హైదరాబాద్, బిజినెస్‌ బ్యూరో: వాహన తయారీ దిగ్గజం బజాజ్‌ ఆటో పల్సర్‌ శ్రేణిలో కొత్తగా ఎన్‌125 ప్రవేశపెట్టింది. 124.59 సీసీ ఎయిర్‌ కూల్డ్, సింగిల్‌ స్పార్క్, 2 వాల్వ్‌ ఇంజన్‌ పొందుపరిచారు. 8,500 ఆర్‌పీఎం వద్ద 12 పీఎస్‌ పవర్, 6,000 ఆర్‌పీఎం వద్ద 11 ఎన్‌ఎం టార్క్‌ అందిస్తుంది. ఎల్‌ఈడీ డిస్క్‌ బీటీ, ఎల్‌ఈడీ డిస్క్‌ వేరియంట్లలో లభిస్తుంది. హైదరాబాద్‌ ఎక్స్‌షోరూంలో ధర రూ.98,707 ఉంది. ఎల్‌ఈడీ హెడ్‌ల్యాంప్, బ్లూటూత్‌ కనెక్టివిటీతో పూర్తి డిజిటల్‌ ఎల్‌సీడీ స్పీడోమీటర్, మోనోషాక్‌ సస్పెన్షన్, ఐఎస్‌జీ సైలెంట్‌ స్టార్ట్‌ సిస్టమ్, 5 స్పీడ్‌ ట్రాన్స్‌మిషన్, యూఎస్‌బీ చార్జింగ్‌ పోర్ట్‌ వంటి హంగులు జోడించారు. ఇంధన ట్యాంక్‌ సామర్థ్యం 9.5 లీటర్లు.

హైదరాబాద్‌: ఎలక్ట్రిక్‌ వాహనాల సంస్థ ప్యూర్‌ ఈవీ తమ కొత్త మోటార్‌ సైకిల్‌ వేరియంట్‌ ఎకోడ్రిఫ్ట్‌ 350ని ఆవిష్కరించింది. దీన్ని ఒక్కసారి చార్జి చేస్తే 171 కి.మీ. వరకు ప్రయాణించగలదు. ప్రతి రోజూ ఎక్కువ దూరాలు ప్రయాణించే వినియోగదారులకు ఇది ఎంతో అనువుగా ఉంటుందని సంస్థ తెలిపింది. దీనితో నెలవారీగా రూ. 7,000 పైచిలుకు ఆదా కాగలదని వివరించింది. దీని ధర రూ. 1,29,999గా ఉంటుందని ప్యూర్‌ సహ వ్యవస్థాపకుడు రోహిత్‌ వదేరా తెలిపారు. సులభతరమైన ఈఎంఐ సదుపాయం రూ. 4,000 నుంచి ఉంటుందని పేర్కొన్నారు. 110 సీసీ సెగ్మెంట్‌లో హీరో స్ప్లెండర్, హోండా షైన్, బజాజ్‌ ప్లాటినా వంటి మోటార్‌సైకిల్స్‌తో దీటుగా పోటీపడగలిగేలా దీన్ని తీర్చిదిద్దినట్లు వివరించారు. ఇందులో రివర్స్‌ మోడ్, హిల్‌ స్టార్ట్‌ అసిస్ట్, డౌన్‌ హిల్‌ అసిస్ట్‌ వంటి ఫీచర్లు కూడా ఉన్నాయి. 75 కి.మీ. గరిష్ట వేగంతో ప్రయాణించగలదు.  

హైదరాబాద్, బిజినెస్‌ బ్యూరో: వాహన తయారీ సంస్థ హోండా కార్స్‌ ఇండియా భారత మార్కెట్లోకి మధ్యస్థాయి ఎస్‌యూవీ ఎలివేట్‌ ప్రవేశపెట్టింది. ఎలివేట్‌కు భారత్‌ తొలి మార్కెట్‌ కాగా, ఈ మోడల్‌ ద్వారా కంపెనీ మధ్యస్థాయి ఎస్‌యూవీల్లోకి ఎంట్రీ ఇచ్చింది. ధర ఎక్స్‌షోరూంలో రూ.10.99–15.99 లక్షలు ఉంది. 121 పీఎస్‌ పవర్, 145 ఎన్‌ఎం టార్క్‌తో 6–స్పీడ్‌ మాన్యువల్, 7–స్పీడ్‌ సీవీటీ ట్రిమ్స్‌లో 1.5 లీటర్‌ ఐ–వీటీఈసీ పెట్రోల్‌ ఇంజన్‌ పొందుపరిచారు. లీటరుకు మైలేజీ మాన్యువల్‌ ట్రిమ్‌ 15.31, సీవీటీ 16.92 కిలోమీటర్లు అని కంపెనీ తెలిపింది. అడ్వాన్స్‌డ్‌ డ్రైవర్‌ అసిస్టెన్స్‌ సిస్టంతో తయారైంది. 6 ఎయిర్‌బ్యాగ్స్, లేన్‌ వాచ్‌ కెమెరా, ఎల్రక్టానిక్‌ స్టెబిలిటీ, ట్రాక్షన్‌ కంట్రోల్‌తో వెహికిల్‌ స్టెబిలిటీ అసిస్ట్, హిల్‌ స్టార్ట్‌ అసిస్ట్, మల్టీ యాంగిల్‌ రేర్‌ వ్యూ కెమెరా, 458 లీటర్ల కార్గో స్పేస్, 7 అంగుళాల హెచ్‌డీ ఫుల్‌ కలర్‌ టీఎఫ్‌టీ మీటర్‌ క్లస్టర్, 10.25 అంగుళాల ఐపీఎస్‌ హెచ్‌డీ ఎల్సీడీ టచ్‌ స్క్రీన్‌ డిస్‌ప్లే ఆడియో, డ్రైవ్‌ వ్యూ రికార్డింగ్‌ వంటి హంగులు ఉన్నాయి. హ్యుందాయ్‌ క్రెటా, మారుతీ సుజుకీ గ్రాండ్‌ విటారా, కియా సెల్టోస్, టయోటా అర్బన్‌ క్రూజర్‌ హైరైడర్‌కు పోటీనిస్తుంది.   అయిదు ఎస్‌యూవీలు: భారత్‌లో 2030 నాటికి అయిదు ఎస్‌యూవీలను ప్రవేశపెట్టనున్నట్టు హోండా కార్స్‌ ఇండియా ప్రెసిడెంట్, సీఈవో టకూయా సుముర తెలిపారు. ‘భారత ప్యాసింజర్‌ కార్ల పరిశ్రమలో ఎస్‌యూవీల వాటా ఏడాదిలో 43 నుంచి 48 శాతానికి చేరింది. ఈ విభాగం కంపెనీకి చాలా కీలకం కానుంది. ఎలివేట్‌ చేరికతో కంపెనీకి కొత్త కస్టమర్లు తోడు కానున్నారు. ఎస్‌యూవీ విభాగంలో లేకపోవడంతో చాలా కోల్పోయాం. అందుకే ఎలివేట్‌ను పరిచయం చేయడం గొప్పగా భావిస్తున్నాం’ అని వివరించారు. రాజస్తాన్‌లోని ప్లాంటు సామర్థ్యాన్ని పెంచామని, ప్రస్తుతం రోజుకు 660 యూనిట్లు ఉత్పత్తి చేయగలమని చెప్పారు. జూలై నుంచి ఎలివేట్‌ బుకింగ్స్‌ ప్రారంభం అయ్యాయి.

