పుష్పగాడి మాస్‌ జాతర కొనసాగుతుంది. పట్నాలో ఏర్పాటు చేసిన పుష్ప సినిమా ట్రైలర్‌ ఈవెంట్‌కు సుమారు 2 లక్షల మందికిపైగానే తరలివచ్చారని బాలీవుడ్‌ మీడియా పేర్కొంది. అల్లు అర్జున్‌- సుకుమార్‌ కాంబినేషన్‌లో తెరకెక్కుతున్న పుష్ప2 మూవీపై ప్రపంచవ్యాప్తంగా భారీ అంచనాలు ఉన్నాయి. అందుకు ఏమాత్రం తగ్గకుండా సినిమా ప్రమోషన్‌ కార్యక్రమాలను చాలా గ్రాండ్‌గా మేకర్స్‌ ప్లాన్‌ చేస్తున్నారు. నవంబర్‌ 24న పుష్ప వైల్డ్‌ఫైర్‌ ఈవెంట్‌ పేరుతో చెన్నైలో మరో భారీ ఈవెంట్‌ను ప్లాన్‌ చేశారు. ఈ కార్యక్రమంలో ప్రధాన ఆకర్షణగా ముగ్గురు సింగర్స్‌ ఉండనున్నారు.పట్నాలో జరిగిన ట్రైలర్‌ కార్యక్రమంలో భోజ్‌పురి స్టార్‌ సింగర్‌ అక్షర సింగ్‌ ప్రత్యేక ఆకర్షణగా నిలిచారు. అయితే, చెన్నై వేదికగా ఆదివారం సాయింత్రం 5గంటల నుంచి ప్రారంభమయ్యే ఈ కార్యక్రమంలో ముగ్గురు సింగర్స్‌ దుమ్మురేపనున్నారు. వారిలో ఇద్దరూ పుష్ప-1 సినిమాలో తమిళ్‌ వర్షన్‌కు సంబంధించి రెండు సూపర్‌ హిట్‌ సాంగ్స్‌ పాడినవారు కావడం విశేషం. ఆండ్రియా జర్మియా (ఊ సోల్రియా మావా), రాజలక్ష్మి (సామీ సామీ ) సాంగ్స్‌తో మెప్పించిన వారైతే.. పార్ట్‌2లో 'కిస్సిక్‌' అనే పాటను ఆలపించిన సుబ్లాషిని వేదికపైన సందడి చేయనున్నారు.ఆండ్రియా నటిగా తెలుగు ప్రేక్షకులకు బాగా పరిచయమే.. ఈ ఏడాదిలో వెంకటేష్‌ నటించిన సైంధవ్‌ చిత్రంలో ఆమె మెప్పించిన విషయం తెలిసిందే. రాజలక్ష్మి కూడా ఇన్‌స్టాగ్రామ్‌ రీల్స్‌ ఫాలో అయ్యే వాళ్లకు పరిచయమేనని చెప్పవచ్చు. ‘కిస్సిక్‌’ అనే సాంగ్‌ ఆదివారం రాత్రి 7:02గంటలకు విడుదల కానుంది. ఈ పాటను తెలుగు, తమిళ్‌, కన్నడలో ఆలపించిన సుబ్లాషిణి అక్కడ లైవ్‌ ఫర్‌ఫామ్‌ చేయనుంది. చెన్నైలోని లియో ముత్తు ఇండోర్ స్టేడియం, సాయి రామ్ ఇంజినీరింగ్ కాలేజీలో ఈ కార్యక్రమం జరగనుంది. డిసెంబరు 5న పుష్పరాజ్‌ మీ ముందుకు రాబోతున్నాడు.

కోలీవుడ్‌ సంచలన దర్శకుడు మిష్కిన్‌ దర్శకత్వం వహించిన తాజా చిత్రం పిశాచి–2. 2014లో ఈయన దర్శకత్వంలో రూపొంది మంచి విజయాన్ని సాధించిన పిశాచి చిత్రానికి ఇది సీక్వెల్‌గా విడుదల కానుంది. ఇప్పటికే షూటింగ్‌ పూర్తి చేసుకున్న ఈ మూవీ విడుదలకు సిద్ధంగా ఉంది. అయితే, పలు అడ్డంకులు రావడంతో ఈ ప్రాజెక్ట్‌కు బ్రేకులు పడ్డాయి.రాక్‌ఫోర్ట్‌ పతాకంపై మురుగానందం నిర్మించిన పిశాచి–2 చిత్రంలో నటి ఆండ్రియా ప్రధాన పాత్రలో నటించింది. నటుడు విజయ్‌ సేతుపతి గౌరవ పాత్రలో నటించారు. అయితే, ఈ చిత్రాన్ని విడుదల చేసేందుకు అనుమతి ఇవ్వద్దొంటూ ఫ్లయింగ్ హార్స్ పిక్చర్స్ కంపెనీ కోర్టులో పిటిషన్‌ దాఖలు చేసింది. తమ సంస్థ నుంచి ఒక సినిమా హక్కులను పొందిన రాక్‌ఫోర్ట్‌ ఇరువురి ఒప్పందం ప్రకారం రూ. 4.85 కోట్లు తమకు చెల్లించాల్సి ఉందని పేర్కొంది. ఈ అంశంపై విచారణ జరిపిన కోర్టు ఫ్లయింగ్ హార్స్ పిక్చర్స్ వారికి రాక్‌ఫోర్డ్‌ సంస్థ అధినేతలు డబ్బు చెల్లించిన తర్వాతే పిశాచి-2 చిత్రాన్ని విడుదల చేసుకోవచ్చని కోర్టు తెలిపింది.ఆ పిటిషన్‌ను పరిశీలించిన న్యాయస్థానం. వడ్డీతో సహా ఫ్లయింగ్ హార్స్ పిక్చర్స్ వారికి రూ. 1.85 కోట్లు చెల్లించాలని కోర్టు తెలిపింది. అంత వరకు పిశాచి 2 విడుదలను నిషేధించాలని తెలిపింది. ఈ కేసు న్యాయమూర్తి జికె ఎలండ్రైయన్ ఎదుట విచారణకు వచ్చింది. నవంబర్ 18వరకు ఈ కేసును కోర్టు వాయిదా వేసింది. ఈ తేదీలోగా ప్రతిస్పందించాలని రాక్‌పోర్ట్ ఎంటర్‌టైన్‌మెంట్‌ను కోర్టు ఆదేశించబడింది.ఈ చిత్రంలో నగ్నంగా నటించిన ఆండ్రియాఈ చిత్రంలో నటి ఆండ్రియా పూర్తి నగ్నంగా నటించిందని తెలుస్తోంది. అందుకు ఆమె భారీ పారితోషికాన్ని డిమాండ్‌ చేసిందనే ప్రచారం కూడా వైరల్‌ అవుతుంది. దీనిపై దర్శకుడు మిష్కిన్‌ స్పందిస్తూ చిత్రం కోసం నటి ఆండ్రియాను నగ్నంగా చిత్రీకరించిన విషయం నిజమేనన్నారు. అందుకు ఆమె అధిక పారితోషికం డిమాండ్‌ చేయడం కూడా సహజమేనని పేర్కొన్నారు. అయితే, ఆమె నగ్నంగా నటించిన సన్నివేశాలను చిత్రీకరించలేదని, ఫొటోలు మాత్రమే తీసినట్లు పేర్కొన్నారు. అవి కూడా ఆమె సన్నిహితురాలు అయిన ఫొటోగ్రాఫర్‌తోనే తీయించామని, ఆ సమయంలో మిస్కిన్‌ అక్కడ లేనని పంచుకున్నారు. అయితే చిత్రాన్ని పిల్లలు కూడా చూడాలన్న ఉద్దేశంతో నగ్న ఫొటోలను చిత్రంలో పొందుపరచలేదని తెలిపారు.

