ప్రముఖ న్యాయవాది దివంగత రామ్‌ జెఠ్మలానీ ఆత్మకథను తెరకెక్కించనున్నట్టు బాలీవుడ్‌ నటి సోహా అలీఖాన్‌ వెల్లడించారు. గత మూడేళ్లుగా వార్తల్లో ఉన్న ఈ బయోపిక్‌ విషయంలో వెనక్కు తగ్గేది లేదని ఆమె స్పష్టం చేశారు. సంపూర్థ కుటుంబానికి అవసరమైన పోషకాహార ఉత్పత్తులపై కాలిఫోర్నియా ఆల్మండ్స్‌ ఆధ్వర్యంలో నగరంలోని తాజ్‌ డెక్కన్‌ హోటల్‌లో నిర్వహించిన సదస్సులో పాల్గొన్న సందర్భంగా ఆమె ‘సాక్షి’తో ప్రత్యేకంగా మాట్లాడారు. గత కొన్నేళ్లు అనుకుంటున్న రామ్‌ జెఠ్మలానీ బయోపిక్‌ స్క్రిప్ట్‌ పూర్త కావచ్చిందని, త్వరలోనే సెట్స్‌కి వెళ్లనుందని నాయక పాత్రను తన భర్త నటుడు కునాల్‌ పోషించనున్నట్లు తెలిపారు. దాదాపు 70 ఏళ్ల పాటు న్యాయవాద వృత్తిలో ఉండి, అనేక మంది అతిరథ మహారథుల వంటి రాజకీయ నేతలు, క్రిమినల్స్‌కు వకల్తాగా, వ్యతిరేకంగా పని చేసిన జెఠ్మలానీ కథ అత్యంత ఆసక్తికరంగా ఉంటుందని ఆమె అభిప్రాయపడ్డారు. 

బాలీవుడ్‌ తారల్లో సక్సెస్, ఫెయిల్యూర్స్‌తో సంబంధం లేకుండా ఎప్పుడూ వార్తల్లో ఉంటూ అందర్నీ ఆకట్టుకునే కొందరిలో సైఫ్‌ సోదరి నటి సోహా అలీఖాన్‌ కూడా ముందు వరుసలో ఉంటుంది. తాజాగా తన వర్కవుట్స్‌ వీడియోస్‌ ద్వారా ఈ మధ్య వయసు నటి అందర్నీ ఆకట్టుకున్న సోహా... సంప్రదాయ వైద్య చిట్కాలనే తాను ఫాలో అవుతానని అంటోంది. తన ఆరోగ్య రహస్యం అదేనని చెప్పిందీమె. ప్రస్తుత వింటర్‌ సీజన్‌ను ఎదుర్కోవడానికి ఫ్యాన్స్‌ కోసం కొన్ని టిప్స్‌ కూడా ఇస్తోంది. ఆమె ఏం చెప్తోందంటే... ‘వర్షాకాలం ముగియడం, శీతాకాలం ఆరంభం కావడం వంటి వాతావరణ మార్పుల కారణంగా దగ్గు, జలుబు లాంటి సమస్యలు అధికంగా కనిపిస్తుంటాయి. మన ఆరోగ్యం కోసం అదనపు జాగ్రత్తలు తీసుకోవాల్సి ఉంటుంది. శ్వాస ఆరోగ్యం నిర్వహించుకోవడంలో అత్యంత కీలకం ఇది.  యోగా సాధన ఈ సీజన్‌లో చాలా మంచిది. వాతావరణంలో అకస్మాత్తుగా జరిగే మార్పులను తట్టుకుని నిలబడటానికి  శరీరానికి కొంత సమయం ఇవ్వడం అవసరం. అనారోగ్యం బారిన పడకుండా ఉండేందుకు నేను మా పెద్ద వాళ్ల అడుగు జాడల్లో నడుస్తుంటాను. మా అమ్మ చిన్నప్పుడు మా కోసం చేసినట్టు.. విక్స్‌ వ్యాపోరబ్‌తో ఆవిరి పట్టడం, యూకలిప్టస్, కర్పూరం, పుదీనా వంటి వాటిని వంటింటి వైద్యంలో భాగంగా వినియోగించడం చేస్తాను. తగినంత వేడిగా ఉండే వంటకాలు, సీజన్‌కు తగ్గట్టుగా  సరైన ఆహారం తీసుకోవడం, క్రమం తప్పని వ్యాయామం ద్వారా శ్వాస కోస వ్యాధుల నుంచి తప్పించుకోవచ్చు. నా కుమార్తె ఇన్నాయాతో కలిసి సూర్యాస్తమయం చూడటాన్ని అమితంగా ఇష్టపడతాను.  అది కూడా నాకు చాలా రిలీఫ్‌ ఇస్తుంది’ అని తెలిపారు.

ఆకాశమంత జీవితం నిప్పై జ్వలిస్తుంది. నీరై ఎగసిపడుతుంది. ప్రభంజనమై గొంతెత్తుతుంది.ఎప్పడో శేషజీవితంలో పుస్తకం రాసుకుందాం లే...అనుకోకుండా బాలీవుడ్‌ సెలబ్రిటీలు పుస్తకాలు రాస్తున్నారు. తమ జీవితాన్ని తెరిచిన పుస్తకం చేస్తున్నారు...పుస్తకం పంచభూతాల సమాహారం క్రాకింగ్‌ ది కోడ్‌ మై జర్నీ ఇన్‌ బాలీవుడ్‌ –ఆయుష్మాన్‌ ఖురానా ఆయుష్మాన్‌ ఖురానా ఎవరు? అనగానే వచ్చే సమాధానం బ్యాక్‌–టు–బ్యాక్‌ బ్లాక్‌ బస్టర్స్‌ ఇస్తున్న హీరో అని! ఈయనలో మంచి రచయితను పరిచయం చేసిన పుస్తకం క్రాకింగ్‌ ది కోడ్‌. భార్య తహీర కష్యప్‌తో కలిసి ఈ పుస్తకం రాశారు. చండీగఢ్‌ నుంచి ముంబైకు ఎంత దూరమో తెలియదుగానీ ‘జీరో టు హీరో’కు మధ్య దూరం మాత్రం చాలా పెద్దది. అలా అని దూరభయంలోనే ఉంటే కలలు ఎప్పటికీ దూరంగానే ఉంటాయి. ఈ విషయం తెలిసే తన కలల దారిని వెదుక్కుంటూ డ్రీమ్స్‌ సిటీ ముంబైకి వచ్చాడు ఖురాన. తన ప్రయాణంలో ఎదురైన కష్టాలకు ఈ పుస్తకంలో అక్షర రూపం ఇచ్చాడు. ఫేమ్, మై భీ హీరో, మైనే స్ట్రగులర్‌ హుమ్, టికెట్‌ టు బాలీవుడ్‌...మొదలైన చాప్టర్లు ఈ పుస్తకంలో ఉన్నాయి. కలలు కనేవాళ్లకు, కన్న కలలు నిజం చేసుకోవడానికి భయపడేవాళ్లకు ఈ పుస్తకం అంతులేని ధైర్యం. పుస్తకం నుంచి మంచి వాక్యం: మనలోని ‘నాకు అంతా తెలుసు’ అనే ద్వారం మూతపడితే తప్ప ‘తెలుసుకోవాలి’ అనే ద్వారం తెరుచుకోదు. ది పెరిల్స్‌ ఆఫ్‌ బీయింగ్‌మోడరేట్లీ ఫేమస్‌ సోహా అలీ ఖాన్‌ పెద్ద మర్రిచెట్టు కింద చిన్న మొక్క కూడా మొలవదు అంటారు. అదేమిటోగానీ, ఆ పెద్ద నీడ మాటున ‘వ్యక్తిగత ప్రతిభ’ అనేది చాలాసార్లు చిన్నబోతుంది. హిందీ, ఇంగ్లీష్, బెంగాలీ సినిమాల్లో నటిగా తన ప్రతిభ చాటుకున్న సోహా అలీఖాన్‌ చాలామంది దృష్టిలో పటౌడీ–షర్మిలా ఠాగూర్‌ల కూతురు మాత్రమే, ఇంకొందరి దృష్టిలో బాలీవుడ్‌ హీరో సైఫ్‌ అలీఖాన్‌ సోదరి. ఇలాంటి విచిత్ర పరిస్థితిని హాస్యధోరణిలో రాసి నవ్వించారు సోహా. తన స్కూల్, కాలేజీ జీవిత జ్ఞాపకాలను నెమరేసుకోవడంతో పాటు ఈనాటి సోషల్‌ మీడియా కల్చర్‌పై తనదైన శైలిలో రాశారు. పుస్తకం నుంచి మంచి వాక్యం: జీవితం అయిదుసార్లు కుప్పకూల్చితే, పదిసార్లు లేచి నిల్చోవాలి.శక్తినంతా కూడదీసుకొని పోరాడాలి.  అమ్మ మియా: ఇషా డియోల్‌ మాతృత్వం మధురిమపై ఇషా డియోల్‌ రాసిన అద్భుత పుస్తకం అమ్మ మియా. గర్భం దాల్చినప్పుడు తాను ఎదుర్కొన్న భయాలు, సందేహాలు వాటికి దొరికిన సమాధానాలు, ఇద్దరు పిల్లలు రధ్య, మియరల పెంపకం సంగతులు ఈ పుస్తకంలో ఉన్నాయి. ఇదొక బెస్ట్‌ పేరెంటింగ్‌ పుస్తకంగా పేరు తెచ్చుకుంది. స్థూలంగా చెప్పాలంటే న్యూ మదర్స్‌కు ఇదొక మంచి గైడ్‌లా ఉపకరిస్తుంది. పుస్తకం నుంచి మంచి వాక్యం: జీవితంలో మంచి విషయాలు అంటే అనుకోకుండా ఎదురయ్యే ఆనందక్షణాలే! అన్‌ఫినిష్డ్‌  ప్రియాంక చోప్రా సినిమా నేపథ్యం లేని కుటుంబం నుంచి వచ్చి హాలీవుడ్‌ వరకు ఎదగడం సాధారణ విషయమేమీ కాదు. తన ప్రయాణం నల్లేరు మీద నడక కాదు. తన ప్రస్థానంలో ఎదురైన అవమానాలు, చేసిన పోరాటాలను ‘అన్‌ఫిన్‌ఫినిష్డ్‌’లో రాశారు ప్రియాంక చోప్రా. ఒకానొక రోజు ప్రమాదవశాత్తు పెదవి తెగి రూపమే మారిపోయిన సందర్భంలో ప్లాస్టిక్‌ సర్జరీ చేసుకోవాల్సి వచ్చింది. ఇక అప్పటి నుంచి ‘ప్లాస్టిక్‌ చోప్రా’ అనే వెక్కిరింపులు ఎదురయ్యాయి. అయితే ఇవేమీ తన విజయానికి అడ్డుపడలేకపోయాయి. పుస్తకం నుంచి మంచి వాక్యం: నీలాంటి వ్యక్తి నువ్వు మాత్రమే. నీ గురించి బాగా తెలిసిన వ్యక్తి నువ్వు మాత్రమే. నీ బలాల గురించి బాగా తెలిసిన వ్యక్తి కూడా నువ్వు మాత్రమే!

ముంబై: కరోనా విజృంభిస్తున్న నేపథ్యంలో వైరస్‌ నివారణకు బాలీవుడ్‌ సెలబ్రిటీలు అనేక చిట్కాలు చెబుతున్నారు. తాజాగా కరోనా నివారణకు బాలీవుడ్‌ నటి సోహా అలీఖాన్‌ కొన్ని చిట్కాలు చెప్పారు. ప్రస్తుత సంక్షోభ పరిస్థితులలో ముఖ్యంగా మహిళలు రోగనిరోధక శక్తిని పెంచుకునేందుకు ప్రయత్నించాలని కోరారు. అందులో భాగంగా శరీరానికి విటమిన్‌లు లభించే ఆహారాలు తీసుకోవాలని కోరారు. అరటి పండ్లు, ఆల్‌మండ్లను నిత్యం తీసుకోవడం వల్ల రోగనిరోధక శక్తి పెరుగుతుందని పేర్కొన్నారు. ముఖ్యంగా మహిళలు చాలా జాగ్రత్తలు తీసుకోవాలని కోరింది. త్వరలోనే ఓ భారీ సనిమాలో హీరోయిన్‌గా సోహా అలీఖాన్‌ నటించనున్నట్లు బాలీవుడ్‌ సినీ వర్గాలు తెలిపాయి. 

