సాక్షి,అమరావతి : ప్రజా రాజ్యమే జనసేనగా ఆవిర్భవించిందన్న చిరంజీవి పూటకో స్టేట్మెంట్ ఇస్తున్నారని ప్రజాశాంతి పార్టీ అధ్యక్షుడు డాక్టర్‌ కేఏపాల్‌ ఆరోపించారు. తెలుగు రాష్ట్రాల్లో వరుస రాజకీయ పరిణామలపై ఆయన మీడియాతో మాట్లాడారు. ‘మెగాస్టార్ చిరంజీవి రాజకీయాలకు గుడ్ బై చెప్పారు. 70 ఏళ్ల వయస్సున్న చిరంజీవి మతి తప్పిందా. కొత్త వేషమా. ప్రజా రాజ్యమే జనసేనగా ఆవిర్భవించిందన్న చిరంజీవి పూటకో స్టేట్మెంట్ ఇస్తున్నారు. పవన్ కళ్యాణ్ డ్రామాలో చంద్రబాబు మోసపోయారు. పవన్‌ను నమ్మి కుమారుడికే అన్యాయం చేస్తున్నారు చంద్రబాబు. వాళ్ళకి ఓటు బ్యాంక్ లేదన్న వాస్తవం మీకు తెలియదా. న్యాయ వ్యవస్థల్ని వీళ్ళు ఎలా మేనేజ్ చేస్తున్నారో ఆధారాలు సరైన టైంలో బయటపెడతా.చిరంజీవి, పవన్ కళ్యాణ్ డ్రామాని సీరియస్‌గా తీసుకోకండి. వాళ్ళ పదవుల విషయంలో డీల్ కుదరక ఈ డ్రామాలు. సనాతన ధర్మం టూర్ చేసే ముందు మీ భార్య కన్నీళ్లు పెడుతుంది గుర్తు చేసుకో. పవన్ మిమ్మల్ని వదిలేయక ముందే.. చంద్రబాబు తెలివిగా ఆలోచించి నిర్ణయం తీసుకోండి. హామీలు అమలు చేయకుండా చంద్రబాబు చేతులెత్తేస్తాడని, రేవంత్ రెడ్డి మోసాల గురించి నాకు ఎప్పుడో తెలుసు. ఆమ్ ఆద్మీ పార్టీ ఓడిపోలేదు..నేను సుప్రీం కోర్టులో కేసు వేస్తున్నా. దమ్ముంటే ఈవీఎం ఎన్నికలు కాకుండా బ్యాలెట్ ఎలెక్షన్స్ పెట్టండి’అని కేఏపాల్‌ డిమాండ్‌ చేశారు.

సీతమ్మధార: ఢిల్లీలో స్వేచ్ఛగా నిష్పాక్షికంగా ఎన్నికలు నిర్వహించడంలో భారత ఎన్నికల కమిషన్‌ విఫలమైందని ప్రజాశాంతి పార్టీ అధ్యక్షుడు డాక్టర్‌ కె.ఎ.పాల్‌ ఆరోపించారు. ఆయన ఆశీలమెట్టలో విలేకరులతో ఆయన మాట్లాడుతూ అరవింద్‌ కేజ్రీవాల్‌, మనీష్‌ సిసోడియా, సత్యేంద్ర జైన్‌ వంటి ఆమ్‌ ఆద్మీ పార్టీ నాయకులను ఓడించడానికి బీజేపీ ఈవీఎంలను తారుమారు చేసిందని పేర్కొన్నారు. ఎన్నికల దుర్వినియోగాల గురించి వారం ముందు ఆప్‌ నాయకుడు, మాజీ మంత్రి సత్యేంద్ర జైన్‌ను హెచ్చరించానని వెల్లడించారు.జాతీయ రాజకీయాల్లో తన ఆధిపత్యానికి సవాల్‌ విసురుతున్న ఏ రాజకీయ నాయకుడినైనా బీజేపీ లక్ష్యంగా చేసుకుని తొలగిస్తోందని హెచ్చరించారు. భారతదేశంలో ప్రజాస్వామ్యాన్ని, ఎన్నికల సమగ్రతను కాపాడటానికి నిర్ణయాత్మక చర్య తీసుకోవాలని ఆయన ప్రజలను, ప్రతిపక్ష పార్టీలను కోరారు. బ్యాలెట్‌ పేపర్లతో ఎన్నికలు నిర్వహించి, అదే రోజు ఓట్లను లెక్కించినట్లయితే, వచ్చే ఎన్నికల్లో బీజేపీ 150 కంటే ఎక్కువ గెలుచుకోలేదన్నారు. 76 ఏళ్ల వయసులో ముఖ్యమంత్రి చంద్రబాబునాయుడికి రాజకీయాలు ఎందుకని ఎద్దేవా చేశారు. తనకు మద్దతిస్తే.. ఆట మొదలెడతానని అన్నారు. దేశంలో టాప్‌ 10 పొలిటికల్‌ పార్టీలు మోదీ ముందు లొంగిపోయాయని పేర్కొన్నారు. దేశ భవిష్యత్తు పూర్తిగా సందిగ్ధంలో ఉందన్నారు. ట్రంప్‌తో యుద్ధం చేసైనా తెలుగువాళ్లను కాపాడుకుంటానన్నారు. ఈ దేశానికి సేవ చేయడానికి రాజ్యసభ అవకాశం కోసం ఎదురుచూస్తున్నానన్నారు. డిప్యూటీ సీఎం పవన్‌ కల్యాణ్‌కి తెలుగు సినిమాలు లేకపోతే.. హాలీవుడ్‌లో అవకాశాలు ఇప్పిస్తానని వ్యాఖ్యానించారు. పవన్‌ కల్యాణ్‌ చెప్పిన సనాతన ధర్మం ఎక్కడుందని ప్రశ్నించారు.

సాక్షి, విశాఖపట్నం: మన దేశ పౌరులకు బేడీలు వేస్తుంటే మోడీ ఏం చేస్తున్నారని ప్రశ్నించారు ప్రజాశాంతి పార్టీ అధ్యక్షుడు కేఏ పాల్‌. అమెరికాలో ఇంత జరుగుతుంటే మన ఎంపీలు ఏం చేస్తున్నారు?. విదేశాంగ మంత్రి జైశంకర్‌ వెంటనే రాజీనామా చేయాలని డిమాండ్‌ చేశారు. ఇదే సమయంలో భారతీయుల కోసం తాను ఏమైనా చేయడానికి సిద్ధంగా ఉన్నట్టు చెప్పుకొచ్చారు.కేఏ పాల్‌ విశాఖలో మీడియాతో మాట్లాడుతూ.. మన దేశ పౌరులకు బేడీలు వేశారు. వారిని ఆ విధంగా చూడటానికి వారు ఉగ్రవాదులా? లేక రేపిస్టులా?. ఇంత జరుగుతుంటే ప్రదాని మోదీ ఏం చేస్తున్నారు?. మోదీ అమెరికా పర్యటనను రద్దు చేసుకోవాలి?. విదేశాంగ మంత్రి బాధత్య వహిస్తూ వెంటనే రాజీనామా చేయాలి. చైనాను ఎదిరించడానికి అమెరికాకు మన సహకారం చాలా అవసరం.ఒకప్పుడు మోదీని తిట్టిన చంద్రబాబు ఇప్పుడు తెగ పొగుడుతున్నాడు. అమెరికాలో ఇంత జరుగుతుంటే మన ఎంపీలు ఏం చేస్తున్నారు?. విశాఖ ఎంపీ భరత్.. ఆయన మావయ్య పాటలు పెట్టుకొని ఎంజాయ్ చేస్తున్నారు. అమెరికాలో ఇబ్బందిలో ఉన్న భారతీయులు కేఏ పాల్ వెబ్ సైట్‌ను సంప్రదించండి. అమెరికా అధ్యక్షుడు ట్రంప్‌కు వార్నింగ్ ఇస్తున్నాను. ట్రంప్ భార్య కూడా అమెరికాకు విజిట్ వీసాపై వచ్చింది. వారిని ఇప్పుడు పంపించేస్తే కుదురుతుందా?. ట్రంప్‌కి మిలానియా మూడో భార్య. ఇక్కడ పవన్ కళ్యాణ్ కూడా ట్రంప్‌ను ఫాలో అవుతున్నాడు. పవన్ సనాతన ధర్మం అంటున్నందుకు ఆయన భార్య విడాకులు ఇవ్వచ్చు. మళ్ళీ ఆమె సొంత దేశానికి వెళ్లిపోవచ్చు.నేను భారతీయుల కోసం నేను ఏమైనా చేస్తాను. ఎంపీలు, ఎమ్మెల్యేలు తమ గలాన్ని విప్పాలి. రేవంత్ ప్రభుత్వం తెలంగాణను దోచుకుంటుంది. అమెరికాలో భారతీయులకు ఇబ్బంది లేకుండా చూసే బాధ్యత నాది. లోకేష్ దగ్గరకు వెళ్తే ఏం సాయం చేస్తారు. వాళ్ళ నాన్న దోచుకోవడమే లోకేష్‌కు నేర్పించాడు. వాళ్ళ దగ్గర పవన్ నేర్చుకొని.. కోట్లు దోచుకుంటున్నాడు అంటూ ఘాటు వ్యాఖ్యలు చేశారు.

సాక్షి, న్యూఢిల్లీ: తిరుపతి తొక్కిసలాట ఘటనకు బాధ్యులను చేస్తూ అధికార యంత్రాంగంపై ముఖ్యమంత్రి చంద్రబాబు నాయుడు ఆగ్రహం వ్యక్తం చేసింది చూశాం. అయితే ఈ పరిణామంపై ప్రజాశాంతి పార్టీ అధ్యక్షుడు కేఏ పాల్‌(KA Paul) స్పందించారు. బహుశా చంద్రబాబు తాను ఏపీకి సీఎం అనే విషయాన్ని మరిచిపోయి అలా ప్రవర్తించి ఉంటారేమో అని ఎద్దేవా చేశారు.తిరుపతి తొక్కిసలాట ఘటనలో ఆరుగురు భక్తులు చనిపోయారు. ఆ టైంలో ప్రధాని, పవన్‌లతో చంద్రబాబు పొలిటికల్ ర్యాలీతో బిజీగా ఉన్నారు. ఇది నిర్లక్ష్యం వల్ల జరిగిన ఘటన. కాబట్టి చంద్రబాబే బాధ్యత వహించాలి. ముఖ్యమంత్రి పదవికి రాజీనామా చేయాలి. ఘటనకు బాధ్యులను చేస్తూ ఆయన అధికారులపై ఆగ్రహం వ్యక్తం చేస్తున్నారు. కానీ, తానే సీఎం అనే విషయాన్ని ఆయన మరిచిపోతున్నారు.చంద్రబాబు(Chandrababu) సీఎంగా ఉన్నప్పుడు.. 2019లో పుష్కరాల సమయంలో 20 మందికి పైగా చనిపోయారు.. మరెందరో గాయపడ్డారు. కందుకూర్లో పొలిటికల్ ర్యాలీ నిర్వహిస్తే అక్కడా చనిపోయారు. గుంటూరులో ర్యాలీ నిర్వహిస్తే ముగ్గురు చనిపోయారు. తారకరత్న కూడా చంద్రబాబు ర్యాలీలో చనిపోయారు. చంద్రబాబు నాయుడు నిర్లక్ష్యం వల్లే ఇప్పుడు తిరుపతి(Tirupati)లో ఆరుగురు చనిపోయారు.సమస్యలను పక్కన పెట్టారు ప్రజలకు ఇచ్చిన హామీలను పట్టించుకోలేదు. చంద్రబాబు ఎక్కడ ఉంటే అక్కడ మరణాలు తప్పవు. అందుకే చంద్రబాబు సీఎం పదవికి రాజీనామా చేయాలి అని పాల్‌ డిమాండ్‌ చేశారు.

సాక్షి, నిజామాబాద్: పదవులు శాశ్వతం కాదు అనేది రేవంత్‌ రెడ్డి గుర్తు పెట్టుకోవాలని హెచ్చరించారు ప్రజాశాంతి పార్టీ వ్యవస్థాపకుడు కేఏ పాల్. సీఎం రేవంత్‌ సద్ధాం హుస్సేన్‌లాగా వ్యవహరిస్తున్నారని ఆరోపించారు. అలాగే.. కాంగ్రెస్‌, బీఆర్‌ఎస్‌ నేతలు చెప్పేవన్నీ అబద్దాలే అంటూ కామెంట్స్‌ చేశారు.కేఏ పాల్‌ నిజామాబాద్‌లో మీడియాతో మాట్లాడుతూ.. నేనే కనుక అల్లు అర్జున్‌ అయితే బాధితల కుటుంబానికి రూ.300కోట్లు ఇచ్చే వాడిని. అల్లు అర్జున్‌ బాధిత కుటుంబానికి రూ.25కోట్లు ఇవ్వమనడం తప్పా?. సీఎం రేవంత్‌ ఒక సద్దాం హుస్సేన్‌లా వ్యవహరిస్తున్నారు. 422 బిల్డింగ్స్‌ను అక్రమంగా కూల్చివేశారు. కానీ, సొంత తమ్ముడి భవనాన్ని మాత్రం కూల్చివేయలేదు. కాంగ్రెస్‌, బీఆర్‌ఎస్‌ నేతలు చెబుతున్నవి పచ్చి అబద్ధాలు. రెండు ప్రభుత్వాల హాయంలో సర్పంచ్‌లు అప్పుల పాలయ్యారు.మీకేమో లక్షల కోట్లు, సర్పంచ్‌లకు మాత్రం లక్షల అప్పులా?. నిజంగా సర్పంచ్‌లకు బుద్ధి ఉందా?. ఇంకా కేసీఆర్, రేవంత్ రెడ్డిలను ఎందుకు నమ్ముతున్నారు. ప్రజల సంక్షేమం కోసం వచ్చిన వ్యక్తిని నేను. పదవులు శాశ్వతం కాదు.. ఇది రేవంత్‌ రెడ్డి గుర్తు పెట్టుకోవాలి. అందరం కలిసి పనిచేద్దాం.. రాష్ట్రాన్ని అభివృద్ధి చేసుకుందాం. వచ్చే సోమవారం డిసెంబర్ 30న నిజామాబాద్‌లో సర్పంచ్‌లతో ప్రత్యేక సదస్సు నిర్వహిస్తాను. 100 రోజుల్లో జీవితాలను మార్చేస్తాను. మే 10వ తేదీలోపు 100 గ్రామాలను అభివృద్ధి చేసి చూపిస్తాను. మరో రెండేళ్లలో జమిలి ఎన్నికలు ఖాయం. కులాన్ని అమ్ముకొని ఆర్‌. కృష్ణయ్య, మందకృష్ణ మాదిగ బ్రతుకుతున్నారు అంటూ ఘాటు వ్యాఖ్యలు చేశారు.

