పశువుల్లో రక్తహీనతను అరికట్టండి ఇలా

పశువుల్లో రక్తహీనతను అరికట్టండి ఇలా

జంగారెడ్డిగూడెం: పశువుల్లో రక్తహీనతను ఎప్పటికప్పుడు గుర్తించి తగిన జాగ్రత్తలు తీసుకోవాలని పశువైద్యాధికారి బీఆర్‌ శ్రీనివాసన్‌ తెలిపారు. రక్తహీనత అనేది ఎర్ర రక్త కణాల సంఖ్య తగ్గడం లేదా హిమోగ్లోబిన్‌ స్థాయిలు తగ్గడం వల్ల రక్తంలో ఆమ్లజనకం సరఫరా తగ్గిపోతుందన్నారు. దీంతో పశువులు మేత మానేసి, పనిలో బలహీనత కలిగి ఉంటాయన్నారు. అంతేకాకుండా ఎద్దులు, గేదెల రోగనిరోధక శక్తిపై ఇది ప్రభావం చూపుతుందన్నారు. రక్తహీతనకు కారణాలు, చికిత్స విధానాలను పశువైద్యాధికారి బీఆర్‌ శ్రీనివాసన్‌ వివరించారు.

రక్తపోత (బ్లడ్‌ లాస్‌ అనీమియా)

ఫ్లుక్స్‌, టిక్స్‌ వంటి బాహ్య, అంతర్గత పరాన్నజీవులు రక్తం పీలుస్తాయి. ఇది రక్తహీనతకు దారితీస్తుంది. ప్రమాదాలు, గాయాలు లేదా ఆపరేషన్ల సమయంలో రక్తం కోల్పోవడం వల్ల రక్తహీనత ఏర్పడవచ్చు. రక్తం పీల్చే కీటకాలతో సోకడం వల్ల రక్త పోత జరుగుతుంది.

హేమోలిటిక్‌ రక్తహీనత

బాబెసియోసిస్‌, ఎర్లిచియోసిస్‌ వంటి వ్యాధులు ఎర్ర రక్త కణాలను ధ్వంసం చేస్తాయి. కొన్ని రసాయనాలు లేదా ఆహార పదార్థాలు (ఉదాహరణకు పత్తి విత్తనాలు) ఎర్ర రక్త కణాలను నాశనం చేస్తాయి.

నాన్‌–రెజెనరేటివ్‌ రక్తహీనత

ముఖ్యంగా ఇనుము, విటమిన్‌ ఆ12, లేదా ప్రోటీన్‌ వంటి పోషక లోపాలతో ఎర్ర రక్తకణాల ఉత్పత్తిని తగ్గిస్తుంది. కాలేయం, కిడ్నీలు సరిగా పని చేయకపోవడం వల్ల ఎర్ర రక్తకణాల ఉత్పత్తి తగ్గుతుంది.

లక్షణాలు

●బలహీనత, అలసట

●తెల్లబడ్డ లేదా పసుపు కొమ్ములు

●మేత, నీరు తినే అలవాటు తగ్గిపోవడం

●శ్వాసకష్టం

●బరువు తగ్గడం

●పని సామర్థ్యం తగ్గిపోవడం

చికిత్స విధానాలు

అల్లోపతి

● తీవ్ర రక్తహీనతకు రక్త మార్పిడి అవసరం కావచ్చు.

● ఇనుము లోపం కారణంగా రక్తహీనత ఉన్నప్పుడు ఇనుము సప్లిమెంట్స్‌ ఇవ్వాలి.

● కీటకాల నివారణ, పరాన్నజీవాల మీద కట్టడి చేయడం ద్వారా రక్త పోత నివారించవచ్చు.

● బాక్టీరియా లేదా పకిటీరియా సంక్రమణకు యాంటీబయోటిక్స్‌ ఇవ్వాలి.

నాచురోపతి

● ఇనుము అధికంగా లభించే ఆహారం అందించాలి. పచ్చ కూరలు, ఆకుకూరలు ఆహారంలో చేర్చాలి.

● హెర్బల్‌ ట్రీట్మెంట్స్‌లో నెటిల్‌, స్పిరులినా వంటి ఇనుము అధికంగా ఉన్న ఉత్పత్తులు ఎర్ర రక్తకణాల ఉత్పత్తిని పెంచడంలో సహాయపడతాయి.

● ఆకుపంక్చర్‌ విధానం రక్త ప్రసరణను మెరుగుపరచడంలో సహాయపడుతుంది.

హోమియోపతి

● ఫెర్రం ఫాస్పోరికం : రక్తహీనత ప్రారంభ దశలో ఉత్పత్తి స్థాయిలు పెంచడానికి ఉపయోగపడుతుంది.

● చైనా అఫిసినాలిస్‌ : రక్తపోత తర్వాత రక్తహీనత ఉన్న జంతువులకు ఇది ఇవ్వవచ్చు.

● నాట్రం మురియాటికం : జిగురు తగ్గిన రక్తహీనతకు ఉపయోగపడుతుంది.

● అర్బెనికమ్‌ ఆల్బమ్‌ : తీవ్ర బలహీనత, శ్వాసకష్టం ఉన్న పశువులకు ఇది ఇవ్వవచ్చు.