మెగా ప్రిన్స్‌ వరుణ్‌తేజ్‌ ప్రధాన పాత్రలో నటించిన సినిమా గాండీవధారి అర్జున. ప్రవీణ్‌ సత్తారు దర్శకత్వం వహించిన ఈ చిత్రంలో సాక్షి వైద్య కథానాయికగా నటించింది. బి.బాపినీడు సమర్పణలో బీవీఎస్‌ఎన్‌ ప్రసాద్‌ నిర్మించిన ఈ సినిమాకు మిక్కీ జే. మేయర్‌ సంగీతం అందించాడు. నేడు(ఆగస్టు 25) ఈ సినిమా ప్రేక్షకుల ముందుకు వచ్చింది. ఇప్పటికే చాలాచోట్ల షో పడటంతో ట్విటర్‌ వేదికగా జనాలు తమ అభిప్రాయాలు వెల్లడిస్తున్నారు. సినిమా ఎలా ఉంది? ఎంటర్‌టైన్‌మెంట్‌ ఏ రేంజ్‌లో ఉంది? అనే విషయాలను సోషల్‌ మీడియా వేదికగా పంచుకుంటున్నారు. ఓసారి వారి అభిప్రాయాలను చూసేద్దాం.. సినిమాను చాలా స్టైలిష్‌గా తీశారు. కానీ అంతగా వర్కవుట్‌ కాలేదు. చాలా బోరింగ్‌గా ఉందంటున్నారు. మరికొందరేమో థియేటర్‌లో ఉన్నవాళ్లంతా పారిపోండిరా బాబూ అని కామెంట్లు చేస్తున్నారు. ఫస్టాఫ్‌లో తల్లి సెంటిమెంట్‌, యాక్షన్‌ సీన్స్‌ బాగున్నాయట. ప్రవీణ్‌ సత్తారు ఈసారైనా మంచి సినిమా తీస్తాడనుకుంటే నిరాశపర్చాడని చెప్తున్నారు. ట్విటర్‌లో ఎక్కువగా నెగెటివ్‌ టాకే నడుస్తోంది. మరి సినిమా భవిష్యత్తు ఏంటనేది పూర్తి రివ్యూ వస్తే కానీ అర్థం కాదు. #GandeevadhariArjuna paaaripondii royiii rodd — Evadiki Thelusu (@EvadikiThelusu) August 25, 2023 #GandeevadhariArjuna Intense action 🔥 - Message 👏 - Mother sentiment 💕 - Slight slow paced(1st half)@IAmVarunTej's exact cutout/fit for the role!!💥💥@PraveenSattaru's kinda film 👏 https://t.co/3E225Uu42y — Navaneeth Reddy (@Navaneethkittu) August 25, 2023 Just saw so called action film #GandeevadhariArjuna. If marketed as an action movie poeple expect good action sequences ,Its not about budget or grandeur its about clarity and believability.Comerrcial movies has better logical scenes.#tollywood #TeluguCinema — im_akhil (@itsme_akhil) August 25, 2023 Sathaar bhai nuvvu urgentga film schoolki velli screenplay etla rayalo nerchuko bhai#GandeevadhariArjuna — గాలి గన్నారావు (@GaaliGannaRaoo) August 25, 2023 #GandeevadhariArjuna is an okayish movie with few plus points. Technical brilliance is shown in Visuals and Stunts 🔥 Plot point is good 🇮🇳 but failed to engage the audience due to slow paced narration 👎 It is better than #ghost#PraveenSattaru #VarunTej@IAmVarunTej — TechFlicksReview (@avi_techflicks) August 25, 2023 Excellent 1st Half for #GandeevadhariArjuna 👍👍👍 From Intro Title Reveal to Interval, Everything is Top-notch Very gripping fights and next level BGM are highlights 👌 Well set for the second half. Full Review after the Premiere! — Santhan Raj (@unpaid_Liar) August 25, 2023 Bola Shankar ni beat chese disaster ra idi #GandeevadhariArjuna monna #Ghani ippudu idi Producer ki chetilo chippa khayamm..!! — 🇱🇸Ghattamaneni & YSR 🔔 (@UFrcs) August 24, 2023 #GandeevadhariArjuna aspires to be a slick action thriller with mediocre content and an inconsistent writing. Except for the final 30mins of the film with a shifting situations screenplay, rest is hardly engaging. Wait for a solid film 4rm @PraveenSattaru since PSV continues :( — The Creative Shelf (@tcsblogs) August 25, 2023 #GandeevadhariArjuna attempt is good but execution got failed. Overall below average. pic.twitter.com/QDBjQDsEFV — TFI Exclusive (@TFIMovies) August 25, 2023 #PraveenSattaru hasn't improved a bit from his previous disastrous outing and failure of weaving the screenplay through a decent storyline is completely evident once again. Not even a single sequence created an impact throughout. Utterly disappointed#GandeevadhariArjuna - 1.25/5 https://t.co/2Jjq3MfMbt — Agnyathavaasi (@ThisisHarsha_) August 24, 2023 చదవండి: Jabardasth Comedian Nava Sandeep: జబర్దస్త్‌ కమెడియన్‌ అరెస్ట్‌

‘‘నా పనిని ఎంజాయ్‌ చేయడం కోసం నేను సినిమా రంగంలోకి వచ్చాను. మనం చేసే పని ఏదైనా అందులో సంతృప్తి దక్కాలి. ‘గాండీవధారి అర్జున’ చిత్రం చేయడం నా బాధ్యత అనిపించింది. నా మనసుకు నచ్చిన సినిమా ఇది.  నాకు సంతృప్తినిచ్చింది’’ అని హీరో వరుణ్‌ తేజ్‌ అన్నారు. ప్రవీణ్‌ సత్తారు దర్శకత్వంలో వరుణ్‌ తేజ్, సాక్షీ వైద్య జంటగా నటించిన చిత్రం ‘గాండీవధారి అర్జున’. బి. బాపినీడు సమర్పణలో బీవీఎస్‌ఎన్‌ ప్రసాద్‌ నిర్మించిన ఈ సినిమా రేపు (శుక్రవారం) విడుదలవుతోంది. ఈ సందర్భంగా వరుణ్‌ తేజ్‌ చెప్పిన విశేషాలు. ► ప్రవీణ్‌ సత్తారుగారి సినిమాలను ప్రారంభం నుంచి చూస్తున్నాను. వైవిధ్యమైన చిత్రాలు చేయటానికి ఆయన ప్రయత్నిస్తుంటాడు. ప్రవీణ్‌ తీసిన ‘చందమామ కథలు’ సినిమాలోని భావోద్వేగాలు, ‘పీఎస్‌వీ గరుడవేగ’ చిత్రంలోని యాక్షన్‌ నాకు ఇష్టం. ‘గని’ సినిమా సమయంలో నేను ‘గాండీవధారి అర్జున’ కథ విన్నాను. సాధారణంగా స్టైలిష్‌ యాక్షన్‌ మూవీ అంటే యాక్షన్, స్టైలిష్‌ అంశాలపై ఫోకస్‌ ఎక్కువగా ఉంటుంది.. కథ తక్కువగా ఉంటుంది. కానీ ప్రవీణ్‌గారు కథ చెప్పినప్పుడు అందులోని ΄పాయింట్, భావోద్వేగాలు నచ్చాయి. ► ఈ చిత్రంలో హీరో పేరు అర్జున్‌. ఓ నటుడికి సామాజిక బాధ్యతాయుతమైన పాత్రల్లో నటించే అవకాశాలు తక్కువగా వస్తుంటాయి. అందుకే మంచి కథతో ΄ాటు సామాజిక బాధ్యతను గుర్తు చేసేలా ఉండే ఈ సినిమా చేయటం సంతోషంగా ఉంది. ఈ సినిమాలో ఎక్కువగా రియలిస్టిక్‌ యాక్షన్‌ సీక్వెన్స్‌ ఉన్నాయి.. అవి చేస్తున్నప్పుడు నాకు గాయాలయ్యాయి. ► ‘గాండీవధారి..’ లో బాడీగార్డ్‌ రోల్‌ చేశాను. ఈ చిత్రం ద్వారా ప్రేక్షకులకు ఏదో సందేశం ఇచ్చి మీరు మారాలని చెప్పటం లేదు. ప్రస్తుతం ఉన్న పెద్ద సమస్యని యాక్షన్, ఎమోషన్, ఎంటర్‌టైనింగ్‌గా చెప్పే ప్రయత్నం చేశాం. సినిమా చూసి కొందరైనా మారితే మంచిదే. కథ డిమాండ్‌ మేరకే లండన్‌లో షూట్‌ చేశాం. అక్కడి వాతావరణం షూటింగ్‌కి సహకరించక΄ోవడం వల్ల బడ్జెట్‌ ముందుగా అనుకున్నదానికంటే పెరిగింది. అయినా బీవీఎస్‌ఎన్‌ ప్రసాద్‌గారు, బాపినీడు ఖర్చుకు వెనకాడలేదు. ► సాక్షీ వైద్యకి చాలా ప్రతిభ ఉంది. తొలి రోజు షూటింగ్‌లోనే సినిమాలోని మూడు పేజీల డైలాగ్‌ని సింగిల్‌ టేక్‌లో చెప్పటం ఆశ్చర్యంగా అనిపించింది. మిక్కీ జె. మేయర్‌ అద్భుతమైన సంగీతం, అంతకు మించి నేపథ్య సంగీతం అందించారు. ప్రస్తుతం ‘ఆపరేషన్‌ వాలెంటైన్‌’, ‘మట్కా’ సినిమాలు చేస్తున్నాను.   ► మీ (వరుణ్‌–లావణ్యా త్రిపాఠి) ప్రేమ ఎప్పుడు మొదలైంది? పెళ్లెప్పుడు? అని వరుణ్‌ తేజ్‌ని అడగ్గా.. ‘‘తొలిసారి తనని కలిసినప్పుడే (‘మిస్టర్‌’ సినిమా అప్పుడు) అని నవ్వుతూ సమాధానం ఇచ్చారు. ‘‘మా పెళ్లి ఈ ఏడాదిలోనే ఉండే అవకాశం ఉంది’’ అన్నారు వరుణ్‌.

