రంపచోడవరం: కూటమి ప్రభుత్వం టూరిజం అభివృద్ధి ముసుగులో 1/70 చట్టానికి నిర్వీర్యం చేసేందుకు చూస్తోందని, ఇందుకు గతంలో స్పీకర్‌ అయ్యన్నపాత్రుడు చేసిన వ్యాఖ్యలు, అసెంబ్లీలో రంపచోడవరం ఎమ్మెల్యే మాట్లాడిన తీరు చెప్పకనే తెలుస్తుందని ఆదివాసీ సంఘాల కూటమి నాయకులు ఆదివాసీ చైతన్య వేదిక అధ్యక్షుడు వెదుళ్ల లచ్చిరెడ్డి , ఆదివాసీ సంక్షేమ పరిషత్‌ జిల్లా అధ్యక్షులు తీగల బాబూరావు అన్నారు. వారు గురువారం విలేకరులతో మాట్లాడుతూ 1/70 చట్టం ప్రకారం ప్రభుత్వం నేరుగా ఏజెన్సీలో పరిపాలించడానికి గాని, అధికారం చెలాయించటానికి గాని హక్కులేదని, ఇక్కడి వనరులపై పూర్తి హక్కులు ఆదివాసీలకే ఉన్నాయన్నారు. ఈ కారణంగానే కూటమి ప్రభుత్వం ఆదివాసీ ప్రజాప్రతినిధులతో గిరిజన చట్టాలు, హక్కులను తొలగించే ప్రయత్నాలు చేస్తోందన్నారు. దీన్ని ఆదివాసీలు అడ్డుకోవాలని పిలుపునిచ్చారు.రామన్నదొర పాల్గొన్నారు. అరకులోయ టౌన్‌: టూరిజం అభివృద్ధి పేరుతో ఏజెన్సీ ప్రాంతాల్లో గల సహజవనరులను కూటమి ప్రభుత్వం ప్రైవేట్‌ సంస్థలకు కట్టబెట్టేందుకు ప్రయత్నిస్తోందని, దీన్ని తీవ్రంగా ఖండిస్తున్నామని ఆదివాసీ గిరిజన సంఘం రాష్ట్ర ప్రధాన కార్యదర్శి కిల్లో సురేంద్ర చెప్పారు. మండల కేంద్రంలోని గిరిజన సంఘం నాయకులతో గురువారం సమావేశం నిర్వహించారు. ఈ సందర్భంగా ఆయన మాట్లాడుతూ ఏజెన్సీ ప్రాంతాల్లో సహజ వనరులైన మైనింగ్‌ వనరులు, అటవీ ఉత్పత్తులు, సుగంధ ద్రవ్యాలు, అటవి భూములు టూరిజం అభివృద్ధి పేరుతో ప్రైవేట సంస్థలకు దారాదత్తం చేయడానికి కూటమి ప్రభుత్వం యోచిస్తుందన్నారు. ఉప ముఖ్యమంత్రి పవన్‌కళ్యాణ్‌ అరకులోయ పర్యటనలో పర్యాటకాభివృద్ధికి కృషి చేస్తున్నట్టు చేసిన ప్రకటన వెనుక 1/70 చట్టం నిర్వీర్యం చేయడానికి పెద్ద కుట్ర జరుగుతుందన్నారు. కూటమి ప్రభుత్వం కుట్రను వ్యతిరేకించి, ఆదివాసీ చట్టాలను కాపాడుకోవాలని పిలుపునిచ్చారు. నాయకులు రామన్న, మగ్గన్నా, రాము తదితరులు పాల్గొన్నారు.

ముంచంగిపుట్టు: స్థానిక నేతాజీ ఇంగ్లిష్‌ మీడియం స్కూల్‌లో ఫీజు చెల్లించలేదని విద్యార్థులకు పరీక్షలు రాయకుండా చేసిన ప్రిన్సిపాల్‌ విజయదాస్‌ తీరు సరికాదని వైస్‌ ఎంపీపీ పి.సత్యనారాయణ, గిరిజన సంఘం మండల నేతలు అన్నారు. నేతాజీ స్కూల్‌ ఘటనపై గురువారం గిరిజన సంఘం నేతలు సమావేశం నిర్వహించి ఖండించారు. వైస్‌ ఎంపీపీ సత్యనారాయణ మాట్లాడుతూ ఫీజుతో ముడిపెట్టి విద్యార్థుల పరీక్షలు రాయకుండా అడ్డుకున్న ప్రిన్సిపాల్‌ తీరును తీవ్రంగా ఖండిస్తున్నామన్నారు. రానున్న రోజుల్లో ఇలాంటి సంఘటనలు పునరావృతం కాకుండా ప్రిన్సిపాల్‌పై విద్యాశాఖ అధికారులు కఠిన చర్యలు తీసుకోవాలని డిమాండ్‌ చేశారు. నేతలు శ్రీను, నర్సయ్య, గాసిరాందొర, బాలన్న తదితరులు పాల్గొన్నారు.

ముంచంగిపుట్టు: మండలంలోని మారుమూల రంగబయలు పంచాయతీ బుడ్డపనస గ్రామం వ్యాధులతో అల్లాడుతుంది. ముఖ్యంగా మూడు సంవత్సరాల లోపు చిన్నారులు జ్వరం, దగ్గు, జలుబుతో మంచం పట్టారు. జ్వరాలతో సతమతమవుతున్నారు. కింద స్థాయి వైద్య సిబ్బంది వచ్చి వైద్య సేవలు అందిస్తున్నా జ్వరాలు తగ్గుముఖం పట్టడం లేదు. రోజు రోజుకు బాధితుల సంఖ్య పెరుగుతూ వస్తుండడంతో గ్రామస్తులు ఆందోళన చెందుతున్నారు. గ్రామస్తులు గురువారం విలేకరులతో మాట్లాడుతూ ప్రస్తుతం గ్రామంలో సీసా జ్యోతిక, సీసా దామిని, మండి విశాల్‌, సీసా భాస్కర్‌, సీసా చందు, సీసా తులమ్మ, మండి లక్ష్మీ, మండి మోహన్‌, వంతాల బసంతి, మండి పార్వతి, మండి పూర్ణిమ, కిల్లో డొబ్రు, మండి దివ్య, వంతాల ఇలియన, మండి ఆనంద్‌, పాంగి ఆవంతికలతో పాటు మరి కొంతమంది జ్వరాలు, జలుబు, దగ్గు, తలనొప్పి వంటి వ్యాధులతో అవస్థలు పడుతున్నామని ఆవేదన వ్యక్తం చేశారు. చిన్నారుల్లో పార్వతి పరిస్థితి ఆందోళనగా ఉందని భయపడుతున్నారు. తక్షణమే వైద్యశాఖ ఉన్నతాధికారులు స్పందించి బుడ్డపనస గ్రామంలో ప్రత్యేక వైద్య శిబిరం ఏర్పాటు చేసి వ్యాధులు తగ్గుముఖం పట్టెలా చర్యలు తీసుకోవాలని గ్రామ గిరిజనులు కోరుతున్నారు. 20 మంచి చిన్నారులకు జ్వరాలు దగ్గు, జలుబుతో సతమతం ప్రత్యేక వైద్య శిబిరం ఏర్పాటు చేయాలని కోరుతున్న గ్రామస్తులు పట్టించుకోని అధికారులు

సాక్షి, పాడేరు: జిల్లాలో వర్షాలు కొనసాగుతున్నాయి. గురువారం రాత్రి 7 గంటల నుంచి పాడేరు ప్రాంతంలో ఈదురుగాలులతో కూడిన భారీ వర్షం కురిసింది. సుమారు గంట పాటు కురిసిన వర్షంతో పాడేరు పట్టణంలో రహదారులు జలమయమయ్యాయి. ఈదురుగాలులతో పలు చోట్ల పిడుగులు పడడంతో ముందస్తుగానే పాడేరు ప్రాంతంలో విద్యుత్‌ సరఫరాను నిలిపివేశారు. వర్షం తగ్గిన తరువాత పునరుద్ధరించారు. ముంచంగిపుట్టులో పిడుగు పాటు ముంచంగిపుట్టు: పనసపుట్టు పంచాయతీ కడుతుల గ్రామంలో భారీ వర్షం పడిండి. ఓ కొబ్బరి చెట్టుపై పిడు గు పడింది. పెద్ద ఎత్తున మంటలు రావడంతో స్థానికులు ఆందోళన చెందారు. విద్యుత్‌ సరఫరాకు కూడా నిలిచిపోవడంతో అంధకారం నెలకొంది.

రాజవొమ్మంగి: రాజవొమ్మంగిలో బస్‌ షెల్టర్‌ లేక ప్రయాణికులు తీవ్ర ఇబ్బందులు పడుతున్నారు. మండుటెండలో తమ పిల్లలతో బస్సుల కోసం పడిగాపులు కాస్తున్నారు. ఇక్కడ బస్‌షెల్టర్‌ లేకపోయినా గతంలో ప్రయాణికులు రహదారి పక్కన ఉన్న ఆంజనేయస్వామి ఆలయంలో వేచి ఉండేవారు. ఈ గ్రామం మీదుగా ప్రస్తుతం ఎన్‌హెచ్‌–516ఈ రహదారి నిర్మాణ పనులు జరుగుతున్న నేపథ్యంలో ఆలయాన్ని తొలగించారు. దీంతో వేచి ఉండేందుకు నిలువ నీడ కరువైందని ప్రయాణికులు ఆవేదన వ్యక్తం చేస్తున్నారు. సమస్యను పలుమార్లు అధికారుల దృష్టికి తీసుకెళ్లినా పట్టించుకోవడం లేదని పలువురు స్థానికులు చెబుతున్నారు. ఇప్పటికై నా రాజవొమ్మంగి సెంటర్‌లో ప్రయాణికుల కోసం బస్‌షెల్టర్‌ ఏర్పాటుచేయాలని, మరుగుదొడ్లు, తాగునీరు వంటి సదుపాయాలు కల్పించాలని, చలివేంద్రం ఏర్పాటుచేయాలని కోరుతున్నారు. రాజవొమ్మంగిలో కానరాని బస్‌షెల్టర్లు మండుటెండలో బస్సుల కోసం పడిగాపులు

చింతూరు: నిర్వాసితుల అభీష్టం మేరకు పునరావాసం, పరిహారం అందించేందుకు చర్యలు చేపడుతున్నామని ఐటీడీఏ పీవో, ఆర్‌అండ్‌ఆర్‌ అధికారి అపూర్వభరత్‌ తెలిపారు. పోలవరం ముంపులో భాగంగా ప్రాధాన్యతా క్రమంలో చేర్చిన 32 గ్రామాలకు చెందిన పీసా కమిటీ సభ్యులు, గ్రామ పెద్దలతో గురువారం ఆయన ఐటీడీఏ కార్యాలయంలో అభిప్రాయ సేకరణ చేపట్టారు. గ్రామాల వారీగా పునరావాసం ఎక్కడ కావాలి? భూమికి భూమి వంటి అంశాలపై ఆయన నిర్వాసితులను అడిగి తెలుసుకున్నారు. పునరావాస కాలనీలకు తరలివెళ్లిన అనంతరం జీవనోపాధికి చేపట్టాల్సిన చర్యలు, వ్యవసాయ రాయితీలు, పరికరాలు, స్వయం ఉపాధికి రుణాలు వంటి అంశాల గురించి వారితో చర్చించారు. 18 ఏళ్లు దాటిన యువతకు ఎలాంటి నైపుణ్య శిక్షణ అవసరమో అడిగి తెలుసుకున్నారు. ఈ సందర్భంగా పీవో మాట్లాడుతూ పరిహారం జాబితాల్లో పేర్లు లేనివారు ఎలాంటి ఆందోళనకు గురికావద్దని, సరైన ఆధారాలు చూపిస్తే పరిహారం అందేలా చేస్తామని హామీ ఇచ్చారు. ఇప్పటికే కొన్ని గ్రామాల్లో గ్రామసభలు నిర్వహించామని, మిగతా గ్రామాల్లో కూడా ఈ నెల 20 తరువాత గ్రామ సభలు నిర్వహించి అభ్యంతరాలను పరిశీలిస్తామని చెప్పారు. ఈ కార్యక్రమంలో నాలుగు మండలాలకు చెందిన స్పెషల్‌ డిప్యూటీ కలెక్టర్లు, తహసీల్దార్లు, ఎంపీడీవోలు పాల్గొన్నారు. ● ఐటీడీఏ పీవో అపూర్వ భరత్‌

సాక్షి, పాడేరు: వచ్చే నెల 11, 12, 13 తేదీల్లో ఉత్తరాంధ్ర ప్రజల ఆరాధ్యదైవం పాడేరు మోదకొండమ్మతల్లి ఉత్సవాలను ఘనంగా నిర్వహించనున్నట్టు ఆలయ, ఉత్సవ కమిటీ అధ్యక్షుడు, పాడేరు ఎమ్మెల్యే మత్స్యరాస విశ్వేశ్వరరాజు తెలిపారు. గురువారం ఆయన విలేకరులతో మాట్లాడుతూ ఉత్సవాలకు సంబంధించి అన్ని వర్గాల భక్తుల సహకారం తీసుకుంటున్నామన్నారు. పందిరి రాట ప్రతిష్ట కార్యక్రమం బుధవారం ఘనంగా నిర్వహించి, ఉత్సవ ఏర్పాట్లకు శ్రీకారం చుట్టామన్నారు. ఈ కార్యక్రమంలో జెడ్పీ మాజీ చైర్‌పర్సన్‌ వంజంగి కాంతమ్మ, వైస్‌ ఎంపీపీ గంగపూజారి శివ, కేంద్ర కాఫీ బోర్డు డైరెక్టర్‌ కురుసా ఉమామహేశ్వరరావు, మాజీ సర్పంచ్‌ వర్తన పిన్నయ్యదొర, ఉప సర్పంచ్‌ బూరెడ్డి రామునాయుడు, మోదకొండమ్మతల్లి ఆలయ కమిటీ ప్రధాన కార్యదర్శి కిల్లు కోటిబాబునాయుడు, ఉమా నీలకంఠేశ్వరస్వామి ఆలయ ధర్మకర్త కొట్టగుళ్లి సింహాచలంనాయుడు, ఉత్సవ కమిటీ ఉపాధ్యక్షులు పలాసి కృష్ణారావు, కిల్లు గంగన్నపడాల్‌, కొట్టగుళ్లి సుబ్బారావు, అధిక సంఖ్యలో భక్తులు పాల్గొన్నారు.

● చోడవరం షుగర్‌ ఫ్యాక్టరీ రైతులకు పేమెంట్లు లేవు ● ఉపాధి కూలీలకు 75 రోజులుగా వేతనాలు చెల్లించడం లేదు ● శాసనమండలి ప్రతిపక్షనేత బొత్స సత్యనారాయణ ధ్వజం సాక్షి, విశాఖపట్నం: ముఖ్యమంత్రి చంద్రబాబుకు రైతులన్నా.. పేదలన్నా చులకన భావమని శాసనమండలి ప్రతిపక్షనేత బొత్స సత్యనారాయణ ఆగ్రహం వ్యక్తం చేశారు. పది నెలల పాలనలో రైతుల ఆకలి కేకలు వినిపించడంలేదా? అని చంద్రబాబును ప్రశ్నించారు. చోడవరం షుగర్స్‌ రైతుల సమస్యలు, ఉపాధి కూలీల వేతనాల సమస్యలను గాలికొదిలేసి.. వైఎస్సార్‌ సీపీ నేతలపై దూషణలకు, వారిపై అక్రమ కేసులు పెట్టి వేధించడమే పనిగా పాలన సాగిస్తున్నారంటూ మండిపడ్డారు. లాసన్స్‌బేకాలనీలోని తన క్యాంప్‌ కార్యాలయంలో గురువారం నిర్వహించిన మీడియా సమావేశంలో ఆయన మాట్లాడారు. కూటమి ప్రభుత్వం పది నెలల పాలనలో రాష్ట్రంలో ఏ వర్గం సంతోషంగా లేదన్నారు. చోడవరం షుగర్‌ ఫ్యాక్టరీలో లక్ష టన్నులకు పైగా క్రషింగ్‌ నిలిచిపోయిందని, రైతులకు నేటికీ డబ్బు చెల్లించలేదన్నారు. రైతులకు డబ్బులు ఇవ్వకపోగా.. క్రషింగ్‌ను కూడా నిలిపివేస్తుంటే కూటమి ప్రభుత్వం నిద్రపోతుందా అంటూ మండిపడ్డారు. తక్షణమే కార్మికులకు, ఉద్యోగులకు జీతాలు చెల్లించాలని డిమాండ్‌ చేశారు. 75 రోజులుగా ఉపాధి కూలీలకు వేతనాలు చెల్లించకుండా ఈ ప్రభుత్వం బకాయి పెట్టిందని మండిపడ్డారు. గతంలో ఏ ప్రభుత్వం కూడా 75 రోజుల ఉపాధి వేతనాలను ఆపిన సందర్భాలు లేవన్నారు. కష్టపడ్డ వారికి కూలి డబ్బులు ఇవ్వకుండా నిలిపివేస్తే.. రాష్ట్రంలో పేదలు ఎలా బతకాలని ప్రశ్నించారు. రాష్ట్ర వ్యాప్తంగా ఉపాధి కూలీలకు రూ.700 కోట్లు ఇవ్వాల్సి ఉందని, వేతనాలు ఇవ్వాలని ఉపాధి కూలీలు కూడా నిరసనలు తెలియజేస్తున్నారు. తక్షణమే వారి వేతనాల విడుదల చేయాలని డిమాండ్‌ చేశారు. అబద్ధాలు చెప్పి అధికారంలోకి వచ్చేస్తే సరిపోదని, ఏ హామీలైతే ఇచ్చారో అవన్నీ నెరవేర్చాలని బొత్స డిమాండ్‌ చేశారు. సమావేశంలో మాజీ మంత్రులు కారుమూరి నాగేశ్వరరావు, గుడివాడ అమర్‌నాథ్‌ పాల్గొన్నారు.

కొయ్యూరు: ప్రకృతి వ్యవసాయం ద్వారా పర్యావరణంతో పాటు రైతులకు ఎంతో మేలు జరుగుతుందని ఏఈవో సత్యనారాయణ చెప్పారు. మండలంలోని సింగవరంలోని రైతు సేవా కేంద్రంలో గురువారం ప్రకృతి వ్యవసాయంపై రైతులకు అవగాహన కల్పించారు. ఈ సందర్భంగా ఆయన మాట్లాడుతూ సేంద్రియ ఎరువులనే వినియోగించాలని సూచించారు. గూడెంకొత్తవీధి: మానవాళి ఆరోగ్యానికి మేలు చేకూర్చేందుకు ప్రకృతి వ్యవసాయాన్ని విస్తరించాలని గూడెంకొత్తవీధి ఎంపీపీ బోయినకుమారి అన్నారు. ఏపీసీఎన్‌ఎఫ్‌ పథకంలో భాగంగా వ్యవసాయశాఖ ఆధ్వర్యంలో గురువారం మండల పరిషత్‌ కార్యాలయంలో ప్రకృతి వ్యవసాయం విస్తరణపై అన్ని ప్రభుత్వ శాఖల అధికారులతో సమన్వయ సమావేశం జరిగింది. ఎంపీడీవో ఉమామహేశ్వరరావు అధ్యక్షతన జరిగిన ఈ సమావేశంలో ప్రకృతి వ్యవసాయం ఆచరణ వల్ల ప్రయోజనాలను వ్యవసాయాధికారి మధుసూదనరావు వివరించారు. తహసీల్దార్‌ రామకృష్ణ, ఉపాధి పథకం ఏపీవో రాంప్రసాద్‌, జలవనరులశాఖ ఏఈ నాగరాణి, సర్పంచ్‌ సుభద్ర తదితరులు పాల్గొన్నారు. అడ్డతీగల: ప్రకృతి సాగు అమలుకు సంయుక్త కార్యాచరణ ప్రణాళిక తీసుకురావడానికి చర్యలు తీసుకుంటున్నట్టు ఏవో ఎం.సువర్ణకుమారి అన్నారు. వెలుగు భవనంలో గురువారం ప్రకృతి సాగుపై అవగాహన కల్పించారు. సేంద్రియ పంటల సాగుతో ఆరోగ్యం పరిరక్షించుకోవచ్చని ఎంఈవో పి.శ్రీనివాసరావు అన్నారు. ప్రతి గ్రామంలో పంటలు, విస్తీర్ణం ఆధారంగా సర్వే నిర్వహిస్తామని ప్రకృతి వ్యవసాయ విభాగ అధికారులు తెలిపారు. ఏపీఎం నాయుడు, ఏపీవో అరవాలు, సహాయకులు పాల్గొన్నారు.

మద్దిలపాలెం(విశాఖ): విశాఖ మ్యూజిక్‌ అండ్‌ డ్యాన్స్‌ అకాడమీ, కళాభారతి ఆధ్వర్యంలో ఏటా జరిపే రాష్ట్ర స్థాయి నాటకోత్సవాలను ఈ నెల 12 నుంచి 16 వరకు నిర్వహించనున్నట్లు వీఎండీఏ ట్రస్ట్‌ అధ్యక్ష, కార్యదర్శులు ఎంఎస్‌ఎన్‌ రాజు, డాక్టర్‌ గుమ్మూలూరి రాంబాబులు తెలిపారు. దీనికి సంబంధించిన పోస్టర్‌ను కళాభారతి ఆడిటోరియంలో గురువారం ఆవిష్కరించారు. ఈ సందర్భంగా వారు మాట్లాడుతూ ఈసారి పైడి కౌశిక్‌ నాటకోత్సవాలు పేరిట ఐదు రోజులపాటు ప్రదర్శనలు ఉంటాయన్నారు. 28 ఎంట్రీల్లో 9 నాటకాలను ఎంపిక చేశామన్నారు. పైడా కృష్ణ్ణప్రసాద్‌ మాట్లాడుతూ ఈ నాటకోత్సవాలకు మహారాజపోషకులుగా ఉండటం ఆనందంగా ఉందన్నారు. నాటకోత్సవాలకు ప్రవేశం ఉచితమన్నారు. కార్యక్రమంలో న్యాయనిర్ణేత బాబీవర్ధన్‌, జగత్‌ రావు, నాంచారయ్యలతో పాటు ఇతర కార్యవర్గసభ్యులు పాల్గొన్నారు.

సాక్షి, పాడేరు: పర్యాటకుల కోసం గిరిజన గ్రామాల్లో హోమ్‌స్టేలు ఏర్పాటు చేస్తే గిరిజనుల అభివృద్ధికి దోహదపడుతుందని కలెక్టర్‌ ఎ.ఎస్‌.దినేష్‌కుమార్‌ అన్నారు. గురువారం ఆయన జిల్లాలోని పలు శాఖల అధికారులు, తహసీల్దార్లతో వీడియో కాన్ఫరెన్స్‌ నిర్వహించారు. ఈ సందర్భంగా కలెక్టర్‌ మాట్లాడుతూ హోమ్‌స్టేల వల్ల గిరిజనుల ఉపాధి అవకాశాలు మెరుగుపడతాయన్నారు. కొత్తగా ఇల్లు నిర్మించుకునే గిరిజనులు పాత ఇళ్లను కూల్చకుండా హోమ్‌స్టేలుగా ఉపయోగించాలన్నారు. డుంబ్రిగుడ మండలం కురిడి గ్రామంలో 15 హోమ్‌స్టేలను నిర్మించాలన్నారు. తాజంగి, లంబసింగిలో ఎన్ని హోమ్‌స్టేలు గుర్తించారని ఎంపీడీవోలను అడిగి తెలుసుకున్నారు. జిల్లాలో శిల్పారామం నిర్మాణానికి చర్యలు తీసుకుంటున్నామని, పాడేరు, హుకుంపేట మండలాల్లో అవసరమైన భూములను పరిశీలన చేయాలని అధికారులను ఆయన ఆదేశించారు. పర్యాటక ప్రాంతాలు కలుషితం కాకుండా ప్లాస్టిక్‌ సంచుల అమ్మకాలపై దృష్టి పెట్టాలన్నారు. ప్లాస్టిక్‌ సంచుల విక్రయాలు చేపడుతున్న దుకాణాలను గుర్తించి సీజ్‌ చేయాలన్నారు. అరకులోయ, పాడేరు, అడ్డతీగల, రాజవొమ్మంగి మండల కేంద్రాలలో రహదారులను ఆక్రమించి రవాణాకు ఇబ్బందులు కలిగిస్తున్నారని, అటువంటి వారిపై చర్యలు తీసుకోవాలని ఆదేశించారు. పంచాయతీ చట్టాలను సమర్థవంతంగా అమలుచేయాలని, పోలీసులు, రెవెన్యూ, పంచాయతీ అధికారులు ఆక్రమణలపై తనిఖీలు చేపట్టి, నోటీసులు జారీ చేయాలన్నారు. పర్యాటక ప్రాంతాల్లో మౌలిక సదుపాయాల కల్పన, జెడ్పీ నిధుల మంజూరుపై సమీక్షించారు. ఈ కార్యక్రమంలో జేసీ డాక్టర్‌ అభిషేక్‌గౌడ్‌, రంపచోడవరం ఐటీడీఏ పీవో సింహాచలం, సబ్‌ కలెక్టర్లు కల్పశ్రీ, సౌర్యమన్‌పటేల్‌, డీఎఫ్‌వో సందీప్‌రెడ్డి, డీఆర్‌డీఏ పీడీ మురళీ, సీపీవో పట్నాయక్‌, డీటీవో దాసు, అరకులోయ మ్యూజియం క్యూరేటర్‌ మురళీ, అన్ని మండలాల తహసీల్దార్లు, ఎంపీడీవోలు పాల్గొన్నారు. గిరిజన గ్రామాల్లో ఏర్పాటుకు చర్యలు జిల్లాలో శిల్పారామం కోసం భూముల పరిశీలన ప్లాస్టిక్‌ సంచులు విక్రయిస్తే దుకాణాల సీజ్‌ వీడియో కాన్ఫరెన్స్‌లో కలెక్టర్‌ దినేష్‌కుమార్‌

వి.ఆర్‌.పురం: లంక పొగాకు కొనుగోలులో దళారులు పక్షపాత వైఖరి వీడాలని జెడ్పీటీసీ సభ్యుడు వి.రంగారెడ్డి, నాయకులు బి.నరసింహారావు, ఎం.సిద్ధూ, ఎం.శంకర్‌ తదితరులు కోరారు. మండల కేంద్రంలోని పొగాకు గొడౌన్‌లను వారు గురువారం పరిశీలించారు. రైతులతో మాట్లాడి సమస్యలు అడిగి తెలుసుకున్నారు. ఈ సందర్భంగా వారు మాట్లాడుతూ దళారులు పొగాకు కోతకు ముందు కిలో పొగాకు రూ.183 ఇస్తామని ప్రకటించి, పంట చేతికొచ్చిన తరువాత మోడు తీసిన పొగాకు మాత్రమే కొనుగోలు చేస్తున్నారని, ధరలు కూడా తగ్గిస్తున్నారన్నారు. దీంతో రైతులకు తీరని నష్టం జరుగుతుందన్నారు. అంతర్జాతీయ మార్కెట్లో పొగాకు మంచి డిమాండ్‌ ఉందని, ప్రభుత్వం స్పందించి రైతులను ఆదుకోవాలని కోరారు.

సీలేరు జల విద్యుత్‌ కేంద్రం ప్రతి ఏటా లోడిస్పాస్‌ అధికారులు ఇచ్చిన లక్ష్యాన్ని అధిగమిస్తోంది. ఈ ఏడాది మూడు సార్లు ఆల్‌ టైం రికార్డును సొంతం చేసుకుంది. ఈ ఘనత రాష్ట్రంలో ఏ జల విద్యుత్‌ కేంద్రానికీ దక్కలేదు. శ్రీశైలం, నాగార్జున సాగర్‌ కేంద్రాలకు మించి విద్యుత్‌ ఉత్పత్తి చేస్తుంది. ఫిబ్రవరి 26న 4.949 మిలియన్‌ యూనిట్ల విద్యుత్‌ ఉత్పత్తి చేసి మొదటి ఆల్‌ టైం రికార్డును చేసుకుంది. గత నెల 24వ తేదీ ఉదయం 6 గంటల నుంచి 5.126 మిలియన్లు విద్యుత్‌ ఉత్పత్తి చేసి రెండో రికార్డును నెలకొల్పింది. అదే నెలలో ఒక రోజు వ్యవధిలో 5.325 మిలియన్‌ యూనిట్లు విద్యుత్‌ ఉత్పత్తి చేసి మరింత ఘనత సాధించింది.

జి.మాడుగుల: ఐదేళ్లు నిండిన బడిఈడు పిల్లలను ఉపాధ్యాయులు గుర్తించి పాఠశాలలో చేర్చుకోవాలని ఏఎస్సార్‌ జిల్లా విద్యాశాఖాధికారి బి.బ్రహ్మాజీరావు ఆదేశించారు. ఎన్‌రోల్‌మెంట్‌ డ్రైవ్‌లో భాగంగా జి.మాడుగుల మండలం గాంధీనగరంలోని ప్రభుత్వ గిరిజన సంక్షేమ బాలికల ఆశ్రమోన్నత పాఠశాల, వైబి గొందూరు మండల పరిషత్‌ ప్రాథమిక పాఠశాలను గురువారం ఆయన సందర్శించారు. ఆయా పాఠశాలల్లో విద్యార్థుల విద్యా సామర్థ్యాలు, హాజరు పట్టీలను పరిశీలించారు. ఈ సందర్భంగా డీఈవో మాట్లాడుతూ గ్రామాల్లో ఐదు సంవత్సరాలు నిండిన పిల్లలను గుర్తించి పాఠశాలలో ప్రవేశాల కల్పించే విధానంపై ఉపాధ్యాయులకు అవగాహన కల్పించారు. ఈ కార్యక్రమంలో ఎంఈవో సిహెచ్‌.బాబూరావుపడాల్‌, తదితరులు పాల్గొన్నారు.

సామాన్యులకుసాక్షి, పాడేరు: కేంద్ర ప్రభుత్వం వంట గ్యాస్‌ ధరను రూ.50 పెంచడంపై సర్వత్రా ఆగ్రహం వ్యక్తమవుతోంది. నిత్యావసరాల ధరలు రోజురోజుకూ పెరుగుతున్న నేపథ్యంలో పేద, మధ్య తరగతి ప్రజలు మరింత ఆర్థిక ఇబ్బందులు ఎదుర్కోవాల్సి వస్తోందని ఆందోళన వ్యక్తమవుతోంది. ఇందుకు రాష్ట్ర ప్రభుత్వం కూడా వంత పాడడంపై వినియోగదారులు మండిపడుతున్నారు. గిరిజన ప్రాంతాల్లోనూ గ్యాస్‌ వినియోగం అధికంగా ఉంది. ఓ వైపు ఆదాయం పెరగక పోగా.. మరోవైపు ఖర్చులు మాత్రం అధికమవుతున్నాయి. ఈ పరిస్థితుల్లో గ్యాస్‌ ధరను పెంచడంపై సర్వత్రా నిరసనలు వ్యక్తమవుతున్నాయి. జిల్లాలో 2.98 లక్షల కుటుంబాలకు గాను 1.80 లక్షల కుటుంబాలు గ్యాస్‌ను వినియోగిస్తున్నాయి. కిరోసిన్‌ పంపిణీ రద్దయిన తరువాత మధ్య తరగతి కుటుంబాలు గ్యాస్‌ వినియోగానికి అలవాటు పడ్డాయి. 85 శాతం జనాభా ఉన్న గిరిజనుల్లో 60 శాతం మంది గ్యాస్‌ను వినియోగిస్తున్నారు. ప్రతి నెలా ఒక సిలిండర్‌ను పూర్తి చేసే వినియోగదారులు అధికంగా ఉన్నారు. ఈ లెక్కన ప్రతి వినియోగదారుడికి నెలకు రూ.50 అదనంగా ఖర్చవుతుంది. రాష్ట్ర ప్రభుత్వం ఉచిత గ్యాస్‌ను ఏడాదికి మూడు సిలెండర్ల చొప్పున పంపిణీ చేసినా మరో 7 నుంచి 9 సిలిండర్లు అవసరమవుతాయి. ప్రస్తుతం పెంచిన గ్యాస్‌ ధరల ప్రకారం ఏడాదికి రూ.350 నుంచి రూ.450 వరకు వినియోగదారులపై భారం పడుతుంది. ఏడాదికి వినియోగదారులపై రూ. 8.10కోట్ల భారం పడనుంది. ప్రస్తుతం గ్యాస్‌ సిలిండర్‌ ధర రూ.811. తాజాగా రూ.50 పెంచడంతో రూ.861కు చేరింది. కేంద్ర ప్రభుత్వం పెంచిన గ్యాస్‌ ధరను రాష్ట్ర ప్రభుత్వమే భరించాలని వినియోగదారులు డిమాండ్‌ చేస్తున్నారు. జిల్లాలోని మెజార్టీ గిరిజన కుటుంబాలు పేదలేనని, ఈ మేరకు రాష్ట్ర ప్రభుత్వం గ్యాస్‌ ధర విషయంలో తగిన న్యాయం చేయాలని గిరిజన సంఘాలు కోరుతున్నాయి. రూ.50 పెరిగిన గ్యాస్‌ సిలిండర్‌ ధరఏడాదికి రూ.8.10 కోట్ల భారం జిల్లాలో కనెక్షన్లు 1,80,000గ్యాస్‌ ధర పెంపుతో అదనపు భారం గ్యాస్‌ సిలిండర్‌పై కేంద్ర ప్రభుత్వం రూ.50 పెంచడంతో అదనపు భారం పడింది. గ్యాస్‌ ధరలు తగ్గించాల్సిన ప్రభుత్వాలు ఇలా తరచూ పెంచుకుపోతున్నాయి. గ్యాస్‌ వినియోగం పెరిగిన నేపధ్యంలో ధరలు పెంచడం బాధాకరం. – జి.రమేష్‌, గ్యాస్‌ వినియోగదారుడు, పాడేరు అదనపు భారం మోయలేం.. ఇప్పటికే పెరిగిన నిత్యావసరాలతో అవస్థలు పడుతున్నాం. ఈ సమ యంలో ఉన్నట్టుండి గ్యాస్‌ బండ ధరను అదనంగా రూ.50 పెంచడం తగదు. ఈ భారాన్ని పేదలు మోయలేరు. ప్రభుత్వం దీనిని భరించాలి. పాత ధరకే గ్యాస్‌ను విక్రయించాలి. – సుమర్ల బంగారమ్మ, బూదరాళ్ల రాష్ట్ర ప్రభుత్వమే భరించాలి కేంద్ర ప్రభుత్వం పెంచిన గ్యాస్‌ ధరను రాష్ట్ర ప్రభుత్వం బాధ్యతగా తీసుకుని ఆ మొత్తాన్ని భరించాలి. ప్రతి నెలా గ్యాస్‌ బుక్‌ చేసుకునే సమయంలో రూ.50ను రాష్ట్ర ప్రభుత్వం చెల్లించి పేదలకు న్యాయం చేయాలి. – ఈశ్వరమ్మ, చింతపల్లి

సీలేరు: B…{«§é, JyìlÔ> EÐ]l$Ãyìl °Æý‡Ó-çßæ-×æÌZ E¯]l² ºÍ-Ððl$ÌS fÌê-ÔèæĶæ$… ±sìæ Ñ°-Äñæ*VýS…Oò³ VýS$Æý‡$-ÐéÆý‡… CÆý‡$ Æ>[ÚëtÌS A«¨M>-Æý‡$Ë$ çÜÒ$„ýS °Æý‡Ó-íßæ…-^éÆý‡$. H Æ>çÙ‰… ™èlÐ]l$ ÐésêV> G°² sîæG…ïÜË$ Ñ°-Äñæ*W…^èl$MýS$-¯é²Æø ÌñæMýSPË$ ™ólÌêaÆý‡$. 2024 þOÌñæ ¯]l$…_ 2025 Ð]l*Ça ¯ðlÌê-QÆý‡$ ¯ésìæMìS B…{«§é ™èl¯]l ÐésêV> 69.8369 sîæG…ïÜ-ÌS¯]l$ Ñ°Äñæ*-W…-^èl$MøV>.. JyìlÔ> ™èl¯]l ÐésêV> 73.5147 sîæG…-ïÜ-ÌS¯]l$ Ñ°Äñæ*-W…-^èl$-MýS$¯]l²r$t °Æ>®-Ç…-^éÆý‡$. D çÜÒ$-„ýSÌZ B…{«§é ÐésêV> 24.2254 sîæG…-ïÜË$, JyìlÔ> ÐésêV> 20.5476 sîæG…-ïÜË$ V>¯]l$ CÆý‡$ Æ>[ÚëtÌS A«¨-M>-Æý‡$ÌS Ð]l$«§ýlÅ Jç³µ…§ýl… MýS$¨-Ç…-¨. CÇ-VóS-çÙ¯ŒS AÐ]l-çÜ-Æ>ÌS °Ñ$™èl¢… B…{«§éMýS$ 3 ÐólË$ MýS*ÅòÜ-MýS$PË$, JyìlÔ>MýS$ 3 ÐólË$ MýS*ÅòÜMýS$PÌS ±sìæ° H{í³ÌŒæ ¯ðlÌê-QÆý‡$ Ð]lÆý‡MýS$ Ñ°Äñæ*-W…-^èl$MøÐ]l-yé-°MìS CÆý‡$ Æ>[ÚëtÌS A«¨-M>Æý‡$Ë$ A…X-MýSÇ…-^éÆý‡$. D M>Æý‡Å{MýS-Ð]l$…ÌZ JyìlÔ> A«¨-M>-Æý‡$Ë$, ïÜÌôæÆý‡$ M>…ò³ÏMýS$Þ gñ毌S-Mø çÜ*ç³-Ç…-sñæ…-yðl…sŒæ C…h-±ÆŠ‡ ¼.^èl…-{§ýlÔóæ-Q-ÆŠ‡-ె , DDË$ G….}-°-ÐéçÜ-Æð‡yìlz, yîlDD MðS.§ýl$Æ>Y }°-Ðé-çÜ-Æ>Ð]l# ´ëÌŸY-¯é²Æý‡$.

రంపచోడవరం: ఏజెన్సీలోని పలు మండలాల్లో క్వారీలు లీజుకు తీసుకున్న నిర్వాహకులు ప్రభుత్వ నిబంధనలు పక్కాగా పాటించాలని రంపచోడవరం ఐటీడీఏ ప్రాజెక్టు అధికారి కట్టా సింహాచలం ఆదేశించారు. గురువారం స్థానిక ఐటీడీఏ సమావేశపు హాలులో క్వారీల నిర్వాహాకుల ప్రతినిధులు, మైనింగ్‌ అధికారులతో రంపచోడవరం సబ్‌ కలెక్టర్‌ కె.ఆర్‌.కల్పశ్రీతో కలిసి ఆయన సమావేశమయ్యారు. ఈ సందర్భంగా పీవో మాట్లాడుతూ రంపచోడవరం నియోజకవర్గ పరిధిలోని 11 మండలాల్లో మొత్తం 33 క్వారీలు ఉన్నాయన్నారు. ఇందులో 14 క్వారీలు పని చేస్తున్నాయని, మిగతా 19 క్వారీలు ప్రభుత్వం నుంచి అనుమతులు లేని కారణంగా ఆపి వేశామన్నారు. వై.రామవరం, రాజవొమ్మంగి, ఏటపాక, వీఆర్‌ పురం, కూనవరం మండలాల్లో ఏవిధమైన క్వారీలు లేవని ఆయన తెలిపారు. క్వారీ నిర్వాహకులు క్వారీల సమీపంలోని గ్రామాల అభివృద్ధికి కృషి చేయడంతో పాటు ప్రభుత్వ నిబంధనలు పక్కాగా అమలు చేయాలన్నారు. క్వారీల్లో ప్రమాదాలు జరగకుండా తగు జాగ్రత్తలు తీసుకోవాలని పీవో ఆదేశించారు. సబ్‌ కలెక్టర్‌ కల్పశ్రీ మాట్లాడుతూ ప్రభుత్వ నిబంధనల ప్రకారం సొసైటీ ఏర్పాటు చేసుకొని క్వారీ నిర్వహణకు అనుమతులు తీసుకోవాలన్నారు. ప్రస్తుతం క్వారీలు నిర్వహిస్తున్న యాజమానులు ప్రతి సంవత్సరం రెన్యూవల్‌ చేసుకోవాలని చెప్పారు. ఈ సమావేశంలో జిల్లా గనులు భూగర్భ శాఖ అధికారి యం.ఆనంద్‌, సర్వేయర్‌ కాళిదాసు, క్వారీ నిర్వహణ యాజమాన్యం కోసూరి సత్యనారాయణరెడ్డి, తదితరులు పాల్గొన్నారు.ఐటీడీఏ పీవో సింహాచలం ఆదేశం

రాజవొమ్మంగి: సుమారు 4 సంవత్సరాల వయస్సు గల చుక్కల జింక గురువారం మండలంలోని సూరంపాలెం గ్రామంలోకి వచ్చింది. పరుగుపరుగున వచ్చిన ఆ జింక జనాలను చూసి భయంతో ఓ ఇంట్లోకి చొరబడింది. ఇంటి యజమాని రాజేశ్వరి తలుపులు మూసి అటవీ అధికారులకు సమాచారం ఇచ్చారు. అటవీ క్షేత్రాధికారి ఉషారాణి వచ్చి జింకను పరిశీలించారు. ఎటువంటి గాయాలు లేవని నిర్ధారించుకొని ఆ జింక తిరిగి సమీప అడవిలోకి వెళ్లిపోయేలా చర్యలు తీసుకున్నారు. అడవులు అంతరించి పోతుండడం, నీటి వనరులు అందుబాటులో లేకపోవడంతో వన్యప్రాణులు ఇలా జనావాసాల్లోకి వచ్చేస్తున్నాయని స్థాని కులు అభిప్రాయపడుతున్నారు.

పెదబయలు: మండలంలోని గోమంగి పంచాయతీ సరియాపల్లి సమీపంలో కొండలపై మొలకెత్తిన గాంధారి ఆకులు తిని రెండు దుక్కి టెద్దులు మృతి చెందినట్టు గ్రామానికి చెందిన పాడి రైతు కుంబిడి వెంకటరమణ తెలిపారు. ప్రతి ఏటా వేసవిలో కురిసిన వర్షాలకు ఈ కొండలపై గాంధారి మొక్కలు మొలకెత్తుతాయి. వేసవిలో పశుగ్రాసం కొరత వల్ల పశువులు ఈ ఆకులు, పువ్వులు తిన్న కొద్ది గంటల వ్యవధిలోనే మృతి చెందుతున్నాయని రైతులు తెలిపారు. గత ఏడాది ఇదే సీజన్‌లో వారం రోజుల వ్యవధిలో గాంధారి ఆకులు తిని 13 పశువులు మృతి చెందాయని చెప్పారు. ప్రతి ఏడాది తీవ్రంగా నష్టపోతున్నామని, పశువులకు ఇన్సూరెన్స్‌ సదుపాయం కల్పించాలని పాడి రైతులు కోరుతున్నారు. మృతి చెందిన పశువులకు ప్రభుత్వం నష్టపరిహారం చెల్లించాలని వారు కోరారు.

జాబితాలు చూసి బెంబేలు కూనవరం: విలీన మండలాల్లో జరుగుతున్న గ్రామ సభలు నిర్వాసితులకు భరోసా కల్పించకపోగా వారిలో భయాందోళనలు రేకెత్తిస్తున్నాయి. ఇచ్చిన దరఖాస్తులను పరిశీలించి స్పష్టత ఇవ్వకుండా మళ్లీ, మళ్లీ దరఖాస్తులు ఇవ్వండని అధికారులు చెబుతుండడంతో నిర్వాసితుల గుండెల్లో రైళ్లు పరిగెడుత్తున్నాయి. గ్రామ సభ నాటికి సమస్యలన్నీ పరిష్కారమవుతాయని, ఆర్‌అండ్‌ఆర్‌ ప్యాకేజీ వస్తుందని ఎదురుచూసిన నిర్వాసితులు క్షేత్రస్థాయిలో జరుగుతున్న పరిస్థితిని చూసి నిరాశనిస్పృహలకు గురవుతున్నారు. ఆరేడు దశాబ్దాల నుంచి స్థానికంగా ఉంటున్నా తమ పేర్లు పీడీఎఫ్‌ (ప్రాజెక్ట్‌ డిస్‌ప్లేస్డ్‌ ఫ్యామిలీస్‌) జాబితాలో గల్లంతు అయ్యాయని తీవ్ర మనోవేదనకు గురవుతున్నారు. భూములు, ఇంటి స్థలం, స్థిరాస్తులు కోల్పోయి, ఎక్కడికి వెళ్లి బతకాలో తెలియని దుస్థితిలో ఉన్న తమకు అధికారుల నిర్లక్ష్యం వల్ల ఆర్‌అండ్‌ఆర్‌ పరిహారం అందని ద్రాక్ష అన్న చందంగా మారుతుందేమో అని ఆందోళన చెందుతున్నారు. అసలేం జరుగుతోందంటే... పోలవరం ఇరిగేషన్‌ ప్రాజెక్ట్‌ ముంపు గ్రామాల్లో 41.15 కంటూకు స్థాయికి ముందే ముంపునకు గురవుతున్న 32 గ్రామాలను గత వైఎస్సార్‌సీపీ ప్రభుత్వం లాడర్‌ సర్వే ద్వారా గుర్తించి ఆయా గ్రామాల జాబితాను కేంద్ర ప్రభుత్వానికి పంపింది. దాన్ని కేంద్రం ఆమోదించించింది. కేంద్ర ప్రభుత్వం గ్రీన్‌సిగ్నల్‌ ఇవ్వడంతో పునరావాస ప్రక్రియ ఊపు అందుకుంది. ఈ క్రమంలో ఫేజ్‌ 1బి కింద విలీన మండలాల్లో 32 గ్రామాలను చింతూరు ఐటీడీఏ ప్రాజెక్ట్‌ అధికారి ఆదేశాల మేరకు పోలవరం ఇరిగేషన్‌ ప్రాజెక్ట్‌ ముంపు పరిధిలోని స్పెషల్‌ డిప్యూటీ కలెక్టర్ల ఆధ్వర్యంలో గ్రామసభలు ప్రారంభమయ్యాయి. ఈక్రమంలో పోలవరం నిర్వాసితుల ఆర్‌అండ్‌ఆర్‌ జాబితాను సంబంధిత గ్రామ పంచాయతీల్లో ప్రకటించారు. చట్టానికి భిన్నంగా... క్షేత్రస్థాయిలో ప్రజల ప్రయోజనం కోసం నిర్మించే కట్టడాల మూలంగా పోలవరం నిర్వాసితులు భూమి, ఇళ్లు, ఆస్తి తదితరవి కోల్పొతే 2013 భూసేకర్ణ చట్టం విభాగం యొక్క3(సీ) (1) ప్రకారం ప్రభావిత కుటుంబం, ప్రభావిత ప్రాంతంలో నివసించకపోయినా ఆ కుటుంబాన్ని ప్రాజెక్ట్‌ ఎఫెక్ట్టెడ్‌ కుటుంబం (పీఏఎఫ్‌)గా పరిగణించవచ్చు. అంతేగాక ఈచట్టంలో రెండవ షెడ్యూల్‌ ప్రకారం ప్రభావిత కుటుంబాలు దారిద్య్రరేఖకు పైనఉన్నా లేదా దారిద్య్రరేఖకు దిగువన ఉన్నా సంబంధం లేకుండా పునరావాస, పునరస్థాపన హక్కులను పొందేందుకు అర్హులు. అయితే బతుకుతెరువుకోసం పొరుగుమండలాల్లో పనులకు వెళ్లి వారానికి, నెలకొకసారో వచ్చి పోతున్న వారిని అధికారులు అనర్హులుగా గుర్తించడం తీవ్ర అన్యాయమని నిర్వాసితులు మండి పడుతున్నారు. కూటమి ప్రభుత్వం మాత్రం ఒక్క నిర్వాసితున్ని నష్టపోనీయం అని పదేపదే చెబుతుండడం ఆశ్చర్యం కలిగిస్తోంది.టేకులబోరు ఆర్‌అండ్‌ఆర్‌ గ్రామసభలో నిర్వాసితుల పేర్లు చదువుతున్న కార్యదర్శి (ఫైల్‌)ఆర్‌ అండ్‌ ఆర్‌... మొత్తం గ్రామాలు 32 13,817అనర్హులు327పోలవరం ముంపు ప్రియార్టీ మండలాలుకూనవరం, వీఆర్‌పురం, చింతూరు దరఖాస్తులు పెట్టుకున్నా సరికాని వైనం అనర్హులు అంటూ తిరస్కరణ తాజాగా సంబంధిత గ్రామపంచాయతీల నోటీసు బోర్డుల్లో పెట్టిన జాబితాల్లో కొందరి పేర్లు అనర్హులుగా, మరి కొందరి పేర్లు అర్హులని, కొన్ని కుటుంబాల పేర్లు ఏకంగా పీడీఎఫ్‌ జాబితాలోనే లేవని పేర్కొనడంతో నిర్వాసితులు భయాందోళనలకు గురవుతున్నారు. 60, 70 సంవత్సరాల నుంచి స్థానికంగా ఉంటున్నా తమ పేర్లు పీడీఎఫ్‌ జాబితాలోనే లేకపోవడం ఆశ్చర్యం కలిగిస్తోందని ఆవేదన వ్యక్తం చేస్తున్నారు. అధికారుల నిర్లక్ష్యం వల్లే ఈ ఘోరం జరిగిందని ఆగ్రహం వ్యక్తం చేస్తున్నారు. కూనవరం, వి.ఆర్‌.పురం, చింతూరు మండలాల్లో జరుగుతున్న ఆర్‌అండ్‌ఆర్‌ గ్రామ సభల్లో అర్హులు, అనర్హులు, జాబితాలు చదివి వినిపిస్తుంటే ఆందోళన కలుగుతోందని నిర్వాసితులు ఆగ్రహం వ్యక్తం చేస్తున్నారు. మొత్తం నిర్వాసితులుఆర్‌అండ్‌ఆర్‌గ్రామసభలు జరిగిన గ్రామాలు 1414 గ్రామాల్లో మొత్తం నిర్వాసితులు3,837అధికారులు అర్హులుగా పేర్కొన్నవారు 3,510పీడీఎఫ్‌ జాబితాలోనా పేరు లేదు పీడీఎఫ్‌ జాబితాలో నాపేరు లేకపోవడంతో విస్తుపోయాను. మెయిన్‌ రోడ్డులోనే నా ఇల్లు ఉంది. భవనం వ్యాల్యూలో పరిహారం కూడా ప్రకటించా రు. నేను గ్రామం వదిలి పెట్టి ఎక్కడికీ వెళ్లిన దాఖలాలు లేవు. 20 ఎకరాల భూమిని ప్రజా ప్రయోజనాల దృష్ట్యా పోలవరం ఇరిగేషన్‌ ప్రాజెక్ట్‌ కోసం కారు చౌకగా ఎకరం కేవలం రూ.1.15 లక్షలకు ప్రభుత్వానికి స్వాధీనపరిచి త్యాగం చేశాం. అలాంటిది ఆర్‌అండ్‌ఆర్‌ పీడీఎఫ్‌లో నాకు తీవ్ర అన్యాయం చేశారు. – కల్లం వీరాంజనేయులు, నిర్వాసిత రైతు టేకులబోరు. పనులులేక పక్క ఊరెళితే అర్హుడు కాదంటున్నారు పోలవరం ముంపు గ్రామాల్లో దశాబ్దం నుంచి అభివృద్ధి పనులు ఆపేశారు. బతుకు దెరువు కోసం పొరుగు మండలం వెళ్లి పనులు చేసుకుంటుంటే స్థానికంగా లేవంటూ నా పేరు అనర్హుల జాబితాలో పెట్టారు. రేషన్‌కార్డు, ఆధార్‌కార్డు, ఓటర్‌ఐడీ కార్డు, ఇంటిపన్ను రశీదు, బ్యాంకు అకౌంటు, కరెంటుబిల్ల్‌, పాన్‌కార్డుమ కులం సర్టిపికెట్‌తో సహా అన్ని ప్రూఫ్‌లు ఉన్నా నాపేరు ఇన్‌ఎలిజిబుల్‌ జాబితాలో చూపించారు. – పుట్టి అంజన్‌రావు,నిర్వాసితుడు, కూనవరం

చింతపల్లి: సంపూర్ణ పోషణ అమలు ద్వారా మాతాశిశుమరణాలను అరికట్టవచ్చని సీ్త్ర,శిశుసంక్షేమశాఖ పీడీ సూర్యలక్ష్మి తెలిపారు. పౌష్టికాహార పక్షోత్సవాల సందర్భంగా తాజంగిలో బుధవారం గర్భిణులకు సీమంతాలు నిర్వహించి, పౌష్టికాహారంపై అవగాహన కల్పించారు. ఈ కార్యక్రమంలో పీడీ మాట్లాడుతూ గర్భిణులు తప్పని సరిగా పౌష్టికాహారం తీసుకోవాలని చెప్పారు. సీడీపీవో రమణి, ఏసీడీపీవో రామలక్ష్మి, వైద్యాధికారి భవాని, మాజీ సర్పంచ్‌లు కాంతమ్మ, రామస్వామి, సూపర్‌వైజర్లు విజయకుమారి, గౌరి, అప్పలనర్స, గౌర్నిషా తదితరులు పాల్గొన్నారు.