హైదరాబాద్‌: ట్రెసా మోటార్స్‌ తన తొలి ఎలక్ట్రిక్‌ ట్రక్‌ ‘వీ0.1’ మోడల్‌ను ఆవిష్కరించింది. యాక్సియల్‌ ఫ్లక్స్‌ మోటార్‌ ప్లాట్‌ ఫామ్‌: ఫ్లక్స్‌350పై దీన్ని అభివృద్ధి చేసినట్టు సంస్థ ప్రకటించింది. దీన్ని ప్రపంచ మార్కెట్‌ కోసం డిజైన్‌ చేసినట్టు తెలిపింది. భవిష్యత్‌ కోసం ఉద్దేశించిన సుస్థిర రవాణా పరిష్కారాలను అందించాలన్న సంస్థ అంకిత భావానికి ఈ ఉత్పత్తి నిదర్శనంగా ఉంటుందని పేర్కొంది. ట్రెసా ఎలక్ట్రిక్‌ ట్రక్‌ ‘వీ0.1’లో 350 కిలోవాట్‌ పవర్‌ను అందించే మోటార్‌ ఉంటుంది. ఈ తరహా పవర్‌ను అందించే తొలి భారత ఓఈఎం తమదేనని ట్రెసా మోటార్స్‌ ప్రకటించింది. యాక్సియల్‌ ఫ్లక్స్‌ మోటార్‌ను పూర్తి దేశీయంగా అభివృద్ధి చేసినట్టు తెలిపింది. ‘‘దేశంలో 28 లక్షల ట్రక్కులు ఉన్నాయి. ఇవి 60 శాతం కాలుష్యానికి కారణమవుతున్నాయి. కనుక మధ్య స్థాయి నుంచి, భారీ తరహా ట్రక్కులు సున్నా ఉద్గార ఇంధనాల వైపు మళ్లాల్సిన అవసరం ఉంది. 2024లో రానున్న వాహన తుక్కు విధానం, పెరుగుతున్న ఇంధన ధరలు ఎలక్ట్రిక్‌ ట్రక్కులకు అనుకూలించనున్నాయి. సురక్షిత, వినూత్న, పర్యావరణ పరిష్కారాలతో ఈ పరివర్తనాన్ని ట్రెసా ముందుండి నడిపిస్తుంది’’అని సంస్థ పేర్కొంది.

హైదరాబాద్, బిజినెస్‌ బ్యూరో: వాహన తయారీ దిగ్గజం మహీంద్రా అండ్‌ మహీంద్రా రెండు రకాల ఇంధనాలతో నడిచే వాహన విభాగంలోకి ప్రవేశించింది. సుప్రో సీఎన్‌జీ డువో పేరుతో మోడల్‌ను విడుదల చేసింది. ధర ఢిల్లీ ఎక్స్‌షోరూంలో రూ.6.32 లక్షలు. ఈ తేలికపాటి వాణిజ్య వాహనం సీఎన్‌జీ, పెట్రోల్‌తో నడుస్తుంది. 750 కిలోల బరువు మోయగలదు. 75 లీటర్ల సీఎన్‌జీ ట్యాంక్, 5 లీటర్ల పెట్రోల్‌ ట్యాంక్‌ ఏర్పాటు చేశారు. పూర్తి స్థాయి సామర్థ్యంతో 325 కిలోమీటర్లు ప్రయాణిస్తుంది. మైలేజీ కిలోకు 23.35 కిలోమీటర్లు ఇస్తుందని కంపెనీ తెలిపింది. ‘సీఎన్‌జీ వాహనాల డిమాండ్‌ నాలుగేళ్లలో నాలుగురెట్లు పెరిగింది. సీఎన్‌జీ అవసరాన్ని ఇది సూచిస్తుంది. దేశవ్యాప్తంగా 2 టన్నులలోపు సామర్థ్యం గల తేలికపాటి వాణిజ్య వాహనాల అమ్మకాలు నెలకు 16,000 యూనిట్లు. ఇందులో సీఎన్‌జీ వాటా సుమారు 5,000 యూనిట్లు’ అని మహీంద్రా వైస్‌ ప్రెసిడెంట్‌ బానేశ్వర్‌ బెనర్జీ ఈ సందర్భంగా తెలిపారు. సుప్రో సీఎన్‌జీ డువో రాకతో నెలవారీ అమ్మకాలు రెండింతలు అవుతాయని సంస్థ భావిస్తోంది. 1.5తోపాటు 2 టన్నుల విభాగంలోనూ రెండు రకాల ఇంధనాలతో నడిచే మోడళ్లను తేనున్నట్టు వెల్లడించింది.  

సాక్షి, ముంబై: స్వదేశీ ఎలక్ట్రిక్ వాహన సంస్థ ఏథర్ ఎనర్జీ భారతదేశంలో కొత్త ఏథర్ 450ఎస్‌ను విడుదల చేసింది. ఫేమ్‌-II  సబ్సిడీ  కోతతో ఈవీల ధరలు బాగా పెరిగిన నేపథ్యంలో  ఏథర్ 450ఎస్‌ పేరుతో అత్యంత సరసమైన ఎలక్ట్రిక్ స్కూటర్‌ను లాంచ్‌ చేసింది. దీని ధర రూ. 1,29,999గా నిర్ణయించింది. బుకింగ్‌లను కూడా షురూ చేసింది. (AsmiJain ఫ్రెండ్‌ అంకుల్‌ కోసం: ఇండోర్‌ అమ్మడి ఘనత) తమ 450 ఎస్‌ IDC (ఇండియన్ డ్రైవింగ్ కండిషన్స్) 3 kWh బ్యాటరీ ప్యాక్‌తో పరిధి 115 కి.మీ. రేంజ్‌ ఇస్తుందని కంపెనీ వెల్లడించింది. గంటకు 90 కి.మీవేగంతో అత్యుత్తమ సాంకేతికత, పనితీరును అందిస్తుందని ఏథర్ఎనర్జీ కో-ఫౌండర్‌, సీఈవో తరుణ్ మెహతా తెలిపారు.  ఫేమ్‌-IIఫ్రేమ్‌వర్క్ కింద తమ బెస్ట్ సెల్లింగ్ స్కూటర్  450 ఎక్స్‌  కొత్త ధరలను కూడా ప్రకటించింది. మునుపటి ధరతో పోలిస్తే స్వల్పంగా పెరిగి రూ. 1,65,000 (ఎక్స్-షోరూమ్ బెంగుళూరు)కి అందుబాటులో ఉంటుంది. టాప్ వేరియంట్ ప్రో ప్యాక్‌ ఏథర్ 450 ఎక్స్‌ రూ. 1.45 లక్షల నుండి రూ. 1.65 లక్షల వరకు ఉంటుంది. పాత ధరలతో పోలిస్తే దాదాపు రూ. 32,000 వరకు పెరిగింది.