‘‘తెలుగు ప్రేక్షకులు నన్ను ప్రేమిస్తున్నారు. ఇప్పుడు నాకు తెలుగు కొంచెం కొంచెం అర్థమవు తోంది. తెలుగు భాష నేర్చుకుని అభిమానుల ప్రేమను తిరిగి ఇస్తాను’’ అని హీరోయిన్‌ సాక్షీ వైద్య అన్నారు. వరుణ్‌ తేజ్‌ హీరోగా ప్రవీణ్‌ సత్తారు దర్శకత్వం వహించిన చిత్రం ‘గాండీవధారి అర్జున’. బి. బాపినీడు సమర్పణలో బీవీఎస్‌ఎన్‌  ప్రసాద్‌ నిర్మించిన ఈ సినిమా ఈ నెల  25న విడుదలవుతోంది. ఈ సందర్భంగా సాక్షీ వైద్య మాట్లాడుతూ– ‘‘ఏజెంట్‌’ సినిమా రిలీజ్‌ కాకముందే కొన్ని షాట్స్‌ను ప్రవీణ్‌ సార్‌ చూశారు. ‘గాండీవధారి అర్జున’లో ఐరా పాత్రకు నేను సెట్‌ అవుతానని తీసుకున్నారు. నాకు డ్రైవింగ్‌ అంతగా రాదు. ఈ మూవీలో ఆ సీన్లు చేసేటప్పుడు భయపడ్డాను. ఈ సినిమాలో నా పాత్రకి నేనే డబ్బింగ్‌ చెప్పుకున్నాను. తెలుగులో సాయిధరమ్‌ మూవీతో పాటు ‘లక్కీ భాస్కర్‌’, ‘ఉస్తాద్‌ భగత్‌ సింగ్‌’ సినిమాలు కమిట్‌ అయ్యాను. రవితేజగారితోనూ నటించే చాన్స్‌ ఉంది’’ అన్నారు.

మెగా ప్రిన్స్ వ‌రుణ్ తేజ్ హీరోగా న‌టిస్తోన్న హై వోల్టేజ్ యాక్ష‌న్ థ్రిల్ల‌ర్ 'గాంఢీవధారి అర్జున' ట్రైలర్‌ను మేకర్స్‌ విడుదల చేశారు. ఈ సినిమాకు  ప్రవీణ్ సత్తారు దర్శకత్వం వహిస్తుండగా వరుణ్ సరసన ఏజెంట్ బ్యూటీ సాక్షి వైద్య హీరోయిన్‌గా నటిస్తోంది. ఈ సినిమాను ప్ర‌పంచ వ్యాప్తంగా ఆగ‌ష్టు 25న భారీ రేంజ్‌లో విడుద‌ల చేస్తున్నట్లు చిత్ర యూనిట్‌ ప్రకటించింది. (ఇదీ చదవండి: వీడియో షేర్‌ చేసిన స్నేహ.. అలా చేయొద్దంటున్న ఫ్యాన్స్‌) ఇప్పటికే విడుదలైన టీజర్‌ అందరిని మెప్పించింది. అదే రేంజ్‌లో ట్రైలర్‌ కూడా ఉంది. భారీ యాక్షన్‌ సీన్‌లో వరుణ్‌ దుమ్ములేపాడు. బ్యాక్‌ గ్రౌడ్‌ స్కోర్‌ కూడా మిక్కీ జె.మేయర్‌ ఇరగదీశాడని చెప్పవచ్చు. ఇందులో నాజర్‌ కీలక పాత్రలో నటించారు. ఈ సినిమాకు యాక్షన్‌ సన్నివేశాలు ప్రధానంగా హైలైట్‌ అవుతాయని చిత్ర యూనిట్‌ పేర్కొంది.   వ‌రుణ్‌తేజ్ కెరీర్‌లోనే ‘గాంఢీవధారి అర్జున’ అత్యంత భారీ బడ్జెట్ సినిమాగా నిలవనుంది. యూరోపియ‌న్ దేశాల‌తో పాటు అమెరికాలోనూ ఈ మూవీ షూటింగ్‌ను పూర్తి చేశారు. ఎస్వీసీసీ ప‌తాకంపై బి.వి.ఎస్‌.ఎన్‌.ప్ర‌సాద్‌, బాపినీడు ఈ సినిమాను అత్యంత ప్రతిష్టాత్మకంగా నిర్మిస్తున్నారు.

Gandeevadhari Arjuna Teaser: మెగాహీరో వరుణ్ తేజ్ తొలిసారి సరికొత్తగా కనిపించాడు. పూర్తిస్థాయి యాక్షన్ సినిమా 'గాండీవధారి అర్జున'తో ప్రేక్షకుల్ని థ్రిల్ చేసేందుకు రెడీ అయిపోయాడు. టీజర్‌ని సోమవారం రిలీజ్ చేయగా, అది సమ్‌థింగ్ ఇంట్రెస్టింగ్ అనేలా ఉంది. సినిమాపై అంచనాలు బాగానే ఉన్నప్పటికీ ఓ విషయం మాత్రం కాస్త భయపెడుతోంది.  (ఇదీ చదవండి: ఈ వారం ఓటీటీల్లో 17 సినిమాలు రిలీజ్) కథ అదేనా? టీజర్ విషయానికొస్తే స్టోరీ విషయమై కాస్త క్లూ ఇచ్చారు. అర్జున్(వరుణ్ తేజ్) ఓ గూఢచారి. దేశం కోసం ప్రాణాలు రిస్క్‌లో పెట్టేందుకైనా అస్సలు వెనుకాడడు. ఈ క్రమంలోనే అతడికి ఓ మిషన్ అప్పగిస్తారు. అయితే మొండిగా వ్యవహరించే అర్జున్‌తో పనిచేయడానికి సహచర ఏజెంట్స్ భయపడుతుంటారు. వీళ్లలో ప్రియురాలు(సాక్షి వైద్య) కూడా ఉంటుంది. ఇంతకీ అర్జున్ టార్గెట్ ఎవరు? చివరకు ఏమైందో తెలియాలంటే సినిమా చూడాల్సిందే. స్పై సినిమాల హవా 'గాండీవధారి అర్జున' టీజర్ చూస్తే గ్రాండ్ విజువల్స్‌తో చాలా రిచ్‌గా ఉంది. వరుణ్ తేజ్‌ ఇలాంటి సినిమాలో ఇంతకు ముందెన్నడూ చేయలేదు. దీంతో అంచనాలు బాగానే ఉన్నాయి. కాకపోతే ఈ ఏడాది థియేటర్లలోకి వచ్చిన అఖిల్ 'ఏజెంట్', నిఖిల్ 'స్పై'.. ఈ తరహా చిత్రాలే. అవి ఎందుకో ప్రేక్షకుల్ని ఆకట్టుకోలేకపోయాయి. మరి ఆగస్టు 25న రాబోతున్న 'గాండీవధారి అర్జున' ఏం చేస్తుందో చూడాలి. (ఇదీ చదవండి: 'బిగ్‌బాస్ 7' సీక్రెట్ బయటపెట్టిన నాగార్జున!)

వరుణ్‌ తేజ్‌ హీరోగా నటించిన తాజా చిత్రం ‘గాంఢీవధారి అర్జున’. ఈ చిత్రంలో సాక్షీ వైద్య హీరోయిన్‌గా నటించారు. ప్రవీణ్‌ సత్తారు దర్శకత్వంలో బీవీఎస్‌ఎన్‌ ప్రసాద్, బాపినీడు నిర్మించిన ఈ చిత్రం ఆగస్టు 25న విడుదల కానుంది. ప్రస్తుతం పోస్ట్‌ ప్రొడక్షన్‌ వర్క్స్‌ జరుగుతున్నాయి. ఈ సినిమా టీజర్‌ను ఈ నెల 24న రిలీజ్‌ చేయనున్నట్లు వెల్లడించి, కొత్త పోస్టర్‌ను సోషల్‌ మీడియాలో షేర్‌ చేశారు వరుణ్‌ తేజ్‌. ఇందులో అర్జున్‌ అనే సెక్యూరిటీ ఆఫీసర్‌గా వరుణ్‌ తేజ్‌ నటించారని, ఓ విపత్తు నుంచి ప్రజలను రక్షించేందుకు అర్జున్‌ ఎటువంటి సాహసాలు చేశాడు? అనేది ఈ చిత్రం ప్రధానాంశమని సమాచారం. 