సాక్షి, హైదరాబాద్‌: న్యాయస్థానాలు రాజ్యాంగం, చట్టప్రకారం మాత్రమే ఉత్తర్వులు ఇవ్వగలవని హైకోర్టు స్పష్టం చేసింది. పార్టీ ఫిరాయించిన ఎమ్మెల్యేలు అసెంబ్లీ సమావేశాలకు హాజరుకాకుండా ఉత్త ర్వులు ఇవ్వలేమని చెప్పింది. ఈ మేరకు దాఖలైన మధ్యంతర పిటిషన్‌ను కొట్టివేసింది. ఒక పార్టీ నుంచి పోటీ చేసి గెలిచిన శాసనసభ్యులు వెంటనే మరో పార్టీలోకి ఫిరాయి స్తున్నారని.. ఇలాంటి వారి శాస నసభ సభ్యత్వాన్ని రద్దు చేసేలా ఎన్నికల కమిషన్‌కు ఆదే శాలు జారీ చేయాలని కోరుతూ హైకోర్టులో ప్రజాశాంతి పార్టీ అధ్యక్షుడు కేఏ పాల్‌ పిల్‌ దాఖలు చేసిన విషయం తెలిసిందే. కాగా, రాష్ట్ర అసెంబ్లీ సమావేశాలకు ఫిరాయింపు ఎమ్మెల్యేలు హాజరుకాకుండా ఆదేశాలి వ్వాలని పాల్‌ మధ్యంతర అప్లికేషన్‌ (ఐఏ) దాఖలు చేశారు. దీనిపై ప్రధాన న్యాయ మూర్తి జస్టిస్‌ అలోక్‌ అరాధే, జస్టిస్‌ జె.శ్రీని వాస్‌రావు ధర్మాసనం గురువారం విచారణ చేపట్టింది. బీఆర్‌ఎస్‌ నుంచి గెలిచిన 10 మంది ఎమ్మె ల్యేలు కాంగ్రెస్‌లో చేరారని, వారు అసెంబ్లీ సమావేశాలకు హాజరుకాకుండా నిషేధం విధించాలని కేఏ పాల్‌ కోరారు. ఎమ్మెల్యేలు దానం నాగేందర్, మహిపాల్‌ రెడ్డి తరఫు న్యాయవాదులు వాదనలు వినిపిస్తూ.. స్పీకర్‌ అధికారాల్లో జోక్యం కోరుతూ వేసిన ఈ పిటిషన్‌ చెల్లదని, మధ్యంతర ఉత్తర్వులు కోరలేరని అన్నారు. పలువురి అనర్హత పిటిషన్లు స్పీకర్‌ వద్ద పెండింగ్‌లో ఉన్నాయని చెప్పారు. వాదనలు విన్న ధర్మాసనం.. మధ్యంతర పిటిషన్‌ను కొట్టివేసింది.

సాక్షి,హైదరాబాద్‌: బీఆర్‌ఎస్‌ ఎమ్మెల్యేల అనర్హత పిటిషన్‌ను తెలంగాణ హైకోర్టు శుక్రవారం(అక్టోబర్‌ 25) మరోసారి విచారించింది. బీఆర్ఎస్ పార్టీ నుంచి గెలిచి కాంగ్రెస్ పార్టీలోకి వెళ్లిన ఎమ్మెల్యేలపై అనర్హత వేటు వేయాలని కేఏ పాల్‌ హైకోర్టులో తాజాగా పిటిషన్‌ దాఖలు చేశారు. ఈ పిటిషన్‌ను విచారించిన హైకోర్టు ప్రతివాదులకు నోటీసులు జారీ చేసింది. ఈ కేసులో పాల్‌ పార్టీఇన్‌పర్సన్‌(స్వయంగా)గా కేఏ పాల్‌ వాదనలు వినిపించారు. ఈ కేసులో తదుపరి విచారణను హైకోర్టు నవంబర్‌ 4కు వాయిదా వేసింది.కాగా, తమ ఎమ్మెల్యేల పార్టీ మార్పుపై బీఆర్‌ఎస్‌ వేసిన పిటిషన్‌పై హైకోర్టు ఇప్పటికే అసెంబ్లీ స్పీకర్‌ కార్యాలయానికి తుది ఆదేశాలు జారీ చేసిన విషయం తెలిసిందే. ఇదీ చదవండి: మాజీ ఈఎన్‌సీకి కాళేశ్వరం కమిషన్‌ కీలక ఆదేశాలు

సాక్షి, హైదరాబాద్‌: ‘మూసీ నదీ గర్భం (రివర్‌ బెడ్‌)లో నిర్మాణం చేపట్టారంటూ మార్కింగ్‌ చేసిన ఇళ్లను పరిహారమిచ్చాకే కూలుస్తున్నారా? నోటీ సులు జారీ సహా చట్టప్రకారం అనుసరించాల్సిన ప్రక్రియను పాటిస్తున్నారా?’ అని రాష్ట్ర ప్రభుత్వా న్ని హైకోర్టు ప్రశ్నించింది. దీనిపై ప్రభుత్వం తరఫున అదనపు అడ్వొకేట్‌ జనరల్‌ (ఏఏజీ) ఇమ్రాన్‌ఖాన్‌ సమాధానమిచ్చారు. పరిహారంపై నిర్వాసితులతో మాట్లాడి, వారు సమ్మతించిన తర్వాతే ఇళ్ల కూల్చివేత చేపడుతున్నామని కోర్టుకు వివరించారు. ఏఏజీ చెప్పిన అంశాలను నమోదు చేసుకుంటున్నట్టు పేర్కొన్న ధర్మాసనం.. తదుపరి విచారణను మూడు వారాలకు వాయిదా వేసింది. ఆలోగా కౌంటర్‌ దాఖలు చేయాలని రాష్ట్ర ప్రభుత్వంతోపాటు హైడ్రాను ఆదేశించింది.కేఏ పాల్‌ పిటిషన్‌ మేరకు..‘‘మూసీకి సంబంధించి సరైన సర్వే నిర్వహించి, ఆక్రమణలను గుర్తించే వరకు భవనాలను కూల్చివేయకుండా హైడ్రాను ఆదేశించాలని.. బాధితులకు నోటీసులు ఇచ్చి, ఇళ్లు ఖాళీ చేయడానికి లేదా న్యాయస్థానాన్ని ఆశ్రయించడానికి నెల రోజుల సమయం ఇవ్వాలని కోరుతూ ప్రజాశాంతి పార్టీ అధ్యక్షుడు కేఏ పాల్‌ హైకోర్టులో పిటిషన్‌ దాఖలు చేసిన విషయం తెలిసిందే. దీనిపై ప్రధాన న్యాయమూర్తి జస్టిస్‌ అలోక్‌ అరాధే, జస్టిస్‌ జె.శ్రీనివాస్‌రావుల ధర్మాసనం బుధవారం మరోసారి విచారణ చేపట్టింది.పారదర్శకంగా చర్యలు: ఏఏజీవిచారణ సందర్భంగా ఏఏజీ ఎక్కడ అని ధర్మాసనం ప్రశ్నించింది. ప్రభుత్వ న్యాయ వాదులు హాజరుకాకుంటే ఎలాగని, పిటిషనర్ల వాదనలకు సమాధానం ఇవ్వాల్సిన బాధ్యత వారిపై ఉంటుందని పేర్కొంది. దీనితో ఏఏజీ విచారణకు హాజరై వాదనలు వినిపించారు. ‘‘చట్టప్రకారం చర్యలు తీసుకుంటూనే ప్రభుత్వం ముందుకెళ్తోంది. నోటీసు లిచ్చి సమయం ఇచ్చిన తర్వాతే కూల్చివేతలు చేప డుతున్నాం. ప్రజలందరి విషయంలో ఒకేలా వ్యవ హరిస్తున్నాం. తారతమ్యాలు లేవు. పారదర్శకంగా, నిష్పక్ష పాతంగా చర్యలు చేపడుతున్నాం’’ అని వివరించారు. చెరువులు, కుంటల పరిరక్షణ కోసం కోర్టు ఆదేశాల మేరకు హైడ్రా ఏర్పాటైందని.. రివర్‌ బెడ్‌లోని ఇళ్లకు మార్కింగ్‌ మాత్రమే చేసిందని, ఇంకా కూల్చివేతలు చేపట్టలేదని తెలిపారు. హైడ్రాకు చట్టబద్ధత ఇస్తూ ఇటీవల ప్రభుత్వం ఆర్డినెన్స్‌ కూడా జారీ చేసిందని వివరించారు. వాదనలు విన్న ధర్మాసనం.. ఏఏజీ వాదనలను రికార్డు చేశామని, ఈ పిటిషన్లో మధ్యంతర ఉత్తర్వులు అవసరం లేదని పేర్కొంటూ విచారణను వాయిదా వేసింది. బాధితుల్లో ఎక్కువ మంది పేదలే..: పాల్‌విచారణ సందర్భంగా పార్టీ ఇన్‌ పర్సన్‌గా కేఏ పాల్‌ తానే వాదనలు వినిపించారు. ‘‘ఆక్రమణదారులు, బిల్డర్లు, రియల్‌ ఎస్టేట్‌ వ్యాపారులు, రిజిస్ట్రేషన్, విద్యుత్, నిర్మాణ, నల్లా అనుమతులు ఇచ్చిన అధికారులు అందరూ ఆనందంగానే ఉన్నారు. అనుమతులు ఉన్నాయి కదా అని కొనుగోలు చేసిన పేద, మధ్యతరగతి వారే రోడ్డున పడుతున్నారు. ‘హైడ్రా’ బాధితుల్లో ఎక్కువ మంది వారే. 462 నిర్మాణాలను, భవనాలను ఎలాంటి నోటీసులు ఇవ్వకుండా కూల్చారు. ఎన్‌ కన్వెన్షన్‌ను ఒక్కరోజులో కూల్చిన అధికారులు.. దాదాపు 250 మంది పెద్దలకు మాత్రం నోటీసులు జారీ చేసి వదిలేశారు. పేద, మధ్యతరగతికి సమయం ఇవ్వకుండా ప్రతాపం చూపిస్తున్నారు. కూల్చడానికి నేను వ్యతిరేకం కాదు.. కానీ, చట్టాన్ని పాటించాలి. న్యాయవాదులను పెట్టుకోలేని స్థితిలో చాలా మంది ఉన్నారు. లక్షల మంది హైడ్రా తమ ఇంటి మీదకు ఎప్పుడో వస్తుందో అని భయంతో బతుకుతున్నారు. అలాంటి వారి కోసమే పిల్‌ వేశాను. ఇళ్లు కూల్చే వారికి ముందే పరిహారం ఇవ్వాలి. నోటీసులిచ్చి ఖాళీ చేసే సమయం ఇవ్వాలి. తెలంగాణ మరో ఉత్తరప్రదేశ్‌లా మారకముందే చర్యలు తీసుకోవాలి. ఇళ్ల కూల్చివేతపై సుప్రీంకోర్టు ఆదేశాలు పాటించాలి’’ అని పాల్‌ వాదనలు వినిపించారు.

సాక్షి,హైదరాబాద్‌: హైడ్రాపై కేఏ పాల్ దాఖలు చేసిన పిటిషన్‌పై బుధవారం(అక్టోబర్‌ 23) హైకోర్టులో విచారణ జరిగింది. విచారణలో బెంచ్‌ ముందు పాల్‌ తానే స్వయంగా వాదనలు వినిపించారు. పాల్‌ వాదనలు విన్న కోర్టు హైడ్రాకు కీలక ఆదేశాలు జారీ చేసింది. నోటీసులు ఇవ్వకుండా కూల్చివేతలు చేపట్టవద్దని హైడ్రాను ఆదేశించింది.నిర్వాసితులు ప్రత్యామ్నాయం చూసుకునేంతవరకు బాధితులకు సమయం ఇవ్వాలని సూచించింది. మూసీ బాధితులకు ఇల్లు కట్టించిన తర్వాతే కూల్చివేతలు చేపట్టాలని హైకోర్టు స్పష్టం చేసింది. బాధితులకు ఇల్లు కేటాయించిన తర్వాతే కూల్చివేస్తున్నామని అడిషనల్ అడ్వకేట్ జనరల్ కోర్టుకు తెలిపారు. పూర్తి వివరాలతో కౌంటర్ దాఖలు చేయాలని రాష్ట్ర ప్రభుత్వం, హైడ్రాను హైకోర్టు ఆదేశించింది.

సాక్షి, న్యూఢిల్లీ: తనను కొందరు చంపాలని చూస్తున్నారని, భద్రత పెంచాలంటూ ప్రధాని మోదీ, కేంద్ర హోం శాఖ మంత్రి అమిత్‌షా లకు ప్రజాశాంతి పార్టీ అధ్యక్షుడు కేఏ పాల్‌ లేఖ రాశారు. తెలుగు రాష్ట్రాల ప్రభుత్వాలకు వ్యతిరేకంగా పోరాడుతున్నందుకు బెదిరింపు కాల్స్‌ వస్తున్నాయని చెప్పారు. ఏపీ సీఎం చంద్రబాబు, ఉప ముఖ్యమంత్రి పవన్‌ కళ్యాణ్, కాంగ్రెస్‌ పార్టీ, సహా మోదీ కూడా తనకు శత్రువులే అని పేర్కొన్నారు. ఆదివారం ఢిల్లీలో ఆయన విలేకరులతో మాట్లాడారు. ‘నన్ను చంపితే స్వర్గానికి పోతా..మీరు (చంపాలనుకున్నవారు) చస్తే నరకానికి పోతారు’అంటూ వ్యాఖ్యానించారు. పలు విషయాలపై తాను కేసులు వేస్తూ పోరాడుతున్నానని, ఎన్నో కేసుల్లో స్టే లు తీసుకువస్తున్నానని తెలిపారు. చంద్రబాబు, పవన్‌ సహా.. బీజేపీ,ఆర్‌ఎస్‌ఎస్, తీవ్రవాదుల నుంచి బెదిరింపులు వస్తున్నాయని ఇంటెలిజెన్స్‌ నివేదికలు కూడా ఈ విషయాన్ని ధృవీకరిస్తున్నాయని తెలిపారు. పాలన చేతకాకపోతే సీఎం పదవికి రేవంత్‌రెడ్డి రాజీనామా చేయాలని కేఏపాల్‌ డిమాండ్‌ చేశారు. శాంతియుతంగా ఆందోళన చేస్తున్న వేలాది మంది గ్రూప్‌–1 అభ్యర్థులపై పోలీ సులు దాడులు చేయడం అమానుషమన్నారు.

సాక్షి, ఢిల్లీ: కొందరు తనను చంపాలని చూస్తున్నారని.. అందుకే ప్రధాని మోదీ, అమిత్‌లకు సెక్యూరిటీ కోసం లేఖ రాశానని ప్రజాశాంతి పార్టీ అధ్యక్షుడు కేఏ పాల్ అన్నారు. ఢిల్లీలో ఆదివారం ఆయన మీడియాతో​ మాట్లాడుతూ.. ‘‘నన్ను చంపితే స్వర్గానికి పోతా.. మీరు చస్తే నరకానికి పోతారు’’ అంటూ వ్యాఖ్యానించారు. ‘‘నేను అందరి కోసం పనిచేస్తున్నా.. పని చేస్తూనే ఉంటాను. కేసులు వేస్తున్నా.. కోర్టుల్లో పోరాడుతున్నా.. ఎన్నో కేసుల్లో స్టేలు తీసుకొస్తున్నా. కేసులు వెనక్కి తీసుకోవాలని బెదిరింపులు వస్తున్నాయి. మోదీ, చంద్రబాబు, పవన్, కాంగ్రెస్‌లు నాకు శత్రువులు. వేలాది మంది గ్రూప్-1 అభ్యర్థులు శాంతియుతంగా ఆందోళన చేస్తున్నారు. అభ్యర్థులపై పోలీసు దాడులు బాధాకరం. వారిని గాయపరచడం సరైందా?’’ అంటూ కేఏ పాల్‌ ప్రశ్నించారు.ఇదీ చదవండి: అశోక్‌నగర్‌లో మరోసారి ఉద్రిక్తత..‘‘పరిపాలన చేత కాకపోతే సీఎం రేవంత్ రెడ్డి రాజీనామా చేయాలి. వేలమందినీ ఎందుకు కొడుతున్నారు? ఇల్లీగల్ అర్డర్‌ను ఇంప్లిమెంట్ చేస్తున్నారు. పోలీసులు పిచ్చి పిచ్చిగా వ్యవహరిస్తున్నారు. సీఎం రేవంత్ రెడ్డి మారాలి. రైతులు, నిరుద్యోగుల ఆత్మహత్యలు పెరిగేలా చేస్తున్నారు’’ అని కేఏ పాల్‌ నిలదీశారు.

