అర్జెంటీనా దివంగత దిగ్గజ ఫుట్‌బాలర్‌ డీగో మారడోనా 1986లో గెల్చుకున్న ‘గోల్డెన్‌ బాల్‌’ ట్రోఫీ వేలానికి రానుంది. జూన్‌ 6వ తేదీన పారిస్‌లోని అగుటెస్‌ ఆక్షన్‌ హౌజ్‌లో మారడోనా గోల్డెన్‌ బాల్‌ ట్రోఫీ వేలం జరుగుతుందని, దీనికి కనీస ధరను ఇంకా నిర్ణయించలేదని వేలం నిర్వాహకులు తెలిపారు. మెక్సికో ఆతిథ్యమిచ్చిన 1986 ప్రపంచకప్‌ లో మారడోనా సారథ్యంలో అర్జెంటీనా విశ్వవిజేతగా నిలిచింది. ఈ టోరీ్నలో మారడోనా ఐదు గోల్స్‌ చేయడంతోపాటు ఉత్తమ ప్లేయర్‌కు అందించే ‘గోల్డెన్‌ బాల్‌’ ట్రోఫీని సాధించాడు.

హైదరాబాద్, బిజినెస్‌ బ్యూరో: ఫ్యాషన్‌ బ్రాండ్‌ మారడోనా భారత్‌కు ఎంట్రీ ఇస్తోంది. అర్జెంటీనాకు చెందిన ప్రముఖ ఫుట్‌బాల్‌ క్రీడాకారుడు, దివంగత డీగో మారడోనా పేరుతో ఈ బ్రాండ్‌ను అర్జెంటీనా కంపెనీ సట్వికా ఎస్‌ఏ ప్రమోట్‌ చేస్తోంది. మారడోనా బ్రాండ్‌ కింద స్పోర్ట్స్‌ గూడ్స్‌తోపాటు ఐవేర్, ఎలక్ట్రానిక్స్, ఫుట్‌వేర్, బెవరేజెస్, పర్ఫ్యూమ్స్, డియోడరెంట్స్‌ ఇక్కడి మార్కెట్లో మూడు, నాలుగు నెలల్లో రంగ ప్రవేశం చేయనున్నాయి. భారత ప్రత్యేక భాగస్వామిగా బ్రాడ్‌ఫోర్డ్‌ లైసెన్స్‌ ఇండియాను సట్వికా నియమించింది. మారడోనా బ్రాండ్‌ ఉత్పత్తుల విక్రయానికి ప్రముఖ ఫ్యాషన్‌ కంపెనీలు, ఈ–కామర్స్‌ రిటైలర్స్‌తో చర్చిస్తున్నట్టు బ్రాడ్‌ఫోర్డ్‌ తెలిపింది. ఫ్యాషన్, లైఫ్‌స్టైల్, కంజ్యూమర్‌ గూడ్స్, స్పోర్ట్స్‌ వంటి విభాగాల్లో 60కిపైగా బ్రాండ్స్‌ను బ్రాడ్‌ఫోర్డ్‌ భారత్‌లో నిర్వహిస్తోంది. ప్రపంచంలో ప్రముఖ ఫుట్‌బాల్‌ క్రీడాకారుల్లో ఒకరైన మారడోనా.. 1986 వరల్డ్‌ కప్‌ అర్జెంటీనా వశం కావడంలో కీలకపాత్ర పోషించారు. ఆదివారం జరిగిన ఫైనల్స్‌లో ఫ్రాన్స్‌ను ఓడించి 36 ఏళ్ల తర్వాత ప్రపంచ చాంపియన్‌గా అర్జెంటీనా నిలిచిన సంగతి తెలిసిందే. 

పీలే, డీగో మారడోనా.. ఇద్దరు దిగ్గజాలే. ఫుట్‌బాల్‌లో తమకంటూ ప్రత్యేక చరిత్రను లిఖించుకున్నారు. ఒకరు బ్రెజిల్‌ను మూడుసార్లు చాంపియన్‌గా నిలిపితే.. మరొకరు అర్జెంటీనాను ఒకసారి విశ్వవిజేతగా నిలపడంలో కీలకపాత్ర పోషించాడు. ఈ ఇద్దరిలో మారడోనా రెండేళ్ల క్రితమే ఈ ప్రపంచాన్ని విడిచిపెట్టి వెళ్లాడు. ప్రస్తుతం పీలే పెద్ద పేగు క్యాన్సర్‌తో బాధపడుతూ ఆసుపత్రిలో చికిత్స తీసుకుంటున్నాడు. ఇటీవలే ఆయన ఆరోగ్య పరిస్థితి విషమించిందని వార్తలు రావడంతో అభిమానుల్లో ఆందోళన మొదలైంది. కానీ తనకేం కాలేదని.. బాగానే ఉన్నట్లు పీలే స్వయంగా ఇన్‌స్టాగ్రామ్‌లో పేర్కొనడంతో అంతా ఊపిరి పీల్చుకున్నారు. ఖతర్‌ వేదికగా జరుగుతున్న ఫిఫా వరల్డ్‌కప్‌లో సోమవారం బ్రెజిల్‌, దక్షిణ కొరియాల మధ్య ప్రీ క్వార్టర్స్‌ జరిగింది. ఈ మ్యాచ్‌లో బ్రెజిల్‌ 4-1 తేడాతో కొరియాను చిత్తు చేసి క్వార్టర్స్‌లో అడుగుపెట్టింది. కాగా ఈ మ్యాచ్‌ను పీలే ఆసుపత్రి నుంచి వీక్షించినట్లు ఆయన కూతురు పేర్కొంది. మ్యాచ్‌ విజయం కూడా పీలేకు అంకితమిచ్చిన బ్రెజిల్‌ జట్టు ఆయన తొందరగా కోలుకోవాలని కోరుకుంది. ఇక మ్యాచ్‌ జరిగిన స్టేడియం 974లో బ్రెజిల్‌ ఫ్యాన్స్‌.. పీలే తొందరగా కోలుకోవాలంటూ పెద్ద ఎత్తున బ్యానర్లు, కటౌట్‌లు ప్రదర్శించారు. బ్రెజిల్‌ గోల్‌ కొట్టిన ప్రతీసారి పీలే.. పీలే అంటూ గట్టిగా అరిచారు. అలా పీలేపై తమకున్న గౌరవాన్ని గొప్పగా చాటుకున్నారు. పీలేకు ఎక్కడైతే గౌరవం లభించిందో అక్కడే మారడోనాకు అవమానం జరుగుతుందంటూ మారడోనా కూతురు జియానిన్ని మారడోనా పేర్కొనడం ఆసక్తి కలిగించింది. అయితే అర్జెంటీనా జట్టును తప్పుబట్టలేదు కానీ.. కనీసం మారడోనా గౌరవార్థం ఆయనకు ఒక మ్యాచ్‌ విజయాన్ని అంకితమిస్తే బాగుండేదని అభిప్రాయపడింది. ఈ విషయాన్ని తన ఇన్‌స్టాగ్రామ్‌లో పేర్కొంది. అయితే మారడోనాను అర్జెంటీనా జట్టు ఎప్పుడు అవమానపరచలేదంటూ ఒక వార్తాసంస్థ తన కథనంలో పేర్కొంది. ఫిఫా వరల్డ్‌కప్‌లో అర్జెంటీనా ఇప్పటివరకు ఆడిన నాలుగు మ్యాచ్‌ల్లోనూ మ్యాచ్‌ ప్రారంభమైన పది నిమిషాల తర్వాత మారడోనా సేవలకు గుర్తుగా పాటలు, బ్యానర్లు ప్రదర్శించడం చేస్తున్నారని పేర్కొంది. ఇక పీలే, మారడోనా జెర్సీ నెంబర్‌లు 10 అన్న సంగతి ప్రత్యేకంగా చెప్పనవసరం లేదు. ఇప్పటికే అర్జెంటీనా, బ్రెజిల్‌లు క్వార్టర్స్‌లో అడుగుపెట్టాయి. డిసెంబర్‌ 7న జరిగే క్వార్టర్‌ ఫైనల్లో అర్జెంటీనా.. నెదర్లాండ్స్‌ను ఎదుర్కోనుండగా.. డిసెంబర్‌ 9న బ్రెజిల్‌.. క్రొయేషియాతో అమితుమీ తేల్చుకోనుంది. 💛💚 pic.twitter.com/9CXaglvuHR — FIFA World Cup (@FIFAWorldCup) December 5, 2022 Brazil turned 🆙 the 🔥 in #BRAKOR 💪 Catch the best moments from the 4-1 win over South Korea 📹 Watch @CBF_Futebol in action next 🆚 @HNS_CFF on Dec 9, 8:30 pm 👉🏻 #JioCinema & #Sports18 📺📲#Qatar2022 #FIFAWorldCup #FIFAWConJioCinema #FIFAWConSports18 pic.twitter.com/45n9yL6YIl — JioCinema (@JioCinema) December 6, 2022 View this post on Instagram A post shared by Gianinna Maradona 🧿 (@giamaradona) చదవండి: FIFA WC: జపాన్‌ను అవమానించిన క్రొయేషియా సుందరి FIFA WC 2022: రొనాల్డో కోసం ఏదైనా.. టాప్‌లెస్‌గా దర్శనం     var request = 'https://www.sakshi.com/knowwidget/kwstr_5101504615.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

ఖతర్ వేదికగా జరుగుతున్న ఫిఫా వరల్డ్‌కప్‌ నాకౌట్‌ మ్యాచ్‌లు రికార్డులతో హోరెత్తుతున్నాయి. ఆదివారం రాత్రి జరిగిన ప్రీక్వార్టర్ ఫైనల్లో ఫ్రాన్స్‌ స్టార్‌ ప్లేయర్ కిలియన్‌ ఎంబాపె డబుల్‌ గోల్స్ తో చెలరేగాడు. ఈ టోర్నీలో అతను ఇప్పటికే ఐదు గోల్స్ కొట్టాడు. గత టోర్నీలో నాలుగు సాధించాడు. దీంతో ఫిఫా వరల్డ్‌కప్స్‌లో అత్యధిక గోల్స్ చేసిన ఆటగాళ్ల జాబితాలో అర్జెంటీనా దిగ్గజం డీగో మారడోనా,పోర్చుగల్ కెప్టెన్ క్రిస్టియానో రొనాల్డో (చెరో 8 గోల్స్‌)ను అధిగమించాడు. ప్రస్తుతం అర్జెంటీనా స్టార్‌ లియోనల్‌ మెస్సీతో కలిసి సంయుక్తంగా తొమ్మిది గోల్స్‌తో ఉన్నాడు. ఈ రికార్డుతో పాటు బ్రెజిల్ దిగ్గజం పీలే పేరిట 60 ఏళ్లుగా చెక్కు చెదరకుండా ఉన్న మరో రికార్డును సైతం ఎంబాపె బద్దలు కొట్టడం విశేషం. అదేంటంటే.. 24 ఏళ్లలోపే ప్రపంచకప్ టోర్నీల్లో అత్యధిక గోల్స్ చేసిన ఆటగాడిగా చరిత్ర సృష్టించాడు. తన కెరీర్లో బ్రెజిల్‌కు మూడు ఫిఫా వరల్డ్‌కప్‌ టైటిల్స్‌ అందించిన పీలే 24 ఏళ్లలోపు ఏడు గోల్స్ సాధించాడు. ఈ రికార్డు 60 ఏళ్లుగా చెక్కు చెదరకుండా ఉంది. ఇప్పుడు ఎంబాపె 23 ఏళ్లకే తొమ్మిది గోల్స్‌తో కొత్త చరిత్ర సృష్టించాడు. అతనితో పాటు ఒలివర్ గిరౌడ్ కూడా ఓ గోల్ సాధించడంతో ప్రిక్వార్టర్ ఫైనల్లో ఫ్రాన్స్ 3–1తో పోలెండ్ జట్టును ఓడించింది. ఒలివర్ గిరౌడ్ 44వ నిమిషంలో గోల్ సాధించగా.. ఎంబాపె 74, 90 1వ నిమిషాల్లో రెండు గోల్స్ రాబట్టాడు. పోలెండ్ తరఫున రాబర్ట్ లావెండోస్కీ అదనపు సమయం తొమ్మిదో నిమిషంలో ఏకైక గోల్ అందించాడు.  𝐓𝐡𝐞 𝐆𝐨𝐥𝐝𝐞𝐧 𝐁𝐨𝐲 👑@KMbappe stole the ⚡ vs #Poland with a brace putting him level with #Messi on 9 #FIFAWorldCup goals 🙌 🎦 the heroics of #LesBleus' 🌟 & follow #FIFAWorldCup, LIVE on #JioCinema & #Sports18 📺📲#Qatar2022 #FIFAWConJioCinema #FIFAWConSports18 pic.twitter.com/a3FgOTvLHf — JioCinema (@JioCinema) December 4, 2022 ▪️ 23 years old 🌟 ▪️ 9 goals in 11 #FIFAWorldCup games 🎯 ▪️ More goals than #CR7𓃵 & #Maradona 😮 ▪️ Level with #Messi𓃵 @KMbappe is killing it at the #WorldsGreatestShow 📲📺#Qatar2022 #FIFAWConJioCinema #FIFAWConSports18 pic.twitter.com/zFWLsTOdX5 — JioCinema (@JioCinema) December 5, 2022 Kylian Mbappé. 9 World Cup goals in 2 editions. More than legends as Diego Maradona, Cristiano Ronaldo, Suárez, Neymar, Thierry Henry, Rivaldo, Kempes… and more. Same goals as Lionel Messi — but 3 World Cups less than the Argentinian star. …and still counting. He’s 23. pic.twitter.com/YnEJDMHzj3 — Fabrizio Romano (@FabrizioRomano) December 4, 2022 చదవండి: మ్యాచ్‌ ఓడిపోయి బాధలో ఉంటే బికినీలో అందాల ప్రదర్శన?     var request = 'https://www.sakshi.com/knowwidget/kwstr_5101504615.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

అర్జెంటీనా స్టార్‌ ఫుట్‌బాలర్‌ లియోనల్‌ మెస్సీ చరిత్ర సృష్టించాడు. ఫిఫా వరల్డ్‌కప్స్‌లో అర్జెంటీనా తరపున అత్యధిక గోల్స్‌ కొట్టిన జాబితాలో మెస్సీ రెండో స్థానానికి చేరుకున్నాడు. ఈ నేపథ్యంలో దిగ్గజం మారడోనా రికార్డును మెస్సీ బద్దలు కొట్టాడు.  ఖతర్‌ వేదికగా జరుగుతున్న ఫిఫా వరల్డ్‌కప్‌లో రౌండ్‌ ఆఫ్‌ 16 పోరులో ఆస్ట్రేలియాతో మ్యాచ్‌లో మెస్సీ ఈ ఫీట్‌ అందుకున్నాడు. ఆట 35వ నిమిషంలో బాటమ్‌ లెఫ్ట్‌ కార్నర్‌ నుంచి గోల్‌ కొట్టిన మెస్సీ ఈ వరల్డ్‌కప్‌లో మూడో గోల్‌ సాధించాడు. ఓవరాల్‌గా ఫిఫా వరల్డ్‌కప్స్‌లో 23వ మ్యాచ్‌ ఆడుతున్న మెస్సీకి ఇది 9వ గోల్‌ కావడం విశేషం. ఈ క్రమంలో ఫిఫా వరల్డ్‌కప్స్‌లో మారడోనా చేసిన 8 గోల్స్‌(21 మ్యాచ్‌లు)ను మెస్సీ అధిగమించాడు.  అర్జెంటీనా తరపున ఫిఫా వరల్డ్‌కప్స్‌లో అత్యధిక గోల్స్‌ కొట్టిన ఆటగాడిగా ఆ దేశ దిగ్గజం గాబ్రియెల్‌ బటిస్టుటా 12 మ్యాచ్‌ల్లో 10 గోల్స్‌ చేశాడు. ఇక మెస్సీ మరో అరుదైన ఘనత కూడా సాధించాడు. మెస్సీకి ఇది 1000వ మ్యాచ్‌ కావడం విశేషం. ఓవరాల్‌గా 789 గోల్స్‌ కొట్టాడు. ఇక ఫిఫా వరల్డ్‌కప్‌లో అర్జెంటీనా క్వార్టర్‌ ఫైనల్స్‌లో డిసెంబర్‌ 10న నెదర్లాండ్స్‌తో తలపడనుంది. Cannot quantify #Messi magic with numbers but it's worth a shot 😬 📹 The 🔢 behind that 🤌🏻 ⚽ Watch the @Argentina star LIVE at the #WorldsGreatestShow 👉🏻 #JioCinema & #Sports18 📺📲#Qatar2022 #FIFAWorldCup #FIFAWConJioCinema #FIFAWConSports18 pic.twitter.com/yT6jywFK6f — JioCinema (@JioCinema) December 4, 2022 Scoring beautiful goals & surpassing legends, one at a time ❤️#Messi now has more #FIFAWorldCup goals (9) than legendary Diego Maradona (8) 👏 Watch him dazzle at the #WorldsGreatestShow, LIVE on #JioCinema & #Sports18 📺📲#Qatar2022 #FIFAWConJioCinema #FIFAWConSports18 pic.twitter.com/BO6rcDUhvs — JioCinema (@JioCinema) December 4, 2022

ఫుట్‌బాల్‌లో జెర్సీ నెంబర్‌ 10కి యమా క్రేజ్‌ ఉంది. దిగ్గజం డీగో మారడోనా ఇదే నెంబర్‌ జెర్సీతో ఆడి అర్జెంటీనాను విశ్వ విజేతగా నిలిపాడు. అలా మారడోనా జెర్సీ నెంబర్‌ 10కి ఒక లీగసీని సెట్‌ చేసి పెట్టాడు. ఇప్పుడు ఆ లెగసీని తన శిష్యుడైన లియోనల్‌ మెస్సీ కంటిన్యూ చేస్తున్నాడు. అయితే జెర్సీ నెంబర్‌ 10కి అంత క్రేజ్‌ రావడానికి మారడోనా, మెస్సీలు కాదు.. వీళ్లకంటే ముందే ఆ జెర్సీని ధరించిన మరో అర్జెంటీనా ఆటగాడు ఉన్నాడు. అతనే మారియో కెంపెస్‌. 1978లో అర్జెంటీనా ఫిఫా వరల్డ్‌కప్‌ విజేతగా నిలవడంలో కెంపెస్‌ పాత్ర కీలకం. ఖతర్‌ వేదికగా జరుగుతున్న ఫిఫా వరల్డ్‌కప్‌లో అర్జెంటీనా రౌండ్‌ ఆఫ్‌ 16కు చేరుకుంది. మెస్సీకి ఇదే చివరి వరల్డ్‌కప్‌ అని అంతా భావిస్తున్న తరుణంలో అర్జెంటీనాను విజేతగా నిలిపితే చూడాలనుకుంటున్నారు. అయితే మారడోనా, మెస్సీ కంటే ముందే అదే అర్జెంటీనా నుంచి ఒక ఆటగాడు జెర్సీ నెంబర్‌ 10ని ధరించాడు. ఆ జెర్సీని ధరించడమే కాదు.. అర్జెంటీనాను తొలిసారి ఫిఫా వరల్డ్‌ చాంపియన్స్‌గా(1978) నిలిపాడు. అతనే మారియో కెంపెస్‌.  1978 ఫిఫా వరల్డ్‌కప్‌లో అర్జెంటీనా విజేతగా నిలిచిందంటే మారియో కెంపెస్‌ ప్రధాన కారణం. ఆ టోర్నీలో మొత్తం ఆరు గోల్స్‌ చేసిన మారియో టాప్‌ స్కోరర్‌గా నిలిచి గోల్డెన్‌ బూట్‌, గోల్డెన్‌ బాల్‌ అవార్డులను దక్కించుకున్నాడు. ఫుట్‌బాల్‌ చరిత్రలో ఈ ఘనత సాధించిన మూడో ఆటగాడిగా మారియో కెంపెస్‌ నిలిచాడు. ఇక మారియో కెంపెస్‌ చేసిన ఆరు గోల్స్‌లో అన్ని జంట గోల్స్‌ కావడం విశేషం.  వీటిలో కీలకమైన సెకండ్‌ రౌండ్‌, ఫైనల్స్‌ మ్యాచ్‌లు ఉన్నాయి. అప్పటి వరల్డ్‌కప్‌లో నాకౌట్‌ దశ లేదు. తొలి రౌండ్‌, రెండో రౌండ్‌.. ఆ తర్వాత ఫైనల్‌ నిర్వహించారు. ఇక రెండో రౌండ్‌లో గెలిచి టాప్‌లో నిలిచిన రెండు జట్లు నేరుగా ఫైనల్లో అడుగుపెడతాయి. తొలి రౌండ్‌లో మారియో కెంపెస్‌ అంతగా ప్రభావం చూపలేదు. అయితే రెండో రౌండ్‌  నుంచి మాత్రం అతని మాయాజాలం మొదలైంది. రెండో రౌండ్‌లో పోలాండ్‌, పెరూతో మ్యాచ్‌ల్లో నాలుగు గోల్స్‌ చేసిన మారియో జట్టు ఫైనల్‌ చేరడంలో కీలకపాత్ర పోషించాడు. ఇక నెదర్లాండ్స్‌తో జరిగిన ఫైనల్లోనూ మారియో కెంపెస్‌ మరోసారి మెరిశాడు. ఆట 38వ నిమిషంలో డచ్‌ గోల్‌ కీపర్‌ను బోల్తా కొట్టిస్తూ 12 మీటర్ల దూరం నుంచి అద్బుత గోల్‌ సాధించాడు. ఆ తర్వాత ఆట అదనపు సమయంలో 105 నిమిషంలో మరో గోల్‌ చూసి జట్టు స్కోరును రెండుకు పెంచాడు. మరోవైపు నెదర్లాండ్స్‌ ఒక గోల్‌కే పరిమితం కావడంతో అర్జెంటీనా 2-1 తేడాతో మ్యాచ్‌ను గెలిచి తొలిసారి విశ్వవిజేతగా అవతరించింది. అలా మారియో కెంపెస్‌ పేరు మార్మోగిపోయింది. అప్పటినుంచే జెర్సీ నెంబర్‌ 10కి క్రేజ్‌ వచ్చింది. ఆ తర్వాత ఇదే జెర్సీని మారడోనా ధరించడం.. 1986లో అర్జెంటీనాను విజేతగా నిలపడం జరిగిపోయాయి. ఇక ఇప్పుడు వీరిద్దరి ట్రెండ్‌ను కొనసాగిసున్న మెస్సీ తన ప్రపంచకప్‌ కలను తీర్చుకుంటాడో లేదో చూడాలి. ఇక అర్జెంటీనా రౌండ్‌ ఆఫ్‌-16లో డిసెంబర్‌ 4న ఆస్ట్రేలియాతో తలపడనుంది.

అద్భుతాలు అరుదుగా జరుగుతాయంటారు. తాజాగా ఖతర్‌ వేదికగా జరుగుతున్న ఫిఫా వరల్డ్‌కప్‌లోనూ ఇలాంటిదే చోటుచేసుకుంది. విషయంలోకి వెళితే.. బుధవారం అర్థరాత్రి దాటిన తర్వాత అర్జెంటీనా, పోలాండ్‌ మధ్య మ్యాచ్‌ జరిగింది. ఈ మ్యాచ్‌లో అర్జెంటీనా 2-0 తేడాతో పోలాండ్‌ను ఓడించి ప్రీక్వార్టర్స్‌కు చేరుకుంది. మ్యాచ్‌లో ఓటమి పాలైన రాబర్ట్‌ లెండోవాస్కీ నేతృత్వంలోని పోలాండ్‌ కూడా రౌండ్‌ ఆఫ్‌ 16కు అర్హత సాధించింది. ఈ విషయం పక్కనబెడితే.. అర్జెంటీనా మ్యాచ్‌లో చేసిన రెండు గోల్స్‌లో ఒకటి జట్టు మిడ్‌ఫీల్డర్‌ అలెక్సిస్‌ మెక్‌ అలిస్టర్‌ చేశాడు. ఆట 46వ నిమిషంలో అర్జెంటీనాకు గోల్‌ అందించాడు. ఈ సందర్భంగా జట్టు కెప్టెన్‌ లియోనల్‌ మెస్సీ తనకు వచ్చిన మ్యాన్‌ ఆఫ్‌ ది మ్యాచ్‌ అవార్డును అలిస్టర్‌కు ఇచ్చేశాడు. దీని వెనుక ఒక కారణం ఉంది. అలెక్సిస్‌ మాక్‌ అలిస్టర్‌ తండ్రి కార్లోస్‌ మాక్‌ అలిస్టర్‌ కూడా ఫుట్‌బాలర్‌గా జట్టుకు సేవలందించాడు. కార్లోస్‌ దిగ్గజం మారడోనాతో కలిసి అర్జెంటీనాతో పాటు బోకా జూనియర్స్‌కు ప్రాతినిధ్యం వహించడం విశేషం. మారడోనాతో కలిసి తండ్రి కార్లోస్‌ అలిస్టర్‌ ఆడితే.. ఇప్పటితరం గొప్ప ఆటగాళ్లలో ఒకడైన లియోనల్‌ మెస్సీతో కలిసి కొడుకు అలెక్సిస్‌ మాక్‌ అలిస్టర్‌ వేదికను పంచుకున్నాడు. అందుకే మెస్సీ అలెక్సిస్‌ తండ్రిపై ఉన్న గౌరవంతో అతనికి వచ్చిన అవార్డును అలెక్సిస్‌కు అందించాడు. ఇదే విషయమై అలెక్సిస్‌ మాక్‌ అలిస్టర్‌ స్పందింస్తూ.. ఇది ఎప్పటికి మరిచిపోలేనిది. నా తండ్రి దిగ్గజం మారడోనాతో కలిసి ఆడడం ఒక ఎత్తయితే.. ఇప్పుడు నా ఆరాధ్య దైవం మెస్సీతో కలిసి ఆడడం మరిచిపోలేని అనుభూతి. అతను నాకు ట్రైనింగ్‌ ఇస్తున్న తీరుకు ఫిదా అయ్యా. అంటూ చెప్పుకొచ్చాడు. ఇక ప్రీక్వార్టర్స్‌కు చేరుకున్న అర్జెంటీనా డిసెంబర్‌ 4న ఆస్ట్రేలియాతో ఆడనుంది. అటు పోలాండ్‌ డిపెండింగ్‌ చాంపియన్‌ ఫ్రాన్స్‌తో అమితుమీ తేల్చుకోనుంది. చదవండి: Lionel Messi: 'పైనున్న మారడోనా సంతోషపడి ఉంటాడు'

ఖతర్‌ వేదికగా జరుగుతున్న ఫిఫా వరల్డ్‌కప్‌లో అర్జెంటీనా రౌండ్‌ ఆఫ్‌-16‍కు అర్హత సాధించిన సంగతి తెలిసిందే. బుధవారం అర్థరాత్రి దాటిన తర్వాత పోలాండ్‌తో జరిగిన మ్యాచ్‌లో మెస్సీ బృందం 2-0 తేడాతో ఓడించింది. ప్రీక్వార్టర్స్‌ చేరాలంటే కచ్చితంగా నెగ్గాల్సిన మ్యాచ్‌లో అర్జెంటీనా సమిష్టి ప్రదర్శనతో ఆకట్టుకుంది. అయితే మ్యాచ్‌లో కచ్చితంగా గోల్‌ చేస్తాడనుకున్న మెస్సీ విఫలమైనప్పటికి అర్జెంటీనా మిడ్‌ ఫీల్డర్‌ అలెక్సిస్‌ అలిస్టర్‌(ఆట 46వ నిమిషంలో), ఫార్వార్డ్‌ ప్లేయర్‌ జులియన్‌ అల్వరేజ్‌(ఆట 67వ నిమిషంలో) గోల్‌ అందించి జట్టుకు విజయాన్ని అందించారు. ఇక మ్యాచ్‌ విజయం అనంతరం మెస్సీ మాట్లాడుతూ.. ''ఈరోజు మా ప్రదర్శన చూసి పైనున్న మారడోనా సంతోషపడి ఉంటాడు. ఎందుకంటే మారడోనా నాపై ఎక్కువ ప్రేమను చూపించేవాడు. నాకు అన్నీ అనుకూలంగా జరుగుతున్నాయంటే ఆయనే ఎక్కువ సంతోషపడేవాడు. ఇక తొలి మ్యాచ్‌లో సౌదీ అరేబియా చేతిలో ఓడిపోయి పూర్తిగా ఒత్తిడిలో ఉన్న మేము వరుస రెండు మ్యాచ్‌ల్లో విజయాలు సాధించడం మా ఆటపై నమ్మకాన్ని పెంచింది. ఓటమి బాధ నుంచి ఎలా బయటపడాలో ముందు నాకు తెలియదు.. ఇప్పుడు నేర్చుకున్నా. ఇక రికార్డులు కూడా నా వెంట రావడం సంతోషంగా ఉంది.'' అంటూ చెప్పుకొచ్చాడు.  ఇక స్టార్‌ ఫుట్‌బాలర్‌గా ప్రపంచవ్యాప్తంగా కోట్లాది మంది అభిమానులను సంపాదించుకున్న లియోనల్‌ మెస్సీకి ఇది 999వ మ్యాచ్‌. అంతేకాదు.. ఫిఫా వరల్డ్‌కప్‌ టోర్నీలో 22వది. ఈ క్రమంలో అర్జెంటీనా దిగ్గజం డిగో మారడోనా ఉన్న పేరిట రికార్డును మెస్సీ బద్దలు కొట్టాడు. ఫిఫా వరల్డ్‌కప్స్‌లో అర్జెంటీనా తరపున అత్యధిక మ్యాచ్‌లు ఆడిన ఆటగాడిగా నిలిచాడు. పెనాల్టీ కిక్‌లను కొట్టడంలో మెస్సీకి మంచి రికార్డు ఉంది. ఇప్పటివరకు 39సార్లు మాత్రమే పెనాల్టీని గోల్‌గా మలచడంలో విఫలమయ్యాడు. పోలాండ్‌తో మ్యాచ్‌లో తొలి అర్ధభాగంలో లభించిన పెనాల్టీని మెస్సీ గోల్‌ పోస్ట్‌లోకి తరలించడంతో విఫలమయ్యాడు. దీంతో అభిమానులు కాస్త నిరాశకు గురయ్యారు. ఇదే సమయంలో పెనాల్టీని గోల్‌గా మలచడంలో ఫెయిల్‌ అయిన మెస్సీ తనపై తానే అసహనం వ్యక్తం చేశాడు. ✌️😎✌️ - mood across #ARG after qualifying for #Qatar2022 Round of 16 Watch both the strikes from @Argentina's 2-0 win in #POLARG & follow #FIFAWorldCup, LIVE on #JioCinema & #Sports18 📺📲#WorldsGreatestShow #FIFAWConJioCinema #FIFAWConSports18 pic.twitter.com/X5c5ILcAAT — JioCinema (@JioCinema) November 30, 2022 చదవండి: FIFA WC: రికార్డు బద్దలు కొట్టినా.. మెస్సీ అభిమానులకు తప్పని నిరాశ!     var request = 'https://www.sakshi.com/knowwidget/kwstr_5101504615.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

