నరసరావుపేట: జల్‌ జీవన్‌ మిషన్‌ ద్వారా జిల్లాకు 94,512 కుళాయి కనెక్షన్లు మంజూరయ్యాయని, ఫిబ్రవరి 2025 నాటికి 46,316 ఇళ్లకు కుళాయి కనెక్షన్లు అందించాలని కలెక్టర్‌ పి.అరుణ్‌బాబు అధికారులను ఆదేశించారు. బుధవారం కలెక్టర్‌ క్యాంపు కార్యాలయంలో జిల్లా నీరు, పారిశుద్ధ్య మిషన్‌ (జల్‌ జీవన్‌ మిషన్‌) సమావేశాన్ని నిర్వహించారు. ఈ సందర్భంగా మాట్లాడుతూ వేసవిలో తాగునీటి ఎద్దడి నివారణకు రూ.3.87 కోట్లతో ప్రణాళికను ఆమోదించామని పేర్కొన్నారు. జిల్లా వ్యాప్తంగా డిసెంబరు 10 మానవ హక్కుల దినోత్సవం వరకు పరిశుభ్ర శౌచాలయాల ఆవశ్యకత తెలియజేస్తూ కార్యక్రమాలు నిర్వహించాలన్నారు. ఈ సందర్భంగా జిల్లాలో విశిష్ట సేవలు అందించిన నలుగురు క్లాప్‌ మిత్రలకు సన్మానం చేశారు. టాయిలెట్‌ ఫర్‌ డిగ్నిటీ పోస్టర్‌ను ఆవిష్కరించారు. జిల్లా ఆర్‌డబ్ల్యూఎస్‌ ఇంజినీర్‌ విజయకుమార్‌, జిల్లా భూగర్భ జల అధికారి శ్రీనివాసరావు, సీపీవో శ్రీనివాసమూర్తి, జిల్లా వ్యవసాయ అధికారి ఐ.మురళి, గ్రామ, వార్డు సచివాలయాల నోడల్‌ అధికారి వెంకట్‌రెడ్డి, డీపీవో విజయభాస్కరరెడ్డి, డీఆర్డీఎ పీడీ బాలునాయక్‌, డీఎంహెచ్‌ఓ రవి పాల్గొన్నారు.

దాచేపల్లి : పల్నాడు జిల్లా దాచేపల్లి నగర పంచాయతీలో బుధవారం జరిగిన టిప్పు సుల్తాన్‌ ర్యాలీలో ఉద్రిక్త పరిస్థితులు నెలకొన్నాయి. ఓ సామాజిక వర్గానికి చెందిన కొందరు వ్యక్తులు జెండాలు పట్టుకుని టిప్పు సుల్తాన్‌ ర్యాలీ చేశారు. కారంపూడి రోడ్డు సెంటర్‌కు ర్యాలీ వస్తున్న క్రమంలో మరో సామాజిక వర్గానికి చెందిన కొందరు వ్యక్తులు చత్రపతి శివాజీ ఫొటోలు చూపిస్తూ కేకలు వేశారు. దీంతో ఇరువర్గాలు వాగ్వివాదానికి దిగారు. అప్పటికే అక్కడ ఉన్న పోలీసులు ఇరువర్గాలను చెదరగొట్టారు. ఒక వర్గం మరోవర్గంపై కవ్వింపు చర్యలకు పాల్పడుతుండటంతో పోలీసులు అందరినీ అక్కడి నుంచి పంపించారు. టిప్పు సుల్తాన్‌ ర్యాలీలో ఇరువర్గాల మధ్య ఘర్షణ చెదరగొట్టిన పోలీసులు

నరసరావుపేట: జల్‌ జీవన్‌ మిషన్‌ ద్వారా జిల్లాకు 94,512 కుళాయి కనెక్షన్లు మంజూరయ్యాయని, ఫిబ్రవరి 2025 నాటికి 46,316 ఇళ్లకు కుళాయి కనెక్షన్లు అందించాలని కలెక్టర్‌ పి.అరుణ్‌బాబు అధికారులను ఆదేశించారు. బుధవారం కలెక్టర్‌ క్యాంపు కార్యాలయంలో జిల్లా నీరు, పారిశుద్ధ్య మిషన్‌ (జల్‌ జీవన్‌ మిషన్‌) సమావేశాన్ని నిర్వహించారు. ఈ సందర్భంగా మాట్లాడుతూ వేసవిలో తాగునీటి ఎద్దడి నివారణకు రూ.3.87 కోట్లతో ప్రణాళికను ఆమోదించామని పేర్కొన్నారు. జిల్లా వ్యాప్తంగా డిసెంబరు 10 మానవ హక్కుల దినోత్సవం వరకు పరిశుభ్ర శౌచాలయాల ఆవశ్యకత తెలియజేస్తూ కార్యక్రమాలు నిర్వహించాలన్నారు. ఈ సందర్భంగా జిల్లాలో విశిష్ట సేవలు అందించిన నలుగురు క్లాప్‌ మిత్రలకు సన్మానం చేశారు. టాయిలెట్‌ ఫర్‌ డిగ్నిటీ పోస్టర్‌ను ఆవిష్కరించారు. జిల్లా ఆర్‌డబ్ల్యూఎస్‌ ఇంజినీర్‌ విజయకుమార్‌, జిల్లా భూగర్భ జల అధికారి శ్రీనివాసరావు, సీపీవో శ్రీనివాసమూర్తి, జిల్లా వ్యవసాయ అధికారి ఐ.మురళి, గ్రామ, వార్డు సచివాలయాల నోడల్‌ అధికారి వెంకట్‌రెడ్డి, డీపీవో విజయభాస్కరరెడ్డి, డీఆర్డీఎ పీడీ బాలునాయక్‌, డీఎంహెచ్‌ఓ రవి పాల్గొన్నారు.

అమరావతి: ప్రథమ పంచారామక్షేత్రం అమరావతిలో ఘంటశాల చంద్రమౌళీశర్మ ఆధ్వర్యంలో బుధవారం వేదపాఠశాలను శాస్త్రోక్తంగా ప్రాంరంభించారు. ఉదయం అమరేశ్వరస్వామి గాలిగోపురం నుంచి వేదపాఠశాల వరకు వేద విద్యార్థులు శోభాయాత్ర నిర్వహించారు. తొలుత బ్రహ్మశ్రీ సత్యనారాయణ అవధాని యజ్ఞిశ్రీ పర్యవేక్షణలో గణపతి హోమం, గోపూజ, స్వస్తి పుణ్యాహవాచనం, మండపారాధనలు, వేదపారాయణలు, దుర్గాసప్తశతి పారాయణం, సూర్య నమస్కారాలు, లక్ష్మీగణపతి హోమ సహిత అవహంతిహవనం, రుద్రహోమం శాస్త్రోక్తంగా నిర్వహించారు. అనంతరం పూర్ణాహూతి కార్యక్రమాలతో ప్రారంభోత్సవాలు పూర్తిచేశారు. ఈసందర్భంగా ఘంటశాల చంద్రమౌళీశర్మ మాట్లాడుతూ అమరా వతి వేదపాఠశాలలో వంద మందికిపైగా పేద బ్రాహ్మణ విద్యార్థులకు బోజన, వసతి సౌకర్యాలతో ఉచిత వేద విద్య బోధన, స్మార్త ఆగమ విద్యను అందిస్తామని పేర్కొన్నారు. వేగంగా పీఏసీఎస్‌ల కంప్యూటరీకరణ నరసరావుపేట: ప్రాథమిక వ్యవసాయ సహకార పరపతి సంఘాల(పీఏసీఎస్‌) కంప్యూటరీకరణ వేగంగా సాగుతోందని ఆప్కా బ్‌ డీజీఎం, ఉమ్మడి గుంటూరు జిల్లా జీడీసీసీ బ్యాంక్‌ నోడల్‌ ఆఫీసర్‌ సిహెచ్‌ఆర్‌సీఎస్‌ బాలాజీరావు చెప్పారు. పట్టణంలోని జీడీసీసీ బ్యాంక్‌ను బుధవారం ఆయన సందర్శించారు. జిల్లాలో 60 పీఏసీఎస్‌లు ఉన్నాయని, 28 సంఘాలలో ఇప్పటికే కంప్యూటరీకరణ పూర్తయిందని పేర్కొన్నారు. పలు సొసైటీలను సందర్శించి కంప్యూటరీకరణ పనులను పరిశీలించారు. ఆయన వెంట జీడీసీసీ బ్యాంక్‌ పల్నాడు జిల్లా జనరల్‌ మేనేజర్‌ అజయ్‌ పాల్గొన్నారు.