ముంబై : లాక్‌డౌన్‌ నేపథ్యంలో బాలీవుడ్‌ స్టార్‌ సైఫ్ అలీఖాన్‌ ‌, తన భార్య కరీనా కపూర్‌ ఖాన్‌, కొడుకు తైమూర్‌తో కలిసి ముంబైలోని ఇంట్లో ఉంటున్నాడు. లాక్‌డౌన్‌ను సమయాన్ని సైఫ్‌.. తన ముద్దుల కొడుకు తైమూర్‌కు తోట పని నేర్పించడం, కరీనాతో వంట చేయడం వంటి పనులతో బిజీగా గడుపుతున్నాడు. అయితే సైఫ్‌ తన తల్లి, సీనియర్‌ నటి షర్మిలా ఠాగూర్‌ ప్రస్తుతం ఢిల్లీలో ఉంటోంది. దీంతో తన తల్లిని ఎంతగానో మిస్‌ అవుతున్నానని సైఫ్‌ అన్నారు. ఈ క్రమంలో ఓ మీడియాకు ఇచ్చిన ఇంటర్వ్యూలో సైఫ్‌ మాట్లాడుతూ.. లాక్‌డౌన్‌ కాలంలో తన తల్లి షర్మిలాతోపాటు సోదరీమణులు(సాబా, సోహా)గురించి తనెంత ఆందోళన చెందుతున్నాడో వివరించాడు. (సైఫ్‌ అలీ ఖాన్‌ ఇంట్లో ఈ పెళ్లి ఇష్టం లేదు..) "నేను నా తల్లి గురించి ఆందోళన చెందుతున్నాను, కానీ ఆమె చాలా తెలివైనది. ఆమె తన పూర్తి జీవితాన్ని అనుభవించానని. తన జీవితంపై ఎలాంటి విచారం లేదని చెప్పింది. నా తల్లి నుంచి ఇలాంటి మాటలు వినడం, ఆమె మాట్లాడిన తీరు నన్నుభయాందోళనకు గురిచేస్తోంది. అలాగే నా ఇద్దరు సోదరీమణులు సాబా, సోహాను మిస్‌ అవుతున్నాను. ప్రస్తుతం వారిని చూడలేకపోతున్నాను. కానీ మేము తరచుగా ఫోన్‌ కాల్‌ ద్వారా టచ్‌లో ఉంటున్నాం. ఆపద సమయంలో ఉన్నప్పుడు మనం అన్ని, అందరినీ వదులుకోవాల్సి వస్తుంది. అని ఆవేదన వ్యక్తం చేశారు.  అలాగే సైఫ్‌ లాక్‌డౌన్‌ను 19 వ శతాబ్ధపు ఓడతో పోల్చారు. ఓడలో ఉన్నప్పుడు భూమిని దూరం నుంచి చూడొచ్చు. కానీ మీరు నీటిలీ భూమికి మైళ్ల దూరంలో ఉన్నారు. అయితే ఆధునిక సాంకేతిక పరిజ్ఞానం వల్ల మనం దూరంగా ఉ‍న్న కుటుంబ సభ్యులు. స్నేహితులతో దగ్గరగా ఉండటానికి వీలవుతుంది.’’ అంటూ సైఫ్‌ చెప్పుకొచ్చారు. (ఇంగ్లాండ్‌ బోర్డింగ్‌ స్కూల్‌కు తైమూర్‌!)

సోహ అలీఖాన్‌కు ఏమైంది. ఆమె ఫొటోను చూసిన నెటిజన్లు ఇదే ప్రశ్న అడుగుతున్నారు. ఒకప్పటి బాలీవుడ్‌ నటి, సైఫ్‌ అలీఖాన్‌ పటౌడీ సోదరి సోహ అలీఖాన్‌ తాజాగా తన ముద్దుల కూతురు ఇనాయ నౌమీ కేముతో దిగిన ఫొటోను ఇన్‌స్టాగ్రామ్‌లో షేర్‌ చేశారు. లండన్‌లోని రద్దీ వీధుల్లో తీసిన ఈ ఫొటోలో స్ట్రోలర్‌పై ఇనాయ క్యూట్‌గా ఏదో అడుతుండగా.. పక్కన సోహ ఉన్నారు. ప్రస్తుతం పటౌడీ కుటుంబమంతా లండన్‌లో విహరిస్తున్న సంగతి తెలిసిందే. ఈ బ్యూటీఫుల్‌ ఫొటోలో సోహ లుక్‌పై నెటిజన్లు, ఆమె అభిమానులు పలు ప్రశ్నలు సంధిస్తున్నారు.  ముఖ్యంగా ఆమె మరీ సన్నగా కనిపించడం, వయసైన వృద్ధురాలి తరహాలో ముఖంపై ముడతలు ఉండటంతో అభిమానులు సోహకు ఏమైందని ప్రశ్నిస్తున్నారు. ఆమె ముసలి అవ్వలా కనిపిస్తోందని కొందరు ట్రోల్‌ చేస్తున్నారు. ఎక్కువగా టెన్సన్‌ పడకండి.. ఆ టెన్షన్‌ ముఖంపై కనిపిస్తోందని మరికొందరు నెటిజన్లు సలహా ఇస్తున్నారు. మరికొందరు ఒక ఫొటో ఆధారంగా ఇలా ట్రోల్‌ చేయడం సరికాదని, ఇది బాడీషేమింగ్గేనని అంటున్నారు. 

లండన్‌: బాలీవుడ్‌ నటుడు సైఫ్‌ అలీఖాన్‌ ఫ్యామిలీ ప్రస్తుతం హాలిడే ట్రిప్‌ ఎంజాయ్‌ చేస్తోంది. సైఫీనా జంటతో పాటు సైఫ్‌ సోదరి సోహా అలీఖాన్‌ దంపతులు కూడా లండన్‌లో విహరిస్తున్నారు. ఇక వీరి వెంట స్టార్‌ కిడ్స్‌ తైమూర్‌ అలీఖాన్‌, ఇనాయా కూడా ఉంటారని ప్రత్యేకంగా చెప్పాల్సిన పనిలేదు. తల్లిదండ్రులతో కలిసి హాలీడే ట్రిప్ ఎంజాయ్‌ చేస్తున్న ఈ చిన్నారుల ఫొటోలు ప్రస్తుతం సోషల్‌ మీడియాలో హల్‌చల్‌ చేస్తున్నాయి. ఈ క్రమంలో.. ‘ఎన్నాళ్లవుతుందో నిన్ను చూసి అనుకుంటూ ఇనాయా.. తైమూర్‌ దగ్గరకు పరుగెత్తుకుంటూ వెళ్లి గట్టిగా హత్తుకుంది. ఈ చిన్నారుల అనుబంధాన్ని చూడండి’ అంటూ సోహా అలీఖాన్‌ వారి ఫొటోలను ఇన్‌స్టాగ్రామ్‌లో పోస్ట్‌ చేసింది. ఇందుకు బదులుగా... ‘పిల్లలు ఎంత ముద్దొస్తున్నారో..’ అంటూ బాలీవుడ్‌ స్టార్స్‌ నేహా ధూపియా, సోఫీ చౌదరిలు కామెంట్‌ చేయగా నెటిజన్లు వారి ప్రేమానురాగాలకు ఫిదా అవుతున్నారు. ‘మీ బంధాన్ని ఎవరూ విడదీయలేరు’ అంటూ సరదాగా కామెంట్లు చేస్తున్నారు. ఇక... ‘పసిపిల్లలు ఎంతో బాగా కలిసిపోయారు. వారిద్దరికీ ఒకరంటే ఒకరికి ఎనలేని ప్రేమ! కానీ కొన్నిసార్లు ఏం పట్టనట్టు ఉంటారు. మళ్లీ వారి ప్రపంచంలో మునిగిపోతారు. వాళ్లు ఆడుకుంటున్నప్పుడు ఇనాయా కొన్నిసార్లు తైమూర్‌ జుట్టును లాగి ఏడిపిస్తుంటుంది. తైమూర్‌ భరిస్తాడే తప్ప ఏమీ అనడు. తైమూర్‌ ఇనాయాను చాలా బాగా చూసుకుంటాడు. బహుశా వాడికి అప్పుడే తెలిసిపోయిందేమో మాది ఒకే కుటుంబమని..! ’ అంటూ సోహా తన మేనల్లుడి గురించి చెబుతూ మురిసిపోయిన సంగతి తెలిసిందే.

సనత్‌నగర్‌: బాలీవుడ్‌ తార సోహా అలీఖాన్‌ బేగంపేటలోని కంట్రీక్లబ్‌లో సందడి చేశారు. కంట్రీక్లబ్‌ ఆధ్వర్యంలో నూతనంగా ప్రవేశపెట్టిన ‘మిలీనియర్స్‌ క్లబ్‌’ను బుధవారం ఆమె ప్రారంభించారు. తనకు హైదరాబాద్‌తో ఎంతో అనుబంధం ఉందని, నా బాల్యం ఎక్కువగా ఇక్కడే గడిచిందని చెప్పుకొచ్చారు. మా అత్త గారు ఇక్కడే బేగంపేటలో ఉండేవారని, తరచూ హైదరాబాద్‌ వస్తానన్నారు. అవకాశం వస్తే టాలీవుడ్‌లో నటిస్తానన్నారు. ఫ్యామిలీ క్లబ్బింగ్, హాలిడే, ఫిట్‌నెస్, లీజర్‌ ఎంటర్‌టైన్‌మెంట్‌ ఇండస్ట్రీకి కంట్రీక్లబ్‌ ప్రపంచ వ్యాప్తంగా ల్యాండ్‌మార్క్‌గా మారిందన్నారు. ముంబయ్‌లోని కంట్రీక్లబ్‌కు తాను తరచూ వెళ్తుంటానని, తనకిష్టమైన చికెన్‌ టిక్కాను తింటానన్నారు. కంట్రీక్లబ్‌ సీఎండీ రాజీవ్‌రెడ్డి మాట్లాడుతూ వచ్చే ఐదేళ్ళలో ఒక మిలియన్‌ కుటుంబాలు కంట్రీక్లబ్‌లో సభ్యులుగా చేరతారని ఆశిస్తున్నట్లు చెప్పారు. 

సాక్షి, న్యూఢిల్లీ: ప‍్రముఖ న్యాయవాది రాం జెఠ‍్మలానీ జీవితకథ ఆధారంగా ఓ సినిమా తెరకెక్కబోతున్నది. ప్రముఖ నటి సోహా అలి ఖాన్‌ తన భర్త కునాల్‌ కెముతో కలసి ఈ సినిమాను నిర్మించబోతున్నారు. ‘రెనగెడ్‌ ఫిల్మ్స్’ బ్యానర్‌పై తెరకెక్కనున్న ఈ చిత్రానికి రోనీ స్క్రూవాలా సహ నిర్మాత. ఈ సినిమాలో కునాల్‌ కేము రాం జెఠ్మలానీ పాత్రను చేయబోతున్నారు. ఎంతో చాలెంజ్‌గా తీసుకొని.. ఈ సినిమా తెరకెక్కిస్తున్నామని సోహా అలీఖాన్‌ తెలిపారు. జెఠ్మాలనీ వయసు ప్రస్తుతం 94 ఏళ్లు అని, ఆయన తన 70 ఏళ్ల వృత్తిజీవితంలో ప్రముఖ రాజకీయ నాయకుల నుంచి కరుడుగట్టిన నేరస్తుల వరకు ఎన్నో సంచలన కేసులను వాదించారని చెప్పారు. అంత గొప్ప వ్యక్తి  పూర్తి జీవితాన్ని తాము కేవలం  రెండున్నర గంటల్లో  చెప్పలేకపోవచ్చు, కానీ ముఖ్యమైన అంశాలను తెరకెక్కిస్తామన్నారు. స్క్రిప్ట్‌, దర్శకుడు ఫైనల్‌ అవ్వగానే సెట్స్‌ మీదకు వెళ్తామన్నారు.

సాక్షి, ముంబై : బాలీవుడ్‌ జంట కునాల్ ఖేము, సోహా అలీఖాన్‌ల నివాసంలో విజయదశమి పండుగ ముందే వచ్చేసింది. సోహా శుక్రవారం పండంటి ఆడపిల్లకు జన్మనిచ్చింది. ఈ శుభవార్తను కునాల్‌ ఖేమ్‌ ట్విట్టర్‌ ద్వారా షేర్‌ చేసుకున్నాడు. తల్లీ, బిడ్డ క్షేమంగా ఉన్నారని, మ‌హార్న‌వ‌మి రోజున పుట్టిన తన చిన్నారికి  ప్రేమ, ఆశీస్సులు అందించిన అందరికీ అతడు ధన్యవాదాలు తెలిపాడు. మరోవైపు తల్లిదండ్రులుగా ప్రమోట్‌ అయిన ఈ జంటకు అభినందనలు వెల్లువెత్తాయి. సోహా అలీఖాన్‌, కునాల్‌ 2015లో ప్రేమ వివాహం చేసుకున్న విషయం తెలిసిందే. We are over the moon to share we have been blessed with a beautiful baby girl on this auspicious day Thank you for the love&blessings — kunal kemmu (@kunalkemmu) 29 September 2017


 ముంబయి: ప్రముఖ నటి సోహా అలీ ఖాన్‌కు మరో బాలీవుడ్‌ ప్రముఖ నటుడు టైగర్‌ ష్రాఫ్‌ అండగా నిలిచారు. ఆమె చీరకట్టుకోవడంలో తప్పేముందని అన్నారు. సోహా ఏ తప్పు చేసినట్లు తనకు అనిపించడం లేదని దన్నుగా నిలిచారు. బాలీవుడ్‌ నటి అయిన  సోహా అలీఖాన్‌ త్వరలోనే ఓ బిడ్డకు జన్మనివ్వబోతోంది. గర్భవతి అయిన ఆమెకు ఇంట్లో సంప్రదాయబద్ధంగా శ్రీమంతం నిర్వహించారు. ఈ కార్యక్రమానికి సంబంధించిన ఫొటోలను సోహా అలీఖాన్‌ ట్విట్టర్‌లో, ఇన్‌స్టాగ్రామ్‌లో షేర్‌ చేసుకున్నారు. ఇళ్లంతా అలకరించిన బెలూన్‌ల నడుమ.. గులాబీ రంగు చీర కట్టుకొని, భర్త , ఆమె భర్త కునాల్‌ ఖేముతో దిగిన ఫొటోను ఆమె పోస్టు చేసింది. అయితే, ఆమెచీర కట్టుకొని, బొట్టు పెట్టుకున్నందుకు విమర్శలు చేశారు. ముస్లిం మతంలో నుంచి హిందువుగా మారిపోయావా అంటూ సోషల్‌ మీడియాలో వ్యాఖ్యానించారు. దీనిపై స్పందించిన టైగర్‌ ష్రాఫ్‌..
 
