న్యూఢిల్లీ: శాటిలైట్‌ కమ్యూనికేషన్‌కి ఉపయోగించే స్పెక్ట్రంను వేలం వేస్తేనే విదేశీ దిగ్గజాలతో దేశీ టెల్కోలు పోటీపడేందుకు అవకాశాలు లభిస్తాయని టెలికం రంగ నియంత్రణ సంస్థ ట్రాయ్‌కి రాసిన లేఖలో రిలయన్స్‌ జియో పేర్కొంది. దేశీయంగా మూడు టెల్కోలు అనేక సంవత్సరాలుగా నిర్మించుకున్న సామర్థ్యాల కన్నా స్టార్‌లింక్, క్విపర్‌ శాట్‌కామ్‌ బ్యాండ్‌విడ్త్‌ అధికమని తెలిపింది.శాట్‌కామ్‌ సంస్థలు కేవలం టెరెస్ట్రియల్‌ కవరేజీ లేని మారుమూల ప్రాంతాల్లో మాత్రమే సేవలు అందిస్తాయి కాబట్టి వాటికి ప్రాధాన్యతనిస్తామనడం సరికాదని జియో వ్యాఖ్యానించింది. స్టార్‌లింక్, క్విపర్, ఇతరత్రా శాట్‌కామ్‌ దిగ్గజాలు తాము పట్టణ, గ్రామీణ ప్రాంతాల్లో టెరెస్ట్రియల్‌ కమ్యూనికేషన్‌ సర్వీసులను కూడా అందించేందుకు పోటీపడతామని ఇప్పటికే వెల్లడించినట్లు తెలిపింది.ఇదీ చదవండి: వాట్సాప్ గ్రూప్‌లకు లైసెన్స్.. ఫీజు కూడా!ఈ నేపథ్యంలో స్పెక్ట్రంను వేలం వేయకుండా కేటాయించిన పక్షంలో వాటితో పోటీపడేందుకు దేశీ సంస్థలకు సమాన అవకాశాలు దొరకవని పేర్కొంది. అంతర్జాతీయ విధానాలకు తగ్గట్లుగా శాట్‌కామ్‌ స్పెక్ట్రంను వేలం వేయకుండా కేటాయించేందుకే ప్రభుత్వం మొగ్గు చూపుతుండటంతో జియో లేఖ ప్రాధాన్యం సంతరించుకుంది.

న్యూఢిల్లీ: పలు దేశాలకు ఉపగ్రహ ఇంటర్నెట్‌ సేవలను అందిస్తున్న ప్రపంచకుబేరుడు ఎలాన్‌ మస్క్‌కు చెందిన స్టార్‌లింక్‌ సంస్థ భారతీయ విపణిలో అడుగుపెట్టేందుకు రంగం సిద్ధంచేసుకుంటోంది. భారత చట్టాల ప్రకారం సంస్థను నడిపేందుకు స్టార్‌లింగ్‌ ముందుకు వచ్చిందని జాతీయ మీడియాలో వార్తలొచ్చాయి. ప్రభుత్వ సవరించిన నియమనిబంధనల ప్రకారం ఏదైనా విదేశీ కంపెనీ తమ భారతీయ యూజర్ల సమాచారాన్ని దేశీయంగానే నిల్వచేయాల్సి ఉంటుంది. ఇందుకు స్టార్‌లింక్‌ ఒప్పుకుందని తెలుస్తోంది. ఇప్పటికే కేంద్ర టెలికమ్యూనికేషన్స్‌ మంత్రిత్వ శాఖ ఉన్నతాధికారులతో స్టార్‌లింక్‌ ప్రతినిధులు పలుమార్లు సమావేశమై చర్చలు జరిపినట్లు తెలుస్తోంది.శాటిటైల్‌ బ్రాడ్‌బ్యాండ్‌ సేవల(జీఎంపీసీఎస్‌) లైసెన్స్‌ మంజూరుకు అనుసరించాల్సిన విధివిధానాలను పాటిస్తామని సంస్థ తెలిపింది. స్టార్‌లింక్‌ సంస్థ ఇంకా తమ సమ్మతి పత్రాలను సమర్పించాల్సి ఉంది. సమర్పణ పూర్తయితే సంస్థ కార్యకలాపాలు లాంఛనంగా ప్రారంభంకానున్నాయని తెలుస్తోంది. 2022 అక్టోబర్‌లో జీఎంపీసీఎస్‌ లైసెన్స్‌ కోసం స్టార్‌లింక్‌ దరఖాస్తు చేసుకుంది. ఈ రంగంలోని భారత నియంత్రణసంస్థ ఇండియన్‌ నేషనల్‌ స్పేస్‌ ప్రమోషన్‌ అండ్‌ ఆథరైజేషన్‌ సెంటర్‌(ఇన్‌–స్పేస్‌) సంబంధిత అనుమతులను మంజూరుచేయనుంది. ఆలోపు తమ అభ్యంతరాలపై సరైన వివరణ ఇవ్వాలని స్టార్‌లింక్‌ను ఇన్‌–స్పేస్‌ కోరింది. స్టార్‌లింక్‌కు పోటీగా మరో ప్రపంచ కుబేరుడు జెఫ్‌ బెజోస్‌కు చెందిన అమెజాన్‌ సంస్థలో భాగమైన ‘ప్రాజెక్ట్‌ కూపర్‌’సంస్థ సైతం జీఎంపీసీఎస్‌ లైసెన్స్‌ కోసం దరఖాస్తు చేసుకుంది.ఈ రెండు సంస్థల దరఖాస్తుల పరిశీలన ప్రక్రియ కొనసాగుతోందని ఇన్‌–స్పేస్‌ చైర్మన్‌ పవన్‌ గోయంకా చెప్పారు. భద్రతా నియమాలకులోబడి సంస్థ కార్యకలాపాలు కొనసాగించాల్సి ఉంటుందని కేంద్ర టెలికం మంత్రి జ్యోతిరాదిత్య సింధియా మంగళవారం అన్నారు. అగ్రరాజ్యాధినేతగా తన సన్నిహితుడు ట్రంప్‌ బాధ్యతలు స్వీకరిస్తున్న తరుణంలో భారత్‌సహా కీలక శాటిటైల్‌ ఇంటర్నెట్‌ సేవల మార్కెట్లలో మెజారిటీ వాటా కైవసంచేసుకోవాలని మస్క్‌ ఉవ్విళ్లూరుతున్నారు. స్ప్రెక్టమ్‌ కేటాయింపులు, తుది ధరలపైనే భారత్‌లో స్టార్‌లింక్‌ భవితవ్వం ఆధారపడిఉంటుంది. భారత ప్రభుత్వం ఇప్పటికే భారతి గ్రూప్‌కు చెందిన వన్‌వెబ్, జియా–ఎస్‌ఈఎస్‌ సంయుక్త సంస్థ అయిన జియో శాటిలైట్‌ కమ్యూనికేషన్స్‌కు లైసెన్సులు ఇచ్చింది. వీటికి ఇంకా స్ప్రెక్టమ్‌ కేటాయింపులు జరగలేదు. అయితే స్పెక్ట్రమ్‌ కేటాయింపులకు సంబంధించిన సిఫార్సులకు ట్రాయ్‌ డిసెంబర్‌ 15వ తేదీలోపు తుదిరూపునివ్వనుంది.

ప్రముఖ పారిశ్రామికవేత్త ఇలాన్‌మస్క్‌ తన విజయానికి ఎంతో కృషి చేసినట్లు స్వయంగా డొనాల్డ్‌ ట్రంప్‌ తెలిపారు. ట్రంప్‌ గెలుపు ఖాయం అని నిర్ధారించుకున్న మార్కెట్లు గడిచిన రెండు సెషన్ల నుంచి భారీగా పెరుగుతున్నాయి. అనుకున్న విధంగానే ఆయన గెలుపు ఖరారైంది. దాంతో మస్క్‌ ఆధ్వర్యంలోని కంపెనీల స్టాక్‌ విలువ భారీగా పెరుగుతోంది. గడిచిన రెండు సెషన్‌ల్లో దాదాపు రూ.రెండు లక్షల కోట్లు మేర వీటి విలువ పెరిగినట్లు మార్కెట్‌ అంచనా వేస్తుంది.ప్రభుత్వ ఏజెన్సీల సడలింపులుమస్క్‌ కంపెనీల్లోకెల్లా ముఖ్యంగా టెస్లా, స్పేస్‌ ఎక్స్‌, న్యూరాలింక్‌ సంస్థలపై ప్రభుత్వ నిబంధనల ప్రభావం అధికంగా ఉంటుంది. ఈ తరుణంలో ఇటీవల అమెరికా అధ్యక్షుడిగా గెలుపొందిన డొనాల్డ్‌ ట్రంప్‌తో మస్క్‌కు ఉన్న సంబంధాలు ఉపయోగించుకొని ఆయా కంపెనీలు లబ్ధి పొందే అవకాశం ఉందని కొందరు నిపుణులు అంచనా వేస్తున్నారు. కంపెనీలపై ప్రభుత్వ ఏజెన్సీల నిబంధనల సడలింపులు, ఒత్తిడిని తగ్గించుకోవచ్చని విశ్లేషకులు చెబుతున్నారు.ఇదీ చదవండి: ఎన్నిక ముగిసింది.. పరుగు ఆగింది! బంగారం ధర యూటర్న్‌మస్క్‌ ఆధ్వర్యంలోని కంపెనీలు ఇవే..టెస్లాస్పేస్‌ఎక్స్‌న్యూరాలింక్‌ది బోరింగ్‌ కంపెనీఎక్స్‌ కార్పొరేషన్‌జిప్‌ 2పేపాల్‌స్టార్‌లింక్‌ఎక్స్‌ ఏఐ

భారత్‌లో స్టార్‌లింక్‌ సేవలు ప్రారంభించేందుకు ముఖేశ్‌ అంబానీకి ఏదైనా అభ్యంతరం ఉందేమో అడగాలని ఇలొన్‌మస్క్‌ అన్నారు. దేశంలో శాటిలైట్ బ్రాడ్‌బ్యాండ్ స్పెక్ట్రమ్ కేటాయింపుపై ముఖేశ్‌ అంబానీ, ఇలొన్‌మస్క్‌ పరస్పరం విరుద్ధ అభిప్రాయాలు వ్యక్తం చేస్తున్నారు. దాంతో సామాజిక మాధ్యమాల్లో మీమ్స్‌ వైరల్‌గా మారుతున్నాయి. ఇటీవల వైరల​్‌గా మారిన ఓ మీమ్‌కు సంబంధించి ఇలొన్‌మస్క్‌ స్పందించారు.ఎక్స్‌లో డోజీ డిజైనర్‌ అనే హ్యాండిల్‌ నుంచి వచ్చిన మీమ్‌కు మస్క్‌ రిప్లై ఇచ్చారు. బ్రాడ్‌బ్యాండ్‌ స్పెక్ట్రమ్‌ కేటాయింపు విషయాన్ని పరిగణనలోకి తీసుకొని ‘భారత్‌లో అత్యధిక ధనవంతుడిగా ఉన్న ముఖేశ్‌ అంబానీకి ఇలొన్‌మస్క్‌ అంటే ఎందుకంత భయం? మస్క్‌ స్టార్‌లింక్‌ ముఖేశ్‌ వ్యాపార సామ్రాజ్యానికి ప్రతిబంధకంగా మారుతుందా?’ అని మీమ్‌ను పోస్ట్‌ చేశారు. దీనిపై మస్క్‌ రిప్లై ఇస్తూ ‘భారత్‌లో ప్రజలకు ఇంటర్‌నెట్‌ సేవలందించేందుకు స్టార్‌లింక్‌ వల్ల ఏదైనా సమస్య ఉందేమో అంబానీకి కాల్‌ చేసి అడుగుతాను’ అని అన్నారు.Why is Indian billionaire Mukesh Ambani afraid of Elon Musk? Is he worried about Starlink's entry into India disrupting his telecom empire? pic.twitter.com/GJiXztmJDg— DogeDesigner (@cb_doge) October 14, 2024ఇదీ చదవండి: కేంద్ర ప్రభుత్వ ఉద్యోగులకు డీఏ పెంపుశాటిలైట్ బ్రాడ్‌బ్యాండ్ స్పెక్ట్రమ్‌ను వేలం వేయాలని ముఖేశ్‌ అంబానీ అభిప్రాయ పడుతున్నారు. కానీ నేరుగా స్పెక్ట్రమ్‌ కేటాయింపులు జరిపితే సరిపోతుందని మస్క్‌ అన్నారు. కొంతకాలంగా దీనిపై వివిధ మాధ్యమాల్లో చర్చ సాగుతోంది. కేంద్రమంత్రి జ్యోతిరాదిత్య సింథియా స్పందిస్తూ వేలం ప్రక్రియ ప్రపంచంలోని వివిధ దేశాల్లో అనుసరిస్తున్న విధానానికి విరుద్ధమన్నారు. దాంతో నేరుగా స్పెక్ట్రమ్‌ను కేటాయిస్తామనే సంకేతాలు ఇచ్చారు. ఎయిర్‌టెల్‌ అధికారులు కూడా మస్క్‌ అభిప్రాయాలకు మద్దతు పలికారు. దీనిపై సామాజిక మాధ్యమాల్లో మీమ్స్‌ వైరల్‌ అవుతున్నాయి. భారత్‌లో హై-స్పీడ్ ఇంటర్నెట్ కొరత ఉన్న గ్రామీణ ప్రాంతాలకు స్టార్‌లింక్ ఉపగ్రహ ఇంటర్నెట్ సేవలను విస్తరించాలని మస్క్ లక్ష్యంగా పెట్టుకున్నట్లు అధికారులు తెలిపారు.

