ఐఫోన్‌ 13 కేవలం రూ.11కే లభ్యమవుతోందని ఫ్లిప్‌కార్ట్‌లో వెలిసిన ప్రకటనపై కస్టమర్లు తీవ్ర అసహనం వ్యక్తం చేశారు. ఎన్నిసార్లు ఆర్డర్‌ పెట్టినా స్టాక్‌ అయిపోయిందని పాప్‌అప్‌ మెసేజ్‌ రావడంతో సామాజిక మాధ్యమాల్లో తీవ్ర ఆందోళన వ్యక్తం చేస్తున్నారు. వివిధ మాధ్యమాల్లో వినియోగదారులు పెడుతున్న పోస్టులుకాస్తా వైరల్‌గా మారుతున్నాయి.ఆన్‌లైన్‌ షాపింగ్‌ వెబ్‌సైట్‌ ఫ్లిప్‌కార్ట్‌లో సెప్టెంబర్‌ 22న రాత్రి 11 గంటలకు కేవలం రూ.11కే ఐఫోన్‌ 13 బుక్‌ చేసుకోవచ్చనేలా బ్యానర్లు వెలిశాయి. దాంతో వినియోగదారులు సరిగ్గా రాత్రి 11 గంటలకు ఆర్డర్‌ పెట్టేందుకు ప్రయత్నించారు. కానీ ఆ సమయంలో స్టాక్‌ అయిపోయిందని పాప్‌అప్‌ మెసేజ్‌ రావడం గమనించారు. ఎన్నిసార్లు ప్రయత్నించినా అదే తంతు కొనసాగడంతో తీవ్ర అసహనానికి గురయ్యారు. దాంతో వివిధ సామాజిక మాధ్యమాల్లో విభిన్నరీతిలో స్పందించారు.Flipkart Deserves Belt Treatment From GovtThey Put a Banner of iPhone 13 at Just ₹11Product Went Out of Stock But Helps Them in Free Marketing On Social Media, WhatsAppIn Other Countries, They’ll Pay Penalty For Such Malpractices On The Name of Sale & Discount— Ravisutanjani (@Ravisutanjani) September 22, 2024 ‘ఫ్టిప్‌కార్ట్‌ వినియోగదారులను తప్పదోవ పట్టించేలా ప్రకటనలు విడుదల చేస్తుంది. వాట్సప్‌, సోషల్‌ మీడియాలో ఉచిత పబ్లిసిటీ కోసం దిగుజారుతుంది. ఇతరదేశాల్లో ఇలా చీప్‌ ట్రిక్స్‌ అమలు చేస్తే పరిస్థితులు భిన్నంగా ఉంటాయి’ అని ఒకరు స్పందించారు. ‘ఈ ఆఫర్‌ నిజంగా నిరాశపరిచింది. నిత్యం తప్పుడు ప్రకటనలు వస్తూన్నాయి. సంస్థ దీనిపై తగిన విధంగా స్పందించాలి. తప్పుదోవ పట్టించే ప్రచారాలకు ఫ్లిప్‌కార్ట్ బాధ్యత వహించాలి’ అని ఇంకొక యూజర్‌ తెలిపారు. ‘వాహ్ తర్వాత ఏమిటి? మ్యాక్‌బుక్ ప్రో రూ.11?’ అని మరో యూజర్‌ స్పందించారు. ఏదేమైనా, తప్పు ఎవరు చేసినా దానికి ఫ్లిప్‌కార్ట్‌ బాధ్యత వహించి భవిష్యత్తులో ఇలాంటివి పునరావృతం కాకుండా పకడ్బందీ చర్యలు తీసుకోవాలని పలువురు కోరుతున్నారు.ఇదీ చదవండి: ఏఐకు కొత్త అర్థం చెప్పిన ప్రధానిఇటీవల ఐఫోన్‌ 16 సిరీస్‌ అమ్మకాలు ప్రారంభించిన యాపిల్‌ దానికంటే ముందు మోడళ్ల రేట్లను తగ్గిస్తుందనే వార్తలు వస్తున్నాయి. దాంతో ఆన్‌లైన్‌ ప్లాట్‌ఫామ్‌ల్లో ఇలాంటి ప్రకటనలు చూసి చాలా మంది వినియోగదారులు తక్కువ ధరకే ఇస్తున్నారని భ్రమపడే అవకాశం ఉంటుంది. ఏదైనా ఆఫర్‌ ప్రకటించినపుడు విభిన్న ప్లాట్‌ఫామ్‌ల్లో ఆ మోడల్‌ ధరను పోల్చుకోవాలని నిపుణులు చెబుతున్నారు. నమ్మశక్యంగా లేని ఆఫర్‌గా అనిపిస్తే ఆ ప్రకటన ఇస్తున్న కంపెనీ కాల్‌ సెంటర్‌కు ఫోన్‌చేసి వివరాలు ధ్రువీకరించుకోవాలని సూచిస్తున్నారు. కంపెనీలు కూడా కస్టమర్లను తప్పుదోవ పట్టించే ప్రకటనలు నిలిపేయాలని చెబుతున్నారు.

ఈ-కామర్స్‌ దిగ్గజం ఫ్లిప్‌కార్ట్ బిగ్ సేవింగ్ డేస్‌ (Flipkart Big Saving Days) పేరుతో తాజా సేల్ ఈవెంట్‌ను ప్రకటించింది. ఈ సేల్‌ జూన్ 10న ప్రారంభమై జూన్ 14 వరకు కొనసాగనుంది. ఈ పరిమిత కాల సేల్‌లో ఐఫోన్ 13, శామ్‌సంగ్‌ గెలాక్సీ ఎఫ్‌23, పోకో ఎక్స్‌5తో సహా ప్రముఖ స్మార్ట్‌ఫోన్‌లపై ఫ్లిప్‌కార్ట్ బెస్ట్‌ డీల్స్‌, ఆకర్షణీయ తగ్గింపులను అందిస్తోంది. వీటితోపాటు ఎక్స్చేంజ్‌ ఆఫర్లు, బ్యాంక్‌ డిస్కౌంట్‌లు అందుబాటులో ఉన్నాయి. టాప్‌ బ్రాండ్స్‌.. ఫ్లాట్‌ డిస్కౌంట్స్‌ ⮞ ఐఫోన్‌13 (iPhone 13) 128జీబీ స్టోరేజ్ వేరియంట్‌ను ఫ్లిప్‌కార్ట్‌ రూ.58,749 నుంచి ఆఫర్ చేస్తోంది. ఇది యాపిల్‌ ఆన్‌లైన్ స్టోర్‌లో రూ.69,900 ఉంది. అంటే రూ. 11,151 ఫ్లాట్ తగ్గింపు . అదనంగా, ఎస్‌బీఐ క్రెడిట్ కార్డ్‌ ఉన్న కస్టమర్‌లు అదనంగా 10 శాతం తగ్గింపు పొందవచ్చు. మొత్తంగా రూ.57,999లకే ఐఫోన్‌13ను కొనుగోలు చేయవచ్చు . ⮞ శాంసంగ్‌ గెలాక్సీ ఎఫ్‌23 (Samsung Galaxy F23) 5Gని రూ.13,499లకే అందిస్తోంది. మార్చిలో లాంచ్‌ అయినప్పుడు దాని అసలు ధర రూ.17,499. రూ.6,500 తగ్గింపు అంటే ఎవరు వదులుకుంటారు? ఇంకా తక్కువ ధరకు ఫోన్‌ కావాలనుకునే వారికి శాంసంగ్‌ గెలాక్సీ ఎఫ్‌13 (Samsung Galaxy F13) రూ. 10,999 లకే అందుబాటులో ఉంది. అలాగే శాంసంగ్‌ గెలాక్సీ ఎం14 (Samsung Galaxy M14)ని అయితే ఫ్లిప్‌కార్ట్‌లో రూ. 14,327 కంటే తక్కువ ధరకే సొంతం చేసుకోవచ్చు. ⮞ ఇక రూ.15,499 ఉన్న మోటో జీ62 (Moto G62) రూ. 14,499లకు, 15,499 ఉన్న పోకో ఎక్స్‌5 (Poco X5 5G)ని  రూ.14,999లకు కొనుగోలు చేయవచ్చు. దీనిపై రూ.4,000 తగ్గింపు అందుబాటులో ఉంది. ఇదీ చదవండి: గాల్లో డబుల్ డెక్కర్: భలే డిజైన్‌ చేశారు.. ఫొటో వైరల్‌

న్యూఢిల్లీ: ఫ్లిప్‌కార్ట్ ప్రకారం 'బెస్ట్ సెల్లర్' ఐఫోన్ 13పై దాదాపు 36వేల దాకా తగ్గింపుతో రూ.25,900కి వినియోగదారులు సొంతం చేసుకోవచ్చు. యాపిల్‌ ఐఫోన్‌ 14 ను పోలిన స్పెసిఫికేషన్సే ఐఫోన​ 13లో కూడా ఉన్నాయి. 2021లో లాంచ్‌ అయినపుడు ఈ స్మార్ట్‌ఫోన్‌ ప్రారంభ ధర రూ. 79,900. తాజాగా ఫ్లిప్‌కార్ట్‌లో రూ. 36,099 తగ్గింపు తర్వాత రూ. 25,900కి అందుబాటులో ఉంది. (తక్కువ ధరలో ఏథర్‌ ఎలక్ట్రిక్ స్కూటర్ లాంచ్‌, ధర ఎంతంటే?) ప్రస్తుతం రూ. 7,901 తగ్గింపుతో  రూ. 61,999 వద్ద లిస్ట్‌ అయింది. అయితే కొనుగోలుదారులు ఫ్లిప్‌కార్ట్ యాక్సిస్ బ్యాంక్ కార్డ్‌పై 5శాతం క్యాష్‌బ్యాక్ పొందవచ్చు. రూ. 33 వేల దాకా ఎక్స్ఛేంజ్ ఆపర్‌ కూడా లభ్యం. ఈ ఆఫర్లన్నీ వర్తిస్తే యాపిల్‌ ఐఫోన్‌ 13 రూ. 25,900కే సొంతం చేసుకోవచ్చు. (మస్క్‌కు మరో ఝలక్‌: కీలక ఎగ్జిక్యూటివ్‌ గుడ్‌బై) ఐఫోన్ 13 స్పెసిఫికేషన్స్‌  6.1-అంగుళాల సూపర్ రెటినా XDR డిస్‌ప్లే A15 బయోనిక్ చిప్‌సెట్  12 ఎంపీ డ్యూయల్ రియర్ కెమెరా  12 ఎంపీ సెల్ఫీ కెమెరా 3227 ఎంఏహెచ్‌ బ్యాటరీ  ఇదీ చదవండి: అంబానీ మనవరాలంటే అట్లుంటది! పాపాయి పేరు, రాశి ఇదేనట? 

