యాక్షన్‌ హీరోగా, ఫ్యామిలీ హీరోగా అన్ని వర్గాల ప్రేక్షకులనూ మెప్పిస్తున్నారు అజయ్‌ దేవగన్‌. ఇప్పుడు ఈ హీరోకి ‘సీక్వెల్‌ స్టార్‌’ అని ట్యాగ్‌ ఇవ్వొచ్చు. ఎందుకంటే ఒకటి కాదు... రెండు మూడు కూడా కాదు... ఏకంగా ఎనిమిది చిత్రాల సీక్వెల్స్‌ అజయ్‌ దేవగన్‌ డైరీలో ఉన్నాయి. సీక్వెల్‌ చిత్రాల్లో నటించడం పెద్ద విషయం కాదు కానీ వరుసగా ఎనిమిది చిత్రాలంటే మాత్రం పెద్ద విషయమే. ఇక అజయ్‌ సైన్‌ చేసిన సీక్వెల్‌ చిత్రాల్లో ఇప్పటికే కొన్ని చిత్రాలు షూటింగ్‌ దశలో ఉండగా కొన్ని ఆరంభం కావాలి. ఆ చిత్రాల విశేషాలు తెలుసుకుందాం. అజయ్‌ దేవగన్‌ కెరీర్‌లో ‘సింగమ్‌’ చిత్రానిది ప్రత్యేక స్థానం. రోహిత్‌ శెట్టి దర్శకత్వం వహించిన ఈ యాక్షన్‌ ఎంటర్‌టైనర్‌లో పోలీసాఫీసర్‌ సింగమ్‌గా అజయ్‌ దేవగన్‌ విజృంభించారు. 2011లో విడుదలైన ఈ చిత్రం బ్లాక్‌బస్టర్‌గా నిలిచింది. ఆ తర్వాత అజయ్‌ దేవగన్‌–రోహిత్‌ శెట్టి కాంబినేషన్‌లోనే ‘సింగమ్‌’కి సీక్వెల్‌గా ‘సింగమ్‌ రిటర్న్స్‌’ (2014) రూపొంది, సూపర్‌హిట్‌గా నిలిచింది. ‘సింగమ్‌ రిటర్న్స్‌’ విడుదలైన దాదాపు పదేళ్లకు ఈ ఫ్రాంచైజీలో భాగంగా ‘సింగమ్‌ ఎగైన్‌’ పేరుతో ఓ మూవీ రూపొందుతోంది. అజయ్‌ దేవగన్‌ హీరోగా ఈ చిత్రానికి కూడా రోహిత్‌ శెట్టియే దర్శకత్వం వహిస్తున్నారు. ప్రస్తుతం చిత్రీకరణ జరుపుకుంటున్న ఈ సినిమా ఆగస్టులో రిలీజ్‌ కానుందని సమాచారం. అదే విధంగా అజయ్‌ దేవగన్‌ హీరోగా రాజ్‌కుమార్‌ గుప్తా  దర్శకత్వంలో వచ్చిన ‘రైడ్‌’ (2018) మూవీ ఘనవిజయం సాధించింది. దాదాపు ఆరేళ్ల తర్వాత ఈ చిత్రానికి సీక్వెల్‌గా ‘రైడ్‌ 2’ తెరకెక్కుతోంది. అజయ్‌ దేవగన్‌ హీరోగా డైరెక్టర్‌ రాజ్‌కుమార్‌ గుప్తా తెరకెక్కిస్తున్న ఈ చిత్రంలో వాణీ కపూర్, రితేశ్‌ దేశ్‌ముఖ్‌ కీలక పాత్రధారులు. ప్రస్తుతం షూటింగ్‌ జరుపుకుంటున్న ఈ సినిమా నవంబర్‌ 15న రిలీజ్‌ కానుంది. ఇదిలా ఉంటే.. ‘సింగమ్‌’ వంటి హిట్‌ సీక్వెల్స్‌ ఇచ్చిన హీరో అజయ్‌ దేవగన్‌–దర్శకుడు రోహిత్‌ శెట్టి కాంబినేషన్‌లో వచ్చిన మరో చిత్రం ‘గోల్‌మాల్‌’ (2006) ఘనవిజయం సాధించింది. ఈ చిత్రానికి సీక్వెల్‌గా అజయ్‌ దేవగన్‌–రోహిత్‌ శెట్టి కాంబినేషన్‌లోనే వచ్చిన ‘గోల్‌మాల్‌ రిటర్న్స్‌’ (2008) సూపర్‌ హిట్‌ అయింది. ‘గోల్‌మాల్‌’ ఫ్రాంచైజీలో ‘గోల్‌మాల్‌ 3’ (2010), ‘గోల్‌మాల్‌ 4’ (2017) కూడా వచ్చాయి. ‘గోల్‌మాల్‌ 5’ రానుంది. అజయ్‌ దేవగన్‌–రోహిత్‌ శెట్టి కాంబినేషన్‌లోనే రానున్న ఈ చిత్రానికి సంబంధించి ఇప్పటికే స్క్రిప్ట్‌ వర్క్‌ పూర్తయిందట. ఇకపోతే అజయ్‌ దేవగన్, రకుల్‌ ప్రీత్‌సింగ్, టబు ప్రధాన పాత్రల్లో నటించిన రొమాంటిక్‌ కామెడీ చిత్రం ‘దే దే ప్యార్‌ దే’. అకివ్‌ అలీ దర్శకత్వం వహించిన ఈ సినిమా 2019లో రిలీజై సూపర్‌ హిట్‌ అయింది. దాదాపు ఐదేళ్లకి ‘దే దే ప్యార్‌ దే 2’ సినిమాని ప్రకటించారు మేకర్స్‌. ఇందులోనూ అజయ్‌ దేవగన్‌ లీడ్‌ రోల్‌లో నటించనున్నారు. అయితే ‘దే దే ప్యార్‌ దే’కి అకివ్‌ అలీ దర్శకత్వం వహించగా.. ‘దే దే ప్యార్‌ దే 2’ మూవీని కొత్త దర్శకుడు అన్షుల్‌ శర్మ తెరకెక్కించనున్నారు. ఈ చిత్రాన్ని 2025 మే 1న విడుదల చేయనున్నట్లు యూనిట్‌ ప్రకటించింది. అలాగే అజయ్‌ దేవగన్‌ హీరోగా అశ్వినీ ధీర్‌ దర్శకత్వం వహించిన యాక్షన్‌ కామెడీ చిత్రం ‘సన్‌ ఆఫ్‌ సర్దార్‌’. 2012లో విడుదలైన ఈ సినిమా సూపర్‌ హిట్‌గా నిలిచింది. సునీల్‌ హీరోగా రాజమౌళి దర్శకత్వంలో రూపొందిన ‘మర్యాద రామన్న’ (2010) చిత్రానికి ఇది రీమేక్‌. ఇక ‘సన్‌ ఆఫ్‌ సర్దార్‌’ వచ్చిన పుష్కరం తర్వాత సీక్వెల్‌గా ‘సన్‌ ఆఫ్‌ సర్దార్‌ 2’ తెరకెక్కనుంది. తొలి భాగానికి అశ్వినీ ధీర్‌ దర్శకత్వం వహించగా, మలి భాగాన్ని డైరెక్టర్‌ విజయ్‌ కుమార్‌ అరోరా తెరకెక్కించనున్నారు. ప్రస్తుతం ప్రీ ప్రొడక్షన్‌ పనులు జరుపుకుంటున్న ఈ మూవీ ఈ ఏడాదిలోనే సెట్స్‌పైకి వెళ్లనుంది. అలాగే 2025లో ఈ సినిమాని రిలీజ్‌ చేసేందుకు మేకర్స్‌ సన్నాహాలు చేస్తున్నారు. అదే విధంగా మలయాళ హిట్‌ మూవీ ‘దృశ్యం’ హిందీ రీమేక్‌లో అజయ్‌ దేవగన్‌ హీరోగా నటించారు. నిషికాంత్‌ కామత్‌ దర్శకత్వం వహించిన క్రైమ్‌ థ్రిల్లర్‌ ‘దృశ్యం’ (2015) హిట్‌గా నిలిచింది. ఈ చిత్రం విడుదలైన దాదాపు ఏడేళ్లకు ‘దృశ్యం 2’ రిలీజైంది. అజయ్‌ దేవగన్‌ లీడ్‌ రోల్‌లో నటించిన ఈ మూవీకి అభిషేక్‌ పాఠక్‌ దర్శకత్వం వహించారు. ఇదే ఫ్రాంచైజీలో మలయాళంలో ‘దృశ్యం 3’ రానుంది. ఈ చిత్రం హిందీ రీమేక్‌లో కూడా అజయ్‌ దేవగన్‌ నటిస్తారని సమాచారం. ఇదిలా ఉంటే వికాస్‌ బాల్‌ దర్శకత్వంలో అజయ్‌ దేవగన్‌ హీరోగా నటించిన ‘సైతాన్‌’ చిత్రం గత నెల 8న రిలీజై బ్లాక్‌బస్టర్‌గా నిలిచింది. ఈ చిత్రానికి సీక్వెల్‌గా ‘సైతాన్‌ 2’ రానుంది. ఇంకా ఇంద్రకుమార్‌ దర్శకత్వంలో అజయ్‌ దేవగన్‌ ఓ హీరోగా నటించిన ‘ధమాల్‌’ (2007)తో పాటు ‘డబుల్‌ ధమాల్‌’ (2011), ‘టోటల్‌ ధమాల్‌’ (2019) మంచి విజయాన్ని సొంతం చేసుకున్నాయి. ‘ధమాల్‌ 4’ కూడా రానుందని సమాచారం. ఇంద్రకుమార్‌ దర్శకత్వంలోనే అజయ్‌ దేవగన్‌ ఓ హీరోగా ఈ నాలుగో భాగం ఉంటుందని టాక్‌. ఇలా వరుసగా సీక్వెల్స్‌కి సైన్‌ చేసిన అజయ్‌ దేవగన్‌ హీరోగా నటించిన తాజా చిత్రం ‘మైదాన్‌’ ఈ నెల 10న విడుదల కానుంది. ఈ చిత్రంలో ఆయన ఫుట్‌బాల్‌ కోచ్‌గా కనిపించనున్నారు.

