క్యాలెండర్‌ చివరికి వచ్చేశాం. హాయ్‌ చెప్పడానికి క్రిస్‌మస్‌ వస్తోంది. కేక్‌ మీదకు మనసుపోతుంది. బేకరీ కేక్‌లన్నీ మైదా కేక్‌లే. ఆరోగ్యంగా ఏమీ తినలేమా? పండగ కోసం కొంచెం కష్టపడదాం. మన వంటిల్లు క్రిస్‌మస్‌కి సిద్ధమైంది . మీరూ రెడీనా.సెమోలినా కోకోనట్‌ కేక్‌ కావలసినవి: బొంబాయి రవ్వ పావు కేజీ; కొబ్బరి తురుము – 125 గ్రాములు; చక్కెర పొడి– 150 గ్రాములు; బటర్‌– 125 గ్రాములు; పెరుగు– 125 గ్రాములు; పాలు – 125 ఎం.ఎల్‌; వెనీలా ఎసెన్స్‌ – అర టీ స్పూన్‌; బేకింగ్‌ సౌడర్‌– టీ స్పూన్‌; బేకింగ్‌ సోడా– అర టీ స్పూన్‌; ఉప్పు – చిటికెడు; బటర్‌– టీ స్పూన్‌; బాదం పప్పు – గుప్పెడు (సన్నగా తరగాలి).షుగర్‌ సిరప్‌ కోసం: చక్కెర – 125 గ్రాములు; నీరు – 200 ఎంఎల్‌; దాల్చిన చెక్క – అంగుళం ముక్క; రోజ్‌ ఎసెన్స్‌ – 2 చుక్కలు.తయారీ: మొదట షుగర్‌ సిరప్‌ చేసి సిద్ధంగా ఉంచుకోవాలి. ఇందుకోసం నాన్‌స్టిక్‌ పెనంలో చక్కెర, నీరు, దాల్చిన చెక్క, రోజ్‌ ఎసెన్స్‌ వేసి కలిపి గరిటెతో కలుపుతూ సన్న మంట మీద వేడి చేయాలి. 8 నుంచి పది నిమిషాలకు మిశ్రమం తీగపాకం వస్తుంది. అప్పుడు స్టవ్‌ మీద నుంచి దించేయాలి ∙కేక్‌ ట్రేకి టీ స్పూన్‌ బటర్‌ రాయాలి. తర్వాత దళసరి కాగితాన్ని పరిచి సిద్ధంగా ఉంచుకోవాలి ∙ఒవెన్‌ని హీట్‌ చేయాలి ∙కేక్‌ తయారీ కోసం తీసుకున్న పదార్థాలలో బాదం పలుకులు మినహా మిలిగిన అన్నింటినీ ఒక పాత్రలో వేసి బీటర్‌తో బాగా చిలకాలి. నురగ వచ్చే వరకు చిలికిన తరవాత మిశ్రమాన్ని ట్రేలో పోసి ఒవెన్‌లో పెట్టి 180 డిగ్రీల సెంటీగ్రేడ్‌ ఉష్ణోగ్రతలో 40 నిమిషాల సేపు ఉంచాలి.∙ఒవెన్‌లో నుంచి కేక్‌ను బయటకు తీసిన తరవాత ముందుగా కలిపి పెట్టిన షుగర్‌ సిరప్‌ని కేక్‌ అంతటికీ సమంగా పట్టేలాగ పోసి (దాల్చిన చెక్కను తీసేయాలి), బాదం పలుకులను కూడా చల్లి ట్రేని కదిలించకుండా పక్కన ఉంచాలి. కేక్‌ చల్లారేటప్పటికి షుగర్‌ సిరప్‌ చక్కగా పడుతుంది. చల్లారిన తర్వాత చాకు సహాయంతో కేక్‌ను ఒక ప్లేట్‌లోకి తీసుకుని ముక్కలుగా కట్‌ చేయాలి.కావలసినవి: మెత్తటి ఖర్జూరాలు– 300 గ్రాములు; వాల్‌నట్‌ –30 గ్రాములు; పిస్తా– 40 గ్రాములు (రోస్టెడ్, సాల్టెడ్‌ పిస్తా); నెయ్యి – 2 టేబుల్‌ స్పూన్‌లు; బాదం పప్పు– 30 గ్రాములు (సన్నగా తరగాలి); యాలకుల ΄ పొడి– పావు టీ స్పూన్‌; గసగసాలు – టేబుల్‌ స్పూన్‌.ఖజూర్‌ బర్ఫీ తయారీ: ∙ఖర్జూరాల నుంచి గింజలు తొలగించాలి. వాల్‌నట్స్‌ని సన్నగా తరగాలి. పిస్తాను కూడా తరగాలి ∙ఖర్జూరాలను మిక్సీ బ్లెండర్‌లో వేసి గుజ్జుగా చేయాలి ∙పెనం వేడి చేసి అందులో నెయ్యి, బాదం, వాల్‌నట్, పిస్తా పలుకులు వేసి సన్న మంట మీద గోధుమరంగులోకి వచ్చే వరకు వేయించాలి. వేగిన గింజలను ఒక ప్లేట్‌లోకి తీసుకుని అదే పెనంలో మిగిలిన నెయ్యిలో యాలకుల పొడి, ఖర్జూరం పేస్ట్‌ వేసి కలుపుతూ వేయించాలి. ఖర్జూరం పేస్ట్‌ మృదువుగా మారిన తరవాత అందులో ముందుగా వేయించి పక్కన పెట్టిన గింజలను వేసి కలిపి దించేయాలి ఒక దళసరి పేపర్‌ మీద ఖర్జూర మిశ్రమాన్ని వేసి సమంగా పరిచి పైన గసగసాలను పలుచగా చల్లి పేపర్‌ను రోల్‌ చేసి మనకు కావల్సిన సైజ్‌లో కట్‌ చేసుకుంటే ఖజూర్‌ బర్ఫీ రెడీ. ఇవి మూడు వారాల వరకు నిల్వ ఉంటాయి. వీటిని వేడి తగ్గిన తర్వాత తినవచ్చు, చల్లగా తినాలంటే అరగంట సేపు ఫ్రిజ్‌లో పెట్టుకోవాలి.

ప్రయాణం చేస్తూనే అల్పాహారం తీసుకోవాలనుకున్న ఓ యువ ప్రొఫెషనల్‌ దీని కోసం అరటి వాల్‌నట్‌ కేక్‌ తయారు చేసుకుంటాడు. బిజీగా ఉండే ఓ మోడ్రన్‌ మదర్‌.. చిన్నపిల్లల స్నాక్‌ బాక్స్‌ కోసం తన ప్యాంట్రీలో నిల్వ చేసిన ఫ్రూట్‌ పుడ్డింగ్‌ కేక్‌ని బయటకు తీసి రెడీగా ఉంచుతుంది. ఇలా ఉదయాన్నే తీసుకునే అల్పాహారం నుంచి రాత్రి పూట ఆస్వాదించే బ్రౌనీస్‌ వరకూ.. కేక్స్‌ నగరవాసుల వేగవంతమైన డైలీ రొటీన్‌లో భాగం అయిపోయాయి. ఇక న్యూఇయర్‌ని, క్రిస్మస్‌లను మోసుకొచ్చే డిసెంబర్‌ నెలలో అయితే కేక్‌ల సందడికి హద్దే ఉండదని చెప్పాలి. కేకుల వినియోగంలో సౌలభ్యంతో పాటు వాటి రుచి కారణంగా చాలా మందికి ఆహారపరంగా ప్రాధాన్యత జాబితాలో అగ్రస్థానంలో ఉన్నాయి. లాక్‌డౌన్‌ సమయంలో ఇళ్లకే పరిమితమైన సిటిజనులు హోమ్‌ బేకింగ్‌ను అలవాటు చేసుకున్నారు. అలా పదుల సంఖ్యలో పుట్టుకొచి్చన హోమ్‌ బేకర్స్‌.. ఆన్‌లైన్‌ వేదికగా అనేక మందికి వీటిని చేరువ చేశారు. దీంతో ఈ డెజర్ట్‌ సిటిజనులకు మరింత ఇష్టమైన ఆహారంగా మారింది. హాట్‌ కేక్‌.. ఈట్‌ రైట్‌.. సిటీలో విరివిగా వినియోగంలో ఉన్నవాటిని ప్యాకేజ్డ్‌ కేకులు: ఆరి్టసానల్‌ కేక్‌లుగా విభజించవచ్చు. వీటిలో స్పాంజ్‌ కేక్‌లు, కప్‌ కేక్‌లు, చీజ్‌ కేక్‌లు, కేక్‌ పాప్స్‌ వంటివి వేగంగా తినే పని ముగించాలనుకునేవారికి ఇష్టమైనవిగా మారాయి. దీనికి తోడు పలు బ్రాండ్స్‌ మార్కెట్లోకి ప్రవేశపెడుతున్న వివిధ రుచులు ఆకట్టుకునే ప్యాకేజ్‌లతో మరింతగా ఆదరణ దక్కించుకుంటున్నాయి. ప్లెయిన్‌ స్పాంజ్‌ కేకులు, ఫ్రాస్టెడ్‌ ఐసింగ్, స్విస్‌ రోల్స్, ఫ్రూట్‌ ఫిల్డ్‌ మఫిన్‌ల వరకు అందుబాటులో ఉన్న అనేక రకాల ప్యాకేజ్డ్‌ కేక్‌లకు డిమాండ్‌ బాగా ఉంది. గులాబ్‌ జామూన్, రస్‌మలై కేకులు లేదా ఫిర్ని తిరమిసు ఇలా బ్రెడ్‌ తయారీదారులు మన రుచులతో పాశ్చాత్య డెజర్ట్‌లను చొప్పిస్తున్నారు. పండుగలకూ పసందే.. పుట్టిన రోజులు లేదా వివాహాలతో పాటు కేక్‌ సంప్రదాయం భారతీయ పండుగలకు కూడా విస్తరించింది. రాఖీ, దీపావళి భాయ్‌ దూజ్‌ వంటి పండుగలు సంప్రదాయ స్వీట్లు – బహుమతులతో పాటు కేక్‌లను బహుమతిగా ఇచ్చే వారి సంఖ్య పెరుగుతోంది. సంప్రదాయ స్వీట్‌లు ఇప్పటికీ పెద్ద ఎత్తున ఆదరణ పొందుతున్నప్పటికీ, కేక్‌ను బహుమతిగా ఇవ్వడం అనేది కూడా క్రమక్రమంగా ఊపందుకుంటోంది. అలా ఇచ్చి పుచ్చుకోవాలనుకునేవారి కోసం రిచ్‌ ప్లమ్‌ కేక్, విక్టోరియన్‌ ప్లమ్‌ కేక్, చాకొలెట్‌ ఐసింగ్‌ కేక్, వెనీలా ఐసింగ్‌ కేక్, పైనాపిల్, స్ట్రాబెర్రీ, బట్టర్‌ స్కాచ్, బ్లాక్‌ ఫారెస్ట్‌ కేకులతో పాటు ఫ్రెష్‌ ఫ్రూట్‌ కేక్, క్యారామిల్‌ కేక్, చాకొలెట్‌ ఆల్మండ్‌ కేక్‌.. వంటì వెన్నో.. సిటీ మార్కెట్లో సందడి చేస్తున్నాయి. ఊపుతెచ్చిన.. ఈ–కామర్స్‌ఇ–కామర్స్‌ ప్లాట్‌ఫారమ్‌ల వల్ల కొన్ని గంటల్లో ఫ్యాన్సీ కేక్‌లను పంపడం/స్వీకరించడం çసర్వసాధారణమైపోయింది. కేక్‌ గిఫ్టింగ్‌ కోసం ఈ ప్లాట్‌ఫారమ్‌ల ద్వారా కొనుగోలు చేసి, బహుమతిగా పంపే సౌలభ్యంతో కేక్‌ల విక్రయాల్లో 12–15% పెంపునకు ఈ సైట్లు కారణమయ్యాయని అంచనా. ప్రముఖ ఆన్‌లైన్‌ బేకరీ రిటైల్‌ చైన్‌ అయిన విన్నీ విక్రయాల తీరు రాఖీ, భాయ్‌ దూజ్‌ లేదా దీపావళి వంటి పండుగల సమయంలో డిమాండ్‌కు అద్దం పడుతోంది. ఏతావాతా ప్లాట్‌ఫారమ్‌ల వెల్లువ కేక్‌ గిఫ్టింగ్‌ మార్కెట్‌ వృద్ధికి గణనీయంగా దోహదపడింది. రాఖీ, భైదూజ్‌ దీపావళి వంటి పండుగల సమయంలో కేక్‌ విక్రయాల దాదాపు 20% వృద్ధి రేటును చూసింది. సోషల్‌.. సోస్టైల్‌.. డిజైనర్‌ కేక్స్‌ హవాకు సోషల్‌ మీడియా ఆజ్యం పోస్తోంది. ఆకర్షణీయమైన వెరైటీలను సోషల్‌ వేదికలపై ఇన్‌ఫ్లుయెన్సర్లు, ఫుడ్‌ బ్లాగర్‌లు తాజా కేక్‌ డిజైన్‌లను క్రమం తప్పకుండా ప్రదర్శిస్తున్నారు. తద్వారా ప్రత్యేక సందర్భాలకు తగ్గట్టుగా డిజైన్‌ చేసిన కేక్‌ల వైపు వినియోగదారుల చూపు మళ్లేలా చేస్తున్నారు. పరిశ్రమ నివేదికల ప్రకారం, సోషల్‌ మీడియా ప్రభావం వల్ల దేశంలో కేక్‌ మార్కెట్‌ కొన్ని సంవత్సరాలుగా 20శాతం వరకూ పెరుగుతోందట.సందర్భమేదైనా.. సందడి కేక్స్‌దే.. ఒకప్పుడు కేక్స్‌ను కేవలం బర్త్‌డేలకు మాత్రమే ఎక్కువగా వినియోగించేవారు. క్రిస్మస్, న్యూ ఇయర్‌లతో పాటు ఇప్పుడు ఇవి విభిన్న సందర్భాలకు విస్తరించాయి. చిన్నారుల పుట్టిన రోజుల్ని ప్రతినెలా జరపడం దగ్గర నుంచీ వివాహ వార్షికోత్సవాల దాకా అలాగే కొత్తగా జాబ్‌లో చేరడం దగ్గర నుంచీ ప్రమోషన్స్, పదవీ విరమణ దాకా.. ఇలా అనేకానేక సందర్భాలకు కేక్స్‌ను వినియోగించడం జరుగుతోంది. పైనాపిల్‌ కేక్, బటర్‌స్కాచ్‌ కేక్, ఛీజ్‌ కేక్, బిస్కోటి కేక్‌.. తదితర వెరైటీలకు ఫుల్‌ డిమాండ్‌ ఉంది. – సయ్యద్‌ ఇర్ఫాన్, సుభాన్‌ బేకరీ

