ఐఫోన్‌ 16 (iPhone 16) సిరీస్‌ అధికారికంగా భారతీయ మార్కెట్లోకి వచ్చింది. ఈ సీరీస్‌ లైనప్‌లో ఐఫోన్‌ 16, ఐఫోన్‌ 16 ప్లస్‌, ఐఫోన్‌ 16 ప్రో, ఐఫోన్‌ 16 ప్రో మ్యాక్స్‌ మోడల్స్‌ ఉన్నాయి. ఈ కొత్త ఐఫోన్‌పై భారీ డిస్కౌంట్‌ పొందే మార్గం ఉంది. అదే యాపిల్‌ ట్రేడ్-ఇన్ ప్రోగ్రామ్.అసలేంటి యాపిల్‌ ట్రేడ్-ఇన్ ప్రోగ్రామ్.. సింపుల్‌గా చెప్పాలంటే పాత ఐఫోన్‌లను ఇచ్చి కొత్త ఐఫోన్‌పై డిస్కౌంట్‌ పొందడం అన్నమాట. కస్టమర్‌లు తమ పాత ఐఫోన్‌లను ఇచ్చి కొత్త ఐఫోన్‌ 16పై గణనీయమైన తగ్గింపు పొందవచ్చు. అయితే ఇది ట్రేడ్ చేసే ఐఫోన్‌ మోడల్ , స్థితిని బట్టి ఉంటుంది.ఐఫోన్‌ 16 బేస్ 128జీబీ మోడల్‌ రూ. 79,900 నుండి ప్రారంభమవుతుంది. దీనిపై యాపిల్‌ ట్రేడ్-ఇన్ ప్రోగ్రామ్ ఆన్‌లైన్, యాపిల్‌ స్టోర్‌లలో అందుబాటులో ఉంది. ఐఫోన్ 12 వంటి పాత మోడల్‌లను కూడా ఈ ట్రేడ్-ఇన్‌ ప్రోగ్రామ్‌ ద్వారా ఎక్స్చేంజ్‌ చేసుకోవచ్చు.ఏ మోడల్‌తో ఎంత?మీ వద్ద ఐఫోన్ 15 ఉంటే దీన్ని ఇచ్చి యాపిల్ ట్రేడ్-ఇన్ క్రెడిట్‌లో ఐఫోన్‌ 16పై రూ. 37,900 వరకు డిస్కౌంట్‌ పొందవచ్చు. ఇక ఐఫోన్‌ 14 ఇచ్చేవారు రూ. 32,100 వరకు తగ్గింపును ఆశించవచ్చు. మీ వద్ద ఐఫోన్‌ 13 ఉంటే యాపిల్‌ ట్రేడ్-ఇన్ ప్రోగ్రామ్ గరిష్టంగా రూ. 31,000 వరకు క్రెడిట్‌ను అందిస్తుంది. ఐఫోన్‌ 12 ఇవ్వడం ద్వారా వినియోగదారులు ట్రేడ్-ఇన్ విలువలో రూ. 20,800 వరకు పొందవచ్చు. ఈ తగ్గింపులు ఫోన్ నిల్వ సామర్థ్యం, బ్యాటరీ స్థితి వంటి అంశాలపై ఆధారపడి ఉంటాయి.

ఎలక్ట్రిక్‌ కార్ కొనాలనుకుంటున్నవారికి ఇది నిజంగా భారీ శుభవార్త. ప్రముఖ దేశీయ కార్‌ మేకర్‌ టాటా మోటర్స్‌ '2 మిలియన్ ఎస్‌యూవీ వేడుక'లో భాగంగా తమ ఈవీ పోర్ట్‌ఫోలియోలోని పలు వాహనాలపై బంపర్‌ డిస్కౌంట్లు ప్రకటించింది. పాపులర్‌ టాటా నెక్సాన్‌ ఈవీపై గరిష్టంగా రూ. 2.05 లక్షల వరకూ తగ్గింపు అందిస్తోంది.ఈ సెప్టెంబర్‌ నెలలో టాటా ఎలక్ట్రిక్‌ వాహనాలు కొనేవారికి భారీగా డబ్బు ఆదా కానుంది. టాటా మోటర్స్‌ ఈవీ పోర్ట్‌ఫోలియోలోని టాటా నెక్సాన్‌ ఈవీ (Tata Nexon EV), పంచ్ ఈవీ (Punch EV), టియాగో ఈవీ (Tiago EV)లపై గ్రీన్‌ బోనస్‌లో భాగంగా క్యాష్‌ డిస్కౌంట్లు అందిస్తోంది. 2023 మోడల్‌లను ఎంచుకునే వారికి అదనపు తగ్గింపు లభిస్తుంది.టాటా నెక్సాన్ ఈవీపై భారీ డిస్కౌంట్‌టాప్ స్పెక్స్‌ ఉండే టాటా నెక్సాన్ ఈవీ ఎంపవర్డ్+ లాంగ్‌ రేంజ్‌ వేరియంట్‌లపై ఈ నెలలో రూ. 1.80 లక్షల వరకు తగ్గింపును అందిస్తోంది టాటా మోటర్స్‌. రూ. 20,000 తగ్గింపుతో లభించే ఎంట్రీ-లెవల్ క్రియేటివ్ + ఎంఆర్‌ వేరియంట్ తప్ప మిగిలిన అన్ని వేరియంట్‌లు రూ. 1 లక్ష నుండి రూ. 1.2 లక్షల వరకూ తగ్గింపుతో అందుబాటులో ఉన్నాయి.2023లో తయారైన అన్ని మోడల్‌లపై అయితే రూ. 25,000 అదనపు డిస్కౌంట్‌ లభిస్తుంది. టాటా నెక్సాన్‌ ఈవీ ధర రూ. 14.49 లక్షల నుండి రూ. 19.49 లక్షల మధ్య ఉంటుంది. ఇది రెండు బ్యాటరీ ఆప్షన్లతో వస్తుంది. కంపెనీ పేర్కొన్నదాని ప్రకారం.. 30kWh వేరియంట్‌ 275 కి.మీ, 40.5kWh యూనిట్ 390 కి.మీ. రేంజ్‌ ఇస్తాయి.ఇతర ఈవీలపైనా..ఇక టాటా మోటర్స్‌ డిస్కౌంట్‌ అందిస్తున్న ఇతర ఈవీలలో టాటా టియాగో ఈవీ, టాటా పంచ్‌ ఈవీ ఉన్నాయి. వీటిలో టాటా టియాగో ఈవీలపై గరిష్టంగా రూ.65,000, అలాగే టాటా పంచ్‌ ఈవీలపై రూ.30,000 వరకూ డిస్కౌంట్‌ లభిస్తోంది.

సాక్షి, హైదరాబాద్‌: తెలంగాణలో వాహనాల పెండింగ్‌ చలాన్లపై ప్రభుత్వం ప్రకటించిన రాయితీ గడువు నేటితో(గురువారం) ముగియనుంది. రాత్రి 11.59 గంటలకు డిస్కౌంట్‌ ఆఫర్‌ గడువు ముగియనుంది. ఈ గడువును ఇప్పటికే రెండుసార్లు పొడిగించిన విషయం తెలిసిందే. మొదట జనవరి 10ని ట్రాఫిక్ చలాన్ల డిస్కౌంట్‌కు చివరి తేదీగా నిర్ణయించగా.. ఆ తరువాత జనవరి 31 వరకు, మరోసారి ఫిబ్రవరి 15 వరకు పొడిగించారు. ఆ గడువు నేటితో ముగియనుంది. అయితే మరోసారి గడువు పెంచే అవకాశం లేదని అధికారులు స్పష్టం చేశారు.  ఇప్పటి వరకు కోటి 66 లక్షల పెండింగ్‌ చలాన్ల క్లియరెన్స్‌తో రూ.147 కోట్లు వసూలు అయినట్లు అధికారులు తెలిపారు. కాగా రాష్ట్ర వ్యాప్తంగా మొత్తం 3 కోట్ల 59 లక్షల కేసులు పెండింగ్‌లో ఉండగా.. ఇప్పటిరకు కోటి 66 లక్షల కేసులు క్లియర్ అయినట్లు పేర్కొన్నారు. 47 శాతం కేసులు క్లియర్‌ కాగా.. ఇంకా 53 శాతం పెండింగ్ కేసులు ఉన్నట్లు వెల్లడించారు.  చదవండి: శివ బాలకృష్ణ సోదరుడికి ఏసీబీ కోర్టులో చుక్కెదురు

