విజయనగరం అర్బన్‌: వచ్చే నెల 1వ తేదీన విశాఖ స్టీల్‌ప్లాంట్‌ ఎదుట నిర్వహించనున్న స్టీల్‌ప్లాంట్‌ ప్రైవేటీకరణ వ్యతిరేక మహాధర్నాను విజయవంతం చేయాలని బీఎస్పీ రాష్ట్ర కార్యదర్శి సోము రాంబాబు పిలుపునిచ్చారు. బుధవారం స్థానిక బీఎస్పీ జిల్లా కార్యాలయంలో జరిగిన కార్యక్రమంలో ముందుగా ప్రచార పోస్టర్‌ను విడుదల చేశారు. ఈ సందర్భంగా ఆయన మాట్లాడుతూ.. మహాధర్నాకు పార్టీ ఆంధ్రప్రదేశ్‌ ఇన్‌చార్జ్‌, రాజ్యసభ సభ్యుడు రామ్‌జీ గౌతమ్‌ హాజరవుతారని తెలిపారు. జిల్లా నుంచి అధికసంఖ్యలో ప్రజలు హాజరు కావాలని కోరారు. కార్యక్రమంలో పార్టీ జిల్లా ఇన్‌చార్జ్‌ అర్జి శివప్రసాద్‌, జిల్లా అధ్యక్షుడు కె.సోములు, ఉపాధ్యక్షురాలు గౌరి, ప్రధాన కార్యదర్శి ఆర్‌జే రెడ్డి, నియోజకవర్గ అధ్యక్షుడు పైడిరాజు, ప్రకాశరావు, పొడుగు శంకరరావు, కార్యకర్తలు పాల్గొన్నారు.

విజయనగరం అర్బన్‌: వచ్చే నెల 1వ తేదీన విశాఖ స్టీల్‌ప్లాంట్‌ ఎదుట నిర్వహించనున్న స్టీల్‌ప్లాంట్‌ ప్రైవేటీకరణ వ్యతిరేక మహాధర్నాను విజయవంతం చేయాలని బీఎస్పీ రాష్ట్ర కార్యదర్శి సోము రాంబాబు పిలుపునిచ్చారు. బుధవారం స్థానిక బీఎస్పీ జిల్లా కార్యాలయంలో జరిగిన కార్యక్రమంలో ముందుగా ప్రచార పోస్టర్‌ను విడుదల చేశారు. ఈ సందర్భంగా ఆయన మాట్లాడుతూ.. మహాధర్నాకు పార్టీ ఆంధ్రప్రదేశ్‌ ఇన్‌చార్జ్‌, రాజ్యసభ సభ్యుడు రామ్‌జీ గౌతమ్‌ హాజరవుతారని తెలిపారు. జిల్లా నుంచి అధికసంఖ్యలో ప్రజలు హాజరు కావాలని కోరారు. కార్యక్రమంలో పార్టీ జిల్లా ఇన్‌చార్జ్‌ అర్జి శివప్రసాద్‌, జిల్లా అధ్యక్షుడు కె.సోములు, ఉపాధ్యక్షురాలు గౌరి, ప్రధాన కార్యదర్శి ఆర్‌జే రెడ్డి, నియోజకవర్గ అధ్యక్షుడు పైడిరాజు, ప్రకాశరావు, పొడుగు శంకరరావు, కార్యకర్తలు పాల్గొన్నారు.

● ఉత్సాహంగా గిరిజన స్వాభిమాన ఉత్సవాలు ఏయూక్యాంపస్‌: గిరిజన స్వాభిమాన ఉత్సవా లు ఘనంగా ముగిశాయి. జనజాతి గౌరవ్‌ దివ స్‌ వేడుకల్లో భాగంగా గిరిజన సంక్షేమ శాఖ, టీజీఆర్‌–టీఎం, గిరిజన వ్యవహారాల మంత్రిత్వ శాఖ సహకారంతో ఈ నెల 15 నుంచి 26 వరకు గ్రామ, పంచాయతీ, ఐటీడీఏ, జిల్లా, రాష్ట్ర స్థాయిల్లో జనజాతి గౌరవ్‌ దివస్‌ నిర్వహించారు. గిరిజన స్వాతంత్య్ర సమరయోధులను స్మరించుకోవడం, సాంస్కృతిక వారసత్వాన్ని నేటి తరానికి తెలియజేసే విధంగా ఈ కార్యక్రమాలను జరిపారు. స్వాభిమాన ఉత్సవాల్లో భాగంగా గిరిజన సంత, రాష్ట్ర స్థాయి క్రీడా పోటీలు చిత్రలేఖనం, వ్యాసరచ న, వక్తృత్వ పోటీలు, సాంస్కృతిక ప్రదర్శనలు నిర్వహించారు. రుషికొండ వద్ద ఏర్పాటు చేసిన గిరిజన సంత, బీచ్‌రోడ్డులో ఏర్పాటు చేసిన ప్రత్యేక స్టాల్స్‌లో గిరిజన ఉత్పత్తులు విక్రయాలు జరిపారు. కార్యక్రమాలలో ఎనిమి ది ఐటీడీఏలు, 17 జిల్లాల నుంచి వెయ్యి మందికి పైగా విద్యార్థులు, సాంస్కృతిక బృందాలు పాల్గొన్నాయి. రాష్ట్ర స్థాయి పోటీల్లో విజేతలుగా నిలిచిన వారికి పాడేరు ఐటీఏడీ ప్రాజెక్టు అధికారి అభిషేక్‌ బహుమతులను ప్రదానం చేశారు. పోటీల్లో ప్రథమ స్థానాన్ని సీతంపేట, రెండో స్థానం పాడేరు ఐటీడీఏలు కై వసం చేసుకున్నాయి. ఎగ్జిక్యూటివ్‌ డైరెక్టర్‌ డాక్టర్‌ రాణి మంద, ఇతర సిబ్బంది పాల్గొన్నారు.

పిల్లలకు ఉపాధ్యాయులు సులభతర విద్యాబోధన చేయడం ద్వారా మంచి ఫలితాలు సాధించవచ్చని ఆర్‌జేడీ కె.విజయభాస్కర్‌ అన్నారు. గజపతినగరం మండలం మరుపల్లి బాలాజీ పాలిటెక్నికల్‌ కళాశాలలో జరుగుతున్న రెసిడెన్షియల్‌ మోడ్‌ శిక్షణ కార్యక్రమంలో ఆయన బుధవారం ముఖ్యఅతిథిగా పాల్గొని మాట్లాడారు. ఈ సందర్భంగా హెచ్‌ఎంలకు పలు సూచనలు చేశారు. సలహాలిచ్చారు. సర్కారు పాఠశాలల్లో విద్యార్థుల సంఖ్య పెరిగేలా ఉపాధ్యాయులు తమ వంతు కృషి చేయాలన్నారు. విద్యా వ్యవస్థ బలోపేతానికి ఈ శిక్షణ ఎంతో ఉపయోగపడుతుందన్నారు. కోర్సు ఇన్‌చార్జి ఎంఈఓ 1 సాయిచక్రధర్‌, ఏఎంఓ బి.ప్రసాద్‌ తదితరులు పాల్గొన్నారు. – గజపతినగరం

● పెదంకలాం, వట్టిగెడ్డలకు మాత్రమే.. ● మార్చి 2025 వరకు గడువు.. ● మిగతా రెండింటికి అనుమతులు రాని వైనం ● వైఎస్సార్‌సీపీ హయాంలోనే పనుల ప్రారంభం ● కాలువల లైనింగ్‌, శివారు ప్రాంతాలకు సాగునీరు ● గడువు పూర్తవడంతో నిలిచిన పనులు బొబ్బిలి: మూడు దశాబ్దాలుగా జపాన్‌ నిధులతో పనులు చేపట్టేందుకు జిల్లాలోని నాలుగు ప్రాజెక్టులను ఎంపిక చేశారు. వాటికి ఎన్నో కొర్రీలు పెట్టారు వివిధ స్థాయిల్లోని అధికారులు. చివరకు వైఎస్సార్‌సీపీ ప్రభుత్వ హయాంలో పనులు ఎట్టకేలకు ప్రారంభమయ్యాయి. ప్రాజెక్టుల వద్ద కాలువల పూడిక తీతలు, లైనింగ్‌ పనులు కొంతమేర జరిగాయి. మిగతా పనులు జరిగేలోపు వాటి గడువు తీరిపోవడంతో కొన్నాళ్ల కిందట నిలిచిపోయాయి. దీంతో ప్రస్తుతం పనులు చేపట్టాల్సిన చోట కాలువల్లో పిచ్చిమొక్కలు, పూడికలు మళ్లీ పెరిగిపోయాయి. ఆయా ప్రాజెక్టుల పనులు మళ్లీ ఎప్పుడు ప్రారంభమవుతాయా అని ఎదురు చూడగా ఇప్పుడు రెండింటికి మాత్రమే అనుమతులు వచ్చాయి. ఇందులో వట్టిగెడ్డ, పెదంకలాం పనులకు జలవనరుల శాఖ నుంచి అనుమతులు వచ్చాయి. దీంతో ఆయా కాంట్రాక్టర్లకు గడువు పెంచుతూ ఉత్తర్వులు విడుదలయ్యాయి. కానీ మిగతా పెద్దగెడ్డ, వీఆర్‌ఎస్‌ ప్రాజెక్టులకు ఇంకా అనుమతులు రాలేదు. అనుమతులు ఎప్పుడు వస్తాయి.. పనులు ఎప్పుడు ప్రారంభిస్తారన్న డోలాయమానంలో రైతులున్నారు. ఏళ్ల తరబడి ప్రాజెక్టులు మరమ్మతుకు నోచుకోకపోవడంతో మంజూరైన నిధులతో వైఎస్సార్‌ సీపీ ప్రభుత్వ హయాంలో ముందుగా కాలువల సిల్టింగ్‌ తొలగింపు పనులు చేపట్టడం, జిల్లాలో ఎక్కడా లేని లైనింగ్‌ పనులు ప్రారంభం కావడంతో రైతులు ఆనందపడ్డారు. ఇంతలోనే పనులు నిలిచిపోయాయి. జిల్లాలో నాలుగు ప్రాజెక్టులను ఆధునీకరించేందుకు నిధులు మంజూరవడం, పనులు ప్రారంభించుకోవడం ఒక విషయమైతే అన్ని ప్రాజెక్లుల్లోనూ కాలువల సిల్ట్‌ తొలగింపు శివారు భూములకు సాగునీరు అందించడమే లక్ష్యంగా కాలువల పనులు చేపట్టారు. ఇది ప్రాజెక్టుల నుంచి సాగునీరు విడుదల చేసే ముందు కావడం విశేషం. అయితే ఇప్పుడు కూటమి ప్రభుత్వం ఈ ప్రాజెక్టులకు నిధులు విడుదల చేస్తుందా.. లేదన్నది మీమాంసగా మిగిలిపోయింది. గతంలో పనులు జరిగేటప్పుడు ఏటా ఖరీఫ్‌ సమయంలో పనులు నిలిపి వేసి రైతులకు సాగునీరు పూర్తి స్థాయిలో ఇచ్చి నేరుగా పంట కాలం పూర్తయ్యాక సాగునీటిని నిలిపివేసి తిరిగి పనులు ప్రారంభించేవారు. ఇప్పుడు పనులు జరుగతాయానన్న ప్రశ్నలు ఉదయిస్తున్నాయి. రెండింటికి గడువు పెంచారు వట్టిగెడ్డ, పెదంకలాం ప్రాజెక్టులకు ఆధునీకరణ పనుల కోసం గడువు పెంచుతూ ఉత్తర్వులు విడుదలయ్యాయి. ప్రభుత్వ నిబంధనల ప్రకారం పనులు చేపడతారు. – నారాయణ రావు, డీఈఈ, బొబ్బిలి