ప్రస్తుతం సినీ రంగంలో లైంగిక వేధింపుల అంశం హాట్ టాపిక్ అయిపోయింది. మలయాళ చిత్రసీమలో జరుగుతున్న ఘోరాలపై హేమా కమిటీ రిలీజ్ చేసిన రిపోర్ట్ దేశవ్యాప్తంగా చర్చనీయాంశంగా మారిపోయింది. ఇది జరిగిన దగ్గర నుంచి నటీమణులు కనిపిస్తే చాలు.. లైంగిక వేధింపులు, కేరళ ప్రభుత్వం విడుదల చేసిన హేమ కమిషన్ నివేదిక గురించే అడుగుతున్నారు. వీటికి కొందరు సమాధానాలు చెబుతుండగా.. మరికొందరు ఎందుకొచ్చిన గొడవలే అని ఊరుకుంటున్నారు.(ఇదీ చదవండి: మరో స్టార్ హీరోపై లైంగిక ఆరోపణలు.. ఏమని స్పందించాడంటే?)ఇప్పుడు నటి, సింగర్ ఆండ్రియాకు ఇలాంటి ప్రశ్నే ఎదురైంది. తిరువణ్నమలైలో ఆదివారం ఓ ప్రైవేట్ కార్యక్రమంలో పాల్గొన్న ఆండ్రియా.. ఇది పూర్తయిన తర్వాత మీడియాతో మాట్లాడారు. ఈ సందర్భంగా కేరళ ప్రభుత్వం విడుదల చేసిన హేమ కమిషన్ నివేదిక గురించి మీ అభిప్రాయం ఏంటని ఓ విలేకరి అడగ్గా.. ఆ విషయం తనను అడగొద్దని క్లారిటీ ఇచ్చేసింది. దీంతో ఆశ్చర్యపోవడం అందరి వంతైంది.ఏ విషయంలోనైనా కుండబద్దలు కొట్టినట్లు మాట్లాడే ఆండ్రియానేనా ఇలా సమాధానం ఇచ్చింది అనే మాట్లాడుకుంటున్నారు. తెలుగులో 'మజాకా' అనే సినిమా చేసిన ఆండ్రియా.. 'యుగానికొక్కడు' లాంటి డబ్బింగ్ మూవీతో తెలుగులో బోలెడంత ఫ్యాన్ ఫాలోయింగ్ సంపాదించుకుంది. ప్రస్తుతం హీరోయిన్, కీలక పాత్రల్లో నటిస్తూ ఉన్నంతలో కాస్త బిజీగా ఉంది.(ఇదీ చదవండి: దయనీయ స్థితిలో నటుడు ఫిష్ వెంకట్.. రెండు కిడ్నీలు ఫెయిల్)

హీరోయిన్‌, సింగర్‌ ఆండ్రియా జెర్మియా ప్రధాన పాత్రలో నటిస్తున్న చిత్రం మణుసీ. ఇంతకుముందు అరం అనే విజయవంతమైన చిత్రాన్ని తెరకెక్కించిన గోపీ నయినార్‌ ఈ మూవీకి దర్శకత్వం వహిస్తున్నారు. ప్రముఖ దర్శకుడు వెట్రిమారన్‌ తన గ్రాస్‌రూట్‌ ఫిలిమ్స్‌ పతాకంపై నిర్మిస్తున్నారు. ఈయన ఒక పక్క దర్శకుడిగా విజయవంతమైన చిత్రాలు చేస్తూనే మరోపక్క నిర్మాత గానూ వైవిధ్య భరిత కథా చిత్రాలను నిర్మిస్తున్నారు. ఇంతకుముందు ఈయన ఉదయం ఎన్‌హెచ్‌ 4, పొరియాలన్‌, కొడి, లెన్స్‌ అన్నక్కు జై వంటి పలు సక్సెస్‌ చిత్రాలను నిర్మించారు. అలా 2022లో ఈయన బ్యానర్‌లో  ఆండ్రియా నటించిన అమో ల్‌ మేలే పణితుళి ఓటీటీలో విడుదలై విశేష ఆదరణ పొందింది. ప్రస్తుతం నటుడు సూరి కథానాయకుడిగా గరుడన అనే చిత్రాన్ని నిర్మిస్తున్నారు. అలాగే మణుసీ సినిమాను నిర్మించారు. ఈ చిత్రానికి ఇళయరాజా సంగీతం అందిస్తున్నారు. ఈ చిత్ర ట్రైలర్‌ను నటుడు విజయ్‌ సేతుపతి సోషల్‌ మీడియాలో విడుదల చేశారు. ఇందులో ఆండ్రియా నటన కట్టిపడేస్తోందంటున్నారు ఫ్యాన్స్‌.

దక్షిణాదిలో కథానాయకిగా తన కంటూ ఒక ప్రత్యేక స్థానాన్ని సంపాదించుకున్న నటి ఆండ్రియా. కేవలం నటిగా మాత్రమే కాకుండా ఒక గాయనీ, గీత రచయిత, డబ్బింగ్‌ ఆర్టిస్ట్‌గా రాణిస్తున్నారు. డబ్బింగ్‌ కళాకారిణిగా కెరీర్‌ను ప్రారంభించిన ఆండ్రియా ఇప్పుడు హీరోయిన్‌గా కూడా రాణిస్తున్నారు. ఒకవైపు సింగర్‌గా రాణిస్తూన్నారు. అదే విధంగా హీరోయిన్‌గానే నటిస్తానని స్టాండ్‌ తీసుకోలేదు. పాత్రలో సత్తా ఉంటే విలనిజాన్ని పండించడానికై నా, క్యారెక్టర్‌ ఆర్టిస్టుగానైనా నటించడానికి రెడీ అంటోంది.  అలా వడచైన్నె చిత్రంలో తన భర్తను చంపిన వారిపై ప్రతీకారం తీర్చుకోవడానికి మరో వ్యక్తితో అక్రమ సంబంధం పెట్టుకునే పాత్రలో మెప్పించారు. మరోపక్క సంగీత కచేరీలతో బిజీగా ఉంటున్నారు. ఇదిలా ఉంటే.. ఆండ్రియా తాజాగా నటించిన కా చిత్రం నిర్మాణ కార్యక్రమాలను పూర్తి చేసుకుని శుక్రవారం తెరపైకి రానుంది. ఇది యాక్షన్‌ థ్రిల్లర్‌ కథా చిత్రంగా రూపొందించారు. ఈ సందర్బంగా ఆండ్రియా ఆసక్తికర కామెంట్స్ చేసింది. తాను హారర్‌, వయలెన్స్‌ ఉన్న కథా చిత్రాలను చూడనని.. అలాంటి చిత్రాలు తనకు నచ్చవని చెప్పారు. అయితే అలాంటి కథా చిత్రాల్లో నటిస్తానని మాత్రం చెప్పారు. చూడడం వేరు.. నటించడం వేరు అనే అభిప్రాయాన్ని ఆమె వ్యక్తం చేశారు. కాగా మిష్కిన్‌ దర్శకత్వంలో కథానాయకిగా నటించిన మరో హారర్‌, ధ్రిల్లర్‌ కథా చిత్రం పిశాచి- 2 నిర్మాణ కార్యక్రమాలు పూర్తి చేసుకుని విడుదలకు సిద్ధంగా ఉంది. 

ఎప్పటికప్పడు కాంట్రవర్సీల్లో ఉండే నటి ఆండ్రియా. ప్రస్తుతం ఈమె వయసు 42 ఏళ్లు. అయితే తనకు పెళ్లి ఆలోచన లేదని ఈ మధ్యే ఓ ఇంటర్వ్యూలో చెప్పి అందరూ అవాక్కయ్యేలా చేసింది. నటి, గాయని, గీత రచయితగా తనకంటూ గుర్తింపు తెచ్చుకుంది. అయితే ఈమె హీరోగా చేసిన సినిమా రిలీజై రెండేళ్లకు పైగానే అయిపోతోంది. ఇప్పుడు మరోసారి కథానాయికగా ప్రేక్షకుల్ని అలరించేందుకు సిద్ధమైందట.  (ఇదీ చదవండి: ఓటీటీలోకి మెగాస్టార్ హిట్ సినిమా.. స్ట్రీమింగ్ ఎప్పుడంటే?) 2022లో 'అణల్‌ మేల్‌ పణిత్తుళి' సినిమాతో వచ్చిన ఆండ్రియా.. ఈ సంక్రాంతికి తెలుగులో వచ్చిన వెంకటేశ్‌ 'సైంధవ్‌' అతిథి పాత్రలో కనిపించింది. మరోవైపు ఈమె నటిస్తున్న 'పిశాచి 2', 'నో ఎంట్రీ', 'కా' చిత్రాలు సెట్స్ మీద ఉన్నాయి. వీటిలో 'పిశాచి 2' చాలా కాలంగా వాయిదా పడుతూ వస్తోంది. ఇలాంటి పరిస్థితుల్లో ఆండ్రియా నటించిన 'కా' విడుదల ఫిక్స్ చేసుకుందట. మార్చి 29న థియేటర్లలోకి తీసుకురాబోతున్నట్లు సమాచారం.  ఆండ్రియా ఇందులో వైల్డ్‌ లైఫ్‌ ఫొటోగ్రాఫర్‌గా నటించింది. వృత్తిలో భాగంగా దట్టమైన అడవిలోకి వెళ్లిన ఆమె.. ఎలాంటి సమస్యల్లో చిక్కుకుంది? ఇందులో నుంచి ఎలా బయటపడింది? అనేది స్టోరీ. నాంజిల్‌ దర్శకత్వం వహించగా.. సుందర్‌.సి, బాబు సంగీతమందించారు. ఏదేమైనా మళ్లీ దాదాపు రెండేళ్ల తర్వాత ఆండ్రియా తమిళ తెరపై కనిపించనుందనమాట. (ఇదీ చదవండి: హీరో బాలకృష్ణ నిజ స్వరూపాన్ని బయటపెట్టిన తమిళ స్టార్ డైరెక్టర్)