పోలీసు స్టేషన్‌ ఎదుట వ్యక్తి ఆత్మహత్యసత్తెనపల్లి: కుటుంబ కలహాల నేపథ్యంలో ఓ వ్యక్తి ఆత్మహత్యకు పాల్పడిన ఘటన సత్తెనపల్లి రూరల్‌ పోలీసు స్టేషన్‌ ఎదుట బుధవారం జరిగింది. మేడికొండూరు మండలం పాలడుగు గ్రామానికి చెందిన ఒంటిపులి కోటిస్వాములు (35) సత్తెనపల్లి మండలం భీమవరం గ్రామానికి చెందిన తేనె అంకమ్మను 20 ఏళ్ల క్రితం వివాహం చేసుకున్నాడు. వీరికి కుమారుడు, కుమార్తె. కొంతకాలంగా కుటుంబ కలహాల నేపథ్యంలో ఇద్దరి మధ్య మనస్పర్థలు పొడచూపాయి. తేనె అంకమ్మ తన తండ్రి మాటలు విని చీటికిమాటికి పుట్టింటికి వెళ్లి తండ్రిచేత పోలీసు స్టేషన్‌లో ఫిర్యాదు చేయిస్తోంది. ఈక్రమంలో భార్య పెట్టిన కేసు విషయంలో సత్తెనపల్లి రూరల్‌ పోలీసు స్టేషన్‌కు రావాలని పోలీసులు కోటి స్వాములుకు ఫోన్‌ చేశారు. పోలీసు స్టేషన్‌కు వచ్చిన కోటి స్వాములును స్టేషన్‌ బయట గండ్లూరు గ్రామానికి చెందిన పెద్ద మనుషులు శేషయ్య, వెంకట్రావు దూషించడంతో మనస్తాపం చెందిన కోటిస్వాములు పురుగు మందు తాగి మృతిచెందినట్లు మృతుని తల్లి మంగమ్మ విలపిస్తూ చెప్పింది. పురుగు మందు తాగిన కోటిస్వాములును హుటాహుటిన ప్రభుత్వ ఏరియా ఆసుపత్రికి తరలించగా మృతిచెందినట్లు వైద్యులు చెప్పారు. సత్తెనపల్లి రూరల్‌ పోలీసులు కేసు నమోదు చేసి దర్యాప్తు చేస్తున్నారు.ఈ నెల 14న రాజుపాలెం మండలంలోని ఓకళాశాలలో చదువుతున్న కేరళ విద్యార్థిని(19) కళాశాల భవనం ఐదో అంతస్తుపై నుంచి దూకి ఆత్మహత్యాయత్నం చేసింది. తీవ్ర గాయాలై ఆస్పత్రిలో చేరిన ఆ విద్యార్థిని ప్రస్తుతం కోలుకుంటుంది. చదువు అబ్బడంలేదని, మొదటి సంవత్సరంలో నాలుగు సబ్జెక్టులు ఫెయిలయ్యాయనని, అందుకే చనిపోవాలనుకున్నానని పోలీసులకు వాంగ్మూలం ఇచ్చింది. ఈనెల 16న నరసరావుపేట రూరల్‌ పోలీస్‌ స్టేషన్‌ పరిధిలోని ఓ ప్రైవేట్‌ కాలేజీలో ఇంటర్‌ మొదటి సంవత్సరం చదువుతున్న జిట్టి అనూష కళాశాల భవనంపై నుంచి దూకి ఆత్మహత్యకు పాల్పడింది. తోటి విద్యార్థి పెన్‌ కనిపించకపోతే ఆ నెపం తనపై వేశారన్న బాధను తట్టుకోలేక క్షణికావేశంలో తనువు చాలించింది. ఈ ఘటన విద్యార్థుల్లో విషాదం నింపింది. మేడికొండూరు మండలం పాలడుగు గ్రామానికి చెందిన ఒంటిపులి కోటి స్వాములు (35) భార్యతో నెలకొన్న మనస్పర్థల కారణంగా పెద్దమనుషులు దూషించారనే మనస్తాపంతో బుధవారం సత్తెనపల్లి రూరల్‌ పోలీసు స్టేషన్‌ ఎదుట పురుగుమందు ఆత్మహత్యకు పాల్పడ్డాడు. సాక్షి, నరసరావుపేట : ఒక్కొక్కరిది ఒక్కో సమస్య. చదవుల్లో ఒత్తిడి, ప్రేమలో వైఫల్యం, కుటుంబ కలహాలు, ఆర్థిక సమస్యలు, దీర్ఘకాల అనారోగ్యం, బెట్టింగ్‌, ఒంటరితనం.. తదితర చిన్నచిన్న కారణాలకే ఎక్కవ మంది ఆత్మహత్యలు చేసుకుంటున్నారు. సమస్యలు ఎదురైనప్పుడు ఆందోళనకు గురవుతున్నారు. ఈ పరిస్థితుల్లో ఆత్మస్థైర్యం దెబ్బతిని, క్షణికావేశంతో బలవన్మరణాలకు పూనుకుంటున్నారు. కుటుంబ సభ్యులు, స్నేహితులతో సమస్యను పంచుకుంటే వారితో చర్చిస్తే పరిష్కారాలు దొరుకుతాయి. అయినా ఒత్తిడికి గురై చావును స్వాగతిస్తున్నారు. ప్రతి సమస్యకు పరిష్కారం ఉంటుందని, మానసిక ఒత్తిడి అధిగమించే విషయంలో అన్ని వర్గాల వారికి అవగాహన ఉండాలని, ఆత్మహత్య ఆలోచన వచ్చిన మొదటి దశలోనే గుర్తించి తగిన కౌన్సెలింగ్‌ ఇస్తే చాలామంది ఆ ఆలోచన నుంచి బయట పడే అవకాశం ఎక్కువగా ఉంటుందని మానసిక వైద్యులు అభిప్రాయ పడుతున్నారు. పెరుగుతున్న భావోద్వేగ బలవన్మరణాలు ఇటీవల కాలంలో భావోద్వేగ బలవన్మరణాలు పెరుగుతున్నాయి. తండ్రి కొట్టాడనో, భర్తతో గొడవపడో, భార్య పుట్టింటి నుంచి రాలేదనో తదితర చిన్న కారణాలతోనే చాలామంది ఆత్మహత్యలకు పాల్పడుతున్నారు. అప్పటి వరకు బాగున్న వారూ క్షణికావేశంతో ఈ తరహా నిర్ణయాలను తీసుకుంటున్నారు. దీనికి ఉద్రేక మనస్తత్వమే కారణంగా మానసిక నిపుణులు చెబుతున్నారు. మరోవైపు యువత మత్తుపదార్థాలు, బెట్టింగ్‌ వంటి వ్యసనాలకు అలవాటుపడి సమస్యలను కొనితెచ్చుకొని ప్రాణాల మీదకు తెచ్చుకుంటున్నారు. ఆత్మహత్యకు పాల్పడటం వల్ల తమ కుటుంబ సభ్యులకు తీవ్ర నష్టం వాటిల్లుతుందని గుర్తించడం లేదు. దీని గురించి ఆలోచిస్తే ఆత్మహత్య ఆలోచన నుంచి బయటపడే అవకాశం ఉంటుంది. రోజురోజుకూ పెరుగుతున్న ఆత్మహత్యలు గత వారంలో ఇద్దరు విద్యార్థినులు ఆత్మహత్య చిన్న చిన్న గొడవలు, మనస్పర్థలకు బలవన్మరణం భార్య కేసు పెట్టిందని సత్తెనపల్లి పోలీసు స్టేషన్‌ ఎదుట బుధవారం ఆత్మహత్య చేసుకున్న భర్త జూదంలో డబ్బులు పోగొట్టుకుని ఎంతోమంది తనువు చాలిస్తున్న వైనం సమస్యలకు పరిష్కారం ఆత్మహత్య కాదంటున్న మానసిక నిపుణులు

సత్తెనపల్లి: రాష్ట్రంలో పాఠశాలల పనివేళలు మార్చడం సరికాదని ఎస్టీయూ ఏపీ అధ్యక్షుడు ఎస్‌.ఎం.సుభాని పేర్కొన్నారు. సత్తెనపల్లిలో శనివారం ఆయన విలేకరులతో మాట్లాడారు. పని వేళలను సాయంత్రం ఐదు గంటల వరకు పొడిగించడం విడ్డూరంగా ఉందని చెప్పారు. ఇది అశాసీ్త్రయ విధానమని, దీనిని ప్రభుత్వం ఉపసంహరించుకోవాలని విద్యార్థి, ఉపాధ్యా య సంఘాలన్నీ డిమాండ్‌ చేస్తున్నాయని వెల్లడించారు. పనివేళల పొడిగింపు విద్యార్థుల మానసిక పరిస్థితి, సంసిద్ధత, అభ్యాసనం, బోధనతో ముడిపడి ఉంటుందని పేర్కొన్నారు. శ్రీలక్ష్మి అమ్మ హుండీ ఆదాయం రూ.23 లక్షలు దుర్గి: అడిగొప్పల శ్రీ నిదానంపాటి శ్రీలక్ష్మి అమ్మవారి హుండీ కానుకలు లెక్కించగా రూ.23,87,102ల ఆదాయం వచ్చినట్లు ఆల య వ్యవస్థాపక ధర్మకర్త యాగంటి వెంకటేశ్వర్లు, కార్యనిర్వహణ అధికారి సైదమ్మబాయి తెలిపారు. బుధవారం అమ్మవారి ఆలయ ప్రాంగణంలో పేటసన్నిగండ్ల గ్రూప్‌ టెంపుల్స్‌ కార్యనిర్వహణాధికారి సి.హెచ్‌.శివనాగిరెడ్డి ఆధ్వర్యంలో 63 రోజుల పాటు భక్తులు అమ్మవారికి సమర్పించిన కానుకల గణనకు హుండీ లెక్కింపు చేపట్టారు. కానుకల రూపంలో వచ్చిన ఆదాయాన్ని బ్యాంకు అధికారులకు అందజేసి సంబంధిత రశీదును తీసుకున్నట్లు అధికారులకు వివరించారు. ఈ కార్యక్రమంలో ఎన్‌ఎంఆర్‌ సిబ్బంది, అర్చక, పరిచారక, నాయీ బ్రాహ్మణులు, భక్తులు తదితరులు పాల్గొన్నారు. ఇండోర్‌ స్టేడియం, జిమ్‌ లీజుకు టెండర్లు ఆహ్వానం నరసరావుపేట: స్థానిక డీఎస్‌ఏ (కోడెల శివప్రసాదరావు) స్టేడియంలోని ఇండోర్‌ స్టేడియం(షటిల్‌ కోర్టులు), జిమ్‌ను లీజుకు ఇచ్చేందుకు టెండర్లు ఆహ్వానిస్తున్నట్టు జిల్లా క్రీడల అభివృద్ధి అధికారి (డీఎస్‌డీవో) పి.నరసింహారెడ్డి బుధవారం వెల్లడించారు. టెండర్‌ ఫారాలు ఈనెల 25 నుంచి డీఎస్‌డీఏ కార్యాలయంలో లభిస్తాయన్నారు. ఈనెల 29లోగా ఓపెన్‌ టెండర్లను ఆహ్వానిస్తున్నామన్నారు. 30వ తేదీ మధ్యాహ్నం 2 గంటలకు టెండర్లను తెరుస్తామని, మరిన్ని వివరాలకు 87126 22574ను సంప్రదించాలని కోరారు. విద్యార్థి దశనుంచే చట్టాలపై అవగాహన ఉండాలి నరసరావుపేటటౌన్‌: విద్యార్థి దశ నుంచే చట్టాలపై అవగాహన కలిగి ఉండాలని 13వ అదనపు జిల్లా న్యాయమూర్తి ఎన్‌.సత్యశ్రీ చెప్పారు. అంతర్జాతీయ బాలల దినోత్సవాన్ని పురస్కరించుకొని బుధవారం మున్సిపల్‌ బాలుర పాఠశాలలో నిర్వహించిన అవగాహన సదస్సులో ఆమె మాట్లాడారు. బాలల హక్కుల పరిరక్షణ, బాల్య వివాహ నిరోధక చట్టం, విద్యా హక్కు, బాల కార్మిక నిర్మూలన చట్టాల గురించి వివరించారు. ఏదైనా సమస్యలు ఎదురైతే మండల న్యాయ సేవాధికార సంస్థ ద్వారా ఉచిత న్యాయ సహాయం పొందవచ్చుని తెలిపారు. కార్యక్రమంలో పాఠశాల ప్రిన్సిపల్‌ నిర్మల, టూటౌన్‌ ఎస్‌ఐ అశోక్‌, సిబ్బంది పాల్గొన్నారు. ఆరోపణలు వస్తే సహించేది లేదు నరసరావుపేటటౌన్‌: అవినీతి ఆరోపణలు వస్తే సహించేది లేదని డీఎస్పీ కె.నాగేశ్వరరావు సిబ్బందిని హెచ్చరించారు. నరసరావుపేట రూరల్‌ పోలీస్‌ స్టేషన్‌లో అధికారులు, సిబ్బంది అవినీతిపై ‘ఖాకీల కలక్షన్ల పర్వం’ అన్న శీర్షికతో బుధవారం సాక్షి పత్రికలో ప్రచురితమైన కథనానికి పల్నాడు జిల్లా ఎస్పీ కంచి శ్రీనివాసరావు స్పందించారు. ఘటనపై సమగ్ర విచారణ జరపాలని డీఎస్పీని ఆదేశించినట్లు సమాచారం. దీంతో డీఎస్పీ బుధవారం రూరల్‌ పోలీస్‌ స్టేషన్‌ను సందర్శించి రూరల్‌ స్టేషన్‌తోపాటు వన్‌టౌన్‌, టూటౌన్‌ సీఐలతో సమావేశం నిర్వహించారు. మరో మారు అవినీతి ఆరోపణలు వస్తే కఠిన చర్యలు తీసుకుంటామని హెచ్చరించారు.