యాపిల్‌ ఐఫోన్‌13పై ఫ్లిప్‌కార్ట్‌ భారీ డిస్కౌంట్‌ అందిస్తోంది. ఐఫోన్‌ 13 ఒక సంవత్సరం పాతదే అయినా ఇప్పటికీ చాలా మంది దాన్ని కొనడానికి చూస్తున్నారు. యాపిల్‌ అధికారిక వెబ్‌సైట్‌లో ఐఫోన్‌ 13 ధర రూ.69,990. కానీ ఫ్లిప్‌కార్ట్‌లో దీనిపై అద్భుతమైన డీల్ అందుబాటులో ఉంది. ఐఫోన్‌13 128జీబీ వేరియంట్ రూ.60 వేల కంటే తక్కువకే లభిస్తోంది. యాపిల్‌ ఐఫోన్‌13 128జీబీ వేరియంట్‌ అసలు ధర రూ.69,990. దీనిపై ఫ్లిప్‌కార్ట్‌ రూ.10,901 డిస్కౌంట్‌ ఇస్తోంది. దీంతో రూ.58,999కే ఐఫోన్‌13ను సొంతం చేసుకోవచ్చు. మరోవైపు యాక్సిస్ బ్యాంక్ కార్డ్‌లను ఉపయోగించడం ద్వారా అదనంగా మరో రూ.1,000 తగ్గింపు పొందవచ్చు . అంటే రూ.57,999కే ఐఫోన్‌13 మీ చేతికి వస్తుంది. ఫ్లిప్‌కార్ట్‌లో ప్రస్తుతం కొనసాగుతున్న సమ్మర్ సేల్‌లో భాగంగా ఈ డిస్కౌంట్‌ లభిస్తోంది. ఈ సమ్మర్‌ సేల్‌ ఏప్రిల్ 17న ముగియనుంది. ఐఫోన్‌13 ఫీచర్లు ఇవే.. సిరామిక్ షీల్డ్‌తో 6.1 అంగుళాల సూపర్ రెటినా XDR OLED డిస్‌ప్లే సాధారణ పరిస్థితుల్లో 800 నిట్‌లు, HDRతో 1200 నిట్‌ల బ్రైట్‌నెస్‌ Apple A15 బయోనిక్ చిప్‌సెట్, iOS 16 ఆపరేటింగ్ సిస్టమ్ 12MP + 12MP డ్యూయల్ రియర్ కెమెరా సెటప్‌  పోర్ట్రెయిట్ మోడ్, ఆటోమేటిక్ నైట్ మోడ్, 4K వీడియో రికార్డింగ్, స్లో మోషన్ వంటి అనేక రకాల ఫీచర్లు ఇదీ  చదవండి: తెలుగు రాష్ట్రాల్లో అటవీ సందర్శకులకు గుడ్‌ న్యూస్‌.. ఇక దూసుకెళ్లడమే!

హోలీ సందర్భంగా కొనసాగుతున్న బిగ్‌ బచత్‌ ధమాల్‌ సేల్‌లో ఐఫోన్‌ 13,ఐఫోన్‌ 14 ఫోన్‌లపై ఫ్లిప్‌కార్ట్‌ భారీ డిస్కౌంట్స్‌ ప్రకటించింది. రెండు రోజుల పాటు జరిగే ఈ ప్రత్యేక సేల్‌లో దాదాపు 1000 కి పైగా బ్రాండ్స్‌కి చెందిన దాదాపు లక్షకుపైగా ప్రోడక్ట్స్‌పై 80 శాతం వరకు డిస్కౌంట్ అందిస్తున్నట్లు ఫ్లిప్‌కార్ట్ తెలిపింది.  వీటితో పాటు పాపులర్‌ స్మార్ట్‌ఫోన్‌లైన ఐఫోన్‌ 13,ఐఫోన్‌ 14 మోడళ్లపై కళ్లు చెదిరే డిస్కౌంట్‌లకే అందిస్తున్నట్లు ఆ సంస్థ ఓ ప్రకటనలో పేర్కొంది. ఆఫర్‌లో భాగంగా ఐఫోన్‌ 13 ధర రూ.61,999 ఉండగా..రూ.59,999కే కొనుగోలు చేయొచ్చు. ఫోన్‌పై ఎక్ఛేంజ్‌ ఆఫర్‌ సౌకర్యం ఉంటే ఆ ధర కాస్త  రూ.23,000 వరకు తగ్గుతుంది.  అదే సమయంలో ఐఫోన్‌ 14 ధర రూ.71,999 ఉండగా..సేల్‌లో రూ.67,999కే సొంతం చేసుకోవచ్చు. ఇక స్మార్ట్‌ఫోన్‌లు కాకుండా గృహోపకరణాలు, వంటగదిలో వినియోగించే వస్తువులు,హోమ్‌ అప్లయెన్సెస్‌ పై 70శాతం, రిఫ్రిజిరేటర్లపై 60శాతం డిస్కౌంట్స్‌, ల్యాప్‌ట్యాప్స్‌పై 45శాతం డిస్కౌంట్‌ పొందవచ్చు. 

సాక్షి, ముంబై: ఈ-కామర్స్ దిగ్గజం ఫ్లిప్‌కార్ట్‌ రానున్న దీపావళి సందర్భంగా  బిగ్‌ సేల్‌ ప్రకటించింది. ఈ సందర్బంగా 30వేల లోపు స్మార్ట్‌ఫోన్లపై డిస్కౌంట్స్‌ అందిస్తోంది.  ఫ్లిప్‌కార్ట్‌ సాధారణ యూజర్లకు  సంబంధించిన ఈ సేల్‌ అ‍క్టోబర్‌ 16 వరకు కొనసాగుతుంది.  ముఖ్యంగా నథింగ్, గూగుల్, శాంసంగ్‌, రియల్‌ మీ, పోకోతో పాటు పలు బ్రాండ్ల స్మార్ట్‌ఫోన్లపై ఫ్లిప్‌కార్ట్‌ ఆఫర్‌ సొంతం చేసుకోవచ్చు. దీంతోపాటు  ఎస్‌బీఐ కార్డుకొనుగోళ్లపై అదనపు తగ్గింపు కూడా లభ్యం.  (Maiden Pharma వివాదాస్పద మైడెన్‌కు భారీ షాక్‌: అక్టోబరు 14 వరకు గడువు) ముఖ్యంగా ఆపిల్‌ ఐఫోన్‌ 13పై కళ్లు చెదిరే అఫర్‌ అందుబాటులో ఉంటుంది. ఫ్లిప్‌కార్ట్ అధికారిక వెబ్‌సైట్‌లో ఆపిల్‌ ఐఫోన్‌ 128 జీబీ ధర రూ. 58,900. దీనికి రూ. 2 వేల అదనపు తగ్గింపును పొందవచ్చు. అలాగే రూ.16,900 ఎక్స్చేంజ్ ఆఫర్‌ కూడా ఉంది.  ఈ డిస్కౌంట్ల తరువాత  ఐఫోన్ 13ని దాదాపు రూ. 45,000కి  సొంతం చేసుకోవచ్చన్న మాట. రెండు నెలల క్రితం మార్కెట్‌లోకి వచ్చిన నథింగ్‌ ఫోన్ (1)  ఫ్లిప్‌కార్ట్‌ దీపావళి సేల్‌లో  దాదాపు రూ. 27,000కి అందుబాటులో ఉంది. దీనికి ఎస్‌బీఐ ఆఫర్ కూడా అందిస్తోంది. శాంసంగ్ గెలాక్సీ జడ్ ఫ్లిప్ 3  స్మార్ట్‌ ఫోన్ ఫ్లాట్ తగ్గింపు తర్వాత రూ.59,999కి అందుబాటులో ఉంది. ఇంకా గూగుల్‌ పిక్స్‌ల్ 6ఏ ఫోను రూ. 27,999కి అందుబాటులో ఉంది. వీటి  కొనుగోళ్లపై  అదనంగా ఎస్‌బీఐ  10 శాతం తక్షణ తగ్గింపును  కూడా పొందవచ్చు. గృహోపకరణాలపై 75 శాతం, టీవీలపై కూడా ఆఫర్‌ ఫ్లిప్‌కార్ట్ దీపావళి సేల్టీ సందర్భంగా టీవీలు, ఆడియో ఉత్పత్తులపై తగ్గింపులను కూడా అందిస్తుంది. గృహోపకరణాలపై 75 శాతం వరకు తగ్గింపు ఉంటుందని కంపెనీ తెలిపింది. వినియోగదారులు రూ. 17,249కే  4కె టీవీలను కొనుగోలు చేయవచ్చు.  అలాగే సాధారణ హెచ్‌డీ స్మార్ట్ టీవీలపై భారీ తగ్గింపు  అందుబాటులో ఉంది.  

