అంత‌ర్జాతీయ క్రికెట్‌లోనైనా, ఫ్రాంచైజీ లీగ్ క్రికెట్‌లోనైనా డబుల్ సూపర్ ఓవర్ జ‌ర‌గ‌డం చాలా చాలా అరుదుగా చూస్తూ ఉంటాం. అటువంటిది ఓ టోర్నీలో ఏకంగా మూడు సూప‌ర్ ఓవ‌ర్లతో మ్యాచ్‌ ఫలితాన్ని తేల్చాల్సి వచ్చింది.. అవును మీరు విన్నది నిజమే.కర్ణాటక క్రికెట్ అసోసియేషన్(కేసీఏ) ఆధ్వర్యంలో జరుగుతున్న మహారాజా టీ20 ట్రోఫీలో ఈ అరుదైన ఘటన చోటు చేసుకుంది. ఈ ట్రోఫీలో భాగంగా శుక్రవారం హుబ్లీ టైగర్స్, బెంగళూరు బ్లాస్టర్స్ మధ్య జరిగిన మ్యాచ్ ఫలితం మూడు సూపర్ ఓవర్లతో తేలింది. చివరవరకు ఉత్కంఠ భరితంగా సాగిన ఈ మ్యాచ్‌లో హుబ్లీ టైగర్స్ విజయం సాధించింది. టీ20 క్రికెట్ చరిత్రలో ట్రిపుల్ సూపర్ ఓవర్ జరగడం ఇదే తొలిసారి కావడం విశేషం. ఈ మ్యాచ్‌లో తొలుత బ్యాటింగ్ చేసిన హుబ్లీ టైగర్స్ నిర్ణీత 20 ఓవర్లలో 164 పరుగులు చేసింది. హుబ్లీ టైగర్స్ బ్యాట‌ర్ల‌లో కెప్టెన్ మ‌నీష్ పాండే(33) ప‌రుగుల‌తో టాప్ స్కోర‌ర్‌గా నిలిచాడు. అనంతరం బ్యాటింగ్‌కు దిగిన బెంగళూరు బ్లాస్టర్స్ కూడా నిర్ణీత ఓవ‌ర్ల‌లో స‌రిగ్గా 9 వికెట్లు కోల్పోయి 164 ప‌రుగులే చేసింది. దీంతో మ్యాచ్ సూప‌ర్ ఓవ‌ర్‌కు దారితీసింది. బెంగళూరు బ్లాస్టర్స్ కెప్టెన్ మ‌యాంక్ అగ‌ర్వాల్‌ 54 ప‌రుగులతో రాణించాడు. ఇక తొలి సూప‌ర్ ఓవ‌ర్‌లో మొద‌ట బ్యాటింగ్ చేసిన బెంగళూరు బ్లాస్టర్స్ కేవ‌లం 10 ప‌రుగులు మాత్ర‌మే చేసింది. మ‌యాంక్ అగ‌ర్వాల్ గోల్డ‌న్ డ‌క్‌గా వెనుదిర‌గ‌గా.. అనిరుద్ జోషీ 8 పరుగులు చేశాడు. అనంత‌రం బెంగళూరు బ్లాస్టర్స్ కూడా మ‌ళ్లీ ప‌రుగులు చేసింది. దీంతో రెండో సూప‌ర్ ఓవ‌ర్ నిర్వ‌హించ‌వ‌ల‌సి వ‌చ్చింది. ఈసారి రెండో సూప‌ర్ ఓవ‌ర్‌లో మొద‌ట బ్యాటింగ్ చేసిన హుబ్లీ టైగర్స్ 8 పరుగులు చేయగా.. బెంగళూరు బ్లాస్టర్స్ కూడా 8 పరుగులే చేసింది.దీంతో మ‌ళ్లీ స్కోర్ స‌మం కావ‌డంతో మ్యాచ్ ఫ‌లితాన్ని తేల్చ‌డానికి మూడో సూప‌ర్ నిర్వ‌హించారు. మూడో సూప‌ర్ ఓవ‌ర్‌లో మొద‌ట బ్యాటింగ్ చేసిన బెంగళూరు బ్లాస్టర్స్ 12 ప‌రుగులు చేసింది. అనంత‌రం హుబ్లీ టైగర్స్ 13 ప‌రుగులు చేసి చారిత్ర‌త్మ‌క విజ‌యాన్ని అందుకుంది. Friday night frenzy at the @maharaja_t20: Not one, not two, but THREE Super Overs were needed for Hubli Tigers to finally win against Bengaluru Blasters 🤯🤯🤯#MaharajaT20onFanCode #MaharajaTrophy #MaharajaT20 pic.twitter.com/ffcNYov1Qf— FanCode (@FanCode) August 23, 2024

శ్రీలంకతో నిన్న (జులై 30) జరిగిన మూడో టీ20లో టీమిండియా సూపర్‌ ఓవర్‌లో విజయం సాధించింది. టీ20ల్లో సూపర్‌ ఓవర్‌లో విజయం సాధించడం భారత్‌కు ఇది నాలుగో సారి. బౌల్‌ ఔట్‌తో కలుపుకుని ఐదో సారి. భారత్‌ ఇప్పటివరకు ఆడిన ప్రతి సూపర్‌ ఓవర్‌లో విజయం సాధించింది. న్యూజిలాండ్‌పై రెండు సార్లు, ఆఫ్ఘనిస్తాన్‌, శ్రీలంకపై చెరో సారి టీమిండియా సూపర్‌ విక్టరీలు సాధించింది.మ్యాచ్‌ విషయానికొస్తే.. నిర్ణీత ఓవర్లలో ఇరు జట్ల స్కోర్లు సమం కావడంతో మ్యాచ్‌ సూపర్‌ ఓవర్‌కు దారి తీసింది. తొలుత బ్యాటింగ్‌ చేసిన భారత్‌.. 9 వికెట్ల నష్టానికి 137 పరుగులు చేయగా.. ఛేదనలో తడబడిన శ్రీలంక 8 వికెట్ల నష్టానికి అన్నే పరుగులు చేయగలిగింది.భారత ఇన్నింగ్స్‌లో శుభ్‌మన్‌ గిల్‌ (39), రియాన్‌ పరాగ్‌ (26), సుందర్‌ (25) ఓ మోస్తరు పరుగులు చేయగా.. లంక ఇన్నింగ్స్‌లో నిస్సంక (26), కుశాల్‌ మెండిస్‌ (43), వన్‌డౌన్‌ బ్యాటర్‌ (46) పర్వాలేదనిపించారు.లంక బౌలరల్లో తీక్షణ 3, హసరంగ 2, విక్రమసింఘే, అశిత ఫెర్నాండో, రమేశ్‌ మెండిస్‌ తలో వికెట్‌ పడగొట్టగా.. భారత బౌలర్లలో సుందర్‌, బిష్ణోయ్‌, రింకూ సింగ్‌, స్కై తలో 2 వికెట్లు తీశారు.సూపర్‌ ఓవర్‌లో తొలుత బ్యాటింగ్‌ చేసిన శ్రీలంక.. వాషింగ్టన్‌ సుందర్‌ దెబ్బకు కేవలం​ రెండు పరుగులు మాత్రమే చేసి రెండు వికెట్లు (3 బంతుల్లో) కోల్పోయింది. అనంతరం సూర్యకుమార్‌ తొలి బంతికే బౌండరీ బాది టీమిండియాను గెలిపించాడు. ఈ గెలుపుతో భారత్‌ మూడు మ్యాచ్‌ల సిరీస్‌ను 3-0 తేడాతో క్లీన్‌ స్వీప్‌ చేసింది. ఇరు జట్ల మధ్య వన్డే సిరీస్‌ ఆగస్ట్‌ 2, 4, 7 తేదీల్లో కొలొంబో వేదికగా జరుగనుంది.

పల్లెకెలె: భారత్‌ బ్యాటింగ్‌లో మాత్రమే చెత్తగా ఆడింది. కానీ శ్రీలంక మొత్తానికే చెత్త చెత్తగా ఆడి చేజేతులా ఓడింది. మరోవైపు ఓటమి ఖాయమైన మ్యాచ్‌లో టీమిండియా సూపర్‌ ఓవర్లో గెలిచి టి20 సిరీస్‌ను 3–0తో క్లీన్‌స్వీప్‌ చేసింది. చివరిదైన మూడో టి20 మ్యాచ్‌లో ముందుగా బ్యాటింగ్‌కు దిగిన భారత్‌ 20 ఓవర్లలో 9 వికెట్ల నష్టానికి 137 పరుగులు చేసింది. శుబ్‌మన్‌ గిల్‌ (37 బంతుల్లో 39; 3 ఫోర్లు) కుదురుగా ఆడాడు. తీక్షణ 3, హసరంగ 2 వికెట్లు తీశారు. అనంతరం సులువైన లక్ష్యాన్ని ఛేదించేందుకు బరిలోకి దిగిన శ్రీలంక కూడా సరిగ్గా 20 ఓవర్లలో 8 వికెట్లు 137 పరుగులే చేయడంతో మ్యాచ్‌ టై అయ్యింది. కుశాల్‌ పెరీరా (34 బంతుల్లో 46; 5 ఫోర్లు), కుశాల్‌ మెండిస్‌ (41 బంతుల్లో 43; 3 ఫోర్లు) రాణించారు. వాషింగ్టన్‌ సుందర్‌ వేసిన సూపర్‌ ఓవర్లో శ్రీలంక 3 బంతులాడి 2 వికెట్లు కోల్పోయి 2 పరుగులే చేసింది. 3 పరుగుల లక్ష్యాన్ని తొలి బంతికే బౌండరీతో భారత్‌ అధిగమించింది. రెండు జట్ల మధ్య మూడు మ్యాచ్‌ల వన్డే సిరీస్‌ ఆగస్టు 2న మొదలవుతుంది. డ్రామా మొదలైందిక్కడే... లంక 15 ఓవర్లలో 108/1 స్కోరు చేసింది. చేతిలో 9 వికెట్లున్న లంక 30 బంతుల్లో 30 పరుగులు చేస్తే సరిపోతుంది. రవి బిష్ణోయ్‌ 16వ ఓవర్లో కుశాల్‌ మెండిస్‌ను అవుట్‌ చేస్తే, 17వ ఓవర్లో సుందర్‌... హసరంగ (3), అసలంక (0)లను పెవిలియన్‌ చేర్చాడు. 18వ ఓవర్లో ఏకంగా 11 బంతులేసిన ఖలీల్‌ 12 పరుగులిచ్చాడు. 12 బంతుల్లో 9 పరుగుల సమీకరణం లంకకే అనుకూలంగా ఉండగా... రింకూ సింగ్‌ 19వ ఓవర్లో 3 పరుగులిచ్చి 2 వికెట్లు తీశాడు. ప్రధాన బౌలర్‌ సిరాజ్‌ను పక్కనబెట్టి ఆఖరి ఓవర్‌ వేసిన సూర్యకుమార్‌ 2 వికెట్లు తీసి 5 పరుగులే ఇచ్చాడు. అంతే మ్యాచ్‌ ‘టై’ అయ్యింది. నిర్లక్ష్యంగా బ్యాటింగ్‌ ఓపెనర్‌ శుబ్‌మన్‌ గిల్‌ ఒకవేళ విఫలమైఉంటే భారత్‌ వంద పరుగులు కూడా దాటేది కాదు. ఎందుకంటే అప్పటికే యశస్వి జైస్వాల్‌ (10), సంజూ సామ్సన్‌ (0), రింకూ సింగ్‌ (1) అవుటవడంతో 14 పరుగులకే 3 వికెట్లు, కాసేపటికే కెప్టెన్‌ సూర్యకుమార్‌ (8), శివమ్‌ దూబే (13) పెవిలియన్‌ చేరడంతో 48కే సగం వికెట్లు కూలాయి. ఈ దశలో గిల్‌... రియాన్‌ పరాగ్‌ (18 బంతుల్లో 26; 1 ఫోర్, 2 సిక్స్‌లు)తో కలిసి జట్టు స్కోరును 100 పరుగులు దాటించాడు. తర్వాత వాషింగ్టన్‌ సుందర్‌ (18 బంతుల్లో 25; 2 ఫోర్లు, 1 సిక్స్‌) చేసిన స్కోరుతో భారత్‌ ఆమాత్రం స్కోరు చేసింది. తీరుమారని లంక లంక లక్ష్యం చేరేందుకు టాప్‌–3 బ్యాటర్లు నిసాంక (27 బంతుల్లో 26; 5 ఫోర్లు), కుశాల్‌ మెండిస్, పెరీరా చక్కని బాటవేశారు. 15.1 ఓవర్లలో లంక 110/1 స్కోరుతో పటిష్టంగా నిలిచింది. మరుసటి బంతికి మెండిస్‌ అవుటయ్యాక ఒక్కసారిగా పరిస్థితి మారింది. హసరంగ (3), అసలంక (0), పెరీరా, రమేశ్‌ మెండిస్‌ (3), తీక్షణ (0)ఇలా 22 పరుగుల వ్యవధిలో 7 వికెట్లను పారేసుకోవడంతో ఛేదించే స్కోరును సమం చేసింది. స్కోరు వివరాలుభారత్‌ ఇన్నింగ్స్‌: జైస్వాల్‌ (ఎల్బీడబ్ల్యూ) (బి) తీక్షణ 10; గిల్‌ (స్టంప్డ్‌) కుశాల్‌ మెండిస్‌ (బి) హసరంగ 39; సామ్సన్‌ (సి) హసరంగ (బి) విక్రమసింఘే 0; రింకూ సింగ్‌ (సి) పతిరణ (బి) తీక్షణ 1; సూర్యకుమార్‌ (సి) హసరంగ (బి) ఫెర్నాండో 8; శివమ్‌ దూబే (సి) కుశాల్‌ మెండిస్‌ (బి) రమేశ్‌ 13; పరాగ్‌ (సి) రమేశ్‌ (బి) హసరంగ 26; సుందర్‌ (బి) తీక్షణ 25; రవి బిష్ణోయ్‌ (నాటౌట్‌) 8; సిరాజ్‌ (రనౌట్‌) 0; ఎక్స్‌ట్రాలు 7; మొత్తం (20 ఓవర్లలో 9 వికెట్లకు) 137. వికెట్ల పతనం: 1–11, 2–12, 3–14, 4–30, 5–48, 6–102, 7–105, 8–137, 9–137. బౌలింగ్‌: విక్రమసింఘే 4–0–17–1, తీక్షణ 4–0–28–3, ఫెర్నాండో 2–0–11–1, రమేశ్‌ 3–0–26–1, హసరంగ 4–0–29–2, కమిండు 3–0–24–0. శ్రీలంక ఇన్నింగ్స్‌: నిసాంక (సి) పరాగ్‌ (బి) రవి బిష్ణోయ్‌ 26; కుశాల్‌ మెండిస్‌ (ఎల్బీడబ్ల్యూ) (బి) బిష్ణోయ్‌ 43; పెరీరా (సి అండ్‌ బి) రింకూ సింగ్‌ 46; హసరంగ (సి) బిష్ణోయ్‌ (బి) సుందర్‌ 3; అసలంక (సి) సామ్సన్‌ (బి) సుందర్‌ 0; రమేశ్‌ (సి) గిల్‌ (బి) రింకూ సింగ్‌ 3; కమిండు (సి) రింకూ సింగ్‌ (బి) సూర్య 1; విక్రమసింఘే (నాటౌట్‌) 4; తీక్షణ (సి) సామ్సన్‌ (బి) సూర్య 0; ఫెర్నాండో (నాటౌట్‌) 1; ఎక్స్‌ట్రాలు 10; మొత్తం (20 ఓవర్లలో 8 వికెట్లకు) 137. వికెట్ల పతనం: 1–58, 2–110, 3–117, 4–117, 5–129, 6–132, 7–132, 8–132. బౌలింగ్‌: ఖలీల్‌ అహ్మద్‌ 3–0–28–0, సిరాజ్‌ 3–0–11–0, సుందర్‌ 4–0–23–2, రవి బిష్ణోయ్‌ 4–0–38–2, పరాగ్‌ 4–0–27–0, రింకూసింగ్‌ 1–0–3–0, సూర్యకుమార్‌ 1–0–5–2.