వ్యక్తిగత లేదా గృహ వినియోగదారుల కోసం శాటిలైట్ బ్రాడ్‌బ్యాండ్ సేవలకు సంబంధించి ఎలాంటి నిబంధనలు లేవని రిలయన్స్ తెలిపింది. దేశంలో గృహ వినియోగానికి సంబంధించిన ఉపగ్రహ బ్రాడ్‌బ్యాండ్ స్పెక్ట్రమ్‌ను నేరుగా కేటాయించాలని ట్రాయ్‌ నిర్ణయం తీసుకోబోతున్నట్లు వస్తున్న వార్తలపై రిలయన్స్‌ స్పందించింది. నిర్దిష్ట స్థాయి కలిగిన శాటిలైట్ బ్రాడ్‌బ్యాండ్ సేవల కోసం స్పెక్ట్రమ్‌ను నేరుగా కేటాయించడం కంటే వేలం నిర్వహించాలని తెలిపింది.దేశంలో గృహ వినియోగ శాటిలైట్ సేవలకు స్పెక్ట్రమ్‌ను ఎలా కేటాయిస్తారని గతేడాది నుంచి చర్చలు సాగుతున్నాయి. ఇలొన్‌మస్క్‌కు చెందిన స్టార్‌లింక్, అమెజాన్‌ ఆధ్వర్యంలోని ప్రాజెక్ట్ కూపర్‌ వంటి వాటికోసం అంతర్జాతీయంగా వివిధ ప్రాంతాల్లో స్పెక్ట్రమ్‌కు సంబంధించి నేరుగా అడ్మినిస్ట్రేటివ్ కేటాయింపులు చేశారు. అయితే ఆసియాలోని వివిధ ప్రాంతాల్లో విస్తరణకు సిద్ధమవుతున్న రిలయన్స్ జియో మాత్రం హోమ్‌ శాటిలైట్‌ బ్రాడ్‌బ్యాండ్‌ స్పెక్ట్రమ్‌ కోసం వేలం ప్రక్రియ నిర్వహించాలని తెలుపుతుంది. ఈమేరకు ట్రాయ్‌కు ఇటీవల లేఖ రాసినట్లు పేర్కొంది. మస్క్ కోరుకున్న విధంగా గతేడాది స్పెక్ట్రమ్‌ను నేరుగా కేటాయించేందుకు ట్రాయ్‌ నిబంధనలు సవరించనుందని కొందరు అభిప్రాయపడుతున్నారు.ఇదీ చదవండి: రూపాయి భారీ పతనానికి కారణాలుటెలికాం రెగ్యులేటర్ ట్రాయ్‌ దీనికి సంబంధించిన నిబంధనలపై ప్రస్తుతం పబ్లిక్ కన్సల్టేషన్‌ను నిర్వహిస్తోంది. ఈ ప్రక్రియపై మరింత స్పష్టత రావడానికంటే ముందే రిలయన్స్‌ చర్యలు చేపడుతున్నట్లు తెలుస్తుంది. ట్రాయ్‌ తన కన్సల్టేషన్ పేపర్‌లో ఎలాంటి చట్టపరమైన అధ్యయనాలు నిర్వహించకుండానే స్పెక్ట్రమ్‌ కేటాయింపులపై నిర్ణయం తీసుకోబోతుందని రిలయన్స్ తన లేఖలో పేర్కొంది.

ప్రపంచ కుబేరుడు ఎలాన్‌ మస్క్ కు చెందిన ప్రైవేట్‌ అంతరిక్ష సంస్థ స్పేస్‌ ఎక్స్‌కు గట్టి ఎదురుదెబ్బ. అది గురువారం ప్రయోగించిన 20 స్టార్‌లింక్‌ ఉపగ్రహాలు త్వరలో కుప్పకూలనున్నాయి. స్పేస్‌ ఎక్స్‌ కూడా దీన్ని ధ్రువీకరించింది. ప్రయోగ సమయంలో చోటుచేసుకున్న పొరపాటే ఇందుకు కారణమని తెలిపింది. ‘‘గురువారం రాత్రి ప్రయోగం మొదలైన కాసేపటికి ఫాల్కన్‌–9 రాకెట్‌ రెండో దశ ఇంజన్‌ సకాలంలో మండటంలో విఫలమైంది. దాంతో ఉపగ్రహాలు ఉద్దేశించిన కక్ష్యకు బదులు భూ దిగువ కక్ష్యలోకి ప్రవేశించాయి. దాంతో వాటి మనుగడ అసాధ్యంగా మారింది. అవి త్వరలో భూ వాతావరణంలోకి ప్రవేశించి కాలిపోనున్నాయి’’ అని వివరించింది. అయితే, ‘‘వాటివల్ల ఇతర ఉపగ్రహాలకు ఏ సమస్యా ఉండబోదు. అలాగే ఉపగ్రహాలు ఒకవేళ భూమిని తాకినా జనావాసాలకు ముప్పేమీ ఉండదు’’ అని స్పష్టం చేసింది. ఇన్నాళ్లూ అత్యంత విశ్వసనీయంగా పని చేసిన ఫాల్కన్‌–9 రాకెట్‌ చరిత్రలో ఇది తొలి భారీ వైఫల్యంగా చెప్పవచ్చు. – సాక్షి, నేషనల్‌ డెస్క్‌

బెంగళూరుకు చెందిన స్టార్టప్ ఆకాశలబ్ధి వినూత్న ప్రయత్నం చేస్తోంది. వ్యోమగాములు, పరిశోధకులు, అంతరిక్ష పర్యాటకులకు ఆతిథ్యం ఇవ్వడానికి అంతరిక్షంలో నివాసాలను నిర్మించడానికి ప్రయత్నిస్తోంది.ఆరు నుంచి 16 మందికి వసతి కల్పించేలా అంతరిక్ష నివాస పరిష్కారాన్ని రూపొందిస్తోంది ఆకాశలబ్ధి. దీనికి సంబంధించిన వివరాలను లింక్డ్‌ఇన్‌లో వెల్లడించింది. దీన్ని 'తారల మధ్య ఇల్లు'గా పేర్కొంది. టైమ్స్ ఆఫ్ ఇండియా నివేదిక ప్రకారం.. 'అంతరిక్ష్ హబ్‌' పేరుతో ఆవాస నమూనాను ఆకాశలబ్ధి సిద్ధం చేసింది. 'అంతరిక్ష్ హబ్‌' అనేది విస్తరించదగిన షెల్ వంటి నిర్మాణం. ఇది అసాధారణమైన అంతరిక్ష శిధిలాలు, రేడియేషన్ నుంచి రక్షణ కల్పిస్తుంది. అంతరిక్షంలో నివాసంతో పాటు బహుళ ప్రయోజనాల కోసం వినియోగించేలా దీని డిజైన్‌ను రూపొందిస్తున్నారు. 'అంతరిక్ష్ హబ్‌'ని మైక్రోగ్రావిటీ ప్రయోగాలు, ఉపగ్రహ నిర్వహణ, కక్ష్య రవాణా నిల్వ కోసం ఉపయోగించవచ్చు.తాము చేస్తున్న ప్రయత్నం మున్ముందు చంద్రుడిపైనా ఆవాస అన్వేషణకు తోడ్పడుతుందని కంపెనీ తమ వెబ్‌సైట్‌లో పేర్కొంది. నిర్మాణం అనుకున్న గమ్యాన్ని చేరుకున్న తర్వాత పూర్తిగా ఏర్పాటు చేయడానికి సుమారు ఏడు రోజులు పడుతుందని ఆకాశలబ్ధి సీఈవో సిద్దార్థ్ జెనా చెప్పారు. కాగా మిషన్ కోసం స్లాట్‌ను బుక్ చేయడానికి ఈ కంపెనీ ఇలాన్ మస్క్‌కు చెందిన స్పేస్‌ఎక్స్‌తో చర్చలు జరుపుతున్నట్లు సమాచారం.

టెస్లా అధినేత ఎలొన్‌మస్క్‌ శ్రీలంకలో స్టార్‌లింక్‌ సేవలు విస్తరించాలని చూస్తున్నారు. అందులో భాగంగా ఇండోనేషియా-బాలిలో జరిగిన 10వ వరల్డ్ వాటర్ ఫోరమ్‌లో శ్రీలంక అధ్యక్షుడు రణిల్ విక్రమసింఘేతో మస్క్‌ సమావేశమయ్యారు.ఎలొన్‌మస్క్‌ ఇటీవల చైనాతోపాటు ఇండోనేషియాను సందర్శించారు. ఈ పర్యటనలో భాగంగా ఇండోనేషియాలోని మారుమూల ప్రాంతాల్లో ఇంటర్నెట్ యాక్సెస్‌ను మెరుగుపరచాలనే లక్ష్యంతో శాటిలైట్ ఇంటర్నెట్ సర్వీస్‌ను ప్రారంభించారు. తాజాగా శ్రీలంక అధ్యక్షుడు రణిల్ విక్రమసింఘేతో సమావేశమయ్యారు. శ్రీలంకలోనూ స్టార్‌లింక్ సేవలు అందించాలనే చర్చ జరిగినట్లు తెలిసింది.ప్రెసిడెంట్‌ మీడియా విభాగం తన ఎక్స్‌ ఖాతాలో ఈ మేరకు సమాచారాన్ని పంచుకుంది. ‘వరల్డ్ వాటర్ ఫోరమ్‌లో దేశాధ్యక్షుడు స్టార్‌లింక్‌ అమలుపై మస్క్‌తో చర్చించారు’ అని తెలిపింది. శ్రీలంక నీటి సరఫరా, ఇన్‌ఫ్రాస్ట్రక్చర్ డెవలప్‌మెంట్ మినిస్టర్‌ జీవన్ తొండమాన్ తన ఎక్స్‌ ఖాతాలో స్పందిస్తూ..‘బాలిలో జరుగుతున్న ఈవెంట్‌లో దేశ అధ్యక్షుడు, ఎలొన్‌మస్క్‌తో కలిసి సమావేశం అయ్యారు. దేశ ఆర్థిక పునరుద్ధరణ, పెట్టుబడికి కొత్త అవకాశాలు వంటి అంశాలపై చర్చించాం’ అని తెలిపారు. ఈ సందర్భంగా మస్క్‌ స్పందిస్తూ..‘రిమోట్ కమ్యూనిటీలకు ఇంటర్‌నెట్‌ కనెక్టివిటీను అందుబాటులోకి తీసుకొస్తే విద్య, ఆర్థిక అవకాశాలు మెరుగుపడుతాయి’ అని పేర్కొన్నారు.Bringing connectivity to remote communities radically improves access to education and economic opportunitiespic.twitter.com/hDVYvpRDKZ— Elon Musk (@elonmusk) May 19, 2024

