దేశ వాణిజ్య రాజధాని ముంబై మురికివాడలో జీవితం ఎంత దుర్భరంగా ఉంటుందో గతంలో చాలా సినిమాల్లో చూశాం. తాజాగా జొమాటో డెలివరీ ఏజెంట్ షేర్‌ చేసిన అతని హోం టూర్‌ ఇంటర్నెట్‌లో సంచలనంగా మారింది. ప్రంజయ్ బోర్గోయరీ ఇన్‌స్టాలో రూ. 500 అద్దెతో జీవిస్తున్న తన గదికి సంబంధించిన వీడియోను షేర్ చేశారు. ఇప్పటికే 50 లక్షలకు పైగా మిలియన్స్‌తో ఇది వైరల్ అవుతోంది. View this post on Instagram A post shared by qb_07 (@qb__.07) ఈశాన్య భారతదేశానికి చెందిన ప్రంజయ్‌ బోర్గోయరీ అనే యువకుడు ఉపాధి నిమిత్తం ముంబైకి వచ్చాడు. మహానగరాల్లో ఉద్యోగంలో వెతుక్కునే సమయంలో అందరికీ కనిపించే తొలి ఆప్షన్‌. డెలివరీ బాయ్‌ లేదా, క్యాబ్‌, బైక్‌ రైడింగ్‌. ఇతను కూడా జొమాటో డెలివరీ బాయ్‌ పనే ఎంచుకున్నాడు. సోనూ అనే స్నేహితుడితో కలిసి ఇరుకు గదిలో ఉంటున్నాడు.ఈ క్రమంలో తన కఠినమైన జీవన పరిస్థితులను గురించి ‘స్ట్రగులింగ్ ఆర్టిస్ట్’ అనే క్యాప్షన్‌తో ఇన్‌స్టాలో షేర్ చేశాడు. తన కుటుంబ నేపథ్యం, నిరుపేదలైన తల్లిదండ్రులను కష్టాలను ఈ వీడియోలో పంచుకున్నాడు. ఇప్పటికే తన కోసం వారు చాలా ఖర్చుచేశారని, ముఖ్యంగా తాను అనారోగ్యానికి గురైనప్పుడు వాళ్లు ఎంతో ఇబ్బంది పడి వైద్యం చేయించారని గుర్తు చేసుకున్నాడు. అందుకే ఇకపై వాళ్లపై ఆధారపడి జీవించడం ఇష్టం లేదని చెప్పుకొచ్చాడు. అలాగే టాయిలెట్‌ రూం కష్టాలను కూడా కళ్ళకు కట్టినట్టు మరో వీడియోలో చూపించాడు. అన్నట్టు వీళ్లకి ఒక పిల్లి పిల్ల కూడా ఉంది. సింగర్‌గా ఫుట్‌ బాయల్‌ ప్లేయర్‌గా రాణించాలనే ఇతని డ్రీమ్‌.త్వరలోనే ఈ పరిస్థితులనుంచి బయటపడేలా కృషి చేస్తా అన్నాడు. ముంబై మురికివాడల్లో జీవితం ఎంత దుర్బరంగా ఉంటుందో తెలిసింది అంటూ నెటిజన్లు కమెంట్‌ చేశారు. బోర్గోయరీకి ఆన్‌లైన్‌లో భారీ మద్దతు లభిస్తోంది. అతడి వీడియో చూసిన స్పందించిన ఖుషీ యూజర్‌ మూడు నెలల అద్దె చెల్లించాడు. మంచి రోజులు వస్తాయంటూ శుభాకాంక్షలందించారు మరికొంతమంది. ఇతనికి ప్రస్తుతం ఇన్‌స్టాలో 1.45 లక్షల మంది ఫాలోయర్లు ఉండటం విశేషం.

మంచు ఫ్యామిలీ గురించి తెలుగు ప్రేక్షకులకు కొత్తగా చెప్పాల్సిన పనిలేదు. మోహన్ బాబు దగ్గర నుంచి మంచు లక్ష్మీ వరకు అందరూ సినిమాల్లో నటించారు. నటిస్తూనే ఉన్నారు. అలానే ఎప్పుడూ ఏదో ఓ విషయమై సోషల్ మీడియాలో ఉంటూనే ఉంటారు. అలా ఇప్పుడు మంచు లక్ష్మీ చర్చల్లోకి వచ్చింది. ముంబైలో కొత్త ఇల్లు కొనడమే దీనికి కారణం. తండ్రి మోహన్ బాబు అడుగుజాడల్లో ఇండస్ట్రీలోకి వచ్చిన మంచు లక్ష్మీ.. తొలుత నిర్మాతగా ఎంట్రీ ఇచ్చింది. 'అనఅనగా ఓ ధీరుడు' అనే సినిమాతో నటిగా కెరీర్ ప్రారంభించింది. హీరోయిన్, సహాయ పాత్రల్లో పలు సినిమాలు చేసి గుర్తింపు తెచ్చుకుంది. ఈమె నటించిన 'ఆదిపర్వం' అనే హీరోయిన్ ఓరియెంటెడ్ మూవీ విడుదలకు సిద్ధంగా ఉంది. (ఇదీ చదవండి: నేను అనుకున్న కలని అతడు నిజం చేశాడు: చిరంజీవి) సరే ఇదంతా పక్కనబెడితే ఇప్పటికే తండ్రి మోహన్ బాబు ఇంటిని, హైదరాబాద్ తన ఇంటిని హోమ్ టూర్స్ చేసిన మంచు లక్ష్మీ.. ఇప్పుడు ముంబైలో తను కొత్తగా తీసుకున్న ఇంటి టూర్ వీడియో కూడా చేసింది. ఇది పర్మినెంట్ ఫ్లాట్ కాదని చెప్పింది. చాలావరకు హైదరాబాద్ నుంచి తనకు నచ్చిన, కావాల్సిన వస్తువుల్ని తెచ్చేసుకున్నానని చెప్పుకొచ్చింది. తాను ఇప్పటికే చేసిన హోమ్ టూర్  వీడియోలకు మంచి స్పందన వచ్చిందని, అందుకే ఇప్పుడు ఈ హోమ్ టూర్ వీడియో కూడా చేశానని క్లారిటీ ఇచ్చింది. అయితే షూటింగ్స్ కోసం అప్పుడప్పుడు ముంబై వెళ్లి వస్తున్న మంచు లక్ష్మీకి అక్కడ ఉండేందుకు ఇబ్బంది అవుతున్నట్లు ఉంది. బహుశా అందుకే ఈ ఫ్లాట్ ని తీసుకున్నట్లు తెలస్తోంది. ఇప్పటికే రామ్ చరణ్, ప్రభాస్, సూర్య లాంటి హీరోలకు ముంబైలో ఫ్లాట్స్ ఉన్నాయి. ఇప్పుడు ఆ లిస్టులో మంచు లక్ష్మీ కూడా చేరిందనమాట. (ఇదీ చదవండి: సాయిపల్లవికి రికార్డ్ రెమ్యునరేషన్.. 'రామాయణ' కోసం అన్ని కోట్లా?)

పార్వతి తిరువోతు.. మలయాళీ ముద్దుగుమ్మ. ఔట్‌ ఆఫ్‌ సిలబస్‌ సినిమాతో ఇండస్ట్రీలో అడుగుపెట్టింది. కేవలం మలయాళంలోనే కాకుండా కన్నడ, తమిళ భాషల్లోనూ సినిమాలు చేసింది. బెంగళూరు డేస్‌, చార్లీ, ఎన్ను నింటె మొయిదీన్‌, టే​కాఫ్‌ వంటి పలు చిత్రాలతో గుర్తింపు తెచ్చుకుంది. ఇంట్లోనే మామిడి, నిమ్మ..  గతేడాది రిలీజైన దూత అనే వెబ్‌ సిరీస్‌తో తెలుగువారికి పరిచయమైంది. తాజాగా ఆమె తన హోంటూర్‌ చేసింది. 'నా ఇంట్లో మామిడి చెట్టు ఉంది. నిమ్మకాయ చెట్టు కూడా ఉంది. ఆ చెట్ల నుంచి ఫలాలు తెంపుకుని వాటినే సలాడ్‌లో వాడుతూ ఉంటాను. ఇది చూసి జనాలు షాక్‌ అవుతూ ఉంటారు. నేను ఇంటికి వచ్చిన ప్రతిసారి ఈ ఇల్లు నన్ను హత్తుకున్నట్లుగా అనిపిస్తుంది. పడేయడం నచ్చదు నాకంటూ ఓ లైబ్రరీ కూడా ఉంది. నటిగా నేను ఎప్పుడు ఎక్కడ ఉంటానో తెలీదు కాబట్టి ఇంట్లో అన్ని వస్తువులు తెచ్చి నింపేసుకోను. వస్తువులు పాతగైపోగానే పడేయడం ఇష్టముండదు. 19 ఏళ్లుగా ఓ చిన్న మొక్క కూడా నాతోనే ఉంది. దాదాపు 36 మొక్కలకు నేను తల్లినైపోయాను. ఈ బాల్కనీలో ఉండటం ఎంతో ఇష్టం' అని చెప్పుకొచ్చింది. ఇది చూసిన అభిమానులు హీరోయిన్‌ తన బాల్కనీని పచ్చదనంతో నింపేసింది, పెద్దగా సామాన్లు లేకుండా చాలా బాగుంది అని కామెంట్లు చేస్తున్నారు. View this post on Instagram A post shared by ArchPro (@arch.kerala) చదవండి: 'దేవర'లో నా పాత్ర ఇదే.. రివీల్‌ చేసిన మరాఠీ బ్యూటీ