పంజగుట్ట (హైదరాబాద్‌): తిరుపతి లడ్డూ విషయంలో ఏపీ డిప్యూటీ సీఎం పవన్‌ కల్యాణ్‌ 100 కోట్ల మంది హిందువుల మనోభావాలు దెబ్బతీసే విధంగా మాట్లాడారని, అతనిపై చర్యలు తీసుకోవాలని కోరుతూ ప్రజాశాంతి పార్టీ వ్యవస్థాపకుడు డాక్టర్‌ కేఏ పాల్‌ సోమవారం పంజగుట్ట పోలీసులకు ఫిర్యాదు చేశారు. అనంతరం పాల్‌ మాట్లాడుతూ లక్ష లడ్డూలు కల్తీ చేసి అయోధ్యకు పంపించారని అబద్ధపు మాటలు మాట్లాడారని, లడ్డూపై విచారణ జరిగిందే జూన్‌లో కాగా, అయోధ్య ప్రారంభోత్సవం జనవరిలో జరిగిందని కల్తీ ఎలా సాధ్యమైందని ప్రశ్నించారు. 14 సెక్షన్ల కింద ఫిర్యాదు చేశానని,ఆర్టికల్‌ 8 ప్రకారం ఆయన్ను వెంటనే ఉపముఖ్యమంత్రి పదవి నుంచి తొలగించాలని, లేదా ఆయనే స్వచ్ఛందంగా రాజీనామా చేయాలని డిమాండ్‌ చేశారు. పవన్‌కల్యాణ్‌కు ఎవరు స్క్రిప్ట్‌ ఇస్తే.. అది సినిమాలో మాదిరి చదువుతున్నాడని, గతంలోనే చెప్పినా వినిపించుకోలేదన్నారు. ఏపీ స్పీకర్, గవర్నర్, దేశ ప్రధాని, కేంద్ర హోంమంత్రి, ఛీప్‌ జస్టిస్, సీబీఐ అతనిపై విచారణ చేయాలని, వెంటనే పవన్‌కల్యాణ్‌ ఉపముఖ్యమంత్రి పదవికి రాజీనామా చేయాలని ఫిర్యాదులో పేర్కొన్నట్టు తెలిపారు

సాక్షి, హైదరాబాద్‌: పార్టీ ఫిరాయించిన ఎమ్మెల్యేలపై అనర్హత వేటు వేయాలంటూ దాఖలైన పిటిషన్‌లో శాసనసభ స్పీకర్‌కు హైకోర్టు నోటీసులు జారీ చేసింది. ఇతర ప్రతివాదులు కూడా స్పందించాలని ఆదేశించింది. కౌంటర్‌ దాఖలు చేయాలని స్పష్టం చేసింది. పార్టీ ఫిరాయించిన ఎమ్మెల్యేలు అసెంబ్లీకి హాజరుకాకుండా, జీతభత్యాలు నిలుపుదల చేసేలా ఆదేశాలు ఇవ్వాలన్న పిటిషనర్‌ విజ్ఞప్తిని తిరస్కరించింది. తదుపరి విచారణను నాలుగు వారాలకు వాయిదా వేసింది. ఒక పార్టీ నుంచి పోటీ చేసి గెలిచిన శాసనసభ్యులు వెంటనే మరో పార్టీలోకి ఫిరాయిస్తున్నారని.. ఇలాంటి వారి శాసనసభ సభ్యత్వాన్ని రద్దు చేసేలా ఎన్నికల కమిషన్‌కు ఆదేశాలు జారీ చేయాలని కోరుతూ ప్రజాశాంతి పార్టీ అధ్యక్షుడు కేఏ పాల్‌ హైకోర్టులో పిటిషన్‌ దాఖలు చేశారు. ‘ఒక పార్టీలో గెలిచి మరో పార్టీలో చేరడం ద్వారా ఆయా నియోజకవర్గ ప్రజల నమ్మకాన్ని కూడా వమ్ము చేస్తున్నారు. బీఆర్‌ఎస్‌ నుంచి ఎమ్మెల్యేగా గెలిచిన దానం నాగేందర్‌ వెంటనే కాంగ్రెస్‌ పార్టీలో చేరి.. ఆ తర్వాత ఆ పార్టీ తరఫున ఏకంగా పార్లమెంట్‌ ఎన్నికల్లో పోటీ చేశారు. ఇది రాజ్యాంగ స్ఫూర్తికి విరుద్ధం. స్పీకర్‌ నిర్ణయం తీసుకోకపోవడంతో ఇలాంటి వారంతా ఐదేళ్ల పాటు యథేచ్ఛగా తమ అధికారాలను అనుభవిస్తున్నారు. ప్రజాస్వామ్యాన్ని పరిరక్షించేందుకు ఇలాంటి వారిపై వెంటనే అనర్హత వేటు వేసేలా ఆదేశాలు జారీ చేయాలి..’ అని విజ్ఞప్తి చేశారు. అయితే ఇదే అంశంపై అప్పటికే సింగిల్‌ జడ్జి వద్ద పలు పిటిషన్లు పెండింగ్‌లో ఉండటంతో రిజిస్ట్రీ అ­భ్యంతరం తెలుపుతూ పిల్‌కు నంబర్‌ కేటాయించలేదు. కా­నీ గత విచారణ సందర్భంగా సింగిల్‌ జడ్జి ఇచ్చిన తీర్పు కాపీని అందజేయడంతో నంబర్‌ కేటాయించాలని సీజే ధ­ర్మా­సనం రిజిస్ట్రీని ఆదేశించింది. ఈ నేపథ్యంలో ప్రధాన న్యాయమూర్తి జస్టిస్‌ అలోక్‌ అరాధే, జస్టిస్‌ జె.శ్రీనివాస్‌రావు ధర్మాసనం ఈ పిల్‌పై సోమవారం విచారణ చేపట్టింది. సింగిల్‌ జడ్జి ఏమన్నారు.. సింగిల్‌ జడ్జి వద్ద దాఖలైన పిటిషన్లలో ఈ నెల 9న తీర్పు వెలువడిన విషయం తెలిసిందే. ఎమ్మెల్యేల ఫిరాయింపుపై దాఖలైన అనర్హత పిటిషన్ల స్టేటస్‌ చెప్పేందుకు నాలుగు వారాల గడువిస్తున్నామని.. ఆలోగా వివరాలు అందజేయకుంటే తామే ఆదేశాలు జారీ చేయాల్సి వస్తుందని స్పీకర్‌ కార్యదర్శికి జడ్జి తేల్చిచెప్పారు. ఎమ్మెల్యేలు పాడి కౌశిక్‌రెడ్డి, వివేకానంద, మహేశ్వర్‌రెడ్డి దాఖలు చేసిన పిటిషన్లను స్పీకర్‌ ముందుంచాలని, విచారణ షెడ్యూల్‌ రూపొందించాలని స్పష్టం చేశారు. దీని వివరాలను రిజి్రస్టార్‌ (జ్యుడిషియల్‌)కు అందజేయాలని చెబుతూ కీలక తీర్పు వెలువరించారు. ఈ తీర్పు వెలువడి ఇప్పటికి రెండు వారాల సమయం గడిచింది. ఎలాంటి మధ్యంతర ఉత్తర్వులివ్వలేం.. పార్టీ ఇన్‌ పర్సన్‌ కేఏ పాల్‌ స్వయంగా వాదనలు వినిపిస్తూ.. ‘పార్టీ ఫిరాయించిన ఎమ్మెల్యేలపై శాసనసభ స్పీకర్‌ నిర్ణయం తీసుకోవడానికి ఒక్కోసారి సంవత్సరం నుంచి ఐదేళ్ల వరకు పడుతోంది. ప్రతివాదులైన 10 మంది (దానం నాగేందర్, బండ్ల కృష్ణమోహన్‌రెడ్డి, కడియం శ్రీహరి, తెల్లం వెంకటరావు, పోచారం శ్రీనివాస్‌రెడ్డి, కాలే యాదయ్య, ప్రకాశ్‌గౌడ్, సంజయ్‌కుమార్, గూడెం మహిపాల్‌రెడ్డి, అరికెపూడి గాం«దీ) ఎమ్మెల్యేలు అసెంబ్లీకి హాజరుకాకుండా ఆదేశాలు ఇవ్వాలి. అలాగే జీతభత్యాలు కూడా నిలుపుదల చేస్తూ మధ్యంతర ఉత్తర్వులు ఇవ్వాలి..’ అని విజ్ఞప్తి చేశారు. అయితే పిటిషనర్‌ మధ్యంతర ఉత్తర్వుల విజ్ఞప్తిని ధర్మాసనం తోసిపుచ్చింది. అలా ఆదేశాలు ఇవ్వలేమని స్పష్టం చేసింది. స్పీకర్, శాసనసభ కార్యదర్శి, కేంద్ర ఎన్నికల కమిషన్‌తో పాటు 10 మంది ఎమ్మెల్యేలకు నోటీసులు జారీ చేసింది.

సాక్షి, హైదరాబాద్‌: తెలంగాణలో పార్టీ మారిన ఎమ్మెల్యేలపై చర్యలు తీసుకోవాలని ప్రజాశాంతి పార్టీ వ్యవస్థాపకుడు కేఏ పాల్‌ హైకోర్టులో పిటిషన్‌ దాఖలు చేశారు. ఆయన పిటిషన్‌పై నేడు హైకోర్టులో విచారణ జరిగింది. ఈ సందర్భంగా 10 మంది ఎమ్మెల్యేలను కౌంటర్‌ దాఖలు చేయాలని హైకోర్టు ఆదేశించింది. ఈ మేరకు ఎమ్మెల్యేలకు నోటీసులు జారీ చేసింది. తదుపరి విచారణను నాలుగు వారాలకు వాయిదా వేసింది.కాగా తెలంగాణలో పార్టీ మారిన ఎమ్మెల్యేలపై చర్యలు తీసుకోవాలని కేఏ పాల్‌ హైకోర్టును ఆశ్రయించారు. ఈ సందర్భంగా పిటిషన్‌లో కీలక విషయాలను వెల్లడించారు. పార్టీ మారడం రాజ్యాంగ విరుద్దం. రాజీనామా చేయకుండా పార్టీ మారిన ఎమ్మెల్యేలు అధికారాలు అనుభవిస్తున్నారు. పార్టీ ఫిరాయించడం అంటే రాజ్యాంగాన్ని, చట్టాలను ఉల్లంఘించడమేనని పిటిషన్‌లో పేర్కొన్నారు.ఇదిలా ఉండగా.. పార్టీ మారిన ఎమ్మెల్యేల విషయంపై బీఆర్‌ఎస్‌ నేతలు ఇప్పటికే హైకోర్టును ఆశ్రయించిన విషయం తెలిసిందే. ఈ నేపథ్యంలో బీఆర్‌ఎస్‌ ఎమ్మెల్యేలు ఏప్రిల్‌లో ఒక పిటిషన్, జూలైలో ఇంకో పిటిషన్‌ దాఖలు చేశారు. సుదీర్ఘ విచారణ అనంతరం ఆగస్టు 10 తీర్పు రిజర్వు చేశాం. ఇప్పటివరకు అనర్హత పిటిషన్లపై ఏం నిర్ణయం తీసుకున్నారో తెలియదు. ఈ నేపథ్యంలో రిట్‌ పిటిషన్లలో ఉపశమనం పొందేందుకు పిటిషనర్లు అర్హులని ఈ కోర్టు అభిప్రాయపడుతోంది. స్పీకర్‌ కార్యాలయానికి రాజ్యాంగ హోదా, గౌరవం ఉంది.అనర్హత పిటిషన్లను వెంటనే రాష్ట్ర శాసనసభ స్పీకర్‌ ముందు ఉంచాలని స్పీకర్‌ కార్యదర్శిని ఆదేశిస్తున్నాం. ఇరుపక్షాల వాదనలు, డాక్యుమెంట్లు, వ్యక్తిగత వాదనలకు సంబంధించి నాలుగు వారాల్లోగా షెడ్యూల్‌ నిర్ణయించాలి. నాలుగు వారాల్లో ఏం తేల్చకపోతే సుమోటోగా విచారణ చేపడతాం. తగిన ఆదేశాలను మేమే ఇస్తాం అని కోర్టు వ్యాఖ్యలు చేసింది. ఇది కూడా చదవండి: తెలంగాణ ఎమ్మెల్యేలూ.. జర జాగ్రత్త!

విశాఖపట్నం, సాక్షి: ఏపీలో జరుగుతున్న ప్రతీకార రాజకీయ దాడుల పర్వంపై ప్రజాశాంతి పార్టీ అధినేత కేఏ పాల్‌ స్పందించారు. రాజకీయంగా కక్షలు తీర్చుకోనని చెప్పిన చంద్రబాబు.. ఇప్పుడు దాడులకు దిగిన తన కార్యకర్తలను కంట్రోల్‌ చేయలేకపోతున్నారని మండిపడ్డారాయన. ఈ మేరకు కేఏ పాల్‌ ఓ వీడియో విడుదల చేశారు. ‘‘చంద్రబాబు గారూ.. మన రాష్ట్రం ఏమైపోతోంది. ఈ వయసులో మీ పార్టీ కార్యకర్తలను మీరు అదుపు చేయలేరా?. ఎన్నికల్లో ఈవీఎంలను ట్యాంపరింగ్‌ చేసి ఎలా గెలిచారో అందరికీ తెలుసు. బుద్ధి లేని మీ పార్టీ గాడిదలకు చెప్పండి. ఇంత నీచమైన స్థితికి మీ పార్టీ కార్యకర్తలు దిగజారిపోయారు. ప్రజల చేత ఛీ అనిపించుకోకండి. చరిత్ర హీనులు కాకండి’’ అని పాల్‌ హితవు పలికారు. ‘‘గతంలో ఇలాంటి దాడుల్ని జగన్‌ పార్టీ ఏనాడూ ప్రొత్సహించలేదు. కానీ, కక్ష తీర్చుకోను అని చెప్పి.. ఇప్పుడు మీ కార్యకర్తలు చేస్తోంది ఏంటి?. లా అండ్‌ ఆర్డర్‌ మెయింటెన్‌ చేయలేని మీరూ.. ఆరునెలలకు మించి ముఖ్యమంత్రిగా ఉండలేరు. రాష్ట్రం అభివృద్ధి బాటలో వెళ్లాలంటే ఇలాంటి కక్షపూరిత రాజకీయాలను వదిలేయాలి. కక్ష పూరిత రాజకీయాలు మానేసి రాష్ట్రం బాగు చేయడం కోసం పాటు పడాలి. ఇంకో 48 గంటల్లో ఇలాంటి ఘటనలు జరగకుండా చూడాలి. లేకుంటే మీరు రాష్ట్రాన్ని పాలించేందుకు పనికి రారని కోర్టుకు వెళ్లా. అక్కడా న్యాయం జరగకపోతే దేవుడి కోర్టుకు వెళ్తా’’ అని ఆయన హెచ్చరించారు.