విశాలమైన ఇండోనేషియా ద్వీపసమూహంలోని మారుమూల ప్రాంతాల్లో కూడా ఇంటర్నెట్ యాక్సెస్‌ను మెరుగుపరచాలనే లక్ష్యంతో టెస్లా సీఈఓ ఇలాన్ మస్క్, ఇండోనేషియా హెల్త్ మినిష్టర్ 'బుడి గునాడి సాదికిన్' ఆదివారం స్పేస్‌ఎక్స్ శాటిలైట్ ఇంటర్నెట్ సర్వీస్ ప్రారంభించారు.ఇలాన్ మస్క్ (Elon Musk), ప్రాంతీయ రాజధాని డెన్‌పసర్‌లోని ఒక కమ్యూనిటీ హెల్త్ సెంటర్‌లో జరిగిన ప్రారంభోత్సవ వేడుకకు హాజరయ్యేందుకు ఆదివారం ఉదయం ప్రైవేట్ జెట్ ద్వారా ఇండోనేషియా రిసార్ట్ ద్వీపం బాలికి చేరుకున్నారు.ఇండోనేషియాలో స్టార్‌లింక్ సర్వీస్ అందుబాటులోకి రావడం వల్ల దేశంలోని సుదూర ప్రాంతాల్లోని లక్షలాది మంది ఇంటర్నెట్‌ని యాక్సెస్ చేయడానికి సహాయపడుతుందని మస్క్ పేర్కొన్నారు. తక్కువ కనెక్టివిటీ ఉన్న ప్రదేశాలకు కనెక్టివిటీని తీసుకురావడానికి నేను చాలా సంతోషిస్తున్నానని అన్నారు. ఇంటర్నెట్ యాక్సెస్ ఉంటే ప్రజలు ఏమైనా నేర్చుకోవచ్చు.ఇండోనేషియా ప్రభుత్వం దేశంలోని గొప్ప నికెల్ వనరులను ఉపయోగించి ఈవీ రంగాన్ని అభివృద్ధి చేయాలనుకుంటోంది. కాబట్టి టెస్లా ఆ దేశంలో తయారీ ప్లాంట్‌లను ఏర్పాటు చేయడానికి గత కొన్ని సంవత్సరాలుగా ఎదురు చూస్తూనే ఉంది. ఇండోనేషియాలో టెస్లా తయారీ ప్లాంట్‌ నిర్మాణానికి సంబంధించిన అధికారిక ప్రకటన ఇంకా వెలువడలేదు.

ప్రపంచ ఎలక్ట్రిక్‌కార్ల దిగ్గజ సంస్థ టెస్లా చీఫ్‌ ఎలొన్ మస్క్ ఏప్రిల్‌ 21న భారత్‌కు రానున్నారు. ఈ తరుణంలో భారత్‌లో టెస్లా ప్లాంట్‌ తయారీకి సంబంధించిన అంశాలు చర్చించనున్నట్లు తెలిసింది. దాంతోపాటు ప్రధానితో చర్చలు జరుపనున్నట్లు సమాచారం. అయితే కేవలం టెస్లా అంశమే కాకుండా మస్క్‌ కీలక ప్రాజెక్ట్‌ అయిన శాటిలైట్‌ ఇంటర్‌నెట్‌ సేవలందించే స్టార్‌లింక్‌ను కూడా ఇండియాలో ప్రవేశపెట్టేలా అధికారులతో చర్చలు జరుపనున్నట్లు కొన్ని మీడియా కథనాల ద్వారా తెలిసింది.  స్టార్‌లింక్ శాటిలైట్‌ ఇంటర్నెట్ యూనిట్‌కు సంబంధించి లైసెన్స్ ప్రక్రియ ఇప్పటికే టెలికమ్యూనికేషన్స్ విభాగం(డీఓటీ) పరిశీలనలో ఉంది. ఇటీవల శాటిలైట్ కమ్యూనికేషన్ సేవల కోసం లెటర్ ఆఫ్ ఇంటెంట్ (ఎల్‌ఓఐ), ట్రయల్ స్పెక్ట్రమ్‌పై పని చేసేందుకు డీఓటీ లైన్‌ క్లియర్‌ చేసినట్లు తెలిసింది. స్టార్‌లింక్‌ లైసెన్స్‌ కోసం గతంలోనే ఆ సంస్థ  గ్లోబల్ మొబైల్ పర్సనల్ కమ్యూనికేషన్ బై శాటిలైట్ సర్వీసెస్ లైసెన్స్(జీఎంపీసీఎస్‌) కోసం దరఖాస్తు చేసింది. అయితే డేటా స్టోరేజీ, ట్రాన్స్‌ఫర్‌ విషయంలో సంతృప్తికర సమాధానం ఇవ్వకపోవడంతో లైసెన్స్‌ రద్దు అయింది. తాము అంతర్జాతీయంగా ఉన్న ప్రమాణాలనే పాటిస్తామని అప్పట్లో స్టార్‌ లింక్‌ పేర్కొంది. దాంతో ప్రభుత్వం తమ దరఖాస్తును తిరస్కరించింది. డేటా స్టోరేజీ విషయంలో భారత నియమ నిబంధనలే పాటించాలని ప్రభుత్వం స్టార్‌ లింక్‌కు స్పష్టం చేసింది. తర్వాత కొన్నిరోజులకు తిరిగి దరఖాస్తు చేసుకుంది. ఈ క్రమంలో స్టార్‌ లింక్‌ ఇచ్చిన సమాధానం పట్ల ప్రభుత్వం సంతృప్తి చెందింది. సెక్యూరిటీ చెక్‌ తర్వాత శాటిలైట్‌ సర్వీసులకు సంబంధించిన అనుమతులు మంజూరు అవుతాయని తెలిసింది. దేశీయంగా భారతీ ఎయిర్‌టెల్‌ మద్దతున్న వన్‌ వెబ్‌, రిలయన్స్‌ జియో శాటిలైట్‌ సర్వీసులకు మాత్రమే ప్రభుత్వం అనుమతులు మంజూరు చేసింది. స్టార్‌ లింక్‌కు కూడా అనుమతులు లభిస్తే మూడో సంస్థ అవుతుంది. అదే జరిగితే ఎయిర్‌టెల్, జియోకు ఈ విభాగంలో గట్టి పోటీ ఎదురుకానుంది. మరోవైపు ప్రముఖ ఇ-కామర్స్‌ సంస్థ అమెజాన్‌ సైతం శాటిలైట్ ఇంటర్నెట్‌ సేవల కోసం దరఖాస్తు చేసుకుంది. అయితే ఈ ప్రతిపాదనపై డాట్ ఇంకా ఎలాంటి స్పష్టత ఇవ్వలేదు.  ఇదీ చదవండి: అలర్ట్‌.. 48 గంటల్లో యుద్ధం.. భారత వాణిజ్యంపై ప్రభావం ఎంతంటే..  టెస్లా కంపెనీను భారత్‌లో ప్రవేశించేలా చేసేందుకు నిబంధనల్లో మార్పులు తీసుకురావాలని మస్క్‌ గతంలో ప్రధానితోపాటు ఇతర కేంద్రమంత్రులు, అధికారులతో సమావేశమైన సంగతి తెలిసిందే. ఇటీవల విదేశీ ఈవీ తయారీ కంపెనీలు భారత్‌లో తమ కార్యకలాపాలు సాగించేలా, ఇక్కడ పెట్టుబడిపెట్టేలా కేంద్రం కొత్త ఈవీ పాలసీను రూపొందించింది. ఈ పరిణామాలు చోటుచేసుకున్న కొద్ది రోజులకే ఈవీ తయారీలో టాప్‌స్థాయిలో ఉన్న టెస్లా చీఫ్‌​ మస్క్‌ భారత్‌ పర్యటన రాబోతుండడం పరిశ్రమవర్గాల్లో ఆసక్తి కలిగిస్తుంది.

ఇంటర్నెట్‌ వినియోగదారులకు శుభవార్త. త్వరలో దేశంలో శాటిలైట్‌ ఇంటర్నెట్‌ సేవలు అందుబాటులోకి రానున్నాయి. ఇప్పటికే ప్రపంచంలోని పలు దేశాల్లో శాటిలైట్‌ ఇంటర్నెట్‌ను అందించే ఎలాన్‌ మస్క్‌ సంస్థ స్టార్‌లింక్‌కు కేంద్ర ప్రభుత్వం గ్రీన్‌ సిగ్నల్‌ ఇవ్వనున్నట్లు తెలుస్తోంది.  ఇప్పటికే అందుకు సంబంధించిన అనుమతులపై కేంద్ర విభాగానికి చెందిన డిపార్ట్‌మెంట్‌ పర్‌ ప్రమోషన్‌ ఆఫ్‌ ఇండస్ట్రీ అండ్‌ ఇంటర్నల్‌ ట్రేడ్‌ (డీపీఐఐటీ) సంతృప్తిని వ్యక్తం చేసినట్లు పలు నివేదికలు వెలుగులోకి వచ్చాయి.  శాటిలైట్‌ ఇంటర్నెట్‌ను అందించే విషయంలో స్టార్‌లింక్‌తో పాటు భారత్‌కు చెందిన రిలయన్స్‌ స్టార్‌లింక్ జియో శాటిలైట్ కమ్యూనికేషన్స్, ఎయిర్‌టెల్‌ వన్‌వెబ్‌లు అనుమతి కోసం కేంద్రానికి ధరఖాస్తు చేసుకున్నాయి. ఇక తాజాగా స్టార్‌లింక్‌కు డీపీఐఐటీ గ్రీన్‌ సిగ్నల్‌ ఇవ్వడంతో డిపార్ట్‌మెంట్ ఆఫ్ టెలికమ్యూనికేషన్స్ (DoT) స్టార్‌లింక్‌కి లెటర్ ఆఫ్ ఇంటెంట్ (LoI) జారీ చేయవచ్చని సంబంధిత వర్గాలు అభిపప్రాయం వ్యక్తం చేశాయి. అయితే దీనిపై ఎలాన్‌ మస్క్‌ స్పష్టత ఇవ్వాల్సి ఉంది.   టెలికాం సెక్రటరీ నీరజ్ మిట్టల్, కమ్యూనికేషన్‌ శాఖ మంత్రి అశ్వని వైష్ణవ్ ఆమోదం కోసం డాట్‌ ఒక నోట్‌ను సిద్ధం చేస్తుంది.వారి ఆమోదం పొందిన తర్వాత, డిపార్ట్‌మెంట్‌లోని శాటిలైట్ కమ్యూనికేషన్స్ వింగ్ (SCW) అధికారికంగా స్టార్‌లింక్‌కి అవసరమైన అనుమతులను మంజూరు చేస్తుంది. దీంతో స్టార్‌లింక్‌ భారత్‌లో తన సేవల్ని వినియోగదారులకు అందించేందుకు దోహదం చేస్తుంది.

