No Headline

ఆదాయం పెంచుకోవడమే పరమావధిగా కూటమి ప్రభుత్వం జిల్లాలో భూ విలువల పెంపునకు సిద్ధమైంది. ఈమేరకు జిల్లా అధికారులు పెంపు నివేదికలు సిద్ధం చేసి, ముసాయిదాను జిల్లా రిజిస్ట్రార్‌,10 సబ్‌ రిజిస్ట్రార్‌ కార్యాలయాల్లోని నోటీసు బోర్డుల్లో ఉంచారు. ఈ నెల 24 వరకు ప్రజల నుంచి అభ్యంతరాలను స్వీకరించి,26న వాటిని పరిశీలిస్తారు.ఈ నెల 27న తుది జాబితాకు జిల్లా మార్కెట్‌ విలువల కమిటీ ఆమోదం తెలుపుతుంది.ఆ తర్వాత జనవరి 1 నుంచి పెరిగిన భూముల విలువలు అమల్లోకి వస్తాయి. ఇప్పటికే భూముల విలువ తక్కువగా ఉందనుకునే ప్రాంతాల్లో 5 నుంచి 15 శాతం, మిగతా ప్రాంతాల్లో 20 నుంచి 60 శాతం వరకు పెంచే విధంగా నివేదికలు సిద్ధం చేయడంలో రిజిస్ట్రేషన్ల శాఖ అధికారులు తీవ్ర కసరత్తు చేస్తున్నారు. భూములు,నిర్మాణాల విలువలను రెసిడెన్షియల్‌,కమర్షియల్‌ కేటగిరీలుగా విభజించి ధరలు పెంచనున్నారు.