పాడేరు : ఐటీడీఏ పాలకవర్గ సమావేశాన్ని ఈనెల 21వ తేదీ ఉదయం 11 గంటలకు నిర్వహించనున్నట్టు పాడేరు ఐటీడీఏ ఇన్‌చార్జి పీవో, జాయింట్‌ కలెక్టర్‌ అభిషేక్‌ గౌడ బుధవారం ఓ ప్రకటనలో తెలిపారు. రాష్ట్ర గిరిజన సంక్షేమ శాఖ మంత్రి, జిల్లా ఇన్‌చార్జి మంత్రి, పార్లమెంట్‌ సభ్యులు, జిల్లా పరిషత్‌ అధ్యక్షు లు, ఎమ్మెల్సీలు, ఎమ్మెల్యేలు, మండల పరిష త్‌ అధ్యక్షులు, జెడ్పీటీసీలకు సమాచారం పంపించినట్టు పేర్కొన్నారు. ప్రజాప్రతినిధులు, అన్ని శాఖల జిల్లాఅధికారులు, డివిజన్‌ స్థాయి అధికారులు ఈ సమావేశానికి తప్పనిసరిగా హాజరు కావాలని తెలిపారు.పోషకాహార లోపంనివారించేందుకు చర్యలు ● ఐటీడీఏ పీవో అపూర్వభరత్‌ చింతూరు: పిల్లల్లో పోషకాహార లోపంతో పాటు ఊబకాయ నిర్మూలనకు తగిన చర్యలు చేపట్టాలని చింతూరు ఐటీడీఏ పీవో అపూర్వభరత్‌ అన్నారు. ఐసీడీఎస్‌ ఆధ్వర్యంలో నిర్వహిస్తున్న పోషణ పక్షోత్సవ పోస్టర్‌ను బుధవారం స్థానిక ఐటీడీఏ కార్యాలయంలో ఆయన ఆవిష్కరించారు. ఈ సందర్భంగా పీవో మాట్లాడుతూ లబ్ధిదారులు స్వయంగా పోషణ ట్రాకర్‌లో నమోదు చేసుకునే విధానంపట్ల ప్రచారం నిర్వహించి, అవగాహన కల్పించాలని సూచించారు. ఆరోగ్యకరమైన జీవనశైలి అలవాటు చేసుకునేలా చేయాలని, పక్షోత్సవ కార్యక్రమాన్ని విజయవంతంగా నిర్వహించాలని పీవో ఆదేశించారు. వడగాడ్పుల నుంచి కాపాడుకోవాలి: ఎండవేడిమి పెరుగుతున్న దృష్ట్యా ప్రజలు వడగాడ్పుల నుంచి కాపాడుకునేందుకు తగిన జాగ్రత్తల పా టించాలని ఐటీడీఏ పీవో అపూర్వభరత్‌ సూచించారు. వైద్యశాఖ ఆధ్వర్యంలో ఏర్పాటుచేసిన వడదెబ్బ లక్షణాలు, తీసుకోవాల్సిన జాగ్రత్తల పోస్టర్‌ను బుధవారం స్థానిక ఐటీడీఏ కార్యాలయంలో పీవో ఆవిష్కరించారు. ఈ సందర్భంగా మాట్లాడుతూ వడదెబ్బ నుంచి రక్షణకు ద్రవ పదార్థాలు అధికంగా తీసుకోవాలని, ఎండ కాసే సమయంలో ఇంటివద్దే ఉండేలా జాగ్రత్తలు పాటించాలని సూచించారు. ఏపీవో జగన్నాథరావు, ఈఈ మురళి, డిప్యూటీ డీఎంహెచ్‌వో పుల్లయ్య, సీడీపీవో విజయగౌరి పాల్గొన్నారు.

ఏళ్లు గడుస్తున్నా ప్రభుత్వ కార్యాలయాలకు సొంత భవనాలు సమకూరలేదు. అద్దె భవనాల్లో అరకొర వసతుల మధ్య కొనసాగుతు న్నాయి. సరైన వసతులు లేక అధికారులు, ప్రజలు ఇబ్బందులు పడుతున్నారు. ఇప్పటికై నా ప్రభుత్వం దృష్టి సారించాలని కోరుతున్నారు. రంపచోడవరం: నియోజకవర్గ కేంద్రం రంపచోడవరంలో పలు ప్రభుత్వ కార్యాలయాలకు పక్కా భవనాలు లేవు. దీంతో అరకొర వసతులతో ఏళ్ల తరబడి ప్రభుత్వ క్వార్టర్స్‌లో నిర్వహిస్తున్నారు. సొంత భవనాల నిర్మాణంపై దృష్టి సారించకపోవడంతో ఐటీడీఏ క్వార్టర్స్‌కు అద్దె చెల్లిస్తూ కాలక్షేపం చేస్తున్నారు. కార్యాలయాలకు చెల్లించే అద్దెతో భవన నిర్మాణాలు పూర్తయ్యేమని విమర్శలు వ్యక్తమవుతున్నాయి. ఎకై ్సజ్‌ శాఖ నుంచి ట్రెజరీ వరకు.. రంపచోడవరంలో ప్రొహిబిషన్‌ అండ్‌ ఎకై ్సజ్‌ శాఖ కార్యాలయాన్ని ఏళ్ల తరబడి రంపచోడవరం ఐటీడీఏ క్వార్టర్స్‌ నిర్వహిస్తున్నారు. సొంత భవనం నిర్మాణం కోసం ఆ శాఖ నుంచి ఇప్పటి ఎటువంటి ప్రతిపాదనలు లేవు. ఐటీడీఏ ఉద్యోగులు నివాసం ఉండాల్సిన క్వార్టర్స్‌లో కార్యాలయాల నిర్వహణతో ఉద్యోగులకు క్వార్టర్స్‌ లేని పరిస్థితి ఏర్పడింది. ఎకై ్సజ్‌ శాఖ పలు కేసుల్లో పట్టుకున్న వాహనాలను నిలిపిఉంచేందుకు సరైన ఖాళీ స్థలం కూడా లేదు. రంపచోడవరం, దేవీపట్నం, మారేడుమిల్లి మండలాల ప్రభుత్వ ఉద్యోగులు రంపచోడవరం ట్రెజరీ ద్వారా సేవలు పొందుతున్నారు. సొంత భవనం లేకపోవడంతో ఐటీడీఏ బి క్వార్టర్స్‌లో ట్రెజరీ కార్యాలయాన్ని నిర్వహిస్తున్నారు. ఈ క్వార్టర్స్‌ భవనం పాతదైపోవడంతో వర్షాకాలం శ్లాబ్‌ లీక్‌ అవుతోంది. దీంతో ఉద్యోగులు ఇబ్బంది పడుతున్నారు. 2014–19 మధ్య కాలంలో ట్రెజరీకి సొంత భవనం నిర్మించేందుకు శంకుస్థాపన చేశారుగాని, భవన నిర్మాణ పనులు ప్రారంభించ లేదు. ● కేంద్ర సిల్క్‌ బోర్డు కార్యాలయాన్ని పందిరిమామిడిలోని ఒక అద్దె ఇంటిలో నిర్వహిస్తున్నారు. మైనర్‌ ఇరిగేషన్‌ శాఖ కార్యాలయం భవనం శిథిలావస్థకు చేరుకోవడంతో అక్కడ భవనాన్ని ఖాళీ చేసి పీఎంఆర్‌సీలో ఏర్పాటు చేశారు. ఒక పెద్ద హాల్‌లో నిర్వహిస్తున్నారు. ప్రత్యేక గదులు లేకపోవడంతో అధికారులు, ఉద్యోగులు సిబ్బందులకు గురవుతున్నారు. ● వ్యవసాయ శాఖ ఏడీ కార్యాలయానిదీ ఇదే పరిస్థితి. దీనిని అగ్రి ల్యాబ్‌ కార్యాలయంలో ఏర్పాటు చేశారు. ఏజెన్సీ ప్రాంతమంతటినీ ప్రత్యేకంగా అల్లూరి సీతారామరాజు జిల్లాగా ఏర్పాటుచేసిన తరువాత కొత్తగా ఏర్పాటు చేసిన సబ్‌రిజిస్ట్రార్‌ ఆఫీసుకు ప్రత్యేకంగా భవనాన్ని కేటాయించవలసిన అవసరం ఉంది. పోలవరం ముంపుతో దేవీపట్నం ఖాళీ.. పోలవరం ప్రాజెక్టు నిర్మాణం కారణంగా మండల కేంద్రమైన దేవీపట్నం గ్రామం కనుమరుగైంది. పోలవరం ముంపులో భాగంగా అప్పట్లోనే ప్రభు త్వ కార్యాలయాలను ఇందుకూరు పేటకు తరలించారు. అక్కడ కొన్ని ప్రభుత్వ శాఖల కార్యాలయాలను ప్రైవేట్‌,అద్దె భవనాల్లో నిర్వహిస్తున్నారు.తహసీల్దార్‌ కార్యాలయాన్ని ఖాళీ చేసిన పాత సోషల్‌ వెల్ఫేర్‌ భవనంలో నిర్వహిస్తున్నారు. అక్క డ అరకొర వసతులతోనే కొనసాగిస్తున్నారు. కొత్త భవన నిర్మాణానికి అసలు పునాది రాయి కూడా పడలేదు.పోలీస్‌స్టేషన్‌ను పరగసనిపాడు కాలనీలో ఒక ఇంటిలో ఏర్పాటు చేశారు. ఎంపీడీవో కార్యాలయాన్ని సచివాలయం భవనంలో నిర్వహిస్తున్నా రు. పోలవరం ముంపునకు గురైన కార్యాలయాలను తరలించినా... కొత్త భవనాలు ఏర్పాటుపై అధికారులు దృష్టి సారించలేదు. దేవీ పట్నం ప్రభుత్వ జూనియర్‌ కళాశాల ముంపునకు గురైంది. దీనిని ఇందుకూరుపేటలోని జెడ్పీ పాఠశాల భవనంలో నిర్వహిస్తున్నారు. సొంత భవనాలు నిర్మించాలి ఇందుకూరుపేటలో ఏర్పాటు చేసిన ప్రభుత్వ కార్యాలయాలకు సొంత భవనాలు నిర్మించాలి. కొన్ని కార్యాలయాలను అరకొర వసతుల మధ్య నిర్వహిస్తున్నారు.పనులు కోసం కార్యాలయానికి వెళ్లిన వారు కూర్చునేందుకు కూడా సరైన వసతులు లేవు. సొంత భవనాలు ఏర్పాటు చేయాల్సిన అవసరం ఉంది. – కుంజం మురళీ, ఎంపీపీ దేవీపట్నం అరకొర వసతులతో ఉద్యోగులకు ఇక్కట్లు

రంపచోడవరం: జిల్లాను పర్యాటకంగా మరింత అభివృద్ధి చేస్తే గిరిజన యువతకు ఉపాధి అవకాశాలు లభిస్తాయని ఎమ్మెల్సీ అనంత ఉదయభాస్కర్‌(అనంతబాబు) అన్నారు. రంపచోడవరం ఐటీడీఏ సమావేశం హాలులో బుధవారం ఐటీడీఏ పీవో కట్టా సింహాచలం అధ్యక్షతన ఏజెన్సీలో పర్యాటక అభివృద్ధి, మినీ పరిశ్రమల ఏర్పాటుపై నిర్వహించిన సమావేశంలో రంపచోడవరం ఎమ్మెల్యే మిరియాల శిరీషాదేవి, సబ్‌ కలెక్టర్‌ కె.ఆర్‌. కల్పశ్రీ, పలువురు జెడ్పీటీసీలు,ఎంపీపీలు, సర్పంచ్‌లు, ప్రజా సంఘాల నాయకులు పాల్గొన్నారు. ఎమ్మెల్సీ మాట్లాడుతూ ఏజెన్సీలో జీడిపిక్కల కొనుగోలు కేంద్రాల్లో తూకాల్లో మోసాలు లేకుండా చూడాలన్నారు. గిరిజన యువత ఆర్థికంగా అభివృద్ధి చెందేందుకు కృషి జరగాలని చెప్పారు. పర్యాటక ప్రాంతాల్లో యువత వ్యాపారాలు నిర్వహించుకునేందుకు రుణాలు అందజేయాలన్నారు. పర్యా టక ప్రాంతాల్లో పూర్తిస్థాయిలో రక్షణ చర్యలు చేపట్టి పర్యాటకులసంఖ్య పెంచేందుకు చర్యలు తీసుకోవాల ని సూచించారు. ఎమ్మెల్యే మాట్లాడుతూ పర్యాటకాభివృద్ధి కోసం మంత్రితో చర్చించినట్లు తెలిపారు. రంపచోడవరంలో జీడిపిక్కల పరిశ్రమ ఏర్పాటుకు చర్య లు చేపట్టనున్నట్టు చెప్పారు. పర్యాటక శాఖకు చెందిన భవనాలకు 30 సంవత్సరాల లీజు రద్దు చేసి గిరిజనులతో నడింపిచాలన్నారు. ఐటీడీఏ పీవో మాట్లాడుతూ ఏజెన్సీలో చిన్నతరహా పరిశ్రమల ఏర్పాటుపై దృష్టి సారించినట్లు తెలిపారు. మారేడుమిల్లి జెడ్పీటీసీ గొర్లె బాలాజీబాబు మాట్లాడుతూ రబ్బరు పరిశ్రమ ఏర్పా టు చేయాలని, దావవాడ, దుంపవలస, పూతిగుంట వాటర్‌ ఫాల్స్‌ను అభివృద్ధి చేయాలని కోరారు. పోలవరం ముంపు గ్రామాల్లోని యువతకు సబ్సిడీపై బో ట్లు ఇవ్వాలని ఎంపీపీ కుంజం మురళీ కోరారు. ఐ పోలవరం వద్ద సీతపల్లి వాగుపైరోప్‌ వే వంతెన నిర్మించాలని, భూపతిపాలెం, ముసురుమిల్లి ప్రాజెక్టుల్లో బోట్‌ పాయింట్‌ ఏర్పాటు చేయాలని ఎంపీపీ బందంశ్రీదేవి కోరారు. రంపచోడవరంలో డివైడర్‌కు లైట్లు ఏర్పాటు చేయాలని సర్పంచ్‌ బొజ్జయ్య కోరారు.పర్యాటకాభివృద్ధి, మినీ పరిశ్రమల ఏర్పాటు సమావేశంలో ఎమ్మెల్సీ అనంతబాబు

● 40 మంది విద్యార్థులను అడ్డుకున్న ప్రిన్సిపాల్‌ ● ముంచంగిపుట్టు ప్రైవేట్‌ స్కూల్‌లో ఘటన ● విచారణ జరిపించి, హెచ్చరించిన ఎంఈవో ● గురువారం పరీక్ష రాయించేందుకు అంగీకారం ● అమ్మఒడి లేకపోవడం వల్లే ఇబ్బందులంటున్న తల్లిదండ్రులు ముంచంగిపుట్టు: పాఠశాల ఫీజు చెల్లించలేదన్న కారణంతో 40 మంది విద్యార్థులు పరీక్ష రాయకుండా ప్రిన్సిపాల్‌ అడ్డుకున్నారు. దీంతో ఆ చిన్నారులు చిన్నబుచ్చుకుని ఇళ్లకు వెళ్లి తల్లిదండ్రులకు తెలియజేశారు. వివరాలు ఇలా ఉన్నాయి. స్థానిక నేతాజీ ఇంగ్లిష్‌ మీడియం ప్రైవేట్‌ స్కూల్‌లో బుధవారం నుంచి వార్షిక పరీక్షలు ప్రారంభమయ్యాయి. పాఠశాల ఫీజును పూర్తిగా చెల్లించ లేదని, అందువల్ల ఎల్‌కేజీ నుంచి 6వ తరగతి వరకు తరగతి వరకు మొత్తం 40మంది విద్యార్థులతో ఇంగ్లిష్‌ పరీక్ష రాయించవద్దని ఆ స్కూల్‌ ప్రిన్సిపాల్‌ విజయదాసు పాఠశాల ఉపాధ్యాయులను ఆదేశించారు. దీంతో తోటి విద్యార్థులు పరీక్షలు రాస్తుంటే 40మంది విద్యార్థులు మాత్రం పరీక్షలు రాకుండా నిరీక్షించి,మధ్యాహ్నం ఇంటికి వెళ్లి జరిగిన విషయం తల్లిదండ్రులకు తెలిపారు. ఫీజు చెల్లించేందుకు కొంత సమయం కావాలని, ముందుగా పిల్లలతో పరీక్షలు రాయించాలని తల్లిదండ్రులు ఫోన్‌లో కోరినా ప్రిన్సిపాల్‌ నిరాకరించారు. దీంతో ఆగ్రహించిన వారు ఎంఈవో కె.కృష్ణమూర్తి దృష్టికి తీసుకువచ్చారు. వెంటనే స్పందించిన ఎంఈవో సీఆర్‌పీలు అనిల్‌,సురేష్‌,గౌరిశంకర్‌,హరిలతో కలిసి విచారణ జరిపారు. విద్యార్థులతో పరీక్షలు రాయించకపోవడంతో ప్రిన్సిపాల్‌పై మండిపడ్డారు.ఫీజుల వ్యవహారం విద్యార్థుల తల్లిదండ్రులతో మాట్లాడుకోవాలని,విద్యార్థులతో పరీక్షలు రాయించకుండా చేస్తే సహించేది లేదని,శాఖపరమైన చర్యలు తీసుకుంటామని హెచ్చరించారు. దిగివచ్చిన ప్రిన్సిపాల్‌ తన తప్పును అంగీకరించి, ఆ 40 మందితో గురువారం పరీక్ష రాయించేందుకు అంగీకరించారు. గత ప్రభుత్వ హయాంలో అమ్మఒడి పథకం నగదు ఠంచన్‌గా జమ అవడంతో ఫీజుల చెల్లింపులో ఇబ్బందులుండేవి కావని పలువురు తల్లిదండ్రులు తెలిపారు. కానీ కూటమి ప్రభుత్వంలో తల్లికి వందనం పథకాన్ని అమలు చేయకపోవడంతో ఫీజులు చెల్లించడంలో ఇబ్బందులు ఏర్పడుతున్నాయని పలువురు ఆవేదన వ్యక్తం చేశారు.

సింహాచలం: సింహగిరిపై జరుగుతున్న శ్రీ వరాహ లక్ష్మీనృసింహస్వామి వార్షిక కల్యాణోత్సవాల్లో భాగంగా మూడవరోజు బుధవారం స్వామికి శేషవాహనంపై తిరువీధి నిర్వహించారు. స్వామివారి కల్యాణ ఉత్సవమూర్తులు గోవిందరాజస్వామి, శ్రీదేవి, భూదేవిలను విశేషంగా అలంకరించి శేషవవాహనంపై కొలువుంచారు. సింహగిరి మాడ వీధుల్లో నిర్వహించిన తిరువీధిలో భక్తులు స్వామిని దర్శించుకుని ఆశీస్సులు పొందారు. ఈ సందర్భంగా ఏర్పాటు చేసిన మహిళల కోలాటం ఆకట్టుకుంది. నేడు వైదిక సదస్యం, పండిత సదస్సు కల్యాణోత్సవాల్లో భాగంగా గురువారం ఉదయం 7.30 నుంచి వైదిక సదస్యం, మధ్యాహ్నం 3 నుంచి పండిత సదస్సు నిర్వహించనున్నారు. సాయంత్రం 6 నుంచి సర్వజన మనోరంజని వాహనంపై స్వామికి తిరువీధి నిర్వహిస్తారు. గురువారం ఉదయం 8 గంటల నుంచి దర్శనాలు ప్రారంభమవుతాయని ఆలయ స్థానాచార్యులు టి.పి.రాజగోపాల్‌ తెలిపారు.

కొమ్మాది: సాగర తీర ప్రాంతాల్లో రెండు రోజుల పాటు నిర్వహించనున్న సాగర్‌ కవచ్‌ కార్యక్రమంలో భాగంగా బుధవారం భీమిలి, మంగమారిపేట, రుషికొండ, సాగర్‌నగర్‌ బీచ్‌లలో అవగాహన కార్యక్రమాలు నిర్వహించారు. రుషికొండ బీచ్‌లో నిర్వహించిన కార్యక్రమంలో ఎస్‌ఐ పి.మనోజ్‌ కుమార్‌ తీర ప్రాంతాల అప్రమత్తతపై మత్స్యకారులకు, పర్యాటకులకు వివరించారు. తీర ప్రాంతాల వెంబడి ఎవరైనా గుర్తు తెలియని వ్యక్తులు సంచరిస్తే ఎలా ఎదుర్కొని పోలీసులకు సమాచారం ఇవ్వాలి, ఎలా అప్రమత్తంగా ఉండాలి, గూఢచారి వ్యవస్థలను ఎలా కనుగొనాలి తదితర అంశాలపై అవగాహన కల్పించారు. డీఐజీ పర్యటన : సాగర్‌కవచ్‌లో భాగంగా రుషికొండ బీచ్‌లో బుధవారం రాత్రి మైరెన్‌ డీఐజీ గోపినాథ్‌ జెట్టీ పర్యటించారు. ఇక్కడ బీచ్‌లోని పర్యాటకులతో కాసేపు మాట్లాడి, మత్స్యకారులతో సమావేశమయ్యారు. ఆయన వెంట మైరెన్‌ సీఐ శ్రీనివాసరావు, ఎస్‌ఐలు మురళీకృష్ణ, పి. మనోజ్‌కుమార్‌ తదితరులు ఉన్నారు. స్టీల్‌ప్లాంట్‌లో ఉత్కంఠగా సాగర్‌ కవచ్‌ ఉక్కునగరం: స్టీల్‌ప్లాంట్‌లో సాగర్‌ కవచ్‌ ఆపరేషన్‌ మొదటి రోజు ఉత్కంఠగా సాగింది. సీఐఎస్‌ఎఫ్‌ క్రైం అండ్‌ ఇంటిలిజెన్స్‌ వింగ్‌ (సీఐడబ్ల్యూ) సిబ్బంది నలుగురు అగంతకులను పట్టుకున్నారు. ముంబై దాడులు అనంతరం దేశంలోని అన్ని సెక్యూరిటీ దళాలు కలిసి ఏటా రెండుసార్లు సాగర్‌ కవచ్‌ నిర్వహిస్తుంటారు. పరిశ్రమలు, సంస్థల్లో సెక్యూరిటీను పరిశీలించడానికి ఏర్పాటు చేసిన కార్యక్రమంలో కొంత మంది వ్యక్తులు సముద్ర జలాలు, రహదారుల మీదుగా పరిశ్రమల్లోకి ప్రవేశించడానికి ప్రయత్నిస్తారు. వారిని ఆయా పరిశ్రమల సెక్యూరిటీ సిబ్బంది పట్టుకోవాల్సి ఉంటుంది. ఇందులో భాగంగా బుధ, గురువారాలు రెండు రోజులు సాగర్‌ కవచ్‌ ఆపరేషన్‌గా నిర్ణయించారు. బుధవారం స్టీల్‌ప్లాంట్‌ సీఐఎస్‌ఎఫ్‌ సిబ్బంది, సిఐడబ్ల్యూ సిబ్బంది తనిఖీల్లో భాగంగా ఇద్దరిని ప్లాంట్‌ ప్లాజా గేటు వద్ద, ఇద్దరిని వాచ్‌ టవర్‌ 30 గోడ వద్ద పట్టుకున్నారు. మొదటి రోజు విజయవంతంగా జరిగిన ఈ ఆపరేషన్‌ గురువారం కూడా కొనసాగనుంది.

అరకులోయటౌన్‌: గిరి గ్రామాల్లో ఇటుకల పండుగ సందడి ప్రారంభమైంది. గ్రామాల్లో నిర్వహిస్తున ఈ పండుగలో మహిళలదే ఆధిపత్యం. వ్యవసాయ పనులకు ముందు జరపుకునే ప్రత్యేకమైనది ఇటుకల పండుగ. ఈ పండుగ చివరి రోజు గ్రామ నాయుడు, తలయారి, పూజారులు వారం రోజుల పాటు పూజలు చేసిన విత్తనాలు గ్రామంలోని రైతులకు అందిస్తారు. ఈ విత్తనాన్ని తమ భూముల్లో మొట్టమొదటి సారి చల్లిన తరువాతే వ్యవసాయ పనులు చేపడుతారు. ఇటుకల పండగ నేపథ్యంలో గ్రామంలోని మహిళలు రోడ్డుపైకి వచ్చి వాహనాలను ఆపి పజోర్‌(డబ్బులు) వసూలు చేస్తారు. గ్రామంలోని పురుషులందరూ అడవిలో వేటకు వెళ్తారు... ఎవరైనా వేటకు వెళ్లని పక్షంలో వారికి మహిళలు జరిమానా విధిస్తారు. వేటకు వెళ్లి ఏదైనా జంతువును వేటాడి చంపితే అతనికి పూల మాలలు వేసి, డప్పు వాయిద్యాల నడుమ థింసా నృత్యాలతో గ్రామానికి తీసుకువచ్చి సన్మానిస్తారు. హోలిని తలపించే విధంగా రంగులు పూసుకొని వారం రోజులు సరదాగా గడుపుతారు. పండుగ చివరి రోజు పజోరు ద్వారా వసూలు చేసిన డబ్బులతో పిండి వంటలు చేసుకొని గ్రామస్తులంతా వింధు భోజనాలు చేసి పండుగ ముగిస్తారు. గ్రామ దేవత వద్ద పూజలు చేసిన విత్తనాన్ని పొలాల్లో జల్లడంతో అధిక దిగుబడులు వస్తాయనే గిరిరైతుల నమ్మకం. ఈ పండుగ ముగిసిన మరుసటి రోజు నుంచి వ్యవసాయ పనులు ప్రారంభిస్తారు.

అరకులోయటౌన్‌: అరకులోయలో రోజురోజుకు అక్రమ నిర్మాణాలు పెరిగిపోతున్నాయని, దీనిపై గిరిజనేతరుల పెత్తనం పెరుగుతోందని, అటువంటి వారిని ఎవరూ ప్రోత్సహించొద్దని అరకులోయ ఎమ్మెల్యే రేగం మత్స్యలింగం రెవెన్యూ అధికారులకు సూచించారు. మండల పరిషత్‌ కార్యాలయం సమావేశ మందిరంలో ఎంపీపీ రంజపల్లి ఉషారాణి అధ్యక్షతన బుధవారం మండల పరిషత్‌ సర్వసభ్య సమావేశం నిర్వహించారు. ముఖ్య అతిథిగా ఎమ్మెల్యే మత్స్యలింగం పాల్గొని మాట్లాడారు. పర్యాటక పరంగా అభివృద్ధి చెందుతున్న అరకులో గిరిజనేతరుల అక్రమ నిర్మాణాలకు ప్రజాప్రతినిధులు, అధికారులు ప్రోత్సహించొద్దన్నారు. ప్రభుత్వ భూములను కాపాడాలని, అక్రమ నిర్మాణాల అడ్డుకట్టకు చర్యలు తీసుకోవాలని కోరారు. గిరిజన ప్రాంతంలో రహదారుల నిర్మాణానికి ఫారెస్టు శాఖ అనుమతులు లేక పనులు నిలిచిపోయాయని, సమస్య పరిష్కారానికి కలెక్టర్‌ ఏఎస్‌ దినేష్‌ కుమార్‌కు కోరామన్నారు. ఫుట్‌పాత్‌లో వ్యాపారాలు చేయడం వల్ల పాదచారులు ప్రమాదాల బారిన పడుతున్నారని, వ్యాపారాలు జరగకుండా చూడాలని అధికారులకు సూచించారు. జల్‌జీవన్‌ మిష్‌న్‌ నిధుల దుర్వినియోగంపై ధ్వజం మండలంలోని గిరి గ్రామాలల్లో తాగునీటి కల్పనకు కేంద్ర ప్రభుత్వం మంజూరు చేసిన జల్‌జీవన్‌ పథకం నిధుల దుర్వినియోగంపై ఎంపీటీసీ సభ్యులు ఆర్‌డబ్ల్యూఎస్‌ అధికారులను నిలదీశారు. ఏ గ్రామంలో కూడా పూర్తిస్థాయి పనులు జరగలేదని, పాత నిర్మాణాలను చూపి బిల్లులు మార్చుకున్నారని ఆరోపించారు. అరకులోయ పట్టణంలో గత నెల రోజులుగా కొళాయిల ద్వారా నీటి సరఫరా చేయడం లేదన్నారు. గ్రామాల్లో అభివృద్ధి పనులు ప్రారంభాలు, సంక్షేమ పథకాల ప్రారంభానికి తమకు సమాచారం ఇవ్వకుండా టీడీపీ నేతల చేత భూమి పూజలు చేయిస్తూ, తమను అవమానపరుస్తున్నారని ఎంపీటీసీలు దురియా ఆనంద్‌కుమార్‌, ఎల్‌.బి.భీమరాజు, శత్రుఘ్న, స్వాభి రామ్మూర్తి, సర్పంచ్‌ రమేష్‌, చినబాబు, దురియా భాస్కర్‌రావు, బుటికి, ఎం. జ్యోతి, సుశ్మిత, భూర్జ బొజ్జ తదితరులు ఆగ్రహం వ్యక్తం చేశాారు. దీనిపై అధికారులను నిలదీశారు. దీనిపై ఎంపీపీ రంజపల్లి ఉషారాణి స్పందించి మాట్లాడుతూ స్థానిక ప్రజాప్రతినిధులకు సమాచారం ఇవ్వకుండా అభివృద్ధి పనులకు శంకుస్థాపన చేసే వారిపై శాఖపరమైన చర్యలు తీసుకుంటామన్నారు. గ్రామాల్లో రహదారులను త్వరితగతిన నిర్మించాలని సూచించారు. ఆరోగ్య ఉప కేంద్రాల ద్వారా వైద్య సేవలందక గిరిజనులు తీవ్ర ఇబ్బందులు పడుతున్నారని వైస్‌ ఎంపీపీ కిల్లో రామన్న చెప్పారు. తహసీల్దార్‌ ఎం.వి.వి. ప్రసాద్‌ మాట్లాడుతూ పంచాయతీ అధికారులు గిరిజనేతరులకు ఎన్‌వోసీలు ఇవ్వవద్దని, ఇంటి పన్ను కట్టించుకోవద్దన్నారు. అరకులోయలో చొంపి రహదారిలో అక్రమ నిర్మాణదారుడిపై ఎల్‌టీఆర్‌ కేసు నమోదు చేశామన్నారు. అదే విధంగా తహసీల్దార్‌ క్వార్టర్స్‌ పక్కన అక్రమంగా షాపు నిర్మాణదారుడిపై ఎల్‌టీఆర్‌ కేసు నమోదు చేస్తామన్నారు. ఎంపీడీవో అడపా లవరాజు, ఎంఈఓ త్రినాథరావు, వెలుగు ఏపీఎం కృష్ణారావు, సిడీపీవో శారద, ఎకై ్సజ్‌ సీఐ సంతోష్‌, ఇంజినీరింగ్‌ ఏఈఈలు అభిషేక్‌, గోపికృష్ణ, క్రాంతి, మహేష్‌, మండల పార్టీ అధ్యక్షుడు స్వాభి రామ్మూర్తి, వివిధ శాఖల అధికారులు పాల్గొన్నారు.అరకు ఎమ్మెల్యే రేగం మత్స్యలింగం

ముంచంగిపుట్టు: ఆంధ్ర ఒడిశా రాష్ట్రాల ఉమ్మడి నిర్వహణలో ఉన్న మాచ్‌ఖండ్‌ జలవిద్యుత్‌ కేంద్రంలో గల వించ్‌కు యుద్ధప్రాతిపదికన మరమ్మతు పనులు జరుగుతున్నాయి.1948లో మాచ్‌ఖండ్‌ జలవిద్యుత్‌ కేంద్రం నిర్మాణానికి అవసరమైన సామగ్రిని,యంత్రాలను తరలించేందుకు రూ.60 లక్షల వ్యయంతో దీనిని ఏర్పాటు చేశారు. వించ్‌ స్టీల్‌ రోప్‌కు ప్రతి 5 సంవత్సరాలకు ఒకసారి మరమ్మతులు చేస్తూ ఉంటారు.ప్రసుత్తం వించ్‌కు చెందిన ట్రాక్‌ చక్రాలు సక్రమంగా లేకపోవడంతో ప్రమాదమని భావించిన అధికారులు వించ్‌ ప్రయాణం నిలుపుదల చేశారు. మాచ్‌ఖండ్‌ ప్రాజెక్టు అధికారులు.. ఆంధ్ర,ఒడిశా రాష్ట్రాల జెన్‌కో అధికారులకు తెలియజేసి రూ. ఏడు లక్షలు మంజూరు చేయించారు. ట్రాక్‌ చక్రాలతో పాటు వించ్‌ ప్రయాణంలో ముఖ్యంగా వినియోగించే స్టీల్‌ రోప్‌ను సైతం పరిశీలించి,మరమ్మతులు చేస్తున్నారు.వించ్‌ మరమ్మతులతో ప్రాజెక్టులో విధులు నిర్వహించే అధికారులు,కార్మికులు ఘాట్‌రోడ్డులో 12కిలో మీటర్లు ప్రయాణం చేస్తున్నారు.దాదాపు రెండు వారాల పాటు వించ్‌ ప్రయాణం నిలిపివేస్తున్నట్లు ప్రాజెక్టు అధికారులు తెలిపారు. రెండు వారాల పాటు వించ్‌ ప్రయాణానికి బ్రేక్‌ రూ.7లక్షల వ్యయంతో పనులు వించ్‌ మార్గంలో మరమ్మతు పనులు చేస్తున్న సిబ్బంది

మల్కాపురం: షిప్‌యార్డ్‌లో నిచ్చెనపై నుంచి కింద పడిన సొసైటీ కార్మికుడు ఆసుపత్రిలో చికిత్స పొందుతూ మృతి చెందాడు. సీఐ విద్యాసాగర్‌ తెలిపిన వివరాలివి.. గాజువాక ఆర్టీసీ డిపో సమీపంలోని పాత చెక్‌పోస్ట్‌ ఏరియాలో పిలక అప్పారావు(56) అలియాస్‌ అప్పారావు రెడ్డి తన భార్య, కుమారుడు, కుమార్తెతో నివాసం ఉంటున్నాడు. పిలక అప్పారావు షిప్‌యార్డ్‌లో మాజీ సొసైటీ కార్మికుడిగా 30 ఏళ్ల నుంచి పని చేస్తున్నాడు. షిప్‌యార్డ్‌ హాల్‌షాప్‌ డిపార్ట్‌మెంట్‌ వద్ద బుధవారం ఉదయం 8.30గంటల సమయంలో ఈవోటీ క్రేన్‌పైకి వెళ్లేందుకు నిచ్చెన ఎక్కుతున్నాడు. ఈ క్రమంలో ప్రమాదవశాత్తు అక్కడి నుంచి అదుపు తప్పి కిందకు పడిపోయాడు. ఈ ఘటనలో తీవ్రంగా గాయపడిన అతన్ని తోటి కార్మికులు సంస్థ ఆవరణలోని ఆసుపత్రి వద్దకు తొలుత తీసుకెళ్లారు. పరిస్థితి విషమంగా మారడంతో నగరంలోని ఒక ప్రైవేట్‌ ఆసుపత్రికి తరలించారు. అక్కడ చికిత్స పొందుతూ అప్పారావు మృతి చెందారు. కాగా.. తమకు న్యాయం చేయాలని మృతుడి బంధువులు ఆసుపత్రి వద్ద ఆందోళన చేశారు. పోలీసులు, యూనియన్‌ ప్రతినిధులు కలుగజేసుకుని న్యాయం జరిగేలా చూస్తామని హామీ ఇవ్వడంతో వారు ఆందోళన విరమించారు. అనంతరం మృతదేహాన్ని పోస్టుమార్టం నిమిత్తం కేజీహెచ్‌కు తరలించారు.

● కేజీబీవీల్లో 6 నుంచి ఇంటర్‌ వరకు ఉచిత విద్య ● ప్రవేశాలకు ఈ నెల 11 తుది గడువు విశాఖ విద్య: బాలికా విద్యను ప్రోత్సహించేందుకు ఏర్పాటు చేసిన కస్తూర్బా గాంధీ బాలికా విద్యాలయా(కేజీబీవీ)లు మెరుగైన ఫలితాలిస్తున్నాయి. కార్పొరేట్‌కు దీటుగా అత్యుత్తమ విద్యా బోధన అందిస్తూ బాలికల భవితకు భరోసా కల్పిస్తున్నాయి. 11 నుంచి 17 ఏళ్ల వయస్సున్న బాలికలకు ఇక్కడ 6 నుంచి ఇంటర్‌ వరకు ఉచిత విద్య అందిస్తున్నారు. అనాథ బాలికలు, దారిద్య్రరేఖకు దిగువనున్న కుటుంబాలకు చెందిన బాలికలకు కేజీబీవీ ప్రవేశాల్లో ప్రాధాన్యత ఇస్తారు. నాడు–నేడుతో సకల హంగులు అనాథలు, నిరుపేద వర్గాలకు చెందిన బాలికల కోసం ప్రత్యేకంగా కేజీబీవీలను ఏర్పాటు చేశారు. వీటి ప్రాధాన్యతను దృష్టిలో పెట్టుకుని గత వైఎస్సార్‌సీపీ ప్రభుత్వ హయాంలో నాడు–నేడు కార్యక్రమంలో భాగంగా కేజీబీవీల్లో సకల హంగులు కల్పించారు. టోఫెల్‌ కంటెంట్‌తో డిజిటిల్‌ విద్యాబోధన, ట్యాబుల వినియోగంతో ఇక్కడి విద్యార్థినులు చదువులతో పాటు, వివిధ పోటీ పరీక్షల్లో సత్తా చాటేలా గత ప్రభుత్వం అవకాశాలు కల్పించింది. బోధనలో ‘స్మార్ట్‌’ వైఎస్సార్‌సీపీ ప్రభుత్వం విద్యారంగానికి ఇచ్చిన ప్రాధాన్యత నేపథ్యంలో పాఠశాల స్థాయిలోనే సాంకేతిక విప్లవం మొదలైంది. స్మార్ట్‌ పాఠాల బోధనతో కేజీబీవీల్లో వినూత్న కార్యక్రమాలకు శ్రీకారం చుట్టారు. సైన్స్‌ ప్రాజెక్టుల రూపకల్పనలో కేజీబీవీ విద్యార్థినులు కార్పొరేట్‌ విద్యార్థులతో పోటీ పడుతున్నారు. జాతీయ, అంతర్జాతీయ స్థాయిలో ప్రతిభ కనబరుస్తున్నారు. ఉమ్మడి జిల్లాలో 42 కేజీబీవీలు విశాఖ జిల్లాలో 3, అనకాపల్లి జిల్లాలో 20, అల్లూరి సీతారామరాజు జిల్లాలో 19 కేజీబీవీలు ఉన్నాయి. వీటిలో 2025–26 విద్యా సంవత్సరానికి 6వ తరగతి, ఇంటర్‌ ప్రవేశాల దరఖాస్తు ప్రక్రియ కొనసాగుతోంది. ఆసక్తిగల బాలికలు ఈ నెల 11లోగా http:/apkgbv.apcfss.in వెబ్‌సైట్‌ ద్వారా దరఖాస్తు చేసుకోవచ్చు. ఒక్కో విద్యాలయంలో 6వ తరగతిలో 40 సీట్లు, ఇంటర్‌లో 40 సీట్లు అందుబాటులో ఉన్నాయి. 7, 8, 9 తరగతుల్లో మిగిలి ఉన్న సీట్లలో కూడా ప్రవేశం పొందవచ్చు. సద్వినియోగం చేసుకోవాలి కేజీబీవీల్లో ప్రవేశాలపై దృష్టి సారించాం. విద్యార్థినుల బంగారు భవిష్యత్‌ కోసం శతథా కృషి చేస్తున్నాం. అర్హులైన విద్యార్థినులు వీటిని సద్వినియోగం చేసుకోవాలి. పూర్తి వివరాలకు వెబ్‌సైట్‌ లేదా కేజీబీవీల ప్రిన్సిపాళ్లను సంపద్రించవచ్చు. – డాక్టర్‌ జోగ చంద్రశేఖర్‌రావు, ఏపీసీ, సమగ్ర శిక్ష, విశాఖ జిల్లా

డుంబ్రిగుడ: ఇటీవల విజయవాడ, గుంటూరు, రాజమండ్రి, విశాఖపట్నం ప్రాంతాల్లో జరిగిన జాతీయస్థాయి అథ్లెటిక్స్‌ పోటీల్లో సత్తాచాటి, వివిధ పతకాలను సాధించిన శెట్టి లోహిత్‌ను అరకు ఎంపీ డాక్టర్‌ గుమ్మా తనూజారాణి అభినందించారు. మండల కేంద్రంలో బుధవారం ఓ ప్రైవేట్‌ కార్యక్రమంలో ఎంపీ పాల్గొని అనంతరం లోహిత్‌ గృహాన్ని సందర్శించారు. ఈ సందర్భంగా అరకు ఎంపీ తనూజారాణి మాట్లాడుతూ జాతీయస్థాయిలో వివిధ అథ్లెటిక్స్‌ పోటీల్లో పాల్గొని ఉత్తమ ప్రదర్శన కనబర్చి, పతకాలు సాధించిన లోహిత్‌ను అభినందించారు. మరిన్ని పోటీల్లో విజయం సాధించి మన్య ప్రాంత ఖ్యాతిని చాటాలని, గిరిజన క్రీడాకారులకు ఆదర్శం కావాలని ఆకాంక్షించారు. క్రీడారంగంలో ఎటువంటి సహాయ సహకారాలు కావాలన్నా నేరుగా తనను సంప్రదించాలని సూచించారు. అరకు మాజీ ఎమ్మెల్యే చెట్టి పాల్గుణ, జెడ్పీటీసీ సభ్యురాలు చటారి జానకమ్మ, వైస్‌ ఎంపీపీల లలిత, బబిత తదితరులున్నారు.

● డీఎస్‌ఎన్‌ఎల్‌యూ విద్యార్థులతో హైకోర్టు న్యాయమూర్తి వీఆర్‌కే కృపాసాగర్‌సబ్బవరం: న్యాయ విద్యార్థులు కాలానుగుణంగా వస్తున్న మార్పులను అధ్యయనం చేస్తూ, విశ్వవిద్యాలయ వనరులను వినియోగించుకుని వృత్తిలో రాణించాలని హైకోర్టు న్యాయమూర్తి వీఆర్‌కే కృపాసాగర్‌ అన్నారు. స్థానిక దామోదరం సంజీవయ్య జాతీయ న్యాయ విశ్వవిద్యాలయం(డీఎస్‌ఎన్‌ఎల్‌యూ)లో బుధవారం నిర్వహించిన ‘న్యాయ విద్య–న్యాయవాద వృత్తి’సదస్సులో ఆయన ముఖ్య అతిథిగా పాల్గొని, మాట్లాడారు. వర్సిటీలో విద్యాభ్యాసం పూర్తిచేసుకుని బయట ప్రపంచంలో అడుగుపెట్టిన తరువాత పట్టించుకునేవారెవరూ ఉండరని, మనకు మనమే ఎదగాలన్నారు. అందుకే విశ్వవిద్యాలయంలోని వాతావరణాన్ని సద్వినియోగం చేసుకుని కాలాన్ని వృథా చేసుకోకుండా అవకాశాలను అందిపుచ్చుకోవాలన్నారు. మిత్రులతో సబ్జెక్టు అంశాలపై చర్చిస్తూ, అధ్యాపకులతో సందేహ నివృత్తి చేసుకుంటూ ముందుకు సాగాలన్నారు. మన దగ్గరకు వచ్చే ప్రతి కేసును అంగీకరించి, వాదించే నైపుణ్యం కలిగి ఉండాలని సూచించారు. వర్సిటీలో బోధిస్తున్న సబ్జెక్టులతో పాటు దేశంలోని అన్ని హైకోర్టులు, సుప్రీం కోర్టుల్లో వెలువడే తీర్పులను అధ్యయనం చేస్తూ, అవగాహన పెంచుకున్నప్పుడే వృత్తిలో రాణించగలరన్నారు. కార్యక్రమంలో విశ్వవిద్యాలయ ఉపకులపతి ఆచార్య డి.సూర్యప్రకాశరావు, రిజిస్ట్రార్‌ డాక్టర్‌ విశ్వచంద్రనాఽథ్‌ మదాసు, అధ్యాపకులు, విద్యార్థులు పాల్గొన్నారు.

గిరిజన విద్యాలయాల్లో విద్యార్థులకు ప్రాథమిక వైద్య సేవలు సకాలంలో అందడం లేదు. అనారోగ్యం బారిన పడిన వారిని దూరంగా ఉన్న పీహెచ్‌సీలకు తరలించే సరికి వైద్య సేవలందడంలో జాప్యం జరుగుతుండడంతో తీవ్ర అస్వస్థతకు గురవుతున్నారు. విద్యార్థులకు ఆరోగ్యపరమైన సమస్యలు తలెత్తినప్పుడు ప్రాథమిక వైద్యసేవలందించడానికి వీలుగాహెల్త్‌ వలంటీర్లను నియమించాల్సి ఉంది. కూటమి ప్రభుత్వం అధికారంలోకి రాగానే గిరిజన సంక్షేమ విద్యా సంస్థల్లో హెల్త్‌ వలంటీర్లను నియమిస్తామని హామీ ఇచ్చిన టీడీపీ అధినేత చంద్రబాబు నాయుడు దానిని విస్మరించారు. దీంతో విద్యార్థులు తీవ్ర అవస్థలకు గురవుతున్నారు. నియామకం హామీ విస్మరించిన చంద్రబాబు విద్యా సంవత్సరం ముగుస్తున్నా పట్టని పాలకులు సాక్షి, పాడేరు: ఎన్నికలకు ముందు అరకులోయలో వేలాది మంది గిరిజనుల సాక్షిగా గిరిజన ఆశ్రమ పాఠశాలల్లో హెల్త్‌ వలంటీర్ల నియమిస్తామని చంద్రబాబునాయుడు హామీ ఇచ్చారు. దీంతో 2024–25 విద్యా సంవత్సరం నుంచే హెల్త్‌ వలంటీర్ల సేవలు అందుబాటులోకి వస్తాయని ఉపాధ్యాయులు, తల్లిదండ్రులు, విద్యార్థులు భావించారు. అయితే సూపర్‌ సిక్స్‌ హామీల వలే హెల్త్‌ వలంటీర్ల నియామకాలను కూటమి ప్రభుత్వం పక్కన పెట్టేసింది. అధికారంలోకి వచ్చిన తరువాత ముఖ్యమంత్రి చంద్రబాబు గిరిజనులకు ఇచ్చిన హామీ ఊసే ఎత్తడం లేదు.విద్యాసంవత్సరం మరో 20రోజుల్లో ముగియనున్నా హెల్త్‌ వలంటీర్ల కోసం పాలకులెవరూ మాట్లాడడం లేదు.గిరిజన సంక్షేమశాఖ మంత్రి గుమ్మడి సంధ్యారాణి కూడా ఎలాంటి ప్రకటన చేయలేదు. సకాలంలో అందని ప్రాథమిక వైద్యం జిల్లాలోని 206 గిరిజన సంక్షేమ ఆశ్రమ పాఠశాలల్లో 70వేల మంది గిరిజన విద్యార్థులు వసతితో కూడిన విద్యను పొందుతున్నారు. ప్రతి గిరిజన సంక్షేమ ఆశ్రమ పాఠశాలలోను 3నుంచి 10వ తరగతి చదివే గిరిజన విద్యార్థులు 500 మంది వరకు ఉన్నారు. విద్యార్థులకు జ్వరం, ఇతర వ్యాధులు వచ్చినప్పుడు వెంటనే ప్రాథమిక వైద్యం చేయాలి.హెల్త్‌ వలంటీర్లు లేకపోవడంతో సకాలంలో ప్రాథమిక చికిత్స అందడం లేదు. దూరంగా ఉన్న ప్రభుత్వ ఆస్పత్రులకు హెచ్‌ఎంలు,ఉపాధ్యాయులు,వార్డెన్లు విద్యార్థులను తరలించి వైద్యసేవలు అందజేస్తున్నారు. మండల కేంద్రాల్లోని ఆశ్రమ పాఠశాలలకు ఆస్పత్రులు దగ్గరగా ఉంటున్నప్పటికీ మారుమూల ప్రాంతాల్లోని ఆశ్రమ పాఠశాల విద్యార్థులను ఆస్పత్రులకు తరలించడం ఉపాధ్యాయ వర్గాలకు కష్టంగా మారుతోంది.దీంతో సకాలంలో వైద్యసేవలు అందక గిరిజన విద్యార్థులు తీవ్ర ఇబ్బందులు పడుతున్నారు. అనారోగ్యం సోకితే కొద్ది రోజులు మాత్రమే విద్యార్థులు ప్రభుత్వ వైద్యశాలల్లో ఉంటున్నారు.ఆ తరువాత తల్లిదండ్రులు ఇళ్లకు తీసుకుపోతున్నారు. ఆశ్రమ పాఠశాలల్లో సిక్‌ రూమ్‌లు ఏర్పాటు చేస్తున్నా విద్యార్థులు బస చేయడానికే పరిమితమవుతున్నాయి. సిక్‌ రూమ్‌లో గిరిజన విద్యార్థుల వైద్యసేవల పర్యవేక్షణకు హెల్త్‌ వలంటీర్లే కీలకం. కూటమి ప్రభుత్వం గిరిజన సంక్షేమ ఆశ్రమ పాఠశాలల్లో విద్యార్థుల ప్రాథమిక వైద్యాన్ని నిర్లక్ష్యం చేయడంపై తల్లిదండ్రులు ఆగ్రహం వ్యక్తం చేస్తున్నారు. ఇబ్బందులకు గురవుతున్న విద్యార్థులు కొన్ని సంఘటనలు గత ఏడాది ఆగస్టు 30వ తేదీ రాత్రి డుంబ్రిగుడ మండలం జామిగుడ గిరిజన సంక్షేమ ఆశ్రమ పాఠశాలలో కలుషిత ఆహారం తిని 90మంది గిరిజన బాలికలకు వాంతులతో తీవ్ర అస్వస్థతకు గురయ్యారు. వారిని అరకులోయ ప్రాంతీయ ఆస్పత్రికి అంబులెన్స్‌ల ద్వారా తరలించారు. మూడు రోజుల పాటు కిల్లోగుడ పీహెచ్‌సీ వైద్య సిబ్బంది పాఠశాలలో మకాం వేసి వైద్యసేవలందించారు. ఈ ఏడాది మార్చి 3వ తేదీ రాత్రి పెదబయలు మండలంలోని తురకలవలస గిరిజన సంక్షేమ ఆశ్రమ పాఠశాలలో కడుపునొప్పి,వాంతులతో 35మంది గిరిజన బాలికలకు అస్వస్థతకు గురయ్యారు. పెదబయలు,గోమంగి ఆస్పత్రుల వైద్యబృందాలతో పాఠశాలలోనే రెండు రోజుల పాటు వైద్యశిబిరాలు నిర్వహించారు. ఇలా పాఠశాలల్లో విద్యార్థులు తరచూ అనారోగ్యం పాలవుతున్నా ప్రభుత్వం స్పందించకపోవడం గమనార్హం.