డాలస్‌: టి20 ప్రపంచకప్‌లో భాగంగా పాకిస్తాన్‌తో గురువారం రాత్రి జరిగిన మ్యాచ్‌లో ‘సూపర్‌ ఓవర్‌’ను అద్భుతంగా బౌల్‌ చేసి అమెరికాను గెలిపించిన లెఫ్టార్మ్‌ పేసర్‌ సౌరభ్‌ నేత్రావల్కర్‌పై అన్ని వైపుల నుంచి ప్రశంసలు కురుస్తున్నాయి. భారత్‌కు చెందిన అతను చదువు, ఉద్యోగరీత్యా యూఎస్‌కు వెళ్లి ఇప్పుడు తొలిసారి వరల్డ్‌ కప్‌ ఆడుతున్న తమ టీమ్‌కు చిరస్మరణీయ విజయాన్ని అందించాడు. 32 ఏళ్ల సౌరభ్‌ 2013లో తన తొలి రంజీ ట్రోఫీ మ్యాచ్‌ ఆడాడు. సూర్యకుమార్‌ యాదవ్, శార్దుల్‌ ఠాకూర్, వసీం జాఫర్‌ ఆ మ్యాచ్‌లో అతని సహచరులు. అయితే ఎన్నో ఆశలతో ఫస్ట్‌క్లాస్‌ క్రికెట్‌లోకి అడుగు పెట్టిన అతనికి అదే చివరి రంజీ మ్యాచ్‌ కూడా అయింది. అజిత్‌ అగార్కర్, జహీర్‌ ఖాన్, అవిష్కార్‌ సాల్వి, ధావల్‌ కులకరి్ణలాంటి పేసర్లు ఉన్న ముంబై టీమ్‌లో అతనికి చోటు దక్కడం కష్టమైపోయింది. అంతకు మూడేళ్ల క్రితమే అండర్‌–19 వరల్డ్‌ కప్‌లో ఆడి భారత్‌ తరఫున అత్యధిక వికెట్లు (9) తీసిన బౌలర్‌గా నిలిచాడు. అయితే అతను ఆశించినట్లుగా దేశవాళీ కెరీర్‌ ఊపందుకోకపోగా, ఐపీఎల్‌ అవకాశం కూడా దక్కలేదు. నిజానికి 2009లోనే సౌరభ్‌ వెలుగులోకి వచ్చాడు. ఎయిరిండియా ప్రతిభాన్వేషణలో భాగంగా బెంగళూరు ఎన్‌సీఏలో అద్భుత బంతితో యువరాజ్‌ సింగ్‌ను బౌల్డ్‌ చేయడంతో అతనికి స్కాలర్‌షిప్‌ లభించింది. కొద్ది రోజులకే అదే ఎయిరిండియా తమ ప్రధాన జట్టులోకి తీసుకోవడంతో యువరాజ్, రైనాలతో కలిసి కార్పొరేట్‌ టోర్నీ కూడా ఆడాడు. తర్వాతి ఏడాది కేఎల్‌ రాహుల్, మయాంక్‌ అగర్వాల్, ఉనాద్కట్, హర్షల్‌ పటేల్‌లలో కలిసి అండర్‌–19 ప్రపంచకప్‌లో పాల్గొన్నాడు. అయితే ఏకైక రంజీ మ్యాచ్‌ తర్వాత మళ్లీ ఆశించిన అవకాశాలు రాలేదు. మరో రెండేళ్లు క్రికెట్‌లో గట్టిగా ప్రయత్నిస్తానని, లేదంటే ఆటను ఆపేస్తానని సౌరభ్‌ తన తండ్రికి చెప్పాడు. చివరకు అదే జరిగింది. కంప్యూటర్‌ ఇంజినీరింగ్‌ పూర్తి చేసిన అతను ఎమ్మెస్‌ చేసేందుకు 2015లో అమెరికాకు వెళ్లిపోయాడు. న్యూయార్క్‌లో ప్రతిష్టాత్మక కార్నెల్‌ యూనివర్సిటీలో అవకాశం లభించింది. చదువులో ప్రతిభతో పాటు క్రికెట్‌ పరిజ్ఞానంతో ‘క్రిక్‌డీకోడ్‌’ అనే యాప్‌ను తయారు చేయడంతో ప్రత్యేక స్కాలర్‌íÙప్‌ కూడా లభించింది. చదువు పూర్తి కాగానే అతనికి ఒరాకిల్‌ సంస్థలో ఉద్యోగం కూడా వచ్చింది. అమెరికా చేరాక సరదాగా వారాంతపు క్రికెట్‌ ఆడుతూ వచ్చిన సౌరభ్‌... ఆ తర్వాత ఆటపై ప్రత్యేకంగా దృష్టి పెట్టిన యూఎస్‌ నేషనల్‌ చాంపియన్‌షిప్‌లో ఆడటంతో మరింత గుర్తింపు వచ్చింది. ఈ క్రమంలో అమెరికా తరఫున 2018లో తొలి వన్డే ఆడిన నేత్రావల్కర్‌ గత ఏడాది జరిగిన మేజర్‌ లీగ్‌లో ఆకట్టుకోవడంతో టి20 టీమ్‌లో రెగ్యులర్‌ సభ్యుడిగా మారాడు. అండర్‌–19 వరల్డ్‌ కప్‌లో పాక్‌తో మ్యాచ్‌లో బాబర్‌ ఆజమ్‌తో తలపడిన సౌరభ్‌... ఇప్పుడు బాబర్‌ టీమ్‌ను చిత్తు చేయడంలో కీలకపాత్ర పోషించాడు. వరల్డ్‌ కప్‌ మ్యాచ్‌ కోసం ఆఫీసుకు సెలవు పెట్టిన సౌరభ్‌ ప్రదర్శన తర్వాత సౌరభ్‌ కంపెనీ ‘ఎక్స్‌’ ద్వారా తమ ఇంజినీర్‌ను అభినందించింది.

టీ20 వరల్డ్‌కప్‌ 2024లో ఇవాళ (జూన్‌ 7) మూడు మ్యాచ్‌లు జరుగనున్నాయి. కెనడా, ఐర్లాండ్‌ మధ్య జరిగే మొదటి మ్యాచ్‌ (గ్రూప్‌-ఏ) భారత కాలమానం ప్రకారం రాత్రి 8 గంటలకు ప్రారంభంకానుండగా.. శ్రీలంక, బంగ్లాదేశ్‌ మధ్య జరిగే రెండో మ్యాచ్‌ (గ్రూప్‌-డి) భారత కాలమానం ప్రకారం రేపు (జూన్‌ 8) ఉదయం 6 గంటలకు ప్రారంభమవుతుంది. న్యూజిలాండ్‌, ఆఫ్ఘనిస్తాన్‌ మధ్య జరిగే మూడో మ్యాచ్‌ (గ్రూప్‌-సి) విషయానికొస్తే.. ఈ మ్యాచ్‌ భారత కాలమానం ప్రకారం రేపు తెల్లవారుజామున 5 గంటలకు ప్రారంభమవుతుంది. కెనడా-ఐర్లాండ్‌ మధ్య జరిగే తొలి మ్యాచ్‌ న్యూయార్క్‌ వేదికగా జరుగనుండగా.. శ్రీలంక-బంగ్లాదేశ్‌ మ్యాచ్‌కు అమెరికాలోని డల్లాస్‌లో.. న్యూజిలాండ్‌-ఆఫ్ఘనిస్తాన్‌ మ్యాచ్‌ గయానాలో జరుగనున్నాయి.కాగా, యూఎస్‌ఏ, కరీబియన్‌ దీవులు వేదికలుగా జరుగుతున్న టీ20 ప్రపంచకప్‌ రసవత్తరంగా సాగుతుంది. మెగా టోర్నీలో ఇప్పటివరకు జరిగిన అన్ని మ్యాచ్‌లు హోరాహోరీగా సాగాయి. ఈ టోర్నీలో ఇప్పటికే రెండు మ్యాచ్‌లు సూపర్‌ ఓవర్‌ దాకా వెళ్లాయి. పాకిస్తాన్‌-యూఎస్‌ఏ మధ్య నిన్న జరిగిన మ్యాచ్‌ (సూపర్‌ ఓవర్‌) ఓ రేంజ్‌లో సాగింది. ఈ మ్యాచ్‌లో తొలి ప్రపంచకప్‌ ఆడుతున్న యూఎస్‌ఏ.. పటిష్టమైన పాకిస్తాన్‌కు ఊహించని షాకిచ్చింది. దీనికి ముందు ఒమన్‌-నమీబియా మధ్య జరిగిన మ్యాచ్‌ కూడా సూపర్‌ ఓవర్‌ దాకా వెళ్లింది. ఆ మ్యాచ్‌లో నమీబియా ఒమన్‌పై (సూపర్‌ ఓవర్‌లో) విక్టరీ సాధించింది. మెగా టోర్నీలో ఇప్పటివరకు 12 మ్యాచ్‌లు జరగ్గా స్కాట్లాండ్‌-ఇంగ్లండ్‌ మధ్య జరగాల్సిన మ్యాచ్‌ వర్షం కారణంగా రద్దైంది. నిన్న యూఎస్‌ఏ చేతిలో ఓటమితో పాకిస్తాన్‌ సూపర్‌-8కు చేరే అవకాశాలను సంక్లిష్టం చేసుకుంది. జూన్‌ 9న భారత్‌.. చిరకాల ప్రత్యర్ది పాక్‌తో తలపడనుంది.

డాలస్‌: టి20 ప్రపంచకప్‌లో పెను సంచలనం... టోర్నీ 11వ మ్యాచ్‌లో ‘సూపర్‌ ఓవర్‌’ ద్వారా అనూహ్య ఫలితం వచి్చంది. తొలిసారి వరల్డ్‌ కప్‌ బరిలోకి దిగిన ఆతిథ్య అమెరికా జట్టు అద్భుతం చేసింది. అటు బౌలింగ్‌లో, ఇటు బ్యాటింగ్‌లో సత్తా చాటి మాజీ చాంపియన్‌ పాకిస్తాన్‌ను చిత్తు చేసింది. 20 ఓవర్ల సమరంలో ఇరు జట్లు సమంగా నిలవడంతో ‘సూపర్‌ ఓవర్‌’ అనివార్యమైంది. గురువారం జరిగిన గ్రూప్‌ ‘ఎ’ మ్యాచ్‌లో యూఎస్‌ఏ ‘సూపర్‌ ఓవర్‌’లో 5 పరుగులతో పాక్‌ను ఓడించింది. 2009 విజేత పాకిస్తాన్‌ సమష్టి వైఫల్యం కారణంగా పరాభావంతో టోర్నీని మెుదలు పెట్టగా...తొలి మ్యాచ్‌లో కెనడాపై నెగ్గిన యూఎస్‌ వరుసగా రెండో విజయాన్ని అందుకుంది. పాక్‌ తరఫున ఆమిర్‌ వేసిన సూపర్‌ ఓవర్లో అమెరికా 18 పరుగులు చేయగా... గెలవాలంటే ‘సూపర్‌ ఓవర్‌’లో 19 పరుగులు చేయాల్సిన పాక్‌... అమెరికా బౌలర్‌ సౌరభ్‌ నేత్రావల్కర్‌ వేసిన సూపర్‌ ఓవర్లో ఒక వికెట్‌ కోల్పోయి 13 పరుగులు మాత్రమే చేసి ఓడిపోయింది.అంతకుముందు టాస్‌ ఓడి ముందుగా బ్యాటింగ్‌కు దిగిన పాకిస్తాన్‌ 20 ఓవర్లలో 7 వికెట్ల నష్టానికి 159 పరుగులు చేసింది. బాబర్‌ ఆజమ్‌ (43 బంతుల్లో 44; 3 ఫోర్లు, 2 సిక్స్‌లు), షాదాబ్‌ ఖాన్‌ (25 బంతుల్లో 40; 1 ఫోర్, 3 సిక్స్‌లు) రాణించగా... షాహిన్‌ అఫ్రిది (16 బంతుల్లో 23 నాటౌట్‌; 1 ఫోర్, 2 సిక్స్‌లు) చివర్లో కీలక పరుగులు చేశాడు. అమెరికా బౌలర్లలో నాస్తుష్‌ కెన్‌జిగే 3 వికెట్లు పడగొట్టగా, సౌరభ్‌ నేత్రావల్కర్‌ 2 వికెట్లు తీశాడు. అనంతరం అమెరికా 20 ఓవర్లలో 3 వికెట్లకు 159 పరుగులు సాధించింది. కెప్టెన్ మోనాంక్‌ పటేల్‌ (38 బంతుల్లో 50; 7 ఫోర్లు, 1 సిక్స్‌), ఆరోన్‌ జోన్స్‌ (26 బంతుల్లో 36 నాటౌట్‌; 2 ఫోర్లు, 2 సిక్స్‌లు), గూస్‌ (26 బంతుల్లో 35; 5 ఫోర్లు, 1 సిక్స్‌) కీలక ఇన్నింగ్స్‌లు ఆడారు. ఒక దశలో చేతిలో 9 వికెట్లతో 8 ఓవర్లలో 56 పరుగులు చేయాల్సిన మెరుగైన స్థితిలో నిలిచిన అమెరికా ఆ తర్వాత పాక్‌ బౌలింగ్‌ ముందు తడబడింది. అయితే 19వ ఓవర్‌ వరకు పట్టు బిగించిన పాక్‌...చివరి ఓవర్లో వెనుకంజ వేసింది. రవూఫ్‌ వేసిన ఈ ఓవర్లో గెలుపు కోసం 15 పరుగులు చేయాల్సి ఉండగా యూఎస్‌ ఫోర్, సిక్స్‌ సహా 14 పరుగులు రాబట్టింది. టి20 ప్రపంచకప్‌లో నేడుఐర్లాండ్‌ X కెనడావేదిక: న్యూయార్క్‌; రాత్రి గం. 8 నుంచిస్టార్‌ స్పోర్ట్స్, హాట్‌ స్టార్‌లో ప్రత్యక్ష ప్రసారం