వరుణ్ సందేశ్, వితికా శేరు జంటగా నటించిన చిత్రం 'పడ్డానండి ప్రేమలో మరి'. ఈ చిత్రం ద్వారా పరిచయమైన ఈ జంట ప్రేమలో పడ్డారు. ఆ తర్వాత ఇరు కుటుంబాల అంగీకారంతో ఆగస్టు 19, 2016న వివాహాబంధంతో ఒక్కటయ్యారు. హ్యాపీ డేస్ చిత్రంలో ఇండస్ట్రీకి పరిచయమైన వరుణ్ సందేశ్ కొత్త బంగారులోకం, ఎవరైనా ఎప్పుడైనా, ప్రియుడు లాంటి చిత్రాల్లో కనిపించారు. అయితే ఈ జంట పెళ్లి తర్వాత బిగ్‌బాస్‌ మూడో సీజన్‌లో కంటెస్టెంట్స్‌గా పాల్గొన్నారు. తాజాగా వరుణ్ సందేశ్ భార్య తమ ఇంటికి సంబంధించిన వీడియోను షేర్ చేసింది. చాలా మంది అభిమానుల కోరిక మేరకే హోమ్‌ టూర్‌ చేశానని చెప్పుకొచ్చింది. అయితే పాత ఇంటినే తమకు నచ్చిన విధంగా డిజైన్ చేసుకున్నట్లు తెలిపింది. తాము కొవిడ్ టైమ్‌లో అమెరికాలో ఉన్నామని వెల్లడించింది. మా అత్తయ్య ప్రత్యేకంగా ఇంటిని తీర్చిదిద్దారని వితికా పేర్కొంది. కాగా.. ఇటీవలే వరుణ్ సందేశ్- వితికా శేరు అయ్యప్ప పూజలో పాల్గొన్న సంగతి తెలిసిందే. దీనికి సంబంధించిన వీడియోను కూడా అభిమానులతో పంచుకుంది. View this post on Instagram A post shared by Vithika Sheru (@vithikasheru)

స్టార్ హీరోల కుటుంబాల నుంచి అబ్బాయిలు క‌థానాయ‌కుడిగా వెండితెర‌పై రంగ‌ప్ర‌వేశం చేస్తుంటారు. అమ్మాయిలు చాలా అరుదుగా వెండితెర‌పై మెరుస్తుంటారు. అయితే సూప‌ర్ స్టార్ కృష్ణ రెండో కూతురు మంజుల బాల‌న‌టిగా న‌టించ‌డ‌మే కాకుండా త‌ర్వాతి క్ర‌మంలో నిర్మాత‌గా, ద‌ర్శ‌కురాలిగా కొన‌సాగింది. శ‌భాష్ గోపి సినిమాలో హీరోయిన్‌గా న‌టించిన మంజుల మ‌ల‌యాళంలో స‌మ్మ‌ర్ ఇన్ బెత్లెహామ్‌,  త‌మిళంలో రాజ‌స్థాన్ మూవీలో న‌టించింది. త‌ర్వాత షో సినిమాతో నిర్మాత‌గా మారింది. మ‌హేశ్‌బాబు నాని, పోకిరి, ఏ మాయ చేశావె సినిమాల నిర్మాణంలో పాలుపంచుకుంది. మ‌న‌సుకు న‌చ్చింది చిత్రంతో డైరెక్ట‌ర్‌గానూ మారింది. ఈ మ‌ధ్యే విడుద‌లైన‌ మంత్ ఆఫ్ మ‌ధు సినిమాలోనూ క‌నిపించింది. పూజ‌తోనే రోజు ప్రారంభం తాజాగా ఈ టాలెంటెడ్ న‌టి, నిర్మాత‌ త‌న యూట్యూబ్ ఛాన‌ల్‌లో హోంటూర్ వీడియోను షేర్ చేసింది. ఈ వీడియోలో మంజుల‌ మాట్లాడుతూ.. 'నేను హోంటూర్ చేస్తున్నాను. మా ఇల్లు చాలా సింపుల్‌గా ఉంటుంది. మ‌రీ ఎక్కువ ఎక్స్‌పెక్ట్ చేయొద్దు' అంటూ త‌న ఇంటిని చూపించింది. దేవుడి పూజ‌తోనే రోజును ప్రారంభిస్తాను అంటూ మొద‌ట పూజ‌గ‌దిని చూపించింది. లివింగ్ ఏరియా, డైనింగ్ రూమ్‌, కిచెన్ గ‌దులను చూపించింది. త‌న కూతురి కోసం చిన్న‌ప్ప‌టి నుంచి కొన్న బొమ్మ‌లు, ఆట‌వ‌స్తువులు అన్నింటినీ చిన్న‌పాటి గ‌దిలో అందంగా అమ‌ర్చింది. ఇంట్లో ఆఫీస్ రూమ్ & బార్‌ అంద‌రూ క‌లిసి క‌బుర్లాడుకునేందుకు ఒక ఫ్యామిలీ రూమ్ కూడా ఉంది. అలాగే కాఫీ బార్‌ను చూపిస్తూ అది త‌న భ‌ర్త‌కు ఎంతో ఇష్ట‌మ‌ని పేర్కొంది. ఇంట్లో ఉన్న పెయింటింగ్స్‌ను చూపిస్తూ దాని ప్ర‌త్యేక‌త‌లు కూడా చెప్పుకొచ్చింది. ఇక ఇంట్లోనే ఆఫీస్ రూమ్ ఏర్పాటు చేసుకుంది మంజుల‌. త‌న‌కు పుస్త‌కాలు చ‌ద‌వ‌డం అంటే ఎంతో ఇష్ట‌మని వీలైతే మీరు కూడా చ‌ద‌వండి అని అభిమానుల‌కు స‌ల‌హా ఇచ్చింది. ఇంట్లో ఆరు బాల్క‌నీలు ప్ర‌కృతితో మ‌మేకం అవ‌డం అంటే చాలా ఇష్ట‌మ‌ని, అందుకే త‌న ఇంటికి ఆరు బాల్క‌నీలు ఉన్నాయంది. ఒక బాల్క‌నీలో డైనింగ్ టేబుల్ ఉండ‌గా కొన్నిసార్లు అక్క‌డే రాత్రిపూట భోజ‌నం చేస్తామంది. పెర‌ట్లో చాలా ర‌కాల చెట్లున్నాయంది. జిమ్ ఏరియాలో టేబుల్ టెన్నిస్ కూడా ఏర్పాటు చేసింది. ఇంటిపై భాగంలోనూ చిన్నపాటి గార్డెన్ ఏర్పాటు చేసింది.. మంజుల చెప్పిన‌ట్లుగానే త‌న ఇల్లు చాలా సింపుల్‌గా అలాగే ఎంతో అందంగా ఉంది. చ‌ద‌వండి: అప్పటిలా లేను.. చాలా మారిపోయా: అనసూయ

