TV
జగన్మాత.. పాహిమాం
కరీంనగర్‌కల్చరల్‌: దేవీ నవరాత్రి ఉత్సవాల్లో భాగంగా కరీంనగర్‌లో నెలకొల్పిన పలు దుర్గామాత మండపాల వద్ద ఆదివారం దుర్గమ్మకు ప్ర త్యేక అలంకరణలు, హోమాలు, అర్చనలు, అభిషేకాలు నిర్వహించారు. టవర్‌ సర్కిల్‌ ఫ్రెండ్స్‌ అ సోసియేషన్‌ అధ్వర్యంలో దుర్గమాత వద్ద శ్రీనివా స్‌ కల్యాణం జరిపారు. విద్యానగర్‌ విజయదుర్గ కాలనీలో ప్రతిష్టించిన దుర్గామాత మండపం వద్ద శివపార్వతుల కల్యాణం నిర్వహించి శివపార్వతులకు పల్లకి సేవ ఊరేగింపు చేశారు. అమ్మవారికి నిహారిక ప్రకాశ్‌రావు దంపతులు ప్రత్యేక పూజలు జరిపారు. మారుతీనగర్‌ లంబోధర కమిటీ ఆధ్వర్యంలో అమ్మవారికి ఫల ఫంచామృతాభిషేకం నిర్వహించారు. 33వ డివిజన్‌లో భగత్‌నగర్‌ వెల్ఫేర్‌ అసోసియేషన్‌, చైతన్య యూత్‌ ఆధ్వర్యంలో ఏర్పాటు చేసిన దుర్గామాత వద్ద మేయర్‌ సునీల్‌రావు ప్రత్యేక పూజలు చేశారు.
వైష్ణవీ అలంకరణలో అమ్మవారు
విద్యానగర్‌(కరీంనగర్‌): కరీంనగర్‌ మండలం నగునూర్‌లోని దుర్గాభవానీ ఆలయంలో నాల్గో రోజు ఆదివారం దుర్గాభవానీ అమ్మవారు వైష్ణవీ అలంకరణలో గరుడ వాహనంపై భక్తులకు దర్శనమిచ్చారు, ఆలయ ధర్మాధికారి పురాణం మహేశ్వరశర్మ ఆధ్వర్యంలో అమ్మవారికి ప్రత్యేక హారతులిచ్చి పూజలు నిర్వహించారు.
వైభవంగా హోమం
కరీంనగర్‌రూరల్‌: మొగ్ధుంపూర్‌లో హిందూ వా హిని ఆధ్వర్యంలో హోమం నిర్వహించారు. బీజేపీ జిల్లా ప్రధాన కార్యదర్శి తాళ్లపల్లి శ్రీనివాస్‌గౌడ్‌–లక్ష్మీ దంపతులతోపాటు భవానీ దీక్షాపరులు హోమంలో పాల్గొన్నారు. దుర్శేడ్‌లోని దుర్గమాతకు భక్తులు విశేషపూజలు నిర్వహించారు.
వైష్ణవి అలంకరణలో గరుడ
వాహనంపై దుర్గాభవాని అమ్మవారు
విజయదుర్గ కాలనీలో పల్లకీసేవ
టవర్‌సర్కిల్‌లో శ్రీనివాస కల్యాణం
Comments
Please login to add a commentAdd a comment