టీమిండియా స్వింగ్‌ సుల్తాన్‌ మొహమ్మద్‌ షమీకి సంబంధించిన ఓ ఆసక్తికర విషయం ఆలస్యంగా వెలుగులోకి వచ్చింది. 2023 వరల్డ్‌కప్‌లో లీడింగ్‌ వికెట్‌ టేకర్‌గా నిలిచి, టీమిండియా విజయాల్లో కీలకపాత్ర పోషించిన షమీ.. మెగా టోర్నీ ఆధ్యాంతం గాయంతో సతమతమయ్యాడని సమాచారం. దీర్ఘకాలిక  మడమ సమస్యతో బాధపడుతున్న షమీ నొప్పిని అధిగమించేందుకు ప్రతి మ్యాచ్‌కు ముందు పెయిన్‌ కిల్లర్‌ ఇంజెక్షన్స్‌ వాడాడని అతని సహచరుడొకరు ప్రముఖ న్యూస్‌ ఛానెల్‌తో చెప్పాడు. గాయం కారణంగా అప్పటికే కొన్ని మ్యాచ్‌లు ఆడే అవకాశం కోల్పోయిన షమీ.. హార్దిక్‌ గాయపడ్డాక బెంచ్‌పై కూర్చోకూడదని నిర్ణయించకున్నాడట. అందుకే రిస్క్‌ చేసి మరీ బరిలోకి దిగాడట. ఆట పట్ల షమీకి ఉన్న అంకితభావం గురించి తెలిసి అభిమానులు అతన్ని పోరాట యోధుడితో పోలుస్తున్నారు. షమీ.. నీ కమిట్‌మెంట్‌​కు సలాం అని కొనియాడుతున్నారు. కాగా, ఇటీవల ముగిసిన వన్డే వరల్డ్‌కప్‌లో టీమిండియా ఫైనల్‌ వరకు అద్భతమైన ఆటతీరు కనబర్చి, తుది సమరంలో ఆసీస్‌ చేతిలో ఓటమిపాలైన విషయం తెలిసిందే. ఈ మెగా టోర్నీలో షమీ 7 మ్యాచ్‌ల్లో 3 ఐదు వికెట్ల ఘనతల సాయంతో 24 వికెట్లు పడగొట్టాడు. గాయం నుంచి పూర్తిగా కోలుకునేందుకు వరల్డ్‌కప్‌ అనంతరం విరామం తీసుకున్న షమీ.. తొలుత సౌతాఫ్రికాతో జరుగుతున్న టెస్ట్‌ సిరీస్‌కు ఎంపికయ్యాడు. అయితే బీసీసీఐ నుంచి అతనికి ఫిట్‌నెస్‌ క్లియెరెన్స్‌ దక్కకపోవడంతో సిరీస్‌ మొత్తనికి దూరంగా ఉన్నాడు. షమీ గైర్హాజరీలో టీమిండియా..  తొలి టెస్ట్‌లో సౌతాఫ్రికా చేతిలో ఓటమిపాలైంది. ఈ మ్యాచ్‌లో భారత్‌ ఇన్నింగ్స్‌ 32 పరుగుల భారీ తేడాతో పరాజయాన్ని ఎదుర్కొంది. షమీ స్థానంలో రెండో టెస్ట్‌కు ఆవేశ్‌ ఖాన్‌ను ఎంపిక చేశారు భారత సెలెక్టర్లు. వచ్చే ఏడాది (2024) జనవరి 3 నుంచి కేప్‌టౌన్‌ వేదికగా రెండో టెస్ట్‌ ప్రారంభంకానుంది.   సౌతాఫ్రికాతో రెండో టెస్ట్‌ కోసం భారత జట్టు: రోహిత్ శర్మ (కెప్టెన్‌), శుభ్‌మన్ గిల్, యశస్వి జైస్వాల్, విరాట్ కోహ్లీ, శ్రేయస్ అయ్యర్, కేఎల్ రాహుల్ (వికెట్‌కీపర్‌), రవిచంద్రన్ అశ్విన్, రవీంద్ర జడేజా, శార్దూల్ ఠాకూర్, మహ్మద్. సిరాజ్, ముఖేష్ కుమార్, జస్ప్రీత్ బుమ్రా, ప్రసిద్ధ్ కృష్ణ, కేఎస్‌ భరత్ (వికెట్‌కీపర్‌), అభిమన్యు ఈశ్వరన్, అవేష్ ఖాన్

2023.. భారత క్రికెట్‌ అభిమానులకు తీవ్ర విషాదం మిగిల్చిన సంవత్సరంగా చిరకాలం గుర్తుండిపోనుంది. భారీ అంచనాల నడుమ స్వదేశంలో జరిగిన వన్డే ప్రపంచకప్‌లో భారత జట్టు చివరి వరకు అద్భుతంగా పోరాడి అనూహ్య రీతిలో తుది మెట్టుపై బోల్తా పడి అభిమానులకు తీవ్ర గుండెకోతను మిగిల్చింది.  లక్షలాది మంది సమక్షంలో, కోట్లాది మంది భారతీయుల ఆకాంక్షల నడుమ అహ్మదాబాద్‌లోని నరేంద్ర మోదీ స్టేడియం వేదికగా ఆస్ట్రేలియాతో జరిగిన ఫైనల్లో టీమిండియా 6 వికెట్ల తేడాతో ఓటమి పాలై 140 కోట్ల మంది భారతీయుల ఆశలను అడియాశలు చేసింది. ఈసారి కప్‌ మనదే అని ధీమాగా ఉండిన భారతీయులు ఫైనల్లో ఆసీస్‌ చేతిలో ఎదురైన పరాభవాన్ని జీర్ణించుకోలేక గుండెలు పగిలేలా రోధించారు. టోర్నీ గడిచి దాదాపు నెల రోజులు అవుతున్నా అభిమానులు, ఆటగాళ్లు  ఆ బాధ నుంచి తేరుకోలేకపోతున్నారు. ఈ చేదు అనుభూతి మినహాయిస్తే భారత క్రికెట్‌ అభిమానులకు ఈ ఏడాదంతా తీపి జ్ఞాపకాలే ఉన్నాయి. స్వదేశంలో శ్రీలంకతో జరిగిన మూడు మ్యాచ్‌ల టీ20 సిరీస్‌ను 2-1 తేడాతో కైవసం చేసుకోవడం ద్వారా భారత్‌ 2023కు ఘన స్వాగతం పలికింది. అనంతరం అదే శ్రీలంకతో జరిగిన 3 వన్డేల సిరీస్‌ను 3-0తో క్లీన్‌ స్వీప్‌ చేసిన టీమిండియా.. ఆతర్వాత న్యూజిలాండ్‌పై టీ20 సిరీస్‌ (3-0), వన్డే సిరీస్‌లు (2-1) నెగ్గి, కొత్త ఏడాది తిరుగులేని జట్టుగా ప్రస్తానాన్ని మొదలుపెట్టింది.  దీని తర్వాత స్వదేశంలో జరిగిన బోర్డర్‌ గవాస్కర్‌ ట్రోఫీని 2-1 తేడాతో (టెస్ట్‌లు) నెగ్గిన భారత్‌.. వన్డే సిరీస్‌ను 1-2తో కోల్పోయి 2023లో తొలి సిరీస్‌ పరాజయాన్ని చవిచూసింది. అనంతరం ఏప్రిల్‌, మే మసాల్లో టీమిండియా ఆటగాళ్లు సహా ప్రపంచ క్రికెట్‌ మొత్తం ఐపీఎల్‌తో బిజీగా ఉండింది. జూన్‌లో జరిగిన వరల్డ్‌ టెస్ట్‌ ఛాంపియన్‌షిప్‌ 2021-23 ఫైనల్‌తో టీమిండియా తిరిగి అంతర్జాతీయ వేదికపై ప్రత్యక్షమైంది. ఇంగ్లండ్‌లోని ఓవల్‌లో జరిగిన డబ్ల్యూటీసీ ఫైనల్లో భారత జట్టు ఆస్ట్రేలియా చేతిలో ఓటమిపాలై వరుసగా రెండోసారి టెస్ట్‌ ఛాంపియన్‌షిప్‌ దక్కించుకునే అవకాశాన్ని చేజార్చుకుంది.  దీని తర్వాత వెస్టిండీస్‌ పర్యటనకు వెళ్లిన భారత జట్టు 2 మ్యాచ్‌ల టెస్ట్‌ సిరీస్‌ను 1-0తో, వన్డే సిరీస్‌ను 2-1తో గెలుపొందింది. ఈ పర్యటనలో భారత్‌ టీ20 సిరీస్‌ను 2-3 తేడాతో కోల్పోయింది.   అనంతరం ఐర్లాండ్‌ పర్యటనకు వెళ్లిన భారత్‌.. 3 మ్యాచ్‌ల టీ20 సిరీస్‌ను 2-0తో నెగ్గింది. దీని తర్వాత శ్రీలంక వేదికగా జరిగిన ఆసియా కప్‌లో పాల్గొన్న టీమిండియా.. ఆ టోర్నీ ఫైనల్లో శ్రీలంకను చిత్తు చేసి టైటిల్‌ను ఎగరేసుకుపోయింది. ఆతర్వాత స్వదేశంలో ఆసీస్‌తో 3 వన్డేలు ఆడిన భారత్‌ 2-1 తేడాతో సిరీస్‌ కైవసం చేసుకుంది.  ఈ సిరీస్‌ తర్వాత వన్డే ప్రపంచకప్‌లో పాల్గొన్న టీమిండియా.. ఆ టోర్నీలో వరుసగా 10 మ్యాచ్‌ల్లో గెలిచి ఫైనల్లో ఆసీస్‌ చేతిలో ఓటమిపాలైంది. అనంతరం అదే ఆసీస్‌తో స్వదేశంలోనే 5 మ్యాచ్‌ల టీ20 సిరీస్‌ ఆడిన భారత్‌ 4-1 తేడాతో జగజ్జేతను ఓడించింది.  దీని తర్వాత భారత్‌ 3 మ్యాచ్‌ల టీ20 సిరీస్‌, 3 మ్యాచ్‌ల వన్డే సిరీస్‌, 2 టెస్ట్‌ మ్యాచ్‌ల సిరీస్‌ ఆడేందుకు సౌతాఫ్రికాకు వెళ్లింది. ఈ పర్యటనలో టీ20 సిరీస్‌ 1-1తో డ్రా కాగా.. వన్డే, టెస్ట్‌ సిరీస్‌లు జరగాల్సి ఉంది. ఓవరాల్‌గా చూస్తే ఈ ఏడాదంతా భారత క్రికెట్‌ జట్టుకు సానుకూల ఫలితాలే వచ్చాయని చెప్పాలి. 

2023 వన్డే వరల్డ్‌కప్‌ ఫైనల్లో ఆస్ట్రేలియా చేతిలో ఓటమి అనంతరం టీమిండియా కెప్టెన్‌ రోహిత్‌ శర్మ తొలిసారిగా సోషల్‌మీడియా ముందుకు వచ్చి ఓ వీడియో స్టేట్‌మెంట్‌ను రిలీజ్‌ చేశాడు. ఇన్‌స్టాగ్రామ్‌లో పోస్ట్‌ చేసిన ఈ వీడియోలో రోహిత్‌ తీవ్ర భావోద్వేగానికి లోనయ్యాడు.  వరల్డ్‌కప్‌ ఫైనల్లో ఓటమిని ఎలా అధిగమించాలో తెలియట్లేదని హిట్‌మ్యాన్‌ వాపోయాడు. ఆ ఓటమి తనను తీవ్రంగా కలిచి వేసిందని పేర్కొన్నాడు. అభిమానుల ఆశలను అడియాశలు చేయడం ఎంతో బాధించిందని తెలిపాడు. ఆ మనోవేదనను అధిగమించి మైదానంలో​కి తిరిగి ఎలా అడుగుపెట్టాలో తెలియట్లేదని ఆవేదన వ్యక్తం చేశాడు. వరుసగా పది మ్యాచ్‌ల్లో గెలిచి, పైనల్లో ఓడిపోవడాన్ని జీర్ణించుకకోలేకపోతున్నానని తెలిపాడు. View this post on Instagram A post shared by Team Ro (@team45ro) చిన్నతనం నుంచి వన్డే వరల్డ్‌కప్‌లు చూస్తూ పెరిగానని, వరల్డ్‌కప్‌ గెలవడం అనేది గొప్ప బహుమతిగా భావించేవాడినని గుర్తు చేసుకున్నాడు. వరల్డ్‌కప్‌ గెలవడం కోసం జట్టు మొత్తం కొన్ని సంవత్సరాల పాటు కఠోరంగా శ్రమించిందని, అంతిమంగా ఫలితం నిరాశపరిచి​ందని విచారం వ్యక్తం చేశాడు. వరల్డ్‌కప్‌ గెలవడం కోసం జట్టుగా చేయవలసిందంతా చేశామని, ఫలితం ఊహించిన విధంగా రాకపోవడం జట్టు మొత్తాన్ని తీవ్ర బాధించిందని వాపోయాడు.  ఫైనల్లో ఓటమి అనంతరం తన జర్నీ అనుకున్నంత ఈజీగా సాగలేదని, ఆ బాధ నుంచి బయటపడేందుకు తన కుటుంబ సభ్యులు, స్నేహితులు ఎంతగానో సాయపడ్డారని చెప్పుకొచ్చాడు. అంతిమంగా ఆటలో గెలుపోటములు సహజమని, వాటిని అధిగమించి జీవితంలో ముందుకు సాగాలని తన సందేశాన్ని ముగించాడు.  కాగా, హిట్‌మ్యాన్‌ వరల్డ్‌కప్‌ ఓటమి అనంతరం ఆసీస్‌తో టీ20 సిరీస్‌కు, ప్రస్తుతం దక్షిణాఫ్రికాతో జరుగుతున్న పరిమిత ఓవర్ల సిరీస్‌లకు దూరంగా ఉన్న విషయం తెలిసిందే. వచ్చే ఏడాది సౌతాఫ్రికాతో జరిగే టెస్ట్‌ సిరీస్‌తో రోహిత్‌ తిరిగి మైదానంలోకి అడుగుపెట్టనున్నాడు.   

సాధారణంగా ఏ విషయానైనా సంపూర్ణంగా తెలసుకునేందుకు అందరూ వికీపీడియా మీదనే ఆధారపడుతూ ఉండటం తెలిసిందే. అయితే.. అందులో అన్ని రంగాలకు సంబంధించిన వార్తలు, సమాచారం అందుబాటులో ఉంటుంది. 2023లో వికీపీడియాలోని సమాచారాన్ని ఎంత మంది చదివారో దాని సంబంధించిన.. నివేదికను తాజాగా వికీపీడియా ఫౌండేషన్‌ విడుదల చేసింది. 2023 ఏడాదిలో అధికంగా చదివిన పలు ఆంగ్ల ఆర్టికల్స్‌ గణాంకాలను రిలీజ్‌ చేసింది. విడుదల చేసిన జాబితాలో గణాంకల ప్రకారం మొత్తం 25 ఆర్టికల్స్‌లు వార్షిక నివేదికలో చోటు సంపాదించుకోగా.. అందులో భారత్‌కు చెందినవి ఏడింటికి చోటు దక్కటం గమనార్హం. వికీపీడియా విడుదల చేసిన వివరాల ప్రకారం.. సుమారు 8.4 బిలియన్‌ పేజ్‌ వ్యూస్‌ సాధించిన అర్టికల్స్‌లో టాప్‌లో ఐదు నిలిచాయి. చాట్‌ జీపీటీ  మొదటి స్థానంలో నిలిచింది. రెండో స్థానంలో.. 2023లో చోటుచేసుకున్న మరణాలు, 2023 క్రికెట్‌ ప్రపంచ కప్‌(3వ స్థానం), ఇండియన్‌ ప్రీమియర్‌ లీగ్‌ (4వ స్థానం), హాలీవడ్‌ సినిమా ఓపెన్ హైమర్‌ ఐదో స్థానంలో చోటు సంపాధించింది. అదేవిధంగా ఆరో స్థానంలో క్రికెట్ ప్రపంచ కప్, ఏడో స్థానంలో జే.రాబర్ట్ ఓపెన్‌హైమర్, జవాన్‌ మూవీ (8వ స్థానం), 2023 ఇండియన్ ప్రీమియర్ లీగ్(9వ స్థానం) పఠాన్( 10వ స్థానం). ది లాస్ట్ ఆఫ్ అస్ (TV సిరీస్)(11వ స్థానం), టేలర్ స్విఫ్ట్(12వ స్థానం), బార్బీ మూవీ(13వ స్థానం), క్రిస్టియానో రొనాల్డో( 14 స్థానం), లియోనెల్ మెస్సీ( 15వ స్థానం), ప్రీమియర్ లీగ్( 16వ స్థానం), మాథ్యూ పెర్రీ(17వ స్థానం), యునైటెడ్ స్టేట్స్( 18వ స్థానం), ఎలోన్ మస్క్(19వ స్థానం), అవతార్: ది వే ఆఫ్ వాటర్( 20వ స్థానం), india( 21 వ స్థానం), లిసా మేరీ ప్రెస్లీ( 22 స్థానం), గార్డియన్స్ ఆఫ్ ది గెలాక్సీ వాల్యూమ్ ( 23వ స్థానం), ఉక్రెయిన్‌పై రష్యా దాడి( 24వ స్థానం), ఆండ్రూ టేట్( 25వ స్థానం)లో చోటు దక్కించుకున్నాయి. ఈ వివరాల నివేదిక జనవరి 1 నుంచి నవంబర్‌ 28 వరకు మాత్రమేనని వికీపీడియా  ఫౌండేషన్‌ పేర్కొంది. క్రికెట్‌ వరల్డ్‌ కప్‌ 2023, ఇండియన్‌ ప్రీమియర్‌ లీగ్‌ టాప్‌ 5లో చోటు సంపాదించటం విశేషం.  అదే విధంగా షారుక్‌ఖాన్‌ నటించిన జవాన్‌, పఠాన్‌  బాలీవుడ్‌ సినిమాలు రెండు టాప్‌ టెన్‌లో నిలిచాయి.

సౌతాఫ్రికా యంగ్‌ పేస్‌ గన్‌ గెరాల్డ్‌ కొయెట్జీ తన చిరకాల ప్రేయసిని పెళ్లాడాడు. వివాహానికి సంబంధించిన పలు ఫోటోలను కొయెట్జీ తన సోషల్‌మీడియా హ్యాండిల్‌లో పోస్ట్‌ చేశాడు. కొయెట్జీ భాగస్వామి ఎవరన్న విషయమై పూర్తి సమాచారం లేనప్పటికీ.. గతంలో ఈ ఇద్దరూ చాలా సందర్భాల్లో కలిసి కనిపించారు. కొయెట్జీ పెళ్లి ఫోటోలు ప్రస్తుతం సోషల్‌మీడియాలో వైరలవుతున్నాయి.  కాగా, భారత్‌ వేదికగా ఇటీవల ముగిసిన వన్డే ప్రపంచకప్‌లో గెరాల్డ్‌ కొయెట్జీ అద్భుతంగా రాణించాడు. 23 ఏళ్ల ఈ పేస్‌ గన్‌ అన్రిచ్‌ నోర్జే గాయపడటంతో జట్టులోకి వచ్చి సంచలన ప్రదర్శనలు నమోదు చేశాడు. మెగా టోర్నీలో 8 మ్యాచ్‌లు ఆడిన కొయెట్జీ.. 19.80 సగటున 20 వికెట్లు పడగొట్టి, టోర్నీ లీడింగ్‌ వికెట్‌టేకర్ల జాబితాలో ఐదో స్థానంలో నిలిచాడు.   తన స్వల్ప కెరీర్‌లో 3 టీ20లు, 3 వన్డేలు, 2 టెస్ట్‌ మ్యాచ్‌లు ఆడిన కొయెట్జీ.. 43 వికెట్లు పడగొట్టాడు. కొయెట్జీ.. త్వరలో స్వదేశంలో భారత్‌తో జరిగే టీ20, టెస్ట్‌ సిరీస్‌లకు కూడా ఎంపికయ్యాడు. వరల్డ్‌కప్‌ సంచలన ప్రదర్శనల నేపథ్యంలో కొయెట్జీకి ఐపీఎల్‌ 2024 వేలంలో భారీ ధర దక్కే అవకాశం ఉంది. ఇతని కోసం ఫైవ్‌ టైమ్‌ ఛాంపియన్‌ ముంబై ఇండియన్స్ పోటీ పడే అవకాశం ఉందని టీమిండియా వెటరన్‌ స్పిన్నర్‌ అశ్విన్ అభిప్రాయపడ్డాడు. పేస్‌ దిగ్గజం డేల్‌ స్టెయిన్‌ను పోలిన బౌలింగ్‌ శైలి కొయెట్జీని ప్రత్యేకంగా నిలబెడుతుందని యాశ్‌ అన్నాడు.  ఇదిలా ఉంటే, డిసెంబర్‌ 10 నుంచి భారత్‌ దక్షిణాఫ్రికాలో పర్యటించనున్న విషయం తెలిసిందే. ఈ పర్యటనలో 2 టె​స్ట్‌లు, 3 టీ20లు, 3 వన్డేలు జరుగుతాయి. ఈ సిరీస్‌ కోసం ఇరు జట్లు ఇదివరకే జట్లను కూడా ప్రకటించాయి. సిరీస్‌లో భాగంగా తొలి టీ0 డర్బన్‌ వేదికగా డిసెంబర్‌ 10న జరుగనుంది. 

గౌహతి వేదికగా భారత్‌తో జరిగిన మూడో టీ20లో ఆసీస్‌ ఆటగాడు గ్లెన్‌ మ్యాక్స్‌వెల్‌ విధ్వంసం సృష్టించాడు. కేవలం 48 బంతుల్లోనే 8 ఫోర్లు, 8 సిక్సర్ల సాయంతో సుడిగాలి శతకం బాదాడు. ఫలితంగా ఆసీస్‌ 5 వికెట్ల తేడాతో గెలుపొంది, ఐదు మ్యాచ్‌లో సిరీస్‌లో భారత్‌ ఆధిక్యాన్ని 1-2కు తగ్గించింది.  రుతురాజ్‌ మెరుపు శతకం.. టాస్‌ ఓడి తొలుత బ్యాటింగ్‌ చేసిన భారత్‌.. రుతురాజ్‌ అజేయమైన మెరుపు శతకంతో (57 బంతుల్లో 123 నాటౌట్‌; 13 ఫోర్లు, 7 సిక్సర్లు) విరుచుకుపడటంతో నిర్ణీత ఓవర్లలో 3 వికెట్ల నష్టానికి 222 పరుగుల భారీ స్కోర్‌ చేసింది. భారత ఇన్నింగ్స్‌లో యశస్వి జైస్వాల్‌ (6), ఇషాన్‌ కిషన్‌ (0) నిరాశపర్చగా.. సూర్యకుమార్‌ యాదవ్‌ (29 బంతుల్లో 39; 5 ఫోర్లు, 2 సిక్సర్లు), తిలక్‌ వర్మ (24 బంతుల్లో 31 నాటౌట్‌; 4 ఫోర్లు) పర్వాలేదనిపించారు. కేన్‌ రిచర్డ్‌సన్‌, బెహ్రెన్‌డార్ఫ్‌, ఆరోన్‌ హార్డీ తలో వికెట్‌ పడగొట్టారు. మ్యాక్సీ ఊచకోత.. 223 పరుగుల భారీ లక్ష్యాన్ని ఛేదించేందుకు బరిలోకి దిగిన ఆస్ట్రేలియా.. మ్యాక్స్‌వెల్‌ సునామీ శతకంతో చెలరేగడంతో అద్భుత విజయం సాధించింది. ఆసీస్‌ ఇన్నింగ్స్‌లో ఆరోన్‌ హార్డీ (16), జోష్‌ ఇంగ్లిస్‌ (10), మార్కస్‌ స్టోయినిస్‌ (17) తక్కువ స్కోర్లకే ఔట్‌ కాగా.. ట్రవిస్‌ హెడ్‌ (35) పర్వాలేదనిపించాడు. ఆఖర్లో మ్యాక్స్‌వెల్‌.. మాథ్యూ వేడ్‌ (16 బంతుల్లో 28 నాటౌట్‌; 3 ఫోర్లు, సిక్స్‌) సహకారంతో ఆసీస్‌ను విజయతీరాలకు చేర్చాడు. భారత బౌలర్లలో రవి భిష్ణోయ్‌ 2 వికెట్లు పడగొట్టగా.. ఆవేశ్‌ ఖాన్‌, అక్షర్‌ పటేల్‌, అర్షదీప్‌ సింగ్‌ తలో వికెట్‌ దక్కించుకున్నారు. ప్రసిద్ద్‌ కృష్ణ (4-0-68-0) ధారాళంగా పరుగులు సమర్పించుకున్నాడు.  ఆఖరి బంతికి గెలిచిన ఆసీస్‌.. ఆసీస్‌ గెలవాలంటే చివరి రెండు ఓవర్లలో 43 పరుగులు అవసరం కావడంతో భారత గెలుపు లాంఛనమే అని అంతా అనుకున్నారు. అయితే మ్యాక్సీ ఒక్కసారిగా మెరుపుదాడికి దిగి భారత్‌ చేతుల్లో నుంచి మ్యాచ్‌ను లాగేసుకున్నాడు. అక్షర్‌ వేసిన 19వ ఓవర్‌లో 22 పరుగులు, ప్రసిద్ద్‌ కృష్ణ వేసిన ఆఖరి ఓవర్‌లో 23 పరుగులు పిండుకున్న మ్యాక్సీ.. ఆఖరి బంతికి ఫోర్‌ బాది ఆసీస్‌ను గెలిపించాడు.  ఫాస్టెస్ట్‌ సెంచరీ రికార్డు సమం చేసిన మ్యాక్సీ.. ప్రస్తుత భారత పర్యటనలో భీకర ఫామ్‌లో ఉన్న మ్యాక్స్‌వెల్‌ వరల్డ్‌కప్‌ 2023లో రెండు మెరుపు శతకాలు బాదడంతో పాటు నిన్న (నవంబర్‌ 28) జరిగిన మూడో టీ20లోనూ సుడిగాలి శతకంతో విరుచుకుపడ్డాడు. నిన్నటి మ్యాచ్‌లో 47 బంతుల్లోనే శతక్కొట్టిన అతను.. ఆస్ట్రేలియా తరఫున పొట్టి క్రికెట్‌లో ఫాస్టెస్ట్‌ సెంచరీ రికార్డును సమం చేశాడు. మ్యాక్సీకి ముందు ఆరోన్‌ ఫించ్‌, జోష్‌ ఇంగ్లిస్‌ కూడా 47 బంతుల్లోనే శతకాలు బాదారు. ఆసీస్‌ తరఫున టీ20ల్లో టాప్‌-5 ఫాస్టెస్ట్‌ శతకాల్లో మ్యాక్స్‌వెల్‌వే మూడు ఉండటం విశేషం. దీనికి ముందు మ్యాక్సీ ఓసారి 49 బంతుల్లో, ఓసారి 50 బంతుల్లో టీ20 సెంచరీలు బాదాడు. 

వన్డే వరల్డ్‌కప్‌ 2023లో నాలుగో లీడింగ్‌ రన్‌ స్కోరర్‌గా (10 మ్యాచ​్‌ల్లో 3 సెంచరీలు, 2 హాఫ్‌ సెంచరీల సాయంతో 578 పరుగులు) నిలిచిన న్యూజిలాండ్‌ ఆటగాడు రచిన్‌ రవీంద్రకు ఊహించని షాక్‌ తగిలింది. బంగ్లాదేశ్‌తో ఇవాల్టి నుంచి (నవంబర్‌ 28) ప్రారంభమైన తొలి టెస్ట్‌లో రచిన్‌కు న్యూజిలాండ్‌ జట్టులో చోటు దక్కలేదు. రచిన్‌ భీకర ఫామ్‌లో ఉన్నప్పటికీ న్యూజిలాండ్‌ మేనేజ్‌మెంట్‌ అతన్ని పక్కకు పెట్టడం​ విశేషం. బ్యాటర్‌గానే కాకుండా బౌలింగ్‌లోనూ (స్పిన్నర్‌గా) రాణించే సత్తా ఉన్న రచిన్‌ను న్యూజిలాండ్‌ ఎందుకు పక్కన పెట్టిందో తెలియలేదు.  న్యూజిలాండ్‌ తమ ప్లేయింగ్‌ ఎలెవెన్‌లో ముగ్గురు స్పిన్నర్లకు అవకాశం ఇచ్చింది. స్పెషలిస్ట్‌ స్పిన్నర్లుగా అజాజ్‌ పటేల్‌, ఐష్‌ సోధి, పార్ట్‌ టైమ్‌ స్పిన్నర్‌గా గ్లెన్‌ ఫిలిప్స్‌ తుది జట్టులో చోటు దక్కించుకున్నారు. కేన్‌ విలియమ్సన్‌ చాలాకాలం తర్వాత టెస్ట్‌ జట్టులోకి ఎంట్రీ ఇచ్చాడు. టిమ్‌ సౌథీ నేతృత్వంలో న్యూజిలాండ్‌ జట్టు బరిలోకి దిగింది. డెవాన్‌ కాన్వే, టామ్‌ లాథమ్‌, విలియమ్సన్‌, హెన్రీ నికోల్స్‌, డారిల్‌ మిచెల్‌, టామ్‌ బ్లండెల్‌ (వికెట్‌కీపర్‌), గ్లెన్‌ ఫిలిప్స్‌, కైల్‌ జేమీసన్‌, ఐష్‌ సోధి, టిమ్‌ సౌథీ, అజాజ్‌ పటేల్‌ సభ్యులుగా ఉన్నారు. బంగ్లాదేశ్‌ జట్టును నజ్ముల్‌ హసన్‌ షాంటో ముందుండి నడిపిస్తున్నాడు. మహ్మదుల్ హసన్ జాయ్, జాకీర్ హసన్, మోమినుల్ హక్, ముష్ఫికర్ రహీమ్, షాహదత్ హుస్సేన్, నూరుల్ హసన్(వికెట్‌కీపర్‌), మెహిదీ హసన్ మిరాజ్, నయీమ్ హసన్, తైజుల్ ఇస్లాం, షోరీఫుల్ ఇస్లాం సభ్యులుగా ఉన్నారు. రెండు మ్యాచ్‌ల టెస్ట్‌ సిరీస్‌ కోసం న్యూజిలాండ్‌ జట్టు బంగ్లాదేశ్‌లో పర్యటిస్తుంది. కాగా, ఈ మ్యాచ్‌లో బంగ్లాదేశ్‌ టాస్‌ గెలిచి తొలుత బ్యాటింగ్‌ ఎంచుకుంది. లంచ్‌ విరామం సమయానికి ఆ జట్టు 2 వికెట్ల నష్టానికి 104 పరుగులు చేసింది. జకీర్‌ హసన్‌ (12), షాంటో (37) ఔట్‌ కాగా.. మహ్మదుల్‌ హసన్‌ జాయ్‌ (42), మోమినుల్‌ హక్‌ (3) క్రీజ్‌లో ఉన్నారు. అజాజ్‌ పటేల్‌, గ్లెన్‌ ఫిలిప్స్‌కు తలో వికెట్‌ దక్కింది.

ఈ ఏడాది డిసెంబర్‌ 19న జరిగే ఐపీఎల్‌ 2024 వేలంలో వరల్డ్‌కప్‌-2023 హీరోలకు ఫుల్‌ డిమాండ్‌ ఉంటున్నది కాదనలేని సత్యం. దుబాయ్‌ వేదికగా జరిగే ఈ మెగా ఆక్షన్‌లో న్యూజిలాండ్‌కు చెందిన రచిన్‌ రవీంద్ర, ఆసీస్‌ స్టార్‌ బ్యాటర్‌ ట్రవిస్‌ హెడ్‌ల కోసం ఫ్రాంచైజీల మధ్య తీవ్రమైన పోటీ నెలకొనే అవకాశం ఉంది.  భారత్‌ వేదికగా కొద్ది రోజుల క్రితం జరిగిన వరల్డ్‌కప్‌లో రచిన్‌ బ్యాట్‌తో చెలరేగిపోయిన విషయం తెలిసిందే. భారత్‌ మూలాలున్న రచిన్‌ తన పెద్దల సొంతగడ్డపై పరుగుల వరద పారించాడు. ఈ టోర్నీలో రచిన్‌ 10 మ్యాచ్‌ల్లో 3 సెంచరీలు, 2 అర్ధసెంచరీల సాయంతో 578 పరుగులు చేసి లీడింగ్‌ రన్‌ స్కోరర్‌ల జాబితాలో విరాట్‌, రోహిత్‌, డికాక్‌ తర్వాతి స్థానంలో నిలిచాడు.  ట్రవిస్‌ హెడ్‌ విషయానికొస్తే.. ఈ ఆసీస్‌ బ్యాటర్‌ ప్రపంచకప్‌లోకి లేట్‌గా ఎంట్రీ ఇచ్చినా టోర్నీని ఘనంగా ముగించాడు. భారత్‌తో జరిగిన ఫైనల్లో చిరస్మరణీయ శతకం (137) సాధించిన హెడ్‌ తన జట్టును ఆరోసారి జగజ్జేతగా నిలిపాడు. ఈ ఒక్క ప్రదర్శనతో హెడ్‌ ఐపీఎల్‌ మోస్ట్‌ వాంటెడ్‌ జాబితాలో చేరిపోయాడు.  రచిన్‌, హెడ్‌ ఇద్దరు బ్యాట్‌తో పాటు బంతితోనూ మాయ చేయగల సమర్దులు కావడంతో ఐపీఎల్‌ ఫ్రాంచైజీలు వీరి కోసం ఎగబడే అవకాశం ఉంది. వీరిద్దరితో పాటు వరల్డ్‌కప్‌ బౌలింగ్‌ హీరోలు దిల్షన్‌ మధుషంక (శ్రీలంక), గెరాల్డ్‌ కొయెట్జీ (సౌతాఫ్రికా) కోసం కూడా ఫ్రాంచైజీలు పోటీపడవచ్చు.  ప్రస్తుతం ఆయా ఫ్రాంచైజీల వద్ద మిగులు బడ్జెట్‌ ప్రకారం చూస్తే.. రచిన్‌, మధుషంక కోసం ఆర్సీబీ.. హెడ్‌ కోసం ఢిల్లీ.. కొయెట్జీ కోసం సీఎస్‌కే పోటీపడవచ్చని తెలుస్తుంది. ఈ ఫ్రాంచైజీలు వదిలించుకున్న ఆటగాళ్ల జాబితా చూసినా వారికి ఈ రోల్స్‌లో ఆటగాళ్ల అవసరం ఉంది. మిగులు బడ్జెట్‌ గుజరాత్‌ వద్ద అధికంగా (38.15 కోట్లు) ఉండగా, ఎక్కువ మంది ఆటగాళ్లను తీసుకునే వెసులుబాటు కోల్‌కతా నైట్‌రైడర్స్‌కు (12 మందిని) ఉంది. పైన పేర్కొన్న ఆటగాళ్ల కోసం పోటీపడే ఫ్రాంచైజీల్లో ఢిల్లీ వద్ద 28.95 కోట్లు, సీఎస్‌కే వద్ద 31.4 కోట్లు, ఆర్సీబీ వద్ద 23.25 కోట్ల పర్స్‌ వ్యాల్యూ మిగిలి ఉంది.

ఆస్ట్రేలియా స్టార్‌ ఆటగాడు మిచెల్‌ మార్ష్‌పై భారత్‌లో కేసు నమోదైంది. ఆస్ట్రేలియా 2023 వన్డే ప్రపంచకప్‌ గెలిచిన అనంతరం మార్ష్‌ వరల్డ్‌కప్‌ ట్రోఫీపై కాళ్లు పెట్టి భారతీయుల మనోభావాలను దెబ్బతీశాడని ఆరోపిస్తూ  అలీఘర్‌కు చెందిన ఆర్‌టిఐ కార్యకర్త పండిట్ కేశవ్ ఢిల్లీ గేట్ పోలీస్ స్టేషన్‌లో లిఖితపూర్వక ఫిర్యాదు చేశాడు. మార్ష్‌ చర్య ప్రతిష్టాత్మకమైన ట్రోఫీకే కాకుండా 140 కోట్ల మంది భారతీయులకు అవమానం కలిగించిందని ఆరోపించాడు. కేశవ్‌ తన ఫిర్యాదు కాపీని ప్రధాని నరేంద్ర మోదీతో పాటు కేంద్ర క్రీడా మంత్రి అనురాగ్ ఠాకూర్‌కు పంపించాడు. మార్ష్‌‌ భారత్‌లో ఏ క్రికెట్‌ మ్యాచ్‌ ఆడకుండా జీవితకాల నిషేధం విధించాలని అతను డిమాండ్ చేశాడు. కేశవ్‌ ఫిర్యాదును స్వీకరించిన ఢిల్లీ గేట్ పోలీసులు మార్ష్‌పై ఎఫ్‌ఐఆర్‌ నమోదు చేశారు. కాగా, అహ్మదాబాద్‌లోని నరేంద్ర మోదీ స్టేడియం వేదికగా ఆదివారం (నవంబర్‌ 19) జరిగిన వరల్డ్‌కప్ 2023 ఫైనల్లో భారత్‌పై ఆస్ట్రేలియా  ఆరు వికెట్ల తేడాతో గెలుపొంది, ఆరో సారి జగజ్జేతగా నిలిచింది. ఆరోసారి ప్రపంచ ఛాంపియన్‌గా నిలిచామన్న గర్వంతో మార్ష్ వరల్డ్‌కప్‌ ట్రోఫీపై కాళ్లు పెట్టుకుని ఫోటోలకు పోజులిచ్చాడు. దీనికి సంబంధించిన ఫోటోలు సోషల్‌మీడియాలో తెగ వైరలయ్యాయి. మార్ష్‌పై క్రికెట్‌ అభిమానులు దుమ్మెత్తిపోశాడు. ఏమా ఖండకావరం అంటూ ధ్వజమెత్తారు. భారత అభిమానులయితే మార్ష్‌ ఓ రేంజ్‌లో ఏ​కి పారేశారు. 

వన్డే వరల్డ్‌కప్‌ 2023 గెలిచిన అనంతరం ఆస్ట్రేలియా క్రికెట్‌ జట్టు నిన్ననే స్వదేశానికి చేరుకుంది. ఆరోసారి జగజ్జేతలుగా నిలిచిన ఆస్ట్రేలియా క్రికెట్‌ జట్టుకు ఎయిర్‌పోర్ట్‌లో అతి సాధారణమైన స్వాగతం లభించింది. ఎలాంటి హంగు ఆర్భాటాలు లేకుండా ఆస్ట్రేలియా క్రికెటర్లు ఎప్పటిలాగే ఇళ్లకు పయనమయ్యారు. ఎయిర్‌పోర్ట్‌లో ఆసీస్‌ క్రికెటర్లు సాధారణ ప్యాసింజర్లలా తమ లగేజ్‌ను తామే మోసుకెళ్లారు.  తమ జట్టు ఆరోసారి జగజ్జేతగా అవతరించినా ఆస్ట్రేలియన్లు ఎలాంటి హడావుడి చేయలేదు. ఆసీస్‌ క్రికెటర్లు సైతం తామేదో సాధించామని ఫీలవుతున్నట్లు ఎక్కడా కనపడలేదు. సాధారణంగా ఏ జట్టైనా ప్రపంచ ఛాంపియన్‌గా నిలిస్తే, స్వదేశంలో వారికి అపురూపమైన స్వాగతం లభిస్తుంది. సత్కారాలు, ఆరుపులు, కేకలతో అభిమానులు నానా హంగామా చేస్తారు.  No Drama, no jingoism, no political leader present to take the credit, no hero worship, no one to carry his luggage, no one going mad in streets. This is Pat Cummins and Australian people after winning the World Cup 2023. So much to learn from them.pic.twitter.com/u30cB6dBOW — Dr Nimo Yadav (@niiravmodi) November 22, 2023 అయితే ఆసీస్‌ జట్టు ఆరోసారి ప్రపంచ ఛాంపియన్‌గా నిలిచి తొలిసారి స్వదేశంలో అడుగుపెట్టినప్పుడు అలాంటి వాతావరణం ఎక్కడా కనపడలేదు. ఎలాంటి డ్రామాకు ఆస్కారం లేకుండా అతి తక్కువ మంది ఫోటోగ్రాఫర్ల సమక్షంలో ఆసీస్‌ ఆటగాళ్లు ఎయిర్‌పోర్ట్‌ నుంచి వెళ్లిపోయారు. ఆసీస్‌ ఆటగాళ్లు సాధించినదానికి క్రెడిట్‌ తీసుకోవడానికి ఏ రాజకీయ నాయకుడు ముందుకు రాలేదు. అరుపులు, కేకలు అస్సలు లేవు. వ్యక్తి పూజ అంతకంటే లేదు. ఆసీస్‌ కెప్టెన్‌ పాట్‌ కమిన్స్‌ ఎయిర్‌పోర్ట్‌లో నుంచి బయటకు వెళ్తున్న వీడియోను ఓ నెటిజన్‌ సోషల్‌మీడియాలో పోస్ట్‌ చేసి ఆస్ట్రేలియన్ల సింప్లిసిటీని కొనియాడాడు. వారి నుంచి చాలా నేర్చుకోవాలని కామెంట్‌ చేశాడు. ఈ వీడియో ప్రస్తుతం నెట్టింట వైరలవుతుంది. కాగా, వన్డే వరల్డ్‌కప్‌ 2023 ఫైనల్లో ఆస్ట్రేలియా.. టీమిండియాపై ఆరు వికెట్ల తేడాతో గెలపొంది ఆరోసారి జగజ్జేతగా నిలిచిన విషయం తెలిసిందే. 

టీమిండియా పేస్‌ బాద్‌షా మొహమ్మద్‌ షమీ పాకిస్తాన్‌ మాజీ క్రికెటర్లపై నిప్పులు చెరిగాడు. వన్డే వరల్డ్‌కప్‌ 2023 సందర్భంగా భారత పేసర్లకు ఐసీసీ ప్రత్యేక బంతులు సమకూర్చిందంటూ వారు చేసిన నిరాధారమైన ఆరోపణలపై మండిపడ్డాడు. పాక్‌ మాజీలు ఇలాంటి విచక్షణారహిత వ్యాఖ్యలు చేయడం  మానుకోవాలని హెచ్చరించాడు. మీకు మీరే తోపులనుకుంటే సరిపోదని చురకలంటించాడు. ఇకనైనా మారండ్రా బాబూ అంటూ గట్టిగా వార్నింగ్‌ ఇచ్చాడు.  కాగా, 2023 వరల్డ్‌కప్‌లో భారత పేసర్లు ఆకాశమే హద్దుగా చెలరేగిన విషయం తెలిసిందే. ఈ టోర్నీలో టీమిండియా పేస్‌ త్రయం ఏకంగా 58 వికెట్లు పడగొట్టి, ప్రత్యర్ధి బ్యాటర్ల గుండెల్లో రైళ్లు పరిగెట్టించింది. మొహమ్మద్‌ షమీ 7 మ్యాచ్‌ల్లో 24 వికెట్లు పడగొట్టి వరల్డ్‌కప్‌ లీడింగ్‌ వికెట్‌ టేకర్‌గా నిలువగా.. జస్ప్రీత్‌ బుమ్రా 11 మ్యాచ్‌ల్లో 20 వికెట్లు, మొహమ్మద్‌ సిరాజ్‌ 11 మ్యాచ్‌ల్లో 14 వికెట్లు నేలకూల్చారు.  Mohammad Shami thrashed Hasan Raza’s theory of different balls provided by ICC to Indians.pic.twitter.com/c6StMTRTCb — Cricketopia (@CricketopiaCom) November 21, 2023 భారత పేసర్లు గతంలో ఎన్నడూ లేనట్లుగా చెలరేగడంతో పాకిస్తాన్‌ మాజీ క్రికెటర్లలో అక్కసు కట్టలు తెంచుకుంది. భారత పేసర్లకు ఐసీసీ ప్రత్యేకమైన బంతులు సమకూర్చిందంటూ పాక్‌ మాజీ ఆటగాడు హసన్‌ రజా వివాదాస్పద ఆరోపణలు చేశాడు. ప్రత్యేక బంతుల కారణంగానే భారత పేసర్లు చెలరేగిపోయారంటూ మరికొంతమంది పాక్‌ మాజీలు ఆరోపించారు. ఈ ఆరోపణలపై షమీ తాజాగా స్పందించాడు. ప్యూమా కంపెనీకి సంబంధించిన ఓ ప్రత్యేక ఇంటర్వ్యూలో పాక్‌  మాజీలపై నిప్పులు చెరిగాడు. పాక్‌ మాజీల నిరాధారమైన ఆరోపణలు బాధించాయని అన్నాడు.  ఈ సందర్భంగా షమీ మాట్లాడుతూ.. నాకైతే ఇతరుల సక్సెస్‌ చూసి ఎప్పుడూ ఈర్ష్య కలుగదు. ఇతరుల సక్సెస్‌ను ఎంజాయ్‌ చేయగలిగినప్పుడే మంచి ప్లేయర్‌ అనిపించుకుంటారు. మనకు ఏది చేయాలన్నా దేవుడే చేయాలి. నేను ఇదే నమ్ముతానని అన్నాడు. కుట్ర సిద్ధాంతాల పుట్టుకకు పాకిస్తానీల అర్హతే మూలకారణమని తెలిపాడు. పాక్‌ మాజీలు కొందరు తమకు తామే అత్యుత్తమమని భావిస్తున్నారని, ఇతరులెవ్వరూ వారు సాధించించి సాధించలేరని ఫీలవుతారని చురకలంటించాడు.

శ్రీలంక క్రికెట్‌ బోర్డుకు మరో షాక్‌ తగిలింది. ఆ దేశ క్రికెట్‌ బోర్డుపై నిషేధం అమలవుతుండగానే ఐసీసీ మరో ఝలక్‌ ఇచ్చింది. లంక బోర్డుపై నిషేధాన్ని కారణంగా చూపుతూ అక్కడ జరగాల్సిన ఈవెంట్‌ను ఐసీసీ మరో దేశానికి మార్చింది. వచ్చే ఏడాది (2024) జనవరిలో లంకలో జరగాల్సిన అండర్‌–19 పురుషుల ప్రపంచకప్‌ టోర్నీని ఐసీసీ దక్షిణాఫ్రికాకు తరలించింది. అహ్మదాబాద్‌లో నిన్న (నవంబర్‌ 21)  జరిగిన బోర్డు సమావేశం ఈ నిర్ణయం తీసుకున్నట్లు ఐసీసీ సభ్యుడు ఒకరు వెల్లడించారు. గతంలో (2020) సౌతాఫ్రికా అండర్‌–19 వరల్డ్‌కప్‌ను విజయవంతంగా నిర్వహించినందుకు మరోసారి ఆ దేశానికి అవకాశం ఇచ్చినట్లు తెలిపాడు. వేదిక మార్పు అంశాన్ని టోర్నీలో పాల్గొనే జట్లకు ఇదివరకే తెలియజేసినట్లు పేర్కొన్నాడు.  కాగా, భారత్‌ వేదికగా జరిగిన వన్డే వరల్డ్‌కప్‌ 2023లో ఘోర వైఫల్యాలను ఎదుర్కొని, లీగ్‌ దశలోనే ఇంటిబాట పటి​న శ్రీలంక క్రికెట్‌ జట్టును ఆ దేశ క్రీడా మంత్రి రోషన్ రణసింఘే రద్దు చేసిన విషయం తెలిసిందే. బోర్డు అంతర్గత వ్యవహారాల్లో ప్రభుత్వ జోక్యాన్ని తీవ్రంగా పరిగణించిన అంతర్జాతీయ క్రికెట్‌ కౌన్సిల్‌ శ్రీలంక క్రికెట్‌ బోర్డుపై సస్పెన్షన్‌ వేటు వేసింది.

2023 ప్రపంచకప్‌ ఫైనల్లో టీమిండియా ఆస్ట్రేలియా చేతిలో 6 వికెట్ల తేడాతో ఓటమిపాలైన విషయం తెలిసిందే. ఈ టోర్నీలో వరుసగా 10 మ్యాచ్‌ల్లో గెలుపొంది, అజేయ జట్టుగా నిలిచిన భారత్‌ ఆఖరి మెట్టుపై బోల్తా పడి మూడోసారి టైటిల్‌ గెలిచే సువర్ణావకాశాన్ని చేజార్చుకుంది. నాకౌట్‌ మ్యాచ్‌ల్లో చతికిలపడటం టీమిండియాకు కొత్తేమీ కానప్పటికీ, ఈ దఫా మాత్రం అభిమానులను తీవ్రంగా బాధ పెట్టింది. ఆశలు రేకెత్తించి, ఆఖరి మెట్టుపై ఉసూరుమనిపించడంతో ఫ్యాన్స్‌ బాధ వర్ణణాతీతంగా ఉంది. ఈ ఓటమి 140 కోట్ల మంది భారతీయులకు గుండె కోత మిగిల్చింది.  ఫైనల్లో భారత్‌ ఓటమికి గల కారణాలు విశ్లేషిస్తూ పలువురు నిపుణులు ఆసక్తికర విషయాలను వెల్లడించారు. ఒత్తిడి, టాస్‌ ఓడిపోవడమే టీమిండియా ఓటమికి ప్రధాన కారణాలని మెజారిటీ శాతం అభిప్రాయపడుతున్నారు. కొందరు మాత్రం పిచ్‌ విషయంలో బీసీసీఐ చేసిన అతే కొంపముంచిందని అంటున్నారు. తమ పేసర్లు భీకరమైన ఫామ్‌లో ఉన్నప్పుడు నిదానమైన ట్రాక్‌ రూపొందించడమే పెద్ద తప్పని అభిప్రాయపడుతున్నారు. పిచ్‌ విషయంలో బీసీసీఐ వ్యూహం బెడిసికొట్టిందని, అదే మనపై ప్రత్యర్ధి పైచేయి సాధించేలా చేసిందని అంటున్నారు.  పిచ్‌ ఎప్పటిలాగే ఉన్నా టీమిండియాకు లబ్ది చేకూరేదే అని అభిప్రాయపడుతున్నారు. మన పేసర్లపై నమ్మకం లేక స్లో పిచ్‌ను తయారు చేశారా అని ప్రశ్నిస్తున్నారు. జట్టు అన్ని విభాగాల్లో (బ్యాటింగ్‌, స్పిన్‌ బౌలింగ్‌, పేస్‌ బౌలింగ్‌) పటిష్టంగా ఉన్నప్పుడు నిదానమైన పిచ్‌ను తయారు చేయడంలో అర్ధం లేదని మండిపడుతున్నారు. పిచ్‌ విషయంలో బీసీసీఐ వ్యూహం మిస్‌ ఫైర్‌ అయ్యిందని ఆసీస్‌ మాజీ కెప్టెన్‌ రికీ పాంటింగ్‌ కూడా అన్నాడు. పిచ్‌ స్లోగా ఉండటం, ఆదిలోనే వికెట్లు కోల్పోవడం వల్ల టీమిండియా తీవ్ర ఒత్తిడికి లోనైందని తెలిపాడు. షాట్లు ఆడేందుకు భారత బ్యాటర్లు అష్టకష్టాలు పడ్డారని అభిప్రాయపడ్డాడు.   కాగా, అహ్మదాబాద్‌ పిచ్‌పై గతంలో పరుగుల వరద పారిన విషయం తెలిసిందే. ఇక్కడి రెగ్యులర్‌ పిచ్‌పై అత్యంత భారీ స్కోర్లు నమోదయ్యాయి. అయితే వరల్డ్‌కప్‌ ఫైనల్లో రెగ్యులర్‌ వికెట్‌ కాకుండా స్లో ట్రాక్‌ను రూపొందించడంతో టీమిండియా పరుగులు చేసేందుకు నానా ఇబ్బందులు పడి స్వల్ప స్కోర్‌కే పరిమితమైంది. అనంతరం ఛేదనలో మంచు ప్రభావం చేత పిచ్‌ మరింత నిదానంగా మారి, దాదాపు నిర్జీవమైన పిచ్‌గా మారిపోయింది. ఫలితంగా ఆసీస్‌ బ్యాటర్లు హెడ్‌, లబూషేన్ క్రీజ్‌లో పాతుకుపోయి తమ జట్టుకు చిరస్మరణీయ విజయాన్నందించారు. 

2023 వన్డే ప్రపంచకప్‌లో అత్యంత ప్రభావశీల ఫీల్డర్‌గా ఆసీస్‌ మిడిలార్డర్‌ ఆటగాడు మార్నస్‌ లబూషేన్‌ను ఐసీసీ ఎంపిక చేసింది. లబూషేన్‌ 82.66 రేటింగ్‌ పాయింట్లతో ఫీల్డర్‌ ఆఫ్‌ ది టోర్నీగా నిలిచాడు. అతడి తర్వాతి స్థానంలో ఆసీస్‌కే చెందిన డేవిడ్‌ వార్నర్‌ ఉన్నాడు. వార్నర్‌ 82.55 రేటింగ్‌ పాయింట్లతో రెండో స్థానంలో నిలిచాడు. ఈ విభాగం టాప్‌-10లో ఇ‍ద్దరు భారత ఆటగాళ్లకు చోటు లభించింది. 72.72 రేటింగ్‌ పాయింట్లతో రవీంద్ర జడేజా నాలుగో స్థానంలో.. 56.79 రేటింగ్‌ పాయింట్లతో విరాట్‌ కోహ్లి ఆరో స్థానంలో నిలిచారు. ఈ జాబితాలో డేవిడ్‌ మిల్లర్‌ మూడో స్థానంలో, నెదర్లాండ్స్‌ ఆటగాడు సైబ్రాండ్‌ ఎంజెల్‌బ్రెచ్‌ ఐదులో, ఎయిడెన్‌ మార్క్రమ్‌, మిచెల్‌ సాంట్నర్‌, గ్లెన్‌ మ్యాక్స్‌వెల్‌ వరుసగా 7, 8, 9 స్థానాల్లో నిలిచారు. మైదానంలో కనబర్చిన ప్రతిభ (పరుగుల నియంత్రణ, రనౌట్లు, త్రోలు) ఆధారంగా రేటింగ్‌ పాయింట్లు కేటాయించబడ్డాయి.  ICC named Marnus Labuschagne as the biggest fielding impact in World Cup 2023. - Kohli & Jadeja are the only Indians in Top 10. 🔥🎯 pic.twitter.com/ZtO2kRz7U6 — Johns. (@CricCrazyJohns) November 20, 2023 ఇదిలా ఉంటే, భారత్‌-ఆస్ట్రేలియా మధ్య నరేంద్ర మోదీ స్టేడియం వేదికగా జరిగిన వరల్డ్‌కప్‌ ఫైనల్లో ఆస్ట్రేలియా జయకేతనం ఎగురవేసిన విషయం తెలిసిందే. ఈ మ్యాచ్‌లో ఆసీస్‌ 6 వికెట్ల తేడాతో గెలుపొంది, ఆరోసారి జగజ్జేతగా నిలిచింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌ నామమాత్రపు స్కోర్‌కే (240) పరిమితమైంది. ఛేదనలో ఆసీస్‌ ఆదిలోనే 3 వికెట్లు కోల్పోయినప్పటికీ అనంతరం అద్భుతంగా పుంజుకుని ఆరోసారి వరల్డ్‌ ఛాంపియన్‌గా నిలిచింది. ట్రవిస్‌ హెడ్‌ (137).. లబూషేన్‌ (58 నాటౌట్‌) సహకారంతో ఆసీస్‌కు చిరస్మరణీయ విజయాన్నందించాడు. వీరిద్దరు నాలుగో వికెట్‌కు 192 పరుగలు భాగస్వామ్యాన్ని నమోదు చేసి ఆసీస్‌ను గెలిపించారు. భారత బౌలర్లలో బుమ్రా, షమీ, సిరాజ్‌ తలో వికెట్‌ పడగొట్టారు. అంతకుముందు బ్యాటింగ్‌లో రోహిత్‌ శర్మ (47), విరాట్‌ కోహ్లి (54), కేఎల్‌ రాహుల్‌ (66) ఓ మోస్తరుగా రాణించారు. ఆసీస్‌ బౌలర్లు స్టార్క్‌ (3/55), హాజిల్‌వుడ్‌ (2/60), కమిన్స్‌ (2/34), మ్యాక్స్‌వెల్‌ (1/35), జంపా (1/44) కట్టుదిట్టంగా బౌలింగ్‌ చేసి టీమిండియా పతనాన్ని శాశించారు.   

2023 వన్డే ప్రపంచకప్‌ హాజరు విషయంలో ఆల్‌టైమ్‌ హై రికార్డు సెట్‌ చేసింది. ఈ ఎడిషన్‌ ప్రపంచకప్‌ చరిత్రలోనే అత్యధిక హాజరు కలిగిన వరల్డ్‌కప్‌గా రికార్డు నెలకొల్పింది. ఈ ప్రపంచకప్‌కు 1,250,307 మంది హాజరైనట్లు ఐసీసీ ప్రకటించింది. 13 వన్డే వరల్డ్‌కప్‌ టోర్నీల్లో ఇదే అత్యధిక హాజరు కలిగిన వరల్డ్‌కప్‌గా రికార్డైంది. ఇందులో ఒక్క ఫైనల్‌ మ్యాచ్‌కే లక్ష మంది వరకు ప్రేక్షకులు హాజరయ్యారు. అహ్మదాబాద్‌లోని నరేంద్ర మోదీ స్టేడియం వేదికగా భారత్‌-ఆస్ట్రేలియా మధ్య జరిగిన ఆ మ్యాచ్‌కు రికార్డు స్థాయిలో 92453 మంది హాజరయ్యారు. ఇదిలా ఉంటే, నవంబర్‌ 19న జరిగిన వరల్డ్‌కప్‌ ఫైనల్లో ఆస్ట్రేలియా 6 వికెట్ల తేడాతో టీమిండియాపై విజయం సాధించిన విషయం తెలిసిందే. ఆ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌ నామమాత్రపు స్కోర్‌కే (240) పరిమితమైంది. ఛేదనలో ఆసీస్‌ ఆదిలోనే 3 వికెట్లు కోల్పోయినప్పటికీ అనంతరం అద్భుతంగా పుంజుకుని ఆరోసారి వరల్డ్‌ ఛాంపియన్‌గా నిలిచింది. ట్రవిస్‌ హెడ్‌ (137).. లబూషేన్‌ (58 నాటౌట్‌) సహకారంతో ఆసీస్‌కు చిరస్మరణీయ విజయాన్నందించాడు. వీరిద్దరు నాలుగో వికెట్‌కు 192 పరుగలు భాగస్వామ్యాన్ని నమోదు చేసి ఆసీస్‌ను గెలిపించారు. భారత బౌలర్లలో బుమ్రా, షమీ, సిరాజ్‌ తలో వికెట్‌ పడగొట్టారు. అంతకుముందు బ్యాటింగ్‌లో రోహిత్‌ శర్మ (47), విరాట్‌ కోహ్లి (54), కేఎల్‌ రాహుల్‌ (66) ఓ మోస్తరుగా రాణించారు. ఆసీస్‌ బౌలర్లు స్టార్క్‌ (3/55), హాజిల్‌వుడ్‌ (2/60), కమిన్స్‌ (2/34), మ్యాక్స్‌వెల్‌ (1/35), జంపా (1/44) కట్టుదిట్టంగా బౌలింగ్‌ చేసి టీమిండియా పతనాన్ని శాశించారు.  రికార్డు స్థాయిలో ప్రేక్షకుల బ్రహ్మరథం భారత్‌ ఆతిథ్యమిచ్చిన వన్డే ప్రపంచకప్‌ను రికార్డుస్థాయిలో ప్రేక్షకులు ప్రత్యక్షంగా వీక్షించారు. పది జట్లు పోటీపడిన ఈ మెగా ఈవెంట్‌ 48 మ్యాచ్‌లను 12,50,307 మంది ప్రేక్షకులు చూశారని ఐసీసీ ధ్రువీకరించింది. అంటే సగటున ఒక్కో మ్యాచ్‌కు 26000 మంది హాజరైనట్లు తెలిపింది. ఆసీస్, న్యూజిలాండ్‌ సంయుక్తంగా నిర్వహించిన 2015 వన్డే ప్రపంచకప్‌ను 10,16,420 మంది వీక్షించి రికార్డు సృష్టించగా... దీన్ని తాజా ప్రపంచకప్‌ బద్దలుకొట్టింది.

టీమిండియా హెడ్‌ కోచ్‌గా రాహుల్‌ ‍ద్రవిడ్‌ రెండేళ్ల పదవీకాలం వరల్డ్‌కప్‌ 2023 ఫైనల్‌తో  ముగిసింది. దీంతో భారత జట్టు కొత్త హెడ్‌ కోచ్‌ ఎవరనే అంశంపై చర్చ మొదలైంది. మరో దఫా కొనసాగాలా లేదా అనే దానిపై ఇంకా తేల్చుకోలేదని ద్రవిడ్‌ వరల్డ్‌కప్‌ అనంతరం​ మీడియా సమావేశంలో తెలిపాడు. మరి బీసీసీఐ రవిశాస్త్రిలా ద్రవిడ్‌ను రెండో దఫా కొనసాగిస్తుందో లేదో వేచి చూడాలి. ప్రస్తుతానికి అయితే ఆసీస్‌తో టీ20 సిరీస్‌కు స్టాండ్‌ ఇన్‌ కోచ్‌గా ఎన్‌సీఏ డైరెక్టర్‌ వీవీఎస్‌ లక్ష్మణ్‌ను బీసీసీఐ ఎంపిక చేసింది.  ఒకవేళ ద్రవిడ్‌ రెండో దఫా కోచ్‌గా పని చేసేందుకు నిరాకరిస్తే  లక్ష్మణ్‌ భారత జట్టు హెడ్‌ కోచ్‌ పదవి రేసులో ముందువరుసలో ఉంటాడు. ఈ పదవి కోసం లక్ష్మణ్‌తో పాటు మరో ఇద్దరు టీమిండియా దిగ్గజాలు పోటీలో ఉండే అవకాశం ఉందని తెలుస్తుంది. ఇటీవలే ఐసీసీ హాల్‌ ఆఫ్‌ ఫేమర్‌గా ప్రకటించబడ్డ వీరేంద్ర సెహ్వాగ్‌, స్పిన్‌ దిగ్గజం అనిల్‌ కుంబ్లే లక్ష్మణ్‌తో పాటు ప్రధాన పోటీదారులుగా నిలిచే ఛాన్స్‌ ఉంది. వీరిలో కుంబ్లేకు గతంలో భారత జట్టు హెడ్‌ కోచ్‌గా పని చేసిన అనుభవం ఉంది.  ధోనిని ఒప్పించి అప్పచెబితే.. టీమిండియా హెడ్‌ కోచ్‌ పదవి ఖాళీ అయిన నేపథ్యంలో ఈ అంశంపై నెట్టింట జోరుగా చర్చలు సాగుతున్నాయి. కొందరు ద్రవిడ్‌నే కొనసాగించాలని అంటుంటే, మరికొందరు అతడిని సాగనంపాలని వాధిస్తున్నారు. ఒకవేళ హెడ్‌ కోచ్‌ పదవిలో కొనసాగేందుకు ద్రవిడ్‌ ఆసక్తి కనబర్చకపోతే లక్ష్మణ్‌, అనిల్‌ కుంబ్లే, సెహ్వాగ్‌లు రేసులో ఉంటారని ప్రచారం జరుగుతుంది. కొత్తగా కొందరు టీమిండియా మోస్ట్‌ సక్సెస్‌ఫుల్‌ కెప్టెన్‌ మహేంద్ర సింగ్‌ ధోని పేరును తెరపైకి తెస్తున్నారు. ధోనికి ఇష్టం లేకపోయినా అతన్ని ఒప్పించి మరీ భారత క్రికెట్‌ జట్టు కోచింగ్‌ బాధ్యతలు అప్పజెప్పాలని వారు పట్టుబడుతున్నారు. మరి భారత జట్టుకు కోచింగ్‌ ఇచ్చేందుకు ధోని ముందుకు వస్తాడో లేదో వేచి చూడాలి.  

నవంబర్‌ 23 నుంచి భారత్‌తో జరుగబోయే టీ20 సిరీస్‌ కోసం ముందుగా ప్రకటించిన ఆస్ట్రేలియా జట్టులో స్వల్ప మార్పు చోటు చేసుకుంది. ఆ జట్టు స్టార్‌ ఆటగాడు, వరల్డ్‌కప్‌లో ఆసీస్‌ లీడింగ్‌ రన్‌ స్కోరర్‌ (11 మ్యాచ్‌ల్లో 535 పరుగులు) డేవిడ్‌ వార్నర్‌ ఈ సిరీస్‌ మొత్తానికి దూరం కానున్నాడు. విశ్రాంతి కోసం వార్నర్‌ చేసుకున్న విజ్ఞప్తిని ఆసీస్‌ క్రికెట్‌ బోర్డు పరిగణలో​కి తీసుకుంది. దీంతో వరల్డ్‌కప్‌ ముగిసిన అనంతరమే వార్నర్‌ స్వదేశానికి పయనమయ్యాడు. క్రికెట్‌ ఆస్ట్రేలియా ఈ సిరీస్‌ కోసం సీనియర్లెవ్వరినీ ఎంపిక చేయలేదు. ఆసీస్‌ టీమ్‌కు మాథ్యూ వేడ్‌ కెప్టెన్‌గా వ్యవహరించనున్నాడు. క్రికెట్‌ ఆస్ట్రేలియా వార్నర్‌ స్థానంలో ఆరోన్‌ హార్డీని జట్టులోకి తీసుకుంది.   మరోవైపు భారత సెలెక్టర్లు కూడా ఈ సిరీస్‌కు సీనియర్లకు విశ్రాంతి కల్పించారు. వీరి గైర్హాజరీలో సూర్యకుమార్‌ యాదవ్‌ టీమిండియా సారధిగా ఎంపికయ్యాడు. 5 మ్యాచ్‌ల ఈ సిరీస్‌ కోసం భారత సెలెక్టర్లు నిన్ననే టీమిండియాను ప్రకటించారు. కాగా, వన్డే వరల్డ్‌కప్‌ 2023 విజేతగా ఆస్ట్రేలియా నిలిచిన విషయం తెలిసిందే. ఫైనల్లో ఆ జట్టు టీమిండియాను ఓడించి, ఆరోసారి జగజ్జేతగా నిలిచింది.  ఇదిలా ఉంటే, మరో రెండు రోజుల్లో భారత్‌, ఆసీస్‌ టీ20 సిరీస్‌ ప్రారంభంకానుంది. ఈ సిరీస్‌లో గెలిచి ఆసీస్‌పై ప్రతీకారం తీర్చుకోవాలని భారత ఆటగాళ్లు భావిస్తున్నారు. సిరీస్‌లో ‌తొలి మ్యాచ్‌ (నవంబర్‌ 23) వైజాగ్‌ వేదికగా, రెండో టీ20 నవంబర్‌ 26న (తిరువనంతపురం), మూడో మ్యాచ్‌ నవంబర్‌ 28న (గౌహతి), నాలుగు (నాగ్‌పూర్‌), ఐదు టీ20లు (హైదరాబాద్‌) డిసెంబర్‌ 1, 3 తేదీల్లో జరుగనున్నాయి.   ఆస్ట్రేలియా: మాథ్యూ వేడ్ (కెప్టెన్‌), ఆరోన్ హార్డీ, జేసన్ బెహ్రెన్‌డార్ఫ్, సీన్ అబాట్, టిమ్ డేవిడ్, నాథన్ ఎల్లిస్, ట్రవిస్ హెడ్, జోష్ ఇంగ్లిస్, గ్లెన్ మాక్స్‌వెల్, తన్వీర్ సంఘా, మాట్ షార్ట్, స్టీవ్ స్మిత్, మార్కస్ స్టోయినిస్‌, కేన్‌ రిచర్డ్‌సన్, ఆడమ్‌ జంపా భారత జట్టు: సూర్యకుమార్ యాదవ్ (కెప్టెన్‌), రుతురాజ్ గైక్వాడ్ (వైస్‌ కెప్టెన్‌), ఇషాన్ కిషన్, యశస్వి జైస్వాల్, తిలక్ వర్మ, రింకూ సింగ్, జితేష్ శర్మ (వికెట్‌కీపర్‌), వాషింగ్టన్ సుందర్, అక్షర్ పటేల్, శివమ్ దూబే, రవి బిష్ణోయ్, అర్ష్‌దీప్ సింగ్, ప్రసిద్ కృష్ణ, అవేష్ ఖాన్, ముఖేష్ కుమార్, శ్రేయస్ అయ్యర్ (చివరి రెండు మ్యాచ్‌లకు మాత్రమే).

