TV
బంగారు పతకాలతో మెరిసిన చెట్టుపల్లి విద్యార్థులు
నర్సీపట్నం: ఇండియన్‌ పవర్‌ లిఫ్టింగ్‌ ఫెడరేషన్‌ ఆధ్వర్యంలో ఈ నెల 8 నుంచి 11 వరకు హైదరాబాద్‌లో నిర్వహించిన సౌత్‌జోన్‌ పవర్‌ లిఫ్టింగ్‌ చాంపియన్‌షిప్‌ పోటీల్లో నర్సీపట్నం మండలం చెట్టుపల్లి జిల్లా పరిషత్‌ ఉన్నత పాఠశాల విద్యార్థులు సత్తాచాటారు. ఎక్విప్డ్‌ విభాగంలో ఎ.పూర్వజ, జె.అంకిత, జె.అక్షయ బంగారు పతకాలు సాధించారు. ఆన్‌ ఎక్విప్డ్‌ విభాగంలో ఎం.మణి బంగారు పతకం, ఎం.లక్ష్మీదేవి, ఎం.అమృతవల్లి రజిత పతకాలు సాధించారు. విజేతలు పవర్‌ లిఫ్టింగ్‌ అసోసియేషన్‌ ఆంధ్రప్రదేశ్‌ కార్యదర్శి డి.దినేష్‌ చేతుల మీదగా పతకాలు అందుకున్నారు. పతకాలు సాధించిన విద్యార్థులు, పీడీ శ్రీదేవిని పాఠశాల హెచ్‌ఎం పి.వి.రామకృష్ణారావు, పాఠశాల కమిటీ చైర్మన్‌ పి.ఈశ్వరరావు, ఉపాధ్యాయులు అభినందించారు.
Comments
Please login to add a commentAdd a comment