బొమ్మలేసే ఆర్టిస్టు గురించి విన్నాం. కేక్‌ ఆర్టిస్ట్‌ గురించి ఎప్పుడైనా విన్నారా? ప్రాచీ ధబల్‌ను మన దేశంలో బేకింగ్‌ క్వీన్‌గా, గొప్ప కేక్‌ ఆర్టిస్ట్‌గా పిలుస్తారు. కేక్‌లను కళాత్మకంగా సౌందర్యాత్మకంగా చేసి తినడానికే కాదు చూడటానికి కూడా రుచికరంగా తయారు చేసి అంతర్జాతీయ అవార్డులు పొందుతోందామె. ఈ ఫొటోలు చూడండి. అన్నీ తినే కేకులే. ‘మీరూ ఇలా కొత్తగా ట్రై చేసి సక్సెస్‌ సాధించండి’ అంటోంది ప్రాచీ. ప్రపంచ ప్రఖ్యాత కేక్‌ ఆర్టిస్ట్‌ ఎవరో తెలుసా? యూకేకు చెందిన ఎడ్డీ స్పెన్స్‌. కళాత్మకమైన కేకుల తయారీలో ఆయన ప్రతిభకు అక్కడి ప్రభుత్వం ‘సర్‌’ బిరుదుతో గౌరవించింది. ‘నేను లండన్‌ వెళ్లి ఆయన దగ్గర పని నేర్చుకున్నాను. నాకు కేక్‌ ఆర్ట్‌ అంటే అంత పిచ్చి’ అంటుంది ప్రాచీ ధబల్‌. 36 ఏళ్ల ప్రాచీ గత సంవత్సరం 100 కిలోల కేక్‌ను తయారు చేసింది. ఇది ఇటలీలో ప్రసిద్ధమైన మిలాన్‌ కేథడ్రల్‌ (చర్చ్‌)కు రెప్లికా. ఆరున్నర అడుగుల పొడవు, నాలుగున్నర అడుగుల ఎత్తు, నాలుగు అడుగుల వెడల్పు ఉన్న ఈ భారీ చర్చ్‌ ఆకారపు కేక్‌లో దాదాపు 1500 సున్నితమైన భాగాలు ఉన్నాయి. వాటన్నింటినీ రాయల్‌ ఐసింగ్‌ (తెల్ల సొన, చక్కెర పొడుల మిశ్రమం)తో తయారు చేసి ‘వరల్డ్‌ బుక్‌ ఆఫ్‌ రికార్డ్స్‌ 2022’లో ఎక్కింది ప్రాచీ. అందుకే ఆమెను ‘బేకింగ్‌ క్వీన్‌ ఆఫ్‌ ఇండియా’ అంటుంటారు. చిన్నప్పటి నుంచి ప్రాచీ ధబల్‌ సొంత ఊరు డెహరాడూన్‌. అక్కడే పుట్టి పెరిగింది. ‘నాకు పదేళ్లున్నప్పుడు వేసవి సెలవుల్లో కేకుల తయారీని మా అమ్మ నాకు కాలక్షేపంగా నేర్పింది. నేను కప్‌కేక్‌లు తయారు చేసేదాన్ని. రోజులు పెరిగే కొద్దీ ఆ ఆసక్తి కూడా పెరిగింది. నాకు బొమ్మలు వేయడం కూడా వచ్చు. కథల పుస్తకాలు బాగా చదివేదాన్ని. నా పుట్టిన రోజున బయట కేక్‌ ఆర్డర్‌ ఇస్తున్నప్పుడు నేను చదివిన కథల్లోని కోటల్లాంటి, రాకుమార్తెల్లాంటి, ఉద్యానవనాల్లాంటి కేక్‌లు తెప్పించమని మా అమ్మను పోరేదాన్ని. కాని అలాంటి కేకులు ఎవరూ తయారు చేయరు. మార్కెట్‌లో మామూలు కేకులు ఉండేవి. నాకు అలాంటివి ఎందుకు తయారు చేయకూడదు అనిపించేది’ అంది ప్రాచీ ధబల్‌. ఉద్యోగం నచ్చలేదు ప్రాచీ కోల్‌కతాలో పోస్ట్‌ గ్రాడ్యుయేషన్‌ చేసింది. ఆ తర్వాత ఫైనాన్షియల్‌ అనలిస్ట్‌గా పూణెలో ఉద్యోగానికి వచ్చి స్థిరపడింది. కాని ఆమెకు ఆ ఉద్యోగం నచ్చలేదు. ‘2012 నాటికి నాకు ఉద్యోగం బోర్‌ కొట్టింది. అందులో నాకు ఇష్టమైనదేదో లేదు. నాకు కేక్‌ ఆర్టిస్ట్‌గా మారాలనిపించింది. కాని ఆ రోజుల్లో ఆ కళకు పెద్దగా గిరాకీ లేదు. ఎవరికీ అలాంటిది ఒకటి ఉంటుందని తెలియదు. కళాత్మక కేకులు తయారు చేయాలంటే కావలసిన మెటీరియల్‌ మన దేశంలో దొరికేది కాదు. అయినా సరే తెగించి విదేశాల నుంచి కావలసిన సామాగ్రి తెప్పించుకుంటూ రంగంలో దిగాను. నేను తయారు చేసేది షాపులో అమ్మే కేకులు కాదు. కస్టమైజ్డ్‌ కేకులు. అందువల్ల వీటి ఖరీదు కూడా ఎక్కువ. అలాంటి కస్టమర్లు పెరిగే వరకూ నాకు కొంచెం కష్టంగానే అనిపించింది. కాని నా ప్రత్యేకమైన కేకులు నలుగురి దృష్టిలో పడ్డాక ఇప్పుడు ఊపిరి సలపడానికి కూడా టైమ్‌ లేదు’ అని నవ్వుతుంది ప్రాచీ. దేశీయత ప్రాచీ తయారు చేసే కేకులు దేశీయతతో నిండి ఉంటాయి. చీరల మీద డిజైన్లు, ఆర్కిటెక్చర్, సంప్రదాయ చిహ్నాలు అన్నీ ఆమె కేకుల్లో కనిపిస్తాయి. ఇటీవల ఆమె బెనారస్‌ చీరను, ఆభరణాలను పోలిన కేక్‌ను తయారు చేసింది. ‘కుంకుమ భరిణె’ లా కనిపిస్తున్న ఆ కేక్‌ ఎన్నో ప్రశంసలు పొందింది. ఆమె తయారు చేసిన నెమలి కేక్‌లో పైకి ఆభరణాలుగా కనిపించేవి కూడా తినదగ్గ మెటీరియల్‌తో తయారు చేసినవే. అయితే  ఈ కళను ప్రాచీ తన దగ్గరే దాచుకోవడం లేదు. యువ బేకర్‌లకు ప్రత్యేక శిక్షణ ఏర్పాటు చేసి నేర్పుతోంది. ‘అమ్మాయిలు ముందు తమకు ఇష్టమైన రంగంలో కనీస డిగ్రీ సంపాదించాలి. ఆ తర్వాత ఆ ఇష్టం కోసం కష్టపడాలి. తప్పకుండా విజయం లభిస్తుంది. కష్టపడకుండా ఏదీ రాదు’ అంటుంది ప్రాచీ. పాత దారిలో కొత్తగా నడవడమే విజయం అని ప్రాచీ విజయం తెలుపుతోంది.

న్యూ ఇయర్‌కి ఈసారి వెరైటీగా రాగి పిండితో ఆరోగ్యకరమైన కేక్‌ తయారు చేసుకోండి! కావలసినవి: ►రాగి పిండి– 100 గ్రాములు ►గోధుమ పిండి – వంద గ్రాములు ►కోకో పౌడర్‌ – 2 టేబుల్‌ స్పూన్‌లు ►చక్కెర – 100 గ్రాములు (చక్కెరకు బదులు బెల్లం పొడి లేదా తాటి బెల్లం పొడి కూడా వాడవచ్చు) ►పెరుగు – 100 ఎమ్‌ఎల్‌ (చిలకాలి) ►వెన్న – 150 గ్రాములు ►పాలు – 200 ఎమ్‌ఎల్‌ ►యాపిల్‌ సిడర్‌ వినెగర్‌– అర టేబుల్‌ స్పూన్‌ ►వెనిలా ఎసెన్స్‌ – టేబుల్‌ స్పూన్‌ ►బేకింగ్‌ పౌడర్‌ – టీ స్పూన్‌ ►బేకింగ్‌ సోడా – అర టీ స్పూన్‌ తయారీ: ►రాగి పిండి, గోధుమ పిండి కలిపి జల్లించాలి. ►జల్లించిన పిండిలో కోకోపౌడర్, బేకింగ్‌ పౌడర్, బేకింగ్‌ సోడా వేసి మరో రెండుసార్లు జల్లించాలి. ►ఇలా చేయడం వల్ల అన్నీ సమంగా కలుస్తాయి. ఇందులో చక్కెర వేసి కలపాలి. ►మరొక పాత్రలో పాలు, వెనిలా ఎసెన్స్, వినెగర్, చిలికిన పెరుగు, వెన్న వేసి కలపాలి. ►ఈ మిశ్రమాన్ని పిండి మిశ్రమంలో పోసి బాగా కలపాలి. ►ఇప్పుడు ఒవెన్‌ను 170 డిగ్రీల దగ్గర వేడి చేయాలి. ►కేక్‌ మౌల్డ్‌ లేదా వెడల్పు పాత్రకు కొద్దిగా వెన్న రాసి కేక్‌ మిశ్రమం అంతటినీ పాత్రలో పోసి ఒవెన్‌లో పెట్టాలి. ►అరగంటకు కేక్‌ చక్కగా బేక్‌ అవుతుంది. ►ఒవెన్‌లో నుంచి తీసిన తర్వాత చల్లారనిచ్చి ముక్కలుగా కట్‌ చేసి సర్వ్‌ చేయాలి. ►ఇష్టమైతే కేక్‌ మీద కోకో, చాకొలెట్‌లతో గార్నిష్‌ చేయవచ్చు. ఇవి కూడా ట్రై చేయండి: కెవ్వు కేకు.. రుచికరమైన జోవార్‌ క్యారట్‌ కేక్‌ తయారీ ఇలా! మైదా ఎందుకు? సజ్జపిండితో ఆరోగ్యకరమైన కేక్‌ ఇలా!

మైదాతో కాకుండా సజ్జపిండితో ఇలా కేక్‌ తయారు చేసుకోండి! ఎంచక్కా క్రిస్‌మస్‌, న్యూ ఇయర్‌ వేడుకలను పెర్ల్‌ మిల్లెట్‌ కేక్‌తో ఆస్వాదించండి. కావలసినవి:   ►సజ్జ పిండి– వంద గ్రాములు ►చక్కెర – 80 గ్రాములు ►పాలు – 30 ఎమ్‌ఎల్‌ ►కోడిగుడ్లు – 3 ►వెనిలా ఎసెన్స్‌– 2 చుక్కలు ►వెన్న – టీ స్పూన్‌  తయారీ: ►సజ్జలను మందపాటి పెనంలో దోరగా వేయించి, చల్లారిన తరవాత మెత్తగా పొడి చేసి జల్లెడ పట్టి పక్కన ఉంచుకోవాలి. ►ఒవెన్‌లో పెట్టే పాత్రకు వెన్న రాసి సిద్ధంగా ఉంచుకోవాలి. ►వెడల్పుగా లోతుగా ఉండే పాత్రలో కోడిగుడ్ల సొన వేసి బీటర్‌తో నురగ వచ్చే వరకు బీట్‌ చేయాలి. ►ఇప్పుడు అందులో చక్కెర వేసి మరికొంత సేపు గిలక్కొట్టాలి. ►సజ్జ పిండిని జల్లెడలో వేసి కోడిగుడ్ల మిశ్రమం ఉన్న పాత్రలో జల్లించినట్లు వేయాలి. ►ఇలా చేస్తే పిండి ఉండలు లేకుండా సమంగా కలుస్తుంది. పాలు, వెనిలా ఎసెన్స్‌ కూడా వేసి సమంగా కలిసే వరకు బీట్‌ చేయాలి. ►బీట్‌ చేయడం తగ్గిస్తే కేక్‌ సరిగా పొంగదు. ►కాబట్టి పిండి మిశ్రమాన్ని గుల్లబారే వరకు బీట్‌ చేయాలి. ►బాగా కలిసిన కేక్‌ మిశ్రమాన్ని వెన్నరాసిన కేక్‌ మౌల్డ్‌ లేదా మామూలు పాత్రలో పోసి ఒవెన్‌ను 180 డిగ్రీల ఉష్ణోగ్రతలో వేడిచేసి అందులో పెట్టాలి. ►అర గంట సేపటికి చక్కగా బేక్‌ అవుతుంది. ►టూత్‌ పిక్‌తో కేక్‌ పై నుంచి గుచ్చి బయటకు తీసి చూస్తే తేమ అంటకపోతే మిశ్రమం పూర్తిగా బేక్‌ అయినట్లు, తేమ ఉన్నట్లనిపిస్తే మరో ఐదు నిమిషాల సేపు ఉంచాలి. ►కేక్‌ను ఒవెన్‌ నుంచి తీసి వేడి తగ్గిన తరవాత ముక్కలు కట్‌ చేసి సర్వ్‌ చేసుకోవాలి. ►ఇష్టమైన వాళ్లు కేక్‌ మీద ఐసింగ్‌ షుగర్‌తో డెకరేట్‌ చేసుకోవచ్చు. 

క్రిస్మస్‌ వస్తోంది. కేక్‌ చేద్దామంటే అమ్మో మైదాతోనా... అని భయం. హెల్త్‌ కోసం అందరూ మిల్లెట్‌లు తింటున్నారు. మిల్లెట్‌లతో అన్నాలు, బిరియానీలు, బ్రేక్‌ఫాస్ట్‌లు, స్నాక్‌లు...ఎన్నో చేస్తున్నారు. మరి... కేక్‌లు చేయలేమా? ఎందుకు చేయలేం! ఇదిలో ఇలా చేయండి. కావలసినవి: జొన్న పిండి– కప్పు; బాదం పొడి– కప్పు; బనానా ప్యూరీ– కప్పు; క్యారట్‌ తురుము– కప్పు; బెల్లం పొడి– కప్పు; పాలు లేదా నీరు – అర కప్పు; వెన్న – 3 టేబుల్‌ స్పూన్‌లు; అవిసె గింజల పొడి – 3 టేబుల్‌ స్పూన్‌లు (రెండింతల నీరు వేసి కలపాలి); ఉప్పు, బేకింగ్‌ పౌడర్, బేకింగ్‌ సోడా, దాల్చిన చెక్క పొడి – ఒక్కొక్కటి అర స్పూన్‌; బాదం పలుకులు– 10 (సన్నగా తరగాలి)  తయారీ విధానం: ⇒ మందపాటి పెనంలో జొన్నపిండి వేసి సన్న మంట మీద దోరగా వేయించాలి. ⇒ మరొక పాత్రలో అవిసె గింజల పొడిని నీటితో కలిపి ఐదు నిమిషాల సేపు పక్కన ఉంచాలి. ⇒ ఆ తర్వాత జొన్నపిండిలో వెన్న, బనానా ప్యూరీ, అవిసె గింజల పేస్ట్‌ వేసి బాగా కలపాలి. ⇒ ఇందులో ఉప్పు, బేకింగ్‌ సోడా, బేకింగ్‌ పౌడర్, దాల్చిన చెక్క పొడి వేసి మళ్లీ కలపాలి. ⇒ ఇప్పుడు మిగిలిన పొడులు, క్యారట్‌ తురుము వేసి తగినంత నీరు లేదా పాలు వేస్తూ బాగా కలపాలి.  ⇒ కేక్‌ మౌల్డ్‌కు వెన్న రాసి పైన కొద్దిగా జొన్న పిండిని చల్లాలి. ఇప్పుడు పై మిశ్రమాన్ని సమంగా సర్దాలి. పైన బాదం పలుకులు చల్లాలి.   ⇒ ఇప్పుడు ఒవెన్‌ను 180 డిగ్రీలు వేడి చేసి మౌల్డ్‌ను లోపల పెట్టి 50 లేదా 60 నిమిషాల పాటు బేక్‌ చేయాలి. చల్లారిన తర్వాత కేక్‌ను ముక్కలుగా కట్‌ చేయాలి.  