● ప్రొహిబిషన్‌ అండ్‌ ఎకై ్సజ్‌ జిల్లా డీసీ బాబ్జీరావు రాజాం: గ్రామాల్లో బెల్టుషాపులు నిర్వహించవద్దని, బాల కార్మికులను షాపుల్లో పనులకు పెట్టుకోవద్దని ప్రొహిబిషన్‌ అండ్‌ ఎకై ్సజ్‌ జిల్లా డిప్యూటీ కమిషనర్‌ ఎస్‌వీవీఎన్‌ బాబ్జీరావు అన్నారు. రాజాం పట్టణంలో పాలకొండ రోడ్డుతో పాటు బొబ్బిలి రోడ్డులోని పలు వైన్‌ షాపులను ఆయన బుధవారం ఆకస్మికంగా తనిఖీ చేసారు. నిబంధనలపై నిర్వాహకులకు అవగాహన కల్పించారు. రికార్డులు పరిశీలించారు. బెల్టుషాపులు ప్రోత్సహించవద్దని హెచ్చరించారు. అక్రమ మద్యం విక్రయాలు చేస్తే లైసెన్సులు రద్దు చేస్తామని హెచ్చరించారు. సరుకు వివరాలు పక్కాగా రికార్డ్‌గా ఉండాలని వివరించారు. అనంతరం పట్టణంలోని ప్రొహిబిషన్‌ అండ్‌ ఎక్సైజ్‌ కార్యాలయాన్ని పరిశీలించారు. స్టేషన్లో కేసుల వివరాలు, రికార్డుల నిర్వహణపై ఆరా తీసారు. ఆయన వెంట రాజాం సీఐ ఆర్‌.జైభీమ్‌, సిబ్బంది ఉన్నారు. రాజాం – పాలకొండ రైల్వే లైను అనుసంధానం చేయండి ● కేంద్ర మంత్రి అశ్వినీ వైష్ణవ్‌కు విజ్ఞప్తి చేసిన ఎంపీ అప్పలనాయుడు సాక్షి, న్యూఢిల్లీ: రాజాం, పాలకొండ, సీతంపేట, కొత్తూరు, హడ్డుబంగి, పర్లాకిమిడి ప్రాంతాల మధ్య రైల్వే లైనును అనుసంధానం చేయాలని కేంద్ర రైల్వే శాఖ మంత్రి అశ్వినీ వైష్ణవ్‌కు విజయనగరం ఎంపీ అప్పలనాయుడు విజ్ఞప్తి చేశారు. పార్లమెంట్‌ సమావేశాల సందర్భంగా బుధవారం కేంద్ర మంత్రిని కలిసి వినతిపత్రం అందజేశారు. ఈ ప్రాజెక్టుపై డీపీఆర్‌ తయారీకి వెంటనే అనుమతులు ఇవ్వాలని కోరారు. ఒడిశా రాష్ట్రంతో అనుసంధానించుకునే విధంగా రైల్వే మార్గం ఏర్పాటు చేయడం అనేది ప్రాంతీయ ఆర్థికాభివృద్ధికి ఎంతో ముఖ్యమని కేంద్ర మంత్రికి తెలిపారు. అదే విధంగా మీడియాలో పనిచేసే జర్నలిస్టులు, కెమెరామెన్‌లకు కోవిడ్‌ సమయం నుంచి రైల్వే పాసులను నిలిపివేశారని.. వీటిని వెంటనే పునరుద్ధరించాలని విజ్ఞప్తి చేశారు. శాసనసభ స్పీకర్‌ అయ్యన్నపాత్రుడు, డిప్యూటీ స్పీకర్‌ రఘురాం కృష్ణరాజులతో కలిసి సైకిల్‌పై పార్లమెంట్‌కు వెళ్లారు. భోగరాజుకు ప్రశంసలు విజయనగరం టౌన్‌: తొమ్మిదవ ప్రపంచ తెలుగు సాహితీ సదస్సు ఖతార్‌ రాజధాని దోహాలో నిర్వహించగా ఈ కార్యక్రమంలో జిల్లాకు చెందిన ప్రముఖ కవయిత్రి, వాఖ్యాత, సంఘ సేవకురాలు భోగరాజు సూర్యలక్ష్మికి ప్రశంసల వర్షం కురిసింది. ఈ నెల 22, 23 తేదీల్లో వంగూరి ఫౌండేషన్‌ ఆఫ్‌ అమెరికా, ఆంధ్ర కళావేదికలు సంయుక్తంగా దోహాలో నిర్వహించిన ప్రపంచ తెలుగు సాహితీ సదస్సులో జిల్లా నుంచి ఎంపికైన ఈమె ‘మహాకవి శ్రీశ్రీ కవిత్వం – అభ్యుదయం’ అనే అంశంపై ప్రసంగించి అందరి మన్ననలు పొందారు. ఈ సందర్భంగా బుధవారం ఆమె రింగురోడ్డులో ఉన్న తన స్వగృహంలో మాట్లాడుతూ అంతర్జాతీయ సదస్సులో పాల్గొనడం ఎంతో అదృష్టంగా భావిస్తున్నామన్నారు. వంగూరి ఫౌండేషన్‌ ప్రతినిధులు రాచకొండ సాయి, ఆంధ్రకళా వేదిక తరఫున వెంకట భాగవతుల చేతుల మీదుగా జ్ఞాపిక, ప్రశంసాపత్రం అందుకోవడం ఆనందంగా ఉందన్నారు. ఈ సందర్భంగా పలువురు సాహితీవేత్తలు, అభిమానులు హర్షం వ్యక్తం చేశారు. జనవరి 28న పైడితల్లి అవతరణ దినోత్సవం విజయనగరం టౌన్‌: ఉత్తరాంధ్రుల ఆరాధ్య దైవం పైడితల్లి ఆత్మార్పణ దినం (అవతరణ దినోత్సవం) వచ్చే ఏడాది జనవరి 28న నిర్వహించనున్నామని, ఆరోజున ప్రత్యేక పూజలు చేపట్టన్నుట్లు సాహితీవేత్త నాలుగెస్సుల రాజు అన్నారు. చదురుగుడి ఆధ్యాత్మిక కళావేదిక వద్ద అమ్మవారి దీక్షాపీఠం వ్యవస్థాపకుడు ఆర్‌.సూర్యపాత్రో, ఆలయ అధికారులతో బుధవారం మమేకమయ్యారు. ఈ సందర్భంగా ఆయన మాట్లాడుతూ, 2025 జనవరి 28న అమ్మవారి జీవితచరిత్ర పుస్తకాలను ఆవిష్కరించి, భక్తులకు ఉచితంగా పంపిణీ చేస్తామన్నారు. భక్తులందరూ అమ్మవారి అవతరణ దినోత్సవంలో పాల్గొనాలని పిలుపునిచ్చారు.

విజయనగరం అర్బన్‌: ప్రభుత్వ పాఠశాలల్లో డిసెంబర్‌ 7న నిర్వహించే మెగా పేరెంట్స్‌ టీచర్ల సమావేశాలపై కార్యాచరణ రూపొందించాలని విద్యాశాఖ అధికారులను కలెక్టర్‌ డాక్టర్‌ బీఆర్‌ అంబేడ్కర్‌ ఆదేశించారు. బుధవారం తన చాంబర్‌ నుంచి ఎంఈఓలు, ప్రధానోపాధ్యాయులతో నిర్వహించిన వీడియో కాన్ఫరెన్స్‌లో ఈ మేరకు పేర్కొన్నారు. విద్యార్థులు, వారి తల్లిదండ్రులు, ప్రజాప్రతినిధులు, స్ఫూర్తిదాయక వ్యక్తులను, పాఠశాల పూర్వ విద్యార్థులను, పాఠశాల యాజమాన్య కమిటీని, దాతలను దీనిలో భాగస్వాములను చేయాలని సూచించారు. ఇందుకోసం గురువారం నుంచే పాఠశాల వారీగా కార్యాచరణ ప్రణాళికను సిద్ధం చేసి, శుక్రవారం నాటికి ఎంఈఓలకు, శనివారం నాటికి జిల్లా విద్యాశాఖ అధికారికి అందజేయాలని ఆదేశించారు. అన్ని ప్రభుత్వ పాఠశాలలు, సంక్షేమ పాఠశాలలు, ఆదర్శ పాఠశాలలు, కేజీబీవీల్లో కూడా ఈ సమావేశాలను నిర్వహించాలన్నారు. విద్యార్థుల ప్రోగ్రెస్‌ రిపోర్టును వివరించడంతో పాటు, పాఠశాల అభివృద్ధికి సలహాలు, సూచనలను తీసుకోవాలని చెప్పారు. సమావేశం ఉదయం 9 గంటలకు మొదలై, మధ్యాహ్నం 1 గంటకు చక్కని శుభదిన భోజనంతో ముగుస్తుందని నిమిషాల వారీగా చేపట్టాల్సిన కార్యక్రమాల షెడ్యూల్‌ను వివరించారు. ఉన్నతాధికారులు, జిల్లా అధికారులు, మండల ప్రత్యేకాధికారులు ఒక్కో పాఠశాలకు అతిథులుగా హాజరవుతారని తెలిపారు. 12 రకాల కమిటీలను ఎస్‌ఎంసీ సభ్యులు, విద్యార్థులు, తల్లిదండ్రులతో వేయాలని చెప్పారు. డీఈఓ యూ.మాణిక్యంనాయుడు, బీసీ సంక్షేమాధికారి పెంటోజీరావు పాల్గొన్నారు. సర్వేకు సంబంధించిన వినతులు పరిష్కరించాలి భూముల సర్వేకు సంబంధించి వచ్చిన వినతులను గురువారం నాటికి పరిష్కరించి ఆన్‌లైన్‌లో సమోదు చేయాలని తహసీల్దార్లను కలెక్టర్‌ డాక్టర్‌ బీఆర్‌ అంబేడ్కర్‌ ఆదేశించారు. సర్వే విభాగానికి సంబంధించిన వినతుల్లో 1,216 వరకు ఇప్పటికీ పెండింగ్‌ ఉన్నాయని వాటిని వెంటనే పరిష్కరించాలని ఆదేశించారు. అదే విధంగా రెవెన్యూ సమస్యలపై వచ్చిన మరో 424 వినతులను తక్షణమే పరిష్కరించాలని చెప్పారు. జిల్లాలోని రెవెన్యూ డివిజనల్‌ అధికారులు, తహసీల్దార్లతో వీడియా కాన్ఫరెన్స్‌ ద్వారా రెవెన్యూ, సర్వే సంబంధ ప్రజావినతుల పరిష్కాంపై బుధవారం సమీక్షించారు. జాయింట్‌ కలెక్టర్‌ సేతు మాధవన్‌, సర్వే విభాగం ఏడీ రమణమూర్తి తదితరులు పాల్గొన్నారు. కలెక్టర్‌ డాక్టర్‌ బీఆర్‌ అంబేడ్కర్‌