ఫిఫా వరల్డ్‌కప్‌లో అర్జెంటీనాకు టైటిల్‌ అందించడమే లక్ష్యంగా పెట్టుకున్న లియోనల్‌ మెస్సీ ఆ దిశగా అడుగులేస్తున్నాడు. తొలి మ్యాచ్‌లో తాను గోల్‌ చేసినప్పటికి సౌదీ అరేబియా చేతిలో చిత్తవ్వడం మెస్సీ బాధించింది. ఈ ఓటమిని జీర్ణించుకోలేక కన్నీటి పర్యంతం అయ్యాడు. అయితే తొలి మ్యాచ్‌ ఓటమికి కుంగిపోకుండా మరుసటి మ్యాచ్‌లో మెస్సీ అంతా తానై నడిపించాడు. శనివారం అర్థరాత్రి దాటిన తర్వాత మెక్సికోతో జరిగిన మ్యాచ్‌లో అర్జెంటీనా 2-0 తేడాతో విజయం సాధించింది. తొలి అర్థభాగంలో గోల్‌ రాకపోయేసరికి మ్యాచ్‌ డ్రా అవుతుందా అని అభిమానులు భయపడ్డారు. కానీ మెస్సీ ఆ అవకాశం ఇవ్వలేదు. ఆట 62వ నిమిషంలో మెస్సీ కళ్లు చెదిరే గోల్‌తో మెరిశాడు. తన సహచర ఆటగాడు అందించిన పాస్‌ను చక్కగా వినియోగించుకున్న మెస్సీ ఎలాంటి పొరపాటు చేయడకుండా లో స్ట్రైక్‌తో బంతిని గోల్‌పోస్ట్‌లోకి పంపించాడు. అలా అర్జెంటీనాకు తొలి గోల్‌ లభించింది. ఆ తర్వాత 82వ నిమిషంలో ఫెర్నాండేజ్‌ మరో గోల్‌ కొట్టడంతో అర్జెంటీనా 2-0తో విజయం సాధించింది. ఏది ఏమైనా మెస్సీ కొట్టిన గోల్‌ జట్టుకు దైర్యాన్ని ఇవ్వడంతో పాటు విజయం దిశగా నడిపించింది. ఈ క్రమంలోనే మెస్సీ అర్జెంటీనా దిగ్గజం డీగో మారడోనా రికార్డును సమం చేశాడు. ఫిఫా వరల్డ్‌కప్స్‌లో మెస్సీ 8 గోల్స్‌ చేశాడు. 1982, 1986, 1990,1994లో మారడోనా ఈ గోల్స్‌ చేశాడు. తాజాగా మెస్సీ మారడోనా గోల్స్‌ రికార్డును సమం చేశాడు. ఇక ఫిఫా వరల్డ్‌కప్స్‌లో అర్జెంటీనా తరపున అత్యధిక గోల్స్‌ రికార్డు దిగ్గజం గాబ్రియెల్‌ బటిస్టుటా పేరిట ఉంది. గాబ్రియెల్‌ మొత్తంగా 10 గోల్స్‌ కొట్టాడు. గాబ్రియెల్‌ రికార్డును బద్దలు కొట్టేందుకు మెస్సీ కేవలం మూడు గోల్స్‌ దూరంలో మాత్రమే ఉన్నాడు. ఇక అర్జెంటీనా తరపున ఫిఫా వరల్డ్‌కప్‌లో 21వ మ్యాచ్‌ ఆడుతున్న మెస్సీ ఎక్కువ మ్యాచ్‌లు ఆడిన ఆటగాడిగా రికార్డులకెక్కాడు. ఇక 2014లో రన్నరప్‌గా నిలిచిన అర్జెంటీనా జట్టులో మెస్సీ సభ్యుడిగా ఉన్నాడు. తాజాగా కెప్టెన్‌గా జట్టును ముందుండి నడిపిస్తున్నాడు. తనకు ఇదే చివరి వరల్డ్‌కప్‌ అని ఊహిస్తున్న దశలో మెస్సీ ఎలాగైనా ఫిఫా వరల్డ్‌కప్‌ను సాధించి తన కలను సాకారం చేసుకోవాలని అభిమానులు కోరుకుంటున్నారు. ఇక అర్జెంటీనా 1978, 1986 ఫిఫా వరల్డకప్స్‌లో విజేతగా నిలిచిన సంగతి తెలిసిందే. Cometh the ⌛ Cometh the 🐐 💯 ▶ Relive Messi's heroics against #ElTri that kept @Argentina in the #FIFAWorldCup 🙌 Keep watching the #WorldsGreatestShow, only on #JioCinema & @Sports18 📲📺#Qatar2022 #FIFAWConJioCinema #FIFAWConSports18 pic.twitter.com/KQHjSrSDTY — JioCinema (@JioCinema) November 27, 2022 చదవండి: మెస్సీ గురి అదిరింది.. అర్జెంటీనా ప్రీక్వార్టర్స్‌ ఆశలు సజీవం     var request = 'https://www.sakshi.com/knowwidget/kwstr_5101504615.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

మొత్తం 20 ప్రపంచకప్‌లు... విజేతలుగా నిలిచిన 8 జట్లు ... ఎందరో సూపర్‌ స్టార్లు తమ ఆటతో అభిమానులను ఉర్రూతలూగించారు. కార్లోస్‌ ఆల్బర్టో, రోజర్‌ మిల్లా, బాబీ చార్ల్‌టన్, థియరీ హెన్రీ, ప్లాటిని, జిదాన్, ఒలివర్‌ కాన్, క్లిన్స్‌మన్, లోథర్‌ మథియాస్, రుడ్‌ గలిట్, జొహన్‌ క్రఫ్‌... ఇలా ఎందరో మైదానంలో బంతితో విన్యాసాలు చేయించారు. కానీ కొందరు మాత్రం వీరందరికంటే కచ్చితంగా పై స్థానంలో ఉంటారు. తమదైన ప్రత్యేకతతో ఆటను శాసించిన వీరు, అభిమానుల హృదయాల్లో చిరస్థాయిగా నిలిచిపోయారు. అలాంటి టాప్‌–5 వరల్డ్‌ కప్‌ స్టార్స్‌ను చూస్తే... - కరణం నారాయణ పీలే (బ్రెజిల్‌)  ఫుట్‌బాల్‌ పేరు చెప్పగానే అందరికంటే ముందుగా గుర్తొచ్చే ఆటగాళ్లలో పీలే పేరు ఉంటుంది. మూడుసార్లు ప్రపంచకప్‌ గెలిచిన జట్టులో సభ్యుడిగా ఉన్న ఏకైక ప్లేయర్‌ పీలేనే కావడం విశేషం. 1958, 1962, 1970లలో బ్రెజిల్‌ ప్రపంచకప్‌ గెలవడంలో పీలే ముఖ్యపాత్ర పోషించాడు. స్టార్‌ ఆటగాళ్లు ఉన్న జట్టులో 17 ఏళ్ల వయసులో తొలి ప్రపంచకప్‌లో చెలరేగిన పీలే మరో 12 ఏళ్ల తర్వాత ఎవరికీ అందనంత ఎత్తుకి తనే ఒక దిగ్గజంగా ఎదిగాడు. కెరీర్‌ మొత్తంలో నాలుగు ప్రపంచకప్‌లు ఆడిన పీలే మొత్తం 12 గోల్స్‌ సాధించాడు.  డీగో మారడోనా (అర్జెంటీనా) పీలేతో సంయుక్తంగా ‘ఫిఫా ప్లేయర్‌ ఆఫ్‌ ద సెంచరీ’గా నిలిచిన ఆటగాడు డీగో మారడోనా. దేశాలతో సంబంధం లేకుండా ఫుట్‌బాల్‌ అభిమానులందరి హృదయాలు గెల్చుకున్నాడు. 1986 ప్రపంచకప్‌ను అర్జెంటీనాకు సాధించి పెట్టడంతో అతను సూపర్‌స్టార్‌గా ఎదిగిపోయాడు. 1990లో కెప్టెన్‌గా జట్టును ఫైనల్‌కి చేర్చిన అతను 1994 వరల్డ్‌ కప్‌ సమయంలో డ్రగ్స్‌ వాడినట్లుగా తేలింది. నాలుగు ప్రపంచకప్‌లు ఆడి ఎనిమిది గోల్స్‌ చేసిన మారడోనా ఉజ్వల కెరీర్‌ ముగిసిన తర్వాత అనేక వివాదాలు చుట్టుముట్టినా... ప్లేయర్‌గా అవి అతని గొప్పతనాన్ని తగ్గించలేవు.   ఫ్రాంజ్‌ బెకన్‌బాయర్‌ (పశ్చిమ జర్మనీ) జర్మనీ అందించిన ఆల్‌టైమ్‌ గ్రేట్‌లలో ఒకడు. మూడు ప్రపంచకప్‌లు ఆడిన అతను తన శైలి, నాయకత్వ పటిమతో ‘ది ఎంపరర్‌’గా పేరు తెచ్చుకున్నాడు. కెప్టెన్‌గా, మేనేజర్‌గా రెండు సార్లు ప్రపంచకప్‌ను అందుకున్న ఇద్దరు ఆటగాళ్లలో బెకన్‌బాయర్‌ ఒకడు. 1974లో సొంతగడ్డపై కెప్టెన్‌ హోదాలో బెకన్‌బాయర్‌ తొలి మ్యాచ్‌ నుంచే జట్టును విజయ పథంలో నడిపించాడు. ఫైనల్లో జర్మనీ 2–1తో నెదర్లాండ్స్‌ను ఓడించడంలో కీలక పాత్ర పోషించి చరిత్రలో నిలిచిపోయాడు. అనంతరం 1990లో బెకన్‌బాయర్‌ కోచ్‌గా ఉన్న పశ్చిమ జర్మనీ ప్రపంచకప్‌ను సొంతం చేసుకుంది.  గెర్డ్‌ ముల్లర్‌ (పశ్చిమ జర్మనీ) ‘ద నేషన్స్‌ బాంబర్‌’ అనే నిక్‌నేమ్‌ ఉన్న గెర్డ్‌ ముల్లర్‌ ప్రపంచ ఫుట్‌బాల్‌ చరిత్రలో అత్యధిక గోల్స్‌ కొట్టిన ఆటగాళ్లలో ఒకడు. రెండు ప్రపంచకప్‌లలో (1970, 1974 ) 13 మ్యాచ్‌లలోనే మొత్తం 14 గోల్స్‌ కొట్టిన ముల్లర్‌ ఓవరాల్‌గా ఈ జాబితాలో మూడో స్థానంలో నిలిచాడు. 1974లో సొంతగడ్డపై ప్రపంచకప్‌ ఫైనల్లో ముల్లర్‌ చేసిన గోల్‌తో జర్మనీ రెండోసారి విజేతగా నిలిచింది. కెరీర్‌ ఆసాంతం ముల్లర్‌ ‘ఫెయిర్‌ ప్లేయర్‌’గా గుర్తింపు పొందడం విశేషం.  రొనాల్డో (బ్రెజిల్‌) ఫుట్‌బాల్‌ను ప్రాణంగా ప్రేమించే బ్రెజిల్‌లో పీలే తర్వాత ఆ స్థాయిలో పేరు తెచ్చుకున్న ప్లేయర్‌ రొనాల్డో లూయీ డి లిమా. మూడుసార్లు ‘ఫిఫా వరల్డ్‌ ప్లేయర్‌ ఆఫ్‌ ద ఇయర్‌’, రెండు సార్లు ‘గోల్డెన్‌ బాల్‌’ గెలుచుకోవడం మాత్రమే రొనాల్డో గొప్పతనం కాదు. పీలే రిటైర్మెంట్‌ తర్వాత 24 ఏళ్ల పాటు వరల్డ్‌ కప్‌ విజయానికి నోచుకోకుండా నిరాశగా కనిపించిన బ్రెజిల్‌ అభిమానులకు కొత్త ఊపిరి పోసింది అతనే అనడంలో అతిశయోక్తి లేదు. మొత్తంగా నాలుగు ప్రపంచకప్‌లు ఆడిన రొనాల్డో 15 గోల్స్‌ కొట్టి రెండోస్థానంతో కెరీర్‌ను ముగించాడు.  చదవండి: FIFA: 1950లో బంగారం లాంటి అవకాశం వదిలేసిన భారత్‌

ఫిఫా వరల్డ్‌కప్‌ 2022 ప్రారంభానికి మరొక రోజు మాత్రమే మిగిలింది. నవంబర్‌ 20 నుంచి మొదలుకానున్న సాకర్‌ సమరం డిసెంబర్‌ 18 వరకు జరగనుంది. దాదాపు నెల రోజుల పాటు జరగనున్న సమరంలో ఫైనల్‌ మ్యాచ్‌కు లుసెయిల్‌ స్టేడియం వేదిక కానుంది. ఇక ఫిఫా వరల్డ్‌కప్‌లో విజయాలు ఎన్ని ఉంటాయో వివాదాలు కూడా అన్నే ఉంటాయి. అన్ని గుర్తుండకపోయినా కొన్ని మాత్రం చరిత్రలో మిగిలిపోతాయి. అలా ఫిఫా వరల్డ్‌కప్‌ చరిత్రలో మాయని మచ్చలా మిగిలిపోయిన ఐదు వివాదాల గురించి ఇప్పుడు తెలుసుకుందాం.  ►మారడోనా హ్యాండ్‌ ఆఫ్‌ గాడ్‌(Hand Of GOD Goal) 1986 ఫిఫా వరల్డ్‌కప్‌ అనగానే ముందుగా గుర్తుకు వచ్చేది అర్జెంటీనా విశ్వవిజేతగా నిలవడం. దీనితో పాటు డీగో మారడోనా అనే పేరు కూడా కచ్చితంగా వినిపిస్తుంది. అర్జెంటీనా విజేతగా నిలవడంతో మారడోనా పాత్ర ఎంత కీలకమో అతని హ్యాండ్‌ ఆఫ్‌ గాడ్‌ గోల్‌ కూడా అంతే ప్రసిద్ధి చెందింది. 1986 సాకర్‌ వరల్డ్‌ కప్‌లో ఇంగ్లండ్‌తో జరిగిన క్వార్టర్‌ ఫైనల్‌ మ్యాచ్‌లో మారడోనా రెండు గోల్స్‌ చేశాడు. అందులో ఒక గోల్‌ను చేతితో కొట్టడం అధికారులెవరు గుర్తించలేదు. తర్వాత మారడోనా కొట్టిన ఆ గోల్‌.. ''హ్యాండ్‌ ఆఫ్‌ గాడ్‌''(Hand OF GOD) గోల్‌గా ప్రసిద్ధి చెందింది. ఈ గోల్‌ అప్పట్లో వివాదాస్పదమైంది.క్వార్టర్స్‌లో ఇంగ్లండ్‌తో మ్యాచ్‌లో అర్జెంటీనా 2–1తో గెలిచి సెమీఫైనల్‌ చేరింది. అయితే మారడోనా తన ఆటతో అర్జెంటీనాను విశ్వవిజేతగా నిలబెట్టడంతో అందరూ ఆ వివాదాన్ని మరిచిపోయారు. ఆ తర్వాత మారడోనా తన ఆటబయోగ్రఫీలో ''హ్యాండ్‌ ఆఫ్‌ గాడ్‌'' గురించి రాసుకొచ్చాడు. మాట్లాడిన ప్రతీసారి "హ్యాండ్‌ ఆఫ్‌ గాడ్‌" గోల్‌ అంటున్నారు.. కానీ ఆ చేయి మారడోనాది అన్న సంగతి మరిచిపోయినట్లున్నారని పేర్కొన్నాడు. ► జినదిన్‌ జిదానే(2006 ఫిఫా వరల్డ్‌కప్‌) ఫుట్‌బాల్‌ బతికున్నంత వరకు 2006లో ఫ్రాన్స్‌ ఆటగాడు జినదిన్‌ జిదానే చేసిన పని గుర్తిండిపోతుందనంలో అతిశయోక్తి లేదు. టోర్నీ ఆసాంతం అద్భుత ఆటతీరు కనబరిచి ఒంటిచేత్తో ఫ్రాన్స్‌ను ఫైనల్‌కు చేర్చాడు. అయితే అతను ఫైనల్లో చేసిన ఒక చిన్న తప్పిదం ఫ్రాన్స్‌ ఓటమికి బాటలు వేయడంతో పాటు కెరీర్‌ను కూడా ముగించింది. ఇరుజట్లు 1-1తో సమంగా ఉన్నాయి. అప్పటికే ఫ్రాన్స్‌ ఇటలీ గోల్‌ పోస్టులపై దాడి చేస్తూనే ఉంది. అయితే ఇక్కడే జిదానే పెద్ద పొరపాటు చేశాడు. ఇటలీ మిడ్‌ఫీల్డర్‌ మార్కో మాటెరాజీతో గొడవపడ్డాడు. ఆవేశంలో జిదానే తన తలతో మార్కో చాతిలో గట్టిగా గుద్దాడు నొప్పితో విలవిల్లాడిపోయిన మార్కో అక్కడే కుప్పకూలాడు. అయితే మొదట ఏం జరిగిందో ఎవరికి అర్థం కాలేదు. జిదానే కూడా సైలెంట్‌గా ఉన్నాడు. కానీ రిప్లేలో జిదానే బండారం బయటపడింది. దీంతో రిఫరీ రెడ్‌ కార్డ్‌ చూపించడంతో మైదానం వదిలాడు. అలా వెళ్లిన జిదానే మళ్లీ తిరిగి గ్రౌండ్‌లో అడుగుపెట్టలేదు. అతనికి అదే చివరి మ్యాచ్‌ అవుతుందని బహుశా అతను కూడా ఊహించి ఉండడు. జిదానే వైఖరి తప్పుబట్టినప్పటికి అతని ఆటతీరును మాత్రం అందరూ మెచ్చుకోవడం విశేషం. ► పోర్చుగల్‌ వర్సెస్‌ నెదర్లాండ్స్‌ మ్యాచ్‌, 2006 ఫిఫా వరల్డ్‌కప్‌ ఈ మ్యాచ్‌ను న్యూరేమ్‌బెర్గ్ యుద్ధం అని పిలుస్తారు. పోర్చుగల్,నెదర్లాండ్స్ మధ్య ప్రి క్వార్టర్స్‌ మ్యాచ్‌ జరిగింది. మ్యాచ్‌ కన్నా గొడవలే ఎక్కువసార్లు జరిగాయి. అందుకే మ్యాచ్‌లో రష్యా రిఫరీ వాలెంటిన్ ఇవనోవ్ ఆటగాళ్లు చేసిన తప్పిదాలకు నాలుగు రెడ్‌ కార్డ్స్‌.. 16 సార్లు ఎల్లో కార్డులను జారీ చేశాడు. ఒక ఫిఫా ప్రపంచకప్‌లో మ్యాచ్‌లో అన్నిసార్లు రెడ్‌, ఎ‍ల్లో కార్డులు జారీ చేయడం అదే తొలిసారి. అసలు మ్యాచ్‌లో ఎవరు నెగ్గారనే దానికంటే ఎన్ని కార్డులు జారీ అన్న విషయమే గుర్తుంది. ఇక మ్యాచ్‌లో పోర్చుగల్‌ 1-0 తేడాతో డచ్‌పై గెలిచి క్వార్టర్స్‌కు చేరుకుంది. ► 2002 ఫిఫా వరల్డ్‌కప్‌లో సడెన్‌ డెత్‌ వివాదం 2002 ఫిఫా వరల్డ్‌కప్‌కు తొలిసారి ఆసియా దేశాలైన జపాన్‌, సౌత్‌ కొరియాలు ఆతిథ్యం ఇచ్చాయి. ఈ ప్రపంచకప్‌లో సౌత్‌ కొరియా సెమీఫైనల్‌ వరకు రాగా.. జపాన్‌ మాత్రం ప్రి క్వార్టర్స్‌లో వెనుదిరిగింది. అయితే స్పెయిన్‌తో జరిగిన క్వార్టర్‌ ఫైనల్లో పెనాల్టీ షూటౌట్‌ ద్వారా సౌత్‌ కొరియా సెమీస్‌కు అర్హత సాధించింది. ఇక ప్రి క్వార్టర్స్‌లో ఇటలీతో జరిగిన మ్యాచ్‌లో సౌత్‌ కొరియా సడెన్‌ డెత్‌ రూల్‌తో క్వార్టర్స్‌ చేరడం వివాదాస్పదంగా మారింది. నిర్ణీత సమయంలో మ్యాచ్‌ ముగిసిన తర్వాత టైబ్రేక్‌కు దారితీస్తే అప్పుడు సడెన్‌ డెత్‌ కింద పరిగణించి.. ఇద్దరిలో ఎవరు ఎక్కువసార్లు గోల్‌పోస్ట్‌పై దాడి చేస్తే వారిని విజేత కింద లెక్కిస్తారు. దీని ప్రకారం సౌత్‌ కొరియా ముందంజలో ఉండడంతో వారినే విజయం వరించింది. దీనిపై స్పెయిన్‌ అభ్యంతరం వ్యక్తం చేసినప్పటికి రూల్స్‌ ప్రకారమే చేసినట్లు మ్యాచ్‌ రిఫరీ పేర్కొనడంతో నిరాశగా వెనుదిరిగింది. ఈ వివాదం అప్పట్లో పెద్ద దుమారమే రేపింది. ► 2010 ఫిఫా వరల్డ్‌కప్‌: ఘనాపై లూయిస్ సురెజ్ చివరి నిమిషంలో హ్యాండ్‌బాల్ ఈ టోర్నమెంట్‌ ఆఫ్రికా దేశమైన దక్షిణాఫ్రికాలో జరిగింది. ఈ టోర్నీలో ఘనాది డ్రీమ్‌ రన్‌ అని చెప్పొచ్చు. ఎలాంటి అంచనాలు లేకుండా బరిలోకి దిగిన ఘనా క్వార్టర్స్‌ వరకు చేరి అందరిని ఆశ్చర్యపరిచింది. ఇక క్వార్టర్స్‌లో ఉరుగ్వేతో తలపడింది. మ్యాచ్‌లో ఘనా ఫ్రీ కిక్ పొందింది. ఆ సమయంలో గోల్‌పోస్ట్ వద్ద ఉన్న లూయిస్‌ సురేజ్‌ ఘనా ఆటగాడు డొమినిక్ ఆదియ్య హెడర్‌ గోల్‌ను చేతితో అడ్డుకున్నాడు. దీంతో సురేజ్‌కు రెడ్‌కార్డ్‌ జారీ చేయడంతో మైదానం వీడాడు.  ఆ తర్వాత నిర్ణీత సమయం ముగిసేలోగా ఇరుజట్లు 1-1తొ నిలవడంతో మ్యాచ్‌ డ్రాగా ముగిసి పెనాల్టీ షూటౌట్‌కు దారి తీసింది. ఇక పెనాల్టీ షూటౌట్‌లో ఉరుగ్వే గోల్‌ చేసిన ప్రతీసారి సురేజ్‌ ఎంజాయ్‌ చేయడం అప్పట్లో వైరల్‌గా మారింది. ఇక షూటౌట్‌లో ఉరుగ్వే 4-2తో ఘనాను ఓడించి సెమీ-ఫైనల్లో అడుగుపెట్టింది. చదవండి: సాగర తీరంలో దూసుకెళ్తున్న రేసింగ్‌ కార్లు.. క్రికెట్‌లో ప్రొటీస్‌.. ఫుట్‌బాల్‌లో డచ్‌; ఎక్కడికెళ్లినా దరిద్రమే

అర్జెంటీనా ఫుట్‌బాల్‌ దిగ్గజం డీగో మారడోనా అనగానే ముందుగా గుర్తుకువచ్చేది ''హ్యాండ్‌ ఆఫ్‌ గాడ్‌'' గోల్‌. ఆనాడు మారడోనా Hand OF God Goal కొట్టిన బంతికి తాజాగా వేలంలో కళ్లు చెదిరే మొత్తానికి అమ్ముడుపోయింది. బుధవారం లండన్‌లో నిర్వహించిన వేలంలో ఆ బంతి అక్షరాల .19.5 కోట్ల ధరకు అమ్ముడైంది. అయితే ఇంతకాలం ఆ బంతి అప్పటి మ్యాచ్‌కు రిఫరీగా వ్యవహరించిన అలీ బిన్‌ నాసర్‌(ట్యునీషియా) దగ్గరే ఉంది. తాజాగా వేలానికి పెట్టడంతో ఇలా భారీ ధరకు అమ్ముడుపోయింది.  1986 సాకర్‌ వరల్డ్‌ కప్‌లో ఇంగ్లండ్‌తో జరిగిన క్వార్టర్‌ ఫైనల్‌ మ్యాచ్‌లో మారడోనా రెండు గోల్స్‌ చేశాడు. అందులో ఒక గోల్‌ను చేతితో కొట్టడం అధికారులెవరు గుర్తించలేదు. తర్వాత మారడోనా కొట్టిన ఆ గోల్‌.. ''హ్యాండ్‌ ఆఫ్‌ గాడ్‌''(Hand OF GOD) గోల్‌గా ప్రసిద్ధి చెందింది. ఈ గోల్‌ అప్పట్లో వివాదాస్పదమైనప్పటికి.. మారడోనా తన ఆటతో అర్జెంటీనాను విశ్వవిజేతగా నిలబెట్టడంతో అందరూ ఆ వివాదాన్ని మరిచిపోయారు.  ఈ ఏడాది ఏప్రిల్‌లో 1986 ఫిఫా వరల్డ్‌కప్‌లో మారడోనా ధరించిన జెర్సీకి కూడా కళ్లు చేదిరే మొత్తం వచ్చి చేరింది. క్వార్టర్స్‌లో ఇంగ్లండ్‌తో మ్యాచ్‌లో అర్జెంటీనా 2–1తో గెలిచి సెమీఫైనల్‌ చేరింది. ఇంగ్లండ్‌తో మ్యాచ్‌ ముగిశాక మారడోనా తన జెర్సీని ఇంగ్లండ్‌ ప్లేయర్‌ స్టీవ్‌ హాడ్జ్‌కు అందజేశాడు. దానిని దాచుకున్న హాడ్జ్‌ ఏప్రిల్‌ నెలలో ‘సోతీబై’ అనే ఆన్‌లైన్‌ వేలం సైట్‌లో అమ్మకానికి పెట్టగా ఒక అజ్ఞాతవ్యక్తి సదరు జెర్సీని 71 లక్షల పౌండ్లకు అమ్ముడుపోవడం విశేషం. చదవండి: మ్యాచ్‌ను గెలిపించలేకపోయిన జైశ్వాల్‌ వీరొచిత సెంచరీ  FIFA: అందాల విందు కష్టమే.. అసభ్యకర దుస్తులు ధరిస్తే జైలుకే

భారత్‌లో ఫుట్‌బాల్‌ క్రీడకు అంతగా ప్రాధాన్యం లేదు. ఫుట్‌బాల్‌ కంటే క్రికెట్‌కే ఎక్కువ క్రేజ్‌ ఉన్న దేశంలో గోవా, బెంగాల్‌, కేరళ సహా ఈశాన్య రాష్ట్రాల్లో మాత్రం ఫుట్‌బాల్‌కే విపరీతమైన ఆదరణ ఉంటుంది. భారత ఫుట్‌బాల్‌ జట్టులో ఆడే ఆటగాళ్లలో కూడా  ఈ రాష్ట్రాలకు చెందినవారే ఎక్కువ. కానీ మనకు తెలియకుండానే మన దేశంలో ఫుట్‌బాల్‌కు విపరీతమైన ఆదరణ ఉన్న ప్రాంతం మరొకటి ఉంది. అదే మహారాష్ట్రలోని కొల్హాపూర్‌ సిటీ.  నవంబర్‌ 20 నుంచి ఖతార్‌ వేదికగా ఫిఫా వరల్డ్‌కప్‌ ప్రారంభం కానున్న నేపథ్యంలో భారత్‌లో ఫుట్‌బాల్‌కు ఎంత ఆదరణ ఉంది అని ఒక సంస్థ నిర్వహించిన సర్వేలో తెలియని కొన్ని ఆసక్తికర విశేషాలు బయటపడ్డాయి. గత 30 ఏళ్లుగా కొల్హాపూర్‌ సిటీలో ఫుట్‌బాల్‌కు ఉన్న క్రేజ్‌.. అక్కడి ప్రజలు ఆ ఆటపై పెట్టుకున్న ప్రేమ ఎంతనేది బయటకొచ్చింది. కొల్హాపూర్‌ సిటీలో నివసించే ప్రజలు క్రికెట్‌ కంటే ఫుట్‌బాల్‌నే ఎక్కువగా ప్రేమిస్తారు. అందుకు సాక్ష్యం ఆ సిటీలో ఉన్న గోడలపై స్టార్‌ ఫుట్‌బాలర్స్‌ పెయింటింగ్స్‌. ప్రతీ వీధిలోనూ ఒక్కో ఫుట్‌బాలర్‌ మనకు కనిపిస్తాడు. మెస్సీ నుంచి రొనాల్డో వరకు.. మారడోనా నుంచి పీలే దాకా.. ఇలా మనకు కావాల్సిన ఆటగాళ్ల చిత్రాలన్ని పెయింటింగ్స్‌ రూపంలో ఉంటాయి. అయితే  అర్జెంటీనా, బ్రెజిల్‌కు చెందిన ఫుట్‌బాల్‌ ఆటగాళ్లను ఇక్కడ కాస్త ఎక్కువగా ఆదరిస్తారు. ఇటీవలే కోపా అమెరికా కప్‌లో బ్రెజిల్‌ను అర్జెంటీనా చిత్తు చేసి విజేతగా నిలిచినప్పుడు కొల్హాపూర్‌లో పెద్ద జాతర జరిగింది. ఖాన్‌బోడా తలీమ్‌ అనే గ్రూప్‌ ఈ వేడుకల్లో పెద్దన్న పాత్ర పోషిస్తుంది. బ్లూ, వైట్‌ ఫ్లాగ్స్‌గా విడిపోయి ఫుట్‌బాల్‌ మ్యాచ్‌లు నిర్వహించారు. సాహూ అనే ఫుట్‌బాల్‌ మైదానం ఉంటుంది. 30వేల సామర్థ్యంతో సీటింగ్‌ కెపాసిటీ ఉండడం విశేషం. ఇక గణేష్‌ నవరాత్రుల సందర్భంగా కొల్హాపూర్‌ ఫుట్‌బాల్‌ ఫెస్టివ్‌ సీజన్‌ మొదలై.. దాదాపు రెండు నెలలు అంటే దీపావళి వరకు ఈ టోర్నీ సాగుతుంది. టోర్నీలో విజేతగా నిలిచిన జట్టును గౌరవంగా చూస్తారు. ఆ సిటీలో తిరిగే ప్రతీ వ్యక్తి తమ వాహనాలపై పీటీఎమ్‌ స్టిక్కర్‌ అంటించుకొని తిరుగుతారు. ఇలా ఫుట్‌బాల్‌పై తమకున్న పిచ్చి ప్రేమను చూపిస్తుంటారు. ఇదంతా పక్కనబెడితే.. విజయ్‌ హజారే ట్రోఫీలో భాగంగా దగ్గర్లోని శివాజీ స్టేడియంలో నిర్వహించిన క్రికెట్‌ మ్యాచ్‌కు పట్టుమని వంద మంది కూడా రాలేదు. కానీ అదే రోజు పక్కనే ఉన్న ఫుట్‌బాల్‌ స్టేడియంలో ప్రాక్టీస్‌ క్లబ్‌, శివాజీ మండల్‌ మధ్య నిర్వహించిన ఫుట్‌బాల్‌ మ్యాచ్‌కు వేల సంఖ్యలో ప్రేక్షకులు హాజరవ్వడం విశేషం. అందుకే ఇకపై భారత్‌లో ఫుట్‌బాల్‌ అనగానే కేరళ, బెంగాల్‌, గోవా లాంటి రాష్ట్రాలే కాదు కొల్హాపూర్‌ సిటీ కూడా గుర్తుకురావాల్సిందే. చదవండి: '2009 తర్వాత మైదానాలన్నీ వెడ్డింగ్‌ హాల్స్‌గా మారాయి' పూర్వ వైభవంపై జర్మనీ దృష్టి