సంచలన నటీమణుల్లో ఆండ్రియా ఒకరని ప్రత్యేకంగా చెప్పాల్సిన అవసరం ఉండదు. రీసెంట్‌గా సైంధవ్‌ చిత్రంలో కనిపించిన ఈ బ్యూటీ తన నటనతో మెప్పించింది. ఆమె జీవితంలో రాసలీలలు, ప్రేమలో పడడం, మోసపోవడం వంటి సంఘటనలు  మీడియాలో కథలు కథలుగా వెలువడిన విషయం తెలిసిందే. తన గ్లామరస్‌ ఫొటోలను సామాజిక మాధ్యమాల్లో విడుదల చేస్తూ ఎప్పుడూ అభిమానులకు టచ్‌లో ఉంటుంది. ఆమె నటి మాత్రమే కాదు మంచి  గాయని కూడా.. సింగర్‌గా కెరీర్‌ను ప్రారంభించిన ఈ బ్యూటీ.. 2005లో తమిళ సినిమాతో ఇండస్ట్రీలో అడుగుపెట్టింది. ఆ తర్వాత పలు సినిమాలు చేసినప్పటికీ 'యుగానికి ఒక్కడు' సినిమాతో బాగా పాపులర్‌ అయింది ఆండ్రియా. ఆ తర్వాత తడాఖా, విజయ్‌తో మాస్టర్, కలహాసన్‌తో విశ్వరూపం, వెట్రిమారన్ దర్శకత్వం వహించిన వడచెన్నై వంటి చిత్రాల్లో ఆమె మెప్పించింది. నటిగానే కాకుండా గాయనిగా కూడా మెరిసిన ఆండ్రియా... వివాదాలకు కొదవలేదు. ఆమె అనిరుధ్‌తో ప్రేమ వ్యవహారం, సీనియర్ నటుడితో సన్నిహిత సంబంధం వంటి అనేక వివాదాల్లో చిక్కుకుంది. తాజగా ఒక ఇంటర్వ్యూలో చిన్న వయసులోనే లైంగిక వేధింపులకు గురైనట్లు ఆమె చెప్పుకొచ్చింది. 'అప్పట్లో నా వయస్సు 11 సంవత్సరాలు. నేను మా తల్లిదండ్రులతో కలిసి బస్సులో ప్రయాణిస్తున్నాను. ఆ సమయంలో నేను జీన్స్, టీ-షర్ట్ మాత్రమే ధరించాను. మా నాన్న కూర్చున్న సీటుకు కొంచెం దగ్గర్లోనే నేనూ కూర్చున్నాను. అప్పుడు ఎవరో లోపల చేయి వేసినట్లు అనిపించింది. నా  షర్ట్‌లో ఎవరో చేయి పెట్టారన్న ఊహనే తట్టుకోలేకపోయాను. ఇక వెంటనే భయపడిపోయాను. ఎవరితోనూ ఏమీ మాట్లాడకుండా భయంతో వచ్చి మా నాన్న పక్కన కూర్చున్నాను.ఈ విషయం ఎవరికీ చెప్పకపోవడానికి కారణం ఏమిటో అర్ధంకాక అప్పుడే ఏడుపు మొదలెట్టాను.' అని ఆండ్రియా చెప్పుకొచ్చంది. తన జీవితంలో జరిగిన ఈ చేదు అనుభవాన్ని ఆండ్రియా పంచుకున్న తర్వాత, అభిమానులు ఆమెను ఓదార్చారు. ఆండ్రియా చేసిన వ్యాఖ్యలు ఇప్పుడు కోలీవుడ్‌లో వైరల్‌ అవుతున్నాయి.

మోస్ట్‌ ఎలిజిబుల్‌ బ్యాచిలర్ అనగానే చాలామందికి ప్రభాస్ గుర్తొస్తాడు. ఎందుకంటే 40 ఏళ్లు దాటిపోయినా సరే ఇప్పటికీ పెళ్లి చేసుకోకుండానే ఉన్నాడు. మరోవైపు హీరోయిన్లలోనూ త్రిష, ఆండ్రియా లాంటి వాళ్లు ఈ లిస్టులో ఉన్నారు. ఆండ్రియా విషయానికొస్తే బోల్డ్‌ అండ్‌ బ్యూటీఫుల్‌. నటిగా ఆడపాదడపా సినిమాలు చేస్తోంది. మొన్నీమధ్య వెంకటేశ్ 'సైంధవ్'లోనూ నటించింది. తాజాగా ఈమెని పెళ్లి గురించి అడగ్గా.. చేసుకోనని చెప్పింది. కారణం కూడా వెల్లడించింది.  త్రిష వయసు 40 ఏళ్లు. లేటు అయినా సరే పెళ్లి చేసుకుంటానని ఈమె చెబుతోంది. నటి ఆండ్రియా మాత్రం దీనికి పూర్తి విరుద్ధం. పెళ్లితో పనేంటి అని నిక్కచ్చిగా అంటోంది. 20-25 ఏళ్లప్పుడు తనకు పెళ్లి ఆలోచన వచ్చిందని కానీ ఎందుకో కుదర్లేదని.. ఇప్పుడు తన వయుసు 40 అని, దీంతో ఇక పెళ్లి చేసుకోవాలని అనుకోవట్లేదని  కుండబద్దలు కొట్టేసింది.  (ఇదీ చదవండి: హీరోయిన్ తాప్సీ.. సీక్రెట్‌గా ప్రియుడితో పెళ్లికి సిద్ధమైందా?) పెళ్లి చేసుకోకపోయినా సరే చాలా సంతోషంగా ఉంటానని నటి ఆండ్రియా చెప్పుకొచ్చింది. అయినా పెళ్లి చేసుకున్న వాళ్లు ఎంతమంది సంతోషంగా ఉన్నారని ఎదురు ప్రశ్న వేసింది. తాను ఈ జీవితానికి అలవాటు పడిపోయానని.. కాబట్టి ఇప్పట్లో, భవిష్యత్తులో పెళ్లి ఆలోచన లేదని ఆండ్రియా క్లారిటీ ఇచ్చేసింది. ఈమె నటించిన 'పిశాచి 2' మూవీ త్వరలో థియేటర్లలోకి రానుంది.  ఆండ్రియా గతంలో మ్యూజిక్ డైరెక్టర్ అనిరుధ్‌ని ముద్దు పెట్టుకున్న ఫొటో ఒకటి అప్పట్లో వైరల్ అయింది. ఆ తర్వాత బహుశా వీరిద్దరూ విడిపోయి ఉంటారు. అలానే బ్రేకప్ లాంటివి ఏమైనా ఈ నటి జీవితంలో ఉన్నాయేమో? బహుశా అందుకే పెళ్లంటే విరక్తి వచ్చేసి ఇలా మాట్లాడుతుందా అనిపిస్తోంది. (ఇదీ చదవండి: సడన్‌గా ఓటీటీలోకి వచ్చేసిన తెలుగు సైకలాజికల్ థ్రిల్లర్ సినిమా) View this post on Instagram A post shared by Andrea Jeremiah (@therealandreajeremiah)