హైదరాబాద్, బిజినెస్‌ బ్యూరో: లగ్జరీ కార్ల తయారీలో ఉన్న జపాన్‌ సంస్థ లెక్సస్‌.. తాజాగా భారత్‌లో కొత్త ఎల్‌సీ 500హెచ్‌ మోడల్‌ను పరిచయం చేసింది. నాలుగు సీట్లు ఉన్న ఈ లగ్జరీ కూపే ధర రూ.2.39 కోట్లు. గ్లాస్‌ బ్లాక్‌ మెటాలిక్‌ ఫినిష్, 3డీ మెషీన్డ్‌ టెక్స్చర్‌తో అలాయ్‌ వీల్స్, 12.3 అంగుళాల టచ్‌ స్క్రీన్‌ డిస్‌ప్లే, 3.5 లీటర్, 6 సిలిండర్, మల్టీ స్టేజ్‌ హైబ్రిడ్, లీటరుకు 12.3 కిలోమీటర్ల మైలేజీ, 264 కిలోవాట్‌ పవర్‌ ఏర్పాటు ఉంది. గరిష్ట వేగం గంటకు 250 కిలోమీటర్లు. ఇదీ చదవండి: ప్రొడక్టవిటీ కావాలంటే ఉద్యోగుల్ని పీకేయండి: టెక్‌ దిగ్గజాలకు మస్క్‌ సంచలన సలహా గంటకు 100 కిలోమీటర్ల వేగాన్ని 5 సెకన్లలోనే చేరుకుంటుంది. పనోరమిక్‌ వ్యూ మానిటర్, రేర్‌ క్రాస్‌ ట్రాఫిక్‌ అలర్ట్, 10 ఎయిర్‌బ్యాగ్స్, కార్బన్‌ ఫైబర్‌ రీ–ఇన్‌ఫోర్స్‌డ్‌ ప్లాస్టిక్స్‌ రూఫ్, డైనమిక్‌ హ్యాండ్లింగ్‌ సిస్టమ్, వేరియేబుల్‌ గేర్‌ రేషియో స్టీరింగ్, డ్రైవ్‌ స్టార్ట్‌ కంట్రోల్, వెహికిల్‌ డైనమిక్స్‌ ఇంటిగ్రేటెడ్‌ మేనేజ్‌మెంట్, ఈబీడీతో ఏబీఎస్, బ్రేక్‌ అసిస్ట్‌ సిస్టమ్, ట్రాక్షన్‌ కంట్రోల్‌ సిస్టమ్, వెహికిల్‌ స్టెబిలిటీ కంట్రోల్, హిల్‌ స్టార్ట్‌ అసిస్ట్‌ వంటి భద్రతా ఫీచర్లు జోడించారు. భారత్‌లో హైదరాబాద్‌ సహా ఏడు నగరాల్లో లెక్సస్‌ షోరూంలు ఉన్నాయి. (వామ్మో! ఏటీఎం నుంచి విషపూరిత పాము పిల్లలు: షాకింగ్‌ వీడియో)  లగ్జరీ  కార్లు, స్మార్ట్‌ఫోన్లు,  ఈవీల పై  తాజా సమాచారం కోసం చదవండి: సాక్షి బిజినెస్‌

హైదరాబాద్, బిజినెస్‌ బ్యూరో: వాహన తయారీ సంస్థ హోండా కార్స్‌ ఇండియా ఏటా ఒక కొత్త మోడల్‌ లేదా వేరియంట్‌ను ప్రవేశపెట్టాలని నిర్ణయించింది. మార్కెట్లో కంపెనీ వాటాను పెంచుకోవడం లక్ష్యంగా వచ్చే 3–5 ఏళ్లపాటు ఈ విధానాన్ని అమలు చేయనున్నట్టు ప్రకటించింది. హోండా  వాటా ప్రస్తుతం 2.5 శాతం మాత్రమే. 2023 సెప్టెంబర్‌లోగా ఒక ఎస్‌యూవీని పరిచయం చేయనున్నట్టు హోండా కార్స్‌ ఇండియా మార్కెటింగ్, సేల్స్‌ వైస్‌ ప్రెసిడెంట్‌ కునాల్‌ బెహల్‌ తెలిపారు. హైబ్రిడ్‌ మోడల్‌ ఒకటి రానుందని చెప్పారు. అలాగే పూర్తి స్థాయి ఎలక్ట్రిక్‌ మోడల్‌ సైతం రంగ ప్రవేశం చేయనుందని వెల్లడించారు. 2022–23లో 8 శాతం వృద్ధితో దేశీయంగా 92,000 యూనిట్ల అమ్మకాలను కంపెనీ ఆశిస్తోంది. అలాగే 25 శాతం వృద్ధితో ఎగుమతులు 23,000 యూనిట్లు నమోదు కానున్నాయి. రాజస్థాన్‌లోని ప్లాంటు వార్షిక తయారీ సామర్థ్యం 1.8 లక్షల యూనిట్లు.