నటి శృతీహాసన్‌ బ్రేక్‌ను బ్రేక్‌ చేయనున్నారు. హిందీ, తెలుగు, తమిళం అంటూ వరుస పెట్టి చిత్రాలు చేసిన ఈ సంచలన హీరోయిన్‌ ఆ తరువాత సుమారు రెండేళ్లు తెరపై కనిపించలేదు. అంతే కాదు నటనకు బ్రేక్‌ ఇచ్చారు. తరచూ బాయ్‌ఫ్రెండ్‌తో కనిపిస్తూ సామాజిక మాధ్యమాల్లో హల్‌చల్‌ చేశారు. అయితే తాను సినిమాల్లో నటించకపోయినా ఖాళీగా లేనని చెప్పుకొచ్చిన ఈ బ్యూటీ తన ఫ్రెండ్స్‌తో కలిసి సంగీత ఆల్బమ్స్‌ రూపొందించుకుంటున్నట్లు వెల్లడించారు. ఆ మధ్య బుల్లితెరపై రియాలిటీ షోలో వ్యాఖ్యాతగా మెరిశారు. ఈ అమ్మడు కోలీవుడ్‌లో చివరిగా సింగం 3లో కనిపించారు. అదేవిధంగా తెలుగులో పవన్‌కల్యాణ్‌తో కాటమరాయుడు చిత్రంలో నటించారు. ఇక తన తండ్రి స్వీయ దర్శకత్వంలో నటించిన శబాష్‌నాయుడులో నటించినా, ఆ చిత్రం మధ్యలోనూ ఆగిపోయింది. ఆ తరువాత కొన్ని చిత్రాలను నిరాకరించారనే ప్రచారం హోరెత్తిన విషయం తెలిసిందే.  బాయ్‌ఫ్రెండ్‌తో కటీఫ్‌ అయిన తరువాత ఇప్పుడు మళ్లీ సినిమాలపై దృష్టి సారించారు శృతి. కోలీవుడ్‌లో విజయ్‌సేతుపతి సరసన ఒక చిత్రం, టాలీవుడ్‌లో రవితేజ్‌తో ఒక చిత్రం అంగీకరించారు.  అవును ఈ అందాల భరిణి హాలీవుడ్‌కు ఎంట్రీ ఇచ్చే జాక్‌పాట్‌ను కొట్టేసిందని తెలిసింది. ఒక హాలీవుడ్‌ సిరీస్‌లో ముఖ్య పాత్రలో నటించడానికి ఓకె చెప్పారు శృతి. ప్రఖ్యాత లాసన్‌ బోర్మీ యూరనివర్స్‌ సంస్థ నిర్మించనున్న ట్రెడ్‌స్టోన్‌ సిరీస్‌లో శృతిహాసన్‌ నటించనున్నారు. ఈ సిరీస్‌లో ఢిల్లీలో ఒక హోటల్‌లో పని చేస్తూ ఇతర సమయాల్లో హత్యలు చేసే యువతిగా నటించనుందని సమాచారం. హంగేరీలోని బుడాపెస్ట్‌ ప్రాంతంలో జరగనున్న ఈ సిరీస్‌ షూటింగ్‌లో త్వరలోనే శ్రుతిహాసన్‌ పాల్గొననున్నారు. మొత్తం మీద నటనకు కాస్త బ్రేక్‌ ఇచ్చిన ఈ అమ్మడిప్పుడు ఆ బ్రేక్‌ను బ్రేక్‌ చేస్తున్నారన్న మాట.


 వరుస విజయాలతో రేసుగుర్రంలా దూసుకెళుతున్నారు శ్రుతీహాసన్‌. ఇటీవల ‘ప్రేమమ్‌’ వంటి క్యూట్‌ లవ్‌ప్టోరీ, ‘సింగమ్‌ 3’ వంటి మాస్‌ కమర్షియల్‌ మూవీ.. ఈ రెండు చిత్రాల్లోనూ ఒకదానికి ఒకటి పోలిక లేని పాత్రలు చేసి, మెప్పించారు. ఇప్పుడు ఓ భారీ చిత్రంలో శ్రుతీకి ఛాన్స్‌ దక్కిందని సమాచారం. ప్రముఖ తమిళ దర్శకుడు సుందర్‌.సి భారీ బడ్జెట్‌తో తెరకెక్కించనున్న ‘సంఘమిత్ర’లో శ్రుతి ఓ హీరోయిన్‌గా ఎంపికయ్యారని చెన్నై కోడంబాక్కమ్‌ టాక్‌. 
 ఈ సినిమా కోసం పలువురు కథానాయికలను దర్శకుడు సంప్రదించినా, చివరికి శ్రుతీహాసన్‌ను ఎంపిక చేశారన్నది తాజా సమాచారం. చారిత్రక నేపథ్యమున్న చిత్రం కావడంతో శ్రుతి మరో ఆలోచన లేకుండా ఈ సినిమాలో నటించేందుకు గ్రీన్‌సిగ్నల్‌ ఇచ్చారట. తెలుగు, తమిళ భాషల్లో ఏకకాలంలో ఈ చిత్రాన్ని తెరకెక్కించనున్నారట. హిందీలో అక్కడి నటీనటులతో తీయాలనుకుంటున్నారని వినికిడి. దాదాపు 150 కోట్ల భారీ బడ్జెట్‌తో రూపొందించనున్నారు. ఈ చిత్రానికి ఏఆర్‌ రహమాన్‌ సంగీతం అందించనున్నారు. త్వరలోనే షూటింగ్‌ ఆరంభం కానుంది. ఇందులో జయం రవి, ఆర్య హీరోలుగా నటించనున్నారు.


