కర్నూలు(సెంట్రల్‌): స్వాతంత్య్ర ఫలాలు పేదలకు అందినప్పుడే నిజమైన సంతృప్తి అని రాష్ట్ర మానవ హక్కుల కమిషన్‌ (హెచ్‌ఆర్‌సీ) చైర్మన్‌ జస్టిస్‌ మంథాత సీతారామమూర్తి చెప్పారు. కర్నూలులోని హెచ్‌ఆర్‌సీ కార్యాలయంలో గురువారం ఆయన జాతీయ జెండాను ఆవిష్కరించారు. ఈ సందర్భంగా ఆయన మాట్లాడుతూ భారతదేశం ప్రపంచానికి దిక్సూచిగా, స్వేచ్ఛ, సౌభ్రాతృత్వాలకు నిలయంగా మారుతోందని చెప్పారు. స్వాతంత్య్ర పోరాటంలో  అసువులు బాసిన వారందరిని స్మరించుకోవడం  పౌరుల బాధ్యత అని తెలిపారు. ప్రజాస్వామ్యంలో అన్ని వ్యవస్థలు సమన్వయంతో వ్యవహరించినప్పుడే ప్రజలకు మేలు జరుగుతుందన్నారు. అంతకుముందు ఆయన పోలీసుల గౌరవ వందనం స్వీకరించారు. హెచ్‌ఆర్‌సీ జ్యుడిషియల్‌ సభ్యుడు దండే సుబ్రమణ్యం, సిబ్బంది పాల్గొన్నారు.  అసమానతలు బాధాకరం  లోకాయుక్త జస్టిస్‌ పి.లక్ష్మణ్‌రెడ్డి  దేశంలో నేటికీ ధనిక, పేదవర్గాలు, కులమతాలు, ప్రాంతీయ వ్యత్యాసాలు ఉండటం బాధాకరమని లోకాయుక్త జస్టిస్‌ పి.లక్ష్మణ్‌రెడ్డి చెప్పారు. కర్నూలులోని లోకాయుక్త కార్యాలయం ఆవరణలో గురువారం ఆయన జాతీయ జెండాను ఆవిష్కరించారు. ఈ సందర్భంగా ఆయన మాట్లాడుతూ   స్వాతంత్య్రఫలాలు పౌరులందరికీ సమానంగా అందించేందుకు పాలకులు, అధికారులు కృషిచేయాలని కోరారు.  చెస్, క్యారమ్స్, ముగ్గులు, క్రికెట్‌ పోటీల్లో గెలుపొందిన వారికి బహుమతులు అందజేశారు. లోకాయుక్త ఇన్‌స్పెక్టర జనరల్‌ నరసింహారెడ్డి, రిజిస్ట్రార్‌ వెంకటేశ్వరరెడ్డి పాల్గొన్నారు. 

నెహ్రూనగర్‌ (గుంటూరు ఈస్ట్‌): మద్య విమోచన ప్రచార కమిటీ ఆంధ్రప్రదేశ్‌ ఆధ్వర్యంలో మత్తు పానీయాలపై కళాజాత, అవగాహన సదస్సులను ఈ నెల 13 నుంచి 16వ తేదీ వరకు తూర్పుగోదావరి, పశ్చిమగోదావరి జిల్లాల్లోని పలు విద్యాసంస్థల్లో నిర్వహిస్తున్నట్లు కమిటీ రాష్ట్ర చైర్మన్‌ వల్లంరెడ్డి లక్ష్మణరెడ్డి శనివారం ఓ ప్రకటనలో పేర్కొన్నారు. 13వ తేదీన రాజమహేంద్రవరంలోని గోదావరి ఇన్‌స్టిట్యూట్‌ ఆఫ్‌ ఇంజనీరింగ్‌ అండ్‌ టెక్నాలజీ, ఆదిత్య ఇంజనీరింగ్‌ కాలేజీలలో, 14న కాకినాడ ఇన్‌స్టిట్యూట్‌ ఆఫ్‌ ఇంజనీరింగ్‌ అండ్‌ టెక్నాలజీ, శ్రీనివాస ఇన్‌స్టిట్యూట్‌ ఆఫ్‌ ఇంజనీరింగ్‌ అండ్‌ టెక్నాలజీ కాలేజీలలో, 15న విష్ణు ఇన్‌స్టిట్యూట్‌ ఆఫ్‌ టెక్నాలజీ, సాగి రామకృష్ణంరాజు ఇంజనీరింగ్‌ కాలేజీలలో, 16న శ్రీ వాసవి ఇంజనీరింగ్‌ కాలేజీ, సి.ఆర్‌.రెడ్డి ఇంజినీరింగ్‌ కాలేజీలలో సదస్సులు నిర్వహించనున్నట్లు చెప్పారు. ప్రధానంగా విద్యార్థులు, యువతను డ్రగ్స్, మత్తు పానీయాలకు దూరంగా ఉంచడానికి ఈ కార్యక్రమాలు తోడ్పడతాయన్నారు. ఎక్కడైనా డ్రగ్స్, నాటుసారా, గంజాయి వంటి మత్తు పదార్థాల విక్రయాలు జరుగుతున్నట్లు తెలిస్తే 14500 టోల్‌ ఫ్రీ నెంబర్‌కు ఫిర్యాదు చేయాలని లక్ష్మణరెడ్డి కోరారు. 

కావలి: రాష్ట్ర ప్రభుత్వం గడిచిన 27 నెలలుగా అమలు చేస్తున్న దశల వారీ మద్య నియంత్రణ కారణంగా మద్యం వినియోగం గణనీయంగా తగ్గిందని మద్య విమోచన ప్రచార కమిటీ రాష్ట్ర చైర్మన్‌ వల్లంరెడ్డి లక్ష్మణరెడ్డి తెలిపారు. బెల్ట్‌ దుకాణాలు పూర్తిగా తొలగించడంతో రాష్ట్రంలో మద్యం అమ్మకాలు 40 శాతం, బీరు అమ్మకాలు 78 శాతం తగ్గుముఖం పట్టాయన్నారు. రాష్ట్ర ప్రభుత్వం తీసుకుంటున్న చర్యలు సత్ఫలితాలిస్తున్నాయనేందుకు ఇదే నిదర్శనమని చెప్పారు.   శ్రీపొట్టిశ్రీరాములు నెల్లూరు జిల్లా కావలిలోని సెబ్‌ కార్యాలయంలో సోమవారం ఆయన విలేకరులతో మాట్లాడారు. 2019 జూన్‌ నాటికి రాష్ట్రంలో 4,408 మద్యం దుకాణాలు ఉండగా, ప్రభుత్వం 33 శాతం మేర దుకాణాల సంఖ్యను తగ్గించడంతో ప్రస్తుతం 2,975 దుకాణాలు మాత్రమే కొనసాగుతున్నాయని తెలిపారు. గత ప్రభుత్వాలు లాభాపేక్షతో ప్రైవేట్‌ వ్యక్తుల ద్వారా మద్యం దుకాణాలు నిర్వహించగా.. ప్రస్తుత ప్రభుత్వం దశల వారీ నియంత్రణకు దుకాణాలు తెరిచి ఉంచే సమయాన్ని తగ్గించడంతో పాటు ప్రభుత్వ పర్యవేక్షణలో విక్రయాలు జరిగేలా చర్యలు చేపట్టిందన్నారు. అసిస్టెంట్‌ ఎన్‌ఫోర్స్‌మెంట్‌ సూపరింటెండెంట్‌ కృష్ణకిషోర్‌రెడ్డి, సెబ్‌ ఇన్‌స్పెక్టర్‌ శ్రీనివాసరావు,తదితరులు పాల్గొన్నారు.  

సినిమాల్లో రాణించాలంటే టాలెంట్ ఒక్క‌టే ఉంటే స‌రిపోదు. అందుకు అందం, అభిన‌యం ఉండాల్సిందే. హీరోల విష‌యానికొస్తే ఫిట్‌నెస్ త‌ప్ప‌నిస‌రి. అందుకే ఇప్పుడు ఏ హీరో చూసినా షూటింగ్స్‌లో క‌న్నా ఎక్కువ‌గా జిమ్ముల్లోనే గడిపేస్తున్నారు. చెమ‌టలు చిందిస్తూ శ‌రీర సౌష్ఠ‌వాన్ని కాపాడుకునేందుకు అహ‌ర్నిశ‌లు శ్ర‌మిస్తున్నారు. ఇందుకోసం వారికి స్పెష‌ల్ ట్రైన‌ర్లు కూడా ఉంటారు. అంద‌రిలాగే బాహుబ‌లి హీరో కు కూడా ఓ జిమ్ ట్రైన‌ర్ ఉన్నాడు. ప్ర‌భాస్ అత‌డితో ఆప్యాయంగా మాట్లాడేవారు. (చ‌ద‌వండి: ఈ హీరోల పారితోషికం ఎంతో తెలుసా?) త‌న‌కోసం క‌ష్ట‌ప‌డుతున్న అత‌నికి ఓ బ‌హుమ‌తిని కూడా ఇచ్చారు. ప్ర‌స్తుతం ఈ గిఫ్ట్ విష‌యం అంద‌రి నోరెళ్ల‌బెట్టేలా చేసింది. ఎందుకంటే జిమ్ ట్రైన‌ర్ ల‌క్ష్మ‌ణ్ రెడ్డికి ఇచ్చిన గిఫ్ట్ ఆషామాషీది కాదు. ల‌క్ష‌లు ఖ‌రీదు చేసే రేంజ్ రోవ‌ర్ కారు కొనిచ్చారు. త‌న చుట్టూ ఉన్న‌వారికి ప్ర‌భాస్ ఇలా గిఫ్ట్ ఇవ్వ‌డం ఇదేం తొలిసారేం కాదు. గ‌తంలోనూ డార్లింగ్ ప‌లువురికి బ‌హుమ‌తులు ఇచ్చి స‌ర్‌ప్రైజ్ చేశారు. ప్ర‌భాస్‌లో ఉన్న ఈ కోణాన్ని చూసి కూడా ఆయ‌న‌కు ఫ్యాన్ ఫాలోయింగ్ మ‌రింత పెరుగుతోంది. (చ‌ద‌వండి:మూడు సినిమాల నుంచి తప్పించారు)

సాక్షి, విజయవాడ: అఖిల భారత కిసాన్ సభ మాజీ ఉపాధ్యక్షులు కొల్లి నాగేశ్వరరావు మృతి తీరని లోటని ఏపీ మద్య విమోచన ప్రచార కమిటీ చైర్మన్ వల్లంరెడ్డి లక్ష్మణరెడ్డి అన్నారు. మాచవరంలోని కొల్లి నాగేశ్వరరావు కుటుంబ సభ్యులను ఆయన సోమవారం పరామర్శించారు. అనంతరం ఆయన మాట్లాడుతూ రైతాంగ సమస్యలపై నాగేశ్వరరావు చేసిన పోరాటాలు మరువలేనివన్నారు. జల వనరులపై అపార అనుభవం కలిగిన ఆయన చివరి నిముషం వరకు రైతు సంక్షేమానికి కృషిచేశారని కొనియాడారు. ఆయనతో తనకున్న అనుబంధాన్ని గుర్తు చేసుకున్నారు. తొలుత కొల్లి నాగేశ్వరరావు చిత్రపటానికి పూల మాల వేసి నివాళులర్పించారు. ఈ సందర్భంగా కొల్లి నాగేశ్వరరావు కుమార్తె, ప్రముఖ వైద్యురాలు డాక్టర్ ప్రశాంతి, భార్య టానియా, అల్లుడు ప్రముఖ రాజకీయ విశ్లేషకులు టి. లక్ష్మీనారాయణ మాట్లాడుతూ దివంగత ముఖ్యమంత్రి డాక్టర్ వైఎస్ రాజశేఖర్ రెడ్డితో కొల్లి నాగేశ్వరరావుకు ఉన్న అనుబంధం, ఆయన రాసిన పుస్తకాలను లక్ష్మణరెడ్డికి వివరించారు. ఆయన వెంట చైతన్య గ్రామీణ గోదావరి బ్యాంకు చీఫ్ మేనేజర్ పి.వీరారెడ్డి, ప్రభాకర్ రెడ్డి తదితరులున్నారు.  