గాయనిగా సినీ రంగంలోకి ఎంట్రీ ఇచ్చి ఆ తరువాత కథానాయకిగా రాణిస్తున్న బ్యూటీ ఆండ్రియా జెర్మియా. శరత్‌కుమార్‌ హీరోగా నటించిన పచ్చైక్కిళి మత్తుచ్ఛరం చిత్రంలో ఇద్దరు హీరోయిన్లలో ఒకరిగా పరిచయం అయింది ఆండ్రియా. ఆ చిత్రం విజయవంతం కావడంతో వరుసగా అవకాశాలు తలుపు తట్టాయి. అలా కార్తీతో ఆయిరత్తిల్‌ ఒరువన్‌, కమల్‌ హాసన్‌ సరసన విశ్వరూపం వంటి పలు చిత్రాల్లో నటించి పాపులర్‌ అయింది. తరమణి, వడచైన్నె వంటి చిత్రాల్లో ఛాలెంజింగ్‌ పాత్రలు చేసి గట్స్‌ ఉన్న నటినని నిరూపించుకుంది. పిశాచి 2 తుప్పరివాలన్‌ చిత్రంలో విలనిజాన్ని ప్రదర్శించి ఆల్‌రౌండర్‌ అనిపించుకుంది. నటిగా, గాయనిగా రాణిస్తున్న ఆండ్రియా చేతిలో ప్రస్తుతం పిశాచి 2, నో ఎంట్రీ, కా, మాళిగై వంటి చిత్రాలు ఉన్నాయి. పిశాచి 2 చిత్రంలో ఈమె ఒంటిమీద నూలు పోగు లేకుండా నటించిందట! అయితే ఆ సన్నివేశాన్ని తరువాత తొలగించినట్లు సమాచారం. నిర్మాణ కార్యక్రమాలను పూర్తి చేసుకుని చాలా కాలం అయినా, ఈ చిత్రం ఇంకా తెరపైకి రాలేదు. కాగా ఈ బ్యూటీ ఇప్పటికీ సింగిలే అన్నది తెలిసిందే. అప్పుడనుకున్నా కానీ.. ఇదే విషయం ఇటీవల ఒక యూట్యూబ్‌ ఛానల్‌ భేటీలో ప్రస్తావనకు వచ్చింది. విలేకరి పెళ్లి గురించి ప్రశ్నించగా ఆండ్రియా ఇలా బదులిచ్చింది.. ఒక వయసు వచ్చే సరికి పెళ్లి చేసుకోవాలన్న ఆలోచన ప్రతి అమ్మాయికీ వస్తుందని తెలిపింది. అలాంటి ఆలోచన తనకూ 30 ఏళ్ల వయసులో వచ్చిందని చెప్పింది. అయితే ఇప్పుడు ఆ వయసు దాటిపోయిందని పేర్కొంది. అయినా ఇలా ఉండటం వల్ల తనకెలాంటి బాధ లేదంది. ప్రస్తుతం తనకు పెళ్లి చేసుకోవాలన్న ఆలోచనే లేదని స్పష్టం చేసింది. చదవండి: ‘అంబాజీపేట మ్యారేజీ బ్యాండు’ మూవీ రివ్యూ

అభిమానులు లేనిదే ఏ స్టార్‌ లేరులే అంటారు. అయితే ఒక్కోసారి స్టార్లను ఆ అభిమానులే ఇబ్బందులకు గురి చేస్తారు. దీనిని మితిమీరిన అభిమానం తెచ్చిపెట్టే తంటా అని కూడా పేర్కొనవచ్చు. ఆండ్రియా ఇటీవల ఇలాంటి ఇబ్బందులు ఎదుర్కొన్నారు. ఈ ఆంగ్లో ఇండియన్‌ బ్యూటీ బహుభాషా నటి మాత్రమే కాకుండా బహుముఖ ప్రతిభ కలిగిన కళాకారిణి, ఆండ్రియాలో మంచి నటి, గాయని, రచయిత వున్నారు. ఇక ఎలాంటి పాత్రలో నైనా నటించడానికి రెడీ అనే డేరింగ్‌ బ్యూటీ ఆమె. ప్రస్తుతం ఈమె నటించిన తమిళ చిత్రం పిశాచి–2 విడుదలకు సిద్ధమవుతోంది. నటిగా రాణిస్తున్న ఆండ్రియా ఇటీవల పొంగల్‌ సందర్భంగా పుదుచ్చేరిలో జరిగిన ఒక కార్యక్రమంలో పాల్గొన్నారు. పుదుచ్చేరి ప్రభుత్వం ప్రతి ఏడాది కారైక్కాల్‌లో కార్నివాల్‌ వేడుకలను నిర్వహిస్తుంది. అదేవిధంగా ఈ ఏడాది పొంగల్‌ సందర్భంగా గత 14న ప్రారంభమైన ఈ వేడుకలు నాలుగు రోజుల పాటు జరిగాయి. కార్యక్రమం ముగింపు రోజున నిర్వాహకులు ఆండ్రియాను ముఖ్యఅతిథిగా ఆహ్వానించారు. ఆమె వేదికపై ఊ అంటావా మామ ఊహూ అంటావా వంటి పాటలను పాడి ఆహూతులను, ప్రేక్షకులను అలరించారు. ఈ కార్యక్రమం ముగిసిన అనంతరం అభిమానులు సెల్ఫీలు, ఆటోగ్రాఫ్‌లు అంటూ అండ్రియాను చుట్టుముట్టారు. దీంతో ఆమె జనం మధ్య చిక్కుకుని ఉక్కిరిబిక్కిరి అయ్యారు. దీంతో వెంటనే పోలీసులు రంగంలోకి దిగి సురక్షితంగా అక్కడి నుంచి పంపించేశారు. అయినప్పటికీ అభిమానులు ఆమె వెంట పరుగులు తీశారు. దీంతో ఆండ్రియా కారు వేగంగా దూసుకుపోయింది. ఇలా సెలబ్రిటీలు తమపై వీరాభిమానాన్ని పెంచుకున్న ప్రజలను చూసి గర్వపడాలో లేక ఇలాంటి సందర్భాల్లో ఇక్కడికి వచ్చి వారిని చూసి బాదపడాలో అర్థం కాని పరిస్థితి.

కోలీవుడ్‌ నటి ఆండ్రియా ఈ బోల్డ్‌ అండ్‌ బ్యూటీ మొదట్లో గాయనిగా సినీ రంగ ప్రవేశం చేసి ఆ తర్వాత కథానాయకిగా తెరపైకి వచ్చారు. ఆమె పాడిన పాటలు చాలా వరకు సూపర్‌ హిట్‌ అయ్యాయి. ఆమె గాయని మాత్రమే కాదు..  డబ్బింగ్‌లో కూడా మెప్పించారు. పలు చిత్రాలకు డబ్బింగ్‌ చెప్పిన ఆండ్రియా.. కందా నాల్ ముదల్ చిత్రం ద్వారా 2005 తెరపై కనిపించింది. హీరోయిన్‌గా కొనసాగుతూనే పలు సినిమాల్లో పాటలు కూడా పాడింది. కార్తీ  యుగానికి ఒక్కడు చిత్రంలో ఆండ్రియా ఒక పాట పాడటమే కాదు అందులో చాలా హాట్‌గా కనిపించి యూత్‌ను ఆకట్టుకుంది. విశ్వరూపం, తడాఖా, ఉత్తమ విలన్, వడ చెన్నై, మాస్టర్ వంటి చిత్రాల్లో మెప్పించింది. నటిగా తమిళం, తెలుగు, మలయాళం తదితర భాషల్లో నటిస్తూ.. ప్రస్తుతం పాన్‌ ఇండియా కథానాయకగా రాణిస్తుంది. ధనుష్‌ కథానాయకుడిగా నటించిన వడ చైన్నె చిత్రంలో దర్శకుడు అమీర్‌కు భార్యగా ఆండ్రియా  ఛాలెంజ్‌ ఉన్న పాత్రలో నటించింది. తన భర్తను చంపిన వారిపై ప్రతీకారం తీర్చుకోవడానికి ఎదురుచూసే ఆమె అందుకోసం తనను తాను మార్చుకునే పాత్రలో అందరినీ మెప్పించింది.  దీని గురించి ఆండ్రియా ఇటీవల ఒక భేటిలో పేర్కొంటూ వడచైన్నె చిత్రంలో ఒక రొమాన్స్‌ సన్నివేశంలో నటించడానికి తానేం సిగ్గు పడలేదని తెలిపింది. షూటింగ్‌లో భాగంగా కెమెరాల ముందు చేస్తున్న రొమాన్స్‌కు కూడా  దర్శకుడు అమీర్‌ చాలా సిగ్గు పడ్డారని ఆమె పేర్కొంది. ఆండ్రియా చేసిన ఈ వ్యాఖ్యలు ఇప్పుడు సామాజిక మాధ్యమాల్లో వైరల్‌ అవుతున్నాయి. కాగా తాజాగా మిష్కిన్‌ దర్శకత్వంలో ఆండ్రియా ప్రధాన పాత్ర పోషించిన పిశాచి– 2 చిత్రం విడుదల కావాల్సి ఉంది.