సాక్షి, ముంబై:  మారుతి సుజుకి తన పాపులర్‌మోడల్‌ కారు నెక్ట్స్‌ జెనరేషన్‌ మారుతి డిజైర్‌ సరికొత్త హైబ్రిడ్ ఇంజీన్‌తో  లాంచ్‌ చేయనుంది. తాజాగా నివేదికల ప్రకారం కొత్త డిజైన్‌, కొత్త అప్‌డేట్స్‌తో 2024 మారుతి సుజుకి డిజైర్‌ను లాంచ్‌ చేయనుంది. హైబ్రిడ్ పెట్రోల్ ఇంజన్‌తో లాంచ్‌ చేయనున్న బ్రాండ్ లైనప్‌లో డిజైర్ మొదటి కాంపాక్ట్ సెడాన్ కానుంది.  2024 ప్రథమార్థంలో భారత మార్కెట్లో కొత్త  డిజైర్‌ను విడుదల చేయాలని భావిస్తోంది కంపెనీ.  రానున్న న్యూజెన్ డిజైర్ కాంపాక్ట్ సెడాన్ భారతీయ మార్కెట్లో అత్యంత ఇంధన-సమర్థవంతమైన కార్లలో ఒకటిగా ఉంటుందని  ఆటో వర్గాలు భావిస్తున్నాయి. ఇది హోండా అమేజ్, హ్యుందాయ్ ఆరా వంటి కార్లకు  గట్టిపోటీగా మార్కట్లోకి ప్రవేశించనుంది. ఈ హైబ్రిడ్ పవర్‌ట్రెయిన్  లీటరుకు 35కి.మీకంటే ఎక్కువ ఇంధన సామర్థ్యంతో దేశంలో అతి తక్కువ ఖరీదుతో బలమైన-హైబ్రిడ్ వాహనం డిజైర్ కానుందని అంచనా.  మూడు ఇంజీన్‌ వేరియంట్లు  2024 డిజైర్ మూడు ఇంజన్ ఎంపికలతో లాంచ్‌ కానుంది. 1.2L NA పెట్రోల్ ఇంజీన్, 1.2L స్ట్రాంగ్ హైబ్రిడ్ పెట్రోల్ ఇంజీన్ , 1.2 లీటర్ల సీఎన్‌జీ (Z12E)ఇంజీన్ ఉన్నాయి. ఫీచర్లు ఎక్స్‌టీరియర్‌గా పునర్నిర్మించిన ఫ్రంట్ ఫాసియాతో పాటు,  రీడిజైన్ చేయబడిన ఫ్రంట్ బంపర్, భారీ ఫ్రంట్ గ్రిల్, ప్రొజెక్టర్ LED హెడ్‌లైట్లు, LED టెయిల్ లైట్లు, మెషిన్-కట్ అల్లాయ్ వీల్స్ ఇతర ఫీచర్లు ప్రధానంగా ఉండనున్నాయి. అలాగే సౌకర్యవంతమైన క్యాబిన్‌, బిగ్‌ టచ్‌స్క్రీన్ ఇన్ఫోటైన్‌మెంట్ సిస్టమ్, సెమీ-డిజిటల్ ఇన్‌స్ట్రుమెంట్ కన్సోల్, హెడ్స్-అప్ డిస్‌ప్లే, స్టీరింగ్-మౌంటెడ్ కంట్రోల్స్, పుష్-బటన్ స్టార్ట్, ఆటోమేటిక్ క్లైమేట్ కంట్రోల్ అండ్‌ కూల్డ్ స్టోరేజ్ కన్సోల్ ప్రధానంగా ఉండనున్నాయి.మొబైల్ కనెక్టివిటీ ఫీచర్లతో పాటు సరికొత్త సుజుకి కనెక్ట్ టెక్నాలజీని కూడా  ఇందులో పొందుపర్చనుంది.  మారుతి అరేనా డీలర్‌షిప్‌ల ద్వారా  అందుబాటులోకి   రానున్న ఈ కారు ప్రస్తుత మోడల్‌ పోలిస్తే రూ. 80వేలు లేదా  రూ. 1 లక్ష  ఎఎక్కువ ధరనిర్ణయించవచ్చని భావిస్తున్నారు.  మారుతి డిజైర్‌ బేస్‌ మోడల్‌  ధర  రూ. 6.44  లక్షలు  

న్యూఢిల్లీ: వాహన తయారీలో ఉన్న జపాన్‌ సంస్థ హోండా భారత మార్కెట్లో ప్రీమియం ఉత్పత్తులపై దృష్టి సారించి ఏటా ఒక కొత్త మోడల్‌ను ప్రవేశపెట్టాలని భావిస్తోంది. పెట్రోల్, హైబ్రిడ్‌ పవర్‌ట్రెయిన్స్‌లో రూ.10 లక్షలు, ఆపై ధరలో వీటిని పరిచయం చేయనున్నట్టు హోండా కార్స్‌ ఇండియా ప్రెసిడెంట్, సీఈవో టకూయా సుమురా తెలిపారు. ‘ప్యాసింజర్‌ వాహన రంగంలో 40 శాతం వాటా రూ.10 లక్షల పైచిలుకు మోడళ్లదే. ఈ విభాగం వాటా మరింత పెరగనుంది. అమేజ్, సిటీ మోడళ్ల టాప్‌ ట్రిమ్స్‌ 60 శాతం పైగా వాటా కైవసం చేసుకున్నాయి. విదేశాల్లో విక్రయిస్తున్న మోడళ్లను సైతం ఇక్కడ ప్రవేశపెడతాం. రూ.260 కోట్ల పెట్టుబడితో దేశవ్యాప్తంగా సేల్స్‌ నెట్‌వర్క్‌ను పునరుద్ధరిస్తున్నాం’ అని వివరించారు.   వృద్ధిపై దృష్టిపెట్టాం.. : అంతర్జాతీయంగా ఎలక్ట్రిక్, హైడ్రోజన్‌ ఆధారిత మోడళ్లపై ఫోకస్‌ చేయాలని నిర్ణయించామని సుమురా చెప్పారు. ‘ఈ ప్రణాళికలో భారత్‌ కూడా ఉంది. అయితే మౌలిక వసతులనుబట్టి ఒక్కో మార్కెట్‌ ఒక్కోలా ఉంటుంది. అంతర్జాతీయ పోకడలను దృష్టిలో పెట్టుకుని భారత్‌లో డీజిల్‌ మోడళ్లను నిలివేశాం. చిప్‌ కొరత ప్రభావం ఇప్పటికీ కంపెనీపై ఉంది. రాజస్థాన్‌ ప్లాంటులో ఏటా 1.3 లక్షల యూనిట్లు ఉత్పత్తి చేస్తున్నాం. కొత్త మోడళ్ల రాకతో ప్లాంటు వినియోగం పెరుగుతుంది. ప్లాంటు పూర్తి సామర్థ్యం ఏటా 1.8 లక్షల యూనిట్లు. దీనిని 2.2 లక్షల యూనిట్లకు విస్తరించవచ్చు. వ్యయ నియంత్రణ చర్యలతో రెండేళ్లుగా భారత్‌లో లాభాలు గడిస్తున్నాం. ఈ ఏడాది రానున్న ఎస్‌యూవీతో అమ్మకాలు అధికం అవుతాయి’ అని తెలిపారు.    కొత్త వెర్షన్స్‌లో సిటీ.. సిటీ కొత్త వెర్షన్స్‌ను కంపెనీ గురువారం ప్రవేశపెట్టింది. 1.5 లీటర్‌ పెట్రోల్‌ ఇంజన్‌తో ఇది తయారైంది. ఢిల్లీ ఎక్స్‌షోరూంలో ధర రూ.11.49 లక్షల నుంచి ప్రారంభం. మైలేజీ వర్షన్‌నుబట్టి లీటరుకు 17.8–18.4 కిలోమీటర్లు. స్ట్రాంగ్‌ హైబ్రిడ్‌ ట్రిమ్‌ (ఈహెచ్‌ఈవీ) ధర రూ.18.89 లక్షల నుంచి మొదలు. మైలేజీ లీటరుకు 27.13 కిలోమీటర్లు అని కంపెనీ తెలిపింది. రానున్న రోజుల్లో సిటీ అమ్మకాల్లో 15 శాతం వాటా ఈహెచ్‌ఈవీ నుంచి ఉంటుందని హోండా భావిస్తోంది.