సత్తెనపల్లి: ఆత్మహత్యకు యత్నించిన విద్యార్థినుల ఘటనను సుమోటోగా తీసుకొని విచారణ చేపట్టాలని ఏపీ రాష్ట్ర బాలల హక్కుల కమిషన్‌ సభ్యురాలు బత్తుల పద్మావతి పేర్కొన్నారు. సత్తెనపల్లి వెంకటపతినగర్‌లోని ఎస్సీ బాలికల కళాశాల వసతి గృహాన్ని మంగళవారం రాత్రి ఆమె ఆకస్మికంగా సందర్శించారు. పద్మావతి మాట్లాడుతూ విద్యార్థినుల ఆత్మహత్యాయత్నం ఘటనపై జిల్లా యంత్రాంగం రెండు రోజుల్లో నివేదిక ఇవ్వాలని ఆదేశించారు. విద్యార్థినులు వెల్లడించిన విషయాలు విని ఆమె ఆశ్చర్యపోయారు. 250 మంది విద్యార్థిను లకు ఒకే ఒక్క వాష్‌ రూము ఉందని, మిగిలినవి సెఫ్టిక్‌ ట్యాంకు నిండి నిరుపయోగంగా ఉండటం వల్ల దుర్గంధం వెదజల్లుతూ ఇబ్బందిగా ఉంటుందని, దానివల్ల కొంత మంది విద్యార్థినులు కళాశాలకు వెళ్లిన తరువాత కాలకృత్యాలు తీర్చుకుంటున్నారని, మరుగుదొడ్డి ఒకటే ఉండటం వల్ల కొంత మంది రెండు రోజులకొకసారి స్నానం చేస్తున్నామని విద్యార్థినులు పద్మావతి ఎదుట వాపోయారు. ఈ సందర్భంగా పద్మావతి మాట్లాడుతూ రికార్డులు సక్రమంగా లేకపోవడం, స్టాక్‌ రిజిస్టరు సరిగా నిర్వహించకపోవడం, కనీసం మెనూ చార్ట్‌ కూడా ప్రదర్శించకపోవడంపై విస్మయం వ్యక్తం చేశారు. హాస్టల్‌ పరిసరాల్లో పందులు, కుక్కలు సంచరిస్తున్నాయని, నాసిరకం కూరగాయలతో ఆహారపదార్థాలు తయారు చేస్తున్నట్టు గుర్తించామని పేర్కొన్నారు. హాస్టల్లో విద్యార్థులతో కమిటీలు లేకపోవడం సరికాదన్నారు. సాంఘిక సంక్షేమ శాఖ అధికారుల పర్యవేక్షణ లేకపోవడం వల్ల సిబ్బంది ఇష్టారాజ్యంగా వ్యవహరిస్తున్నారని పేర్కొన్నారు. అనంతరం పద్మావతి గుంటూరు జీజీహెచ్‌లో చికిత్స పొందుతున్న ఇద్దరు విద్యార్థినుల తల్లిదండ్రులతో వీడియో కాల్‌లో మాట్లాడి ధైర్యంగా ఉండాలని సూచించారు. అనంతరం జీజీహెచ్‌ సూపరింటెండెంట్‌ డాక్టర్‌ యశస్వి రమణతో మాట్లాడి విద్యార్థినులకు మెరుగైన వైద్యం అందించాలని సూచించారు. హాస్టళ్లలో నెలలో ఒకసారి ఉచిత వైద్య శిబిరం ఏర్పాటు చేసి, ఆరోగ్య సూత్రాలు తెలియజేయాలన్నారు. బాలల హక్కుల కమిషన్‌ విద్యా ర్థినుల ఆత్మహత్యాయత్నం ఘటనను సుమోటోగా స్వీకరించి విచారణ చేస్తుందని పేర్కొన్నారు. అనంతరం ఆహార పదార్థాలను ఆమె పరిశీలించారు. ఆమెతోపాటు పట్టణ సీఐ బ్రహ్మయ్య, ఎస్‌ఐ సత్యారాణి, హెల్ప్‌ ఫౌండేషన్‌ వ్యవస్థాపక అధ్యక్షుడు కంచర్ల బుల్లిబాబు, బాలల పరిరక్షణ కౌన్సిలర్‌ శ్రీనివాసరావు, ఏఎస్‌డబ్ల్యూ నిరీక్షణ కుమారి, ఐసీడీఎస్‌ సత్తెనపల్లి ప్రాజెక్టు సీడీపీఓ టి.శ్రీలత, సూపర్‌వైజర్‌ ప్రమీల ఉన్నారు. జిల్లా యంత్రాంగం రెండు రోజుల్లో నివేదిక ఇవ్వాలి ఏపీ రాష్ట్ర బాలల హక్కుల కమిషన్‌ సభ్యురాలు బత్తుల పద్మావతి ఆదేశం పద్మావతి ఎదుట నిజాలు వెల్లడించిన విద్యార్థినులు

నరసరావుపేట ఈస్ట్‌: దేశంలో అనాదిగా కొనసాగుతున్న హిందూ ధర్మాన్ని సనాతన వైదిక ధర్మంగా గుర్తించాలని శృంగేరీ శ్రీశారదా పీఠం ఉత్తరాధికారి శ్రీవిదుశేఖర భారతీ స్వామి తెలిపారు. శ్రీవిదుశేఖర స్వామి విజయ యాత్రలో భాగంగా బుధవారం రాత్రి పట్టణంలోని శ్రీశృంగేరీ శంకర మఠానికి చేరుకున్నారు. వేద పండితుల స్వాగత వచనాల మధ్య శంకర మఠానికి విచ్చేసిన స్వామి మఠం ఆవరణలోని శారదాంబ అమ్మవారిని దర్శించుకొని హారతి సమర్పించారు. అలాగే శ్రీశంకర చంద్రమౌళీశ్వర స్వామిని దర్శించుకొని పూజలు చేశారు. కల్యాణ మండపంలో ఏర్పాటు చేసిన కార్యక్రమంలో భక్తులు పాదుకా పూజ నిర్వహించారు. ఈ సందర్భంగా విదుశేఖర స్వామి అనుగ్రహ భాషణ చేశారు. ప్రస్తుతం మనం పిలుచుకుంటున్న హిందూ ధర్మానికి మరో పేరు సనాతన వైదిక ధర్మమని అభివర్ణించారు. ఇది మన ధర్మం గొప్పతనాన్ని సూచిస్తున్నదని వివరించారు. ప్రపంచం దేని ద్వారా ధరింపబడుతుందో దానిని ధర్మం అంటారని తెలిపారు. ధర్మం, అధర్మం ఈ రెండూ నేడు మనిషిని నడిపిస్తున్నాయని, ఆశా జీవిగా మనిషి అన్నీ తనకు అనుకూలంగా కావాలనుకుంటూ స్వార్థంతో వ్యవహరిస్తాడని తెలిపారు. అయితే ధర్మం ఏదివ్వాలో దానినే అందిస్తుందని తెలిపారు. అనుగ్రహ భాషణ అనంతరం స్వామి రామిరెడ్డిపేటలో కొత్తగా నిర్మించిన వేద విద్యార్థుల వసతి గృహం వేదభారతీ గృహాన్ని ప్రారంభించారు. వేదభారతి వద్దకు చేరుకున్న స్వామి జ్యోతి ప్రజ్వలన చేసి ప్రారంభించి అక్కడే బస చేశారు. ఈ కార్యక్రమాలలో నరసరావుపేట జమిందార్‌ కొండలరావు బహదూర్‌, ఎమ్మెల్యే డాక్టర్‌ చదలవాడ అరవిందబాబు, బులియన్‌ మర్చంట్స్‌ అసోసియేషన్‌ రాష్ట్ర అధ్యక్షుడు కపలవాయి విజయకుమార్‌, మాజీ మున్సిపల్‌ చైర్మన్‌ నాగసరపు సుబ్బరాయగుప్త పాల్గొన్నారు, శ్రీశ్రీ విదుశేఖర భారతీ స్వామి అనుగ్రహ భాషణం పట్టణంలో సాగిన విజయ యాత్ర వేదభారతీ వసతి గృహాన్ని ప్రారంభించిన స్వామి నేటి స్వామి పర్యటన ఇలా.. విదుశేఖర భారతీ స్వామి గురువారం ఉదయం పాతూరులోని శ్రీభీమలింగేశ్వరస్వామి ఆలయంలో పూజలు నిర్వహిస్తారు. శ్రీభీమలింగేశ్వరస్వామి నగరోత్సవానికి సిద్ధం చేసిన నూతన దివ్య రథాన్ని ప్రారంభించి పాత శంకర మఠంను సందర్శిస్తారు. అక్కడి నుంచి కోటప్పకొండ చేరుకొని శ్రీత్రికోటేశ్వరస్వామికి పూజలు నిర్వహిస్తారు. కోటప్పకొండ నుంచి మిన్నెకల్లు గ్రామానికి చేరుకొని అక్కడ శ్రీశ్రీభారతీ తీర్థస్వామి పూర్వాశ్రమ మాతృమూర్తి పేరుతో నిర్మించిన కల్యాణ మండపాన్ని ప్రారంభిస్తారు. తిరిగి శంకర మఠం చేరుకొని భక్తుల పూజలు స్వీకరించి సాయంత్రం 4 గంటల సమయంలో తన విజయ యాత్రను కొనసాగిస్తారు.