రూ.1.29 కోట్లు తెర్లాం: జిల్లాలో ఉపాధి హామీ పథకంలో పని చేస్తున్న అధికారులు, సిబ్బంది నుంచి రూ.1.29 కోట్లు రికవరీ చేయాల్సి ఉందని డ్వామా పీడీ కల్యాణచక్రవర్తి చెప్పారు. తెర్లాంలో బుధవారం జరిగిన ఉపాధి హామీ పథకం సామాజిక తనిఖీ ప్రజావేదికలో పాల్గొనడానికి వచ్చిన ఆయన స్థానిక విలేకరులతో మాట్లాడారు. ఉపాధి హామీ పథకం ద్వారా జిల్లాలోని అన్ని మండలాల్లో ఇంతవరకు జరిగిన సామాజిక తనిఖీల్లో తనిఖీ బృందం పనుల్లో జరిగిన అవకతవకలపై ఇచ్చిన నివేదికపై సంబంధిత అధికారులు, సిబ్బందిపై రికవరీ రాశామన్నారు. దీనికి సంబంధించి జిల్లాలో కోటి 29లక్షల రూపాయలు వసూలు చేయాల్సి ఉందని తెలిపారు. రికవరీ వసూళ్లకు అవసరమైన చర్యలు తీసుకుంటున్నామన్నారు. జిల్లాలోని పలు మండలాల్లో జరిగిన సామాజిక తనిఖీల్లో మరణించిన వారి పేరున మస్తర్లు వేస్తున్నట్లు, వేతనదారుల నుంచి డబ్బులు వసూలు చేస్తున్నట్లు ఫిర్యాదులు వస్తున్నాయని, వీటిని అరికట్టేందుకు అవసరమైన చర్యలు తీసుకుంటున్నామని చెప్పారు. పని రాని మేట్లకు స్థానికంగా శిక్షణ ఇచ్చేలా చర్యలు చేపడుతున్నామని తెలిపారు. ప్రస్తుతం ఉపాధి హామీ పథకం ద్వారా ఫారంపాండ్ల నిర్మాణాలు చేపడుతున్నామని, అన్ని మండలాల్లో తప్పనిసరిగా ఆ పనులు చేపట్టాలని ఏపీఓలకు ఆదేశాలిచ్చామని తెలిపారు. ఆయనతో పాటు ఎంపీడీఓ రాంబాబు, ఏపీడీ శ్రీనివాసరావు, ఏపీఓ సుశీల ఉన్నారు. డ్వామా పీడీ కల్యాణచక్రవర్తి

బలిజిపేట: మండలంలోని వెంగాపురం గ్రామానికి చెందిన కె.రవి అప్పుల భారంతో ఆత్మహత్యకు పాల్పడినట్టు ఎస్సై సింహాచలం తెలిపారు. ఈ విషయమై ఆయన తెలిపిన వివరాల ప్రకారం గ్రామానికి చెందిన కె.రవి వృత్తి రీత్యా ఇటుకల బట్టీ నిర్వహిస్తున్నాడు. అప్పులు ఎక్కువగా ఉండడంతో వేరే మార్గం లేక మంగళవారం సాయంత్రం గడ్డిమందు తాగేశాడు. ఈ విషయం తెలుసుకున్న కుటుంబసభ్యులు వెంటనే చికిత్స నిమిత్తం పార్వతీపురం ఏరియా ఆస్పత్రికి, అక్కడినుంచి విజయనగరం ప్రభుత్వ హాస్పిటల్‌కు తరలించగా చికిత్స పొందుతూ బుధవారం ఉదయం మృతిచెందాడు. మృతుడి భార్య సరస్వతి ఫిర్యాదు మేరకు కేసు నమోదుచేసి దర్యాప్తు నిర్వహిస్తున్నట్లు ఎస్సై చెప్పారు.

రాజాం సిటీ: ఈ నెల 26 వరకు తమిళనాడులో జరిగిన సౌత్‌జోన్‌ పవర్‌ లిఫ్టింగ్‌ పోటీలలో స్థానిక జీఎంఆర్‌ ఐటీ విద్యార్థులు ప్రతిభ కనబర్చారని ప్రిన్సిపాల్‌ డాక్టర్‌ సీఎల్‌వీఆర్‌ఎస్‌వీ ప్రసాద్‌ బుధవారం తెలిపారు. జూనియర్‌ విభాగంలో పి.దీపిక (76 కేజీల కేటగిరీ), వి.శరత్‌ (59 కేజీల కేటగిరీ)లు రజత పతకాలు సాధించారని చెప్పారు. ఆ విద్యార్థులను ప్రిన్సిపాల్‌తో పాటు ఎడ్యుకేషన్‌ డైరెక్టర్‌ డాక్టర్‌ జె.గిరీష్‌, స్టూడెంట్స్‌ డీన్‌ డాక్టర్‌ వి.రాంబాబు, అభినందించారు. పోక్సో కేసులో ముద్దాయికి ఏడేళ్ల జైలు, జరిమానావిజయనగరం క్రైమ్‌: విజయనగరం మహిళా పోలీసుస్టేషన్‌లో 2022లో నమోదైన పోక్సో కేసులో ముద్దాయికి ఏడేళ్ల జైలు, జరిమానాను పోక్సో కోర్టు ప్రత్యేక న్యాయమూర్తి విధించినట్లు ఎస్పీ వకుల్‌ జిందాల్‌ బుధవారం ఒక ప్రకటనలో తెలిపారు. ఈ కేసు వివరాలిలా ఉన్నాయి. పూసపాటిరేగ మండలానికి చెందిన తొమ్మిదేళ్ల బాలికను అదే మండలంలోని గుంపాం గ్రామానికి చెందిన లెంక శ్రీనివాసరావు(23) కొత్తగా నిర్మిస్తున్న భవనంపైకి తీసుకువెళ్లి అత్యాచారానికి ప్రయత్నం చేసినట్లు, బాలిక తల్లి మహిళా పోలీస్‌స్టేషన్‌లో 2022లో ఫిర్యాదు చేయగా అప్పటి ఎస్సై కేటీఆర్‌ లక్ష్మి పోక్సో చట్టం ప్రకారం కేసు నమోదుచేశారు. ఈ కేసు విచారణలో నేరం రుజువు కావడంతో విజయనగరం స్పెషల్‌ జడ్జి ఫర్‌ పోక్సో కోర్టు కె.నాగమణి ముద్దాయికి పై విధంగా శిక్ష విధిస్తూ తీర్పు వెల్ల డించినట్లు ఎస్పీ తెలియజేశారు.

బలిజిపేట: మండలంలోని వెంగాపురం గ్రామానికి చెందిన కె.రవి అప్పుల భారంతో ఆత్మహత్యకు పాల్పడినట్టు ఎస్సై సింహాచలం తెలిపారు. ఈ విషయమై ఆయన తెలిపిన వివరాల ప్రకారం గ్రామానికి చెందిన కె.రవి వృత్తి రీత్యా ఇటుకల బట్టీ నిర్వహిస్తున్నాడు. అప్పులు ఎక్కువగా ఉండడంతో వేరే మార్గం లేక మంగళవారం సాయంత్రం గడ్డిమందు తాగేశాడు. ఈ విషయం తెలుసుకున్న కుటుంబసభ్యులు వెంటనే చికిత్స నిమిత్తం పార్వతీపురం ఏరియా ఆస్పత్రికి, అక్కడినుంచి విజయనగరం ప్రభుత్వ హాస్పిటల్‌కు తరలించగా చికిత్స పొందుతూ బుధవారం ఉదయం మృతిచెందాడు. మృతుడి భార్య సరస్వతి ఫిర్యాదు మేరకు కేసు నమోదుచేసి దర్యాప్తు నిర్వహిస్తున్నట్లు ఎస్సై చెప్పారు.

