తమిళ స్టార్ హీరో విశాల్ నటిస్తోన్న  సైన్స్ ఫిక్షన్ చిత్రం 'మార్క్ ఆంటోని'. రీతూ వర్మ, అభినయ హీరోయిన్లుగా నటిస్తున్నారు. ఇటీవలే హైదరాబాద్‌లో ప్రీ రిలీజ్‌ ఈవెంట్‌ను ఘనంగా నిర్వహించారు.ఈ చిత్రంలో ఎస్‌ జే.సూర్య ప్రతినాయకుడిగా నటించారు. విశాల్‌, ఎస్‌జే సూర్య ద్విపాత్రాభినయం చేయడం మరో విశేషం. మార్క్‌ఆంటోనీ చిత్రం నిర్మాణ కార్యక్రమాలు పూర్తిచేసుకుని ఈనెల 15న పాన్‌ ఇండియా స్థాయిలో విడుదల కానుంది. తమిళం, తెలుగు హిందీ భాషల్లో  రిలీజ్ చేయనున్నారు. (ఇది చదవండి: ఒకే ఏడాదిలో రెండు విషాదాలు.. శోకసంద్రంలో మమ్ముట్టి కుటుంబం!) ఈ చిత్రానికి అధిక్ రవిచంద్రన్ దర్శకత్వం వహిస్తున్నారు. ఇప్పటికే ట్రైలర్‌ రిలీజ్‌ కాగా.. ప్రేక్షకుల అదిరిపోయే రెస్పాన్స్ వస్తోంది. ‍ఈ ట్రైలర్‌ చూసిన అభిమానులు ఈ సినిమాలో దివంగత నటి సిల్క్ స్మితను చూసి షాక్ తిన్నారు. అయితే ఈ పాత్రను ఏఐ టెక్నాలజీ రూపొందించారని అందరూ భావించారు. అసలు మార్క్ ఆంటోనీ చిత్రంలో నిజంగానే సిల్క్ స్మిత పాత్ర కనిపించనుందా? ఆ ట్రైలర్‌లో ఉన్న నటి ఎవరు? అదేంటో తెలుసుకుందాం.  'మార్క్ ఆంటోని' ట్రైలర్‌లో నటి సిల్క్ స్మితను చూసి ప్రేక్షకులు షాక్ అవుతున్నారు. మొదటగా సిల్క్ స్మితను ఏఐ టెక్నాలజీ సాయంతో రీక్రియేట్ చేసినట్లు వార్తలొచ్చాయి. కానీ వాటిలో ఎలాంటి నిజం లేదని తెలిసింది. అచ్చం సిల్క్‌ స్మితను పోలి ఉండే మరో తమిళ నటి మన ముందుకు రాబోతోంది. ఆమెనే విష్ణుప్రియా గాంధీ. సిల్క్ పాత్రలో విష్ణుప్రియా గాంధీ అచ్చం ఆమె పోలికతో అందరి దృష్టిని ఆకర్షించింది. ఇది చూసిన నెటిజన్స్ మాత్రం అచ్చం సిల్క్ స్మిత సిస్టర్‌లా ఉందంటూ కామెంట్స్ చేస్తున్నారు. (ఇది చదవండి: విశాల్‌ 'మార్క్‌ ఆంటోనీ' సినిమాపై బ్యాన్‌ విధించిన కోర్టు) ఈ నేపథ్యంలో దీనిపై మార్క్ ఆంటోని మేకప్ ఆర్టిస్ట్ కృష్ణవేణి బాబు సైతం సోషల్ మీడియా ద్వారా క్లారిటీ ఇచ్చారు. ఈ పాత్రకు సిల్క్ స్మితగా విష్ణుప్రియా గాంధీని తీర్చిదిద్దే అవకాశమిచ్చినందుకు సోషల్ మీడియా వేదికగా ధన్యవాదాలు తెలిపారు. గ్యాంగ్‌స్టర్ నేపథ్యంలో తెరకెక్కించిన ఈ చిత్రంలో సునీల్, సెల్వరాఘవన్ ప్రధాన పాత్రలు పోషిస్తుండగా.. జీవి ప్రకాశ్ సంగీతమందిస్తున్నారు.  View this post on Instagram A post shared by Venu Chaithu (@venuchaithu28) View this post on Instagram A post shared by Venu Chaithu (@venuchaithu28)

గతవారం బిగ్‌బాస్‌ షో నుంచి ఇనయ సుల్తాన ఎలిమినేట్‌ అయిన సంగతి తెలిసిందే. ఫినాలేలో ఉండాల్సిన ఆమె హౌస్‌ నుంచి బయటకు వచ్చేయడాన్ని ఇప్పటికీ ఆమె ఫాలోవర్స్‌ జీర్ణించుకోలేకపోతున్నారు. మొదటి రెండు వారాల్లోనే ఎలిమినేట్ అవుతుందనుకున్న ఈ అమ్మడు అనూహ్యంగా 14 వారాలు హౌస్ లో ఉండటం అందరినీ ఆశ్చర్యానికి గురి చేసింది. ఇక ఆరోహి ఎలిమినేట్‌ అయిన అనంతరం ఆమె సూర్యకు క్లోజ్‌ అయ్యింది. వీరిద్దరి సాన్నిహిత్యం చూసింది అంతా సమ్‌థింగ్‌ సమ్‌థింగ్‌ అనుకున్నారు. చదవండి: పెళ్లయిన డైరెక్టర్‌ను ధన్య బాలకృష్ణ సీక్రెట్‌ పెళ్లి చేసుకుందా? నటి సంచలన వ్యాఖ్యలు సూర్య తనకు మంచి స్నేహితుడు అంటూనే అతడిపై స్పెషల్‌ ఇంట్రెస్ట్‌ చూపించింది ఇనయ. అలాగే సూర్య కూడా. ఇక ఇద్దరి మధ్య లవ్‌ ట్రాక్‌ నడుస్తుందని, ఇక హౌజ్‌లో ఫుల్‌ ఎంటర్‌టైన్‌మెంట్‌ అనుకుంటుండగా అనూహ్యంగా సూర్య ఎలిమినేట్‌ అయ్యాడు. ఇక సూర్య హౌజ్‌ వీడటంతో ఇనయ పడిన బాధ ఇంతఅంత కాదు. ఇక హౌజ్‌లో అతడి కప్పును వాడటం, సూర్య సూర్య అంటూ కలవరించడం చేసింది. ఆ తర్వాత హోస్ట్‌ నాగార్జున కాస్తా వారించడం ఇక ఆటపై దృష్టి పెట్టింది. అలా స్ట్రాంగ్‌ కంటెస్టెంట్‌గా పేరుతెచ్చుకున్న ఆమె 14వ వారం బిగ్‌బాస్‌ హౌజ్‌ను వీడింది. ఇక బయటక వచ్చిరాగానే ఇనయ, సూర్యను కలుసుకుంది. ఇనయతో కలిసి క్లోజ్‌గా దిగిన ఫొటోను సూర్య తన ఇన్‌స్టాగ్రామ్‌ పేజీలో షేర్‌ చేశాడు. ఇందులో సూర్య, ఇనయను హగ్‌ చేసుకుని కనిపించాడు. దీంతో ఈ పోస్ట్‌పై నెటిజన్లు భిన్నాభిప్రాయలు వ్యక్తం చేస్తు‍న్నారు. ‘హౌజ్‌లో బాగా కనెక్ట్‌ అయిన వీరిద్దరు బయట కూడా అలాగే ఉంటారో లేదో చూడాలి’, ‘ఈ రిలేషన్‌ ఎన్ని రోజులు కొనసాగుతుందో చూస్తాం’ కొందరూ కామెంట్స్‌ చేస్తుంటే మరికొందరు ‘లేడీ టైగర్‌ ఇనయా’, ‘ఇనయది అన్‌ఫెయిర్‌ ఎలిమినేషన్‌, రియల్‌ బిగ్‌బాస్‌ విన్నర్‌’ అంటూ ఆమెకు మద్దతుగా నిలుస్తున్నారు.  చదవండి: విజయ్‌ సేతుపతి షాకింగ్‌ లుక్‌ వైరల్‌, అవాక్కవుతున్న ఫ్యాన్స్‌ View this post on Instagram A post shared by RJ Surya (Konda Babu) (@rjsurya_official)

బిగ్‌బాస్‌ షోలో ఎంటర్‌టైనర్‌ ఆఫ్‌ ది హౌస్‌గా పేరు తెచ్చుకున్నాడు ఆర్జే సూర్య. కానీ కష్టానికి అదృష్టం తోడవకపోవడంతో షో నుంచి ఎలిమినేట్‌ అయిపోయాడు. తాజాగా అతడు తన వ్యక్తిగత విషయాలను పంచుకున్నాడు. ఓ ఇంటర్వ్యూలో సూర్య మాట్లాడుతూ.. 'మా అమ్మ బీడీలు చుట్టేది. నాన్న తాపీ పని చేస్తాడు. ఆయన పనికి వెళ్తేనే మాకు పూట గడిసేది. ఏరోజూ సెలవు తీసుకునేవాడు కాదు. వాళ్లే నా ఇన్‌స్పిరేషన్‌. నేను స్కూల్‌లో ఉన్నప్పుడు పాన్‌ షాప్‌లో సోడా బాటిళ్లు క్లీన్‌ చేసేవాడిని. రోజుకు పది రూపాయలిచ్చేవారు. అదే నా మొదటి జీతం. పీజీలో ఒక అమ్మాయిని ఇష్టపడ్డాను, ప్రపోజ్‌ చేశాను, ఒప్పుకుంది. పెళ్లి చేసుకుందామనుకున్నాం. ఇంట్లో ఒప్పుకోకపోతే ఆత్మహత్యాయత్నం చేశా. దీంతో అమ్మ వచ్చి అమ్మాయివాళ్లతో మాట్లాడింది. కాకపోతే చదువు అయిపోయేవరకు మీ ఇద్దరూ ఫోన్లు మాట్లాడుకోవద్దు, కలుసుకోకూడదని కండీషన్‌ పెట్టారు. చదువైపోయాక కూడా మీ మధ్య ఇదే ప్రేముంటే పెళ్లి చేస్తామన్నారు. సరేనన్నాం. అంతా సెట్టయిపోయిందని కలల ప్రపంచంలో తేలిపోయా. రెండు నెలలు గడిచిపోయాయి. కట్‌ చేస్తే ఫస్ట్‌ ఇయర్‌ హాలీడేస్‌లో ఓరోజు అమ్మాయి ఫోన్‌ చేసింది. మా ఇంటికి మీ అమ్మగారు వచ్చినప్పుడు మాట్లాడిన విధానం నాకు నచ్చలేదు, మీ నాన్నయితే అసలు రానే లేదు. నాకేదో తేడా కొడుతోంది. నువ్వు నిజంగా నన్ను లవ్‌ చేస్తే మీ పేరెంట్స్‌ను వదిలేసి మా ఇంటికి వచ్చేసి మాతోనే ఉండిపో అని చెప్పింది. నాకేం అర్థం కాలేదు, ఫోన్‌ పగలగొట్టాను. ఇంటికి వెళ్లి తలుపులు మూసి అమ్మ కాళ్ల మీద పడి తప్పయిపోయిందమ్మా అంటూ మూడుగంటలపాటు వెక్కివెక్కి ఏడ్చాను. గుండెల మీద పెంచినవాళ్లను గుండెల మీద తన్నాను, అయినా అమ్మ వెంటనే క్షమించేసింది. ఆ తర్వాతి రోజే చెన్నై రెడ్‌ ఎఫ్‌ఎమ్‌ నుంచి ఫోన్‌ వచ్చింది. హైదరాబాద్‌లో పోస్టింగ్‌ ఇచ్చారు. చదువు మానేసి ఉద్యోగంలో జాయిన్‌ అయ్యాను. తర్వాత ఆర్జేగా, యాంకర్‌గా, షార్ట్‌ ఫిలింస్‌లో నటుడిగా రాణించాను' అని చెప్పుకొచ్చాడు సూర్య. చదవండి: చివరి నిమిషంలో ట్విస్ట్‌, బాలాదిత్యతోపాటు వాసంతి అవుట్‌ గీతూ ఎలిమినేషన్‌కు నేను కారణం కాదు: బాలాదిత్య