ఇండియా మూడవ ప్రపంచ కప్ టైటిల్ సొంతం చేసుకుంటుందని ప్రారంభం నుంచి ఎదురు చూసిన భారతీయుల ఆశలు ఫలించ లేదు. ప్రపంచ కప్ ఫైనల్‌ మ్యాచ్‌లో ఆస్ట్రేలియా ఆరు వికెట్ల తేడాతో భారత్‌పై విజయం సాధించి సంబరాలు చేసుకుంటుంటే.. యావత్ భారతం మిన్నకుండిపోయింది. టైటిల్ సొంతం చేసుకోవడానికి శాయశక్తులా ప్రయత్నించి ఓటమి పాలవ్వడంతో టీమ్ కెప్టెన్ రోహిత్ శర్మ కళ్ళలో నీళ్లు తిరిగాయి. ఈ సన్నివేశం చూసిన ప్రజలంతా.. ఓటమిలో అయినా గెలుపులో అయినా మేము మీ తోడుంటాం అంటూ ధైర్యం నింపారు. కొంతమంది పారిశ్రామిక వేత్తలు కూడా తమదైన రీతిలో సానుభూతి తెలిపారు. రోహిత్ శర్మ బాధలో ఉన్న దృశ్యంపై ఎడెల్వీస్ మ్యూచువల్ ఫండ్ సీఈఓ 'రాధికా గుప్తా' స్పందిస్తూ.. గొప్ప నాయకులకు కూడా కొన్ని సందర్భాల్లో ఓటమి తప్పదు. భావోద్వేగాలు బలహీనతకు సంకేతం కాదని ఆమె పోస్ట్‌ చేస్తూ.. ఎంతోమంది మీకు మద్దతుగా నిలుస్తూ ప్రేమను తెలియజేస్తున్నారని ట్వీట్ చేసింది. Great leaders also have bad days. And shedding a tear doesn’t make you weak. A billion hearts giving you ❤️ captain. pic.twitter.com/uMwxIlIuY5 — Radhika Gupta (@iRadhikaGupta) November 19, 2023 ఆనంద్ మహీంద్రా మండే మోటివేషన్ పేరుతో ట్వీట్ చేస్తూ.. ది మెన్ ఇన్ బ్లూ దేశం నలుమూలల నుంచి చాలా భిన్నమైన నేపథ్యాల నుంచి వచ్చి చివరిదాకా పోరాడి మన హృదయాలను గెలుచుకున్నారు అంటూ వెల్లడించారు. ఇవి ప్రస్తుతం నెట్టింటో వైరల్ అవుతున్నాయి. నెటిజన్లు తమదైన రీతిలో సానుభూతి తెలుపుతున్నారు. This sums up why we didn’t lose. It’s easy for teams to celebrate together;harder to support & share each other’s pain.The Men in Blue came from around the country and from vastly different backgrounds but played as a family and won our hearts. They’re STILL my #MondayMotivation pic.twitter.com/BHatUZ7dKH — anand mahindra (@anandmahindra) November 20, 2023

వన్డే వరల్డ్‌కప్‌ 2023లో వరుసగా 10 మ్యాచ్‌ల్లో గెలిచి ఫైనల్‌కు చేరిన భారత్‌.. ఆఖరి మెట్టుపై (ఫైనల్స్‌) బోల్తా పడి 140 కోట్ల మంది భారతీయులకు గుండెకోత మిగిల్చింది. సెమీస్‌ లేదా ఫైనల్స్‌లో ఇలా చేతులెత్తేయడం భారత్‌కు ఇది కొత్తేమీ కాదు. గత పదేళ్ల కాలంలో టీమిండియా తొమ్మిది ఐసీసీ టోర్నీల్లో సెమీస్‌ లేదా ఫైనల్స్‌లో ఓటమిపాలైంది.  ఐసీసీ టోర్నీల్లో భారత్‌ వరుస వైఫల్యాల తీరును పరిశీలిస్తే.. ఆయా టోర్నీల ఆరంభాల్లో చిచ్చరపిడుగుల్లా చెలరేగిపోయే భారత క్రికెటర్లు నాకౌట్‌ మ్యాచ్‌ అనగానే ఒత్తిడికి లోనై చతికిలపడతారు. 2013 నుంచి ఐసీసీ టోర్నీల్లో ఇదే తంతు కొనసాగుతుంది. వరల్డ్‌కప్‌ 2023లోనూ సెమీస్‌ వరకు ఆకాశమే హద్దుగా చెలరేగిన భారత ఆటగాళ్లు ఫైనల్‌ మ్యాచ్‌లో చేతులెత్తేశారు.  ఎన్నో అంచనాల నడుమ ఫైనల్‌ మ్యాచ్‌ బరిలోకి దిగిన భారత ఆటగాళ్లు అన్ని విభాగాల్లో స్థాయికి తగ్గట్టుగా ఆడలేక ఓడారు. ఆశలు రేకెత్తించి, ఆఖర్లో ఊసూరుమనిపించడం టీమిండియా ఆటగాళ్లకు పరిపాటిగా మారింది. ఓటముల నుంచి గుణపాఠం నేర్చుకోని టీమిండియా నెక్స్ట్‌ టైమ్‌ బెటర్‌ లక్‌ అంటూ సర్ధి చెప్పుకోవడం తప్పించి చేసిందేమీ లేదు.  అభిమానులు సైతం​ ఇదే అనుకుంటూ ఆటగాళ్లకు మద్దతుగా నిలుస్తుండటంతో వారిలో సీరియస్‌నెస్‌ కొరవడింది. విచ్చలవిడిగా డబ్బు, పబ్లిసిటీ లభిస్తుండటంతో వాటిపైనే ఎక్కువగా ఫోకస్‌ పెట్టే భారత క్రికెటర్లు ఇకనైనా అలసత్వం వీడాలి. లేకపోతే నెక్స్ట్‌ జనరేషన్‌ కూడా గెలుపును అంత సీరియస్‌గా తీసుకోదు. ఒత్తిడిలో ఎలా ఆడాలో ఆసీస్‌ ఆటగాళ్ల నుంచి మనవాళ్లు ఎంతైనా నేర్చుకోవాలి. ప్రతిభ గల జట్టును బెంచ్‌ మార్క్‌గా పెట్టుకోవడంలో తప్పేమీ లేదు. అభిమానులకు ఇది కాస్త ఇబ్బందికరంగానే ఉండవచ్చు కానీ అనక తప్పదు. 2013 నుంచి ఐసీసీ టోర్నీల్లో టీమిండియా ప్రస్తానం.. 2014 టీ20 వరల్డ్‌కప్‌: ఫైనల్లో ఓటమి 2015 వన్డే వరల్డ్‌కప్‌: సెమీస్‌లో ఓటమి 2016 టీ20 వరల్డ్‌కప్‌: సెమీస్‌లో ఓటమి 2017 ఛాంపియన్స్‌ ట్రోఫీ: ఫైనల్స్‌లో ఓటమి 2019 వన్డే వరల్డ్‌కప్‌: సెమీస్‌లో ఓటమి 2021 వరల్డ్‌ టెస్ట్‌ ఛాంపియన్‌షిప్‌: ఫైనల్లో ఓటమి 2022 టీ20 వరల్డ్‌కప్‌: సెమీఫైనల్లో ఓటమి 2023 వరల్డ్‌ టెస్ట్‌ ఛాంపియన్‌షిప్‌: ఫైనల్లో ఓటమి 2023 వన్డే వరల్డ్‌కప్‌: ఫైనల్లో ఓటమి

వన్డే వరల్డ్‌కప్‌ 2023 ఫైనల్లో ఆస్ట్రేలియా చేతిలో భారత ఓటమి నేపథ్యంలో బీసీసీఐపై ఆసీస్‌ మాజీ కెప్టెన్‌ రికీ పాంటింగ్‌ అనుచిత వ్యాఖ్యలు చేసినట్లు సోషల్‌మీడియాలో ప్రచారం జరుగుతుంది. పాంటింగ్‌ ఫాక్స్‌ న్యూస్‌తో మాట్లాడుతూ బీసీసీఐని క్రికెట్‌ మాఫియాతో పోల్చాడన్న వార్త ప్రస్తుతం నెట్టింట వైరలవుతుంది. అయితే పాంటింగ్‌ నిజంగా ఈ వ్యాఖ్యలు చేశాడా లేదా అని ఫ్యాక్ట్‌ చేయగా.. ఈ ప్రచారంలో ఎంతమాత్రం వాస్తవం లేదని తేలింది. ఈ ప్రచారంపై భారత్‌లోనే ఉన్న పాంటింగ్‌ స్పందించాల్సి ఉంది.  కాగా, ASG అనే ట్విటర్‌ అకౌంట్‌ నుంచి పాంటింగ్‌ ఫాక్స్‌ క్రికెట్‌తో మాట్లాడుతూ బీసీసీఐపై అనుచిత వ్యాఖ్యలు చేశాడని నిన్నటి నుంచి సోషల్‌మీడియాలో ప్రచారం జరుగుతుంది. Ricky Ponting on Fox Cricket: "This is a win of justice against cricket mafia. Your money and power is still not winning World Cups for you. How embarrassing." Ponting owned India and BCCI 😂 pic.twitter.com/pc5LnseQi7 — ASG (@ahadfoooty) November 19, 2023 సదరు ట్వీట్‌లో ఏముందంటే.. ఇది క్రికెట్ మాఫియాపై (బీసీసీఐని ఉద్దేశిస్తూ) న్యాయం సాధించిన విజయం.. డబ్బు, పలుకుబడితో ప్రపంచ కప్ గెలవలేరని పాంటింగ్‌ అన్నట్లు ప్రచారం​ జరుగుతుంది. పాంటింగ్‌ నిజంగానే బీసీసీఐని అలా అన్నాడనుకుని పొరబడ్డ కొందరు భారత క్రికెట్‌ అభిమానులు పాంటింగ్‌పై దుమ్మెత్తిపోస్తున్నారు. ఐపీఎల్‌లో పిలిచి పెత్తనం ఇచ్చినందుకు (ఢిల్లీ క్యాపిటల్స్‌) బీసీసీఐకి సరైన గుణపాఠమే నేర్పాడని కామెంట్లు చేస్తున్నారు.  ఇదిలా ఉంటే, నిన్న జరిగిన వరల్డ్‌కప్‌ 2023 ఫైనల్లో ఆస్ట్రేలియా భారత్‌ను 6 వికెట్ల తేడాతో చిత్తు చేసిన విషయం తెలిసిందే. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌.. ఆసీస్‌ బౌలర్లు మూకుమ్మడిగా రాణించడంతో 240 పరుగుల స్వల్ప స్కోర్‌కే పరిమితమైంది. అనంతరం స్వల్ప లక్ష్య ఛేదనకు దిగిన ఆసీస్‌ ఆరంభంలో కాస్త తడబడినప్పటికీ.. ట్రవిస్‌ హెడ్‌ (137), లబూషేన్‌ (58 నాటౌట్‌) చిరస్మరణీయ ఇన్నింగ్స్‌ల సహకారంతో విజయతీరాలకు చేరింది. హెడ్‌-లబూషేన్‌ జోడీ నాలుగో వికెట్‌కు 192 పరుగలు భాగస్వామ్యాన్ని నమోదు చేసి ఆసీస్‌ను గెలిపించారు. భారత బౌలర్లలో బుమ్రా, షమీ, సిరాజ్‌ తలో వికెట్‌ పడగొట్టారు.  అంతకుముందు బ్యాటింగ్‌లో రోహిత్‌ శర్మ (47), విరాట్‌ కోహ్లి (54), కేఎల్‌ రాహుల్‌ (66) ఓ మోస్తరుగా రాణించారు. ఆసీస్‌ బౌలర్లు స్టార్క్‌ (3/55), హాజిల్‌వుడ్‌ (2/60), కమిన్స్‌ (2/34), మ్యాక్స్‌వెల్‌ (1/35), జంపా (1/44) కట్టుదిట్టంగా బౌలింగ్‌ చేసి టీమిండియా పతనాన్ని శాశించారు. 

వన్డే వరల్డ్‌కప్‌ ఫైనల్లో ఆస్ట్రేలియా టీమిండియాను ఆరె వికెట్ల తేడాతో ఓడించి, ఆరోసారి జగజ్జేతగా నిలిచింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌.. ఆసీస్‌ బౌలర్లు మూకుమ్మడిగా రాణించడంతో 240 పరుగుల స్వల్ప స్కోర్‌కే పరిమితమైంది. అనంతరం స్వల్ప లక్ష్య ఛేదనకు దిగిన ఆసీస్‌ ఆరంభంలో కాస్త తడబడినప్పటికీ.. ట్రవిస్‌ హెడ్‌ (137), లబూషేన్‌ (58 నాటౌట్‌) చిరస్మరణీయ ఇన్నింగ్స్‌ల సహకారంతో విజయతీరాలకు చేరింది. హెడ్‌-లబూషేన్‌ జోడీ నాలుగో వికెట్‌కు 192 పరుగలు భాగస్వామ్యాన్ని నమోదు చేసి ఆసీస్‌ను గెలిపించారు. భారత బౌలర్లలో బుమ్రా, షమీ, సిరాజ్‌ తలో వికెట్‌ పడగొట్టారు.  అంతకుముందు బ్యాటింగ్‌లో రోహిత్‌ శర్మ (47), విరాట్‌ కోహ్లి (54), కేఎల్‌ రాహుల్‌ (66) ఓ మోస్తరుగా రాణించారు. ఆసీస్‌ బౌలర్లు స్టార్క్‌ (3/55), హాజిల్‌వుడ్‌ (2/60), కమిన్స్‌ (2/34), మ్యాక్స్‌వెల్‌ (1/35), జంపా (1/44) కట్టుదిట్టంగా బౌలింగ్‌ చేసి టీమిండియా పతనాన్ని శాశించారు.  కాగా, ఫైనల్‌ మ్యాచ్‌కు ముందు ఆసీస్‌ కెప్టెన్‌ పాట్‌ కమిన్స్‌ చేసిన వ్యాఖ్యలు ప్రస్తుతం నెట్టింట వైరలవుతున్నాయి. 1.3 లక్షల మంది ప్రేక్షకులను (ఫైనల్‌కు హాజరయ్యే ప్రేక్షకుల సంఖ్య) సైలెంట్‌గా ఉంచడంలో దొరకే సంతృప్తి ఇంకొక దాంట్లో దొరకదని కమిన్స్‌ వ్యాఖ్యానించాడు. అన్నట్లుగానే కమిన్స్‌ నిన్న జరిగిన ఫైనల్లో భారత్‌ను ఓడించి నరేంద్ర మోదీ స్టేడియం మొత్తాన్ని సైలెంట్‌గా ఉంచగలిగాడు. కమిన్స్‌ చేసిన ఈ వ్యాఖ్యలను ప్రస్తుతం కొందరు నెటిజన్లు వైరల్‌ చేస్తున్నారు. నిశబ్దంలో ఉన్న కిక్కే వేరప్పా అనే సినిమా డైలాగ్‌తో కామెంట్స్‌ చేస్తున్నారు. 

వన్డే వరల్డ్‌కప్‌ 2023 ఫైనల్లో టీమిండియా ఆస్ట్రేలియా చేతిలో 6 వికెట్ల తేడాతో ఓటమిపాలైన విషయం తెలిసిందే. ఈ టోర్నీ ఆధ్యాంతం అద్భుతంగా రాణించిన విరాట్‌ కోహ్లి ప్లేయర్‌ ఆఫ్‌ ద టోర్నీ అవార్డు గెలుచుకున్నాడు. ఈ ఎడిషన్‌లో 11 మ్యాచ్‌లు ఆడిన కోహ్లి 95.62 సగటున 3 సెంచరీలు, 6 అర్ధసెంచరీల సాయంతో 765 పరుగులు చేశాడు. కోహ్లి వన్డే వరల్డ్‌కప్‌లో ప్లేయర్‌ ఆఫ్‌ ద టోర్నీ అవార్డు గెలుచుకోవడం ఇదే తొలిసారి. అతను టీ20 వరల్డ్‌కప్‌లో మాత్రం రెండుసార్లు ఈ ఘనతను సాధించాడు. 2014, 2016 ఎడిషన్లలో ప్లేయర్‌ ఆఫ్‌ ద టోర్నీ అవార్డును గెలుచుకున్నాడు.  కోహ్లి ఈ ఎడిషన్‌లో ఆటగాడిగా సూపర్‌ సక్సెస్‌ అయినప్పటికీ.. టీమిండియాను ఛాంపియన్‌గా నిలబెట్టలేకపోయాడు. క్రికెట్‌ గాడ​్‌ సచిన్‌ టెండూల్కర్‌కు సైతం గతంలో ఇలాంటి అనుభవమే ఎదురైంది. 2003 ఎడిషన్‌లో సచిన్‌ కూడా ప్లేయర్‌ ఆఫ్‌ ద టోర్నీ అవార్డు గెలుచుకున్నప్పటికీ టీమిండియాకు టైటిల్‌ను అందించలేకపోయాడు. క్రికెట్‌కు సంబంధించి ప్రతి విషయంలోనూ సచిన్‌ అడుగుజాడల్లో నడిచే కోహ్లి ఈ విషయంలోనూ తన ఆరాధ్య ఆటగాడినే ఫాలో అయ్యాడు.  Sad to experience both these moments in past 20 years. 💔 pic.twitter.com/8txpsrKw1l — Abhishek Ojha (@vicharabhio) November 19, 2023 ఇదిలా ఉంటే, అహ్మదాబాద్‌లోని నరేంద్ర మోదీ స్టేడియం వేదికగా ఆస్ట్రేలియాతో జరిగిన ఫైనల్లో టీమిండియా టాస్‌ ఓడి తొలుత బ్యాటింగ్‌ చేసి నామమాత్రపు స్కోర్‌కే (240) పరిమితమైంది. ఛేదనలో ఆసీస్‌ ఆదిలోనే 3 వికెట్లు కోల్పోయినప్పటికీ అనంతరం అద్భుతంగా పుంజుకుని ఆరోసారి వరల్డ్‌ ఛాంపియన్‌గా నిలిచింది. ట్రవిస్‌ హెడ్‌ (137).. లబూషేన్‌ (58 నాటౌట్‌) సహకారంతో ఆసీస్‌కు చిరస్మరణీయ విజయాన్నందించాడు. వీరిద్దరు నాలుగో వికెట్‌కు 192 పరుగలు భాగస్వామ్యాన్ని నమోదు చేసి ఆసీస్‌ను గెలిపించారు. భారత బౌలర్లలో బుమ్రా, షమీ, సిరాజ్‌ తలో వికెట్‌ పడగొట్టారు. అంతకుముందు బ్యాటింగ్‌లో రోహిత్‌ శర్మ (47), విరాట్‌ కోహ్లి (54), కేఎల్‌ రాహుల్‌ (66) ఓ మోస్తరుగా రాణించారు. ఆసీస్‌ బౌలర్లు స్టార్క్‌ (3/55), హాజిల్‌వుడ్‌ (2/60), కమిన్స్‌ (2/34), మ్యాక్స్‌వెల్‌ (1/35), జంపా (1/44) కట్టుదిట్టంగా బౌలింగ్‌ చేసి టీమిండియా పతనాన్ని శాశించారు. 

వన్డే వరల్డ్‌కప్‌ 2023 ఫైనల్‌ అహ్మదాబాద్‌లోని నరేంద్ర మోదీ స్టేడియం వేదికగా జరిగిన విషయం తెలిసిందే. నిన్న (నవంబర్‌ 19) జరిగిన ఈ మ్యాచ్‌కు అశేష జనవాహిని హాజరై టీమిండియాను ప్రోత్సహించారు. దురదృష్టవశాత్తు ఈ మ్యాచ్‌లో టీమిండియా ఓటమిపాలై అభిమానులను నిరాశపర్చింది. అధికారక లెక్కల ప్రకారం ఈ మ్యాచ్‌కు 92453 మంది హాజరైనట్లు సమాచారం. 2015 వరల్డ్‌కప్‌తో పోల్చుకుంటే ఈ సంఖ్య తక్కువ. మెల్‌బోర్న్‌ వేదికగా జరిగిన నాటి ఫైనల్‌కు 93013 మంది హాజరయ్యారు. న్యూజిలాండ్‌తో జరిగిన ఆ మ్యాచ్‌లో ఆస్ట్రేలియా 7 వికెట్ల తేడాతో గెలుపొంది, ఐదో సారి ప్రపంచ ఛాంపియన్‌గా నిలిచింది. తాజాగా జరిగిన 2023 ఎడిషన్‌ ఫైనల్లో అదే ఆసీస్‌ టీమిండియాను 6 వికెట్ల తేడాతో ఓడించి, ఆరోసారి జగజ్జేతగా నిలిచింది.  According to official attendance numbers, the 2015 World Cup in MCG had higher attendance than the 2023 World Cup final in Ahmedabad👀🤯 pic.twitter.com/j2kapHeAfB — CricTracker (@Cricketracker) November 20, 2023 నిన్నటి మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌ నామమాత్రపు స్కోర్‌కే (240) పరిమితమైనప్పటికీ.. బౌలింగ్‌లో రాణించి చివరి వరకు పోరాడింది. ట్రవిస్‌ హెడ్‌ (137) చిరస్మరణీయ శతకంతో ఆసీస్‌ గెలుపు అంచుల వరకు తీసుకెళ్లాడు. లబూషేన్‌ (58 నాటౌట్‌) సహకారంతో భారత్‌కు గెలుపును దూరం చేశాడు. వీరిద్దరు నాలుగో వికెట్‌కు 192 పరుగలు భాగస్వామ్యాన్ని నమోదు చేసి ఆసీస్‌ను గెలిపించారు. భారత బౌలర్లలో బుమ్రా, షమీ, సిరాజ్‌ తలో వికెట్‌ పడగొట్టారు. అంతకుముందు బ్యాటింగ్‌లో రోహిత్‌ శర్మ (47), విరాట్‌ కోహ్లి (54), కేఎల్‌ రాహుల్‌ (66) ఓ మోస్తరుగా రాణించారు. ఆసీస్‌ బౌలర్లు స్టార్క్‌ (3/55), హాజిల్‌వుడ్‌ (2/60), కమిన్స్‌ (2/34), మ్యాక్స్‌వెల్‌ (1/35), జంపా (1/44) కట్టుదిట్టంగా బౌలింగ్‌ చేసి టీమిండియా పతనాన్ని శాశించారు. 

వన్డే వరల్డ్‌కప్‌ 2023 ఫైనల్లో ఆస్ట్రేలియా చేతిలో ఎదురైన పరాభవానికి ప్రతీకారం తీర్చుకునే అవకాశం టీమిండియాకు అతి త్వరలో రానుంది. స్వదేశంలోనే మరో 3 రోజుల్లో భారత్‌, ఆసీస్‌ టీ20 సిరీస్‌ ప్రారంభంకానుంది. 5 మ్యాచ్‌ల ఈ సిరీస్‌లో గెలిచి ఆసీస్‌పై ప్రతీకారం తీర్చుకోవాలని భారత ఆటగాళ్లు భావిస్తున్నారు. ఈ సిరీస్‌ నవంబర్‌ 23 నుంచి ప్రారంభమవుతుంది. తొలి మ్యాచ్‌ వైజాగ్‌ వేదికగా, రెండో టీ20 నవంబర్‌ 26న (తిరువనంతపురం), మూడో మ్యాచ్‌ నవంబర్‌ 28న (గౌహతి), నాలుగు (నాగ్‌పూర్‌), ఐదు టీ20లు (హైదరాబాద్‌) డిసెంబర్‌ 1, 3 తేదీల్లో జరుగనున్నాయి.   కాగా, అహ్మదాబాద్‌లోని నరేంద్ర మోదీ స్టేడియం వేదికగా ఆస్ట్రేలియాతో జరిగిన ఫైనల్లో టీమిండియా పోరాడి ఓడింది. టాస్‌ ఓడి తొలుత బ్యాటింగ్‌ చేసిన భారత్‌ నామమాత్రపు స్కోర్‌కే (240) పరిమితమైనప్పటికీ.. బౌలింగ్‌లో రాణించి చివరి వరకు పోరాడింది. ట్రవిస్‌ హెడ్‌ (137) చిరస్మరణీయ శతకంతో ఆసీస్‌ గెలుపు అంచుల వరకు తీసుకెళ్లాడు. లబూషేన్‌ (58 నాటౌట్‌) సహకారంతో భారత్‌కు గెలుపును దూరం చేశాడు. వీరిద్దరు నాలుగో వికెట్‌కు 192 పరుగలు భాగస్వామ్యాన్ని నమోదు చేసి ఆసీస్‌ను గెలిపించారు. భారత బౌలర్లలో బుమ్రా, షమీ, సిరాజ్‌ తలో వికెట్‌ పడగొట్టారు. అంతకుముందు బ్యాటింగ్‌లో రోహిత్‌ శర్మ (47), విరాట్‌ కోహ్లి (54), కేఎల్‌ రాహుల్‌ (66) ఓ మోస్తరుగా రాణించారు. ఆసీస్‌ బౌలర్లు స్టార్క్‌ (3/55), హాజిల్‌వుడ్‌ (2/60), కమిన్స్‌ (2/34), మ్యాక్స్‌వెల్‌ (1/35), జంపా (1/44) కట్టుదిట్టంగా బౌలింగ్‌ చేసి టీమిండియా పతనాన్ని శాశించారు. 

కొద్దిరోజుల్లో 2023కు గుడ్‌బై చెప్పే సమయం ఆసన్నమైంది. దసర పండుగ వరకు వరుస సినిమాలతో సందడి చేసిన  చిత్ర పరిశ్రమ క్రికెట్‌ వరల్డ్‌ కప్‌ కారణంగా పలు సినిమాలు వాయిదా పడుతూ వచ్చాయి. ఎందుకంటే..? క్రికెట్‌, సినిమా రెండూ ప్రేక్షకులను అలరిస్తాయి. క్రికెట్‌ కారణంగా కొన్ని సినిమాలు విడుదల వాయిదా వేసుకుంటే మరికొన్ని అనుకోని కారణాలతో జాప్యం జరుగుతూ వచ్చింది. నిన్నటితో క్రికెట్‌ ప్రపంచం నుంచి ప్రేక్షకులు మెళ్లిగా సినిమా ప్రపంచం వైపు మళ్లుతున్నారు. త్వరలో క్రిస్టమస్‌ పండగ రానుంది... అంతేకాకుండా 2023 సంవత్సరానికి గుడ్‌బై చెప్పే సమయం వచ్చేస్తుంది. ఇలాంటి సమయంలో రానున్న 40 రోజుల్లో విడుదలయ్యే సినిమాలు ఏవి..? ఏడాది చివర్లో భారీ సిక్సర్‌ కొట్టే సినిమా ఏది..? ఇదే క్రమంలో క్లీన్‌ బౌల్డ్‌ అయ్యే మూవీ ఏది..? అనే అప్పుడే లెక్కలు వేస్తున్నారు సినీ అభిమానులు. నవంబర్‌ 24 నుంచి డిసెంబర్‌ 22 వరకు వరసగా విడుదలయ్యే చిత్రాలు ఎన్ని ఉన్నాయో ఒకసారి చూద్దాం. ఆదికేశవతో వస్తున్న వైష్ణవ్‌ తేజ్‌ వైష్ణవ్‌ తేజ్‌, శ్రీలీల జంటగా శ్రీకాంత్‌ ఎన్‌.రెడ్డి తెరకెక్కిస్తున్న చిత్రం 'ఆదికేశవ'. ఎస్‌. నాగవంశీ, సాయి సౌజన్య సంయుక్తంగా ఈ చిత్రాన్ని నిర్మిస్తున్నారు. ఇందులో అపర్ణా దాస్‌, జోజు జార్జ్‌, రాధిక తదితరులు కీలక పాత్రలు పోషిస్తున్నారు. ఈ సినిమా నవంబర్‌ 24న ప్రేక్షకుల ముందుకు రానుంది.  ఈ చిత్రంలో వైష్ణవ్‌, శ్రీలీల రొమాంటిక్‌ లుక్‌తో చూడముచ్చటగా కనిపించారు. మాస్‌ యాక్షన్‌ కథాంశంతో తెరకెక్కుతోన్న ఈ చిత్రంపై  వైష్ణవ్‌ భారీ అంచనాలు పెట్టుకున్నాడు. ఇందులో రుద్ర అనే పాత్రలో వైష్ణవ్‌ కనిపిస్తే... వజ్ర కాళేశ్వరి దేవిగా అపర్ణా దాస్‌ కనిపించనుంది. ఈ సినిమాకి సంగీతం జి.వి.ప్రకాష్‌ కుమార్‌ అందిస్తున్నారు. 'కోట బొమ్మాళి పీఎస్‌'లో శివాని రాజశేఖర్‌ లింగి లింగి లింగిడి... పాట వల్ల 'కోట బొమ్మాళి పీఎస్‌' సినిమా గురించి విడుదలకి ముందే హైప్‌ క్రియేట్‌ అయింది. తల్లిదండ్రులు జీవిత, రాజశేఖర్‌ల నట వారసత్వాన్ని పుణికి పుచ్చుకున్న శివాని ఇందులో ప్రధాన పాత్రలో కనిపించనుంది.  శ్రీకాంత్‌, రాహుల్‌ విజయ్‌, వరలక్ష్మి శరత్‌కుమార్‌ కీలక పాత్రలు పోషించిన ఈ చిత్రాన్ని గీతా ఆర్ట్స్‌ 2 పతాకంపై బన్నీ వాస్‌, విద్య కొప్పినీడి నిర్మించారు. నవంబర్‌ 24న ఈ చిత్రం విడుదల కానుంది. మలయాళంలో సూపర్‌ హిట్‌ అయిన  'నాయట్టు' చిత్రానికి  రీమేక్‌గా దీనిని తెరకెక్కించారు. క్రూరమైన యానిమల్‌గా రణ్‌బీర్‌ రణ్‌బీర్‌ కపూర్‌ - రష్మిక జంటగా నటించిన చిత్రం 'యానిమల్‌'. పాన్‌ ఇండియా రేంజ్‌లో తెరకెక్కిన ఈ చిత్రానికి తెలుగు డైరెక్టర్‌ సందీప్‌రెడ్డి వంగా దర్శకత్వం వహించారు. విభిన్నమైన కథతో యాక్షన్‌ థ్రిల్లర్‌గా ఈ చిత్రాన్ని తెరకెక్కించినట్లు తెలుస్తోంది. డిసెంబర్‌ 1న ప్రపంచవ్యాప్తంగా ప్రేక్షకుల ముందుకు రానుంది. ఈ సినిమా రన్‌టైమ్‌ దాదాపు 3.20 గంటలు ఉండనుందని టాక్‌ వస్తుంది. కానీ అధికారికంగా ప్రకటన రాలేదు. హ్యట్రిక్‌పై కన్నేసిన షారుక్‌ ఖాన్‌ సోషల్‌ మీడియాలో ఎక్కువగా వినిపిస్తున్న సినిమా పేర్లలో 'డంకీ' చిత్రం టాప్‌లో ఉంది. రాజ్‌కుమార్‌ హిరాణీ దర్శకత్వంలో షారుక్‌ ఖాన్‌ ఇందులో నటిస్తున్నాడు. ఈ ఏడాదిలో ఇప్పటికే వరుసగా రెండు సూపర్‌ హిట్‌ సినిమాలతో ఫుల్‌జోష్‌లో ఉన్న షారుక్‌ ఈ చిత్రం కోసం ఆసక్తిగా ఎదురుచూస్తున్నారు. పఠాన్‌, జవాన్‌ రెండు చిత్రాలు రూ.1000 కోట్ల క్లబ్‌లో చేరిపోయాయి. డంకీ చిత్రం ద్వారా సూపర్‌ హిట్‌ కొట్టి ఈ ఏడాదిలో హ్యాట్రిక్‌ కొట్టాలని షారుక్‌ ఉన్నారు. డిసెంబర్‌ 22న ఈ చిత్రం సలార్‌తో పోటీకి దిగనుంది. చివర్లో దిగుతున్న డైనోసార్‌ (సలార్‌) భారతీయ చలన చిత్ర పరిశ్రమలో భారీ అంచనాలతో విడుదలకు రెడీగా ఉన్న చిత్రం సలార్‌.. పాన్‌ ఇండియా స్టార్‌ ప్రభాస్‌,  ప్రశాంత్‌ నీల్‌ దర్శకత్వంలో సలార్‌ తెరకెక్కింది.  ఈ భారీ యాక్షన్‌ థ్రిల్లర్‌ చిత్రం ఇప్పటికే ఒకసారి వాయిదా పడి క్రిస్టమస్‌ కానుకగా డిసెంబర్‌ 22న విడుదల కానుంది. ఈ ఏడాది చివర్లో భారీ బడ్జెట్‌ చిత్రంగా సలార్‌ ఉంది. లైన్లో ఉన్న నాని, నితిన్‌, విష్వక్‌సేన్‌ ఈ చిత్రాలతో పాటు మరికొన్ని ఆసక్తకరమైన చిత్రాలు డిసెంబర్‌ నెలలో విడుదల కానున్నాయి. డిసెంబర్‌  7న నాని చిత్రం 'హాయ్‌ నాన్న'  ప్రేక్షకుల ముందుకు రానుంది. డిసెంబర్‌ 8న ఏకంగా మూడు చిత్రాలు విడుదలకు రెడీగా ఉన్నాయి. వరుణ్‌తేజ్‌- 'ఆపరేషన్‌ వాలంటైన్‌', విష్వక్‌సేన్‌- 'గ్యాంగ్స్‌ ఆఫ్‌ గోదావరి',  నితిన్‌- 'ఎక్స్‌ట్రా ఆర్డినరీమేన్‌' ఉన్నాయి. ఈ మూడు సినిమాలూ ఒకే రోజు ప్రేక్షకుల ముందుకు వచ్చే ఛాన్స్‌ ఉంది.

వన్డే వరల్డ్‌కప్‌ 2023 ఫైనల్లో  ఆస్ట్రేలియా టీమిండియాను ఓడించి ఆరోసారి జగజ్జేతగా నిలిచిన విషయం తెలిసిందే. పాట్‌ కమిన్స్‌ కెప్టెన్‌గా తన తొలి వరల్డ్‌కప్‌ సాధించి, ఓ వినూత్న ఘనత సాధించాడు. పెళ్లైన మరుసటి ఏడాదే వన్డే ప్రపంచకప్‌ గెలిచిన కెప్టెన్‌గా దిగ్గజాల సరసన చేరాడు. గతంలో రికీ పాంటింగ్‌ (2003), మహేంద్ర సింగ్‌ ధోని (2011), ఇయాన్‌ మోర్గన్‌లు (2019) పెళ్లైన మరుసటి ఏడాదే ప్రపంచకప్‌ సాధించిన ఆటగాళ్లుగా అరుదైన గుర్తింపు దక్కించుకున్నారు. తాజాగా కమిన్స్‌ వీరి సరసన చేరి అరుదైన ఘనతను తన పేరిట లిఖించుకున్నాడు.   Who should get married in 2026?🤔 pic.twitter.com/RtVJ8PGUuf — CricTracker (@Cricketracker) November 20, 2023 కాగా, అహ్మదాబాద్‌లోని నరేంద్ర మోదీ స్టేడియం వేదికగా ఆస్ట్రేలియాతో జరిగిన ఫైనల్లో టీమిండియా పోరాడి ఓడింది. టాస్‌ ఓడి తొలుత బ్యాటింగ్‌ చేసిన భారత్‌ నామమాత్రపు స్కోర్‌కే (240) పరిమితమైనప్పటికీ.. బౌలింగ్‌లో రాణించి చివరి వరకు పోరాడింది. ట్రవిస్‌ హెడ్‌ (137) చిరస్మరణీయ శతకంతో ఆసీస్‌ గెలుపు అంచుల వరకు తీసుకెళ్లాడు. లబూషేన్‌ (58 నాటౌట్‌) సహకారంతో భారత్‌కు గెలుపును దూరం చేశాడు. వీరిద్దరు నాలుగో వికెట్‌కు 192 పరుగలు భాగస్వామ్యాన్ని నమోదు చేసి ఆసీస్‌ను గెలిపించారు. భారత బౌలర్లలో బుమ్రా, షమీ, సిరాజ్‌ తలో వికెట్‌ పడగొట్టారు. అంతకుముందు బ్యాటింగ్‌లో రోహిత్‌ శర్మ (47), విరాట్‌ కోహ్లి (54), కేఎల్‌ రాహుల్‌ (66) ఓ మోస్తరుగా రాణించారు. ఆసీస్‌ బౌలర్లు స్టార్క్‌ (3/55), హాజిల్‌వుడ్‌ (2/60), కమిన్స్‌ (2/34), మ్యాక్స్‌వెల్‌ (1/35), జంపా (1/44) కట్టుదిట్టంగా బౌలింగ్‌ చేసి టీమిండియా పతనాన్ని శాశించారు.   

వన్డే వరల్డ్‌కప్‌ 2023 ఫైనల్లో ఆస్ట్రేలియా భారత్‌ను 6 వికెట్ల తేడాతో ఓడించి, ఆరోసారి జగజ్జేతగా నిలిచిన విషయం తెలిసిందే. ఈ మ్యాచ్‌లో ట్రవిస్‌ హెడ్‌ (137) చిరస్మరణీయ శతకంతో 140 కోట్ల భారతీయుల గుండెలను ముక్కలు చేశాడు. తొలుత బ్యాటింగ్‌ చేసిన భారత్‌ తక్కువ స్కోర్‌కే (240) పరిమితమైనప్పటికీ.. ఆరంభంలో బౌలర్లు అద్భుతంగా బౌలింగ్‌ చేసి గెలుపుపై ఆశలు రేకెత్తించారు. Mitchell Marsh with the World Cup. pic.twitter.com/n2oViCDgna — Mufaddal Vohra (@mufaddal_vohra) November 20, 2023 అయితే హెడ్‌.. లబూషేన్‌ (58 నాటౌట్‌) సహకారంతో భారత్‌కు గెలుపును దూరం చేశాడు. మ్యాచ్‌ అనంతరం ఆసీస్‌ సంబురాలు మినహా నరేంద్ర మోదీ స్టేడియంలో నిశబ్దం ఆవహించింది. ఆసీస్‌ ఆటగాళ్లు తమ జీవితాల్లో అపురూపమైన క్షణాలను ఆస్వాదించారు. హెడ్‌, లబూషేన్‌, మ్యాక్స్‌వెల్‌, కమిన్స్‌ ఇలా.. ప్రతి ఒక్క ఆసీస్‌ ఆటగాడు విజయ గర్వంతో ఊగిపోయారు. అయితే ఒక్క ఆసీస్‌ ఆటగాడి విజయదరహాసం మాత్రం శృతి మించింది.  2015 ఎడిషన్‌ ఫైనల్లోనూ ఆసీస్‌ గెలుపులో భాగమైన మిచెల్‌ మార్ష్‌ భారత్‌పై విజయానంతరం వరల్డ్‌కప్‌ ట్రోఫీని అగౌరవపరిచాడు. జగజ్జేతగా నిలిచామన్న గర్వంతో అతను మితిమీరి ప్రవర్తించాడు. మ్యాచ్‌ అనంతరం బీర్‌ తాగుతూ వరల్డ్‌కప్‌ ట్రోఫీపై కాళ్లు పెట్టి ఫోటోలకు పోజులిచ్చాడు. ఈ ఫోటో ప్రస్తుతం నెట్టింట వైరలవుతుంది. క్రికెట్‌ అభిమానులు మార్ష్‌ అనుచిత ప్రవర్తనను తప్పుబడుతున్నారు. మతి తప్పినదా ఏంటి అంటూ తూర్పారబెడుతున్నారు. ప్రతి క్రికెటర్‌ ఎంతో అపురూపంగా భావించే వరల్డ్‌కప్‌ ట్రోఫీకి ఇచ్చే మర్యాద ఇదేనా అంటూ మండిపడుతున్నారు. ఎంత గెలిస్తే మాత్రం ఇంత అహం పనికిరాదంటూ గడ్డి పెడుతున్నారు.  

క్రికెట్‌ వరల్డ్‌ కప్‌ ఆఖరి పోరాటంలో 6 వికెట్ల తేడాతో భారత్‌ను ఓడించి ప్రపంచ విజేతగా ఆస్ట్రేలియా నిలిచింది. మ్యాచ్‌ ప్రారంభం నుంచే సంపూర్ణ ఆధిపత్యాన్ని ప్రదర్శించిన కంగారూ జట్టు.. ఎక్కడా కూడా తడబాటు పడకుండా తమ ప్లాన్‌ను అమలుచేసింది. దీంతో దేశంలోని కోట్లాది మంది అభిమానుల ఆశలకు గండి పడింది. 2003 తర్వాత అదే జట్టుతో ఫైనల్‌ ఫైట్‌ మళ్లీ ఎదురైంది.. అప్పటి ఓటమి లెక్కలు సరిచేసి ఇప్పుడు గెలిచి రివేంజ్‌ తీర్చుకుంటారనుకుంటే...  మరోసారి గుండెకోతను మిగుల్చుతూ భారత ప్రపంచకప్‌ సమరం ఓటమితో ముగిసింది.  భారత్‌ ఓటమితో విరాట్‌ కోహ్లీ తీవ్రమైన నిరుత్సాహానికి గురైయాడు.. ఆ సమయంలో విరాట్‌కు ఆయన సతీమణి, బాలీవుడ్‌ హీరోయిన్‌  ఆనుష్క శర్మ అండగా నిలబడింది. విరాట్‌ను దగ్గరకు తీసుకుని ఎంతో ఉద్వేగంతో కౌగిలించుకుని ఓదార్చింది. ఆ ఫోటోలు సోషల్‌ మీడియాలో వైరల్‌ అవుతున్నాయి. టీమ్ ఇండియా ఓటమి తర్వాత అనుష్క కూడా గుండె పగిలినట్లు కనిపించింది. అయితే, మ్యాచ్ తర్వాత ఆమె భర్త విరాట్‌కు పూర్తి మద్దతుగా నిలిచి ధైర్యాన్ని నింపేలా ఓదార్చింది.నెటిజన్లు ఈ జంటపై ప్రేమను కురిపిస్తున్నారు.  అసలైన ప్రేమ అంటే ఇదే అంటూ కామెంట్లు చేస్తున్నారు. ఇలాంటి సమయంలో భర్తకు ఇలా సపోర్ట్‌ చేయడం ఎంతో అవసరమని మరోకరు తెలిపారు. బాలీవుడ్‌ నటి అనుష్క విరాట్‌కు మద్దతు ఇచ్చే విధానం క్రికెట్‌,సినీ అభిమానులను ఆకట్టుకుంటుంది. ప్రపంచకప్ ఫైనల్స్‌లో భారత్‌ ఓటమిని పలువురు సెలబ్రిటీలు కూడా  జట్టుకు తమ తిరుగులేని మద్దతును తెలిపారు. షారుక్‌ ఖాన్‌ కాజోల్, అభిషేక్ బచ్చన్, వివేక్ ఒబెరాయ్, ఆయుష్మాన్ ఖురానా . ప్రతి ఒక్కరూ భారత్ ఓటమిపై తమ బాధను వ్యక్తం చేశారు. అయితే టోర్నమెంట్‌లో భారత జట్టు ప్రదర్శనను ప్రశంసించారు. అనుష్క శర్మ తదుపరి చిత్రం 'చక్దా ఎక్స్‌ప్రెస్‌' (Chakda 'Xpress) చిత్రంతో చాలా రోజుల తర్వాత మళ్లీ తెరపైకి రానుంది. భారత మాజీ క్రికెటర్‌ ఝులన్‌ గోస్వామి జీవితం ఆధారంగా తెరకెక్కిన ఈ సినిమా స్పోర్ట్స్‌ డ్రామాగా తెరకెక్కనుంది. ప్రోసిత్ రాయ్ దర్శకత్వం వహింస్తున్నారు. What a tragedy! @AnushkaSharma and @theathiyashetty must be devastated beyond words. Life's just so unfair, isn't it? 😔 pic.twitter.com/WcIBMJnUUH — ⚡ai_Prabha⚡ (@_Prabhas2K01) November 19, 2023

వన్డే వరల్డ్‌కప్‌ 2023లో భాగంగా నిన్న జరిగిన రెండో సెమీఫైనల్లో ఆస్ట్రేలియా.. సౌతాఫ్రికాను 3 వికెట్ల తేడాతో ఓడించింది. ఈ మ్యాచ్‌లో సౌతాఫ్రికా తొలుత బ్యాటింగ్‌ చేస్తూ తక్కువ స్కోర్‌ (212) చేసినప్పటికీ.. ఆసీస్‌కు అంత సులువుగా విజయాన్ని దక్కనీయలేదు. ప్రొటిస్‌ బౌలర్లు కట్టుదిట్టంగా బౌలింగ్‌ చేసి 7 వికెట్లు పడగొట్టడమే కాకుండా 48వ ఓవర్‌ వరకు మ్యాచ్‌ను తీసుకెళ్లారు. ఆఖర్లో కమిన్స్‌ (14 నాటౌట్‌), స్టార్క్‌ (16 నాటౌట్‌) బాధ్యతాయుతంగా ఆడి ఆసీస్‌ను విజయతీరాలకు చేర్చారు. ఫలితంగా ఆసీస్‌ ఎనిమిదో సారి ప్రపంచకప్‌ ఫైనల్‌కు చేరింది. ఆసీస్‌ చేతిలో పోరాడి ఓడిన దక్షిణాఫ్రికా ఐదోసారి సెమీస్‌ గండాన్ని దాటలేక ఇంటిబాట పట్టింది. మ్యాచ్‌ అనంతరం లూజింగ్‌ కెప్టెన్‌ టెంబా బవుమా మాట్లాడుతూ ఇలా అన్నాడు. మరోసారి సెమీస్‌లో ఓడినందుకు బాధగా ఉంది. మాటల్లో చెప్పలేను. ముందుగా ఆస్ట్రేలియాకు అభినందనలు. ఫైనల్‌ కోసం వారికి శుభాకాంక్షలు. వారు ఈ రోజు అద్భుతంగా ఆడారు. మేము బ్యాట్‌తో, బంతితో ప్రారంభించిన విధానం బాగా లేదు. అక్కడే మ్యాచ్‌ను కోల్పోయాం. పరిస్థితులకు వారి నాణ్యమైన బౌలింగ్‌ అటాక్‌ తోడైంది. దీంతో వారు మమ్మల్ని ఒత్తిడిలోకి నెట్టేశారు. 24 పరుగులకే 4 వికెట్లు కోల్పోతే భారీ స్కోర్‌ సాధించడం చాలా కష్టం. అయినా మిల్లర్ (101), క్లాసెన్ (47) అద్భుతంగా ఆడి ఫైటింగ్‌ టోటల్‌ను ఇచ్చారు. వరల్డ్‌కప్‌ సెమీఫైనల్లో మిల్లర్‌ ఇలాంటి ఇన్నింగ్స్‌ ఆడి తన స్థాయిని మరింత పెంచుకున్నాడు. ఛేదనలో ఆసీస్‌కు మంచి ఆరంభం లభించింది. అదే మా కొంపముంచింది. మార్క్రమ్, మహారాజ్ అద్భుతంగా బౌలింగ్‌ చేసి వారిని ఒత్తిడిలోకి నెట్టారు. మాకూ అవకాశాలు వచ్చాయి. అయితే మేము వాటిని ఒడిసిపట్టుకోలేకపోయాం. కొయెట్జీ గురించి ఎంత చెప్పినా తక్కువే. అతడో యోధుడు. ఇతర సీమర్లతో కాని పనిని కొయెట్జీ ఈ రోజు చేసి చూపించాడు. అతడు తీసిన స్మిత్ వికెట్ నమ్మశక్యంగా లేదు. క్వింటన్  టైటిల్‌ గెలచి కెరీర్‌ ముగించాలని కోరుకున్నాడు. దురదృష్టవశాత్తు అలా జరగలేదు. ఫలితం ఎలా ఉన్నా డికాక్‌ దక్షిణాఫ్రికా క్రికెట్‌ దిగ్గజాల్లో ఒకరిగా నిలిచిపోతాడు.

ప్రముఖ భారత క్రికెటర్‌ విరాట్‌ కోహ్లీ సతీమణి బాలీవుడ్‌ నటి అనుష్క శర్మ మెస్మరైజ్‌ ఫోటోలు సోషల్‌ మీడియాలో భారీగా వైరల్‌ అవుతున్నాయి. వన్డే ప్రపంచకప్‌ సెమీఫైనల్‌లో న్యూజిలాండ్‌తో భారత్‌ తలపడుతున్న మ్యాచ్‌ను చూసేందుకు ఆమె ముంబైకి వచ్చింది. ఆట జరుగుతున్నప్పుడు క్రీజ్‌లో విరాట్‌ దుమ్ములేపుతుంటే.. స్టాండింగ్‌లో ఉన్న అనుష్క చప్పట్లు కొడుతూ.. అప్పడప్పుడు విరాట్‌కు ఫ్లయింగ్‌ కిస్‌లు ఇస్తూ సంతోషంగా కనిపించింది. ఆ సమయంలో కెమెరాలు కూడా ఆమెను పదేపదే స్క్రీన్‌పై చూపించాయి.   తాను మైదానంలో వేలాదిమంది మధ్యలో ఉన్నానని సంగతి మర్చిపోయి, ఎంతో ఉత్సాహంతో ఆ సందర్భాన్ని ఎంజాయ్‌ చేసింది. వాంఖడే స్టేడియంలో విరాట్‌ ఆట ఎంత హిట్టో.. ఆ సమయంలో ఉత్సాహంగ కనిపించిన అనుష్క నవ్వులు కూడా అంతే హిట్‌ అయ్యాయి. అప్పుడు అందరి దృష్టి ఆమె డ్రెస్‌పై పడింది. అనుష్క ఈ మ్యాచ్ కోసం కో-ఆర్డ్ సమిష్టిలో అద్భుతంగా కనిపించింది. అనుష్క ప్రస్తుతం ఎక్కువ సినిమాలు చేయకపోవచ్చు, కానీ ఆమె తన స్టైలిష్ ప్రదర్శనలతో తన అభిమానులను ఎలా ఆకర్షించాలో ఖచ్చితంగా తెలుసు. ఆకుపచ్చ పూల డిజైన్‌లతో ఉన్న షర్ట్‌లో ఆమె చాలా అందంగా కనిపించింది. అనుష్క శర్మ దుస్తులు ధృవ్ కపూర్ లేబుల్ నుంచి వచ్చాయి. ఫ్లోరల్ డిజైన్‌తో కూడిన ఆ షర్ట్ ధర రూ.19,500 కాగా షర్ట్, మ్యాచింగ్ షార్ట్‌లతో కూడిన కో-ఆర్డ్ సెట్‌ మొత్తం కావాలంటే రూ. 27,500 అని తెలుస్తోంది. తాజాగా విరాట్‌ చేసిన సెంచరికి ఒక ప్రత్యేకత ఉంది. 50 సెంచరీలతో టాప్‌ ప్లేస్‌లోకి చేరడం.. ఆ సమయంలో అనుష్క ఇచ్చిన ఫ్లయింగ్‌ కిస్‌లు ఇలా అన్నీ ప్రేక్షకులను కట్టిపడేశాయి. దీంతో అనుష్క ధరించిన డ్రెస్‌ ఎంత ఉండవచ్చని సోషల్‌ మీడియాలు భారీగా కామెంట్లు వస్తున్నాయి.

వరల్డ్‌కప్‌ 2023 రెండో సెమీఫైనల్లో ఆస్ట్రేలియా.. సౌతాఫ్రికాను ఓడించి రికార్డు స్థాయిలో ఎనిమిదో సారి ప్రపంచకప్‌ ఫైనల్స్‌కు చేరింది. కోల్‌కతా వేదికగా జరిగిన ఈ లో స్కోరింగ్‌ మ్యాచ్‌లో ఆసీస్‌ 3 వికెట్ల తేడాతో గెలుపొందింది. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన సఫారీలు స్థాయికి తగ్గ ప్రదర్శన కనబర్చలేక 49.4 ఓవర్లలో 21 పరుగులకు ఆలౌటయ్యారు. డేవిడ్‌ మిల్లర్‌ సెంచరీతో (101) సత్తా చాటగా.. క్లాసెన్‌ 47 పరుగులు చేసి పర్వాలేదనిపించాడు. అనంతరం స్వల్ప లక్ష్యాన్ని ఛేదించేందు​కు బరిలోకి దిగిన ఆసీస్‌కు విజయం అంత ఈజీగా దక్కలేదు. ప్రొటిస్‌ బౌలర్లు కట్టుదిట్టంగా బౌలింగ్‌ చేసి 7 వికెట్లు పడగొట్టడమే కాకుండా 48వ ఓవర్‌ వరకు మ్యాచ్‌ను తీసుకెళ్లారు. ఆఖర్లో కమిన్స్‌ (14 నాటౌట్‌), స్టార్క్‌ (16 నాటౌట్‌) బాధ్యతాయుతంగా ఆడి జట్టును విజయతీరాలకు చేర్చారు. 62 పరుగులతో పాటు 2 వికెట్లు తీసిన ట్రవిస్‌ హెడ్‌కు మ్యాన్‌ ఆఫ్‌ ద మ్యాచ్‌ అవార్డు లభించింది. మ్యాచ్‌ అనంతరం విన్నింగ్‌ కెప్టెన్‌ కమిన్స్‌ మాట్లాడుతూ ఇలా అన్నాడు. డగౌట్‌లో కూర్చోవడం కంటే క్రీజ్‌లో ఉండటమే తేలిక అనిపించింది. రెండు గంటలపాటు మ్యాచ్‌ రసవత్తరంగా సాగింది. అంతంగా ఫలితం అనుకూలంగా రావడం సంతోషంగా ఉంది. స్టార్క్, హాజిల్‌వుడ్ ఊహించని విధంగా అద్భుతంగా బౌలింగ్‌ చేశారు. స్పిన్‌ అనుకూలిస్తుందనుకున్న పిచ్‌పై వారు చెలరేగిపోయారు. ఈ మ్యాచ్‌లో మా ఫీల్డింగ్‌ అత్యద్భుతంగా ఉంది. టోర్నీ ఆరంభంలో మేము ఈ విభాగంలో చాలా బలహీనంగా ఉండి మ్యాచ్‌లు చేజార్చుకున్నాం. 37 ఏళ్ల వయసులోనూ వార్నర్‌ మైదానంలో పాదరసంలా కదులుతున్నాడు. ఈ రోజు ట్రవిస్ హెడ్‌ది.  మిడిల్ ఓవర్లలో కీలక వికెట్లు పడగొట్టడంతో పాటు అమూల్యమైన పరుగులు మెరుపు వేగంతో చేశాడు. నాణ్యమైన సఫారీ స్పిన్నర్లను హెడ్‌ అద్భుతంగా ఎదుర్కొన్నాడు. మాలో కొద్దిమందికి ఇదివరకే వన్డే వరల్డ్‌కప్‌ ఫైనల్స్‌ ఆడిన అనుభవం ఉంది. కొంతమంది టీ20 ప్రపంచకప్ ఫైనల్ ఆడారు. మరోసారి ఫైనల్‌కు చేరినందుకు ఆనందంగా ఉంది. భారత్‌తో ఫైనల్‌ ఇంకా ప్రత్యేకం. ఫైనల్‌ మ్యాచ్‌లో అహ్మదాబాద్‌ స్టేడియం మొత్తం నిండిపోతుంది. ప్రేక్షకులు భారత్‌కు ఏకపక్షంగా మద్దతు ఇస్తారు. అలాంటి వాతావరణం ఊహించుకుంటేనే చాలా గొప్ప అనుభూతి కలుగుతుంది.  

వన్డే వరల్డ్‌కప్‌ 2023లో భాగంగా ఆస్ట్రేలియాతో నిన్న జరిగిన రెండో సెమీఫైనల్లో సౌతాఫ్రికా 3 వికెట్ల తేడాతో ఓటమిపాలై ఐదోసారి సెమీస్‌ గండాన్ని దాటలేక ఇంటిబాట పట్టింది. ఈ ఎడిషన్‌ ప్రారంభం నుంచి అద్బుతమైన ఆటతీరు కనబర్చి వరుస విజయాలు సాధించిన సఫారీలు.. సెమీస్‌లో స్థాయికి తగ్గ ప్రదర్శన చేయలేక చతికిలపడ్డారు. లీగ్‌ దశ మొత్తంలో ఇరదీసిన సౌతాఫ్రికా బ్యాటర్లు​ నిన్నటి నాకౌట్‌ మ్యాచ్‌లో చేతులెత్తేశారు. టోర్నీ టాప్‌ 10 రన్‌ స్కోరర్ల జాబితాలో ఉన్న డికాక్‌, డస్సెన్‌, మార్క్రమ్‌ ఆసీస్‌తో మ్యాచ్‌లో దారుణంగా విఫలమయ్యారు. డికాక్‌ 3, డస్సెన్‌ 6, మార్క్రమ్‌ 10 పరుగులు చేసి ఔటయ్యారు.  ఆసీస్‌ చేతిలో సౌతాఫ్రికా ఓడినప్పటికీ.. క్వింటన్‌ డికాక్‌ మాత్రం ఓ అరుదైన ఘనత సాధించాడు. నిన్నటి మ్యాచ్‌తో వన్డే క్రికెట్‌కు వీడ్కోలు పలికిన డికాక్‌ తన కెరీర్‌ ఆఖరి మ్యాచ్‌తో వరల్డ్‌కప్‌ రికార్డు నెలకొల్పాడు. ఈ ప్రపంచకప్‌లో 10 మ్యాచ్‌ల్లో 4 సెంచరీల సాయంతో 594 పరుగులు చేసి విరాట్‌ కోహ్లి (10 మ్యాచ్‌ల్లో 711 పరుగులు) తర్వాత సెకెండ్‌ లీడింగ్‌ రన్‌స్కోరర్‌గా నిలిచిన డికాక్‌.. ఈ ఎడిషన్‌లో 20 క్యాచ్‌లు కూడా పట్టి ప్రపంచకప్‌ చరిత్రలో 500 ప్లస్‌ పరుగులు, 20 క్యాచ్‌లు పట్టిన తొలి వికెట్‌ కీపర్‌ బ్యాటర్‌గా ఎవరికీ సాధ్యంకాని రికార్డును సాధించాడు. అలాగే ఓ సింగిల్‌ వరల్డ్‌కప్‌ ఎడిషన్‌లో గిల్‌క్రిస్ట్‌ (2003లో 21 క్యాచ్‌లు), టామ్‌ లాథమ్‌ (2019లో 21 క్యాచ్‌లు), అలెక్స్‌ క్యారీ (2019లో 20 క్యాచ్‌లు) తర్వాత అత్యధిక క్యాచ్‌లు (2023లో 20 క్యాచ్‌లు) అందుకున్న వికెట్‌కీపర్‌గా రికార్డుల్లోకెక్కాడు.  ఇదిలా ఉంటే, రెండో సెమీస్‌లో సౌతాఫ్రికాపై గెలవడంతో ఆస్ట్రేలియా ఎనిమిదో సారి ప్రపంచకప్‌ ఫైనల్స్‌కు చేరింది. అంతకుముందు జరిగిన తొలి సెమీఫైనల్లో భారత్‌.. న్యూజిలాండ్‌ను 70 పరుగుల తేడాతో ఓడించి నాలుగోసారి ఫైనల్‌కు చేరింది.  అహ్మదాబాద్‌ వేదికగా భారత్‌-ఆసీస్‌ల మధ్య నవంబర్‌ 19న వరల్డ్‌కప్‌ ఫైనల్‌ జరుగనుంది.   

టీమిండియాకు భారీ షాక్‌ తగిలింది. వన్డే వరల్డ్‌కప్‌ 2023లో భాగంగా బంగ్లాదేశ్‌తో జరిగిన లీగ్‌ మ్యాచ్‌ సందర్భంగా గాయపడిన (చీలమండ గాయం) స్టార్‌ ఆల్‌రౌండర్‌ హార్ధిక్‌ పాండ్యా వరల్డ్‌కప్‌ అనంతరం భారత్‌ ఆడబోయే ఆస్ట్రేలియా, సౌతాఫ్రికా సిరీస్‌లకు దూరం కానున్నాడు. హార్థిక్‌ గాయానికి శస్త్రచికిత్స చేయాలని డాక్టర్లు సూచించినట్లు తెలుస్తుంది. అతను గాయం నుంచి పూర్తిగా కోలుకునేందుకు రెండు నెలల సమయం పట్టవచ్చని సమాచారం. ఈ మధ్యలోనే భారత్‌ స్వదేశంలో ఆస్ట్రేలియాతో, సౌతాఫ్రికాను వారి గడ్డపై ఢీకొట్టాల్సి ఉంది.  కాగా, వరల్డ్‌కప్‌ అనంతరం నవంబర్‌ 23 నుంచి భారత్‌ స్వదేశంలో ఆస్ట్రేలియాతో ఐదు మ్యాచ్‌ల టీ20 సిరీస్‌ ఆడనుంది. అనంతరం డిసెంబర్‌ 10 నుంచి 2024 జనవరి 7 వరకు సౌతాఫ్రికాతో 3 వన్డేలు, 3 టీ20లు, 2 టెస్ట్‌ మ్యాచ్‌ల సిరీస్‌ ఆడనుంది.  ఇదిలా ఉంటే, ప్రస్తుతం జరుగుతున్న వన్డే వరల్డ్‌కప్‌ ఫైనల్‌ బెర్త్‌లు ఖరారైన విషయం తెలిసిందే. నిన్న సౌతాఫ్రికాతో జరిగిన రెండో సెమీఫైనల్లో ఆస్ట్రేలియా 3 వికెట్ల తేడాతో గెలుపొంది తుది పోరుకు అర్హత సాధించింది. అంతకుముందు భారత్‌.. న్యూజిలాండ్‌ను 70 పరుగుల తేడాతో ఓడించి ఫైనల్‌కు చేరింది.

వన్డే వరల్డ్‌కప్‌ 2023లో భాగంగా న్యూజిలాండ్‌తో జరిగిన తొలి సెమీఫైనల్లో టీమిండియా ఆటగాడు విరాట్‌ కోహ్లి 50 వన్డే సెంచరీలు పూర్తి చేసి చరిత్ర సృష్టించిన విషయం తెలిసిందే. విరాట్‌ ఈ ఘనత సాధించిన అనంతరం అతని భార్య, బాలీవుడ్‌ నటి అనుష్క శర్మ తీవ్ర భావోద్వేగానికి లోనైంది. అనుష్క శర్మ తన ఇన్‌స్టాగ్రామ్‌ స్టోరీలో ఇలా రాసుకొచ్చింది.  ‘దేవుడు ఉత్తమ స్క్రిప్ట్‌ రైటర్‌ కోహ్లి! నీ తలరాతను గొప్పగా రాశాడు. నీ ప్రేమను దక్కించుకున్న నేను దేవుడికి కృతజ్ఞతలు తెలుపుతున్నాను. నిన్ను చూస్తుంటే, నీ ప్రదర్శనను గమనిస్తుంటే నాకనిపిస్తుంది. ఆడేకొద్దీ, పెరిగే కొద్దీ నీ సత్తా సామర్థ్యం పెరుగుతోంది. ఆటకోసం నిరంతరం నిజాయితీగా శ్రమించే నీవు నిజంగా దేవుడి బిడ్డవే’ అంటూ భావోధ్వేగ సందేశాన్ని పోస్ట్‌ చేసింది. ఈ పోస్ట్‌ ప్రస్తుతం నెట్టింట వైరలవుతుంది. ఇదిలా ఉంటే, న్యూజిలాండ్‌తో జరిగిన సెమీఫైనల్లో భారత్‌ 70 పరుగుల తేడాతో గెలుపొంది, నాలుగో సారి వరల్డ్‌కప్‌ ఫైనల్స్‌కు చేరిన విషయం తెలిసిందే. అనంతరం నిన్న జరిగిన రెండో సెమీఫైనల్లో ఆస్ట్రేలియా.. సౌతాఫ్రికాను 3 వికెట్ల తేడాతో ఓడించి ఎనిమిదో సారి ఫైనల్స్‌కు అర్హత సాధించింది. అహ్మదాబాద్‌ వేదికగా భారత్‌-ఆసీస్‌ల మధ్య నవంబర్‌ 19న తుది సమరం జరుగనుంది.

అంతర్జాతీయ క్రికెట్లో సచిన్‌ టెండూల్కర్‌ నెలకొల్పిన 100 సెంచరీల రికార్డునూ బద్దలుకొట్టే సత్తా భారత బ్యాటింగ్‌ కింగ్‌ విరాట్‌ కోహ్లికి ఉందని భారత దిగ్గజం, మాజీ హెడ్‌ కోచ్‌ రవిశాస్త్రి అన్నారు. ప్రస్తుతం విరాట్‌ 50వ శతకంతో వన్డేల్లో సచిన్‌ (49) సెంచరీల రికార్డును చెరిపేశాడు. ఓవరాల్‌గా చూస్తే టెస్టుల్లో 29, టి20ల్లో ఒక సెంచరీ కలుపుకుంటే 80 సెంచరీలతో ఉన్నాడు.  విరాట్‌ 50వ వన్డే సెంచరీ పూర్తి చేసిన అనంతరం శాస్త్రి  ఓ ఇంటర్వ్యూలో మాట్లాడుతూ ‘సచిన్‌ వంద సెంచరీలు చేసినపుడు ఇంతటి గొప్ప మైలురాయి దరిదాపుల్లోనే ఎవరూ రారని అనుకున్నాం. ఇప్పుడు కోహ్లి 80 దాకా వచ్చాడు. విరాట్‌లాంటి బ్యాటర్‌కు ఏదీ అసాధ్యం కాదు.  శతక్కొట్టడం మొదలు పెడితే కొడుతూనే ఉంటారు. చూడండి అతని తదుపరి 10 ఇన్నింగ్స్‌ల్లో ఐదు సెంచరీలు గ్యారంటీ! పైగా తను మూడు ఫార్మాట్లు ఆడుతున్నాడు. ప్రతి ఫార్మాట్‌లోనూ అదే నిబద్ధత, అంకితభావాన్ని కనబరుస్తున్నాడు. అతని కెరీర్‌లో ఇంకా మూణ్నాలుగేళ్ల ఆట మిగిలుంది. ఒత్తిడిని అధిగమించే సామర్థ్యం, పరిస్థితులకు అలవాటు పడే నైజం, అంతకుమించి పూర్తి ఫిట్‌నెస్‌ అతన్ని అసాధారణ క్రికెటర్‌గా నిలబెడుతోంది’ అని అన్నారు.  జట్టుకు తనెంత కీలకమో కోహ్లికి బాగా తెలుసు: బ్యాటింగ్‌ కోచ్‌ విక్రమ్‌ రాథోడ్‌   భారత జట్టులో తన పాత్ర ఎంత కీలకమో... తన భుజాలపై ఎంతటి గురుతర బాధ్యతలున్నాయో కోహ్లికి బాగా తెలుసని కోచ్‌లెవరూ అతనికి ప్రత్యేకించి చెప్పాల్సిన అవసరం లేదని బ్యాటింగ్‌ కోచ్‌ విక్రమ్‌ రాథోడ్‌ వివరించారు. ‘విరాట్‌ సన్నాహాలకు సాయమందిస్తాం. అంతేతప్ప కోచింగ్‌ పాఠాలు చెప్పాల్సిన పనేం రాదు.  అతనికేమైనా కావాలంటే తనే వచ్చి అడుగుతాడు. ప్రాక్టీస్‌ అయినా... ఆటయినా అతనికే వదిలేస్తాం. ఎప్పుడు ఎలా ఆడాలో కోహ్లికే బాగా తెలుసు. నిజం చెప్పాలంటే ఎన్ని సెంచరీలు చేసినా, ఎన్ని మైలురాళ్లు దాటినా అతని పరుగుల ఆకలి తీరనే తీరదు. బౌలర్లలో షమీ పేస్‌ అద్భుతం. అందుకే అతను స్పెషల్‌ బౌలర్‌. అయినప్పటికీ ఆరంభంలో కొన్ని మ్యాచ్‌లకు పక్కనబెట్టడానికి కారణం జట్టు కాంబినేషనే తప్ప అతని సమర్థతపై ఏ సంకోచం లేదు’ అని అన్నారు. ఇదిలా ఉంటే, భారత్‌-ఆస్ట్రేలియా జట్లు రెండో సారి వరల్డ్‌కప్‌ ఫైనల్లో అమీతుమీ తేల్చుకోనున్న విషయం తెలిసిందే. 20 ఏళ్ల తర్వాత ఈ రెండు జట్లు వరల్డ్‌కప్‌ ఫైనల్లో మరోసారి తలపడనున్నాయి. నాటి ఫైనల్లో ఆసీస్‌.. టీమిండియాపై విజయం సాధించి టైటిల్‌ ఎగరేసుకుపోయింది. మరి ఈ సారి ఏమవుతుందో తేలాలంటే నవంబర్‌ 19 రాత్రి వరకు వేచి చూడాలి. 

వన్డే వరల్డ్‌కప్‌ 2023 ఫైనల్‌ బెర్త్‌లు ఖరారయ్యాయి. అహ్మదాబాద్‌ వేదికగా నవంబర్‌ 19న భారత్‌, ఆస్ట్రేలియా మధ్య తుది సమరం జరుగనుంది. నిన్న (నవంబర్‌ 16) సౌతాఫ్రికాతో జరిగిన రెండో సెమీఫైనల్లో ఆస్ట్రేలియా 3 వికెట్ల తేడాతో గెలుపొంది తుది పోరుకు అర్హత సాధించింది. అంతకుముందు భారత్‌.. న్యూజిలాండ్‌ను 70 పరుగుల తేడాతో ఓడించి ఫైనల్‌కు చేరింది. కాగా, వన్డే ప్రపంచకప్‌ చరిత్రలో అవే జట్ల మధ్య ఫైనల్‌ జరగడం ఇది నాలుగో సారి. 1996, 2007 ప్రపంచకప్‌ ఫైనల్స్‌లో ఆ్రస్టేలియా–శ్రీలంక జట్ల మధ్య తుది పోరు జరగ్గా.. ఆస్ట్రేలియా–భారత్‌ జట్ల మధ్య 2003లో తొలిసారి టైటిల్‌ పోరు జరిగింది. 20 ఏళ్ల తర్వాత మళ్లీ ఈ రెండు జట్లు టైటిల్‌ కోసం అమీతుమీ తేల్చుకోనున్నాయి.   ఇదిలా ఉంటే, కోల్‌కతా వేదికగా సౌతాఫ్రికాతో జరిగిన రెండో సెమీఫైనల్లో గెలవడం ద్వారా ఆస్ట్రేలియా ఎనిమిదో సారి వరల్డ్‌కప్‌ ఫైనల్స్‌కు చేరింది. ఈ జట్టు 1975 (రన్నరప్‌), 1987 (విజేత), 1996 (రన్నరప్‌), 2003 (విజేత), 1999 (విజేత), 2007 (విజేత), 2015 (విజేత)లలో  టైటిల్‌ పోరుకు అర్హత సాధించింది. ఇందులో ఐదుసార్లు చాంపియన్‌గా నిలిచి, రెండుసార్లు రన్నరప్‌ తో సంతృప్తి పడింది. సౌతాఫ్రికా విషయానికొస్తే.. ఈ జట్టు ఐదోసారి సెమీస్‌ గండాన్ని గట్టెక్కలేకపోయింది. సఫారీలు తొలిసారి 1992 సెమీస్‌లో ఇంగ్లండ్‌ చేతిలో ఓడిపోగా... 1999, 2007, 2023 ఎడిషన్లలో ఆ్రస్టేలియా చేతిలో, 2015లో న్యూజిలాండ్‌ చేతిలో పరాజయం పాలయ్యారు.

వన్డే వరల్డ్‌కప్‌ 2023లో భాగంగా కోల్‌కతాలోని ఈడెన్‌ గార్డెన్స్‌ వేదికగా ఇవాళ (నవంబర్‌ 16) రెండో సెమీఫైనల్‌ మ్యాచ్‌ జరుగుతుంది. ఈ మ్యాచ్‌లో సౌతాఫ్రికా  టాస్‌ గెలిచి బ్యాటింగ్‌ ఎంచుకుంది.   ఈ మ్యాచ్ కోసం సౌతాఫ్రికా ఓ మార్పు చేసింది. లుంగి ఎంగిడి స్థానంలో తబ్రేజ్‌ షంషి తుది జట్టులోకి వచ్చాడు. ఆసీస్‌ రెండు మార్పులతో బరిలోకి దిగనుంది. స్టోయినిస్‌,సీన్‌ అబాట్‌ల స్థానాల్లో మ్యాక్స్‌వెల్‌, స్టార్క్‌ రీఎంట్రీ ఇచ్చారు.  దక్షిణాఫ్రికా ప్లేయింగ్ XI: క్వింటన్ డికాక్(వికెట్‌కీపర్‌), టెంబా బవుమా(కెప్టెన్‌), రాస్సీ వాన్ డర్ డస్సెన్, ఎయిడెన్ మార్క్రమ్, హెన్రిచ్ క్లాసెన్, డేవిడ్ మిల్లర్, మార్కో జన్సెన్, కేశవ్ మహరాజ్, గెరాల్డ్ కొయెట్జీ, కగిసో రబడ, తబ్రేజ్ షంషి ఆస్ట్రేలియా ప్లేయింగ్ XI: ట్రవిస్ హెడ్, డేవిడ్ వార్నర్, మిచెల్ మార్ష్, స్టీవెన్ స్మిత్, మార్నస్ లబూషేన్‌, గ్లెన్ మాక్స్‌వెల్, జోష్ ఇంగ్లిస్(వికెట్‌కీపర్‌), పాట్ కమిన్స్(కెప్టెన్‌), మిచెల్ స్టార్క్, ఆడమ్ జంపా, జోష్ హాజిల్‌వుడ్

క్రికెట్‌ వరల్డ్‌ కప్‌లో భారత్‌ జైత్రయాత్ర కొనసాగుతుంది. న్యూజిలాండ్‌పై విజయంతో భారత్‌ ఫైనల్‌కు చేరింది. 1983, 2003, 2011, 2023 ఇప్పటికి నాలుగుసార్లు భారత్‌ ఫైనల్‌కు చేరింది. అందులో 1983, 2011లో టైటిల్‌ విన్నర్‌గా నిలిచింది. లీగ్‌ దశలో ఒక్క ఓటమీ లేకుండా ముగించిన టీమిండియా నాకౌట్‌ పోరులోనూ తమ స్థాయిని నిలబెట్టుకుంది. అహ్మదాబాద్‌లో ఆదివారం జరగనున్న ఫైనల్‌ పోరుకు సై అంటూ భారత్‌ రెడీగా ఉంది. న్యూజిలాండ్‌ను ఓడించి ఫైనల్‌కు వెళ్లిన టీమిండియాపై ప్రపంచం మొత్తం శుభాకాంక్షలతో అభినందిస్తుంటే.. పాకిస్తాన్‌ అభిమానులు మాత్రం జీర్ణించుకోలేకపోతున్నారు. టీమిండియాపై ఎప్పుడూ అక్కసు వెళ్లగక్కే పాకిస్తాన్‌ నటి సెహర్‌ షిన్వారీ.. మరోసారి తన వక్ర బుద్ధిని బయటపెట్టింది. గతంలో భారత్‌ను ఓడిస్తే బంగ్లాదేశ్ కుర్రాడితో డేట్ చేస్తానంటూ ఆమె ప్రకటన చేసిన విషయం తెలిసిందే.. టీమిండియా గెలుపు ఆనందంలో ఉంటే తాజాగా ఆమె చేసిన వ్యాఖ్యలు ఇలా ఉన్నాయి. వన్డే ప్రపంచకప్‌ 2023లో భారత్‌ ఫైనల్‌కు వెళ్లడాన్ని అస్సలు జీర్ణించుకోలేకపోతున్నాను అని పాక్‌ నటి సెహర్‌ షిన్వారీ ఎక్స్‌లో ట్వీట్ చేసింది. భారత్ అన్నింటిలోనూ పాకిస్తాన్ కంటే ముందంజలో ఎలా ఉందో తనకు అర్థం కావడం లేదని ఆమె వ్యాఖ్యానించింది. త్వరలోనే బీసీసీఐ, బీజేపీలు సర్వనాశనం కానున్నాయి అంటూ మరోసారి తనలోని ద్వేషాన్ని ఆమె వెల్లగక్కింది. మ్యాచ్‌ ఫిక్స్‌ అయిందని భారత ఆటగాళ్లకు ముందే తెలుసు.. కానీ మ్యాచ్‌లో బాగా ఆడుతున్నట్లు సినిమా వాళ్ల కంటే భారత ఆటగాళ్లే బాగా నటించారు. వాళ్లందరూ కూడా మంచి నటులని ఆమె విమర్శిస్తూ ట్వీట్ చేసింది. ఈ ట్వీట్లు సోషల్‌ మీడియాలో వైరల్ కావడంతో భారత జట్టు అభిమానులు ఆమెపై మండిపడుతున్నారు.  I just can't digest the fact Indian team has reached world cup final again. Why this bloody country is ahead of us in everything 😭 — Sehar Shinwari (@SeharShinwari) November 15, 2023 Bohat jald BCCI aur BJP ka sarvanash hoga✌️ — Sehar Shinwari (@SeharShinwari) November 15, 2023

వన్డే వరల్డ్‌కప్‌ 2023లో భాగంగా కోల్‌కతాలోని ఈడెన్‌ గార్డెన్స్‌ వేదికగా ఇవాళ (నవంబర్‌ 16) జరగాల్సిన రెండో సెమీఫైనల్‌ మ్యాచ్‌కు వర్షం ముప్పు పొంచి ఉందని తెలుస్తుంది. వాతావరణ శాఖ హెచ్చరికల ప్రకారం వర్షం కారణంగా మ్యాచ్‌కు అంతరాయాలు ఏర్పడే అవకాశం ఉందని సమాచారం. ప్రస్తుతానికి ఈడెన్‌ గార్డెన్స్‌లో వర్షం పడనప్పటికీ.. స్టేడియం మొత్తాన్ని కవర్లతో కప్పేశారు. The covers are on at the Eden Gardens. pic.twitter.com/X3gMgFTAFw — Mufaddal Vohra (@mufaddal_vohra) November 16, 2023 ఈ మ్యాచ్‌కు రిజర్వ్‌ డే కూడా ఉంది కాబట్టి, మ్యాచ్‌ ఇవాళ రద్దైనా రేపు జరుగుతుంది. వాతవరణం అప్‌డేట్‌ తెలిసి క్రికెట్‌ అభిమానులు నిరాశ చెందుతున్నారు. ఆస్ట్రేలియా అభిమానులు మరింత కలవరపడుతున్నారు. ఒకవేళ ఏ కారణంగా అయినా మ్యాచ్‌ రద్దైతే మెరుగైన రన్‌రేట్‌ ఉన్న కారణంగా సౌతాఫ్రికా ఫైనల్స్‌కు చేరుకుంటుంది. మ్యాచ్‌కు వరుణుడు అడ్డుతగలకూడదని ఆసీస్‌ అభిమానులు కోరుకుంటున్నారు. కాగా, న్యూజిలాండ్‌తో నిన్న జరిగిన తొలి సెమీఫైనల్లో భారత్‌ 70 పరుగుల తేడాతో విజయం సాధించింది. ఈ మ్యాచ్‌లో కోహ్లి (113 బంతుల్లో 117; 9 ఫోర్లు, 2 సిక్సర్లు), శ్రేయస్‌ (70 బంతుల్లో 105; 4 ఫోర్లు, 8 సిక్సర్లు) అద్బుత శతకాలతో పాటు మొహమ్మద్‌ షమీ (9.5-0-57-7) సూపర్‌ బౌలింగ్‌తో మెరవడంతో భారత్‌ తిరుగలేని విజయం సాధించి, నాలుగోసారి ఫైనల్స్‌కు చేరింది. 

