సాక్షి, బెంగళూరు: కన్నడనాట వైఎస్సార్‌ సీపీ పార్టీ అధ్యక్షుడు, ఏపీ మాజీ ముఖ్యమంత్రి వైఎస్‌ జగన్‌ మోహన్‌రెడ్డి పుట్టినరోజు వేడుకను అభిమానులు, పార్టీ కార్యకర్తలు ఘనంగా నిర్వహించారు. రాష్ట్రంలో పలుచోట్ల కేక్‌ కటింగ్‌లు, సామాజిక సేవా కార్యక్రమాలు జరిగాయి. వైఎస్సార్‌సీపీ కేంద్ర కార్యాలయం పిలుపు మేరకు సేవా మార్గంలో బెంగళూరులో జన నేత వైఎస్‌ జగన్‌ జన్మదిన వేడుకలను నిర్వహించారు. బెళతూరులో ఉన్న శబరి ఆశ్రయధామలో కేక్‌ కట్‌ చేసి సంబరాలు చేసుకున్నారు. ఆశ్రమంలో అనాథలకు అన్నదానం చేపట్టారు. దుప్పట్లు, సాక్సులు పంపిణీ చేశారు. ఐటీ వింగ్‌ తరఫున రూ. 51 వేల విరాళాన్ని శబరి ఆశ్రయధామ ప్రతినిధులకు అందజేశారు. ఈ వేడుకల్లో పెద్దసంఖ్యలో పాల్గొని తమ అభిమాన నాయకుడిపై ప్రేమను చాటారు. కార్యకర్తలు, అభిమానులు మాట్లాడుతూ ఆంధ్రప్రదేశ్‌లో అనేక సంక్షేమ, అభివృద్ధి కార్యక్రమాలతో వైఎస్‌ జగన్‌ గత ఐదేళ్ల పాలన సాగించారని తెలిపారు. ఈ ఆరు నెలల్లోనే చంద్రబాబునాయుడు– కూటమి ప్రభుత్వంపై ప్రజల్లో వ్యతిరేకత వ్యక్తమవుతోందని, భవిష్యత్తులో రాబోయేది వైఎస్సార్‌సీపీ ప్రభుత్వమేనని, ముఖ్యమంత్రి జగన్‌మోహన్‌రెడ్డేనని ధీమా వ్యక్తంచేశారు. ఈ వేడుకల్లో బెంగళూరు వైస్సార్‌సీపీ ఐటీ విభాగం సభ్యులు కుమార్‌ పులివెందుల, రాజశేఖర్‌రెడ్డి, మహేశ్వర్‌రెడ్డి, పూల ప్రవీణ్‌, ఓబుల్‌ రెడ్డి, రామ్‌, తిరుపతి రెడ్డి, కేశవ, విజయ రాఘవ, శివ, సంతోష్‌, నయాబ్‌, ప్రవీణ్‌ తదితరులు పాల్గొన్నారు. బెంగళూరులో ఘనంగా వేడుకలు తరలివచ్చిన కార్యకర్తలు, అభిమానులు

శివాజీనగర: ఏ తనిఖీ సంస్థలైనా, పోలీసులైనా డిజిటల్‌ అరెస్ట్‌ చేయరు అని నగర పోలీస్‌ కమిషనర్‌ బి.దయానంద స్పష్టం చేశారు. కొన్నినెలలుగా సైబర్‌ నేరగాళ్లు నగర పౌరులకు ఫోన్లు చేసి అక్రమాలకు పాల్పడ్డారని బెదిరించడం, అరెస్టు విచారణ పేరుతో భారీగా వసూలు చేయడం తెలిసిందే. ఈ నేపథ్యంలో ప్రజల్లో సైబర్‌ క్రైంలకు అడ్డుకట్ట గురించి ఆయన మాట్లాడారు. ఐటీ, సీబీఐ, ఈడీ సంస్థలు, ముంబై, ఢిల్లీతో పాటుగా ఏ పోలీసులు డిజిటల్‌ అరెస్ట్‌ చేయరు. అలాంటి ఏ చట్టం లేదు అని తెలిపారు. ఇటీవలి రోజుల్లో సైబర్‌ మోసగాళ్లు మీ ప్రైవేట్‌ సమాచారాన్ని తెలుసుకుని మీకు ఫోన్‌ చేసి బెదిరిస్తున్నారు. మీరు నిజమని భయపడి మీరు సొమ్మును వారు చెప్పే ఖాతాకు వేసి మోసపోతున్నారు. ఈ విషయంపై జాగ్రత్తగా ఉండాలని సలహా ఇచ్చారు. కాల్‌ కట్‌ చేయాలి ముందుగా సైబర్‌ మోసగాళ్లు మీ మొబైల్‌కు కాల్‌ చేస్తారు. మీరు ఫోన్‌ స్వీకరించగానే మీ పేరు చెబుతారు. మీరు ఔను అని చెప్పగానే డ్రగ్స్‌ పార్శిల్‌ పంపారని, ఏదో ఒకటి చెప్పి బెదిరిస్తారు. పాన్‌, ఆధార్‌ నంబర్లు మ్యాచ్‌ అవుతున్నాయంటారు. ఇంకా అనేక రకాలుగా బ్లాక్‌మెయిల్‌ చేస్తారు, మీరు భయపడరాదు, అవేవీ నమ్మరాదు అని హెచ్చరించారు. డ్రగ్స్‌, మనీ లాండరింగ్‌, చట్ట వ్యతిరేక పనులకు పాల్పడ్డారని బెదిరిస్తే ఆ కాల్‌ను కట్‌ చేయాలని కోరారు. ఆపై 1930 సహాయవాణికి ఫోన్‌ చేయండి, లేదా స్థానిక పోలీస్‌ స్టేషన్‌కు సమాచారం ఇవ్వవచ్చని సూచించారు. అది సైబర్‌ మోసగాళ్ల నాటకం ప్రజలకు పోలీస్‌ కమిషనర్‌ హెచ్చరిక

దొడ్డబళ్లాపురం: మాజీ మంత్రి మనిషినని చెప్పుకుని నగల దుకాణంలో కోట్ల రూపాయల విలువైన నగలను కాజేసిన మహిళను బెంగళూరు పులకేశినగర పోలీసులు అరెస్టు చేశారు. బాగలగుంటె నివాసి శ్వేతాగౌడ నిందితురాలు. కమర్షియల్‌ స్ట్రీట్‌లోని ఓ నగల షోరూంకి వెళ్లి, తాను ఆభరణాల వ్యాపారం చేయబోతున్నానని, మీ వద్దే పెద్దమొత్తంలో నగలు కొంటానని, మాజీ మంత్రి వర్తూరు ప్రకాశ్‌కు బాగా కావాల్సిన మనిషినని పరిచయం చేసుకుంది. ఆమె మాటలు నమ్మిన జ్యువెలర్స్‌ యజమాని ఆగస్టు 26 నుంచి డిసెంబరు 8 వరకూ రూ.2.42 కోట్ల విలువైన ఆభరణాలు ఇచ్చాడు. ఆ తరువాత ఆమె డబ్బులు ఇవ్వలేదు, అడిగితే బెదిరింపులకు పాల్పడింది. దీంతో పోలీసులకు ఫిర్యాదు చేయగా, మైసూరులో శ్వేతాగౌడను అరెస్టు చేసి బంగారు నగలు, ఓ కారును రికవరీ చేసుకున్నారు. విచారణకు రావాలని మాజీ మంత్రి వర్తూరు ప్రకాశ్‌కు నోటీసులు ఇచ్చారు. ప్రకాశ్‌ మాట్లాడుతూ తనను రోజూ ఎంతోమంది కలుస్తుంటారని, శ్వేతాగౌడ కూడా కలిసి సమాజసేవ చేస్తుంటానని చెప్పిందన్నారు. విచారణకు వెళతానన్నారు. మైసూరు ఫాంహౌస్‌లో దర్శన్‌ మైసూరు: జిల్లాలోని టీ.నరసీపుర మెయిన్‌ రోడ్డులోని కెంపయ్యనహుండి సమీపంలోని ఇష్టమైన సొంత ఫాంహౌస్‌లో సినీ నటుడు దర్శన్‌ తూగుదీప బస చేశారు. చిత్రదుర్గ రేణుకాస్వామి హత్య కేసులో అరెస్టయి విడుదలైన ఆయన ఫాంహౌస్‌కు వచ్చారు. ఆనాడు ఆయన అరెస్టయింది కూడా మైసూరులోనే. బెంగళూరులోని సీసీహెచ్‌ 57వ సెషన్స్‌ కోర్టు వచ్చే జనవరి 5 వరకు మైసూరులో ఉండేందుకు దర్శన్‌కు అనుమతించింది. దీంతో ఆయన తన అక్క కుమారుడు చందన్‌, తల్లి మీనా తూగుదీప, భార్య విజయలక్ష్మి, నటుడు ధన్నీర్‌తో కలిసి ఫాంహౌస్‌కు వచ్చారు. ఘనంగా పుష్పయాగం చింతామణి: పట్టణంలోని ఓ కళ్యాణ మండపంలో ధనుర్మాసం సందర్భంగా లోక కళ్యాణార్థం శ్రీదేవి, భూదేవి సమేత శ్రీ వెంకటేశ్వరస్వామి సహస్ర కలశాభిషేకం, పుష్పయాగాలను ఘనంగా నిర్వహించారు. మహిళా భక్తులు పాల్గొని పూజలు చేశారు. అందరూ సుభిక్షంగా ఉండాలని హోమాలు చేశారు. బాలికపై కుక్కల దాడి మైసూరు: వీధి కుక్కల దాడిలో ఓ బాలిక తీవ్రంగా గాయపడిన ఘటన తాలూకాలోని జయపుర గ్రామంలో జరిగింది. బరడనపుర గ్రామ నివాసి గురుస్వామి కుమార్తె త్రిషిక అన్నపూర్ణేశ్వరి పాఠశాల నుంచి మధ్యాహ్నం ఇంటికి వెళుతుండగా ఆమైపె వీధి కుక్కల గుంపు దాడి చేసింది. బాలికకు చేతితో పాటు శరీరంపై పలుచోట్ల గాయాలయ్యాయి. అక్కడే ఉన్న గ్రామస్తులు గమనించి గట్టిగా అరిచి కుక్కలను పారదోలి బాలికను రక్షించారు. తీవ్రంగా గాయపడిన త్రిషిక ను నగరంలోని ప్రైవేట్‌ ఆస్పత్రిలో చేర్పించి చికిత్స అందిస్తున్నారు. ఇంటి లీజు అని రూ.2 కోట్ల వసూలు యశవంతపుర: నగరంలో ఇళ్ల బాడుగ, విక్రయాల పేరుతో కొందరు మోసాలకు పాల్పడుతున్నారు. తన ఇంటిని లీజుకు ఇస్తానని నమ్మించి 22 మంది నుంచి రూ. 2 కోట్లు వసూలుచేసిన వంచకున్ని బెంగళూరు హెబ్బాళ పోలీసులు అరెస్ట్‌ చేశారు. హెబ్బాళ జోళనగరకు చెందిన గిరిశ్‌ ఏడాది నుంచి తన ఇంటిని సోషల్‌ మీడియాలో పెట్టి లీజుకు ఇస్తానని తెలిపాడు. అనేక మంది ఇంటిని చూశారు. ఇల్లు నచ్చిందని, లీజుకు కావాలని చెప్పగా, రూ.8 లక్షల నుంచి 13 లక్షలు వరకు కట్టించుకున్నాడు. ఇలా 22 మంది నుంచి డబ్బులు వసూలు చేశాడు. ఇంట్లో చేరతామని ఒత్తిడి చేస్తే ఏదో ఒక కారణం చెప్పి వద్దనే వాడు. దీంతో బాధితులు పోలీసులకు ఫిర్యాదు చేశారు.