బనానా కాఫీ కేక్‌ ఇలా ఇంట్లోనే సులువుగా తయారు చేసుకోండి! బనానా- కాఫీ కేక్‌ తయారీకి కావలసినవి:   ►అరటిపండ్లు – 2 (గుండ్రంగా కట్‌ చేసుకోవాలి) ►బ్రౌన్‌ సుగర్‌ – 1 కప్పు,  ►నూనె – అర కప్పు ►మైదాపిండి – 1 కప్పు ►బేకింగ్‌ పౌడర్, బేకింగ్‌ సోడా – 1 టేబుల్‌ స్పూన్‌ చొప్పున ►పాలు – అర కప్పు, చాక్లెట్‌ చిప్స్‌ – 1 టేబుల్‌ స్పూన్‌ తయారీ: ►ముందుగా అరటిపండు ముక్కలు, నూనె, బ్రౌన్‌ సుగర్‌ మిక్సీ బౌల్‌లో వేసుకుని మిక్సీ పట్టుకోవాలి. ►అనంతరం ఆ మిశ్రమంలో మైదాపిండి, బేకింగ్‌ పౌడర్, బేకింగ్‌ సోడా వేసుకోవలి. ►ఇందులో కొద్దికొద్దిగా పాలు పోసుకుంటూ క్రీమ్‌లా బాగా కలుపుకోవాలి. ►తర్వాత నచ్చిన షేప్‌లో ఉండే బేకింగ్‌ బౌల్‌ తీసుకుని.. దానిలోపల నూనె పూయాలి. ►ఈ మిశ్రమాన్ని బౌల్‌లో వేసుకుని.. చాక్లెట్‌ చిప్స్‌ జల్లుకుని.. ఓవెన్‌లో బేక్‌ చేసుకోవాలి. ►కాస్త చల్లారిన తర్వాత నచ్చిన విధంగా గార్నిష్‌ చేసుకుని.. సర్వ్‌ చేసుకోవాలి. ఇవి కూడా ట్రై చేయండి: Recipe: మొక్కజొన్న పిండి, కోడిగుడ్లు, నువ్వులతో సెసెమీ క్రస్టెడ్‌ చికెన్‌! Recipe: బీట్‌రూట్‌ బజ్జీ ఇలా తయారు చేసుకోండి!

వ్యాపారం చేయాలనే ఆలోచన అందరికీ ఉంటుంది. కానీ కొందరు మాత్రమే పట్టుదల, కృషితో తాము అనుకున్న గమ్యానికి చేరుకుంటారు. ప్రస్తుతం అలాంటి ముగ్గురు స్నేహితుల విజయగాథ ఇది. రెండు లక్షల పెట్టుబడితో వ్యాపారం ప్రారంభించి ఇప్పుడు కోట్ల రుపాయలు టర్నోవర్‌ చేస్తున్నారు. అందరిలానే చదువు పూర్తి చేసుకుని కొన్నా‍ళ్లు ఉద్యోగం చేసి సంతృప్తి చెందక వ్యాపారం వైపు అడుగులు వేశారు హిమాన్షు చావ్లా, శ్రేయ్ సెహగల్, సుమన్ పాత్ర. 2 లక్షలు పెట్టుబడి.. 75 కోట్ల టర్నోవర్‌ వ్యాపారం చేద్దామని అనుకునే సమయానికి వారి వద్ద కేవలం రూ.2 లక్షలు మాత్రం ఉంది. ఆ డబ్బునే పెట్టుబడిగా పెట్టి 2010లో ఫ్లవర్ ఆరా పేరుతో కంపెనీని ప్రారంభించారు. ఇందులో పూలు, కేకులు, బహుమతులు వంటి వస్తువులకు సంబంధించిన ఆన్‌లైన్ సేవలను అందిస్తూ వచ్చారు. ప్రారంభంలో, ఆ కంపెనీలో ఒక ఉద్యోగి మాత్రమే ఉన్నాడు. అదే ఉద్యోగి కస్టమర్ సర్వీస్ రిప్రజెంటేటివ్‌గా పని చేయడంతో సహా కార్యకలాపాలు, డెలివరీ వంటి అన్ని అంశాలను నిర్వహించేవాడు. అనుకోకుండా వాలెంటైన్స్ డే వాళ్ల కంపెనీకి చాలా ఆర్డర్లు వచ్చాయి. స్టాఫ్‌ ఒక్కరే కావడంతో సహ వ్యవస్థాపకులు హిమాన్షు, శ్రే కూడా డెలివరీ కోసం వెళ్ళవలసి వచ్చింది. ఇక అప్పటి నుంచి చాలా సందర్భాల్లో కేకులు ఎక్కువగా విక్రయాలు జరుగుతుండడం గమనించారు. దీంతో 2016 సంవత్సరంలో బెకింగో అనే కొత్త బ్రాండ్‌ను ప్రారంభించారు. ఈ కంపెనీ దేశంలోని వివిధ ప్రాంతాలకు ఒకే బ్రాండ్‌కు చెందిన తాజా కేక్‌లను డెలివరీ చేస్తూ బెకింగోని విస్తరింపజేశారు. ప్రస్తుతం, కంపెనీ ఢిల్లీ, హైదరాబాద్, బెంగళూరు వంటి ప్రధాన నగరాలతో పాటు మీరట్, పానిపట్, రోహ్తక్ కర్నాల్ వంటి చిన్న నగరాలకు సేవలందిస్తోంది. కంపెనీ విక్రయాల్లో 30 శాతం వెబ్‌సైట్ ద్వారానే 70 శాతం అమ్మకాలు స్విగ్గీ, జొమాటో ద్వారా జరుగుతున్నాయి. అలా 2021-22లో బెకింగో 75 కోట్లకు పైగా టర్నోవర్‌ చేరకుంది. ప్రస్తుతం కంపెనీలో 500 మందికి పైగా పనిచేస్తున్నారు. కంపెనీ ఈ ఏడాది తన మొదటి ఆఫ్‌లైన్ అవుట్‌లెట్‌ను ఢిల్లీలో ప్రారంభించింది. చదవండి: గూగుల్‌ మ్యాప్స్‌లో కొత్త ఫీచర్‌.. ఇకపై ఆ సమస్య ఉండదబ్బా!

అకేషన్‌ ఏదైనా.. లొకేషన్‌ ఎక్కడైనా.. సెలబ్రేషన్‌ అనగానే కేక్‌ ఉండాల్సిందే. ఆ కేక్స్‌ని నచ్చే ఫ్లేవర్స్‌లో హాట్‌హాట్‌గా తయారు చేసిపెడుతుందీ ఎలక్ట్రిక్‌ కేక్‌ మేకర్‌. ఇందులో కేవలం కేక్సే  కాదు.. బ్రెడ్స్, బన్స్, కప్‌కేక్స్‌.. ఇలా చాలా రకాలను బేక్‌  చేసుకోవచ్చు.   దీంట్లో బేక్, గ్రిల్‌ వంటి ఆప్షన్స్‌తో పాటు.. లో–గ్లూటెన్‌ ఫ్రీ కేక్, సుగర్‌ ఫ్రీ కేక్, ఫ్రూట్‌ కేక్‌ వంటివీ బేక్‌ చేసుకోవడానికి రెసిపీ బుక్‌ కూడా లభిస్తుంది. డివైజ్‌కి సరిపడే.. బ్లాక్‌ కలర్‌ పాత్ర, దానికి తగ్గ  మూత ఉంటాయి. ఆ పాత్ర అడుగున.. గరిటెలాంటి పరికరం బిగించి ఉంటుంది. దాంతో కేక్స్‌ మాత్రమే కాదు.. ఫ్రైలు, కూరలనూ వండుకోవచ్చు. -ధర 189 డాలర్లు (రూ.14,946)  చదవండి: 1 Pot Multi Cooker: నాన్‌స్టిక్‌ మినీ ఓవెన్‌.. ధర రూ.12,034..! ‘క్రీస్‌ కప్స్‌’.. కాఫీతోనే కప్పులు తయారీ..!

జఫ్ఫాకేక్స్‌... అవేం కేక్స్‌ అని నవ్వుకుంటున్నారా? మీరు సరిగ్గానే విన్నారు. పేరు డిఫరెంట్‌గా ఉన్నా...  టేస్ట్‌ మాత్రం సూపర్‌. బ్రిటిష్‌ కేక్స్‌ కంపెనీ మెక్‌విటీ తయారు చేసే ఈ ఆరెంజ్‌ కేక్స్, డార్క్‌ ఫాంటసీ బిస్కెట్‌ సైజ్‌లో ఉంటాయి. అయితే దాని గురించి ఇప్పుడెందుకు మాట్లాడుకుంటున్నాం అనే కదా మీ డౌట్‌. అంత చిన్న సైజ్‌లో ఉండే కేక్‌ను ఫ్లేవర్, రుచి ఏమాత్రం పోకుండా... 80 కిలోల కేక్‌ తయారు చేసింది చెఫ్‌ ప్రాన్సిస్‌ క్విన్‌. అంటే దాదాపు 6,557 చిన్న కేకులు కలిపినంత ఉంటుందన్నమాట. ప్రపంచంలోనే అత్యంత పెద్దదైన జఫ్ఫాకేక్‌గా గిన్నిస్‌ వరల్డ్‌ రికార్డును సృష్టించింది. అత్యంత పెద్ద జఫ్ఫాకేక్‌ తయారు చేసి... 2017లో తాను నెలకొల్పిన రికార్డును తానే బ్రేక్‌ చేసింది క్విన్‌. కేక్స్‌ తయారు చేయడంలో నిపుణురాలైన ఆమె... 2013లో ‘ద గ్రేట్‌ బ్రిటిష్‌ బేక్‌ ఆఫ్‌’లో విజేతగా నిలిచింది.  80 కిలోల బరువు, దాదాపు రెండు మీటర్ల వైశాల్యంతో ఉన్న ఈ కేక్‌ తయారీ కోసం 160 గుడ్లు, 8 కిలోల డార్క్‌ చాక్లెట్, 15 కిలోల ఆరెంజ్‌ జెల్లీ ఉపయోగించింది. కేక్‌ మిక్సింగ్‌ దగ్గర్నుంచి బేకింగ్‌ వరకు  11 గంటల సమయం పట్టింది. జప్ఫాకేక్‌కు అసలైన రుచి రావడం కోసం ఆ కేక్స్‌ కంపెనీ ‘మెక్‌విటీ’ సిబ్బంది కూడా క్విన్‌కు సహాయం చేశారు. ఇదంతా ఓకే అసలు ఆ కేక్‌కు జఫ్ఫా అనే పేరు ఎందుకొచ్చిందనేగా మీ డౌట్‌.  జఫ్ఫా ఆరెంజెస్‌తో చేసిన కేక్‌ కాబట్టి జఫ్ఫా కేక్‌ అని పిలుస్తారు. ఈ జఫ్ఫా ఆరెంజెస్‌ అరబ్‌ రైతుల 19వ శతాబ్దపు సృష్టి. ఈ ఆరెంజెస్‌ తక్కువ గింజలు, ఎక్కువ గుజ్జు, మందపాటి పీల్‌తో ఎగుమతి చేయడానికి వీలుగా ఉంటాయి.

పైనా‘పిల్‌’ను తింటే వేరుగా ఏ ‘పిల్‌’ తీసుకోవాల్సిన అవసరం లేదని చాలా మంది చమత్కరిస్తూ ఉంటారు. దీనిని ఆరోగ్యాల ఆవాస కేంద్రం అని కూడా చెబుతుంటారు. పైనాపిల్‌ తినడం వల్ల అనేక ఆరోగ్య ప్రయోజనాలు ఒనగూరుతాయి. అయితే, ఎప్పుడూ రొటీన్‌గా పైనాపిల్‌ ముక్కలు తినడం, జ్యూస్‌ తాగడం వంటివి కాకుండా ఇలా ఎంచక్కా కేక్‌ చేసుకుని తినండి! పైనాపిల్‌ కేక్‌ కావలసినవి:  బ్రౌన్‌ సుగర్‌ పౌడర్‌ – 150 గ్రాములు అన్‌ సాల్టెడ్‌ బటర్‌ – 175 గ్రాములు, పైనాపిల్‌ స్లైస్, చెర్రీస్‌ – 20 చొప్పున మైదాపిండి – ఒకటిన్నర కప్పులు, బేకింగ్‌ పౌడర్‌ – ఒకటిన్నర టీ స్పూన్లు ఉప్పు – పావు టీ స్పూన్, పంచదార పొడి – అర కప్పు, గుడ్లు – 2 వెనీలా ఎక్స్‌ట్రాక్ట్‌ – 1 టీ స్పూన్, సోర్‌ క్రీమ్, పాలు, పైనాపిల్‌ జ్యూస్‌ – పావు కప్పు చొప్పున తయారీ: ముందుగా ఒక బౌల్‌లో 60 గ్రాముల కరిగించిన బటర్‌ వేసుకుని.. అందులో 100 గ్రాముల బ్రౌన్‌ సుగర్‌ పౌడర్‌ వేసుకుని బాగా కలిపాలి. ఆ మిశ్రమాన్ని గుండ్రటి షేప్‌లో ఉండే కేక్‌ బౌల్‌లో అర అంగుళం మందంలో విస్తరించాలి. దానిపైన గుండ్రటి పైనాపిల్‌ స్లైస్, చెర్రీతో డెకరేట్‌ చేసుకుని ఫ్రిజ్‌లో పెట్టుకోవాలి. అనంతరం పెద్ద బౌల్‌ తీసుకుని మైదాపిండి, బేకింగ్‌ పౌడర్, ఉప్పు వేసుకుని బాగా కలిపి ఉంచుకోవాలి. ఈలోపు మరో బౌల్‌లో మిగిలిన బటర్, బ్రౌన్‌ సుగర్, పంచదార పొడి వేసుకుని హ్యాండ్‌ బ్లెండర్‌ సాయంతో క్రీమ్‌లా చేసుకోవాలి. అందులో గుడ్లు పగలగొట్టి వేసుకుని మరింత మెత్తటి క్రీమ్‌లా చేసుకోవాలి. మధ్యమధ్యలో మైదా–బేకింగ్‌ పౌడర్‌ మిశ్రమాన్ని వేసుకుంటూ.. సోర్‌ క్రీమ్, పాలు, పైనాపిల్‌ జ్యూస్‌ కొద్దికొద్దిగా వేసుకుంటూ హ్యాండ్‌ బ్లెండర్‌తో మిక్స్‌ చేసుకుంటూ ఉండాలి. ఫ్రిజ్‌లో పెట్టుకున్న కేక్‌ మేకర్‌ బౌల్‌ తీసుకుని దాని నిండుగా ఈ మిశ్రమాన్ని వేసుకుని సమాంతరంగా చేసుకుని ఓవెన్‌లో బేక్‌ చేసుకోవాలి. ఆ తర్వాత నచ్చిన విధంగా కలర్‌పుల్‌ క్రీమ్స్‌తో డెకరేట్‌ చేసుకోవచ్చు.