సాక్షి, నల్లగొండ: బీఆర్‌ఎస్‌ ఎమ్మెల్సీ, మాజీ సీఎం కేసీఆర్‌ కూతురు కవిత అరెస్ట్‌ అవుతుందని ముందే చెప్పాను అంటూ కామెంట్స్‌ చేశారు ప్రజాశాంతి పార్టీ వ్యవస్థాపకులు కేఏ పాల్‌. అలాగే, కాంగ్రెస్‌ పార్టీని భూ స్థాపితం చేసిన రోజునే ప్రజలు బాగుపడారని పాల్‌ చెప్పుకొచ్చారు.  కాగా, కేఏ పాల్‌ శనివారం నల్లగొండలో మీడియాతో మాట్లాడుతూ..‘తెలంగాణ ముఖ్యమంత్రి రేవంత్‌ రెడ్డి నన్ను చాలా సార్లు కలిశారు. తెలంగాణ ప్రజలకు నీటి సమస్య తీవ్రంగా ఉంది. కేబినెట్‌లో నీటిపారుదల శాఖ మంత్రిని మార్చాలని నేను ఎప్పుడో చెప్పాను. కోమటిరెడ్డి వెంకట రెడ్డి చాలా మాటలు చెబుతున్నాడు. రైతుబంధు డబ్బులు ఐదువేల కోట్లు ఎటుపోయాయి. వెయ్యి కోట్లకు రేవంత్‌ రెడ్డి అమ్ముడుపోయాడు.  తెలంగాణ ఏడు లక్షల కోట్ల అప్పుల్లో కురుకుపోయింది. కాంగ్రెస్ పార్టీని భూ స్థాపితం చేసిన రోజున ప్రజలు బాగుపడుతారు. రేవంత్ గురువు చంద్రబాబు చెప్తే తెలంగాణలో కాంగ్రెస్ ఎంపీలను గెలిపిస్తాను. లోక్‌సభ ఎన్నికల్లో నల్లగొండ నుంచి ప్రజాశాంతి పార్టీలో పోటీలో ఉంటుంది’ అంటూ కామెంట్స్‌ చేశారు. 

సాక్షి, హైదరాబాద్‌: సినీ నటుడు, మాజీ మంత్రి బాబూ మోహన్‌ ప్రజాశాంతి పార్టీలో చేరారు. కేఏపాల్‌ సమక్షంలో సోమవారం ప్రజాశాంతి పార్టీ కండువా కప్పుకున్నారు బాబూమోహన్‌. కాగా ఇటీవలే బాబూ మోహన్‌ బీజేపీ పార్టీకి రాజీనామా చేసిన విషయం తెలిసిందే. పార్టీలో తనకు తగిన ప్రాధాన్యత ఇవ్వడం లేదంటూ రాష్ట్ర బీజేపీ నాయకత్వంపై తీవ్ర విమర్శలు గుప్పించారు.  భవిష్యత్తులో వరంగల్ జిల్లా ఎంపీగా పోటీ చేస్తానని ఆ సయంలోనే బాబూ మోహన్‌ వెల్లడించారు. తెలంగాణ అసెంబ్లీ ఎన్నికలకు ముందు కూడా బాబూ మోహన్ పార్టీపై తీవ్ర అసంతృప్తి వ్యక్తం చేశారు. చివరకు ఆయనకు అందోల్ నుంచి బీజేపీ టికెట్ ఇచ్చింది. అయితే ఆ నియోజకవర్గంలో కాంగ్రెస్‌ నుంచి పోటీ చేసిన దామోదర రాజనరసింహ గెలపొందారు. బాబూ మోహన్ మూడో స్థానానికే పరిమితమయ్యారు. చదవండి: నా జీవితం దేశానికి అంకితం: ప్రధాని మోదీ

సాక్షి, విశాఖపట్నం: జనసేన అధినేత పవన్‌ కల్యాణ్‌పై ప్రజాశాంతి పార్టీ అధ్యక్షుడు కేఏ పాల్‌ ఆసక్తికర వ్యాఖ్యలు చేశారు.  ప్రజా శాంతి పార్టీ తరఫున పవన్‌ కల్యాణ్‌ను ముఖ్యమంత్రిని చేస్తామని.. అందుకు ఎంత డబ్బు ఖర్చు అయినా తానే భరిస్తానని ఆఫర్‌ ఇచ్చారు . సోమవారం విశాఖలో ఆయన మీడియాతో మాట్లాడుతూ..  అభ్యర్థుల్ని ప్రకటించే టైంలో వేదిక మీద చంద్రబాబు పక్కనే ఉన్న పవన్‌లో బాధ కనిపించిందన్నారు. మరి చంద్రబాబు ఎన్ని కోట్లు ఇచ్చారో పవన్‌ ఎందుకు చెప్పలేకపోతున్నారోనని పాల్‌ ప్రశ్నించారు. ‘నీకు(పవన్‌ను ఉద్దేశించి..) ఓటు బ్యాంకు లేదు. డబ్బు తెచ్చే సత్తా లేదు. ప్రజలు ఛీ అంటుఉన్నారు. కానీ, ప్రజా శాంతి తరపున నీకు నేను 24 కాదు.. గతంలో చెప్పినట్లు 48 కాదు.. ఇప్పుడు మూడు రెట్లు అంటే 72 సీట్లు ఇస్తా. నిన్ను గెలిపిస్తా. నేను గెలిచి పార్లమెంట్‌కు వెళ్తా.. నిన్ను ఇక్కడ ముఖ్యమంత్రిని చేస్తా’’ అని పాల్‌ పవన్‌కు హామీ ఇచ్చారు.  అలాగే.. టీడీపీ జనసేనలు రాష్ట్రాన్ని దోచుకోవడానికి సంసిద్ధం అంటున్నాయని.. ఆ రెండు పార్టీలను నమ్మొద్దని ఏపీ ప్రజలకు కే ఏ పాల్‌ విజ‍్క్షప్తి చేశారు. వంగవీటి రంగాను చంపిన రక్తపు చేతుల్లోంచి(బాబును ఉద్దేశిస్తూ..) బయటకు రా అంటూ పవన్‌ను పాల్‌ కోరారు. 

సాక్షి, హైదరాబాద్: సీఎం రేవంత్ రెడ్డి పర్ఫెక్ట్ లీడర్ అని ప్రజాశాంతి పార్టీ నేత కేఏ పాల్ అన్నారు. పార్లమెంట్ ఎన్నికలు అయిపోగానే సీఎం రేవంత్ రెడ్డి తాను విదేశీ పర్యటనలకు వెళ్ళాలనుకుంటున్నట్లు చెప్పారు. తెలంగాణ రాష్ట్రంలో విదేశీ పెట్టుబడులను ఆహ్వానించనున్నామని వెల్లడించారు. ఈ మేరకు అసెంబ్లీ ఆవరణలో కేఏ పాల్ మాట్లాడారు. ముఖ్యమంత్రి రేవంత్ రెడ్డిని కలిసేందుకు అసెంబ్లీకి వచ్చినట్లు తెలిపారు.  అదానీ, అంబానీకి 25 లక్షల కోట్ల రూపాయిలు మాఫీ చేశారని కేఏ పాల్ ఆరోపించారు. గత 10 ఏండ్లలో 12 లక్షల కోట్ల రూపాయలు అప్పులు చేశారని విమర్శించారు. రేవంత్ రెడ్డి గారి ఆధ్వర్యంలో ఆర్ధిక బడ్జెట్ ను చక్కదిద్దాలని కోరుకుంటున్నట్లు చెప్పారు. రేవంత్ రెడ్డి మంచి చేస్తున్నాడని అన్నారు. ఇదీ చదవండి: సీఎం రేవంత్ రెడ్డి కీలక నిర్ణయం

సాక్షి,హైదరాబాద్‌: రాష్ట్ర అసెంబ్లీ ఎన్నికల్లో పోటీ చేద్దామంటే తమ పార్టీకి సింబల్‌ ఇవ్వలేదని, దీని పై హైకోర్టుకు వెళ్తామని ప్రజాశాంతి పార్టీ అధ్యక్షుడు కేఏ పాల్‌ తెలిపారు. సోమవారం రాష్ట్ర ఎన్నికల ప్రధానాధి కారి కార్యాలయంలో ఆయన మాట్లాడుతూ రాష్ట్రంలో కుటుంబపాలనకు చరమగీతం పా డాలన్నారు. ‘మా పార్టీలో చేరాలని మందకృష్ణ మాదిగను కోరితే, రూ. 25 కోట్లు అడిగారని, ఇప్పుడు ప్రధాని నరేంద్రమోదీకి ఆయన అమ్ముడుపోయారు’అని ఆరోపించారు. మరోవైపు సికింద్రాబాద్‌ పరేడ్‌గ్రౌండ్‌లో జరిగిన మాదిగల బహిరంగసభ నిమిత్తం మందకృష్ణకు రూ.72 కోట్లు ముట్టాయని, ఎంపీ పదవి ఇస్తారని ఆశతోనే ఆయన అమ్ముడుపోయారని విమర్శించారు. మాదిగలకు మోదీ ఇన్నిరోజుల్లో చేయని న్యాయం ఇప్పుడు చేస్తారా అని కేఏ పాల్‌ నిలదీశారు. చదవండి: కేసీఆర్‌కు కోటి అప్పు ఇచ్చిన వివేక్‌

సాక్షి,హైదరాబాద్: కోదండరాంపై ఇష్టం వచ్చినట్టు మాట్లాడితే బీఆర్‌ఎస్‌ నేతలను చెప్పుతో కొడతారని టీపీసీసీ చీఫ్‌ రేవంత్‌రెడ్డి హెచ్చరించారు. కోదండరాం కాంగ్రెస్‌ కోసం పోటీ చేయకపోతే కేఏ పాల్‌ బీఆర్‌ఎస్‌ కోసమే పోటీ చేయడం లేదా చెప్పాలని ఫైర్‌ అయ్యారు. శనివారం హైదరాబాద్‌లో ఆయన మీడియాతో మాట్లాడుతూ కేసీఆర్‌ కుటుంబంపై మండిపడ్డారు. కేసీఆర్‌ అవినీతికి కాళేశ్వరం ప్రాజెక్టు బలయిందని రేవంత్‌ విమర్శించారు. కేసీఆర్ కుటుంబం ఆర్థిక ఉగ్రవాద కుటుంబం అని ఆరోపించారు. ఈ కుటుంబాన్ని శిక్షించడానికి కేంద్రం ముందుకు రావాలని కోరారు. కేసీఆర్ ప్రభుత్వాన్ని కాపడడానికి కేంద్ర ప్రభుత్వం అన్ని రకాలుగా సహకరిస్తోందన్నారు. కాళేశ్వరంపై జాతీయ స్థాయిలో ఒక కమిటీ వేయాలని డిమాండ్‌ చేశారు. ప్రాజెక్టులో అవినీతిపై సిట్టింగ్ జడ్జితో విచారణ జరగాలన్నారు. ప్రధాని మోదీ తెలంగాణకు వచ్చినప్పుడు కాళేశ్వరం ప్రాజెక్టును సందర్శించాలని కోరారు. మేడిగడ్డ బ్యారేజ్‌కు జరిగిన డ్యామేజ్ పై చర్యలు తీసుకోవాలన్నారు. అవినీతి వాసననే పడని మోదీ కేసీఆర్‌ సర్కారు కంపుని ఎలా భరిస్తున్నారని రేవంత్‌ ప్రశ్నించారు. మోదీకి కంపు కొట్టకుండా కేసీఆర్ ఏదైనా సెంటు కొట్టి వశీకరణ చేస్తున్నారా? చెప్పాలన్నారు.ఇద్దరం ఒకటే అని కేసీఆర్,మోదీ చెప్పదలచుకున్నారా? అని నిలదీశారు. కాంగ్రెస్ మొదలు పెట్టిన ప్రాణహిత చేవెళ్ల ప్రాజెక్టును కేసీఆర్ కాళేశ్వరం ప్రాజెక్టుగా మార్చారన్నారు.కేసీఆర్ అధికారంలోకి వచ్చాక ఆలోచనలు మారి ఆశలు పెరిగాయన్నారు. ‘మేడిగడ్డ, అన్నారం, సుందిళ్ళ బ్యారేజుల  ప్లానింగ్ వేరు,నిర్మాణం వేరుకావడం వల్లే మునిగిపోతున్నాయి.కేసీఆర్ ధనదాహానికి మేడిగడ్డ కుంగింది. కాళేశ్వరం కోసం తన మెదడును ఖర్చు చేశానని చెప్పిన కేసీఆర్ లోపాలు బయట పడగానే తప్పించుకుంటున్నారు. నేషనల్ డ్యాం సేఫ్టీ అథారిటీ అడిగే ప్రశ్నలకు కేసీఆర్‌ ఎందుకు సమాధానం ఇవ్వడం లేదు. ఎల్ అండ్ టీ కంపెనీపై చర్యలు తీసుకోవడానికి కేసీఆర్ ఎందుకు వెనకాడుతున్నారు. కమిషన్లు నొక్కేయడానికే  కేసీఆర్ ప్రణాళిక బద్దంగా ప్లాన్ వేశారు’అని రేవంత్‌ విమర్శించారు.

హైదరాబాద్: తనకు అవకాశమిస్తే సికింద్రాబాద్‌ నియోజకవర్గాన్ని ఆదర్శనీయంగా తీర్చిదిద్దుతానని ప్రజాశాంతి పార్టీ అధ్యక్షుడు కే.ఏ పాల్‌ అన్నారు. ఇక్కడి నుంచే ప్రజాశాంతి తరుపున పోటీ చేస్తానని, ప్రజలు తనను ఆదిరించాలని కోరారు. సోమవారం అడ్డగుట్ట డివిజన్‌లోని తుకారాంగేట్‌ మరాఠా బస్తీలో ఆయన పర్యటించి స్థానికి సమస్యలను అడిగి తెలుసుకున్నారు. ఈ సందర్భంగా పాల్‌ మాట్లాడుతూ సీఎం కేసీఆర్‌ విడుదల చేసిన ఎన్నికల మేనిఫెస్టోలో ఒక్క అంశం కూడా నెరవేర్చే విధంగా లేవన్నారు. బంగారు తెలంగాణ చేస్తానని మాయమాటలు చెప్పి ప్రజలను మోసం చేశాడని, స్థానిక ప్రజలు ఎదుర్కొంటున్న సమస్యలే అందుకు నిదర్శనమని పేర్కొన్నారు. ప్రజాశాంతి పార్టీ తరపున బరిలో ఉండాలని కోరుకునే వారు పార్టీ కార్యాలయంలో సంప్రదించాలని ఈ సందర్భంగా చెప్పారు.

