అటు గ్లామ‌ర్, ఇటు యాక్టింగ్‌తో సినిమాల్లోకి దూసుకువ‌చ్చిన హీరోయిన్ సౌమ్య మీనన్.  కానీ సూప‌ర్ స్టార్ మహేష్ బాబుతో సినిమా చేయాలనే కోరికతో ‘సర్కారి వారిపాట’ మూవీలో చిన్న క్యారెక్టర్ చేసింది భామ. ఇవాళ సౌమ్య బర్త్‌ డే కావడంతో అభిమానులకు క్రేజీ అప్‌డేట్ ఇచ్చింది కేరళ కుట్టి. శ్రీ వాయుపుత్ర ఎంటర్టైన్మెంట్ అండ్ శ్రీవత్స క్రియేషన్స్ సంయుక్తంగా నిర్మిస్తున్న లేడీ ఓరియంటెడ్ చిత్రం ‘సర’.  ఈ చిత్రంలో సౌమ్య మీనన్ రెండు డిఫరెంట్ షేడ్స్‌ ఉన్న క్యారెక్టర్‌లో కనిపించనున్నారు. వి.శశిభూషణ డైరెక్షన్‌లో ఈ చిత్రం తెరకెక్కిస్తున్నారు.  (ఇది చదవండి: తమన్నా చేయి పట్టుకున్న అభిమాని.. హీరోయిన్ ఏం చేసిందంటే?) కాగా.. మలయాళంలో కినవల్లి, ఫ్యాన్సీ డ్రెస్, చిల్డ్రన్స్ పార్క్.. లాంటి సూపర్ హిట్ సినిమాలలో హీరోయిన్‌గా చేసింది సౌమ్య. ప్రస్తుతం సౌమ్య చేతిలో ఓ కన్నడ , రెండు మలయాళ, తెలుగు సినిమాలు ఉన్నాయి. అయితే.. తెలుగులో కూడా ట్యాక్సీ అనే సినిమా చేసింది. కానీ దానికంటే ముందే సర్కారు వారి పాట రిలీజ్ అయ్యేసరికి అందరి దృష్టిలో పడింది. అంతే కాకుండా సౌమ్య మంచి డాన్సర్ కూడా.. కొన్ని మలయాళీ ప్రైవేట్ మ్యూజిక్ ఆల్బమ్స్‌లో ఆడిపాడింది. అందంతో కట్టిపడేస్తోన్న సౌమ్య మీనన్ లేడీ ఒరియంటెడ్ మూవీ చేయనుండడంతో టాలీవుడ్‌ అభిమానుల్లో ఆసక్తి నెలకొంది. సర చిత్రంతో బర్త్ డే బ్యూటీ సక్సెస్ సాధిస్తుందని అభిమానులు విషెస్ చెబుతున్నారు. మూవీ ఫస్ట్ లుక్‌తో పాటు.. త్వరలోనే అన్ని వివరాలు వెల్లడిస్తామని మేకర్స్ తెలిపారు.  (ఇది చదవండి: ఆస్కార్‌ అంటే ఏంటో తెలియదు: ది ఎలిఫెంట్ విస్పరర్స్ నటి)

కోవిడ్‌ బ్రేక్‌ తర్వాత సినిమా షూటింగ్‌లు మొదలయ్యాయి. మరి.. మహేశ్‌బాబు సెట్స్‌లోకి అడుగుపెట్టేది ఎప్పుడు? అంటే.. ఈ నెల 12న. పరశురామ్‌ దర్శకత్వంలో మహేశ్‌బాబు హీరోగా మైత్రీ మూవీ మేకర్స్‌ నిర్మిస్తున్న చిత్రం ‘సర్కారువారి పాట’. కోవిడ్‌ బ్రేక్‌కి ముందు ఈ సినిమా షూటింగ్‌ జోరుగా జరిగింది. ఇప్పుడు మళ్లీ అదే స్పీడ్‌తో షూటింగ్‌కి రెడీ అవుతోంది ఈ చిత్రబృందం. 12 నుంచి నెలాఖరు వరకూ హైదరాబాద్‌లో చిత్రీకరణ జరపడానికి ప్లాన్‌ చేశారు. సోమవారం నుంచి మహేశ్‌బాబుతో పాటు సినిమాలోని కీలక తారాగణం చిత్రీకరణలో పాల్గొంటారు. టాకీ సీన్స్‌తో పాటు ఒక ఫైట్‌ని కూడా ఈ షెడ్యూల్‌లో చిత్రీకరించనున్నారు. కాగా, విదేశాల్లో కీలక సన్నివేశాలను చిత్రీకరించాలనుకుంటున్నారు. ఈ ఫారిన్‌ షెడ్యూల్‌ సెప్టెంబర్‌లో ఆరంభమయ్యే అవకాశం ఉంది. బ్యాంకింగ్‌ వ్యవస్థలో జరుగుతున్న కుంభకోణాల నేపథ్యంలో ఈ సినిమా ఉంటుందని తెలిసింది. ఇందులో కీర్తీ సురేశ్‌ కథానాయిక.

స్టార్‌ హీరోలు సొంత కారవాన్‌ను ఉపయోగించడం పరిపాటిగా మారింది. టాలీవుడ్‌లో స్టైలిష్‌ స్టార్‌ అల్లు అర్జున్‌కు ఇప్పటికే లగ్జరీ వానిటీ వ్యాన్‌ ఉంది. ఈ మధ్యే మహేశ్‌బాబు కూడా ఓ కారవాన్‌ను కొనుకున్నట్లు ఫిల్మీ దునియాలో టాక్‌ వినిపిస్తున్న విషయం తెలిసిందే. ఆ వ్యాన్‌ను హీరో దగ్గరుండి మరీ రెడీ చేయించుకున్నాడట. అందులో బాత్‌రూమ్‌, హాల్‌, కిచెన్‌, టీవీ సహా సకల సౌకర్యాలు ఉండేలా చూసుకున్నాడట. దీనికోసం మహేశ్‌ ఏకంగా రూ.8 కోట్లు ఖర్చు పెట్టినట్లు తెలుస్తోంది. ప్రస్తుతం తను నటిస్తున్న సర్కారు వారి పాట షూటింగ్‌ సెట్స్‌లో దీన్ని పార్క్‌ చేసేందుకు తాత్కాలిక షెడ్డును కూడా ఏర్పాటు చేయించినట్లు తెలుస్తోంది.  కాగా బాలీవుడ్‌ బాద్‌షా షారుఖ్‌ ఖాన్‌ తన కారవాన్‌ కోసం ఆరున్నర కోట్లు ఖర్చు చేస్తే, మహేశ్‌ ఏకంగా రెండు కోట్లు ఎక్కువ పెట్టి మరీ ఈ కార్వాన్‌ను సొంతం చేసుకున్నాడట. లేట్‌గా తీసుకున్నా లేటెస్ట్‌గా ఉన్న మహేశ్‌ కారవాన్‌ ఫొటోలు ప్రస్తుతం సోషల్‌ మీడియాలో మరోసారి వైరల్‌ అవుతున్నాయి. కాగా మహేశ్‌ ప్రస్తుతం 'సర్కారు వారి పాట' సినిమాలో నటిస్తున్నాడు. మహానటి ఫేమ్‌ కీర్తిసురేశ్‌ హీరోయిన్‌గా నటిస్తోంది. పరుశురామ్‌ డైరెక్ట్‌ చేస్తున్న ఈ సినిమాను మైత్రీమూవీ మేకర్స్, 14 రీల్స్‌ ప్లస్, జీయంబీ ఎంటర్‌టైన్‌మెంట్స్‌ బ్యానర్లు నిర్మిస్తున్నాయి. వచ్చే ఏడాది సంక్రాంతికి ప్రేక్షకుల ముందుకు రానుంది. చదవండి: సందీప్‌ వంగ డైరెక్షన్‌లో మహేష్!