యాపిల్ ఐఫోన్ ల‌వర్స్‌కు బంపరాఫ‌ర్‌. దేశంలో ద‌స‌రా ఫెస్టివ‌ల్ సంద‌ర్భంగా ప్ర‌ముఖ ఈ కామ‌ర్స్ సంస్థ ఫ్లిప్ కార్ట్‌, అమెజాన్‌లు ప్ర‌త్యేక సేల్ ను నిర్వ‌హించ‌నున్నాయి. సెప్టెంబ‌ర్ 23 నుంచి సెప్టెంబ‌ర్ 30వ‌ర‌కు నిర్వ‌హించ‌నున్న సేల్‌లో ల్యాప్ ట్యాప్స్‌, స్మార్ట్ వాచ్‌, స్మార్ట్ ఫోన్‌ల‌పై భారీ డిస్కౌంట్లు ప్ర‌క‌టించాయి. యాపిల్ లేటెస్ట్‌గా విడుద‌ల చేసిన ఐఫోన్‌ల‌ను సైతం డిస్కౌంట్‌కే అందిస్తున్నట్లు ఫ్లిప్‌ కార్ట్‌ తెలిపింది.  ప్రస్తుతం ఐఫోన్‌ 13 సిరీస్‌ ఫోన్‌ ధరల్ని ఫ్లిప్‌కార్ట్‌ తన సైట్‌లో లిస్ట్‌ చేసింది. లిస్టింగ్‌ చేసిన ధరల ప్రకారం.. ఐఫోన్‌ 13 ప్రారంభ ధర రూ.69,900, ఐఫోన్‌ 13 ప్రో ప్రారంభ ధర రూ.1,19,900, ఐఫోన్‌ 13 ప్రో మ్యాక్స్‌ ప్రారంభ ధర రూ.1,26,000గా ఉంది. ఫ్లిప్‌ కార్ట్‌ బిగ్‌ బిలియన్‌ డేస్‌ సేల్‌లో తగ్గించనుంది. ప్రస్తుతం ఆ ధరలు ఇలా ఉన్నాయంటూ ఫ్లిప్‌ కార్ట్‌తో పాటు పలు టెక్‌ బ్లాగ్‌లు కథనాల్ని ప్రచురించాయి. ఆ వివరాల ప్రకారం..    యాపిల్‌ ఐఫోన్‌ ధరలు ఫ్లిప్‌ కార్ట్‌ బిగ్‌ బిలియన్‌ డేస్‌ 2022 సేల్‌లో ఐఫోన్‌ 13ప్రో ప్రారంభ ధర రూ.89,900, ఐఫోన్‌ 13ప్రో మ్యాక్స్‌ ధర రూ.99,990గా ఉంది. అయితే  ఐఫోన్‌ 13 ధర రూ.49,990 కంటే తక్కువ ధరకే లభించనుంది.  ఐఫోన్‌ 12 సిరీస్‌  ఫ్లిప్‌ కార్ట్‌ బిగ్‌ బిలియన్‌ డేస్‌ 2022 సేల్‌లో ఐఫోన్‌ 12 మిని రూ.39,990 అంతకంటే తక్కువగా ఐఫోన్‌ 11 ధర రూ.29,990 కంటే తక్కువ ధరకే సొంతం చేసుకోవచ్చు. ఈ తగ్గింపు ధరలతో పాటు ఇతర ఐఫోన్‌ సిరీస్‌ల కొనుగోళ్లపై డిస్కౌంట్స్‌, ఆఫర్స్‌ అందించనుంది. కాగా, ప్రస్తుతం ఫ్లిప్‌ కార్ట్‌ లో ఐఫోన్‌ 12 మిని ప్రారంభ ధర రూ.55,359 ఉండగా, ఐఫోన్‌ 11 ప్రారంభం ధర రూ.43,990గా ఉంది. వీటి ధర సెప్టెంబర్‌ 23నుంచి భారీగా తగ్గనున్నాయి.  ఎప్పుడు విడుదలయ్యాయంటే? ఫ్లిప్‌ కార్ట్‌ ప్రత్యేక సేల్‌లో డిస్కౌంట్‌ ధరలకే లభ్యమయ్యే ఐఫోన్‌  13, ఐఫోన్‌ 13 ప్రో, ఐఫోన్‌ 13 ప్రో మ్యాక్స్‌ గతేడాది అక్టోబర్‌ నెలలో యాపిల్‌ సంస్థ విడుదల చేసింది. అమెరికా క్యాలిఫోర్నియా యాపిల్‌ ప్రధాన కార్యాలయం క్యూపర్టినో వేదికగా క్యాలిఫోర్నియా స్ట్రీమింగ్‌ పేరుతో ఈవెంట్‌ను నిర్వహించింది. ఆ ఈవెంట్‌లో ఐఫోన్‌ 13 సిరీస్‌ ఫోన్‌ విడుదలైంది. అక్టోబర్‌ 2020లో ఐఫోన్‌ 12 మినీ, సెప్టెంబర్‌ 2019లో ఐఫోన్‌ 11 సిరీస్‌ ఫోన్‌లను యాపిల్‌ మార్కెట్‌కు పరిచయం చేసింది.  చదవండి👉 దుమ్మురేపుతున్న ఫీచర్లు, ఐఫోన్‌ 14  సిరీస్‌ విడుదల!

ఐఫోన్ ప్రియులకు అదిరిపోయే శుభవార్త. ఎప్పుడెప్పుడా అని ఆసక్తిగా ఎదురుచూస్తున్న ఐఫోన్ 14సిరీస్ ను యాపిల్ విడుద‌ల చేసింది. భారత కాలమానం ప్రకారం..బుధవారం రాత్రి 10.30 గంటలకు 'యాపిల్ ఫార్ అవుట్ 2022 ఈవెంట్' జ‌రిగింది. ఈ ఈవెంట్‌లో సీఈవో టిమ్ కుక్ ఐఫోన్ 14 సిరీస్ ఫోన్‌ల‌ను విడుద‌ల చేశారు. వాటిలోని ఐఫోన్ 14 (Iphone 14), ఐఫోన్ 14 ప్లస్‌ (Iphone 14 Plus) ఫోన్ ధ‌ర‌ల‌తో పాటు.. ఈ-సిమ్స్‌,శాటిలైట్ క‌నెక్టివిటీ,యానిమేష‌న్ రూపంలో నోటిఫికేష‌న్ వంటి  ఫీచ‌ర్లు, ధ‌ర‌లు ఎలా ఉన్నాయో తెలుసుకుందాం   అదిరిపోయేలా ఐఫోన్ 14 ఫీచ‌ర్లు.. ఐఫోన్ 14, ఐఫోన్ 14 ప్ల‌స్  మిడ్ నైట్ స్టార్‌లైట్‌, ప‌ర్పుల్‌, రెడ్ వంటి ఐయిదు వేరియంట్‌ క‌ల్స‌ర్‌లో ల‌భ్యం కానుంది. ఈ ఫోన్‌ల‌లో  ఏ15 బయోనిక్ చిప్, 6-కోర్ సీపీయూతో రెండు హై ఫ‌ర్మామెన్స్‌తో నాలుగు ఎఫెషెన్స్ కోర్లు, ఒక న్యూరల్ ఇంజిన్ ఉంది. ఐఫోన్ 14 లార్జ‌ర్ సెన్సార్ల‌తో 12ఎంపీ మెయిన్ కెమెరా, 1.9 మైక్రాన్ పిక్సెల్స్‌, F1.5 ఎప‌ర్చ్యూర్ (కెమెరా హోల్‌) OISతో వస్తుంది. ఓన్లీ ఈ-సిమ్స్‌ యాపిల్ ఐఫోన్ 14 సిరీస్ ఫోన్‌ల‌లో eSIMని పరిచయం చేసింది. త‌ద్వారా ఎక్కువ సంఖ్య‌లో eSIMలను స్టోర్ చేసుకోవ‌డానికి, సుర‌క్షితంగా ఉంచుకోవ‌చ్చు. ప్ర‌స్తుతానికి ఒక్క యూఎస్ ఐఫోన్ 14 సిరీస్‌లో మాత్ర‌మే ఈ ఈ-సిమ్ సౌక‌ర్యం ఉంది. ఎందుకంటే ఆ మోడ‌ళ్ల‌లో ఫిజిక‌ల్ సిమ్ కార్డ్ పెట్టుకునే సిమ్ ట్రేస్‌లు లేవు శాటిలైట్ క‌నెక్టివిటీ  యాపిల్ తన ఐఫోన్‌లో మొదటిసారి శాటిలైట్ కనెక్టివిటీని పరిచయం చేసింది. ఇప్పుడు, ఐఫోన్ 14 వినియోగదారులు ప్రాణ పాయ స్థితిలో ఉన్నా, లేదంటే ఎక్కడైనా చిక్కుకున్నా అత్యవసర పరిస్థితుల్లో కూడా ఈ శాటిలైట్ కనెక్టివిటీ సాయంతో ఫోన్‌ను కనెక్ట్ చేసుకోవ‌చ్చు.  గేమ్ ఛేంజ్ టెక్నాలజీని కమ్యూనికేషన్ ప్రవేశపెట్టడానికి తమకు సంవత్సరాలు పట్టిందని యాపిల్ తెలిపింది. యానిమేషన్ రూపంలోఐఫోన్ 14లో   ఐఫోన్ 14 చిన్న పిల్ ఆకారపు నాచ్‌తో కొత్త ఫ్రంట్ డిజైన్‌ను కలిగి ఉంది. డిస్ ప్లే వెనుక భాగంలో ప్రాక్సిమిటీ సెన్సార్, నోటిఫికేషన్‌లు యానిమేషన్ రూపంలో పాప్ అవుట్ అవుతాయి.   యాపిల్ ఐఫోన్ 14, ఐఫోన్ 14 ప్ల‌స్ ధ‌ర‌లు   ఐఫోన్ 14 ప్రారంభ ధర 799 డాల‌ర్లు (సుమారు రూ. 79,900) ఉండ‌గా, ఐఫోన్ 14 ప్లస్ ప్రారంభ ధర 899 డాల‌ర్లు (సుమారు రూ.89,900)గా ఉంది. ఈఫోన్‌ల ప్రీ-ఆర్డర్‌లు సెప్టెంబర్ 9 నుండి ప్రారంభమవుతాయి. ఐఫోన్  14 సెప్టెంబర్ 16న, ఐఫోన్ 14 ప్లస్ అక్టోబర్ 7 నుండి అందుబాటులో ఉంటుంది. న‌వంబ‌ర్ నాటికి ఈ ఫోన్‌లు అమెరికా, కెన‌డా కొనుగోలు దారుల‌కు అంద‌నున్నాయి. (ఫొటో గ్యాలరీ కోసం ఇక్కడ క్లిక్ చేయండి)

ఐఫోన్‌ ప్రియులకు శుభవార్త. త్వరలో విడుదల కానున్న ఐఫోన్‌ 14 సిరీస్‌ ఫోన్‌ ధరల్ని ఐఫోన్‌ 13 ధరలకే యాపిల్‌ అందించనున్నట్లు తెలుస్తోంది. దీంతో ఐఫోన్ 14 మోడల్ ప్రారంభ ధర దాదాపు రూ. 80,000 ఉండవచ్చంటూ ఓ నివేదిక వెలుగులోకి వచ్చింది.  కొరియన్ టెక్‌ బ్లాగ్ Naverలో పెరిగిపోతున్న ద్రవ్యోల్బణం, పరిమిత సంఖ్యలో సప్లయ్‌ చైన్‌ సమస్యలు ఇతర కారణాల్ని పరిగణలోకి తీసుకున్న యాపిల్‌ సీఈవో టిమ్‌ కుక్‌ ఈ కీలక నిర్ణయం తీసుకున్నట్లు తెలుస్తోంది. కస్టమర్లను ఆకర్షించేందుకు యాపిల్‌ 14 ధరల్ని పెంచే యోచన లేదని టెక్‌ బ్లాగ్‌ పేర్కొంది. అయితే స‍్తబ్ధుగా స్మార్ట్‌ఫోన్ మార్కెట్‌, డిమాండ్‌ తగ్గుదల కారణంగా యాపిల్‌ టాప్ ఎగ్జిక్యూటివ్‌లు ఈ నిర్ణయం తీసుకున్నారని మార్కెట్‌ నిపుణులు అభిప్రాయం వ్యక్తం చేస్తున్నారు.   అదే జరిగితే యుఎస్‌లో  ఐఫోన్14 ధర 799 డాలర్లు ఉండగా.. మనదేశంలో ఆ ఫోన్‌ ధర రూ. 63,200కే లభ్యం కానుంది. జీఎస్టీ, దిగుమతి సుంకం,ఇతర  ఛార్జీల్ని కలుపుకొని ఈ ఫోన్‌ ధర పెరిగే అవకాశం ఉండనుంది. కానీ, గతేడాది యూఎస్‌ మార్కెట్‌లో ఐఫోన్‌ 13 ఫోన్‌ సిరీస్‌కు సమానంగా భారత్‌ మార్కెట్‌లో అదే సిరీస్‌ ఫోన్‌ లభ్యమయ్యాయని.. కాబట్టి భారత్‌లో సైతం ఐఫోన్‌ 14 సిరీస్‌ ఫోన్‌ ధరలు పెరిగే అవకాశం లేదని తెలుస్తోంది.