చైనా స్మార్ట్‌ఫోన్ తయారీ సంస్థ షియోమీ తన వైర్‌లెస్ AR గ్లాస్ డిస్కవరీ ఎడిషన్ ప్రోటోటైప్‌ను మొబైల్ వరల్డ్ కాంగ్రెస్ 2023లో ప్రదర్శించింది. ఇది ఏఆర్ హెడ్‌సెట్ స్నాప్‌డ్రాగన్ ఎక్స్ఆర్2 జెన్ 1 చిప్‌సెట్ ద్వారా పనిచేస్తుంది. ఇది వైర్‌లెస్‌గానే మొబైల్ ఫోన్‌కి కనెక్ట్ అవుతుంది. వైర్‌లెస్ ఏఆర్ గ్లాసెస్ చూడటానికి సింపుల్‌గా ఉండటమే కాకుండా, చాలా తేలికగా కూడా ఉంటుంది. కంపెనీ ఇందులో కార్బన్ ఫైబర్, మెగ్నీషియం టైటానియం వంటి మిశ్రమాలను ఉపయోగించింది. దీని బరువు కేవలం 126 గ్రాములు మాత్రమే. ఇది కస్టమ్ సిలికాన్-ఆక్సిజన్ యానోడ్ బ్యాటరీ కలిగి ఉంటుంది. షియోమీ ఏఆర్ గ్లాసెస్ తేలికగా ఉండటమే కాకుండా ఒక జత మైక్రో OLED స్క్రీన్‌లను కలిగి ఉండటం వల్ల లైట్ గైడింగ్ ప్రిజమ్‌లకి కనెక్ట్ చేయబడతాయి. ఇది 12 నకిల్స్ ఫంక్షన్‌కి సపోర్ట్ చేస్తుంది. చైనీస్ నైన్-కీ ఇన్‌పుట్ మాదిరిగా ఇది వినియోగదారుల థంబ్ ద్వారా టెక్స్ట్ ఇన్‌పుట్ చేయడానికి అనుమతిస్తుంది. ఏఆర్ గ్లాస్‌లో లెన్స్‌లు ఎలెక్ట్రోక్రోమిక్ టెక్నాలజీని ఉపయోగిస్తాయి, కావున ఆన్ చేయడం ఆఫ్ చేయడం రెండు సులభంగా ఉంటాయి. ఇది కేవలం స్ట్రీమింగ్‌కు మాత్రమే కాకుండా అంతకు మించిన ఉపయోగాలను వినియోగదారులకు అందిస్తుంది. ఇందులో హ్యాండ్ ట్రాకింగ్‌ టెక్నాలజీ కూడా ఉంది. షియోమీ విడుదల చేయనున్న లేటెస్ట్ ఏఆర్ గ్లాసెస్ చాలా ఆధునిక ఫీచర్స్ పొందుతుంది. అయితే కంపెనీ దీనిని ఎప్పుడు లాంచ్ చేస్తుంది, ధరలు ఎలా ఉంటాయనేది తెలియాలి. అయితే కంపెనీ దీనిని త్వరలోనే మార్కెట్లో విడుదల చేయడానికి కావలసిన అన్ని సన్నాహాలు చేస్తోంది. Boasting a retina-level near-eye display for AR glasses, Xiaomi Wireless AR Glass Discovery Edition delivers a truly immersive visual experience. Moreover, our self-developed Xiaomi AR Gesture Control empowers effortless control between virtual and real space. pic.twitter.com/EipqBWxkpW — Lei Jun (@leijun) February 27, 2023

సాక్షి, ముంబై: మారుతి సుజుకి కొత్త వెర్షన్‌ బ్రెజ్జాను తీసుకురానుంది. 2022 మారుతి సుజుకి బ్రెజ్జా సబ్‌కాంపాక్ట్ ఎస్‌యూవీని లాంచ్‌ చేయనుంది. అలాగే మారుతి సుజుకి పేరు నుండి 'వితారా' అనే పదాన్ని తొలగిస్తోంది. కేవలం బ్రెజ్జా అని పిలుస్తోంది.ఈ మేరకు మొదటి టీజర్‌ను కంపెనీ  విడుదల చేసింది  కొత్త 2022 బ్రెజ్జా జూన్ 30నుంచి కస్టమర్‌లు అరేనా షోరూమ్‌లో లేదా ఆన్‌లైన్‌లో 11 వేలకు ప్రీ-ఆర్డర్ చేయవచ్చు. సబ్‌కాంపాక్ట్ ఎస్‌యూవీకి స్టైలింగ్, ఫీచర్లు  టెక్ పరంగా బారీ మేక్ఓవర్‌ను అందిస్తోంది. ముఖ్యంగా  కొత్త బ్రెజ్జా తొలి సన్‌రూఫ్ కారుగా రావడం స్పెషల్‌ ఎట్రాక్షన్‌ కానుంది.ఇంకా కార్ టెక్  కనెక్ట్ , ప్యాడిల్ షిఫ్టర్‌, 6-స్పీడ్ ఆటోమేటిక్ ట్రాన్స్‌మిషన్, 6 ఎయిర్‌బ్యాగ్‌లు, ఎలక్ట్రానిక్ స్టెబిలిటీ ప్రోగ్రామ్ లేదా ESPతో అప్‌డేట్ చేయబడిన ఇంజీన్‌ను జోడించింది.  5 లీటర్ పెట్రోల్ ఇంజన్‌ 102బీహెచ్‌పీ వద్ద 35 ఎన్‌ఎం గరిష్ట టార్క్‌ను అందిస్తుంది. సీఎస్‌జీ వెర్షన్ కూడా ఉంటుందని భావిస్తున్నారు. కేవలం 6 సంవత్సరాలలో 7.5 లక్షల యూనిట్ల అమ్మకాలతో, దేశంలోని కాంపాక్ట్ ఎస్‌యూవీ సెగ్మెంట్‌లో బ్రెజ్జా బలమైన మార్కెట్ మారుతీ సీనియర్ ఎగ్జిక్యూటివ్ డైరెక్టర్ (మార్కెటింగ్ & సేల్స్) శశాంక్ శ్రీవాస్తవ తెలిపారు సరికొత్త టెక్ ఫీచర్‌లు, కమాండింగ్ డ్రైవింగ్ ఫీచర్స్‌తో మారుతి కొత్త బ్రెజ్జా నెక్స్ట్-జెన్ స్మార్ట్ హైబ్రిడ్ కె-సిరీస్ ఇంజన్‌తో వస్తుందని, న్యూహాట్, టెక్కీ బ్రెజ్జాను పరిచయం చేస్తున్నామన్నారు. Feel the breeze while cruising through the city! Introducing Electric Sunroof in the All New #HotAndTechyBrezza.#BookingsOpen #AllNewBrezza #MarutiSuzukiArena #MSArena #MarutiSuzuki pic.twitter.com/ipJI67BbCA — Maruti Suzuki Arena (@MSArenaOfficial) June 20, 2022