ఆటో దిగ్గజం మారుతి సుజుకి పలు మోడళ్ల కార్లపై భారీ డిస్కౌంట్‌ ప్రకటించింది. ఆగస్ట్​ నెలకు సంబంధించి కార్ల   కొనుగోలుదారులకు అదిరిపోయే ఆఫర్‌ అందిస్తోంది. దాదాపు రూ. 57 వేల తగ్గింపు దాకా అందిస్తోంది. ఇందులో క్యాష్​ డిస్కౌంట్, ఎక్స్​ఛేంజ్​ బోనస్ తదితరాలు ఉన్నాయి. ఆగస్టు 31 వరకు ఈ డిస్కౌంట్‌ ధరలు అందుబాటులో ఉంటాయి మారుతి సుజుకి పై రూ. 57 వేల దాకా డిస్కౌంట్‌ అందుబాటులో ఉంటుంది.  వేరియంట్ల ఆధారంగా కస్టమర్లు ఈ తగ్గింపును పొందవచ్చు. ఆల్టో కే10పై రూ. 57 వేల దాకా తగ్గింపు పొందవచ్చు. (తండ్రికే షాకిస్తున్న ఇషా: మురిసిపోతున్న అంబానీ) మారుతీ సుజుకి ఎస్ ప్రెస్సో 56,000 వరకు తగ్గింపు. మాన్యువల్ గేర్‌బాక్స్‌తో పెట్రోల్,  CNG-ఆధారిత మారుతి సుజుకి S ప్రెస్సో  అన్ని వేరియంట్‌లు రూ. 56,000 వరకు మొత్తం తగ్గింపును పొందవచ్చు. అలాగే ఆటోమేటిక్ గేర్‌బాక్స్‌తో కూడిన వేరియంట్‌లు రూ. 32,000 వరకు తగ్గింపు పొందవచ్చు. (స్పెషల్‌ ఎట్రాక్షన్‌గా నీతా అంబానీ: చెప్పుల ధర రూ.7 లక్షలు) మారుతీ సుజుకీ ఇగ్నిస్‌, బాలెనో, డిజైర్‌, వ్యాగన్‌ ఆర్‌ మోడల్స్‌పై క్యాష్​ డిస్కౌంట్, ఎక్స్​ఛేంజ్​ బోనస్​, కార్పొరేట్​ డిస్కౌంట్ లభిస్తుంది. వేరియంట్లు, డీలర్‌షిప్‌ ఏజెన్సీల ఆధారంగా ఈ తగ్గింపు  అందుబాటులో ఉంటుంది.  కాగా మారుతి సుజుకి ఈ ఏడాది క్యూ1లో మెరుగైన ఫలితాలను ప్రకటించిన సంగతి తెలిసిందే. జూన్‌తోముగిసిన త్రైమాసికంలో గత ఏడాది ఇదే త్రైమాసికంతో పోలిస్తే 145శాతం పుంజుకుని  రూ. 2,485 కోట్ల నికర లాభాలను సాధించింది. అలాగే 45  లక్షల అమ్మకాలతో మారుతి ఆల్టో బెస్ట్‌ సెల్లింగ్‌ కారుగా నిలిచిన సంగతి తెలిసిందే. 

సాక్షి, ముంబై: బెస్ట్‌ సెల్లింగ్‌ స్మార్ట్‌ఫోన​ నథింగ్ ఫోన్ (1) ఇపుడు డిస్కౌంట్‌ ధరలో కస్టమర్లకు అందుబాటులోకి వచ్చింది. కంపెనీ నథింగ్ ఫోన్ (2) లాంచింగ్‌కు సిద్ధమవుతున్న తరుణంలో నథింగ్ ఫోన్ (1) ఫ్లిప్‌కార్ట్ సేల్‌లో భారీ తగ్గింపుతో లభిస్తుంది. ఫ్లిప్‌కార్ట్  సేల్‌లో  బాగా సేల్  అవుతున్న  నథింగ్ ఫోన్  వన్‌  ఇపుడు రూ. 39,250 తగ్గింపు తర్వాత కేవలం రూ.749కే అందుబాటులో ఉంది. ప్రస్తుతం ఫ్లిప్‌కార్ట్‌లో రూ. 8,000 తగ్గింపు తర్వాత రూ. 31,999గా  లిస్ట్‌ అయింది. దీనితో పాటు  హెచ్‌డీఎఫ్‌సీ ఈఎంఐ లావాదేవీలపై రూ. 1,250 తగ్గింపు లభిస్తోంది. దీనికి అదనంగా,  పాత స్మార్ట్‌ఫోన్‌కు బదులుగా రూ. 30,000 వరకు తగ్గింపును  కూడా అందిస్తోంది. ఈ ఆఫర్లన్నీ వర్తించిన తరువాత నథింగ్ ఫోన్ (1)ను  రూ. 749కే కొనుగోలు చేయవచ్చు. కార్ల్ పీ నేతృత్వంలోని  యూకే ఆధారిత టెక్ కంపెనీ  నథింగ్‌ ఫోన్‌ సిరీస్‌లో  నథింగ్ ఫోన్ (2) ఫ్లాగ్‌షిప్ స్మార్ట్‌ఫోన్‌నులాంచ్‌ చేయనుంది. ప్రీమియం స్పెసిఫికేషన్స్‌తో  గేమ్-ఛేంజర్‌గా ఉంటుందనే  అంచనాల మధ్య  జూలైలో  లాంచ్‌కానుంది. నథింగ్ ఫోన్ (1) స్పెసిఫికేషన్‌లు 6.55-అంగుళాల OLED డిస్‌ప్లే  కార్నింగ్ గొరిల్లా గ్లాస్ 5 రక్షణ,  120Hz రిఫ్రెష్ రేట్‌ ఆండ్రాయిడ్ ఆధారిత నథింగ్ OS Qualcomm Snapdragon 778G+ చిప్‌సెట్  12 జీబీ ర్యామ్‌,చ 256 జీబీ స్టోరేజ్‌   50 ఎంపీ డ్యుయల్‌రియర్‌ కెమెరా 16 ఎంపీ సెల్ఫీ కెమెరా 33W ఫాస్ట్ ఛార్జింగ్‌కు మద్దతుతో 4,500 mAh బ్యాటరీ  

సాక్షి, ముంబై: శాంసంగ్‌ గెలాక్సీ జెడ్‌ ఫ్లిప్‌ 3 ఇపుడు ఐఫోన్‌ 13 కంటే తక్కువ ధరకే లభిస్తోంది.  ఫ్లిప్‌కార్ట్‌లో  8 జీబీ ర్యామ్‌, 128 జీబీ స్టోరేజ్‌ వేరియంట్‌ ఇపుడు రూ.44,999కి అందుబాటులో ఉంది.  ఫ్లిప్‌కార్ట్ బిగ్ సేవింగ్ డే సేల్‌లో భాగంగా  గెలాక్సీ ఫోల్డబుల్ స్మార్ట్‌ఫోన్‌పై  ఈ  తగ్గింపు  లభిస్తుంది. ఎస్‌బీఐ క్రెడిట్ కార్డ్ ద్వారా కొనుగోలు చేస్తే రూ. 1,250 వరకు తక్షణ తగ్గింపు అదనం. రూ. 95,999 ధరతో ఈ స్మార్ట్‌ఫోన్‌ను దాదాపు రెండు సంవత్సరాల క్రితం ఇండియాలో లాంచ్‌ చేసింది. ఇప్పటికే Android 13 OS అప్‌డేట్‌ను పొందిన దీనికి రానున్న Android 14 OSకి అప్‌డేట్‌ పొందొచ్చు.  గెలాక్సీ జెడ్‌ ఫ్లిప్‌ 4, ఒప్పో ఎన్‌ 2 ఫ్లిప్‌  ధరలు  రూ. 89,999కిగా ఉన్నాయి.  ఈ నేపథ్యంలో శాంసంగ్‌ గెలాక్సీ జెడ్‌ ఫ్లిప్‌ 3  తక్కువ ధరకు లభిస్తున్నట్టే. శాంసంగ్‌ గెలాక్సీ జెడ్‌ ఫ్లిప్‌ 3  ఫీచర్లు 1.9-అంగుళాల కవర్ డిస్‌ప్లే  6.7-అంగుళాల డిస్‌ప్లే స్నాప్‌డ్రాగన్ 888 చిప్‌సెట్‌ డ్యుయల్‌ 12-మెగాపిక్సెల్ కెమెరాలు రెండో  డిస్ప్లే ప్యానెల్‌లో 10మెగాపిక్సెల్ ఫ్రంట్ కెమెరా   3300mAh బ్యాటరీ   