మహేశ్‌బాబు మిస్టర్‌ పర్ఫెక్షనిస్ట్‌ అంటున్నారు ఆయన ఫిట్‌నెస్‌ ట్రైనర్‌ మినాష్‌ గబ్రిఏల్‌. మహేశ్‌ గురించి మినాష్‌ మాట్లాడుతూ– ‘‘సర్కారు వారి పాట’ చిత్రీకరణ కోసం మేం దుబాయ్‌ వచ్చి 30 రోజులయింది. ఇక్కడి కొచ్చాక ఒక్కరోజు కూడా జిమ్‌ను మిస్‌ చేయలేదు మహేశ్‌. షూటింగ్‌ పూర్తి చేసుకోవడం, వర్కౌట్‌ చేయడం ఆయన దినచర్య. వర్కౌట్స్‌ సాయంత్రాలు చేస్తున్నాం. సెట్‌లో ఎంత శ్రమించినా వర్కౌట్స్‌ దగ్గర రాజీపడరు. 2019 నుంచి ఆయనకు ఫిట్‌నెస్‌ ట్రైనర్‌గా చేస్తున్నాను. గాయాలతో బాధపడి, అందులో నుంచి బయటపడి మరింత ఫిట్‌గా మారుతున్న ఆయన జర్నీ అద్భుతం. అందరి వయసు పెరుగుతున్నా మహేశ్‌ వయసు తగ్గుతోంది’’ అన్నారు. View this post on Instagram A post shared by Minash Gabriel (@minash.gabriel)

పూరీ జగన్నాథ్‌ దగ్గర అసిస్టెంట్‌ డైరెక్టర్‌గా చేసిన పరశురామ్‌ యువత చిత్రంతో దర్శకుడిగా మారాడు. చేసింది తక్కువ సినిమాలే అయినా ఎక్కువ పేరు సంపాదించుకున్నాడు. తాజాగా ఆయన సర్కారు వారి పాటకు దర్శకత్వం వహిస్తున్నాడు. మహేశ్‌బాబు, కీర్తి సురేశ్‌ జంటగా నటిస్తున్న ఈ సినిమా షూటింగ్‌ ఇటీవలే దుబాయ్‌లో ప్రారంభమైంది. ఈ క్రమంలో సెట్స్‌లో సాంప్రదాయ దుస్తుల్లో ఉన్న కీర్తి ఫొటోలు ఆ మధ్య సోషల్‌ మీడియాలో వైరల్‌ అయ్యాయి. తాజాగా సెట్స్‌లో గొడుగు నీడన నడుస్తున్న మహేశ్‌ ఫొటో నెట్టింట చక్కర్లు కొడుతోంది. (చదవండి: జనగణమన: మహేశ్‌ నుంచి పవన్‌కు!) కానీ ఈ ఫొటోను చూసిన వెంటనే అందరూ మహేశ్‌కు బదులు డైరెక్టర్‌ గురించే మాట్లాడుకుంటున్నారు. మండుటెండను లెక్క చేయకుండా, తన హోదాను పక్కనపెట్టి మరీ ఏదో స్క్రిప్ట్ చూసుకుంటూ నేలమీద కూర్చుండిపోయాడు పరశురామ్‌. నిజానికైతే అక్కడున్న బాయ్స్‌ను పిలిచి కుర్చీ తెమ్మని పిలవచ్చు, తనకో గొడుగు పట్టమని అడగనూవచ్చు. కానీ ఆయన అలా చేయలేదు. పనిలో మమేకమై అలాంటివేవీ పట్టించుకోకుండా ఎర్రటి ఎండలోనే మట్టి మీద కూర్చుండిపోయాడు. ఇక ఆయన సింప్లిసిటీ చూసిన జనాలు పరశురామ్‌ను మెచ్చుకోకుండా ఉండలేకపోతున్నారు. ఎంత శ్రద్ధ!, ఎంత నిబద్ధత! అని కొనియాడుతున్నారు. (చదవండి: సంక్రాంతికి వస్తున్న 'సర్కారు వారి పాట')

అదృష్టానికి, మోనాల్‌ గజ్జర్‌కు మధ్య కొలవలేనంత దూరం ఉండేది. ఎన్ని సినిమాల్లో నటించినా ఆమెకు పెద్ద గుర్తింపు రాలేదు. ఇదంతా బిగ్‌బాస్‌ ముందు వరకు! కానీ ఒక్క అడుగు ఆమె జీవితాన్నే మార్చేసింది. బిగ్‌బాస్‌లో ఎంట్రీ ఇచ్చిన ఆమె తన అందంతో, ముద్దు ముద్దు మాటలతో ఎందరో ప్రేక్షకులను తన అభిమానులుగా మార్చుకుంది. అయితే హౌస్‌లో అందరూ తనను ఏకాకిని చేసిన ప్రతిసారి ఒంటరిగా కన్నీళ్లు పెట్టుకునేది. తనకే అన్ని కష్టాలొచ్చాయని తల్లడిల్లిపోయేది. (చదవండి: సంక్రాంతికి వస్తున్న 'సర్కారు వారి పాట') కానీ బిగ్‌బాస్‌ షో నుంచి బయటకు వచ్చిన మరుక్షణం ఆమె రాత మారిపోయింది. తనకు గుర్తింపు దక్కిన స్టార్‌ మాలోనే కొత్త షో డ్యాన్స్‌ ప్లస్‌లో జడ్జిగా రెండో జర్నీ మొదలు పెట్టింది. అటు ఆమె నటించిన హిందీ చిత్రం కాగజ్‌ ప్రశంసలు దక్కించుకుంది. మరోవైపు బెల్లంకొండ శ్రీనివాస్‌ అల్లుడు అదుర్స్‌లో ప్రత్యేక గీతంలో ఆడిపాడింది. ఇప్పుడు తాజాగా సూపర్‌ స్టార్‌ మహేశ్‌బాబు సినిమాలోనూ మెరుపుతీగలా వచ్చిపోనుందన్న టాక్‌ వినిపిస్తోంది. (చదవండి: ఎయిర్ పోర్ట్‌లో మోనాల్‌కి షాక్‌.. తెగ బాధేసిందంటూ..) మహేశ్‌బాబు, కీర్తి సురేష్‌ హీరోహీరోయిన్లుగా నటిస్తున్న 'సర్కారు వారి పాట' ప్రస్తుతం దుబాయ్‌లో చిత్రీకరణ జరుపుకుంటోంది. గీతాగోవిందం డైరెక్టర్‌ పరుశురామ్‌ ఈ సినిమాను రూపొందిస్తున్నారు. 'అల్లుడు అదుర్స్‌'లో ఐటమ్‌సాంగ్‌తో ఆకట్టుకున్న మోనాల్‌తో 'సర్కారు వారి పాట'లో కూడా చిందులేయించాలని భావిస్తోందట చిత్రయూనిట్‌. ఇందుకోసం ఆమెతో సంప్రదింపులు జరుపుతున్నారని సమాచారం. అయినా స్టార్‌ హీరోతో కలిసి ఆడిపాడేందుకు మోనాల్‌ అస్సలు వెనుకడుగు వేయందంటున్నారు ఆమె అభిమానులు. మరి మహేశ్‌ సరస మోనాల్‌ డ్యాన్స్‌ చేయనుందన్న విషయం ఎంతవరకు నిజమనేది తెలియాలంటే చిత్రయూనిట్‌ అధికారికంగా ప్రకటించేవరకు వేచి చూడాల్సిందే! (చదవండి: వకీల్‌ సాబ్‌ వచ్చేస్తున్నాడు.. ఆ రోజే రిలీజ్‌)