 స్టార్ హీరోలు ఒకరినొకరు ఆదర్శంగా తీసుకుంటున్నారు. ముఖ్యంగా తమకు హిట్ ఇచ్చిన దర్శకులను సర్ప్రైజ్గా కాస్ట్లీ కానుకలను అందిస్తున్నారు. గతంలో శ్రీమంతుడు లాంటి బ్లాక్ బస్టర్ హిట్ అందించిన దర్శకుడు కొరటాల శివకు హీరో మహేష్ బాబు గిఫ్ట్ ఇచ్చాడు. శ్రీమంతుడు రిలీజ్ తరువాత కొరటాల ఖరీదైన కారును కానుకగా ఇచ్చాడు మహేష్.
 
 ఇప్పుడు అదే బాటలో కోలీవుడ్ స్టార్ హీరో సూర్య కూడా తనకు సూపర్ హిట్ ఇచ్చిన దర్శకుడు హరికి 50 లక్షల ఖరీదు చేసే టొయోటా ఫార్చూనర్ కారును గిఫ్ట్ ఇచ్చాడు. సూర్యను టాప్ స్టార్ నిలబెట్టిన సింగం సీరీస్ లో మూడు వరుస సూపర్ హిట్స్ అందించిన హరి, ముందు ముందు ఇదే సీరీస్ లో మరిన్ని సినిమాలను తెరకెక్కించేందుకు ప్లాన్ చేస్తున్నాడు.


 పెరంబూర్‌: తమిళ్‌ రాకర్స్‌ కోర్టు తీర్పును ధిక్కరించి నిర్మాతపై చేసిన తన ఛాలెంజ్‌ను నెగ్గించుకుంది. కొంత కాలంగా ఈ వెబ్‌సైట్‌ కొత్త చిత్రాలను విడుదల రోజునే తమిళ్‌రాకర్స్‌ వెబ్‌సైట్‌ అక్రమంగా ప్రచారం చేస్తూ చిత్ర పరిశ్రమకు కంటకంగా మారింది. చాలా మంది నిర్మాతలు ఆ వెబ్‌సైట్‌ ప్రచారాలను అడ్డుకునే ప్రయత్నం చేసినా ప్రయోజనం లేక పోయింది.
 
 ఇలాంటి పరిస్థితుల్లో సూర్య కథానాయకుడిగా సీ–3 చిత్రాన్ని నిర్మించిన నిర్మాత కేఈ.జ్ఞానవేల్‌రాజా తమిళ్‌రాకర్స్‌ వెబ్‌సైట్‌ నిర్మాహకుల అంతుచూస్తానని ఒక ప్రకటనలో పేర్కొన్నారు. అందుకు ఆ వెబ్‌సైట్‌ నిర్వాహకుడు సీ–3 చిత్రాన్ని విడుదల రోజునే తన వెబ్‌సైట్‌లో పెడతానని ఛాలెంజ్‌ చేశాడు. కాగా నిర్మాత జ్ఞానవేల్‌ రాజా ఈ వెబ్‌సైట్‌పై మద్రాస్‌ హైకోర్టులో పిటిషన్‌ దాఖలు చేశారు. అనుమతి లేకుండా సీ–3 చిత్రాని వెబ్‌సైట్‌లో ప్రచారం చేయరాదని కోర్టు పేర్కొంది.
 
 అయినా తమిళ్‌రాకర్స్‌ నిర్వాహకుడు తను ఛాలెంజ్‌ చేసినట్లుగానే గురువారం సీ–3 చిత్రం విడుదల కాగా ఇదే రోజున చిత్రంలోని కొన్ని సన్నివేశాలను తన వెబ్‌సైట్‌లో ప్రచారం చేశాడు. అంతే కాదు మరో కొన్ని నిమిషాల్లో పూర్తి చిత్రాన్ని ప్రచారం చేస్తానని పేర్కొన్నాడు.దీంతో చిత్ర పరిశ్రమ దిగ్భ్రాంతి చెందుతోంది.


 హీరో సూర్య ప్రతిష్ఠాత్మకంగా తీసిన సింగం-3 తెలుగు వెర్షన్ విడుదల వాయిదా పడింది. గురువారం ఉదయం విడుదల కావాల్సిన ఈ సినిమా తెలుగు రాష్ట్రాల్లో ఎక్కడా మార్నింగ్ షో పడలేదు. మధ్యాహ్నానికి సినిమా విడుదల అవుతుందని సినిమాకు సంబంధించినవాళ్లు, థియేటర్ల యజమానులు చెబుతున్నారు. యముడు-3 పేరుతో తెలుగులో రావాల్సిన ఈ సినిమా విడుదలపై ముందు నుంచి అనుమానాలున్నా, తమిళంలో మాత్రం సినిమా యథాతథంగా విడుదల అయ్యింది. తెలుగులో ఎందుకు రాలేదన్న విషయం మాత్రం ఇంకా తెలియాల్సి ఉంది. 
 
  (చదవండి  : సింగం 3 షూట్లో 99.2% వేస్ట్ )
 
  సూర్య సరసన శ్రుతిహాసన్ నటించిన ఈ సినిమా మీద భారీగా అంచనాలున్నాయి. మొదటి రెండు భాగాల్లో చేసిన అనుష్క.. ఈ సినిమాలో కూడా కొనసాగింది. మొదటి భాగంలో అనుష్క మాత్రమే ఉండగా, రెండో భాగంలో అనుష్క, హన్సిక ఇద్దరూ నటించారు. ఇప్పుడు మూడో భాగంలో శ్రుతి - అనుష్క ఇద్దరు టాప్ హీరోయిన్లు చేయడం విశేషం. మరి తెలుగు ప్రేక్షకులకు ఈ సినిమా తొలిరోజు చూసే అదృష్టం ఉంటుందో లేదో తెలియడం లేదు.
 
 సంబంధిత వార్తలు చదవండి
 
 వేటకు సిద్ధమైన 'సింగం'
 
 సింగం ముందుకు దూకడానికే!
 
  


 కోలీవుడ్ స్టార్ హీరో సూర్య చాలా కాలంగా ఓ స్ట్రయిట్ తెలుగు సినిమా చేసే ఆలోచనలో ఉన్నాడు. అందుకే టాలీవుడ్ స్టార్ డైరెక్టర్ త్రివిక్రమ్ శ్రీనివాస్ దర్శకత్వంలో సినిమా చేసేందుకు ప్లాన్ చేశాడు. ఈ ప్రాజెక్ట్పై కథాచర్చలు కూడా జరిపిన త్రివిక్రమ్, సూర్య ఫైనల్గా పక్కన పెట్టేశారన్న టాక్ వినిపిస్తోంది. సింగం 3 రిలీజ్ సందర్భంగా మీడియాతో మాట్లాడిన సూర్య ఎక్కడా త్రివిక్రమ్తో సినిమా చేస్తున్నట్టుగా ప్రకటించలేదు.
 
 త్రివిక్రమ్ కూడా పవన్, ఎన్టీఆర్, మహేష్ బాబుల సినిమాలతో బిజీగా ఉన్నాడు. దీంతో సూర్య, త్రివిక్రమ్ల కాంబినేషన్లో ఇప్పట్లో సినిమా పట్టాలెక్కే చాన్స్ కనిపించటం లేదు. ఎన్నో వాయిదాల తరువాత సూర్య హీరోగా తెరకెక్కిన సింగం 3 గురువారం ప్రేక్షకుల ముందుకు వస్తోంది. ఈ సినిమాతో మరోసారి సూపర్ హిట్ కొట్టి కోలీవుడ్తో పాటు టాలీవుడ్ లోనూ సత్తా చాటాలనుకుంటున్నాడు సూర్య.