సాక్షి, అమరావతి: దశలవారీ మద్య నిషేధం అమలు చర్యలు శరవేగంగా సాగుతోన్నాయి. ఇందులో భాగంగా ప్రభుత్వం ఏర్పాటు చేసిన మూడు ప్రధాన విభాగాల ఉన్నతాధికారులు శుక్రవారం గుంటూరు ప్రొహిబిషన్, ఎక్సైజ్ శాఖ కార్యాలయంలో సమావేశమయ్యారు. నూతనంగా బాధ్యతలు చేపట్టిన స్పెషల్ ఎన్ ఫోర్స్‌మెంట్‌ బ్యూరో (ఎస్ఈబీ) గుంటూరు అర్బన్ ప్రత్యేకాధికారి కరిముల్లా షరీఫ్, గుంటూరు ఎక్సైజ్ సూపరింటెండెంట్ ఎన్. బాలకృష్ణన్ తో కలిసి మద్య విమోచన ప్రచార కమిటీ ఛైర్మన్ వల్లంరెడ్డి లక్ష్మణరెడ్డి పలు అంశాలపై చర్చించారు. ముందుగా ఎస్ఈబీ ప్రత్యేకాధికారి షరీఫ్ కి లక్ష్మణరెడ్డి అభినందనలు తెలిపారు. అక్రమ మద్యం తయారీ, రవాణాను నిరోధించేందుకు ముఖ్యమంత్రి వైఎస్ జగన్మోహన్ రెడ్డి అనేక ప్రతిష్టాత్మక చర్యలు తీసుకుంటున్నారని ఆయన అన్నారు. ఆ శాఖలు సమన్వయంగా పనిచేయాలి.. మద్య నిషేధం అమలులో భాగంగానే ఎస్ఈబీని ఏర్పాటు చేశారని చెప్పారు. ముఖ్యమంత్రి సంకల్పం నెరవేరాలంటే ఎస్ఈబీ, ఎక్సైజ్ శాఖలు సమన్వయంగా పనిచేసి తమ సత్తాను చాటుకోవాలని సూచించారు. కోవిడ్ కంటైన్మెంట్ జోన్లల్లో మద్యం దుకాణాలు తెరవనందున ఇతర ప్రాంతాల నుంచి మద్యాన్ని తరలించే ప్రమాదాన్ని పసిగట్టి నిరోధించాలన్నారు. రాష్ట్ర,జిల్లాల సరిహద్దుల్లో మద్యం అక్రమరవాణాకు పటిష్ట బందోబస్తును మరింత పెంచాల్సిన అవసరం ఉందని అధికారులను లక్ష్మణరెడ్డి కోరారు. కృష్ణాజిల్లాలో ఎమ్మెల్యేలు జోగి రమేష్, రాపాక వరప్రసాద్ ల నేతృత్వంలో నాటు సారా కేంద్రాల్ని మూసేయించడం అభినందనీయమన్నారు. ('ఆ విషయం వైఎస్‌ జగన్‌ ముందే చెప్పారు') సరికొత్త శుభ పరిణామం.. నాటు సారా తయారీదారులే స్వచ్ఛందంగా ముందుకొచ్చి కేంద్రాలను అప్పచెప్పారని.. ముఖ్యమంత్రి సంకల్పమే తమలో మార్పునకు కారణమని చెప్పడం సరికొత్త శుభ పరిణామంగా లక్ష్మణరెడ్డి వివరించారు. ఇలాంటి సంఘటనల ఆదర్శంగా రాష్ట్రవ్యాప్తంగా ప్రజాప్రతినిధులంతా పూనుకొని ఎస్ఈబీ, ఎక్సైజ్ శాఖల సమన్వయంతో నాటుసారా తయారీ కేంద్రాల్ని మూత వేయించాలన్నారు. రానున్న రోజుల్లో మద్యం అందుబాటులో ఉండదు.. దశలవారీ మద్య నిషేధ చర్యలతో రానున్న రోజుల్లో మద్యం అందుబాటులో ఉండదని.. అలాంటప్పుడే ఎలాంటి అక్రమాలు జరగకుండా చూడాలన్నారు. నాటుసారా తయారీ, కల్తీకల్లు, గంజాయి ఇతర మత్తుపదార్ధాల ఉత్పత్తి జరగకుండా ఎస్ఈబీ, ఎక్సైజ్ శాఖలను పటిష్టం చేయాలని ఆయన సూచించారు. ఎస్ఈబీలో 70శాతం ఉద్యోగులు, సిబ్బందితోనూ.. ఎక్సైజ్ శాఖ 30 శాతం సిబ్బందితో సమర్ధంగా పనిచేసేందుకు సిద్ధంగా ఉన్నామని ఇరుశాఖల అధికారులు చెప్పారు. మద్య విమోచన ప్రచార కమిటీ కార్యక్రమాల్లోనూ తమ శాఖల నుంచి సంపూర్ణ సహాయ సహకారాలు అందిస్తామని ఆయా శాఖల అధికారులు హామీనిచ్చారు.

సాక్షి, గుంటూరు: చంద్రబాబు మద్యం చుట్టూ రాజకీయం చేస్తున్నారని మద్యవిమోచన ప్రచార కమిటీ రాష్ట్ర అధ్యక్షకుడు వి.లక్ష్మణ్‌రెడ్డి అన్నారు. ఆయన గురువారం మీడియాతో మాట్లాడుతూ.. చంద్రబాబు మద్యాన్ని విస్తృతంగా విక్రయించాలని చెబుతున్నారని మండిపడ్డారు. లక్షలమంది పేదల జీవితాలను నాశనం చేసేలా ఆయన సలహాలు ఉన్నాయని విమర్శించారు. (గ్యాస్‌ లీక్‌ ఘటనపై విచారణ జరిపిస్తాం : గౌతమ్‌రెడ్డి) మహిళలు ఓట్ల రూపంలో ఛీకొట్టినా చంద్రబాబుకు బుద్ధి రాలేదని మండిపడ్డారు. తాగుబోతుల సంఘం అధ్యక్షుడిగా ఆయన మాటలున్నాయని ఎద్దేవా చేశారు. పేదలకు కిలో బియ్యం ఇవ్వలేని టీడీపీ నేతలు మద్యం సరఫరా చేయాలనటం సిగ్గుచేటు అని లక్ష్మణ్‌రెడ్డి అన్నారు.

సాక్షి, విజయవాడ: మద్యం నిర్మూలనకు లఘు చిత్రాలు, పోస్టర్లతో ప్రచారం చేస్తామని ఆంధ్రప్రదేశ్ మద్య విమోచన ప్రచార కమిటీ చైర్మన్ లక్ష్మణరెడ్డి పేర్కొన్నారు. గుంటూరు కేంద్రంగా మద్య విమోచన కేంద్రాన్ని ఏర్పాటు చేస్తామని వెల్లడించారు. మంగళవారం ఆయన మీడియాతో మాట్లాడుతూ.. రాష్ట్రంలో నూతన మద్యం పాలసీ సత్ఫలితాలను ఇస్తోందన్నారు. మద్య నిషేధంపై అవగాహన కలిగించేందుకు డ్వాక్రా సంఘాలు, వలంటీర్ల సహాయం తీసుకుంటామన్నారు. వ్యసనపరులను గుర్తించి డీఅడిక్షన్‌ సెంటర్లను ఏర్పాటు చేసి మద్యం మాన్పించేందుకు కృషి చేస్తామని తెలిపారు. విద్యార్థి దశ నుంచే మద్యం మహమ్మారి వల్ల కలిగే నష్టాలపై ఒక పాఠం ఉండేలా చర్యలు చేపడతామని స్పష్టం చేశారు.

సాక్షి, విజయవాడ : గత పాలనలో చంద్రబాబు నాయుడు రాష్ట్రాన్ని మద్యాంధ్రప్రదేశ్‌గా మారుస్తే పవన్‌ కల్యాణ్‌ ఎందుకు ప్రశ్నించలేదని జనచైతన్య వేదిక అధ్యక్షుడు లక్ష్మణ్‌ రెడ్డి ప్రశ్నించారు. వైఎస్సార్‌సీపీ ప్రభుత్వం వందరోజుల పాలన మీద జనసేన ఇచ్చిన నివేదికపై జనచైతన్య వేదిక స్పందించింది. ఈ సందర్భంగా సీఎం జగన్‌ తీసుకున్న దశలవారీ మద్యనిషేధం, ప్రైవేట్‌ విద్యుత్ కొనుగోలు ఒప్పందాలపై సోమవారం పవన్కు బహిరంగ లేఖ రాశారు. ఈ సందర్భంగా లక్ష్మణ్‌రెడ్డి మాట్లాడుతూ.. గతంలో చంద్రబాబు బెల్టు షాపులను ప్రోత్సహించి మద్యాన్ని ఏరులై పారించారని, ముఖ్యమంత్రి వైఎస్‌ జగన్మోహన్రెడ్డి బెల్టుషాపుల భరతం పట్టి గ్రామాల్లో ప్రశాంత వాతావరణానికి బాటలు వేశారని గుర్తుచేశారు. సీఎం వైఎస్‌ జగన్‌ చేస్తున్న మంచి పనిని స్వాగతించక పోగా పవన్‌ వక్రభాష్యాలు చెప్పటం భావ్యం కాదని అన్నారు. గత ప్రభుత్వ నిర్వాకం వల్ల విద్యుత్ కొనుగోలు ఒప్పందతో వందల కోట్ల రూపాయల ప్రజాధనం వృధా అయ్యిందని, ఈ అవినీతిపై వైఎస్సార్‌సీసీ ప్రభుత్వం విచారణ చేస్తామంటే పవన్ అభ్యంతరం చెప్పటం సరైనదికాదని హితవు పలికారు. పవన్ కల్యాణ్ తన వ్యాఖ్యలను సమీక్షించుకోవాలని అన్నారు. రాజకీయం చేయకుండా మద్యపాన నిషేధానికి మద్దతు ప్రకటించాలని ఆయన కోరారు. బిహార్ ,గుజరాత్, మిజోరాం వంటి రాష్ట్రాలలో సంపూర్ణ మద్యపాన నిషేధం విజయవంతంగా అమలు జరుగుతోందని, ఏపీలో భవిష్యత్తులో అదే జరుగుతుందని లక్ష్మణ్‌రెడ్డి అభిప్రాయపడ్డారు.