యడ్లపాడు: తండ్రీకొడుకుల మధ్య దశాబ్దకాలంగా నెలకొన్న తగవులకు ఎస్పీ కంచి శ్రీనివాసరావు పరిష్కారం చూపారు. ఇద్దరి మధ్య గ్రామపెద్దల సమక్షంలో బుధవారం సయోధ్య కుదిర్చారు. వివరాల్లోకి వెళితే.. యడ్లపాడు దిగువ ఎస్సీకాలనీకి చెందిన ఎడ్లూరి వెంకట్రావు, ఆయన కుమారుడు నాగరాజుల మధ్య కుటుంబ కలహాలు దశాబ్ద కాలంగా ఉన్నాయి. కొడుకు దురుసు ప్రవర్తనపై పలుమార్లు వెంకట్రావు పోలీసులకు ఫిర్యాదు చేశాడు. కోర్టునూ ఆశ్రయించాడు. చివరకు జిల్లా ఎస్పీ కార్యాలయంలో ఈనెల 18న జరిగిన ప్రజా సమస్యల పరిష్కార వేదికకు వెళ్లి ఎస్పీకి విన్నవించాడు. దీంతో ఎస్పీ కంచి శ్రీనివాసరావు విచారణ నిమిత్తం బుధవారం వెంకట్రావు గృహాన్ని సందర్శించారు. కుటుంబ సభ్యులతో మాట్లాడారు. తాను, భార్య, కొడుకు, కోడలు, మనుమలంతా కలిసి ఒకే ఇంట్లోనే ఉంటున్నామని, కొడుకు వల్లే గతంలో తాను అప్పులపాలైనట్లు అధికారులకు విన్నవించాడు. తనకు కూడు పెట్టకపోగా, ఆస్తి ఇవ్వాలంటూ తనపై దాడి చేస్తూ ఇంటి నుంచి గెంటివేసే యత్నం చేస్తున్నాడంటూ చెప్పాడు. 2022లోనే యడ్లపాడు పోలీస్‌స్టేషన్‌లో నాగరాజుపై కేసు నమోదైన విషయాన్ని ఎస్పీకి గుర్తు చేశాడు. నాన్న మద్యానికి బానిసై అప్పులు చేశాడని, తాను కొత్తగా ఇల్లు నిర్మించుకునేందుకు ప్రస్తుతం నివసిస్తున్న ఇంటి వెనుక ఖాళీ స్థలం ఇవ్వడానికి నిరాకరిస్తూ తనపై ఆరోపణలు చేస్తున్నాడంటూ నాగరాజు ఎస్పీకి వివరించాడు. దీంతో ఎస్పీ నాగరాజును సున్నితంగా మందలించారు. తల్లిదండ్రులపై ఆరోపణలు తగవని సూచించారు. తండ్రిపై దాడి నేరమని, ఇకపై ఇలాంటివి చేస్తే క్రిమినల్‌ కేసు నమోదు చేస్తామని హెచ్చరించారు. తండ్రీకొడుకుల మధ్య సయోధ్య కుదిర్చారు. తండ్రిని ఇబ్బంది పెట్టకుండా చూసుకుంటానని, ఆలనాపాలనా చూసుకుంటానని గ్రామపెద్దల సమక్షంలో నాగరాజును ఎస్పీ ఒప్పించారు. నాగరాజు ఇల్లు నిర్మించుకునేందుకు సహకరించాలని సూచించారు. ఓ సామాన్య వ్యక్తి కుటుంబ సమస్యపై చొరవ చూపి పరిష్కరించిన ఎస్పీని గ్రామపెద్దలు అభినందించారు. ఎస్పీ వెంట చిలకలూరిపేట రూరల్‌ సీఐ బి.సుబ్బానాయుడు, యడ్లపాడు ఎస్‌ఐ వి.బాలకృష్ణ ఉన్నారు. దశాబ్దకాలంగా సాగుతున్న తగవులకు పరిష్కారం

జగద్గురు శ్రీభారతీ తీర్థ స్వామి చేతులమీదుగా సన్యాస దీక్ష స్వీకరణ విద్యార్జనలో అసాధారణ ప్రజ్ఞ చూపిన వెంకటేశ్వర ప్రసాద శర్మకు అరుదైన గౌరవం లభించింది. 2019 జనవరి 22, 23వ తేదీల్లో శృంగేరీలోని తుంగానదీ తీరంలో శారదాదేవి ఆలయ సమక్షంలో యోగ పట్టాను, సన్యాస దీక్షను శ్రీభారతీ తీర్థ మహాస్వామి చేతుల మీదుగా స్వీకరించారు. శ్రీవిదుశేఖర భారతీస్వామిగా నామకరణం చేసి, తదుపరి 37వ జగద్గురుగా నిర్ణయించి ఉత్తరాధికారిగా నియమించారు. పీఠం చరిత్రలో ఈ పదవిలో నియమితులైన పిన్న వయస్కుల్లో వీరిని రెండో వారుగా చెబుతారు. పీఠం నియమాల ప్రకారం శ్రీభారతీ తీర్థ మహాస్వామి ఆదేశాలతో సనాతన ధర్మ ప్రచారంలో భాగంగా దక్షిణ భారతదేశ శోభాయాత్రలో పాల్గొన్నారు. అతి చిన్నవయసులోనే దక్షిణ భారతదేశంలో పూర్తిగా సంచరించి, ప్రజలకు స్వధర్మ ఆచరణ వైశిష్ట్యాన్ని వివరిస్తూ, ధర్మాచరణ ఆవశ్యకతను బోధించారు. శోభాయాత్రలో భాగంగా నాడు తెనాలినీ సందర్శించారు. మళ్లీ ఇప్పుడు ధర్మ ప్రచారంలో భాగంగా రాష్ట్ర పర్యటను విచ్చేసిన భారతీస్వామి ఉమ్మడి గుంటూరు జిల్లాకు వస్తున్నారు.

నరసరావుపేట ఈస్ట్‌/నరసరావుపేట రూరల్‌: శ్రీశృంగేరీ పీఠం ఉత్తరాధికారి విధుశేఖర భారతీ సన్నిధానం తన విజయ యాత్రలో భాగంగా బుధవారం నరసరావుపేటకు రానున్నారు. విజయవాడ నుంచి బుధవారం సాయంత్రం పట్టణంలోని శృంగేరీ శంకరమఠంకు చేరుకుంటారు. శంకరమఠంలోని శంకర చంద్రమౌళీశ్వరస్వామి, శ్రీశారదాంబ అమ్మవారికి ప్రత్యేక పూజలు నిర్వహించి అనుగ్రహ భాషణం చేయనున్నారు. అనంతరం రామిరెడ్డిపేటలో నిర్మించిన వేద విద్యార్థుల వసతి గృహం వేదభారతీ గృహాన్ని ప్రారంభించి విశ్రాంతి తీసుకుంటారు. 21న గురువారం ఉదయం 8.30గంటల నుంచి శ్రీమఠ అర్చకులచే చంద్రమౌళీశ్వర పూజలో పాల్గొంటారు. ఉదయం 11.30గంటల నుంచి జగద్గురువుల దర్శనం, పాదుకా పూజలు, భిక్షా వందనం నిర్వహిస్తారు. ఈ సమయంలో భక్తులు స్వామివారికి కానుకలు సమర్పించవచ్చు. సాయంత్రం 4 గంటల నుంచి స్వామికి వీడ్కోలు, శ్రీశృంగేరీ శంకరమఠం నుంచి తన విజయ యాత్రను కొనసాగిస్తారు. 21న కోటప్పకొండకు.. విధుశేఖరభారతీ ఈనెల 21న కోటప్పకొండ త్రికోటేశ్వర స్వామిని దర్శించుకోనున్నారు. ఉదయం 9 గంటలకు ఆలయంలో జరిగే స్వామి మూలవిరాట్‌ అభిషేకాల్లో పాల్గొంటారు. ఈ సందర్భంగా భక్తులకు నిర్వహించే మూలవిరాట్‌ అభిషేకాలను నిలిపివేస్తున్నట్టు ఆలయ ఈఓ డి.చంద్రశేఖరరావు తెలిపారు.