సాక్షి,  ఎన్టీఆర్: చంద్రబాబు చేసిన అవినీతి ఆకాశాన్ని అంటుకుందని.. ఆ అవినీతిని దేవుడు కూడా సహించడం లేదని ప్రజాశాంతి పార్టీ అధ్యక్షులు కేఏ పాల్‌ అన్నారు. మంగళవారం ఆయన మీడియాతో మాట్లాడుతూ.. టీడీపీ కథ ముగిసినట్లేనని ఎద్దేవా చేశారు.  ఎన్నో కుట్రలు చేసి.. ఎన్టీఆర్‌ను బతికుండగానే చంద్రబాబు చంపేశారు. 64 కేసుల్లో అరెస్ట్‌ కాకుండా.. 14 ఏళ్లపాటు స్టేలు తెచ్చుకున్న వ్యక్తి చంద్రబాబు. అలాంటి వ్యక్తి అవినీతి ఆకాశానికి చేరింది. అందుకే దేవుడు సైతం దానిని సహించలేదు. 2018లో తెలంగాణలో టీడీపీ భూస్థాపితం అవుతుందని చెప్పాను..జరిగింది. 2023లో ఏపీలో టీడీపీ భూస్ధాపితం అవుతుందని చెప్పాను.. అది మీరు కళ్లారా చూస్తున్నారు అని కేఏ పాల్‌ అన్నారు. సోషల్‌ మీడియాలో 60 లక్షల ఫాలోవర్లు  ఉన్న  పార్టీ టీడీపీ. కానీ, అలాంటి పార్టీ నాయకుడు చంద్రబాబు అరెస్ట్‌ అయితే.. కనీసం 6వేల మంది కూడా రోడ్డు మీదకు రాలేదంటే పరిస్థితి అర్థం చేసుకోవచ్చు. లోకేష్ తన తల్లిని.. భార్యను సానుభూతి కోసం రోడ్ల పై తిప్పుతున్నారు. అది ఘోరమని కేఏ పాల్‌ మండిపడ్డారు.   పవన్‌కు ఆఫర్‌ పనిలో పనిగా జనసేన చీఫ్‌ పవన్‌ కల్యాణ్‌కు పాల్‌ బంపరాఫర్‌ ఇచ్చారు. ‘‘కేవలం 25 సీట్లకు అమ్ముడు పోయిన వ్యక్తి పవన్ కళ్యాణ్. పవన్ కళ్యాణ్ కు ఓడిపోయే 25 సీట్లు కావాలా?ప్రజా శాంతి పార్టీ లో 50 సీట్లు కావాలా.. తేల్చుకోవాలి? అని ఆఫర్‌ ప్రకటించారు పాల్‌. టీడీపీ ఇక లేదని.. అది మునిగిపోతున్న పడవ అని.. పవన్‌ మునగడానికే టీడీపీకి వెళ్లారని.. ఓడిపోయే పార్టీ సీట్లు కోరుకుంటున్నారని కేఏ పాల్‌ అన్నారు.  

సాక్షి, విశాఖపట్నం: అవినీతిలో పుట్టిపెరిగిన చంద్రబాబు.. చివరికి దేవుడిని కూడా తనకు శత్రువుని చేసుకున్నారంటూ ప్రజాశాంతి పార్టీ అధ్యక్షుడు కేఏ పాల్ వ్యాఖ్యానించారు. సోమవారం విశాఖలో మీడియాతో మాట్లాడిన ఆయన.. చంద్రబాబుకు హైకోర్టులో బెయిల్‌ రాకపోవడం ఊహించిందేనని అన్నారు.  తెలుగు దేశం పార్టీ పని అయిపోయింది. అవినీతి చంద్రబాబు ఇప్పటికైనా తన తప్పుల్ని ఒప్పుకోవాలి. టీడీపీ వాళ్లు ప్రజా శాంతి పార్టీలో చేరితే మంచిది. ఆయనకు హైకోర్టులో ఇవాళ బెయిల్‌ రాదని నేను ముందే ఊహించా. లోకేష్‌ ఢిల్లీలో ఎంత తిరిగినా ఎవరూ పట్టించుకోలేదు. చివరికి.. తన పాపాలతో దేవుడ్నిని కూడా చంద్రబాబు శత్రువుని చేసుకున్నారు. చంద్రబాబు ఆణిముత్యం కాదు.. పాపం ముత్యం, అవినీతి ముత్యం. ఆరు లక్షల కోట్ల రూపాయల అవినీతికి పాల్పడ్డారనే విమర్శలు చంద్రబాబు మీద ఉన్నాయి. గత ఎన్నికల్లో పవన్‌తో కలిసి పోటీ చేసిన పార్టీలన్నీ దారుణంగా ఓడిపోయాయి. వాటికి ఐదు శాతం ఓట్లు కూడా రాలేదు. పవన్‌కు బీజేపీ నేతలు, ప్రధాని మోదీ.. ఎవరూ అపాయింట్‌మెంట్‌ ఇవ్వడం లేదు. చంద్రబాబుకు పవన్‌ అమ్ముడుపోయారు. పవన్‌ అవినీతిపై సీబీఐ విచారణకు నేను డిమాండ్‌ చేస్తే.. తాను ఎన్డీయేలో ఉన్నానని పవన్‌ అంటున్నాడు అని పాల్‌ మండిపడ్డారు. త్వరలోనే తెలంగాణలో ప్రజా శాంతి పార్టీ అభ్యర్ధులను ప్రకటిస్తాను.. త్వరలోనే ప్రజల వద్దకు యాత్ర చేస్తాను. తెలంగాణలో 119 స్థానాల్లో ప్రజా శాంతి పార్టీ అభ్యర్ధులు పోటీ చేస్తారు..

సీతమ్మధార(విశాఖ ఉత్తర): జనసేన అధ్య­క్షుడు పవన్‌కళ్యాణ్‌ రూ.1,500 కోట్లకు చంద్రబాబుకు అమ్ము­డుపోయాడని ప్రజాశాంతి పార్టీ అధ్యక్షుడు కేఏ పాల్‌ చెప్పారు. అమరా­వతిలో బినామీల పేర్లతో టీడీపీ నాయకులు భూములు కొనుగోలు చేశారని ఆయన తెలిపారు. విశాఖ ఆశీలమెట్టలోని కేఏ పాల్‌ ఫంక్షన్‌ హాలులో శనివారం ఆయన మీడియాతో మాట్లాడుతూ పవన్‌ ఒక రోజు ఎన్డీఏలో ఉన్నానంటాడని, మరొక రోజు లేనని చెబుతాడని, రేపు ఏమంటారో చూడాలన్నారు. చంద్రబాబు స్టీల్‌ ప్లాంట్‌ కోసం ఏనాడు పోరాటం చేయలేదని, ఆయన అదానీకి అమ్ముడుపోయాడని ఆరో­పించారు. చంద్రబాబు అమరావతి కడతానని కట్టలేదని, పోలవరం పూర్తి చేయలేదని, ప్రత్యేక హోదా సాధించలేదని పేర్కొన్నారు. ఏ తప్పు చేయకపోతే లోకేశ్‌ ఎందుకు ఢిల్లీలో దాక్కున్నారని ప్రశ్నించారు. లోకేశ్‌ ఢిల్లీలో బీజేపీ పెద్దల కాళ్లవేళ్లా పడినా అపాయింట్‌మెంట్‌ దొరకలేదని అన్నారు. చదవండి: బ్రెయిన్‌ డెడ్‌ పార్టీకి సానుభూతి వైద్యం 

సాక్షి, విశాఖపట్నం: టీడీపీ అధినేత చంద్రబాబు, నారా లోకేష్‌పై ప్రజా శాంతి పార్టీ అధినేత కేఏ పాల్‌ సంచలన ఆరోపణలు చేశారు. దేశంలోనే అత్యంత అవినీతిపరుడు చంద్రబాబు అంటూ ఘాటు వ్యాఖ్యలు చేశారు. చంద్రబాబు ఆరు లక్షల కోట్ల అవినీతికి పాల్పడ్డారంటూ కామెంట్స్‌ చేశారు.  కాగా, కేఏ పాల్‌ బుధవారం విశాఖపట్నంలో మీడియాతో మాట్లాడుతూ.. చంద్రబాబు అవినీతి ఆకాశమంత ఎత్తుకు చేరుకుంది. చంద్రబాబు అవినీతిలో ఆయన కుమారుడు నారా లోకేష్‌కు కూడా భాగస్వామ్యం ఉంది. దేశంలోనే అత్యంత అవినీతిపరుడు చంద్రబాబు. లక్ష కోట్ల అవినీతికి పాల్పడిన వ్యక్తి జైలు శిక్ష అనుభవించాల్సిందే. డబ్బులు ఇచ్చి టీడీపీ నేతలు పెయిడ్‌ ఉద్యమాలు చేయిస్తున్నారని ఆగ్రహం వ్యక్తం చేశారు.  ఇదే సమయంలో చంద్రబాబు ఆరు లక్షల కోట్ల అవినీతికి పాల్పడ్డారని అన్నారు. చంద్రబాబుకు నిజంగా న్యాయవ్యవస్థపై నమ్మ​కం ఉంటే విచారణకు సహకరించాలన్నారు. స్కిల్‌ డెవలప్మెంట్‌ కుంభకోణంలో టీడీపీ నేత అచ్చెన్నాయుడిని అరెస్ట్‌ చేయాలన్నారు. కేవలం 25 సీట్ల కోసం జనసేన అధినేత పవన్‌ కల్యాణ్‌ అమ్ముడుపోయాడని తీవ్ర విమర్శలు చేశారు. ప్యాకేజీ కోసమే కాపులను పవన్‌ కల్యాణ్‌ తాకట్టు పెట్టారని ఆరోపణలు చేశారు.  ఇది కూడా చదవండి: సుప్రీంకోర్టులో చంద్రబాబుకు చుక్కెదురు..

నిజామాబాద్‌: మాజీ ముఖ్యమంత్రి చంద్రబాబు నాయుడు అత్యంత అవినీతి పరుడు కాబట్టే జైలుకు వెళ్లాడని ప్రజాశాంతి పార్టీ వ్యవస్థాపక అధ్యక్షుడు డాక్టర్‌ కేఏ పాల్‌ అన్నారు. బుధవారం నిజామాబాద్‌ నగరంలోని బైపాస్‌ రోడ్‌లో కాన్ఫరెన్స్‌ హాల్‌లో ఏర్పాటు చేసిన సమావేశంలో ఆయన మాట్లాడారు. 14 ఏళ్లు ముఖ్యమంత్రిగా ఉండి రూ.వేల కోట్లు చంద్రబాబు దోచుకున్నారన్నారు. ఎన్‌టీఆర్‌కు వెన్నుపొటు పొడిచిన విషయం తెలుగు రాష్ట్రాల ప్రజలు ఎప్పటీకీ మర్చిపోరన్నారు. రూ.లక్షల కోట్లు మెక్కడంతోనే ఊచలు లెక్కిస్తున్నారని ఆరోపించారు. తెలంగాణలో కుటుంబ పాలన నడుస్తుందని, అంతే అవినీతి జరుగుతుందన్నారు. తెలంగాణ జరిగే ఎన్నికలను ఈవీఎంలతో కాకుండా బ్యాలెట్‌ పేపర్‌ ద్వారా నిర్వహించాలని డిమాండ్‌ చేశారు. బీఆర్‌ఎస్‌, బీజేపీ బీ టీం అని, అందుకే కవితను అరెస్టు చేయడం లేదన్నారు. తనను ముఖ్యమంత్రి చేస్తే అవినీతి లేని పాలనతో అభివృద్ధి చేస్తానని చెప్పారు. రాష్ట్రంలో ప్రజాశాంతి పార్టీ అధికారంలోకి వస్తుందని ధీమా వ్యక్తం చేశారు. కేసీఆర్‌, కాంగ్రెస్‌ కుటుంబ పాలన చేస్తున్నాయని, నరేంద్ర మోదీ తన మిత్రులకు దోచి పెడుతున్నారని ఆరోపించారు. తన పార్టీలోకి ఎంపీ అర్శింద్‌, మాజీ మంత్రి షబ్బీర్‌అలీ, మాజీ ఎంపీ మధుయాష్కి రావాలని పాల్‌ కోరారు. తాను సీఎం అయితే విద్య, వైద్యం ఉచితంగా అందిస్తానన్నారు.

సాక్షి, నిజామాబాద్: దేశం చాలా క్లిష్ట పరిస్థితుల్లో ఉందని.. తెలంగాణలో వివక్ష పాలన నడుస్తోందని ప్రజాశాంతి పార్టీ అధ్యక్షుడు కేఏ పాల్‌ అన్నారు. బుధవారం నిజామాబాద్‌లో నిర్వహించిన పార్టీ సమావేశంలో ఆయన దేశ, తెలంగాణ రాజకీయాలపై మాట్లాడారు.ఈ క్రమంలో ఏపీ విపక్ష నేత చంద్రబాబు నాయుడుపైనా ఆయన నిప్పులు చెరిగారు.  చంద్రబాబు నాయుడు ఒక అవినీతి చక్రవర్తి. చంద్రబాబు కచ్చితంగా అవినీతికి పాల్పడ్డారు. ఆయన అరెస్ట్‌ సరైనదే. చంద్రబాబు, ఎన్టీఆర్‌కే కాదు నాలాంటి గురువుకు ద్రోహం చేశారు అని పాల్‌ వ్యాఖ్యానించారు.  తెలంగాణ రాజకీయ పార్టీలపై ఫైర్‌ బీజేపీ, బీఅర్‌ఎస్‌ ఒక్కటే. కల్వకుంట్ల కవిత అరెస్ట్‌ కాకపోవడమే అందుకు నిదర్శనం. మునుగోడులో బీఆర్‌ఎస్‌ వందల కోట్లు పెట్టి గెలిచింది. నాపై పోటీకి అందరూ భయపడుతున్నారు.  తెలంగాణలో కుటుంబ పాలన సాగుతోంది.  తెలంగాణలో రూ. 6 లక్షల కోట్ల అప్పు అయ్యింది. కేసీఆర్ సర్కారు ది జీతాలు ఇవ్వలేని పరిస్థితి అని మండిపడ్డారాయన. ఇక.. కాంగ్రెస్‌పై విమర్శలు గుప్పించే క్రమంలో.. ‘‘దేశంలో కాంగ్రెస్ ఎక్కడుంది. కాంగ్రెస్ ఢిల్లీలో లేదు, గల్లిలో లేదు. కాంగ్రెస్ కి డిపాజిట్లు కూడా వచ్చే పరిస్థితి లేదు. దేశాన్ని సర్వనాశనం చేసింది.. అవినీతికి ఆజ్యం పోసింది కాంగ్రెస్ పార్టీ. కాళేశ్వరం ప్రాజెక్టులో లక్ష కోట్ల అవినీతి జరిగింది. దేశం క్లిష్ట పరిస్థితుల్లో ఉంది. మహిళ రిజర్వేషన్ బిల్లు కేవలం ఎన్నికల స్టంట్’’ అని కేఏ పాల్‌ తేల్చేశారు.

సీతమ్మధార (విశాఖ ఉత్తర): చంద్రబాబు నుంచి రూ.1,500 కోట్లు పవన్‌కు ముట్టా­యని ప్రజాశాంతి పార్టీ అధ్యక్షుడు డా.కేఏ పాల్‌ ఆరోపించారు.  ఆదివారం విశాఖలోని ఆశీల­మెట్ట­లోని కేఏ పాల్‌ ఫంక్షన్‌ హాలులో మీడి­యాతో ఆయన మాట్లాడారు. చంద్ర­బాబుకు పవన్‌ కల్యాణ్‌ కుక్కలాగా అమ్ముడు పోయా­డని వ్యాఖ్యానించారు. చిరంజీవి, పవన్‌ కల్యాణ్‌ ప్యాకేజీ స్టార్లు అని, అందువల్లే పవన్‌ వెంట కాపులు లేరన్నారు. వారిద్దరూ కాపులను అమ్ముకోవడానికే ప్రజారాజ్యం, జన­సేన పార్టీలు పెట్టారని చిరంజీవి, పవన్‌­లను ఉద్దేశించి అన్నారు. 2019లో జనసేనలో లక్ష్మీనారాయణ, తోట చంద్రశేఖర్‌ ఇద్దరే చేరా­రని, ఎన్నికలు అయిపోయిన వెంటనే వారూ బయటకు వచ్చారని గుర్తు చేశారు. పార్టీ జాతీయ వైస్‌.ప్రెసిడెంట్‌ డాక్టర్‌.కుమార్, మమత రెడ్డి, తదితరులు పాల్గొన్నారు.