యాపిల్‌ ఐఫోన్‌ లవర్స్‌కు శుభవార్త. యాపిల్‌ ఐఫోన్‌ అభిమానులు ఎప్పుడెప్పుడా అని ఎదురు చూస్తున్న ఐఫోన్‌ 14 సిరీస్‌ ఫోన్‌లు సెప్టెంబర్‌ 13న విడుదల కానున్నట్లు టెక్‌ వర్గాలు చెబుతున్నాయి. ఈ తరుణంలో ఐఫోన్‌ 14 ప్రాసెసర్‌ గురించి ఓ ఆసక్తికర విషయం వెలుగులోకి వచ్చింది.  గతేడాది సెప్టెంబర్‌ 24 వరకు విడుదలైన ఐఫోన్‌ 13 సిరీస్‌ ఫోన్‌ల వరకు ఏ15 ప్రాసెసర్‌ ఉండేది. అయితే మరికొన్ని నెలల్లో మార్కెట్‌కు పరిచయం కానున్న ఐఫోన్‌ 14 సిరీస్‌ ఫోన్‌లైన ఐఫోన్‌ 14, ఐఫోన్‌ 14 మ్యాక్స్‌,ఐఫోన్‌ 14 ప్రో, ఐఫోన్‌ 14 ప్రో మ్యాక్స్‌లలో ఏ15కు అడ్వాన్స్‌ వెర్షన్‌గా ఏ16 ప్రాసెసర్‌ ఉంటుందని పలు నివేదికలు వెలుగులోకి వచ్చాయి. కానీ గేమింగ్‌ ఫర్మామెన్స్‌ కోసం యాపిల్‌ సంస్థ ఐఫోన్‌ 14 ప్రో ఫోన్‌లలో మాత్రమే  ఈ ఏ16 ప్రాసెసర్‌ ను వినియోగించినట్లు సమాచారం.  ఏ16 బయోనిక్‌ ప్రాసెసర్‌ ప్రత్యేకతలివే మ్యాక్‌ వరల్డ్‌ నివేదిక ప్రకారం..ఏ 16 బయోనిక్‌ ప్రాసెసర్‌ చాలా ప్రత్యేకమైందని తెలుస్తుంది. టీఎస్‌ఎంసీ 5ఎన్‌ఎంతో ఈ అడ్వాన్స్‌ వెర్షన్‌ ప్రాసెసర్‌ను తయారు చేశారు. 18 బిలియన్ నుండి 20 బిలియన్ ట్రాన్సిస్టర్‌లతో (A15లో 15.8 బిలియన్ల నుండి పెరిగింది) రానుంది.   ఐఫోన్‌ 14 స్పెసిపికేషన్‌  ఐఫోన్‌14 ఫోన్‌ 6.1 అంగుళాల డిస్‌ప్లే . వీడియోలు చూసేందుకు, గేమ్స్‌ ఆడేందుకు 1170*2532 పిక్సెల్స్‌ రెజెల్యూషన్‌, 4జీబీ ర్యామ్‌ ప్లస్‌ 64జీబీ ఇంటర్నల్‌ స్టోరేజ్ సౌకర్యం ఉంది. ఇక డ్యూయల్‌ సెటప్‌ రేర్‌ కెమెరా ఉంది. ఫోన్‌తో అద్భుతమైన ఫోటోల్ని తీసేందుకు 12ఎంపీ ప్లస్‌ 12ఎంపీ కెమెరాలు,సెల్ఫీలు దిగేందుకు, వీడియో కాల్స్‌ చేసుకునేందుకు ఫోన్‌ ముందు భాగంలో 12ఎంపీ ప్లస్‌ ఎస్‌ఎల్‌ 3డీ కెమెరాతో రానుంది. ఐఓఎస్‌ వీ 15 ఆపరేటింగ్‌ సిస్టం, 3115 ఎంఏహెచ్ బ్యాటరీతో వస్తుంది. దీంతో పాలు పలు రకాలైన కనెక్టివిటీ ఆప్షన్‌ ఉన్నాయి. ముఖ్యంగా వైఫై,మొబైల్‌ హాట్‌ స్పాట్‌, బ్లూటూత్‌, 5జీ నెట్‌ వర్క్‌కు  సపోర్ట్‌ చేస‍్తుండగా..ఐఫోన్‌ 14 సిరీస్‌ ఫోన్‌ ప్రారంభ ధర రూ. 64వేల నుంచి రూ.71,500వరకు ఉండనున్నట్లు అంచనా.

ఐఫోన్‌-13ను కొనుగోలు చేయాలని అనుకుంటున్నారా? అయితే మీకో బంపరాఫర్‌. అమెరికాలోని టెలికమ్యునికేషన్స్‌ హోల్డింగ్‌ కంపెనీ ఏటీ అండ్‌టీ ఐఫోన్-13పై భారీ ఆఫర్ అందిస్తోంది. నెలకు కేవలం 2.78 డాలర్ల ఈఎంఐతో ఐఫోన్‌ను సొంతం చేసుకోవచ్చు.  గతేడాది సెప్టెంబర్‌లో ఆపిల్‌ సంస్థ ఐఫోన్‌-13 సిరీస్‌ స్మార్ట్‌ఫోన్‌లను విడుదల చేసింది. ప్రస్తుతం ఆ ఫోన్‌ అమ్మకాలు నిర్విరామంగా కొనసాగుతుండగా.. అమెరికాకు చెందిన ఏటీ అండ్‌ టీ సంస్థ 128జీబీ ఐఫోన్‌-13 వేరియంట్ ఫోన్‌లపై ఆఫర్‌ను అందిస్తుంది.  ఐఫోన్‌-13 స్పెసిఫికేషన్‌లు  ♦ట్రిపుల్‌ కెమెరా విత్‌ లేజర్‌ సెన్సార్‌, ఎల్‌ఈడీ ఫ్లాష్‌ ♦లైడార్‌ సెన్సార్‌ ♦5 జీ కనెక్టవిటీ సపోర్ట్‌ ♦వైర్‌లెస్‌ ఛార్జింగ్‌ సపోర్ట్‌ ♦పవర్‌ ఎఫిసియంట్‌ ఎల్‌టీవో డిస్‌ప్లే ♦ఏ15 బయోనిక్‌ చిప్‌సెట్‌ అండ్‌ అల్వేస్‌ ఆన్‌ డిస్‌ప్లే ♦ఐఫోన్ 13 మినీ- 2,406 ఎంఏహెచ్ బ్యాటరీ ♦ఐఫోన్ 13,  ఐఫోన్ 13 ప్రో-3,095 ఎంఏహెచ్ బ్యాటరీ ♦ఐఫోన్ 13 ప్రో మాక్స్ -4352 ఎంఏహెచ్ బ్యాటరీ

స్మార్ట్‌ ఫోన్‌ కొనుగోలు చేయాలని అనుకుంటున్నారా?అయితే మీకో శుభవార్త. ప్రముఖ ఈకామర్స్‌ దిగ్గజం అమెజాన్‌ ఐఫోన్‌13పై బంపరాఫర్‌ ప్రకటించింది. అమెజాన్‌ అందిస్తున్న స్టన్నింగ్‌ డీల్‌లో కొనుగోలు దారులు భారీ డిస్కౌంట్లు, ఎక్ఛేంజ్‌ ఆఫర్‌లో తక్కువ ధరకే ఐఫోన్‌ 13ను సొంతం చేసుకోవచ్చు. ఈ ఏడాది జూన్‌(అంచనా మాత్రమే)లో టెక్‌ దిగ్గజం యాపిల్‌ సంస్థ వరల్డ్‌ వైడ్‌ డెవలపర్స్‌ కాన్ఫిరెన్స్‌(డబ్ల్యూ డబ్ల్యూ డీసీ) నిర్వహించనుంది. ఈ ఈవెంట్‌లో యాపిల్‌ ఐఫోన్‌14ను విడుదల చేయనుంది. ఈ నేపథ్యంలో అమెజాన్‌ ఐఫోన్‌ 13లపై డిస్కౌంట్‌లు ప్రకటించింది. రూ.28,550 డిస్కౌంట్‌తో 128జీబీ ర్యామ్‌తో ఐఫోన్‌ 13ను కేవలం రూ.51,350కే అందిస్తుంది.   అమెజాన్‌లో ఐఫోన్‌ 13ధర తగ్గింపు  ఒరిజనల్‌గా 128జీబీ యాపిల్‌ ఐఫోన్‌ 13ఫోన్‌ ధర రూ.79,900 ఉండగా ఈ ఫోన్‌ అమెజాన్‌ రూ.51,350కే అందిస్తుంది. ముందుగా ఈ ఫోన్‌ కొనుగోలు దారులు రూ.10వేల ఫ్లాట్‌ డిస్కౌంట్‌తో ఆ ఫోన్‌ ధర రూ.69,990కి తగ్గుతుంది. దీంతో ఎక్ఛేంజ్‌ ఆఫర్‌ కింద మరో రూ.18,550 తగ్గగా.. ఆఫోన్‌ అసలు ధర కంటే రూ.28,550 తగ్గి రూ.51,350కే వస్తుంది.        ఐఫోన్‌ 13 ఫీచర్లు యాపిల్‌ ఐఫోన్‌ 60హెచ్‌జెడ్‌ రిఫ్రెష్‌ రేట్‌తో 6.1 అంగుళాల రెటీనా డిస్‌ప్లే,ఏ15 బయోనిక్‌ చిప్‌ సెట్‌, యాపిల్‌కు చెందిన గ్రాఫిక్స్‌ ప్రాసెసింగ్‌ యూనిట్‌(జీపీయూ), డ్యూయల్‌ రేర్‌ కెమెరా సెటప్‌ విత్‌ 12ఎంపీ ప్రైమరీ లెన్స్‌, ఫ్రంట్‌ సైడ్‌ 12 ఎంపీ ఆల్ట్రా వైడ్‌ లెన్స్‌, రెటీనా ఫ్లాష్‌తో 12ఎంపీ సెల్ఫీ కెమెరా,128జీబీ స్టోరేజ్‌ ఫీచర్లు ఉన్నాయి. చదవండి👉 భారత్‌లో ఐఫోన్‌ అమ్మకాలు అదరగొట్టేస‍్తున్నాయ్‌, రూ.10వేల కోట్లకు యాపిల్‌ ఎగుమతులు!