 'ప్రతి ఒక్కరికి భావవ్యక్తీకరణ స్వేచ్ఛ ఉంది. తమకు ఏది నచ్చుతుందో ఏది నచ్చదో దాని ప్రకారం చేసే హక్కు ప్రతి ఒక్కరికి ఉంది. సోహా అందరూ గర్వించదగిన నటి, పౌరురాలు. ఆమెకు నచ్చినది ఏదో ధరించినంతమాత్రానా ఆమె తప్పు చేసిందని నేను అనుకోవడం లేదు.. కానీ, ఒకటి మాత్రం చెప్పాలనుకుంటున్నాను. ప్రతి ఒక్కరికీ తమ వ్యక్తిగత అభిప్రాయం ఉంటుంది' అని అన్నారు. అదే సమయంలో తాను నటిస్తున్న మున్నా మైఖెల్‌ చిత్రం గురించి స్పందిస్తూ 'నేను చాలా అసంతృప్తితో ఉన్నాను. నా మూడో చిత్రం ద్వారానైనా నన్ను నేను నిరూపించుకోవాలనుకుంటున్నాను' అని చెప్పారు.


 బాలీవుడ్‌ నటి సోహా అలీఖాన్‌, ఆమె భర్త కునాల్‌ ఖేము త్వరలోనే తమ తొలి బిడ్డకు జన్మనివ్వబోతున్నారు. గర్భవతి అయిన ఆమెకు తమ ఇంట్లో సంప్రదాయబద్ధంగా శ్రీమంతం నిర్వహించారు. ఈ కార్యక్రమానికి సంబంధించిన ఫొటోలను సోహా అలీఖాన్‌ ట్విట్టర్‌లో, ఇన్‌స్టాగ్రామ్‌లో షేర్‌ చేసుకున్నారు. ఇళ్లంతా అలకరించిన బెలూన్‌ల నడుమ.. గులాబీ రంగు చీర కట్టుకొని, భర్తతో దిగిన ఫొటోను ఆమె పోస్టు చేసింది. ఆమె ఇలా ఫొటోలు పెట్టిన కాసేపటికే.. కొందరు విద్వేషకులు ఆమెపై మండిపడ్డారు. సంప్రదాయబద్ధంగా చీర కట్టుకొని, బొట్టు పెట్టుకున్నందుకు ఆమె తీరుపై విమర్శలు గుప్పించారు.
 
 ఆమె ఇక ఎంతమాత్రం ముస్లిం కాదంటూ విద్వేష వ్యాఖ్యలు చేశారు. ఆమె తన శ్రీమంతం ఫొటోలు సోషల్‌ మీడియాలో షేర్‌ చేసుకోగా.. రంజాన్‌ ఈద్‌ సందర్భంగా ఈ ఫొటోలు పెట్టారంటూ కొందరు నెటిజన్లు తమ ఆగ్రహాన్ని వెళ్లగక్కారు. కొందరు నెటిజన్లు ఆమె హిందూమతంలోకి మారిందంటూ విమర్శించారు. కాగా, పలువురు నెటిజన్లు ఆమెకు అండగా నిలిచారు.  ఈ ఫొటోలకు మతానికి ఎలాంటి సంబంధం లేదని, ఇలాంటి వైఖరితోనే ఇస్లాం మతంపై తప్పుడు అభిప్రాయం కలిగేలా చేస్తున్నారని అభిప్రాయపడ్డారు. చీర కట్టుకోవడం భారతీయ సంప్రదాయం అని, దీనిని మతకోణంలో చూడొద్దంటూ హితవు పలుకుతున్నారు.
 
 It isn't a party without balloons 🎈! pic.twitter.com/VjWnntegjS
 — Soha Ali Khan (@sakpataudi) 27 June 2017
 
 The love of family and friends is reason enough to dress up 💕 pic.twitter.com/7UP6YMU7UM
 — Soha Ali Khan (@sakpataudi) 28 June 2017
 
 so finally you have become a hindu
 — Rizwan Khan (@rizwan_khan1012) 28 June 2017
 
 I wll not abuse,But Ppl like u are responsible ,y Islam is being Blamed.for godsake come out of this mentality @SahilThoughts @purujimishra
 — Legion's Guru (@Avishal9) 28 June 2017
  
  


  బాలీవుడ్ కథానాయికలు ఇప్పుడు నిర్మాతలుగా మారడం ఓ ట్రెండ్ అయింది. ఇప్పటికే దియా మీర్జా, ప్రియాంకా చోప్రా, అనుష్కా శర్మ వంటి తారలు నిర్మాణ రంగంలోకి అడుగుపెట్టారు. ఇప్పుడు వీళ్ల లిస్ట్‌లో సోహా అలీఖాన్ కూడా చేరారు. తన భర్త కునాల్ ఖేమూతో కలిసి ఆమె సినిమాలు నిర్మించనున్నారు. తొలి ప్రయత్నంగా ఓ లివింగ్ లెజెండ్ జీవితం ఆధారంగా సినిమా నిర్మించనున్నట్లు ఆమె తెలిపారు.
 
 ఆ లెజెండ్ సినీ, క్రీడా రంగాలకు చెందిన వ్యక్తి కాదని స్పష్టం చేశారు. ఆ వివరాలు త్వరలో తెలియజేస్తామన్నారు. ‘‘మాకు పనీపాటా లేకపోవడం వల్ల నిర్మాతలుగా మారలేదు. మేం నిర్మించే సినిమాల్లో మేం నటించం. కొత్త ఆలోచనలను ప్రోత్సహించాలనే సంకల్పంతోనే నిర్మాణ రంగంలోకి అడుగుపెడుతున్నాం’’ అని సోహా పేర్కొన్నారు.


  భారతదేశపు తొలి మహిళా ప్రధానమంత్రి ఇందిరా గాంధీ డైనమిక్ లేడీ అనిపించుకున్న విషయాన్ని ప్రత్యేకంగా చెప్పక్కర్లేదు. అంగ రక్షకులు సత్వంత్ సింగ్, బియాంత్ సింగ్ జరిపిన కాల్పుల్లో ఆమె మరణించిన విషయాన్ని కూడా ప్రత్యేకంగా గుర్తు చేయక్కర్లేదు. ఇందిరా గాంధీ చనిపోయి ఇప్పటికి 32 ఏళ్లవు తోంది. ఆమె చనిపోయిన అనంతరం ఎలాంటి పరిస్థితులు నెలకొన్నాయి? అనే కథాంశంతో ‘థర్టీ ఫస్ట్ అక్టోబర్’ పేరుతో శివాజీ లోథన్ పాటిల్ దర్శకత్వంలో హ్యారీ సచ్‌దేవ్ సినిమా నిర్మించారు.
  
  ‘ఎ ట్రూ స్టోరి’ అనేది ఉపశీర్షిక. వీర్ దాస్, సోహా అలీఖాన్ హీరో హీరోయిన్లుగా నటించారు. ఈ చిత్రం సెన్సార్ పరంగా ఇబ్బందులు ఎదుర్కొంది. పలు సన్నివేశాలకు కట్ చెప్పడంతో రివైజింగ్ కమిటీకి కూడా పంపించారు. అక్కడ పలు కత్తెర్లు సూచించగా, వాటిని తీసేసి మళ్లీ పంపించడం, ఆ తర్వాత ఇంకొన్ని మార్పులు చెప్పడం, అవి చేసి మళ్లీ సెన్సార్ బోర్డ్ కమిటీకి పంపించడం.. మొత్తం మీద దర్శక-నిర్మాతలు చాలానే ఇబ్బందులు ఎదుర్కొన్నారు. ఎలాగైతేనేం సెన్సార్ బోర్డ్ నుంచి ఈ సినిమా విడుదలకు ఆమోదం పొందారు.
  
  ‘‘తొమ్మిది కట్స్ చెప్పారు. ‘సాలా’ అనే డైలాగ్‌ని, మరికొన్ని డైలాగ్స్‌నీ తీసేయమన్నారు. ఆ డైలాగ్స్ వచ్చే చోట మ్యూట్ చేశాం. కొన్ని సీన్స్ తీసేస్తే, కథకు న్యాయం జరగదని చెప్పడంతో కన్విన్స్ అయ్యారు. వచ్చే నెల విడుదల చేస్తాం’’ అని దర్శక-నిర్మాతలు చెప్పారు. 1984లో ఇందిరా గాంధీ చనిపోయిన తర్వాత జరిగిన మత కల్లోలాలను ధైర్యంగా ఎదుర్కొన్న తేజీందర్ కౌర్ పాత్రను సోహా చేశారు. ఆమె భర్త దేవేందర్ సింగ్ పాత్రను వీర్ దాస్ చేశారు.


 ఆర్బీఐ గవర్నర్ పదవిలో రెండో టర్మ్ కొనసాగబోనని రఘురామ్ రాజన్ స్పష్టంచేయడంతో ఈ విషయమై ఆన్ లైన్ లో పెద్ద చర్చే నడుస్తోంది. రఘురాం రాజన్ నిర్ణయంపై నెటిజన్లు అసంతృప్తి వ్యక్తం చేస్తున్నారు. రెండో పర్యాయం కూడా ఆయన ఆర్బీఐ గవర్నర్ గా కొనసాగాలన్న నెటిజన్లకు తాజాగా బాలీవుడ్ నటి సోహ ఆలి ఖాన్ గొంతు కలిపింది. రాజన్ నిర్ణయం దేశానికి తీవ్ర నష్టమని పేర్కొంది.
 
 'ఆర్బీఐ గవర్నర్ పదవి నుంచి రాజన్ తప్పుకునేలా బలవంత పెట్టారు. ఇది దేశానికి తీవ్ర నష్టం. ఇది సిగ్గుపడాల్సిన విషయం' అంటూ సైఫ్ ఆలిఖాన్ సోదరి అయిన సోహ ట్వీట్ చేసింది. ఆమె వ్యాఖ్యలను నెటిజన్లు తీవ్రంగా తప్పుబట్టారు. సోహా ఆలిఖాన్ కు ఆర్థిక శాస్త్రంపై అవగాహన ఉందా? కనీసం ఆమెకు ఆర్బీఐ పూర్తి పేరు (ఫుల్ ఫామ్) అయినా తెలుసా? ఎలాంటి పరిజ్ఞానం, సమాచారం లేకుండా రాజన్ ను ఆర్బీఐ గవర్నర్ పదవి నుంచి తప్పుకునేలా బలవంతపెట్టారని విమర్శించడం ఎంతవరకు సబబు అని పలువురు నెటిజన్లు ప్రశ్నించారు.
 
 దేశ ఆర్థిక వ్యవస్థ గురించి సోహాకు ఏం తెలుసు అని పలువురు ప్రశ్నించగా.. మరికొందరు నెటిజన్లు ఆమెకు అండగా నిలిచారు. లండన్ స్కూల్ ఆఫ్ ఎకానమిక్స్ లో మాస్టర్ డిగ్రీ చేసిన సోహాకు దేశ ఆర్థిక వ్యవస్థపై మాట్లాడే అర్హత ఉందని, ఆమె వ్యాఖ్యలను విమర్శించడం సరికాదని ఆమెకు మద్దతు పలికారు.


 బాలీవుడ్ అందాల తార సోహా అలీఖాన్ నగరంలో తళుక్కుమన్నారు. తన తల్లి, అలనాటి అందాల నటి షర్మిలా ఠాగూర్‌తో కలిసి గురువారం నగరంలో జరిగిన ఓ ప్రైవేటు కార్యక్రమంలో పాల్గొని అభిమానులతో ముచ్చటించారు.                                     
  
 శ్రీనగర్‌కాలనీ: సమానత్వం మా ఇంట్లో ఉంటుందని, తన భర్త పటౌడి లాండ్రీ బాగా చేస్తారని అలనాటి మేటి నటి షర్మిలా ఠాగూర్ కితాబివ్వగా కూతురు హీరోయిన్ సోహా అలీఖాన్ అవునంటూ చమత్కరించారు. గురువారం బంజారాహిల్స్‌లోని తాజ్‌దక్కన్‌లో ఏరియల్-వర్ల్‌పూల్ ఇండియా సంయుక్తంగా నిర్వహిస్తున్న డాడ్స్ టు షేర్ ద లోడ్ కార్యక్రమానికి ముఖ్య అతిథులుగా హాజరయ్యారు. సమానత్వం కోసం, తండ్రులకు భారాన్ని తగ్గించి వారికి తోడుగా ఉండేలా చేస్తూ విలువలను కాపాడే ప్రయత్నమే ఈ కార్యక్రమమని, ఇందులో తాను,  అమ్మ భాగస్వామిని కావడం సంతోషంగా ఉందని నటి సోహా అలీఖాన్ అన్నారు.
 