రామభద్రపురం: మండలంలోని కొట్టక్కి వద్ద జాతీయ రహదారిపై ద్విచక్రవాహనాన్ని లారీ ఢీకొనడంతో ఏఎన్‌ఎంకు తీవ్రగాయాలయ్యాయి. ఈ సంఘటనపై పోలీసులు తెలిపిన వివరాలు మేరకు స్థానిక పీహెచ్‌సీలో పనిచేస్తున్న ఆరికతోట గ్రామానికి చెందిన యజ్జల నీరజా రాణి వైద్యసేవల నిమిత్తం భర్త మోహనరావుతో కలిసి ద్విచక్రవాహనంపై కొట్టక్కి వెళ్తున్నారు. సరిగ్గా సాలూరు, కొట్టక్కి జంక్షన్‌ వద్దకు వెళ్లి కొట్టక్కి గ్రామానికి తిరుగుతున్న సమయంలో వెనుకనుంచి వచ్చిన లారీ బైక్‌ను ఢీకొట్టింది. దీంతో నీరజ రోడ్డుపై వెనక్కి పడిపోగా భర్త బయటకు తుళ్లిపడ్డాడు. ఈ ప్రమాదంలో నీరజ తలకు బలమైన గాయం కాగా భర్తకు స్వల్ప గాయాలయ్యాయి. ప్రథమ చికిత్స నిమిత్తం స్థానికులు వెంటనే ఆమెను సాలూరు సీహెచ్‌సీకి తరలించి అనంతరం విజయనగరంలోని ప్రైవేట్‌ ఆస్పత్రికి తీసుకువెళ్లగా అక్కడ చికిత్స పొందుతోంది. కుటుంబసభ్యుల ఫిర్యాదు మేరకు ఎస్సై వి. ప్రసాదరావు కేసు నమోదు చేసి దర్యాప్తు చేస్తున్నారు. బర్లి ఫీల్డ్‌ అసిస్టెంట్‌పై ఫిర్యాదుబలిజిపేట: మండలంలోని బర్లి ఫీల్డ్‌ అసిస్టెంట్‌పై వచ్చిన ఫిర్యాదులపై ఎంపీడీఓ విజయలక్ష్మి బుధవారం దర్యాప్తు నిర్వహించారు. ఫీల్డ్‌ అసిస్టెంట్‌ రమాదేవిపై ఉపాధి వేతనదారులు వివిద అంశాలపై ఇచ్చిన ఫిర్యాదుమేర దర్యాప్తు చేసినట్లు ఎంపీడీఓ తెలిపారు. 42మంది వేతనదారులు స్థానికంగా ఉండడం లేదంటూ పనికల్పించడం లేదని, డబ్బులు వసూలు చేస్తున్నారని ఫిర్యాదులో పేర్కొన్నారు. విచారణ సమయంలో 22మంది మాత్రమే హాజరయ్యారు. వారిలో కొంతమంది సక్రమంగా పనిచేస్తున్నారని, కొందరు డబ్బులు తీసుకుంటున్నారని విచారణ అధికారులకు తెలిపారు. వేరే వర్గం నుంచి 430మంది వేతనదారులు పీల్డ్‌ అసిస్టెంట్‌ సక్రమంగా విధులు నిర్వహిస్తున్నారని, ఆమె వల్ల ఎటువంటి సమస్యలు తలెత్తడం లేదని విచారణ అధికారులకు రాతపూర్వకంగా తెలియజేశారు. ఇరు వర్గాల అభిప్రాయాలను సేకరించి ఉన్నతాధికారులకు పంపించనున్నట్లు ఎంపీడీఓ విజయలక్ష్మి తెలిపారు. కార్యక్రమంలో ఏపీఓ కేశవరావు, నాయకులు, వేతనదారులు పాల్గొన్నారు. భర్త వేధింపులు తాళలేక భార్య ఆత్మహత్యభోగాపురం: భర్త వేదింపులు తాళలేక భార్య ఆత్మహత్య చేసుకున్న సంఘటన మండలంలోని లింగాలవలస గ్రామంలో బుధవారం జరిగింది. ఈ ఘటనపై పోలీసులు తెలిపిన వివరాలిలా ఉన్నాయి. మండలంలోని లింగాలవలస గ్రామానికి కనకల మధులక్ష్మి(31)కు కొనేళ్లక్రితం అదే గ్రామానికి చెందిన కనకల రామారావుతో వివాహం జరిగింది. వారికి మూడు సంవత్సరాల పాప ఉంది. అయితే కొన్ని రోజులుగా భర్త రామారావు తరచూ మద్యం తాగి ఇంటికి వచ్చి భార్యను హింసిస్తూ ఉండేవాడు. దీంతో భర్త వేధింపులు మధులక్ష్మి ఇంట్లో ఎవరూ లేని సమయంలో ఉరి వేసుకుని ఆత్మహత్యకు పాల్పడింది. స్థానికుల ద్వారా సమాచారం అందుకున్న పోలీసులు సంఘటనా స్థలానికి చేరుకుని పోస్టుమార్టం నిమిత్తం మృతదేహాన్ని విజయనగరం ప్రభుత్వ ఆస్పత్రికి తరలించారు. మృతురాలి తల్లి కాళ్ల పైడమ్మ ఫిర్యాదు మేరకు కేసు నమోదు చేసి దర్యాప్తు చేస్తున్నామని సీఐ ఎన్‌వీ ప్రభాకర్‌ తెలిపారు.

పార్వతీపురం టౌన్‌: డయల్‌ యువర్‌ డీఏహెచ్‌ఓకు 23 వినతులు అందాయని జిల్లా పశు సంవర్ధక అధికారి డా. శివ్వాల మన్మధరావు తెలిపారు. కలెక్టర్‌ ఆదేశాల మేరకు బుధవారం ఉదయం 9 గంటల నుంచి డయల్‌ యువర్‌ డీఏహెచ్‌ఓ(జిల్లా పశు సంవర్ధక అధికారి) కార్యక్రమం నిర్వహించినట్లు ఆయన చెప్పారు. కార్యక్రమంలో 23 మంది రైతులు వారి సమస్యలను తెలియజేశారన్నారు. ప్రభుత్వం అందజేసిన ఈఎంఆర్‌తో పాల దిగుబడి గణనీయంగా పెరిగిందని, సబ్సిడీతో కూడిన టీఎంఆర్‌ మిశ్రమ దాణాను ఏడాది మొత్తం సరఫరా చేయాలని పలువురు రైతులు కోరారు. పాచిపెంట మండలం చిన్నచీపురువలస నుంచి కొర్ర శ్రీనివాసరావు మాట్లాడుతూ తమకు 6 ఆవులు ఉన్నాయని, ఎంజీఎన్‌ఆర్‌ఈజీఎస్‌ ద్వారా గోకులం షెడ్‌ మంజూరు చేయాలని కోరారు. భామిని మండలం బాలేరు నుంచి విజయ్‌కి టీఎంఆర్‌ (సంపూర్ణ మిశ్రమ దాణా), మినరల్‌ మిక్సర్‌, ఏలిక పాములు నివారణ మందులు సరఫరా చేయాలని కోరారు. సీతానగరం, కాసయ్యపేట నుంచి శ్రీనివాసరావు, కొమరాడ, కేమిశిల నుంచి పట్లసింగు నారాయణరావు, బలిజిపేట మండలం పణుకువలస నుంచి మూడడ్ల సీతంనాయుడు, కాసయ్యపేట నుంచి తేలు యశోద పీఎంఈజీపీ ద్వారా పశువులు పెంపకం ఋణాన్ని మంజూరు చేయాలని కోరినట్లు చెప్పారు. పలువురు రైతులు తమకు మినీ గోకులం షెడ్లు మంజూరు చేయాలని, ఎంజీఎన్‌ఆర్‌ఈజీఎస్‌ ద్వారా పశు గ్రాసం పెంచటానికి మంజూరు చేయాలని కోరారన్నారు. ఆయా రైతుల సమస్యలకు తగు పరిష్కార చర్యలు చేపట్టడం జరుగుతుందని, పశు సంవర్ధక సిబ్బంది రైతులతో నేరుగా కలసి పరిష్కార చర్యలు చేపడతామని జిల్లా పశు సంవర్ధక అధికారి రైతులకు వివరించారు. కార్యక్రమంలో సహాయ సంచాలకులు డా.కె ప్రసాదరావు, డా.శ్రీనివాసరావు, డా.బి.చక్రధర్‌ పాల్గొన్నారు.

పార్వతీపురం: పార్వతీపురం మన్యం జిల్లాలో సూక్ష్మ, చిన్న, మధ్య తరహా పరిశ్రమల(ఎంఎస్‌ఎంఈ) సర్వేను ఈనెల 29 నుంచి ప్రారంభించాలని కలెక్టర్‌ ఎ.శ్యామ్‌ ప్రసాద్‌ అధికారులను ఆదేశించారు. ఈ మేరకు బుధవారం ఆయన కలెక్టరేట్‌లోని సమావేశ మందిరంలో ఎంపీడీఓలు, సంబంధిత అధికారులతో సమావేశం నిర్వహించారు. ఈ సందర్భంగా మాట్లాడుతూ మున్సిపల్‌, మండలాల పరిధిలో జరిగే ఎంఎస్‌ఎంఈల సర్వేకు కమిషనర్లు, ఎంపీడీఓలు, జిల్లా స్థాయిలో జిల్లా పరిశ్రమల కేంద్రం జిల్లా మేనేజర్‌ నోడల్‌ అధికారిగా వ్యవహరిస్తారన్నారు. సర్వేకోసం ప్రభుత్వం ఒక యాప్‌ను రూపొందించిందని, యాప్‌ వినియోగంపై గురువారం శిక్షణ ఇచ్చి శుక్రవారం నుంచి సర్వేను ప్రారంభించేలా చర్యలు చేపట్టనున్నట్లు తెలిపారు. ప్రతి సచివాలయం సిబ్బంది ఒక్కొక్కరు రోజుకు ఆరు సర్వేలు పూర్తిచేయాలని సూచించారు. ఈ సర్వేను 2025 ఫిబ్రవరి 1వ తేదీనాటికి పూర్తిచేయాలని, అయితే సంక్రాంతిలోగా ఈసర్వేను పూర్తిచేసేందుకు అవసరమైన ప్రణాళికలు రచించి జిల్లాను ప్రథమ స్థానంలో నిలపాలని పిలుపునిచ్చారు. సమావేశంలో పరిశ్రమల శాఖ జిల్లా మేనేజర్‌ ఎంవీ.కరుణాకర్‌, సహాయ సంచాలకుడు సీతారాం, ఐపీఓ కరీముల్లా, డీపీఓ టి.కొండలరావు, డీఆర్‌డీఏ పీడీ వై.సత్యంనాయుడు, మున్సిపల్‌ కమిషనర్‌ జి.శ్రీనివాసరావు తదితరులు పాల్గొన్నారు. కలెక్టర్‌ శ్యామ్‌ప్రసాద్‌

