క్రీడలు ఐకమత్యాన్ని పెంచుతాయి

క్రీడలు ఐకమత్యాన్ని పెంచుతాయి

భూపాలపల్లి రూరల్‌: క్రీడలు ఐకమత్యాన్ని పెంచుతాయని, క్రీడల్లో గెలుపోటములు సహజమని భూపాలపల్లి ఎమ్మెల్యే గండ్ర సత్యనారాయణరావు అన్నారు. జిల్లా కేంద్రంలోని అంబేడ్కర్‌ స్టేడియంలో సీనియర్‌, జూనియర్‌ గెట్‌ టు గెదర్‌ –2025 క్రికెట్‌ టోర్నమెంట్‌ గురువారం ఆయన ముఖ్య అతిథిగా హాజరై ప్రారంభించారు. కాసేపు క్రికెట్‌ ఆడి క్రీడాకారులను ఉత్సాహపరిచారు. అనంతరం మాట్లాడుతూ.. క్రీడలు శారీరక, మానసిక ఆరోగ్యానికి ఎంతగానో దోహదపడతాయని అన్నారు. యువత క్రీడల్లో పాల్గొని తమ ప్రతిభను ప్రదర్శించాలని సూచించారు. ఓటమిని తొలిమెట్టుగా తీసుకుని ముందుకెళ్లాలని తెలిపారు. అలాగే, భూపాలపల్లి జిల్లాలో క్రీడా సదుపాయాలను మరింత అభివృద్ధి చేయడానికి తన వంతు కృషి చేస్తానని హామీ ఇచ్చారు. ఈ కార్యక్రమంలో క్రీడాకారులు, కాంగ్రెస్‌ పార్టీ నాయకులు తదితరులు పాల్గొన్నారు. అనంతరం నియోజకవర్గంలో వివిధ కారణాలతో బాధపడుతున్న కుటుంబాలను పరామర్శించి భరోసా కల్పించారు.

ఎమ్మెల్యే గండ్ర సత్యనారాయణరావు