ప్రముఖ రిటైల్ చైన్ స్టోర్ దిగ్గజం విజయ్ సేల్స్ యాపిల్ ఉత్పత్తులపై భారీ తగ్గింపును ప్రకటించింది.ఈ తగ్గింపులు యాపిల్ డేస్ సేల్‌లో భాగంగా కొనుగోలుదారులకు ఆయా యాపిల్  ఉత్పత్తులపై భారీ తగ్గింపు అందుబాటులో ఉంది. ఈ సేల్ ఏప్రిల్ 15 నుంచి మొదలవ్వగా.. ఏప్రిల్ 21 వరకు ఈ సేల్ కొనసాగనుంది. ఈ సేల్ లో భాగంగా iPhone SE (2022), iPhone 13, iPhone 13 Pro, iPhone 13 Pro Max, iPhone 11, iPhone 12 స్మార్ట్ ఫోన్ కొనుగోళ్లపై డిస్కౌంట్, ఇతర ఆఫర్లు అందుబాటులో ఉన్నాయి. అంతేకాకుండా  HDFC బ్యాంక్ కార్డ్ హోల్డర్లు కూడా రూ.  10,000 క్యాష్‌బ్యాక్ ను పొందవచ్చును. ఈ ఆఫర్లు అన్ని విజయ్ సేల్స్ రిటైల్ స్టోర్స్, ఆన్ లైన్ వెబ్ సైట్ లో అందుబాటులో ఉన్నాయి. iPhone 13 ని రూ. 58,900. కొనుగోలు చేయవచ్చు. దీని అసలు ధర  రూ.  79,900, ఈ స్మార్ట్ ఫోన్ కొనుగోలుపై సుమారు రూ.  21,000 వరకు తగ్గింపును పొందవచ్చును. iPhone 13 Pro ధర  రూ.  1,12,300 కు లభించనుంది iPhone 13 Pro Max రూ. 1,22,000 కే రానుంది ఐఫోన్ 11  రూ.44,490  నుంచి ప్రారంభం కానుంది iPhone 12 రూ. 53,900 కు అందుబాటులో ఉండనుంది.

ఐఫోన్‌ కొనడం కొందరికి అందని ద్రాక్షనే. ఎందుకంటే ఆ ఫోన్‌ ఖరీదు ఎక్కువ. కాకపోతే ఇతర ఫోన్‌లతో పోలిస్తే లుకింగ్‌తో పాటు, టెక్నాలజీ పరంగా ఐఫోన్‌లు చాలా అడ్వాన్స్‌గా ఉంటాయి. అందుకే ఖరీదైనా సరే ఆ ఫోన్‌లను కొనుగోలు చేసేందుకు యూజర్లు మొగ్గు చూపుతుంటారు. ఈ నేపథ్యంలో యాపిల్‌ సంస్థకు చెందిన ఐఫోన్‌13 పై అదిరిపోయే ఆఫర్‌ అందుబాటులోకి వచ్చింది.   అమెరికాకు చెందిన వైర్‌లెస్‌ నెట్‌ వర్క్‌ ఆపరేటర్‌ (జియో టైప్‌) వెరిజోన్‌ ఈ ఆఫర్‌ను అందుబాటులోకి తెచ్చింది.నెలకు ఈఎంఐ రూ.760 చెల్లించి సొంతం చేసుకోవచ్చు. యాపిల్‌కు చెందిన ఫ్లాగ్‌ షిప్‌ స్మార్ట్‌ఫోన్‌ ఐఫోన్‌-13 వరల్డ్‌ వైడ్‌గా హాట్‌ కేకుల్లా అమ్ముడవతున్న ఫోన్‌. తాజాగా ఈ ఫోన్‌లో యాపిల్‌ సంస్థ ఏ15 బయోనిక్‌ చిప్‌, గ్రీన్‌ గ్రీన్ ఫినిషెస్ తో డిజైన్‌ చేసిన ఐఫోన్‌ను లాంచ్‌ చేసింది. అయితే ఇప్పుడు ఆ ఫోన్‌ను వెరిజోన్‌ సంస్థ నెలకు 10డాలర్లు (భారత్‌ కరెన్సీలో రూ.760) చెల్లించి ఫోన్‌ను సొంతం చేసుకోవచ్చు. ఈ ఆఫర్‌ అమెరికాతో పాటు మరికొన్ని దేశాల్లో అందుబాటులోకి తెచ్చేందుకు ప్రయత్నిస్తున్నామని ఆ సంస్థ ప్రతినిధులు వెల్లడించారు.   నెలకు 10 డాలర్లు, 36 నెలలు  వెరిజోన్‌ సంస్థ ప్రస్తుతం అమెరికాలో మాత్రమే అందుబాటులో ఉంది. అమెరికన్‌లు నెలకు 10 డాలర్లను సుమారు 36నెలలు చెల్లించాల్సి ఉంటుంది. అంటే ఆ ఫోన్‌ ధర ప్రస్తుత మార్కెట్‌లో 699డాలర్లు (భారత్‌ కరెన్సీలో రూ.53,355.79) ఉండగా, ఈ ఆఫర్‌ దక్కించుకున్న యూజర్లకు 360 డాలర్లు  (భారత్‌ కరెన్సీలో రూ.27,479.38) కే పొందవచ్చు. చదవండి: 'డాక్టర్ బాబు' నీ సేవలకు సలాం.. ఐఫోన్‌13తో కళ్లకు ట్రీట్మెంట్‌  

అమెరికాకు చెందిన టెక్ కంపెనీ యాపిల్ తన తాజా మోడల్ 'ఐఫోన్ 13' తయారీని భారత్‌లో ప్రారంభించింది. కేంద్ర ప్రభుత్వం తీసుకొచ్చిన మేక్‌ ఇన్‌ ఇండియా చొరవ మేరకు ఐఫోన్‌-13 స్మార్ట్‌ఫోన్లను తయారుచేయాలని యాపిల్‌ నిర్ణయం తీసుకుంది. సరికొత్త యాడ్-ఆన్ ఐఫోన్ 13 స్మార్ట్‌ఫోన్స్‌ చెన్నై సమీపంలోని శ్రీపెరంబుదూర్‌లోని ఫాక్స్‌కాన్ ప్లాంట్‌లో ఉత్పత్తి కానుంది.  కొద్ది రోజుల క్రితమే ఐఫోన్‌-12ను భారత్‌లోనే ఉత్పత్తి చేస్తున్నట్లు యాపిల్‌ ప్రకటించింది. ఇప్పుడు వీటితో పాటుగా యాపిల్‌ పోర్ట్‌ఫోలియోలోని ఐఫోన్‌ సిరీస్‌ స్మార్ట్‌ఫోన్లను తయారుచేయాలని యాపిల్‌ సన్నద్ధమైంది. ఐఫోన్ 13ను భారత్‌లో తయారు చేస్తోన్నందుకు సంతోషంగా ఉన్నామని యాపిల్‌ ఒక ప్రకటనలో పేర్కొంది. స్థానిక కస్టమర్స్‌ కోసం అందమైన డిజైన్, అద్భుతమైన ఫోటోలు, వీడియోల కోసం అధునాతన కెమెరా సిస్టమ్‌లు,  A15 బయోనిక్ చిప్‌తో ఐఫోన్‌-13 తయారు చేస్తామని యాపిల్‌ పేర్కొంది. కాగా ఐఫోన్‌-13 సరికొత్త మోడల్‌  భారత్‌లోనే ఉత్పత్తి అవ్వడం విశేషం. గణనీయమైన వృద్ధి..! గత రెండు సంవత్సరాలలో యాపిల్‌ స్మార్ట్‌ఫోన్స్‌కు భారత్‌లో భారీ  డిమాండ్‌ నెలకొంది. భారత్‌లో ముఖ్యంగా మార్కెట్ ధరల కంటే తక్కువ ధరకు ఉత్పత్తులను అందించే ఆన్‌లైన్, ఆఫ్‌లైన్ మార్కెట్స్‌లో ఐఫోన్‌ అమ్మకాలు భారీగా అమ్ముడయ్యాయి. ఇక భారత్‌లో యాపిల్‌ ఐఫోన్‌-13 స్మార్ట్‌ఫోన్‌ ఉత్పత్తి అవ్వడంతో  ఈ ఫోన్‌ ధర తగ్గే అవకాశం ఉందని నిపుణులు భావిస్తున్నారు. రాబోయే రోజుల్లో ఐఫోన్‌-13 ధరల్లో కొన్ని మార్పులు ఉండే అవకాశం ఉన్నట్లు తెలుస్తోంది. కాగా యాపిల్‌ తన స్మార్ట్‌ఫోన్ల అసెంబ్లీను చైనాలో, సాఫ్ట్‌వేర్‌ తదితర టెక్నాలజీ ఫీచర్స్‌ను కాలిఫోర్నియాలో తయారుచేస్తుంది.  చదవండి: హెచ్చరిక..! మీ స్మార్ట్‌ఫోన్‌ నుంచి ఈ యాప్స్‌ను వెంటనే డిలీట్‌ చేయండి..లేకపోతే..!

అమెజాన్‌, ఫ్లిప్‌కార్ట్‌ వంటి ఈ కామర్స్‌ సంస్థలు యాపిల్‌ ఉత్పత్తులపై భారీ తగ్గింపును, ఎక్సేఛేంజ్‌ ఆఫర్‌ను అందిస్తున్నాయి. ఈ-కామర్స్‌ సంస్థలకు ధీటుగా ప్రముఖ కన్సూమర్‌ ఎలక్ట్రానిక్స్‌ రిటైల్‌చైన్‌ సంస్థ క్రోమా ఐఫోన్‌ 13పై భారీ తగ్గింపును అందిస్తోంది.  అతి తక్కువ ధరకే ఐఫోన్‌ -13ను అందించేందుకుగాను క్రోమా పలు బ్యాంకులతో ఒప్పందాన్ని కుదుర్చుకుంది. ఐసీఐసీఐ, కోటక్‌, స్టేట్‌ బ్యాంక్‌ ఆఫ్‌ ఇండియా బ్యాంకుల క్రెడిట్‌ కార్డుతో కొనుగోలుచేస్తే రూ. 6000 తక్షణ తగ్గింపును అందిస్తోంది. అంతేకాకుండా  అదనంగా మీరు పాత ఫోన్‌ ఎక్సేఛేంజ్‌ చేస్తే కూడా దానిపై కొంత తగ్గింపును క్రోమా ఇస్తుంది. ఐఫోన్‌ 12, ఐఫోన్‌ 11పై భారీ ఎక్సేఛేంజ్‌ ఆఫర్‌ లభిస్తోంది.  క్రోమా ఐఫోన్ 13ని రూ.73,990 ప్రారంభ ధరకు విక్రయిస్తోంది. ఆయా బ్యాంకుల క్రెడిట్‌ కార్డులతో కొనుగోలు చేస్తే iPhone 13 128GB స్టోరేజ్ మోడల్‌ను రూ. 67,990కి పొందగలరు. అదనంగా, పాత ఐఫోన్‌ను ఎక్సేఛేంజ్‌ చేస్తే...ఐఫోన్ 13 ధర మరింత తగ్గనుంది. iPhone 12 128GB స్టోరేజ్ మోడల్‌పై ఎక్సేఛేంజ్‌ ఆఫర్‌  కింద దాదాపు రూ. 24,500 అందిస్తోంది. దీంతో iPhone 13 ధరను దాదాపు రూ. 43,500కు తగ్గనుంది.  చదవండి: ఇప్పుడు గ్యాస్‌ సిలిండర్‌ వంతు..భారీగా పెరిగిన ధరలు...! కొత్త ధరలు ఇవే..