 సినిమా మేకింగ్ డిజిటల్ అయిన తరువాత రీల్ ఖర్చు గణనీయంగా తగ్గింది. ముఖ్యంగా అనవసరపు షాట్లతో పాటు సినిమా లెంగ్త్ ఎక్కువయ్యిందన్న కారణంతో సినిమాలో చాలా భాగం తొలగిస్తుంటారు. కొన్నిసార్లు అలా కట్ అయిన సీన్స్ ఖర్చే కోట్లల్లో ఉంటుంది. డిజిటల్ టెక్నాలజీ వచ్చిన తరువాత రీల్ ఖర్చు తగ్గినా అనవసరపు సీన్స్ తీయటం వల్ల చాలా సమయం వృధా అవుతోంది. ఇలా అనవసరపు సీన్స్ తీయటంలో సూర్య హీరోగా తెరకెక్కిన సింగం 3 రికార్డ్ సృష్టించిందన్న టాక్ వినిపిస్తోంది.
 
 ఈ సినిమా కోసం షూట్ చేసిన మొత్తంలో కేవలం 0.8% మాత్రమే సింగం 3 సినిమాలో కనిపించనుందట, మిగతా 99.2% సినిమాలో కటింగ్స్ లో తీసేశారంటూ స్వయంగా దర్శకుడు హరి ప్రకటించాడు. సూర్య లాంటి స్టార్ హీరోతో భారీ బడ్జెట్తో తెరకెక్కించిన సినిమాలో ఇంత సమయం వేస్ట్ చేయటమంటే మామూలు విషయం కాదు. అయితే దర్శకుడు మాత్రం ప్రస్తుతం ఉపయోగించని సీన్స్ను సింగం 4, 5 పార్ట్స్లో ఉపయోగిస్తామని చెపుతున్నాడు.
 
 సూర్య సరసన అనుష్క, శృతిహాసన్లు నటించిన ఈ సినిమా కోసం దాదాపు 17 లక్షల రోల్స్ షూట్ చేశారట. అయితే ఫైనల్ ఎడిటింగ్ తరువాత సినిమా లెంగ్త్, కేవలం 14 వేల రోల్స్కే పరిమితం చేశారు.  ఈ నెల 9న రిలీజ్ అవుతున్న సింగం 3 నిర్మాతలకు ఎలాంటి రిజల్ట్ ఇస్తుందో చూడాలి.


 కోలీవుడ్ స్టార్ హీరో సూర్య హీరోగా తెరకెక్కిన మాస్ మసాలా యాక్షన్ ఎంటర్టైనర్ సి 3 (సింగం 3). సూర్య, హరిల కాంబినేషన్లో తెరకెక్కిన సింగం సిరీస్లో మూడో భాగంగా రూపొందిన ఈ సినిమాపై భారీ అంచనాలు ఉన్నాయి. అందుకు తగ్గట్టుగా సూర్యను మరింత పవర్ ఫుల్ రోల్లో ఇంటర్నేషనల్ కాప్గా చూపిస్తున్నాడు హరి. చాలా కాలం క్రితమే షూటింగ్ పూర్తి చేసుకున్న ఈ సినిమా రిలీజ్ విషయంలో మాత్రం అభిమానులను నిరాశపరుస్తున్నారు.
 
 ముందుగా ఈ సినిమాను డిసెంబర్ 16న రిలీజ్ చేయాలని భావించారు. అయితే అదే సమయంలో రామ్ చరణ్ ధృవ రిలీజ్ ఉండటంతో సింగం 3 వాయిదా పడింది. ఆ తరువాత కూడా రెండు మూడు సార్లు వాయిదా పడిన ఈ సినిమాను ఫైనల్ రిపబ్లిక్ డే కానుకగా జనవరి 26న రిలీజ్ చేయాలని భావించారు. కానీ తమిళ నాట జల్లికట్టు నిషేదం పై నిరసనలు, అదే సమయంలో ఆంధ్రప్రదేశ్ లోనూ ఉద్రికత్త పరిస్థితులు నెలకొనటంతో సింగం 3ని మరోసారి వాయిదా వేశారు.
 
 తాజాగా ఈ సినిమాను ఫిబ్రవరి 9న రిలీజ్ చేస్తున్నట్టుగా ప్రకటించారు చిత్రయూనిట్. సూర్య సరసన అనుష్క, శృతి హాసన్లు హీరోయిన్లుగా నటిస్తున్న ఈ సినిమాను కె.ఇ.జ్ఞానవేల్ రాజా నిర్మిస్తున్నారు. హరీష్ జయరాజ్ సంగీతం అందించిన ఈ సినిమాకు ఆడియో మంచి రెస్పాన్స్ రావటంతో సినిమా మీద కూడా భారీ అంచనాలు ఏర్పడ్డాయి. మరి ఈ సారైన అనుకున్నట్టుగా సినిమా రిలీజ్ అవుతుందో లేదో చూడాలి.


 కొచ్చి : స్టార్ హీరో సూర్యకు కేరళ సీఎం పినరయి విజయన్ సింప్లిసిటీ తెగనచ్చింది. తన తదుపరి చిత్రం సీ3  ప్రమోషన్‌ లో భాగంగా సూర్య కేరళలో పర్యటిస్తున్నారు. త్రివేండ్రమ్ నుంచి కొచ్చి వెళుతుండగా అనుకోకుండా కేరళ ముఖ్యమంత్రిని కలుసుకున్నారు. సీఎంను కలవడం తన స్కూల్ హెడ్ మాస్టర్ను కలిసినట్టుందని సూర్య ఆనందం వ్యక్తం చేశారు. ఒక వీవీఐపీ హోదాలో ఉన్న వ్యక్తి ప్రయాణికులందరూ దిగే వరకు వేచి చూసి చివరకు వెళ్లడం అంత మామూలు విషయం కాదని ప్రశంసలతో ముంచెత్తారు.
 
 సూర్య నటించిన ఎస్‌–3 చిత్రం పేరు ఇటీవలే సీ-3గా మార్పు చేసిన విషయం తెలిసిందే. మాతృభాషలో సినిమా పేర్లు ఉండాలని సింగమ్3ని చింగమ్-3గా మార్పు చేశారు. 24 వంటి సూపర్‌హిట్‌ చిత్రం తరువాత సూర్య నటించిన చిత్రం సీ‌–3. ఈ చిత్రానికి ఇంతకుముందు వచ్చిన సింగం, సింగం–2 చిత్రాలు ఘన విజయం సాధించిన విషయం తెలిసిందే. అదే కాంబినేషన్‌లో రూపొందిన చిత్రం సీ‌–3. ఇందులో సూర్యకు జంటగా అనుష్కతో పాటు శ్రుతీహాసన్‌ నటించారు.
 హరి దర్శకత్వం వహించిన ఈ భారీ చిత్రాన్ని స్టూడియోగ్రీన్‌ పతాకంపై జ్ఞానవేల్‌రాజా నిర్మించారు. హరీష్‌ జయరాజ్‌ సంగీతాన్ని అందించారు. పూర్తి కమర్షియల్‌ అంశాలతో పక్కా మాస్‌ చిత్రంగా తెరకెక్కిన చిత్రం సీ‌–3. ఒళ్లు గగుర్పొడిచే యాక్షన్, ఛేజింగ్‌ సన్నివేశాలతో పాటు అనుష్క, శ్రుతీహాసన్‌ల అందాలు చిత్రానికి అదనపు ఆకర్షణగా నిలవనున్నాయి.
 
