ప్రపంచంలోనే అత్యంత సంపన్న నటి ఎవరో చెప్పగలరా? మీరు ఊహించినట్టు టేలర్ స్విఫ్ట్, రిహన్న, సెలీనా గోమెజ్ అయితే కాదు. ఎందుకంటే ఈ ముగ్గురి మొత్తం సంపద కలిపినా కూడా ఆ నటి సంపదకు సరితూగదు. ఆశ్చర్యంగా అనిపించినా ఇది అక్షరాల నిజం. అంతేకాదు అందరి కంటే ఎక్కువ సంపద కలిగివున్నప్పటికీ ఆమె ఏమీ పాపులర్‌ నటి కాదు. ఆమె ఖాతాలో ఒక్క బాక్సాఫీస్ విజయం కూడా లేదు. మరి ఆమెకు అంత సంపద ఎలా వచ్చింది?ఫోర్బ్స్ ప్రకారం.. అత్యంత సంపన్న నటుడు టైలర్ పెర్రీ. అమెరికాకు చెందిన ఆయన నటుడిగా, నిర్మాతగా, నాటక రచయితగా ప్రసిద్ధుడు. ఆయనకు సొంత స్టూడియోతో పాటు, మాడియా హిట్ ఫ్రాంచైజీ ఉండడంతో అతడు 1.4 బిలియన్‌ డాలర్ల సంపద కలిగివున్నాడు. అత్యంత సంపన్న నటిగా ఈ జాబితాలో ముందున్న అమెరికన్ యాక్ట్రస్‌-ఆంట్రప్రెన్యూర్ జామీ గెర్టజ్‌.. ఆస్తుల ఎంతో తెలిస్తే అవాక్కవడం పక్కా. టైలర్ పెర్రీ సంపద కంటే 5 రెట్లు కంటే ఎక్కువని ఫోర్బ్స్ అంచనా వేసింది. జామీ గెర్టజ్‌ ఆస్తుల నికర విలువ 8 బిలియన్‌ డాలర్లు. అంటే 66 వేల కోట్ల రూపాయల పైమాటే. ప్రపంచంలోని సెలబ్రిటీలందరిలోనూ ఆమె అత్యంత సంపన్నురాలు. టేలర్ స్విఫ్ట్‌ (1.6 బిలియన్ డాలర్లు), రిహన్న (1.4 బిలియన్ డాలర్లు), సెలీనా గోమెజ్ (1.3 బిలియన్ డార్లు) తరువాతి స్థానంలో ఉన్నారు. మడోన్నా.. నాన్-బిలియనీర్‌గా టాప్‌-5లో చోటు దక్కించుకుంది.టాప్ 10లో జూహీ చావ్లాటాప్‌-5లో మిగిలిన నలుగురి మొత్తం సంపద కంటే కూడా జామీ గెర్టజ్‌ సంపదే ఎక్కువని ఫోర్బ్స్ అంచనా వేసింది. టాప్‌-5లో నిలిచిన ఐదుగురు నటీమణులు నటనతో పాటు ఇతర వ్యాపకాలతో ఆస్తులు కూడబెట్టారు. టేలర్ స్విఫ్ట్‌, రిహన్న, సెలీనా గోమెజ్, మడోన్నా.. యాక్టింగ్‌తో పాటు మ్యూజిక్‌ కెరీర్‌, మేకప్ బ్రాండ్‌లతో సంపద పోగేశారు. జామీ గెర్టజ్‌ విషయానికి వస్తే ఆమె వ్యాపార పెట్టుబడులతో అందరి కంటే ఎక్కువగా సంపాదించారు. మెయిన్‌ స్ట్రీమ్ నటి రీస్ విథర్‌స్పూన్ ఏడవ స్థానంలో ఉంది. టాప్ 10లో ఉన్న ఏకైక భారతీయ నటి జూహీ చావ్లా మాత్రమే. హురున్ రిచ్ లిస్ట్ ప్రకారం ఆమె సంపద సుమారు రూ.4600 కోట్లు.చ‌ద‌వండి: టిన్‌ అండ్ టీనా మూవీ రివ్యూఎవరీ జామీ గెర్టజ్‌?జామీ గెర్టజ్.. అమెరికాలోని షికాగోలో 1965లో జన్మించారు. 80వ దశకంలో నటనా జీవితాన్ని ప్రారంభించారు. 1981లో ఎండ్‌లెస్ లవ్‌తో సినీ రంగ ప్రవేశం చేశారు. 1987లో లెస్ దేన్ జీరో సినిమాలో రాబర్ట్ డౌనీ జూనియర్‌కి జోడీగా నటించడంతో ఆమెకు గుర్తింపు దక్కింది. అదే సంవత్సరం ది లాస్ట్ బాయ్స్‌ సినిమాలో ప్రముఖ పాత్రను పోషించి ప్రశంసలు అందుకున్నారు. 90 దశకంలో ట్విస్టర్ వంటి సినిమాల్లో నటించారు. ప్రధాన నటిగా విజయాలు దక్కకపోవడంతో తర్వాత సహాయ పాత్రలకు పరిమితమయ్యారు. అల్లీ మెక్‌బీల్ టీవీ షోతో ప్రేక్షుకులకు దగ్గరయి ఎమ్మీ నామినేషన్‌ సాధించారు. చివరిసారిగా 2022 చిత్రం ఐ వాంట్ యు బ్యాక్‌ సినిమాలో అతిథి పాత్రలో ఆమె కనిపించారు.చ‌ద‌వండి: ఓటీటీలో హాలీవుడ్‌ రొమాంటిక్‌ మూవీ.. 20 భాషల్లో స్ట్రీమింగ్‌అంత సంపద ఎలా వచ్చింది?జామీ గెర్టజ్‌ నటనా జీవితంలో పెద్దగా విజయాలు లేకపోయినా ఆమె అత్యంత సంపన్న నటిగా ఎలా ఎదిగారనేది అందరికీ ఆసక్తి కలిగించే విషయం. అమెరికన్ బిలియనీర్ వ్యాపారవేత్త టోనీ రెస్లర్‌ను వివాహం చేసుకోవడంతో ఆమె దశ తిరిగింది. భర్తతో కలిసి వివిధ వ్యాపారాల్లో పెట్టుబడులు పెట్టడంతో ఆమె సంపద బాగా పెరిగింది. వీరిద్దరూ నేషనల్ బాస్కెట్‌బాల్ అసోసియేషన్ (NBA)లో అట్లాంటా హాక్స్, మేజర్ లీగ్ బేస్‌బాల్‌లో మిల్వాకీ బ్రూవర్స్ జట్లకు సహ-యజమానులుగా ఉన్నారు. వీటితో పాటు ఇతర వ్యాపారాల్లోనూ జామీ గెర్టజ్‌ పెట్టుబడులు కలిగివుండడంతో రిచెస్ట్‌ యాక్ట్రస్‌గా ఆమె టాప్‌లో ఉన్నారు.

అమెరికన్ పాప్ స్టార్ టేలర్ స్విఫ్ట్.. అధ్యక్ష ఎన్నికల్లో పోటీ చేస్తున్న కమలా హారిస్ కి మద్దతుగా నిధులు సేకరిస్తున్నారు. ఐ హేట్ టేలర్ స్విప్ట్ అంటూ ట్రంప్ సోషల్ మీడియా పోస్ట్ ను టేలర్ స్విప్ట్ అస్త్రంగా మలుచుకున్నారు. ట్రంప్ సోషల్ మీడియా పోస్ట్ ద్వారా స్విప్టీస్ ఫర్ కమలా అని పిలిచే టేలర్ స్విప్ట్ అభిమానుల సంస్థ కమలా హారిస్ ప్రచారం కోసం 40వేల డాలర్లకు పైగా నిధుల్ని సేకరించినట్లు ప్రకటించింది. అమెరికన్ పాప్ స్టార్ టేలర్ స్విఫ్ట్.. అధ్యక్ష ఎన్నికల్లో డొనాల్డ్ ట్రంప్ ప్రత్యర్థి కమలా హారిస్​కి తాను ఓటు వేస్తున్నట్లు ఇటీవల ప్రకటించారు. అయితే టేలర్ స్విఫ్ట్ నిర్ణయంపై డొనాల్డ్ ట్రంప్ విరుచుకుపడ్డారు. ఐ హేట్ టేలర్ స్విప్ట్ అంటూ తన సొంత సోషల్ మీడియా ట్రూత్ సోషల్ వేదికగా పోస్ట్ చేశారు. అంతేకాదు హారిస్ కు మద్దతు పలికిన టేలర్ స్విఫ్ట్ భారీ మూల్యం చెల్లించుకోవాల్సి వస్తుందని పేర్కొన్నారు. అయితే ట్రంప్ సోషల్ మీడియా పోస్ట్ ను ఉపయోగించిన టేలర్ స్విప్ట్ అభిమానులు ఈ భారీ మొత్తంలో నిధులు సేకరించినట్లు అంతర్జాతీయ మీడియా కథనాలు చెబుతున్నాయి. ఈ సందర్భంగా .. ట్రంప్ సోషల్ మీడియా పోస్ట్ ను మేం ఒక అవకాశంగా మరల్చుకున్నాం. సోషల్ మీడియాలో ట్రంప్ కామెంట్స్ ను ఉపయోగించి ప్రచారం చేశాం. ప్రచారం మంచి ఫలితాల్ని అందించింది.మేము ప్రజల దృష్టిని ఆకర్షించడానికి మీమ్‌లను ఉపయోగిస్తాము. వాటి అనుగుణంగా నెటిజన్ల భావోద్వేగాల్ని తమకు అనుగుణంగా ఎలా మార్చుకోవాలో తెలుసు. వాస్తవానికి ద్వేషించేవారు ద్వేషిస్తారని మాకు (టేరల్ స్విప్ట్ అభిమానులు)తెలుసు. అలా ద్వేషించేవాళ్ల కంటే మేం ఇంకా మంచి పనులు చేయగలమని తెలుసు అని కమల ఫర్ స్విఫ్టీస్ కమ్యూనికేషన్స్ టీమ్ మెంబర్ కార్లీ లాంగ్ వ్యాఖ్యానించారు.