● ఘనంగా ప్రారంభమైన ఏఐఎస్‌ఎఫ్‌ మహాసభలు ● వేలాది మంది విద్యార్థులతో కాంప్లెక్స్‌ నుంచి ర్యాలీ ● గురజాడ కళాక్షేత్రంలో బహిరంగ సభ ● ఏఐఎస్‌ఎఫ్‌ జాతీయ ప్రధాన కార్యదర్శి, ఎమ్మెల్సీ గోరేటి వెంకన్న హాజరువిజయనగరం పూల్‌బాగ్‌: జిల్లాకేంద్రంలో ఏఐఎస్‌ఎఫ్‌ 49వ రాష్ట్ర మహాసభల సందర్భంగా బుధవారం ర్యాలీ, బహిరంగ సభలను జయప్రదంగా నిర్వహించారు. ఈ సందర్భంగా బహిరంగ సభకు రాష్ట్ర అధ్యక్షుడు జాన్సన్‌ బాబు అధ్యక్షత వహించగా ముఖ్య అతిథిగా ఏఐఎస్‌ఎఫ్‌ జాతీయ ప్రధాన కార్యదర్శి దినేష్‌ రంగరాజ్‌, ఎమ్మెల్సీ గోరేటి వెంకన్నలు హాజరై ప్రసంగించారు. వారు మాట్లాడుతూ కేంద్ర ప్రభుత్వం ప్రవేశపెట్టిన నూతన జాతీయ విద్యా విధానం వల్ల లక్షలాది మంది విద్యార్థులు విద్యకు దూరమవుతున్నారని, విద్యార్థుల మెదళ్లలో మతోన్మాదాన్ని నింపి విద్యార్థుల మధ్య మత ఘర్షణలను పెంచి పోషిస్తున్న బీజేపీ ప్రభుత్వానికి విద్యార్థులంతా భవిష్యత్తులో తగిన బుద్ధి చెప్పాలని పిలుపునిచ్చారు. దీనిని అడ్డు కోవాలంటే కేవలం శాసీ్త్రయ విద్యా విధానం వల్లనే జరుగుతుందన్నారు. బీజేపీ అధికారంలోకి వచ్చినప్పటి నుంచి ప్రభుత్వ రంగ సంస్థలను అమ్మడమే లక్ష్యంగా పరిపాలన కొనసాగిస్తోందని, పేదల ఆకలి తీర్చకుండా అంబానీ, అదానీల కుటుంబ ఆస్తులను పెంచడానికి పనిచేస్తూ దేశ సంపదనంతా వారికి కట్టబెడుతున్నారని మండిపడ్డారు. రోడ్డున పడనున్న లక్షలాదిమంది విశాఖ స్టీల్‌ప్లాంట్‌ ప్రైవేటీకరణ వల్ల రాష్ట్రంలో ప్రత్యక్షంగా పరోక్షంగా లక్షల మంది ఉపాధి కోల్పోతారని వారి కుటుంబాలు రోడ్డున పడతాయని ఆందోళన వ్యక్తం చేశారు. విశాఖ ఉక్కు పరిశ్రమను కాపాడుకోవడంలో విద్యార్థులు ముందుండాలని పిలుపునిచ్చారు. అలాగే రాష్ట్ర, కేంద్ర ప్రభుత్వాలు అవలంబిస్తున్న విద్యా వ్యతిరేక విధానాలపై ఏఐఎస్‌ఎఫ్‌ 49వ రాష్ట్ర మహాసభల్లో నూతన పోరాట పంథాను ఏర్పాటు చేసుకుని ముందుకు కొనసాగాలని అభిలషించారు. కార్యక్రమంలో మహాసభల ఆహ్వాన సంఘం అధ్యక్షుడు కామేశ్వరరావు, ఏఐఎస్‌ఎఫ్‌ జాతీయ మాజీ ఉపాధ్యక్షుడు గుజ్జుల ఈశ్వరయ్య, ఏఐఎస్‌ఎఫ్‌ మాజీ రాష్ట్ర నాయకులు నక్కిలేని బాబు, మహంకాళి సుబ్బారావు, పరుచూరి రాజేంద్ర, బుగత అశోక్‌, ఏఐఎస్‌ఎఫ్‌ రాష్ట్ర ప్రధాన కార్యదర్శి కె. శివారెడ్డి, రాష్ట్ర ఆఫీస్‌ బేరర్స్‌ షేక్‌ మస్తాన్‌, ఫణీంద్ర కుమార్‌, బండి చలపతి, బందెల నాసర్‌, జి.నాగభూషణ్‌, కుల్లాయి స్వామి, వల రాజు, సాయికుమార్‌, షాబీర్‌ బాషా, రాష్ట్ర ప్రజానాట్యమండలి నాయకులు చంద్రనాయక్‌, పెంచలయ్య, రామకృష్ణ రామారావు, తదితరులు పాల్గొన్నారు.

సీతానగరం: పార్వతీపురం మన్యం జిల్లాలో ధాన్యం కొనుగోళ్లు మరింత వేగవంతం చేయాలని జాయింట్‌ కలెక్టర్‌ ఎస్‌ఎస్‌ శోభిక అన్నారు. ఈ మేరకు సీతానగరం తహసీల్దార్‌ కార్యాలయంలో ధాన్యం కొనుగోళ్లుపై రైస్‌ మిల్లర్లు, జిల్లా పౌరసరఫరాలశాఖ, వ్యవసాయ శాఖ, పౌరసరఫరాల సంస్థ జిల్లా మేనేజర్‌లతో బుధవారం సమీక్షా సమావేశం జరిగింది. ఈ సందర్బంగా జేసీ ఎస్‌ఎస్‌ శోభిక మాట్లాడుతూ ధాన్యం కొనుగోలు వేగవంతం చేయడానికి వీలుగా బీజీలు తప్పనిసరి కావున మిల్లర్లు త్వరగా బీజీలు ఇవ్వాలని కోరారు. అల్పపీడనం ఉన్న కారణంగా ధాన్యం తడవక ముందే కళ్లాల్లో ఉన్న ధాన్యం మిల్లులకు తరలించాలని సంబంధిత అధికారులను ఆదేశించారు. వాహనాల కదలిక, రశీదులు, గన్నీబ్యాగ్‌ల లక్ష్యాల చెల్లింపులకు సంబంధించిన కస్టోడియన్‌, సంబంధిత అధికారులు చర్యలు తీసుకోవాలని చెప్పారు. సమావేశంలో ఎంపీపీ ప్రతినిధి బి.శ్రీరాములునాయుడు, టీడీపీ మండల అధ్యక్షుడు పి.సత్యంనాయుడు, తహసీల్దార్‌ ఉమామహేశ్వరరావు, రైస్‌మిల్లర్లు, జిల్లా వ్యవసాయాధికారి రాబర్ట్‌ పాల్‌, పౌర సరఫరాల సంస్థ మేనేజర్‌ పి.శ్రీనివాసరావు, ఏఓ అవినాష్‌, సీఎస్‌డీటీ రమేష్‌బాబు, కస్టోడియన్‌ అధికారులు పాల్గొన్నారు. గుచ్చిమిలో ధాన్యం కొనుగోలు కేంద్రం తనిఖీ మండలంలోని గుచ్చిమి రైతుసేవా కేంద్రంలో ఏర్పాటు చేసిన ధాన్యం కొనుగోలు కేంద్రాన్ని జిల్లా జాయింట్‌ కలెక్టర్‌ ఎస్‌ఎస్‌ శోభిక బుధవారం ఆకస్మికంగా తనిఖీ చేశారు. కేంద్రంలో నిర్వహిస్తున్న రికార్డులను పరిశీలించిన అనంతరం ఆమె మాట్లాడుతూ స్థానికంగా నిర్వహిస్తున్న రికార్డులను తనిఖీ చేయాలని మండలవ్యవసాయాధికారి అవినాష్‌ను ఆదేశించారు. రైతు సేవా కేంద్రం నిర్వాహకులకు పలు సూచనలు ఇచ్చారు. అనంతరం పెదభోగిలి రైతు సేవాకేంద్రాన్ని పరిశీలించారు.

పార్వతీపురం: ఆశావాహ బ్లాక్‌గా ఉన్న భామిని మండలంలో మంజూరు చేసిన పనులు వేగవంతం చేయాలని కలెక్టర్‌ ఎ.శ్యామ్‌ప్రసాద్‌ అన్నారు. ఆశావాహ బ్లాక్‌లో పనుల పురోగతిపై సంబంధిత అధికారులతో కలెక్టర్‌ క్యాంప్‌ కార్యాలయం నుంచి బుధవారం వీడియో కాన్ఫరెన్సు నిర్వహించారు. చేపడుతున్న పనుల ద్వారా ప్రజల జీవన ప్రమాణాలు మెరుగుపడాలని కోరారు. ప్రస్తుతం జరుగుతున్న పనుల ప్రగతి అనుకున్న విధంగా లక్ష్యాలు సాధించడంలో ఆశాజనకంగా లేదని అధికారులపై అసహనం వ్యక్తం చేశారు. మందకొడిగా పనులు చేపడితే చర్యలు తప్పవని హెచ్చరించారు. ఆశావాహ బ్లాక్‌ కార్యక్రమంలో భాగంగా మలవిసర్జన రహిత గ్రామాలు తయారుకావాలని సూచించారు. సమావేశంలో ఆశావాహ బ్లాక్‌ ఇన్‌చార్జ్‌ మహేష్‌ తదితరులు పాల్గొన్నారు. విద్యార్థుల ఆరోగ్యానికి తొలి ప్రాధాన్యం పాఠశాల విద్యార్థుల ఆరోగ్యానికి తొలి ప్రాధాన్యం ఇస్తున్నట్లు కలెక్టర్‌ ఎ.శ్యామ్‌ ప్రసాద్‌ అన్నారు. ఈ మేరకు బుధవారం ఆయన కలెక్టరేట్‌లోని సమావేశ మందిరంలో వైద్యాధికారులు, ఆస్పత్రుల సూపరింటెండెంట్‌లతో సమీక్షించారు. వసతి గృహాల్లో ఎలాంటి ఆనారోగ్య సంఘటనలు జరగరాదని స్పష్టం చేశారు. వారంలో రెండు రోజులు ఏఎన్‌ఎంలు విద్యాసంస్థలను సందర్శించి, తనిఖీలు చేయాలని సూచించారు. నేత్ర వైద్య శిబిరాలను విరివిగా నిర్వహించి నేత్ర పరీక్షలను చేయాలని చెప్పారు. తాగునీరు కలుషితం కాకుండా చూడాలని సూచించారు. సమావేశంలో జిల్లా ఆస్పత్రుల సమన్వయ అధికారి డా.బి.వాగ్దేవి, డీఈఓ ఎన్‌.తిరుపతినాయుడు, ఏపీఎంఐడీసీ ఈఈ ఎస్‌.ప్రభాకరరావు, డిప్యూటీ డీఎంహెచ్‌ఓ టి.జగన్‌మోహన్‌రావు తదితరులు పాల్గొన్నారు. అంగన్వాడీ కేంద్రాలను అందంగా తీర్చిదిద్దాలిఅంగన్వాడీ కేంద్రాలను అందంగా తీర్చిదిద్దాలని కలెక్టర్‌ ఎ.శ్యామ్‌ప్రసాద్‌ సీడీపీఓలను ఆదేశించారు. అంగన్వాడీ కేంద్రంలో మౌలిక సదుపాయాల కల్ప న, బాల్య వివాహాల నిర్మూలన, పోషణ్‌ వాటిక నిర్వహణ తదితర అంశాలపై క్యాంప్‌ కార్యాలయం నుంచి బుధవారం వీడియోకాన్ఫరెన్స్‌ సమావేశంలో ఐసీడీఎస్‌ పీడీ ఎంఎన్‌.రాణి, ఆర్‌డబ్ల్యూఎస్‌ ఈఈ ప్రభాకరరావు తదితరులు పాల్గొన్నారు.