ప్రపంచ కుబేరుల్లో ఒకరైన ఎలాన్ మస్క్ కంపెనీ స్టార్‌‌‌‌‌‌‌‌లింక్‌‌‌‌‌‌‌‌ అప్పుల్లో ఉన్న వొడాఫోన్‌ ఐడియా సంస్థలో వాటాను కొనుగోలు చేస్తుందనే వార్తలు వైరల్‌ అవుతున్నాయి. అందుకు సంబంధించిన ఫొటోలు, క్లిప్‌లు సామాజికమాధ్యమాల్లో చక్కర్లు కొడుతున్నాయి. దాంతో టెలికాం ఆపరేటర్ వొడాఫోన్ ఐడియా స్పందించింది.  స్టార్‌లింగ్‌ తమ కంపెనీలో వాటా కొనుగోలు చేయడానికి సంబంధించి ఎలాంటి చర్చలు జరపడం లేదని  టెలికాం ఆపరేటర్ వొడాఫోన్ ఐడియా మంగళవారం ప్రకటించింది. వాటా కొనుగోలుకు అవకాశం  ఉందంటూ వచ్చిన వార్తల్లో నిజం లేదని స్పష్టం చేసింది. తాము  కంపెనీకి సంబంధించిన అన్ని వివరాలను ఎప్పటికప్పుడు  స్టాక్ ఎక్స్ఛేంజీలకు తెలియజేస్తామని పేర్కొంది. సామాజికమధ్యమాల్లో వస్తున్న వార్తలు నమ్మకూడదని చెప్పింది. ఏ సమాచారమైన అధికారిక వెబ్‌సైట్‌ల్లో సరిచేసుకోవాలని తెలిపింది. ఇదీ చదవండి: కొత్త కార్ల పరుగు దేశంలో తొలిసారి టెలికాం రంగంలో ప్రవేశించేందుకు స్టార్‌‌‌‌‌‌‌‌లింక్ వోడాఫోన్ ఐడియాతో జతకట్టవచ్చనే ప్రచారం వల్ల వీఐ షేర్లు ఇటీవల భారీగా ర్యాలీ అయ్యాయి. స్టార్‌‌‌‌‌‌‌‌లింక్ భారత మార్కెట్‌‌‌‌‌‌‌‌లోకి ప్రవేశించేందుకు వీలుగా ప్రభుత్వం వీఐలో తన 33.1 శాతం వాటాను మస్క్‌‌‌‌‌‌‌‌కు విక్రయించవచ్చని ఊహాగానాలు వచ్చాయి. మస్క్ వచ్చే వారం వైబ్రెంట్ గుజరాత్ బిజినెస్ సమ్మిట్‌‌‌‌‌‌‌‌కు హాజరయ్యేందుకు భారత్‌ రానున్న నేపథ్యంలో ఈ వార్తలకు ప్రాధ్యాన్యం సంతరించుకుంది.

శాటిలైట్‌ ఆధారిత వాయిస్‌, డేటా కమ్యూనికేషన్‌ వంటి ఇంటర్నెట్‌ సేవలు భారత్‌లో అందించాలన్న స్టార్‌ లింక్‌ అధినేత ఎలాన్‌ మస్క్‌ నిరీక్షణ ఫలించింది. డేటా స్టోరేజీ, ట్రాన్స్‌ఫర్‌ వంటి అంశాల్లో స్టార్‌ లింక్‌ ఇచ్చిన సమాధానంతో కేంద్రం సంతృప్తి చెందింది. త్వరలో స్టార్‌లింక్‌ సేవలందించేలా అనుమతి ఇవ్వనుందని సమాచారం.    గతంలో స్టార్‌లింక్‌ సేవల్ని అందించాలని భావించిన మస్క్‌ కేంద్ర అనుమతి కోరారు. ఆ సమయంలో తమ సంస్థ డేటా బదిలీ, స్టోరేజీ పరంగా అంతర్జాతీయంగా ఉన్న చట్టాలను అనుసరిస్తామని చెప్పారు. అయితే దీనిని భారత్‌ వ్యతిరేకించింది. ​డేటా స్టోరేజీ విషయంలో భారత నియమ నిబంధనలే పాటించాలని ప్రభుత్వం స్టార్‌ లింక్‌కు స్పష్టంచేసింది. దీంతో చేసేది స్టార్‌ లింక్‌ సేవల కోసం మరోసారి ధరఖాస్తు చేసుకుంది. తాజాగా, స్టార్‌ లింక్‌ ఇచ్చిన సమాధానం పట్ల ప్రభుత్వం సంతృప్తి వ్యక్తంచేసింది. భద్రతతో పాటు పలు అంశాలను పరిశీలించిన తర్వాతే గ్లోబల్ మొబైల్ పర్సనల్ కమ్యూనికేషన్ (జిఎమ్‌పీసీఎస్) లైసెన్స్‌ ఇవ్వనుందని కేంద్ర అధికారులు తెలిపారు. జియో, ఎయిర్‌టెల్‌కి పోటీగా రిలయన్స్ జియో, ఎయిర్‌టెల్‌ అధినేత సునీల్‌ మిట్టల్‌కి చెందిన వన్‌వెబ్‌ ఇప్పటికే దేశంలో జీఎంపీపీసీఎస్‌ లైసెన్స్‌ను పొందాయి. స్టార్‌ లింక్ ఆమోదం పొందితే.. ఈ లైసెన్స్‌ని పొందిన మూడవ శాటిలైట్ కమ్యూనికేషన్స్ (శాట్‌కామ్) కంపెనీగా అవతరించనుంది. స్టార్‌లింక్‌కు జీఎంపీడీఎస్‌ లైసెన్స్‌పై చర్చించేందుకు ఉన్నత స్థాయి సమావేశం షెడ్యూల్ జరిగినట్లు సమాచారం.  త్వరలో అందుబాటులోకి లైసెన్స్ కోసం ప్రభుత్వ అనుమతితో పాటు, శాట్‌కామ్ ప్లేయర్‌లు స్పేస్ రెగ్యులేటర్ ఇండియన్ నేషనల్ స్పేస్ ప్రమోషన్ అండ్ ఆథరైజేషన్ సెంటర్ (IN-SPAce) నుండి కూడా అనుమతి పొందవలసి ఉంటుంది. ఈ అనుమతులు లభిస్తే వెంటనే భారత్‌లో స్టార్‌ లింక్‌ అందుబాటులోకి వస్తాయి.

ప్రైవేటు రాకెట్ కంపెనీ స్పేస్‌ఎక్స్‌(SpaceX)కు చెందిన శాటిలైట్ ఇంటర్నెట్ యూనిట్ స్టార్‌లింక్ (Starlink) నగదు ప్రవాహ బ్రేక్‌ఈవెన్‌ (సంతృప్త నగదు నిల్వలు)ను సాధించిందని దాని అధినేత ఎలాన్‌ మస్క్‌ (Elon Musk) ప్రకటించారు. ఈ మేరకు తన మైక్రోబ్లాగింగ్ ప్లాట్‌ఫామ్ ‘ఎక్స్‌’ (ట్విటర్‌)లో ట్వీట్‌ చేశారు. ‘స్పేస్‌ఎక్స్‌కు చెందిన స్టార్‌లింక్‌ బ్రేక్ఈవెన్ నగదు ప్రవాహాన్ని సాధించిందని ప్రకటించేందుకు సంతోషిస్తున్నాను! అద్భుతమైన బృందం సాధించిన విజయం ఇది’ అని ‘ఎక్స్‌’ పోస్టులో ఎలాన్‌ మస్క్‌ రాసుకొచ్చారు. ‘స్టార్‌లింక్ ఇప్పుడు అన్ని యాక్టివ్ శాటిలైట్‌లలోనూ మెజారిటీగా ఉంది. వచ్చే ఏడాది నాటికి అన్ని ఉపగ్రహాలను భూమిపై నుంచి ప్రయోగించనుంది’ అని కూడా పేర్కొన్నారు. స్టార్‌లింక్‌ అనేది స్పేస్‌ఎక్స్‌ ఆధ్వర్యంలో నిర్వహిస్తున్న శాటిలైట్‌ ఇంటర్నెట్ సమూహం. ప్రపంచవ్యాప్తంగా 60కిపైగా దేశాలకు కవరేజీని అందిస్తోంది. 2019లో స్టార్‌లింక్ ఉపగ్రహాలను ప్రయోగించిడం ప్రారంభించిన స్పేస్‌ఎక్స్‌ 2023 తర్వాత అంతర్జాతీయ మొబైల్‌ ఫోన్ సేవలను కూడా అందించాలని లక్ష్యంగా పెట్టుకుంది. అత్యంత విలువైన కంపెనీ ప్రపంచంలోని అత్యంత విలువైన ప్రైవేట్ కంపెనీలలో ఒకటైన స్పేస్‌ఎక్స్‌ కంపెనీ విలువ సుమారు 150 బిలియన్‌ డాలర్లు (రూ.12 లక్షల కోట్లకు పైగా). స్టార్‌లింక్ గత సంవత్సరం ఆదాయంలో ఆరు రెట్లు ఎక్కువ వృద్ధిని నమోదు చేసింది. 1.4 బిలియన్‌ డాలర్లు ఆర్జించింది. అయితే మస్క్ నిర్దేశించిన లక్ష్యాల కంటే ఇది తక్కువే అని వాల్ స్ట్రీట్ జర్నల్ గత సెప్టెంబర్‌లో నివేదించింది. స్పేస్‌ఎక్స్‌ స్టార్‌షిప్ వంటి మరిన్ని మూలధన-ఇంటెన్సివ్ ప్రాజెక్ట్‌లకు నిధులు సమకూర్చడానికి స్టార్‌లింక్ వ్యాపార విభాగాన్ని ఒక ముఖ్యమైన ఆదాయ వనరుగా మార్చాలని భావిస్తోంది. స్టార్‌షిప్ అనేది ఒక పెద్ద పునర్వినియోగ రాకెట్, దీన్ని రాబోయే దశాబ్దంలో నాసా కోసం చంద్రునిపైకి పంపించనున్నారు. 2019 నుంచి ఈ కంపెనీ తక్కువ-భూమి కక్ష్యలో తన నెట్‌వర్క్‌ను దాదాపు 5వేల ఉపగ్రహాలకు పెంచింది. యుద్ధ ప్రాంతాలలో స్టార్‌లింక్ పాత్ర గతేడాది యుద్ధ సమయంలో ఉక్రెయిన్‌కు శాటిలైట్ కమ్యూనికేషన్స్‌లో సాయమందించిన స్టార్‌లింక్.. తాజాగా గాజాలోనూ కమ్యూనికేషన్ సేవలు అందించనున్నట్లు ఎలాన్ మస్క్ ఇటీవలే ప్రకటించారు. Excited to announce that @SpaceX @Starlink has achieved breakeven cash flow! Excellent work by a great team. Starlink is also now a majority of all active satellites and will have launched a a majority of all satellites cumulatively from Earth by next year. — Elon Musk (@elonmusk) November 2, 2023

ఇజ్రాయెల్ దాడి కారణంగా అన్ని కమ్యూనికేషన్‌లు ఆగిపోయి యుద్ధంలో దెబ్బతిన్న గాజాకు బిలియనీర్ వ్యాపారవేత్త ఎలాన్ మస్క్ (elon musk) మద్దతుగా నిలిచారు. గాజాకు ఇంటర్నెట్‌ సపోర్ట్‌ అందించనున్నట్లు ప్రకటించారు. హమాస్ నేతృత్వంలో ఉన్న గాజాను ఇజ్రాయెల్‌ బలగాలు పూర్తిగా చుట్టుముట్టేశాయి. అన్ని వైపుల నుంచి దాడులు ముమ్మరం చేశాయి. దీంతో ఆ ప్రాంతంలో కమ్యూకేషన్‌  పూర్తిగా స్తంభించింది. ఈ క్రమంలో ఎలాన్‌ మస్క్‌ కీలక ప్రకటన చేశారు. గాజాలోని యూఎన్‌, ఇతర అంతర్జాతీయంగా గుర్తింపు పొందిన సహాయ సమూహాలకు కనెక్టివిటీని పునరుద్ధరించడంలో తన ‘స్టార్‌లింక్‌’ (starlink) సహాయపడుతుందని ‘ఎక్స్‌’ (ట్విటర్‌) ద్వారా ప్రకటించారు. ఈ నేపథ్యంలో మస్క్ నేతృత్వంలోని సోషల్ మీడియా ప్లాట్‌ఫామ్‌ ‘ఎక్స్‌’ (ట్విటర్‌)లో #StarlinkForGaza అనే హ్యాష్‌ట్యాగ్ ట్రెండ్‌ అవుతోంది. స్పేస్‌ఎక్స్‌ (SpaceX) నిర్వహిస్తున్న కృత్రిమ ఉపగ్రహాల సముదాయాన్ని స్టార్‌లింక్ కలిగి ఉంది. ఇది మారుమూల ప్రాంతాలకు సైతం కనెక్టివిటీని అందించగలదు. అక్టోబర్‌లో వెలువడిన బ్లూమ్‌బెర్గ్ నివేదిక ప్రకారం..  ఇజ్రాయెల్ యుద్ధకాల కమ్యూనికేషన్‌లను పెంచే ప్రయత్నంలో స్పేస్‌ఎక్స్‌తో చర్చలు కూడా ప్రారంభించింది. ఈ నెట్‌వర్క్ ఫ్రంట్‌లైన్‌లకు సమీపంలో ఉన్న ఇజ్రాయెల్ పట్టణాలకు నిరంతర ఇంటర్నెట్ సేవను కలిగి ఉండటానికి అనుమతిస్తుందని కమ్యూనికేషన్స్ మంత్రిత్వ శాఖ తెలిపింది. ఇజ్రాయెల్ ప్రతినిధిని ఉటంకిస్తూ, గాజాలో అన్ని ఇంటర్నెట్, ఫోన్ సేవలను ఇజ్రాయెల్‌ స్తంభింపజేసే అవకాశం ఉందని నివేదిక పేర్కొంది. గాజాలో ప్రస్తుతం కమ్యూనికేషన్ పూర్తిగా స్తంభించింది. ఇంటర్నెట్, ఫోన్ సేవలు రోజంతా నిలిచిపోయాయి. ఇజ్రాయెల్ కమ్యూనికేషన్లను తొలగించిదని పాలస్తీనా రెడ్ క్రెసెంట్ తెలిపింది. Starlink will support connectivity to internationally recognized aid organizations in Gaza. [ComStar] — Elon Musk (@elonmusk) October 28, 2023