బిగ్‌బాస్‌ ఆరో సీజన్‌లో ఇనయ- సూర్యల లవ్‌ ట్రాక్‌ ఎంత ఫేమసో అందరికీ తెలిసిందే! ఏమైందో ఏమో కానీ సడన్‌గా ఇనయ సూర్యను దూరం పెట్టడం, అతడిని నామినేట్‌ చేయడం, ఆ వారమే సూర్య ఇంట్లో నుంచి వెళ్లిపోవడం చకచకా జరిగిపోయాయి. ఓపక్క ఇష్టం అంటూనే నామినేట్‌ చేస్తావ్‌, వెళ్లిపోతుంటే ముద్దుల వర్షం కురిపిస్తూ ప్రేమ ఒలకబోస్తావు, ఎందుకంత నటిస్తున్నావు? అని నామినేషన్‌లో ఇనయను హౌస్‌మేట్స్‌ ఓ ఆటాడుకున్నారు. అయితే ఎవరెన్ని మాటలన్నా సరే ఇనయ మాత్రం.. సూర్య అంటే నాకిష్టం అంటూ అతడి ప్లేటులోనే తింటూ తన జ్ఞాపకాల్లో మునిగి తేలుతోంది. ఇదిలా ఉంటే గతవారం ఎలిమినేట్‌ అయిన సూర్య.. ఇనయ తన వెనకాల చులకన చేసి మాట్లాడిన వీడియో చూసి హర్టయ్యాడు. అందుకే, ఆమె గురించి ఎక్కడా ఎక్కువగా మాట్లాడట్లేదు. కానీ నెటిజన్లు ఊరుకుంటారా? పదేపదే ఇనయ కోసం గుచ్చిగుచ్చి అడుగుతూనే ఉన్నారు. అందులోనూ సూర్య.. మెరీనా రోహిత్‌లకు సపోర్ట్‌ చేసి ఇనయను మాత్రం గాలికొదిలేయడాన్ని ప్రశ్నిస్తూ వస్తున్నారు. ఇయన మీద ప్రతీకారం తీర్చుకుంటున్నావా? అంటూ నిలదీస్తున్నారు. తాజాగా ఈ ప్రశ్నలకు సమాధానం చెప్పాడు సూర్య. 'చాలామంది పర్సనల్‌గా అడుగుతున్నారు కాబట్టి చెప్తున్నా.. నేను ఒక్కసారి ఫ్రెండ్‌ అనుకుంటే వాళ్లు ఎప్పటికీ నా ఫ్రెండే. నా వెనకాల గోతులు తీసినా, నా గురించి తప్పుగా మాట్లాడినా ఎప్పటికీ స్నేహితురాలిగానే భావిస్తా. ఫ్రెండ్‌షిప్‌కు నేనెప్పుడూ సపోర్ట్‌ చేస్తాను. ఇనయ ఫైటర్‌.. ఈ సీజన్‌లో ప్రస్తుతం హౌస్‌లో ఉన్నవాళ్లలో ఫైమా, రాజ్‌, ఇనయ, కీర్తి నా స్నేహితులు' అని ఇన్‌స్టాగ్రామ్‌ స్టోరీలో రాసుకొచ్చాడు. నిన్నటి గేమ్‌ గురించి మాట్లాడుతూ.. ఫైమా, ఇనయలను కెప్టెన్‌గా చూడాలనుకున్నాను. కెప్టెన్‌ దగ్గరి వరకు వచ్చి ఆగిపోయారు అని స్టోరీలో పేర్కొన్నాడు. చదవండి: బిగ్‌బాస్‌: ఈ వారం గీతక్క ఎలిమినేట్‌! ఆస్పత్రిలో నటి భాగ్యశ్రీ భర్త, కారణమేంటంటే?

ఆర్జే సూర్య బిగ్‌బాస్‌ హౌస్‌లో ఉన్నప్పుడు కొంచెం ఇష్టం కొంచెం కష్టం అన్నట్లుగా ప్రవర్తించింది ఇనయ. అతడితో కాసేపు బాగానే ఉంటుంది. అంతలోనే నీ ఫ్రెండ్‌షిప్‌ వద్దు, నువ్వూ వద్దు. నిన్ను నామినేట్‌ చేసి పడేస్తా అని కోపం చూపించింది. వీళ్ల లెక్కలు అర్థం కాక ఇనయకు తిక్క అనుకున్నారు హౌస్‌మేట్స్‌. కానీ ఎప్పుడైతే సూర్య ఎలిమినేట్‌ అయ్యాడో అప్పుడు సీన్‌ రివర్సైంది. నీవల్లే సూర్య వెళ్లిపోయాడు, నువ్వే పంపించావు, వెన్నుపోటు పొడిచావు అంటూ హౌస్‌ అంతా నానామాటలు అంది. అయినా సరే, ఉబికి వస్తున్న కన్నీళ్లను దిగమింగుకుని అందరితో పోరాడింది ఇనయ. ఇక సూర్య వెళ్లిపోయిన క్షణం నుంచి అతడి నామస్మరణలోనే ఉంటోంది. అలా అని గేమ్‌ను నిర్లక్ష్యం చేయట్లేదు. సూర్య గేమ్‌ కూడా కలిపి ఆడుతోంది. అతడి టీషర్టే వేసుకుని ఆటాడింది. అతడి ప్లేట్‌లోనే తింటోంది, అతడి కప్‌లోనే కాఫీ తాగుతోంది. ఎవరెన్ని అంటున్నా సూర్య అంటే ఇష్టం అని గొంతెత్తి అరుస్తోంది. మరి ఇంత ప్రేమున్న ఇనయ సూర్య హౌస్‌లో ఉన్నప్పుడు అతడిని ఎందుకు దూరం పెట్టింది? అంటే బుజ్జమ్మే కారణం. సూర్యకు ఆల్‌రెడీ బుజ్జమ్మ అనే గర్ల్‌ఫ్రెండ్‌ ఉన్నప్పుడు తను అతడికి దగ్గరవడం తప్పనుకుని దూరం పెట్టాలనుకుంది. కానీ అతడు వెళ్లిపోయాక మాత్రం నిత్యం సూర్య పేరు తలుచుకుంటూ అతడి జ్ఞాపకాల్లో మునిగి తేలుతోంది. అయితే సూర్యకు అసలు గర్ల్‌ఫ్రెండే లేదట. బుజ్జమ్మకు, తనకు మధ్య స్నేహం మాత్రమే ఉందని వివరించాడు సూర్య. ఓ ఇంటర్వ్యూలో అతడు మాట్లాడుతూ.. 'బుజ్జమ్మ నా గర్ల్‌ఫ్రెండ్‌ కాదు, క్లోజ్‌ఫ్రెండ్‌ మాత్రమే. 8 ఏళ్లుగా మేము స్నేహితులుగా ఉన్నాము. దయచేసి మాగురించి తప్పుగా రాయకండి. నాకు ఆల్‌రెడీ పెళ్లిసంబంధాలు చూస్తున్నారు. బిగ్‌బాస్‌ హౌస్‌లో ఉన్నప్పుడే ఆ మాట చెప్పాను. కానీ అది ఎపిసోడ్‌లో చూపించలేదేమో!' అని క్లారిటీ ఇచ్చాడు. ఇది చూసిన జనాలు ఇనయ లైన్‌ క్లియర్‌ అయినట్లే కనిపిస్తోందని కామెంట్లు చేస్తున్నారు. చదవండి: అంత ప్రేముంటే వెళ్లి సూర్య ఇంట్లో కూర్చోమను అరుదైన వ్యాధితో బాధపడుతున్న జాతిరత్నాలు డైరెక్టర్

Bigg Boss Telugu 6, Episode 57: చిట్టి ఫరియా అబ్దుల్లా డ్యాన్స్‌తో నేడు బిగ్‌బాస్‌ ఎపిసోడ్‌ పండగలా ప్రారంభమైంది. వాసి వాడి తస్సాదియ్యా అంటూ హీరోయిన్‌తో స్టెప్పులేశాడు మన్మథుడు నాగార్జున. లైక్‌ షేర్‌ సబ్‌స్క్రైబ్‌ సినిమా ప్రమోషన్లలో భాగంగా ఫరియాతో పాటు సంతోష్‌ శోభన్‌ కూడా స్టేజీపైకి వచ్చి సందడి చేశాడు. నిన్న ఒకరు ఎలిమినేట్‌ అయ్యారు. మరి నేడు ఇంకెవరైనా ఎలిమినేట్‌ అయ్యారా? అసలేం జరిగిందనేది నేటి ఎపిసోడ్‌ హైలైట్స్‌లో చూద్దాం.. ఆర్జే సూర్యను శనివారమే డైరెక్ట్‌ ఎలిమినేట్‌ చేశాడు నాగ్‌. ఈరోజు అతడిని స్టేజీపైకి పిలిచాడు. హౌస్‌లో ఐదు ఫ్లవర్స్‌ ఎవరు?, ఐదు ఫైర్‌ బ్రాండ్స్‌ ఎవరు? అనేది చెప్పమన్నాడు. రేవంత్‌ ఫ్లవర్‌ అని.. ఓటమిని స్పోర్టివ్‌గా తీసుకోవాలని సూచించాడు. గీతూ కూడా ఫ్లవర్‌ అని.. నీ గేమ్‌ నువ్వు ఆడితే నీకు తిరుగే లేదన్నాడు. శ్రీహాన్‌కు గేమ్‌ మీద క్లారిటీ ఉందని, బాలాదిత్య మంచితనం అతడి గేమ్‌ను ఆపేస్తోందంటూ వారిద్దరినీ ఫ్లవర్‌ కేటగిరీలో చేర్చాడు. ఫైర్‌ కేటగిరీలో ఫైమా, ఇనయ, రాజ్‌, కీర్తిలను చేర్చాడు సూర్య. మొదట్లో ఇనయతో ఎక్కువ గొడవలయ్యేవని, పదేపదే తిట్టుకునేవాళ్లమని గుర్తు చేసుకున్నాడు. వెళ్లిపోతున్నా కాబట్టి నా గేమ్‌ కూడా నువ్వే ఆడి టాప్‌ 5లో ఉండాలని ఇనయకు చెప్పాడు. ఇక ఇనయ అందుకుంటూ నీకోసం మ్యాచింగ్‌ డ్రెస్‌ వేసుకున్నానంటూ కొరియన్‌ లవ్‌ సింబల్‌ చూపించింది. వీళ్ల సైన్‌ లాంగ్వేజ్‌ అర్థం కాక నాగార్జున నెత్తి పీక్కున్నాడు. కొంచెం కూడా నెగెటివిటీ లేని పర్సన్‌ రాజ్‌ అని కితాబిచ్చాడు సూర్య. నువ్వెలా ఆడుతున్నావో అలాగే ఆడంటూ కీర్తికి సలహా ఇచ్చాడు. తర్వాత అందరికీ వీడ్కోలు చెప్పాడు. సూర్య వెళ్లిపోగానే లైక్‌ షేర్‌ సబ్‌స్క్రైబ్‌ హీరోహీరోయిన్లు సంతోశ్‌ శోభన్‌, ఫరియా అబ్దుల్లా స్టేజీపైకి వచ్చి సందడి చేశారు. హౌస్‌మేట్స్‌తో ఒక ఫన్‌ గేమ్‌ ఆడించారు. ఎప్పటిలాగే గెస్ట్‌గా వచ్చిన హీరోయిన్‌ కోసం పాట పాడాడు సింగర్‌ రేవంత్‌. ఆ పాటతో ఫిదా అయిన ఫరియా, సంతోశ్‌ అక్కడి నుంచి వెళ్లిపోయారు. తర్వాత మరో టాస్క్‌ ఇచ్చారు. అందులో భాగంగా కొన్ని నేమ్‌ప్లేట్‌లను ఇంటిసభ్యులకు అంకితమివ్వాలన్నాడు నాగ్‌. గీతూకు రచ్చ ట్యాగ్‌ ఇచ్చింది మెరీనా. శ్రీహాన్‌ అపరిచితుడు అని కీర్తి ట్యాగ్‌ ఇచ్చింది. ఇనయ మహానటి అని శ్రీహాన్‌.. శ్రీహాన్‌ కన్నింగ్‌ అని ఇనయ చెప్పుకొచ్చారు. కీర్తి శ్వేతనాగు అంది శ్రీసత్య. బాలాదిత్య వకీల్‌ సాబ్‌ అన్నాడు రేవంత్‌. ఆదిరెడ్డి దొంగ అని చెప్పింది గీతూ. ఇనయకు బలుపు అని వాసంతి, రాజ్‌ టైంపాస్‌ అని ఫైమా అంది. గీతూ.. ఆడంతే అదో టైపు అన్నాడు ఆది రెడ్డి. ఫైమాకు బలుపెక్కువ అన్నాడు రాజ్‌. గీతూ ఇడియట్‌ అన్నాడు బాలాదిత్య. ఇకపోతే నామినేసన్‌లో ఉన్న అందరూ సేఫ్‌ అయిపోగా చివరగా ఆది, మెరీనా మాత్రమే మిగిలారు. ఎక్కడ ఆది ఎలిమినేట్‌ అవుతాడోనని గుక్కపెట్టి ఏడ్చింది గీతూ. నన్ను అర్థం చేసుకునేవాళ్లే ఉండరంటూ శోకం అందుకోగా ఆమెను ఆపడం ఎవరితరం కాలేదు. మరోవైపు మెరీనా వెళ్లిపోతే తనకు మంచిమంచి బట్టలు పంపు అని భార్యను ఆదేశించాడు రోహిత్‌. అయితే నాగ్‌ మాత్రం... నో ఎలిమినేషన్‌, ఇద్దరూ సేఫ్‌ అని ట్విస్ట్‌ ఇచ్చాడు. ఈ సర్‌ప్రైజ్‌తో హౌస్‌మేట్స్‌ ఫుల్‌ ఖుషీ అయ్యారు. చదవండి: వరల్డ్‌ బిగ్గెస్ట్‌ ఫెమినిస్ట్‌.. ఫ్రీ హగ్స్‌ అమ్మ కోసం రూ.80 లక్షలు ఖర్చు పెట్టిన శ్రీసత్య