 గతేడాది డిసెంబర్‌ 16న సీ‌–3 చిత్రం విడుదల కావలసి ఉండగా పెద్ద నోట్ల ప్రభావం, తదితర అంశాల కారణంగా విడుదలను నిర్మాత వాయిదా వేసుకున్నారు. కాగా చిత్రాన్ని ఈ నెల 26న ప్రపంచ వ్యాప్తంగా విడుదలకు సన్నాహాలు చేస్తున్నారు.
  


 కోలీవుడ్ స్టార్ సూర్య హీరోగా తెరకెక్కిన సక్సెస్ ఫుల్ సీరీస్ సింగం. రేసీ స్క్రీన్ప్లే, భారీ యాక్షన్ ఎపిసోడ్స్తో తెరకెక్కిన ఈ సీరీస్లో ఇప్పటికే రెండు భాగాలు ఘనవిజయం సాధించగా.., ఇప్పుడు మూడో భాగం రిలీజ్కు రెడీ అవుతోంది. చాలా రోజుల క్రితమే నిర్మాణాంతర కార్యక్రమాలు కూడా పూర్తి చేసుకున్న సింగం 3, రిలీజ్ మాత్రం వాయిదా పడుతూ వస్తోంది. తాజాగా ఈ సినిమా రిలీజ్కు ముహూర్తం ఫిక్స్ చేశారు చిత్రయూనిట్.
 
 సూర్య ఫ్యామిలీ బ్యానర్ స్టూడియో గ్రీన్ నిర్మిస్తున్న ఈ సినిమాకు తొలి రెండు భాగాలకు దర్శకత్వం వహించిన హరి దర్శకుడు. ఇదే సీరీస్లో రిలీజ్ అయిన గత చిత్రాలతో పోలిస్తే భారీ బడ్జెట్తో మరింత స్టైలిష్గా సింగం 3ని తెరకెక్కించారు. ఇప్పటికే రిలీజ్ అయిన పోస్టర్స్, టీజర్, ట్రైలర్లు ఆకట్టుకోగా సినిమా మీద భారీ అంచనాలు ఏర్పాడ్డాయి. ఇన్నాళ్లు సినిమా రిలీజ్ డేట్పై ఎటూ తేల్చని చిత్రయూనిట్ ఫైనల్గా జనవరి 26 సింగం 3ని రిలీజ్ చేస్తున్నట్టుగా ప్రకటించింది. మరి సూర్య సింగంలా మరోసారి కలెక్షన్ల వేట కొనసాగిస్తాడో.. లేదో.. చూడాలి.


 సింహం ఎప్పుడు గర్జిస్తుంది? అనే ఉత్కంఠకు తెర పడింది. సింహం థియేటర్లలోకి వచ్చేది కొత్త ఏడాదిలోనే అని చిత్ర బృందం ప్రకటించింది. సూర్య హీరోగా హరి దర్శకత్వంలో రూపొందిన సినిమా ‘సింగం–3’. ‘సింగం’ సిరీస్‌లో వస్తోన్న ఈ మూడో సినిమాను తమిళంలో కేఈ జ్ఞానవేల్‌ రాజా నిర్మించారు. సురక్ష్‌ ఎంటర్‌టైన్‌మెంట్స్‌ పతాకంపై నిర్మాత మల్కాపురం శివకుమార్‌ తెలుగు ప్రేక్షకులకు అందిస్తున్నారు. మొదట ఈ చిత్రాన్ని ఈ నెల 16న విడుదల చేయాలను కున్నారు. వారం ముందు రామ్‌చరణ్‌ ‘ధృవ’ రిలీజవుతోందని ఈ నెల 23కి ‘సింగం–3’ విడుదల తేదీ మార్చారు.
 అయితే... 23న కూడా సినిమా విడుదల లేదని 15వ తేదీనే సూర్య స్పష్టం చేశారు. మా చేతుల్లో లేని పలు కారణాలే వాయిదాకు కారణమని పేర్కొన్నారు. తమిళనాడులో జయ లలిత మరణం తదనంతర పరిస్థితుల వల్లే సినిమా వాయిదా పడిందని వార్తలొచ్చాయి. కారణాలు ఏవైనా... ఇప్పుడు వచ్చే జనవరి 26న సినిమాను విడుదల చేస్తున్నట్టు ప్రకటించారు. అనుష్క, శ్రుతీహాసన్‌ హీరోయిన్లుగా నటించిన ఈ చిత్రానికి హ్యారీస్‌ జయరాజ్‌ స్వరకర్త.


 కోలీవుడ్లో వరుస హిట్స్తో మంచి ఊపు మీదున్న యంగ్ హీరో విశాల్. ప్రస్తుతం సురాజ్ దర్శకత్వంలో తెరకెక్కిన ఒక్కొడచ్చాడు సినిమా రిలీజ్ కోసం ఎదురుచూస్తున్న విశాల్.. ఆ సినిమాను అనుకున్న సమయం కన్నా ముందే రిలీజ్ చేయాలని భావిస్తున్నాడట. ముందుగా ఈ సినిమాను సంక్రాంతి బరిలో దించాలని ప్లాన్ చేశాడు విశాల్. అయితే సంక్రాంతి సీజన్లో టాలీవుడ్లో సీనియర్ హీరోల సినిమాలు రిలీజ్ అవుతుండటంతో ఆలోచనలో పడ్డాడు.
 
 తాజాగా సింగం 3 వాయిదా పడుతుందన్న వార్తలతో ఊపిరి పీల్చుకున్న విశాల్, ఆ గ్యాప్లో తన సినిమాను రిలీజ్ చేయడానికి ప్లాన్ చేస్తున్నాడు. డిసెంబర్ 23న రిలీజ్ అవుతుందనుకున్న సింగం 3 మరో వారం వాయిదా పడుతుందన్న టాక్ వినిపిస్తోంది. దీంతో డిసెంబర్ 23న తన సినిమా ఒక్కడొచ్చాడును రిలీజ్ చేయడానికి రెడీ అవుతున్నాడు. విశాల్ సరసన తమన్నా హీరోయిన్గా నటించిన ఈ సినిమాకు హిప్ హాప్ తమిళ సంగీత దర్శకుడు.


 వరుస సక్సెస్లతో మంచి ఫాంలో ఉన్న యంగ్ హీరో నాని ప్రస్తుతం నేను లోకల్ సినిమాతో ఆడియన్స్ ముందుకు వచ్చేందుకు రెడీ అవుతున్నాడు. ఇప్పటికే షూటింగ్ పూర్తి చేసుకున్న ఈ సినిమాను డిసెంబర్ 23న రిలీజ్ చేసేందుకు ప్లాన్ చేశారు. అయితే ఇప్పుడు అనుకున్న సమయానికి నాని సినిమా రిలీజ్ కాకుండా రామ్చరణ్ అడ్డుపడుతున్నాడట. అంటే రామ్ చరణ్ నానికి సినిమా ఇబ్బందులు క్రియేట్ చేస్తున్నాడని కాదు. ధృవ సినిమా రిలీజ్ కూడా ఇదే నెలలో ఉండటంతో ఇతర సినిమాల రిలీజ్ డేట్ల విషయంలో ఇబ్బందులు తప్పటం లేదు.
 
 డిసెంబర్ 9న ప్రేక్షకుల ముందుకు వస్తున్న ధృవ సినిమాతో భారీ కలెక్షన్లను టార్గెట్ చేశాడు రామ్ చరణ్. అందుకే సినిమా రిలీజ్ అయిన వారం తరువాత కూడా పెద్ద సినిమాలేవి అడ్డు లేకుండా జాగ్రత్తలు తీసుకుంటున్నాడు. ముఖ్యంగా డిసెంబర్ 16న రిలీజ్ కావాల్సిన సూర్య సింగం 3 సినిమాను వారం పాటు వాయిదా వేయించాడు. దీంతో సింగం 3 డిసెంబర్ 23న ప్రేక్షకుల ముందుకు రానుంది. సింగం వాయిదా పడటంతో డిసెంబర్ 23న రావాల్సిన నాని, నేను లోకల్ రిలీజ్ విషయంలో కూడా డైలమా ఏర్పడింది. సింగంతో పోటి పడాలా.. లేక తను కూడా సినిమాను వాయిదా వేసుకోవాలా అన్న ఆలోచనలో ఉన్నాడు నేచురల్ స్టార్.