అమెరికన్‌ పాప్‌ సూపర్‌ స్టార్‌ టేలర్‌ స్విఫ్ట్‌పై ఎలోన్‌ మస్క్‌ చేసిన వ్యాఖ్యలపై ఆయన కుమార్తె వివియన్‌ జెన్నా విల్సన్‌ స్పందించారు. తన తండ్రి స్విప్ట్‌పై చేసిన కామెంట్స్‌ అసహ్యం కలుగుతున్నాయని, మహిళల్ని ద్వేషించే వ్యక్తి మస్క్‌ అంటూ విమర్శలు గుప్పించారు. అమెరికా అధ్యక్ష ఎన్నికల్లో విజయం సాధించాలని అభ్యర్థులు డొనాల్డ్‌ ట్రంప్‌, కమలా హారిస్‌ విశ్వ ప్రయత్నాలు చేస్తున్నారు. ప్రచారంతో దూసుకుపోతున్నారు. ఈ క్రమంలోనే వీరిద్దరి మధ్య తొలి డిబేట్‌ జరిగింది. ఆ డిబేట్‌పై టేలర్‌ స్విప్ట్‌ స్పందించారు. త్వరలో జరగనున్న అధ్యక్ష ఎన్నికల్లో తాను హరిస్‌కు మద్దతు పలుకుతున్నట్లు సోషల్‌ మీడియా పోస్ట్‌లో వెల్లడించారు. ఇదీ చదవండి : కేజ్రీవాల్‌కు బెయిల్‌ఆ పోస్ట్‌పై స్పందించిన ఎలోన్‌ మస్క్‌ స్విప్ట్‌పై అభ్యంతరకర వ్యాఖ్యలు చేశారు. ఆ వ్యాఖ్యలపై వివియన్‌ జెన్నా విల్సన్‌ మాట్లాడుతూ స్విప్ట్‌పై తన తండ్రి చేసిన కామెంట్లు అత్యంత హేయం. అసహ్యకరంగా ఉంది. ఈ సందర్భంగా నా అభిమానులు ఒకటే చెప్పాలను అనుకుంటున్నారు. మీతో ఎవరైనా ఇలా మాట్లాడతారేమో..మాట్లాడన్వికండి అని సలహా ఇచ్చారు.నాన్నంటే నచ్చదుఎలోన్‌ మస్క్‌ మాజీ భార్య జస్టిన్‌ విల్సన్‌తో 2008లో విడాకులు తీసుకున్నారు. మస్క్‌ - జస్టిన్‌ దంపతులకు జేవియర్‌ అలెగ్జాండర్‌,గ్రిఫ్ఫిన్‌ అనే ఇద్దరు కుమారులున్నారు. అందులో జేవియర్‌ అలెగ్జాండర్‌ అమ్మాయిగా మారి తన పేరును వివియన్‌ జెన్నా విల్సన్‌గా మార్చుకుంది. తన తండ్రితో కలిసి జీవించకపోవడంతో పాటు ఆకారం లేదా ఇతర ఏ రూపంలోనూ ఆయనతో సంబంధం లేకుండా ఉండాలని కోరుకుంటున్నట్లు జెన్నా గతంలో వెల్లడించిన విషయం తెలిసిందే.

న్యూయార్క్‌: అమెరికా అధ్యక్ష ఎన్నికల్లో డెమోక్రటిక్ పార్టీ అభ్యర్థి కమలాహారిస్‌కు తాను మద్దతిస్తున్నట్లు అమెరికన్‌ పాప్‌స్టార్‌ టేలర్‌ స్విఫ్ట్‌ తెలిపారు.అయితే తాజాగా ఆమె కమలకు మద్దతు ఇవ్వటంపై రిపబ్లికన్‌ పార్టీ అభ్యర్థి, మాజీ అధ్యక్షుడు ట్రంప్‌ టేలర్‌ స్విఫ్ట్‌పై అక్కసు వెళ్లగక్కారు. ఆమె ఎప్పుడూ డెమోక్రట్లకే మద్దతు పలుకుతుందని విమర్శలు గుప్పించారు. ట్రంప్‌ బుధవారం మీడియాకు ఇచ్చిన ఓ ఇంటర్వ్యూలో మాట్లాడారు. ‘ నేను టేలర్ స్విఫ్ట్ అభిమానిని కాదు. ఆమె చాలా ఉదారవాద వ్యక్తి. ఆమె ఎల్లప్పుడూ డెమొక్రాట్ల మాత్రమే సమర్థిస్తున్నట్లు అనిపిస్తుంది. అయితే ఆమె తర్వాత తగిన మూల్యం చెల్లించవల్సి వస్తుంది’’ అని అన్నారు.కమల హారిస్, డొనాల్డ్‌ తొలి డిబేట్‌ పూర్తి అయిన వెంటనే టేలర్‌ స్విఫ్ట్‌ తన మద్దతును సోషల్‌మీడియా వేదికగా ప్రకటించారు. ‘ అధ్యక్ష ఎన్నికల్లో నేను డెమోక్రటిక్‌ అభ్యర్థి కమలా హారిస్‌, టిమ్ వాల్జ్‌కు ఓటు వేస్తాను. ఎందుకంటే ఆమె దేశ ప్రజల హక్కుల కోసం పోరాటం చేస్తున్నారు. వారియర్‌ అయిన కమల ఛాంపియన్‌గా గెలవాల్సిన అవసరం ఉంది. గొడవలు, గందరగోళం లేకుండా ప్రశాంతంగా పరిపాలన అందిస్తే.. దేశంలో మనం చాలా ఎక్కువగా సాధించగలమని నమ్ముతున్నా’ అని పేర్కొన్నారు.మరోవైపు.. అభిమానులు ‘స్విఫ్టీస్ ఫర్ కమల’ అని కమలా హారిస్‌ కోసం ప్రచారం ప్రారంభించినా మంగళవారం వరకు కూడా టేలర్ స్పందించలేదు. అయితే మరికొంత మంది ఆమె ట్రంప్‌కు మద్దతు పలుకుతున్నట్లు ఏఐ జనరేటెడ్‌ ఫొటోలను సోషల్‌ మీడియాలో పోస్ట్‌ చేయటంతో ఆసత్య ప్రచారానికి చెక్‌ పెడుతూ కమలకు మద్దతు ఇచ్చినట్లు తెలుస్తోంది. అదే విధంగా ఏఐతో భయం కలుగుతోందని, తప్పుడు ప్రచారం ఆందోళన కలిగిస్తోందని ఆమె పేర్కొన్నారు.

వాషింగ్టన్‌: అమెరికా అధ్యక్ష ఎన్నికల బరిలో నిలిచిన డెమోక్రటిక్‌ పార్టీ అభ్యర్థి కమలా హారిస్‌కు పాప్‌ సింగర్‌ టేలర్ స్విఫ్ట్ మద్దతు పలికారు.ఈ నేపథ్యంలో ఈసందర్భంగా హారిస్‌ను వారియర్‌గా అభివర్ణించిన ఆమె..చైల్డ్‌లెస్‌ క్యాట్‌లేడీ (తనకూ పిల్లలు లేరంటూ) ఇన్‌స్టాగ్రామ్‌లో ఓ పోస్ట్ చేశారు.అంతేకాదు అధ్యక్ష ఎన్నికల్లో హారిస్‌కు ఓటు వేస్తానని ప్రకటించారు. అందుకు గల కారణాల్ని వివరించారు. హారిస్‌ ప్రజల హక్కుల కోసం పోరాడుతున్నారు. వాటిని సాధించాలంటే వారియర్‌ అవసరమని నేను నమ్ముతున్నాను’అని ఇన్‌స్టా పోస్ట్‌లు రాశారు. హారిస్‌ స్థిరమైన, ప్రతిభావంతులైన నాయకురాలు అని భావిస్తున్నాను. ప్రశాంతతో గందరగోళంతో కాకుండా ప్రశాంతంగా దేశం కోసం ఏదైనా సాధించవచ్చని నమ్ముతున్నట్లు చెప్పారు. కాగా, స్విఫ్ట్ 2020లో ప్రెసిడెంట్ జో బైడెన్‌, హారిస్‌లకు మద్దతు పలికారు. ఆమె కెరీర్‌లో డెమోక్రటిక్‌ పార్టీ రాజకీయ నాయకులకు మద్దతుగా పలుమార్లు బహిరంగంగా వ్యాఖ్యానించారు. మరో ఎనిమిది వారాల్లో జరగనున్న అధ్యక్ష ఎన్నికల్లో డెమోక్రటిక్‌ అభ్యర్థి హారిస్‌కు మద్దతుగా నిలుస్తున్నట్లు చెప్పారు. ఇదీ చదవండి : దేశాన్ని అమ్మేసిన ట్రంప్‌World’s shittiest dad offers to impregnate Taylor Swift (presumably because she threw her support behind Kamala Harris).Totally normal. Right? Right? 🤮#Debate2024 #ElonMusk pic.twitter.com/UP0zSWxnmj— Nonsensei Sean (@yes_nonsensei) September 11, 2024ఈ సందర్భంగా రిపబ్లికన్ పార్టీ తరుఫున అమెరికా ఉపాధ్యక్షుడిగా బరిలోకి దిగిన జేడీ వాన్స్‌ గతంలో హారిస్‌ను ఛైల్డ్‌లెస్‌ క్యాట్‌ లేడీ విమర్శలు చేసిన వీడియో వైరల్‌గా మారింది. వాన్స్‌ వ్యాఖ్యలపై పెద్ద ఎత్తున దుమారమే చెలరేగింది. దానిపై టేలర్‌ స్విప్ట్‌ స్పందించారు. తాను కూడా ఛైల్డ్‌లెస్‌ క్యాట్‌ లేడీ అంటూ పిల్లిని ఎత్తుకున్న ఫొటోను షేర్‌ చేశారు. ఆ ఫొటోపై స్పేస్‌ఎక్స్‌ అధినేత ఎలాన్‌ మస్క్ ఆమె పిల్లులకు తాను సంరక్షకుడిగా ఉంటానంటూ అభ్యంతరకంగా మాట్లాడారు.