వైవిధ్య‌మైన కంటెంట్‌ను అందిస్తూ ఆడియెన్స్ హృద‌యాల్లో త‌న‌దైన స్థానాన్ని ద‌క్కించుకుని దూసుకెళ్తోన్న ఓటీటీ ప్లాట్‌ఫాం జీ 5. ఇప్పుడు స‌రికొత్త యాక్ష‌న్ స్పై థ్రిల్ల‌ర్ ‘మిషన్ తషాఫి’ ఒరిజిన‌ల్‌తో ఆక‌ట్టుకోవ‌టానికి సిద్ధ‌మ‌వుతోంది. ఎంగేజింగ్‌, థ్రిల్లింగ్ యాక్ష‌న్ స‌న్నివేశాల‌తో సినిమాల‌ను తెర‌కెక్కిస్తూ త‌న‌దైన గుర్తింపు సంపాదించుకున్న ద‌ర్శ‌కుడు ప్ర‌వీణ్ స‌త్తారు ఈ వెబ్ సిరీస్‌ను డైరెక్ట్ చేస్తున్నారు. సిమ్రాన్ చౌద‌రి, శ్రీకాంత్ అయ్యంగార్‌, అనీష్ కురువిల్లా, ఛ‌త్ర‌ప‌తి శేఖ‌ర్‌ త‌దిత‌రులు కీల‌క‌ పాత్ర‌ల్లో న‌టిస్తున్నారు. ప్ర‌ధాన తారాగ‌ణంగా న‌టించ‌బోయే న‌టీన‌టుల వివ‌రాల‌ను త్వ‌ర‌లోనే ప్ర‌క‌టిస్తామ‌ని మేక‌ర్స్ తెలిపారు. హై ఇంటెన్స్ స్పై థ్రిల్ల‌ర్‌గా రూపొందుతోన్న ‘మిషన్ తషాఫి’ ఒరిజిన‌ల్ రెగ్యుల‌ర్ షూటింగ్ ఇప్పటికే ప్రారంభ‌మైందని మేకర్స్‌ తెలిపారు.  (ఇదీ చదవండి: నేను చనిపోతే శేఖర్‌,జానీ చేసేది ఇదే.. ముందే చెప్పిన రాకేష్‌ మాస్టర్‌) 8 ఎపిసోడ్స్ ఉన్న ‘మిషన్ తషాఫి’ వెబ్ సిరీస్‌ను  ఫిల్మ్ రిప‌బ్లిక్ బ్యాన‌ర్‌పై ప్ర‌ణ‌తి రెడ్డి నిర్మిస్తున్నారు. తెలుగు ఓటీటీ చరిత్రలో ఇప్పటి వరకు రూపొందని విధంగా ఈ హై ఇన్‌టెన్స్ యాక్ష‌న్ థ్రిల్లింగ్ వెబ్ సిరీస్‌ను జీ 5 భారీ బ‌డ్జెట్‌తో రూపొందిస్తుంది. ప్ర‌ముఖ అంత‌ర్జాతీయ‌ యాక్ష‌న్ కొరియోగ్రాఫ‌ర్స్ ఆధ్వ‌ర్యంలో ఇప్ప‌టి వ‌ర‌కు చిత్రీక‌రించని స‌రికొత్త లొకేష‌న్స్‌లో ఈ సిరీస్‌ను తెర‌కెక్కిస్తున్నారు డైరెక్ట‌ర్ ప్ర‌వీణ్ స‌త్తారు.  (ఇదీ చదవండి: వైరల్‌ అవుతున్న హీరోయిన్‌ లిప్‌లాక్‌ వీడియో)

గాంఢీవాన్ని ఎక్కుపెట్టి థియేటర్స్‌లోకి రావడానికి రెడీ అవుతున్నాడు అర్జున. వచ్చే తేదీని కూడా ఫిక్స్‌ చేసుకున్నాడు. వరుణ్‌ తేజ్‌ టైటిల్‌ రోల్‌లో ప్రవీణ్‌ సత్తారు దర్శకత్వంలో రూపొందుతోన్న యాక్షన్‌ ఎంటర్‌టైనర్‌ ‘గాంఢీవధారి అర్జున’. బీవీఎస్‌ఎన్‌ ప్రసాద్‌ నిర్మిస్తున్నారు. ఈ చిత్రాన్ని ఆగస్ట్‌ 25న విడుదల చేయనున్నట్లు బుధవారం ప్రకటించారు. ప్రస్తుతం విదేశాల్లో షూటింగ్‌ జరుగుతోంది. ‘‘స్టైలిష్‌ యాక్షన్‌ సీక్వెన్స్‌లతో రూపొందిస్తోన్న ఈ చిత్రంలో వరుణ్‌ తేజ్‌ పవర్‌ఫుల్‌ రోల్‌లో కనిపిస్తారు. ఇప్పటికే విడుదలైన వరుణŠ  లుక్‌కి, వీడియో గ్లింప్స్‌కి మంచి స్పందన వచ్చింది. ఈ చిత్రంలో యాక్షన్‌ సీక్వెన్స్‌ హైలైట్‌గా నిలుస్తాయి. సినిమా చిత్రీకరణ తుది దశకు చేరుకుంది. మరోవైపు నిర్మాణానంతర కార్యక్రమాలు కూడా జరుగుతున్నాయి’’ అని చిత్ర యూనిట్‌ పేర్కొంది. ఈ చిత్రానికి సంగీతం: మిక్కీ జే మేయర్, కెమెరా: ముఖేష్‌.

మెగా హీరో వరుణ్ తేజ్ హీరోగా తెరకెక్కుతోన్న చిత్రం 'గాండీవధారి అర్జున.' ఈ చిత్రానికి ప్రవీణ్ సత్తారు దర్శకత్వం వహిస్తున్నారు.  ఈ చిత్రాన్ని ఫుల్ యాక్షన్‌ ఎంటర్‌టైనర్‌గా తెరకెక్కిస్తున్నారు.  ఈ సినిమాను బీవీఎస్ ఎన్ ప్రసాద్ నిర్మిస్తున్నారు. తాజాగా మూవీకి సంబంధించి క్రేజీ అప్‌డేట్‌తో ముందుకొచ్చారు. (ఇది చదవండి: వేకేషన్‌ నుంచి తిరిగొచ్చిన ఐకాన్ స్టార్‌.. ఫోటోలు వైరల్!) ఈ సినిమాను ప్రపంచవ్యాప్తంగా ఆగస్టు 25వ తేదీన విడుదల చేయనున్నట్లు మేకర్స్ ప్రకటించారు. ఈ విషయాన్ని సోషల్ మీడియాలో పంచుకున్నారు. దీనికి సంబంధించి వరుణ్ తేజ్ పోస్టర్‌ను రిలీజ్‌ చేశారు. కాగా.. 'ఏజెంట్' సినిమాలో అఖిల్ జోడీగా మెరిసిన సాక్షి వైద్య ఈ చిత్రంలో హీరోయిన్‌గా కనిపించనుంది. ఈ చిత్రానికి మిక్కీ. జే. మేయర్ సంగీతమందిస్తున్నారు. ఈ  సినిమాను ఫుల్ యాక్షన్‌ ఎంటర్‌టైనర్‌గా తెరకెక్కించనున్నట్లు తెలుస్తోంది. ఈ సినిమా కోసం వరుణ్ తేజ్ ఫ్యాన్స్‌ ఆసక్తిగా ఎదురు చూస్తున్నారు.  (ఇది చదవండి: 'ఆదిపురుష్' సినిమాపై వివాదం.. స్పందించిన చిత్రబృందం!) View this post on Instagram A post shared by Varun Tej Konidela (@varunkonidela7)

టాలీవుడ్‌ హీరో రానా, బాలీవుడ్‌ హీరో వరుణ్‌ ధావన్‌ల కాంబినేషన్‌లో ఓ సినిమా తెరకెక్కేందుకు రంగం సిద్ధమౌతున్నట్లుగా తెలుస్తోంది. అయితే ఈ సినిమాలో రానా, వరుణ్‌ ధావన్‌ హీరోలుగా నటించడం లేదట. వరుణ్‌ ధావన్‌ హీరోగా రానా ఈ సినిమాను నిర్మించనున్నారట. ఈ చిత్రం నిర్మాణంలో రానాతో పాటు సునీల్‌ నారంగ్‌ కూడా భాగస్వామ్యులు అవుతారనే టాక్‌ వినిపిస్తోంది. ఈ సినిమాకు ప్రవీణ్‌ సత్తారు దర్శకత్వం వహించే అవకాశం ఉన్నట్లు తెలుస్తోంది. ఈ విషయాలపై అధికారిక సమాచారం అందాల్సి ఉంది. అలాగే మలయాళ హీరో దుల్కర్‌ సల్మాన్‌తో రానా ఓ సినిమాను నిర్మించనున్నారని సమాచారం. ఇలా గతంలోనూ రానా పలు సినిమాలకు నిర్మాతగా ఉన్న సంగతి తెలిసిందే. ఒకవైపు నటుడిగా మరోవైపు నిర్మాతగా బిజీగా ఉంటున్నారు రానా. ప్రస్తుతం హీరోగా రానా చేతిలో ఉన్న చిత్రాల్లో ‘రాక్షసరాజు’ (వర్కింగ్‌ టైటిల్‌) ఒకటి. ‘నేనే రాజు నేను మంత్రి’ చిత్రం తర్వాత దర్శకుడు తేజ–రానా కాంబినేషన్‌లో రూపొందనున్న ఈ చిత్రం షూటింగ్‌ త్వరలో ప్రారంభం కానుంది.