 ఈ సారి ఎలాగైన వంద కోట్ల క్లబ్లో అడుగుపెట్టాలన్న కసితో ఉన్న మెగా పవర్ స్టార్ రామ్ చరణ్, ఏ ఒక్క అవకాశాన్ని విడిచిపెట్టడం లేదు. కాస్త ఆలస్యంగా అయినా పర్ఫెక్ట్ సినిమాతో ఆడియన్స్ ముందుకు రావాలని దసరాకే రిలీజ్ కావాల్సిన ధృవ సినిమాను డిసెంబర్కు వాయిదా వేశాడు. డిసెంబర్ 9న ధృవ ప్రపంచ వ్యాప్తంగా రిలీజ్ అవుతోంది. అయితే చరణ్ అనుకున్నట్టుగా వంద కోట్ల కలెక్షన్లు సాధించాలంటే ఈ సినిమా కనీసం రెండు వారాల పాటు థియేటర్లలో ఉండాలి.
 
 కానీ ధృవ రిలీజ్కు కరెక్ట్గా వారం తరువాత, డిసెంబర్ 16న సూర్య హీరోగా తెరకెక్కిన మాస్ మసాలా యాక్షన్ ఎంటర్టైనర్ సింగం 3 రిలీజ్ అవుతోంది. తమిళ్తో పాటు తెలుగు నాట కూడా భారీ ఫాలోయింగ్ ఉన్న సూర్య సినిమా విడుదలైతే ధృవ కలెక్షన్లపై ఖచ్చితంగా ఎఫెక్ట్ పడుతుంది. అందుకే ఎలాగైన సింగం 3ని వాయిదా వేయించాలని భావించారు. సూర్యకు మెగా ఫ్యామిలీతో సన్నిహిత సంబంధాలు ఉండటంతో సింగం 3 వాయిదా పడటం కాయం అని భావించారు.
 
 అనుకున్నట్టుగానే సూర్య తన సినిమాను వారం పాటు వాయిదా వేసే ఆలోచనలో ఉన్నాడన్న టాక్ వినిపిస్తోంది. ఇప్పటి వరకు అధికారిక ప్రకటన రాకపోయినా.., వాయిదా వేస్తేనే రెండు సినిమాలకు మంచిదన్న ఆలోచనలో ఉన్నారట. అందుకే ముందుగా అనుకున్నట్టుగా డిసెంబర్ 16న కాకుండా డిసెంబర్ 23న సింగం 3ని రిలీజ్ చేసేందుకు ప్లాన్ చేస్తున్నారు. త్వరలో సింగం 3 రిలీజ్ డేట్పై అధికారిక ప్రకటన వెలువడనుంది.


  ‘గోదావరి’లో సుమంత్ మరదలుగా నటించిన నీతూ చంద్ర గుర్తుందా? చీరకట్టు, బొట్టుతో అచ్చ తెలుగు అమ్మాయిలా మెప్పించారు. ‘గోదావరి’ తర్వాత రాజశేఖర్ ‘సత్యమేవ జయతే’లో హీరోయిన్‌గా, ‘మనం’లో గెస్ట్ రోల్ చేశారు. ఇప్పుడీ బ్యూటీ ఐటమ్ సాంగ్ ద్వారా రీ-ఎంట్రీ ఇస్తున్నారు. సూర్య హీరోగా హరి దర్శకత్వంలో రూపొందుతోన్న ‘సింగం-3’లో నీతు ఐటమ్ సాంగ్ చేశారు. ‘ఓ సోనే సోనే..’ సాంగ్‌లో సూర్యతో కలసి స్టెప్పులేశారు. తమిళంలో కేఈ జ్ఞానవేల్ రాజా నిర్మించిన ఈ చిత్రాన్ని తెలుగులో మల్కాపురం శివకుమార్ విడుదల చేస్తున్నారు. డిసెంబర్ 5న పాటల్ని, 16న తెలుగు, తమిళ భాషల్లో చిత్రాన్ని విడుదల చేస్తున్నారు. అనుష్క, శ్రుతీహాసన్ హీరోయిన్లుగా నటించిన ఈ చిత్రానికి హ్యారీస్ జయరాజ్ స్వరకర్త.
  


 కోలీవుడ్ స్టార్ హీరో సూర్య, తన లేటెస్ట్ సినిమా సింగం 3 రిలీజ్కు ముందే రికార్డ్లు సృష్టిస్తోంది. డిసెంబర్ 16న ప్రపంచవ్యాప్తంగా గ్రాండ్ రిలీజ్కు రెడీ అవుతున్న ఈ సినిమా ప్రీ రిలీజ్ బిజినెస్లో సత్తా చాటుతోంది. భారీ అంచనాలతో తెరకెక్కిన ఈ సినిమా రిలీజ్కు ముందే 100 కోట్ల వరకు బిజినెస్ చేసిందన్న ప్రచారం జరుగుతోంది. 24 సినిమాతో సూపర్ హిట్ కొట్టడంతో సింగం 3 సినిమా తమిళ థియట్రికల్ రైట్స్ 42 కోట్లు పలికాయి. కేవలం తమిళనాడు వరకే ఈ రేటు, కర్ణాటకతో పాటు ఇతర ప్రాంతాల్లో రిలీజ్ అవుతున్న తమిళ వర్షన్కు మరో ఐదు కోట్లకు పైగా ధర పలుకుతోంది.
 
 మలయాళ వర్షన్ రైట్స్ సొంతం చేసుకున్న సూర్య ఫ్యాన్స్ అసోషియేషన్ దాదాపు పది కోట్ల వరకు వెచ్చిస్తోందట. ఇక తమిళనాడుకు పోటిగా భారీగా ఫ్యాన్స్ ఉన్న తెలుగులో కూడా సింగం 3కి అదే స్థాయిలో ధరపలుకుతోంది. తొలి రెండు భాగాలు ఇక్కడ కూడా సక్సెస్ కావటంతో మూడో భాగానికి మంచి డిమాండ్ ఏర్పడింది. సింగం 3 తెలుగు రైట్స్  పాతిక కోట్లు పలుకుతున్నాయి. వీటికి తోడు ఓవర్సీస్, శాటిలైట్ రైట్స్ కలుపుకుంటే సింగం 3 బిజినెస్ రిలీజ్కు ముందే వంద కోట్లు దాటేస్తుందన్న టాక్ వినిపిస్తోంది.
 
 హరి దర్శకత్వంలో తెరకెక్కుతున్న ఈ సినిమాలో సూర్య సరసన అనుష్క, శృతిహాసన్లు హీరోయిన్లుగా నటిస్తున్నారు. స్టైలిష్ యాక్షన్ ఎంటర్టైనర్గా తెరకెక్కుతున్న ఈ సినిమాలో సూర్య ఇంటర్నేషనల్ పోలీస్ ఆఫీసర్గా కనిపించనున్నాడు. విదేశాల్లో తెరకెక్కించిన భారీ యాక్షన్ సీన్లు సినిమాకే హైలెట్ గా నిలవనున్నాయి.