సాక్షి, పాడేరు: సంపూర్ణ గిరిజనాభివృద్ధే లక్ష్యంగా కేంద్ర ప్రభుత్వ పథకాలు అమలుజేయాలని దిశ కమిటీ అధ్యక్షురాలు,అరకు ఎంపీ డాక్టర్‌ గుమ్మా తనూజరాణి ఆదేశించారు.కలెక్టరేట్‌ సమావేశమందిరంలో జిల్లా అభివృద్ధి సమన్వయ,పర్యవేక్షణ కమిటీ(దిశ)సమావేశాన్ని మంగళవారం నిర్వహించారు. గత మూడు నెలల వ్యవధిలో 27శాఖల ద్వారా అమలైన అఽభివృద్ధి పనులపై సమీక్షించారు.ఈసందర్భంగా ఎంపీ మాట్లాడుతూ గిరిజనులకు మౌలిక సదుపాయాలు సమకూర్చాలన్నారు. చిరుధాన్యాలతో ఆహార ఉత్పత్తుల ప్రాసెసింగ్‌ యూనిట్లు ఏర్పాటు చేసి, ఉపాధి అవకాశాలు కల్పించాలని సూచించారు. నాబార్డు ద్వారా అమలవుతున్న పథకాలపై గిరిజనులకు అవగాహన కల్పించాలన్నారు.జాతీయ రహదారి నిర్మాణంతో ధ్వంసమైన చెక్‌డ్యామ్‌లు,తాగునీటి పైపులైన్‌ వ్యవస్థలను వెంటనే పునరుద్ధరించాలని, గిరిజన రైతులకు వ్యవసా య పరికరాలను పంపిణీ చేయాలని తెలిపారు. మొదటి విడతలో 10 అంబులెన్స్‌లను మంజూరు చేస్తున్నట్టు చెప్పారు.రక్తహీనతతో బాధపడుతున్న గర్భిణుల వివరాలను సమర్పించాలన్నారు. 108 సూర్యనమస్కారాలను విజయవంతంగా నిర్వహించి వరల్డ్‌ రికార్డ్‌ సాధించడంపై కలెక్టర్‌,ఇతర అధికారులను ఆమె అభినందించారు ఆర్గానిక్‌ జిల్లా లక్ష్యంగా కృషి : కలెక్టర్‌ కలెక్టర్‌ దినేష్‌కుమార్‌ మాట్లాడుతూ ఆర్గానిక్‌ జిల్లా లక్ష్యంగా అధికారులంతా కృషి చేయాలన్నారు. వ్యవసాయ ఉపకరణాలు పంపిణీ చేసే సమయంలో స్థానిక సంస్థల ప్రజాప్రతినిధులతో చర్చించాలని సూచించారు.జాతీయ రహదారి పనులు వేగవంతంగా జరగాలని, లక్ష ఎకరాల్లో కాఫీతోటల పెంపకానికి అవసరమైన నీడనిచ్చే మొక్కల నర్సరీలను నిర్వహించాలని తెలిపారు. రూ.20నుంచి రూ.25కోట్లతో కడియం నర్సరీల నుంచి మొక్కలు కొనుగోలు చేస్తామని చెప్పారు. రైతుల సంక్షేమానికి కృషి చేయాలి: అరకులోయ ఎమ్మెల్యే రేగం మత్స్యలింగం మాట్లాడుతూ రైతుల సంక్షేమానికి అధికారులు కృషిచేయాలని, సకాలంలో విత్తనాలు,వ్యవసాయ పరికరాలు పంపిణీ చే యాలని తెలిపారు. గిట్టుబాటు ధరతో గిరిజన వ్యవసాయ,వాణిజ్య ఉత్పత్తులను కొనుగోలు చేయాలని, జాతీయ రహదారి నిర్మాణ పనులు సకాలంలో పూర్తిచేయాలన్నారు. జిల్లాలో అన్ని గిరిజన కుటుంబాలకు ఇళ్లు మంజూరు చేయాలన్నారు. ఈ సమావేశంలో జేసీ అభిషేక్‌గౌడ, చింతూరు, రంపచోడవరం ఐటీడీఏ పీవోలు అపూర్వభరత్‌, సింహాచలం, జెడ్పీ సీఈవో నారాయణమూర్తి, డీఎంహెచ్‌వో డాక్టర్‌ నారాయణమూర్తి, పలుశాఖల అధికారులు పాల్గొన్నారు. వాల్‌పోస్టర్ల ఆవిష్కరణ దిశ సమావేశంలో సీ్త్ర శిశుసంక్షేమశాఖ, నాబార్డుకు సంబంధించిన వాల్‌ పోస్టర్లు,బుక్‌లెట్‌లను కలెక్టర్‌ ఎ.ఎస్‌.దినేష్‌కుమార్‌,అరకు ఎంపీ డాక్టర్‌ తనూజరాణి,అరకు ఎమ్మెల్యే రేగం మత్స్యలింగం మంగళవారం ఆవిష్కరించారు. దిశ కమిటీ అధ్యక్షురాలు, అరకు ఎంపీ తనూజరాణి

స్వర్ణ పతకాలు సాధించి జాతీయ స్థాయి పోటీలకు ఎంపిక రంపచోడవరం: ముసురుమిల్లి గిరిజన సంక్షేమ బాలుర ఆశ్రమ పాఠశాల, ఎర్రంపాలెం గిరిజన సంక్షేమ బాలిక ఆశ్రమ పాఠశాల విద్యార్థులు రెజ్లింగ్‌లో సత్తా చాటారు. రాజమహేంద్రవరంలో శనివారం నిర్వహించిన రాష్ట్ర స్థాయి రెజ్లింగ్‌ పోటీల్లో పాల్గొని ఉత్తమ ప్రతిభ కనబరిచి జాతీయ స్థాయి పోటీలకు ఎంపికయ్యారు. బాలుర విభాగంలో అండర్‌ – 15లో సీహెచ్‌ భువన్‌ కుమార్‌ 41 కిలోలు, కె.కిరణ్‌దొర 48 కిలోలు, పి.జె.ప్రకాష్‌ 38 కిలోల విభాగంలో బంగారు పతకాలు సాధించి, జాతీయ స్థాయి పోటీలకు ఎంపికయ్యారు. ఎర్రంపాలెం గిరిజన సంక్షేమ ఆశ్రమ పాఠశాల విద్యార్థిని చోడి భవిత స్వర్ణ పతకం సాధించి జాతీయ స్థాయి పోటీలకు ఎంపికైంది. ఇదే పాఠశాలకు చెందిన రేపల్లి కీర్తన, వీరా ఆనందిత 62 కిలోల విభాగంలోను, పండా సంజన 58 కిలోల విభాగంలో మూడో స్థానం నిలిచారు.హెచ్‌ఎం ఎస్‌. ఆదివిష్ణు, పీడీ సుగంధి ఆధ్వర్యంలో గిరిజన సంక్షేమశాఖ డైరెక్టర్‌ రుక్మాండయ్యను కలిశారు. డీడీ వారిని అభినందించారు. జాతీయ స్థాయి పోటీల్లో సత్తా చాటి ఏజెన్సీ ప్రాంతానికి మంచి పేరు తీసుకురావాలన్నారు.

ఏలూరు రేంజ్‌ ట్రైనీ ఎస్‌ఐలకు ఎస్పీ సూచన పాడేరు: ఫిర్యాదు చేసేందుకు పోలీస్‌ స్టేషన్లకు వచ్చే వారితో మర్యాద పూర్వకంగా ప్రవర్తించాలని, కేసుల విషయంలో నిష్పక్షపాతంగా వ్యవహరించాలని ఎస్పీ అమిత్‌ బర్దర్‌ సూచించారు. నెలరోజుల శిక్షణ కోసం జిల్లాకు వచ్చిన ఏలూరు రేంజ్‌కు చెందిన 37 మంది ట్రైనీ ఎస్‌ఐలు మంగళవారం ఎస్పీని కలిశారు. స్థానిక పోలీస్‌ కాన్ఫరెన్స్‌ హాల్‌లో వారితో ఎస్పీ సమావేశమయ్యారు. వివిధ కేసులను చేధించే పద్ధతులను ఎస్పీ తెలియజేశారు. పోలీస్‌ స్టేషన్లలో రికార్డుల నిర్వహణ, సైబర్‌ నేరాలు, శక్తి యాప్‌ తదితర అంశాలపై వారికి వివరించారు. అల్లూరి సీతారామరాజు జిల్లా మావోయిస్టు ప్రభావిత ప్రాంతం కావడంతో ఎలాంటి జాగ్రత్తలు తీసుకోవాలో తెలియజేశారు. అనంతరం శిక్షణ కోసం వచ్చిన వారికి పోలీస్‌ స్టేషన్లను కేటాయించారు.

అరకులోయటౌన్‌: ఎకో టూరిజాన్ని మరింతగా అభివృద్ధి చేయాలని, దీనికి సంబంధించిన ప్రాజెక్టులు మరిన్ని రావాలని రాష్ట్ర ఉప ముఖ్యమంత్రి, అటవీ పర్యావరణ శాఖ మంత్రి పవన్‌ కల్యాణ్‌ తెలిపారు. మండలంలోని సుంకరమెట్ట కాఫీ తోట ల్లో అటవీశాఖ ఆధ్వర్యంలో ఎకో టూరిజం ప్రాజెక్టు కింద రూ.19 లక్షలతో నిర్మించిన చెక్క వంతెనను ఆయన మంగళవారం ప్రారంభించారు. అరకులో య పర్యటనలో భాగంగా రెండో రోజు చెక్క వంతెనను ప్రారంభించి పర్యాటకులకు అందుబాటులోకి తీసుకువచ్చారు. ఫారెస్టు డెవలప్‌మెంట్‌ కార్పొరే షన్‌ చైర్మన్‌ ఆర్‌.పి.సుజయకృష్ణ రంగారావుతో కలిసి కాఫీ తోటల్లో మొక్కలు నాటిన పవన్‌ కల్యాణ్‌, అనంతరం కాఫీ తోటల్లో ఆ వంతెనపై కెనోఫీ వాక్‌ ప్రారంభించారు. వంతెనపై ఏర్పాటు చేసిన బర్డ్‌ నెస్ట్‌లను, ఏపీ అటవీశాఖ అభివృద్ధి కార్పొరేషన్‌ ఆధ్వర్యంలో ఏర్పాటు చేసిన ఫొటో గ్యాలరీని తిలకించారు. ఈ సందర్బంగా అరకుడీలైట్‌ కాఫీ బ్రాండ్‌ ప్రమోషన్‌తోపాటు సుంకరమెట్ట ఎకో టూరిజం పోస్టర్లు, బ్రోచర్లను ఆవిష్కరించారు. ఈ కార్య క్రమంలో అటవీ అభివృద్ధి సంస్థ వీసీ, మేనేజింగ్‌ డైరెక్టర్‌ డాక్టర్‌ రాజేంద్రప్రసాద్‌ కజూరియా, విశాఖ రిజన్‌ ఫారెస్ట్‌ చీఫ్‌ కన్జర్వేటర్‌ డాక్టర్‌ జ్యోతి తుల్లిమెల్లి, కలెక్టర్‌ ఎ.ఎస్‌. దినేష్‌ కుమార్‌, సర్పంచ్‌ గెమ్మెలి చినబాబు పాల్గొన్నారు. డిప్యూటీ సీఎంకు వినతి పత్రం సమర్పించిన వలంటీర్లు అరకులోయ పర్యటనకు వచ్చిన పవన్‌ కల్యాణ్‌ను కలిసి వినతిపత్రం సమర్పించేందుకు ఆయన బస చేసిన అరకులోయ రైల్వే అతిథి గృహం వద్దకు సోమవారం రాత్రి వెళ్లిన వలంటీర్లను పోలీసులు అనుమతించలేదు. మంగళవారం ఉదయం వలంటీర్లు మళ్లీ ప్రయత్నించి, పవన్‌ కల్యాణ్‌కు వినతి పత్రాన్ని సమర్పించారు. దీంతో స్పందించిన డిప్యూటీ సీఎం మాట్లాడుతూ మీ ఉద్యోగంపై ప్రభుత్వం ఎటువంటి జీవో జారీ చేయలేదని, ఎటువంటి జీవోలు లేకుండా గత ప్రభుత్వం మిమ్మల్ని నియమించిందన్నారు. ఈ విషయమై ప్రభుత్వంతో చర్చిస్తానని పవన్‌ చెప్పారు.

● ఆవేదన కలిగించేలా ఉపముఖ్యమంత్రి వ్యాఖ్యలు ● కూటమి ప్రభుత్వంలో అన్యాయం జరిగింది : సంఘం నేతలు డుంబ్రిగుడ: గత వైఎస్సార్‌సీపీ ప్రభుత్వ హయాంలో వలంటీర్లుగా పనిచేసిన తమను విధుల నుంచి తొలగించడం అన్యాయమని డుంబ్రిగుడ, అరకులోయ వలంటీర్ల సంఘం నేతలు దివ్యభారతి, ఎస్‌. కృష్ణవేణి, బి.విజయ్‌కుమార్‌, సరస్వతి, ఉదయ్‌కుమార్‌ ఆవేదన వ్యక్తం చేశారు. తమకు న్యాయం చేయాలని కోరుతూ వారు కురిడిలో మంగళవారం జరిగిన రచ్చబండ కార్యక్రమంలో ఉప ముఖ్యమంత్రి పవన్‌కల్యాణ్‌ను కోరారు. అయితే వలంటీర్ల నియామకానికి సంబంధించి ఎలాంటి జీవోలు లేవని, ఇచ్చేది జీతం కాదు, గౌరవ వేతనం మాత్రమేనని పవన్‌కల్యాణ్‌ చెప్పారని వారు వాపోయారు. కూటమి ప్రభుత్వం ఏర్పడిన తరువాత తమను తొలగించడంతో తీవ్ర ఇబ్బందులకు గురవుతున్నామని, తమను ఆదుకోవాలని వారు కోరారు. ఎన్నికల సమయంలో ఇచ్చిన హామీ మేరకు ప్రకారం రూ. పదివేల వేతనం చెల్లించి, తమను విధుల్లోకి తీసుకోవాలని కోరారు. ఎన్నికల ముందు ఇచ్చిన హామీలను కూటమి నేతలు విస్మరించడం సరికాదన్నారు. ఇప్పటికై న రాష్ట్ర ప్రభుత్వం స్పందించి వలంటీర్లను విధుల్లోకి తీసుకోవాలని వారు కోరారు.

నేత్రపర్వంగాకమనీయం.. రమణీయం సింహగిరిపై ఉత్తరరాజగోపురం ఎదురుగా ఉన్న ప్రాంగణంలో రాత్రి 10.30 గంటల నుంచి వార్షిక కల్యాణోత్సవం నిర్వహించారు. స్వామిని, అమ్మవార్లను కల్యాణ ప్రాంగణంలోకి తీసుకొచ్చి భారీ ఎత్తున ఏర్పాటు చేసిన కల్యాణ వేదికపై వేంజేపచేశారు. విష్వక్సేన పూజ, పుణ్యాహవాచనం, సంకల్పం, కంకణధారణ, యజ్ఞోపవీతం, జీలకర్ర బెల్లం, మాంగల్యధారణ, తలంబ్రాలు తదితర ఘట్టాలతో కల్యాణోత్సవాన్ని వైభవంగా నిర్వహించారు. తదుపరి భక్తులకు ముత్యాల తలంబ్రాలు, ప్రసాదం అందజేశారు. దేవస్థానం స్థానాచార్యులు టి.పి.రాజగోపాల్‌, ప్రధానార్చకులు గొడవర్తి శ్రీనివాసాచార్యులు, ఇరగవరపు రమణాచార్యులు, పురోహిత్‌ అలంకారి కరి సీతారామాచార్యులు, అర్చకులు, వేదపండితులు కార్యక్రమాన్ని నిర్వహించారు. రథోత్సవం, కల్యాణోత్సవాన్ని పురస్కరించుకుని సింహాచలం దేవస్థానం ఈవో కె.సుబ్బారావు ఆధ్వర్యంలో విశేషంగా ఏర్పాట్లు చేశారు. గోపాలపట్నం లా అండ్‌ ఆర్డర్‌ సీఐ గొలగాని అప్పారావు బందోబస్తు ఏర్పాట్లు పర్యవేక్షించారు. కల్యాణోత్సవం నిర్వహిస్తున్న అర్చకులుసింహాచలం: శ్రీ వరాహ లక్ష్మీనసింహస్వామి వార్షిక కల్యాణోత్సవం మంగళవారం రాత్రి కనులపండువగా జరిగింది. భూదేవి, శ్రీదేవి సమేత అప్పన్న స్వామి కల్యాణాన్ని తిలకించేందుకు తరలివచ్చిన భక్తుల హరి నామస్మరణలతో సింహగిరి మార్మోగింది. పాంచరాత్ర ఆగమ శాస్త్రాన్ని అనుసరించి కల్యాణోత్సవ ఘట్టాలను ఆలయ అర్చకులు మంగళవారం మధ్యాహ్నం 3 గంటలకు ప్రారంభించారు. తొలుత ఆలయ నీలాద్రిగుమ్మం వద్ద అర్చకులు, ముత్తయిదువులు పసుపుకొమ్ములను దంచి కొట్నాల ఉత్సవాన్ని నిర్వహించారు. తదుపరి ముక్కోటి దేవతలకు కల్యాణోత్సవ ఆహ్వానాన్ని పలుకుతూ అలయ ధ్వజస్తంభం వద్ద అర్చకులు గరుడాళ్వార్‌ చిత్రపటాన్ని ఎగురవేసి ధ్వజారోహణ కార్యక్రమాన్ని నిర్వహించారు. సందడిగా ఎదురు సన్నాహం ఉత్సవమూర్తి గోవిందరాజస్వామిని బంగారురంగు పల్లకీలో, శ్రీదేవి, భూదేవి అమ్మవార్లను ముత్యాల పల్లకీలో వేంజేపచేశారు. అమ్మవార్ల పల్లకీని, అయ్యవారి పల్లకీని సింహగిరి మాడవీధిల్లో చెరొకవైపు తీసుకెళ్లి పశ్చిమ మాడ వీధిలో జోడుభద్రాల వద్ద ఎదురెదురుగా ఏర్పాటు చేసిన వేదికపై ఉంచారు. అక్కడ ఎదురు సన్నాహోత్సవం వాద, సంవాదాలతో ఆహ్లాదకరమైన వాతావరణంలో భక్తుల ఆనందోత్సాహాల మధ్య వేడుకగా నిర్వహించారు. ఆలయ అర్చకులు పూలదండలతో నృత్యాలు చేస్తూ ఎదురు సన్నాహోత్సవాన్ని రక్తి కట్టించారు. వ్యాఖ్యాతలుగా తిరుమల తిరుపతి దేవస్థానం పరిచారకుడు కె.ఇ.లక్ష్మీనరసింహన్‌, నరసాపురానికి చెందిన ఆధ్యాత్మికవేత్త వంగల వెంకటాచార్యస్వామి వ్యవహరించారు. హోరెత్తిన రథోత్సవం సింహగిరి మాడ వీధిలో పెద్ద ఎత్తున రథోత్సవం నిర్వహించారు. స్వామి ఉత్సవమూర్తులను రథంలో వేంజేపచేశారు. జాలరి పెద్ద కదిరి లక్ష్మణరావు రథసారధిగా నిలిచి రథ కదలికలను సూచిస్తుండగా, లక్ష్మీదేవి అమ్మవారి బంధువులుగా విశాఖ నగరం నలుమూలల నుంచి వచ్చిన జాలర్లు రథం నడిపే బాధ్యతలు చేపట్టారు. అశేష భక్తజనం స్వామి రథాన్ని తాళ్లతో లాగి పరవశించారు.

డుంబ్రిగుడ: మండలంలోని ఉపాధ్యాయుల సమస్యలు పరిష్కరించాలని, ఏడీ, ఐఆర్‌ ప్రకటించే విధంగా ప్రభుత్వాన్ని ఒత్తిడి చేస్తూ బకాయి ఉన్న పీఆర్‌సీ విడుదల చేసే విధంగా కృషి చేయాలని నూతన ఉపాధ్యాయ ఎమ్మెల్సీ గాదె శ్రీనివాస్‌నాయుడు పీఆర్‌టీయు జిల్లా కార్యదర్శి శెట్టి. అప్పలరాజు, మండల అధ్యక్షుడు లక్ష్మయ్యలు కోరారు. ఈ సందర్భంగా మంగళవారం వారు ఎమ్మెల్సీని మర్యాద పూర్వకంగా కలిసి ఉపాధ్యాయుల సమస్యలు వివరించారు. అందుకు స్పందించిన ఎమ్మెల్సీ మాట్లాడుతూ గిరిజన ప్రాంతంలోని ఉపాధాయులు పడుతున్నా కష్టాలను శాసనమండలిలో ప్రస్తవిస్తానని, ఉపాధ్యాయుల సమస్యలపై పోరాటమే ప్రధాన ధ్యేయంగా పనిచేస్తానని హామీ ఇచ్చారు. ఈ సందర్భంగా పీఆర్‌టీయూ మండల కార్యదర్శి మండ్యాగురు. శ్రీనివాస్‌ పాల్గొన్నారు. ఎమ్మెల్సీ శ్రీనివాసులునాయుడుకు సత్కారం సాక్షి, పాడేరు: ఉత్తరాంధ్ర ఎమ్మెల్సీ గాదె శ్రీనివాసులునాయుడు మంగళవారం పాడేరులో పర్యటించారు. మోదకొండమ్మతల్లితో పాటు ఉమానీలకంఠేశ్వరస్వామిలను ఆయన దర్శించుకున్నారు. ఈ సందర్భంగా ఆలయ కమిటీతో పాటు వర్తకులు, ఉపాధ్యాయ సంఘాల నేతలంతా ఎమ్మెల్సీని ఘనంగా సన్మానించారు. మోదకొండమ్మతల్లి, ఉమానీలకంఠేశ్వరస్వామి చిత్ర పటాలతో పాటు ప్రసాదాలను అందజేశారు. ఈ కార్యక్రమంలో ఉమానీలకంఠేశ్వరస్వామి ఆలయ ధర్మకర్త కొట్టగుళ్లి సింహాచలంనాయుడు, పీఆర్‌టీయూ నేతలు దేముళ్లనాయుడు, హేమలత, ఉప సర్పంచ్‌ రామునాయుడు, తదితరులు పాల్గొన్నారు.

పాడేరు: పాడేరు పట్టణంలో ఓ యువకుడి ఆత్మహత్యకు పాల్పడ్డాడు. పట్టణానికి చెందిన కెల్లా మణికంఠ(27) బైక్‌ మెకానిక్‌గా పని చేస్తున్నాడు. మంగళవారం మధ్యాహ్నం పట్టణంలోని చాకలిపేట వీధిలోని తన ఇంట్లో గదిలో ఫ్యాన్‌కు ఆయన ఉరి వేసుకున్నాడు. గమనించిన కుటుంబ సభ్యులు, స్నేహితులు అతడిని స్థానిక జిల్లా ఆస్పత్రికి తరలించారు. అప్పటికే మృతి చెందినట్లు వైద్య సిబ్బంది నిర్ధారించారు. మృతుడి పక్కనే ఫోన్‌ పగిలిపోయి ఉంది. యువకుడి ఆత్మహత్యకు గల కారణాలు తెలియరాలేదు. ఫైనల్‌ సెటిల్‌మెంట్‌ కోసం వీఆర్‌ఎస్‌ ఉద్యోగుల నిరీక్షణ ఉక్కునగరం: స్టీల్‌ప్లాంట్‌ నుంచి స్వచ్ఛంద పదవీ విరమణ(విఆర్‌ఎస్‌) పొందిన ఉద్యోగులు ఫైనల్‌ సెటిల్‌మెంట్‌ కోసం ఎదురుచూస్తున్నారు. వీఆర్‌ఎస్‌ ప్యాకేజీ పదవీ విరమణ రోజే అందుకున్న ఉద్యోగులకు, మిగతా వాటి కోసం ఎదురు చూపులు తప్పట్లేదు. స్టీల్‌ప్లాంట్‌ యాజమాన్యం ప్రకటించిన వీఆర్‌ఎస్‌కు స్పందించి 1,126 మంది మార్చి నెలాఖరున పదవీ విరమణ చేయగా, 60 ఏళ్లు నిండిన 89 మంది రెగ్యులర్‌ రిటైర్‌మెంట్‌ తీసుకున్నారు. యాజమాన్యం సర్క్యులర్‌లో చెప్పిన మాట ప్రకారం వీఆర్‌ఎస్‌ ప్యాకేజీను చివరి రోజు రాత్రి వారి అకౌంట్లకు పంపేశారు. అదే మాదిరి ప్రతీ నెలా రెగ్యులర్‌ రిటైర్‌మెంట్‌ పొందే ఉద్యోగులకు ఇచ్చేలా గ్రాట్యుటీ 7వ తేదీలోగా, పీఎఫ్‌ 20వ తేదీ నాటికి అందుతుందని భావించారు. అయితే ప్రస్తుత పరిస్థితులు చూస్తుంటే గ్రాట్యుటీ కోసం ఎదురు చూడక తప్పదని తెలుస్తోంది. పీఎఫ్‌ అయితే మరింత జాప్యం జరిగే అవకాశం ఉంది. యాజమాన్యం పీఎఫ్‌ ట్రస్ట్‌కు ఇటీవల ఇచ్చిన రూ.380 కోట్లు ఉద్యోగుల హయ్యర్‌ పెన్షన్‌కు మాత్రమే సరిపోయేలా ఉంది. దీంతో వీఆర్‌ఎస్‌ ఉద్యోగులకు పీఎఫ్‌ చెల్లింపుల ఇప్పట్లో జరిగేలా కనిపించట్లేదు. ఇక లీవ్‌ ఎన్‌క్యాష్‌మెంట్‌ కోసం మరింత ఎదురు చూపులు తప్పేలా లేవని ఉద్యోగులు ఆందోళన చెందుతున్నారు. యాజమాన్యం స్పందించి ఇంతకు ముందు రెగ్యులర్‌ రిటైర్‌మెంట్ల వలే వీఆర్‌ఎస్‌ ఉద్యోగులకు సత్వరంగా సెటిల్‌మెంట్‌ చేయాలని కోరుతున్నారు.

● ప్రస్తుతం 364.8 అడుగులకు చేరిన నీటి నిల్వలు ● గేట్ల లీకేజీ ద్వారా వృథా అవుతున్న నీరు నాతవరం : ఉమ్మడి జిల్లాలోనే ఏకై క మేజరు ప్రాజెక్టు తాండవ రిజర్వాయరు నీటి మట్టం క్రమేపీ తగ్గిపోతుంది. గత ఏడాది ఖరీఫ్‌ సీజన్‌లో ఆయకట్టుకు నీటిని సరఫరా చేసి డిసెంబరు నెలలో ప్రాజెక్టు నుంచి నీటిని నిలుపుదల చేశారు. తాండవ రిజర్వాయరు గేట్లు దించే సమయానికి ప్రాజెక్టులో నీటి మట్టం 369.6 అడుగులు నీరు ఉండేది. ప్రాజెక్టు ప్రధాన గేట్ల ద్వారా నిత్యం నీరు లీకేజీతో పోవడంతో రోజు రోజుకు నీటి మట్టం గణనీయంగా తగ్గిపోతోంది. తాండవలో మంగళవారం సాయంత్రానికి నీటి మట్టం 364.8 అడుగులకు చేరింది. ఆయకట్టుకు నీటిని నిలుపుదల చేసిన దగ్గర్నుంచి నేటి వరకు గేట్ల లీకేజీ ద్వారా సుమారుగా అయిదు అడుగుల నీరు వృధాగా పోయింది, తాండవ రిజర్వాయరు ప్రమాద స్థాయి నీటి మట్టం 380.0అడుగులు కాగా డేడ్‌ స్టోరేజీ నీటి మట్టం (అంటే బయటకు ప్రవహించదు) 345.0 అడుగులుగా అధికారులు పరిగణిస్తారు. తాండవ రిజర్వాయరు గేట్ల మరమ్మతుల ద్వారా లీకేజీలను ఆరికట్టేందుకు ప్రభుత్వం రూ.19.70 లక్షలు మంజూరు చేసింది. ఈ నిధులతో గత నెలలో ప్రధాన గేట్ల మరమ్మతు పనులను ఇరిగేషన్‌ ఈఈ బాలసూర్యం తాండవ ప్రాజెక్టు డీఈ అనురాధ ఆధ్వర్యంలో ప్రారంభించారు. మేజరు ప్రాజెక్టు గేట్లు మరమ్మతులు కావడంతో అనుభవం ఉన్న మెకానికల్‌ ఇంజినీరింగ్‌ అధికారులతో పనులు చేస్తున్నారు. ఆ పనులు సకాలంలో పూర్తి అయితే నిత్యం వృథాగా పోతున్న ప్రాజెక్టులో నీటిని అడ్డుకట్ట వేయవచ్చు. ఈ విషయంపై ప్రాజెక్టు డీఈ ఆనురాధ మాట్లాడుతూ ప్రస్తుతం తాండవ గేట్ల మరమ్మతు పనులు చేస్తున్నామన్నారు. లీకేజీ నీరు ప్రవహం బాగా తగ్గిందన్నారు. గేట్ల మరమ్మతులు పూర్తి చేసేందుకు మరికొంత మెటీరియల్‌ రావలసి ఉందన్నారు. అవి వచ్చిన వెంటనే పనులు పూర్తి చేసి లీకేజీలు లేకుండా చేస్తామన్నారు. తాండవ ప్రాజెక్టులో తగ్గిన నీటి నిల్వలు

హుకుంపేట: మండలంలోని పలు గిరిజన గ్రామాల్లో ఇటుకల పండగ మంగళవారం ఘనంగా ప్రారంభమైంది. గిరిజనులు నిర్వహించే అత్యంత పెద్ద పండగలో ఇటుకల పండగ ఒకటి. ఈ పండగను ఆచారం మేరకు వారం రోజుల పాటు నిర్వహిస్తారు. మొదటి రోజు గ్రామంలో ఉన్న సంకుదేవతకు పూజలు చేశారు. రెండో రోజు గ్రామంలోని మహిళ పురుషులకు స్నానం చేసేందుకు నీరు దించి, భోజనాలు పెడతారు. అనంతరం కొంత మంది గ్రామ పెద్దలు చెట్టుపైకి ఎక్కి మహిళలకు ఊయలలు కడతారు. ఆ రోజు నుంచి మహిళలంతా కలిసి గిరిజన ఆచార పాటలు పాడుతూ ఊయలలు ఊగుతు సందడి చేస్తారు. మూడో రోజు పెద వేట పేరుతో గ్రామ సమీపంలో థింసా నృత్యాల ప్రదర్శనలతో సందడి చేస్తారు. గ్రామస్తులకు చెందిన కత్తులు, గొడ్డళ్లు, ఈటెలు అన్ని ఒకే చోట పెట్టి గ్రామ పూజారి పూజలు చేసిన అనంతరం కోడి గుడ్డును కొట్టి వేటను ప్రారంభిస్తారు. ఆ తరువాత మూడు రోజుల పాటు గ్రామంలో యువకులు, చిన్నా,పెద్దా తేడ లేకుండా కొండపైకి వేటకు వెళ్తారు. మహిళలంతా కలిసి గ్రామ సమీప ప్రధాన రహదారుల్లో పాజోరి పేరుతో వాహనాలను అడ్డుకుని పాటలు పాడుతూ వాహన చోదకులకు సరదాగా నీరు పోస్తూ చందాలు వసులు చేయనున్నారు. చివరి రోజున సాయంత్రం సంకుదేవ ప్రాంగణంలో పూజారి పూజలు చేసిన తరువాత విత్తనాలు వేస్తారు.

రాజవొమ్మంగి: రాజవొమ్మంగి ఎంపీపీ గోము వెంకటలక్ష్మిని అరకు ఎంపీ తనూజారాణి మంగళవారం ఘనంగా సత్కరించారు. పాడేరులో జరిగిన దిశ సమావేశానికి హాజరైన ఎంపీపీ మండలంలోని పలు సమస్యలను అధికారులు, ప్రజాప్రతినిధుల దృష్టికి తీసుకెళ్లారు. మండలం మీదుగా ప్రస్తుతం జరుగుతున్న ఎన్‌హెచ్‌ 516ఈ నిర్మాణ పనుల్లో అనేక మంది ఇళ్ల స్థలాలు కోల్పోయి, నష్టపరిహారం అందక దిక్కుతోచని పరిస్థితిని ఎదుర్కొంటున్నారని కలెక్టర్‌ దినేష్‌కుమార్‌. ఐటీడీఏ పీవో సింహాచలం దృష్టికి తీసుకెళ్లారు. మండలంలో ఇటీవల కురిసిన వడగళ్ళ వానకు లాగరాయి, కొత్త కిండ్ర, దమనపాలెం, కిర్రాబు, తాళ్ళపాలెం గ్రామాల్లో జీడిమామిడి తోటలు ధ్వంసమయ్యాయని అధికారులకు తెలియజేశారు. వారిని ప్రభుత్వం ఆదుకోవాలని కోరారు. రంపచోడవరం డివిజన్‌, రాజవొమ్మంగి మండలంలోని అపరిష్కృతంగా ఉన్న పలు సమస్యలను సభ దృష్టికి ఎంపీపీ తీసుకెళ్లారు. ఈ నేపధ్యంలో ఎంపీపీ వెంకటలక్ష్మిని అధికారులు అభినందించారు.

● జూ క్యూరేటర్‌కు పీసీసీఎఫ్‌ ఆదేశం ● అదనపు పీసీసీఎఫ్‌లతో జూ పరిశీలన ఆరిలోవ: ఇందిరా గాంధీ జూ పార్కులో కృష్ణ అనే మగ ఏనుగును కుంకీ శిక్షణకు పంపించేందుకు చర్యలు చేపట్టాలని జూ క్యూరేటర్‌ జి.మంగమ్మను ఏపీ ప్రిన్సిపల్‌ చీఫ్‌ కన్జర్వేటర్‌ ఆఫ్‌ ఫారెస్ట్‌(పీసీసీఎఫ్‌) అజయ్‌ కుమార్‌ నాయక్‌ ఆదేశించారు. జూ పార్కులో కృష్ణ కొన్ని దశాబ్దాలుగా సందర్శకులకు దూరంగా ఉంటున్న విషయం తెలిసిందే. డిప్యూటీ సీఎం కె.పవన్‌ కల్యాణ్‌ జూ పర్యటన నేపథ్యంలో అదనపు పీసీసీఎఫ్‌లు శాంతిప్రియ పాండే, రాహుల్‌ పాండేలతో కలసి మంగళవారం ఇక్కడకు చేరుకున్నారు. అయితే పవన్‌ కల్యాణ్‌ పర్యటన రద్దవడంతో, ఆయన జూ పార్కు ఎదురుగా ఉన్న ఎకో టూరిజం పార్కు కంబాలకొండను సందర్శించారు. అలాగే జూలో వన్యప్రాణులు, వాటి ఎన్‌క్లోజర్లు, ఆస్పత్రి, అభివృద్ధి పనులు, సిద్ధమైన పలు ఎన్‌క్లోజర్లు, సందర్శకులకు కల్పిస్తున్న సౌకర్యాలు పరిశీలించారు. వన్యప్రాణులకు అందుతున్న వైద్య సేవలు, సిబ్బంది పనితీరు గురించి ఆరా తీశారు. జూలో అడవి కుక్కల పునరుత్పత్తి కేంద్రం అభివృద్ధిని పరిశీలించి జూ అధికారులను అభినందించారు. వన్యప్రాణుల ఎన్‌క్లోజర్ల వద్ద ఫొటోలు దిగారు. కంబాలకొండలో జరుగుతున్న అభివృద్ధి పనులు పరిశీలించి, వేగవంతం చేయాలని ఆదేశించారు. అనంతరం జూ లవర్స్‌ డే పోస్టర్‌ ఆవిష్కరించారు. ఈ సందర్భంగా అజయ్‌ కుమార్‌ నాయక్‌ మాట్లాడుతూ వన్యప్రాణులకు అందించే వైద్య సేవలపై ప్రత్యేక దృష్టిసారించాలని సూచించారు. కృష్ణను ఏనుగుల క్యాంప్‌లో కుంకీ శిక్షణకు పంపించే ఏర్పాట్లు చేయాలన్నారు. అడవుల నుంచి వచ్చి జనావాసాలు, పొలాల్లోకి చొరబడి పంటలు నాశనం చేస్తూ ప్రజలను భయభ్రాంతులను చేస్తున్న ఏనుగుల గుంపులను తిరిగి అడవుల్లో తరలించే విధంగా దీనికి శిక్షణ ఇస్తారన్నారు. విశాఖ సీఎఫ్‌ బి.ఎం.మైదీన్‌, పలువురు డీఎఫ్‌వోలు పాల్గొన్నారు.

విశాఖ స్పోర్ట్స్‌: వాల్తేర్‌ డివిజన్‌ అంతర విభాగాల క్రీడా మేళాను రైల్వే క్రికెట్‌ స్టేడియంలో డీఆర్‌ఎం లలిత్‌ బోహ్రా మంగళవారం క్రీడాజ్యోతిని వెలిగించి ప్రారంభించారు. ధ్యాన్‌చంద్‌ అవార్డీ ఎన్‌.ఉషతో సహా అంతర్జాతీయ క్రీడాకారులు జ్యోతిని వెలిగించి డీఆర్‌ఎంకు అందించారు. ఈ సందర్భంగా ఆయన మాట్లాడుతూ వృత్తిపరమైన పనితో పాటు క్రీడాస్ఫూర్తి మేళవింపుగా ఉత్సాహాన్ని నింపేందుకే నెల రోజుల పాటు ఈ క్రీడామేళా నిర్వహిస్తున్నట్లు తెలిపారు. డీఆర్‌ఎం సతీమణి లలిత్‌బోహ్రా, ఏడీఆర్‌ఎంలు మనోజ్‌కుమార్‌, ఇ.శాంతారామ్‌, క్రీడాధికారి ప్రవీణ్‌బాటి, సంయుక్త క్రీడాధికారి అవినాష్‌, బ్రాంచ్‌ అధికారులు, కార్యనిర్వాహక సభ్యులు ఉత్సాహంగా పాల్గొన్నారు. వాల్తేర్‌ తూర్పు కోస్తా రైల్వే స్పోర్ట్స్‌ సంఘం(ఈకోర్సా) ఆధ్వర్యంలో 13 విభాగాల ఉద్యోగుల జట్లు మెన్‌, వుమెన్‌ కేటగిరీల్లో పోటీపడనున్నాయి. ఆర్పీఎఫ్‌–కమర్షియల్‌ విభాగాల మధ్య క్రికెట్‌ మ్యాచ్‌ను డీఆర్‌ఎం టాస్‌ వేసి ప్రారంభించారు. ఈ మ్యాచ్‌లో కమర్షియల్‌ జట్టు 50 పరుగుల తేడాతో విజయం సాధించగా, మరో మ్యాచ్‌లో ఎలక్ట్రికల్‌ ఈఎల్‌ఎస్‌ జట్టు ఆరు వికెట్ల తేడాతో ఎలక్ట్రికల్‌ ఆపరేషన్స్‌ జట్టుపై గెలుపొందింది. మహిళల క్యారమ్స్‌ పోటీల్లో ఈఎల్‌ఎస్‌, ఈఎల్‌ఈ(జనరల్‌) జట్లు ఎ–పూల్‌లోనూ, డీఎల్‌ఎస్‌, స్టోర్స్‌, అకౌంట్స్‌, ఆపరేషన్స్‌ జట్లు బి–పూల్‌లోనూ తొలిరోజు పోటీల్లో విజయం సాధించాయి.

ముగ్గురి అరెస్ట్‌ కూర్మన్నపాలెం: అగనంపూడి టోల్‌గేటు వద్ద సోమవారం రాత్రి దువ్వాడ పోలీసుల తనిఖీల్లో 112 కిలోల గంజాయి పట్టుబడింది. ఈ కేసులో ముగ్గురిని అరెస్ట్‌ చేసినట్లు సౌత్‌ ఏసీపీ టి.త్రినాథ్‌, దువ్వాడ సీఐ మల్లేశ్వరరావు తెలిపారు. స్టేషన్‌లో మంగళవారం ఏర్పాటు చేసిన విలేకరుల సమావేశంలో ఈ కేసు వివరాలను వెల్లడించారు. మాడుగుల ప్రాంతం నుంచి బెంగళూరుకు తరలించడానికి ఆటోలో గంజాయి తీసుకొస్తుండగా.. ముందస్తు సమాచారం మేరకు అగనంపూడి టోల్‌గేటు వద్ద తనిఖీలు చేపట్టారు. ఈ కేసులో కిముడు అనుమాన్‌, బురరిపాల్‌ దినకర్‌, ఒక బాలికను అరెస్ట్‌ చేశారు. ఆటో, బైక్‌, రెండు మొబైల్‌ ఫోన్లను స్వాధీనం చేసుకున్నారు. కాగా.. మాడుగులలో అఖిల్‌ అనే వ్యక్తి వద్ద ఈ గంజాయిని కొనుగోలు చేశారు. 100 ప్యాకెట్లుగా తయారు చేసి బెంగళూరుకు తరలించడానికి విశాఖ తీసుకొస్తున్నారు. ఒక వ్యక్తి బైక్‌పై పైలట్‌గా వస్తుండగా, వెనుక ఆటోలో గంజాయిని తీసుకువస్తున్న వారిని వల పన్ని పట్టుకున్నట్లు ఏసీపీ తెలిపారు. అఖిల్‌ కోసం గాలిస్తున్నట్లు చెప్పారు. సమావేశంలో హెడ్‌ కానిస్టేబుల్‌ శ్రీనివాసరావు పాల్గొన్నారు.

విశాఖ విద్య: ప్రతిభను గుర్తించి ప్రోత్సహిస్తే ఎలాంటి అసాధ్యాలనైనా సుసాధ్యం చేయవచ్చునని నిరూపిస్తున్నారు ఆంధ్రా యూనివర్సిటీ కంప్యూటర్‌ సైన్స్‌ అండ్‌ సిస్టమ్స్‌ ఇంజనీరింగ్‌ విభాగం విద్యార్థినులు. సరికొత్త ఆలోచనలతో నూతన ఆవిష్కరణలవైపు దూసుకెళుతున్నారు. తమ మేథథస్సుకు పదునుపెట్టి, సమాజానికి ఉపయోగకరమైన ప్రాజెక్టులను రూపొందిస్తున్నారు.ఇంటెలిజెచర్స్‌ అంటే... సులభమైన చేతి సంజ్ఞలతో బల్బులు, ఫ్యాన్లు వంటి విద్యుత్‌ పరికరాలను నియంత్రించగల గృహ ఆటోమేషన్‌ వ్యవస్థ. దీనికి వాయిస్‌ కమాండ్‌లు, స్విచ్‌ల అవసరం ఉండదు. మీడియా పైప్‌ ద్వారా సంజ్ఞలను గుర్తించి, ఆర్డుయినో, రిలే బోర్డు ద్వారా పరికరాలను నియంత్రిస్తుంది. ఎవరికి ఉపయోగం? ఈ వ్యవస్థ వల్ల ముఖ్యంగా వృద్ధులకు, కదలికల్లో ఇబ్బందులున్న వారికి ఉపయోగం. ఈ ప్రాజెక్టును ప్రదీప్తి, నవ్య, కృపారాణి, చందన కేవలం రూ.3వేల లోపే పూర్తి చేశారు. ఇవీ ప్రాజెక్టులు.. యూనివర్సిటీ మహిళా ఇంజనీరింగ్‌ కాలేజ్‌ (ఏయూసీఈడబ్ల్యూ) కంప్యూటర్‌ సైన్స్‌ విభాగానికి చెందిన నాలుగో సంవత్సరం విద్యార్థులు ‘ఇంటెలిజెచర్స్‌...సోల్‌సైన్స్‌’ అనే రెండు కొత్త ప్రాజెక్టులను రూపొందించారు. ఏయూసీఈడబ్ల్యూ ప్రిన్సిపాల్‌ ప్రొఫెసర్‌ ఆర్‌.పద్మశ్రీ ప్రోత్సాహంతో విభాగాధిపతులు డాక్టర్‌ బి.ప్రజ్ఞ, డాక్టర్‌ బి.ఎస్తేర్‌ సునంద మార్గదర్శకత్వంలో ఈ ప్రాజెక్టులను రూపొందించారు. సైగలతో నియంత్రణకు వినియోగించే పరికరం● ఏయూసీఈడబ్ల్యూ విద్యార్థినుల కొత్త ఆవిష్కరణలు మరిన్ని ప్రయోగాలవైపు అడుగులు ఆంధ్ర వర్సిటీ ఆచార్యుల తోడ్పాటు

రంపచోడవరం: వై.రామవరం మండలం బొడ్డగండి పంచాయతీలోని పాలగెడ్డ నుంచి బొడ్డగండి వరకు 15 కిలోమీటర్ల మేర మెటల్‌ రోడ్డు పనులు ప్రారంభించి మధ్యలో నిలిపివేశారని, రోడ్డు నిర్మాణం పూర్తి చేయాలని గిరిజనులు సోమవారం ప్రజా సమస్యల పరిష్కార వేదికలో పీవో కట్టా సింహాచలానికి అర్జీ అందజేశారు. ఐటీడీఏ సమావేశపు హాలులో పీవో, సబ్‌ కలెక్టర్‌ కె.ఆర్‌. కల్పశ్రీలు సోమవారం ప్రజా సమస్య పరిష్కారవేదిక కార్యక్రమం నిర్వహించారు. ఈ కార్యక్రమంలో అధికారులు 49 మంది నుంచి అర్జీలు స్వీకరించారు. రాజవొమ్మంగి మండలంలో దోనెలపాడులో శ్మశాన వాటిక ఏర్పాటు చేయాలని సర్పంచ్‌ ఎస్‌.చంద్రుడు, గుర్రమామిడి గ్రామంలో అక్రమంగా రేకుల షెడ్‌ నిర్మించారని, దానిని తొలగించాలని పీసా ఉపాధ్యక్షుడు బలిజే చిన్నారెడ్డి , ఇర్ల సన్యాసిరెడ్డి అర్జీలు అందజేశారు. పాతకోట పంచాయతీలోని గుడ్లవాడ నుంచి పాతకోట వరకు ఏడు కిలోమీటర్ల మెటల్‌ రోడ్డుకు ఒక కిలోమీటరుకు అటవీ క్లియరెన్స్‌ మంజూరు చేయాలని సర్పంచ్‌ గొర్లె రేవతి, వంతల మహేంద్ర, కిలో సీతారాం, బొడ్డ నాయక్‌ వినతిపత్రం అందజేశారు. రంపచోడవరం మండలం బి.వెలమకోట గ్రామంలో భూ సమస్య పరిష్కారించాలని కోరుతూ కారం బాపనమ్మ అర్జీ అందజేశారు.ఈ కార్యక్రమంలో ఏపీవో డి.ఎన్‌.వి. రమణ, ఎస్‌డీసీ అంబేడ్కర్‌, డీడీ రుక్మాండయ్య తదితరులు పాల్గొన్నారు.గ్రీవెన్స్‌లో పాలగెడ్డ గిరిజనుల విజ్ఞప్తి

అడ్డతీగల: ఐదు కిలోలకు మించి నల్లబెల్లం అమ్మితే కఠిన చర్యలు తీసుకుంటామని అసిస్టెంట్‌ ఎకై ్సజ్‌ సూపరింటెండెంట్‌ నాగరాహుల్‌ అన్నారు. నవోదయం 2.0 కార్యక్రమంలో భాగంగా అడ్డతీగలలో కిరాణా వ్యాపారులతో సోమవారం సమావేశం నిర్వహించారు. ఈ సందర్భంగా ఆయన మాట్లాడుతూ అధిక మొత్తంలో నల్లబెల్లం అమ్మితే చట్టపరంగా చర్యలు తీసుకుంటామన్నారు. ఎవరైనా సారా తయారీ, విక్రయాలపై కేసులు నమోదు చేస్తామని ఆయన హెచ్చరించారు. బెల్లం డీలర్లు అనుమతి పత్రం కలిగి ఉండాలన్నారు. అనుమతి పత్రాలు లేకుండా బెల్లం కొనుగోళ్లు, విక్రయాలు చేయవద్దన్నారు. బెల్లం నిల్వ ఉంచినా చర్యలు తీసుకుంటామన్నారు.నల్లబెల్లం ఎక్కువ మోతాదులో రవాణా చేస్తున్నా లేక నిల్వ చేసినా విక్రయించినా అటువంటి సమాచారం ఇవ్వాలని ఎకై ్సజ్‌ సిఐ శ్రీధర్‌ అన్నారు.

గూడెంకొత్తవీధి: మండల కేంద్రం గూడెంకొత్తవీధి లో సోమవారం మధ్యాహ్నం నుంచి కుండపోతగా వర్షం కురిసింది. దీంతో లోతట్టుప్రాంతాలన్నీ జలమయమయ్యాయి. ఆర్వీనగర్‌లో వారపుసంతకు వచ్చిన చిరువ్యాపారులు వర్షం కారణంగా ఇబ్బందులకు గురయ్యారు. విద్యుత్‌ తీగలపై పలు చోట్ల చెట్లకొమ్మలు విరిగిపడటంతోపాటు మరికొన్ని చోట్ల విద్యుత్తు స్తంభాలు నేలకొరగడంతో విద్యుత్తు సరఫరాకు అంతరాయం కలిగింది.రాజవొమ్మంగి: మండలంలోని పలు గ్రామాల్లో సోమవారం ఓ మోస్తరు వర్షం కురిసింది. రబీ సీజన్‌లో సాగుచేస్తున్న పొగాకు పంటకు ఈ వర్షం మేలు చేస్తుందని రైతులు తెలిపారు. వర్షం కారణంగా రోడ్లు జలమయమయ్యాయి. ద్విచక్రవాహనదారులు ఇబ్బందులకు గురయ్యారు. చింతపల్లిలో చింతపల్లి: మండల కేంద్రం చింతపల్లిలో సోమవారం మధ్యాహ్నం ఒక మోస్తరు వర్షం కురిసింది. ఉదయం 8గంటల వరకూ మంచు కురిసి, చలి వాతావరణం ఉండగా మధ్యాహ్నం రెండు గంటల వరకూ విపరీతమైన ఎండ కాసింది. ఆ తరువాత ఒక్కసారిగా వాతావరణం చల్లబడి గంటపాటు వర్షం కురిసింది. రహదారులు జలమయమయ్యాయి.

రంపచోడవరం: సారా నిర్మూలించే బాధ్యత అందరిపై ఉందని రంపచోడవరం ఐటీడీఏ పీవో కట్టా సింహాచలం అన్నారు. ప్రొహిబిషన్‌ అండ్‌ ఎకై ్సజ్‌ శాఖ ద్వారా నిర్వహిస్తున్న నవోదయం పోస్టర్లను ఐటీడీఏ సమావేశం హాలులో సోమ వారం పీవో, సబ్‌ కలెక్టర్‌ కె.ఆర్‌. కల్పశ్రీలు ఆవిష్కరించారు. ఈ సందర్భంగా పీవో మట్లాడుతూ సారా వల్ల కలిగే నష్టాలను గ్రామాల్లో గిరిజనులకు వివరించి, చైతన్య పరచాలని సూచించారు. సారా విక్రయించినా, తయారు చేసినా, రవాణా చేసినా శిక్ష తప్పదన్నారు. సబ్‌ కలెక్టర్‌ మాట్లాడు తూ సారా వల్ల కలిగే అనర్థాలను గ్రామాల్లో ప్రచారం చేయాలన్నారు. ఈ కార్యక్రమంలో ఏపీవో డి.ఎన్‌.వి.రమణ, ఎకై ్సజ్‌ సూపరింటెండెంట్‌ పి.నాగరాజు, ఎస్‌డీసీ అంబేడ్కర్‌, ఎకై ్సజ్‌ సీఐ శ్రీధర్‌ , తహసీల్దార్‌ రామకృష్ణ, ఎంపీడీవో ఎస్‌.శ్రీనివాసదొర, ఏడీఎంహెచ్‌వో జి.శిరీష, డీడీ రుక్మాండయ్య, డీఎల్‌పీవో కోటేశ్వరరావు,సీడీపీవో సంధ్యారాణి తదితరులు పాల్గొన్నారు.

అరకులోయ టౌన్‌: గిరిజన విద్యార్థులు ఎందులోను తీసుపోరని, ఐదు నెలల పాటు సాధన చేసి, వరల్డ్‌ రికార్డు కోసం సూర్యనమస్కారాలు ప్రదర్శించడం అద్భుతమని రాష్ట్ర గిరిజన సంక్షేమ శాఖ మంత్రి గుమ్మడి సంధ్యారాణి తెలిపారు. ప్రపంచ ఆరోగ్య దినోత్సవం సందర్భంగా స్థానిక డిగ్రీ కళాశాల మైదానంలో గిరిజన విద్యార్థులతో నిర్వహించిన మహా సూర్యవందన్‌ కార్యక్రమాన్ని సోమవారం జ్యోతిప్రజ్వలనతో ఆమె ప్రారంభించారు. ఈ సందర్భంగా ఆమె మాట్లాడుతూ గిరిజన విద్యార్థుల ఆరోగ్యమే లక్ష్యంగా ప్రభుత్వం చర్యలు తీసుకుంటోందని చెప్పారు. ఐదు నెలలుగా 21 వేల మంది విద్యార్థులు 108 సూర్యనమస్కారాలను సాధనం చేసి ప్రపంచ రికార్డు లక్ష్యంగా కృషి చేయడం సంతోషంగా ఉందన్నారు. 21,850 మంది విద్యార్థులు ఇందులో పాల్గొనగా వారిలో 13 వేల మంది బాలికలు ఉండడం విశేషమన్నారు. కలెక్టర్‌ దినేష్‌కుమార్‌ మాట్లాడుతూ గత ఐదు నెలల నుంచి ఉదయం 4 గంటలకు నిద్రలేపి విద్యార్థులతో సాధన చేయించామన్నారు. ఈ కార్యక్రమంలో పతంజలి శ్రీనివాస్‌తో పాటు అన్ని పాఠశాల పీడీలు, పీఈటీలు పాల్గొన్నారు. ప్రపంచ రికార్డు నమోదు: పతంజలి శ్రీనివాస్‌ ఆధ్వర్యంలో 108 సూర్యనమస్కారాల కార్యక్రమం విజయవంతంగా జరిగింది. 21,850 మంది విద్యార్థులు ఈ మహా సూర్యవందన్‌ కార్యక్రమంలో పాల్గొన్నారు. లండన్‌కు చెందిన ప్రపంచ రికార్డు యూనియన్‌ మేనేజర్‌ అలిస్‌ రేనాడ్‌ ఈ ప్రదర్శనను క్షుణ్ణంగా పరిశీలించి హర్షం వ్యక్తం చేసి, వరల్డ్‌ రికార్డు సాధించినట్లు ప్రకటించారు. అనంతరం కలెక్టర్‌ దినేష్‌కుమార్‌కు, అధికారులకు ఈవరల్డ్‌ రికార్డు ప్రతిని ఆమె అందజేశారు. ఈ సందర్భంగా అలిస్‌ రేనాడ్‌తో పాటు పతంజలి శ్రీనివాస్‌లను కలెక్టర్‌ దుశ్శాలువాలతో ఘనంగా సత్కరించారు. గిరిజన సంక్షేమశాఖ మంత్రి గుమ్మడి సంధ్యారాణి

● రంపచోడవరం డివిజనల్‌ పంచాయతీ అధికారి నరసింగరావుఅడ్డతీగల: ప్రతి ఇంటి నుంచి చెత్తను సేకరించి సంపద కేంద్రానికి తరలించాలని రంపచోడవరం డివిజనల్‌ పంచాయతీ అధికారి నరసింగరావు అన్నారు. స్థానిక డొక్కపాలెం జంక్షన్‌లోని సంపద కేంద్రం వద్ద సోమవారం శిక్షణ కార్యక్రమాన్ని నిర్వహించారు. ఈ కార్యక్రమంలో ఆయన మాట్లాడుతూ ఇళ్లు,వీధుల్లో సేకరించిన తడి,పొడి చెత్తను వేరుచేసి సంపద కేంద్రానికి తరలించాలని ఆదేశించారు.ప్రతి పంచాయతీలో ఉన్న సంపద కేంద్రాన్ని వినియోగంలోకి తీసుకురావాలన్నారు. పంచాయతీ కార్యదర్శులు, సర్పంచ్‌లు ఈ కార్యక్రమాలను నిత్యం పర్యవేక్షించాలని తెలిపారు. ఈ కార్యక్రమంలో అడ్డతీగల, వై.రామవరం, రాజవొమ్మంగి మండలాల్లోని పంచాయతీ కార్యదర్శులు,హరిత రాయబారులు పాల్గొన్నారు.