అటు షూటింగ్‌ మొదలైందో లేదో అప్పుడే రిలీజ్‌ డేట్‌ ప్రకటించేసింది సర్కారు వారి పాట చిత్రయూనిట్‌. వచ్చే ఏడాది సంక్రాంతికి థియేటర్లలో సందడి చేయనున్నామంటూ రిలీజ్‌ డేట్‌ ప్రకటించేసింది. ఇంత త్వరగా విడుదల తేదీ ప్రకటించడంతో ఓ వైపు షాకవుతూనే మరోవైపు సంతోషం వ్యక్తం చేస్తున్నారు మహేశ్‌ ఫ్యాన్స్‌. సంక్రాంతి బరిలో దిగేందుకు పందెంకోడి ఇప్పటి నుంచే సిద్ధమవుతుందంటూ సోషల్‌ మీడియాలో కామెంట్ల వర్షం కురిపిస్తున్నారు. మహేశ్‌బాబు హీరోగా స్టార్‌ డైరెక్టర్‌ పరశురామ్‌ దర్శకత్వంలో తెరకెక్కుతున్న చిత్రమే 'సర్కారు వారి పాట'. ఈ వారం ప్రారంభంలో సినిమా షూటింగ్‌ మొదలైంది. మహేశ్‌తో 'మహానటి' కీర్తి సురేశ్‌ తొలిసారిగా జోడీ కడుతున్నారు. వెన్నెల కిషోర్‌, సుబ్బరాజు కీలక పాత్రలు పోషిస్తున్నారు. (చదవండి: ‘మహేశ్‌ను డైరెక్ట్‌ చేయాలన్న కల నిజమైంది’) భరత్‌ అనే నేను, మహర్షి, సరిలేరు నీకెవ్వరు వరుస సక్సెస్‌ల తర్వాత మహేశ్‌ నటిస్తోన్న లేటెస్ట్‌ చిత్రం కావడంతో సరిలేరు మీద భారీ అంచనాలే నెలకొన్నాయి. 14 రీల్స్‌ ప్లస్‌, మహేశ్‌బాబు సొంతంగా నిర్మిస్తున్న ఈ సినిమాకు మ్యూజిక్‌ సెన్సేషన్‌ తమన్‌ సంగీతం అందిస్తున్నారు. సినిమాటోగ్ర‌ఫి: మ‌ధి, ఎడిటర్: మార్తాండ్ కె. వెంకటేష్, ఆర్ట్ డైరెక్టర్: ఏ ఎస్ ప్రకాష్, ఫైట్ మాస్టర్: రామ్ - లక్ష్మణ్, పిఆర్ఓ: బి.ఏ.రాజు, లైన్ ప్రొడ్యూసర్: రాజ్ కుమార్, కో డైరెక్టర్: విజయ రామ్ ప్రసాద్, సీఈఓ: చెర్రీ, నిర్మాతలు: నవీన్ ఎర్నేని , రవిశంకర్ యలమంచిలి, రామ్ ఆచంట, గోపి ఆచంట. (చదవండి: సంగీత దర్శకుడిని మోసం చేసిన నిర్మాత) Sankranthi it is!!! 😊 #SarkaruVaariPaata @KeerthyOfficial @ParasuramPetla @MusicThaman @GMBents @14ReelsPlus @MythriOfficial pic.twitter.com/QkwE7glZTa — Mahesh Babu (@urstrulyMahesh) January 29, 2021