వియన్నా: ఆ్రస్టియా భద్రతాధికారులు సకాలంలో స్పందించి పెనుముప్పు నివారించగలిగారు. అమెరికా గాయని టేలర్‌ స్విఫ్ట్‌ గురువారం రాజధాని వియన్నాలో తలపెట్టిన కచేరీలో నరమేధానికి ఉగ్రవాదులు పన్నిన కుట్రను భగ్నం చేశారు. 19 ఏళ్ల ప్రధాన సూత్రధారి సహా 17 ఏళ్ల మరో యువకుడిని అరెస్ట్‌ చేశారు. 15 ఏళ్ల మరో అనుమానితుడిని ప్రశి్నస్తున్నారు. ఎర్నెస్ట్‌ చాపెల్‌ స్టేడియానికి వచ్చే వారిని పేలుడు పదార్థాలు వాడి లేదా కత్తులతో పొడిచి సాధ్యమైనంత ఎక్కువమందిని చంపాలని పథకం వేసినట్లు తేలింది. వీరికి ఉగ్ర సంస్థ ఇస్లామిక్‌ స్టేట్‌(ఐఎస్‌)తో సంబంధాలున్నట్లు సోదాల్లో అధికారులు గుర్తించారు. ఈ పరిణామం నేపథ్యంలో టేలర్‌ పాల్గొనాల్సిన మొత్తం మూడు కచేరీలను రద్దు చేశారు.

‘బిల్‌బోర్డ్‌ హాట్‌ 100 చాట్‌లో 14 స్పాట్‌లలో టాప్‌లో నిలిచిన తొలి ఆర్టిస్ట్‌గా చరిత్ర సృష్టించింది పాప్‌ సెన్సేషన్‌ టేలర్‌ స్విఫ్ట్‌. టేలర్‌ లేటెస్ట్‌ ఆల్బమ్‌ ‘ది టార్చర్డ్‌ పోయెట్స్‌ డిపార్ట్‌మెంట్‌’లోని 14 ట్రాక్స్‌ ‘బిల్‌బోర్డ్‌’లోని 14 స్పాట్స్‌లో టాప్‌లో నిలిచాయి.‘ఫోర్ట్‌నైట్‌’ ‘మై బాయ్‌ వోన్లీ బ్రేక్స్‌’ ‘సో లాంగ్, లండన్, ఫ్రెష్‌ ఔట్‌ ది స్లమ్మర్, ది టార్చర్డ్‌ పోయేట్స్‌ డి, డౌన్‌ బ్యాడ్, బట్‌ డ్యాడీ ఐ లవ్‌ హిమ్, ఫ్లోరిడాలాంటి సాంగ్స్‌ ఇందులో ఉన్నాయి.ఈ నెల 19న విడుదల అయిన ‘ది టార్చర్డ్‌ పోయెట్స్‌ డిపార్ట్‌మెంట్‌’ అమ్మకాలల్లో రికార్డ్‌ సృష్టించింది. స్పాటిఫైలో హైయెస్ట్‌ సింగిల్‌–డే గ్లోబల్‌ స్టీమ్స్‌ ఆల్బమ్‌గా నిలిచింది. యాపిల్‌ మ్యూజిక్, అమెజాన్‌ మ్యూజిక్‌లోనూ ఈ ఆల్బమ్‌ హవా కొనసాగింది.ఇవి చదవండి: Hari Prasad: పట్టుదలతో 'క్లైమెట్‌ యాక్షన్‌' వైపు పచ్చటి అడుగు..

అమెరికన్ బిజినెస్ మ్యాగజైన్ ఫోర్బ్స్ తన 2024 సంపన్నుల జాబితాను తాజాగా విడుదల చేసింది.  ఈ లిస్ట్‌లో ఫ్రెంచ్ లగ్జరీ గూడ్స్ సంస్థ ఎల్‌వీఎంహెచ్‌ (LVMH) బెర్నార్డ్ ఆర్నాల్ట్, ఆయన కుటుంబం 233 బిలియన్ డాలర్లు (రూ. 19.43 లక్షల కోట్లు) సంపదతో అగ్రస్థానంలో ఉన్నారు. 2024లో రికార్డు స్థాయిలో 2,781 మంది బిలియనీర్లు ఉన్నారని ఫోర్బ్స్ తెలిపింది. గత సంవత్సరం కంటే ఈ సంఖ్య 141 ఎక్కువ. 2021లో నమోదైన రికార్డు కంటే 26 ఎక్కువ. ఈ లిస్ట్‌లోని బిలియనీర్ల మొత్తం సంపద 14.2 ట్రిలియన్‌ డాలర్లు (11.8 కోట్ల కోట్లు) అని పేర్కొంది. ఆర్నాల్ట్, ఆయన కుటుంబం తర్వాత టెస్లా అధినేత ఎలాన్ మస్క్ 195 బిలియన్ డాలర్ల (రూ. 16.26 లక్షల కోట్లు) నికర సంపదతో రెండవ స్థానంలో ఉన్నారు. ఈయన తర్వాత అమెజాన్ యజమాని జెఫ్ బెజోస్ 194 బిలియన్ డాలర్ల (రూ. 16.17 లక్షల కోట్లు) నెట్‌వర్త్‌తో మూడవ స్థానంలో ఉన్నారు. ఇక భారత్‌కు చెందిన రిలయన్స్‌ ఇండస్ట్రీస్‌ అధినేత ముఖేష్‌ అంబానీ 116 బిలియన్ డాలర్ల (రూ. 9.67 లక్షల కోట్లు) సంపదతో టాప్‌ టెన్‌లో 9వ స్థానంలో నిలిచారు.   ఈకాగా ఈసారి ఫోర్బ్స్‌ లిస్ట్‌లో కొత్తగా పలువురు సెలబ్రిటీలు చేరారు. పాప్‌ సంచనం టేలర్ స్విఫ్ట్ ఫోర్బ్స్ 2024 బిలియనీర్ల జాబితాలో అడుగు పెట్టింది. అక్టోబర్‌లో బిలియనీర్ హోదాకు చేరుకున్న ఈ పాప్ సూపర్ స్టార్, ప్రపంచ బిలియనీర్ల జాబితాలో రిహన్న, కిమ్ కర్దాషియాన్, ఓప్రా విన్‌ఫ్రే, స్టార్ వార్స్ సృష్టికర్త జార్జ్ లూకాస్‌లతో కలిసి చేరారు. 1.1 బిలియన్ డాలర్ల (సుమారు రూ. 9,169 కోట్లు) భారీ నెట్‌వర్త్‌తో స్విఫ్ట్ 14వ స్థానంలో నిలిచింది. ఫోర్బ్స్ టాప్ టెన్ లిస్ట్‌ ఇదే..

