పాఠశాల ప్రొఫైల్‌ పూర్తి చేయాలి

ఆదిలాబాద్‌టౌన్‌: జిల్లాలోని అన్ని ఉన్నత పాఠశాలలకు సంబంధించి ఆయా పాఠశాలల జనరల్‌, ఎన్‌రోల్‌మెంట్‌, ఫెసిలిటి ప్రొఫైళ్లను వెంటనే పూర్తి చేయాలని విద్యాశాఖ సెక్టోరియల్‌ అధికారి జె.నారాయణ అన్నా రు. ఈమేరకు ఎమ్మార్సీ, క్లస్టర్‌ రిసోర్స్‌ ప ర్సన్లతో జిల్లా కేంద్రంలోని ఎంఈఓ కార్యాలయంలో మంగళవారం సమావేశం నిర్వహించారు. ఈ సందర్భంగా ఆయన మాట్లా డుతూ పాఠశాల ప్రొఫైల్‌ను సమర్పించనట్లయితే పదో తరగతి విద్యార్థుల ఎన్‌ఆర్‌లు స్వీకరించబడవని పేర్కొన్నారు. విషయాన్ని ప్రధానోపాధ్యాయులకు తెలియజేయాలని సూచించారు. జిల్లాలోని ఆయా పాఠశాలల్లో చదువుతున్న ప్రతీ విద్యార్థికి ఆధార్‌ కార్డు తప్పనిసరిగా ఉండాలన్నారు. ఏ విద్యార్థికై నా లేనట్లయితే వారి వివరాలను డీఈవో కార్యాలయంలో సమర్పించాలని పేర్కొన్నారు. ఫేస్‌ రికగ్నైజ్డ్‌ అటెండెన్స్‌ వందశాతం జరగాలని, ప్రతీ విద్యార్థి హా జరు నమోదు చేయాలని ఆదేశించారు. ఇందులో ఎంఈవో సోమయ్య పాల్గొన్నారు.