 ఇంటి పనులు కేవలం ఆడవారే చేయాలనే అపోహ దేశంలో ఉందని, అలాకాకుండా ఆ భారాన్ని మగవారు కూడా పంచుకుంటే కుటుంబం సంతోషంగా ఉంటుందన్నారు. పిల్లలు సైతం చిన్నతనం నుండే ఈ విధానానికి అలవాటుపడతారని నటి షర్మిలా ఠాగూర్ పేర్కొన్నారు. కార్యక్రమంలో భాగంగా షేర్ ద లోడ్ ప్యాక్‌ను ఆవిష్కరించారు.


 ముంబై: బాలీవుడ్లో ఇటీవల విడాకుల సీజన్ నడుస్తోంది. విబేధాల కారణంగా ఇటీవల కొన్ని జంటలు విడిపోయాయి. తాజాగా బాలీవుడ్ జంట హీరో సైఫ్ అలీఖాన్ సోదరి సోహా అలీఖాన్, నటుడు కునాల్ కెమ్ము విడిపోతున్నట్టు రూమర్లు వచ్చాయి. ఈ నేపథ్యంలో కునాల్ స్పందిస్తూ.. తమకు విడిపోవాలనే ఆలోచనే లేదని చెప్పాడు.
 
 'మా వివాహ బంధం చిక్కుల్లో పడిందా? నేను విడాకులు తీసుకోబోతున్నానా? కొంతమంది లేనిపోని పుకార్లు పుట్టిస్తున్నారు. నా భార్య నుంచి విడిపోవడం లేదు' అంటూ కునాల్ ట్వీట్ చేశాడు. 2014లో కునాల్, సోహాలకు పారిస్లో నిశ్చితార్థం జరిగింది. గతేడాది మార్చిలో వివాహం చేసుకున్నారు.
 
 బాలీవుడ్ జంట సల్మాన్ ఖాన్ సోదరుడు అర్బాజ్ ఖాన్, మలైకా అరోరా ఖాన్లు విడిపోయిన సంగతి తెలిసిందే. తామిద్దరమూ  విడిపోతున్నామంటూ మలైకా, అర్బాజ్ సంయుక్త ప్రకటనలో వెల్లడించారు. మరో నటి కరిష్మా కపూర్ తన భర్త సంజయ్ కపూర్తో విడాకుల విషయంలో ఒప్పందం చేసుకుంది.


 ఈరోజు మీతోపాటు పుట్టినరోజు జరుపుకొంటున్న ప్రముఖులు:
 సంఘవి (నటి), సోహా అలీఖాన్ (నటి)
  
 ఈ రోజు పుట్టిన రోజు జరుపుకుంటున్న వారి సంవత్సర సంఖ్య 4. వీరు ఈ సంవత్సరం స్థిరాస్తులు కొంటారు. వారసత్వ ఆస్తిపాస్తులు చేతికి అందుతాయి. ఉద్యోగ ప్రయత్నాలు ఫలిస్తాయి. ప్రమోషన్ల కోసం ఎదురు చూస్తున్న వారి ఆశలు నెరవేరతాయి. కోర్టుకేసుల నుండి విముక్తి లభిస్తుంది. వివాదాలలో చిక్కుకున్న ఆస్తులను గెలుచుకుంటారు. అయితే న్యాయసంబంధమైన, చట్టసంబంధమైన వివాదాలలో ఇరుక్కుంటే వాటినుంచి బయట పడటం అంత సులభం కాదు కాబట్టి రాజీ ధోరణి మంచిది.
 
 మేనేజ్‌మెంట్ రంగంలోని వారికి, చార్టెర్డ్ ఎకౌంటెంట్లకు, ఫైనాన్స్ రంగ ంలోని వారికి బాగా కలిసి వస్తుంది. పారిశ్రామికవేత్తలు, రియల్ ఎస్టేట్ వ్యాపారులు తమ తమ రంగాలలో బాగా పుంజుకుంటారు. మీరు పుట్టిన తేదీ 4. ఇది కూడా రాహు సంఖ్య కావడం వల్ల కంప్యూటర్ రంగంలోని వారికి, ఎం.బి.ఎ; సి.ఎ; ఎల్.ఎల్.బి చదివిన వారికి మంచి అవకాశాలు ఏర్పడతాయి. పోటీపరీక్షల్లో విజయం ప్రాప్తిస్తుంది.  సొంత ఇంటికల నెరవేరుతుంది. సామాజికంగా మంచి పేరు ప్రఖ్యాతులు లభిస్తాయి. లక్కీ నంబర్లు: 4,5,6,8;
 
 లక్కీ కలర్స్: పర్పుల్, బ్లూ, వయోలెట్, గ్రీన్; లక్కీ డేస్: శుక్ర, శని, ఆది, సోమ వారాలు. సూచనలు: కోపాన్ని, నోటి దురుసుతనాన్ని తగ్గించుకోవడం, సర్పసూక్త సహిత మహన్యాసపూర్వక రుద్రాభిషేకం చేయించుకోవడం, వృద్ధులకు, అనాథలకు, వితంతువులకు సహాయం చేయడం.
  - డాక్టర్ మహమ్మద్ దావూద్, ఆస్ట్రో న్యూమరో గ్రాఫో థెరపిస్ట్
  


 హైదరాబాద్ : ‘మొదట నేను డిటెక్టివ్ కావాలనుకున్నట్లు బాలీవుడ్ నటి సోహా అలీఖాన్ తెలిపింది. 'యుక్త వయసులో లాయర్ కావాలనుకున్నా. ఇంకా ఏవేవో చేయాలనుకున్నా. రాయాలని కూడా అనుకున్నా. చివరికి నటినయ్యా. సిటీబ్యాంక్‌లో ఏడాదిన్నర పాటు పనిచేసిన తర్వాత నేను సినిమాల్లోకి వచ్చా.
  
 ఒకప్పుడు సినిమా అంటే ఏముంది? పాటలు పాడడం, డ్యాన్సులు చేయడం.. అంతే కదా అనుకున్నా. నటించడం మొదలుపెట్టాక నా ఆలోచన మారింది. మనలోని ప్రతిభను వెలికితీసే నటనకు అవకాశం ఇచ్చే పాత్రలు కూడా ఉన్నాయని గుర్తిస్తున్నాను. షర్మిల తల్లి పాత్రలు చేసిన సినిమాలన్నింటిలోనూ చనిపోతుంది.
  
 నిజానికి ప్రేక్షకులు కూడా అదే కోరుకున్నారు. అయితే, తల్లిపాత్రలు చేయడంలో ఎటువంటి నష్టం కలగదనే విషయంలో ఆమెతో నేను అంగీకరిస్తాను. ఈ ఏడాది అక్టోబరు 30న రిలీజ్ అవుతున్న నా సినిమాలో నేను ముగ్గురు బిడ్డల తల్లిగా చేస్తున్నా. చాలా మంది యువకులు తాము అభిమానించేలా యుక్తవయసు మహిళలనే తెరపై చూడాలని కోరుకుంటారు.
  
 అలాంటి యవతులతో మాత్రమే ఫాంటసైజ్ చేసుకుంటారనేది నిజం (నవ్వు). ఏదేమైనా మన దేశం రెండు రకాల కాలాల్లో జీవిస్తోంది. ఒకటేమో 12వ శతాబ్ధంలో అయితే, మరొకటి ఆధునిక భారతదేశాన్ని నడిపిస్తోంది. ఈ రెండు యుగాల మనస్తత్వాలను అర్థం చేసుకుని ముందుకు వెళ్లగలిగే సత్తా మన మహిళలకు ఉంది’ పేర్కొంది. బుధవారం హైదరాబాద్ నగరంలోని యంగ ఫిక్కి లేడీస్ ఆర్గనైజేషన్ ఆధ్వర్యంలో నిర్వహించిన సెలబ్రేట్ ఉమెన్హుడ్ కార్యక్రమంలో తల్లీ షర్మిలా ఠాగూర్, సోహా అలీఖాన్ పాల్గొన్నారు.


 సోహా అలీఖాన్
  
 ‘మొదట నేను డిటెక్టివ్ కావాలనుకున్నాను. యుక్త వయసులో లాయర్ కావాలనుకున్నా. ఇంకా ఏవేవో చేయాలనుకున్నా. రాయాలని కూడా అనుకున్నా. చివరికి నటినయ్యా. సిటీబ్యాంక్‌లో ఏడాదిన్నర పాటు పనిచేసిన తర్వాత నేను సినిమాల్లోకి వచ్చా. ఒకప్పుడు సినిమా అంటే ఏముంది? పాటలు పాడడం, డ్యాన్సులు చేయడం.. అంతే కదా అనుకున్నా. నటించడం మొదలుపెట్టాక నా ఆలోచన మారింది. మనలోని ప్రతిభను వెలికితీసే నటనకు అవకాశం ఇచ్చే పాత్రలు కూడా ఉన్నాయని గుర్తిస్తున్నాను. షర్మిల తల్లి పాత్రలు చేసిన సినిమాలన్నింటిలోనూ చనిపోతుంది.
 
 నిజానికి ప్రేక్షకులు కూడా అదే కోరుకున్నారు. అయితే, తల్లిపాత్రలు చేయడంలో ఎటువంటి నష్టం కలగదనే విషయంలో ఆమెతో నేను అంగీకరిస్తాను. ఈ ఏడాది అక్టోబరు 30న రిలీజ్ అవుతున్న నా సినిమాలో నేను ముగ్గురు బిడ్డల తల్లిగా చేస్తున్నా. చాలా మంది యువకులు తాము అభిమానించేలా యుక్తవయసు మహిళలనే తెరపై చూడాలని కోరుకుంటారు. అలాంటి యవతులతో మాత్రమే ఫాంటసైజ్ చేసుకుంటారనేది నిజం (నవ్వు). ఏదేమైనా మన దేశం రెండు రకాల కాలాల్లో జీవిస్తోంది. ఒకటేమో 12వ శతాబ్ధంలో అయితే, మరొకటి ఆధునిక భారతదేశాన్ని నడిపిస్తోంది. ఈ రెండు యుగాల మనస్తత్వాలను అర్థం చేసుకుని ముందుకు వెళ్లగలిగే సత్తా మన మహిళలకు ఉంది’.
  


  ఒకనాటి సూపర్‌హిట్  ఘాయల్‌కి సీక్వెల్ తీస్తున్నాడు సన్నీ డియోల్. ఘాయల్ వన్స్ అగైన్ పేరుతో రూపొందిస్తున్న ఈ సినిమా మీద మంచి అంచనాలున్నాయి. ఈ సినిమాలో సన్నీడియోల్‌తో సైఫ్ సోదరి, రంగ్ దే బసంతిలో సిద్ధార్ధతో జోడీ కట్టిన సోహా అలీఖాన్ నటిస్తోంది. ఇందులో సైకియాట్రిస్ట్ పాత్ర పోషిస్తున్న సోహాకి, సన్నీడియోల్‌కి మధ్య  కధలో సందర్భానుసారం వచ్చే కొన్ని శృంగార సన్నివేశాలు ఉన్నాయట. ఇంకా చిత్రీకరణ జరుపుకోవాల్సి ఉన్న ఆ హాట్ సీన్ల గురించి 36 ఏళ్ల సోహా అలీఖాన్ ఇప్పటి నుంచి నెర్వస్‌గా ఫీలవుతోందట.
 
 సన్నీడియోల్ వంటి సీనియర్ నటుడితో నటించడం అనేది ఓ వైపు ఆనందంగానే  అనిపిస్తున్నా... అదే సమయంలో సదరు సన్నివేశాల్లో ఎలా నటిస్తానో అనే ఆందోళన తనకు ఉందని సన్నిహితుల వద్ద ఓపెన్ అవుతోందట సోహా. మరో విషయమేమిటంటే... సోహా భర్త కునాల్ ఖేము కూడా నటుడే. నాటి హీరో ధర్మేంద్ర దర్శకత్వంలో రూపొందుతూ, నవంబరులో విడుదల కానున్న ‘ఘాయల్ వన్స్‌మోర్’ ప్రేక్షకుల ముందుకు వస్తే కానీ... సోహా అలీఖాన్ నెర్వస్‌నెస్‌ను తగ్గించుకోగలిగిందా లేదా అనేది మనకి తెలియదు.


 పోలీస్ పాత్రల్లో కనబడ్డ నలుగురు సివంగులు
 ఈ బాలీవుడ్ భామలను అందరూ గ్లామర్ డాల్స్ అంటారు. ముట్టుకుంటే కందిపోయేలా ఉంటారు అనుకుంటారు. కానీ ఒక్కసారి వీళ్లని ఖాకీ డ్రెస్సులో చూస్తే తెలుస్తుంది... వారిలో ఎంత కరకుదనం ఉందో!
  
