కోడలుకు వాయినంగా 15 తులాల వెండి బతుకమ్మ

కోడలుకు వాయినంగా 15 తులాల వెండి బతుకమ్మ

కరీంనగర్‌కల్చరల్‌: సిద్దిపేటకు చెందిన ఏదుల్లా చంద్రశేఖర్‌రెడ్డి–శైలజ దంపతులు వారి కొత్త కోడలు అచ్యుతారెడ్డికి 15 తులాల వెండి బతుకమ్మ, వెండి కోలాలు వాయినంగా అందజేశారు. ఆదివారం సిద్దిపేట నుంచి కరీంనగర్‌కు వచ్చిన చంద్రశేఖర్‌రెడ్డి దంపతులు కాశ్మీర్‌గడ్డలోని జయశ్రీ దామోదర్‌రెడ్డి ఇంటికి చేరుకొని కోడలు యామినికి 15 తులాల వెండి బతుకమ్మ, వెండి కోలాలు బహూకరించారు.

9న సామూహిక అక్షరాభ్యాసం

చొప్పదండి: పట్టణంలోని జ్ఞాన సరస్వతి ఆలయంలో 9న సామూహిక అక్షరాభ్యాసం నిర్వహిస్తున్నామని ఆలయ ప్రధాన అర్చకులు సింహాచలం జగన్మోహన్‌స్వామి తెలిపారు. మూలా నక్షత్రం ఉన్నందున సరస్వతీ అమ్మవారి పూజ జరుగుతుందని, చిన్నారులకు అక్షరాభ్యాసం చేయించాలనుకునే సద్వినియోగం చేసుకోవాలని సూచించారు.