శివాజీనగర: బెళగావి సువర్ణసౌధలో తనపై జరిగిన దాడి, అరెస్ట్‌, పోలీసుల వైఖరి అన్నింటిపై న్యాయ విచారణ చేపట్టాలని బీజేపీ ఎమ్మెల్సీ, మాజీ మంత్రి సీ.టీ.రవి డిమాండ్‌ చేశారు. శనివారం బెంగళూరులో బీజేపీ ఆఫీసులో ఆయన మీడియాతో మాట్లాడారు. నాపై దాడి జరిగింది, ప్రాణహాని బెదిరింపు ఉంది. ప్రభుత్వం భద్రత కల్పించాలి. డిప్యూటీ సీఎం డీకే శివకుమార్‌, మంత్రి లక్ష్మీ హెబ్బాళ్కర్‌ కలిసి ఏదో కుట్ర చేశారు. అరెస్టు సమయంలో పోలీసులు నాతో ప్రవర్తించిన విధానం సరికాదు. నా ఫోన్‌ కాల్‌ డేటా దొంగిలించారు. డీకే, మంత్రి లక్ష్మీ ఎవరితో మాట్లాడుతుండేవారు, విచారణ జరపాలి, దీంతో వాస్తవాలు బయటికి రావాలి అని అన్నారు. తనపై దాడి జరిగిందనడానికి అన్ని ఆధారాలు ఉన్నాయని చేతులకు ఉన్న గాయాలను చూపించారు. తాను అసెంబ్లీలో మాట్లాడిన ప్రతి మాటా రికార్డయి ఉంటుంది, ఫోరెన్సిక్‌ రిపోర్టు తెప్పించుకోండి, పోలీసులు నాతో ఒక క్రిమినల్‌తో మాదిరిగా నడచుకొన్నారు. పోలీసులకు ఎవరో మంత్రి నుంచి తరచూ కాల్స్‌ వచ్చేవి అని ఆరోపించారు. ఎఫ్‌ఐఆర్‌ వేయలేదు ఎందుకు? తనపై దాడి గురించి పోలీసులకు ఫిర్యాదు చేస్తే ఎఫ్‌ఐఆర్‌ నమోదు చేయలేదు, అలాగే నాపై ఎఫ్‌ఐఆర్‌ వేయలేదు. దీనినంతటిని గమనిస్తే పెద్ద కుట్రే ఉందన్నారు. పోలీసులు తన ఫోన్‌ లాక్కొనేందుకు ప్రయత్నించారు. ఆ సమయంలో గొడవ అయింది. నా తలకు గాయమై రక్తం వచ్చింది. కొందరు దాడి చేసేందుకు యత్నించారు అని ఆయన ఆరోపించారు. ఆ సమయంలో మీడియా, ఎమ్మెల్యే కేశవప్రసాద్‌ రాకపోతే ఏమయ్యేదో తెలియదని అన్నారు. అన్నింటినీ కోర్టుకు వెల్లడించానని తెలిపారు. డీసీఎం శివకుమార్‌, మంత్రి లక్ష్మీ కుట్ర చేశారు బీజేపీ నేత సీటీ రవి ఆరోపణలు

దొడ్డబళ్లాపురం: ఇద్దరు యువకులు అవయవదానం చేయడంతో ఆరు మందికి పునర్జన్మ దక్కింది. బెంగళూరు నిమ్హాన్స్‌ ఆస్పత్రిలో ఇద్దరు యువకులు బ్రెయిన్‌ డెడ్‌ అయ్యారు. 15 రోజుల క్రితం కలబుర్గికి చెందిన కై లాశ్‌ (33), ఆంధ్రప్రదేశ్‌ కడపకు చెందిన సురేంద్ర(27) అనే ఇద్దరు రోడ్డు ప్రమాదాలలో తీవ్రంగా గాయపడి ఈ ఆస్పత్రిలో చేరారు. చికిత్స అందించినప్పటికీ ఫలించక జీవన్మృతులయ్యారు. వారి కుటుంబ సభ్యుల అనుమతితో వైద్యులు అవయవాలను సేకరించారు. అదే ఆస్పత్రిలో తీవ్ర అనారోగ్యంతో చావుబతుకుల మధ్య కొట్టుమిట్టాడుతున్న ఆరుమంది రోగులకు ఈ అవయవాలను అమర్చడంతో వారు కోలుకుంటున్నట్లు వైద్యులు తెలిపారు. కాగా, తీవ్ర శోకం మధ్య ఇద్దరి మృతదేహాలను వారి కుటుంబీకులు స్వస్థలాలకు తీసుకెళ్లారు.పులి గోర్ల స్వాధీనం మైసూరు: పులి గోళ్లను తరలిస్తున్న ఇద్దరు వ్యక్తులను అటవీ సంచార దళ పోలీసులు అరెస్టు చేశారు. జిల్లాలోని పిరియాపట్టణ తాలూకావాసి నవీన్‌ కుమార్‌ (24), హెచ్‌డీకోటె తాలూకావాసి కుమార్‌ నాయక్‌ (32) పట్టుబడిన నిందితులు. చామరాజనగర జిల్లా కొళ్లెగాల–హనూరు మెయిన్‌ రోడ్డులో తనిఖీలు చేస్తుండగా వీరు పట్టుబడ్డారు. వీరి నుంచి నాలుగు పులి గోర్లను, బైక్‌ను స్వాధీనం చేసుకున్నారు. మాజీ క్రికెటర్‌ ఊతప్పపై వారెంటు సాక్షి బెంగళూరు: ఉద్యోగుల ఈపీఎఫ్‌ డబ్బులను జమ చేయలేదనే కేసులో మాజీ క్రికెటర్‌ రాబిన్‌ ఊతప్పపై ఈ నెల 4న అరెస్ట్‌ వారెంట్‌ జారీ అయింది. ఉత్తప్ప బెంగళూరు పులకేశి నగర పోలీసు స్టేషన్‌ పరిధిలోని నివాసి కావడంతో ఆయనను అరెస్టు చేయాలని అక్కడి పోలీసులకు ఈపీఎఫ్‌ ప్రాంతీయ కమిషనర్‌ షడాక్షరి గోపాలరెడ్డి లేఖ రాశారు. వివరాలు.. సెంచురీస్‌ లైఫ్‌స్టైల్‌ ప్రై.లి. అనే కంపెనీకి రాబిన్‌ ఉత్తప్ప సహ యజమానిగా ఉన్నారు. కంపెనీలో సిబ్బంది జీతం ఉంచి ఈపీఎఫ్‌ డబ్బులు కట్‌ చేశారని, కానీ ఖాతాలోకి వేయలేదని, మొత్తం రూ. 23 లక్షల మోసం చేశారని ఫిర్యాదులు వచ్చాయి. సువర్ణ రథం రైలు షురూ శివాజీనగర: విలాసవంత పర్యాటక రైలు.. గోల్డెన్‌ చారియట్‌ (సువర్ణ రథం) సర్వీసును మంత్రి హెచ్‌.కే.పాటిల్‌ యశ్వంతపుర రైల్వే స్టేషన్‌లో పునః ప్రారంభించారు. ఆయన మాట్లాడుతూ 2018లో ఈ సర్వీసు నిలిచిపోయిందని, మళ్లీ ఇప్పుడు ప్రాంభించినట్లు తెలిపారు. కాగా, రైలు ఈ నెల 26 వరకు బెంగళూరు నుంచి మొదలై మైసూరు, కాంచీపురం, మహాబలిపురం, తంజావూరు, కొచ్చిన్‌, మరారికులంలో తిరిగి బెంగళూరుకు వస్తుంది. ఒకరికి టికెట్‌ రూ.4.07 లక్షలు. అలాగే బెంగళూరు నుంచి –నంజనగూడు–మైసూరు–హళేబీడు– చిక్కమగళూరు, హొసపేట–గోవా సర్వీసు మరొకటి ఉంది. దీనికి టికెట్‌ రూ.2.71 లక్షలు.

హుబ్లీ: పంచమసాలీలపై పోలీసులు లాఠీచార్జ్‌ చేయడానికి సంబంధించి ధార్వాడ హైకోర్టులో రిట్‌ దాఖలు చేసినట్లు ఆ సమాజం పీఠాధిపతి మృత్యుంజయస్వామి తెలిపారు. శనివారం ఆయన ధార్వాడలో మీడియాతో మాట్లాడారు. రిజర్వేషన్ల కోసం బెళగావి సువర్ణసౌధ ఎదుట ధర్నా చేస్తున్న సమయంలో పోలీసులు లాఠీచార్జ్‌ చేశారని, ఈ విషయంపై కోర్టులో రిట్‌ దాఖలు చేయడంతో హైకోర్టు రాష్ట్ర ప్రభుత్వం, హోం శాఖకు ఏకసభ్య పీఠం నోటీసులు జారీ చేసిందన్నారు. కూడల సంఘమ లింగాయత్‌ పంచమశాలి పీఠం, బసవజయ మృత్యుంయస్వామి, పంచమశాలి న్యాయవాదుల పరిషత్తుతో కలిపి రిట్‌ దాఖలు చేశామన్నారు. 12 మందిపై కేసులు పెట్టారు. ఆ కేసులను రద్దు చేయాలని, సీఎం క్షమాపణ చెప్పాలని డిమాండ్‌ చేశామని, అయితే సీఎం నుంచి ఎటువంటి స్పందన రాకపోవడంతో హైకోర్టును ఆశ్రయించామన్నారు. సోమవారం గాయపడిన వారిని పరామర్శిస్తామన్నారు. లాయర్‌ పూజా సౌదత్తి మాట్లాడుతూ...ఆందోళన వేళ 144 సెక్షన్‌ జారీ కాలేదు. నేరుగా లాఠీచార్జ్‌ చేశారన్నారు. వీటిని ప్రశ్నిస్తూ కోర్టులో రిట్‌ వేశామన్నారు. మరో న్యాయవాది ప్రభులింగనావదగి మాట్లాడుతూ...కేసు నమోదైన వెంటనే విచారణ చేపట్టి నోటీసు జారీ చేయాలని ఆదేశించారన్నారు.