ప్రపంచకుబేరుడు, ట్విటర్‌ బాస్‌ ఎలాన్‌ మస్క్‌పై ఉక్రెయిన్  మండిపడుతోంది. గత ఏడాది రష్యా యుద్ధనౌకలపై డ్రోన్ దాడిని నిరోధించేందుకు తన స్టార్‌లింక్ శాటిలైట్ నెట్‌వర్క్‌ని ఉపయోగించడానికి అనుమతిని ఎలా నిరాకరించారనే వివరాలు కొత్త జీవిత చరిత్రలో వెల్లడైన నేపథ్యంలో ఉక్రేనియన్ సీనియర్ అధికారి ఎక్స​(ట్విటర్‌)లో స్పందించారు.  మస్క్‌  చాలా పాపానికి పాల్పడ్డాడంటూ ఆగ్రహం  వ్యక్తం చేసింది.  ఉక్రేనియన్ అధ్యక్ష సలహాదారు మైఖైలో పోడోల్యాక్ మస్క్‌ జోక్యం తీరని నష్టానికి, అనేకమంది పౌరుల మరణాలకు దారితీసిందని ఆరోపించారు.  ఒకోసారి పొరపాటు తీవ్ర తప్పిదంగా మారుతుంది. ఇది అజ్ఞానం, అహం కలయిక ఫలితం. స్టార్‌లింక్ జోక్యం ద్వారా రష్యన్ నౌకాదళంలో కొంత భాగాన్ని నాశనం చేయడానికి ఉక్రేనియన్ డ్రోన్‌లను అనుమతించి, రష్యా నౌకాదళాన్ని ఉక్రేనియన్ నగరాలపై కాలిబర్ క్షిపణుల దాడికి అనుమతించింది. ఫలితంగా,  అనేకమంది పిల్లలు, పౌరులను పొట్టన పెట్టుకుంటోందంటూ ట్వీట్ చేశారు. (వరల్డ్‌ రిచెస్ట్‌ మేన్‌తో రహస్యంగా కవలలు: ఈ టాప్ ఎగ్జిక్యూటివ్ గురించి నమ్మలేని నిజాలు) అసలు కొంతమంది యుద్ధ నేరస్థులను, హత్య చేయాలనే వారి కోరికను ఎందుకు రక్షించాలనుకుంటున్నారు. తద్వారా వారు పాపానికి ఒడిగడుతున్నారని , దాన్ని ప్రోత్సహిస్తున్నారని  ఇప్పటికైనా గ్రహించారా? అని ప్రశ్నించారు. టెక్ బిలియనీర్‌  మస్క్‌ జీవిత చరిత్రలోని దీనికి సంబంధించిన అంశాలు వెలుగులోకి వచ్చిన నేపథ్యంలో మైఖైలో పోడోల్యాక్ ప్రకటన వచ్చింది. కాగా బయోగ్రఫీ రైటర్‌గా పాపులర్‌ అయిన వాల్టర్ ఐజాక్సన్ మస్క్‌ బయోగ్రఫీ సీఎన్‌ఎన్‌ ప్రచురించిన పుస్తకంలో సాయుధ జలాంతర్గామి డ్రోన్లు "కనెక్టివిటీని కోల్పోయినప్పుడు , ప్రమాదకరం లేకుండా ఒడ్డుకు కొట్టుకుపోయినప్పుడు" క్రిమియా తీరానికి సమీపంలో ఉన్న రష్యన్ నౌకాదళాన్ని ఎలా సమీపిస్తున్నాయో వివరించింది.రష్యా ఆక్రమిత క్రిమియాపై ఉక్రేనియన్ దాడికి రష్యా అధ్యక్షుడు వ్లాదిమిర్ పుతిన్ అణ్వాయుధాలతో ప్రతిస్పందిస్తాడనే ఆందోళన కారణంగా దాడి జరిగిన ప్రాంతంలో సేవలను నిలిపి వేయమని  మస్క్ స్టార్‌లింక్ ఇంజనీర్‌లను ఆదేశించారని ఈ పుస్తకంలో  పేర్కొన్నారు. మరోవైపు స్టార్‌లింక్ నెట్‌వర్క్‌ను ఆపివేసినట్లు వచ్చిన ఆరోపణలను మస్క్ ఖండించారు. రష్యా -ఉక్రెయిన్‌ వార్‌కి మరింత ఆజ్యం పోయకూడదనే ఉద్దేశంతోనే నో చెప్పా నన్నారు. ముఖ్యంగా ఉక్రెయిన్ నుండి క్రిమియన్ నౌకాశ్రయ నగరమైన సెవాస్టోపోల్ వరకు సక్రియం చేయమని చేసిన అభ్యర్థనకు తాను అంగీకరించ లేదని వివరణ ఇచ్చాడు.  తన స్పేస్‌ఎక్స్ కంపెనీ "యుద్ధం-సంఘర్షణ తీవ్రతరం చేసే చర్యలకు సహకరించడం" తనకు ఇష్టం లేదంటూ  క్లారిటీ ఇచ్చాడు. అటు రచయిత ఐజాక్సన్   కూడా దీనిపై  స్పందించి స్పష్టత ఇచ్చారు. To clarify on the Starlink issue: the Ukrainians THOUGHT coverage was enabled all the way to Crimea, but it was not. They asked Musk to enable it for their drone sub attack on the Russian fleet. Musk did not enable it, because he thought, probably correctly, that would cause a… — Walter Isaacson (@WalterIsaacson) September 9, 2023 Sometimes a mistake is much more than just a mistake. By not allowing Ukrainian drones to destroy part of the Russian military (!) fleet via #Starlink interference, @elonmusk allowed this fleet to fire Kalibr missiles at Ukrainian cities. As a result, civilians, children are… — Михайло Подоляк (@Podolyak_M) September 7, 2023

ప్రపంచ కుబేరుల్లో అగ్రస్థానంలో ఉన్న ఎలాన్‌ మస్క్‌ ప్రాణాలకు ప్రమాదం పొంచి ఉందా? ‘అవును. మస్క్‌ ప్రాణాలు ప్రమాదం ఉంద’ని ఆయన తండ్రి ఎర్రోల్‌ మస్క్‌ ఆందోళన వ్యక్తం చేస్తున్నారు.  ది న్యూ యార్కర్‌ అనే మీడియా సంస్థ ‘ఎలాన్‌ మస్క్‌ షాడో రూల్’ పేరిట పత్రికా కథనాన్ని ప్రచురించింది. ఆ కథనంలో స్పేస్‌, ఉక్రెయిన్, సోషల్ మీడియా, ఎలక్ట్రిక్ వెహికల్స్‌తో సహా వివిధ రంగాల్లో ప్రభుత్వ నిర్ణయాలపై ఎలాన్‌ మస్క్‌ ప్రభావం వంటి అంశాలను ప్రస్తావించింది. చదవండి👉 ఎలాన్‌ మస్క్‌కు భారీ ఝలక్‌!  ఉక్రెయిన్‌ - రష్యా ఘర్షణలో స్పేస్ ఎక్స్‌కు చెందిన స్టార్ లింక్ శాటిలైట్‌ ఇంటర్నెట్‌ ఉక్రెయిన్‌లో ఎలా ఉపయోగపడిందో నొక్కి చెప్పింది. అంతేకాదు, ట్విటర్‌ను కొనుగోలు చేసిన తర్వాత మస్క్‌ అంతర్జాతీయ సంబంధాలపై అధ్యక్షుడు జో బైడెన్ చేసిన కీలక వ్యాఖ్యల్ని గుర్తు చేసింది. జాతీయ భద్రత కోణంలో మస్క్‌ సంబంధాలపై దృష్టి పెట్టాల్సిన అవసరం ఉందని వ్యాఖ్యానించారు. ఆ అంశాలపై అమెరికన్‌ మీడియా శీర్షికలో హైలెట్‌ చేసింది.  ఆ వార్తలపై ఎర్రోల్‌ మస్క్‌ ఆగ్రహం వ్యక్తం చేస్తున్నారు. ఎలాన్‌ మస్క్‌ షాడో రూల్ కథనాన్ని‘హిట్ జాబ్’ గా అభివర్ణించారు. మస్క్‌ను బలహీనపరిచే ‘షాడో గవర్నమెంట్’ ఇలాంటి కథనాలకు మద్దతు ఇస్తుందని ఆరోపించారు. దాడికి ముందు శత్రువు బలాల్ని నిర్విర్యం చేసేలా ప్రజల్ని ఉసిగొల్పిన చరిత్రను గుర్తు చేశారు. అదే తరహాలో మస్క్‌ను సైతం దెబ్బగొట్టే ప్రయత్నమే జరుగుతుందని పేర్కొన్నారు.  ♦‘షాడో ప్రభుత్వం’ ఎలాన్‌ మస్క్‌ను చంపేందుకు ప్రయత్నిస్తుందని మీరు భావిస్తున్నారా? అని మీడియా ప్రతినిధులు ఆయనను ప్రశ్నించినప్పుడు ‘అవును’ అని బదులిచ్చారు.  ♦ 44 బిలియన్‌ డాలర్లకు ట్విటర్‌ను కొనుగోలు చేసినప్పుడు మస్క్‌ తీవ్ర విమర్శలు ఎదురయ్యాయి. మస్క్‌ తీరు విద్వేషపూరిత ప్రసంగాలు, తప్పుడు సమాచారం పెంచేలా ఉన్నాయన్న ఆరోపణలు వెల్లువెత్తాయి.  ♦రష్యా అంతరిక్ష సంస్థ రోస్కోస్మోస్‌ చీఫ్‌ దిమిత్రి రోగోజిన్‌ గత ఏడాది మేలో ఉక్రెయిన్‌లో స్టార్‌లింక్‌ శాటిలైట్‌ ఇంటర్నెట్‌ సేవల్ని అందించడంపై పరోక్షంగా బెదిరింపులకు పాల్పడ్డారు. స్టార్‌లింక్‌ శాటిలైట్ ఇంటర్నెట్ సేవల సరఫరాకు సంబంధించి పరోక్షంగా బెదిరింపులు చేశారు.  ♦అదే సమయంలో 'నేను అనుమానాస్పద పరిస్థితుల్లో చనిపోతే.. మీ అందరితో పరిచయం అయినందుకు సంతోషం అంటూ మస్క్‌ ట్వీట్‌ చేశారు.    ♦ఎక్స్‌. కామ్‌లో విధులు నిర్వహిచే సమయంలో ఆయన నిఘూ నీడలో గడుపుతున్నారంటూ సంస్థ ఉద్యోగులు ఆందోళన వ్యక్తం చేశారు. కంపెనీలో తొలగింపులు, మార్పుల తర్వాత భద్రతను నిర్వహించడం మరింత సవాలుగా మారింది. ఇలా ఎలాన్‌ మస్క్‌ విషయంలో జరుగుతున్న ప్రతి అంశాన్ని ఎర్రోల్‌ మస్క్‌ ప్రస్తావిస్తూ తన కుమారుడు ఎలాన్‌ మస్క్‌కు ప్రాణాలకు ప్రమాదం పొంచి ఉందని అంటున్నారు. మరి తండ్రంటే ఆమడ దూరం జరిగే ఎలాన్‌ మస్క్‌ తాజాగా వ్యాఖ్యాలపై ఏ విధంగా స్పందిస్తారో వేచి చూడాల్సి ఉంది. చదవండి👉🏻 ఎలాన్‌ మస్క్‌ సంచలన నిర్ణయం!