సాక్షి, అమరావతి:  డ్రోన్‌ వ్యవహారాన్ని టీడీపీ నేతలు రాజకీయం చేస్తున్నారని జనచైతన్య వేదిక అధ్యక్షుడు వి. లక్ష్మణరెడ్డి ఆగ్రహం వ్యక్తం చేశారు. నీటిపారుదల శాఖ ఆదేశాలతోనే వరద ప్రాంతాల్లో డ్రోన్‌ వినియోగించారని పేర్కొన్నారు. సోమవారం విడుదల చేసిన ఓ ప్రకటనలో టీడీపీ నేతల తీరును జనచైతన్య వేదిక అధ్యక్షుడు తప్పుపట్టారు.  వరద ప్రవాహం ఉన్న అన్ని ప్రాంతాల్లో డ్రోన్‌ వినియోగించిన విషయాన్ని ఈ  సందర్భంగా ఆయన గుర్తుచేశారు.  టీడీపీ అధినేత చంద్రబాబు నాయుడు నివాసం మీదనే డ్రోన్‌ వినియోగించారనడం సరికాదని హితవు పలికారు. చంద్రబాబు తాను ఉంటున్న అక్రమ భవనాన్ని ఖాళీ చేసి ప్రభుత్వానికి సహకరించాలని సూచించారు.  వరద వేగాన్ని నిరంతరం గమనిస్తూ ఎలాంటి ప్రాణనష్టం జరగకుండా వరద ప్రవాహాన్ని ప్రభుత్వం నియంత్రించడాన్ని హర్షిస్తున్నట్లు తెలిపారు. లోతట్టు ప్రాంతాలను అప్రమత్తం చేయడంతో తక్కువ నష్టం జరిగిందని అభిప్రాయపడ్డారు. అమెరికా పర్యటనలో ఉన్న ఏపీ సీఎం వైఎస్‌ జగన్‌మోహన్‌ రెడ్డి నిరంతరం సమీక్షలు జరుపుతూ తగు ఆదేశాలను ఇస్తూ వరద బాధితులను ఆదుకోవడం హర్షనీయమని లక్ష్మణరెడ్డి పేర్కొన్నారు.  చదవండి:  టీడీపీ ‘డ్రోన్‌’ రాద్ధాంతం ‘ఎలాంటి కుట్ర లేదు..రాజకీయం చేయొద్దు’

అమరావతి: ఆంధ్రప్రదేశ్‌ ప్రభుత్వ ప్రధాన కార్యదర్శి ఎల్వీ సుబ్రహ్మణ్యంను జనచైతన్య వేదిక అధ్యక్షులు జస్టిస్‌ లక్ష్మణ్‌ రెడ్డి కలిసి సంఘీభావం తెలిపారు. ఆయనతో పాటు పలు స్వచ్ఛంద సంఘాలు కలిసి సంఘీభావం ప్రకటించాయి. ఈ సందర్భంగా జనచైతన్య వేదిక అధ్యక్షులు లక్ష్మణ్‌ రెడ్డి మాట్లాడుతూ.. ఎన్నికల సంఘాన్ని అప్రతిష్టపాలు చేస్తోన్న ఆంధ్రప్రదేశ్‌ ముఖ్యమంత్రి నారా చంద్రబాబు నాయుడిని తక్షణం అరెస్ట్‌ చేయాలని డిమాండ్‌ చేశారు. రాష్ట్రంలో వెంటనే గవర్నర్‌ పాలన తెచ్చి ప్రజాస్వామ్యాన్ని కాపాడాలని కోరారు. ప్రభుత్వ ప్రధాన కార్యదర్శి ఎల్వీ సుబ్రహ్మణ్యంపై చంద్రబాబు వ్యాఖ్యలను తీవ్రంగా ఖండిస్తున్నామని చెప్పారు. ఓటింగ్‌ శాతాన్ని 80కి పెంచిన ఎన్నికల సంఘాన్ని అభినందిసున్నామని చెప్పారు. పోలింగ్‌ రోజు 30 శాతం ఈవీఎంలు పనిచేయలేదంటూ చంద్రబాబు చేసిన వ్యాఖ్యలను ఖండిస్తున్నామని అన్నారు. ఓటమి భయంతో ఈవీఎంలను, ఎన్నికల సంఘాన్ని సాకుగా చూపటం దుర్మార్గమన్నారు. ప్రజాస్వామ్యవాదులంతా చంద్రబాబు వైఖరిని ఖండించాలని కోరారు. టీడీపీ సంరక్షణలో ఉన్న ఐటీ గ్రిడ్‌ డేటా దొంగ అశోక్‌ని పోలీసులకు అప్పగించాలని డిమాండ్‌ చేశారు. ఈవీఎం కంటే బ్యాలెట్‌ విధానం మంచిందంటూ చంద్రబాబు చెప్పడం అశాస్త్రీయమని  వ్యాఖ్యానించారు.

సాక్షి, విజయవాడ : అన్నపూర్ణగా పేరుపొందిన ఆంధ్రప్రదేశ్‌ రాష్ట్రాన్ని మద్యాంధ్రప్రదేశ్‌గా మార్చిన ఘనత ముఖ్యమంత్రి చంద్రబాబు నాయుడికే దక్కుతుందంటూ జన చైతన్య వేదిక రాష్ట్ర అధ్యక్షుడు వి. లక్ష్మణ్‌ రెడ్డి ఎద్దేవా చేశారు. ఆదాయ వనరులు పెంచుకునేందుకు మద్యం అమ్మకాలు ప్రోత్సహిస్తున్నారని విమర్శించారు. నాలుగేళ్ల పాలనలో 35 శాతం మద్యం అమ్మకాలు పెరగడమే ఇందుకు నిదర్శనమని ఆయన ఆగ్రహం వ్యక్తం చేశారు. ప్రభుత్వ వైఖరికి నిరసనగా జనచైతన్య వేదిక, వావిలాల సంస్థ సంయుక్తంగా ఈనెల(జూన్‌) 13న విజయవాడ ఎంబీ భవన్‌లో.. మద్య వ్యతిరే​క ఉద్యమ సదస్సు నిర్వహిస్తున్నామని లక్ష్మణ్‌ రెడ్డి తెలిపారు.

సాక్షి, అమరావతి: ఆంధ్రప్రదేశ్‌ శాసనసభ స్పీకర్‌ కోడెల శివప్రసాద్‌ తీరుపై జన చైతన్య వేదిక రాష్ట్ర అధ్యక్షులు వి.లక్ష్మణ రెడ్డి అసహనం వ్యక్తం చేశారు. అంతేకాక సభాపతి గౌరవాన్ని కాపాడాలని ఆయన స్పీకర్‌కు విజ్ఞప్తి చేశారు. శనివారం ఆయన మాట్లాడుతూ.. రాజకీయాలకు అతీతంగా వ్యవహరించాల్సిన స్పీకర్‌ రాజకీయ పార్టీ  సమావేశాలలో పాల్గొనటం ఎంత వరకూ సమంజసమని ప్రశ్నించారు.  గత 4 సంవత్సరాలలో 23 మంది శాసనసభ్యులు పార్టీ ఫిరాయిస్తే వారిపై ఎలాంటి చర్యలు తీసుకోకపోవటం అప్రజాస్వామికమని లక్ష్మణ రెడ్డి పేర్కొన్నారు. అంతేకాక పార్టీ ఫిరాయించిన వారిలో నలుగురు మంత్రుల పదవుల్లో కొనసాగుతున్నా ఎలాంటి చర్యలు తీసుకోలేదని ఆయన గుర్తు చేశారు. నరసరావుపేట, సత్తెనపల్లిలో అవినీతి తారాస్థాయికి చేరిందన్నారు. గత ఎన్నికల్లో రూ. 11 కోట్లకు పైగా ఖర్చు చేశానని బహిరంగంగా స్పీకర్‌ కోడెల శివప్రసాద్‌ చెప్పిన విషయం విదితమే. కానీ, దానిపై ఇప్పటి వరకు ఏవ్యవస్థ చర్యలు తీసుకోకపోవటం దారుణమని లక్ష్మణ రెడ్డి అన్నారు.  

అనంతపురం జిల్లా :  కేంద్ర ప్రభుత్వం ఆంధ్రప్రదేశ్‌కు కేటాయించిన నిధులపై లెక్కలు చెప్పాల్సిన అవసరం లేదని లోక్‌సత్తా నేత జయప్రకాష్ నారాయణ చెప్పటం హాస్యాస్పదంగా ఉందని జనచైతన్య వేదిక రాష్ట్ర అధ్యక్షుడు వి. లక్ష్మణ్‌ రెడ్డి వ్యాఖ్యానించారు. విలేకరులతో మాట్లాడుతూ..ఈ విషయంలో ఏపీ ముఖ్యమంత్రి చంద్రబాబు నాయుడిని బలపర్చాలని కోరటం సరికాదన్నారు.  సీఎం చంద్రబాబు ప్రత్యేక విమానాల్లో తిరుగడం ప్రజా ధనాన్ని దుర్వినియోగం చేయటం కిందకే వస్తుందన్నారు.  ఈనెల16న ప్రత్యేక హోదా కోరుతూ వైఎస్సార్ సీపీ, వామపక్షాలు చేపట్టిన బంద్ విజయవంతం చేయాలని కోరారు. బంద్ అవసరం లేదని చంద్రబాబు చేసిన వ్యాఖ్యలను ఖండిస్తున్నామని,  హోదా ఉద్యమన్ని నీరుగార్చేందుకు చంద్రబాబు నాయుడు కుట్రపన్నుతున్నారని ఆరోపించారు. శివరామకృష్ణయ్య నివేదిక బుట్టదాఖలు చేశారని, ఏపీలో అభివృద్ధి వికేంద్రీకరణ జరగడంలేదని ప్రభుత్వంపై మండిపడ్డారు. రాయలసీమలో హైకోర్టు ఏర్పాటు చేయాలని, ఏపీలో జరిగిన అవినీతిపై సీబీఐ విచారణ జరిపించాలని డిమాండ్‌ చేశారు. సీఎం చంద్రబాబు రాజధాని, పోలవరం పేరుతో భారీ అక్రమాలకు పాల్పడ్డారని ఆరోపించారు.

సాక్షి, అమరావతి/సాక్షి, హైదరాబాద్‌: ప్రత్యేక హోదా, పునర్విభజన చట్టం అమలు కోసం ఐక్యంగా ఉద్యమించాలని జనచైతన్య వేదిక రాష్ట్ర అధ్యక్షుడు వి.లక్ష్మణరెడ్డి గురువారం ఓ ప్రకటనలో పిలుపునిచ్చారు. వైఎస్సార్‌ సీపీ, వామపక్షాలు మొదటి నుంచీ ప్రత్యేక హోదాపై ఒకే విధమైన అభిప్రాయంతో పనిచేస్తున్నాయని చెప్పారు. ఈ నెల 6 నుంచి వైఎస్సార్‌ సీపీ ఎంపీలు రాజీనామాలు చేసి ఆమరణ దీక్షకు పూనుకోవడం హర్షణీయమన్నారు. అదే రోజు జాతీయ రహదారులపై పాదయాత్ర పేరుతో మరో ఉద్యమాన్ని చేపట్టడం వల్ల సత్ఫలితాలు రావని అభిప్రాయపడ్డారు. ఒకేరోజు వేర్వేరు పార్టీలు వివిధ రకాల పోరాటాలకు పిలుపునిస్తే సత్ఫలితాలు రావని పేర్కొన్నారు. 25 మంది లోక్‌సభ సభ్యులు రాజీనామా చేసే విధంగా ఒత్తిడి తేవాలని, ఉద్యమానికి ఢిల్లీని కేంద్ర బిందువుగా చేయాలని పిలుపునిచ్చారు. ప్రతిపక్ష నేత వైఎస్‌ జగన్‌మోహన్‌రెడ్డి చొరవ తీసుకొని ప్రత్యేక హోదా సాధన, విభజన హామీల అమలు కోసం కృషి చేస్తున్న రాజకీయ పార్టీలు, ప్రజా సంఘాలను ఆహ్వానించి ఐక్య పోరాటానికి శ్రీకారం చుట్టాలని విజ్ఞప్తి చేశారు.