ప్రవీణ్‌ సత్తారు దర్శకత్వంలో వరుణ్‌ తేజ్‌ హీరోగా ఓ సినిమా తెరకెక్కుతున్న సంగతి తెలిసిందే. నాగబాబు సమర్పణలో ఎస్‌వీసీసీ పతాకంపై బాపినీడు, బీవీఎస్‌ఎన్‌ ప్రసాద్‌ ఈ సినిమాను నిర్మిస్తున్నారు. ఈ సినిమా షూటింగ్‌ ప్రారంభమై చాలా రోజులు అయినప్పటికీ ఇంతవరకు ఎలాంటి అప్‌డేట్స్‌ ఇవ్వలేదు. తాజాగా వరుణ్‌ తేజ్‌ పుట్టిన రోజు (జనవరి 19) సందర్భంగా గురువారం సినిమా టైటిల్‌తో పాటు వరుణ్‌ తేజ్‌ ఫస్ట్‌ లుక్‌ని విడుదల చేసింది.  ఈ సినిమాకు ‘గాండీవధారి అర్జున’ అనే టైటిల్‌ని ఖరారు చేశారు. లండన్‌ బ్రిడ్జ్‌పై యాక్షన్‌ సన్నివేశానికి సంబంధించిన మోషన్‌ పోస్టర్‌ ద్వారా చిత్ర యూనిట్ ఫస్ట్‌లుక్‌ను విడుదల చేసింది. ఇందులో వరుణ్‌ తేజ్‌ పూర్తిగా కొత్త లుక్‌లో కనిపిస్తున్నారు. ఈ సినిమాలో వరుణ్‌ తేజ్‌ గూడచారి పాత్రలో కనిపించబోతున్నట్లు తెలుస్తుంది.  Introducing the Envoy of peace with an M4 Carbine 🔥 Presenting Mega Prince @IAmVarunTej in a Never Seen Before Avatar as #GandeevadhariArjuna 😎 - https://t.co/FbN30VGgtv#HBDVarunTej ❤‍🔥@PraveenSattaru @MickeyJMeyer @BvsnP @SVCCofficial pic.twitter.com/suOAC1fikU — SVCC (@SVCCofficial) January 19, 2023

ఇటీవల విడుదలైన నాగార్జున యాక్షన్‌ థ్రిల్లర్‌ చిత్రం 'ది ఘోస్ట్'. ప్రవీణ్ సత్తారు దర్శకత్వంలో వహించిన ఈ సినిమా దసరా కానుకగా ప్రేక్షకుల ముందుకొచ్చింది. తాజాగా ఈ చిత్రం ఓటీటీ రిలీజ్‌కు సంబంధించి అప్‌డేట్‌ వచ్చింది. ఓటీటీ ఫ్లాట్‌ఫామ్ నెట్‌ఫ్లిక్స్‌వేదికగా స్ట్రీమింగ్‌ అయ్యేందుకు సిద్ధమైంది. నవంబరు 2వ తేదీ నుంచి స్ట్రీమింగ్‌ కానున్నట్లు నెట్‌ఫ్లిక్స్‌ వెల్లడించింది. గతంలోనూ నాగార్జున నటించిన ‘వైల్డ్‌డాగ్‌’ మూవీ అభిమానులను అంతగా ఆకట్టుకోలేకపోయింది.  అయితే ఓటీటీలో మాత్రం ఆ చిత్రానికి విశేష ఆదరణ లభించింది. నాగార్జున తాజా చిత్రం ది ఘోస్ట్‌ అభిమానులను ఏ మేరకు ఆకట్టుకుంటుందో చూడాల్సిందే. (చదవండి: ‘ది ఘోస్ట్’ మూవీ రివ్యూ) అసలు కథేంటంటే..: విక్రమ్ (నాగార్జున) ఓ అనాథ. కల్నల్ నాగేంద్ర నాయుడు విక్రమ్‌ను చేరదీస్తాడు. నాగేంద్ర నాయుడు కూతురు అనుపమ (గుల్ పనాగ్), విక్రమ్ అక్కాతమ్ముడిలా కలిసి మెలిసి ఉంటారు. అయితే అనుపమ మాత్రం తనకు నచ్చిన వాడైన అశోక్ నాయర్‌ను పెళ్లి చేసుకుంటాను అని ఇంట్లోంచి వెళ్లిపోతుంది. 20 ఏళ్ల పాటు ఇంటికి దూరంగా ఉంటుంది. అనుని జాగ్రత్తగా చూసుకునే బాధ్యతను విక్రమ్‌కి అప్పగించి కన్నుమూస్తాడు నాగేంద్ర నాయుడు. 20 ఏళ్ల పాటుగా దూరంగా ఉన్న అనుపమ తన బిడ్డ అదితి (అనికా సురేంద్రన్) ఆపదలో ఉందని విక్రమ్‌కు కాల్ చేస్తుంది. తన సమస్యను వివరిస్తుంది.అసలు అనుపమకు వచ్చిన సమస్య ఏంటి? అదితిని చంపేందుకు ప్రయత్నం చేసిన వారు ఎవరు? విక్రమ్ ది ఘోస్ట్‌గా ఎందుకు మారాల్సి వచ్చింది? అసలు ఘోస్ట్ వెనుకున ఫ్లాష్ బ్యాక్ ఏంటి? ఈ కథలో ప్రియ(సోనాల్ చౌహాన్) పాత్ర ఏంటి? చివరకు అదితిని విక్రమ్ కాపాడాడా? అన్నదే కథ.

గన్‌ను ఫుల్‌గా లోడ్‌ చేసి రంగంలోకి దిగారు వరుణ్‌ తేజ్‌. ప్రవీణ్‌ సత్తారు దర్శకత్వంలో వరుణ్‌ తేజ్‌ హీరోగా ఓ సినిమా తెరకెక్కుతున్న సంగతి తెలిసిందే. నాగబాబు సమర్పణలో ఎస్‌వీసీసీ పతాకంపై బాపినీడు, బీవీఎస్‌ఎన్‌ ప్రసాద్‌ ఈ సినిమాను నిర్మిస్తున్నారు. ఈ సినిమా షూటింగ్‌ సోమవారం లండన్‌లో ప్రారంభమైంది. హీరో వరుణ్‌ తేజ్‌పై కీలక సన్నివేశాలను చిత్రీకరిస్తున్నారు. ‘‘షూటింగ్‌ మొదలైంది. ది గేమ్‌ ఆఫ్‌ లైఫ్‌ అండ్‌ డెత్‌ బిగిన్స్‌’ అంటూ లొకేషన్‌ వీడియోను షేర్‌ చేశారు వరుణ్‌ తేజ్‌. కాగా ఈ చిత్రంలో వరుణ్‌ తేజ్‌ ఇంటర్‌నేషనల్‌ గూఢచారి పాత్రలో కనిపిస్తారని టాక్‌.

