంతో రెండు విధాలుగా ప్రజా దర్బార్‌ నిర్వహించే అవకాశాలు ప్రస్తుతం సీఎం పరిశీలనలో ఉన్నట్లు తెలిసింది.
 
 జనహిత భవన్‌లో సమాలోచన...
 ప్రగతి భవన్‌ సముదాయంలోనే దాదాపు వెయ్యి మందితో సమావేశమయ్యేలా ఇప్పటికే హాల్‌ను నిర్మించారు. సీఎం దీనికి ‘జనహిత భవన్‌’ అని పేరు పెట్టారు. రైతులు, కార్మికు లు, ఉద్యోగులు, కళాకారులు తదితర వర్గాల తో ముఖ్యమంత్రి ముఖాముఖి సమావేశాలు నిర్వహిస్తారు. ప్రభుత్వ విధానాల రూప కల్పన, కార్యక్రమాల అమలుపై వారితో సమాలోచనలు జరుపుతారు. ఈ సమావేశాల నిర్వహణకు వీలుగానే మీటింగ్‌ హాల్‌లో ఏర్పాట్లు చేస్తున్నారు. టీఆర్‌ఎస్‌ అధికారం లోకి వచ్చిన కొత్తలో ఎమ్మార్వోలు, ఎంపీడీవో లతో సీఎం సమావేశమైన తరహాలోనే ఈ సమావేశాలు నిర్వహిస్తారు. ప్రభుత్వ పథకా ల లబ్ధిదారులు, వృత్తులు, కులాలు, సంఘా లు, యూనియన్లవారీగా ప్రతి వర్గంతో సీఎం నేరుగా మాట్లాడేలా ఏర్పాట్లు చేస్తున్నారు. ప్రణాళిక ప్రకారం ఈ సమావేశాలకు షెడ్యూ లు ఖరారు చేస్తారు. రాష్ట్రంలో వివిధ జిల్లాల నుంచి సమావేశానికి వచ్చే వారికి రానుపోను రవాణా సదుపాయంతోపాటు ప్రగతి భవన్‌ సముదాయంలోనే భోజన ఏర్పాట్లు చేయా లని సీఎం నిర్ణయించారు. ప్రభుత్వం చేపట్టిన కార్యక్రమాలు, బంగారు తెలంగాణ లక్ష్య సాధన ఇతివృత్తంతో రూపొందించిన డాక్యు మెంటరీలు, వీడియో క్లిప్పింగులు, పవర్‌ పాయింట్‌ ప్రజంటేషన్లను ఈ సందర్భంగా ప్రదర్శిస్తారు. క్షేత్రస్థాయిలో వారి సాధక బాధకాలు, సమస్యలను వివరించే అవకాశం కల్పించటంతోపాటు చివరగా ముఖ్యమంత్రి సందేశమిచ్చేలా సమావేశాలకు రూపకల్పన చేస్తున్నారు.
 
 కలెక్టర్ల ఆధ్వర్యంలో స్క్రీనింగ్‌... 
 ముఖ్యమంత్రిని కలిసేందుకు వచ్చే జనాన్ని నియంత్రించేందుకు కలెక్టర్ల ఆధ్వర్యంలో స్క్రీనింగ్‌ నిర్వహించాలని యోచిస్తున్నారు. ఈ విధానంలో సీఎంను కలవాల నుకుంటున్న అర్జీదారులు ముందుగా సంబంధిత కలెక్టర్లకు దరఖాస్తు చేసుకోవాలి. నిజంగానే అది సీఎం దృష్టికి వెళ్లాల్సిన అంశమని కలెక్టర్లు భావిస్తే వారికి అవకాశం కల్పిస్తారు. ఏరోజు వెళ్లాలనే సమాచా రంతోపాటు ఉచిత రవాణా సదుపాయం కల్పించే కూపన్‌ కూడా ఇస్తారు. కేవలం అవసరమున్న వారు, బాధితులు, ఆపన్నులు, అర్జీదారులు మాత్రమే సీఎంను కలిసేందుకు ఈ నియంత్రణ ఏర్పాట్లు ఉండాలని యోచిస్తున్నారు.  


 హైదరాబాద్: దీపావళి సందర్భంగా ఆదివారం రాజ్ భవన్ ప్రజా దర్బార్ నిర్వహించారు. తెలుగు రాష్ట్రాల ప్రజలకు ఉమ్మడి గవర్నర్ నరసింహన్ దంపతులు దీపావళి శుభాకాంక్షలు తెలిపారు. ప్రజా దర్బార్‌లో భాగంగా గవర్నర్‌ సాధారణ ప్రజలను కలిశారు. తెలంగాణ సీఎస్‌ రాజీవ్‌శర్మ, డీజీపీ అనురాగ్‌శర్మ, ఏపీ మండలి చైర్మన్ చక్రపాణితో పాటు పలువురు అధికారులు గవర్నర్‌ దంపతులకు దీపావళి శుభాకాంక్షలు తెలిపారు. ఈ సందర్బంగా గవర్నర్ మాట్లాడుతూ.. తెలుగు రాష్ట్రాల మధ్య ఉన్న సమస్యలను ఇద్దరు సీఎం లు కలిసి చక్కదిద్దుకుంటారన్నారు. ప్రజల సంతోషం కోసం ఏపీ, తెలంగాణ పనిచేస్తాయనే నమ్మకం ఉందని అభిప్రాయపడ్డారు. తెలుగు ప్రజలు ఎలాంటి సమస్యలు లేకుండా సంతోషంగా ఉండాలని గవర్నర్‌ ఆకాంక్షించారు.


 కర్నూలు: జిల్లాలో నాటుసారా, బెల్టుషాపుల ద్వారా మద్యం విక్రయాలపై పోలీసు ప్రజాదర్బార్‌కు ఫిర్యాదులు వెల్లువెత్తాయి. పుష్కరఘాట్ల దగ్గర కొండ చెరియలు విరిగి పడటంతో ఎస్పీ ఆకె రవికష్ణ శ్రీశైల పర్యటనకు వెళ్లారు. ఆయన ఆదేశాల మేరకు స్పెషల్‌ బ్రాంచి డీఎస్పీ బాబు ప్రసాదు కమాండ్‌ కంట్రోల్‌ సెంటర్‌లో సోమవారం పోలీసు ప్రజాదర్బార్‌ను నిర్వహించారు. స్పెషల్‌ బ్రాంచి సీఐలు శ్రీనివాసులు, దస్తగిరి తదితరులు కూడా పాల్గొన్నారు. ఈ సందర్భంగా జిల్లాలోని పలు ప్రాంతాల నుంచి నాటుసారా తయారీ స్థావరాలపై పక్కా ఆధారాలతో గ్రామస్తులు ఫిర్యాదు చేశారు. బేతంచెర్ల, బనగానపల్లె ప్రాంతాల్లో హోటళ్లలో మద్యం విక్రయాలు జోరుగా సాగుతున్నాయని, ఆయా గ్రామాల ప్రజలు ఫిర్యాదు చేశారు. బెల్టు దుకాణాలు, నాటుసారా స్థావరాలపై దాడులు నిర్వహించి చర్యలు తీసుకోవాల్సిందిగా కోరారు. కర్నూలు నగరంలోని మున్సిపల్‌ ఆఫీసు సమీపంలోని బేకరి షాపు ఎదుట,  గడియారం ఆస్పత్రి నుండి పెద్ద మార్కెట్‌ వరకు రోడ్డుకు ఇరువైపు ట్రాలీ ఆటోలు నిలపడతో ట్రాఫిక్‌కు అంతరాయం కలుగుతుందని ప్రజలు ఫిర్యాదు చేశారు. తన భర్త మద్యానికి బానిసై తనను వేధింపులకు గురి చేస్తున్నాడని, కర్నూలు నగరానికి చెందిన శిరీష ఫిర్యాదు చేశారు. డయల్‌ యువర్‌ ఎస్పీ, ప్రజాదర్బార్‌ కార్యక్రమాలకు వచ్చిన ఫిర్యాదులపై విచారణ జరిపి చట్ట ప్రకారం చర్యలు తీసుకుంటామని డీఎస్పీ బాబు ప్రసాద్‌ తెలిపారు.    
  