భారత్‌, న్యూజిలాండ్‌ మధ్య నిన్న జరిగిన వరల్డ్‌కప్‌ 2023 సెమీఫైనల్‌ మ్యాచ్‌కు ఎంతో మంది విశిష్ట అతిథులు హాజరయ్యారు. వారిలో ఫుట్‌బాల్‌ దిగ్గజం డేవిడ్‌ బెక్‌హమ్‌ ప్రత్యేక ఆకర్షణగా నిలిచాడు. బెక్‌హమ్‌ యూనిసెఫ్‌ ప్రతినిధి హోదాలో ఇండియాలో పర్యటిస్తున్నాడు. షెడ్యూల్‌లో భాగంగా అతను వరల్డ్‌కప్‌ సెమీఫైనల్‌ మ్యాచ్‌కు హాజరయ్యాడు. ఈ సందర్భంగా బెక్‌హమ్‌.. క్రికెట్‌ గాడ్‌, యూనిసెఫ్‌ ప్రతినిథి అయిన సచిన్‌ టెండూల్కర్‌ను కలిసాడు. వీరిద్దరు చాలా సేపు ముచ్చటించారు. సచిన్‌ ఫుట్‌బాల్‌కు వీరాభిమాని కావడంతో వీరిద్దరి మధ్య కెమిస్ట్రీ బాగా కుదరింది. సచిన్‌, బెక్‌హమ్‌లు క్రికెట్‌, ఫుట్‌బాల్‌కు సంబంధించిన చాలా విషయాలు మాట్లాడుకున్నారు. సచిన్‌ బెక్‌హమ్‌ను ముంబై ప్రేక్షకులకు పరిచయం చేస్తూ వాంఖడే స్టేడియం​ మొత్తం తిప్పాడు. యూనిసెఫ్‌ ప్రతినిధి హోదాలో బెక్‌హమ్‌కు ఐసీసీ గౌరవ వందనం తెలుపుతూ మ్యాచ్‌కు ముందు మైదానంలోకి ఆహ్వానించింది. Fantastic footage 👍 https://t.co/Uh8hM4GFsS — Michael Vaughan (@MichaelVaughan) November 15, 2023 అనంతరం టీమిండియా, కివీస్‌ క్రికెటర్లంతా బెక్‌హమ్‌ను పరిచయం చేసుకున్నారు. బెక్‌హమ్‌ కింగ్‌ విరాట్‌ కోహ్లితో ప్రత్యేకంగా ముచ్చటించాడు. ఈ మొత్తం తంతుకు సంబంధించిన వీడియోను ఐసీసీ సోషల్‌మీడియాలో షేర్‌ చేయగా.. ఇంగ్లండ్‌ మాజీ కెప్టెన్‌ మైఖేల్‌ వాన్‌ దాన్ని రీట్వీట్‌ చేశాడు. ఈ వీడియో నిన్నటి నుంచి నెట్టింట హల్‌చల్‌ చేస్తుంది. కాగా, బెక్‌హమ్‌ ప్రస్తుతం ఇంటర్‌ మయామీ అనే ఫుట్‌బాల్‌ క్లబ్‌కు‌ కో ఓనర్‌గా ఉన్నాడు. ఆల్‌టైమ్‌ గ్రేట్‌, అర్జెంటీనా స్టార్‌ ఫుట్‌బాలర్‌ లియోనల్‌ మెస్సీ ప్రస్తుతం ఈ క్లబ్‌కే ప్రాతినిథ్యం వహిస్తున్నాడు.   ఇదిలా ఉంటే, న్యూజిలాండ్‌తో జరిగిన సెమీఫైనల్లో టీమిండియా 70 పరుగుల తేడాతో విజయం సాధించింది. ఈ మ్యాచ్‌లో కోహ్లి (113 బంతుల్లో 117; 9 ఫోర్లు, 2 సిక్సర్లు), శ్రేయస్‌ (70 బంతుల్లో 105; 4 ఫోర్లు, 8 సిక్సర్లు) అద్బుత శతకాలతో పాటు మొహమ్మద్‌ షమీ (9.5-0-57-7) సూపర్‌ బౌలింగ్‌తో మెరవడంతో భారత్‌ తిరుగలేని విజయం సాధించి, నాలుగోసారి ఫైనల్స్‌కు చేరింది. 

వన్డే వరల్డ్‌కప్‌ 2023లో భాగంగా న్యూజిలాండ్‌తో నిన్న జరిగిన సెమీఫైనల్లో టీమిండియా 70 పరుగుల తేడాతో విజయం సాధించింది. ఈ మ్యాచ్‌లో కోహ్లి (113 బంతుల్లో 117; 9 ఫోర్లు, 2 సిక్సర్లు), శ్రేయస్‌ (70 బంతుల్లో 105; 4 ఫోర్లు, 8 సిక్సర్లు) అద్బుత శతకాలతో పాటు మొహమ్మద్‌ షమీ (9.5-0-57-7) సూపర్‌ బౌలింగ్‌తో మెరవడంతో భారత్‌ తిరుగలేని విజయం సాధించి, నాలుగోసారి ఫైనల్స్‌కు చేరింది.  ఈ మ్యాచ్‌లో భారత బ్యాటర్ల ఘనత పక్కన పెడితే.. బౌలర్‌గా షమీ సాధించిన దాని గురించి ఎంత చెప్పినా తక్కువే అవుతుంది. షమీ షంషేర్‌లా విజృంభించి ఒంటిచేత్తో కివీస్‌ బ్యాటర్ల భరతం పట్టాడు. ఈ మెరుపులు ఈ ఒక్క మ్యాచ్‌కు మాత్రమే పరిమితం కాలేదు. ఈ టోర్నీలో అవకాశం​ వచ్చిన ప్రతిసారి చెలరేగిపోయాడు. జట్టు సమీకరణల కారణంగా టోర్నీ ఆరంభ మ్యాచ్‌ల్లో ఆడని షమీ.. బంగ్లాదేశ్‌తో మ్యాచ్‌లో హార్ధిక్‌ పాండ్యా గాయపడటంతో తుది జట్టులోకి వచ్చాడు. వచ్చీ రావడంతోనే న్యూజిలాండ్‌తో జరిగిన లీగ్‌ మ్యాచ్‌లో 5 వికెట్లతో విజృంభించిన షమీ.. ఆతర్వాత వెనుదిరిగి చూసుకోలేదు. కేవలం 6 మ్యాచ్‌ల్లోనే 23 వికెట్లతో లీడింగ్‌ వికెట్‌టేకర్‌గా కొనసాగుతున్నాడు.   ​  నిన్నటి మ్యాచ్‌లో షమీ సాధించిన ఘనత నేపథ్యంలో కొందరు నెటిజన్లు ఆసక్తికర పోస్ట్‌లు పెడుతున్నారు. హార్ధిక్‌కు థ్యాంక్స్‌ చెప్పాలి.. అతను గాయపడటం వల్లే షమీ తుది జట్టులోకి వచ్చాడు.. హార్ధిక్‌ గాయపడకుండా ఉండివుంటే షమీకి అవకాశం వచ్చేదేనా అని ప్రశ్నిస్తున్నారు. వాస్తవానికి వీరు చేస్తున్న కామెంట్లలోనూ నిజం లేకపోలేదు. హార్ధిక్‌ ఫిట్‌గా ఉండివుంటే షమీకి తుది జట్టులో అవకాశం వచ్చేది కాదు. జట్టు సమీకరణల పేరుతో గతంలో ఏం జరిగిందో అందరికి విధితమే. పేస్‌ బౌలర్ల కోటాలో బుమ్రా, సిరాజ్‌ తమతమ స్థానాలపై కర్ఛీఫ్‌లు వేసుకుని కూర్చున్నారు. హార్దిక్‌ జట్టులో ఉంటే మూడో పేసర్‌గా అతడే కొనసాగుతాడు. షమీ అవకాశం దాదాపుగా రాదు. పేస్‌ బౌలింగ్‌ ఆల్‌రౌండర్‌గా హార్దిక్‌ ఉంటే, జట్టు మేనేజ్‌మెంట్‌ అదనపు స్పిన్నర్‌ లేదా బ్యాటర్‌ వైపే చూస్తుంది. వరల్డ్‌కప్‌ ముందు వరకు చాలా మ్యాచ్‌ల్లో ఇదే జరిగింది.  

వన్డే వరల్డ్‌కప్‌ 2023లో భాగంగా ముంబై వేదికగా న్యూజిలాండ్‌తో నిన్న (నవంబర్‌ 15) జరిగిన తొలి సెమీఫైనల్లో టీమిండియా 70 పరుగుల తేడాతో విజయం సాధించి, నాలుగో సారి ఫైనల్స్‌కు చేరింది. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన భారత్‌.. కోహ్లి (113 బంతుల్లో 117; 9 ఫోర్లు, 2 సిక్సర్లు), శ్రేయస్‌ (70 బంతుల్లో 105; 4 ఫోర్లు, 8 సిక్సర్లు), శుభ్‌మన్‌ (66 బంతుల్లో 80 నాటౌట్‌; 8 ఫోర్లు, 3 సిక్సర్లు), రోహిత్‌ శర్మ (29 బంతుల్లో 47; 4 ఫోర్లు, 4 సిక్సర్లు), రాహుల్‌ (20 బంతుల్లో 39 నాటౌట్‌; 5 ఫోర్లు, 2 సిక్సర్లు) చెలరేగడంతో నిర్ణీత ఓవర్లలో 4 వికెట్ల నష్టానికి 397 పరుగుల అతి భారీ స్కోర్‌ చేసింది.  అనంతరం ఛేదనలో అద్బుతమైన పోరాటపటిమ కనబర్చిన న్యూజిలాండ్‌ చివరి వరకు గెలుపు కోసం ‍ప్రయత్నించి విఫలమైంది. డారిల్‌ మిచెల్‌ (134), విలియమ్సన్‌ (69), గ్లెన్‌ ఫిలిప్స్‌ (41) న్యూజిలాండ్‌ను గెలిపించేందుకు విఫలయత్నం చేశారు. వీరు మినహా జట్టులోని మిగతా ఆటగాళ్లంతా విఫలం కావడంతో న్యూజిలాండ్‌ 48.5 ఓవర్లలో 327 పరుగులకు ఆలౌటై మెగా టోర్నీ నుంచి మరోసారి రిక్తహస్తాలతో నిష్క్రమించింది.   pakistani 😂pic.twitter.com/gfhnpMhBOn — Keh Ke Peheno (@coolfunnytshirt) November 15, 2023 కాగా, కివీస్‌పై విజయం సాధించి టీమిండియా ఫైనల్స్‌కు చేరడాన్ని పాకిస్తాన్‌ అభిమానులు ఎప్పటిలాగే ఓర్వలేకపోతున్నారు. సోషల్‌మీడియా వేదికగా వారు తమ అక్కసును వెళ్లగక్కుతున్నారు. భారత్‌ ఏం సాధించినా ఇలా బద్నాం చేయడం వారికి పరిపాటిగా మారింది. నిన్నటి మ్యాచ్‌లో భారత్‌ అత్యంత కీలకమైన టాస్‌ గెలవడాన్ని పాకీలు ఇప్పుడు అస్త్రంగా మార్చుకుని దుష్ప్రచారం చేస్తున్నారు.  భారత్‌, న్యూజిలాండ్‌ సెమీస్‌ మ్యాచ్‌ టాస్‌ ఫిక్సింగ్‌ అయ్యిందంటూ ఊదరగొడుతున్నారు. భారత్‌ టాస్‌ గెలవాలని ముందుగానే డిసైడ్‌ అయ్యిందంటూ నిరాధారమైన ఆరోపణలు చేస్తున్నారు. ఓ పాక్‌ అభిమాని టాస్‌కు సంబంధించిన వీడియోకు కామెంట్రీ ఇస్తూ.. రోహిత్‌ శర్మ టాస్‌ ఎగరేస్తాడని, హిట్‌మ్యాన్‌ టాస్‌ కాయిన్‌ను దూరంగా విసురుతాడని, రిఫరీ వచ్చి రోహిత్‌ టాస్‌ గెలిచినట్లు చెప్పాడని, ఈ విషయం ముందుగానే తెలిసి కేన్‌ విలియమ్సన్‌ నవ్వుతున్నాడని కట్టుకథ అల్లాడు. ఈ వీడియో ప్రస్తుతం నెట్టింట వైరలవుతుంది. దీన్ని ఆధారం చేసుకుని పాకీలు రెచ్చిపోతున్నారు. టీమిండియాపై దుష్ప్రచారం చేస్తున్నారు. ఇందుకు భారత అభిమానులు కూడా ధీటుగా స్పందిస్తున్నారు. నిరాధారమైన ఆరోపణలు చేస్తున్నందుకు పాకీలను ఆడుకుంటున్నారు. 

వన్డే వరల్డ్‌కప్ 2023లో భాగంగా ముంబై వేదికగా న్యూజిలాండ్‌తో జరిగిన తొలి సెమీఫైనల్లో టీమిండియా 70 పరుగుల తేడాతో విజయం సాధించిన విషయం తెలిసిందే. ఈ గెలుపుతో భారత్‌ నాలుగోసారి ప్రపంచకప్‌ ఫైనల్లో ప్రవేశించింది. రసవత్తరంగా సాగిన ఈ మ్యాచ్‌లో భారత్‌ కివీస్‌పై పైచేయి సాధించి, గత వరల్డ్‌కప్‌ సెమీస్‌లో ఎదురైన పరాభవాని​కి ప్రతీకారం తీర్చుకుంది. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన భారత్‌.. కోహ్లి (113 బంతుల్లో 117; 9 ఫోర్లు, 2 సిక్సర్లు), శ్రేయస్‌ (70 బంతుల్లో 105; 4 ఫోర్లు, 8 సిక్సర్లు), శుభ్‌మన్‌ (66 బంతుల్లో 80 నాటౌట్‌; 8 ఫోర్లు, 3 సిక్సర్లు), రోహిత్‌ శర్మ (29 బంతుల్లో 47; 4 ఫోర్లు, 4 సిక్సర్లు), రాహుల్‌ (20 బంతుల్లో 39 నాటౌట్‌; 5 ఫోర్లు, 2 సిక్సర్లు) చెలరేగడంతో నిర్ణీత ఓవర్లలో 4 వికెట్ల నష్టానికి 397 పరుగుల అతి భారీ స్కోర్‌ చేసింది.  అనంతరం ఛేదనలో అద్బుతమైన పోరాటపటిమ కనబర్చిన న్యూజిలాండ్‌ చివరి వరకు గెలుపు కోసం ‍ప్రయత్నించి విఫలమైంది. డారిల్‌ మిచెల్‌ (134), విలియమ్సన్‌ (69), గ్లెన్‌ ఫిలిప్స్‌ (41) న్యూజిలాండ్‌ను గెలిపించేందుకు విఫలయత్నం చేశారు. వీరు మినహా జట్టులోని మిగతా ఆటగాళ్లంతా విఫలం కావడంతో న్యూజిలాండ్‌ 48.5 ఓవర్లలో 327 పరుగులకు ఆలౌటై, మెగా టోర్నీ నుంచి మరోసారి రిక్తహస్తాలతో నిష్క్రమించింది.   మ్యాచ్‌ అనంతరం న్యూజిలాండ్‌ కెప్టెన్‌ కేన్‌ విలియమ్సన్‌ మాట్లాడుతూ ఇలా అన్నాడు. ముందుగా టీమిండియాకు అభినందనలు. వారు గొప్ప క్రికెట్ ఆడారు. మా వాళ్లు సైతం అద్భుతంగా పోరాడారు. మా పోరాటం​ పట్ల గర్వంగా ఉంది. మరోసారి నాకౌట్‌ కావడం నిరాశపరిచింది. శక్తివంచన లేకుండా ప్రయత్నించాం. టీమిండియా మాకంటే బెటర్‌ గేమ్‌ ఆడింది. అదో టాప్ క్లాస్ జట్టు. ప్రపంచ స్థాయి బ్యాటర్లంతా ఆ జట్టులోనే ఉన్నారు. వారందరూ మాపై ప్రతాపం చూపారు. 398 పరుగుల స్కోర్‌ను ఛేజ్‌ చేయడం ఆషామాషీ విషయం కాదు. అయినా మేం అద్భుతంగా పోరాడాం. ఛేజింగ్‌ చాలా కష్టంగా ఉండింది. భారత బౌలర్లకు క్రెడిట్‌ దక్కుతుంది. వారు మై పైచేయి సాధించారు. మ్యాచ్‌ ఏకపక్షంగా సాగింది. జట్టుగా మాకు ఆట పట్ల నిజమైన నిబద్ధత ఉంది. గెలుపు కోసం చేయాల్సిన ప్రతి ప్రయత్నం చేశాం. ఈ ఎడిషన్‌లో రచిన్, మిచెల్ అత్యుత్తమ ప్రదర్శన కనబర్చారు. బౌలర్లు కాస్త తడబడ్డారు. అంతిమంగా మా జట్టు ప్రదర్శన సంతృప్తినిచ్చింది. ముంబై ప్రేక్షకులు అద్భుతం. వారు మమ్మల్ని సొంత ఆటగాళ్లలా ఆదరించారు. ఇక్కడికి రావడం ప్రత్యేకం. భారతదేశం ఆతిథ్యం అత్యద్భుతం.  చదవండి: ఒత్తిడిలోనూ మా వాళ్లు అద్భుతం.. వాళ్లు కూడా బాగా ఆడారు: రోహిత్‌ శర్మ

ముంబై వేదికగా న్యూజిలాండ్‌తో జరిగిన తొలి సెమీఫైనల్లో భారత్‌ 70 పరుగుల తేడాతో గెలుపొంది, నాలుగోసారి వరల్డ్‌కప్‌ ఫైనల్‌కు చేరింది. భారీ స్కోర్లు నమోదైన ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన భారత్‌.. కోహ్లి (113 బంతుల్లో 117; 9 ఫోర్లు, 2 సిక్సర్లు), శ్రేయస్‌ (70 బంతుల్లో 105; 4 ఫోర్లు, 8 సిక్సర్లు), శుభ్‌మన్‌ (66 బంతుల్లో 80 నాటౌట్‌; 8 ఫోర్లు, 3 సిక్సర్లు), రోహిత్‌ శర్మ (29 బంతుల్లో 47; 4 ఫోర్లు, 4 సిక్సర్లు), రాహుల్‌ (20 బంతుల్లో 39 నాటౌట్‌; 5 ఫోర్లు, 2 సిక్సర్లు) చెలరేగడంతో నిర్ణీత ఓవర్లలో 4 వికెట్ల నష్టానికి 397 పరుగుల అతి భారీ స్కోర్‌ చేసింది.  అనంతరం ఛేదనకు దిగిన న్యూజిలాండ్‌ను డారిల్‌ మిచెల్‌ (134), విలియమ్సన్‌ (69), గ్లెన్‌ ఫిలిప్స్‌ (41) గెలిపించేందుకు ప్రయత్నించారు. ఓ దశలో వీరు ముగ్గురు టీమిండియాను భయపెట్టారు. అయితే లక్ష్యం పెద్దది కావడంతో చేయాల్సిన ప్రయత్నం చేసి చేతులెత్తేశారు. మిచెల్‌, విలియమ్సన్‌, ఫిలిప్స్‌ మినహా జట్టులోని మిగతా ఆటగాళ్లంతా విఫలం కావడంతో న్యూజిలాండ్‌ 48.5 ఓవర్లలో 327 పరుగులకు ఆలౌటై మెగా టోర్నీ నుంచి మరోసారి రిక్తహస్తాలతో నిష్క్రమించింది.   మ్యాచ్‌ అనంతరం టీమిండియా కెప్టెన్‌ రోహిత్‌ శర్మ మాట్లాడుతూ ఇలా అన్నాడు. భారీ ఛేదనలో న్యూజిలాండ్‌ ఆటగాళ్లు శక్తివంచన లేకుండా ప్రతిఘటించారు. డారిల్‌ మిచెల్, విలియమ్సన్ అద్భుతంగా బ్యాటింగ్ చేశారు. ఓ దశలో వారు మాకు చాలా అవకాశాలు ఇచ్చారు. మేము వాటిని ఒడిసిపట్టుకోవడంలో విఫలమయ్యాం. మాపై ఒత్తిడి ఉండింది. అయినా ప్రశాంతంగా ఉండగలిగాం. బౌలింగ్‌ విషయానికొస్తే..  మా బౌలర్లందరూ చేయాల్సి ప్రతి ప్రయత్నం చేశారు. షమీ అద్భుతంగా బౌలింగ్‌ చేసి సక్సెస్‌ సాధించాడు. మా టాపార్డర్‌ బ్యాటింగ్‌ అద్భుతం. అయ్యర్ సూపర్‌ టచ్‌లో ఉన్నాడు. అతని ప్రదర్శన పట్ల చాలా సంతోషంగా ఉంది. గిల్, రాహుల్‌ పరిస్థితులకు తగ్గట్టు బ్యాటింగ్‌ చేస్తున్నారు. కోహ్లీ ఎప్పటిలాగే అద్భుతంగా ఆడాడు. తన ట్రేడ్‌మార్క్ ఇన్నింగ్స్‌తో చిరస్మరణీయ మైలురాయిని అందుకున్నాడు. మొత్తంగా మా బ్యాటింగ్‌ సంతృప్తిని​చ్చింది. మొదటి తొమ్మిది మ్యాచ్‌ల్లో (లీగ్‌ దశ) ఏం చేశామో ఈ మ్యాచ్‌లోనూ అదే చేయాలనుకున్నాం. అలాగే చేశాం. ఫలితం​ సాధించాం. చదవండి: 

క్రికెట్‌లో క్యాచస్‌ విన్‌ మ్యాచస్‌ అనే నానుడు ఉంది. భారత్‌, న్యూజిలాండ్‌ మధ్య జరిగిన ప్రపంచకప్‌ 2023 తొలి సెమీఫైనల్లో ఇదే జరిగింది. భారత ఫీల్డర్లు మైదానంలో పాదరసంలా కదిలి అద్భుతమైన క్యాచ్‌లు పట్టుకుని తమ జట్టు విజయంలో కీలకప్రాత పోషించారు. ముఖ్యంగా వికెట్‌కీపర్‌ కేఎల్‌ రాహుల్‌, రవీంద్ర జడేజా మైదానంలో మెరుపు వేగంగా కదిలి ఏకంగా 7 అద్బుతమైన క్యాచ్‌లు పట్టుకున్నారు. ఆఖర్లో జడేజా అయితే బంతి గాల్లోకి లేవడమే ఆలస్యం అన్నట్లు మైదానం నలుమూలలా తిరిగి క్యాచ్‌లు అందున్నాడు. రాహుల్‌ నేనేమీ తక్కువ కాదన్నట్లు  వికెట్ల వెనక పక్షిలా గాల్లో ఎగురుతూ అద్భుతమైన డైవింగ్‌ క్యాచ్‌లు పట్టుకున్నాడు. అయితే, ఈ మ్యాచ్‌లో వీరికి దక్కాల్సిన గుర్తింపు దక్కలేదని కొందరు అభిమానులు భావిస్తున్నారు. భారత గెలుపులో కోహ్లి (113 బంతుల్లో 117; 9 ఫోర్లు, 2 సిక్సర్లు), శ్రేయస్‌ (70 బంతుల్లో 105; 4 ఫోర్లు, 8 సిక్సర్లు), రోహిత్‌ శర్మ (29 బంతుల్లో 47; 4 ఫోర్లు, 4 సిక్సర్లు), షమీ (9.5-0-57-7) పాత్ర ఎంత కీలకమో రాహుల్‌ ,జడ్డూ పాత్ర కూడా అంతే కీలకమని అభిప్రాయపడుతున్నారు. ఫీల్డర్లకు ఎంత గుర్తింపునిస్తే అన్ని అద్భుతాలు చేస్తారని అంటున్నారు. నిన్నటి మ్యాచ్‌లో ఫీల్డర్ల పాత్ర వెలకట్టలేనిదని కామెంట్లు చేస్తున్నారు. షమీ డ్రాప్‌ క్యాచ్‌ (విలియమ్సన్‌) మినహాయించి, మ్యాచ్‌ మొత్తం టీమిండియా ఫీల్డర్లు మైదానంలో చిరుతల్లా కదిలారని  కితాబునిస్తున్నారు. కాగా, ఉత్కంఠభరితంగా సాగిన నిన్నటి మ్యాచ్‌లో టీమిండియా కివీస్‌ను 70 పరుగుల తేడాతో ఓడించి, నాలుగో సారి ప్రపంచకప్‌ ఫైనల్‌కు చేరింది. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన భారత్‌.. రోహిత్‌, శుభ్‌మన్‌ (66 బంతుల్లో 80 నాటౌట్‌; 8 ఫోర్లు, 3 సిక్సర్లు), కోహ్లి, శ్రేయస్‌, రాహుల్‌ (20 బంతుల్లో 39 నాటౌట్‌; 5 ఫోర్లు, 2 సిక్సర్లు) చెలరేగడంతో నిర్ణీత ఓవర్లలో 4 వికెట్ల నష్టానికి 397 పరుగుల అతి భారీ స్కోర్‌ చేసింది. అనంతరం ఛేదనకు దిగిన న్యూజిలాండ్‌ ఏమాత్రం తగ్గకుండా టీమిండియాకు ధీటుగా బదులిచ్చే ప్రయత్నం చేసింది. అయితే లక్ష్యం భారీది కావడంతో కివీస్‌ బ్యాటర్లు​ చేయాల్సిన ప్రయత్నం చేసి చేతులెత్తేశారు. ఈ మ్యాచ్‌లో న్యూజిలాండ్‌ ఓడినా 40 ఓవర్ల వరకు టీమిండియాను భయపెట్టింది. డారిల్‌ మిచెల్‌ (134) పట్టువదలని విక్రమార్కుడిలా క్రీజ్‌లో పాతుకుపోయి భారత బౌలర్లకు చుక్కలు చూపించాడు. విలియమ్సన్‌ (69), గ్లెన్‌ ఫిలిప్స్‌ (41) సహకారంతో టీమిండియాకు దడ పుట్టించాడు. లక్ష్యం గనక కాస్త చిన్నది అయ్యుంటే పరిస్థితి వేరేలా ఉండేది. మిచెల్‌, విలియమ్సన్‌, ఫిలిప్స్‌ మినహా జట్టులోని మిగతా ఆటగాళ్లంతా విఫలం కావడంతో న్యూజిలాండ్‌ 48.5 ఓవర్లలో 327 పరుగులకు ఆలౌటై మెగా టోర్నీ నుంచి మరోసారి రిక్తహస్తాలతో నిష్క్రమించింది.  

టీమ్‌ఇండియా వన్డే ప్రపంచకప్‌ ఫైనల్‌కు దూసుకెళ్లింది. సెమీస్‌లో 70 పరుగుల తేడాతో న్యూజిలాండ్‌పై గెలిచింది. టోర్నీ ప్రారంభం నుంచి అపజయం అనేది లేకుండా వరల్డ్‌ కప్‌-2023లో భారత్‌ జైత్రయాత్ర కొనసాగుతుంది. ఆదివారం  జరిగే ఫైనల్‌ బిగ్‌ఫైట్‌ కోసం భారత్‌ రెడీ అవుతుంది. ఈసారి ప్రపంచ కప్‌ భారత్‌ గెలవడం ఖాయంగా కనిపిస్తుంది. ఇందుకు ప్రధాన కారణం జట్టులో అందరూ మంచి ఫామ్‌లో ఉండటమే.. ఇలాంటి సమయంలో తెలుగు హీరోయిన్, వైజాగ్ బ్యూటీ రేఖాభోజ్ తన సోషల్‌మీడియా ఖాతా నుంచి సంచలన స్టేట్ మెంట్ ఇచ్చింది. 'ఇండియా వరల్డ్ కప్ కొడితే.. వైజాగ్ బీచ్‌లో స్ట్రీకింగ్ చేస్తా' అంటూ పోస్ట్ పెట్టింది. స్ట్రీకింగ్ అంటే ఏంటి..? ఫుట్ బాల్, బ్యాడ్మింటన్, బాక్సింగ్ వంటి ఆటలలో తన జట్టు గెలిచినప్పుడు పట్టరాని ఆనందంలో కొంతమంది దుస్తులు తొలగించి పరుగులు తీస్తుంటారు. అలా  ఒంటిపై బట్టల్లేకుండా పరుగుపెట్టడమే స్ట్రీకింగ్‌​ అంటారు. ఈ కల్చర్‌ ఎక్కువగా పాశ్చాత్య దేశాల్లో మాత్రమే కనిపిస్తుంది. తమ అభిమాన జట్టు గెలిచినప్పుడు పట్టరాని ఆనందంతో వారు ఇలాంటి పని చేస్తుంటారు. ఇప్పుడు రేఖా భోజ్‌ కూడా అలాంటి పని చేయనుంది. ఫైనల్‌ మ్యాచ్‌లో ఇండియా గెలవడం కంటే ఆనందం ఏముంటుందని ఆమె తెలుపుతుంది. ఈ నేపథ్యంలో ఆదివారం జరిగే ఫైనల్‌ మ్యాచ్‌లో భారత్‌ గెలుస్తే...వైజాక్‌ బీచ్‌లో తన దుస్తులు తొలగించి పరుగెడుతానని ఆమె బోల్డ్‌ స్టేట్‌మెంట్‌ ఇచ్చింది. ఈ వ్యాఖ్యలపై నెటిజన్లు ఫైర్‌ అవుతున్నారు. ఇండియా గెలుస్తే... బట్టలు విప్పి పరిగెడతావా ఛీ ఛీ అంటూ కామెంట్స్ చేస్తున్నారు. గుర్తింపు కోసం ఇలాంటి వ్యాఖ్యలు చేయడం సిగ్గుచేటు అంటూ ఫైర్‌ అవుతున్నారు. వాటికి రేఖా భోజ్ కూడా ఇలా  రిప్లై  ఇచ్చింది.  లేదండి.. మనస్ఫూర్తిగా ఇండియన్ క్రికెట్ టీమ్‌పై అభిమానంతో చెబుతున్నా. నాకు ఎలాంటి హైప్ అవసరం లేదు. క్రికెట్ మీద అభిమానంతో ఈ పని చేస్తున్నా తప్పితే.. హైప్ కోసం కాదు.' అని రేఖా బోజ్ తెలిపింది. కానీ కొందరు మాత్రం అంతే బోల్డ్‌గా వైజాగ్‌ వచ్చేస్తామంటూ భిన్నంగా కామెంట్లు చేస్తున్నారు..  రేఖా భోజ్‌ ఎవరు..? బోల్డ్‌ సినిమా అయిన మాంగళ్యం, దామినీ విల్లా, కలాయ తస్మై నమః, కాత్సాయని, స్వాతి చినుకు, రంగీలా వంటి సినిమాల్లో నటించింది ఈ వైజాగ్ బ్యూటీ రేఖా భోజ్‌. కానీ ఆమెకు పెద్దగా సినిమా అవకాశాలు రాకపోవడంతో వైజాగ్‌లో సొంతంగా స్టూడియో పెట్టుకుని కవర్స్‌ సాంగ్స్‌ చేస్తూ యూట్యూబ్‌లో ట్రెండ్‌ అవుతుంది. టాలీవుడ్ క్యాస్టింగ్ కౌచ్‌పైన కూడా ఆమె గతంలో వైరల్‌ కామెంట్స్‌ చేసిన విషయం తెలిసిందే.. విశాఖపట్నంలోని కైలాసపురానికి చెందిన రేఖ సివిల్‌ ఇంజినీరింగ్‌ పూర్తి చేసింది. చదువుతున్నప్పుడే షార్ట్‌ ఫిల్మ్స్‌లో నటించే అవకాశం వచ్చింది. నటనపై మక్కువతో వచ్చిన అవకాశాలను అందిపుచ్చుకుంది. చదువు పూర్తయిన తర్వాత సినిమా హీరోయిన్‌గా ప్రయత్నాలు మొదలుపెట్టింది. సుమారు 50 వరకు ఆడిషన్స్‌కు వెళ్లింది. అందరూ నయనతారలా ఉన్నావ్‌ అని అన్నారే తప్పితే అవకాశాలు మాత్రం ఎవరూ ఇవ్వలేదు. అలాంటి సమయంలో రాకేష్‌రెడ్డి అనే యువ దర్శకుడు ఆమెకు సినిమా అవకాశం కల్పించాడు. కాలాయ తస్మై నమః సినిమాలో మూకీ పాత్రకు ఎంపిక చేశాడు. అలా మొదలైంది రేఖ భోజ్‌ సినీ ప్రస్థానం. 👉: (ఫొటో గ్యాలరీ కోసం ఇక్కడ క్లిక్ చేయండి)

వన్డే వరల్డ్‌కప్‌ 2023లో భాగంగా ముంబై వేదికగా భారత్‌-న్యూజిలాండ్‌ జట్ల మధ్య  తొలి సెమీఫైనల్‌ మ్యాచ్‌ ప్రారంభమైంది. ఈ మ్యాచ్‌లో టీమిండియా టాస్‌ గెలిచి తొలుత బ్యాటింగ్‌ ఎంచుకుంది. వాంఖడే పిచ్‌ తొలుత బ్యాటింగ్‌ చేసే జట్టుకు అనుకూలించనుండటంతో టాస్‌ గెలిచిన రోహిత్‌ రెండో ఆలోచన లేకుండా బ్యాటింగ్‌ ఎంచుకున్నాడు. India in the World Cup Semi Finals: 2011 - India batted first, won the game. 2015 - India batted second, lost the game. 2019 - India batted second, lost the game. 2023 - India batting first. pic.twitter.com/hbqPkkRgSc — Mufaddal Vohra (@mufaddal_vohra) November 15, 2023 కాగా, వన్డే వరల్డ్‌కప్‌ సెమీఫైనల్స్‌లో టీమిండియా గత రికార్డును పరిశీలిస్తే ఓ ఆసక్తికర విషయం​ వెలుగు చూసింది. గత మూడు ఎడిషన్లలో తొలుత బ్యాటింగ్‌ చేసిన మ్యాచ్‌లో టీమిండియా గెలుపొందింది. 2011 ఎడిషన్‌ సెమీస్‌లో తొలుత బ్యాటింగ్‌ చేసిన భారత్‌ సెమీస్‌ గండాన్ని అధిగమించడంతో పాటు ఫైనల్‌కు చేరి ఏకంగా టైటిల్‌నే ఎగరేసుకుపోయింది.  ఆతర్వాత వరుసగా రెండు ఎడిషన్ల (2015, 2019 సెమీస్‌లో రెండో బ్యాటింగ్‌ చేసిన భారత్‌ ఓటమిపాలై, టోర్నీ నుంచి నిష్క్రమించింది. ప్రస్తుత వరల్డ్‌కప్‌ సెమీస్‌లో భారత్‌ తొలుత బ్యాటింగ్‌ చేస్తుండటాన్ని భారత అభిమానులు శుభపరిణామంగా పరిగణిస్తున్నారు. ఈ మ్యాచ్‌లో టీమిండియా తప్పక గెలుస్తుందంటూ చరిత్రను సాక్షిగా చూపిస్తున్నారు.

వర్షం కారణంగా వరల్డ్‌కప్‌ 2023 సెమీఫైనల్‌ మ్యాచ్‌లు రద్దైతే ఏం జరుగుందనే ప్రస్తావన ప్రస్తుతం సోషల్‌మీడియాలో చర్చనీయాంశంగా మారింది. సౌతాఫ్రికా, ఆస్ట్రేలియా మధ్య కోల్‌కతా వేదికగా నవంబర్‌ 16న జరిగే రెండో సెమీఫైనల్‌కు వర్షం ముప్పు పొంచి ఉందన్న వార్తలు వెలువడుతున్న నేపథ్యంలో ఈ అంశం తెరపైకి వచ్చింది. ఒకవేళ నెట్టింట జరుగుతున్న ప్రచారం నిజమై సౌతాఫ్రికా, ఆస్ట్రేలియా సెమీస్‌ మ్యాచ్‌ రద్దైతే, ఆ మరుసటి రోజు (నవంబర్‌ 17, రిజర్వ్‌ డే) మ్యాచ్‌ను జరిపిస్తారు. ఇక ఆ రోజు కూడా వర్షం కారణంగా మ్యాచ్‌ సాధ్యపడకపోతే మాత్రం లీగ్‌ దశలో మెరుగైన రన్‌రేట్‌ కలిగిన జట్టు ఫైనల్‌కు చేరుకుంటుంది. ఈ లెక్కన లీగ్‌ దశలో సౌతాఫ్రికాకు ఆస్ట్రేలియా కంటే మెరుగైన రన్‌రేట్‌ ఉంది కాబట్టి సఫారీలు సెమీస్‌ గండాన్ని గట్టెక్కి ఫైనల్లోకి ప్రవేశిస్తారు. మరోవైపు ఇవాళ (నవంబర్‌ 15) జరగాల్సిన భారత్‌-న్యూజిలాండ్‌ తొలి సెమీఫైనల్‌ మ్యాచ్‌ కూడా వర్షం కారణంగా రెండు రోజులు (రిజర్వ్‌ డే) సాధ్యపడకపోతే అప్పుడు లీగ్‌ దశలో మెరుగైన రన్‌రేట్‌ కలిగిన భారత్‌ ఫైనల్లోకి అడుగుపెడుతుంది. వర్షం కారణంగా రెండు సెమీస్‌ మ్యాచ్‌లు రద్దైతే భారత్‌-సౌతాఫ్రికా ఫైనల్స్‌లో అమీతుమీ తేల్చుకుంటాయి. ఈ అంశం చర్చించుకోవడానికి బాగానే ఉంది కానీ, జరిగే పని మాత్రం కాదు. ఒకవేళ వర్షం కారణంగా షెడ్యూల్‌ అయిన రోజు మ్యాచ్‌ జరగకపోయినా, రిజర్వ్‌ డే రోజైనా తప్పక జరిగే అవకాశం ఉంటుంది. భారత్‌లో ఇది వర్షాకాలం కాదు కాబట్టి, ఎన్ని అల్పపీడనాలు ఏర్పడినా వాటి ప్రభావం నామమాత్రంగా ఉంటుంది.   

క్రికెట్‌ ఫీవర్‌ యూనివర్సల్‌ గేమ్‌ ఫుట్‌బాల్‌ను కూడా తాకింది. ఇవాళ జరుగనున్న భారత్‌,న్యూజిలాండ్‌ వరల్డ్‌కప్‌ సెమీఫైనల్‌ మ్యాచ్‌ చూసేందుకు దిగ్గజ ఫుట్‌బాలర్‌ డేవిడ్‌ బెక్‌హమ్‌ హాజరుకానున్నాడని తెలుస్తుంది. బెక్‌హమ్‌తో పాటు వివిధ రంగాలకు చెందిన సెలబ్రిటీలు కూడా ఈ మ్యాచ్‌ చూసేందుకు క్యూ కట్టనున్నారని సమాచారం. బాలీవుడ్‌ స్టార్‌, చాక్లెట్‌ బాయ్‌ రణ్‌బీర్‌ కపూర్‌, తలైవా రజినీకాంత్‌, బాలీవుడ్‌ మిస్టర్‌ పర్ఫెక్షనిస్ట్‌ ఆమిర్‌ ఖాన్‌, కండల వీరుడు సల్మాన్‌ ఖాన్‌, ప్రముఖ వ్యాపారవేత్త ముకేశ్‌ అంబానీ సతీమణి నీతా అంబానీ భారత్‌-కివీస్‌ సెమీస్‌ మ్యాచ్‌ చూసేందుకు ముంబైలోని వాంఖడే స్టేడియంకు తరలిరానున్నారని ప్రచారం జరుగుతుంది.  బెక్‌హమ్‌ విషయానికొస్తే.. ఈ ఇంగ్లండ్‌ స్టైలిష్‌ ఫుట్‌బాలర్‌, క్రికెట్‌ పట్ల తనకున్న మక్కువను గతంలో చాలా సందర్భాల్లో చాటుకున్నాడు. అలాగే బెక్‌హమ్‌కు ఇండియా అన్న ఈ దేశ క్రికెటర్లన్నా ప్రత్యేకమైన అభిమానం. ఓ సందర్భంలో అతను విరాట్‌ కోహ్లి పేరు ప్రస్తావించి పొగడ్తలతో ముంచెత్తాడు. ఆటగాడిగా ఫుట్‌బాల్‌కు వీడ్కోలు పలికాక పలు క్లబ్‌లకు కోచ్‌గా సేవలందించిన బెక్‌హమ్‌.. ప్రస్తుతం ఇంటర్‌ మయామీ ఫుట్‌బాల్‌ క్లబ్‌ కో ఓనర్‌గా ఉన్నాడు. ఆల్‌టైమ్‌ గ్రేట్‌, అర్జెంటీనా స్టార్‌ ఫుట్‌బాలర్‌ లియోనల్‌ మెస్సీ ప్రస్తుతం ఈ క్లబ్‌కే ప్రాతినిథ్యం వహిస్తున్నాడు.  #WATCH | Tamil Nadu: Actor Rajinikanth leaves from Chennai airport to witness the World Cup semi-finals scheduled to be played at Wankhede Stadium in Mumbai. "I am going to see the match..," says Actor Rajinikanth pic.twitter.com/yWg1WpRHXX— ANI (@ANI) November 14, 2023

వన్డే వరల్డ్‌కప్‌ 2023లో భాగంగా భారత్‌, న్యూజిలాండ్‌ జట్ల మధ్య ఇవాళ (నవంబర్‌ 15) జరిగే సెమీఫైనల్‌ మ్యాచ్‌పై టీమిండియా మాజీ ఓపెనర్‌ గౌతమ్‌ గంభీర్‌ ఆసక్తికర కామెంట్స్‌ చేశాడు. ఈ మ్యాచ్‌పై గంభీర్‌ విశ్లేషణ చేస్తూ ఇలా అన్నాడు.  సెమీఫైనల్లో కచ్చితంగా భారత జట్టే ఫేవరెట్‌. ఈ టోర్నీలో ప్రత్యర్థుల్ని కంగుతినిపించడమే కాదు... భారత్‌తో ఢీ అంటేనే కష్టం అనిపించేలా మనోళ్లు జైత్రయాత్ర సాగించారు. ముఖ్యంగా ఈ టోర్నీలో భారత బౌలింగ్‌ నన్ను ఆకట్టుకుంది. బౌలర్లు జట్టు భారాన్ని తమ భుజాలపై మోశారు.  ఈ ప్రపంచకప్‌ గెలిస్తే మాత్రం దేశంలో బౌలింగ్‌ విప్లవం ఖాయం. ఇంతవరకు మనలో చాలామంది సచినో, కోహ్లినో కావాలనుకునే క్రికెట్‌లో అడుగుపెట్టేవారు. కానీ ఈ వరల్డ్‌కప్‌ తర్వాత బౌలర్ల లక్ష్యంతో అకాడమీలు కళకళలాడుతాయంటే ఆశ్చర్యం లేదు.  కేఎల్‌ రాహుల్‌ బ్యాటింగ్‌ కళ్లప్పగించేలా చేసింది. ఆఖరి లీగ్‌ మ్యాచ్‌లో నెదర్లాండ్స్‌పై బాదిన శతకం (102) అయితే హైలైట్‌ అని చెప్పొచ్చు. చక్కని ఫుట్‌వర్క్, పరిణతితో కూడిన ఫ్లిక్‌ షాట్స్‌తో ఫోర్లు, సిక్సర్లు అదరగొట్టాడు. మణికట్టు స్ట్రోక్‌ప్లేతో పరుగులు సాధించిన తీరు అద్భుతం. దీంతో రాహుల్‌ను ఇప్పుడు 360 డిగ్రీ ప్లేయర్‌ అనొచ్చు. 160 స్ట్రయిక్‌రేట్‌ అతని టాప్‌గేర్‌ను సూచిస్తోంది.  అలాగని శ్రేయస్‌ అయ్యర్‌ ఏం తక్కువ కాదు. డచ్‌పై అతని ఆయుధం పుల్‌ షాట్‌లే. 128 పరుగుల్లో 42 ఆ షాట్లతో వచ్చినవే! అవే అతని సెంచరీని తేలిక చేశాయి. షార్ట్‌పిచ్‌ బంతులపై అయ్యర్‌ కనబరిచిన నైపుణ్యం మురిపించింది. ఏ బంతుల్ని ఎలా ఆడాలో... ఏవి వదిలేయాలో వివేకం చూపించాడు.  అయితే కివీస్‌తో జరిగే సెమీస్‌లో మాత్రం అతనికి బౌన్స్, స్వింగ్‌ పరీక్షలు ఎదురవొచ్చు. తప్పకుండా న్యూజిలాండ్‌ నుంచి భారత్‌కు సవాల్‌ ఎదురవుతుంది. ప్రపంచకప్‌ కోసం బాగా సన్నద్ధమై వచ్చారు. వంద శాతం నిబద్ధతతో మెగా ఈవెంట్‌ ఆడుతున్నారు. బౌలింగ్, ఫీల్డింగ్‌లో న్యూజిలాండ్‌ మోహరింపు కట్టుదిట్టంగా ఉంటోంది.  భారత టాప్‌–3 కోసం ఇదివరకే కసరత్తు చేసే వుంటారు. ఇందులో ఏ సందేహం లేదు. బౌలింగ్‌ ఫ్రెండ్లీ వాంఖెడే పిచ్‌పై భారత బ్యాటర్లకు చేజింగ్‌ కాస్త ఇబ్బందికరంగా మారొచ్చు. అయితే మనవాళ్లు బాగా ఆడితే ఎవరైనా ఏమీ చేయలేరు.     

టీమిండియా స్టార్‌ బ్యాటర్‌ విరాట్‌ కోహ్లికి అరుదైన గుర్తింపు దక్కనుంది. వన్డే వరల్డ్‌కప్‌లో అత్యధికసార్లు సెమీస్‌ ఆడిన భారత ఆటగాడిగా విరాట్‌ రికార్డుల్లోకెక్కనున్నాడు. 2023 వరల్డ్‌కప్‌లో భాగంగా న్యూజిలాండ్‌తో ఇవాళ (నవంబర్‌ 15) జరుగనున్న సెమీఫైనల్లో ఆడటం​ ద్వారా విరాట్‌ ఈ రేర్‌ ఫీట్‌ను సాధించనున్నాడు.  35 ఏళ్ల విరాట్‌ తన 15 ఏళ్ల అంతర్జాతీయ కెరీర్‌లో నాలుగోసారి (2011, 2015, 2019, 2023) వన్డే సెమీఫైనల్‌ మ్యాచ్‌ ఆడనున్నాడు. ఏ భారత ఆటగాడు నాలుగుసార్లు వన్డే వరల్డ్‌కప్‌ సెమీఫైనల్స్‌ ఆడలేదు. క్రికెట్‌ దిగ్గజం సచిన్‌ టెండూల్కర్‌ (1996, 2003, 2011), ధోని (2011, 2015, 2019) మూడుసార్లు చొప్పున వరల్డ్‌కప్‌ సెమీఫైనల్స్‌ ఆడారు. మొత్తంగా భారత్‌ 8 వన్డే సెమీఫైనల్స్‌ ఆడగా విరాట్‌ నాలుగింట భాగం కావడం విశేషం.   ఇక భారత్‌ ఆడిన సెమీఫైనల్స్‌ విషయానికొస్తే.. ఇప్పటిదాకా మొత్తం 13 వన్డే ప్రపంచకప్‌లు (ప్రస్తుత వరల్డ్‌కప్‌తో కలుపుకుని) జరగ్గా ‌ భారత్‌ ఎనిమిదింట సెమీస్‌కు చేరింది. ఇందులో మూడుసార్లు (1983లో ఇంగ్లండ్‌పై, 2003లో కెన్యాపై, 2011లో పాకిస్తాన్‌పై) నెగ్గి ఫైనల్స్‌కు చేరగా.. నాలుగుసార్లు (1987లో ఇంగ్లండ్‌ చేతిలో, 1996లో శ్రీలంక చేతిలో, 2015లో ఆ్రస్టేలియా చేతిలో, 2019లో న్యూజిలాండ్‌ చేతిలో) ఓటమి పాలైంది. భారత్‌ ఫైనల్స్‌కు చేరిన మూడు సం​దర్భాల్లో రెండుసార్లు (1983, 2011) విజేతగా, ఓసారి (2003) రన్నరప్‌గా నిలిచింది.

వన్డే వరల్డ్‌కప్‌ 2023లో భాగంగా ఇవాళ (నవంబర్‌ 15) అత్యంత కీలక సమరం జరుగనుంది. ముంబై వేదికగా జరుగనున్న తొలి సెమీఫైనల్లో భారత్‌, న్యూజిలాండ్‌ జట్లు తలపడనున్నాయి. భారీ అంచనాలు కలిగిన ఈ మ్యాచ్‌లో టాస్‌ అత్యంత కీలకపాత్ర పోషించనుంది. వాంఖడే పిచ్‌ తొలుత బ్యాటింగ్‌ చేసే జట్టుకు పూర్తిగా సహకరించనుందని అంచనాలు ఉండటంతో ఏ జట్టైనా టాస్‌ గెలిచి బ్యాటింగ్‌ ఎంచుకోవాలని భావిస్తుంది. ఈ పిచ్‌పై గతంలో పరుగుల వరద పారిన సందర్భాలు కోకొల్లలు. ఇదే టోర్నీలో భారత్‌తో జరిగిన మ్యాచ్‌లో శ్రీలంక టాస్‌ గెలిచినప్పటికీ బౌలింగ్‌ ఎంచుకుని చేయరాని తప్పు చేసింది. అనంతరం ఫలితం (302 పరుగుల భారీ తేడాతో ఓటమి) అనుభవించింది. ఇది దృస్టిలో ఉంచుకుని ఇరు జట్లు టాస్‌ గెలిస్తే తప్పక బ్యాటింగ్‌ ఎంచుకుంటాయి. ఈ మైదానంలో మరో అడ్వాంటేజ్‌ కూడా ఉంది. బౌండరీ చిన్నదిగా ఉండటంతో బ్యాటర్లు అవలీలగా ఫోర్లు, సిక్సర్లు బాది భారీ స్కోర్లకు దోహదపడగలరు. తొలుత బ్యాటింగ్‌ చేసి ప్రత్యర్ధి ముందు భారీ లక్ష్యాన్ని ఉంచితే మిగతా పనిని పేస్‌ బౌలర్లు చూసుకుంటారు. ఈ పిచ్‌ తొలుత బ్యాటింగ్‌కు ఎంతగా సహకరిస్తుందో, సెకెండాఫ్‌లో పేస్‌ బౌలింగ్‌కు అంతగానే సహకరిస్తుంది. ఇది కూడా మనం ఇటీవలే చూశాం. లీగ్‌ దశలో శ్రీలంకతో జరిగిన మ్యాచ్‌లో తొలుత బ్యాటింగ్‌ చేసిన భారత్‌ 357 పరుగుల భారీ స్కోర్‌ చేయగా.. ఛేదనలో భారత పేసర్లు షమీ (5/18), సిరాజ్‌ (3/16), బుమ్రా (1/8) రెచ్చిపోయి లంకేయులను 55 పరుగులకే కుప్పకూల్చారు. ఈ పరిస్థితులన్నిటినీ దృష్టిలో ఉంచుకుని టాస్‌ గెలిచిన జట్టు తప్పక తొలుత బ్యాటింగ్‌ ఎంచుకుంటుంది. జట్టు ఏదైనా టాస్‌ గెలిచిందా.. సగం మ్యాచ్‌ గెలిచినట్లే. ఇక వాతావరణం విషయానికొస్తే.. వర్ష సూచన లేదు. ఒకవేళ అవాంతరం ఎదురైనా  రిజర్వ్‌ డే ఉంది. కాబట్టి వంద వాతం పూర్తి మ్యాచ్‌కు ఢోకా ఉండదు.  మరి ఏ జట్టు గెలిచి ఫైనల్‌కు చేరుతుందో, ఏ జట్టు ఓడి ఇంటిబాట పడుతుందో వేచి చూడాలి.

వన్డే వరల్డ్‌కప్‌ 2023లో ఇవాళ (నవంబర్‌ 15) అత్యంత కీలక సమరం జరుగనుంది. ముంబై వేదికగా జరుగనున్న తొలి సెమీఫైనల్లో భారత్‌,న్యూజిలాండ్‌ జట్లు తలపడనున్నాయి. ఈ మ్యాచ్‌కు సంబంధించి ఏర్పాట్లన్నీ ఇప్పటికే పూర్తయ్యాయి. ఇరు జట్లు వ్యూహరచనల్లో నిమగ్నమై ఉన్నాయి. ఇక బరిలోకి దిగడమే తరువాయి. మ్యాచ్‌ మధ్యాహ్నం 2 గంటలకు ప్రారంభమవుతుంది. మరి ఏ జట్టు గెలుస్తుందో, ఏ జట్టు ఓడి ఇంటిబాట పడుతుందో తేలాలంటే మరి కొద్ది గంటలు వేచి చూడాలి. మ్యాచ్‌కు ముందు ఇరు జట్ల కెప్టెన్లు మీడియా సమావేశం ఏర్పాటు చేశారు. ఈ సందర్భంగా వారు మ్యాచ్‌కు సంబంధించిన పలు విషయాలు మాట్లాడారు. భారత కెప్టెన్‌ రోహిత్‌ శర్మ మాట్లాడుతూ.. ధైర్యవంతులకే అదృష్టం కూడా అండగా నిలుస్తుంది. మేం ఇప్పుడు పూర్తి నమ్మకంతో, ధైర్యంతో బరిలోకి దిగుతున్నాం. ఇలాంటప్పుడే కాస్త అదృష్టం కూడా కలిసి రావాలి. టోర్నీలో తొలి ఐదు మ్యాచ్‌లలో మేం లక్ష్యాన్ని ఛేదించగా, తర్వాతి నాలుగు మ్యాచ్‌లలో ముందుగా బ్యాటింగ్‌ చేశాం. కాబట్టి అన్ని రకాలుగా మమ్మల్ని మేం పరీక్షించుకున్నట్లే. వాటితో పోలిస్తే ఈ మ్యాచ్‌ ప్రాధాన్యత ఏమిటో మాకు తెలుసు. అయినా సరే మేం ఏమీ కొత్తగా ప్రయత్నించాల్సిన అవసరం లేదు. ఇప్పటి వరకు ఎలా ఆడామో అలా ఆడితే చాలు. ఒత్తిడి కొత్త కాదు.  ప్రపంచకప్‌లో సెమీస్‌ అయినా లీగ్‌ మ్యాచ్‌ అయినా ఒత్తిడి ఎలాగూ ఉంటుంది. భారత క్రికెటర్లపై ఇది మరీ ఎక్కువ. ఆటగాళ్లంతా ఆ స్థితిని దాటుకునే వచ్చారు కాబట్టి బాగా ఆడటమే అన్నింటికంటే ముఖ్యం. న్యూజిలాండ్‌ ఎంతో తెలివైన, క్రమశిక్షణ కలిగిన జట్టు. ప్రత్యర్ధిని బాగా అర్థం చేసుకొని తమ వ్యూహాలు సిద్ధం చేసుకుంటారు. 1983లో భారత్‌ వరల్డ్‌ కప్‌ గెలిచినప్పుడు ప్రస్తుత జట్టులో ఎవ్వరూ పుట్టనే లేదు. 2011లో సగం మంది క్రికెట్‌ మొదలు పెట్టలేదు. కాబట్టి ఈ జట్టు సభ్యులంతా గతం గురించి కాకుండా వర్తమానంపై, తమ ఆటపై మాత్రమే దృష్టి పెడుతున్నారు. గతంలో నాకౌట్‌ మ్యాచ్‌లలో, నాలుగేళ్ల క్రితం ఏం జరిగిందనేది కూడా మాకు అనవసరమని అన్నాడు.  చదవండి: భారత్‌తో మ్యాచ్‌ మాకు పెద్ద సవాల్‌.. మేం వాటికి అలవాటుపడిపోయాం: విలియమ్సన్‌

వన్డే వరల్డ్‌కప్‌ 2023 చివరి దశకు చేరుకుంది. సెమీఫైనల్స్‌, ఫైనల్ మాత్రమే మిగిలి ఉన్నాయి. నవంబర్‌ 19న జరిగే ఫైనల్‌తో విజేత ఎవరో తేలిపోతుంది. ముంబై వేదికగా ఇవాళ (బుధవారం) జరిగే తొలి సెమీఫైనల్లో భారత్‌, న్యూజిలాండ్‌ జట్లు తలపడుతున్నాయి. ఈ మ్యాచ్‌ కోసం యావత్‌ క్రికెట్‌ ప్రపంచం ఆసక్తిగా ఎదురుచూస్తుంది. లీగ్‌ దశలో అజేయ జట్టుగా నిలిచిన భారత్‌.. అండర్‌ డాగ్స్‌గా పేరున్న న్యూజిలాండ్‌పై ఏమేరకు రాణించగలదో వేచి చూడాలి. ఈ మ్యాచ్‌ కోసం ఇరు జట్లు ఇప్పటికే వ్యూహరచనలన్నిటినీ పూర్తి చేసుకున్నాయి. ఇక బరిలోకి దిగడమే తరువాయి. ఈ కీలక సమరానికి ముందు న్యూజిలాండ్‌ కెప్టెన్‌ కేన్‌ విలియమ్సన్‌ తన వాయిస్‌ను వినిపించాడు. విలియమ్సన్‌ ఏమన్నాడంటే..   భారత్‌తో మ్యాచ్‌ మాకు పెద్ద సవాల్‌ అనేది వాస్తవం. ఆ టీమ్‌ చాలా బాగా ఆడుతోంది. అయితే టోర్నీలో ప్రతీ మ్యాచ్‌ భిన్నమైందే. తమదైన రోజున ఏ జట్టయినా ఎలాంటి జట్టునైనా ఓడించగలదు. జట్టు బలంతో పాటు అప్పటి పరిస్థితులు, వాటి ప్రభావం కూడా అందుకు కారణమవుతాయి. లీగ్‌లో ఎంత కష్టపడి ఇక్కడికి వచ్చామన్నది ముఖ్యం కాదు. నాకౌట్‌ దశను మళ్లీ కొత్తగా మొదలు పెట్టాల్సిందే. వరుసగా గత రెండు వరల్డ్‌ కప్‌లలో మేం ఫైనల్‌ చేరినా మమ్మల్ని ఇంకా అండర్‌డాగ్స్‌గానే చూస్తుంటారు.  మేం వీటికి అలవాటుపడిపోయాం కాబట్టి ఇబ్బందేమీ లేదు. మా అత్యుత్తమ ప్రదర్శన ఇస్తే ఇక్కడా గెలవగలం కాబట్టి ఏదైనా జరగొచ్చు. 2019లాగే ఈసారి కూడా మైదానంలో అంతా భారత అభిమానులే ఉంటారు. మాకు మద్దతు పలకకపోయినా ఆ వాతావరణం మాత్రం చాలా బాగుంటుంది. మా జట్టులో చాలా మందికి ఇది అలవాటే. అయినా భారత గడ్డపై భారత్‌తో సెమీస్‌లో తలపడటమే ఎంతో ప్రత్యేకం.    

టీమిండియా కెప్టెన్‌ రోహిత్‌ శర్మపై అతని వ్యక్తిగత కోచ్‌ దినేశ్‌ లాడ్‌ ఆసక్తికర వ్యాఖ్యలు చేశాడు. రోహిత్‌ వయసుపై, ప్రస్తుత వరల్డ్‌కప్‌లో భారత విజయావకాశాలపై ఓ ప్రముఖ వార్తా సంస్థతో మాట్లాడుతూ ఇలా అన్నాడు. రోహిత్‌కు ఇదే చివరి వరల్డ్‌కప్ కావచ్చు. ప్రస్తుతం అతని వయసు 36 సంవత్సరాలు. తదుపరి వరల్డ్‌కప్‌ సమయానికి అతనికి 40 ఏళ్లు వస్తాయి. భారత క్రికెటర్లు ఆ వయసులో అంతర్జాతీయ క్రికెట్‌ ఆడతారని నేననుకోను. రోహిత్‌కు కూడా అది తెలుసు. కాబట్టి అతను ఈసారి ఎలాగైనా దేశం కోసం ప్రపంచకప్ గెలవాలని కోరుకుంటున్నాడు. ఇదే సందర్భంగా దినేశ్‌ లాడ్‌ విరాట్ కోహ్లి గురించి మాట్లాడుతూ.. ప్రస్తుత వరల్డ్‌కప్‌లో కోహ్లి ఆడుతున్న తీరు చూస్తుంటే, ఇదే టోర్నీలో అతను తన 50వ వన్డే సెంచరీ చేస్తాడని అనిపిస్తుందని అన్నాడు. కాగా, ప్రపంచకప్‌ లీగ్‌ దశలో తొమ్మిది వరుస విజయాలతో అజేయ జట్టుగా నిలిచిన భారత్‌.. ముంబై వేదికగా బుధవారం (నవంబర్‌ 15) జరుగబోయే తొలి సెమీఫైనల్లో న్యూజిలాండ్‌తో తలపడనుంది. ఈ టోర్నీలో హిట్‌మ్యాన్‌, విరాట​్‌ కోహ్లి సహా భారత బ్యాటింగ్‌ ఆర్డర్‌ అంతా భీకర ఫామ్‌లో ఉంది. టాప్‌-5లో నలుగురు బ్యాటర్లు ఇప్పటికే సెంచరీలు కూడా చేశారు. #WATCH | Indian Captain Rohit Sharma’s coach Dinesh Lad says "There are chances that this can be the last World Cup for Rohit Sharma. He is 36 years old and in the next 4 years, he will be 40. Usually, Indian cricketers don't play at that age. He wants to win the World Cup for… pic.twitter.com/kjeC3v05me — ANI (@ANI) November 13, 2023 కోహ్లి 2 సెంచరీలు చేయగా.. రోహిత్‌, శ్రేయస్‌, రాహుల్‌ తలో సెంచరీ బాదారు. శుభ్‌మన్‌ గిల్‌ సైతం 3 అర్ధసెంచరీలు చేసి పర్వాలేదనిపిస్తున్నాడు. ప్రస్తుత జట్టులో సూర్యకుమార్‌ యాదవ్‌ ఒక్కడే రాణించాల్సి ఉంది. బౌలింగ్‌లోనూ మనవాళ్లు చెలరేగిపోతున్నారు. మన పేస్‌ త్రయం గతంలో ఎన్నడూ లేనంత పటిష్టంగా ఉంది. బుమ్రా (9 మ్యాచ్‌ల్లో 17 వికెట్లు), షమీ (5 మ్యాచ్‌ల్లో 16 వికెట్లు), సిరాజ్‌ (12 వికెట్లు) కలిపి 45 వికెట్లు నేలకూల్చారు. స్పిన్నర్లు జడేజా, కుల్దీప్‌లు 30 వికెట్లు పడగొట్టారు. ఫీల్డింగ్‌లోనూ మనవాళ్లు మెరుపులు మెరిపిస్తున్నారు. కోహ్లి, రోహిత్‌ సైతం గత మ్యాచ్‌లో వికెట్లు తీసి పార్ట్‌టైమ్‌ బౌలింగ్‌కు సై అంటున్నారు. ఇన్ని అనుకూలతల నేపథ్యంలో భారత్‌ ఈసారి ప్రపంచకప్‌ గెలవడం ఖాయమని అంతా అంటున్నారు. ఈ విషయం తేలాలంటే నవంబర్‌ 19 రాత్రి వరకు వేచి చూడాల్సిందే.    

సాక్షి, విశాఖపట్నం: భారత్, న్యూజిలాండ్‌ మధ్య జరిగే ప్రపంచ కప్‌ సెమీఫైనల్‌ మ్యాచ్‌ను తిలకించేందుకు  ఆంధ్ర క్రికెట్‌ అసోసియేషన్‌ (ఏసీఏ) ఆధ్వర్యంలో ఈ నెల 15వ తేదీ మధ్యాహ్నం 1.30 గంటల నుంచి రాత్రి 11 గంటల వరకు రాష్ట్రంలోని మూడు నగరాల్లో పెద్ద స్క్రీన్లను (ఫేన్‌ పార్క్‌లను) ఏర్పాటు చేస్తున్నట్లు ఆంధ్ర క్రికెట్‌ అసోసియేషన్‌ కార్యదర్శి ఎస్‌.ఆర్‌. గోపినాథ్‌రెడ్డి వెల్లడించారు. ఇందులో భాగంగా వైజాగ్‌ ఆర్కే బీచ్‌ వద్ద కాళీ మాత టెంపుల్‌ ఎదురుగా, విజయవాడ ఎంజీ రోడ్డులో ఉన్న ఇందిరా గాంధీ మున్సిపల్‌ స్టేడియం, వైఎస్సార్‌ కడపలోని ఆర్ట్స్‌ కాలేజీ గ్రౌండ్‌లలో ఒక్కో చోట దాదాపు 10 వేల మంది వీక్షించేలా పెద్ద స్క్రీన్లను ఏర్పాటు చేశామని, ఇందులో ప్రవేశం ఉచితం అన్నారు. క్రికెట్‌ అభిమానులు ఈ అవకాశాన్ని సద్వినియోగం చేసుకోవాలని కోరారు. ఆయా ప్రాంతాల్లో ఫుడ్‌ కౌంటర్లు కూడా ఏర్పాటు చేస్తున్నట్లు తెలిపారు.    

వన్డే వరల్డ్‌కప్‌ 2023లో ఘోర వైఫల్యాలను ఎదుర్కొని, లీగ్‌ దశలోనే ఇంటిబాట పటి​న శ్రీలంక ఇంటాబయటా ముప్పేట దాడిని ఎదుర్కొంటుంది. వరల్డ్‌కప్‌ నుంచి అవమానకర రీతిలో నిష్క్రమించిన అనంతరం ఆ దేశ క్రీడా మంత్రి రోషన్ రణసింఘే బోర్డు మొత్తాన్ని రద్దు చేశాడు. ఆపై బోర్డు అంతర్గత వ్యవహారాల్లో ప్రభుత్వ జోక్యాన్ని తీవ్రంగా పరిగణించిన అంతర్జాతీయ క్రికెట్‌ కౌన్సిల్‌ శ్రీలంక క్రికెట్‌ బోర్డుపై సస్పెన్షన్‌ వేటు వేసింది.  తమ క్రికెట్‌ బోర్డుకు పట్టిన దుస్థితి నేపథ్యంలో ఆ దేశ వరల్డ్‌కప్‌ విన్నింగ్‌ కెప్టెన్‌ అర్జున రణతుంగ వివాదాస్పద వ్యాఖ్యలు చేశాడు. తమ దేశ క్రికెట్‌కు ఈ గతి పట్టడానికి బీసీసీఐ ప్రధాన కార్యదర్శి జై షా కారణమని సంచలన ఆరోపణలు చేశాడు. తమ బోర్డు అధికారులతో ఉన్న సత్సంబంధాల కారణంగా షా మాపై పెత్తనం చెలాయిస్తున్నాడని ఆరోపించాడు. తన తండి (అమిత్‌ షా) అధికారాన్ని అడ్డుపెట్టుకుని జై షా లంక క్రికెట్‌ను శాశిస్తున్నాడని ధ్వజమెత్తాడు. జై షా అనవసర జోక్యం కారణంగానే లంక క్రికెట్‌కు ఈ దుస్థితి దాపురించిందని వాపోయాడు. జై షాను ఉద్దేశిస్తూ రణతుంగ చేసిన ఈ వ్యాఖ్యలు ప్రస్తుతం క్రికెట్‌ సర్కిల్స్‌లో దుమారం రేపుతున్నాయి.  కాగా, ప్రస్తుత వరల్డ్‌కప్‌లో శ్రీలంక ఘోర ప్రదర్శన కనబర్చి లీగ్‌ దశలోనే ఇంటిబాట పట్టింది. ఆ జట్టు ఆడిన 9 మ్యాచ్‌ల్లో కేవలం​ 2 విజయాలు మాత్రమే సాధించి, పాయింట్ల పట్టికలో చివరి నుంచి రెండో స్థానంలో నిలిచింది. ఈ కారణంగా శ్రీలంక 2025 ఛాంపియన్స్‌ ట్రోఫీకి కూడా అర్హత సాధించలేకపోయింది. ఈ టోర్నీలో లంక క్రికెట్‌ చెప్పుకోదగ్గ విషయం ఏంటంటే.. డిఫెండింగ్‌ ఛాంపియన్స్‌ ఇంగ్లండ్‌పై విజయం సాధించడం. మరోవైపు భారత్‌, సౌతాఫ్రికా, ఆస్ట్రేలియా, న్యూజిలాండ్‌ జట్లు సెమీఫైనల్‌కు చేరుకున్నాయి.  బుధవారం జరుగబోయే తొలి సెమీఫైనల్లో భారత్‌.. న్యూజిలాండ్‌తో తలపడనుంది.