హుబ్లీ: క్రిస్మస్‌.. ప్రేమ కరుణలను పంచే పండుగని, క్రిస్మస్‌ ఏసు ప్రభువు జన్మించిన శుభవార్తను ప్రపంచానికి చాటి చెప్పడమే ఈ పండుగ పరుమావధి అని జంట నగరాల పోలీసు కమిషనర్‌ ఎన్‌.శశికుమార్‌ తెలిపారు. తాను చిత్రదుర్గలో ఏడవ తరగతి వరకు విద్యాభ్యాసాన్ని క్రిష్టియన్‌ స్కూల్లో పూర్తి చేశానని, అక్కడ తన చదువుకు, మంచి భవిషత్తుకు గట్టిపునాది పడిందన్నారు. ఆంధ్రప్రదేశ్‌ బిషప్‌ పైయాల హైసాక్‌ వర ప్రసాద్‌ మాట్లాడుతూ... క్రైస్తవులు కలిసి కట్టుగా ఉండాలి. ఐక్యతలోనే శక్తి ఉంది. దక్షిణ భారత క్రైస్తవ మహాసభకు ఎంతో ఘన చరిత్ర ఉందని, దాన్ని కాపాడుకొని అభివృద్ధి పథంలో సాధించాలన్నారు. క్రైస్తవ ఉపదేశాలు నేటికి అవసరమని ఆయన ఉపదేశాలను స్మరించుకుంటూ క్రిస్మస్‌ పండుగను జరుపుకుందామన్నారు. మరో బిషప్‌ మార్టిన్‌ బోర్గాయి మాట్లాడుతూ... ప్రతి ఒక్కరి జీవితంలో క్రిస్మస్‌ పండగ సందేశం అందరి సుఖాన్ని కోరుకుంటుందన్నారు. కొత్త ఆలోచనలు అందరికి మార్గదర్శకత్వం కావాలన్నారు. ఈసందర్భంగా కర్ణాటక ఉత్తర సభాప్రాంతం సవరించినా రాజ్యాంగాన్ని ఆవిష్కరించారు. అలాగే ఇద్దరు విశ్రాంత ఫాదర్లను ఘనంగా సన్మానించారు. ఈ సందర్భంగా సంబంధిత పాఠశాల, కళాశాల విద్యార్థులు ఏసు జన్మవృత్తాంత నాటికను ప్రదర్శించి ఆకట్టుకొన్నారు. కార్యక్రమంలో బెంగళూరు పీడోరవిలియమ్స్‌, శ్యామువేల్‌ క్యాల్విన్‌, విజయకుమార దండినా, విజయ అమృత రాజన్‌, డాక్టర్‌ ప్రేమలత కోటి, శారోనా ఆలగోడి, రెవరెండ్‌ సత్యబాబు, ప్రేమా బోర్గాయి, చిన్నాదందలూరు తదితరులు పాల్గొన్నారు. సామూహిక క్రిస్మస్‌ వేడుకలకు శ్రీకారం

సాక్షి, బెంగళూరు: ప్రముఖ భారతీయ క్రికెటర్‌ క్రికెటర్‌ విరాట్‌ కోహ్లీ సహ యజమానిగా ఉన్న బార్‌ అండ్‌ రెస్టారెంట్‌కు బృహత్‌ పాలికె నోటీసులు జారీ చేసింది. నగరంలో చిన్నస్వామి స్టేడియం ఎదుట ఒన్‌8 కమ్యూన్‌ బార్‌ అండ్‌ రెస్టారెంట్‌ ఉంది. దీనికి అగ్నిమాపక శాఖ నుంచి ఎలాంటి అనుమతులు లేవని సామాజిక కార్యకర్త హెచ్‌ఎం వెంకటేశ్‌ పాలికెకి ఫిర్యాదు చేశారు. దీంతో సమాధానం ఇవ్వాలని ఆ బార్‌కి నోటీసులు జారీ అయ్యాయి. సమాధానం రాకపోవడంతో మరోసారి తాఖీదులు పంపారు. కాగా, సమయం మించినా పని చేస్తోందని ఇదే బార్‌ మీద గత జూలైలో కబ్బన్‌ పార్కు పోలీసులు కేసు పెట్టారు.

కోలారు: కేంద్ర హోం మంత్రి అమిత్‌ షా అంబేడ్కర్‌ను ఉద్దేశించి చేసిన వ్యాఖ్యలను ఖండిస్తూ శనివారం నగరంలోని మెక్కె సర్కిల్‌ వద్ద కాంగ్రెస్‌ కార్యకర్తలు, నేతలు ధర్నా నిర్వహించారు. ఈ సందర్భంగా కాంగ్రెస్‌ నాయకుడు ఊరుబాగిలు శ్రీనివాస్‌ మాట్లాడుతూ... కేంద్ర హోం మంత్రి అమిత్‌ షాకు అంబేడ్కర్‌ గురించి సరిగా తెలియక నోటికొచ్చినట్లుగా మాట్లాడుతున్నారు. ఇలాంటి వ్యక్తిని మంత్రి వర్గం నుంచి తొలగించాలని, చట్ట పరమైన చర్యలు తీసుకోవాలన్నారు. మతతత్వ పార్టీ బీజేపీ, ఆ పార్టీ నాయకులకు అంబేడ్కర్‌ పేరును జీర్ణించుకోలేక ఇలాంటి వ్యాఖ్యలు చేస్తున్నారన్నారు. వీరికి అధికారంలోకి రావడానికి మాత్రమే రాజ్యాంగం కావాలి. అంతేకాని అంబేడ్కర్‌ పేరు మాత్రం వద్దు. బీజేపీ నాయకులు రాజ్యాంగానికి వ్యతిరేకంగా నడుచుకుంటున్నారని ధ్వజమెత్తారు. అదేవిధంగా బెళగాం సమావేశాలలో మంతి లక్ష్మీ హెబ్బాళ్కర్‌పై అనుచిత వ్యాఖ్యలు చేసిన సీటీ రవిపై కూడా కఠిన చర్యలు తీసుకోవాలని డిమాండ్‌ చేశారు. అనంతరం తహసీల్దార్‌ కార్యాలయానికి వెళ్లి తహసీల్దార్‌ ద్వారా ప్రభుత్వానికి వినతి పత్రం సమర్పించారు. ధర్నాలో కాంగ్రెస్‌ నాయకులు ఎల్‌ఎ మంజునాథ్‌, నగర బ్లాక్‌ కాంగ్రెస్‌ అధ్యక్షుడు ప్రసాద్‌బాబు, జిల్లా వివిధ కాంగ్రెస్‌ విభాగాల అధ్యక్షులు కె జయదేవ్‌, హొన్నేనహళ్లి యల్లప్ప, నాగరాజ్‌, సుధీర్‌, రంగనాథ్‌, మంజునాథ్‌ తదితరులు పాల్గొన్నారు. దళిత సంఘం ఆధ్వర్యంలో... మాలూరు : లోక్‌సభలో కేంద్ర హోం మంత్రి అమిత్‌ షా అంబేడ్కర్‌ను అవమానిస్తూ చేసిన వ్యాఖ్యలను నిరసిస్తూ శనివారం దళిత సంఘర్ష సమితి ఆధ్వర్యంలో పట్టణంలోని అంబేడ్కర్‌ విగ్రహం ముందు ధర్నా నిర్వహించారు. ఈ సందర్భంగా మాట్లాడిన సంఘటన సంచాలకుడు కోడూరు గోపాల్‌ అమిత్‌ షాపై కేంద్రం వెంటనే చర్యలు తీసుకోవాలి, ఆయనను మంత్రి వర్గం నుంచి తొలగించాలని డిమాండ్‌ చేశారు. అమిత్‌ షా దేశ ప్రజలను క్షమాపణ కోరాలన్నారు. ఈ సందర్భంగా చాకనహళ్లి నాగరాజ్‌, ఎస్‌ఎం రాజు, ఆటో శ్రీనివాస్‌, తిప్పసంద్ర శ్రీనివాస్‌, ఆర్‌ వెంకటేష్‌ తదితరులు పాల్గొన్నారు.