సాక్షి, టాస్క్‌ఫోర్స్‌ : పల్నాడు జిల్లా కేంద్రంలో ఎవరి నోట విన్నా.. ఏ నలుగురు చేరినా ఒకటే చర్చ. రూరల్‌ పోలీస్‌ స్టేషన్‌ దరిదాపుల్లోకి కూడా వెళ్లకూడదని. న్యాయం కావాలి మహాప్రభో అని వెళితే.. ఎంతిస్తారు అంటూ లాఠీలు జేబులు వెతుకుతున్నాయి. ఖాకీలకు, బాధితులకు మధ్య చోటమోటా పసుపు చొక్కాలు సెటిల్‌మెంట్లు చేస్తున్నాయి. గ్రామాల్లో పందెంకోళ్లు కొక్కొరొక్కో అంటూ కత్తులు దూస్తున్నాయి. మూడు ముక్కలు ఆరు షోలు పడుతున్నాయి. రేషన్‌ బియ్యం బస్తాలు రెక్కలు కట్టుకుని ఎగిరిపోతున్నాయి. ఇలా రూరల్‌ పోలీస్‌ స్టేషన్‌మెట్లు అక్రమాలకు గేట్లు తెరిచి సామాన్యులకు చుక్కలు చూపిస్తున్నాయి. న్యాయానికి సంకెళ్లు కూటమి ప్రభుత్వం అధికారం చేపట్టాక న్యాయానికి సంకెళ్లు పడ్డాయి. అప్పటివరకు ఉన్న పోలీసు అధికారులను నియోజకవర్గాల ఎమ్మెల్యేల సిఫార్సులతో బదిలీచేశారు. పోస్టింగులలో భారీ మొత్తంలో చేతులు మారాయి. దీంతో ఽఅక్రమార్జనే ధ్యేయంగా కొంతమంది ఖాకీలు బరితెగించారు. నరసరావుపేట రూరల్‌ పోలీస్‌ స్టేషన్‌ అక్రమాలకు కేంద్ర బిందువుగా మారింది. చిన్నాచితకా సెటిల్‌మెంట్ల నుంచి పెద్ద పెద్ద పంచాయతీల వరకు ఇక్కడే కొనసాగిస్తున్నారు. కొద్ది రోజుల కిందట చోరీ బైకులను తాకట్టు పెట్టుకున్న కేసులో సీఐ రామకృష్ణ, కానిస్టేబుల్‌ బాబులు రూ.5 లక్షలు లంచం డిమాండ్‌ చేశారంటూ పమిడిపాడు గ్రామానికి చెందిన యువకుడు రైలు పట్టాలపై పడుకుని ఆత్మహత్యాయత్నం చేశాడు. ఆ వీడియో సోషల్‌ మీడియాలో వైరల్‌ కావడంతో ఎస్పీ కంచి శ్రీనివాసరావు విచారణకు ఆదేశించారు. కానిస్టేబుల్‌ను వీఆర్‌కు పిలిచారు. తరువాత గురజాలకు బదిలీ చేశారు. సీఐపై శాఖాపరమైన విచారణ చేపట్టారు. ఈవ్యవహారం మరువక ముందే అవినీతి ఆరోపణల నేపథ్యంలో ఓ ఎస్‌ఐపై బదిలీ వేటు పడిందని సమాచారం. కోడి పందేల హోరు .. పేకాట జోరు రూరల్‌ స్టేషన్‌ పరిధిలో కోటప్పకొండ వద్ద మూడు నెలల క్రితం కోడి పందేలు, పేకాట స్థావరంపై ఎస్సీ ఆదేశాలతో దాడులు నిర్వహించి జూదరులను పట్టుకున్న విషయం తెలిసిందే. అయితే అక్రమార్కులు స్థావరాలను మార్చి ఇంకా జూదాన్ని కొనసాగిస్తున్నారని సమాచారం. కూటమి నేతల ఆధ్వర్యంలో రూరల్‌ పోలీసుల సహకారంతో సరిహద్దు గ్రామాలలో జోరుగా జూదం సాగుతోంది. దీంతో పాటు గ్రామాల్లో విచ్చలవిడిగా బెల్టుషాపులు కొన సాగుతున్నాయి. పోలీసు సిబ్బంది మామూళ్ల మత్తులో జోగుతున్నారు. దీనిపై ఎస్పీ మందలించినా సిబ్బందిలో మార్పు రావడం లేదని తెలుస్తోంది. రూ.లక్షల్లో అవినీతి రూరల్‌ పోలీస్టేషన్‌లో కాసులతోనే పని చోరీ కేసు మాఫీకి రూ.ఐదు లక్షల డిమాండ్‌ బాధితుడి వీడియో వైరల్‌ బియ్యం మాఫియాతో ఎస్‌ఐ కుమ్మక్కు కేసులో పేర్లు తీయాలంటే రూ.లక్ష ఇవ్వాల్సిందేనని హుకుం పోలీస్‌ సిబ్బంది సహకారంతోనే ఊరూరా పేకాట, కోడిపందేలు కొరడా ఝుళిపించిన ఉన్నతాధికారి వీఆర్‌కు కానిస్టేబుల్‌, సీఐపై శాఖాపరచర్యలు, ఎస్‌ఐపై బదిలీ వేటు! రాజకీయ పలుకుబడి ఉపయోగిస్తున్నప్రజాప్రతినిధి బంధువునని చెప్పుకొనే ఎస్‌ఐ రేషన్‌ డీలర్లకు ఎస్సై బెదిరింపులు ఇటీవల ఇక్కుర్తిలో పట్టుబడ్డ ప్రజాపంపిణీ బియ్యంపై నరసరావుపేట రూరల్‌ పోలీసులు కేసు నమోదు చేశారు. ఆ కేసులో సూత్రధారుల పేర్లు తొలగించేందుకు ఎస్సై రూ.లక్ష డిమాండ్‌ చేసిన ఆడియో జిల్లా ఉన్నతాధికారుల వద్దకు చేరిందట. దీంతోపాటు గతంలోనూ ఆరోపణలు రావడంతో ఆ ఎస్సైపై బదిలీ వేటు వేశారని సమాచారం. రూరల్‌ స్టేషన్‌ నుంచి మహిళా పోలీసు స్టేషన్‌కు అటాచ్‌ చేసినట్టు తెలుస్తోంది. ఉత్తర్వులు జారీ అయి రెండురోజులైనా విధుల్లో చేరకుండా తనకున్న అధికారపార్టీ పలుకుబడితో ఎస్సై పైరవీకి దిగారు. ఎలాగైనా తిరిగి రూరల్‌ స్టేషన్‌లోనే పోస్టింగ్‌ వేయించుకోవాలని స్థానిక ప్రజాప్రతినిధితోపాటు ఓ మంత్రితో ఉన్నతాధికారులపై ఒత్తిడి తీసుకు వస్తున్నట్టు ప్రచారం నడుస్తోంది. అవినీతి సహించంజిల్లాలో పోలీసుశాఖలో అవినీతిని ఉపేక్షించేది లేదు. తప్పు చేసినట్టు నిరూపితమైతే తప్పకుండా చర్యలు తీసుకుంటాం. రూరల్‌ స్టేషన్‌కి చెందిన ఎస్సైని మహిళా భద్రతపై ఏర్పాటు చేస్తున్న ప్రత్యేక విభాగంలో నియమిస్తాం. అంతే తప్ప బదిలీ అన్న ప్రచారం అవాస్తవం. – కంచి శ్రీనివాసరావు, ఎస్పీ, పల్నాడు జిల్లా నరసరావుపేట కేంద్రంగా రేషన్‌ మాఫియా రెచ్చిపోతోంది. స్థానిక ప్రజాప్రతినిధి ముఖ్య అనుచరుడు రేషన్‌ బియ్యం దందాను నడుపుతున్నారు. సరుకు పేదలకు చేరకుండానే డీలర్ల వద్ద నుంచే నల్లబజారుకు తరలిస్తున్నారు. అధికారులు మీనమేషాలు లెక్కిస్తున్నారు. రేషన్‌ మాఫియాకు ఓ ఎస్సై అండగా నిలుస్తున్నారన్న ఆరోపణలు ఉన్నాయి. ఎవరైనా రేషన్‌ డీలర్‌ సరుకు విక్రయించేందుకు వెనకాడితే వెంటనే దాడులు చేయిస్తామంటూ బెదిరింపులకు పాల్పడుతున్నారట. తాను ప్రజాప్రతినిధి బంధువునంటూ సదరు ఎస్సై జులుం ప్రదర్శిస్తున్నారు.

సాక్షి, నరసరావుపేట: కూటమి ప్రభుత్వ లోపాలను ప్రశ్నిస్తున్న గొంతులపై అక్రమ కేసుల కత్తి పెట్టి నొక్కేయాలని చూడటం దుర్మార్గమని మాజీ మంత్రి విడదల రజిని ధ్వజమెత్తారు. అక్రమ కేసులతో అరైస్టె నరసరావుపేట సబ్‌ జైలులో ఉన్న చిలకలూరిపేట నియోజకవర్గ సీనియర్‌ నాయకుడు సింగారెడ్డి కోటిరెడ్డిని ఆమె మంగళవారం పరామర్శించారు. అనంతరం జైలు ముందు మీడియాతో మాట్లాడుతూ 75 ఏళ్ల వ్యక్తిని ఏ తప్పు లేకపోయినా అక్రమ కేసులతో అరెస్ట్‌చేశారని, గ్రామ సచివాలయానికి ఎంపీడీఓ వస్తే సమస్యలను విన్నవించడానికి వెళ్లిన కోటిరెడ్డిని రకరకాల సెక్షన్లతోపాటు ఎస్సీ, ఎస్టీ అట్రాసిటీ కేసులూ పెట్టి అరెస్టు చేయడం దారుణమన్నారు. ఓ రాజకీయ నాయకుడి ఒత్తిడి మేరకే పోలీసులు ఇలా చేశారన్నారు. నరసరావుపేట జైలులోనే ఉన్న సోషల్‌ మీడియా యాక్టివిస్ట్‌ రాజశేఖర్‌రెడ్డి, వెంకటరెడ్డిలనూ విడదల రజిని పరామర్శించారు. వారిపై ఎక్కడ కేసులు పెడుతున్నారు, ఎందుకు పెడుతున్నారో కూడా ఆర్థం కావడం లేదన్నారు. అక్రమ కేసులకు ఎవరూ భయపడొద్దని, జగనన్న అండగా ఉన్నా రని భరోసానిచ్చారు. రజిని వెంట సింగారెడ్డి కోటిరెడ్డి కుటుంబ సభ్యులు, వైఎస్సార్‌సీపీ నేత చిట్టా విజయభాస్కర్‌రెడ్డి తదితరులు ఉన్నారు. కూటమి ప్రభుత్వంపై మాజీ మంత్రి విడదల రజిని ధ్వజం నరసరావుపేట సబ్‌ జైల్లో వైఎస్సార్‌సీపీ నేత సింగారెడ్డి కోటిరెడ్డి, సోషల్‌మీడియా యాక్టివిస్టులు రాజశేఖర్‌రెడ్డి, వెంకట్‌రెడ్డిలకు పరామర్శ