అర్జెంటీనా ఫుట్‌బాల్‌ దిగ్గజం డీగో మారడోనా హ్యాండ్‌ ఆఫ్‌ గాడ్‌ జెర్సీకి మరో అరుదైన గౌరవం లభించింది. ఖతార్‌లో జరగనున్న ప్రతిష్టాత్మక​ ఫిఫా వరల్డ్‌కప్‌లో మారడోనా జెర్సీని ప్రత్యేక డిస్‌ప్లేలో ఉంచనున్నారు. అక్టోబర్‌ 2(ఆదివారం) నుంచి ఏప్రిల్‌ 1 వరకు ఖతార్‌లోని స్పోర్ట్స్‌ మ్యూజియంలో ఉంటుందని ఒక అధికారి పేర్కొన్నారు. ఇక నాలుగు నెలల క్రితమే మారడోనా హ్యాండ్‌ ఆఫ్‌ గాడ్‌  జెర్సీని వేలం వేయగా కళ్లు చెదిరే మొత్తానికి అమ్ముడుపోయిన సంగతి తెలిసిందే. కాగా జెర్సీని కొన్న ఆ వ్యక్తి పేరును ఇప్పటివరకు బయటపెట్టలేదు. మారడోనాకు వీరాభిమాని అయిన ఆ అజ్ఞాతవ్యక్తి జెర్సీని 71లక్షల పౌండ్లకు(భారత కరెన్సీలో దాదాపు రూ.67 కోట్ల 72 లక్షలకు) కొనుగోలు చేయడం విశేషం. 1986 సాకర్‌ వరల్డ్‌ కప్‌లో ఇంగ్లండ్‌తో జరిగిన క్వార్టర్‌ ఫైనల్‌ మ్యాచ్‌లో మారడోనా ఈ జెర్సీనే ధరించాడు. ఈ మ్యాచ్‌లో మారడోనా రెండు గోల్స్‌ చేయగా.. అందులో ఒకటి హ్యాండ్‌ ఆఫ్‌ గోల్‌ కూడా ఉంది. ఈ గోల్‌ అప్పట్లో వివాదాస్పదమైనప్పటికి.. మారడోనా తన ఆటతో అర్జెంటీనాను విశ్వవిజేతగా నిలబెట్టడంతో అందరూ ఆ వివాదాన్ని మరిచిపోయారు. కాగా ఇంగ్లండ్‌తో మ్యాచ్‌లో అర్జెంటీనా 2–1తో గెలిచి సెమీఫైనల్‌ చేరింది. ఇంగ్లండ్‌తో మ్యాచ్‌ ముగిశాక మారడోనా తన జెర్సీని ఇంగ్లండ్‌ ప్లేయర్‌ స్టీవ్‌ హాడ్జ్‌కు అందజేశాడు.దానిని ఇంతకాలం దాచుకున్న హాడ్జ్‌ ఏప్రిల్‌ నెలలో ‘సోతీబై’ అనే ఆన్‌లైన్‌ వేలం సైట్‌లో అమ్మకానికి పెట్టాడు.

డీగో మారడోనా.. వ్యక్తిగత జీవితంలో ఎన్ని వివాదాలున్నా ఫుట్‌బాల్‌లో అతను ఎప్పటికి దిగ్గజమే. 2020 నవంబర్‌ 25న 60 ఏళ్ల వయసులో ఆసుపత్రి బెడ్‌పై మరణించి కోట్లాది ఫుట్‌బాల్‌ అభిమానులను శోక సంద్రంలో ముంచెత్తాడు. మెదుడులో రక్తం గడ్డకట్టడం.. కొకైన్‌ లాంటి డ్రగ్స్‌ పరిమితికి మించి తీసుకోవడం.. మద్యాపానాకి బానిస కావడంతో మారడోనా మృతి చెందినట్లు రిపోర్ట్స్‌ వచ్చాయి. అయితే కొన్ని రోజుల తర్వాత మారడోనాకు చికిత్స అందించిన ఎనిమిది మంది వైద్యుల బృందం వహించిన నిర్లక్ష్యం కారణంగా ఫుట్‌బాల్‌ దిగ్గజం మరణించినట్లు తెలిసింది. దీంతో ఆ ఎనిమిది మందిపై అర్జెంటీనా కోర్టులో కేసు నమోదు అయింది. కాగా మారడోనా మరణంలో నేరపూరిత నిర్లక్ష్యానికి పాల్పడినందుకు ఎనిమిది మంది వైద్య సిబ్బంది త్వరలో విచారణకు హాజరు కానున్నారు. వీరిలో న్యూరోసర్జన్‌, అతని కుటుంబ వైద్యుడు లియోపోల్డో లుక్, మానసిక వైద్య నిపుణుడు అగస్టినా కోసాచోవ్, సైకాలజిస్ట్ కార్లోస్ డియాజ్, మెడికల్ కోఆర్డినేటర్ నాన్సీ ఫోర్లిని, నర్సులతో సహా మరో నలుగురు వైద్యులు ఉన్నారు. వీరి నిర్లక్ష్యం కారణంగానే మారడోనా అపస్మారక స్థితిలో చనిపోయాడని.. నిర్లక్ష్యపూరిత హత్యకు పాల్పడిన వారిపై విచారణ జరిపించాలని న్యాయవాదులు కోరారు.నేరం రుజువైతే నిందితులకు ఎనిమిది నుంచి 25 ఏళ్ల వరకు జైలు శిక్ష పడే అవకాశం ఉంది. ఇక 1986 ఫిఫా వరల్డ్‌కప్‌ సందర్భంగా ఇంగ్లండ్‌తో జరిగిన మ్యాచ్‌లో మారడోనా 60 గజాల దూరం నుంచి బంతిని గోల్‌పోస్ట్‌లోకి తరలించడం చరిత్రలో నిలిచిపోయింది. 2002లో ఫిఫా డాట్‌కామ్‌ నిర్వహించిన సర్వేలో మారోడోనా కొట్టిన గోల్‌కు ఎక్కువ ఓట్లు వచ్చాయి. దీంతో మారడోనా గోల్‌ను ఫిఫా.. ''గోల్‌ ఆఫ్‌ ది సెంచరీ''గా పేర్కొంది. అంతేగాక కెప్టెన్‌గా 1986 ఫిఫా వరల్డ్‌కప్‌లో అర్జెంటీనాను విశ్వవిజేతగా నిలిపి మారడోనా తన పేరును చరిత్రలో లిఖించుకున్నాడు. చదవండి: Diego Maradona: టీనేజ్‌లో మారడోనా నాపై అత్యాచారం చేశాడు Shane Warne: దిగ్గజ ఫుట్‌బాలర్స్‌తో వార్న్‌కు దగ్గరి పోలికలు.. మరణం కూడా!

లండన్‌: అర్జెంటీనా దిగ్గజం డీగో మారడోనా... ఇంగ్లండ్‌తో జరిగిన 1986 ప్రపంచకప్‌ ఫుట్‌బాల్‌ క్వార్టర్‌ ఫైన ల్లో ధరించిన జెర్సీ ని కళ్లు చెదిరే మొత్తానికి కొనుగోలు చేశారు. ఈ మ్యాచ్‌లో మారడోనా చేసిన తొలి గోల్‌ ‘హ్యాండ్‌ ఆఫ్‌ గాడ్‌’ గోల్‌గా వివాదాస్పదమైంది. ఈ మ్యాచ్‌లో అర్జెంటీనా 2–1తో గెలిచి సెమీఫైనల్‌ చేరింది. ఇంగ్లండ్‌తో మ్యాచ్‌ ముగిశాక మారడోనా తన జెర్సీని ఇంగ్లండ్‌ ప్లేయర్‌ స్టీవ్‌ హాడ్జ్‌కు అందజేశాడు. దానిని ఇంతకాలం దాచుకున్న హాడ్జ్‌ ఇటీవల ‘సోతీబై’ అనే ఆన్‌లైన్‌ వేలం సైట్‌లో విక్రయానికి పెట్టాడు. బుధవారం ముగిసిన ఈ ఆన్‌లైన్‌ వేలంలో ఓ అజ్ఞాత అభిమాని ఈ జెర్సీని 71 లక్షల పౌండ్లకు (రూ. 67 కోట్ల 72 లక్షలు) కొనుగోలు చేశాడని సోతీబై సైట్‌ తెలిపింది చదవండి: IPL 2022: సీఎస్‌కేపై ఆర్‌సీబీ ఘన విజయం..

వేలం పాటలో ప్రాచీన వస్తువులకు, అరుదైన వాటికి ఎక్కువ ధర పలుకుతుండడం చూస్తుంటాం. ఒక్కోసారి సెలబ్రిటీలు, మేధావులకు సంబంధించిన గుర్తులు సైతం భారీ ధరకు పోతుంటాయి. అలాంటిది ఒక వస్తువు.. ప్రారంభ ధరనే భారీగా ఉండడం ఇక్కడ విశేషం.  అర్జెంటీనా సాకర్‌ దిగ్గజం డియెగో మారడోనా, జెర్సీని వేలం వేయబోతున్నారు. అది మాములు జెర్సీ కాదులేండి. 1986 సాకర్‌ వరల్డ్‌ కప్‌లో ఇంగ్లండ్‌తో జరిగిన మ్యాచ్‌లో ఈ జెర్సీనే ధరించాడు. రెండుసార్లు గోల్స్‌ చేయడమే కాదు.. అందులో ఒకటైన హ్యాండ్‌ ఆఫ్‌ గాడ్‌ గోల్‌ కూడా నమోదు అయ్యింది ఈ మ్యాచ్‌లోనే.  బుధవారం నుంచి నెంబర్‌ 10 ఉన్న ఈ బ్లూ జెర్సీని వేలం వేయడం మొదలుపెట్టారు. ఆరంభ ధర ఎంతో తెలుసా? 5 మిలియన్‌ డాలర్ల పైనే. అంటే.. మన కరెన్సీలో సుమారు 38 కోట్ల రూపాయలపైనే!. మే 4వ తేదీ వరకు ఈ వేలంపాట కొనసాగనుంది. న్యూయార్క్‌కు చెందిన సోత్‌బైస్‌ ఫైన్‌ ఆర్ట్స్‌ కంపెనీ.. ఈ వేలం నిర్వహించనుంది. క్రీడా ప్రపంచంలో ఇప్పటిదాకా 5.6 మిలియన్‌ డాలర్లకు అమ్ముడుపోయింది అమెరికన్‌ బేస్‌బాల్‌ ప్లేయర్‌ బాబే రూత్‌ జెర్సీ. న్యూయార్క్‌ యాంకీస్‌ తరపున ఆయన ఆడినప్పుడు ధరించిన జెర్సీ.. 2019లో వేలంపాటలో ఈ రికార్డును క్రియేట్‌ చేసింది. ఇప్పుడు మారడోనా జెర్సీ ఆ రికార్డును బద్ధలు కొట్టే అవకాశాలే ఎక్కువగా కనిపిస్తున్నాయి. చదవండి: చిటికెడు మట్టి రూ.4 కోట్లు

ఆస్ట్రేలియన్‌ దిగ్గజ స్పిన్నర్‌ షేన్‌ వార్న్‌ క్రికెట్‌లో రారాజు అనడంలో సందేహం లేదు. బంతిని నైపుణ్యంతో తిప్పడంలో అతనికి ఎవరు సాటిరారు. గింగిరాలు తిరిగే బంతి పిచ్‌పై పడి ఎటు వెళుతుందో తెలుసుకునే లోపే ప్రత్యర్థిని పెవిలియన్‌ చేర్చడం వార్న్‌ శైలి. క్రికెట్‌లో రారాజుగా వెలుగొందిన వార్న్‌కు.. ఆఫ్‌ ఫీల్డ్‌లో మాత్రం మాయని మచ్చలు చాలానే ఉన్నాయి.  -సాక్షి, వెబ్‌డెస్క్‌ ముఖ్యంగా డ్రగ్స్‌, ఆల్కాహాల్‌, మహిళలతో ప్రేమాయణాలు, అమ్మాయిలకు అసభ్యకర సందేశాలు ఇలా చె​ప్పుకుంటూ పోతే చాలానే ఉంటాయి. మైదానం వెలుపల ఇన్ని చేసినప్పటికి వార్న్‌కు అభిమానగణం ఇసుమంతైనా తగ్గలేదు. తాజాగా వార్న్‌ గుండెపోటుతో హఠాన్మరణం చెందడం క్రీడాలోకాన్ని దిగ్బ్రాంతికి గురిచేసింది. తమ అభిమాన క్రికెటర్‌కు వీడ్కోలు పలుకుతూ తమ సంతాపాన్ని ప్రకటిస్తున్నారు. క్రికెట్‌ ప్రపంచంలో వార్న్‌కు ఎవరు పోటీ లేరు అనుకుంటున్న మనకు.. క్రికెట్‌ వెలుపల మాత్రం ఇద్దరు ఫుట్‌బాల్‌ స్టార్‌ ఆటగాళ్లతో షేన్‌ వార్న్‌కు చాలా పోలికలు ఉన్నాయి. ఆ ఇద్దరిలో ఒకరు అర్జెంటీనా దిగ్గజం డీగో మారడోనా అయితే.. రెండో వ్యక్తి నార్తన్‌ ఐరిష్‌ స్టార్‌ ఫుట్‌బాలర్‌ జార్జ్‌ బెస్ట్‌.. మీకు తెలుసో లేదో.. ఈ  ముగ్గురి జీవితాలు పరిశీలిస్తే ఒకే రీతిలో ఉంటాయి. వార్న్‌, మారడోనా, జార్జ్‌ బెస్ట్‌ ఆటలో ఎంత పేరు సంపాదించారో.. వ్యక్తిగత జీవితంలో అంత చెడ్డ పేరు తెచ్చుకున్నారు. ఈ ముగ్గురిలో ఉన్న పోలికలు ఒకసారి తెలుసుకుంటే ఆశ్చర్యపోవడం ఖాయం. అవేంటో ఒకసారి చూడండి. ►వార్న్‌ క్రికెట్‌లో రారాజుగా వెలుగొందితే.. మారోడనా, జార్జ్‌ బెస్ట్‌లు తమ కాలాల్లో ఫుట్‌బాల్‌లో స్టార్‌ ప్లేయర్లుగా సత్తా చాటారు. ఫుట్‌బాల్‌ ఆటలో మారడోనా, బెస్ట్‌లు తమ పాదాలతో గోల్‌ కొట్టడంలో నైపుణ్యం ప్రదర్శిస్తే.. వార్న్‌ లెగ్‌ స్పిన్నర్‌గా క్రికెట్‌లో తన మణికట్టు మాయజాలాన్ని ప్రదర్శించి వికెట్లు తీసేవాడు. ►వార్న్‌ లాగే మారడోనా, జార్జ్‌ బెస్ట్‌ మద్యానికి, డ్రగ్స్‌కు అలవాటు పడినవారే.. అమ్మాయిలతో రాసలీలలు.. అసభ్యకరమైన సందేశాలు పంపించడం చేశారు. ఈ విషయంలో మాత్రం జార్జ్‌ బెస్ట్‌కు మినహాయింపు జార్జ్‌ బెస్ట్‌ నార్తన్‌ ఐర్లాండ్‌ స్టార్‌ ఫుట్‌బాలర్‌ ► 1974లో జార్జ్‌ బెస్ట్‌ మాంచెస్టర్‌ సిటీకి ప్రాతినిధ్యం వహిస్తున్న సమయంలో ఒక మ్యాచ్‌ సందర్భంగా ఫుల్లుగా తాగి వచ్చాడు. విషయం తెలుసుకున్న జట్టు మేనేజర్‌ బెస్ట్‌ను డ్రెస్సింగ్‌ రూమ్‌ నుంచి బయటకు గెంటేశాడు. ఆ తర్వాత కొన్ని రోజుల పాటు బెస్ట్‌ మ్యాచ్‌లు ఆడకుండా మాంచెస్టర్‌ సిటీ అతడిపై నిషేధం విధించింది. ► మారడోనా కూడా 1994 వరల్డ్‌కప్‌కు ముందు  ఈఫిడ్రైన్‌ అనే నిషేధిత డ్రగ్స్‌ తీసుకున్నట్లు తేలింది. టెస్టులు చేయగా పాజిటివ్‌ రావడంతో ఫిఫా అతనిపై నిషేధం విధించింది. దీంతో మారడోనా వరల్డ్‌కప్‌కు దూరమయ్యాడు. మారడోనా విగ్రహం ►వార్న్‌ కూడా 2003 వరల్డ్‌కప్‌ ప్రారంభానికి ముందు డోపింగ్‌ టెస్టులో పట్టుబడడంతో క్రికెట్‌ ఆస్ట్రేలియా వార్న్‌పై నిషేధం విధించింది.  ►ఇక​ నిషేధం తర్వాత మారడోనా లాగే వార్న్‌ కూడా స్టెరాయిడ్స్‌కు దూరంగా ఉన్నట్లు కొన్ని వార్తలు వచ్చాయి ►మారడోనాకు ఫుట్‌బాల్‌లో ''గోల్‌ ఆఫ్‌ ది సెంచరీ'' ఉన్నట్లే.. క్రికెట్‌లో వార్న్‌కు ''బాల్‌ ఆఫ్‌ ది సెంచరీ'' ఉండడం విశేషం. ►1986 ఫిఫా వరల్డ్‌కప్‌ సందర్భంగా ఇంగ్లండ్‌తో జరిగిన మ్యాచ్‌లో మారడోనా 60 గజాల దూరం నుంచి బంతిని గోల్‌పోస్ట్‌లోకి తరలించడం చరిత్రలో నిలిచిపోయింది. 2002లో ఫిఫా డాట్‌కామ్‌ నిర్వహించిన సర్వేలో మారోడోనా కొట్టిన గోల్‌కు ఎక్కువ ఓట్లు వచ్చాయి. దీంతో మారడోనా గోల్‌ను ఫిఫా.. ''గోల్‌ ఆఫ్‌ ది సెంచరీ''గా పేర్కొంది. మారడోనా గోల్‌ ఆఫ్‌ ది సెంచరీ; వార్న్‌ బాల్‌ ఆఫ్‌ ది సెంచరీ ►ఇక వార్న్‌ బాల్‌ ఆఫ్‌ ది సెంచరీ విషయానికి వస్తే.. 1993లో ఇంగ్లండ్‌ గడ్డపై జరిగిన యాషెస్‌ సిరీస్‌లో మాంచెస్టర్‌ వేదికగా తొలి టెస్టు జరిగింది. ఆట రెండోరోజు వార్న్‌ మైక్‌ గాటింగ్‌కు అద్బుత బంతి వేశాడు. లెగ్‌స్టంప్‌ అవతల నుంచి వెళ్లిన బంతి అనూహ్యంగా టర్న్‌ అయి ఆఫ్‌ స్టంప్‌ వికెట్‌ను ఎగురగొట్టడం క్రీడా పండితుల్ని సైతం ఆశ్చర్యపరిచింది. అసలు బంతి ఎలా తిరిగిందన్నది ఇప్పటికి మిస్టరీగానే ఉండిపోయింది. బ్యాట్స్‌మన్‌ మైక్‌ గాటింగ్‌తో పాటు అంపైర్‌ కూడా  ఆశ్చర్యపోయారు. అందుకే వార్న్‌ బంతి ''బాల్‌ ఆఫ్‌ ది సెంచరీ''గా చరిత్రలో నిలిచిపోయింది.  ►1986 ఫిఫా ప్రపంచకప్‌ అర్జెంటీనా గెలవడంలో మారడోనా పాత్ర కీలకం.. అటు క్రికెట్‌లో 1999 వన్డే వరల్డ్‌కప్‌ ఆస్ట్రేలియా గెలవడంలో వార్న్‌ కీలకపాత్ర పోషించాడు. 1986 ఫిఫా వరల్డ్‌కప్‌తో మారడోనా; 1999 వన్డే వరల్డ్‌కప్‌తో షేన్‌ వార్న్‌ ►ఇక ఈ ముగ్గురి మరణాలు కూడా దాదాపు ఒకే రీతిలో జరగడం విశేషం. ముగ్గురు తాము చనిపోయేటప్పుడు అచేతనా స్థితిలోనే మరణించారు. చదవండి: Shane Warne: శవ పరీక్షకు వార్న్‌ భౌతికకాయం.. బోరుమన్న కుమారుడు Pak vs Aus: ఒకవైపు వార్న్‌ మరణం.. ఇప్పుడు ఇది అవసరమా వార్నర్‌ ? Shane Warne: భారత్‌కు ఆప్తుడు.. స్వదేశంలో మాత్రం ఘోర అవమానం!

Diego Maradona's Cigars,Cars, Villa Auction..  అర్జెంటీనా మాజీ ఫుట్‌బాల్‌ దిగ్గజం డీగో మారడోనా భౌతికంగా దూరమై ఏడాది దాటింది.  గతేడాది నవంబర్‌ 25న 60 ఏళ్ల వయసులో గుండెపోటుతో మరణించాడు. వ్యక్తిగత జీవితంలో ఎన్ని వివాదాలు ఉన్నప్పటికీ.. తనదైన ఆటతో అభిమానుల గుండెల్లో చెరగని ముద్ర వేసుకున్నాడు. 1986 ఫిపా ప్రపంచకప్‌ అర్జెంటీనా సొంతం చేసుకోవడంలో మారడోనాది కీలకపాత్ర. మారడోనా భౌతికంగా దూరమై ఏడాది దాటిన సందర్భంగా అతని వస్తువులను వేలం వేయాలని నిర్ణయించారు. డిసెంబర్‌ 19(ఆదివారం) ఉదయం 11 గంటలకు ఈ వేలం జరగనుంది. కాగా వేలానికి మారడోనా వాడిన పలురకాల ఐకానిక్‌ సిగరెట్లు, బీఎండబ్ల్యూ కార్లతో పాటు తల్లిదండ్రులకు కొనిచ్చిన లగ్జరీ విల్లా రానున్నాయి. మారడోనా జెర్సీ నెంబర్‌ 10తో బరిలోకి దిగి 1986 ప్రపంచకప్‌కు అందించడంతో.. అతని జెర్సీ నెంబర్‌కు గుర్తుగా..'' 10 ఆక‌్షన్‌'' పేరుతో వేలం నిర్వహించనున్నారు. ఇక ఈ వేలానికి సంబంధించి ఇప్పటికే మారడోనా కుటుంబసభ్యులను వేలం చేపట్టబోయే సంబంధిత అధికారులు సంప్రదించారు. మారడోనా ఐదుగురు పిల్లలు అతని వస్తువుల వేలానికి ఒప్పుకున్నారని.. వేలం ద్వారా వచ్చే డబ్బును ఒక ఫౌండేషన్‌కు అందించాలని నిర్ణయించారని మారడోనా కుటుంబ వ్యక్తిగత లాయర్‌ ఒక ప్రకటనలో తెలిపారు. భౌతికంగా మారడోనా దూరమైనప్పటికి అతని వస్తువులను సొంతం చేసుకునే అవకాశం ఉండడంతో అభిమానులు ఉత్సుకతతో ఉన్నారు. కాగా ఆన్‌లైన్‌ వేదికగా జరగనున్న ఈ వేలాన్ని కనీసి 15 నుంచి 20వేల మంది వీక్షించే అవకాశం ఉందని రూటర్స్‌ అభిప్రాయపడింది.

Maradona Stolen Watches Specialities And Cost: అర్జెంటీనా ఫుట్‌ బాల్‌ దిగ్గజం డిగో మారడోనా.. సాకర్‌ ప్రపంచంలో ఓ లెజెండ్‌. మరణం అనంతరం ఆయన లెగసీ కొనసాగుతోంది. అయితే ఆయనకు చెందిన కాస్ట్‌లీ వాచీ ఒకటి దుబాయ్‌లో చోరీకి గురికాగా.. ఎట్టకేలకు దానిని అస్సాం(అసోం)లో రికవరీ చేసుకున్నారు పోలీసులు.  2010 ఫిఫా వరల్డ్‌ కప్‌ టైంలో స్విట్జర్లాండ్‌కు చెందిన కాస్ట్‌లీ వాచ్‌ మేకింగ్‌ కంపెనీ హుబ్లోట్‌.. బిగ్‌బ్యాంగ్‌ మోడల్‌ పేరుతో మారడోనా గౌరవార్థం లిమిటెడ్‌ ఎడిషన్‌ రిలీజ్‌ చేసింది.  మొత్తం 250 వాచీలు తయారు చేయించగా.. క్షణాల్లో హాట్‌కేకుల్లా ఒక్కక్కటి భారీ ధరకు అమ్ముడుపోయాయి. వీటిలో రెండు వాచీలను మారడోనాకు గిఫ్ట్‌గా ఇచ్చింది హుబ్లోట్‌.     2010 ఫిఫా వరల్డ్‌ కప్‌ సందర్భంగా మారడోనా ఈ రెండు వాచీలను(రెండుచేతులకు చెరోటి) ధరించి స్పెషల్‌ ఎట్రాక్షన్‌గా కనిపించారు. అందులో ఆయన విక్టరీ సింబల్‌ చూపించే ఫొటో(వెనకనుంచి), సంతకం, జెర్సీ నెంబర్‌ కూడా ఉంటాయి.  వీటి ధర ఒక్కొక్కటి రూ. 20 లక్షలుగా(మన కరెన్సీలో) ప్రకటించింది కంపెనీ. అయితే..  In an act of international cooperation @assampolice has coordinated with @dubaipoliceHQ through Indian federal LEA to recover a heritage @Hublot watch belonging to legendary footballer Late Diego Maradona and arrested one Wazid Hussein. Follow up lawful action is being taken. pic.twitter.com/9NWLw6XAKz — Himanta Biswa Sarma (@himantabiswa) December 11, 2021 మారడోనా మరణానంతరం ఆయనకు చెందిన వస్తువులు కొన్నింటిని దుబాయ్‌లోని ఓ ప్రైవేట్‌ కంపెనీ వేలంపాటలో చేజిక్కించుకుంది. ఆ కంపెనీకి సెక్యూరిటీ గార్డుగా పని చేస్తున్న వాజీద్‌ హుస్సేన్‌ అనే వ్యక్తి.. ఆ వాచీని దొంగిలించాడు. ఆపై తన తండ్రికి బాగోలేదని ఆగష్టులో భారత్‌(అస్సోం) వచ్చేశాడు. ఈ చోరీని సీరియస్‌గా తీసుకున్న దుబాయ్‌ పోలీసులు.. ఎట్టకేలకు అస్సోం పోలీసుల సహకారంతో నిందితుడిని అరెస్ట్‌ చేశారు. ఈ విషయాన్ని అస్సోం ముఖ్యమంత్రి హిమంత బిస్వా శర్మ, డీజీపీలు స్వయంగా ట్విటర్‌ ద్వారా వెల్లడించారు. A costly Hublot watch... Maradona... Dubai... Assam Police Looks like random words, don't they? But today all these words came together nicely, stating a story of successful International Cooperation between #DubaiPolice and @assampolice . pic.twitter.com/oMRYgpX3HH — DGP Assam (@DGPAssamPolice) December 11, 2021