సూపర్‌ ఓవర్‌కు ముందు... నమీబియా గెలిచేందుకు 6 బంతుల్లో 5 పరుగులు కావాలి. క్రీజులో పాతుకుపోయిన ఫ్రయ్‌లింక్‌ (48 బంతుల్లో 45; 6 ఫోర్లు) ఉండటంతో నమీబియా గెలుపు లాంఛనం. కానీ మెహ్రాన్‌ ఖాన్‌ అద్భుతమైన బౌలింగ్‌ వల్ల ఆఖరి బంతి బౌల్‌ అయ్యేసరికి ఒమన్‌ గెలవాలి! ఫ్రయ్‌లింక్, గ్రీన్‌ వికెట్లు తీసిన మెహ్రాన్‌ 4 పరుగులే ఇచ్చాడు. చివరి బంతికి 2 పరుగులపుడు మెహ్రాన్‌ చక్కని బంతి వేయగా... వికెట్‌ కీపర్‌ మిస్‌ ఫీల్డింగ్, మిస్‌ త్రో వల్ల ఒక పరుగు వచ్చి స్కోరు ‘టై’ అయింది. తుది ఫలితం కోసం మ్యాచ్‌ సూపర్‌ ఓవర్‌కు దారి తీసింది. సూపర్‌ ఓవర్లో... ఒమన్‌ బౌలర్‌ బిలాల్‌ ఖాన్‌ వేసిన ఈ ఓవర్‌లో నమీబియా బ్యాటర్లు డేవిడ్‌ వీస్‌ తొలి నాలుగు బంతుల్లో 4, 6, 2, 1 కొట్టగా... చివరి రెండు బంతులు ఆడిన ఎరాస్మస్‌ 4, 4 బాదడంతో ఆ జట్టు వికెట్‌ కోల్పోకుండా 21 పరుగులు చేసింది. విజయం సాధించేందుకు 22 పరుగులు చేయాల్సిన ఒమన్‌ జట్టు నసీమ్‌ (2) వికెట్‌ కోల్పోయి 10 పరుగులే చేయడంతో నమీబియా ‘సూపర్‌’ విక్టరీ నమోదు చేసింది. బ్రిడ్జ్‌టౌన్‌: లాంఛనమైన (ఆఖరి ఓవర్‌ 6 బంతుల్లో 5 పరుగులు) విజయానికి దూరమైన నమీబియా ‘సూపర్‌ ఓవర్‌’తో చేజారిన విజయాన్ని చేజిక్కించుకుంది. ఒమన్‌ పేసర్‌ మెహ్రాన్‌ (3–1–7–3) అసాధారణ బౌలింగ్‌ను... డేవిడ్‌ వీస్‌ ‘షో’ సూపర్‌ ఓవర్లో మాయం చేసింది. ‘సూపర్‌ ఓవర్‌’లో 13 పరుగులు చేసిన వీస్‌ వెంటనే బౌలింగ్‌కు దిగి వికెట్‌ కూడా తీసి 10 పరుగులిచ్చాడు. 20 జట్లు బరిలో ఉన్న ఈ టి20 ప్రపంచకప్‌లో ‘బోర్‌’ మ్యాచ్‌లే బోలెడనుకున్న క్రికెట్‌ ప్రేక్షకులు, విశ్లేషకుల అంచనాల్ని గ్రూప్‌ ‘బి’లోని ఈ మ్యాచ్‌ తారుమారు చేసింది. ఔరా అనిపించేలా ఈ కూనల తక్కువ స్కోర్ల మ్యాచ్‌ వరల్డ్‌కప్‌కే వన్నె తెచ్చింది. సూపర్‌ ఓవర్లో నమీబియా గెలిచినా... మ్యాచ్‌ చూసిన ప్రతి మదిని ఒమన్‌ పోరాటం తాకింది. మొదట బ్యాటింగ్‌కు దిగిన ఒమన్‌ జట్టు 19.4 ఓవర్లలో 109 పరుగులకే ఆలౌటైంది. ఖాలిద్‌ కైల్‌ (39 బంతుల్లో 34; 1 ఫోర్, 1 సిక్స్‌), జీషాన్‌ (20 బంతుల్లో 22; 4 ఫోర్లు) మెరుగ్గా ఆడారు. నమీబియా బౌలర్లలో రూబెన్‌ ట్రంపుల్‌మన్‌ (4/21), వీస్‌ (3/28), కెపె్టన్‌ గెరార్డ్‌ ఎరాస్మస్‌ (2/20) అదరగొట్టారు. తర్వాత నమీబియా కూడా నిరీ్ణత 20 ఓవర్లలో 6 వికెట్ల నష్టానికి 109 పరుగులే చేయడంతో సూపర్‌ ఓవర్‌ అనివార్యమైంది. జాన్‌ ఫ్రయ్‌లింక్‌తో పాటు నికోలస్‌ డేవిన్‌ (31 బంతుల్లో 24; 2 ఫోర్లు, 1 సిక్స్‌) చెప్పుకోదగ్గ స్కోరు చేశాడు. 3: టి20 ప్రపంచకప్‌ చరిత్రలో ‘సూపర్‌ ఓవర్‌’లో ఫలితం తేలిన మ్యాచ్‌లు. శ్రీలంక ఆతిథ్యమిచ్చిన 2012 ప్రపంచకప్‌లో సెప్టెంబర్‌ 27న న్యూజిలాండ్‌తో జరిగిన మ్యాచ్‌లో శ్రీలంక జట్టు.. అక్టోబర్‌ 1న న్యూజిలాండ్‌తో జరిగిన మ్యాచ్‌లో వెస్టిండీస్‌ జట్టు ‘సూపర్‌ ఓవర్‌’లో విజయం సాధించాయి.

టీ20 వరల్డ్‌కప్‌-2024 టోర్నీలోని మ్యాచ్‌లు రసవత్తరంగా సాగుతున్నాయి. టోర్నీ ఆరంభ మ్యాచ్‌లోనే 195 పరుగులను ఛేదించి అందరని షాక్‌కు గురిచేసింది. ఆ తర్వాతి మ్యాచ్‌లో ఆతిథ్య వెస్టిండీస్‌ను పసికూన పపువా న్యూ గినియా ఓడించే అంతా పనిచేసింది.ఇక రెండు మ్యాచ్‌లు ఒక ఎత్తు. సోమ‌వారం బార్బోడ‌స్ వేదిక‌గా ఒమ‌న్‌-న‌మీబియా మ‌ధ్య జ‌రిగిన మ్యాచ్ ఒక ఎత్తు. ఒమ‌న్‌-న‌మీబియా మ్యాచ్‌ అభిమానుల‌ను మునివేళ్ల‌పై నిల‌బెట్టింది. ఇరు జ‌ట్లు స‌మాన స్ధాయిలో పోరాడ‌డంతో మ్యాచ్ సూప‌ర్ ఓవ‌ర్‌కు దారి తీసింది. సూప‌ర్ ఓవ‌ర్‌లో ఒమ‌న్‌పై ఘ‌న విజ‌యం సాధించింది. ఈ మ్యాచ్‌లోలో తొలుత బ్యాటింగ్ చేసిన ఒమన్.. మరో రెండు బంతులు మిగిలి ఉండగానే 109 పరుగులకు కుప్పకూలింది. అనంత‌రం ఒమ‌న్ బౌల‌ర్లు కూడా క‌ట్టుదిట్టంగా బౌలింగ్ చేయ‌డంతో న‌మీబియా కూడా సరిగ్గా నిర్ణీత 20 ఓవ‌ర్ల‌లో 109 ప‌రుగులు మాత్ర‌మే చేసింది. దీంతో సూప‌ర్ ఓవ‌ర్‌లో ఫ‌లితం తేల్చాల్సి వ‌చ్చింది.దంచి కొట్టిన డేవిడ్ వీస్‌, ఎరాస్మస్..ఇక సూప‌ర్ ఓవ‌ర్‌లో తొలుత బ్యాటింగ్ చేసిన న‌మీబియా 21 ప‌రుగుల చేసింది. న‌మీబియా బ్యాట‌ర్ల‌లో డేవిడ్ వీస్ 13 ప‌రుగులు చేయ‌గా.. ఎరాస్మస్ 8 ప‌రుగులు చేశాడు. సూప‌ర్ ఓవ‌ర్‌లో బ్యాటింగ్‌లో అద‌ర‌గొట్టిన డేవిడ్ వీస్‌.. బౌలింగ్‌లో కూడా స‌త్తాచాటాడు.తొలి రెండు బంతులకు 2, 0 రాగా.. మూడో బంతికి నమీస్ కుషిని క్లీన్ బౌల్డ్ చేశాడు. అనంత‌రం రెండు బంతులకు ఒక్కో పరుగు చొప్పున ఇచ్చి వీస్ జ‌ట్టు విజ‌యాన్ని లాంఛనం చేశాడు. ఆఖ‌రి బంతికి సిక్స్ ఇచ్చిన‌ప్ప‌టికి ఒమ‌న్‌కు చేయాల్సిన న‌ష్టం వీస్ చేసేశాడు.12 ఏళ్ల త‌ర్వాత తొలి సూప‌ర్ ఓవ‌ర్‌..కాగా టీ20 వ‌ర‌ల్డ్‌క‌ప్‌లో సూప‌ర్ ఓవ‌ర్ జ‌ర‌గ‌డం ఇది మూడో సారి. చివ‌ర‌గా 2012 టీ20 వ‌ర‌ల్డ్‌క‌ప్‌లో సూప‌ర్ ఓవ‌ర్ జ‌రిగింది. 2012 పొట్టి ప్రపంచకప్‌లో కాండీ వేదికగా శ్రీలంక, న్యూజిలాండ్‌ వేదికగా జరిగిన మ్యాచ్‌ సూపర్‌ ఓవర్‌ ద్వారానే ఫలితం తేలింది. అదే వరల్డ్‌కప్‌లో వెస్టిండీస్‌, కివీస్‌ మ్యాచ్‌ కూడా సూపర్‌ ఓవర్ దారితీసింది. కాగా 2007 టీ20 వరల్డ్‌కప్‌లో భారత్‌-పాకిస్తాన్‌ మ్యాచ్‌ టై అయినప్పటికి సూపర్‌ ఓవర్‌ ద్వారా కాకుండా బాల్‌ అవుట్‌ ద్వారా ఫలితం తేల్చారు.నమీబియా అరుదైన రికార్డు..ఇక సూపర్ ఓవర్‌లో విజయం సాధించిన నమీబియా అరుదైన రికార్డు సాధించింది. టీ20 వరల్డ్‌కప్ టోర్నీలో సూపర్ ఓవర్‌లో అత్యధిక పరుగులు చేసిన జట్టుగా నమీబియా రికార్డులకెక్కింది. ఒమన్‌తో మ్యాచ్‌లో సూపర్ ఓవర్‌లో నమీబియా ఏకంగా 21 పరుగులు సాధించింది.అంతకుముందు ఈ రి​కార్డు వెస్టిండీస్ పేరిట ఉండేది. 2012 టీ20 ప్రపంచకప్‌లో కివీస్‌పై సూపర్ ఓవర్‌లో విండీస్ 19 పరుగులు చేసింది. తాజా మ్యాచ్‌తో విండీస్ రికార్డును నమీబియా బ్రేక్ చేసింది.

టీ20 వరల్డ్‌కప్‌-2024లో బార్బడోస్‌ వేదికగా ఒమాన్‌-నమీబియా మధ్య జరిగిన మ్యాచ్‌ సస్పెన్స్ థ్రిల్లర్‌ను తలపించింది. విజయం కోసం ఇరు జట్ల ఆటగాళ్లు సమాన స్థాయిలో పోరాడడంతో మ్యాచ్ ఫలితం సూపర్‌ ఓవర్‌లో తేలింది. ఒమాన్‌పై సూపర్‌ ఓవర్‌లో నమీబియా విజయం సాధించింది. సూపర్‌ ఓవర్‌లో తొలుత బ్యాటింగ్‌ చేసిన నమీబియా.. డేవిడ్‌ వీస్‌, ఎరాస్మస్ చెలరేగడంతో 6 బంతుల్లో 21 పరుగులు చేసింది. అనంతరం 22 పరుగుల లక్ష్యంతో బరిలోకి దిగిన ఒమన్‌ 6 బంతుల్లో వికెట్‌ కోల్పోయి కేవలం1 0 పరుగులు మాత్రమే చేసింది. సూపర్‌ ఓవర్‌ బౌలింగ్‌ చేసిన డేవిస్‌ వీస్‌ ఒమన్‌ బ్యాటర్లకు ఎటువంటి ఛాన్స్‌ ఇవ్వలేదు.చెలరేగిన నమీబియా బౌలర్లు..ఈ మ్యాచ్‌లో తొలుత బ్యాటింగ్‌ చేసిన ఒమాన్‌.. నమీబియా బౌలర్ల దాటికి 19.4 ఓవర్లలో కేవలం 109 పరుగులకే కుప్పకూలింది. నమీబియా పేసర్‌ రూబెన్ ట్రంపెల్మాన్ 4 వికెట్లతో ఒమన్‌ పతనాన్ని శాసించగా.. ఆల్‌రౌండర్‌ డేవిస్‌ వీస్‌ 3, కెప్టెన్‌ గెర్హార్డ్ ఎరాస్మస్ రెండు, స్కోల్జ్‌ ఒక్క వికెట్‌ సాధించారు. ఒమన్‌ బ్యాటర్లలో ఖలీద్ కైల్(34) పరుగులతో టాప్‌ స్కోరర్‌గా నిలవగా.. కెప్టెన్‌ మక్సూద్‌(22) పరుగులతో రాణించాడు.వారెవ్వా మెహ్రాన్ ఖాన్..110 పరుగుల లక్ష్యంతో బరిలోకి దిగిన నమీబియా కూడా నిర్ణీత ఓవర్లలో 6 వికెట్లు కోల్పోయి సరిగ్గా 109 పరుగులు చేసింది. దీంతో మ్యాచ్‌ టై అయింది. కాగా ఈ మ్యాచ్‌ సూపర్‌ ఓవర్‌ వరకు రావడంలో ఒమన్‌ ఆల్‌రౌండర్‌ మెహ్రాన్ ఖాన్ కీలక పాత్ర పోషించాడు.ఆఖరి ఓవర్‌లో నమీబియా విజయానికి కేవలం 5 పరుగులు మాత్రమే అవసరమవ్వగా.. ఒమన్‌ బౌలర్‌ మెహ్రాన్ ఖాన్ అద్భుతంగా బౌలింగ్‌ చేసి తన జట్టును పోటీలో ఉంచాడు. కానీ దురదృష్టవశాత్తూ సూపర్‌ ఓవర్‌లో ఒమన్‌ ఓటమి పాలైంది. ఈ మ్యాచ్‌లో 3 ఓవర్లు బౌలింగ్‌ చేసిన మెహ్రాన్ ఖాన్ కేవలం 7 పరుగులు మాత్రమే ఇచ్చి మూడు వికెట్లు పడగొట్టాడు.