రాయచూరు రూరల్‌: బెళగావిలో జరుగుతున్న శీతాకాల అసెంబ్లీ సమావేశాల్లో మంత్రి లక్ష్మీ హెబ్బాల్కర్‌ను బీజేపీ విధాన పరిషత్‌ సభ్యుడు సీటీ రవి అవమానించడం తగదని జిల్లా కాంగ్రెస్‌ పార్టీ మాజీ మహిళా అధ్యక్షురాలు నిర్మల మండిపడ్డారు. శనివారం విలేకరుల సమావేశంలో మాట్లాడుతూ...లోక్‌సభలో కేంద్రమంత్రి అమిత్‌షా అంబేడ్కర్‌ అనే పదం ఫ్యాషన్‌గా మారిందని పేర్కొనడాన్ని ఆమె ఖండించారు. సమావేశంలో వందన, జ్యోతి పాల్గొన్నారు. యువత రక్తదానం చేయాలిహొసపేటె: కొండనాయకనహళ్లిలో తాలూకా ఆరోగ్యశాఖ పరివర్తన యువ సమితి, చిరంజీవి బ్లడ్‌బ్యాంక్‌ సంయుక్త ఆధ్వర్యంలో శనివారం రక్తదాన శిబిరాన్ని సాహితీవేత్త నందీష్‌దండే ప్రారంభించి మాట్లాడారు. రక్తదానం ప్రాణదానంతో సమానమని, ప్రతి ఒక్కరు రక్తదానం చేయాలని, ముఖ్యంగా యువత రక్తదానంలో విరివిగా పాల్గొనాలని కోరారు. ఈ సందర్భంగా వైద్యాధికారి ఆశావహులు, జిల్లా ఆరోగ్య విద్యాశాఖాధికారి ఎంపీ దొడ్డమణి, అశ్వినిబాబు, శివగంగ, వి.పరుశురాముడు, ముక్కన్‌ తదితరులు పాల్గొన్నారు. వివాహిత అనుమానాస్పద మృతి రాయచూరు రూరల్‌: వివాహిత అనుమానాస్పద స్థితిలో మృతి చెందిన ఘటన సింధనూరు తాలూకాలో ఆలస్యంగా వెలుగులోకి వచ్చింది. అరగిన మర క్యాంప్‌ పునర్వసతి బసవనగౌడ బాదరల్లి నగర్‌లో లిపి అలియాస్‌ హర్షిత (23), మంజునాథ్‌ (26) నివాసం ఉంటున్నారు. ఈ నేపథ్యంలో 18న లిపి ఆత్మహత్య చేసుకుంది. మూడేళ్ల క్రితం ఆటో డ్రైవర్‌ను లిపి ప్రేమ వివాహం చేసుకుంది. వీరికి ఏడునెలల కుమారుడు ఉన్నాడు. పోలీసులు కేసు నమోదు చేసుకుని దర్యాప్తు చేపట్టారు. ధ్యానంతో ప్రశాంతత హుబ్లీ: ధ్యానంతో ప్రశాంతత మనోస్థైర్యం కలుగుతాయని కర్ణాటక పతాంజలి యోగా సమితి ప్రముఖులు బాబార్‌లాల్‌ ఆర్య తెలిపారు. ప్రపంచ ధ్యాన దినం సందర్భంగా స్థానిక కేశవపుర అజాద్‌కాలనీలోని పతాంజలి కార్యాలయంలో శనివారం ఉదయం ఆయన కార్యక్రమంలో మాట్లాడారు. ఐక్యరాజ్య సమితి ప్రతి డిసెంబర్‌ 21న విశ్వధ్యాన దినంగా ప్రకటించిందన్నారు. ధ్యానంతో పాటు యోగా తదితర అలవాట్ల వల్ల మనశ్శాంతి, ఆత్మవిశ్వాసము సాధించవచ్చునన్నారు. అందుకే ప్రతి ఒక్కరు వయసుతో పరిమితం లేకుండా తమకు సులభమైన ఆసనంలో కూర్చోని ధ్యానం చేయడం అభ్యసించాలన్నారు. తొలుత అందరికీ ధ్యానం క్రమంలో సుస్థిర మనసు ఉండదని అభ్యాసం ద్వారా దీన్ని అధిగమించవచ్చన్నారు. నగర సభ మాజీ సభ్యుడు మృతి రాయచూరు రూరల్‌: నగర సభ మాజీ సభ్యుడు అజాంఖాన్‌ (50) మృతి చెందారు. శనివారం నగరంలోని 11వ వార్డు బైరూన్‌ కిల్లాలోని ఆయన నివాసం ఉంటున్నారు. గత నెల రోజులుగా ఆయన అనారోగ్యంతో బాధపడుతున్నారు. ఆయన మృతి పట్ల ప్రజాప్రతినిధులు, అధికారులు సంతాపం వ్యక్తం చేశారు. వేడుకగా రథోత్సవం రాయచూరు రూరల్‌: సింధనూరు తాలూకా బంగారి క్యాంప్‌లో గణేష, గాయత్రి దేవి జాతర ఉత్సవాలు అట్టహాసంగా జరిగాయి. శుక్రవారం రాత్రి రథోత్సవం నిర్వహించారు. వందలాది మంది భక్తులు పాల్గొన్నారు. బంగారి క్యాంప్‌ సిద్దాశ్రమ మఠాధిపతి సిద్దరామేశ్వర శరణ, సదానంద శరణ, కిల్లే బ్రహన్మఠాధిపతి శాంతమల్ల శివాచార్య, సుల్తాన్‌ పుర శంభు సోమనాథ శివాచార్య, రుద్రముని అమర గుండ స్వామీజీలు పాల్గొన్నారు.

బళ్లారి అర్బన్‌: నేరాల నియంత్రణపై శనివారం పోలీసు శాఖ ఆధ్వర్యంలో జాగృతి జాతా నిర్వహించారు. ఈసందర్భంగా స్థానిక ఎస్పీ కార్యాలయం వద్ద ఐజీ లోకేశ్‌, ఎస్పీ శోభారాణి, సీనియర్‌ సివిల్‌ నాయ్యమూర్తి రాజేష్‌ హొసమణి జాతాను ప్రారంభించారు. జాతాలో వివిధ విద్యా సంస్థల విద్యార్థులు ఎన్‌సీసీ క్యాడెట్లు, రెడ్‌క్రాస్‌ సంస్థ పదాధికారులు, విశ్రాంత పారామిలటరీ సంఘం, ఇతర సంస్థలు పాల్గొన్నాయి. జాతా దుర్గమ్మ సర్కిల్‌, వాల్మీకి సర్కిల్‌, అంబేడ్కర్‌ సర్కిల్‌, హెచ్‌ఆర్‌ గవియప్ప సర్కిల్‌, గడిగిచెన్నప్ప సర్కిల్‌ మీదుగా సాగింది. ఈసందర్భంగా రోడ్డు భద్రత, మహిళలు, పిల్లల రక్షణ, సైబర్‌ నేరాల పట్ల చైతన్యం కల్పించారు. జిల్లా రెడ్‌ క్రాస్‌ సంస్థ రోడ్డు భద్రతపై ప్రదర్శన నిర్వహించింది. సిరుగుప్ప డీఎస్పీ వెంకటేష్‌, డీఏఆర్‌ డీఎస్పీ తిప్పేస్వామి, ట్రాఫిక్‌ సీఐ అయ్యనగౌడ పాటిల్‌ తదితరులు పాల్గొన్నారు. ట్రాఫిక్‌ నియమాలపై అవగాహన రెడ్‌క్రాస్‌ సంస్థ బళ్లారి శాఖ, జిల్లా పోలీసు శాఖ ఆధ్వర్యంలో ట్రాఫిక్‌ నియమాలపై అవగాహన కల్పించారు. సోషల్‌ ఎమర్జెన్సీ రెస్పాన్స్‌ వాలంటీర్ల నేతృత్వంలో ప్రమాదాలపై దుర్గమ్మ గుడి సర్కిల్లో ప్రదర్శన నిర్వహించారు. నిర్వాహకులు మాట్లాడుతూ ప్రపంచంలో ఏటా లక్షన్నర మంది ప్రమాదాల్లో ప్రాణాలు పోగొట్టుకుంటున్నారని అన్నారు.

కోలారు: శ్రీ క్షేత్ర ధర్మస్థల గ్రామీణాభివృద్ధి సంస్థ ఇల్లు లేని వారికి ఇల్లు నిర్మించి ఇచ్చే వాత్సల్య పథకంలో భాగంగా తాలూకాలోని అరాభికొత్తనూరు గ్రామంలో నిర్మించిన వాత్సల్య మనె ఇంటిని లబ్దిదారుకు అందజేశారు. ఈ సందర్భంగా సమాజ సేవకుడు సిఎంఆర్‌ శ్రీనాథ్‌ మాట్లాడుతూ...శ్రీ క్షేత్ర ధర్మస్థల గ్రామీణాభివృద్ధి సంస్థ ప్రభుత్వం చేపట్టాల్సిన సామాజిక సేవా కార్యక్రమాలను నిర్వహిస్తుండడం సంతోషించదగిన విషయమన్నారు. ఎలాంటి ఫలాపేక్ష లేకుండా సంస్థ సామాజిక సేవా కార్యక్రమాలు చేస్తుండటం హర్షనీయమన్నారు. అన్న దాసోహానికి ప్రఖ్యాతి గాంచిన శ్రీ ధర్మస్థల క్షేత్రం సామాజిక సేవా కార్యక్రమాలలో కూడా ఎంతో ముందుందన్నారు. గ్రామీణ ప్రాంతాలలో పేదలకు పెన్షన్లు, దేవాలయాల జీర్ణోద్దారణ, చెరువుల పునఃశ్చేతన కార్యక్రమాలను నిర్వహిస్తుండడం ఎంతో మంచి కార్యమన్నారు. ఈ సందర్భంగా జేడీఎస్‌ నాయకులు బణకనహళ్లి నటరాజ్‌, గ్రామ పంచాయతీ సభ్యుడు నంజుండగౌడ, శ్రీ క్షేత్ర ధర్మస్థల గ్రామీణాభివృద్ధి సంస్థ జిల్లా డైరెక్టర్‌ పద్మయ్య తదితరులు పాల్గొన్నారు.

హుబ్లీ: రాష్ట్ర ప్రభుత్వంపై మాజీ సీఎం జగదీష్‌శెట్టర్‌ మరోసారి ధ్వజమెత్తారు. ఆయన శుక్రవారం స్థానిక మీడియాతో మాట్లాడుతూ... రాష్ట్రంలో శాంతి భద్రలు లోపించాయని, ప్రభుత్వం అంతర్గత గందరగోళం వల్ల అభివృద్ధి స్తంభించి పోయిందని ఆరోపించారు. రిజిస్ట్రేషన్‌ తదితర కార్యాలయాల్లో ప్రజా పనులు నత్తనడకన సాగుతున్నాయన్నారు. మహిళ లపై పెరిగిన దౌర్జన్యాల పట్ల అసంతృప్తి వ్యక్తం చేశారు. హోం మంత్రి పనితీరును విమర్శించిన శెట్టర్‌ ప్రభుత్వంలో ఎవరు పనిచేయడం లేదని మండిపడ్డారు. ఈ ప్రభుత్వం వల్ల ఏమి చేయడం చేతకాదన్నారు. ఇలాంటి మాటలను రాజ్యాంగ వ్యతిరేక పదాలంటూ నాపై కూడా కేసు పెట్టిన పర్వాలేదన్నారు. సీఎం సిద్ధరామయ్య అధికారాన్ని ఎంజాయ్‌ చేస్తున్నారు. ఐదేళ్లు ఎలా పూర్తి చేయాలన్న దానిపైనే లక్ష్యంగా ఉంచుకొన్నారన్నారు. డీకే. శివకుమార్‌... సిద్ధరామయ్యను పదవి నుంచి దింపడానికి చేయాల్సిన ప్రయత్నాలు చేస్తున్నారన్నారు. హోం మంత్రి పరమేశ్వర్‌ తన శైలిలో మాట్లాడుతున్నారన్నారు. ఇవన్ని చూస్తుంటే అంతర్గత కలహాలతో కాంగ్రెస్‌ కొట్టుమిట్టాడుతుందన్నారు. అంతేగాక సీఎంపై ముడా, వాల్మీకి కుంభకోణాలను కప్పిపుచ్చాలని ప్రయత్నిస్తున్నారన్నారు. పాలన వ్యవస్థ గాడితప్పిందన్నారు. కాంగ్రెస్‌ ఎమ్మెల్యేలే ప్రభుత్వంపై వ్యతిరేకంగా బహిరంగ వ్యాఖ్యలు చేస్తున్నారన్నారు. తమ పనులు జరగడం లేదని, తగినన్ని నిధులు కేటాయించడం లేదని వాపోతున్నారన్నారు.