పాప్‌ పవర్‌హౌజ్‌ టేలర్‌ స్విఫ్ట్‌ పేరు పలికితే ‘రికార్డ్‌’ అనే శబ్దం ప్రతిధ్వనిస్తుంది. 2024 గ్రామీ అవార్డ్‌లలో టేలర్‌ ఆల్బమ్‌ ‘మిడ్‌నైట్స్‌’ ‘బెస్ట్‌ ఆల్బమ్‌ ఆఫ్‌ ద ఇయర్‌’ అవార్డ్‌ గెలుచుకుంది. దీంతో బెస్ట్‌ ఆల్బమ్‌ విభాగంలో వరుసగా నాలుగు సార్లు అవార్డ్‌ గెల్చుకున్న తొలి మహిళా గాయనిగా రికార్డ్‌ సృష్టించింది టేలర్‌ స్విఫ్ట్‌.... ‘ఏ గూటి చిలక ఆ గూటి పలుకే పలుకుతుంది’ అంటారు. పలుకే కాదు... పాట కూడా పాడుతుంది అనుకోవచ్చు. అయితే అందరి విషయంలోనూ ఇది నిజం కాకపోవచ్చు. టేలర్‌ స్విఫ్ట్‌ విషయంలో మాత్రం అక్షరాలా నిజమైంది. ‘పెన్సిల్వేనియాలోని రీడింగ్‌ హాస్పిటల్‌లో పుట్టిన టేలర్‌ పుట్టగానే ఏడ్చింది అంటే నేను నమ్మను. పుట్టగానే తీయగా పాట పాడి ఉంటుంది’ అని ఆమె అభిమానులు చమత్కరిస్తుంటారు. ఒక్కముక్కలో చెప్పాలంటే ‘ఇల్లంతా సంగీతమే’ అన్నట్లుగా ఉండేది టేలర్‌ ఇల్లు. తండ్రి స్కాట్‌ కింగ్స్‌ లీ స్విఫ్ట్‌ స్టాక్‌బ్రోకర్‌. సంగీతప్రేమికుడు. తల్లి ఆండ్రియా స్విఫ్ట్‌ మ్యూచువల్‌ ఫండ్‌ మార్కెటింగ్‌ ఎగ్జిక్యూటివ్‌గా పనిచేసి ఆ తరువాత ఇంటికే పరిమితమైంది. ఆండ్రియా గాయకురాలు. టేలర్‌ తమ్ముడు నటుడు. అమ్మమ్మ  ఒపెరా సింగర్‌. తొమ్మిదేళ్ల వయసు నుంచి పాటలతో ప్రయాణం మొదలుపెట్టింది టేలర్‌. పాటలోనే కాదు నటనలోనూ అద్భుతమైన ప్రతిభ చూపేది. స్థానిక పండగల సందర్భంగా నిర్వహించే సాంస్కృతిక కార్యక్రమాలలో టేలర్‌ పాట ప్రత్యేక ఆకర్షణగా నిలిచేది. షానియా ట్వైన్‌ పాటలతో స్ఫూర్తి పొందిన టేలర్‌ జానపదాలను ఇష్టపడింది. పన్నెండేళ్ల వయసులో ఉన్నప్పుడు స్థానిక కళాకారుడు రోనీ క్రీమర్‌ నుంచి గిటార్‌ ప్లే చేయడం నేర్చుకుంది. పాటలు రాసే విషయంలో కూడా రోనీ క్రీమర్‌ టేలర్‌కు సహాయపడేవాడు. కెరీర్‌ ప్రారంభంలోనే టేలర్‌ అనుభవజ్ఞులైన సంగీతకారులు, గేయ రచయితలతో కలిసి పనిచేసింది. ప్రపంచంలోని ప్రముఖులతో పోటీ పడి టైమ్‌ మ్యాగజైన్‌ ‘పర్సన్‌ ఆఫ్‌  ద ఇయర్‌–2023’కు ఎంపికైంది. గత సంవత్సరం యూఎస్‌ ఎకనామిక్‌ రిపోర్ట్‌లో టేలర్‌ ప్రస్తావన కనిపించింది. ‘పాప్‌ సింగర్‌ ప్రస్తావన ఈ రిపోర్ట్‌లో ఎందుకు వచ్చింది!’ అని చాలామంది ఆశ్చర్యపోయారు.‘ íఫిలడెల్ఫియాలో టేలర్‌ షోలకు జనాలు విపరీతంగా తరలివచ్చారు. బుకింగ్స్‌తో హోటళ్లు కిటకిటలాడిపోయాయి. ఒక్క నెలలోనే హోటళ్ల ఆదాయం భారీగా పెరగడానికి కారణం టేలర్‌ స్విఫ్ట్‌ మ్యూజిక్‌ షోకు వచ్చిన అభిమానులు’ అంటూ ఆ రిపోర్ట్‌లో టేలర్‌ స్విఫ్ట్‌ ప్రస్తావన కనిపిస్తుంది. నిద్రలేని రాత్రుల మిడ్‌నైట్స్‌ ‘నా నిద్రలేని రాత్రుల నుంచి వచ్చిన ఆల్బమ్‌ ఇది’ అని ‘మిడ్‌నైట్స్‌’ గురించి అంటోంది టేలర్‌ స్విఫ్ట్‌.  ‘మిడ్‌నైట్స్‌’ను కాన్సెప్ట్‌ ఆల్బమ్‌గా రూపొందించింది. ఈ ఆత్మకథాత్మక గీతరచనలో పశ్చాత్తాపం నుంచి స్వీయ విమర్శ వరకు ఎన్నో భావోద్వేగాలు ఉంటాయి. పాటల రచన, సంగీత నిర్మాణానికి సంబంధించి ‘మిట్‌నైట్‌ ఆల్బమ్‌’ను విశ్లేషకులు ఆకాశాని కెత్తారు. తన గత ఆల్బమ్‌లతో పాటు ‘మిడ్‌నైట్స్‌’ను ప్రపంచవ్యాప్తంగా శ్రోతలకు వినిపించడానికి ఎరాస్‌ టూర్‌ (2023–2024)ని మొదలు పెట్టింది టేలర్‌ స్విఫ్ట్‌.

అమెరికన్ సింగర్ టేలర్ స్విఫ్ట్ గురించి ప్రత్యేక పరిచయం అక్కర్లేదు. తాజాగా 2024 గ్రామీ అవార్డుల్లో మరోసారి తన సత్తా చాటింది. వరుసగా నాలుగో సారి బెస్ట్ ఆల్బ‌మ్ ఆఫ్ ద ఇయ‌ర్ అవార్డును గెల్చుకుంది. తన మిడ్‌నైట్స్ ఆల్బ‌మ్‌కు గాను ఈ అవార్డు దక్కింది. వరుసగా నాలుగు అవార్డులను దక్కించుకున్న తొలి మహిళా సింగర్‌ 66 ఏళ్ల గ్రామీ అవార్డు చ‌రిత్ర‌లోనే ఇది రికార్డు. ఇది తన జీవితంలో గొప్ప క్షణాలన్ని టేలర్‌ ఆనందం వ్యక్తం చేసింది. అంతేకాదు "ది టార్చర్డ్ పోయెట్స్ డిపార్ట్‌మెంట్" అనే కొత్త ఆల్బమ్‌ను కూడా ఏప్రిల్ 19వ రిలీజ్‌ చేయబోతున్నట్టు ప్రకటించి అందర్నీ సర్‌ప్రైజ్‌ చేసింది. ఇక ఎస్‌జెడ్‌ఏ ఆర్‌ అండ్‌ బి పాట కోసం ఎస్‌జెడ్‌ఏ అవార్డును దక్కించుకోవడంతో ఆమె భావోద్వేగానికి లోనైంది. ఇంకా మోనెట్, బిల్లీ ఎలిష్, మైలీ సైరస్ వంటి మహిళా కేటగిరీలో నామినేషన్లలో ఆధిపత్యాన్ని కొనసాగించారు. మూడుసార్లు బెస్ట్ ఆల్బ‌మ్ గెలిచిన సింగ‌ర్ల‌లో స్టీవ్ వండ‌ర్‌, పౌల్ సిమ‌న్‌, ఫ్రాంక్ సిన‌త్రాలు ఉండటం విశేషం.మైలీ సైరస్ ఎట్టకేలకు తొలి సారి గ్రామీ అవార్డును గెలుచుకుంది "ఫ్లవర్స్" అనే సాంగ్‌ ఉత్తమ పాప్ సోలో అవార్డు సొంతం చేసుకుంది. ఇంతకు ముందు ఎనిమిది సార్లు నామినేట్ అయింది. కానీ అదృష్టం వరించలేదు. కాగా అమెరికాలోని లాస్ ఏంజిల్స్‌లో జరిగిన 66వ వార్షిక గ్రామీ అవార్డుల సందర్భంగా విక్టోరియా మోనెట్ ఉత్తమ నూతన కళాకారిణిగా అవార్డును స్వీకరించింది. Taylor Swift just took the album of the year trophy from Celine Dion without batting an eye and/or acknowledging that a legendary 🐐 was handing her the award. So cringey for my soul 🫠 pic.twitter.com/J7LggDVQD8— eazy e (@estefs) February 5, 2024

చాలామంది దగ్గర డబ్బులు ఉంటాయి. కానీ దానం చేసేవాళ్లు చాలా తక్కువమంది ఉంటారు. మరీ ముఖ్యంగా సెలబ్రిటీలు అయితే పలు విధాల లాభపడుతుంటారు కానీ ఖర్చు పెట్టడానికి, వర్కర్స్‌కి బోనస్‌లు ఇవ్వడానికి ముందు వెనకా అవుతుంటారు. కానీ ఓ స్టార్ సింగర్ మాత్రం తన దగ్గర పనిచేస్తున్న డ్రైవర్లకు ఏకంగా రూ.50 కోట్ల వరకు ఇచ్చేసింది. ప్రస్తుతం ఈ విషయం చర్చనీయాంశంగా మారిపోయింది. (ఇదీ చదవండి: సమంత ట్రీట్‌మెంట్ కోసం అన్ని కోట్ల ఖర్చు?) ఇంగ్లీష్ సాంగ్స్ వినేవాళ్లకు, హాలీవుడ్ టచ్ ఉన్నవాళ్లకు అమెరికన్ సింగర్ టేలర్ స్విఫ్ట్ గురించి ప్రత్యేక పరిచయం అక్కర్లేదు. లైవ్ షోలు, ఆల్బమ్ సాంగ్స్ తో ఈమె చాలా పాపులర్. అలానే అమెరికాలోని ప్రతి సిటీలోనూ ఈవెంట్స్ చేస్తూ, జనాల్ని ఎంటర్‌టైన్ చేస్తూ ఉంటుంది. అయితే ఈమెకు సంబంధించిన సామాను తిప్పడానికి ప్రత్యేకంగా 50 ట్రక్కులు ఉంటాయి. ఇప్పుడు ఆయా ట్రక్స్ డ్రైవర్లకు తలో లక్ష డాలర్స్ గిఫ్ట్‌గా ఇచ్చింది. భారతీయ కరెన్సీలో ఈ మొత‍్తం రూ.82 లక్షలు. ఇలా కేవలం తన సామాగ్రిని చాలా జాగ్రత్తగా ఇటు నుంచి అటు, అటు నుంచి ఇటు తీసుకొస్తున్న డ్రైవర్ల విషయంలో టేలర్ స్విఫ్ట్ గొప్ప మనసు చాటకుంది. వాళ్లందరికీ కలిపి రూ.50 కోట్ల వరకు బోనస్ ఇచ్చింది. శాంటాక్లాజ్‌లో శనివారం.. ఈ డబ్బులు ఇచ్చే కార్యక్రమం జరిగింది. ఇకపోతే ఈ సింగర్.. నైట్‌లో జరిగే ఒక్కో ఈవెంట్‌కి రూ.100 కోట్ల వరకు సంపాదిస్తుందని టాక్. దీని ద‍్వారా ఆమె ఇప్పటివరకు 1.4 బిలియన్ డాలర్స్(రూ.94 వేల కోట్లకు పైగా) సంపాదించిందని తెలుస్తోంది. ఏదేమైనా ఇన్నిన్ని లక్షలు బోనస్ లేదా బహుమతిగా డ్రైవర్లకు ఇవ్వడం హాట్ టాపిక్‌గా మారిపోయింది. View this post on Instagram A post shared by Taylor Swift (@taylorswift) (ఇదీ చదవండి: సీఎం బయోపిక్‌లో సేతుపతి ఫిక్స్!)