Top 11 Players Who Wear Number 10 Jersey In Cricket: క్రీడల్లో నెంబర్‌ 10 జెర్సీకి ఎంతో ప్రాధాన్యత ఉంది. ఒక్క క్రికెట్‌లోనే కాదు.. ఫుట్‌బాల్‌లోనూ నెంబర్‌ 10 జెర్సీకి వేరే లెవెల్‌ క్రేజ్‌ ఉంది. ఫుట్‌బాల్‌ దిగ్గజాలుగా పేరు పొందిన పీలే, మారడోనా, జినదిన్‌ జిదానే, రొనాల్డీనో, డెల్పోరో, వెయిన్‌ రూనీ, మెస్సీ లాంటి స్టార్స్‌ ధరించే జెర్సీ నెంబర్‌ 10 కావడం విశేషం. ఆ జెర్సీ ధరిస్తే స్టార్‌ హోదా వస్తుందని చాలా మంది నమ్మకం. ఇక క్రికెట్‌లో నెంబర్‌ 10 జెర్సీ అనగానే ముందుగా గుర్తుకువచ్చేది టీమిండియా లెజెండరీ క్రికెటర్‌ సచిన్‌ టెండూల్కర్‌. తన కెరీర్‌లో ఎక్కువకాలం ఈ జెర్సీతోనే ఆడిన సచిన్‌ ఎన్నోమైలురాళ్లను అందుకున్నాడు. ఈ విధంగా క్రికెట్‌ చరిత్రలో 10వ నెంబర్‌ జెర్సీ ధరించిన కొందరి ఆటగాళ్ల గురించి తెలుసుకుందాం. - సాక్షి, వెబ్‌డెస్క్‌ సచిన్‌ టెండూల్కర్‌(టీమిండియా) టీమిండియా దిగ్గజం సచిన్‌ టెండూల్కర్‌ క్రికెట్‌లో అరంగేట్రం చేసిన మొదట్లో 99 జెర్సీతో బరిలోకి దిగాడు. ఆ తర్వాత 33 జెర్సీ నెంబర్‌తో ఆడాడు. ఇక చివరగా 10వ నెంబర్‌ జెర్సీతో రిటైర్మెంట్‌ వరకు ఆడిన సచిన్‌ ఎన్నో రికార్డులు, ఘనతలు సాధించాడు. క్రికెట్‌ చరిత్రలో వంద సెంచరీలు సాధించి చరిత్రలో నిలిచిపోయాడు. టెస్టు, వన్డే క్రికెట్‌లో అ‍త్యధిక పరుగులు సాధించిన ఆటగాడిగా రికార్డు సృష్టించాడు. చదవండి: Abu Dhabi T10 League: సెంచరీకి నాలుగు పరుగుల దూరంలో.. అయినా ఊచకోతే క్రెయిగ్‌ మెక్‌మిలన్‌(న్యూజిలాండ్) 1997-2007 కాలంలో న్యూజిలాండ్‌ జట్టుకు ప్రాతినిధ్యం వహించిన క్రెయిగ్‌ మెక్‌మిలన్‌ మంచి బ్యాటర్‌గా గుర్తింపు పొందాడు. తన 10 ఏళ్ల కెరీర్‌లో ఎక్కువశాతం 10వ నెంబర్‌ జెర్సీలోనే కనిపించాడు. న్యూజిలాండ్‌ తరపున 55 టెస్టుల్లో 3116 పరుగులు.. 197 వన్డేల్లో 4707 పరుగులు సాధించాడు. ఇక 8 టి20ల్లో ఆడిన మెక్‌మిలన్‌ 187 పరుగులు సాధించాడు. స్టువర్ట్‌ లా(ఆస్ట్రేలియా) 1994-95 మధ్య కాలంలో ఆసీస్‌ మాజీ కెప్టెన్‌ స్టీవ్‌ వా గాయంతో వెనుదిరిగిన సమయంలో అతని స్థానంలో టెస్టు జట్టులోకి వచ్చాడు స్టువర్ట్‌ లా. ఇదే అతను ఆడిన ఒకే ఒక్క టెస్టు మ్యాచ్‌. ఇక క్రికెట్‌ ఆడినంత కాలం తన కెరీర్‌లో 10వ నెంబర్‌ జెర్సీని ధరించాడు. ఆసీస్‌ తరపున 54 వన్డేల్లో 1237 పరుగులు.. ఒక్క టెస్టు మ్యాచ్‌లో 54 పరుగులు సాధించాడు.  చదవండి: Joshua da Silva Vs Dhananjaya de Silva: వార్నీ.. ప్రతీకారం ఇలా కూడా తీర్చుకుంటారా! అలెన్‌ డొనాల్డ్‌(దక్షిణాఫ్రికా) దక్షిణాఫ్రికా తరపున దిగ్గజ బౌలర్‌గా పేరు పొందిన అలెన్‌ డొనాల్డ్‌ జెర్సీ నెంబర్‌ 10. దక్షిణాఫ్రికా తరపున టెస్టుల్లో 300 వికెట్లు సాధించిన తొలి బౌలర్‌గా డొనాల్డ్‌ చరిత్ర సృష్టించాడు. ఒక ఓవరాల్‌గా 72 టెస్టులాడిన అలెన్‌ డొనాల్డ్‌ 330 వికెట్లతో సౌతాఫ్రికా తరపున టెస్టుల్లో అత్యధిక వికెట్లు తీసిన జాబితాలో నాలుగో స్థానంలో ఉన్నాడు. అంతేగాక 164 వన్డేల్లో 272 వికెట్లు తీసిన డొనాల్డ్‌ రిటైర్మెంట్‌ తర్వాత అంతర్జాతీయంగా కొన్ని దేశాలకు.. చాలా ప్రైవేట్‌ లీగ్‌ల్లో కోచ్‌గా వ్యవహరించాడు. షాహిద్‌ అఫ్రిది(పాకిస్తాన్‌) ఆసియా నుంచి చూస్తే క్రికెట్‌లో సచిన్‌ తర్వాత జెర్సీ నెంబర్ 10తో ఫేమస్‌ అయిన ఆటగాడు షాహిద్‌ అఫ్రిది మాత్రమే. పాకిస్తాన్‌ దిగ్గజ ఆల్‌రౌండర్‌గా పేరుపొందిన అఫ్రిది వ్యక్తిగత జీవితంలో వివాదాలకు కొదువ లేకపోయిన.. ఆటలో మాత్రం పలు రికార్డులను బద్దలుకొట్టాడు. వన్డే చరిత్రలో 37 బంతుల్లోనే సెంచరీ సాధించిన అఫ్రిది రికార్డు 17 ఏళ్ల పాటు చెక్కుచెదరలేదు. వన్డే చరిత్రలో అత్యధిక సిక్సర్లు కొట్టిన ఆటగాడిగా అఫ్రిది తొలి స్థానంలో ఉన్నాడు. ఇక పాకిస్తాన్‌ తరపున అఫ్రిది 398 వన్డేల్లో 8064 పరుగులు.. 395 వికెట్లు, 99 టి20ల్లో 1416 పరుగులు.. 98 వికెట్లు తీశాడు.  చదవండి: Steve Smith: 'ఇయాన్‌ చాపెల్‌ వ్యాఖ్యలను బాత్‌రూం అద్దానికి అంటించా' డారెన్‌ లీమన్‌(ఆస్ట్రేలియా) 1996లో ఆస్ట్రేలియా తరపున అరంగేట్రం చేసిన డారెన్‌ లీమన్‌ జట్టులో రెగ్యులర్‌ సభ్యుడిగా మారడానికి ఐదేళ్లు పట్టింది. లీమన్‌ 2004-05 కాలంలో 10వ నెంబర్‌ జెర్సీ ధరించి ఆడాడు. ఆస్ట్రలియా తరపున 117 వన్డేల్లో 3078 పరుగులు సాధించాడు. ఇక ఆటకు రిటైర్మెంట్‌ ప్రకటించిన తర్వాత  ఆస్ట్రేలియాకు ప్రధాన కోచ్‌గా సేవలందించిన లీమన్‌ 2017 బాల్‌టాంపరింగ్‌ ఉదంతం తర్వాత పదవి నుంచి వైదొలిగాడు. జెరెయింట్‌ జోన్స్‌(ఇంగ్లండ్‌) ఇంగ్లండ్‌ వికెట్‌ కీపర్‌గా 2004-06 మధ్య కాలంలో సేవలందించిన జెరెయింట్‌ జోన్స్‌ తన కెరీర్‌ మొత్తం జెర్సీ నెంబర్‌ 10నే ధరించాడు. ఈ కాలంలో అతను ఇంగ్లండ్‌ తరపున 51 వన్డేల్లో 862 పరుగులు.. 34 టెస్టుల్లో 1172 పరుగులు చేశాడు. పీటర్‌ సిడిల్‌(ఆస్ట్రేలియా) 2019లో ఆస్ట్రేలియా క్రికెట్‌కు గుడ్‌బై చెప్పిన పీటర్‌ సిడిల్‌ .. 2008 అరంగేట్రం నుంచి రిటైర్‌ అయ్యేవరకు జెర్సీ నెంబర్‌ 10తోనే ఆడాడు. ఆస్ట్రేలియా తరపున 67 టెస్టుల్లో 217 వికెట్లు.. 20 వన్డేల్లో 17 వికెట్లు తీశాడు. శార్దూల్‌ ఠాకూర్‌(టీమిండియా) టీమిండియా నుంచి సచిన్‌ తర్వాత శార్దూల్‌ మాత్రమే జెర్సీ నెంబర్‌ 10 ధరించాడు. అయితే సచిన్‌ కానుకగా ఉన్న ఆ జెర్సీని ధరించడంపై క్రికెట్‌ అభిమానులు ఆగ్రహం వ్యక్తం చేయడం సంచలనంగా మారడంతో బీసీసీఐ అనధికారికంగా ఆ జెర్సీ నెంబర్‌ను తొలగించింది. ప్రస్తుతం టీమిండియాకు ఆడుతున్న శార్దూల్‌ 4 టెస్టులు, 15 వన్డేలు, 24 టి 20లు ఆడాడు. డేవిడ్‌ మిల్లర్‌(దక్షిణాఫ్రికా) ప్రస్తుతం దక్షిణాఫ్రికాకు ఆడుతున్న మిల్లర్‌ కీలక బ్యాటర్‌గా మారాడు. అలెన్‌ డొనాల్డ్‌ తర్వాత జెర్సీ నెంబర్‌ 10 ధరించిన ఆటగాడిగా మిల్లర్‌ నిలిచాడు. విధ్వంసకర ఆటకు మారుపేరుగా ఉన్న మిల్లర్‌ దక్షిణాఫ్రికా తరపున 137 వన్డేలు.. 95 టి20లు ఆడాడు. చదవండి: Tim Paine scandal: క్రికెట్‌కు తప్పని రాసలీలల చెదలు.. సెక్స్‌ స్కాండల్‌లో నలిగిన ఆటగాళ్లు షాహిన్‌ అఫ్రిది(పాకిస్తాన్‌) దిగ్గజ ఆల్‌రౌండర్‌ షాహిద్‌ అఫ్రిది ధరించిన 10వ నెంబర్‌ జెర్సీని ధరించడం సంతోషంగా ఉందంటూ షాహిన్‌ అఫ్రిది ట్వీట్‌ చేయడం వైరల్‌గా మారింది. అయితే క్రికెట్‌లో అడుగుపెట్టిన మొదట్లో 40వ నెంబర్‌ జెర్సీతో బరిలోకి దిగిన షాహిన్‌ ఆ తర్వాత 10వ నెంబర్‌ జెర్సీతో బరిలోకి దిగి అద్భుతాలు సృష్టిస్తున్నాడు. ప్రస్తుతం అన్ని ఫార్మాట్లలో కీలకబౌలర్‌గా మారిన షాహిన్‌ టి20 ప్రపంచకప్‌లో పాకిస్తాన్‌ సెమీస్‌ చేరడంలో కీలకపాత్ర పోషించాడు.

Diego Maradona Rapes Me In Teenage Allegation By Cuban Woman.. డిగో మారడోనా.. దివంగత అర్జెంటీనా స్టార్‌ ఫుట్‌బాలర్‌. 1986 ఫుట్‌బాల్‌ వరల్డ్‌కప్‌ గెలవడంలో మారడోనా పాత్ర మరువలేనిది. ఆటలో ఘనమైన రికార్డులు కలిగి ఉన్న మారడోనా వ్యక్తిగత జీవితంలో మాత్రం ఎన్నో​ వివాదాల్లో చిక్కుకున్నారు. నిషేధిత డ్రగ్స్‌ వాడాడని నిరూపితం కావడంతో మారడోనాను కొన్నాళ్ల పాటు ఫుట్‌బాల్‌ నుంచి బహిష్కరించారు. గతేడాది నవంబర్‌ 25న మారడోనా శస్త్ర చికిత్స అనంతరం కన్నుమూశాడు. కాగా మారడోనా జీవితంపై తాజాగా 'డిగో మారగోనా' పేరుతో ఒక వెబ్‌సిరీస్‌ వచ్చిన సంగతి తెలిసిందే. ఇదిలా ఉంటే తాజాగా రెండు దశాబ్దాల క్రితం డిగో మారడోనా తనను అత్యాచారం చేశాడంటూ క్యూబన్ మహిళ మావిస్ అల్వారెజ్ ఆరోపించారు. తాను  యుక్తవయసులో ఉన్నప్పుడు తనపై అత్యాచారం చేశాడని 37 ఏళ్ల అల్వారెజ్ అనే మహిళ పేర్కొంది. ఈ వ్యవహారంపై బాధిత మహిళ వారిపై ఫిర్యాదు చేయలేదు. కానీ అర్జెంటీనాకు చెందిన ఓ స్వచ్ఛంద సంస్థ విచారణ చేపట్టింది. కాగా అల్వారెజ్ అర్జెంటీనా న్యాయ మంత్రిత్వ శాఖ కోర్టుకు గత వారం వాంగ్మూలం ఇచ్చింది. Photo Credit: Guardian ఆ వాంగ్మూలంలో .. ‘నేను టీనేజ్‌లో ఉండగా 2001లో మారడోనాను కలిశాను. అప్పుడు ఆయన డ్రగ్స్‌ వినియోగానికి సంబంధించి చికిత్స కోసం క్యూబాకు వచ్చాడు. ఆ సమయంలో నాపై ఓ సందర్భంలో అత్యాచారం చేశాడు. అప్పుడు మారడోనాతో నాలుగైదేళ్ల పాటు సన్నిహితంగా ఉన్నా. ఆ సమయంలో నన్ను చిత్ర హింసలకు గురిచేయడమే కాకుండా మాదక ద్రవ్యాలు తీసుకోవాలని బలవంతం చేశాడు. పలు సందర్భాల్లో భౌతిక దాడులు చేశాడు. దీంతో అమితంగా ఇష్టపడిన అతడిని ఆ తర్వాత  అసహ్యించుకున్నా’ అని ఆమె చెప్పుకొచ్చింది.  

బ్యూనెస్‌ ఎయిరెస్‌: 28 ఏళ్ల సుదీర్ఘ విరామం తర్వాత కోపా అమెరికా ఛాంపియన్‌గా అవతరించిన అర్జెంటీనా ఆనంద డోలికల్లో తేలియాడుతుంది. ఆ జట్టు టైటిల్‌ గెలిచాక తొలిసారి ఇన్‌స్టాగ్రామ్‌ వేదికగా స్పందించిన అర్జెంటీనా కెప్టెన్‌ లియోనల్‌ మెస్సీ.. ప్రతిష్టాత్మక టైటిల్‌ను దివంగత దిగ్గజ ఆటగాడు డీగో మారడోనా సహా కరోనా బాధిత కుటుంబాలకు అంకితమిచ్చాడు. అర్జెంటీనా జట్టు కోపా అమెరికా టైటిల్‌ గెలవాలని మారడోనా ఆకాంక్షించాడని, అతని కలను నా సారధ్యంలోని అర్జెంటీనా జట్టు సాకారారం చేయడం నా అదృష్టమని మెస్సీ పేర్కొన్నాడు. మారడోనా భౌతికంగా తమ మధ్య లేకపోయినా, అతని ఆత్మ జట్టును ప్రోత్సహిస్తూ ఉండిందని తెలిపాడు. మరోవైపు అభిమానులు విజయోత్సవాలను జరుపుకునే క్రమంలో జాగ్రత్తగా వ్యవహరించాలని, ఈ విజయంతో లభించిన సంతోషంతో బలం తెచ్చుకొని వైరస్‌పై కలిసికట్టుగా పోరాడుదామని ఆయన పిలుపునిచ్చాడు. తన జీవితంలో అన్నీ ఇచ్చిన దేవుడికి ధన్యవాదాలు, ముఖ్యంగా తనను అర్జెంటైన్‌గా పుట్టించినందుకు దేవుడికి కృతజ్ఞతలు అంటూ మెస్సీ భావోద్వేగపూరిత పోస్టు పెట్టాడు. ఇదిలా ఉంటే, ఆదివారం జరిగిన కోపా అమెరికా ఫైనల్‌ మ్యాచ్‌లో అర్జెంటీనా 1-0తో  బ్రెజిల్‌ను చిత్తు చేసింది. దీంతో ఆ దేశ ఆటగాళ్లు, అభిమానులు సంతోషంలో మునిగిపోయారు. ఇది మెస్సీ కెరీర్‌లో అతిపెద్ద అంతర్జాతీయ టోర్నీ విజయం కావడంతో అతని ఆనందానికి హద్దులు లేవు. ఈ నేపథ్యంలో ఇన్‌స్టాగ్రామ్‌ వేదికగా స్పందించిన మెస్సీ.. జట్టు విజయాన్ని కోవిడ్‌ బాధిత కుటుంబాలకు, అలాగే గతేడాది మరణించిన దిగ్గజ ఫుట్‌బాల్‌ ఆటగాడు డీగో మారడోనాకు అంకితమిస్తున్నట్లు చెప్పాడు. ఈ సందర్భంగా ఆయన తనకు మద్దతు తెలిపిన కుటుంబసభ్యులకు, స్నేహితులకు, 45 మిలియన్ల అర్జెంటీనా ప్రజలకు కృతజ్ఞతలు తెలిపాడు.

ప్రపంచంలోనే ఖరీదైన ఫుట్‌బాల్‌ ఆటగాడిగా లియోనెల్‌ మెస్సీ(34)కి ఘనత ఉంది. అయితే తాజాగా బార్సిలోనాతో అతని కాంట్రాక్ట్‌ ముగిసింది. దీంతో మెస్సీ పయనమెటు? గందరగోళంలో మెస్సీ? అనే శీర్షికలతో చర్చ మొదలైంది. ఈ నేపథ్యంలో చిన్న టీంల నుంచి చెత్త టీంల దాకా ప్రతీ ఒక్క క్లబ్‌లు మెస్సీకి బంపరాఫర్లు ప్రకటిస్తున్నాయి ఇప్పుడు.  లియోనెల్‌ మెస్సీ.. ఇప్పుడు ఫ్రీ ఏజెంట్‌. బార్సిలోనాతో నాలుగేళ్ల ఒప్పందం జూన్‌ 30 అర్థరాత్రితో ముగిసింది. దాదాపు 500 మిలియన్ల డాలర్ల ఒప్పందంగా.. ప్రపంచంలోనే కాస్ట్‌లీ ప్లేయర్‌ కాంట్రాక్ట్‌ల్లో ఒకటిగా నిలిచింది. ఎన్‌బీఎ, నేషనల్‌ ఫుట్‌బాల్‌ లీగ్‌, బేస్‌బాల్‌ లీగ్‌లోనూ ఏ ఆటగాడితో ఇంతటి కాస్ట్‌లీ కాంట్రాక్ట్‌లు జరగలేదు. ఇదిలా ఉంటే బ్రెజిల్‌ ఐబిస్‌ స్పోర్ట్‌ క్లబ్‌ నుంచి వచ్చిన మెస్సీకి ఆఫర్‌ గురించి పెద్ద ఎత్తున్న చర్చ నడుస్తోంది. É OFICIAL! 🚨 Hoje é o último dia do contrato de Messi com o Barcelona. A partir de amanhã ele já terá um novo clube. Assina, MESSI ✒️📄🤝@betsson_brasil #MessiNoÍbis pic.twitter.com/tJKMOrqnLD — Íbis Sport Club (@ibismania) June 30, 2021 ప్రపంచంలోనే చెత్త ఫుట్‌బాల్‌ టీంగా ఐబిస్‌ స్పోర్ట్‌ క్లబ్‌ పేరుంది. అంతేకాదు. డెబ్భై నుంచి ఎనభై దశకాల మధ్య దాదాపు నాలుగేళ్లపాటు ఒక్క గేమ్‌ కూడా గెల్వని రికార్డ్‌ ఈ క్లబ్‌ సొంతం. ఇక అలాంటి క్లబ్‌ మెస్సీకి కొన్ని షరతుల మీద ఒప్పంద పత్రాన్ని ప్రకటించింది. పదిహేనేళ్ల కాంటాక్ట్‌, అదీ మెరిట్‌ బేస్‌ మీద జీతం, గోల్స్‌ చేయకుంటే కాంట్రాక్ట్‌ రద్దు చేసి క్లబ్‌ నుంచి తొలగించడం, కాంటాక్ట్‌ రద్దైతే తర్వాత ఛాంపియన్‌ అనే ట్యాగ్‌ను తీసేయడం, పదో నెంబర్‌ జెర్సీ వేసుకోవద్దని.. అది తమ లెజెండ్‌ మారో షాంపూకి మాత్రమే సొంతమని , ఇక క్లబ్‌లో చేరే ముందు మారడోనా కంటే పీలే గొప్పోడని అద్దం ముందు మూడుసార్లు ప్రతిజ‍్క్ష చేయాలనే కండిషన్‌.. ఇలా చిత్రమైన ఒప్పందాలతో మెస్సీకి ఆహ్వానం ఆఫర్‌ ప్రకటించింది ఆ క్లబ్‌. దీంతో మండిపడుతున్నారు అతని ఫ్యాన్స్‌. ఇక మెస్సీ పీఆర్‌ టీం కూడా ఈ వ్యవహరంపై ఆగ్రహం వ్యక్తం చేసింది. అయితే  ఇలాంటి వ్యవహారాలను పట్టించుకునేంత తీరిక మెస్సీకి లేదని ప్రకటించింది.  ఇక ఈ ఫ్రీ ఏజెంట్‌ కోసం.. చిన్నచితకా క్లబ్‌లు సైతం పోటీ పడుతున్నాయి. మెస్సీ స్వస్థలం రోసారియో నుంచి నెవెల్స్‌ ఓల్డ్‌ బాయ్స్‌ క్లబ్‌ ఆసక్తి చూపిస్తోంది. సొంత జట్టుకు వచ్చేయమంటూ ట్విటర్‌ ద్వారా అతనికి ఆహ్వానం కూడా పలికింది. ఎస్టాడియో మార్సెలో బైస్లా స్టేడియం వద్ద మెస్సీ.. పేరుతో పెద్ద కట్‌ అవుట్‌లు(మ్యూరాల్స్‌) ఏర్పాటు చేయించింది కూడా. ఇక  తన కెరీర్‌ చివర్లో తాను సొంత గూటికే వెళ్తానని చాలాసార్లు మెస్సీ ప్రస్తావించిన విషయం తెలిసిందే. దీంతో ఆశలు పెట్టుకుంది ఓల్డ్‌ బాయ్స్‌. ఇక నెదర్లాండ్స్‌కు చెందిన వోలెన్‌డామ్‌ క్లబ్‌, రియల్‌ సాల్ట్‌ లేక్‌(అమెరికా) కూడా మెస్సీకి ఆహ్వానం పలకడం విశేషం. మరి మెస్సీ మనసులో..  సాధారణంగా బార్సిలోనా ఈ సాకర్‌ మాంత్రికుడి కాంట్రాక్ట్‌ రెన్యువల్‌కోసమే ప్రయత్నిస్తుంది. కానీ, 1 బిలియన్‌ డాలర్ల అప్పుల్లో క్లబ్‌ కూరుకుపోవడం, పైగా కరోనా దెబ్బకి ఆర్థికంగా కుదేలుకావడంతో కాంట్రాక్ట్ రెన్యువల్‌ అయ్యేనా? అనే అనుమానాలు ఉన్నాయి. అయితే క్లబ్‌ ప్రెసిడెంట్‌ జోవాన్‌ లపోర్టా స్పందించాడు. అతను మాతో ఉండాలనే మేం అనుకుంటున్నాం. అతనూ కోరుకుంటున్నాడు. అంతా సవ్యంగానే ఉందని వ్యాఖ్యానించాడాయన. మరి మెస్సీ మనసులో ఏముందో తెలియాలంటే కొన్నిరోజులు ఆగాల్సిందే. ⚽EL MURAL DEL 🔟 EN LA CIUDAD😍 👏Así va quedando el mural en homenaje a Lionel #Messi que se pinta en Buenos Aires y Azara, una de las esquinas del barrio natal de La Pulga en Rosario. La obra de arte será presentada este jueves 1 de julio. 📸Increíbles imágenes de @rosdrone pic.twitter.com/iY1VSy866X — Rosario3.com (@Rosariotres) June 30, 2021 చదవండి: యూరో 2020.. కరోనా అంటించుకున్న ఆ దేశ అభిమానులు

బ్వేనోస్ ఎయిరెస్: ఫుట్ బాల్ మాంత్రికుడు, అర్జెంటీనా దివంగత ఆటగాడు డీగో మారడోనాను డాక్టర్లే చంపారని ఆయనకు వైద్యం చేసిన నర్సు సంచలన ఆరోపణలు చేసింది. కేవలం వారి నిర్లక్ష్యం కారణంగానే మారడోనా మృతి చెందాడని, చివరి రోజుల్లో డాక్టర్లు అతన్ని అస్సలు పట్టించుకోలేదని మారడోనా అనుమానాస్పద మృతి కేసులో విచారణ ఎదుర్కొంటున్న దహియానా గిసెలా మాడ్రిడ్ అనే నర్సు పేర్కొంది. ఈ విషయాన్ని ఆమె తన లాయర్‌ ద్వారా వెల్లడించింది.  కేసు విచారణ సందర్భంగా ప్రాసిక్యూటర్ అడిగిన ప్రశ్నలకు నర్సు తరపు న్యాయవాది స్పందిస్తూ.. మారడోనా బ్రెయిన్ సర్జరీ నుంచి కోలుకున్నాక కూడా ఏ డాక్టరూ ఆయన ఆరోగ్య స్థితిని పరీక్షించలేదని తన క్లయింటు చెప్పినట్లు పేర్కొన్నాడు. హాస్పిటల్‌లో మారడోనా కింద పడిపోయినప్పుడు తన క్లయింట్‌ ఆయనకు వెంటనే సీఏటీ స్కాన్ చేయాలని చెప్పినప్పటికీ అక్కడే ఉన్న డాక్టర్ స్పందించలేదని,  ఈ విషయం మీడియాకు తెలిస్తే రచ్చ చేస్తారని సదరు డాక్టర్‌ తన క్లయింట్‌తో చెప్పినట్లు ఆయన పేర్కొన్నారు. ఏ డాక్టర్ కూడా మారడోనా మరణాన్ని ఆపలేకపోయారని, అయన చివరి రోజుల్లో తన క్లయింటే అతని బాగోగులు చూసుకున్నట్లు ఆయన వెల్లడించారు. కాగా, మారడోనా అనుమానాస్పద స్థితిలో మృతి చెందారని, అతని సంతానం​ ఇచ్చిన ఫిర్యాదు నేపథ్యంలో  మారడోనా వ్యక్తిగత వైద్యునితో సహా ఏడుగురిని ప్రాసిక్యూట్ చేస్తున్నారు. వారిలో మాడ్రిడ్ అనే నర్సు కూడా ఒకరు. మారడోనా గతేడాది నవంబరులో 60 ఏళ్ళ వయస్సులో గుండెపోటుతో ఆర్జెంటీనాలోని ఓ ప్రముఖ ఆసుపత్రిలో మృతి చెందారు. చదవండి: గ్రౌండ్‌లో కుప్ప‌కూలిన మరో స్టార్‌ ప్లేయర్‌..

బ్యూనస్‌ ఎయిర్స్‌ : దివంగత ఫుట్‌బాల్‌ దిగ్గజం డీగో మారడోనా జ్ఞాపకార్థం కరెన్సీపై అతని బొమ్మను ముద్రించేందుకు అర్జెంటీనాలో సన్నాహాలు జరుగుతున్నాయి. ‘లా పంపా’ ప్రావిన్స్‌ సెనెటర్‌ నార్మా డ్యూరాంగో ఈ మేరకు సోమవారం ప్రజాప్రతినిధుల సభ ‘కాంగ్రెస్‌’కు ఈ ప్రాజెక్ట్‌ ప్రతిపాదనను పంపించారు. 1000 పెసో నోటుపై ఒకవైపు మారడోనా చిత్రాన్ని, మరోవైపు ‘హ్యాండ్‌ ఆఫ్‌ గాడ్‌’ నమూనాను పొందుపరచనున్నట్లు ఆమె వెల్లడించారు. దీనిపై చట్టసభ సభ్యులదే తుది నిర్ణయమన్న ఆమె వచ్చే ఏడాది ప్రారంభంలో తన ప్రతిపాదనను వినిపిస్తానని చెప్పారు. ‘మన దిగ్గజాన్ని గౌరవించేందుకు మాత్రమే కాకుండా ఆర్థిక లావాదేవీల పరంగా ఆలోచించి ఈ నిర్ణయానికి వచ్చాం. ఇక్కడికి వచ్చిన పర్యాటకులు ‘మారడోనా’ను తమతో తీసుకెళ్లేందుకు ఇష్టపడతారని భావిస్తున్నా’ అని ఆమె పేర్కొన్నారు.

దిగ్గజ ఫుట్‌బాలర్‌ డీగో మారడోనాను స్మరిస్తూ మరో అర్జెంటీనా స్టార్‌ లియొనల్‌ మెస్సీ మైదానంలో చేసిన చర్య స్పానిష్‌ లీగ్‌ నిర్వాహకులకు ఆగ్రహం తెప్పించింది. ఆదివారం ఒసాసునాతో జరిగిన మ్యాచ్‌లో బార్సిలోనా తరఫున ఆడుతున్న మెస్సీ... గోల్‌ చేసిన సమయంలో తన జెర్సీని తొలగించి లోపల మారడోనా అర్జెంటీనా లీగ్‌ టీమ్‌ నెవెల్స్‌ ఓల్డ్‌ బాయ్స్‌కు ఆడిన సమయంలో వేసుకున్న జెర్సీని ప్రదర్శించాడు. అనంతరం ఆకాశం వైపు రెండు చేతులూ చాచి మారడోనాను స్మరించుకున్నాడు. ఇది నిబంధనలకు విరుద్ధమంటూ నిర్వాహకులు మెస్సీకి 600 యూరోలు (సుమారు రూ. 54 వేలు) జరిమానా విధించారు! 