ప్రస్తుత ఐపీఎల్‌ సీజన్‌లో చాలా మ్యాచ్‌లు తుది బంతి వరకు వచ్చినప్పటికీ సూపర్‌ ఓవర్‌ దాకా వెళ్లలేదు. ఈ సీజన్‌లో దాదాపు సగం మ్యాచ్‌లు ముగుస్తున్నా ఒక్కటంటే ఒక్క సూపర్ ఓవర్‌ కూడా లేకపోవడంతో అభిమానులు నిరాశ చెందుతున్నారు. 17 ఏళ్ల ఐపీఎల్‌ చరిత్రలో ఇప్పటివరకు జరిగిన సూపర్‌ ఓవర్లపై ఓ లుక్కేద్దాం. క్యాష్‌ రిచ్‌ లీగ్‌లో నేటి వరకు (ఏప్రిల్‌ 17) మొత్తం 15 సూపర్‌ ఓవర్లు జరిగాయి. 2020 సీజన్‌లో అత్యధికంగా 5 సూపర్‌ ఓవర్లు జరుగగా.. అదే సీజన్‌లో ముంబై ఇండియన్స్‌, పంజాబ్‌ కింగ్స్‌ మధ్య జరిగిన మ్యాచ్‌లో రెండు సూపర్‌ ఓవర్లు (ఒక దాంట్లో ఫలితం రాకపోయగా మరొకటి జరిగింది) జరిగాయి. గత రెండు ఐపీఎల్‌ సీజన్లలో ఒక్క మ్యాచ్‌ కూడా సూపర్‌ ఓవర్‌ దాకా వెళ్లలేదు. ఐపీఎల్‌ తొలి సీజన్‌లోనూ (2008) ఒక్క సూపర్‌ ఓవర్‌ మ్యాచ్‌ కూడా జరుగలేదు. 2009లో ఒకటి, 2010లో ఒకటి, 2013లో రెండు, 2014లో ఒకటి, 2015లో ఒకటి, 2017లో ఒకటి, 2019లో రెండు, 2020లో ఐదు, 2021 సీజన్‌లో ఓ సూపర్‌ ఓవర్‌ మ్యాచ్‌ జరుగగా... 2008, 2011, 2012, 2016, 2018, 2022, 2023 సీజన్లలో ఒక్క సూపర్‌ ఓవర్‌ మ్యాచ్‌ కూడా జరుగలేదు. మ్యాచ్‌ సూపర్‌ ఓవర్‌ దాకా వెళితే అభిమానులకు అసలుసిసలు క్రికెట్‌ మజా అందుతుంది. అందుకే ఫ్యాన్స్‌ సూపర్‌ ఓవర్లో ఫలితం తేలడాన్ని ఇష్టపడతారు. ఫలితం ఒక్క సూపర్‌ ఓవర్‌ వరకు వెళితేనే అభిమానులు నరాలు బిగబట్టుకుని మ్యాచ్‌లు చూస్తారు. అదే రెండో సూపర్‌ దాకా వెళితే ఫ్యాన్స్‌తో ఆటగాళ్లు పడే ఉత్కంఠ అంతాఇంత కాదు. ఇదిలా ఉంటే, ఐపీఎల్‌ 2024 సీజన్‌లో ఇవాళ గుజరాత్‌ టైటాన్స్‌, ఢిల్లీ క్యాపిటల్స్‌ జట్లు తలపడుతున్నాయి. ఈ మ్యాచ్‌లో గెలుపే లక్ష్యంగా ఇరు జట్లు బరిలోకి దిగనున్నాయి. గుజరాత్‌, ఢిల్లీ జట్లు తామాడిన గత మ్యాచ్‌ల్లో రాజస్థాన్‌ రాయల్స్‌, లక్నో సూపర్‌ జెయింట్స్‌ జట్లపై సంచలన విజయాలు సాధించి జోష్‌లో ఉన్నాయి. ప్రస్తుతం పాయింట్ల పట్టికలో గుజరాత్ ఆరో స్థానంలో (6 మ్యాచ్‌ల్లో 3 విజయాలు) ఉండగా.. ఢిల్లీ తొమ్మిదో స్థానంలో (6 మ్యాచ్‌ల్లో 2 విజయాలు) కొనసాగుతుంది.

సూపర్‌ ఓవర్‌ అంటే చాలు టీమిండియా సారధి రోహిత్‌ శర్మకు పూనకం వస్తుంది. అంతర్జాతీయ టీ20ల్లో ఇప్పటివరకు మూడు సూపర్‌ ఓవర్లు ఆడిన హిట్‌ మ్యాన్‌ ఈ సందర్భం వచ్చిన ప్రతిసారి సూపర్‌ మ్యాన్‌లా రెచ్చిపోయాడు. నిన్న ఆఫ్ఘనిస్తాన్‌తో జరిగిన మూడో టీ20లో రెండు సూపర్‌ ఓవర్లలో విధ్వంసం సృష్టించిన (4 బంతుల్లో 2 సిక్సర్ల సాయంతో 13, 3 బంతుల్లో సిక్స్‌, ఫోర్‌ సాయంతో 11) రోహిత్‌.. 2018లో న్యూజిలాండ్‌తో జరిగిన సూపర్‌ ఓవర్‌లో 4 బంతుల్లో 15 పరుగులు చేసి టీమిండియాను గెలిపించాడు. ఈ మూడు సందర్భాల్లో రోహిత్‌ ఆటతీరును చూసిన వారు సూపర్‌ ఓవర్‌లో హిట్‌మ్యాన్‌ కాస్త సూపర్‌ మ్యాన్‌ అయిపోతాడంటూ కామెంట్లు చేస్తున్నారు.  మ్యాచ్‌ విషయానికొస్తే.. నిన్నటి మ్యాచ్‌లో రోహిత్‌ సూపర్‌ ఓవర్‌లోనే కాకుండా అంతకుమందు కూడా విశ్వరూపం ప్రదర్శించాడు. ఈ సిరీస్‌లో తొలి రెండు మ్యాచ్‌ల్లో డకౌట్‌ అయిన రోహిత్‌.. ఈ మ్యాచ్‌లో ఆకాశమే హద్దుగా చెలరేగిపోయాడు. తొలుత ఆచితూచి ఆడిన హిట్‌మ్యాన్‌ ఆతర్వాత పూనకం వచ్చినట్లు ఊగిపోయి, కెరీర్‌లో ఐదో టీ20 శతకం బాదాడు. రోహిత్‌తో పాటు రింకూ సింగ్‌ కూడా రెచ్చిపోవడంతో తొలుత బ్యాటింగ్‌ చేసిన భారత్‌ 212 పరుగులు చేసింది. అనంతరం ఛేదనలో ఆఫ్ఘనిస్తాన్‌ కూడా అంతే స్కోర్‌ చేయడంతో మ్యాచ్‌ టై అయ్యి సూపర్‌ ఓవర్‌కు దారి తీసింది. సూపర్‌ ఓవర్‌లో సైతం మరోసారి స్కోర్లు సమం కావడంతో రెండో సూపర్‌ ఓవర్‌ అనివార్యమైంది. ఈ సూపర్‌ ఓవర్‌లో భారత్‌ ఎట్టకేలకు విజయం సాధించింది. 

ఏమా ఉత్కంఠ... ఏమిటా మలుపులు... ఒక టి20 సమరం అభిమానులందరినీ కట్టిపడేసింది. ఒక ద్వైపాక్షిక సిరీస్‌లో, అదీ అఫ్గానిస్తాన్‌తో పోరు ఏకపక్షం అనుకుంటే నరాలు తెగే పరిస్థితి వచి్చంది. 212 పరుగులు చేశాక భారత్‌ గెలుపు ఖాయమనిపించి నిశి్చంతగా ఉండగా... అఫ్గానిస్తాన్‌ మేమేమీ తక్కువ కాదన్నట్లుగా స్కోరు సమం చేసేసింది. ‘సూపర్‌ ఓవర్‌’లో ఫలితం తేలుతుందనుకుంటే అక్కడా ఇరు జట్లూ సమమే. చివరకు అంతా రెండో సూపర్‌ను ఆశ్రయించాల్సి వచి్చంది... ఇక్కడ చివరకు పైచేయి సాధించిన టీమిండియా గట్టెక్కింది. తుది ఫలితంతో గెలుపు భారత్‌దే అయినా ఆఖరి వరకు అఫ్గాన్‌ చూపిన పోరాటపటిమ అసమానం.    బెంగళూరు: టి20 ప్రపంచకప్‌కు ముందు తాము ఆడిన ఆఖరి సిరీస్‌ను భారత్‌ ఘనంగా ముగించింది. అఫ్గానిస్తాన్‌తో జరిగిన మూడు మ్యాచ్‌ల పోరును టీమిండియా 3–0తో సొంతం చేసుకుంది. చిన్నస్వామి స్టేడియంలో బుధవారం జరిగిన చివరి టి20లో భారత్‌ రెండో ‘సూపర్‌ ఓవర్‌’లో విజయం సాధించింది. తొలి సూపర్‌ ఓవర్‌ ఓవర్లో ఇరు జట్లు 16 పరుగులతో సమంగా నిలిచాయి. రెండో సూపర్‌ ఓవర్‌లో ముందుగా భారత్‌ 11 పరుగులు చేయగా... అఫ్గాన్‌ 1 పరుగుకే 2 వికెట్లు కోల్పోయింది. నిబంధనల ప్రకారం ‘సూపర్‌ ఓవర్‌’లో రెండు వికెట్లు పడితే ఇన్నింగ్స్‌ ముగిసినట్టే కావడంతో భారత విజయం ఖరారైంది.   అంతకుముందు టాస్‌ గెలిచి బ్యాటింగ్‌ ఎంచుకున్న భారత్‌ 20 ఓవర్లలో 4 వికెట్ల నష్టానికి 212 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ రోహిత్‌ శర్మ (69 బంతుల్లో 121 నాటౌట్‌; 11 ఫోర్లు, 8 సిక్స్‌లు) అంతర్జాతీయ టి20ల్లో ఐదో సెంచరీతో చెలరేగగా... రింకూ సింగ్‌ (39 బంతుల్లో 69 నాటౌట్‌; 2 ఫోర్లు, 6 సిక్స్‌లు) మరో మెరుపు ఇన్నింగ్స్‌తో ఆకట్టుకున్నాడు. వీరిద్దరు ఐదో వికెట్‌కు 95 బంతుల్లోనే అభేద్యంగా 190 పరుగులు జోడించారు. అనంతరం అఫ్గానిస్తాన్‌ 20 ఓవర్లలో 6 వికెట్లకు 212 పరుగులు సాధించింది. గుల్బదిన్‌ (23 బంతుల్లో 55 నాటౌట్‌; 4 ఫోర్లు, 4 సిక్స్‌లు), గుర్బాజ్‌ (32 బంతుల్లో 50; 3 ఫోర్లు, 4 సిక్స్‌లు), ఇబ్రహీమ్‌ జద్రాన్‌ (41 బంతుల్లో 50; 4 ఫోర్లు, 1 సిక్స్‌) అర్ధ సెంచరీలు చేశారు. శతక భాగస్వామ్యం... ఫరీద్‌ వేసిన మూడో బంతిని భారీ షాట్‌ ఆడబోయి వెనుదిరిగిన యశస్వి... కోహ్లి తొలి   బంతికి డకౌట్‌... అంతా నిశ్శబ్దం... ఫామ్‌లో ఉన్న శివమ్‌ దూబే కూడా కీపర్‌కు క్యాచ్‌ ఇవ్వగా, తర్వాతి ఓవర్లో తన తొలి బంతికే సామ్సన్‌ కూడా సున్నాకే అవుట్‌! ఐదో ఓవర్‌ మూడో బంతి ముగిసేసరికి టీమిండియా స్కోరు 21/4... అయితే రోహిత్, రింకూ భాగస్వామ్యం జట్టుకు భారీ స్కోరు అందించింది. 15 ఓవర్లు ముగిసేసరికి 109/4తో స్కోరు మరీ గొప్పగా ఏమీ లేదు. అయితే చివరి ఐదు ఓవర్లలో 22, 13, 10, 22, 36 స్కోర్లతో భారత్‌ ఏకంగా 103 పరుగులు సాధించింది. 6 ఫోర్లు, 5 సిక్సర్లతో రోహిత్‌ వీర విధ్వంసం ప్రదర్శించగా... 1 సిక్స్, 4 ఫోర్లతో రింకూ చెలరేగిపోయాడు. 64 బంతుల్లోనే శతకం అందుకొని అంతర్జాతీయ టి20ల్లో ఐదో సెంచరీ సాధించిన తొలి ఆటగాడిగా రోహిత్‌ నిలవగా... రింకూ ఖాతాలో రెండో అర్ధ సెంచరీ చేరింది. వీరిద్దరి దెబ్బకు అఫ్గాన్‌ కుదేలైంది. రోహిత్‌ తన శైలికి భిన్నంగా ఈసారి కొన్ని వైవిధ్యమైన షాట్లతో అలరించడం విశేషం. కరీమ్‌ వేసిన చివరి ఓవర్లో తొలి మూడు బంతుల్లో రోహిత్‌ 4, 6 (నోబాల్‌), 6 కొట్టగా... చివరి మూడు బంతుల్లో రింకూ 6, 6, 6 బాదాడు. అనంతరం అఫ్గాన్‌ ఓపెనర్లు గుర్బాజ్, ఇబ్రహీమ్‌ 66 బంతుల్లోనే 93 పరుగులు జోడించి తమ జట్టుకు శుభారంభం అందించారు. వీరు వెనుదిరగడంతో పరిస్థితి మారిపోయింది. ఆ తర్వాత గుల్బదిన్, నబీ (16 బంతుల్లో 34; 2 ఫోర్లు, 3 సిక్స్‌లు) కలిసి జట్టుకు విజయానికి చేరువగా తెచ్చారు. విజయం కోసం చివరి ఓవర్లో 19 పరుగులు అవసరం కాగా, అఫ్గాన్‌ 18 పరుగులు చేయడంతో స్కోరు సమమైంది. రిలీఫ్‌..! ‘ఏంటి వీరూ... లెగ్‌బై ఇచ్చావా, బ్యాట్‌కు అంత బలంగా బంతి తగిలింది... అసలే ఇక్కడ రెండు సున్నాలు ఉన్నాయి’... తను ఆడిన తొలి బంతి లెగ్‌సైడ్‌ దిశగా ఆడి బౌండరీని తాకగా, అంపైర్‌ లెగ్‌బై ఇవ్వడంతో అంపైర్‌ వీరేందర్‌ శర్మతో రోహిత్‌ అన్న మాట ఇది! అతని దృష్టిలో ఆ పరుగులు ఎంత విలువైనవో ఇది చెబుతుంది. నిజంగానే టి20ల్లో చాలా కాలంగా రోహిత్‌ ఫామ్‌ బాగా లేదు. వన్డేల్లో అద్భుతంగా ఆడుతున్నా 2022 నుంచి అంతర్జాతీయ టి20ల్లో ఈ మ్యాచ్‌కు ముందు 31 ఇన్నింగ్స్‌లలో అతను 3 అర్ధ సెంచరీలే చేశాడు. ఐపీఎల్‌లో కూడా అంతంతమాత్రంగానే ఆడాడు. ఇటీవలి పరిణామాలు సహజంగానే అతడిని ఇబ్బంది పెట్టాయి. ముంబై ఇండియన్స్‌ కెపె్టన్సీ పోవడంతో పాటు టీమిండియా కెపె్టన్సీపై కూడా సందేహాలు వచ్చాయి. అసలు వచ్చే టి20 వరల్డ్‌ కప్‌లో అతను ఆడతాడా అన్నట్లుగా కూడా చర్చ సాగింది. దానికి తోడు తొలి రెండు మ్యాచ్‌లలో డకౌట్‌. ఇలాంటి స్థితిలో ఈ ఇన్నింగ్స్‌ అతని స్థాయిని చూపించింది. అఫ్గాన్‌ మరీ బలమైన ప్రత్యర్థి కాకపోయినా... ఇక్కడా విఫలమైతే పరిస్థితి ఇంకా జఠిలంగా మారేంది. ఈ నేపథ్యంలో సరైన లెక్కలతో చేసిన సెంచరీ రోహిత్‌కు ఊరటనిచి్చందనడంలో సందేహం లేదు. స్కోరు వివరాలు భారత్‌ ఇన్నింగ్స్‌: యశస్వి (సి) నబీ (బి) ఫరీద్‌ 4; రోహిత్‌ (నాటౌట్‌) 121; కోహ్లి (సి) ఇబ్రహీమ్‌ (బి) ఫరీద్‌ 0; దూబే (సి) గుర్బాజ్‌ (బి) అజ్మతుల్లా 1; సామ్సన్‌ (సి) నబీ (బి) ఫరీద్‌ 0; రింకూ (నాటౌట్‌) 69; ఎక్స్‌ట్రాలు 17; మొత్తం (20 ఓవర్లలో 4 వికెట్లకు) 212. వికెట్ల పతనం: 1–18, 2–18, 3–21, 4–22. బౌలింగ్‌: ఫరీద్‌ 4–0–20–3, అజ్మతుల్లా 4–0–33–1, ఖైస్‌ 4–0–28–0, సలీమ్‌ 3–0–43–0, షరాఫుద్దీన్‌ 2–0–25–0, కరీమ్‌ 3–0–54–0.   అఫ్గానిస్తాన్‌ ఇన్నింగ్స్‌: గుర్బాజ్‌ (సి) సుందర్‌ (బి) కుల్దీప్‌ 50; ఇబ్రహీమ్‌ (స్టంప్డ్‌) సామ్సన్‌ (బి) సుందర్‌ 50; గుల్బదిన్‌ (నాటౌట్‌) 55; అజ్మతుల్లా (సి) రవి బిష్ణోయ్‌ (బి) సుందర్‌ 0; నబీ (సి) అవేశ్‌ (బి) సుందర్‌ 34; కరీమ్‌ (రనౌట్‌) 2; నజీబుల్లా (సి) కోహ్లి (బి) అవేశ్‌ 5; షరాఫుద్దీన్‌ (నాటౌట్‌) 5; ఎక్స్‌ట్రాలు 11; మొత్తం (20 ఓవర్లలో 6 వికెట్లకు) 212. వికెట్ల పతనం: 1–93, 2–107, 3–107, 4–163, 5–167, 6–182. బౌలింగ్‌: ముకేశ్‌ 4–0–44–0, అవేశ్‌ 4–0–55–1, బిష్ణోయ్‌ 4–0–38–0, సుందర్‌ 3–0–18–3, దూబే 2–0–25–0, కుల్దీప్‌ 3–0–31–1. సూపర్‌ ఓవర్లలో ఇలా... ముకేశ్‌ వేసిన తొలి సూపర్‌ ఓవర్లో అఫ్గానిస్తాన్‌ 1 సిక్స్, 1 ఫోర్‌తో 16 పరుగులు చేసింది.  ఛేదన లో రోహిత్‌ 2 సిక్స్‌లు కొట్టినా చివరకు భారత్‌ కూడా 16 పరుగులకే పరిమితమైంది. అవసరమైతే చివరి బంతికి వేగంగా పరుగు తీయాల్సి వస్తుందనే ఆలోచనతో రోహిత్‌ ఐదో బంతి తర్వాత రిటైర్డ్‌హర్ట్‌గా వెనుదిరిగి రింకూను పంపించాడు. అయితే ఆఖరి బంతికి యశస్వి 2 పరుగులు రాబట్టలేకపోయాడు. ఫరీద్‌ వేసిన రెండో సూపర్‌ ఓవర్లో రోహిత్‌ 4, 6తో భారత్‌ 11 పరుగులు చేసింది. అయితే బిష్ణోయ్‌ వేసిన ఈ ఓవర్‌ తొలి 3 బంతుల్లోనే అఫ్గాన్‌ 2 వికెట్లు కోల్పోవడంతో భారత్‌ గెలుపు ఖాయమైంది.