అంతరిక్ష ప్రయోగాల‍్లో భారత్‌ సత్తా చాటుతోంది. దీంతో మరో సారి భారత్‌లో శాటిలైట్‌ ఇంటర్నెట్‌ సేవలపై చర్చ ప్రారంభమైంది. ఈ తరుణంలో ప్రపంచ కుబేరుడు ఎలాన్‌ మస్క్‌ భారతీయులకు శుభవార్త చెప్పనున్నారు. త్వరలో దేశీయంగా శాటిలైట్‌ ఇంటర్నెట్‌ సేవల్ని అందించనున్నారు. ఇందుకోసం భారత్‌ నుంచి అనుమతులు తీసుకోనున్నారంటూ పలు నివేదికలు వెలుగులోకి వచ్చాయి.   ప్రస్తుతం, మస్క్‌కు చెందిన స్టార్‌లింక్‌ సంస్థ ప్రపంచ వ్యాప్తంగా 32 దేశాల్లో శాటిలైట్‌ ఇంటర్నెట్‌ సేవల్ని అందిస్తుంది. అయితే, గతంలో స్టార్‌లింక్‌ భారత్‌లో శాటిలైట్‌ సేవల్ని అందించేందుకు సిద్ధమయ్యింది. కానీ పలు కారణాల వల్ల అది కార్యరూపం దాల్చలేదు.  తాజాగా, సెప్టెంబర్‌ 20న స్టార్‌లింక్‌ ప్రతినిధులు భారత్‌లో శాటిలైట్‌ ఇంటర్నెట్‌ సేవల కోసం దేశీయ డిపార్ట్‌మెంట్‌ ఆఫ్‌ టెలీకమ్యూనికేషన్‌ (డాట్‌) విభాగం అధికారులతో భేటీ కానున్నారు. ఈ సమావేశంలోనే అనుమతులు తీసుకోన్నట్లు నివేదికలు తెలిపాయి. ఈ సందర్భంగా స్టార్‌లింక్‌ భారత్‌లో గ్లోబుల్‌ మొబైల్‌ పర్సనల్‌ కమ్యూనికేషన్‌ బై శాలిలైట్‌ (జీఎంపీసీఎస్‌) లైసెన్స్‌ తీసుకున్న విషయాన్ని గుర్తు చేస్తున్నాయి.  స్టార్‌లింక్‌తో పాటు ఎయిర్‌టెల్‌ ఇక, భారత్‌లో శాటిలైట్‌ ఇంటర్నెట్‌ను అందించే సంస్థల జాబితాలో స్టార్‌లింక్‌తోపాటు ఎయిర్‌టెల్‌, జియోలు పోటీ పడుతున్నాయి. ఎయిర్‌ టెల్‌ వన్‌ వెబ్‌, జియో.. జియో స్పేస్‌ టెక్నాలజీలు ఉపగ్రహ ఇంటర్నెట్‌పై పనిచేస్తున్నాయి.  ఈ రెండు కంపెనీలు సైతం జీఎంపీసీఎస్‌ లైసెన్స్‌ తీసుకున్నాయి. చదవండి👉 భారత్‌లో శాటిలైట్‌ ఇంటర్నెట్‌ పోటీ.. ముఖేష్ అంబానీ - ఎలాన్‌ మస్క్​లలో ఎవరి మాట నెగ్గుతుందో?

ప్రధాని నరేంద్ర మోదీ గత వారం అమెరికాలో పర్యటించిన విషయం తెలిసిందే. ఆ పర్యటనే ఇప్పుడు ప్రపంచ వ్యాపార దిగ్గజాల మధ్య పంతానికి దారితీసింది? ప్రజలకు సేవలందించే విషయంలో ఒకరిపై ఒకరు పోటీ పడుతున్నారు? తమ మాటే నెగ్గాలని ఒకరంటుంటే? లేదు మాటిచ్చాం..నెరవేర్చుకుంటాం అని మరొకరంటున్నారు? మోదీ అమెరికా పర్యటనతో భారత్‌లో ఇండస్ట్రీలిస్ట్‌ల మధ్య పంతాలెందుకు వస్తాయి? తమ మాటే ఎందుకు నెగ్గించుకోవాలనుకుంటారు? ఆ కథా కమామిషూ ఏంటో తెలుసుకుందాం పదండి.  గత కొన్నేళ్లుగా భారత్‌లో అడుగుపెట్టేందుకు ఎలాన్‌ మస్క్‌ నేతృత్వంలోని స్పేస్‌ఎక్స్‌కు చెందిన శాటిలైట్‌ బ్రాడ్‌బ్యాండ్‌ విభాగం స్టార్‌లింక్‌కు మోదీ అమెరికా పర్యటన ఊతమిచ్చింది. గతంలో లైసెన్స్‌ లేదన‍్న కారణంగా భారత్‌లో శాటిలైట్‌ ఇంటర్నెట్‌ సేవల్ని అందించే స్టార్‌లింక్‌కు కేంద్రం అడ్డు చెప్పింది. అదే సమయంలో రిలయన్స్‌ ఇండస్ట్రీస్‌ అధినేత ముఖేష్‌ అంబానీ శాటిలైట్‌ బ్రాండ్‌బ్యాండ్‌ను అందించేందుకు సిద్ధమయ్యారు. ఆ దిశగా ప్రయత్నాల్ని ముమ్మరం చేశారు.  అంత సులభం కాదు ఈ నేపథ్యంలో ప్రధాని మోదీ అమెరికా పర్యటనలో స్టార్‌లింక్‌ అధినేత ఎలాన్‌ మస్క్‌తో భేటీ అయ్యారు. ఈ భేటీలో టెస్లా ఎలక్ట్రిక్‌ కార్యకలాపాలతో పాటు స్టార్‌లింక్‌ సేవల్ని భారత్‌లో అందించే ఆలోచనలో ఉన్నట్టు మస్క్ తెలిపారు. స్టార్‌లింక్ ఇంటర్నెట్‌తో దేశంలోని మారుమూల ప్రాంతాలకు మరింత ఉపయోగకరంగా ఉంటుందని భావిస్తున్నట్లు పేర్కొన్నారు. కానీ, శాటిలైట్‌ ఇంటర్నెట్‌ సేవల్ని భారత్‌లో ప్రారంభించడం మస్క్‌కు అంత సులభమయ్యేలా కనిపించడం లేదంటూ మార్కెట్‌ నిపుణులు అభిప్రాయం వ్యక్తం చేస్తున్నారు. ఉపగ్రహాల సాయంతో ఇంటర్నెట్ సేవలు అందించే విషయంలో ముఖేష్‌ అంబానీ నుంచి మస్క్‌కు గట్టి పోటీ ఎదురు కానుంది. ఎందుకంటే?  శాటిలైట్‌ ఇంటర్నెట్‌ అందించేందుకు మస్క్‌ కేవలం అనుమతులు ఇవ్వాలని కేంద్రాన్ని కోరుతున్నారు. మస్క్‌తో పాటు అమెజాన్‌ అధినేత జెఫ్‌ బెజోస్‌,టాటా గ్రూప్‌ అధినేత రతన్‌ టాటా, భారతీ ఎంటర్ ప్రైజెస్, ఎయిర్‌టెల్ సంస్థ ఛైర్మన్ సునీల్ మిట్టల్‌ సైతం అదే బాటులో పయనిస్తున్నారు.   పట్టుబడుతున్న ముఖేష్‌ అంబానీ స్పెక్ట్రం అనేది మొబైల్ కమ్యూనికేషన్ కోసం ఉపయోగించే ఫ్రీక్వెన్సీల శ్రేణి. ఇప్పుడీ ఈ స్ప్రెక్టంను వేలం వేయాలని అంటున్నారు ముఖేష్‌ అంబానీ. శాటిలైట్‌ సేవలందించే విదేశీ సంస్థలు సైతం స్ప్రెక్టం వేలంలో పాల్గొనాలని పట్టుబడుతున్నారు. అందుకు కారణం లేకపోలేదు. లైసెన్స్‌ ఇస్తే దేశీయ సంస్థలతో - విదేశీ కంపెనీలు పోటీ పడతాయి. అదే ప్రభుత్వం నిర్వహించే వేలంలో పాల్గొంటే పోటీని అరికట్టవచ్చనేది వాదన. కాబట్టే, వాయిస్ ,డేటా సేవలను అందించడానికి విదేశీ శాటిలైట్ సర్వీస్ ప్రొవైడర్‌లు స్పెక్ట్రమ్ వేలంలో తప్పని ఉండాలని అంబానీకి చెందిన రిలయన్స్ చెబుతోంది. అయితే, ఎవరి పోటీ ఎలా ఉన్నా చివరిగా.. భారత ప్రభుత్వం తీసుకునే కీలక నిర్ణయం మీద ఆధారపడి ఉందని పరిశ్రమ వర్గాలు అభిప్రాయం వ్యక్తం చేస్తున్నాయి. శాటిలైట్‌ కమ్యూనికేషన్‌ సర‍్వీస్‌ స్పెక్ట్రం విభాగంలో కేంద్ర విభాగానికి చెందిన ట్రాయ్‌ ముఖ్య పాత్ర పోషించనుంది.  కేంద్రానిదే తుది నిర్ణయం ఇక, భారత ప్రభుత్వం 2010  నుంచి మొబైల్ స్పెక్ట్రమ్ వేలం నిర్వహిస్తుండగా.. ఫలితంగా కేంద్రానికి  77 బిలియన్​ డాలర్లు (దాదాపు రూ.6 లక్షల కోట్లు) వచ్చాయి. టెక్నాలజీ పెరగడం, ప్రస్తుతం ఆయా సంస్థలు శాటిలైట్‌ సేవల్ని అందించేందుకు పోటీపడుతున్నాయని పెట్టుబడుల సంస్థ సీఎల్‌ఎస్‌ఏ చెబుతోంది. ఈ సమస్యపై సెక్టార్ రెగ్యులేటర్ టెలికాం రెగ్యులేటరీ అథారిటీ ఆఫ్‌ ఇండియా పలు సంస్థలతో చర్చలు జరపగా..అమెజాన్ కైపర్, టాటా, ఎయిర్‌టెల్, ఎల్‌ అండ్‌ టీ వేలానికి వ్యతిరేకంగా ఉండగా, రిలయన్స్ జియో, వొడాఫోన్-ఐడియా వేలానికి మద్దతు ఇస్తున్నట్లు పలు నివేదికలు వెలుగులోకి వచ్చాయి. తుది నిర్ణయాన్ని కేంద్రం వెల్లడించాల్సి ఉంది. చదవండి👉 ఈ చెట్టు లేకపోతే ప్రపంచంలో కూల్‌డ్రింక్స్‌ తయారీ కంపెనీల పరిస్థితి ఏంటో?