బ్యూనస్‌ ఎయిర్‌(అర్జెంటీనా): ఫుట్‌బాల్‌ దిగ్గజం డీగో మారడోనా (60) మృతి నేపథ్యంలో ఆయన వ్యక్తిగత వైద్యుడు లియోపోల్డో ల్యూక్‌పై విచారణ చేపట్టారు. చికిత్స అందించడంలో ల్యూక్‌ నిర్లక్ష్యమే మారడోనా మరణానికి దారి తీసిందన్న సందేహాలు తలెత్తున్న క్రమంలో పోలీసులు దర్యాప్తు ప్రారంభించినట్లు స్థానిక మీడియా వెల్లడించింది. కాగా అద్భుతమైన ప్రదర్శనతో ప్రపంచ ఫుట్‌బాల్‌ చరిత్రలో ఆల్‌టైమ్‌ గ్రేట్‌గా నిలిచిన మారడోనా బుధవారం కన్నుమూసిన విషయం విదితమే. మెదడులో రక్తం గడ్డకట్టడంతో ఇటీవల శస్త్ర చికిత్స చేయించుకున్న ఆయన ఇటీవల ఆస్పత్రి నుంచి డిశ్చార్జ్‌ అయ్యారు. అప్పటి నుంచి టిగ్రీలోని నివాసంలో ఆయనకు చికిత్స అందిస్తుండగా, గుండెపోటుతో తుదిశ్వాస విడిచారు. (చదవండి: వేలానికి మారడోనా ‘హ్యాండ్‌ ఆఫ్‌ గాడ్‌’ జెర్సీ) ఈ నేపథ్యంలో తమ తండ్రి ఆకస్మిక మరణం పట్ల మారడోనా కుమార్తెలు దల్మా, గియానినా, జనా అనుమానాలు వ్యక్తం చేస్తున్నారు. ఆయన గుండె పనితీరును దృష్టిలో పెట్టుకుని, సరైన విధంగా చికిత్స అందించనందు వల్లే ప్రాణాలు కోల్పోయినట్లు భావిస్తున్నారని పోలీసు వర్గాల సమాచారం. ‘‘దర్యాప్తు కొనసాగుతోంది. ప్రత్యక్ష సాక్షులతో పాటు కుటుంబ సభ్యులందరితోనూ మాట్లాడుతున్నాం. అయితే ఇందుకు సంబంధించి ఎవరూ ఫిర్యాదు చేయలేదు. కానీ మారడోనా తన నివాసంలో కన్నుమూశారు. ఆయన మరణ ధ్రువీకరణ పత్రంపై ఎవరి సంతకం లేదు. అలా అని దీనిని అనుమానాస్పద మృతిగా భావించలేము. విచారణ చేపట్టడం మా బాధ్యత’’ అని అధికారులు పేర్కొన్నారు.(చదవండి: గుడ్‌బై మారడోనా) కాగా ఈ విషయంపై స్పందించేందుకు ల్యూక్‌ నిరాకరించారు. ఇక మారడోనా పరిస్థితి విషమించిన తరుణంలో అంబులెన్స్‌కు ఫోన్‌ చేయగా, సుమారు గంటన్నర తర్వాత అక్కడికి చేరుకుందని, అత్యవసర పరిస్థితుల్లో నిర్లక్ష్యంగా వ్యవహరించడం వెనుక కారణాలేమిటో కనిపెట్టాలని మారడోనా న్యాయవాది మైటాస్‌ మోర్లా డిమాండ్‌ చేశారు. అదే విధంగా మారడోనా మెడికల్‌ రికార్డ్స్‌, ఆయన ఇంటి సమీపంలో గల సెక్యూరిటీ కెమెరాలను పరిశీలిస్తున్నామని, ఆ టాక్సికోలాజికల్‌ నివేదిక వచ్చిన తర్వాత ఈ కేసును ముందుకు తీసుకువెళ్లే అంశాన్ని పరిశీలిస్తున్నట్లు పేర్కొన్నారు.  

లండన్‌: దివంగత అర్జెంటీనా ఫుట్‌బాల్‌ దిగ్గజం మారడోనా కెరీర్‌లో ‘హ్యాండ్‌ ఆఫ్‌ గాడ్‌’ గోల్‌ ఎంత ప్రసిద్ధికెక్కిందో ప్రత్యేకంగా చెప్పక్కర్లేదు. 1986 ప్రపంచకప్‌లో ఇంగ్లండ్‌తో క్వార్టర్‌ ఫైనల్‌ మ్యాచ్‌ సందర్భంగా మారడోనా చేసిన ఈ గోల్‌ ఫుట్‌బాల్‌ ప్రపంచంలో మరపురాని జ్ఞాపకంగా మిగిలిపోయింది. ఈ గోల్‌ మాత్రమే కాకుండా ఆ మ్యాచ్‌లో మారడోనా ధరించిన జెర్సీ, షూ పట్ల అందరికీ ప్రత్యేక ఆసక్తి. ఇప్పుడు ఆ జెర్సీ వేలానికి రానుంది. ఇంగ్లండ్‌ మాజీ ప్లేయర్‌ స్టీవ్‌ హోడ్జ్‌ దగ్గరున్న జెర్సీని వేలంలో 20 లక్షల డాలర్లకు (రూ. 14.79 కోట్లు) విక్రయించనున్నట్లు అమెరికా క్రీడా వస్తువుల సేకరణ నిపుణుడు డేవిడ్‌ అమర్మన్‌ తెలిపాడు. ‘హ్యాండ్‌ ఆఫ్‌ గాడ్‌ జెర్సీకి విలువ కట్టడం చాలా కష్టం. కానీ దాని యజమాని వేలంలో 20 లక్షల డాలర్లు ఆశిస్తున్నారు. ధర ఎక్కువే. కానీ అధిక సంపద ఉన్న వ్యక్తి ఆ జెర్సీని ఎందుకు వద్దనుకుంటారు. ఇది అమ్ముడయ్యే అవకాశం ఉంది’ అని డేవిడ్‌ అన్నారు. మారడోనా మరణానంతరం ఈ జెర్సీని ప్రస్తుతం మాంచెస్టర్‌లోని ఇంగ్లండ్‌ జాతీయ ఫుట్‌బాల్‌ మ్యూజియంలో ప్రజల సందర్శన కోసం ఉంచారు.

లండన్‌ : అర్జెంటీనా ఫుట్‌బాల్‌ దిగ్గజం.. సాకర్‌ స్టార్‌ ప్లేయర్‌ డీగో మారడోనా ఈ బుధవారం గుండెపోటుతో మృతి చెందిన సంగతి తెలిసిందే. అర్జెంటీనా దేశం మాత్రమే గాక యావత్‌ ప్రపంచ ఫుట్‌బాల్‌ అభిమానులు మారడోనా లేడన్న వార్తను జీర్ణించుకోలేకపోయారు. మారడోనాను కడసారి చూసుకోవాలని ఫుట్‌బాల్‌ అభిమానులు తరలివచ్చారు.. అతని పార్థివ దేహాన్ని చూసి కన్నీటిపర్యంతమయ్యారు. ఈ సందర్భంగా అభిమాన ఆటగాడు దూరమయ్యాడని బాధపడుతున్న అభిమానులకు మారడోనా జెర్సీని దక్కించుకునే అవకాశం కలిగింది‌. 1986 ఫుట్‌బాల్‌ ప్రపంచకప్‌లో ఇంగ్లండ్‌తో జరిగిన క్వార్టర్‌ ఫైనల్‌ మ్యాచ్‌లో మారడోనా ధరించిన జెర్సీ వేలం వేయనున్నారు.  అసలు విషయంలోకి వెళితే.. 1986 ప్రపంచకప్‌ ఫుట్‌బాల్‌లో ఇంగ్లండ్‌తో జరిగిన మ్యాచ్‌లో మారడోనా చేసిన ఒక గోల్‌ వివాదాస్పదంగా మారింది. చేత్తో ఫుట్‌బాల్‌ను గోల్‌పోస్ట్‌లోకి పంపించినట్లు అప్పటి ఇంగ్లండ్‌ ఆటగాళ్లు మ్యాచ్‌ రిఫరీ వద్ద ఆరోపించారు. కానీ రిఫరీ ఎలాంటి చర్య తీసుకోలేదు.  మ్యాచ్‌ ముగిసిన తర్వాత మారడోనా చేసిన ఆ గోల్‌ను 'హ్యాండ్‌ ఆఫ్‌ గాడ్'(దేవుడిచ్చిన చేయి)‌గా అభివర్ణించారు. ఆ తర్వాత తాను చేత్తోనే బంతిని గోల్‌పోస్ట్‌లోకి పంపినట్లు మారడోనా ఒక ఇంటర్య్వూలో చెప్పుకొచ్చాడు. ప్రస్తుతం ఆ మ్యాచ్‌లో మారడోనా ధరించిన జెర్సీ మాంచెస్టర్‌లోని ఇంగ్లండ్‌ నేషనల్‌ ఫుట్‌బాల్‌ మ్యూజియంలో ఉంచారు. వాస్తవానికి మ్యాచ్‌ ముగిసిన తర్వాత  మారడోనా, ఇంగ్లండ్‌ ఫుట్‌బాలర్‌ స్టీవ్‌ హడ్జ్‌ సరదాగా తమ జెర్సీలను మార్చుకున్నారు. అప్పటినుంచి మారడోనా జెర్సీ హడ్జ్‌ వద్దే ఉండిపోయింది. (చదవండి : గుడ్‌బై మారడోనా) తాజాగా మారడోనా అస్తమయం తర్వాత అతను ధరించిన జెర్సీని వేలం వేయాలని నిర్ణయించారు. ఇందుకోసం  2 మిలియన్‌ డాలర్లగా కనీస ధరగా నిర్ణయించింది. అయితే మారడోనా జెర్సీని వేలం వేయడంపై అతని అభిమానులు ఆగ్రహం వ్యక్తం చేస్తున్నారు. ఫుట్‌బాల్‌ చరిత్రలో అర్జెంటీనాను విశ్వవిజేతగా నిలిపిన ఒక దిగ్గజానికి ఇలాగేనా గౌరవం ఇచ్చేది అంటూ మండిపడుతున్నారు. ఒకవేళ జెర్సీ వేలంలోకి వచ్చినా ఇంకా ఎక్కువ ధరకు అమ్ముడయ్యే అవకాశం ఉంటుంది. అయినా ఫుట్‌బాల్‌కు మారడోనా చేసిన సేవలు వెలకట్టలేనిదంటూ అభిమానులు పేర్కొన్నారు. (చదవండి : మరో ప్రపంచానికి మారడోనా) ఫుట్‌బాల్‌ ప్రపంచంలో ఎన్నో అరుదైన, లెక్కలేనన్ని ఘనతలు సొంతం చేసుకున్న డీగో... నాలుగు ప్రపంచకప్‌లు ఆడి 1986లో తమ జట్టును విశ్వవిజేతగా నిలిపాడు. 1990లో అతని సారథ్యంలోనే అర్జెంటీనా రన్నరప్‌గా నిలిచింది. చనిపోయే సమయానికి మారడోనా అర్జెంటీనా ప్రీమియర్‌ డివిజన్‌ క్లబ్‌ జిమ్నాసియా (సీజీఈ)కి కోచ్‌గా వ్యవహరిస్తున్నాడు. కెరీర్‌ చివర్లో వచ్చిన వివాదాలతో అప్పటి వరకు సాధించిన ఘనతలపై నీలి నీడలు కమ్ముకున్నా... మైదానంలో అతని మంత్రముగ్ధమైన ఆటను చూసినవారెవరూ మారడోనాను మరచిపోలేరు. ‘గోల్డెన్‌ బాయ్‌’గా మారడోనా సాధించిన ఖ్యాతి అజరామరం. 

మారడోనా... నీవిక రావని, ఇకపై లేవనే చేదు నిజాన్ని జీర్ణించుకోలేమంటూ దివికెగిన సాకర్‌స్టార్‌కు ఫుట్‌బాల్‌ ప్రపంచం, జనవాహిని, అభిమానులు తుదివీడ్కోలు పలికారు. ముఖ్యంగా అర్జెంటీనా అంతటా విషాదం అలుముకుంది. అభిమానజనం దుఃఖాన్ని ఆపుకోలేకపోయింది. పూల చేతితో, కన్నీటి కళ్లతో నివాళి అర్పించింది.   బ్యూనస్‌ ఎయిర్స్‌ (అర్జెంటీనా): సాకర్‌ లోకం కన్నీటి సంద్రమైంది. యావత్‌ అర్జెంటీనా విలపించింది. అభిమాన హీరో ఇక లేడనే వార్తని జీర్ణించుకోలేకపోయింది. గుండెపోటుతో బుధవారం మృతి చెందిన డీగో మారడోనాను కడసారి చూసిన కనులన్నీ నీళ్లతో నిండిపోయాయి. అంతిమ వీడ్కోలు పలికే చేతులు అచేతనమయ్యాయి. బరువెక్కిన హృదయాలు, బాధాతప్త మనసులు మౌనంగానే రోదిస్తే... నిలువెత్తు అభిమానం నింపుకున్న జనం బోరుమంది. ఆఖరిసారి దిగ్గజాన్ని చూసుకోవాలని పోటీపడిన అభిమానులతో పరిస్థితి కూడా మారిపోయింది. వెంటనే పరిస్థితి చేజారకుండా స్థానిక పోలీసులు, భద్రతా సిబ్బంది లాఠీచార్జి చేశారు. అయిన ఆ లాఠీల దెబ్బలు, పోలీసు జాగిలాల దాడులు అభిమాన లోకాన్ని ఏమాత్రం నియంత్రించలేకపోయాయి. గురువారం ఉదయమే సాధారణ జనానికి నివాళి అర్పించేందుకు అర్జెంటీనా అధ్యక్ష నివాసంలో ఏర్పాటు చేశారు. కానీ రాత్రి నుంచే ‘కరోనా కాలాన్ని’ లెక్కచేయని అభిమానులు వేలసంఖ్యలో వరుస కట్టారు. అనంతరం లాంఛనాలతో అతనికి అంతిమ సంస్కారాలు పూర్తిచేశారు. అభిమానం... ఆగ్రహం వేల సంఖ్యలో గుమిగూడిన అభిమానులు, ప్రజలు తమ దేశానికి ప్రపంచకప్‌ అందించిన దిగ్గజాన్ని ఆఖరిసారిగా చూసేందుకు క్యూ కట్టేందుకు ఎగబడ్డారు. వీరిని నియంత్రించడం బాడీగార్డులు, భద్రతా సిబ్బంది తరం కాలేకపోయింది. అనుమతించడం లేదంటూ ఊగిపోయిన జనాలు ఒక్కసారిగా సహనం కోల్పోయారు. చేతిలో ఉన్న వాటర్‌ బాటిళ్లు, శ్రద్ధాంజలి ఘటించేందుకు తెచ్చిన పూల బొకేలతో పోలీసులపై విసిరికొట్టారు. దీంతో విషాదంతో బరువెక్కిన అక్కడి వాతావరణం ఒక్కసారిగా వేడెక్కింది.   అది... ఇప్పుడు మారడోనా స్టేడియం ఇటలీలోని సాన్‌ పాలో స్టేడియం ఇకపై మారడోనా స్టేడియంగా మారుతోంది. నేపుల్స్‌ నగరం మేయర్‌ లూగి డి మాగిస్ట్రిస్‌ ఈ విషయాన్ని వెల్లడించారు. నేపుల్స్‌లో ఉన్న ఈ మైదానంలో మారడోనా నేతృత్వంలోని నపోలి జట్టు ఇటాలియన్‌ ఫుట్‌బాల్‌ లీగ్‌ (సెరియా ‘ఎ’)లో రెండు సార్లు (1987, 1990) విజేతగా నిలిచింది. ఆ తర్వాత మళ్లీ ఎప్పుడూ నపోలి క్లబ్‌ విజేతగా నిలువలేదు. అందుకే అతని సారథ్య విజయానికి ఈ స్టేడియాన్ని అంకితమిస్తున్నట్లు మేయర్‌ మాగిస్ట్రిస్‌ ప్రకటించారు. దీనికి సంబంధించిన పేరు మార్పు ప్రక్రియను వెంటనే ప్రారంభించినట్లు చెప్పారు. ఫుట్‌బాల్‌ను కట్‌ చేయను గ్రేటెస్ట్‌ సాకర్‌ మాంత్రికుడు డీగో మారడోనా ఆట తనకెంత ప్రాణప్రదమో మైదానంలో చేతల్లో చూపినట్లే... వెలుపల చేష్టల్లోనూ చూపాడు. కేక్‌పై ఫుట్‌బాల్‌ లోగోను కోయనంటే కోయనని చెప్పాడు. ఈ విషయాన్ని భారత దిగ్గజ ఫుట్‌బాలర్‌ ఎం. విజయన్‌ తాజాగా వివరించారు. 2012లో భారత్‌కు విచ్చేసిన డీగో కోసం కన్నుర్‌లో ఓ కార్యక్రమం ఏర్పాటు చేశారు. ఈ సందర్భంగా అక్కడ స్టేడియం ఆకారంలో కేక్‌ను తయారు చేశారు. దానిపై ఫుట్‌బాల్‌ లోగోను తీర్చిదిద్దారు. మారడోనాను కట్‌ చేయమంటే తిరస్కరించాడు. తను ప్రేమించే సాకర్‌ బంతిని కోయనన్నాడు. ఫుట్‌బాల్‌ భాగాన్ని కాకుండా మిగత  కేక్‌ కోసి ఆటపై తనకున్న మమకారాన్ని గుర్తుచేశాడని విజయన్‌ చెప్పారు. ‘నిస్సందేహంగా మారడోనా దేవుడు. దేవుడికి మరణం లేదు. సాకర్‌ ఆరాధించే గుండెల్లో అతను చిరస్థాయిగా ఉంటాడు’ అని విజయ్‌ నివాళులు అర్పించాడు. అర్జెంటీనా జెండా... జెర్సీ జననివాళికి ముందుగా మారడోనా పార్థివ దేహాన్ని కేవలం కుటుంబసభ్యుల సమక్షంలో ఏకాంతంగా ఉంచారు. వారంతా కన్నీటి నివాళులు అర్పించేందుకు అధికారులు ఏర్పాటు చేశారు. అతని శవపేటికపై జాతీయ పతాకాన్ని కప్పారు. దానిపైనే అతను బరిలోకి దిగిన 10 నంబర్‌ జెర్సీని ఉంచారు. అందరికంటే ముందుగా డీగో కుమార్తె తన తండ్రికి ఘనంగా నివాళులు అర్పించింది. తర్వాత కుటుంబసభ్యులు ఒక్కొక్కరుగా తమ తుది వీడ్కోలు పలికారు. ఆ తర్వాత 1986 ప్రపంచకప్‌ విజేత సభ్యులు, అర్జెంటీనా ఫుట్‌బాలర్లు, బోకా జూనియర్స్‌ ఆటగాళ్లు తమ ఆత్మీయ సూపర్‌ హీరోను కడసారి చూసుకున్నారు.  

అర్జెంటీనా మురికివాడలోని నిరుపేద కుటుంబంలో పుట్టిన అతి సామాన్యుడు అనన్య సామాన్యుడిగా ఎదగడం... పసి ప్రాయంలోనే తాను మనసు పారేసుకున్న సాకర్‌ క్రీడకు తన సర్వసాన్నీ అంకితం చేసి ఆ రంగంలో ఆకాశపుటంచుల్ని తాకడం ఊహించలేం. రెప్పపాటులో చేసిన ఒకే ఒక్క గోల్‌తో ప్రపంచవ్యాప్తంగా కోట్లాదిమందిని మంత్రముగ్ధుల్ని చేసి, వారి హృద యాల్లో సుస్థిర స్థానం సంపాదించుకోవటం నమ్మశక్యం అనిపించదు. కానీ బుధవారం కన్ను మూసిన సాకర్‌ దిగ్గజం డీగో మారడోనా తన జీవితకాలంలో అన్నీ చేసి చూపాడు.  నాలుగేళ్ల కొకసారి వచ్చే సాకర్‌ సంగ్రామం కోసం ప్రపంచం మొత్తం ఉత్కంఠతో ఎదురుచూస్తుంది. ఆ రంగంలో మారడోనాకు ముందు, తర్వాత దిగ్గజాలనిపించుకున్న క్రీడాకారులు చాలామందే వచ్చారు. వారు కూడా చెరగని ముద్రేశారు. పీలే, లియోనల్‌ మెసీ, పీటర్‌ షిల్టన్, గెర్డ్‌ ముల్లర్, జస్ట్‌ ఫాంటెయిన్, గెర్డ్‌ ముల్లర్, జిదాన్‌... ఇలా ఎందరెందరో తమ తమ జట్టుల్ని గెలిపించడంలో, మంచి ఆటతో మెరిపించడంలో, స్టేడియంలోని ప్రేక్షకుల్ని సమ్మోహితుల్ని చేయడంలో సిద్ధహస్తులే. కానీ వీరెవరిలోనూ లేని మార్మికత ఏదో మారడోనాలో దాగుంది. అందుకే ప్రపంచం అతని ప్రతిభకు మోకరిల్లింది. మురికివాడలో చిల్లులుపడిన ఇరుకిరుకు రేకుల షెడ్‌లాంటి కొంపలో ఎనిమిదిమంది సంతానం వున్న ఒక నిరుపేద కుటుంబంలో పుట్టినవాడు ఒకనాడు సాకర్‌ సామ్రాజ్యాన్ని ఏలుతాడని ఎవరూ అనుకోలేదు.  అసలు అతగాడి ఆటను గుర్తించిన ఘనులెవ్వరూ లేరు. తమలో ఒకడిగా వున్నవాడి చతురతను ముందుగా సామాన్యులే కనిపెట్టారు. తాను పుట్టిన బ్యూనస్‌ ఎయిర్స్‌లో ఎక్కడ ఫుట్‌ బాల్‌ మ్యాచ్‌ జరిగితే అక్కడల్లా ప్రత్యక్షమై దాని వెలుపల విన్యాసాలు చేసే ఏడెనిమిదేళ్ల మారడోనాలో మొదటగా భవిష్యత్తు దిగ్గజాన్ని దర్శించినవారు సాధారణ ప్రేక్షకులే. మ్యాచ్‌ జరిగే ప్రతిచోటా గ్రౌండ్‌ వెలుపల బంతిని కిందపడనీయకుండా కాలితో విన్యాసాలు చేసే కుర్ర మారడోనా వారికి ప్రత్యేక ఆకర్షణ. స్టేడియంలో ఆట విసుగు పుట్టించినప్పుడు బయటికొచ్చి మారడోనా చుట్టూ చేరడం వారికి అలవాటైంది. అది కాస్తా అతనిపై ప్రేమగా మారింది.  ఆ తర్వాత వారే ఫుట్‌బాల్‌ నిర్వాహకులపై ఒత్తిళ్లు తెచ్చారు. ఎంతసేపూ స్టేడియంలోనేనా...దాని వెలుపల ప్రతిభావంతులు మీకు కనబడరా? అంటూ నిలదీశారు. అలా స్టేడియంలోకి అడుగుపెట్టినవాడు మారడోనా. ఆ తర్వాత అతను ఆడే లిటిల్‌ ఆనియన్స్‌ టీం పేరు మార్మోగింది. అతగాడు కొట్టే ప్రతి షాటూ గోల్‌ అవుతుంటే అందరూ బిత్తరపోయి చూసేవారు. ఆ టీం వరసగా 140 మ్యాచ్‌లు గెలుచుకుని చరిత్ర సృష్టిస్తే అందుకు ఏకైక కారణం మారడోనాయే కావడం యాదృచ్ఛికం కాదు.    మెక్సికోలో 1986లో జరిగిన ప్రపంచ కప్‌ సాకర్‌లో ఇంగ్లండ్‌ టీంపై వేసిన రెండో గోల్‌తో ఆ టీంను మట్టికరిపించడమే కాదు... ప్రపంచం మొత్తాన్ని పాదాక్రాంతం చేసుకున్న మారడోనాకు రాజకీయంగా కొన్ని దృఢమైన విశ్వాసాలున్నాయి. నిజానికి అలాంటి విశ్వాసమే ఆనాడు తనతో గోల్‌ చేయించిందని ఒక సందర్భంలో మారడోనా చెప్పాడు. ప్రపంచ కప్‌ సాకర్‌కు సరిగ్గా నాలుగేళ్ల ముందు తమ ఫాక్‌లాండ్‌ దీవుల్ని బ్రిటన్‌ దురాక్రమించిన వైనాన్ని, ఆ దీవుల్ని వల్లకాడుగా మార్చిన వైనాన్ని మారడోనా మరిచిపోలేదు. ఇంగ్లండ్‌ టీంపై ఆడేటపుడు ఆ యుద్ధం తాలూకు చేదు అనుభవాలను గుర్తుకు తెచ్చుకోవద్దని, ఆటను ఆటలాగే చూసి గెలిచినా, ఓడినా హుందాగా వుండాలని అర్జెంటీనా సాకర్‌ బాధ్యులు తమ క్రీడాకారులకు నూరిపోశారు.  యుద్ధం చేసింది బ్రిటన్‌ సైనికులే తప్ప, అక్కడి ఆటగాళ్లు కాదని కూడా చెప్పారు. కానీ మారడోనా అంతరాంతరాల్లో అది సరికాదనిపించింది. ‘మైదానంలో ఆడేటపుడు నేను ఒక దేశాన్ని జయించాలనుకున్నాను తప్ప, ఫుట్‌బాల్‌ టీంని కాదు. అందుకే ప్రతీకారేచ్ఛతో ఆడాను. గెలుపు సొంతం చేసుకున్నాను’ అని అనంతరకాలంలో మారడోనా అన్నాడు. అప్పటికల్లా అతను ఇంగ్లండ్‌ సాకర్‌ ప్రేమికుల హృద యాల్లో సుస్థిరస్థానం సంపాదించుకున్నాడు. అందుకే తమ దేశం గురించి కటువుగా వ్యాఖ్యా నించిన మారడోనాను వారు పల్లెత్తు మాట అనలేదు. ఆనాటి మ్యాచ్‌లో ‘హ్యాండ్‌ ఆఫ్‌ గాడ్‌’గా నిచిపోయిన గోల్‌ విషయంలో అది ఫుట్‌బాల్‌ క్రీడా చరిత్రలోనే పెద్ద మోసంగా ఒక సర్వేలో ఓటేసిన ఇంగ్లండ్‌ జనమే... మారడోనా వేసిన ఆ రెండో గోల్‌ సాకర్‌ చరిత్రలో అతి విశిష్టమైనదని తీర్పునిచ్చారు.  ఆ రెండు గోల్స్‌ బ్యాంక్‌ ఆఫ్‌ ఇంగ్లండ్‌ ద్రవ్య విధానానికి దారి చూపించాయని ఆ బ్యాంక్‌ చైర్మన్‌ మెర్విన్‌ కింగ్‌ చెప్పారంటే మారడోనా ఎంతటి ఆటగాడో అర్థమవుతుంది.  విప్లవ కారుడు చేగువేరాను పచ్చబొట్టుగా చేసుకున్నా... అమెరికా సామ్రాజ్యవాదానికి ఆజన్మాంతం సవా లుగా నిలిచిన క్యూబా అధినేత ఫైడల్‌ కాస్ట్రోను గుండె నిండా శ్వాసించినా అందుకు మారడోనా లోని సోషలిస్టు భావజాలమే కారణం. లక్షల డాలర్లు ముంచెత్తినా అతనిలోని అతి సామాన్యుడు కనుమరుగుకాలేదు. తొలినాటి వినమ్రత చెక్కుచెదరలేదు.    ఏ ఆరంభానికైనా ముగింపు తప్పదు. కానీ క్రీడాకారుడిగా మారడోనా ముగింపు ఎవరూ ఊహించనిది. ఆ విశిష్ట క్రీడాకారుడు ఎక్కడో మాదకద్రవ్యాల అగాధాల్లోకి జారిపోయాడు. పిచ్‌పై అరివీర భయంకరంగా ఆడి ప్రత్యర్థుల్ని హడలెత్తించినవాడే, పిచ్‌ వెలుపల మాయదారి కొకైన్‌కు లొంగిపోయాడు. ఇరవయ్యో యేట దాపురించిన ఆ అలవాటు ఇరౖÐð  ఏళ్లపాటు మారడోనాను పీడించింది. రెండుసార్లు శస్త్ర చికిత్సలు అవసరమయ్యాయి. అనంతరకాలంలో ఫుట్‌బాల్‌ కోచ్‌గా, మేనేజర్‌గా వ్యవహరించినా మునుపటి మెరుపులు కనుమరుగయ్యాయి. వ్యాధులు చుట్టు ముట్టాయి. ఆరుపదులు దాటకుండానే అవి పొట్టనబెట్టుకున్నాయి. అయితే మెస్సీ అన్నట్టు ‘అతను మనల్ని వదిలివెళ్లాడన్న మాటేగానీ... ఎప్పటికీ మనలోనే వున్నాడు. ఉంటాడు’.