సాక్షి, ముంబై:  బడ్జెట్‌ ధరలో స్మార్ట్ టీవీ కావాలనుకుంటున్నారా? అయితే  ఈ మండు వేసవిలో మీకో తీపి కబురు.  ప్రముఖ ఈ కామర్స్ సంస్థ ఫ్లిప్‌కార్ట్  శాంసంగ్‌  32-అంగుళాల టైజెన్‌ టీవీ భారీ ఆఫర్‌ అందిస్తోంది.  38 శాతం తగ్గింపుతో రూ. 13,999 తగ్గింపు ధరకే లిస్ట్‌ చేసింది. దీంతోపటు పలు డిస్కౌంట్‌లు, ఎక్స్ఛేంజ్ ఆఫర్స్ ద్వారా 23వేల రూపాయల  టీవీని కేవలం రూ. 5,000లోపు సొంతం చేసుకోవచ్చు.  (Fact Check: కన్యా సుమంగళ యోజన, అమ్మాయిలకు నెలకు రూ.4500?) 32 అంగుళాల శాంసంగ్‌   HD రెడీ LED స్మార్ట్ టైజెన్ టీవీ అసలు ధర  దాదాపు రూ. 23,000. అయితే ఫ్లిప్‌కార్ట్‌లో ప్రస్తుతం రూ. 14వేలకే కొనుగోలు చేయవచ్చు. ఇది 2020లో లాంచ్‌ అయింది.  బ్యాంక్ ఆఫర్లు ఎస్‌బీఐ క్రెడిట్ లేదా డెబిట్ కార్డ్‌ ద్వారా 10 శాతం వరకు తగ్గింపు. దీనికి అదనంగా ఎస్‌బీఐ క్రెడిట్ కార్డ్ లావాదేవీల నుండి 500 రూపాయల తగ్గింపును పొందవచ్చు. ఈఎంఐ ఆప్షన్‌ కూడా  ఉంది. (లగ్జరీ డ్యూప్లెక్స్‌ అపార్ట్‌మెంట్‌ కొనుగోలు చేసిన సమంత! ధర ఎంతంటే?) ఎక్స్చేంజ్ ఆఫర్‌ ఈ శాంసంగ్‌ స్మార్ట్ టీవీని రూ. 5,000లోపు కొనుగోలు చేయాలనుకుంటే, బ్యాంక్ ఆఫర్‌తో పాటు ఎక్స్ఛేంజ్ బోనస్‌ను ఎంచుకోవచ్చు. ఫ్లిప్‌కార్ట్‌లో రూ.11వేల  ఎక్స్చేంజ్ తగ్గింపు అందుబాటులో ఉంది .   శాంసంగ్‌   HD రెడీ LED స్మార్ట్ టైజెన్ టీవీ ఫీచర్లు 366 x 768 పిక్సెల్‌లతో 80 cm (32-అంగుళాల) LED HD రెడీ స్క్రీన్‌ డిస్ప్లే రిఫ్రెష్ రేట్ 60 Hz  డాల్బీ డిజిటల్ ప్లస్ సపోర్ట్  ఇంకా నెట్‌ఫ్లిక్స్‌, డిస్నీ+హాట్‌స్టార్‌, సోనీ లివ్‌, ఏరోస్‌ నౌ, జియో  సినిమా, గానా, బిగ్‌ ఫిక్స్‌, స్పాటిఫై, సన్‌ నెక్ట్స్‌  సహా ఇతర యాప్‌లను  సపోర్ట్ చేస్తుంది.ఇన్‌బిల్ట్‌ Wi-Fi ,  2 Dolby Digital Plus స్పీకర్లు  లాంటి ఇందులో ఉన్నాయి. 

సాక్షి, ముంబై: ఐక్యూ మొబైల్స్‌పై భారీ తగ్గింపు లభిస్తోంది. కంపెనీ మూడవ వార్షికోత్సవం సందర్బంగా ఐక్యూ  బ్రాండ్‌  స్పెషల్‌ సేల్‌ ప్రకటించింది. ఈ రోజునుంచి (ఏప్రిల్‌ 19, బుధవారం) ఏప్రిల్ 24 వరకు ఈ సేల్‌ కొనసాగుతుంది. ఫ్లాగ్‌షిప్, నియో సిరీస్ స్మార్ట్‌ఫోన్‌లపై  ఆకర్షణీయమైన తగ్గింపులను అందిస్తోంది.  కంపెనీ తాజా గేమింగ్-ఫోకస్డ్ ఫ్లాగ్‌షిప్ స్మార్ట్‌ఫోన్‌  ఐక్యూ 11 5జీతోపాటు, ఐక్యూ 9,  ఐక్యూ 9 ప్రో మోడల్స్‌ కొనుగోళ్లపై డిస్కౌంట్‌ లభ్యం. దీంతోపాటు  ఆఫర్‌లు బ్యాంక్ ఆఫర్‌ కూడా ఉన్నాయని, అయితే హైస్టోరేజ్‌ వేరియంట్‌కు ఈ తగ్గింపు వర్తించదని  కంపెనీ వెల్లడించింది.   కంపెనీ షేర్ చేసిన వివరాల ప్రకారం, ఇండియాలో ఐక్యూ 11 5జీ  బేస్‌ మోడల్‌ ఇపుడు  రూ. 49,999కే  లభ్యం.  లిస్టెడ్ ధర రూ. 59,999. (ఇదీ చదవండి: ఆన్‌బోర్డింగ్ కష్టాలు: ఫ్రెషర్స్‌కు విప్రో మరో షాక్‌?) ఈ సేల్‌లో ఐక్యూ 9,  ఐక్యూ 9ప్రో  ప్రస్తుత ధర రూ. 30,990, రూ. 39,990. అమెజాన్ ఇండియాలో  వీటి ధర ప్రస్తుతం రూ. 35,990, రూ. 44,990 గా ఉంది. దీంతోపాటు ఐక్యూ Neo 6 5జీ  స్మార్ట్‌ఫోన్‌ను 5,000 తగ్గింపు తరువాత రూ. 29,999కే కొనుగోలు చేయవచ్చు. (అదరగొట్టిన టీసీఎస్‌: ఉద్యోగం కోసం చూస్తున్నారా? లేటెస్ట్‌ చిట్కాలివిగో!) ఐక్యూ 11 5జీ స్పెసిఫికేషన్స్‌  6.78-అంగుళాల 2K E6 AMOLED డిస్‌ప్లే Android 13-ఆధారిత Funtouch OS 13 క్వాల్కం స్నాప్‌ డ్రాగన్‌​  8 Gen 2 SoC 50-మెగాపిక్సెల్ ప్రధాన కెమెరా, 13-మెగాపిక్సెల్ టెలిఫోటో/పోర్ట్రెయిట్ సెన్సార్ మరియు 8-మెగాపిక్సెల్ అల్ట్రా-వైడ్ యాంగిల్ కెమెరా, 16MP ఫ్రంట్ కెమెరా, 120W ఫాస్ట్ ఛార్జింగ్‌కు మద్దతుతో 5,000mAh బ్యాటరీ ప్రధాన ఫీచర్లుగా ఉన్నాయి. కేవలం 8 నిమిషాల్లో బ్యాటరీ 50 శాతం ఛార్జ్ అవుతుంది. కాగా చైనీస్ టెక్ దిగ్గజం వివో మద్దతుతో,  2020లో భారతదేశంలో అడుగుపెట్టిన కొత్త స్మార్ట్‌ఫోన్ బ్రాండ్ ఐక్యూ.  

సాక్షి, ముంబై: గూగుల్‌ పిక్సెల్‌ స్మార్ట్‌ఫోన్‌పై ఫ్లిప్‌కార్ట్‌లో భారీ ఆఫర్‌  లభిస్తోంది. గత ఏడాది అక్టోబర్‌లో లాంచ్‌ అయిన పిక్సెల్‌ సిరీస్‌లో గూగుల్ పిక్సెల్ 7ఇపుడు చాలా తక్కువ ధరకే అందిస్తోంది.   ఫ్లిప్‌కార్ట్‌లో రూ. 39,000 తగ్గింపు తర్వాత కేవలం రూ. 20,999కి లభిస్తుంది. మరికొద్ది రోజుల్లో గూగుల్‌ పిక్సెల్‌ 7ఏ లాంచ్‌ కానుందన్న అంచనాల మధ్య  డిస్కౌంట్‌ ధర  అందుబాటులోకి వచ్చింది.   భారత మార్కెట్‌లో గూగుల్ పిక్సెల్‌ 7 అసలు ధర రూ. 57,999. తాజా ఆఫర్‌లో బ్యాంక్ ఆఫర్‌లు, డిస్కౌంట్‌లతో కలిపి  కేవలం రూ. 20,999కే  కొనుగోలు చేయవచ్చు. గత  రెండేళ్లుగా  గూగుల్‌ బ్రాండ్ ఇకామర్స్ భాగస్వామి ఫ్లిప్‌కార్ట్‌ ఎక్స్చేంజ్‌ ద్వారా రూ. 3,000 ప్రత్యేక తగ్గింపుతో సహా రూ. 30వేల వరకు తగ్గింపును అందిస్తోంది. దీంతోపాటు, కస్టమర్లు యాక్సిస్ బ్యాంక్  అమెరికన్ ఎక్స్‌ప్రెస్ క్రెడిట్ , డెబిట్ కార్డ్ ద్వారా చేసేకొనుగోళ్లపై రూ.7,000 తగ్గింపును కూడా పొందవచ్చు. మొత్తం మీద  గూగుల్ పిక్సెల్ 7 ధర  రూ.20,999కి దిగి వచ్చింది.   గూగుల్ పిక్సెల్‌ 7 ఫీచర్లు 6.3-అంగుళాల FHD+ AMOLED డిస్‌ప్లే  1080x2400పిక్సెల్ రిజల్యూషన్  90Hz రిఫ్రెష్ రేట్‌  8జీబీ ర్యామ్‌, 128 జీబీ ర్యామ్‌స్టోరేజ్‌  50 +12 ఎంపి డ్యుయల్‌ రియర్‌ 10.8ఎంపీ సెల్ఫీ కెమెరా 4355 mAh  బ్యాటరీ మరోవైపు  మే 10 న జరగనున్న గూగుల్‌వార్షిక I/O ఈవెంట్‌లో  పిక్సెల్‌ 7 సిరీస్‌లో భాగంగా 7ఏను లాంచ్‌ చేయనుందని తెలుస్తోంది 