 హైకోర్టు మాజీ న్యాయమూర్తి లక్ష్మణ్‌రెడ్డి
 విజయవాడ (మొగల్రాజపురం) :
 చట్టాలు అమలు చేయాల్సిప్రభుత్వం ఆ చట్టాలకుతూట్లు పొడిచి ఘనకార్యంగా ప్రచారం చేసుకుంటుందని హైకోర్టు మాజీ న్యాయమూర్తి లక్ష్మణ్‌రెడ్డి అన్నారు. బందరురోడ్డులోని ఆల్‌ ఇండియా రేడియో ఎదురుగా ఉన్న ౖవైట్‌హౌస్‌ బిల్డింగ్‌లో నేషనల్‌ అలయెన్స్‌ ఆఫ్‌ పీపుల్స్‌ మూమెంట్‌ (ఎన్‌ఏపీఎం), ఆంధ్రప్రదేశ్‌ ఎడిటర్స్‌ అసోషియేషన్‌ సంయుక్తంగా ‘ప్రజాహిత వ్యాజ్యాలు– న్యాయస్థానాల వైఖరి’ అనే అంశంపై రౌండ్‌టేబుల్‌ సమావేశం బుధవారం నిర్వహించారు. లక్ష్మణ్‌రెడ్డి మాట్లాడుతూ ప్రభుత్వ సొమ్ము దుర్వినియోగం కాకుండా చూడటంలో ప్రజాప్రయోజనాల వాజ్యాలు ఎంతగానో ఉపయోగపడతాయని చెప్పారు. గతంలో ఇదే మాదిరిగా వేసిన ‘ఫిల్స్‌’ వల్లనే బొగ్గు,  2జీ స్పెక్ట్రమ్‌ కేటాయింపుల్లో  అవినీతి బహిర్గతమై వేల కోట్ల రుపాయలు ప్రభుత్వ సొమ్ము దుర్వినియోగం కాకుండా చూడగలిగారన్నారు. అమరావతిలో రైతుల నుంచి భూములను లాక్కుంటున్న వైఖరి, రాజధాని నిర్మాణానికి ని«ధులు అంశాలపై సీనియర్‌ జర్నలిస్ట్‌ ఏబీకే ప్రసాద్‌ సుప్రీం కోర్టులో దాఖలు చేసిన పిల్‌ను కోర్టు  స్వీకరించపోవడం విడ్డూరంగా ఉందన్నారు.  2013 ల్యాండ్‌ ఎక్విజేషన్‌ చట్టాన్ని కేంద్రం పార్లమెంట్‌లో ఆమోదించి అన్ని రాష్ట్రాల్లో అమలు చేస్తుంటే దానిని కాదని ఇక్కడ చంద్రబాబు నాయుడు ల్యాండ్‌ ఫూలింగ్‌ అంటూ కొత్త విధానాన్ని అమలు చేస్తుండటం అదేదో గొప్ప కార్యం మాదిరిగా మంత్రివర్గం ప్రచారం చేయడం విడ్డూరంగా ఉందన్నారు. వైఎస్సార్‌ కాంగ్రెస్‌ పార్టీ రైతు విభాగం రాష్ట్ర అధ్యక్షుడు ఎంవీఎస్‌ నాగిరెడ్డి మాట్లాడుతూ మూడు పంటలు పండే భూములను రైతుల నుంచి లాక్కుని ప్రభుత్వం వారికి అన్యాయం చేస్తుందని పిల్‌ వేస్తే విచారించకుండా మీకేం సంబంధం అంటూ ప్రశ్నించడం సరికాదన్నారు. పంట పొలాలను తీసుకోవద్దని మేధావులతో పాటుగా శివరామకృష్ణన్‌ కమిటీ కూడా స్పష్టంగా చెప్పిందన్నారు. వైఎస్సార్‌ కాంగ్రెస్‌ పార్టీ ట్రేడ్‌ యూనియన్‌ రాష్ట్ర అధ్యక్షుడు పి.గౌతమ్‌రెడ్డి మాట్లాడుతూ న్యాయవ్యవస్థ ప్రభుత్వం చేతిలో కీలుబొమ్మగా మారిందన్నారు. మాజీ మంత్రి వడ్డే శోభనాద్రీశ్వరరావు మాట్లాడుతూ ప్రజా ప్రయోజనాల వాజ్యం వేసే వారు  50 వేల రుపాయలను డిపాజిట్‌ చేయాలంటూ విధించిన నిబంధన సరికాదన్నారు. పిల్‌ వేయడం వల్ల ప్రజాధనం వృద్ధా కాకుండా ప్రభుత్వానికి మేలు జరుగుతుందని, ఈ నిబంధన వల్ల అవినీతి జరుగుతుందని పౌరులకు తెలిసినా పిల్‌ వేయడానికి ఎవరూ ముందుకు రారన్నారు. సమావేశానికి  ఆంధ్రప్రదేశ్‌ ఎడిటర్స్‌ అసోసియేషన్‌ రాష్ట్ర అద్యక్షుడు వీవీఆర్‌ కృష్ణంరాజు అధ్యక్షత వహించారు. సమావేశంలో ఎన్‌ఏపీఎం రాష్ట్ర కన్వీనర్‌  బీఆర్‌కే రాజు, క్యాపిటల్‌ రీజియన్‌ ఫార్మర్స్‌ ఫెడరేషన్‌ అధ్యక్షుడు మల్లెల శేషగిరిరావు,  రైతు, రైతు కూలీ హక్కుల పరిరక్షణ సమితి కన్వీనర్‌ అనుమోలు గాంధీ,  కాంగ్రెస్‌ పార్టీ రాష్ట్ర అధికార ప్రతిని«ధులు కొలనుకొండ శివాజి, ఎన్‌.నరసింహారావు, రాజకీయ  విశ్లేషకులు దుగ్గరాజు శ్రీనివాసరావుతో పాటుగా కొంత మంది రైతులు, న్యాయవాదులు పాల్గొన్నారు.
 తీర్మానాలివే..
 సుప్రీం కోర్టు మార్గదర్శక సూత్రాలను అన్ని రాష్ట్రాల హైకోర్టులు అమలు చేయాలని, తక్షణమే నవ్యాంధ్రలో హైకోర్టు ఏర్పాటు చేయాలని, ఫిల్‌ వేసే వారు రూ.50 వేలు చెల్లించాలని హైదరాబాద్‌ హైకోర్టు విధించిన నిబంధన తొలగించాలని, సుప్రీం, హైకోర్టు ఉన్నత న్యాయమూర్తులు రాజకీయ నాయకులకు వ్యక్తిగత ఇంటర్వూ్యలు ఇవ్వడం వలన ప్రజల్లో అనుమానాలు కలిగే అవకాశం ఉందని, అలాంటి వ్యక్తిగత ఇంటర్వూ్యలు ఇచ్చే ముందు ఒక సారి ఆలోచించాలని తీర్మానాలు చేశారు. 
  


 తిరుపతి: పార్టీ ఫిరాయింపులపై నిర్ణయాధికారం ఎన్నికల సంఘానికే ఇవ్వాలని జనచైతన్య వేదిక అధ్యక్షుడు లక్ష్మణ్‌రెడ్డి డిమాండ్‌ చేశారు. ఆంధ్రప్రదేశ్‌ రాష్ట్రంలో పార్టీ ఫిరాయింపులు స్వప్రయోజనాల కోసమేనని అన్నారు. ఆదివారం తిరుపతిలోని ఉదయీ ఇంటర్నేషనల్‌ కాన్ఫరెన్సు హాల్లో జనచైతన్య వేదిక నేతృత్వంలో 'పార్టీ ఫిరాయింపులు- ప్రమాదంలో ప్రజాస్వామ్యం' పేరిట ప్రత్యేక చర్చాగోష్టి కార్యక్రమాన్ని నిర్వహించారు.
 
 ఈ సందర్భంగా లక్ష్మారెడ్డి మాట్లాడుతూ.. కేంద్రమంత్రి వెంకయ్య నాయుడు పార్లమెంట్‌ సమావేశాల్లో పార్టీ ఫిరాయింపుల చట్ట సవరణకు పూనుకోవాలని కోరారు. కాగా, ఈ చర్చాగోష్టి కార్యక్రమానికి మేధావులు, ప్రజాసంఘాలు తదితరులు హాజరయ్యారు.


 రాజమండ్రి: ప్రభుత్వం ప్రచార ఆర్భాటాలకు పోతుందని ఇప్పటికే పలుసార్లు ఆరోపించిన జన చైతన్య వేదిక మరోసారి ముఖ్యమంత్రి చంద్రబాబు నాయుడు తీరును తప్పుబట్టింది. గోదావరి పుష్కరాల్లో మంగళవారం చోటు చేసుకున్న ఘటనలు పునరావృతం కాకుండా ఉండాలంటే చంద్రబాబునాయుడు రాజమండ్రిని వదిలి రావాలని జనచైతన్య వేదిక డిమాండ్ చేసింది. చంద్రబాబు నాయుడు తన ప్రచార కాంక్షని మానుకోవాలని జనచైతన్య వేదిక  అధ్యక్షుడు , రిటైర్డ్ జడ్జి లక్ష్మణ్ రెడ్డి సూచించారు. చంద్రబాబు అక్కడ్నుంచి వచ్చేస్తేనే పుష్కరాలు ప్రశాంతంగా జరుగుతాయన్నారు.
 
 మంగళవారం ఉదయం రాజమండ్రిలోని కోటగుమ్మం పుష్కర ఘాట్ వద్ద తొక్కిసలాట జరిగిన సంగతి తెలిసిందే. ఇప్పటి వరకు 29 మంది దుర్మరణం చెందగా, పలువురు తీవ్రంగా గాయపడ్డారు.


 
 అవసరమైతే లండన్ వైద్యులను రప్పిస్తాం: మంత్రి లక్ష్మారెడ్డి
 
  సాక్షి, హైదరాబాద్: వీణ, వాణీల శస్త్రచికిత్స విషయంలో లండన్ వైద్యులు పంపిన నివేదికపై ఢిల్లీలోని ఎయిమ్స్ సంస్థ సలహా కోరుతూ లేఖ రాసినట్లు రాష్ట్ర వైద్య ఆరోగ్యశాఖ మంత్రి డాక్టర్ లక్ష్మారెడ్డి వెల్లడించారు. సచివాలయంలో సోమవారం ఆయన విలేకరులతో మాట్లాడుతూ, దేశంలో ఇంకెక్కడైనా శస్త్రచికిత్స చేసే సదుపాయాలున్నాయా.. లేవా వంటి అంశాలపై వివరాలు పంపాలని కోరామన్నారు. అటువంటి పరిస్థితి లేనప్పుడు లండన్ వైద్యులనే ఇక్కడకు రప్పించే అవకాశాలను పరిశీలించాలని, దీనిపై సాధ్యాసాధ్యాలు తెలపాలని ఎయిమ్స్ వైద్యనిపుణులను కోరినట్లు మంత్రి తెలిపారు.
  
 నేటి నుంచి ‘మిషన్ ఇంద్రధనుస్సు’: ఏడు వ్యాక్సిన్లు కలిపి వేయనున్న ‘మిషన్ ఇంద్రధనుస్సు’ టీకాల కార్యక్రమాన్ని మహబూబ్‌నగర్ జిల్లా అచ్చంపేట, ఆదిలాబాద్ జిల్లా దండేపల్లిలో మంగళవారం ప్రారంభిస్తున్నట్లు లక్ష్మారెడ్డి తెలిపారు.