బ్యూనస్‌ ఎయిర్స్‌ (అర్జెంటీనా): ప్రపంచ ఫుట్‌బాల్‌ చరిత్రలో ఆల్‌టైమ్‌ గ్రేట్‌గా నిలిచిన అర్జెంటీనా దిగ్గజం డీగో మారడోనా (60) బుధవారం గుండెపోటుతో కన్నుమూశాడు. కొంత కాలంగా అతను అనారోగ్యంతో బాధపడుతున్న మారడోనా తుది శ్వాస విడిచాడు. దిగ్గజ ఫుట్‌బాల్‌ ఆటగాడిగా పేరుగాంచిన మారడోనా ఎప్పుడూ మత్తులోనే తేలేవాడు. (మరో ప్రపంచానికి మారడోనా) ఇందులో మొదటిది ఫుట్‌బాల్‌ ప్రపంచానికి రారాజును చేస్తే... రెండోది అతని వృత్తి (కెరీర్‌), వ్యక్తిగత జీవితాన్ని దిగజార్చింది. మ్యాచ్‌లో గోల్స్‌... జీవితానికి సరిపడా (సెల్ఫ్‌ గోల్స్‌) మరకలు అంటించుకున్నాడు. ఆట ఆరంభించినట్లుగానే మాదకద్రవ్యాలను స్వీకరించడం మొదలుపెట్టాడు. కెరీర్‌ తొలినాళ్లలోనే డ్రగ్స్‌ తీసుకున్నాడు. తర్వాత్తర్వాత అలవాటు చేసుకున్నాడు. అటుమీదట మత్తువీడని వ్యసనపరుడిగా మారిపోయాడు. రెండేళ్లలోనే ఈ మత్తు కోసమే నపోలికి వెళ్లాడు. అక్కడే కొమొర్రా మాఫియాతో సంబంధాలు పెట్టుకున్నాడు. ఫుట్‌బాల్‌పై మారడోనా పట్టుసాధిస్తే... అతనిపై మత్తు పైచేయి సాధించింది. తదనంతరం అతని ఆరోగ్యం దెబ్బతింది.   1982లో తొలిసారి డ్రగ్స్‌ తీసుకున్నాడు.    రెండేళ్లలోనే (1984) ఆ డ్రగ్స్‌ అతన్ని తన చేతుల్లోకి తీసుకుంది.   తర్వాత రెండు దశాబ్దాలపైగానే మారడోనతో సావాసం చేసింది.   1991లో కొకైన్‌ తీసుకున్నట్లు తేలడంతో 15 నెలల నిషేధం.   అదే ఏడాది బ్యూనస్‌ఎయిర్స్‌లో ఏకంగా అరకేజీ కొకైన్‌తో అరెస్ట్‌   ఈసారి 14 నెలల నిషేధం.   1994 జట్టులోకి తిరిగొచ్చాడు. గ్రీస్‌పై చేసిన గోల్‌తో సాకర్‌ మాంత్రికుడయ్యాడు.    మళ్లీ మత్తు చిత్తు చేసింది. 15 నెలలు వేటు పడింది. దీంతోనే అతని అంతర్జాతీయ కెరీర్‌ ముగిసింది.   1995లో బోకా జూనియర్స్‌ క్లబ్‌ పంచన చేరినా అక్కడా డ్రగ్స్‌ వీడలేదు.   ఈ ఆరేళ్లలోనే మూడుసార్లు నిషేధానికి గురవడంతో క్లబ్‌ ఆటకు తెరపడింది.   ఆ మరుసటి ఏడాదే (1996) ‘ఔను... నేనొక వ్యసనపరుడి’నని స్వయంగా ప్రకటించాడు.   2000 ఏడాది మితిమీరిన మత్తువాడకం (ఓవర్‌ డోస్‌) ఆస్పత్రిపాలు చేసింది.   2004లో గుండెపోటు.   2005లో గ్యా్రస్టిక్‌ బైపాస్‌ సర్జరీ. 2007లో హెపటైటిస్‌.   మొత్తానికి మత్తువీడాడు. కానీ మద్యానికి అలవాటుపడ్డాడు.    సాకర్‌ మేధావి... నీకిదే మా నివాళి..  ‘నా హీరో, మేధావి ఇక లేడు. మారడోనా కోసమే నేను ఫుట్‌బాల్‌ చూసేవాణ్ని. అతని మరణవార్త నన్ను బాధించింది’  –బీసీసీఐ చీఫ్, మాజీ కెప్టెన్‌ గంగూలీ  ‘డీగో ఫుట్‌బాల్‌ దేవుడు. అతని ఆత్మకు శాంతి చేకూరాలి’  –భారత దిగ్గజ ఫుట్‌బాలర్‌ ఎం.విజయన్‌  ‘ఫుట్‌బాలే కాదు... యావత్‌ క్రీడా ప్రపంచమే ఓ అత్యుత్తమ ఆటగాడిని కోల్పోయింది. మేమంతా నిన్ను మిస్సవుతున్నాం మారడోనా’  – సచిన్‌ టెండూల్కర్‌  ‘సాకర్‌లో మేటి ఆటగాడు డీగో. తను ఇక లేడనే వార్త క్రీడాప్రపంచానికి బాధకరమైంది. తన కుటుంబసభ్యులు,  శ్రేయోభిలాషులు, అభిమానులకు నా ప్రగాఢసానుభూతి’  – వీవీఎస్‌ లక్ష్మణ్‌  ‘నిస్సందేహంగా డీగో ఆల్‌టైమ్‌ దిగ్గజం. ఈ వార్త నన్ను దిగ్భ్రాంతి పరిచింది. భారమైన హృదయంతో నివాళి.’  –మాజీ క్రికెటర్‌ సెహ్వాగ్‌

దేవుడే నా చేతితో గోల్‌ చేయించాడు అని మారడోనా చెబితే ప్రపంచమంతా నమ్మిందే తప్ప అనుమానించలేదు. 17 ఏళ్ల పాటు కోట్లాది అభిమానులకు ఫుట్‌బాల్‌ అంటే డీగోనే... మరో పేరు గురించి ఆలోచించాల్సిన అవసరం కూడా లేకుండా అతను ఫుట్‌బాల్‌ను పరుగెత్తించాడు. అతను ఆడిందే ఆట... ఆడకపోయినా వార్త... ‘గోల్‌ ఆఫ్‌ ద సెంచరీ’ చేసినా అతనే... గ్రేటెస్ట్‌ ఆఫ్‌ ఆల్‌టైమ్‌ అతనే... మారడోనా గొప్పతనం చెప్పేందుకు మాటలు అవసరం లేదు... అలా నడుస్తూ, పరుగెత్తుతూ కూడా అలవాటుగా కాలును గాల్లో ఆడించే అందరిలో మారడోనానే కనిపిస్తాడు. ఆటకు, ఆటను పిచ్చిగా ప్రేమించేవారికి అతను ఇచ్చిన ‘కిక్‌’ అలాంటిది. ‘10’ నంబర్‌ పాదముద్ర ఎప్పటికీ చెరిగిపోలేనిది.   ఆటలో అద్భుతాలు చేసేందుకు మారడోనాకు 5 అడుగుల 5 అంగుళాల ఎత్తు అడ్డు రాలేదు... అటాకింగ్‌ మిడ్‌ఫీల్డర్‌గా అతని చురుకుదనం, కదలికలు ప్రపంచాన్ని అబ్బుర పరిచాయి. బలమైన కాళ్లు, నమ్మశక్యం కాని వేగం, కనుమూసి తెరిచేలోపు ప్రత్యర్థులను బోల్తా కొట్టిస్తూ దూసుకుపోయే నైపుణ్యం... దశాబ్దాల ఫుట్‌బాల్‌ చరిత్రలో మరెవరికీ సాధ్యంకాని చిరస్మరణీయ క్షణాలను అందించాయి. రైట్‌ వింగర్‌గా గోల్‌ లైన్‌ వైపు దూసుకుపోయే దూకుడు... అబ్బురపరిచే రివర్స్‌ క్రాస్‌ పాస్‌ ‘రొబోనా’ను మారడోనా అంత చూడముచ్చటగా ఎవరూ వాడలేదు... పెనాల్టీ ఏరియా నుంచి కూడా గోల్‌ అందించగల ప్రమాదకరమైన ఫ్రీ కిక్‌ టెక్నిక్‌ మైదానంలో అభిమానులను ఉర్రూతలూగించింది. ‘నేను ఒక పెళ్లి వేడుకలో చక్కటి తెల్ల దుస్తులు వేసుకొని నిలబడ్డాను... ఆ సమయంలో బురదతో నిండిన ఒక ఫుట్‌బాల్‌ నావైపు వచ్చిందనుకోండి... నేను ఇంకేమీ ఆలోచించకుండా నా ఛాతీతో దానిని ఆపి వెంటనే కాలితో తన్నేందుకు సిద్ధమైపోతాను... ఆటపై అతనికి ఉన్న పిచ్చి అది... అతను ఫుట్‌బాల్‌ను ప్రేమించాడు... అదే ఊపిరిగా బతికాడు... సరిగ్గా చెప్పాలంటే మారడోనా ఫుట్‌బాల్‌ను శాసించాడు... అతని పాదాలకు బంతి అలంకారంగా మారిపోయింది... మారడోనా చెప్పినట్లుగా అది గజ్జెకట్టి ఆడింది. ఆటగాడిగా శిఖరాలు అధిరోహించినా... పేరు ప్రతిష్టలు ఒక్కసారిగా ఆకాశం నుంచి పాతాళానికి చేరినా... పదిసార్లు మృత్యువుకు చేరువగా వచ్చి వెనుదిరిగినా... మారడోనాను ఫుట్‌బాల్‌ ప్రపంచం ఎప్పుడూ మరచిపోలేదు... వివాదాలతో సహవాసం చేసిన రోజుల్లో, విషాదాలు వెంటాడిన సమయంలో అతనూ తన పోరాటం ఆపలేదు. ఏదో ఒక రూపంలో, ఎక్కడో ఒకచోట చివరి శ్వాస వరకు ఆటతో తన అనుబంధాన్ని కొనసాగించిన మాంత్రికుడు డీగో మారడోనా అలసిపోయాడు. డ్రగ్స్, ఆరోగ్య సమస్యలు, ఆపరేషన్లు... అన్నీ అధిగమిస్తూ వచ్చిన అతను చివరకు ఆరు పదుల వయసుకే స్వర్గంలో మరో మైదానాన్ని వెతుక్కుంటూ మరో ప్రపంచానికి వెళ్లిపోయాడు. వెలకట్టలేని జ్ఞాపకాలను అభిమానులకు అందించి నిష్క్రమించాడు.   బ్యూనస్‌ ఎయిర్స్‌ (అర్జెంటీనా): ప్రపంచ ఫుట్‌బాల్‌ చరిత్రలో ఆల్‌టైమ్‌ గ్రేట్‌గా నిలిచిన అర్జెంటీనా దిగ్గజం డీగో మారడోనా (60) బుధవారం గుండెపోటుతో కన్నుమూశాడు. కొంత కాలంగా అతను అనారోగ్యంతో బాధపడుతున్నాడు. మెదడులో రక్తం గడ్డకట్టడంతో ఇటీవల మారడోనాకు శస్త్ర చికిత్స జరిగింది. నవంబర్‌ 12న కోలుకొని ఇంటికి కూడా చేరుకున్నాడు. అయితే రెండు వారాల వ్యవధిలోనే అతను తుది శ్వాస విడిచాడు. అర్జెంటీనా ప్రభుత్వం మూడు రోజుల పాటు సంతాప దినాలు ప్రకటించింది. ఫుట్‌బాల్‌ ప్రపంచంలో ఎన్నో అరుదైన, లెక్కలేనన్ని ఘనతలు సొంతం చేసుకున్న డీగో... నాలుగు ప్రపంచకప్‌లు ఆడి 1986లో తమ జట్టును విశ్వవిజేతగా నిలిపాడు. 1990లో అతని సారథ్యంలోనే అర్జెంటీనా రన్నరప్‌గా నిలిచింది. చనిపోయే సమయానికి మారడోనా అర్జెంటీనా ప్రీమియర్‌ డివిజన్‌ క్లబ్‌ జిమ్నాసియా (సీజీఈ)కి కోచ్‌గా వ్యవహరిస్తున్నాడు. కెరీర్‌ చివర్లో వచ్చిన వివాదాలతో అప్పటి వరకు సాధించిన ఘనతలపై నీలి నీడలు కమ్ముకున్నా... మైదానంలో అతని మంత్రముగ్ధమైన ఆటను చూసినవారెవరూ మారడోనాను మరచిపోలేరు. ‘గోల్డెన్‌ బాయ్‌’గా మారడోనా సాధించిన ఖ్యాతి అజరామరం.   అలా మొదలై... ఎనిమిది మంది సంతానం ఉన్న పేద కుటుంబంలో మారడోనా ఐదోవాడు. ఫుట్‌బాల్‌పై పిచ్చితో ఆడుతూనే ఉండేవాడు. ఎనిమిదేళ్ల వయసులో స్థానికంగా జూనియర్‌ ట్రయల్స్‌ కోసం వెళ్లినప్పుడు అతని ఆటను చూసి కోచ్‌ ఫ్రాన్సిస్కో కార్నెజో అబ్బురపడ్డాడు. ఈ వయసులో ఇంత అద్భుత ఆటను ఎప్పుడూ చూడలేదంటూ ప్రోత్సహించి సరైన దిశలో నడిపించాడు. 16 ఏళ్ల వయసులో అర్జెంటీనోస్‌ జూనియర్‌ క్లబ్‌ జట్టుకు ఎంపిక కావడంతో అతని దశ తిరిగింది. ఆ తర్వాత ఎదురు లేకుండా దూసుకుపోయిన మారడోనా... సూపర్‌ స్టార్‌గా ఎదిగేందుకు ఎక్కువ సమయం పట్టలేదు. ప్రఖ్యాత క్లబ్‌లన్నీ రికార్డు మొత్తాలతో అతనితో కాంట్రాక్ట్‌లు కుదుర్చుకునేందుకు వెంట పడ్డాయి. బార్సిలోనా, నపోలీ జట్ల తరఫున అతను సాధించిన రికార్డులు అపూర్వం. మారడోనా రిటైర్మెంట్‌ తర్వాత నపోలీ క్లబ్‌ అతని ‘10’ నంబర్‌ జెర్సీకి కూడా రిటైర్మెంట్‌ ఇచ్చేసింది.   విశ్వ వేదికపై... 1982లో మారడోనా తొలిసారి ప్రపంచ కప్‌ బరిలోకి దిగాడు. ఐదు మ్యాచ్‌లు ఆడినా పెద్దగా గుర్తింపు రాలేదు. కానీ 1986 ప్రపంచకప్‌ అతడిని దిగ్గజంగా మార్చింది. మెక్సికోలో జరిగిన ఈ టోర్నీలో కెప్టెన్‌గా, బెస్ట్‌ ప్లేయర్‌గా నిలిచి అర్జెంటీనాను చాంపియన్‌ను చేశాడు. 1990లో అర్జెంటీనా ఫైనల్‌కు చేరి జర్మనీ చేతిలో ఓడిన తర్వాత అతని ప్రభ తగ్గడం మొదలైంది. 1994 వరల్డ్‌ కప్‌లో కూడా ఆడినా... రెండు మ్యాచ్‌ల తర్వాతే డ్రగ్స్‌ ఆరోపణలతో టోర్నీ నుంచి వైదొలగాల్సి వచ్చింది. ‘హ్యాండ్‌ ఆఫ్‌ గాడ్‌’ మారడోనా కెరీర్‌ మొత్తానికి హైలైట్‌గా నిలిచిపోయిన మ్యాచ్‌ 1986 వరల్డ్‌ కప్‌లో జరిగింది. ఇంగ్లండ్‌తో జరిగిన క్వార్టర్‌ ఫైనల్‌ మ్యాచ్‌లో మారడోనా చేసిన గోల్‌ వివాదాస్పదమైంది. అతను తన చేత్తో బంతి నెట్టాడంటూ ఇంగ్లండ్‌ ఫిర్యాదు చేసింది. అయితే అప్పుడు మారడోనా... ‘నిజంగా చేతితో ఆ గోల్‌ చేసి ఉంటే అదో అదృశ్య హస్తం’ అంటూ బదులిచ్చాడు. చరిత్రలో ఇది ‘హ్యాండ్‌ ఆఫ్‌ గాడ్‌’గా నిలిచిపోయింది. దాదాపు 19 ఏళ్ల తర్వాత తాను చేత్తోనే గోల్‌ చేశానంటూ మారడోనా బహిరంగంగా ఒప్పుకున్నా...అప్పటికే అది చరిత్రలో లిఖించిపోయింది. అయితే ఈ గోల్‌ చేసిన 4 నిమిషాలతో అతను చేసిన మరో అద్భుత గోల్‌ విలువను వెల కట్టలేం. 62 మీటర్ల దూరం కవర్‌ చేస్తూ, 10 సెకన్ల వ్యవధిలో 5 మంది ఇంగ్లండ్‌ ఆటగాళ్లను తప్పించుకుంటూ అతను చేసిన గోల్‌కు ప్రపంచం నివ్వెరపోయింది. 2002లో ‘ఫిఫా’ గోల్‌ ఆఫ్‌ ద సెంచరీ అంటూ దీనికి గుర్తింపునిచ్చింది. ఈ ప్రదర్శన మారడోనా ఘనతను ఎప్పటికీ నిలిచిపోయేలా చేసింది.    ► పుట్టిన తేదీ: అక్టోబర్‌ 30, 1960 ► పుట్టిన స్థలం: బ్యూనస్‌ ఎయిర్స్, అర్జెంటీనా ► 1976 అర్జెంటీనా జూనియర్‌ జట్టులో స్థానం,  అరంగేట్రం ► 1977 అర్జెంటీనా సీనియర్‌ జట్టులో చోటు ► 1986 మెక్సికోలో జరిగిన ప్రపంచకప్‌లో కెప్టెన్‌గా బరిలోకి దిగి అర్జెంటీనాను విశ్వవిజేతగా నిలిపాడు. ఇంగ్లండ్‌తో జరిగిన క్వార్టర్‌ ఫైనల్లో అర్జెంటీనాకు 2–1తో విజయాన్ని అందించాడు. ఈ మ్యాచ్‌లో మారడోనా ► సాధించిన రెండు గోల్స్‌ చరిత్రలో నిలిచిపోయాయి.   ► 1994 అమెరికాలో జరిగిన ప్రపంచకప్‌ సందర్భంగా డోపింగ్‌ పరీక్షలో దొరికిపోయాడు. టోర్నీ మధ్యలోనే స్వదేశానికి పంపించారు. 15 నెలలపాటు సస్పెన్షన్‌. ► 1997 రివర్‌ ప్లేట్‌ క్లబ్‌తో కెరీర్‌లో చివరి మ్యాచ్‌ ఆడాడు. ► 2000 కొకైన్‌ అడిక్షన్‌ నుంచి విముక్తికి క్యూబాలో రిహాబిలిటేషన్‌. ► 2005 సొంత టీవీ కార్యక్రమం నిర్వహించాడు. ► 2008–2010 రెండేళ్లపాటు అర్జెంటీనా జాతీయ సీనియర్‌ జట్టుకు కోచ్‌గా వ్యవహరించాడు. దక్షిణాఫ్రికా ఆతిథ్యమిచ్చిన 2010 ప్రపంచకప్‌లో మారడోనా కోచ్‌గా ఉన్న అర్జెంటీనా క్వార్టర్‌ ఫైనల్లో నిష్క్రమించింది. ప్రొఫెషనల్‌ క్రీడాకారుడిగా... ఆడిన మ్యాచ్‌లు: 585 చేసిన గోల్స్‌: 311 గెలిచిన టైటిల్స్‌ 9 అర్జెంటీనా తరఫున... ఆడిన మ్యాచ్‌లు  91 చేసిన గోల్స్‌  34 ఆడిన ప్రపంచకప్‌లు 4 1982: రెండో రౌండ్‌లో నిష్క్రమణ 1986: విజేత 1990: రన్నరప్‌ 1994: ప్రిక్వార్టర్‌ ఫైనల్‌  నవంబర్‌ 25, 2020: గుండెపోటుతో బ్యూనస్‌ ఎయిర్స్‌లో కన్నుమూత   నవంబర్‌ 12న ఆసుపత్రి నుంచి డిశ్చార్జి అయిన వేళ... (చదవండి: ‘కరోనా వైరస్‌’ ఓ పెద్ద మోసం: కతియా అవీరో)

బ్యూనస్‌ ఎయిర్స్‌: అర్జెంటీనా సాకర్‌ దిగ్గజం, 1986 ఫుట్‌బాల్‌ ప్రపంచకప్‌ చాంపియన్‌ కెప్టెన్‌ డీగో మారడోనా ఆసుపత్రి నుంచి గురువారం డిశ్చార్జి అయ్యాడు. ఈ విషయాన్ని అతని వ్యక్తిగత వైద్యుడు, న్యూరాలజిస్ట్‌ లియోపోల్డో లుఖ్‌ వెల్లడించారు. మెదడులోని నాళాల మధ్య రక్త సరఫరాలో ఇబ్బంది తలెత్తడంతో మారడోనాకు గత వారం ‘సబ్‌డ్యూరల్‌ హెమటోమా’ శస్త్రచికిత్స నిర్వహించారు. ఆసుపత్రి నుంచి డిశ్చార్జి అయినప్పటికీ అతను కోలుకునేందుకు ఇంటివద్ద చికిత్స కొనసాగిస్తామని లుఖ్‌ చెప్పారు. ఇటీవలే 60వ పడిలో అడుగుపెట్టిన మారడోనా... తొలుత డిప్రెషన్, ఎనీమియా, డీహైడ్రేషన్‌ లక్షణాలతో ‘లా ప్లాటా’ నగరంలోని ప్రైవేట్‌ ఆసుపత్రిలో చేరారు. పరీక్షల అనంతరం సబ్‌డ్యూరల్‌ హెమటోమా నిర్ధారణ కావడంతో అతన్ని స్థానిక ఓలివోస్‌ క్లినిక్‌లో చేర్పించి వెంటనే శస్త్ర చికిత్స నిర్వహించారు.

న్యూఢిల్లీ: కరోనా బారిన పడిన ప్రజల్ని బతికించేందుకు తమ ప్రాణాలను పణంగా పెట్టి చికిత్స చేస్తున్న వైద్య సిబ్బందికి ఫుట్‌బాల్‌ లోకం జై కొట్టింది. జగద్విఖ్యాత సాకర్‌ స్టార్లు పీలే, డీగో మారడోనా, భారత మాజీ కెప్టెన్‌ బైచుంగ్‌ భూటియా తదితర 50 మంది ఆటగాళ్లతో వైద్య, సహాయ సిబ్బందికి జేజేలు పలుకుతూ సంఘీభావ సందేశాన్ని అంతర్జాతీయ ఫుట్‌బాల్‌ సమాఖ్య (ఫిఫా) విడుదల చేసింది. ఫుట్‌బాల్‌ ఆడే దేశాల ఆటగాళ్లు ఈ సంఘీభావంలో పాల్గొన్నారు. కరోనాపై అలుపెరగని పోరాటం చేస్తోన్న వైద్యులకు కరతాళధ్వనులతో సాకర్‌ స్టార్లు మద్దతు తెలిపారు. ‘మహమ్మారిపై పోరాటంలో దినదిన గండాలు ఎదురవుతున్నా... ప్రాణాలను లెక్కచేయకుండా పరుల స్వస్థత కోసం ప్రపంచవ్యాప్తంగా వైద్యులు, సిబ్బంది విశేష కృషి చేస్తోంది. వైరస్‌ను కట్టడి చేసేందుకు వలంటీర్లు, ఫార్మాసిస్టులు... ఇతరులకు సోకకుండా పోలీసులు, సెక్యూరిటీ వర్గాలు శక్తివంచన లేకుండా పనిచేస్తున్నాయి. ఇంతటి భయానక పరిస్థితుల్లో ప్రజలకు నిత్యావసరాలు అందించేందుకు పాటుపడుతున్న వర్గాలు... ఇలా వీరంతా నిజమైన హీరోలు. వీరికి ఫుట్‌బాల్‌ కృతజ్ఞతలు తెలుపుతోంది. వీరిని ఫుట్‌బాల్‌ సదా స్మరిస్తుంది. వీరందరికి ఫుట్‌బాల్‌ మద్దతు తెలుపుతోంది’ అని ‘ఫిఫా’ ఈ సందేశంలో తెలిపింది.  

చరిత్ర, నాటకీయత, భావోద్వేగం కనిపించే ప్రపంచ కప్‌ ఫుట్‌బాల్‌లో గొప్ప క్షణాలకు సమయం ఆసన్నమైంది. 30 రోజులు, 63 మ్యాచ్‌ల తర్వాత ప్రతి అభిమాని ఎదురుచూసే రోజు రానే వచ్చేసింది. ఫైనల్‌ సంకల్ప శక్తికి సంబంధించినది. అంతిమ సమరంలో వ్యూహాత్మక, సాంకేతిక అంశాలది కీలక పాత్ర. ప్రపంచంలో ఉత్తమ లైనప్‌ల మధ్య ఈ సందర్భంలో మనం ఏదైనా ఆశించవచ్చు. ఇదే సమయంలో బలీయమైన కోరిక అవసరం. నువ్వు ఇటువైపు ఎలా ఉన్నావన్నది కాదు, వచ్చిన అవకాశాన్ని ఎలా ఒడిసి పట్టావన్నదే ముఖ్యం. 1986 ఫైనల్లో మా ఆటగాడు జార్జ్‌ బరుచాగా జర్మనీ ఏరియాలో ఉన్న విషయాన్ని గమనించి నేను ఇలాంటి అవకాశమే అందించా. తర్వాతంతా చరిత్రే.   ఫైనల్‌ వరకు ప్రయాణాన్ని గమనిస్తే, ఫ్రాన్స్‌ మూడు నాకౌట్‌ మ్యాచ్‌లను 90 నిమిషాల్లోనే ముగించింది. క్రొయేషియా మాత్రం అన్నిట్లో 120 నిమిషాలపైనే ఆడింది. డెచాంప్స్‌ కుర్రాళ్లు ఆటలో ఆధిపత్యం చాటారు. జాల్టొ డాలిచ్‌ బృందం చావోరేవో అన్నట్లు ఆడింది. ఇది క్రొయేషియా వైపు లోపాలను చూపుతోంది. చూసేందుకు బెదురే లేని పోరాటతత్వంతో కనిపిస్తోంది. విశేషమైన బాల్కన్‌ ఫుట్‌బాల్‌ సంప్రదాయాన్ని చాటుతూ వారు గొప్ప స్ఫూర్తిని చాటారు. ఫైనల్‌ రెండు భిన్న దృక్పథాల మధ్య సాగనుంది. ఫ్రాన్స్‌ ఆధిపత్యం చాటినా అది ఆసాంతం కాకపోవచ్చు. డెచాంప్స్‌ విశిష్ట శిక్షణలో వారు రాటుదేలారు. బ్యాక్‌లైన్, మిడిల్‌లో బలంగా ఉంటూ మ్యాచ్‌ను ఆధీనంలోకి తీసుకుంటున్నారు. జట్టులో ఏ రంగు వారున్నారన్నది ఎందుకు పట్టించుకుంటారో నాకర్థం కాదు. వీరే ఫ్రాన్స్‌ను 2016 యూరో కప్‌ ఫైనల్‌ చేర్చినందున ఇది సహజమైనదే అనుకోవచ్చు. అçప్పటి ఓటమి చేదు అనుభవాలను చెరిపేసేందుకు ఇది మంచి వేదిక. చర్చంతా ఫ్రాన్స్‌ ఫార్వర్డ్‌ ఎంబాపె చుట్టూనే సాగుతోంది. కానీ జట్టులో అతడి కంటే ఎవరూ తక్కువ కాదు. అతడి స్థానాన్ని భర్తీ చేసేందుకు సమర్థులు ఉన్నారు. పోగ్బా, కాంటె ప్రత్యర్థుల కదలికలను దెబ్బతీసి... దాడులకు అవకాశమిస్తారు. దీంతో ఎంబాపె, గ్రీజ్‌మన్‌లకే కాదు డిఫెండర్లకూ గోల్‌ చేసే వీలు చిక్కుతోంది. క్రొయేషియా నాకౌట్‌ విజయాలు వెనుకబడి పుంజుకోవడంతో వచ్చినవే. ఒక్కసారి అయితే ధైర్యవంతులు అనుకోవచ్చు. ప్రతి సారి అంటే వారు సామాన్యులు కాదని అర్థం. పోరాడే జట్లను నేను ప్రేమిస్తా. క్రొయేషియా ఇదే చేస్తే... ఎప్పటికీ గుర్తుండిపోతుంది.  

ప్రపంచ కప్‌ సెమీఫైనల్లో ఒక్క దక్షిణ అమెరికా జట్టు కూడా లేకపోవడం నిరాశ కలిగిస్తోంది. నిజానికి బ్రెజిల్, ఉరుగ్వే ముందుకు వెళ్లాల్సింది. అయితే బ్రెజిల్‌ పలు అవకాశాలు చేజార్చుకోగా, మ్యాచ్‌లో కోలుకుంటున్న సమయంలో గోల్‌కీపర్‌ చేసిన తప్పిదం ఉరుగ్వే ఆట ముగించింది.  మాకు పొరుగు దేశాలైన రెండు జట్లను ఓడించిన టీమ్‌లు ఇప్పుడు తొలి సెమీఫైనల్లో తలపడబోతున్నాయి. సొంతగడ్డపై 2016 యూరో ఫైనల్లో ఓడిన చేదు జ్ఞాపకాలను తుడిచేయాలని భావిస్తున్న ఫ్రాన్స్‌ ఇప్పుడు అన్ని రంగాల్లో సమతూకంగా కనిపిస్తోంది. దృక్పథంలో కొంత తేడా ఉన్నా, బెల్జియం కూడా అంతే బలంగా ఉంది.   మా జట్టు చేతిలో1986లో సెమీఫైనల్లో, 2014లో క్వార్టర్‌ ఫైనల్లో ఓడిన బెల్జియం జట్టులో ఈసారి పట్టుదల ఎక్కువగా కనిపిస్తోంది. తమ గ్రూప్‌లో అగ్రస్థానంలో నిలిస్తే మున్ముందు కఠినమైన ‘డ్రా’ ఎదురయ్యే అవకాశం ఉందని తెలిసినా బెల్జియం జాగ్రత్తగా ఆడి రెండో స్థానానికి పరిమితం కావాలని చూడలేదు. పెద్ద జట్లను ఎదుర్కోగల సత్తా తమలో ఉందని భావిస్తున్న ఆ టీమ్‌ ఎక్కడా తగ్గలేదు. ఫ్రాన్స్‌ మొదటి నుంచి కూడా ప్రత్యర్థిపై ఆధిపత్యం ప్రదర్శించే తరహా ఆటనే చూపిస్తోంది. ముఖ్యంగా కైలియాన్‌ ఎంబాపె వేగాన్ని, ఆంటోనీ గ్రీజ్‌మన్‌ స్ట్రయికింగ్‌ నైపుణ్యాన్ని ఆ జట్టు నమ్ముకుంది. దీంతో పోలిస్తే బెల్జియం ముందుగా చొరవ చూపించకుండా ఏదైనా జరిగితే అప్పటి పరిస్థితికి అనుగుణంగా ప్రతిస్పందించాలనే తరహా ఆట ఆడుతోంది. జట్టులో రొమెలు లుకాకులాంటి మెరుపు ఆటగాడికి హజార్డ్, డి బ్రూయిన్‌ తోడుగా ఉన్నారు. అయితే ఫ్రాన్స్‌ నుంచి ఆ జట్టుకు కొంత భిన్నమైన పరీక్ష ఎదురు కానుంది. కాసిమెరో లేకపోవడంతో మిడ్‌ఫీల్డ్‌లో బ్రెజిల్‌పై బెల్జియంకు మంచి పట్టు చిక్కింది. కానీ పాల్‌ పోగ్బా, ఎన్‌గొలో కాంటో వారికి ఆ అవకాశం ఇవ్వరు.    కొత్త వ్యూహంతో బ్రెజిల్‌ను బెల్జియం ఓడించడంపై చాలా చర్చ జరుగుతోందని నాకు తెలుసు. టోర్నీ కీలక దశలో ఇలా చేయాలంటే ఎంతో ధైర్యం ఉండాలి. కానీ నా దృష్టిలో వ్యూహాన్ని ఎంత బాగా అమలు చేశారన్నదే ముఖ్యం. వ్యూహాలు, ఆలోచనలు సరే కానీ ఇలాంటి మ్యాచ్‌లు నెగ్గాలంటే ఎంతో సాహసం, పట్టుదల, పోరాటతత్వం ఉండాలి. అటు వనరులకు కొదవ లేని, స్ఫూర్తివంతమైన జట్టు ఫ్రాన్స్‌ ఉండటంతో ఈ పోరు ఆసక్తికరంగా సాగుతుందనడంలో ఎలాంటి సందేహం లేదు. అటాక్, డిఫెన్స్, మిడ్‌ఫీల్డ్‌ అన్నింటిలో దాదాపు సమంగా కనిపిస్తున్న ఈ రెండు జట్ల గోల్‌కీపర్లు కూడా ఎంతో ప్రతిభావంతులు. కాబట్టి ఒకరిని ఎంచుకోవడం చాలా కష్టం. అయితే ఎలాగైనా గెలవాలనే కసి మాత్రమే ఇద్దరిలో ఒకరిని విజేతగా నిలుపుతుంది. నా దృష్టిలో దీనిని ‘మ్యాచ్‌ ఆఫ్‌ ద టోర్నమెంట్‌’గా చెప్పగలను.    