 మెగా పవర్ స్టార్ రామ్ చరణ్ ప్రస్తుతం ధృవ సినిమా చేస్తున్న సంగతి తెలిసిందే. బ్రూస్లీ లాంటి డిజాస్టర్ తరువాత చేస్తున్న సినిమా కావటంతో అభిమానులతో పాటు రామ్ చరణ్ కూడా ఈ సినిమా మీద చాలా ఆశలు పెట్టుకున్నాడు. ఈ సినిమాతో ఎలాగైన వంద కోట్ల క్లబ్లో స్థానం సంపాదించాలని భావిస్తున్న చరణ్, రిలీజ్ విషయంలో కూడా చాలా జాగ్రత్తలు తీసుకుంటున్నాడు.
 
 ఇప్పటికే ఆడియో కూడా రిలీజ్ అయిన ధృవ సినిమాను డిసెంబర్ 2న రిలీజ్ చేయడానికి ప్లాన్ చేస్తున్నారు. అయితే భారీ వసూళ్ల మీద కన్నేసిన మెగా ఫ్యామిలీ తరువాత రెండు వారాల పాటు భారీ చిత్రాలేవి లేకుండా ఉంటే కలెక్షన్ల రికార్డులు సాధ్యమని భావిస్తోంది. కానీ సూర్య హీరోగా తెరకెక్కిన సింగం 3 డిసెంబర్ 16న భారీ రిలీజ్కు రెడీ అవుతోంది.
 
 సూర్యకు తెలుగు రాష్ట్రల్లో కూడా మంచి ఫాలోయింగ్ ఉండటం, సింగం సీరీస్ టాలీవుడ్లో కూడా ఘనవిజయం సాధించి ఉండటంతో ఈ సినిమా ధృవ కలెక్షన్ల మీద ప్రభావం చూపే అవకాశం ఉందని భావిస్తున్నారు. అందుకే ధృవ నిర్మాత అల్లు అరవింద్ ఇప్పటికే సూర్యతో పాటు సింగం 3 నిర్మాత జ్ఞానవేల్ రాజాతో సంప్రదింపులు జరుపుతున్నాడట. త్వరలోనే ఈ రెండు సినిమాల రిలీజ్ డేట్లపై క్లారిటీ వచ్చే అవకాశం ఉంది.


 సింహం.. సిన్సియర్ పోలీసాఫీసర్ నరసింహం వచ్చేస్తున్నాడు. సింహ గర్జన ఎలా ఉంటుందో చెప్పడానికి సాంపిల్ అన్నట్టు నేడు టీజర్‌తో వచ్చేస్తున్నాడు. హరి దర్శకత్వంలో సూర్య హీరోగా నటిస్తున్న సినిమా ‘సింగం-3’. అనుష్క, శ్రుతీహాసన్ హీరోయిన్లుగా నటిస్తున్న ‘సింగం’ ఫ్రాంచైజీలో ఈ మూడో సినిమా టీజర్‌ను నేడు విడుదల చేస్తున్నారు. తమిళంలో కేఈ జ్ఞానవేల్ రాజా నిర్మిస్తున్న ఈ చిత్రాన్ని తెలుగులో సురక్ష్ ఎంటర్‌టైన్‌మెంట్ పతాకంపై మల్కాపురం శివకుమార్ విడుదల చేస్తున్నారు. హ్యారీస్ జైరాజ్ స్వరపరిచిన పాటల్ని ఈ నెలాఖరున, డిసెంబర్ 16న తెలుగు, తమిళ భాషల్లో చిత్రాన్ని విడుదల చేస్తామని శివకుమార్ అన్నారు.
  


 కోలీవుడ్ స్టార్ హీరో సూర్య హీరోగా తెరకెక్కిన సూపర్ హిట్ యాక్షన్ డ్రామా సీరీస్ సింగం. ఇప్పటికే రెండు భాగాలుగా విడుదలైన ఈ సినిమాకు ఇప్పుడు మూడో సీక్వల్ రెడీ అవుతోంది. మరోసారి సూర్య పవర్ ఫుల్ పోలీస్ ఆఫీసర్ గా నటిస్తున్న ఈ సినిమా షూటింగ్ పూర్తి చేసుకుంది. చెన్నైతో పాటు వైజాగ్. హైదరాబాద్, పలు ఫారిన్ లోకేషన్లలో భారీగా ఈ సినిమాను చిత్రీకరణ జరిపారు.
 
 తొలి రెండు భాగాల్లో హీరోయిన్ గా నటించిన అనుష్క మరోసారి సింగంతో జోడి కడుతోంది. మరో హీరోయిన్ గా శృతిహాసన్ నటించింది. గత చిత్రాలకు దేవీ శ్రీ ప్రసాద్ సంగీతం అందించగా ఈ సినిమాకు మాత్రం హారీష్ జయరాజ్ ను తీసుకున్నారు. దీపావళి సందర్భంగా ఈ సినిమా తొలి టీజర్ రిలీజ్ కానుంది. డిసెంబర్ 16న సినిమాను రిలీజ్ చేసేందుకు ప్లాన్ చేస్తున్నారు.


  సూర్యతో హిట్ పెయిర్ లిస్ట్‌లో అందాల భామ హన్సిక కూడా ఉన్నారు. మాస్ ఎంటర్‌టెయినర్ సింగం-2లో అనుష్కతో పాటు హన్సిక కూడా నాయకిగా నటించిన విషయం తెలిసిందే. హన్సికకు సక్సెస్‌ఫుల్ నాయకి అనే పేరే ఉంది. అయినా ఎందుకనో ఈ మధ్య అవకాశాలు తగ్గాయి. ప్రస్తుతం జయంరవితో నటిస్తున్న బోగన్ చిత్రం ఒకటే ఈ అమ్మడి చేతిలో ఉంది. తాజాగా సూర్యతో మరోసారి రొమాన్స్ చేసే అవకాశం వచ్చినట్లు సమాచారం. సూర్య ఎస్-3 చిత్రాన్ని పూర్తి చేసే పనిలో ఉన్నారు.
  
  దీంతో తదుపరి చిత్రానికి సిద్ధమయ్యారు. నటి నయనతార లవర్‌గా ప్రచారంలో ఉన్న విఘ్నేశ్‌శివ దర్శకత్వంలో నటించడానికి రెడీ అవుతున్నారు. ఈ చిత్రానికి తానా సేర్న్‌ద కూటం అనే టైటిల్‌ను నిర్ణయించారు. ఇందులో నటి నయనతార నాయకిగా నటించే అవకాశాలు ఉన్న ప్రచారం జరిగింది. అయితే ఇప్పటికీ దర్శకుడు విఘ్నేశ్‌శివతో కలిపి బోలెడు గ్యాసిప్స్ హల్‌చల్ చేస్తుండడంతో సూర్యతో నటించడానికి సుముఖత వ్యక్తం చేయనట్లు కోలీవుడ్‌లో జరుగుతున్న ప్రచారం. ఈ చిత్రంలో సూర్యకు జంటగా నటించే అవకాశాన్ని కీర్తీసురేశ్ కొట్టేశారు. ఇందులో మరో నాయకి ఉన్నారట.
  
  ఆ అవకాశం నటి హన్సికను వరించినట్లు కోలీవుడ్ వర్గాల టాక్. ఈ బ్యూటీ ఇంతకు ముందు సింగం-2లో నటి అనుష్కతో కలిసి సూర్యతో రొమాన్స్ చేసిన విషయం తెలిసిందే. ఈ తానా సేర్న్‌ద కూటం చిత్రంతో మరోసారి ఆయనతో జత కట్టనున్నారన్న మాట. అయితే ఈ విషయాన్ని హన్సిక వర్గం ధ్రువీకరించలేదన్నది గమనార్హం. ఇకపోతే ఈ చిత్రంలో దర్శకుడు కేఎస్.రవికుమార్, సతీష్, శరణ్య పొన్‌వన్నన్, ముట్టై రాజేంద్రన్ ముఖ్య పాత్రలు పోషించనున్నారు. అనిరుద్ సంగీతాన్ని అందిస్తున్నారు. చిత్ర షూటింగ్ త్వరలో ప్రారంభం కానుందని సమాచారం.
  