దాచేపల్లి : స్థానిక శ్రీ వీర్ల అంకమ్మతల్లికి దాచేపల్లికి చెందిన దేవరశెట్టి బాలాంజనేయులు కుమారుడు నాగేశ్వరరావు కుటుంబ సభ్యులు రూ10 లక్షల విలువ చేసే వెండి మకర తోరణం తయారు చేయించి అమ్మవారి ఆలయ కమిటీ సభ్యులకు అందించారు. దాత నాగేశ్వరరావు కుటుంబ సభ్యులు ప్రత్యేకంగా పూజలు చేసి మకర తోరణంతో అంకమ్మ తల్లిని అలంకరించారు. కమిటీ సభ్యులు దాత కుటుంబ సభ్యులను సన్మానించారు. 3 మార్కెట్‌యార్డులు, 42 జిన్నింగ్‌ మిల్లుల్లో సీసీఐ కేంద్రాలు నరసరావుపేట: పత్తి కొనుగోలుకు గుంటూరు, పల్నాడు, ఎన్‌టీఆర్‌ జిల్లాల్లోని మూడు మార్కెట్‌ యార్డులు, 42 జిన్నింగ్‌ మిల్లుల్లో సీసీఐ కేంద్రాలు ఏర్పాటు చేశామని విజయవాడ ప్రాంతీయ సంయుక్త మార్కెటింగ్‌ సంచాలకులు కె.సూర్యప్రకాష్‌ సోమవారం ఒక ప్రకటనలో పేర్కొన్నారు. 2024–25 ఏడాదికి కనీస మద్దతు ధర క్వింటాలుకు రూ.7521గా నిర్ధారించినట్టు వివరించారు. పత్తిని సీసీఐ కేంద్రాలకు తీసుకొచ్చే సమయంలో ఆరపెట్టుకొని రావాలని రైతులకు సూచించారు. ఈ కేంద్రాలు సోమవారం నుంచి శుక్రవారం వరకు మాత్రమే ఉదయం 8 గంటల నుంచి సాయంత్రం 5 గంటల వరకు పనిచేస్తాయన్నారు. శని, ఆదివారాలు, ప్రభుత్వ సెలవు దినాల్లో పనిచేయవని పేర్కొన్నారు. రామలింగేశ్వరునికి అన్నాభిషేకం నగరంపాలెం: స్థానిక మల్లారెడ్డినగర్‌ అయ్యప్పస్వామి దేవాలయం ప్రాంగణంలోని శివాలయంలో మంగళవారం ప్రత్యేక పూజలు జరిగాయి. ఆరుద్ర నక్షత్రం సందర్భంగా శ్రీపర్వత వర్దిని సమేత శ్రీరామలింగేశ్వరస్వామికి భక్తి శ్రద్ధలతో అభిషేకాలు, విశేషంగా అన్నాభిషేకం నిర్వహించారు. శ్రీగణపతి సహిత రుద్ర హోమం చేశారు. కార్యక్రమాలను చంద్రశేఖరశర్మ, శివకుమార్‌శర్మ చేపట్టారు. మహా హారతి అనంతరం భక్తులకు తీర్థ ప్రసాదాలను అందించారు. ఎంకేఆర్‌ ఫౌండషన్‌ చైర్మన్‌ మెట్టు కృష్ణారెడ్డి ఏర్పాట్లను పర్యవేక్షించారు. 24న మహిళా కబడ్డీ జట్టు ఎంపిక నరసరావుపేట ఈస్ట్‌: గుంటూరు జిల్లా కబడ్డీ అసోసియేషన్‌ ఆధ్వర్యంలో ఉమ్మడి గుంటూరు జిల్లా సీనియర్‌ మహిళా కబడ్డీ జట్టు ఎంపిక పోటీలు ఈనెల 24న కృష్ణవేణి డిగ్రీ కళాశాల క్రీడా మైదానంలో నిర్వహిస్తున్నట్టు కళాశాల ప్రిన్సిపల్‌ నాతాని వెంకటేశ్వర్లు, అసోసియేషన్‌ కార్యదర్శి మంతెన సుబ్బరాజు మంగళవారం తెలిపారు. ఎంపికై న క్రీడాకారులు డిసెంబర్‌ 5 నుంచి 8 వరకు ప్రకాశం జిల్లా సంతనూతలపాడులో జరగనున్న 71వ అంతర్‌ జిల్లాల మహిళా కబడ్డీ పోటీలలో ఉమ్మడి గుంటూరు జిల్లాకు ప్రాతినిధ్యం వహిస్తారని వివరించారు. ఆసక్తి గల క్రీడాకారులు 9502925925 నంబరును సంప్రదించాలని కోరారు. గర్భిణులకు ఆయుష్మాన్‌ భారత్‌ హెల్త్‌ ఖాతా ఐడీలు నమోదు డెప్యూటీ డీఎంఅండ్‌హెచ్‌ఓ పద్మావతి అచ్చంపేట: ప్రాథమిక ఆరోగ్య కేంద్రాలు, వాటి ఉప కేంద్రాలలో గర్భిణులకు ఆయుష్మాన్‌ భారత్‌ హెల్త్‌ ఖాతాలకు ఐడీలను తప్పనిసరిగా నమోదు చేయాలని డెప్యూటీ డీఎంఅండ్‌హెచ్‌ఓ ఎం.పద్మావతి సూచించారు. స్థానిక ప్రాథమిక ఆరోగ్య కేంద్రాన్ని మంగళవారం ఆమె సందర్శించారు. గర్భిణులకు ఆయుష్మాన్‌ భారత్‌ హెల్త్‌ అకౌంట్‌ ఐడీల లింక్‌, ఎలాక్ట్రానిక్‌ హెల్త్‌ రికార్‌ుడ్స నమోదు, నాన్‌ కమ్యూనికేబుల్‌ డీసీజస్‌ అండ్‌ కమ్యూనికేబుల్‌ డీసీజస్‌ సర్వే వంటి కార్యక్రమాల అమలు తీరును పర్యవేక్షించారు. వైద్యాధికారులు డాక్టర్‌ వి.రాబాబునాయక్‌, డాక్టర్‌ సీహెచ్‌ స్రవంతిలకు సూచనలిచ్చారు. వ్యాక్సిన్లు నిల్వ ఉంచే కోల్డ్‌చైన్‌ సిస్టంను పరిశీలించారు. కార్యక్రమంలో వైద్యాధికారులు డాక్టర్‌ వి.రాబాబునాయక్‌, డాక్టర్‌ స్రవంతి, ఆరోగ్య విస్తరణాధికారి పి.వెంకట్రావు, సీహెచ్‌ఒ శివనాగేశ్వరి, సూపర్‌వైజర్‌ పి.రాధాకృష్ణ, ల్యాబ్‌ టెక్నీషియన్‌ సుభాని సిబ్బంది పాల్గొన్నారు.

తెనాలి : అద్వైత పీఠాల్లో అత్యంత ప్రశస్తమైన శ్రీశృంగేరీ పీఠం ఉత్తరాధికారి శ్రీవిదుశేఖర భారతీస్వామి రాష్ట్రంలో పర్యటిస్తున్నారు. ఈ నెల 18, 19వ తేదీల్లో విజయవాడలో బస చేశారు. 20, 21వ తేదీల్లో నరసరావుపేట, 22, 23వ తేదీల్లో గుంటూరులో ఉంటారు. చిన్న వయసులోనే శారదా పీఠం ఉత్తరాధికారిగా నియమితులైన స్వామి శ్రీశృంగేరీ పీఠానికి తదుపరి 37వ జగద్గురువులని తెలిసిందే. ఉమ్మడి గుంటూరు జిల్లాతో స్వామికి అనుబంధం ఉంది. తెనాలి సమీపంలోని కృష్ణానదీ తీరంలో ఉన్న అనంతవరం వీరి స్వగ్రామం. తల్లిదండ్రులు సీతానాగలక్ష్మి, కుప్పా శివసుబ్రహ్మణ్య అవధాని. వేదాలు, వేదభాష్యంలో ప్రఖ్యాత పండితుడైన శివసుబ్రహ్మణ్య అవధాని తిరుమలలోని టీటీడీ వేద విజ్ఞాన పీఠం ప్రిన్సిపాల్‌గా, ఎస్‌వీ ఇన్‌స్టిట్యూట్‌ ఆఫ్‌ హయ్యర్‌ వేదిక్‌ స్టడీసీ, టీటీడీ ప్రాజెక్టు అధికారిగా పని చేస్తున్నారు. వీరి రెండో కుమారుడు వెంకటేశ్వరప్రసాద శర్మ. 1993 జులై 24న తిరుపతిలో జన్మించారు. అయిదేళ్ల వయసులోనే కుమారుడికి ఉపనయనం చేయించారు. కృష్ణ యజుర్వేదమే తొలి పాఠం... తాత కృష్ణ యజుర్వేద పాఠాలే తొలి అభ్యాసం. తండ్రి వద్ద కృష్ణ యజుర్వేదాన్ని సంపూర్ణంగా అధ్యయనం చేశారు. కుప్పా వంశీకులు హంసల దీవిలోని వేణుగోపాల స్వామి ఆలయంలో వార్షిక భాగవత సప్తాహాలు జరుపుతుంటారు. వేద విద్యలో కొనసాగుతున్న ప్రసాద శర్మ, ఇలాంటి దైవ కార్యాల్లో పాల్గొంటూ, తండ్రితో కలిసి దేశంలోని పుణ్య క్షేత్రాలన్నింటినీ సందర్శించారు. 2006లో శృంగేరీ శారదా పీఠంలో తాత, తండ్రితో కలిసి ఓ ధార్మిక కార్యక్రమంలో పాల్గొన్నారు. 2009లో శృంగేరీ పీఠం జగద్గురును దర్శించుకున్నపుడు స్వామి శిష్యరికంలో శాస్త్రాలు నేర్చుకోవాలన్న అభిలాషను వ్యక్తం చేశారు. జగద్గురు బోధనలతో... ఆ విధంగా శృంగేరీ జగద్గురు అనుగ్రహానికి 22 ఏళ్ల వయసులోనే నోచుకున్నారు. న్యాయ, వేదాంత, వ్యాకరణాది శాస్త్రాలను, అక్కడి ఉద్దండ పండితుల వద్ద సంస్కృతం, కవిత్వం, సాహిత్యం తదితరాలను అధ్యయనం చేశారు. అతి తక్కువ వ్యవధిలోనే అపార పాండిత్యం గడించారు. ఆయా శాస్త్రాలను అధ్యయనం చేసిన కాలంలో అనుష్టానం, తపస్సు మినహా లౌకికమైన విషయాల్లో ఏమాత్రం ఆసక్తి చూపలేదు. ఆయన ప్రతిభను గ్రహించిన జగద్గురు తానే స్వయంగా శాస్త్రాలను బోధించారు. దీంతో తర్కశాస్త్ర పండితుడుగా అవతరించారు. ప్రతిష్ఠాత్మక వ్యాక్యార్థ విద్వత్‌ సభలు, ఏటా జరిగే జాతీయ శాస్త్ర పండితుల సభల్లోనూ తన ప్రసంగాలతో అందరినీ ఆశ్చర్యపరచ సాగారు. తర్వాత మీమాంస శాస్త్రం నేర్చారు. వేదాంతం నేర్చుకుంటూనే విద్యార్థులకు తర్కం, మీమాంస, వ్యాకరణశాస్త్రం బోధించసాగారు. పీఠంతో పూర్వీకులకు అనుబంధం... గుంటూరు జిల్లాతో శ్రీవిదుశేఖర భారతీ స్వామీజీకి ప్రత్యేక అనుబంధం శ్రీవిదుశేఖర భారతీ స్వామి పెద్దలకు 1961 నుంచి శృంగేరీ పీఠంతో అనుబంధముంది. అప్పట్లో 35వ జగద్గురు శ్రీశ్రీశ్రీ అభినవ విద్యాతీర్థస్వామి వచ్చినపుడు, వీరి తాత సోదరుడు బైరాగిశర్మ స్వాగతం పలికి పాదపూజ చేశారు. 1985లో శృంగేరీ పీఠాధిపతికి ఇక్కడ ఘన స్వాగతం లభించింది. వీరి మరో తాత కుప్పా వెంకట చలపతి యాజీ 2002లో పీఠాధిపతి అనుమతితో సన్యాస దీక్ష తీసుకున్నారు. ఆయన సోదరుడు కుప్పా రామ గోపాల వాజపేయీ కృష్ణ యజుర్వేద పండితుడు. శృంగేరీ జగద్గురు భక్తుడు. ఆ క్రమంలోనే శ్రీవిదుశేఖర భారతీస్వామి తండ్రి కుప్పా శివసుబ్రహ్మణ్య అవధాని జగద్గురు అభినవ విద్యాతీర్థ శాస్త్ర సంవర్ధిని పాఠశాలలో చదివారు.