ప్రముఖ ఈ కామర్స్ దిగ్గజం ఫ్లిప్‍కార్ట్ ఇప్పుడు 'హలో సమ్మర్ డేస్ సేల్' (Hello Summer Days) పేరుతో సేల్స్ ప్రారంభించింది. ఈ స్పెషల్ ఆఫర్ కేవలం మార్చి 22 నుంచి మొదలై 26 వరకు మాత్రమే అందుబాటులో ఉంటుంది. ఇందులో ఎయిర్ కండీషనర్లు, రిఫ్రిజిరేటర్ల కొనుగోలుపై భారీ డిస్కౌంట్స్ పొందవచ్చు. ఫ్లిప్‍కార్ట్ ప్రారంభించిన 'హలో సమ్మర్ డేస్ సేల్'లో ఎయిర్ కండీషనర్ కొనుగోలుపై 55 శాతం, రిఫ్రిజిరేటర్ల మీద 60 శాతం డిస్కౌంట్స్ పొందవచ్చు. అంతే కాకుండా స్టేట్ బ్యాంక్ ఆఫ్ ఇండియా క్రెడిట్, డెబిట్ కార్డు ద్వారా కొనుగోలు చేస్తే 10 శాతం అడిషనల్ డిస్కౌంట్ పొందవచ్చని ఫ్లిప్‍కార్ట్ తెలిపింది. స్టేట్ బ్యాంక్ ఆఫ్ ఇండియా మాత్రమే కాకుండా ఇతర బ్యాంకు కార్డులపై 'నో కాస్ట్ ఈఎమ్ఐ' సదుపాయం పొందవచ్చు. కావున సామ్‍సంగ్, వోల్టాస్, ఎల్‍జీ, వాల్‍పూల్, హయెర్, గోద్రెజ్ వంటి కంపెనీల రిఫ్రిజిరేటర్లను సాధారణ ధరల కంటే తక్కువ ధరలోనే కొనుగోలు చేయవచ్చు. ప్రస్తుతం దాదాపు అన్ని కంపెనీ బ్రాండ్ కొనుగోలుపై డిస్కౌంట్స్ లభిస్తున్నాయి. బ్యాంక్ కార్డు వినియోగించుకుని మరింత తక్కువ ధరకే వీటిని కొనుగోలు చేయవచ్చు. (ఇదీ చదవండి: Jayanti Chauhan: వేల కోట్ల కంపెనీకి లేడీ బాస్.. జయంతి చౌహాన్) కంపెనీ అందిస్తున్న ఈ స్పెషల్ ఆఫర్ కింద సామ్‍సంగ్ 1.5 టన్ కన్వర్టబుల్ 5-ఇన్-1 3-స్టార్ ఏసీ కేవలం రూ. 37,999కే కొనుగోలు చేయవచ్చు. అదే సమయంలో ప్యానసోనిక్ 1.5 టన్ ఇన్వర్టర్ వైఫై కనెక్ట్ ఏసీ, ఎల్‍జీ కన్వర్టబుల్ 6-ఇన్-1 3 స్టార్ ఏసీ, లాయిడ్ 1.5 టన్ 3 స్టార్ ఏసీ కూడా తక్కువ ధరలోనే కొనుగోలు చేయవచ్చు.

సాక్షి, ముంబై: బెస్ట్‌ సెల్లింగ్‌ స్మార్ట్‌ఫోన్‌ నథింగ్‌ ఫోన్‌(1) ప్రస్తుతం ఫ్లిప్‌కార్ట్‌లో నమ్మశక్యం కాని ధరకు అందుబాటులో ఉంది.కార్ల్ పీ నేతృత్వంలోని యూకే ఆధారిత టెక్ స్టార్టప్ నుండి వచ్చిన తొలి స్మార్ట్‌ఫోన్ ఇది. నథింగ్ ఇయర్ (1) ​సక్సెస్‌ తరువాత దీనికి కొనసాగింపుగా త్వరలోనే  నథింగ్ ఇయర్ (2) గ్లోబల్ లాంచ్‌ చేయనుంది. ఈ లాంచింగ్‌కు ముందే నథింగ్ ఫోన్ (1) ఫ్లిప్‌కార్ట్‌లో భారీ తగ్గింపుతో లభిస్తుంది.  రూ. 32,999 ప్రారంభ ధరతో  లాంచ్‌ అయిన నథింగ్ ఫోన్ (1) ప్రస్తుతం ఫ్లిప్‌కార్ట్‌లో కేవలం రూ. 1,999కి అందుబాటులో ఉంది. (టాటా, మారుతి, హ్యుందాయ్‌: కారు ఏదైనా ఆఫర్‌మాత్రం భారీగానే!) ఫ్లిప్‌కార్ట్‌లో 8వేల తగ్గింపుతో రూ. 29,999 వద్ద నథింగ్ ఫోన్ (1) లిస్ట్‌ అయింది. అయితే దీనికి అదనంగా, కొనుగోలుదారులు ఎస్‌బీఐ క్రెడిట్ కార్డ్ ఈఎంఐ లావాదేవీలపై 10శాతం  తక్షణ తగ్గింపు(రూ. 1000 వరకు). అలాగే పాత ఫోన్‌ ఎ‍క్స్చేంజ్‌ ఆఫర్‌గా రూ. 27 వేల దాకా తగ్గింపుతో కలిపి నథింగ్ ఫోన్ (1) ఫ్లిప్‌కార్ట్‌లో రూ. 1,999కే లభించనుంది. (వచ్చే ఏడాది ఫార్మా రంగం కళకళ!)  నథింగ్ ఫోన్ (1) స్పెసిఫికేషన్‌లు 6.55 అంగుళాల OLED డిస్‌ప్లే Qualcomm Snapdragon 778G+ చిప్‌సెట్  ఆండ్రాయిడ్ ఆధారిత నథింగ్ OS 12జీబీ ర్యామ్‌, 256  జీబీ స్టోరేజ్‌  50+50 డ్యుయల్‌ రియర్‌ కెమెరా 16 ఎంపీ సెల్ఫీ కెమెరా  33W ఫాస్ట్ ఛార్జింగ్‌కు మద్దతుతో 4,500 mAh బ్యాటరీ