ఆ్రస్టేలియా మహిళల జట్టు భారత్‌ పాలిట దుర్భేద్యమైన ప్రత్యర్థి. ప్రపంచకప్, పతకం (కామన్వెల్త్‌ గేమ్స్‌) తెచ్చే మ్యాచ్‌ల్లో మనల్ని రన్నరప్‌గా మార్చిన జట్టు. ఒత్తిడిలో చిత్తుచేసే అలాంటి ఘనమైన ప్రత్యరి్థని ఈసారి భారత మహిళలు చిత్తు చేశారు. మొదట భారీ స్కోరు చేస్తే దాన్ని మనమ్మాయిలు సమం చేశారు. తొలిసారి ‘సూపర్‌ ఓవర్‌’ ఒత్తిడిని భారత్‌ జయిస్తే... ఆసీస్‌ మూడోసారి తడబడి ఓడింది. అమ్మాయిల క్రికెట్‌ అంటే మనం ఏ ప్రపంచకప్పో లేదంటే ఫైనల్‌ మ్యాచో ఉంటేనే కన్నేస్తాం! సాధారణ ద్వైపాక్షిక సిరీస్‌లు ఎన్ని ఆడినా అటువైపే కన్నెత్తి చూడం. ఇకపై ఈ చిన్నచూపు మాయం కానుంది. ఎందుకంటే భారత అమ్మాయిల ఆట కూడా ‘సూపర్‌’ టెన్షన్‌ తెస్తోంది. కాబట్టి మనందరి అటెన్షన్‌ మారబోతోంది.   ముంబై: అట్లుంటది మనతోని! అని ఇన్నాళ్లు పురుషుల క్రికెటే భారత్‌లో కాలర్‌ ఎగరేసింది. ఉత్కంఠ రేపినా... ఒకే ఓవర్లో 6 సిక్సర్లు కొట్టినా... ‘సూపర్‌ ఓవర్‌’ అయినా పురుషాధిక్య క్రికెట్టే శాసించింది. తొలిసారి ఉత్కంఠ ఉరిమి, భారీస్కోర్లు సమమైతే... ‘సూపర్‌ ఓవర్‌’ కిక్‌లో తామేమీ తక్కువ కాదని భారత అమ్మాయిల క్రికెట్‌ జట్టు నిరూపించింది. తమకెదురైన భారీ స్కోరుకు దీటుగా మెరుపులు మెరిపించిన ‘ప్లేయర్‌ ఆఫ్‌ ద మ్యాచ్‌’ స్మృతి మంధాన (49 బంతుల్లో 79; 9 ఫోర్లు, 4 సిక్సర్లు), రిచా ఘోష్‌ (13 బంతుల్లో 26 నాటౌట్‌; 3 సిక్సర్లు) ఉత్కంఠభరిత పోరులో భారత్‌ను నిలబెట్టారు. ‘సూపర్‌ ఓవర్లో’నూ భారీ షాట్లతో భారత్‌ను గెలిపించారు. ఎవరి ఊహకందని ఈ మహిళల రెండో టి20 మ్యాచ్‌లో భారత్‌ ‘సూపర్‌ ఓవర్‌’లో 4 పరుగుల తేడాతో ప్రపంచ చాంపియన్‌ ఆ్రస్టేలియాపై గెలిచింది. మొదట ఆ్రస్టేలియా నిరీ్ణత 20 ఓవర్లలో వికెట్‌ నష్టానికి 187 పరుగులు చేసింది. బెత్‌ మూనీ (54 బంతుల్లో 82 నాటౌట్‌; 13 ఫోర్లు), తాలియా మెక్‌గ్రాత్‌ (51 బంతుల్లో 70 నాటౌట్‌; 10 ఫోర్లు, 1 సిక్స్‌) దంచేశారు. అనంతరం భారత్‌ కూడా 20 ఓవర్లలో 5 వికెట్లకు సరిగ్గా 187 పరుగులు చేసింది. స్మృతి, రిచా ధనాధన్‌ ఆట ఆడారు. దీంతో మ్యాచ్‌ ‘టై’ కాగా ఫలితం  తేల్చేందుకు ‘సూపర్‌ ఓవర్‌’ ఆడించారు. ఇందులోనూ రిచా సిక్స్‌ కొట్టి నిష్క్రమించగా, స్మతి 4, 6లతో అదరగొట్టింది. ఐదు మ్యాచ్‌ల సిరీస్‌లో ప్రస్తుతం రెండు జట్లు 1–1తో సమంగా ఉన్నాయి. మూడో టి20 మ్యాచ్‌ బుధవారం జరుగుతుంది.   ‘సూపర్‌ ఓవర్‌’ సాగిందిలా...  భారత్‌ 20/1     బంతి     ఆ్రస్టేలియా 16/1  రిచా ఘోష్‌ (6)          అలీసా హీలీ (4)  రిచా ఘోష్‌ (అవుట్‌)         అలీసా హీలీ (1)  హర్మన్‌ప్రీత్‌ (1)         గార్డెనర్‌ (అవుట్‌)  స్మృతి మంధాన (4)          తాలియా (1)  స్మృతి మంధాన (6)         అలీసా హీలీ (4)  స్మృతి మంధాన (3)         అలీసా హీలీ (6)  బౌలర్‌: హీతెర్‌ గ్రాహమ్‌         బౌలర్‌: రేణుక సిం చితగ్గొట్టిన మూనీ, తాలియా  తొలుత బ్యాటింగ్‌కు దిగిన ఆ్రస్టేలియా జట్టు... ఓపెనర్, కెపె్టన్‌ అలీసా హీలీ (15 బంతుల్లో 25; 5 ఫోర్లు) వికెట్‌ను ఆరంభంలోనే కోల్పోయింది. ధాటిగా ఆడిన ఆమెను దీప్తి శర్మ బోల్తా కొట్టించింది. కానీ ఆ తర్వాత బెత్‌ మూనీ, తాలియా మెక్‌గ్రాత్‌ ఆఖరి 20వ ఓవర్‌దాకా ఆటాడుకున్నారు. బౌండరీలతో భారత బౌలర్ల భరతం పట్టారు. దీంతో 13వ ఓవర్లోనే ఆసీస్‌ స్కోరు 100 దాటింది. మొదట తాలియా 37 బంతుల్లో (8 ఫోర్లు, 1 సిక్స్‌), కాసేపటికి మూనీ 38 బంతుల్లో (8 ఫోర్లు) అర్ధసెంచరీలు పూర్తి చేసుకున్నారు. ఆ తర్వాత కూడా వీరి జోరు పెరిగిందే తప్ప ఏమాత్రం తగ్గలేదు. దీంతో అబేధ్యమైన రెండో వికెట్‌కు వీరిద్దరు 158 పరుగులు జోడించారు. స్మృతి ధనాధన్‌...  షఫాలీ వర్మ (23 బంతుల్లో 34; 4 ఫోర్లు, 1 సిక్స్‌)తో ఓపెనింగ్‌కు దిగిన స్మృతి దంచేసింది. ఇద్దరు 8.4 ఓవర్లలోనే 76 పరుగులు చేశారు. జెమీమా (4) నిరాశపరచగా, హర్మన్‌ప్రీత్‌ (22 బంతుల్లో 21; 2 ఫోర్లు, 1 సిక్స్‌) అండతో స్మృతి చెలరేగింది. 37 బంతుల్లో (8 ఫోర్లు, 1 సిక్స్‌) ఫిఫ్టీ పూర్తి చేసుకుంది. వరుస ఓవర్లలో హర్మన్, స్మృతి ని్రష్కమించగా... భారత్‌ విజయానికి 21 బంతుల్లో 39 పరుగులు కావాలి. ఓటమి ఖాయమైన దశలో రిచా భారీ సిక్సర్లతో విరుచుకుపడింది. ఆఖరి ఓవర్లో 14 పరుగులు కావాల్సి ఉండగా... రిచా, దేవిక తొలి 5 బంతుల్లో 9 పరుగులు చేశారు. ఇక ఆఖరి బంతికి విజయం కోసం 5 పరుగులు అవసరం కాగా, బ్యాక్‌వర్డ్‌ పాయింట్‌ దిశగా దేవిక బౌండరీ బాదడంతో స్కోర్లు సమమయ్యాయి. 

పాకిస్తాన్‌ స్టార్‌ బౌలర్‌ షాహిన్‌ అఫ్రిది బంతితోనే కాదు బ్యాట్‌తోను సత్తా చాటగలనని నిరూపించాడు. జట్టు కష్టాల్లో ఉన్నప్పుడు బ్యాటింగ్‌కు దిగిన అఫ్రిది ఆఖరి ఓవర్లో మూడు సిక్సర్లతో మ్యాచ్‌ స్వరూపాన్నే మార్చేశాడు. దీంతో ఫలితం సూపర్‌ ఓవర్‌ ద్వారా వచ్చింది. కానీ అఫ్రిదిని దురదృష్టం వెంటాడింది. సూపర్‌ ఓవర్‌లో తన జట్టు పరాజయం పాలైంది. పాకిస్తాన్‌ సూపర్‌ లీగ్‌(పీఎస్‌ఎల్‌ 2022)లో భాగంగా పెషావర్‌ జాల్మి, లాహోర్‌ ఖలందర్స్‌ మధ్య మ్యాచ్‌లో ఇది చోటుచేసుకుంది. తొలుత బ్యాటింగ్‌ చేసిన పెషావర్‌ జాల్మి 20 ఓవర్లలో 7 వికెట్ల నష్టానికి 158 పరుగులు చేసింది. హైదర్‌ అలీ 35, షోయబ్‌ మాలిక్‌ 32 పరుగులు సాధించారు. చదవండి: ఎంతైనా పాక్‌ క్రికెటర్‌ కదా.. ఆ మాత్రం ఉండాలి అనంతరం బ్యాటింగ్‌కు దిగిన లాహోర్‌ ఖలందర్స్‌ 96 పరుగులకే ఆరు వికెట్లు కోల్పోయి కష్టాల్లో పడింది. ఈ దశలో మహ్మద్‌ హఫీజ్‌తో కలిసి కెప్టెన్‌ షాహిన్‌ అఫ్రిది కీలక ఇన్నింగ్స్‌ ఆడాడు. ఏడో వికెట్‌కు ఈ ఇద్దరు కలిసి 33 పరుగులు జోడించారు. కాగా 12 బంతుల్లో 30 పరుగుల చేయాల్సిన దశలో హఫీజ్‌ ఔటయ్యాడు. 19వ ఓవర్లో షాహిన్‌ ఒక ఫోర్‌ సహా మొత్తం ఆరు పరుగులు రాబట్టడంతో.. లాహోర్‌ ఖలందర్స్‌కు ఆఖరి ఓవర్లో విజయానికి 23 పరుగులు కావాలి. కాగా మహ్మద్‌ ఉమర్‌ వేసిన ఆఖరి ఓవర్‌లో తొలి బంతి వైడ్‌ వెళ్లింది. మరుసటి బంతిని బౌండరీ తరలించాడు. రెండో బంతిని అఫ్రిది సిక్సర్‌ కొట్టడంతో 4 బంతుల్లో 13 పరుగులుగా మారిపోయింది. మూడో బంతిని లాంగాఫ్‌ దిశగా భారీ సిక్సర్‌గా మలవడంతో రెండు బంతుల్లో ఏడు పరుగులు కావాలి. ఐదో బంతికి పరుగు రాలేదు. ఆఖరి బంతికి సిక్స్‌ కొడితే డ్రా.. లేదంటే ఓటమి. ఈ దశలో అఫ్రిది డీప్‌ మిడ్‌వికెట్‌ మీదుగా కళ్లు చెదిరే సిక్స్‌ కొట్టాడు. ఫలితం సూపర్‌ ఓవర్‌కు దారి తీసింది. కాగా 20 బంతుల్లో 3 సిక్సర్లు, 2 ఫోర్లతో కెప్టెన్‌ ఇన్నింగ్స్‌ ఆడిన షాహిన్‌.. సెలబ్రేషన్స్‌లో భాగంగా మాజీ క్రికెటర్‌ షాహిద్‌ అఫ్రిదిని గుర్తుచేస్తూ ఫోజివ్వడం వైరల్‌గా మారింది. ఇక సూపర్‌ ఓవర్‌లో తొలుత బ్యాటింగ్‌ చేసిన లాహోర్‌ ఖలందర్స్‌ ఐదు పరుగులు మాత్రమే చేయగలిగింది. పెషావర్‌ విజయానికి ఆరు పరుగులు మాత్రమే అవసరం. షోయబ్‌ మాలిక్‌ తొలి రెండు బంతులను ఫోర్‌గా మలచడంతో పెషావర్‌ జాల్మి విజయాన్ని అందుకుంది.  చదవండి: నువ్వు ప్రపంచానికి కింగ్‌ కోహ్లివి కావొచ్చు.. కానీ నాకు మాత్రం THAT over. #HBLPSL7 l #LevelHai l #LQvPZ pic.twitter.com/o8AYrxjmNg — PakistanSuperLeague (@thePSLt20) February 21, 2022