చింతూరు: నిర్వాసితుల అభిప్రాయాలకు అనుగుణంగా వారు కోరుకున్న ప్రాంతంలో పునరావాసం కల్పించాలని చింతూరుకు చెందిన పోలవరం నిర్వాసితుల పీడీఎఫ్‌ కమిటీ ఐటీడీఏ పీవో, ఆర్‌అండ్‌ఆర్‌ అధికారి అపూర్వ భరత్‌కు విజ్ఞప్తి చేసింది. సోమవారం స్థానిక ఐటీడీఏ కార్యాలయంలో పీడీఎఫ్‌ కమిటీ సభ్యులు పీవోను కలసి అభిప్రాయ సేకరణ వివరాలను అందచేశారు. ఈ సందర్భంగా పీడీఎఫ్‌ కమిటీ సభ్యులు మాట్లాడుతూ పోలవరం ప్రాజెక్టు ముంపులో భాగంగా చింతూరులో నిర్వాసితులవుతున్న గిరిజనేతర కుటుంబాల నుంచి అభిప్రాయ సేకరణ నిర్వహించినట్లు తెలిపారు. 1,411 కుటుంబాల నుంచి అభిప్రాయాలను సేకరించగా 1,015 కుటుంబాలు తూర్పు గోదావరి జిల్లా గోకవరం సమీపంలోని కృష్ణునిపాలెంలో పునరావాసం కల్పించాలని, 384 కుటుంబాలు ఏలూరు జిల్లా తాడువాయిలో పునరావాసం కల్పించాలని అభిప్రాయం వ్యక్తం చేసినట్లు వారు తెలిపారు. దీనిపై స్పందించిన పీవో అపూర్వభరత్‌ మాట్లాడుతూ ఈ విషయాన్ని అధికారుల దృష్టికి తీసుకు వెళతానని, గ్రామసభల నిర్వహణ అనంతరం నిర్వాసితులను ఆయా ప్రాంతాలకు తీసుకెళ్లి పునరావాస ప్రాంతాలను చూపించేలా చర్యలు చేపడతామని తెలిపారు. ప్రతిఒక్కరికీ పరిహారం అందేలా చర్యలు డివిజన్‌లో నిర్వాసితులవుతున్న ప్రతిఒక్కరికీ పరిహారం అందేలా చర్యలు చేపడుతున్నట్టు పీవో అపూర్వభరత్‌ తెలిపారు. ప్రతి గ్రామసభలో అర్హులైన నిర్వాసితుల జాబితా వెల్లడి చేస్తున్నామని, జాబితాలో పేర్లు లేకపోయినా, పెండింగ్‌లో ఉన్నా 15 రోజులు లోగా స్పెషల్‌ డిప్యూటీ కలెక్టర్లకు దరఖాస్తు చేసుకుంటే వాటిని పరిశీలించి అర్హులైన వారి పేర్లను పరిహారం జాబితాలో చేర్చు తామని పీవో తెలిపారు. ఈ కార్యక్రమలలో పీడీఎఫ్‌ కమిటీ సభ్యులు బొజ్జా పోతురాజు, పయ్యాల నాగేశ్వరరావు, ఎర్రంశెట్టి శ్రీనివా సరావు, సయ్యద్‌ ఆసిఫ్‌, నామాల శ్రీనివాసరావు, ఎస్కే రంజాన్‌, చంద్రశేఖర్‌, అహ్మద్‌అలీ, శ్రీనివాసాచారి, జిక్రియా, చంద్రశేఖర్‌, జీవన్‌, అయ్యూబ్‌అలీ, ఈశ్వరాచారి, షాజహాన్‌ పాల్గొన్నారు.ఐటీడీఏ పీవోకు పీడీఎఫ్‌ కమిటీ విజ్ఞప్తి

రంపచోడవరం: ఆర్థిక సమస్యలతో మండలంలోని పెదగెద్దాడలో ఒక ప్రైవేట్‌ రిసార్ట్‌లో ఓయువకుడు ఆత్మహత్య చేసుకున్నాడు. పల్నాడు జిల్లా గణపవరానికి చెందిన అకారపు రాజేష్‌కుమార్‌ (36) అనే వ్యక్తి ఆదివారం రిసార్ట్‌కు వచ్చాడు. రాత్రి బయటకు రాకపోవడంతో అనుమానం వచ్చిన సిబ్బంది రూమ్‌ లోకి చూసి, ఆత్మహత్య చేసుకున్నట్టు గుర్తించి పోలీసులకు సమాచారం ఇచ్చారు. మృతదేహా న్ని పోస్టుమార్టం నిమిత్తం రంపచోడవరం ఏరి యా ఆస్పత్రికి తరలించారు. మృతుడు తలకు ప్లాసిక్ట్‌ కవర్‌ చుట్టి ఉంది. దీనిపై పోలీసులు కేసు నమోదు చేసి దర్యాప్తు చేస్తున్నారు.

రాత్రి 8.15 నుంచి రథోత్సవం.. 10.30 నుంచి కల్యాణమహోత్సవం సింహాచలం: చైత్ర శుద్ధ ఏకాదశి పురస్కరించుకుని సింహగిరిపై వేంజేసిన శ్రీవరాహ లక్ష్మీనృసింహస్వామి వార్షిక కల్యాణమహోత్సవం మంగళవారం అత్యంత వైభవంగా జరగనుంది. సోమవారం రాత్రి నుంచే కల్యాణ వేడుకలు ప్రారంభమయ్యాయి. తొలుత ఆలయ నీలాద్రిగుమ్మం వద్ద అర్చకులంతా రుత్విగ్వరణం, ఉత్సవాంగీకారం జరిపి, చక్రపెరుమాళ్లను పల్లకీలో ఉంచి మాడవీధిలో తిరువీధి నిర్వహించారు. తదుపరి పుట్టబంగారు మండపంలో చక్రపెరుమాళ్లను వేంజేపచేశారు. పుట్టమన్ను ఉంచి మృత్సంగ్రహణాన్ని జరిపారు. ఆలయ స్థానాచార్యులు టి.పి.రాజగోపాల్‌ పుట్టమన్నుని శిరస్సుపై పెట్టుకుని వేదమంత్రోశ్చరణలు, నాదస్వర వాయిద్యాల మద్య ఊరేగింపుగా ఆలయంలోకి తీసుకెళ్లారు. తదుపరి కల్యాణమండపంలో ఏర్పాటుచేసిన పాలికల్లో పుట్టమన్నుని వేసి అంకురార్పణను విశేషంగా నిర్వహించారు. నేటి మధ్యాహ్నం నుంచి కల్యాణ ఘట్టాలు స్వామివారి కల్యాణోత్సవ ఘట్టాలను మంగళవారం మధ్యాహ్నం 3 గంటలకు జరిగే కొట్నాలు ఉత్సవంతో ప్రారంభిస్తారు. సాయంత్రం 6.30 నుంచి ఎదురుసన్నాహోత్సవం జరుపుతారు. అనంతరం స్వామిని, అమ్మవార్లను రథంపై వేంజేపచేసి రాత్రి 8.15గంటల నుంచి సింహగిరి మాడ వీధుల్లో రథోత్సవాన్ని నిర్వహిస్తారు. 10.30 నుంచి ఆలయ ఉత్తరరాజగోపురం ఎదురుగా ఏర్పాటుచేసిన భారీ వేదికపై వార్షిక కల్యాణోత్సవం నిర్వహిస్తారు. రథోత్సవానికి సన్నద్ధం రథోత్సవానికి సంబంధించి సోమవారం రథాన్ని సిద్ధం చేశారు. తొలుత జాలారి పెద్ద, రథసారథి కదిరి లక్ష్మణరావు, దేవస్థానం వైదికులు రథానికి పూజలు నిర్వహించారు. అనంతంం ఎస్‌బీటీ గేటు దగ్గర నుంచి రాజగోపురం వద్దకు రథాన్ని తెచ్చారు. దర్శనాలపై ఆంక్షలు వార్షిక కల్యాణోత్సవాన్ని పురస్కరించుకుని మంగళవారం మధ్యాహ్నం 2.30 గంటల వరకు మాత్రమే అప్పన్న మూలవిరాట్‌ దర్శనాలు లభిస్తాయి. తిరిగి రాత్రి 8.30 నుంచి 10 వరకు దర్శనాలకు అనుమతిస్తారు. కార్యక్రమాల్లో దేవస్థానం ఈవో కె.సుబ్బారావు దంపతులు, ఆలయ స్థానాచార్యులు టి.పి.రాజగోపాల్‌, ప్రధానార్చకులు గొడవర్తి శ్రీనివాసాచార్యులు, ఇరగవరపు రమణాచార్యులు, పురోహిత్‌ అలంకారి కరి సీతారామాచార్యులు, ఈఈ శ్రీనివాసరాజు, సూపరింటెండెంట్‌ త్రిమూర్తులు, మాజీ ట్రస్ట్‌బోర్డు సభ్యుడు గంట్ల శ్రీనుబాబు, పలువురు మత్స్యకారులు, భక్తులు పాల్గొన్నారు.

కంచరపాలెం: ఏసీబీ అధికారుల వలలో అవినీతి చేపలు చిక్కాయి. జ్ఞానాపురం జోన్‌–5 జీవీఎంసీ కార్యాలయంలో సోమవారం ఏసీబీ అధికారులు దాడులు నిర్వహించారు. ఈ దాడుల్లో పబ్లిక్‌ హెల్త్‌ విభాగం జనన, మరణ ధ్రువీకరణ విభాగంలో డేటా ఎంట్రీ ఆపరేటర్‌గా పనిచేస్తున్న ఉద్యోగి దండి సత్యసూర్య నాగపూర్ణ చంద్రశేఖర్‌, ఔట్‌సోర్సింగ్‌ సూపర్‌వైజర్‌ బరకాల వెంకటరమణలు రూ.20 వేలు లంచం తీసుకుంటూ ఏసీబీ అధికారులకు రెడ్‌ హ్యాండెడ్‌గా పట్టుబడ్డారు. ఈ సందర్భంగా ఏసీబీ డీఎస్పీ నాగేశ్వరరావు మాట్లాడుతూ పార్వతీపురం మన్యం జిల్లా జలిజపేట మండలం నారాయణపురం గ్రామానికి చెందిన భాను ప్రకాష్‌ తండ్రి మర్రిపాలెం రైల్వే ట్రాక్‌ వద్ద జనవరిలో మృతి చెందాడు. అతని మరణ ధ్రువీకరణ పత్రం కోసం జ్ఞానాపురం జోన్‌–5 పబ్లిక్‌ హెల్త్‌ విభాగంలో పనిచేస్తున్న డేటా ఎంట్రీ ఆపరేటర్‌గా పనిచేస్తున్న ఉద్యోగి చంద్రశేఖర్‌, ఔట్‌సోర్సింగ్‌ సూపర్‌వైజర్‌ వెంకటరమణలు రూ.40 వేలు డిమాండ్‌ చేశారు. చివరకు రూ.20వేలుకు ఒప్పందం కుదుర్చుకున్నాయి. అయితే బాధితుడు భానుప్రకాష్‌కు డబ్బులు ఇవ్వడం ఇష్టం లేకపోవడంతో ఏసీబీ అధికారులకు ఫిర్యాదు చేశాడని తెలిపారు. ఇద్దరు పొరుగు సేవల ఉద్యోగులు లంచం డబ్బులను బాధితుని వద్ద నుంచి తీసుకుంటుండగా జోనల్‌ కార్యాలయంలో అరెస్ట్‌ చేయడం జరిగిందని తెలిపారు. అవినీతి నిరోధక (సవరణ) చట్టం–2018 సెక్షన్‌ 7 కింద కేసు నమోదు చేసి మంగళవారం ఏసీబీ ప్రత్యేక న్యాయస్థానంలో హాజరు పరుస్తామని ఆయన తెలిపారు. రాష్ట్ర ప్రభుత్వ ఉద్యోగులు లంచం ఇవ్వాలని వేధించినట్లయితే సంబంధిత ఏసీబీ అధికారులకు, టోల్‌ ఫ్రీ నంబర్‌ 1064 లేదా 9440440057కు తెలియజేయాలని ఆయన కోరారు. కార్యక్రమంలో ఏలూరు రేంజ్‌ డీఎస్పీ రమ్య, ఇన్‌స్పెక్టర్లు కృష్ణకిషోర్‌, వెంకట్రావ్‌, లక్ష్మణరావు, శ్రీనివాసరావు, సుప్రియ పాల్గొన్నారు. రూ.20 వేలు లంచం తీసుకుంటూ పట్టుబడ్డ జోన్‌–5 ఉద్యోగులు

పాడేరు : ప్రతి ఒక్కరు తమ ఆరోగ్యంపై జాగ్రత్తలు తీసుకోవాలని, ఆరోగ్యాన్ని కాపాడుకోవడం కోసం అవగాహన కలిగి ఉండాలని జిల్లా వైద్యారోగ్య శాఖ అధికారి డాక్టర్‌ జమాల్‌బాషా అన్నారు. ప్రపంచ ఆరోగ్య దినోత్సవం సందర్భంగా సోమవారం పట్టణంలో ర్యాలీ నిర్వహించారు. పాత బస్టాండ్‌ వద్ద వైద్యారోగ్య శాఖ ఉద్యోగులు, ఏఎన్‌ఎం శిక్షణ కేంద్రం విద్యార్థులు మానవహారంగా ఏర్పడ్డారు. ఏటా ఏప్రిల్‌ 7న ప్రపంచ ఆరోగ్య దినోత్సవం సందర్భంగా ప్రజల ఆరోగ్య సమస్యలపై అవగాహన పెంచటానికి ర్యాలీలు, మానవహారాలు నిర్వహిస్తామన్నారు. తల్లీ, నవజాత శిశువుల ఆరోగ్యంపై వైద్యారోగ్య శాఖ సిబ్బంది అవగాహన కలిగి ఉండాలన్నారు. ఆస్పత్రుల్లో సుఖ ప్రసవాలు అయ్యేటట్టు గ్రామాల్లో గర్భిణులకు అవగాహన కల్పించాలన్నారు. గిరిజన ప్రాంతాల్లో మాతా, శిశు మరణాల నివారణకు ప్రతి ఒక్కరు కృషి చేయాలన్నారు. వైద్యారోగ్యంపై ప్రజలకు అవగాహన, చైతన్య కార్యక్రమాలు నిర్వహించాలన్నారు. పాడేరు మెడికల్‌ కళాశాల ప్రిన్సిపాల్‌ డాక్టర్‌ హేమలత, ఆసోసియేట్‌ ప్రొఫెసర్‌ డాక్టర్‌ యర్రయ్య, ఏఎన్‌ఎం శిక్షణ కేంద్రం విద్యార్థులు, జిల్లా ఆస్పత్రి, సిబ్బంది పాల్గొన్నారు. డీఎంహెచ్‌వో డాక్టర్‌ జమాల్‌బాషా

డుంబ్రిగుడ: అడవినే నమ్ముకున్న గిరిపుత్రుల సంపూర్ణ అభివృద్ధే ముఖ్యమని రాష్ట్ర ఉప ముఖ్యమంత్రి పవన్‌కల్యాణ్‌ తెలిపారు. సోమవారం ఆయన డుంబ్రిగుడ మండలంలో పర్యటించి పలు కార్యక్రమాల్లో పాల్గొన్నారు. ఈ సందర్భంగా స్థానిక బాలికల ఆశ్రమ పాఠశాలలో జరిగిన సభలో ఆయన మాట్లాడుతూ కేంద్ర, రాష్ట్ర ప్రభుత్వాల నిధులతో అడవితల్లి బాట కార్యక్ర మాన్ని ప్రారంభించామని చెప్పారు. అడవితల్లికి ఏదో చేయాలనే ఆలోచనలతో ఉన్నామని తెలిపారు. రాష్ట్ర ఆర్థిక పరిస్థితి దృష్ట్యా నిధుల ఖర్చు విషయంలో బాధ్యతగా ఉంటున్నామని చెప్పారు. మండల పర్యటన సందర్భంగా పీవీటీజీ గిరిజన మహిళలు సంప్రదాయ కూవీ భాషలో పాటలు పాడుతూ ఆయనకు స్వాగతం పలికారు. అడ్డాకులతో తయారు చేసిన గిడుగులను బహూకరించారు. అనంతరం ఐసీడీఎస్‌ ఏర్పాటు చేసిన కార్యక్రమంలో చిన్నారులకు బాలామృతం తినిపించి, గర్భిణులకు సీమంతాలు నిర్వహించారు. మధ్యాహ్నం ఒంటి గంటకు డుంబ్రిగుడలో నిర్వహించిన బహిరంగ సభలో మాట్లాడారు.విద్యార్థులకు అవస్థలు డుంబ్రిగుడలో నిర్వహించిన బహిరంగ సభ లో విద్యార్థులు అవస్థలకు గురయ్యారు. జనం లేకపోవడంతో డుంబ్రిగుడ ప్రభుత్వ సంక్షేమ బాలికల పాఠశాల విద్యార్థినులను తీసుకొచ్చి కూర్చోబెట్టారు. వారికి కనీసం తాగునీరు కూడా ఇవ్వలేదు. సభా ప్రాంగణంలో ఆహార పొట్లాలు కూడా అరకొరగా అందించారు. అవికూడా సరిగా ఉడకకపోవ డంతో తీసుకున్నవారు తినకుండా పడేశా రు. కూటమి నాయకులు జీవో నంబర్‌ 3కు చట్టబద్ధత కల్పించాలని ప్లకార్డులు పట్టుకుని నినాదాలు చేశారు. అయితే ఉపముఖ్యమంత్రి నుంచి ఎటువంటి సమాధానం రాకపోవడంతో వారు ఆవేదన వ్యక్తం చేశారు. పవన్‌కల్యాణ్‌ పర్యటనతో ప్రయాణికులు అవస్థలు పడ్డారు. పోతంగి పంచాయతీ చాపరాయి వద్దకు చేరుకున్న సమయంలో రోడ్డుకుఇరువైపులా పోలీసు లు ప్రయాణికుల జీపులు, ఆర్టీసీ బస్సులు ఇతర వాహనాలు అడ్డుకోవడంతో పాడేరు –అరకు రోడ్డులో ట్రాఫిక్‌ జామ్‌ అయ్యింది. ప్రయాణికులు ఇబ్బందులకు గురయ్యారు. ఉప ముఖ్యమంత్రి పవన్‌కల్యాణ్‌

ముంచంగిపుట్టు: మండలంలోని దొడిపుట్టు వద్ద జరిగిన ప్రమాదంలో ఓ వ్యక్తి మృతి చెందగా, ఇద్దరు తీవ్రంగా గాయపడ్డారు. నిద్రమత్తులో మితిమీరిన వేగంతో బైక్‌ను నడపడం వల్ల అదుపు తప్పి పెద్దబండరాయిని ఢీకొనడంతో ప్రమాదం జరిగినట్టు పోలీసులు తెలిపారు. స్థానిక ఎస్‌ఐ జె.రామకృష్ణ అందించిన వివరాలు ఇలా ఉన్నాయి. అరకులోయ మండలం బొండం పంచాయతీ రంగినిగూడ గ్రామానికి చెందిన కిల్లో గోవింద్‌,సిరగం రాంబాబు,సువాభి గణేష్‌ మండలంలోని దొడిపుట్టు పంచాయతీ కేంద్రంలో జరిగిన శుభకార్యానికి వచ్చారు. ఆదివారం రాత్రి శ్రీరామనవమి జాతరను తిలకించిన అనంతరం సోమవారం తెల్లవారుజామున 4గంటల సమయంలో ద్విచక్రవాహనంపై స్వగ్రామం రంగినిగూడకు బయలుదేరారు.దొడిపుట్టు నుంచి కిలో మీటరు దూరం వచ్చేసరికి నిద్రమత్తులో ఉండడంతోపాటు అతివేగంగా బైక్‌ను నడపడంతో అదుపు తప్పింది. రోడ్డు పక్కన గల పెద్దబండ రాయిని బైక్‌ ఢీకొనడంతో వెనుక కూర్చున్న సువాభి గణేష్‌(36) తలకు బలమైన గాయమై సంఘటన స్థలంలోనే మృతి చెందాడు. బైక్‌ నడుపుతున్న సిరగం రాంబాబు,వెనుక ఉన్న కిల్లో గోవింద్‌లు తీవ్రంగా గాయపడ్డారు. గమనించిన స్థానికులు ప్రైవేట్‌ వాహనంలో హూటాహూటిన వారిని ముంచంగిపుట్టు సీహెచ్‌సీకి తరలించారు.వైద్యాధికారి గీతాంజలి క్షతగాత్రులకు వైద్య సేవలందించారు. ఇద్దరి పరిస్థితి విషమంగా ఉండడంతో మెరుగైన వైద్యం కోసం పాడేరు జిల్లా ఆస్పత్రికి తరలించారు. అక్కడి నుంచి విశాఖ కేజీహెచ్‌కు పంపారు. మృతుడు గణేష్‌ తండ్రి సువాభి సింహా చలం ఫిర్యాదు మేరకు కేసు నమోదు చేసి, దర్యాప్తు చేస్తున్నట్టు ఎస్‌ఐ రామకృష్ణ తెలిపారు. ఇద్దరికి తీవ్రగాయాలు నిద్రమత్తు, అతివేగం వల్ల ప్రమాదం

● ఐటీడీఏ ఎదుట గిరిజనుల నిరసన రంపచోడవరం: మావోయిస్టులకు సహకరిస్తున్నారనే నెపంతో పోలీసులు అమాయక ఆదివాసీలను తీవ్రంగా వేధిస్తున్నారని, వేధింపులను ఆపాలని సీపీఐ(ఎంఎల్‌) న్యూడెమోక్రసీ ఆధ్వర్యంలో గిరిజనులు సోమవారం ప్రదర్శన నిర్వహించారు. ఐటీడీఏ కార్యాలయం వరకూ ర్యాలీ నిర్వహించి, పీవో కట్టా సింహాచలానికి వినతిపత్రాన్ని అందజేశారు. సీపీఐ (ఎంఎల్‌) నాయకుడు పల్లాల లచ్చిరెడ్డి మాట్లాడుతూ అటవీ ఉత్పత్తుల సేకరణకు అడవుల్లోకి వెళ్లే ఆదివాసీలు భయాందోళనకు గురవుతున్నారన్నారు. తమ అవసరాల కోసం అడవుల్లోకి వెళ్లిన గిరిజనులను పోలీసులు నిర్బంధిస్తున్నారని చెప్పారు. మారేడుమిల్లి మండలం పుల్లంగి, గుడిసె పాములమామిడి, బంద, బొడ్లంక, చట్లవాడ, వై.రామవరం మండలంలోని కానివాడ, చెరువూరు, వేజువాడ, చింతలపూడి, పుట్టగండి, రచ్చవలస, భీమునిగడ్డ, చింతకొయ్య, బులసిపాలెం తదితర అటవీ ప్రాంతాల్లో పోలీసులు విస్తృతంగా కూంబింగ్‌ చేస్తూ ఆదివాసీలను భయాందోళనలకు గురి చేస్తున్నారని తెలిపారు. పీవో, సబ్‌ కలెక్టర్‌, స్థానిక ఎమ్మెల్యే స్పందించి పోలీసుల వేధింపుల నుంచి గిరిజనులను కాపాడాలని కోరారు.

● కలెక్టర్‌ దినేష్‌ కుమార్‌ సాక్షి, పాడేరు: టెన్త్‌ మూల్యాంకనాన్ని పారదర్శకంగా నిర్వహించాలని కలెక్టర్‌ ఎ.ఎస్‌.దినేష్‌ కుమార్‌ సూచించారు. స్థానిక తలారిసింగి పాఠశాలలోని టెన్త్‌ మూల్యాంకన కేంద్రాన్ని ఆయన ఆదివారం ఆకస్మికంగా తనిఖీ చేసి, మూల్యాంకనం జరుగుతున్న తీరును పరిశీలించారు. ఈ సందర్భంగా కలెక్టర్‌ మాట్లాడుతూ, జిల్లాలో ఎటువంటి అవాంఛనీయ సంఘటనలు జరగకుండా ప్రశాంతంగా, పకడ్బందీగా పరీక్షలు నిర్వహించడం జరిగిందని, అదేవిధంగా మూల్యాంకనాన్ని కూడా పారదర్శకంగా నిర్వహించాలని సూచించారు. కేంద్రంలోని గదుల్లో లైటింగ్‌, తాగు నీరు, ఇతర సదుపాయాలను పరిశీలించి, సంతృప్తి వ్యక్తం చేశారు. విత్యుత్‌ సరఫరాకు అంతరాయం లేకుండా ఏర్పాటు చేసిన జనరేటర్‌ పరిశీలించారు. సుమారు 650 మంది ఉపాధ్యాయులు మూల్యాంకనంలో పాల్గొన్నారని, రేపటితో ఓపెన్‌ స్కూల్‌ పరీక్షల మూల్యాంకనం పూర్తవుతుందని, రెగ్యులర్‌ పదవ తరగతి మూల్యాంకనం మరో మూడు రోజుల పాటు జరుగుతుందని కలెక్టర్‌కు డీఈవో వివరించారు. ఈ కార్యక్రమంలో డీఈవో పి.బ్రహ్మాజీ రావు, పరీక్షల సహాయ కమిషనర్‌ శశిభూషణ్‌ కుమార్‌ పాల్గొన్నారు

రంపచోడవరం: మండల కేంద్రం రంపచోడవరంలో గాలిదూమరంతో భారీ ఎత్తున వడగళ్ల వర్షం కురిసింది. ఈదురు గాలులు వీయడంతో మధ్యాహ్నం మూడు గంటల నుంచి విద్యుత్‌ సరఫరాను నిలిచిపోయింది. ఆదివారం జరిగిన సంతకు వచ్చిన పలువురు ఇబ్బందులకు గురయ్యారు. సుమారు రెండు గంటల పాటు వర్షం కురవడంతో రంపచోడవరం వీధులు నీటితో నిండిపోయాయి. జి.మాడుగుల: మండలంలోని పలు గ్రామాల్లో ఆదివారం సాయంత్రం ఈదురుగాలతో కుండపోతగా వర్షం కురిసింది. రోడ్లు జలమయమయ్యాయి. పాడేరు,చింతపల్లి,సొలభం, గడుతూరు, నుర్ముతి,మద్దిగరువు, బొయితిలి, లువ్వాసింగి, వంజరి, గెమ్మెలి కుంబిడిసింగి రోడ్లలో రాకపోకలు సాగించే ద్విచక్రవాహనదారులు తీవ్ర ఇబ్బందులు పడ్డారు. భీకర శబ్దాలతో పిడుగులు పడడంతో భయాందోళనలకు గురయ్యారు. రాజవొమ్మంగి : మండలంలో ఆదివారం భారీగా ఈదురు గాలులు వీచాయి. ఆకాశం మేఘావృతమై పెద్ద శబ్దాలతో ఉరుములు మెరుపులు రావడంతో స్థానికులను భయాందోళనలకు గురయ్యారు. విద్యుత్‌ సరఫరాకు అంతరాయం కలిగింది. మండలంలోని కొన్ని లోతట్టు గ్రామాల్లో ఓ మోస్తరు వర్షం కురిసింది. కొయ్యూరు: మండలంలో రోజూ సాయంత్రం ఈదురు గాలులు వీస్తుండడంతో విద్యుత్‌ సరఫరాను నిలిపివేయాల్సి వస్తోంది. వారం నుంచి మండలంలో ఇదే పరిస్థితి నెలకొంది. ఆదివారం సాయంత్రం కూడా ఈదురుగాలులు వీయడంతో విద్యుత్‌ సరఫరాను నిలిపివేశారు. అటు కృష్ణదేవిపేట లైన్‌తో పాటు ఇటు రంపచోడవరం నుంచి వచ్చే విద్యుత్‌లైన్‌లో సాంకేతిక సమస్య వల్ల సరఫరా నిలిచిపోయింది.కొమ్మికలో శనివారం ఈదురుగాలులు మూలంగా పడిపోయిన స్తంభాలను ఆదివారం మధ్యాహ్నం పునరుద్ధరించారు.

మూడు పూటలా భిన్నమైన వాతావరణంసాక్షి,పాడేరు: జిల్లాలోని పలు ప్రాంతాల్లో వింత వాతావరణం నెలకొంటొంది. ఉదయం దట్టంగా పొగమంచు కురుస్తుండడంతో 8గంటల తరువాత సూర్యోదయం అవుతోంది.ఆ తరువాత సూర్యుడు నిప్పులు చెరుగుతున్నాడు. మధ్యాహ్నం 3గంటల తరువాత ఒక్కసారిగా వాతావరణం మారిపోయి వర్షం కురుస్తోంది. పాడేరుతో పాటు పలు ప్రాంతాల్లో మధ్యాహ్నం వరకూ తీవ్రంగా ఎండకాసి, అనంతరం వర్షం కురుస్తుండడతో ప్రజలు ఇబ్బందులకు పడుతున్నారు. జిల్లాలో పాడేరుతో పాటు పలు ప్రాంతాల్లో ఆదివారం భారీ వర్షం పడింది. భారీగా ఈదురు గాలులు వీచాయి. కొన్ని ప్రాంతాల్లో విద్యుత్‌ సరఫరాకు అంతరాయం ఏర్పడింది.

జై శ్రీరామ్‌.. జై శ్రీరామ్‌పట్టువస్త్రాలను సమర్పిస్తున్న చింతూరు ఐటీడీఏ పీవో అపూర్వ భరత్‌సీతమ్మవారి విగ్రహాన్ని భక్తులకు చూపుతున్న అర్చకుడుమంగళసూత్రాన్ని భక్తులకు చూపుతున్న ప్రధాన అర్చకులు పురుషోత్తమాచార్యులువీఆర్‌పురం: పుణ్య గోదావరి, శబరి నదుల సంగమ ప్రాంతానికి సమీపాన గల రామగిరి జనసందోహంతో నిండిపోయింది. మాతంగ మహర్షి నిర్మించిన శ్రీసుందర సీతారామచంద్ర స్వామి ఆలయంలో అంగరంగవైభవంగా సాగిన సీతారాముల కల్యాణమహోత్సవాన్ని తిలకించి భక్తులు పులకించిపోయారు. భక్తుల జయ జయ ధ్వానాలు.. మంగళవాయిద్యాలు, వేదమంత్రోచ్చారణల నడుమ.. దేవదాయ శాఖ అధికారులు, ఆలయ కమిటీ సభ్యుల ఆధ్వర్యంలో ఆదివారం అభిజిత్‌ లగ్నంలో శ్రీ సుందర సీతారాముల కల్యాణ మహోత్సవం కనుల పండువగా జరిగింది. సుదూర ప్రాంతాల నుంచి వేలాదిగా తరలివచ్చిన భక్తులు పవిత్ర గోదావరి నదిలో పుణ్యస్నానాలు ఆచరించి మొక్కులు తీర్చుకున్నారు. అనంతరం కొండపైగల అంతరాలయంలో స్వామి మూలమూర్తులను దర్శించుకుని, ప్రత్యేక పూజలు నిర్వహించారు. భారీగా ఊరేగింపు కల్యాణోత్సవం సందర్భంగా రామయ్యను, సీతమ్మను భారీ ఎత్తున ఊరేగించారు. గిరిజన సంప్రదాయ నృత్యం డోలుకొయ్యలు, మంగళవాయిద్యాల నడుమ ఉత్సమూర్తులను కొండ మీద నుంచి ఊరేగింపుగా పల్లకీలో కొండదిగువన ఉన్న మండపానికి తీసుకొచ్చారు. ప్రత్యేక వేదికపై ఉత్సవమూర్తులను ఉంచి ప్రధాన అర్చకులు పురుషోత్తమాచార్యులు ఆధ్వర్యంలో కల్యాణమహోత్సవాన్ని నిర్వహించారు. ఈ కార్యక్రమంలో భక్తులు పెద్ద ఎత్తున పాల్గొన్నారు. పట్టు వస్త్రాల సమర్పణ చింతూరు ఐటీడీఏ పీవో అపూర్వ భరత్‌ , ఆలయకమిటీ చైర్మన్‌ సుదర్శనరావు దంపతులు స్వామివారికి పట్టు వస్త్రాలు, మంగళసూత్రాలు సమర్పించారు. ఏఎస్‌డీఎస్‌ డైరెక్టర్‌ ఉండవల్లి గాంధీ బాబు మంగళసూత్రాలను సమర్పించారు. ఈ కార్యక్రమంలో ఎంపీపీ కారం లక్ష్మి, జెడ్పీటీసీ వాళ్ల రంగారెడ్డి, స్థానిక సర్పంచ్‌ పులిసంతోష్‌ కుమార్‌, ఓఎస్‌డీ జగదీష్‌, సీఐ దుర్గాప్రసాద్‌, కూనవరం, వీఆర్‌ పురం ఎస్‌ఐలు సంతోష్‌కుమార్‌, లతశ్రీ తదితరులు పాల్గొన్నారు. ఈ ఉత్సవాల్లో సుమారు 40 వేల మంది భక్తులు పాల్గొన్నట్టు అంచనా. భక్తుల కోసం ప్రత్యేక లాంచీలు ఏలూరు జిల్లా నుంచి వేలాదిగా తరలి వచ్చిన భక్తుల కోసం గోదావరి ఆవల ఒడ్డున రేపాక గొమ్ము నుంచి లాంచీలను ఏర్పాటు చేశారు. భక్తుల సేవలో..కల్యాణమహోత్సవాన్ని తిలకించేందుకు వచ్చిన భక్తుల కోసం పలువురు సేవాకార్యక్రమాలు నిర్వహించారు. భక్తుల దాహార్తి తీర్చేందుకు తాగు నీరు, మజ్జిగ ప్యాకెట్లు, బెల్లం పానకం పంపిణీ చేశారు. బోటు యూనియన్‌ సభ్యులు మజ్జిగ పంపిణీ చేశారు. భద్రాచలం కూరగాయల మార్కెట్‌ కమిటీ సభ్యులు 10 వేల మందికి అన్నసమారాధ నిర్వహించారు. ఆలయ కమిటీ ఆధ్వర్యంలో వైద్య శిబిరం నిర్వహించారు. రమణీయం రాములోరి కల్యాణం జై శ్రీరామ్‌ నినాదాలతో శ్రీరామగిరి మార్మోగింది.. శ్రీరామ నవమి సందర్భంగా మరో భద్రాద్రిగా ప్రసిద్ధి చెందిన శ్రీరామగిరిలో అశేష భక్తజనం నడుమ శ్రీ సుందర సీతారాచంద్రస్వామి కల్యాణమహోత్సవం వైభవంగా జరిగింది. తనివి తీరా వీక్షించిన భక్తులు తమ కనులదే భాగ్యమంటూ ఉప్పొంగిపోయారు. జై శ్రీరామ్‌...జై శ్రీరామ్‌.. సీతారాం అన్న నామస్మరణలతో రామగిరి ప్రతిధ్వనించింది. రామగిరికి భారీగా తరలివచ్చిన జనం కల్యాణ ఘట్టాలను తిలకించి పులకించిన భక్తులు

పెదబయలు: మండలంలో అరడకోట పంచాయతీ పురుగుడిపుట్టు గ్రామంలో దారుణం జరిగింది. భూ వివాదం నేపథ్యంలో అనుబంధాన్ని, ఆత్మీయతలను మరిచి, విచక్షణ కోల్పోయిన ఓ వ్యక్తి వరుసకు అన్నను పొట్టన పెట్టుకున్నాడు. కర్రతో కొట్టడంతో రెండు రోజుల తరువాత మృతి చెందిన విషయం ఆలస్యంగా వెలుగులోకి వచ్చింది. మృతుడి కుమారుడు, స్థానిక ఎస్‌ఐ అందించిన వివరాలు ఇలా ఉన్నాయి. పురుగుడిపుట్టు గ్రామానికి చెందిన కిల్లో సూరిబాబు, కిలో గణపతి వరుసకు అన్నదమ్ములు. వీరి మధ్య భూ వివాదం నడుస్తోంది. పాతకక్షల నేపథ్యంలో ఈ నెల 3 తేదీ మధ్యాహ్నం 2 గంటల సమయంలో ఒంటరిగా ఉన్న కిల్లో సూరిబాబు(అన్న)పై గణపతి కర్రతో దాడి చేసి తల,ఇతర శరీర భాగాలపై తీవ్రంగా కొట్టాడు. దీంతో సూరిబాబు స్పృహ కోల్పోయి పడిపోయాడు. గ్రామస్తులు ఆయన భార్యకు సమాచారం అందించడంతో ఆమె పెదబయలు పీహెచ్‌సీ తరలించగా ప్రాథమిక చికిత్స అనంతరం, మెరుగైన చికిత్స కోసం పాడేరు జిల్లా ఆస్పత్రికి రిఫరల్‌ చేశారు.అయితే అదే రోజు పాడేరు తీసుకువెళ్లకుండా స్వగ్రామం పురుగుడిపుట్టు తీసుకువచ్చేశారు. ఈ నెల 5 తేదీన గుండెలో నొప్పి వస్తోందని సూరిబాబు చెప్పడంతో పాడేరు జిల్లా ఆస్పత్రికి తరలించడానికి అంబులెన్స్‌కు సమాచారం ఇచ్చే లోపు మృతి చెందాడు. ఈ రెండు కుటుంబాల మధ్య ఏడేళ్ల నుంచి భూ, ఇతర వివాదాలు ఉన్నాయి. మృతుడు కిల్లో సూరిబాబుకు భార్య కాసులమ్మ, కుమారుడు లోకేష్‌, కుమార్తె నందిని ఉన్నారు. సూరిబాబు మృతితో భార్యాపిల్లలు గుండెలవిసేలా రోదించారు. ఆదివారం పోస్టుమార్టం అనంతరం మృతదేహాన్ని బంధువులకు అప్పగించారు. నిందితుడు కిల్లో గణపతిని అరెస్టు చేసి, హత్య కేసు నమోదు చేసి, రిమాండ్‌కు తరలించినట్టు పెదబయలు ఎస్‌ఐ రమణ ఎస్‌ఐ తెలిపారు. ఏడేళ్ల నుంచి ఇద్దరి మధ్య భూ వివాదం ఈ నెల 3వ తేదీన కర్రతో దాడి పురుగుడిపుట్టలో ఘటన నిందితుడి గణపతి అరెస్టు, రిమాండ్‌కు తరలింపు

● టెండర్లు ఆహ్వానించిన వాల్తేర్‌ డివిజన్‌ ● అమృత్‌ భారత్‌తో 15 స్టేషన్లకు కొత్త శోభ సాక్షి, విశాఖపట్నం: కేంద్ర ప్రభుత్వం అమలు చేస్తున్న అమృత్‌ భారత్‌ పథకం ద్వారా వాల్తేరు రైల్వే డివిజన్‌ పరిధిలో 15 రైల్వేస్టేషన్లు కొత్త రూపు సంతరించుకుంటున్నాయి. సౌకర్యాల కల్పనలో భాగంగా స్టేషన్లలో లిఫ్ట్‌లు ఏర్పాటు చేసేందుకు తాజాగా టెండర్లు ఆహ్వానించారు. 13 స్టేషన్ల పరిధిలో రూ.13.67 కోట్లతో 28 లిఫ్ట్‌లు ఏర్పాటు చేయాలని నిర్ణయించారు. వాల్తేరు డివిజన్‌ పరిధిలో మొత్తం 15 రైల్వే స్టేషన్లను అమృత్‌ భారత్‌ పరిధిలోకి తీసుకొచ్చారు. ఆంధ్రప్రదేశ్‌లో సింహాచలం, దువ్వాడ, అరకు, బొబ్బిలి, చీపురుపల్లి, కొత్తవలస, నౌపడ, శ్రీకాకుళం, పార్వతీపురం, విజయనగరం స్టేషన్లు, ఛత్తీస్‌గఢ్‌ పరిధిలో జగదల్‌పూర్‌, ఒడిశా పరిధిలో దమన్‌జోడీ, జైపూర్‌, కోరాఫుట్‌, పర్లాఖిముండి రైల్వే స్టేషన్లలో అభివృద్ధి పనులు మొదలయ్యాయి. ఈ పథకంలో భాగంగా రైల్వే స్టేషన్లలో కొత్త భవనాలు నిర్మించడంతో పాటు ఎస్కలేటర్లు, లిఫ్టులు అందుబాటులోకి రానున్నాయి. ఆధునిక ఆహార శాలలు, వాణిజ్య సముదాయాలు నిర్మించనున్నారు. అలాగే అత్యాధునిక సౌకర్యాలతో మరుగుదొడ్లు, సామగ్రి భద్రపరుచుకునే గదులు, తాగు నీరు, ఏటీఎం సౌకర్యాలు కల్పించనున్నారు. వసతి గదులు, ప్లాట్‌ఫాంలపై డిజిటల్‌ డిస్‌ప్లే బోర్డులు అందుబాటులోకి రానున్నాయి. రైల్వేస్టేషన్‌ మొత్తం సీసీ టీవీ పరిధిలో నిఘా ఉంచడంతో పాటు పచ్చదనం, పరిశుభ్రతకు అత్యధిక ప్రాధాన్యం ఇవ్వనున్నారు. 13 స్టేషన్లలో లిఫ్టుల ఏర్పాటుకు టెండర్లు తాజాగా 13 స్టేషన్లలో లిఫ్ట్‌లు ఏర్పాటుకు రెండు ప్యాకేజీల కింద రూ.13.67 కోట్లతో వాల్తేరు డివిజన్‌ టెండర్లు ఆహ్వానించింది. ఒక లిఫ్ట్‌ 13 మంది ప్రయాణికులకు సరిపడేలా, మరో లిఫ్ట్‌ 20 మందికి సరిపడేలా.. మొత్తం 28 లిఫ్ట్‌లు ఏర్పాటు చేయనున్నారు. చిన్న స్టేషన్లలో ఒకే లిఫ్ట్‌ ఉండాలని నిబంధన విధించారు. టెండర్లు ఖరారు చేసి వర్క్‌ ఆర్డర్‌ ఇచ్చిన ఏడాదిలోపు అన్ని స్టేషన్లలోనూ లిఫ్ట్‌లు ఏర్పాటు చేయాలని నిబంధనల్లో స్పష్టం చేసినట్లు రైల్వే అధికారులు తెలిపారు. సింహాచలం, పర్లాఖిముండి స్టేషన్లలో లిఫ్ట్‌లు, ఎస్కలేటర్ల పనులు జరుగుతున్న నేపథ్యంలో వాటిని ఈ టెండర్లలో మినహాయించారు.

● ‘స్కూల్‌ ఆఫ్‌ ఇంటర్నేషనల్‌ బిజినెస్‌’పై ప్రభుత్వ నిర్లక్ష్యం ● రెగ్యులర్‌ ఫ్యాకల్టీ లేక చదువులు తిరోగమనం ● రిటైర్‌ అయిన ఆచార్యుడికి డైరెక్టర్‌ పగ్గాలు ● ఆరోపణలు ఎదుర్కొంటున్న వారికి అందలం ● వీసీ నిర్ణయాలపై విస్మయం విశాఖ విద్య: ఆంధ్ర యూనివర్సిటీలోని ‘స్కూల్‌ ఆఫ్‌ ఇంటర్నేషనల్‌ బిజినెస్‌’ గాడి తప్పుతోంది. కూటమి ప్రభుత్వం ప్రైవేటు యూనివర్సిటీలకు మేలు చేసేలా తీసుకుంటున్న నిర్ణయాలతో ఏయూలోని స్కూల్‌ ఆఫ్‌ ఇంటర్నేషనల్‌ బిజినెస్‌ నిర్వహణపై తీవ్ర ప్రభావం చూపుతోంది. వైఎస్సార్‌ సీపీ ప్రభుత్వం ఆంధ్ర యూనివర్సిటీకి ఇచ్చిన ప్రాధాన్యతతో అప్పటి వీసీ ప్రసాద్‌ రెడ్డి ప్రత్యేక చొరవ తీసుకొని 2021–22 విద్యా సంవత్సరంలో దీన్ని ప్రారంభించారు. మార్కెటింగ్‌, ఫైనాన్స్‌, హ్యూమన్‌ రిసోర్స్‌ మేనేజ్‌మెంట్‌, హాస్పటాలిటీ మేనేజ్‌మెంట్‌ స్పెషలైజేషన్‌తో బీబీఏతో పాటు ఎంబీఏ కూడా పూర్తి చేసుకునేలా ఇంటిగ్రేటెడ్‌ కోర్సులను అందుబాటులోకి తీసుకురావటంతో విద్యార్థుల నుంచి మంచి ఆదరణ లభించింది. చదువులు తిరోగమనం సెల్ఫ్‌ సపోర్ట్‌ ప్రోగ్రామ్‌ కింద రూసా నిధులతో ‘స్కూల్‌ ఆఫ్‌ ఇంటర్నేషనల్‌ బిజినెస్‌’ను ఏయూలో ప్రారంభించారు. తరగతుల నిర్వహణలో భాగంగా కాంట్రాక్టు పద్ధతిన సీనియర్‌ ఆచార్యులు, అవసరమైన మేరకు అతిథి అధ్యాపకులను నియమించారు. ప్రభుత్వ ఆమోదంతో రెగ్యులర్‌ ప్రాతిపదికన పోస్టుల భర్తీకి ప్రయత్నాలు చేశారు. ఈలోగా రాష్ట్రంలో కూటమి ప్రభుత్వం అధికారంలోకి రావటం, ప్రసాద్‌రెడ్డిని వీసీ పదవి నుంచి తప్పించటం జరిగిపోయాయి. కానీ, రెగ్యులర్‌ ఫ్యాకల్టీ నియామకాలపై ప్రస్తుత ప్రభుత్వం ఏమాత్రం దృష్టి సారించడం లేదు. అంతా అతిథి అధ్యాపకులే కావటంతో ఇక్కడ చదువులు సవ్యంగా సాగటం లేదు. ఈ కారణంగానే స్కూల్‌ ఆఫ్‌ ఇంటర్నేషనల్‌ బిజినెస్‌ చదువుల స్టాండర్డ్‌ తగ్గినట్లు నివేదికలు చెబుతున్నాయి. బాధ్యతాయుతంగా పాఠాలు చెప్పేవారు లేకపోతే, పరిస్థితి ఇలానే ఉంటుందని ఇక్కడి ఆచార్యులు సైతం అంగీకరిస్తున్నారు. ఉద్యోగ విరమణ చేసిన ఆచార్యుడికి కీలక బాధ్యత ఉద్యోగ విరమణ చేసిన వారికి కీలక బాధ్యతలు అప్పగించకూడదనేది యూజీసీ నిబంధన. తాము అధికారంలోకి వస్తే, రిటైర్‌ అయిన వారందరినీ యూనివర్సిటీ నుంచి సాగనంపుతామని కూటమి పెద్దలు ఊకదంపుడు ఉపన్యాసాలు కూడా ఇచ్చారు. కానీ ఏయూకు బ్రాండ్‌ అంబాసిడర్‌గా నిలుస్తున్న స్కూల్‌ ఆఫ్‌ ఇంటర్నేషనల్‌ బిజినెస్‌ పగ్గాలు రిటైర్‌ అయిన ఆచార్యుడికి అప్పగించడం తీవ్ర విమర్శలకు తావిస్తోంది. ఇన్‌చార్జ్‌ వీసీ శశిభూషణ రావు హయాంలో కూటమి పెద్దల సిఫార్సుతోనే నియామకం జరిగినట్లు ప్రచారం సాగింది. ప్రస్తుత వీసీ ఆచార్య రాజశేఖర్‌ హయాంలోనూ అదే వ్యక్తికి డైరెక్టర్‌గా కొనసాగింపు ఉత్తర్వులు ఇవ్వడంపై వర్సిటీ వర్గాల్లో చర్చ సాగుతోంది. ఉద్యోగ విరమణ చేసిన ఓ ఆచార్యుడు సైతం ఇక్కడ ఎటువంటి అధికారిక ఉత్తర్వులు లేకుండానే కొనసాగుతున్నట్లు తెలుస్తోంది. ప్రసాద్‌ రెడ్డిపై కక్ష సాధింపు చర్యలకు పాల్పడుతున్న కూటమి ప్రభుత్వం, ఆయన హయాంలో ఏర్పాటు చేసిన స్కూల్‌ ఆఫ్‌ ఇంటర్నేషనల్‌ బిజినెస్‌ను నిర్వీర్యం చేయనుందా..? అనే అనుమానాలు సైతం ఆచార్యులు వ్యక్తం చేస్తున్నారు. విదేశీ విద్యార్థులతో క్రేజ్‌ స్కూల్‌ ఆఫ్‌ ఇంటర్నేషనల్‌ బిజినెస్‌ ‘ఆంధ్ర యూనివర్సిటీకి బ్రాండ్‌ అంబాసిడర్‌’గా మారింది. ఇంటిగ్రేటెడ్‌ మేనేజ్‌మెంట్‌ కోర్సుల్లో డిగ్రీ, పీజీ చేసే అవకాశం ఉండటంతో ఇక్కడ చదివేందుకు విదేశీ విద్యార్థులు మొగ్గుచూపుతున్నారు. విదేశీ ఎంబసీ ఆమోదంతో ఇంటర్నేషనల్‌ వ్యవహారాలు చూసే విభాగం ద్వారా ఏయూ స్కూల్‌ ఆఫ్‌ ఇంటర్నేషనల్‌ బిజినెస్‌లో చేరే వారిలో 40 శాతం మంది విద్యార్థులు ఆఫ్రికా దేశాలకు చెందిన వారు ఉండటం గమనార్హం. అన్ని కోర్సులు కలుపుకొని 350 మందితో ప్రారంభమైన కళాశాలలో విద్యార్థుల సంఖ్య ఈ మూడేళ్ల కాలంలో 586కు చేరింది. చైన్నెకి చెందిన లాజిస్టిక్స్‌ అండ్‌ సప్లయ్‌ మేనేజ్‌మెంట్‌తో ఎంవోయూ చేసుకోవడంతో ఇక్కడ కోర్సులు అభ్యసించే విద్యార్థులకు క్యాంపస్‌ ప్లేస్‌మెంట్స్‌ లభిస్తున్నాయి.