వన్డే వరల్డ్‌కప్‌ 2023లో తొమ్మిది వరుస విజయాలు సాధించి లీగ్‌ దశలో అజేయ జట్టుగా నిలిచిన భారత్‌.. బుధవారం జరుగబోయే తొలి సెమీఫైనల్లో న్యూజిలాండ్‌తో తలపడనుంది. ముంబైలోని వాంఖడే స్టేడియం వేదికగా జరుగనున్న ఈ మ్యాచ్‌లో గెలుపే లక్ష్యంగా ఇరు జట్లు బరిలోకి దిగనున్నాయి. ప్రస్తుత వరల్డ్‌కప్‌లో ఇదివరకే (లీగ్‌ దశలో) న్యూజిలాండ్‌ను ఓసారి ఖంగుతినిపించిన భారత్‌ మరో విజయంపై ధీమాగా ఉంది. కివీస్‌ సైతం ప్రస్తుత వరల్డ్‌కప్‌లో భారత్‌ చేతిలో ఎదురైన పరాభవానికి ‍ప్రతీకారం తీర్చుకోవాలని పట్టుదలగా ఉంది. బ్యాటింగ్‌కు స్వర్గధామం.. భారత్‌, న్యూజిలాండ్‌ మ్యాచ్‌కు వేదిక అయిన వాంఖడే మైదానం అనాదిగా బ్యాటింగ్‌కు అనుకూలిస్తూ వస్తుంది. రేపు జరుగబోయే సెమీస్‌ మ్యాచ్‌లోనూ పరుగుల వరద పారడం ఖాయమని విశ్లేషకులు అంచనా వేస్తున్నారు. స్టేడియం చిన్నది కావడంతో బ్యాటర్లు అవలీలగా ఫోర్లు, సిక్సర్లు బాదగలరు. ఈ పిచ్‌పై మరోసారి భారీ స్కోర్‌ నమోదు కావడం ఖాయం. ఇదే పిచ్‌పై శ్రీలంకతో జరిగిన లీగ్‌ దశ మ్యాచ్‌లో భారత్‌ బ్యాటర్లు పేట్రేగిపోయారు. ఆ మ్యాచ్‌లో భారత్‌ 357 పరుగులు చేసి, శ్రీలంకను 55 పరుగులకే ఆలౌట్‌ చేసింది. ఫలితంగా 302 పరుగుల భారీ తేడాతో ఘన విజయం సాధించింది.  టాస్ అత్యంత కీలకం.. ఈ మ్యాచ్‌లో టాస్‌ కీలకపాత్ర పోషించనుంది. వాంఖడే పిచ్‌ తొలుత బ్యాటింగ్‌ చేసే జట్టుకు పూర్తి స్థాయిలో అనుకూలించనుండటంతో టాస్‌ గెలిచిన జట్టు తప్పక బ్యాటింగ్‌ ఎంచుకుంటుంది.  భారత్‌దే పైచేయి.. గతంలో ఇరు జట్ల మధ్యలో జరిగిన మ్యాచ్‌ల్లో జయాపజయాలను పరిశీలిస్తే.. న్యూజిలాండ్‌పై భారత్‌ స్వల్ప ఆధిక్యత కలిగి ఉంది. ఇరు జట్లు గతంలో 117 సందర్భాల్లో ఎదురెదురుపడగా భారత్‌ 59, న్యూజిలాండ్‌ 50 మ్యాచ్‌ల్లో గెలుపొందాయి. ఓ మ్యాచ్‌ టై కాగా.. ఏడు మ్యాచ్‌లు ఫలితం తేలకుండా ముగిసాయి.  వరల్డ్‌కప్‌లో కివీస్‌దే ఆధిక్యత.. వరల్డ్‌కప్‌ విషయానికొస్తే.. ఈ మెగా టోర్నీలో ఇరు జట్లు తొమ్మిది సార్లు ఎదురెదురుపడగా.. న్యూజిలాండ్‌ 4, భారత్‌ 5 మ్యాచ్‌ల్లో విజయాలు సాధించాయి.  సెమీస్‌లో వరుసగా రెండోసారి.. భారత్‌, న్యూజిలాండ్‌ జట్లు వరల్డ్‌కప్‌ సెమీఫైనల్లో వరుసగా రెండోసారి తలపడుతున్నాయి. 2019 ఎడిషన్‌లో ఈ ఇరు జట్లు తొలిసారి సెమీఫైనల్లో ఎదురెదురుపడ్డాయి. ఆ మ్యాచ్‌లో న్యూజిలాండ్‌ భారత్‌ను 21 పరుగుల తేడాతో ఓడించింది.  ఇరు జట్ల బలాలు, బలహీనతలు.. ప్రస్తుత వరల్డ్‌కప్‌లో ఫామ్‌ను బట్టి చూస్తే, న్యూజిలాండ్‌ కంటే టీమిండియా చాలా పటిష్టంగా కనిపిస్తుంది. భారత్‌ అన్ని విభాగాల్లో న్యూజిలాండ్‌ కంటే మెరుగ్గా ఉంది. భారత బ్యాటింగ్‌ విభాగంలో ప్రతి ఒక్కరూ సూపర్‌ టచ్‌లో ఉన్నారు. బౌలింగ్‌, ఫీల్డింగ్‌లోనూ టీమిండియాకు తిరుగులేదు. ఓవరాల్‌గా చూస్తే, ప్రస్తుతం భారత్‌ గతంలో ఎన్నడూ లేనంత పటిష్టంగా కనిపిస్తుంది. జట్టులోని ఆటగాళ్లంతా చాలా కాన్ఫిడెంట్‌గా కనిపిస్తున్నారు. ఈ ఊపులో భారత్‌ టైటిల్‌ గెలవడం ఖాయమని అభిమానులు భావిస్తున్నారు. న్యూజిలాండ్‌ విషయానికొస్తే.. టోర్నీ ఆరంభంలో వరుస విజయాలు సాధించి, ఆతర్వాత ఒక్కసారిగా పరాజయాల బాటపట్టిన న్యూజిలాండ్‌, ఆఖరి లీగ్‌ మ్యాచ్‌లో శ్రీలంకపై గెలిచి సెమీస్‌కు చేరింది. అంతంతమాత్రం ప్రదర్శనతో సెమీస్‌కు చేరిన కివీస్‌ను గాయాల సమస్య ప్రధానంగా వేధిస్తుంది. మొన్నటి దాకా కెప్టెన్‌ కేన్‌ విలియమ్సన్‌ జట్టుకు దూరంగా ఉన్నాడు. అతని గైర్హాజరీలోనే న్యూజిలాండ్‌ వరుసగా నాలుగు మ్యాచ్‌ల్లో ఓడింది. సౌతాఫ్రికాతో మ్యాచ్‌ సందర్భంగా స్టార్‌ పేసర్‌ మ్యాట్‌ హెన్రీ గాయంపాలై, ఏకంగా టోర్నీ నుంచే నిష్క్రమించాడు. మరోవైపు ఆల్‌రౌండర్‌ జేమ్స్‌ నీషమ్‌ ఇప్పటికీ గాయం నుంచి పూర్తిగా కోలుకోలేదు. గాయాల బెదడతో పాటు న్యూజిలాండ్‌ను నిలకడలేమి కూడా వేధిస్తుంది. రచిన్‌ రవీంద్ర, అడపాదడపా డారిల్‌ మిచెల్‌ మినహా జట్టులోని ఆటగాళ్లంతా తరుచూ విఫలమవుతున్నారు. వీరిలో విలియమ్సన్‌ కాస్త పర్వాలేదనిపిస్తున్నాడు. బౌలింగ్‌ విభాగం వరకు న్యూజిలాండ్‌ పటిష్టంగా కనిపిస్తుంది. బౌల్ట్‌, ఫెర్గూసన్‌, సాంట్నర్‌ మంచి ఫామ్‌లో ఉన్నారు. ఓపెనర్‌ కాన్వే వైఫల్యాలు కివీస్‌ను కలవరపెడుతున్నాయి.   

వన్డే వరల్డ్‌కప్‌ 2023 రౌండ్‌ రాబిన్‌ లీగ్‌ దశ మ్యాచ్‌లు ముగిసాయి. పాయింట్ల పట్టికలో టాప్‌-4లో నిలిచిన భారత్‌, సౌతాఫ్రికా, ఆస్ట్రేలియా, న్యూజిలాండ్‌ జట్లు సెమీస్‌కు అర్హత సాధించాయి. బుధవారం (నవంబర్‌ 15) జరుగబోయే తొలి సెమీఫైనల్లో (ముంబై) భారత్‌, న్యూజిలాండ్‌ జట్లు తలపడతాయి. నవంబర్‌ 16న జరిగే రెండో సెమీఫైనల్లో (కోల్‌కతా) సౌతాఫ్రికా, ఆస్ట్రేలియా జట్లు ఢీకొంటాయి. ఈ రెండు మ్యాచ్‌ల్లో గెలిచే జట్లు అహ్మదాబాద్‌ వేదికగా నవంబర్‌ 19న జరిగే ఫైనల్లో అమీతుమీ తేల్చుకుంటాయి. ఛాంపియన్స్‌ ట్రోఫీ-2025కి అర్హత సాధించిన 8 జట్లు ఏవంటే..? వరల్డ్‌కప్‌ 2023 రౌండ్‌ రాబిన్‌ లీగ్‌ దశ మ్యాచ్‌లు ముగిసిన అనంతరం టాప్‌-8లో నిలిచే జట్లే 2025 ఛాంపియన్స్‌ ట్రోఫీకి అర్హత సాధిస్తాయని ఐసీసీ మెలిక పెట్టిన విషయం తెలిసిందే. దీంతో ఆయా స్థానాల్లో ఉన్న భారత్‌, సౌతాఫ్రికా, ఆస్ట్రేలియా, న్యూజిలాండ్‌, పాకిస్తాన్‌, ఆఫ్ఘనిస్తాన్‌, ఇంగ్లండ్‌, బంగ్లాదేశ్‌ జట్లు ఛాంపియన్స్‌ ట్రోఫీకి నేరుగా అర్హత సాధించాయి. ఆతిథ్య దేశ హోదాలో పాకి​స్తాన్‌ బెర్త్‌ ముందుగానే ఖరారైంది. బంగ్లాదేశ్‌కు లక్కీ ఛాన్స్‌.. శ్రీలంకకు నిరాశ పాయింట్ల పట్టికలో తొమ్మిది, పది స్థానాల్లో నిలిచిన శ్రీలంక, నెదర్లాండ్స్‌ జట్లకు నిరాశ ఎదురు కాగా.. ఈ జట్లతో సమానంగా వరల్డ్‌కప్‌లో రెండే మ్యాచ్‌లు గెలిచిన బంగ్లాదేశ్‌ లక్కీ ఛాన్స్‌ కొట్టేసింది. 2002 ఎడిషన్‌ ఛాంపియన్‌ అయిన శ్రీలంక ప్రస్తుత వరల్డ్‌కప్‌లో పేలవ ప్రదర్శనతో ఛాంపియన్స్‌ ట్రోఫీకి అర్హత కోల్పోవడంతో పాటు ఐసీసీ బ్యాన్‌కు కూడా ఎదుర్కొంటుంది.  ఆపసోపాలు పడి అర్హత సాధించిన ఇంగ్లండ్‌ డిఫెండింగ్‌ ఛాంపియన్‌ హోదాలో ప్రస్తుత వరల్డ్‌కప్‌లో అడుగుపెట్టిన ఇంగ్లండ్‌ టోర్నీ ఆరంభంలో వరుస పరాజయాలు ఎదుర్కొని తుది దశ లీగ్‌ మ్యాచ్‌ల వరకు పాయింట్ల పట్టికలో చివరి స్థానంలో ఉండింది. అయితే ఆ జట్టు అనూహ్యంగా పుంజుకుని చివరి రెండు లీగ్‌ మ్యాచ్‌ల్లో విజయాలు సాధించి పాయింట్ల పట్టికలో ఏడో స్థానానికి ఎగబాకి ఛాంపియన్స్‌ ట్రోఫీ బెర్త్‌ను ఖరారు చేసుకుంది.  పాపం నెదర్లాండ్స్‌.. ప్రస్తుత వరల్డ్‌కప్‌లో తమకంటే చాలా రెట్లు పటిష్టమైన సౌతాఫ్రికా, బంగ్లాదేశ్‌లకు షాకిచ్చిన నెదర్లాండ్స్‌ మిగతా మ్యాచ్‌ల్లో పేలవ ప్రదర్శన కనబర్చి పాయింట్ల పట్టికలో పదో స్థానంలో నిలిచి ఛాంపియన్స్‌ ట్రోఫీ-2025కి అర్హత సాధించలేకపోయింది. వెస్టిండీస్‌, జింబాబ్వే, ఐర్లాండ్‌లకు నో ఛాన్స్‌.. 2023 వన్డే వరల్డ్‌కప్‌కు అర్హత సాధించలేకపోయిన ఐసీసీ ఫుల్‌ టైమ్‌ సభ్య దేశాలైన వెస్టిండీస్‌, జింబాబ్వే, ఐర్లాండ్‌ జట్లు 2025 ఛాంపియన్స్‌ ట్రోఫీకి అర్హత కోల్పోయాయి. ఐసీసీ పెట్టిన మెలిక కారణంగా ఈ జట్లకు చుక్కెదురైంది. 

భారత్‌-నెదర్లాండ్స్‌ మ్యాచ్‌తో వన్డే వరల్డ్‌కప్‌ 2023 రౌండ్‌ రాబిన్‌ (లీగ్‌) దశ మ్యాచ్‌లు ముగిసాయి. పాయింట్ల పట్టికలో టాప్‌-4లో నిలిచిన భారత్‌, సౌతాఫ్రికా, ఆస్ట్రేలియా, న్యూజిలాండ్‌ జట్లు సెమీస్‌కు అర్హత సాధించాయి. పాయింట్ల పట్టికలో అగ్రస్థానంలో నిలిచిన భారత్‌.. బుధవారం (నవంబర్‌ 15) జరిగే తొలి సెమీఫైనల్లో (ముంబై) నాలుగో స్థానంలో ఉన్న న్యూజిలాండ్‌ను ఎదుర్కొంటుంది. పాయింట్ల పట్టికలో రెండో స్థానంలో నిలిచిన సౌతాఫ్రికా.. నవంబర్‌ 16న జరిగే రెండో సెమీఫైనల్లో (కోల్‌కతా) మూడో స్థానంలో ఉన్న జట్టు ఆస్ట్రేలియాతో తలపడుతుంది. అనంతరం ఈ రెండు సెమీస్‌లో గెలిచే జట్లు అహ్మదాబాద్‌ వేదికగా నవంబర్‌ 19న జరిగే ఫైనల్లో అమీతుమీ తేల్చుకుంటాయి.  లీడింగ్‌ రన్‌ స్కోరర్‌గా విరాట్‌.. రౌండ్‌ రాబిన్‌ దశ మ్యాచ్‌లు ముగిసాక టీమిండియా స్టార్‌ ఆటగాడు విరాట్‌ కోహ్లి లీడింగ్‌ రన్‌ స్కోరర్‌గా నిలిచాడు. ఈ దశలో విరాట్‌ 9 మ్యాచ్‌లు ఆడి 2 శతకాలు, 5 అర్ధశతకాల సాయంతో 99 సగటున 594 పరుగులు చేశాడు. ఈ జాబితాలో డికాక్‌ (9 మ్యాచ్‌ల్లో 591 పరుగులు), రచిన్‌ రవీంద్ర (9 మ్యాచ్‌ల్లో 565 పరుగులు), రోహిత్‌ శర్మ (9 మ్యాచ్‌ల్లో 503 పరుగులు), డేవిడ్‌ వార్నర్‌ (9 మ్యాచ్‌ల్లో 499 పరుగులు) టాప్‌-5లో ఉన్నారు. లీగ్‌ దశలో డికాక్‌ 4 సెంచరీలతో టాప్‌లో ఉండగా.. రచిన్‌ 3, విరాట్‌, వార్నర్‌, డస్సెన్‌, మిచెల్‌ మార్ష్‌, మ్యాక్స్‌వెల్‌ తలో 2 సెంచరీలు చేశారు.  టాప్‌లో జంపా.. రౌండ్‌ రాబిన్‌ దశ మ్యాచ్‌లు ముగిసాక ఆసీస్‌ స్టార్‌ స్పిన్నర్‌ ఆడమ్‌ జంపా లీడింగ్‌ వికెట్‌ టేకర్‌గా నిలిచాడు. జంపా 9 మ్యాచ్‌ల్లో 22 వికెట్లు పడగొట్టాడు. ఈ జాబితాలో మధుషంక (9 మ్యాచ్‌ల్లో 21 వికెట్లు), షాహీన్‌ అఫ్రిది (9 మ్యాచ్‌ల్లో 18 వికెట్లు), గెరాల్డ్‌ కొయెట్జీ (7 మ్యాచ్‌ల్లో 18 వికెట్లు), జస్ప్రీత్‌ బుమ్రా (9 మ్యాచ్‌ల్లో 17 వికెట్లు) టాప్‌-5లో నిలిచారు. భారత బౌలర్లు జడేజా (9 మ్యాచ్‌ల్లో 16 వికెట్లు), షమీ (5 మ్యాచ్‌ల్లో 16 వికెట్లు) ఏడు, ఎనిమిది స్థానాల్లో ఉన్నారు. 

వన్డే వరల్డ్‌కప్‌ 2023లో భాగంగా నెదర్లాండ్స్‌తో జరిగిన మ్యాచ్‌లో టీమిండియా పలు ప్రపంచకప్‌ రికార్డులను కొల్లగొట్టింది. ఈ మ్యాచ్‌లో వ్యక్తిగత రికార్డులతో పాటు పలు టీమ్‌ రికార్డులు కూడా బద్దలయ్యాయి. నిన్నటి మ్యాచ్‌లో భారత బ్యాటర్లు 16 సిక్సర్లు బాదడంతో తొలిసారి ఓ క్యాలెండర్‌ ఇయర్‌లో భారత్‌ 200కు పైగా సిక్సర్లు నమోదు చేసింది. నెదర్లాండ్స్‌పై 16 సిక్సర్లు కలుపుకుంటే ఈ ఏడాది వన్డేల్లో భారత్‌ సిక్సర్ల సంఖ్య 215కు చేరింది.  వన్డే క్రికెట్‌ చరిత్రలో ఏ జట్టూ ఓ క్యాలెండర్‌ ఇయర్‌లో ఇన్ని సిక్సర్లు కొట్టలేదు. భారత్‌-నెదర్లాండ్స్‌ మ్యాచ్‌కు ముందు ఈ రికార్డు సౌతాఫ్రికా పేరిట ఉండేది. ఇదే ఎడిషన్‌లో సౌతాఫ్రికా 200 సిక్సర్ల మార్కును తాకింది. సఫారీలు ఈ ఏడాది వన్డేల్లో 203 సిక్సర్లు బాదారు. క్యాలెండర్‌ ఇయర్‌లో అత్యధిక వన్డే సిక్సర్లు బాదిన జట్ల జాబితాలో భారత్‌, సౌతాఫ్రికా మధ్యలో వెస్టిండీస్‌ ఉంది. ఈ జట్టు 2019లో 209 సిక్సర్లు బాదింది. ఈ జాబితాలో న్యూజిలాండ్‌ (2015లో 179 సిక్సర్లు), ఆస్ట్రేలియా (2023లో 165 సిక్సర్లు) నాలుగు, ఐదు స్థానాల్లో ఉన్నాయి.  ఇదిలా ఉంటే, నెదర్లాండ్స్‌తో జరిగిన మ్యాచ్‌లో టీమిండియా 160 పరుగుల భారీ తేడాతో గెలుపొందిన విషయం తెలిసిందే. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన భారత్‌.. కేఎల్‌ రాహుల్‌ (63 బంతుల్లో 102; 11 ఫోర్లు, 4 సిక్సర్లు), శ్రేయస్‌ అయ్యర్‌ (94 బంతుల్లో 128 నాటౌట్‌; 10 ఫోర్లు, 5 సిక్సర్లు), రోహిత్‌ శర్మ (61), శుభ్‌మన్‌ గిల్‌ (51), విరాట్‌ కోహ్లి (51) చెలరేగడంతో నిర్ణీత ఓవర్లలో 4 వికెట్ల నష్టానికి 410 పరుగులు చేసింది. అనంతరం ఛేదనకు దిగిన నెదర్లాండ్స్‌ భారత బౌలర్లు తలో చేయి వేయడంతో 47.5 ఓవర్లలో 250 పరుగులకు ఆలౌటైంది. 

వన్డే వరల్డ్‌కప్-2023లో తొమ్మిది వరుస విజయాలు సాధించి, లీగ్‌ దశ అనంతరం అజేయ జట్టుగా నిలిచిన భారత్‌.. ఆదివారం నెదర్లాండ్స్‌పై గ్రాండ్‌ విక్టరీతో పలు ప్రపంచకప్‌ రికార్డులు బద్దలు కొట్టింది. ఇందులో ఓ రికార్డును భారత్‌ 31 ఏళ్ల అనంతరం సాధించింది. నిన్నటి మ్యాచ్‌లో టీమిండియా కెప్టెన్‌ రోహిత్‌ శర్మ ఏకంగా తొమ్మిది మంది బౌలర్లను ప్రయోగించి, వరల్డ్‌కప్‌ రికార్డును సమం చేశాడు. వరల్డ్‌కప్‌ చరిత్రలో కేవలం మూడుసార్లు మాత్రమే ఓ మ్యాచ్‌లో తొమ్మిది మంది బౌలర్లను ప్రయోగించారు.  1987 వరల్డ్‌కప్‌లో తొలిసారి ఇలా జరిగింది. నాడు శ్రీలంకతో జరిగిన మ్యాచ్‌లో ఇంగ్లండ్‌ తొమ్మిది మంది బౌలర్లతో బౌలింగ్‌ చేయించింది. అనంతరం 1992 వరల్డ్‌కప్‌లో రెండోసారి ఇలా జరిగింది. పాకిస్తాన్‌తో జరిగిన నాటి మ్యాచ్‌లో న్యూజిలాండ్‌ తొమ్మిది మంది బౌలర్లను ప్రయోగించింది.  తాజాగా నెదర్లాండ్స్‌తో జరిగిన మ్యాచ్‌లో రోహిత్‌ శర్మ తొమ్మిది మంది బౌలర్లను ప్రయోగించడంతో వరల్డ్‌కప్‌ చరిత్రలో 31 ఏళ్ల తర్వాత మరోసారి ఈ ఉదంతం చోటు చేసుకుంది. ఈ మ్యాచ్‌లో బుమ్రా, సిరాజ్‌, కుల్దీప్‌, జడేజా, విరాట్‌, రోహిత్‌, షమీ, గిల్‌, సూర్యకుమార్‌ యాదవ్‌ బౌలింగ్‌ చేయగా.. బుమ్రా, సిరాజ్‌, కుల్దీప్‌, జడేజా తలో 2 వికెట్లు, విరాట్‌, రోహిత్‌ చెరో వికెట్‌ దక్కించుకున్నారు. షమీ, గిల్‌, సూర్యకుమార్‌ యాదవ్‌లకు వికెట్‌ దక్కలేదు.  ఇదిలా ఉంటే, నెదర్లాండ్స్‌తో జరిగిన మ్యాచ్‌లో టీమిండియా 160 పరుగుల భారీ తేడాతో గెలుపొందిన విషయం తెలిసిందే. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన భారత్‌.. కేఎల్‌ రాహుల్‌ (63 బంతుల్లో 102; 11 ఫోర్లు, 4 సిక్సర్లు), శ్రేయస్‌ అయ్యర్‌ (94 బంతుల్లో 128 నాటౌట్‌; 10 ఫోర్లు, 5 సిక్సర్లు), రోహిత్‌ శర్మ (61), శుభ్‌మన్‌ గిల్‌ (51), విరాట్‌ కోహ్లి (51) చెలరేగడంతో నిర్ణీత ఓవర్లలో 4 వికెట్ల నష్టానికి 410 పరుగులు చేసింది. అనంతరం ఛేదనకు దిగిన నెదర్లాండ్స్‌ భారత బౌలర్లు తలో చేయి వేయడంతో 47.5 ఓవర్లలో 250 పరుగులకు ఆలౌటైంది.   

వన్డే వరల్డ్‌కప్‌ 2023లో భాగంగా నెదర్లాండ్స్‌తో జరిగిన మ్యాచ్‌లో 2 వికెట్లు పడగొట్టిన రవీంద్ర జడేజా వరల్డ్‌కప్‌ సింగిల్‌ ఎడిషన్‌లో భారత్‌ తరఫున అత్యధిక వికెట్లు (16) పడగొట్టిన స్పిన్‌ బౌలర్‌గా రికార్డుల్లోకెక్కాడు. జడ్డూకు ముందు ఈ రికార్డు అనిల్‌ కుంబ్లే, యువరాజ్‌ సింగ్‌ల పేరిట సంయుక్తంగా ఉండేది. 1996 వరల్డ్‌కప్‌లో కుంబ్లే, 2011 వరల్డ్‌కప్‌లో యువరాజ్‌ 15 వికెట్లు పడగొట్టాడు. తాజాగా జడ్డూ వీరిద్దరి రికార్డును అధిగమించి, వరల్డ్‌కప్‌ మోస్ట్‌ సక్సెస్‌ఫుల్‌ ఇండియన్‌ స్పిన్‌ బౌలర్‌గా అవతరించాడు. ఈ విభాగంలో కుల్దీప్‌ (14 వికెట్లు).. జడేజా, కుంబ్లే, యువరాజ్‌ తర్వాతి స్థానాల్లో ఉన్నాడు. కాగా, వరల్డ్‌కప్‌ సింగిల్‌ ఎడిషన్‌లో భారత్‌ తరఫున అత్యధిక వికెట్ల రికార్డు జహీర్‌ ఖాన్‌ పేరిట ఉంది. 2011 ఎడిషన్‌లో అతను 9 మ్యాచ్‌ల్లో 21 వికెట్లు పడగొట్టాడు.  ఇదిలా ఉంటే, నెదర్లాండ్స్‌తో జరిగిన మ్యాచ్‌లో టీమిండియా 160 పరుగుల భారీ తేడాతో గెలుపొందిన విషయం తెలిసిందే. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన భారత్‌.. కేఎల్‌ రాహుల్‌ (63 బంతుల్లో 102; 11 ఫోర్లు, 4 సిక్సర్లు), శ్రేయస్‌ అయ్యర్‌ (94 బంతుల్లో 128 నాటౌట్‌; 10 ఫోర్లు, 5 సిక్సర్లు), రోహిత్‌ శర్మ (61), శుభ్‌మన్‌ గిల్‌ (51), విరాట్‌ కోహ్లి (51) చెలరేగడంతో నిర్ణీత ఓవర్లలో 4 వికెట్ల నష్టానికి 410 పరుగులు చేసింది. అనంతరం ఛేదనకు దిగిన నెదర్లాండ్స్‌ భారత బౌలర్లు తలో చేయి వేయడంతో 47.5 ఓవర్లలో 250 పరుగులకు ఆలౌటైంది. బుమ్రా, సిరాజ్‌, కుల్దీప్‌, జడేజా తలో 2 వికెట్లు పడగొట్టగా.. విరాట్‌, రోహిత్‌ చెరో వికెట్‌ దక్కించుకున్నారు.    

నెదర్లాండ్స్‌పై విక్టరీతో వన్డే వరల్డ్‌కప్‌ 2023లో వరుసగా తొమ్మిది విజయాలు సాధించిన టీమిండియా ఓ అరుదైన ఘనత సాధించింది. వరల్డ్‌కప్‌ సింగిల్‌ ఎడిషన్‌లో అత్యధిక విజయాలు సాధించిన జట్ల జాబితాలో మూడో స్థానానికి ఎగబాకింది. 2003 ఎడిషన్‌లో సాధించిన 8 వరుస విజయాల రికార్డును భారత్‌ ప్రస్తుత ఎడిషన్‌లో అధిగమించింది. ప్రపంచకప్ చరిత్రలో ఓ సింగిల్‌ ఎడిషన్‌లో అత్యధిక విజయాల రికార్డు ఆస్ట్రేలియా పేరిట ఉంది. ఐదుసార్లు ఛాంపియన్‌ అయిన ఈ జట్టు 2003, 2007 ఎడిషన్లలో వరుసగా 11 మ్యాచ్‌ల్లో విజయాలు సాధించింది. ఈ జాబితాలో ఆసీస్‌, భారత్‌ల తర్వాత న్యూజిలాండ్‌ ఉంది. ఈ జట్టు 2015 వరల్డ్‌కప్‌లో భారత్‌ పూర్వపు రికార్డుతో సమానంగా వరుసగా 8 మ్యాచ్‌ల్లో విజయాలు సాధించింది.  నెదర్లాండ్స్‌పై గెలుపుతో టీమిండియా తొమ్మిది వరుస విజయాల రికార్డుతో పాటు మరో ఘనత కూడా సాధించింది. ఓ క్యాలెండర్‌ ఇయర్‌లో తమ అత్యుత్తమ విజయాల రికార్డును ఈ గెలుపుతో సమం చేసింది. 1998లో 24 వన్డేల్లో విజయాలు సాధించిన భారత్‌.. ప్రస్తుత ఏడాది ఇంకా చాలా మ్యాచ్‌లు ఆడాల్సి ఉండగానే ఆ మార్కును అందుకుంది.  కాగా, నెదర్లాండ్స్‌తో జరిగిన మ్యాచ్‌లో టీమిండియా 160 పరుగుల భారీ తేడాతో గెలుపొందిన విషయం తెలిసిందే. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన భారత్‌.. కేఎల్‌ రాహుల్‌ (63 బంతుల్లో 102; 11 ఫోర్లు, 4 సిక్సర్లు), శ్రేయస్‌ అయ్యర్‌ (94 బంతుల్లో 128 నాటౌట్‌; 10 ఫోర్లు, 5 సిక్సర్లు), రోహిత్‌ శర్మ (61), శుభ్‌మన్‌ గిల్‌ (51), విరాట్‌ కోహ్లి (51) చెలరేగడంతో నిర్ణీత ఓవర్లలో 4 వికెట్ల నష్టానికి 410 పరుగులు చేసింది. అనంతరం ఛేదనకు దిగిన నెదర్లాండ్స్‌ భారత బౌలర్లు తలో చేయి వేయడంతో 47.5 ఓవర్లలో 250 పరుగులకు ఆలౌటైంది. బుమ్రా, సిరాజ్‌, కుల్దీప్‌, జడేజా తలో 2 వికెట్లు పడగొట్టగా.. విరాట్‌, రోహిత్‌ చెరో వికెట్‌ దక్కించుకున్నారు.

వన్డే వరల్డ్‌కప్‌-2023లో భాగంగా నెదర్లాండ్స్‌తో జరిగిన మ్యాచ్‌లో టీమిండియా మిడిలార్డర్‌ బ్యాటర్లు కేఎల్‌ రాహుల్‌ (63 బంతుల్లో 102; 11 ఫోర్లు, 4 సిక్సర్లు), శ్రేయస్‌ అయ్యర్‌ (94 బంతుల్లో 128 నాటౌట్‌; 10 ఫోర్లు, 5 సిక్సర్లు) మెరుపు శతకాలతో విరుచుకుపడిన విషయం తెలిసిందే. ఈ మ్యాచ్‌లో భారత ఆటగాళ్లు అన్ని విభాగాల్లో విజృంభించి నెదర్లాండ్స్‌ను 160 పరుగుల భారీ తేడాతో ఓడించారు. భారత గెలుపులో రాహుల్‌, శ్రేయస్‌ ప్రధానపాత్ర పోషించారు. ఈ జోడీ నాలుగో వికెట్‌కు అభేద్యమైన 208 పరుగుల భాగస్వామ్యం​ నమోదు చేసి టీమిండియా భారీ స్కోర్‌ చేయడానికి దోహదపడింది. ఈ క్రమంలో రాహుల్‌-శ్రేయస్‌ జోడీ వరల్డ్‌కప్‌ రికార్డు నెలక్పొంది. వరల్డ్‌కప్‌లో భారత్‌ తరఫున నాలుగు అంతకంటే తక్కువ వికెట్లకు నమోదైన భాగస్వామ్యాల్లో ఇదే అత్యుత్తమంగా నిలిచింది. దీనికి ముం​దు 2015 వరల్డ్‌కప్‌లో ధోని, రైనా జోడీ జింబాబ్వేపై నెలకొల్పిన అజేయ 196 పరుగుల భాగస్వామ్యం అత్యుత్తమంగా ఉండింది.  ఇదే వరల్డ్‌కప్‌లో ఆసీస్‌పై విరాట్‌-రాహుల్‌ జోడీ నెలకొల్పిన 165 పరుగుల భాగస్వామ్యం ఈ విభాగంలో మూడో అత్యుత్తమంగా ఉంది. ఆతర్వాత 1996 వరల్డ్‌కప్‌లో కాంబ్లీ-సిద్దూ నెలకొల్పిన 142 పరుగుల భాగస్వామ్యం.. 1999 వరల్డ్‌కప్‌లో అజయ్‌ జడేజా, రాబిన్‌ సింగ్‌ నెలకొల్పిన 141 పరుగుల భాగస్వామ్యం వరుసగా నాలుగు, ఐదు స్థానాల్లో నిలిచాయి.  మొత్తంగా నెదర్లాండ్స్‌పై కీలక భాగస్వామ్యం నెలకొల్పి జట్టు విజయానికి దోహదపడిన రాహుల్‌-శ్రేయస్‌ జోడీ నంబర్‌ వన్‌ జోడీ అనిపించుకుంది.

వన్డే వరల్డ్‌కప్‌-2023లో భాగంగా నెదర్లాండ్స్‌తో జరిగిన మ్యాచ్‌లో టీమిండియా అదిరిపోయే విజయం సాధించిన విషయం తెలిసిందే. ఈ మ్యాచ్‌లో భారత ఆటగాళ్లు ఆల్‌రౌండ్‌ ప్రదర్శనతో చెలరేగి పసికూనను మట్టికరిపించారు. తొలుత బ్యాటింగ్‌లో కేఎల్‌ రాహుల్‌ (63 బంతుల్లో 102; 11 ఫోర్లు, 4 సిక్సర్లు), శ్రేయస్‌ అయ్యర్‌ (94 బంతుల్లో 128 నాటౌట్‌; 10 ఫోర్లు, 5 సిక్సర్లు), రోహిత్‌ శర్మ (61), శుభ్‌మన్‌ గిల్‌ (51), విరాట్‌ కోహ్లి (51) రెచ్చిపోగా.. అనంతరం బౌలర్లు తలో చేయి వేసి గెలిపించారు.  View this post on Instagram A post shared by ICC (@icc) ఈ మ్యాచ్‌లో ఆసక్తికర విషయం ఏంటంటే.. ప్రపంచకప్‌లో తొలిసారి తొమ్మిది మంది భారత బౌలర్లు బౌలింగ్‌కు దిగారు. రెగ్యులర్‌ బౌలర్లతో పాటు విరాట్‌, రోహిత్‌, గిల్‌, సూర్యకుమార్‌ యాదవ్‌ లాంటి ఫుల్‌టైమ్‌ బ్యాటర్లు బౌలింగ్‌ చేశారు. ఇక్కడ మరో ఆసక్తికర విషయం ఏంటంటే.. చాలాకాలం తర్వాత బంతిపట్టిన విరాట్‌, రోహిత్‌ తలో వికెట్‌ పడగొట్టి, భారత అభిమానులకు ప్రత్యేక అనుభూతిని కలిగించారు. విరాట్‌ తొమ్మిదేళ్ల తర్వాత.. రోహిత్‌ 11 ఏళ్ల తర్వాత వన్డే వికెట్ తీసి  ఫ్యాన్స్‌కు దీపావళి కానుక అందించారు. View this post on Instagram A post shared by ICC (@icc) విరాట్‌.. స్కాట్‌ ఎడ్వర్డ్స్‌ వికెట్‌ తీయగా, రోహిత్‌.. నెదర్లాండ్స్‌ టాప్‌ స్కోరర్‌ తేజ నిడమనూరు వికెట్‌ పడగొట్టాడు. ఈ మ్యాచ్‌లో విరాట్‌, రోహిత్‌ వికెట్‌ తీసిన వైనం రాహుల్‌, శ్రేయస్‌ మెరుపు శతకాలను సైతం మరుగున పడేసింది. రోహిత్‌ చివరిసారిగా 2012 ఫిబ్రవరిలో వన్డే వికెట్‌ తీశాడు. నాటి మ్యాచ్‌లో హిట్‌మ్యాన్‌ ఆసీస్‌ ఆటగాడు మాథ్యూ వేడ్‌ వికెట్‌ (క్యాచ్‌ అండ్‌ బౌల్డ్‌) దక్కించుకున్నాడు. రోహిత్‌ తన కెరీర్‌లో తొమ్మిది వన్డే వికెట్లు, రెండు టెస్ట్‌ వికెట్లు, ఓ టీ20 వికెట్‌ పడగొట్టాడు.

వన్డే వరల్డ్‌కప్‌-2023లో భాగంగా నెదర్లాండ్స్‌తో జరిగిన మ్యాచ్‌లో టీమిండియా 160 పరుగుల భారీ తేడాతో గెలుపొందింది. ఈ మ్యాచ్‌లో భారత్‌ అన్ని విభాగాల్లో రాణించి పసికూనపై పూర్తి స్థాయి ఆధిక్యత ప్రదర్శించింది. తొలుత బ్యాటింగ్‌ చేస్తూ కేఎల్‌ రాహుల్‌ (63 బంతుల్లో 102; 11 ఫోర్లు, 4 సిక్సర్లు), శ్రేయస్‌ అయ్యర్‌ (94 బంతుల్లో 128 నాటౌట్‌; 10 ఫోర్లు, 5 సిక్సర్లు) మెరుపు శతకాలతో విరుచుకుపడటంతో 410 పరుగుల భారీ స్కోర్‌ చేసిన భారత్‌.. బౌలింగ్‌లో టీమ్‌గా రాణించి ప్రత్యర్ధిని 250 పరుగులకే ఆలౌట్‌ చేసింది. ఈ గెలుపుతో భారత్‌ వరుసగా తొమ్మిదో విజయాన్ని నమోదు చేసి, లీగ్‌ దశలో అజేయ జట్టుగా నిలిచింది. మ్యాచ్‌ అనంతరం నెదర్లాండ్స్‌ కెప్టెన్‌ స్కాట్‌ ఎడ్వర్డ్స్‌ మాట్లాడుతూ టీమిండియాపై ప్రశంసల వర్షం కురిపించాడు. భారత్‌ నుంచి నేర్చుకోవాల్సింది చాలా ఉందని కితాబునిచ్చాడు. ప్రస్తుత టోర్నీలో టీమిండియాను ఓడించడం చాలా కష్టమని అన్నాడు. భారత్‌ పటిష్టమైన జట్టు అనడానికి, వారు సాధిస్తున్న విజయాలే నిదర్శనమని తెలిపాడు. భారత బ్యాటింగ్‌ విభాగాన్ని ఆకాశానికెత్తాడు. సొగసైన బ్యాటింగ్‌ లైనప్‌ అని కొనియాడాడు. ఈ మ్యాచ్‌లో కొన్ని సందర్భాల్లో మా బౌలర్లు అద్భుతంగా బౌలింగ్‌ చేసినప్పటికీ, భారత బ్యాటర్లు ఎదురుదాడికి దిగి, మమ్మల్ని ఒత్తిడిలోకి నెట్టేసారని అన్నాడు. ఈ టోర్నీ చాలా కఠినంగా ఉండబోతుందని ముందే తెలుసు. శక్తివంచన లేకుండా ఆడాం. రెండు అద్భుత విజయాలు సాధించాం. పలు మ్యాచ్‌ల్లో గెలిచే అవకాశాలు కల్పించుకున్నాం. మరిన్ని విజయాలు సాధించాల్సి ఉండింది. ఓవరాల్‌గా మా ఆటతీరు సంతృప్తినిచ్చింది. ఆటగాళ్లు ఇప్పుడిప్పుడే రాటుదేలుతున్నారు. ఈ టోర్నీ మాకు మంచి అనుభూతులను మిగిల్చింది. చాలా నేర్చుకున్నాము.  ఇంకా నేర్చుకోవాల్సి ఉంది. జట్టుగా ఎదగడానికి ఈ టోర్నీ చాలా సాయపడింది. టీ20 వరల్డ్‌కప్‌ 2024లోపు మరింత మెరుగుపడాలని ఆశిస్తున్నామని అన్నాడు. కాగా, ప్రస్తుత వరల్డ్‌కప్‌లో నెదర్లాండ్స్‌.. పటిష్టమైన సౌతాఫ్రికాను, తమకంటే మెరుగైన బంగ్లాదేశ్‌కు ఊహించని షాకిచ్చిన విషయం తెలిసిందే. 

వన్డే వరల్డ్‌కప్‌-2023లో భాగంగా నెదర్లాండ్స్‌తో జరిగిన మ్యాచ్‌లో టీమిండియా 160 పరుగుల భారీ తేడాతో గెలుపొందింది. ఈ గెలుపుతో భారత్‌ వరుసగా తొమ్మిది మ్యాచ్‌ల్లో విజయం సాధించి, లీగ్‌ దశలో అజేయ జట్టుగా నిలిచింది. ఈ మ్యాచ్‌లో భారత్‌ ఆల్‌రౌండ్‌ ప్రదర్శనతో చెలరేగి పసికూన నెదర్లాండ్స్‌ను మట్టికరిపించింది. టాస్‌ గెలిచి తొలుత బ్యాటింగ్‌ చేసిన టీమిండియా.. కేఎల్‌ రాహుల్‌ (63 బంతుల్లో 102; 11 ఫోర్లు, 4 సిక్సర్లు), శ్రేయస్‌ అయ్యర్‌ (94 బంతుల్లో 128 నాటౌట్‌; 10 ఫోర్లు, 5 సిక్సర్లు) మెరుపు శతకాలతో విరుచుకుపడటంతో నిర్ణీత ఓవర్లలో 4 వికెట్ల నష్టానికి 410 పరుగులు చేసింది. రోహిత్‌ శర్మ (61), శుభ్‌మన్‌ గిల్‌ (51), విరాట్‌ కోహ్లి (51) హాఫ్‌ సెంచరీలతో రాణించారు. అనంతరం ఛేదనకు దిగిన నెదర్లాండ్స్‌ భారత బౌలర్లు మూకుమ్మడిగా దాడి చేయడంతో 47.5 ఓవర్లలో 250 పరుగులకు ఆలౌటైంది. ఈ మ్యాచ్‌లో ఏకంగా తొమ్మది మంది బౌలర్లను ప్రయోగించిన రోహిత్‌ శర్మ దాదాపుగా అందరి నుంచి ఫలితం రాబట్టాడు. బుమ్రా, సిరాజ్‌, కుల్దీప్‌, జడేజా తలో 2 వికెట్లు పడగొట్టగా.. విరాట్‌, రోహిత్‌ చెరో వికెట్‌ దక్కించుకున్నారు. షమీ, గిల్‌,సూర్యకుమార్‌ యాదవ్‌లకు వికెట్‌ దక్కలేదు. నెదర్లాండ్స్‌ ఇన్నింగ్స్‌లో తెలుగు ఆటగాడు తేజ నిడమనూరు (54) టాప్‌ స్కోరర్‌గా నిలిచాడు. మ్యాచ్‌ అనంతరం రోహిత్‌ శర్మ మాట్లాడుతూ ఇలా అన్నాడు. మేము టోర్నమెంట్‌ ప్రారంభం నుంచి ఒక సమయంలో ఒకే గేమ్ గురించి ఆలోచించి, ఆ మ్యాచ్‌లో బాగా ఆడాలని అనుకున్నాం. ఇది సుదీర్ఘ టోర్నమెంట్ కాబట్టి  చాలా దూరం చూడాలని ఎప్పుడూ అనుకోలేదు. ఒక్కో మ్యాచ్‌ లక్ష్యంగా పెట్టుకుని, అందులో బాగా ఆడాలని అనుకున్నాం​. అలాగే చేశాం. వివిధ వేదికపై పరిస్థితులకు అనుగుణంగా, అందరం​ కలిసికట్టుగా ఆడాం. ఫలితం సాధించాం. మా వరుస విజయాల వెనుక ఉన్న రహస్యం ఇదే. జట్టులో ప్రతి ఒక్క ఆటగాడు ఒక్కో సందర్భంలో బాధ్యతలు తీసుకుని సత్తా చాటడం శుభపరిణామం. పేసర్లు, స్పిన్నర్లు అద్భుతంగా రాణించారు. డ్రెస్సింగ్ రూమ్ వాతావరణం బాగుండాలంటే  ఫలితాలు చాలా ముఖ్యం. టోర్నీ ప్రారంభమైనప్పటి నుంచి జట్టు సభ్యులందరం కుటంబంలా మమేకమైపోయాం. ఒకరి కంపెనీని మరొకరం ఆస్వాదించాం. ప్రతి గేమ్‌నుసరదాగా, ఉత్సాహంగా ఆడాలని ప్లాన్‌ చేసుకున్నాం. అదే విజయాలకు దోహదపడింది. ఆటగాళ్లు ఒత్తిడికి లోనుకాకుండా ఇదే మమ్మల్ని కాపాడింది. మాపై అంచనాలు చాలా ఉన్నాయి. మేము అన్నింటినీ పక్కనపెట్టి, తదుపరి టాస్క్‌పైనే (సెమీస్‌) దృష్టి పెట్టాలనుకున్నాం. తొమ్మిది మంది బౌలర్లను ప్రయోగించడంపై స్పందిస్తూ.. బౌలింగ్‌లో ప్రయోగాలు చేసేందుకు ఇదే సరైన సమయమని భావించా. మాకు ప్రస్తుతం ఐదు మంది ఫుల్‌టైమ్‌ బౌలర్ల సేవలు మాత్రమే ఉన్నాయి. ఈ మ్యాచ్‌లో ప్రయోగం చేస్తే పార్ట్‌ బౌలర్‌గా ఎవరు పనికొస్తారో తెలుస్తుందని అలా చేశా. దీనికి తోడు ఈ మ్యాచ్‌లో మా పేసర్లు అనవసరమైన వైడ్ యార్కర్లు వేశారు. అందుకే పార్ట్‌ టైమ్‌ స్పిన్నర్లుగా నేను, గిల్‌, స్కై బరిలోకి దిగాం అని అన్నాడు. 

వన్డే వరల్డ్‌కప్‌-2023లో భాగంగా నెదర్లాండ్స్‌తో జరిగిన మ్యాచ్‌లో టీమిండియా మిడిలార్డర్‌ బ్యాటర్‌ కేఎల్‌ రాహుల్‌ సుడిగాలి శతకం సాధించాడు. ఈ మ్యాచ్‌లో 62 బంతుల్లోనే శతక్కొట్టిన రాహుల్‌.. వన్డే వరల్డ్‌కప్‌ చరిత్రలోనే భారత్‌ తరఫున అత్యంత వేగవంతమైన సెంచరీ సాధించిన ఆటగాడిగా రికార్డుల్లోకెక్కాడు. రాహుల్‌కు ముందు ఈ రికార్డు రోహిత్‌ శర్మ పేరిట ఉండేది. ఇదే వరల్డ్‌కప్‌ ఎడిషన్‌లో హిట్‌మ్యాన్‌ ఆఫ్ఘనిస్తాన్‌పై 62 బంతుల్లో సెంచరీ చేశాడు. ఈ మ్యాచ్‌లో మొత్తంగా 64 బంతులు ఎదుర్కొన్న రాహుల్‌ 11 ఫోర్లు, 4 సిక్సర్ల సాయంతో 102 పరుగులు చేసి ఔటయ్యాడు. నెదర్లాండ్స్‌పై సెంచరీతో రాహుల్‌ మరో రికార్డు కూడా తన ఖాతాలో వేసుకున్నాడు. రాహుల్‌ ద్రవిడ్‌ (1999లో శ్రీలంకపై 145 పరుగులు) తర్వాత వరల్డ్‌కప్‌లో సెంచరీ సాధించిన భారత వికెట్‌కీపర్‌గా రికార్డుల్లోకెక్కాడు. అలాగే వరల్డ్‌కప్‌లో భారత్‌ తరఫున రెండో అత్యధిక స్కోర్‌ చేసిన వికెట్‌కీపర్‌గానూ రికార్డు నెలకొల్పాడు.  కాగా, రాహుల్‌తో పాటు శ్రేయస్‌ అయ్యర్‌ (94 బంతుల్లో 128 నాటౌట్‌; 10 ఫోర్లు, 5 సిక్సర్లు) కూడా మెరుపు శతకంతో విరుచుకుపడటంతో నెదర్లాండ్స్‌తో జరిగిన మ్యాచ్‌లో టాస్‌ గెలిచి తొలుత బ్యాటింగ్‌ చేసిన భారత జట్టు భారీ స్కోర్‌ చేసింది. వీరితో పాటు రోహిత్‌ శర్మ (61), శుభ్‌మన్‌ గిల్‌ (51), విరాట్‌ కోహ్లి (51) హాఫ్‌ సెంచరీలతో రాణించడంతో భారత్‌ నిర్ణీత ఓవర్లలో 5 వికెట్ల నష్టానికి 410 పరుగులు చేసింది.  అనంతరం ఛేదనకు దిగిన నెదర్లాండ్స్‌ భారత్‌ బౌలర్లు మూకుమ్మడిగా రాణించడంతో 47.5 ఓవర్లలో 250 పరుగులకు ఆలౌటైంది. ఫలితంగా భారత్‌ 160 పరుగుల తేడాతో గెలుపొంది, ప్రస్తుత వరల్డ్‌కప్‌ ఎడిషన్‌లో వరుసగా తొమ్మిదో విజయాన్ని నమోదు చేసింది.  భారత బౌలర్లలో బుమ్రా, సిరాజ్‌, కుల్దీప్‌, జడేజా తలో 2 వికెట్లు పడగొట్టగా.. విరాట్‌, రోహిత్‌ చెరో వికెట్‌ దక్కించుకున్నారు. ఈ మ్యాచ్‌లో రోహిత్‌, విరాట్‌తో పాటు శుభ్‌మన్‌ గిల్‌ కూడా బౌలింగ్‌ చేశాడు. ఈ విజయంతో భారత్‌ లీగ్‌ దశలో ఓటమి ఎరుగని జట్టుగా నిలిచింది. నవంబర్‌ 15న జరిగే తొలి సెమీస్‌లో భారత్‌.. న్యూజిలాండ్‌తో తలపడుతుంది.

వన్డే వరల్డ్‌కప్‌ 2023లో భాగంగా నెదర్లాండ్స్‌తో జరుగుతున్న మ్యాచ్‌లో తొలుత బ్యాటింగ్‌  చేసిన టీమిండియా భారీ స్కోర్‌ చేసింది. కేఎల్‌ రాహుల్‌ (63 బంతుల్లో 102; 11 ఫోర్లు, 4 సిక్సర్లు), శ్రేయస్‌ అయ్యర్‌ (94 బంతుల్లో 128 నాటౌట్‌; 10 ఫోర్లు, 5 సిక్సర్లు) మెరుపు శతకాలతో విరుచుకుపడటంతో పాటు రోహిత్‌ శర్మ (61), శుభ్‌మన్‌ గిల్‌ (51), విరాట్‌ కోహ్లి (51) హాఫ్‌ సెంచరీలతో రాణించడంతో భారత్‌ నిర్ణీత ఓవర్లలో 5 వికెట్ల నష్టానికి 410 పరుగులు చేసింది. అనంతరం భారీ లక్ష్య ఛేదనకు దిగిన నెదర్లాండ్స్‌ భారత బౌలర్లు మూకుమ్మడిగా దాడి చేస్తుండటంతో ఓటమి దిశగా పయనిస్తుంది. ఆ జట్టు స్కోర్‌ 38 ఓవర్లు ముగిసిన అనంతరం 173/6గా ఉంది. ఎలా చూసినా ఈ మ్యాచ్‌లో నెదర్లాండ్స్‌ గెలిచే అవకాశాలు లేవు. pic.twitter.com/tuz5dcN5Tw — Bangladesh vs Sri Lanka (@Hanji_CricDekho) November 12, 2023 కాగా, ఈ మ్యాచ్‌లో భారత ఇన్నింగ్స్‌ సమయంలో టీవీల్లో తారసపడిన పలు ఆసక్తికర సన్నివేశాలు ప్రస్తుతం నెట్టింట వైరలవుతున్నాయి. సూపర్‌ టచ్‌లో కనిపించిన విరాట్‌ కోహ్లి 51 పరుగుల వద్ద వాన్‌ డర్‌ మెర్వ్‌ బౌలింగ్‌లో క్లీన్‌ బౌల్డ్‌ కావడంతో అతని భార్య అనుష్క శర్మ ముఖంలో కనిపించిన హావభావాలు సోషల్‌మీడియాలో ట్రెండింగ్‌లో నిలిచాయి. కోహ్లి 50వ వన్డే సెంచరీ కోసం అతని కంటే అతని భార్య ఎక్కువగా పరితపిస్తుందని నెటిజన్లు కామెంట్లు చేస్తున్నారు.  ఇదే మ్యాచ్‌లో తారసపడిన మరో సన్నివేశం సైతం నెట్టింట హల్‌చల్‌ చేస్తుంది. విరాట్‌ నెదర్లాండ్స్‌ కెప్టెన్‌ స్కాట్‌ ఎడ్వర్డ్స్‌ వికెట్‌ తీసిన అనంతరం అతనికంటే అతని భార్య అనుష్క శర్మనే ఎక్కువగా సంబురాలు చేసుకుంది. ఈ వీడియో కూడా నెట్టింట సందడి చేస్తుంది. మొత్తంగా నిన్నటి నుంచి విరాట్‌-అనుష్క వీడియోలు నెట్టింట హల్‌చల్‌ చేస్తున్నాయి. టీమిండియా దీపావళి సంబురాలకు సంబంధించిన వీడియోలో సైతం వీరిద్దరే సెంటర్‌ ఆఫ్‌ అట్రాక్షన్‌గా నిలిచారు. ఇదిలా ఉంటే, విరాట్‌ వన్డేల్లో సచిన్‌ పేరిట ఉన్న అత్యధిక​ సెంచరీల రికార్డును (49) బద్దలు కొట్టేందుకు కేవలం సెంచరీ దూరంలో ఉన్న విషయం తెలిసిందే.

వన్డేల్లో విరాట్‌ కోహ్లి తొమ్మిదేళ్ల తర్వాత వికెట్‌ తీశాడు. వరల్డ్‌కప్‌ 2023లో భాగంగా నెదర్లాండ్స్‌తో జరుగుతున్న మ్యాచ్‌లో కెప్టెన్‌ రోహిత్‌ శర్మ విరాట్‌కు బంతినందించాడు. కెప్టెన్‌ నమ్మకాన్ని వమ్ము చేయని విరాట్‌.. తన స్పెల్‌ రెండో ఓవర్‌లో వికెట్‌ తీసి అదరగొట్టాడు. విరాట్‌ పడగొట్టన వికెట్‌ సాదాసీదా వికెట్‌ కాదు. అతను ఏకంగా ప్రత్యర్ధి కెప్టెన్‌ స్టాట్‌ ఎడ్వర్డ్స్‌కే (17) ఝలక్‌ ఇచ్చాడు. వికెట్‌కీపర్‌ కేఎల్‌ రాహుల్‌ లెగ్‌సైడ్‌లో అద్భుతమైన క్యాచ్‌ పట్టడంతో విరాట్‌కు చాలాకాలం తర్వాత వికెట్‌ దక్కింది. వికెట్‌ తీసిన అనంతరం విరాట్‌ సంబురాలు ఆకాశాన్ని అంటాయి. అతను సెంచరీ చేసినప్పుడు కూడా ఇంతలా సంతోషపడి ఉండడు. విరాట్‌ సాధించిన ఈ ఘనతను చూసి స్టాండ్స్‌లో ఉన్న అతని భార్య అనుష్క శర్మ కూడా ఉబ్బితబ్బి బైపోయింది. ఆమె సంతోషానికి కూడా అవథుల్లేకుండా పోయాయి. వాస్తవానికి విరాట్‌కు అంతకుముందు ఓవర్లోనే వికెట్‌ దక్కాల్సి ఉండింది. అయితే స్లిప్‌లో ఫీల్డర్‌ను పెట్టకపోవడంతో ఆ అవకాశం చేజారిపోయింది. మొత్తంగా విరాట్‌ సాధించిన ఈ వికెట్‌ మ్యాచ్‌ మొత్తానికే హైలైట్‌గా నిలిచింది. వన్డేల్లో విరాట్‌కు ఇది ఐదో వికెట్‌. అతను తన వన్డే కెరీర్‌లో అలిస్టర్‌ కుక్‌, కీస్వెట్టర్‌, డికాక్‌, మెక్‌కల్లమ్‌, స్కాట్‌ ఎడ్వర్డ్స్‌ల వికెట్లు పడగొట్టాడు. విరాట్‌ టీ20ల్లో (4), ఐపీఎల్‌లోనూ (4) వికెట్లు పడగొట్టాడు.  View this post on Instagram A post shared by ICC (@icc) కాగా, ఈ మ్యాచ్‌లో 411 పరుగుల భారీ లక్ష్య ఛేదనకు దిగిన నెదర్లాండ్స్‌ ఓటమి దిశగా సాగుతుంది. ఆ జట్టు 33 ఓవర్లు ముగిసేసరికి 5 వికెట్ల నష్టానికి 148 పరుగులు చేసింది. విరాట్‌, సిరాజ్‌, బుమ్రా, కుల్దీప్‌, జడేజా తలో వికెట్‌ పడగొట్టారు. అంతకుముందు టాస్‌ గెలిచి తొలుత బ్యాటింగ్‌ చేసిన టీమిండియా భారీ స్కోర్‌ చేసింది. కేఎల్‌ రాహుల్‌ (63 బంతుల్లో 102; 11 ఫోర్లు, 4 సిక్సర్లు), శ్రేయస్‌ అయ్యర్‌ (94 బంతుల్లో 128 నాటౌట్‌; 10 ఫోర్లు, 5 సిక్సర్లు) మెరుపు శతకాలతో విరుచుకుపడటంతో పాటు రోహిత్‌ శర్మ (61), శుభ్‌మన్‌ గిల్‌ (51), విరాట్‌ కోహ్లి (51) హాఫ్‌ సెంచరీలతో రాణించడంతో భారత్‌ నిర్ణీత 50 ఓవర్లలో 4 వికెట్ల నష్టానికి 410 పరుగులు చేసింది.   

వన్డే వరల్డ్‌కప్‌ 2023లో భాగంగా నెదర్లాండ్స్ జరుగుతున్న మ్యాచ్‌లో భారత బ్యాటర్లు మహోగ్రరూపం దాల్చారు. ఈ మ్యాచ్‌లో ఏకంగా ఐదుగురు భారత బ్యాటర్లు మెరుపు వేగంతో 50 అంటకంటే ఎక్కువ స్కోర్లు చేశారు. ఫలితంగా తొలుత బ్యాటింగ్‌ చేసిన టీమిండియా నిర్ణీత ఓవర్లలో 4 వికెట్ల నష్టానికి 410 పరుగుల భారీ చేసింది.    ఈ మ్యాచ్‌లో భారత బ్యాటర్లు ఒకరికిమించి ఒకరు పేట్రేగిపోవడంతో నెదర్లాండ్స్‌ బౌలర్లు విలవిలలాడిపోయారు. ముఖ్యంగా ఆ జట్టు స్టార్‌ పేసర్‌ లొగాన్‌ వాన్‌ బీక్‌ భారత బ్యాటర్ల విధ్వంసం ధాటికి బెంబేలెత్తిపోయాడు. ఈ మ్యాచ్‌లో 10 ఓవర్లు వేసిన వాన్‌ బీక్‌ ఏకంగా 107 పరుగులు సమర్పించుకుని వరల్డ్‌కప్‌లో మూడో అత్యంత చెత్త బౌలింగ్‌ గణాంకాలు నమోదు చేశాడు.  వరల్డ్‌కప్‌ హిస్టరీలో అత్యంత చెత్త బౌలింగ్‌ గణాంకాల రికార్డు కూడా నెదర్లాండ్స్‌ బౌలర్‌ పేరిటే ఉండటం విశేషం. ప్రస్తుత వరల్డ్‌కప్‌లో ఆస్ట్రేలియాతో జరిగిన మ్యాచ్‌లో బాస్‌ డి లీడ్‌ ఏకంగా 115 పరుగులు సమర్పించుకున్నాడు. ఆతర్వాత వరల్డ్‌కప్‌లో అత్యంత చెత్త బౌలింగ్‌ గణాంకాల రికార్డు ఆఫ్ఘనిస్తాన్‌ స్టార్‌ బౌలర్‌ రషీద్‌ ఖాన్‌ పేరిట ఉంది.  2019 వరల్డ్‌కప్‌లో ఇంగ్లండ్‌తో జరిగిన మ్యాచ్‌లో రషీద్‌ 110 పరుగులు సమర్పించుకున్నాడు.  

దీపావళి పర్వదినాన నెదర్లాండ్స్‌తో జరుగుతున్న మ్యాచ్‌లో భారత బ్యాటర్లు టాపాసుల్లా పేలారు. ఈ మ్యాచ్‌లో ఏకంగా ఐదుగురు ఆటగాళ్లు మెరుపు వేగంతో 50 అంతకంటే ఎక్కువ స్కోర్లు చేసి క్రికెట్‌ అభిమానులకు అసలైన దీపావళి మజాను అందించారు. కేఎల్‌ రాహుల్‌ (63 బంతుల్లో 102; 11 ఫోర్లు, 4 సిక్సర్లు), శ్రేయస్‌ అయ్యర్‌ (94 బంతుల్లో 128 నాటౌట్‌; 10 ఫోర్లు, 5 సిక్సర్లు) లక్షీ బాంబుల్లా విధ్వంసం సృష్టించగా.. రోహిత్‌ శర్మ (61), శుభ్‌మన్‌ గిల్‌ (51), విరాట్‌ కోహ్లి (51) చిచ్చుబుడ్లలా మెరుపు హాఫ్‌ సెంచరీలతో ఎగిసిపడ్డారు. ఫలితంగా భారత్‌ నిర్ణీత 50 ఓవర్లలో 4 వికెట్ల నష్టానికి 410 పరుగుల భారీ చేసింది.  వరల్డ్‌కప్‌ చరిత్రలో భారత్‌ 400 అంతకంటే ఎక్కువ స్కోర్‌ చేయడం ఇది రెండోసారి. 2007 వరల్డ్‌కప్‌లో బెర్ముడాతో జరిగిన మ్యాచ్‌లో టీమిండియా 5 వికెట్ల నష్టానికి 413 పరుగులు చేసింది. బెంగళూరు వేదికగా నెదర్లాండ్స్‌తో ఇవాళ జరుగుతున్న మ్యాచ్‌లో భారత్‌ ఆ స్కోర్‌కు మూడు పరుగుల దూరంలో నిలిచిపోయింది. ఓవరాల్‌గా వరల్డ్‌కప్‌లో అత్యధిక స్కోర్‌ రికార్డు సౌతాఫ్రికా పేరిట ఉంది. ఇదే ఎడిషన్‌లో సఫారీలు శ్రీలంకపై 428 పరుగులు చేశారు. వరల్డ్‌కప్‌ టాప్‌-5 అత్యధిక స్కోర్లలో భారత్‌ రెండు స్థానాల్లో (413, 410) ఉండటం విశేషం.    

వన్డే వరల్డ్‌కప్‌ 2023లో భాగంగా నెదర్లాండ్స్‌తో ఇవాళ జరుగుతున్న మ్యాచ్‌లో టీమిండియా చరిత్ర సృష్టించింది. 48 ఏళ్ల వరల్డ్‌కప్‌ చరిత్రలో ఏ జట్టుకు సాధ్యం కాని అరుదైన ఘనతను ఇవాల్టి మ్యాచ్‌లో సాధించింది. ఈ మ్యాచ్‌లో ఏకంగా ఐదుగురు భారత బ్యాటర్లు (రోహిత్‌, గిల్‌, విరాట్‌, శ్రేయస్‌ రాహుల్‌) 50 అంతకంటే ఎక్కువ పరుగులు చేశారు. వన్డే వరల్డ్‌కప్‌ చరిత్రలో ఇప్పటివరకు ఎప్పుడూ ఇలా జరగలేదు. ఈ మ్యాచ్‌లో ముగ్గురు టీమిండియా బ్యాటర్లు హాఫ్‌ సెంచరీలు, ఇద్దరు సెంచరీలు చేయడం​ విశేషం. ఈ మ్యాచ్‌లో 50 ప్లస్‌ స్కోర్లు సాధించిన వారు టాప్‌-5 బ్యాటర్లు కావడం మరో విశేషం​.  గతంలో వరల్డ్‌కప్‌యేతర మ్యాచ్‌ల్లో మూడు సార్లు ఐదుగురు బ్యాటర్లు 50 ప్లస్‌ స్కోర్లు సాధించారు. 2008లో (కరాచీ) జింబాబ్వేతో జరిగిన ఓ వన్డేలో ఐదుగురు పాక్‌ బ్యాటర్లు హాఫ్‌ సెంచరీలు సాధించారు. అలాగే 2013, 2020ల్లో జరిగిన మ్యాచ్‌ల్లో (జైపూర్‌, సిడ్నీ) భారత్‌పై ఐదుగురు ఆసీస్‌ బ్యాటర్లు హాఫ్‌ సెంచరీలు స్కోర్‌ చేశారు.  కాగా, నెదర్లాండ్స్‌తో జరుగుతున్న మ్యాచ్‌లో టాస్‌ గెలిచి తొలుత బ్యాటింగ్‌ చేసిన టీమిండియా భారీ స్కోర్‌ చేసింది. కేఎల్‌ రాహుల్‌ (63 బంతుల్లో 102; 11 ఫోర్లు, 4 సిక్సర్లు), శ్రేయస్‌ అయ్యర్‌ (94 బంతుల్లో 128 నాటౌట్‌; 10 ఫోర్లు, 5 సిక్సర్లు) మెరుపు శతకాలతో విరుచుకుపడటంతో పాటు రోహిత్‌ శర్మ (61), శుభ్‌మన్‌ గిల్‌ (51), విరాట్‌ కోహ్లి (51) హాఫ్‌ సెంచరీలతో రాణించడంతో భారత్‌ నిర్ణీత 50 ఓవర్లలో 4 వికెట్ల నష్టానికి 410 పరుగులు చేసింది.   

వన్డే ప్రపంచకప్‌-2023లో వరుస విజయాలతో (8) దూసుకుపోతున్న టీమిండియా.. నెదర్లాండ్స్‌తో మ్యాచ్‌కు ముందు దీపావళి సంబురాల్లో పాల్గొంది. బెంగళూరులోని విలాసవంతమైన ఐటీసీ గార్డెనియా హోటల్‌లో జరిగిన ఈ వేడుకల్లో భారత క్రికెట్‌ జట్టు సభ్యులందరూ పాల్గొన్నారు. ఆహ్లాదభరితమైన వాతావరణంలో సాగిన ఈ వేడుకల్లో టీమిండియా ఆటగాళ్లు కుటుంబ సభ్యుల్లా మమేకమై ఎంజాయ్‌ చేశారు. We are #TeamIndia 🇮🇳 and we wish you and your loved ones a very Happy Diwali 🪔 pic.twitter.com/5oreVRDLAX — BCCI (@BCCI) November 12, 2023 ఈ వేడుకల్లో విరాట్‌-అనుష్క దంపతులు స్పెషల్‌ అట్రక్షన్‌గా నిలిచారు. రోహిత్‌, కేల్‌ రాహుల్‌, జడేజా, శార్దూల్‌, సూర్యకుమార్‌ సతీసమేతంగా ఈ వేడుకలకు హాజరయ్యారు. ఈ వేడుకల్లో శుభ్‌మన్‌ గిల్‌, ఇషాన్‌ కిషన్‌ చిన్న పిల్లాలలా సందడి చేశారు.   టీమిండియా దీపావళి సంబురాలకు సంబంధించిన వీడియోను బీసీసీఐ సోషల్‌మీడియాలో షేర్‌ చేసింది. ఈ వీడియో ప్రస్తుతం నెట్టింట వైరలవుతుంది. ఈ వీడియోలో టీమిండియా ఆటగాళ్లను చూసేందుకు రెండు కళ్లు చాలవని నెటిజన్లు అంటున్నారు.  ఇదిలా ఉంటే, నెదర్లాండ్స్‌తో ఇవాళ జరుగుతున్న మ్యాచ్‌లో టాస్‌ గెలిచి తొలుత బ్యాటింగ్‌ చేసిన టీమిండియా భారీ స్కోర్‌ చేసింది. కేఎల్‌ రాహుల్‌ (63 బంతుల్లో 102; 11 ఫోర్లు, 4 సిక్సర్లు), శ్రేయస్‌ అయ్యర్‌ (94 బంతుల్లో 128 నాటౌట్‌; 10 ఫోర్లు, 5 సిక్సర్లు) మెరుపు శతకాలతో విరుచుకుపడటంతో పాటు రోహిత్‌ శర్మ (61), శుభ్‌మన్‌ గిల్‌ (51), విరాట్‌ కోహ్లి (51) హాఫ్‌ సెంచరీలతో రాణించడంతో భారత్‌ నిర్ణీత 50 ఓవర్లలో 4 వికెట్ల నష్టానికి 410 పరుగులు చేసింది. 

టీమిండియా యంగ్‌ గన్‌ శుభ్‌మన్‌ గిల్‌ ఈ ఏడాది ఫార్మాట్లకతీతంగా అరాచకమైన ఫామ్‌లో ఉన్నాడు. వన్డేల్లో అయితే అతను ఆకాశమే హద్దుగా చెలరేగిపోతున్నాడు. వరల్డ్‌కప్‌ 2023లో భాగంగా ఇవాళ నెదర్లాండ్స్‌తో జరుగుతున్న మ్యాచ్‌లో మెరుపు హాఫ్‌ సెంచరీ (32 బంతుల్లో​ 51; 3 ఫోర్లు, 4 సిక్సర్లు) నమోదు చేసిన గిల్‌.. ఈ ఏడాది అన్ని ఫార్మాట్లలో కలిపి 2000 పరుగులు పూర్తి చేసుకున్న తొలి బ్యాటర్‌గా అరుదైన ఘనత సాధించాడు. ఇందులో గిల్‌ ఒక్క వన్డేల్లోనే 5 సెంచరీలు, 8 హాఫ్‌ సెంచరీల సాయంతో 1500 పరుగులు (27 ఇన్నింగ్స్‌) సాధించడం​ విశేషం​.  గిల్‌ తర్వాత ఈ ఏడాది అత్యధిక పరుగలు (అన్ని ఫార్మాట్లు) చేసిన ఆటగాళ్ల జాబితాలో విరాట్‌ కోహ్లి (1712), కుశాల్‌ మెండిస్‌ (1690), డారిల్‌ మిచెల్‌ (1686), రోహిత్‌ శర్మ (1677) వరుసగా ఉన్నారు. కాగా, నెదర్లాండ్స్‌తో జరుగుతున్న మ్యాచ్‌లో మెరుపు హాఫ్‌ సెంచరీ సాధించిన గిల్‌, రోహిత్‌ శర్మతో కలిసి టీమిండియాకు శుభారంభాన్ని అందించాడు. గిల్‌కు ప్రస్తుత వరల్డ్‌కప్‌లో ఇది మూడో హాఫ్‌ సెంచరీ (7 మ్యాచ్‌ల్లో). నెదర్లాండ్స్‌తో మ్యాచ్‌లో రోహిత్‌ (61), గిల్‌తో పాటు విరాట్‌ (51), శ్రేయస్‌ (62 నాటౌట్‌) కూడా హాఫ్‌ సెంచరీలు సాధించడంతో టీమిండియా భారీ స్కోర్‌ దిశగా సాగుతుంది. 37 ఓవర్ల తర్వాత జట్టు స్కోర్‌ 257/3గా ఉంది. శ్రేయస్‌కు జతగా కేఎల్‌ రాహుల్‌ (22) క్రీజ్‌లో ఉన్నాడు. 

వన్డే వరల్డ్‌కప్‌-2023లో భాగంగా బెంగళూరు వేదికగా నెదర్లాండ్స్‌తో ఇవాళ (నవంబర్‌ 12) జరుగుతున్న మ్యాచ్‌లో టీమిండియా కెప్టెన్‌ రోహిత్‌ శర్మ హాఫ్‌ సెంచరీ (54 బంతుల్లో 8 ఫోర్లు, 2 సిక్సర్ల సాయంతో 61 పరుగులు) నమోదు చేశాడు. ప్రస్తుత వరల్డ్‌కప్‌లో భీకర ఫామ్‌లో ఉన్న హిట్‌మ్యాన్‌ 9 మ్యాచ్‌ల్లో సెంచరీ, 3 హాఫ్‌ సెంచరీల సాయంతో 503 పరుగులు చేసి లీడింగ్‌ రన్‌ స్కోరర్‌ల జాబితాలో నాలుగో స్థానానికి ఎగబాకాడు. హాఫ్‌ సెంచరీ అనంతరం హిట్‌మ్యాన్‌ అనవసరమైన షాట్‌ ఆడి వికెట్‌ పారేసుకున్నప్పటికీ, ఈ ఫీట్‌తో పలు రికార్డులు తన ఖాతాలో వేసుకున్నాడు.  ఆ రికార్డులు ఏవంటే.. వరుస వరల్డ్‌కప్‌లలో (2019, 2023) 500 అంతకంటే ఎక్కువ పరుగులు చేసిన తొలి ఆటగాడు.  ఓ క్యాలెండర్‌ ఇయర్‌లో అత్యధిక సిక్సర్లు (59) బాదిన ఆటగాడిగా రికార్డు.  ఓ వరల్డ్‌కప్‌ ఎడిషన్‌లో అత్యధిక సిక్సర్లు (23) బాదిన కెప్టెన్‌గా రికార్డు. ఓ వరల్డ్‌కప్‌ ఎడిషన్‌లో అత్యధిక ఫోర్లు (58) బాదిన కెప్టెన్‌గా రికార్డు. ఓ వరల్డ్‌కప్‌ ఎడిషన్‌లో అత్యధిక పరుగులు (503) చేసిన భారత కెప్టెన్‌గా రికార్డు. ఓ వరల్డ్‌కప్‌ ఎడిషన్‌లో 500 పరుగులు చేసిన తొలి భారత కెప్టెన్‌గా రికార్డు. వన్డేల్లో ఓ వేదికపై (బెంగళూరు) అత్యధిక సిక్సర్లు (31) బాదిన ఆటగాడిగా రికార్డు. సచిన్‌ (1996, 2003) తర్వాత రెండు వరల్డ్‌కప్‌ ఎడిషన్‌లలో 500 అంతకంటే ఎక్కువ పరుగులు చేసిన రికార్డు. వన్డే వరల్డ్‌కప్‌లో అత్యధిక హాఫ్‌ సెంచరీలు (13) చేసిన ఆటగాళ్ల జాబితాలో మూడో స్థానానికి ఎగబాకాడు. ఈ విభాగంలో సచిన్‌ (21), కోహ్లి (14) తొలి రెండు స్థానాల్లో ఉన్నారు.  ఇదిలా ఉంటే, నెదర్లాండ్స్‌తో మ్యాచ్‌లో రోహిత్‌ ఔటయ్యాక టీమిండియా మరో వికెట్‌ పడకుండా జాగ్రత్తగా ఆడుతుంది. కోహ్లి (46) హాఫ్‌ సెంచరీకి చేరువ కాగా.. శ్రేయస్‌ (23) ఆచితూచి ఆడుతున్నాడు. అంతకుముందు శుభ్‌మన్‌ గిల్‌ (53) మెరుపు హాఫ్‌ సెంచరీ చేసిన విషయం తెలిసిందే. 26 ఓవర్ల తర్వాత టీమిండియా స్కోర్‌ 184/2.