 హైదరాబాద్ : రెండు తెలుగు రాష్ట్రాలు అభివృద్ధి చెందాలని గవర్నర్ నరసింహన్ ఆకాంక్షించారు. తెలుగు రాష్ట్రాలు రెండు దేశంలోనే ముందుండాలని ఆయన కోరుకున్నారు. కొత్త సంవత్సరం సందర్భంగా శుక్రవారం రాజ్భవన్లో గవర్నర్ నరసింహన్ ప్రజాదర్భార్ నిర్వహించారు. ఈ సందర్భంగా ఆయన తెలుగు ప్రజలకు నూతన సంవత్సర శుభాకాంక్షలు తెలిపారు. 
 కేంద్ర మంత్రి బండారు దత్తాత్రేయ, డిప్యూటీ సీఎం కడియం శ్రీహరి, మంత్రి చందూలాల్, తెలంగాణ సీఎస్ రాజీవ్ శర్మ, డీజీపీ అనురాగ్ శర్మ, మెట్రో రైలు ఎండీ ఎన్వీఎస్ రెడ్డి గవర్నర్ నరసింహన్ను స్వయంగా కలసి నూతన సంవత్సర శుభాకాంక్షలు చెప్పారు.


 హైదరాబాద్ : రెండు తెలుగు రాష్ట్రాలు అన్ని రంగాల్లో వెలిగిపోవాలని గవర్నర్ నరసింహన్ ఆకాంక్షించారు. బుధవారం రాజభవన్లో గవర్నర్ నరసింహన్ ప్రజాదర్బార్ నిర్వహించారు.  ఈ సందర్భంగా నరసింహన్ మాట్లాడుతూ... ఏపీ రాజధాని అమరావతి శంకుస్థాపన సందర్భంగా తెలుగు రాష్ట్రాల ముఖ్యమంత్రులు కలవడం సంతోషంగా ఉందన్నారు.
 సమాజంలో ప్రతి ఒక్కరూ బాధ్యతలు గుర్తించి ముందుకు సాగాలన్నారు. యూనివర్శిటీల్లో విద్యా ప్రమాణాల్లో రాజీ పడే ప్రసక్తే లేదన్నారు. వీసీలుచ ఛాన్సలర్ల నియామకం చాలా చిన్న విషయమన్నారు.
  


 పులివెందుల: ఆంధ్రప్రదేశ్ ప్రతిపక్షనేత, వైఎస్సార్సీపీ అధ్యక్షుడు వైఎస్ జగన్ మోహన్ రెడ్డి బుధవారం ప్రజా దర్బార్ నిర్వహించారు. వైఎస్సార్ కడప జిల్లా పులివెందులలోని పర్యటనలో భాగంగా ఆయన తన క్యాంప్ కార్యాలయంలో ఈరోజు ప్రజా సమస్యలపై నిర్వహించిన ప్రజాదర్బార్‌లో పాల్గొని వినతులు స్వీకరించారు.
 
 కాగా, పులివెందుల  మండలం ఇ.కొత్తపల్లె పంచాయితీ పరిధిలో ఉన్న మొట్నూతలపల్లెకు చెందిన రైతు రాజశేఖర్ కుటుండాన్ని వైఎస్ జగన్ మోహన్ రెడ్డి ఈ రోజు పరామర్శించనున్నారు. అప్పుల బాధతాళలేక గతనెల 19 వ తేదీన పొలం వద్దనే ఆత్మహత్య చేసుకున్నాడు. తనకున్న మూడు ఎకరాల పొలంతోపాటు మరో మూడు ఎకరాలు కౌలుకు తీసుకొని అరటిని సాగు చేశాడు. అయితే గత ఏడాది తీవ్ర వర్షాభావ పరిస్థితుల కారణంగా బోర్లలో  నీరు అడుగంటిపోవడంతో అరటి చెట్లు ఎండిపోయాయి. దాదాపు రూ. 16 లక్షలు అప్పు  ఎలా తీర్చాలో దిక్కు తెలియక ఆత్మహత్య చేసుకున్నాడు.
 
 
  


 హిందూపురం: అనంతపురం జిల్లా హిందూపురంలో స్థానిక శాసనసభ్యుడు, నటుడు నందమూరి బాలకృష్ణ బుధవారం ప్రజాదర్బార్ నిర్వహించారు. ఈ సందర్భంగా నియోజకవర్గ ప్రజల నుంచి వివిధ సమస్యలను అడిగి తెలుసుకున్నారు. అలాగే వినతి పత్రాలు స్వీకరించారు. వాటిని పరిష్కరిస్తామని ఆయన ప్రజలకు హామీ ఇచ్చారు.
 ప్రజల సమస్యలపై బాలకృష్ణ ఉన్నతాధికారులతో చర్చిస్తున్నారు. ఈ ప్రజాదర్బరు కార్యక్రమం రెండు రోజుల పాటు కొనసాగనుంది. అలాగే హిందూపురం మున్సిపాలిటీ పరిధిలో ప్రధాన సమస్యలను పరిష్కరించేందుకు చేపట్టాల్సిన పనులపై ప్రజల సమక్షంలోనే బాలకృష్ణ ఉన్నతాధికారులతో మాట్లాడుతున్నారు.


 కర్నూలు(అగ్రికల్చర్): ఒక్కొక్కరిదీ ఒక్కో సమస్య. ప్రజాదర్బార్‌కు వివిధ సమస్యలతో ప్రజలు బారులు తీరుతున్నా.. అధిక శాతం నిరాశే ఎదురవుతోంది. జిల్లా కేంద్రానికి వస్తే ఊరట కలుగుతుందనే భావన కాస్తా నీరుగారుతోంది. అధికారుల మనసు కరగదని తెలిసీ.. ఆశ చంపుకోలేక అదే వినతులతో పదేపదే ప్రదక్షిణ చేస్తున్నారు. ఎప్పటిలానే భారీగా తరలివచ్చిన బాధితులతో సోమవారం నిర్వహించిన ప్రజాదర్బార్ పోటెత్తింది.
 
 కలెక్టరేట్‌లోని సునయన ఆడిటోరియంలో కలెక్టర్ సి.హెచ్.విజయమోహన్, జేసీ కన్నబాబు, అదనపు జేసీ రామస్వామి, డీఆర్వో గంగాధర్‌గౌడ్‌లు వినతులు స్వీకరించారు. కలెక్టర్ చిత్తశుద్ధి చూపుతున్నా.. క్షేత్రస్థాయిలో నిర్లక్ష్యం కారణంగా ప్రజాదర్బార్ రోజురోజుకు ప్రజల్లో నమ్మకం కోల్పోతుంది. వచ్చిన వనతులపై జిల్లా అధికారులు కిందిస్థాయి సిబ్బందిపైకి తోసేయడం.. అక్కడేమో వినతులకు బూజుపట్టడం పరిపాటిగా మారింది.
  