ప్రముఖ హాలీవుడ్ సింగర్, గేయ రచయిత టేలర్ స్విఫ్ట్‌కు న్యూయార్క్ మున్సిపల్ అధికారులు షాకిచ్చారు. ఆమెకు తన ఇంటిముందు ఉన్న ప్రాంతాన్ని శుభ్రంగా ఉంచలేదని ఏకంగా 2.4 లక్షల జరిమానా విధించారు. అయితే ఆమెకు ఇప్పటికే అధికారులు 32 సార్లు నోటీసులు ఇచ్చినా స్పందించలేదని వెల్లడించారు. అయితే ఈ జరిమానాలు మొత్తం ఐదేళ్ల కాలానికి సంబంధించినదిగా తెలుస్తోంది. ఆమె భవనం ముందు చెత్త ఉంచినందుకు జనవరి 2018 నుంచి 2023 వరకు  పలుసార్లు ఫైన్ విధించారు. (ఇది చదవండి: నిహారిక-చైతన్యల విడాకులు.. ముందుగా పిటిషన్‌ వేసింది ఎవరంటూ..) టేలర్ తన మూడు అంతస్తుల భవనం ముందు చెత్తను సరిగా తీసివేయడం లేదని అధికారులు అసంతృప్తి వ్యక్తం చేశారు. స్థానికి మీడియా కథనం ప్రకారం  టేలర్ ఇంటి వెలుపల వార్తాపత్రికలు, సీసాలు, కార్డ్‌బోర్డ్, నాప్‌కిన్స్ కుప్పలు కుప్పలుగా పేరుకుపోయినట్లు తెలుస్తోంది. వాటితో పాటు చెల్లా చెదురుగా పడి ఉన్న యాష్‌ట్రేలు, సిగరెట్ కార్టన్ కూడా ఉన్నాయని నివేదికలో పేర్కొంది. అయితే పలువురు అభిమానులు మాత్రం అధికారుల తీరును తప్పుబడుతున్నారు. ఆమెకు ఎలాంటి చెడు అలవాట్లు లేవని చెబుతున్నారు. టేలర్ సిగరెట్స్, మందు తాగడం చేయదని అంటున్నారు.  (ఇది చదవండి: బేబీ డైరెక్టర్‌కు బ్రో షూ గిఫ్ట్‌.. వేలల్లో కాదు లక్షల్లో!) View this post on Instagram A post shared by Taylor Swift (@taylorswift)

సాధారణంగా డబ్బులు సంపాదించేందుకు ప్రజలు రకరకాల పనులు చేస్తుంటారు. అయితే అందులో కొందరు మాత్రమే సంపన్నులుగా మారుతారు. ఇలా మారడానికి వారికి కొన్ని సంవత్సరాలు పడుతుంది. అయితే మనుషులు ఓకే గానీ జంతువుల కూడా వందల కోట్ల ఆస్తులు సంపాదిస్తున్నాయని తెలిస్తే షాక్‌ అవుతారేమో! అవునండి ఇది నిజం. ప్రస్తుతం మనం వందల కోట్ల ఆస్తులు ఉన్న ఓ పెంపుడు పిల్లి గురించి తెలుసుకోబోతున్నాం. ప్రపంచంలోని అత్యంత సంపన్న పెంపుడు జంతువుల జాబితాలో ఒలివియా బెన్సన్ అనే పెంపుడు పిల్లి మూడవ స్థానంలో ఉందట. అంత మొత్తం ఆ పిల్లి ఎలా సంపాదించిందని తెలుసుకోవాలంటే వివరాల్లోకి వెళ్లాల్సిందే. విపరీతమైన క్రేజ్‌, ఒక్కో పోస్ట్‌కు లక్షలు ప్రఖ్యాత అమెరికన​ సింగర్‌ టేలర్‌ స్విఫ్ట్‌ గురించి మీకు తెలిసే ఉంటుంది. ఆమెకు ప్రపంచ వ్యాప్తంగా ఫ్యాన్‌ ఫాలోయింగ్‌ ఉంది. కేవలం పాటల పరంగానే కాకుండా ఇటు సోషల్‌మీడియాలోనూ విపరీతమైన క్రేజ్‌ సంపాదించుకుంది. ఆమె ఇన్‌స్టాగ్రామ్‌ ఫాలోవర్స్‌ సంఖ్య 240 మిలియన్లు ఉండడమే అందుకు నిదర్శనం. టేలర్‌ తన ఇన్‌స్టా అకౌంట్లో తన ఫోటోలతో పాటు తరుచు తన పెంపుడు పిల్లి ఒలివియా బెన్సన్‌కు సంబంధించిన పోస్ట్‌లు పెడుతూ వచ్చేది. దీంతో నెటిజన్లు పెద్ద సంఖ్యలో ఆ పిల్లి వీడియోను చూడటంతో పాటు లైక్‌, షేర్‌ చేయడం చేయడం మొదలుపెట్టారు. ఈ నేఫథ్యంలో దానికి విపరీతమైన ఫాలోయింగ్‌ ఏర్పడింది. అలా కాలక్రమేణ ఆ పిల్లి ఫోటోలు, వీడియోలు చూసేందుకు నెటిజన్లు ఆసక్తి చూపారు. అలా దాని ఫోస్ట్‌లకు వచ్చిన వ్యూస్‌ బట్టి అది కోట్ల రూపాయలు సంపాదిస్తోంది. రోలింగ్ స్టోన్స్ నివేదిక ప్రకారం ఆ పిల్లి సంపద అంచనా విలువ $97 మిలియన్లు (భారత కరెన్సీ ప్రకారం సుమారు రూ. 800 కోట్లు). ఇన్‌స్టాగ్రామ్ డేటాను ఉపయోగించి ఒలివియా విలువను లెక్కించిన ఆల్ అబౌట్ క్యాట్స్ అనే వెబ్‌సైట్ ఈ జాబితాను రూపొందించింది. View this post on Instagram A post shared by Taylor Swift (@taylorswift) చదవండి: భళా బామ్మ! సాఫ్ట్‌వేర్‌ను మించిన ఆదాయం, 15 రోజులకే 7 లక్షలు!