క్యూట్ పోజుల్లో హీరోయిన్ హెబ్బా పటేల్ చాన్నాళ్లకు కనిపించిన ముద్దుగుమ్మ ఆండ్రియా మత్తెక్కించే స్టిల్స్ ఇచ్చిన అదితీ రావ్ హైదరీ కొత్త షో కోసం కత్తిలా తయారైన యాంకర్ శ్రీముఖి బ్లాక్ డ్రస్‌లో కిక్కిస్తున్న నటి తేజస్వి మదివాడ బ్యాక్ చూపించి మరీ పిచ్చెక్కిస్తున్న వాణీ కపూర్ హీరోయిన్ ప్రణీత రొమాంటిక్ పోజులు.. చూస్తే మాత్రం నవంబరు జ్ఞాపకాల్ని వీడియోగా షేర్ చేసిన శ్రుతిహాసన్ అబ్బా అనిపించేలా వయ్యారంగా హీరోయిన్ రకుల్ ప్రీత్ బ్లాక్ డ్రస్‌లో మాయ చేసేస్తున్న క్యూట్ బ్యూటీ శ్రీలీల View this post on Instagram A post shared by Hebah P (@ihebahp) View this post on Instagram A post shared by Aditi Rao Hydari (@aditiraohydari) View this post on Instagram A post shared by Sreemukhi (@sreemukhi) View this post on Instagram A post shared by Tejaswi Madivada (@tejaswimadivada) View this post on Instagram A post shared by Vaani Kapoor (@_vaanikapoor_) View this post on Instagram A post shared by Pranita Subhash (@pranitha.insta) View this post on Instagram A post shared by Shruti Haasan (@shrutzhaasan) View this post on Instagram A post shared by Rakul Singh (@rakulpreet) View this post on Instagram A post shared by Sreeleela (@sreeleela14) View this post on Instagram A post shared by Tamannaah Bhatia (@tamannaahspeaks)

వెంకటేశ్‌ హీరోగా నటిస్తున్న తాజా చిత్రం ‘సైంధవ్‌’. ఈ మూవీలో శ్రద్ధా శ్రీనాథ్, రుహానీ శర్మ, ఆండ్రియా జెర్మియా హీరోయిన్స్గా నటిస్తున్నారు. శైలేష్‌ కొలను దర్శకత్వంలో వెంకట్‌ బోయనపల్లి నిర్మిస్తున్నారు. ఈ సినిమా తాజా షెడ్యూల్‌ చిత్రీకరణ కర్ణాటకలోని బీదర్‌లో ప్రారంభమైంది. వెంకటేశ్‌ పాల్గొంటున్న ఈ షెడ్యూల్‌లో ఓ యాక్షన్  సీక్వెన్స్ ను ప్లాన్  చేశారట శైలేష్‌ కొలను. తాజాగా మొదలైన బీదర్‌ షెడ్యూల్‌ ఈ నెలాఖరు వరకూ సాగుతుందట. సెప్టెంబరులో ప్లాన్  చేసిన ఓ విదేశీ షెడ్యూల్‌తో ‘సైంధవ్‌’ చిత్రీకరణ దాదాపు పూర్తవుతుందని, వినాయక చవితి పండగ సందర్భంగా టీజర్‌ను విడుదల చేసే ఆలోచనలో చిత్రయూనిట్‌ ఉన్నారని ఫిల్మ్‌నగర్‌ సమాచారం. తెలుగు, తమిళం, కన్నడం, మలయాళం, హిందీ భాషల్లో ‘సైంధవ్‌’ చిత్రం డిసెంబరు 22న విడుదల కానుంది. ఈ సినిమాకు సహ నిర్మాత: కిషోర్‌ తాళ్లూరు, సంగీతం: సంతోష్‌ నారాయణ్‌.

బోల్డ్‌ అండ్‌ బ్యూటిఫుల్‌ నటి ఆండ్రియా. తమిళనాడుకు చెందిన ఆంగ్లో ఇండియన్‌ కుటుంబంలో పుట్టిన ఈమెకు చిన్నతనం నుంచి సంగీతంపై మక్కువ. ఆండ్రియా పియానో వాయిద్య కళాకారిణి. ఇక ఈమె న్యాయవాది అన్న విషయం చాలా మందికి తెలియదు. అదేవిధంగా నటిగా కంటే కూడా గాయనిగా ముందు సినీ రంగ ప్రవేశం చేశారు. గాయనిగా గుర్తింపు పొందిన తర్వాత కోలీవుడ్‌లో పచ్చైక్కిళి ముత్తుచ్చారం చిత్రంతో కథానాయకిగా రంగ ప్రవేశం చేశారు.  (ఇదీ దచవండి: ముంబయికి షిఫ్ట్ అయిన ఫ్యామిలీ.. సూర్య ఏమన్నారంటే!) ఆ తర్వాత మంగాత్తా, విశ్వరూపం,తడాఖా,మాస్టర్‌, వడచైన్నె అంటూ పలు చిత్రాల్లో ప్రేక్షకులను మెప్పించారు. మలయాళం, తమిళం, తెలుగు తదితర భాషల్లో నటిస్తూ బహుభాషా నటిగా రాణిస్తున్నారు. 36 ఏళ్ల ఈ అవివాహిత భామ ఇప్పటికీ నటిగా గాయనిగా బిజీగా ఉన్నారు. కాగా ఇటీవల పుష్ప చిత్రం తమిళ్‌ వెర్షన్లో 'ఊ అంటావా మామ' పాటను పాడి ఆ పాటకు ఇక్కడ కూడా క్రేజ్‌ తెచ్చిపెట్టింది ఈమెనే. అయితే వ్యక్తిగతంగా ఈమె పలు విమర్శలను ఎదుర్కొన్నారు. ఇటీవల దర్శకుడు వెట్రిమారన్‌ నిర్మించిన అనల్‌ మేల్‌ పణితులి చిత్రంలో ఆండ్రియా అర్ధ నగ్నంగా నటించారనే విమర్శలు ఎదుర్కొన్నారు. దీనిపై ఇటీవల ఒక భేటీలో స్పందించిన ఆండ్రియా నిజమే ఆ చిత్రంలో ఒక సన్నివేశంలో నటిస్తున్నప్పుడు తనకే చాలా బిడియంగా అనిపించిందని అన్నారు. అయితే నిజ జీవితంలో తనకు ఇంతకు మించిన సంఘటనలను జరిగాయని పేర్కొన్నారు. కాగా ప్రస్తుతం ఈమె పిశాచి 2, మాలిగై, నో ఎంట్రీ, బాబి ఆంటోనీ చిత్రం అంటూ అరడజను చిత్రాలు చేస్తూ బిజీగా ఉన్నారు. అదేవిధంగా తెలుగులో 'సైంధవ్‌' చిత్రంలో ముఖ్యపాత్రను పోషిస్తున్నారు.

సంచలన నటీమణుల్లో ఆండ్రియా ఒకరని ప్రత్యేకంగా చెప్పాల్సిన అవసరం ఉండదు. ఈమె రాసలీలలు, ప్రేమలో పడడం, మోసపోవడం వంటి సంఘటనలు ఇప్పటికే మీడియాలో కథలు కథలుగా వెలువడిన విషయం తెలిసిందే. ఇక వివాదాస్పద కథా పాత్రల్లో నటించడం ఆండ్రియా తరువాతే ఎవరైనా అని చెప్పాలి. తన గ్లామరస్‌ ఫొటోలను సామాజిక మాధ్యమాల్లో విడుదల చేయడంలోనే ఈ భామ ముందే ఉంటారు. వీటితో పాటు మంచి నటి, గాయని అనే పేరు తెచ్చుకున్నారు. (ఇది చదవండి: ఫాదర్స్‌ డే స్పెషల్‌: మంచి తండ్రులందరికీ శుభాకాంక్షలు) అంతేకాకుండా ఆండ్రియాలో గీత రచయిత కూడా వున్నారు. ఇకపోతే షూటింగ్‌లు, పాటల రికార్డింగ్‌లు అంటూ బిజీగా వున్న ఆండ్రియా మధ్యలో సంగీత కచేరీలు చేస్తున్నారు. ఆ మధ్య కౌలాలంపూరులో తన సంగీత విభావరి కార్యక్రమాన్ని సక్సెస్‌ఫుల్‌గా నిర్వహించారు. ఆ ఉత్సాహంతో తాజాగా జులై 1న కోయంబత్తూరులో సంగీత కచేరి నిర్వహించబోతున్నారు. దీని గురించి ఆమె కోయంబత్తూరులో మీడియాతో మాట్లాడుతూ జీవితంలో ఏది ఈజీ కాదని, ప్రతి విషయంలోనూ ఒక కష్టం ఉంటుందని పేర్కొన్నారు. తాను గతంలో 15 ఏళ్ల పాటు మ్యూజిక్‌ క్లాసులకు వెళ్లినట్లు చెప్పారు. అదే తనను ఇప్పుడు పాడేలా చేస్తుందని చెప్పారు. తను కోయంబత్తూరుకు చాలాసార్లు వచ్చానని.. కళాశాలలో చాలా షోలు చేశానని అయితే ఇక్కడ పబ్లిక్‌ మధ్య కచేరీ చేయడం ఇదే మొదటిసారి అని చెప్పారు. అయితే దీనిని పెద్ద విషయంగా తాను భావించడం లేదని అన్నారు. కాగా రాజకీయ రంగప్రవేశం చేసే ఆలోచన ఉందా అన్న ప్రశ్నకు ప్రస్తుతం కచేరీ గురించి మాట్లాడదాం అంటూ ఎస్కేప్‌ అయ్యారు. (ఇది చదవండి: తమిళనాడులో ఆస్తులు ఉండేవి.. అన్నీ అమ్మేశా: సుధాకర్‌)