భారతీయ మార్కెట్లో మారుతి సుజుకి, కారు కొనుగోలు చేయాలనుకునే వారికి మంచి శుభవార్తను తీసుకువచ్చింది. ఇందులో భాగంగానే ఎంపిక చేసిన మోడల్స్ మీద కంపెనీ రూ. 54,000 వరకు డిస్కౌంట్స్ అందిస్తోంది. ఈ ఆఫర్స్ కేవలం 2023 మార్చి చివరి వరకు మాత్రమే అందుబాటులో ఉంటాయి. మారుతి సుజుకి ఇగ్నిస్: మారుతి సుజుకి ఇగ్నిస్ మాన్యువల్ వేరియంట్‌ కొనుగోలుపైన రూ. 54,000 డిస్కౌంట్ లభిస్తుంది. ఇందులో రూ. 35,000 క్యాష్ డిస్కౌంట్, రూ. 15,000 ఎక్స్ఛేంజ్ బోనస్, రూ. 4,000 కార్పొరేట్ బెనిఫిట్స్ ఉన్నాయి. ఇక ఇగ్నిస్ ఆటోమేటిక్ వేరియంట్స్ కొనుగోలుపై రూ. 34,000 బెనిఫిట్స్ లభిస్తాయి. మారుతి సుజుకి బాలెనో: అత్యంత ప్రజాదరణ పొందిన మారుతి బాలెనొ మీద కంపెనీ ఈ నెలలో రూ. 35,000 తగ్గింపును అందిస్తోంది. ఈ డిస్కౌంట్ కేవలం మాన్యువల్ వేరియంట్‌కి మాత్రమే వర్తిస్తాయి. ఆటోమేటిక్, CNG మోడల్స్ కొనుగోలుపైన ఎటువంటి ప్రయోజనాలు అందుబాటులో లేదు. మారుతి సుజుకి సియాజ్: మారుతి సుజుకి ఇప్పుడు సియాజ్ కొనుగోలుపై రూ. 28,000 తగ్గింపుని అందిస్తుంది. ఈ డిస్కౌంట్స్ మ్యాన్యువల్, ఆటోమాటిక్ వేరియంట్‌లకి వర్తిస్తుంది. ఇందులో రూ. 25,000 ఎక్స్‌ఛేంజ్ ఆఫర్, రూ. 3,000 కార్పొరేట్ డిస్కౌంట్‌ లభిస్తాయి. (డిస్కౌంట్స్ నగరాన్ని బట్టి మారుతూ ఉంటాయి, ఖచ్చితమైన ఆఫర్స్ కోసం స్థానిక డీలర్‌ను సందర్శించి తెలుసుకోవచ్చు). మారుతి సుజుకి ప్రస్తుతం డిస్కౌంట్స్ అందించడం మాత్రమే కాకుండా దేశీయ మార్కెట్లో మరిన్ని కొత్త మోడల్స్ విడుదల చేయడానికి సన్నద్ధమవుతోంది. ఇందులో మారుతి ఫ్రాంక్స్, మారుతి జిమ్నీ 5-డోర్ వంటివి ఉన్నాయి. ఈ కొత్త కార్ల కోసం కంపెనీ బుకింగ్స్ స్వీకరించడం కూడా ప్రారంభించింది.

సాక్షి, ముంబై: ప్రముఖ కార్ల తయారీ దారు టాటా మోటార్స్ కూడా తన కస్టమర్లకు శుభవార్త చెప్పింది.  ఫిబ్రవరిలో ఎంపిక చేసిన మోడల్స్‌, సఫారి, హారియర్, ఆల్ట్రోజ్, టిగోర్ ,టియాగోపై రూ. 75,000 వరకు తగ్గింపు అందిస్తోంది.  ఇప్పటికే మారుతి సుజుకి కూడా తగ్గింపు ధరలను ప్రకటించిన సంగతి తెలిసిందే.   2023 ఫిబ్రవరి నెలకు సంబందించిన తగ్గింపులో హారియర్, సఫారి మోడల్‌కార్లపై భారీ తగ్గింపును అందిస్తోంది . ముఖ్యంగా 2022, 2023 మోడల్స్‌పై ఈ బెనిఫిట్స్‌ను అందించడం విశేషం. టాటా  ఫ్లాగ్‌షిప్  ఎస్‌యూవీ  సఫారి 2023 అన్ని వేరియంట్‌లలో మొత్తం రూ. 35,000 తగ్గింపు లభ్యం. ఇందులో రూ. 10,000 నగదు తగ్గింపు రూ. 25,000 విలువైన ఎక్స్ఛేంజ్ డిస్కౌంట్ ఉన్నాయి. మరోవైపు, అమ్ముడుపోని  ఎంపిక చేసిన 2022 సఫారీపై మొత్తం రూ. 75,000 వరకు తగ్గింపును కూడా అందిస్తోంది.  దాదాపు టాటా హారియర్‌ కార్‌పై కూడా అదే ఆఫర్‌ లభిస్తోంది. టాటా హారియర్: 2023  మోడళ్లపై రూ. 35,000, 2022  మోడల్స్‌పై 75,000 వరకు తగ్గింపు టాటా టిగోర్: కొత్త స్టాక్ 25,000 వరకు తగ్గింపు , 2022 స్టాక్ పై 35,000 వరకు తగ్గింపు టాటా టియాగో: కొత్త స్టాక్‌పై 25,000 వరకు తగ్గింపు,  2022 స్టాక్‌పై 40,000 వరకు తగ్గింపు 

సాక్షి, ముంబై: ఈ-కామర్స్‌ దిగ్గజం  ఫ్లిప్‌కార్ట్‌  యాపిల్‌ డేస్‌ సేల్‌ను ప్రకటించింది. ఈ సేలో ఇండియాలో లభ్యమవుతున్న ఐఫోన్లపై అదరిపోయే ఆఫర్లను అందిస్తోంది. ఐఫోన్ 14,  ఐఫోన్ 13, ఐఫోన్ 12 మినీ, ఐఫోన్ 11 ఉన్నాయి. ఐఫోన్ కొనాలనుకునే కస్టమర్లు ఫ్లిప్‌కార్ట్‌లో నవంబర్ 20 వరకు తగ్గింపులు, ఆఫర్‌లను పొందవచ్చు ఐఫోన్ 13 రూ.69,900కి లభించే ఐఫోన్ 13ని యాపిల్ డేస్ సేల్‌లో రూ.64,999కి కొనుగోలు చేయవచ్చు. అలాగే ఫెడరల్ బ్యాంక్ క్రెడిట్/డెబిట్ కార్డ్‌ల ద్వారా ఫోన్‌ను కొనుగోలు చేసే కస్టమర్‌లు రూ. 1,500 వరకు తగ్గింపు. అలాగే ఫ్లిప్‌కార్ట్ యాక్సిస్ బ్యాంక్ కార్డ్ యూజర్లు ఐఫోన్‌పై 5 శాతం తగ్గింపును పొందవచ్చు. 256జీబీ స్టోరేజ్‌, 512 జీబీ స్టోరేజ్‌ వేరియంట్‌లను రూ.74,999  రూ.94,999కి కొనుగోలు చేయవచ్చు. ఐఫోన్ 12 మినీ ఐఫోన్ 12 మినీ ఫ్లిప్‌కార్ట్‌లో రూ. 38,999కి  లిస్ట్‌ చేసింది.  128జీబీ,  256జీబీ ‍ స్టోరేజ్‌ వేరియంట్‌లను వరుసగా రూ.43,999 రూ.53,999కి కొనుగోలు చేయవచ్చు. ఐఫోన్ 14  రూ. 79,900ల ఐఫోన్‌ను ఈ సేల్‌లో రూ.74,900కే సొంతం చేసుకోవచ్చు. ముఖ్య విషయం ఏమిటంటే హెచ్‌డీఎఫ్‌సీ బ్యాంక్ క్రెడిట్ కార్డ్ ద్వారా  కొనుగోలుచేసిన వినియోగదారులకు మాత్రమే ఈ తగ్గింపు లభ్యం. ఇతర కార్డుల ద్వారా కొనుగోలు చేస్తే ఎలాంటి తగ్గింపు ఉండదు. బ్యాంక్ ఆఫర్‌తో పాటు ఎక్స్చేంజ్  ఆఫర్‌తో కలిసి దీనిపై రూ. 20వేల వరకు తగ్గింపు లభించే అవకాశం ఉంది. 

న్యూఢిల్లీ: పలు మోడళ్ల హోండా కార్లపై భారీ తగ్గింపు లభిస్తోంది. హోండా సిటీ, జాజ్, WR-V  లాంటి మోడల్స్‌  రూ. 63,000 వరకు తగ్గింపుతో అందుబాటులో ఉన్నాయి. నవంబరు నెలకు సంబంధించిన ఈ డీల్స్‌ కస్టమర్‌లు తమకు సమీపంలో ఉన్న డీలర్‌షిప్‌ను సంప్రదించడం ద్వారా మరింత సమాచారాన్ని తెలుసుకోవచ్చు. దేశంలో ఐదు విభిన్న హోండా మోడల్‌లు అందుబాటులో ఉన్నాయి: అమేజ్, సిటీ (5వ తరం), సిటీ (4వ తరం), జాజ్ , WR-బలతో సహా ఐదు విభిన్న మోడళ్లను అందిస్తుంది. హోండా డబ్యుఆర్‌-వీ డబ్యుఆర్‌-వీ కి అతిపెద్ద తగ్గింపును అందిస్తోంది. ఇందులో  రూ. 30,000 నగదు తగ్గింపు లేదా రూ. 36,144 విలువైన ఉచిత యాక్సెసరీలున్నాయి. అలాగే రూ. 7,000 ఎక్స్ఛేంజ్ బోనస్, రూ. 5,000 లాయల్టీ బోనస్‌లు తదితరాలు ఉన్నాయి. హోండా అమేజ్ సబ్-కాంపాక్ట్ సెడాన్‌ హోండా అమేజ్‌ కొనుగోలుపై కస్టమర్‌లు రూ. 10,000 నగదు, లేదా రూ. 11,896 విలువైన ఉచిత యాక్సెసరీలను పొంద వచ్చు,  అదనంగా రూ. 5,000 లాయల్టీ ఇన్సెంటివ్,  రూ. 3,000 కార్పొరేట్ తగ్గింపు లభ్యం.  హోండా జాజ్: త్వరలోనే ఉత్పత్తిని నిలిపివేయాలని భావిస్తున్న హోండా జాజ్‌పై  25 వేల తగ్గింపు లభ్యం.  హోండా సిటీ (5వ జనరేషన్ : హోండా సిటీ మాన్యువల్‌పై  రూ. 59,292 మొత్తం తగ్గింపును అందిస్తోంది. ఇందులో రూ. 30వేల నగదు తగ్గింపు లేదా రూ. 32,292 విలువైన ఉచిత యాక్సెసరీలు, ఇంకా ఎక్స్‌ఛేంజ్ బోనస్, లాయల్టీ బోనస్, కార్పొరేట్ తగ్గింపును కూడా అందిస్తోంది.