కొమరాడ: మండలంలోని గుమడ వద్ద అంతర్రాష్ట్ర రహదారిపై బుధవారం జరిగిన రోడ్డు ప్రమాదంలో ఓ వ్యక్తి దుర్మరణం చెందాడు. ఈ ప్రమాదంపై పోలీసులు, స్థానికులు తెలిపిన వివరాలిలా ఉన్నాయి. పార్వతీపురం నుంచి రాయగడ వైపు వెళ్తున్న లారీ..పశువులను మేపుకోసం రహదారిపై తోలుకుని వెళ్తున్న యువకుడు దేవుపల్లి భాస్కరరావు(25)ను ఢీకొనడంతో అక్కడికక్కడే మృతిచెందాడు. కుటుంబానికి అంతా తానై కూలి పనులు చేసి ఆర్థికంగా ఆదుకుంటున్న కొడుకు కళ్ల ముందే మృతి చెందడంతో తల్లిదండ్రులు రాజారావు, లక్ష్మిలు కన్నీరుమున్నీరయ్యారు. దీంతో కుటుంబసభ్యులు, గ్రామస్తులు అంతా కలిసి మృతుడి కుటుంబానికి న్యాయం జరగాలంటూ రహదారిపై బైఠాయించి ఆందోళన చేపట్టారు. ఈ సందర్భంగా వారు మాట్లాడుతూ రహదారి పక్కనే ఉన్న హరిజన వీధికి ఫుట్‌ఫాత్‌, సేఫ్టీ గ్రిల్స్‌, స్పీడ్‌బ్రేకర్లు ఏర్పాటు చేయాలని డిమాండ్‌ చేశారు. అలాగే రోడ్డుకు ఇరువైపులా ఆర్‌ అండ్‌బీ స్ధలం అక్రమణ చేశారని రహదారి వెడుల్పు చేసి ప్రమాదాలు నివారించేలా చర్యలు చేపట్టాలని కోరారు. మృతుడి కుటుంబాన్ని వెంటనే ఆదుకోవాలని డిమాండ్‌ చేశారు. బాధితుల ఆందోళనతో అంతర్రాష్ట్ర రహదారిపై ట్రాఫిక్‌ స్తంభించింది. ఈ సమాచారంతో పార్వతీపురం సీఐ ఎస్‌.గోవిందరావు, స్థానిక ఎస్సై నీలకంఠం ఘటనా స్థలానికి చేరుకుని ఆందోళనకారులతో మాట్లాడారు. ఆనంతరం ఆర్‌అండ్‌ బీ డీఈ అప్పాజీ చేరుకుని సమస్యను ఉన్నతాధికారుల దృష్టికి తీసుకుని వెళ్లి పరిష్కారిస్తామని చెప్పారు. వెంటనే గ్రామస్తులు ఆందోళన విరమించగా పోలీసులు మృతదేహాన్ని పోస్టుమార్టం నిమిత్తం పార్వతీపురం జిల్లా కేంద్రాస్పత్రికి తరలించి కేసు నమోదు చేసి దర్యాప్తు చేపట్టారు. గుర్తు తెలియని వాహనం ఢీకొని మరొకరు.. రామభద్రపురం: రోజు వారీ చేస్తున్న విధులు ముగించుకుని ఇంటికి వస్తూ మరో రెండు నిమషాల్లో చేరుకుంటాడనగా గుర్తు తెలియని వాహనం రూపంలో మృత్యువు కాటేసింది. దీంతో రామభద్రపురం మండలకేంద్రంలో విషాదఛాయలు అలముకున్నాయి. అలాగే ఇంటి పెద్ద దిక్కును కోల్పోవడంతో ఆ కుటుంబం దిక్కులేనిదైంది. కొద్ది సేపట్లో ఇంటికి వస్తాడనుకున్న భర్త మృతిచెందాడన్న సమాచారం తెలియగా భార్యా పిల్లల రోదన అంతా ఇంతాకాదు. ఈ ప్రమాదంపై పోలీసులు తెలిపిన వివరాలిలా ఉన్నాయి. మండలకేంద్రంలోని గొల్లవీధికి చెందిన శనగల మురళీకృష్ణ(31) బొబ్బిలిలోని ఓ హోటల్‌లో పనిచేస్తున్నాడు. రోజులాగానే మంగళవారం రాత్రి 11.30 గంటలకు తన ద్విచక్రవాహనంపై ఇంటికి వస్తుండగా సాలూరు వెళ్లే బైపాస్‌ రోడ్డులో పెదపల్లి వీధి, కనిమెరక వీధి మధ్య జంక్షన్‌ వద్ద గుర్తు తెలియని వాహనం బలంగా ఢీ కొట్టింది. దీంతో మురళీకృష్ణ అక్కడికక్కడే మృతిచెందాడు. ఈ సమాచారం తెలుసుకున్న పోలీసులు హుటాహుటిన ఘటనా స్థలానికి చేరుకుని 108 వాహనానికి సమాచారం ఇచ్చారు. అంబులెన్స్‌ వచ్చే సమయానికే మృతిచెందడంతో పోలీసులు పోస్టుమార్టం నిమిత్తం బాడంగి సీహెచ్‌సీకి మృతదేహాన్ని తరలించారు. బుధవారం పోస్టుమార్టం అనంతరం మృతదేహాన్ని కుటుంబసభ్యులకు అప్పగించారు. ఎస్సై వి.ప్రసాదరావు కేసు నమోదు చేసి దర్యాప్తు చేస్తున్నారు. రహదారిపై గ్రామస్తుల బైఠాయింపు స్తంభించిన ట్రాఫిక్‌

63 శాతం వరి కోతలు పూర్తి జిల్లాలో వరి కోతలు 63 శాతం పూర్తయ్యాయి. ఇప్పటి వరకు 4500 మెట్రిక్‌ టన్నుల ధాన్యం కొనుగోలు చేసాం. ఇంకా 11,750 మెట్రిక్‌ టన్నుల ధాన్యం కొనుగోలు చేయాల్సి ఉంది. వీటికి షెడ్యూల్‌ కూడా ఇచ్చాం. గోనె సంచులు పీఏసీఎస్‌ల ద్వారా రైతు సేవా కేంద్రాలకు సరఫరా చేస్తారు. – వి.తారకరామారావు, జిల్లా వ్యవసాయాధికారి●● రైతు సేవా కేంద్రాలకు చేరని గోనె సంచులు ● జిల్లాలో 63 శాతం వరి కోతలు పూర్తి ● 5,589 హెక్టార్లలో పూర్తయిన నూర్పిడి ● వచ్చిన దిగుబడి 16,250 మెట్రిక్‌ టన్నులు ● వీటిలో కొనుగోలు చేయాల్సిన ధాన్యం 11 వేల మెట్రిక్‌ టన్నులు ● తుఫాన్‌ హెచ్చరికల నేపథ్యంలో అన్నదాత ఆందోళన విజయనగరం ఫోర్ట్‌: జిల్లాలో రైతులు ధాన్యం ఎత్తేందుకు అవసరమైన గోనె సంచులు అందుబాటులో లేక అవస్థలు పడుతున్నారు. ఆరుగాలం కష్టించి పండించిన పంటను విక్రయించుకునే సమయంలో ఇబ్బందులు ఎదురవుతుండడంతో రైతులు ఆందోళన చెందుతున్నారు. ఈ సమయంలో రైతులను ఆదుకోవాల్సిన ప్రభుత్వం మీనమేషాలు లెక్కిస్తుందనే ఆరోపణలు వినిపిస్తున్నాయి. జిల్లాలో వరి పంట కోతలు 60 శాతానికి పైగా జరిగాయి. అయితే ధాన్యం సేకరించడానికి అవసరమైన గోనె సంచులు అందించడంలో ప్రభుత్వం అలసత్వం ప్రదర్శిస్తోంది. గోనె సంచులు లేక రైతులు టార్పాలిన్లపైనే ధాన్యాన్ని ఉంచుకోవాల్సిన పరిస్థితి. ఓ వైపు కూటమి ప్రభుత్వం రైతు పండించిన ప్రతి ధాన్యం గింజను కొనుగోలు చేస్తామని గొప్పలకు పోతుంది. కానీ క్షేత్ర స్థాయిలో వాస్తవ పరిస్థితి అందుకు విరుద్ధంగా ఉంది. ధాన్యం కొనుగోలు కేంద్రాల ప్రారంభంలోను, గోనె సంచులు అందించడంలో తీవ్ర జాప్యం చేస్తుందని రైతులు ఆందోళన చెందుతున్నారు. ● 60,936 హెక్టార్లలో పూర్తయిన వరి కోతలు జిల్లాలో ఖరీఫ్‌ సీజన్‌లో 97,360 హెక్టార్లలో వరి పంట సాగైంది. ఇంతవరకు 60,936 హెక్టార్లలో వరి కోతలు పూర్తయ్యాయి. 5,589 హెక్టార్లలో వరి నూర్పులు కూడా పూర్తి చేశారు. వీటి ద్వారా 16,250 మెట్రిక్‌ టన్నులు ధాన్యం దిగుబడి వచ్చింది. వీటిలో 4,500 మెట్రిక్‌ టన్నుల ధాన్యాన్ని కొనుగోలు కేంద్రాల ద్వారా సేకరించారు. ఇంకా 11,750 మెట్రిక్‌ టన్నుల ధాన్యం కొనుగోలు చేయాల్సి ఉంది. ● పొలాలు, కళ్లాల్లోనే ధాన్యం జిల్లాలో చాలా చోట్ల రైతులు ట్రాక్టర్లతో నూర్పిళ్లు చేసారు. మరి కొందరు రైతులు యంత్రాల ద్వారా నూర్పిడి చేసారు. ఇలా చేసిన ధాన్యం రైతుల పొలాల్లోనూ.. కళ్లాల్లోనూ ఉంచారు. వాటిని సేకరించేందుకు అవసరమైన గోనె సంచులు లేక రైతులు ఎదురు చూస్తున్నారు. తుఫాన్‌ హెచ్చరికలతో ఆందోళన ఈ నెల 28, 29 తేదీల్లో తుఫాన్‌ ప్రభావంతో జిల్లాలో పలుచోట్ల వర్షాలు కురిసే అవకాశం ఉందని వాతావరణ శాఖ ప్రకటించడంతో రైతులు ఆందోళనకు గురవుతున్నారు. కళ్లాలు, పొలాల్లో ఉన్న ధాన్యాన్ని ఏ విధంగా భద్రపరచుకోవాలో తెలియక ఆవేదన చెందుతున్నారు. గోనె సంచులు ఉంటే భద్రపరుచుకోవడానికి అవకాశం ఉండేదని రైతులు పేర్కొంటున్నారు. అయితే ఈ సంచులు రైతు సేవ కేంద్రాలకు చేరకపోవడంతో ఆవేదన వ్యక్తం చేస్తున్నారు. జిల్లాలో 507 రైతు సేవా కేంద్రాలున్నాయి. అధిక శాతం కేంద్రాలకు గోనె సంచులు చేరలేదనే సమాచారం.