● నాణ్యమైన ఉక్కు ఉత్పత్తులు స్టీల్‌ప్లాంట్‌కే సొంతం ● 6 నుంచి 36 మి.మీ వరకు రీబార్స్‌, చానల్స్‌, ఐబీమ్స్‌కు రోల్స్‌ తయారీ ఇక్కడే.. ● ప్రతి ఉత్పత్తిపై వైజాగ్‌ స్టీల్‌ టీఎంటీ ముద్ర ● 2002 నుంచి బ్రాండ్‌ మార్క్‌తో మార్కెట్‌లోకి ఉత్పత్తులు స్టీల్‌ప్లాంట్‌లో వైర్‌ రాడ్‌ కాయిల్స్‌ తయారీ లోగో ఎలా ముద్రిస్తారంటే.? రోల్స్‌ను సీఎన్‌సీ లేత్‌ మిషన్‌ మీద కావాల్సిన పరిమాణంలో గాడి(గ్రూవ్స్‌) చేసి, గ్రూవ్స్‌లో రీబార్‌ నాచ్‌ చేసి అనంతరం స్పార్కోనిక్స్‌ బ్రాండింగ్‌ మిషన్‌ మీదకు రోల్‌ను ఎక్కిస్తారు. స్పార్కోనిక్స్‌ బ్రాండింగ్‌ మిషన్‌ ఇండియా ప్రైవేట్‌ లిమిటెడ్‌ (పుణే) సరఫరా చేసిన ఈ మిషన్‌ను కంప్యూటర్‌ ద్వారా అనుసంధానం చేస్తారు. తద్వారా రోల్‌ మీద సుమారు 1.3 ఎం.ఎం నుంచి 1.9 ఎం.ఎం లోతులో అక్షరం ముద్ర పడుతుంది. అలా ఒక్కో అక్షరం ముద్రిస్తారు. కొన్ని సందర్భాల్లో నాలుగైదు అక్షరాలను ముద్రించే అవకాశం ఉన్నట్లు మిషన్‌ ఆపరేటర్‌ తెలిపారు. ఇక్కడ 16 ఎం.ఎం రీబార్‌ నుంచి 36 ఎం.ఎం రీబార్‌ వరకు బ్రాండింగ్‌ చేస్తారు. ఒక్కో రోల్‌కు సుమారు 5 గంటల సమయం, ఇటీవల మార్చిన లోగోకు 6–7 గంటలు పడుతోందని ఉద్యోగులు తెలిపారు. అదే విధంగా చానల్స్‌, యాంగిల్స్‌ మీద కూడా ముద్రిస్తారు. ఉత్పత్తుల మార్కెటింగ్‌లో ప్రధాన భూమిక వహించేది బ్రాండ్‌ ఇమేజ్‌. బ్రాండ్‌ను చూసే వినియోగదారులు వస్తువులు కొనుగోలు చేస్తారనేది విశ్వజనీనం. అందుకే ప్రతీ సంస్థ తమ ఉత్పత్తుల నాణ్యతతో పాటు బ్రాండ్‌ ఇమేజ్‌కు అధిక ప్రాధాన్యమిస్తాయి. దేశీయ ఉక్కు పరిశ్రమలో తమ బ్రాండ్‌ను ముద్రించడంలో విశాఖ ఉక్కు కర్మాగారం తనదైన ప్రత్యేకత కలిగి ఉంది. అలాగే మార్కెట్‌లో ప్రతిష్ట కలిగి ఉందనడంలో ఎటువంటి సందేహం లేదు. సీ్టల్‌ప్లాంట్‌ తుది ఉత్పత్తులు రోలింగ్‌ మిల్స్‌ విభాగాలైన లైట్‌ అండ్‌ మీడియం మర్చంట్‌ మిల్‌(ఎల్‌.ఎం.ఎం.ఎం), మీడియం మర్చంట్‌ అండ్‌ స్ట్రక్చరల్‌ మిల్‌(ఎం.ఎం.ఎస్‌.ఎం), వైర్‌ రాడ్‌ మిల్స్‌(డబ్ల్యూ.ఆర్‌.ఎం), స్పెషల్‌ బార్‌ మిల్‌(ఎస్‌.బి.ఎం), వైర్‌ రాడ్‌ మిల్‌(డబ్ల్యూఆర్‌ఎం)–2, స్ట్రక్చరల్‌ మిల్‌ (ఎస్టీఎం)లలో తయారవుతాయి. ఆయా విభాగాల్లో రీబార్స్‌, రౌండ్స్‌, యాంగిల్స్‌, చానల్స్‌, బీమ్స్‌ తదితర వస్తువులను ఉత్పత్తి చేస్తారు. ఆ ఉత్పత్తుల తయారీకి అవసరమైన గైడ్‌ల తయారీని రోల్‌ షాప్‌ అండ్‌ రిపేర్‌ షాప్‌(ఆర్‌ఎస్‌ అండ్‌ ఆర్‌ఎస్‌) విభాగం చేపడుతుంది. 6 మిల్లీమీటర్ల వ్యాసం నుంచి 36 మిల్లీమీటర్ల వరకు ఉన్న రీబార్లు, చానల్స్‌, ఐబీమ్స్‌లకు రోలింగ్‌ అవసరమైన రోల్స్‌ను ఇక్కడే తయారు చేస్తారు. నిర్ణీత పరిమాణంలో ఆ రోల్స్‌ను సిద్ధం చేసిన తర్వాత, దానిపై విశాఖ ఉక్కుకు ప్రతిష్టగా నిలిచే వైజాగ్‌ స్టీల్‌ టీఎంటీ(థర్మో మెకానికల్‌ ట్రీట్‌మెంట్‌) ముద్రను ముద్రిస్తారు. కీలక విభాగాలకు రోల్స్‌ తరలింపు కర్మాగారంలో తయారయ్యే ఉత్పత్తులపై ముద్ర వేసేందుకు సిద్ధం చేసిన రోల్స్‌ను ఆర్‌ఎస్‌ అండ్‌ ఆర్‌ఎస్‌–1, 2 విభాగాల నుంచి ఉత్పత్తులు తయారయ్యే మిల్స్‌ విభాగాలకు సరఫరా చేస్తారు. అక్కడ తయారవుతున్న ఉత్పత్తులపై విశాఖ ఉక్కు లోగో అయిన వైజాగ్‌ స్టీల్‌, విశాఖ ఉక్కు వంటి లోగోలను ముద్రిస్తారు. నకిలీకు ఆస్కారం లేకుండా.. జాతీయ, అంతర్జాతీయ విపణిలో విశాఖ ఉక్కు ఉత్పత్తులకు ఉన్న గిరాకీని బట్టి తరచూ నకిలీ ఉత్పత్తులు తయారవుతున్నట్టు యాజమాన్యం గుర్తించింది. దీంతో ఎక్కడా డూప్లికేటింగ్‌ జరగకుండా బ్రాండింగ్‌ చేయడానికి అన్ని రకాల చర్యలు తీసుకుంది. అందులో భాగంగా ఇప్పుడు ఉత్పత్తి గ్రేడును కూడా తెలిపే విధంగా ఎంతో సాంకేతిక పరిజ్ఞానంతో ఈ బ్రాండింగ్‌ చేస్తున్నారు. వైజాగ్‌ టీఎంటీ 500డి, వైజాగ్‌ టీఎంటీ హెచ్‌సీఆర్‌డీ అనేవి ఇప్పటి వరకు ముద్రిస్తూ వచ్చారు. కొత్తగా కేంద్ర ప్రభుత్వం ఆదేశాల మేరకు వైజాగ్‌ టీఎంటీ ఎఫ్‌ఈ 550డి, 500డి 6686 59, 8568 66 అనే బ్రాండ్‌ నంబర్లు ముద్రించడం ఇటీవల ప్రారంభించారు. 16ఎంఎం నుంచి 36 ఎంఎం వరకు ఉన్న సైజు ఊచలపై, రైల్వే సంస్థకు పంపే ఉత్పత్తులపై హెచ్‌సీఆర్‌డీ(హై కరోజన్‌ రెసిస్టెంట్‌ డకై ్టల్‌)ను ముద్రిస్తున్నారు. రోలింగ్‌ మిల్స్‌లో ఆయా ఉత్పత్తులపై బ్రాండింగ్‌ చేయడంలో ఉక్కు ఉద్యోగుల పనితీరు ప్రశంసనీయం. బ్రాండింగ్‌ ఎలా ప్రారంభమైంది? విశాఖ ఉక్కు ఉత్పత్తులను మొదట్లో ఇతర కంపెనీల ఉత్పత్తుల్లాగే మార్కెట్‌లో అమ్మేవారు. ఇతర ఉత్పత్తుల్లో విశాఖ ఉక్కు ఉత్పత్తులను వినియోగదారులు గుర్తించడం కష్టంగా ఉండేది. దీంతో అప్పటి సీఎండీ శివసాగర్‌రావు ఏదైనా గుర్తు ఉంటే బాగుంటుందని ఆలోచించి.. రీబార్స్‌ మధ్యలో ఆంగ్ల అక్షరం ‘వి’ఉండేలా చేశారు. అది ఎంతో కష్టపడితే తప్ప స్పష్టంగా కనిపించేది కాదు. ఆ తర్వాత, ఉత్పత్తులపై ప్రారంభంలో బ్రాండింగ్‌ కోసం పెద్ద సైజు నంబర్‌ పంచ్‌ అనే సాధనంతో ‘వైజాగ్‌ స్టీల్‌’అని కొట్టేవారు. ఇది చాలా శ్రమతో కూడుకున్న పని. అన్ని ఉత్పత్తుల మీద ముద్రించాలంటే ఎక్కువ శ్రమ, సమయం పట్టేది. 2002 తర్వాత నేరుగా ఉత్పత్తి మీద ముద్రపడేలా అధికారులు ఏర్పాట్లు చేశారు.

● నాలుగు బంగారు, నాలుగు వెండి పతకాలు కై వసం రాజవొమ్మంగి : స్థానిక జిల్లా పరిషత్‌ ఉన్నత పాఠశాల విద్యార్థులు చిత్రలేఖనంలో ప్రతిభ చూపారు. 12వ ఆల్‌ఇండియా యూత్‌ అండ్‌ చిల్డ్రన్‌ ఆర్ట్‌ కాంపిటీషన్‌లో నాలుగు బంగారు, నాలుగు వెండి పతకాలు సాధించారు. ఇస్సాక్‌ అహ్మద్‌, హిమశ్రీ, హారిక, మణికంఠ బంగారు పతకాలు సాధించగా, బి.జీవన్‌దుర్గేంద్ర, డి. శ్రుతి, అమృత, మల్లిక వెండి పతకాలు పొందారు. విజయవాడలో స్కూల్‌ ఆఫ్‌ ప్లానింగ్‌ అండ్‌ ఆర్కిటెక్చర్‌లో శనివారం జరిగిన కార్యక్రమంలో విద్యార్థులకు బహుమతులు అందజేసినట్టు హెచ్‌ఎం గోపాలకృష్ణ, డ్రాయింగ్‌ టీచర్‌ కొండబాబు తెలిపారు. డ్రాయింగ్‌ టీచర్‌ కొండబాబును ఈ సందర్భంగా నిర్వాహకులు గజమాలతో సత్కరించినట్టు హెచ్‌ఎం చెప్పారు. ఈ పోటీల్లో ఆంధ్ర, తెలంగాణ, చైన్నె రాష్ట్రాలకు చెందిన విద్యార్థులు పాల్గొన్నట్టు హెచ్‌ఎం తెలిపారు.

విశాఖ విద్య: ఆంధ్ర విశ్వవిద్యాలయాన్ని రిపబ్లిక్‌ ఆఫ్‌ అంగోలా రాయబారి ఎక్స్‌లెన్సీ క్లెమెంటే కామెన్హా శనివారం సందర్శించారు. వీసీ ఆచార్య రాజశేఖర్‌ను కార్యాలయంలో కలుసుకున్నారు. ఆంధ్ర విశ్వవిద్యాలయంలో వివిధ విభాగాలలో చదువుతున్న అంగోలాకు చెందిన 46 మంది విద్యార్థులకు అద్భుతమైన విద్యా సౌకర్యాలు కల్పించినందుకు క్లెమెంటే కామెన్హా సతీమణి మరియా, మినిస్టర్‌ కౌన్సిలర్‌ అబెల్‌ మావుంగో ఏయూ వీసీకి కృతజ్ఞతలు తెలిపారు. ఈ సందర్భంగా వారికి ఏయూ వీసీ ఆచార్య రాజశేఖర్‌ ఆంధ్ర విశ్వవిద్యాలయం తరఫున జ్ఞాపిక అందజేసి సత్కరించారు. విద్యార్థులకు అవసరమైన అన్ని రకాలుగా సహాయ సహకారాలను అందజేస్తామని ఈ సందర్భంగా విదేశీ ప్రతినిధులు తెలిపారు.

రాములోరి కల్యాణానికిసాక్షి,పాడేరు: రాములోరి పెళ్లికి సర్వం సిద్ధమైంది. శ్రీరామనవమి సందర్భంగా జిల్లా వ్యాప్తంగా పట్టణాలు, పల్లెల్లో సీతారాముల కల్యాణాన్ని ఆదివారం నిర్వహించేందుకు అందరూ సమాయత్తమయ్యారు. అన్ని గ్రామాల్లో ఆధ్మాత్మిక వాతావరణం నెలకొంది. వీఆర్‌ పురం మండలం శ్రీరామగిరి సుందర సీతారామచంద్ర స్వామి ఆలయం, మండల కేంద్రం ఎటపాకలోని జటాయువు మండపంతో పాటు అన్ని దేవాలయాల్లో సీతారాముల కల్యాణోత్సవాన్ని వైభవంగా నిర్వహించేందుకు ఏర్పాట్లు చేశారు. జిల్లా కేంద్రం పాడేరుతో పాటు పలు గ్రామాల్లో పురాతన రామాలయాలు ఉన్నాయి. గత వైఎస్సార్‌సీపీ ప్రభుత్వ హయాంలో దేవదాయశాఖ పలు గ్రామాల్లో సీతారాముల ఆలయాలను నిర్మించేందుకు చర్యలు తీసుకుంది. విశ్వహిందు పరిషత్‌,విశాఖ శారదాపీఠం ఆధ్వర్యంలోను రామాలయాలను నిర్మించారు.జిల్లాలోని 22 మండలాల పరిధిలో ఊరూరా రామాలయాలు ఉండడంతో గిరిజన పూజారులు నిత్యం పూజలు చేస్తున్నారు. ప్రతి ఏడాది శ్రీరామనవమిని గిరి గ్రామాల్లో భారీ ఎత్తున నిర్వహిస్తారు. శ్రీరామ నవమి సందర్భంగా ఆలయాలను విద్యుత్‌ దీపాలతో అలంకరించారు. పాడేరు మండలంలో సుండ్రుపుట్టు, డోకులూరు, రాయిగెడ్డ, కిండంగి, పాతపాడేరు, పి.గొందూరు, జి.ముంచంగిపుట్టు, గెడ్డంపుట్టు, కుజ్జెలి తదితర గ్రామాల్లో శ్రీరామనవమి ఉత్సవాలు ఘనంగా నిర్వహించనున్నారు. పంచాయతీ కేంద్రం గొండెలిలో నూతనంగా నిర్మించిన రామాలయంలో తొలిసారిగా శ్రీరామనవమి ఉత్సవాలు శనివారం నుంచి ప్రారంభించారు. పోలీస్‌ బందోబస్తు జిల్లా కేంద్రం పాడేరుతో పాటు రామాలయాలు ఉన్న అన్ని చోట్ల భద్రతా చర్యలపై పోలీసుశాఖ దృష్టి సారించింది.ఎలాంటి అవాంఛనీయ సంఘటన లు జరగకుండా బందోబస్తును ఏర్పాటు చేశారు. శ్రీరామగిరిపై ఏర్పాట్లు పూర్తి వీఆర్‌పురం: మండలంలోని శ్రీరామగిరిపై సీతారాముల కల్యాణ మహోత్సవాన్ని అంగరంగవైభవంగా నిర్వహించేందుకు ఆలయ కమిటీ అన్ని ఏర్పాట్లు చేసింది. చింతూరు ఐటీడీఏ పీవో అపూర్వభరత్‌ శనివారం సాయంత్రం ఏర్పాట్లను పరిశీలించి, సూచనలు చేశారు. అనంతరం ఆలయంలో పూజలు నిర్వహించారు. సీతారాముల కల్యాణమహోత్సవాన్ని తిలకించేందుకు జిల్లా నలుమూలల నుంచి సుమారు 20 వేలమంది భక్తులు రానున్నారు. ఈ మేరకు ఏర్పాట్లు చేసినట్టు ఆలయ కమిటీ చైర్మన్‌ పెందుర్తి సుందర్శనరావు, ఆలయప్రధాన అర్చకులు పురుషోత్తమాచార్యులు తెలిపారు. సుమారు వంద మంది పోలీసులు, ఏడుగురు ఎస్‌ఐలతో బందోబస్తు నిర్వహిస్తున్నట్టు చెప్పారు. జిల్లా వ్యాప్తంగా ఆధ్యాత్మిక వాతావరణం గ్రామగ్రామాన రామ నవమికి ఏర్పాట్లు

సింథియా(విశాఖ): హిందూస్తాన్‌ షిప్‌యార్డ్‌ లిమిటెడ్‌ సంస్థలో నేషనల్‌ మారిటైమ్‌ డే వేడుకలను శనివారం ఘనంగా నిర్వహించారు. ఈ సందర్భంగా భారతదేశంలో మొట్టమొదటి ఆధునిక షిప్‌యార్డ్‌, మొదటి విమాన కర్మాగారం, మొదటి కార్‌ ఫ్యాక్టరీని స్థాపించిన సేథ్‌ వాల్‌చంద్‌ హీరాచంద్‌ దోషిని గుర్తు చేసుకుంటూ ఘనంగా నివాళులర్పించారు. నేషనల్‌ మారిటైమ్‌ డేను పురస్కరించుకుని హైదరాబాద్‌కు చెందిన సీఐఐ–యంగ్‌ ఇండియన్స్‌ సభ్యులతో కూడిన 25 మంది షిప్‌యార్డ్‌ను సందర్శించగా, వారికి సంస్థకు చెందిన అధికారులు పలు అంశాలను వివరించారు. 1919వ సంవత్సరం ఏప్రిల్‌ 5న సింథియా స్టీమ్‌ నావిగేషన్‌ మొదటి భారతీయ ఓడ ఎస్‌ఎస్‌ లాయల్టీ ముంబై నుంచి లండన్‌ వరకు ప్రయాణించిందని, నాటి స్ఫూర్తితో ఆత్మ నిర్భర్‌ భారత్‌కు అనుగుణంగా ఆధునిక నౌకలను నిర్మించడం ద్వారా సేథ్‌ వాల్‌చంద్‌ హీరాచంద్‌ దోషి కలలకు కట్టుబడి ఉన్నట్లు అధికారులు తెలిపారు.

అల్లిపురం(విశాఖ): ఏజెన్సీ ప్రాంతం నుంచి దేశ రాజధాని ఢిల్లీకి గంజాయి తరలిస్తున్న వ్యక్తిని దువ్వాడ పోలీసులు శుక్రవారం అదుపులోకి తీసుకున్నారు. నిందితుల్లో ఇద్దరి పరారవగా, 126 కేజీల గంజాయి స్వాధీనం చేసుకున్నారు. ఈ మేరకు నగర పోలీస్‌ కమిషనరేట్‌ సమావేశమందిరంలో శనివారం ఏర్పాటు చేసిన విలేకరుల సమావేశంలో నగర శాంతిభద్రతల డీసీపీ–2, డి.మేరీ ప్రశాంతి వివరాలు వెల్లడించారు. శుక్రవారం ఉదయం 11 గంటల సమయంలో దువ్వాడ పోలీసులకు వచ్చిన సమాచారం మేరకు గంజాయి బీట్‌ సిబ్బంది కూర్మన్నపాలెం, స్టీల్‌సిటీ ఆర్టీసీ డిపోవద్ద నిఘా వేశారు. దీంట్లో భాగంగా ముగ్గురు వ్యక్తులు అనుమానాస్పదంగా సంచరిస్తున్నట్లు గమనించారు. వారిలో ఒకరిని అదుపులోకి తీసుకున్నారు. అతని నుంచి 6 బ్యాగులలో 126.940 కేజీల గంజాయి, ఒక మొబైల్‌ స్వాధీనం చేసుకున్నారు. పశ్చిమ ఢిల్లీకి చెందిన భరత్‌ సింగ్‌, రాజ్‌సింగ్‌లు ఢిల్లీ పరిసర ప్రాంతాల్లో దుస్తుల వ్యాపారం చేస్తుంటారు. రాజ్‌సింగ్‌ స్నేహితుడు అమిత్‌ కుమార్‌ సింగ్‌ ముందుగా విశాఖ చేరుకున్నాడు. ఇక్కడ రూం అద్దెకు తీసుకుని దుస్తుల వ్యాపారం చేస్తున్నట్టు నటిస్తూ అల్లూరి సీతారామరాజు జిల్లాలో గంజాయి కొనుగోలు చేశాడు. పని పూర్తయిన తరువాత తన మిత్రులైన భరత్‌సింగ్‌, రాజ్‌సింగ్‌ను విశాఖ రమ్మన్నాడు. వీరు ముగ్గరూ గంజాయితో ఢిల్లీ వెళ్లేందుకు కూర్మన్నపాలెంలో ఓ ప్రైవేటు ట్రావెల్‌ బస్సు ఎక్కేందుకు ఆటోలో వేచి ఉండగా పోలీసులు వారిని చుట్టుముట్టారు. అయితే వారిలో అమిత్‌సింగ్‌, రాజ్‌సింగ్‌ పరారవగా..భరత్‌సింగ్‌ మాత్రం పోలీసులకు దొరికిపోయాడు. అతని నుంచి 126.940 కేజీల గంజాయి స్వాధీనం చేసుకుని నిందితుడిని అరెస్ట్‌ చేసి రిమాండ్‌కు తరలించారు.

సాక్షి,పాడేరు: స్వాతంత్య్ర సమరయోధుడు, సంఘ సంస్కర్త, దివగంత మాజీ ఉప ప్రధానికి బాబూ జగ్జీవన్‌రామ్‌ జీవితం స్ఫూర్తిదాయకమని కలెక్టర్‌ ఎ.ఎస్‌.దినేష్‌కుమార్‌ అన్నారు. కలెక్టరేట్‌లో బాబూ జగజ్జీవన్‌రామ్‌ 118వ జయంతిని శనివారం ఘనంగా నిర్వహించారు.ఆయన చిత్రపటానికి కలెక్టర్‌తో పాటు పలువురు అధికారులు పూలమాలలు వేసి ఘనంగా నివాళులర్పించారు. ఈ సందర్భంగా కలెక్టర్‌ మాట్లాడుతూ బాబూ జగజ్జీవన్‌రామ్‌ సమాజానికి, దళితుల సంక్షేమానికి తన జీవితాన్ని అంకితం చేశారన్నారు. ఆయన జీవితాన్ని యువతీయువకులు ఆదర్శంగా తీసుకుని సమాజ హితానికి పనిచేయాలన్నారు. ఈకార్యక్రమంలో డీఆర్‌వో కె.పద్మలత, సాంఘిక సంక్షేమ అధికారి జనార్దనరావు, డీఆర్‌డీఏ, డ్వామా పీడీలు మురళీ, విద్యాసాఽగర్‌, డీఎంహెచ్‌వో డాక్టర్‌ జమాల్‌బాష, ఉద్యానవన శాఖ అధికారి రమేష్‌కుమార్‌రావు, సర్వశిక్ష ఏపీసీ స్వామినాయుడు, డీపీఆర్‌వో గోవిందరాజులు, డివిజనల్‌ పీఆర్‌వో పండు రాములు, జిల్లా క్రీడాశాఖాధికారి జగన్మోహనరావు తదితరులు పాల్గొన్నారు.కలెక్టర్‌ దినేష్‌కుమార్‌

ముంచంగిపుట్టు: మండలంలోని దొడిపుట్టు పంచాయతీ కేంద్రం సమీపంలో నలుగురు బైక్‌ దొంగలను స్థానిక గిరిజనులు శనివారం పట్టుకున్నారు. ఇందుకు సంబంధించిన వివరాలు ఇలా ఉన్నాయి. కొంత మంది అనుమానా స్పదంగా దొడిపుట్టు గ్రామ సమీపంలో సంచరిస్తూ ఉండడంతో స్థానికులు వారిని ప్రశ్నించారు. సరైన సమాధానం చెప్పకుండా వారు తప్పించుకొని కొండ ప్రాంతం వైపు పరుగు తీశారు. దీంతో దొడిపుట్టు, దొరగూడ, పనస, సిందిపుట్టు గ్రామాల గిరిజనులు కొండ ప్రాంతాన్ని చుట్టుముట్టి వారిని పట్టుకున్నారు. పట్టుబడిన ఆ నలుగురు అనకాపల్లి జిల్లా పాయకరావుపేటకు చెందిన వారుగా గుర్తించారు. బైకులను దొంగతనాలు చేయడంతో పాటు ఈ ప్రాంతంలో చోరీ చేసిన వాహనాలను విక్రయించేందుకు వచ్చినట్టు తెలుసుకున్నారు. దీంతో ముంచంగిపుట్టు పోలీసు స్టేషన్‌కు సమాచారం అందించి, వారిని పోలీసులకు అప్పగించారు. స్థానిక ఎస్‌ఐ జె.రామకృష్ణ విచారణ జరిపారు. బైకులు దొంగతనం చేసి, వేరే జిల్లాకు వెళ్లి, అక్కడ అమ్ముకాలు చేస్తున్నట్టు విచారణలో తేలింది. ఇటీవల తుని రూరల్‌ పోలీసు స్టేషన్‌ పరిధిలో టీవీఎస్‌ ఎక్సెల్‌ ద్విచక్రవాహనం దొంగతనం చేసి, ఏవోబీ సరిహద్దులో విక్రయించేందుకు వచ్చినట్టు నిందితులు తెలిపారని ఎస్‌ఐ చెప్పారు. తుని రూరల్‌ పోలీసు స్టేషన్‌లో ద్విచక్రవాహనం దొంగతనంపై కేసు నమోదు కావడంతో నిందితులను అక్కడికి పంపుతామని ఎస్‌ఐ రామకృష్ణ తెలిపారు.పోలీసు స్టేషన్‌లో అప్పగింత

జైలు కాలం...నవ జీవన రాగం ● ఖైదీల్లో ఆర్థిక స్వావలంబన పలు కర్మాగారాలతో ఉపాధి కల్పిస్తున్న విశాఖ కేంద్ర కారాగారం సంవత్సరం ఆదాయం (రూ. లలో) 2006 20లక్షలు 2015 40లక్షలు 2016 1.30 కోట్లు 2017 1.40 కోట్లు 2020 1.60 కోట్లు 2024 2.01 కోట్లు ఆదాయార్జనలో అంతకుమించి.. పలు రంగాల ఉత్పత్తుల ద్వారా ఆదాయార్జనలో ఏటికేడు కేంద్ర కారాగారం తనదైన శైలిలో ముందడుగు వేస్తోంది. 2006 నాటి ఆదాయంతో పోల్చి చూస్తే 19 ఏళ్ల కాలంలో పదిరెట్ల పురోగతితో దూసుకుపోతోందిఈ విభాగాల్లో అత్యధిక ఉత్పత్తి విశాఖ కారాగారంలో ఉన్న యూనిట్లలో అత్యధిక ఉత్పత్తిలో స్టీల్‌ పరికరాల యూనిట్‌ మొదటి వరసలో ఉంది. తర్వాతి స్థానాల్లో బేకరీ, చేనేత, వ్యవసాయ క్షేత్రాలున్నాయి. ఈ నాలుగు యూనిట్ల ద్వారా 2024–25 సంవత్సరంలో రూ 1.71 కోట్ల విలువైన ఉత్పత్తులు వచ్చాయి. విభాగం ఉత్పత్తుల విలువ జైలుకు (రూ.లలో) సమకూరిన ఆదాయం లక్షల్లో స్టీల్‌ పరికరాలు 1.35 కోట్లు 17 బేకరీ 15.30 లక్షలు 2 చేనేత 15 లక్షలు 1.60 వ్యవసాయం 5.80 లక్షలు 1.20 ఇతరములు 28.90 లక్షలు 5.70 8లోఖైదీలతో వివిధ ఉత్పత్తి విభాగాల నిర్వహణ ఏడాదిలో కారాగారం నుంచి రూ. రెండు కోట్ల విలువైన ఉత్పత్తులు

జెడ్పీ చైర్‌పర్సన్‌ జల్లిపల్లి సుభద్రముంచంగిపుట్టు: గ్రామాల్లో ప్రజలు ఎదుర్కొంటున్న సమస్యలపై సర్పంచ్‌లు, ఎంపీటీసీలు, కార్యకర్తలు దృష్టి పెట్టాలని ఉమ్మడి విశాఖ జిల్లా పరిషత్‌ చైర్‌పర్సన్‌ జల్లిపల్లి సుభద్ర తెలిపారు. మండల కేంద్రం ముంచంగిపుట్టులోని చైర్‌పర్సన్‌ నివాసంలో వైఎస్సార్‌సీపీ సర్పంచ్‌లు, ఎంపీటీసీలు, నేతలు, కార్యకర్తలతో శనివారం నిర్వహించిన సమావేశంలో ఆమె మాట్లాడారు. ముందుగా పంచాయతీల వారీగా నెలకొన్న సమస్యలను అడిగి తెలుసుకున్నారు. నిత్యం గ్రామాల్లో పర్యటించి, ప్రజలకు అండగా ఉంటూ మౌలిక సదుపాయాలు కల్పనే లక్ష్యంగా పనిచేయాలన్నారు. ముఖ్యంగా వైఎస్సార్‌సీపీ కార్యకర్తలను కలుపుకొని పోతూ పార్టీని మరింత బలోపేతం చేసేందుకు అందరూ కృషి చేయాలని చెప్పారు. తాగునీటి పథకాలు, రహదారుల ప్రారంభోత్స కార్యక్రమాల్లో సర్పంచ్‌లు, ఎంపీటీసీలను భాగస్వామం చేసే విధంగా అధికారులను సూచించినట్టు తెలిపారు. అఽధికారులు ప్రొటోకాల్‌ పాటించడంలో నిర్లక్ష్యంగా వ్యవహరిస్తే తన దృష్టికి తీసుకురావాలన్నారు. వైఎస్సార్‌సీపీని నమ్ముకున్న క్షేత్రస్థాయిలో ఉన్న ప్రతి కార్యకర్తలకు అన్ని విధాలుగా అండగా ఉంటామని ఆమె చెప్పారు.ఈ కార్యక్రమంలో వైఎస్సార్‌సీపీ మండల అధ్యక్షుడు పాంగి పద్మారావు, అరకు నియోజకవర్గం గ్రీవెన్స్‌ సెల్‌ అధ్యక్షుడు గల్లెల అర్జున్‌, సర్పంచుల ఫోరం మండల అధ్యక్షుడు వెంగడ రమేష్‌, వైస్‌ఎంపీపీ సిరగం భాగ్యవతి, మండల ప్రధాన కార్యదర్శి ఎం.రాంప్రసాద్‌ తదితరులు పాల్గొన్నారు.

పెదబయలు: మండలంలోని లక్ష్మీపేట గ్రామ పంచాయతీలో 15వ ఆర్థిక సంఘం నిధులు దుర్వినియోగం జరిగాయని, పూర్తిస్థాయిలో విచారణ చేపట్టాలని మీ కోసం కార్యక్రమంలో కలెక్టర్‌కు అర్జీ అందజేయడంతో శనివారం గ్రామ పంచాయతీ కార్యాలయంలో విచారణ జరిపినట్టు స్థానిక మండల పంచాయతీ విస్తరణాధికారి(ఈవోపీఆర్డీ) నర్సింగరావు తెలిపారు. ఈ సందర్భంగా ఆయన గ్రామంలో సందర్శించారు. నిధుల దుర్వినియోగం ఆరోపణలపై ఆరా తీశారు. పనులు సక్రమంగా నిర్వహించకుండా 15 ఆర్థిక సంఘం నిధులు డ్రా చేశారని, ఎలాంటి వీఎల్‌సీదారులు లేకుండా నేరుగా సర్పంచ్‌ పేరుతో డ్రా చేశారని ఫిర్యాదుదారుడు బొండా సన్నిబాబు విచారణాధికారి దృష్టికి తీసుకొచ్చారు. ఎంత వరకు పనులు చేశారో తేల్చేందుకు ఇంజినీరింగ్‌ అధికారులతో కూడిన నిఫుణుల కమిటీ వేయాలని కోరారు. పనులు గతంలో కంటే బాగానే జరిగాయని కొంతమంది, తీర్మానాలు చేయకుండా నిధులు ఖర్చు చేస్తున్నారని మరికొంతమంది విచారణాధికారికి తెలియజేశారు. విచారణ వివరాలను జిల్లా ఉన్నతాధికారులకు నివేదించి, ఆదేశాలు వచ్చిన తరువాత చర్యలు తీసుకుంటామని ఈవోఆర్‌డీ నర్సింగరావు తెలిపారు. విచారణకు గ్రామ పంచాయతీ కార్యదర్శి హాజరు కాలేదు, నిధుల ఖర్చులకు సంబంధించి ఎలాంటి రికార్డులు విచారణ సమయంలో చూపకపోవడం గమనార్హం. సర్పంచ్‌ లకే అశోక్‌కుమార్‌, గిరిజన సంఘం నాయకుడు బొండా సన్నిబాబు, వార్డు సభ్యులు తదితరులు పాల్గొన్నారు.

మహబూబాబాద్‌ రూరల్‌ : శనిగపురం శివారు బోరింగ్‌ తండా సమీపంలో దారుణహత్యకు గురైన దంతాలపల్లి ఎంజేపీ గురుకులం హెల్త్‌ సూపర్‌ వైజర్‌ తాటి పార్ధసారథి హత్య కేసులో మరొకరిని అరెస్ట్‌ చేశామని రూరల్‌ సీఐ పి.సర్వయ్య, ఎస్‌ఐ వి.దీపిక తెలిపారు. ఈ కేసుకు సంబంధించి ఇప్పటికే మృతుడి భార్య స్వప్న, ఆమె ప్రియుడు వెంకట విద్యాసాగర్‌, తెలగరి వినయ్‌ కుమార్‌, బోగ శివకుమార్‌, మోతుకూరి వంశీని అరెస్ట్‌ చేశామన్నారు. ఈ క్రమంలో శనివారం మరొకరి అరెస్ట్‌ చేశామన్నారు. పార్ధసారథిని హత్య చేయడానికి నిర్వహించిన రెక్కీలో పాల్గొన్న ఆంధ్రప్రదేశ్‌ రాష్ట్రం అల్లూరి సీతారామరాజు జిల్లా రాజావొమ్మంగి మండలం జెడ్డంగి గ్రామానికి చెందిన కూసం లవరాజు పాల్గొన్నట్లు నిర్ధారణ అయ్యిందన్నారు. దీంతో అతడిని విచారించగా నేరం చేసినట్లు ఒప్పుకోవడంతో అరెస్ట్‌ చేసి రిమాండ్‌కు తరలించామని సీఐ, ఎస్‌ఐ పేర్కొన్నారు.

కశింకోట : నరసింగబిల్లిలో ఒక బాలిక ఉరి పోసుకొని ఆత్మహత్య చేసుకొంది. సీఐ అల్లు స్వామినాయుడు శనివారం అందించిన వివరాల ప్రకారం..నరసింగబిల్లిలోని జంగాల కాలనీలో నివాసం ఉంటున్న పిల్లిబోయిన బ్యూల (15) ఇంట్లో ఎవరూ లేని సమయంలో ఫ్యాన్‌కు చీరతో ఉరిపోసుకొని శుక్రవారం ఆత్మహత్య చేసుకుంది. ఘటనపై ఫిర్యాదు అందడంతో ఎస్‌ఐ లక్ష్మణరావు సంఘటన స్థలాన్ని సందర్శించి మృతదేహాన్ని అనకాపల్లి ప్రభుత్వ ఆస్పత్రికి తరలించి శనివారం పోస్టుమార్టం జరిపించి కుటుంబ సభ్యులకు అప్పగించారు. మృతురాలు ఇటీవల టెన్త్‌ పరీక్షలు రాసింది. నూతలగుంటపాలెం శివారు త్రిపురవానిపాలెం గ్రామానికి చెందిన ఆమె తల్లి దుర్గ, తండ్రి కూలి పని చేసుకుంటూ నరసింగబిల్లిలో పదేళ్లుగా నివాసం ఉంటున్నారు. వీరు ఎప్పటిలాగే కూలి పనికి వెళ్లిపోయాక ఇంట్లో ఎవరూ లేని సమయంలో బ్యూల ఆత్మహత్యకు ఒడిగట్టింది. ఇందుకు స్పష్టమైన కారణాలు తెలియరాలేదు. అయితే ఇంటి పక్కన ఉన్న ఓ యువకుడు ప్రేమ పేరుతో కొంత కాలంగా వేధిస్తుండడంతో మనస్థాపం చెంది ఆత్మహత్యకు పాల్పడి ఉండవచ్చునని స్థానికులు, పోలీసులు భావిస్తున్నారు. ఆ యువకుడు ప్రస్తుతం పరారీలో ఉన్నట్టు సమాచారం. దీంతో ఆ కోణంలో ఆత్మహత్య సంఘటనపై పోలీసులు దర్యాప్తు చేపట్టారు. మృతురాలికి ఒక సోదరుడు ఉన్నారు. తండ్రి వరహాలబాబు ఫిర్యాదు మేరకు కేసు నమోదు చేసి దర్యాప్తు చేస్తున్నట్లు సీఐ తెలిపారు.

నక్కపల్లి : మండలంలోని జానకయ్యపేటలో విద్యుత్‌ షాక్‌ తగిలి ఈగల తాతబ్బాయి(80) అనే రైతు సజీవ దహనమయ్యాడు. కుటుంబ సభ్యులు పోలీసులు తెలిిపిన వివరాలిలా ఉన్నాయి. గ్రామానికి చెందిన ఈగల తాతబ్బాయి శనివారం ఉదయం తన కొబ్బరి తోటకు వెళ్తుండగా ఇదే గ్రామానికి చెందిన దేవర కృష్ణ తోటలో తాటిచెట్టు కరెంటు తీగలపై పడడంతో తోటలోకి వెళ్తున్న 11 కేవీ విద్యుత్‌ వైర్లు తెగి కాలిబాటలో పడ్డాయి. వీటిని గమనించకుండా వెళ్లిన తాతబ్బాయి తెగి పడిన వైర్లను కాలితో తొక్కడంతో విద్యుత్‌షాక్‌కు గురయ్యాడు. తీగలనుంచి మంటలు వ్యాపించి తాతబ్బాయి శరీరం పూర్తిగా కాలిపోయింది, దీంతో అక్కడికక్కడే మరణించాడు. విషయం తెలుసుకున్న స్థానికులు కుటుంబ సభ్యులకు, పోలీసులకు సమాచారం ఇచ్చారు. సర్పంచ్‌ సింహాచలం, మాజీ జడ్పీటీసీ సభ్యుడు కురందాసు నూకరాజు, ఎస్‌ఐ సన్నిబాబులు సంఘటన స్థలానికి చేరుకుని ప్రమాద విషయాన్ని తెలుసుకున్నారు. జరిగిన ఘటనపై కేసు నమోదు చేసి దర్యాప్తు చేస్తున్నామని ఎస్‌ఐ సన్నిబాబు తెలిపారు. తెగిపడిన విద్యుత్‌ తీగల వల్ల మృత్యువాత పడిన తాతబాబ్బయి కుటుంబాన్ని ప్రభుత్వం నష్ట పరిహారం చెల్లించి ఆదుకోవాలని గ్రామస్తులు, మృతుని కుటుంబ సభ్యులు కోరుతున్నారు.

నియోజకవర్గ ప్రజలకుశ్రీరామనవమి శుభాకాంక్షలు ● అరకు ఎమ్మెల్యే రేగం మత్స్యలింగం డుంబ్రిగుడ: నియోజకవర్గ ప్రజలకు అరకులోయ ఎమ్మెల్యే రేగం మత్స్యలింగం ముందస్తుగా శ్రీరామనవమి పండుగ శుభాకాంక్షలు తెలిపారు. ఈ సందర్భంగా ఆయన శనివారం మాట్లాడుతూ శ్రీరామనవమి పర్వదినాన్ని పురస్కరించుకొని ప్రతి ఒక్కరూ భక్తిశ్రద్ధలతో పండగ పూజలు జరుపుకోవాలని కోరారు. శ్రీరాముని జీవితం అందరికీ ఆదర్శప్రాయమని, అటువంటి శ్రీరాముని ఆశీస్సులతో నియోజకవర్గ ప్రజలు ఆయురారోగ్యాలతో సుఖసంతోషాలతో ఉండాలని ఆయన ఆకాంక్షించారు.వన్‌ధన్‌ వికాస కేంద్రాలఅభివృద్ధికి కృషి రంపచోడవరం: ఏజెన్సీలో వన్‌ధన్‌ వికాస కేంద్రాలకు సరఫరా చేసే జీడిపిక్కలు, ప్రాసెసింగ్‌ యూనిట్ల ఏర్పాటుపై సందేహాలు ఉంటే ఐటీడీఏలో సంప్రదించాలని పీవో కట్టా సింహాచలం తెలిపారు. వీడీవీకేలను అభివృద్ధి చేసేందుకు కృషి చేస్తున్నట్లు తెలిపారు. వన్‌ధన్‌ వికాస కేంద్రాలకు సంబంధించి ఎటువంటి సందేహాలున్నా టోల్‌ ఫ్రీ నెంబర్‌ 08864–2421135, 944801435కు ఫోన్‌ చేయాలని పేర్కొన్నారు. ● ఆశ్రమ పాఠశాల, కేజీబీవీని సందర్శించిన జేసీ అభిషేక్‌ గౌడ, సబ్‌ కలెక్టర్‌ శౌర్యమన్‌ పటేల్‌డుంబ్రిగుడ: ఉప ముఖ్యమంత్రి పవన్‌ కళ్యాణ్‌ పర్యటన సందర్భంగా ఏర్పాట్లను ఐటీడీఏ ఇన్‌చార్జి పీవో, జాయింట్‌ కలెక్టర్‌ డాక్టర్‌ ఎం.జె అభిషేక్‌ గౌడ, సబ్‌ కలెక్టర్‌ శౌర్యమన్‌ పటేల్‌ పరిశీలించారు. డుంబ్రిగుడ ప్రభుత్వ గిరిజన సంక్షేమ ఆశ్రమ పాఠశాల మైదానాన్ని శనివారం సందర్శించారు. ఏర్పాట్లపై అధికారులకు పలు సూచనలు చేశారు. అనంతరం కేజీబీవీ పాఠశాలను సందర్శించారు. అనంతరం అరకులోయ మండల కేంద్రంలో ఏడో తేదిన నిర్వహించనున్న మహా యోగాసనాల ఏర్పాట్లను పరిశీలించేందుకు వెళ్లారు. గిరిజన సంక్షేమ శాఖ ఈఈ కె.వేణుగోపాల్‌, వివిధ శాఖల అధికారులు తదితరులున్నారు.

మహారాణిపేట: స్టాఫ్‌ నర్సుల పోస్టుల భర్తీకి సంబంధించిన అభ్యర్థుల ఫైనల్‌ జాబితాను శుక్రవారం రాత్రి వైద్య ఆరోగ్య శాఖ ప్రాంతీయ కార్యాలయం రీజినల్‌ డైరెక్టర్‌ డాక్టర్‌ రాధారాణి విడుదల చేశారు. ఈ జాబితాను https@//cfw.ap.nic.in వెబ్‌సైట్‌లో అందుబాటులో ఉంచారు. ఈ ఫైనల్‌ జాబితాపై కూడా అభ్యంతరాలను స్వీకరిస్తున్నారు. అభ్యర్థులు తమ అభ్యంతరాలను రేసపువానిపాలెంలోని వైద్య ఆరోగ్య శాఖ ప్రాంతీయ కార్యాలయంలో అందజేయాలని ఆర్డీ తెలిపారు. వచ్చిన అభ్యంతరాలన్నింటినీ పరిశీలించిన తర్వాత ఎంపిక జాబితాను విడుదల చేస్తామని ఆమె స్పష్టం చేశారు. ఈ పోస్టుల భర్తీకి సంబంధించి జనవరి 27న ప్రాథమిక (ప్రొవిజనల్‌) జాబితాను విడుదల చేసిన విషయం తెలిసిందే. ఆ జాబితాపై మూడు రోజుల పాటు అభ్యంతరాలను స్వీకరించారు. అయితే, ఇంతలో ఉత్తరాంధ్ర ఎమ్మెల్సీ ఎన్నికల కోడ్‌ ఫిబ్రవరి 3వ తేదీ నుంచి అమలులోకి రావడంతో జాబితా పరిశీలన కార్యక్రమం నిలిచిపోయింది. ఎన్నికల కోడ్‌ ముగియడంతో మళ్లీ జాబితాల పరిశీలన ప్రారంభించారు. దరఖాస్తుల వివరాలు: మొత్తం 6 జిల్లాల్లోని 106 స్టాఫ్‌ నర్సు పోస్టుల కోసం డీఎంహెచ్‌వో కార్యాలయంలోని వైద్య ఆరోగ్య శాఖ రీజనల్‌ డైరెక్టర్‌ (ఆర్డీ) కార్యాలయంలో దరఖాస్తులు స్వీకరించారు. ఆ తరువాత పోస్టులు మరో 264 పెరిగాయి. శ్రీకాకుళం, విజయనగరం, పార్వతీపురం మన్యం జిల్లా, విశాఖపట్నం, అనకాపల్లి, అల్లూరి సీతారామరాజు జిల్లాల నుంచి ఆన్‌లైన్‌ , ఆఫ్‌లైన్‌లో కలిపి మొత్తం 8300 దరఖాస్తులు వచ్చాయి. ప్రాథమిక జాబితాపై అభ్యంతరాలు తెలుపుతూ ప్రాంతీయ వైద్య ఆరోగ్య శాఖ కార్యాలయానికి 1,570 దరఖాస్తులు చేరుకున్నాయి.దళారులను నమ్మవద్దు పోస్టుల భర్తీ ప్రక్రియ పూర్తిగా పారదర్శకంగా జరుగుతుంది. దళారులను ఎవరూ నమ్మవద్దు. అర్హత ప్రమాణాలు, మెరిట్‌, రోస్టర్‌ ప్రకారం ఫైనల్‌ జాబితా రూపొందించాం. అభ్యర్థులు ఎవరితోనూ సిఫార్సు చేయించవద్దు. – డాక్టర్‌ పి. రాధారాణి, ఆర్డీ

మహబూబాబాద్‌ రూరల్‌ : మహబూబాబాద్‌ మున్సిపాలిటీ పరిధిలోని శనిగపురం గ్రామ శివారు బోరింగ్‌ తండా సమీపంలో దారుణహత్యకు గురైన దంతాలపల్లి ఎంజేపీ గురుకులం హెల్త్‌ సూపర్‌ వైజర్‌ తాటి పార్థసారథి హత్య కేసులో మరో ముగ్గురు నిందితులను అరెస్టు చేసినట్టు డీఎస్పీ తిరుపతిరావు తెలిపారు. మహబూబాబాద్‌ సబ్‌ డివిజన్‌ పోలీస్‌ అధికారి కార్యాలయంలో శుక్రవారం ఏర్పాటు చేసిన విలేకరుల సమావేశంలో తిరుపతిరావు వెల్లడించిన వివరాలు ఇలా ఉన్నాయి. పార్థసారథి హత్య జరిగిన రోజున మృతుడి సోదరి హేమవరలక్ష్మి ఇచ్చిన ఫిర్యాదు ఆధారంగా కేసు నమోదు చేసి విచారణ ప్రారంభించామన్నారు. ఈ క్రమంలో మృతుడు పార్థసారథి భార్య స్వప్న, ఆమె ప్రియుడు వెంకట విద్యాసాగర్‌ను గురువారం అరెస్టు చేసినట్టు తెలిపారు. కేసు విచారణలో భాగంగా ముగ్గురు నిందితులను భద్రాద్రి కొత్తగూడెం జిల్లా కేంద్రంలో అదుపులోకి తీసుకుని విచారించగా వారు నేరం ఒప్పుకున్నారని చెప్పారు. ఇందులో భద్రాద్రి కొత్తగూడెం జిల్లా కేంద్రంలోని గంగహుస్సేన్‌ బస్తీకి చెందిన తెలగరి వినయ్‌ కుమార్‌, బోగ శివకుమార్‌, ఆంధ్రప్రదేశ్‌ రాష్ట్రంలోని అల్లూరి సీతారామరాజు జిల్లా రంపచోడవరం నియోజకవర్గం ఎటపాక గ్రామానికి చెందిన మోతుకూరి వంశీ ఉన్నట్టు గుర్తించామన్నారు. వారిని అరెస్టు చేసి, మూడు సెల్‌ ఫోన్లు స్వాధీనం చేసుకున్నట్టు తెలిపారు. కోర్టులో హాజరుపరచి రిమాండ్‌కు తరలిస్తామని పేర్కొన్నారు. గతంలో పార్థసారథిని హత్య చేయాలని జరిగిన రెక్కీలో పాల్గొన్న ఆంధ్రప్రదేశ్‌ రాష్ట్రంలోని అల్లూరి సీతారామరాజు జిల్లా రంపచోడవరం నియోజకవర్గం రాజవొమ్మంగి మండలం జడ్డంగి గ్రామానికి చెందిన కూసం లవరాజు పరారీలో ఉన్నాడని, అతడిని త్వరలోనే అరెస్టు చేస్తామన్నారు. సమావేశంలో రూరల్‌, సీసీఎస్‌ సీఐలు సర్వయ్య, హత్తిరాం, రూరల్‌, కేసముద్రం ఎస్‌ఐలు దీపిక, మురళీధర్‌ రాజు తదితరులు పాల్గొన్నారు. పోలీసుల అదుపులో ఎటపాకకు చెందిన వంశీ తదితరులు పరారీలో రాజవొమ్మంగికి చెందిన లవరాజు వివరాలు వెల్లడించిన మహబూబాబాద్‌ డీఎస్పీ తిరుపతిరావు

చింతూరు ఐటీడీఏ పీవోఅపూర్వ భరత్‌ కూనవరం: పోలవరం నిర్వాసితులెవరూ అధైర్య పడవద్దని, అందరికీ న్యాయం జరిగేలా చర్యలు తీసుకుంటామని చింతూరు ఐటీడీఏ పీవో అపూర్వభరత్‌ తెలిపారు. మండల పరిధిలో పోలవరం ముంపునకు గురవుతున్న టేకులబోరు, శబరికొత్తగూడెం, టేకుబాక, పెదార్కూరు గ్రామాల్లో శుక్రవారం నిర్వహించిన ఆర్‌అండ్‌ఆర్‌ గ్రామసభలను ఆయన పరిశీలించారు. ఆర్‌అండ్‌ఆర్‌ ప్యాకేజీకి సంబంధించిన అర్హులు, అనర్హుల వివరాలను గ్రామసభలో చదివి వినిపించారు. నాలుగు గ్రామాల్లో మొత్తం పీడీఎఫ్‌లు 3,179కి గాను 2,953 మందిని అర్హులుగా గుర్తించినట్టు పీవో తెలిపారు. అనర్హుల జాబితాలో ఏవైనా అభ్యంతరాలు ఉంటే ఆధారాలను తహసీల్దార్‌ లేదా స్పెషల్‌ డిప్యూటీ కలెక్టర్‌కు గాని, తనకు గాని సమర్పించాలని సూచించారు. ఈ కార్యక్రమంలో ఎస్‌డీసీ నసరయ్య, తహసీల్దార్‌ కె.శ్రీనివాసరావు, సర్పంచ్‌ హేమంత్‌, కార్యదర్శి సురేష్‌ తదితరులు పాల్గొన్నారు. వీఆర్‌పురం: పోలవరం ముంపునకు గురవుతున్న కొప్పిలి, ధర్మతాల్లగూడెం, కన్నయ్యగూడెం, శబరిరాయిగూడెం, రాజుపేట కాలనీల్లో గ్రామ సభల్లో ఆర్‌అండ్‌ఆర్‌ అర్హులు, అనర్హుల జాబితాను శుక్రవారం ప్రకటించారు ఈ సభలో చింతూరు ఐటీడీఏ పీవో అపూర్వ భరత్‌, ఎస్‌డీసీలు పాల్గొని నిర్వాసితుల సందేహాలను నివృత్తి చేశారు.

జెడ్పీ చైర్‌పర్సన్‌ జల్లిపల్లి సుభద్రముంచంగిపుట్టు: సచివాలయ వ్యవస్థ నిర్వీర్యానికి కూటమి ప్రభుత్వం కుట్రపన్నుతోందని ఉమ్మడి విశాఖ జిల్లా పరిషత్‌ చైర్‌పర్సన్‌ జల్లిపల్లి సుభద్ర అన్నారు. కూటమి ప్రభుత్వం తీసుకువస్తున్న క్లస్టర్‌ విధానం అత్యంత దుర్మార్గమైనదని చెప్పారు. సచివాలయాల కుదింపు వల్ల ఉద్యోగులకు తీవ్ర నష్టం కలుగుతుందని, సచివాలయ వ్యవస్థను యథాతథంగా కొనసాగించాలని కోరుతూ ఉద్యోగులు చైర్‌పర్సన్‌కు వినతి పత్రం అందజేశారు. అనంతరం మండల కేంద్రం ముంచంగిపుట్టులో శుక్రవారం గ్రామ సచివాలయాల ఉద్యోగులతో నిర్వహించిన సమావేశంలో ఆమె మాట్లాడారు. కూటమి ప్రభుత్వం సచివాలయ వ్యవస్థను నాశనం చేసేందుకు పూనుకుంటోందన్నారు.ప్రజలకు సుపరిపాలన అందించాలని,సంక్షేమ పథకాలు మరింత చేరువ చేయాలనే మంచి ఆలోచనతో మాజీ ముఖ్యమంత్రి జగన్‌మోహన్‌రెడ్డి సచివాలయ వ్యవస్థను తీసుకువచ్చారని, ఈ విధానానికి దేశమంతటా ప్రశంసలు లభిస్తుంటే దానిని చూసి కూటమి ప్రభుత్వం తట్టుకోలేక క్లస్టర్‌ విధానాన్ని తీసుకువస్తోందన్నారు.రెండు సచివాలయాలను ఒక క్లస్టర్‌గా మార్చే ఆలోచన చేస్తోందని,దీంతో ప్రజలకు తీవ్ర ఇబ్బందులు తప్పవన్నారు. వెంటనే నిర్ణయాన్ని ఉపసంహరించుకోవాలని ఆమె కోరారు.