ప్రముఖ దిగ్గజ సంస్థ యాపిల్‌ భారత్‌ టెక్‌ మార్కెట్‌లో సత్తా చాటుతోంది. దేశంలో యాపిల్‌ ఐఫోన్‌ వినియోగదారుల సంఖ్య రోజురోజుకీ పెరిగిపోవడంతో, ఆఫోన్‌ల అమ్మకాలు అదరగొట్టేస్తున్నాయి. దీంతో దేశీయంగా యాపిల్‌ ప్రొడక్ట్‌లకు డిమాండ్‌ పెరిగింది. అందుకే ఇక్కడ తయారు చేస్తున్న ఆ సంస్థ ఉత్పత్తుల ఎగుమతుల విలువ ఫైనాన్షియల్‌ ఇయర్‌ 2022కి రూ.10వేల కోట్లకు చేరనుందని విశ్లేషకులు అంచనా వేస్తున్నారు.      సంవత్సరంలోనే..  కేంద్ర ప్రభుత్వం ఆత్మ నిర్భర్‌ భారత్‌ కార్యక్రమంలో భాగంగా దేశంలో తయారీ పరిశ్రమల్ని ప్రోత్సహించేందుకు ప్రొడక్షన్ లింక్డ్ ఇన్సెంటివ్ (పీఎల్‌ఐ) స్కీమ్‌ను  ప్రవేశ  పెట్టింది. ఈ పథకంలో ఎంపికైన సంస్థలకు ప్రత్యేక రాయితీలు అందిస్తుంది. ఈ నేపథ్యంలో యాపిల్‌ ప్రొడక్ట్‌లను తయారు చేసేందుకు పరిశ‍్రమల్ని స్థాపించేందుకు పీఎల్‌ఐ స్కీమ్‌కు అప్లయి చేసింది. ఇందులో యాపిల్‌ ఐఫోన్‌లను విస్ట్రాన్‌, ఫాక్స్‌కాన్,పెగాట్రాన్ లు ఎంపికయ్యాయి.  విస్ట్రాన్ కర్ణాటకలో ఉండగా, ఫాక్స్‌కాన్ తమిళనాడులో  కర్ణాటకలో విస్ట్రాన్‌ కంపెనీ ఐఫోన్ మోడల్‌లు ఎస్‌ఈ 2020లను తయారు చేస్తుండగా..తమిళనాడులో ఫాక్స్‌కాన్‌ ఐఫోన్‌ 11,ఐఫోన్‌12, ఐఫోన్‌13లను తయారు చేస్తుంది. పెగాట్రాన్ సైతం ఏప్రిల్1 నుంచి దేశీయంగా ఐఫోన్‌ల తయారీ కార్యాకలాపాల్ని ప్రారంభించనుంది. అయితే పీఎల్‌ఐ స్కీమ్‌లో భాగంగా ఉత్పత్తిని ప్రారంభించిన తొలి ఏడాది యాపిల్‌ సంస్థ కేవలం 10నుంచి 15శాతం ఉత్పత్తి చేసింది. అనూహ్యంగా దేశీయ మార్కెట్‌లో ఐఫోన్‌13తో పాటు ఇతర ఐఫోన్‌ సిరీస్‌ ఫోన్‌లతో పాటు ఇతర ప్రొడక్ట్‌ల అమ్మకాలు భారీ ఎత్తున జరిగాయి. దీంతో ఉత్పత్తుల శాతం గణనీయంగా పెరిగి..75 నుంచి 80శాతం ఉత్పత్తి చేసింది.ఈ ఉత్పత్తుల మార్కెట్‌ విలువ 10వేలకోట్లకు చేరిందని విశ్లేషకులు చెబుతున్నారు. చదవండి: చావు బతుకుల్లో నేహ భర్త.. కాపాడినందుకు టిమ్‌ కుక్‌కు థ్యాంక్స్‌!

ప్రముఖ మొబైల్ తయారీ సంస్థ ఆపిల్ తన ఐఫోన్ 13పై భారీ ఆఫర్ ఇస్తున్నట్లు ప్రకటించింది. ఈ ఆఫర్ అమెజాన్ ఈ-కామర్స్ పోర్టల్'లో మాత్రమే లభిస్తుంది. అది కూడా ఐఫోన్ 13 128జీబీ వేరియంట్ మీద మాత్రమే అందుబాటులో ఉంది. మీరు ఎక్స్ఛేంజ్ ఆఫర్, బ్యాంక్ ఒప్పందాలతో ఐఫోన్ 13ను కేవలం రూ.53,550కు కొనుగోలు చేయవచ్చు. ఐఫోన్ 13 అసలు ధర మొదట రూ.79,900 కాగా, అమెజాన్‌లో రూ.74,900కు లభిస్తుంది. అంతే కాదు మీ దగ్గర ఉన్న పాత మొబైల్ ఎక్స్ఛేంజ్ చేస్తే మీకు రూ.15,350 వరకు ధర తగ్గనుంది. దీంతో ఎక్స్ఛేంజ్ ఆఫర్ కింద ఐఫోన్ 13 ధర రూ.59,550కు తగ్గుతుంది. ఇంకా, ఎస్‌బీఐ క్రెడిట్ కార్డు ఉపయోగించి మొబైల్ కొనుగోలు చేససటే మీకు రూ.6,000 డిస్కౌంట్ కూడా లభిస్తుంది. అంటే, ఐఫోన్ 13 128జీబి వేరియంట్ రూ.53,550కు లభించనుంది. ఒకవేళ మీకు ఆసక్తి ఉన్నట్లయితే, ఇప్పుడే మీరు కొనుగోలుచేయవచ్చు. అంతిమంగా మీకు ఈ మొబైల్ మీద రూ.26350(రూ.5000 + రూ.15,350 + రూ.6000 ) వరకు డిస్కౌంట్ లభిస్తుంది. ఐఫోన్‌ 13 డిస్‌ప్లే 6.1 అంగుళాలు, మినీ డిస్‌ప్లే 5.4 అంగుళాలుగా ఉంటుంది. (చదవండి: ఎలోన్ మస్క్, జెఫ్ బెజోస్ దాటేసిన గౌతమ్ అదానీ..!)

Rajasthan Budget 2022: ఈ ఫ్రీ ఐఫోన్‌ ఆఫర్‌ కేవలం అక్కడి ప్రజాప్రతినిధులకు మాత్రమే.. గమనించగలరు. ప్రజాసేవ సంగతి ఏమోగానీ.. ప్రజాప్రతినిధులకు అందే సౌకర్యాలు మాత్రం ఘనంగా ఉంటాయి. అందుకు మరో ఉదాహరణ.. రాజస్థాన్‌లో బుధవారం కనిపించిన దృశ్యాలు.  బుధవారం రాజస్థాన్‌ అసెంబ్లీలో బడ్జెట్‌ను సమర్పించింది ప్రభుత్వం. ఈ సందర్భంగా బడ్జెట్‌ సమావేశాల అనంతరం.. ఎమ్మెల్యేలకు ఆనవాయితీగా లెదర్‌ బ్రీఫ్‌కేసులు అందించారు. అయితే ఈసారి రాజస్థాన్‌ 200 మంది ఎమ్మెల్యేలకు అందించిన బ్రీఫ్‌కేసులో సర్‌ప్రైజ్‌గా బ్రాండ్‌ న్యూ ఐఫోన్‌ 13ను కానుకగా ఇచ్చింది ప్రభుత్వం. ఆ ఫోన్‌ కాస్ట్‌ 75 వేల రూపాయల నుంచి లక్ష రూపాయల మధ్య ఉంది. ఇంతే కదా అనుకోకండి.. కిందటి ఏడాది ఇలాగే బడ్జెట్‌ సందర్భంగా ఐప్యాడ్‌లను ఎమ్మెల్యేలకు అందించింది అశోక్‌ గెహ్లాట్‌ సర్కార్‌.  సాధారణంగా.. ఎమ్మెల్యేలకు బడ్జెట్‌ అయిపోగానే.. ఆ ప్రతులను ఉంచిన బ్యాగులు ఇవ్వడం పరిపాటి. కానీ, అక్కడేమో బడ్జెట్‌ పేపర్స్‌తో పాటు ఇలా కాస్ట్‌లీ గాడ్జెట్స్‌ అందించేస్తున్నారు. ఈసారి అందించిన ఐఫోన్‌ కానుకల విలువ మొత్తం కోటిన్నర రూపాయలుగా తేలింది. పార్టీలకతీతంగా సంబురంగా ఆ కానుకలు తీసుకుని.. కొత్త ఫోన్‌తో ఫొటోలకు ఫోజులిచ్చారు అక్కడి ఎమ్మెల్యేలు. ఇక అశోక్ గెహ్లాట్ సర్కార్‌.. ఎమ్మెల్యేల కోసం ఖరీదైన ఐఫోన్‌లను కొనుగోలు చేయడానికి ప్రజా ధనాన్ని దుర్వినియోగం చేయడాన్ని కొందరు ప్రశ్నిస్తూ సోషల్ మీడియాలో విమర్శిస్తు‍న్నారు.

ఫోన్ ఆర్డ‌ర్ చేస్తే ఇటుకలు, అట్ట‌ముక్క‌లు రావ‌డం స‌ర్వ సాధార‌ణ‌మ‌య్యాయి. తాజాగా ఓ మ‌హిళ త‌న‌కెంతో ఇష్ట‌మైన ఐఫోన్ బుక్ చేసింది. అయితే ఐఫోన్ బుక్ చేసిన ఆమెకు అనూహ్యంగా శానిటైజ‌ర్ డ‌బ్బా డెలివ‌రీ అయ్యింది. దీంతో కంగుతిన్న బాధితురాలు ల‌క్ష‌న్న‌ర ఫోన్ ఆర్డ‌ర్ ఇస్తే శానిటైజ‌ర్ డ‌బ్బా వ‌చ్చింది! ఏం చేసుకోను అంటూ ఆ ఫోటోల్ని సోష‌ల్ మీడియాలో షేర్ చేసింది. ప్ర‌స్తుతం ఆ ఫోటోలు నెట్టింట్లో వైర‌ల్ అవుతున్నాయి.   లండన్ కు చెందిన  32 ఏళ్ల ఖవ్లా లఫాహిల్ గ‌తేడాది యాపిల్ విడుద‌ల చేసిన ఐఫోన్ 13 మ్యాక్స్‌ప్రో ను బుక్ చేసింది. యూకేలో ఆ ఫోన్ ధ‌ర 2,031 డాల‌ర్లు అంటే ఇండియ‌న్ క‌రెన్సీ ప్ర‌కారం(సుమారు రూ.1,51,713.67) బుక్ చేసిన కొన్నిరోజ‌ల త‌ర్వాత త‌న ఇంటికి వ‌చ్చిన ఐఫోన్ పార్శిల్ ఓపెన్ చేసి చూడ‌గా అందులో శానిటైజ‌ర్ ఉండ‌డంతో అవాక్కు అవ్వ‌డం ఆమె వంతైంది. అంతే ఐఫోన్కు బ‌దులు శానిటైజ‌ర్ రావడంతో ఆగ్ర‌హానికి గురైంది.మీ కంపెనీ స‌ర్వీస్ చెత్త‌గా ఉందంటూ ఆగ్ర‌హం వ్య‌క్తం చేసింది. దీంతో దిగివ‌చ్చిన యాజ‌మాన్యం బాధితురాలికి క్ష‌మాప‌ణ‌లు చెప్పింది. త్వ‌ర‌లోనే ఐఫోన్ 13 మ్యాక్స్ ప్రోను అందిస్తామ‌ని స‌ద‌రు డెలివ‌రీ సంస్థ నిర్వాహ‌కులు హామీ ఇచ్చారు.