విజయనగరం రూరల్‌: గ్రామాల్లో బహిరంగ మలవిసర్జనకు స్వస్తి పలికి మరుగుదొడ్ల వినియోగంపై ప్రజలకు అవగాహన కలిగించాల్సిన బాధ్యత సచివాలయ కార్యదర్శులపై ఉందని జెడ్పీ సీఈఓ సత్యనారాయణ పిలుపునిచ్చారు. సీఈఓగా బాధ్యతలు చేపట్టిన తరువాత మొదటిసారి ఎంపీడీఓ కార్యాలయానికి వచ్చిన ఆయనకు ఎంపీడీఓ తిరుపతిరావు, ఇతర సిబ్బంది స్వాగతం పలికారు. అనంతరం సిబ్బందిని ఉద్దేశించి ఆయన మాట్లాడుతూ గ్రామాల్లో పారిశుధ్యం లోపిస్తే చర్యలు తప్పవని స్పష్టం చేశారు. అలాగే సచివాలయాలకు ప్రతి ఒక్కరూ ఉదయం 9.30గంటలకే హాజరుకావాలని సూచించారు. సమయపాలన పాటించని సిబ్బందిపై శాఖాపరమైన చర్యలు తీసుకోనున్నట్లు హెచ్చరించారు. గ్రామాల్లో మరుగున పడిన సామూహిక మరుగుదొడ్లకు మరమ్మతులు చేయించి వినియోగంలోకి తీసుకురావాలని సూచించారు. కార్యక్రమంలో ఎంపీడీఓతో పాటు కార్యదర్శులు పాల్గొన్నారు. జెడ్పీ సీఈఓ బీవీ సత్యనారాయణ

పాలకొండ రూరల్‌: చెక్‌బౌన్స్‌ కేసులో ముద్దాయికి రూ.లక్షా 20వేల జరిమానాతో పాటు ఏడాది జైలు శిక్షను పాలకొండ న్యాయస్థానం బుధవారం విధించింది. కోర్టు అధికారులు అందించిన వివరాల మేరకు పాలకొండలోని మురళీ మోహన్‌నగర్‌కు చెందిన సవిరిగాన దాలినాయుడికి శ్రీకాకుళం జిల్లా కేంద్రంలో నివాసముంటున్న పిలక తిరుమల రెడ్డి 2018లో ఇచ్చిన చెక్కు బౌన్స్‌ కావడంతో అప్పట్లో నమోదైంది. ఈ కేసులో కొనసాగిన వాదోపవాదాల అనంతరం స్థానిక జూనియర్‌ సివిల్‌ కోర్టు న్యాయమూర్తి ఎ.విజయ్‌కుమార్‌ పై విధంగా తీర్పు వెల్లడించారు.

ప్రశ్నించే గొంతును నొక్కేయడంవిజయనగరం: భారత రాజ్యాంగం ప్రపంచ దేశాల్లో గొప్పదని, అటువంటి గొప్ప రాజ్యాంగంలో పౌరులకోసం పొందుపరిచిన హక్కులను టీడీపీ కూటమి ప్రభుత్వం హరించడం రాజ్యాంగ ఉల్లంఘన కిందకు వస్తుందని విజయనగరం జెడ్పీ చైర్మన్‌ మజ్జి శ్రీనివాసరావు అన్నారు. రాజ్యాంగ బద్ధంగా ప్రతి పౌరునికి ప్రశ్నించే హక్కు ఉందని, ప్రశ్నించే గొంతుకులను నొక్కేయడం అన్యాయమన్నారు. కూటమి ప్రభుత్వం చేస్తున్న అన్యాయాలు, మోసాలను ప్రశ్నిస్తే అక్రమంగా కేసులు బనాయించడం ఎంతవరకు న్యాయమని ప్రశ్నించారు. ఇదేనా రాజ్యాంగానికి ఆంధ్రప్రదేశ్‌ ప్రభుత్వం ఇచ్చే గౌరవమంటూ ఆందోళన వ్యక్తం చేశారు. రాష్ట్రంలో ప్రాథమిక హక్కులకు భంగం కులుగుతుందని, ప్రశ్నించే వారిని అణగదొక్కుతున్నారని మండిపడ్డారు. ప్రభుత్వం ఎన్నికలకు ముందు ఇచ్చిన హమీల అమలు, పాలన పరమైన అంశాలపై ప్రశ్నించే వారిపై రాజ్యాంగ ఉల్లంఘనలకు పాల్పడుతూ పౌరులను భయభ్రాంతులకు గురి చేస్తున్నారన్నారు. ఈ విధానం మంచిది కాదని హితవుపలికారు. ప్రశ్నించే తత్వం పౌరుని ప్రాథమిక హక్కు అని, ప్రభుత్వం చేస్తున్న చర్యలను తీవ్రంగా ఖండిస్తున్నామన్నారు. రాజ్యాంగ ఆవిర్భావ దినోత్సవం రోజున ఈ విధంగా మాట్లాడటం భాధాకరంగా ఉందన్నారు. ఇప్పటికై న రాష్ట్ర ముఖ్యమంత్రితో పాటు మంత్రులు, ఎమ్మెల్యేలు రాజ్యాంగ బద్ధంగా నడుచుకోవాలని కోరారు. జెడ్పీ కార్యాలయంలో మంగళవారం భారత రాజ్యాంగ దినోత్సవాన్ని నిర్వహించారు. ముందుగా రాజ్యాంగ నిర్మాత డాక్టర్‌ బీఆర్‌ అంబేడ్కర్‌ కాంస్య విగ్రహానికి పూలమాలల వేసి నివాళులర్పించారు. జెడ్పీటీసీలు కెల్ల శ్రీనివాసరావు, వర్రి నర్సింహమూర్తి, పార్టీ నాయకులు నెక్కల నాయుడుబాబు, పీరుబండి జైహింద్‌ కుమార్‌, రేగాన శ్రీనివాసరావుతో పాటు కార్పొరేటర్లు జి.వి.రంగారావు, గాదం మురళి, మారోజు శ్రీనివాసరావు, పట్నాన పైడిరాజు, వింత ప్రభాకరరెడ్డి తదితరులు అంబేడ్కర్‌ విగ్రహానికి పూలమాలలు వేసి అంజలి ఘటించారు. అనంతరం జెడ్పీ ఉద్యోగులతో చైర్మన్‌ మజ్జి శ్రీనివాసరావు భారత రాజ్యాంగ పీఠికపై ప్రతిజ్ఞ చేయించారు. ఈ సందర్భంగా జెడ్పీ చైర్మన్‌ మాట్లాడుతూ దేశంలో వివిధ రకాల మతస్తులు, కులస్తులు ఉన్నా రాజ్యాంగ స్ఫూర్తితో అందరం భారతీయులమన్న ఏకభావంతో జీవిస్తున్నామన్నారు. అంబేడ్కర్‌ చూపించిన బాట గొప్పదని కొనియాడారు. ప్రజాప్రతినిధులు, అధికారులు రాజ్యాంగాన్ని అనుసరించి పాలనపరమైన అంశాలను పారదర్శకతతో అమలుచేయాల్సి ఉందని గుర్తు చేశారు. కార్యక్రమంలో జెడ్పీ సీఈఓ, డిప్యూటీ సీఈఓ, అధికారులు, సిబ్బంది పాల్గొన్నారు. కూటమి ప్రభుత్వంలో అంబేడ్కర్‌ రాజ్యాంగానికి తూట్లు ప్రశ్నించే వారిపై అక్రమ కేసులు బనాయించడం దురదృష్టకరం ప్రజాప్రతినిధులు రాజ్యాంగబద్ధంగా నడుచుకోవాల్సిన అవసరం ఉంది జెడ్పీ చైర్మన్‌ మజ్జి శ్రీనివాసరావు జెడ్పీ కార్యాలయంలో భారత రాజ్యాంగ ఆమోద దినోత్సవం