విక్టరీ వెంకటేశ్‌ నటిస్తున్న తాజా చిత్రం సైంధవ్‌. హిట్‌ సిరీస్‌తో టాలెంటెడ్‌ దర్శకుడిగా పేరు తెచ్చుకున్న శైలేష్‌ కొలను ఈ చిత్రానికి దర్శకత్వం వహిస్తున్నారు. పాన్‌ ఇండియా లెవల్‌లో తెరకెక్కుతున్న ఈ సినిమాప షూటింగ్‌ ప్రస్తుతం శరవేగంగా జరుగుతుంది. తాజాగా ఈ సినిమా నుంచి మరో అప్‌డేట్‌ను వదిలారు. కోలీవుడ్‌ బ్యూటీ ఆండ్రియా ఈ సినిమాతో టాలీవుడ్‌లోకి రీఎంట్రీ ఇస్తుంది. దీంతో ఆమె ఫస్ట్‌ లుక్‌ పోస్టర్‌ని రిలీజ్‌ చేశారు. ఈ చిత్రంలో ఆమె జాస్మిన్‌ అనే పాత్రలో కనిపించనుంది. చేతిలో రివాల్వర్‌తో స్టైలిష్‌ లుక్‌లో ఆండ్రియా దర్శనమిచ్చింది. కాగా గతంలో ఆమె నాగచైతన్య హీరోగా వచ్చిన తబాఖా మూవీతో తెలుగు ప్రేక్షకులకు పరిచయమైన సంగతి తెలిసిందే. మళ్లీ పదేళ్లకు ఆండ్రియా టాలీవుడ్‌లో మెరవనుంది. Introducing JASMINE from SAINDHAV 🔥#SaindhavOnDec22 Victory @VenkyMama @Nawazuddin_S @KolanuSailesh @ShraddhaSrinath @iRuhaniSharma @vboyanapalli @Music_Santhosh @tkishore555 @NiharikaEnt #Venky75 pic.twitter.com/I6L1W5cJjI — Andrea Jeremiah (@andrea_jeremiah) April 28, 2023

చెన్నై: నటుడు కమల్‌ హాసన్‌ సరసన నటించాలని కోరుకోని హీరోయిన్లు ఉండరనే చెప్పవచ్చు. కమల్‌ హాసన్‌కు జతగా నటిస్తే పాపులర్‌ అవ్వవచ్చునని చాలా మంది భావిస్తుంటారు కూడా. ఆయన చిత్రాల్లో లిప్‌ లాక్‌ సన్నివేశాలు ఉంటాయని అలాంటి సన్నివేశాల వల్ల మరింత పబ్లిసిటీ పొందవచ్చు అని కొందరు భావిస్తుంటారు. కాగా కమలహాసన్‌తో లిప్‌ లాక్‌ సన్నివేశాలు నటించడం ఇష్టం లేక నయనతార ఇప్పటివరకు ఆయనకు జంటగా లభించలేదని ప్రచారం కూడా జరిగింది. తాజాగా కమల్‌ 234వ చిత్రంలో నటించడానికి నయన్‌ సిద్ధమవుతున్నట్లు సమాచారం. ఈ చిత్రానికి మణిరత్నం దర్శకత్వం వహించనున్నారు. సుమారు 35 ఏళ్ల తర్వాత కమలహాసన్‌, దర్శకుడు మణిరత్నం కాంబోలో తెరకెక్కనున్న చిత్రం ఇది. తాజాగా రూపొందించిన పొన్నియిన్‌ సెల్వన్‌– 2 చిత్రం ఈనెల 28వ తేదీన విడుదలకు ముస్తాబవుతుంది. తదుపరి ఆయన కమలహాసన్‌తో చేసే చిత్రంపై దృష్టి పెట్టనున్నట్లు సమాచారం. కాగా ఇందులో నయనతారతో పాటు మరో నటి కూడా నటించడానికి సిద్ధమవుతున్నట్లు తాజా సమాచారం. ఆమెనే నటి ఆండ్రియా. బోల్డ్‌ అండ్‌ బ్యూటీ ఎలాంటి పాత్రనైనా ఛాలెంజ్‌గా తీసుకొని నటిస్తుంది. ఈ బహుభాషా నటి ఇంతకుముందు కమలహాసన్‌ సరసన విశ్వరూపం, విశ్వరూపం– 2 చిత్రాల్లో నటించిన విషయం తెలిసిందే. కాగా తాజాగా ఆయన 234వ చిత్రంలో నటించడానికి సిద్ధమవుతున్నట్లు కోలీవుడ్‌ వర్గాల టాక్‌. దీనికి సంబంధించిన అధికారిక ప్రకటన త్వరలో వెలువడే అవకాశం ఉంది. చదవండి: ఇది నా జీవితం.. నిర్ణయం కూడా నేనే తీసుకుంటా.. విజయ్‌ సినిమాలో ఐటెం సాంగ్‌పై సిమ్రాన్‌

కోలీవుడ్‌ సంచలన హీరోయిన్లలో ఆండ్రియా ఒకరు అని చెప్పవచ్చు. ఏ విషయాన్నైనా చాలా బోల్డ్‌గా మాట్లాడే ఆండ్రియా నటి మాత్రమే కాదు మంచి గాయని కూడా. నటుడు శరత్‌కుమార్‌ హీరోగా నటించిన పచ్చైక్కిళి ముత్తుచ్చారం చిత్రం ద్వారా నాయకిగా పరిచయం అవగా ఆ తరువాత కమల్‌హాసన్, కార్తీ, ఉదయనిధి స్టాలిన్‌ వంటి పలువురు స్టార్‌ హీరోల సరసన నటించి తనకంటూ ఒక స్థానాన్ని సంపాదించుకున్నారు. ఆండ్రియా తెలుగు, మలయాళం ప్రేక్షకులకు సుపరిచితమే. ఇకపోతే ఆ మధ్య యువ సంగీత దర్శకుడు అనిరుధ్‌తో సరసాలు సాగించిన ఈ బ్యూటీ ఆ తరువాత ఆయనకు దూరం అయ్యారు.. కారణం తన కంటే అతని వయసు తక్కువ కావడమేనని ఒక భేటీలో బహిరంగంగానే చెప్పారు. ఇకపోతే ఇటీవల వివాహితుడైన ఒక వ్యక్తితో  రెండేళ్లు రిలేషన్‌షిప్‌లో ఉండి జీవితాన్ని నాశనం చేసుకున్నానని చెప్పి వార్తల్లోకెక్కారు. ఆ తరువాత శారీరకంగా, మానసికంగా వేధింపులకు గురవడంతో ఆయుర్వేద చికిత్సతో అందులోంచి బయట పడినట్లు చెప్పారు. కాగా జీవితంలో ఎన్నో ఒడిదుడుకులను ఎదుర్కొన్న ఆండ్రియా ప్రేమికుల దినోత్సవం సందర్భంగా ఇది తనకు బ్లాక్‌ డే అని ట్వీట్‌ చేశారు. నల్లదుస్తులు ధరించిన తన ఫొటోను పెట్టి తాను ప్రస్తుతం సింగిలే అని పేర్కొన్నారు. ఈ ట్వీట్‌ సామాజిక  మాధ్యమాల్లో చక్కర్లు కొడుతోంది.  ఇదిలా ఉంటే ప్రస్తుతం ఈమె చేతిలో పిశాచి 2 చిత్రం మాత్రమే ఉంది. మిష్కిన్‌ దర్శకత్వం వహించిన ఇందులో ఆండ్రియా ప్రధాన పాత్రలో నటించారు. ఇది త్వరలో విడుదలకు ముస్తాబవుతోంది. View this post on Instagram A post shared by Andrea Jeremiah (@therealandreajeremiah) View this post on Instagram A post shared by Andrea Jeremiah (@therealandreajeremiah) చదవండి: వినరో భాగ్యము విష్ణుకథ హీరోయిన్‌ గురించి ఈ విషయాలు తెలుసా?