సాక్షి,మంచిర్యాలటౌన్‌: మారుతున్న కాలానికి అనుగుణంగా కేకులు సులభమైన పద్ధతులలో ఎన్నో రకాలుగా మరింత ఆకర్షణీయంగా తయారు చేస్తున్నారు. పేస్ట్రీలు, మెరింగ్యూస్, కస్టర్డ్స్, ఫ్రూట్స్, నట్స్, డెజర్ట్‌ సాస్, బటరక్రీమ్, క్యాండీడ్‌ ఫ్రూట్స్‌తో ఎన్నో రకాల కేక్‌లను త యారు చేసి, ప్రజలకు అందిస్తున్నారు. రుచితో పాటు, ఇట్టే ఆకర్షించేలా పలు ఆకృతులతో పాటు, మనకు నచ్చిన రూపంలోనూ కేక్‌లను తయారు చేసి ఇస్తున్నారు. ఇక ప్రతి ఏటా డిసెంబర్‌ 31వ తేదీ రాత్రి నుంచి జనవరి 1వ తేదీ వరకు జిల్లా వ్యాప్తంగా లక్షలాది కేక్‌లను కట్‌ చేస్తుంటారు. పోటీతత్వంతో హైదరాబాద్‌ వంటి నగరాల్లో లభించే కేక్‌లను మంచిర్యాలలో ప్రజలకు అందిస్తున్నారు. నూతన సంవత్సర వేడుకల కోసం ఒక్కరోజే వేలాది కేక్‌లు అమ్మకా లు సాగితే, సాధారణ రోజుల్లో వందలాది కేక్‌లు అమ్ముడుపోతున్నాయి. ప్రజల్ని ఆకర్షించేందుకు కేక్‌లను ఎప్పటికప్పుడు కొత్త కొత్త వెరైటీలతో సిద్ధం చేస్తున్నారు. రుచిని బట్టి ధరలు పైనాపిల్, బటర్‌స్కాచ్, చాక్లేట్, వెనీలా, బ్లాక్‌ ఫారెస్ట్, రెడ్‌విల్వెట్, ఫ్రెష్‌ఫ్రూట్, చాక్లెట్‌ చాపర్‌ చిప్స్, వైట్‌ ఫారెస్టు, గమ్‌పేస్ట్, ఫౌంటేయిన్‌ వంటి రకాల కేకులు రూ.500లకు కేజీ నుంచి రూ. 1200ల వరకు లభిస్తున్నాయి. కొత్త వెరైటీతో వస్తున్న గమ్‌పేస్ట్, ఫౌంటేయిన్‌ కేక్‌లు కేజీకి రూ.1000 నుంచి రూ.1200ల వరకు లభిస్తున్నాయి. ఇక వీటితో పాటు రెగ్యులర్‌ కేక్‌లు కేజీకి రూ.200ల నుంచి రూ.400ల వరకు లభిస్తుండగా, కూల్‌ కేక్‌లు రూ.500ల నుంచి రూ.1000ల వరకు లభిస్తున్నాయి. చాలా వెరైటీలు చేస్తున్నాం ప్రజలు కొత్తకొత్త వెరైటీ కేక్‌లను ఇష్టపడుతున్నారు. అందుకే ధర ఎక్కువైనా రుచికరమైన కొత్త వాటిని తయారు చేస్తున్నాం. గమ్‌పేస్ట్, ఫౌంటేయిన్, చాక్లెట్‌ చాపర్స్‌ వంటి లేటెస్ట్‌ రకాలను తయారు చేస్తున్నాం. వీటి ధర రూ. వెయ్యికి పైగా ఉన్నా, వీటినే కొనుగోలు చేసేందుకు ఇష్టపడుతున్నారు. బార్బీ బొమ్మ, బాంబుల రూపంలో ఉన్న కేక్‌లను     చేస్తున్నాం.                – కొండపర్తి రమేశ్, బేకరీ నిర్వాహకుడు, మంచిర్యాల వెరైటీ కేక్‌లంటే ఇష్టం ఏదైనా శుభసందర్భంలో కేక్‌లను తింటుంటాం. ఎప్పుడో ఒకసారి ఈ కేక్‌లను తింటాం కాబట్టి, వెరైటీ కేక్‌లను తినడం ఇష్టం. అందుకే అప్పుడప్పుడు కొనే కేక్‌లలో వెరైటీగా, కొత్త రుచులతో వచ్చే కేక్‌లను కొంటున్నాం. – మహేందర్, రామకృష్ణాపూర్‌  చదవండి: రూ.5కేనాలుగు ఇడ్లీలు.. అక్కడ ఫుల్‌ డిమాండ్‌.. దీనికో ప్రత్యేకత ఉంది

సాక్షి, న్యూఢిల్లీ: భారత ప్రధానమంత్రి నరేంద్ర మోదీ 71వ పుట్టిన రోజు సందర్భంగా పలువురు కేంద్రమంత్రులు, ఇతర రాజకీయ ప్రముఖులు విషెస్‌ అందిస్తున్నారు. అలాగే సినీ, క్రీడారంగ దిగ్గజాలు కూడా మోదీకి పుట్టిన రోజు శుభాకాంక్షలు తెలిపారు దీంతో సోషల్‌మీడియాలో భారీ సందడి నెలకొంది. ముఖ్యంగా దేశవ్యాప్తంగా బీజేపీ శ్రేణులు మోదీబర్త్‌డే  వేడుకలు ఘనంగా నిర్వహిస్తున్నారు. మధ్యప్రదేశ్‌లో సిరంజి ఆకారంలో ఉన్న  71 అడుగుల పొడవైన కేక్‌ను కట్ చేసి ప్రధానికి విషెస్‌ తెలిపారు. భోపాల్‌లో 71 అడుగుల కేక్‌ కట్‌ చేశారు. అలాగే  71 మంది బీజేపీ కార్యకర్తలు, రక్తదానం చేయనున్నారు. మోదీ పార్లమెంటరీ నియోజకవర్గం వారణాసిలో  సెప్టెంబర్ 16 న నిర్వహించారు మట్టి దీపాలు వెలిగించి 71 కిలోల లడ్డూతో వేడుకలు నిర్వహించారు.  ఈ సందర్భంగా 'కాశీ సంకల్ప్' పుస్తకాన్ని లాంచ్‌ చేశారు. చదవండి:  Ola Electric : రెండు రోజుల్లో  రూ. 1100 కోట్లు మరోవైపు ప్రముఖ సైకత శిల్పి సుదర్శన్ పట్నాయక్ పూరీ బీచ్  ఒడ్డున ప్రధాని సైకత శిల్పాన్ని రూపొందించారు. మోదీకి పుట్టిన రోజు శుభాకాంక్షలు తెలిపిన పట్నాయక్‌ సముద్ర గవ్వలతో స్పెషల్‌గా రూపొందించిన ఈ సైకత శిల‍్పం ఫొటోను ట్విటర్‌లో షేర్‌ చేశారు. గౌరవ ప్రధాని మోదీజీకి పుట్టిన రోజు శుభాకాంక్షలు. మహాప్రభు జగన్నాథ స్వామి దీవెనలు ఎప్పటికీ ఉండాలి, ఆయురారోగ్యాలతో ఉండాలంటూ   మోదీకి ఆయన బర్త్ డే విషెస్ చెప్పారు. ఒడిశా కళాకారిణి ప్రియాంక సహానీ ప్రదాని పుట్టినరోజున తృణ ధాన్యాలతో మోదీ చిత్రాన్ని రూపొందించారు. 8 అడుగుల x 4 అడుగులతో అపురూపమైన కళాఖండాన్ని  తయారు చేశారు. ఇందుకోసం 25 గంటలు పట్టిందని ఆమె తెలిపారు. Wishing Our Hon’ble Prime Minister @narendramodi ji on his birthday. May Mahaprabhu Jagannatha bless him with long and healthy life to serve mother India. I’ve created a SandArt installation used 2035 sea shells with message #HappyBirthdayModiJi at Puri beach , Odisha . pic.twitter.com/uDTJGOLCFk — Sudarsan Pattnaik (@sudarsansand) September 17, 2021 Birthday wishes to our Honourable Prime Minister @narendramodi ji. May the Almighty shower you with good health, happiness and success throughout your journey. @PMOIndia #HappyBdayModiji pic.twitter.com/ABdFCMt87q — Mohanlal (@Mohanlal) September 17, 2021

ఈ రోజుల్లో ప్రతి చిన్న వేడుకను కేక్‌తో సెలబ్రేట్‌ చేసుకోవడం సాధారణమైంది. అయితే, ఎప్పుడూ ఒకే తరహా కేకులతో విసిగిపోయిన అమెరికాకు చెందిన ప్ర‌ముఖ చెఫ్ న‌టాలీ సైడ్‌స‌ర్ఫ్ సరికొత్తగా ఆలోచించారు. చాలా వెరైటీగా కేకులు తయారు చేసి అబ్బురపరిచారు. వెరైటీ అంటే మ‌రీ షాక్ అయ్యే విధంగా చేసేశారు. వంకాయ‌, ఉల్లిగ‌డ్డ‌, నిమ్మ‌కాయ, ఇలా అన్ని రకాల పళ్ల ఆకారాలతో కేకులు త‌యారు చేసి ఆకట్టుకున్నారు. ఇక ఈ వెరైటీ కేకుల వీడియో అంద‌రినీ నెటిజన్లను విపరీతంగా ఆకట్టుకోవడంతో వైరల్‌ అయింది. అచ్చం నిజమైనా కూరగాయాల్లా ఉన్న కేకులను చూస్తే మీరూ ఆశ్చ‌ర్యపోవాల్సిందే! 'నేను అక్షరాలా జీవించడానికి కేకులను తయారుచేస్తాను, కాబట్టి ఇది నిజంగా నాతో మాట్లాడుతుంది' అనే కాప్షన్‌తో నటాలీ ఈ వీడియో షేర్ చేశారు. నోరూరించే కేకుల వీడియోపై నెటిజన్ల కామెంట్ల వర్షం కురుస్తోంది.   I literally make cakes like this for a living so this really speaks to me 😂😂 pic.twitter.com/507k4uXcEr — Natalie Sideserf (@NatalieSideserf) July 10, 2020

స్వీట్‌ కార్న్‌ కేక్‌ కావలసినవి:  స్వీట్‌ కార్న్‌ – 3 కప్పులు బటర్‌ – అర కప్పు, అరటిపండు గుజ్జు – 3 టేబుల్‌ స్పూన్లు పంచదార – ఒక కప్పు మొక్కజొన్న పిండి – అర కప్పు గుడ్లు – 3 (తెల్లసొన మాత్రమే) నీళ్లు – కొద్దిగా వెనీలా ఎక్స్‌ట్రాక్ట్‌ – పావు టీ స్పూన్‌ తయారీ: ముందుగా స్వీట్‌ కార్న్, పంచదార రెండూ కలిసి మిక్సీ పెట్టుకుని ముద్దలా చేసుకోవాలి. అందులో కరిగించిన బటర్, గుడ్ల తెల్లసొన, వెనీలా ఎక్స్‌ట్రాక్ట్‌ వేసుకుని బాగా కలుపుకోవాలి. ఇప్పుడు అరటిపండు గుజ్జు, మొక్కజొన్న పిండి వేసుకుని కొద్దికొద్దిగా నీళ్లు కలుపుకుంటూ.. ముద్దలా చేసుకోవాలి. తర్వాత ఒక ట్రేలో ఆ మిశ్రమాన్ని మొత్తం వేసుకుని, సమాంతరంగా చేసుకోవాలి. ఇప్పుడు మరో పెద్ద ట్రేలో ఆ ట్రేను పెట్టుకుని.. అడుగున నీళ్లు నింపుకుని.. రెండూ కలిపి, ఓవెన్‌లో పెట్టి ఉడికించుకోవాలి. కాస్త చల్లారిన తర్వాత ఐస్‌క్రీమ్‌ స్కూపర్‌తో తీసుకుని సర్వ్‌ చేసుకుంటే సరిపోతుంది. క్రిస్పీ బ్రెడ్‌ బోండా కావలసినవి:  బ్రెడ్‌ స్లైస్‌ – 12 నీళ్లు – 1 కప్పు బంగాళదుంపలు – 2 (మెత్తగా ఉడికించి ముద్ద చేసుకోవాలి) పచ్చిమిర్చి పేస్ట్‌ – 1 టీ స్పూన్‌ అల్లం పేస్ట్‌ – అర టీ స్పూన్‌ పసుపు – కొద్దిగా ఆలివ్‌ నూనె, నిమ్మరసం – 1 టీ స్పూన్‌ చొప్పున కొత్తిమీర గుజ్జు –1 టేబుల్‌ స్పూన్‌ ఉప్పు – తగినంత నూనె – డీప్‌ ఫ్రైకి సరిపడా తయారీ: ముందుగా ఒక బౌల్‌ తీసుకుని అందులో.. బంగాళదుంప గుజ్జు, పచ్చిమిర్చి పేస్ట్, అల్లం పేస్ట్, పసుపు, నిమ్మరసం, కొత్తిమీర గుజ్జు, ఆలివ్‌ నూనె, ఉప్పు వేసుకుని, కొద్దికొద్దిగా నీళ్లు కలుపుకుంటూ.. ముద్దలా చేసుకోవాలి. ఇప్పుడు బ్రెడ్‌ స్లైస్‌లను నాలుగువైపులా (బ్రౌన్‌ కలర్‌ భాగం) తొలగించి.. ఒక్కో బ్రెడ్‌ స్లైస్‌ని నీళ్లలో బాగా తడిపి.. బంగాళదుంప మిశ్రమాన్ని చిన్న బాల్‌ పరిమాణంలో తీసుకుని, అందులో పెట్టుకోవాలి. తర్వాత ఆ స్లైస్‌ని నాలుగు వైపుల నుంచి కలుపుతూ.. గుండ్రంగా తయారు చేసుకోవాలి. అవసరమైతే కొద్దికొద్దిగా నీళ్లతో తడి చేసుకుంటూ బంగాళదుంప మిశ్రమం కనిపించకుండా క్లోజ్‌ చెయ్యాలి. ఇప్పుడు వాటిని నూనెలో డీప్‌ ఫ్రై చేసుకుని వేడి వేడిగా ఉన్నప్పుడే సర్వ్‌ చేసుకోవాలి. డేట్స్‌ శాండ్‌విచ్‌ కావలసినవి:  ఖర్జూరం – అర కప్పు (గింజలు తొలగించి, మిక్సీ పట్టుకోవాలి) బ్రెడ్‌ స్లైస్‌ – 6 (త్రిభుజాకారంలో ఒక్కో స్లైస్‌ని రెండు ముక్కలు చొప్పున కట్‌ చేసుకోవాలి) వాల్‌నట్స్‌  2 టేబుల్‌ స్పూన్‌(మిక్సీ పట్టుకోవాలి) బాదం – 3 టేబుల్‌ స్పూన్‌ (నానబెట్టి, పేస్ట్‌లా మిక్సీ పట్టుకోవాలి) బ్రెడ్‌ పౌడర్‌ – పావు కప్పు మొక్కజొన్న పిండి – పావు కప్పు బటర్‌ – పావు కప్పు (కరింగించి) గడ్డ పెరుగు – 2 కప్పులు(ఒక మంచి క్లాత్‌లో మొత్తం పెరుగు వేసుకుని, రెండుమూడు సార్లు గట్టిగా పిండి, 3 గంటల పాటు ఓ పక్కగా వేలాడదీయాలి. 3 గంటల తర్వాత నీటిశాతం తగ్గి, క్రీమ్‌లా తయారవుతుంది) జీడిపప్పు ముక్కలు, కిస్మిస్‌ – అభిరుచిని బట్టి.. ఖర్జూరం ముక్కలు – 4 లేదా 5 టేబుల్‌ స్పూన్లు (అదనంగా తీసుకోవాలి)  తయారీ: ముందుగా ఒక బౌల్‌ తీసుకుని అందులో బ్రెడ్‌ పౌడర్, మొక్కజొన్న పిండి, బటర్‌ వేసుకుని బాగా కలుపుకోవాలి. ఇప్పుడు ఖర్జూరం గుజ్జు, బాదం పేస్ట్, వాల్‌నట్‌ పేస్ట్, క్రీమ్‌లా సిద్ధం చేసుకున్న పెరుగు ఒకదాని తర్వాత ఒకటి వేసుకుని బాగా కలుపుకోవాలి. ఇప్పుడు ఆ ముద్దలో ఖర్జూరం ముక్కలు, జీడిపప్పు ముక్కలు, కిస్మిస్‌ ఇలా నచ్చిన డ్రైఫ్రూట్స్‌ వేసుకుని అటు ఇటు ఒకసారి కలుపుకుని పక్కన పెట్టుకోవాలి. తర్వాత రెండేసి త్రిభుజాకారపు బ్రెడ్‌ స్లైస్‌లను తీసుకుని కొద్దికొద్దిగా ఖర్జూరం మిశ్రమాన్ని పెట్టుకుని.. రెండువైపులా గ్రిల్‌ చేసుకుంటే అదిరే రుచి మీ సొంతవుతుంది. 