పుణ్యక్షేత్రం అమరావతి అమరేశ్వరాలయంలో మంగళవారం నర్సారావుపేటకు చెందిన శ్రీబాలచాముండి కాసమేత అమరేశ్వరస్వామి ఆధ్యాత్మిక సేవాసమితి, అమ్మ అసోసియేషన్‌ సంయుక్త ఆధ్వర్యంలో కోటి దీపోత్సవం వైభవంగా నిర్వహించారు. అలయంలో స్వామి ఎదురుగా వేదపండితులు మంత్రోచ్చారణల మధ్య పూజలు నిర్వహించిన అనంతరం భగవన్నామ సంకీర్తనలు, మేళాతాళాల నడుమ కోటి దీపోత్సవాన్ని ప్రారంభించారు. ఈ సందర్భంగా మహిళలు కోటి వత్తులతో దీపాలను వెలిగించారు. తొలుత స్వామికి దాతల సాయంతో లక్ష బిల్వార్చన నిర్వహించారు. బాలచాముండికా అమ్మకు లక్ష కుంకుమార్చనలు చేశారు. – అమరావతి శ్రీ వీర్ల అంకమ్మ తల్లి గుడిలో కోటి దీపోత్సవం సోమవారం రాత్రి జరిగింది. భక్తులు అధిక సంఖ్యలో అమ్మవారిని దర్శించుకుని పూజలు చేశారు. ఆలయ ప్రాంగణంలో మహిళ భక్తులు దీపాలు వెలిగించారు. అనంతరం అష్ట దేవతమూర్తుల కల్యాణం భక్తిశ్రద్ధలతో జరిపించారు. – దాచేపల్లి

అమరావతి: ప్రముఖ పుణ్య క్షేత్రం అమరావతిలోని బాలచాముండికా సమేత అమరేశ్వరస్వామి ఆలయంలో ఆరుద్ర నక్షత్రం మంగళవారాన్ని పురస్కరించుకుని ఉపాలయంలోని సుబ్రహ్మణేశ్వరస్వామికి ప్రత్యేక పూజలు నిర్వహించారు. మంగళువారం స్వామికి భక్తుల సమక్షంలో అర్చకులు శంకరమంచి రాజశేఖరశర్మ, ఏకాదశ రుద్రాభిషేకం నిర్వహించారు. అనంతరం సుబ్రహ్మణ్వేశ్వరునికి విశేషాలంకారం చేసి భక్తులకు దర్శనం కల్పించారు. ఈ పూజలలో భక్తులు పెద్ద సంఖ్యలో పాల్గొన్నారు. సర్పాలు ప్రత్యక్షం మంగళవారం సుబ్రహ్మణ్యేశ్వరునికి అభిషేకం నిర్వహిస్తున్న సమయంలో స్వామి విగ్రహం వెనుక నుంచి రెండు పిల్ల సర్పాలు ప్రత్యక్షమయ్యాయి. ఆ తర్వాత అవి ఆలయంలోని తూము ద్వారా కృష్ణానది తీరానికి వెళ్లిపోయాయి. మంగళవారం స్వామికి అభిషేక సమయంలో సర్పాలు ప్రత్యక్షం కావడం విశేషమని భక్తులు భావించారు.

తాడేపల్లి రూరల్‌: తాడేపల్లి పట్టణ పరిధిలోని డోలాస్‌నగర్‌లో ఓ మైనర్‌తో వృద్ధుడు అసభ్యకరంగా ప్రవర్తించిన ఘటన మంగళవారం వెలుగులోకి వచ్చింది. తాడేపల్లి పోలీసులు దీనిపై పోక్సో కేసు నమోదు చేశారు. సేకరించిన వివరాల ప్రకారం... డోలాస్‌నగర్‌ గాంధీనగర్‌ సమీపంలోని ఓ వ్యక్తి నివాసానికి పెదవడ్లపూడికి చెందిన నాంచారయ్య అనే వృద్ధుడు తరచు వస్తుంటాడు. ఆదివారం ఇంట్లో ఎవరూ లేకపోవడంతో ఆ వ్యక్తి కుమార్తెను లోపలకు లాక్కెళ్లాడు. ఆమెతో అసభ్యకరంగా ప్రవర్తించాడు. ఆ బాలిక తెలివిగా వ్యవహరించి అతడి నుంచి తప్పించుకోవడంతోపాటు నాంచారయ్య అసభ్య ప్రవర్తనను సెల్‌లో బంధించి తల్లిదండ్రులకు ఇచ్చింది. వారు తాడేపల్లి పోలీసులను ఆశ్రయించగా, పోలీసులు నాంచారయ్యపై పోక్సో కేసు నమోదు చేశారు. పెదవడ్లపూడి నుంచి వచ్చి ప్రతిరోజు నులకపేట చుట్టుపక్కల ప్రాంతాల్లో నాంచారయ్య తిరుగుతుంటాడని స్థానికులు చెబుతున్నారు. ఆర్థికంగా ఇబ్బంది పడుతున్న వారికి ఆశ చూపి పలువుర్ని లొంగదీసుకున్నాడనే ఆరోపణలు ఉన్నాయి. ఇలాంటి చర్యలు ఎన్నో చేశాడని వ్యాఖ్యానిస్తున్నారు. ఆర్థికంగా ఇబ్బందుల్లో ఉన్న వారి ఇళ్లను తన పేరిట రాయించుకుని, కొంతకాలం అనంతరం వారిని తన రాజకీయ పలుకుబడితో ఖాళీ చేయించి ఎక్కువ ధరకు విక్రయిస్తున్నట్లు ఆరోపణలు ఉన్నాయి. నులకపేట, బాబూ జగ్జీవన్‌రావు కాలనీ తదితర ప్రాంతాల్లో పదుల సంఖ్యలో ఇలా రాయించుకున్న ఇళ్లు ఉన్నాయని స్థానికులు చెబుతున్నారు. పోక్సో చట్టం కింద కేసు నమోదు

గుంటూరు వెస్ట్‌ : ఉమ్మడి కృష్ణా, గుంటూరు పట్టభద్రుల నియోజకవర్గ శాసనమండలి సభ్యుల ఎన్నికలకు అర్హులైన పట్టభద్రులను ఓటర్లుగా నమోదు చేసేందుకు అవసరమైన చర్యలు చేపట్టాలని జిల్లా కలెక్టర్‌ ఎస్‌.నాగలక్ష్మి తెలిపారు. మంగళవారం కలెక్టరేట్‌లోని వీడియో సమావేశ మందిరంలో అధికారులు తదితరులతో నిర్వహించిన సమావేశంలో కలెక్టర్‌ మాట్లాడారు. ఎన్నికలకు వచ్చే మార్చిలో షెడ్యూల్‌ విడుదల చేస్తారన్నారు. ఈ ఏడాది సెప్టెంబరు 30వ తేదీ నుంచి ఓటర్ల నమోదుకు దరఖాస్తులు స్వీకరించినట్లు తెలిపారు. ఇప్పటి వరకు 2,83,100 మంది ఆన్‌లైన్‌ ద్వారా, ఆఫ్‌లైన్‌లో 48,900 మంది దరఖాస్తు చేసుకున్నారని పేర్కొన్నారు. ఇప్పటికే 80 శాతం డిస్పోజ్‌ చేశామని, మిగిలినవి కూడా బుధవారం నాటికి పూర్తి చేస్తామన్నారు. డ్రాఫ్ట్‌ ఓటరు జాబితా ప్రింట్‌ను 23న వెల్లడిస్తామని చెప్పారు. 23 నుంచి డిసెంబరు 9వ తేదీ వరకు అభ్యంతరాలు స్వీకరించి డిసెంబరు 25 నాటికి పరిష్కరిస్తామన్నారు. అదే నెల చివరి నాటికి తుది జాబితా ప్రచురిస్తామని పేర్కొన్నారు. సమావేశంలో డీఆర్వో ఖాజావలి, ఎలక్షన్‌ సెల్‌ సూపరింటెండెంట్‌ మల్లేశ్వరి తదితరులు పాల్గొన్నారు.

గుంటూరు రూరల్‌: విద్యార్థులు చదువుతోపాటు క్రీడల్లోనూ రాణించాలని చలపతి ఫార్మసీ కళాశాల ప్రిన్సిపల్‌ డాక్టర్‌ నాదెండ్ల రామారావు తెలిపారు. మంగళవారం నగర శివారు లాం నందున్న కళాశాలలో ఆచార్య నాగార్జున విశ్వవిద్యాలయం ఆధ్వర్యంలో రెండు రోజులపాటు నిర్వహించనున్న అంతర కళాశాలల పురుషులు, మహిళల చదరంగం పోటీలు ప్రారంభించారు. ఈ సందర్భంగా ప్రిన్సిపల్‌ మాట్లాడుతూ.. చదరంగం వంటి క్రీడల ద్వారా విద్యార్థుల ఆలోచన మెరుగుపడి, ఏకాగ్రత పెరుగుతుందన్నారు. గెలుపోటములు ప్రధానం కాదని, క్రీడా స్ఫూర్తితో ఆడాలని చెప్పారు. మంగళవారం 6 టీమ్‌లు పాల్గొన్నాయని, బుధవారం ఫైనల్‌ ఉంటుందని తెలిపారు. కార్యక్రమంలో కళాశాల అధ్యాపకులు, విద్యార్థులు, క్రీడాకారులు పాల్గొన్నారు.