 సార్.. పింఛన్ ఇవ్వండి
 అనారోగ్యంతో కాలు సగం తొలగించారు. నిరుపేద కుటుంబం కావడంతో జీవనం భారంగా మారింది. పింఛను మంజూరు చేయాలని కోరుతున్నా మండల స్థాయిలో అధికారులు ఎవ్వరూ పట్టించుకోలేదు. మీరైనా న్యాయం చేయండి.      
 - అన్సర్, ఆదోని
  
 పింఛన్ తొలగించారయ్యా
 రెండు కళ్లు పూర్తిగా కనిపించవు. 100 శాతం వికలత్వం ఉంది. సర్వే పేరిట నా పింఛను తొలగించారు. ఎలాంటి ఆధారం లేని నాకు.. ఉన్న ఒక్క ఆసరానూ తొలగించారు. దయతలిచి పింఛను పునరుద్ధరించండి.                                    
 - మాలిక్, నాగులదిన్నె
  
 స్కేల్ ఆఫ్ ఫైనాన్స్‌తో అన్యాయం
 సార్. నాకు 5.30 ఎకరాల భూమి ఉంది. మిరప సాగుకు బ్యాంకు నుంచి లక్ష రూపాయల రుణం తీసుకున్నా. స్కేల్ ఆఫ్ ఫైనాన్స్ రూ.30 వేలు ఉండగా, రూ.12 వేలు మాత్రమే చూపారు. ఈ కారణంగా పూర్తి రుణమాఫీకి నోచుకోలేదు. ఓర్వకల్లు మండలంతో పాటు పలు గ్రామాల్లో మిరపకు స్కేల్ ఆఫ్ ఫైనాన్స్ రూ.30 వేలుగా తీసుకున్నా.. ఉయ్యాలవాడలో మాత్రమే తగ్గించడం సరికాదు. పూర్తి రుణమాఫీకి ఆదేశించండి.
 - నారాయణ, రైతు, ఉయ్యాలవాడ గ్రామం


  సాక్షి, రంగారెడ్డి జిల్లా:  ప్రజాదర్భార్.. సామాన్యుల వినతిపై సత్వర చర్యలు తీసుకోవాలనే ఉద్దేశంతో ఏర్పాటు చేసిన కార్యక్రమం. ప్రతి సోమవారం జిల్లా కలెక్టరేట్‌లో ఉదయం 10గంటల నుంచి మధ్యాహ్నం వరకు స్వయంగా కలెక్టర్, జాయింట్ కలెక్టర్లు ప్రజల నుంచి ఫిర్యాదులు స్వీకరించి వాటి పరిష్కార చర్యలు చేపడతారు. జిల్లా ఉన్నతాధికారికే నేరుగా సమస్యలు విన్నవించుకునే అవకాశం ఉండడంతో జిల్లా నలుమూలల నుంచి సామాన్యప్రజలు ప్రతిసోమవారం కలెక్టరేట్‌కు వస్తుంటారు. కానీ కొంతకాలంగా కలెక్టరేట్ ప్రజాదర్భార్ మసకబారుతోంది.
 
 గత నాలుగైదు వారాలుగా కార్యక్రమంలో కలెక్టర్లు, జాయింట్ కలెక్టర్లు పాల్గొనకుండా కిందిస్థాయి అధికారులు హాజరవుతున్నారు. సమస్యలపై నిర్ణయం తీసుకునే అధికారులు కాకుండా ఇతర అధికారులు పాల్గొనడంతో అర్జీదారులు పెదవి విరుస్తున్నారు. సోమవారం కలెక్టరేట్‌లో జరిగిన ప్రజాదర్భార్‌లో జిల్లా రెవెన్యూ అధికారి సూర్యారావు, డీఎస్‌ఓ నర్సింహారెడ్డి పాల్గొన్నారు. వారు కొంత ఆలస్యంగా రావడంతో అర్జీదారులు బయట నిరీక్షించాల్సి వచ్చింది. ప్రజాదర్భార్‌లో వినతులపై స్పందన కరువైందని, గత నాలుగు వారాలుగా ఫిర్యాదు చేస్తున్నా అధికారులు స్పందించడం లేదంటూ సోమవారం పలువురు ఆవేదన వ్యక్తం చేశారు.


  కర్నూలు రూరల్: నెలల తరబడి కలెక్టరేట్ చుట్టూ తిరుగుతున్నాం. సమస్యలకు పరిష్కారం దొరకడం లేదు. అదిగో..ఇదిగో అంటూ అధికారులు తప్పించుకుని తిరుగుతున్నారు. కొత్తగా వచ్చిన మీరైనా మాపై దయ ఉంచి అపరిష్కృత సమస్యలకు పరిష్కార మార్గం చూపాలని ప్రజలు కొత్తగా బాధ్యతలు చేపట్టిన జిల్లా కలెక్టర్ విజయమోహన్‌ను కోరారు.
 
 సోమవారం కలెక్టరేట్‌లోని సునయన ఆడిటోరియంలో ప్రజాదర్బార్ నిర్వహించారు. ఈ కార్యక్రమంలో కలెక్టర్ విజయమోహన్, జాయింట్ కలెక్టర్ కన్నబాబు, ఏజేసి అశోక్‌కుమార్, డీఆర్‌ఓ వేణుగోపాల్ రెడ్డి, హౌసింగ్ పీడీ రామసుబ్బులు పాల్గొని ప్రజల నుంచి వినతులు స్వీకరించారు. జిల్లా కలెక్టర్‌గా పని చేస్తున్న సుదర్శన్‌రెడ్డి బదిలీ అయిన విషయం విదితమే.
  
  ఆయన నుంచి బాధ్యతలు తీసుకున్న కొత్త కలెక్టర్ విజయమోహన్ జిల్లా అధికారులతో పరిచయ కార్యక్రమం పెట్టుకోవడంతో ప్రజాదర్బార్ సుమారు గంటన్నర పైగా ఆలస్యంగా మొదలైంది. సమస్యలపై వినతులు ఇచ్చేందుకు వచ్చిన వారితో సునయన ఆడిటోరియం నిండిపోయింది. రెవెన్యూ అధికారులు కాస్త దృష్టి పెడితే ఆర్థిక అంశాలతో పాటు, న్యాయబద్ధమైన సమస్యలకు పరిష్కారం లభించే అవకాశం ఉంది.
 
 అయితే అధికారులు జాప్యం చేయడంతో ఏదో ఒక రోజు  సారోళ్లు స్పందించకపోరా అనే ఆశతో ప్రజలు ప్రతి వారం అర్జీలు చేతపట్టుకొని జిల్లా కేంద్రానికి వ్యయ ప్రయాసలు కోర్చి వస్తున్నారు. ఈ నేపథ్యంలో కొత్త కలెక్టర్ వచ్చాడని తెలుసుకున్న ప్రజలు పెద్ద ఎత్తున కలెక్టరేట్‌కు చేరుకొని తమ సమస్యలు ఏకరువు పెట్టారు. అయితే అధికారులు వినతులను తీసుకుంటున్నారే తప్ప ఎలాంటి పరిష్కార మార్గాలు చూపకపోవడంతో నిరాశగా వెనుతిరిగారు.
  