తెలుగులో లేడీ కమెడియన్స్ చాలా తక్కువ మంది. అందులో ఫైమా గురించి ప్రత్యేకంగా చెప్పాల్సిన పనిలేదు. టీవీ షోలతో పాపులారిటీ తెచ్చుకున్న ఈమె.. తనదైన మార్క్ కామెడీ టైమింగ్‌తో అలరిస్తూ ఉంటుంది. అలాంటి ఈమె.. ఇప్పుడు కొత్తింట్లో అడుగుపెట్టింది. అప్పట్లో తన తల్లికి ఇచ్చిన మాటని నిలబెట్టుకుంది. 'పటాస్' షోలో స్టాండప్ కామెడీ చేస్తూ వెలుగులోకి వచ్చిన ఫైమా.. ఆ తర్వాత 'జబర్దస్త్'లోకి ఎంట్రీ ఇచ్చింది. తొలుత సహాయ పాత్రల్లో కనిపించిన ఈమె.. తన మార్క్ విచిత్రమై యాస, టైమింగ్‌తో ఆకట్టుకుంది. ఒకానొక దశలో టీమ్ లీడర్స్‌నే డామినేట్ చేసి మరీ గుర్తింపు తెచ్చుకుంది. (ఇదీ చదవండి: 'ఛాంగురే బంగారు రాజా' సినిమా రివ్యూ) అలా కమెడియన్‌గా చాలా క్రేజ్ తెచ్చుకున్న ఫైమా.. గతేడాది 'బిగ్‌బాస్'లో పాల్గొంది. దాదాపు 10 వారాల పాటు ఉండి, అద్భుతమైన ఎంటర్‌టైన్‌మెంట్ ఇచ్చింది. అయితే షోలో అడుగుపెట్టినప్పుడు తల్లి గురించి కొన్ని విషయాలు చెప్పింది. బీడీలు చుట్టి, అలా వచ్చిన డబ్బుతో తమని పెంచిందని చెప్పిన ఫైమా.. ఆమెకి ఓ ఇల్లు కట్టివ్వాలనేదే తన కోరిక అని చెప్పింది. ఇప్పుడు ఆ కలని నిజం చేసి చూపించింది. ఇదిలా ఉండగా ఫైమా.. ప్రస్తుతం పలు షోల్లో కమెడియన్, డ్యాన్సర్‌గా ఆకట్టుకుంటోంది. మరోవైపు 'పటాస్' నుంచి తనతో ట్రావెల్ అవుతున్న కమెడియన్ ప్రవీణ్‪‌తో ఈమె ప్రేమలో ఉంది. ఇక ఎలానూ ఇల్లు కట్టేసింది కాబట్టి త్వరలో వీళ్లిద్దరూ పెళ్లి చేసుకున్నా ఆశ్చర్యపోవాల్సిన పనిలేదు. చూడాలి ఎప్పుడో ఆ శుభకార్యం జరుగుతుందో? (ఇదీ చదవండి: అతడితో పులిహోర కలిపేస్తున్న రతిక.. పాపం ప్రశాంత్!)

Tiny 1 BHK Flat In Mumbai: భారతదేశంలోని అత్యంత ఖరీదైన నగరాల్లో ముంబయి (Mumbai) అగ్రస్థానంలో ఉంది. దేశ ఆర్థిక రాజధానిగా పిలిచే ముంబై నగరంలో ఇళ్లు చాలా ఖరీదైనదని ప్రత్యేకంగా చెప్పనవసరం లేదు. ఇక్కడ ఇల్లు కొన్నాలన్నా, అద్దెకు తీసుకోవాలన్నా చాలా కష్టం. అందుకే ఇక్కడ ప్రజలు అత్యంత ఇరుకు అపార్ట్‌మెంట్లలో నివసిస్తుంటారు. ఇటీవల ఒక ఇన్‌స్టాగ్రామ్‌ (Instagram) యూజర్‌ ముంబైలోని వన్‌ బీహెచ్‌కే (1 BHK) ఫ్లాట్ హౌస్ టూర్ వీడియోను షేర్‌ చేశాడు. ఈ వీడియో చూసిన యూజర్లు.. ఇదెక్కడి ఇల్లురా బాబూ.. అంటూ ఆశ్చర్యం వ్యక్తం చేస్తున్నారు. అలాంటి ఇంట్లో ఉండనందుకు నిజంగా చాలా అదృష్టమంతులమంటూ కామెంట్లు చేస్తున్నారు. సుమిత్ పాల్వే అనే యువకుడు ఇన్‌స్టాగ్రామ్‌లో ఈ హౌస్‌ టూర్‌ వీడియోను షేర్ చేశాడు. ఇది సౌత్ బాంబే కాబట్టి ఇరుకు ఇళ్లకు రాజీ పడాల్సిందే అంటూ ఆ వీడియో ప్రారంభంలోనే పేర్కొన్నాడు. అత్యంత చిన్నది, ఇరుకైనది అయిన ఆ ఇంటిని చూపించడానికి చాలా కష్టపడ్డాడు ఆ యువకుడు. అత్యంత ఖరీదైన దక్షిణ ముంబైలో రూ. 2.5 కోట్లు పెట్టి కొనే అపార్ట్‌మెంట్లు కూడా ఇలాగే ఇరుగ్గా ఉంటాయని, రాజీ పడక తప్పదని వివరించాడు. View this post on Instagram A post shared by SUMIT PALVE (@me_palve)

విజయనిర్మల ఈ పేరు తెలుగువారి పరిచయం చేయాల్సిన పనిలేదు. ఎందుకంటే అంతలా తన పేరు తెలుగు సినీ పరిశ్రమలో లిఖించుకున్నారు. నటిగా, నిర్మాతగా, దర్శకురాలిగా వెండితెరపై మెరిశారు. తన ఏడో ఏటనే మత్స్యరేఖ అనే సినిమా ద్వారా బాల్యంలోనే సినీరంగ ప్రవేశం చేశారు.   తెలుగు, తమిళ, మలయాళం భాషల్లో 200కుపైగా చిత్రాల్లో నటించిన ఆమె.. సూపర్ స్టార్ కృష్ణతోనే ఏకంగా 47 సినిమాల్లో నటించారు. 1971లో మీనా చిత్రంతో దర్శకురాలిగా పరిచయం అయిన విజయనిర్మల మొగుడు పెళ్లాల దొంగాట, మూడు పువ్వులు ఆరు కాయలు, హేమా హేమీలు, రామ్‌ రాబర్ట్‌ రహీం, సిరిమల్లె నవ్వింది, భోగి మంటలు వంటి ఎన్నో సినిమాలను తెరకెక్కించారు. దర్శకురాలిగా 42 సినిమాలకు తెరకెక్కించి ప్రపంచంలోనే అత్యధిక సినిమాలకు దర్శకత్వం వహించిన తొలి  మహిళా దర్శకురాలిగా 2002లో గిన్నిస్‌ బుక్‌లో చోటు సంపాదించుకోవడం విశేషం.  కృష్ణతో వివాహం ప్రముఖ చిత్రకారుడు బాపు దర్శకుడిగా అవతారమెత్తిన తొలి చిత్రం సాక్షి. ఇందులో సూపర్‌ స్టార్‌ కృష్ణ, హీరోయిన్‌ విజయ నిర్మల జంటగా నటించారు. ఎన్నో హిట్‌ సినిమాల్లో జంటగా నటించిన వీరు రియల్‌ లైఫ్‌లోనూ దంపతులుగా మారారు. కృష్ణ- విజయ నిర్మల 1969లో పెళ్లి చేసుకున్నారు. ఇద్దరికీ ఇది రెండో వివాహం కాగా.. అయితే కృష్ణగారి కుటుంబాన్ని ఎలా ఒప్పించారన్న ప్రశ్నకు విజయనిర్మల గతంలో ఓ ఇంటర్వ్యూలో సమాధానమిచ్చారు. మొదటి నుంచీ మా జంట అంటే జనాలకు చాలా ఇష్టమని.. అందుకే కృష్ణ ఫ్యామిలీ కూడా మా ప్రేమను అంగీకరించారని తెలిపింది. అంతకుముందే విజయ నిర్మలకు కేఎస్ మూర్తితో వివాహం జరిగింది. వీరికి నరేశ్ సంతానం. ఆమె జూన్ 27న 2019లో కన్నుమూశారు. కాగా.. గతేడాది నవంబర్‌లో కృష్ణ మరణించిన సంగతి తెలిసిందే. ఎటు చూసిన అవార్డులే అయితే హైదరాబాద్‌లోని ఆమె ఇంటిని మీరెప్పుడైనా చూశారా? హైదరాబాద్‌లోని నానక్‌రామ్‌ గూడలో దాదాపు 12 ఏకరాల్లో ఆమె ఇంటిని నిర్మించారు. అప్పట్లోనే డైరెక్టర్‌గా తెలుగులో మంచి గుర్తింపు ఉండేది. అంతలా పేరు ప్రఖ్యాతులు దక్కించుకున్న ఆమె ఇల్లు కూడా అవార్డులతో నిండిపోయింది. ఆమె అక్కడే సూపర్ స్టార్ కృష్ణతో కలిసి ఉండేవారు. ఈ ఇంట్లో ప్రస్తుతం నరేశ్, ఆయన కుమారుడు నవీన్‌ ఉంటున్నారు. ఆమె ఇంటిని ఎంతో అందంగా తీర్చిదిద్దారు. అప్పట్లోనే గార్డెన్‌తో అన్ని రకాల వసతులతో నిర్మించారు. ప్రస్తుతం ఆ ఇంట్లో ఆమె విగ్రహాన్ని ప్రత్యేకంగా తయారు చేయించి ప్రతిష్టించారు. అంతే కాకుండా ఆమెకు గిన్నిస్ అవార్డ్ వచ్చిన విషయాన్ని శిలాఫలకం తయారు చేయించారు. 