అబుదాబి: సూపర్‌ స్టార్‌ మహేశ్‌‌ బాబు అభిమానులకు గుడ్‌ న్యూస్‌. ఆయన తాజాగా నటిస్తున్న‘సర్కారు వారి పాట’ ఎప్పుడేప్పుడు సెట్స్‌పై వెళుతుందా అని ఎదురు చూస్తు‍న్న అభిమానులకు మైత్రీ మూవీస్‌ సర్‌ప్రైజ్‌ అందించింది. ఇవాళ‌ దుబాయ్‌లో ఈ మూవీ రెగ్యులర్‌ షూటింగ్‌ మొదలైందంటూ సోషల్‌ మీడియా వేదికగా చిత్ర యూనిట్‌ ప్రకటించింది. ‘ది యాక్షన్ అండ్ ది యాక్షన్ బిగిన్స్’ అనే క్యాప్షన్‌తో ట్వీటర్‌లో ఓ వీడియోను షేర్‌ చేసింది. ఇక అది చూసిన మహేశ్‌‌ అభిమానులంత పండగ చేసుకుంటున్నారు. సోషల్‌ మీడియాలో ‘సర్కారు వారి పాట’ పేరుతో హ్యాష్‌ ట్యాగ్‌ను ట్రెండ్‌ చేస్తున్నారు. టాలెంటెడ్ డైరెక్డ‌ర్ పరశురామ్ దర్శకత్వంలో తెర‌కెక్కుతోన్న ఈ భారీ చిత్రాన్ని 14 రీల్స్ ప్లస్, మహేశ్ బాబు సొంతంగా నిర్మిస్తుండగా లేటెస్ట్ మ్యూజిక్ సెన్సేష‌న్ త‌మ‌న్ ఎస్.ఎస్. సంగీతం అందిస్తున్నారు. ఈ సందర్భంగా దర్శకుడు మాట్లాడుతూ... ‘‘సర్కారు వారి పాట’ మూవీ రెగ్యుల‌ర్ షూటింగ్ ఈ రోజు దుబాయ్‌లో ప్రారంభ‌మైంది. సూప‌ర్‌స్టార్ మ‌హేశ్‌బాబును డైరెక్ట్‌ చేయాల‌న్న ఇన్నేళ్ళ నా క‌ల ఈ రోజు నిజ‌మైంది. మహేష్ బాబుతో కలిసి పనిచేయడం చాలా ఎగ్జైటింగ్‌గా ఉంది.  (చదవండి: ‘సర్కారు వారి పాట’ కోసం దుబాయ్‌ ఛలో) ఈ మూవీని ఒక ఛాలెంజింగ్ తీసుకుని చేస్తున్నాను. డెఫినెట్‌గా ప్రేక్షకులు, మహేష్ బాబు అభిమానుల అంచనాలకు తగినట్లుగా ఈ సినిమా పెద్ద స్థాయిలో ఉంటుంది. ఇర‌వై రోజుల పాటు దుబాయ్‌లో ఫ‌స్ట్ షెడ్యూల్ జ‌ర‌గ‌నుంది. ఇత‌ర న‌టీన‌టులు సాంకేతిక నిపుణుల వివ‌రాల‌ను త్వ‌ర‌లోనే వెల్ల‌డిస్తాం’ అంటూ చెప్పుకొచ్చారు. మ్యూజిక్ డైరెక్ట‌ర్ త‌మ‌న్ మాట్లాడుతూ.. ‘స‌ర్కారు వారి పాట రెగ్యుల‌ర్ షూటింగ్ ప్రారంభ‌మైన సంద‌ర్భంగా టీమ్ అంద‌రికీ ఆల్ ది బెస్ట్’ చెప్పారు. బ్యాంకింగ్‌ నేపథ్యంలో రూపొందుతున్న ఈ చిత్రం భారత బ్యాంకింగ్‌ రంగంలోని కుంభకోణాల చుట్టూ ఈ కథ సాగుతుందని సమాచారం. కాగా మ‌హేశ్‌బాబు సరసన కీర్తీ సురేశ్‌  మొదటిసారి నటిస్తున్నారు. ఇక వెన్నెల కిషోర్, సుబ్బరాజులు కీలక పాత్రలో కనిపించన్నారు. అంతేగాక ఇతర భారీ తారాగణం నటిస్తున్నఈ చిత్రానికి సినిమాటోగ్ర‌ఫి: మ‌ధి, ఎడిటర్: మార్తాండ్ కె. వెంకటేష్, ఆర్ట్ డైరెక్టర్: ఏ ఎస్ ప్రకాష్, ఫైట్ మాస్టర్: రామ్ - లక్ష్మణ్, పిఆర్ఓ: బి.ఏ.రాజు, లైన్ ప్రొడ్యూసర్: రాజ్ కుమార్, కో డైరెక్టర్: విజయ రామ్ ప్రసాద్, సీఈఓ: చెర్రీ, నిర్మాతలు: నవీన్ ఎర్నేని , రవిశంకర్ యలమంచిలి, రామ్ ఆచంట, గోపి ఆచంట,రచన, దర్శకత్వం: పరశురామ్ పెట్ల‌.  (చదవండి: మహేశ్‌ ఫిట్‌నెస్‌‌ సీక్రెట్‌ ఇదేనా.. వీడియో వైరల్‌) The auction and the action begins 🎬 #SarkaruVaariPaataShuru 💥💥 Super 🌟 @urstrulyMahesh @KeerthyOfficial @ParasuramPetla @MusicThaman @MythriOfficial @GMBents#SarkaruVaariPaata 🔔 pic.twitter.com/Z75sPfWoi9 — 14 Reels Plus (@14ReelsPlus) January 25, 2021

మహేశ్‌బాబు నటిస్తున్న లేటెస్ట్‌ చిత్రం ‘సర్కారు వారి పాట’. ఈ సినిమాలో ఓ స్పెషల్‌ సాంగ్‌ ఉంటుంది. ఈ పాటలో బాలీవుడ్‌ బ్యూటీ ఊర్వశీ రౌటేలా స్టెప్‌ వేయబోతున్నారని తెలిసింది. పరశురామ్‌ దర్శకత్వంలో మహేశ్‌బాబు, కీర్తీ సురేశ్‌ జంటగా రూపొందనున్న చిత్రం ‘సర్కారు వారి పాట’. మైత్రీ మూవీ మేకర్స్, 14 రీల్స్‌ ప్లస్, జీయంబీ ఎంటర్‌టైన్‌మెంట్స్‌ సంయుక్తంగా నిర్మిస్తున్నాయి. దుబాయ్‌లో ఈ సినిమా చిత్రీకరణ ప్రారంభం కానుంది. ఈ సినిమాలోని ఓ స్పెషల్‌ సాంగ్‌కు ఊర్వశీ రౌటేలాను సంప్రదించారట. తమన్‌ అందించిన ఈ మ్యాస్‌ ట్యూన్‌కి మహేశ్, ఊర్వశి స్టెప్స్‌ స్పెషల్‌ అట్రాక్షన్‌గా నిలుస్తాయని టాక్‌.

‘సర్కారు వారి పాట’ చిత్రీకరణను షురూ చేయడానికి మహేశ్‌ బాబు సిద్ధమయ్యారు. దుబాయ్‌ ప్రయాణం అయ్యారు కూడా. వచ్చే వారం నుంచి దుబాయ్‌లో ఈ సినిమా చిత్రీకరణ ప్రారంభం కానుంది. పరశురామ్‌ దర్శకత్వంలో మహేశ్‌ హీరోగా తెరకెక్కనున్న చిత్రం ‘సర్కారు వారి పాట’. మైత్రీ మూవీ మేకర్స్, 14 రీల్స్‌ ప్లస్, జీయంబీ ఎంటర్‌టైన్‌మెంట్స్‌ బ్యానర్లు నిర్మిస్తున్నాయి. కీర్తీ సురేశ్‌ కథానాయిక. ఈ సినిమా చిత్రీకరణ 26న దుబాయ్‌లో ప్రారంభం కానుంది. కుటుంబంతో కలసి దుబాయ్‌ ప్రయాణం అయ్యారు మహేశ్‌బాబు. కోవిడ్‌ తర్వాత తొలిసారి సినిమా చిత్రీకరణలో పాల్గొంటున్నారు మహేశ్‌. ఇవాళ నమ్రత పుట్టిన రోజు. దుబాయ్‌లో బర్త్‌డేని సెలబ్రేట్‌ చేసుకున్నారు.  చదవండి: నేను ఎంతో ప్రేమించే వ్యక్తి పుట్టినరోజు నేడు: మహేష్‌

