IPL 2024: ముంబై ఇండియన్స్ బస్ డ్రైవర్‌గా రోహిత్ శర్మ.. వీడియో వైరల్‌

ముంబై ఇండియన్స్ స్టార్‌ ఓపెనర్‌, టీమిండియా కెప్టెన్‌ రోహిత్‌ శర్మ సరికొత్త అవతారమెత్తాడు. ముంబై ఇండియన్స్‌ టీమ్‌ బస్‌ నడుపుతూ రోహిత్‌ శర్మ అందరని ఆశ్చర్యపరిచాడు. ఐపీఎల్‌-2024లో భాగంగా ముంబై ఇండియన్స్‌ ఆదివారం వాంఖడే వేదికగా చెన్నై సూపర్‌ కింగ్స్‌తో తలపడనుంది.

దీంతో వాంఖడేలో ముంబై జట్టు ప్రాక్టీస్‌ చేస్తోంది. ఈ క్రమంలో ప్రాక్టీస్ ముగించుకొని ముంబై ఇండియన్స్ ఆటగాళ్లు బస్సులో వెళ్లేందుకు సిద్దమవ్వగా రోహిత్‌ శర్మ డ్రైవర్‌ సీటులో కన్పించి అందరికి షాకిచ్చాడు. అప్పటికే టీమ్‌ బస్సు వద్దకు ముంబై అభిమానులు భారీ సంఖ్యలో చేరుకున్నారు.

ఈ క్రమంలో బస్సును నడపాలి పక్కకు జరగాలంటూ హిట్‌మ్యాన్‌ సైగలు చేశాడు. దీంతో అందరూ ఒక్కసారిగా రోహిత్‌ రోహిత్‌ అంటూ గట్టిగా అరిచారు.  ప్రస్తుతం ఇందుకు సంబంధించిన వీడియో సోషల్‌ మీడియాలో వైరల్‌గా మారింది. ఇది చూసిన నెటిజన్లు రోహిత్‌ భాయ్యాలో ఈ యాంగిల్‌ కూడా ఉందా అంటూ కామెంట్లు చేస్తున్నారు.

Hahaha this is sooo cutee😂😭🤣
Roo driving bus😭🤌🏻❤️#RohitSharma pic.twitter.com/VtP3PDuWCo

— Nehhaaa! (Rohitian)✨❤️ (@nehhaaa__) April 13, 2024