ఒక్కొక్కరిదీ ఒక్కో అభిరుచి.. కొందరికి రాయడం ఇష్టం.. కొందరికేమో పాడటం ఇష్టం.. పెయింటింగ్స్‌ వేయడం.. డ్యాన్స్‌ చేయడం, నటించడం.. ఇలా ఒక్కొక్కరికీ ఒక్కోటి నచ్చుతుంది. చాలామంది దాన్ని టైంపాస్‌గా భావిస్తారు. కానీ కళాకారులు మాత్రం వాటినే నమ్ముకుని అంచెలంచెలుగా ఎదుగుతుంటారు. అలా హాస్యాన్ని నమ్ముకుని, అందరినీ నవ్వించడమే పనిగా పెట్టుకున్నవాళ్లు ఎంతోమంది ఇండస్ట్రీలో వెలుగు వెలుగుతున్నారు. వారిలో ఒకరే జబర్దస్త్‌ కమెడియన్‌ కెవ్వు కార్తీక్‌.  తన పంచులతో, స్కిట్లతో ప్రేక్షకులకు వినోదాన్ని పంచే కెవ్వు కార్తీక్‌ ఇటీవలే వైవాహిక బంధంలోకి అడుగుపెట్టాడు. ఏడాది క్రితం కొత్త ఇల్లు కొనుక్కున్న కార్తీక్‌ తాజాగా హోం టూర్‌ వీడియో చేశాడు. తన ఇంటి గేటు దగ్గరి నుంచి ప్రతీది ప్రత్యేకంగా డిజైన్‌ చేయించినట్లు తెలిపాడు. 'గతంలో అద్దె ఇంట్లో ఉన్నప్పుడు హోంటూర్‌ చేశాను. నేను సొంతంగా ఓ ఇల్లు కొనుకున్నాక మళ్లీ హోంటూర్‌ వీడియో చేయాలనుకున్నాను. ఏడాది క్రితమే ఈ ఇల్లు కొన్నప్పటికీ ఇంటీరియర్‌, వస్తువులు అన్నీ సమకూర్చుకునేసరికి ఇంత సమయం పట్టింది. ఇన్నాళ్లకు ఇల్లు పూర్తిగా రెడీ అవడంతో వీడియో చేశాను. గతంలో నేను కింద పడుకునేవాడిని. సోఫా కూడా ఉండేది కాదు. నాకంటూ సొంతిల్లు ఉన్నాకే అవన్నీ కొనుక్కోవాలనుకున్నాను. ఇప్పుడు అన్నీ మంచి క్వాలిటీతో ఉన్నవి కొనుక్కున్నాను' అంటూ ప్రతి గదిని క్షుణ్ణంగా చూపించాడు కార్తీక్‌. హాల్‌, పూజ గది, డైనింగ్‌ టేబుల్‌, కిచెన్‌, మూడు బెడ్‌రూమ్స్‌, బాల్కనీ అన్నింటినీ తనకు నచ్చినట్లుగా ఆర్గనైజ్‌ చేయించుకున్నాడు. తన అవార్డులు, గృహప్రవేశానికి వచ్చిన బహుమతులను సైతం చూపిస్తూ పోయాడు. తన బాల్కనీని మొత్తం గ్రీనరీతో నింపేశాడు. ఈ ఇంట్లో నెమళ్ల శబ్ధాలు కూడా వినిపిస్తుండటం విశేషం. కాంక్రీట్‌ జంగిల్‌లో కాకుండా కాస్త ప్రశాంత వాతావరణం ఉన్న ప్రదేశంలో కార్తీక్‌ తన ఇంటిని కొనుగోలు చేసినట్లు తెలుస్తోంది. అభిమానులు సైతం ఇల్లు చాలా బాగుందంటూ కామెంట్లు చేస్తున్నారు. చదవండి: రాజకీయాల్లోకి ఎంట్రీ.. ఎమ్మెల్యేగా పోటీ? స్పందించిన రాహుల్‌

బుల్లితెరపై ఎంతమంది యాంకర్లు ఉన్నా ఉదయ భానుది సెపరేట్‌ స్టైల్‌. ఒకప్పుడు స్టార్‌ యాంకర్‌గా రాణించిన ఉదయభాను బుల్లితెర శ్రీదేవిగా పాపులర్‌ అయ్యింది. అచ్చమైన తెలుగులో గలగలా మాట్లాడే  ఉదయ భాను యాంకరింగ్‌కు ఇప్పటికీ ఎంతోమంది అభిమానులు ఉన్నారు.యాంకర్లలో ఎక్కువ పారితోషికం అందుకున్న యాంకర్‌గానూ ఉదయభానుకు పేరుంది. చదవండి: సోషల్‌ మీడియాలో మరో అరుదైన రికార్డు సొంతం చేసుకున్న రష్మిక  హీరోయిన్‌కు ఏమాత్రం తగ్గని అందం ఆమె సొంతం. దీనికి తోడు తనదైన స్టైల్‌లో హోస్టింగ్‌ చేసే ఉదయభాను బుల్లితెరతో పాటు వెండితెరపై కూడా అలరించింది. అయితే పెళ్లి చేసుకొని పిల్లలు పుట్టాక మాత్రం కనుమరుగైపోయింది. ఈమధ్యే మళ్లీ యాంకర్‌గా రీఎంట్రీ ఇచ్చి ప్రీ రిలీజ్‌ ఈవెంట్లు, షోలు చేస్తుంది. సొంతంగా యూట్యూబ్‌ ఛానెల్‌ కూడా నిర్వహిస్తూ తనకు సంబంధించిన పలు విషయాలను షేర్‌ చేస్తుంటుంది. తాజాగా కొత్త ఇంట్లోకి వెళ్లిన ఉదయభాను దీనికి సంబంధించిన హోంటూర్‌ వీడియోను పంచుకుంది. విశాలవంతమైన గదులతో రిచ్‌ లుక్‌లో ఇల్లు అదిరిపోయింది. ఇది చూసిన నెటిజన్లు ఉదయభానుకు శుభాకాంక్షలు తెలియజేస్తూ కామెంట్స్‌ చేస్తున్నారు. చదవండి: భర్తను తలుచుకొని ఎమోషనల్‌ అయిన సురేఖ వాణి 

బుల్లితెర నటి శ్రీవాణి హోమ్‌టూర్‌ వీడియో చేసింది. గతేడాది ఆమె సొంతింటి కల నిజం చేసుకున్న విషయం తెలిసిందే కదా! ఇటీవల ఈ ఇంటికే ఇంటీరియర్‌ డిజైన్‌ చేయించి నూతన గృహంలా మార్చేసింది నటి. ఈ సందర్భంగా హోమ్‌టూర్‌ అంటూ యూట్యూబ్‌లో వీడియో రిలీజ్‌ చేసింది. ఈ వీడియోలో శ్రీవాణి, ఆమె భర్త విక్రమ్‌ మాట్లాడుతూ.. పల్లెటూరు అంటే ఎంతో ఇష్టమని, ఒక నెల రోజులపాటు ఏదైనా పల్లెలో ఉండాలనుకుంటున్నట్లు పేర్కొన్నారు. అంతేకాదు, పల్లెటూరు వాతావరణంపై ఉన్న ఇష్టంతో ఇంటికి ముందు గుడిసె ఆకారం వచ్చేలా డిజైన్‌ చేయించారు. ఇంటికి ముందు బోలెడన్ని మొక్కలు పెట్టి పచ్చదనాన్ని నింపేశారు. హాల్‌లో సోఫాలు, దేవుడి విగ్రహాలు ఉంచారు. దేవుడి గదిని సింపుల్‌గా డిజైన్‌ చేశారు. అయితే ఈ గదికి తలుపు లేకపోవడం గమనార్హం. విశాలమైన ఓపెన్‌ కిచెన్‌ను, డైనింగ్‌ హాల్‌ను క్షుణ్ణంగా తిరిగి చూపించారు. ప్రతి గదిలో రిమోట్‌తో ఆన్‌, ఆఫ్‌ చేయగలిగే ఫ్యాన్స్‌ పెట్టారు. ఇవి గాలినే కాకుండా వెలుతురిని కూడా ఇస్తాయని చూపించారు. బాల్కనీని కూడా పూలకుండీలతో నింపేశారు. బాల్కనీలో ఉన్న పచ్చని మొక్కల మధ్య తమ కుటుంబం అంతా కాలక్షేపం చేస్తామని చెప్పుకొచ్చింది శ్రీవాణి. అనంతరం మాస్టర్‌ బెడ్‌రూమ్‌.. కూతురి బెడ్‌రూమ్‌, మరొక ఎక్స్‌ట్రా బెడ్‌రూమ్‌ చూపించారు. ప్రతి గదిలో వీలైనంత సామాను పెట్టుకోవడానికి ఎక్కువ కప్‌ బోర్డ్స్‌ చేయించామని తెలిపింది. ఇది చూసిన నెటిజన్లు మీ ఇల్లు చాలా బాగుంది అంటూ కామెంట్లు చేస్తున్నారు.