●కలబుర్గికి సీఎం, డీసీఎం రాక రాయచూరు రూరల్‌: కలబుర్గిలో జయదేవ్‌ ఆస్పత్రిని ఆదివారం ముఖ్యమంత్రి సిద్దరామయ్య ప్రారంభిస్తున్నట్లు రాష్ట్ర వైద్యకీయ శాఖ మంత్రి శరణ ప్రకాష్‌ పాటిల్‌, గ్రామీణాభివృద్ధి శాఖ మంత్రి ప్రియాంక్‌ ఖర్గే, కళ్యాణ కర్ణాటక అభివృద్ధి మండలి అధ్యక్షుడు అజయ్‌ సింగ్‌ తెలిపారు. కలబుర్గిలో జయదేవ్‌ అస్పత్రి వివిధ పనులను పరిశీలించి విలేకర్ల సమావేశంలోమాట్లాడారు. కళ్యాణ కర్ణాటక అభివృద్ధి మండలి నుంచి రూ.192 కోట్లతో 371 పడకలున్న జయదేవ్‌ హృద్రోగ ఆస్పత్రి పనులు పూర్తి అయ్యాయమన్నారు. ప్రారంభోత్సవం కార్యక్రమంలో ఏఐసీసీ అధ్యక్షులు మల్లికార్జున ఖర్గే, మంత్రులు, ఎమ్మెల్యేలు పాల్గొంటారన్నారు. అన్నార్థులను ఆదుకోవడమే ఏసు బోధనల సారాంశం హుబ్లీ: అన్నార్థులు, నిరాశ్రయులు, నిర్భాగ్యులు, రోగ పీడితులు తదితరులకు సేవలందించి వారి బాధలను పంచుకోవడమే నిజమైన ఏసయ్య ప్రేమ అని పాస్టర్‌ హరీష్‌ తెలిపారు. సింధనూరులోని గేత్సేమనే ప్రార్థన మందిరంలో క్రిస్మస్‌ ముందస్తు ప్రార్థలను హరీశ్‌ సారథ్యంలో నెరవేర్చారు. ఈ సందర్భంగా పేద వారికి నిత్యావసర సరుకులను పంపిణీ చేశారు. పాస్టర్‌ మాట్లాడుతూ... బైబిల్‌లోని అన్ని అధ్యాయాలు, ప్రవచనల సారం శత్రువును కూడా సామరస్య భావంతో చూడటమేనన్నారు. ప్రతి ప్రవచనంలో కూడా ఏసయ్య బోధనలు నిర్భాగ్యులను, నిరాశ్రయులను ఆదుకొమ్మని చాటిచెబుతాయన్నారు. ఈ సందర్భంగా పాస్టర్‌ హరీశ్‌ బైబిల్‌లోని వ్యాఖ్యల సారాంశాలను సమగ్రంగా వివరించారు. ఈ సందర్భంగా ప్రార్థన మందిరంలో స్థానిక యవజన బృందం ఆలపించిన భక్తి పాటలు అందరినీ అలరించాయి. చివరగా పాస్టర్‌ హరీష్‌ ప్రత్యేక ప్రార్థనలు జరిపారు. అపార్టుమెంట్‌లో చోరీ, సెక్యూరిటీ గార్డు అరెస్ట్‌ హొసపేటె: ఇటీవల నగరంలో సాయి సాధన అపార్టుమెంట్‌లో చోరీకి సంబంధించి నిందితుడిని హొసపేటె టౌన్‌ పోలీసులు శనివారం అరెస్టు చేశారు. అపార్టమెంట్‌లో నివాసం ఉంటున్న జ్యోతి ఇంట్లో ఇటీవల దొంగలు పాల్పడ్డారు. సుమారు రూ.5 లక్షల విలువైన బంగారం, నగదును దొంగలించారు. కేసును డీవైఎస్పీ మంజునాథ్‌ తల్వార్‌, సీపీఐ లఖనగ మసగుప్పి ఆధ్వర్యంలో విచారణ చేసి నిందితుడు ప్రవీణ్‌ను బెటగెరె గ్రామం కొప్పళ జిల్లాలో అరెస్టు చేశారు. నిందితుడు గత 18 ఏళ్లుగా హొసపేటెలోని సాయిసాధన అపార్ట్‌మెంట్‌లో సెక్యూరిటీ గార్డుగా పనిచేస్తున్నాడు. ఇంట్లో ఎవరు లేని విషయం గుర్తించి చోరీ చేశాడు. లారీ ఢీ, బైకిస్టు దుర్మరణం మాలూరు : లారీ ఢీకొని బైకిస్టు మృతి చెందిన ఘటన తాలూకాలోని చూడగొండనహళ్లి గేట్‌ వద్ద శుక్రవారం రాత్రి చోటు చేసుకుంది. గోణూరు గ్రామానికి చెందిన ముద్దప్ప (54) మృతుడు. శుక్రవారం ఉదయం తన ద్విచక్ర వాహనంలో వచ్చి రాత్రి తిరిగి గ్రామానికి వెళుతున్న సమయంలో ఎదురుగా వస్తున్న లారీ ఢీకొంది. ఘటనలో ముద్దప్ప తలకు తీవ్ర గాయాలై అక్కడి కక్కడే మరణించాడు. మాలూరు పోలీసులు ఘటనా స్థలాన్ని పరిశీలించి కేసు నమోదు చేశారు. మృతుడికి భార్య, కుమారుడు, కుమార్తె ఉన్నారు. టిప్పర్‌ లారీ ఢీకొని వ్యక్తి మృతి మాలూరు: టిప్పర్‌ లారీ ఢీకొని బైకిస్టు మృతి చెందిన ఘటన పట్టణంలో చోటు చేసుకుంది. తాలూకాలోని ఉమ్మలు గ్రామానికి చెందిన నారాయణస్వామి (55) మృతుడు. ఘటనలో ఇదే గ్రామానికి చెందిన శ్రీరామప్ప (48) తీవ్రంగా గాయపడ్డాడు. నారాయణస్వామి, శ్రీరామప్పలు పని నిమిత్తం పట్టణానికి ద్విచక్రవాహనంలో వస్తున్న సమయంలో ఎదురుగా వస్తున్న టిప్పర్‌ లారీ ఢీకొంది. ఘటనలో నారాయణస్వామి అక్కడికక్కడే మృతి చెందాడు. గాయపడిన శ్రీరామప్పను ప్రభుత్వ ఆస్పత్రికి తరలించి, మెరుగైన చికిత్స కోసం కోలారు ఆస్పత్రికి తరలించారు. మాలూరు పోలీసులు కేసు నమోదు చేసుకున్నారు.

సాక్షి బళ్లారి: కేంద్ర హోంశాఖ మంత్రి అమిత్‌ షా పార్లమెంటులో అంబేడ్కర్‌పై చేసిన వ్యాఖ్యలను ఖండిస్తూ బళ్లారిలో ఆందోళనలు కొనసాగుతూనే ఉన్నాయి. శనివారం కూడా నగరంలో వివిధ ప్రజాసంఘాల ఆధ్వర్యంలో వేరు వేరుగా జిల్లాధికారి కార్యాలయం వద్ద ధర్నాలు చేశారు. కర్ణాటక రాష్ట్ర శోషిత సముదాయాల మహాకూటమి ఆధ్వర్యంలో అంబేడ్కర్‌ చిత్రాలను పట్టుకొని జైభీం అంటూ నినాదాలు చేశారు. అలాగే డీఎస్‌ఎస్‌(బీ.కృష్ణప్ప వర్గం) ఆధ్వర్యంలో ఆందోళన చేశారు. నేతలు ముండ్రిగీ నాగరాజు, వెంకటేష్‌హెగ్డే, నాగరాజు, లక్ష్మిపతి, తదితరులతో పాటు డీఎస్‌ఎస్‌ ప్రముఖులు గాధిలింగప్ప, హుస్సేనప్ప, దుర్గప్ప తదితరులు పాల్గొన్నారు. అమిత్‌షా రాజీనామా చేయాలి రాయచూరు రూరల్‌: లోక్‌సభలో అంబేడ్కర్‌ను అవమానించే విధంగా మాట్లాడిన కేంద్ర హోం మంత్రి అమిత్‌షా తన పదవికి రాజీనామా చేయాలని చిక్కోడి ఎంపీ ప్రియాంక జార్కిహోళి డిమాండ్‌ చేశారు. శుక్రవారం సాయంత్రం దేవదుర్గలో తనను కలసిన విలేకర్లతో మాట్లాడారు. సభలో అంబేడ్కర్‌ అనే పదం ఫ్యాషన్‌గా మారిందని పేర్కొనడాన్ని ఆమె ఖండించారు. ఇలాంటి వ్యాఖ్యల వల్ల దేశంలో శాంతికి భంగం వాటిల్లుతుందన్నారు. రాష్ట్రంలో పంచ గ్యారెంటీ పథకాలు సక్రమంగా జరుగుతున్నాయన్నారు. హొసపేటె: రాజ్యాంగ నిర్మాత అంబేడ్కర్‌ను అవమానించేలా మాట్లాడిన కేంద్ర హోం మంత్రి అమిత్‌షా తన పదవికి రాజీనామా చేయాలని హొసపేటెలో దళిత, అభ్యుదయ సంఘాల ఐక్యవేదిక ఆధ్వర్యంలో నిరసన తెలిపారు. ఇక్కడి అంబేడ్కర్‌ సర్కిల్లో అమిత్‌షా చిత్రపటాన్ని దహనం చేశారు. ఆందోళనలో మారడి జంబయ్య నాయక, తాయప్ప నాయక, పంథామానె సోమశేఖర్‌, ఎన్‌.వెంకటేష్‌, బిసాటి మహేష్‌, సన్నమారెప్ప, ఈడిగర మంజునాథ్‌, ఎల్‌ మంజునాథ్‌, భాస్కర్‌రెడ్డి, యల్లాలింగ కలంగల్‌, సూర్యనారాయణ తదితరులు పాల్గొన్నారు.