మీరు కొత్త స్మార్ట్‌ఫోన్‌ కొనాలని చూస్తున్నారా? అయితే,  మీకు ఒక శుభవార్త. ప్రముఖ మొబైల్ దిగ్గజం యాపిల్ తన ఐఫోన్ 11 సిరీస్, ఐఫోన్ 13 సిరీస్ మీద భారీ ఆఫర్ ప్రకటించింది. ఈ సిరీస్ మొబైల్స్ మీద ఏకంగా రూ.15 వేల తగ్గింపు ప్రకటించింది. ఐఫోన్ 11 సిరీస్ అసలు ధర కంటే రూ.15 వేలు తక్కువకు లభించాలంటే మీ దగ్గర ఉన్న పాత ఐఫోన్ 7 సిరీస్ మొబైల్ ఎక్స్ఛేంజ్ చేయాల్సి ఉంటుంది. అలాగే, ఐఫోన్ 13 సిరీస్ మీద రూ.23 వేల ఎక్స్ఛేంజ్ బోనస్ ఆఫర్ ప్రకటించింది. ఐఫోన్ 13 మొబైల్ అసలు ధర కంటే రూ.15 వేలు తక్కువకు లభించాలంటే మీ దగ్గర ఉన్న పాత ఐఫోన్ 10ఆర్ సిరీస్ మొబైల్ ఎక్స్ఛేంజ్ చేయాల్సి ఉంటుంది. అయితే, ఈ రెండు ఆఫర్స్ కూడా కేవలం ఇండియాస్టోర్ మాత్రమే లభిస్తున్నాయి. ఐఫోన్ 11 64జీబీ స్టోరేజీ అసలు ధర రూ.49,900 అయితే, ఇండియాస్టోర్ నెట్ వర్క్ స్టోర్లలో మీరు దీనిని రూ. 34,900 వరకు పొందవచ్చు. హెచ్‌డీఎఫ్‌సీ బ్యాంక్ కార్డు ద్వారా ఈఎమ్ఐ విధానంలో కొనుగోలు చేసినట్లయితే అసలు ధర కంటే రూ.4,000 క్యాష్ బ్యాక్ లభిస్తుంది. అంటే, మొబైల్ ధర రూ.45,900కు తగ్గుతుంది. అయితే, మీ దగ్గర పాత ఐఫోన్ 7 128 జీబీ మోడల్ ఉంటే ఎక్స్ఛేంజ్ బోనస్ ఆఫర్ రూపంలో రూ.11,000 తక్కువకు మొబైల్ పొందవచ్చు. అంటే, మొత్తంగా ధర రూ.34,900కు తగ్గుతుంది. అలాగే, మీరు ఐఫోన్ 13 సిరీస్ మొబైల్ కొనాలని చూస్తుంటే? దాని అసలు ధర రూ.1,29,900గా ఉంది. మీరు హెచ్‌డీఎఫ్‌సీ బ్యాంక్ కార్డు ద్వారా ఈఎమ్ఐ విధానంలో కొనుగోలు చేసినట్లయితే అసలు ధర కంటే రూ.5,000 క్యాష్ బ్యాక్ లభిస్తుంది. అంటే, మొబైల్ ధర రూ.1,24,900కు తగ్గుతుంది. అయితే, మీ దగ్గర పాత ఐఫోన్ 10ఆర్ 64 జీబీ మోడల్ ఉంటే ఎక్స్ఛేంజ్ బోనస్ రూపంలో రూ.18,000 తక్కువకు మొబైల్ పొందవచ్చు. అంటే, మొత్తంగా ధర రూ.1,06,900కు తగ్గుతుంది.  (చదవండి: క్రిప్టో కరెన్సీ దెబ్బకు విలవిల్లాడుతున్న ఇన్వెస్టర్లు..!)

దేశంలో ఫెస్టివల్‌ సీజన్‌ సందర్భంగా యాపిల్‌ సంస్థ ఐఫోన్‌13 పై భారీ ఆఫర్లు ప్రకటించింది. గతేడాది విడుదలైన క్యూ3 ఫలితాల్లో గ్లోబల్‌ స్మార్ట్‌ఫోన్‌ మార్కెట్లలో రెండో స్థానంలో ఉన్న చైనా స్మార్ట్‌ ఫోన్‌ దిగ్గజం షావోమీకి యాపిల్‌ షాకిచ్చిన విషయం తెలిసిందే. ఐఫోన్‌13 విడుదలతో యాపిల్‌ రెండవ స్థానాన్ని తిరిగి దక్కించుకుంది. ఈ నేపథ్యంలో ఐఫోన్‌13 క్రేజ్‌ను క్యాష్‌ చేసుకునేందుకు ఐఫోన్‌13పై భారీ డిస్కౌంట్‌లు అందిస్తున్నట్లు యాపిల్‌ తెలిపింది.  గతేడాది విడుదలైన ఐఫోన్13' 128 జీబీ స్టోరేజ్ మోడల్‌ ప్రారంభ ధర రూ. 79,900గా ఉంది. ఇప్పుడు ఈ ఫోన్‌ ధర భారీగా తగ్గింది. యాపిల్‌ రీసెల్లర్‌ ఇండియా ఐ స్టోర్‌, ఐసీఐసీఐ బ్యాంక్‌ డెబిట్‌ కార్డ్‌, క్రెడిట్‌ కార్డ్‌.. కోటక్ బ్యాంక్ డెబిట్, క్రెడిట్ కార్డ్‌, ఎస్‌బీఐ క్రెడిట్‌ కార్డ్‌తో కొనుగోలు చేస్తే రూ.6 వేల వరకు క్యాష్‌ బ్యాక్‌ పొందవచ్చు. అంటే ఈఫోన్‌ ధర రూ.73,990కి తగ్గింది. కస్టమర్లు పాత స్మార్ట్‌ఫోన్‌ (ఉదాహరణకు 64జీబీతో ఐఫోన్‌11) ఉంటే ఎక్స్చేంజ్‌పై రూ.15,000, దీంతో పాటు ఎక్స్చేంజ్ బోనస్‌ కింద రూ.3వేలని దక్కించుకోవచ్చు. దీంతోపై ఆఫర్‌లన్నీ సొంతం చేసుకుంటే రూ. 79,900 ఉన్న ఐఫోన్‌ను రూ.55,900కే కొనుగోలు చేయొచ్చు. చదవండి: ఐఫోన్‌ 13 వచ్చేసింది.. అదిరిపోయే ఫీచర్లుతో.. 

1980 సంవత్సంరలో 1జీ(జనరేషన్‌)ను వాయిస్‌ కాల్స్‌ మాత్రమే చేసుకునే సదుపాయం ఉంది.  1990 సంవత్సరంలో 2జీ - ఈ ఫోన్‌లో ఫోన్ కాల్స్‌, మెసేజ్‌లు పంపేవాళ్లం.  2000 సంవత్సరంలో 3జీ - మొబైల్‌లో ఇంటర్నెట్‌ను వినియోగించడం ప్రారంభించాం.  2010 సంవత్సరంలో 4జీ- ఈ 4జీతో మొబైల్‌ డేటా వినియోగం పెరిగింది. అధిక సంఖ్యలో ఉన్న డేటాను పంపడంతో పాటు ఎంటర్‌టైన్మెంట్‌ కోసం వినియోగించే వాళ్లం.  2020 సంవత్సరంలో 5జీ - ఈ 5జీ నెట్‌ వర్క్‌ ఏకకాలంలో మరిన్ని డివైజ్‌లను మొబైల్ ఇంటర్నెట్‌కు కనెక్ట్ చేయడం, అప్‌లోడ్, డౌన్‌లోడ్ స్పీడ్‌ వేగం పెరగడంతోపాటు స్మార్ట్ గ్లాస్ మీద ఆగ్‌మెంటెడ్ రియాలిటీ, మొబైల్ వర్చువల్ రియాలిటీ, హై క్వాలిటీ వీడియో, నగరాల్ని మరింత స్మార్ట్‌గా చేసే ఇంటర్నెట్ ఆఫ్‌ థింగ్స్..ఇవన్నీ సాధ్యమవుతాయి. దీంతో ప్రపంచ దేశాలన్నీ 5జీ నెట్‌ వర్క్‌ను వినియోగించుకునేందుకు పోటీపడుతున్నాయి. అయితే మిగిలిన దేశాలన్నింటిలో సౌత్‌ కొరియా  5జీ నెట్‌ వర్క్‌ వినియోగంలో ముందంజలో ఉన్నట్లు తేలింది.  ఇటీవల సౌత్‌ కొరియా సైన్స్ అండ్‌ ఐసీటీ మంత్రిత్వ శాఖ డేటా ప్రకారం..నవంబర్‌ నెల నాటికి 5జీ మొబైల్‌ నెట్‌ వర్క్‌ యూజర్లు 20.19మిలియన్లకు చేరారు. 5జీ నెట్‌ వర్క్‌ను కమర్షియలైజ్‌ చేసిన 2019 నుంచి ఈ స్థాయిలో 5జీ యూజర్లు పెరగడం ఇదే తొలిసారి అని రిపోర్ట్‌ హైలెట్‌ చేసింది. దేశం మొత్తంలో 72.57 మిలియన్ల మొబైల్ యూజర్లు ఉండగా వారిలో  28 శాతం మంది 5జీ నెట్‌ వర్క్‌ను వాడుతున్నట్లు రిపోర్ట్‌ లో పేర్కొన్నాయి.  85 నగరాల్లో 5జీ నెట్‌ వర్క్‌ 52 మిలియన్ల జనాభా కలిగిన సౌత్‌ కొరియా, 2019, ఏప్రిల్‌లో తొలిసారి 5G నెట్‌వర్క్‌లను వాణిజ్య పరంగా వినియోగించేలా అనుమతులు జారీ చేసింది. ఇప్పటివరకు ఆదేశానికి చెందిన 85 నగరాల్లో 5జీ నెట్‌ వర్క్‌ను అందిస్తుంది. తాజా డేటా ప్రకారం..అక్టోబర్‌లో 19.38 మిలియన్ల 5జీ సబ్‌స్క్రిప్షన్‌ల పెరిగాయి. అందుకు కారణం 5జీ స్మార్ట్‌ ఫోన్‌లు మార్కెట్‌లో విడుదల కావడంతో యూజర్ల సంఖ్య పెరిగినట్లు యోన్‌హాప్ వార్తా సంస్థ నివేదించింది. 5జీ స్మార్ట్‌ ఫోన్‌లలో  శాంసంగ్‌ సంస్థ గతేడాది ఆగస్ట్‌లో కొత్త ఫోల్డబుల్ ఫోన్‌లు గెలాక్సీ జెడ్‌ ఫోల్డ్‌ 3, గెలాక్సీ జెడ్‌ ఫ్లిప్‌ 3 స్మార్ట్‌ ఫోన్‌లను విడుదల చేసింది. విడుదలైన ఫోల్డబుల్‌ ఫోన్‌(మడత)లు యూజర్లను విపరీతంగా ఆకట్టుకున్నాయి. దీంతో ఆ ఫోన్ల  అమ్మకాలు ప్రారంభించిన 39 రోజుల్లోనే 1 మిలియన్ల ఫోన్‌లు అమ్ముడయ్యాయి. అదే సమయంలో 5జీ నెట్‌ వర్క్‌ వినియోగదారుల సంఖ్య భారీగా పెరిగింది.  చదవండి:జస్ట్‌ మూడేళ్ల కంపెనీ..! 5జీ స్మార్ట్‌ఫోన్స్‌లో దిగ్గజ కంపెనీలకు గట్టిపోటీ.!