సత్తెనపల్లి: సత్తెనపల్లి వెంకటపతి నగర్‌లోని ఎస్సీ కళాశాల వసతి గృహంలో ఇద్దరు ఇంటర్మీడియెట్‌ విద్యార్థినుల ఆత్మహత్యాయత్నంపై మంగళవారం అధికారులు విచారణ చేపట్టారు. సోషల్‌ వెల్ఫేర్‌ డెప్యూటీ డైరెక్టర్‌ ఓబుల్‌నాయుడు, సత్తెనపల్లి ఇన్‌చార్జి ఆర్డీఓ మధులత వసతి గృహాన్ని సందర్శించి విద్యార్థినులతో మాట్లాడారు. పలువురు మాట్లాడుతూ ఆహారం తినడానికి రుచికరంగా ఉండడం లేదని, దీంతో తినలేకపోతున్నామన్నారు బాత్‌ రూమ్‌లకు కనీసం తలుపులు లేవని, తాము ఎన్నో ఇబ్బందులు పడుతున్నామని పేర్కొన్నారు. చికెన్‌ వండిన రోజు తినాలంటే నీచు వాసన వస్తుందని ఆవేదన వెలిబుచ్చారు. పలు సమస్యలను అధికారుల దృష్టికి తీసుకు వెళ్ళారు. నివేదికను ఉన్నతాధికారులకు అందజేయనున్నట్లు అధికారులు వెల్లడించారు. వారితోపాటు ఎస్సీ, ఎస్టీ విజిలెన్స్‌ మానిటరింగ్‌ కమిటీ సభ్యులు గార్లపాటిదాసు తదితరులు పాల్గొన్నారు. ఇళ్ల నిర్మాణాలనువేగవంతం చేయండి నరసరావుపేట: ఈ ఏడాది డిసెంబరు 31 నాటికి జిల్లాలో పేదలకు మంజూరైన ఇళ్లలో 5,650 నిర్మాణాలు పూర్తిచేయాలని కలెక్టర్‌ పి.అరుణ్‌బాబు అధికారులను ఆదేశించారు. మంగళవారం కలెక్టరేట్‌లోని జాషువా సమావేశ మందిరంలో హౌసింగ్‌, పారిశుద్ధ్యం, తాగునీటి సరఫరా, జియో ట్యాగింగ్‌, పోషణ్‌ వాటిక, ఎన్పీసీఐ మ్యాపింగ్‌, ఉపాధి హామీ వేతనాల చెల్లింపులపై అధికారులతో సమీక్ష సమావేశం నిర్వహించారు. ఈ సందర్భంగా మాట్లాడుతూ ఏడాది పూర్తయ్యేనాటికి 15,800 ఇళ్లకు స్టేజ్‌ కన్వర్షన్‌ చేయాలన్నారు. మున్సిపల్‌ కమిషనర్లు, ఎంపీడీవోలు ప్రతి వారం లక్ష్యాలు నిర్దేశించుకుని ఇళ్ల నిర్మాణాలను పూర్తిచేయాలన్నారు. ఉపాధి హామీ పథకం అమలులో అవకతవకలపై ఆగ్రహం వ్యక్తం చేశారు. ప్రభుత్వ ఉద్యోగులకు కూడా ఉపాధి పథకం ద్వారా వేతనాలు చెల్లించిన దాఖలాలు కనిపించడం అధికారుల నిర్లక్ష్యానికి నిదర్శనమన్నారు.

గురజాల రూరల్‌ : హత్య కేసులో నిందితులను అరెస్టు చేసినట్లు డీఎస్పీ బి.జగదీష్‌ తెలిపారు. స్థానిక డీఎస్పీ కార్యాలయంలో మంగళవారం విలేకరుల సమావేశంలో కేసు వివరాలు వెల్లడించారు. డీఎస్పీ కథనం ప్రకారం.. తెలంగాణ రాష్ట్రం హయత్‌ నగర్‌ మండలం కుట్లురు గ్రామవాసి మహమ్మద్‌ షరీఫ్‌ మృతదేహం ఈనెల 12న అంబాపురం–గోగులపాడు గ్రామాల మధ్య పంట కాలువలో లభించింది. తొలుత పోలీసులు అనుమానాస్పద మృతిగా కేసు నమోదు చేశారు. అనంతరం పోస్టుమార్టం రిపోర్టు ఆధారంగా హత్యగా భావించి విచారణ చేచేపట్టారు. ఎస్పీ కంచి శ్రీనివాసరావు ఆదేశాల మేరకు బృందాలుగా ఏర్పడి దర్యాప్తు చేశారు. విచారణలో గురజాల మండలం పాత అంబాపురం గ్రామానికి చెందిన ఆనం అంకిరెడ్డి పొలాలకు షరీఫ్‌ కూలీలను తీసుకు వచ్చేవాడని, కూలీలకు ఇవ్వాల్సిన డబ్బులు రూ.లక్ష కోసం ఒత్తిడి చేస్తుండడంతో విసుగుచెంది ఈనెల 11న రాత్రి ఆనం అంకిరెడ్డి, అతని భార్య ఆనం సైదమ్మతోపాటు అదే గ్రామానికి చెందిన కసుకుర్తి సంసోన్‌ సాయంతో పథకం ప్రకారం మొద్దు కత్తితో షరీఫ్‌ తలపై కొట్టి, మెడపై కాలుతో నొక్కి హత్య చేసినట్టు తేలింది. అనంతరం మృతదేహాన్ని గోనెసంచుల్లో చుట్టి, ఆర్థరాత్రి సమయంలో పంట కాలువలో పడవేసి వచ్చినట్లు డీఎస్పీ తెలిపారు. పోలీసులు హత్య గురించి తెలుసుకున్నట్టు పసిగట్టిన నిందితులు పారిపోయేందుకు యత్నించారు. దీంతో గ్రామంలోని పాత రైసుమిల్లు వద్ద పోలీసులు వారిని అదుపులోకి తీసుకున్నారు. నిందితులను కోర్టుకు హాజరు పరచనున్నట్టు డీఎస్పీ తెలిపారు. సమావేశంలో సీఐ పి.భాస్కర్‌రావు, ఎస్‌ఐ వినోద్‌ కుమార్‌ తదితరులు పాల్గొన్నారు.

తాడికొండ: మండలంలోని పొన్నెకల్లు జిల్లా పరిషత్‌ ఉన్నత పాఠశాలలో అనుమానాస్పద స్థితిలో విద్యార్థి మృతి చెందాడని అతడి అమ్మమ్మ ఇచ్చిన ఫిర్యాదు మేరకు తాడికొండ పోలీసులు కేసు దర్యాప్తు ప్రారంభించారు. గత నెల 24వ తేదీన నేల బావిలో ఈత కోసం వెళ్లిన విద్యార్థి షేక్‌ సమీర్‌ మృతి చెందిన నేపథ్యంలో కుటుంబ సభ్యులు ఫిర్యాదు చేయలేదని, మృతదేహాన్ని అప్పగించాలని కోరడంతో తాము అప్పగించామని పోలీసులు తెలిపారు. అమరావతి మండలం కర్లపూడి గ్రామానికి చెందిన సర్పంచ్‌ రామారావు అది హత్య అని గుంటూరులో జిల్లా కలెక్టర్‌కు గ్రీవెన్స్‌లో ఇచ్చిన ఫిర్యాదు మేరకు జడ్పీ హైస్కూల్‌లో సోమవారం డిప్యూటీ డీఈవో విచారణ నిర్వహించారు. పోలీసు ఉన్నతాధికారులు కూడా అడుగు ముందుకేశారు. షేక్‌ సమీర్‌ అమ్మమ్మ షేక్‌ మస్తాన్‌ బీ తాడికొండ పోలీసులకు ఫిర్యాదు చేయడంతో మంగళవారం కర్లపూడి గ్రామంలో జీజీహెచ్‌ నుంచి వచ్చిన వైద్యులు ఖననం చేసిన మృతదేహాన్ని బయటకు తీసి పోస్టుమార్టం నిర్వహించారు. అమరావతి మండల తహసీల్దార్‌ నాగమల్లేశ్వరరావు, తాడికొండ సీఐ కె.వాసు సమక్షంలో శవపంచానామా నిర్వహించారు. తుది నివేదిక వచ్చిన తరువాత పూర్తి వివరాలు వెల్లడయ్యే అవకాశం ఉంది. అమ్మమ్మ ఫిర్యాదు మేరకు కేసు నమోదు

నరసరావుపేట రూరల్‌: మండలంలోని జొన్నలగడ్డలో మంగళవారం చైన్‌ స్నాచింగ్‌ జరిగింది. ద్విచక్రవాహనంపై వచ్చిన ఇద్దరు యువకులు మహిళ మెడలోని గొలుసును తెంచుకుని పరారయ్యారు. స్ధానికుల కథనం ప్రకారం.. నల్లపాటి విజయమ్మ గ్రామంలోని గాంధీ బొమ్మసెంటర్‌లో వాటర్‌ప్లాంట్‌ నిర్వహిస్తున్నారు. మధ్యాహ్న సమయంలో వాటర్‌ ప్లాంట్‌ వద్ద ఉన్న సమయంలో యువకుడు వచ్చి తాగేందుకు నీళ్లు కావాలని అడిగాడు. నీళ్లు ఇచ్చే యత్నంలో ఉన్న విజయమ్మ మెడలో ఉన్న బంగారు గొలుసును యువకుడు లాక్కొని సమీపంలో ద్విచక్రవాహనంపై సిద్ధంగా మరో యువకుడితో కలిసి పరారయ్యాడు. దీనిపై బాధితురాలి ఫిర్యాదు మేరకు రూరల్‌ పోలీసులు కేసు నమోదు చేసి విచారణ చేపట్టారు.

చేబ్రోలు: చేబ్రోలు మండలం వడ్లమూడిలోని విజ్ఞాన్‌ యూనివర్సిటీ ప్రాంగణం కార్తిక దీప కాంతుల వెలుగులతో కళకళలాడింది. కార్తిక మాసం సందర్భంగా శివ లింగాకారాన్ని రంగవల్లికలతో రూపొందించారు. శివనామాన్ని స్మరిస్తూ అదే ఆకృతిలో కోటి దీపాలను వెలిగించి, అభిషేకాలు చేశారు. ఈ సందర్భంగా చైర్మన్‌ లావు రత్తయ్య ప్రత్యేక పూజలు నిర్వహించారు. అనంతరం ఆయన మాట్లాడుతూ.. కార్తిక మాసం హిందూ సంప్రదాయంలో అత్యంత పవిత్రమైనదన్నారు. విద్యార్థులందరూ భక్తిభావాలను పెంపొందించుకోవాలని సూచించారు. జీవితంలో ఉన్నత స్థానాలకు ఎదగాలని ఆకాంక్షించారు.