దుబాయ్‌ వెళ్లడానికి రెడీ అవుతున్నారు మహేశ్‌బాబు. ఫ్యామిలీతో అప్పుడప్పుడూ హాలిడే ట్రిప్‌ వెళ్తారు కదా.. ఈ ప్రయాణం అది కాదు. ‘సర్కారువారి పాట’ షూటింగ్‌ కోసమే దుబాయ్‌ వెళ్తున్నారట. పరుశురామ్‌ దర్శకత్వంలో మైత్రీ మూవీ మేకర్స్‌ సంస్థ నిర్మిస్తున్న ఈ చిత్రానికి సంబంధించిన ఓ షెడ్యూల్‌ను ఈ నెకాఖరున దుబాయ్‌లో ఆరంబించాలనుకుంటున్నారని తెలిసింది. అక్కడ ఇరవై రోజుల పాటు చిత్రీకరణ జరిపి, హైదరాబాద్‌ వస్తారట. అనంతరం ఇక్కడి ఓ ప్రముఖ స్టూడియో వేసిన భారీ సెట్‌లో పాట చిత్రీకరించడానికి ప్లాన్‌ చేశారని సమాచారం.  (చదవండి : మహేశ్‌ బాబు అందానికి సీక్రెట్‌ అదే : విష్ణు) ఇక ఈ సినిమా కథ విషయానికి వస్తే.. భారత బ్యాంకింగ్ రంగంలోని కుంభకోణాల చుట్టూ స్టోరీ సాగుతోందని.. మహేశ్‌ ఒక బ్యాంక్ మేనేజర్ కొడుకు పాత్రను పోషిస్తున్నాడని టాక్ నడుస్తోంది. వేలాది కోట్ల ఎగవేసిన ఓ బిజినెస్ మెన్ నుండి ఆ డబ్బు మొత్తాన్ని తిరిగి రాబట్టి.. తన తండ్రి మీద పడ్డ ఆపవాదును ఎలా పోగొట్టాడు అనేది కథాంశంగా ఉండనున్నందని సమాచారం.ఈ సినిమాలో మహేశ్‌ సరసన కీర్తి సురేష్ నటిస్తోంది. 

పవర్‌ స్టార్‌ పవన్‌ కల్యాణ్‌ మాజీ భార్య, నటి రేణు దేశాయ్‌కు కరోనా పాజిటివ్‌ అంటూ ఇటీవల వార్తలు వచ్చిన విషయం తెలిసిందే. దీనిపై స్పందించిన రేణు ఇదంతా ఉట్టి పుకార్లేనని, తనపై ఎలాంటి వార్తలు వచ్చిన నమ్మద్దోని సూచించారు అభిమానులకు సూచించారు. ఒకవేళ ఏదైనా ఉంటే తానే స్పష్టం చేస్తానన్నారు. ఈ క్రమంలో ఆమె మహేష్‌ బాబు తాజా చిత్రం ‘సర్కారు వారి పాట’లో నటిస్తున్నట్లు కూడా వార్తలు వస్తున్నాయి. ఈ సినిమాలో ఆమె మహేష్‌కు వదినగా నటిస్తున్నట్లు కొద్ది రోజులుగా జోరుగా ప్రచారం సాగుతోంది. ఇటీవల లైవ్‌ చాట్‌లో పాల్గొన్న రేణు ‘సర్కారు వారి పాట’ సినిమాలో తను నటించడం లేదని స్పష్టం చేశారు. ‘ఈ వార్తలో ఏమాత్రం నిజం లేదు. ఇలాంటి వార్తలు ఎక్కడి నుంచి పుట్టిస్తారో అర్థం కావడం లేదు. ఇంతకు ముందు కూడా నేను 'మేజర్' సినిమాలో నటించనున్నట్లు ప్రచారం చేశారు. ఇప్పడు మహేష్‌కు వదినగా నటిస్తున్నానని ప్రచారం చేస్తున్నారు. ఒకవేళ నేను నటిస్తే ఆ విషయాన్ని స్వయంగా ప్రకటిస్తాను’ అంటూ ఆమె చెప్పకొచ్చారు.  (చదవండి: ‌అడవి శేష్‌ ‘మేజర్‌’ ఫస్ట్‌ లుక్‌ పోస్టర్‌..!) ఇక తెలుగులో సెకండ్‌ ఇన్నింగ్స్‌ను ప్రారంభించినా రేణు ఇప్పటికే ఓ చిత్రాన్ని పూర్తి చేసినట్లు చెప్పారు. అంతేగాక మరో రెండు సినిమాల కథలు విన్నానని, వాటిని ఫైనలైజ్ చేయాల్సి ఉందని ఆమె ఈ సందర్భంగా వెల్లడించారు. దీనితో పాటు రైతుల సమస్యలపై ఓ సినిమాను నిర్మించేందుకు కూడా అన్నీ సిద్ధం చేసుకుంటున్నట్లు వివరించారు. కాగా ‘గీత గోవిందం’ ఫేమ్‌ పరశురామ్‌ దర్శకత్వంలో తెరకెక్కనున్న ‘సర్కారు వారి పాట’ను మైత్రీ మూవీ మేకర్స్, 14 రీల్స్‌ ప్లస్, జీయంబీ ఎంటర్‌టైన్‌మెంట్స్‌ బ్యానర్లు నిర్మించనున్నాయి. ఇందులో కీర్తీ సురేశ్‌ తొలిసారిగా మహేష్‌కు ఈ సినిమాతో జోడికట్టారు. బ్యాంక్‌ స్కామ్‌ నేపథ్యంలో రూపొందుతున్న ఈ సినిమాలో మహేష్‌ బ్యాంక్‌ ఉద్యోగిగా కనిపించనున్నారు. (చదవండి: రేణూ దేశాయ్‌కు కరోనా?: నటి స్పందన) View this post on Instagram A post shared by renu desai (@renuudesai)

పరశురామ్ ​దర్శకత్వంలో సూపర్‌ స్టార్‌ మహేష్‌బాబు నటిస్తున్న తాజాచిత్రం 'సర్కారు వారి పాట'. ఈ సినిమాతో హీరోయిన్‌ కీర్తి సురేష్‌ తొలిసారిగా మహేష్‌తో జోడీ కట్టనున్నారు. ఈ చిత్రం తొలి షెడ్యూల్‌ షూటింగ్‌ జనవరి చివర్లో ప్రారంభం కానుంది. అయితే ఇప్పటికే మహేష్‌ అభిమానులు ట్విటర్‌లో సర్కారు వారి పాట అనే హ‍్యష్‌ ట్యాగ్‌ను ట్రెండ్‌ చేస్తున్నారు. తాజాగా ఈ మూవీకి సంబంధించిన ఓ వార్త టాలీవుడ్‌లో చక్కర్లు కొడుతోంది. భారీ బడ్జెట్‌తో రూపొందుతున్న ఈ సినిమాలో మహేష్‌కు వదినగా పవన్‌ కల్యాణ్‌ మాజీ భార్య రేణు దేశాయ్‌ నటించనున్నట్లు సమాచారం. ఇందుకు ఇప్పటికే చిత్ర బృందం రేణు దేశాయ్‌ని సంప్రదించినట్లు ఫిలీం వర్గాల్లో చర్చలు వినిపిస్తున్నాయి. (ట్విటర్‌లో ట్రెండింగ్; ‌ఏ కారణం లేకుండానే..) బ్యాంక్ స్కాముల నేపథ్యంలో సర్కారు వారి పాట చిత్ర కథ సాగనుండటం వల్ల బ్యాంకు వాతావరణంలో ఎక్కువ షూటింగ్ వుండే అవకాశం ఉంది. దాంతో హైదరాబాద్‌, అమెరికాలో ఎక్కువ శాతం షూటింగ్‌ ఉండనున్నట్లు తెలుస్తోంది. ఇప్పటికే కొన్ని బ్యాంకు ఎపిసోడ్లు చిత్రీకరించడానికి రామోజీ ఫిల్మ్‌సిటీలో ప్రత్యేకంగా సెట్‌ వేసినట్లు సమాచారం. మైత్రి మూవీ మేకర్స్, 14 రీల్స్ ప్లస్, జిఎంబి ఎంటర్టైన్మెంట్ సంయుక్తంగా నిర్మిస్తున్న ఈ చిత్రానికి ఎస్ఎస్ తమన్ సంగీతం అందిస్తున్నారు. 'సర్కారు వారి పాట' పూర్తి కాగానే ‌ పూరి జగన్నాథ్‌‌, ఎస్‌ఎస్‌ రాజమౌళి దర్వకత్వంలో మహేష్ నటించనున్నారని సమాచారం. (వైరల్‌: కలిసి నటిస్తున్న మహేశ్‌, రణ్‌వీర్‌! )  .