మీరు కొత్త ఐఫోన్ కొనాలని చూస్తున్నారా? అయితే, మీకు ఒక గుడ్‌న్యూస్‌. విజయ్ సేల్స్ అనే కంపెనీ డిసెంబర్ 24 - 31 వరకు యాపిల్ డేస్ ప్రత్యేక సేల్‌ను ప్రారంభించింది. ఈ సేల్‌లో భాగంగా ఎవరైనా ఐఫోన్ 13 కొనుగోలు చేస్తే వారికి రూ.18000 డిస్కౌంట్ లభించనున్నట్లు పేర్కొంది. కానీ, ఈ ఆఫర్ అందరికీ లభించదు. యాపిల్ కంపెనీ కొత్తగా లాంఛ్ చేసిన ఐఫోన్ 13 వాస్తవ ధర రూ.79,900. ఈ యాపిల్ డేస్ సేల్‌లో ఈ ఐఫోన్ 13 మీద రూ.4 వేల డిస్కౌంట్ ప్రకటించింది. అలాగే, ఎవరైనా హెచ్‌డీఎఫ్‌సీ బ్యాంక్ కార్డుల సహయంతో ఈ ఫోన్ కొనుగోలు చేస్తే వారికి అదనంగా మరో రూ.6,000 క్యాష్ బ్యాక్ లభిస్తుంది. కేవలం ఈ రెండు ఆఫర్లు మాత్రమే కాదు మరో ఆఫర్ కూడా ఉంది. ఎవరైనా తమ దగ్గర ఉన్నపాత స్మార్ట్‌ఫోన్ ఎక్స్‌ఛేంజ్ చేస్తే రూ.8,000 డిస్కౌంట్ పొందొచ్చు. మీ స్మార్ట్‌ఫోన్ ఎక్స్‌ఛేంజ్ వ్యాల్యూ రూ.5,000 + ఎక్స్‌ట్రా ఎక్స్‌ఛేంజ్ డిస్కౌంట్ రూ.3,000 వస్తుంది. ఇలా రూ.5,000 విలువ గల స్మార్ట్‌ఫోన్ ఎక్స్‌ఛేంజ్ చేస్తూ హెచ్‌డీఎఫ్‌సీ బ్యాంక్ కార్డు సహాయంతో ఐఫోన్ 13 కొనుగోలు చేస్తే మీకు రూ.18000(రూ.4000 + రూ.6000 + రూ.5000 + రూ.3000) వరకు డిస్కౌంట్ లభిస్తుంది. అంతిమంగా ఈ ఐఫోన్ 13 రూ.61,900కు వస్తుంది. విజయ్ సేల్‌లో ఐఫోన్లతో పాటు 7 సిరీస్ వాచ్, ఎయిర్ పాడ్స్ 3వ జనరేషన్, ఎయిర్ పాడ్స్ ప్రో, మాక్ బుక్స్, ఐప్యాడ్, వాచీలు, హోమ్ పాడ్ మినీ, యాపిల్ కేర్ వంటి మీద కూడా భారీగా డిస్కౌంట్ లభిస్తుంది. ఐప్యాడ్ కేటగిరీలో ఐప్యాడ్ 9వ జెన్ ₹26, 600కు ఐప్యాడ్ ఎయిర్ 4వ జెన్ ₹46, 900కు, ఐప్యాడ్ ప్రో 63,500 ₹వద్ద లభిస్తున్నాయి.

Bulletproof iphone 13 series Price And Details: పై హెడ్డింగ్‌ చదివాక..  సాంకేతికత ఎంతగా వృద్ధి చెందినా.. స్మార్ట్‌ఫోన్‌  ఉండేది కేవలం వాడుకోవడానికే కదా అనే అనుమానం కలగవచ్చు. కానీ, ఇప్పుడు చెప్పబోయే ఫోన్‌ అందరికీ అందుబాటులో ఉండేది కాదు. చాలా ప్రత్యేకత సంతరించుకుంది మరి!.  సాధారణంగా స్మార్ట్‌ఫోన్‌కి బుల్లెట్‌ తగిలితే.. దూసుకెళ్లి తునాతునకలు అవుతుంది. కానీ, ఈ ఫోన్లు మాత్రం తీవ్రతను తట్టుకుని చక్కగా పని చేస్తాయి. ఇటలీకి చెందిన లగ్జరీ బ్రాండ్‌ కంపెనీ ‘కేవియర్‌’ స్టీల్త్‌ ఐఫోన్‌ పేరుతో సిరీస్‌ను మార్కెట్‌లోకి రిలీజ్‌ చేస్తోంది. కిందటి ఏడాది ఐఫోన్‌ 12లో లగ్జరీ మోడల్‌ను తీసుకొచ్చిన కేవియర్‌.. ఇప్పుడు దానికి అప్‌గ్రేడ్‌ వెర్షన్‌గా స్టీల్త్‌ 2.0 ఐఫోన్‌ 13 సిరీస్‌ను తీసుకొచ్చింది. ఈ స్మార్ట్‌ఫోన్‌ ప్రత్యేకత ఏంటంటే.. బుల్లెట్లను సైతం తట్టుకోగలుగుతుంది.  స్టీల్త్‌ వెర్షన్‌ 2.0 ఐఫోన్లు.. బీఆర్‌-2 క్లాస్‌2కి చెందిన బుల్లెట్‌ప్రూఫ్‌ కవచంతో తయారు చేయించింది. బుల్లెట్‌ప్రూఫ్‌ కవచాలతో ఆయుధ వాహనాల్ని, యుద్ధ విమానాల్ని రూపొందించే ఎన్‌పీవో టీసీఐటీ సహకారంతో కేవియర్‌ ఈ ఐఫోన్‌ను పైప్యానెల్‌ను ప్రత్యేకంగా రూపొందించారు. అంతేకాదు పిస్టోల్స్‌ ఈ ఫోన్లను కాల్చి మరీ డెమోలను చూపించింది కంపెనీ. అదే టైంలో ఇలాంటి ప్రయత్నాలు చేయొద్దంటూ ప్రజలకు సూచించింది కూడా.  సాధారణ ఫోన్లకు గనుక బుల్లెట్‌ తగిలితే.. అది ఫోన్‌ పై ప్యానెల్‌ గుండా ఫోన్‌ బాడీలోకి చీల్చుకుపోతుంది. ఫోన్‌ను పనికి రాకుండా డ్యామేజ్‌ చేస్తుంది. కానీ, ఈ ఫోన్‌ మాత్రం బుల్లెట్‌ తీవ్రతను తట్టుకుని పైన ప్యానెల్‌ను పగలగొట్టి సరిపెట్టుకుంది. విశేషం ఏంటంటే.. బుల్లెట్‌ తగిలాక కూడా ఆ ఫోన్‌ కండిషన్‌తో పని చేయడం. బుల్లెట్‌ప్రూఫ్‌ ఫోన్లుగా ఇప్పటికే కొన్ని మార్కెట్‌లో చెలామణి అవుతుండగా.. వాటన్నింటికంటే ఇది స్టాండర్డ్‌గా తేలడం విశేషం. ఇక కేవియర్‌ ఇలాంటి ఫోన్లను కేవలం 99 యూనిట్లు(పీసులను) మాత్రమే తయారు చేయించింది. ప్రారంభ ధర 6, 370 డాలర్లుగా(మన కరెన్సీలో 4, 86 వేల రూపాయలకు పైనే) ఉంటుంది. గరిష్టంగా ఈ తరహా బుల్లెట్‌ ఐఫోన్‌ను(ఐఫోన్‌ ప్రో మ్యాక్స్‌.. 1 టీబీ స్టోరేజ్‌) 7, 980 డాలర్లకు అందించనుంది. కాబట్టి, బాగా డబ్బున్నోళ్ల కోసం, సెక్యూరిటీ భయం ఉన్నవాళ్ల కోసం ఈ ఫోన్‌ను మార్కెట్‌లోకి తీసుకురాబోతున్నట్లు అర్థమవుతోంది కదా!.   2010 నుంచి ఇటాలియన్‌ నగల వ్యాపారి ఇలియా గియకోమెట్టి ఆధ్వర్యంలో ‘కేవియర్‌’(1861 నుంచి వ్యాపారంలో ఉంది).. ఫ్లోరెన్స్‌(ఇటలీ) వేదికగా లగ్జరీ ఉత్పత్తులను ప్రపంచానికి అందిస్తోంది. ఐఫోన్‌, శాంసంగ్‌లతో పాటు పలు రకాల బ్రాండ్‌లకు విలాసవంతమైన సొగసులు అద్ది(బంగారం, వజ్రాలు ఇతరత్రాలు) లిమిటెడ్‌ యూనిట్లను మార్కెట్‌లోకి రిలీజ్‌ చేస్తూ ఓ బ్రాండ్‌గా ముద్రను సంపాదించుకుంది.  చదవండి: వారం పాటు బ్యాటరీ వచ్చే స్మార్ట్‌ఫోన్‌! ఏదంటే..