పెదబయలు: మండల కేంద్రం పెదబయలు కూడలిలో ప్రయాణికుల సౌకర్యార్థం నిర్మించిన బస్‌షెల్టర్‌ మందుబాబులకు అడ్డాగా మారింది. స్థానికంగా రెండు వైన్‌షాప్‌లున్నాయి.వాటిలో మద్యం కొనుగోలుచేసి సమీపంలో గల బస్‌ షెల్టర్‌లో రాత్రీపగలు తేడాలేకుండా తాగుతూ అక్కడే మద్యం సీసాలను చెల్లాచెదరుగా పడేస్తున్నారు. మద్యం బాటిళ్లు, చెత్తాచెదారం, వ్యర్థ పదార్థాలతో ఆ ప్రాంతం నిండిపోయింది. అక్కడ బస్సులను నిలపకపోవడంతో నిరుపయోగంగా మారింది. బస్‌ షెల్టర్‌కు ఆనుకుని నివాస గృహాలున్నాయి. స్థానికంగా ఉన్న మహిళలు ఆ ప్రాంతానికి వెళ్లేందుకు భయాందోళనలు చెందుతున్నారు. ప్రజాధనంతో నిర్మించిన బస్‌షెల్టర్‌ నిరుపయోగంగా మారిందని పలువురు ప్రయాణికులు ఆవేదన వ్యక్తం చేస్తున్నారు. ఇప్పటికై నా అధికారులు, పోలీసులు స్పందించి బస్‌షెల్టర్‌ను శుభ్రం చేయడంతో పాటు మందుబాబుల ఆగడాలను అరికట్టాలని, బస్‌ షెల్టర్‌ను వినియోగంలోకి తీసుకురావాలని కోరుతున్నారు. అధికారులు స్పందించకపోతే ఆందోళన చేస్తామని మహిళలు హెచ్చరిస్తున్నారు.

సాక్షి,పాడేరు/కొయ్యూరు/రాజవొమ్మంగి: జిల్లాలోని పలు ప్రాంతాల్లో శుక్రవారం ఈదురు గాలులతో కూడిన భారీ వర్షం కురిసింది. పాడేరులో రాత్రి ఏడు గంటల తరువాత ఒక్కసారిగా భారీ వర్షం కురవడంతో గంటపాటు జనజీవనానికి అంతరాయం ఏర్పడింది.రోజూ వర్షాలు కురుస్తుండడంతో మామిడిపంటకు నష్టం ఏర్పడుతుందని గిరిజన రైతులు వాపోతున్నారు. కొయ్యూరు మండలంలో రాజేంద్రపాలెంతో పాటు పది గ్రామాల్లో సుమారు గంట పాటు భారీ వర్షం కురిసింది. పెద్ద శబ్దాలతో పిడుగులు పడడంతో ప్రజలు భయాందోళనలకు గురయ్యారు. రాజవొమ్మంగి మండల వ్యాప్తంగా ఓ మోస్తరు వర్షం కురిసింది. పెద్ద ఎత్తున ఈదురు గాలులు, ఉరుములు, మెరుపులు రావడంతో మండల వాసులు ఆందోళన చెందారు. వర్షం కారణంగా వాతావరణం చల్లబడడంతో ప్రజలు ఉపశమనం పొందారు.

సాక్షి, విశాఖపట్నం : తూర్పు నౌకాదళ ప్రధాన కేంద్రం (ఈఎన్‌సీ) విశాఖపట్నంలో భారత్‌, యూఎస్‌ దేశాల మధ్య ప్రారంభమైన టైగర్‌ ట్రయాంఫ్‌ విన్యాసాలు కొనసాగుతున్నాయి. తొలి దశలో హార్బర్‌ ఫేజ్‌లో భాగంగా.. ఇరు దేశాల త్రివిధ దళాల ప్రతినిధుల మధ్య సమీక్షలు, చర్చలు జరుగుతున్నాయి. ఇందులో భాగంగా మారీటైమ్‌ వార్‌ఫేర్‌ సెంటర్‌లో రెండు రోజుల పాటు ఇండియన్‌ నేవీ, యూఎస్‌ నేవీ వైద్య బృందాల మధ్య సదస్సు జరిగింది. ఈ సందర్భంగా సెయిలర్స్‌, సోల్జర్స్‌ ఆరోగ్య సంరక్షణ, ఆపరేషనల్‌ మెడిసన్‌, వైద్య సంసిద్ధతలో ఉత్తమ సేవలు తదితర అంశాలపై పరస్పర సహకారం అందించుకునేందుకు ఇరు దేశాల మధ్య సబ్జెక్ట్‌ మ్యాటర్‌ ఎక్స్‌పర్ట్‌ ఎక్స్ఛేంజ్‌(ఎస్‌ఎంఈఈ) ఒప్పందం జరిగింది. యుద్ధ సమయంలోనూ, విపత్తుల సమయంలోనూ వైద్య సంరక్షణ, ఏరో మెడికల్‌, క్యాజువాలిటీ మేనేజ్‌మెంట్‌ మొదలైన విభాగాలపై దృష్టి సారించినట్లు భారత్‌, యూఎస్‌ నౌకాదళ ప్రతినిధులు స్పష్టం చేశారు. మరోవైపు.. యుద్ధ నౌకల్లో సహాయ సహకారాలపైనా ఎస్‌ఎంఈఈ ఇరుదేశాల మధ్య జరిగింది. కొనసాగుతున్న టైగర్‌ ట్రయాంఫ్‌–25 విన్యాసాలు

● ఆర్టీ రాధారాణి మహారాణిపేట: స్టాఫ్‌ నర్సుల నియామక ప్రక్రియలో నకిలీ సర్టిఫికెట్లు ఉన్నట్లు తేలింది. ఈ నెల 1వ తేదీన ‘సాక్షి’ దినపత్రికలో ‘నర్సుల పోస్టులకు నకిలీ పత్రాలు’ అనే శీర్షికతో కథనం ప్రచురితమైన విషయం తెలిసిందే. ఈ నియామక ప్రక్రియలో అభ్యర్థులు సమర్పించిన పత్రాలలో నకిలీ ఎక్స్‌పీరియన్స్‌ సర్టిఫికెట్లు ఉన్నట్లు సాక్షి కథనంలో పేర్కొంది. దీనిపై ప్రాంతీయ వైద్య ఆరోగ్య శాఖాధికారి (ఆర్డీ) డాక్టర్‌ రాధారాణి విచారణ చేపట్టారు. కరోనా సమయంలో పనిచేసినట్లు సమర్పించిన ధ్రువీకరణ పత్రాల గురించి ఆర్డీ డాక్టర్‌ రాధారాణి సంబంధిత వ్యక్తులకు లేఖలు రాశారు. ముఖ్యంగా కేజీహెచ్‌ (కింగ్‌ జార్జ్‌ హాస్పిటల్‌) నుంచి అత్యధిక సంఖ్యలో ఎక్స్‌పీరియన్స్‌ సర్టిఫికెట్లు రావడంతో, కేజీహెచ్‌ సూపరింటెండెంట్‌ డాక్టర్‌ పి. శివానంద్‌కు ఆర్డీ డాక్టర్‌ రాధారాణి లేఖ రాశారు. ఈ సర్టిఫికెట్లు నకిలీవని కేజీహెచ్‌ నుంచి సమాధానం రావడంతో, ఆ దరఖాస్తులను పరిగణనలోకి తీసుకోలేదని ఆర్డీ డాక్టర్‌ రాధారాణి తెలిపారు. మొత్తం నకిలీ సర్టిఫికెట్లను పక్కన పెట్టామని శుక్రవారం విడుదల చేసిన ప్రకటనలో ఆర్డీ వివరించారు.

నర్సీపట్నం: వైఎస్సార్‌సీపీ నేత, బీసీ కార్పొరేషన్‌ స్టేట్‌ మాజీ డైరెక్టర్‌ కర్రి శ్రీనివాసరావు కండిషన్‌ బెయిల్‌పై విడుదలయ్యారు. శ్రీనివాసరావును నంద్యాల జిల్లా, జలదుర్గం పోలీసులు ఈ నెల 2వ తేదీన అరెస్టు చేసి డోన్‌ కోర్టులో హాజరుపరిచారు. మేజిస్ట్రేట్‌ వారంలో మూడు రోజులు పోలీసుల ఎదుట హాజరు కావాలని, 60 రోజులపాటు నంద్యాల పరిధి దాటి వెళ్లవద్దంటూ శ్రీనివాసరావుకు కండిషన్‌ బెయిల్‌ మంజూరు చేశారు. జలదుర్గం పోలీసు స్టేషన్‌ నుంచి శ్రీనివాసరావు సాక్షితో మాట్లాడుతూ రాజకీయ కక్షలతో తన ఆస్తులను ధ్వంసం చేస్తున్న సమయంలో ఆవేశంతో మాట్లాడితే స్పీకర్‌ అయ్యన్నపాత్రుడు నర్సీపట్నంతోపాటు రాష్ట్రంలో పలు చోట్ల కేసులు పెట్టించారని ఆవేదన వ్యక్తం చేశారు. స్పీకర్‌ ఎన్ని ఇబ్బందులు పెట్టినా తనకు పార్టీ అండగా నిలిచిందన్నారు. ఎన్ని కేసులు పెట్టినా పార్టీ అధినేత, మాజీ ముఖ్యమంత్రి వై.ఎస్‌.జగన్‌మోహన్‌రెడ్డి, మాజీ ఎమ్మెల్యే పెట్ల ఉమాశంకర్‌ గణేష్‌ సారథ్యంలోనే పని చేస్తానన్నారు. సుదీర్ఘ రాజకీయ అనుభవం కలిగిన స్పీకర్‌ అయ్యన్నపాత్రుడు తన స్థాయికి తగిన వారితో రాజకీయాలు చేస్తే బాగుంటుందన్నారు. సామాన్య నాయకుడైన తనపై కేసులు పెట్టించి వేధించటం స్పీకర్‌కు భావ్యం కాదని ఆవేదన వెలిబుచ్చారు.

రంపచోడవరం: ఉపాధ్యాయులు సమాజానికి దిక్సూచులని, భావి భారత పౌరులను తీర్చిదిద్దే బాధ్యత ఉందని డీడీ రుక్మాండయ్య అన్నారు. స్ధానిక ఉపాధ్యాయ శిక్షణ కళాశాలలో శుక్రవారం ఆర్ట్‌ మేళా కార్యక్రమం నిర్వహించారు. ఈ సందర్భంగా డీడీ మాట్లాడుతూ విద్యార్థులు చదువుతో పాటు కళలను మెరుగుపర్చుకోవాలన్నారు. ప్రిన్సిపాల్‌ ఎం.చినబాబు మాట్లాడుతూ విద్యార్థులకు జ్ఞానం, నైపుణ్యాలు అందించడమే కాకుండా వారిలో నైతిక విలువలు ఆలోచన విధానాలు పెంపొందిస్తూ సమాజంలో మంచి పౌరులను తయారు చేయడంలో ఉపాధ్యాయులు ప్రత్యేక పాత్ర పోషిస్తారన్నారు. ఈ సందర్భంగా విద్యార్థులు తయారు చేసిన 60 రకాల నమూనాలను ప్రదర్శంచారు. ఆర్ట్స్‌ మేళాను తిలకించడానికి వివిధ విద్యాలయాల నుంచి విద్యార్థులు, అధ్యాపకులు, తరలివచ్చారు.ఉత్తమ చిత్రాలకు బహుమతులు అందజేశారు. ఈ సందర్భంగా విద్యార్థులు ప్రదర్శించిన నమూనాల్లో ప్రథమ బహుమతి బి.అనిత, ద్వితీయ బహుమతి కె.చరణ్‌, తృతీయ బహుమతి ఎం.ఉదయ్‌, యు.లచ్చిరెడ్డి, ఏ.నాగరాజు, ఎ.తనూషలు సాధించారు. వైస్‌ ప్రిన్సిపాల్‌ ఎస్‌.సూర్యనారాయణ, భాస్కర్‌రావు తదితరులు పాల్గొన్నారు.

● పాడేరు ఎమ్మెల్యే విశ్వేశ్వరరాజు గూడెంకొత్తవీధి: గిరిజన యువత క్రీడల్లో రాణించాలని పాడేరు ఎమ్మెల్యే ఎం. విశ్వేశ్వరరాజు అన్నారు. రింతాడ పంచాయతీ ఏబులంలో జాతర సందర్భంగా నిర్వహించిన వాలీబాల్‌ పోటీలను ఆయన శుక్రవారం ప్రారంభించి, కొద్దిసేపు ఆడారు. అనంతరం మాట్లా డుతూ క్రీడలతో మానసిక ఉల్లాసం లభిస్తుందని చెప్పారు. ఈ కార్యక్రమంలో వైఎస్సార్‌సీపీ మండల అధ్యక్షుడు కంకిపాటి గిరి ప్రసాద్‌, జిల్లా శాఖ కోశాధికారి కుందేరి రామకృష్ణ,పార్టీ నాయకులు నారాయణ,రామమూర్తి తదితరులు పాల్గొన్నారు.

వీఆర్‌పురం: మండలంలోని శ్రీరామగిరి ఆలయం... రామదాసు భద్రాచల దేవాలయాన్ని నిర్మించడాని ముందునుంచే ఉందని పురాణాల ద్వారా తెలుస్తోంది. భద్రాచలం పట్టణానికి సుమారు 60 కిలోమీటర్ల దూరంలో, గోదావరి నదికి ఉపనది అయిన శబరి ఒడ్డున ఎత్తైన కొండలు, ఆహ్లాదకరమైన ప్రాంతంలో ఈ ఆలయం ఉంది. ఇక్కడ స్వామి సుందర రాముడిగా పూజలందుకుంటున్నాడు. ఈ ఆలయాన్ని మాతంగ ముని నిర్మించినట్లు పురాణాల ద్వారా తెలుస్తోంది. శ్రీరామగిరికి ఆ పేరు ఎలా వచ్చిందంటే.. ఇక్కడ స్వామి ధ్యానం చేస్తున్న సమయంలో ముఖంలో తేజస్సు వెలువడి ఎంతో సుందరంగా కనిపించాడట అందుకే ఇక్కడ వెలసిన శ్రీరాముడిని సుందర రాముడిగా, ధ్యానం చేసినందన యోగ రాముడిగా పిలుస్తారు. శ్రీరాముడు ధ్యానం చేసిన గిరి కాబట్టి ఆప్రాంతానికి శ్రీరామగిరి అనే పేరు వచ్చింది. కల్యాణ ఉత్సవాలకు ఇక్కడే శ్రీకారం... దక్షిణ అయోధ్యగా పేరుగాంచిన భద్రాచలం సీతారామచంద్రస్వామి కల్యాణ మహోత్సవానికి శ్రీకారం చుట్టేది శ్రీరామగిరిలోనే... శ్రీరామగిరిలో జరిగే కల్యాణోత్సవాల్లో తలంబ్రాల ప్రక్రియ ముగిస్తే కానీ భద్రాచలం రాములవారి పెళ్లి తంతు ప్రారంభం కాదు. ఇక్కడ నుంచే భద్రాచలం ఆలయానికి తలంబ్రాలు పంపుతారు. ఏటా ఇక్కడ శ్రీరామనవమి ఉత్సవాలు ఘనంగా జరుపుతారు. పోలవరం ప్రాజెక్టుతో కనుమరుగు కానుందా.. సుమారు 80 అడుగుల ఎత్తులో కొండపై ఉన్న ఈ ఆలయానికి చేరుకోడానికి భక్తులు 170 మెట్లు ఎక్కి వెళతారు. అంత ఎత్తులో ఉన్న ఈ ప్రాచీన పుణ్యక్షేత్రం పోలవరం ప్రాజెక్టు పూర్తయ్యే నాటికి పూర్తిగా కనుమరుగు కానున్నట్టు నివేదికలు వెల్లడించాయి. అదే జరిగితే ఒక గొప్ప పర్యాటక ప్రదేశాన్ని, రాముడు నడయాడిన పుణ్యభూమిని, పురాతన కట్టడాన్ని మనం కోల్పోయినట్టే.ఏర్పాట్లు పూర్తి చేశాం శ్రీరామనవమి సందర్భంగా కల్యాణమహోత్సవాన్ని అంగరంగవైభవంగా నిర్వహించేందుకు ఆలయ కమిటీ, గ్రామ పెద్దలు, దేవదాయశాఖ అధికారులతో కలిసి ఏర్పాట్లు పూర్తి చేశాం. ఉత్సవాలకు హాజరయ్యే భక్తులకు చలువ పందిళ్లు, మంచినీటి వసతి, అన్న సమారాధన కార్యక్రమాలు చేపడుతున్నాం. – పెందుర్తి సుదర్శన రావు, ఆలయ కమిటీ చైర్మన్‌ అందరి సహకారంతో .. శ్రీరామగిరిలో సీతారాముల కల్యాణమహోత్సవాన్ని అందరి సహకారంతో ఏటా మాదిరిగా వైభవంగా నిర్వహించేందుకు ఏర్పాట్లు పూర్తి చేశాం. శనివారం నుంచి 10 తేదీ వరకూ కల్యాణమహోత్సవాలు జరుగుతాయి. – పురుషోత్తమాచార్యులు,ఆలయ ప్రధాన అర్చకులు

● కరెంట్‌ ఇష్యూ కోర్టు ఆదేశించినాసాక్షి, విశాఖపట్నం : ఏ సంస్థలోనైనా చేసిన సర్వీస్‌ ప్రకారం సీనియారిటీని పరిగణిస్తుంటారు. కానీ.. విద్యుత్‌ పంపిణీ సంస్థల్లో మాత్రం విచిత్రంగా పుట్టిన తేదీని పరిగణనలోకి తీసుకున్నారు. ఉద్యోగి వయసు 40 సంవత్సరాలై సర్వీసు 15 ఏళ్లున్నప్పటికీ.. యాభై ఏళ్ల ఉద్యోగికి ఐదేళ్ల సర్వీసు ఉంటే.. సదరు ఉద్యోగినే సీనియర్‌గా పరిగణించారు. ఇలా 2008లో డిస్కం అధికారులు అడ్డగోలుగా పదోన్నతుల జాబితా తయారుచేశారు. దీనిపై కొందరు అప్పట్లోనే హైకోర్టుని ఆశ్రయించారు. సర్వీసు ప్రకారం పదోన్నతుల జాబితా సిద్ధంచెయ్యాలంటూ 2024 జూన్‌లో న్యాయస్థానం ఆదేశించినా.. టీడీపీ కూటమి ప్రభుత్వం నిర్లక్ష్యంగా వ్యవహరిస్తోంది. దీనిపై సంఘాల ప్రతినిధులు ప్రభుత్వం, అధికారుల చుట్టూ తిరుగుతున్నా పట్టించుకోవడంలేదు. నిజానికి 2004లో వైఎస్‌ రాజశేఖరరెడ్డి అధికారంలోకి వచ్చే ముందు కరెంట్‌ పోతే ఫ్యూజులు బిగించేందుకు రైతులే వెళ్లి మృత్యువాత పడేవారు. దీంతో డిస్కంలలో లైన్‌మెన్ల కొరత వేధిస్తోందని తెలుసుకున్న వైఎస్సార్‌.. ఉమ్మడి రాష్ట్రంలో వెంటనే 7,114 పోస్టుల్ని భర్తీచేశారు. ఈ సమయంలో ఈపీడీసీఎల్‌ పరిధిలోని శ్రీకాకుళం, విజయనగరం, విశాఖపట్నం, రాజమహేంద్రవరం, ఏలూరు ఉమ్మడి సర్కిల్స్‌ పరిధిలో 1,220 పోస్టులు భర్తీఅయ్యాయి. సీనియారిటీ లిస్టుల్లో అధికారుల నిర్లక్ష్యం.. 2008లో కొత్తగా రిక్రూట్‌ చేసిన లైన్‌మెన్ల గత అనుభవాన్ని అనుసరించి.. సీనియారిటీ లిస్టులు తయారుచెయ్యాలని అప్పటి ప్రభుత్వం డిస్కంలని ఆదేశించింది. అయితే.. అధికారులు నిబంధనలకు విరుద్ధంగా జాబితా సిద్ధంచేసేశారు. పనిచేసిన అనుభవం బట్టి కాకుండా.. వయసు బట్టి జాబితా తయారుచేశారు. దీనిపై అప్పట్లోనే అధికారులపై నాటి సీఎం వైఎస్‌ మండిపడ్డారు. ఆ తర్వాత ఆయన మృతిచెందడం.. తర్వాత ప్రభుత్వాలు విస్మరించడంతో నేటికి కూడా సీనియర్లు జూనియర్లుగానే మిగిలిపోయారు. జూనియర్లు మాత్రం ప్రమోషన్లు తీసుకుని సీనియర్లుగా చలామణి అవుతున్నారు. ఈ నేపథ్యంలో కొందరు బాధిత లైన్‌మెన్‌లు హైకోర్టుని ఆశ్రయించారు. గత ప్రభుత్వ హయాంలో ప్రయత్నించినా.. సీనియారిటీ జాబితా విషయంలో అన్యాయం జరిగిందంటూ గత వైఎస్సార్‌సీపీ ప్రభుత్వం దృష్టికి బాధిత లైన్‌మెన్‌లు తీసుకెళ్లారు. అయితే.. అప్పటికే కోర్టులో కేసు నడుస్తుండటంతో ఫలితం దక్కలేదు. చివరి నిమిషం వరకూ సీనియారిటీ జాబితాలో మార్పులు చేసేందుకు వైఎస్సార్‌సీపీ ప్రభుత్వం ప్రయత్నించింది. ఈ నేపథ్యంలో.. గతేడాది జూన్‌ 21న హైకోర్టు తీర్పు వెలువరించింది. పనిదినాల ఆధారంగా మాత్రమే కొత్తగా సీనియారిటీ జాబితా తయారుచేయాలని.. వయసు ఆధారంగా చేసిన జాబితాని వెంటనే రద్దుచేసి.. కొత్తగా తయారుచేయాలని డిస్కంలని ఆదేశించింది. అయినా, కూటమి ప్రభుత్వం న్యాయస్థానం తీర్పుని పెడచెవిన పెట్టింది. 10 నెలలు గడుస్తున్నా పట్టించుకోవడంలేదు. పలుమార్లు అధికారులకు, ప్రభుత్వ ప్రతినిధులకు లైన్‌మెన్‌లు వినతులు సమర్పించినా.. సీనియారిటీ లిస్టుని మార్చడంలేదు. ఇటీవల ఎస్పీడీసీఎల్‌, సీపీడీసీఎల్‌లో ప్రక్రియ ప్రారంభించారు. అయితే.. ఈపీడీసీఎల్‌ అధికారులు మాత్రం.. నిమ్మకు నీరెత్తినట్లు వ్యవహరిస్తున్నారు. అలాగే, 2007లో జూనియర్‌ లైన్‌మెన్‌లుగా ఎంపికై న 138 మందికి ఉద్యోగాలు ఇవ్వకుండా ఈపీడీసీఎల్‌ అధికారులు అడ్డుపుల్ల వేశారు. దీనిపై వారు కోర్టుకు వెళ్లగా.. 138 మందికి ఉద్యోగాలివ్వాలని 2011లో న్యాయస్థానం ఆదేశించింది. వీరు విధుల్లో చేరినా సీనియారిటీని కోల్పోయారు. ఇలా.. ఈపీడీసీఎల్‌ పరిధిలోని శ్రీకాకుళం సర్కిల్‌లో 118 మంది, విజయనగరం సర్కిల్‌లో 136, విశాఖపట్నంలో 198, రాజమండ్రిలో 549, ఏలూరులో 353 మంది కలిపి మొత్తం 1,354 జూనియర్‌ లైన్‌మెన్‌లు పదోన్నతులు రాక ఇబ్బందులు ఎదుర్కొంటున్నారు. కోర్టు తీర్పుని తక్షణమే అమలుచేస్తే.. ఈపీడీసీఎల్‌ సహా మూడు డిస్కంల పరిధిలో సుమారు 3,500 మంది ఉద్యోగులకు పదోన్నతులు దక్కుతాయి. ఏపీఈపీడీసీఎల్‌లో 1,354 మంది జూనియర్‌ లైన్‌మెన్‌ పదోన్నతుల్లో విచిత్రం 18 ఏళ్ల సర్వీస్‌ను పరిగణనలోకి తీసుకోకపోవడంపై అభ్యంతరాలు ఫలితంగా సీనియర్లు సైతం జూనియర్లుగా మిగిలిపోయిన పరిస్థితి హైకోర్టు ఆదేశించినా అమలుచేయని డిస్కంలు కోర్టు కేసుల కారణంగా క్రమబద్ధీకరించలేకపోయిన గత ప్రభుత్వం సీనియార్టీ ప్రకారం జాబితా సిద్ధంచేయాలని 10 నెలల క్రితం హైకోర్టు ఆదేశాలు అయినా పాత జాబితానే కొనసాగిస్తున్న టీడీపీ కూటమి ప్రభుత్వం

ప్రజాపంపిణీ వ్యవస్థ గాడి తప్పింది. పేదలకు సబ్సిడీపై అందించాల్సిన నిత్యావసరాలపై నిర్లక్ష్యధోరణి పెరుగుతోంది. రేషన్‌ తీసుకుంటే తప్ప పూటగడవని గిరిజన కుటుంబాల్లో ఆందోళన నెలకొంది. కార్డుదారులకు అందించే కందిపప్పునకు ఈ నెల కూడా ఎగనామం పెట్టారు. సాక్షి,పాడేరు: రేషన్‌కార్డుదారులకు ప్రతి నెలా పంపిణీ చేయవలసిన కందిపప్పు సరఫరాలో కూటమి ప్రభుత్వం తీవ్ర నిర్లక్ష్యం వహిస్తోంది. పేదలకు ఆహారభద్రత కార్యక్రమంలో భాగంగా సబ్సిడీపై రూ.67కి కిలో కందిపప్పు అందజేయాలి. గత రెండు నెలల నుంచి బియ్యం,పంచదార మాత్రమే రేషన్‌కార్డుదారులకు పంపిణీ చేస్తున్నారు. మారుమూల గ్రామాల కార్డుదారులకు కూటమి ప్రభుత్వం ఏర్పడిన తరువాత పూర్తిస్థాయిలో కంది పప్పు అందని పరిస్థితి నెలకొంది. గత నెలలో రాష్ట్ర వ్యాప్తంగా కందిపప్పు సరఫరాను ప్రభుత్వం నిలిపివేయడంతో జిల్లాలో పంపిణీ కాలేదు.ఈనెలలో కందిపప్పు సరఫరా జరుగుతుందని పేదలంతా ఆశపడినప్పటికీ పంచదార,బియ్యంతోనే సరిపెట్టారు. 290 టన్నులు అవసరం జిల్లాలోని 22 మండలాల్లో 671 డీఆర్‌ డిపోలు, 221 ఎండీయూ వాహనాల ద్వారా రేషన్‌ పంపిణీ చేస్తున్నారు. 2,98,092 రేషన్‌కార్డులున్నాయి.వీరికి రాయితీపై పంపిణీ చేసేందుకు ప్రతినెలా సుమా రు 290 టన్నుల కందిపప్పు అవసరం. జిల్లాలో 83 శాతం రేషన్‌కార్డులు గిరిజన కుటుంబాలవే. ఒక వైపు పౌష్టికాహార వినియోగంపై కేంద్ర,రాష్ట్ర ప్రభుత్వాలు గిరిజన గ్రామాల్లో విస్తృత ప్రచారం చేస్తూ, మరోవైపు కంది పప్పు ఇవ్వకపోవడంతోనిరుత్సాహంచెందుతున్నారు. ప్రైవేట్‌ మార్కెట్‌లో కిలో రూ.130 కందిపప్పు ధర ప్రైవేట్‌ మార్కెట్‌లో కిలో రూ.130 ఉంది.మార్కెట్‌లో ధర పెరగడంతో ప్రభుత్వం రాయితీపై పంపిణీ చేసే కందిపప్పు కోసం కార్డుదారులు ఆశగా ఎదురు చూస్తున్నారు. అయితే రాయితీపై కందిపప్పు పంపిణీని పౌరసరఫరాల శాఖ పూర్తిగా విస్మరించింది. అడిగితే స్టాక్‌ లేదనే సమాధానంతో సరిపుచ్చుతున్నారు. ప్రైవేట్‌ మార్కెట్‌లో అధిక ధరతో కందిపప్పును కొనుగోలు చేయలేక పేదప్రజలు ఇబ్బందులు పడుతున్నారు. పేదలకు సబ్సిడీపై కందిపప్పును ప్రతినెలా పంపిణీ చేయాల్సిన పాలకులు ఇంత నిర్లక్ష్యం చేయడం దారుణమంటూ రేషన్‌కార్డుదారులు ఆగ్రహం వ్యక్తం చేస్తున్నారు. గత వైఎస్సార్‌సీపీ ప్రభుత్వ హయాంలో బియ్యం,కందిపప్పు,పంచదారను ప్రతి నెల రేషన్‌కార్డుదారులకు పంపిణీ చేసేవారు. ఈనెల కూడా బియ్యం, పంచదారకే పరిమితం రెండు నెలలుగా రేషన్‌కార్డుదారులకు అందని కందిపప్పు ప్రైవేట్‌ మార్కెట్‌లో కిలో రూ.130 ఈ నెలా కందిపప్పు ఇవ్వలేదు గత నెలలో కందిపప్పు పంపిణీ చేయలేదు.ఈనెల కూడా బియ్యం,పంచదార మాత్రమే ఇస్తున్నారు.ప్రభుత్వం నుంచి కందిపప్పు సరఫరా లేదంటూ ఎండీయూ వాహనాల సిబ్బంది చెబుతున్నారు.ప్రైవేట్‌ షాపుల్లో అధిక ధరకు కందిపప్పును కొనుగోలు చేయలేకపోతున్నాం – పాంగి రాజారావు, రేషన్‌కార్డుదారుడు, పాడేరు అధిక ధరకుకొనలేకపోతున్నాం ప్రతి నెలా బియ్యం,పంచదారను పంపిణీ చేస్తున్నప్పటికీ రెండు నెలల నుంచి కందిపప్పు ప్యాకెట్లు ఇవ్వడం లేదు.కందిపప్పు పంపిణీ లేక ఇబ్బందులు పడుతున్నాం.సంతల్లో అధిక ధరకు కొనుగోలు చేయలేకపోతున్నాం. – పాంగి సనాతి, వాకపల్లి, పాడేరు మండలం

వీఆర్‌ పురం: శ్రీరామగిరి సీతారాముల కల్యాణానికి కోరుకొండకు చెందిన శ్రీకృష్ణ చైతన్య సంఘం కల్యాణ అప్పారావు బృందం గురువారం నాడు 25 కేజీల గోటి తలంబ్రాలను అందజేసింది. శ్రీరామగిరి ఆలయ కమిటీ చైర్మన్‌ పెందుర్తి సుదర్శనరావు వాటిని స్వీకరించారు. ఈ సందర్భంగా శ్రీకృష్ణ చైతన్య సంఘం వారు మాట్లాడుతూ ఈనెల 6వ తేదీన భద్రాచలంలో జరిగే సీతారాముల కల్యాణానికి కూడా 200 కేజీల తలంబ్రాలు అందిస్తున్నామని తెలిపారు. 13 సంవత్సరాలుగా వివిధ రాష్ట్రాలలో ఉన్న రామాలయాలకు ఈ తలంబ్రాలను అందజేస్తున్నట్లు తెలిపారు. గోటి తలంబ్రాల కోసం దేవతమూర్తులు వేషధారణలో వడ్లను నాటి, మహిళా భక్తులతో వరి పంటను ప్రత్యేకంగా పండించి, వాటిని వారితో వలిపించి ఆ ధాన్యాన్ని 5 రాష్ట్రాల్లోని దేవాలయాలకు 4 వేల మంది మహిళా భక్తులతో పంపిణీ చేశామని తెలిపారు. మొత్తం 800 వందల కిలోల ధాన్యం పండించామని చెప్పారు. ఫిబ్రవరిలో అయోధ్యలో జరిగిన రాములవారి కల్యాణానికి 200 కిలోలు, ఒంటిమిట్ట రామాలయానికి 200 కిలోల గోటి తలంబ్రాలు అందజేశామన్నారు. సమర్పించిన శ్రీకృష్ణ చైతన్య సంఘం

సాక్షి, పాడేరు: జిల్లాలో మారుమూల గ్రామాలకు రానున్న మూడేళ్ల్లలో రహదారులు నిర్మించి డోలీ మోత లేని గ్రామాలుగా తీర్చిదిద్దుతామని కలెక్టర్‌ ఎ.ఎస్‌.దినేష్‌కుమార్‌ చెప్పారు. గురువారం సాయంత్రం కలెక్టరేట్‌లో ఆయన విలేకరుల సమావేశం నిర్వహించారు. ఈ సందర్భంగా మాట్లాడుతూ రూ.456 కోట్లతో రహదారులు, 26 వంతెనల నిర్మాణాలు చేపడతామన్నారు. 2024–25 ఆర్థిక సంవత్సరంలో ఎన్‌ఆర్‌ఈజీఎస్‌ ద్వారా కోటి 61 లక్షల పనిదినాలను కల్పించడంతో జిల్లా ప్రథమ స్థానం సాధించిందన్నారు.రూ.737.32 కోట్లను ఉపాధి హామీ పనులకు ఖర్చు పెట్టామన్నారు. ఉపాధి కూలీలకు ఈ ఆర్థిక సంవత్సరంలో రోజుకు రూ.307 చొప్పున వేతనాలు పెంచామన్నారు. రూ.20 కోట్లతో చెక్‌డ్యాంలు నిర్మించడంతో 7 వేల ఎకరాలకు సాగునీరు అందిస్తున్నామన్నారు. అలాగే లక్ష ఎకరాల్లో కాఫీ తోటలను విస్తరించేందుకు ప్రభుత్వం చర్యలు తీసుకుందన్నారు. మలేరియా నిర్మూలనకు చర్యలు జిల్లాలో మలేరియా నిర్మూలనకు చర్యలు తీసుకుంటున్నామని కలెక్టర్‌ తెలిపారు. గతంలో కంటే మలేరియా కేసులు పెరిగినందున ప్రజలంతా అప్రమత్తంగా ఉండాలనే లక్ష్యంతో వైద్య ఆరోగ్య కార్యక్రమాలను విస్తృతం చేస్తున్నామన్నారు. 2030 నాటికి మలేరియా రహిత జిల్లాగా మార్చేందుకు చర్యలు తీసుకుంటున్నామన్నారు. 2086 మలేరియా పీడిత గ్రామాల్లో ఈనెల 15 తేదీ నుంచి దోమల నివారణ మందు పిచికారీ పనులు ప్రారంభమవుతాయన్నారు. జూన్‌ నెలలో 3 లక్షల 50 వేల దోమతెరలను పంపిణీ చేసేందుకు అన్ని చర్యలు చేపడుతున్నామన్నారు. 18 వేల మంది విద్యార్థులతో సూర్య నమస్కారాలు ఈనెల 7వ తేదీన అరకులోయ డిగ్రీ కళాశాల మైదానంలో 18 వేల మంది గిరిజన విద్యార్థులతో 108 సూర్యనమస్కారాలు, యోగాసనాలు చేయిస్తామని కలెక్టర్‌ తెలిపారు. ప్రపంచ రికార్డు సాధించే లక్ష్యంగా అన్ని ఏర్పాట్లు చేస్తున్నామన్నారు. లండన్‌ నుంచి యోగా పర్యవేక్షణ బృందం వచ్చి సూర్యనమస్కారాల కార్యక్రమాన్ని పర్యవేక్షిస్తుందన్నారు. పతంజలి శ్రీనివాస్‌ ఆధ్వర్యంలో ఇప్పటికే యోగాసనాల శిక్షణ నిర్వహిస్తున్నామన్నారు. ఈ కార్యక్రమంలో జేసీ, ఇన్‌చార్జి ఐటీడీఏ పీవో డాక్టర్‌ ఎం.జె.అభిషేక్‌ గౌడ, డ్వామా పీడీ విద్యాసాగర్‌ పాల్గొన్నారు. రూ.456 కోట్లతో రోడ్ల అభివృద్ధి 26 వంతెనల నిర్మాణానికి చర్యలు వేసవిలో తాగునీటి సమస్య లేకుండా చర్యలు జూన్‌లో దోమతెరల పంపిణీ: కలెక్టర్‌ దినేష్‌కుమార్‌ నీటి ఎద్దడి నివారణకుకంట్రోల్‌ రూమ్‌ల ఏర్పాటు జిల్లాలో తాగునీటి సమస్య పరిష్కారానికి చర్యలు తీసుకుంటున్నామని కలెక్టర్‌ తెలిపారు. తాగునీటి సమస్యలపై ప్రజల నుంచి ఫిర్యాదుల స్వీకరణ, సమస్యలు పరిష్కరించే లక్ష్యంగా పాడేరు కలెక్టరేట్‌తో పాటు 3 ఐటీడీఏల్లో కంట్రోల్‌రూమ్‌లు ఏర్పాటు చేశామని ఆయన తెలిపారు. పాడేరు కలెక్టరేట్‌లో 18004256826 టోల్‌ ఫ్రీ నంబర్‌, పాడేరు ఐటీడీఏలో 08935–250833, రంపచోడవరం ఐటీడీఏలో 18004252123, చింతూరు ఐటీడీఏలో 81217 29228 నంబర్లకు ప్రజలు ఫిర్యాదు చేయాలన్నారు. కంట్రోల్‌ రూమ్‌లు 24 గంటలపాటు పనిచేస్తాయని, ఆయా తాగునీటి సమస్యలపై రోజువారీ తాను కూడా పర్యవేక్షిస్తానని, 24 గంటల్లో సమస్య పరిష్కారానికి తగిన చర్యలు తీసుకుంటామని కలెక్టర్‌ తెలిపారు.

● టోకూరులో సబ్‌ కలెక్టర్‌ శౌర్యమన్‌ పటేల్‌ స్థల పరిశీలన అనంతగిరి (అరకులోయ టౌన్‌): ఉప ముఖ్యమంత్రి పవన్‌ కల్యాణ్‌తోపాటు రాష్ట్ర ఉన్నతాధికారులు ఈనెల 7వ తేదీ సోమవారం అనంతగిరి మండలం టోకూరు పంచాయతీలో పర్యటించనున్న నేపథ్యంలో పాడేరు సబ్‌ కలెక్టర్‌ శౌర్యమన్‌ పటేల్‌ గురువారం ఏర్పాట్లు సమీక్షించారు. బహిరంగ సభ ప్రాంగణం, పార్కింగ్‌ స్థలాల గురించి చర్చించారు. టోకూరు గ్రామ సచివాలయం ఎదురుగా గల ఖాళీ స్థలంతోపాటు బాగ్మర్‌వలస గ్రామం, బొర్రా గ్రామ పంచాయతీ పరిధిలో గల బొర్రా, పూలుగుడ గ్రామాలను పరిశీలించారు. అనంతరం మండల స్ధాయి అధికారులతో సమావేశం ఏర్పాటు చేసి, డిప్యూటీ సీఎం పర్యటన ఏర్పాట్ల గురించి చర్చించారు. తహసీల్దార్‌ మాణిక్యం, అరకులోయ పీఐయూడీఈఈ రవికుమార్‌, టోకురు పంచాయతీ సర్పంచ్‌ మొస్య పాల్గొన్నారు.

ముంచంగిపుట్టు: అన్ని శాఖల అధికారులు సమన్వయంతో, జవాబుదారీతనంతో విధులు నిర్వహించాలని ఉమ్మడి విశాఖ జిల్లా జెడ్పీ చైర్‌పర్సన్‌ జల్లిపల్లి సుభద్ర అన్నారు. స్థానిక ఎంపీడీవో కార్యాలయంలో ఇంజినీరింగ్‌ శాఖల అధికారులతో మండలంలో జరుగుతున్న పనులపై సమీక్ష సమావేశం నిర్వహించారు. గిరిజన గ్రామాల్లో తాగునీటి ఎద్దడి లేకుండా ముందస్తు చర్యలు తీసుకోవాలని, జల్‌జీవన్‌ మిషన్‌ ద్వారా జరుగుతున్న పనులు వేగవంతం చేయాలని, గిరిజన గ్రామాల్లో నీటి సమస్య లేకుండా చర్యలు తీసుకోవాలని ఆర్‌డబ్ల్యూఎస్‌ డీఈ గోపాలకృష్ణ, ఏఈ రాజేష్‌లకు సూచించారు. ముంచంగిపుట్టు మండలంలో పీఎం జన్‌మన్‌ గృహాలు 5,361 మంజూరు కాగా నేటికి 2 వేల గృహాల పనులు జరుగుతున్నాయని, సకాలంలో బిల్లులు అందించి, పనులు త్వరగా పూర్తి చేయాలని హౌసింగ్‌ డీఈ రాజుబాబు, ఏఈ కృష్ణారావులకు తెలిపారు. ట్రైబల్‌ వెల్ఫేర్‌ శాఖ ద్వారా సర్పంచులు, ఎంపీటీసీలకు తెలియకుండా పనులు జరుగుతున్నాయని, కచ్చితంగా ప్రజప్రతినిధులకు సమాచారం ఇవ్వాలని ఏఈ రాములుకు సూచించారు. అసంపూర్తిగా ఉన్న బీటీ రోడ్లను పూర్తి చేయాలని ఏఈ మురళీకృష్ణకు ఆదేశించారు. ఎంపీపీ అరిసెల సీతమ్మ, ఎంపీడీవో సూర్యనారాయణమూర్తి, ఈవోపీఆర్‌డీవో చిన్నాన్న, తదితరులు పాల్గొన్నారు. అన్ని శాఖల సహకారంతో ప్రగతి పనులు జెడ్పీ చైర్‌పర్సన్‌ సుభద్ర దిశానిర్దేశం ఇంజినీరింగ్‌ శాఖల అధికారులతో సమీక్ష

● ఫొటోలను ఇంటర్నెట్‌లో అప్‌లోడ్‌ చేస్తానని బెదిరింపు ● బతిమాలగా ఫొటోలు అప్పగించేందుకు అంగీకారం ● చెప్పిన చోటికి వెళ్లగా యువతిపై వెదురు కర్రలతో దాడి ● అడ్డతీగల సీహెచ్‌సీకి బాధితురాలి తరలింపు అడ్డతీగల: మండలంలో పాపంపేట శివారున చేపల చెరువు సమీపాన యువతిపై ఓ యువకుడు దాడి చేసి తీవ్రంగా గాయపరిచిన సంఘటన గురువారం రాత్రి చోటుచేసుకుంది. గంగవరం మండలం దొరమామిడికి చెందిన బాధితురాలు పుడిగి దుర్గాభవాని కథనం ప్రకారం.. పాపంపేటకు చెందిన మడకం బాబీతో ఆమెకు పరిచయం ఉంది. ఆ పరిచయంతో తీసుకున్న ఫొటోలను ఇంటర్నెట్‌లో అప్‌లోడ్‌ చేస్తానంటూ తరచూ భవానీని బెదిరించేవాడు. ఫొటోలను అప్పగించమని ఆమె అనేకసార్లు కోరింది. ఫొటోలను తొలగిస్తానని చెప్పి పాపంపేట రమ్మని చెప్పగా కామాడి కృష్ణ అనే వ్యక్తి సహాయంతో గురువారం అక్కడికి వెళ్లింది. వెళ్లిన వెంటనే తనని బైక్‌పై తీసుకొని వెళ్లి పాపంపేట శివారున వెదురుకర్రలతో దాడి చేసి విచక్షణారహితంగా కొట్టాడని వాపోయింది. తాను చనిపోయి ఉంటానని భావించి వెళ్లిపోయాడని పేర్కొంది. తన ఆచూకీ వెతుక్కుంటూ వచ్చిన కామాడి కృష్ణ తీవ్రంగా గాయపడిన తనని అడ్డతీగల పోలీస్‌స్టేషన్‌కి తీసుకొచ్చి విషయం చెప్పిన తరువాత సీహెచ్‌సీకి తీసుకొచ్చారని వివరించింది. దుర్గాభవానీకి తలపై తీవ్రగాయమవ్వడంతో వైద్యులు 10 కుట్లు వేశారు. అడ్డతీగల పోలీసులు కేసు నమోదు చేసి దర్యాప్తు చేస్తున్నారు.

కాఫీ తోటల్లో అంతరపంటగా సాగు చేస్తున్న మిరియాలు ఈ ఏడాది గిరిజన రైతులకు సిరులు కురిపిస్తున్నాయి. దిగుబడులు భారీగా పెరగడంతో పాటు మార్కెట్‌లో ధరలు కూడా అనుకూలంగా ఉండడంతో వ్యాపారం పోటాపోటీగా జరుగుతోంది. తొలిసారిగా స్పైసెస్‌ బోర్డు కూడా రంగంలోకి దిగడంతో రైతులకు మరింత మేలు జరగనుంది. లాభాల మిరియం..పాడేరు మండలం మోదాపల్లిప్రాంతంలో విరగ్గాసిన మిరియాలుసాక్షి, పాడేరు: మిరియాలు పండిస్తున్న గిరి రైతులకు ఈ ఏడాది బాగా కలిసి వచ్చింది. ఏజెన్సీవ్యాప్తంగా లక్షా 52 వేల ఎకరాల విస్తీర్ణంలో ఫలసాయం ఇచ్చే కాఫీ తోటలు ఉండగా, వాటిలో సుమారు 90 వేల ఎకరాల్లో గిరిజనులు అంతరపంటగా మిరియాలు సాగుచేస్తున్నారు. ఎకరానికి 300 కిలోల వరకు పచ్చిమిరియాలు కాస్తాయి. బాగా ఎండితే సగం బరువు తగ్గిపోతాయి. గత ఏడాది ఎకరానికి 120 కిలోల వరకు దిగుబడి రాగా, ఈసారి 150 కిలోలకు పైగానే దిగుబడి పెరిగింది. ప్రతి గిరిజన రైతు ఎకరానికి 150 కిలోల మిరియాలను మార్కెటింగ్‌ చేస్తుండడంతో మంచి లాభాలు పొందుతున్నారు. మన్యం మిరియాలకు మంచి డిమాండ్‌ జాతీయ స్థాయిలో ఏజెన్సీ మిరియాలకు పూర్వం నుంచి మంచి డిమాండ్‌ ఉండడంతోపాటు నాణ్యతలోను నంబర్‌–1గా నిలుస్తున్నాయి. రైతులంతా సేంద్రియ పద్ధతిలోనే సాగు చేస్తున్నారు. ప్రతి ఏడాది 100 కోట్లకు పైగానే మిరియాల వ్యాపారం జరుగుతుంది. ఈ ఏడాది దిగుబడులు, ధరలు పెరగడంతో సుమారు రూ.150 కోట్ల వరకు మిరియాల వ్యాపారం జరుగుతుందని అంచనా వేస్తున్నారు. కిలో ధర రూ.600 ఏజెన్సీవ్యాప్తంగా మిరియాల వ్యాపారం భారీగా జరుగుతోంది. గత నెల సీజన్‌ కిలో రూ.550తో వ్యాపారం ప్రారంభమవ్వగా, ప్రస్తుతం కిలో రూ.600తో వ్యాపారులు పోటాపోటీగా మిరియాలను కొనుగోలు చేస్తున్నారు. గతేడాది కన్నా కిలోకు రూ.70 పెరిగింది. ఎకరం పంట ఉన్న రైతు మిరియాల అమ్మకాల ద్వారా రు.90 వేల నుంచి రూ.లక్ష వరకు ఆదాయం పొందుతున్నాడు. స్పైసెస్‌ బోర్డు మార్కెట్‌లోకి... కేంద్ర ప్రభుత్వం ఆధీనంలోని స్పైసెస్‌ బోర్డు తొలిసారిగా మిరియాల మార్కెట్‌ను ప్రారంభించింది. కలెక్టర్‌ ఎ.ఎస్‌.దినేష్‌కుమార్‌ జాతీయ స్థాయిలో మిరియాల వ్యాపారస్థులు, స్పైసెస్‌ బోర్డు అధికారులతో పలుమార్లు జరిపిన చర్చలు సఫలమయ్యాయి. ఇటీవల చింతపల్లి ప్రాంతంలో మిరియాల గింజలను కిలో రూ.610తో స్పైసెస్‌ బోర్డు కొనుగోళ్లను ప్రారంభించింది. హుకుంపేట మండలం బాకూరు రోడ్డులో పాదుల నుంచి మిరియాలు సేకరిస్తున్న గిరిజనులుదిగుబడులు పెరిగాయి గత ఏడాది కన్నా మిరియాల దిగుబడులు పెరగడంతోపాటు సంతల్లో వ్యాపారులు కిలో రూ.600తో కొనుగోలు చేస్తున్నారు. గత ఏడాది కిలో రూ.520తోనే అమ్ముకున్నాను. నాకు 3 ఎకరాల కాఫీ తోటల్లో మిరియాల పంట ద్వారా ఇప్పటికి రూ.2 లక్షల ఆదాయం వచ్చింది. – వంతాల వరహాలమ్మ, ఎస్‌.గొందూరు గ్రామం, హుకుంపేట మండలం స్పైసెస్‌ బోర్డు ద్వారా మిరియాల మార్కెటింగ్‌ ఎకరం పంటకు 150 కిలోల దిగుబడి.. రూ.90 వేల ఆదాయం స్పైసెస్‌ బోర్డు ద్వారా మిరియాల పంట సాగును ప్రోత్సహించడంతో పాటు రైతులకు సౌకర్యాలను కల్పిస్తున్నాం. ఏజెన్సీలో గిరిజన రైతులు ఉత్పత్తి చేస్తున్న మిరియాలకు గిట్టుబాటు ధరల కల్పన లక్ష్యంగా స్పైసెస్‌ బోర్డును మార్కెట్‌లోకి దింపాం. వచ్చే ఏడాది నాటికి పూర్తిస్థాయిలో మిరియాల కొనుగోళ్లను విస్తరిస్తాం. – ఎ.ఎస్‌.దినేష్‌కుమార్‌, కలెక్టర్‌

అనంతగిరి (అరకులోయ టౌన్‌): విశాఖ–అరకు ఘాట్‌ రోడ్డులో ప్రమాదానికి గురైన ఇద్దరు యువకులను అనంతగిరి ఎంపీపీ శెట్టి నీలవేణి, జెడ్పీటీసీ దీసరి గంగరాజు చొరవతో ఎస్‌.కోట ఆస్పత్రికి తరలించారు. వాలసీ పంచాయతీ కరకవలస గ్రామానికి చెందిన చప్పి శీలయ్య, జంగిడే బాలరాజు ఎస్‌.కోట నుంచి స్వగ్రామానికి ద్విచక్ర వాహనంపై వెళ్తుండగా గురువారం మధ్యాహ్నం ఘాట్‌ రోడ్డులోని 1వ నెంబర్‌ మలుపు వద్ద ఎదురుగా వస్తున్న కారు ఢీకొని వెళ్లిపోయింది. తీవ్ర గాయాలపాలైన వారి గురించి అటువైపు వెళ్తున్న ఎంపీపీతోపాటు ఇతరులు 108కి సమాచారం అందించడంతో క్షతగాత్రులను ఎస్‌.కోట ఆస్పత్రికి తరలించారు. స్థానికులు అనంతగిరి పోలీసులకు కూడా సమాచారం అందించారు. వరుస రోడ్డు ప్రమాదాలు జరుగుతున్న నేపథ్యంలో వాహన చోదకులు తగు జాగ్రత్తలు పాటించి ఘాట్‌ రోడ్డులో ప్రయాణించాలని, ప్రతి ఒక్కరూ హెల్మెట్‌ ధరించాలని ఎంపీపీ సూచించారు. ఘాట్‌ రోడ్డులో రక్షణ గోడలు లేకపోవడం, ప్రమాద హెచ్చరిక బోర్డులు లేకపోవడంతో తరచూ ప్రమాదాలు చోటుచేసుకుంటున్నాయని, ఆర్‌అండ్‌బీ అధికారులు స్పందించి వాహన ప్రమాదాల నివారణ చర్యలు చేపట్టాలని ఎంపీపీ కోరారు. ఎంపీపీ నీలవేణి, జెడ్పీటీసీ గంగరాజు చొరవతో ఆస్పత్రికి క్షతగాత్రుల తరలింపు

డాబాగార్డెన్స్‌: వేలాదిగా తరలి వచ్చిన క్రైస్తవ విశ్వాసులు.. వందలాది నన్‌లు, ప్రముఖ ఆర్చ్‌ బిషప్‌లు, బిషప్‌లు, ప్రొవిన్షియల్‌ సుపీరియర్లు, ప్రీస్ట్స్‌, మతాధికారుల సమక్షంలో.. పోప్‌ ప్రతినిధి మోస్ట్‌ రెవరెండ్‌ డాక్టర్‌ లియోపోల్డో గిరెల్లి నేతృత్వంలో.. ఆధ్యాత్మిక పండగలా సాగిన వేడుకలో మోస్ట్‌ రెవరెండ్‌ ఉడుమల బాల విశాఖ ఆర్చ్‌బిషప్‌(అగ్రపీఠాధిపతి)గా గురువారం బాధ్యతలు స్వీకరించారు. ముందుగా వాల్తేరు ఆర్‌ఎస్‌ సమీపానున్న సెయింట్‌ జోసెఫ్‌ కళాశాల నుంచి సెయింట్‌ పీటర్స్‌ కేథడ్రల్‌ వరకూ భారీ ఊరేగింపు సాగింది. తన తొలి ప్రసంగంలో ఉడుమల బాల మాట్లాడుతూ తన జన్మభూమి వరంగల్‌ అయితే.. పుణ్యభూమి విశాఖ అని కొనియాడారు. పోప్‌ ఫ్రాన్సిస్‌ ప్రతినిధి, భారత్‌– నేపాల్‌ అపోస్టోలిక్‌ నున్సియో(అంబాసిడర్‌) మోస్ట్‌ రెవరెండ్‌ డాక్టర్‌ లియోపోల్డో గిరెల్లి ప్రజలను ఉద్దేశించి ప్రసంగించారు. విశాఖపట్నం ఆర్చ్‌ బిషప్‌కు కొత్త చీఫ్‌ పాస్టర్‌ను బహుమతిగా ఇచ్చినందుకు దేవునికి కతజ్ఞతలు తెలిపారు. బాల నాయకత్వంపై విశ్వాసం వ్యక్తం చేశారు. విశాఖలో లక్షకు పైగా క్యాథలిక్‌ ప్రజలు ఉన్నారని, ప్రీస్టులు, నన్స్‌తో కూడిన బలమైన ఉనికి ఉందన్నారు. ఆర్చ్‌డియోసెస్‌ ఎదుర్కొంటున్న సవాళ్లపై గిరెల్లి స్పందించారు. ఆర్థిక ఇబ్బందులు, నిరుద్యోగం, వలసదారుల దీనస్థితి, పర్యావరణానికి ఎదురవుతున్న ఇబ్బందులను ప్రస్తావించారు. 2015 నుంచి 2023 వరకు సీసీబీఐ కమిషన్‌ ఫర్‌ సెమినేరియన్స్‌, మతాధికారిగా బాల బాధ్యతలు, చైర్మన్‌గా ఆయన అనుభవాన్ని హైలైట్‌ చేశారు. ఆర్చ్‌ బిషప్‌ ఎమెరిటస్‌ ప్రకాష్‌ మల్లవరపు ఆర్చ్‌డయోసిస్‌కు చేసిన సేవలకు అపోస్టోలిక్‌ నన్సియో, అపోస్టోలిక్‌ అడ్మినిస్ట్రేటర్‌గా పాస్టోరల్‌ నాయకత్వానికి చేసిన సేవలకు బిషప్‌ జయరావుకు కృతజ్ఞతలు తెలిపారు. ఈ వేడుకకు దేశవ్యాప్తంగా ఉన్న అనేక మంది సీనియర్‌ చర్చి నాయకులు హాజరయ్యారు, వీరిలో ఆర్చ్‌బిషప్‌ ఎమెరిటస్‌ ప్రకాష్‌ మల్లవరపు, రాయ్‌పూర్‌ ఆర్చ్‌బిషప్‌ విక్టర్‌ హెన్రీ ఠాకూర్‌, సీసీబీఐ వైస్‌ ప్రెసిడెంట్‌, బెంగళూరు ఆర్చ్‌బిషప్‌ పీటర్‌ మచాడో, ఆగ్రా ఆర్చ్‌బిషప్‌ రాఫీ మంజలీ, ఇతర ఆర్చ్‌బిషప్‌లు, బిషప్‌లు పాల్గొన్నారు. విశాఖ ఆర్చ్‌బిషప్‌గా ఉడుమల బాల

నర్సీపట్నం: సమీకృత సాగు విధానంతో రైతులు ఆర్థికంగా లాభపడవచ్చునని డీఆర్‌డీఏ ప్రాజెక్టు డైరెక్టర్‌ కె.శచీదేవి పేర్కొన్నారు. మండల పరిషత్‌ సమావేశ మందిరంలో డీఆర్‌డీఏ ఆధ్వర్యంలో వ్యవసాయ, అనుబంధ రైతు ఉత్పత్తిదారుల సంఘాలకు సమీకృత వ్యవసాయ విధానంపై అవగాహన సదస్సు గురువారం నిర్వహించారు. ఈ సందర్భంగా పీడీ మాట్లాడుతూ సమీకృత వ్యవసాయ వ్యవసాయం ప్రధాన లక్ష్యం సాగు పశుపోషణ, చేపల ఉత్పత్తి, పౌల్ట్రీ తదితర ఉత్పాదకతను పెంచడమే కాకుండా వీటి వల్ల ప్రతి రోజు ఆదాయం సమకూరుతుందన్నారు. సమీకృత వ్యవసాయ విధానంలో విభిన్న రకాల పంటలను పండించడం, అనేక రకాల జంతువులను పెంచడం ద్వారా రైతులు ఏడాది పొడవునా స్థిరమైన ఆదాయాన్ని పొందవచ్చు అన్నారు. వాతావరణ మార్పుల వల్ల ఒకటి లేదా రెండు పంటలను కోల్పోయినప్పటికీ మిగిలిన రకాల పంటలు పశుపోషణ, చేపల పెంపకం తదితర వాటి ద్వారా దాయం పొందడానికి వీలవుతుందన్నారు. కూరగాయలు పెంపకం, గేదెల పెంపకం, తేనె తీగల పెంపకం ద్వారా ఆదాయం సమకూరుతుందన్నారు. ఆయా అనుబంధ సంస్థల ద్వారా రాయితీలు కూడా రైతులు పొందవచ్చన్నారు. ఈ సమావేశంలో డీపీఎం ఎల్‌హెచ్‌.వరప్రసాద్‌, ఏసీ సత్యనారాయణ, ఏపీఎంఎఫ్‌పీఓ జగన్నాఽథం, గొలుగొండ, నాతవరం ఎపీఎం రమణ కుమారి తదితరులు పాల్గొన్నారు.