 వితంతు పింఛన్ కోసం ఆరేళ్లుగా తిరుగుతున్నా... - శకుంతలమ్మ, గోనెగండ్ల
 నా భర్త రంగప్ప 2008వ సంవత్సరంలో జరిగిన ఓ రోడ్డు ప్రమాదంలో మరణించాడు. కుటుంబం పెద్ద దిక్కుని కోల్పోవడంతో ఆర్థిక ఇబ్బందులు ఎదురవుతున్నాయి. వితంతు పింఛన్ కోసం మండల, జిల్లా కేంద్రంలో జరిగే ప్రజాదర్బార్ కార్యక్రమాలకు ఆరేళ్లుగా తిరుగుతున్నా. ఇప్పటికి 20కి పైగా వినతులు ఇచ్చాను. అధికారులు పట్టించుకోవడం లేదు. కొందరు వ్యక్తులు పింఛన్ ఇప్పిస్తామని చెప్పి డబ్బులు కూడా తీసుకున్నారు. కొత్త కలెక్టరైనా పింఛన్ ఇప్పిస్తారనే ఆశతో వచ్చాను.
  
 ప్రభుత్వ భూములు ఇచ్చి ఆదుకోవాలి...
 బండి ఆత్మకూరు మండలం కడమల కాల్వ గ్రామానికి చెందిన దళిత మహిళలు ప్రభుత్వం భూమి ఇచ్చి ఆదుకోవాలని కోరుతూ ప్రజాదర్బార్‌లో వినతులు ఇచ్చారు. సర్వే నంబర్లు 771/1, 772/1, 773/3లలో మొత్తం 15 ఎకరాల ప్రభుత్వ బంజరు భూమి ఉందని, అయితే ఆ భూమి నంద్యాల మండలం శాబోలు గ్రామానికి చెందిన వ్యక్తుల ఆధీనంలో ఉందని అధికారుల దృష్టికి తెచ్చారు. మా గ్రామం పరిధిలో ఉన్న భూమి మాకే ఇప్పించాలని కలెక్టర్ విజయమోహన్‌కి వినతి పత్రం అందజేశారు.


 ఈ సందర్భంగా ఆయన మాట్లాడుతూ.. ‘నేను కూల్ కలెక్టర్‌ని, మీరు కూడా కూల్‌గా పనిచేయండి. అయితే విధుల్లో నిర్లక్ష్యం చేస్తే సహించను. ఏది అత్యవసరమో దానిని వెంటనే పరిష్కరించండి. ప్రజలు మనపై నమ్మకంతో సుదూర ప్రాంతాల నుంచి అవస్థలు పడి ఇక్కడికి వస్తుంటారు.
 
 అలాంటి వారిని ఆదరించండి. సమస్యను శ్రద్ధతో వినండి. వెంటనే పరిష్కారం అవుతుందంటే దానిపై దృష్టి పెట్టండి. మిగిలిన సమస్యలకు సమయం తీసుకుని వాటి పరిష్కారానికి కృషి చేయండి. ప్రజాదర్బార్, డయల్ యువర్ కలెక్టర్.. కార్యక్రమాలపై ప్రజలకు నమ్మకాన్ని కల్గించేలా ప్రతి ఒక్క అధికారి పనిచేయాలి.’ అని అధికారులకు సూచించారు.
  
 ఆ తర్వాత ప్రజాదర్బార్‌లో పాల్గొని ప్రజల నుంచి వినతిపత్రాలు స్వీకరించారు. సుమారు రెండున్నర గంటల పాటు జనం సమస్యలను అడిగి తెలుసుకున్నారు. సమస్యల పరిష్కారం కోసం ఏం చేయాలో జాయింట్ కలెక్టర్ కన్నబాబు, ఏజేసీ అశోక్‌కుమార్, డీఆర్వో వేణుగోపాల్‌రెడ్డితో చర్చించారు. సాయంత్రం తాగునీటి సమస్యపైనా, స్వాతంత్య్ర వేడుకల నిర్వహణపైనా అధికారులతో సమీక్షించారు.
  
 తొలి రోజు ఇలా
 ఉదయం 10.15 - కలెక్టరే ట్‌లో వినాయకునికి పూజలు
  10.25 - జిల్లా కలెక్టర్‌గా బాధ్యతల స్వీకరణ
  10.35 - మీడియా, ప్రతికా ప్రతినిధులతో పరిచయ కార్యక్రమం
  10.45 - అధికారులతో పరిచయ కార్యక్రమం.
  11.15 - కలెక్టర్ చాంబర్‌లో జేసీ, ఇతర అధికారులతో సమీక్ష
  11.30 నుంచి 2 గంటల వరకు- సునయనలో ప్రజాదర్బార్‌లో ప్రజల నుంచి వినతులు స్వీకరణ
  సాయంత్రం 3 నుంచి 4.15 వరకు - స్వాతంత్య్ర వేడుకలపై అధికారులతో సమీక్ష
  4.30 నుంచి 5.45 వరకు - తాగునీటి సమస్యపై అధికారులతో సమీక్ష
  
 సమస్యల పరిష్కారం కోసం జిల్లా నలుమూలల నుంచి కలెక్టరేట్‌కు వచ్చే ప్రజలు ఎవరైనా నేరుగా నన్ను కలవవొచ్చు. స్లిప్‌లు పంపి బయట నిరీక్షించాల్సిన అవసరం లేదు. ఎవరు వచ్చినా సిబ్బంది తలుపు తీసి లోపలికి పంపుతారు. ఈ విధానాన్ని జిల్లాలోని అన్ని ప్రభుత్వ కార్యాలయాల్లో అమలు చేస్తాను. ప్రజా సమస్యలను వేగంగా పరిష్కరించాలి. అధికారులు ప్రజల్ని తమ చుట్టూ తిప్పుకోరాదు. పరిష్కరించలేని సమస్యలు ఉంటే వాటిని వెంటనే సూటిగా చెప్పాలి. సమస్యలతో వచ్చే వారిని ఆదరించాలి. జిల్లా అధికారైనా, మండల అధికారైనా సమన్వయంతో పనిచేయాలి.
  
 సాక్షి ప్రతినిధి, కర్నూలు: నిత్యావసర వస్తువుల ధరల నియంత్రణే తన తొలి ప్రాధాన్యత అని కొత్త కలెక్టర్ విజయమోహన్ వెల్లడించారు. ప్రాజెక్టులు, పరిశ్రమలు, తాగునీటి సరఫరాకు కూడా ప్రాధాన్యత ఇస్తానన్నారు. సోమవారం కలెక్టర్‌గా బాధ్యతలు స్వీకరించిన అనంతరం ఆయన సాక్షి’తో మాట్లాడారు. జిల్లా ప్రజలకు ఉపాధి, ఉద్యోగ అవకాశాలను కల్పించడమే తన లక్ష్యమని చెప్పారు. అభివృద్ధి, ప్రభుత్వ సంక్షేమ కార్యక్రమాల అమలులో జిల్లా అగ్రగామిగా ఉండేలా కృషి చేస్తామని వెల్లడించారు. సమస్యలతో ప్రభుత్వ కార్యాలయాలకు వచ్చే ప్రజలను ఆదరించేలా.. అధికారుల పనితీరులో మార్పులు తీసుకొస్తానని అన్నారు.
  