మహేశ్‌ బాబు కోసం ఓ బ్యాంక్‌ రెడీ అవుతోంది. నెల రోజుల పాటు మహేశ్‌ ఈ బ్యాంక్‌కి వెళుతుంటారు. ఇంతకీ బ్యాంక్‌ కథ ఏంటీ అంటే.. ‘సర్కారువారి పాట’లో మహేశ్‌బాబు బ్యాంక్‌ ఉద్యోగి పాత్రలో కనిపిస్తారనే వార్త వినపడుతోన్న సంగతి తెలిసిందే. ప్రస్తుతం హైదరాబాద్‌లో బ్యాంక్‌ సెట్‌ వేస్తున్నారని సమాచారం. ఈ సెట్‌లో నెల రోజుల చిత్రీకరణ ప్లాన్‌ చేశారట. వచ్చే నెల ఈ షూటింగ్‌ ప్రారంభమయ్యే చాన్స్‌ ఉంది. ముందు అమెరికా షెడ్యూల్‌ జరిపి, ఆ తర్వాత ఇక్కడ షెడ్యూల్‌ ప్లాన్‌ చేశారు. కానీ కరోనా వల్ల ప్లాన్‌ మారింది. ముందు ఈ సెట్‌లో షూట్‌ చేసి, మార్చిలో అమెరికా షెడ్యూల్‌ ప్రారంభించాలనుకుంటున్నారు. పరశురామ్‌ దర్శకత్వంలో మైత్రీ మూవీ మేకర్స్, 14 రీల్స్‌ ప్లస్, జీయంబీ సంస్థలు నిర్మించనున్న ఈ చిత్రంలో కీర్తీ సురేశ్‌ కథానాయికగా నటించనున్నారు.

మహేశ్‌బాబు నటించనున్న తాజా చిత్రం ‘సర్కారువారి పాట’. ఈ సినిమా షూటింగ్‌ షెడ్యూల్స్‌లో చిన్న మార్పు వచ్చిందని సమాచారం. ‘గీత గోవిందం’ ఫేమ్‌ పరశురామ్‌ దర్శకత్వంలో మహేశ్‌బాబు హీరోగా తెరకెక్కనున్న చిత్రం ‘సర్కారువారి పాట’. మైత్రీ మూవీ మేకర్స్, 14 రీల్స్‌ ప్లస్, జీయంబీ ఎంటర్‌టైన్‌మెంట్స్‌ బ్యానర్లు నిర్మించనున్నాయి. కీర్తీ సురేశ్‌ కథానాయిక. బ్యాంక్‌ స్కామ్‌ బ్యాక్‌డ్రాప్‌లో ఈ సినిమా కథాంశం ఉంటుందని తెలిసింది. ఈ సినిమాలో మహేశ్‌ బ్యాంక్‌ ఉద్యోగి పాత్రలో కనిపిస్తారట. ఈ సినిమా చిత్రీకరణను అమెరికా షెడ్యూల్‌తో ప్రారంభించాలనుకున్నారు. జనవరి నుంచి అమెరికాలో 45 రోజుల షెడ్యూల్‌ జరపాలని ప్లాన్‌ చేసింది చిత్రబృందం. అయితే ప్లాన్‌లో చిన్న చేంజ్‌ అని తెలిసింది. హైదరాబాద్‌లో కొన్ని రోజుల పాటు చిత్రీకరణ జరిపి, ఆ తర్వాత అమెరికా షెడ్యూల్‌ ఆరంభించాలనుకుంటున్నారట. జనవరి మొత్తం హైదరాబాద్‌లో చిత్రీకరణ జరిపి, ఫిబ్రవరిలో యూఎస్‌ వెళ్లనున్నారు. తమన్‌ సంగీతం అందిస్తున్న ఈ సినిమాకు మది కెమెరామేన్‌.

తండ్రి మహేశ్‌బాబు సినిమాకి సితార క్లాప్‌ కొట్టింది. భర్త మహేశ్‌ కోసం నమ్రత కెమెరా స్విచాన్‌ చేశారు. మహేశ్‌బాబు హీరోగా పరశురామ్‌ దర్శకత్వంలో  మైత్రీ మూవీ మేకర్స్, జీఎంబీ ఎంటర్‌టైన్‌ మెంట్, 14 రీల్స్‌ ప్లస్‌ సంస్థలు నిర్మించనున్న ‘సర్కారు వారి పాట’ సినిమా పూజా కార్యక్రమాలు శనివారం జరిగాయి. ఈ సందర్భంగా చిత్రీకరించిన ముహూర్తం షాట్‌కి నమ్రత కెమెరా స్విచాన్‌ చేయగా, సితార క్లాప్‌ ఇచ్చింది. హైదరాబాద్‌లోని ఓ గుడిలో జరిగిన ఈ వేడుకలో సితార సెంటరాఫ్‌ ఎట్రాక్షన్‌ అని చెప్పాలి. జనవరి మొదటి వారంలో రెగ్యులర్‌ షూటింగ్‌ ఆరంభించుకోనున్న ఈ చిత్రంలో కీర్తీ సురేశ్‌ కథానాయికగా నటించనున్నారు. ఈ చిత్రానికి సంగీతం: థమన్‌. ఎస్‌.ఎస్, కెమెరా: మది, లైన్‌ ప్రొడ్యూసర్‌: రాజ్‌ కుమార్, సీఈఓ: చెర్రీ, నిర్మాతలు: నవీన్‌ ఎర్నేని, రవిశంకర్‌ యలమంచిలి, రామ్‌ ఆచంట, గోపి ఆచంట.