విశాఖపట్నం: కేంద్ర ప్రభుత్వం స్టీల్‌ప్లాంట్‌ ప్రైవేటీకరణ నిర్ణయాన్ని ఉపసంహరించుకునేంత వరకు ఆమరణ నిరాహార దీక్ష చేస్తానని ప్రజాశాంతి పార్టీ అధ్యక్షుడు కేఏ పాల్‌ స్పష్టం చేశారు. సోమవారం సాయంత్రం ఆశీల్‌మెట్టలోని కేఏ పాల్‌ కన్వెన్షన్‌ హాల్‌ ఆవరణలో ఆయన దీక్షకు దిగారు. ఈ సందర్భంగా పాల్‌ మాట్లాడుతూ స్టీల్‌ప్లాంట్‌ నాయకులు కేంద్రానికి బానిసలుగా మారారని విమర్శించారు. స్టీల్‌ప్లాంట్‌ కోసం 16 వేల మంది భూదానాలు, 32 మంది ప్రాణాలర్పించారన్నారు. లక్షల కోట్లు లాభాలు తెస్తూ.. రూ.8 లక్షల కోట్లు విలువైన స్టీల్‌ప్లాంట్‌ను రూ.4 వేల కోట్లకు అదానీకి కట్టబెట్టేందుకు కేంద్ర ప్రభుత్వం కుట్ర పన్నుతోందన్నారు. దీనిపై కోర్టులో కేసు వేసినట్టు తెలిపారు. ఏడాదికి 2 కోట్లు ఉద్యోగాలు ఇస్తామన్న ప్రధాని మోదీ ఇప్పుడు యువతను మోసం చేస్తున్నారన్నారు. రాష్ట్రం అప్పుల ఊబిలో కూరుకుపోవడానికి ప్రధాని మోదీ, చంద్రబాబే కారణమని విమర్శించారు. తెలుగు ప్రజలందరూ స్టీల్‌ప్లాంట్‌ ప్రైవేటీకరణకు వ్యతిరేకంగా ట్వీట్‌లు, ఫేస్‌బుక్‌, ఇన్‌స్ట్రాగామ్‌లో పోస్టులు పెట్టాలని పిలుపునిచ్చారు. ఎవరు ముఖ్యమంత్రి అయినా తాను రూ.4 వేల కోట్లు, తరువాత రూ.40 వేల కోట్లు ఇచ్చి స్టీల్‌ప్లాంట్‌ను నడిపిస్తానన్నారు. స్టీల్‌ప్లాంట్‌ ద్వారా ఏడాదికి లక్ష కోట్లు లాభం చూపిస్తానన్నారు. ఉత్తరాంధ్ర నిరుద్యోగులకు పది లక్షల ఉద్యోగాలు ఇప్పిస్తానని పాల్‌ చెప్పారు. ఇంత పెద్ద స్టీల్‌ప్లాంట్‌ను ప్రైవేటీకరించడం దారుణమన్నారు. కేంద్రం ఇస్తామన్న ప్రత్యేక హోదా, ప్యాకేజీ, పోలవరం, స్మార్ట్‌ సిటీ, రెండు కోట్ల ఉపాధి లేకుండా పోయాయని ఆరోపించారు. రాష్ట్రం అప్పులు భారం తీర్చే సత్తా స్టీల్‌ప్లాంట్‌కు మాత్రమే ఉందన్నారు. యువతి, యువకులు, ప్రజలు తరలివస్తే స్టీల్‌ప్లాంట్‌ను కాపాడుకుందామని పిలుపునిచ్చారు.

నవీన్ పొలిశెట్టి.. తెలుగు రాష్ట్రాల్లో ఈ పేరు బాగా పరిచయం ఎందుకంటే 'జాతిరత్నాలు' సినిమాతో ప్రేక్షకులకు బాగా దగ్గరైపోయాడు. ఆ తర్వాత ఇతడు హీరోగా నటించిన మూవీ 'మిస్ శెట్టి మిస్టర్ పొలిశెట్టి'. సెప్టెంబరు 7న ప్రేక్షకుల ముందుకు రానుంది. ఈ క్రమంలోనే హీరో నవీన్ పొలిశెట్టి.. ప్రముఖ నాయకుడు కేఏ పాల్‌ని కలవడం ఆసక్తికరంగా అనిపించింది. (ఇదీ చదవండి: ఈ వారం ఓటీటీల్లో 22 సినిమాలు రిలీజ్.. కానీ?) నవీన్ పొలిశెట్టి, అనుష్క జంటగా నటించిన మూవీ 'మిస్ శెట్టి మిస్టర్ పొలిశెట్టి'. పెళ్లి వద్దు కానీ పిల్లలు కావాలి అనుకునే ఓ మధ్య వయసు లేడీ.. ఓ కుర్రాడితో ట్రావెల్ అయితే చివరకు ఏం జరిగిందనేదే స్టోరీ అని ట్రైలర్ చూస్తే అర్థమవుతోంది. ఈ చిత్ర ప్రమోషన్స్ ని జోరుగా చేస్తున్న నవీన్.. తెలుగు రాష్ట్రాల్లోని మెయిన్ సిటీస్ అన్నీ తిరిగేస్తున్నాడు. అలా ఆదివారం వైజాగ్‌లో సందడి చేశాడు. అయితే వైజాగ్ బీచ్ రోడ్‌లో వెళ్తుండగా అనుకోకుండా అక్కడే ఓ కారులో కేఏ పాల్ కూడా షికారుకి వచ్చారు. దీంతో మరో కారులో ఉన్న నవీన్ పొలిశెట్టి.. ఆయనకు హాయ్ చెప్పగా, తిరిగి కేఏ పాల్ కూడా పలకరించారు. అలా కాసేపు దూరం నుంచే మాట్లాడుకున్న ఈ ఇద్దరికి సంబంధించిన వీడియో ఇప్పుడు వైరల్ అవుతుంది. దీంతో నెటిజన్స్ ఫన్నీ కామెంట్స్ పెడుతూ ఎంజాయ్ చేస్తున్నారు. వీళ్లిద్దరితో ఓ ఇంటర్వ్యూ ప్లాన్ చేయండని రిక్వెస్ట్ చేస్తున్నారు.  (ఇదీ చదవండి: యూట్యూబర్‌ని పెళ్లి చేసుకున్న ప్రముఖ నటి) #KAPaul & #MrPolishetty pic.twitter.com/Pw5urprkka — Matters Of Movies (@MattersOfMovies) August 28, 2023

సాక్షిప్రతినిధి, సంగా­రెడ్డి: జనసేన అధినేత పవన్‌ కళ్యాణ్‌పై ప్రజాశాంతి పార్టీ అధ్యక్షుడు కేఏ పాల్‌ కీలక వ్యాఖ్యలు చేశారు. కేంద్రంలో కాంగ్రెస్‌ అధికారంలో  ఉ­న్న­ప్పుడు సినీ­నటుడు చిరంజీవి తన ప్రజారాజ్యం పార్టీ­ని కాంగ్రెస్‌లో విలీనం చేశారని, అదే తరహాలో ఆయన తమ్ముడు పవన్‌ కళ్యాణ్‌ కూడా జనసేన పార్టీని బీజేపీలో కలిపే­స్తారని కేఏ పాల్‌ ఆరోపించారు.  అయితే, పవన్‌ రూ.ఐదు వేల కోట్ల డబ్బులు, క్యాబినెట్‌లో పొజిషన్‌ తీసుకుని బీజేపీలో కలిపేస్తారని చెప్పారు. గురువారం తెలంగాణలోని సంగారెడ్డిలో ఏర్పాటుచేసిన విలేకరుల సమావేశంలో పాల్‌ మాట్లాడుతూ పవన్‌కళ్యాణ్‌ ప్యాకేజీ స్టార్‌ అని ఎద్దేవా చేశారు. మీడియాలో నీతి కబుర్లు చెబుతున్న చిరంజీవి. తన కూతురు ఓ బ్రాహ్మణున్ని పెళ్లి చేసుకుంటే అతడ్ని చిత్రహింసలు పెట్టారని ఆరోపించారు. ప్యాకేజీ స్టార్‌లు కావాలా? రియల్‌ హీరో కావాలా? సినీహీరో కావాలా? వరల్డ్‌ హీరో కావాలా? అనేది ప్రజలే నిర్ణయించుకోవాలని విజ్ఞప్తి చేశారు. మాల, మాదిగలను విడగొట్టినది మాజీ సీఎం చంద్రబాబు అని కేఏ పాల్‌ తీవ్ర విమర్శలు చేశారు.  ఇది కూడా చదవండి: ఎమ్మెల్యే ముత్తిరెడ్డి బల ప్రదర్శన

సంగారెడ్డి: పార్టీ మారుతారనే ప్రచారం జరుగుతున్న నేపథ్యంలో కాంగ్రెస్‌ ఎమ్మెల్యే జగ్గారెడ్డిని ప్రజాశాంతి పార్టీ అధ్యక్షుడు కేఏ పాల్‌ తమ పార్టీలోకి ఆహ్వానించారు. గురువారం ఆయన విలేకరులతో మాట్లాడుతూ.. తమ్ముడు జగ్గారెడ్డి.. ‘‘రూ.వెయ్యి కోట్లు తీసుకొని స్వార్థం కోసం బీఆర్‌ఎస్‌లో చేరుతావో.. సంగారెడ్డి అభివృద్ధి కోసం ప్రజాశాంతి పార్టీలోకి వస్తావో నిర్ణయించుకోవాలని’’సవాల్‌ విసిరారు. జగ్గారెడ్డి బీఆర్‌ఎస్‌లో చేరితే నియోజకవర్గం ఇన్‌చార్జిగా ఉన్న చింతప్రభాకర్‌ పరిస్థితి ఏమిటని ఆయన ప్రశ్నించారు. ప్రభాకర్‌ తన పార్టీలోకి వస్తే ఏటా రూ.కోటి తన సొంత నిధులు ఇస్తానని హామీ ఇచ్చారు. లిక్కర్‌ స్కాం కేసుపైనా వ్యాఖ్యలు.. లిక్కర్‌ స్కాంలో కవితను అరెస్టు అంశాన్ని కూడా కేఏ పాల్‌ ప్రస్తావించారు. కేసీఆర్‌ తన కూతురు కవితను అరెస్టు చేయకపోతే బీజేపీకి 40 సీట్లు ఇస్తానని అన్నారని పాల్‌ పేర్కొన్నారు. బీఆర్‌ఎస్‌ బీజేపీకి బీ టీం అని విమర్శించారు. బీఆర్‌ఎస్‌, బీజేపీలు ఒక్కటేనన్నారు. పీసీసీ చీఫ్‌ రేవంత్‌రెడ్డి తన స్వార్థం కోసం టీడీపీని వీడి కాంగ్రెస్‌లో చేరారని పాల్‌ ఆరోపించారు. రూ.వేల కోట్లు సంపాదించుకున్న రేవంత్‌కు ఓటు బ్యాంకు లేదన్నారు.

సాక్షి, తూర్పుగోదావరి: చిరంజీవి తాను కూడా జనసేనలో చేరుతానని లీక్స్ ఇస్తున్నాడని,  బీజేపీలో జనసేన విలీనం చేయడానికి సిద్ధమయ్యారని సంచలన వ్యాఖ్యలు చేశారు ప్రజాశాంతి పార్టీ అధ్యక్షుడు కేఏ పాల్‌.  నటుడు చిరంజీవి, ఆయన సోదరుడు జనసేన చీఫ్‌ పవన్‌ కల్యాణ్‌ తీరుపై కేఏ పాల్‌ తీవ్రస్థాయిలో ధ్వజమెత్తారు.  ‘‘2008లో ప్రజారాజ్యం పార్టీ పెట్టినపుడే చెప్పాను. వీళ్ళు కాంగ్రెస్ పార్టీ ఏజెంట్లు.. పార్టీని ఎప్పటికైనా కాంగ్రెస్‌లో కలిపేస్తారని.  చెప్పినట్లుగానే.. చిరంజీవి తన పార్టీని కాంగ్రెస్ లో విలీనం చేయడానికి ఐదు వేల కోట్లు తీసుకున్నాడు. ఆయన మాత్రం ప్రజారాజ్యం పార్టీలో టిక్కెట్లు కోసం 1,500 కోట్లు కలెక్ట్ చేశారు. భార్యల బంగారం అమ్ముకొని అప్పట్లో కాపులు  ప్రజారాజ్యం పార్టీలో  టికెట్లు కొనుక్కున్నార’’ని పాల్‌ వ్యాఖ్యానించారు.   ఆ భయంతోనే బీజేపీలోకి.. కేవలం ఈడీ, ఐటీ రైడ్లకు భయపడే చాలామంది బీజేపీకి సరెండర్‌ అవుతున్నారు.  సుజనా చౌదరి, సీఎం రమేష్ లాంటి వాళ్లు కూడా అందుకే బీజేపీలో కలిసిపోయారు. చిరంజీవి తనవద్ద ఉన్న వేల కోట్ల రూపాయలు,  తనకిచ్చిన ప్యాకేజ్ డబ్బులు విషయంలో పవన్ కల్యాణ్‌ ఐటీ రైడ్‌లు జరుగుతాయని భయపడుతున్నారు. ఈ క్రమంలోనే  బీజేపీకి దగ్గరవుతున్నారు. రాష్ట్రానికి ఇచ్చిన ఒక్క హామీని నెరవేర్చని మోదీని, ఎన్డీయేని పవన్ కల్యాణ్‌ గెలిపించమని కోరడం ఎంతవరకు కరెక్ట్‌. అసలు మోదీని గెలిపించాలంటున్న పవన్‌ కల్యాణ్‌, చిరంజీవికి బుద్ధి, సిగ్గు ఏమాత్రమైనా ఉందా?.  బుద్ధున్న వాళ్ళు ఎవరైనా సరే జనసేనలో ఉంటారా?. బడుగు, బలహీన వర్గాలను మోసం చేస్తున్న మోదీని సమర్థిస్తున్న చిరంజీవి, పవన్ కళ్యాణ్ ల ను ఆదరించొద్దు. జనసేనలో బిహైండ్ ది స్క్రీన్ చిరంజీవి ఉన్నారు. ఆయన ఎంతో మంచోడిలా నటిస్తారు. కానీ, లోపల అంతా కుతంత్రమే.. మాయే. చిరంజీవి పవన్ కల్యాణ్‌ను నమ్మొద్దు. పవన్  చేసేది వారాహి యాత్ర కాదు.. బీజేపీ యాత్ర.  వాళ్లకు పడ్డ ఓట్లు చూడండి చిరంజీవి, పవన్ కల్యాణ్‌, అరవింద్,  నాగబాబులకు నా ఛాలెంజ్. రాజమండ్రిలో పవన్ కల్యాణ్‌గానీ, చిరంజీవిగానీ పోటీ చేయమనండి. నేనూ పోటీ చేస్తాను. ఎవరు గెలుస్తారో చూద్దాం. వారికి డిపాజిట్లు కూడా రావు. ఎందుకంటే.. చిరంజీవికి 18 శాతం ఓట్లు వస్తే, పవన్ కల్యాణ్ 6% మాత్రమే ఓట్లు వచ్చాయి. అది చాలదా వాళ్ల ఆదరణ ఏంటో చెప్పడానికి.  ఎద్దు పిల్లి కాలు తొక్కితే.. పిల్లి ఎలుక వైపు చూసిందట.. చంద్రబాబు, పవన్ కల్యాణ్ తీరు అలా ఉంది. పోలవరం ప్రాజెక్టుకు డొనేషన్ ఇప్పిస్తానంటే చంద్రబాబు బిజినెస్ చేశారు. మోదీ, కేసీఆర్‌, చంద్రబాబు చేసిన కబ్జా భూములు లాగేసుకుని ప్రజలకు దానం చేస్తాను. ఎవర్ని వదిలిపెట్టేది లేదు. ప్రాణం ఉన్నంతవరకు మోదీని, ఆయన బీ - పార్టీలను వదలను. 