  సాక్షి : కలెక్టర్‌గా మీ ప్రాధాన్యతలు ఏమిటి?
  కలెక్టర్ : ప్రభుత్వ సంక్షేమ కార్యక్రమాలు, సాగునీటి ప్రాజెక్టులపై ప్రత్యేక శ్రద్ధ ఉంటుంది. పరిశ్రమలకు ప్రత్యేక ప్యాకేజీ వచ్చే అవకాశం ఉంది. అందుకు సమగ్ర ప్రణాళిక రూపొందిస్తాం. జిల్లాలో వేలాది ఎకరాల భూములు అందుబాటులో ఉన్నాయి. అయితే పరిశ్రమల ఏర్పాటుకు అనువైన ప్రాంతాలు ఎక్కడ ఉన్నాయి? వాటి సర్వే నంబర్లు ఏమిటి? విస్తీర్ణం ఎంత? వాటి అనుకూలతలు ఏంటి? అన్నది ఓ స్పెషల్ డ్రైవ్ ద్వారా గుర్తించి నివేదిక సిద్ధం చేస్తాం. ప్రణాళిక తయారు చేయడం వరకే కాకుండా కచ్చితంగా దాన్ని అమలు చేయడానికి కలెక్టర్‌గా మొదటి ప్రాధాన్యత ఇస్తాను. డిప్యూటీ సీఎం కేఈ కృష్ణమూర్తి సహకారంతో జిల్లాలో మంచి ప్రాజెక్టులు వచ్చేందుకు కృషి చేస్తాను.
  
  సాక్షి : జిల్లాలో అనేక గ్రామాల్లో
  తాగునీటి సమస్య తీవ్రంగా ఉంది?
  కలెక్టర్ : నిజమే. ముఖ్యమంత్రి చంద్రబాబు ప్రమాణస్వీకారోత్సవం సందర్భంగా ఆయన చేసిన ఐదు సంతకాల్లో ఎన్టీఆర్ సుజల స్రవంతి పథకం ఒకటి. 6 నెలల్లో ఈ పథకాన్ని జిల్లాలో 100 శాతం అమలు చేసి రాష్ట్రంలోనే కర్నూలు జిల్లాను మొదటి స్థానంలో నిలపేందుకు కృషి చేస్తాను. మరో వారంలో దీనికి సమగ్ర ప్రణాళిక ను సిద్ధం చేస్తాం. తాగునీటి సమస్య ఉన్న మండలాలను గుర్తించి,  ఎలాంటి చర్యలు చేపట్టాలన్న దానిపై ఒక మ్యాప్ తయారు చేస్తాం. ప్రభుత్వం నుంచి ఆదేశాలు వచ్చిన వెంటనే పనులు ప్రారంభిస్తాం.
  
  సాక్షి: పీహెచ్‌సీల్లో మెరుగైన వైద్యానికి
  ఎలాంటి చర్యలు చేపడతారు?
  కలెక్టర్ : వైద్యానికి వెన్నుదైన పీహెచ్‌సీల్లో రోగులకు మెరుగైన వైద్యం అందేలా చర్యలు చేపడతాను. 104, 108 పనితీరు, పీహెచ్‌సీల్లో మందులు అందుబాటులో ఉన్నాయా? నిపుణులైన వైద్యులు పనిచేస్తున్నారా? అన్న అంశాలను పరిశీలించి వాటిని గాడిన పెడతాను. ముఖ్యంగా పీహెచ్‌సీల్లో వైద్యులు అందుబాటులో ఉండాలి. ప్రజలకు వైద్యసేవలు అందించాలి అన్న చైతన్యం వారిలో రావాలి. మొదట వారి బాధ్యతలు గుర్తెరిగేలా వివరిస్తాం. అప్పటికీ వినకపోతే.. చర్యలు ఉంటాయి. ఐసీడీఎస్‌ల పనితీరు ఎలా ఉందో పరిశీలిస్తాను.
  
  సాక్షి : సమస్యల పరిష్కారానికి క్షేత్ర స్థాయిలో
  పర్యటిస్తారా?
  కలెక్టర్ : ప్రభుత్వ పథకాలను అమలు చేయడం, వాటి ప్రయోజనాలు అర్హులకు సక్రమంగా అందుతున్నాయా? లేదా? అనే విషయాలపై నిరంతర పర్యవేక్షణ ఉంటుంది. దీని కోసం ప్రతి రోజూ 18 గంటలు పనిచేస్తాను. అలాగే జిల్లాలో వారంలో ఐదు రోజులు క్షేత్ర స్థాయిలో పర్యటిస్తాను. పీహెచ్‌సీలు, హాస్టళ్లు తదితర వాటిపై ప్రత్యేక దృష్టి పెడతాను. హాస్టళ్లలో పిల్లలతో కలిసి భోజనం చేస్తాను. దీంతో ఆ విభాగాల్లో పనితీరు మెరుగవుతుంది. ప్రత్యేకించి ఎస్సీ, ఎస్టీ, బీసీ హాస్టళ్లలో తాగునీటి, మరుగుదొడ్లు తదితర సమస్యలపై ప్రత్యేక దృష్టి సారిస్తాను.
  
  సాక్షి : పాఠశాలల పరిస్థితుల్లో మార్పులు
  తీసుకొస్తారా?
  కలెక్టర్ : ప్రాథమిక విద్యపై ప్రత్యేకంగా దృష్టి పెడతాను. గతంలోని కార్యక్రమాలను కొనసాగించి, మరికొన్ని కార్యక్రమాల ద్వారా విద్యార్థుల సామ్యర్థాన్ని మరింత పెంచడానికి కృషి చేస్తాను. ఇక గతంలో ఉన్న కలెక్టర్ చేపట్టిన మంచి పనులన్నీ కొనసాగిస్తాను. వాటితో పాటు కొత్తగా ఏయే పనులు చేపట్టాలన్న దానిపై రెండు మూడు వారాల్లో అన్ని విభాగాల అధికారులతో మాట్లాడి నిర్ణయం తీసుకుంటాను. ప్రభుత్వ పాఠశాలల్లో అన్ని వసతులు ఉండేలా చర్యలు తీసుకుంటాను. మూడు నెలల్లో పాలనను గాడిలో పెడుతాను.
  
  సాక్షి : శాంతి భద్రతలు..
  ధరల నియంత్రణపై కామెంట్?
  కలెక్టర్ : ఎస్పీతో సంప్రదించి శాంతి భద్రతలకు అధిక ప్రాధాన్యత ఇస్తాను. ముఖ్యంగా మహిళలపై జరుగుతున్న అత్యాచారాలు, ఈవ్‌టీజింగ్‌పై కఠినంగా వ్యవహరిస్తాం. అలాగే నిత్యావసర వస్తువుల ధరల స్థిరీకరణ ప్రభుత్వ ప్రాధాన్యత. ఇందుకోసం సామాన్యులకు ధరలు అందుబాటులో ఉంచేందుకు రెవెన్యూ, పౌరసరఫరాల శాఖల సమన్వయంతో కృషి చేస్తాను. ముఖ్యంగా నిత్యావసరాలను నిల్వ చేసి, కృత్రిమ ధరల పెరుగుదలకు పాల్పడే వారిపై, నకిలీ విత్తన వ్యాపారులపై కూడా కఠినంగా వ్యవహరిస్తాం.


 సాక్షి, ఒంగోలు: ‘అయ్యా..నా స్థలం కబ్జా చేశారని ఎమ్మార్వోకు అర్జీఇస్తే, పట్టించుకోవడం లేదయ్యా.. రోజూ ఆఫీసుకు తిరుగుతూనే ఉన్నాను.’ ‘సారూ.. కాళ్లులేని అవిటివాడినని కూడా చూడకుండా.. పింఛన్‌కార్డు రాయడానికి పదేపదే అధికారులు తిప్పించుకుంటున్నారండీ..’ అంటూ కలెక్టర్ విజయ్‌కుమార్ వద్దకొచ్చి బాధితులు గోడువెళ్లబోసుకుంటున్నారు.
 ఒంగోలులో ప్రతీ సోమవారం జరిగే ‘ప్రజాదర్బార్’కు   ప్రజలు తండోపతండాలుగా తరలివచ్చి తమ సమస్యలను జిల్లా అధికారులకు ఏకరువు పెడుతున్నారు.  అధిక శాతం అర్జీల్లో వివిధ ప్రభుత్వ శాఖల మండల స్థాయి అధికారులపై ఫిర్యాదుల పరంపర కొనసాగుతోంది.  ప్రతీ సోమవారం ఆయా తహశీల్దార్ కార్యాలయాల్లో ప్రజాదర్బార్ కొనసాగుతూనే ఉంది. అయినప్పటికీ, బాధితులు అక్కడకు వెళ్లకుండా.. నేరుగా సమస్యలను కలెక్టర్ దృష్టికి తీసుకొస్తున్నారు.
 