కమెడియన్ రఘు కారుమంచి.. తెలుగు ప్రేక్షకులకు పెద్దగా పరిచయం అక్కర్లేదు. ఇటీవల నటనకు బ్రేక్‌ ఇచ్చిన అతను అదుర్స్‌, లక్ష్మి, కిక్‌, నాయక్‌, ఊసరవెల్లి వంటి చిత్రాల్లో తనదైన కామెడీతో అలరించాడు. వెండితెరపై కమెడియన్‌గా మంచి పేరు తెచ్చుకున్న రఘు దాదాపు 150 చిత్రాల్లో నటించాడు. అయినా స్టార్‌ యాక్టర్‌ కాలేకపోయాడు. నిజానికి 20 ఏళ్ల క్రితమే జూనియర్‌ ఎన్టీఆర్‌ ఆది సినిమాతో సీనిరంగ ప్రవేశం చేశాడతను. కానీ పెద్దగా గుర్తింపు రాకపోవడంతో బుల్లితెరకు వచ్చాడు. ప్రముఖ కామెడీ షో జబర్దస్త్‌లో కామెడీ స్కిట్స్‌ చేయడమే కాదు టీం లీడర్‌గా వ్యవహరించాడు. అనంతరం వ్యక్తిగత కారణాలతో బుల్లితెరకు సైతం గుడ్‌బై చెప్పిన రఘు సినీ ఇండస్ట్రీ నుంచి బయటకు వచ్చేశాడు. ప్రస్తుతం సాధారణ వ్యక్తిగా జీవితం సాగిస్తున్న రఘు లాక్‌డౌన్‌లో తీవ్ర ఆర్థిక ఇబ్బందులు ఎదుర్కొ‍న్నాడు. అయితే, కొద్ది కాలంలోనే ఆయన ఓ లగ్జరీ ఇంటికి ఓనర్‌ అయ్యాడు. చదవండి: ఆ సినిమా నేను చేసి ఉండకూడదు: లయ షాకింగ్‌ కామెంట్స్‌ ఆ మధ్య వైన్‌ షాప్‌లో రఘు లిక్కర్‌ అమ్ముతూ కనిపించిన వీడియో వైరల్‌గా మారిన సంగతి తెలిసిందే. ఆర్థిక ఇబ్బందుల వల్ల లాక్‌డౌన్‌లో వ్యాపారం మొదలు పెట్టిన రఘు తన స్నేహితుడి వల్ల రెండు వైన్‌ షాపులకు ఓనర్‌ అయ్యాడు. వ్యాపారంతో మళ్లీ పుంజుకున్న రఘు తన అభిరుచికి తగినట్టుగా లగ్జరీ ఇంటిని నిర్మించుకున్నాడు. స్టార్ హీరోల ఇళ్లకు ఏమాత్రం తీసిపోకుండా సొంతింటి కలను నిజం చేసుకున్నాడు. ఇంటి ఎంట్రన్స్‌ నుంచి కిచెన్‌, బెడ్‌రూం, బాల్కనీ ఇలా అన్ని చాలా లగ్జరీగా ఉన్నాయి. అంతేకాదు ఎక్కడ చూసినా పచ్చని మొక్కలు, పూలు, కూరగాయల చెట్లతో ఆ ఇల్లు ప్రకృతి వనాన్ని తలపిస్తోంది. ఇంటిని మొత్తం పూలు, పండ్లు, కూరగాయల మొక్కలతో నింపాడు. ఇక టెర్రస్‌ గార్డెన్‌ విషయానికి వస్తే అక్కడ లేని మొక్క అంటూ లేదు. టమోటాల నుంచి వంకాయ, బెండకాయ, పొట్లగాయ.. క్యాబేజీ, కాలిఫ్లవర్‌ ఇలా అన్ని రకాల కూరగాయలను ఇంట్లోనే స్వయంగా పండించుకుంటున్నాడు. చదవండి: ప్రియుడి చేతిలో చావు దెబ్బలు తిన్న నటి, శరీరమంతా కమిలిపోయి.. చూస్తుంటే రఘు ఆరోగ్యకరమైన, ఆహ్లదకరమైన జీవితాన్ని సాగిస్తున్నట్లు తెలుస్తోంది. ఇక ఇంటి లోపల అయితే అన్ని కొండపల్లి బొమ్మలు, పచ్చని మొక్కలతో నింపాడు. సినీ ఆనవాలు ఎక్కడ కనిపించాకుండా ఇంటిని డెకరేట్‌ చేశాడు. ఇలా రఘు సినీ జీవితానికి దూరంగా.. ప్రకృతికి దగ్గరగా ఆరోగ్యకరమైన జీవితాన్ని లీడ్‌ చేస్తూ ఆనందంగా ఉన్నాడు. అంతేకాదు ప్రస్తుతం తాను పూర్తిగా సినీ ఇండస్ట్రీని వదిలిపెట్టానని, ఇప్పుడు కేవలం రఘు కారుమంచి అని చెప్పకనే చెప్పాడు. కాగా రఘుకు భార్య ఇద్దరు కూతుళ్లు ఉన్న సంగతి తెలిసిందే. ప్రస్తుతం వారు ఇంజనీరింగ్‌ చదువుతున్నట్లు చెప్పాడు. 

కమెడియన్‌ పంచ్‌ ప్రసాద్‌ తీవ్ర అనారోగ్యంతో బాధపడుతున్న విషయం తెలిసిందే! కిడ్నీ సంబంధ సమస్యలతో సతమతమవుతున్న ఆయనకు దగ్గరుండి వైద్యం చేయిస్తానన్నాడు కిర్రాక్‌ ఆర్పీ. ఇప్పుడిప్పుడే అనారోగ్యం నుంచి కోలుకుంటున్న పంచ్‌ ప్రసాద్‌ సిటీ వదిలి తన సొంతింటికి వెళ్లి వారం రోజులు అక్కడే ఉన్నాడు. ఈ సందర్భంగా తమ ఇంటిని చూపిస్తూ హోమ్‌ టూర్‌ వీడియో చేశాడు. తమది G+1 అని కాకపోతే కింది పోర్షన్‌లో పిన్నివాళ్లు ఉంటారని, పై పోర్షన్‌లో తన తల్లి ఉంటుందని చెప్పాడు. ఆ పిన్ని.. అమ్మకు సొంత చెల్లి కావడంతో ఇంట్లో ఉంటున్నందుకు ఇంతవరకు ఒక్కరూపాయి కూడా తీసుకోలేదన్నాడు. అసలు పిన్నిని వదిలి అమ్మ కూడా ఒక్క రోజు ఉండలేదని చెప్పుకొచ్చాడు. మరోవైపు పంచ్‌ ప్రసాద్‌ భార్య.. ఇంట్లో తన భర్తకు వచ్చిన షీల్డ్‌లు చూపిస్తూ మురిసిపోయింది. పనిలో పనిగా ఇల్లునంతటినీ కెమెరాలో బంధించింది. అలాగే కిందకు వెళ్లి అక్కడ ఉన్న గదులను కూడా చూపించింది. ఇంటి లోపలా, బయట వాకిలి నిండా ముగ్గులు వేయగా.. ప్రతి ఏడాది ఇలాగే పెయింటింగ్‌ ముగ్గులు వేస్తారని చెప్పుకొచ్చింది ప్రసాద్‌ భార్య. చదవండి: పిచ్చెక్కిస్తున్న పఠాన్‌.. నాలుగు రోజుల్లోనే రూ.400 కోట్లు

బుల్లితెర నటుడు ఏక్‌నాధ్‌ సీరియల్స్‌ ద్వారా ఎంతోమంది అభిమానులను సంపాదించుకున్నాడు. ఇన్‌స్టాగ్రామ్‌ రీల్స్‌తో ఫ్యాన్స్‌ను ఎంటర్‌టైన్‌ చేస్తూ ఉంటాడీ యాక్టర్‌. నటి, భార్య హారికతో కలిసి ఫోటోషూట్లకు పోజులివ్వడమే కాకుండా అందుకు సంబంధించిన ఫొటోలను, వీడియోలను సోషల్‌ మీడియాలో వదులుతూ ఉంటాడు. ఇటీవలే ఏక్‌నాధ్‌ పుట్టినరోజున ఖరీదైన ఐఫోన్‌ గిఫ్టిచ్చింది హారిక. ఇదిలా ఉంటే తాజాగా ఏక్‌నాధ్‌ తను పుట్టి పెరిగిన ఇంటిని చూపించాడు.  చిట్టూర్పులోని తన పెంకుటిల్లును చూపిస్తూ హోమ్‌టూర్‌ వీడియో చేశాడు. ఇందులో గేటు తీసుకుని లోపలికి వెళ్లగానే దారికిరువైపులా బోలెడన్ని మొక్కలు, చెట్లు, తులసివనం దర్శనమిచ్చాయి. ఇంట్లోకి వెళ్లడానికి ముందు పెద్ద వరండా ఉంది. తర్వాత హాల్‌, బెడ్‌రూమ్‌, కిచెన్‌ వరుసగా ఉన్నాయి. అన్ని గదులు విశాలంగా, గంభీరంగా ఉన్నాయి. వంట చేసుకోవడానికి ఇంటి వెనుక ప్రత్యేకంగా ఓ పాక కూడా ఉంది. ఇంటి వెనకాల కూడా అరటి, మామిడి, ఉసిరి, కొబ్బరి, దానిమ్మ, నిమ్మ, బాదం, సపోటా చెట్లతో పెద్ద తోట ఉంది. ఈ ఇంటిని చూసిన నెటిజన్లు 'పల్లెటూరి వాతావరణానికి తగ్గట్లు ఇల్లు ఎంత చక్కగా ఉందో, ఆ సామాను, ఇల్లు', 'మొక్కలు అవన్నీ చూస్తుంటే మేము గడిపిన పాతరోజులు గుర్తుకు వస్తున్నాయి', 'ఓల్డ్‌ ఈజ్‌ గోల్డ్‌ అని ఊరికే అనలేదు' అంటూ కామెంట్లు చేస్తున్నారు. చదవండి: హీరోయిన్‌ ముఖంపై సూదులు, అసలేమైంది? ఆ విషయం అమ్మకు తెలిస్తే చెప్పుతో కొడుతుంది: గీతూ