సాక్షి, విశాఖపట్నం: జససేన అధినేత పవన్‌ కల్యాణ్‌, టీడీపీ అధినేత చంద్రబాబు, నారా లోకేశ్‌పై ప్రజాశాంతి పార్టీ అధ్యక్షుడు కేఏ పాల్‌ తీవ్ర విమర్శలు చేశారు. పవన్‌ చేసేది వారాహి యాత్ర కాదు నారాహి యాత్ర అంటూ విరుచుకుపడ్డారు. ఇదే సమయంలో టీడీపీ దద్దమ్మలు చంద్రబాబు మాటలు విని పోలీసులపై దాడులు చేస్తున్నారు అంటూ ఆగ్రహం వ్యక్తం చేశారు. పప్పు నారా లోకేశ్‌ను సీఎం చేయడమే పవన్‌ లక్ష్యమని పాల్‌ చెప్పుకొచ్చారు.  కాగా, కేఏ పాల్‌ శనివారం పప్పు లోకేశ్‌కే మన ఓటు అంటూ ఫ్లెక్సీ పెట్టి మీడియా సమావేశం నిర్వహించారు. ఈ సందర్భంగా కేఏ పాల్‌ మీడియాతో మాట్లాడుతూ.. పవన్‌ కల్యాణ్‌ విశాఖలో నారాహి యాత్రను ఉపసంహరించుకోవాలి. పవన్‌ చూసి ప్రధాని మోదీ మొహం చాటేశారు. పవన్‌ మీద ఏమైనా ఇల్లీగల్‌ కేసులు ఉన్నాయా?. విభజన హామీల కోసం పవన్‌ కేంద్ర ప్రభుత్వాన్ని ఎందుకు ప్రశ్నించలేదు. దశావతారంలాగా పవన్‌ కల్యాణ్‌ పది పార్టీలు మార్చారు. జనసేన పార్టీని పవన్‌.. ప్రజాశాంతి పార్టీలో విలీనం చేయాలి. ప్రజాశాంతి పార్టీ తరఫున సీఎం అభ్యర్థిగా పవన్‌ను ప్రకటిస్తాను.  పవన్‌ వారాహి యాత్రకు వెళ్లే రూ.500 ఇస్తున్నారు. చంద్రబాబు యాత్రకు వెళ్లే రూ.1000 ఇస్తున్నారు. పవన్‌ పెద్ద సినిమా స్టార్‌ అయినా ఆయన సభలకు జనాలు రావడం లేదు. నారా లోకేశ్‌(పప్పు)ను సీఎంను చేయడమే పవన్‌ లక్ష్యం. చంద్రబాబు ఆరు లక్షల కోట్ల అవినీతికి పాల్పడ్డారు. అమరావతిలో వేల కోట్ల దోపిడీ చేశారు. టీడీపీ దద్దమ్మలు చంద్రబాబు మాటలు విని పోలీసులపైనే దాడులు చేస్తున్నారు. పోలీసులపై టీడీపీ నేతల దాడులకు తీవ్రంగా ఖండిస్తున్నాను అంటూ సీరియస్‌ అయ్యారు. ఇక, కేఏ పాల్‌ వ్యాఖ్యల నేపథ్యంలో టీడీపీ నేతలు ఆగ్రహం వ్యక్తం చేస్తూ పాల్‌ ఆఫీసు ముందు ధర్నాకు దిగారు.  ఇది కూడా చదవండి: పుంగనూరు విధ్వంసానికి చంద్రబాబే కారణం.. అంబటి ఫైర్‌

రాజమహేంద్రవరం సిటీ: ఆంధ్రప్రదేశ్‌ను నాశనం చేస్తున్న బీజేపీతో నడుస్తున్న పవన్‌ కల్యాణ్‌.. రాష్ట్రానికి చేసిందేమీ లేదని ప్రజాశాంతి పార్టీ అధ్యక్షుడు కేఏ పాల్‌ ధ్వజమెత్తారు. రాజమహేంద్రవరంలో బుధవారం ఏర్పాటు చేసిన విలేకరుల సమావేశంలో ఆయన మాట్లాడారు. చిరంజీవి మంత్రి పదవి కోసం ప్రజా రాజ్యాన్ని కాంగ్రెస్‌కు తాకట్టు పెడితే, తమ్ముడు పవన్‌ కల్యాణ్‌ కాపులు, బీసీలు, దళితులను బీజేపీకి తాకట్టు పెడుతున్నారని విమర్శించారు. సినిమాలు తీసి ఆంధ్రప్రదేశ్‌ అప్పు తీర్చగలనని అనుకోవడం పవన్‌ కల్యాణ్‌ అమాయకత్వమన్నారు. వరద భాదితులకు కనీసం రెండు, మూడు నెలలకు సరిపడా నిత్యవసరాలను ప్రభుత్వం అందజేయాలన్నారు. రైతులకు పంట నష్టపరిహారం కింద కనీసం రూ.లక్ష చెల్లించాలని డిమాండ్‌ చేశారు. తన పార్టీకి అవకాశం ఇస్తే రెండు తెలుగు రాష్ట్రాలకు ఉన్న అప్పులను మూడేళ్లలో తీర్చేస్తానని పాల్‌ ప్రకటించారు. తనను ఎంపీగా గెలిపించి లోక్‌సభకు పంపితే సత్తా చూపిస్తానని ప్రకటించారు.

కర్నూలు (టౌన్‌): ‘పవన్‌.. సినిమా డైలాగులు చెప్పి, డ్యాన్సులు చేస్తే ఓట్లు రాలవు. రాష్ట్రంలో 3 శాతం ఓట్లులేని జనసేనకు 30 శాతం ఓటు బ్యాంకు ఉన్నట్లు కొన్ని మీడియా చానళ్లు వక్రీకరిస్తున్నాయి. ప్యాకేజీ స్టార్‌.. ప్యాకేజీకి అమ్ముడుపోవద్దు..’ అని ప్రజాశాంతి పార్టీ వ్యవస్థాపకుడు కె.ఎ.పాల్‌ అన్నారు. ఆయన సోమవారం కర్నూలులో విలేకరులతో మాట్లాడుతూ ప్రత్యేక హోదా విషయంలో నాటి, నేటి ప్రభుత్వాలు విఫలమయ్యాయని చెప్పారు. తన రాజకీయంపై పవన్‌కళ్యాణ్‌కే క్లారిటీ లేదన్నారు.    

సాక్షి, హైదరాబాద్‌: తెలంగాణ బీఆర్‌ఎస్‌ సర్కార్‌పై ప్రజాశాంతి పార్టీ అధ్యక్షులు కేఏ పాల్‌ KA Paul మరోసారి ఆగ్రహం వ్యక్తం చేశారు. ధరణి ద్వారా తమ ఛారిటీ భూములు లాక్కున్నారని, అవినీతిని నిలదీస్తున్నందునే తనను కలవడానికి సీఎం కేసీఆర్‌ భయపడుతున్నారని అంటున్నారాయన.  సదాశివపేట పోలీసులపై మానవ హక్కుల కమిషన్‌ కార్యాలయంలో గురువారం ఆయన ఫిర్యాదు చేసి.. అక్కడి సీఐ, ఎస్సైలపై చర్యలు తీసుకోవాలని కోరారాయన. రాష్ట్రంలో జరుగుతున్న అవినీతిని ఎవరూ ప్రశ్నించకుండా ఉండడానికే.. కేసీఆర్, కేటీఆర్‌లు మానవ హక్కులు కమిషన్ ఏర్పాటు చేయడం లేదు. ధరణి తీసుకువచ్చి మా ఛారిటీ భూములను లాక్కున్నాడు. కేసీఆర్‌ను కలవడానికి వెళితే నన్ను అడ్డుకున్నారు. అవినీతి మీద నేను ప్రశ్నిస్తున్న అని భయపడి నన్ను కేసీఆర్‌ కలవలేదు అని అన్నారాయన.  ఇక బీజేపీ, కాంగ్రెస్, బీఆర్‌ఎస్‌లు ఒకటేనన్న ఆయన.. కేసీఆర్ మిత్రుడు కిషన్ రెడ్డిని బీజేపీ రాష్ట్ర అధ్యక్షుడిగా చేయడమే అందుకు నిదర్శమని చెప్పారు. అధికార బీఆర్‌ఎస్‌ తనను ప్రధాన ప్రతిపక్షంగా భావిస్తోందని.. వచ్చే ఎన్నికల్లో కచ్చితంగా పోటీ చేస్తానని చెప్పారాయన. ‘‘నేను అధికారంలోకి రాగానే అందరికీ డబుల్ బెడ్ రూమ్ లు ఇస్తాను. నా డబ్బు అంతా అమెరికాలో ఉండిపోయింది. ఆ డబ్బు తీసుకొచ్చి ఇక్కడ అభివృద్ధి చేస్తా’ అని చెప్పారాయన.  గత 6 నెలలుగా మానవ హక్కుల కమిషన్, ఎస్సీ, ఎస్టీ కమిషన్ ఖాళీగా ఉందన్న కేఏపాల్‌.. వారం రోజుల్లో వాటికి చైర్మన్ను నియమించాలని ప్రభుత్వాన్ని డిమాండ్‌ చేశారు. ఈ క్రమంలో.. రిటైర్డ్‌ జస్టిస్ చంద్ర కుమార్‌ను మానవ హక్కుల కమిషన్ గా తాను రికమండ్‌ చేస్తానని చెబుతూ.. లైవ్‌లోనే ఆయనకు ఫోన్‌ చేసి మరీ ‘మానవ హక్కుల  కమిషన్ చైర్మన్ గా  ఉంటారా?’ అని అడిగారు. ప్రపంచ శాంతి మహాసభలకు ఆహ్వానించేందుకు ప్రగతి భవన్‌కు వెళ్లిన కేఏ పాల్‌ను.. అపాయింట్‌మెంట్‌ లేదని చెబుతూ సెక్యూరిటీ గేట్‌ బయటే అడ్డుకుని వెనక్కి పంపిన సంగతి తెలిసిందే. ఆ టైంలోనూ ఆయన తీవ్రస్థాయిలో మండిపడ్డారు. ఇదీ చదవండి: బీజేపీ బలం సెన్సెక్స్‌ కాదు

సాక్షి, హైదరాబాద్‌: ప్రజాశాంతి పార్టీ అధ్యక్షుడు కేఏ పాల్‌ ప్రగతి భవన్‌కు వెళ్లారు. సోమవారం ముఖ్యమంత్రి కేసీఆర్‌ ప్రగతి భవన్‌లో ఉన్న సమయంలో కేఏ పాల్‌ అక్కడకు వచ్చారు. కాగా కేఏ పాల్‌ను పోలీసులు అడ్డుకుని లోపలికి అనుమతించలేదు.దాంతో పోలీసుల తీరును కేఏ పాల్‌ తప్పుబట్టారు. ఈ క్రమంలోనే పోలీసులతో వాగ్వాదానికి దిగారు కేఏ పాల్‌ తనను ప్రగతి భవన్‌ లోపలికి అనుమతించకపోవడాన్ని తీవ్రంగా తప్పు బట్టారు. సీఎం కేసీఆర్‌ లోపల ఉండగా, తనకు లోనికి ఎందుకు అనుమతి ఇవ్వరని పోలీసుల్ని ప్రశ్నించారు కేఏ పాల్‌. అఖిలేష్‌ యాదవ్‌ కంటే తానే గొప్ప లీడర్‌ను అని, తనకు అపాయింట్‌ ఇవ్వాలంటూ తనదైన శైలిలో పోలీసులతో వాగ్వాదానికి దిగారు.  అఖిలేష్ యాదవ్, ఢిల్లీ సీఎం కేజ్రీవాల్ లాంటి వాళ్లకు అపాయింటమెంట్ ఇస్తున్న సీఎం కేసీఆర్‌ తనకు ఎందుకు అపాయింట్‌మెంట​ ఇవ్వడం లేదని ప్రశ్నించారు. సీఎం కేసీఆర్‌ని కలిసి రాష్ట్ర అప్పులు, అభివృద్ధిపై చర్చించాలని అనుకున్నానని, కానీ పోలీసులు అనుమతి ఇవ్వలేదని కేఏ పాల్‌ గుస్సా అయ్యారు. చదవండి: బీహార్‌ జేడీయూలో ముసలం?.. నితీశ్‌ తిరిగి ఎన్డీయేలోకి.. తప్పదా?!

సాక్షి, హైదరాబాద్‌: కేఏ పాల్‌ పొలిటికల్‌ పార్టీ ప్రజాశాంతి నుంచి ప్రజా గాయకుడు గద్దర్‌ బహిష్కరణకు గురయ్యారు. ఈ మేరకు ప్రజాశాంతి పార్టీ బుధవారం అధికారికంగా ప్రకటన చేసింది.  ఇదిలా ఉండగా.. తెలంగాణలో ప్రజా గాయకుడు గద్దర్‌ కొత్త రాజకీయ పార్టీని ప్రకటించిన విషయం తెలిసిందే. కొత్త పార్టీ ‘గద్దర్‌ ప్రజా పార్టీ’ పేరును గద్దర్‌ అనౌన్స్‌ చేశారు. ఈ క్రమంలో గద్దర్‌ ఢిల్లీకి వెళ్లారు. కేంద్ర ఎన్నికల కార్యాయాలనికి గద్దర్ చేరుకున్నారు. రాజకీయ పార్టీ ‘గద్దర్‌ ప్రజా పార్టీ’ రిజిస్ట్రేషన్‌ కోసం ఎన్నికల అధికారులను కలిశారు గద్దర్‌. కాగా, నెల రోజుల్లో రిజిస్ట్రేషన్‌ ప్రక్రియ పూర్తి కానుంది. ఈ సందర్భంగా గద్దర్‌ మీడియాతో మాట్లాడుతూ.. వచ్చే ఎన్నికల్లో సీఎం కేసీఆర్‌పై పోటీచేస్తానని అన్నారు. బంగారు తెలంగాణ కాలేదు.. పుచ్చిపోయిన తెలంగాణ చేశారు. కేసీఆర్‌ విధానాలు తప్పు అంటూ సీరియస్‌ అయ్యారు.  ఇది కూడా చదవండి: ఆడియో లీక్‌: కేటీఆర్‌ సార్‌ మీటింగ్‌కు వస్తారా.. లేకుంటే ఫైన్‌ కడతారా?