  ఉన్నతాధికారుల ఆదేశాలు బేఖాతరు: ప్రజలకు అందుబాటులో ప్రభుత్వ సేవలను అందించేందుకు జిల్లా కేంద్రం నుంచి స్పష్టమైన ఆదేశాలు వెళ్తున్నా ఫలితం ఉండటం లేదు.  భూముల అన్యాక్రాంతం, సరిహద్దుల సర్వేకొలతల దరఖాస్తులు, పన్ను మదింపు, పట్టాదారు పాసుపుస్తకాలు తదితర సమస్యలపై అర్జీలు తహశీల్దార్ కార్యాలయాల్లో అధికసంఖ్యలో పెండింగ్‌లో ఉన్నాయి. కొన్నిచోట్ల సిబ్బంది లంచాల బాగోతంపైనా జిల్లా అధికారులకు ఫిర్యాదులొస్తున్నాయి.
 
  జిల్లా అధికారులు తమ దృష్టికి వచ్చిన అర్జీలపై సంతకాలు చేసి మరలా మండల స్థాయి అధికారులకే సిఫార్సులు పంపుతున్నారు. దీంతో బాధితులకు మరిన్ని కొత్తసమస్యలు ఎదురవుతున్నాయని.. తమను నమ్మకుండా నేరుగా జిల్లా అధికారుల దగ్గరకు వెళ్తారా..?అంటూ కక్షసాధింపు చర్యలెదురవుతున్నాయని బాధితులు చెబుతున్నారు.
 
  అర్జీలు కొండంత.. పరిష్కారాలు గోరంత..
  జిల్లాకేంద్రానికి ఈఏడాది ఆరంభం నుంచి జూన్ మూడోవారం వరకు అందిన అర్జీలను పరిశీలిస్తే.. మొత్తం 24,716 గ్రీవెన్స్‌కు గాను ఇప్పటికీ వాటిల్లో 8090 సమస్యలు మాత్రమే పరిష్కరించారు. 2361 అర్జీలు అధికారుల తిరస్కరణకు గురవగా, పరిష్కార దశలో 5734 దరఖాస్తులున్నాయి. ఇంకా 8492 అర్జీలు పరిష్కారానికి నోచుకోలేదు. ప్రధానంగా ఎస్సీ కార్పొరేషన్‌కు 5742 అర్జీలు రాగా, వాటిల్లో 74 మాత్రమే పరిష్కారమయ్యాయి. డీఆర్‌డీఏ పరిస్థితి అదేతీరుగా ఉంది. 1195 సమస్యలు అధికారుల దృష్టికిరాగా వాటిల్లో 250 సమస్యలనే పరిష్కరించారు.


 యాచారం,న్యూస్‌లైన్: కష్టపడి పనులు చేసి పస్తులుంటున్నాం.. వెంటనే బకాయిలు చెల్లించాలని ‘ఉపాధి’ కూలీలు ప్రజాదర్బార్‌ను ముట్టడించారు. సోమవారం తక్కళ్లపల్లి, పిల్లిపల్లి గ్రామాలకు చెందిన ఉపాధి కూలీలు బకాయిల చెల్లించాలని డిమాండ్ చేస్తూ వ్యవసాయ కార్మిక సంఘం ఆధ్వర్యంలో ప్రజాదర్బార్‌ను ముట్టడించారు. వెంటనే బకాయిలు చెల్లించాలని ఎంపీపీ చాంబర్‌లో మండల ప్రత్యేకాధికారి అజయ్‌కుమార్ ఎదుట బైఠాయించారు.
 
   ఈ సందర్భంగా  వ్యవసాయ కార్మిక సంఘం జిల్లా కార్యదర్శి పి. అంజయ్య మాట్లాడుతూ.. మండలంలో పలు గ్రామాల్లో కూలీలకు అందాల్సిన బకాయిలు రూ. 30 లక్షలకు పైగానే ఉన్నాయన్నారు. పలుమార్లు ఆందోళనలు చేసినా ఫలితం లేదని మండిపడ్డారు. ఓ బ్యాంక్ పేదల డబ్బులను స్వాహా చేస్తున్నా సంబంధిత అధికారులు పట్టించుకోవడం లేదని కూలీలు ఆగ్రహం వ్యక్తం చేశారు.
 
 ప్రత్యేకాధికారి అజయ్‌కుమార్, ఈజీఏస్ నాగభూషణాన్ని పిలిపించుకొని బకాయిల వివరాల గురించి తెలుసుకున్నారు. వెంటనే బకాయిలు కూలీలకు అందేలా కృషి చేయాలని సూచించారు. తాను ఉన్నతాధికారులతో మాట్లాడి న్యాయం చేస్తానని ప్రత్యేకాధికారి హామీ ఇవ్వడంతో కూలీలు శాంతించి ఆందోళన విరమించారు.  ఈ సందర్భంగా కూలీలు అధికారులకు వినతి పత్రం అందజేశారు. 


 సాక్షి ప్రతినిధి, ఒంగోలు: జిల్లా కలెక్టరుగా జీఎస్‌ఆర్‌కేఆర్ విజయకుమార్ బాధ్యతలు చేపట్టి నేటికి ఏడాది పూర్తవుతోంది. ఈ ఏడాది కాలంలో ఆయన పలు కార్యక్రమాలు చేపట్టారు. ప్రజలకు దగ్గరయ్యేందుకు తీవ్రంగా కృషి చేస్తున్నా సత్ఫలితాన్నివ్వడం లేదు.
  
  గ్రీవెన్స్‌కు బదులు ప్రజాదర్బార్..
  కలెక్టరేట్‌లో ప్రతి సోమవారం జరిగే గ్రీవెన్స్‌సెల్ కు బదులు విజయకుమార్ నూతన పంథాలో ప్రజాదర్బార్‌ను ఏర్పాటు చేశారు. ప్రజాదర్బార్ ద్వారా సమస్యలను త్వరితగతిన పరిష్కరించవచ్చని భావించారు. అయితే ఆశించిన ఫలితాలు లేవు. జిల్లాలోని ఒంగోలు, కందుకూరు, మార్కాపురం డివిజన్లలో ప్రజాదర్బారు నిర్వహిస్తున్నారు. ప్రతి నెలా ఒకటి, మూడు సోమవారాలు ఒంగోలులో, రెండో సోమవారం కందుకూరులో, నాలుగో సోమవారం మార్కాపురంలో నిర్వహిస్తున్నారు. ఇవి కాకుండా ప్రతి బుధవారం మండల కేంద్రాల్లోనూ ఏర్పాటు చేస్తున్నారు.  ప్రజాదర్బారులో భాగంగా జిల్లా స్థాయి అధికారులందరినీ తీసుకెళ్లి, ఆయా కేంద్రాల్లో సమస్యలను పరిష్కరించాలని ప్రయత్నిస్తున్నారు. అయితే ఆ సమస్యలు ఎక్కడ వేసిన గొంగళి అక్కడే చందాన ఉంటున్నాయి.  కలెక్టరు స్వయంగా చెప్పినా,  అధికారులు అంతంత మాత్రంగానే స్పందిస్తున్నట్లు తెలుస్తోంది. దీంతో పాటు 12 నియోజకవర్గాలకు ఆయన కోఆర్డినేటర్లను నియమించారు. వీరి ద్వారా ఇందిరమ్మ ఇళ్లు, అక్షర ఉద్యమం లాంటి అంశాలపై ప్రతి గురువారం సమావేశాలు ఏర్పాటు చేస్తున్నారు.
  