‘ప్రేమలో ఉండకుండా ఉండలేరెవ్వరూ..’ అని ఏ కవో ఎక్కడో చెప్పే ఉంటాడు. అలాగే ఉంటాయి ప్రేమకథలు. కొన్ని అప్పుడప్పుడే చూసుకుంటున్న ప్రేమలు. కొన్ని చేతులందుకున్న ప్రేమలు. కొన్ని చెయ్యి జారిన ప్రేమలు. కొన్ని జారవిడిచిన చెయ్యిని మళ్లీ అంది పట్టుకున్న ప్రేమలు. అవి ఏ కథలైనా ప్రేమకు అటో.. ఇటో.. ఉంటూనే ఉండడమే మ్యాజిక్‌. హాలీవుడ్‌లో ఇప్పుడు ఇలా అటూ, ఇటూ, ఆ మధ్యలో కొట్టుకుంటున్న కొన్ని ప్రేమకథలను చూద్దాం... దాచేదేముంది.. ప్రేమే ఎమ్మా వాట్సన్‌ కథ ఇలా ఉంటే, మరో స్టార్‌ హీరోయిన్‌ టేలర్‌ స్విఫ్ట్‌ మాత్రం ‘దాచడానికి ఏముంది? ప్రేమేగా!’ అంటూ బాయ్‌ఫ్రెండ్‌ జాయ్‌ అల్విన్‌తో చెట్టాపట్టాలేసుకొని తిరిగేస్తోంది. టేలర్‌ షూటింగ్‌తో బిజీగా ఉన్నప్పుడు, ఒకవేళ జాయ్‌ ఖాళీగా ఉంటే ఆమెతో పాటు షూటింగ్స్‌కు వెళ్లిపోతున్నాడు. ఇద్దరూ ఒకరి టైమింగ్స్, షెడ్యూల్స్‌ ప్రకారం ఇంకొకరు అడ్జస్ట్‌ అయిపోతూ, ప్రేమలో పడిన కొత్తల్లో, దూరం ఉండలేని ఒక ఫీలింగ్‌ను బాగా ఎంజాయ్‌ చేస్తున్నారు. హాలీవుడ్‌లో ఇప్పుడున్న హాట్‌ కపుల్స్‌లో వీళ్లూ టాప్‌ ప్లేసెస్‌లోనే ఉంటున్నారు.                                                        టేలర్‌ స్విఫ్ట్, జాయ్‌ అల్విన్‌                         వాళ్లు విడిపోయారు మార్చి 4న ప్రపంచమంతా ఎంతో ఆసక్తిగా ఎదురుచూసిన ఆస్కార్‌ అవార్డు ఫంక్షన్‌లో ఆయన దర్శకత్వంలో తెరకెక్కిన సినిమా ‘ది షేప్‌ ఆఫ్‌ వాటర్‌’ బెస్ట్‌ పిక్చర్‌ అవార్డు అందుకుంది. అదే ఫంక్షన్‌లో ఆయన బెస్ట్‌ డైరెక్టర్‌గా కూడా అవార్డు అందుకున్నాడు. ఆయనే గెలెర్మో డెల్‌టోరో. ఆరోజుకు సరిగ్గా ఏడాది క్రితం తన జీవితంలో జరిగిన ఓ కీలక విషయాన్ని మాత్రం ఆయన ఆరోజు తర్వాతిరోజు వరకూ దాచాడు. అదే.. భార్య లొరెంజో న్యూటన్‌తో వేరు పడడం. ముప్పై ఏళ్ల తమ బంధానికి గతేడాది ఫిబ్రవరిలో బ్రేకప్‌ చెప్పుకున్నారు గెలెర్మో, న్యూటన్‌. అయితే ఆ విషయాన్ని ఆస్కార్‌ అందుకున్న రోజు వరకూ ప్రపంచానికి చెప్పలేదు గెలెర్మో. ఆయన వయస్సు ఇప్పుడు 53 సంవత్సరాలు.                                                       లొరెంజో న్యూటన్, గెలెర్మో డెల్‌టోరో వీళ్లు మళ్లీ కలిసిపోయారు ఈ దశాబ్దంలో హాలీవుడ్‌లో హయ్యెస్ట్‌ పెయిడ్‌ యాక్టర్స్‌లో ఒకరైన జెన్నిఫర్‌ లారెన్స్‌ ప్రేమకథలు ఎప్పటికప్పుడు కొత్త మలుపులు తీసుకుంటాయి. ‘‘నా లైఫ్‌లో బెస్ట్‌ రొమాన్స్‌ ఎప్పుడూ చూడలేదు. నాకది ఇష్టం లేదేమో కూడా!’’ అంటుందామె. 2014కు ముందువరకూ నికోలస్‌ హౌల్ట్‌తో పీకల్లోతు ప్రేమలో ఉన్న లారెన్స్, కొన్ని అనుకోని పరిస్థితుల్లో అతనికి బ్రేకప్‌ చెప్పేసింది. అయితే తాజాగా ఈ జంట మళ్లీ కలిసిపోయింది. ఇప్పుడు కొత్తగా పాత రొమాన్స్‌ను తలుచుకుంటూ మళ్లీ ప్రేమలో పడిపోతోంది. ఈ ప్రేమ జంట మళ్లీ పూర్తిగా కలిసిపోతే మాత్రం, ఇద్దరూ ప్రేమను వెతుక్కుంటూ ఒకే దగ్గర ఆగారని చెప్పుకోవచ్చు.                                                 జెన్నీఫర్‌ లారెన్స్, నికోలస్‌ హౌల్ట్‌                      లవ్వా? అదేం లేదే ‘‘నేనంటూ ప్రేమలో ఉంటే అది నా పర్సనల్‌ విషయం. బయటకు అస్సలు చెప్పను. నాకు నచ్చదు.’’ అంది ఎమ్మా వాట్సన్‌ ఒక ఇంటర్వ్యూలో. ఈ హ్యారీపాటర్‌ స్టార్‌కు ప్రపంచవ్యాప్తంగా ఏ స్థాయిలో ఫాలోయింగ్‌ ఉందో చెప్పక్కర్లేదు. సో, ప్రేమలో ఉంటే ఎలాగూ చెప్పనని ముందే చెప్పింది కాబట్టి, ఎమ్మా ప్రేమకథ ఏదైనా ఉంటే అది అఫీషియలా కాదా ఎవ్వరూ చెప్పలేరు. తాజాగా ఎమ్మా వాట్సన్‌ ఆస్కార్‌ పార్టీలో కోర్డ్‌ ఓవర్‌స్ట్రీట్‌తో కనిపించింది. మరో రెండు పార్టీల్లోనూ ఈ జంటే కలర్‌ఫుల్‌గా కనిపించింది. ఈ ఫొటోలు, వీళ్లిద్దరు కలిసి ఉండడం చూసి కోర్డ్‌తో ఆమె ప్రేమలో ఉందనుకున్నారంతా. కాకపోతే, కోర్డ్‌ తనకు ‘జస్ట్‌ ఫ్రెండ్‌’ అని చెబుతోందట ఎమ్మా. వాళ్లిద్దరూ ఒకరినొకరు ఇష్టపడుతున్నారని, ఇంకా అఫీషియల్‌గా ప్రేమలో అయితే పడలేదని హాలీవుడ్‌ సమాచారం. మరి ఇష్టపడుతున్నారంటే, త్వరలోనే ప్రేమలోనూ పడొచ్చైతే.. చూడాలి!                                                    ఎమ్మా వాట్సన్, కోర్డ్‌ ఓవర్‌ స్ట్రీట్‌                          అటో.. ఇటో.. ఎటో.. అన్ని ప్రేమకథలదీ ఒక ఎత్తు. జస్టిన్‌ బీబర్, సెలెనా గోమేజ్‌ల ప్రేమకథ ఇంకో ఎత్తు. వీళ్లిద్దరూ ఎప్పుడు కలిసుంటారో, ఎప్పుడు విడిపోతారో, మళ్లీ ఎప్పుడు కలుస్తారో ఎవ్వరికీ అర్థం కాదు. ఎనిమిదేళ్లుగా ఈ ప్రేమకథ ఇలాగే నడుస్తోంది. గత జనవరిలో మళ్లీ కలిసి ఒక్కటైన ఈ జంట, తాజాగా మరోసారి ‘టేక్‌ ఎ బ్రేక్‌’ అనుకున్నారట. ఇప్పుడు జస్టిన్‌కు కాస్తంత దూరంగానే ఉంటోందట సెలెనా. అయితే ఇది బ్రేకప్‌ కాదు. టేక్‌ ఎ బ్రేక్‌ అంతే. అంటే మళ్లీ త్వరలోనే ఒక్కటైపోతారని అనుకోవాలి. ఇంకొన్నాళ్లకైనా ఈ ఆన్‌ అండ్‌ ఆఫ్‌ ప్రేమకథ ఒక దగ్గర ఆన్‌ అయి అలా వెలుగుతూనే ఉండాలని కోరుకుందాం.                                                               స్టిన్‌ బీబర్, సెలెనా గోమేజ్‌

మాంచెస్టర్‌లో పాప్‌స్టార్‌ టేలర్‌ స్విఫ్ట్‌ షో జరుగుతోంది. ఆమె పాటలు వినడం కోసం వేలాదిమంది అభిమానులు వచ్చారు. అందులో స్టెఫానీ కూడా ఓ అభిమాని. ఆమె ఓ గర్భిణి. టేలర్‌ స్విఫ్ట్‌ షో చూడడానికి మాత్రమే కాక, ఆమెతో చిన్న అపాయింట్‌మెంట్‌ కూడా దక్కించుకుంది స్టెఫానీ. అప్పటికే టేలర్‌ స్విఫ్ట్‌తో స్టెఫీనా తల్లి మాట్లాడి ఉంది. ‘స్టెఫానీని సంతోషపెట్టేలా ఆమెతో మాట్లాడు’ అని మాత్రమే స్విఫ్ట్‌ను అడిగింది స్టెఫానీ తల్లి. షో అయ్యాక స్టెఫానీని తన గదికి పిలిపించుకొని.. ‘నీకేం కావాలో చెప్పు..’ అనడిగింది స్విఫ్ట్‌. స్టెఫానీ తన బాధ చెప్పుకుంది. ఆ బాధ విన్న టేలర్‌ స్విఫ్ట్‌ ఆమెకు ఏ కొన్ని డబ్బులో, ఏదో చిన్న సాయమో చేసి పంపితే అది ఇంత పెద్ద వార్త అయ్యేదే కాదు. స్టెఫానీకి ఓ ఇల్లు కొనుక్కోమని డబ్బులిచ్చి, అందుకు తగ్గ ఏర్పాట్లు కూడా చేసి పంపింది టేలర్‌. ఇది జరిగిన సమయానికి స్టెఫానీ ఎనిమిది నెలల గర్భిణి. ఇప్పుడామెకు ఓ కూతురు. ‘‘నాకు ఇల్లు లేదు. అప్పుల్లో చిక్కుకొని అమ్మేసుకోవాల్సి వచ్చింది. నా భర్తకు ఉద్యోగం పోయింది. అప్పుడే టేలర్‌ షో చూడడానికి వెళ్లా. షో అయ్యాక నా గురించి తెలుసుకొని, ఇల్లు కొనుక్కోమని డబ్బులు ఇచ్చింది. నేనిది ఊహించలేదు. టేలర్‌ ఈజ్‌ లవ్‌..’’ అని తన కథను షేర్‌ చేసుకుంది స్టెఫానీ.


 అమెరికన్‌ పాప్‌ సింగర్‌ టేలర్‌ స్విఫ్ట్‌ ప్రేమలో పడింది. బ్రిటిష్‌ స్టార్‌ జోయ్‌ అల్వైన్‌తో స్విఫ్ట్‌ ప్రేమలో మునిగితేలుతున్నట్లు వార్తలు హల్‌చల్‌ చేస్తున్నాయి. జోయ్‌కు దగ్గర ఉండేందుకు ఉత్తర లండన్‌లోని అతని ఇంటికి చేరువలో ఓ ఇంటిని స్విఫ్ట్‌ అద్దెకు తీసుకుందట. కొద్దిరోజులుగా లండన్‌ వీధుల్లో ఇద్దరూ చెట్టాపట్టాలేసుకుని తిరుగుతున్నారని ఓ అంతర్జాతీయ వెబ్‌సైట్‌ పేర్కొంది.
 