చెన్నై: కోలీవుడ్‌లో సంచలన నటిమణుల్లో ఆండ్రియా ఒకరని ప్రత్యేకంగా చెప్పాల్సిన అవసరం ఉండదు.  ఆమెపై ఇప్పటికే చాలా వదంతులు వచ్చాయి. గ్లామరస్‌గా నటించడానికి ఏ మాత్రం సంకోచించని బోల్ట్‌ అండ్‌ బ్యూటీ అండ్రియా. ఒకరిని నమ్మి సహజీవనం చేసి, చాలా మోసపోయానని ఆ మధ్య తనే స్వయంగా ఓ భేటీలో పేర్కొంది. శారీరకంగా మానసికంగానూ వేదనకు గురయ్యారని కూడా చెప్పుకొచ్చింది. అలా కొంతకాలం నటనకు దూరమైన ఈ ఆంగ్లో ఇండియన్‌ భామ ఆ తర్వాత మళ్లీ నటనపై దృష్టి సారిస్తూ వస్తోంది. ప్రస్తుతం ఈమె రెండు లేడీ ఓరియంటెడ్‌ కథా చిత్రాల్లో నటిస్తోంది. అందులో ఒకటి మి ష్కిన్‌ దర్శత్వంలో నటించిన పిశాచి 2, రెండోది అనల్‌ మేలే పని తులి. దర్శకుడు వెట్రిమారన్‌ నిర్మించిన ఈ చిత్రానికి కైసర్‌ ఆనంద్‌ దర్శకత్వం వహించారు. ఇది శుక్రవారం నుంచి ఓటీటీలో స్ట్రీమింగ్‌ అవుతోంది. పిశాచి 2 చిత్రం కూడా త్వరలో తెరపైకి రావడానికి ముస్తాబవుతుంది. ఈ సందర్భంగా ఆండ్రియా ఒక భేటీలో ప్రేమ పెళ్లి అంశాలపై పేర్కొంటూ తను 20 ఏళ్ల వయసులోనే ఒక అతన్ని ఇష్టపడ్డానని తెలిపింది. పెళ్లి కూడా చేసుకోవాలని అనుకున్నాననీ, అయితే ఆ ప్రేమ వర్కౌట్‌ కాలేదని చెప్పింది. ఆ తర్వాత ఎవరిని ప్రేమించలేదని చెప్పింది. నిజం చెప్పాలంటే పెళ్లి చేసుకున్న తర్వాత చాలా మంది యువతులు సంతోషంగా లేరని చెప్పుకొచ్చింది. అలాగే పెళ్లికి దూరంగా చాలా మంది చాలా సంతోషంగా జీవిస్తున్నట్లు నటి ఆండ్రియా పేర్కొంది. తనకు ప్రస్తుతానికి పెళ్లి చేసుకునే ఆలోచన లేదని, జీవితంలో ఆనందంగా గడపాలని తాను భావిస్తున్నట్లు చెప్పింది.   చదవండి: ‘డేంజరస్‌’ .. ఆ అమ్మాయిలిద్దరూ ఎందుకు ప్రేమించుకున్నారు?

గాయనిగా, హీరోయిన్‌గా బాగా పాపులారిటీ సంపాదించుకుంది ఆండ్రియా జెర్మియా. ప్రస్తుతం ఆమె 'అనల్‌ మెలె పనితుళి' అనే తమిళ సినిమా ప్రమోషన్స్‌తో బిజీగా ఉంది. ఈ సందర్భంగా ఓ యూట్యూబ్‌ ఛానల్‌కు ఇచ్చిన ఇంటర్వ్యూలో ఆసక్తికర విషయాలను పంచుకుంది. ఆండ్రియా మాట్లాడుతూ.. 'ఇది నా చిన్నప్పుడు జరిగింది. అప్పుడు నా వయసు దాదాపు 11 ఏళ్లు ఉంటుంది. నాన్నతో కలిసి బస్సులో వెళ్తున్నా. ఆయన నా పక్కనే కూర్చున్నారు. సడన్‌గా ఒక చేతు నా వీపుపై ఆనింది. నాన్నేమో అనుకున్నా. కానీ అంతలోనే ఆ చేయి నా టీషర్ట్‌ లోపలికి వెళ్లడంతో నాన్న వైపు చూశాను. ఆయన రెండు చేతులు ముందే ఉన్నాయి. ఇంతలో ఆ చేయి ఇంకా లోనికి వెళ్లడంతో వెంటనే నేను కాస్త ముందుకు జరిగి కూర్చున్నా. కానీ ఈ విషయాన్ని నాన్నకో, అమ్మకో చెప్పలేకపోయాను. ఎందుకు చెప్పలేదంటే నాదగ్గర కారణం లేదు. బహుశా పుట్టి పెరిగిన సమాజంలోని కట్టుబాట్లు దృష్టిలో పెట్టుకుని చెప్పలేకపోయానేమో! కానీ అప్పుడే ఇది బయటకు చెప్పుంటే నాన్న ఏదో ఒక పని చేసి అతడికి బుద్ధొచ్చేలా చేసేవాడు. ఒకసారైతే కాలేజ్‌ బస్‌లో ఒకతను నా దగ్గరకు వచ్చి ఐ లవ్‌ యూ అంటూ గట్టిగా అరిచాడు. ఇలాంటివి నా జీవితంలో చాలా జరిగాయి. అన్నీ చూస్తూ వదిలేయడమే తప్ప మనమేం చేయలేం' అని చెప్పుకొచ్చింది ఆండ్రియా. చదవండి: త్వరలో వివాహ బంధంలోకి మిల్కీ బ్యూటీ ప్రైజ్‌మనీలో భారీగా కోత, కెప్టెన్సీ కంటెండర్స్‌ వాళ్లే!

ఎలాంటి ఛాలెంజింగ్‌ రోల్స్‌లో అయినా నటించే సత్తాగల నటి ఆండ్రియా. ఆమె ప్రధాన పాత్రలో నటించిన పిశాచి–2 చిత్రం త్వరలో తెరపైకి రావడానికి సిద్ధమవుతోంది. అదేవిధంగా ఈమె సొంతంగా ఆంగ్లంలో ఫ్లవర్స్‌ అనే మ్యూజిక్‌ ఆల్బమ్‌ను రూపొందించారు. దీన్ని త్వరలో విడుదలకు సన్నాహాలు చేస్తున్నారు. ఈ సందర్భంగా మీడియాతో మాట్లాడుతూ కొన్ని ఇంట్రెస్టింగ్‌ విషయాలు షేర్‌ చేసుకుంది. తన తాత రైల్వే శాఖలో ఉద్యోగం చేసేవారని చెప్పిన ఆండ్రియా తమ కుటుంబంలో తొలి పట్టభద్రుడు తన తండ్రి అని, ఆయన న్యాయవాది అని తెలిపారు. అద్దె ఇల్లు, మోటార్‌ బైక్‌ ఇలా మధ్య తరగతి కుటుంబంతో తమ జీవితం ప్రారంభమైందని చెప్పారు. ఆ తర్వాత సొంత అపార్ట్‌మెంట్, కారు అంటూ నెమ్మదిగా ఎదిగామని చెప్పారు. మొదట్లో నాన్న తనుకు అడిగినవన్నీ కొనిచ్చారని చెప్పింది. అయితే పియానో కొనడం ఆడంబరంగా అనిపించిందన్నారు. తనకు సంగీతం అంటే చాలా ఇష్టం అని దాంతో పియానో నేర్చుకున్నాని చెప్పారు. తనకు 18 ఏళ్లు వచ్చిన తర్వాతే నాన్న పియానో కొనిచ్చారని చెప్పారు. అయితే అప్పటికే నటనపై దృష్టి సారించటంతో పియానో ఆశ కొంత వరకు తగ్గిందన్నారు. అయితే ఇప్పటికీ తన పియానో భద్రంగా తన షోకేష్‌లో ఉందని పేర్కొన్నారు. కాగా తాను రూపొందించిన సంగీత ఆల్బమ్‌ను విడుదల చేయడానికి కారణం సంగీతానికి సంబంధించినది మాత్రమే కాకుండా పేద పిల్లల చదువు కోసం అని తెలిపారు. తాము సోఫియా ట్రస్ట్‌ పేరుతో స్వచ్ఛంద సేవ సంస్థను ఏర్పాటు చేశామన్నారు. తద్వారా అనాథ పిల్లల విద్యకు సాయం చేస్తున్నామని చెప్పారు. పేదరికం, ఆకలి లేని భారతదేశం అవతరించాలంటే విద్య ఒక్కటే మార్గమని తాను గట్టిగా విశ్వసిస్తానని ఆండ్రియా చెప్పుకొచ్చింది.