న్యూయార్క్‌: అమెరికా పర్యటనలో ఉన్న భారత ప్రధాని నరేంద్ర మోదీతో.. ప్రపంచ అపరకుబేరుడు, టెస్లా సీఈవో-ట్విటర్‌ యజమాని ఎలన్‌ మస్క్‌ భేటీ అయ్యాడు. మూడు రోజుల అమెరికా పర్యటన నిమిత్తం ప్రధాని మోదీ మంగళవారం న్యూయార్క్‌కు చేరుకున్న సంగతి తెలిసిందే. మోదీ మోదీ నినాదాల మధ్య ఘన స్వాగతం లభించింది ఆయనకు అక్కడ. ఈ క్రమంలో న్యూయార్క్‌లోనే ప్రధాని మోదీతో ఎలన్‌ మస్క్‌ భేటీ అయ్యారు. భారత భవిష్యత్తు కోసం ఎంతో ఆత్రుతగా ఎదురు చూస్తున్నా. అగ్రదేశాలతో పోలిస్తే భారత్‌కు అభివృద్ధి విషయంలో ఎన్నో అవకాశాలున్నాయి. ఆయన(ప్రధాని మోదీని ఉద్దేశించి..) భారత్‌ పట్ల నిజమైన శ్రద్ధ వహిస్తున్నారు. పెట్టుబడుల విషయంలో సరైన సమయంలో ప్రకటన చేస్తాం.  ప్రధాని మోదీతో సమావేశం ఎంతో అద్భుతంగా సాగింది. చాలా ఏళ్ల కిందట ఆయన మా ఫ్యాక్టరీని సందర్శించారు. అలా మా పరిచయం మొదలైంది. భారత్‌కు ఆయన సరైందే చేస్తున్నారు. ఆయనకు నేను అభిమానిని. భారత్‌లో సౌర శక్తి పెట్టుబడులకు ఎంతో ఆస్కారం ఉంది. అందుకే స్టార్‌లింక్‌ ఇంటర్నెట్‌ను తీసుకెళ్లాలనుకుంటున్నాం. భారత్‌లో పర్యటిస్తా.. వచ్చే ఏడాది అది ఉండొచ్చు. అంతేకాదు.. టెస్లాను కూడా భారత్‌కు తీసుకెళ్తాం అని మస్క్‌, భారత ప్రధాని మోదీతో భేటీ అనంతరం మీడియాకు వివరించారు. ఇదీ చదవండి: ఉక్రెయిన్‌ యుద్ధం.. కుండబద్ధలు కొట్టిన మోదీ

స్పేస్‌ ఎక్స్‌ అధినేత ఎలాన్‌ మస్క్‌ శాటిలైట్‌ సంబంధిత ‘స్టార్‌లింక్‌’ ఇంటర్నెట్‌ సేవల్ని భారత్‌లో అందుబాటులోకి తెచ్చేందుకు ప్రయత్నాల్ని ముమ్మరం చేస్తున్నట్లు తెలుస్తోంది. ఇందుకు సంబంధించి గ్లోబల్‌ మొబైల్‌ పర్సనల్‌ కమ్యూనికేషన్‌ బై శాటిలైట్‌ సర్వీస్‌(జీఎంపీసీఎస్‌) లైసెన్స్‌ కోసం కేంద్ర డిపార్ట్‌మెంట్‌ ఆఫ్‌ టెలికమ్యూనికేషన్‌ (డీఓటీ) వద్ద అప్లయి చేసినట్లు సమాచారం.  ఎలన్‌ మస్క్‌ స్టార్‌లింక్‌ ఇంటర్నెట్‌ సేవల్ని ప్రపంచ వ్యాప్తంగా 32దేశాల్లో అందిస్తున్నారు. ప్రస్తుతం అమెరికా, కెనడా,మెక్సికో, యూరప్‌,  యూరప్‌, సౌత్‌-నార్త్‌ అమెరికాలోని కొన్ని దేశాలతో పాటు ఓషియానా(ఆస్ట్రేలియా, న్యూజిలాండ్‌)లలో సేవలు అందుతున్నాయి . ఇక ఆసియాలో అడుగుపెట్టడానికి భారత్‌ బెస్ట్‌ కంట్రీగా భావించి.. గతేడాది ఆ దిశగా ప్రయత్నాలు మొదలుపెట్టారు.  సేవల కంటే ముందు బుక్సింగ్‌ సైతం స్టార్‌లింక్‌ ప్రారంభించింది. అయితే లైసెన్స్‌ లేకుండా కార్యకలాపాలు మొదలుపెట్టాలన్న ప్రయత్నాలకు కేంద్రం అడ్డు పడింది. దీంతో స్టార్‌లింక్‌ ప్రయత్నాలు సైతం నిలిచిపోగా.. కనెక్షన్‌ల కోసం తీసుకున్న డబ్బులు సైతం వెనక్కి ఇచ్చేసింది స్టార్‌లింక్‌. ఇది ఇక్కడితోనే ఆగిపోలేదు.. భారత ప్రభుత్వ ఒత్తిడితో స్టార్‌లింక్‌ ఇండియా డైరెక్టర్‌ పదవికి సంజయ్‌ భార్గవ రాజీనామా చేశారు.  ది ఎకనామిక్ టైమ్స్ కథనం ప్రకారం..  ఈ తరుణంలో ఎలాన్‌ మస్క్‌ గత వారం శాటిలైట్‌ ఇంటర్నెట్‌ సేవల్ని అందించేలా జీఎంపీసీఎస్‌ కోసం అప్లయి చేసినట్లు ది ఎకనామిక్ టైమ్స్ తెలిపింది. జీఎంపీసీఎస్‌ లైసెన్స్‌తో పాటు భారత డిపార్టెమెంట్‌ ఆఫ్‌ స‍్పేస్‌ అప్రూవల్‌ పొందాల్సి ఉంటుంది. ఆ అనుమతి లభిస్తే స్పేస్‌ ఎక్స్‌ భారత్‌లో శాటిలైట్‌ గేట్‌వేస్‌ను ఏర్పాటు చేయాల్సి ఉంటుంది.   ప్రధాని మోదీ ఒప్పుకుంటారా? ఎలాన్‌ మస్క్‌ చైనా నుంచి టెస్లా కార్లను దిగుమతి చేసి భారత్​లో అమ్మకాలు జరపాలని అనుకున్నారు. కానీ మస్క్‌ నిర్ణయాన్ని కేంద్రం వ్యతిరేకించింది. టెస్లా ఇండియాలో ఎలక్ట్రిక్‌ కార్లను ఉత్పత్తి చేయాలనుకుంటే సమస్య ఏదీ లేదని, చైనా నుంచి మాత్రం కార్లను దిగుమతి చేయకూడదని కేంద్ర రోడ్డు రవాణా శాఖా మంత్రి నితిన్‌ గడ్కరీ స్పష్టం చేశారు. ఆ తర్వాత భారత్‌లో టెస్లా తయారీ ప్లాంట్లను ఎప్పుడు ప్రారంభించనున్నారు అని ఓ ట్విట్టర్‌ యూజర్‌ అడిగిన ప్రశ్నకు మస్క్‌ స్పందించారు. టెస్లా కార్ల మ్యానిఫ్యాక్చరింగ్‌ యూనిట్లను భారత్‌లో నిర్మించే ఆలోచన లేదు. మొదట మా కార్ల విక్రయాలు, సర్వీసులకు అనుమతించని ఏ ప్రాంతంలోనూ టెస్లా ఉత్పత్తి ప్లాంట్‌ నెలకొల్పబోదని మస్క్‌ ట్వీట్‌ చేశారు. మరి ఇప్పుడు శాటిలైట్‌ ఇంటర్నెట్‌ విషయంలో కేంద్రం అనుమతి ఇస్తుందా? లేదా అని తెలియాలంటే మరికొంత కాలం వేచి చూడాల్సి ఉంది. చదవండి👉 ‘ఎలాన్‌ మస్క్‌ స్మార్ట్‌ ఫోన్‌ వచ్చేస్తోంది’..విడుదల ఎప్పుడు, ధర ఎంత!

ప్రపంచ కుబేరుడు స్పేస్‌ ఎక్స్‌ అధినేత ఎలాన్ మస్క్ ఏం చేసినా అది సంచలనంగా మారుతుంది. అంతేనా ఆయన ట్వీట్‌లు కూడా నెట్టింట హల్‌ చేస్తుంటాయి. తాజాగా మస్క్‌ చేసిన వ్యాఖ్యలు కలకలం రేపుతున్నాయి. రష్యా-ఉక్రెయిన్ యుద్ధం ఆపడం గురించి ఇటీవల ఆయన చేసిన ట్వీట్ సోషల్‌మీడియాలో వైరల్‌గా మారిన సంగతి తెలిసిందే. దీనిపై పలువురు మస్క్‌ను తప్పుబట్టారు. ఈ క్రమంలో ఉక్రెయిన్‌ రాయబారి ఆండ్రిజ్‌ మెల్నిక్‌ కూడా ఈ విషయంలో కాస్త నోటి దురుసును చూపించారు. అయితే ఈ వ్యాఖ్యలు అనంతరం ఆయన దేశానికి ఫ్రీ ఇంటర్నెట్‌ లేకుండా చేసిందని అనిపిస్తోంది.  అసలు ఏం జరిగింది.. అనూహ్య పరిణామాల మధ్య ఉక్రెయిన్‌పై రష్యా యుద్దం ప్రకటించిన సంగతి తెలిసిందే. ఇక అప్పటి నుంచి ఉక్రెయిన్‌కు ఉచితంగా ఇంటర్నెట్‌ ఇస్తూ అండగా నిలిచిన మస్క్‌పై ఇటీవల దుర్భాషలాడారు ఆండ్రిజ్‌ మెల్నిక్‌. దీని తర్వాత పరిణామంలో.. ఇకపై ఉక్రెయిన్‌కు స్టార్‌లింక్‌ ఉచిత ఇంటర్నెట్‌ ఇవ్వడంపై మస్క్‌ నిర్ణయం తీసుకున్నారు. ఫ్రీగా కొనసాగాలంటే మీరు ఫండింగ్‌ ఇవ్వండని ఆమెరికా ప్రభుత్వానికి లేఖ కూడా రాశారు. దీనికి సంబంధించి మస్క్‌ పెంటాగాన్‌కి ఓ ట్వీట్‌ చేశాడు. అందులో స్టార్‌లింక్ సర్వీస్‌ కోసం ఇకపై చెల్లింపు చేయాలని రిక్వెస్ట్‌ చేశాడు. అదే ట్వీట్‌లో ఇలా కూడా ఉంది.  మెల్నిక్ సూచించినదే తాను చేస్తున్నానని చెప్పారు మస్క్‌.   ఖర్చు ఏక్కువైంది.. పేమెంట్‌ చేయగలరు! ఉక్రెయిన్‌లో స్టార్‌లింక్ సేవలు పనిచేయాలంటే ఇప్పుడు దాదాపు $120 మిలియన్లు చెల్లించాలని స్పేస్‌ఎక్స్ తాజాగా పెంటగాన్‌ను కోరుతోంది. దీంతో పాటు, వచ్చే ఏడాదికి సంబంధించిన చెల్లింపులను కూడా కంపెనీ ముందుగానే కోరినట్లు సమాచారం. 2023కి పెంటగాన్ $400 మిలియన్లు చెల్లించాల్సి ఉంటుందని తమ అంచనాను కూడా ప్రభుత్వం ముందు ఉంచింది.  ఉక్రెయిన్‌కు ఉచిత సేవలందించేందుకు స్టార్‌లింక్ టెర్మినల్స్‌పై స్పేస్‌ఎక్స్ $80 మిలియన్లు ఖర్చు చేసిందని, ఈ ఏడాది చివరి నాటికి ఈ సంఖ్య 100 మిలియన్ డాలర్లకు చేరుతుందని మస్క్ గతంలో ట్విట్టర్‌లో వెల్లడించారు. చదవండి: ఇది ఊహించలేదు.. యూజర్లకు భారీ షాకిచ్చిన జియో!