బుల్లితెర హిట్‌ షో బిగ్‌బాస్‌లో ఈవారం ఆర్జే సూర్య ఎలిమినేట్‌ అయ్యాడు. నిజానికి సూర్య గేమ్‌ ఆడాడు, ఎంటర్‌టైన్‌ చేశాడు.. కానీ అతడి లవ్‌ ట్రాకుల వల్ల చెడ్డ పేరు మూటగట్టుకుని బయటకు వచ్చేశాడు. మొదట్లో ఆరోహితో, ఆమె వెళ్లిపోగానే ఇనయతో క్లోజ్‌గా ఉండటంతో అతడికి పులిహోర రాజా అని సర్టిఫికెట్‌ ఇచ్చారు నెటిజన్లు. అయితే తన మనసులో ఎలాంటి దురుద్దేశం లేదంటున్నాడు సూర్య. బిగ్‌బాస్‌ షో నుంచి బయటకు వచ్చేసిన అతడు యాంకర్‌ శివతో బిగ్‌బాస్‌ కెఫెలో ముచ్చటించాడు. ఈ సందర్భంగా శివ తను అడగాలనుకున్న ప్రశ్నలన్నింటిని వరుసపెట్టి అడిగి కడిగిపారేశాడు. ఫెమినిస్ట్‌ పాయింట్‌ ఎత్తడానికి, నువ్వు ఆడిన విధానానికి అసలేమైనా సంబంధం ఉందా? అని అడిగాడు. దీనికి సూర్య.. నా దృష్టిలో ఫెమినిస్ట్‌ అంటే ఆడవాళ్ల ఆలోచనలకు ఎక్కువ గౌరవం ఇవ్వడమని ఆన్సరిచ్చాడు. మరి నువ్వు వాల్యూ ఇచ్చావా? అని అడగ్గా హా, ఇచ్చానంటూ తలూపాడు సూర్య. అలాగైతే ఆల్‌రెడీ కెప్టెన్‌ అయిన నువ్వు వాసంతికి ఒకసారి కెప్టెన్‌ అయ్యే ఛాన్స్‌ ఎందుకివ్వలేదని నిలదీశాడు. ఒకప్పుడు ఆరోహితో క్లోజ్‌గా ఉండి సురోహిగా.. తర్వాత ఇనయతో క్లోజ్‌గా ఉంటూ సునయగా ఆడావు. నెక్స్ట్‌ కీర్తియా? అని ప్రశ్నించడంతో ఖంగు తిన్నాడు సూర్య. ఇనయను మోటివేట్‌ చేయడానికి తనతో ఎక్కువగా ఉన్నానని ఆన్సరిచ్చాడు ఆర్జే. అయినా నేనెవరితో క్లోజ్‌గా ఉంటే వాళ్లతో ముడిపెట్టేస్తున్నారని అసహనం వ్యక్తం చేశాడు. అలాగైతే.. ప్రేక్షకులు ఏమనుకుంటున్నారో మీరే తెలుసుకోండంటూ మీమ్స్‌ చూపించాడు శివ. ఇందులో సూర్య హగ్గులు, ముద్దులు పెడుతున్న ఫొటోలను పెట్టి వరల్డ్‌ బిగ్గెస్ట్‌ ఫెమినిస్ట్‌, ఫ్రీ హగ్స్‌ అంటూ రాసుకొచ్చారు. ఈ షాక్‌ నుంచి తేరుకునేలోపే సూర్యకు మరో దిమ్మతిరిగిపోయే వీడియో చూపించాడు శివ. అందులో ఇనయ.. సూర్య ఫేక్‌ అనిపించాడంటూ మాట్లాడింది. ఆ మాటలతో సూర్య బిత్తరముఖం వేసుకున్నాడు. View this post on Instagram A post shared by Star Maa Music (@starmaamusicofficial) చదవండి: తల్లి కోసం రూ.80 లక్షలు ఖర్చు పెట్టిన శ్రీసత్య సూర్య- ఇనయ లవ్‌ భాష.. ఏంటో అర్థం కావట్లేదన్న నాగ్‌

బిగ్‌బాస్‌ తెలుగు ఆరో సీజన్‌లో ఈవారం డైరెక్ట్‌ ఎలిమినేషన్‌ జరిగింది. సండే కంటే ఒక రోజు ముందే సూర్య ఎలిమినేట్‌ అయినట్లు ప్రకటించాడు. స్టేజీపైకి వచ్చాక అతడు ఏమేం మాట్లాడాడో ప్రోమోలు వదులుతోంది బిగ్‌బాస్‌ టీమ్‌. ఓ వీడియోలో సూర్య.. నీ గేమ్‌ నువ్వు ఆడితే అసలు నీకు కాంపిటీషనే లేదని గీతూను ఆకాశానికెత్తాడు. అలాగే ఇనయ టాప్‌ 5లో ఉండాలని కోరుకుంటున్నానన్నాడు. అయితే సూర్య కనిపించడంతో తెగ ఎమోషనలైపోయింది ఇనయ. కొరియన్‌లా చేతివేళ్లతో లవ్‌ సింబల్‌ను చూపించింది. సూర్య కూడా అదే విధంగా సింబల్‌ చూపించాడు. దీంతో నాగ్‌.. ఇవన్నీ ఏంటసలు? నాకర్థం కావడం లేదని జుట్టు పీక్కున్నాడు.  ఇక ఈరోజు ఎపిసోడ్‌లో లైక్‌ షేర్‌ సబ్‌స్క్రైబ్‌ మూవీ హీరోహీరోయిన్లు సంతోష్‌ శోభన్‌, ఫరియా అబ్దుల్లా స్పెషల్‌ గెస్టులుగా వచ్చేసి సందడి చేయబోతున్నారు. హౌస్‌మేట్స్‌తో పీపీతో పాట గేమ్‌ ఆడించారు. మరి ఆ ఆటలు, పాటలు చూడాలంటే నేటి ఎపిసోడ్‌ వచ్చేదాకా ఆగాల్సిందే! చదవండి: చివరిసారిగా సూర్యకు ఇనయ ముద్దుల వర్షం గీతూను ఓ ఆటాడుకుంటున్న నెటిజన్లు

Bigg Boss 6 Telugu, Episode 56: నాగార్జున వచ్చీరాగానే తన కోపాన్నంతా కక్కేశాడు. చేపల చెరువు టాస్క్‌లో గీతూ ఎలా ఆడిందో ఆదిని రివ్యూ ఇవ్వమన్నాడు. గీతూ ఫిజికల్‌గా బాగా ఆడిందని వెనకేసుకొచ్చాడు ఆది. మరి అంత బాగా ఆడితే మీ దగ్గరే ఎందుకు తక్కువ చేపలున్నాయన్నాడు. దీంతో వాళ్లు మౌనంగా ఉండిపోయారు. గీతూ మధ్యలో ఏదో చెప్పేందుకు ప్రయత్నించగా పానకంలో పుడకలా మధ్యలో మాట్లాడకని వార్నింగ్‌ ఇచ్చాడు నాగ్‌. సంచాలక్‌గా తన ఆటతీరు ఎలా ఉంది? అని ప్రశ్నించగా మెజారిటీ హౌస్‌మేట్స్‌ ఆమె అలా ఆట మధ్యలో దూరడం తప్పని చెప్పారు. అయితే గీతూ మాత్రం.. నేనుండే సీజన్‌లో ఎవరు ఆడకపోయినా నేనే ఆడిస్తానని రెచ్చగొట్టాను. బయట కూడా నేను గేమర్‌ను అని చెప్పుకొచ్చింది. ఎదుటివాళ్ల వీక్‌నెస్‌ మీద ఆడటం గేమర్‌ లక్షణం కాదు.  నువ్వు గేమర్‌ కాదు, వేస్ట్‌.. ఓటమి తట్టుకోలేక ఏడ్చావు. గేమ్‌ ఇంట్రస్టింగ్‌గా ఆడటం మా బిగ్‌బాస్‌ చూసుకుంటాడు. నువ్వేం చేయనవసరం లేదు. సరే పోనీ, కూరగాయలు కట్‌ చేశాక ఆ తొక్క అంతా డస్ట్‌బిన్‌లో వేయడానికి అంత గొడవ అవసరమా? నీ ఆట బొచ్చులో ఆట అయిపోయింది. కోపమొస్తే కామన్‌సెన్స్‌ లేకుండా మాట్లాడుతున్నావని క్లాస్‌ పీకాడు నాగ్‌. నువ్వు గెలవడాని కంటే అవతలివాళ్ల వీక్‌నెస్‌ మీద దెబ్బ కొట్టాలని చూశావని ఫైర్‌ అయ్యాడు. సంచాలక్‌గా తప్పు చేసిన గీతూ బిగ్‌బాస్‌ చెప్పేవరకు బాత్రూమ్స్‌ క్లీన్‌ చేయాలని పనిష్మెంట్‌ ఇచ్చాడు. ఎవరి ఆట వాళ్లు బాగా ఆడితే సీజన్‌ ఎక్కడుండాలో అక్కడుటుంది అన్నాడు. ఆట ఆడుతూనే అమ్మాయిల డ్రెస్‌ సరిదిద్దావంటూ బాలాదిత్యను మెచ్చుకున్నాడు నాగ్‌. శ్రీహాన్‌-శ్రీసత్య కలిసి ఆడారా? మిగతా జంటల సాయం తీసుకున్నారా? అని అడగ్గా వారు కలిసే ఆడామని తలూపారు. నాగ్‌ మాత్రం.. గీతూ దయాదాక్షిణ్యాల మీద మీ గేమ్‌ ఆధారపడిందని సెటైర్‌ వేశాడు. సూర్య.. తనను ముగ్గురమ్మాయిల(ఇనయ, ఫైమా, కీర్తి) కన్నా నేను ఫిజికల్‌గా తక్కువ అనేసరికి బాధపడ్డానంది వాసంతి. ఫెమినిస్ట్‌ అయి ఉండి అలా మాట్లాడతావా? అని విమర్శించడంతో ముఖం మాడ్చాడు సూర్య. కామెడీ విషయంలో కొన్నిసార్లు నోరుజారుతున్నావు, జాగ్రత్తగా ఉండని ఫైమాను హెచ్చరించాడు నాగ్‌. గేమ్‌లో రేవంత్‌ మిగతావారిని నెట్టేసిన వీడియో చూపించిన నాగ్‌.. ఉన్మాదిలా ఆడుతున్నావు, ఆ కోపం తగ్గించుకుంటూనే గేమ్‌ ఆడు అని సలహా ఇచ్చాడు. ఈ వారం అనర్హులు బ్యాడ్జ్‌ ఎవరికి ఇస్తావంటే కెప్టెన్‌ శ్రీహాన్‌.. కీర్తి పేరు సూచించాడు. పాజిటివ్‌ తీసుకున్నంత ఈజీగా నెగెటివ్‌ తీసుకోలేదంటూ ఆమెకు అనర్హురాలు బ్యాడ్జ్‌ తగిలించాడు. తర్వాత డైరెక్ట్‌ ఎలిమినేషన్‌ అంటూ సూర్య ఎలిమినేట్‌ అయినట్లు ప్రకటించాడు నాగ్‌. ఊహించని ఎలిమినేషన్‌తో ఇనయ వెక్కి వెక్కి ఏడ్చింది. అతడిపై ముద్దుల వర్షం కురిపిస్తూ భారంగా వీడ్కోలు పలికింది. ఫైమా, కీర్తి సైతం సూర్య వెళ్లిపోతుంటే కంటనీరు పెట్టుకున్నారు. మిగతా హౌస్‌మేట్స్‌ అతడిని సీక్రెట్‌ రూమ్‌కి పంపిస్తారేమోనని అభిప్రాయపడ్డారు. మరి సూర్య స్టేజీపైన ఏం మాట్లాడాడు? అనేది తెలియాలంటే రేపటి ఎపిసోడ్‌ కోసం వేచి చూడాల్సిందే! చదవండి: గీతూను ఓ ఆటాడుకుంటున్న నెటిజన్లు నన్ను చితక్కొట్టి ఇంట్లో నుంచి గెంటేశారు: అనుపమ్‌ ఖేర్‌