 జస్టిస్ లక్ష్మణ్‌రెడ్డి
  
 సుందరయ్య విజ్ఞాన కేంద్రం:  అన్ని విధాలుగా వెనుకబడిన రాయలసీమలో రాజధాని లేదా హైకోర్టు ఏర్పాటు చేయాలని ఆంధ్రప్రదేశ్ హైకోర్టు మాజీ న్యాయమూర్తి  జస్టిస్ పి.లక్ష్మణ్‌రెడ్డి డిమాండ్ చేశారు. రాయలసీమను నిర్లక్ష్యం చేస్తున్నారనే భావన ప్రజల్లో కూడా ఉందని ఆయన అన్నారు. బుధవారం సుందరయ్య విజ్ఞాన కేంద్రంలో జన చైతన్య వేదిక ఆధ్వర్యంలో ‘ గ్రేటర్ రాయలసీమలో హైకోర్టు’ అనే అంశంపై రౌండ్ టేబుల్ సమావేశం జరిగింది. ముఖ్యఅతిథిగా పాల్గొన్న జస్టిస్ లక్ష్మణ్ రెడ్డి మాట్లాడుతూ రాయలసీమ వెనుకబాటుతనం గురించి ఎవ్వరూ మాట్లాడటం లేదని ఆవేదన వ్యక్తం చేశారు. ఆంధ్రప్రదేశ్‌కు రాజధాని ఎక్కడ ఉండాలనేది ఇంకా కేంద్ర ప్రభుత్వం నిర్ణయించలేదని, రాయలసీమ అభివృద్ధి జరగాలంటే రాజధాని లేదా హైకోర్టును ఏర్పాటు చేయాలన్నారు. నీటి పారుదల విషయంలో సీమ ప్రాజెక్టులకు బడ్జెట్‌లో కనీసం 5 శాతం కూడ కేటాయించకపోవటం బాధాకరమన్నారు.
 
 రిటైర్డ్ ఐపీఎస్ అధికారి హన్మంతరెడ్డి మాట్లాడుతూ శ్రీబాగ్ ఒప్పందంలోని అంశాల్లో  ఏ ఒక్కటి అమలు చేయటం లేదని అన్నారు. రాజ్యసభ మాజీ సభ్యులు డాక్టర్ ఎన్.తులసిరెడ్డి మాట్లాడుతూ దేశంలోని అనేక రాష్ట్రాల్లో రాజధాని, హైకోర్టులు వేర్వేరు నగరాల్లో ఉన్నాయని అన్నారు. సభకు అధ్యక్షత వహించిన జనచైతన్య వేదిక అధ్యక్షులు వి.లక్ష్మణరెడ్డి మాట్లాడుతూ అభివృద్ధి వికేంద్రీకరణ ధ్యేయంగా హైకోర్టును రాయలసీమలో ఏర్పాటు చేయాలని డిమాండ్ చేశారు. కార్యక్రమంలో రాయలసీమ ఉద్యమ నేతలు పుత్త శివశంకర్, పోతుల శివ, మధుసూదన్ యాదవ్, రాధాకృష్ణారావు, ప్రొఫెసర్ ఎం.వెంకట్‌రెడ్డి, ఇస్మాయిల్‌రెడ్డి, బి.ప్రకాష్‌రెడ్డి, రామకృష్ణ, రాజశేఖరరెడ్డి పాల్గొన్నారు.
  


 
 జూడాల విజ్ఞప్తికి అంగీకరించిన సీఎం
 
  600 మంది హౌస్‌సర్జన్లకు ప్రయోజనం
 
  సాక్షి, హైదరాబాద్: వైద్యవిద్యకు సంబంధించి పీజీలో ప్రవేశాలు పొందేందుకు తమకు అవకాశం కల్పించాలన్న జూనియర్ డాక్టర్ల (జూడా) వినతికి ముఖ్యమంత్రి కె. చంద్రశేఖర్‌రావు సానుకూలంగా స్పందిం చారు. వైద్య ఆరోగ్య మంత్రి లక్ష్మారెడ్డి, డీఎంఈ శ్రీనివాస్‌తో కలసి జూడాల ప్రతినిధులు ఆదివారం ముఖ్యమంత్రిని కలిశారు. సమ్మె చేసిన రెండు నెలల కాలానికి సరిపడా కోర్సు వ్యవధిని మే 31 వరకు పొడిగించాలని విజ్ఞప్తి చేశారు. ఈ సందర్భంగా సీఎం మాట్లాడుతూ.. జూడాల సమస్యలను పరిష్కరిస్తామని ప్రభుత్వం చెప్పినప్పటికీ సమ్మె కొనసాగించారని అసంతృప్తి వ్యక్తం చేశారు. హైకోర్టు చెప్పినా వినకుండా, పర్యవసానాలు ఆలోచించకుండా వ్యవహరించడం వల్ల ఇబ్బందులు వచ్చాయని అన్నారు. భవిష్యత్తులో ఇలా జరగదని, విద్యా సంవత్సరం నష్టపోకుండా కాపాడాలని జూడాలు సీఎంను కోరారు.
 
 600 మంది హౌస్‌సర్జన్లకు ప్రయోజనం..
 
 సీఎం ఆదేశాల నేపథ్యంలో పీజీ ప్రవేశ పరీక్షకు అర్హత పొందేలా తీసుకోవాల్సిన చర్యలపై స్పష్టమైన అవగాహనకు రావాలని అధికారులను మంత్రి లక్ష్మారెడ్డి ఆదేశించారు. వచ్చే నెల ఒకటో తేదీన పీజీ ప్రవేశ పరీక్ష నిర్వహించనున్న విషయం తెలిసిందే. ఈ పరీక్ష రాసేందుకు అర్హత కోల్పోతామన్న భయంలో హౌస్‌సర్జన్లు ఉన్నారు. అయితే, సీఎం తాజా నిర్ణయంతో ఉస్మానియా, గాంధీ, వరంగల్ ఎంజీఎం, ఆదిలాబాద్ రిమ్స్‌కు చెందిన 600 మంది హౌస్‌సర్జన్లు పీజీ ప్రవేశ పరీక్ష రాసేందుకు అర్హత పొందుతారు. జూడాల మిగతా డిమాండ్లను ప్రభుత్వం ఇదివరకే అంగీకరించిందని వాటిని అమలుచేస్తామని మంత్రి లక్ష్మారెడ్డి ఈ సందర్భంగా ‘సాక్షి’కి తెలిపారు. కాగా, జూడాల భద్రతకు సంబంధించి ప్రభుత్వం స్పెషల్ ప్రొటెక్షన్ ఫోర్స్ (ఎస్‌పీఎఫ్)ను ఏర్పాటు చేయనున్నట్లు తెలిసింది.
  
 ‘దరఖాస్తుకు రెండు రోజుల గడువు పెంచండి’
 
 వైద్య పీజీ ప్రవేశ పరీక్ష దరఖాస్తుకు మరో రెండ్రోజులు గడువు ఇవ్వాలని తెలంగాణ ప్రభుత్వం ఎన్టీఆర్ వైద్య విశ్వవిద్యాలయాన్ని కోరింది. దరఖాస్తుకు ఈ నెల 16 (సోమవారం) చివరి తేదీ. పీజీ పరీక్ష రాసి, అడ్మిషన్ పొందేందుకు హౌస్ సర్జన్లకు అనుమతి ఇస్తూ ముఖ్యమంత్రి కె. చంద్రశేఖర్‌రావు ఆదివారం సానుకూలత వ్యక్తంచేసిన నేపథ్యంలో అధికారులు ఈ మేరకు గడువు పొడిగించాలని కోరారు.


 
 నేడు కేంద్రమంత్రి జేపీ నడ్డాకు ఇవ్వనున్న సీఎం?
 
 సాక్షి, హైదరాబాద్: రాష్ట్రంలో అఖిల భారత వైద్య విజ్ఞాన సంస్థ (ఎయిమ్స్) ఏర్పాటు ప్రతిపాదనలు, తనిఖీ జాబితా (చెక్ లిస్ట్) వివరాల నివేదికను ముఖ్యమంత్రి కె.చంద్రశేఖర్‌రావు శుక్రవారం ఢిల్లీలో కేంద్ర ఆరోగ్య, కుటుంబ సంక్షేమశాఖ మంత్రి జేపీ నడ్డాకు అందజేయనున్నట్లు తెలిసింది. సీఎం ఢిల్లీ పర్యటనలో ఆయనతోపాటు రాష్ట్ర వైద్య ఆరోగ్యశాఖ మంత్రి లక్ష్మారెడ్డి, ఆ శాఖ ముఖ్య కార్యదర్శి సురేష్‌చందా ఉండటం ఈ విషయాన్ని తెలియజేస్తోంది.
 
 కేంద్ర బడ్జెట్ రూపుదిద్దుకుంటున్న నేపథ్యంలో ఎయిమ్స్‌పై ప్రతిపాదనలు, తనిఖీ జాబితాను పంపడంలో జాప్యంపై అసంతృప్తి వ్యక్తం చేస్తూ రాష్ట్ర ప్రభుత్వానికి కేంద్రం బుధవారం లేఖ రాసిన సంగతి తెలిసిందే. దీంతో ఆగమేఘాల మీద రాష్ట్ర ప్రభుత్వం వివరాలు సమర్పించనున్నట్లు సమాచారం. నల్లగొండ జిల్లా బీబీనగర్ వివరాలతోపాటు నిబంధనల ప్రకారం మరో మూడు ప్రాంతాల్లో ఉన్న మౌలిక వసతులు, ఇతర సదుపాయాలపైనా చెక్‌లిస్ట్ ఇస్తారని తెలుస్తోంది.
 
 దీంతోపాటు తాము ప్రకటించినట్లుగా ఎయిమ్స్ నిర్మాణానికి బీబీనగర్ అనువైన ప్రాంతమని రాష్ట్ర ప్రభుత్వం నివేదించనున్నట్లు సమాచారం. దాన్ని ఖరారు చేయాలని ప్రత్యేకంగా విజ్ఞప్తి చేయనున్నట్లు తెలిసింది. అక్కడ 150 ఎకరాలు గుర్తించినట్లు, ఇంకా అవసరమైన 50 ఎకరాలు కూడా సేకరిస్తున్నామని పేర్కొననున్నట్లు సమాచారం. మరోవైపు జాతీయ ఆరోగ్య మిషన్ (ఎన్‌హెచ్‌ఎం), 13వ ఆర్థిక సంఘం నిధుల విడుదలకు సంబంధించి కూడా సీఎం కేసీఆర్ కేంద్ర మంత్రికి విజ్ఞప్తి చేయనున్నట్లు తెలుస్తోంది.
 
 ఎన్‌హెచ్‌ఎం కింద గ్రామాలు, పట్టణాల్లో జరుగుతున్న కార్యక్రమాలను కొనసాగించేందుకు అవసరమైన నిధులను సీఎం కోరనున్నట్లు సమాచారం. ఇక 13 ఆర్థిక సంఘం నిధులతో రాష్ట్రంలో 55 ప్రాథమిక ఆరోగ్య కేంద్రాల (పీహెచ్‌సీ)లో సోలార్ విద్యుత్ ఏర్పాటు చేయాల్సి ఉంది. ఈ మేరకు అధికారులు కేంద్రానికి లేఖ కూడా రాశారు. సోలార్ విద్యుత్‌కు, పీహెచ్‌సీల నిర్మాణానికి పెండింగ్‌లో ఉన్న నిధులతో కలిపి రూ. 50.59 కోట్లు విడుదల చేయాలని కోరనున్నట్లు సమాచారం.