జీసీసీ గోడౌన్‌ వ్యవహారంపై పీవో సీరియస్‌ చింతూరు: స్థానిక జీసీసీ గోడౌన్‌లో అవకతవకలు జరుగుతున్నాయంటూ ఫిర్యాదులు వచ్చిన నేపథ్యంలో ఐటీడీఏ పీవో అపూర్వ భరత్‌ బుధవారం రాత్రి గోడౌన్‌ను ఆకస్మికంగా తనిఖీ చేశారు. గోడౌన్‌ సిబ్బందిపై ఆగ్రహం వ్యక్తం చేసిన ఆయన గోడౌన్‌ తాళం చెవులను ఇన్‌చార్జికి ఇవ్వకుండా తన వద్దే ఉంచుకుని గురువారం మేనేజర్‌కు అప్పగించారు. కాగా ఈ వ్యవహారంపై సీరియస్‌ అయిన పీవో గోడౌన్‌లో పనిచేస్తున్న ముగ్గురు సిబ్బందిని తొలగించాల్సిందిగా ఆదేశించినట్లు తెలిసింది. ఈ విషయంపై పీవోను వివరణ కోరగా గోడౌన్‌కు సంబంధించిన సీసీ టీవీ ఫుటేజీలను పరిశీలిస్తున్నామని, అవకతవకలు జరిగినట్లు తేలితే చర్యలు తీసుకుంటామని తెలిపారు.ప్రమాద స్థలంలో మృతి చెందిన బోడేశ్వరరావు, బోడేశ్వరరావు (ఫైల్‌) గూడెంకొత్తవీధి: మండలంలోని దేవరాపల్లి పంచాయతీ కొడిసింగి వద్ద గురువారం జరిగిన రోడ్డు ప్రమాదంలో ఓ గిరిజన యువకుడు మృతి చెందాడు. సంఘటనకు సంబంధించి పోలీసులు తెలిపిన వివరాలు ఇలా ఉన్నాయి. జీకే వీధి మండలం లక్కవరపుపేట పంచాయతీలో ఉన్న తన తల్లిని కలిసి తన కుటుంబం ఉంటున్న కొడసింగి గ్రామానికి ద్విచక్రవాహనంపై కంకిపాటి బోడేశ్వరరావు(32) వెళ్తుండగా ఈ ప్రమాదం జరిగింది. కొడసింగి గ్రామ సమీపంలో జరిగిన ఈ ప్రమాదంలో వాహనం అదుపు తప్పి సమీప పొదల్లో దూసుకుపోవడంతో బోడేశ్వరరావు అక్కడికక్కడే మృతి చెందాడు. స్థానికులు గుర్తించి కుటుంబసభ్యులకు సమాచారం అందించారు. మృతదేహాన్ని చింతపల్లి ప్రాంతీయ ఆస్పత్రికి తరలించారు. జీకే వీధి సీఐ వరప్రసాద్‌ మాట్లాడుతూ ఈ సంఘటనపై కేసు నమోదు చేసి దర్యాప్తు చేస్తున్నట్టు తెలిపారు.

రాజవొమ్మంగి: మండలంలోని బోనంగిపాలెంలో గీత కార్మి కుడు, గిరిజనుడు అయిన చోడి రాజు బాబు (54) జీలుగు చెట్టుపై నుంచి జారిపడి చికిత్స పొందుతూ మృతి చెందాడు. బుధవారం జరిగిన ఈ సంఘటన గురువారం ఆలస్యంగా వెలుగులోకి వచ్చింది. సర్పంచ్‌ చంద్రుడు తెలిపిన వివరాల ప్రకారం.. గీతకార్మికుడు రాజుబాబు రోజు మాదిరిగానే కల్లు సేకరించేందుకు చెట్టెక్కాడు. పట్టు తప్పి పడిపోవడంతో గాయాలపాలైన ఆయనను వెంటనే కుటుంబసభ్యులు ఆస్పత్రికి తరలించారు. చికిత్స పొందుతూ మృతి చెందినట్టు కుటుంబీకులు తెలిపారు. మృతుడికి భార్య, ఇరువురు కుమార్తెలు ఉన్నారు. కల్లు విక్రయిస్తు కుటుంబాన్ని పోషిస్తున్న రాజుబాబు మృతిచెందడంతో ఆ కుటుంబం దిక్కులేకుండా పోయిందని, ప్రభుత్వం ఆదుకోవాలని గ్రామస్తులు కోరారు.

ఎటపాక: రాష్ట్ర సరిహద్దు ప్రాంతం ఎటపాక మండలంలో నాటుసారా తయారీ కేంద్రాలపై రెండు తెలుగు రాష్ట్రాల ఎకై ్సజ్‌, పోలీసు శాఖల అధికారులు మూకుమ్మడి దాడులు నిర్వహించారు. గురువారం పిచుకలపాడు, గుండువారిగూడెం గ్రామాల్లో ఎకై ్సజ్‌, సివిల్‌ పోలీసులు జరిపిన దాడుల్లో సారా తయారీకి వినియోగించే 6,800 లీటర్ల బెల్లం ఊటను, 60 లీటర్ల నాటు సారా, 10 కేజీల అమ్మోనియా, 120 కేజీల నల్లబెల్లంను సీజ్‌ చేశారు. పిచుకలపాడులో ఇద్దరిపై కేసులు నమోదు చేశారు. సారా తయారీకి ఉపయోగించే 46 డ్రమ్ములను ధ్వంసం చేసినట్లు రంపచోడవరం అసిస్టెంట్‌ ఎకై ్సజ్‌ సూపరిండెంట్‌ నాగరాహుల్‌ తెలిపారు. ఈ దాడుల్లో కొత్తగూడెం ఏఈఎస్‌ కరంచంద్‌, రంపచోడవరం ఏఈఎస్‌టీఎఫ్‌ సీఐ ఇంద్రజిత్‌, ఎన్‌ఫోర్స్‌మెంట్‌ సీఐ శ్రీనివాస్‌, చింతూరు ఎకై ్సజ్‌ ఎస్‌ఐ స్వామి, భద్రాచలం ఎస్‌హెచ్‌వో రహీమునిషా, ఎన్‌ఫోర్స్‌మెంట్‌ సీఐ రమేష్‌, ముణుగూరు సీఐ కిషోర్‌బాబు, పాల్వంచ సీఐ సరిత, ఎటపాక సీఐ కన్నపరాజు తదితరులు పాల్గొన్నారు. పాల్గొన్న రెండు రాష్ట్రాల అధికారులు 6,800 లీటర్ల పులిసిన బెల్లపు ఊట ధ్వంసం 60 లీటర్ల నాటుసారా స్వాధీనం 10 కేజీల అమ్మోనియా, 120 కేజీల నల్ల బెల్లం సీజ్‌ పిచ్చికలపాడులో ఇద్దరిపై కేసులు నమోదు

జి.మాడుగుల: థాగంట మార్షల్‌ ఆర్ట్స్‌లో జాతీయ స్థాయి పోటీలకు అల్లూరి సీతారామరాజు జిల్లా నుంచి గిరిజన బాలికలు ఎంపికై నట్టు సుమన్‌ షూడోకాన్‌ రుద్రమాదేవి, సెల్ఫ్‌ డిపెన్స్‌ అకాడమీ జిల్లా కో–ఆర్డినేటర్‌ సాగేని రాజేశ్వరరావు గురువారం ఒక ప్రకటనలో తెలిపారు. జి.మాడుగుల మండల జి.ఎం.కొత్తూరు గ్రామంలోని కేజీబీవీ కళాశాలలో బైపీసీ ద్వితీయ సంవత్సరం చదువుతున్న సోముల రమ్య ఢిల్లీకి, దుక్కేరి ప్రమీలరాణి మణిపూర్‌లో జరగనున్న జాతీయ స్థాయి థాంగుట పోటీల్లో పాల్గొననున్నట్టు తెలిపారు. జాతీయ స్థాయి పోటీల్లో పాల్గొంటున్న గిరిజన బాలికలను, కోచ్‌ జి.మాడుగుల పోలీస్‌స్టేషన్‌ ఎస్‌ఐ షణ్ముఖరావు, హౌసింగ్‌ ఏఈ దూరు ఈశ్వరరావు నగదు ప్రోత్సాహం అందించారు. కళాశాల యాజమాన్యం, పీఈటీ గంగాభవానీ, జిల్లా కో–ఆర్డినేటర్‌ రాజేశ్వరరావు ప్రత్యేక తర్ఫీదునిచ్చారు. జాతీయ స్థాయి పోటీల్లో పాల్గొంటున్న బాలికలను ఎంఆర్వో సిబ్బంది, కళాశాల సిబ్బంది తదితరులు అభినందించారు.

మధురవాడ: ప్రేమోన్మాది దమరసింగి నవీన్‌కు కోర్టు 14 రోజులు రిమాండ్‌ విధించినట్టు పీఎంపాలెం ఎస్‌ఐ కె.భాస్కరరావు తెలిపారు. పెళ్లికి అంగీకరించడం లేదనే కోపంతో నవీన్‌ బుధవారం విచక్షణా రహితంగా తల్లీ కూతుళ్లపై దాడి చేసిన సంగతి తెలిసిందే. కొమ్మాదిలోని స్వయంకృషి నగర్‌లో జరిగిన ఈ ఘటన విశాఖనే కాదు యావత్‌ రాష్ట్రాన్ని దిగ్భ్రాంతికి గురి చేసింది. ఈ ఘటనలో తల్లి నక్కా లక్ష్మి(47) మృతి చెందగా, కుమార్తె దీపిక ప్రస్తుతం మెడికవర్‌ ఆస్పత్రిలో చికిత్స పొందుతోంది. ఆమె ఆరోగ్యం నిలకడగా ఉన్నట్టు పోలీసులు తెలిపారు. ఈ ఘటన అనంతరం నిందితుడు పరారయ్యేందుకు ప్రయత్నం చేయగా.. పోలీసులు శ్రీకాకుళం జిల్లాలో అతన్ని పట్టుకుని బుధవారం సాయంత్రం పీఎంపాలెం పోలీస్‌స్టేషన్‌కు తీసుకొచ్చారు. గురువారం సాయంత్రం నిందితుడిని భీమిలిలో న్యాయమూర్తి ముందు హాజరు పరచగా 14 రోజులు రిమాండ్‌ విధించినట్టు పోలీసులు తెలిపారు. నవీన్‌ డిగ్రీ పూర్తి చేసినా సక్రమంగా స్థిరపడకపోవడంతో ఎనిమిదేళ్లుగా దీపిక తల్లిదండ్రులు పెళ్లికి ఒప్పుకోకుండా తరచూ వాయిదాలు వేస్తున్నారు. బుధవారం కూడా అదే జరిగింది. దీంతో నిందితుడు వారిపై దాడికి దిగాడు.

విజయనగరం అర్బన్‌: ఏకలవ్య మోడల్‌ స్కూల్‌ నిర్మాణంలో భూములు కోల్పోయిన తమకు న్యాయం చేయాలని అల్లూరి సీతారామరాజు జిల్లా పెదబయలు, డుంబ్రిగుడ మండలాలకు చెందిన గిరిజనులు రాష్ట్ర ఎస్టీ కమిషన్‌ చైర్మన్‌ డాక్టర్‌ డీవీజీ శంకరరావుకు విజ్ఞప్తి చేశారు. విజయనగరంలోని ఆయన క్యాంపు కార్యాలయంలో గురువారం కలిసి సమస్యను తెలియజేశారు. తమకు నష్టపరిహారం, ఉపాధి కల్పించడంలో అన్యాయం జరిగిందని పేర్కొన్నారు. భూమికి భూమి ఇచ్చేలా చూడాలని కోరుతూ వినతిపత్రం అందజేశారు. దీనిపై ఆయన స్పందిస్తూ సమస్యను ప్రభుత్వం దృష్టికి తీసుకెళ్లి పరిష్కారమయ్యేలా చూస్తామని తెలిపారు.ఎస్టీ కమిషన్‌ చైర్మన్‌కు గిరిజనుల వినతి

ఆర్‌ఎం అప్పలనాయుడుమద్దిలపాలెం: బస్‌ డిపోలతో పాటు బస్సులను పరిశుభ్రంగా ఉంచాలని, ప్రయాణికులతో మర్యాదపూర్వకంగా మెలగాలని ఏపీఎస్‌ఆర్టీసీ రీజనల్‌ మేనేజర్‌ బి.అప్పలనాయుడు సిబ్బందికి సూచించారు. గురువారం ఆయన విశాఖపట్నం డిపోను తనిఖీ చేశారు. ఈ సందర్భంగా అధికారులు, సూపర్‌వైజర్లు, సిబ్బందితో సమావేశమయ్యారు. విశాఖపట్నం డిపోలో పరిశుభ్రత మరింత మెరుగుపడాలని, సిబ్బంది సమయపాలన పాటించాలని ఆదేశించారు. గురువారం నుంచి భద్రాచలం–విజయవాడ బస్సుల ద్వారా మరింత ఆదాయం వస్తుందని ఆశాభావం వ్యక్తం చేశారు. విశాఖపట్నం డిపో నుంచి దూర ప్రాంతాలకు, అంతర్రాష్ట్ర సర్వీసులకు కొత్త బస్సులు కేటాయించినట్లు చెప్పారు. డ్రైవర్లు, కండక్టర్లు పోటీ తత్వంతో పనిచేసి విశాఖపట్నం డిపోకు మరింత ఆదాయం తీసుకురావాలని పిలుపునిచ్చారు. బస్సుల మరమ్మతులను ఎప్పటికప్పుడు పూర్తి చేయాలని ఆదేశించారు. బీఎస్‌ 6 బస్సులకు సంబంధించి సిబ్బందికి కొత్త టెక్నాలజీతో కూడిన టూల్స్‌ సరఫరా చేస్తామన్నారు. వేసవి కాలంలో సిబ్బంది ఎవరూ వడదెబ్బకు గురికాకుండా ఎప్పటికప్పుడు మజ్జిగ, మంచినీళ్లు తీసుకోవాలన్నారు. బస్‌ స్టేషన్‌, డిపోల్లో తాగునీటి సదుపాయం ఏర్పాటు చేయాలని ఆదేశించారు. డిప్యూటీ చీఫ్‌ మెకానికల్‌ ఇంజినీర్‌ కె.రాజశేఖర్‌, డిపో మేనేజర్‌ కె.గంగాధర్‌, అసిస్టెంట్‌ ఇంజినీర్‌ రామకృష్ణ, అసిస్టెంట్‌ మేనేజర్‌ ఉజ్వల, ఎస్‌.ఎస్‌. అప్పారావు, అసోసియేషన్‌ నాయకులు తదితరులు పాల్గొన్నారు.

● పాడేరులో అట్టహాసంగా ప్రారంభమైన రాష్ట్ర స్థాయి మెగా క్రికెట్‌ టోర్నీ ● రాష్ట్రం నలుమూలల నుంచి 72 జట్ల రాక పాడేరు: అత్యంత వెనుకబడిన గిరిజన ప్రాంతంలో రాష్ట్ర స్థాయి మెగా క్రికెట్‌ టోర్నీ నిర్వహించడం గొప్ప విషయమని, టోర్నీ నిర్వహణతో గిరిజన ప్రాంత ప్రతిష్ట మరింత పెరుగుతుందని కలెక్టర్‌ దినేష్‌కుమార్‌, ఎమ్మెల్యే, ఆలయ కమిటీ చైర్మన్‌, ఉత్సవ కమిటీ అధ్యక్షుడు మత్స్యరాస విశ్వేశ్వరరాజు అన్నారు. మే 11, 12, 13 తేదీల్లో జరగనున్న పాడేరు శ్రీ మోదకొండమ్మ తల్లి జాతరను పురస్కరించుకొని ప్రభుత్వ జూనియర్‌ కళాశాల క్రీడా మైదానంలో 36వ రాష్ట్ర స్థాయి మెగా క్రికెట్‌ టోర్నీని బుధవారం వారు ఎంతో అట్టహాసంగా ప్రారంభించారు. క్రీడాకారులతో కలిసి జాతీయ జెండాను చేతబట్టి జాతీయ గీతాన్ని ఆలపించారు. రాష్ట్రం నలుమూలల నుంచి 72 క్రికెట్‌ జట్లు ఎంతో ఉల్లాసంగా, ఉత్సాహంగా ఈ మెగా టోర్నీలో పాల్గొంటున్నాయి. విజేతలకు ప్రథమ బహుమతిగా రూ.1.20 లక్షలు, షీల్డ్‌, ద్వితీయ బహుమతిగా రూ.60 వేలు, షీల్డ్‌తోపాటు వ్యక్తిగత బహుమతులు అందజేస్తామని నిర్వహకులు వివరించారు. కలెక్టర్‌ దినేష్‌కుమార్‌, ఎమ్మెల్యే విశ్వేశ్వరరాజు మాట్లాడుతూ గిరిజన ఖ్యాతిని పెంచేలా టోర్నీ నిర్వహించాలన్నారు. ప్రతి ఒక్కరు క్రీడాస్పూర్తిని ప్రదర్శించాలని, స్నేహపూర్వక వాతావరణంలో టోర్నీని విజయవంతం చేయాలన్నారు. వైఎస్సార్‌సీపీ జిల్లా ప్రధాన కార్యదర్శి సీదరి మంగ్లన్నదొర, జిల్లా అధికార ప్రతినిధి కూడా సురేష్‌కుమార్‌, ఉత్సవ కమిటీ ఉపాధ్యక్షుడు కొట్టగుళ్లి సుబ్బారావు, వైస్‌ ఎంపీపీ కుంతూరు కనకాలమ్మ, ఎంపీటీసీలు గిడ్డి విజయలక్ష్మి, దూసూరి సన్యాసిరావు, కుంతూరు నర్శింహమూర్తి, లకే రామకృష్ణపాత్రుడు, సర్పంచ్‌లు వంతాల రాంబాబు, గబ్బాడ చిట్టిబాబు, కుర్రబోయిన సన్నిబాబు, సోమెలి లక్ష్మణరావు, గబ్బాడ చిట్టిబాబు, టోర్నీ నిర్వాహకులు సీదరి రాంబాబు, కొంటా దుర్గారావు, బాకూరు ఉమామహేష్‌, ఉత్సవ కమిటీ, ఆలయ కమిటీ ప్రతినిధులు, అధిక సంఖ్యలో క్రీడాకారులు పాల్గొన్నారు.

చింతూరు: గ్రామస్థాయిలో టాస్క్‌ఫోర్స్‌ టీంలను ఏర్పాటు చేసి మలేరియా నివారణకు చర్యలు చేపట్టాలని చింతూరు ఐటీడీఏ పీవో అపూర్వ భరత్‌ వైద్య సిబ్బందిని ఆదేశించారు. స్థానిక ఐటీడీఏ కార్యాలయంలో గురువారం వైద్యశాఖ అధికారులు, సిబ్బందితో ఆయన సమీక్ష సమావేశం నిర్వహించారు. ఈ సందర్భంగా మలేరియా నివారణలో భాగంగా ఈనెల 15 నుంచి ఇళ్లలో దోమల మందు పిచికారీ చేసేందుకు చేపట్టే ప్రణాళికా కార్యక్రమం గురించి ఆయన చర్చించారు. అనంతరం పీవో మాట్లాడుతూ టాస్క్‌ఫోర్స్‌ టీంలకు సంబంధిత పంచాయతీ కార్యదర్శులు బాధ్యత వహించాలని ఆదేశించారు. దోమలమందు పిచికారీ చేసేందుకు వర్కర్లను నియమించి వారికి తగిన శిక్షణనివ్వాలని, పిచికారీ నిర్వహించే గ్రామాల ప్రజలకు మూడు రోజులు ముందుగానే తెలియచేయాలని ఆయన ఆదేశించారు. పాజిటివ్‌ కేసులకు చికిత్స జరుగుతున్న తీరును తెలుసుకొని ఇక నుంచి సంబంధిత పీహెచ్‌సీ సూపర్‌వైజర్‌ బాధ్యత తీసుకుని చికిత్స అందేలా చర్యలు తీసుకోవాలని పీవో ఆదేశించారు. మలేరియాతోపాటు మిగతా రోగాలపై కూడా ప్రతి రోజూ ఇళ్లకు వెళ్లి ఆరా తీయాలని ఆయన సూచించారు. ఈ కార్యక్రమంలో డిప్యూటీ డీఎంహెచ్‌వో డాక్టర్‌ పుల్లయ్య, అసిస్టెంట్‌ మలేరియా అధికారి శ్రీనివాసరాజు, ప్రభుత్వాసుపత్రి సూపరింటెండెంట్‌ డాక్టర్‌ కోటిరెడ్డి పాల్గొన్నారు. 15 నుంచి ఇళ్లలో దోమలమందు పిచికారీ ఐటీడీఏ పీవో అపూర్వ భరత్‌ ఆదేశం

ముంచంగిపుట్టు: జల్‌ జీవన్‌ మిషన్‌ పథకం ద్వారా గ్రామాల్లో తాగునీటి సౌకర్యం కల్పనకు ప్రత్యేక చర్యలు తీసుకుంటున్నట్టు ఆర్‌డబ్ల్యూఎస్‌ ఏఈ రాజేష్‌ తెలిపారు.మండలంలోని కించాయిపుట్టు,కిలగాడ పంచాయతీల్లో జేజేఎం ద్వారా నూతనంగా మంజూరైన తాగునీటి పథకాల ఏర్పాటుకు అనుకూలమైన ప్రదేశాలను బుధవారం పరిశీలించారు. ఈ సందర్భంగా ఆయన మాట్లాడుతూ కించాయిపుట్టు పంచాయతీలో జే జేఎం ద్వారా రూ.9లక్షలతో దారపల్లి, రూ.7.70 లక్షలతో వర్కుగుమ్మి, రూ.7.40 లక్షలతో మర్రిపుట్టు, కిలగాడ పంచాయతీలో రూ.7.60 లక్షలతో తరిగెడ, రూ.5.3 లక్షలతో ఊరిపూజారిమెట్ట, రూ.7.9 లక్షలతో మల్కరిపుట్టు, రూ.8.3 లక్షలతో చెరువుపాకల గ్రామాల్లో తాగునీటి పథకాలు ఏర్పాటు చేయనున్నామని, త్వరలోనే పనులు మొదలు పెడతామని తెలిపారు.

సాక్షి,పాడేరు: జిల్లాలో కీటక జనిత వ్యాధుల నివారణకు పట్టిష్టమైన చర్యలు చేపట్టాలని కలెక్టర్‌ ఎ.ఎస్‌.దినేష్‌కుమార్‌ ఆదేశించారు. జాతీయ కీటక జనిత వ్యాధుల నియంత్రణ కార్యక్రమంలో భాగంగా పలు శాఖల జిల్లా అధికారులతో బుధవారం నిర్వహించిన సమావేశంలో ఆయన మాట్లాడారు. ఈ ఏడాది జిల్లాలో మలేరియా,డెంగ్యూ మరణాలు లేకుండా చర్యలు తీసుకోవాలని, మూడు ఐటీడీఏల పరిధిలో దోమల నివారణ,మలేరియా నిర్మూలన కార్యక్రమాలు చేపట్టాలని,ఈనెల 15 నుంచి మొదటి విడత దోమల నివారణ మందు పిచికారీ ప్రారంభించాలని ఆదేశించారు. దోమల మందు పిచికారీపై ప్రజలను చైతన్య పరచాలని,జ్వరాలు ప్రబలిన గ్రామాల్లో ప్రత్యేక వైద్యశిబిరాలు నిర్వహించాలని తెలిపారు.గిరిజన సంక్షేమ ఆశ్రమ పాఠశాలలు,వసతి గృహాలు,ఏపీఆర్‌ విద్యాలయాల్లో దోమతెరలు ఏర్పాటు చేయాలని, విద్యార్థినీవిద్యార్థులకు నైట్‌డ్రెస్‌లు పంపిణీ చేయాలని తెలిపారు.జిల్లా మలేరియాశాఖ అధికారి తులసి మాట్లాడుతూ ఈనెల 15నుంచి జూన్‌ 15వరకు మొదటి విడత, జులై 1నుంచి ఆగస్టు 31వతేదీ రెండవ విడత దోమలమందు పిచికారీ నిర్వహించనున్నట్టు చెప్పారు.అనంతరం కీటక జనిత వ్యాధుల నివారణకు సంబంధించిన పోస్టర్‌ను కలెక్టర్‌ ఆవిష్కరించారు. ఈ సమావేశంలో వర్చువల్‌గా జేసీ డాక్టర్‌ అభిషేక్‌గౌడ, రంపచోడవరం, చింతూరు ఐటీడీఏ పీవోలు సింహాచలం, అపూర్వభరత్‌, డీఎంహెచ్‌వో డాక్టర్‌ జమాల్‌ బాషా, ప్రత్యక్షంగా జిల్లా సర్వజన ఆస్పత్రి సూపరింటెండెంట్‌ డాక్టర్‌ విశ్వమిత్ర, ఐసీడీఎస్‌ పీడీ సూర్యలక్ష్మి, డీఈవో బ్రహ్మాజీరావు, ఇన్‌చార్జి గిరిజన సంక్షేమ డీడీ రజనీ, డీఎల్‌పీవో కుమార్‌ తదితరులు పాల్గొన్నారు. పీఎం జన్‌మన్‌ పనులు వేగవంతం పీఎం జన్‌మన్‌లో మంజూరు చేసిన రహదారి నిర్మాణ పనులను మూడు నెలల్లో పూర్తి చేయాలని కలెక్టర్‌ దినేష్‌కుమార్‌ ఆదేశించారు.పలు ఇంజినీరింగ్‌శాఖల అధికారులతో ఆయన వీడియో కాన్ఫరెన్స్‌ నిర్వహించారు.చింతపల్లి సబ్‌ డివిజన్‌ పరిధిలో 23 రహదారుల నిర్మాణాలకు ప్రతిపాదించగా 20 పనులు ఆమోదించామన్నారు.పాడేరు డివిజన్‌లో ఏడు రోడ్లకు ఐదు పనులను ఆమోదించామని చెప్పారు.జిల్లాలో 1600 సెల్‌టవర్లను మంజూరు చేశామని,వాటి పనులు వేగవంతం చేయాలన్నారు. 43 జియో సెల్‌టవర్ల నిర్మాణానికి స్థలాలు అనుకూలంగా లేవని జియో నెట్‌వర్క్‌ అధికారులు కలెక్టర్‌ దృష్టికి తీసుకురావడంతో ప్రత్యామ్నాయ స్థలాలు గుర్తించాలని రెవెన్యూ అధికారులను ఆదేశించారు. ఈ సమీక్షలో జేసీ డాక్టర్‌ అభిషేక్‌గౌడ, సబ్‌కలెక్టర్‌ సౌర్యమన్‌పటేల్‌,డీఎఫ్‌వో సందీప్‌రెడ్డి,రంపచోడవరం ఐటీడీఏ పీవో సింహాచలం,గిరిజన సంక్షేమశాఖ ఈఈలు వేణుగోపాల్‌,డేవిడ్‌,పీఆర్‌ ఈఈలు శ్రీనివాస్‌,కొండయ్యపడాల్‌ తదితరులు పాల్గొన్నారు. తాజంగి రిజర్వాయర్‌కు నష్టం తేవద్దు జాతీయ రహదారి నిర్మాణంలో తాజంగి రిజర్వాయర్‌కు ఎలాంటి నష్టం తేవద్దని కలెక్టర్‌ దినేష్‌కుమార్‌ ఆదేశించారు. జాతీయ రహదారులు, రెవెన్యూ అధికారులతో నిర్వహించిన సమావేశంలో ఆయన పలు సూచనలు చేశారు. తాజంగి రిజర్వాయర్‌ వద్ద మట్టి పోస్తుండడంతో నీటిమట్టం తగ్గి సేద్యానికి ఇబ్బందులు ఏర్పడే పరిస్థితి ఉందని రైతులు ఆందోళన చెందుతున్నారని చెప్పారు. ఇక్కడ రోడ్డు నిర్మాణాన్ని త్వరితగతిన పూర్తి చేయడంతో పాటు రిజర్వాయర్‌ అంచుల వెంబడి రివిట్‌మెంట్‌ చేయాలని ఆదేశించారు. ఎక్కడైనా పంటకాల్వలు,చెక్‌డ్యాంలు దెబ్బతింటే వాటిని వెంటనే సరిచేయాలన్నారు. సివిల్‌ తగాదాలను వెంటనే పరిష్కరించాలని ఆదేశించారు.ఈ కార్యక్రమంలో జేసీ అభిషేక్‌గౌడ,సబ్‌కలెక్టర్‌ సౌర్యమన్‌పటేల్‌,జాతీయ రహదారుల నిర్మాణాల సంస్థ విశాఖప ట్నం పీడీ రవి, అరకు పీడీ గుల్షన్‌కుమార్‌, డీఎఫ్‌వో సందిప్‌రెడ్డి, ఎస్‌ఎంఐ డీఈఈ నాగేశ్వరరావు, వర్చువల్‌గా రంపచోడవరం సబ్‌కలెక్టర్‌ కల్పశ్రీలు పాల్గొన్నారు. ఈనెల 15నుంచి దోమల మందు పిచికారీ మలేరియా నిర్మూలనకు ముందస్తు ఏర్పాట్లు కలెక్టర్‌ దినేష్‌కుమార్‌ ఆదేశాలు

పెదబయలు: జిల్లాలో ప్రకృతి వ్యవసాయాన్ని నూరుశాతం విస్తరించేలా చర్యలు తీసుకోవాలని జిల్లా వ్యవసాయ అధికారి నందు, జిల్లా ప్రకృతి వ్యవసాయం మేనేజర్‌ భాస్కరరావు అన్నారు. స్థానిక వెలుగు కార్యాలయంలో అన్ని శాఖల అధికారులతో బుధవారం నిర్వహించిన సమీక్ష సమావేశంలో వారు మాట్లాడారు. 2028 సంవత్సరం పూర్తయ్యేనాటికి పాడేరు డివిజన్‌లోని రైతులందరూ ప్రకృతి వ్యవసాయం చేసేలా వ్యవసాయ అనుబంధ శాఖల సిబ్బంది ఈనెల 15వ తేదీ నాటికి ప్రణాళిక సిద్ధం చేయాలని సూచించారు. ప్రజల ఆరోగ్యం, పోషణను దృష్టిలో ఉంచుకుని ఆరోగ్యకర పంటలు పండించే విధంగా కార్యాచరణ అమలు చేయాలన్నారు. ఈ సమావేశంలో ఏపీఎంఐపీ పీడీ రహీమ్‌, ఎంపీడీవో ఎల్‌. పూర్ణయ్య, తహసీల్దార్‌ గండేరు రంగారావు, వెలుగు ఏపీఎం దేవమంగ, మండల వ్యవసాయ అధికారి శ్రీనివాస్‌, ఉపాధి ఏపీవో అప్పలనాయుడు, వ్యవసాయ, ఉద్యానవన శాఖ, కాఫీ బోర్డు సిబ్బంది పాల్గొన్నారు. అనంతరం 32 రకాల విత్తనాలతో ఏర్పాటు చేసిన ప్రదర్శనను పరిశీలించారు.

మల్లెలు కావివి..జిల్లాలోని కాఫీ తోటలు విరబూసి, సందర్శకులను ఆకట్టుకుంటున్నాయి. ఈ ఏడాది ప్రారంభంలోనే కాఫీ తోటలు పూతకొచ్చాయి. ప్రస్తుతం పచ్చని ఆకుల్లో మల్లెల మాదిరిగా శ్వేత వర్ణపుష్పాలు ఆకర్షణీయంగా కనిపిస్తూ సువాసనలు వెదజల్లుతున్నాయి. ఇటీవల పలుచోట్ల వర్షాలు కురిసి కాఫీతోటలకు మేలు చేశాయి. పాడేరు మండలం వనుగుపల్లి,లగిశపల్లి, మినుములూరు ప్రాంతాలలో ముందస్తుగానే పూలు పూస్తూ ఆకర్షిస్తున్నాయి. – సాక్షి,పాడేరు

ఒకప్పుడు శాంతిభద్రతలకు నెలవుగా మారిన విశాఖ వరుస ఘటనలతో వణికిపోతుంది. ఎప్పుడు ఏం జరుగుతుందో తెలియని పరిస్థితి నెలకొంది. మహిళలపై వరుస దాడులతో నగర ప్రజలు భయబ్రాంతులకు గురవుతున్నారు. కూటమి ప్రభుత్వం అధికారం చేపట్టిన పది నెలల కాలంలో వరుస ఘటనలు చోటు చేసుకుంటున్నాయి. ● మూడు రోజుల క్రితం డాన్సర్లు అయిన భార్యాభర్తలు మధ్య జరిగిన గొడవలో.. భర్త చేసిన దాడిలో భార్య గాయపడి చికిత్స పొందుతూ బుధవారం మృతి చెందింది. ● మార్చి 31న మధురవాడ వాంబేకాలనీలో ఐదేళ్ల చిన్నారిపై వ్యాయామ ఉపాధ్యాయుడు లైంగికదాడికి పాల్పడ్డాడు. ● మార్చి 29న తండ్రిపై కొడుకు బ్లేడ్‌తో దాడి చేసి హత్య చేసిన ఘటన ఆరిలోవలో చోటుచేసుకుంది. ● మార్చి 28న బర్మా క్యాంపు సమీపంలో హనుమంతరావు అనే వ్యక్తిని గుర్తు తెలియని వ్యక్తులు చెట్టుకు కట్టి హత్య చేశారు. ● మార్చి 27న సాలూరుకి చెందిన ఐశ్వర్య అనే యువతిని రాంబాబు అనే వ్యక్తి విశాఖలో హత్య చేసి సాలూరు ప్రాంతంలో చెట్టుకు వేలాడదీసి ఆత్మహత్యకు పాల్పడినట్లు చిత్రీకరించాడు. ● మార్చి 20న గాజువాక శ్రీ నగర్‌లోని ఇంట్లో జరిగిన దొంగతనంలో 15 తులాల బంగారాన్ని అపహరించారు. ● ఫిబ్రవరి 28న ఐదేళ్ల బాలికపై ఓ షాప్‌ సెక్యూరిటీ గార్డ్‌ మేడమీదకు తీసుకెళ్లి అఘాయిత్యం చేసేందుకు ప్రయత్నించాడు. బాలిక కేకలు వెయ్యడంతో స్థానికులు ఈ దారుణాన్ని అడ్డుకున్నారు. ● ఫిబ్రవరి 5న హెచ్‌బీకాలనీ సింహాద్రిపురంలో పదేళ్ల బాలికపై 35 ఏళ్ల గణేష్‌ అనే వ్యక్తి లైంగికదాడికి పాల్పడ్డాడు. ● మార్చి 2న ద్వారకాపోలీస్‌ స్టేషన్‌ పరిధిలో తాళం వేసి ఉన్న ఇంటిని పగలగొట్టి 30 తులాల బంగారం, రూ.45 వేల క్యాష్‌ చోరీకి పాల్పడ్డారు. ● మార్చి నెలలో అంగడిదిబ్బ ప్రాంతానికి చెందిన మహిళను ఫైనాన్స్‌ వ్యాపారులు వేధిస్తుండటంతో అప్పు ఇచ్చిన వారి ఇంట్లోనే ఆమె ఆత్మహత్యకు పాల్పడింది. ● గత జనవరిలో పీఎం పోలీస్‌ స్టేషన్‌ పరిధిలో మిథిలాపురి వుడా కాలనీలో ఒక మహిళను నడి రోడ్డుపై జుట్టుపట్టుకుని ఈడ్చుకెళ్లిన ఘటన సంచలనం రేపింది.

● 150 రోజుల్లో రూ.4.60 లక్షలు సాక్షి,పాడేరు: ఉత్తరాంధ్ర ప్రజల ఆరాధ్యదైవం పాడేరులోని మోదకొండమ్మతల్లి ఆలయంలో హుండీ ఆదాయాన్ని బుధవారం లెక్కించారు.ఆలయ కమిటీ అధ్యక్షుడు,పాడేరు ఎమ్మెల్యే మత్స్యరాస విశ్వేశ్వరరాజు ఆదేశాల మేరకు ఆలయ కమిటీ ప్రధాన కార్యదర్శి కిల్లు కోటిబాబునాయుడు భక్తుల సమక్షంలో హుండీని తెరిచి నగదు లెక్కించారు.150 రోజులకుగాను రూ.4,60,470 ఆదాయం లభించింది. అలాగే బంగారం,వెండి,రాగి వస్తువులను కూడా మోదమ్మకు భక్తులు కానుకలుగా సమర్పించారు.

చింతపల్లి: స్థానిక ఏరియాఆస్పత్రికి రోగుల తాకిడి పెరుగుతోంది. మూడురోజులుగా ఈ ఆస్పత్రికి వచ్చే రోగుల సంఖ్య ఎక్కువగా ఉంటోంది. చింతపల్లి, జీకే వీధి మండలాల్లో గల 11 ప్రాథమిక ఆరోగ్య కేంద్రాల నుంచి రోగులు వస్తారు. ప్రతి రోజు 250 నుంచి 300 వరకూ సాధారణ ఓపీ ఉంటుంది. బుధవారం వారపు సంత రోజున నాలుగు వందల వరకూ ఓపీ ఉంటుంది. ఎండలు మండిపోతుండడంతో ఆరో గ్య సమస్యలు అధికమవుతున్నాయి. దీంతో అన్ని ప్రాంతాల నుంచి ఆస్పత్రికి వచ్చే రోగుల సంఖ్య రోజురోజుకు పెరుగుతోంది. జనరల్‌ వ్యాధులతో పాటు మలేరియా,టైఫాయిడ్‌ వంటి జ్వరాలతో ఆస్పత్రిలో చేరి చికిత్స పొందుతున్నారు. ఇప్పటికి ఆస్పత్రిలో 11 మలేరియా,17 టైఫాయిడ్‌ కేసులు నమోదైనట్టు సూపరింటెండెంట్‌ ఇందిరా ప్రియాంక తెలిపారు.

● 683 మంది సిబ్బంది నియామకం ● డీఈవో బ్రహ్మాజీరావు సాక్షి,పాడేరు: జిల్లా కేంద్రం పాడేరులోని తలారిసింగి గిరిజన సంక్షేమ ఆశ్రమ పాఠశాలలో టెన్త్‌ స్పాట్‌ వాల్యుయేషన్‌ను గురువారం నుంచి పకడ్బందీగా నిర్వహించనున్నట్టు డీఈవో పి.బ్రహ్మాజీరావు తెలిపారు. బుధవారం ఆయన విద్యాశాఖ అధికారులతో సమీక్షించారు. ఈ సందర్భంగా ఆయన మాట్లాడుతూ స్పాట్‌ వాల్యుయేషన్‌కు అన్ని విభాగాల అధికారులు,ఉపాధ్యాయులు,ఇతర సిబ్బందిని కలిపి మొత్తం 683 మందిని నియమించినట్టు చెప్పారు.స్ట్రాంగ్‌ రూమ్‌, బందోబస్తును పోలీస్‌శాఖ అధికారులు ఏర్పాటు చేసినట్టు చెప్పారు.

సాక్షి, పాడేరు: వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌రెడ్డిని పాడేరు ఎమ్మెల్యే, అల్లూరి జిల్లా పార్టీ అధ్యక్షుడు మత్స్యరాస విశ్వేశ్వరరాజు బుధవారం తాడేపల్లిలో మర్యాదపూర్వకంగా కలిశారు.జిల్లాలో వైఎస్సార్‌సీపీ కార్యక్రమాలను ఎమ్మెల్యే పార్టీ అధినేతకు సమగ్రంగా వివరించారు. కూటమి ప్రభుత్వం చేస్తున్న ఆరాచకపాలనను ఎండగడుతూ ప్రజల పక్షాన నిరంతరం పోరాటాలు చేయడంతో పాటు వైఎస్సార్‌సీపీని మరింత బలోపేతం చేయాలని మాజీ సీఎం జగన్‌ ఆదేశించినట్టు ఎమ్మెల్యే విశ్వేశ్వరరాజు విలేకరులకు తెలిపారు.

సాక్షి,పాడేరు: ఏపీ ఉపాధ్యాయ సంఘాల సమాఖ్య పిలుపు మేరకు సమస్యలు పరిష్కరించాలని డిమాండ్‌ చేస్తూ కలెక్టరేట్‌ వద్ద బుధవారం ఉపాధ్యాయ సంఘాల నేతలు, ఉపాధ్యాయులు ధర్నా చేశారు. 12వ పీఆర్‌సీని ఏర్పాటు చేయాలని, పీఆర్‌సీ కమిషన్‌ ఆలస్యమైతే వెంటనే ఐఆర్‌ ప్రకటించాలని, కారుణ్య నియామకాలు జరపాలని,పెండింగ్‌ బకాయిలు, 2022 నుంచి పెండింగ్‌లో ఉన్న సరెండర్‌ లీవ్స్‌ మంజూరు చేయాలని, పాత పింఛన్‌ విధానాన్ని అమలుచేయాలని,70ఏళ్లు పైబడిన రిటైర్డ్‌ ఉపాధ్యాయులకు అడిషనల్‌ క్వాంటమ్‌ ఆఫ్‌ పెన్షన్‌ చెల్లించాలని, ఖాళీ ఉపాధ్యాయ పోస్టుల భర్తీతో పాటు 11వ పీఆర్‌సీ బకాయిలను కూడా వెంటనే చెల్లించాలని డిమాండ్‌ చేస్తూ నినాదాలు చేశారు.అనంతరం కలెక్టర్‌ ఎ.ఎస్‌.దినేష్‌కుమార్‌ను కలిసి తమ సమస్యలను ప్రభుత్వం దృష్టికి తీసుకువెళ్లి పరిష్కరించాలని వినతిపత్రం అందజేశారు. పలు ఉపాధ్యాయ సంఘాల నేతలు పాల్గొన్నారు.

రంపచోడవరం: ఏజెన్సీలో ఎన్నడూ లేని విధంగా ఏరియా ఆస్పత్రి నుంచి శిశువును ఒక మహిళ అపహరించుపోయిన సంఘటన దారుణమని రంపచోడవరం నియోజకవర్గం వైఎస్సార్‌సీపీ ఎస్టీ సెల్‌ అధ్యక్షుడు పండా రామకృష్ణదొర అన్నారు. ఆస్పత్రిలో సరైన భద్రత చర్యలు లేకపోవడం ఇలాంటి సంఘనలకు అవకాశం ఏర్పడిందన్నారు. ఈ మేరకు బుధవారం ఒక ప్రకటన విడుదల చేశారు. కూటమి ప్రభుత్వం అధికారంలోకి వచ్చిన తరువాత ఎన్నడూ జరగని అనేక సంఘటనలు చోటుచేసుకుంటాన్నాయన్నారు.రాష్ట్రంలో మహిళలపై అఘాయిత్యాలు రోజు రోజుకి పెరిగిపోవడం చాలా దారుణమని ఆవేదన వ్యక్తం చేశారు. కూటమి ప్రభుత్వం ఎన్నికల్లో ఇచ్చిన హామీలు అమలు చేయకపోవడం, రాష్ట్రంలో చోటుచేసుకుంటున్న పరిస్థితులను, సంఘటనలను ప్రజలు గమనిస్తున్నారని పేర్కొన్నారు. రానున్న స్థానిక సంస్ధల ఎన్నికల్లో ప్రజలే తగిన బుద్ధి చెబుతారని స్పష్టం చేశారు. గత వైఎస్సార్‌సీపీ ప్రభుత్వ హయాంలో ఇలాంటి సంఘటనలు జరిగిన దాఖలాలు లేవన్నారు.

అరకులోయటౌన్‌(అనంతగిరి): మండలంలోని డముకు–తైడా ఘాట్‌రోడ్డులో ఆటో అదుపుతప్పి కొండను ఢీకొన్న ఘటనలో గాయపడిన క్షతగాత్రులను అనంతగిరి ఎంపీపీ శెట్టి నీలవేణి అంబులెన్స్‌ ఏర్పాటు చేసి ఆస్పత్రికి తరలించారు. అరకులోయ మండలం, పద్మాపురం గ్రామ పంచాయతీ దుమ్మగుడ గ్రామానికి చెందిన సోమెల రొయిల అనారోగ్యంతో బాధపడుతుండగా, ఆమెను ఆటోలో ఆస్పత్రికి తరలిస్తుండగా తైడా సమీపంలో ఆటో అదుపుతప్పి కొండను ఢీకొట్టింది. ఈ ప్రమాదంలో రొయిల భర్త సోమెల రంగారావు తలకు తీవ్ర గాయంతో పాటు కుడిచేయి విరిగింది. దోన అనే మరో మహిళ తీవ్ర గాయాల పాలైంది. అదే సమయంలో ఆ రహదారి మీదుగా వెళ్తున్న ఎంపీపీ శెట్టి నీలవేణి, వైఎస్సార్‌సీపీ మండల అధ్యక్షుడు కొర్రా సూర్కనారాయణ ప్రమాదాన్ని తెలుసుకున్నారు. హుటాహుటిన క్షతగాత్రులకు సపర్యాలు చేసి, 108 అందుబాటులో లేకపోవడంతో అనంతగిరి పీహెచ్‌సీ వైద్యాధికారి జ్ఞానేశ్వరితో ఫోన్‌లో మాట్లాడి పీహెచ్‌సీ అంబులెన్స్‌ను ఏర్పాటు చేసి, క్షతగాత్రులను ఎస్‌.కోట సీహెచ్‌సీకి తరలించారు. విషయం తెలుసుకున్న అనంతగిరి ఎస్‌ఐ శ్రీనివాస్‌ సిబ్బందితో కలిసి సంఘటన స్థలానికి చేరుకోని క్షతగాత్రులకు ఆస్పత్రికి పంపేందుకు సహకరించారు.

కొయ్యూరు: రోగ నిర్ధారణకు రక్త పరీక్షలు తప్పని సరి. అయితే ఆ పరీక్షలు సక్రమంగా సాగక వ్యాధి నిర్ధారణలో జాప్యం జరుగుతోంది. దీంతో సకాలంలో వైద్యం అందక రాజేంద్రపాలెం పీహెచ్‌సీ పరిధిలో రోగులు ఇబ్బందులకు గురవుతున్నారు. పాడేరు డివిజన్‌లో అధిక పరిధి గల రాజేంద్రపాలెం ఆస్పత్రిలో ఒకే ఒక ల్యాబ్‌ టెక్నీషియన్‌ ఉండడంతో ఈ పరిస్థితి ఏర్పడింది. ఈ పీహెచ్‌సీ పరిధిలో 17 సచివాలయాలు న్నాయి. వీటి పరిధిలో సుమారు 40 మంది ఏఎన్‌ఎంలు, హెల్త్‌ అసిస్టెంట్లు రక్త నమూనాలను సేకరించి, పీహెచ్‌సీకి పంపుతారు. ఈ మూడు నెలలు ఎపిడమిక్‌గా పరిగణించి, అధికంగా రక్త పూతలు సేకరించి, పరీక్షస్తారు. ఈ పీహెచ్‌సీలో ఓపీ 140 వరకు ఉంటుంది. వీరిలో సుమారు 40 మందికి వరకు రక్తపరీక్షలు చేస్తారు. ఇలా నెల రోజుల్లో సుమారు 2,500 వరకు రక్త పరీక్షలు చేయవలసి ఉంటుంది. ఇక్కడ ఒక్క ల్యాబ్‌టెక్నీషియన్‌ ఉన్నారు. నిబంధనల ప్రకారం రోజుకు 60 రక్త పరీక్షలు చేయాలి. ఆ ప్రకారం సెలవు దినాలు మినహాయిస్తే సుమారు నెలకు 1500 అంటే సుమారు 60 శాతం పరీక్షలు మాత్రమే జరుగుతున్నాయి. ఒక సారి రక్త సేకరణ చేస్తే మూడు రోజుల లోపు పరీక్ష చేయాలి.లేకుంటే మళ్లీ సేకరించాలి. పీహెచ్‌సీలో ఇద్దరికి గాను ఒక్కరే ల్యాబ్‌ టెక్నీషియన్‌ ఉండడంతో పూర్తిస్థాయిలో సకాలంలో రక్త పరీక్షలు జరగడం లేదు. దీంతో వ్యాధి నిర్ధారణలో జాప్యం జరిగి, రోగులు సకాలంలో వైద్య సేవలు పొందలేకపోతున్నారు. అదనంగా మరో ల్యాబ్‌ టెక్నీషియన్‌ను నియమించాలని ప్రతిపాదించినా ఇంత వరకు పట్టించుకోలేదు.దీనిపై జిల్లా మలేరియా అధికారి తులసి మాట్లాడుతూ ఈ సమస్యను డీఎంహెచ్‌వో దృష్టికి తీసుకు వెళతామని చెప్పారు. సకాలంలో వ్యాధి నిర్ధారణ కాక వైద్యసేవల్లో జాప్యం అవస్థలు పడుతున్న రోగులు రాజేంద్రపాలెం పీహెచ్‌సీలో రెండో ల్యాబ్‌ టెక్నీషియన్‌ లేక ఇబ్బందులు

కొయ్యూరు: ఉన్నతి పథకం ద్వారా ఉపాధి అవకాశాలు కల్పిస్తున్నట్టు చింతపల్లి క్లస్టర్‌ ఉపాధిహమీ పథకం ఏపీడీ లాలం సీతయ్య తెలిపారు. ఈ పథకం కింద 90 రోజుల శిక్షణతో పాటు ఉపాధి అవకాశాలు కల్పిస్తున్నట్టు చెప్పారు. ఉపాధి హామీ పథకంలో 100 పనిదినాలు పూర్తి చేసుకున్న వేతనదారుల పిల్లల కోసం ఎంపీడీవో కార్యాలయ సమావేశ మందిరంలో బుధవారం ఉన్నతి కార్యక్రమాన్ని నిర్వహించారు. సుమారు 80 మంది నిరుద్యోగులు పాల్గొన్నారు. ఈ సందర్భంగా ఏపీడీ మాట్లాడుతూ పలు రంగాల్లో ఉపాధి అవకాశాలు పుష్కలంగా ఉన్నాయన్నారు. జాబ్స్‌ కోఆర్డినేటర్‌ వై.లక్ష్మి మాట్లాడుతూ శిక్షణ పూర్తి చేసుకున్న వారికి ప్లేస్‌మెంట్స్‌ కల్పిస్తామని చెప్పారు. ఈ కార్యక్రమంలో ఏపీవో అప్పలరాజు తదితరులు మాట్లాడారు.