 బిపాసా బసు... గ్లామర్ క్వీన్. హాట్ బ్యూటీ. అందాలతో మత్తెక్కిస్తుంది. సోయగాలతో మైమరపిస్తుంది. ‘గునాహ్’ సినిమా చూసేవరకూ ఇలాగే మాట్లాడుకున్నారు బిప్స్ గురించి. కానీ ఆ సినిమాలో యూనిఫామ్‌లో రఫ్‌గా కనిపించిన ఆమెను చూసి గతుక్కుమన్నారు. సీరియస్ పోలీస్ ఆఫీసర్‌గా హుందాగా కనిపించిన బిపాసాను చూసి సూపర్‌‌బ అన్నారు. ఆ తర్వాత ‘ధూమ్ 2’లో కూడా పోలీసు పాత్రలో నటించి మెప్పించింది బిప్స్!
  
 సోహా అలీ ఖాన్
 అమ్మ షర్మిలా ఠాగూర్ అందాన్ని, అన్న సైఫ్ అలీ ఖాన్ స్టైల్‌ని పుణికి పుచ్చుకుంది సోహా అలీ ఖాన్. కొత్త కొత్త ఫ్యాషన్లను అనుసరించడం, వీలైనంత గ్లామరస్‌గా కనిపించడం ఆమెకు ఎంతో ఇష్టమైన పని. కానీ ‘మిస్టర్ జో భీ కర్‌వాలో’ చిత్రం చూస్తే ఈమె సోహాయేనా అనిపిస్తుంది. ఇన్‌స్పెక్టర్ శాంతిప్రియా ఫడ్నిస్‌గా యూనిఫామ్‌లో ఎంతో డిఫరెంట్‌గా కనిపిస్తుంది సోహా. తుపాకులు పేలుస్తూ, రౌడీల మక్కెలు విరగదన్నుతూ యాక్షన్ హీరోలను మరిపించింది.
  
 ఇషా గుప్తా
 హాలీవుడ్ నటి ఏంజిలీనా జోలీకి చెల్లెలేమో అనిపిస్తుంది ఇషా గుప్తాని చూస్తే. తన గ్లామర్‌తో బాలీవుడ్ వారి మతులు పోగొట్టేసిన ఈ సుంద రాంగికి పోలీసు పాత్రలో నటించాలనేది డ్రీమ్. ఆ కలను ‘చక్రవ్యూహ్’ సినిమా తీర్చింది. అందులో ఐపీఎస్ ఆఫీసర్ రియా మీనన్‌గా జీవించి మార్కులు కొట్టేసింది ఇషా. చాన్స్ దొరికితే మళ్లీ యూనిఫామ్ వేయడానికి రెడీ అనేంత పిచ్చి ఆమెకు పోలీసు పాత్ర అంటే!
  
 షమితాశెట్టి
 ‘మొహొబ్బతే’ చిత్రంతో గ్రాండ్ ఎంట్రీ ఇచ్చింది శిల్పాశెట్టి చెల్లెలు షమితాశెట్టి. కానీ పాపం కెరీర్ అనుకున్నంతగా సాగలేదు. పెద్దగా సక్సెస్ కాలేదు. అయితే తన పేరు చెబితే గుర్తొచ్చే పాత్రలు కొన్ని చేసింది షమిత. ‘క్యాష్’, ‘జెహెర్’ చిత్రాల్లో స్ట్రిక్ట్ అండ్ సిన్సియర్ పోలీసా ఫీరుగా ఆమె నటనను మెచ్చుకుని తీరాలి. ఓ పక్క కూల్‌గా కనిపిస్తూనే ఖాకీ డ్రెస్సులో కరకుదనాన్ని ప్రదర్శించి అదరగొట్టేసింది!


  పెళ్లొకరిది... గిఫ్ట్ ఇంకొకరిదంటే ఇదే మరి! ఆడపడచు సోహా అలీఖాన్ మెహందీ ఫంక్షన్‌లో బాలీవుడ్ కలల రాణి కరీనా కపూర్‌కు ఓ అపురూప బహుమతి దక్కింది. ఇచ్చింది కూడా తన అక్క కరిష్మానే! సోహా మెహందీ సందర్భంగా... వారసత్వంగా వస్తున్న అమ్మమ్మ కృష్ణారాజ్‌కపూర్ రింగ్‌ను చెల్లికి మురిపెంగా ప్రజెంట్ చేసింది కరిష్మా. ఈ ఉంగరాన్ని ఇరవై ఏళ్ల కిందట కృష్ణ... కరిష్మాకు ఇచ్చిందట. ప్రస్తుతం కరణ్‌జోహార్ చిత్రం షూటింగ్‌లో క్షణం తీరిక లేకుండా ఉన్న కరీనా... సోహా ఫంక్షన్‌కు వచ్చి వెళ్లిపోయిందట. ఈ కార్యక్రమంలో అక్కాచెల్లెళ్లు కరిష్మా, కరీనా ఎంతో ఆప్యాయంగా గడిపారనేది ఓ వెబ్‌సైట్ కథనం.
  


 బాలీవుడ్‌లో ఈ మధ్యకాలంలో ఎక్కువగా వార్తల్లో నిలిచిన ప్రేమజంటల్లో కునాల్ ఖేము, సోహా అలీఖాన్‌ల జోడీ ఒకటి. ఈ ఇద్దరి బంధం ఎన్నాళ్లో? అని చాలామంది అనుకున్నారు. కానీ, ఈ జంట తమ లవ్‌ని మ్యారేజ్ వరకూ తీసుకెళ్లింది. ఆదివారం ఈ ఇద్దరూ మూడు ముళ్ల బంధంతో ఒకటయ్యారు. సోహా సోదరుడు సైఫ్ అలీఖాన్ దగ్గరుండి మరీ తన చెల్లెలి పెళ్లి జరిపించారు. నిరాడంబరంగా జరిగిన ఈ వేడుకలో సైఫ్ అలీఖాన్ కుటుంబసభ్యులు, అత్యంత సన్నిహితులు మాత్రమే పాల్గొన్నారు. ఇదిలా ఉంటే.. సోహా, కునాల్ జంటగా నటించనున్న ‘గాయల్-2’ షూటింగ్ ఫిబ్రవరిలో ప్రారంభం కానుంది.
 
  


 ముంబై : ఈ నెల 25న ఆదివారం తాను నటుడు కునాల్ ఖేమును నిరాడంబరంగా పెళ్లి చేసుకుంటున్నట్లు బాలీవుడ్ నటి సోహా అలీఖాన్ చెప్పారు. ఖార్‌లోని నివాసంలో కొద్ది మంది అతిథుల మధ్య సాదాసీదాగా తమ వివాహం జరుగుతుందని అన్నారు. పెళ్లిరోజు ఎటువంటి దుస్తులు ధరించాలో ఇంకా తేల్చుకోలేదని 36 ఏళ్ల వధువు అన్నారు.
 
 ఈ పెళ్లి వేడుక తనకు చిరస్మరణీయమైనదిగా, ప్రత్యేకమైనదిగా ఉండాలని కోరుకుంటున్నట్లు సోహా చెప్పారు. సోదరుడు సైఫ్ అలీఖాన్‌ను పెళ్లి చేసుకున్నప్పుడు కరీనాకపూర్ ధరించిన తమ కుటుంబ సాంప్రదాయ దస్తులను ఎందుకు ధరించడం లేదని ప్రశ్నించగా, అవి తమ నాయనమ్మవని చెప్పారు. వాటిని ఆమె తన కోడులు (సోహా తల్లి షర్మిల)కు ఇచ్చిందని, ఆమె తనకు కాబోయే కోడలు (కరీనా)కు ఇచ్చిందని అన్నారు. సోహా, కునాల్‌ల నిశ్చితార్థం గత ఏడాది పారిస్‌లో జరిగింది. కునాల్ సోహాకన్నా ఐదేళ్లు చిన్నవాడు. వీరిద్దరూ ‘99’అనే చిత్రంలో కలిసి నటించారు. ఈ వివాహం పట్ల తాను సంతోషంగా ఉన్నానని, షర్మిల చెప్పారు.


 మన్సూర్ అలీఖాన్ పటౌడీ, షర్మిలా టాగోర్ దంపతుల సంతానమైన సైఫ్ అలీఖాన్, సోహా అలీఖాన్ ఇద్దరూ బాలీవుడ్‌లో రాణిస్తున్న సంగతి తెలిసిందే. మన్సూర్ అలీఖాన్ పటౌడీ భారత క్రికెట్ జట్టు మాజీ కెప్టెన్‌గా, సినీ నటిగా షర్మిలా టాగోర్ సుప్రసిద్ధులు.  సైఫ్, సోహాలు తండ్రి నుంచి క్రీడా వారసత్వాన్ని కాకుండా, తల్లి నుంచి సినీ వారసత్వాన్ని పుణికి పుచ్చుకున్నారు. బాలీవుడ్‌లో సైఫ్ ఇప్పటికే తన ముద్ర చాటుకోగా, సోహా మాత్రం నటిగా తనను తాను ఇంకా పూర్తిగా నిరూపించుకోలేకపోయింది. అన్న సైఫ్‌తో తన బంధం సంప్రదాయాలకు, ఆనవాయితీలకు అతీతమైనదని సోహా చెబుతోంది.


 పంచామృతం
 
 సినీ పరిశ్రమలో తారలుగా వెలుగొందాలంటే వ్యక్తిగత ప్రతిభే అర్హత. కొందరికి ప్రతిభకు కుటుంబ నేపథ్యం ప్లస్ అవుతుంది. సూపర్‌స్టార్లను చేసేస్తుంది. మరి ఇటువంటి రంగంలో తారలుగా వెలుగొందుతున్న వారిలో కొందరు ఉన్నత విద్యావంతులూ ఉన్నారు. తెరమీద గంతులేసే పాత్రలు చేసినా ఆ తెరమీదకు రాకముందు మాత్రం వారు ఏకాగ్రతతో, శ్రద్ధగా పెద్ద చదువులు చదివిన వారే! అకాడమీ డిగ్రీలతో ఉన్నతవిద్యావంతులైన అలాంటి వారిలో కొందరు..
  
 సొహాఅలీఖాన్
 కుటుంబ నేపథ్యానికి తగిన చదువులు చదివింది సొహా. పటౌడీల కుటుంబం నుంచి వచ్చిన సొహా లండన్‌స్కూల్‌ఆఫ్ ఎకనామిక్స్ లో ‘అంతర్జాతీయ సంబంధాల’ గురించి అధ్యయనం చేసింది. అదే వర్సిటీ నుంచి పొలిటికల్ సైన్స్‌లో మాస్టర్ డిగ్రీని సాధించింది. ఆ తర్వాత సినిమాల్లోకి ఎంట్రీ ఇచ్చింది.
  
 ప్రీతీజింతా
 ‘సొట్టబుగ్గల సుందరి’ అనే పదాన్ని ఒక బిరుదుగా, దాన్నే పెద్ద అర్హతగా ప్రీతీజింతా గురించి పరిచయం చేస్తూ ఉంటారు. అయితే ప్రీతీ స్కూల్‌ప్రోగ్రెస్ కార్డులను చూస్తే మాత్రం తన గురించి చెప్పడానికి చాలా అర్హతలున్నాయనిపిస్తుంది. చిన్నప్పటి నుంచి విలియమ్ షేక్‌స్పియర్ కవిత్వం, నాటకాలపై ఆసక్తిని పెంచుకొన్న ప్రీతి సిమ్లాలోని సెయింట్ బెడెస్ కాలేజీలో ఇంగ్లిష్ ఆనర్స్ డిగ్రీని పూర్తి చేసింది.   తర్వాత క్రిమినల్ సైకాలజీలో మాస్టర్‌డిగ్రీ జాయిన్ అయ్యింది. అంతలోనే సినిమాల్లో అవకాశం రావడంతో చదువుకు ఫుల్‌స్టాప్‌పెట్టింది.
  
 సిద్ధార్థ
 నాలుగు భాషలను అనర్గళంగా మాట్లాడగల, రాయగల ప్రతిభావంతుడు సిద్ధూ. గాయకుడిగా కూడా ప్రతిభను చాటుకొన్న ఈ నటుడు సినిమాల్లోకి రాకముందు సిన్సియర్ స్టూడెంట్. ముంబయిలోని ఎస్‌పీ జైన్ మేనేజ్‌మెంట్ అండ్ రీసెర్చ్ విద్యాలయంలో ఎమ్‌బీఏ పూర్తి చేశాడు. అంతకన్నా ముందు ఢిల్లీ యూనివర్సిటీలో కామర్స్ సబ్జెక్ట్‌తో ఆనర్స్ డిగ్రీని పూర్తి చేశాడు.
  
 అమీషాపటేల్
 బాలీవుడ్‌తో పాటు దక్షిణాది సినిమాల్లో కూడా చేసి దేశవ్యాప్త గుర్తింపును సంపాదించుకొన్న అమీషాపటేల్ విదేశీ వర్సిటీల్లో చదివింది. 90లలోనే అమెరికా వెళ్లి మసాచుసెట్స్‌లోని టఫ్ట్స్ యూనివర్సిటీలో అర్థశాస్త్రం అభ్యసించింది. గ్రాడ్యుయేషన్‌ను పూర్తి చేసింది. టాపర్‌గా నిలిచి గోల్డ్‌మెడల్ సాధించింది!
  