హైదరాబాద్, బిజినెస్‌ బ్యూరో: లగ్జరీ కార్ల తయారీలో ఉన్న జర్మనీ సంస్థ బీఎండబ్ల్యూ.. భారత్‌లో పూర్తి ఎలక్ట్రిక్‌ సెడాన్‌ ఐ4 ప్రవేశపెట్టింది. పరిచయ ఆఫర్‌లో ధర రూ.69.9 లక్షలు. పూర్తిగా తయారైన కారును భారత్‌కు దిగుమతి చేసుకుంటోంది. 340 హెచ్‌పీ పవర్‌తో అయిదవ తరం బీఎండబ్ల్యూ ఈ–డ్రైవ్‌ టెక్నాలజీని వాడారు. గంటకు 100 కిలోమీటర్ల వేగాన్ని 5.7 సెకన్లలో అందుకుంటుంది. 80.7 కిలోవాట్‌ అవర్‌ లిథియం అయాన్‌ బ్యాటరీ పొందుపరిచారు. ఒకసారి చార్జింగ్‌ చేస్తే 590 కిలోమీటర్లు ప్రయాణిస్తుందని కంపెనీ ప్రకటించింది. దేశంలో ఇతర ఈవీలతో పోలిస్తే ఈ స్థాయిలో ప్రయాణించే సామర్థ్యం ఉండడం ఇదే అత్యధికమని వెల్లడించింది. షాప్‌.బీఎండబ్ల్యూ.ఇన్‌ వెబ్‌సైట్‌లో ఐ4 బుక్‌ చేసుకోవచ్చు. డెలివరీలు జూలై నుంచి ప్రారంభం అవుతాయి.

న్యూఢిల్లీ: ప్రీమియం మిడ్‌–సైజ్‌ సెడాన్‌ సెగ్మెంట్‌లో మరింత పోటీకి తెరతీస్తూ స్కోడా ఆటో ఇండియా తాజాగా సరికొత్త స్లావియా కారును ప్రవేశపెట్టింది. దీని ధర రూ. 10.69 లక్షల నుంచి రూ. 15.39 లక్షల (ఎక్స్‌ షోరూం) శ్రేణిలో ఉంటుంది. నెలకు 2,500–3,000 యూనిట్ల విక్రయాన్ని లక్ష్యం గా పెట్టుకున్నట్లు కంపెనీ బ్రాండ్‌ డైరెక్టర్‌ జాక్‌ హాలిస్‌ తెలిపారు. వచ్చే ఆరు నెలల్లో సెగ్మెంట్‌ లీడరుగా ఎదగాలన్నది తమ లక్ష్యమని ఆయన పేర్కొన్నారు. 179 ఎంఎం గ్రౌండ్‌ క్లియరెన్స్, పార్కింగ్‌ సెన్సార్లు, ఆటోమేటిక్‌ బ్రేక్‌ డిస్క్‌ క్లీనింగ్, రియర్‌ వ్యూ కెమెరా, టైర్‌ ప్రెజర్‌ మానిటరింగ్, హిల్‌–హోల్డ్‌ కంట్రోల్, క్రూయిజ్‌ కంట్రోల్‌ తదితర ఫీచర్లు కొత్త    స్లావియాలో ఉంటాయి.  

హైదరాబాద్, బిజినెస్‌ బ్యూరో: మొబైల్స్‌ బ్రాండ్‌ మోటరోలా తాజాగా మోటో జీ51 5జీ మోడల్‌ను భారత్‌లో ఆవిష్కరించింది. ధర రూ.14,999 ఉంది. 12 రకాల 5జీ బ్యాండ్స్‌ను ఇది సపోర్ట్‌ చేస్తుంది. రూ.15 వేల లోపు ధరల విభాగంలో దేశంలో ఈ స్థాయి మోడల్‌ ఇదొక్కటేనని కంపెనీ తెలిపింది. భారత్‌లో తొలిసారిగా క్వాల్‌కామ్‌ స్నాప్‌డ్రాగన్‌ 480 ప్లస్‌ 5జీ ప్రాసెసర్‌తో తయారైంది. 120 హెట్జ్‌ 6.8 అంగుళాల ఎఫ్‌హెచ్‌డీ ప్లస్‌ డిస్‌ప్లే, బిజినెస్‌ గ్రేడ్‌ సెక్యూరిటీ సొల్యూషన్‌ థింక్‌షీల్డ్, 50 ఎంపీ క్వాడ్‌ కెమెరా, 20 వాట్‌ టర్బోపవర్‌ చార్జర్‌తో 5000 ఎంఏహెచ్‌ బ్యాటరీ, 4జీబీ ర్యామ్, 64 జీబీ ఇంటర్నల్‌ మెమరీ వంటి హంగులు ఉన్నాయి. వేగవంతమైన ఇంటర్నెట్‌ కోసం 4జీ4 మిమో, 3 క్యారియర్‌ అగ్రిగేషన్‌ సాంకేతికత జోడించారు. ఫ్లిప్‌కార్ట్‌లో డిసెంబర్‌ 16 నుంచి లభిస్తుంది.   చదవండి:ఐఫోన్‌ 13 ఉచితం ! ఎక్కడ? ఎప్పుడు? ఎలా?

హైదరాబాద్, బిజినెస్‌ బ్యూరో: ద్విచక్ర వాహన తయారీ సంస్థ హోండా మోటార్‌సైకిల్, స్కూటర్‌ ఇండియా తాజాగా యాక్టివా 125 స్కూటర్‌ ప్రీమియం ఎడిషన్‌ను విడుదల చేసింది. ఢిల్లీ ఎక్స్‌షోరూంలో ధర డ్రమ్‌ బ్రేక్స్‌  రూ.78,725, డిస్క్‌ బ్రేక్‌ వేరియంట్‌ రూ.82,280 ఉంది. డ్యూయల్‌ టోన్‌ కలర్‌ ఆప్షన్స్, సెమి డిజిటల్‌ ఇన్‌స్ట్రుమెంట్‌ ప్యానెల్, ఏసీజీ సైలెంట్‌ స్టార్ట్‌ సిస్టమ్, ఐడ్లింగ్‌ స్టాప్‌ స్టార్ట్‌ సిస్టమ్, బ్లాక్‌ ఇంజన్, బ్లాక్‌ ఫ్రంట్‌ సస్పెన్షన్‌ వంటి హంగులు ఉన్నాయి. ప్రీమియం గ్రాఫిక్స్, లుక్‌ కస్టమర్లను ఇట్టే ఆకట్టుకుంటుందని కంపెనీ తెలిపింది.   

హైదరాబాద్, బిజినెస్‌ బ్యూరో: ఇటాలియన్‌ సూపర్‌బైక్స్‌ తయారీ సంస్థ డుకాటీ తాజాగా లిమిటెడ్‌ ఎడిషన్‌ స్క్రాంబ్లర్‌ డెసర్ట్‌ స్లెడ్‌ ఫాస్ట్‌హౌజ్‌ మోటార్‌సైకిల్‌ను విడుదల చేసింది.  ధర ఎక్స్‌షోరూంలో రూ.10.99 లక్షలు. డుకాటీ స్క్రాంబ్లర్, అమెరికన్‌ క్లోతింగ్‌ బ్రాండ్‌ ఫాస్ట్‌హౌజ్‌ సహకారాన్ని వేడుక చేసుకోవడంలో భాగంగా కొత్త మోడల్‌కు రూపకల్పన చేశారు. అంతర్జాతీయంగా 800 యూనిట్లు మాత్రమే తయారు చేశారు.  