 రిటైర్‌‌డ న్యాయమూర్తి జస్టిస్ లక్ష్మణరెడ్డి
 తాడేపల్లి రూరల్ : రియల్ ఎస్టేట్ కోసమే ముఖ్యమంత్రి చంద్రబాబు నాయుడు లక్ష ఎకరాలు సేకరిస్తున్నారని హైకోర్టు రిటైర్డ్ న్యాయమూర్తి జస్టిస్ లక్ష్మణరె డ్డి విమర్శించారు. తాడేపల్లి మండలం పెనుమాక గ్రామంలో శుక్రవారం రాత్రి జరిన సమావేశంలో ఆయన మాట్లాడుతూ  అన్నదాతలకు అన్యాయం చేస్తే ఏ చట్టం ఒప్పుకోదన్నారు. ల్యాండ్ పూలింగ్ చట్టం ద్వారా రైతుల నుంచి బలవంతంగా భూములు లాక్కునే అవకాశం లేదని స్పష్టం చేశారు.
  
    రైతు ఇష్టపడి భూములు ఇస్తే తప్ప బలవంతంగా తీసుకునేందుకు ఏ చట్టం ఒప్పుకోదన్నారు. భూ సమీకరణతో వ్యవసాయ కూలీలు, కౌలు రైతులు, భూమిని నమ్ముకున్న అన్నదాతలు తీవ్రంగా నష్టపోతారని ఆవేదన వ్యక్తం చేశారు. ఆహార భద్రతను కల్పించే ఇటువంటి ప్రాంతంలో రాజధాని నిర్మాణం చేపట్టాల్సిన అవసరం లేదని అభిప్రాయపడ్డారు. అమెరికా వంటి దేశంలోనే కొద్ది పాటి స్థలంలో రాజధాని నిర్మించుకుంటే, మన రాష్ట్రంలో లక్ష ఎకరాలు ఎందుకు..? అని ఆయన ప్రశ్నించారు.
  
   రాజధాని సంస్థ బిల్లు ద్వారా ఇష్టానుసారంగా భూములు సేకరించే అవకాశం లేదని రైతులు ఆందోళన చెందవద్దని అన్నారు. స్కేల్ ఆఫ్ ఫైనాన్స్‌కు, రుణమాఫీకి సంబంధంలేదని, ఖజానాలో సొమ్ము లేకుండా ఏ మాఫీ చేయలేమని, చెప్పారు. రైతులకు ఉచిత న్యాయ సహాయం అందించి, వారి పక్షాన న్యాయ పోరాటం చేసేందుకు తాము సిద్ధమని లక్ష్మణరెడ్డి వెల్లడించారు.
  


 * కేసీఆర్ కేబినెట్‌లో జూపల్లి, లక్ష్మారెడ్డికి చోటు
 * నిరంజన్‌రెడ్డికి ప్రణాళిక సంఘం పదవి
 * పార్లమెంటరీ కార్యదర్శిగా శ్రీనివాస్‌గౌడ్ నియామకం
 * ఆశల పల్లకిలో మరికొందరు...
 సాక్షి ప్రతినిధి, మహబూబ్‌నగర్ : కరువు జిల్లా పాలమూరుపై ముఖ్యమంత్రి కేసీఆర్ పదవుల వర్షం కురిపించారు. మంగళవారం జరిగే మంత్రివర్గ విస్తరణలో జిల్లాకు చెందిన ఇద్దరు ఎమ్మెల్యేలు జూపల్లి కృష్ణారావు, లక్ష్మారెడ్డికి చోటు దక్కనుంది. ఇప్పటికే మహబూబ్‌నగర్ ఎమ్మెల్యే శ్రీనివాస్‌గౌడ్‌కు నూతనంగా సృష్టించిన పార్లమెంటరీ కార్యదర్శి హోదా దక్కింది. రాష్ట్ర ప్రణాళిక మండలి ఉపాధ్యక్ష పదవికి టీఆర్‌ఎస్ పొలిట్‌బ్యూరో సభ్యుడు సింగిరెడ్డి నిరంజన్‌రెడ్డి పేరు ఖరారు చేశారు.
 
 కేబినెట్ హోదా కలిగిన పదవులు ఒకే విడత లో జిల్లాకు చెందిన నేతలకు దక్కడంతో రాబో యే రోజుల్లో మరిన్ని పదవులు ఖాయమని ఔత్సాహికులు లెక్కలు వేసుకుంటున్నారు. మంగళవారం జరిగే మంత్రివర్గ విస్తరణలో టీఆర్‌ఎస్ ఎమ్మెల్యేలు జూపల్లి కృష్ణారావు (కొల్లాపూర్), సి.లక్ష్మారెడ్డి (జడ్చర్ల) పదవీ స్వీకార ప్రమాణం చేయనున్నారు. ఈ మేరకు ఇద్దరు ఎమ్మెల్యేలకు అటు సీఎం కార్యాలయం, ఇటు రాజ్‌భవన్ వర్గాల నుంచి సమాచారం అందినట్లు సమాచారం.
 
 ప్రభుత్వం ఏర్పడి ఆరునెలలు కావస్తున్నా జిల్లాకు రాష్ట్ర మంత్రివర్గంలో ప్రాతినిధ్యం దక్కలేదు. టీఆర్‌ఎస్ ఎమ్మెల్యేలు జూపల్లి కృష్ణారావు, లక్ష్మారెడ్డి, శ్రీనివాస్‌గౌ డ్ మంత్రివర్గంలో చోటుకోసం ప్రయత్నిస్తూ వచ్చారు. వనపర్తి నుంచి టీఆర్‌ఎస్ అభ్యర్థిగా పోటీచేసి ఓటమి పాలైన నిరంజన్‌రెడ్డి కూడా కీలక పదవిని ఆశిస్తూ వచ్చారు. తాజాగా మంత్రివర్గ విస్తరణ నేపథ్యంలో జిల్లా నుంచి పదవులు ఆశిస్తున్న నేతలు అందరినీ సంతృప్తి పరిచేలా సీఎం కేసీఆర్ పదవులు పంపిణీ చేశారు.
 
 మంత్రివర్గ విస్తరణకు ముందే మహబూబ్‌నగర్ ఎమ్మెల్యే శ్రీనివాస్‌గౌడ్‌కు పార్లమెంటరీ కార్యదర్శి హోదా కట్టబెట్టారు. మంత్రి హోదాకు సమానమైన పదవిని కట్టబెట్టడం ద్వారా శ్రీనివాస్‌గౌడ్‌ను బుజ్జగించే ప్రయత్నం చేసినట్లు కనిపిస్తోంది. సాధారణ ఎన్నికల్లో ఓటమి పాలైనా ఎమ్మెల్సీగా నామినేట్ చేసి, మంత్రివర్గంలో చోటు కల్పిస్తారని టీఆర్‌ఎస్ పొలిట్‌బ్యూరో సభ్యుడు నిరంజన్‌రెడ్డి సన్నిహితులు చెబుతూ వచ్చారు. అయితే కేబినెట్ హోదా కలిగిన రాష్ట్ర ప్రణాళిక మండలి ఉపాధ్యక్షుడిగా నిరంజన్‌రెడ్డికి కేసీఆర్ అవకాశం కల్పించారు. సామాజికవర్గాల లెక్కలు పక్కన పెట్టి మరీ జూపల్లి కృష్ణారావు, లక్ష్మారెడ్డికి మంత్రివర్గంలో చోటు కల్పించేందుకు కేసీఆర్ సుదీర్ఘ కసరత్తు చేసినట్లు సమాచారం.
  
 ఆశల పల్లకిలో మరికొందరు
 మంత్రివర్గ విస్తరణపై ఉత్కంఠ వీడడంతో నామినేటెడ్ పదవులపై ఆశలు పెట్టుకున్న మరికొందరు నేతలు తమ ప్రయత్నాలు ముమ్మరం చేయాలని భావిస్తున్నారు. సాధారణ ఎన్నికల సందర్భంగా జిల్లాకు చెందిన మాజీ ఎమ్మెల్యే గట్టు భీముడు, దేవర మల్లప్పకు ఎమ్మెల్సీలుగా అవకాశం ఇస్తానని కేసీఆర్ హామీ ఇచ్చారు. ఎమ్మెల్యేలు మర్రి జనార్దన్‌రెడ్డి, గువ్వల బాలరాజు, గద్వాల నుంచి టీఆర్‌ఎస్ అభ్యర్థిగా పోటీ చేసిన కృష్ణమోహన్‌రెడ్డి కార్పొరేషన్ ఛైర్మన్ పదవులపై ఆశతో ఉన్నారు.


 * జనచైతన్య వేదిక అధ్యక్షుడు లక్ష్మణరెడ్డి
 
 తిరుపతి: రాష్ట్ర రాజధాని నిర్మాణం కోసం పంటల పొలాల విధ్వంసం తగదని, ప్రభుత్వ భూముల్లోనే నిర్మాణం చేపట్టాలని జనచైతన్య వేదిక అధ్యక్షుడు లక్ష్మణరెడ్డి డిమాండ్ చేశారు. తిరుపతిలోని యూటీఎఫ్ కార్యాలయంలో గురువారం జనచైతన్య వేదిక ఆధ్వర్యంలో ‘ఏపీ రాజధాని-భూసేకరణ’ అనే అంశంపై రౌండ్ టేబుల్ సమావేశం నిర్వుహించారు. ఈ కార్యక్రమానికి లక్ష్మణ రెడ్డి అధ్యక్షత వహించారు. ఆయన రాజధాని ఏర్పాటు విషయంలో ప్రభుత్వం అనుసరిస్తున్న విధానాల కారణంగా గుంటూరు, కృష్ణా జిల్లాల రైతులు, వ్యవసాయ కూలీలు, కౌలు రైతులు నష్టపోయే వైనాన్ని వివరించారు.
 
 భూసమీకరణ ద్వారా కాకుండా భూసేకరణ చట్టం-2013ను అనుసరించి రాజధాని ఏర్పాటు జరగాలన్నారు. కౌలు రైతులు, వ్యవసాయ కూలీలు, చేతి వృత్తుల వారికి న్యాయం జరిగేలా చూడాలన్నారు. కార్పొరేట్, రియల్ ఎస్టేట్ కంపెనీలకు వేలాది ఎకరాలు దోచిపెట్టే భూయజ్ఞాన్ని ఆపాలని ప్రభుత్వాన్ని డిమాండ్ చేశారు. ఎమ్మెల్సీ వై.శ్రీనివాసులురెడ్డి మాట్లాడుతూ పంట భూములను ధ్వంసంచేసి రాజధానిని నిర్మించే ప్రయత్నం క్షంతవ్యం కాదన్నారు.


 రాయలసీమ రాజధాని సాధన సమితి అధ్యక్షుడు జస్టిస్ లక్ష్మణ్‌రెడ్డ
  
  కడప: ‘కడప గడపలో నిర్వహించిన  ‘ఆకలికేక’ ప్రత్యేక ఉద్యమానికి నాంది కావాలి.. ఆంధ్రప్రదేశ్ రాజధాని రాయలసీమ హక్కు.. విశాలాంధ్ర కోసం త్యాగం చేసిన రాజధానిని కర్నూలులోనే ఏర్పాటు చేయాలి.. నాడు జస్టీస్ శ్రీకృష్ణ కమిషన్ రాష్ట్ర విభజన నేపథ్యంలో, నేడు శివరామకృష్ణ  కమిటీ  రాజధాని ఏర్పాటుపై  రాయలసీమ వెనుకబాటు తనంపై స్పష్టమైన నివేదికలందించాయి..
 
 రియల్ ఎస్టేట్ వ్యాపారుల మెప్పునకు, సర్కారు ప్రాంత నేతల ఒత్తిడికి తలొగ్గి సీఎం చంద్రబాబు యోగ్యంకాని  విజయవాడను రాజధానిగా ప్రకటించారు’ అని  మాజీ జస్టిస్ లక్ష్మణ్‌రెడ్డి అన్నారు.  కడపలోని జిల్లా పరిషత్ ప్రాంగణంలో రాయలసీమ రాజధాని సాధన సమితి నేతృత్వంలో ‘ఆకలికేక’ కార్యక్రమం నిర్వహించారు.
  