అల‌నాటి అందాల తార శ్రీదేవి అతిలోక సుందరిగా ప్రేక్షకుల గుండెల్లో నిలిచిపోయింది.  భారతీయ సినీ పరిశ్రమను ఏలిన అతి తక్కువ మంది హీరోయిన్లలో శ్రీదేవి ఒకరు.  సౌత్, నార్త్ అనే తేడా లేకుండా భారతీయ సినీ పరిశ్రమలో తనకంటూ ఓ ప్రత్యేక స్థానాన్ని సంపాదించుకుంది. అందం, అభినయంతో ఎంతోమంది అభిమానులని సొంతం చేసుకున్న ఆమె 54 ఏళ్ల వయసులోనే ఆకస్మికంగా కన్నుమూసిన సంగతి తెలిసిందే. ఇక సినిమా పరిశ్రమలో ఎంట్రీ ఇచ్చాక ఎంతో కష్టపడి, ఇష్టపడి చెన్నైలో మొట్టమొదటిసారిగా ఓ ఇంటిని కొనుగోలు చేసింది. ఆ ఇల్లు అంటే తనకు ఎంతో ఇష్టమని స్వయంగా శ్రీదేవి పలు సందర్భాల్లో చెప్పింది. తాజాగా చెన్నైలోకి ఆ ఇంటికి వెళ్లిన శ్రీదేవి కూతురు జాన్వీ కపూర్‌ తల్లి నివాసాన్ని అభిమానులకు పరిచయం చేసింది. ఇందుకు సంబంధించిన హోంటూర్‌ వీడియోను రిలీజ్‌ చేసింది. ఈ సందర్బంగా పలు ఆసక్తికర విషయాలు పంచుకున్న జాన్వీ.. తన తల్లిదండ్రుల పెళ్లి ఫోటోను చూపిస్తూ.. 'వీళ్లు రహస్యంగా పెళ్లి చేసుకున్నారు. అందుకే ఈ ఫోటోల్లో ఇద్దరూ ఒత్తిడిగా ఉన్నట్లు కనిపిస్తున్నారు' అంటూ చెప్పుకొచ్చింది. ఇక తన బెడ్‌రూమ్‌లో బాత్‌రూమ్‌కి గడియ ఉండదని చెప్పిన జాన్వీ ఇందుకు గల కారణాన్ని కూడా రివీల్‌ చేసింది. 'నేను బాత్‌రూమ్‌లోకి వెళ్లి అబ్బాయిలతో ఫోన్‌లో మాట్లాడతానేమో అని అమ్మ భయపడేది. అందుకే నా బాత్‌రూమ్‌కి లాక్‌ పెట్టించలేదు. ఇప్పటికే ఇంటికి మరమత్తులు చేసినా నా బాత్‌రూమ్‌కి మాత్రం లాక్‌ పెట్టించలేదు' అంటూ జాన్వీ సీక్రెట్‌ను రివీల్‌ చేసింది. మరి శ్రీదేవి లాగే ఎంతో అందమైన ఆమె ఇంటిని మీరూ చూసేయండి.

నటి ప్రగతి గురించి ప్రత్యేకంగా పరిచయం చేయాల్సిన పనిలేదు. తొలుత హీరోయిన్‌గా ఎంట్రీ ఇచ్చిన ప్రగతి ఆ తర్వాత క్యారెక్టర్‌ ఆర్టిస్టుగా గుర్తింపు పొందింది. పలు చిత్రాల్లో అక్క, అమ్మ పాత్రల్లో నటించి తెలుగులో మంచి పాపులారిటీని సంపాదించుకుంది. ఇక సోషల్‌ మీడియాలోనూ తెగ యాక్టివ్‌గా ఉండే ప్రగతి జిమ్‌, వర్కవుట్‌ వీడియోలతో మరింత ఫేమ్‌ దక్కించుకుంది. రీసెంట్‌గానే సొంతంగా యూట్యూబ్‌ ఛానెల్‌ స్టార్ట్‌ చేసిన ప్రగతి ఫుడ్‌, బ్యూటీ, వర్కవుట్‌ వంటి పలు ఇంట్రెస్టింగ్‌ విశేషాలను నెటిజన్లతో పంచుకుంది. తాజాగా తన ఇంటికి సంబంధించి హోంటూర్‌ వీడియోను షేర్‌ చేసింది. ప్రతి రూపాయి కూడబెట్టుకొని ఎంతో ఇష్టపడి ప్రతి వస్తువును కొనుగోలు చేసినట్లు ప్రగతి పేర్కొంది. అంతేకాకుండా తన ఇంట్లో ప్రతి వస్తువుకు ఓ కథ ఉందని, ప్రపంచంలోనే తనకు ఎంతో ఇష్టమైన ప్రదేశం ఇల్లేనని చెప్పుకొచ్చింది. ప్రస్తుతం ఈ వీడియో నెట్టింట వైరల్‌గా మారింది.

టాలీవుడ్‌లోని ప్రముఖ యాంకర్లలో శ్యామల ఒకరు. టీవీ షోలతో పాటు ఆడియో ఫంక్షన్స్‌, ఇంటర్వ్యూలు చేస్తూ యమ బిజీగా ఉండే శ్యామల తాజాగా యూట్యూబ్‌లో హోమ్‌టూర్‌ వీడియో చేసింది. ఇంకేముందీ, క్షణాల్లో అది వైరల్‌గా మారింది. ఇల్లు.. ప్రతి ఒక్కరి కల.. సొంతిల్లు ఉండాలని ప్రతి ఒక్కరూ కల కంటారు. నా కల ఈ ఇంటి ద్వారా నిజమైందంటూ తన ఇంటిని అంతా చూపించింది. పల్లె వాతావారణం నుంచి వచ్చిన తాను కబుర్లు పెట్టుకునేందుకు వీలుగా ఇంటి ముందు అరుగులా ఉండేలా మెట్లు నిర్మించుకున్నామని చెప్పుకొచ్చింది. ఇది తనకెంతో ఇష్టమైన ప్రదేశమని, ఎక్కువగా ఇక్కడే చిల్‌ అవుతామని తెలిపింది. దేవున్ని ఎక్కువగా నమ్ముతానంటూ మొదటగా పూజగది చూపించింది. తర్వాత వంట చేయడం ఇష్టమంటూ తన విశాలమైన కిచెన్‌ గదిని చూపించింది. కిచెన్‌ పెద్దగా ఉండటంతో అక్కడే డైనింగ్‌ టేబుల్‌ ఏర్పాటు చేసుకున్నారు. శ్యామల ఇంట్లో రెండు హాల్స్‌, నాలుగు బెడ్‌రూమ్స్‌ ఉన్నాయి. అందులోనే కుమారుడు ఇషాన్‌ కోసం ప్రత్యేక బెడ్‌రూమ్‌ ఉంది. స్పైడర్‌ మ్యాన్‌ థీమ్‌తో ఉన్న ఈ రూమ్‌కు అటాచ్‌డ్‌ బాల్కనీ కూడా ఉంది.  తన దగ్గర ఒక్క మేకప్‌ కిట్‌ కూడా ఉండదని, యూట్యూబ్‌లో వీడియోలు చేసేటప్పుడు కూడా మేకప్‌ వేసుకోనని చెప్పుకొచ్చింది శ్యామల. తన మేకప్‌ సామాగ్రి మేకప్‌మెన్‌ దగ్గరే ఉంటాయంది. తన ఇంటికి లిఫ్ట్‌ కూడా ఉందని చూపించింది. అలాగే ఓపెన్‌ వార్డ్‌ రోబ్‌, రీడింగ్‌ ప్లేస్‌, మాస్టర్‌ బెడ్‌రూమ్‌ను చూపించింది. పైన సోలార్‌ ప్యానెల్‌ను పెట్టామంది. చదవండి: నటికి అరుదైన వ్యాధి, వారం రోజుల నుంచి ఒక్క మాట కూడా మాట్లాడలేదు మాచర్ల కోసం నా సమాధిని పునాది వేయడానికి నేను సిద్ధం.. మాచర్ల ధమ్కీ