రాయచూరు రూరల్‌: సమాజ ప్రగతికి విద్యా రంగమే పునాది. విద్యారంగం ఎంతగా బలోపేతం అయితే దేశ భవిష్యత్‌ అంత బాగుంటుందని భావించిన పశ్చిమ బెంగాల్‌కు చెందిన బాబర్‌ అలీ పేద విద్యార్థులకు ఉచితంగా విద్యా బోధన చేస్తున్నారు. పశ్చిమ బెంగాల్‌లోని ముషీరాబాద్‌ పాఠశాలలో ప్రధానోపాధ్యాయుడిగా పనిచేస్తున్న బాబర్‌ అలీ 22 ఏళ్ల వయసులో 8 వేల మందికి విద్యాదానం చేశారు. విద్యకు దూరం కాకూడదని, ప్రతి ఒక్కరూ విద్య నేర్చుకోవాలని తపన కలిగి ఉండాలన్నారు. పేదరికం వల్ల పిల్లలు బడికి వెళ్లరనే మాటను పక్కన పెట్టి తల్లిదండ్రులు ఒప్పించి విద్యాబుద్ధులు నేర్పించిన బాబర్‌ రాష్ట్రంలో అడుగుపెట్టారు. ఇటీవల ఆయన కర్ణాటకలోని రాయచూరు, గుల్బర్గా ప్రాంతాల్లో పర్యటించి విద్యా బోధనపై ఇక్కడి ఉపాధ్యాయులతో సమావేశమయ్యారు. దేశ నిర్మాణానికి, విద్యావంతులతో మెరుగైన పురోగతి సాధ్యమని, విద్యను ఉచితంగా బోధించాలని సూచనలు చేశారు. చిన్నవయసులోనే పురస్కారాలు: 16వ ఏట బీబీసీ పరీక్షలో ఉత్తీర్ణుడై ప్రభుత్వ పాఠశాలకు ప్రధానోపాధ్యాయుడిగా నియమితులయ్యారు. కుల, మత, వర్గ ప్రాంత బేధాలు లేకుండా అందరికీ సమానంగా విద్యను బోధించాలనే ధృడ సంకల్పాన్ని పొందారు. 2013లో ఆంగ్ల భాషలో డిగ్రీ, 2017లో పీజీ పూర్తి చేశారు. సీఎన్‌ఎన్‌, ఐపీఎన్‌ నుంచి 2009లో రియల్‌ హీరో అవార్డు, బీబీసీలో యువ ప్రధానోపాధ్యాయుడి అవార్డు, 2010లో ఎన్‌డీటీవీ ఇండియా ఆఫ్‌ ది ఇయర్‌ అవార్డు, 2017లో గ్లోబల్‌ ఎడ్యుకేషన్‌ అవార్డు, 2018లో ఐసీడీఎస్‌ మంత్రిత్వ శాఖ ఆధ్వర్యంలో నేషన్‌ ఆఫ్‌ ది హీరో అవార్డు అందుకున్నారు. పేద విద్యార్థులకు విద్యాదానం 8 వేల మందికి అక్షర జ్ఞానం పశ్చిమ బెంగాల్‌ ప్రధానోపాధ్యాయుడి విద్యా ప్రగతి రాష్ట్రాల్లో ఉపాధ్యాయులతో సమావేశాలు

శివాజీనగర: ఎమ్మెల్సీ సీ.టీ.రవి అరెస్ట్‌ను ఖండిస్తూ బీజేపీ నాయకులు శుక్రవారం బెంగళూరు నగరంలోని ప్రీడం పార్కులో ధర్నా నిర్వహించారు. రాష్ట్ర అధ్యక్షుడు విజయేంద్ర,ఎగువ సభ నాయకుడు చలవాది నారాయణస్వామి, ఎమ్మెల్యేలు భైరతి బసవరాజ్‌, అశ్వత్థనారాయణ, హరీశ్‌ పుంజా, ధీరజ్‌ మునిరాజ్‌, మాజీ ఉప మేయర్‌ హరీశ్‌లు ధర్నాలో పాల్గొన్నారు. చలవాది నారాయణస్వామి మాట్లాడుతూ సభా నాయకుడి అనుమతి లేకుండా పోలీసులు సీ.టీ.రవిని అరెస్ట్‌ చేశారు. దీనిద్వారా కాంగ్రెస్‌ ప్రభుత్వం పోలీస్‌ శాఖను దుర్వినియోగం చేస్తోందన్నారు. ఎమ్మెల్యే అశ్వత్థనారాయణ మాట్లాడుతూ సీ.టీ.రవి ఇచ్చిన పర్యాయ ఫిర్యాదును పోలీసులు పరిగణలోకి తీసుకోలేదన్నారు. సువర్ణసౌధలోకి రౌడీలు వచ్చి సీ.టీ.రవిపై దాడి చేశారంటే రాష్ట్ర ప్రజలకు ప్రభుత్వం భద్రత ఎలా కల్పిస్తుందని ప్రశ్నించారు.

● ఒకరి మృతి, ఏడుగురికి గాయాలు ● శివమొగ్గ జిల్లా భద్రావతిలో ఘటన శివమొగ్గ: జిల్లాలోని భద్రావతి పట్టణంలోని చెన్నగిరి రోడ్డులోని ఓ రైస్‌మిల్లులో గురువారం సాయంత్రం బాయిలర్‌ పేలి ఒకరు మరణించగా, ఏడుగురు గాయపడ్డారు. జిల్లా ఎస్పీ జీకే మిథున్‌ కుమార్‌ శుక్రవారం తెలిపిన మేరకు వివరాలు.. మృతుడిని రఘు అనే వ్యక్తిగా గుర్తించారు. క్షతగాత్రులను ఆస్పత్రిలో చేర్పించి చికిత్స అందిస్తున్నారు. పేలుడు తీవ్రతకు రైస్‌మిల్లు భవనం ధ్వంసమైంది. భారీగా ఆస్తినష్టం వాటిల్లింది. పేలుడు శబ్దానికి చుట్టుపక్కల జనావాస ప్రాంతాల్లో ప్రజలు భయభ్రాంతులకు గురయ్యారు. కొందరి ఇళ్ల కిటికీలు, తలుపులు అల్లాడాయి. ప్రమాద స్థలం చుట్టు పక్కల ప్రాంతాల్లో విద్యుత్‌ సరఫరా నిలిచిపోయింది. అగ్నిమాపక సిబ్బంది, పోలీసులు, మెస్కాం, రెవెన్యూ శాఖల అధికారులు, సిబ్బంది బృందం యుద్ధప్రాతిపదికన రక్షణ కార్యాచరణ చేపట్టారు. బాయిలర్‌ పేలుడుకు కారణమేమిటో ఇంకా తెలియరాలేదు.మైసూరు వెళ్లడానికి దర్శన్‌కు అనుమతి దొడ్డబళలాపురం: చిత్రుదుర్గకు చెందిన రేణుకాస్వామి హత్యకేసులో నిందితుడిగా ఉంటూ రెగ్యులర్‌ బెయిల్‌ పొందిన దర్శన్‌ మైసూరుకు వెళ్లేందుకు కోర్టు అనుమతి ఇచ్చింది. అనారోగ్యంతో బాధపడుతున్న తన తల్లి వద్దకు వెళ్లి నాలుగు వారాలపాటు మైసూరులో ఉండేందుకు అనుమతి కావాలని దర్శన్‌ దాఖలు చేసిన పిటిషన్‌ను న్యాయ స్థానం విచారణ చేపట్టింది. ఈనెల 20 నుంచి జనవరి 5 వరకూ మైసూరులో ఉండేందుకు అనుమతి మంజూరు చేసింది.

● 30 మందికిపైగా విద్యార్థులకు గాయాలు దొడ్డబళ్లాపురం: స్కూలు బస్సు బోల్తా పడి 30పైగా విద్యార్థులు గాయపడ్డ సంఘటన ఉత్తర కన్నడ జిల్లా కారవారలో చోటుచేసుకుంది. కోలారు జిల్లా మాలూరు తాలూకా మాస్తిహళ్ల గ్రామంలోని ప్రభుత్వ హైస్కూల్‌ విద్యార్థులను తీసుకుని పర్యాటక ప్రాంతాలకు బయలుదేరిన బస్సు కార్వార తాలూకా అరోళ్లి క్రాస్‌ వద్ద అదుపుతప్పి బోల్తా కొట్టింది. ప్రమాదంలో 30మందిపైగా విద్యార్థులు గాయపడగా హొన్నావర ప్రభుత్వ ఆస్పత్రికి తరలించారు. నలుగురు పరిస్థితి విషమంగా ఉన్నట్టు సమాచారం. కార్వార పోలీసులు కేసు నమోదు చేసుకున్నారు. బెంగళూరులో యూఎస్‌ఏ కాన్సులేట్‌ కార్యాలయం దొడ్డబళ్లాపురం: బెంగళూరులో అమెరికా కాన్సులేట్‌ కార్యాలయాన్ని జనవరి నెలలో ప్రారంభిస్తామని మంత్రి ప్రియాంక్‌ ఖర్గె ఎక్స్‌లో పోస్టు చేశారు. యూఎస్‌ఏ కాన్సులేట్‌ కార్యాలయం ఏర్పాటు కర్ణాటక ప్రగతికి ఎంతో ఉపయోగపడుతుందన్నారు. గత సెప్టెంబర్‌లో ముఖ్యమంత్రి సిద్ధరామయ్య న్యూఢిల్లీలో ఉన్న యునైటెడ్‌ స్టేట్స్‌ రాయభారి గర్సెట్టికి లేఖ రాసి బెంగళూరులో కాన్సులేట్‌ ప్రారంభించాలని కోరారన్నారు.