సాలూరు: మాజీ ఉపముఖ్యమంత్రి, మాజీ గిరిజన సంక్షేమశాఖ మంత్రి పీడిక రాజన్నదొరకు త్రుటిలో ప్రమాదం తప్పింది. రాజ్యాంగ దినోత్సవం సందర్భంగా మంగళవారం సాలూరు పట్టణంలోని పి.ఎన్‌.బొడ్డవలస వద్ద అంబేడ్కర్‌ విగ్రహానికి పూలమాల వేసి నివాళులర్పించిన రాజన్నదొర తిరుగు ప్రయాణమయ్యారు. అదే సమయంలో సీ్త్ర శిశుసంక్షేమ, గిరిజన సంక్షేమశాఖ మంత్రి గుమ్మిడి సంధ్యారాణి బొడ్డవలస వైపు వెళ్తున్నారు. సింగిల్‌ రోడ్డు కావడం, మంత్రి కాన్వాయ్‌ వాహనాలను వేగంగా నడపడంతో బంగారమ్మపేట వద్ద రాజన్నదొర వెళ్తున్న వాహనం మీదకు కాన్వాయ్‌లోని బుల్లెట్‌ ప్రూఫ్‌ వాహనం అదుపుతప్పి దూసుకొచ్చింది. కాన్వాయ్‌ రావడాన్ని గమనించిన రాజన్నదొర కారు డ్రైవర్‌ రవి వాహనాన్ని పూర్తిగా ఎడమవైపుకు తిప్పడంతో మంత్రి బుల్లెట్‌ ప్రూఫ్‌ వాహనం రాజన్నదొర కారు సైడ్‌ మిర్రర్‌ను దూసుకుంటూ వెళ్లిపోయింది. ఓ మాజీ ఉపముఖ్యమంత్రి కారు మిర్రర్‌ను ఢీకొన్నా మంత్రి ఆరా తీయకుండానే ముందుకుసాగిపోవడం గమనార్హం. అసహనం వ్యక్తంచేసిన రాజన్నదొర ఈ ఘటనపై రాజన్నదొర మాట్లాడుతూ గ్రామీణ ప్రాంతాలు, జన సంచారం ఉన్న ప్రదేశాలు, సింగిల్‌ రోడ్ల వద్ద కాన్వాయ్‌ నెమ్మదిగా వెళ్లడం మంచిదన్నారు. గతంలో ఉపముఖ్యమంత్రిగా ఉన్న సమయంలో తన కాన్వాయ్‌ ప్రజా సంచారం ఉన్న సమయంలో నెమ్మదిగా వెళ్లాలని, పట్టణంలో సైరెన్‌లు వేయవద్దని సూచించేవాడినన్నారు. ఓ మాజీ ఉపముఖ్యమంత్రికు త్రుటిలో ప్రమాదం తప్పినా.. కనీసం ఏమైందని వాకబు చేయకుండా మంత్రి ముందుకు సాగిపోవడం స్థానికంగా చర్చనీయాంశంగా మారింది. సామాన్య ప్రజలకు ఏమైనా జరిగితే పట్టించుకునే వారే ఉండరన్న చర్చసాగింది. ● రాజన్నదొర వాహనంపైకి దూసుకొచ్చిన మంత్రి సంధ్యారాణి కాన్వాయ్‌ బుల్లెట్‌ప్రూఫ్‌ వాహనం ● అప్రమత్తమైన రాజన్నదొర కారు డ్రైవర్‌ ● వాహనాన్ని పక్కకు తీయడంతో సైడ్‌ మిర్రర్‌ను ఢీకొన్న వాహనం ● ఏం జరిగిందన్నది పట్టించుకోకుండా వెళ్లిపోయిన మంత్రి

పార్వతీపురం మన్యం జిల్లా భామిని మండల కేంద్రానికి కూతవేటు దూరంలోని బొడ్డగూడ అంగన్‌వాడీ కేంద్రానికి సొంత భవనం లేక పోవడంపై కలెక్టర్‌ శ్యామ్‌ప్రసాద్‌ స్పందించారు. ప్రత్యేకంగా కంటైనర్‌ అంగన్‌వాడీ కేంద్రాన్ని తయారుచేయించి చిన్నారులకు మంగళవారం అందుబాటులోకి తెచ్చారు. భారీ తారాస్‌ లారీపై తెచ్చిన కంటైనర్‌ క్యాబిన్‌ను పెద్దక్రేన్‌తో బొడ్డగూడ సచివాలయం ముందు దింపించారు. ఈ కంటైనర్‌ బాక్సులోనే ఓ వైపు మరుగుదొడ్డి కూడా ఏర్పాటు చేశారు. కంటైనర్‌ అంగన్‌వాడీ కేంద్రంను స్థానికులు ఆసక్తిగా తిలకిస్తున్నారు. – భామిని

● కలెక్టర్‌ డాక్టర్‌ బీఆర్‌ అంబేడ్కర్‌ విజయనగరం అర్బన్‌: భారత రాజ్యాంగ కార్యనిర్వహణలో ఉద్యోగులది కీలక భూమికని, ప్రతి ఒక్కరూ బాధ్యతాయుతంగా పనిచేయాలని కలెక్టర్‌ డాక్టర్‌ బీఆర్‌ అంబేడ్కర్‌ పిలుపునిచ్చారు. కలెక్టరేట్‌ ఆడిటోరియంలో మంగళవారం నిర్వహించిన భారత రాజ్యాంగ దినోత్సవంలో ఆయన మాట్లాడారు. ఉద్యోగులందరూ రాజ్యాంగ బద్ధంగా విధులు నిర్వర్తించాలని సూచించారు. భారతదేశంలో విభిన్న వర్గాలు, జాతులు, కులాలు, మతాలు ఉన్నప్పటికీ అందరూ ఒక్కటిగా ఉండేలా చేసే ఘనత మన రాజ్యాంగానిదేనని అన్నారు. ఎన్నో సవరణలు జరుపుకున్నప్పటికీ పీఠిక స్వరూపం మారలేదన్నారు. రాజ్యాంగం ముసాయిదా కమిటీ చైర్మన్‌గా డాక్టర్‌ బీఆర్‌ అంబేడ్కర్‌ వ్యవహరించారని, అందుకే ఆయన రాజ్యాంగ పితామహునిగా పేరొందారని తెలిపారు. తొలుత రాజ్యాంగ పరిరక్షణపై సామూహికంగా ప్రతిజ్ఞ చేశారు. డీఆర్వో ఎస్‌.శ్రీనివాసరావు అధ్యక్షతన జరిగిన కార్యక్రమంలో జేసీ సేతుమాధవన్‌, సీపీఓ పి.బాలాజీ, ఆర్డీఓ డి.కీర్తి, వివిధ శాఖల జిల్లా అధికారులు, విద్యార్థులు పాల్గొన్నారు. విశిష్టమైనది మన రాజ్యాంగం సాక్షిప్రతినిధి, విజయనగరం: విశిష్టమైనది మన రాజ్యాంగమని జిల్లా ప్రధాన న్యాయమూర్తి బి.సాయికళ్యాణ్‌ చక్రవర్తి, జిల్లా న్యాయసేవాధికార సంస్థ కార్యదర్శి టి.వి.రాజేష్‌కుమార్‌ అన్నారు. జిల్లా కోర్టు హాల్‌లో మంగళవారం రాజ్యాంగ దినోత్సవాన్ని ఘనంగా నిర్వహించారు. ఈ సందర్భంగా రాజ్యాంగ పీఠికను చదివి వినిపించారు. కార్యక్రమంలో న్యాయవాదులు పాల్గొన్నారు. ఉపాధి హామీ పనులను వేగవంతం చేయాలి ● కలెక్టర్‌ డాక్టర్‌ బీఆర్‌ అంబేడ్కర్‌ విజయనగరం అర్బన్‌: ఉపాధి హామీ పనులను వేగవంతం చేయాలని కలెక్టర్‌ డాక్టర్‌ బీఆర్‌ అంబేడ్కర్‌ ఆదేశించారు. ఎంపీడీఓలు, ఈఓపీఆర్‌డీలు, పంచాయతీరాజ్‌ ఏఈలతో మంగళవారం తన చాంబర్‌ నుంచి వీడియోకాన్ఫరెన్స్‌లో మాట్లాడారు. సీసీ రోడ్లు, కాలువల నిర్మాణం, వేతనదారులకు పని కల్పన, పశు శాలల నిర్మాణం తదితర అంశాలపై సమీక్షించారు. జిల్లాలో మొత్తం 2,195 పనులు మంజూరు చేయగా ఇప్పటివరకు 2,157 పనులు ప్రారంభమైనట్టు వెల్లడించారు. మిగిలిన పనులను బుధవారంలోగా ప్రారంభించాలని, లేదంటే రద్దుచేస్తామని స్పష్టంచేశారు. పనుల బిల్లులను ఎప్పటికప్పుడు అప్‌లోడ్‌ చేయాలన్నారు. మంజూరై పెండింగ్‌లో ఉన్న 434 పశుశాలల పనులను రెండు రోజుల్లో ప్రారంభించాలని చెప్పారు. పీఎం జన్‌మన్‌ కింద ఎంపిక చేసిన గిరిజన గ్రామాల్లో మౌలిక సదుపాయాలు కల్పించాలని ఆదేశించారు. సమావేశంలో డ్వామా పీడీ ఎ.కళ్యాణచక్రవర్తి, జెడ్పీ సీఈఓ బి.వి.సత్యనారాయణ, పీఆర్‌ ఎస్‌ఈ ఎం. శ్రీనివాస్‌, తదితరులు పాల్గొన్నారు. లాభసాటిగా ‘సాగు’దాం.. మెరకముడిదాం: పంటల సాగులో సూక్ష్మపోషకాల ఆవశ్యకతపై నైర వ్యవసాయ కళాశాల విద్యార్థినులు రైతులకు అవగాహన కల్పించారు. బైరిపురం గ్రామ రైతులకు వివిధ పంటల సాగు పద్ధతులను మంగళవారం వివరించారు. విత్తన శుద్ధి, పచ్చిరొట్ట ఎరువు, పంట మార్పిడి వల్ల కలిగే ప్రయోజనాలను తెలియజేశారు. చీడపీడల నివారణ పద్ధతులపై సూచనలు చేశారు. జింక్‌, బోరాన్‌ వంటి సూక్ష్మపోషకాలు భర్తీ చేసుకునే పద్ధతులను తెలియజేశారు. ఆధునిక సాగు పద్ధతులను అవలంభించాలని సూచించారు.