జోహన్నెస్‌బర్గ్ వేదిక‌గా వెస్టిండీస్‌, దక్షిణాఫ్రికా మహిళల మధ్య జరిగిన రెండో వన్డే ఆసక్తికరంగా సాగింది. చివ‌ర వ‌రకు నరాలు తెగే ఉత్కంఠ మధ్య జ‌రిగిన ఈ మ్యాచ్‌లో..విండీస్ థ్రిల్లింగ్ విక్టరీ సాధించింది. టైగా ముగిసిన ఈ మ్యాచ్ ఫలితం సూపర్ ఓవర్‌లో తేలింది.  సూపర్ ఓవర్లో మొదట బ్యాటింగ్ చేసిన వెస్టిండీస్ జ‌ట్టు.. బ్యాట‌ర్ దియాంద్రా డాటిన్ చెల‌రేగ‌డంంతో కేవ‌లం 6 బంతుల్లోనే 25 ప‌రుగులు సాధించింది. డాటిన్ 5 బంతుల్లోనే 19 ప‌రుగులు చేసింది. డాటిన్ ఇన్నింగ్స్‌లో రెండు ఫోర్లు, రెండు సిక్స్‌లు ఉన్నాయి. అనంత‌రం 26 ప‌రుగుల లక్ష్యంతో బ‌రిలోకి దిగిన దక్షిణాఫ్రికా 17 ప‌రుగుల మాత్ర‌మే సాధించి ఓట‌మి చెందింది. ద‌క్షిణాఫ్రికా బ్యాట‌ర్ల‌లో క్లో ట్రియాన్‌(7),బ్రిట్స్‌(10) ప‌రుగులు చేశారు. ఇక ఈ మ్యాచ్‌లో తొలుత బ్యాటింగ్ చేసిన సౌత్ ఆఫ్రికా.. విండీస్ బౌల‌ర్లు చెల‌రేగ‌డంతో 160 ప‌రుగుల‌కు ఆలౌటైంది. అనంత‌రం 161 ప‌రుగుల స్వ‌ల్ప ల‌క్ష్యంతో బ‌రిలోకి దిగిన  వెస్టిండీస్ వ‌రుస క్ర‌మంలో వికెట్లు కోల్పోయి 160 ప‌రుగుల‌కే కుప్ప‌కూలింది. దీంతో మ్యాచ్ టైగా ముగియ‌డంతో సూప‌ర్ ఓవ‌ర్‌లో ఫ‌లితం తేలింది. చ‌ద‌వండి: టీమిండియాపై విజ‌యం మాదే.. విండీస్ ప‌వ‌ర్ ఏంటో చూపిస్తాం: హోల్డర్

Karnataka Beats Bengal In Super Over Enter Semis.. సయ్యద్‌ ముస్తాక్‌ అలీ టి20 ట్రోఫీలో భాగంగా కర్ణాటక, బెంగాల్‌ మధ్య గురువారం  క్వార్టర్‌ఫైనల్‌ మ్యాచ్‌ జరిగింది. ఆఖరి ఓవర్‌దాకా ఉత్కంఠంగా సాగిన మ్యాచ్‌ టై కావడంతో సూపర్‌ ఓవర్‌కు దారి తీసింది. సూపర్‌ ఓవర్‌లో అద్భుత విజయం సాధించిన కర్ణాటక సెమీ ఫైనల్లో అడుగుపెట్టింది. తొలుత బ్యాటింగ్‌ చేసిన కర్ణాటక నిర్ణీత 20 ఓవర్లలో 5 వికెట్ల నష్టానికి 160 పరగులు చేసింది. కరుణ్‌ నాయర్‌ 55 పరుగులు నాటౌట్‌.. టాప్‌ స్కోరర్‌గా నిలవగా.. ఓపెనర్‌ రోహన్‌ కడమ్‌ 30, కెప్టెన్‌ మనీష్‌ పాండే 29 పరుగులు చేశారు. చదవండి: Ind Vs Nz 1st T20: సిరాజ్‌ను ‘కొట్టిన’ రోహిత్‌ శర్మ.. ‘ఏంటి భయ్యా ఇది’.. వీడియో వైరల్‌! అనంతరం బ్యాటింగ్‌ చేసిన బెంగాల్‌ 19 ఓవర్లలో  7 వికెట్ల నష్టానికి 141 పరుగులు చేసింది. ఆఖరి ఓవర్‌లో బెంగాల్‌ విజయానికి 20 పరుగులు కావాలి. ఇన్నింగ్స్‌ చివరి ఓవర్‌ను విద్యాదర్‌ పాటిల్‌ వేశాడు. స్ట్రైకింగ్‌లో ఉన్న రిత్విక్‌ చౌదరీ తొలి రెండు బంతులను సిక్సర్లుగా మలచడంతో.. నాలుగు బంతుల్లో 8 పరుగులుగా సమీకరణాలు మారాయి. మూడో బంతికి ఒక పరుగు రాగా.. నాలుగో బంతికి ఆకాశ్ దీప్‌ బౌండరీ బాదడంతో రెండు బంతుల్లో మూడు పరుగులు కావాలి. ఐదో బంతికి ఆకాశ్‌ దీప్‌ రెండు పరుగులు తీశాడు. చివరి బంతికి ఒక్క పరుగు చేస్తే బెంగాల్‌ విజయం సాధిస్తుంది. ఇక్కడే అసలు ట్విస్ట్‌ చోటుచేసుకుంది.  పాటిల్ వేసిన బంతిని ఆకాశ్‌ దీప్‌ డీప్‌మిడ్‌వికెట్ దిశగా షాట్ ఆడాడు. అయితే అక్కడే ఉన్న కెప్టెన్‌ మనీష్‌ పాండే డైరెక్ట్ హిట్‌ చేయడంతో ఆకాశ్‌ దీప్‌ రనౌట్‌గా వెనుదిరిగాడు. దీంతో మ్యాచ్ టై అయి సూపర్‌ ఓవర్‌కు దారి తీసింది.  ఇక సూపర్‌ ఓవర్‌లో తొలుత బ్యాటింగ్‌ చేసిన బెంగాల్‌ నాలుగు బంతుల్లో 5 పరుగులు చేసి రెండు వికెట్లు కోల్పోయింది.ఇక 6 పరుగుల లక్ష్యంతో బరిలోకి దిగిన కర్ణాటకను మనీష్‌ పాండే రెండు బంతుల్లోనే 8 పరుగులు కొట్టి విజయం అందించి జట్టును సెమీఫైనల్‌ చేర్చాడు. ఇక సయ్యద్‌ ముస్తాక్‌ అలీ టి20 ట్రోఫీలో మిగిలిన క్వార్టర్స్‌ ఫైనల్‌ మ్యాచ్‌ల్లో కేరళపై తమిళనాడు, గుజరాత్‌పై హైదరాబాద్‌, రాజస్తాన్‌పై విదర్భలు విజయం సాధించి సెమీస్‌కు చేరుకున్నాయి. ఇక సెమీస్‌లో తమిళనాడుతో హైదరాబాద్‌.. కర్ణాటకతో విదర్భ అమీతుమీ తేల్చుకోనున్నాయి. చదవండి: Ricky Ponting: హెడ్‌కోచ్‌గా ఆఫర్‌.. ద్రవిడ్‌ను ఎంపికచేయడం ఆశ్చర్యపరిచింది 🎯 #KARvBEN pic.twitter.com/pFdOtIkB5Y — Rohan (@itzz_Rohan) November 18, 2021 Manish pandey hits the winning six in the super over helped Karnataka to qualify for semis.#SyedMushtaqAliTrophy#SyedMushtaqAliT20pic.twitter.com/cjPAigDFLC — CRICKET VIDEOS 🏏 (@AbdullahNeaz) November 18, 2021

USA Dramatically Steal 2 Runs Force Tie Got Victory In Super Over.. టి20 మ్యాచ్‌లంటేనే జోష్‌కు పెట్టింది పేరు. ఆఖరి బంతి వరకు ఇరుజట్ల మధ్య విజయం దోబూచులాడుతుంది. అలాంటి మ్యాచ్‌ల్లో కొన్నిసార్లు హైడ్రామా నెలకొనడం చూస్తుంటాం. గెలవడం కోసం ఎంతదూరం అయినా వెళతారు అనడానికి కెనడా, అమెరికాల మధ్య జరిగిన మ్యాచ్‌ ఉదాహరణగా చెప్పుకోవచ్చు. అమెరికాను అదృష్టం వరించి మ్యాచ్‌ టై కావడం.. ఆ తర్వాత సూపర్‌ ఓవర్‌లో కెనడాను ఓడించడం జరిగిపోయింది. ఇక విషయంలోకి వెళితే.. 2022 టి20 ప్రపంచకప్‌ అమెరికన్‌ రీజియన్‌ క్వాలిఫయర్‌ మ్యాచ్‌ల్లో భాగంగా కెనడా, అమెరికా మధ్య మ్యాచ్‌ జరిగింది.  తొలుత బ్యాటింగ్‌ చేసిన కెనడా 20 ఓవర్లలో 142 పరుగులు​ చేసింది. అనంతరం అమెరికా ఇన్నింగ్స్‌లో ఆఖరి ఓవర్‌లో చివరి బంతికి మూడు పరుగులు అవసరం అయ్యాయి. కెనడా బౌలర్‌ జతిందర్‌ పాల్‌ బంతిని విసరగా స్ట్రైక్‌లో ఉన్న అలీఖాన్‌ మిస్‌ చేశాడు. అయితే ఎలాగైనా గెలవాలనే ఉద్దేశంతో నాన్‌స్ట్రైక్‌ ఎండ్‌లో ఉన్న రస్టీ థియోరన్‌ పరుగు కోసం పిలిచాడు. అతను క్రీజులోకి చేరేలోపే కీపర్‌ బంతిని అందుకొని వికెట్ల వైపు వేగంగా విసిరాడు. రస్టీ రనౌట్‌ అయ్యాడనే సంతోషంలో కెనడా ఆటగాళ్లు సంబరాలు షురూ చేశారు. అయితే ఇక్కడే రస్టీ తెలివిని ఉపయోగించి రనౌట్‌ కాదా అవునా అనేది అంపైర్లు ఇంకా నిర్థారించకపోవడంతో రస్టీ రెండో పరుగు కోసం పరిగెత్తాడు. అయితే నాన్‌స్ట్రైక్‌లో ఉన్న అలీఖాన్‌ మ్యాచ్‌ అయిపోయిందనుకొని పెవిలియన్‌ వైపు వెళుతున్నాడు. ఇంతలో రస్టీ పరుగు కోసం గట్టిగా అరవడంతో అలీఖాన్‌ వెంటనే పరుగు లఖించుకున్నాడు. అలా రెండో పరుగు పూర్తి చేసి మూడో పరుగుకోసం పరిగెత్తినప్పటికీ పూర్తిచేయలేకపోయాడు. అయితే మొదట రస్టీ రనౌట్‌ కాదని నిర్థారించిన అంపైర్లు రెండు పరుగులు లీగల్‌ అని డిక్లెర్‌ చేయడంతో మ్యాచ్‌ టైగా ముగిసింది. దీంతో సూపర్‌ ఓవర్‌లో అమెరికా 22 పరుగులు చేయగా.. కెనడా 14 పరుగులు మాత్రమే చేసి ఓడిపోయింది. ప్రస్తుతం ఈ వీడియో సోషల్‌ మీడియాలో వైరల్‌గా మారింది.  📺 WATCH: One of the most dramatic finishes in the history of cricket as USA and Canada played out a match for the ages that went to a Super Over where #TeamUSA🇺🇸 prevailed 👀The final over highlights are a MUST WATCH⬇️#CANvUSA🇨🇦🇺🇸 #WeAreUSACricket🇺🇸 pic.twitter.com/UBqBNTtS7x — USA Cricket (@usacricket) November 11, 2021

Glenn Maxwell Clean Bowled.. ఐపీఎల్‌ 2021 సెకండ్‌ ఫేజ్‌లో ఆర్‌సీబీ స్టార్‌ ఆల్‌రౌండర్‌ గ్లెన్‌ మ్యాక్స్‌వెల్‌ సూపర్‌ ఓవర్‌లో క్లీన్‌బౌల్డ్‌గా వెనుదిరిగాడు. అదేంటి.. ఇంకా మ్యాచ్‌లే మొదలు కాలేదు.. సూపర్‌ ఓవర్‌ ఎక్కడి నుంచి వచ్చిందని డౌట్‌ పడకండి. విషయంలోకి వెళితే.. ప్రాక్టీస్‌ సందర్భంగా ఆర్‌సీబీ జట్టు సూపర్‌ ఓవర్‌ సిములేషన్‌ను ఆడింది. ఒకవేళ అసలైన మ్యాచ్‌లో సూపర్‌ ఓవర్‌ వస్తే దాన్ని ఎలా ఎదుర్కోవాలనే దానిపై ప్రాక్టీస్‌ చేశారు. రెండు జట్లుగా విడిపోయిన ఆర్‌సీబీలో టీమ్‌-ఏ కు షాబాజ్‌ అహ్మద్‌.. టీమ్‌- బి కి ఆకాశ్‌ దీప్‌ కెప్టెన్లుగా వ్యవహరించారు. సూపర్‌ ఓవర్‌లో తొలుత బ్యాటింగ్‌ చేసిన షాబాజ్‌ అహ్మద్‌ జట్టు 12 పరుగులు చేసింది. జట్టు తరపున బ్యాటింగ్‌ చేసేందుకు వచ్చిన మ్యాక్స్‌వెల్‌ భారీ షాట్లు ఆడలేకపోయాడు. కాగా తన ఫేమస్‌ షాట్‌ అయిన రివర్స్‌ ప్లిక్‌ ఆడే దశలో ఆకాశ్‌ దీప్‌ బౌలింగ్‌లో క్లీన్‌ బౌల్డ్‌గా వెనుదిరిగాడు. దీనికి సంబంధించిన వీడియోనూ 'ఆర్‌సీబీ బోల్డ్‌ డైరీస్‌' పేరిట ట్విటర్‌లో షేర్‌ చేసింది.  ఆ తర్వాత బ్యాటింగ్‌ చేసిన ఆకాశ్‌ దీప్‌ జట్టు కూడా 12 పరుగులు చేయడంతో సూపర్‌ ఓవర్‌ టైగా ముగిసింది.  చదవండి: IPL 2021 Phase 2: సీఎస్‌కే ఫ్యాన్స్‌కు గుడ్‌ న్యూస్‌.. ఇక ఐపీఎల్‌ 13వ సీజన్‌లో పంజాబ్‌ కింగ్స్‌కు ఆడిన మ్యాక్స్‌వెల్‌ ఘోరంగా విఫలమయ్యాడు. ఆ సీజన్‌లో 10 మ్యాచ్‌లాడిన మ్యాక్సీ 14.57 సగటుతో 102 పరుగులు మాత్రమే చేశాడు. ఆ తర్వాత జరిగిన వేలంలో పంజాబ్‌ కింగ్స్‌ మ్యాక్స్‌వెల్‌ను వదిలేసింది. అయితే వేలంలో ఆర్‌సీబీ రూ. 14.25 కోట్లతో మ్యాక్స్‌వెల్‌ను ఎవరు ఊహించని ధరకు సొంతం చేసుకుంది. అప్పటికే బిగ్‌బాష్‌ లీగ్‌లో మ్యాక్స్‌వెల్‌ అదరగొట్టాడు. ఆ తర్వాత ఐపీఎల్‌ 2021 సీజన్‌లో  ఆర్‌సీబీ తరపున బరిలోకి దిగిన మ్యాక్స్‌వెల్‌ మంచి ప్రదర్శననే కనబరిచాడు. 7 మ్యాచ్‌ల్లో 223 పరుగులు చేసిన మ్యాక్స్‌వెల్‌కు 78 పరుగులు అత్యధిక స్కోరుగా ఉంది. ఆర్‌సీబీ ఈసారి ఎలాగైనా టైటిల్‌ కొట్టాలనే కసిలో ఉంది. అందుకు అనుగుణంగానే ఆర్‌సీబీ ఈసారి లీగ్‌లో అదరగొడుతుంది.  ఈ సీజన్‌లో ఏడు మ్యాచ్‌ల్లో ఐదు విజయాలు.. రెండు ఓటములతో పాయింట్ల పట్టికలో మూడో స్థానంలో ఉంది. ఇక రెండో అంచె పోటీల్లో ఆర్‌సీబీ తన మొదటి మ్యాచ్‌ను సెప్టెంబర్‌ 20న(సోమవారం) కేకేఆర్‌తో ఆడనుంది.  చదవండి: IPL 2021 2nd Phase: ఓపెనర్లిద్దరు ఇరగదీశారు