చాలా రోజుల తర్వాత ఫుల్‌ ఫైర్‌ మీదున్నాడు నాగార్జున. ఎవ్వరినీ వదిలిపెట్టకుండా అందరినీ వాయించేస్తున్నాడు. ఆఖరికి కెప్టెన్‌ అయినందుకు శ్రీహాన్‌ను ప్రశంసిస్తాడనుకుంటే అతడిని కూడా విమర్శించాడు. ఈ మేరకు తాజాగా ఓ ప్రోమో రిలీజైంది. ఇందులో నాగ్‌.. చేపల చెరువు టాస్క్‌లో శ్రీహాన్‌- శ్రీసత్య కలిసి ఆడారా? లేదా వేరే జంటల సాయం తీసుకున్నారా? అని అడిగాడు. ఇందుకు వాళ్లు కాస్త అనుమానంగానే తలూపుతూ కలిసే ఆడామన్నారు. నాగ్‌ మాత్రం గీతూ దయాదాక్షిణ్యాల మీదే మీ గేమ్‌ ఆధారపడిందని పరువు తీశాడు. ఇక చీటీలు వేసుకుని కెప్టెన్సీ కంటెండర్లు కావడమేంటని అడిగాడు హోస్ట్‌. దీనికి వాసంతి మాట్లాడుతూ.. ముగ్గురు అమ్మాయిల కన్నా నువ్వు ఫిజికల్‌గా తక్కువ అనేసరికి షాక్‌లో ఉండిపోయానంది. నువ్వో ఫెమినిస్ట్‌ అని చెప్పుకుంటావు, మరి ఫిజికల్‌గా తక్కువ అంటూ అనడం.. ఫెమినిస్ట్‌ మాట్లాడాల్సిన మాటలేనా? అని నాగ్‌.. సూర్యను నిలదీయడంతో అతడు సిగ్గుతో తల దించాడు. కామెడీకి హద్దు ఉంటుందని మర్చిపోతున్నావంటూ ఫైమాను హెచ్చరించాడు. గేమ్‌లో రేవంత్‌ మిగతావారిని ఇష్టమొచ్చినట్లు నెట్టేసిన వీడియోను చూపించిన నాగ్‌.. ఒక ఉన్మాదిలా ఆడుతున్నావని తిట్టిపోశాడు. అనంతరం ఈరోజు డైరెక్ట్‌ ఎలిమినేషన్‌ ఉంటుందని చెప్పాడు. వెళ్లిపోయేది మరెవరో కాదు, సూర్య అని సోషల్‌ మీడియాలో ఆల్‌రెడీ లీకైన విషయం తెలిసిందే! చదవండి: నువ్వేంది ఆడించేది? బిగ్‌బాస్‌ లేడా?: నాగార్జున వాళ్లు సేఫ్‌, అతడు ఎలిమినేట్‌

బిగ్‌బాస్‌ రియాలిటీ షోలో అన్నీ మనం అనుకున్నట్లు, ఊహించినట్లు జరగవు. కొన్నిసార్లు సడన్‌ ట్విస్టులు, షాకులిస్తుంటాడు బిగ్‌బాస్‌. ఈవారం కూడా అదే జరగబోతోంది. ఊహించని కంటెస్టెంట్‌ ఎలిమినేట్‌ కాబోతున్నాడట. ఎనిమిదో వారం నామినేషన్‌లో 14 మంది కంటెస్టెంట్లు ఉన్నారు. దీంతో డబుల్‌ ఎలిమినేషన్‌ ఉండొచ్చేమోనని ఊహించారు. కానీ బిగ్‌బాస్‌ టీమ్‌ సింగిల్‌ ఎలిమినేషన్‌కే మొగ్గు చూపిందట. మెరీనా, రోహిత్‌, రాజ్‌, వాసంతి, కీర్తి.. వీరిలో ఎవరైనా ఎలిమినేట్‌ కావొచ్చని అంతా అనుకున్నారు. అనూహ్యంగా వీరందరూ సేవ్‌ అయ్యి సూర్య ఎలిమినేట్‌ అయ్యాడట. ఈ విషయాన్ని లీకువీరులు సోషల్‌ మీడియాలో దరువేసి మరీ చెప్తున్నారు. నిజానికి ప్రస్తుతం ఉన్న చాలామంది కంటెస్టెంట్ల కంటే సూర్య కొంత బెటర్‌. కానీ ఆరోహి, ఇనయలతో లవ్‌ ట్రాక్‌ నడిపి అతడు తన పేరును చెడగొట్టుకున్నాడు. పులిహోర రాజాగా పేరు తెచ్చుకున్నాడు. ఎంత గేమ్‌ ఆడినా, ఎంటర్‌టైన్‌ చేసినా కేవలం ఈ ట్రాకుల వల్లే అతడి గ్రాఫ్‌ దారుణంగా పడిపోయింది. ఫలితంగా అతడు ఎలిమినేట్‌ అయ్యాడు. మంచి పేరుతో హౌస్‌లో అడుగుపెట్టిన సూర్య చెడ్డ పేరు మూటగట్టుకుని బయటకు వస్తున్నాడు. చదవండి: ఇనయ- శ్రీహాన్‌ మధ్య మళ్లీ లొల్లి.. ఇలాగైతే సీజన్‌ హిట్‌ అంటున్న గీతక్క

Bigg Boss 6 Telugu, Episode 54: మొత్తానికి గీతూ అనుకుంది సాధించింది. బాలాదిత్య- మెరీనా గేమ్‌లో ఉండటానికి వీల్లేదని డిసైడ్‌ అయిన గీతూ అన్నంత పని చేసింది. చేపల చెరువు టాస్క్‌లో సంచాలకురాలిగా వ్యవహరించిన గీతూ బాలాదిత్య జంటను గేమ్‌ నుంచి సైడ్‌ చేసింది. అత్యధిక చేపలున్న శ్రీహాన్‌- శ్రీసత్య ఇద్దరూ కెప్టెన్సీ కంటెండర్లుగా ఎన్నికయ్యారని బిగ్‌బాస్‌ ప్రకటించాడు. మరి వీరితోపాటు కెప్టెన్సీ బరిలో ఎవరెవరు దిగారు? ఈ రోజు ఎపిసోడ్‌ హైలైట్స్‌ ఏంటో చదివేద్దాం.. గీతూ మహిమ వల్ల శ్రీహాన్‌-శ్రీసత్య కెప్టెన్సీ పోటీదారులుగా నిలిచారు. మిగిలిన నాలుగు జంటలు.. చర్చించుకుని ఒక్కో జంట నుంచి ఒక్కొక్కరి చొప్పున కెప్టెన్సీ పోటీదారుల పేర్లు వెల్లడించమన్నాడు బిగ్‌బాస్‌. దీంతో రేవంత్‌- ఇనయ జోడీ నుంచి రేవంత్‌, సూర్య- వాసంతి జంట నుంచి సూర్య, రోహిత్‌- కీర్తి జంట నుంచి కీర్తి,  ఫైమా- రాజ్‌ జోడీ నుంచి ఫైమా కంటెండర్లుగా నిలబడ్డారు. కెప్టెన్సీ కోసం పోటీపడలేనందుకు ఇనయ వాష్‌రూమ్‌ ఏరియాలో సూర్యను పట్టుకుని తెగ ఏడ్చేసింది. కెప్టెన్సీకి ఒక్క అడుగు దగ్గరవడానికి చిక్కుల్లో కెప్టెన్సీ అనే టాస్క్‌ పూర్తి చేయాలన్నాడు బిగ్‌బాస్‌. ఈ గేమ్‌లో అందరికంటే త్వరగా చిక్కుముడులు విప్పి కీర్తి, సూర్య, శ్రీహాన్‌ కెప్టెన్సీ కోసం పోటీపడ్డారు. అయితే హౌస్‌మేట్స్‌ ఎవరిని కెప్టెన్‌గా చూడాలనుకోవట్లేదో వారికి కత్తిపోట్లు గుచ్చాలన్నాడు బిగ్‌బాస్‌. రాజ్‌, రోహిత్‌, రేవంత్‌.. సూర్యకు, బాలాదిత్య, గీతూ.. కీర్తికి కత్తిపోట్లు గుచ్చారు. ఇనయ.. శ్రీహాన్‌కు కత్తి గుచ్చింది. దీంతో హర్టయిన శ్రీహాన్‌.. ఇదంతా ప్రోమోకట్‌, కంటెంట్‌ కోసమేనన్నాడు. 'నెక్స్ట్‌ వీక్‌ ఎవరైనా నీది- సూర్యది బాండింగ్‌ మిస్‌ అవుతున్నామంటే వెంటనే వెళ్లి అతడితో కలిసిపోయినా ఆశ్చర్యపడనక్కర్లేదు. ప్రతిసారి సరదాగా తీసుకుంటాను అనుకుంటుందేమో! కరెక్ట్‌ సమయం వచ్చినప్పుడు చెప్తా. అన్ని నాటకాలు ఆడుతోంది. ఎందుకీ యాక్టింగ్‌. స్టేబులిటీ లేదని నన్నంది. ఆమె వారానికోసారి రంగు మారుస్తోంది. నాకు నమ్మకద్రోహం చేసింది. నాకు కత్తి గుచ్చినందుకు బాధపడేలా చేస్తా' అని రగిలిపోయాడు శ్రీహాన్‌. మిగిలినవాళ్లు శ్రీహాన్‌కు సపోర్ట్‌ చేయడంతో అతడు కెప్టెన్‌ అయ్యాడు. ఆ విశేషాలు రేపటి ఎపిసోడ్‌లో చూద్దాం.. చదవండి: బన్నీ భార్య స్నేహారెడ్డి చీర ఖరీదెంతో తెలుసా? అప్పుడే విషం చిమ్మి అంతలోనే కలిసిపోయిన బావామరదళ్లు