   లక్ష్యానికి దూరంగా అక్షరోద్యమం...
  జిల్లాలో నిరక్షరాస్యతను నిర్మూలించేందుకు ‘ప్రకాశం అక్షర విజయం’ పేరుతో గత ఏడాది డిసెంబరు ఒకటో తేదీ నుంచి ప్రత్యేక కార్యక్రమాన్ని ప్రారంభించారు. ప్రాథమిక అంచనాల మేరకు జిల్లాలో పది లక్షల మంది నిరక్షరాస్యులున్నారని కలెక్టరు కార్యాలయం గుర్తించింది. అయితే  చివరకు ఆరున్నర లక్షల మందిగా నిర్ణయించారు. వీరిని అక్షరాస్యులను చేయడానికి 34 వేల అక్షరాస్యత కేంద్రాలను ఏర్పాటు చేశారు.  విద్యాబోధకులుగా అంగన్‌వాడీ సిబ్బందితో పాటు ఇతర విభాగాలకు చెందిన సిబ్బందిని నియమించారు. అయితే వీరికి విద్యాబోధన చేసినందుకుగాను ఎటువంటి పారితోషికం ఇవ్వక పోవడంతో సిబ్బంది అక్షరాస్యత కేంద్రాలకు మొక్కుబడిగా హాజరవుతున్నారు. నిరక్షరాస్యులకు చదువు అంతంత మాత్రంగానే చెప్పడంతో, చదువుకోవడానికి వీరు పెద్దగా ఆసక్తి చూపడం లేదు.  
  
  గత ఏడాది కాలంలో ఇటువంటి పలు కార్యక్రమాలను చేపట్టిన విజయకుమార్ రాజీవ్ విద్యా మిషన్ నిధులతో కలెక్టర్ క్యాంపు కార్యాలయం నిర్మించుకున్నారనే అపవాదును మూట గట్టుకున్నారు.  దీంతో పాటు కలెక్టరు కార్యాలయంలో ఉన్న క్యాంటీన్‌ను తొలగించారు. క్యాంటీన్‌లో దళారులు చేరుతున్నారని, అందుకే దాన్ని తొలగించినట్లు ఆయన చెప్పుకున్నారు. అయితే క్యాంటీన్ నిర్వాహకులు కోర్టుకు వెళ్లడంతో, కలెక్టరు కోర్టు మెట్లు ఎక్కాల్సి వచ్చింది. దీనికి సంబంధించిన ప్రతి వాయిదాకు ఆయన హాజరుకాక తప్పడం లేదు.  
  
  సమీక్షల్లో పారదర్శకత ఏదీ..
  రాష్ట్రంలోని దాదాపు అన్ని జిల్లాల్లో కలెక్టరు జరిపే సమీక్ష సమావేశాలను పారదర్శకంగా నిర్వహిస్తుండగా, ప్రకాశం జిల్లా కలెక్టరు మాత్రం నాలుగు గోడల మధ్య నిర్వహిస్తున్నారు.  ఈ సమావేశాల నిర్వహణలో ఇంత గోప్యం ఎందుకో అనే సందేహం పత్రికా ప్రతినిధులకు కలుగుతోంది. జిల్లా కలెక్టరు  రెండో సంవత్సరంలో అడుగు పెడుతున్న నేపథ్యంలో మరింత సమర్థవంతంగా, మరిన్ని కార్యక్రమాలను చేపడతారని జిల్లా వాసులు ఆశిస్తున్నారు.


 కర్నూలు(కలెక్టరేట్), న్యూస్‌లైన్: అధికారుల చుట్టూ తిరిగేకంటే ఆ దేవుడి చుట్టూ ప్రదక్షిణలు చేసినా వారి సమస్యలు పరిష్కారమయ్యే ఏమో. ఒకటి..రెండు..మూడు.. ఐదు..పది.. ఇరవై.. ఇలా వందల సార్లు ప్రజాదర్బార్‌లో వినతులు ఇచ్చినా సమస్యలకు మోక్షం లభించడం లేదు. సుదూర ప్రాంతాల నుంచి తీవ్ర వ్యయ ప్రయాసలకోర్చి ప్రతి వారం కలెక్టరేట్‌లో జరిగే ప్రజాదర్బార్‌కు వస్తున్న బాధితులకు నిరాశే ఎదురవుతోంది.
 
 జిల్లా కలెక్టర్, జాయింట్ కలెక్టర్ తదితరులు వివిధ వర్గాల ప్రజలు ఇచ్చే వినతులను పైపైనే చదివి ఎండార్స్‌మెంట్ రాసి సంబంధిత అధికారులకు రెఫర్ చేస్తున్నారు. వారు వాటిని కింది స్థాయి అధికారులు, సిబ్బందిపై తోసేసి చేతులు దులుపుకుంటున్నారు. సమస్యలు మాత్రం పరిష్కారం కాక వివిధ వర్గాల ప్రజలు ఇటు ప్రజాదర్బార్, అటు సంబంధిత అధికారుల చుట్టూ ప్రదక్షిణలు చేస్తున్నారు.
 
  సోమవారం కలెక్టరేట్‌లోని సునయన ఆడిటోరియంలో జరిగిన ప్రజాదర్బార్‌లో కలెక్టర్ సి.సుదర్శన్‌రెడ్డి, జాయింట్ కలెక్టర్ కె.కన్నబాబు, డీఆర్‌ఓ వేణుగోపాల్ రెడ్డి వినతులు స్వీకరించి సంబంధిత అధికారులకు రెఫర్ చేశారు. హౌసింగ్ పీడీ రామసుబ్బు, డీఆర్‌డీఏ-ఐకేపీ పీడీ నజీర్‌సాహెబ్ తమకు సంబంధించిన దరఖాస్తులను స్వీకరించారు. ప్రజాదర్బార్‌లో వినతులు వెల్లువెత్తాయి. అర్జీలు ఇచ్చేందుకు వివిధ ప్రాంతాల నుంచి వచ్చిన ప్రజలు పోటీ పడ్డారు. సునయన ఆడిటోరియంలోకి వెళ్లేందుకు తోపులాట జరిగింది. ప్రజాదర్బార్‌కు వచ్చిన వినతుల్లో కొన్ని ఇలా ఉన్నాయి.