చెన్నై: ఐపీఎల్‌ 14వ సీజన్‌లో ఎస్‌ఆర్‌హెచ్‌తో జరిగిన మ్యాచ్‌లో ఢిల్లీ క్యాపిటల్స్‌ సూపర్‌ ఓవర్‌ ద్వారా విజయం సాధించిన సంగతి తెలిసిందే. ఢిల్లీ తరపున అక్షర్‌ పటేల్‌ సూపర్‌ ఓవర్‌ వేయగా.. అతని స్పిన్‌ ఆడడంలో విఫలమైన ఎస్‌ఆర్‌హెచ్‌ బ్యాట్స్‌మన్‌ కేవలం 7 పరుగులు మాత్రమే నమోదు చేశారు. అనంతరం బ్యాటింగ్‌కు దిగిన ఢిల్లీ రషీద్‌ వేసిన ఆఖరి బంతికి సింగిల్‌ తీసి విజయం సాధించింది. మ్యాచ్‌ విజయం అనంతరం అక్షర్‌ పటేల్‌, ఆవేశ్‌ ఖాన్‌లు ఒకరినొకరు ఇంటర్య్వూ చేసుకున్నారు. ఈ నేపథ్యంలో మొదట సూపర్‌ ఓవర్‌ తాను వేయాల్సిందని.. ఆఖరి క్షణంలో అక్షర్‌ పటేల్‌ చేతిలోకి బంతి వెళ్లిందని ఆవేశ్‌ ఖన్‌ పేర్కొన్నాడు. ''రిషబ్‌ పంత్‌ దగ్గరకు వెళ్లి ఏం చెప్పావని.. బంతి నీ చేతిలోకి ఎలా వచ్చిందో'' చెప్పాలని అక్షర్‌ను అడిగాడు. దీనికి అక్షర్‌ స్పందిస్తూ..  సూపర్‌ ఓవర్‌కు మొదట నీ పేరును పరిశీలించిన మాట వాస్తవం. అప్పటికే ఆ జట్టు హెడ్‌కోచ్‌ రికీ పాంటింగ్‌ కూడా ఆవేశ్‌ ఖాన్‌ సూపర్‌ ఓవర్‌ వేస్తాడని స్పష్టం చేశాడు. కానీ తాను పంత్‌ దగ్గరకు వెళ్లి.. ఈ పిచ్‌పై స్పిన్నర్ల బౌలింగ్‌లో పరుగులు రావడం కష్టంగా ఉందని.. బ్యాట్స్‌మన్‌ ఇబ్బందులు పడుతున్నారు. కాబట్టి ఈ సమయంలో సూపర్‌ ఓవర్‌ను ఫాస్ట్‌ బౌలర్‌ కంటే స్పిన్‌ బౌలర్‌తో వేయడం సమంజసమని తెలిపా. అందులోనూ ఎస్ఆర్‌హెచ్‌ బ్యాటింగ్‌ వస్తే వార్నర్‌ లెఫ్ట్‌ హ్యాండ్‌ కాబట్టి నా బౌలింగ్‌లో ఆడడానికి కాస్త ఇబ్బంది పడుతాడు. అందుకే సూపర్‌ ఓవర్‌ నేను వేస్తా అని పంత్‌కు తెలిపా'' అంటూ చెప్పుకొచ్చాడు.  కాగా ఐపీఎల్‌ 14వ సీజన్‌ ఆరంభానికి ముందే కరోనా బారీన పడిన అక్షర్ పటేల్‌ ఢిల్లీ క్యాపిటల్స్‌ తరపున తొలి నాలుగు మ్యాచ్‌లకు దూరమయ్యాడు. ఐసోలేషన్‌లో ఉన్న అక్షర్‌ క్వారంటైన్‌ గడువు పూర్తి చేసుకొని ఇటీవలే జట్టుతో కలిశాడు. ఎస్ఆర్‌హెచ్‌తో జరిగిన మ్యాచ్‌లో అక్షర్‌ పటేల్‌ 4 ఓవర్లు వేసి 26 పరుగులిచ్చి 2 వికెట్లు తీశాడు.  కాగా ఢిల్లీ క్యాపిటల్స్‌ తన తదుపరి మ్యాచ్‌ను ఏప్రిల్‌ 27న ఆర్‌సీబీతో ఆడనుంది. చదవండి: బెయిర్‌స్టో అప్పుడు టాయిలెట్‌లో ఉంటే తప్ప: సెహ్వాగ్‌ One shone bright on his comeback & delivered the Super Over while the other has been amongst the wickets. 👌👌 Presenting the @DelhiCapitals' bowling aces: @akshar2026 & Avesh Khan 😎😎 - By @28anand #VIVOIPL #SRHvDC Watch the full interview 🎥 👇https://t.co/cbzKlVKG6t pic.twitter.com/EQNzo4bcMo — IndianPremierLeague (@IPL) April 26, 2021

చిత్రం: ‘సూపర్‌ ఓవర్‌’ తారాగణం: నవీన్‌ చంద్ర, చాందినీ చౌదరి, రాకేందుమౌళి, ప్రవీణ్‌ నిర్మాత: సుధీర్‌ వర్మ దర్శకత్వం: ప్రవీణ్‌ వర్మ  ఓ.టి.టి. ప్లాట్‌ఫామ్‌: ఆహా విడుదల తేది : జనవరి 22, 2021 క్రికెట్‌ బెట్టింగ్, హవాలా నేపథ్యంలో తెలుగులో పూర్తి స్థాయి సినిమాలు రాలేదనే చెప్పాలి. ఆ రెండు నేపథ్యాలనూ వాడుతూ, డబ్బు కోసం మనిషి ఎంత దూరం వెళతాడో విలక్షణమైన స్క్రీన్‌ప్లేతో చెబితే? క్రికెట్‌ బెట్టింగ్‌ నేపథ్యం కన్నా హవాలా నేపథ్యం ఎక్కువుండే ‘సూపర్‌ ఓవర్‌’లో దర్శక, నిర్మాతలు చేసిన యత్నం అదే.  కథ కాశీ (నవీన్‌ చంద్ర), మధు (చాందినీ చౌదరి), వాసు (రాకేందు మౌళి) – ముగ్గురూ చిన్నప్పటి స్నేహితులు. ఆర్థిక ఇబ్బందుల్లో పడ్డ కాశీ ఈజీ మనీ కోసం బెట్టింగ్‌కు దిగుతాడు. మిగతా ఇద్దరు ఫ్రెండ్లూ సమర్థిస్తారు. అనుకోకుండా కాశీ కోటీ 70 లక్షలు గెలుస్తాడు. ఆ డబ్బులు తీసుకొని, కష్టాలు తీర్చుకోవాలని ముగ్గురూ రాత్రివేళ బయల్దేరతారు. ఆ రాత్రి తెల్లవారే లోపల అసలు ట్విస్టులు, కష్టాలు మొదలవుతాయి. బుకీ మురళి (కమెడియన్‌ ప్రవీణ్‌), పోలీసు ఎస్‌.ఐ. (అజయ్‌), హవాలా డబ్బు డీల్‌ చేసే మనుషులు – ఇలా రకరకాల పాత్రలతో సాగే ఛేజింగ్‌ థ్రిల్లర్‌ మిగతా కథ.  ఎలా చేశారంటే హితుల కథలా మొదలై పూర్తిస్థాయి థ్రిల్లర్‌లా సాగే ఈ సినిమాలో నటీనటులందరూ పాత్రలకు సరిగ్గా అతికినట్టు సరిపోయారు. ముగ్గురు స్నేహితుల మధ్య కెమిస్ట్రీ బాగా కుదిరింది. గంభీర కంఠస్వరం, ఒకింత రగ్డ్‌ లుక్‌తో నవీన్‌ చంద్ర ఈ కథను నడిపే కాశీ పాత్రలో బాగున్నారు. తెలుగమ్మాయి చాందిని పాత్రచిత్రణతో, ఆ ఎనర్జీతో ప్రేక్షకులు ప్రేమలో పడతారు. ‘మస్తీస్‌’, ‘కలర్‌ ఫోటో’ లాంటి హిట్‌ వెబ్‌ సినిమాల్లో కనిపించిన చాందినికి మంచి భవిష్యత్తు ఉందనిపిస్తుంది. ప్రతిదానిలో ఏదో ఒక అనుమానం లేవనెత్తే కామికల్‌ రిలీఫ్‌ పాత్రలో రచయిత వెన్నెలకంటి కుమారుడు రాకేందుమౌళి వినోదం అందిస్తారు. కమెడియన్‌ ప్రవీణ్, అజయ్‌ సహా ఈ సినిమాలో పాత్రలే తప్ప, ఎక్కడా నటీనటులు కనిపించరు. ఎవరెంతసేపున్నా సన్నివేశాలనూ, సందర్భాలనూ, పాత్రల ప్రవర్తననూ ఉత్కంఠ రేపేలా, శ్రద్ధగా రాసుకోవడం దర్శకుడి ప్రతిభ.  ఎలా తీశారంటే..: ఈ సినిమాకు బలం – స్క్రీన్‌ప్లేలోని వైవిధ్యం. ఇలాంటి కథ, దానికి వెండితెర కథనం రాసుకోవడం కష్టం. రాసుకున్నది రాసుకున్నట్టు తీయడం మరీ కష్టం. ఆ కష్టాన్ని ఇష్టంగా భుజానికెత్తుకొని, నలుగురూ ఇష్టపడేలా తీశారు – దర్శకుడు స్వర్గీయ ప్రవీణ్‌ వర్మ. షూటింగ్‌ ఆఖరులో వాహనప్రమాదంలో ప్రవీణ్‌ వర్మ దుర్మరణం పాలయ్యారు. దాంతో, ఆయనకు అసిస్టెంట్‌ డైరెక్టర్‌గా పని ఇచ్చిన ‘స్వామిరారా’ సుధీర్‌వర్మ పోస్ట్‌ప్రొడక్షన్‌ చేశారు. సాంకేతిక విభాగాల పనితనం సినిమాకు మరో బలం. 25 రోజులకు పైగా సికింద్రాబాద్‌ మోండా మార్కెట్‌ తదితర ప్రాంతాల్లో రాత్రివేళ షూటింగ్‌ జరుపుకొందీ సినిమా. నైట్‌ ఎఫెక్ట్‌లో, ఏరియల్‌ షాట్స్‌తో దివాకర్‌ మణి కెమేరావర్క్‌ కనిపిస్తుంది. ఈ థ్రిల్లర్‌కి నేపథ్య సంగీతం గుండెకాయ. సన్నీ ఈ చిత్రానికి గ్యాప్‌ లేకుండా సంగీతం ఇస్తూనే ఉన్నారు. అక్కడక్కడ కాస్తంత మితి మీరినా, ఆ నేపథ్య సంగీతమే లేకుండా ఈ సినిమాను ఊహించలేం. ఎడిటింగ్‌ సైతం కథ శరవేగంతో ముందుకు కదిలేలా చేసింది. సెన్సార్‌ లేని ఓటీటీలో సహజంగా వినిపించే, అసభ్యమైన డైలాగులు కూడా చాలానే ఉన్న చిత్రమిది. అనేక చోట్ల లాజిక్‌ మిస్సయి, కథనంలో మ్యాజిక్‌ ఎక్కువున్న ఈ సినిమాకు ఓటీటీ రిలీజు లాభించింది. థియేటర్లలో కన్నా ఎక్కువ మంది ముంగిటకు వెళ్ళే అవకాశం వచ్చింది. ఛేజింగ్‌ థ్రిల్లర్‌ కావడంతో దర్శకుడు పలుచోట్ల తీసుకున్న సినిమాటిక్‌ లిబర్టీని ప్రేక్షకుడు క్షమిస్తాడు. అలాగే, దర్శకుడు ఎంచుకున్న విలక్షణ కథనం వల్ల ఒకే సీన్‌ సందర్భాన్ని బట్టి, పదే పదే వస్తున్నా సరే సహిస్తాడు. అక్కడక్కడా ఓవర్‌గా అనిపించే అలాంటివి పక్కన పెడితే, గంట 20 నిమిషాల కాలక్షేపం థ్రిల్లర్‌గా ఈ కథాకథనం సూపర్‌ అనిపిస్తుంది.   బలాలు: విలక్షణమైన స్క్రీన్‌ ప్లే, దర్శకత్వం సహజంగా తోచే∙నటీనటులు, వారి అభినయం  కెమేరా వర్క్, ఉత్కంఠ పెంచే నేపథ్య సంగీతం  బలహీనతలు: ట్విస్టుల హడావిడిలో మిస్సయిన లాజిక్కులు స్క్రీన్‌ ప్లేలో భాగంగా రిపీటయ్యే సీన్లు  వెండితెర కన్నా ఓటీటీకే పనికొచ్చే అంశాలు  కొసమెరుపు: ఇది ఓటీటీలో ఓకే థ్రిల్లర్‌! – రెంటాల జయదేవ