శివాజీనగర: సీటీ రవి సభలో అసభ్యకరమైన పదజాలం ఉపయోగించడాన్ని వ్యతిరేకంగా మహిళా కాంగ్రెస్‌ అధ్యక్షురాలు సౌమ్యారెడ్డి నేతృత్వంలో పలువురు మహిళా కాంగ్రెస్‌ కార్యకర్తలు మల్లేశ్వరం బీజేపీ రాష్ట్ర కార్యాలయం వద్ద ధర్నా చేపట్టారు. సీ.టీ.రవిని ఆ పదవినుంచి తొలగించాలని డిమాండ్‌ చేశారు.కార్యకర్తలు బీజేపీ కార్యాలయం వైపు దూసుకెళుతుండగా పోలీసులు అడ్డుకొని అరెస్ట్‌ చేశారు. సీటీ రవికి వ్యతిరేకంగా మంత్రి క్ష్మీ హెబ్బాళ్కర్‌ అభిమానుల సంఘం, మహిళా కాంగ్రెస్‌ కార్యకర్తలు శుక్రవారం హుబ్లీలో ధర్నా నిర్వహించారు. లక్ష్మీ హెబ్బళ్కర్‌ అనుకూల ఫ్లకార్డులతో రోడ్డును అడ్డగించి, నినాదాలు చేసి సీటీ రవి దిష్టబొమ్మ దహనం చేశారు. మహిళా కమిషన్‌కు ఫిర్యాదు బెళగావి శాసనసభా సమావేశాల్లో మంత్రి లక్ష్మీ హెబ్బాళ్కర్‌ను బీజేపీ ఎమ్మెల్యే సీ.టీ.రవి అసభ్యపదజాలంతో దూషించారని, ఆయనపై చర్యలు తీసుకోవాలని కర్ణాటక కాంగ్రెస్‌ కమిటీ మహిళా కమిషన్‌కు ఫిర్యాదు చేసింది. విషయాన్ని తీవ్రంగా పరిగణించి ఉన్నత స్థాయి తనిఖీకి ఆదేశించాలని ఫిర్యాదులో కోరడమైనది. తుమకూరు: మహిళా శిశు సంక్షేమ శాఖా మంత్రి లక్ష్మీ హెబ్బాళ్కర్‌ను నిందించిన బీజేపీ ఎమ్మెల్సీ సీటీ రవికి వ్యతిరేకంగా శుక్రవారం నగరంలో జిల్లా యూత్‌ కాంగ్రెస్‌ నేతృత్వంలో ఆందోళన చేపట్టారు. బీజీఎస్‌ సర్కిల్‌లో సీటీ రవి దిష్టిబొమ్మను దహనం చేశారు. జిల్లా మహిళా కాంగ్రెస్‌ అధ్యక్షులు గీతా రాజణ్ణ, జిల్లా కాంగ్రెస్‌ అధ్యక్షుడు చంద్రశేఖరగౌడ, మాజీ అధ్యక్షుడు ఆర్‌.రామకృష్ణ, యూత్‌ కాంగ్రెస్‌ రాష్ట్ర ప్రధాన కార్యదర్శి అనిల్‌ కుమార్‌ పాల్గొన్నారు.

● ప్రయాణికులు క్షేమం శివమొగ్గ: చలనంలో ఉండగా మంటలు చెలరేగి బస్సు దగ్ధమైంది. ప్రమాదం నుంచి ప్రయాణికులు సురక్షితంగా బయట పడ్డారు. ఈఘటన తాలూకాలోని సక్రైబెలు వద్ద శుక్రవారం తెల్లవారు జామున 3.50 గంటలకు జరిగింది. దుర్గాంబ సంస్థకు చెందిన బస్సు 19 మంది ప్రయాణికులతో మంగళూరు నుంచి దావణగెరెకు బయల్దేరింది. సక్రైబెలు ఆనెబిడార వద్దకు రాగానే ఇంజిన్‌లో మంటలు చెలరేగాయి. అప్రమత్తమైన డ్రైవర్‌ బస్సును రోడ్డు పక్కన నిలిపేసి ప్రయాణికులందరినీ మేల్కొలిపి హుటాహుటిన కిందకు దించేశారు. క్షణాల్లో బస్సు మంటల్లో కాలిబూడిదైంది. అగ్నిమాపక అధికారి నరేంద్ర నేతృత్వంలోని సిబ్బంది వచ్చి మంటలను ఆర్పివేశారు. ఇంజిన్‌లో సాంకేతిక సమస్య తలెత్తడమే మంటలు అంటుకోడానికి కారణమని తెలుస్తోంది. తుంగానగర పోలీసులు కేసు దర్యాప్తు చేపట్టారు. ‘రాష్ట్రంలో ప్రభుత్వం కొన ఊపిరితో ఉంది’ దొడ్డబళ్లాపురం: కర్ణాటక రాష్ట్రంలో కాంగ్రెస్‌ ప్రభుత్వం కొన ఊపిరితో ఉందని తనకు అనుమానంగా ఉందని కేంద్రమంత్రి కుమారస్వామి తన ఎక్స్‌లో పోస్టు చేశారు. సువర్ణసౌధలో ఎమ్మెల్సీ సీటీ రవిపై దాడి జరగడం ధారుణం అన్నారు. ఒక వేళ సీటీ రవి అశ్లీల పదాలు మాట్లాడి ఉంటే తాను ఖచ్చితంగా సమర్థించనన్నారు. అయితే అందుకు మంత్రులు చేసిన దౌర్జన్యం కూడా సమర్థనీయం కాదన్నారు. దాడి దృశ్యాలు చూస్తే రాష్ట్రంలో పాలన ఎలా ఉందో అర్థమవుతుందన్నారు. ఇలాంటి వారిని విధానసౌధ నుండి శాశ్వతంగా దూరంగా ఉండేలా చర్యలు తీసుకోవాలన్నారు.న్యూస్‌రీల్‌

రాయచూరు రూరల్‌: బెళగావిలోని సువర్ణ సౌధలో విధాన పరిషత్‌ సభ్యుడు సీ.టీ.రవిపై దాడి అమానుషమని బీజేపీ ఆరోపించింది. శుక్రవారం అంబేడ్కర్‌ సర్కిల్‌ వద్ద చేపట్టిన ఆందోళనలో జిల్లాధ్యక్షుడు శివరాజ్‌ పాటిల్‌ మాట్లాడారు. రాష్ట్ర మహిళా శిశు సంక్షేమ శాఖా మంత్రి లక్ష్మి హెబ్బాళ్కర్‌ మద్దతుదారులు దాడి చేయడాన్ని ఖండించారు. మంత్రి దగ్గర ఉండి ఈ దాడులకు పురిగొల్పారని ఆరోపించారు. ప్రజా సమస్యలపై గళమెత్తడం తప్పా? అని ప్రశ్నించారు. ఈ విషయంలో నైతిక బాధ్యత వహించి మంత్రి లక్ష్మి తన పదవికి రాజీనామా చేయాలని డిమాండ్‌ చేస్తూ స్థానికాధికారికి వినతిపత్రం సమర్పించారు. సిటీ రవి అరెస్ట్‌పై ఆందోళన హుబ్లీ: ఎమ్మెల్సీ సీటీ రవి అరెస్ట్‌ను ఖండిస్తూ ధార్వాడ జిల్లాధికారి కార్యాలయం ఎదుట బీజేపీ ఆధ్వర్యంలో భారీగా ఆందోళన చేపట్టారు. ఉగ్రవాదుల్లా పోలీసులు ఎమ్మెల్సీని అరెస్ట్‌ చేశారని ఆందోళనకారులు మండిపడ్డారు. రాజ్యాంగాన్ని హత్య చేసే రీతిలో కాంగ్రెస్‌ ప్రభుత్వం నడుచుకుందన్నారు. అసెంబ్లీ సమావేశాలు జరిగే వేళ సీటీ రవిని అరెస్ట్‌ చేయడం రాజ్యాంగానికి అవమానం చేసినట్లేనని ఆక్రోశించారు. సిద్దు సర్కారుకు వ్యతిరేకంగా పెద్ద ఎత్తున నినాదాలు చేశారు. అసెంబ్లీ ఆవరణలో పాకిస్తాన్‌ జిందాబాద్‌ అంటూ నినాదాలు చేసిన కేసులో నిజాలు వెలుగు చూసినా దేశద్రోహులను అరెస్ట్‌ చేయలేక పోయారన్నారు. ఈ విషయాన్ని ప్రజలు ఇప్పటికీ మరవలేదన్నారు. సీటీ రవి పట్ల కాంగ్రెస్‌ నాయకులు ద్వేష రాజకీయాలకు పాల్పడ్డారని ధ్వజమెత్తారు.

కృష్ణరాజపురం: పరస్పరం గర్ల్‌ఫ్రెండ్‌లను మార్చుకునే స్వింగర్స్‌ అనే దందాను పోలీసులు ఛేదించారు.పార్టీకి రమ్మని పిలిచి స్నేహితునితో బెడ్‌ షేర్‌ చేసుకోవాలని యువతిని బలవంతం చేసి, ఆమె ఒప్పుకోకపోవడంతో స్నేహితులతో కలిసి లైంగిక దాడికి పాల్పడిన హరీష్‌, హేమంత్‌ అనే నిందితులను పోలీసులు అరెస్టు చేశారు. ఓ యువతిని పరిచయం చేసుకున్న హరీష్‌ ఆమెను మాయమాటలతో లైంగికంగా వాడుకున్నాడు. ఇటీవల వాట్సప్‌లో స్వింగర్స్‌ టీం అనే గ్రూప్‌ను ఏర్పాటు చేసి బెంగళూరు నగర శివార్లలో పార్టీని ఏర్పాటు చేశాడు. పార్టీకి కపుల్స్‌తో రావాలని ఆహ్వానించి, అక్కడ పరస్పరం గర్ల్‌ఫ్రెండ్‌లను మార్చుకోవాలని ప్రతిపాదించాడు. ఇలా ఒక యువతిని బలవంతం చేయబోగా ఆమె అందుకు అంగీకరించలేదు. దీంతో స్నేహితులతో కలిసి ఆమైపె అత్యాచారానికి పాల్పడ్డారు. ఘటనతో విసుగు చెందిన ఆమె ఇచ్చిన ఫిర్యాదు మేరకు రంగంలోకి దిగిన సీసీబీ పోలీసులు ఇద్దరు నిందితులను పట్టుకున్నారు. మొబైల్‌ ఫోన్ల పరిశీలనలో భయానక సత్యం బట్టబయలైంది. మొబైల్‌ ఫోన్‌లో పలువురు యువతుల నగ్నఫొటోలు, ఏకాంతంగా తీసుకున్న వీడియోలు లభించాయి. వాటినే చూపించి బ్లాక్‌మెయిలింగ్‌కు పాల్పడుతున్నట్లు తెలిసింది. పార్టీకి పిలిచి లైంగిక దాడి, ఇద్దరి అరెస్ట్‌