కింగ్ అక్కినేని నాగార్జున, క్రియేటివ్ డైరెక్టర్ ప్రవీణ్ సత్తారు కాంబినేషన్‌లో తెరకెక్కిన యాక్షన్ థ్రిల్లర్ 'ది ఘోస్ట్'. సోనాల్ చౌహాన్ కథానాయికగా నటిస్తోంది. భారీ అంచనాలున్న ఈ చిత్రం దసరా కానుకగా అక్టోబర్ 5న ప్రపంచ వ్యాప్తంగా థియేటర్లలోకి రానుంది. ఈ నేపథ్యంలో కింగ్ నాగార్జున   చిత్ర విశేషాలని పంచుకున్నారు. ది ఘోస్ట్‌లో వెపన్ ప్రమోషన్స్‌లో ఆకట్టుకుంది. దీని వెనుక కథ వుందా ?  తమహగనే వెనుక ఒక బ్యాక్ స్టొరీ ఉంది. ఈ సినిమాలో ఉండదు కానీ తమహగనే వెపన్ వెనుక చాలా ఆసక్తికరమైన కథ చెప్పాడు దర్శకుడు ప్రవీణ్. అది నచ్చి దాన్ని గ్లింప్స్‌గా వదిలాం. ఈ సినిమా విజయం సాధిస్తే ఆ బ్యాక్ స్టొరీ కూడా చూపిస్తాం.(నవ్వుతూ)  ది ఘోస్ట్ పై చాలా ఇష్టం పెరగడానికి కారణం ?  ఈ కథలో చక్కని ఫ్యామిలీ లైన్ వుంది. సిస్టర్, బ్రదర్ బాండింగ్ బాగుంటుంది. తన సిస్టర్, ఫ్యామిలీని కాపాడటానికి హీరో చేసే పోరాటం చాలా నచ్చింది. నేను ఎప్పుడూ కొత్తదనాన్ని ఇష్టపడతాను. ప్రవీణ్ సత్తారు ఈ కథని చాలా కొత్తగా ప్రజెంట్ చేశారు. యాక్షన్ సీక్వెన్స్ లు, బ్రదర్ సిస్టర్ బాండ్‌ని అద్భుతంగా చూపించారు. సినిమా చూసిన తర్వాత షాక్ అయ్యాను. ప్రవీణ్ చాలా పర్ఫెక్ట్‌గా ప్లాన్ చేసుకున్నాడు. చాలా ఇంప్రెస్ అయ్యాను. ఒక యాక్షన్ మూవీలో ఎమోషన్ ఈ స్థాయిలో పండటం నాకే షాక్ అనిపించింది. ప్రేక్షకులు కూడా సినిమా చూసి బయటికి వచ్చినపుడు యాక్షన్ విషయంలో ఒక షాక్ ఫీలౌతారు. సినిమా చాలా కొత్తగా వుంటుంది.  ఇందులో క్లైమాక్స్ చర్చ్ ఫైట్ ఒక మెయిన్ హైలెట్.   ది  ఘోస్ట్‌ని శివతో పోల్చడానికి కారణం ?  నిజానికి ఈ సినిమా కథ విన్నప్పుడు కానీ చేసినప్పుడు కానీ ఆ పోలిక రాలేదు. సినిమా చూస్తున్నపుడు మాత్రం శివ లాంటి ఫ్యామిలీ ఎమోషన్ ఉందనిపించింది.  ది ఘోస్ట్ కథని ఎంచుకోవడానికి కారణం ?  నేను చాలా యాక్షన్ మూవీస్ చేశాను. కానీ ఎమోషన్‌తో కూడిన ఒక స్టైలీష్ యాక్షన్ సినిమా చేయాలని ఉండేది. గరుడ వేగలో ప్రవీణ్ సత్తారు యాక్షన్ చాలా నచ్చింది. ప్రవీణ్‌ని పిలిచి మంచి యాక్షన్ మూవీ చేద్దామని చెప్పాను. అప్పుడు నన్ను మైండ్‌లో పెట్టుకొని ది ఘోస్ట్ కథని తయారు చేశారు. ఈ సినిమాలో యాక్షన్ కోసం మూడు వారాల శిక్షణ కూడా తీసుకున్నాం. మీరు చిరంజీవి గారి సినిమాలు ఒకే రోజు వస్తుంటే ఇద్దరు ఫ్రెండ్స్ వస్తున్నారనిపిస్తుంది ? మేము మంచి స్నేహితులం. రెండు సినిమాలు విడుదలై విజయం సాధించిన సందర్భాలు అనేకం వున్నాయి. సినిమా బాగుంటే ప్రేక్షకులు కచ్చితంగా చూస్తారు. శివ సినిమా అక్టోబర్ 5నే వచ్చింది. నిన్నే పెళ్లాడుతా అక్టోబర్ 4న వచ్చిందని ఒక అభిమాని ఫోన్ చేసి చెప్పారు. ది ఘోస్ట్ అక్టోబర్ 4నే  యూఎస్‌లో రిలీజ్ అవుతోంది. ఈ రకంగా నిన్నే పెళ్లాడుతా సెంటిమెంట్ కూడా కుదిరింది (నవ్వుతూ).  పాత సినిమాలని కొత్తగా రిలీజ్ చేసే ట్రెండ్ నడుస్తుంది.. శివ సినిమా మళ్లీ వస్తుందా ?  తప్పకుండా. శివ సినిమాని 4కే డిజిటల్ చేస్తున్నాం. అదే కాదు అన్ని సినిమాలు డిజిటల్ చేయాలి. కొన్ని నెగిటివ్స్ పాడయ్యాయి. ప్రస్తుతం దానికి సంబధించిన పనులు జరుగుతున్నాయి.  మీరు బాలీవుడ్‌లో చేస్తున్నారు.. సల్మాన్ ఖాన్ ఇక్కడ సినిమాలు చేస్తున్నారు.. బౌండరీలు చెరిగిపోయాయని అనుకోవచ్చా ?  ఇప్పుడు బౌండరీలు లేవు. యూఎస్‌లో ఐమాక్స్ స్క్రీన్‌లో ఆర్ఆర్ఆర్ వచ్చిన రెస్పాన్స్ వీడియో చూస్తే దేశంలోనే కాదు ప్రపంచ సరిహద్దులు కూడా చెరిగిపోయాయని అనిపించింది. బ్రహ్మాస్త్రలో నేను చేసిన పాత్రకి కూడా మంచి రెస్పాన్స్ వచ్చింది.  దర్శకుడు ప్రవీణ్ సత్తారు గురించి ?  ప్రవీణ్ చాలా క్లియర్ విజన్ వున్న దర్శకుడు. తన హోమ్ వర్క్ కి చాలా టైం తీసుకుంటాడు. అయితే అతను చేసే ప్రీ ప్రొడక్షన్ చక్కగా వుంటుంది. ఆయన చేసిన ప్రీ ప్రొడక్షన్ కారణంగా ఈ సినిమా 66రోజుల్లోనే పూర్తయింది.  కొత్తగా చేయబోయే సినిమాలు ?  రెండు మూడు కథలు చర్చలో వున్నాయి. యాక్షన్ డ్రామా జోనర్‌లో ఉంటాయి. అలాగే వెబ్ సిరిస్ చర్చలు కూడా నడుస్తున్నాయి. 

టాలీవుడ్ కింగ్ నాగార్జున, సోనాల్ చౌహన్ జంటగా నటించిన చిత్రం 'ది ఘోస్ట్'. ఈ చిత్రానికి ప్రవీణ్ సత్తారు దర్శకత్వం వహించారు.  ఈ మూవీపై ఇ‍ప్పటికే అభిమానుల్లో భారీ అంచనాలు నెలకొన్నాయి.  దసరా కానుకగా అక్టోబర్ 5న  థియేటర్లలో  సందడి చేయనుంది. ఈ సినిమా ప్రమోషన్లలో భాగంగా హీరో నాగార్జున  కొన్ని యాక్షన్ సీన్లపై ఇంట్రెస్టింగ్ కామెంట్స్‌ చేశారు. ఇటీవల ఓ మీడియాకు ఇచ్చిన ఇంటర్వూలో ఆసక్తికరమైన విషయాలను పంచుకున్నారు కింగ్. సాలిడ్ యాక్షన్‌ ఎంటర్‌టైనర్‌గా తెరకెక్కుతున్న ఈ సినిమాలో ఫైట్ సీన్స్ ఆసక్తిగా ఉంటాయన్నారు నాగ్.  క్లైమాక్స్‌లో వచ్చే చర్చ్ ఫైట్ హైలైట్‌గా నిలుస్తుందన్నారు కింగ్ నాగార్జున. అలాగే దర్శకుడు సైతం ఈ సినిమాలో ఏకంగా 12 యాక్షన్ సీన్లు ఉన్నాయని చెప్పారు. ఇప్పటికే ఈ సినిమా నుంచి రిలీజ్‌ అయిన ఫస్ట్‌లుక్‌ పోస్టర్‌, టీజర్‌కు అభిమానుల్లో మంచి స్పందన వచ్చింది.