బిగ్‌బాస్ షో ప్రతి సీజన్‌లో లవ్‌ ట్రాక్‌ కచ్చితంగా ఉంటుంది. కొంచెం క్లోజ్‌గా మూవ్‌ అయితే చాలు.. ఆ సీన్స్‌ని హైలెట్‌ చేసి చూపిస్తూ వారిద్దరి మధ్య ప్రేమ లేకున్నా.. లవ్‌లో పడేలా చేస్తాడు. అయితే కొంతమంది మాత్రం జస్ట్‌ షోలో ఉన్నంతవరకు ఈ ప్రేమాయణం జరిపి బయటకు వెళ్లాక ఎవరి దారిలో వారు వెళ్తారు. మరికొంత మంది లవ్‌ట్రాక్‌లో పడేసేందుకు బిగ్‌బాస్‌ ఎంత ప్రయత్నించినా.. చాన్స్‌ ఇవ్వరు. ఆరో సీజన్‌లో లవ్‌ట్రాక్‌లు నడిపేందుకు బిగ్‌బాస్‌ నానా తిప్పలు పడుతున్నాడు. అర్జున్‌-శ్రీసత్యలను కలిపేందుకు విఫల ప్రయత్నం చేసినా.. శ్రీసత్య నుంచి ఎలాంటి రెస్పాన్స్‌ రాలేదు. ఇక షో ప్రారంభంలోనే ఆర్జే సూర్య, ఆరోహి రావుల మధ్య లవ్‌ ట్రాక్‌ నడిపించే ప్రయత్నం చేశాడు. (చదవండి: బిగ్‌బాస్‌ హౌస్‌లో చేపల లొల్లి..వెక్కి వెక్కి ఏడ్చిన గీతూ) వీరిద్దరు బయట  క్లోజ్ ఫ్రెండ్ కావడంతో హౌస్‌లోనూ జోడీగా కొద్ది రోజులు రచ్చ  చేశారు. వీరిద్దరు ప్రేమలో పడడం ఖాయం అనుకున్న సమయంలో తెరపైకి బుజ్జమ్మ మ్యాటర్‌ వచ్చేసింది. సూర్యకి బయట బుజ్జమ్మ అలియాస్‌ మృదుల అనే గర్ల్‌ఫ్రెండ్‌ ఉందని, ఆమెతో పదేళ్లుగా ప్రేమాయణం కొనసాగిస్తున్నానని సూర్య పదే పదే చెప్పడంతో బిగ్‌బాస్‌ ప్లాన్‌ వర్కౌట్‌ కాలేదు. ఆరోహి వెళ్లాక ఇనయాను టార్గెట్‌ చేశాడు. నాగార్జునతో పదేపదే పొద్దు తిరుగుడు పువ్వు అని చెప్పిస్తూ.. వారిద్దరి మధ్య ప్రేమను పుట్టించేందుకు ప్రయత్నించాడు. అయితే ఇదంతా తనకు ప్లస్‌ అవుతుందని భావించిన సూర్య.. ఇనయాతో క్లోజ్‌గా మూవ్‌ అవుతూనే.. అప్పుడప్పుడు ‘బుజ్జమ్మ’మ్యాటర్‌ తెస్తున్నాడు. ఇక ఇనయా కూడా తమ ఫ్రెండ్‌షిప్‌ మ్యాటర్‌ బిగ్‌బాస్‌ ఎటో తీసుకెళ్తున్నాడని గ్రహించి, దూరంగా ఉండి గేమ్‌ ఆడేందుకు సిద్దమైంది. సోమవారం నామినేషన్స్‌లో ఏకంగా సూర్యతో గొడవకు కూడా దిగింది. దీంతో సూర్య, ఇనయాల విషయంలో కూడా బిగ్‌బాస్‌ ప్లాన్‌ వర్కౌట్‌ కాలేదని అంతా భావించారు. కానీ నిన్నటి ఎపిసోడ్‌తో ఎట్టకేలకు తాను విజయం సాధించానని నిరూపించాడు బిగ్‌బాస్‌.  ఇనయా నిజంగానే సూర్యతో ప్రేమలో పడిపోయింది. తనను దూరం పెట్టడం భారంగా ఉందంటూ మెరినాతో చెబుతూ ఎమోషనల్‌ అయింది. సూర్య అంటే ఎక్కువ ఇష్టమా? స్నేహితుడి కంటే ఎక్కువనా? అని మెరినా అడిగిన ప్రశ్నకు.. ‘అవును’ అని సమాధానం ఇచ్చింది ఇనయా. ‘బాధ ఎక్కువైపోతుంది. ఎందుకో మనసంతా భారమైపోయింది. సూర్య స్నేహితుడి కంటే ఎక్కువ క్లోజ్‌ అయిపోయాడు. కానీ తప్పు కదా.. కొన్ని కొన్ని అక్కడి వరకు ఆపేస్తేనే లైఫ్‌కి చాలా బెటర్‌’అని ఇనయా చెప్పుకొచ్చింది. సూర్య లైఫ్‌లో బుజ్జమ్మ ఉందనే కారణంగా ఇనయా దూరంగా ఉంటున్నట్లు అర్థమవుతుంది.

Bigg Boss Telugu 6, Episode 51: ఈ వారం సర్‌ప్రైజింగ్‌ నామినేషన్స్‌ జరిగాయి. ఓ జంట వాళ్లలో వాళ్లే పోట్లాడుకోగా, గొడవలకు చెక్‌ పెట్టి కలిసిపోయారనుకున్నవాళ్లు మళ్లీ నామినేట్‌ చేసుకున్నారు. మరి ఆ విశేషాలేంటో తెలియాలంటే నేటి ఎపిసోడ్‌ హైలైట్స్‌ చదివేయాల్సిందే! శ్రీసత్య నా మాజీ బాయ్‌ఫ్రెండ్‌ గురించి శ్రీహాన్‌తో మనసు విప్పి మాట్లాడింది. 'నా లైఫ్‌లో ఫస్ట్‌ ఫంక్షన్‌ ఎంగేజ్‌మెంట్‌. ఎంత ఇష్టంతో చేసుకున్నానో! అప్పటిదాకా అతడి గురించి ఎవరేం చెప్పినా శత్రువులా చూసేదాన్ని. రిలేషన్‌లోకి వెళ్లాక అమ్మాయిగా మారిపోయాను. పక్కవాళ్ల ఇష్టమే నా ఇష్టంగా మారిపోయింది. కానీ అతడు నిశ్చితార్థం రోజు స్టేజీమీదే తిట్టాడు. ఒక నెల రోజుల తర్వాత కొందరు అమ్మాయిలు అతడి స్క్రీన్‌షాట్లు చూపించారు. ఆ తర్వాత చాలా జరిగాయి. మా అమ్మ ఆస్పత్రిపాలవడంతో మళ్లీ పాత సత్య తిరిగి వచ్చింది' అని తన పాత జ్ఞాపకాలను పంచుకుంది. అనంతరం నామినేషన్‌ ప్రక్రియ మొదలైంది. నామినేట్‌ చేయాలనుకున్న ఇద్దరి ఫొటోలను మంటల్లో వేయాలన్నాడు బిగ్‌బాస్‌. ► శ్రీసత్య.. సూర్య, మెరీనా ► ఆదిరెడ్డి.. ఇనయ, మెరీనా ► గీతూ.. ఇనయ, మెరీనా ► బాలాదిత్య.. శ్రీసత్య, గీతూ ► కీర్తి.. రేవంత్‌, శ్రీసత్య ► సూర్య.. ఇనయ, శ్రీసత్య ► రోహిత్‌.. గీతూ, శ్రీసత్య ► ఇనయ.. శ్రీహాన్‌, సూర్య ► ఫైమా.. శ్రీసత్య, మెరీనా ► రాజ్‌.. ఇనయ, రేవంత్‌ ► మెరీనా.. ఫైమా, రాజ్‌ ► రేవంత్‌.. కీర్తి, గీతూ ► వాసంతి.. ఆదిరెడ్డి, సూర్య ► శ్రీహాన్‌.. మెరీనా, బాలాదిత్యను నామినేట్‌ చేశాడు. రేవంత్‌ను అన్న అన్నందుకు నాకు నేను థూ అనుకుంటానంది కీర్తి. అలాగైతే నేను థూథూ అనుకోవాలని కౌంటరిచ్చాడు రేవంత్‌. ఇక రేవంత్‌ చాలాసార్లు దొంగతనం చేసి తిన్నాడని ఆరోపించింది గీతూ. నువ్వే దొంగవి, పెద్ద గొప్ప అని ఫీలైపోకు, నువ్వు నాకు నథింగ్‌ అంటూ మండిపడ్డాడు రేవంత్‌. ఇక ఇనయ.. సూర్యకు,శ్రీహాన్‌కు చెక్‌ పెట్టేసింది. నీకూ, నాకు మధ్య ఏదేదో ఉందని అందరూ అనుకుంటున్నారు. కానీ మన మధ్య స్నేహం మాత్రమే ఉంది. నాగ్‌ సర్‌ నీకు బుజ్జమ్మ ఉందని పదే పదే చెప్తూ ఉన్నప్పుడు మనం క్లోజ్‌గా ఉండటం కరెక్ట్‌ కాదు. మన స్నేహం వేరేలా బయటకు వెళ్తున్నప్పుడు నేను నీతో ఉండటం తప్పనిపించింది అని చెప్పుకొచ్చింది ఇనయ. దీనికి సూర్య స్పందిస్తూ... బుజ్జమ్మది, నాది స్నేహం కంటే ఎక్కువ. మనది స్నేహమని నువ్వే అంటున్నావు. అలాంటప్పుడు అందరూ ఏదో అంటున్నారని మన ఫ్రెండ్‌షిప్‌ను కట్‌ చేస్తానంటున్నావా? అని అడిగాడు సూర్య. దానికి ఇనయ అవునని తలూపుతూ ఇప్పటినుంచి కేవలం హౌస్‌మేట్‌గానే చూస్తానని తేల్చేసింది. అటు శ్రీహాన్‌ను నామినేట్‌ చేస్తూ అందరూ మన గురించి ఏదేదో మాట్లాడుతున్నారు, అది నాకు నచ్చట్లేదని చెప్పింది. ఫైనల్‌గా ఈ వారం రోహిత్‌, వాసంతి, మెరీనా, శ్రీసత్య, ఇనయ, గీతూ, రేవంత్‌, ఆదిరెడ్డి, సూర్య, బాలాదిత్య, కీర్తి, రాజ్‌, ఫైమా, శ్రీహాన్‌ నామినేట్‌ అయినట్లు ప్రకటించాడు బిగ్‌బాస్‌. చదవండి: బాత్రూమ్స్‌ క్లీన్‌ చేసినందుకు బాగా డబ్బులిచ్చేవారు: నటుడు నా ముందు నువ్వు నథింగ్‌: రేవంత్‌