అనంతపురం న్యూసిటీ: నగరంలోని అరవిందనగర్‌లో ఓ బేకరీ నిర్వాహకుడు కల్తీ కేకులు విక్రయిస్తున్నట్లు ఫుడ్‌ సేఫ్టీ అధికారుల తనిఖీలో తేలింది. మంగళవారం ఫుడ్‌ సేఫ్టీ, తూనికలు, కొలతల శాఖ అధికారులు నగరంలోని వివిధ బేకరీలపై ఆకస్మిక దాడులు చేశారు. అరవిందనగర్‌ మసీదు వెనుక  ఓ షెడ్డులో ప్రసాద్‌ అనే వ్యాపారి కల్తీ కేకులు తయారు చేసి విక్రయిస్తున్నట్లు అసిస్టెంట్‌ ఫుడ్‌ సేఫ్టీ ఆఫీసర్‌ శ్రీనివాస్‌రెడ్డి, తూనికలు, కొలతల శాఖ సీఐ మహ్మద్‌గౌస్‌కు సమాచారం వచ్చింది. కేకులకు వాడే మైదా పురుగులు పట్టి ఉండడంతో అధికారులు ఆశ్చర్యానికి గురయ్యారు. కేకుల్లో కలర్లు అధికంగా కలపడంతో పాటు చాక్లెట్‌ ఫ్లేవర్‌ కోసం వాడే పౌడర్‌కు తయారీ తేదీ లేదు. ఇప్పటికే వేలాది కేకులు బేకరీలకు సరఫరా అయ్యాయి. 8 బేకరీలకు నోటీసులు   అనంతరం అధికారులు నగరంలోని ఎనిమిది బేకరీలు, హోటళ్లపై దాడులు నిర్వహించారు. క్లాక్‌టవర్, సప్తగిరి తదితర ప్రాంతాల్లో ఉన్న బేకరీలకు నోటీసులు జారీ చేశారు. స్వగృహ స్వీట్స్, న్యూ బెంగళూరు బేకరీ నిర్వాహకులకు పలు సూచనలు, సలహాలనందజేశారు. కార్యక్రమంలో గెజిటెడ్‌ ఫుడ్‌ ఇన్‌స్పెక్టర్‌ కరీముల్లా, వినియోగదారుల సంఘం నాయకులు రవీంద్రరెడ్డి  పాల్గొన్నారు.

కొత్త సంవత్సరం ఎన్నో ఆశలను, ఆశయాలను తీసుకువస్తుంది. ప్రతి ఏడాది మనకు అనేక జ్ఞాపకాలను, అనుభూతులను అందిస్తుంది. వీటికితోడు కొన్ని చేదు అనుభవాలను సైతం ఇస్తుంది. గడిచిన ప్రతి క్షణం రేపటికి ఒక జ్ఞాపకమే. మంచి చెడుల సమ్మేళనమే జీవితం. అలాంటి జీవితంలో మరో నూతన అధ్యాయాన్ని స్వాగతిస్తూ.. న్యూ ఇయర్కు వెల్‌కమ్‌ చెబుతాం.. న్యూ ఇయర్‌ ఇంకో నెల రోజులు ఉంది అనగానే వేడుకలు, సంబరాల గురించి మదిలో ఆలోచనలు మెదులుతాయి. గత ఏడాది కంటే భిన్నంగా ఈసారి డిసెంబర్ 31 వేడుకల నిర్వహణకు హైదరాబాదీయులు తహతహలాడుతున్నారు. మొదట్లో ఈ కల్చర్‌కు ఇంత క్రేజు లేకున్నా రానూ రానూ  పరాయి వేడుకపై మోజు బంగారం ధరలా  పెరుగుతూనే  ఉంది. ఇక ఈ నూతన సంవత్సర సంబరాలలో ప్రజలను ఆకర్షించే వాటిలో ఆఫర్లు  ప్రధానమైనవి. కేకుల నుంచి ఫేస్‌ క్రీమ్‌ వరకు అన్ని ఆఫర్లే (క్లాతింగ్‌, ఫుట్‌వేర్‌, జ్యూవెల్లరీ, ఫుడ్, కాస్మోటిక్స్‌).. వీటిలో మరీ ముఖ్యమైనది ఫుడ్‌. కోటి విద్యలు కూటి కొరకే అన్నారు పెద్దలు. ఫుడ్‌ను ఇష్టపడని వారంటూ ఉండరు. అసలే హైదరాబాదీలు భోజన ప్రియులు.  ఇక ఆఫర్లు కనిపిస్తే ఊరుకుంటారా... లేదండోయ్‌ ఆవురావురంటూ లాంగిచేయడమే. చాలా సందర్బాల్లో ఫుడ్‌ ఫెస్టివల్స్‌ను సైతం నిర్వహిస్తుండటం తెలిసిందే. మరీ ఫుడ్‌కు ఉన్న డిమాండేంటో ప్రత్యేకంగా చెప్పాల్సిన అవసరం లేదనుకుంటా.. ఆఫర్లే ఆఫర్లు... నగరంలో ఇంచుమించుగా 12వేల వరకు చిన్న, పెద్ద హోటళ్లు, రెస్టారెంట్లు ఉండగా. మరో 10వేల దాకా ఫాస్ట్ ఫుడ్ సెంటర్లు, మెస్​లు హోటల్ ఉన్నాయి. హోటళ్లు, రిసార్ట్‌లు ప్రజలను ఆకర్షించేందుకు వినూత్నడిస్కౌంట్లు, స్పెషల్ ఆఫర్లతో తలుపులు తెరుస్తున్నాయి. నోరూరించే ఆహారాన్ని అందించేందుకు  సన్నాహాలు చేస్తున్నాయి. రెస్టార్లెంటు, హోటళ్లు, దాబాలు, చిన్న చిన్న హోటళ్లు సైతం తమదైన రీతిలో ఆఫర్లు ప్రకటిస్తున్నాయి. ఒకటి కొంటే మరొకటి ఉచితమని,, ఒక్కొదానిపై 30, 40, 50 శాతం వరకు డిస్కౌంట్‌ను ప్రకటిస్తున్నాయి. కొన్ని రెస్టారెంట్లయితే బఫేపై వన్ ప్లస్ వన్ ఆఫర్ కూడా ఇస్తున్నాయి. కొన్నిచోట్ల అన్‌లిమిటెడ్ ఫుడ్, బేవరేజ్‌ను ఆఫర్ చేస్తున్నారు. పేరుగాంచిన హోటళ్లు పాశ్చాత్య వంటకాలు, కాక్‌టైల్స్, మాక్‌టైల్స్‌ను రుచి చూపించనున్నాయి. నాన్‌ వెజ్‌ ఆఫర్లు.. ఆదివారం వచ్చిందంటే ముక్క లేనిది ముద్ద దిగదు. అలాంటిది వేడుకల్లో నాన్‌ వెజ్‌ లేకుంటే.. నో నో తప్పకుండా ఉండాల్సిందే అంటున్నారు హైదరాబాదీలు. మరీ నాన్‌ వెజ్‌ లవర్స్‌ వారి కోసం ప్రముఖ రెస్టారెంట్లు ఇస్తున్న ఆఫర్లు ఏంటో తెలుసుకుందాం. హైదరాబాద్‌ బిర్యానీ అంటే ఇష్టపడని వారంటూ ఉండరు... ప్రతి ఒక్కరూ ఏదో ఒక సందర్బంలో బిర్యాని లాంగించేస్తూ ఉంటారు. వీటిలో చికెన్‌, మటన్‌, మష్రూమ్‌,ఫిష్‌ బిర్యానీలు ప్రత్యేకం. ఈ సారి ఈ బిర్యానిపైలపై ఆఫర్లు ఆశించిన స్థాయిలో లేనట్లు కన్పిస్తోంది. సాధారణ రోజుల్లో బిర్యాని ధర రెస్టారెంట్లను బట్టి 150 నుంచి 300 వరకు ఉండగా... న్యూ ఇయర్‌ సందర్భంగా ఈ ధరను 100 నుంచి 250 లోపు తగ్గించారు. అదేవిధంగా కొన్ని రకాల ఐటమ్‌లపై 10 నుంచి 50 శాతం వరకు డిస్కౌంట్‌ను అందిస్తున్నాయి. ఇక స్టాటర్లు, సూప్‌లు ధరలు అదేవిధంగా కొనసాగుతున్నాయి.   ఆన్‌లైన్‌ ఫుడ్‌ సర్వీసింగ్‌.... ఆన్‌లైన్‌ ఫుడ్‌​ సర్వీస్‌లు వచ్చాక నగరంలో తిండికి కొదవే లేకుండా పోయింది. యాంత్రిక టెక్నాలజీ వచ్చాక బిజీ సిటీ లైఫ్‌లో అటు ఉద్యోగం ఇటు జీవితాన్నిసమన్వయం చేయలేక నానా తాంటాలు పడుతున్న కుటుంబాలు ఎన్నో. అలాంటి వారికి ఆన్‌లైన్‌ ఫుడ్‌ డెలీవరీ యాప్‌లు ఎంతగానో దోహదపడుతున్నాయి. కేవలం తినాలనుకున్న సమయానికి అరగంట ముందు కావాల్సిన ఫుడ్‌ను ఆర్డర్‌ చేసుకుంటే సరి. దీనికి కావాల్సింది. కేవలం సంబంధిత యాప్‌ను డౌన్లోడ్‌ చేసుకోవడమే. హోటల్ కు వెళ్లి తినేవారు తగ్గడంతో ఆన్‌లైన్‌ ఫుడ్‌ సర్వీస్‌లను డిమాండ్‌ పెరిగింది. ఆఫర్లు, డిస్కౌంట్‌లు ప్రకటించడంతో ఫుడ్డీస్ రెస్టారెంట్లకు క్యూ కడుతున్నారు. వెజ్‌, నాన్‌వెజ్‌, ఫాస్ట్‌ఫుడ్‌ ఐటమ్‌ ఏదైనా సరే మనీ ఉంటే చాలు. మీ దరికి విచ్చేస్తుంది.  అంతేగాక 10 శాతం నుంచి 50 శాతం వరకు డిస్కౌంటు లభిస్తుంది. పైగా డెలివరీ కూడా ఫ్రీ... అర్థరాత్రి అపరాత్రి అన్న తేడా కూడా లేదు. ఎప్పుడంటే అప్పుడు.. ఎక్కడంటే అక్కడ మీరు కోరుకున్న ఆహారం.. మీ చెంతకు చేరుతుంది. దీంతో ఫుడ్ ఆర్డరింగ్ అనేది చాలామంది జీవితాలలో ఓ ఫ్యాషన్‌లో మారిపోయింది. ఫేమస్‌ ఫుడ్‌ యాప్‌లు ఆన్‌లైన్‌ ఫుడ్‌ యాప్‌లో  స్విగ్గీ, జొమాటో, ఉబర్‌ ఈట్స్‌, ఫుడ్‌ పాండా వంటివే అధికం. సిటీలో నిత్యం అమ్ముడయ్యే  ఫుడ్‌లో 60శాతం మేర ఆన్ లైన్ డెలివరీలే ఉంటాయి. ఒక్క స్విగ్గీ ఫుడ్ డెలివరీ సంస్థనే నగరంలో రోజూ 80వేల ఆర్డర్ల వరకు యాప్ ద్వారా విక్రయిస్తోంది. ఇలా మిగతా ఫుడ్​ డెలివరీ సంస్థలు అన్ని కలిసి దాదాపు ప్రతి నెల 10లక్షలకు పైనే ఆర్డర్లను చేరవేస్తున్నట్టు తెలుస్తోంది. అయితే వినియోగదారులకు ఎలాంటి ఇబ్బంది లేకుండానే తమ వద్దకు ఫుడ్‌ వస్తుండటంతో ఈ యాప్‌లకు క్రేజ్‌ పెరిగిపోయింది. దీంతో ప్రత్యేక ప్యాకేజీల రూపంలో తమ వినియోగదారులను ఆకర్షిస్తున్నాయి. భోజన ప్రియులను కట్టిపడేస్తున్నాయి. ఇంకేముంది ఆర్డర్‌ చేసిన అరగంటలో నోరూరించే వంటకాలు మన  ముంగిట ప్రత్యక్షమవుతున్నాయి.   ప్రమోషన్ ఆఫర్లు, డిస్కౌంట్ల వర్షాలు..  కొద్ది తేడాతో దాదాపు అన్ని సంస్థలు ఒకే విధమైన ఆఫర్లను ప్రకటిస్తున్నాయి. ముఖ్యంగా బిర్యానీలు, పిజ్జాలు, మిల్క షేక్‌లు,ఫ్యామిలీ ప్యాక్‌ వంటివి అధికంగా ఉన్నాయి. ఈ న్యూ  ఈయర్‌కు మరీ ఏ సంస్థ ఏ ఆర్డర్‌ను అందిస్తోందో ఓ లుక్కేద్ధాం... జొమాటో...న్యూ యూజర్లకు 40 శాతం డిస్కౌంట్‌ను అందిస్తుంది. అంతేగాక ప్రోమో కోడ్‌లు అందిస్తుంది. అలాగే పేటీఎం యూపీఐ ద్వారా రూ. 350 మించి కొనుగోలు చేస్తే 30 శాతం డిస్కౌంట్‌ను అందిస్తోంది. ఇందుకు ZOMATO300 కోడ్‌ను ఆప్లై చేయాలది. అదే విధంగా స్నాక్స్‌పై 50 శాతం డిస్కౌంట్‌ అందిస్తోంది. టాప్‌ రెస్టారెంట్లలో రూ. 99 కంటే కొనుగోలు చేస్తే 50 శాతం డిస్కౌంట్‌ను అందిస్తోంది. ఇందుకు ZOMATO కోడ్‌ను అప్లై చేయాలి. కోటక్‌ మహీంద్ర కార్డు ద్వారా రూ. 250 కంటే ఎక్కు కొనుగోలు చేస్తే 20 శాతం డిస్కౌంట్‌ను అధికంగా రూ75 వరకు అందిస్తోంది. ప్రత్యేక పార్టీ ఆఫర్  పేరుతో  రూ .500 విలువైన ఆహార ఆర్డర్‌లలో రూ .1000 వరకు ఆదా ఇస్తుంది. ఇది కేవలం ఎంచుకున్న రెస్టారెంట్లలో మాత్రమే. స్విగ్గీ.. కొత్త యూజర్లకు 33 శాతం డిస్కౌంట్‌ను ఇస్తుంది. దీంతోపాటు ఫ్రీ డెలివరీ లభిస్తుంది. ఫుడ్‌ డెలివరీ యాప్స్‌ అన్నీ కొత్త యూజర్లను ఆకట్టుకోవడానికే ఎక్కువ ప్రాధాన్యమిస్తాయి. ఆఫర్లు కూడా వారికే ఎక్కువ ఉంటాయి. సంబంధిత రెస్టారెంట్ల ద్వారా WELCOME50... ద్వారా 50 శాతం డిస్కౌంట్‌ను ఇస్తుంది. 150LPAYNEW ద్వారా 150 క్యాష్‌ బ్యాక్‌ అందిస్తోంది. రెండు మీడియం పిజ్జాలను ఒక పిజ్జా ధరకే పిజ్జా హట్‌ ద్వారా ఇస్తోంది.   ఉబర్‌ ఈట్స్‌.. ఉబర్‌ రైడ్‌లతోపాటు ఉబర్‌ ఈట్స్‌ ఆహార డెలివరీ యాప్‌  ప్రముఖంగా నిలుస్తోంది అన్ని రకాల పదార్థాలపై 30 శాతం డిస్కౌంట్‌ను అందిస్తోంది. సెలక్టెడ్‌ రెస్టారెంట్ల నుంచి 50 శాతం బిర్యానిపై డిస్కౌంట్‌ను అందిస్తోంది. సంబంధిత రెస్టారెంట్లపై30,40, 50 శాతం వరకు కూడా తగ్గింపును అందిస్తోంది. వీటికి ఎలాంటి ప్రోమో కోడ్‌ అవసరం లేదు. నేచురల్‌ ఐస్‌ క్రీం నుంచి కప్‌ ఐస్‌ క్రీమ్‌నుఒకటి కొంటే ఒకటి ఉచితంగా అందిస్తోంది. మిల్క్‌ షేక్‌లను కేవలం 99 రూపాయలకే అందిస్తోంది.  HYDFEAST50, HYDFEAST30,  HYDFEAST20 ద్వారా 50,30, 20 శాతం డస్కౌంట్‌ను ఇస్తుంది  బేకరీల్లో బారులు.. న్యూయర్‌ దగ్గర పడుతుండటంతో బేకరీలలో కేకుల తయారీలు జోరందుకున్నాయి. కేకుల్లో వెజ్‌, నాన్‌ వెజ్‌, పేస్ట్రీస్‌ వంటివి.. విభిన్న రకాల ఆకృతిలో అందుబాటులో ఉన్నాయి.. ఒక్కో బేకరీలలో దాదాపు 500 నుంచి 1000 కేకుల వర​కు తయారీ చేస్తున్నారు. నూతన సంవత్సర సందర్భంగా కేక్‌లు కొనుగోలు చేసేందుకు బేకరీ నిర్వాహకులు వినియోగదారులను ఆకట్టుకునేందుకు పలు ఆకర్షణీయమైన ఆఫర్లను ప్రకటిస్తున్నారు.  బేకరీలలో అయితే. కేజీ కేకు 400 రూపాయలు, అర కేజీ కేకు 200 రూపాయలకే అందిస్తున్నాయి.  అంతేగాక వీటికి 500 ఎంఎల్‌ కూల్‌డ్రింక్‌, మిక్చర్ వంటివి ఉచితంగా అందజేస్తున్నాయి. వీటితోపాటు పిజ్జా, బర్గర్‌ సెంటర్లు, ఫాస్ట్‌ఫుడ్‌ సెంటర్లు, బేకరీలు ఆఫర్లను జోరుగా అందిస్తున్నాయి. మరి ఇంకేందుకు ఆలస్యం.. వెంటనే న్యూ ఇయర్‌ ఆఫర్లను ఆరగించండి.. - గుండా భావన (వెబ్‌ డెస్క్‌ ప్రత్యేకం)