 ఒంగోలు కలెక్టరేట్, న్యూస్‌లైన్ : ‘భారత సైన్యంలో పనిచేసినందుకు ప్రభుత్వం నాకు భూమి ఇచ్చింది. సాగు చేసుకునేందుకు ఆ భూమిలోకి వెళ్తే ప్రభుత్వ మాజీ ఉద్యోగి ఒకరు తనదంటున్నాడు. అదేంటని అడిగితే రెవెన్యూ అధికారులు ఇచ్చారంటూ నకిలీ ఆధారాలు చూపిస్తున్నాడు. నాకు ఇచ్చిన భూమి వివరాలు తీసుకుని రెవెన్యూ కార్యాలయానికి వెళ్తే వారినుంచి సమాధానం లేదు. నా భూమిని నాకు ఇప్పించండి’ అంటూ త్రిపురాంతకం మండలం వెల్లంపల్లి గ్రామానికి చెందిన మాజీ సైనికుడు కొమ్ముల ప్రకాశరావు కలెక్టర్ విజయకుమార్‌ను వేడుకున్నారు. స్థానిక ప్రకాశం భవన్ ఆవరణలోని ఓపెన్ ఆడిటోరియంలో సోమవారం నిర్వహించిన ప్రజాదర్బార్‌లో కలెక్టర్‌ను కలిసి తనకు జరిగిన అన్యాయాన్ని వివరించారు. 1986లో వెల్లంపల్లిలో ప్రభుత్వం తనకు 2.52 ఎకరాల భూమి ఇచ్చిందన్నారు. ఆ భూమిని ఓ మాజీ ఉద్యోగికి రెవెన్యూ అధికారులు కట్టబెట్టారన్నారు. న్యాయం కోసం తహసీల్దార్ కార్యాలయం చుట్టూ తిరుగుతున్నా పట్టించుకోవడం లేదని ఆవేదన వ్యక్తం చేశారు. దీనిపై విచారణ జరిపి తనకు న్యాయం చేయాలని కోరారు.
  
  రచ్చబండలో రేషన్‌కార్డులు రాలేదు...
  రాష్ట్ర ప్రభుత్వం నిర్వహించిన రచ్చబండ కార్యక్రమంలో రెండుసార్లు దరఖాస్తు చేసుకున్నా రేషన్ కార్డులు రాలేదని సింగరాయకొండ మండలం పాకల గ్రామంలోని క్రాంతినగర్‌కు చెందిన పలువురు మత్స్యకారులు వాపోయారు. రెండు విడతలు జరిగిన రచ్చబండలో అర్జీలిస్తే రేషన్‌కార్డులు ఇవ్వలేదన్నారు. దానివల్ల అనేక పథకాలకు దూరమవుతున్నామని, కార్డులు అందించాలని విజ్ఞప్తి చేశారు.
  
  ప్రమోషన్ ఇవ్వడం లేదు...
  ఇరవైనాలుగేళ్ల నుంచి పనిచేస్తున్న తనకు ప్రమోషన్ ఇవ్వడంలేదని చీరాల మండలం రామకృష్ణాపురం గ్రామ పంచాయతీ రికార్డు అసిస్టెంట్ జీవీఎస్ ప్రసాదరావు వాపోయారు. న్యాయం కోసం గత ఏడాది ఏప్రిల్ నుంచి ప్రజాదర్బార్‌లో అర్జీ ఇస్తున్నట్లు చెప్పారు.
  
  మంచినీరు సరఫరా చేయాలి...
  ఒంగోలు సమీపంలోని పేర్నమిట్టలో సర్వే నంబర్ 80లో నివసిస్తున్న తమకు మంచినీరు సరఫరా చేయాలని సుమారు 250 కుటుంబాల వారు కలెక్టర్ విజయకుమార్‌ను కలిసి విజ్ఞప్తి చేశారు. స్పందించిన ఆయన.. అక్కడుంటున్న వారందరికీ వెంటనే మంచినీటి సౌకర్యం కల్పించాలని కార్పొరేషన్ కమిషనర్ విజయలక్ష్మిని ఆదేశించారు.
  
  1/బీ అడంగల్‌లో పేరు చేర్చడం లేదు...
  తల్లిదండ్రుల నుంచి వారసత్వంగా వచ్చిన భూమిని 1/బీ అడంగల్‌లో చేర్చకుండా ఇబ్బందులకు గురిచేస్తున్నారని మద్దిపాడు మండలం లింగంగుంట గ్రామానికి చెందిన పాటిబండ్ల చంద్రమౌలి వాపోయాడు. సర్వే నంబర్ 193లో 3.50 ఎకరాల భూమిలో తన వాటా భూమి పంపకం జరిగిందని, కానీ, తహసీల్దార్ కార్యాలయంలో 1/బీ అడంగల్‌లో పేర్చు మార్చడం లేదని ఫిర్యాదు చేశాడు.
  
  హమాలీ కూలి రేట్లు పెంచాలి...
  హమాలీ కూలి రేట్లు పెంచాలని ఆంధ్రప్రదేశ్ పౌరసరఫరాల సంస్థ హమాలీల యూనియన్ జిల్లా కార్యదర్శి సీహెచ్ మజుందార్ కోరారు. హమాలీ కూలి రేట్లు 6 నుంచి 16 రూపాయలకు పెంచాలని, ఎఫ్‌సీఐలో అమలవుతున్న విధంగా డీపీఎస్ పద్ధతి వర్తింపజేయాలని విజ్ఞప్తి చేస్తూ కలెక్టర్‌కు వినతిపత్రం అందజేశారు.
  
  బ్యాంకు లింకేజీ మినహాయింపు ఇవ్వాలి
  బీసీ ఫెడరేషన్ సొసైటీలకు సంబంధించి లబ్ధిదారుల వయో పరిమితి, బ్యాంకు లింకేజీల్లో మినహాయింపు ఉత్తర్వులు అమలు చేయాలని కోరుతూ బీసీ సంక్షేమ సాధన సమితి జిల్లా ప్రధాన కార్యదర్శి మద్దులూరి శ్రీనివాసులు కలెక్టర్‌కు అర్జీ అందజేశారు. 15 మంది సభ్యులు కలిగిన ఒక సొసైటీని ఏర్పాటు చేసుకుని రిజిస్ట్రేషన్ చేసుకునే గడువు పెంచాలన్నారు.
  
  హెచ్చరిక బోర్డు తొలగించి సాగు చేస్తున్నారు..
  కలెక్టర్ ఆదేశాల మేరకు ఏర్పాటు చేసిన హెచ్చరిక బోర్డును తొలగించి మరీ సాగుచేస్తున్నారని ఐదుగురు వీఆర్వోలు కలెక్టర్ ఎదుట వాపోయారు. నాగులుప్పలపాడు మండలం తిమ్మసముద్రం గ్రామంలో తమకు 5 సెంట్ల చొప్పున భూమి కేటాయించారన్నారు. నీటివసతి లేకపోవడంతో ఆ భూమిని రైతులకు లీజుకిస్తే కొంతమంది ఆక్రమించుకున్నారని తెలిపారు. కలెక్టర్ ఆదేశాల మేరకు హెచ్చరిక బోర్డు ఏర్పాటు చేసినప్పటికీ తొలగించి మరీ సాగు చేస్తున్నారని వివరించారు.
  
  తాతల పేరు చెప్పుకుని పట్టాదారు పాస్‌పుస్తకాలు పొందారు..
  టంగుటూరు మండలం వెలగపూడిలోని ప్రభుత్వ భూమికి తాతల పేర్లు చెప్పుకుని అక్రమంగా పట్టాదారు పాస్‌పుస్తకాలు పొందారని అనంతవరం సర్పంచ్ కే సుందరరావు కలెక్టర్‌కు ఫిర్యాదు చేశారు. సర్వే నంబర్ 33/5లో 9.46 ఎకరాల ప్రభుత్వ భూమికి గ్రామానికి చెందిన కసుకుర్తి బాలకోటయ్య, విజయవాడకు చెందిన కాజా ఉమాదేవి పాస్ పుస్తకాలు పొందారన్నారు.1402 నుంచి 1421 పసలీల వరకు వారి ముత్తాతలు, తండ్రుల పేర్లు అడంగల్‌లో లేవన్నారు.