 హైదరాబాద్: ఆంధ్రప్రదేశ్ తాత్కాలిక రాజధానిగా విజయవాడను ఏర్పాటు చేయాలన్న ప్రతిపాదనపై అభ్యంతరాలు వ్యక్తమవుతున్నాయి. హైదరాబాద్ తాత్కాలిక రాజధాని ఉండగా, విజయవాడను ప్రకటించడం వెనుక ఆంతర్యమేమిటని రాయలసీమ రాజధానిసాధనకమిటీ కన్వీనర్ జస్టిస్‌ లక్ష్మణరెడ్డి ప్రశ్నించారు. తాత్కాలిక రాజధాని మార్చాలనుకుంటే అన్ని వసతులున్న కర్నూలులో ఏర్పాటు చేయాలని సూచించారు. హైదరాబాద్‌లో ఉండటానికి పదేళ్ల గడువు ఉన్నా, తాత్కాలిక రాజధానిని మారిస్తే హైదరాబాద్‌లో ఉన్న సీమాంధ్రుల్లో అభద్రతాభావం పెరుగుతుందని జస్టిస్‌ లక్ష్మణరెడ్డి ఆందోళన వ్యక్తం చేశారు.
 
 పీసీసీ మాజీ చీఫ్ బొత్స సత్యనారాయణ కూడా తాత్కాలిక రాజధాని ప్రతిపాదనపై అభ్యంతరం తెలిపారు. టీడీపీలోని కొందరు వ్యక్తులకు ఆర్ధిక లాభం చేకూర్చడానికే తాత్కాలిక రాజధానిని మారుస్తున్నారని ఆరోపించారు. హైదరాబాద్ తాత్కాలిక రాజధానిగా ఉండగా, మరో తాత్కాలిక రాజధాని ఎందుకంటూ బొత్స ప్రశ్నించారు. అఖిలపక్ష సమావేశం నిర్వహించకుండా, ప్రభుత్వం ఏకపక్ష నిర్ణయాలు తీసుకుంటోందని, తాత్కాలిక రాజధాని ఏర్పాటును వ్యతిరేకిస్తూ లేఖ రాస్తామని బొత్స అన్నారు.
  


 నర్సంపేట, న్యూస్‌లైన్ : నర్సంపేట మాజీ ఎమ్మెల్యే కంభంపాటి లక్ష్మారెడ్డికి వివిధ పార్టీల నాయకులు, అభిమానులు, బంధుమిత్రులు కన్నీటి నివాళులులర్పించారు. ఆయన అనారోగ్యంతో ఆదివారం మృతిచెందగా రాత్రి నర్సంపేటలోని స్వగృహానికి భౌతికకాయాన్ని తరలించారు. ఆయన భౌతికకాయంపై డీసీసీ అధ్యక్షుడు దొంతి వూధవరెడ్డి, ఎమ్మెల్యే రేవూరి ప్రకాశ్‌రెడ్డి పూలవూలలు వేసి నివాళులర్పించి కుటుంబ సభ్యులను పరావుర్శించారు.
 
 వీరితోపాటు నల్లా వునోహర్‌రెడ్డి, మూనిగాల వెంకట్‌రెడ్డి, పాలాయి శ్రీనివాస్, గుజ్జుల వూధవరెడ్డి, కొంకీస జ్ఞాన్‌సాగర్, పాలెల్లి రాంచంద్రయ్యు, ఎర్ర యూకూబ్‌రెడ్డి, పెండెం రాజేశ్వరి, పెండెం ఆనంద్, సీపీఎం నాయుకులు గాదె ప్రభాకర్‌రెడ్డి, పెద్దారపు రమేష్, సీపీఐ నాయుకులు అక్కపెల్లి రమేష్, న్యూడెమోక్రసీ నాయుకులు కోడి సోవున్న, తోటకూరి రాజు, బీజేపీ నాయుకులు ఠాగూర్ నాగరాజ్‌సింగ్, నందు, తదితరులు నివాళులు అర్పించారు. లక్ష్మారెడ్డి హఠ్మారణంతో నర్సంపేట నియోజకవర్గంలో విషాద ఛాయలు అలుముకున్నాయి.
  
 ఎమ్మెల్యేగా కలిసొచ్చిన అదృష్టం..
  
 వ్యవసాయు కుటుంబంలో 1962లో జన్మించిన కంభంపాటి లక్ష్మారెడ్డి ధనలక్ష్మిని వివాహం చేసుకున్నారు. వారికి కూతురు సరిత, కువూరుడు కిరణ్ ఉన్నారు. మొదట్లో వ్యవసాయుం చేసిన ఆయన 1998 నుంచి తునికాకు కాంట్రాక్టర్‌గా కొనసాగాడు. ఈ క్రవుంలోనే 2001 నుంచి టీఆర్‌ఎస్ గ్రావుస్థాయి కార్యకర్తగా కొనసాగాడు. 2004 అసెంబ్లీ ఎన్నికల్లో కాంగ్రెస్, టీఆర్‌ఎస్ పొత్తులో ఊహించని విధంగా టీఆర్‌ఎస్ అధినేత కేసీఆర్ ఆశీస్సులతో లక్ష్మారెడ్డికి టీఆర్‌ఎస్ నుంచి పోటీ చేసే అవకాశం లభించింది. దీంతో దొంతి వూధవరెడ్డి సహకారంతో లక్ష్మారెడ్డి ప్రచారం నిర్వహించి 14,908 ఓట్ల మెజార్టీతో ప్రస్తుత ఎమ్మెల్యే రేవూరి ప్రకాశ్‌రెడ్డిపై గెలుపొందారు.
  
 ఎమ్మెల్సీ ఎన్నికల్లో టీఆర్‌ఎస్‌కు దూరం..
  
 టీఆర్‌ఎస్ ఎమ్మెల్యేగా మూడేళ్లు పనిచేసిన తర్వాత వచ్చిన ఎమ్మెల్సీ ఎన్నికల్లో అనుకోని పరిస్థితుల్లో ఆ పార్టీకి దూరవుయ్యూరు. అప్పటి మూఖ్యవుంత్రి వైఎస్ రాజశేఖర్‌రెడ్డి సమక్షంలో కాంగ్రెస్‌లో చేరారు. ఆ తర్వాత 2009లో రాజశేఖర్‌రెడ్డి అకాల మరణంతో ఆయన రాజకీయూలకు దూరంగా ఉంటూ వచ్చారు. ఎమ్మెల్యే అంటే గెలిచిన నియోజకవర్గంలోనే ఉండాలని, ప్రజలందరికి అందుబాటులో ఉండాలని భావించి నర్సంపేటలోనే నివాసం ఏర్పాటు చేసుకుని ప్రతీఒక్కరి వున్ననలు పొందారు.
  
 అన్న కోసం తవుయిమడి కిడ్నీదానం..
  
 లక్షారెడ్డికి షుగర్ వ్యాధి ఉండడంతో ఆయన రెండు కిడ్నీలు చెడిపోయూయి. దీంతో వైద్యులు తప్పనిసరిగా ఒక కిడ్నీ వూర్పిడి చేయూలని సూచించారు. కొన్ని రోజులు కిడ్నీ కోసం ఆస్పత్రుల్లో ఆరా తీయుగా లభించకపోవడంతో రెండో సోదరుడు సమ్మిరెడ్డి తన కిడ్నీ ఇవ్వడానికి మూందుకొచ్చి అన్నదమూమల బంధాన్ని చాటిచెప్పాడు. తమ్ముడి కిడ్నీ దానం చేయుడంతో తనకు వస్తున్న పింఛన్‌లో సగం తవుు్మడి కుటుంబానికి జీవించి ఉన్నన్ని రోజులు ఇస్తానని అగ్రిమెంట్ రాసిచ్చి అన్నగా తన వుంచితనాన్ని చాటిన ఘనత లక్ష్మారెడ్డికే దక్కింది.
  


 తాండూరు, కుల్కచర్ల, న్యూస్‌లైన్: ఈ ఏడాది ఖరీఫ్ సీజన్‌లో రైతులకు ప్రాథమిక సహకార సంఘాల ద్వారా రూ.150 కోట్లు, దీర్ఘకాలిక రుణాలుగా మరో రూ.50 కోట్లు ఇవ్వాలని లక్ష్యంగా పెట్టుకున్నట్టు డీసీసీబీ చైర్మన్ లక్ష్మారెడ్డి వెల్లడించారు. సోమవారం ఆయన తాండూరు సివిల్ సప్లయ్ గోదాం ఆవరణలో కందుల కొనుగోలు కేంద్రాన్ని ప్రారంభించారు. అనంతరం కుల్కచర్లలో ప్రాథమిక సహకార సంఘ పాలక వర్గం సభ్యులతోనూ సమావేశమయ్యారు. ఈ రెండు చోట్లా మాట్లాడుతూ జిల్లాలోని 49 సహకార సంఘాల్లో కుల్కచర్ల సహకార సంఘం వెనుకబడి ఉందని రూ.ఆరు కోట్లు రుణంగా పంపిణీ చేసి కేవలం 25శాతం కూడా రికవరీ చేయలేదని అన్నారు. పాత రుణాలు చెల్లిస్తేనే కొత్త రుణాలు ఇస్తామని, ఇదే పరిస్థితి జూన్ వరకూ కొనసాగితే చర్యలు తప్పవన్నారు. జిల్లాలోని మరో 12 ప్రాథమిక సహకార సంఘాల పరిస్థితి కూడా ఇదే విధంగా ఉందన్నారు. జిల్లా వ్యాప్తంగా అన్ని సహకార సంఘాల పరిధిలో సుమారు 365 మంది పెద్ద రైతుల వద్ద నుంచి రూ.30కోట్ల వరకు దీర్ఘకాలిక రుణాలు వసూలు కావాల్సి ఉన్నాయన్నారు.
  
  ఈనెల 10 వరకు గడువు ఇచ్చామని, అప్పటికీ చెల్లించకుంటే వారికి చెందిన సుమారు మూడు వేల ఎకరాలను వేలం వేస్తామని స్పష్టం చేశారు. గత ఏడాది పంట రుణాలుగా రూ.122 కోట్లు, దీర్ఘకాలిక రుణాలుగా మరో రూ.10కోట్లు ఇచ్చామన్నారు. ఇందులో 75శాతం రుణాలు రికవరీ అయ్యాయని వెల్లడించారు. గత ఏడాది బంగారంపై రూ.70కోట్ల రుణాలు ఇచ్చామని, ఈ సారి రూ.100 కోట్ల వరకు ఇస్తామని చెప్పారు. ఖరీఫ్, రబీ సీజన్లలో పంట నష్ట పరిహారంగా సుమారు రూ.నాలుగు కోట్లు ఇచ్చినట్టు చెప్పారు.
  
  కుల్కచర్ల ప్రాథమిక సహకార సంఘం పరిధిలో బకాయిలు చెల్లించని 12 మంది భూములను ఈ నెలలో వేలం వేయనున్నట్టు వెల్లడించారు. తాండూరులో నిర్వహించిన సమావేశంలో డీసీఎంఎస్ డెరైక్టర్ ధారాసింగ్, యాలాల, తాండూరు పీఏసీఎస్‌ల చైర్మన్లు సిద్రాల శ్రీనివాస్, నారాయణగౌడ్, డీపీసీ మాజీ సభ్యులు పి.నర్సింహులు, డీసీఎంఎస్ జిల్లా మేనేజర్ శివారెడ్డి, తాండూరు మార్కెట్ కమిటీ ప్రత్యేక శ్రేణి కార్యదర్శి జనార్దన్‌రావు, తాండూరు ఏడీఏ బసవరాజు, డీసీఎంఎస్ తాండూరు బ్రాంచ్ మేనేజర్ షరీఫ్, ఏఎంసీ సూపర్‌వైజర్ హబీబ్ అల్వీలు కుల్కచర్లలోని విలేకరుల సమావేశంలో స్థానిక ప్రాథమిక సహకార సంఘం అధ్యక్షుడు బీంరెడ్డి, ఉపాధ్యక్షుడు వీరసింహారెడ్డి, సభ్యులు ప్రహ్లద్‌రావు, సేరి రాంరెడ్డి, నాగరాజు, కృష్ణారెడ్డి, ఈశ్వరయ్య, సీఈఓ రాందాస్, బీజేపీ నాయకులు వెంకటయ్యగౌడ్ తదితరులు పాల్గొన్నారు.