బిగ్‌బాస్‌ తెలుగు ఆరో సీజన్‌లో మరొక ఎలిమినేషన్‌ ముగిసింది. ఈసారి అర్జున్‌ కల్యాణ్‌ ఎలిమినేట్‌ అయ్యాడు. ఈరోజు సోమవారం కావడంతో మరొకరిని బయటకు పంపించే ప్రక్రియ మొదలైంది. నామినేషన్స్‌కు సంబంధించి తాజాగా ఒక ప్రోమో రిలీజైంది. ఇందులో గీతూకు, రేవంత్‌కు మధ్య గొడవ మొదలైనట్లు కనిపిస్తోంది. నేను పెరుగు దాచుకుంటే నీకేంటి? అని గీతూతో కొట్లాటకు దిగాడు రేవంత్‌. మరోపక్క గీతూ.. సేఫ్‌ గేమ్‌ పక్కనపెట్టేయండి, ఇక చాలు, ఇప్పటికైనా స్టాండ్‌ తీసుకోండి అని హౌస్‌మేట్స్‌కు క్లాస్‌ పీకింది. నామినేషన్‌ ప్రక్రియలో ఇనయ, సూర్యకు మధ్య వాగ్వాదం చోటు చేసుకుంది. ఏడు వారాల తర్వాత నేను సేఫ్‌ గేమ్‌ ఆడుతున్నానని నీకెలా అనిపించిందని రగిలిపోయాడు ఇనయ. అందరికీ సోప్‌ ఏస్తావు, ఎవరితోనూ గొడవలు లేవు, అదే నీ సేఫ్‌ గేమ్‌ అని ఆన్సరిస్తూ అతడిని మరింత ఉడికించింది ఇనయ. ఏ సమయంలో ఎవరితో ఉంటే బాగుంటుంది? అనేట్లుగా ప్రవర్తిస్తున్నావని ఇనయను నామినేట్‌ చేశాడు ఆది రెడ్డి. మొత్తంగా ఈ వారం ఇంట్లో ఉన్న అందరూ నామినేషన్‌లో ఉన్నట్లు కనిపిస్తోంది. మరి ఇదెంతవరకు నిజమో తెలియాలంటే నేటి ఎపిసోడ్‌ వచ్చేవరకు వెయిట్‌ చేయాల్సిందే! చదవండి: అర్జున్‌ కోసం ఏడ్చిన శ్రీసత్య, ఆమె కోసమే అన్నీ వదిలేసి వచ్చానన్న అర్జున్‌ నాగార్జున అన్న సపోర్ట్‌ మర్చిపోలేను: కార్తీ

బిగ్‌బాస్‌ చెప్తే వినాలి, లేదంటే ఇదిగో ఇలానే అవుతుంది. అటు టాస్కులు సరిగా ఆడరు, ఇటు ఇంటి నియమాలూ పాటించరు. ప్రేక్షకులకు విసుగొస్తున్నా మారకపోతారా? ఆడకపోతారా? ఎంటర్‌టైన్‌ చేయకపోతారా? అన్న ఆశతో సీజన్‌ చూస్తూ వస్తున్నారు. కానీ వీళ్ల తీరు చూసి బిగ్‌బాస్‌ ఇక ఉండబట్టలేకపోయాడు. మొట్టమొదటిసారిగా తీవ్రస్థాయిలో మండిపడ్డాడు. మీకు హౌస్‌లో ఉండటం ఇష్టం లేకపోతే వెళ్లిపోండి అని ఓ రేంజ్‌లో వార్నింగ్‌ ఇచ్చాడు. తాజాగా బిగ్‌బాస్‌ హౌస్‌మేట్స్‌కు మరో లెవల్‌లో పనిష్మెంట్‌ ఇచ్చాడు. ఇంట్లోకి దొంగలను పంపించి వారు దాచుకున్న ఆహారాన్నంతా వెనక్కు లాగేసుకున్నాడు. మీకు తిండి దొరకాలంటే పోరాడి సాధించాలని కండీషన్‌ పెట్టాడు. దీంతో ఇంకో ఆప్షన్‌ లేక హౌస్‌మేట్స్‌ సరేనంటూ తలూపారు. ఆకలి నకనకలాడుతున్న సమయంలో బిగ్‌బాస్‌ ఇంటిసభ్యులను రెండు టీములుగా విభజించి కబడ్డీ ఆడించాడు. ఈ టాస్క్‌లో సూర్య టీమ్‌ గెలిచి ఫుడ్‌ సంపాదిచినట్లు తెలుస్తోంది. మరి ఆ టీమ్‌లో ఎవరెవరున్నారు? మిగతా టీమ్‌కు తిండి దొరికిందా? లేదా పస్తులున్నారా? వంటి వివరాలన్నీ తెలియాలంటే ఎపిసోడ్‌ కోసం ఎదురు చూడాల్సిందే! చదవండి: ఏంటీ, చులకనా, వెళ్లిపోండి: బిగ్‌బాస్‌ ఆదిపురుష్‌ డైరెక్టర్‌కు కాస్ట్‌లీ కారు గిఫ్ట్‌

బిగ్‌బాస్‌ రియాలిటీ షో రసవత్తరంగా సాగుతోంది. నాటకీయ పరిణామాల మధ్య ఆర్జే సూర్య కెప్టెన్‌గా అవతరించాడు. నా బావ కెప్టెన్‌ అయ్యాడోచ్‌ అంటూ ఇనయ అతడి కంటే ఎక్కువ సంతోషపడుతోంది. అయితే వీళ్ల వ్యవహారం చూసిన నెటిజన్లు.. కంటెంట్‌ కోసం లవ్వాయణం నడుపుతున్నారా? అని అనుమానం వ్యక్తం చేస్తున్నారు. వారి అనుమానాలకు తగ్గట్లుగానే ఒకరికొకరు తినిపించుకోవడం, లాలీపాప్‌ను షేర్‌ చేసుకోవడం, ఒకరి ఒడిలో మరొకరు తల పెట్టుకుని నిద్రించడం, ముద్దులు, హగ్గులు.. ఇలా ఒకటా? రెండా?.. నానా రకాల చేష్టలతో ప్రేమికుల కంటే కూడా అతిగా ప్రవర్తిస్తున్నారు. అయితే ఇక్కడ ఇనయదే తప్పంటూ సీన్‌లోకి ఎంటరైంది సూర్య ప్రేయసి బుజ్జమ్మ. అవును, సూర్యకు బయట గర్ల్‌ఫ్రెండ్‌ ఉంది. ఈ విషయం ఇనయతో సహా బిగ్‌బాస్‌ హౌస్‌లో అందరికీ తెలుసు. అయినా నిత్యం సూర్య జపం చేస్తోంది ఇనయ. ఈ వ్యవహారంపై బుజ్జమ్మ మండిపడింది. తాజాగా ఓ ఇంటర్వ్యూలో ఆమె మాట్లాడుతూ.. 'బుజ్జమ్మ అన్న పేరు నాకు సూర్యనే పెట్టాడు. మేము పదేళ్లుగా ప్రేమించుకుంటున్నాం. సూర్య హౌస్‌లో బాగా ఆడుతున్నాడు. టాప్‌ 5 వరకు రావాలని కోరుకుంటున్నాను. ఆరోహి, సూర్య మంచి ఫ్రెండ్స్‌. ఒకేచోట కలిసి పనిచేశారు కాబట్టి వారి మధ్య చనువు ఉంది. కానీ అది కాస్త ఓవర్‌ అయింది. అది జనాలకు నచ్చలేదు. అయితే ఆమె వెళ్లిపోయాక అతడు డిప్రెషన్‌లోకి వెళ్తాడేమో అనుకున్నా. కానీ ఇనయ.. సూర్య తన క్రష్‌ అని చెప్పి అతడు ఎక్కడ ఉంటే అక్కడికి వెళ్తోంది. అతడి వెనకాలే తిరుగుతోంది. ఇనయ తన గేమ్‌పై కాకుండా సూర్యపై ఎందుకు శ్రద్ధ పెడుతోంది? అతడికి ఫెవిస్టిక్‌లా అతుక్కుపోయిందేంటని ఆమె ఫ్యాన్స్‌ కూడా అంటున్నారు. ఇక్కడ సూర్య తప్పు లేదు. ఇనయకు ఇంట్రస్ట్‌ ఉండి అతడి వెనక పడుతోంది. మరి సూర్యకు అలాంటి ఉద్దేశం ఉందో లేదో నాకు తెలియదు' అని చెప్పుకొచ్చింది బుజ్జమ్మ. చదవండి: మొట్టమొదటిసారిగా బిగ్‌బాస్‌ షోలో కర్వాచౌత్‌ ఇంత ద్వేషమా? అతడు చచ్చిపోయేలా ఉన్నాడు: నటి

Bigg Boss Telugu 6, Episode 41: బిగ్‌బాస్‌ షోలో ప్రస్తుతం కెప్టెన్సీ కోసం పోటీ నడుస్తోంది. ఈపాటికే కెప్టెన్సీ కంటెండర్ల పోటీ ముగిసింది. అయితే ఈ కెప్టెన్సీ కంటెండర్స్‌ టాస్క్‌లో సుదీప బంతి తీసుకుని తన బాస్కెట్‌లో కాకుండా రోహిత్‌ బాస్కెట్‌లో వేసింది. దీంతో అతడు కెప్టెన్‌ బరిలో నిలిచాడు. తన గేమ్‌ తను ఆడకుండా వేరొకరికి ఎందుకు సపోర్ట్‌ చేయడమని ఫైమా, కీర్తి.. సుదీపపై ఆగ్రహం వ్యక్తం చేశారు. అదే సమయంలో తన ఫ్రెండ్స్‌ అయిన ఇనయ, సూర్య తనకు సాయం చేసేందుకు ముందుకు రాలేదని బాధపడింది ఫైమా. అనంతరం రేవంత్‌, శ్రీసత్య, ఆదిరెడ్డి, రాజ్‌, అర్జున్‌, రోహిత్‌, సూర్య, వసంతిలకు బిగ్‌బాస్‌ 'ఆఖరి వరకు ఆగని పరుగు' అనే కెప్టెన్సీ టాస్క్‌ ఇచ్చాడు. ఇందులో పూలకుండీల మీద కంటెండర్ల ఫొటోలు అతికించి ఉంటాయి. బజర్‌ మోగినప్పుడు పోటీదారులు వారి పూలకుండీ కాకుండా ఇతరులది ఏదైనా పూలకుండీ తీసుకుని కంటెండర్‌ జోన్‌లోకి వెళ్లాలి. చివరగా కంటెండర్‌ జోన్‌లోకి వెళ్లిన పోటీదారుతోపాటు, అతడి చేతిలో ఏ సభ్యుడి పూలకుండీ ఉంటుందో.. ఆ ఇద్దరిలో నుంచి ఒకరిని కెప్టెన్సీ రేస్‌ నుంచి తొలగించే బాధ్యత ఇంటిసభ్యులకు అప్పగించాడు బిగ్‌బాస్‌.  మొదటి రౌండ్‌లో రాజ్‌ తన పూలకుండీ తానే తెచ్చుకోవడంతో పోటీలో అనర్హుడయ్యాడు. తర్వాత వసంతి, రేవంత్‌, అర్జున్‌, శ్రీసత్య, ఆది రెడ్డి వరుసగా గేమ్‌లో నుంచి వైదొలిగారు. చివరగా పోటీలో సూర్య, రోహిత్‌ మిగిలారు. మెజారిటీ ఇంటిసభ్యులతో పాటు మెరీనా కూడా సూర్యకే ఓటేసింది. చివరగా ఇనయకు ఓటేసే వంతు రాగా నా ఓటు అన్నయ్యకా? బావకా? అని మెలికలు తిరిగింది. అయినా అందరూ ఊహించినట్లుగానే సూర్యకే మద్దతిచ్చింది. ఫైనల్‌గా ఈ వారం సూర్య కెప్టెన్‌గా అవతరించాడు. అనంతరం రాత్రిపూట కర్వా చౌత్‌ను సెలబ్రేట్‌ చేసుకున్నారు మెరీనా- రోహిత్‌. సాంప్రదాయ దుస్తులు ధరించిన మెరీనా జల్లెడలో చంద్రుడిని చూసి, ఆ వెంటనే తన భర్త రోహిత్‌ను చూసింది. అనంతరం భర్త పాదాలు తాకి అతడి ఆశీర్వాదం తీసుకుంది. ఈ సందర్భంగా బిగ్‌బాస్‌ ఓ సాంగ్‌ ప్లే చేయడంతో ఇంటిసభ్యులంతా చిందులేశారు. చదవండి: కాంతార సెన్సేషన్‌.. ఆర్‌ఆర్‌ఆర్‌, కేజీఎఫ్‌ 2లను దాటేసింది.. ఇంత ద్వేషం చూపిస్తూ అతడు చచ్చిపోతాడు: నటి