సూపర్‌ స్టార్‌ కృష్ణ గురించి ప్రత్యేకంగా పరిచయం అక్కర్లేదు. అంత పెద్ద స్టార్‌ అయినప్పటికీ కృష్ణ బయటకు మాత్రం చాలా సింపుల్‌గా ఉంటారు. అందుకే ఆయనను నటుడిగానే కాదు పర్సనల్‌గా కూడా చాలా మంది ఇష్టపడుతుంటారు. ఆ సింప్లిసిటీ ఆయనలో మాత్రమే కాదు, ఇంటిని కూడా అన్ని సౌకర్యాలతో చాలా సింపుల్‌గా నిర్మించుకున్నారు కృష్ణ. ఇటీవల కృష్ణ హోంటూర్‌ వీడియో ప్రోమోను ఆయన కూతురు మంజుల ఘట్టమనేని తన యూట్యూబ్‌ ఛానల్‌లో రిలీజ్‌ చేసిన సంగతి తెలిసిందే. తాజాగా ఆమె ఫుల్‌ వీడియోను వదిలారు ఆమె. ఎప్పుడూ బిజీ బిజీగా ఉండే హైదరాబాద్‌ నగరంలో ఎవరూ ఊహించని రీతిలో కృష్ణ ఇల్లు ఉండటం అందరినీ ఆశ్చర్యపరుస్తోంది. చూట్టూ ఆకుపచ్చని చెట్లు, పక్షుల కిలకిల రాగాలు, రకరకాల పూలు, పండ్ల తోటలతో పూర్తి ప్రకృతమయంగా ఇంటిని నిర్మించుకున్నారు కృష్ణ. ఇంట్లో అడుగడుగునా ఆయన అభిరుచి కళ్లకు కట్టినట్లు కనిపిస్తోంది. ఇంట్లోకి అడుగుపెట్టగానే పచ్చని వనం, మధ్యలో కృష్ణుడి విగ్రహం.. వాటర్‌ ఫౌంటెన్‌ దాని చుట్టూ గులాబీ చెట్లు.. కొబ్బరి చెట్లు, పెరటిలో తులసి, ఆ పక్కనే విజయ నిర్మల గారి విగ్రహం ఇలా ఆహ్లాద వాతావరణాన్ని తలపిస్తోంది. భాగ్య నగరంలో ప్రశాంత వాతావరణాన్ని కలిగించేలా కట్టుకున్న ఇల్లును చూసి ఫిదా అవుతున్నారంతా. మరో విశేషం ఏంటంటే ఇంటి వెనకాలే మామిడి తోట.. ఆకుకూరలు, కూరగాయల చెట్లు కూడా ఉన్నాయి. ఇక కుటుంబమంతా కలిసి సరదాగా గడిపేందుకు గార్డెన్‌లో, ఇంట్లో స్పెషల్‌ సిట్టింగ్‌ అరేంజ్‌మెంట్స్‌, ఇంటి లోపల హోం థియేటర్‌, స్మిమ్మింగ్‌ ఫూల్‌, ఇంట్లోనే పార్టీ చేసుకునేందుకు అన్ని హంగులతో నిర్మించుకున్న హాల్‌, పిల్లల కోసం ప్లేయింగ్‌ రూమ్స్‌ అన్నీ చక్కగా అమర్చి ఉండటంతో ఇది ఇంద్రభవనాన్ని తలపిస్తోంది. లివింగ్‌ రూంలో ఎక్కడ చూసినా విజయ నిర్మల ఫొటోలు, విగ్రహాలు.. బంగారంతో చేయించిన ఆమె కాళ్లు.. కృష్ణ గెలుచుకున్న పతకాలు ఇలా ఎన్నింటినో చూపిస్తూ ఆసక్తికర అంశాలను షేర్‌ చేశారు మంజుల. లివింగ్‌ రూం వరకే చూపించి మొదటి అంతస్తులో నాన్న ఉంటారని, ప్రస్తుతం అక్కడికి నో ఎంట్రీ అని చెప్పారామె. కుదిరితే భవిష్యత్తులో చూపిస్తానన్నారు. మొత్తానికి ఆయన ఇంటిని చూస్తుంటే ఓ సుందరవనాన్ని తలపిస్తోంది. ప్రకృతిమయమైన రిసార్టును చూస్తున్న భావన కలుగుతోంది. ఇలా ఎన్నో విశేషాలతో ఆయన ఇల్లు చాలా ప్రత్యేకతను సంతరించుకుంది.

ఈ మధ్య టీవీ, సినీ సెలబ్రెటీలు సొంతంగా యూట్యూబ్‌ చానల్‌ పెట్టుకుని దాని ద్వారా వారికి సంబంధించిన వ్యక్తిగత విషయాలను పంచుకుంటున్నారు. వారి ఇల్లు నుంచి రోజు లేవగానే ఏం చేస్తారు, ఏం తింటారు, వారి చీరలు, నగలకు సంబంధించిన ఆసక్తికర వీడియోను పంచుకుంటున్నారు. ఇందులో హోంటూర్‌కు సంబంధించిన వీడియోలపై నెటిజన్లు అమితమైన ఆసక్తిని చూపిస్తున్నారు. దీంతో వారి ఇంటికి సంబంధించిన విశేషాలను వివరిస్తూ ప్రతి సెలబ్రెటీ హోం టూర్‌ చేస్తున్నారు. తాజాగా బిగ్‌బాస్‌ ఫేం, నటి హిమజ తన కొత్త ఇంటికి సంబంధించిన వీడియోను షేర్‌ చేసింది. అయితే ఇది తన సొంత ఇల్లు కాదనీ, ఇటీవలె మరో ఇంటికి రెంట్‌కు దిగినట్లు తెలిపింది. చదవండి: మీ టూ నిందితులు వేధిస్తున్నారు: తనుశ్రీ దత్త షాకింగ్‌ పోస్ట్‌ ప్రస్తుతం తాను ఉంటున్న ఇంటిని రెనోవేట్‌ చేయిస్తున్నందున్న కొత్త ఇంటికి మారినట్లు చెప్పింది. తాజాగా ఈ ఇంటికి సంబంధించిన వీడియోను షేర్‌ చేసి తన ఫాలోవర్స్‌ను పలకరించింది. ఈ సందర్భంగా ఈ కొత్త ఇంటికి సంబంధించిన విశేషాలు, ఇంట్లోని ఫర్నిచర్‌కు వంటి పలు ఆసక్తికర విషయాలను పంచుకుందామె. మరి హిమజ కొత్త ఇల్లు ఎలా ఉందో మీరు కూడా చూసేయండి. ఇదిలా ఉంటే గతంలో తన డ్రీమ్‌ హౌజ్‌ను నిర్మించుకుంటున్నానంటూ హిమజా ఓ వీడియో షేర్‌ చేసిన సంగతి తెలిసిందే. తన సొంత డబ్బులతో నాలుగంతస్తులుగా నిర్మించుకుంటున్న ఆ ఇల్లు ప్రస్తుతం నిర్మాణంలో ఉందని, ఇందులో మోడ్రన్‌ లిఫ్ట్‌ కూడా ఏర్పాటు చేయబోతున్నానట్లు ఆమె వెల్లడించింది.  చదవండి: విషాదం.. క్యాన్సర్‌తో టీవీ నటి మృతి

ఈ మధ్యకాలంలో సెలబ్రిటీ హోంటూర్స్‌ బాగా పాపులర్‌ అయ్యాయి. ఇప్పటికే మంచు లక్ష్మీ, కమెడియన్‌ అలీ,కృష్ణం​ రాజు వంటి ప్రముఖుల హోంటూర్స్‌ నెట్టింట ఎంత వైరల్‌ అయ్యాయో ప్రత్యేకంగా చెప్పనక్కర్లేదు. ఇప్పుడు మరో సెలబ్రిటీ హోంటూర్‌ కూడా వచ్చేసింది. ప్రముఖ నటుడు, సూపర్‌ స్టార్‌ కృష్ణ హోంటూర్‌ వీడియో ప్రస్తుతం నెట్టింట సందడి చేస్తుంది. ఆయన కుమార్తె మంజుల ఘట్టమనేని స్వయంగా తన యూట్యూబ్‌ చానెల్‌లో హోంటూర్‌కు సంబంధించిన ప్రోమో వీడియోను రిలీజ్‌ చేసింది. సకల సైకర్యాలతో అందమైన హంగులతో ఇంద్రభవనాన్ని తలపిస్తున్నట్లు ప్రోమోను చూస్తే అర్థమవుతుంది. విజయ నిర్మల విగ్రహం ఇందులో స్పెషల్‌ అట్రాక్షన్‌గా నిలిచింది. త్వరలోనే ఈ ఇంటికి సంబంధించిన పూర్తి వీడియో రానుంది. 