సూపర్ స్టార్ మహేష్ బాబు తాజా చిత్రం 'సర్కారు వారి పాట'. మైత్రీ మూవీ మేకర్స్, జీఎమ్‌బీ ఎంటర్‌టైన్‌మైంట్‌, 14 రీల్స్ ప్లస్ సంస్థల నిర్మాణంలో యువ దర్శకుడు పరశురామ్ దర్శకత్వంలో ప్రతిష్టాత్మకంగా తెరకెక్కనుంది. శనివారం కేపీహెచ్‌బీ కాలనీలోని కాశీ విశ్వనాధ స్వామి గుడిలో పూజా కార్యక్రమాలతో ఈ చిత్ర షూటింగ్‌ లాంఛనంగా ప్రారంభం అయింది. మహేష్‌ కూతురు ఘట్టమనేని సితార ఫస్ట్ క్లాప్ కొట్టగా, నమ్రత మహేష్ కెమెరా స్విచ్ ఆన్  చేశారు. ( నాని కొత్త సినిమా అప్‌డేట్‌ వచ్చేసింది..) ముహూర్తం షాట్‌ని కాశీ విశ్వనాధ స్వామి గుడిలో చిత్రీకరించారు. జనవరి మొదటి వారం నుండి రెగ్యులర్ షూటింగ్ ప్రారంభం అవుతుంది. సూప‌ర్‌స్టార్ మ‌హేశ్‌బాబు, కీర్తి సురేష్, వెన్నెల కిషోర్, సుబ్బరాజు ప్రధాన పాత్రల్లో నటిస్తున్నారు. థమన్ సంగీతం అందిస్తున్నారు. (ఫొటో గ్యాలరీ కోసం ఇక్కడ క్లిక్ చేయండి)

ఇటీవలే కుటుంబంతో కలసి హాలిడేకు వెళ్లారు మహేశ్‌బాబు. భార్య నమ్రత, పిల్లలు గౌతమ్, సితారలతో దుబాయ్‌లో ఓ వారం పాటు చిన్న ట్రిప్‌ను ఎంజాయ్‌ చేశారు. దీపావళిని కూడా అక్కడే  సెలబ్రేట్‌ చేసుకున్నారు. ఈ ట్రిప్‌కి సంబంధించిన ఫొటోలను ఎప్పటికప్పుడు తన సోషల్‌ మీడియా ద్వారా షేర్‌ చేశారు. తాజాగా దుబాయ్‌కి బై చెప్పేశారు. ట్రిప్‌ ముగించుకుని ఇండియా తిరిగొచ్చారు. ‘‘తెల్లవారుజాము 3 గంటలకు ఇంత బాగా ఎవరు కనబడతారు? ఇంత అందమైన వ్యక్తి ఎదురుగా కూర్చుంటే టైమ్‌ ఎలా గడిచిపోతోందో కూడా తెలియదు. జీవితం చాలా అందంగా ఉంది. ప్రేమ కోసం బతకాలి’’ అంటూ ఎయిర్‌ పోర్ట్‌లో తీసిన భర్త ఫొటోను షేర్‌ చేశారు నమ్రత. ప్రస్తుతం పరశురామ్‌ దర్శకత్వంలో ‘సర్కారు వారి పాట’ సినిమా కమిట్‌ అయ్యారు మహేశ్‌. త్వరలోనే ఈ చిత్రీకరణలో పాల్గొననున్నారు. ఈ సినిమా చిత్రీకరణ ఎక్కువ శాతం అమెరికాలోనే జరగనుంది. 

‘మహానటి’ సినిమాతో జాతీయ ఉత్తమ నటిగా అవార్డు అందుకున్నారు కీర్తీ సురేష్‌. దక్షిణాదిలో క్రేజీ ఆఫర్లతో దూసుకెళుతోన్న ఆమె పుట్టినరోజు శనివారం. ఈ సందర్భంగా టాలీవుడ్‌తో పాటు దక్షిణాది భాషల సినీ ప్రముఖులు ఆమెకు పుట్టినరోజు శుభాకాంక్షలు తెలియజేశారు. హీరో మహేశ్‌ బాబు కూడా సోషల్‌ మీడియా వేదికగా కీర్తీకి పుట్టినరోజు శుభాకాంక్షలు చెప్పారు. ‘టాలెంటెడ్‌ కీర్తీ సురేష్‌కు పుట్టినరోజు శుభాకాంక్షలు. ‘సర్కారువారి పాట’ టీమ్‌ మీకు స్వాగతం పలుకుతోంది. ఈ సినిమా కచ్చితంగా మీ కెరీర్‌లో ఒక మంచి జ్ఞాపకంగా మిగిలిపోతుంది’ అని ట్వీట్‌ చేశారు మహేశ్‌బాబు. ఈ చిత్రానికి పరశురామ్‌ దర్శకత్వం వహిస్తున్న సంగతి తెలిసిందే. కీర్తీ సురేష్‌ ప్రచార చిత్రం విడుదల నితిన్, కీర్తీ సురేష్‌ జంటగా నటిస్తున్న చిత్రం ‘రంగ్‌ దే’. వెంకీ అట్లూరి దర్శకత్వం వహిస్తున్నారు. పీడీవీ ప్రసాద్‌ సమర్పణలో సూర్యదేవర నాగవంశీ ఈ సినిమాని నిర్మిస్తున్నారు. కీర్తి పుట్టినరోజు సందర్భంగా ‘రంగ్‌ దే’లోని ఆమె ప్రచార చిత్రాన్ని చిత్రబృందం విడుదల చేసింది.

‘సర్కారు వారి పాట’ చిత్రబృందం అమెరికాలో షూటింగ్‌ చేయబోతుందనే సంగతి తెలిసిందే. తాజాగా అమెరికాలో ఎక్కడ షూట్‌ చేయాలో కూడా ఫిక్సయ్యారట. మహేశ్‌బాబు హీరోగా పరశురామ్‌ దర్శకత్వంలో తెరకెక్కనున్న చిత్రం ‘సర్కారు వారి పాట’. మైత్రీ మూవీ మేకర్స్, 14 రీల్స్, జీయంబీ ఎంటర్‌టైన్‌మెంట్స్‌ సంస్థలు ఈ చిత్రాన్ని నిర్మించనున్నాయి. బ్యాంక్‌ స్కామ్‌ల బ్యాక్‌డ్రాప్‌లో ఈ చిత్రకథ ఉంటుందట. ఈ సినిమాలో ఓ భారీ షెడ్యూల్‌ను యూఎస్‌లో ప్లాన్‌ చేశారు. యూఎస్‌లోని డెట్రాయిట్‌లో చిత్రీకరణ జరుపుతారట. త్వరలోనే దర్శకుడు పరశురామ్, కెమెరామేన్‌ మది డెట్రాయిట్‌లో లొకేషన్స్‌ను ఫైనలైజ్‌ చేస్తారట. కీర్తీ సురేశ్‌ ఈ సినిమాలో హీరోయిన్‌గా నటించనున్నారని సమాచారం.

సినిమా హీరోలు లుక్కు మారిస్తే చాలు ఫ్యాన్స్‌కి అదో కిక్కు. ప్రస్తుతం అలాంటి కిక్కే ఫ్యాన్స్‌కు అందించారు మహేశ్‌బాబు. ‘సర్కారు వారి పాట’ అనే సినిమాలో నటించనున్నారు మహేశ్‌. ఈ సినిమాలో కొత్త లుక్‌లో కనిపించనున్నారాయన. అందుకోసం జుట్టు పెంచుతున్నారు కూడా. బుధవారం ఓ యాడ్‌ షూట్‌లో పాల్గొన్నారు మహేశ్‌. అందులో భాగంగా ఓ ఫొటో బయటకు వచ్చింది. ఆ ఫొటోలో కొత్త లుక్‌లో కనిపించిన మహేశ్‌ని చూసి ఫ్యాన్స్‌ అందరూ ‘భలే ఉన్నావు బాబు’ అంటూ సోషల్‌ మీడియాలో సందడి చేశారు. అయితే ఇదే లుక్‌తో సినిమాలోనూ కనిపిస్తారా? ఇంకా డిఫరెంట్‌గా ఉంటుందా? అనేది ప్రస్తుతానికి సస్పెన్స్‌.