 బాహుబలి సినిమాతో ప్రపంచ వ్యాప్త గుర్తింపు తెచ్చుకున్న ప్రభాస్, పలు సినిమాలో అతిథి పాత్రల్లో కనిపించనున్నాడంటూ చాలా రోజులుగా ప్రచారం జరుగుతోంది. బాలీవుడ్ మూవీ యాక్షన్ జాక్సన్లో ప్రభాస్, ఓ చిన్న సీన్లో కనిపించటంతో మరిన్ని సినిమాల్లో కనిపించనున్నాడంటూ టాక్ మొదలైంది. ముఖ్యంగా సూర్య హీరోగా తెరకెక్కుతున్న సింగం 3లో ప్రభాస్ గెస్ట్ అపియరెన్స్ ఇవ్వనున్నాడన్న వార్త టాక్ ఆఫ్ ద ఇండస్ట్రీగా మారింది.
 
 అయితే ఈ వార్తలపై స్పందించిన నిర్మాత జ్ఞానవేల్ రాజా, ప్రభాస్ సింగం 3లో నటించలేదంటూ క్లారిటీ ఇచ్చాడు. హరి దర్శకత్వంలో తెరకెక్కుతున్న ఈ సినిమాలో అనుష్క శృతిహాసన్లు హీరోయిన్లుగా నటిస్తున్నారు. ప్రస్తుతం మలేషియాలో షూటింగ్ జరుపుకుంటున్న సింగం 3 డిసెంబర్ 16న ప్రపంచ వ్యాప్తంగా రిలీజ్ కానుంది.


 దక్షిణాదిలో సీక్వల్స్గా రిలీజ్ అయిన సినిమాలు సక్సెస్ అవ్వటం చాలా అరుదు. అలాంటి అరుదైన సక్సెస్ను సొంతం చేసుకున్న హై టెంపో యాక్షన్ డ్రామా సింగం. సూర్య హీరోగా హరి దర్శకత్వంలో తెరకెక్కిన సింగం, సింగం 2 సినిమాలు తమిళ్తో పాటు తెలుగు లోనూ ఘనవిజయం సాధించాయి. అదే ఊపులో ఇప్పుడు సింగం 3ని తెరకెక్కించారు. త్వరలో షూటింగ్ పూర్తి చేసుకోనున్న ఈ సినిమా బిజినెస్ పరంగా కూడా సంఛలనాలు నమోదు చేస్తోంది.
 
 సూర్య సరసన మరోసారి అనుష్క హీరోయిన్గా నటిస్తుండగా.. మరో కీలక పాత్రలో శృతిహాసన్ కనిపించనుంది. తొలి రెండు భాగాలకు సంగీతం అందించిన దేవీ శ్రీ ప్రసాద్కు బదులుగా మూడో భాగానికి హరీష్ జయరాజ్ సంగీతం అందిస్తున్నాడు. తమిళ్తో పాటు తెలుగులోనూ భారీగా రిలీజ్ చేసేందుకు ప్లాన్ చేస్తున్నారు. త్వరలోనే నిర్మాణాంతర కార్యక్రమాలను కూడా పూర్తి చేసి నవంబర్లో ఆడియోను డిసెంబర్ 16న సినిమాను రిలీజ్ చేసేందుకు ప్లాన్ చేస్తున్నారు.


 సూర్య, కార్తీలు ఇప్పుడు మంచి జోరు మీద ఉన్నారు. ‘ఊపిరి’తో తెలుగు, తమిళ భాషల్లో కార్తీ హిట్ కొడితే, సైన్స్ ఫిక్షన్  మూవీ ‘24’తో సూర్య తెలుగు, తమిళ భాషల్లో ఓ బ్లాక్‌బస్టర్‌ను తన ఖాతాలో వేసుకున్నారు. తాజాగా సూర్య హీరోగా తెరకెక్కుతోన్న చిత్రం ‘సింగం-3’. ఇందులో కార్తీ ఓ ముఖ్య పాత్ర పోషించడమే కాకుండా సూర్యతో కలిసి ఓ పాటకు చిందేయడానికి సిద్ధమవుతున్నారట. చెన్నై కోడంబాక్కంలో ప్రస్తుతం ఇదే హాట్ టాపిక్. నిజంగానే ఈ అన్నదమ్ములిద్దరూ నటిస్తే,  ఇటు సూర్య, అటు కార్తీ అభిమానులకు ‘సింగం-3’ స్పెషల్ అవుతుందన్న సంగతి వేరే చెప్పనవసరం లేదు.


 ప్రస్తుతం సౌత్ ఇండస్ట్రీలో ఫ్యామిలీ మల్టీ స్టారర్ల సీజన్ నడుస్తోంది. ఒకే ఫ్యామిలీ నుంచి వచ్చిన హీరోలు తెరను పంచుకోవడానికి ఇంట్రస్ట్ చూపిస్తుంటే, అభిమానులు కూడా ఈ తరహా సినిమాలకు భారీ కలెక్షన్లను సాధించిపెడుతున్నారు. ఇప్పటి వరకు ఎక్కువగా టాలీవుడ్లోనే కనిపించిన ఈ ఫార్ములా ఇప్పుడు కోలీవుడ్ స్క్రీన్ మీద కూడా సందడి చేయనుంది. ఒకే ఫ్యామిలీ నుంచి వచ్చిన ఇద్దరు స్టార్ హీరోలు స్క్రీన్ షేర్ చేసుకోవడానికి రెడీ అవుతున్నారు. ఈ ఇద్దరు హీరోలకు తెలుగులో కూడా మంచి ఫాలోయింగ్ ఉండటంతో ఈ సినిమా సౌత్ ఇండస్ట్రీలో హాట్ టాపిక్గా మారింది.
 
 తమిళ్తో పాటు తెలుగులో కూడా భారీ ఫాలోయింగ్ ఉన్న స్టార్ హీరోలు సూర్య, కార్తీ. ఈ ఇద్దరు హీరోలకు సౌత్ ఇండస్ట్రీలో మంచి మార్కెట్ ఉంది. అందుకే వీళ్లు హీరోలుగా నటించిన సినిమాలు టాలీవుడ్లో తెలుగు సినిమా స్థాయిలో భారీగా రిలీజ్ అవుతాయి. ఇటీవల 24 సినిమాతో టాలీవుడ్ మార్కెట్లో సంచలనాలు నమోదు చేసిన సూర్య త్వరలో సింగం 3తో మరోసారి మ్యాజిక్ చేయడానికి రెడీ అవుతున్నాడు. ఇప్పటికే షూటింగ్ పూర్తి కావచ్చిన ఈ సినిమాతో అభిమానులకు డబుల్ ట్రీట్ ఇవ్వడానికి రెడీ అవుతున్నాడు.
 
 సింగం సీరీస్లో తొలి రెండు భాగాలకు దర్శకత్వం వహించిన హరి, ఈ సినిమాను కూడా డైరెక్ట్ చేస్తున్నాడు. సూర్య సరసన అనుష్క, శృతిహాసన్లు హీరోయిన్లుగా నటిస్తున్న ఈ సినిమాలో సూర్య తమ్ముడు కార్తీ కీలక పాత్రలో కనిపించనున్నాడట. రెండు కీలక సన్నివేశాలతో పాటు ఓ పాటలోనూ సూర్య, కార్తీలు కలిసి నటిస్తున్నారన్న టాక్ వినిపిస్తోంది. అయితే ఇప్పటి వరకు చిత్రయూనిట్ అఫీషియల్గా ఎనౌన్స్ చేయకపోయినా, అభిమానులు మాత్రం ఈ వార్తతో పండగ చేసుకుంటున్నారు.