నెదర్లాండ్స్‌ను చిత్తు చేసిన భారత్‌.. వరుసగా తొమ్మిదో విజయం  వన్డే వరల్డ్‌కప్‌ 2023లో భారత జైత్రయాత్ర కొనసాగుతుంది. ఈ ఎడిషన్‌లో రోహిత్‌ సేన వరుసగా తొమ్మిదో మ్యాచ్‌లో విజయం సాధించింది. నెదర్లాండ్స్‌తో ఇవాళ జరిగిన మ్యాచ్‌లో టీమిండియా 160 పరుగుల భారీ తేడాతో గెలుపొందింది.  టాస్‌ గెలిచి తొలుత బ్యాటింగ్‌ చేసిన భారత్‌.. కేఎల్‌ రాహుల్‌ (63 బంతుల్లో 102; 11 ఫోర్లు, 4 సిక్సర్లు), శ్రేయస్‌ అయ్యర్‌ (94 బంతుల్లో 128 నాటౌట్‌; 10 ఫోర్లు, 5 సిక్సర్లు) మెరుపు శతకాలతో విరుచుకుపడటంతో పాటు రోహిత్‌ శర్మ (61), శుభ్‌మన్‌ గిల్‌ (51), విరాట్‌ కోహ్లి (51) హాఫ్‌ సెంచరీలతో రాణించడంతో భారత్‌ నిర్ణీత ఓవర్లలో 5 వికెట్ల నష్టానికి 410 పరుగులు చేసింది. అనంతరం ఛేదనకు దిగిన నెదర్లాండ్స్‌ భారత్‌ బౌలర్లు మూకుమ్మడిగా రాణించడంతో 47.5 ఓవర్లలో 250 పరుగులకు ఆలౌటైంది. భారత బౌలర్లలో బుమ్రా, సిరాజ్‌, కుల్దీప్‌, జడేజా తలో 2 వికెట్లు పడగొట్టగా.. విరాట్‌, రోహిత్‌ చెరో వికెట్‌ దక్కించుకున్నారు. ఈ మ్యాచ్‌లో రోహిత్‌, విరాట్‌తో పాటు శుభ్‌మన్‌ గిల్‌ కూడా బౌలింగ్‌ చేశాడు. ఈ విజయంతో భారత్‌ లీగ్‌ దశలో ఓటమి ఎరుగని జట్టుగా నిలిచింది. నవంబర్‌ 15న జరిగే తొలి సెమీస్‌లో భారత్‌.. న్యూజిలాండ్‌తో తలపడుతుంది. ఆరో వికెట్‌ కోల్పోయిన నెదర్లాండ్స్‌ 172 పరుగుల వద్ద నెదర్లాండ్స్‌ ఆరో వికెట్‌ కోల్పోయింది. మొహమ్మద్‌ సిరాజ్‌ సైబ్రాండ్‌ ఎంజెల్‌బ్రెచ్‌ (45)ను క్లీన్‌ బౌల్డ్‌ చేశాడు. ఐదో వికెట్‌ కోల్పోయిన నెదర్లాండ్స్‌ 144 పరుగుల వద్ద నెదర్లాండ్స్‌ ఐదో వికెట్‌ కోల్పోయింది. బాస్‌ డి లీడ్‌ను (12) బుమ్రా క్లీన్‌ బౌల్డ్‌ చేశాడు.  తొమ్మిదేళ్ల తర్వాత విరాట్‌కు వికెట్‌.. వన్డేల్లో విరాట్‌ తొమ్మిదేళ్ల తర్వాత వికెట్‌ తీశాడు. నెదర్లాండ్స్‌తో జరుగుతున్న మ్యాచ్‌లో అతను స్టాట్‌ ఎడ్వర్డ్స్‌ (17) వికెట్‌ పడగొట్టాడు. మూడో వికెట్‌ కోల్పోయిన నెదర్లాండ్స్‌ 72 పరుగుల వద్ద నెదర్లాండ్స్‌ మూడో వికెట్‌ కోల్పోయింది. జడేజా బౌలింగ్‌లో మ్యాక్స్‌ ఓడౌడ్‌ (30) క్లీన్‌ బౌల్డ్‌ అయ్యాడు. రెండో వికెట్‌ కోల్పోయిన నెదర్లాండ్స్‌ 66 పరుగుల వద్ద నెదర్లాండ్స్‌ రెండో వికెట్‌ కోల్పోయింది. కుల్దీప్‌ యాదవ్‌ బౌలింగ్‌లో అకెర్‌మన్‌ (35) ఎల్బీడబ్ల్యూగా వెనుదిరిగాడు. తొలి వికెట్‌ కోల్పోయిన నెదర్లాండ్స్‌ 411 పరుగుల భారీ లక్ష్యాన్ని ఛేదించేందుకు బరిలోకి దిగిన నెదర్లాండ్స్‌ 5 పరుగులకే తొలి వికెట్‌ కోల్పోయింది. సిరాజ్‌ బౌలింగ్‌లో రాహుల్‌కు క్యాచ్‌ ఇచ్చి బరెస్సీ (4) ఔటయ్యాడు. 2 ఓవర్ల తర్వాత నెదర్లాండ్స్‌ స్కోర్‌ 5/1. రాహుల్‌, శ్రేయస్‌ మెరుపు శతకాలు.. టీమిండియా భారీ స్కోర్‌ కేఎల్‌ రాహుల్‌ (63 బంతుల్లో 102; 11 ఫోర్లు, 4 సిక్సర్లు), శ్రేయస్‌ అయ్యర్‌ (94 బంతుల్లో 128 నాటౌట్‌; 10 ఫోర్లు, 5 సిక్సర్లు) మెరుపు శతకాలతో విరుచుకుపడటంతో నెదర్లాండ్స్‌తో జరుగుతున్న మ్యాచ్‌లో టీమిండియా భారీ స్కోర్‌ చేసింది. వీరిద్దరితో పాటు రోహిత్‌ శర్మ (61), శుభ్‌మన్‌ గిల్‌ (51), విరాట్‌ కోహ్లి (51) కూడా హాఫ్‌ సెంచరీలతో రాణించడంతో భారత్‌ నిర్ణీత 50 ఓవర్లలో 4 వికెట్ల నష్టానికి 410 పరుగులు చేసింది.  శతక్కొట్టిన రాహుల్‌ కేఎల్‌ రాహుల్‌ 62 బంతుల్లో 11 ఫోర్లు, 4 సిక్సర్ల సాయంతో సెంచరీ పూర్తి చేశాడు. బాస్‌ డి లీడ్‌ బౌలింగ్‌లో వరుసగా రెండు సిక్సర్లు బాది రాహుల్‌ సెంచరీ మార్క్‌ను చేరుకున్నాడు.  సెంచరీ పూర్తి చేసుకున్న శ్రేయస్‌ ఈ మ్యాచ్‌లో మంచి టచ్‌లో కనిపిస్తున్న శ్రేయస్‌ 84 బంతుల్లో 9 ఫోర్లు, 2 సిక్సర్ల సాయంతో సెంచరీ పూర్తి చేసుకున్నాడు. 46 ఓవర్ల తర్వాత టీమిండియా స్కోర్‌ 346/3గా ఉంది. శ్రేయస్‌తో పాటు కేఎల్‌ (70) క్రీజ్‌లో ఉన్నాడు. హాఫ్‌ సెంచరీ పూర్తి చేసుకున్న కేఎల్‌ రాహుల్‌ కేఎల్‌ రాహుల్‌ 40 బంతుల్లో 7 ఫోర్ల సాయంతో హాఫ్‌ సెంచరీ పూర్తి చేసుకున్నాడు. ప్రస్తుత వరల్డ్‌కప్‌ ఎడిషన్‌లో రాహుల్‌కు ఇది రెండో హాఫ్‌ సెంచరీ. ఈ ఎడిషన్‌ తొలి మ్యాచ్‌లో ఆసీస్‌పై తృటిలో సెంచరీ అవకాశాన్ని కోల్పోయిన రాహుల్‌ .. ఆతర్వాతి ఇన్నింగ్స్‌ల్లో మంచి ఆరంభాలే లభించినప్పటికీ భారీ స్కోర్లుగా మలచలేకపోయాడు. ఈ మ్యాచ్‌లో టీమిండియా టాప్‌-5 బ్యాటర్లు హాఫ్‌ సెంచరీలు చేయడం విశేషం. 43 ఓవర్ల తర్వాత భారత్‌ స్కోర్‌ 312/3గా ఉంది. శ్రేయస్‌ (86), రాహుల్‌ (51) క్రీజ్‌లో ఉన్నారు. హాఫ్‌ సెంచరీ పూర్తి చేసుకున్న శ్రేయస్‌.. హ్యాట్రిక్‌ శ్రేయస్‌ అయ్యర్‌ 48 బంతుల్లో 6 ఫోర్ల సాయంతో ప్రస్తుత వరల్డ్‌కప్‌లో నాలుగో హాఫ్‌ సెంచరీ పూర్తి చేసుకున్నాడు. ఈ ఎడిషన్‌లో శ్రేయస్‌కు ఇది వరుసగా మూడో హాఫ్‌ సెంచరీ కావడం విశేషం. ఈ మ్యాచ్‌కు ముందు సౌతాఫ్రికా (77), శ్రీలంకతో (82) జరిగిన మ్యాచ్‌ల్లోనూ శ్రేయస్‌ హాఫ్‌ సెంచరీలు సాధించాడు. అంతకుముందు పాక్‌పై (53) కూడా ఫిఫ్టి కొట్టాడు. 35 ఓవర్ల తర్వాత టీమిండియా స్కోర్‌ 244/3. శ్రేయస్‌ (56), కేఎల్‌ రాహుల్‌ (16) క్రీజ్‌లో ఉన్నారు. కోహ్లి ఔట్‌ హాఫ్‌ సెంచరీ పూర్తి చేసుకున్న వెంటనే విరాట్‌ కోహ్లి (51) ఔటయ్యాడు. వాన్‌ డర్‌ మెర్వ్‌ బౌలింగ్‌లో కోహ్లి క్లీన్‌ బౌల్డ్‌ అయ్యాడు. 28.4 ఓవర్ల తర్వాత టీమిండియా స్కోర్‌ 200/3. శ్రేయస్‌కు (30) జతగా కేఎల్‌ రాహుల్‌ క్రీజ్‌లోకి వచ్చాడు. హాఫ్‌ సెంచరీ పూర్తి చేసుకున్న కోహ్లి విరాట్‌ కోహ్లి 53 బంతుల్లో 5 ఫోర్లు, సిక్సర్‌ సాయంతో తన వన్డే కెరీర్‌లో 71వ హాఫ్‌ సెంచరీని, ప్రస్తుత వరల్డ్‌కప్‌లో ఐదో ఫిఫ్టిని పూర్తి చేసు​కున్నాడు. విరాట్‌ హాఫ్‌ సెంచరీ పూర్తి చేయడంతో పాటు ప్రస్తుత వరల్డ్‌కప్‌లో లీడింగ్‌ రన్‌ స్కోరర్‌గా (9 మ్యాచ్‌ల్లో 592 పరుగులు) అవతరించాడు. 28 ఓవర్ల తర్వాత భారత్‌ స్కోర్‌ 198/2. విరాట్‌ (50), శ్రేయస్‌ (30) క్రీజ్‌లో ఉన్నారు.  రెండో వికెట్‌ కోల్పోయిన టీమిండియా.. హిట్‌మ్యాన్‌ ఔట్‌ 61 పరుగుల వ్యక్తిగత స్కోర్‌ వద్ద రోహిత్‌ శర్మ ఔటయ్యాడు. బాస్‌ డి లీడ్‌ బౌలింగ్‌లో బరెస్సీకి క్యాచ్‌ ఇచ్చి హిట్‌మ్యాన్‌ వెనుదిరిగాడు. 17.4 ఓవర్ల తర్వాత టీమిండియా స్కోర్‌ 129/2. కోహ్లి (12)కి జతగా శ్రేయస్‌ క్రీజ్‌లోకి వచ్చాడు.  హాఫ్‌ సెంచరీ పూర్తి చేసుకున్న హిట్‌మ్యాన్‌ ప్రస్తుత వరల్డ్‌కప్‌ ఎడిషన్‌లో భీకరఫామ్‌లో ఉన్న రోహిత్‌ శర్మ మరో హాఫ్‌ సెంచరీ తన సాధించాడు. మీకెరెన్‌ బౌలింగ్‌ ఫోర్‌ కొట్టి హిట్‌మ్యాన్‌ హాఫ్‌ సెంచరీ పూర్తి చేసుకున్నాడు. 44 బంతుల్లో రోహిత్‌ ఈ ఫీట్‌ను సాధించాడు. 14 ఓవర్ల తర్వాత టీమిండియా స్కోర్‌ 109/1గా ఉంది. రోహిత్‌తో పాటు విరాట్‌ కోహ్లి (3) క్రీజ్‌లో ఉన్నాడు. తొలి వికెట్‌ కోల్పోయిన టీమిండియా 100 పరుగుల వద్ద భారత జట్టు మొదటి వికెట్‌ కోల్పోయింది. 11.5 ఓవర్ల వద్ద ఓపెనర్‌ శుభ్‌మన్‌ గిల్‌ ఔటయ్యాడు. అప్పటికే హాఫ్‌ సెంచరీ (51) పూర్తి చేసిన గిల్‌.. మీకెరెన్‌ బౌలింగ్‌లో క్యాచ్‌ అవుట్‌ అయ్యాడు. బ్యాటింగ్‌ చేస్తున్న టీమిండియా 11 ఓవర్లకు ఒక్క వికెట్‌ కూడా నష్టపోకుండా 95 పరుగులు చేసింది. ఓపెనర్లు శుభ్‌మన్‌ గిల్‌, రోహిత్‌ శర్మ అర్ధ శతకాలకు చేరువయ్యారు. వన్డే ప్రపంచకప్‌-2023లో చివరి లీగ్‌ మ్యాచ్‌కు రంగం సిద్దమైంది. ఈ మెగా టోర్నీలో భాగంగా బెంగళూరు వేదికగా భారత్‌-నెదర్లాండ్స్‌ జట్లు తలపడతున్నాయి. ఈ మ్యాచ్‌లో టాస్‌ గెలిచిన టీమిండియా తొలుత బ్యాటింగ్‌ ఎంచుకుంది. ఈ మ్యాచ్‌లో భారత్‌ తమ జట్టులో ఎటువంటి మార్పులు లేకుండా బరిలోకి దిగింది. తుది జట్లు.. భారత్‌:  రోహిత్ శర్మ (కెప్టెన్‌), శుభమన్ గిల్, విరాట్ కోహ్లి, శ్రేయస్ అయ్యర్, కెఎల్ రాహుల్ (వికెట్‌ కీపర్‌), సూర్యకుమార్ యాదవ్, రవీంద్ర జడేజా, మహ్మద్ షమీ, కుల్దీప్ యాదవ్, జస్ప్రీత్ బుమ్రా, మహ్మద్ సిరాజ్ నెదర్లాండ్స్‌: వెస్లీ బరేసి, మాక్స్ ఓ డౌడ్, కోలిన్ అకెర్‌మాన్, సిబ్రాండ్ ఎంగెల్‌బ్రెచ్ట్, స్కాట్ ఎడ్వర్డ్స్ (కెప్టెన్‌), బాస్ డి లీడే, తేజా నిడమనూరు, లోగాన్ వాన్ బీక్, రోలోఫ్ వాన్ డెర్ మెర్వ్, ఆర్యన్ దత్, పాల్ వాన్ మీకెరెన్

అహ్మదాబాద్‌లోని నరేంద్ర మోదీ స్టేడియం వేదికగా ఇవాళ (నవంబర్‌ 10) ఆఫ్ఘనిస్తాన్‌, సౌతాఫ్రికా జట్లు తలపడుతున్నాయి. ఈ మ్యాచ్‌లో ఆఫ్ఘనిస్తాన్‌ టాస్‌ గెలిచి తొలుత బ్యాటింగ్‌ ఎంచుకుంది. ఈ మ్యాచ్‌ కోసం సౌతాఫ్రికా రెండు మార్పులు చేయగా.. ఆఫ్ఘనిస్తాన్‌ గత మ్యాచ్‌లో ఆడిన జట్టుతోనే బరిలోకి దిగుతుంది. సౌతాఫ్రికా మేనేజ్‌మెంట్‌ తబ్రేజ్‌ షంషి, మార్కో జన్సెన్‌లకు విశ్రాంతినిచ్చి వారి స్థానంలో ఆండిలే ఫెహ్లుక్వాయో, గెరాల్డ్ కోయెట్జీలను తుది జట్టులోకి తీసుకుంది. తుది జట్లు.. ఆఫ్ఘనిస్తాన్‌: రహ్మానుల్లా గుర్బాజ్, ఇబ్రహీం జద్రాన్, రహ్మత్ షా, హష్మతుల్లా షాహిదీ(కెప్టెన్‌), అజ్మతుల్లా ఒమర్జాయ్, మొహమ్మద్ నబీ, రషీద్ ఖాన్, ఇక్రమ్ అలీఖిల్(వికెట్‌కీపర్‌), ముజీబ్ ఉర్ రహ్మాన్, నూర్ అహ్మద్, నవీన్-ఉల్-హక్ దక్షిణాఫ్రికా: క్వింటన్ డికాక్ (వికెట్‌కీపర్‌), టెంబా బవుమా (కెప్టెన్‌), రాస్సీ వాన్ డెర్ డుసెన్, ఐడెన్ మార్క్రమ్, హెన్రిచ్ క్లాసెన్, ఆండిలే ఫెహ్లుక్వాయో, డేవిడ్ మిల్లర్, గెరాల్డ్ కోయెట్జీ, కేశవ్ మహరాజ్, కగిసో రబడ, లుంగి ఎంగిడి

2023 అక్టోబర్‌ నెల ఐసీసీ ప్లేయర్‌ ఆఫ్‌ ద మంత్‌ అవార్డును న్యూజిలాండ్‌ రైజింగ్‌ స్టార్‌ రచిన్‌ రవీంద్ర దక్కించుకున్నాడు. ఈ అవార్డు కోసం క్వింటన్‌ డికాక్‌ (సౌతాఫ్రికా), జస్ప్రీత్‌ బుమ్రా (భారత్‌) పోటీపడినప్పటికీ చివరికి రచిన్‌నే వరించింది. అక్టోబర్‌ నెలలో అత్యుత్తమ ప్రదర్శన కనబర్చినందుకుగాను రచిన్‌ ఈ అవార్డుకు ఎంపికయ్యాడు. ప్రస్తుతం జరుగుతున్న వన్డే వరల్డ్‌కప్‌లో భీకర ఫామ్‌లో ఉన్న రచిన్‌ బ్యాట్‌తో పాటు బం​తిలోనూ చెలరేగిపోతున్నాడు. ఇప్పటివరకు ఆడిన 9 మ్యాచ్‌ల్లో‌ 3 సెంచరీలు, 2 అర్ధ‌ సెంచరీల సాయంతో 565 పరుగులు చేసి లీడింగ్‌ రన్‌ స్కోరర్‌గా కొనసాగుతున్నాడు. అలాగే  7 వికెట్లు కూడా పడగొట్టాడు. తాజాగా శ్రీలంకతో జరిగిన మ్యాచ్‌లో 34 బంతుల్లో 3 ఫోర్లు, 3 సిక్సర్ల సాయంతో 42 పరుగులు చేసిన రచిన్‌.. క్రికెట్‌ దిగ్గజం సచిన్‌ టెండూల్కర్‌ పేరిట ఉన్న ఓ వరల్డ్‌కప్‌ రికార్డును బద్దలు కొట్టాడు. వరల్డ్‌కప్‌ సింగిల్‌ ఎడిషన్‌లో 25 ఏళ్ల వయసులోపు అత్యధిక పరుగులు చేసిన ఆటగాడిగా రచిన్‌ (565).. సచిన్‌ రికార్డును (523) తుడిచిపెట్టాడు. లంకతో జరిగిన మ్యాచ్‌లో రచిన్‌ రెండు వికెట్లు కూడా పడగొట్టాడు. మొత్తానికి ఈ వరల్డ్‌కప్‌ రచిన్‌కు కలగా మిగిలిపోనుంది. కాగా, శ్రీలంకపై విజయంతో న్యూజిలాండ్‌ సెమీస్‌ బెర్త్‌ను దాదాపుగా ఖరారు చేసుకుంది. ఏదో ఊహించని అద్భుతం​ జరిగితే తప్ప కివీస్‌ సెమీస్‌ చేరుకుండా ఉండదు. ఈ నెల 15న ముంబైలో భారత్, న్యూజిలాండ్‌ మధ్య తొలి సెమీఫైనల్‌ జరిగే అవకాశం ఉంది. 16న కోల్‌కతాలో ఆ్రస్టేలియా, దక్షిణాఫ్రికా మధ్య రెండో సెమీఫైనల్‌ ఖరారైపోయింది.   

బాలీవుడ్‌ నటి అనుష్క శర్మ, టీమిండియా క్రికెటర్‌ విరాట్ కోహ్లి దంపతులు మరోబిడ్డకు జన్మనివబోతున్నారని గతంలో వార్తలు వచ్చాయి. వారిద్దరూ తమ రెండవ బిడ్డ గురించి అసలు విషయం రివీల్‌ చేస్తారని చాలారోజుల నుంచి వారి అభిమానులు ఎదురుచూస్తున్నారు. కానీ వారు ఇప్పటి వరకు అధికారికంగా ఆ విషయంపై ఎక్కడా ప్రకటించలేదు. ప్రస్తుతం ఇండియాలో క్రికెట్‌ వరల్డ్‌ కప్‌- 2023 జరుగుతున్న విషయం తెలిసిందే. (ఇదీ చదవండి: ఆదిపురుష్‌కు పని చేయడమే నేను చేసిన పెద్ద తప్పు: రచయిత) తాజాగా అనుష్క తన భర్త విరాట్‌తో కలిసి ఒక హోటల్ వెలుపల నడుస్తూ కెమెరాలకు కనిపించారు. అనుష్క తన బేబీ బంప్‌పై చేతులు ఉంచి నడుస్తూ ఉన్నారు. అందులో ఆమె బేబీ బంప్‌ చాలా క్లియర్‌గా కనిపిస్తుంది. ఆ వీడియో ఇప్పుడు సోషల్‌ మీడియాలో భారీగా వైరల్‌ అవుతుంది. దీంతో విరాట్‌- అనుష్క అభిమానులు దానిని షేర్‌ చేస్తూ అభినందనలు తెలుపుతున్నారు. అనుష్క శర్మ రెండోసారి ప్రెగ్నెంట్ అని చాలా కాలంగా వార్తలు వస్తున్నాయి. కొన్నిరోజుల క్రితం ఈ జంట ముంబైలోని ఓ గైనకాలజీ క్లినిక్‌కు వెళ్లారు. ఎందుకు వచ్చామనే విషయంపై త్వరలోనే ప్రకటన చేస్తామని చెప్పి ఫొటోలు తీయొద్దని కోహ్లి మీడియాను అభ్యర్థించారు. ఆ సమయం నుంచి ఈ వార్తలు ప్రచారంలోనే ఉన్నాయి. తాజాగా అనుష్కకు సంబంధించిన వీడియోలో బేబీ బంప్‌ చాలా క్లియర్‌గా కనిపించడంతో ఆమె మరోసారి ప్రెగ్నెంట్‌ అని తెలుస్తోంది. దీంతో ఆయన అభిమానులు ఛోటా విరాట్‌ రాబోతున్నాడు అంటూ కామెంట్లు చేస్తున్నారు. ఈ వీడియో ద్వారా గతంలో వచ్చిన పుకార్లన్నింటికీ ఫుల్‌స్టాప్‌ పడినట్లుగా తెలుస్తోంది. వరల్డ్‌ కప్‌ పూర్తి అయిన తర్వాత ఈ విషయంపై విరాట్‌ ప్రకటించే ఛాన్స్‌ ఉంది. ప్రస్తుతానికి ఈ విషయంపై విరుష్క జంట ఇంకా అధికారికంగా ప్రకటించలేదు. వారికి 2021లో వామిక జన్మించిన విషయం తెలిసింది. Virushka in Bangalore 🧿💘 pic.twitter.com/feLpF35i09 — Alaska • WC Era🏏 (@alaskawhines) November 9, 2023

భారత సంతతికి చెందిన న్యూజిలాండ్ రైజింగ్‌ క్రికెట్‌ స్టార్‌ రచిన్ రవీంద్రకు వింత అనుభవం ఎదురైంది. శ్రీలంకతో మ్యాచ్‌ ముగిసిన అనంతరం బెంగళూరులోని తన తాతయ్య ఇంటికి వెళ్లిన రచిన్‌కు అతని బామ్మ దిష్టి తీసి వింత అనుభూతిని కలిగించింది. 25 ఏళ్ల రచిన్‌ భారత సంతతికి చెందినవాడే అయినప్పటికీ న్యూజిలాండ్‌లోనే పుట్టి పెరిగడంతో ఈ తంతు మొత్తం కొత్తగా అనిపించింది. ఇది అతని ముఖంలో స్పష్టంగా కనిపించింది. దీనికి సంబంధించిన వీడియో ప్రస్తుతం నెట్టింట చక్కర్లు కొడుతుంది. ఈ వీడియోను బట్టి చూస్తే రచిన్‌ గ్రాండ్‌ పేరెంట్స్‌ సంప్రదాయ హిందూ కుటుంబానికి చెందిన వారుగా తెలుస్తుంది.  Every ajji I have ever known ❤️ Brings back memories 🥰😢 https://t.co/BA217vC1rd — Smita Prakash (@smitaprakash) November 10, 2023 కాగా, వన్డే వరల్డ్‌కప్‌-2023లో భాగంగా నిన్న బెంగళూరులోనే జరిగిన మ్యాచ్‌లో న్యూజిలాండ్‌.. శ్రీలంకను ఓడించి సెమీస్‌ బెర్త్‌ను దాదాపుగా ఖరారు చేసుకుంది. ఈ మ్యాచ్‌లో రచిన్‌ 34 బంతుల్లో 3 ఫోర్లు, 3 సిక్సర్ల సాయంతో 42 పరుగులతో పాటు రెండు వికెట్లు పడగొట్టి తన జట్టు విజయంలో ప్రధాన పాత్ర పోషించాడు. ప్రస్తుత వరల్డ్‌కప్‌లో భీకర ఫామ్‌లో ఉన్న రచిన్‌.. తన మొట్టమొదటి వరల్డ్‌కప్‌ ఎడిషన్‌లోనే పలు రికార్డులు బద్దలు కొట్టాడు.  నిన్నటి మ్యాచ్‌లో రచిన్‌.. క్రికెట్‌ దిగ్గజం​ సచిన్‌ పేరిట ఉన్న ఓ వరల్డ్‌కప్‌ రికార్డును అధిగమించాడు. వరల్డ్‌కప్‌ సింగిల్‌ ఎడిషన్‌లో 25 ఏళ్ల వయసులోపు అత్యధిక పరుగులు చేసిన ఆటగాడిగా రచిన్‌ (565).. సచిన్‌ రికార్డును (523) బద్దలు కొట్టాడు. ప్రస్తుత వరల్డ్‌కప్‌లో ఇప్పటివరకు 9 మ్యాచ్‌లు ఆడిన రచిన్‌ 3 సెంచరీలు, 2 హాఫ్‌ సెంచరీల సాయంతో 565 పరుగులు చేసి లీడింగ్‌ రన్‌ స్కోరర్‌గా కొనసాగుతున్నాడు. ఈ ఎడిషన్‌లో రచిన్‌ 7 వికెట్లు కూడా పడగొట్టాడు. 

వన్డే వరల్డ్‌కప్‌-2023లో భాగంగా శ్రీలంకతో జరిగిన మ్యాచ్‌లో న్యూజిలాండ్‌ 5 వికెట్ల తేడాతో గెలుపొంది, సెమీస్‌ బెర్త్‌ను దాదాపుగా ఖరారు చేసుకుంది. ఈ మ్యాచ్‌లో న్యూజిలాండ్‌ గెలుపుతో పాక్‌, ఆఫ్ఘనిస్తాన్‌లు సెమీస్‌ ఆశలు వదులుకున్నాయి. ఈ గెలుపుతో పాయింట్లతో పాటు రన్‌రేట్‌ను సైతం భారీగా మెరుగుపర్చుకున్న కివీస్‌.. పాక్‌, ఆఫ్ఘన్లు తమ తర్వాతి మ్యాచ్‌ల్లో గెలిచినా కూడా సెమీస్‌కు చేరే అవకాశాలు లేకుండా చేసింది. ఏదో అద్భుతాలు జరిగితే తప్ప పాక్‌, ఆఫ్ఘనిస్తాన్‌ సెమీస్‌కు చేరలేవు. కివీస్‌తో మ్యాచ్‌లో తొలుత బ్యాటింగ్‌ చేసిన శ్రీలంకకు.. కుశాల్‌ పెరీరా (28 బంతుల్లో 51; 9 ఫోర్లు, 2 సిక్సర్లు) మెరుపు ఆరంభాన్ని అందించాడు. అయితే అతను ఔటయ్యాక ఏ ఒక్క లంక బ్యాటర్‌ కూడా రాణించకపోవడంతో శ్రీలంక 46.4 ఓవర్లలో 171 పరుగులకు ఆలౌటైంది. ఆఖర్లో తీక్షణ​ (38 నాటౌట్‌), మధుషంక (19) పోరాడటంతో శ్రీలంక ఈ మాత్రం స్కోరైనా చేయగలిగింది. ట్రెంట్‌ బౌల్ట్‌ (10-3-37-3)‌ లంక బ్యాటర్లను గడగడలాడించగా.. రచిన్‌ రవీంద్ర (2/21), ఫెర్గూసన్‌ (2/35), సాంట్నర్‌ (2/22) సత్తా చాటారు. అనంతరం స్వల్ప లక్ష్యాన్ని ఛేదించేందుకు బరిలోకి దిగిన న్యూజిలాండ్‌కు కాన్వే (45), రచిన్‌ (42) మెరుపు ఆరంభాన్ని అందించారు. వీరిద్దరితో పాటు డారిల్‌ మిచెల్‌ (43) కూడా రాణించడంతో కివీస్‌ 23.2 ఓవర్లలో 5 వికెట్లు కోల్పోయి లక్ష్యాన్ని ఛేదించింది. మ్యాచ్‌ అనంతరం కివీస్‌ కెప్టెన్‌ కేన్‌ విలియమ్సన్‌ మాట్లాడుతూ ఇలా అన్నాడు. మా వాళ్లు అద్భుతంగా ఆడారు. మధ్య ఓవర్లలో స్పిన్నర్లను ఎదుర్కోవడం సవాలుగా ఉండింది. ఆరంభంలో వికెట్లు కోల్పోవడంతో కాస్త తడబడ్డాం. ఛేదనలో పిచ్‌ బాగా నెమ్మదించింది. మా బ్యాటర్లు కృత నిశ్చయం కలిగి బ్యాటింగ్‌ చేశారు. వరుణుడు అడ్డుతగులుతాడేమోనని భయపడ్డాం. పరుగులు అంత ఈజీగా రాలేదు. ఓవరాల్‌గా మంచి బ్యాటింగ్‌ ప్రదర్శన.  బౌలింగ్‌ విషయానికొస్తే.. మా బౌలర్లు అద్భుతం. ప్రత్యర్ధిని త్వరగా ఆలౌట్‌ చేసి గెలుపుకు మంచి పునాది వేశారు. క్రమం తప్పకుండా వికెట్లు తీయగలిగినందుకు సంతోషంగా ఉంది. పెరీరా మా నుంచి మ్యాచ్‌ లాగేసుకున్నాడనుకున్నాం. అలాంటి ఆటగాళ్లు నిమిషాల వ్యవధిలో ఫలితాన్ని మార్చేయగలరు. అయితే మా బౌలర్లు అతన్ని త్వరగా సాగనంపి మ్యాచ్‌పై పట్టు సాధించేలా చేశారు. ఓవరాల్‌గా మా ఆటగాళ్ల నుంచి అద్భుత ప్రదర్శన. సెమీస్‌ బెర్త్‌పై ఇప్పుడే ఏమీ చెప్పలేను. అయితే, ఫైనల్‌ ఫోర్‌కు చేరితే బాగుంటుంది. సెమీస్‌లో భారత్‌ లాంటి పటిష్ట జట్టును ఎదుర్కోవడం సవాలుగా ఉంటుంది. ఇది జట్టుగా మమ్మల్ని పరీక్షిస్తుందని విలియమ్సన్‌ అన్నాడు.

ప్రస్తుత ప్రపంచకప్‌లో పాక్‌ సెమీస్‌కు చేరడం దాదాపుగా అసాధ్యమనే చెప్పవచ్చు. ఏదో అత్యద్భుతం జరిగితే తప్ప, దాయాది జట్టు ఫైనల్‌ ఫోర్‌కు అర్హత సాధించలేదు. శ్రీలంకపై న్యూజిలాండ్‌ భారీ తేడా గెలవడంతో నాలుగో సెమీస్‌ బెర్త్‌ను దాదాపుగా ఖరారు చేసుకుంది. భారత్‌, సౌతాఫ్రికా, ఆస్ట్రేలియాతో పాటు ఆ జట్టు సెమీస్‌కు చేరడం​ ఖాయమైపోయింది.  పాక్‌ సెమీస్‌కు చేరాలంటే ఆ జట్టు ముందు రెండు ప్రధాన అప్షన్లు ఉన్నాయి. ఇందులో ఒకటి ఇంగ్లండ్‌తో రేపు (నవంబర్‌ 11) జరుగబోయే మ్యాచ్‌లో తొలుత బ్యాటింగ్‌ చేసి అతి భారీ స్కోర్‌ చేయడం. అనంతరం ప్రత్యర్ధిని 287 పరుగుల తేడాతో ఓడించడం. ఈ మ్యాచ్‌లో పాక్‌ కనీసం 300 పరుగులు చేస్తే ఇంగ్లండ్‌ను 13 పరుగులకు పరిమితం చేయాల్సి ఉంటుంది. అదే 350 చేస్తే 63 పరుగులకు, 400 చేస్తే 112 పరుగులకు ప్రత్యర్ధిని మట్టుబెట్టాల్సి ఉంటుంది.  వన్డేల్లో ఒక్కసారి కూడా 400 స్కోరు దాటని పాక్‌కు ఈ టాస్క్‌ అసాధ్యమనే చెప్పవచ్చు. ఈ మ్యాచ్‌లో పాక్‌ టాస్‌​ ఓడితే బరిలోకి దిగకుండానే సెమీస్‌ ఆశలను వదులుకోవాల్సి ఉంటుంది. ఎందుకంటే, ఇంగ్లండ్‌ నిర్ధేశించే ఎంతటి లక్ష్యాన్నైనా పాక్‌ 3 ఓవర్లలోపే ఛేదించాల్సి ఉంటుంది. ఇది ఏ రకంగానూ ఊహకు అందని విషయం. కాబట్టి పాక్‌ సెమీస్‌ అవకాశాల విషయంలో ప్లాన్‌ ఏ ఫెయిల్‌ అయినట్లే అని చెప్పాలి. ప్లాన్‌ బి ఏంటంటే.. పాక్‌ సెమీస్‌కు చేరే అంశంపై ఆ దేశ మాజీ ఆటగాడు వసీం అక్రమ్‌ వ్యంగ్యంగా స్పందించాడు. ఓ స్థానిక టీవీ ఛానల్‌ డిబేట్‌లో అతను మాట్లాడుతూ పాక్‌ జట్టుపై సెటైర్లు వేశాడు. ఇంగ్లండ్‌పై తమ జట్టు 400కు పైగా స్కోర్‌ చేయడం లేదా 287 పరుగుల భారీ తేడాతో గెలవడం వంటివి జరగని పనులు. కాబట్టి పాక్‌ సెమీస్‌కు చేరాలంటే ఇక మిగిలింది ఒకే ఒక​ మార్గం. పాక్‌ తొలుత బ్యాటింగ్‌ చేసి వీలైనన్ని ఎక్కువ పరుగులు చేయాలి. ఆపై ఇంగ్లండ్‌ జట్టును డ్రెస్సింగ్ రూమ్‌లో పెట్టి తాళం వేసి, వారి బ్యాటర్లందరినీ 'టైమ్డ్‌ ఔట్‌' అయ్యేలా చేయాలని వ్యంగ్యంగా వ్యాఖ్యానించాడు. కాగా, ప్రస్తుత ప్రపంచకప్‌లో బంగ్లాదేశ్‌తో జరిగిన మ్యాచ్‌లో శ్రీలంక ఆటగాడు ఏంజెలో మాథ్యూస్‌ టైమ్డ్‌ ఔట్‌గా ప్రకటించబడిన విషయం తెలిసిందే. ఈ అంశాన్ని దృష్టిలో ఉంచుకునే వసీం అక్రమ్‌ పాక్‌ జట్టుపై టైమ్డ్‌ ఔట్‌ సెటైర్లు వేశాడు.  

వన్డే వరల్డ్‌కప్‌-2023లో భాగంగా ఇవాళ (నవంబర్‌ 10) ఆఫ్ఘనిస్తాన్‌, సౌతాఫ్రికా జట్లు తలపడుతున్నాయి. అహ్మదాబాద్‌ వేదికగా ఈ మ్యాచ్‌ జరుగనుంది. సెమీస్‌ బెర్త్‌పై ఆశ చావని ఆఫ్ఘనిస్తాన్‌ ఈ మ్యాచ్‌లో శక్తివంచన లేకుండా పోరాడాలని భావిస్తుంది. అయితే వారు సెమీస్‌కు చేరడం అంత ఈజీ కాదు. దాదాపుగా అసాధ్యం అని కూడా చెప్పవచ్చు. ప్రస్తుత వరల్డ్‌కప్‌లో ఆఫ్ఘన్లు అద్భుతమైన పోరాటాలు చేసినప్పటికీ.. అన్ని విభాగాల్లో పటిష్టమైన సౌతాఫ్రికా దగ్గర పప్పులు ఉడకకపోవచ్చు.    438 పరుగుల తేడాతో గెలిస్తేనే.. ప్రస్తుత వరల్డ్‌కప్‌లో ఆఫ్ఘనిస్తాన్‌ సెమీస్‌కు చేరాలంటే సౌతాఫ్రికాతో జరిగే మ్యాచ్‌లో 438 పరుగుల భారీ తేడాతో గెలవాల్సి ఉంటుంది. వరల్డ్‌కప్‌లో ఇప్పటివరకు ఒక్కసారైన కనీసం 300 స్కోర్‌ దాటని ఆఫ్ఘన్లకు ఇది స్థాయికి మించిన పనే అవుతుంది. గత మ్యాచ్‌లో ఆస్ట్రేలియాపై గెలవాల్సిన మ్యాచ్‌లో ఓడటంతో ఆఫ్ఘనిస్తాన్‌కు ఈ దుస్థితి ఏర్పడింది. ఒకవేళ ఆ మ్యాచ్‌లో ఆసీస్‌పై ఆఫ్ఘనిస్తాన్‌ విజయం సాధించి ఉంటే, నాలుగో సెమీస్‌ బెర్త్‌ కోసం పోటీ ఎన్నడూ లేనంత రసవత్తరంగా ఉండేది. ప్రస్తుతానికి న్యూజిలాండ్‌ అనధికారికంగా సెమీస్‌కు చేరుకోగా.. సాంకేతికంగా పాక్‌, ఆఫ్ఘనిస్తాన్‌లకు సెమీస్‌ అవకాశాలు ఇంకా సజీవంగానే ఉన్నాయి.  ఇదిలా ఉంటే, ఈ నెల 15న ముంబైలో భారత్, న్యూజిలాండ్‌ మధ్య తొలి సెమీఫైనల్‌ జరిగే అవకాశం ఉంది. 16న కోల్‌కతాలో ఆ్రస్టేలియా, దక్షిణాఫ్రికా మధ్య రెండో సెమీఫైనల్‌ ఖరారైపోయింది. సెమీస్‌కు ముందు మరో మూడు లీగ్‌ మ్యాచ్‌లు జరగాల్సి ఉంది. 11న ఆసీస్‌, బంగ్లాదేశ్‌ మధ్య నామమాత్రపు మ్యాచ్‌, అదే రోజు ఇంగ్లండ్‌, పాకిస్తాన్‌ మ్యాచ్‌, 12న భారత్‌,నెదర్లాండ్స్‌ మ్యాచ్‌లు జరుగనున్నాయి. నవంబర్‌ 19న అహ్మదాబాద్‌లో ఫైనల్‌ జరుగుతుంది. చదవండి: పాక్‌ సెమీస్‌కు చేరాలంటే ఇలా జరగాలి.. టాస్‌ ఓడినా ఇంటికే..!

వన్డే వరల్డ్‌కప్‌ 2023లో సెమీస్‌ బెర్త్‌లు దాదాపుగా ఖరారైపోయాయి. భారత్‌, సౌతాఫ్రికా, ఆస్ట్రేలియాతో పాటు న్యూజిలాండ్‌ సెమీస్‌కు చేరడం​ దాదాపుగా ఖాయమైపోయింది. శ్రీలంకపై భారీ తేడా గెలవడంతో న్యూజిలాండ్‌ నాలుగో సెమీస్‌ బెర్త్‌ను కన్ఫర్మ్‌ చేసుకుని భారత్‌తో పోటీకి సిద్ధమైంది. ఏదో అద్భుతం జరిగితే తప్ప పాక్‌, ఆఫ్ఘనిస్తాన్‌లు సెమీస్‌కు చేరలేవు.  287 పరుగుల తేడాతో గెలిస్తేనే పాక్‌ ముందుకు.. అక్షరాలా 287 పరుగులు... శనివారం ఇంగ్లండ్‌పై ఇంత భారీ తేడాతో విజయం సాధిస్తేనే పాకిస్తాన్‌ జట్టు ముందంజ వేసే అవకాశం ఉంటుంది. అంటే పాకిస్తాన్‌ ముందుగా బ్యాటింగ్‌ చేసి కనీసం 300 పరుగులు చేస్తే ఇంగ్లండ్‌ను 13 పరుగులకు పరిమితం చేయాలి! 350 చేస్తే 63 పరుగులకు, 400 చేస్తే 112 పరుగులకు పరిమితం చేయాల్సి ఉంటుంది. వన్డేల్లో ఇప్పటివరకు ఒక్కసారి కూడా పాక్‌ జట్టు 400 పరుగుల స్కోరు దాటలేదు. ఇంగ్లండ్‌ ఏ జట్టుకూ 400 పరుగులు సమర్పించుకోలేదు. ఇంగ్లండ్‌ను నిలువరించడం సంగతేమో కానీ పాక్‌ ప్రస్తుత ఫామ్‌ చూస్తే ఆ జట్టే కనీసం 300 పరుగులు చేసే స్థితిలో లేదు. అసలు 287 పరుగులు చేస్తే గానీ లెక్క రాసే అవకాశం కూడా లేదు! ఇక ఇంగ్లండ్‌ ముందుగా బ్యాటింగ్‌ ఎంచుకుంటే మాత్రం టాస్‌ వద్దే పాక్‌ జట్టు ఖేల్‌ ఖతం. ఎందుకంటే ఎంతటి లక్ష్యమైనా పాక్‌ 3 ఓవర్లలోపే ఛేదించాల్సి ఉంటుంది! ఇది ఏ రకంగానూ ఊహకు కూడా అందనిది. చదవండి: CWC 2023: సౌతాఫ్రికాతో మ్యాచ్‌.. ఇలా జరిగితే ఆఫ్ఘనిస్తాన్‌ సెమీస్‌కు..!  

CWC 2023- NZ vs SL Updates:  న్యూజిలాండ్‌తో మ్యాచ్‌లో శ్రీలంక 171 పరగులకు ఆలౌట్‌ అయింది. కివీస్‌తో మ్యాచ్‌.. కష్టాల్లో శ్రీలంక జట్టు 32.1: రచిన్‌ రవీంద్ర బౌలింగ్‌లో బౌల్ట్‌కు క్యాచ్‌ ఇచ్చి చమీర అవుట్‌(1). 33 ఓవర్లలో లంక స్కోరు: 132-9 ► 25 ఓవర్లు ముగిసే సరికి శ్రీలంక స్కోరు: 114-8 ఎనిమిదో వికెట్‌ కోల్పోయిన శ్రీలంక 23.3: ఫెర్గూసన్‌ బౌలింగ్‌లో లాథమ్‌కు క్యాచ్‌ ఇచ్చి కరుణరత్నె అవుట్‌(6). లంక స్కోరు: 113/8 (23.3) 19 ఓవర్లు ముగిసే సరికి స్కోరు: 105-7 ►18.3: సాంట్నర్‌ బౌలింగ్‌లో డారిల్‌ మిచెల్‌కు క్యాచ్‌ ఇచ్చి వెనుదిరిగిన ధనంజయ(19) ►16.4: సాంట్నర్‌ బౌలింగ్‌లో మథ్యూస్‌(16) అవుట్‌.. ఆరో వికెట్‌ కోల్పోయిన శ్రీలంక పవర్‌ ప్లేలో అతడొక్కడే న్యూజిలాండ్‌ బౌలర్ల ధాటికి శ్రీలంక టాపార్డర్‌ కుప్పకూలింది. ఓపెనర్‌ పాతుమ్‌ నిసాంక రెండు పరుగులకే అవుట్‌ కాగా.. వన్‌డౌన్‌ బ్యాటర్‌ కుశాల్‌ మెండిస్‌ 6 పరుగులు మాత్రమే చేసి నిష్క్రమించాడు. మరో ఓపెనర్‌ కుశాల్‌ పెరీరా అర్ధ శతకం(51) సాధించగా.. నాలుగు, ఐదు స్థానాల్లో వచ్చిన సమర విక్రమ 1, చరిత్‌ అసలంక 8,  పరుగులు మాత్రమే చేశారు. దీంతో పవర్‌ప్లే(10 ఓవర్లు) ముగిసే సరికి లంక కేవలం 74 పరుగులు చేసి 5 వికెట్లు కోల్పోయింది. కివీస్‌ బౌలర్లలో బౌల్ట్‌ మూడు, లాకీ ఫెర్గూసన్‌, టిమ్‌ సౌతీ ఒక్కో వికెట్‌ పడగొట్టారు.  వన్డే వరల్డ్‌కప్‌ 2023లో భాగంగా బెంగళూరులోని చిన్నస్వామి స్టేడియంలో ఇవాళ (నవంబర్‌ 9) జరుగుతున్న మ్యాచ్‌లో శ్రీలంక, న్యూజిలాండ్‌ జట్లు తలపడుతున్నాయి. ఈ మ్యాచ్‌లో న్యూజిలాండ్‌ టాస్‌ గెలిచి తొలుత బౌలింగ్‌ ఎంచుకుంది.  ఈ మ్యాచ్‌ కోస​ం ఇరు జట్లు చెరో మార్పు చేశాయి. ఇష్‌ సోధి స్థానంలో లోకీ ఫెర్గూసన్‌ కివీస్‌ తుది జట్టులోకి రాగా.. కసున్‌ రజిత స్థానంలో చమిక కరుణరత్నే లంక ప్లేయింగ్‌ ఎలెవెన్‌లోకి ఎంట్రీ ఇచ్చాడు. తుది జట్లు.. న్యూజిలాండ్‌: డెవాన్ కాన్వే, రచిన్ రవీంద్ర, కేన్ విలియమ్సన్ (కెప్టెన్‌), డారిల్ మిచెల్, టామ్ లాథమ్ (వికెట్‌కీపర్‌), గ్లెన్ ఫిలిప్స్, మార్క్ చాప్‌మన్, మిచెల్ సాంట్నర్, లోకీ ఫెర్గూసన్‌, టిమ్ సౌతీ, ట్రెంట్ బౌల్ట్ శ్రీలంక: పతుమ్ నిస్సంక, కుశాల్ పెరీరా, కుశాల్ మెండిస్ (కెప్టెన్‌/వికెట్‌కీపర్‌), సదీర సమరవిక్రమ, చరిత్ అసలంక, ఏంజెలో మాథ్యూస్, ధనంజయ డి సిల్వా, మహేశ్ తీక్షణ, దుష్మంత చమీర, చమిక కరుణరత్నే, దిల్షన్ మధుశంక  

వన్డే వరల్డ్‌కప్‌ 2023లో భాగంగా ఇవాళ (నవంబర్‌ 9) అత్యంత కీలకమైన మ్యాచ్‌ జరుగనుంది. బెంగళూరు వేదికగా న్యూజిలాండ్‌, శ్రీలంక జట్లు తలపడనున్నాయి. ఈ మ్యాచ్‌ శ్రీలంకకు నామమాత్రమే కాగా.. సెమీస్‌ రేసులో ఉన్న న్యూజిలాండ్‌కు అత్యంత కీలకంగా పరిగణించబడుతుంది. ఇందులో న్యూజిలాండ్‌ భారీ తేడాతో గెలిస్తే పాక్‌, ఆఫ్ఘనిస్తాన్‌లతో సంబంధం లేకుండా సెమీస్‌కు చేరుకుంటుంది.  బలాబలాలు, ప్రస్తుత ఫామ్‌ ప్రకారం కివీస్‌తో పోలిస్తే శ్రీలంక బలహీనమైన ప్రత్యర్దిగా ఉంది కాబట్టి, ఈ మ్యాచ్‌లో కివీస్‌ గెలుపు నల్లేరుపై నడకే అని విశ్లేషకులు అభిప్రాయపడుతున్నారు. అయితే ఈ మ్యాచ్‌కు ముందు కివీస్‌ను రెండు అంశాలు కలవరపెడుతున్నాయి. అందులో ఒకటి వరుణ గండం​ కాగా.. రెండోది శ్రీలంక చేతిలో ఎదురైన చేదు అనుభవాల సెంటిమెంట్‌. వరుణ గండం విషయానికొస్తే.. లంకతో మ్యాచ్‌కు వేదిక అయిన బెంగళూరులో గత కొద్ది రోజులుగా వర్షాలు కురుస్తున్నాయి. ఇవాళ కూడా ఆకాశం మేఘావృతమై ఉంది. వర్షం ఒకటి, రెండుసార్లు మ్యాచ్‌కు అంతరాయం కలిగించవచ్చని వాతావరణ శాఖ హెచ్చరికలు జారీ చేసింది. అ యితే మ్యాచ్‌కు వరుణుడు ఆటంకం కలిగించడం కివీస్‌కు అంత మంచిది కాదు. పూర్తి మ్యాచ్‌ జరిగితేనే ఆ జట్టుకు విజయావకాశాలు అధికంగా ఉంటాయి. కివీస్‌ ఎంత బాగా ఆడినా వరుణుడు అడ్డుతగిలితే ఏమవుతుందో పాక్‌తో జరిగిన మ్యాచ్‌లో మనం చూశాం​. అందుకే ఈ మ్యాచ్‌ పూర్తిగా సాగాలని కివీస్‌ కోరుకుంటుంది.  మరోవైపు వరల్డ్‌కప్‌ టోర్నీల్లో శ్రీలంక చేతిలో ఎదురైన చేదు అనుభవాల సెంటిమెంట్‌ కివీస్‌ను భయపెడుతుంది. 2007, 2011 వరల్డ్‌కప్‌ టోర్నీల్లో శ్రీలంక.. కివీస్‌ పాలిట కొరకరాని కొయ్యలా ఉండింది. ఈ రెండు వరల్డ్‌కప్‌ ఎడిషన్ల సెమీస్‌లో శ్రీలంక కివీస్‌ను మట్టికరిపించింది. ఇప్పుడు కూడా అదే సెంటిమెంట్‌ రిపీట్‌ అవుతుందేమోనని కివీస్‌ అభిమానులు కలవరపడుతున్నారు. దీనికి తోడు మెగా టోర్నీల్లో దురదృష్టం, కీలక ఆటగాళ్ల గాయాలు కివీస్‌కు ప్రతికూలంగా మారాయి. వరుణ గండాన్ని, సెంటిమెంట్‌ను అధిగమించి లంకపై భారీ తేడాతో గెలవాలని కివీస్‌ ఆటగాళ్లు అనుకుంటున్నారు.

వన్డేల్లో అత్యుత్తమ ఇన్నింగ్స్‌ల వివరాలను ప్రముఖ ఆస్ట్రేలియా మీడియా సంస్థ ఫాక్స్‌ క్రికెట్‌ ఇవాళ (నవంబర్‌ 9) ప్రకటించింది. వరల్డ్‌కప్‌లో ఆఫ్ఘనిస్తాన్‌పై గ్లెన్‌ మ్యాక్స్‌వెల్‌ విధ్వంసకర ఇన్నింగ్స్‌ నేపథ్యంలో ఫాక్స్‌ క్రికెట్‌ ఈ జాబితాను విడుదల చేసింది. ఈ జాబితా టాప్‌-10లో ఇద్దరు భారత ఆటగాళ్ల ఇన్నింగ్స్‌లకు చోటు దక్కడం విశేషం.  Fox Cricket picked their greatest Top 10 knocks in ODI history. pic.twitter.com/1s5qhyzlKe — Johns. (@CricCrazyJohns) November 8, 2023 ఈ జాబితాలో ఆఫ్ఘనిస్తాన్‌పై మ్యాక్సీ ఆడిన ఇన్నింగ్స్‌కు (201 నాటౌట్‌) టాప్‌ ప్లేస్‌ దక్కగా.. 2014లో శ్రీలంకపై రోహిత్‌ శర్మ సాధించిన 264 పరుగుల ఇన్నింగ్స్‌కు రెండో స్థానం లభించింది. 1984లో ఇంగ్లండ్‌పై విండీస్‌ దిగ్గజం వివియన్‌ రిచర్డ్స్‌ 189 పరుగుల ఇన్నింగ్స్‌, 1983 వరల్డ్‌కప్‌లో జింబాబ్వేపై కపిల్‌ దేవ్‌ 175 నాటౌట్‌ ఇన్నింగ్స్‌ మూడు, నాలుగు స్థానాల్లో నిలిచాయి.  ఆతర్వాతి స్థానాల్లో 2006లో ఆసీస్‌పై సౌతాఫ్రికా ఆటగాడు హర్షల్‌ గిబ్స్‌ 175 పరుగుల ఇన్నింగ్స్‌, 2007లో శ్రీలంకపై గిల్‌క్రిస్ట్‌ 149 పరుగుల ఇన్నింగ్స్‌లు నిలిచాయి. ఏడో స్థానంలో ఏబీ డివిలియర్స్‌ (2015లో వెస్టిండీస్‌పై 149 పరగులు), ఎనిమిది, తొమ్మిది, పది స్థానాలు మార్టిన్‌ గప్తిల్‌ (2015లో వెస్టిండీస్‌పై 237 నాటౌట్‌), సనత్‌ జయసూర్య (2000లో భారత్‌పై 189 పరుగులు), సయ్యద్‌ అన్వర్‌ (1997లో భారత్‌పై 194 పరుగులు) ఇన్నింగ్స్‌లకు దక్కాయి. 

వన్డే వరల్డ్‌కప్‌-2023కి సంబంధించి ఐస్‌ల్యాండ్‌ క్రికెట్‌ తమ ఫేవరెట్‌ (వరల్డ్‌ ఎలెవెన్‌) జట్టును ప్రకటించింది. లీగ్‌ దశలో అత్యుత్తమ ప్రదర్శన కనబర్చిన ఆటగాళ్లకు ఐస్‌ల్యాండ్‌ క్రికెట్‌ తమ జట్టులో చోటు కల్పించింది. ఇందులో ఏకంగా ఐదుగురు భారత క్రికెటర్లకు చోటు దక్కడం విశేషం. ఈ జట్టుకు కెప్టెన్‌గా రోహిత్‌ శర్మ ఎంపిక చేయబడగా.. విరాట్‌ కోహ్లి, రవీంద్ర జడేజా, జస్ప్రీత్‌ బుమ్రా, మొహమ్మద్‌ షమీలకు సభ్యులుగా చోటు దక్కింది.  We have seen enough. It's time to announce our World XI from the CWC group stage. Discuss. R Sharma (c) Q de Kock (wk) V Kohli R Ravindra D Mitchell G Maxwell R Jadeja M Jansen A Zampa J Bumrah M Shami — Iceland Cricket (@icelandcricket) November 8, 2023 ఈ జట్టుకు వికెట్‌కీపర్‌గా దక్షిణాఫ్రికా ఆటగాడు క్వింటన్‌ డికాక్‌ ఎంపిక చేయబడగా.. న్యూజిలాండ్‌ రచిన్‌ రవీంద్ర, డారిల్‌ మిచెల్‌ (న్యూజిలాండ్‌), గ్లెన్‌ మ్యాక్స్‌వెల్‌ (ఆస్ట్రేలియా), మార్కో జన్సెన్‌ (దక్షిణాఫ్రికా), ఆడమ్‌ జంపా (ఆస్ట్రేలియా) ఇతర సభ్యులుగా చోటు దక్కించుకున్నారు. ఈ జట్టులో కేవలం నాలుగు జట్లకు మాత్రమే ప్రాతినిథ్యం లభించింది. భారత్‌ నుంచి ఐదుగురు, ఆస్ట్రేలియా, న్యూజిలాండ్‌, దక్షిణాఫ్రికా నుంచి తలో ఇద్దరు ఈ జట్టుకు ఎంపికయ్యారు. ఈ ఆటగాళ్లంతా ప్రస్తుత ప్రపంచకప్‌లో ప్రఛండమైన ఫామ్‌లో ఉన్నారు. ఈ జట్టును గనక వరల్డ్‌కప్‌ బరిలో దించితే ఎంతటి మేటి జట్టునైనా మట్టికరిపించగలదు.  ఐస్‌ల్యాండ్‌ క్రికెట్‌ ప్రకటించిన ఈ జట్టులో ఆసీస్‌ స్టార్‌ ఆటగాడు డేవిడ్‌ వార్నర్‌కు స్థానం​ లభించకపోవడం విశేషం. పై పేర్కొన్న అందరు ఆటగాళ్లలాగే వార్నర్‌ సైతం ప్రస్తుత ప్రపంచకప్‌లో భీకరఫామ్‌లో ఉన్నాడు. ఇప్పటివరకు జరిగిన మ్యాచ్‌ల్లో అత్యధిక పరుగులు చేసిన ఆటగాళ్ల జాబితాలో టాప్‌-7 బ్యాటర్లకు చోటు కల్పించిన ఐస్‌ల్యాండ్‌ క్రికెట్‌ ఒక్క డేవిడ్‌ వార్నర్‌ను మాత్రమే విస్మరించింది. జట్టు కూర్పు విషయాన్ని దృష్టిలో పెట్టుకుని వారు ఈ నిర్ణయం తీసుకుని ఉండవచ్చు. అలాగే బౌలర్ల విషయంలోనూ షాహీన్‌ అఫ్రిదికి చోటు కల్పించి ఉండాల్సిందని పాక్‌ క్రికెట్‌ అభిమానులు అభిప్రాయపడుతున్నారు. ఐస్‌ల్యాండ్‌ క్రికెట్‌ ప్రకటించిన వరల్డ్‌ ఎలెవన్‌ జట్టు.. ప్రస్తుత వరల్డ్‌కప్‌లో ఆయా ఆటగాళ్ల ప్రదర్శన రోహిత్‌ శర్మ (కెప్టెన్‌)- 8 మ్యాచ్‌ల్లో సెంచరీ, 2 హాఫ్‌ సెంచరీల సాయంతో 442 పరుగులు క్వింటన్‌ డికాక్‌ (వికెట్‌కీపర్‌)- 8 మ్యాచ్‌ల్లో 4 సెంచరీల సాయంతో 550 పరుగులు విరాట్‌ కోహ్లి- 8 మ్యాచ్‌ల్లో 2 సెంచరీలు, 4 హాఫ్‌ సెంచరీల సాయంతో 543 పరుగులు రచిన్‌ రవీంద్ర- 8 మ్యాచ్‌ల్లో 3 సెంచరీలు, 2 హాఫ్‌ సెంచరీ సాయంతో 523 పరుగులు డారిల్‌ మిచెల్‌- 8 మ్యాచ్‌ల్లో సెంచరీ, 2 హాఫ్‌ సెంచరీల సాయంతో 375 పరుగులు గ్లెన్‌ మ్యాక్స్‌వెల్‌- 7 మ్యాచ్‌ల్లో 2 సెంచరీల సాయంతో 397 పరుగులు రవీంద్ర జడేజా- 8 మ్యాచ్‌ల్లో 14 వికెట్లు మార్కో జన్సెన్‌- 8 మ్యాచ్‌ల్లో 17 వికెట్లు ఆడమ్‌ జంపా- 8 మ్యాచ్‌ల్లో 20 వికెట్లు జస్ప్రీత్‌ బుమ్రా- 8 మ్యాచ్‌ల్లో 15 వికెట్లు మొహమ్మద్‌ షమీ- 4 మ్యాచ్‌ల్లో 16 వికెట్లు

ప్రస్తుత వన్డే వరల్డ్‌కప్‌లో డిఫెండింగ్‌ ఛాంపియన్ ఇంగ్లండ్‌ ముక్కీ మూలిగి రెండో విజయం సాధించింది. బుధవారం జరిగిన మ్యాచ్‌లో ఆ జట్టు పసికూన నెదర్లాండ్స్‌పై గెలుపొందింది. ఈ వరల్డ్‌కప్‌లో నెదర్లాండ్స్‌ కాక బంగ్లాదేశ్‌పై మాత్రమే విజయం సాధించిన ఇంగ్లండ్‌.. నిన్న లభించిన చిన్నపాటి విజయానికే ఉబ్బితబ్బిబ్బైపోతుంది. నెదర్లాండ్స్‌పై విజయాన్ని ఇంగ్లండ్‌ అభిమానులు కూడా ఆస్వాధిస్తున్నారు. ఈ గెలుపుతో ప్రస్తుత వరల్డ్‌కప్‌లో ఇంగ్లండ్‌కు ఒరిగేదేమీ లేనప్పటికీ వారి ఖుషీకి కారణం వేరే ఉంది. నెదర్లాండ్స్‌పై 160 పరుగుల భారీ తేడాతో గెలుపొందడంతో ఇంగ్లండ్‌ పాయింట్ల పట్టికలో అట్టడుగు స్థానం నుంచి ఏడో స్థానానికి ఎగబాకింది. ఛాంపియన్స్‌ ట్రోఫీ 2025కు అర్హత సాధించాలంటే వరల్డ్‌కప్‌లో టాప్‌-7లో (లీగ్‌ దశ మ్యాచ్‌ల తర్వాత) ఉండాలని ఐసీసీ మెలిక పెట్టిన నేపథ్యంలో ఈ గెలుపు ఇంగ్లండ్‌కు అతి ముఖ్యమైంది. ఇదే ఇంగ్లండ్‌కు, ఆ జట్టు అభిమానులకు సంతోషాన్ని కలిగిస్తుంది. నెదర్లాండ్స్‌పై గెలుపుతో ఇంగ్లండ్‌ ఏడో స్థానానికి వెళ్లడమే కాకుండా మెరుగైన రన్‌రేట్‌ సాధించి, ఆ స్థానానికి ఢోకా లేకుండా చేసుకుంది. దీంతో ఆ జట్టు ఛాంపియన్స్‌ ట్రోఫీ 2025కు అర్హత సాధించడం దాదాపుగా ఖాయమైపోయింది. ప్రస్తుతం పాయింట్ల పట్టికలో ఉన్న వరుస ఇలాగే కొనసాగితే బంగ్లాదేశ్‌, శ్రీలంక, నెదర్లాండ్స్‌ జట్లు ఛాంపియన్స్‌ ట్రోఫీకి అర్హత సాధించనట్టే. కాగా, నిన్నటి మ్యాచ్‌లో ఇంగ్లండ్‌.. నెదర్లాండ్స్‌పై కంటితుడుపు విజయాన్ని నమోదు చేసింది. ఈ మ్యాచ్‌లో తొలుత బ్యాటింగ్‌ చేసిన ఆ జట్టు బెన్‌ స్టోక్స్‌ సెంచరీతో (84 బంతుల్లో 108; 6 ఫోర్లు, 6 సిక్సర్లు) విరుచుకుపడటంతో నిర్ణీత ఓవర్లలో 9 వికెట్ల నష్టానికి 339 పరుగులు చేసింది. మలాన్‌ (87), క్రిస్‌ వోక్స్‌ (51) హాఫ్‌ సెంచరీలతో రాణించారు. అనంతరం బ్యాటింగ్‌కు దిగిన నెదర్లాండ్స్‌ ఛేదనలో చేతులెత్తేసి ఓటమిపాలైంది. ఆ జట్టు 37.2 ఓవర్లలో 179 పరుగులకే ఆలౌటైంది. ఇంగ్లండ్‌ స్పిన్నర్లు మొయిన్‌ అలీ (3/42), ఆదిల్‌ రషీద్‌ (3/54) నెదర్లాండ్స్‌ను దెబ్బకొట్టారు. నెదర్లాండ్స్‌ ఇన్నింగ్స్‌లో తెలుగు ఆటగాడు తేజ నిడమనూరు (41 నాటౌట్‌) టాప్‌ స్కోరర్‌గా నిలిచాడు.   

2023 వన్డే ప్రపంచకప్‌ రికార్డుల అడ్డాగా మారింది. ఈ ఎడిషన్‌లో నమోదైనన్ని రికార్డులు బహుశా ఏ ఎడిషన్‌లోనూ నమోదై ఉండకపోవచ్చు. ప్రతి మ్యాచ్‌లో పదుల సంఖ్యలో రికార్డులు నమోదవుతున్నాయి. ప్రపంచ రికార్డులు సైతం ఈ ఎడిషన్‌లో సులువుగా బద్దలవుతున్నాయి.  తాజాగా ఇంగ్లండ్‌-నెదర్లాండ్స్‌ మధ్య జరిగిన మ్యాచ్‌లోనూ పలు వ్యక్తిగత, టీమ్‌ రికార్డులు నమోదయ్యాయి. ఇందులో ఓ ప్రధానమైన రికార్డు ఉంది. అదేంటంటే.. ప్రపంచకప్‌ చరిత్రలో ఓ ఎడిషన్‌లో అన్ని జట్లు కనీసం రెండు మ్యాచ్‌లు గెలవడం ఇదే తొలిసారి. నెదర్లాండ్స్‌పై గెలుపుతో డిఫెండింగ్‌ ఛాంపియన్‌ ఇంగ్లండ్‌ ప్రస్తుత వరల్డ్‌కప్‌లో రెండో విజయాన్ని (బంగ్లాదేశ్‌, నెదర్లాండ్స్‌) నమోదు చేసింది. నెదర్లాండ్స్‌ ఇదివరకే రెండు విజయాలు (సౌతాఫ్రికా, బంగ్లాదేశ్‌) సాధించింది.  ప్రస్తుత ఎడిషన్‌లో పాల్గొన్న మిగతా జట్లు శ్రీలంక, బంగ్లాదేశ్‌ ఇప్పటివరకు ఆడిన 8 మ్యాచ్‌ల్లో చెరో రెండు విజయాలు సాధించాయి. ఈ ఎడిషన్‌లో భారత్‌ అందరికంటే ఎక్కువగా, ఆడిన 8 మ్యాచ్‌ల్లో 8 వరుస విజయాలు సాధించి, పాయింట్ల పట్టికలో టాప్‌లో నిలిచింది. ఆ తర్వాత సౌతాఫ్రికా, ఆస్ట్రేలియా జట్లు చెరి 6 విజయాలు (8 మ్యాచ్‌ల్లో) సాధించాయి. న్యూజిలాండ్‌, పాకిస్తాన్‌, ఆఫ్ఘనిస్తాన్‌ జట్లు తలో 4 విజయాలు (8 మ్యాచ్‌ల్లో) నమోదు చేశాయి. మొత్తంగా ఈ ఎడిషన్‌లో పాల్గొన్న పది జట్లు కనీసం రెండ్రెండు మ్యాచ్‌ల్లో విజయం సాధించి వరల్డ్‌కప్‌ రికార్డు నెలకొల్పాయి. ఇదిలా ఉంటే, బుధవారం నెదర్లాండ్స్‌తో జరిగిన మ్యాచ్‌లో 160 పరుగుల భారీ తేడాతో గెలుపొందిన ఇంగ్లండ్‌ పాయింట్ల పట్టికలో అట్టడుగు స్థానం నుంచి ఏడో స్థానానికి ఎగబాకింది. ఈ గెలుపుతో ప్రస్తుత వరల్డ్‌కప్‌లో ఇంగ్లండ్‌కు ఒరిగేదేమీ లేనప్పటికీ.. ఛాంపియన్స్‌ ట్రోఫీ 2025 అర్హత దృష్ట్యా కీలకంగా పరిగణించడుతుంది. వరల్డ్‌కప్‌ లీగ్‌ దశ తర్వాత టాప్‌-7లో ఉన్న జట్లు ఛాంపియన్స్‌ ట్రోఫీకి నేరుగా అర్హత సాధిస్తాయన్న విషయం తెలిసిందే. 

వన్డే వరల్డ్‌కప్‌ 2023లో ఇవాళ (నవంబర్‌ 9) అత్యంత కీలకమైన మ్యాచ్‌ జరుగనుంది. బెంగళూరు వేదికగా జరిగే ఈ మ్యాచ్‌లో శ్రీలంక,న్యూజిలాండ్‌ జట్లు తలపడనున్నాయి. సెమీస్‌ రేసులో ముందువరుసలో ఉన్న న్యూజిలాండ్‌ ఈ మ్యాచ్‌లో తప్పనిసరిగా గెలవాల్సి ఉంది. లంకపై కివీస్‌ భారీ తేడాతో గెలిస్తే, సెమీస్‌ రేసులో ఉన్న పాకిస్తాన్‌, ఆఫ్ఘనిస్తాన్‌లతో పోటీ ఉండదు. ఆయా జట్ల గెలుపోటములతో సంబంధం లేకుండా న్యూజిలాండ్‌ సెమీస్‌కు చేరుకుంటుంది.  లంక చేతితో ఓడినా సెమీస్‌కు చేరే అవకాశం ఉంటుంది.. ఒకవేళ ఇవాళ జరిగే మ్యాచ్‌లో న్యూజిలాండ్‌.. శ్రీలంక చేతిలో ఓడినా సెమీస్‌ చేరే అవకాశం ఉంటుంది. అదెలా అంటే.. సెమీస్‌ రేసులో ఉన్న మిగతా రెండు జట్లు తమతమ ప్రత్యర్దుల చేతుల్లో ఓడాల్సి ఉంటుంది. అప్పుడు న్యూజిలాండ్‌, పాక్‌, ఆఫ్ఘనిస్తాన్‌కు సమానంగా 8 పాయింట్లు ఉంటాయి. ఇక్కడ మెరుగైన రన్‌రేట్‌ కలిగిన జట్టు సెమీస్‌కు చేరుకుంటుంది.  ఎవరు గెలిచినా సెమీస్‌లో టీమిండియానే ప్రత్యర్ధి.. ప్రస్తుతం సెమీస్‌ రేసులో ఉన్న మూడు జట్లలో (కివీస్‌, పాక్‌, ఆఫ్ఘనిస్తాన్‌) ఏ జట్టు ఫైనల్‌ ఫోర్‌కు అర్హత సాధించినా అక్కడ వారి ప్రత్యర్ది టీమిండియానే అవుతుంది. ఎందుకంటే.. పాయింట్ల పట్టికలో అగ్రస్థానంలో ఉన్న జట్టు.. నాలుగో స్థానంలో నిలిచే జట్టుతో తలపడాల్సి ఉంది. రెండు, మూడు స్థానాల్లో నిలిచే జట్లు మరో సెమీస్‌లో తలపడతాయి.  ప్రస్తుత ఎడిషన్‌లో వరుసగా 8 మ్యాచ్‌ల్లో గెలిచిన భారత్‌.. తమ ఆఖరి లీగ్‌ మ్యాచ్‌లో నెదర్లాండ్స్‌ చేతిలో ఓడినా పాయింట్ల పట్టికలో అగ్రస్థానంలోనే నిలుస్తుంది. అలాగే రెండు, మూడు స్థానాల్లో ఉన్న సౌతాఫ్రికా, ఆస్ట్రేలియా జట్లు సైతం మరో లీగ్‌ మ్యాచ్‌ ఆడాల్సి ఉన్నప్పటికీ.. గెలుపోటములు వారి స్థానాలపై ప్రభావం చూపవు. కాబట్టి రెండో సెమీస్‌లో సౌతాఫ్రికా, ఆసీస్‌ పోరు ఖరారైపోయింది. సెమీస్‌ ఎప్పుడు, ఎక్కడ అంటే.. ప్రస్తుత వరల్డ్‌కప్‌లో రెండో సెమీస్‌లో తలపడే జట్లు ఏవో తేలిపోయింది. తొలి సెమీస్‌లో భారత్‌తో తలపడబోయే జట్టు ఏదో తేలాల్సి ఉంది. ప్రస్తుతం సెమీస్‌ రేసులో ఉన్న కివీస్‌, పాక్‌, ఆఫ్ఘనిస్తాన్‌లలో ఏ జట్టు సెమీస్‌కు చేరినా ముంబై వేదికగా నవంబర్ 15న భారత్‌తో తలపడాల్సి ఉంటుంది. కోల్‌కతా వేదికగా నవంబర్‌ 16న జరిగే రెండో సెమీస్‌లో సౌతాఫ్రికా, ఆసీస్‌ పోరు ఖాయమైపోయింది. ఈ రెండు సెమీస్‌లలో గెలిచే జట్లు నవంబర్‌ 19న అహ్మదాబాద్‌లో జరిగే ఫైనల్లో అమీతుమీ తేల్చుకుంటాయి.  