 మాధవన్
 చదువుతో పాటు ఎన్‌సీసీలో కూడా యాక్టివ్‌గా ఉండేవాడట మాధవన్. ఎన్‌సీసీలో ఇతడి ప్రతిభను చూసి ఇంగ్లండ్ టూర్‌కు కూడా పంపించారట. ఆ తర్వాత ఎలక్ట్రానిక్స్ సబ్జెక్ట్‌గా గ్రాడ్యుయేషన్ పూర్తి చేశాడు. అటుపై రాయల్ ఆర్మీ, నేవీ, ఎయిర్‌ఫోర్స్‌లలో శిక్షణ పొందాడు. ఈ అర్హతలతోనే కెనడాలో భారత కల్చరల్ అంబాసిడర్‌గా నియమితం అయ్యాడు. అనుకోకుండా సినిమాల వైపు వచ్చాడు.


  తన చెల్లెలు సోహా అలీఖాన్‌పై సైఫ్ అలీఖాన్ గుర్రుమీద ఉన్నారు. దానికి కారణం ఇటీవల ఆమె చేసిన ఫొటో షూట్. కేవలం లో దుస్తులు మాత్రమే ధరించి, స్విమ్మింగ్ ఫూల్‌లో హాట్ హాట్‌గా సోహా అలీ పోజులిచ్చేశారు. దాంతో ఈ అన్నగారికి కోపం నషాళానికి అంటిందట. ఇంటి పరువు తీసుకెళ్లి స్విమ్మింగ్‌ఫూల్ పాలు చేస్తోందని తల పట్టుకు కూర్చున్నాడట సైఫ్.
  
  అంతటితో ఆగకుండా చెల్లాయమ్మను పిలిచి చీవాట్లు పెట్టాడట. ‘మరోసారి ఇలాంటి ఫొటో షూట్‌లో పోజులిస్తే ఊరుకునేది లేదు... జాగ్రత్త’ అని హెచ్చరికను కూడా జారీ చేశాడట సైఫ్. సోహాకి ఇలాంటి ఫొటో షూట్‌లు కొత్తేం కాదు. గతంలో కూడా ఓ ఇంగ్లిష్ మ్యాగజైన్‌కి హాట్ హాట్‌గా ఫోజులిచ్చి వార్తల్లో వ్యక్తిగా నిలిచారు. అప్పుడు కూడా సైఫ్ ఆగ్రహానికి గురయ్యారామె. ఇది రెండో సారి. తన సినిమాల్లో కథానాయికలు ఎంత స్పైసీగా నటించినా ఫర్లేదు కానీ, చెల్లెలు అలా కనిపిస్తే మాత్రం భరించలేకపోతున్నాడు సైఫ్. తన దాకా వస్తే కదా... అసలు బాధ తెలిసేది.
  
  


 మై ఫిలాసఫీ
  
 జీవితం చాలామందికి పూలబాట కాకపోవచ్చు. పూలబాట అయినవాళ్లకు...అది శాశ్వతం కాకపోవచ్చు. ఈ ఎరుక మనలో ఉంటే కష్టాల్లోనైనా, సుఖాల్లోనైనా స్థిరచిత్తంతో ఉండే గుణం అలవడుతుంది.
      
 ‘నా శక్తి ఇది’ అని గొప్పగా చెప్పుకునే వాళ్లకు ‘నా బలహీనత ఇది’ అని చెప్పుకునే ధైర్యం కూడా ఉండాలి. అప్పుడే లెక్క కుదురుతుంది!
      
 మిగతా విషయాలను గుర్తు పెట్టుకున్నా, పెట్టుకోకపోయినా... నా తప్పులను మాత్రం ఎప్పుడూ గుర్తు పెట్టుకుంటాను. అవి పునరావృతం కాకుండా జాగ్రత్త పడతాను.
      
 కొన్ని సమయాల్లో ‘అహం’ వాస్తవాలను చూడడానికి నిరాకరిస్తుంది. అహాన్ని పక్కన పెడితే వాస్తవం చేరువవుతుంది. అహాన్ని వదులుకోవడం అంటే ఒక మెట్టు కిందకి దిగడం కాదు... రెండు మెట్లు పైకి ఎక్కడం.
      
 ఉత్తినే సలహాల కోసం సలహాలు ఇచ్చే వారి దగ్గర సలహాలు తీసుకోవడం కంటే, తీసుకోకపోవడం వల్లే మనసు ప్రశాంతంగా ఉంటుంది.
      
 పాత్రలు నచ్చకపోయినా ‘నటించాలి’ అనే నియమమేదీ పెట్టుకోలేదు. ‘ఇంటర్నేషనల్ రిలేషన్స్’లో డిగ్రీ ఉంది. సిటీబ్యాంకులో ఉద్యోగం చేసిన అనుభవం ఉంది. చెప్పొచ్చేదేమిటంటే సినిమాలు నచ్చనప్పుడు హాయిగా ఉద్యోగం చేసుకోగలను. ఈ చిన్న జీవితంలో మనం చేయడానికి ఎంతో ఉందని నమ్ముతాను.
      
 కష్టాలు, నష్టాల గురించి ఆలోచించడం వృథా. ఇంత పెద్ద జీవితంలో ఆలోచించడానికి ఎన్నో అంశాలు ఉన్నాయి. ఆలోచనా శక్తిని వృథా చేయడం నాకు ఇష్టం ఉండదు.
      
 బాగా సంపాదించాలి, బాగా కీర్తి గడించాలి... ఇలాంటి కోరికలు ఏమీ లేవు. సాధారణ జీవితం గడపడానికే ఇష్టపడతాను. ఆర్థిక స్వాతంత్య్రానికి ప్రాధాన్యత ఇస్తాను. ఎప్పుడూ ఆనందంగా ఉండాలనుకుంటాను.
 
  - సోహా అలీ ఖాన్, హీరోయిన్
  


   రిలేషణం
  
 సైఫ్ అలీఖాన్ చెల్లెలు అనగానే అందరికీ సోహా అలీఖాన్ గుర్తొస్తుంది. కానీ నిజానికి సైఫ్‌కి మరో చెల్లెలు కూడా ఉంది. సోహా కంటే ముందు పుట్టింది. సైఫ్‌తో చెల్లెమ్మా అని తొలిసారి పిలిపించుకుంది. ఆమె పేరు... సబా అలీఖాన్. సినీ ప్రపంచానికి దూరంగా ఉండటం వల్ల ఆమె గురించి ఎవరికీ పెద్దగా తెలియదు. అయితే... సైఫ్ గురించి ఆమెకు తెలిసినంతగా ఇంకెవ్వరికీ తెలియదు!
  
  సఫ్ నాకంటే ఎనిమిదేళ్లు పెద్దవాడు. సోహా నాకంటే రెండేళ్లు చిన్నది. అంటే వాళ్లిద్దరికీ దాదాపు పదేళ్లు గ్యాప్. మొదట నేను పుట్టాను కాబట్టి అన్నయ్యకు నేనే మొదటి ఫ్రెండ్‌ని అని నేనంటాను. చిట్టి చెల్లెల్ని కాబట్టి అన్నయ్యకు తనంటేనే ఎక్కువ ప్రేమ అని సోహా మారాం చేస్తూంటుంది. నిజానికి అన్నయ్య ఇద్దరినీ సమానంగానే చూస్తాడు. ఇద్దరికీ ఒకేలా ప్రేమను పంచుతాడు.
 
  అన్నయ్యని ఒక్క మాటలో నిర్వచించమంటే... అన్నయ్య = ఎనర్జీ అంటాను నేను. చిన్నప్పట్నుంచీ తను ఎంత హుషారుగా ఉండేవాడంటే... ఒక్కక్షణం కుదురుగా ఉండేవాడు కాదు. మహా తుంటరివాడు. తనని కంట్రోల్ చేయలేక అమ్మ చాలా తంటాలు పడేది. పరుగులు తీస్తూ ఉంటే పట్టుకోలేక అవస్థ పడుతుండేది. ఎప్పుడు ఏ అల్లరి పని చేస్తాడో, దెబ్బలేమైనా తగిలించుకుంటాడేమో అని అమ్మానాన్నలు చాలా కంగారుపడేవారు. తనని చిన్నతనంలోనే యూకేలోని బోర్డింగ్ స్కూల్‌లో చేర్పించేశారు. ఇక్కడ మా స్కూలుకి సెలవులు రాగానే అందరం యూకే వెళ్లిపోయేవాళ్లం. అన్నయ్యతో ఆనందంగా గడిపేవాళ్లం. తను స్కూల్లో క్రికెట్ ఆడుతుంటే చూసేవాళ్లం. సైట్ సీయింగ్‌కి వెళ్లేవాళ్లం. ఆ రోజులు ఎప్పటికీ మర్చిపోలేను.
 
  అన్నయ్యలో నేను మొదట్నుంచీ ఒకటి గమనించాను. తనలో కలివిడితనం ఎక్కువ. కొత్త-పాత, తక్కువ-ఎక్కువ అని తేడాలుండవు. ఎవరైనా, ఎలాంటివారైనా సరే... వెంటనే కలిసిపోతాడు. స్నేహం చేస్తాడు. చాలామంది అన్నయ్యది దుందుడుకు స్వభావం అనుకుంటారు. మీడియావాళ్లు కూడా తన గురించి అలాగే రాస్తుంటారు. కానీ ఎవ్వరికీ తెలియని విషయం ఏమిటంటే... తనని ఎంతో విసిగిస్తే తప్ప అంత ఎక్కువగా రియాక్ట్ అవ్వడు తను. ఊరికే అవతలివారి మీద విరుచుకుపడే తత్వం కానే కాదు తనది. కాకపోతే రియాక్ట్ అయితే కాస్త ఎక్కువగా అవుతాడు కాబట్టి అలా అనిపిస్తాడంతే.
 
 ఇండస్ట్రీలో అడుగు పెట్టాక చాన్నాళ్లు కష్టపడ్డాడు. అమ్మ ఒకప్పుడు టాప్ హీరోయిన్ అయినా, తన పేరు వాడుకోవాలని అనుకోలేదు. నిజానికి ఇండస్ట్రీలో అలాంటివి సాగవు కూడా. ఎవరి టాలెంట్ వారిదే. ఎవరి కెరీర్ వారిదే. బ్యాగ్రౌండ్ ఉన్నంత మాత్రాన తేలికగా అవకాశాలు వచ్చేయవు. ఆ నిజం అన్నయ్యకు బాగా తెలుసు. అందుకే చాలా కష్టపడేవాడు. ఆ కష్టాన్ని కూడా ఎంజాయ్ చేసేవాడు. నాతో చాలా విషయాలు షేర్ చేసుకునేవాడు. కానీ సమస్యల గురించి ఎప్పుడూ చెప్పేవాడు కాదు. తనెప్పుడూ అంతే. ఎదుటివాళ్లు హ్యాపీగా ఫీలయ్యే విషయాలు మాత్రమే చెబుతాడు. అది తనలో నాకు బాగా నచ్చే మరో విషయం. తన ప్రతి సినిమా నేను చూస్తాను. తనకి నేషనల్ అవార్డు వచ్చినప్పుడైతే గంతులు వేసేశాను.
 
  అన్నయ్య కూడా నాకు సంబంధించిన విషయాలకు ఎంతో ప్రాధాన్యతనిస్తాడు. నేనేం చేస్తానన్నా ప్రోత్సహిస్తాడు. సోహాకి నటన మీద ఆసక్తి ఏర్పడి అటు వెళ్లింది కానీ... నాకెందుకో మొదట్నుంచీ ఇండస్ట్రీమీద ఆసక్తి లేదు. అసలు నటిని కావాలన్న ఆలోచనే ఎప్పుడూ నా మనసులోకి రాలేదు. వారసత్వంగా వచ్చిన కొన్ని కోట్ల ఆస్తుల్ని కాపాడే బాధ్యతను చిన్న వయసులోనే తీసుకున్నాను. ఆపైన నాకెంతో ఇష్టమైన ఫ్యాషన్ ప్రపంచంలోకి అడుగు పెట్టాను. ఫ్యాషన్ డిజైనర్‌గా పేరు తెచ్చుకున్నాను. ఏం చేసినా దాని వెనుక అన్నయ్య ఉన్నాడు.
 
 ఇప్పుడు అన్నయ్యను చూస్తే చాలా ఆశ్చర్యంగా ఉంటుంది. చిన్నప్పుడు చిన్న చిన్న విషయాలకు నాతో పోట్లాడిన వ్యక్తేనా అనిపిస్తుంది. చాలా పరిణతితో ఆలోచిస్తున్నాడు. మాలో ఎవరికి ఏ అవసరం వచ్చినా పరిగెత్తుకు వస్తాడు. సమస్య వచ్చిందని చెబితే దాన్ని పరిష్కరించే వరకూ నిద్రపోడు. చాలా బాధ్యతగా వ్యవహరిస్తాడు. నాన్న తర్వాత నాన్నలా అనిపిస్తాడు. అలాంటి అన్న ఉంటే నేనేంటి... ఏ చెల్లెలయినా ప్రశాంతంగా, హాయిగా ఉంటుంది!
  