హైదరాబాద్, బిజినెస్‌ బ్యూరో: లగ్జరీ కార్ల తయారీలో ఉన్న మెర్సిడెస్‌ బెంజ్‌ సరికొత్త ‘ఏఎంజీ జీఎల్‌ఈ 63 ఎస్‌ 4మేటిక్‌ ప్లస్‌ కూపే’ కారును ప్రవేశపెట్టింది. ఏఎంజీ శ్రేణిలో ఇది 12వ మోడల్‌. ధర ఎక్స్‌షోరూంలో రూ.2.07 కోట్లు. 4 లీటర్‌ ఇంజన్, 612 హెచ్‌పీ పవర్, అదనంగా 22 హెచ్‌పీ అందించే 48 వోల్ట్‌ హైబ్రిడ్‌ సిస్టమ్‌ పొందుపరిచారు. 3.8 సెకన్లలోనే గంటకు 100 కిలోమీటర్ల వేగాన్ని అందుకుంటుంది. గరిష్ట వేగం గంటకు 280 కిలోమీటర్లు. అన్ని వైపులా ఎయిర్‌బ్యాగ్స్, బ్లైండ్‌ స్పాట్‌ అసిస్ట్, యాక్టివ్‌ బ్రేక్‌ అసిస్ట్, 3 స్టేజ్‌ ఎలక్ట్రానిక్‌ స్టెబిలిటీ ప్రోగ్రాం వంటి హంగులు ఉన్నాయి.

హైదరాబాద్, బిజినెస్‌ బ్యూరో: వాహన తయారీ సంస్థ మహీంద్రా అండ్‌ మహీంద్రా నుంచి కొత్త ఎస్‌యూవీ ఎక్స్‌యూవీ700 మార్కెట్లోకి అడుగుపెట్టింది. ఎక్స్‌షోరూంలో ధర రూ.11.99 లక్షల నుంచి ప్రారంభం. డీజిల్, పెట్రోల్‌ వేరియంట్లలో మాన్యువల్, ఆటోమేటిక్‌ ఆప్షన్స్‌తో 5, 7 సీట్ల సామర్థ్యంతో వాహనాన్ని రూపొందించారు. వేరియంట్‌నుబట్టి స్మార్ట్‌ డోర్‌ హ్యాండిల్స్, స్కైరూఫ్, కర్టెయిన్‌ ఎయిర్‌బ్యాగ్స్, డ్రైవర్‌ డ్రౌజినెస్‌ అలర్ట్, స్మార్ట్‌ క్లీన్‌ జోన్, అడ్వాన్స్‌డ్‌ డ్రైవర్‌ అసిస్టెన్స్‌ సిస్టమ్, సైడ్‌ ఎయిర్‌బ్యాగ్స్, మెమరీతో 6–వే పవర్‌ సీట్, సీక్వెన్షియల్‌ టర్న్‌ ఇండికేటర్స్, బ్లైండ్‌ వ్యూ మానిటరింగ్, ఎల్రక్టానిక్‌ పార్క్‌ బ్రేక్, వైర్‌లెస్‌ చార్జింగ్, 360 సరౌండ్‌ వ్యూ వంటి హంగులు ఉన్నాయి. 

న్యూఢిల్లీ: లగ్జరీ కార్ల తయారీలో ఉన్న జర్మనీ దిగ్గజం ఆడి తాజాగా భారత్‌లో  ఆర్‌ఎస్‌ 5 స్పోర్ట్‌బ్యాక్‌ మోడల్‌ను ప్రవేశపెట్టింది. ఎక్స్‌షోరూంలో ధర రూ.1.04 కోట్లు. 450 హెచ్‌పీ పవర్‌తో 2.9 లీటర్‌ వీ6 ట్విన్‌ టర్బో పెట్రోల్‌ ఇంజన్‌తో తయారైంది. 6 ఎయిర్‌బ్యాగ్స్, 3 జోన్‌ ఎయిర్‌కండీషనింగ్, పనోరమిక్‌ గ్లాస్‌ సన్‌రూఫ్‌ వంటివి పొందుపరిచారు. గంటకు 100 కిలోమీటర్ల వేగాన్ని 3.9 సెకన్లలో అందుకుంటుంది. గరిష్ట వేగం గంటకు 250 కిలోమీటర్లు. కంపెనీ పూర్తిగా తయారైన కారును భారత్‌కు దిగుమతి చేస్తోంది.

దేశీ బ్రాండ్‌గా ఒకప్పుడు ఇండియా మార్కెట్‌లో హవా చెలాయించిన మైక్రోమ్యాక్స్‌ మళ్లీ పట్టు కోసం ప్రయత్నిస్తోంది. తనదైన శైలిలో అతి తక్కువ ధరలో అదిరిపోయే ఫీచర్లతో మార్కెట్‌లోకి కొత్త ఫోన్‌ తెస్తోంది. హ్యాంగ్‌ ఫ్రీ గతేడాది మైక్రోమాక్స్‌ ఐఎన్‌ 1బీ మోడల్‌ని మార్కెట్‌లోకి మైక్రోమ్యాక్స్‌ విడుదల చేసింది. ఇప్పుడు దానికి కొనసాగింపుగా మైక్రోమ్యాక్స్‌ ఐన్‌ 2బీని రిలీజ్‌ చేస్తోంది. ఐఎన్‌ 2బీ ఫోన్‌ పెర్ఫామెన్స్‌ స్మూత్‌గా ఉంటుందని, హ్యంగ్‌ ఫ్రీ ఫోన్‌ అంటూ మైక్రోమ్యాక్స్‌ క్లయిమ్‌ చేసుకుంటోంది. ఈ మొబైల్‌లో యూనిసాక్‌ టీఎ610 చిప్‌సెట్‌ని మైక్రోమ్యాక్స్‌ ఉపయోగిస్తోంది. ధర ఆడ్రాంయిడ్‌ 11 వెర్షన్‌పై ఐన్‌ 2బీ మోడల్‌ ఫోన్‌ పని చేస్తుంది. ఈ మొబైల్‌ను 4 జీబీ, 6 జీబీ ర్యామ్‌లు 64 జీబీ స్టోరేజీ వేరియంట్లుగా అందుబాటులోకి రాబోతున్నాయి. ఇందులో 4 జీబీ వేరియంట్‌ మొబైల్‌ ధర రూ. 7,000లు ఉండగా 6 జీబీ ర్యామ్‌ మొబైల్‌ ధర రూ. 8,999లుగా ఉంది. ఆగస్టు 4న ఫ్లిప్‌కార్ట్‌ వేదికగా 2బీ మొబైల్‌ లాంచ్‌ చేయనుంది మైక్రోమ్యాక్స్‌.  బిగ్‌ బ్యాటరీ మైక్రోమ్యాక్స్‌ 2బీలో 5000 ఎంఏహెచ్‌ బ్యాటరీని అమర్చారు. దీంతో 15 గంటల పాటు వీడియో స్ట్రీమింగ్‌, 20 గంటల బ్రౌజింగ్‌ టైమ్‌ని అందిస్తోంది మైక్రోమ్యాక్స్‌. అంతేకాదు ఈ సెగ్మెంట్‌లో ఫాస్టెస్ట్‌ ఫింగర్‌ ప్రింట్‌స్కానర్‌ ఈ మొబైల్‌లో పొందు పరిచారు. బ్లాక్‌, బ్లూ, గ్రీన్‌ కలర్లలో ఈ మొబైల్‌ మార్కెట్‌లోకి రాబోతుంది. ఇందులో 5 మెగా పిక్సెల్‌ ఫ్రంట్‌కెమెరా, వెనుక వైపు 13 ఎంపీ, 2 ఎంపీ కెమెరాలు రెండు అమర్చారు. 6.5 అంగులాల వాటర్‌ డ్రాప్‌ నాచ్‌ హెడ్‌డీ డిస్‌ప్లేని అమర్చింది.  