విశ్లేషించాల్సిన జట్ల సంఖ్య తగ్గిపోయి ప్రపంచ కప్‌ పోటా పోటీ దశకు వచ్చేసింది. తమదైన పంథాలో ఆడిన ఈ జట్లన్నీ క్వార్టర్స్‌ చేరేందుకు అర్హమైనవే. కాగితంపై ఒక్క పేరుతో ఓ జట్టు ప్రత్యర్థి కంటే బలంగా కనిపించవచ్చు. కానీ మైదానంలో ఆ తేడా లెక్కలోకి రాదు. ఒకరినొకరు అధిగమించాలనే కాంక్ష  ప్రతి జట్టులో ఉండటం సాధారణం. ఇప్పటివరకు చూస్తే స్వీడన్‌పై ఇంగ్లండ్‌కు, రష్యాపై క్రొయేషియాకే ఎక్కువ విజయావకాశాలు ఉన్నాయి. వారి దాడుల్లో అదనపు మెరుపు కనిపిస్తోంది. ఈ కప్‌లో అంచనాలన్నీ గల్లంతవుతున్నాయి కాబట్టి... క్వార్టర్స్‌లో విజేతలెవరో కచ్చితంగా చెప్పలేం.   గారెత్‌ సౌత్‌ గేట్‌ శిక్షణలో ఇంగ్లండ్‌ రంజింపజేసేలా ఆడుతోంది. సమతూకంతోనూ ఉంది. 3–1–4–2 వ్యూహంతో బలంగానూ కనిపిస్తోంది. 52 ఏళ్ల తర్వాత కప్‌ను అందుకోవాలని ఆశిస్తోంది. క్రమశిక్షణతో ఆడుతున్న ఆ జట్టులో ఎక్కువ మంది యువకులే. సూపర్‌ స్టార్లెవరూ లేరు. వీరంతా ఆశలు రేకెత్తిస్తున్నారు. దాడులపైనే వారు దృష్టి పెడుతున్నారు. ప్రపంచ కప్‌లో గతంలో తమ జట్లు సాధించలేని పెనాల్టీ షూటౌట్‌ విజయాన్ని ఈసారి అందించారు.   ఇద్దరు స్ట్రయికర్లకు ఎక్కువ అవకాశాలు సృష్టించడమే లక్ష్యంగా వింగ్‌ బ్యాక్స్‌ మంచి జోరులో ఉన్నారు. పనామా, ట్యూనీషియాలపై ఇది పని చేసినా కొలంబియాపై కుదరలేదు. ఎత్తైన డిఫెండర్లున్న స్వీడన్‌కు బాక్స్‌ లోపలి ఏరియాలో గాలిలో బంతిని నియంత్రించగలిగే అవకాశం ఉంటుంది. సౌత్‌గేట్‌ దీనికి విరుగుడు వ్యూహం కనిపెట్టి ప్రత్యర్థిని ఆశ్చర్యానికి గురిచేస్తాడేమో చూడాలి.  సొంతగడ్డపై లభించే మద్దతుతో సాధారణ జట్టు కూడా గొప్ప విజయాలు సాధిస్తుంది అనేందుకు రష్యానే ఉదాహరణ. వారి ప్రయాణం ఊహించినదాని కంటే మించినది. మరోసారి 45 వేల మంది ప్రేక్షకుల సమక్షంలో పరీక్షకు నిలవనుంది. విధ్వంసక దాడుల క్రొయేషియా... ఆతిథ్య జట్టుతో సమరానికి సిద్ధమైంది. స్పెయిన్‌ను పెనాల్టీ షూటౌట్‌ వరకు తీసుకొచ్చిన రష్యా తర్వాత దాని కథ ముగించింది. ఇలాంటివాటికి అపారమైన మానసిక బలం, ఏకాగ్రత, క్రమశిక్షణ అవసరం. దేశం కోసంప్రాణాలైనా అర్పించే ఈ స్వభావాన్ని నేను ఇష్టపడతా. రష్యా మళ్లీ మళ్లీ అలానే ఆడుతుందని ఆశిస్తున్నా.  ముచ్చటైన ఆటతీరుతో అలరిస్తున్న మరో జట్టు క్రొయేషియా. లుకా మోడ్రిక్‌ రూపంలో వారికో మృదువైన ఆటగాడున్నాడు. జట్టు ఓ కారైతే... అతడు ఇంజిన్‌. బాధ్యతలు తెలుసుకుని, జాగరూకతతో ఆడే సభ్యులున్నందున వారు మోడ్రిక్‌పైనే ఆధార పడటం లేదు. అనుభవంతో కఠిన పరిస్థితులను తట్టుకునే ఇవాన్‌ రాక్టిక్, మారియో మండ్జుకిక్‌లు ఎక్కడైనా రాణించగలరు.  

సోచి: ఫిఫా వరల్డ్‌ కప్‌లో భాగంగా ఇంగ్లండ్‌-కొలంబియా జట్ల మధ్య జరిగిన ప్రిక్వార్టర్‌ ఫైనల్‌ మ్యాచ్‌లో రిఫరీ నిర్ణయంపై మండిపడ్డ అర్జెంటీనా దిగ్గజ ఆటగాడు డిగో మారడోనా ఎట్టకేలకు దిగివచ్చాడు.. ఈ మేరకు ఫిఫాకు, ఆ గవర్నింగ్‌ బాడీ అధ్యక్షుడు ఇన్‌ఫాన్‌టినోకు క్షమాపణలు తెలియజేశాడు. ఆమ్యాచ్‌లో ఇంగ్లండ్‌ గెలిచి క్వార‍్టర్‌కు చేరిన సంగతి తెలిసిందే. కొలంబియాకు మారడోనా మద్దతుగా నిలిచిన మ్యాచ్‌లో ఇంగ్లండ్‌ పెనాల్టీ షూటౌట్‌లో విజయాన్ని నమోదు చేసింది.  దాంతో పెనాల్టీ షూటౌట్‌ను నిర్వహించే క్రమంలో రిఫరీ ఏకపక్షంగా వ్యవహరించాడంటూ మారడోనా ధ్వజమెత్తాడు.  దీనిపై మారడోనా తాజాగా క్షమాపణలు తెలియజేశాడు. ‘ఎట్టి పరిస్థితుల్లోనూ రిఫరీ నిర‍్ణయాన్ని తప్పుపట్టడం సరికాదు. కొన్ని సందర్బాల్లో రిఫరీ నిర్ణయాలతో నా అభిప్రాయాలు భిన్నంగా ఉన్నప్పటికీ, వారి నిర్ణయాలను గౌరవించాల్సిన అవసరం ఉంది.  రిఫరీని విమర్శించినందుకు నన్ను క్షమించండి. ఫిఫా వరల్డ్‌ కప్‌లో రిఫరీ బాధ్యతల్ని నిర్వహించడం చాలా కష్టంతో కూడున్నది. వారి శ్రమ నాకు తెలుసు. నేను మాట తూలడం తప్పే. ఇందుకు ఫిఫాకు, అధ్యక్షుడు ఇన్‌ఫాన్‌టినోకు క్షమాపణలు తెలియజేస్తున్నా’ అని మారడోనా తన ఇన్‌స్టాగ్రామ్‌ అకౌంట్‌ ద్వారా విన‍్నవించాడు.

స్పష్టమైన ఫేవరెట్‌ లేకుండా నాకౌట్‌ పోరు మొదలైంది. ఈ దశలో ఆట ఎప్పటికప్పుడు మారుతుంది. అయితే ఇక్కడ కొన్ని మ్యాచ్‌ల్లో విజేతలెవరో అంచనాకు రావొచ్చు. రష్యా కంటే స్పెయిన్, డెన్మార్క్‌ కంటే క్రొయేషియా మెరుగైన జట్లు కాబట్టి ఆ రెండు జట్లకు గెలిచే అవకాశాలుంటాయి. ఈసారి జర్మనీలాగే... 2010 చాంపియన్‌ స్పెయిన్‌ కూడా నాలుగేళ్ల క్రితం లీగ్‌ దశలోనే కంగుతింది. దీనికి కారణాలు కూడా ఒకలాగే ఉన్నాయి. విజేతలుగా నిలిచిన సమయంలో అనుభవజ్ఞులు బాగా ఆడారు. ఇప్పటి స్పెయిన్‌లో కొత్తగా వచ్చిన వాళ్లు చాలా ప్రతిభావంతులు. తాజా ఆలోచనలు... భిన్నమైన గేమ్‌ప్లాన్‌లతో దేనికైనా సిద్ధంగా ఉన్నారు. ఇదే స్పెయిన్‌ జట్టును టాప్‌ గేర్‌లో దూసుకెళ్లెలా చేయొచ్చు. అలాగే... అండర్‌డాగ్స్‌గా బరిలోకి దిగిన రష్యా ఆట కూడా చూడముచ్చటగా ఉంది. ఈ జట్టు తమదైన రోజు మేటి జట్లను ఘోరంగా దెబ్బతీస్తుంది. ప్రతిభపరంగా రష్యా మేటి జట్లకు దీటుగానే ఉంది. వరుసగా రెండు మ్యాచ్‌ల్లో గెలిచి నాకౌట్‌ బెర్తును ఖాయం చేసుకుంది. చివరి మ్యాచ్‌లో ఉరుగ్వేతో ఎదురైన పరాజయం రష్యాను నిరాశపరిచి ఉండొచ్చు... కానీ లుజ్నికి స్టేడియంలో ఆతిథ్య జట్టుతో మ్యాచ్‌ ఎలాంటి ప్రత్యర్థికైనా క్లిష్టమే! మరో మ్యాచ్‌ విషయానికొస్తే క్రొయేషియా పటిష్టమైన జట్టు. మోడ్రిక్‌ అద్భుతమైన ఫామ్‌లో ఉన్నాడు. అనుభవం, నైపుణ్యంతో ఈ జట్టు అదరగొడుతోంది. డెన్మార్క్‌ను ఓడించే సత్తా క్రొయేషియాకు ఉంది.

మాస్కో: ఫుట్‌బాల్‌ దిగ్గజం, అర్జెంటీనా మాజీ సారథి డీగో మారడోనాకు చిర్రెత్తుకొచ్చింది. అర్జెంటీనా- నైజీరీయా మ్యాచ్‌ అనంతరం స్వల్ప అస్వస్థతకు గురైన ఈ దిగ్గజం.. స్థానిక ఆసుపత్రిలో చేరి చికిత్స పోందిన విషయం తెలిసిందే. ఈ సమయంలోనే మారడోనా గుండె పోటుతో మరణించాడంటూ కొందరు పుకార్లు సృష్టించారు. సోషల్‌ మీడియాలో పోస్ట్‌లతో హల్‌ చల్‌ చేశారు. అవికాస్త  వైరల్‌ కావడంతో అభిమానులు ఆందోళనకు గురయ్యారు. స్పందించిన దిగ్గజం.. ‘మరణ వార్త’పై మారడోనా ఆగ్రహం వ్యక్తం చేశారు.  తాను ఇప్పుడు ఆరోగ్యంగా ఉన్నానని ప్రకటించారు. చనిపోలేదని చెప్పుకోవాల్సిన పరిస్థితిని కొందరు కల్పించారు అని మండిపడ్డారు.  ఇక అంతటితో ఆగకుండా తనను చంపిన వారిని(చనిపోయినట్టు మెసేజ్‌ చేసినవారిని) పట్టించినవారికి పది వేల అమెరికన్‌ డాలర్లు బహుమతిగా ఇస్తానని ఆయన ప్రకటించారు. మరోవైపు ఆ కథనాలు ప్రచురించిన వెబ్‌సైట్లపై న్యాయపరమైన చర్యలు తీసుకుంటామని మారడోనా వ్యక్తిగత న్యాయవాది తెలిపారు. ఉత్కంఠభరితంగా సాగిన అర్జెంజీనా- నైజీరియా మ్యాచ్‌ సందర్భంగా మారడోనా ప్రవర్తించిన తీరు, ఫోటోలు సోషల్‌ మీడియాలో వైరల్‌గా మారిన విషయం తెలిసిందే.  ఈ దిగ్గజ ఫుట్‌బాలర్‌ ప్రేక్షకులను గేలి చేస్తూ చేతితో అసభ్యకర సంజ్ఞలు చేయండపై నెటిజన్లు మండిపడుతున్నారు. దీంతో మారడోనాపై కోపంగానే కోందరు ఆకతాయిలు ఈ పనిచేసి ఉంటారని అనుమానం వ్యక్తం చేస్తున్నారు.    

మాస్కో : తమ అభిమాన జట్టు మ్యాచ్‌ ఆడుతుంటే మైదానంలో​ అభిమానులను ఆపడం ఎవరి తరం కాదు. అలాగే తమ జట్టుకు చావోరేవో తేల్చుకోవాల్సిన మ్యాచ్‌ అయి, అందులో నరాలు తెగే ఉత్కంఠంగా సాగే మ్యాచ్‌, విజయం సాధిస్తే అభిమానుల ఆనందానికి అవధులుండవు. ఆ అవధుల శృతి మించితే మాత్రం కొంచెం కష్టం. ఫిఫా ప్రపంచకప్‌లో భాగంగా నైజీరియాతో జరిగిన మ్యాచ్‌ అర్జెంటీనాకు కీలకం. ఈ మ్యాచ్‌లో ఓడిపోతే సాకర్‌ సమరం నుంచి మెస్సీ సేన నిష్క్రమిస్తుంది. అలాంటి మ్యాచ్‌లో అర్జెంటీనా గోల్‌ కోట్టిన ప్రతీ సారీ అభిమానుల సందడి అంతా ఇంతా కాదు. అభిమానుల కంటే ఎక్కువగా ఫుట్‌బాల్‌ దిగ్గజం, అర్జెంటీనా మాజీ సారథి డిగో మారడోనాను ఆపడం అతడి స్నేహితులకు కూడా సాధ్యం కాలేదు. మారడోనా వీఐపీ గ్యాలరీలో తన స్నేహితులతో కలిసి మ్యాచ్‌ వీక్షిస్తున్నాడు. మెస్సీ సేన అద్భుత ఆట తీరు ప్రదర్శించినా లేక గోల్‌ కోట్టిన ప్రతీసారి ఈ దిగ్గజం స్టాండ్‌పైకి ఎక్కి ప్రేక్షకులవైపు చేతితో అసభ్యకరమైన సంజ్ఞలు చేశాడు. మ్యాచ్‌ ఆసాంతం ఉద్విగ్నభరితంగా గడిపిన మారడోనా అర్జెంటీనా విజయం అనంతరం అస్వస్థతకు లోనయ్యాడు. మ్యాచ్‌ అనంతరం కుర్చీలో నుంచి లేవలేకపోయాడు. స్నేహితుల సహాయంతో లేచి మైదానంలో ప్రాథమిక చికిత్స చేయించుకున్నాడు. అనంతరం మెరుగైన చికిత్స కోసం స్థానిక ఆసుపత్రిలో చేరాడు. ప్రసుతం ఈ దిగ్గజ ఆటగాడి ఆరోగ్య పరిస్థితి బాగానే ఉందని సన్నిహిత వర్గాలు పేర్కొన్నాయి. ​కాగా మారడోనా చేసిన సంజ్ఞల ఫోటోలు సోషల్‌మీడియాలో వైరల్‌ అవుతున్నాయి. ఈ దిగ్గజ ఆటగాడు ప్రవర్తించిన తీరు పట్ల నెటిజన్లు మండిపడుతున్నారు. మారడోనా తక్షణమే ప్రేక్షకులకు క్షమాపణలు చెప్పాలని వారు డిమాండ్‌ చేస్తున్నారు.     

బ్రెజిల్‌ తురుపుముక్క నెమార్‌ కోలుకోవడం కచ్చితంగా ఆ జట్టుకు శుభవార్తే. బుధవారం అతను ట్రెయినింగ్‌ సెషన్‌లో పాల్గొన్నాడు. కీలకమైన తరుణంలో ఈ స్టార్‌ ఆటగాడి అవసరం ఆ జట్టుకు ఎంతో ఉంది. గ్రూప్‌ దశలో అర్జెంటీనా లాగే బ్రెజిల్‌కు రెండు క్లిష్టమైన పోటీలున్నాయి. అయితే కోస్టారికాతో శుక్రవారం జరగనున్న మ్యాచ్‌లో బ్రెజిల్‌ తప్పక గెలవాల్సిందే. ఈ ప్రపంచకప్‌ను చూస్తుంటే పెద్ద జట్లను ఎదుర్కొనేందుకు చిన్న జట్లు ఓ ఫార్ములాతో వచ్చినట్లున్నాయి. ప్రత్యర్థి జట్లలో కీలక ఆటగాళ్లను రౌండప్‌ చేయడం, సగం మైదానమంతా తమ గుంపుతో వారిని కవర్‌ చేయడం ఆకట్టుకుంది. టైటిల్‌ బరిలో లేకపోయినా కొన్ని చిన్న యూరోపియన్‌ జట్లు తమ ఉనికిని గట్టిగానే చాటుకుంటున్నాయి. యూరోపేతర జట్లలో మెక్సికో, కోస్టారికా బాగా ఆడుతున్నాయి. దీంతో బ్రెజిల్‌కు కఠిన పరీక్ష తప్పదు. గత ప్రపంచకప్‌లో క్వార్టర్‌ ఫైనలిస్ట్‌ అయిన కోస్టారికా డిఫెన్స్‌ వైఫల్యంతో తొలి మ్యాచ్‌లో ఓడింది. కానీ ఇప్పుడైతే అలాంటి పొరపాట్లకు తావివ్వకుండా 5–4–1 వ్యూహంతో బరిలోకి దిగి బ్రెజిల్‌ అటాకింగ్‌కు సవాల్‌ విసరొచ్చు. బ్రెజిల్‌కు తొలి మ్యాచ్‌ ‘డ్రా’ కూడా పెద్ద సమస్యగా మారింది. కోస్టారికాతో కూడా ఫలితం రాకపోతే ఇక చివరి మ్యాచ్‌లో తప్పక గెలవాల్సిన పరిస్థితి ఎదురవుతుంది. అప్పుడు సెర్బియా (చివరి మ్యాచ్‌ ప్రత్యర్థి)తో చావోరేవో తప్పదు. ఇలాంటి క్లిష్టమైన పరిస్థితులు ఎదురవ్వకూడదనుకుంటే బ్రెజిల్‌ శుక్రవారం కోస్టారికాపై గెలవాలి. కౌటిన్హో, నెమార్‌ ఆశించిన మేర రాణిస్తే గెలుపు ఏమంత కష్టం కాదు. ఈ నేపథ్యంలో అందివచ్చిన అవకాశాల్ని బ్రెజిల్‌ చేజార్చుకోదనే భావిస్తున్నా. పటిష్టమైన అటాకింగ్‌ దళమున్న బ్రెజిల్‌ మైదానంలో చెలరేగితే కోస్టారికా ఆత్మవిశ్వాసంపై దెబ్బ కొట్టొచ్చు. అప్పుడు ప్రత్యర్థి ఒత్తిడిలోకి కూరుకుపోతే బ్రెజిల్‌ గోల్స్‌ చేయడం సులభమవుతుంది. ఇక్కడ గోల్స్‌ చేస్తేనే సరిపోదు... డిఫెన్స్‌ కూడా దీటుగా కదలాలి. ప్రపంచకప్‌లో ముందడుగు వేయాలంటే డిఫెన్స్, మిడ్‌ఫీల్డ్‌ చురుగ్గా స్పందించాలి. బ్రెజిల్‌ 4–2–3–1 వ్యూహంతో బరిలోకి దిగితే మంచిది. ఈ వ్యూహంతో పాటు నైపుణ్యం, అదృష్టం, అంకితభావం ఆటలో ప్రముఖ పాత్ర పోషిస్తాయి. నాలుగేళ్లకు వచ్చే వరల్డ్‌కప్‌లో ప్రతీజట్టు కూడా భిన్నమైన ప్రణాళికలతో వస్తాయి.    

మాస్కో: ఫిఫా ప్రపంచకప్‌ టోర్నీలో భాగంగా గ్రూప్‌-డి నుంచి శనివారం అర్జెంటీనా, ఐస్‌ల్యాండ్‌ జట్ల మధ్య జరిగిన మ్యాచ్‌ డ్రాగా ముగిసింది. మ్యాచ్‌ ఆరంభం నుంచి ఇరు జట్లు హోరాహోరీగా తలపడినప్పటికీ ఆట ముగిసే సమయానికి 1-1తో సమంగా నిలిచి డ్రాగా ముగించాయి. తొలిసారి ప్రపంచకప్‌ ఆడుతున్న అతిచిన్న దేశమైన ఐస్‌ల్యాండ్‌ జట్టు, ఈసారి కప్‌ ఎలాగైనా గెలవాలనే తపనతో ఉన్న సీజన్‌ ఫేవరెట్‌ అర్జెంటీనాకు గట్టి పోటీనిచ్చింది. అయితే దీనిపై అర్జెంటీనా దిగ్గజ ఫుట్‌బాల్ ఆటగాడు, మాజీ కోచ్‌ డిగో మారడోనా అర్జెంటీనా ప‍్రస్తుత కోచ్‌ జార్జ్‌ సంపౌలీని తీవ్రంగా హెచ్చరించాడు. రెండు ప్రపంచకప్‌లలో విజేతగా నిలిచిన జట్టు తొలి మ్యాచ్‌ ఆడుతున్న ఐస్‌ల్యాండ్ తో డ్రాగా ముగించడమేంటని మండిపడ్డాడు. దీనికి పూర్తి బాధ్యత కోచ్‌దేనన్నాడు. ఇలా అయితే కోచ్‌ సంఫౌలీ తిరిగి స్వదేశానికి వచ్చే ఆశల్ని వదులుకోవాలంటూ ఆగ్రహం వ్యక్తం చేశాడు. ‘పెనాల్టీ రూపంలో వచ్చిన అవకాశాన్ని దిగ్గజ ఆటగాడు మెస్సీ గోల్‌గా మలచడంలో విఫలమయ్యాడు. మెస్సీ పెనాల్టీతో కలుపుని అర్జెంటీనా రెండు పాయింట్లు సాధించే అవకాశాన్ని కోల్పోయిందని నేను అనుకోవడం లేదు.  పసికూనతో అర్జెంటీనా ఆటగాళ్లు ఆడిన తీరును కూడా నేను నిందించను. అర్జెంటీనా గెలవకపోవడానికి ప్రధాన కారణం సరైన ప్రణాళిక లేకపోవడమే. కోచ్‌ ప్రణాళికలు సరిగా లేవు. వీరి ప్రదర్శన ఇలాగే కొనసాగితే కోచ్‌ సంపౌలీ దేశంలో అడుగుపెట్టలేవు. కుటుంబాన్ని మార్చడానికి ఏదైనా దేశం వెతుక్కోవాలి’ అని మారడోనా మండిపడ్డాడు. ఇదే మ్యాచ్‌ జరుగుతున్న సమయంలో మైదానంలో పొగ తాగిన మారడోనా ఫిఫా యాజమాన్యం ఆగ్రహానికి గురైన సంగతి తెలిసిందే. మరి ఇప్పుడు అర్జెంటీనా మాజీ  ఆటగాడు, ప‍్రస్తుత కోచ్‌ సంఫౌలీకి వార్నింగ్‌ ఇచ్చి మరోసారి వార్తల్లో నిలిచాడు.

మాస్కో: ఫుట్‌బాల్‌ ప్రపంచకప్‌ స్టేడియాల్లో పొగ తాగకూడదన్న నిబంధనను అర్జెంటీనా దిగ్గజ ఆటగాడు డిగో మారడోనా ఉల్లంఘించడంపై అతనిపై చర్యలకు రంగం సిద్ధమైంది. ఇటీవల అర్జెంటీనా-ఐస్‌లాండ్‌ జట్ల మధ్య మ్యాచ్‌ జరుగుతున్న సమయంలో మారడోనా స్టేడియంలో గ్యాలరీలో పొగ తాగుతూ కనిపించాడు. అయితే తనకు స్టేడియాల్లో పొగ తాగుకూడదనే నిబంధనను ప్రవేశపెట్టడం తెలియదంటున్నాడు మారడోనా. అయితే తన తప్పు తెలుసుకున్న మారడోనా తనను క్షమించాలని కోరాడు. ఫుట్‌బాల్ ప్రపంచకప్‌ పోటీలు జరిగే సమయంలో అభిమానులు పొగతాగేందుకు గతంలో అనుమతి ఉండేది. కానీ, ఈ ఏడాది పోటీలు జరిగే సమయంలో స్టేడియం లోపల పొగ తాగడంపై టోర్నీ నిర్వాహకులు నిషేధం విధించారు. దీంతో మారడోనాపై చర్యలు తీసుకునే పనిలో ఉన్నారు అధికారులు. ఆదివారం మారడోనా తన ఇన్‌స్టాగ్రాం అకౌంట్‌ ద్వారా క్షమాపణ కోరాడు. ‘స్టేడియంలో పొగ తాగకూడదన్న కొత్త నిబంధన గురించి నాకు నిజంగా తెలియదు. టోర్నీ నిర్వాహకులతో పాటు ప్రతి ఒక్కరినీ క్షమాపణలు కోరుతున్నాను’ అని మారడోనా పేర్కొన్నారు.  

మాస్కో: టైటిల్‌ ఫేవరెట్లలో ఒకటైన అర్జెంటీనా ఈసారి తప్పకుండా వరల్డ్‌కప్‌ గెలుస్తుందని ఫుట్‌బాల్‌ దిగ్గజం డిగో మారడోనా విశ్వాసం వ్యక్తం చేశాడు. ఫిఫా వరల్డ్‌కప్‌ 2018లో అర్జెంటీనాను విజేతగా నిలిపిన తర్వాత మెస్సీలో ఆనందాన్ని చూడాలనుకుంటున్నట్లు పేర్కొన్నాడు. గత ప్రపంచకప్‌ ఫైనల్లో జర్మనీ చేతిలో అర్జెంటీనా ఓడిపోయిన సంగతి తెలిసిందే. ఆ తర్వాత 2015, 2016 కోపా అమెరికా టోర్నీ ఫైనల్స్‌లోనూ అర్జెంటీనా ఓడిపోయింది. అయితే వాటికి సంబంధం లేకుండా 32ఏళ్ల ప్రపంచకప్‌ నిరీక్షణకు మెస్సీ ఈసారి తెరదించుతాడని ఈ దిగ్గజ ఫుట్‌ బాలర్‌ ధీమా వ్యక్తం చేశాడు. ఓ ప్రముఖ వార్తా పత్రికకు వ్యాసం రాసిన మారడోనా.. మెస్సీ గురించి ప్రధానంగా ప్రస్తావించాడు. ‘ఈసారి అర్జెంటీనా కప్‌ గెలుస్తుందని చెప్పడానికి నేనేమీ విశ్లేషణలు చేయడం లేదు. మరోవైపు మెస్సీ కూడా కప్‌ గెలవడం ద్వారా తన గొప్పతనాన్ని నిరూపించుకోవాల్సిన అవసరం లేదు. కానీ, కప్‌ గెలవాలని అతను బలంగా కోరుకుంటున్నాడు. అదే అర్జెంటీనా జట్టుకు ప్రధాన బలం. క్షణాల్లో మ్యాచ్‌ దిశను మలుపు తిప్పగల సత్తా అతనిలో ఉంది. అయితే ప్రపంచకప్‌ గెలిచిన తర్వాత అప్పటి భావోద్వేగ క్షణాల గురించి వర్ణించడం చాలా కష్టం. వాటిని మెస్సీ కూడా తప్పకుండా అనుభవించాలని కోరుకుంటున్నా’ అని మారడోనా రాసుకొచ్చాడు.