విశాఖ నగరిపై ● వరుస హత్యలతో ప్రజల్లో భయాందోళనలు ● మహిళలపై అఘాయిత్యాలతో పెరుగుతున్న అభద్రతా భావం ● తల్లీ కూతుళ్లపై ప్రేమోన్మాది ఘాతుకంతో మరోసారి ఉలిక్కిపడ్డ నగరం ● కూటమి సర్కారు హయాంలో విశోకపట్నంసాక్షి, విశాఖపట్నం/అల్లిపురం: ప్రశాంత విశాఖ నగరం నెత్తుటి మరకలతో ఎర్రబడుతోంది. వరుస నేరాలతో ఉలిక్కి పడుతోంది. తరచూ లైంగికదాడులు, హత్యలు, దొంగతనాలు, దాడుల భయం నీడలా వెంటాడుతోంది. సిటీ ఆఫ్‌ డెస్టినీగా పిలుచుకునే సుందర విశాఖ నగరంలో రోజూ ఏదో ఒక నేర నమోదుతో ప్రజల్లో కలవరం మొదలైంది. కూటమి పాలనలో అరాచక శక్తులకు, అడ్డాగా మారిందనే ఆందోళన అందరిలోనూ కనిపిస్తోంది. ఒక విషాదం తర్వాత మరొకటి జరుగుతుండటంతో నగరంలో ఏం జరుగుతుందోనన్న భయం అందరిలోనూ నెలకొంది. మూడు వారాల క్రితం పెదగదిలిలో ఐదు నెలల కుమార్తెని కన్నతల్లి హత్య చేసిన ఘటన మరవక ముందే.. కొమ్మాదిలో ఘోరం అందర్ని కలచివేసింది. పెళ్లికి అంగీకరించడం లేదనే కోపంతో ప్రేమోన్మాది నవీన్‌.. విచక్షణా రహితంగా చెలరేగిపోయాడు. మిట్ట మధ్యాహ్నం అందరూ చూస్తుండగానే.. రెండు చాకులతో తల్లీ కూతుళ్లపై ఉన్మాదంతో చెలరేగిపోయాడు. ఈ దాడిలో తల్లి మృత్యుఒడికి చేరుకోగా.. కుమార్తె ప్రాణాలతో పోరాడుతోంది. ఈ ఘటన విశాఖనే కాదు యావత్‌ రాష్ట్రాన్ని దిగ్భ్రాంతికి గురిచేసింది. ఉమ్మడి విశాఖ జిల్లాలోనే హోం మంత్రి ఉన్నా.. మహిళల భద్రత గాల్లో దీపంలా మారిపోయింది. శాంతి భద్రతలు కనుమరుగయ్యే పరిస్థితి ఏర్పడింది. అంతలోనే మరో అమానుషం ప్రేమోన్మాది ఘాతుకం జరిగిన కొద్ది గంటల్లోనే మరో అమానుష ఘటన ఆలస్యంగా వెలుగులోకి వచ్చింది. కంచరపాలెం పోలీస్‌ స్టేషన్‌ పరిధిలో మతిస్థిమితం లేని మహిళకు చెరకు రసం ఇస్తానని చెప్పి నిర్మానుష్య ప్రాంతానికి తీసుకెళ్లి ఓ దుండగుడు అత్యాచారం చేశాడు. మహిళ తల్లిదండ్రులు ఈ విషయాన్ని ఆలస్యంగా తెలుసుకొని పోలీసుల్ని ఆశ్రయించారు. గత నెల 26న 8 ఏళ్ల చిన్నారిపై పలుమార్లు లైంగిక వేధింపులకు పాల్పడిన కీచకుడి ఘటన యావత్‌ నగరాన్ని శోకసంద్రంలో ముంచేసింది. కూటమి ప్రభుత్వం అధికారంలోకి వచ్చిన తర్వాత పెరుగుతున్న నేరాలతో నగర ప్రజలు భయంభయంగా నిద్రలేని రాత్రులు గడుపుతున్నారు. అప్పట్లో ‘దిశ’తో రక్షణ గత వైఎస్సార్‌ సీపీ ప్రభుత్వం దిశ యాప్‌ ద్వారా మహిళలకు రక్షణ కల్పించింది. యాప్‌పై పూర్తి అవగాహన కల్పించటంతో మహిళలు యాప్‌ను వినియోగించుకుని రక్షణ పొందేవారు. కూటమి ప్రభుత్వం అధికారంలోకి వచ్చిన తరువాత దిశ చట్టాన్ని నీరుగార్చారు. మహిళలకు రక్షణ లేకుండా పోతుందని పలువురు అభిప్రాయపడుతున్నారు. ఒక మహిళ హోంమంత్రిగా ఉండి కూడా మహిళలపై దాడులు జరుగుతున్నా పట్టించుకోక పోవటంతో విమర్శలు వెల్లువెత్తుతున్నాయి. కేవలం మాటలతోనే సరిపెడుతున్నారు తప్ప క్షేత్రస్థాయిలో శాంతిభద్రతల కొరవడ్డాయని ఆందోళన వ్యక్తమవుతోంది. మహిళలు ఒంటరిగా ప్రయాణించాలన్నా, ఎక్కడికై నా వెళ్లాలన్నా భయపడుతున్నారు. మహిళ రక్షణ కోసం ఉపన్యాసాలు ఇచ్చిన ఉపముఖ్యమంత్రి పవన్‌ కల్యాణ్‌ ఇప్పుడు ఎందుకు మాట్లాడటం లేదని పలువురు ఆగ్రహం వ్యక్తం చేస్తున్నారు.

రంపచోడవరం: గిరిజన రైతులు జీడిమామిడి పిక్కలను దళారులకు అమ్మి మోసపోవద్దని ప్రభుత్వం ద్వారా జీడిమామిడి పిక్కలు కొనుగోలు చేసేందుకు కేంద్రాలు ఏర్పాటు చేసినట్టు రంపచోడవరం ఐటీడీఏ పీవో కట్టా సింహాచలం, ఎమ్మెల్యే మిరియాల శిరీషదేవీ అన్నారు. పందిరిమామిడి సెంటర్‌లో బుధవారం వన్‌దన్‌ వికాస కేంద్రాన్ని ప్రారంభించారు.రంపచోడవరం కేంద్రంగా జీడిమామిడి పిక్కలు ప్రొసెసింగ్‌ సెంటర్‌ కోసం అంసెబ్లీలో ప్రస్తావించినట్టు ఎమ్మెల్యే చెప్పారు. ఐటీడీఏ పీవో సింహాచలం మాట్లాడుతూ ఏజెన్సీలో పరిధిలో 114 వన్‌దన్‌ వికాస కేంద్రాలు ఉన్నట్టు తెలిపారు. అలాగే 14 జీడిమామిడి పిక్కల ప్రొసెసింగ్‌ సెంటర్‌లు ఏర్పాటు చేయనున్నట్టు పేర్కొన్నారు. ఈ ఏడాది వంద మెట్రిక్‌ టన్నుల జీడిమామిడి పిక్కలు కొనుగోలు చేసి ప్రొసెసింగ్‌ అనంతరం మార్కెటింగ్‌ చేయడమే లక్ష్యమన్నారు. పది మెట్రిక్‌ టన్నుల చింతపండు, 20 మెట్రిక్‌ టన్నుల పసుపు, లక్ష కొండ చీపుళ్లు కొనుగోలు చేసి మార్కెట్‌కు తరలించనున్నుట్టు చెప్పారు. వీడీవీకెల అభివృద్ధికి అందరూ సమష్టిగా పనిచేయాలని సూచించారు. వెలుగు ఏపీడీ డేగలయ్య, డీపీఎం అపర్ణ, పరమేశ్వరరావు, ఏపీఎం రాము తదితరులు పాల్గొన్నారు.రంపచోడవరం ఐటీడీఏ పీవో సింహాచలం

పగలు భగభగ..విభిన్న వాతావరణంసాక్షి,పాడేరు: జిల్లాలో భానుడి ప్రతాపంతో పగటి ఉష్ణోగ్రతలు పెరిగిపోతున్నాయి. ఉదయం తొమ్మిది గంటలు దాటితే ప్రధాన కూడళ్లు జనసంచారం లేక బోసిపోతున్నాయి. మరో వైపు రాత్రి కనిష్ట ఉష్ణోగ్రతలు నమోదవడంతో చలి వణికిచేస్తోంది. ఉదయం 8 గంటల వరకు దట్టంగా పొగమంచు కురుస్తోంది. వేసవి కాలంలోను పొగమంచు కురుస్తుండడంతో సూర్యోదయం అయ్యేంత వరకు ఆహ్లాదకర వాతావరణంతో జిల్లా వాసులు ఎంజాయ్‌ చేస్తున్నారు. అయితే ఉదయం 9 గంటల నుంచే సూర్యుడి భగభగలతో ప్రజలు విలవిల్లాడిపోతున్నారు. మైదాన ప్రాంతాలను తలపిస్తూ వడగాడ్పులు వీస్తుండడంతో ప్రజలు తీవ్ర ఇబ్బందులు పడుతున్నారు. మధ్యాహ్నం ఎండ చుర్రుమంటుండడంతో జిల్లా కేంద్రం పాడేరుతో పాటు అన్ని మండల కేంద్రాల్లోని రోడ్లపై జనసంచారం తక్కువగా ఉంటోంది. ఎండను తాళలేక వ్యవసాయ, కూలి పనులకు వెళ్లే గిరిజనులు మధ్యాహ్నానికే ఇంటికి చేరుకుంటున్నారు. వారపు సంతలపైన ఎండ ప్రభావం ఎక్కువగా ఉంటోంది. జిల్లాలో చాలా ప్రాంతాల్లో 36 డిగ్రీలు దాటి ఉష్ణోగ్రతలు నమోదవుతున్నాయి. బుధవారం నమోదైన ఉష్ణోగ్రతలు : చింతూరులో 37.7 డిగ్రీలు, మారేడుమిల్లిలో 37.7, వై.రామవరంలో 37.6, పాడేరులో 37, డుంబ్రిగుడలో 37, కొయ్యూరులో 36.7, రాజవొమ్మంగిలో 36.6, కూనవరంలో 36.5, రంపచోడవరంలో 36.1 అడ్డతీగల 36.1, ముంచంగిపుట్టులో 35.4, పెదబయలులో 35, హుకుంపేటలో 34.9, అరకులోయలో 34, అనంతగిరిలో 33.3, జీకే వీధిలో 33, చింతపల్లిలో 32.5, జి.మాడుగులలో 32.5 డిగ్రీల గరిష్ట ఉష్ణోగ్రతలు నమోదయ్యాయి.ఉష్ణోగ్రతలు మరింతపెరుగుతాయి ఈఏడాది జిల్లా వ్యాప్తంగా ఎండల తీవ్రత అధికంగా ఉంటుంది. 40 డిగ్రీల వరకు ఉష్ణోగ్రతలు నమోదయ్యే అవకాశం ఉంది. పాడేరు డివిజన్‌ కంటే రంపచోడవరం, చింతూరు డివిజన్లలో ఎండలు మరింత విజృంభించనున్నాయి. అధిక ఎండలు,గరిష్ట ఉష్ణోగ్రతలు నమోదవుతుండడంతో అన్ని వర్గాల ప్రజలు అప్రమత్తంగా ఉండాలి. మిరియాలు, పసుపు, పిప్పళ్ల పంటల సేకరణలో గిరిజన రైతులు తగిన జాగ్రత్తలు తీసుకోవాలి. – డాక్టర్‌ అప్పలస్వామి, ఏడీఆర్‌, చింతపల్లి వ్యవసాయ పరిశోధన స్థానం ఉదయం 8గంటల వరకు పొగమంచుఉదయం 9 గంటల తరువాత చుర్రుమనిపిస్తున్న సూరీడు సాయంత్రం వరకు వడగాడ్పులు అధిక వేడితో ఇబ్బందులు డుంబ్రిగుడ: మండలంలో విభిన్న వాతావరణం నెలకొంది. ఉదయం మంచు కురుస్తుండడంతో పాటు రాత్రి చలిగాలలు వీస్తున్నాయి. మంచు ఎక్కువగా కురుస్తుండడంతో దారి సరిగా కనిపించక వాహనచోదకులు లైట్లు వేసుకుని ప్రయాణిస్తున్నారు. మధ్యాహ్నం ఎండ తీవ్రత అధికంగా ఉండంతో మండల వాసులు అల్లాడిపోతున్నారు. వేడి నుంచి ఉపశమనం పొందడానికి గిరిజన చిన్నారులు సమీప గెడ్డలు, చాపరాయి వద్ద జలకాలాటలాడుతున్నారు. అధికంగా కురుస్తున్న మంచు వల్ల మామిడి పూతకు నష్టంవాటిల్లే ప్రమాదం ఉందని రైతులు ఆందోళన చెందుతున్నారు.

పెదగంట్యాడ: అదానీ గంగవరం పోర్టులో యాజమాన్యం అదనంగా రెండు లోకో ఇంజిన్‌లను మంగళవారం ప్రవేశపెట్టింది. దీంతో నౌకాశ్రయ నిర్వహణ సామర్థ్యం పెరగడంతో పాటు ర్యాక్‌ హ్యాండ్లింగ్‌ సామర్థ్యం కూడా మెరుగుపడనుంది. గంగవరం పోర్టు స్థిరంగా మెరుగైన సేవలు అందించడంతో పాటు కార్గో నిర్వహణ పరంగా కొత్త రికార్డులు సృష్టిస్తోంది. ఈ సందర్భంగా పోర్టు మేనేజ్‌మెంట్‌ ప్రతినిధులు మాట్లాడుతూ పోర్టులో కొత్తగా రెండు లోకో ఇంజిన్లు ప్రారంభించడం ద్వారా దిగుమతిదారులకు గణనీయమైన ఆర్థిక ప్రయోజనాలు కల్పిస్తున్నట్లు తెలిపారు.

రంపచోడవరం ఐటీడీఏ పీవో కట్టా సింహాచలం రంపచోడవరం: కేంద్ర, రాష్ట్ర ప్రభుత్వాలు అమలు చేస్తున్న పథకాలను గిరిజన రైతులు అందిపుచ్చుకోవాలని, ఇందుకు ప్రతి రైతు రిజిస్ట్రేషన్‌ చేసుకోవాలని రంపచోడవరం ఐటీడీఏ పీవో కట్టా సింహాచలం తెలిపారు. రంపచోడవరం ఐటీడీఏ సమావేశం హాలులో మంగళవారం నిర్వహించిన వ్యవసాయశాఖ ప్రైమరీ సెక్టార్‌ సమావేశంలో పీవో మాట్లాడారు. గిరిజన రైతులను ఆర్థికంగా ప్రోత్సహించేందుకు ప్రణాళిక తయారు చేసి సమర్పించాలని, అటవీ హక్కుల చట్టం ద్వారా పట్టాలు పొందిన రైతుల జాబితాను, చనిపోయిన గిరిజన రైతుల జాబితాను సమర్పించాలని ఆదేశించారు. ఈ ఏడాది వ్యవసాయ వృద్ధి రేటు పెంచే విధంగా రైతులకు సూచనలు , సలహాలు ఇవ్వాలని వ్యవసాయ శాఖాధికారులకు సూచించారు.సచివాలయాల సిబ్బందిని వ్యవసాయాభివృద్ధికి వినియోగించుకోవాలని తెలిపారు. వీడీవీకేల ద్వారా జీడిమామిడి పిక్కలను కొనుగోలు చేయనున్నట్టు చెప్పారు. ఉపాధి హామీ పథకం పనులు త్వరితగతిన పూర్తి చేయాలని ఆదేశించారు. ఈసమావేశంలో ఏడీఏ సీహెచ్‌ కె.వి. చౌదరి, పీఏవో ఎల్‌.రాంబాబు, డీడీ షరీష్‌, కె.సావిత్రి, ఏవో కె.లక్ష్మణ్‌రావు, వెంకటేశ్వర్లు, విశ్వనాథం తదితరులు పాల్గొన్నారు. అధికారులు అందుబాటులో ఉండాలి ప్రభుత్వ కార్యాలయాల్లో అధికారులు, సిబ్బంది అందుబాటులో ఉండాలని రంపచోడవరం ఐటీడీఏ పీవో కట్టా సింహాచలం తెలిపారు. స్థానిక పీఎంఆర్‌సీ ప్రాంగణంలో గల వివిధ కార్యాలయాలను మంగళవారం ఆయన ఆకస్మికంగా పరిశీలించారు.ఈ సందర్భంగా పీవో మాట్లాడుతూ సెలవు రోజుల్లో మినహా పనిదినాల్లో తప్పనిసరిగా కార్యాలయాల్లో అందుబాటులో ఉండాలన్నారు.

సాక్షి,పాడేరు: జాతీయ గ్రామీణా ఉపాధి హామీ పథకం పనుల్లో జిల్లా ముందంజలో ఉందని కలెక్టర్‌ ఎ.ఎస్‌.దినేష్‌కుమార్‌ మంగళవారం తెలిపారు. 2024–25 ఆర్థిక సంవత్సరంలో అభివృద్ధి,ఉపాధి కల్పన,ప్రభుత్వ ప్రాధాన్యత కార్యక్రమాల అమలులో అద్భుత విజయాలను సాధించిందన్నారు. నిర్ధేశించిన లక్ష్యాలను అధిగమిస్తూ పలు అంశాలలో రాష్ట్రస్థాయిలోనే జిల్లా ప్రత్యేకస్థానం పొందిందని చెప్పారు. 69,052 కుటుంబాలకు 100 రోజుల పాటు ఉపాధిని కల్పించడంతో ప్రతి కూలీకి సగటు 74 నుంచి 85రోజుల వరకు పని లభించినట్టు చెప్పారు. హార్టికల్చర్‌లో 10,939 ఎకరాలు సాగు చేసి రాష్ట్రంలోనే మొదటి స్థానం సాధించామన్నారు.161లక్షల పనిదినాలను కల్పించడం ద్వారా 3వ స్థానం,కూలీలకు సగటు రోజువారీ వేతనంగా రూ.263.19 చెల్లించి రాష్ట్రంలో 8వస్థానం సాధించినట్టు తెలిపారు.ఈ ఆర్థిక సంవత్సరంలో రూ.737.32కోట్లు ఖర్చుపెట్టామన్నారు. ప్రభుత్వ ప్రాధాన్యత పనుల్లోను పురోగతి సాధించినట్టు చెప్పారు. పల్లెపండగలో భాగంగా రూ.250 కోట్ల వ్యయంతో సీసీరోడ్లు, బీటీ రోడ్లు, డబ్ల్యూబీఎం రోడ్లు నిర్మించినట్టు చెప్పారు. 2025–26 ఆర్థిక సంవత్సరంలో పలు పనులకు ప్రణాళికలను సిద్ధం చేశామన్నారు. వ్యవసాయానుబంధ రంగాల్లో 15శాతం వృద్ధి వ్యవసాయానుబంధ రంగాల్లో 15శాతం వృద్ధి సాధించాలని కలెక్టర్‌ ఆదేశించారు.కలెక్టరేట్‌ నుంచి ఆయన జిల్లాలోని ఐటీడీఏ పీవోలు,పలుశాఖల అధికారులతో నిర్వహించిన వీడియో కాన్ఫరెన్స్‌లో మాట్లాడారు. రానున్న మూడేళ్లలో సేంద్రియ వ్యవసాయాన్ని విస్తరించేందుకు కార్యాచరణ రూపొందించాలని తెలిపారు. 104 చెక్‌డ్యాంలకు మరమ్మతుల చేశామన్నారు.కాఫీ పంటను విస్తరించాలని సీఎం ఆదేశించారని చెప్పారు. రిజర్వాయర్లలో మత్స్యసంపదను పెంచడానికి చర్యలు తీసుకోవాలన్నారు. 17,170 ఎకరాల్లో ఉద్యానవనపంటల సాగుకు చర్యలు తీసుకోవాలని ఆదేశించారు.ఆశ్రమ పాఠశాలలకు కాలం చెల్లిన ఆహార పదార్థాలను సరఫరా చేస్తే సంబంధింత సరఫరాదారులపై కఠిన చర్యలు తీసుకుంటామని హెచ్చరించారు. మోదకొండమ్మతల్లి జాతర సందర్భంగా హోటళ్లు తనిఖీలు చేయాలన్నారు.వేసవిలో తాగునీటి సమస్య లేకుండా చర్యలు తీసుకోవాలని, తాగునీటి వనరులు,చేతిపంపులు మరమ్మతులు చేపట్టాలన్నారు.తాగునీటి సమస్యపై ప్రజల నుంచి ఫిర్యాదులు వస్తే సచివాలయ సిబ్బందిని సస్పెండ్‌ చేస్తామని హెచ్చరించారు. ఈ సమావేశంలో జేసీ,ఇన్‌చార్జి పాడేరు ఐటీడీఏ పీవో డాక్టర్‌ అభిషేక్‌గౌడ,రంపచోడవరం,చింతూరు ఐటీడీఏ పీవోలు సింహాచలం,అపూర్వభరత్‌,జిల్లా వ్యవసాయాధికారి ఎస్‌.బి.ఎస్‌.నందు,హార్టికల్చర్‌ అధికారి రమేష్‌కుమార్‌రావు, జిల్లా పశుసంవర్ధకశాఖ అధికారి నరసింహులు,జిల్లా సెరికల్చర్‌ అధికారి అప్పారావు,మత్స్యశాఖ అధికారి శ్రీనివాసరావు,ఎస్‌ఎంఐ డీఈఈ నాగేశ్వరరావు,సీపీవో పట్నాయక్‌,ఆర్‌డబ్ల్యూఎస్‌ ఈఈ జవహర్‌కుమార్‌,అన్ని మండలాల ఎంపీడీవోలు పాల్గొన్నారు. పలు అంశాల్లో రాష్ట్రంలోనే ప్రత్యేక స్థానం కలెక్టర్‌ దినేష్‌కుమార్‌

● కలెక్టర్‌ దినేష్‌కుమార్‌ సాక్షి,పాడేరు: సామాజిక పింఛన్లను ప్రతినెలా 1వ తేదీనే పూర్తిస్థాయిలో పంపిణీ చేసేందుకు కృషి చేస్తున్నట్టు కలెక్టర్‌ ఎ.ఎస్‌.దినేష్‌కుమార్‌ తెలిపారు. చింతలవీధి పంచాయతీ అడారిమెట్టలో మంగళవారం సామాజిక పింఛన్ల పంపిణీని ఆయన ప్రారంభించారు. ఆడారిమెట్ట గ్రామంలో పింఛన్‌ పొందుతున్న ఓ వితంతువు బీఈడీ చదివి కూడా ఉపాధి లేక ఖాళీగా ఉండడం, ఆమె తోబుట్టువులు ఉన్నత చదువులు చదివి నిరుద్యోగులుగా ఉండడంపై కలెక్టర్‌ విచారం వ్యక్తం చేశారు.వారికి నైపుణ్య శిక్షణ అందించి ఉపాఽధి అవకాశాలు కల్పిస్తామని హామీ ఇచ్చారు.ఈ కార్యక్రమంలో వెలుగు ఏపీడీ మురళీ,ఎంపీటీసీ సభ్యురాలు గిడ్డి విజయలక్ష్మి,సర్పంచ్‌ వంతాల సీతమ్మ,ఉప సర్పంచ్‌ సూరిబాబు,మాజీ ఎమ్మెల్యే గిడ్డి విజయలక్ష్మి తదితరులు పాల్గొన్నారు.జిల్లాలో మంగళవారం సాయంత్రం 6గంటల సమయానికి 93.93శాతం పింఛన్ల పంపిణీని పూర్తిచేసినట్టు కలెక్టర్‌ దినేష్‌కుమార్‌ తెలిపారు.1,22,654మందికి గాను 1,15,203మందికి పింఛన్‌ పంపిణీ పూర్తయిందని చెప్పారు.

● వేసవిలో ఇంటర్‌ తరగతులపైవిద్యార్థుల అనాసక్తి ● ప్రభుత్వ నిర్ణయంపై విమర్శలు సాక్షి,పాడేరు: జిల్లాలోని జూనియర్‌ కాలేజీలు మంగళవారం తెరుచుకున్నాయి. ఇంటర్మీడియట్‌ ద్వితీయ సంవత్సరం విద్యార్థులకు తరగతులు ప్రారంభమైనప్పటికీ విద్యార్థుల హాజరు అంతంతమాత్రంగానే ఉంది. విద్యారంగంలో సంస్కరణల పేరిట కూటమి ప్రభుత్వం తీసుకుంటున్న నిర్ణయాలు ఏ ఒక్కరికీ రుచించడం లేదనేది తేటతెల్లమవుతోంది. ఏటా వార్షిక పరీక్షలు రాసిన విద్యార్థులు వేసవి సెలవులను ఎంజాయ్‌ చేస్తుంటారు. కానీ తాజా పరిణామాలతో ఇటీవలే పరీక్షలు రాసి.. వేసవి సెలవుల మూడ్‌లోకి వెళ్లిన విద్యార్థులను కాలేజీలకు రండి అని కబురు పంపినా, వారి నుంచి ఆశించిన స్థాయిలో స్పందన కనిపించలేదు. జిల్లాలో 20 ప్రభుత్వ జూనియర్‌ కళాశాలలతో పాటు 17 గురుకుల కళాశాలలు, 19 కేజీబీవీలు,ఐదు హైస్కూల్‌ ప్లస్‌ విద్యాలయాలు ఉన్నాయి.ఈ విద్యాలయాల్లో ఆరు వేలమంది ఇంటర్‌ ఫస్ట్‌ ఇయర్‌ పరీక్షలు రాశారు.వారంతా తొలిరోజు ఇంటర్‌ సెకండ్‌ ఇయర్‌ తరగతులకు హాజరుకావాల్సి ఉండగా, కేవలం 10శాతం మంది విద్యార్థులు మాత్రమే హాజరయ్యారు.జిల్లా కేంద్రం పాడేరులోని ప్రభుత్వ జూనియర్‌ కళాశాలకు 30 మంది, హుకుంపేట ప్రభుత్వ జూనియర్‌ కళాశాలకు 24 మంది ఇంటర్‌ విద్యార్థులు మాత్రమే హాజరయ్యారు.

ఉక్కునగరం: స్టీల్‌ప్లాంట్‌ సెక్యూరిటీ విధుల్లోకి సీఐఎస్‌ఎఫ్‌ సిబ్బందితో పాటు రాష్ట్ర ప్రభుత్వ స్పెషల్‌ ప్రొటెక్షన్‌ ఫోర్స్‌(ఎస్‌పీఎఫ్‌)ను నియమించబోతున్నారు. స్టీల్‌ప్లాంట్‌ పొదుపు చర్యల్లో భాగంగా సీఐఎస్‌ఎఫ్‌ సిబ్బందిని తగ్గించాలని కేంద్ర ప్రభుత్వం నిర్ణయించింది. ఇందులో భాగంగా స్టీల్‌ప్లాంట్‌ సీఐఎస్‌ఎఫ్‌ యూనిట్‌ నుంచి సుమారు 438 మందిని తగ్గించి ఇతర ప్రాంతాలకు బదిలీ చేశారు. వారి స్థానంలో మొదట హోంగార్డులను నియమించాలనుకున్నారు. స్టీల్‌ప్లాంట్‌ వంటి సున్నితమైన పరిశ్రమలో హోంగార్డులు సరికాదని నిర్ణయించి, ఆ స్ధానంలో ఎస్‌పీఎఫ్‌ సిబ్బందిని నియమించాలని ప్రభుత్వాన్ని కోరారు. దీనిపై ఉత్తర ప్రత్యుత్తరాలు జరిగాయి. ఎట్టకేలకు ఆదివారం కేంద్ర ఉక్కు సహాయమంత్రి శ్రీనివాసవర్మ, ఉక్కు కార్యదర్శి సందీప్‌ పౌండ్రిక్‌లు రాష్ట్ర ప్రభుత్వానికి విజ్ఞప్తి చేశారు. ఆ విజ్ఞప్తిని ప్రభుత్వం అంగీకరించినట్టు తెలిసింది. ఇందులో భాగంగా విజయవాడలోని ఏపీ ఎస్‌పీఎఫ్‌ డైరెక్టర్‌ జనరల్‌ కార్యాలయం ఒక సర్క్యులర్‌ విడుదల చేసింది. స్టీల్‌ప్లాంట్‌లో విధులు నిర్వహించడానికి ఆసక్తి కలిగిన వారు ఈ నెల 10లోగా తమ అంగీకారం తెలపాలని అందులో పేర్కొన్నారు. మొదటి దశలో 100 మందిని, ఆ తర్వాత దశల వారీగా సిబ్బందిని నియమించేందుకు అంగీకరించినట్లు ఉక్కు అధికార వర్గాల సమాచారం.

● 1970 –1995 వరకు చదువుకున్న 27 బ్యాచ్‌ల విద్యార్థుల సమావేశం ● పాల్గొన్న మాజీ ఎమ్మెల్యే గణేష్‌ నర్సీపట్నం: అక్కడ పాత మిత్రులు జ్ఞాపకాలు కలబోసుకున్నారు. సుమారు 30 ఏళ్ల నాటి ముచ్చట్లు చెప్పుకున్నారు. అప్పటి గురువులను స్మరించుకున్నారు. నర్సీపట్నం మున్సిపాలిటీ పరిధి పెదబొడ్డేపల్లి ఆర్సీఎం స్కూల్‌ 1970 నుంచి 1995 వరకు పదో తరగతి వరకు చదువుకున్న 27 బ్యాచ్‌ల పూర్వ విద్యార్థులు స్కూల్‌ ప్రాంగణంలో మంగళవారం సమవేశమయ్యారు. పూర్వ విద్యార్థుల అపూర్వ సమ్మేళనం ఆద్యంతం అలరించింది. పాఠశాలకు చెందిన పూర్వ విద్యార్థుల సంఘం నిర్వహించిన ఈ కార్యక్రమంలో దశాబ్ధాల క్రితం నాటి స్నేహ బృందాలు కలుసుకున్నాయి. ఆనందోత్సాహాలతో సందడి చేసింది. ఈ పాఠశాలలో చదివి ఇంజినీర్లు, టీచర్లు, లాయర్లు, సాప్ట్‌వేర్‌ నిపుణులు, రాజకీయ ప్రముఖులు వంటి ఉన్నత స్థానాలకు ఎదిగిన వారంతా తమ పాత స్మృతులను నెమరవేసుకున్నారు. ఒకరి యోగక్షేమాలను ఒకరు అడిగి తెలుసుకున్నారు. తాము జీవితంలో ఎలా ఎదిగిందీ..ఒకరినొకరు అడిగి తెలుసుకున్నారు. ప్రస్తుత పాఠశాల పరిస్థితులు, వాటి అభివృద్ధి గురించి ఆరా తీశారు. విద్యార్థుల ఉన్నతికి ఎనలేని కృషి చేసిన అప్పటి హెచ్‌ఎంలు ఇన్నయ్య, జోజిబాబు ఫాదర్స్‌ చిత్రపటాల వద్ద పూర్వ విద్యార్థుఽలు నివాళుర్పించారు. ఇద్దరు గురువులను స్మరించుకున్నారు. ఇద్దరు హెచ్‌ఎంలు, అప్పటి గురువులు అందించిన ప్రోత్సాహంతోనే ఈ రోజు ఈ స్థితిలో ఉన్నామని వారి భావాలను వ్యక్త పరిచారు. పూర్వ విద్యార్థి, మాజీ ఎమ్మెల్యే పెట్ల ఉమాశంకర్‌ గణేష్‌ అపూర్వ సమ్మేళనంలో పాల్గొని, తోటి పూర్వ విద్యార్థులతో తన అనుభవాలను పంచుకున్నారు. రాజకీయాల్లో తనదైన ముద్ర వేసుకుని ఎమ్మెల్యేగా సేవలు అందించిన మాజీ ఎమ్మెల్యే గణేష్‌తో పూర్వ విద్యార్ధులు ఫొటోలు దిగేందుకు పోటీ పడ్డారు. అనంతరం పలువురు ప్రముఖులను సన్మానించారు. పాఠశాల అభివృద్ధికి తీసుకోవాల్సిన కార్యచరణను సభలో చదివి వినిపించారు. ఆర్థికంగా వెనకబడిన పూర్వ విద్యార్థులకు సహాయపడాలని కూడా పూర్వ విద్యార్థులు నిర్ణయం తీసుకున్నారు. ఈ సందర్భంగా చిన్నారులు ప్రదర్శించిన కూచిపూడి నృత్యం విశేషంగా ఆకట్టుకుంది. పలువురు గురువులను సన్మానించారు. 27 బ్యాచ్‌ల పూర్వ విద్యార్థులు చదువులమ్మ ఒడిలో ఉదయం నుంచి సాయంత్రం వరకూ సరదాగా గడిపారు.

పెందుర్తి: ఒడిశా నుంచి నాసిక్‌కు రూ.10 లక్షల విలువైన 180 కిలోల గంజాయిని తరలిస్తూ పోలీసులకు సోమవారం చిక్కిన కేసులో ఏడుగురు నిందితుల్లో ఐదుగురిని అరెస్ట్‌ చేసి, రిమాండ్‌కు తరలించినట్లు వెస్ట్‌ జోన్‌ ఏసీపీ ఏబీ పృధ్వీతేజ తెలిపారు. మంగళవారం స్థానిక పోలీస్‌ స్టేషన్‌లో ఏర్పాటు చేసిన విలేకరుల సమావేశంలో ఏసీపీ తెలిపిన వివరాలు.. ముంచంగిపుట్‌కు చెందిన బిసోయి సహదేవ్‌, కొర్ర సన్యాసిరావు, మహారాష్ట్ర నాసిక్‌కు చెందిన అజయ్‌ సామ్‌ చావన్‌, అంకిత్‌ జోషి, శ్రీనివాస్‌ వాగ్‌, ఒడిశాకు చెందిన ప్రేమ్‌కుమార్‌, దావుద్‌ఖాన్‌ ఓ ముఠా. వీరిలో దావుద్‌ఖాన్‌, శ్రీనివాస్‌ వాగ్‌ ప్రధాన సూత్రదారులు. వీరు అల్లూరి సీతారామరాజు జిల్లా, ఒడిశా ప్రాంతాల్లోని గంజాయిని సేకరించి దేశంలోని అన్ని ప్రాంతాలకు తరలిస్తుంటారు. ఈ క్రమంలో సోమవారం ఫోర్స్‌ మినీ టెంపో ట్రావెలర్‌లో 180 కిలోల గంజాయిని ఒడిశా నుంచి అరకు మీదుగా నాసిక్‌కు తరలించేందుకు విశాఖ నగరం వైపు వెళుతున్నారు. వ్యాన్‌కు ముందు రెండు బైక్‌లు ఎస్కార్ట్‌గా ఉన్నాయి. దీనిపై సమాచారం అందుకున్న టాస్క్‌ఫోర్స్‌, పెందుర్తి పోలీసులు సీఐ కె.వి.సతీష్‌కుమార్‌ సారథ్యంలో పెందుర్తి మండలం రాజయ్యపేట సమీపంలో కాపు కాశారు. మినీ వ్యాన్‌ను అడ్డుకుని అందులో పరిశీలించగా గంజాయి పట్టుబడింది. ఐదుగురు నిందితులు సహదేవ్‌, సన్యాసిరావు, అజయ్‌, అంకిత్‌, ప్రేమ్‌కుమార్‌లను అరెస్ట్‌ చేసి రిమాండ్‌కు తరలించామని ఏసీపీ వెల్లడించారు. వారి నుంచి గంజాయి, మినీ టెంపోతో పాటు రెండు బైక్‌లు, రూ.10 వేల నగదు, ఐదు సెల్‌ఫోన్‌లు స్వాధీనం చేసుకున్నట్లు పేర్కొన్నారు. సమావేశంలో సీఐ కె.వి.సతీష్‌కుమార్‌, ఎస్‌ఐ స్వామినాయుడు, సిబ్బంది పాల్గొన్నారు. అంతర్రాష్ట్ర ముఠాకు చెందిన మరో ఇద్దరి కోసం గాలింపు మీడియాతో వెస్ట్‌జోన్‌ ఏసీపీ పృధ్వీతేజ

సాక్షి,పాడేరు: ఉపాధి హమీ పథకం నిధులు రూ.50.25లక్షలతో జిల్లాలో పశువులకు 150 తాగునీటి తొట్టెలను నిర్మిస్తున్నామని, కలెక్టర్‌ ఎ.ఎస్‌.దినేష్‌కుమార్‌ తెలిపారు. కుమ్మరిపుట్టు గ్రామంలో పశువుల తాగునీటి తొట్టెల నిర్మాణ పనులకు కలెక్టర్‌ మంగళవారం శంకుస్థాపన చేశారు.ఈ సందర్భంగా ఆయన మాట్లాడుతూ జిల్లాలో పశుసంపద పరిరక్షణకు కృషి చేస్తున్నామన్నారు. వేసవిలో పశువులకు తాగునీటి దాహార్తి తీర్చేందుకు ప్రభుత్వం చర్యలు చేపట్టిందన్నారు. ఇందులో భాగంగా నీటి తొట్టెల నిర్మాణాలు జరుగుతున్నాయన్నారు. ఒక్కో తొట్టె నిర్మాణానికి రూ.33,500 ఖర్చు చేస్తున్నామన్నారు. డ్వామా పీడీ విద్యాసాగర్‌, ఎంపీటీసీ సభ్యురాలు విజయలక్ష్మి, మాజీ ఎమ్మెల్యే గిడ్డి ఈశ్వరి, ఉపాధి హమీ పథకం ఏపీడీ శ్రీనివాసనాయుడు పాల్గొన్నారు. రూ.50.25లక్షలతో నీటితొట్టెల నిర్మాణం కలెక్టర్‌ దినేష్‌కుమార్‌

విశాఖ విద్య: అమెరికాలో ఉన్నత విద్య, పరిశోధనలకు అందించే వివిధ స్కాలర్‌షిప్‌లను భారతీయ యువత సద్వినియోగం చేసుకోవాలని యునైటెడ్‌ స్టేట్స్‌ ఇండియా ఎడ్యుకేషన్‌ ఫౌండేషన్‌ చైన్నె రీజినల్‌ ఆఫీసర్‌ మాయా సుందర రాజన్‌ అన్నారు. మంగళవారం ఆంధ్ర విశ్వవిద్యాలయం సైన్స్‌ కళాశాల పరిధిలో ఫుల్‌బ్రైట్‌ నెహ్రూ స్కాలర్‌షిప్‌తో పాటు వివిధ స్కాలర్‌షిప్‌లపై అవగాహన కార్యక్రమంలో ఆమె పాల్గొన్నారు. ఈ సందర్భంగా విద్యార్థులకు ఫుల్‌బ్రైట్‌ స్కాలర్‌షిప్‌లపై విస్తృత అవగాహన కల్పించి విద్యార్థుల సందేహాలను నివృత్తి చేశారు. ఈ సందర్భంగా ఆమె మాట్లాడుతూ భారతదేశంతో ఉన్నత విద్య సంబంధాలను మరింత బలోపేతం చేసే విధంగా ఈ స్కాలర్‌షిప్‌లను ఏర్పాటు చేయడం జరిగిందని చెప్పారు. ఫుల్‌బ్రైట్‌ స్కాలర్‌షిప్‌ 1946లో ప్రారంభమైందని, ప్రస్తుతం 160 దేశాల్లో ఇది అమలవుతుందని చెప్పారు. ఇప్పటివరకు నాలుగు లక్షల మందికి ఈ స్కాలర్‌షిప్‌ ద్వారా అమెరికాలో ఉన్నత విద్యను పొందే అవకాశాన్ని పొందారని చెప్పారు. ఏయూ సైన్స్‌ కళాశాల ప్రిన్సిపల్‌ ఆచార్య ఎం.వి.ఆర్‌. రాజు మాట్లాడుతూ విదేశాల్లో ఉన్నత విద్య, పరిశోధన జరపడానికి ఎంతో ఉపయోగకరంగా స్కాలర్‌షిప్‌లు నిలుస్తాయని చెప్పారు. ఈ స్కాలర్‌షిప్‌లు సాధించిన వారు విదేశాల్లో పొందే వివిధ సదుపాయాలు, అవకాశాలు తెలియజేశారు. ఏ దేశంలో పరిశోధన చేయాలి అనే అంశంపై నిర్దిష్టమైన అవగాహనతో ఉండాలని సూచించారు.

జల్‌ జీవన్‌ మిషన్‌ (జేజేఎం) పనులు జిల్లాలో పడకేశాయి. ఈ పథకం వల్ల తాగునీటి వనరుల సద్వినియోగం, తలసరి నీటి వినియోగ పరిమాణం పెంపుదల, నూరుశాతం రక్షిత మంచినీటి సరఫరా జరుగుతుందని భావిస్తే.. రాష్ట్ర ప్రభుత్వం తీరు వల్ల పథకం ఉద్దేశమే నీరుగారుతోంది. బిల్లుల చెల్లింపులు లేకపోవడంతో కాంట్రాక్టర్లు పనులు సక్రమంగా చేయడం లేదని తెలిసింది.సాక్షి,పాడేరు/అరకులోయ టౌన్‌/రంపచోడవరం: జల్‌జీవన్‌ పథకంతో సురక్షితమైన తాగునీరందుతుందని భావించిన జిల్లా ప్రజలకు కూటమి ప్రభుత్వం ఝలక్‌ ఇచ్చింది. ఇంటింటికీ కుళాయిల ద్వారా 22 మండలాల పరిధిలో 2,40,057 కుటుంబాలకు సురక్షిత తాగునీరు అందించే లక్ష్యంతో ప్రారంభమైన జల్‌జీవన్‌ మిషన్‌.. రాష్ట్ర ప్రభుత్వ తీరుతో నీరుగారుతోంది. పలు గ్రామాల్లో పనులు ఇంకా ప్రారంభం కాకపోగా, ఇప్పటికే ప్రారంభమైన పనులకు చాలా చోట్ల బ్రేక్‌ పడింది. గత వైఎస్సార్‌సీపీ ప్రభుత్వ హయాంలో నిర్మించిన పథకాలు గిరిజనులకు తాగునీరు అందిస్తుండగా, కూటమి ప్రభుత్వంలో ఈ పథకం పనులు నత్తనడకన సాగుతున్నాయి. పాడేరు,రంపచోడవరం,అరకులోయ నియోజకవర్గాల్లో జల్‌జీవన్‌ మిషన్‌ తాగునీటి పథకాల నిర్మాణాలకు నిధులు సమస్య అధికంగా ఉందని కాంట్రాక్టర్లు తెలిపారు.

రిజర్వాయర్‌ వద్ద మొసలి సీలేరు: ఏపీ జెన్‌కో సీలేరు గుంటవాడ రిజర్వాయర్‌ ఒడ్డున గత వారం రోజులుగా ఓ మొసలి హల్‌చల్‌ చేస్తోంది. నీటిలో ఉండాల్సిన మొసలి ఒడ్డుకు వచ్చి రోడ్డుకు ఇరు వైపులా తిరుగుతుండడంతో ఆ దారిలో వెళ్లే వారు, ఉద్యోగులు భయాందోళనలకు గురవుతున్నారు. ఈ క్రమంలోనే ఆదివారం రాత్రి 10గంటల సమయంలో రిజర్వాయర్‌ ఒడ్డున తిరుగుతూ సుమారు 12 అడుగుల పొడవున్న మొసలి కొందరి కంటపడింది. రిజర్వాయర్‌ ఒడ్డుకు మొసలి రావడంతో అక్కడి ఉద్యోగులు జెన్‌కో ఏఈఈ సురేష్‌, విజిలెన్స్‌ ఉద్యోగి కోటేశ్వరరావుకు తెలియజేశారు. వెంటనే వారు సంబంధిత సిబ్బందితో వెళ్లి దానిని సురక్షితంగా రిజర్వాయర్‌లోకి పంపించారు. దీంతో స్థానికులు ఊపిరి పీల్చుకున్నారు. కాగా ఒడిశా భూ భాగంలో ఉన్న ఈ ప్రాంతంలో ఎనిమిది నెలల కిందట ఓ మొసలి రిజర్వాయర్‌ నుంచి బయటకు వచ్చి మృతి చెందింది. దాన్ని చిత్రకొండ అటవీశాఖ అధికారులు అప్పట్లో ఖననం చేశారు.

ఏర్పాట్లపై చర్చిస్తున్న ఈవో సుబ్బారావు, సీఎఫ్‌వో భ్రమరాంబ సింహాచలం: ఈ నెల 30న జరిగే సింహాచల శ్రీ వరాహ లక్ష్మీనృసింహస్వామి చందనోత్సవాన్ని పురస్కరించుకుని స్వామివారి నిజరూప దర్శనానికి వచ్చే భక్తులకు ఎలాంటి అసౌకర్యాలు కలగకుండా ఏర్పాట్లు చేయాలని దేవదాయశాఖ చీఫ్‌ ఫెస్టివల్‌ ఆఫీసర్‌ డి.భ్రమరాంబ దేవస్థానం అధికారులను ఆదేశించారు. చందనోత్సవం ఏర్పాట్లపై సోమవారం ఆమె దేవస్థానం ఈవో కె.సుబ్బారావు, ఇంజినీరింగ్‌ అధికారులు, విభాగాధిపతులతో సమీక్ష నిర్వహించారు. వీలైనంత వరకు ఎక్కువ మందికి దర్శనం కల్పించే లక్ష్యంతో అధికారులంతా ఏర్పాట్లు చేయాలని సూచించారు. ముఖ్యంగా పరిశుభ్రత, క్యూలైన్‌ మెయింటెనెన్స్‌, క్యూల్లో భక్తులకు మజ్జిగ, మంచినీరు పంపిణీ, షెల్టర్లు ఏర్పాటు, కొండపైన, కొండదిగువ తాత్కాలిక మరుగుదొడ్లు ఏర్పాట్లపై చర్చించారు. ఉత్సవ నిర్వహణ అంతా సీసీ కెమెరాల నీడలో జరగాలని, ప్రతీ క్యూలైను, ప్రతీ మార్గం వద్ద సీసీ కెమెరాలను ఏర్పాటు చేయాలని ఆదేశించారు. స్వచ్ఛంద సంస్థల సహకారంతో ప్రతీ ప్రదేశం వద్ద శీతల పానీయాలు అందించాలని సూచించారు. చందనోత్సవానికి వచ్చే ప్రతీ భక్తుడికి త్వరితగతిన దర్శనం కల్పించే దిశగా చర్యలు తీసుకోవాలని సూచించారు. సమావేశంలో దేవస్థానం ఈఈలు శ్రీనివాసరాజు, రాంబాబు, ఏఈవోలు ఆనంద్‌కుమార్‌, శ్రీనివాసరావు, డీఈ హరి, సూపరింటెండెంట్‌లు నరసింగరావు, వెంకటరమణ, గాయత్రి, రాజ్యలక్ష్మి, ప్రసన్నలక్ష్మి, సత్యవాణి, శ్రీనివాస్‌, ఏఈలు తాతాజీ, బంగార్రాజు, రవిరాజు, బాబ్జి తదితరులు పాల్గొన్నారు.

● ఐదుగురు నిందితుల అరెస్ట్‌, మినీ వ్యాన్‌, రెండు బైక్‌లు స్వాధీనం ● మరో కేసులో నాలుగున్నర కిలోల గంజాయితో వ్యక్తి అరెస్ట్‌ పెందుర్తి: ఒడిశా నుంచి నాసిక్‌కు తరలిస్తున్న గంజాయిని టాస్క్‌ఫోర్స్‌, పెందుర్తి పోలీసులు సోమవారం పట్టుకున్నారు. సీఐ కె.వి సతీష్‌కుమార్‌ తెలిపిన వివరాలివి. మినీ వ్యాన్‌లో 180 కిలోల గంజాయిని ఒడిశా నుంచి అరకు మీదుగా నగరం వైపు తరలిస్తున్న సమాచారం టాస్క్‌ఫోర్స్‌ పోలీసులకు అందింది. దీంతో టాస్క్‌ఫోర్స్‌, పెందుర్తి పోలీసులు పెందుర్తి మండలం రాజయ్యపేట సమీపంలో కాపు కాశారు. మినీ వ్యాన్‌ను అడ్డుకుని అందులో పరిశీలించగా గంజాయి పట్టుబడింది. గంజాయిని స్వాధీనం చేసుకుని ఐదుగురు నిందితులను అదుపులోనికి తీసుకున్నారు. మినీ వ్యాన్‌తో పాటు రెండు బైక్‌లు, రూ.10 వేల నగదు స్వాధీనం చేసుకున్నట్లు సీఐ వెల్లడించారు. కేసు దర్యాప్తు చేస్తున్నట్లు తెలిపారు. రైల్వే స్టేషన్‌ వద్ద.. ఒడిశా రాష్ట్రం పడువా గ్రామం నుంచి నగరానికి గంజాయిని తరలిస్తున్న ఓ వ్యక్తిని పోలీసులు పెందుర్తి రైల్వే స్టేషన్‌లో పట్టుకున్నారు. కేరళ కొట్టాయంకు చెందిన ఎస్‌.పి షరీఫ్‌ అలియాస్‌ అదుర్‌ ఒడిశా నుంచి నాలుగున్నర కిలోల గంజాయిని బ్యాగ్‌లో పట్టుకుని నగరానికి వస్తున్నాడు. దీనిపై పక్కా సమాచారం అందుకున్న పోలీసులు రైల్వే స్టేషన్‌ వద్ద కాపు కాసి అతడ్ని పట్టుకుని రిమాండ్‌కు తరలించారు.

ఎటపాక: బస్సు డ్రై వర్‌ నిర్లక్ష్యం కారణంగా పలువురు ప్రయాణికులు గాయాల పాలయ్యారు. గోకవరం ఆర్టీసీ డిపోకు చెందిన బస్సు కూనవరం నుంచి భద్రాచలం బయలుదేరింది. డ్రైవర్‌ అతివేగంగా బస్సును నడపడంతో ప్రయాణికులు అతనిని వారించారు. అయినప్పుటికీ డ్రైవర్‌ తీరు మార్చుకోలేదు. నెల్లిపాక సమీపంలోని పెట్రోల్‌ బంక్‌ వద్ద ఉన్న కల్వర్ట్‌ఎక్కుతున్న సమయంలో బస్సులోని ప్రయాణికులంతా సీట్లలోంచి బస్‌ టాప్‌ వరకు ఎగరడంతో చెల్లాచెదురయ్యారు.దీంతో పలువురు గాయపడ్డారు. కొందరి సెల్‌ ఫోన్లు కిందపడి పగిలిపోయాయి. ఓ బాలిక తల,చేతులపై తీవ్ర గాయాలయ్యాయి. గాయపడిన వారికి నెల్లిపాక పీహెచ్‌సీలో చికిత్స చేయించారు. డ్రైవర్‌ నిర్లక్ష్యంగా బస్సును నడపడం వల్లే తమకు గాయాలయ్యాయని పలువురు ప్రయాణికులు ఆర్టీసీ అధికారులకు,పోలీసులకు ఫిర్యాదు చేశారు. చేసారు. గాయపడిన ప్రయాణికుల పూర్తి వివరాలు తెలియలేదు.