భారతీయులకు శుభవార్త.త్వరలో మనదేశంలో శాటిలైట్‌ ఇంటర్నెట్‌ సేవలు అందుబాటులోకి రానున్నాయి. అమెరికాకు చెందిన హ్యూస్ కమ్యూనికేషన్స్ సంస్థ దేశంలో తొలిసారి హై త్రూపుట్‌ శాటిలైట్‌ (హెచ్‌టీఎస్‌)బ్రాండ్‌ బ్యాండ్‌ ఇంటర్నెట్‌ సర్వీస్‌ను లాంచ్‌ చేయనుంది. ఈ సర్వీసు అందుబాటులోకి వస్తే..దేశంతో పాటు రూరల్‌ ఏరియాల్లో సైతం హై స్పీడ్‌ శాటిలైట్‌ ఇంటర్నెట్‌ను వినియోగించుకునే అవకాశం కలగనుంది.  శాటిలైట్ ఇంటర్నెట్ ప్రొవైడర్ హ్యూస్ కమ్యూనికేషన్స్ భారత్‌లో తొలిసారి శాటిలైట్‌ ఇంటర్నెట్ సేవల్ని వినియోగంలోకి తీసుకొచ్చేందుకు భారత అంతరిక్ష పరిశోధనా సంస్థ (ఇస్రో)తో ఒప్పందం కుదుర్చుకుంది. ఈ సందర్భంగా ఇస్రో ద్వారా హై త్రూపుట్ శాటిలైట్ (HTS) బ్రాడ్‌బ్యాండ్ సర్వీస్‌ను ప్రారంభించనున్నట్లు ఈ రెండు సంస్థలు ప్రకటించాయి. ఇప్పటికే ఈ శాటిలైట్‌ సేవల్ని అందించేందుకు ఎలాన్‌ మస్క్‌ స్టార్‌ లింక్‌ ద్వారా శాటిలైట్‌ ఇంటర్నెట్‌ సేవల్ని అందించేందుకు అవసరమైన అనుమతుల్ని ఇచ్చేందుకు కేంద్రం తిరస్కరించింది. ఇప్పుడు అదే శాటిలైట్‌ సర్వీసుల్ని అందించేందుకు కేంద్రం హ్యూస్‌ కమ్యూనికేషన్‌కు అనుమతి ఇవ్వడం చర్చాంశనీయంగా మారింది.  మాలక్ష్యం అదే దేశంలో హైస్పీడ్‌ బ్రాడ్‌ బ్యాండ్‌ సేవల్ని అందించడమే హ్యూస్‌ సంస్థ లక్ష్యం. టెర్రెస్ట్రియల్ (terrestrial) నెట్‌ వర్క్‌ల తరహాలో వినియోగించే ఈ శాటిలైట్‌ ఇంటర్నెట్‌ సర్వీసులతో ఎంటర్‌ ప్రైజెస్‌, గవర్న్‌మెంట్‌ నెట్‌వర్క్‌లను అనుసంధానం కానున్నాయి. ప్రజల జీవన విధానాన్ని మరింత సులభతరం చేసేందుకు డిజిటల్ విభజనను తగ్గించడంలో సహాయపడటానికి ప్రైవేట్ రంగ సంస్థలతో కలిసి పని చేసే మార్గాలను అన్వేషించడానికి, విస్తరించడానికి మేం కట్టుబడి ఉన్నాము" అని స్పేస్ డిపార్ట్‌మెంట్ సెక్రటరీ,ఇస్రో ఛైర్మన్ డాక్టర్ ఎస్ సోమనాథ్ అన్నారు.

యాపిల్‌ ఐఫోన్‌ 14 సిరీస్‌ విడుదలపై వినియోగదారులకు ఆసక్తిగా ఎదురు చూస్తున్నారు. వారికి ఆసక్తిని రెట్టింపు చేస‍్తూ యాపిల్‌ సంస్థ ఐఫోన్‌ 14 సిరీస్‌ను విడుదల తేదీ, ఫోన్‌లోని ఫీచర్లను లీక్‌ చేస్తుంది. ఈ తరుణంలో దేశీయ ఐఫోన్‌ లవర్స్‌ను నిరుత్సాహా పరుస‍్తూ పలు అంతర్జాతీయ కథనాలు వెలుగులోకి వచ్చాయి.  యాపిల్‌ ముందస్తు ప్రకటించిన తేదీలలో 'ఐఫోన్‌ 14 ప్రో' ను భారత్‌లో విడుదల చేసేందుకు అడ్డంకులు ఏర్పడనున్నట్లు తెలుస్తోంది. ఐఫోన్‌ 14 సిరీస్ ఫోన్‌లను కొత్త ఫీచర్లను జోడిస్తూ అప్ గ్రేడ్‌ చేయాలని భావిస్తోంది. ఇందులో భాగంగా ఐఫోన్‌ 14 సిరీస్‌లో ఐఫోన్‌ 14, ఐఫోన్‌ 14 మ్యాక్స్‌ను మినహాయి ఇచ్చి..ఐఫోన్‌ 14 ప్రోలో మాత్రమే శాటిలైట్ కాలింగ్, టెక్స్టింగ్ ఫీచర్లను యాడ్‌ చేయనుంది. అదే జరిగితే ఐఫోన్‌ 14 ప్రో భారత్‌లో విడుదలలో జాప్యం కలిగే అవకాశం ఎక్కువగా ఉన్నట్లు మార్కెట్‌ నిపుణులు అభిప్రాయం వ్యక్తం చేస్తున్నారు. మరో వైపు ఈ శాటిలైట్‌ ఫీచర్‌పై భారత ప్రభుత్వం అభ‍్యంతరం వ్యక్తం చేస‍్తోంది. ఎందుకంటే? యాపిల్‌ నుంచి తొలిసారి   మరో వారం రోజుల్లో విడుదల కానున్న ఐఫోన్‌ 14 సిరీస్‌ ఫోన్‌లను భారీ మార్పులతో మార్కెట్‌కి పరిచయం చేయనుంది. ముఖ్యంగా డిజైన్‌ల విషయంలో యాపిల్‌ సంస్థ రాజీపడడం లేదని, యూజర్లను అట్రాక్ట్‌ చేసేలా వైడ్‌ నాచ్‌, పిల్‌ షేప్డ్‌ డిజైన్, మొబైల్‌ స్క్రీన్‌ స్పేస్‌ మరింత పెద్దగా ఉండేలా చూస్తోంది. ఆ సంస్థ తొలిసారి ఐఫోన్‌ 14లో నెట్‌ వర్క్‌ లేకపోయినా యూజర్లు అత్యవసర పరిస్థితుల్లో ఇన్ఫర్మేషన్‌ షేర్‌ చేసుకునేలా ఈ శాటిలైట్‌ కమ్యూనికేషన్‌ ఫీచర్‌పై పని చేస్తోంది.        ఐఫోన్ 14 ప్రో శాటిలైట్ కనెక్టివిటీ ఐఫోన్ 14 ప్రోలో వస్తున్న శాటిలైట్ కమ్యూనికేషన్ ఫీచర్ గురించి యాపిల్‌ ఇంకా ఎలాంటి అధికారిక ప్రకటన చేయలేదు. ఒకవేళ ఆ ఫీచర్‌ ఉంటే ఐఫోన్‌ 14 సిరీస్‌ ఫోన్‌ భారత్‌లో విడుదల కాకపోవచ్చు. పైగా యాపిల్‌ సంస్థ మరిన్ని సమస్యల్ని ఎదుర్కొనే అవకాశం ఉన్నట్లు ఇంటెలిజెన్స్‌ వర్గాలు చెబుతున్నాయి. భారత వైర్ లెస్ చట్టంలోని సెక్షన్ 6, ఇండియన్ టెలిగ్రాఫ్ చట్టంలోని సెక్షన్ 20 ప్రకారం దేశంలో తురయా/ఇరిడియం శాటిలైట్ ఫోన్ల వాడకాన్ని భారత ప్రభుత్వం నిషేధించింది. దీంతో అనుమతి లేకుండా భారతదేశంలో శాటిలైట్ ఫోన్‌లను ఉపయోగించడం ‘అనధికార / చట్టవిరుద్ధం’ అవుతుంది. యూజర్లకు కేంద్రం హెచ్చరికలు దేశ భద్రత దృష్ట్యా కేంద్రం శాటిలైట్‌ ఇంటర్నెట్‌ విషయంలో ఆచితూచి అడుగులు వేస్తోంది. ఇప్పటికే ఎలాన్‌ మస్క్‌కు చెందిన స్టార్‌ లింక్‌  శాటి లైట్‌ ఇంటర్నెట్‌ సేవల్ని భారత్‌లో అందుబాటులోకి తేవాలని ప్రయత్నాలు చేశారు. కానీ ఇక్కడి నిబంధనలకు విరుద్ధంగా మస్క్‌ వ్యవహరిస్తున్నారంటూ కేంద్రం అనుమతులు ఇచ్చేందుకు ఒప్పుకోలేదు. స్టార్‌లింక్‌ ప్రీ బుకింగ్స్‌ నిలిపివేసింది. భారత్‌లో స్టార్‌ లింక్‌ లైసెన్స్‌ పొందలేదని, ఆ సేవల్ని కొనుగోలు చేయోద్దంటూ కేంద్రం హెచ్చరికలు జారీ చేసింది. ఐఫోన్‌ 14 ప్రో' ను విడుదల చేయాలంటే  యాపిల్ ఐఫోన్ 14 ప్రో విడుదల కోసం ప్రభుత్వ అనుమతి తీసుకోవాలి. అయితే, ప్రస్తుతం మన దేశంలో శాటిలైట్ కమ్యూనికేషన్ నిబంధనల్ని కేంద్ర సవరిస్తుందా? సవరించకుండా ప్రభుత్వం ఐఫోన్ కోసం మినహాయింపు ఇస్తుందా? లేదా? అనే అంశంపై స్పష్టత రావాల్సి ఉంది. శాటిలైట్ కాలింగ్, మెసేజింగ్ ఫీచర్‌ను నిలిపివేస్తే ఐఫోన్ 14 ప్రోను లాంఛ్‌ చేసుకునే వీలుంటుంది. చదవండి👉 మార్చుకోం : ఐఫోన్‌14 సిరీస్‌ విడుదలపై భారతీయులు ఏమంటున్నారంటే!

స్పేస్‌ ఎక్స్‌ అధినేత ఎలన్‌ మస్క్‌ శాటిలైట్‌ ఇంటర్నెట్‌ సేవల విషయంలో మరో అడుగు ముందుకు వేశారు. స్టార్‌ లింక్‌ శాటిలైట్‌ సేవల్ని అందిస్తున్న మస్క్‌ ఇకపై అమెరికాకు చెందిన మొబైల్‌ యూజర్లకు శాటిలైట్‌ సాయంతో నేరుగా హై స్పీడ్‌ ఇంటర్నెట్‌ను వాడుకలోకి తేనున్నారు.   మస్క్‌ ప్రపంచవ్యాప్తంగా 2,600కు పైగా స్టార్ లింక్ శాటిలైట్ల సాయంతో శాటిలైట్ ఇంటర్నెట్‌ను అందిస్తున్నారు. ఇప్పుడు మొబైల్స్‌లో సైతం శాటిలైట్‌ ఇంటర్నెట్‌ను అందించనున్నారు.మొబైల్‌ యూజర్లకు శాటిలైట్ సర్వీస్ అందిస్తామని, ఇందుకోసం 2జీహెచ్‌జెడ్‌ స్పెక్ట్రమ్‌ను ఉపయోగించేలా అనుమతి ఇవ్వాలని కోరుతూ యూఎస్‌ ఫెడరల్ కమ్యూనికేషన్స్ కమీషన్ (ఎఫ్‌సీసీ)కి దరఖాస్తు చేసుకున్నారు. తాజాగా ఎఫ్‌సీసీకి తమ సంస్థ మొబైల్ శాటిలైట్ సర్వీస్ ను సులభతరం చేయడానికి 2జీహెచ్‌జెడ్‌ రేడియో బ్యాండ్‌ని ఉపయోగించగల సామర్థ్యం ఉన్న స్టార్‌లింక్ ఉపగ్రహాలకు "మాడ్యులర్ పేలోడ్"ని జోడించేందుకు , ఉపయోగించేందుకు అనుమతిని కోరినట్ల స్పేస్‌ ఎక్స్‌ పేర్కొంది. తద్వారా అమెరికన్లు ఎప్పుడు, ఎక్కడ కావాలంటే అక్కడ హై స‍్పీడ్‌ ఇంటర్నెట్‌ను వినియోగించుకోవచ్చు' అని స్పేస్‌ ఎక్స్‌  తన ఎఫ్‌సీసీ ఫైలింగ్‌లో నివేదించింది.