 అసెంబ్లీలో ముక్తకంఠంతో వ్యతిరేకించాలి
  సాక్షి, హైదరాబాద్: తెలంగాణ రాష్ట్ర ఏర్పాటుకు కేంద్రం సుముఖత ఊహించిందే. కేబినెట్ నిర్ణయం పెద్దగా ఆశ్చర్యపరచలేదు. రాజకీయ ప్రయోజనాల కోసమే రాష్ట్ర విభజనకు కాంగ్రెస్ నిర్ణయించుకుంది. జీవోఎం నివేదిక కేబినెట్ ముందుకు టేబుల్ ఐటంగా వచ్చినా వ్యతిరేకించలేని సీమాంధ్ర కేంద్ర మంత్రుల తీరే దురదృష్టకరం. జీవోఎం ఏం సిఫారసు చేసిందో చదివే అవకాశం కూడా లేకుండా హడావుడిగా టేబుల్ ఐటంగా ప్రవేశపెట్టడం సరికాదంటూ వ్యతిరేకించే ధైర్యం కూడా లేనివాళ్లు కేంద్ర మంత్రులుగా ఉండటం సీమాంధ్ర ప్రజలకు శాపంగా మారింది. వారి చేతగానితనం మరోసారి తేటతెల్లమైంది.
  
  ఇక భారమంతా సీమాంధ్ర ప్రాంత ఎమ్మెల్యేలదే. తెలంగాణ ముసాయిదా బిల్లు అసెంబ్లీకి వచ్చినప్పుడు వారు పార్టీలకతీతంగా ముక్తకంఠంతో వ్యతిరేకించాలి. అసెంబ్లీ అభిప్రాయానికి వ్యతిరేకంగా కేంద్రం నిర్ణయం ఉండటాన్ని రాష్ట్రపతి కచ్చితంగా ప్రశ్నిస్తారని అనుకుంటున్నాం. ఆయన సుప్రీంకోర్టు అభిప్రాయాన్ని తీసుకునే అవకాశం కూడా ఉంది. విభజన ప్రక్రియ నిలిచిపోవటానికి అసెంబ్లీ అభిప్రాయం కారణం అయ్యే అవకాశం ఉన్నందున ఎమ్మెల్యేలు వారి నియోజకవర్గ ప్రజల మనోభావాలకు తగ్గట్టుగా సమైక్య రాష్ట్రం కోసం అసెంబ్లీలో నినదించాలి. ఇలా మాట్లాడాలని మా వేదిక తరఫున ఎమ్మెల్యేల నుంచి అఫిడవిట్లు సేకరిస్తున్నాం. వారు కూడా సీమాంధ్ర కేంద్ర మంత్రుల్లా చేతులెత్తేస్తే ప్రజలే బుద్ధి చెబుతారు.          
  -ఆంధ్రప్రదేశ్ రాష్ట్ర పరిరక్షణ వేదిక నేత జస్టిస్ లక్ష్మణరెడ్డి
  
  నేటి బంద్‌ను జయప్రదం చేయండి
  కేంద్ర మంత్రివర్గ దుర్మార్గపు నిర్ణయాన్ని నిరసిస్తూ ఈనెల 6న బంద్ పాటించాలని, ఇందులో అన్ని వర్గాల ప్రజలు పాల్గొని జయప్రదం చేయాలని ఆంధ్రప్రదేశ్ రాష్ట్ర పరిరక్షణ వేదిక రాష్ట్ర కోఆర్డినేటర్ వి.లక్ష్మణరెడ్డి ఒక ప్రకటనలో పేర్కొన్నారు. సీమాంధ్రలోని రాష్ట్ర ఎంపీలు, కేంద్ర మంత్రులు వెంటనే రాష్ట్రపతిని కలిసి కేంద్ర ప్రభుత్వానికి తమ మద్దతు ఉపసంహరించుకుంటున్నట్లు ప్రకటించాలని డిమాండ్ చేశారు.  
  
  అన్యాయం, అక్రమం, దుర్మార్గం
  కేంద్ర కేబినెట్ నిర్ణయం అన్యాయం, దుర్మార్గం. కాంగ్రెస్ తన రాజకీయ ప్రయోజనాల కోసమే ఈ నిర్ణయం తీసుకుంది. విభజన జరగకుండా తుదివరకు పోరాడుతాం.  
  - సీవీ మోహన్‌రెడ్డి, సీమాంధ్ర న్యాయవాదుల జేఏసీ కన్వీనర్
  
  ఇది బ్లాక్ డే
  ఇది బ్లాక్ డే. సీమాంధ్రుల భవిష్యత్తుకు గొడ్డలిపెట్టు. మెజారిటీ ప్రజల అభిప్రాయాన్ని, రాజ్యాంగ విలువను కాలరాశారు. ఆర్టికల్-3 దుర్వినియోగమయ్యే పరిస్థితికి ఇది నిదర్శనం. దీన్ని అడ్డుకునేందుకు వైఎస్సార్సీపీ అధ్యక్షుడు జగన్‌మోహన్‌రెడ్డి చేస్తున్న ప్రయత్నాలకు మా పూర్తి మద్దతు ఉంటుంది. జగన్ పిలుపుమేరకు శుక్రవారం నాటి బంద్‌కు మా సంపూర్ణ మద్దతు ఉంటుంది.  
  - కె.వి.కృష్ణయ్య, సచివాలయ సీమాంధ్ర ఉద్యోగుల ఫోరం
  
  ప్రభుత్వాన్ని కాదని గవర్నర్ రక్షణ ఎలా కల్పిస్తారు?
  తెలంగాణ గవర్నర్, ఇద్దరు  కేంద్ర అధికారులకు శాంతిభద్రతల బాధ్యతను అప్పగించడం ఎలా రక్షణ చర్యో అర్ధం కావడం లేదు. హైదరాబాద్‌లో ఉండే సీమాంధ్రుల రక్షణ కోసం కేంద్రం తీసుకున్న చర్యలు సరిగ్గా లేవు. తెలంగాణ ముఖ్యమంత్రిని, ఇక్కడి ప్రభుత్వాన్ని తోసిరాజని గవర్నర్ ఎలాంటి రక్షణ కల్పించగలరు. రాష్ట్ర ప్రభుత్వాన్ని పక్కన పెట్టి కేంద్రం సలహాలు,సూచనలు పాటించడం సాధ్యమవుతుందా?   
  - ప్రొఫెసర్ కంచె ఐలయ్య


 వైఎస్సార్ సీపీ మాదిరిగా మిగతా పార్టీలూ ముందుకు రావాలి
  ఆంధ్రప్రదేశ్ రాష్ట్ర పరిక్షణ వేదిక రాష్ట్ర కో ఆర్డినేటర్ లక్ష్మణ్‌రెడ్డి
 
  నెల్లూరు, న్యూస్‌లైన్: రాష్ట్రాలను బలహీన పరచి, చిన్న రాష్ట్రాలపై కేంద్రం పెత్తనం చెలాయించేందుకు, రాహుల్‌గాంధీకి ప్రధాని పదవి కట్టబెట్టేందుకు సోనియా రాష్ట్ర విభజనకు ప్రయత్నిస్తున్నారని ఆంధ్రప్రదేశ్ రాష్ట్ర పరిక్షణ వేదిక రాష్ట్ర కో ఆర్డినేటర్ లక్ష్మణ్‌రెడ్డి ఆరోపించారు. మంగళవారం ‘సమైక్యాంధ్ర ఉద్యమం-మన కర్తవ్యం’ అనే అంశంపై నగరంలో నిర్వహించిన సదస్సులో ఆయన మాట్లాడారు. డిసెంబర్ 9న తన జన్మదినం నాటికి రాష్ట్రాన్ని విభజించి కేసీఆర్‌కు తెలంగాణను అప్పగించేందుకు సోనియా అతివేగంగా పావులు కదుపుతున్నారన్నారు. రాజ్యాం గంలోని ఆర్టికల్ 3ను దుర్వినియోగం చేస్తూ తాము ఎంపిక చేసుకున్న ప్రాంతాన్ని ముక్కలు చేసేందుకు యూపీఏ సర్కారు ప్రయత్నిస్తోందని ఆయన విమర్శించారు. సమైక్యాంధ్ర కోసం స్పష్టమైన వైఖరి, నిబద్ధతతో వైఎస్సార్ కాంగ్రెస్‌పార్టీ ప్రధాన పాత్ర పోషిస్తోందన్నారు. మిగతా పార్టీలు కూడా స్పష్టమైన వైఖరితో ముందుకు కదిలితే ఉద్యమ తీవ్రత పెరుగుతుందన్నారు. జిల్లాకు చెందిన బీజేపీ జాతీయ నేత వెంకయ్యనాయుడు విభజనకు మద్దతు పలకడం విడ్డూరంగా ఉందన్నారు. విభజనకు మద్దతుగా ఇచ్చిన లేఖను వెనక్కు తీసుకునేందుకు టీడీపీ అంగీకరించడంలేదని లక్ష్మణ్‌రెడ్డి తెలిపారు. మంత్రుల బృందం 7న సమావేశం నిర్వహిస్తున్న నేపథ్యంలో బుధ, గురువారాల్లో సమైక్యవాదులందరూ ఏకమై జాతీయ రహదారులు దిగ్బంధించి నిరసన గళాన్ని ఢిల్లీకి వినిపించాలని పిలుపునిచ్చారు. సీఎం కిరణ్ కుమార్‌రెడ్డి తన సమైక్యవాదాన్ని మాటల్లో కాకుండా చేతల్లో చూపాలని కోరారు. అసెంబ్లీలో సమైక్యాంధ్ర తీర్మానాన్ని ఆమోదింపజేసి ఆ ప్రతులను ఢిల్లీకి పంపి తమ సమైక్యవాదాన్ని నిరూపించుకోవాలన్నారు.
  
  కాంగ్రెస్, టీడీపీ ద్వంద్వ వైఖరి వీడాలి
  తెలంగాణ, సీమాంధ్రలో పబ్బం గడుపుకొనేందుకు కాంగ్రెస్, టీడీపీ అవలంబిస్తున్న ద్వంద్వ వైఖరిని వీడాలని ఆంధ్రప్రదేశ్ రాష్ట్ర పరిరక్షణ వేదిక రాష్ట్ర కో-ఆర్డినేటర్ వి.లక్ష్మణ్‌రెడ్డి అన్నారు. నెల్లూరులో మంగళవారం విలేకరులతో ఆయన మాట్లాడారు. కేంద్ర ప్రభుత్వం అశాస్త్రీయంగా రాష్ట్ర విభజనకు పాల్పడుతోందన్నారు. అఖిలపక్ష సమావేశాన్ని, మంత్రుల బృందాన్ని రాష్ట్రంలోని అన్ని పార్టీలు, ప్రజాసంఘాలు బహిష్కరించాలని పిలుపునిచ్చారు.