 స్కార్ఫ్‌లు, హ్యాట్స్‌ ధరించి వీధుల్లో తిరుగడం వల్ల వీరిని ఎవరూ గుర్తు పట్టలేకపోయారని తెలిపింది. ఇరు కుటుంబాలకు వీరి ప్రేమాయణం గురించి కొద్ది నెలల కిందే తెలుసని వివరించింది. 2016లో బిల్లీ లిన్స్‌ లాంగ్‌ హాఫ్‌ టైమ్‌ వాక్‌ సినిమాలో జోయ్‌ నటించాడు. టేలర్‌ స్విఫ్ట్‌ 2016 గ్రామీ అవార్డును అందుకున్న విషయం తెలిసిందే.


 లాస్ ఎంజెల్స్: ప్రముఖ హాలీవుడ్ పాప్ సింగర్ జస్టిన్ బీబర్ సోషల్ మీడియాలో లేడీ పాప్ సింగర్ టేలర్ స్విఫ్ట్ను దెప్పిపొడిచాడు. ఓ వీడియోలో అతడి ఫొటోను, ఆమె మాజీ బాయ్ ఫ్రెండ్ కాల్విన్ హ్యారిస్, ర్యాపర్ కెన్యె వెస్ట్ ది, టేలర్ ఫొటోను ఇన్ స్టాగ్రమ్ లో పెట్టి ఇప్పుడేం జరిగింది అని ప్రశ్నిస్తున్నట్లు ఓ ట్యాగ్ లైన్ తో పోస్ట్ చేశాడు.
 
 అయితే, అసలు అతడి ఉద్దేశం ఏమిటనేది మాత్రం స్పష్టంగా చెప్పలేదు. కాగా, గత కొన్నాళ్లుగా స్విప్ట్ కు బీబర్ కు వివాదాలు ఉన్నాయి. టేలర్ సలహాలు విన్నతర్వాతే బీబర్ మాజీ ప్రియురాలు సెలెనా గోమెజ్ అతడిని పక్కకు పెట్టిందట. ఈ నేపథ్యంలో ఆమెను అవమానించేందుకే టేలర్ మాజీ బాయ్ ఫ్రెండ్ ఫొటోను పోస్ట్ చేశాడని పలువురు చెవులుకొరుక్కుంటున్నారు.


 స్టార్ మ్యుజీషియన్, సింగర్ కెల్విన్ హారిస్, టేలర్ స్విఫ్ట్ ను పెళ్లి చేసుకునే ఉద్దేశమే లేదని తేల్చి పారేశాడు. సింగర్, లిరిక్స్ రైటర్ అయిన టేలర్ తో ఏడాది పాటు కెల్విన్ అన్యోన్యంగా ఉంటూ వచ్చాడు. ఏమైందో తెలియదు గానీ, వీరిద్దరూ వివాహం చేసుకుంటార్న వార్తలు ప్రచారం కాగానే తమ బంధానికి మంగళం పాడేయాలని నిర్ణయించుకున్నాడు. అందుకే టేలర్ స్విఫ్ట్ తో తాను వివాహ బంధానికి సిద్దంగా లేనని చెప్పాడు. అంతటితో ఆగకుండా ఆమెను పెళ్లి చేసుకోవడానికి ఇష్టం లేదంటూ కుండబద్దలు కొట్టినట్లు చెప్పేశాడు. అందుకే గత కొన్ని రోజులుగా ఇద్దరు ఎడమొహం పెడమెహంగా ఉంటున్నట్లు తెలుస్తోంది. కెల్విన్ హారిస్ తో తన జీవితం సరైన మార్గంలో వెళ్లడం లేదని టేలర్ కూడా భావించింది.
 
 గతంలో పాప్ సింగర్ రీటా ఓరాతో పన్నెండు మాసాల లవ్ రిలేషన్ కు కటీఫ్ చెప్పిన హారిస్.. ఆ సమయంలో డిప్రెషన్‌లో ఉన్నాడు. హారిస్ పై రీటా చాలా సీరియస్ అయింది. ఓ అవార్డుల ఫంక్షన్‌లో పెర్‌ఫార్మ్ చెయ్యకుండా తనను హారిస్ అడ్డుకున్నాడని తెలిపింది. రీటా ఓరాతో కూడా బ్రేకప్ కావడంలో హారిస్ దే తప్పు అని అందరూ భావిస్తున్నారు. తన జీవితంలో అమేజింగ్ పర్సన్ ఎదురయ్యాడంటూ హారిస్ ను పొగిడేసిన టేలర్ కూడా ప్రస్తుత రిలేషన్ పై అంతగా స్పందించడం లేదు. పెళ్లంటే తనకు ఇష్టం లేదని హారిస్ గతంలో గర్ల్ ఫ్రెండ్స్ తో రిలేషన్ ఉన్నప్పుడు వెల్లడించాడు.


 ప్రతిష్టాత్మకమైన గ్రామీ పురస్కారాన్ని అందుకున్న సందర్భంగా ప్రఖ్యాత పాప్ గాయని టైలర్ స్విఫ్ట్‌ ఇచ్చిన ప్రసంగం ఇప్పుడు అందరి ప్రశంసలు అందుకుంటున్నది. మాజీ ప్రియుడు కెన్యే వెస్ట్‌ తన పట్ల చేసిన అనుచిత వ్యాఖ్యలకు చాలా హుందాగా సమాధానమిచ్చింది. ఆదివారం జరిగిన గ్రామీ పురస్కారాల ప్రదానోత్సవంలో వరుసగా రెండో ఏడాది ఉత్తమ ఆల్బం అవార్డును టైలర్ స్విఫ్ట్ అందుకుంది.
 
 ఈ సందర్భంగా 'బ్యాడ్ బ్లడ్' సింగర్ మాట్లాడుతూ 'ఆల్బం ఆఫ్ ది ఇయర్ అవార్డును రెండుసార్లు అందుకున్న మొదటి మహిళ అవ్వడం సంతోషంగా ఉంది. ఈ సందర్భంగా యువతులకు ఒక విషయం చెప్పదలుచుకున్నాను. మీరు విజయాలు సాధించినప్పుడు, పేరు ప్రఖ్యాతలు పొందినప్పుడు వాటిని తగ్గించి చూపేందుకు ఎప్పుడూ కొందరు ఉండనే ఉంటారు. కానీ మీరు మీ పని మీదే దృష్టిపెట్టండి. మిమ్మల్ని పక్కదారి పట్టించాలనుకునేవారిని పట్టించుకోకుండా ముందుకుసాగండి. మీ దారిలో మిమ్మల్ని ప్రేమించేవారు వెంట ఉంటారు' అని స్విఫ్ట్ పేర్కొంది. ఈ ప్రసంగంలో తన మాజీ ప్రియుడు వెస్ట్ పేరును పేర్కొననప్పటికీ అతడు చేసిన అసభ్య వ్యాఖ్యలకు దీటుగా సమాధానమిచ్చింది.
 
 గతవారం మాదిసన్ స్క్వేర్ గార్డెన్ లో సంగీత ప్రదర్శన ఇస్తూ పాప్ సింగర్ వెస్ట్‌ 'ఫేమస్‌' పాటను పాడాడు. 'టైలర్.. నేనూ శృంగారంలో పాల్గొనవచ్చు. ఎందుకంటే ఆ దుష్టురాలిని ఫేమస్ చేసింది నేనే' అంటూ ఓ చరణాన్ని టైలర్‌ను ఉద్దేశించి అతను పాడాడు. అతని చర్యపై ఇన్నిరోజులు మౌనంగా ఉన్న టైలర్ స్విఫ్ట్‌ తన తాజా ప్రసంగంలో దీటుగా బదులిచ్చింది.
  


 58వ గ్రామీ సంగీత పురస్కారాల ప్రదానోత్సవంలో పాప్ సింగర్ టైలర్‌ స్విఫ్ట్‌ మళ్లీ తన సత్తా చాటింది. బెస్ట్ ఆల్బం కేటగిరిలో '1989' గీతానికి రెండోసారి గ్రామీ పురస్కారాన్ని తన ఖాతాలో వేసుకుంది. దీంతో టైలర్‌ స్విఫ్ట్‌ ఆనంద డొలికల్లో తేలిపోతూ.. తన సంతోషాన్ని ఫేస్‌బుక్‌లో షేర్‌ చేసింది. సంగీత ప్రపంచంలో అత్యున్నత పురస్కారంగా భావించే గ్రామీ అవార్డుల ప్రదానోత్సవంలో ఈసారి కాలిఫోర్నియా ర్యాపర్ కెండ్రిక్‌ లామర్ పంట పండింది.
 
 ఆయన ఏకంగా ఐదు గ్రామీ పురస్కారాలతో తొలిస్థానంలో నిలిచాడు. మేఘన్ ట్రైనర్ బెస్ట్ న్యూ ఆర్టిస్ట్‌గా గ్రామీ గెలుచుకోగా, బెస్ట్ సాంగ్ కేటగిరీలో ఎడ్ షెరాన్‌ పురస్కారాన్ని గెలుచుకుంది. 'అప్‌టౌన్‌ ఫంక్‌' ఆల్బంకుగాను మార్క్ రాన్సన్ బెస్ట్ రికార్డు అవార్డు అందుకున్నారు. లేడీ గాగా, అడెల్ వంటి ప్రముఖ పాప్ సింగర్స్  హై వోల్టేజీ సంగీత ప్రదర్శనలతో ఈ అవార్డుల వేడుక ఆద్యంతం ఉర్రూతలూగింది.