ఆటైనా, జీవితమైనా ఊహించని మలుపులు సహజం. ఇపుడు అలాంటిదే ప్రపంచకప్‌ ప్రారంభానికి ముందు స్పెయిన్‌ జట్టులో జరిగింది. మెగా ఈవెంట్‌కు కేవలం ఒక్క రోజు ముందు స్పెయిన్‌ జట్టు తమ కోచ్‌ లొపెటెగోను తప్పించింది. నాకు తెలిసి టోర్నీకి ముందు ఇలాంటి నిర్ణయం ఏ జట్టు తీసుకోదు. ఇది సమీకరణాలను మార్చ గలదు. అర్జెంటీనా, ఐస్‌లాండ్‌ జట్ల మధ్య జరిగే ప్రారంభ మ్యాచ్‌ కంటే ముందు స్పెయిన్, పోర్చుగల్‌ మ్యాచ్‌పై నేను దృష్టి పెట్టాను. అసలు ఈ మ్యాచ్‌ ఎలా సాగుతుందో అనే ఆసక్తితో ఎదురు చూస్తున్నాను. కొత్త కోచ్‌ ఫెర్నాండో హియెర్రో, స్పెయిన్‌ ఆటగాళ్లు తమ తొలి మ్యాచ్‌లో ఏ మేరకు రాణిస్తారో చూడాలి. నా వరకైతే ఇది క్లిష్టమైందే కానీ... ఫుట్‌బాల్‌లో అసాధ్యమైంది మాత్రం కాదు. ఎందుకంటే స్పెయిన్‌ ఆటగాళ్లంతా ప్రొఫెషనల్సే. వాళ్లకు వాళ్లమీదున్న బాధ్యతలేంటో బాగా తెలుసు. ఇతరత్రా (కోచ్‌కు ఉద్వాసన) ఆఫ్‌ ది ఫీల్డ్‌ వ్యవహారాలేవీ ఆన్‌ ద ఫీల్డ్‌లో కనిపించకుండా జాగ్రత్తగా ఆడగలరు. సాధారణ పరిస్థితుల్లో అయితే అటాకింగ్‌ స్పెయిన్‌కు, రక్షణాత్మక పోర్చుగల్‌ మధ్య రసవత్తర పోరు తప్పదు. స్పెయిన్‌ కొత్త కోచ్‌ ఫెర్నాండో కూడా ప్రత్యర్థి జట్టులో క్రిస్టియానో రొనాల్డో ఉన్నప్పటికీ తమ అటాకింగ్‌నే నమ్ముకుంటాడనిపిస్తుంది. రెండేళ్ల క్రితం యూరో (2016) సమరంలో ఎదురైన పోటీనే ఇక్కడ ఉంటుందని నేను ఆశిస్తున్నా. అయితే పోర్చుగల్‌ ఆరంభంలో ఎదురుదాడికి దిగి గోల్స్‌ సాధించడం ద్వారా మ్యాచ్‌పై పట్టు సాధించాలని చూడొచ్చు. రొనాల్డో ఎంతటి ప్రమాదకారో స్పెయిన్‌కు బాగా తెలుసు. ఫీల్డ్‌లో అతనికి ఏ మాత్రం చాన్స్‌ ఇచ్చినా... స్పెయిన్‌ మిడ్‌ఫీల్డ్, డిఫెన్స్‌లపై ఒత్తిడి పెరగడం ఖాయం. కాబట్టి స్పెయిన్‌ ఇక్కడ క్రమశిక్షణతో అడుగేయాల్సి ఉంటుంది

కోల్‌కతా : అర్జెంటీనా ఫుట్‌ బాల్‌ దిగ్గజం డిగో మారడోనాకు అరుదైన గౌరవం దక్కింది. నగరంలో ఆయన విగ్రహాన్ని నెలకొల్పారు.  విగ్రహావిష్కరణ కార్యక్రమానికి స్వయంగా మారడోనానే హాజరుకావటం విశేషం. అంతేకాదు ఓ పార్క్‌కు కూడా ఆయన పేరును పెట్టేశారు.  ఈ సందర్భంగా మారడోనా భావోద్వేగానికి లోనయ్యారు. ప్రజలంతా నన్ను ఫుట్ బాల్‌ దేవుడంటారు‌.. కానీ, నేనొక సాధారణ ఆటగాడిని మాత్రమే. మీ ఆదరణాభిమానాలే నన్ను ఇంత వాడిని చేశాయి. విగ్రహం నెలకొల్పే అర్హత నాకు ఉందో లేదో తెలీదు. కానీ, మీరు నాపై చూపించే అభిమానానికి నేను ఎప్పుడూ బానిసనే. భారత్‌తో మాత్రం నా అనుబంధం ఎప్పటికీ విడదీయలేనిది అని మారడోనా తెలిపారు.  అంతేకాదు 11 మంది కేన్సర్‌ పెషంట్లకు 10 వేల రూపాయల చొప్పున చెక్‌ అందించిన ఆయన.. ఓ ఆస్పత్రికి ఎయిర్‌ ఆంబులెన్స్‌ ను కూడా అందజేశాడు. 1986 వరల్డ్‌ కప్‌ పట్టుకున్న ఫోటోతో ఆయన విగ్రహం నెలకొల్పగా.. దాని పక్కనే ఆయన నిల్చుని ఫోటోలు దిగి సందడి చేశారు. కాగా, మారడోనా 2008లో చివరిసారిగా ఇండియాకు వచ్చారు. తిరిగి 9 ఏళ్ల తర్వాత కోల్‌కతా పర్యటనకు వచ్చారు.  నిజానికి ఆయన సెప్టెంబర్‌లోనే పర్యటనకు రావాల్సి ఉన్నప్పటికీ.. కాస్త ఆలస్యం అయ్యింది. ఇక పర్యటనలో భాగంగా మారడోనా క్రికెట్ దిగ్గజం సౌరవ్‌ గంగూలీతో ఓ ఎగ్జిబిషన్‌ మ్యాచ్‌ లో తలపడబోతున్నారు. ‘డిగో వర్సెస్‌ దాదా’ పేరుతో బరసత్‌లో ఈ మ్యాచ్‌ను నిర్వహించబోతున్నారు.


 బ్యూనాస్ ఎయిర్స్: అర్జెంటీనా జట్టులో లియోనల్ మెస్సీ  పోస్టర్ తరహా పాత్రకే పరమితమయ్యాడంటూ ఇటీవల విమర్శల వర్షం కురిపించిన ఆ దేశ దిగ్గజ ఆటగాడు, మాజీ కోచ్ డిగో మారడోనా తాజాగా స్వరం మార్చాడు. అర్జెంటీనా జట్టుకు మెస్సీ అవసరం చాలా ఉందంటూ కొత్త పల్లవి అందుకున్నాడు. కోపా అమెరికా ఫుట్ బాల్ టోర్నమెంట్ తుదిపోరులో అర్జెంటీనాను విజేతగా నిలపడంలో విఫలమైన మెస్సీ అంతర్జాతీయ కెరీర్ కు వీడ్కోలు చెప్పాడు. దీంతో మెస్సీ వీడ్కోలు నిర్ణయాన్ని ఉపసంహరించుకోవాలని మారడోనా కోరాడు.
  
 'మెస్సీ జట్టును విడిచి వెళ్లవద్దు. జట్టుకు నీ అవసరం ఉంది. జట్టు కోసం పూర్తి బాధ్యతతో ఆడని వారికి మాత్రమే వెళ్లిపోయే అవకాశం ఉంది. జట్టును ఉన్నతస్థానంలో నిలపడానికి నీవు చాలా చేశావు. దయచేసి జట్టును విడిచి వెళ్లకు. వీడ్కోలు నిర్ణయాన్ని ఉపసంహరించుకో'అని మారడోన విన్నవించాడు.
 
 ఇటీవల కాలంలో మెస్సీపై మారడోనా తీవ్ర విమర్శలు చేసిన సంగతి తెలిసిందే. అర్జెంటీనా జట్టులో పోస్టర్ తరహా పాత్రను పోషిస్తూ ఫీల్డ్లో ఒక గొప్ప నాయకుడిగా మెస్సీ మన్ననలు అందుకుంటున్నాడంటూ మారడోనా విమర్శించాడు. అయితే ప్రస్తుతం అర్జెంటీనా జట్టుకు గుడ్ బై చెప్పిన మెస్సీ.. వచ్చే వరల్డ్ కప్(2018) నాటికి రష్యాకు వెళ్లి అక్కడ ఆ జట్టుకు ప్రాతినిధ్యం వహిస్తాడనే వార్తలు వస్తున్నాయి. ఈ నేపథ్యంలో మెస్సీ జట్టుతోనే ఉండాలంటూ మారడోనాతో పాటు, పలువురు అర్జెంటీనా ఫుట్ బాల్ పెద్దలు విజ్ఞప్తి చేయడం గమనార్హం.


 చికాగో:లియోనల్ మెస్సీ పరిచయం అవసరం లేని పేరు. ప్రప్రంచంలోని అన్ని దేశాల్లో  విశేషమైన అభిమానుల్ని సంపాదించుకున్నఫుట్ బాల్ ఆటగాడు. అయితే అర్జెంటీనాకు చెందిన మెస్సీపై తాజాగా ఆ దేశానికే చెందిన దిగ్గజ ఫుట్ బాల్ ప్లేయర్ డిగో మారడోనా విమర్శనాస్త్రాలు సంధించాడు. అసలు మెస్సీకి వ్యక్తిత్వమే లేదంటూ తీవ్రంగా ధ్వజమెత్తాడు. ప్రస్తుతం అర్జెంటీనా జట్టులో పోస్టర్ తరహా పాత్రను పోషిస్తూ ఫీల్డ్లో ఒక గొప్ప నాయకుడిగా మన్ననలు అందుకుంటున్నాడంటూ మండిపడ్డాడు. 'మెస్సీ ఒక మంచి వ్యక్తి. కానీ అతనికి వ్యక్తిత్వం లేదు. అతను తన క్యారెక్టర్ను కోల్పోయి జట్టుకు నాయకుడిగా మారాడు' అని మారడోనా ధ్వజమెత్తాడు.
  
 అయితే మెస్సీని కోచ్ గెరార్డో మార్టినో వెనుకేసుకొచ్చాడు. తమకు మెస్సీ సామర్థ్యంపై విపరీతమైన నమ్మకం ఉందని మార్టినో పేర్కొన్నాడు. అంతకుముందు అర్జెంటీనాకు కెప్టెన్గా వ్యహరించిన జాయిర్ మాస్చరానో ను మెస్సీ నాయకత్వం పోలి ఉంటుందని కితాబిచ్చాడు. గతంలో మాస్చరానో  జట్టులో ఏ తరహా కీలక పాత్ర పోషించాడో, అదే తరహాలో మెస్సీ కూడా జట్టులో ప్రధాన పాత్ర పోషిస్తాడని మార్టినో పేర్కొన్నాడు. కాగా, మారడోనా వ్యాఖ్యలపై తాను ఎటువంటి వ్యాఖ్యలు చేయబోనని మార్టినో స్పష్టం చేశాడు. ఫుట్ బాల్ లో ఎప్పుడూ సహజసిద్ధమైన నాయకులే ఉంటారంటూ మెస్సీని వెనకేసుకొచ్చాడు. ఇదిలా ఉండగా, కోపా అమెరికా ఫుట్ బాల్ టోర్నీలో భాగంగా అర్జెంటీనా తన తదుపరి మ్యాచ్లో శనివారం పనామాతో తలపడనుంది.


  ఫుట్‌బాల్ దిగ్గజం, నిత్యం వివాదా ల్లో ఉండే అర్జెంటీనా మాజీ స్టార్ డిగో మారడోనా మరోసారి పెళ్లి చేసుకోబోతున్నారు. 54 ఏళ్ల మారడోనా 25 ఏళ్ల రికో ఒలివా అనే అమ్మాయితో చాలా కాలంగా డేటింగ్ చేస్తున్నారు. తామిద్దరం త్వరలో పెళ్లి చేసుకోబోతున్నామని ఒలివా ప్రకటించింది. ప్రస్తుతం మారడోనా, అయన మాజీ భార్య క్లాడియా విలాఫెనీల మధ్య వివాదం న్యాయస్థానంలో ఉంది. క్లాడియాతో మారడోనాకు ఇద్దరు అమ్మాయిలు ఉన్నారు. మరో ముగ్గురు మహిళలతో ఇద్దరు కుమారులు, ఒక కుమార్తె కూడా ఉన్నారు.
 
 ఇన్ని పెళ్లిళ్లు అయ్యాక... ఈ వయసులో మరోసారి పెళ్లి కొడుకు కాబోతున్నాడు మారడోనా. ఇటీవల మారడోనాకు, ఒలివాకు కూడా విభేదాలు వచ్చాయనే వార్తలు పెరిగిన నేపధ్యంతో ఆ అమ్మాయి ఈ ప్రకటన చేసింది.


  అర్జెంటీనా మాజీ స్టార్‌ ఫుట్‌బాల్‌ ఆటగాడు డీగో మారడోనా మాజీ స్నేహితురాలు ఒలివా ఒక ఇంటివారు కానున్నారు. ఈ విషయం స్వయంగా ఈ ఫుట్ బాల్ స్టార్ మాజీ ప్రియురాలే తెలిపింది. తన సోదరుని పుట్టిన రోజు సందర్భంగా అర్జంటీనా వచ్చిన ఈ జంట మీడియాతో మాట్లాడారు. వాటికన్ సిటీలో పోప్ సమక్షంలో పెళ్లి చేసుకోనున్నట్లు వార్తలు వినిపించాయి. డిసెంబర్ 13న పెళ్లి ఉంటుందనే వాదనను.. ఒలీవా ఖండించింది. అయితే ఈ ఏడాదిలో పెళ్లి ఉంటుందని.. డేట్స్ ఇంకా నిర్ణయించలేదని తెలిపింది. కాగా.. మారడోనా.. మాజీ భార్యతో వచ్చిన ఆర్థిక విబేధాల్లో తలమునకలుగా ఉన్నాడు. భార్య క్లౌడియాకు ఈ ఫుట్ బాల్ దిగ్గజం 2003లో విడాకులు ఇచ్చాడు. అయితే. జాయింట్ అకౌంట్ కి సంబంధించిన లావాదేవీల్లో పేచీలు రావడంతో.. క్లౌడియా కోర్టుకెక్కింది. కాగా.. వీరికి ఇద్దరు ఆడపిల్లలు ఉన్నారు. 54 ఏళ్ల మారడోనా.. తాజాగా 25ఏళ్ల ఒలీవాను పెళ్లాడనున్నాడు.  
 
 
  
 
 
 
  


 బ్యూనోస్ ఎయిర్స్: అర్జెంటీనా సాకర్ దిగ్గజం డిగో మారడోనా మోసగాడని అతడి మాజీ భార్య క్లాడియా విల్లాఫాన్(52) ఆరోపించింది. తన కుమార్తె జియానియాతో కలిసి బుధవారం బ్యూనోస్ ఎయిర్స్ కోర్టులో హాజరైంది. తన భర్త బ్యాంకు అకౌంట్ నుంచి డబ్బులు తీయలేదని కోర్టుకు తెలిపింది.
 
 తన బ్యాంకు అకౌంట్ నుంచి 6 లక్షల మిలియన్ డాలర్లు మాయం అయ్యాయని మారడోనా కోర్టుకు ఎక్కారు. అయితే తన డబ్బు తనకు తిరిగి కావాలని 54 ఏళ్ల మారడోనా కోర్టుకు తెలిపాడు. తాను ఎవరిపైనా నిందలు వేలయదలచుకోలేదని, ఎవరి పేర్లు బయటపెట్టాలనుకోవడం లేదని చెప్పాడు. అయితే క్లాడియా నిరపరాధి అని రుజువు చేస్తామని ఆమె తరపు న్యాయవాది తెలిపారు. 
 
 తన బంగారు ఆభరణాలను దోచుకెళ్లిందని మారడోనా అంతకుముందు తన మాజీ ప్రేయసి రోకియో ఒలివాపై ఆరోపణలు చేశాడు. తనను కావాలని మారడోనా ఇరికించాడని రోకియో పేర్కొంది.


 రోమ్: అర్జెంటీనా దిగ్గజ ఫుట్ బాల్ ఆటగాడు డిగో మారడోనా ఇటలీలో కోర్టు బోను ఎక్కనున్నాడు. మారడోనా, అతడి తరపు లాయర్ ఆంగెలొ పిసానో వచ్చే ఏడాది జూలై 16న విచారణకు హాజరు కావాలని రోమ్ కోర్టు ఆదేశించింది. ఈక్విటాలియా ట్యాక్స్ కలెక్షన్ ఏజెన్సీని దూషించిన కేసులో వీరిద్దరూ తమ ఎదుట విచారణ హాజరుకావాలని న్యాయస్థానం ఆదేశాలు జారీచేసింది.
 
 ఈక్విటాలియాపై పలు ఇంటర్వ్యూల్లో మారడోనా దుమ్మెత్తి పోశాడు. తప్పుడు పత్రాలతో తనను ఈక్విటాలియా పీడించుకుని తిందని, అవకతవకలకు పాల్పడిందని విమర్శించాడు. ఇటలీలోని తన ఆస్తులను ఈక్విటాలియా స్తంభింపజేయడంతో మారడోనా ఈవిధంగా విరుచుకుపడ్డాడు.


 బ్యూనోస్ ఎయిర్స్: తనలోని పూర్తి స్థాయి ఆటగాడు బయట ప్రపంచానికి తెలియకపోవడానికి కారణాన్నిఅర్జెంటీనా మాజీ దిగ్గజం డిగో మారడోనా  తాజాగా వెల్లడించాడు.  ఇందుకు తనతో పాటు పాతుకుపోయి ఉన్న డ్రగ్స్ అలవాటే  ప్రధాన కారణంగా పేర్కొన్నాడు.  ఒక అర్జెంటీనా టెలివిజన్ కు ఇచ్చిన ఇంటర్యూలో మారడోనా పలు విషయాలను స్పష్టం చేశాడు.  'నేను డ్రగ్స్ కు బానిస అవ్వడం నా ఆటపై తీవ్ర ప్రభావం చూపింది. ఆ అలవాటే  నాలోని నైపుణ్యాన్ని బయటకు రాకుండా చేసింది. నేను ఇప్పటికీ సాధారణ జీవితంలోకి రాకపోవడానికి కారణం యువకుడిగా ఉన్నప్పటి నాలోని ఛాయలు ఇంకా వదిలి వెళ్లకపోవడమే' అని మారడోనా ఆవేదన వ్యక్తం చేశాడు.
  
 చాలా సందర్భంల్లో తాను డ్రగ్స్ తీసుకోవటం ప్రత్యర్థులకు వరంలా మారేదని గతాన్ని గుర్తు చేసుకున్నాడు. 1986 వరల్డ్ కప్ సాధించిన అర్జెంటీనా టీంలో సభ్యుడైన మారోడానా.. అనంతరం ఆ జట్టుకు కోచ్ గా కూడా వ్యవహరించాడు. అయితే తాను కోచ్ గా 2010లో వీడ్కోలు చెప్పడాన్నిఇప్పటికీ తాను జీర్ణించుకోలేక పోతున్నానని స్పష్టం చేశాడు.  ఒకవేళ అవకాశం వస్తే తిరిగి ఆ బాధ్యతలు చేపట్టేందుకు సిద్ధంగా ఉన్నట్లు ఒక ప్రశ్నకు సమాధానంగా చెప్పాడు.


 బ్యూనోస్ ఎయిర్స్: అర్జెంటీనా ఫుట్ బాల్ మాజీ దిగ్గజం డిగో మారడోనా,  మాజీ ప్రేయసి రోకియో ఒలివాల మధ్య వివాదం ఆసక్తికరంగా మారుతోంది. తన బంగారు ఆభరణాలను మాజీ ప్రేయసి రోకియో దోచుకెళ్లిందని మారడోనా ఆరోపిస్తుంటే.. తాను ఎటువంటి వస్తువులను దొంగిలించలేదని రోకియో గగ్గోలు పెడుతుంది.  'నేను మారడోనా బంగారు ఆభరణాలను దోచుకెళ్లలేదు. నన్ను కావాలని మారడోనా ఇరికించాడు. నేను అతని వద్ద నుంచి ఎటువంటి వస్తువులు తీసుకెళ్లలేదు' అంటూ రోకియో ఒలివా పేర్కొంది. ఈ రోజు బెయిల్ వచ్చిన అనంతరం ఆమె మీడియాతో మాట్లాడుతూ..  తనను కావాలనే మారడోనా ఇరికిస్తున్నాడని కన్నీటి పర్యంతమైంది. ఆ ఘటనతో తనకు ఎటువంటి సంబంధం లేదని ఏకరుపు పెట్టింది. ఆమెను శుక్రవారం విచారించిన బ్యూనోస్ ఎయిర్స్ కోర్టు ఆమెకు నిబంధనలతో కూడిన బెయిల్ ను మంజూరు చేసింది. 
  
 తన బంగారు ఆభరణాలను రోకియో దోచుకెళ్లిందని మారడోనా ఆరోపించడం తెలిసిందే. దీంతో ఆమెకు దుబాయ్ పోలీసులు అరెస్ట్ వారెంట్ జారీ చేశారు. తన విలువైన వస్తువులను రోకియో అపహరించిందని మారడోనా ఆ ఫిర్యాదులో పేర్కొన్నాడు.


 దుబాయ్: అర్జెంటీనా ఫుట్ బాల్ మాజీ ఆటగాడు డియాగో మారడోనా మాజీ ప్రేయసికి దుబాయ్ పోలీసులు అరెస్ట్ వారెంట్ జారీ చేశారు. ఓ దొంగతనం కేసులో ఆరోపణలు ఎదుర్కొంటున్న రోకియో గెరాల్డైనాను విచారించేందుకు దుబాయ్ అధికారులు అరెస్ట్ వారెంట్ జారీ చేసినట్టు పోలీసులు తెలిపారు. తనకు సంబంధించిన విలువైన వస్తువులను రోకియో గెరాల్డైనా దొంగిలించిందని మారడోనా దుబాయ్ పోలీసులకు ఫిర్యాదు చేశారు. 
  
 దుబాయ్ స్పోర్ట్స్ కౌన్సిల్ కు మారడోనా గ్లోబల్ అంబాసిడర్ గా వ్యవహరిస్తున్నారు. విలువైన వాచీలను, ఆభరణాలతోపాటు వేలాది దిర్హామ్ లను మార్చి 10 దొంగిలించిందని మారడోనా పోలీసులకు ఫిర్యాదు చేశారు.  
  
 ఫుట్ బాల్ క్రీడాకారిణి అయిన గెరాల్డెనా తన పై వచ్చిన ఆరోపణల్ని ఖండించినట్టు స్థానిక మీడియా కథనాల్ని ప్రచురంచింది. రోకియో గెరాల్డైనాను విచారించేందుకు ఇంటర్ పోల్ సహాయం తీసుకుంటున్నామని పోలీసులు తెలిపారు. గత ఫిబ్రవరిలో గెరాల్డెనాతో మారడొనాకు నిశ్చితార్ధం జరిగింది. 
  


 అంతా తొండి... చేతితో గోల్ చేశాడు... క్రీడా స్ఫూర్తి లేదు... ఓ ఆటగాడి గురించి ఇలాంటి విమర్శలు మొదలైన నాలుగు నిమిషాలకు... అందరి నోళ్లు మూయించాలంటే... అదీ ఫుట్‌బాల్ లాంటి క్రీడలో నాలుగు నిమిషాల్లో రెండు గోల్స్ చేయాలంటే... కచ్చితంగా అతను ‘మాయ’ చేయాలి లేదా దేవుడై ఉండాలి. అందుకే మారడోనా అర్జెంటీనాకు దేవుడయ్యాడు.
  
 1986 ఫిఫా ప్రపంచకప్‌లో ఇంగ్లండ్, అర్జెంటీనాల క్వార్టర్ ఫైనల్ మ్యాచ్ హోరాహోరీగా సాగుతోంది. రెండో అర్ధభాగంలో ఆరో నిమిషంలోనే మారడోనా గోల్ చేసి అర్జెంటీనాను 1-0 ఆధిక్యంలోకి తీసుకెళ్లాడు. విమర్శల కోసం సిద్ధంగా ఉండే ఇంగ్లండ్ మీడియా అంతెత్తున లేచింది. తను చేతితో బంతిని నెట్టాడని అది గోల్ కాదని వాదన మొదలు పెట్టింది. అయితే మైదానంలో మారడోనాకు ఇదేమీ తెలియదు. మరో నాలుగు నిమిషాలు గడిచాయి.
 
 60 మీటర్ల దూరం నుంచి బంతిని డ్రిబుల్ చేసుకుంటూ... ఐదుగురు ఇంగ్లండ్ డిఫెండర్లను బోల్తా కొట్టించి ఎవరూ ఊహించని రీతిలో మారడోనా మరో గోల్ కొట్టాడు. ఈ గోల్‌ను చూసిన వాళ్లెవరూ ఆ తర్వాత తన నైపుణ్యం గురించి జీవితంలో మాట్లాడలేదు. ఇప్పటికీ ఈ శతాబ్దానికి దానినే అత్యుత్తమ గోల్‌గా పరిగణిస్తారు.  అంత అద్భుతమైన ఆటగాడు మారడోనా. అందుకే చేతితో చేశాడనే గోల్‌ను కూడా ‘హ్యాండ్ ఆఫ్ గాడ్’ గోల్ అని పిలుస్తారు.
  
 పరిచయం అక్కరలేదు
  
 డీగో మారడోనా... పరిచయం అక్కర్లేని పేరు. అర్జెంటీనాలో అతనో ఆరాధ్య దైవం. తన అద్భుతమైన ప్రతిభతో ప్రపంచ వ్యాప్తంగా అభిమానులను సృష్టించుకున్న దిగ్గజం.. 17 ఏళ్ల పాటు అర్జెంటీనా జాతీయ జట్టుకు సేవలందించడమే కాకుండా కెప్టెన్‌గా... కోచ్‌గా... మేనేజర్‌గా అంతర్జాతీయ ఫుట్‌బాల్‌లో తనదైన ముద్ర వేసిన ఆల్‌టైమ్ గ్రేట్. పీలేతో కలిసి 20వ శతాబ్దపు అత్యుత్తమ ఆటగాడిగా నిలిచిన ఘనత డీగోకే దక్కింది.
  
 ఎనిమిదేళ్లకే చిచ్చర పిడుగు
  
 అర్జెంటీనాలో ఫుట్‌బాల్ అంటే పిచ్చి. తమది పేద కుటుంబమే అయినా పట్టుదలగా ఆడాడు. ఎనిమిదేళ్లకే సాకర్‌లో చిచ్చరపిడుగుగా మారిపోయాడు. ఆ వయసులోనే అద్భుతాలు సృష్టించిన మారడోనా ప్రతిభను ఒడిసి పట్టింది ఫ్రాన్సికో కొర్నియో. ఆయన గనక మారడోనా ప్రతిభను గుర్తించకపోతే ప్రపంచానికి ఓ దిగ్గజం కనిపించేవాడు కాదేమో.  
 
 కొర్నియా ఆధ్వర్యంలోనే తన ఆట తీరుకు మరింత మెరుగులు దిద్దుకున్న మారడోనా జూనియర్ విభాగంలో సత్తా చాటాడు. తద్వారా 1977లో 17 ఏళ్ల వయసులోనే జాతీయ జట్టులో చోటు సంపాదించాడు. ఇక ఆ తర్వాత వెనుదిరిగి చూడలేదు. 1994 వరకు జాతీయ జట్టుకు సేవలందించాడు. 1982, 86, 90, 94 ప్రపంచకప్‌ల్లో పాల్గొన్నాడు. కెప్టెన్‌గా డీగో మారడోనా తానేంటో నిరూపించుకున్నాడు. 1986లో అర్జెంటీనాను చాంపియన్‌గా నిలిపాడు. గోల్డెన్ బాల్ అవార్డును అందుకున్నాడు. ఆ తర్వాతి ప్రపంచకప్ (1990)లో అర్జెంటీనాకు కొద్దిలో టైటిల్ చేజారింది.
  
 1982 ప్రపంచకప్ తర్వాత మారడోనాకు బార్సిలోనా క్లబ్ 7.6 మిలియన్ డాలర్లు ఇచ్చింది. అప్పట్లో అదో పెద్ద సంచలనం. ఫుట్‌బాల్ ద్వారా ఇంత డబ్బు సంపాదించవచ్చని ప్రపంచానికి తెలిసింది అప్పుడే.
 
 డ్రగ్స్‌కు బానిసై... తర్వాత బయటపడి...
  
 తన ఆటతీరుతో మారడోనా ఎంతగా ప్రాచుర్యం పొందాడో... అంతకంటే ఎక్కువగానే వివాదాల్లో, వార్తల్లో నిలిచాడు. సాకర్‌తో పేరు ప్రఖ్యాతులు తెచ్చుకున్న డీగో జాతీయ జట్టుకు ప్రాతినిథ్యం వహిస్తున్న సమయంలోనే డ్రగ్స్‌కు బానిసయ్యాడు. కొకైన్‌కు అలవాటుపడి 1991లో డ్రగ్ పరీక్షలో విఫలమయ్యాడు. ఫలితంగా 15 నెలల పాటు సస్పెండ్ అయ్యాడు.
 
 ఇక 1994 ఫిఫా ప్రపంచకప్‌లో నిషేధిత ఉత్ప్రేరకం ఎపిడ్రిన్‌ను తీసుకోవడంతో అమెరికా నుంచి స్వదేశానికి బలవంతంగా పంపారు. అలా తెరమరుగైన మారడోనా 2005లో డ్రగ్స్ నుంచి బయటపడ్డాడు. అప్పటి నుంచి రెండో ఇన్నింగ్స్ మొదలుపెట్టాడు. 2008 నుంచి 2010 వరకు అర్జెంటీనా జాతీయ జట్టుకు ప్రధాన కోచ్‌గా వ్యవహరించాడు. అతని ఆధ్వర్యంలోని అర్జెంటీనా 2010 ప్రపంచకప్‌లో క్వార్టర్ ఫైనల్ వరకు వెళ్లింది. ఏమైనా ఆటగాడిగా, కోచ్‌గా కూడా ఫుట్‌బాల్ ప్రపంచంలో మారడోనాది ప్రత్యేక ముద్ర. ఆట బతికున్నంతకాలం అతని పేరూ  బతికే ఉంటుంది.
  
 నేను మరో మిలియన్ సంవత్సరాల పాటు సాకర్ ఆడినా మారడోనా దరిదాపుల్లోకి కూడా రాలేను. ఆయన చరిత్రలోనే అతి గొప్ప ఆటగాడు.
  - అర్జెంటీనా స్టార్ మెస్సీ
  


 బ్యూనోస్ ఎయిర్స్: ఇప్పటి వరకూ రెండుసార్లు ఫుట్ బాల్ ప్రపంచకప్ టైటిళ్లను గెలిచిన అర్జెంటీనా మరోసారి టైటిల్ గెలుస్తుందని మాజీ కోచ్ డిగో మారడోనా అభిప్రాయపడ్డాడు. ఈ నెల 12 నుంచి బ్రెజిల్ లో ఆరంభమయ్యే ప్రపంచ కప్ ఫుట్ బాల్ టోర్నీలోఅర్జెంటీనా టైటిల్ గెలిచేందుకు ఎక్కువ అవకాశాలున్నాయన్నాడు. 'నేను ఆ సమయంలో వెనుజులా ఛానల్ కు వ్యాఖ్యాతగా వ్యవహరిస్తున్నాను. అందుచేత అర్జెంటీనా ఆడే ఫుట్ బాల్ మ్యాచ్ లను వీక్షించలేను' అని మరోడానా తెలిపాడు.  కాగా, ఈ సారి ఖచ్చితంగా  అర్జెంటీనా టైటిల్ గెలుస్తుందని తనకు పూర్తిగా నమ్మకం ఉందన్నాడు.
  
 ఇప్పటి వరకూ 19 వరల్డ్ కప్ లు జరగగా.. బ్రెజిల్ మాత్రం అత్యధికంగా ఐదుసార్లు విజేతగా నిలిచి ముందుస్థానంలో ఉంది.  తరువాత ఇటలీ నాలుగు సార్లు గెలిచి రెండో స్థానంలో ఉండగా,  పశ్చిమ జర్మనీ మూడ టైటిళ్లు గెలిచి మూడో స్థానంలో ఉంది.