పూరీలో తొక్కిసలాట

పూరీలో తొక్కిసలాట

భువనేశ్వర్‌ : నూతన సంవత్సరం తొలి రోజున పూరీ జగన్నాథుని దర్శనానికి భక్తులు భారీగా పోటెత్తడంతో తోపులాటకు దారితీసింది. రద్దీని నియంత్రించడంలో అధికారులు విఫలం కావడంతో ఈ పరిస్థితి ఏర్పడింది. వరుస క్రమంలో భక్తులకు దర్శనం కల్పించేందుకు శ్రీమందిరం సింహద్వారం నుంచి సుమారు అర కిలోమీటరు దూరం మార్కెట్‌ కూడలి వరకు తాత్కాలిక బారికేడ్లు ఏర్పాటు చేశారు. ఈ హద్దు ఆవలి నుంచి భక్తులు దర్శనం కోసం బారులు తీరారు. దర్శనం కోసం సుదీర్ఘంగా నిరీక్షంచాల్సి రావడంతో సహనం కోల్పోయి బారికేడ్ల హద్దుని అధిగమించి శ్రీమందిరం లోనికి ప్రవేశించేందుకు విఫలయత్నం చేశారు. దీంతో తొక్కిసలాట జరిగింది. ఈ ఘటనలో పలువురు భక్తులు స్వల్పంగా గాయపడ్డారు. కొత్త సంవత్సరాది ముందు రోజున జరిగిన తోపులాటలో 10 మంది పైబడి భక్తులు తీవ్ర అస్వస్థతకు గురై ఆస్పత్రి పాలైన విషయం తెలిసిందే.

భారీగా బారులు తీరిన భక్తులు (ఇన్‌సెట్లో)

తోపులాటలో భక్తులు