న్యూ ఇయర్‌ వస్తోందంటే ఇళ్లన్నీ కేకులు, కుకీస్, బిస్కెట్లతో నిండిపోతాయి. ఒకరికి ఒకరు బహుమతిగా ఇవ్వడానికి బేకరీలకు ఆర్డర్‌ చేస్తుంటారు. మరి మనకు కావలసినవారికోసం స్వయంగా మనమే తయారు చేస్తే! న్యూ ఇయర్‌ విషెస్‌ చెప్పడానికి మీ స్నేహితుల ఇంటికి వెళ్లి, ఈ కుకీస్‌తో వారి నోటిని తీపి చేసి, ‘హ్యాపీ న్యూ ఇయర్‌’ చెప్పండి. క్రంచీ పీనట్‌ బటర్‌ కుకీస్‌ కావలసినవి: బ్రౌన్‌ సుగర్‌ – ఒక కప్పు; పంచదార – ఒక కప్పు; పీనట్‌ బటర్‌ – ఒక కప్పు; (కప్పుడు పల్లీలకు ముప్పా వు కప్పు బటర్‌ జత చేసి, మిక్సీలో వేసి మెత్తగా చేస్తే హోమ్‌ మేడ్‌ పీనట్‌ బటర్‌ సిద్ధమైనట్లే) కోడి గుడ్లు – 2 (పెద్దవి); వెనిలా ఎక్స్‌ట్రాక్ట్‌ – ఒక టీ స్పూను; ఉప్పు – పావు టీ స్పూను; బేకింగ్‌ సోడా – ఒక టీ స్పూను; వేడి నీళ్లు – 2 టేబుల్‌ స్పూన్లు; మైదా పిండి – 2 కప్పులు; బటర్‌/నెయ్యి – కొద్దిగా తయారీ: ►ముందుగా అవెన్‌ను 375 డిగ్రీల దగ్గర ప్రీ హీట్‌ చేయాలి ►ఒక పెద్ద పాత్రలో బ్రౌన్‌ సుగర్, పంచదార, పీనట్‌ బటర్, కోడి గుడ్లు వేసి బాగా గిలకొట్టాలి (ఎలక్ట్రిక్‌ మిక్సర్‌ ఉంటే, అందులో వేసి బాగా మెత్తగా అయ్యేవరకు బ్లెండ్‌ చేయాలి) ►వెనిలా ఎక్స్‌ట్రాక్ట్, ఉప్పు, బేకింగ్‌ సోడా, వేడి నీళ్లు జత చేసి మరోమారు గిలకొట్టాలి ►మైదా పిండి జత చేసి అన్నీ కలిసేవర కు మరోమారు గిలకొట్టాలి ►కుకీస్‌ షీట్‌ లేదా అల్యూమినియం ఫాయిల్‌ తీసుకుని, దాని మీద బటర్‌ పూయాలి ►కుకీస్‌ మిశ్రమాన్ని ఒక పాత్రలోకి తీసుకుని ఫ్రిజ్‌లో సుమారు అర గంటసేపు ఫ్రీజ్‌ చేసి, బయటకు తీసి, చిన్న చిన్న బాల్స్‌లా చేతితో తయారుచేసి కుకీస్‌ షీట్‌ మీద ఉంచి, ప్రీ హీట్‌ చేసిన అవెన్‌లో ఉంచాలి ►సుమారు పావు గంట తరవాత బయటకు తీసి, చల్లారాక వాటిని గాలి చొరని డబ్బాలో నిల్వ చేసుకోవాలి. క్రిస్పీ చాకొలేట్‌ చిప్‌ కుకీస్‌ కావలసినవి: మైదా పిండి – రెండు కప్పులు (నిండుగా); బేకింగ్‌ సోడా – అర టీ స్పూను; బటర్‌ – ఒక కప్పు; పంచదార – ఒక కప్పు; ప్యాక్డ్‌ బ్రౌన్‌ సుగర్‌ – ఒక కప్పు; ఉప్పు – ఒక టీ స్పూను; వెనిలా ఎక్స్‌ట్రాక్ట్‌ – 2 టీ స్పూన్లు; కోడి గుడ్డు – 1 (పెద్దది); మిల్క్‌ చాకొలేట్‌ చిప్స్‌ – ఒక కప్పు; డార్క్‌ చాకొలేట్‌ – అర కప్పు (సన్నగా ముక్కలు చేయాలి) తయారీ ►అవెన్‌ను 375 ఫారెన్‌ హీట్‌ డిగ్రీల దగ్గర ప్రీ హీట్‌ చేయాలి ►చిన్న పాత్రలో మైదా పిండి, ఉప్పు, బేకింగ్‌ సోడా వేసి బాగా కలిపి పక్కన ఉంచాలి ►వేరొక పాత్రలో బ్రౌన్‌ సుగర్, పంచదార, బటర్‌ వేసి బ్లెండర్‌తో బాగా గిలకొట్టాలి ►పావుకప్పు నీళ్లు, వెనిలా, కోడిగుడ్డు జత చేసి మరి కాసేపు గిలకొట్టాలి ►మైదా పిండి మిశ్రమం జత చేసి బాగా గిలకొట్టాలి ►చాకొలేట్‌ చిప్స్‌ జత చేసి, సుమారు అరగంటసేపు ఈ మిశ్రమాన్ని ఫ్రిజ్‌లో ఉంచి ఫ్రీజ్‌ చేసి, బయటకు తీసి, చిన్న చిన్న ఉండలుగా చేయాలి ►కుకీస్‌ షీట్‌ లేదా అల్యూమినియం ఫాయిల్‌ మీద బటర్‌ పూసి, ఆ పైన కుకీస్‌ను ఉంచి, ఆ షీట్‌ను అవెన్‌లో ఉంచి సుమారు పావు గంట సేపు బేక్‌ చేసి బయటకు తీయాలి ►బాగా చల్లారాక వీటిని గాలిచొరని డబ్బాలో నిల్వ చేసుకోవాలి. జింజర్‌ బ్రెడ్‌ కుకీస్‌ కావలసినవి: బటర్‌ – అర కప్పు కంటె కొద్దిగా ఎక్కువ; బ్రౌన్‌ సుగర్‌ (బ్రౌన్‌ సుగర్‌ బదులు పంచదార కూడా వాడచ్చు) – ముప్పావు కప్పు; మొలాసెస్‌ లేదా బెల్లం పాకం – అర కప్పు కంటె కొద్దిగా ఎక్కువ కోడి గుడ్డు – 1; వెనిలా ఎక్స్‌ట్రాక్ట్‌ – ఒక టీ స్పూను; మైదా పిండి – మూడున్నర కప్పులు బేకింగ్‌ సోడా – ఒక టీ స్పూను; ఉప్పు – అర టీ స్పూను; అల్లం పేస్ట్‌ – 2 టేబుల్‌ స్పూన్లు; దాల్చిన చెక్క పొడి – ఒక టేబుల్‌ స్పూను; గరం మసాలా – అర టీ స్పూను; లవంగాల పొడి – అర టీ స్పూను తయారీ ►అవెన్‌ను 350 ఫారెన్‌ హీట్‌ డిగ్రీల దగ్గర ప్రీహీట్‌ చేసుకోవాలి ►ఒక పాత్రలో మైదా పిండి, బేకింగ్‌ సోడా, ఉప్పు, అల్లం పేస్ట్, దాల్చిన చెక్క పొడి, లవంగాల పొడి వేసి బాగా కలిపి పక్కన ఉంచాలి ►వేరొక పాత్రలో బటర్, బ్రౌన్‌ సుగర్, పంచదార వేసి బాగా గిలకొట్టాలి ►బెల్లం పాకం లేదా మొలాసెస్‌ జత చేసి మరోమారు గిలకొట్టాలి ►కోడిగుడ్డు, వెనిలా జత చేసి బాగా కలియబెట్టాలి ►మైదా పిండి మిశ్రమం జత చేసి పదార్థాలన్నీ బాగా కలిసి మెత్తగా అయ్యేవరకు బీటర్‌తో బాగా గిలకొట్టాక ఈ మిశ్రమాన్ని ఒక రాత్రి అంతా ఫ్రిజ్‌లో ఉంచి ఫ్రీజ్‌ చేసి,  బయటకు తీసి, చిన్న చిన్న బాల్స్‌ చేయాలి ►బటర్‌ పూసిన అల్యూమినియం ఫాయిల్‌ లేదా కుకీస్‌ షీట్‌ మీద ఈ బాల్స్‌ ఉంచి, షీట్‌ను అవెన్‌లో పది నిమిషాల పాటు బేక్‌ చేసి బయటకు తీసి, చల్లారాక గాలిచొరని డబ్బాలో నిల్వ చేసుకోవాలి. సుగర్‌ కుకీస్‌ కావలసినవి: మైదా పిండి – మూడు కప్పులకు కొద్దిగా తక్కువ బేకింగ్‌ సోడా – ఒక టీ స్పూను; బేకింగ్‌ పౌడర్‌ – అర టీ స్పూను; ఉప్పు – అర టీ స్పూను; బటర్‌ – ఒక కప్పు; పంచదార – ఒక కప్పు + 2 టేబుల్‌ స్పూన్లు; బ్రౌన్‌ సుగర్‌ – 2 టేబుల్‌ స్పూన్లు; కోడి గుడ్డు – 1; వెనిలా ఎక్స్‌ట్రాక్ట్‌ – 2 టీ స్పూన్లు; పంచదార – పావు కప్పు తయారీ ►ముందుగా అవెన్‌ను 350 ఫారెన్‌ హీట్‌ డిగ్రీల దగ్గర ప్రీహీట్‌ చేసుకోవాలి ►ఒక పాత్రలో మైదా పిండి, బేకింగ్‌ సోడా, బేకింగ్‌ పౌడర్, ఉప్పు వేసి బాగా కలిపి పక్కన ఉంచాలి ►వేరొక పాత్రలో బటర్, బ్రౌన్‌ సుగర్, పంచదార వేసి బీటర్‌తో బాగా గిలకొట్టాలి ►కోడిగుడ్డు, వెనిలా జత చేసి మరోమారు బాగా గిలకొట్టాలి ►మైదా పిండి మిశ్రమం జత చేసి పదార్థాలన్నీ బాగా కలిసి మెత్తగా అయ్యేవరకు బీటర్‌తో బాగా గిలకొట్టి, ఈ మిశ్రమాన్ని అరగంట సేపు ఫ్రిజ్‌లో ఫ్రీజ్‌ చేసి, బయటకు తీసి, చిన్న చిన్న బాల్స్‌లా చేసుకోవాలి ►వీటి మీద మనకు నచ్చిన చిప్స్‌ను చల్లుకోవాలి ►అల్యూమినియం ఫాయిల్‌ లేదా కుకీస్‌ షీట్‌కు బటర్‌ పూసి, ఆ పైన ఈ కుకీస్‌ను ఉంచి, అవెన్‌లో ఉంచి సుమారు పది నిమిషాల పాటు బేక్‌ చేసి బయటకు తీసేయాలి ►చల్లారిన తరవాత గాలిచొరని డబ్బాలో నిల్వ చేసుకోవాలి.  వైట్‌ చాకొలేట్‌ బ్లూ బెర్రీ ఓట్‌మీల్‌ కుకీస్‌ కావలసినవి: బటర్‌ – అర కప్పు; పంచదార – అర కప్పు; బ్రౌన్‌ సుగర్‌ – అర కప్పు; కోడి గుడ్డు – 1 (పెద్దది); వెనిలా ఎక్స్‌ట్రాక్ట్‌ – 2 టీ స్పూన్లు; మైదా పిండి – ఒక కప్పు + 2 టేబుల్‌ స్పూన్లు; కార్న్‌ స్టార్చ్‌ – 2 టీ స్పూన్లు; ఉప్పు – అర టీ స్పూను; బేకింగ్‌ సోడా – అర టీ స్పూను; బేకింగ్‌ పౌడర్‌ – పావు టీ స్పూను; ఓట్స్‌ – ఒక కప్పు; వైట్‌ చాకొలేట్‌ చిప్స్‌ – అర కప్పు; తాజా బ్లూబెర్రీలు – ఒక కప్పు తయారీ ►ముందుగా అవెన్‌ను 350 ఫారెన్‌ హీట్‌ డిగ్రీల దగ్గర ప్రీహీట్‌ చేసుకోవాలి ►ఒక పాత్రలో మైదాపిండి, కార్న్‌ స్టార్చ్, బేకింగ్‌ సోడా, బేకింగ్‌ పౌడర్, ఉప్పు వేసి బాగా కలిపి పక్కన ఉంచాలి ►వేరొక పాత్రలో బటర్, బ్రౌన్‌ సుగర్, పంచదార వేసి బీటర్‌తో బాగా గిలకొట్టాలి ►కోడిగుడ్డు జత చేసి మరోమారు బాగా గిలకొట్టాలి ►మైదా పిండి మిశ్రమం జత చేసి పదార్థాలన్నీ బాగా కలిసి మెత్తగా అయ్యేవరకు బీటర్‌తో గిలకొట్టాక, ఓట్స్, వైట్‌ చాకొలేట్‌ చిప్స్‌ జత చేసి, గరిటెతో జాగ్రత్తగా కలియబెట్టాలి ►చివరగా తాజా బ్లూబెర్రీలు జత చేయాలి ►చిన్న చిన్న బాల్స్‌లా చేసుకోవాలి ►అల్యూమినియం ఫాయిల్‌ లేదా కుకీస్‌ షీట్‌కు బటర్‌ పూసి, ఆ పైన ఈ కుకీస్‌ను ఉంచి, అవెన్‌లో ఉంచి సుమారు పది నిమిషాల పాటు బేక్‌ చేసి బయటకు తీసేయాలి ►చల్లారిన తరవాత గాలిచొరని డబ్బాలో నిల్వ చేసుకోవాలి.