‘‘నా దృష్టిలో సినిమా తీయడం అంటే సినిమా చరిత్రలో ఓ పేజీ రాయడంలా భావిస్తాను. అలా ఆ చరిత్రలో ‘ది ఘోస్ట్‌’ ఓ పేజీ. వెయ్యి సంత్సరాల తర్వాతే కాదు.. మనం చనిపోయిన తర్వాత కూడా సినిమా చరిత్రలో ఆ పేజీ ఉంటుంది. అందుకే ఈ పేజీని చాలా జాగ్రత్తగా రాయలన్న భయం, బాధ్యత ఉంటే ప్రతి సినిమా బాగుంటుంది’’ అన్నారు దర్శకుడు ప్రవీణ్‌ సత్తారు. నాగార్జున హీరోగా ప్రవీణ్‌ సత్తారు దర్శకత్వంలో రూపొందిన చిత్రం ‘ది ఘోస్ట్‌’. సునీల్‌ నారంగ్, శరత్‌ మరార్, రామ్మోహన్‌ రావు నిర్మించిన ఈ సినిమా ఈ నెల 5న విడుదల కానుంది. ఈ సందర్భంగా శనివారం హైదరాబాద్‌లో జరిగిన విలేకర్ల సమావేశంలో ప్రవీణ్‌ సత్తారు చెప్పిన విశేషాలు. ► నాగార్జునగారి ఇమేజ్‌ని దృష్టిలో పెట్టుకుని ‘ది ఘోస్ట్‌’ కథ రాశాను.. నాగార్జునగారు అద్భుతంగా చేశారు. ఇంటర్‌పోల్‌ డిపార్ట్‌మెంట్‌ నుంచి రిటైర్‌ అయిన ఆఫీసర్‌ విక్రమ్‌ పాత్ర చేశారు నాగార్జునగారు. ఈ చిత్రంలో 12 యాక్షన్‌ సీక్వెన్సెస్‌ ఉన్నాయి. ఎమోషన్స్‌ కూడా ఉన్నాయి. సినిమాలోని చెల్లి, మేనకోడలు సెంటిమెంట్‌ ఆడియన్స్‌ను మెప్పిస్తుంది. రొమాన్సూ ఉంది.  ► నాకు ‘గరుడవేగ’ సినిమా ఫ్లస్‌ అయ్యిందనే భావిస్తున్నాను. ఈ విషయంలో జీవితా రాజశేఖర్‌గార్లకు ధన్యవాదాలు. నేను మూడు సినిమాలు నిర్మించాను. సినిమాలో మంచి కంటెంట్‌ ఉన్నప్పటికీ దాన్ని ఆడియన్స్‌కు రీచ్‌ అయ్యేలా చేయడం అనేది కొంచెం కష్టమే. నిర్మాతల కష్టాలు నాకు తెలుసు. నా తర్వాతి చిత్రం వరుణ్‌ తేజ్‌తో ఉంది. ఈ నెల 10న  యూకేలో ఆ సినిమా షూటింగ్‌ ఆరంభిస్తాం. అలాగే ఓ వెబ్‌ సిరీస్‌ కూడా చేస్తున్నాను. ► పోస్టర్స్, టీజర్, ట్రైలర్స్‌ను చూసే సినిమా చూడాలా? వద్దా అని ఆడియన్స్‌ డిసైడ్‌ చేసుకుంటున్న రోజులువి. సినిమా స్టాండర్డ్స్‌ విషయంలో తెలుగు ప్రేక్షకుల ఆలోచనలు మారాయి. ప్రేక్షకులను ఎంగేజ్‌ చేయడం అంటే ఎంటర్‌టైన్‌ చేయడమే. థియేటర్స్‌లో ఆడియన్స్‌ సినిమా చూస్తున్నప్పుడు వారు తమ మొబైల్‌ ఫోన్స్‌ మెసేజ్‌లను చెక్‌ చేసుకోనంత వరకు స్క్రీన్‌ పై ఏ జానర్‌ సినిమా ఉన్నా అప్పుడు అది హిట్టే. హిందీలో రిలీజ్‌ చేస్తాం – సునీల్‌ నారంగ్‌ ‘ది ఘోస్ట్‌’ సినిమాను హిందీలో కూడా రిలీజ్‌ చేస్తున్నాం. ఈ నెల 7న రిలీజ్‌ అవుతుంది. ముందుగా హిందీ రిలీజ్‌ ప్లాన్‌ చేయలేదు. ఆ తర్వాత చేశాం. నాగార్జునగారు చాలా బాగా నటించారు. ప్రవీణ్‌ సత్తారు భవిష్యత్‌లో పెద్ద దర్శకుడు అవుతాడు. కోవిడ్‌ వల్ల అనుకున్నదాన్ని కన్నా సినిమా బడ్జెట్‌ కాస్త పెరిగింది.

కింగ్‌ నాగార్జున హీరోగా యాక్షన్‌ ఎంటర్‌టైనర్‌ 'ది ఘోస్ట్‌' ట్రైలర్‌ విడుదలైంది. ప్రవీణ్‌ సత్తారు దర్శకత్వంలో తెరకెక్కిన ఈ చిత్రంలో సోనాల్‌ చౌహాన్‌ కథానాయికగా నటించింది. ఇప్పటికే ఈ సినిమా నుంచి రిలీజ్‌ అయిన ఫస్ట్‌లుక్‌ పోస్టర్‌, టీజర్‌కు అభిమానుల్లో మంచి స్పందన వచ్చింది. తాజాగా ట్రైలర్‌ రిలీజ్ చేయడంతో కింగ్ మాస్ యాక్షన్‌కు ఫాన్స్‌ ఫిదా అవుతున్నారు.  (చదవండి: 'నాగార‍్జున షాకింగ్ నిర్ణయం.. అప్పటివరకు సినిమాలకు బ్రేక్')  యాక్షన్‌ ఎంటర్‌టైనర్‌గా తెరెకెక్కిన ఈ సినిమా ట్రైలర్ అభిమానులను‌ ఆద్యంతం ఆకట్టుకునేలా ఉంది. ఇందులో సన్నివేశాలు సినిమాలో కీలకమైనవిగా అర్థమవుతోంది. 'డబ్బు, సక్సెస్‌.. సంతోషం కంటే శత్రువులను ఎక్కువ సంపాదిస్తుంది’ అన‍్న డైలాగ్ ఫ్యాన్స్‌కు గూస్‌బంప్స్‌ తెప్పించేలా ఉంది. ఆద్యంతం ఆసక్తికరంగా సాగిన ట్రైలర్‌తో ప్రేక్షకుల్లో భారీ అంచనాలు పెరిగిపోయాయి. ఈ సినిమా దసరా కానుకగా అక్టోబర్‌ 5న థియేటర్లలో సందడి చేయనుంది.

‘‘ముప్పైమూడు సంవత్సరాల క్రితం అక్టోబరు 5న ‘శివ’ అనే ఫ్యామిలీ ఎంటర్‌టైనింగ్‌ సినిమాతో సైకిల్‌ చైన్‌ పట్టుకుని వచ్చాను. ఇప్పుడు ఈ అక్టోబరు 5న ఓ కత్తితో ‘ది ఘోస్ట్‌’ అనే సినిమాతో వస్తున్నాను. ఇది కూడా ఫ్యామిలీ ఎంటర్‌టైనర్‌. విజయదశమి మా ‘ది ఘోస్ట్‌’ చిత్రానికి కూడా విజయాన్ని ఇస్తుందనుకుంటున్నాను’’ అని నాగార్జున అన్నారు. ప్రవీణ్‌ సత్తారు దర్శకత్వంలో నాగార్జున, సోనాల్‌ చౌహాన్‌ జంటగా నటించిన చిత్రం ‘ది ఘోస్ట్‌’. నారాయణ్‌దాస్‌ నారంగ్, పుస్కూర్‌ రామ్మోహన్‌రావు, శరత్‌ మరార్‌ నిర్మించిన ఈ చిత్రం అక్టోబరు 5న విడుదల కానుంది. కాగా ఆదివారం కర్నూలులో జరిగిన ఈ సినిమా ప్రీ రిలీజ్‌ వేడుకలో నాగార్జున మాట్లాడుతూ– ‘‘ఈరోజు ఈ వేదికపై నేను, నాగచైతన్య, అఖిల్‌ ఇంత ప్రేమను పొందడానికి కారణమైన తెలుగు సినీ పరిశ్రమకి, మా నాన్నగారికి (దివంగత అక్కినేని నాగేశ్వరరావు) థ్యాంక్స్‌ చెప్పాలి. ఆడియన్స్‌ ఎలా చూడాలనుకుంటున్నారో ‘ది ఘోస్ట్‌’ లో అలానే కనపడతాను. నేను, చైతన్య చేసిన ‘బంగార్రాజు’ సినిమా థియేటర్స్‌లోనే కాదు.. టెలివిజన్‌ టీఆర్‌పీ, ఓటీటీ ప్లాట్‌ఫామ్స్‌లో కూడా రికార్డ్స్‌ క్రియేట్‌ చేసింది. నెక్ట్స్‌ అఖిల్‌తో నేను చేయబోయే సినిమా త్వరలో స్టార్ట్‌ అవుతుంది. మహేశ్‌బాబు ఎప్పుడంటే అప్పుడు అతనితో కలిసి నటిస్తాను. నాకు ఎంతో ఆప్తులైన చిరంజీవిగారి సినిమా ‘గాడ్‌ఫాదర్‌’ కూడా అక్టోబరు 5న రిలీజ్‌ కాబోతుంది.. ‘ది ఘోస్ట్, గాడ్‌ఫాదర్‌’ సినిమాలకు విజయాలు చేకూరాలి’’ అన్నారు. హీరో నాగచైతన్య మాట్లాడుతూ–‘‘గత నాలుగైదు నెలలుగా నాన్నగారిని(నాగార్జున) కలిసిన ప్రతిసారి ‘ది ఘోస్ట్‌’ గురించే మాట్లాడుకుంటున్నాం.. ఇలాంటి ఎగై్జట్‌మెంట్‌ను నాన్నలో చూసి చాలా రోజులైంది. ‘బంగార్రాజు’ చిత్రం నుంచి ‘ది ఘోస్ట్‌’కి ఆయన ట్రాన్స్‌ఫార్మ్‌ అయిన తీరు అద్భుతం. ఈ విధంగా నాకు ఎంతో స్ఫూర్తిని ఇస్తున్నారు. స్క్రీన్‌పై నాన్నని ఎలా చూడాలనుకున్నానో అలా ప్రవీణ్‌గారు ఈ సినిమాలో చూపించారు’’అన్నారు. హీరో అఖిల్‌ మాట్లాడుతూ– ‘‘నేను, అన్నయ్య.. ఇప్పుడు కాలర్‌ ఎగరేస్తున్నాం. ముప్పై ఏళ్ల తర్వాత కూడా అదే క్రమశిక్షణతో నాన్నగారు సినిమాలు చేస్తున్నారు.. దాన్నిబట్టి మేం ఎంత పరిగెత్తాలనేది అర్థం అవుతోంది. ‘ది ఘోస్ట్‌’ లో ఏదో ఒక ఫైర్‌ ఉంది.. సినిమా సక్సెస్‌ అవుతుంది’’ అన్నారు. ‘‘నాగార్జునగారితో సినిమా చేయడాన్ని చాలా గౌరవంగా భావిస్తున్నాను. ఆయన అభిమానుల అంచనాలను అందుకునేలా ‘ది ఘోస్ట్‌’ ఉంటుంది’’ అన్నారు ప్రవీణ్‌ సత్తారు. ‘‘నాగార్జున ఎంత స్టైలిష్‌గా ఉంటారో అంతే స్టైలిష్‌గా ఈ సినిమా తీశాం’’ అన్నారు నిర్మాత రామ్మోహన్‌రావు. ‘‘ది ఘోస్ట్‌’ తీసినందుకు చాలా గర్వంగా, సంతోషంగా ఉంది’’ అన్నారు నిర్మాత శరత్‌ మరార్‌. ఈ కార్యక్రమంలో కర్నూలు ఎమ్మెల్యే హఫీజ్‌ ఖాన్, సోనాల్‌ చౌహాన్, నటుడు విక్రమాదిత్య, కెమెరామేన్‌ ముఖేష్, ఆర్ట్‌ డైరెక్టర్‌ బ్రహ్మకడలి, మ్యూజిక్‌ డైరెక్టర్‌ మార్క్‌ కె రాబిన్, మ్యూజిక్‌ డియో భరత్, సౌరభ్‌ తదితరులు పాల్గొన్నారు.  