సాక్షి, ముంబై: ఇండియాలో ల్యాప్‌టాప్ సిరీస్‌లతో ఆకట్టుకుంటున్న ఆసుస్ తాజాగా ఫోల్డబుల్‌ ల్యాప్‌టాప్‌ను పరిచయం చేసింది. హై బ్రిడ్‌ ల్యాపీలతో  యూజర్లను ఎట్రాక్ట్‌ చేస్తున్న ఆసుస్‌ ఎప్పటినుంచో ఎదురుచూస్తున్న ‘ఆసుస్ జెన్ 17 ఫోల్డ్ ఓలెడ్’ ను తీసుకొచ్చింది. ప్రపంచంలోనే తొలి ఫోల్డింగ్ ల్యాప్‌టాప్‌ అని చెబుతున్న కంపెనీ దీని ధరను రూ. 3,29, 990గా నిర్ణయించింది. ల్యాప్‌టాప్‌  కోసం ప్రీబుకింగ్స్‌ను కూడా షురూ చేసింది.  ప్రీ-బుకింగ్‌  ఆఫర్‌ ప్రీ-బుకింగ్‌ చేసిన వారికి ఏకంగా  55 వేల వరకు తగ్గింపును అందిస్తోంది. ముందస్తు బుకింగ్‌ చేసుకున్న వారికి ఈ ల్యాప్‌టాప్‌ రూ.2,84,290 కే లభిస్తుంది. అక్టోబర్ 14 నుంచి నవంబర్ 9 వరకు ప్రీ బుకింగ్‌కు అవకాశం ఉంది. జెన్‌బుక్ 17 ఫోల్డ్ నవంబర్ 10న విడుదల కానుంది ఆసుస్ ఇండియా అధికారిక వెబ్‌సైట్‌తో ఇతర రీటైల్‌ స్టోర్లలో అందుబాటులో ఉంటుంది.  ముఖ్యంగా 4.8 అంగుళాల స్క్రీన్‌ను వర్చువల్‌ కీ బోర్డు, బ్లూటూత్‌ కనెక్టివిటీతో కూడిన సాధారణ కీ బోర్డు ద్వారా యూజర్లు తమ అవసరాలకు అనుగుణంగా ట్యాబ్‌, డిస్‌ప్లేలా వాడుకోవచ్చు. ఈ కొత్త లాపీలో ల్యాప్‌టాప్‌, డెస్క్‌టాప్‌, ట్యాబ్లెట్‌, రీడర్‌, ఎక్స్‌టెండెడ్‌ అనే ఐదు స్క్రీన్‌ మోడ్స్‌ ఉండటం మరో విశేషం. అంతేకాదు మల్టీ స్క్రీన్ ఫీచర్‌తో డిస్‌ప్లేని ఒకేసారి మూడు స్క్రీన్లుగా వాడుకోవచ్చు.  కేవలం నలుపు రంగులో మాత్రమే వచ్చిన ఈ ల్యాపీలో 500 జీబీ ఎస్‌ఎస్‌డీ ఎక్స్‌టర్నల్‌ స్టోరేజ్‌ ఉచితం. 65W AC ఫాస్ట్ ఛార్జర్ మద్దతుతో 75 WHrs బ్యాటరీ సగటు వినియోగం 10 గంటలు.  ఆసుస్ జెన్ 17 ఫోల్డ్ ల్యాపీ స్పెసిఫికేషన్స్‌ 17.3 అంగుళాల థండర్‌బోల్ట్ 4k డిస్‌ప్లే  12.5 అంగుళాల  ఫోల్డ్  స్క్రీన్‌  12వ జనరేషన్ ఇంటెల్ కోర్ ఐ7 ప్రాసెసర్‌ ఇంటెల్‌ ఐరిస్‌ ఎక్స్‌ఈ గ్రాఫిక్‌ కార్డ్‌ 5 ఎంపీ ఏఐ కెమెరా డాల్బీ అట్మోస్‌ సపోర్ట్‌తో నాలుగు స్పీకర్స్ నాలుగు యూఎస్‌బీ-సీ పోర్ట్‌ 

విమాన ప్రయాణికులకు ఎయిర్‌ ఏసియా బంపరాఫర్‌ ప్రకటించింది. 'స్ప్లాష్ సేల్'ను నిర్వహిస్తున్నట్లు తెలిపింది. ఈ సేల్‌లో ప్రయాణికులు ఢిల్లీ - జైపూర్ వంటి మార్గాల్లో తక్కువ ధరకే ఫ్లైట్‌ టికెట్లను బుక్‌ చేసుకోవచ్చని వెల్లడించింది. దీంతో పాటు దేశ వ్యాప్తంగా ఎయిర్‌ ఏసియా నెట్‌ వర్క్‌ ఉన్న ప్రాంతాల ప్రయాణికులు ఈ ఆఫర్‌ను పొంద వచ్చని తెలిపింది. ఆఫర్‌తో పాటు అదనంగా డిస్కౌంట్‌లు పొందవచ్చని పేర్కొంది.   వచ్చే ఏడాది వరకు  ఎయిర్‌ ఏసియా జూలై 7 నుంచి జులై 10వరకు స్ప్లాష్‌ సేల్‌ నిర్వహిస్తుంది. ఈ సేల్‌లో ఢిల్లీ-జైపూర్‌ మార్గాల్లో ఫ్లైట్‌ టికెట్‌ ప్రారంభ ధర రూ.1497గా ఉంటుందని, ఈ సేల్‌లో బుక్‌ అయిన టికెట్స్‌ను జూలై 26, 2022 నుంచి మార్చి 31, 2023 వరకు వినియోగించుకోవచ్చని తెలిపింది. పరిమిత ఇన్వెంటరీ ఆఫర్ కోసం కేటాయించిన సీట్లు మొత్తం బుకింగ్‌ అయితే .. జులై 10 తరువాత బుకింగ్‌కు రెగ్యులర్ ఛార్జీలు అందుబాటులో ఉంటాయని ఎయిర్‌లైన్‌ పేర్కొంది.  కాగా, ఎయిర్ ఏషియా ఇండియా తన అధికారిక వెబ్ సైట్, మొబైల్ యాప్స్‌లో టికెట్లు బుక్‌ చేసుకోవచ్చు.   టాటాదే  బెంగళూరులో ప్రధాన కేంద్రంగా టాటా సన్స్ అనుబంధ సంస్థ ఎయిర్ ఏసియా (ఇండియా) కార్యకలాపాలు నిర్వహిస్తుంది. జూన్12,2014నుంచి ఎయిర్‌ ఏసియా తన కార్యకలాపాలను ప్రారంభించింది. ప్రస్తుతం దేశవ్యాప్తంగా 50 కి పైగా 100 కనెక్టింగ్ రూట్లలో ఎయిర్‌ ఏసియా విమానాల రాకపోకల్ని నిర్వహిస్తుంది.