’సర్కారు వారి పాట’ చిత్రబందం ఫారిన్‌ ప్లాన్‌ వేసిందని సమాచారం. ఈ సినిమాను అమెరికాలో షూట్‌ చేయడానికి సిద్ధం అవుతున్నారని తెలిసింది. మహేష్‌ బాబు హీరోగా పరశురామ్‌ దర్శకత్వంలో  తెరకెక్కుతున్న చిత్రం ‘సర్కారు వారి పాట’. ఈ చిత్రాన్ని14 రీల్స్‌ ప్లస్, మైత్రీ మూవీ మేకర్స్, జీఎంబీ ఎంటర్‌ టైన్‌ మెంట్స్‌ బ్యానర్లు నిర్మిస్తున్నాయి. బ్యాంకు స్కామ్‌ బ్యాక్‌ డ్రాప్‌ లో ఈ చిత్రకథ సాగుతుందట. ఆల్రెడీ ఈ చిత్రం ప్రీ–లుక్‌ మరియు, మోషన్‌ పోస్టర్‌ ను విడుదల చేసిన సంగతి తెలిసిందే. అయితే ఈ సినిమా ఎప్పుడు సెట్స్‌ మీదకు వెళ్తుందనే ప్రశ్నకు సమాధానం దొరికింది. ఈ చిత్రం షూటింగ్‌ ను ఫారిన్‌ షెడ్యూల్‌ తో మొదలు పెట్టాలనుకుంటున్నారట. అక్టోబర్‌ లేదా నవంబర్‌ మొదటి వారంలో ఈ చిత్రబందం అమెరికా వెళ్లనున్నట్టు సమాచారం. ఒక నెలరోజుల పాటు అక్కడ చిత్రీకరణ చేయాలనుకుంటున్నారట. కరోనా పరిస్థితులు అప్పటికి సర్దుకుంటాయా? లేదా అనేది చిన్న సందేహం. ఈ సినిమాలో కీర్తీ సురేష్‌ కథానాయిక అని టాక్‌. కెమేరామ్యాన్‌ మది. తమన్‌ సంగీత దర్శకుడు.

సూప‌ర్ స్టార్ మ‌హే‌శ్ బాబు నేడు 45వ వ‌సంతంలోకి అడుగు పెట్టారు. ఈ సంద‌ర్భంగా 'స‌ర్కారు వారి పాట' చిత్రబృందం ఆదివారం ఉద‌యం 9 గంట‌ల 9 నిమిషాల‌కు మోష‌న్ పోస్ట‌ర్ రిలీజ్ చేస్తూ అభిమానుల‌కు మ్యూజిక‌ల్ స‌ర్‌ప్రైజ్ ఇచ్చింది. స‌ర్కారు వారి పాట అంటూ సాగుతూ బ్యాక్‌గ్రౌండ్‌లో వ‌చ్చే సంగీతం అదిరిపోయింది. ప్రీలుక్‌లో స్టైలిష్‌గా మెడ మీద రూపాయి నాణెం టాటూతో క‌నిపించిన మ‌హేశ్ ఈ సారి రూపాయి బిళ్ళను ఎగ‌రేస్తూ మ్యాజిక్ చేశారు. దీంతో బ‌ర్త్‌డే గిఫ్ట్ అదిరిపోయిందంటూ అభిమానులు పండ‌గ చేసుకుంటున్నారు. కానీ మ‌హేశ్ పూర్తి లుక్ మాత్రం చూపించ‌నేలేదు. (బర్త్‌డే సందర్భంగా ఫ్యాన్స్‌కు మహేష్‌ పిలుపు) హీరో బ‌ర్త్‌డే సంద‌ర్భంగా ఆయ‌న అభిమానులు #HBDMaheshBabuను ట్విట‌ర్‌లో ట్రెండ్ చేస్తున్నారు. ఇక ఈపాటికే సూప‌ర్ స్టార్ కృష్ణ బర్త్‌డే సందర్భంగా ఈ చిత్రం టైటిల్‌ను, మ‌హేశ్ ప్రీలుక్‌ను విడుద‌ల చేసిన సంగ‌తి తెలిసిందే. పూర్తి వినోదాత్మ‌కంగా తెర‌కెక్కుతున్న ఈ చిత్రం ఓ సందేశాన్ని ఇవ్వ‌నుంది. 'గీతా గోవిందం' ఫేమ్‌‌ ప‌ర‌శురామ్ ద‌ర్శ‌క‌త్వంలో మ‌హేశ్ బాబు, కీర్తి సురేష్ జంట‌గా మైత్రీ మూవీ మేక‌ర్స్, 14 రీల్స్‌, జీఎంబీ ఎంట‌ర్‌టైన్‌మెంట్స్ బ్యాన‌ర్లు ఈ చిత్రాన్ని నిర్మిస్తున్నాయి. ఈ సినిమాకు త‌మ‌న్ సంగీతం అందిస్తున్నారు. (ఆ విషయంలో తగ్గేది లేదన్న స్వీటీ )

మహేశ్‌బాబు పుట్టినరోజున (ఈ నెల 9) ఆయన అభిమానుల కోసం ఓ మ్యూజికల్‌ సర్‌ప్రైజ్‌ ప్లాన్‌ చేశారట  ‘సర్కారువారి పాట’ చిత్రబృందం. సూపర్‌ స్టార్‌ కష్ణ బర్త్‌ డే సందర్భంగా ఈ చిత్రం టైటిల్‌ను (సర్కారువారి పాట), మహేశ్‌ ప్రీ–లుక్‌ను విడుదల చేసిన సంగతి తెలిసిందే. తాజాగా ఈ సినిమాలోని ఓ వీనుల విందైన ట్యూన్‌ని ఆగస్ట్‌ 9న వినిపించబోతున్నారట. పరశురామ్‌ దర్శకత్వంలో మహేశ్‌ బాబు, కీర్తీ సురేష్‌ జంటగా మైత్రీ మూవీ మేకర్స్, 14 రీల్స్‌ ప్లల్స్, జీయంబీ ఎంటర్‌టైన్‌మెంట్స్‌ బ్యానర్లు ఈ చిత్రాన్ని నిర్మిస్తున్నాయి. ఓ హీరోయిన్‌గా బాలీవుడ్‌ భామ అనన్యా పాండే నటిస్తారని సమాచారం. త్వరలో షూటింగ్‌ ప్రారంభం కానుంది. ఈ చిత్రానికి తమన్‌ సంగీత దర్శకుడు.