‘‘యాక్షన్‌ మూవీ చేయాలనే నా ఆకాంక్ష ‘ది ఘోస్ట్‌’తో నెరవేరింది’’ అన్నారు సోనాల్‌ చౌహాన్‌. నాగార్జున, సోనాల్‌ చౌహాన్‌ జంటగా ప్రవీణ్‌ సత్తారు దర్శకత్వంలో రూపొందిన చిత్రం ‘ది ఘోస్ట్‌’. నారాయణ్‌ దాస్‌ నారంగ్‌ ఆశీస్సులతో సునీల్‌ నారంగ్, పుస్కూర్‌ రామ్మోహన్‌ రావు, శరత్‌ మరార్‌ నిర్మించిన ఈ చిత్రం అక్టోబర్‌ 5న రిలీజ్‌ కానుంది. ఈ సందర్భంగా సోనాల్‌ చౌహాన్‌ చెప్పిన విశేషాలు... ► ప్రవీణ్‌ సత్తారు ‘ది ఘోస్ట్‌’ కథ చెప్పినపుడు థ్రిల్‌ అయ్యాను. ఈ చిత్రంలో ఇంటర్‌పోల్‌ ఆఫీసర్‌గా చేశాను. ఇది సవాల్‌తో కూడుకున్న పాత్ర. అందుకే  శిక్షణ తీసుకున్నాను. మిక్స్‌డ్‌ మార్షల్‌ ఆర్ట్స్‌ నేర్చుకున్నాను. అయితే ట్రైనింగ్‌ టైమ్‌లో రెండో రోజే కాలి వేలు ఫ్రాక్చర్‌ అయ్యింది. డాక్టర్‌ సలహా మేరకు కొన్ని రోజులు రెస్ట్‌ తీసుకుని, మళ్లీ శిక్షణ తీసుకుని షూటింగ్‌కి ఎంటర్‌ అయ్యాను. ► ఇంటర్‌పోల్‌ ఆఫీసర్‌ని కాబట్టి కొన్ని రకాల తుపాకీలను హ్యాండిల్‌ చేయాల్సి వచ్చింది. అయితే మా నాన్న పోలీస్‌ కావడంతో గన్స్‌ పట్టుకోవడం తెలుసు. కానీ ఈ సినిమా కోసం ఏకే 47 లాంటి పెద్ద వెపన్స్‌ని హ్యాండిల్‌ చేయాల్సి రావడంతో శిక్షణ తీసుకున్నాను. గ్లామరస్‌ క్యారెక్టర్సే కాదు.. ఏ పాత్ర అయినా చేయగలనని ఈ సినిమా నిరూపిస్తుంది. ► నాగార్జునగారిని ఫస్ట్‌ టైమ్‌ కలిసినప్పుడు కాస్త నెర్వస్‌ అయ్యాను. అయితే పది నిమిషాలు మాట్లాడాక నా భయం పోయింది. నాగార్జునగారు కింగ్‌ అఫ్‌ రొమాన్స్‌. ‘వేగం...’ పాటలో మా కెమిస్ట్రీ బాగా కుదిరింది. నాగార్జునగారితో ఓ రొమాంటిక్‌ సినిమా చేయాలని ఉంది. ► మాది సంప్రదాయ రాజ్‌పుత్‌ కుటుంబం. మా కుటుంబంలో ఆడవాళ్లు ఇంటి నుండి బయటకు రావడమే పెద్ద విషయం. అలాంటిది నేను  సినిమా ఇండస్ట్రీకి వచ్చాను. సినిమా పరిశ్రమలో నాకు బ్యాక్‌గ్రౌండ్‌ లేదు. ఏ అవగాహన కూడా లేదు. అన్నీ ఇక్కడే నేర్చుకున్నాను. ఎత్తుపల్లాలను ఎలా తీసుకోవాలో సినిమా పరిశ్రమే నేర్పింది.  

పవర్‌ఫుల్‌ ఇంటర్‌పోల్‌ ఆఫీసర్‌ విక్రమ్‌గా నాగార్జున      నటించిన చిత్రం ‘ది ఘోస్ట్‌’. ప్రవీణ్‌ సత్తారు దర్శకత్వంలో నారాయణ్‌ దాస్‌ నారంగ్‌ ఆశీస్సులతో పుస్కూర్‌     రామ్మోహన్‌ రావు, శరత్‌ మరార్‌ నిర్మించారు. ఇందులో సోనాల్‌ చౌహాన్, గుల్‌ పనాగ్, అనిఖా సురేంద్రన్‌ కీలక పాత్రల్లో నటించారు. కాగా ఈ చిత్రం థియేట్రికల్‌ ట్రైలర్‌ను ఈ నెల 25న విడుదల చేయనున్నట్లు ప్రకటించి, నాగార్జున–సోనాల్‌ల కొత్త పోస్టర్‌ని ఆదివారం విడుదల చేసింది చిత్రబృందం. ‘‘ఇప్పటివరకు విడుదల చేసిన రెండు ప్రోమోలు ది కిల్లింగ్‌ మెషిన్, తమహగనే ప్రేక్షకులని అబ్బురపరిచాయి. దాంతో ట్రైలర్‌పై అంచనాలు పెరి గాయి. ట్రైలర్‌లో మరింత ఎగ్జయిటింగ్‌ యాక్షన్‌ని చూపించనున్నాం. ఎమోషన్స్‌తో కూడిన యాక్షన్‌ థ్రిల్లర్‌గా ఈ చిత్రం అందర్నీ ఆకట్టుకునే విధంగా     ఉంటుంది’’ అని చిత్రబృందం పేర్కొంది. ఈ చిత్రానికి ఎగ్జిక్యూటివ్‌ ప్రొడ్యూసర్‌: వెంకటేశ్వరరావు చల్లగుళ్ల.      ∙నాగార్జున, సోనాల్‌ చౌహాన్‌