సాక్షి, హైదరాబాద్‌: వాహనదారులకు తెలంగాణ సర్కార్ ప్రకటించిన పెండింగ్ చలాన్లపై డిస్కౌంట్‌ ఆఫర్‌ నేటితో ముగియనుంది. మార్చి ఒకటి నుంచి పోలీసులు ఈ ఆఫర్‌ ప్రకటించారు. ముందుగా మార్చి నెలాఖరు వరకే ఈ ఆఫర్ ఉండగా.. ఆ తర్వాత ఏప్రిల్‌ 15 వరకు దాన్ని పొడిగించిన విషయం తెలిసిందే. దీంతో ఏప్రిల్‌ 16 నుంచి యథావిధిగా చలాన్‌ రుసుము వసూలు చేయనున్నారు. ఇప్పటి వరకు 60 శాతం వాహనదారులు చలాన్‌లు క్లియర్ చేసుకున్నారు. దాదాపు రూ. 250 కోట్లను ఫైన్ల రూపంలో చెల్లించారు. అయితే మరోసారి ఆఫర్ పొడిగింపు ఉండదని పోలీసులు ఇదివరకే స్పష్టం చేశారు. చదవండి: ‘అత్తమామలు ఇంట్లో నుంచి వెళ్లగొట్టారు.. భర్తతో మాట్లాడనీయడం లేదు’

బి.కొత్తకోట : ఓ ప్రముఖ కంపెనీ 500 మందికి ఆఫర్‌లో మొబైల్‌ ఫోన్‌ను ఇస్తోందని నమ్మించి పార్శిల్‌లో సోంపాపిడి పంపిన ఉదంతం బుధవారం జరిగింది. డబ్బు చెల్లించి పార్శిల్‌ విప్పిచూసిన రైతు మోసపోయి లబోదిబోమంటున్నాడు. బాధిత రైతు కథనం మేరకు వివరాలు..బి.కొత్తకోట మండలం గుట్టపాళ్యంకు చెందిన రైతు రమణారెడ్డికి ఎనిమిదిరోజుల క్రితం బెంగళూరు నుంచి ఫోన్‌ వచ్చింది. ప్రముఖ మొబైల్‌ కంపెనీ నుంచి 500 మందికి ఆఫర్‌లో మొబైల్‌ ఫోన్లు ఇస్తున్నామని, అందులో మీ పేరుందని చెప్పగా రమణారెడ్డి తిరస్కరించారు. ప్రముఖ మొబైల్‌ కంపెనీ పేరు చెప్పడంతో ధర ఎంతని అడగ్గా అసలు ధర రూ.7,500 అని ఆఫర్‌లో రూ.1,700కు ఇస్తున్నట్టు చెప్పి పార్శిల్‌ పంపారు. కర్ణాటకలోని బెంగళూరు నగరం అలసంద్ర నుంచి బుధవారం గట్టు తపాలా కార్యాలయానికి పార్శిల్‌ వచ్చింది. ఈ పార్శిల్‌ తీసుకోవడానికి రమణారెడ్డి వెళ్లగా పోస్ట్‌మాస్టర్‌ గణేష్‌కు అనుమానం కలిగి పార్శిల్‌ను వెనక్కు పంపుదామని చెప్పాడు. అయితే మొబైల్‌ వచ్చిందని నమ్మి రమణారెడ్డి పోస్ట్‌మాస్టర్‌కు రూ.1,700 చెల్లించి అక్కడే అందరి సమక్షంలో పార్శిల్‌ తెరవగా అందులో సోంపాపిడి ప్యాకెట్‌ ఒకటి మాత్రమే ఉండటంతో మోసపోయినట్టు గుర్తించిన రమణారెడ్డి సంబంధిత ఫోన్‌ నంబర్‌కు ఫోన్‌ చేసి విషయం చెప్పినా... మాట్లాడిన మహిళ ఇవేమి వినిపించుకోకుండా పార్శిల్‌ తీసుకొండంటూ చెప్పింది. ఇలాంటి మోసాలు నిత్యం జరుగుతున్నా అమాయక ప్రజలు మోసపోతున్నారు. (చదవండి:  భర్తతో విడాకులు.. 40 ఏళ్ల వ్యక్తితో స్నేహం.. అసలు విషయం తెలిసి..)

సాక్షి, హైదరాబాద్‌: ట్రాఫిక్‌ నిబంధనల ఉల్లంఘనలకు సంబంధించి ఈ– లోక్‌ అదాలత్‌ గడువుకు మిగిలింది మూడ్రోజులేనని మంగళవారం ట్రాఫిక్‌ చీఫ్‌ ఏవీ రంగనాథ్‌ వెల్లడించారు. శుక్రవారంతో ఇది ముగుస్తుందని, మళ్లీ పొడిగింపునకు అవకాశం లేదని ఆయన స్పష్టం చేశారు. గత నెల 1న మొదలై ఈ– లోక్‌ అదాలత్‌ 31తో ముగియాల్సి ఉంది. వాహన చోదకుల విజ్ఞప్తుల నేపథ్యంలో మరో పదిహేను రోజులు పొడిగించారు. శుక్రవారం తర్వాత దీని పొడిగింపు ఉండదని, ఈ అవకాశాన్ని సద్వినియోగం చేసుకోవాలని రంగనాథ్‌ కోరారు.   తెలంగాణలో ట్రాఫిక్‌ నిబంధనల ఉల్లంఘనలకు సంబంధించి ఈ– చలాన్‌ జరిమానా బకాయిలు భారీ తగ్గించుకోవడానికి అవకాశం కల్పిస్తున్న ఈ– లోక్‌ అదాలత్‌కు వాహనదారుల నుంచి అనూహ్య స్పందన లభించింది. దీని గడువు ఏప్రిల్‌ 15తో ముగియనుంది. (క్లిక్‌: కింగ్‌కోఠి ప్యాలెస్‌పై రగడ)

న్యూఢిల్లీ: ప్రైవేట్‌ బ్యాంక్‌ యాక్సిస్‌..  దీపావళి పండుగ సందర్భంగా కొన్ని గృహ రుణాల పథకాలపై ప్రత్యేక ఆఫర్లు అందించనుంది. అంతేకాదు ఆన్‌లైన్‌ కొనుగోళ్లపై డిస్కౌంట్లు అందిస్తోంది. ఎంపిక చేసిన హోమ్‌ లోన్‌ పథకాలపై 12 నెలసరి వాయిదాల (ఈఎంఐ) మినహాయింపుతో బంపరాఫర్‌ అందించింది. అంతేకాదు టూవీలర్స్‌కు సంబంధించి ఎలాంటి ప్రాసెసింగ్‌ ఫీజు లేకుండా ఆన్‌–రోడ్‌ ఖరీదు మొత్తాన్ని రుణంగా అందిస్తున్నట్లు బ్యాంక్‌  ప్రకటించింది.  యాక్సిస్‌ బ్యాంక్‌ ఈ పండుగ సీజన్‌కు ప్రత్యేక ఆఫర్లు ప్రకటించింది. ‘దిల్‌ సే ఓపెన్‌ సెలబ్రేషన్స్‌: ఎందుకంటే ప్రతి రోజూ దీపావళి రాదు‘ పేరిట యాక్సిస్‌ బ్యాంక్‌ డెబిట్, క్రెడిట్‌ కార్డుల ద్వారా జరిపే కొనుగోళ్లపై డిస్కౌంట్లు ఇస్తున్నట్లు వివరించింది. 50 నగరాల్లో ఎంపిక చేసిన 2,500 స్థానిక దుకాణాదారుల నుంచి కొనుగోళ్లు జరిపితే 20 శాతం దాకా డిస్కౌంట్లు ఆఫర్‌ చేస్తున్నట్లు, కాబట్టి కస్టమర్లు, యూజర్లు ఈ అవకాశాన్ని సద్వినియోగం చేసుకోవాలని యాక్సిస్‌ బ్యాంక్‌ గ్రూప్‌ ఎగ్జిక్యూటివ్‌ హెడ్‌ సుమిత్‌ బాలి పిలుపు ఇచ్చారు. చదవండి: యాక్సిస్‌ బ్యాంకుతో షాపింగ్‌ చేస్తే 45 శాతం మేర క్యాష్‌బ్యాక్‌!

మీరు కొత్త కారు కొనుగోలు చేయాలని ఆలోచిస్తున్నారా? అయితే మీకోసం అదిరిపోయే ఆఫర్ అందుబాటులో ఉంది. ప్రముఖ వాహన తయారీ కంపెనీ హ్యుందాయ్ ఇండియా తన మోడళ్లపై అదిరిపోయే      డిస్కౌంట్‌ను అందిస్తోంది. దీంతో కారు కొనే వారికి చాలా ఊరట లభించనుంది. హ్యుందాయ్ తన కార్ల అమ్మకాలలో గత నెలలో గణనీయమైన వృద్ధిని నమోదు చేసింది. దక్షిణ కొరియా కార్ల తయారీ సంస్థ హ్యుందాయ్ గత నెలలో 51, 600 యూనిట్లను విక్రయించింది. ఇది 2020 ఫిబ్రవరిలో 40,010 యూనిట్ల పోల్చితే 29 శాతం ఎక్కువ.  హ్యుందాయ్ కార్లలో క్రెటా, ఐ20 కార్లు ఎక్కువగా అమ్ముడుపోయాయి. గణనీయమైన వృద్ధిని నమోదు చేయడానికి ప్రధాన కారణం తన కార్ల మోడళ్లపై అదిరిపోయే డిస్కౌంట్‌ను అందించడమే. అందుకే ఈ నెలలో కూడా కొన్ని కార్లపై అదిరిపోయే డిస్కౌంట్‌ను అందిస్తోంది. హ్యుందాయ్ కంపెనీ ఎంపిక చేసిన మోడళ్లపై గరిష్టంగా రూ.1.5 లక్షల వరకు తగ్గింపు అందిస్తోంది. గ్రాండ్ ఐ10 నియోస్, ఎలంట్రా, శాంట్రో, ఆరా, కోనా వంటి మోడళ్లకు ఈ ఆఫర్ వర్తించనుండగా.. మార్చి నెలాఖరు దాకా ఈ ఆఫర్ అందుబాటులో ఉంటుంది. ఏ మోడల్ పై ఎంత తగ్గింపు అందించింది క్రింద తెలుసుకోండి. మోడళ్ల వారీగా డిస్కౌంట్: హ్యుందాయ్ కోనా మోడల్ పై రూ.1.5 లక్షల వరకు తగ్గింపు హ్యుందాయ్ ఎలంట్రా మోడల్ పై రూ.1 లక్ష వరకు తగ్గింపు హ్యుందాయ్ ఆరా మోడల్ పై రూ.70 వేలు వరకు తగ్గింపు హ్యుందాయ్ నియోస్ మోడల్ పై రూ.60 వేలు వరకు తగ్గింపు హ్యుందాయ్ శాంట్రో(ఎంట్రీ లెవెల్) మోడల్ పై రూ.50 వేలు వరకు తగ్గింపు