  


 నాకు టీనేజ్ కొడుకున్నాడా? అంటూ నటుడు సిద్ధార్థ్ మీడియాపై ఆగ్రహం వ్యక్తం చేస్తున్నారు. బాయ్స్ చిత్రంతో నటుడిగా తెరంగేట్రం చేసిన ఈయనపై ఆది నుంచి వదంతులు షికార్లు చేస్తున్నారుు. అంతేకాదు వివాదస్పద వ్యాఖ్యలతో ఇరుకున పడ్డ సంఘటనలు కూడా ఉన్నాయి. ఆ మధ్య నటి సోహా అలీఖాన్, శృతిహాసన్‌తో ప్రేమాయణం అంటూ ప్రచారం జోరుగా సాగింది. ప్రస్తుతం చెన్నై చిన్నది సమంతతో చెట్టాపట్టాలంటూ కోలీవుడ్ కోడై కూస్తోంది. అంతేకాదు ఇంకాస్త ముందుకెళ్లి సమంత ఇటీవల సిద్ధార్థ్ గూటికి చేరారని ఇద్దరు సహజీవనం చేస్తున్నారని వదంతులు ప్రచారం అవుతున్నాయి. తాజాగా నటుడు సిద్ధార్థ్‌కు టీనేజ్ కొడుకున్నాడనే వార్త ప్రచారం అయ్యింది.
  
  దీంతో సిద్ధార్థ్ తీవ్రంగానే స్పందించారు. ఇలాంటి అసత్య ప్రచారంతో తన జీవితాన్ని నాశనం చేయాలని ప్రయత్నించకండంటూ ఆగ్రహం వ్యక్తం చేస్తున్నారు. దీనిపై ఆయన మాట్లాడుతూ తన గురించి, తన కుటుంబం గురించి వదంతులు ప్రచారం చేస్తున్నారని ఆవేదన వ్యక్తం చేశారు. ఇలాంటి నిరాధార ప్రచారం తననెంతగానో ఆవేదనకు గురి చేస్తుందన్నారు. తనకంటూ ఒక గౌరవం ఉందని తననింకా చిన్న వాడిగా భావించరాదని అన్నారు. సమీపకాలంలో తన గురించి ప్రచారం అయిన వదంతి తీవ్ర మనస్థాపానికి గురి చేసిందన్నారు. తనకిప్పుడు 35 ఏళ్ల వయసని ముందుకంటే ఇప్పుడు నటుడిగా తీవ్రంగా శ్రమిస్తున్నానని తెలిపారు. జీవితంలో తాను సెటిల్ అయినప్పుడు ఆ విషయం గురించి అందరికీ తెలుపుతానని అప్పటి వరకు దయ చేసి ఇలాంటి వదంతులు ప్రచారం చేయకండి అంటూ సిద్ధార్థ్ విన్నవించుకుంటున్నారు.
  


 ఎక్కడైనా అవార్డు ఫంక్షన్లు ఉంటే సినీ తారలు తప్పకుండా వాటికి హాజరవుతారు. తమకు అందులో అవార్డు వచ్చినా లేకపోయినా మాత్రం సందడి చేయాలని చూస్తుంటారు. అయితే.. అలనాటి అందాల తార షర్మిలా ఠాగూర్ కూతురు, నేటి తరం హీరోయిన్ సోహా అలీఖాన్ మాత్రం ఇందుకు పూర్తి భిన్నంగా వ్యవహరిస్తోంది. ఈ వారాంతంలో జరిగే అంతర్జాతీయ భారతీయ ఫిలిం అకాడమీ (ఐఐఎఫ్ఏ) అవార్డుల కార్యక్రమంతో పాటు ఈ నెలాఖరులో ఫ్లోరిడాలోని టాంపా బేలో జరిగే మరో కార్యక్రమానికి కూడా తాను వచ్చేది లేదని చెప్పేసింది. ఎందుకంటే.. ఈనెల 24న మహారాష్ట్రలో జరిగే ఎన్నికల్లో ఆమె ఓటు వేయాల్సి ఉంది.
 
 ఐఐఎఫ్ఏ కార్యక్రమం 23 నుంచి 26వ తేదీ వరకు జరుగుతుంది. ఇక టాంపా బేలో జరిగే కార్యక్రమానికి చాలామంది సెలబ్రిటీలు ఇప్పటినుంచే సన్నాహాలు చేసుకుంటున్నారు. సరిగ్గా అదే సమయంలో ఎన్నికలు ఉన్నాయి. ఓటు వేయడం తన విధి అని, దానికోసం అవార్డుల కార్యక్రమాన్ని వదులుకోవడానికి సిద్ధమేనని సోహా అలీఖాన్ చెప్పింది. అవార్డులు వద్దు, ఓటే ముద్దు అని చెబుతోంది. మిగిలిన తారల గురించి తానేమీ వ్యాఖ్యనించదలచుకోలేదని, వీలైతే మాత్రం అందరినీ ఓట్లేయాలని ప్రోత్సహిస్తానని మాత్రం చెప్పింది.


 ఓటు ఎంతో విలువైనదని బాలీవుడ్ నటి సోహ ఆలీ ఖాన్ ప్రజల్లో జాగృతిని కల్పిస్తున్నారు. నగరంలోని పుమా స్టోర్ వద్ద బుధవారం ప్రారంభమైన ‘హీరో ఎంటీవీ రాక్ ద ఓట్’ ప్రచారంలో సోహ పాల్గొన్నారు. ఓటుపై ప్రజల్లో అవగాహన కలిగించే చిత్రాలతో కూడిన టీ షర్ట్‌ను ఆమె ధరించారు. ఈ సందర్భంగా సోహ మాట్లాడుతూ...ఓటు వెయ్యనివారికి ఫిర్యాదు చేసే హక్కు లేదన్నారు. ‘ఇదో అద్భుతమైన కార్యక్రమం. ఈ ఏడాది ఎక్కువ శాతం ఓటింగ్ నమోదవుతుందని అనుకుంటున్నా. రాజకీయాలను మార్చేందుకు ఇదే మంచి తరుణం. 
  
  ఈ కాలంలో రాజకీయాలపై యువతకు ఎక్కువ అవగాహన ఉంది. ఎంతో విలువైన ప్రతి ఓటు వేస్తే దేశ భవిష్యత్ అద్భుతంగా ఉంటుంద’ని సోహ వివరించారు. ప్రతి ఒక్కరు పొలింగ్ కేంద్రం వద్దకు వెళ్లి ఓటు హక్కు వినియోగించుకోవాలని కోరారు. భవిష్యత్‌లో భారత్ సుపరిపాలన వ్యవస్థను కలిగి ఉంటుందని నమ్మకాన్ని వ్యక్తం చేశారు. సమాజంలో చోటుచేసుకుంటున్న కుంభకోణాలు, అవినీతిని రూపుమాపేందుకు, తమకు నచ్చిన అభ్యర్థులను ఎన్నుకునేందుకు ఓటే సరైన ఆయుధమని రంగ్ దే బసంతి హీరోయిన్ సోహ ఆలీ ఖాన్ వివరించారు. ఓటు అనే ఆయుధంతో అవినీతి రాజకీయాలను తరిమికొట్టాలని ఆమె పిలుపునిచ్చారు. ఐదేళ్లకు ఒకసారి వినియోగించుకునే అవకాశం ఉన్న ఈ ఓటు దేశ తలరాతనే మారుస్తుందన్నారు. 
  


  మహిళలపై నేరాలను నిరోధించే ప్రయత్నంలో భాగంగా దూరదర్శన్  తాజాగా ‘మై కుచ్ భీ కర్ సక్తీ హూ’ అనే షో రూపొందిస్తోంది. దీనికి సహకరించడానికి అలనాటి అందాలతార షర్మిళా ఠాగూర్, ఆమె ముద్దుల కూతురు సోహా అలీఖాన్ సిద్ధమవుతున్నారు. బాల్యవివాహాలు, లేత వయసు గర్భాలు, లింగ నిర్ధారణ వంటి దురాచారాలను ఎండగడుతుంది కాబట్టే ఈ కార్యక్రమానికి మద్దతు ఇస్తున్నామని తల్లీకూతుళ్లు చెబుతున్నారు. ‘మనదేశంలో ఏం జరుగుతుందో అందరికీ తెలుసు. ఈ షోకు సహకరించడం మన బాధ్యత. ఇందులో పాల్గొనాలని నా కొడుకు-కోడలు సైఫ్ అలీఖాన్, కరీనాకపూర్‌ను కూడా అడుగుతాను’ అని షర్మిళ అన్నారు. మై కుచ్ భీ కర్ సక్తీ హూను ఫిరోజ్ అబ్బాస్‌ఖాన్ నిర్మించి దర్శకత్వం వహిస్తున్నారు. మహిళలపై నేరాల నిరోధానికి డాక్టర్ స్నేహ చేసిన కృషిని గురించి ఈ కార్యక్రమం వివరిస్తుంది. సోహా మాట్లాడుతూ ‘మేం సంపన్న కుటుంబంలో పుట్టాం. 
  
  ఎటువంటి ఇబ్బందులూ లేకున్నా నేను సినిమాల్లోకి వస్తానంటే మాత్రం ఒప్పుకోలేదు. నేను పట్టువీడకపోవడంతో చివరికి సరే అన్నారు. అందుకు నా కుటుంబానికి కృతజ్ఞురాలిని. అయితే ఇలాంటి ఉన్నతస్థాయి జీవితమంటే ఏంటో చాలా మంది మహిళలకు తెలియదు. కాబట్టే ఇలాంటి మంచి కార్యక్రమానికి సహకరిస్తున్నాను’ అని వివరించింది. సినిమా తారల వంటి ప్రముఖులు ఇలాంటి సామాజిక సంబంధిత కార్యక్రమాల్లో పాల్గొంటే వీక్షకుల సంఖ్య బాగా పెరుగుతుందని తెలిపింది. మై కుచ్ భీ కర్ సక్తీ హూ షో ప్రపంచ మహిళల దినోత్సమైన మార్చి 8 నుంచి ప్రసారమవుతుంది. బాలీవుడ్ సూపర్‌స్టార్ ఆమిర్‌ఖాన్ సైతం సత్యమేవ జయతే పేరుతో సామాజిక అంశాలపై చర్చా కార్యక్రమాలు నిర్వహిస్తుండడం తెలిసిందే. 
  


 సినిమా తెరపై తాను మరొక నటునితో రొమాన్స్ చేస్తుంటే తన ప్రియుడైన కునాల్ ఖెమూ అసూయ పడుతుంటాడని బాలీవుడ్ నటి సోహా పేర్కొంది. మనల్ని అభిమానించే వ్యక్తులు మరొక వ్యక్తితో తెరపై రొమాన్స్ చేస్తూ కనిపిస్తే సహించలేమని తెలిపింది. తాను కూడా అసూయ పడుతుంటానని, అయితే అది బయటకు కనబడనీయకుండా జాగ్రత్త పడతానని వివరించింది.  బాలీవుడ్ నటుడు సైఫ్ ఆలీఖాన్ సోదరి అయిన సోహా, నటుడు కునాల్ కొన్ని రోజులుగా చెట్టాపట్టాలేసుకొని తిరుగుతున్నారని, వారు త్వరలోనే వివాహం కూడా చేసుకోనున్నారనే ప్రచారం బాలీవుడ్ వర్గాల్లో జోరుగా సాగుతోంది. ఒక నటునితో డేటింగ్ చేయాలంటే ఎన్నో కష్టాలుంటాయని సోహ అభిప్రాయపడింది. బిజీ షెడ్యూల్ ఉండటం వల్ల ఒకరినొకరం కలుసుకోవడం కాస్త కష్టమవుతోందని, ఒకవేళ కలిసినా ఇద్దరం మంచి మూడ్‌లో ఉంటామన్న గ్యారంటీ లేదంది. 
  
  తాము వేర్వేరు ప్రాజెక్టుల్లో పనిచేస్తుండటంతో ఒకేసారి ఏకాంతం దొరకడం కష్టమేనని వ్యాఖ్యానించింది. తమ షెడ్యూళ్లు వేర్వేరుగా ఉండటమే దానికి కారణమంది. ఈ కాలంలో ప్రతి ఒక్కరూ చాకచక్యంగా ఉంటున్నారన్న సోహా..నటులకు కూడా భావోద్వేగాలు అనేవి ఉంటాయని గుర్తుంచుకోవాలని చెప్పింది. ‘ఒక్కోసారి మనలను మనం సంభాళించుకోలేనప్పుడు ఏదైనా చేయొచ్చు.. అది అనాలోచితంగా జరిగేది.. వాటికి ఎక్కువ ప్రాధాన్యత ఇవ్వడం కరెక్టు కాదు..’ అని ఆమె పేర్కొంది.  ‘ఒక్కోసారి నేను మంచి మూడ్‌లో ఉంటా.. కాని అదే సమయంలో కునాల్ సినిమా సరిగా ఆడకపోవడం .. షూటింగ్ సమయంలో ఎవరైనా అతడిని ఇబ్బంది పెట్టడం వంటి కారణాల వల్ల అతడు నాపై అసహనం వ్యక్తం చేస్తాడు.. నేను కూడా అంతే.. అసహనం ఎక్కువైతే ఇంట్లో వస్తువులు విసిరేస్తాను.. తలుపులు తంతాను..అయితే ఆ తర్వాత మళ్లీ బాధపడతాను..’ అంటూ ముక్తాయించింది.  తాను ఓ గొప్ప నటిగా ఫీలవుతానని, అయితే కునాల్ మాత్రం సాధారణ వ్యక్తిలాగే వ్యవహరిస్తాడని చెప్పింది. సోహా నటించిన ‘జో బీ కార్వలో’ అనే సినిమా నేడు విడుదల కానుంది. 
  