దుబాయ్‌:  ఈ ఐపీఎల్‌ సీజన్‌లో ఇప్పటికే పలు మ్యాచ్‌ల ఫలితాలు సూపర్‌ ఓవర్‌ వరకూ వెళ్లిన సంగతి తెలిసిందే.  ఇప్పటివరకూ నాలుగు మ్యాచ్‌లు సూపర్‌ ఓవర్లకు వెళితే, ఆదివారం జరిగిన కింగ్స్‌ పంజాబ్‌- ముంబై ఇండియన్స్‌ అందుకు భిన్నం. ఈ మ్యాచ్‌లో రెండో సూపర్‌ ఓవర్‌ వరకూ వెళితే కానీ ఫలితం తేలలేదు. తొలి సూపర్‌ ఓవర్‌లో ఇరు జట్లు ఐదు పరుగులే చేయడంతో రెండో సూపర్‌ ఓవర్‌ ఆడించారు. అందులో కింగ్స్‌ పంజాబ్‌ విజేతగా నిలిచింది. తొలుత ముంబై ఇండియన్స్‌ 11 పరుగులు చేస్తే దాన్ని కింగ్స్‌ పంజాబ్‌ ఛేదించింది. క్రిస్‌ గేల్‌, మయాంక్‌ అగర్వాల్‌లు 12 పరుగులు సాధించి జట్టుకు చిరస్మరణీయమైన విజయాన్ని అందించారు.  కాగా, ఐపీఎల్‌ చరిత్రలో రెండు సూపర్ల ద్వారా మ్యాచ్‌ ఫలితం తేలడం ఇదే తొలిసారి. గతేడాది వరల్డ్‌కప్‌ సమయంలో ఇంగ్లండ్‌-న్యూజిలాండ్‌ జట్ల మధ్య జరిగిన ఫైనల్‌ మ్యాచ్‌ సూపర్‌ ఓవర్‌ వరకూ వెళ్లింది. ఇక్కడ సూపర్‌ ఓవర్‌ వరకూ టై కావడంతో బౌండరీ కౌంట్‌ ఆధారంగా ఇంగ్లండ్‌ను విజేతగా ప్రకటించారు. ఇది అప్పుడు పెద్ద వివాదాస్పదమైంది. ఈ నిబంధనపై యావత్ క్రికెట్ ప్రపంచం భగ్గుమంది.  దాంతో సూపర్‌ ఓవర్లపై క్రికెట్‌ లామేకర్‌ మెరిల్‌బోన్‌ క్రికెట్‌ కమిటీ(ఎంసీసీ) కొన్ని సూచనలు చేయడంతో దానికి ఐసీసీ ఆమోద ముద్ర వేసింది.  అందులో సూపర్‌ ఓవర్ల నిబంధనను మార్చారు. సెమీస్‌,ఫైనల్‌(నాకౌట్‌ మ్యాచ్‌ల్లో) ఫలితం తేలేవరకు మళ్లీ మళ్లీ సూపర్ ఓవర్ నిర్వహించాలనే రూల్ తీసుకొచ్చింది. ఇదే నిబంధనను ఐపీఎల్‌లో అమలు చేశారు.  రెండో సూపర్‌ ఓవర్‌ కూడా టైగా ముగిస్తే..?  ఆదివారం నాటి మ్యాచ్‌లో రెండు సూపర్‌ ఓవర్లు పడ్డాయి. తొలుత పడిన సూపర్‌ ఓవర్‌ టైగా ముగియడంతో రెండో సూపర్‌ ఓవర్‌ తప్పలేదు. కానీ రెండో ది కూడా టై అయితే ఏంటనేది ప్రశ్న. ఇక రెండోది కూడా టై అయితే మూడో సూపర్‌ ఓవర్‌ను ఆడిస్తారా అనుమానం వ్యక్తమవుతోంది.. ఐపీఎల్‌ నిబంధనల ప్రకారం భారతకాలమాన ప్రకారం మధ్యాహ్న మ్యాచ్‌లు సూపర్‌ ఓవర్‌కు వెళితే రాత్రి గం.8గంటలకు ప్రారంభిచకూడదు. అదే సమయంలో రాత్రి మ్యాచ్‌లకు సూపర్‌ ఓవర్‌కు వెళితే అది అర్థరాత్రి 12గంటలు దాటకూడదని ఐపీఎల్‌ ప్రారంభానికి ముందు నిబంధన తీసుకొచ్చారు. అంటే ఇక్కడ సమయం అనేది ప్రధాన పాత్ర పోషిస్తుంది. తొలి సూపర్‌ ఓవర్‌ టై అయితే రెండో సూపర్‌ వెళ్లే క్రమంలో కూడా సమయాన్ని చూస్తారు. అలాగే రెండో సూపర్ ఓవర్‌ కూడా టై అయితే ఇరుజట్ల కెప్టెన్ల ఒప్పందం ప్రకారం చెరొక పాయింట్‌ కేటాయిస్తారు.  అంటే మూడో సూపర్‌ ఓవర్‌ ఉండదు. తలొక పాయింట్‌ తీసుకోవాల్సిందే. మొన్న జరిగిన రెండు సూపర్‌ ఓవర్ల మ్యాచ్‌ల సమయాలను పరిశీలిస్తే.. సన్‌రైజర్స్‌ హైదరాబాద్‌-కేకేఆర్‌ జట్ల మధ్య సూపర్‌ ఓవర్‌ రాత్రి గం7:39 ని.ల నుంచి 7:49 మధ్య జరిగింది. ఇక కింగ్స్‌ పంజాబ్‌-ముంబై ఇండియన్స్‌ల మధ్య జరిగిన తొలి సూపర్‌ రాత్రి గం. 11:46ని.లకు ప్రారంభమైతే, రెండో సూపర్‌ ఓవర్‌ గం.11:55 ని.ల నుంచి గం.12:12ని.ల మధ్య జరిగింది. నిబంధన ప్రకారం రెండు మ్యాచ్‌లు సూపర్‌ ఓవర్ల మ్యాచ్‌లు నిర్ణీత సమయానికి కంటే ముందే ప్రారంభమయ్యాయి. ఇక్కడ రెండో మ్యాచ్‌లో పడ్డ రెండో సూపర్‌ ఓవర్‌ గం. 12.12ని.లకు ముగియడంతో మూడో సూపర్‌ ఓవర్‌కు అవకాశం లేదు. ఈ సమయంలో మళ్లీ సూపర్‌ ఓవర్‌ టై అయితే ఇరుజట్లు పాయింట్లతో సరిపెట్టుకోవాలి. ఒకవేళ వివాదాస్పద బౌండరీ కౌంట్‌ రూల్‌ అమలు చేసి ఉంటే ముంబై ఇండియన్స్‌ గెలిచేది. ముంబై ఇండియన్స్‌ 24 బౌండరీలు( సిక్స్‌లు, ఫోర్లు) కొడితే, కింగ్స్‌ పంజాబ్‌ 22 బౌండరీలే సాధించింది.  ఇదిలా ఉంచితే, నాకౌట్‌ మ్యాచ్‌ల్లో అయితే టై అయితే ఫలితాన్ని సూపర్‌ ఓవర్ల ద్వారానే ఫలితాన్ని తేల్చాలి. ఇక్కడ తొలి సూపర్‌ ఓవర్‌, రెండో సూపర్‌ ఓవర్లు టైగా ముగిస్తే మూడో సూపర్‌ ఓవర్‌ అనేది ఉంటుంది. నాకౌట్‌ మ్యాచ్‌ల్లో ఏదొక జట్టును విజేతగా తేల్చాలి కాబట్టి ఈ నిబంధనను ఫాలో కాకతప్పదు. ఇది గతేడాది ఐసీసీ తీసుకొచ్చిన నిబంధన. 

దుబాయ్‌: రెండు సూపర్‌ ఓవర్ల తర్వాత ముంబై ఇండియన్స్‌పై పంజాబ్‌ విజయంలో పేసర్‌ మొహమ్మద్‌ షమీ కూడా కీలకపాత్ర పోషించాడు. తొలి సూపర్‌ ఓవర్‌ వేసిన అతను వరుస యార్కర్లతో రోహిత్, డికాక్‌లను ఇబ్బంది పెట్టడంతో కేవలం ఐదు పరుగులే వచ్చాయి. దాంతో ‘టై’ కావడంతో ఫలితం రెండో సూపర్‌ ఓవర్‌కు వెళ్లింది. తన బౌలింగ్‌ వ్యూహంపై షమీకి ముందే స్పష్టత ఉన్నట్లు కింగ్స్‌ ఎలెవన్‌ కెప్టెన్‌ కేఎల్‌ రాహుల్‌ వెల్లడించాడు. ‘సూపర్‌ ఓవర్‌ కోసం సాధారణంగా ఎవరూ సిద్ధంగా ఉండరు. అలాంటి సమయంలో బౌలర్‌ ధైర్యాన్ని, అతని నమ్మకాన్ని మనం నమ్మాలి. తాను ఆరు బంతులు కూడా యార్కర్లుగా వేసేందుకు షమీ సిద్ధంగా ఉన్నాడు. అతను చాలా అద్భుతంగా బౌలింగ్‌ చేశాడు. అతనిలాంటి సీనియర్లు మ్యాచ్‌లు గెలిపించడం ఎంతో అవసరం’ అని రాహుల్‌ అన్నాడు. టోర్నీలో సూపర్‌ ఓవర్‌లో ఒకసారి ఓడిన తాము ఈసారి మ్యాచ్‌ గెలవడం సంతోషమే అయినా... ఇది పునరావృతం కాకూడదని కోరుకుంటున్నట్లు అతను వ్యాఖ్యానించాడు.   తీవ్ర నిరాశలో రోహిత్‌... మరోవైపు ఈ పరాజయం ముంబై ఇండియన్స్‌ కెప్టెన్‌ రోహిత్‌ శర్మను తీవ్రంగా నిరాశపర్చింది. మ్యాచ్‌ తర్వాత ప్రసారకర్తలతో మాట్లాడేందుకు రాని రోహిత్, ఆ తర్వాత మీడియా సమావేశానికి కూడా పొలార్డ్‌ను పంపించాడు. ‘మేం గెలవాల్సిన మ్యాచ్‌ను ఓడిపోయామనే విషయాన్ని ఒప్పుకుంటాను. కానీ ఇదేమీ జీవితంలో అతి పెద్ద సమస్య కాదు. దీనిని మరచి ముందుకు సాగాలి. పరాజయం తర్వాత రోహిత్‌ బాగా బాధపడుతున్నాడని నాకు తెలిసింది. అయితే అతనో పోరాటయోధుడు అనే విషయం మరచిపోవద్దు’ అని కీరన్‌ పొలార్డ్‌ వెల్లడించాడు.   నాకు కోపం తెప్పించింది: గేల్‌   రెండో సూపర్‌ ఓవర్లో సిక్సర్‌తో చెలరేగి గెలిపించిన క్రిస్‌ గేల్‌ మాట్లాడుతూ...అసలు మ్యాచ్‌ సూపర్‌ ఓవర్‌ వరకు వెళ్లడమే తనకు నచ్చలేదని అన్నాడు. పంజాబ్‌ రెగ్యులర్‌ టైమ్‌లోనే మ్యాచ్‌ను గెలవాల్సిందని అభిప్రాయపడిన అతను, తాను ఒత్తిడికి లోను కాలేదని స్పష్టం చేశాడు. ‘సూపర్‌ ఓవర్లో ఆడే సమయంలో నేనేమీ ఒత్తిడికి లోను కాలేదు. అయితే అలాంటి స్థితికి మ్యాచ్‌ రావడమే నాకు ఆగ్రహం కలిగించింది. నిజానికి సూపర్‌ ఓవర్‌లో మొదటి బాల్‌ ఎవరు ఆడాలని మయాంక్‌ అడిగితే ఆశ్చర్యపోయా. ఎప్పుడైనా ‘బాస్‌’ ఆడాల్సిందేనని, తొలి బంతిని సిక్స్‌ కొడతాను చూడని కూడా అతనితో చెప్పా’ అని గేల్‌ వెల్లడించాడు.   

దుబాయ్‌: సన్‌రైజర్స్‌తో ఆదివారం జరిగిన ఉత్కంఠ పోరులో కోల్‌కత నైట్‌రైడర్స్‌ జట్టు సూపర్‌ విజయం సాధించింది. కోల్‌కత విజయంలో ప్రధాన పాత్ర పోషించిన లాకీ ఫెర్గూసన్ సూపర్‌ ఓవర్‌లో డేవిడ్‌ వార్నర్‌ వికెట్‌ తీయడం పట్ల సంతోషం వ్యక్తం చేశాడు. తొలుత 164 పరుగుల లక్ష్యంతో బరిలోకి దిగిన హైదరాబాద్‌ బ్యాట్స్‌మెన్‌ను ఫెర్గూసన్‌ తన పదునైన బంతులతో హడలెత్తించాడు. నాలుగు ఓవర్లు వేసి 3 వికెట్లు తీసి 15 పరుగులే ఇచ్చాడు. అటు తర్వాత సూపర్‌ ఓవర్‌లోనూ సత్తా చాటాడు. 3 బంతుల్లో 2 పరుగులుచ్చి 2 వికెట్లు తీసిన ఈ న్యూజిలాండ్‌ పేసర్‌ సన్‌రైజర్స్‌ హైదరాబాద్‌కు చుక్కలు చూపించాడు. ఇక రషీద్‌ ఖాన్‌ బౌలింగ్‌లో మోర్గాన్‌ 1, దినేష్‌ కార్తీక్‌ 2 పరుగులు చేసి లాంఛనాన్ని పూర్తి చేశారు. కేకేఆర్‌కు అద్భుతమైన గెలుపునందించిన ఫెర్గూసన్‌ కేకేఆర్‌ తరపున తొలి మ్యాచ్‌లోనే మ్యాన్‌ ఆఫ్‌ ద మ్యాచ్‌గా నిలిచాడు. (చదవండి: షమీ నిర్ణయంపై ఆశ్చర్యపోయాం: రాహుల్‌) తొలి బంతికి వార్నర్‌ క్లీన్‌ బౌల్డ్‌ సూపర్‌ ఓవర్‌ తొలి బంతికి ఫుల్‌ లెంగ్త్‌ డెలివరీతో వార్నర్‌ను క్లీన్‌ బౌల్డ్‌ చేసిన ఫెర్గూసన్‌ రెండో బంతికి రెండు పరుగులిచ్చాడు. మూడో బంతికి చక్కని యార్కర్‌తో సమద్‌ను కూడా క్లీన్‌ బౌల్డ్‌ చేశాడు. సూపర్‌ ఓవర్‌ మొదటి బంతికి వార్నర్‌ను ఔట్‌ చేయడం మరచిపోలేని అనుభూతి అని పోస్ట్‌ మ్యాచ్‌ ప్రెస్‌ మీట్‌లో ఫెర్గూసన్‌ చెప్పుకొచ్చాడు. అది తన ఫేవరెట్‌ వికెట్లలో ఒకటి అని పేర్కొన్నాడు. ఇక మ్యాచ్‌లో తన బౌలింగ్‌ విషయానికి సంబంధించిన నిర్ణయాలన్నీ కెప్టెన్‌ ఇయాన్‌ మోర్గాన్‌ తనకే వదిలేశాడని ఫెర్గూసన్‌ వెల్లడించాడు. అటు మ్యాచ్‌లోనూ, ఇటు సూపర్‌ ఓవర్‌లోనూ మెరుగ్గా రాణించి జట్టుకు విజయాన్నందించిన ఫెర్గూసన్‌పై కెప్టెన్‌ మోర్గాన్‌ ప్రశంసలు కురిపించాడు. గత కొన్ని మ్యాచ్‌ల్లో పోరాడి ఓడిన కేకేఆర్‌ తాజా మ్యాచ్‌తో పోటీలోకి వచ్చిందని అన్నాడు. (చదవండి: సూపరో... సూపరు)