రెండేళ్ల కాలంలో ఎవరు చేయలేని పనిని టీమిండియా యువ కెరటం శుభ్‌మన్‌ గిల్‌ చేసి చూపించాడు. ఐసీసీ వన్డే ర్యాంకింగ్స్‌లో రెండేళ్లకుపైగా అగ్రపీఠంపై కూర్చున్న బాబర్‌ను ఎట్టకేలకు కిందికి దించాడు. తాజాగా విడుదల చేసిన ర్యాంకింగ్స్‌లో గిల్‌ అగ్రస్థానాని​కి ఎగబాకి, బాబర్‌ను రెండో ప్లేస్‌కు నెట్టాడు. ప్రస్తుతం జరుగుతున్న వన్డే వరల్డ్‌కప్‌లో 6 ఇన్నింగ్స్‌ల్లో రెండు అర్ధసెంచరీల సాయంతో 219 పరుగులు చేసిన గిల్‌.. బాబర్‌ కంటే ఆరు రేటింగ్‌ పాయింట్లు (830) అధికంగా సాధించి, ఐసీసీ ర్యాంకింగ్స్‌లో తొలిసారి అగ్రపీఠాన్ని అధిరోహించాడు. సచిన్‌, ధోని, కోహ్లి తర్వాత వన్డే ర్యాంకింగ్స్‌లో టాప్‌ ర్యాంక్‌కు చేరిన భారత బ్యాటర్‌ గిలే కావడం విశేషం.   తాజా ర్యాంకింగ్స్‌లో గిల్‌తో పాటు విరాట్‌ కోహ్లి కూడా తన ర్యాంకింగ్‌ను మెరుగుపర్చుకున్నాడు. ప్రస్తుత వరల్డ్‌కప్‌లో భీకర ఫామ్‌లో ఉన్న విరాట్‌ నాలుగో స్థానానికి ఎగబాకాడు. వరల్డ్‌కప్‌లో ప్రదర్శనల కారణంగా తాజా ర్యాంకింగ్స్‌లో భారీ కుదుపు ఏర్పడింది. బ్యాటింగ్‌, బౌలింగ్‌ విభాగాల్లో భారీగా స్థానచలనాలు జరిగాయి. డికాక్‌ (మూడో స్థానం), శ్రేయస్‌ (18), ఫకర్‌ జమాన్‌ (11), ఇబ్రహీం జద్రాన్‌ (12) తమతమ స్థానాలను మెరుగుపర్చుకున్నారు. బౌలింగ్‌ విషయానికొస్తే.. ఈ విభాగం టాప్‌-10లో ఏకంగా నలుగురు భారత బౌలర్లు చోటు దక్కించుకున్నారు. ప్రస్తుత ప్రపంచకప్‌లో 10 వికెట్లు పడగొట్టిన మొహమ్మద్‌ సిరాజ్‌ మరోసారి అగ్రపీఠాన్ని అధిరోహించగా.. కుల్దీప్‌ యాదవ్‌ నాలుగు, బుమ్రా తొమ్మిది, షమీ పది స్థానాల్లో నిలిచారు. బ్యాటింగ్‌ విభాగంలో టాప్‌-10లో గిల్‌, కోహ్లితో పాటు రోహిత్‌ శర్మ (ఆరో స్థానం) కూడా ఉన్నాడు. కాగా, ప్రస్తుత ప్రపంచకప్‌లో భారత్‌ వరుసగా ఎనిమిది విజయాలు సాధించి సెమీస్‌కు అర్హత సాధించిన విషయం తెలిసిందే.

వన్డే వరల్డ్‌కప్‌-2023లో భాగంగా పూణే వేదికగా ఇవాళ (నవంబర్‌ 8) నామమాత్రపు మ్యాచ్‌ జరుగనుంది. ఈ మ్యాచ్‌లో ప్రస్తుత ఎడిషన్‌ నుంచి ఇదివరకే ఎలిమినేట్‌ అయిన ఇంగ్లండ్‌.. పాయింట్ల పట్టికలో తొమ్మిదో స్థానంలో ఉండి కొన ఊపిరితో కొట్టిమిట్టాడుతున్న నెదర్లాండ్స్‌తో తలపడనుంది. ఈ మ్యాచ్‌లో టాస్‌ గెలిచిన ఇంగ్లండ్‌ తొలుత బ్యాటింగ్‌ ఎంచుకుంది. ఈ మ్యాచ్‌లో ఇంగ్లండ్‌ రెండు మార్పులతో బరిలోకి దిగుతుంది. గత మ్యాచ్‌లో ఆడిన మార్క్‌ వుడ్‌, లివింగ్‌స్టోన్‌ స్థానాల్లో హ్యారీ బ్రూక్‌, అట్కిన్సన్‌ తుది జట్టులోకి వచ్చారు. మరోవైపు నెదర్లాండ్స్‌ ఒకే మార్పుతో బరిలోకి దిగుతుంది. జుల్ఫికర్‌ స్థానంలో తెలుగు ఆటగాడు తేజ నిడమనూరు బరిలోకి దిగుతున్నాడు. తుది జట్లు.. ఇంగ్లండ్‌: జానీ బెయిర్‌స్టో, డేవిడ్ మలన్, జో రూట్, హ్యారీ బ్రూక్‌, బెన్ స్టోక్స్, జోస్ బట్లర్ (కెప్టెన్‌/వికెట్‌కీపర్‌), మొయిన్ అలీ, అట్కిన్సన్‌, క్రిస్ వోక్స్, డేవిడ్ విల్లీ, ఆదిల్ రషీద్ నెదర్లాండ్స్‌: వెస్లీ బరేసి, మాక్స్ ఓడౌడ్, కోలిన్ అకెర్‌మాన్, సిబ్రాండ్ ఎంగెల్‌బ్రెచ్ట్, స్కాట్ ఎడ్వర్డ్స్ (కెప్టెన్‌/వికెట్‌కీపర్‌), బాస్ డి లీడ్‌, తేజ నిడమనూరు, లోగాన్ వాన్ బీక్, రోలోఫ్ వాన్ డెర్ మెర్వే, ఆర్యన్ దత్, పాల్ వాన్ మీకెరెన్

క్రికెట్‌లో పోలికలు అనేవి చాలా సహజం. ఓ మ్యాచ్‌లో నమోదైన అత్యుత్తమ ప్రదర్శనను గతంలో నమోదైన సమాన ప్రదర్శనలతో పోల్చడం సర్వ సాధారణం. ఇక్కడ ఓ ప్రదర్శనను తక్కువ చేసి, మరో దాన్ని ఎక్కువ చేసి చూపించాలని ఎవరూ అనుకోరు. కానీ, ఏ ప్రదర్శన జట్టు విజయానికి ఎక్కువగా దోహదపడిందని విశ్లేషించడమే ముఖ్య ఉద్దేశంగా ఉంటుంది. ఇలాంటి ఓ పోలికనే ఇప్పుడు మనం చూడబోతున్నాం. వన్డే ప్రపంచకప్‌ 2023లో భాగంగా ఆఫ్ఘనిస్తాన్‌తో జరిగిన మ్యాచ్‌లో ఆసీస్‌ ఆటగాడు గ్లెన్‌ మాక్స్‌వెల్‌ ఓటమి కొరల్లో ఉన్న తన జట్టును విధ్వంసకర డబుల్‌ సెంచరీతో (128 బంతుల్లో 201 నాటౌట్‌; 21 ఫోర్లు, 10 సిక్సర్లు) గెలిపించాడు. 1983 ప్రపంచకప్‌లోనూ ఇలాంటి ఓ మెరుపు ఇన్నింగ్స్‌ను మనం చూశాం. నాడు జింబాబ్వేతో జరిగిన మ్యాచ్‌లో భారత ఆటగాడు, నాటి జట్టు కెప్టెన్‌ కపిల్‌ దేవ్‌ ఆరో స్థానంలో బ్యాటింగ్‌కు వచ్చి జట్టు పీకల్లోతు కష్టాల్లో ఉన్నప్పుడు 138 బంతుల్లో 16 ఫోర్లు, 6 సిక్సర్ల సాయంతో అజేయమైన 175 పరుగులు చేశాడు. కపిల్‌ ఆడిన ఈ సుడిగాలి ఇన్నింగ్స్‌ కొన్ని దశాబ్దాల పాటు క్రికెట్‌ అభిమానుల మదిలో అలాగే ఉండిపోయింది.  తాజాగా మాక్సీ మెరుపు ఇన్నింగ్స్‌ చూశాక చాలా మంది అభిమానులు నాటి కపిల్‌ ఇన్నింగ్స్‌ను గుర్తు చేసుకుంటున్నారు. కొందరేమో మాక్సీ డబుల్‌ను కపిల్‌ 175తో పోలుస్తున్నారు. ఈ విషయంపై సోషల్‌మీడియా వేదికగా చర్చలు జరుపుతున్నారు. వాస్తవానికి ఈ రెండు ఇన్నింగ్స్‌ల మధ్య పోలిక పెట్టి, ఏది గొప్ప అని నిర్ణయించడానికి ఆస్కారమే లేదు. ఈ రెండు ఇన్నింగ్స్‌ల్లో దేని ప్రత్యేకత దానికి ఉంది. ఇక్కడ అభిమానులు తమ అభిప్రాయాన్ని మాత్రమే చెప్పగలరు. అది తక్కువ, ఇది ఎక్కువ అని తేల్చడానికి వీలు లేదు. రెండు సందర్భాల్లో ఆటగాళ్లు జట్టు కష్టకాలంలో ఉన్నప్పుడు ఆరో స్థానంలో బ్యాటింగ్‌కు దిగి భారీ ఇన్నింగ్స్‌లు ఆడారు. నాడు కపిల్‌ బరిలోకి దిగిన సందర్భంలో భారత్‌ 17 పరుగులకే 5 వికెట్లు కోల్పోయి పీకల్లోతు కష్టాల్లో ఉండింది. ఆ సమయంలో కపిల్‌ ఎదురుదాడికి దిగి అద్భుతమైన ఇన్నింగ్స్‌ ఆడాడు. తాజాగా మ్యాక్స్‌వెల్‌ సైతం తన జట్టు కష్టకాలంలో ఉన్నప్పుడు (292 పరుగుల లక్ష్యఛేదనలో 91/7 స్కోర్‌ వద్ద) మెరుపు ఇన్నింగ్స్‌తో విరుచుకుపడ్డాడు.  అయితే ఈ రెండు ఇన్నింగ్స్‌ల మధ్య వ్యత్యాసం ఏంటంటే.. కపిల్‌ ఇన్నింగ్స్‌ తొలుత బ్యాటింగ్ చేస్తూ చేసినది కాగా, మాక్సీ ఛేదనలో డబుల్‌ సెంచరీ సాధించాడు. ఇక్కడ, అక్కడ ఆటగాళ్లు తమతమ జట్ల గెలుపుకు వంద శాతం దోహదపడ్డారు. ఇద్దరూ ప్రత్యర్ధి బౌలర్లపై ఎదురుదాడికి దిగి మ్యాచ్‌ విన్నింగ్‌ ఇన్నింగ్స్‌లు ఆడారు. ఇక్కడ మ్యాక్సీ పోరాడితే పోయేది ఏమీ లేదని సక్సెస్‌ సాధించగా.. నాడు కపిల్‌ సైతం ఇదే ఫార్ములాను ఉపయోగించి ఫలితం రాబట్టాడు.  

52 ఏళ్ల వన్డే క్రికెట్‌ చరిత్రలో ఏ ఆస్ట్రేలియా ఆటగాడికి సాధ్యం కాని ఫీట్‌ను గ్లెన్‌ మ్యాక్స్‌వెల్‌ ప్రస్తుత ప్రపంచకప్‌లో సాధించాడు. వన్డే క్రికెట్‌ ప్రారంభమైన నాటి నుంచి (1971 జనవరి 5) ఆస్ట్రేలియన్లకు అందని ద్రాక్షగా ఉండిన డబుల్‌ సెంచరీని మ్యాక్సీ ఆఫ్ఘనిస్తాన్‌తో జరిగిన మ్యాచ్‌లో నమోదు చేశాడు. ఈ మ్యాచ్‌లో 128 బంతులు ఎదుర్కొన్న అతను 21 ఫోర్లు, 10 సిక్సర్ల సాయంతో అజేయమైన డబుల్‌ సెంచరీ (201) చేసి, తన జట్టుకు చిరస్మరణీయ విజయాన్ని అందించాడు. వన్డేల్లో ఆస్ట్రేలియా తరఫున అత్యధిక స్కోర్‌ కూడా ఇదే కావడం విశేషం.  ఆఫ్ఘన్‌పై మ్యాచ్‌ విన్నింగ్‌ ఇన్నింగ్స్‌తో మ్యాక్సీ మరిన్ని రికార్డులు సైతం తన ఖాతాలో వేసుకున్నాడు. అవేంటంటే.. ప్రపంచకప్‌ చరిత్రలో మూడో డబుల్‌ సెంచరీ నమోదు చేసిన ఆటగాడిగా రికార్డు. గతంలో న్యూజిలాండ్‌ ఆటగాడు మార్టిన్‌ గప్టిల్‌ (237 నాటౌట్‌; వెస్టిండీస్‌పై 2015లో వెల్లింగ్టన్‌లో), వెస్టిండీస్‌ స్టార్‌ క్రిస్‌ గేల్‌ (215; జింబాబ్వేపై 2015లో కాన్‌బెర్రాలో) ఈ ఘనత సాధించారు.  వన్డేల్లో రెండో వేగవంతంగా డబుల్‌ సెంచరీ (128 బంతుల్లో) రికార్డు. ఈ విభాగంలో అత్యుత్తమ రికార్డు టీమిండియా ప్లేయర్‌ ఇషాన్‌ కిషన్‌ (126 బంతుల్లో; 2022లో బంగ్లాదేశ్‌పై చిట్టగాంగ్‌లో) పేరిట ఉంది.  వన్డేల్లో ఛేజింగ్‌ చేస్తూ అత్యధిక స్కోరు సాధించిన ప్లేయర్‌గా రికార్డు. పాకిస్తాన్‌ ప్లేయర్‌ ఫఖర్‌ జమాన్‌ (193; 2021లో దక్షిణాఫ్రికాపై జొహన్నెస్‌బర్గ్‌లో) పేరిట ఉన్న రికార్డును మ్యాక్స్‌వెల్‌ సవరించాడు.  ప్రపంచకప్‌ చరిత్రలో అత్యధిక సిక్స్‌లు కొట్టిన క్రికెటర్ల జాబితాలో మూడో స్థానం​ (43 సిక్సర్లు).ఈ విభాగంలో క్రిస్‌ గేల్‌ (49), రోహిత్‌ శర్మ (45) వరుసగా తొలి రెండు స్థానాల్లో ఉన్నారు.   ఓ వరల్డ్‌కప్‌ ఇన్నింగ్స్‌లో ఐదో అత్యధిక సిక్సర్ల రికార్డు (ఆఫ్ఘనిస్తాన్‌పై 10 సిక్సర్లు). ఈ విభాగంలో ఇయాన్‌ మోర్గాన్‌ (2019లో ఆఫ్ఘనిస్తాన్‌తో మ్యాచ్‌లో 17 సిక్సర్లు) టాప్‌లో ఉన్నాడు.  వన్డేల్లో ఏడో వికెట్‌కు అత్యధిక భాగస్వామ్యం (కమిన్స్‌తో కలిసి అజేయమైన 202 పరుగులు)  వన్డేల్లో నాన్‌ ఓపెనర్‌గా అత్యధిక స్కోర్‌ రికార్డు. గతంలో వన్డేల్లో ఈ రికార్డు జింబాబ్వే ఆటగాడు చార్లెస్‌ కొవెంట్రీ (194 నాటౌట్‌) పేరిట ఉండేది.  ఆరు లేదా అంతకంటే తక్కువ స్థానాల్లో బ్యాటింగ్‌కు వచ్చి అత్యధిక స్కోర్‌ సాధించిన ఆటగాడిగా ప్రపంచ రికార్డు. గతంలో ఈ రికార్డు కపిల్‌ దేవ్‌ (175 నాటౌట్‌) పేరిట ఉండేది.   

వన్డే వరల్డ్‌కప్‌ 2023లో భాగంగా ఆఫ్ఘనిస్తాన్‌తో జరిగిన మ్యాచ్‌లో గ్లెన్‌ మ్యాక్స్‌వెల్‌ విధ్వంసకర డబుల్‌ సెంచరీతో (128 బంతుల్లో 201 నాటౌట్‌; 21 ఫోర్లు, 10 సిక్సర్లు)  విరుచుకుపడి తన జట్టుకు చిరస్మరణీయ విజయాన్ని అందించిన విషయం తెలిసిందే. 292 పరుగుల లక్ష్య ఛేదనలో ఓటమి కొరల్లో (91/7) చిక్కుకున్న ఆసీస్‌ను మ్యాక్సీ వీరోచితంగా పోరాడి ఒంటిచేత్తో గెలిపించాడు. కదలలేని స్థితిలో సైతం మ్యాక్స్‌వెల్‌ మెరుపు ఇన్నింగ్స్‌ ఆడి ప్రతి క్రికెట్‌ అభిమాని మనసు దోచుకున్నాడు. మ్యాక్సీ బ్యాట్‌ నుంచి జాలువారిన ఈ ఇన్నింగ్స్‌ వన్డే క్రికెట్‌ చరిత్రలోనే అత్యుత్తమమైనదిగా విమర్శకుల ప్రశంసలను సైతం అందుకుంటుంది.  ఆఫ్ఘన్‌పై గెలుపులో మ్యాక్సీ అన్నీ తానై వ్యవహరించగా, కెప్టెన్‌ కమిన్స్‌ బాధ్యతాయుతమైన ఇన్నింగ్స్‌ (68 బంతుల్లో 12 నాటౌట్‌; ఫోర్‌) ఆడి తనవంతు పాత్ర పోషించాడు. ఈ క్రమంలో మ్యాక్స్‌వెల్‌ పలు అదిరిపోయే రికార్డులను తన ఖాతాలో వేసుకోగా.. కమిన్స్‌ ఓ చెత్త రికార్డును మూటగట్టుకున్నాడు. ఈ రికార్డు వ్యక్తిగతంగా కమిన్స్‌కు చెత్త రికార్డే అయినప్పటికీ.. ఆసీస్‌ గెలుపులో ప్రధానపాత్ర పోషించింది. ఓ పక్క మ్యాక్సీ చెలరేగుతుంటే, మరో ఎండ్‌లో కమిన్స్‌ వికెట్‌ కాపాడుకుంటూ జాగ్రత్తగా స్ట్రయిక్‌ రొటేట్‌ చేశాడు. ఆఫ్ఘన్‌పై గెలుపులో మ్యాక్సీలా కమిన్స్‌ పాత్ర కూడా వెలకట్టలేనిది. ఒకవేళ కమిన్స్‌ మ్యాక్స్‌వెల్‌కు సహకరించకపోయి ఉంటే ఆసీస్‌ ఘోర పరాభవాన్ని ఎదుర్కోవాల్సి వచ్చేది.  ఇంతకీ కమిన్స్‌ పేరిట నమోదైన ఆ చెత్త రికార్డు ఏంటంటే.. వరల్డ్‌కప్‌లో కనీసం​ 10 పరుగులు చేసి రెండో అత్యల్ప స్ట్రయిక్‌రేట్‌ నమోదు చేసిన ఆటగాడిగా కమిన్స్‌ రికార్డుల్లోకెక్కాడు. ఈ మ్యాచ్‌లో 68 బంతులు ఎదుర్కొన్న కమిన్స్‌ కేవలం 17.64 స్ట్రయిక్‌రేట్‌తో పరుగులు చేశాడు. వరల్డ్‌కప్‌లో కనీసం 10 పరుగులు చేసి ఇంతకంటే తక్కువ స్ట్రయిక్‌రేట్‌ నమోదు చేసిన రికార్డు జింబాబ్వే ఆటగాడు జాక్‌ హెరన్‌ పేరిట ఉంది. 1983 వరల్డ్‌కప్‌లో వెస్టిండీస్‌తో జరిగిన మ్యాచ్‌లో హెరన్‌ అత్యల్పంగా 16.43 స్ట్రయిక్‌రేట్‌తో పరుగులు చేశాడు. రికార్డు విషయం అటుంచితే, కమిన్స్‌ మ్యాక్సీతో పాటు మ్యాచ్‌ విన్నింగ్‌ ఇన్నింగ్స్‌ ఆడి తన జట్టుకు అపురూప విజయాన్ని అందించాడు. కాగా, ఆఫ్ఘన్‌పై గెలుపుతో ఆస్ట్రేలియా సెమీస్‌కు అర్హత సాధించిన విషయం తెలిసిందే. సెమీస్‌లో ఆసీస్‌ సౌతాఫ్రికాతో తలపడనుంది.

వన్డే వరల్డ్‌కప్‌ 2023లో భాగంగా ఆస్ట్రేలియాతో జరిగిన మ్యాచ్‌లో ఆఫ్ఘనిస్తాన్‌ 3 వికెట్ల తేడాతో అనూహ్యంగా ఓటమిపాలైంది. ఈ మ్యాచ్‌లో తొలుత బ్యాటింగ్‌ చేసి 291 పరుగులు చేసిన ఆఫ్ఘన్లు ఓ దశలో ఆసీస్‌పై సంచలన విజయం సాధించేలా కనిపించారు. అయితే మ్యాక్స్‌వెల్‌ విధ్వంసకర ద్విశతకంతో (128 బంతుల్లో 201 నాటౌట్‌; 21 ఫోర్లు, 10 సిక్సర్లు) ఆఫ్ఘన్ల ఆశలపై  నీళ్లు చల్లాడు. మ్యాక్సీ ఆఫ్ఘన్లకు విజయాన్ని దూరం చేయడంతో పాటు వారి సెమీస్‌ అవకాశాలను సైతం సంక్లిష్టం చేశాడు. ఊహించని ఈ ఓటమితో ఆఫ్ఘన్లు ఖంగుతిన్నారు. వారి బాధ వర్ణణాతీతంగా ఉంది. ఇది వారి కెప్టెన్‌ మాటల్లో స్పష్టంగా తెలిసింది.  మ్యాచ్‌ అనంతరం ఆఫ్ఘన్‌ కెప్టెన్‌ హష్మతుల్లా షాహీది మాట్లాడుతూ.. చాలా బాధగా ఉంది. మేం ఓడిపోయామంటే నమ్మలేకపోతున్నాము. ఓ దశలో గెలుస్తామని పూర్తి విశ్వాసంగా ఉన్నాము. క్రికెట్ తమాషా ఆట. క్షణాల వ్యవధిలో ఫలితం తారుమారవుతుంది. మ్యాక్స్‌వెల్‌ మా నుంచి విజయాన్ని లాగేసుకున్నాడు. మా బౌలర్లు అద్భుతంగా ప్రారంభించారు. అయితే డ్రాప్‌ క్యాచ్‌లు మా కొంపముంచాయి. పలు మార్లు లైఫ్‌లు లభించిన అనంతరం మ్యాక్స్‌వెల్‌ ఆగలేదు. అతను ప్రతి రకమైన షాట్‌ ఆడాడు. క్రెడిట్ మొత్తం అతనికే. మ్యాక్స్‌వెల్‌ ఇన్నింగ్స్‌ సాగిన తీరు వర్ణణాతీతం. మా బౌలర్లు తమ వంతు ప్రయత్నం చేసినా అతను మాకు ఎలాంటి అవకాశం ఇవ్వలేదు. జారవిడిచిన క్యాచ్‌లకు తగిన మూల్యం చెల్లించుకున్నాం​. గెలవాల్సిన మ్యాచ్‌లో ఓడినప్పటికీ, జట్టు ప్రదర్శన పట్ల ఇప్పటికీ గర్వంగా ఉంది. ఇలా జరుగుతుందని ఊహించలేదు. ఇదంతా ఆటలో భాగం. దక్షిణాఫ్రికాతో జరిగే చివరి లీగ్‌ మ్యాచ్‌లో పుంజుకుంటాం. ఇబ్రహీం జద్రాన్ అత్యద్భుం. అతన్ని చూస్తే  గర్వంగా ఉంది. వరల్డ్‌కప్‌లో సెంచరీ సాధించిన మొదటి ఆఫ్ఘన్‌గా రికార్డుల్లోకెక్కినందుకు అతను కూడా గర్వపడాలి అని అన్నాడు.  కాగా, ఆసీస్‌తో జరిగిన మ్యాచ్‌లో టాస్‌ గెలిచి తొలుత బ్యాటింగ్‌ చేసిన ఆఫ్ఘనిస్తాన్‌.. ఇబ్రహీం జద్రాన్‌ (143 బంతుల్లో 129 నాటౌట్‌; 8 ఫోర్లు, 3 సిక్స్‌లు) అజేయ సెంచరీతో మెరవడంతో నిర్ణీత ఓవర్లలో 5 వికెట్ల నష్టానికి 291 పరుగులు చేసింది. అనంతరం ఛేదనకు దిగిన ఆసీస్‌ ఓ దశలో (91/7) ఓటమి కొరల్లో చిక్కుకుంది. అయితే మ్యాక్స్‌వెల్‌ అజేయ డబుల్‌ సెంచరీతో వారిని విజయతీరాలకు చేర్చాడు. ఆసీస్‌ 46.5 ఓవర్లలో 7 వికెట్లు కోల్పోయి లక్ష్యాన్ని ఛేదించింది. ఈ గెలుపుతో ఆసీస్‌ సెమీస్‌కు అర్హత సాధించిన మూడో జట్టుగా నిలిచింది. సెమీస్‌లో ఆస్ట్రేలియా.. దక్షిణాఫ్రికాను ఢీకొంటుంది. దీనికి ముందు ఆసీస్‌ తమ చివరి లీగ్‌ మ్యాచ్‌ (బంగ్లాదేశ్‌తో) ఆడాల్సి ఉంది. చదవండి: గొప్ప విజయం.. మ్యాక్సీని ఎలా పొగడాలో తెలియడం లేదు: కమిన్స్‌

వన్డే వరల్డ్‌కప్‌ 2023లో భాగంగా ఆఫ్ఘనిస్తాన్‌తో నిన్న జరిగిన మ్యాచ్‌లో ఆసీస్‌ 3 వికెట్ల తేడాతో గెలుపొందింది. ఈ మ్యాచ్‌లో మాక్స్‌వెల్‌ చిరస్మరణీయ ఇన్నింగ్స్‌ (128 బంతుల్లో 201 నాటౌట్‌; 21 ఫోర్లు, 10 సిక్సర్లు)  ఆడి, తన జట్టుకు చారిత్రక విజయాన్ని అందించాడు. 292 పరుగుల లక్ష్య ఛేదనలో ఓటమి కొరల్లో (91/7) చిక్కుకున్న జట్టును మాక్సీ ఒంటిచేత్తో గెలిపించాడు. ఈ ఇన్నింగ్స్‌ వన్డే క్రికెట్‌ చరిత్రలోనే అత్యుత్తమ ఇన్నింగ్స్‌గా కీర్తించబడుతుంది. ఛేదనలో ఇలాంటి ఇన్నింగ్స్‌ చూడలేదని యావత్‌ క్రికెట్‌ ప్రపంచం కొనియాడుతుంది. మ్యాచ్‌ అనంతరం ఆసీస్‌ కెప్టెన్‌ కమిన్స్‌ కూడా ఇదే అభిప్రాయాన్ని వ్యక్తం చేశాడు. మాక్స్‌వెల్‌ ఓ అద్భుతమని కొనియాడాడు. ఈ విజయం చిరస్మరణీయమని అభివర్ణించాడు. ఈ అనుభూతి వర్ణించలేనిదని అన్నాడు. క్రికెట్‌ చరిత్రలోనే ఇదో బెంచ్‌ మార్క్‌గా మిగిలిపోనుందని కితాబునిచ్చాడు. ప్రేక్షకులు మైదానాలకు వచ్చేది ఇలాంటి మ్యాచ్‌ల కోసమేనని పేర్కొన్నాడు. ప్రతి క్రికెట్‌ అభిమాని ఈ మ్యాచ్‌ను చిరకాలం గుర్తించుకుంటాడని తెలిపాడు. క్రీజ్‌లో మాక్సీ చాలా ప్రశాంతంగా, ప్రణాళిక కలిగి ఉన్నాడని తెలిపాడు. 200 పరుగులు వెనుకబడి, కేవలం 3 వికెట్లు చేతిలో ఉండి ఈ మ్యాచ్‌ను గెలవడం చాలా ప్రత్యేకమని అన్నాడు. గాయంతో బాధపడుతున్న మాక్స్‌వెల్ రిటైర్డ్‌ హర్ట్‌గా పెవిలియన్‌కు చేరాలనుకున్నాడా అన్న దానిపై స్పందిస్తూ.. మాకు చేతిలో మరో రెండు వికెట్లు ఉన్నాయి. జంపా క్రీజ్‌లోకి వచ్చేందుకు రెడీగా ఉన్నాడు. కానీ మాక్సీ రిటైర్డ్‌ అవ్వాలని అనుకోలేదు. తన జట్టును ఎలాగైనా గెలిపించాలని దృడ సంకల్పంతో ఉన్నాడు. గాయం వేధిస్తున్నా చివరి దాకా క్రీజ్‌లో ఉండి గెలిపించి చూపించాడు. మేము ఇప్పుడు సెమీఫైనల్‌లో ఉన్నాము. ఇదో గొప్ప అనుభూతి. ఆఫ్ఘన్ల ఆటతీరుపై ఎదురైన ప్రశ్నను కమిన్స్‌ దాటవేశాడు.  కాగా, ఈ మ్యాచ్‌లో గెలుపుతో ఆస్ట్రేలియా సెమీస్‌కు అర్హత సాధించిన మూడో జట్టుగా నిలిచింది. ఈ జట్టు లీగ్‌ దశలో మరో మ్యాచ్‌లో ఆడాల్సి ఉన్నా, సెమీస్‌లో సౌతాఫ్రికాతో తలపడటం ఖాయమైపోయింది. సౌతాఫ్రికా సైతం మరో మ్యాచ్‌ ఆడాల్సి ఉన్నా, ఆ మ్యాచ్‌లో గెలుపోటములతో సంబంధం లేదు. రెండు, మూడు స్థానాల్లో ఆస్ట్రేలియా, సౌతాఫ్రికా ఏదో ఒక స్థానంలో ఉంటాయి. పాయింట్ల పట్టికలో తొలి స్థానంలో భారత్‌ నాలుగో స్థానంలో ఉన్న జట్టుతో సెమీస్‌ ఆడటం​ కూడా ఖరారైపోయింది. నాలుగో సెమీస్‌ బెర్త్‌ కోసం న్యూజిలాండ్‌, పాకిస్తాన్‌, ఆఫ్ఘనిస్తాన్‌ పోటీపడుతున్నాయి. చదవండి: చాలా బాధగా ఉంది.. ఓడిపోయామంటే నమ్మలేకపోతున్నాము: ఆఫ్ఘనిస్తాన్‌ కెప్టెన్‌

వన్డే ప్రపంచకప్‌-2023లో భాగంగా ఆప్ఘనిస్తాన్‌తో నిన్న జరిగిన మ్యాచ్‌లో ఆసీస్‌ ఆటగాడు గ్లెన్‌ మ్యాక్స్‌వెల్‌ విధ్వంసకర ద్విశతకంతో (128 బంతుల్లో 201 నాటౌట్‌; 21 ఫోర్లు, 10 సిక్సర్లు) విరుచుకుపడి, తన జట్టుకు చిరస్మరణీయ విజయాన్ని అందించాడు. 292 పరుగుల లక్ష్య ఛేదనలో 91 పరుగులకే 7 వికెట్లు కోల్పోయిన ఆసీస్‌ను మ్యాక్సీ ఊహకందని ఇన్నింగ్స్‌తో గెలిపించాడు. మ్యాక్స్‌వెల్‌ ఆడిన ఈ ఇన్నింగ్స్‌ క్రికెట్‌ చరిత్రలోనే అత్యుత్తమ ఇన్నింగ్స్‌గా కీర్తించబడుతుంది. ఛేదనలో ఈ స్థాయి ఇన్నింగ్స్‌ అంతర్జాతీయ క్రికెట్‌లో ఎవ్వరూ ఆడి ఉండరని నెటిజన్లు ప్రశంసిస్తున్నారు. మ్యాక్సీ నామస్మరణతో సోషల్‌మీడియా హోరెత్తిపోతుంది. సాహో మ్యాక్సీ అంటూ జనం కొనియాడుతున్నారు. మ్యాక్సీ ఆడిన ఈ ఇన్నింగ్స్‌ చూసి విమర్శకులు సైతం ముగ్దులవుతున్నారు. ఈ ఇన్నింగ్స్‌ వెలకట్టలేనిదని కామెంట్లు చేస్తున్నారు. పరిమిత ఓవర్ల క్రికెట్‌లో మున్ముందు కూడా ఇలాంటి ఇన్నింగ్స్‌ చూడలేమని ఆకాశానికెత్తుతున్నారు. లక్ష్యానికి 201 పరుగుల దూరంలో ఉండి, చేతిలో కేవలం 3 వికెట్లు మాత్రమే ఉన్నప్పుడు ఇలాంటి ఇన్నింగ్స్‌ ఆడాలంటే చాలా గట్స్‌ కావాలని అంటున్నారు. అసాధ్యమనుకున్న దాన్ని (లక్ష్య ఛేదనను) చేసి చూపించి సాహో మ్యాక్సీ అనిపించుకున్నాడని కితాబునిస్తున్నారు. ఓ పక్క గాయం వేధిస్తున్నా దిగమింగుతూ, జట్టును గెలిపించేందుకు​ అతను చూపిన తెగువ అసమానమని కొనియాడుతున్నారు. కాగా, నిన్నటి మ్యాచ్‌లో టాస్‌ గెలిచి తొలుత బ్యాటింగ్‌ చేసిన ఆఫ్ఘనిస్తాన్‌.. ఇబ్రహీమ్‌ జద్రాన్‌ (143 బంతుల్లో 129 నాటౌట్‌; 8 ఫోర్లు, 3 సిక్స్‌లు) అజేయ సెంచరీతో మెరవడంతో నిర్ణీత ఓవర్లలో 5 వికెట్ల నష్టానికి 291 పరుగులు చేసింది. అనంతరం మ్యాక్స్‌వెల్‌ అజేయ డబుల్‌ సెంచరీతో చెలరేగడంతో ఆసీస్‌ 46.5 ఓవర్లలో 7 వికెట్లు కోల్పోయి లక్ష్యాన్ని ఛేదించి, 3 వికెట్ల తేడాతో విజయం సాధించింది. ఈ గెలుపుతో ఆసీస్‌ సెమీస్‌కు అర్హత సాధించిన మూడో జట్టుగా నిలిచింది. 

వన్డే వరల్డ్‌కప్‌ 2023లో భాగంగా బంగ్లాదేశ్‌తో జరిగిన మ్యాచ్‌లో శ్రీలంక ఆటగాడు ఏంజెలో మాథ్యూస్‌ టైమ్డ్‌ ఔట్‌గా వెనుదిరిగిన విషయం తెలిసిందే. అంతర్జాతీయ క్రికెట్‌లో ఇలా ఔటైన ఆటగాడు మాథ్యూసే కావడం​ విశేషం. అంతర్జాతీయ క్రికెట్‌లో ఇలా ఎక్కువగా ప్రచారం లేని మరో విధానంలో ఓ బ్యాటర్‌ ఇదే ఏడాది ఔటయ్యాడు. మెరిల్‌బోన్‌ క్రికెట్‌ క్లబ్‌ (ఎంసీసీ) నిబంధనల ప్రకారం బ్యాటర్లు మొత్తం పది విధాలుగా ఔట్‌గా ప్రకటించబడతారు.  వాటిలో క్యాచ్‌ ఔట్‌, బౌల్డ్‌, ఎల్బీడబ్ల్యూ, రనౌట్‌,స్టంపౌట్‌ అతి సాధారణంగా ప్రకటించబడే ఔట్‌లు కాగా.. హిట్‌ వికెట్‌ (బ్యాటర్‌ వికెట్లను తగలడం), హ్యాండిల్డ్‌ బాల్‌ (బంతిని పట్టుకోవడం లేదా ఆపడం), అబ్స్ట్రక్టెడ్‌ ఫీల్డ్‌ (ఉద్దేశపూర్వకంగా ఫీల్డింగ్‌కు అడ్డుతగలడం) వంటివి అప్పుడప్పుడూ చూస్తూనే ఉంటాం. WATCH the only Hitting The Ball Twice dismissal in international cricket --- when Malta's Fanyan Mughal got out against Romania in the 2023 Men's Continental Cup on 20 August 2023 pic.twitter.com/PFerZJOM4u — Dhaarmik (@DhaarmikAi) November 6, 2023 అయితే పది విధానాల్లో మిగిలిన రెండు విధాల ఔట్‌లను మాత్రం క్రికెట్‌ ప్రపంచం ఈ ఏడాదికి ముందు చూసి ఎరుగదు. ఆ రెండు విధాల ఔట్‌లు ఏవంటే.. టైమ్డ్‌ ఔట్‌ (నిర్దేశిత సమయంలోపు బ్యాటింగ్‌కు దిగకపోవడం), హిట్‌ ట్వైస్‌ (బ్యాటర్‌ రెండుసార్లు బంతిని కొట్టడం). ఈ రెంటిలో టైమ్డ్‌ ఔట్‌ను నిన్నటి వరల్డ్‌కప్‌ మ్యాచ్‌లో తొలిసారిగా చూశాం. ఇందులో రెండోదైన హిట్‌ ట్వైస్‌ ఔట్‌ ఘటన కూడా ఇదే ఏడాది తొలిసారి జరిగిందన్న విషయం మనలో చాలామందికి తెలియకపోవచ్చు.  పురుషుల కాంటినెంటల్‌ కప్‌లో భాగంగా ఈ ఏడాది ఆగస్ట్‌ 20న రొమేనియాతో జరిగిన మ్యాచ్‌లో మాల్టా ఆటగాడు ఫన్యాన్‌ ముఘల్‌ ఓసారి బంతిని స్ట్రయిక్‌ చేసిన అనంతరం ఫీల్డర్‌ పట్టుకోకముందే మరోసారి బ్యాట్‌తో కొట్టి హిట్‌ ట్వైస్‌గా ఔటయ్యాడు. మాథ్యూస్‌ టైమ్డ్‌ ఔట్‌ విషయం వైరలైన నేపథ్యంలో హిట్‌ ట్వైస్‌కు సంబంధించిన వీడియో తెరపైకి వచ్చింది. ఈ వీడియో సైతం ప్రస్తుతం వైరలవుతుంది.  ఏ ఆటగాడు, ఎప్పుడు తొలిసారి ఔట్‌గా ప్రకటించబడ్డాడంటే.. క్యాచ్‌ ఔట్‌ (టామ్‌ హోరన్‌, 1877),  బౌల్డ్‌ (నాట్‌ థామ్సన్‌, 1877),  ఎల్బీడబ్ల్యూ (హ్యారీ జప్‌, 1877),  రనౌట్‌ (డేవ్‌ గ్రెగరీ, 1877), స్టంపౌట్‌ (ఆల్ఫ్రెడ్‌ షా, 1877), హిట్‌ వికెట్‌ (బ్యాటర్‌ వికెట్లను తగలడం, జార్జ్‌ బొన్నర్‌, 1884),  హ్యాండిల్డ్‌ బాల్‌ (బంతిని పట్టుకోవడం లేదా ఆపడం, రసెల్‌ ఎండీన్‌, 1957),  అబ్స్ట్రక్టెడ్‌ ఫీల్డ్‌ (ఉద్దేశపూర్వకంగా ఫీల్డింగ్‌కు అడ్డుతగలడం, లెన్‌ హటన్‌, 1951), హిట్‌ ట్వైస్‌ (బ్యాటర్‌ రెండుసార్లు బంతిని కొట్టడం, ఫన్యాన్‌ ముఘల్‌, 2023),  టైమ్డ్‌ ఔట్‌ (నిర్దేశిత సమయంలోపు బ్యాటింగ్‌కు దిగకపోవడం, ఏంజెలో మాథ్యూస్‌, 2023) 

ఐసీసీ ప్రతి నెలా ప్రకటించే ప్రతిష్టాత్మక ప్లేయర్‌ ఆఫ్‌ ద మంత్‌ అవార్డు రేసులో వన్డే వరల్డ్‌కప్‌ 2023 హీరోలు పోటీపడుతున్నారు. అక్టోబర్‌ నెల ప్లేయర్‌ ఆఫ్‌ ద మంత్‌ నామినీస్‌గా క్వింటన్‌ డికాక్‌ (సౌతాఫ్రికా), రచిన్‌ రవీంద్ర (న్యూజిలాండ్‌), జస్ప్రీత్‌ బుమ్రా (భారత్‌) ప్రకటించబడ్డారు. ఈ ముగ్గురి ఆటగాళ్ల హవా అక్టోబర్‌ నెలతో పాటు  ప్రస్తుత మాసంలోనూ (నవంబర్‌) కొనసాగుతుంది. ప్రపంచకప్‌లో ఈ ఆటగాళ్లు ఆయా విభాగాల్లో అత్యుత్తమ స్థాయిల్లో ఉన్నారు. అక్టోబర్‌ 5న మొదలైన వరల్డ్‌కప్‌ 2023లో డికాక్‌ ఇప్పటివరకు జరిగిన 8 మ్యాచ్‌ల్లో 4 సెంచరీల సాయంతో 550 పరుగులు చేసి లీడింగ్‌ రన్‌ స్కోరర్‌గా కొనసాగుతున్నాడు. రచిన్‌ రవీంద్ర సైతం ఎనిమిది మ్యాచ్‌లు ఆడి 3 సెంచరీల సాయంతో 523 పరుగులు చేసి అత్యధిక పరుగుల జాబితాలో మూడో స్థానంలో నిలిచాడు. బౌలింగ్‌లో టీమిండియా పేస్‌ గన్‌ జస్ప్రీత్‌ బుమ్రా తన అద్భుత ఫామ్‌ను కొనసాగిస్తున్నాడు. Here are the Men's and Women's 'ICC Player of the Month nominees for October 2023. pic.twitter.com/0tK6mbq1s0 — CricTracker (@Cricketracker) November 7, 2023 బుమ్రా ఇప్పటివరకు ఆడిన 8 మ్యాచ్‌ల్లో 15 వికెట్లు పడగొట్టి, వరల్డ్‌కప్‌ అత్యధిక వికెట్ల జాబితాలో ఆరో స్థానంలో కొనసాగుతున్నాడు. ఐసీసీ అక్టోబర్‌ నెల పురుషుల ప్లేయర్‌ ఆఫ్‌ ద మంత్‌ నామినీస్‌ వివరాలతో పాటు మహిళల ప్లేయర్‌ ఆఫ్‌ ద మంత్‌ నామినీస్‌ పేర్లను కూడా ప్రకటించింది. మహిళల విభాగంలో వెస్టిండీస్‌ హేలీ మాథ్యూస్‌, బంగ్లాదేశ్‌ నహీద అక్తర్‌, న్యూజిలాండ్‌ అమేలయా కెర్‌ ఈ అవార్డు కోసం పోటీపడుతున్నారు.  ఇదిలా ఉంటే, ప్రస్తుతం జరుగుతున్న పురుషుల వన్డే ప్రపంచకప్‌లో భారత్‌, సౌతాఫ్రికా జట్లు ఇదివరకే సెమీస్‌కు అర్హత సాధించాయి. మిగిలిన రెండు బెర్త్‌ల కోసం ఆసీస్‌, న్యూజిలాండ్‌, పాకిస్తాన్‌, ఆఫ్ఘనిస్తాన్‌ జట్లు​ పోటీపడుతున్నాయి. ఘోర పరాజయాలను మూటగట్టుకున్న బంగ్లాదేశ్‌, శ్రీలంక, ఇంగ్లండ్ జట్లు ఎలిమినేషన్‌కు గురయ్యాయి. నెదర్లాండ్స్‌ అధికారికంగా ఎలిమినేట్‌ కానప్పటికీ, సెమీస్‌ అవకాశాలు దాదాపుగా లేనట్లే. ‌

ప్రస్తుత వన్డే ప్రపంచకప్‌లో భారత్‌, పాక్‌లు మరోసారి (సెమీస్‌లో) తలపడే అవకాశాలు మినుకుమినుకుమంటున్నాయి. న్యూజిలాండ్‌తో జరిగిన మ్యాచ్‌లో వరుణుడి కటాక్షంతో గట్టెక్కి,సెమీస్‌ అవకాశాలను సజీవంగా ఉంచుకున్న పాక్‌, తమ తదుపరి మ్యాచ్‌లో ఇంగ్లండ్‌పై భారీ తేడాతో నెగ్గితే సెమీస్‌కు చేరే ఛాన్స్‌ ఉంటుంది. పాక్‌ సెమీస్‌కు చేరి, భారత్‌తో తలపడాలంటే ఈ ఈక్వేషన్‌తో పాటు మరో రెండు ఈక్వేషన్స్‌ వర్కౌట్‌ అవ్వాల్సి ఉంటుంది. అవేంటంటే.. న్యూజిలాండ్‌ శ్రీలంక చేతిలో ఓడాలి. అలాగే ఆఫ్ఘనిస్తాన్‌ తమ తదుపరి మ్యాచ్‌ల్లో ఆస్ట్రేలియా, సౌతాఫ్రికా చేతుల్లో ఓడాలి. ఇలా జరిగితే పాక్‌  10 పాయింట్లతో నాలుగో జట్టుగా సెమీస్‌కు అర్హత సాధిస్తుంది. అప్పుడు పాయింట్ల పట్టికలో తొలి స్థానంలో ఉన్న భారత్‌.. నాలుగో ప్లేస్‌లో ఉన్న పాక్‌ సెమీస్‌లో తలపడతాయి. అయితే ఇలా జరగడం​ అంత ఈజీ కూడా కాకపోవచ్చు. ఒకవేళ పాక్‌.. ఇంగ్లండ్‌పై గెలచి, మరోపక్క న్యూజిలాండ్‌.. శ్రీలంకను మట్టికరిపిస్తే అప్పుడు ఈ ఇరు జట్లలో మెరుగైన రన్‌రేట్‌ కలిగిన జట్టు సెమీస్‌కు చేరుకుని భారత్‌తో తలపడుతుంది. మరోవైపు ఆఫ్ఘనిస్తాన్‌.. ఆస్ట్రేలియా, సౌతాఫ్రికాల్లో ఏదో ఒక జట్టుపై భారీ తేడాతో గెలిచినా ఆ జట్టు కూడా సెమీస్‌ రేసులో నిలుస్తుంది. ఏ ఇబ్బంది లేకుండా పాక్‌ సెమీస్‌కు చేరాలంటే ఆ జట్టు ఇంగ్లండ్‌పై విజయం సాధించి, న్యూజిలాండ్‌ శ్రీలంక చేతిలో ఓడి, ఆఫ్ఘనిస్తాన్‌.. ఆస్ట్రేలియా, సౌతాఫ్రికా చేతుల్లో ఓడితే సరిపోతుంది.  కాగా, ప్రస్తుత ప్రపంచకప్‌లో బంగ్లాదేశ్‌, శ్రీలంక, ఇంగ్లండ్‌ జట్లు ఇదివరకే ఎలిమినేషన్‌కు గురి కాగా.. భారత్‌, సౌతాఫ్రికా జట్లు సెమీస్‌కు అర్హత సాధించాయి. సెమీస్‌ రేసులో మూడు, నాలుగు స్థానాల కోసం ఆసీస్‌, న్యూజిలాండ్‌, పాకిస్తాన్‌, ఆఫ్ఘనిస్తాన్‌ మధ్య​ పోటీ నడుస్తుంది.

భారత్‌ వేదికగా జరుగుతున్న 2023 వన్డే ప్రపంచకప్‌లో సంచలన విజయాలతో దూసుకుపోతున్న ఆఫ్ఘనిస్తాన్‌కు క్రికెట్‌ గాడ్‌ సచిన్‌ టెండూల్కర్‌ సడన్‌ సర్‌ప్రైజ్‌ ఇచ్చాడు. ముంబై వేదికగా ఆఫ్ఘనిస్తాన్‌ ఇవాళ (నవంబర్‌ 7) ఐదుసార్లు జగజ్జేత ఆస్ట్రేలియాను ఢీకొట్టనుండగా.. సచిన్‌ ఆఫ్ఘన్‌ ప్రాక్టీస్‌ క్యాంప్‌లో ప్రత్యక్షమై వారికి విలువైన సలహాలు, సూచనలు ఇచ్చాడు. ఈ సందర్భంగా సచిన్‌ ఆఫ్ఘన​ ప్లేయర్లతో పాటు సహాయ సిబ్బందితోనూ మాట్లాడాడు. A Legendary Visit 🤩 The Legend @sachin_rt visited AfghanAtalan's Training Session this evening at the iconic Wankhede Cricket Stadium in Mumbai. He praised #AfghanAtalan’s recent success at the #CWC23 and shared his invaluable insights with them. 👍#WarzaMaidanGata pic.twitter.com/hdNFslu481 — Afghanistan Cricket Board (@ACBofficials) November 6, 2023 సచిన్‌ ఆఫ్ఘన్‌ కోచ్‌, ఇంగ్లండ్‌ మాజీ ఆటగాడు జోనాథన్‌ ట్రాట్‌తో పలు పాత విషయాలను షేర్‌ చేసుకున్నాడు. సచిన్‌ సలహాలు ఇస్తుండగా ఆఫ్ఘన్‌ ప్లేయర్లు చాలా ఆసక్తిగా విన్నారు. ఆఫ్ఘన్‌ ప్లేయర్లలో రషీద్‌ ఖాన్‌ ఒక్కడే సచిన్‌తో మాట కలిపాడు. వరుస సంచలనాలు సాధిస్తున్న ఆఫ్ఘన్‌ క్రికెటర్లలో సచిన్‌ స్పూర్తిని నింపే ప్రయత్నం చేశాడు. ఆఫ్ఘనిస్తాన్‌ కెప్టెన్‌ హష్మతుల్లా షాహీదితో సైతం సచిన్‌ కాసేపు ముచ్చటించాడు. సచిన్‌ రాకతో ఆఫ్ఘన్‌ క్యాంప్‌లో కొత్త ఉత్సాహం కనపడింది. ఇదే జోష్‌లో వారు ఆసీస్‌కు కూడా షాకివ్వాలని అనుకుంటున్నారు. కాగా, ప్రస్తుత ప్రపంచకప్‌లో ఆఫ్ఘనిస్తాన్‌.. ఇంగ్లండ్‌, పాకిస్తాన్‌, శ్రీలంక లాంటి పటిష్టమైన జట్లను మట్టికరిపించిన విషయం తెలిసిందే. ఆస్ట్రేలియా (7 మ్యాచ్‌ల్లో 5 విజయాలతో 10 పాయింట్లు), న్యూజిలాండ్‌ (8 మ్యాచ్‌ల్లో 4 విజయాలతో 8 పాయింట్లు), పాకిస్తాన్‌తో (8 మ్యాచ్‌ల్లో 4 విజయాలతో 8 పాయింట్లు) పాటు సెమీస్‌ రేస్‌లో ఉన్న ఆఫ్ఘన్లు.. ఆసీస్‌పై కూడా గెలిచి ప్రపంచకప్‌లో తొలిసారి సెమీస్‌ బెర్త్‌ను ఖరారు చేసుకోవాలని పట్టుదలగా ఉన్నారు. అయితే ఇది అషామాషీ విషయం కాదు. సూపర్‌ ఫామ్‌లో ఉన్న ఆస్ట్రేలియన్లకు షాకివ్వడం ఆఫ్ఘన్లకు తాహతకు మించిన పనే అవుతుంది. ఈ మ్యాచ్‌ తర్వాత ఆఫ్ఘనిస్తాన్‌ సౌతాఫ్రికాతోనూ ఓ మ్యాచ్‌ ఆడాల్సి ఉంది. ఈ రెండు మ్యాచ్‌ల్లో గెలిస్తే వారు ఇతర జట్లతో సంబంధం లేకుండా దర్జాగా సెమీస్‌కు చేరుకుంటారు. ప్రస్తుతం ఆఫ్ఘన్లు 7 మ్యాచ్‌ల్లో నాలుగు విజయాలతో పాయింట్ల పట్టికలో ఆరో స్థానంలో ఉన్నారు. ఆసీస్‌తో మ్యాచ్‌లో ఆఫ్ఘన్లు గెలవడంపైనే కాకుండా రన్‌రేట్‌పై కూడా దృష్టి సారించాల్సి ఉంటుంది. సెమీస్‌ రేసులో ఉన్న ఆసీస్‌ (0.924), న్యూజిలాండ్‌ (0.398), పాకి​స్తాన్‌లతో (0.036) పోలిస్తే ఆఫ్ఘనిస్తాన్‌ రన్‌రేట్‌ (-0.330) చాలా తక్కువగా ఉంది. 

వన్డే వరల్డ్‌కప్‌ 2023లో భాగంగా బంగ్లాదేశ్‌తో నిన్న జరిగిన మ్యాచ్‌లో శ్రీలంక ఆటగాడు ఏంజెలో మాథ్యూస్‌ టైమ్‌ ఔట్‌గా ప్రకటించబడిన నేపథ్యంలో ఓ ఆసక్తికర చర్చ తెరపైకి వచ్చింది. అసలు క్రికెట్‌లో ఓ బ్యాటర్‌ ఎన్ని రకాలుగా ఔట్‌గా ప్రకటించబడతారని అభిమానులు గూగుల్‌ చేయడం ప్రారంభించారు. దీనికి సమాధానం​ పది.  ఇందులో క్యాచ్‌ ఔట్‌, బౌల్డ్‌, ఎల్బీడబ్ల్యూ, రనౌట్‌,స్టంపౌట్‌ అతి సాధారణంగా ప్రకటించబడే ఔట్‌లు కాగా.. హిట్‌ వికెట్‌ (బ్యాటర్‌ వికెట్లను తగలడం), హిట్‌ ట్వైస్‌ (బ్యాటర్‌ రెండుసార్లు బంతిని కొట్టడం), టైమ్డ్‌ ఔట్‌ (నిర్దేశిత సమయంలోపు బ్యాటింగ్‌కు దిగకపోవడం), హ్యాండిల్డ్‌ బాల్‌ (బంతిని పట్టుకోవడం లేదా ఆపడం), అబ్స్ట్రక్టెడ్‌ ఫీల్డ్‌ (ఉద్దేశపూర్వకంగా ఫీల్డింగ్‌కు అడ్డుతగలడం) వంటివి చాలా అరుదుగా జరుగుతుంటాయి.  వీటిలో బ్యాటర్లు దాదాపు అన్ని విధాల్లో ఒకటి అంత కంటే ఎక్కువసార్లు ఔట్‌ కాగా.. నిన్నటి మ్యాచ్‌లో (శ్రీలంక వర్సెస్‌ బంగ్లాదేశ్‌) ఓ బ్యాటర్‌ (ఏంజెలో మాథ్యూస్‌) తొలిసారి టైమ్డ్‌ ఔట్‌గా ప్రకటించబడ్డాడు. మాథ్యూస్‌ను టైమ్‌ ఔట్‌గా ప్రకటించే విషయంలో బంగ్లాదేశ్‌ కెప్టెన్‌ షకీబ్‌ క్రీడాస్పూర్తికి విరుద్దంగా వ్యవహరించాడని విమర్శలు ఎదుర్కొంటున్నాడు. ఏదిఏమైనా రూల్‌ కాబట్టి, అంతిమంగా ఫలితం అతనికి అనుకూలంగానే వచ్చింది. ఇదిలా ఉంటే, బంగ్లాదేశ్‌తో జరిగిన మ్యాచ్‌లో శ్రీలంక 3 వికెట్ల తేడాతో పరాజయంపాలైంది. ఈ మ్యాచ్‌లో బంగ్లాదేశ్‌ విజయం సాధించినప్పటికీ ఎలాంటి ప్రయోజనం లేదు. ఆ జట్టు ఇదివరకే ప్రపంచకప్‌ నుంచి ఎలిమినేట్‌ (సెమీస్‌కు అర్హత సాధించలేదు) అయ్యింది. తాజా ఓటమితో శ్రీలంక కూడా బంగ్లాదేశ్‌తో పాటు ఎలిమినేషన్‌కు గురైంది. ప్రస్తుత వరల్డ్‌కప్‌లో బంగ్లాదేశ్‌, శ్రీలంకలతో పాటు ఇంగ్లండ్‌ కూడా ఇదివరకే ఎలిమినేట్‌ కాగా.. భారత్‌, సౌతాఫ్రికా జట్లు సెమీస్‌కు అర్హత సాధించాయి. సెమీస్‌ రేసులో మూడు, నాలుగు స్థానాల కోసం పోటీ నడుస్తుంది. చదవండి: మాథ్యూస్‌ టైమ్‌ ఔట్‌.. అలా జరిగినందుకు బాధ లేదు.. రూల్స్‌లో ఉన్నదే చేశా: షకీబ్‌

ఏంజెలో మాథ్యూస్‌ను టైమ్‌ ఔట్‌గా ప్రకటించే విషయంలో క్రీడాస్పూర్తికి విరుద్దంగా వ్యవహరించాడని విమర్శలు ఎదుర్కొంటున్న బంగ్లాదేశ్‌ కెప్టెన్‌ షకీబ్‌ ఈ విషయమై మ్యాచ్‌ అనంతరం స్పందించాడు. మాథ్యూస్‌ టైమ్‌ ఔట్‌ కోసం అప్పీల్‌ చేసినందుకు నాకు ఎలాంటి బాధలేదని కుండబద్దలు కొట్టినట్లు చెప్పాడు.  మా ఫీల్డర్‌లలో ఒకరు నా దగ్గరకు వచ్చి అప్పీల్ చేస్తే మాథ్యూస్‌ ఔట్ అవుతాడని తెలిపాడు. అలాగే చేశాను. అంపైర్లు నేను సీరియస్‌గా అప్పీల్‌ చేస్తున్నానా లేదా అని అడిగారు. అవునని చెప్పాను. ఇది తప్పో ఒప్పో నాకు తెలీదు. రూల్స్‌లో  ఉంది కాబట్టి అప్పీల్‌ చేశాను. యుద్ధంలో ఉన్నప్పుడు జట్టు ప్రయోజనాల కోసం ఎలాంటి నిర్ణయమైనా తీసుకోవాల్సి వస్తుంది. అందుకు నేనెప్పుడూ సిద్దంగా ఉంటాను. ఎవరు ఎన్ని విమర్శలు చేసినా పట్టించుకోనంటూ కామెంట్స్‌ చేశాడు. పైగా మాథ్యూస్‌తో వాగ్వాదం తమ గెలుపుకు కలిసొచ్చిందని అన్నాడు.  కాగా, వన్డే ప్రపంచకప్‌ 2023లో భాగంగా బంగ్లాదేశ్‌తో నిన్న జరిగిన మ్యాచ్‌లో శ్రీలంక ఆటగాడు ఏంజెలో మాథ్యూస్‌ నిర్ణీత సమయం (2 నిమిషాలు) కంటే నిమిషం ఆలస్యంగా బ్యాటింగ్‌కు వచ్చి టైమ్‌ ఔట్‌గా వెనుదిరిగిన విషయం తెలిసిందే. ఈ విషయంలో బంగ్లా కెప్టెన్‌ షకీబ్‌ క్రీడాస్పూర్తి విరుద్దంగా వ్యవహరించి అందరి చీత్కారాలకు గురవుతున్నాడు. మాథ్యూస్‌ ఉద్దేశపూర్వకంగా ఆలస్యం చేయనప్పటికీ షకీబ్‌ కనీస క్రీడా ధర్మాన్ని మరిచి ప్రవర్తించడం క్రికెట్‌ అభిమానులను విస్మయానికి గురి చేస్తుంది. ఈ మ్యాచ్‌లో శ్రీలంకపై బంగ్లాదేశ్‌ 3 వికెట్ల తేడాతో గెలుపొందింది.  చదవండి: మాథ్యూస్‌ 'టైమ్డ్ ఔట్'.. క్లారిటీ ఇచ్చిన అంపైర్‌

వన్డే ప్రపంచకప్‌ 2023లో భాగంగా బంగ్లాదేశ్‌తో నిన్న జరిగిన మ్యాచ్‌లో శ్రీలంక ఆటగాడు ఏంజెలో మాథ్యూస్‌ నిర్ణీత సమయం (2 నిమిషాలు) కంటే నిమిషం ఆలస్యంగా బ్యాటింగ్‌ చేసేందుకు వచ్చి టైమ్‌ ఔట్‌గా వెనుదిరిగిన విషయం తెలిసిందే. ఈ విషయంలో బంగ్లా కెప్టెన్‌ షకీబ్‌ క్రీడాస్పూర్తి విరుద్దంగా వ్యవహరించి అందరి చీత్కారాలకు గురవుతున్నాడు. Even Aasif Sheikh from Nepal has a 1000 time better Sportsmanship then Shakib Al Hasan. Today, Cricket 🏏 has seen a Dark Day that too in a World Cup Match😞 Follow 🙏#BANvsSL #AngeloMatthews #ShakibAlHasan #CWC23 #AngeloMathews #ThugLife #timedout pic.twitter.com/EHL9X3lsW6 — Richard Kettleborough (@RichKettle07) November 6, 2023 మాథ్యూస్‌ ఉద్దేశపూర్వకంగా ఆలస్యం చేయనప్పటికీ షకీబ్‌ కనీస క్రీడా ధర్మాన్ని మరిచి ప్రవర్తించడం క్రికెట్‌ అభిమానులను విస్మయానికి గురి చేస్తుంది. నెటిజన్లు సోషల్‌మీడియామ వేదికగా షకీబ్‌ను ఏకి పారేస్తున్నారు. Angelo Mathews speaks in Press conference and is whole fired up 🤣🔥#SLvBAN pic.twitter.com/GKXg8kf8UH— Div🦁 (@div_yumm) November 6, 2023 మ్యాచ్‌ అనంతరం ఈ విషయంపై మాథ్యూస్‌ స్వయంగా స్పందించాడు. షకీబ్‌ ప్రవర్తించిన తీరుపై తీవ్ర అసహనం వ్యక్తం చేశాడు. బంగ్లాదేశ్ కాబట్టి అలా జరిగింది, మరే ఇతర జట్టు ఇలా స్పందిస్తుందని అనుకోను అంటూ కామెంట్స్‌ చేశాడు. మాథ్యూస్‌ను టైమ్‌ ఔట్‌గా ప్రకటించడంపై ప్రముఖ అంపైర్‌ రిచర్డ్‌ కెటిల్‌బొరో కూడా స్పందించాడు. Angelo Mathews said, "it was Bangladesh that's why it happened, I don't think any other team would've done it". pic.twitter.com/cTzI9UM9SL — Mufaddal Vohra (@mufaddal_vohra) November 6, 2023 ప్రపంచ క్రికెట్‌కు ఇది చీకటి రోజు. ఇలాంటి ఘటన ప్రపంచకప్‌లో జరగడం విచారకరం అంటూ ట్వీట్‌ చేశాడు. ఇందుకు ఓ వీడియోను జోడిస్తూ.. క్రీడాస్పూర్తిని చాటుకోవడంలో నేపాల్‌కు చెందిన ఆసిఫ్‌ షేక్‌ షకీబ్‌ కంటే వెయ్యి రెట్లు నయమని కామెంట్‌ జోడించాడు. కాగా, నిన్నటి మ్యాచ్‌లో శ్రీలంకపై బంగ్లాదేశ్‌ 3 వికెట్ల తేడాతో గెలుపొందింది.  చదవండి: బంగ్లాదేశ్‌ అప్పీలు.. మాథ్యూస్‌ అవుట్‌! అంతర్జాతీయ క్రికెట్‌ చరిత్రలోనే తొలిసారి!

వన్డే వరల్డ్‌కప్‌-2023లో భాగంగా బంగ్లాదేశ్‌తో నిన్న జరిగిన మ్యాచ్‌లో శ్రీలంక ఆల్‌రౌండర్‌ ఏంజెలో మాథ్యూస్‌ టైమ్‌ ఔట్‌గా వెనుదిరిగిన విషయం తెలిసిందే. అంతర్జాతీయ క్రికెట్‌ ఓ ఆటగాడు టైమ్‌ ఔట్‌ కావడం ఇదే తొలిసారి. బంగ్లాదేశ్‌ కెప్టెన్‌ షకీబ్‌ అల్‌ హసన్‌ క్రీడా స్పూర్తికి విరుద్దంగా వ్యవహరించి మాథ్యూస్‌ను ఔట్‌గా ప్రకటించాలని అంపైర్‌పై ఒత్తిడి తీసుకురావడాన్ని యావత్‌ క్రీడా ప్రపంచం వ్యతిరేస్తుంది. ఈ విషయంలో షకీబ్‌పై విమర్శలు వెల్లువెత్తుతున్నాయి. ఈ నేపథ్యంలో గతంలో జరిగిన ఇలాంటి ఘటనే ఒకటి వెలుగులోకి వచ్చింది. అయితే ఆ సందర్భంలో ప్రత్యర్ధి కెప్టెన్‌ క్రీడాస్పూర్తిని చాటుకుని, బ్యాటర్‌ టైమ్‌ ఔట్‌ కాకుండా కాపాడాడు. వివరాల్లోకి వెళితే.. 2007 జనవరి 5న భారత్‌-సౌతాఫ్రికా మధ్య కేప్‌టౌన్‌లో టెస్ట్‌ మ్యాచ్‌ జరుగుతుంది. ఆ మ్యాచ్‌లో టీమిండియా ఆటగాడు సౌరవ్‌ గంగూలీ ఆరు నిమిషాలు ఆలస్యంగా క్రీజ్‌లోకి వచ్చాడు. అయితే, ప్రత్యర్థి జట్టు కెప్టెన్ గ్రేమ్ స్మిత్ టైమ్‌ ఔట్‌ నిబంధనను అమలు చేయకూడదని అంపైర్‌ను కోరి క్రీడాస్పూర్తిని చాటుకున్నాడు.  View this post on Instagram A post shared by ICC (@icc) టైమ్‌ ఔట్‌ విషయంలో బ్యాటర్‌ ఆలస్యానికి సరైన కారణాలు ఉన్నాయని విశ్వసిస్తే, టైమ్ ఔట్ నిబంధనను విస్మరించమని అంపైర్‌ను అభ్యర్థించే విచక్షణ ప్రత్యర్థి కెప్టెన్ ఉంటుంది. ఆ సందర్భంలో గ్రేమ్‌ స్మిత్‌ తన విచక్షణను ఉపయోగించి, క్రీడాస్పూర్తిని చాటుతూ గంగూలీ ఔట్‌ కాకుండా సాయపడ్డాడు. నాడు గ్రేమ్‌ స్మిత్‌ చేసిన పనికి క్రికెట్‌ ప్రపంచం జేజేలు కొట్టింది. అయితే నిన్నటి మ్యాచ్‌లో షకీబ్‌.. అందుకు భిన్నంగా వ్యవహరించి జనాల చీత్కారాలకు గురవుతున్నాడు. ఒకవేళ ఆ రోజు గ్రేమ్‌ స్మిత్‌ కూడా షకీబ్‌లాగే పట్టుబట్టి గంగూలీని టైమ్‌ ఔట్‌గా ప్రకటించాలని అంపైర్‌పై ఒత్తిడి తెచ్చి ఉంటే, అంతర్జాతీయ క్రికెట్‌లో టైమ్‌ ఔట్‌ అయిన తొలి ఆటగాడిగా గంగూలీ రికార్డుల్లోకి ఎక్కి ఉండేవాడు. On January 5, 2007, Indian cricketer Sourav Ganguly nearly made history by being the first player to be declared 'timed out' in international cricket. He took six minutes to reach the batting crease. However, Graeme Smith, the opposing team's captain, chose not to enforce this… pic.twitter.com/JMhhs5Yaa5 — Anjula Hettige (@AnjulaHettige) November 6, 2023 నిన్నటి మ్యాచ్‌లో ఏం జరిగిందంటే..? శ్రీలంక ఇన్నింగ్స్‌ 24 ఓవర్ వేసిన షకీబ్‌ అల్‌ హసన్‌ బౌలింగ్‌లో రెండో బంతికి సమరవిక్రమ ఔటయ్యాడు. వెంటనే ఏంజెలో మాథ్యూస్‌ క్రీజులోకి వచ్చాడు. అయితే క్రీజులోకి వచ్చిన మాథ్యూస్‌ సరైన హెల్మెట్‌ను తీసుకురాలేదు. క్రీజులో గార్డ్‌ తీసుకోనే సమయంలో తన హెల్మెట్‌ బాగో లేదని మాథ్యూస్‌ గమనించాడు. దీంతో వెంటనే డ్రెస్సింగ్‌ రూమ్‌వైపు కొత్త హెల్మెట్‌ కోసం సైగలు చేశాడు. View this post on Instagram A post shared by ICC (@icc) వెంటనే సబ్‌స్ట్యూట్‌ కరుణరత్నే పరిగెత్తుకుంటూ వచ్చి హెల్మెట్‌ను తీసుకువచ్చాడు. అయితే ఇదంతా జరగడానికి మూడు నిమషాల పైగా సమయం పట్టింది. ఈ క్రమంలో ప్రత్యర్ధి బంగ్లాదేశ్‌ జట్టు కెప్టెన్‌ షకీబ్‌ అల్‌ హసన్‌ టైమ్ ఔట్‌కు అప్పీలు చేశాడు. దీంతో ఫీల్డ్‌ అంపైర్‌లు చర్చించుకుని మాథ్యూస్‌ను ఔట్‌గా ప్రకటించారు. ఇదిలా ఉంటే, నిన్నటి మ్యాచ్‌లో శ్రీలంకపై బంగ్లాదేశ్‌ 3 వికెట్ల తేడాతో గెలుపొందింది. ప్రస్తుత ప్రపంచకప్‌లో ఇదివరకే ఎలిమినేట్‌ అయిన బంగ్లాదేశ్‌కు ఇది కంటితుడుపు విజయం. ఈ మ్యాచ్‌లో ఓటమితో శ్రీలంక కూడా బంగ్లాదేశ్‌లా సెమీస్‌కు చేరకుండానే ఎలిమినేట్‌ అయ్యింది. ప్రస్తుత వరల్డ్‌కప్‌ ఎడిషన్‌లో బంగ్లాదేశ్‌, శ్రీలంకలతో పాటు ఇంగ్లండ్‌ కూడా ఇదివరకే ఎలిమినేట్‌ కాగా.. భారత్‌, సౌతాఫ్రికా జట్లు సెమీస్‌కు చేరుకున్నాయి. సెమీస్‌ రేసులో మూడు, నాలుగు స్థానాల కోసం​ పోటీ నడుస్తుంది. చదవండి: మాథ్యూస్‌ టైమ్‌ ఔట్‌.. అలా జరిగినందుకు బాధ లేదు.. రూల్స్‌లో ఉన్నదే చేశా: షకీబ్‌

ప్రస్తుతం జరుగుతున్న వన్డే వరల్డ్‌కప్‌ తర్వాత టీమిండియా స్వదేశంలోనే ఆస్ట్రేలియాతో 5 మ్యాచ్‌ల టీ20 సిరీస్‌ ఆడుతుంది. నవంబర్‌ 23 నుంచి డిసెంబర్‌ 5 వరకు జరిగే ఈ సిరీస్‌ కోసం​ భారత సెలెక్టర్లు సీనియర్లకు విశ్రాంతి కల్పించి, యువ ఆటగాళ్లకు అవకాశం కల్పిస్తారని తెలుస్తుంది. త్వరలో ప్రకటించబోయే జట్టులో ప్రస్తుత దేశవాలీ క్రికెట్‌ సెన్సేషన్‌ రియాన్‌ పరాగ్‌కు స్థానం పక్కా అని సమాచారం.  సయ్యద్‌ ముస్తాక్‌ అలీ ట్రోఫీ 2023లో వరుసగా ఏడు హాఫ్‌ సెంచరీలు (అస్సాం కెప్టెన్‌గా) చేసి, భీకర ఫామ్‌లో ఉన్న రియాన్‌ సైతం భారత సెలక్టర్ల నుంచి పిలుపు కోసం ఆతృతగా ఎదురుచూస్తున్నాడు.  ముస్తాక్‌ అలీ టోర్నీలో మొత్తం 10 మ్యాచ్‌లు ఆడిన రియాన్‌ 85.00 సగటున, 182.79 స్ట్రైక్ రేట్‌తో 510 పరుగులు చేసి టోర్నీ లీడింగ్‌ రన్‌ స్కోరర్‌గా నిలిచాడు. ఈ టోర్నీలో రియాన్‌ 11 వికెట్లు కూడా పడగొట్టాడు. రియాన్‌ తన అద్భుతమైన ఆల్‌రౌండ్‌ ప్రతిభతో, కెప్టెన్సీ స్కిల్స్‌తో అస్సాంను సెమీస్‌ వరకు తీసుకెళ్లాడు. అయితే సెమీస్‌లో రియాన్‌తో పాటు జట్టు మొత్తం విఫలం కావడంతో అస్సాం టోర్నీ నుంచి నిష్క్రమించింది.  ఈ టోర్నీకి ముందు జరిగిన దియోదర్‌ ట్రోఫీలోనూ భీకర ఫామ్‌లో ఉండిన రియాన్‌ (ఈస్ట్ జోన్).. ఈ టోర్నీలో 5 మ్యాచ్‌లు ఆడి 88.50 సగటున 136.67 స్ట్రైక్ రేట్ 136.67తో రెండు సెంచరీలు, హాఫ్‌ సెంచరీ సాయంతో 354 పరుగులు చేశాడు. ఈ టోర్నీలోనూ రియాన్‌ బ్యాట్‌తో పాటు బంతితోనూ రాణించాడు. ఈ టోర్నీలో అతను 19.09 సగటున 11 వికెట్లు పడగొట్టాడు. ఈ ప్రదర్శనలను పరిగణలోకి తీసుకుని రియాన్‌ను భారత జట్టుకు ఎంపిక చేయడం ఖాయమని నెటిజన్లు అనుకుంటున్నారు.  21 ఏళ్ల రియాన్‌ ఐపీఎల్‌లో రాజస్థాన్‌ రాయల్స్‌కు ప్రాతినిథ్యం వహిస్తున్న విషయం తెలిసిందే.