దట్టంగా మంచుకురిసే రాత్రి జీసస్‌ పుట్టాడు. ఎంత తీపి కబురు. అందరి నోరూ తీపి చేయాల్సిన కబురు. ఏం చేద్దాం. కేక్‌ చేద్దాం. ఏం కేక్‌. ప్లమ్‌ కేక్, రమ్‌ కేక్, చాక్లెట్‌ కేక్, మార్బుల్‌ కేక్‌... కేక్‌ల పండుగుల ఇది. ఒకరికి కేక్‌ పంచి సంతోషించే పండుగ. ఎప్పుడూ కొనడమేనా. ఈసారి చేయొచ్చుగా? ట్రిపుల్‌ లేయర్‌ చాకొలేట్‌ కేక్‌ ఈ కేకును తయారుచేయడం కొంచెం కష్టమే. కాని ఇది పూర్తయ్యాక చూసుకుంటే అలసట అంతా మరచిపోవచ్చు. ఇక తిన్నాక, నోటి నుంచి మాటలు రావు. అంత ఆనందంగా ఆస్వాదిస్తూ తింటారు ఈ కేక్‌ని. కావలసినవి: మొదటి లేయర్‌ కోసం: మైదా పిండి – ఒకటిన్నర కప్పులు; బేకింగ్‌ పౌడర్‌ – ముప్పావు టీ స్పూను; బేకింగ్‌ సోడా – అర టీ స్పూను, ఉప్పు – పావు టీ స్పూను; బటర్‌ – అర టీ స్పూను; పంచదార – ముప్పావు కప్పు; వెనిలా ఎక్స్‌ట్రాక్ట్‌ – అర టేబుల్‌ స్పూను; కోడి గుడ్లు – 2; బటర్‌ మిల్క్‌ – ముప్పావు కప్పు. బటర్‌ క్రీమ్‌ కోసం: పంచదార – ఒక కప్పు; కోడిగుడ్డు తెల్ల సొనలు – 4; నిమ్మరసం – అర టీ స్పూను; ఉప్పు – చిటికెడు; బటర్‌ – ఒక కప్పు. కుకీ డఫ్‌ లేయర్‌ కోసం: మొలాసెల్‌  – 2 టీ స్పూన్లు; చాకొలేట్‌ చిప్స్‌ – పావు కప్పు. ఓరియో లేయర్‌ కోసం: ఓరియో బిస్కెట్స్‌ (బ్రౌన్‌ కలర్‌) – 3 బ్రౌనీ లేయర్‌ కోసం: డచ్‌ ప్రోసెస్డ్‌ కోకో పౌడర్‌ – 2 టేబుల్‌ స్పూన్లు గార్నిషింగ్‌ కోసం: బ్రౌనీ కుకీస్, ఓరియోలు (టాపింగ్‌ కోసం) – 2 టేబుల్‌ స్పూన్లు; గనాచే (కుకింగ్‌ చాకొలేట్‌ + పాలు కలిపి తయారుచేసినది) – 2 కప్పులు. తయారీ: ►350 డిగ్రీల దగ్గర అవెన్‌ను ప్రీ హీట్‌ చేయాలి ►తొమ్మిది అంగుళాల కేక్‌ పాన్‌ను బటర్, మైదాలతో గ్రీజ్‌ చేయాలి ►ఒక పాత్రలో మైదా పిండి, బేకింగ్‌ పౌడర్, బేకింగ్‌ సోడా, ఉప్పు వేసి బాగా కలియబెట్టాలి ►మరొక పాత్రలో పంచదార, బటర్‌ వేసి బాగా గిలకొట్టి క్రీమ్‌ తయారుచేసుకోవాలి ►కోడి గుడ్డు సొనలు, వెనిలా ఎక్స్‌ట్రాక్ట్‌ జత చేసి మరోమారు బీటర్‌తో బాగా గిలకొట్టాలి ►మైదా పిండిలో సగ భాగాన్ని జత చేయాలి ►సగం బటర్‌ మిల్క్‌ జత చేసి గిలకొట్టాక, మిగిలిన మైదా పిండి, బటర్‌ మిల్క్‌ జత చేసి మరోమారు బాగా గిలకొట్టాలి ►ఈ మిశ్రమాన్ని మూడు సమాన భాగాలుగా విడదీసి, ఒక్కో లేయర్‌కు తీసుకున్న పదార్థాలను ఒక్కో దానికి విడివిడిగా జత చేయాలి ►కేక్‌పాన్‌లో ఒక లేయర్‌ తరవాత మరొక లేయర్‌కి కలుపుకున్న మిశ్రమాలను జాగ్రత్తగా వేసి, అవెన్‌లో ఉంచి సుమారు 35 నిమిషాలు బేక్‌ చేయాలి. బటర్‌ క్రీమ్‌ కోసం: ఒక సాస్‌పాన్‌లో కొద్దిగా నీళ్లు పోసి మరిగించాలి ∙వేరొక పాత్రలో పంచదార, కోడిగుడ్డు తెల్ల సొన నిమ్మ రసం, ఉప్పు వేసి ఆ పాత్రను మరుగుతున్న నీళ్ల గిన్నెలో ఉంచాలి ∙పదార్థాలన్నీ వేడెక్కి, పంచదార కరిగేవరకు కలిపి దింపేసి, ఈ మిశ్రమాన్ని బటర్‌లో వేసి కొద్దిసేపు కలియబెట్టాలి (ఇలా చేయడం వల్ల మృదువుగా అయ్యి, కేక్‌ మీద సమానంగా వేయటానికి సులువుగా ఉంటుంది) ∙బేక్‌ చేసుకున్న కేక్‌ బేస్‌ను బయటకు తీసి, మొదటి లేయర్‌ను ఒక ప్లేట్‌లో ఉంచాలి ∙బటర్‌ క్రీమ్‌ను అర అంగుళం మందంలో మొదటి లేయర్‌ మీద సమానంగా పోయాలి ∙రెండవ లేయర్‌ను ఉంచి దాని మీద కూడా ఇదే విధంగా చేసి, మూడో లేయర్‌ను ఉంచాలి ∙గనాచేతో అలంకరించాలి ∙టాపింగ్స్‌ కోసం తీసుకున్న వాటిని కూడా జత చేయాలి. మార్బుల్‌ కేక్‌ ఈ కేక్‌కి తయారుచేసే బేస్‌ని చాకొలేట్‌ మార్బుల్‌ అంటారు. ఎవరి ఆలోచనకు వారు పదును పెట్టుకుని, మిక్స్‌డ్‌ ఫ్రూట్‌ జామ్‌ లేదా తాజా పండ్లు... బ్లూ బెర్రీలు, స్ట్రాబెర్రీలు ఏవైనా సరే... బ్యాటర్‌కి జత చేస్తే –   కేక్‌ కలర్‌ఫుల్‌గా వస్తుంది. కావలసినవి: మైదా పిండి – 2 కప్పులు; బేకింగ్‌ పౌడర్‌ – 2 టీ స్పూన్లు; పంచదార పొడి – ఒక కప్పు కంటె ఎక్కువ; ఉప్పు – చిటికెడు; బటర్‌ – అర కప్పు (సాల్టెడ్‌ బటర్‌ వాడుతుంటే ఉప్పును ఉపయోగించక్కర్లేదు); కోడి గుడ్లు – 2; వెనిలా ఎక్స్‌ట్రాక్ట్‌ – ఒక టీ స్పూను; ఫుడ్‌ కలర్‌ – చిటికెడు; పాలు – ఒక కప్పు; కోకో పొడి – 3 టేబుల్‌ స్పూన్లు తయారీ: ►ముందుగా అవెన్‌ను 350 డిగ్రీల దగ్గర ప్రీ హీట్‌ చేయాలి ►కేక్‌ పాన్‌ను బటర్‌ తో గ్రీజ్‌ చేయాలి ►ఒక పెద్ద పాత్రలో మైదా పిండి, బేకింగ్‌ పౌడర్, ఉప్పు, పంచదార పొడి, బటర్, కోడి గుడ్డు సొనలు, వెనిలా ఎసెన్స్, పాలు వేసి బాగా గిలకొట్టాలి (అన్నీ కలిసి బాగా మెత్తగా అయ్యేవరకు గిలకొడితే కేక్‌ స్మూత్‌గా వస్తుంది) ►సగం కంటె ఎక్కువ భాగాన్ని కేక్‌ పాన్‌లో పోయాలి ►ఆ పైన వెనిలా ఎక్స్‌ట్రాక్ట్‌ను, ఫుడ్‌ కలర్‌ మిశ్రమం, కోకో పొడి ఒక దాని మీద ఒకటి పోయాలి ►చాకుతో కాని ఒక పుల్లతో కాని ఈ మిశ్రమాన్ని జాగ్రత్తగా సరిచేయాలి (మార్బుల్‌ ఎఫెక్ట్‌ వచ్చేలాగ) ►అవెన్‌లో ఉంచి సుమారు 40 నిమిషాలు బేక్‌ చేయాలి ►బయటకు తీసి చల్లారాక సర్వ్‌ చేయాలి. యూలే ద లాగ్‌ చాలామందికి ప్లమ్‌ కేక్, రమ్‌ కేక్‌ తెలుసు. మీరెప్పుడైనా యూలే ద లాగ్‌ కేక్‌ తయారుచేసుకున్నారా! ఇది చూడటానికి చెక్క దూలంలాగ ఉంటుంది. అందువల్ల ఈ కేక్‌ను చూడగానే సంతోషంతో పాటు సెలవును ఆస్వాదిస్తున్న భావన కూడా కలుగుతుంది. కావలసినవి: కేక్‌ కోసం: కోడి గుడ్లు – 6; పంచదార – ముప్పావు కప్పు; కోకో పొడి – అర కప్పు; వెనిలా ఎక్స్‌ట్రాక్ట్‌ – ఒక టీ స్పూను ఐసింగ్‌ కోసం: డార్క్‌ చాకొలేట్‌ తురుము – ఒక కప్పు కంటె కొద్దిగా ఎక్కువ; పంచదార – ఒక కప్పు కంటె కొద్దిగా ఎక్కువ; సాఫ్ట్‌ బటర్‌ – ఒక కప్పు; వెనిలా ఎక్స్‌ట్రాక్ట్‌ – ఒక టేబుల్‌ స్పూను. అలంకరించడం కోసం: 2 టేబుల్‌ స్పూన్ల పంచదార, పార్లే జి బిస్కెట్స్, ఎరుపు రంగు ఫుడ్‌ కలర్‌ (చెర్రీలు తయారుచేయడానికి); మెరింగ్‌ మష్రూమ్స్, చాకొలేట్‌ సాయిల్, క్రిస్మస్‌ ట్రీ పుల్లలు తయారీ: ►ముందుగా అవెన్‌ను 350 డిగ్రీల దగ్గర ప్రీహీట్‌ చేయాలి ►ఒక పెద్ద పాత్రలో కోడి గుడ్డు తెల్ల సొనలను వేసి బీటర్‌తో బాగా గిలకొట్టాలి ►బాగా మెత్తగా అయిన తరవాత పావు కప్పు పంచదార కొద్దికొద్దిగా వేస్తూ మళ్లీ గిలకొడుతుండాలి ►వేరొక పాత్రలో కోడిగుడ్డు పచ్చ సొనలను వేసి పంచదార జత చేస్తూ గిలకొట్టాలి ►వెనిలా ఎక్స్‌ట్రాక్ట్‌ జత చేయాలి ∙కోకో పొడిని జల్లెడ పట్టి, మెత్తటి పొడిని కొద్దికొద్దిగా జత చేస్తూ గిలకొట్టాలి ►కోడి గుడ్డు తెల్ల సొన మిశ్రమాన్ని కొద్దికొద్దిగా జత చేస్తూ, అన్నీ బాగా కలిసేలా గిలకొట్టాలి (ఎంత ఎక్కువసేపు గిలకొడితే అంత మెత్తగా వస్తుంది కేక్‌) ►నలుచదరం లేదా దీర్ఘచతురస్రాకారంలో ఉన్న కేక్‌పాన్‌లో బేకింగ్‌ షీట్‌ లేదా ఫాయిల్‌ (కింద కొద్దిగా పంచదార వేస్తే కేక్‌ అతుక్కోకుండా తేలికగా వస్తుంది) ఉంచి, దాని మీద ఈ మిశ్రమాన్ని సమానంగా పరిచి, అవెన్‌లో ఉంచి, సుమారు 20 నిమిషాల పాటు బేక్‌ చేయాలి ►చల్లారిన తరవాత, జాగ్రత్తగా ప్లేట్‌లోకి తీసుకోవాలి. ఐసింగ్‌తయారీ: ►చాకొలేట్‌ను ముందుగా కరిగించాలి (మైక్రోవేవ్‌లోకాని వేడి నీళ్ల మీద కాని) ►ఒక పాత్రలో పంచదార, బటర్‌ వేసి బాగా గిలకొట్టాలి ►కరిగించిన చాకొలేట్, వెనిలా ఎక్స్‌ట్రాక్ట్‌ జత చేసి మెత్తగా వచ్చేవరకు కలుపుతుండాలి ►బాగా మెత్తగా అయిన తరవాత కేక్‌ మీద సమానంగా పరిచి, కేక్‌ను (ఫాయిల్‌తో) నెమ్మదిగా రోల్‌ చేయాలి (వదులుగా కాకుండా టైట్‌గా వచ్చేలా జాగ్రత్తగా రోల్‌ చేసి, చివరగా ప్రెస్‌ చేయాలి) ►అంచులను జాగ్రత్తగా కట్‌ చేయాలి ►మిగిలిన భాగాన్ని చిన్న చిన్న ముక్కలుగా చేయాలి ►అంతే!!! అందమైన కేక్‌ సిద్ధమైనట్లే. సాల్టెడ్‌ క్యారమెల్‌ షీట్‌ కేక్‌ కావలసినవి: మైదా పిండి – రెండు కప్పుల కంటె కొద్దిగా ఎక్కువ; బటర్‌ – ఒక కప్పు; పంచదార – అర కప్పు; బ్రౌన్‌ సుగర్‌ – ఒక కప్పు ; పెద్ద కోడిగుడ్లు – 2; వెనిలా ఎక్స్‌ట్రాక్ట్‌ – 2 టీ స్పూన్లు; తాజా పెరుగు – అర కప్పు; బేకింగ్‌ సోడా  – ఒక టీ స్పూను; ఉప్పు – అర టీ స్పూను; చిక్కటి పాలు (హోల్‌ మిల్క్‌) – ఒక కప్పు. తయారీ: ►ముందుగా అవెన్‌ను 350 డిగ్రీల దగ్గర ప్రీ హీట్‌ చేయాలి ►12 అంగుళాల చతురస్రాకారంలో ఉన్న కేక్‌ పాన్‌లను ముందుగా కొద్దిగా బటర్‌తో గ్రీజ్‌ చేయాలి ►ఒక పెద్ద పాత్రలో పంచదార, బటర్‌ వేసి బాగా కలిపి, మెత్తగా వచ్చేవరకు గిలకొట్టాలి ►కోడి గుడ్డు సొనలు, వెనిలా ఎక్స్‌ట్రాక్ట్, పెరుగు జత చేసి మరోమారు గిలకొట్టాలి ►మరొక పాత్రలో మైదా పిండి, బేకింగ్‌ సోడా, ఉప్పు వేసి బాగా కలిపి, సగ భాగాన్ని కోడి గుడ్డు మిశ్రమానికి జత చేయాలి ►అర కప్పు పాలు జత చేసి నెమ్మదిగా గిలకొట్టాలి ►మిగిలిన పిండిని జత చేస్తూ, మిశ్రమం మెత్తగా వచ్చేలా బాగా బీట్‌ చేయాలి ►ట్రేలో పోసి, అవెన్‌లో ఉంచి 25 నిమిషాల పాటు బేక్‌ చేయాలి ►బయటకు తీసి, చల్లారాక, సాల్టెడ్‌ కారమెల్‌ను పైన చల్లి అందించాలి. కేక్‌ పాప్స్‌ కావలసినవి: కేక్‌ పాప్స్‌ కోసం: పొడిపొడిగా మిగిలిపోయిన కేక్‌ (క్రంబ్‌ల్డ్‌ కేక్‌) – 2 కప్పులు; హెవీ క్రీమ్‌ – ఒక కప్పు కోటింగ్‌ కోసం: తగినంత డార్క్‌ చాకొలేట్‌ లేదా వైట్‌ చాకొలేట్‌; తగినంత నట్స్‌ పొడి; కార్డ్‌బోర్డ్‌ బాక్స్‌. తయారీ: ►ఒక పాత్రలో క్రీమ్, క్రంబ్‌ల్డ్‌ కేక్‌ వేసి బాగా కలపాలి (ఈ పొడి కొద్దిగా ఎక్కువ ఉన్నా పరవాలేదు) ►రెండు అంగుళాల పరిమాణంలో బాల్స్‌లా చేతితో చేసి, పొడవాటి పుల్లలకు గుచ్చి, పక్కన పెట్టాలి ►డార్క్‌ చాకొలేట్‌ లేదా వైట్‌ చాకొలేట్‌ను కరిగించాలి (ఒక మామూలు గిన్నెలో వీటిని ఉంచి, మరుగుతున్న గిన్నె మీద ఈ గిన్నె ఉంచి కరిగించాలి) ►కరుగుతున్న చాకొలేట్‌ లో కేక్‌ బాల్స్‌ పుల్లలను ముంచి, తీసేసి, కార్డ్‌ బోర్డు మీద ఉంచాలి ►నట్స్‌ పొడి చల్లాలి ►చల్లారాక అందించాలి (వీటిని ఫ్రిజ్‌లో ఉంచితే నాలుగైదు రోజుల వరకు చెడి పోకుండా ఉంటాయి)