 రాజ్యాంగపరంగా సక్రమించిన ఓటు హక్కును వినియోగించుకోవాలని ఢిల్లీ ఓటర్లకు బాలీవుడ్ తారలు నేహా దూపియా, అదితిరావు, దియా మిర్జాలు సోషల్ మీడియా వెబ్ సైట్ ట్విటర్ లో దియా మిర్జాలు విజ్క్షప్తి చేశారు. ఢిల్లీ ఎన్నికల్లో మధ్యాహ్నం మూడు గంటల వరకు 48 శాతం పోలింగ్ నమోదైంది. 
  
 అనుపమ్ ఖేర్
 ఓటు అనేది ఓ భద్రత. ఎవరికైనా ఓటు వేయండి. కాని ఓటు వేయకుండా ఉండకండి. మీ భవిష్యత్తును నిర్ణయించుకోవడానికి ఓ చక్కటి అవకాశం.  వెళ్లి ఓటేయండి.
 
 Vote for any person/party that gives you a sense of security. It is your one chance to make a difference to your own future. Go & Vote.:)
 — Anupam Kher (@AnupamPkher) December 4, 2013
 
 
 Exercise your right to vote today Delhi! It's the only way to have your concerns represented in government and for your voice to be heard.
 — soha ali khan (@sakpataudi) December 3, 2013
 సోహా ఆలీ ఖాన్
 ఢిల్లీ ప్రజల్లారా ఓటు వినియోగించుకోండి. ఓ వాయిస్ ను వినిపించడానికి, మీకు కావాల్సిన  ప్రభుత్వాన్ని ఎన్నుకోవడానికి ఓటేయ్యడమే సరియైన మార్గం.
 నేహ దూపియా
 మంచైనా.. చెడైనా.. మీ నేతకు మీరే బాధ్యత వహించాలి.  ఓటు వేసిన తర్వాత ఇంక్ తో కూడిన వేలిని గుర్తును ట్విటర్ లో పెట్టండి.  ఆమ్ ఆద్మీ పార్టీకి ఓటు వేయండి అంటూ ట్వీట్ చేశారు. 
 అదితిరావు
 ఈ రోజు మీ రోజు. ఢిల్లీ ప్రజల్లారా ఓటు వేయడానికి వెళ్లండి. మీ దేశం. మీ నగరం కోసం ఓటు వేయండి
 చేతన్ భగత్
 మీ బాస్ ఎవరో చూపండి. హ్యపీగా ఓటు వేసిరండి
 దియా మీర్జా
 అతి ముఖ్యమైన హక్కును సక్రమంగా వినియోగించండి. ఓటు వేయండి. 
 కోయిల్ పూరీ
 మీరు ఓటు వేశారా? నేను నా ఓటును సీక్రెట్ గా వేశాను. 15 సంవత్సరాలుగా పాలిస్తున్న షీలా నానీ(నానమ్మ) రిటైర్ కావాల్సిందే. ఆమ్ ఆద్మీ పార్టీకి ఓటు వేయండి అని ట్వీట్ చేశారు. 
 కునాల్ కోహ్లీ
 ప్రతి ఒక్కరు తప్పక ఓటు వేయాలి. వెళ్లండి.. త్వరపడండి.
 గుల్ పనాగ్
 ఢిల్లీ ప్రజల్లారా ఓటు వేయడానికి కదలండి. రాష్ట్ర జరిగే సంఘటనలు తర్వాత నిందించకుండా సరియైన వ్యక్తికి ఓటు వేయండి


  సోహా అలీఖాన్ తల్లి షర్మిలా టాగోర్ ఒకప్పుడు ఫేమస్ హీరోయిన్. అన్నయ్య సైఫ్ అలీఖాన్... ప్రెజెంట్ స్టార్ హీరో. దానికి తోడు పటౌడీ రాజవంశం నేపథ్యం. ఇవేవీ సోహాకు బాలీవుడ్‌లో ప్రాచుర్యం తీసుకురాలేకపోయాయి. అందుకే తన రూట్ మార్చాలనుకుంటున్నారామె. సంప్రదాయ ధోరణిని వదిలేసి ఫుల్ గ్లామర్‌తో బాలీవుడ్‌ని షేక్ చేయాలనుకుంటున్నారు. అందుకే తెరపై బికినీతో కనిపించేందుకు సోహా ఓకే చెప్పేశారు. గౌరవప్రదమైన వంశం నుంచి వచ్చిన సోహా బికినీతో నటిస్తున్నారనే వార్త బాలీవుడ్‌లో హాట్ టాఫిక్‌గా నిలిచింది.
 
  ‘రంగ్‌దే బసంతి’ చిత్రంలో ప్రేక్షకులను ఆకట్టుకున్న సోహా, ఆతర్వాత తుమ్ మిలే, సాహెబ్ బీవీ ఔర్ గ్యాంగ్‌స్టర్ చిత్రాల్లో అభిమానులను ఆకర్షించడంలో దారుణంగా విఫలమయ్యారు. తాజాగా ’మిస్టర్ జో బి కార్వాల్హో’ చిత్రంలో పోలీస్ ఆఫీసర్ పాత్రను పోషించారామె. అయితే పాత్ర డిమాండ్ మేరకు వివిధ అవతారాల్లో ఈ బాలీవుడ్ ముద్దుగుమ్మ కనిపించనున్నారు. క్యాబరే డాన్సర్‌గా కనిపించడమేకాకుండా.. సాహోసోపేతమైన పోరాటల్లో కూడా నటిస్తున్నారామె.
  


 విషాదకర పాత్రల్లో నటించడం కంటే కామెడీ చేయడమే కష్టమని బాలీవుడ్ ముద్దుగుమ్మ సోహా అలీఖాన్ అంటున్నారు. గతంలో ఎక్కువగా విషాదరక పాత్రల్లో నటించిన సోహా తాజాగా ఓ కామెడీ చిత్రంలో నటిస్తున్నారు. ఈ చిత్రం పేరు 'వార్ చోడ్ న యార్'.
 
 'నేను నటించిన చాలా సినిమాల్లో నా భర్తో లేక బాయ్ఫ్రెండో మరణించే పాత్రలున్నాయి. ఏడ్చే సీన్లలో నటించడమే కష్టమని భావించేదాన్ని. ఐతే అదేమంత పెద్ద కష్టంకాదని ఇప్పుడు అనిపిస్తోంది. హాస్య సన్నివేశాల్లో నటించిడం అంత సులువు కాదు. ఇది సమయసందర్భాలను బట్టి ఉంటుంది కానీ ఇతరుల నుంచి నేర్చుకోవడం వీలుకాదు. సహజసిద్ధంగా రావాలి' అని సోహా పెద్ద ఉపన్యాసమే ఇచ్చేశారు. ఆమె నటించిన తాజా చిత్రం వచ్చే నెల 11న విడుదల కానుంది.


 ముంబై: పెళ్లి చేసుకుని స్థిరపడాలంటూ తన తల్లి కొంతకాలంగా చెబుతోందని సహనటుడు కునాల్ ఖేముతో కొన్నాళ్లు ఆటాపాటా సాగించిన నటి సోహా అలీఖాన్ అంటోంది. అయితే సోదరుడు సైఫ్ మాత్రం 40 ఏళ్లు వచ్చాకే వివాహం చేసుకోవాలంటూ సలహా ఇస్తున్నాడంది. సోహా, కునాల్‌లు ఓ కొత్త ఇంట్లో కొంతకాలంగా సహజీవనం చేస్తున్నారు. అయితే పెళ్లెప్పుడనేది మాత్రం ఇంకా తేలలేదు. ‘కచ్చితంగా పెళ్లి చేసుకోవాలంటూ ప్రతి రోజూ మా అమ్మ వెంటపడింది. 
  
  ఆమె మాట వినిఉంటే కనుక ఇప్పటికి నాకు 20 మంది పిల్లలు పుట్టేవాళ్లు. అయితే చెప్పి చెప్పి విసిగిపోయిందేమో. ఇప్పుడు ఆ మాట అనడం లేదు. నీకు తోచినప్పుడు చేసుకో అంటోంది’ అని సోహా చెప్పింది. సోదరుడు సైఫ్ ఎవరైనా సరే 40 ఏళ్ల వయసులోనే చేసుకోవాలని చెబుతున్నాడంది. ‘పెళ్లి అనేది ఓ గట్టి కట్టుబాటు వంటిదని సైఫ్ అంటున్నాడు. అందుకే 40 ఏళ్లు వచ్చేదాకా నువ్వు మనస్ఫూర్తిగా సన్నద్ధం కాలేవు అని సలహా ఇచ్చాడు’ అని తెలిపింది. కునాల్ తనకు అన్నివిధాలుగా సహకరిస్తున్నాడంది. ఎంతో ఆనందంగా కాలం గడుపుతాడంది. 
  
  ఎప్పుడైనా తాను నిరాశానిస్పృహకు లోనైతే దాని నుంచి బయటపడేవిధంగా చేస్తాడంది. అటువంటి ధోరణి ఎంతో అవసరమని తెలిపింది. వృత్తిపరంగా చక్కని సలహాలు ఇస్తాడంది. ఎంతో ప్రేమపూర్వకంగా, ఆప్యాయంగా ఉంటాడంది. అటువంటి ప్రేమనందించే వ్యక్తిని కలిగి ఉండడం ఆనందం కలిగిస్తోందంది. భారత క్రికెట్ మాజీ కెప్టెన్ మన్సూర్ అలీఖాన్ కుమారుడైన సైఫ్ అలీఖాన్ ఐదేళ్లపాటు ప్రేమాయణం సాగించి 42 ఏళ్ల వయసులో నటి కరీనాకపూర్‌ను గత ఏడాది వివాహమాడిన సంగతి తెలిసిందే. 
  


 న్యూఢిల్లీ: తాను నటిగామారడం తన తల్లిదండ్రులకు ఇష్టం లేదని బాలీవుడ్ నటి సోహా అలీఖాన్ చెప్పింది. దివంగత టెస్ట్ క్రికెటర్ మన్సూర్ అలీఖాన్, నిన్నటి తరం నటి షర్మిలా టాగూర్‌ల గారాలపట్టి అయిన సోహా తన 25వ ఏటనే ముఖానికి రంగు వేసుకుంది. నటిగా మారాలన్న తన నిర్ణయం విని తన సోదరుడు సైఫ్ అలీఖాన్ సైతం దిగ్భ్రాంతికి గురయ్యాడని చెప్పింది. ఇటీవల కొందరు విద్యార్థులతో ‘ఫాలో యువర్ హార్ట్ (మీ మనసు చెప్పేది విను)’ అనే కార్యక్రమంలో మాట్లాడింది. 
  
  ‘‘నువ్వు నాతో పాటు ముంబైలో ఉంటున్నందుకు అమ్మానాన్నలు నన్ను నిందిస్తారు. చక్కని బ్యాంకు ఉద్యోగం ఉంది. నీ ఇష్ట ప్రకారమే నటినయ్యానని అమ్మానాన్నలతో చెప్పాలి’’ అని సైఫ్ తనను హెచ్చరించినట్లు వివరించింది. ఆక్స్‌ఫర్డ్ యూనివర్సిటీ పట్టభద్రురాలు, లండన్ స్కూల్ ఆఫ్ ఎకనామిక్స్ అండ్ పొలిటికల్ సైన్స్‌లో మాస్టర్స్ డిగ్రీ పొందిన సోహా 2004లో సినీ పరిశ్రమలో ప్రవేశించింది. 
  
 తాను నటిని కావాలని, తల్లి, సోదరుని అడుగుజాడల్లో నడవాలని ఎప్పుడూ ఆశపడలేదని, అయితే థియేటర్, నటన పట్ల ఉన్న మక్కువ తనను ఉద్యోగం వదులుకునేలా చేసిందని తెలిపింది. మొదటిసారి షాహిద్ కపూర్ సరసన ‘దిల్ మాంగే మోర్’ చిత్రంలో నటించిన సోహా ‘‘సాహెబ్ బీవీ ఔర్ గ్యాంగ్‌స్టర్ రిటర్న్స్’’లో నటనకు గాను విమర్శకుల నుంచి ప్రశంసలు పొందింది. ఆమె నటిస్తున్న ‘వార్ చోడ్‌నా యార్’, ‘చార్‌ఫుటియా ఛోకరే’ సినిమాలు విడుదలకు సిద్ధమవుతున్నాయి.