సంచలన దర్శకుడు మిష్కిన్‌ దర్శకత్వం వహించిన తాజా చిత్రం పిశాచి–2. 2014లో ఈయన దర్శకత్వంలో రూపొంది మంచి విజయాన్ని సాధించిన పిశాచి చిత్రానికి ఇది సీక్వెల్‌. రాక్‌ఫోర్ట్‌ పతాకంపై మురుగానందం నిర్మించిన ఈ చిత్రంలో నటి ఆండ్రియా ప్రధాన పాత్రలో నటించింది. నటుడు విజయ్‌ సేతుపతి గౌరవ పాత్రలో నటించిన ఈ చిత్రానికి కార్తీక్‌ రాజా సంగీతాన్ని అందించారు. నిర్మాణ కార్యక్రమాలను పూర్తి చేసుకున్న ఈ హారర్, థ్రిల్లర్‌ కథా చిత్రం ఈ నెల 31వ తేదీ విధులకు సిద్ధమవుతోంది. ఈ చిత్రానికి సంబంధించిన కొన్ని ఆసక్తికరమైన విషయాలు ప్రచారంలో ఉన్నాయి. అందులో ముఖ్యంగా నటి ఆండ్రియా ఈ చిత్రంలో పూర్తి నగ్నంగా నటించిందని, అందుకు ఆమె భారీ పారితోషికాన్ని డిమాండ్‌ చేసిందనే ప్రచారం వైరల్‌ అవుతుంది. దీనిపై దర్శకుడు మిష్కిన్‌ స్పందిస్తూ చిత్రం కోసం నటి ఆండ్రియాను నగ్నంగా చిత్రీకరించిన విషయం నిజమేనన్నారు. అందుకు ఆమె అధిక పారితోషికం డిమాండ్‌ చేయడం కూడా సహజమేనని పేర్కొన్నారు. అయితే ఆమె నగ్నంగా నటించిన సన్నివేశాలను చిత్రీకరించలేదని, ఫొటోలు మాత్రమే తీసినట్లు, అవి కూడా ఆమె సన్నిహితురాలు అయిన ఫొటోగ్రాఫర్‌తోనే తీయించామని తెలిపారు. అక్కడ తాను కూడా లేనని చెప్పారు. అయితే చిత్రాన్ని పిల్లలు కూడా చూడాలన్న ఉద్దేశంతో నగ్న ఫొటోలను చిత్రంలో పొందుపరచలేదని తెలిపారు. చిత్రంలో ఆ ఫొటోలు జత చేస్తే సెన్సార్‌ బోర్డు ఏ సర్టిఫికేట్‌ ఇస్తుందని భావించి చేర్చలేదని వివరించారు.  

నటుడు సిబిరాజ్, ఆండ్రియా, అతుల్య రవి హీరో హీరోయిన్లుగా నటింన చిత్రం వట్టం. డ్రీమ్‌ వారియర్‌ పిక్చర్స్‌ అధినేతలు ఎస్‌ ఆర్‌ ప్రభు, ఎస్‌ఆర్‌ ప్రకాష్‌ బాబు నిర్మించిన తాజా చిత్రం ఇది. కమలకన్నన్‌ దీనికి కథ, కథనం, దర్శకత్వం బాధ్యతలను నిర్వహించారు. నివాస్‌ కే ప్రసన్న సంగీతాన్ని అందించారు. ఈ చిత్రం 29వ తేదీన నుంచి డిస్నీ ప్లస్‌ హాట్‌ స్టార్‌లో స్ట్రీమింగ్‌ కానుంది. ఈ సందర్భంగా సోమవారం చిత్ర యూనిట్‌ చెన్నైలో మీడియా సమావేశాన్ని నిర్వహించారు. దర్శకుడు మాట్లాడుతూ.. సిబిరాజ్, ఆండ్రియా, అతుల్య రవి, ఇతర నటీనటులు, సాంకేతిక వర్గం తమ బాధ్యతలను సక్రమంగా నిర్వర్తించారన్నారు. సిబిరాజ్‌ మాట్లాడుతూ.. ఓటీటీలో విడుదలవుతున్న తన తొలి చిత్రం ఇదేనని తెలిపారు. చిత్ర నిర్మాత ఎస్సార్‌ ప్రభు మాట్లాడుతూ.. జీవితంలో ప్రేమికుల మధ్య  సమస్యలు తలెత్తినా, ఆ తర్వాత అవి సమసిపోతాయని అలాంటి ఇతివృత్తంతో కూడిన చిత్రంగా ఉంటుందని తెలిపారు. ఇందులో హీరోగా ఎవరైతే బాగుంటుంది అన్న ఆలోచించినప్పుడు సిబిరాజ్‌ గుర్తొచ్చారని చెప్పారు. ఆండ్రియా, అతుల్య రవి పాత్రల్లో ఒదిగిపోయారని అన్నారు. చదవండి: చివరిగా ఎప్పుడు బెడ్‌ షేర్‌ చేసుకున్నావ్‌.. నీళ్లు నమిలిన విజయ్‌ పదివారాల తర్వాతే ఓటీటీలో పెద్ద సినిమాలు

పిశాచి తెలుగు డబ్బింగ్‌ చెప్పడం ఏంటి అనుకుంటున్నారా? అదేం లేదండీ, పిశాచి 2 సినిమా కోసం నటి ఆండ్రియా తొలిసారి తెలుగులో డబ్బింగ్‌ చెప్పారు. ఈ వీడియో ప్రస్తుతం సోషల్‌ మీడియాలో వైరల్‌ అవుతోంది. నటిగా, గాయనిగా సత్తా చాటుతున్న బోల్డ్‌ బ్యూటీ ఆండ్రియా బహుభాషా నటి కూడా! ఆండ్రియాలో మంచి కవయిత్రి కూడా ఉన్నారు. ఇకపోతే ప్రస్తుతం పిశాచి 2 చిత్రంలో ప్రధాన పాత్రలో నటిస్తున్నారు. మిష్కిన్‌ దర్శకత్వం వహిస్తున్న ఈ చిత్రాన్ని రాక్‌ఫోర్ట్‌ ఎంటర్‌టైన్‌మెంట్‌ పతాకంపై టి.మురుగానందం నిర్మిస్తున్నారు. షూటింగ్‌ పూర్తి చేసుకుని నిర్మాణానంతర కార్యక్రమాలు జరుపుకుంటున్న పిశాచి 2 చిత్రం తెలుగు, తమిళం, మలయాళం భాషల్లో విడుదలకు ముస్తాబవుతోంది. ఇక అసలు విషయానికి వస్తే ఈ చిత్రంలో ఆండ్రియా తన పాత్రకు తానే డబ్బింగ్‌ చెప్పుకుంటుననారు. తమిళం, మలయాళం సరే తెలుగులోనూ తానే డబ్బింగ్‌ చెప్పడం విశేషం. ఇందుకోసం ఆమె ట్యూటర్‌ను నియమించుకుని తెలుగు వాచకం నేర్చుకుని డబ్బింగ్‌ చెబుతున్నారు. అలా పిశాచి చిత్రం కోసం ఆండ్రియా చెప్పిన డైలాగ్‌ నేను తిరిగి వచ్చే వరకు ఇక్కడి నుంచి ఎవరూ ఎక్కడికీ వెళ్లడానికి వీల్లేదు. తాను డబ్బింగ్‌ చెబుతున్న వీడియోను ఆండ్రియా సామాజిక మాధ్యమాల్లో విడుదల చేశారు. అందులో ఫస్ట్‌ టైం తెలుగులో డబ్బింగ్‌ చెబుతున్నాను అంటూ ఎగ్జైటింగ్‌తో కూడిన ఆనందంతో పేర్కొన్నారు. ఆండ్రియా కృష్టిని నెటిజన్లు అభినందించకుండా ఉండలేకపోతున్నారు. View this post on Instagram A post shared by Andrea Jeremiah (@therealandreajeremiah) చదవండి: ‘విక్రమ్‌’ మేకింగ్‌ వీడియో చూశారా?.. డైరెక్టర్‌ ఫోకస్‌కు నెటిజన్లు ఫిదా! పక్కనోడి లైఫ్‌ నీకెందుకు?: ట్రోలర్స్‌కు నటుడి స్ట్రాంగ్‌ కౌంటర్‌