సాక్షి, విశాఖపట్నం: కేక్‌ అంటే.. అందరికీ గుర్తొచ్చేది న్యూ ఇయర్, బర్త్‌డే సెలబ్రేషన్లు. ఇంకాస్తా ముందుకెళ్తే.. ఎంగేజ్‌మెంట్, మ్యారేజ్‌ డే సెలబ్రేషన్లు.. అన్నింటికీ దాదాపు ఒకే మోడల్‌ కేక్‌ ఉంటుంది. బేకరీలో ఏ డిజైన్‌ ఉంటే ఆ కేక్‌నే కొని తీసుకెళ్లాల్సిన పరిస్థితి ఉండేది. ఇప్పుడు ట్రెండ్‌ మారింది. శుభకార్యానికి తగ్గట్టుగా కేక్‌ను ఎంపిక చేసుకుని.. సంబరాలు జరుపుకోవచ్చు. సందర్భం ఏదైనా ఆశా రాథోడ్‌ కేక్‌ చేస్తే అదిరిపోతుంది. నగరంలోని మాధవధారకు చెందిన ఆశా రాథోడ్‌ కన్నడ అమ్మాయి. దీంతో ఈ రంగంలో ఇట్టే  ప్రావీణ్యం పొందారు. సందర్భానికి తగ్గట్టుగా..కావాల్సిన డిజైన్‌తో కేక్‌ ఎందుకు చేయకూడదన్న ఆలోచన రావడంతో..ఈ రంగాన్నే కెరీర్‌గా ఎంచుకున్నారు. కేక్‌ తయారీపై దృష్టి సారించారు. విదేశాల్లోనూ ఫేమస్‌.. ఆ నోటా.. ఈ నోటా.. ఆశా రాథోడ్‌ చేసిన ప్రాచుర్యం పొందాయి. విదేశాల్లో కూడా వాలిపోయాయి. విదేశాల్లో ఉన్న తెలుగు ప్రజలు.. అక్కడ ఏదైనా శుభకార్యం ఏర్పాటు చేసుకోవాలంటే ఆశా రాథోడ్‌ కేక్‌ ఉండాల్సిందే. అమెరికా, చికాగో, న్యూయార్క్, లండన్‌ ఎన్‌ఆర్‌ఐలు ఈ కేక్స్‌ను ఆర్డర్‌ చేస్తుంటారు. వైజాగ్‌తో పాటు విజయవాడ, కాకినాడ, హైదరాబాద్, వరంగల్‌ నుంచి కూడా ఆర్డర్స్‌ వస్తున్నాయి. ఇలా కేక పుట్టించే కేక్స్‌తో ఫేమస్‌ అయిపోయారు ఆశారాథోడ్‌. నాలుగేళ్లగా హోం మేడ్‌ కేక్స్‌ను తయారు చేస్తున్నారు. నగరం నుంచి ఎవరైనా విదేశాలకు వెళ్తే అక్కడ వాళ్లకు ఈ కేక్స్‌ను పార్శిల్‌ ద్వారా పంపుతారు. తనదైన శైలిలో పేస్త్రీ, చాక్లెట్‌తో పాటు కస్టమైజ్డ్‌ కేకులు ఆశా రాథోడ్‌ చేతుల్లో తియ్యగా.. అందంగా రూపుదిద్దుకుంటున్నాయి. కొత్త పంథాలో..  ముందుగా తన కుమార్తె పుట్టిన రోజుకు సంబంధించిన కేక్‌ను విభిన్నంగా తయారు చేయాలని ఆశా నిర్ణయించారు. తన కుమార్తెకు ఇష్టమైన మోడల్‌తో అచ్చం బొమ్మను తలపించేలా కేక్‌ తయారు చేశారు. బర్త్‌డేకు వచ్చిన వారంతా అది కేక్‌ కాదు బొమ్మ అనేంతగా భ్రమపడ్డారు. ఇక అప్పటి నుంచి ఆమె ట్రెండీ కేక్‌ కలెక్షన్‌ కొత్త పంథాలో సాగిపోయింది.ఉద్యోగి విరమణ కార్యక్రమం అయితే.. ఉద్యోగి కుర్చీలో సేదతీరుతూ, పేపర్‌ చదువుతున్నట్లుగా., ఎంగేజ్‌మెంట్‌ అయితే.. మేడ్‌ ఫర్‌ ఈచ్‌ అదర్‌ కేక్‌., బారసాల కార్యక్రమం అయితే.. బుజ్జాయి ఊయలలో ఊగుతున్న కేక్‌.., హాఫ్‌ శారీ ఫంక్షన్‌ అయితే.. పట్టుచీర కేక్‌.., ప్రేమను వ్యక్తం చేయాలనుకునే సందర్భం ఉంటే ప్రపోజ్‌ కేక్‌.., కృష్ణాష్టమికి వెన్నముద్దల కేక్‌.., ఇలా ప్రతి శుభకార్యానికి మరింత వన్నె తెచ్చేలా కేక్‌ తయారు చేస్తూ అందరినీ మెప్పిస్తున్నారు ఆశా రాథోడ్‌. పిల్లలు ఎక్కువగా మెచ్చే బొమ్మల కేక్స్, డ్రైఫ్రూట్స్‌ కేక్, ఫొటో రోల్‌ కేక్‌.. ఇలా ఆశా తయారు చేసిన కేక్స్‌ అన్నీ సహజ సిద్ధంగా కనిపిస్తుంటాయి. భలే డిమాండ్‌  ఆకర్షణీయంగా కనిపిస్తేనే కేక్స్‌ కొంటారు. తర్వాత టేస్ట్‌ చూస్తారు. అందుకని కేక్‌లను చూడగానే ఆకట్టుకునేలా తయారుచేసే కళ సొంతం చేసుకోవాలి. ఇదే సూత్రాన్ని ఆశా రాథోడ్‌ పాటిస్తుంటారు. కళ చేతిలో ఉంటే పలు రకాల బొమ్మలను, ఆకారాలను కేక్‌ల రూపంలో ఆకర్షణీయంగా మలచవచ్చని ఆమె నిరూపిస్తున్నారు. ‘కేక్స్‌లో వంద రకాల రెసిపీలు ఉంటాయి. అయితే బేసిక్‌ విధానం వచ్చి ఉండాలి. వంట చేయడం కంటే కూడా బేకింగ్‌ చేయడం చాలా సులభం. ఎందుకంటే బేకింగ్‌లో పదార్థాలన్నీ కొలతల బట్టి వాడాలి. చెప్తే అతిశయోక్తి అనుకుంటారు కానీ...! బేకరీ పెట్టే వాళ్లకి వచ్చే ఆదాయం కంటే కూడా ఇంటి నుంచి కేక్స్‌ చేసే వాళ్ల ఆదాయం ఎక్కువ. నలుగురితో పరిచయాలు ఉండి, కాస్త పేరొస్తే చాలు ‘హోం బేకర్స్‌’కు డిమాండ్‌ ఉంటుంది. దీనికి పెట్టుబడి కూడా ఎక్కువ అక్కర్లేదు.’ అని ఆశా రాథోడ్‌ అంటారు. మనసుకు నచ్చిన పని చేస్తున్నా.. కొత్తగా ఆలోచించడమనేది చిన్నప్పటి నుంచి అలవాటుగా మారిపోయింది. అందుకే ఇలా భిన్నంగా ఆలోచించాను. ఏ ఫంక్షన్‌కు సంబంధించిన కేక్‌ అయినా అందరికీ నచ్చేలా చేయాలన్నదే నా ఆకాంక్ష. ప్రతి ఒక్కరూ నేను తయారు చేసిన కేక్‌ గురించి మాట్లాడుతుంటారు. ఇంటి వద్దనే ఉంటూ మనసుకు నచ్చిన పని చేస్తున్నాను. ఆ పని పది మంది మెచ్చుకుంటుంటే చాలా ఆనందంగా ఉంది. – ఆశా రాథోడ్‌