బిగ్‌బాస్‌ ఇచ్చిన బ్యాటరీ రీచార్జ్‌ టాస్క్‌ ముగిసింది. ఈ టాస్క్‌లో రోహిత్‌కు తీవ్ర అన్యాయం జరిగింది. హౌస్‌మేట్స్‌ కోసం రెండు వారాలు సెల్ఫ్‌ నామినేట్‌ అయిన రోహిత్‌కు కనీసం ఫోన్‌ మాట్లాడేందుకు ఛాన్సే ఇవ్వలేదు. తన త్యాగానికి తగిన గుర్తింపు దక్కలేదని రోహిత్‌ ఎమోషనలయ్యాడు. తర్వాత బిగ్‌బాస్‌ ఇచ్చిన టాస్క్‌లో గెలిచి రేవంత్‌, వాసంతి, ఆదిరెడ్డి, సూర్య, శ్రీసత్య, రాజ్‌, అర్జున్‌, రోహిత్‌ కెప్టెన్సీ కంటెండర్లుగా నిలిచారు. కానీ వీరిలో ఒకరిని కెప్టెన్‌గా ఎన్నుకునే బాధ్యతను తిరిగి హౌస్‌మేట్స్‌ చేతిలో పెట్టినట్లు కనిపిస్తోంది. తాజాగా రిలీజైన ప్రోమోలో ఆఖరి వరకు ఆగని పరుగు అనే టాస్క్‌ ఇచ్చాడు బిగ్‌బాస్‌. ఇందులో భాగంగా ఇతర పోటీదారుల పూలకుండీలను తీసుకుని చివరగా కంటెండర్స్‌ డోర్‌ జోన్‌లోకి వెళ్లిన పోటీదారు, వారి దగ్గర ఎవరి పూలకుండీ ఉందో ఆ సభ్యుడు.. ఈ ఇద్దరిలో ఎవరు కెప్టెన్‌ అవ్వకూడదో మిగతా ఇంటిసభ్యులు నిర్ణయించాల్సి ఉంటుందన్నారు. ఈ క్రమంలో ఆదిరెడ్డి, వాసంతి నిలబడగా.. నామినేషన్‌కు భయపడినవాళ్లు వీక్‌ అంటూ వాసంతిని ఏకిపారేసింది గీతూ. నా కెప్టెన్సీలో ఏం పీకలేనన్నారు. ఇప్పుడు కెప్టెన్‌ అయితే ఏంటో చూపిస్తానన్నాడు ఆది. ఇక శ్రీసత్య తనకు రెండో లేడీ కెప్టెన్‌ అవ్వాలని ఉందంటూ రోహిత్‌కు కాకుండా తనకు ఓటేయమని అడిగింది. ఫైనల్‌గా ఈ టాస్క్‌లో సూర్య కెప్టెన్‌గా నిలిచినట్లు తెలుస్తోంది. సెల్ఫ్‌ నామినేట్‌ అయిన రోహిత్‌ ఒకవేళ కెప్టెన్‌ అయినా అతడికి ఇమ్యూనిటీ దక్కదన్న కారణంతో ఇంటిసభ్యులు సూర్యకు సపోర్ట్‌ చేసినట్లు తెలుస్తోంది. మరి ఈ కెప్టెన్సీ టాస్క్‌ ఎలా జరిగిందో తెలియాలంటే నేటి ఎపిసోడ్‌ వచ్చేంతవరకు వేచి చూడాల్సిందే! చదవండి: హౌస్‌మేట్స్‌ కోసం రోహిత్‌ త్యాగం పూనమ్‌ కౌర్‌కు పెళ్లయిందా?

బిగ్‌బాస్‌ హౌస్‌లో ఏం జరుగుతుంది? సోషల్‌ మీడియాలో హౌస్‌మేట్స్‌ గురించి ఎలాంటి చర్చ నడుస్తోంది? ఇలా అన్ని విషయాలను కెఫె ద్వారా ప్రేక్షకులతో పంచుకుంటోంది అరియానా గ్లోరీ. ఒక్క అరియానానే కాదు.. ఈ షోకు నిత్యం ఎవరో ఒక సెలబ్రిటీ గెస్ట్‌గా విచ్చేస్తూ బిగ్బాస్‌ షో గురించి రివ్యూ ఇస్తున్నారు. తాజాగా ఈ కెఫె షోకి మాజీ కంటెస్టెంట్‌ స్రవంతి చొక్కారపు వచ్చింది. ఆమె మాట్లాడుతూ.. 'ఫస్ట్‌ గీతూ అస్సలు నచ్చలేదు. కానీ రానురానూ అద్భుతంగా ఆడుతోంది. రేవంత్‌, గీతూ, శ్రీహాన్‌.. కచ్చితంగా టాప్‌ 5లో ఉంటారు. సూర్య విషయానికి వస్తే.. ఒక ఎమోషన్‌కు అటాచ్‌ అయితే గేమ్‌ వీక్‌ అవుతుందని నేను నమ్ముతాను. ఆరోహి ఉన్నప్పుడు ఏంది? ఇలా చేస్తున్నాడనుకున్నాను. సరే ఆరోహి పోయింది, ఆట బాగా ఆడతాడనుకుంటే మళ్లీ ఈ ఇనయ పిల్లను తగులుకున్నాడేంట్రా నాయనా అనిపించింది. అటు అర్జున్‌ కల్యాణ్‌ కూడా పదేపదే శ్రీసత్య వెనకాల పడటం అవసరం లేదు. ఆ ఒక్క విషయం నుంచి బయటపడితే తను బాగా ఆడగలడు. వాసంతి.. డ్యాన్స్‌ చేయలేదని ఆదిరెడ్డిని నామినేట్‌ చేయడం ఘోరం. మరీ ఎడ్డిదానిలా ప్రవర్తించింది. ప్రతి సీజన్‌లో ఒక కోపిష్టి ఉంటాడు. అలా ఈ సీజన్‌లో రేవంత్‌ ఒకరు. ఆ కోపాన్ని కొంత కంట్రోల్‌ చేసుకుంటే అతడు బెస్ట్‌ కంటెస్టెంట్‌ అవుతాడు. ఈ సీజన్‌లో మోస్ట్‌ కన్నింగ్‌ కంటెస్టెంట్‌ శ్రీసత్య' అని హౌస్‌మేట్స్‌ గురించి రివ్యూ ఇచ్చింది స్రవంతి. చదవండి: విన్నర్‌ అయిపోతానన్న గీతూ.. టాప్‌ 5లో ఉంటావన్న తండ్రి సినిమా ఛాన్స్‌ పేరుతో ఇంటికి పిలిచి.. : దర్శకుడి బండారం బయటపెట్టిన నటి

బిగ్‌బాస్‌ తెలుగు ఆరో సీజన్‌ ప్రారంభం నుంచి హైలైట్‌ అవుతున్న కంటెస్టెంట్లలో ఇనయ సుల్తానా ఒకరు. నామినేషన్స్‌ అంటే చాలు తోక తొక్కిన తాచులా లేస్తుంది. ఆడామగ, చిన్నాపెద్ద తేడాల్లేకుండా అందరినీ ఓ ఆటాడుకుంటుంది. తన మాటలతో ఎదుటివాళ్ల నోటికి తాళం పడేలా చేస్తుంది. అంతటి ఫైర్‌ బ్రాండ్‌ అయిన ఇనయ ఈ మధ్య సిగ్గుల మొగ్గవుతోంది. మాటిమాటికీ ముసిముసి నవ్వులు విసురుతూ హగ్గుల్లో ముగినిపోతుంది. సూర్య అంటే క్రష్‌ అంటూ నిత్యం అతడి నామస్మరణలో తడిసి ముద్దవుతోంది.  బిగ్‌బాస్‌ హౌస్‌లో పటాకా అనుకుంటే ఫైర్‌ లేని క్రాకర్‌లా తయారైందేంటి అని తలలు పట్టుకుంటున్నారు ఆమె ఫ్యాన్స్‌. ఆరోహి ఉన్నంతవరకు ఆమెనే లోకంగా ఉన్నాడు. ఆమె వెళ్లిపోగానే ఇనయను తగులుకున్నాడు. అటు ఇనయ కూడా తనకెవరూ సపోర్ట్‌ చేయడం లేదు అనుకుంటున్న సమయంలో సూర్య రావడంతో బాగా కనెక్ట్‌ అయిపోయింది. అయినదానికీ కానిదానికీ ఇద్దరూ హగ్గులిచ్చుకుంటూ రెచ్చిపోతున్నారు. నిన్న అర్ధరాత్రి అయితే అందరూ పడుకున్న సమయంలో సూర్య.. ఇనయ ఒళ్లో తల పెట్టుకుని నిద్రపోవడం, ఆమె డ్రెస్‌ సర్దుకోవడం కనిపించింది. ఇది చూసిన నెటిజన్లు మాకిదేం ఖర్మరా బాబూ అని తలలు పట్టుకుంటున్నారు. 'ఇనయ.. టాప్‌ 5లో ఉండాల్సిన కంటెస్టెంట్‌, కానీ ఈ చెత్త ట్రాక్‌తో తన గేమ్‌ను తానే పాడు చేసుకుంటోంది', 'ఆ హగ్గులు, కిస్సులతో ఇనయ ఇజ్జత్‌ తీసుకుంటోంది' అని పలువురు కామెంట్లు చేస్తున్నారు. చదవండి: నామినేషన్స్‌లో 9 మంది..

ఈ వారం కంటెస్టెంట్లు ప్రేక్షకులను ఎంటర్‌టైన్‌ చేయడం దేవుడెరుగు కానీ, బిగ్‌బాసే హౌస్‌మేట్స్‌ను ఎంటర్‌టైన్‌ చేశాడు. ఇప్పుడాపనిని నాగార్జున తలకెత్తుకున్నట్లు కనిపిస్తోంది. ఇంటిసభ్యుల మీద ఫైర్‌ కాకుండా వారితో సరదాగా సంభాషించాడు. ఈమేరకు తాజాగా ప్రోమో రిలీజైంది. ఇందులో నాగ్‌ హౌస్‌మేట్స్‌తో హిట్‌ అండ్‌ ఫ్లాప్‌ గేమ్‌ ఆడించాడు. అందులో భాగంగా రెండు బోన్లలో ఒక్కో కంటెస్టెంట్‌ నిలబడి ఎవరు హిట్‌, ఎవరు ఫ్లాప్‌ అనేది నిర్ణయించుకోవాలి. ఈ క్రమంలో నాగ్‌ అందరిపై అవాక్కులు చవాక్కులు పేల్చాడు. అయితే గీతూ మాత్రం ఆదిరెడ్డి కంటే తానే ఎక్కువ ఎంటర్‌టైన్‌ ఎక్కువ చేస్తానని, కాబట్టి తాను హిట్‌, అతడు ఫ్లాప్‌ అని తేల్చేసింది. అందరి గురించి తెలుసుకోవడమే కాక అందరితో కలుపుకుపోతున్న తనే హిట్‌ అని చెప్పింది సుదీప. కనీసం ఆ దిశగా చిన్న ప్రయత్నం కూడా చేయని చంటి ఫ్లాప్‌ అని పేర్కొంది. దీన్ని చంటి ఆమె మాటను వ్యతిరేకించకపోగా, తాను నిజంగానే ఫ్లాప్‌ అని ఒప్పేసుకున్నాడు. మరి ఎవరు హిట్‌ లిస్ట్‌లో, ఎవరు ఫ్లాప్‌ లిస్ట్‌లో ఉన్నారనేది తెలియాలంటే నేటి ఎపిసోడ్‌ వచ్చేంతవరకు వేచి చూడాల్సిందే! చదవండి: ఆ కంటెస్టెంట్‌ ఎలిమినేట్‌! నటికి చేదు అనుభవం, షోరూమ్‌లో లాక్‌