Jaguar Land Rover Defender 90  ముంబై: జాగ్వార్‌ ల్యాండ్‌ రోవర్‌ తన ఎస్‌యూవీ డిఫెండర్‌ 90 విక్రయాలను ప్రారంభించింది. గురువారం నుంచి అమ్మకాలు మొదలుపెట్టినట్లు ఒక ప్రకటనలో కంపెనీ తెలిపింది. కారు  ధర రూ.76.57 లక్షలుగా ఉంది. ఈ ఎస్‌యూవీ మూడు ఇంజిన్‌ ఆప్షన్లలో వస్తుంది. ఆరు సీట్ల సామర్థ్యం ఉంది. ‘‘గతేడాది మార్కెట్లోకి వచ్చిన డిఫెండర్‌ 110 మోడల్‌కు డిమాండ్‌ కొనసాగుతుంది. ఇప్పుడు డిఫెండర్‌ 90 విడుదలతో ల్యాండ్‌ రోవర్‌ బ్రాండ్‌ మరింత ఆకర్షణీయంగా మారుతుంది’’ అని జేఎల్‌ఆర్‌ విభాగపు ఎండీ రోహిత్‌ తెలిపారు.

న్యూఢిల్లీ: లగ్జరీ కార్ల తయారీలో ఉన్న బీఎండబ్ల్యూ ఆధునీకరించిన ఎం5 కాంపిటీషన్‌ సెడాన్‌ను ప్రవేశపెట్టింది. ఎక్స్‌షోరూంలో ధర రూ.1.62 కోట్లు. 4.4 లీటర్‌ వీ8 పెట్రోల్‌ ఇంజన్‌ 625 హెచ్‌పీ పవర్‌ను జనరేట్‌ చేస్తుంది. 3.3 సెకన్లలోనే 100 కిలోమీటర్ల వేగాన్ని అందుకుంటుంది. ఫీచర్స్‌ ఈ కారులో 6 ఎయిర్‌ బ్యాగ్స్, మిర్రర్‌ క్యాప్స్, లేజర్‌ లైట్స్, ఆటోమేటిక్‌ టెయిల్‌ గేట్, ఫోర్‌ జోన్‌ క్లైమేట్‌ కంట్రోల్, ఎలక్ట్రికల్‌ అడ్జస్టేబుల్‌ సీట్స్, కొత్త షాక్‌ అబ్సార్బర్స్, ట్రాక్‌ మోడ్, సెంట్రలైజ్డ్‌ ఇంటెలిజెంట్‌ కంట్రోల్, డైనమిక్‌ స్టెబిలిటీ కంట్రోల్, కార్నరింగ్‌ బ్రేక్‌ కంట్రోల్, డైనమిక్‌ ట్రాక్షన్‌ కంట్రోల్‌ వంటి హంగులు ఉన్నాయి. కంపెనీ వెబ్‌సైట్‌ ద్వారా మాత్రమే ఎం5 కాంపిటీషన్‌ను బుక్‌ చేసుకోవాల్సి ఉంటుంది.  చదవండి : సెప్టెంబర్‌ నుంచి బజాజ్‌ ఎలక్ట్రిక్ చేతక్‌ డెలివరీలు

మొబైల్‌ వరల్డ్‌ కాంగ్రెస్‌లో ఈసారి అందరి దృష్టి  ఇన్ఫినిక్స్‌ కాన్సెప్ట్‌ 2021 ఫోన్‌పై పడింది. గతంలో ఎన్నడూ లేని విధంగా సరికొత్త కాన్సెప్ట్‌తో ఈ ఫోన్‌లో ఫీచర్స్‌ని ఇన్ఫినిక్స్‌ చేర్చింది.  రంగులు మార్చేస్తుంది డ్యూయల్‌ కలర్‌ ఛేంజింగ్‌ బ్యాక్‌ కవర్‌ ఈ ఫోన్‌ ప్రత్యేకత. ఇన్ఫినిక్స్‌ వెల్లడించిన వివరాల ప్రకారం ఈ ఫోన్‌ బ్యాక్‌ ప్యానెల్‌ కలర్‌ మారుతుందని ఇన్ఫినిక్స్‌ రీసెర్చ్‌ అండ్‌ డెవలప్‌మెంట్‌ మేనేజర్‌ జెస్సీ ఝాంగ్‌ తెలిపారు. గతంలో ఈ తరహా ఫీచర్‌తో ఏ ఫోన్‌ రాలేదు. ఒక రకంగా ఈ ఫోన్‌ ఊసరవెల్లిలా రంగులు మార్చేస్తుంది.  క్రేజీ ఫీచర్లు యువతను ఆకట్టుకునేలా అనేక ఫీచర్లను ఇన్ఫినిక్స్‌ తన రాబోయే ఫోన్‌లో జోడించనుంది. అందులో కలర్‌ ఛేంజింగ్‌ బ్యాక్‌ ప్యానెల్‌తో పాటు 4000 mAh బ్యాటరీ  అందివ్వనుంది దీనికి తోడుగా 160 వాట్స్‌ ఫాస్ట్‌ ఛార్జింగ్ ఇవ్వడం వల్ల 10 నిమిషాల్లోనే ఈ ఫోన్‌ ఫుల్‌ ఛార్జ్‌ అవుతుంది. 50 వాట్స్‌ వైర్‌లెస్‌ ఛార్జింగ్‌ అందివ్వనుంది. 3డీ గ్లాస్‌ కవరింగ్‌, 60 ఎక్స్‌ జూమ్‌ వంటి ఫీచర్లు అందించింది. అంతేకాదు ఫోన్‌ ఎక్కువగా వాడుతున్నా... ఛార్జింగ్‌ చేసే సమయంలో వేడెక్కకుండా ఉండే టెక్నాలజిని ఉపయోగిస్తున్నట్టు ఇన్ఫినిక్స్‌ తెలిపింది.  చదవండి : Gravton Quanta EV: రూ.80కే.. 800 కిలోమీటర్లు ప్రయాణం