ముంబై: ఆరోగ్యకరమైన, చురుకైన జీవనవిధానాన్ని అనుసరించే పాలసీదారులను ఆరోగ్య బీమా కంపెనీలు ప్రోత్సహిస్తున్నాయి. హెల్త్‌ ఇన్సూరెన్స్‌ పాలసీల రెన్యువల్‌పై 80 నుంచి 100 శాతం వరకు తగ్గింపుతోపాటు ఇతర ఆఫర్లను కూడా అందిస్తున్నాయి. సాధారణంగా హెల్త్‌ ఇన్సూరెన్స్‌ కంపెనీలు ఒక పాలసీ ఏడాదిలో ఎటువంటి క్లెయిమ్‌ లేకపోతే మరుసటి సంవత్సరానికి రెన్యువల్‌పై 25 శాతం నుంచి 50 శాతం వరకు సమ్‌ అష్యూర్డ్‌ (బీమా కవరేజీ)ను పెంచే ఆప్షన్‌ను ఇస్తుంటాయి. కానీ, ఆదిత్య బిర్లా హెల్త్‌ ఇన్సూరెన్స్‌ సంస్థ ‘యాక్టివ్‌ హెల్త్‌’ ప్లాన్‌లో వరుసగా రెండేళ్ల పాటు ఎటువంటి క్లెయిమ్‌ లేకపోతే మూడో ఏడాది రెన్యువల్‌ సమయంలో నూరు శాతం డిస్కౌంట్‌ను ఇస్తోంది. మూడో ఏడాది ప్రీమియం చెల్లింపుల్లో దాన్ని సర్దుబాటు చేసుకోవచ్చు. తగినన్ని యాక్టివ్‌ డేజ్‌ను సమకూర్చుకున్న కస్టమర్లకే ఆదిత్య బిర్లా ఈ ఆఫర్‌ ఇస్తోంది. ఒక యాక్టివ్‌డే అంటే రోజులో 10,000 అడుగులు వేయడం (300 క్యాలరీలను కరిగించుకోవడం). అంటే క్రమం తప్పకుండా నడు స్తూ, ఆరోగ్య రక్షణ చర్యలను తీసుకున్న వారికి రివార్డులతో ప్రతిఫలాన్ని అందిస్తోంది. యాక్టివ్‌ హెల్త్‌ యాప్‌ ద్వారా కస్టమర్ల ఆరోగ్యకరమైన జీవనశైలిని కంపెనీ నమోదు చేస్తుంటుంది. ఆరోగ్యకరమైన జీవనశైలితో  క్లెయిమ్‌లు తగ్గుతాయి. కనుక బీమా సంస్థలపై ఆ మేరకు భారం తగ్గుతుంది.  మొదటి అడుగు మాదే..  పాలసీదారులు చురుగ్గా, ఆరోగ్యకరంగా ఉండేందుకు ప్రోత్సహిస్తున్నట్టు ఆదిత్య బిర్లా హెల్త్‌ ఇన్సూ రెన్స్‌ సీఈవో మయాంక్‌ భత్వాల్‌ తెలిపారు. నూరు శాతం డిస్కౌంట్‌ ఇవ్వడం పరిశ్రమలో మొదటిసారిగా పేర్కొన్నారు. ఆదిత్య బిర్లా హెల్త్‌ ఇన్సూరెన్స్‌ ఇచ్చే రివార్డులను ప్రీమియం చెల్లింపు ల్లో సర్దుబాటు చేసుకోవడం లేదా మందుల కొనుగోలు లేదా వ్యాధి నిర్ధారణ పరీక్షలకు చెల్లింపుల కోసం వినియోగించుకోవచ్చు. లేదా వరుసగా రెండేళ్లపాటు క్లెయిమ్‌లు లేకపోతే మూడో ఏడాది నూరు శాతం బీమా కవరేజీని పెంచుకునే ఆప్షన్‌ను కూడా కంపెనీ ఇస్తోంది.  ఫ్యూచర్‌ జనరాలి సైతం..  ఫ్యూచర్‌ జనరాలి సంస్థ ఈ నెలలోనే ఈ తరహా ఫీచర్‌తో ‘హెల్త్‌ సూపర్‌ సేవర్‌’ ప్లాన్‌ను ప్రారంభించింది. ఇందులో 1ఎక్స్, 2ఎక్స్‌ పేరుతో రెండు ఆప్షన్లు ఉన్నాయి. 1ఎక్స్‌లో క్రితం ఏడాది పాలసీదారు నుంచి ఎటువంటి క్లెయిమ్‌ లేకపోతే, మరుసటి ఏడాది రెన్యువల్‌ ప్రీమియంపై 80 శాతం డిస్కౌంట్‌ను ఆఫర్‌ చేస్తోంది. 2ఎక్స్‌లో క్రితం రెండు సంవత్సరాల్లోనూ క్లెయిమ్‌లే లేనట్టయితే.. తదుపరి రెండు సంవత్సరాల ప్రీమియంలో 80 శాతం తగ్గింపు ఇస్తోంది.    

సాక్షి, కడప : ఆంధ్రప్రదేశ్‌ రాష్ట్ర రోడ్డు రవాణా సంస్థ(ఆర్టీసీ)లో డాల్పిన్, అమరావతి, ఇంద్ర, సూపర్‌లగ్జరీ, అల్ట్రా డీలక్స్, ఎక్స్‌ప్రెస్‌ బస్సులో ప్రయాణించడానికి 48 గంటల ముందు టిక్కెట్లను రిజర్వు చేసుకుంటే ఛార్జీలో 10 శాతం రాయితీ కల్పించనున్నారు. ఈ విషయాన్ని ఆర్టీసీ సంస్థ రీజినల్‌ మేనేజర్‌ జితేంద్రనాథ్‌రెడ్డి తెలిపారు. శుక్రవారం ఆయన విలేకరులతో మాట్లాడుతూ..ఈ రాయితీ సౌకర్యం విశాఖపట్టణం, విజయవాడ, హైదరాబాదు, చెన్నై, బెంగళూరు నగరాలకు వెళ్లే ప్రయాణీకులకు మాత్రమే వర్తిస్తుందన్నారు. మాట్లాడుతున్న జితేంద్రనాథ్‌రెడ్డి   రాయితీ పొందేందుకు 48 గంటల ముందు రిజర్వు చేసుకోవాలని తెలిపారు. తొలి నాలుగైదు సీట్లకు మాత్రమే రాయితీ ఉంటుందని తెలిపారు. డాల్ఫిన్‌ బస్సులో 58 సీట్ల కెపాసిటీ ఉంటే ఐదుగురికి, అమరావతి బస్సులో 49 సీట్ల కెపాసిటీ ఉంటే ఐదుగురికి, ఇంద్ర బస్సులో 40 సీట్లు ఉంటే నలుగురు, సూపర్‌ లగ్జరీలో 35 సీట్లకుగాను నలుగురికి, అల్ట్రా డీలక్స్‌లో 39 సీట్లకుగాను నలుగురు, ఎక్స్‌ప్రెస్‌ బస్సులో 49 సీట్లు ఉంటే ఐదుగురికి రాయితీ అవకాశం ఉంటుందన్నారు. ఈ అవకాశం  మార్చి 31వ తేది వరకు అమలులో ఉంటుందని ఆయన వివరించారు.  చదవండి: తిరుపతి సర్వీసుల్లో శీఘ్రదర్శనం టికెట్లు