అష్మిత కర్ణని.. తెలుగు సీరియల్స్‌ చూసేవారికి ఈమె గురించి ప్రత్యేక పరిచయం అవసరం లేదు. బుల్లితెరపై ప్రసారమైన ఎన్నో పాపులర్‌ సీరియల్స్‌లో నటించిందీవిడ. దాదాపు 15కు పైగా ధారావాహికల్లో నటించిన అష్మిత అడపాదడపా సినిమాలు కూడా చేసింది. కొరియోగ్రాఫర్‌ సుధీర్‌ను పెళ్లి చేసుకున్న ఆమె భర్తతో కలిసి ఇస్మార్ట్‌ జోడీ అనే షోలోనూ పాల్గొంది. ఇక​ 2020 మేలో యాక్టింగ్‌కు గుడ్‌బై చెప్పిన అష్మిత సోషల్‌ మీడియాలో మాత్రం యాక్టివ్‌గా ఉంటోంది. తాజాగా ఆమె తన హోమ్‌ టూర్‌ వీడియో షేర్‌ చేసింది.  ఇందులో తన ఇంటీరియర్‌ డిజైన్‌ చూపిస్తూ ఇల్లంతా బ్లాక్‌ అండ్‌ వైట్‌లో ఉండేలా జాగ్రత్త పడ్డామంది. తక్కువ స్థలాన్నే అందంగా తీర్చిదిద్ది లగ్జరీ ఇంటిగా మార్చుకున్నామని తెలిపింది. డైనింగ్‌ టేబుల్‌, కుర్చీలు బయట ఎక్కడా కొనుక్కోలేదని తమ కోసం సెపరేట్‌గా తయారు చేయించుకున్నామని చెప్పింది. ఎవరైనా గెస్టులు వచ్చినప్పుడు కిచెన్‌ను మూసేందుకు వీలుగా ఒక స్లైడింగ్‌ బోర్డ్‌ చేయించుకున్నామంటూ దానిని చూపించింది. ఇంటిని మరింత ఆకర్షణీయంగా తీర్చిదిద్దేందుకు మూలల్లో మొక్కలను పెట్టామంది. హాల్‌, కిచెన్‌తో పాటు తనకో బెడ్‌రూమ్‌, తన భర్తకో బెడ్‌రూమ్‌ ఉందని ఆ గదులన్నీ చూపించింది. ఇక మరో చిన్న గదిలో హోమ్‌ థియేటర్‌ కూడా పెట్టుకున్నారు. చదవండి: నరకం చూపించారు, బర్త్‌డే రోజే చంపేశారు: మోడల్‌ తల్లి

Mohan Babu Tirupathi Home Tour: మంచు లక్ష్మీ.. పెద్దగా పరిచయం అవసరం లేని పేరు. నటిగా, నిర్మాతగా, టెలివిజన్ హోస్ట్‌గా చిత్ర పరిశ్రమలో తనకంటూ ప్రత్యేక గుర్తింపు సంపాదించుకుంది. ఇటీవలె యూట్యూబర్‌గానూ అవతారం ఎత్తిన మంచు లక్ష్మీ క్రియేటివ్‌ వీడియాలతో ఆకట్టుకుంటుంది. తన ఛానెల్‌ ద్వారా బ్యూటీ, ఫ్యాషన్‌, ఫోటో షూట్‌ లాంటి ఎన్నో ఇంట్రెస్టింగ్‌ వీడియోలు రూపొందించిన లక్ష్మీ తాజాగా తన నాన్న, నటుడు మంచు మోహన్‌ బాబు ఇంటిని నెటిజన్లను చూపించింది. ఇప్పటికే గతంలో ఓ ఇంటిని చూపించిన లక్ష్మీ ఇప్పుడు తిరుపతిలో ఉన్న మోహన్‌బాబు ఇంటిని చూపించింది. ఎంతో విశాలమైన ఆ ఇంటి ప్రత్యేక విశేషాలను అభిమానులతో పంచుకుంది. ముఖ్యంగా తన తండ్రి గదిలో రోజ్‌వుడ్‌తో చేసిన వస్తువులను చూపించిన లక్ష్మీ మరెన్నో విషయాలను పంచుకుంది. అవేంటో తెలియాలంటే మోహన్‌ బాబు ఇంటిని మీరు కూడా చూసేయండి. 

బుల్లితెర మీద ప్రసారమయ్యే కామెడీ షోలతో బాగా పాపులర్‌ అయ్యాడు కిరాక్‌ ఆర్‌పీ. తనదైన యాసతో, డిఫరెంట్‌ కామెడీ స్కిట్లతో కడుపుబ్బా నవ్వించే ఆర్‌పీ తాజాగా యూట్యూబ్‌ చానల్‌ మొదలు పెట్టాడు. ఇందులో మొట్టమొదటగా హోమ్‌ టూర్‌ వీడియో చేశాడు. ఇటీవలే హోమ్‌ టూర్‌ వీడియో ప్రోమో వదిలిన ఆర్‌పీ లేటెస్ట్‌గా తన ఇంటినంతా చూపిస్తూ వీడియో రిలీజ్‌ చేశాడు.  ఆర్‌పీ ఇల్లు ఎంతో విశాలవంతంగా లగ్జరీగా ఉంది. హాల్‌లో అడుగుపెట్టగానే సేద తీరేందుకు వీలుగా ఒక మంచి సోఫా సెట్టు, పెద్ద టీవీ ఉన్నాయి. అలాగే తన ప్రతిభకు గుర్తింపుగా వచ్చిన బహుమతులన్నీ కూడా హాల్‌లోనే ఉన్నాయి. ఓ పక్కన అక్వేరియంతో పాటు మనీ ప్లాంట్‌ కూడా ఉంది. కిచెన్‌కు అనుసంధానంగా డైనింగ్‌ టేబుల్‌ ఉంది. తన అభిరుచికి తగ్గట్టుగా ఇంటినంతటిని ఇంటీరియర్‌ డిజైన్‌ చేయించాడు ఆర్‌పీ. హాల్‌లోనే మినీ వాటర్‌ ప్లాంట్‌ ఏర్పాటు చేయించాడు. అంతేకాకుండా పై రెండు అంతస్థులను చేరుకోవడానికి మెట్ల సౌకర్యంతో పాటు లిఫ్ట్‌ కూడా ఉంది. కింది హాల్‌లోనే పెరేంట్స్‌ బెడ్‌ రూమ్‌ ఉండగా దాన్ని ప్రేక్షకులకు చూపించాడు. ఫస్ట్‌ ఫ్లోర్‌లో స్టడీ హాల్‌, అన్నయ్య బెడ్‌రూమ్‌, తన మాస్టర్‌ బెడ్‌రూమ్‌లను చూపించాడు. ఈ గదులను తాను దగ్గరుండి ఆలోచనలకు తగ్గట్టుగా డిజైన్‌ చేయించుకున్నానని తెలిపాడు. ఇక తన బెడ్‌రూమ్‌లోని ఫొటోలను చూపిస్తూ మెలికలు తిరిగిన ఆర్‌పీ ప్రేమలో పడ్డ విషయాన్ని బయటపెట్టాడు. బెడ్‌రూమ్‌లో పెట్టుకున్న ఓ అమ్మాయి ఫొటోను చూపిస్తూ ఆవిడ తనకు కాబోయే భార్య అని చెప్పాడు. వచ్చే నెలలోనే ఎంగేజ్‌మెంట్‌ ఉందని తన ఫ్యాన్స్‌కు శుభవార్త చెప్పాడు. అనంతరం రెండో ఫ్లోర్‌లోని హోమ్‌ థియేటర్‌ను చూపించాడు. లాక్‌డౌన్‌లో ఎక్కువ సమయం తన ఫ్యామిలీ అంతా ఈ హోమ్‌ థియేటర్‌ దగ్గరే గడిపామని చెప్పాడు. అనంతరం టెర్రస్‌ మీద తాను పెంచుతున్న రకరకాల మొక్కలను చూపించాడు. పెంచుకున్న మొక్కల మధ్యలో కూర్చొని మాట్లాడుకుంటే ఆ హాయే వేరని చెప్పుకొచ్చాడు ఆర్‌పీ. ఈ హోమ్‌ టూర్‌ వీడియో చూసిన నెటిజన్లు ఇల్లు అద్భుతంగా ఉందని మెచ్చుకుంటున్నారు. చదవండి: ఒంటిపై బట్టల్లేకుండా ఫొటోలు.. కాంప్రమైజ్‌ కావాలనేవారు ప్రియుడితో లేచిపోయారంటూ వచ్చిన వార్తలపై రాజశేఖర్‌ కూతురు ఫైర్‌