Nagarjuna About The Ghost Movie: కింగ్ నాగార్జున హీరోగా ప్రవీణ్ సత్తారు దర్శకత్వంలో వస్తున్న చిత్రం 'ది ఘోస్ట్'. యాక్షన్‌ ఎంటర్‌టైనర్‌గా రూపొందుతున్న ఈ మూవీ అక్టోబర్ 5న ప్రపంచవ్యాప్తంగా థియేటర్లలో విడుదల కానుంది. తాజాగా ఈ మూవీకి సంబంధించి 'కిల్లింగ్ మెషిన్' పేరుతో గ్లింప్స్ విడుదల చేశారు. ఈ సినిమా షూటింగ్ ఒక యాక్షన్ సీక్వెన్స్ మినహా దాదాపు పూర్తి కావచ్చింది. ఈ సందర్భంగా ఏర్పాటు చేసిన మీడియా సమావేశంలో పలు ప్రశ్నలకు మూవీ యూనిట్‌ సమాధానమిచ్చింది.  నాగార్జున మాట్లాడుతూ.. ''ది ఘోస్ట్ 'లో మేజర్ హైలెట్ యాక్షన్. దర్శకుడు ప్రవీణ్ సత్తారు యాక్షన్ ని అద్భుతంగా తీశారు. కిల్లింగ్ మెషిన్ జస్ట్ గ్లింప్స్ మాత్రమే, ఈ సినిమాలో యాక్షన్ సీక్వెన్స్ లు టెర్రిఫిక్ గా వుంటాయి. చాలా రోజుల తర్వాత నేను ట్రైనింగ్ తీసుకొని యాక్షన్ సీన్స్ చేశా. ఇలాంటి యాక్షన్ గతంలో నేను చేయలేదు. నాకు చాలా కొత్తగా అనిపించింది. చాలా ఎగ్జయిటింగ్‌గా ఉంది.  సునీల్ నారంగ్ గారి నాన్నగారు  నారాయణ్ దాస్ నారంగ్ తో ఈ సినిమా చేయాలనే ఆలోచన మొదలైంది. పుస్కుర్ రామ్ మోహన్ రావు, శరత్ మరార్ లాంటి మంచి అభిరుచి గల నిర్మాతలు కలసి సినిమా అద్భుతంగా రూపొందించారు. నిర్మాణ విలువలు ఉన్నతంగా ఉంటాయి. చిత్రానికి మంచి టెక్నికల్ టీం పని చేసింది. సోనాల్ చౌహాన్ కూడా ఇందులో సరికొత్త పాత్రలో కనిపిస్తారు. ఈ చిత్రంలో యాక్షన్ తో పాటు ఎమోషన్ , సిస్టర్ సెంటిమెంట్ కూడా ఉంటుంది. అక్టోబర్ 5న సినిమాని మీ ముందుకు తెస్తున్నాం'' అన్నారు  దర్శకుడు ప్రవీణ్ సత్తారు మాట్లాడుతూ.. 'నాగార్జునతో సినిమా చేసే అవకాశం రావడం ఒక గొప్ప గౌరవంగా భావిస్తాను. నాకు యాక్షన్ సినిమాలు ఇష్టం. స్టైలిష్ యాక్షన్ లో నాగార్జున అద్భుతంగా ఉంటారు. ఈ చిత్రంలో అది గొప్పగా కుదిరింది.  సినిమా మొదలైన తర్వాత కరోనా రూపంలో కొన్ని ప్రతికూల పరిస్థితులు వచ్చాయి. ఐతే మా నిర్మాతలు సునీల్ నారంగ్, పుస్కుర్ రామ్ మోహన్ రావు, శరత్ మరార్ గొప్ప సపోర్ట్ గా నిలబడ్డారు. టెక్నికల్ టీం, డైరెక్షన్ టీమ్ కి కృతజ్ఞతలు'' తెలిపారు.   శివలో చైన్ పెట్టారు ఘోస్ట్ లో రెండు కత్తులు పెట్టారు మరో శివలా అంచనాలు పెట్టుకోవచ్చా ?  నాగార్జున: శివకి దీనికి పోలిక లేదు. యాక్షన్ స్టైలిష్ గా డిజైన్ చేసిన క్రమంలో కత్తులు వచ్చాయి.   ఎవరికీ ఘోస్ట్ గా వుంటారు ?  నాగార్జున: ఘోస్ట్ అంటే దెయ్యం అని కాదు. స్టైలిష్ పోల్ ఏజెంట్ విక్రమ్ కి కోడ్ నేమ్.  ఇన్నేళ్ల మీ అనుభవంలో ఎలాంటి పాత్రలు, ఎలాంటి కథలని ప్రేక్షకులు యాక్సెప్ట్ చేస్తున్నారనిపించింది ?  నాగార్జున: నిజంగా తెలీదండి. నాకే కాదు ఇది ఎవరికీ తెలియదని అనుకుంటాను. ప్రేక్షకులకు ఎప్పుడు, ఎందుకు ఒక సినిమా నచ్చుతుందో తెలీదు. ఈ మధ్య రాజమౌళితో మాట్లాడుతున్నప్పుడు ఇదే టాపిక్ వచ్చింది. ''మన మనసుకు నచ్చిన సినిమా బలంగా నమ్మి తీసేయాలి. మనకి నమ్మకం ఉంటేనే జనాలకి నచ్చుతుంది' అన్నారు.  ప్రవీణ్ సత్తారు చెప్పిన కథలో కొత్త పాయింట్ ఏమిటి ?  నాగార్జున:  ట్రీట్మెంట్, యాక్షన్ డిజైన్ చాలా కొత్తగా ఉంటుంది. ఈ ట్రెండ్ కి తగ్గట్టు ఉంటుంది. ఈ చిత్రానికి టికెట్ రేట్లు ఎలా ఉంటాయి ?  సునీల్ నారంగ్: సాధారణమైన ధరలే ఉంటాయి. టికెట్ రేట్లు పెంచం.  మిషన్ బేస్డ్ సినిమాలకి సీక్వెల్స్ ఉంటాయి కదా .. ఘోస్ట్ కి సీక్వెల్ ఉంటుందా ?  ప్రవీణ్ సత్తారు: ఇది మిషన్ బేస్డ్ సినిమా కాదు. మీరంతా రివ్యూలు చక్కగా రాసి సినిమా సూపర్ హిట్ అయితే ఎన్ని సీక్వెల్స్ అయినా తీసుకోవచ్చు( నవ్వుతూ)  నాగార్జున మన్మధుడు కదా..  ఆయన్ని యాక్షన్ చేయించడానికి ఎంత కష్టపెట్టారు ?  ప్రవీణ్ సత్తారు: నాగార్జున నన్ను చాలా సర్ప్రైజ్ చేశారు. చాలా అలోచించి ఒక యాక్షన్ బ్లాక్ పెడితే.. ఆయన వచ్చి చాలా ఫాస్ట్ గా ఫినిష్ చేస్తారు. 12 భారీ యాక్షన్ సీక్వెన్స్ లు ఉన్నాయి. నాగార్జున చాలా ఫ్లెక్స్ బుల్ గా సూపర్ ఫాస్ట్ గా చేశారు. యాక్షన్ లో కొత్తదనం ఏముటుంది ?  ప్రవీణ్ సత్తారు: ఇందులోని యాక్షన్ కథలో కలసి ఉంటుంది. యాక్షన్ కూడా ఎమోషన్ లో బాగంగా ఉంటుంది. యాక్షన్ చాలా ఆర్గానిక్‌గా ఉంటుంది.

Nagarjuna As A Killing Machine From The Ghost Movie: టాలీవుడ్ మన్మథుడు అక్కినేని నాగార్జున హీరోగా నటిస్తోన్న తాజా చిత్రం 'ఘోస్ట్‌'. ఈ చిత్రానికి 'గరుడవేగ' ఫేమ్‌ ప్రవీణ్‌ సత్తారు దర్శకత్వం వహిస్తున్నారు. సోనాల్‌ చౌహాన్‌ కథానాయిక. నాగ్‌, సోనాల్‌ ఇద్దరూ ఇంటర్‌పోల్‌ ఆఫీసర్స్‌ పాత్రల్లో కనిపించనున్నారు. అనిఖా సురేంద్రన్, గుల్‌ పనాగ్‌ ముఖ్య పాత్రల్లో అలరించనున్నారు. తాజాగా ఈ సినిమా నుంచి ఫస్ట్‌ విజువల్‌ ట్రీట్‌ను చిత్రబృందం షేర్‌ చేసింది.  'కిల్లింగ్‌ మేషిన్' పేరుతో రిలీజ్‌ చేసిన ఈ వీడియోలో నాగార్జున కత్తులతో శత్రువులను వేటాడుతూ కనిపించారు. ప్రస్తుతం ఈ వీడియో నెట్టింట వైరల్‌ అవుతోంది. యాక్షన్‌ ఎంటర్‌టైనర్‌గా సిద్ధమవుతోన్న ఈ మూవీని నారాయణ్‌ దాస్‌ నారంగ్‌, పుస్కూర్‌ రామ్‌ మోహన్‌ రావు, శరత్‌ మరార్‌ సంయుక్తంగా నిర్మించారు. అక్టోబర్‌ 5న ఈ మూవీ వరల్డ్‌వైడ్‌గా థియేటర్లలో విడుదల చేయనున్నట్లు చిత్ర యూనిట్‌ ప్రకటించింది.