వన్డే ప్రపంచకప్‌-2023లో భాగంగా జరిగిన భారత్‌-సౌతాఫ్రికా మ్యాచ్‌తో క్రికెట్‌ ప్రపంచం మొత్తం బిజీగా ఉంటే.. నేపాల్‌లోని ఖాట్మండులో ఓ అద్భుతం జరిగింది. 2024 టీ20 వరల్డ్‌కప్‌ ఆసియా క్వాలిఫయర్స్‌ ఫైనల్లో ఒమన్‌.. తమకంటే పటిష్టమైన నేపాల్‌ను సూపర్‌ ఓవర్‌లో మట్టికరిపించింది. ఆధ్యంతం ఉత్కంఠభరితంగా సాగిన ఈ మ్యాచ్‌లో ఇరు జట్లు నిర్ణీత ఓవర్లు ముగిసే సమయానికి సమానమైన స్కోర్లు (184 పరుగులు) చేయడంతో విజేతను నిర్ణయించేందుకు సూపర్‌ ఓవర్‌ అనివార్యమైంది. సూపర్‌ ఓవర్‌లో తొలుత బ్యాటింగ్‌ చేసిన ఒమన్‌ వికెట్‌ నష్టపోకుండా 21 పరుగులు చేయగా.. నేపాల్‌ కేవలం 10 పరుగులకు (వికెట్‌ కోల్పోయి) మాత్రమే పరిమితమై ఓటమిపాలైంది. దీంతో ఒమన్‌ 2024 టీ20 వరల్డ్‌కప్‌ ఆసియా క్వాలిఫయర్స్‌ ఛాంపియన్‌గా నిలిచింది. ఈ మ్యాచ్‌ ఫలితంతో సంబంధం​ లేకుండా ఇరు జట్లు ఇదివరకే 2024 టీ20 వరల్డ్‌కప్‌కు అర్హత సాధించాయి. కిక్కిరిసిపోయిన స్టేడియం.. ఇసుకేస్తే రాలనంత జనం నేపాల్‌లో క్రికెట్‌ క్రేజ్‌ రోజురోజుకు పెరిగిపోతుంది. దేశంలో ఎక్కడ మ్యాచ్‌ జరిగినా వేల సంఖ్యలో జనాలు హాజరవుతున్నారు. సొంత జట్టు మ్యాచ్‌ అయితే అభిమానులను కంట్రోల్‌ చేయలేని పరిస్థితి ఉంది. స్టేడియంలో నిలబడేందుకు కూడా ప్లేస్‌ దొరక్క జనాలు చెట్లు, టవర్లు ఎక్కుతున్నారు. ఇక్కడ క్రికెట్‌ క్రేజ్‌ ప్రమాదకర స్థాయికి చేరింది. నిన్న కిరిటీపూర్‌లో జరిగిన నేపాల్‌-ఒమన్‌ 2024 టీ20 వరల్డ్‌కప్‌ ఆసియా క్వాలిఫయర్స్‌ ఫైనల్ మ్యాచ్‌ చూసేందుకు జనాలు తండోపతండాలుగా స్టేడియంకు వచ్చారు. స్టేడియంలో వాతావరణం ప్రమాదకర స్థాయిని దాటిపోయింది. ఇసుకేస్తే రాలనంతగా జనంతో స్టేడియం మొత్తం కిక్కిరిసిపోయింది. A cacophony of noise and a full house again here well before the start of play in Kathmandu as Nepal's anthem provides the goosebumps with the 30,000 or so in & around the TU singing in unison It's Nepal🇳🇵 v Oman🇴🇲 for the title with both teams guaranteed to the #T20WorldCup pic.twitter.com/CWDIQYLfMh — Andrew Leonard (@CricketBadge) November 5, 2023 ఇది చాలదనట్లు జనాలు స్టేడియం బయట ఉన్న చెట్లు, ఎత్తైన హోర్డింగ్‌లు ఎక్కి మ్యాచ్‌ వీక్షించారు. క్రికెట్‌ మ్యాచ్‌ల కోసం జనాలు స్టేడియానికి రావడం మంచిగానే అనిపిస్తున్నప్పటికీ, జరగరానిది ఏదైన జరిగితే మాత్రం చాలా సమస్యలు వస్తాయి.  It's an electrifying atmosphere here at T.U Ground as always.#NEPvOMAN pic.twitter.com/5BJv1RAQud — Samraat Maharjan (@MaharjanSamraat) November 5, 2023 ఇదిలా ఉంటే, నేపాల్‌ ఫ్యాన్స్‌ తమ జట్టు టైటిల్‌ సాధిస్తుందేమోనని కిరీటీపూర్‌ స్టేడియానికి వేల సంఖ్యలో తరలివచ్చారు. అయితే ఆ జట్టు అనూహ్యంగా సూపర్‌ ఓవర్లో ఓటమిపాలై, వారిని నిరాశపరిచింది. 

వన్డే వరల్డ్‌కప్‌-2023లో భాగంగా దక్షిణాఫ్రికాతో నిన్న జరిగిన మ్యాచ్‌లో విరాట్‌ కోహ్లి 49వ వన్డే శతకాన్ని సాధించి, క్రికెట్‌ గాడ్‌ సచిన్‌ టెండూల్కర్‌ అత్యధిక వన్డే సెంచరీల రికార్డును (49 సెంచరీలు) సమం చేసిన విషయం తెలిసిందే. విరాట్‌ సాధించిన ఈ ఘనతను యావత్‌ క్రీడా ప్రపంచం కీర్తిస్తుంది. రికార్డుల రారాజుపై ప్రశంసలు వెల్లువెత్తుతున్నాయి. విరాట్‌ నామస్మరణతో సోషల్‌మీడియా మార్మోగిపోతుంది.  అయితే ఓ అంతర్జాతీయ ఆటగాడు విరాట్‌ సాధిం​చిన ఘనతను అభినందించేందుకు నిరాకరించి, నెట్టింట హాట్‌ టాపిక్‌గా మారాడు. వివరాల్లోకి వెళితే.. వరల్డ్‌కప్‌-2023లో భాగంగా ఇవాళ శ్రీలంక-బంగ్లాదేశ్‌ జట్లు తలపడనున్నాయి. ఈ మ్యాచ్‌కు ముందు ఏర్పాటు చేసిన విలేకరుల సమావేశంలో శ్రీలంక కెప్టెన్‌ కుశాల్‌ మెండిస్‌ పాల్గొన్నాడు. ఈ సందర్భంగా ఓ విలేకరి విరాట్‌ రికార్డు శతకంపై కుశాల్‌ను ఇలా ప్రశ్నించాడు.  Journalist " Virat Just scored his 49th ODI ton. Do you like to congratulate him?" Kusak Mendis" Why I would congratulate him"😭😭😭#INDvSA #INDvsSA #SAvIND #ViratKohli #CWC2023 pic.twitter.com/DAqh2oeO5e — Out Of Context Cricket PK (@GemsOfCrickett) November 5, 2023 విరాట్‌ 49వ వన్డే సెంచరీ సాధించి, సచిన్‌ రికార్డు సమం చేసినందుకు మీరు అభినందనలు తెలిపాలని అనుకుంటున్నారా అని అడిగాడు. అందుకు కుశాల్‌ నేనెందుకు అతన్ని అభినందిస్తానంటూ షాకింగ్‌ సమాధానం చెప్పి అందరినీ ఆశ్చర్యపరిచాడు. దీనికి పంబంధించిన వీడియో ప్రస్తుతం నెట్టింట వైరలవుతుంది. ఇది చూసి క్రికెట్‌ అభిమానులు కుశాల్‌ను ఏకి పారేస్తున్నారు. కుశాల్‌ను సంస్కారహీనుడని దుమ్మెత్తిపోస్తున్నారు. కనీస మర్యాద కూడా లేని వ్యక్తిని శ్రీలంక క్రికెట్‌ బోర్డు కెప్టెన్‌గా ఎలా నియమించిందని మండిపడుతున్నారు. మైదానంలో ఎంతటి వైరం ఉన్నా, సహచర ఆటగాడు సాధించిన ఇంతటి ఘనతను ఎవరైనా అభినందిస్తారని అంటున్నారు. కాగా, ప్రస్తుత వరల్డ్‌కప్‌లో శ్రీలంక రెగ్యులర్‌ కెప్టెన్‌ దసున్‌ షనక గాయపడటంతో కుశాల్‌ మెండిస్‌ను అనూహ్యంగా కెప్టెన్‌ పదవి వరించింది.   

టీమిండియా స్టార్‌ ఆటగాడు విరాట్‌ కోహ్లి క్రికెటింగ్‌ టాలెంట్‌ గురించి మనందరికీ తెలుసు. కింగ్‌ కోహ్లి పరుగుల యంత్రంగా, రికార్డుల రారాజుగా, ఛేజింగ్‌ మాస్టర్‌గా సుపరిచితం. అయితే అతనిలో ఓ క్రికెటేతర టాలెంట్‌ కూడా ఉందని మనలో చాలామందికి తెలియకపోవచ్చు. విరాట్‌లో ఓ అద్భుతమైన సింగర్‌ దాగి ఉన్నాడు. విరాట్‌ 35వ పుట్టినరోజు సందర్భంగా ఓ అభిమాని విరాట్‌లోని సింగింగ్‌ టాలెంట్‌ను ప్రపంచాని​కి పరిచయం చేశాడు. Since it's his birthday, here is my favorite video of @imVkohli.. Share yours.. 💙🙌#HappyBirthdayKingKohli pic.twitter.com/Kbt6oJjyw7 — Narundar (@NarundarM) November 5, 2023 ఈ వీడియో పాత వీడియోనే అయినప్పటికీ.. చాలా అరుదుగా కనిపించింది. ఇందులో విరాట్‌ ఫిమేల్‌ సింగర్‌తో కలిసి ఓ బాలీవుడ్‌ పాట పాడతాడు. విరాట్‌ జన్మదినం సందర్భంగా నరుందర్‌ అనే అభిమాని పోస్ట్‌ చేసిన ఈ వీడియో ప్రస్తుతం నెట్టింట వైరలవుతుంది. ఈ వీడియో చూసి విరాట్‌ అభిమానులు సంబురపడిపోతున్నారు. తమ ఆరాధ్య క్రికెటర్‌లో ఈ టాలెంట్‌ కూడా దాగి ఉందా అని ఆశ్చర్యపడుతున్నారు. చదవండి: సచిన్‌, కోహ్లి.. ఎవరు గొప్ప..? కోహ్లి తన పుట్టినరోజున సచిన్‌ అత్యధిక వన్డే సెంచరీల రికార్డును (49 సెంచరీలు) సమం చేయడంతో ఈ వీడియోకు మరింత పాపులారిటీ పెరిగింది. మొత్తానికి విరాట్‌ మేనియాతో నిన్నటి నుంచి సోషల్‌మీడియా షేక్‌ అవుతుంది. కాగా, వన్డే వరల్డ్‌కప్‌-2023లో భాగంగా సౌతాఫ్రికాతో నిన్న జరిగిన మ్యాచ్‌లో విరాట్‌ తన ఆరాధ్య క్రికెటర్‌ సచిన్‌ టెండూల్కర్‌ అత్యధిక వన్డే సెంచరీల రికార్డును (49) సమం చేశాడు. ఈ మ్యాచ్‌లో విరాట్‌ శతక్కొట్టడంతో (121 బంతుల్లో 10 ఫోర్ల సాయంతో 101 పరుగులు)  పాటు జడేజా బంతితో (9-1-33-5) మ్యాజిక్‌ చేయడంతో భారత్‌ 243 పరుగుల తేడాతో సఫారీలను చిత్తు చేసింది.   చదవండి: సచిన్‌ అంత గొప్ప ఆటగాడిని కాను, కాలేను: విరాట్‌ కోహ్లి

వన్డే వరల్డ్‌కప్‌-2023లో భాగంగా సౌతాఫ్రికాతో నిన్న జరిగిన మ్యాచ్‌లో విరాట్‌ కోహ్లి తన ఆరాధ్య ఆటగాడు సచిన్‌ టెండూల్కర్‌ అత్యధిక వన్డే సెంచరీల రికార్డును (49 సెంచరీలు) సమం చేసిన తర్వాత వీరిద్దరిలో ఎవరు గొప్ప అనే చర్చ మళ్లీ మొదలైంది. కోహ్లి కెరీర్‌ పీక్స్‌లో ఉన్నప్పటి నుంచి ఈ చర్చ నడుస్తూనే ఉన్నప్పటికీ మధ్యలో కాస్త బ్రేక్‌ పడింది. కోహ్లి పేలవ ఫామ్‌లో ఉండి, దాదాపు మూడేళ్ల పాటు సెంచరీ చేయలేక అవస్థ పడుతున్నప్పుడు కోహ్లి పని అయిపోయిందని అంతా అనుకున్నారు. అయితే ఆతర్వాత కోహ్లి అనూహ్యంగా పుంజుకుని మునుపటికంటే డేంజర్‌గా కనపడుతుండటంతో ఈ చర్చ మళ్లీ మొదటికొచ్చింది.  అంకెల ప్రకారం చూస్తే.. సచిన్, కోహ్లి సమానంగా (49 సెంచరీలు) కనిపిస్తున్నారు. త్వరలో కోహ్లి దీనిని అధిగమించే అవకాశం ఉంది. మరి వన్డేల్లో సచిన్ ‌కంటే కోహ్లి గొప్ప బ్యాటరా? నిజానికి రెండు వేర్వేరు తరాల ఆటగాళ్లను పోల్చడమే అసహజం. సులువైన పిచ్‌లు, మారిన నిబంధనలు, ఫీల్డింగ్‌ పరిమితులు, రెండు బంతుల వాడకం... ఇలా అప్పటి సచిన్‌కంటే ఇప్పుడు కోహ్లికి సహజంగానే కొన్ని అనుకూలతలు ఉన్నాయి. అన్నింటికి మించి సచిన్‌ సమయంలో అతనొక్కడే జట్టు భారాన్ని సుదీర్ఘ సమయం పాటు మోశాడు. రిస్క్‌కు అవకాశం తక్కువ. కానీ కోహ్లికి సమర్థులైన ఇతర సహచరుల అండ ఉండటం అతనిపై ఒత్తిడిని తగ్గించింది. సచిన్‌ 32 సెంచరీల సమయంలో జట్టులో మరెవరూ సెంచరీలు చేయలేదు. కానీ కోహ్లి 22సార్లు మాత్రమే ఇలాంటి ఫీట్‌ నమోదు చేయడం ఆ తేడాను చూపిస్తోంది. అయితే ఇదంతా కోహ్లి చేతుల్లో లేనిది. ఇది అతని ఘనతను తగ్గించలేదు. తనకు ఎదురైన ప్రత్యర్థి ఎవరైనా వారిపై విరుచుకుపడటమే అతనికి తెలిసింది. సచిన్‌ ఓవరాల్‌ 100 సెంచరీలను కోహ్లి అందుకుంటాడా అనేది  తర్వాతి చర్చ. ప్రస్తుతం కోహ్లి ఖాతాలో 79 శతకాలు ఉన్నాయి. మరో 21 సెంచరీలు చేస్తే సచిన్‌ రికార్డును సమం చేస్తాడు. సచిన్‌కు (51), కోహ్లికి (29) మధ్య టెస్టులో అంతరం చాలా ఎక్కువగా ఉన్నప్పటికీ.. వన్డే ఫామ్‌తో కోహ్లి, సచిన్‌ రికార్డును చేరుకోవడం అసాధ్యం కాకపోవచ్చు. కాగా, 49 సెంచరీలు చేసేందుకు సచిన్‌కు 451 ఇన్నింగ్స్‌లు అవసరం కాగా.. విరాట్‌ కేవలం 277 ఇన్నింగ్స్‌ల్లోనే ఈ ఘనత సాధించడం​ విశేషం.  మరో మూడేళ్ల వరకు ఢోకా లేదు.. ఫిట్‌నెస్‌ పరంగా చూసినా కోహ్లి మరో మూడేళ్ల పాటు కెరీర్‌ను కొనసాగించడానికి ఢోకా లేదనిపిస్తుంది. నిన్ననే 35వ పడిలోకి అడుగుపెట్టిన కోహ్లి.. ఫిట్‌నెస్‌ విషయంలో చాలా కచ్చితంగా ఉంటాడు కాబట్టి 38, 39 ఏళ్ల వరకు ఆడినా ఆశ్చర్యపోనక్కర్లేదు. ఈలోపు అతనికి సచిన్‌ రికార్డును చేరుకోవడం అంత కష్టమైన పని కాకపోవచ్చు. ప్రస్తుతం ఉన్న ఫామ్‌ మరో ఏడాది పాటు కొనసాగితే కోహ్లి 90ల్లోకి (సెంచరీలు) చేరుకోవడం ఖాయం. కాగా, సౌతాఫ్రికాతో నిన్న జరిగిన మ్యాచ్‌లో విరాట్‌ (121 బంతుల్లో 10 ఫోర్ల సాయంతో 101 పరుగులు) రికార్డు సెంచరీతో అదరగొట్టడంతో భారత్‌.. దక్షిణాఫ్రికాను 243 పరుగుల తేడాతో చిత్తు చేసింది. ప్రస్తుత వరల్డ్‌కప్‌లో భారత్‌కు ఇది వరుసగా ఎనిమిదో విజయం కావడం విశేషం.  

వన్డే వరల్డ్‌కప్‌ 2023లో భాగంగా సౌతాఫ్రికాతో నిన్న జరిగిన మ్యాచ్‌లో టీమిండియా స్టార్‌ ఆటగాడు విరాట్‌ కోహ్లి క్రికెట్‌ దిగ్గజం​ సచిన్‌ టెండూల్కర్‌ అత్యధిక వన్డే సెంచరీల రికార్డును (49) సమం చేసిన విషయం తెలిసిందే. తన రికార్డును సమం చేసిన అనంతరం సచిన్‌.. విరాట్‌ను అభినందించాడు. చాలా బాగా ఆడావు విరాట్‌. నాకు 49 నుంచి 50 వరకు చేరేందుకు (వయసు) 365 రోజులు పట్టాయి. కానీ నువ్వు రాబోయే కొద్ది రోజుల్లోనే 49 నుంచి 50కి చేరుకొని (సెంచరీలు) నా రికార్డు బద్దలు కొడతావని ఆశిస్తున్నా. నీకు నా అభినందనలు అంటూ సచిన్‌ ట్వీట్‌ చేశాడు.  Well played Virat. It took me 365 days to go from 49 to 50 earlier this year. I hope you go from 49 to 50 and break my record in the next few days. Congratulations!!#INDvSA pic.twitter.com/PVe4iXfGFk — Sachin Tendulkar (@sachin_rt) November 5, 2023 సచిన్‌ అభినందనలు అందుకున్న తర్వాత ఈ విషయమై విరాట్‌ కూడా స్పందించాడు. తన ఆరాధ్య ఆటగాడి (సచిన్‌) రికార్డు సమం చేయడం​ గౌరవంగా భావిస్తున్నానని అన్నాడు. తాను ఎప్పటికీ సచిన్‌‌ అంత గొప్ప ఆటగాడిని కాలేనని తెలిపాడు. తన పుట్టిన రోజున సెంచరీ సాధించడం, అది సచిన్‌ రికార్డు సమం చేసే సెంచరీ కావడం గొప్ప అనుభూతిని కలిగిస్తుందని అన్నాడు. కాగా, 49 సెంచరీలు చేసేందుకు సచిన్‌కు 451 ఇన్నింగ్స్‌లు అవసరం కాగా.. విరాట్‌ కేవలం 277 ఇన్నింగ్స్‌ల్లోనే ఈ ఘనత సాధించడం​ విశేషం.  ఇదిలా ఉంటే, నిన్నటి మ్యాచ్‌లో విరాట్‌ రికార్డు సెంచరీతో (121 బంతుల్లో 10 ఫోర్ల సాయంతో 101 పరుగులు) చెలరేగడంతో టీమిండియా సౌతాఫ్రికాను 243 పరుగుల తేడాతో చిత్తు చేసింది. రవీంద్ర జడేజా (9-1-33-5) బంతితో సఫారీల భరతం పట్టాడు. ఈ మ్యాచ్‌లో తొలుత బ్యాటింగ్‌ చేసిన భారత్‌.. విరాట్‌, శ్రేయస్‌ (77), రోహిత్‌ (24 బంతుల్లో 40; 6 ఫోర్లు, 2 సిక్సర్లు), జడేజా (15 బంతుల్లో 29 నాటౌట్‌; 3 ఫోర్లు, సిక్స్‌) రాణించడంతో నిర్ణీత ఓవర్లలో 5 వికెట్ల నష్టానికి 326 పరుగులు చేయగా.. జడేజా మాయాజాలం దెబ్బకు సౌతాఫ్రికా 27.1 ఓవర్లలో 83 పరుగులకే కుప్పకూలి ఘోర పరాజయాన్ని మూటగట్టుకుంది. చదవండి: విరాట్‌ కోహ్లి= సచిన్‌ టెండూల్కర్‌ నా హీరో రికార్డు సమం చేయడం​ గౌరవంగా భావిస్తున్నా: విరాట్‌ కోహ్లి

వన్డే వరల్డ్‌కప్‌ 2023లో భాగంగా సౌతాఫ్రికాతో నిన్న జరిగిన మ్యాచ్‌లో పరుగుల యంత్రం విరాట్‌ కోహ్లి క్రికెట్‌ గాడ్‌ సచిన్‌ టెండూల్కర్‌ అత్యధిక సెంచరీల రికార్డును (వన్డేల్లో 49 సెంచరీలు) సమం చేసిన విషయం తెలిసిందే. ఈ మ్యాచ్‌లో విరాట్‌ (121 బంతుల్లో 10 ఫోర్ల సాయంతో 101 పరుగులు) రికార్డు సెంచరీతో (49వ సెంచరీ) టీమిండియా గెలుపులో ప్రధానపాత్ర పోషించాడు. విరాట్‌కు జతగా రవీంద్ర జడేజా బంతితో చెలరేగడంతో (9-1-33-5) భారత్‌ సౌతాఫ్రికాను 243 పరుగుల భారీ తేడాతో చిత్తు చేసింది. ఈ మ్యాచ్‌లో తొలుత బ్యాటింగ్‌ చేసిన భారత్‌.. విరాట్‌ శతక్కొట్టుడు, శ్రేయస్‌ బాధ్యతాయుతమైన ఇన్నింగ్స్‌ (77), రోహిత్‌ (24 బంతుల్లో 40; 6 ఫోర్లు, 2 సిక్సర్లు), జడేజా (15 బంతుల్లో 29 నాటౌట్‌; 3 ఫోర్లు, సిక్స్‌) మెరుపు ఇన్నింగ్స్‌లతో చెలరేగడంతో నిర్ణీత ఓవర్లలో 5 వికెట్ల నష్టానికి 326 పరుగులు చేసింది. అనంతరం ఛేదనకు దిగిన సౌతాఫ్రికా.. జడేజా మాయాజాలం దెబ్బకు 27.1 ఓవర్లలో 83 పరుగులకే కుప్పకూలి ఘోర పరాజయాన్ని ఎదుర్కొంది. ప్రస్తుత వరల్డ్‌కప్‌ ఎడిషన్‌లో ఇప్పటికే సెమీస్‌కు చేరిన భారత్‌కు ఇది వరుసగా ఎనిమిదో విజయం కావడం విశేషం. భారత్‌ తమ ఆఖరి లీగ్‌ మ్యాచ్‌లో నెదర్లాండ్స్‌తో తలపడాల్సి ఉంది. విరాట్‌ కోహ్లి భావోద్వేగం.. సచిన్‌ రికార్డు సమం చేసిన అనంతరం విరాట​్‌ తీవ్ర భావోద్వేగానికి లోనవుతూ ఇలా అన్నాడు. భారత్‌ తరఫున ఆడేందుకు వచ్చే ప్రతీ అవకాశం గొప్పదే. నా హీరో రికార్డును సమం చేయడం గౌరవంగా భావిస్తున్నా. బ్యాటింగ్‌లో ఆయన ఓ పర్ఫెక్షనిస్ట్‌. ప్రజలు పోలికలను ఇష్టపడతారు కానీ, నేను సచిన్ అంత గొప్ప ఆటగాడిని కాను. నాకు ఇది భావోద్వేగంతో కూడిన సందర్భం. ఇంత ఆనందాన్ని ఒకేసారి తట్టుకోవడం కష్టంగా ఉంది. సచిన్‌ అభినందన ఎంతో ప్రత్యేకం. నేను సచిన్‌ ఆటను టీవీలో చూస్తూ పెరిగాను. అలాంటిది ఇప్పుడు స్వయంగా ఆయన ప్రశంసలు అందుకోవడం నా దృష్టిలో అమూల్యం. నా పుట్టిన రోజున శతకం సాధించడం కలగా ఉంది. అభిమానులు దీనిని మరింత ప్రత్యేకంగా మార్చారు. ఇలాంటివి నాకు దక్కినందుకు దేవుడికి కృతజ్ఞతలు.   

రెండో వికెట్‌ ‍కోల్పోయిన టీమిండియా టీమిండియా 93 పరుగుల వద్ద రెండో వికెట్‌ను కోల్పోయింది.  శుభ్‌మన్‌ గిల్‌(23) రెండో వికెట్‌గా పెవిలియన్‌ చేరాడు. మహరాజ్‌ బౌలింగ్‌లో గిల్‌ బౌల్డ్‌ అయ్యాడు. అంతకుముందు రోహిత్‌ శర్మ(40) తొలి వికెట్‌గా అవుటయ్యారు. రబడా బౌలింగ్‌లో బావుమాకు క్యాచ్‌ ఇచ్చి పెవిలియన్‌ బాట పట్టాడు. వన్డే ప్రపంచకప్‌-2023లో భాగంగా కోల్‌కతాలోని ఈడెన్‌ గార్డెన్స్‌ వేదికగా ఇవాళ (నవంబర్‌ 5) భారత్‌-సౌతాఫ్రికా జట్లు తలపడనున్నాయి. ఈ మ్యాచ్‌లో టీమిండియా టాస్‌ గెలిచి తొలుత బ్యాటింగ్‌ ఎంచుకుంది. ఈ మ్యాచ్‌ కోసం సౌతాఫ్రికా ఓ మార్పు చేయగా.. టీమిండియా గత మ్యాచ్‌లో బరిలోకి దిగిన జట్టునే యధాతథంగా కొనసాగించింది. పేసర్‌ గెరాల్డ్‌ కొయెట్జీ స్థానంలో తబ్రేజ్‌ షంషి తుది జట్టులోకి వచ్చాడు.  తుది జట్లు.. సౌతాఫ్రికా: క్వింటన్ డి కాక్ (వికెట్‌కీపర్‌), టెంబా బవుమా (కెప్టెన్‌), రాస్సీ వాన్ డెర్ డస్సెన్, ఎయిడెన్ మార్క్రమ్, హెన్రిచ్ క్లాసెన్, డేవిడ్ మిల్లర్, మార్కో జన్సెన్, తబ్రేజ్‌ షంషి, కేశవ్ మహరాజ్, కగిసో రబడ, లుంగి ఎంగిడి భారత్‌: రోహిత్ శర్మ (కెప్టెన్‌), శుభమన్ గిల్, విరాట్ కోహ్లి, శ్రేయస్ అయ్యర్, కేఎల్ రాహుల్ (వికెట్‌కీపర్‌), సూర్యకుమార్ యాదవ్, రవీంద్ర జడేజా, మహ్మద్ షమీ, జస్ప్రీత్ బుమ్రా, కుల్దీప్ యాదవ్, మహ్మద్ సిరాజ్  

టీమిండియా స్టార్‌ క్రికెటర్‌ విరాట్‌ కోహ్లి ఇవాళ (నవంబర్‌ 5) 35వ పడిలోకి అడుగుపెట్టిన నేపథ్యంలో సోషల్‌మీడియాలో వెల్లువెత్తుతున్నాయి. సామాన్యుల దగ్గరి నుంచి సెలబ్రిటీల వరకు కోహ్లికి బర్త్‌డే విషెస్‌ చెబుతున్నారు. కోహ్లి ఇలాంటి బర్త్‌డేలు మున్ముందు మరిన్ని జరుపుకోవాలని ఆకాంక్షిస్తున్నారు. కోహ్లి ఈసారి ఎలాగైనా టీమిండియాకు వరల్డ్‌కప్‌ అందించి తీరాలని కోరుకుంటున్నారు. View this post on Instagram A post shared by AnushkaSharma1588 (@anushkasharma) 514 intl. matches & counting 🙌 26,209 intl. runs & counting 👑 2⃣0⃣1⃣1⃣ ICC World Cup & 2⃣0⃣1⃣3⃣ ICC Champions Trophy winner 🏆 Here's wishing Virat Kohli - Former #TeamIndia Captain & one of the greatest modern-day batters - a very Happy Birthday!👏🎂 pic.twitter.com/eUABQJYKT5 — BCCI (@BCCI) November 5, 2023 Happy Birthday, King Kohli 🎂 Special day and it’s time to sing, Happy birthday to the cricketing King 👑 Virat Kohli, you rule the game With your hardwork, skill and boundless fame. 🙇‍♂️#PlayBold #ನಮ್ಮRCB #ViratKohli𓃵 #HappyBirthdayKingKohli @imVkohli pic.twitter.com/ivkaAi8nZ7 — Royal Challengers Bangalore (@RCBTweets) November 4, 2023 ప్రత్యేకించి కోహ్లి ఫ్యాన్స్‌ పోస్ట్‌లతో సోషల్‌మీడియా తడిసిముద్దైపోతుంది. పుట్టిన రోజు నాడు కోహ్లి సౌతాఫ్రికాపై సెంచరీ సాధించి, సచిన్‌ రికార్డును (వన్డేల్లో అత్యధిక సెంచరీలు (49)) సమం చేయాలని ఆశిస్తున్నారు. కోహ్లిని విష్‌ చేసిన వారిలో సామాన్యులు, అభిమానులతో పాటు అన్ని రంగాలకు చెందిన సెలబ్రిటీలు, ఐపీఎల్‌ ఫ్రాంచైజీలు, క్రికెట్‌ బోర్డులు ఉన్నాయి. పశ్చిమ బెంగాల్‌ ముఖ్యమంత్రి మమతా బెనర్జీ విరాట్‌కు ‍ప్రత్యేకంగా శుభాకాంక్షలు తెలిపింది. When you joined the team as a youngster who was eager for opportunities and hungry to perform, it was clear to everyone that you were destined for greatness. You've not only made a mark for yourself but have also inspired countless others to strive for excellence.     As you… pic.twitter.com/2FXP5GqH9q — Yuvraj Singh (@YUVSTRONG12) November 5, 2023 A very Happy Birthday @imVkohli! Your journey from hard work and determination to becoming a world-class player is nothing short of legendary. You've come a long way, and it's great to witness how far you’ve come. Here's to more milestones and success in your life! #KingKohli… pic.twitter.com/yGYk335yTb — Suresh Raina🇮🇳 (@ImRaina) November 5, 2023 Happy birthday to the incredible cricket icon @imVkohli , a legend in every format of the game, my SandArt at Puri beach in Odisha. #HappyBirthdayViratKohli pic.twitter.com/hCYgsNnfio — Sudarsan Pattnaik (@sudarsansand) November 5, 2023 Happy that the legendary Indian batsman Virat Kohli is there in Kolkata on his birthday to play a historic match for our country!! A very happy birthday to Virat @imVkohli !! Wish him and his family all happiness and success!! pic.twitter.com/Ko62u5TX8A — Mamata Banerjee (@MamataOfficial) November 4, 2023 కాగా, వన్డే ప్రపంచకప్‌-2023లో భాగంగా కోల్‌కతాలోని ఈడెన్‌ గార్డెన్స్‌ వేదికగా ఇవాళ భారత్‌-సౌతాఫ్రికా జట్లు తలపడనున్న విషయం తెలిసిందే. ఇవాళ విరాట్‌ పుట్టిన రోజు కావడంతో బెంగాల్‌ క్రికెట్‌ అసోసియేషన్‌ ప్రత్యేకమైన ఏర్పాట్లు చేసింది. స్టేడియంలోకి వచ్చే ప్రతి అభిమానికి కోహ్లి మాస్క్‌ను ఫ్రీగా అందించనుంది. మ్యాచ్‌కు ముందు కోహ్లిచే కేక్‌ కటింగ్‌ ప్రోగ్రాం కూడా ఉంటుందని సమాచారం.     Ab De Villiers wishes Virat Kohli for a very happy birthday. The special bond of Kohli & ABD - The Brothers. pic.twitter.com/N8OeCboQEj — CricketMAN2 (@ImTanujSingh) November 5, 2023 Century haemoglobin ki tarah inki ragon mein daudti hai. A young guy with dreams in his eyes, with his work-ethics ,passion,hardwork and talent has ruled the game . Ups and downs yes but what has remained constant is his intensity and hunger. Best wishes #HappyBirthdayViratKohli pic.twitter.com/Pd55yBAk0J — Virender Sehwag (@virendersehwag) November 5, 2023

టీమిండియా స్టార్‌ ఆటగాడు, మాజీ కెప్టెన్‌ విరాట్‌ కోహ్లి ఇవాళ 35వ వసంతంలోకి అడుగుపెట్టాడు. 1988 నవంబర్‌ 5న న్యూఢిల్లీలో జన్మించిన విరాట్‌ అంచలంచలుగా ఎదుగుతూ ఆల్‌టైమ్‌ గ్రేట్‌ క్రికెటర్‌గా కీర్తించబడుతున్నాడు. చిన్నతనం నుంచి క్రికెట్‌ అంటే అమితమైన ఆసక్తి కలిగిన విరాట్‌.. ఈ క్రీడలో అత్యున్నత శిఖరాలను అధిరోహించాడు. రికార్డుల రారాజు, ఛేజింగ్‌ మాస్టర్‌, పరుగుల యంత్రం, క్రికెట్‌ కింగ్‌గా పేరొందిన విరాట్‌.. 2008 అండర్ 19 ప్రపంచ కప్‌ విజయంతో (భారత కెప్టెన్‌గా) తొలిసారి వెలుగులోకి వచ్చాడు. నాటి నుంచి వెనుదిరిగి చూసుకోని ఈ పరుగుల యంత్రం క్రికెట్‌లో సాధించాల్సినవన్నీ దాదాపుగా సాధించాడు. వయస్సు పెరుగుతున్న కొద్దీ ఆటలో మరింత పదును పెంచుకుంటూపోతున్న కింగ్‌.. ప్రస్తుతం జరుగుతున్న వన్డే వరల్డ్‌కప్‌లో టీమిండియాను ఛాంపియన్‌గా నిలబెట్టాలని ఉవ్విళ్లూరుతున్నాడు. కొంతకాలం కిందట కెరీర్‌లో హీన దశను (దాదాపు మూడేళ్లపాటు సెంచరీ లేక) ఎదుర్కొన్న ఈ ఛేజింగ్‌ మాస్టర్‌.. ప్రస్తుతం కెరీర్‌లో అత్యుత్తమ ఫామ్‌లో కొనసాగుతున్నాడు. ప్రస్తుత ప్రపంచకప్‌లో 7 మ్యాచ్‌ల్లో సెంచరీ, 4 అర్ధసెంచరీల సాయంతో 88.40 సగటున 442 పరుగులు చేసిన ఈ రికార్డుల రారాజు.. ఇవాళ సౌతాఫ్రికాతో జరుగబోయే మ్యాచ్‌లో క్రికెట్‌ గాడ్‌ సచిన్‌ పేరిట ఉన్న అత్యుత్తమ రికార్డును (వన్డేల్లో అత్యధిక సెంచరీలు (49)) సమం చేయాలని పట్టుదలగా ఉన్నాడు. ఈ మ్యాచ్‌లో విరాట్‌.. సచిన్‌ రికార్డును సమం చేయడంతో పాటు టోర్నీలో టీమిండియాకు వరుసగా ఎనిమిదో విజయాన్ని అందించాలని అశిద్దాం.   కోహ్లి జీవితంలో కీలక ఘట్టాలు.. 15 ఏళ్ల వయసులో క్రికెట్‌లోకి ఎంట్రీ బాల్‌ బాయ్‌గా ప్రస్తానం​ మొదలు భారత సారధిగా అండర్‌-19 వరల్డ్‌కప్‌ గెలుపు (2008) రంజీ మ్యాచ్‌ ఆడే సమయంలో తండ్రి మరణం.. బాధను దిగమింగుతూ తన జట్టును ఒంటి చేత్తో గెలిపించిన వైనం 2008లో అంతర్జాతీయ క్రికెట్‌లోకి అరంగేట్రం 2011 వరల్డ్‌కప్‌, 2013 ఛాంపియన్స్‌ ట్రోఫీ విన్నింగ్‌ టీమ్‌లో సభ్యుడు 2014లో భారత జట్టు కెప్టెన్‌గా నియామకం టెస్ట్‌ల్లో ఏడో స్థానంలో ఉన్న భారత జట్టును నెం.1 జట్టుగా నిలిపాడు తన సారథ్యంలో టీమిండియా ఒక్క ఐసీసీ ట్రోఫీ కూడా గెలవలేదన్న అపవాదు 2017 డిసెంబర్‌ 11న బాలీవుడ్‌ నటి అనుష్క శర్మతో వివాహం 2021 జనవరి 11న కుమార్తె వామిక జననం బీసీసీఐతో విభేదాలు.. కెప్టెన్సీ నుంచి తప్పుకోవడం సెంచరీ కోసం మూడేళ్ల నిరీక్షణ ఐసీసీ దశాబ్దపు క్రికెటర్‌గా అవార్డు ఇవే కాకుండా ఎన్నో రికార్డులు, అవార్డులు, పురస్కారాలు తాను సొంతంగా ఫిట్‌నెస్ స్థాయిలను మెరుగుపరచుకోవడంతో పాటు, ప్రపంచవ్యాప్తంగా క్రికెటర్లకు ఫిట్‌నెస్ ప్రామాణికంగా నిలిచాడు  

వన్డే వరల్డ్‌కప్‌ 2023 చివరి అంకానికి చేరుకుంది. నిన్నటితో రెండు సెమీస్‌ బెర్త్‌లు, టోర్నీ నుంచి నిష్క్రమించే రెండు జట్ల పేర్లు ఖరారయ్యాయి. ప్రస్తుత ఎడిషన్‌లో వరుసగా ఏడు మ్యాచ్‌ల్లో విజయాలు సాధించిన భారత్‌ రెండు రోజుల కిందటే సెమీస్‌ బెర్త్‌ను ఖరారు చేసుకోగా.. నిన్న పాక్‌ చేతిలో న్యూజిలాండ్‌ ఓడటంతో సౌతాఫ్రికా ఫైనల్‌ ఫోర్‌కు అర్హత సాధించిన రెండో జట్టుగా నిలిచింది.  ఈ ఎడిషన్‌ నుంచి నిష్క్రమించిన తొలి జట్టు బంగ్లాదేశ్‌ కాగా.. నిన్నటి మ్యాచ్‌లో ఆస్ట్రేలియా చేతిలో ఓటమితో ఇంగ్లండ్‌ టోర్నీ నుంచి అధికారికంగా నిష్క్రమించింది. ఈ ఇరు జట్లు ఏడు మ్యాచ్‌ల్లో చెరి 6 పరాజయాలు మూటగట్టుకుని టోర్నీ నుంచి ఎలిమినేట్‌ అయ్యాయి. వీటిలో డిఫెండింగ్‌ ఛాంపియన్‌ అయిన ఇంగ్లండ్‌ పరిస్థితి దారుణాతి దారుణంగా ఉంది. ఈ జట్టు వరుసగా ఐదు పరాజయాలు మూటగట్టుకుని అవమానకర రీతిలో సెమీస్‌కు కూడా చేరకుండానే టోర్నీ నుంచి నిష్క్రమించింది.  పోటీలో నాలుగు జట్లు.. ప్రస్తుతం మిగిలిన రెండు సెమీస్‌ బెర్త్‌ల కోసం నాలుగు జట్లు పోటీ పడుతున్నాయి. వీటిలో ఆస్ట్రేలియా మూడో బెర్త్‌ను (7 మ్యాచ్‌ల్లో 5 విజయాలు) దాదాపుగా ఖరారు చేసుకోగా.. నాలుగో స్థానం కోసం న్యూజిలాండ్‌, పాకిస్తాన్‌, ఆఫ్ఘనిస్తాన్‌ల మధ్య తీవ్ర పోటీ నెలకొంది.   న్యూజిలాండ్‌ సెమీస్‌కు చేరాలంటే.. ప్రస్తుతం పాయింట్ల పట్టికలో నాలుగో స్థానంలో (8 మ్యాచ్‌ల్లో 4 విజయాలు, 0.398) ఉన్న కివీస్‌ సెమీస్‌కు చేరాలంటే వారు తదుపరి ఆడబోయే మ్యాచ్‌లో (శ్రీలంక) భారీ విజయం సాధించాల్సి ఉంటుంది.  కీలకపాత్ర పోషించనున్న నెట్‌ రన్‌రేట్‌.. ప్రస్తుతం 8 మ్యాచ్‌ల్లో 4 విజయాలతో పాయింట్ల పట్టికలో ఐదో స్థానంలో ఉన​ పాక్‌ సెమీస్‌కు చేరాలంటే వారు తదుపరి ఆడబోయే మ్యాచ్‌లో (ఇంగ్లండ్‌) భారీ తేడాతో గెలుపొందాల్సి ఉంటుంది.  పాక్‌, న్యూజిలాండ్‌లు తదుపరి మ్యాచ్‌ల్లో తమతమ ప్రత్యర్దులపై విజయాలు సాధిస్తే సమాన పాయింట్లు (10) కలిగి ఉంటాయి. ఇక్కడ నెట్‌ రన్‌రేట్‌ కీలకపాత్ర పోషిస్తుంది. రెండు జట్లలో మెరుగైన రన్‌రేట్‌ కలిగిన జట్టు సెమీస్‌కు చేరుకుంటుంది.  ఆస్ట్రేలియా, సౌతాఫ్రికాలను ఓడించాలి.. ప్రస్తుతం పాయింట్ల పట్టికలో ఆరో స్థానంలో (7 మ్యాచ్‌ల్లో 4 విజయాలు) ఉన్న ఆఫ్ఘనిస్తాన్‌ సెమీస్‌కు చేరాలంటే వారు తదుపరి ఆడబోయే మ్యాచ్‌ల్లో ఆస్ట్రేలియా, సౌతాఫ్రికాలను ఓడించాల్సి ఉంటుంది. ఈ జట్టు రెంటిలో ఒకటి ఓడినా సెమీస్‌ అవకాశాలు చాలా సంక్లిష్టంగా ఉంటాయి. ఆఫ్ఘనిస్తాన్‌ రెండు మ్యాచ్‌ల్లో గెలిస్తే ఎలాంటి ఇబ్బందులు లేకుండా ఫైనల్‌ ఫోర్‌కు చేరుకుంటుంది. అయితే పటిష్టమైన ఆసీస్‌, సౌతాఫ్రికాలను ఓడించడం ఆఫ్ఘనిస్తాన్‌కు అంత సులువు కాదు.

ప్రపంచ క్రికెట్‌ చరిత్రలో దురదృష్టవంతమైన జట్లు ఏవైనా ఉన్నాయంటే, అవి న్యూజిలాండ్‌, సౌతాఫ్రికా జట్లే అని చెప్పాలి. ఫార్మాట్‌ ఏదైనా ఈ రెండు జట్లను దురదృష్టం అనునిత్యం వెంటాడుతూనే ఉంటుంది. మెగా టోర్నీల్లో వీరి బ్యాడ్‌లక్‌ గురించి ప్రత్యేకించి చెప్పనక్కర్లేదు. విశ్వవేదికపై పోటీపడుతున్నప్పుడు వీరి దురదృష్టం తారాస్థాయిలో ఉంటుంది. నోటి దాకా వచ్చిన విజయాలు, ఆస్వాదించకుండానే చేజారిపోయిన సందర్భాలు కోకొల్లలు.   తాజాగా ఈ రెండు జట్లలో ఓ జట్టైన న్యూజిలాండ్‌కు ఇలాంటి సందర్భం మరోసారి ఎదురైంది. 2023 వరల్డ్‌కప్‌లో భాగంగా పాకిస్తాన్‌తో నిన్న జరిగిన మ్యాచ్‌లో కివీస్‌ తొలుత బ్యాటింగ్‌ చేస్తూ 400కు పైగా స్కోర్‌ చేసినప్పటికీ, వరుణుడు అడ్డుపడటంతో ఓటమిపాలైంది. ఈ ఓటమి కూడా అలాంటి ఇలాంటి ఓటమి కాదు. ఇది ఏకంగా ఆ జట్టు సెమీస్‌ అవకాశాలపై తీవ్ర ప్రభావం చూపే ఓటమి. తప్పక గెలిచి తీరుతామనుకున్న మ్యాచ్‌లో ఓటమితో పాటు ఒక్కసారిగా సెమీస్‌ అవకాశాలు సంక్లిష్టం కావడంతో న్యూజిలాండ్‌ బాధ వర్ణణాతీతంగా ఉంది. ప్రపంచకప్‌ చరిత్రలో 400కు పైగా స్కోర్‌ చేసి ఓటమి చవిచూసిన తొలి జట్టు కివీసే కావడం విశేషం. హాట్‌ ఫేవరెట్‌లలో ఒకటైన న్యూజిలాండ్‌ టీమ్‌ వరుసగా నాలుగు పరాజయాలు మూటగట్టుకుని సెమీస్‌కు చేరకుండానే ప్రపంచకప్‌ నుంచి నిష్క్రమించే దిశగా సాగుతుంది. ప్రస్తుతం పాయింట్ల పట్టికలో నాలుగో స్థానంలో (8 మ్యాచ్‌ల్లో 4 విజయాలు, 0.398) ఉన్న కివీస్‌ సెమీస్‌కు చేరాలంటే తాము తదుపరి ఆడబోయే మ్యాచ్‌లో భారీ విజయం సాధించడంతో పాటు సెమీస్‌ రేసులో ఉన్న ఆఫ్ఘనిస్తాన్‌, పాకిస్తాన్‌లు తమ తదుపరి మ్యాచ్‌ల్లో ఓడాల్సి ఉంటుంది. తదుపరి మ్యాచ్‌లో న్యూజిలాండ్‌ ప్రత్యర్ధి శ్రీలంక కావడం కాస్త ఊరట కలిగించే అంశంగా చెప్పవచ్చు. ప్రస్తుత వరల్డ్‌కప్‌లో శ్రీలంక​ పేలవ ఫామ్‌లో ఉండటం కివీస్‌కు కలిరావచ్చు. ఒకవేళ ఈ జట్టును ఇక్కడ కూడా దురదృష్టం వెంటాడితే దేవుడు కూడా ఏమీ చేయలేడు. మరోవైపు న్యూజిలాండ్‌తో పాటు సెమీస్‌ రేసులో ఉన్న పాకిస్తాన్‌ ఇంగ్లండ్‌ను, ఆఫ్ఘనిస్తాన్‌.. ఆస్ట్రేలియా, సౌతాఫ్రికాలను ఎదుర్కోవాల్సి ఉంది.  ఇదిలా ఉంటే, పాక్‌తో నిన్న జరిగిన మ్యాచ్‌లో కివీస్‌ 21 పరుగుల తేడాతో (డక్‌వర్త్‌ లూయిస్‌ పద్దతి) ఓటమిపాలైంది. ఈ మ్యాచ్‌లో తొలుత బ్యాటింగ్‌ చేసిన న్యూజిలాండ్‌ రచిన్‌ రవీంద్ర (108), కేన్‌ విలియమ్సన్‌ (95), గ్లెన్‌ ఫిలిప్స్‌ (41) విరుచుకుపడటంతో 6 వికెట్ల నష్టానికి 401 పరుగుల భారీ స్కోర్‌ చేసింది. అనంతరం పాక్‌ లక్ష్యాన్ని ఛేదించే సమయంలో వర్షం పలు మార్లు అడ్డుపడి న్యూజిలాండ్‌ ఓటమికి పరోక్ష కారణమైంది. 25.3 ఓవర్ల తర్వాత మొదలైన వర్షం ఎంతకీ ఆగకపోవడంతో అంపైర్లు డక్‌వర్త్‌ లూయిస్‌ పద్దతిన పాక్‌ను విజేతగా ప్రకటించారు. ఆ సమయానికి పాక్‌ వికెట్‌ నష్టానికి 200 పరుగులు చేసింది. డీఎల్‌ఎస్‌ ప్రకారం ఈ స్కోర్‌ న్యూజిలాండ్‌ స్కోర్‌ క​ంటే మెరుగ్గా ఉండటంతో పాక్‌ విజేతగా నిలిచింది. ఫకర్‌ జమాన్‌ (81 బంతుల్లో 126; 8 ఫోర్లు, 11 సిక్సర్లు) అజేయమైన మెరుపు శతకంతో పాక్‌కు జీవం పోశాడు. అతనికి కెప్టెన్‌ బాబార్‌ ఆజమ్‌ (66 నాటౌట్‌) సహకరించాడు. 

వన్డే ప్రపంచకప్‌-2023లో భాగంగా ఇవాళ (నవంబర్‌ 3) ఆఫ్ఘనిస్తాన్‌-నెదర్లాండ్స్‌ జట్లు తలపడనున్నాయి. లక్నో వేదికగా జరుగుతున్న ఈ మ్యాచ్‌లో నెదర్లాండ్స్‌ టాస్‌ గెలిచి బ్యాటింగ్‌ ఎంచుకుంది. ప్రస్తుతం పాయింట్ల పట్టికలో ఆఫ్ఘనిస్తాన్‌ (6 మ్యాచ్‌ల్లో 3 విజయాలు) ఆరో స్థానంలో ఉండగా.. నెదర్లాండ్స్‌ (6 మ్యాచ్‌ల్లో 2 విజయాలు) ఎనిమిదో స్థానంలో ఉంది. తుది జట్లు.. నెదర్లాండ్స్‌: మాక్స్ ఓడౌడ్, వెస్లీ బరేసి, కోలిన్ అకెర్‌మాన్, స్కాట్ ఎడ్వర్డ్స్ (కెప్టెన్‌/వికెట్‌కీపర్‌), బాస్ డి లీడ్‌, సిబ్రాండ్ ఎంగెల్‌బ్రెచ్ట్, సకిబ్‌ జుల్ఫికర్‌, లోగాన్ వాన్ బీక్, రోల్ఫ్‌ వాన్‌ డెర్‌ మెర్వ్‌, ఆర్యన్ దత్, పాల్ వాన్ మీకెరెన్ ఆఫ్ఘనిస్తాన్‌: రహ్మానుల్లా గుర్బాజ్ (వికెట్‌కీపర్‌), ఇబ్రహీం జద్రాన్, రహ్మత్ షా, హష్మతుల్లా షాహిదీ (కెప్టెన్‌), అజ్మతుల్లా ఒమర్జాయ్, ఇక్రమ్ అలీఖిల్, మహ్మద్ నబీ, రషీద్ ఖాన్, ముజీబ్ ఉర్ రహ్మాన్, నవీన్-ఉల్-హక్, ఫజల్హాక్ ఫరూఖీ

టీమిండియా క్రికెటర్లు రిషబ్‌ పంత్‌, అక్షర్‌ పటేల్‌ ఇవాళ (నవంబర్‌ 3) ఉదయం తిరుమల శ్రీవారిని దర్శించుకున్నారు. వీఐపీ బ్రేక్ దర్శనంలో వీరు స్వామివారికి ప్రత్యేక పూజలు నిర్వహించారు. స్వామివారి దర్శనానంతరం ఆలయం వెలుపలికి వచ్చిన పంత్, అక్షర్‌లతో ఫొటోలు దిగేందుకు జనాలు ఎగబడ్డారు. టీటీడీ సిబ్బంది సైతం ఈ ఇద్దరితో ఫొటోలు దిగేందుకు ఆసక్తి చూపారు.  Pant & Axar visited Lord Balaji Temple at Andhra Pradesh.pic.twitter.com/VzYQVgRiD9 — Johns. (@CricCrazyJohns) November 3, 2023 కాగా, గాయాల కారణంగా పంత్‌, అక్షర్‌లు ప్రస్తుతం టీమిండియాకు దూరంగా ఉన్న విషయం తెలిసిందే. గతేడాది చివర్లో కార్‌ యాక్సిడెంట్‌కు గురైన పంత్‌ పూర్తిగా కోలుకునే క్రమంలో ఉండగా.. అక్షర్‌ ఇటీవలే వరల్డ్‌కప్‌కు ఎంపికయ్యాక గాయపడ్డాడు. అక్షర్‌ స్థానంలో రవిచంద్రన్‌ అశ్విన్‌ టీమిండియాకు ఎంపికయ్యాడు. ఇదిలా ఉంటే, 2023 వన్డే ప్రపంచకప్‌లో భారత్‌ వరుస విజయాలతో దూసుకుపోతున్న విషయం తెలిసిందే. ఈ ఎడిషన్‌లో భారత్‌ ఇప్పటివరకు ఆడిన ఏడు మ్యాచ్‌ల్లో ఏడింట విజయాలు సాధించి సెమీస్‌కు అర్హత సాధించింది. నిన్ననే శ్రీలంకతో జరిగిన మ్యాచ్‌లో భారత్‌ రికార్డు స్థాయిలో 302 పరుగుల భారీ తేడాతో విజయం సాధించింది. ఈ ఎడిషన్‌లో భారత్‌ లీగ్‌ దశలో ఇంకా రెండు మ్యాచ్‌లు (సౌతాఫ్రికా, నెదర్లాండ్స్‌) ఆడాల్సి ఉంది.

ఐసీసీ, బీసీసీఐలపై పాకిస్తాన్‌ మాజీ ఆటగాడు హసన్‌ రజా సంచలన ఆరోపణలు చేశాడు. ప్రస్తుత ప్రపంచకప్‌లో భారత బౌలర్లకు ప్రత్యేక బంతులు ఇస్తున్నారంటూ ఆరోపించారు.. ఇలా జరగడం వల్లే భారత పేసర్లు ఇతర బౌలర్లతో పోలిస్తే అధిక సీమ్‌ను, స్వింగ్‌ను రాబట్టగలుగుతున్నారని  తీవ్రస్థాయి ఆరోపణలు చేశాడు.  ఈ విషయమై సమగ్ర తనిఖీలు జరగడంతో పాటు విస్తృత స్థాయి చర్చ జరగాలని కోరాడు. భారత్‌-శ్రీలంక మధ్య గురువారం జరిగిన మ్యాచ్‌ అనంతరం పాక్‌ టీవీ ఛానల్‌లో మాట్లాడుతూ ఈ వ్యాఖ్యలు చేశాడు. అయితే ఈ వ్యాఖ్యలపై భారత మాజీ ఓపెనర్‌ ఆకాశ్‌ చోప్రా దీటుగా స్పందించాడు. ‘హసన్‌ రజా  మతి ఉండే మాట్లాడుతున్నాడా’ అంటూ స్ట్రాంగ్‌ కౌంటరిచ్చాడు. ‘అసలు అతను పాల్గొన్నది సీరియస్‌ క్రికెట్‌ షోనేనా’ అని ప్రశ్నించాడు.  Is it a serious cricket show? If not, please mention ‘satire’ ‘comedy’ in English somewhere. I mean…it might be written in Urdu already but unfortunately, I can’t read/understand it. 🙏🏽 https://t.co/BXnmCpgbXy — Aakash Chopra (@cricketaakash) November 3, 2023 కాగా, హసన్‌ రజా చేసిన వ్యాఖ్యలను భారత క్రికెట్‌ అభిమానులు తేలిగ్గా తీసుకుంటున్నారు. కనీస క్రికెట్‌ పరిజ్ఞానం లేని వ్యక్తి కామెంట్లకు స్పందించడం వేస్ట్‌ అని అంటున్నారు. జాతీయ జట్టుకు ఆడిన వ్యక్తి ఈ తరహా వ్యాఖ్యలు చేయడం హాస్యాస్పదమని వ్యాఖ్యానిస్తున్నారు. కొందరు అభిమానులు హసన్‌ రజాను  క్రికెట్‌ అజ్ఞాని అని, భారతపై పాక్‌కు ఉన్న అక్కసు అతని మాటల్లో స్పష్టంగా కనబడుతుందని ఏకి పారేస్తున్నారు. 1996-2005 మధ్యలో పాక్‌ తరఫున ఏడు టెస్ట్‌లు, 16 వన్డేలు ఆడిన హసన్‌ రజా.. అతిపిన్న వయసులో (14 ఏళ్ల 233 రోజులు) అంతర్జాతీయ క్రికెట్‌లోకి అరంగేట్రం చేసిన ఆటగాడిగా ప్రపంచ రికార్డు నెలకొల్పాడు.  ఇదిలా ఉంటే, శ్రీలంకతో గురువారం జరిగిన మ్యాచ్‌లో భారత పేసర్లు ఆకాశమే హద్దుగా చెలరేగిన విషయం తెలిసిందే. మొహమ్మద్‌ షమీ (5-1-18-5), మొహమ్మద్‌ సిరాజ్‌ (7-2-16-3), జస్ప్రీత్‌ బుమ్రా (5-1-8-1) నిప్పుల వర్షం కురిపిం​చి లంకేయులను కుప్పకూల్చారు. భారత బౌలర్ల ధాటికి ఆ జట్టు 55 పరుగులకే చాపచుట్టేసి 302 పరుగుల భారీ తేడాతో ఘోర పరాజయాన్ని మూటగట్టుకుంది. ఈ మ్యాచ్‌లో తొలుత బ్యాటింగ్‌ చేసిన భారత్‌.. గిల్‌ (92), కోహ్లి (88), శ్రేయస్‌ (82) రాణించడంతో నిర్ణీత 50 ఓవర్లలో 8 వికెట్ల నష్టానికి 357 పరుగులు చేసింది. 

ప్రస్తుత ప్రపంచకప్‌లో ఫీల్డ్‌లో అత్యుత్తమ ప్రదర్శన కనబర్చే భారత ఆటగాళ్లకు జట్టు ఫీల్డింగ్‌ కోచ్‌ టి దిలీప్‌ బెస్ట్‌ ఫీల్డర్‌ మెడల్‌ను బహుకరిస్తున్న విషయం తెలిసిందే. శ్రీలంకతో నిన్న జరిగిన మ్యాచ్‌కు గాను ఈ మెడల్‌ను శ్రేయస్‌ అయ్యర్‌ గెలుచుకున్నాడు. శ్రేయస్‌ ఈ అవార్డును గెలుచుకోవడం ఇది రెండోసారి. న్యూజిలాండ్‌తో జరిగిన మ్యాచ్‌కు గాను శ్రేయస్‌ తొలిసారి ఈ అవార్డును అందుకున్నాడు. తాజాగా శ్రీలంకతో మ్యాచ్‌లో ఫీల్డ్‌లో అత్యుత్తమ ప్రదర్శనతో పాటు రెండు క్యాచ్‌లు అందుకున్నందుకుగాను శ్రేయస్‌ను ఈ అవార్డు వరించింది. విజేతను అనౌన్స్‌ క్రికెట్‌  గాడ్‌.. ప్రతి మ్యాచ్‌ అనంతరం వినూత్న రీతిలో మెడల్‌ విన్నర్‌ను అనౌన్స్‌ చేయించే దిలీప్‌.. ఈసారి ఎవరూ ఊహించని విధం​గా ఓ స్పెషల్‌ పర్సన్‌తో అవార్డును అనౌన్స్‌ చేయించాడు. క్రికెట్‌ గాడ్‌ సచిన్‌ టెండూల్కర్‌ వర్చువల్‌గా శ్రేయస్‌ను విజేతగా ప్రకటించాడు. విజేతను ప్రకటించడంతో పాటు టీమిండియాను అభినందించి, బెస్ట్‌ విషెస్‌ చెప్పాడు. ఈ సందర్భంగా సచిన్‌ టీమిండియాకు తన అమూల్యమైన సందేశాన్ని కూడా ఇచ్చాడు. దీనికి సంబంధించిన వీడియోను బీసీసీఐ సోషల్‌మీడియాలో పోస్ట్‌ చేసింది. The Medal Ceremony 🏅 in the dressing room just attained "LEGENDARY" status 🙌🏻#TeamIndia was in for a surprise when someone 𝗜𝗡𝗦𝗣𝗜𝗥𝗔𝗧𝗜𝗢𝗡𝗔𝗟 announced the best fielder award 🫡🔝#CWC23 | #MenInBlue | #INDvSL WATCH 🎥🔽 - By @28anand — BCCI (@BCCI) November 3, 2023 ఇదిలా ఉంటే, వాంఖడే వేదికగా శ్రీలంకతో నిన్న జరిగిన మ్యాచ్‌లో టీమిండియా 302 పరుగుల భారీ తేడాతో గెలుపొందింది. ఈ గెలుపుతో భారత్‌ అధికారికంగా సెమీస్‌కు చేరింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌.. గిల్‌ (92), కోహ్లి (88), శ్రేయస్‌ (82) రాణించడంతో నిర్ణీత 50 ఓవర్లలో 8 వికెట్ల నష్టానికి 357 పరుగులు చేసింది. లంక బౌలర్లలో దిల్షన్‌ మధుష్క 5 వికెట్లతో సత్తా చాటాడు.  అనంతరం భారీ లక్ష్య ఛేదనకు దిగిన లంకేయులను భారత పేసర్లు దారుణంగా దెబ్బకొట్టారు. మొహమ్మద్‌ షమీ (5-1-18-5), మొహమ్మద్‌ సిరాజ్‌ (7-2-16-3), జస్ప్రీత్‌ బుమ్రా (5-1-8-1), రవీంద్ర జడేజా (0.4-0-4-1) ధాటికి శ్రీలంక 19.4 ఓవర్లలో 55 పరుగులకే ఆలౌటైంది. లంక ఇన్నింగ్స్‌లో ఏకంగా ఐదుగురు డకౌట్లు కాగా..14 పరుగులు చేసిన కసున్‌ రజిత టాప్‌ స్కోరర్‌గా నిలిచాడు.  

ముంబైలోని వాంఖడే స్టేడియంలో కొత్తగా ఏర్పాటైన సచిన్‌ టెండూల్కర్‌ విగ్రహంపై భారత క్రికెట్‌ అభిమానులు అసంతృప్తి వ్యక్తం చేస్తున్నారు. సచిన్‌ విగ్రహం ఆస్ట్రేలియా ఆటగాడు స్టీవ్‌ స్మిత్‌ను పోలి ఉండటంతో సచిన్‌ అభిమానులు పెదవి విరుస్తున్నారు. సచిన్‌ విగ్రహాన్ని సరిగ్గా రూపొందింలేదని విగ్రహ రూపకర్తపై ఆగ్రహం వ్యక్తం చేస్తున్నారు. యావత్‌ భారత దేశంతో పాటు ప్రపంచ దేశాలన్నీ కీర్తించే సచిన్‌ విగ్రహాన్ని తయారు చేసేప్పుడు ఒళ్లు దగ్గర పెట్టుకుని తాయారు చేసి ఉండాల్సిందని విగ్రహ రూపకర్తను దూషిస్తున్నారు. సచిన్‌ అంటే గిట్టని వారు, క్రికెట్‌ పరిజ్ఞానం లేని వారు స్టీవ్‌ స్మిత్‌ విగ్రహం భారత్‌లో ఉందేందంటూ వ్యంగ్యమైన కామెంట్స్‌ చేస్తున్నారు. వాంఖడేలో నిన్న భారత్‌-శ్రీలంక మధ్య మ్యాచ్‌ జరిగినప్పటికీ నుంచి సచిన్‌ విగ్రహం పెద్ద చర్చనీయాంశమైంది.  కాగా, నవంబర్‌ 1న ప్రతిష్టాత్మక వాంఖడే మైదానంలో క్రికెట్‌ దిగ్గజం సచిన్‌ టెండూల్కర్‌ విగ్రహాన్ని ఆవిష్కరించిన విషయం తెలిసిందే. వాంఖడేలో సచిన్‌ స్టాండ్‌ పక్కనే విగ్రహాన్ని ఏర్పాటు చేశారు. సచిన్‌ ఆఫ్‌సైడ్‌ షాట్‌ ఆడే పోజ్‌లో ఈ విగ్రహాన్ని డిజైన్‌ చేశారు.  అహ్మదాబాద్‌కు చెందిన ప్రమోద్‌ కాంబ్లే ఈ విగ్రహాన్ని రూపొందించారు. సచిన్‌తో పాటు మహారాష్ట్ర ముఖ్యమంత్రి ఏక్‌నాథ్‌ షిండే, బీసీసీఐ కార్యదర్శి జై షా విగ్రహావిష్కరణ చేశారు. కాగా, సచిన్‌ తన సొంత మైదానమైన వాంఖడేలో తన ఆఖరి అంతర్జాతీయ మ్యాచ్‌ (నవంబర్‌ 16, 2013) ఆడిన విషయం తెలిసిందే.   ఇదిలా ఉంటే, వాంఖడే వేదికగా శ్రీలంకతో నిన్న జరిగిన మ్యాచ్‌లో టీమిండియా 302 పరుగుల భారీ తేడాతో గెలుపొందింది. ఈ గెలుపుతో భారత్‌ అధికారికంగా సెమీస్‌కు చేరింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌.. గిల్‌ (92), కోహ్లి (88), శ్రేయస్‌ (82) రాణించడంతో నిర్ణీత 50 ఓవర్లలో 8 వికెట్ల నష్టానికి 357 పరుగులు చేసింది. లంక బౌలర్లలో దిల్షన్‌ మధుష్క 5 వికెట్లతో సత్తా చాటాడు.  అనంతరం భారీ లక్ష్య ఛేదనకు దిగిన లంకేయులను భారత పేసర్లు దారుణంగా దెబ్బకొట్టారు. మొహమ్మద్‌ షమీ (5-1-18-5), మొహమ్మద్‌ సిరాజ్‌ (7-2-16-3), జస్ప్రీత్‌ బుమ్రా (5-1-8-1), రవీంద్ర జడేజా (0.4-0-4-1) ధాటికి శ్రీలంక 19.4 ఓవర్లలో 55 పరుగులకే ఆలౌటైంది. లంక ఇన్నింగ్స్‌లో ఏకంగా ఐదుగురు డకౌట్లు కాగా..14 పరుగులు చేసిన కసున్‌ రజిత టాప్‌ స్కోరర్‌గా నిలిచాడు.

వన్డే వరల్డ్‌కప్‌-2023లో భాగంగా శ్రీలంకతో నిన్న (నవంబర్‌ 2) జరిగిన మ్యాచ్‌లో మొహమ్మద్‌ షమీ (5-1-18-5) అదిరిపోయే ఐదు వికెట్ల ప్రదర్శనతో టీమిండియా విజయంలో కీలకపాత్ర పోషించిన విషయం తెలిసిందే. ఈ ఐదు వికెట్ల ప్రదర్శనతో పలు రికార్డులు కొల్లగొట్టిన షమీ.. ఈ ఘనత సాధించిన అనంతరం వినూత్న రీతిలో సంబురాలు చేసుకున్నాడు. ఈ మ్యాచ్‌లో షమీ తన ఐదో వికెట్‌ సాధించగానే బంతి తలపై రుద్దుకుంటూ డ్రెస్సింగ్‌ రూమ్‌వైపు సైగలు చేశాడు. తన ప్రదర్శన ఎవరికో అంకితం ఇస్తున్నట్లుగా షమీ సైగలు ఉన్నాయి. "Look at this Harbhajan Singh" Lord Shami the record breaker 🔥#ICCMensCricketWorldCup2023 #INDvSL #Shami #MohammedShami #IndianCricketTeam #HarbhajanSingh #ICCWorldCup2023 #viratkholi #ShubmanGill #ShreyasIyer #Siraj #MohammedSiraj pic.twitter.com/M3VtXgU4Nt — Meet Makwana (@MeetMakzz) November 2, 2023 ఈ ప్రదర్శనతో షమీ హర్భజన్‌ సింగ్‌ రికార్డును (వన్డేల్లో భారత్‌ తరఫున అత్యధికసార్లు ఐదు వికెట్ల ఘనత) బ్రేక్‌ చేయడంతో భజ్జీని ఉద్దేశించే ఈ సైగలు చేశాడని అంతా అనుకున్నారు. హిందీ వ్యాఖ్యాతలు సైతం ఇదే అన్నారు. అయితే మ్యాచ్‌ అనంతరం షమీ తాను చేసుకున్న సెలబ్రేషన్స్‌పై వివరణ ఇచ్చాడు. తాను సైగలు చేసింది భజ్జీని ఉద్దేశించి కాదని తేల్చి చెప్పాడు.  తన కెరీర్‌ ఎత్తుపల్లాల్లో అండగా నిలిచి, తాను స్కిల్స్‌ డెవలప్‌ చేసుకోవడంలో సాయపడిన టీమిండియా బౌలింగ్‌ కోచ్‌ పరస్‌ మాంబ్రేను ఉద్దేశించి సదరు సంబురాలు చేసుకున్నానని వివరణ ఇచ్చాడు. తన ఐదు వికెట్ల ప్రదర్శనను మాంబ్రేకు అంకితం ఇస్తున్నాని చెప్పడానికి అలా సైగలు చేశానని తెలిపాడు. మాంబ్రేకు తలపై జట్టు ఉండదు కాబట్టి, అలా సైగలు చేశానని చెప్పుకొచ్చాడు. ఇదే విషయాన్ని మ్యాచ్‌ అనంతరం శుభ్‌మన్‌ గిల్‌ కూడా చెప్పాడు. కాగా, లంకపై ఐదు వికెట్ల ప్రదర్శనతో చెలరేగిన షమీ పలు రికార్డులను సొంతం చేసుకున్నాడు. ఇందులో వరల్డ్‌కప్‌లో భారత్‌ తరఫున అత్యధిక వికెట్ల రికార్డు (14 మ్యాచ్‌ల్లో 45) ప్రధానమైంది కాగా.. వన్డేల్లో భారత్‌ తరఫున అత్యధికసార్లు (4) ఐదు వికెట్ల ఘనత, వరల్డ్‌కప్‌లో అత్యధికసార్లు (3) ఐదు వికెట్ల ఘనత, వరల్డ్‌కప్‌లో అత్యధికసార్లు (7) నాలుగు అంతకంటే ఎక్కువ వికెట్లు తీసిన ఘనత వంటి పలు ఇతర రికార్డులు కూడా ఉన్నాయి.   ఇదిలా ఉంటే, వాంఖడే వేదికగా శ్రీలంకతో నిన్న జరిగిన మ్యాచ్‌లో టీమిండియా 302 పరుగుల భారీ తేడాతో గెలుపొందింది. ఈ గెలుపుతో భారత్‌ అధికారికంగా సెమీస్‌కు చేరింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌.. గిల్‌ (92), కోహ్లి (88), శ్రేయస్‌ (82) రాణించడంతో నిర్ణీత 50 ఓవర్లలో 8 వికెట్ల నష్టానికి 357 పరుగులు చేసింది. లంక బౌలర్లలో దిల్షన్‌ మధుష్క 5 వికెట్లతో సత్తా చాటాడు.  అనంతరం భారీ లక్ష్య ఛేదనకు దిగిన లంకేయులను భారత పేసర్లు దారుణంగా దెబ్బకొట్టారు. మొహమ్మద్‌ షమీ (5-1-18-5), మొహమ్మద్‌ సిరాజ్‌ (7-2-16-3), జస్ప్రీత్‌ బుమ్రా (5-1-8-1), రవీంద్ర జడేజా (0.4-0-4-1) ధాటికి శ్రీలంక 19.4 ఓవర్లలో 55 పరుగులకే ఆలౌటైంది. లంక ఇన్నింగ్స్‌లో ఏకంగా ఐదుగురు డకౌట్లు కాగా..14 పరుగులు చేసిన కసున్‌ రజిత టాప్‌ స్కోరర్‌గా నిలిచాడు.  