 టేలర్ స్విఫ్ట్ - అవుటాప్ ది ఉడ్స్
  
  నిడివి : 4 ని. 16 సె.
  హిట్స్ : 69,42,867
  టేలర్ స్విఫ్ట్ అమెరికా అమ్మాయి. సింగర్. సాంగ్ రైటర్. పద్నాలుగేళ్లకే పాపులర్ అయిన స్విఫ్ట్.. ఇప్పుడు తన 26 వ యేట ‘అవుటాఫ్ ది ఉడ్స్’ అనే ఇంకో కొత్త వీడియోతో సంగీత ప్రియులను ఉర్రూతలూగిస్తున్నారు. ఈ వీడియో డిసెంబర్ 31 విడుదలైంది. హిట్లు కోటికి చేరుకోబోతున్నాయి! ‘అప్పుడది చిన్న విషయంగా తోచింది కానీ, ఆలోచిస్తుంటే మనం తీసుకున్న ఫొటోలో నువ్వు నేను తప్ప మిగతా ప్రపంచమంతా బ్లాక్ అండ్ వైట్‌లో ఉండిపోయింది’ అంటూ ఈ సాంగ్ మొదల వుతుంది.
 
  ది వాకింగ్ డెడ్ : ట్రైలర్
  
  నిడివి : 29 సె.
  హిట్స్ : 31,77,421
  అమెరికన్ టెలివిజన్ చానెల్ ఎ.ఎం.సి (అమెరికన్ మూవీ క్లాసిక్స్)లో ఫిబ్రవరి 14నుంచి ప్రారంభం కాబోతున్న టీవీ సీరియల్ ‘ది వాకింగ్ డెడ్’ ట్రైలర్ ఇది. 6 వ సీజన్‌లో 10 ఎపిసోడ్‌గా ఈ హారర్ డ్రామా మొదలవుతోంది. ‘ది వాకింగ్ డెడ్’ అనే కామిక్ సీరీస్ ఆధారంగా అదే పేరుతో 2010 నుంచి ప్రసారం అవుతోంది. విలయం నుంచి బయటపడిన కొందరు వ్యక్తులు పోలీస్ అధికారి రిక్స్ గ్రిమ్స్ నాయకత్వంలో సురక్షితమైన నివాస ప్రదేశాన్ని అన్వేషించే పనిలో పడతారు. ఆ ప్రయత్నంలో వికృత మానవులతో వారు జరిపే పోరాట సన్నివేశాలకు ఒళ్లు గగుర్పొడుస్తుంది.
  
  అరెథా ఫ్రాంక్లిన్ : ఎ నేచురల్ ఉమన్
 నిడివి : 4 ని. 16 సె.
  హిట్స్ : 65,13,073
  అరెథా ఫ్రాంక్లిన్ (73) అమెరికన్ సింగర్, మ్యుజీషియన్. అంతే వయసున్న తన సహ గాయని కరోల్ కింగ్ గౌరవార్థం కెన్నెడీ సెంటర్‌లో అరెథా ఇచ్చిన కచేరి ఎంతలా మంత్ర ముగ్ధుల్ని చేసిందో ఈ వీడియోలో చూడొచ్చు. కచేరికి హాజరైన కరోల్.. అరెథా గొంతులోంచి తన పాట విని ఉద్వేగానికి లోనయ్యారు. ‘యు మేక్ మి ఫీల్ లైక్ ఎ నేచురల్ ఉమన్’ అంటూ అరెథా పాడిన ఆ పాటను 1967లో కరోల్ కింగ్ రాశారు. అప్పట్లో అరెథాకో అదో పెద్ద హిట్. ఆ గానామృతాన్ని మళ్లీ అనుభూతి చెందుతూ  కచేరీకి హాజరైన ఒబామా కంట తడి పెట్టారు!
  
  మిరుథన్ : ట్రైలర్
 
  నిడివి : 1 ని. 58 సె.
  హిట్స్ : 4,48,364
  తమిళ్‌లో మొట్టమొదటిసారిగా వస్తున్న జాంబీ థ్రిల్లర్ మూవీ ‘మిరుథన్’ ట్రైలర్ డిసెంబర్ 31న విడుదలైంది. శక్తి సౌందర్ రాజన్ డెరైక్షన్‌లో జయం రవి, లక్ష్మీ మీనన్ హీరో హీరోయిన్‌లుగా నటిస్తున్న ఈ చిత్రం ఈ నెల 15న విడుదల అవుతోంది. జాంబీ అంటే మతి స్థిమితం తప్పిన వ్యక్తి. అతడు సృష్టించే అల్లకల్లోలం నుంచి జయం రవి సిటీని కాపాడే పోలీస్ ఆఫీసర్‌గా నటిస్తున్నాడా లేక ఒక పౌరుడిగా నటిస్తున్నాడా అన్న విషయంపై ఆసక్తికరమైన చర్చ సాగుతోంది. ఈ బీభత్స, భయానక చిత్రంలో కాస్త రొమాన్స్ కూడా ఉన్నట్టు మాత్రం ట్రైలర్‌ను చూస్తే తెలుస్తోంది.
  


 లాస్ ఏంజిల్స్: నేను నిన్ను ప్రేమిస్తున్నాను.. కానీ నువ్వు నాకు బాకీ పడ్డావు అంటూ హోయలు ఒలకబోస్తోంది హాలీవుడ్ గాయని, నటి టేలర్ స్విఫ్ట్ . ఇదేదో ఆమె ప్రేమికుడు మధ్య జరిగిన సంభాషణ కాదండోయ్. తన పెంపుడు జంతువు పిల్లితో టేలర్ అన్న మాటలు. ఈ మధ్య తన కాళ్లను భారీ మొత్తంలో బీమా చేయించిన వార్తలు హల్ చల్ చేసిన విషయం తెలిసిందే. దీనిపై వస్తున్న వరుస కథనాలకు ఫుల్ స్టాప్ పెట్టింది టేలర్. తన పెంపుడు పిల్లి టేలర్ కాళ్లపై గాయం చేసిన కారణంగానే బీమా చేయించాల్సి వచ్చిందని తాజాగా వివరణ ఇచ్చింది.. 'నేను నిన్ను ప్రేమిస్తున్నా.. అయినా నువ్వు నా కాళ్లపై గాయం చేశావు. నువ్వు నాకు రూ.250 కోట్లు(40 మిలియన్ డాలర్లు) బాకీ పడ్డావు'అంటూ తన పెంపుడు పిల్లిని ఉద్దేశించి గారాలు పోతోంది టేలర్.
  
 అయితే తన కాళ్ల విలువ రూ. 60 కోట్లు వరకూ ఉంటుందని తొలుత భావించినా.. సదరు ఇన్సురెన్స్ కంపెనీ ఆ కాళ్లకు రూ.250 కోట్ల బీమా చేసింది. ఇంకేముంది ఆ అందమైన కాళ్లకు అంత మొత్తంలో ఇన్సురెన్స్ దక్కడంతో ఆ నటి ఆనందానికి అవధుల్లేవు. ప్రస్తుతం టేలర్ తన నటించిన'1989' సినిమా ప్రమోషన్ లో భాగంగా ప్రపంచవ్యాప్త పర్యటనకు సిద్దమవుతోంది.


 వినడానికి వింతగా ఉన్నా.. ఇది నిజం! హాలీవుడ్ గాయని, నటి, నిర్మాత టేలర్ స్విఫ్ట్ తన కాళ్లను దాదాపు 250 కోట్ల రూపాయలకు బీమా చేయించారు. రెండు కాళ్లకు అంత మొత్తమా? అని ఆశ్చర్యంగా ఉంది కదూ. టేలర్ మంచి గాయని. వేదికలపై పాటలు పాడుతూ, ఆమె చేసే నృత్యాలకు విదేశాల్లో బోల్డంత క్రేజ్ ఉంది. పైగా.. ఈవిడ చేసే ఓ ప్రత్యేకమైన స్టెప్‌ని కళ్లార్పకుండా చూసే అభిమానులు ఉన్నారు. ఆ స్టెప్ వేస్తున్నప్పుడు టేలర్ కాళ్లు చూస్తూ ఉండాలనిపిస్తుంటుందని ఆమె అభిమానులు బహిరంగంగా పేర్కొన్న సందర్భాలు న్నాయి.
  
  ఈ మధ్య ఎందుకో టేలర్‌కి, ఒకవేళ తన కాళ్లకు ఏమైనా అయితే, అప్పుడు తన జీవితం ఏం కానూ అనిపించిందట. ఈ ఆలోచనే ఆమె తన కాళ్లను బీమా చేయించేలా చేసింది. మేలో ఓ మ్యూజికల్ టూర్ ప్లాన్ చేసుకున్నారామె. ఆ లోపు బీమా చేయించేయాలని అనుకున్నారట. మామూలుగా తన కాళ్లు 60 కోట్లు వరకూ పలుకుతాయని టేలర్ అనుకున్నారట. కానీ, బీమా కంపెనీవారు ‘మీ కాళ్ల విలువ మీకు తెలియడంలేదు. 250 కోట్ల వరకూ బీమా చేయొచ్చు’ అన్నారట. ఆ మొత్తం విని షాకయ్యారట టేలర్. ‘హమ్మయ్య ఒకవేళ కాళ్లకు ఏమైనా అయ్యి, డాన్స్ చేయడానికి సహకరించకపోతే.. భయపడాల్సిన అవసరంలేదు. జీవితాంతం కాలు మీద కాలేసుకుని బతికేయొచ్చు’ అని చిరునవ్వు నవ్వుకున్నారట టేలర్.