Bigg Boss 6 Telugu, Epiosde 34 Highlights: మొన్నటిదాకా బిగ్‌బాస్‌ బర్త్‌డే సెలబ్రేషన్స్‌తో సరదాగా సాగింది షో. అయితే కెప్టెన్సీ టాస్క్‌తో నిన్నటి నుంచి హౌస్‌లో కొంచెం గంభీరం కనిపించింది. ఈసారైనా కెప్టెన్‌గా అవతరించాలని ఎంతోమంది ప్రయత్నించినా ఎట్టకేలకు అది రేవంత్‌ను వరించింది. మరి రేవంత్‌కు ఎవరెవరు సపోర్ట్‌ చేశారు? అసలు హౌస్‌లో ఏం జరిగిందో చదివేయండి.. బిగ్‌బాస్‌ షోలో లవ్‌ ట్రాక్‌ ఎక్కితే ఎపిసోడ్‌లో కనిపించడం ఖాయం అనుకుంటున్నారో ఏమో కానీ అర్జున్‌, సూర్య, ఇనయ కంటెంట్‌ కోసం ప్రయత్నిస్తున్నట్లు కనిపిస్తోంది. ఇక బయట లవర్స్‌ను కలపడం, విడగొట్టడం అంటే చాలా ఇష్టం అని చెప్పింది వాసంతి. దీంతో అర్జున్‌ కల్పించుకుంటూ.. నేను శ్రీసత్య వెనకాల తిరిగితే, నువ్వు నా వెనక తిరగొచ్చు కదా, అప్పుడది ట్రయాంగిల్‌ లవ్‌ స్టోరీ అయ్యేది, మంచి కంటెంట్‌ ఉండేదన్నాడు. అంటే కంటెంట్‌ కోసమే అతడు అమ్మాయిల వెనకాల తిరుగుతున్నట్లు మాట్లాడాడు. మొన్నటిదాకా ఆరోహినే ప్రపంచం అన్నట్లుగా ఉన్న సూర్య ఆమె వెళ్లిపోగానే ఇనయకు క్లోజయ్యాడు. ఇకపోతే కెప్టెన్సీ టాస్క్‌ మొదటి లెవల్‌లో గెలిచిన బాలాదిత్య, రేవంత్‌, సూర్యలు రెండో లెవల్‌కు వెళ్లారు. వీరిలో ఎవరికి ఎక్కువ పూలదండలు పడితే అతడు కెప్టెన్‌గా నిలుస్తాడని బిగ్‌బాస్‌ తెలిపాడు. దీంతో ఆ ముగ్గురు ఇంటిసభ్యులను కాకా పట్టే పనిలో పడ్డారు. కానీ సూర్య కెప్టెన్‌గా నిలిచేది తనే అని ఎంతో ధీమాగా ఉన్నాడు. అతడి నమ్మకాన్ని రెట్టింపు చేస్తూ ప్రక్రియ మొదలవ్వగానే మొదటగా గీతూ సూర్యకు మద్దతిస్తూ అతడి మెడలో పూలమాల వేసింది. కీర్తి, రోహిత్‌, చంటి.. సూర్యకు; గీతూ, సుదీప, శ్రీసత్య, ఫైమా.. బాలాదిత్యకు; వాసంతి, అర్జున్‌, ఇనయ, మెరీనా, శ్రీహాన్‌, ఆదిరెడ్డి.. రేవంత్‌కు పూలదండలు వేశారు. ఎక్కువ మాలలు పడిన రేవంత్‌ కెప్టెన్‌గా అవతరించాడు. అనంతరం బిగ్‌బాస్‌.. వీఐపీ బాల్కనీలోకి ఇంటిసభ్యులరందరికీ ప్రవేశం కల్పించాడు. అటు చంటి మాత్రం ఎంటర్‌టైన్‌ చేయడం తగ్గించేసి ఎందుకో డల్‌గా కనిపిస్తున్నాడు. ఈరోజైతే ఏకంగా నేను వెళ్లిపోతా అంటూ ఒకరకంగా బిగ్‌బాస్‌నే బెదిరించాడు. తర్వాత బిగ్‌బాస్‌ లగ్జరీ బడ్జెట్‌ టాస్క్‌ ఇచ్చాడు. ఇందులో శ్రీహాన్‌, అర్జున్‌, రాజశేఖర్‌లకు కొంత గాయాలయ్యాయి. వెంటనే శ్రీసత్య వెళ్లి శ్రీహాన్‌ దెబ్బతగిలిందా అని అతడిమీద ప్రేమ కురిపించింది. ఆ తర్వాత అర్జున్‌.. ఏమైనా దెబ్బలు తగిలాయా? అని ఆరా తీసింది. నాకోసం చివర్లో అడుగుతావా? అని అర్జున్‌ తెగ ఫీలయ్యాడు. అటు శ్రీసత్య మాత్రం ఎలాగైనా రేపటిలోపు అర్జున్‌ను ఏడిపించాల్సిందేనని శపథం చేసి కూర్చుంది. ఇదిలా ఉంటే లగ్జరీ బడ్జెట్‌ టాస్క్‌ ముగిసే సమయానికి బాలాదిత్య, గీతూ పోట్లాటకు దిగడంతో రేవంత్‌ కల్పించుకుని గొడవను సద్దుమణిగేలా చేశాడు.  చదవండి: ఆ హీరోయిన్‌తో అర్జున్‌ కల్యాణ్‌ ప్రేమాయణం ప్రియుడంటే కియారాకు ఎంత ప్రేమో, వీడియో చూశారా?

బిగ్‌బాస్‌ హౌస్‌లో ఉండే కంటెస్టెంట్లకు ఒక్కసారైనా కెప్టెన్‌ కావాలన్న ఆశ ఉంటుంది. ఎందుకంటే అది నామినేషన్‌, ఎలిమినేషన్‌ల నుంచి గట్టెక్కించే మహా ఆయుధం. ప్రస్తుతం హౌస్‌లో కెప్టెన్సీ టాస్క్‌ నడుస్తోంది. కెప్టెన్సీ కంటెండర్స్‌ను ఎంపిక చేసే పనిని బిగ్‌బాస్‌ కీర్తికి అప్పెజెప్పగా ఆమె బాలాదిత్య, రాజశేఖర్‌, రేవంత్‌, గీతూ, సూర్య, ఫైమాలను ఎంచుకుంది. వీరందరూ మొదటి లెవల్‌ గేమ్‌ ఆడగా అందులో టాప్‌లో నిలిచిన సూర్య, బాలాదిత్య, రేవంత్‌లు రెండో లెవల్‌కు సెలక్ట్‌ అయ్యారు. అయితే ఈ ముగ్గురిలో ఒకరిని కెప్టెన్‌గా ఎంచుకోమని బిగ్‌బాస్‌ ఇంటిసభ్యులను ఆదేశించాడు. ఎవరి మెడలో ఎక్కువ పూలదండలు పడితే వారే కెప్టెన్‌ అయినట్లని వెల్లడించాడు. ఈ క్రమంలో ఎవరికి నచ్చిన వ్యక్తులకు వారు దండలు వేయగా ఇనయ మాత్రం అనూహ్యంగా సూర్యకు కాకుండా రేవంత్‌కు పూలమాల వేయడంతో అక్కడున్నవారంతా అవాక్కయ్యారు. ఫైనల్‌గా రేవంత్‌ తొలిసారి కెప్టెన్‌గా అవతరించాడు. మరో పక్క లగ్జరీ బడ్జెట్‌ టాస్క్‌లో బాలాదిత్య, గీతూకు మధ్య మాటల యుద్ధం జరిగింది. మరి ఈ ఫైట్‌లో ఎవరిది తప్పు? ఎవరిది ఒప్పు? అనేది తెలియాలంటే ఎపిసోడ్‌ వచ్చేంతవరకు వేచి చూడాల్సిందే! చదవండి: మూడుసార్లు చావు అంచులదాకా వెళ్లొచ్చిన గీతూ తనను గట్టిగా హగ్‌ చేసుకోవాలి: ఇనయ

బిగ్‌బాస్‌-6, ఎపిసోడ్‌32 హైలైట్స్‌ : బిగ్‌బాస్‌ ఫైమాకు సీక్రెట్‌ టాస్క్‌ ఇచ్చాడు. ఇందులో భాగంగా హౌస్‌మేట్స్‌ నిద్ర లేపాల్సి ఉంటుంది. ఇక ఆమె టాస్క్‌ కంప్లీట్‌ చేద్దాం అనుకున్న టైంలో వసంతి, మెరీనాలు దెయ్యం గెటప్‌లు వేసి ప్రాంక్‌ చేస్తారు. ఈవారం వారిద్దరూ నామినేషన్స్‌లో ఉండటంతో ఎలా అయినా కాస్తైనా కంటెంట్‌ ఇవ్వాలన్న ఉద్దేశంతో దెయ్యం గెటప్‌లు వేసి ఎంటర్‌టైన్‌ చేద్దామనుకున్నారు. కానీ వాళ్లు వేసి దెయ్యం గెటప్‌లకు హౌస్‌లో ఎవరూ భయపడలేదు. దీంతో వాళ్ల కష్టం వృదా అయినట్లే అనిపించింది. ఇక్కడ ఫైమాకు కూడా మైనస్‌ అయ్యింది. ఆమె సీక్రెట్‌ టాస్క్‌ చేద్దామంటే, వీళ్లు వచ్చి టైం వేస్ట్‌ చేసేశారు. ఆ తర్వాత బిగ్‌బాస్‌ హౌస్‌మేట్స్‌ కోసం చిన్న కేక్‌ పీస్‌ పంపించాడు. దీన్ని ఎవరైనా నలుగురు తినాల్సిందిగా కోరగా, సుదీప తన డామినేటింగ్‌ వాయిస్‌తో ఓటింగ్‌కి వెళ్దామని చెప్తుంది. దీంతో ప్రతిదానికి ఓటింగ్‌ ఏంటంటూ రేవంత్‌ చాలా అసహనం వ్యక్తం చేశారు. వీళ్లు ఇలా తేల్చుకునేలోపే ఆ కేక్‌ను స్టోర్‌ రూమ్‌లో పెట్టమని బిగ్‌బాస్‌ ఆదేశించాడు. బర్త్‌డే సెలబ్రేషన్స్‌లో భాగంగా రేవంత్‌, శ్రీహాన్‌లు వేసిన లేడీ గెటప్‌లు ఎంటన్‌టైనింగ్‌గా అనిపించాయి. ఆ తర్వాత చంటి, శ్రీహాన్‌లకు కాళ్లు వ్యాక్స్‌ చేయించుకోవాల్సిందిగా బిగ్‌బాస్‌ ఆదేశించగా, శ్రీహాన్‌ అక్కడ కామెడీ చేస్తాడు. ఇదిలా ఉండగా కన్ఫెషన్‌ రూమ్‌లోకి వెళ్లిన ఇనయాను ఏదైనా ఇంట్రెస్టింగ్‌గా చెప్పాలంటూ బిగ్‌బాస్‌ ఆదేశించగా, తనకు సూర్య అంటే క్రష్‌ అని, అతనిపై రోజురోజుకు ఇష్టం పెరుగుతుందని చెప్తుంది. అంతేకాకుండా ఆరోహితో సూర్య క్లోజ్‌గా ఉంటే తనకు జలసీగా అనిపిస్తుందని చెప్తుంది. ఇప్పటికే ఆరోహి-సూర్యలపై బయట నెగిటివ్‌గానే ఉంది. ఇనయా కూడా సూర్య అంటే ఇష్టం అని చెప్పడం, అతనికి హగ్గులు ఇస్తూ క్లోజ్‌గా ఉండటం ఆమె గ్రాఫ్‌ను తగ్గించింది. ఓటింగ్‌లోనూ మునుపటి కంటే వెనుకపడిపోయింది. మరి రానున్న రోజుల్లో ఈ ట్రయాంగిల్‌ ఆమె ఆటతీరును మార్చేస్తుందా అన్నది చూడాల్సి ఉంది.