కన్నడ పూదోటలోఊరేగింపులో కళాకారిణి సందడిమండ్య: కన్నడ కస్తూరి పరిమళించింది. వేల సంవత్సరాల నుంచి సుసంపన్నంగా సాగుతున్న కన్నడ భాష ఔన్నత్యాన్ని చాటేలా కన్నడ ధ్వజాలు రెపరెపలాడాయి. జానపద కళా బృందాల విన్యాసాలు, కన్నడ మాత భువనేశ్వరి మాతకు జేజేలు పలుకుతూ మూడు దశాబ్దాల తర్వాత శుక్రవారం మండ్యలో అఖిల భారత కన్నడ సాహిత్య పరిషత్‌ 87వ సమ్మేళనం అట్టహాసంగా ప్రారంభమైంది. బెంగళూరు–మైసూరు రహదారిలో అలంకరించిన కన్నడ రథంలో విరాజమానంగా ఆసీనులైన సమ్మేళనాధ్యక్షుడు నాడోజ డాక్టర్‌ గొ.రు.చన్నబసప్ప నుడి జాతర ఊరేగింపులో జానపద కళాబృందాలు, కళాకారుల ప్రదర్శనలు కనువిందు చేశాయి. నగరంలోని సర్‌ ఎం.విశ్వేశ్వరయ్య ప్రతిమ వద్ద ఆదిచుంచనగిరి మఠం నిర్మలానందనాథస్వామీజీ సమ్మేళనాధ్యక్షుడితో కలిని నగారా వాయించి హల్మిడి శాసనానికి పుష్పార్చన గావించడం ద్వారా ఊరేగింపునకు శ్రీకారం చుట్టారు. అంతకు ముందు సమ్మేళనాధ్యక్షుడికి మైసూరు పేటా తొడిగి, శాలువా కప్పి పూలమాల వేసి సత్కరించారు. పోలీసు బ్యాండ్‌ వాయిద్యంతో పాటు జై కన్నడాంబె, జై భువనేశ్వరి మాత అంటూ జయజయధ్వానాలు మారుమోగాయి. జిల్లా ఇన్‌చార్జి మంత్రి ఎన్‌.చలువరాయస్వామి, కసాప రాష్ట్రాధ్యక్షుడు డాక్టర్‌ మహేష్‌ జోషి, జిల్లా ఎమ్మెల్యేలు, సాహిత్య లోక దిగ్గజాలు పాల్గొన్నారు. 80 ఎకరాల్లో సమ్మేళన సభ దాదాపు 80 ఎకరాల్లో సాహిత్య సమ్మేళన సభ ఏర్పాటు చేశారు. వేలాదిగా తరలివచ్చిన సాహితీ అభిమానుల కోసం వందలాదిగా బుక్‌స్టాల్స్‌ ఏర్పాటు చేశారు. తాగునీరు, విద్యుత్‌, అంబులెన్స్‌ వ్యవస్థలు ఏర్పాటు చేశారు. మహిళలకు ప్రత్యేకంగా మరుగుదొడ్లు ఏర్పాటు చేశారు. జిల్లాలో కేఎస్‌ ఆర్టీసీ ఉచిత రవాణా వ్యవస్థ కల్పించింది. ప్రధాన వేదికపై గోష్టులు ఏర్పాటు చేశారు. ఎలాంటి అవాంఛనీయ ఘటనలు జరగకుండా భారీ బందోబస్తు ఏర్పాటు చేశారు. కన్నడ సాహిత్యం డిజిటలీకరణ రాజమాత కెంప నంజమ్మణ్ణి, రాజర్షి నాల్వడి కృష్ణరాజ ఒడెయర్‌ ప్రధాన వేదికలో సమగ్ర కన్నడ సారస్వత లోకపు శ్రీమంత సాహిత్యపు డిజిటలీకరణ ప్రక్రియను చేపట్టి సాహిత్యక డాటాబేస్‌ను తయారు చేసే మహత్తర కార్యక్రమాన్ని ప్రారంభించామని ముఖ్యమంత్రి సిద్దరామయ్య పేర్కొన్నారు. మండ్యలో జరుగుతున్న 87వ అఖిల భారత కన్నడ సాహిత్య సమ్మేళనాన్ని శుక్రవారం ప్రారంభించి ఆయన మాట్లాడారు. రాష్ట్రం సాహిత్యపరంగా సమృద్ధమైన చరిత్రను కలిగి ఉందన్నారు. కన్నడ భాషలో ఎనిమిది మంది సాహితీవేత్తలు జ్ఞానపీఠ అవార్డులను సాధించారని గుర్తు చేశారు. ఆంగ్లంతో పాటు ఇతర ప్రముఖ భాషల మహత్తరమైన కృతులు కూడా డిజిటలీకరణ చెంది ప్రపంచ నలుమూలలా అందరికీ అందుబాటులోకి వచ్చాయన్నారు. కన్నడ భాషకు చెందిన శ్రీమంత సాహిత్యాన్ని డిజిటలీకరణ చేయాలని తీర్మానించామన్నారు. మాతృభాషలో విద్యాబోధనకు అధిక ప్రాధాన్యత కల్పించామన్నారు. పాలనలో కూడా కన్నడ వాడకానికి పెద్ద పీట వేశామన్నారు. కన్నడ తీయదనాన్ని పంచిన చక్కెరనాడు మండ్య అట్టహాసంగా అఖిల భారత కన్నడ సాహిత్య పరిషత్‌ సమ్మేళనం కన్నడ ధ్వజాల రెపరెపలు తరలివచ్చిన సాహితీవేత్తలు, సాహితీ అభిమానులు

శివాజీనగర: మహిళా, శిశు సంక్షేమ శాఖ మంత్రి లక్ష్మీ హెబ్బాళ్కర్‌ను అసభ్యపదజాలంతో దూషించి అరెస్ట్‌ అయిన బీజేపీ ఎమ్మెల్సీ సీ.టీ.రవిని పోలీసులు శుక్రవారం భారీ పోలీసు భద్రత మధ్య బెంగళూరుకు తీసుకువచ్చి జెఎంఎఫ్‌సీ కోర్టులో హాజరుపరిచారు. అంతకుముందు సీటీ రవిని బెళగావిలోని హీరేబాగేవాడి పోలీసులు బెళగావి 5వ జెఎంఎఫ్‌సీ కోర్టులో హాజరు పరిచారు. బెయిల్‌ కోసం సీటీ రవి తరఫు న్యాయవాది పిటిషన్‌ సమర్పించగా వాద–ప్రతివాదనలను న్యాయవాది ఆలకించి తీర్పు రిజర్వు చేశారు. ఇదిలా ఉండగా సీ.టీ.రవిని బెంగళూరులోని ప్రజా ప్రతినిధుల ప్రత్యేక న్యాయస్థానానికి హాజరుపరిచేందుకు ట్రాన్సిట్‌ వారెంట్‌ జారీ చేయాలని తనిఖీ అధికారులు కోర్టుకు విన్నవించారు. జడ్జి స్పర్శా డిసోజా ఆదేశాల మేరకు సీటీ రవిని పోలీసులు బెంగళూరుకు భారీ భద్రత మధ్య తీసుకువచ్చి ప్రజాప్రతినిధుల కోర్టులో హాజరు పరిచారు. న్యాయమూర్తి అడిగిన ప్రశ్నకు సమాధానమచ్చిన సీ.టీ.రవి.... ‘గురువారం శవం చిక్కమగళూరుకు వెళుతుందని’ మంత్రి బెదిరించారన్నారు. తనను పోలీసులు రహాస్య స్థలంలోకి తీసుకెళ్లగా ఖానాపురలో కొందరు దాడిచేశారని, రక్త గాయమైందని కోర్టు దృష్టికి తీసుకువచ్చారు. ఎవరు కొట్టారని న్యాయమూర్తి ప్రశ్నించగా పోలీసులు కొట్టి ఉండవచ్చన్నారు. సీటీ రవి తరఫు న్యాయవాది జిరలి వాదన వినిపిస్తూ గురువారం సాయంత్రం 6.30 గంటల సమయంలో పోలీసులు రవిని అరెస్ట్‌ చేశారని, రాత్రంతా నందగడ, ఖానాపుర, ధార్వాడ, గదగ్‌, రామదుర్గ, సవదత్తి ఇలా అన్నిచోట్ల పోలీసులు తిప్పారన్నారు. ప్రతి 10 నిమిషాలకు ఒకసారి పోలీసులకు ఎవరిదో ఫోన్‌ వస్తుండేదని, వారి సూచన మేరకు పోలీసులు వ్యవహరంచారని కోర్టు దృష్టికి తెచ్చారు. పైగా సీటీ రవిని ఎందుకు అరెస్ట్‌ చేస్తున్నారనే విషయాన్ని పోలీసులు చెప్పలేదన్నారు. పోలీసులు ఆయన గడియారం లాక్కొనే ప్రయత్నం చేశారని తెలిపారు. సి.టీ.రవి ఫిర్యాదు చేసినా పోలీసులు స్వీకరించలేదన్నారు. రవి సాధారణ వ్యక్తికాదని, ఆయన రౌడీ కూడా కాదని, ఘటన జరిగింది సువర్ణ విధానసౌధలో అని, ఆయన అరెస్ట్‌కు సభాపతి అనుమతి అవసరముందని, పోలీసులు ఎలాంటి ప్రక్రియను సరిగా చేయలేదని న్యాయవాది జిరలి వాదనను వినిపించారు. నా ప్రాణానికి ముప్పు ఉంది తన ప్రాణాలకు ముప్పు ఉందని, తనను అంతమొందించే కుట్ర జరుగుతోందని, తనకు ఏమైనా జరిగితే అందుకు పోలీసులు, రాష్ట్ర ప్రభుత్వం, డీసీఎం డీ.కే.శివకుమార్‌,మంత్రి హెబ్బాళ్కర్‌ కారణమని సీటీ రవి సామాజిక మాధ్యమాల్లో పోస్టు చేశాడు. సీటీరవిని ఐదారుగంటలపాటు పోలీసుల వాహనంలో ఉంచి తిప్పారని, నిర్జన ప్రదేశానికి తీసుకెళ్లి వాహనం ఆపి ఎవరితోనే ఫోన్‌లో చర్చలు జరిపారని బీజేపీ ఒక వీడియో విడుదల చేసింది. జేఎఫ్‌సీఎం కోర్టులో హాజరు రహస్య ప్రాంతానికి తీసుకెళ్లి దాడి చేశారు కోర్టు దృష్టికి తీసుకువచ్చిన సీటీ రవి సీటీ రవికి మధ్యంతర బెయిల్‌ బొమ్మనహళ్లి: సీ్త్ర శిశు సంక్షేమ శాఖ మంత్రి లక్ష్మీహెబ్బాళ్కర్‌ను సభలో అసభ్య పదజాలంతో దూషించినట్లు ఆరోపణలపై అరెస్ట్‌ అయిన బీజేపీ ఎమ్మెల్సీ సీటీరవికి హైకోర్టు మధ్యంతర బెయిల్‌ మంజూరు చేసింది. సీటీ రవిని బెళగావి కోర్టులో హాజరు పరచి అనంతరం ట్రాన్సిట్‌ వారెంట్‌తో పోలీసులు ఆయన్ను బెంగళూరుకు తీసుకువచ్చి కోర్టులో హాజరు పరిచారు. ఇదే సమయంలో సీటీ రవికి బెయిల్‌ ఇవ్వాలని ఆయన తరఫు న్యాయవాదులు హైకోర్టును ఆశ్రయించారు. విచారణ జరిపిన హైకోర్టు సీటీ రవికి మధ్యంతర బెయిల్‌ మంజూరు చేస్తూ ఆదేశాలు జారీ చేసింది.