వన్డే వరల్డ్‌కప్‌-2023లో భాగంగా శ్రీలంకతో నిన్న జరిగిన మ్యాచ్‌లో 5 వికెట్ల ప్రదర్శనతో చెలరేగిన మొహమ్మద్‌ షమీ (5-1-18-5) పలు రికార్డులను సొంతం చేసుకున్నాడు. ఇందులో వరల్డ్‌కప్‌లో భారత్‌ తరఫున అత్యధిక వికెట్ల రికార్డు (14 మ్యాచ్‌ల్లో 45) ప్రధానమైంది కాగా.. వన్డేల్లో భారత్‌ తరఫున అత్యధికసార్లు (4) ఐదు వికెట్ల ఘనత, వరల్డ్‌కప్‌లో అత్యధికసార్లు (3) ఐదు వికెట్ల ఘనత, వరల్డ్‌కప్‌లో అత్యధికసార్లు (7) నాలుగు అంతకంటే ఎక్కువ వికెట్లు తీసిన ఘనత వంటి పలు ఇతర రికార్డులు కూడా ఉన్నాయి.   వరల్డ్‌కప్‌లో భారత్‌ తరఫున అత్యధిక వికెట్ల రికార్డు.. షమీ నిన్నటి మ్యాచ్‌లో శ్రీలంకపై 5 వికెట్లు సాధించడం ద్వారా వరల్డ్‌కప్‌లో భారత్‌ తరఫున అత్యధిక వికెట్లు (45) సాధించిన ఆటగాడిగా రికార్డు నెలకొల్పాడు. ఈ క్రమంలో అతను.. జహీర్‌ ఖాన్‌ (23 మ్యాచ్‌ల్లో 44 వికెట్లు), జవగళ్‌ శ్రీనాథ్‌ (34 మ్యాచ్‌ల్లో 44 వికెట్లు) పేరిట ఉన్న రికార్డును అధిగమించాడు. షమీ ఈ ఘనతను కేవలం 14 మ్యాచ్‌ల్లోనే సాధించడం విశేషం. వన్డేల్లో భారత్‌ తరఫున అత్యధికసార్లు ఐదు వికెట్ల ఘనత.. శ్రీలంకపై ఐదు వికెట్ల ప్రదర్శనతో షమీ వన్డేల్లో భారత్‌ తరఫున అత్యధికసార్లు ఐదు వికెట్ల ఘనత సాధించిన ఆటగాడిగా రికార్డు నెలకొల్పాడు. వన్డేల్లో షమీ భారత్‌ తరఫున నాలుగోసారి ఐదు వికెట్ల ప్రదర్శన నమోదు చేయగా.. గతంలో భారత బౌలర్లు జవగల్‌ శ్రీనాథ్‌, హర్భజన్‌ సింగ్‌ మూడు సార్లు ఈ ఘనత సాధించారు.  వరల్డ్‌కప్‌లో అత్యధికసార్లు ఐదు వికెట్ల ఘనత.. షమీ నిన్నటి మ్యాచ్‌లో శ్రీలంకపై 5 వికెట్లతో చెలరేగడంతో వరల్డ్‌కప్‌లో అత్యధికసార్లు (3) ఐదు వికెట్ల ఘనత సాధించిన బౌలర్‌గా స్టార్క్‌తో పాటు రికార్డు షేర్‌ చేసుకున్నాడు.  వరల్డ్‌కప్‌లో అత్యధికసార్లు నాలుగు అంతకంటే ఎక్కువ వికెట్లు.. నిన్నటి మ్యాచ్‌లో శ్రీలంకపై 5 వికెట్లు సాధించడంతో వరల్డ్‌కప్‌లో అత్యధికసార్లు (7) నాలుగు అంతకంటే ఎక్కువ వికెట్లు సాధించిన బౌలర్‌గా షమీ రికార్డు నెలకొల్పాడు. ప్రపంచకప్‌ ఏ బౌలర్‌ ఇన్నిసార్లు నాలుగు అంతకంటే ఎక్కవ వికెట్లు పడగొట్టలేదు. ప్రస్తుత ఎడిషన్‌లోనే నాలుగు అంతకంటే ఎక్కువ వికెట్లు పడగొట్టడం​ షమీకి ఇది మూడోసారి. ప్రస్తుత వరల్డ్‌కప్‌లో కేవలం 3 మ్యాచ్‌లు ఆడిన షమీ రికార్డు స్థాయి సగటుతో (6.71) 14 వికెట్లు పడగొట్టాడు. కాగా, శ్రీలంకతో నిన్న జరిగిన మ్యాచ్‌లో టీమిండియా 302 పరుగుల భారీ తేడాతో గెలుపొందిన విషయం తెలిసిందే. ఈ గెలుపుతో భారత్‌ అధికారికంగా సెమీస్‌కు చేరింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌.. గిల్‌ (92), కోహ్లి (88), శ్రేయస్‌ (82) రాణించడంతో నిర్ణీత 50 ఓవర్లలో 8 వికెట్ల నష్టానికి 357 పరుగులు చేసింది. లంక బౌలర్లలో దిల్షన్‌ మధుష్క 5 వికెట్లతో సత్తా చాటాడు.  అనంతరం భారీ లక్ష్య ఛేదనకు దిగిన లంకేయులను భారత పేసర్లు దారుణంగా దెబ్బకొట్టారు. మొహమ్మద్‌ షమీ (5-1-18-5), మొహమ్మద్‌ సిరాజ్‌ (7-2-16-3), జస్ప్రీత్‌ బుమ్రా (5-1-8-1), రవీంద్ర జడేజా (0.4-0-4-1) ధాటికి శ్రీలంక 19.4 ఓవర్లలో 55 పరుగులకే ఆలౌటైంది. లంక ఇన్నింగ్స్‌లో ఏకంగా ఐదుగురు డకౌట్లు కాగా..14 పరుగులు చేసిన కసున్‌ రజిత టాప్‌ స్కోరర్‌గా నిలిచాడు.    

2023 వన్డే ప్రపంచకప్‌లో టీమిండియా జైత్రయాత్ర కొనసాగుతుంది. శ్రీలంకతో నిన్న జరిగిన మ్యాచ్‌లో 302 పరుగుల భారీ తేడాతో గెలుపొందిన భారత్‌.. ప్రస్తుత ఎడిషన్‌లో వరుసగా ఏడో విజయాన్ని నమోదు చేసింది. తద్వారా సెమీస్‌కు అర్హత సాధించిన తొలి జట్టుగా నిలిచింది. ఈ క్రమంలో భారత్‌ పలు రికార్డులను నమోదు చేసింది.  ఇందులో ఒకే ప్రపంచకప్‌లో వరుసగా ఏడు మ్యాచ్‌ల్లో రెండుసార్లు గెలుపొందిన రికార్డు ఒకటి. ప్రస్తుత వరల్డ్‌కప్‌లో ఆస్ట్రేలియా, ఆఫ్ఘనిస్తాన్‌, పాకిస్తాన్‌, బంగ్లాదేశ్‌, న్యూజిలాండ్‌, ఇంగ్లండ్‌, శ్రీలంకపై వరుసగా విజయాలు సాధించిన భారత్‌.. 2003 ప్రపంచకప్‌లో వరుసగా ఎనిమిది మ్యాచ్‌ల్లో నెగ్గింది.   ఓవరాల్‌గా చూస్తే ఒకే వరల్డ్‌కప్‌లో అత్యధిక వరస విజయాల రికార్డు ఆస్ట్రేలియా పేరిట ఉంది. 2003 ఎడిషన్‌లో ఆసీస్‌ వరుసగా 13 మ్యాచ్‌ల్లో నెగ్గింది. అనంతరం 2007 ప్రపంచకప్‌లోనూ ఆసీస్‌ వరుసగా 12 మ్యాచ్‌ల్లో గెలిచింది. ఈ రెండు ప్రపంచకప్‌లలో ఆస్ట్రేలియా అజేయ జట్టుగా నిలిచింది.  వరల్డ్‌కప్‌లో ఓవరాల్‌గా అత్యధిక వరుస విజయాల రికార్డు కూడా ఆసీస్‌ పేరిటే ఉంది. ఈ జట్టు వరుసగా 36 మ్యాచ్‌ల్లో (1999లో 7, 2003లో 13, 2007లో 12, 2011లో 4)  గెలిచింది. ఆసీస్‌ 36 వరుస విజయాల జైత్రయాత్రకు 2011 వరల్డ్‌కప్‌లో బ్రేక్‌  పడింది. ఆ ఎడిషన్‌లో పాక్‌తో జరిగిన గ్రూప్‌ మ్యాచ్‌లో ఆసీస్‌ 36 వరుస విజయాల తర్వాత ఓడింది.  ఇదిలా ఉంటే, శ్రీలంకతో నిన్న జరిగిన మ్యాచ్‌లో టీమిండియా 302 పరుగుల భారీ తేడాతో గెలుపొందిన విషయం తెలిసిందే. ఈ గెలుపుతో భారత్‌ అధికారికంగా సెమీస్‌కు చేరింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌.. గిల్‌ (92), కోహ్లి (88), శ్రేయస్‌ (82) రాణించడంతో నిర్ణీత 50 ఓవర్లలో 8 వికెట్ల నష్టానికి 357 పరుగులు చేసింది. లంక బౌలర్లలో దిల్షన్‌ మధుష్క 5 వికెట్లతో సత్తా చాటాడు.  అనంతరం భారీ లక్ష్య ఛేదనకు దిగిన లంకేయులను భారత పేసర్లు దారుణంగా దెబ్బకొట్టారు. మొహమ్మద్‌ షమీ (5-1-18-5), మొహమ్మద్‌ సిరాజ్‌ (7-2-16-3), జస్ప్రీత్‌ బుమ్రా (5-1-8-1), రవీంద్ర జడేజా (0.4-0-4-1) ధాటికి శ్రీలంక 19.4 ఓవర్లలో 55 పరుగులకే ఆలౌటైంది. లంక ఇన్నింగ్స్‌లో ఏకంగా ఐదుగురు డకౌట్లు కాగా..14 పరుగులు చేసిన కసున్‌ రజిత టాప్‌ స్కోరర్‌గా నిలిచాడు.

శ్రీలంక క్రికెట్‌ జట్టు వన్డే వరల్డ్‌కప్‌ చరిత్రలోనే అత్యంత చెత్త రికార్డును మూటగట్టుకుంది. 2023 ప్రపంచకప్‌లో భాగంగా టీమిండియాతో నిన్న (నవంబర్‌ 2) జరిగిన మ్యాచ్‌లో 55 పరుగులకే కుప్పకూలిన లంకేయులు.. వరల్డ్‌కప్‌లో అత్యల్ప స్కోర్‌ నమోదు చేసిన ఐసీసీ ఫుల్‌ టైమ్‌ జట్టుగా (టెస్ట్‌ హోదా కలిగిన జట్టు) అపఖ్యాతిని మూటగట్టుకున్నారు. ఈ చెత్త రికార్డు గతంలో బంగ్లాదేశ్‌ పేరిట ఉండేది. 2011 వరల్డ్‌కప్‌లో వెస్టిండీస్‌తో జరిగిన మ్యాచ్‌లో బంగ్లాదేశ్‌ 58 పరుగులకే ఆలౌటైంది. దీనికి ముందు 1992 వరల్డ్‌కప్‌లో ఇంగ్లండ్‌తో జరిగిన మ్యాచ్‌లో పాకిస్తాన్‌ 74 పరుగులకే చాపచుట్టేసింది. అయితే ఆ వరల్డ్‌కప్‌లో పాక్‌ ఛాంపియన్‌గా నిలవడం విశేషం. ఇదిలా ఉంటే, ముంబైలోని వాంఖడే స్టేడియం వేదికగా శ్రీలంకతో నిన్న జరిగిన మ్యాచ్‌లో టీమిండియా 302 పరుగుల భారీ తేడాతో గెలుపొందిన విషయం తెలిసిందే. ఈ గెలుపుతో భారత్‌ అధికారికంగా సెమీస్‌కు చేరింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌.. గిల్‌ (92), కోహ్లి (88), శ్రేయస్‌ (82) రాణించడంతో నిర్ణీత 50 ఓవర్లలో 8 వికెట్ల నష్టానికి 357 పరుగులు చేసింది. లంక బౌలర్లలో దిల్షన్‌ మధుష్క 5 వికెట్లతో సత్తా చాటాడు.  అనంతరం భారీ లక్ష్య ఛేదనకు దిగిన లంకేయులను భారత పేసర్లు దారుణంగా దెబ్బకొట్టారు. మొహమ్మద్‌ షమీ (5-1-18-5), మొహమ్మద్‌ సిరాజ్‌ (7-2-16-3), జస్ప్రీత్‌ బుమ్రా (5-1-8-1), రవీంద్ర జడేజా (0.4-0-4-1) ధాటికి శ్రీలంక 19.4 ఓవర్లలో 55 పరుగులకే ఆలౌటైంది. లంక ఇన్నింగ్స్‌లో ఏకంగా ఐదుగురు డకౌట్లు కాగా..14 పరుగులు చేసిన కసున్‌ రజిత టాప్‌ స్కోరర్‌గా నిలిచాడు.  

ముంబైలోని వాంఖడే స్టేడియంలో ఇవాళ (నవంబర్‌ 2) భారత్‌-శ్రీలంక జట్లు తలపడుతున్నాయి. ఈ మ్యాచ్‌లో శ్రీలంక టాస్‌ గెలిచి తొలుత బౌలింగ్‌ ఎంచుకుంది. ఈ మ్యాచ్‌లో భారత్‌ గత మ్యాచ్‌లో ఆడిన జట్టుతోనే బరిలోకి దిగుతుండగా.. శ్రీలంక ఓ మార్పు చేసింది. ధనంజయ డిసిల్వ స్థానంలో దుషన్‌ హేమంత జట్టులోకి వచ్చాడు. శ్రీలంక: పతుమ్ నిస్సంక, దిముత్ కరుణరత్నే, కుశాల్ మెండిస్(కెప్టెన్‌/వికెట్‌కీపర్‌), సదీర సమరవిక్రమ, చరిత్ అసలంక, ఏంజెలో మాథ్యూస్, దుషన్ హేమంత, మహేశ్ తీక్షణ, కసున్ రజిత, దుష్మంత చమీర, దిల్షన్ మధుశంక భారత్: రోహిత్ శర్మ(కెప్టెన్‌), శుభ్‌మన్ గిల్, విరాట్ కోహ్లి, శ్రేయస్ అయ్యర్, కేఎల్ రాహుల్(వికెట్‌కీపర్‌), సూర్యకుమార్ యాదవ్, రవీంద్ర జడేజా, మహ్మద్ షమీ, జస్ప్రీత్ బుమ్రా, కుల్దీప్ యాదవ్, మహ్మద్ సిరాజ్

ముంబైలోని వాంఖడే స్టేడియం వేదికగా ఇవాళ (నవంబర్‌ 2) శ్రీలంక.. టీమిండియాతో తలపడనుంది. ఈ మ్యాచ్‌లో భారత్‌ శ్రీలంకను ఓడించి, అధికారికంగా సెమీస్‌ బెర్త్‌ ఖరారు చేసుకోవాలని భావిస్తుంది. ఆసియా కప్‌-2023 ఫైనల్లో ఫలితాన్నే (సిరాజ్‌ (7-1-21-6) చెలరేగడంతో భారత్‌ 10 వికెట్ల తేడాతో ఘన విజయం సాధించింది) ఈ మ్యాచ్‌లోనూ పునరావృతం చేయాలని భారత ఆటగాళ్లు భావిస్తున్నారు. మరోవైపు లంక సైతం ఈ మ్యాచ్‌లో భారత్‌ను ఓడించాలని పట్టుదలగా ఉంది. గత మ్యాచ్‌లో పసికూన ఆఫ్ఘనిస్తాన్‌ చేతిలో ఓడిన లంకేయులు ఈ మ్యాచ్‌లో ఎలాగైనా భారత్‌ను ఓడించి పరువు నిలుపుకోవాలని అనుకుంటున్నారు. హ్యాట్రిక్‌ ఓటముల అనంతరం రెండు విజయాలు, ఆతర్వాత ఆఫ్ఘనిస్తాన్‌ చేతిలో పరాభవం.. ప్రస్తుత వరల్డ్‌కప్‌లో శ్రీలంక ప్రస్తానం ఇలా సాగింది. శ్రీలంక ఇవాల్టి మ్యాచ్‌లో భారత్‌ను ఓడించినప్పటికీ ఆ జట్టుకు ఒరిగేదేమీ ఉండదు. ఆ జట్టు ఆరు మ్యాచ్‌ల్లో కేవలం రెండే విజయాలతో నిష్క్రమణకు (సెమీస్‌కు చేరకుండా) దగ్గరగా ఉంది.   సమంగా ఇరు జట్లు.. ప్రపంచకప్‌లో ఇరు జట్లు 9 సార్లు ఎదురెదురుపడగా.. భారత్‌ 4, శ్రీలంక 4 విజయాలతో సమంగా ఉన్నాయి. ఓ మ్యాచ్‌లో ఫలితం​ రాలేదు.  బ్యాటింగ్‌కు అనుకూలం.. వాంఖడే పిచ్‌ బ్యాటింగ్‌కు స్వర్గధామమని చెప్పవచ్చు. ఇక్కడ తొలుత బ్యాటింగ్‌ చేసే జట్లు 350కు పైగా పరుగులు చేసే అవకాశం ఉంది. కాబట్టి టాస్‌ గెలిచిన జట్టు ఏమాత్రం అలోచించకుండా బ్యాటింగ్‌ ఎంచుకుంటుంది.   జట్టులోకి ఇషాన్‌..? శ్రీలంకతో మ్యాచ్‌ కోసం టీమిండియా ఓ మార్పు చేసే అవకాశం ఉంది. గతకొన్ని మ్యాచ్‌లుగా విఫలమవుతున్న శ్రేయస్‌ అయ్యర్‌ స్థానంలో ఇషాన్‌ కిషన్‌ను ఆడించే ఛాన్స్‌ ఉంది.   కాగా, ప్రస్తుత ప్రపంచకప్‌లో టీమిండియా డబుల్‌ హ్యాట్రిక్‌ విజయాలతో దూసుకుపోతున్న విషయం తెలిసిందే. భారత్‌ వరుసగా ఆస్ట్రేలియా, ఆఫ్ఘనిస్తాన్‌, పాకిస్తాన్‌, బంగ్లాదేశ్‌, న్యూజిలాండ్‌, ఇంగ్లండ్‌లపై విజయాలు సాధించి పాయింట్ల పట్టికలో రెండో స్థానంలో కొనసాగుతుంది.   

ప్రస్తుత ప్రపంచకప్‌లో గాయాలతో సతమతమవుతున్న న్యూజిలాండ్‌ జట్టులో కీలక పరిణామం చోటు చేసుకుంది. సౌతాఫ్రికాతో మ్యాచ్‌లో గాయపడిన మ్యాట్‌ హెన్రీకి కవర్‌ అప్‌గా స్టార్‌ బౌలర్‌ కైల్‌ జేమీసన్‌ను ప్రకటించింది న్యూజిలాండ్‌ క్రికెట్‌ బోర్డు. ఇవాళ సాయంత్రానికంతా జేమీసన్‌ బెంగళూరుకు చేరుకుంటాడు. ఈ శనివారం పాక్‌తో జరిగే మ్యాచ్‌ కోసం కివీస్‌ జట్టు కూడా ఇవాళ బెంగళూరుకు చేరుకుంటుంది. ప్రపంచకప్‌కు ముందు కివీస్‌ బోర్డు జేమీసన్‌ను టిమ్‌ సౌథీకి కవర్‌ అప్‌గా ప్రకటించింది. అయితే సోథీ వేగంగా కోలుకోవడంతో జేమీసన్‌ స్వదేశంలోనే ఉండిపోయాడు. తాజాగా మ్యాట్‌ హెన్రీ గాయం బారిన పడటంతో తప్పనిసరి పరిస్థితుల్లో న్యూజిలాండ్‌ బోర్డు జేమీసన్‌ను భారత్‌కు పిలిపించింది. కివీస్‌ తదుపరి ఆడే మ్యాచ్‌లో హెన్రీ స్థానంలో జేమీసన్‌ తుది జట్టులో ఆడే అవకాశం​ ఉంది.   కాగా, నిన్న సౌతాఫ్రికాతో జరిగిన మ్యాచ్‌ సందర్భంగా మ్యాట్‌ హెన్రీ హ్యామ్‌స్ట్రింగ్‌ ఇంజ్యూరీకి గురై ఓవర్‌ మధ్యలోనే మైదానాన్ని వీడాడు. హెన్రీ తదనంతరం జట్టు ఓటమి మార్జిన్‌ను తగ్గించేందుకు బ్యాటింగ్‌కు దిగినప్పటికీ.. గాయం తాలూకా వేదన అతని ముఖంలో స్పష్టంగా కనిపించింది. దీంతో కివీస్‌ బోర్డు హుటాహుటిన జేమీసన్‌ను భారత్‌కు రావాల్సిందిగా కబురుపెట్టింది.  ఇదిలా ఉంటే, ప్రస్తుత వరల్డ్‌కప్‌లో నాలుగు వరుస విజయాల తర్వాత హ్యాట్రిక్‌ పరాజయాలు ఎదుర్కొన్న న్యూజిలాండ్‌ ఒక్కసారిగా సెమీస్‌ అవకాశాలను సంక్లిష్టం చేసుకుంది. సౌతాఫ్రికాతో నిన్న (నవంబర్‌ 1) జరిగిన మ్యాచ్‌లో 190 పరుగుల భారీ తేడాతో ఓటమిపాలైన కివీస్‌ రన్‌రేట్‌ పరంగానూ తీవ్ర నష్టాన్ని ఎదుర్కొంది. నిన్న జరిగిన మ్యాచ్‌లో తొలుత బ్యాటింగ్‌ చేసిన సౌతాఫ్రికా.. డికాక్‌ (114), డస్సెన్‌ (133) శతక్కొట్టడంతో నిర్ణీత ఓవరల్లో 4 వికెట్ల నష్టానికి 357 పరుగుల భారీ స్కోర్‌ చేసింది. అనంతరం ఛేదనకు దిగిన న్యూజిలాండ్‌.. కేశవ్‌ మహారాజ్‌ (4/46), మార్కో జన్సెన్‌ (3/31), కొయెట్జీ (2/41), రబాడ (1/16) ధాటికి 35.3 ఓవర్లలో 167 పరుగులకే కుప్పకూలింది. న్యూజిలాండ్ ఇన్నింగ్స్‌లో గ్లెన్‌ ఫిలిప్స్‌ (60), విల్‌ యంగ్‌ (33), డారిల్‌ మిచెల్‌ (24) మాత్రమే రెండంకెల స్కోర్లు చేశారు.   

ప్రస్తుత వన్డే ప్రపంచకప్‌లో సెమీస్‌ రేసులో దూసుకుపోతున్న ఫైవ్‌ టైమ్‌ వరల్డ్‌ ఛాంపియన్‌ ఆస్ట్రేలియాకు ఊహించని భారీ ఎదురుదెబ్బ తగిలింది. ఆ జట్టు స్టార్‌ ఆల్‌రౌండర్‌, ఓపెనింగ్‌ బ్యాటర్‌ మిచెల్‌ మార్ష్‌ వ్యక్తిగత కారణాల చేత స్వదేశానికి పయనమయ్యాడు. వరల్డ్‌కప్‌లో ఆసీస్‌ తదుపరి ఆడబోయే  మ్యాచ్‌లకు అతను అందుబాటులో ఉండడని తెలుస్తుంది. ప్రపంచకప్‌ కోసం మార్ష్‌ తిరిగి భారత్‌కు రావడం అనుమానమేనని ఆసీస్‌ మీడియా వర్గాల సమాచారం. ఊహించని ఈ పరిణామంతో ఆసీస్‌ క్రికెట్‌ వర్గాలు ఖంగుతిన్నాయి. అభిమానులు షాక్‌కు గురయ్యారు. వరల్డ్‌కప్‌ ఫేవరెట్లలో ఒకటిగా ఉన్న ఆసీస్‌ ఇన్‌ ఫామ్‌ ప్లేయర్‌ సేవలు కోల్పోవడాన్ని జీర్జించుకోలేకపోతుంది.  మరోవైపు ఆసీస్‌ మరో స్టార్‌ ఆల్‌రౌండర్‌ గ్లెన్‌ మ్యాక్స్‌వెల్‌ సేవలను సైతం కోల్పోనుంది. తలకు తీవ్ర గాయం కావడం చేత మ్యాక్సీ నవంబర్‌ 4న ఇంగ్లండ్‌తో  జరిగే మ్యాచ్‌కు దూరంకానున్నాడు.   గోల్ఫ్ కార్ట్ వాహనం నుండి పట్టు తప్పి కింద పడిపోవడంతో మ్యాక్సీ తలకు తీవ్ర గాయమైంది. రోజుల వ్యవధిలో ఆసీస్‌ ఇద్దరు స్టార్‌ ఆల్‌రౌండర్ల సేవలను కోల్పోవడంతో అభిమానులు దిగ్భ్రాంతి​కి గురవుతున్నారు. ప్రస్తుత వరల్డ్‌కప్‌లో మార్ష్‌, మ్యాక్సీ ఇద్దరు భీకర ఫామ్‌లో ఉన్నారు. ఈ ఇద్దరు చెరో మ్యాచ్‌లో సెంచరీ (మార్ష్‌ పాక్‌పై, మ్యాక్సీ నెదర్లాండ్స్‌పై) చేయడంతో పాటు వికెట్లు కూడా తీశారు.  ఇదిలా ఉంటే, ‍ఆసీస్‌ ప్రస్తుతం పాయింట్ల పట్టికలో మూడో స్థానంలో కొనసాగుతుంది. ఈ జట్టు ఇప్పటివరకు ఆడిన 6 మ్యాచ్‌ల్లో 4 విజయాలతో 8 పాయింట్లు సాధించిన 0.970 రన్‌రేట్‌ కలిగి ఉంది. నిన్న జరిగిన మ్యాచ్‌లో న్యూజిలాండ్‌పై విజయంతో సౌతాఫ్రికా టేబుల్‌ టాపర్‌ కాగా.. భారత్‌ రెండో స్థానంలో.. న్యూజిలాండ్‌ నాలుగో స్థానంలో ఉన్నాయి. 

వన్డే వరల్డ్‌కప్‌ 2023లో భాగంగా పూణే వేదికగా నిన్న జరిగిన మ్యాచ్‌లో సౌతాఫ్రికా చేతిలో న్యూజిలాండ్‌ 190 పరుగుల తేడాతో ఓటమిపాలైంది. ఈ ఓటమితో కివీస్‌ సెమీస్‌ అవకాశాలను సంక్లిష్టం చేసుకుంది. తదుపరి జరిగే రెండు లీగ్‌ మ్యాచ్‌ల్లో ఏ మ్యాచ్‌లో ఓడినా కివీస్‌ సెమీస్‌ అవకాశాలకు గండిపడే ప్రమాదం ఉంది.  సౌతాఫ్రికా చేతిలో ఓటమి అనంతరం కివీస్‌ కెప్టెన్‌ టామ్‌ లాథమ్‌ స్పందిస్తూ.. ఈ మ్యాచ్‌లో మేం స్థాయికి తగ్గట్టుగా ఆడలేదు. ఇది మా అత్యుత్తమ ప్రదర్శన కాదు. డికాక్‌, డస్సెన్‌ల భాగస్వామ్యం తర్వాత ఒత్తిడిలో పడ్డాం. వారు మా ముందు భారీ లక్ష్యాన్ని ఉంచారు. మా బౌలర్లు ప్రత్యర్ధిని 330 పరుగుల్లోపు పరిమితం చేయాల్సి ఉండింది. అలా చేయడంలో మేం విఫలమయ్యాం. గ్రౌండ్‌ చాలా చిన్నగా, బ్యాటింగ్‌కు అనుకువగా ఉండింది. అయితే మేము పరిస్థితులను సద్వినియోగం చేసుకోలేకపోయాం. మొదటి 10 ఓవర్లలో (పవర్‌ప్లే) పెద్దగా ఏమీ చేయలేకపోయాం. కీలక భాగస్వామ్యాలు నెలకొల్పడంలో పూర్తిగా విఫలమయ్యాం. ప్రత్యర్ధి తమను తాము గొప్ప స్థితిలో ఉంచుకుంది. ఏ సందర్భంలోనూ వారు మ్యాచ్‌పై పట్టు కోల్పోలేదు. గాయాలు మా జట్టుకు తీవ్ర నష్టాన్ని చేకూర్చాయి. ఈ ఓటమిని ఇక్కడితో వదిలేసి, తదుపరి పాక్‌తో జరుగబోయే మ్యాచ్‌పై దృష్టి సారిస్తాం. రాత్రికిరాత్రి మేం చెడ్డ జట్టుగా మారిపోమని అనుకుంటున్నానని అన్నాడు.  కాగా, న్యూజిలాండ్‌తో నిన్న జరిగిన మ్యాచ్‌లో తొలుత బ్యాటింగ్‌ చేసిన సౌతాఫ్రికా.. డికాక్‌ (114), డస్సెన్‌ (133) శతక్కొట్టడంతో నిర్ణీత ఓవరల్లో 4 వికెట్ల నష్టానికి 357 పరుగుల భారీ స్కోర్‌ చేసింది. అనంతరం ఛేదనకు దిగిన న్యూజిలాండ్‌.. కేశవ్‌ మహారాజ్‌ (4/46), మార్కో జన్సెన్‌ (3/31), కొయెట్జీ (2/41), రబాడ (1/16) ధాటికి 35.3 ఓవర్లలో 167 పరుగులకే కుప్పకూలింది. న్యూజిలాండ్ ఇన్నింగ్స్‌లో గ్లెన్‌ ఫిలిప్స్‌ (60), విల్‌ యంగ్‌ (33), డారిల్‌ మిచెల్‌ (24) మాత్రమే రెండంకెల స్కోర్లు చేశారు.   

వన్డే వరల్డ్‌కప్‌-2023లో భాగంగా పూణే వేదికగా నిన్న జరిగిన మ్యాచ్‌లో న్యూజిలాండ్‌పై సౌతాఫ్రికా 190 పరుగుల భారీ తేడాతో గెలుపొందింది. ఈ మ్యాచ్‌లో సౌతాఫ్రికా ఆల్‌రౌండ్‌ షోతో అదరగొట్టి అద్భుత విజయాన్ని సాధించింది. ఈ గెలుపుతో ప్రొటీస్‌ పాయింట్ల పట్టికలో అగ్రస్థానానికి చేరడంతో పాటు సెమీస్‌ బెర్త్‌ను దాదాపుగా ఖరారు చేసుకుంది.    న్యూజిలాండ్‌పై విజయానంతరం సఫారీ కెప్టెన్‌ టెంబా బవుమా మాట్లాడుతూ.. ఈ గెలుపు మాకు చాలా ఆనందాన్ని కలిగించింది. ఓవరాల్‌గా అదిరిపోయే ప్రదర్శన. డికాక్‌, డస్సెన్‌ అద్భుతంగా ఆడారు. మంచి భాగస్వామ్యాన్ని అందించారు. మా బౌలర్లు అనుకున్న ప్రకారం​ ప్లాన్‌ పక్కాగా అమలు చేశారు.  ఇన్నింగ్స్‌ ఆరంభంలో నేను, క్విన్నీ (డికాక్‌) పరిస్థితులను అంచనా వేసేందుకు నిదానంగా ఆడాం. చెడ్డ బంతులను బౌండరీలకు తరలించాం. క్విన్నీ 30వ ఓవర్ వరకు నిదానంగా ఆడి, ఆ తర్వాత మా బిగ్ హిట్టర్‌లతో కలిసి చెలరేగిపోయాడు. న్యూజిలాండ్‌ బౌలర్లు మాపై ఎదురుదాడికి దిగుతారని తెలుసు. అలా జరిగితేనే మాకు అవకాశాలు వస్తాయని అంచనా వేశాం. గత కొంతకాలంగా మేం ఆచరిస్తున్న వ్యూహాలే ఈ మ్యాచ్‌లోనూ అమలు చేశాం. ఈ విజయం మాకు సెమీస్‌ స్థానాన్ని ఖరారు చేసేలా కనిపిస్తుంది. ఈ సందర్భాన్ని ఆస్వాదించాలని అనుకుంటున్నాం. తదుపరి జరిగే మ్యాచ్‌లపై మరింత ఫోకస్‌ పెంచుతామని అన్నాడు.  కాగా, న్యూజిలాండ్‌తో నిన్న జరిగిన మ్యాచ్‌లో తొలుత బ్యాటింగ్‌ చేసిన సౌతాఫ్రికా.. డికాక్‌ (114), డస్సెన్‌ (133) శతక్కొట్టడంతో నిర్ణీత ఓవరల్లో 4 వికెట్ల నష్టానికి 357 పరుగుల భారీ స్కోర్‌ చేసింది. అనంతరం ఛేదనకు దిగిన న్యూజిలాండ్‌.. కేశవ్‌ మహారాజ్‌ (4/46), మార్కో జన్సెన్‌ (3/31), కొయెట్జీ (2/41), రబాడ (1/16) ధాటికి 35.3 ఓవర్లలో 167 పరుగులకే కుప్పకూలింది. న్యూజిలాండ్ ఇన్నింగ్స్‌లో గ్లెన్‌ ఫిలిప్స్‌ (60), విల్‌ యంగ్‌ (33), డారిల్‌ మిచెల్‌ (24) మాత్రమే రెండంకెల స్కోర్లు చేశారు.

ప్రస్తుత వరల్డ్‌కప్‌లో నాలుగు వరుస విజయాల తర్వాత హ్యాట్రిక్‌ పరాజయాలు ఎదుర్కొన్న న్యూజిలాండ్‌ ఒక్కసారిగా సెమీస్‌ అవకాశాలను సంక్లిష్టం చేసుకుంది. సౌతాఫ్రికాతో నిన్న (నవంబర్‌ 1) జరిగిన మ్యాచ్‌లో 190 పరుగుల భారీ తేడాతో ఓటమిపాలైన కివీస్‌ రన్‌రేట్‌ పరంగానూ తీవ్ర నష్టాన్ని ఎదుర్కొంది. ఇవి చాలవన్నట్లు ఆ జట్టులో గాయాల సమస్య మరింత తీవ్రతరమైంది. సౌతాఫ్రికాతో సందర్భంగా ఆ జట్టు స్టార్‌ బౌలర్‌ మ్యాట్‌ హెన్రీ హ్యామ్‌స్ట్రింగ్‌ ఇంజ్యూరీకి గురై ఓవర్‌ మధ్యలోనే మైదానాన్ని వీడాడు. జట్టు ఓటమి మార్జిన్‌ను తగ్గించేందుకు అతను ఆతర్వాత బ్యాటింగ్‌కు దిగినప్పటికీ.. గాయం తాలూకా వేదన అతని ముఖంలో స్పష్టంగా కనిపించింది. హెన్రీ గాయం తీవ్రతపై అధికారికంగా ఎలాంటి ప్రకటన లేనప్పటికీ.. అతను కనీసం ఒకటి రెండు మ్యాచ్‌లకు దూరమయ్యే అవకాశం ఉందని తెలుస్తుంది. సెమీస్‌ అవకాశాలను సంక్లిష్టం చేసుకుని, క్లిష్ట పరిస్థితులను ఎదుర్కొంటున్న కివీస్‌కు హెన్రీ గాయం విషయం అస్సలు మింగుడుపడటం లేదు.  గాయాల కారణంగా ఇప్పటికే కేన్‌ విలియమ్సన్‌, లోకీ ఫెర్గూసన్‌, మార్క్‌ చాప్‌మన్‌ సేవలు కోల్పోయిన కివీస్‌.. తాజాగా మ్యాట్‌ హెన్రీ సేవలు కూడా కోల్పోయే ప్రమాదంలో పడింది. సెమీస్‌ రేసులో నిలవాలంటే కివీస్‌ మున్ముందు అత్యంత కీలకమైన మ్యాచ్‌లు ఆడాల్సి ఉండగా.. కీలక ఆటగాళ్లు ఒక్కొక్కరుగా గాయాల బారిన పడుతుండటం ఆ జట్టుకు కంటిమీద కునుకు లేకుండా చేస్తుంది. సౌతాఫ్రికా మ్యాచ్‌ సందర్భంగా హెన్రీతో పాటు జిమ్మీ నీషమ్‌ కూడా గాయపడినట్లు సమాచారం. నీషమ్‌ కుడి చేతి మణికట్టుకు గాయమైనట్లు తెలుస్తుంది. ఒకవేళ ఇదే నిజమై, అతను తదుపరి మ్యాచ్‌లకు అందుబాటులో ఉండకపోతే కివీస్‌ సెమీస్‌ అవకాశాలు దాదాపుగా గల్లంతైనట్లే.  ఇదిలా ఉంటే, న్యూజిలాండ్‌తో నిన్న జరిగిన మ్యాచ్‌లో తొలుత బ్యాటింగ్‌ చేసిన సౌతాఫ్రికా.. డికాక్‌ (114), డస్సెన్‌ (133) శతక్కొట్టడంతో నిర్ణీత ఓవరల్లో 4 వికెట్ల నష్టానికి 357 పరుగుల భారీ స్కోర్‌ చేసింది. అనంతరం ఛేదనకు దిగిన న్యూజిలాండ్‌.. కేశవ్‌ మహారాజ్‌ (4/46), మార్కో జన్సెన్‌ (3/31), కొయెట్జీ (2/41), రబాడ (1/16) ధాటికి 35.3 ఓవర్లలో 167 పరుగులకే కుప్పకూలి ఘోర పరాజయాన్ని చవిచూసింది. 

భారత జట్టుకు చెందిన ‘బిహైండ్‌ ద సీన్స్‌’ వీడియోలు అందరూ ఇష్టపడుతున్నారని భావిస్తున్నాను. వ్యక్తిగతంగా ఈ వీడియోలు నాకెంతో నచ్చుతున్నాయి. మ్యాచ్‌ సందర్భంగా రాణించిన భారత ఫీల్డర్‌ టీమ్‌ ఫీల్డింగ్‌ కోచ్‌ టి.దిలీప్‌ చేతుల మీదుగా ఉత్తమ ఫీల్డర్‌ పతకం అందుకుంటున్నాడు. ఈ అవార్డు ఇచ్చే సమయంలో చిన్న ప్రసంగం, సంబరాలు ఉంటున్నాయి. ఈ తరహా కార్యక్రమాలతో జట్టు సభ్యులందరిలో మరింత ఐక్యత పెరుగుతుంది. ప్రపంచకప్‌ పాయింట్ల పట్టికలో భారత్‌ అగ్రస్థానంలో ఉండటం, వరుస విజయాలు లభిస్తుండటంతో జట్టులోని సభ్యులందరూ ఎంతో సంతోషంగా ఉన్నారు. డ్రెస్సింగ్‌ రూమ్‌లోనూ ఎవరూ అభద్రతాభావంతో కనిపించడంలేదు. కెప్టెన్‌ రోహిత్‌ శర్మ, హెడ్‌ కోచ్‌ రాహుల్‌ ద్రవిడ్‌ తమ ఆటగాళ్లకు అవసరమైనన్ని అవకాశాలు ఇస్తున్నారు. టోర్నీ ఆరంభ మ్యాచ్‌ల్లో షమీని ఆడించకపోవడం జట్టు వ్యూహంలో భాగంగా కనిపిస్తోంది. గతంలో కేఎల్‌ రాహుల్‌ విఫలమైనా అతనితో మాట్లాడుతూ, తప్పిదాలను సరిచేస్తూ మరిన్ని అవకాశాలు ఇస్తూ ఆత్మవిశ్వాసాన్ని పెంచారు. షార్ట్‌ బాల్‌ ఎదుర్కోవడంలో ఇబ్బంది పడుతున్న శ్రేయస్‌ అయ్యర్‌తో కూడా రోహిత్, ద్రవిడ్‌ బృందం మాట్లాడే ఉంటుంది. పొరపాటు ఎక్కడ జరుగుతుందో, ఏం చేస్తే ఈ సమస్య నుంచి బయటపడతాడో అయ్యర్‌కు రోహిత్‌ సూచించే ఉంటాడు. ముంబైలోని వాంఖడే స్టేడియంలోని ఫ్లాట్‌ పిచ్‌పై ఈరోజు శ్రీలంకతో జరగనున్న మ్యాచ్‌లో పరుగుల వరద పారే అవకాశం కనిపిస్తోంది. భారత బ్యాటర్లకంటే బౌలర్లు మరోసారి మెరిపించాలని కోరుకుంటున్నాను. ఈ టోర్నీలో శ్రీలంక తడబడుతోంది. పూర్తిస్థాయి ఆటతీరును ఆ జట్టు ఇంకా కనబర్చలేదు. వారి ప్రదర్శనలో ఏదో లోపిస్తోంది. ఒకరిద్దరి వ్యక్తిగత ప్రదర్శనలు మినహా జట్టుగా మెరిపించాల్సిన అవసరం ఉంది. ఈ నేపథ్యంలో భారత జట్టు నుంచి మరో భారీ విజయం రావడం ఖాయమనిపిస్తోంది.  

వన్డే వరల్డ్‌కప్‌ 2023లో భాగంగా ఇవాళ (నవంబర్‌ 1) సౌతాఫ్రికా, న్యూజిలాండ్‌ జట్లు తలపడనున్నాయి (పూణే వేదికగా). ఈ మ్యాచ్‌లో న్యూజిలాండ్‌ టాస్‌ గెలిచి బౌలింగ్‌ ఎంచుకుంది. ఈ మ్యాచ్‌ కోసం ఇరు జట్లు చెరో మార్పు చేశాయి. పాకిస్తాన్‌తో జరిగిన గత మ్యాచ్‌లో ప్లేయర్‌ ఆఫ్‌ ద మ్యాచ్‌గా నిలిచిన తబ్రేజ్‌ షంషిని సౌతాఫ్రికా ఈ మ్యాచ్‌ నుంచి తప్పించింది. పిచ్‌ పేస్‌కు అనుకూలించే అవకాశం ఉండటంతో షంషి స్థానంలో కగిసో రబాడ జట్టులోకి వచ్చాడు. మరోవైపు న్యూజిలాండ్‌ లోకీ ఫెర్గూసన్‌ స్థానంలో టిమ్‌ సౌథీని జట్టులోకి తీసుకుంది.   దక్షిణాఫ్రికా: క్వింటన్ డికాక్(వికెట్‌కీపర్‌), టెంబా బావుమా(కెప్టెన్‌), రస్సీ వాన్ డెర్ డస్సెన్, ఎయిడెన్‌ మార్క్రమ్, హెన్రిచ్ క్లాసెన్, డేవిడ్ మిల్లర్, మార్కో జన్సెన్, గెరాల్డ్ కోయెట్జీ, కేశవ్ మహరాజ్, కగిసో రబడ, లుంగి ఎంగిడి న్యూజిలాండ్: డెవాన్ కాన్వే, విల్ యంగ్, రచిన్ రవీంద్ర, డారిల్ మిచెల్, టామ్ లాథమ్(వికెట్‌కీపర్‌/కెప్టెన్‌), గ్లెన్ ఫిలిప్స్, జేమ్స్ నీషమ్, మిచెల్ సాంట్నర్, మాట్ హెన్రీ, టిమ్ సౌతీ, ట్రెంట్ బౌల్ట్

నంబర్‌ వన్‌ టీ20 ప్లేయర్‌ సూర్యకుమార్‌ యాదవ్‌కు ఓ అభిమాని దిమ్మతిరిపోయే షాకిచ్చాడు. శ్రీలంకతో మ్యాచ్‌కు ముందు ఖాళీ సమయం దొరకడంతో సరదాగా కెమరా పట్టిన స్కై.. టీమిండియా వరల్డ్‌కప్‌ పెర్ఫార్మెన్స్‌పై ముంబై బీచ్‌ పరిసర ప్రాంతాల్లో ప్రజాభిప్రాయసేకరణ చేపట్టాడు. ఈ క్రమంలో ఓ అభిమాని నుంచి శాంపిల్‌ సేకరిస్తుండగా స్కైకు చుక్కెదురైంది. ఓ అభిమానిని స్కై తన గురించే అడిగి విస్తుపోయే సమాధానం వినాల్సి వచ్చింది. సూర్యకుమార్‌ సదరు వ్యక్తిని ఇలా ప్రశ్నించాడు. ప్రస్తుత వరల్డ్‌కప్‌లో సూర్యకుమార్‌ యాదవ్‌ ప్రదర్శన ఎలా ఉందని అడగగా.. అతను ఇంకా మెరుగుపడాల్సి ఉందని ఆ అభిమాని సమాధానం చెప్పాడు. తాను మాట్లాడుతన్నది సూర్యకుమార్‌తోనేనని తెలియక ఆ అభిమాని తన మనసులోని మాటను వెల్లగక్కాడు. ఈ విషయాన్ని సూర్యకుమారే స్వయంగా ఓ వీడియో ద్వారా వెల్లడించాడు. ఆ వ్యక్తి తన గురించి మాట్లాడుతున్నప్పుడు గట్టిగా నవ్వాలని అనిపించిందని స్కై చెప్పాడు.  View this post on Instagram A post shared by Team India (@indiancricketteam) ఎవ్వరూ గుర్తు పట్టిన విధంగా చేతిపై ఉన్న టాటూలను కవర్‌ చేసుకుంటూ ఫుట్‌ షర్ట్‌ ధరించి, తలపై టోపీ, కళ్లద్దాలతో కెమరా పట్టుకుని టీమిండియా వరల్డ్‌కప్‌ ప్రదర్శనపై ప్రజాభిప్రాయ సేకరణ చేసిన సూర్యకుమార్‌కు మిశ్రమ సమాధానాలు వచ్చాయి. స్కై.. తనతో పాటు విరాట్‌ కోహ్లి, రోహిత్‌ శర్మ, జస్ప్రీత్‌ బుమ్రాల వరల్డ్‌కప్‌ ప్రదర్శనపై అభిమానుల అభిప్రాయాలను సేకరించాడు. మెజారిటీ శాతం ఈసారి వారి ప్రదర్శన ఓకే అంటే, కొందరు ఇంకా మెరుగుపడాల్సి ఉందని అన్నారు. ఎవరు ఎలా ఆడిన ఈసారి మాత్రం టీమిండియా తప్పక వరల్డ్‌కప్‌ గెలుస్తుందని మెజార్టీ శాతం అభిప్రాయపడ్డారు. స్కై ‍చేపట్టిన ప్రజాభిప్రాయసేకరణ వీడియో ప్రస్తుతం నెట్టింట వైరలవుతుంది. ఇదిలా ఉంటే, ప్రస్తుత వరల్డ్‌కప్‌లో టీమిండియా.. శ్రీలంకతో జరుగబోయే తమ తదుపరి మ్యాచ్‌ను ముంబైలోనే ఆడనున్న విషయం తెలిసిందే. నవంబర్‌ 2న ఈ మ్యాచ్‌ జరుగనుంది. టోర్నీలో హ్యాట్రిక్‌ విజయాలతో దూసుకుపోతున్న టీమిండియా.. శ్రీలంకపై గెలిచి అధికారికంగా సెమీస్‌ బెర్త్‌ను ఖరారు చేసుకోవాలని పట్టుదలగా ఉంది.

వన్డే వరల్డ్‌కప్‌ 2023లో భాగంగా పూణే వేదికగా సౌతాఫ్రికా, న్యూజిలాండ్‌ జట్లు ఇవాళ (నవంబర్‌ 1) తలపడనున్నాయి. ఈ మ్యాచ్‌లో న్యూజిలాండ్‌ జట్టు రెగ్యులర్‌ కెప్టెన్‌ కేన్‌ విలియమ్సన్‌ లేకుండానే బరిలోకి దిగనుంది. బొటవేలి ఫ్రాక్చర్‌ కారణంగా గత రెండు వారాలుగా జట్టుకు దూరంగా ఉ‍న్న కేన్‌ మామ నిన్న నిర్వహించిన ఫిట్‌నెస్ట్‌ పరీక్షలో విఫలమయ్యాడు. దీంతో న్యూజిలాండ్‌ మేనేజ్‌మెంట్‌ విలియమ్సన్‌కు విశ్రాంతిని పొడిగించాలని భావించింది. ఈ మేరకు జట్టు యాజమాన్యం ప్రకటన విడుదల చేసింది. కాగా, అక్టోబర్‌ 13న బంగ్లాదేశ్‌తో జరిగిన మ్యాచ్‌ సందర్భంగా కేన్‌ విలియమ్సన్‌ బొటవేలి ఫ్రాక్చర్‌కు గురైన విషయం తెలిసిందే.  ఇదిలా ఉంటే, కేన్‌ విలియమ్సన్‌ గైర్హాజరీలో న్యూజిలాండ్‌ గత రెండు మ్యాచ్‌ల్లో పరాజయాలు ఎదుర్కొంది. ఈనెల 22న టీమిండియా.. కివీస్‌ను ఖంగుతినిపించగా.. ఆతర్వాత ఆస్ట్రేలియాతో జరిగిన హోరాహోరీ సమరంలో కివీస్‌ పోరాడి ఓడింది. ఈ రెండు మ్యాచ్‌లకు ముందు పటిష్టంగా కనిపిస్తూ పాయింట్ల పట్టికలో టాప్‌లో (4 మ్యాచ్‌ల్లో 4 విజయాలు) ఉన్న న్యూజిలాండ్‌, ఒక్కసారిగా కిందకు పడిపోయి భారత్‌, సౌతాఫ్రికాల తర్వాత మూడో స్థానంలో దిగజారింది. ప్రస్తుతం​ భారత్‌, సౌతాఫ్రికా, న్యూజిలాండ్‌, ఆస్ట్రేలియా జట్లు టాప్‌-4లో కొనసాగుతున్నాయి. ప్రపంచకప్‌లో ఇకపై అద్భుతాలేవి జరగకపోతే ఈ నాలుగు జట్లు సెమీస్‌కు చేరడం ఖాయంగా కనిపిస్తుంది. 

వన్డే ప్రపంచకప్‌-2023లో మినుకుమినుకుమంటూ ఉండిన పాక్‌ సెమీస్‌ ఆవకాశాలు బంగ్లాదేశ్‌పై గెలుపుతో కాస్త మెరుగయ్యాయి. బంగ్లాపై విజయానంతరం పాక్‌ పాయింట్ల పట్టికలో ఐదో స్థానానికి ఎగబాకింది. ఆ జట్టు ఇప్పటివరకు ఆడిన 7 మ్యాచ్‌ల్లో 3 విజయాలు, 4 పరాజయాలతో 6 పాయింట్లు సాధించింది.  ప్రస్తుతం పాక్‌ సెమీస్‌ చేరాలంటే ఇలా జరగాలి.. ఆ జట్టు తదుపరి ఆడే రెండు మ్యాచ్‌ల్లో భారీ విజయాలు సాధించాలి. తదుపరి మ్యాచ్‌ల్లో పాక్‌ ప్రత్యర్థులు న్యూజిలాండ్‌, ఇంగ్లండ్‌ కావడంతో ఇది జరిగే పనేనా అని జనాలు అనుకుంటున్నారు.  పాక్‌.. కివీస్‌, ఇంగ్లండ్‌లపై భారీ విజయాలు సాధించడంతో పాటు మరిన్ని సమీకరణలు జరగాల్సి ఉంటుంది. ఆస్ట్రేలియా, సౌతాఫ్రికాల్లో ఏదో ఒక జట్టు ఆఫ్ఘనిస్తాన్‌ను ఓడించాల్సి ఉంటుంది. ఇది పెద్ద విషయం కాకపోవచ్చు. సౌతాఫ్రికా, శ్రీలంకలు న్యూజిలాండ్‌ను ఓడించాల్సి ఉంటుంది. ఇది ఒకింత కష్టమే కావచ్చు. టీమిండియా.. శ్రీలంక,నెదర్లాండ్స్‌ను ఓడించాల్సి ఉంటుంది. ఇది పెద్ద విషయమేమీ కాకపోవచ్చు. పై సమీకరణల ప్రకారం​ చూస్తే పాక్‌ సెమీస్‌కు చేరడం అంత సులువైన విషయం కాదనిపిస్తుంది. కింది మూడు జరిగినా, పాక్‌.. కివీస్‌, ఇంగ్లండ్‌లపై భారీ విజయాలు సాధించడమనేది సాధ్యపడకపోవచ్చు. కాబట్టి ప్రస్తుత వరల్డ్‌కప్‌ ఎడిషన్‌లో పాక్‌ సెమీస్‌ అవకాశాలు దాదాపుగా గల్లంతే అని చెప్పవచ్చు. ఇదిలా ఉంటే, ప్రస్తుతం భారత్‌, సౌతాఫ్రికాలు సెమీస్‌ రేసులో ముందున్న విషయం తెలిసిందే. భారత్‌ 6 మ్యాచ్‌ల్లో ఆరింటిలో గెలిచి టేబుల్‌ టాపర్‌గా ఉండగా.. సౌతాఫ్రికా 6 మ్యాచ్‌ల్లో 5 విజయాలు సాధించి రెండో స్థానంలో కొనసాగుతుంది. న్యూజిలాండ్‌, ఆస్ట్రేలియాలు చెరి 6 మ్యాచ్‌ల్లో 4 విజయాలు సాధించి వరుసగా 3, 4 స్థానాల్లో ఉన్నాయి. పాక్‌తో పోలిస్తే ప్రస్తుతం ఆరో స్థానంలో ఉన్న ఆఫ్ఘనిస్తాన్‌ ఇం​కాస్త మెరుగైన అవకాశాలు (సెమీస్‌) ఉన్నాయని చెప్పాలి. ఆ జట్టు ఇప్పటివరకు ఆడిన 6 మ్యాచ్‌ల్లో 3 విజయాలు సాధించింది. సెమీస్‌ అవకాశాలు ఏ జట్టుకు ఎంత శాతం ఉన్నాయంటే.. భారత్‌ 99.9% సౌతాఫ్రికా 95% న్యూజిలాండ్‌ 75% ఆస్ట్రేలియా 74% ఆఫ్ఘనిస్తాన్‌ 31% పాకిస్తాన్‌ 13% శ్రీలంక 6% నెదర్లాండ్స్‌ 5.8% ఇంగ్లండ్‌ 0.3% బంగ్లాదేశ్‌ 0%

కోల్‌కతాలోని ఈడెన్‌ గార్డెన్స్‌ వేదికగా ఇవాళ (అక్టోబర్‌ 31) పాకిస్తాన్‌-బంగ్లాదేశ్‌ జట్లు తలపడుతున్నాయి. ఈ మ్యాచ్‌లో బంగ్లాదేశ్‌ టాస్‌ గెలిచి బ్యాటింగ్‌ ఎంచుకుంది. ఈ మ్యాచ్‌ కోసం పాక్‌ మూడు మార్పులు చేయగా.. బంగ్లాదేశ్‌ ఓ మార్పుతో బరిలోకి దిగింది.     ‍ బంగ్లాదేశ్‌: తంజిద్ హసన్, లిట్టన్ దాస్, నజ్ముల్ హోస్సేన్ శాంటో, షకీబ్ అల్ హసన్ (కెప్టెన్‌), ముష్ఫికర్ రహీమ్ (వికెట్‌కీపర్‌), మహ్మదుల్లా, మెహిది హసన్ మిరాజ్, తౌమిద్‌ హ్రిదోయ్‌, తస్కిన్ అహ్మద్, ముస్తాఫిజుర్ రెహమాన్, షోరిఫుల్ ఇస్లాం పాకిస్తాన్‌: అబ్దుల్లా షఫీక్, ఫకర్‌ జమాన్‌, బాబర్ ఆజం (కెప్టెన్‌), మహ్మద్ రిజ్వాన్ (వికెట్‌కీపర్‌), సౌద్ షకీల్, అఘా సల్మాన్‌, ఇఫ్తికర్ అహ్మద్, ఉసామా మిర్‌, షాహీన్ అఫ్రిది, మహ్మద్ వసీం​ జూనియర్, హారీస్ రౌఫ్

వన్డే ప్రపంచకప్‌ 2023లో ఇవాళ (అక్టోబర్‌ 31) మరో ఆసక్తికర సమరం జరుగనుంది. ఈడెన్‌ గార్డెన్స్‌ వేదికగా పాకిస్తాన్‌, బంగ్లాదేశ్‌ జట్లు తలపడనున్నాయి. ప్రస్తుత ఎడిషన్‌లో ఇరు జట్లకు సెమీస్‌ అవకాశాలు లేకపోవడంతో ఈ మ్యాచ్‌ రసవత్తరంగా సాగే అవకాశం ఉంది.  ఈ ఎడిషన్‌లో బంగ్లాదేశ్‌ ఇప్పటివరకు ఆడిన 6 మ్యాచ్‌ల్లో ఆఫ్ఘనిస్తాన్‌ మినహా అన్ని జట్ల చేతుల్లో (ఇంగ్లండ్‌, న్యూజిలాండ్‌, ఇండియా, సౌతాఫ్రికా, నెదర్లాండ్స్‌) ఓడగా.. పాకిస్తాన్‌ ఆడిన 6 మ్యాచ్‌ల్లో నెదర్లాండ్స్‌, శ్రీలంకలపై మాత్రమే గెలిచి భారత్‌, ఆస్ట్రేలియా, ఆఫ్ఘనిస్తాన్‌, సౌతాఫ్రికా చేతుల్లో వరుస మ్యాచ్‌ల్లో పరాజయంపాలైంది. ప్రస్తుతం పాయింట్ల పట్టికలో పాకిస్తాన్‌ ఏడు, బంగ్లాదేశ్‌ తొమ్మిదో స్థానంలో కొనసాగుతున్నాయి.  పాక్‌కు మరో షాక్‌ తగిలేనా..? పసికూన ఆఫ్ఘనిస్తాన్‌ చేతిలో పరాభవంతో పాటు నాలుగు వరుస పరాజయాలతో సెమీస్‌ అవకాశాలను దాదాపుగా గల్లంతు చేసుకున్న పాక్‌.. బంగ్లాదేశ్‌పై  గెలిచి ఊరట పొందాలని భావిస్తుంది. అయితే పాక్‌ ఇది అంత ఈజీ కాకపోవచ్చు. పాక్‌ కంటే బంగ్లాదేశ్‌ బలహీనమైన జట్టే అయినప్పటికీ.. గతంలో (1999 వరల్డ్‌కప్‌లో) పాక్‌కు షాకిచ్చిన అనుభవం బంగ్లా ఉండటంతో క్రికెట్‌ అభిమానులు మరో సంచలనాన్ని ఆశిస్తున్నారు. ఓవరాల్‌గా పాక్‌దే పైచేయి.. ఓవరాల్‌గా చూస్తే వన్డేల్లో బంగ్లాదేశ్‌పై పాక్‌దే పైచేయిగా ఉంది. ఇరు జట్లు 38 సందర్భాల్లో ఎదురెదురుపడగా.. పాక్‌ 33, బంగ్లాదేశ్‌ 5 మ్యాచ్‌ల్లో గెలుపొందాయి.  

ప్రస్తుత వన్డే ప్రపంచకప్‌లో ఆఫ్ఘనిస్తాన్‌ జట్టు వరుస సంచలనాలతో దూసుకుపోతున్న విషయం తెలిసిందే. ఈ ఏడిషన్‌లో తొలుత డిఫెండింగ్‌ ఛాంపియన్ ఇంగ్లండ్‌కు షాకిచ్చిన ఆఫ్ఘన్లు.. ఆతర్వాత 1992 వరల్డ్‌కప్‌ విన్నర్‌ పాకిస్తాన్‌ను, తాజాగా 1996 వరల్డ్‌ ఛాంపియన్స్‌ శ్రీలంకను మట్టికరిపించారు. పూణే వేదికగా నిన్న జరిగిన మ్యాచ్‌లో లంకేయులను 7 వికెట్ల తేడాతో చిత్తుగా ఓడించిన ఆఫ్ఘన్లు.. మున్ముందు మరిన్ని సంచలనాలు నమోదు చేయాలని ఆశిస్తున్నారు. ప్రస్తుత వరల్డ్‌కప్‌ ఆఫ్ఘన్లు ఈ తరహాలో రెచ్చిపోవడం వెనుక ఇద్దరు వ్యక్తులు కీలకంగా వ్యవహరిస్తున్నారు. ఆ ఇద్దరిలో ఒకరు ఆఫ్ఘన్‌ హెడ్‌ కోచ్‌ జోనాథన్‌ ట్రాట్‌ కాగా.. రెండవ వ్యక్తి ఆ జట్టు మెంటార్‌ ఆజయ్‌ జడేజా. గతంలో టీమిండియా కెప్టెన్‌గా వ్యవహరించిన జడేజా.. ఆఫ్ఘన్లకు క్రికెట్‌తో పాటు క్రికెటేతర విషయాల్లోనూ తోడ్పడుతూ వారి విజయాలకు దోహదపడుతున్నాడు.  వాస్తవానికి జట్టులో మెంటార్‌ పాత్ర నామమాత్రమే అయినా జడేజా మాత్రం ఆఫ్ఘన్లకు అన్నీ తానై వ్యవహరిస్తున్నాడు. వన్‌ టు వన్‌ కోచింగ్‌తో పాటు జట్టు వ్యూహాల్లో కీలకంగా వ్యవహరిస్తున్నాడు. తన టైమ్‌లో బెస్ట్‌ ఫీల్డర్‌గా చలామణి అయిన జడేజా.. ఆఫ్ఘన్లకు ఫీల్డింగ్‌ మెళకువలు కూడా నేర్పుతున్నాడు. అలాగే భారత్‌లో స్థితిగతులపై అవగాహన లేని చాలామంది ఆఫ్ఘన్‌ క్రికెటర్లకు తోడ్పాటునందిస్తున్నాడు. జడేజా మెంటార్‌షిప్‌లో ఆఫ్ఘన్లు మున్ముందు మరిన్ని సంచలనాలు నమోదు చేసే అవకాశం ఉంది. కాగా, 52 ఏళ్ల జడేజా 1992-2000 మధ్యలో టీమిండియా తరఫున 15 టెస్ట్‌ మ్యాచ్‌లు, 196 వన్డేలు ఆడాడు. జడేజా టీమిండియాకు 13 వన్డేల్లో నాయకత్వం వహించాడు. 15 టెస్ట్‌ల్లో 4 అర్ధసెంచరీల సాయంతో 576 పరుగులు చేసిన జడేజా.. 196 వన్డేల్లో 6 సెంచరీలు, 30 అర్ధసెంచరీల సాయంతో 5359 పరుగులు చేశాడు. 

ప్రస్తుత ప్రపంచకప్‌లో ఆఫ్ఘనిస్తాన్‌ సంచలనాలకు కేరాఫ్‌ అడ్రస్‌గా మారింది. ఈ ఏడిషన్‌లో ఇప్పటికే ఇ‍ద్దరు జగజ్జేతలను (డిఫెండింగ్‌ ఛాంపియన్‌ ఇంగ్లండ్‌, 1992 వరల్డ్‌కప్‌ విన్నర్‌ పాకిస్తాన్‌) మట్టికరిపించిన ఆ జట్టు.. తాజాగా మరో వరల్డ్‌ ఛాంపియన్‌కు షాకిచ్చింది. పూణే వేదికగా నిన్న జరిగిన మ్యాచ్‌లో ఆఫ్ఘన్లు.. 1996 వరల్డ్‌కప్‌ విజేత శ్రీలంకను చిత్తు చేశారు.  నెక్స్ట్‌ టార్గెట్‌ ఐదుసార్లు జగజ్జేత ఆస్ట్రేలియా.. వరుస సంచలనాలతో దూసుకుపోతున్న ఆఫ్ఘన్లు తమ తదుపరి లక్ష్యం ఐదుసార్లు జగజ్జేత ఆస్ట్రేలియా అంటున్నారు. నవంబర్‌ 7న ఆఫ్ఘనిస్తాన్‌ టీమ్‌ పటిష్టమైన ఆస్ట్రేలియాతో తలపడనుంది. ఈ మ్యాచ్‌ కోసం ఆఫ్ఘన్లతో పాటు యావత్‌ క్రికెట్‌ ప్రపంచం ఆసక్తిగా ఎదురుచూస్తుంది. ఒకవేళ ఆ మ్యాచ్‌లో ఆఫ్ఘన్లు ఆస్ట్రేలియాకు షాకిస్తే ప్రపంచకప్‌ చరిత్రలోనే పెను సంచలనమవుతుంది. ప్రస్తుతం ఆఫ్ఘన్‌ ఆటగాళ్ల ఫామ్‌, వారిలో ఉన్న కసి చూస్తే ఆసీస్‌ను ఓడించడం పెద్ద కష్టమేమీ కాదనిపిస్తుంది. మరి నవంబర్‌ 7న ఏం జరుగుతుందో చూడాలి. ఎంత లెజెండ్‌ కిల్లర్‌ అయినా నెదర్లాండ్స్‌తో జాగ్రత్తగా ఉండాలి.. దీనికి ముందు ఆఫ్ఘన్లు తమకంటే చిన్న జట్టు, మరో సంచనాల అడ్డా నెదర్లాండ్స్‌ను ఢీకొట్టనున్నారు. నవంబర్‌ 3న ఈ రెండు జట్లు తలపడనున్నాయి. ఈ మ్యాచ్‌లో కూడా ఏమైనా జరగవచ్చు. అయితే ఇరు జట్ల ప్రస్తుత ఫామ్‌ ప్రకారం చూస్తే ఆఫ్ఘన్‌కే ఎక్కువ విజయావకాశాలు ఉన్నాయి. ఒకవేళ ఆఫ్ఘన్లు నెదర్లాండ్స్‌, ఆతర్వాత ఆస్ట్రేలియాను ఓడిస్తే సెమీస్‌కు వెళ్లే అవకాశాలు కూడా ఉంటాయి. ఈ రెండు మ్యాచ్‌ల తర్వాత ఆఫ్ఘన్లు నవంబర్‌ 10న మరో పటిష్టమైన జట్టు సౌతాఫ్రికాతో తలపడతారు. ఈ లెక్కన ఆఫ్ఘనిస్తాన్‌ మరో రెండు సంచలన విజయాలవైపు చూసే అవకాశం ఉంటుంది. ఆసీస్‌, సౌతాఫ్రికాతో అంత ఈజీ కాదు.. అయితే ఆసీస్‌, సౌతాఫ్రికా లాంటి పటిష్టమైన జట్లను ఓడించడం అంత ఆషామాషీ విషయం కాదు. పెద్దగా ఫామ్‌లో లేని ఇంగ్లండ్‌, పాకిస్తాన్‌, శ్రీలంకలను ఓడించినంత ఈజీ కాదు ఈ రెండు జట్లను ఓడించడం. ఒకవేళ ఆఫ్ఘన్లు.. ఆసీస్‌, సౌతాఫ్రికాల్లో ఏ జట్టును ఓడించినా, సెమీస్‌ రేసు సంక్లిష్టంగా (భారత్‌ మినహా) మారే అవకాశం ఉంది. ప్రస్తుత ప్రపంచకప్‌ మరింత రసవత్తరంగా సాగాలంటే ఆఫ్ఘన్లు మరిన్ని సంచలనాలు సృష్టించాలనే ఆశిద్దాం. లంకపై విజయం తర్వాత ఆఫ్ఘన్లు పాయింట్ల పట్టికలో ఐదో స్థానానికి ఎగబాకారు. భారత్‌ (12), సౌతాఫ్రికా (10), న్యూజిలాండ్‌ (8), ఆస్ట్రేలియా (8) తర్వాత ఆఫ్ఘనిస్తాన్‌ (6) ఉంది. లంకను 7 వికెట్ల తేడాతో చిత్తు చేసిని ఆఫ్ఘన్లు.. ఇదిలా ఉంటే, నిన్న శ్రీలంకతో జరిగిన మ్యాచ్‌లో ఆఫ్ఘన్లు 7 వికెట్ల తేడాతో గెలుపొందారు. ఈ మ్యాచ్‌లో తొలుత బ్యాటింగ్‌ చేసిన లంకేయులు 49.3 ఓవర్లలో 241 పరుగులకు ఆలౌట్‌ కాగా.. ఆఫ్ఘన్లు 45.2 ఓవర్లలో కేవలం 3 వికెట్లు మాత్రమే కోల్పోయి లక్ష్యాన్ని ఛేదించారు. హష్మతుల్లా షాహిది (58 నాటౌట్‌), అజ్మతుల్లా ఒమర్‌జాయ్‌ (73 నాటౌట్‌) ఆఫ్ఘన్లను విజయతీరాలకు చేర్చారు. రహ్మత్‌ షా (62) అర్ధసెంచరీతో రాణించాడు. 4 వికెట్లు తీసి శ్రీలంక పతనాన్ని శాశించిన ఫజల్‌ హక్‌ ఫారూఖీకి ప్లేయర్‌ ఆఫ్‌ ద మ్యాచ్‌ అవార్డు లభించింది. Afghanistan players thanking the Pune crowd and fans chanting their names. Lovely moments!pic.twitter.com/fzvrkOrUn1 — Mufaddal Vohra (@mufaddal_vohra) October 30, 2023

టీమిండియా కెప్టెన్‌ రోహిత్‌ శర్మ ఎవరికీ సాధ్యంకాని ఓ ఆసక్తికరమైన రికార్డును నిన్న ఇంగ్లండ్‌తో జరిగిన మ్యాచ్‌లో నెలకొల్పాడు. హిట్‌మ్యాన్‌ నిన్నటి మ్యాచ్‌లో సాధించిన రికార్డుల్లో ఇది ఒకింత ప్రత్యేకమైంది. రోహిత్‌ సాధించిన ఈ రికార్డు 52 ఏళ్ల వన్డే క్రికెట్‌ చరిత్రలో ఎవరూ సాధించలేదు.  ఇంతకీ ఆ రికార్డు ఏంటంటే.. వన్డే క్రికెట్‌ చరిత్రలో ఒకే ఏడాదిలో 100 ఫోర్లు, 50 సిక్సర్లు సాధించిన తొలి ఆటగాడు రోహిత్‌ శర్మ. ప్రపంచ క్రికెట్‌లో ఇప్పటివరకు ఏ క్రికెటర్‌కు ఇది సాధ్యపడలేదు. కొందరు ఆటగాళ్లు 100 బౌండరీలు కొడితే, సిక్సర్ల విషయంలో వెనుకపడే వారు.. మరికొందరు 50 సిక్సర్లు బాదితే, బౌండరీల విషయంలో వెనుకపడే వారు. ఈ రికార్డు గురించి ఓ క్రికెట్‌ నిపుణుడు సోషల్‌మీడియాలో పోస్ట్‌ చేయడంతో ఆలస్యంగా వెలుగులోకి వచ్చింది. ఇదిలా ఉంటే, నిన్న ఇంగ్లండ్‌తో జరిగిన మ్యాచ్‌లో హిట్‌మ్యాన్‌ బాధ్యతాయుతమైన ఇన్నింగ్స్‌ (101 బంతుల్లో 87; 10 ఫోర్లు, 3 సిక్సర్లు) ఆడి టీమిండియాకు డబుల్‌ హ్యాట్రిక్‌ విజయాలు అందించిన విషయం తెలిసిందే. 230 పరుగుల లక్ష్యాన్ని డిఫెండ్‌ చేసుకోవడంలో భారత బౌలర్లు సఫలమయ్యారు. బుమ్రా (6.5-1-32-3), షమీ (7-2-22-4), కుల్దీప్‌ యాదవ్‌ (8-0-24-2), రవీంద్ర జడేజా (7-1-16-1) అద్భుతంగా బౌలింగ్‌ చేసి టీమిండియాను 100 పరుగుల తేడాతో గెలిపించారు. కఠినమైన పిచ్‌పై 87 పరుగులు చేసిన హిట్‌మ్యాన్‌కు ప్లేయర్‌ ఆఫ్‌ ద మ్యాచ్‌ అవార్డు లభించింది.

వన్డే వరల్డ్‌కప్‌ 2023లో భాగంగా పూణే వేదికగా ఇవాళ (అక్టోబర్‌ 30) జరుగుతున్న మ్యాచ్‌లో ఆఫ్ఘనిస్తాన్‌-శ్రీలంక జట్లు తలపడుతున్నాయి. ఈ మ్యాచ్‌లో టాస్‌ గెలిచిన ఆఫ్ఘనిస్తాన్‌ తొలుత బౌలింగ్‌ ఎంచుకుంది. 22 పరుగులకే తొలి వికెట్‌ కోల్పోయిన శ్రీలంక, ఆతర్వాత క్రమం తప్పకుండా వికెట్లు కోల్పోతూ 49.3 ఓవర్లలో 241 పరుగులకు ఆలౌటైంది. లంక బ్యాటర్లు భారీ స్కోర్లు చేయకుండా కట్టడి చేయడంలో ఆఫ్ఘన్‌ బౌలర్లు సఫలమయ్యారు. ఓపెనర్‌ పథుమ్‌ నిస్సంక (46), కుశాల్‌ మెండిస్‌ (39), సమరవిక్రమ (36) మంచి ఆరంభాలు లభించినప్పటికీ భారీ స్కోర్లుగా మలచలేకపోయారు. తీక్షణ​ (29), ఏంజెలో మాథ్యూస్‌ (23), అసలంక (22) ఓ మోస్తరు స్కోర్లు చేయగా.. దిముత్‌ కరుణరత్నే (15), ధనంజయం డిసిల్వ (14), చమీర (1), రజిత (5) నిరాశపరిచారు. ఆఫ్ఘన్‌ బౌలర్లలో ఫజల్‌ హక్‌ ఫారూఖీ 4, ముజీబ్‌ రెహ్మాన్‌ 2, రషీద్‌ ఖాన్‌, అజ్మతుల్లా ఒమర్‌జాయ్‌ తలో వికెట్‌ పడగొట్టారు. ఆఫ్ఘనిస్తాన్‌: రహ్మానుల్లా గుర్బాజ్, ఇబ్రహీం జద్రాన్, రహ్మత్ షా, హష్మతుల్లా షాహిదీ(కెప్టెన్‌), అజ్మతుల్లా ఒమర్జాయ్, ఇక్రమ్ అలీఖిల్(వికెట్‌కీపర్‌), మహ్మద్ నబీ, రషీద్ ఖాన్, ముజీబ్ ఉర్ రహ్మాన్, నవీన్-ఉల్-హక్, ఫజల్‌ హాక్ ఫారూఖీ శ్రీలంక: పాతుమ్ నిస్సాంక, దిముత్ కరుణరత్నే, కుసల్ మెండిస్(కెప్టెన్‌/వికెట్‌కీపర్‌), సదీర సమరవిక్రమ, చరిత్ అసలంక, ధనంజయ డి సిల్వా, ఏంజెలో మాథ్యూస్, మహేశ్ తీక్షణ, కసున్ రజిత, దుష్మంత చమీర, దిల్షన్ మధుశంక