రణస్థలం: రానున్న 2024 ఎన్నికల్లో అన్ని నియోజకవర్గాల్లోనూ పోటీ చేస్తానని ప్రజాశాంతి పార్టీ అధ్యక్షుడు కే.ఏ.పాల్‌ అన్నారు. శ్రీకాకుళం జిల్లా రణస్థలం మండలం పైడిభీమవరంలో బుధవారం ఆయన పర్యటించారు. ఈ సందర్భంగా పాల్‌ మాట్లాడుతూ పైడిభీమవరం పారిశ్రామికవాడలో కాలుష్యం ఎక్కువగా ఉందన్నారు. అభివృద్ధి, తాగునీటి సౌకర్యాలు లేవన్నారు. స్థానిక నిరుద్యోగులకు ఉపాధి కల్పించడం లేదన్నారు. ఇప్పుడు మీడియా ద్వారా పరిశ్రమల యాజమాన్యాలకు ఒకటే చెబుతున్నానని, 30 రోజుల్లోగా అభివృద్ధి విషయమై సమాధానం చెప్పకపోతే హైకోర్టులో అపీల్‌ చేస్తానని అన్నారు. లేదంటే 72 గంటల్లో హైదరాబాద్‌ వచ్చి నన్ను కలవాలన్నారు. ‘పవన్‌ కల్యాణ్‌ తమ్ముడూ రా.. నిన్ను ముఖ్యమంత్రిని చేస్తానని గతంలో చెబితే వద్దు లోకేష్‌నే ముఖ్యమంత్రి చేస్తానని అన్నావు. జగన్‌ను ఓడించడం, చంద్రబాబును గెలిపించడమే నాలక్ష్యం అన్నావు.. ఓకే నువ్వు వెళ్లి గెలిపించుకో.. కాపులందరూ.. బీసీలందరూ ప్రజాశాంతి పార్టీలో చేరిపోతున్నారు. బుర్రున్నోళ్లు ప్రజాశాంతి పార్టీలో చేరుతారని పాల్‌ చెప్పారు.

సాక్షి, అమరావతి: విశాఖ ఉక్కు కర్మాగారాన్ని నామమాత్రపు ధరకు విక్రయించకుండా కేంద్ర ప్రభుత్వాన్ని ఆదేశించాలని కోరుతూ ప్రజాశాంతి పార్టీ అధ్యక్షుడు కేఏ పాల్‌ హైకోర్టులో పిల్‌ దాఖలు చేశారు. ఉక్కు కర్మాగారం ఆదాయ, వ్యయాలపై విచారణ జరిపేందుకు తెలుగు తెలిసిన హైకోర్టు విశ్రాంత న్యాయమూర్తిని నియమించాలని కోర్టును కోరారు. అంతేకాక విశాఖ స్టీల్‌ ప్లాంట్‌ నడిచేందుకు రూ. 8 వేల కోట్లు అయినా, రూ.42 వేల కోట్లైనా తన గ్లోబల్‌ పీస్‌ సంస్థ ద్వారా విరాళాల రూపంలో సేకరిస్తానని, ఇందుకోసం అనుమతినిచ్చేలా కేంద్ర ప్రభుత్వాన్ని ఆదేశించాలని కూడా కోరారు. గురువారం ఉదయం ఆయన స్వయంగా హైకోర్టుకు వచ్చి ప్రధాన న్యాయమూర్తి (సీజే) జస్టిస్‌ ప్రశాంత్‌ కుమార్‌ మిశ్రా, న్యాయమూర్తి జస్టిస్‌ నైనాల జయసూర్య ధర్మాసనం ముందు తన పిల్‌ గురించి ప్రస్తావించారు. తన వ్యాజ్యంపై లంచ్‌మోషన్‌ రూపంలో అత్యవసరంగా విచారణ జరపాలని కోరారు. వేసవి సెలవుల అనంతరం విచారణ చేపడతామని ధర్మాసం పేర్కొంది.  ఇది కూడా చదవండి: విశాఖ స్టీల్‌ప్లాంట్‌ కొంటా: KA పాల్

కూర్మన్నపాలెం: విశాఖ ఉక్కు ప్రైవేటీకరణ క్రూరమైన చర్య అని, కార్మికులు లాభాల్లోకి తీసుకొచ్చిన సంస్థను అమ్మాలనుకోవడం మోదీ ప్రభుత్వ కుట్రలో భాగమని ప్రజాశాంతి పార్టీ అధ్యక్షడు కేఏ పాల్‌ అన్నారు. సోమవారం 802వ రోజు ఉక్కు రిలే నిరాహార దీక్ష శిబిరాన్ని సందర్శించిన ఆయన కేంద్ర ప్రభుత్వ తీరుకు వ్యతిరేకంగా నిరసన తెలియజేశారు. దీక్షా శిబిరాన్ని ఉద్దేశించి మాట్లాడుతూ తాను వస్తానని ఉక్కు పరిరక్షణ పోరాట కమిటీ నాయకలు సమాచారమిచ్చినా పట్టుమని 100 మంది కూడా లేరని, ఇలా అయితే ఉద్యమాలు ఎలా చేస్తారన్నారు. 32 మంది అమరవీరుల త్యాగం, 16వేల మంది నిర్వాసితుల భూదానంతో ఏర్పడిన అతి పెద్ద ప్రభుత్వ రంగ సంస్థ విశాఖ ఉక్కు పరిశ్రమను విక్రయించాలని చూస్తే సహించమన్నారు. విశాఖ ఉక్కును అమ్మాలనుకుంటే రాష్ట్ర ప్రభుత్వానికే అమ్మాలని, అందుకోసం సీఎం జగన్‌మోహన్‌రెడ్డితో చర్చిస్తానన్నారు. అవసరమైతే పీఎం మోడీ ఇల్లును ముట్టడించైనా ప్రైవేటీకరణను ఆపాలన్నారు. నరేంద్రమోడీ, అమిత్‌షాలు మాత్రమే పార్లమెంట్‌లో బిల్లు పెట్టి ప్రైవేటీకరణను ఆపగలరన్నారు. మే 15లోగా భారీ బహిరంగ సభను లక్ష మందితో ఏర్పాటు చేస్తే తాను వస్తానన్నారు. విశాఖ ఉక్కును ప్రభుత్వరంగ సంస్థగా కొనసాగించేందుకు ప్రతి ఒక్కరూ కృషి చేయాలని కోరారు.

అనకాపల్లి: విశాఖ స్టీల్‌ప్లాంట్‌ కమిటీ ముందుకు వస్తే ఉక్కు కర్మాగారాన్ని కొంటానని ప్రజాశాంతి పార్టీ అధ్యక్షుడు డా.కె.ఎ.పాల్‌ పేర్కొన్నారు. తన తండ్రి బర్న్‌బాస్‌ను కలుసుకునేందుకు పాల్‌ శనివారం నర్సీపట్నం వచ్చారు. విశాఖపట్నం వెళ్తూ మార్గంమధ్యలోని సబ్‌ కలెక్టర్‌ కార్యాలయం వద్ద ఆగి ఆటో డ్రైవర్లతో మాట్లాడారు. జనసేన పార్టీ అధ్యక్షుడు పవన్‌ కళ్యాణ్, సీబీఐ మాజీ జేడీ లక్ష్మీనారాయణ త్వరలోనే తనతో కలుస్తారని పాల్‌ పేర్కొన్నారు. ఈ సందర్భంగా ఆయన విలేకరులతో మాట్లాడుతూ సింగరేణి కాపాడలేని తెలంగాణ ముఖ్యమంత్రి కేసీఆర్‌ విశాఖ స్టీల్‌ప్లాంట్‌ కొనేందుకు బిడ్‌ వేస్తాననడం హాస్యాస్పదంగా ఉందన్నారు. 14 ఏళ్లు సీఎంగా పనిచేసిన చంద్రబాబు సీమాంధ్రను సింగపూర్‌ చేస్తానని అధోగతి పాలు చేశారన్నారు. తాను నర్సీపట్నంలో ఇంటరీ్మడియట్‌ చదువుతున్న రోజుల్లో సబ్‌ కలెక్టర్‌ కార్యాలయం అప్పుడు ఎలావుందో ఇప్పుడు అలానే ఉందన్నారు. ఇదేనా చంద్రబాబు చేసిన అభివృద్ధని మండిపడ్డారు. చంద్రబాబు రాష్ట్రాన్ని రూ.5 లక్షల కోట్ల అప్పుల ఊబిలోకి నెట్టేశాడన్నారు.  

సాక్షి, విశాఖపట్నం: తెలంగాణ రాష్ట్రాన్ని, అక్కడ ఆత్మహత్యలు చేసుకుంటున్న రైతుల్ని కాపాడలేని కేసీఆర్‌ విశాఖ ఉక్కుని కాపాడతాననడం హాస్యాస్పదమని ప్రజా­శాంతి పార్టీ అధ్యక్షుడు కేఏపాల్‌ ఎద్దేవా చేశారు. సీబీఐ మాజీ జేడీ లక్ష్మీనారాయణతో కలిసి పాల్‌ బుధవారమిక్కడ మీడియాతో మాట్లాడారు. దళితుల పట్ల కేసీఆర్‌కు కనీస ప్రేమ లేదని, అంబేడ్కర్‌ విగ్రహాన్ని ఏర్పాటు చేసినంత మాత్రాన ఆయన్ని ఎవరూ నమ్మరని పాల్‌ అన్నారు. ప్రధాని కావాలన్న కాంక్షతో దోచుకున్న సొమ్ముని కేసీఆర్‌ పంచుతున్నారన్నారు.  కేసీఆర్‌ ఢిల్లీ సీఎం కేజ్రీవాల్‌కు రూ.1,000 కోట్లు, తోట చంద్రశేఖర్‌కు రూ.100 కోట్లు ఇచ్చారని ఆరో­పించారు. కేసీఆర్‌ని ప్రధానిని చేస్తే విభజన సమయంలో ఏపీలో దోచుకున్న రూ.లక్షల కోట్లు పంచేందుకు సిద్ధంగా ఉన్నారని అన్నారు. స్టీల్‌ ప్లాంట్‌ ప్రైవేటీకరణను అడ్డుకుంటామని, ప్లాంట్‌ని అమ్ముతామంటే.. వారు అడిగిన దానికి ఐదింతలు అమెరికా ఫండ్‌ తెచ్చి మరీ కొంటామనీ, అది కూడా రాష్ట్ర ప్రభుత్వానికి అమ్మాలని అన్నారు. టెస్లా అధినేత ఎలెన్‌మస్క్‌ కూడా స్టీల్‌ప్లాంట్‌కు విరాళాలిచ్చేందుకు ముందుకు వస్తున్నారని తెలిపారు. ప్లాంట్‌ ప్రైవేటీకరణ ప్రక్రియ 99 శాతం జరిగిపోయిందని, కానీ కేంద్ర ప్రభుత్వం ఇప్పుడు నాటకాలాడుతోందని అన్నారు. 14 సంవత్సరాలు సీఎంగా ఉండి ఉద్యోగాలివ్వని చంద్రబాబు ఇప్పుడు మళ్లీ బాబు వస్తే జాబు అని చెబుతున్న మాటల్ని ఎవరూ విశ్వసించి ఓటు వేయరన్నారు. కొడుకుని సీఎం చేసేందుకు ఎన్నారైల వద్ద రూ.50 కోట్లు చొప్పున చంద్రబాబు దండుకుంటున్నారని పాల్‌ ఆరోపించారు. వైఎస్‌ జగన్‌ సీఎం కాక ముందు దోచుకున్నారని కేసులు పెట్టిన సీబీఐ.. సీఎంగా ఉండగా రూ.లక్షల కోట్లు దోచు­కున్న చంద్రబాబుని ఎందుకు విచారించడం లేదని ప్రశ్నించారు. నాలుగేళ్లుగా రోడ్‌మ్యాప్‌ కోసం బీజేపీ చుట్టూ తిరగడాన్ని పవన్‌  ఆపేసి జనసేన పార్టీని ప్రజాశాంతిలో విలీనం చేయాలని చెప్పారు. చదవండి: మరోసారి మానవత్వాన్ని చాటుకున్న సీఎం జగన్‌ సీబీఐ మాజీ జేడీ లక్ష్మీనారాయణ మాట్లాడుతూ.. ప్రస్తుతం విశాఖ ఉక్కులో 300 మెట్రిక్‌ టన్నుల స్టీల్‌ డిమాండ్‌ ఉందన్నారు. ఇంకా 8 వేల మంది నిర్వాసితులకు న్యాయం జరగాల్సి ఉందని చెప్పారు. వాటన్నింటినీ పరిష్కరించకుండా కేంద్రం తొండాట ఆడుతోందని విమర్శించారు. స్టీల్‌ప్లాంట్‌ ప్రభుత్వ రంగ కంపెనీగానే ఉండాలని, విశాఖ ఉక్కుని కాపాడుకునేందుకు ప్రతి ఒక్కరితో కలిసి పోరాటం చేస్తానని చెప్పారు.

సాక్షి, న్యూఢిల్లీ: ప్రజాశాంతి పార్టీ నాయకుడు కెఏ పాల్‌కు సుప్రీంకోర్టులో చుక్కెదురైంది. తెలంగాణ సచివాలయంలో అగ్ని ప్రమాదంపై సీబీఐ విచారణ జరపాలన్న పిటిషన్‌ను సర్వోన్నత న్యాయస్థానం కొట్టివేసింది. ఈ ఘటనపై జోక్యం చేసుకోలేమని స్పష్టం చేసింది. కేఏపాల్‌ పిటిషన్‌పై సోమవారం విచారణ చేపట్టిన దర్మాసనం.. ఈ ప్రమాదంపై ఎఫ్‌ఐఆర్‌ దాఖలైందా అని ప్రశ్నించింది. దేశంలో జరిగే అగ్నిప్రమాదాలపై సీబీఐతో విచారణ జరపమానాలా? అని సుప్రీంకోర్టు ఆగ్రహం వ్యక్తం  చేసింది. కాగా, ఇటీవల తెలంగాణ నూతన సచివాలయంలో అగ్నిప్రమాదం జరిగిన విషయం తెలిసిందే. ఆ ఘటనపై కేఏ పాల్‌​ సుప్రీంకోర్టు తలుపు తట్టారు. తెలంగాణ నూతన సచివాలయంలో జరిగింది అగ్నిప్రమాదం కాదని, నర బలి జరిగిందని ఆయన కోర్టుకు తెలిపారు.  ఆయనే సొంతంగా వాదనలు వినిపించారు. తన భద్రతను ప్రభుత్వం తొలగించిందని, దీంతో తన జీవితానికి భద్రత ఉందని కేఏపాల్‌ కోర్టు దృష్టికి తీసుకొచ్చారు. దీనిపై భారత ప్రధాన న్యాయమూర్తి స్పందిస్తూ. ‘మీరొక రాజకీయ పార్టీకి చెందిన వ్యక్తి. మీ ఉద్దేశం వేరు. ఒక దానికి మరొక దానికి ముడిపెట్టొద్దు ’అని వ్యాఖ్యానించారు. ఈ మేరకు ఆయన వేసిన పిటిషన్‌ కొట్టివేస్తూ సుప్రీంకోర్టు నిర్ణయం తీసుకుంది. చదవండి: టిస్టు.. హైకోర్టు ఆదేశాలు.. దొరకని జగిత్యాల స్ట్రాంగ్‌ రూం తాళాలు

సాక్షి, ఢిల్లీ:  వివేకానందరెడ్డి హత్య కేసులో టీడీపీ అధినేత చంద్రబాబు పాత్రపై ప్రజాశాంతి పార్టీ అధ్యక్షుడు కేఏ పాల్ అనుమానాలు వ్యక్తం చేస్తు‍న్నారు. వివేకానంద రెడ్డి హత్యను సీబీఐ ఒక కోణంలోని ఎందుకు దర్యాప్తు చేస్తోందని అభ్యంతరం వ్యక్తం చేస్తూ.. చంద్రబాబు పాత్రపైనా దర్యాపు జరగాల్సిందేనని డిమాండ్‌ చేస్తున్నారు. మంగళవారం ఆయన మీడియాతో మాట్లాడుతూ..  వివేకానంద హత్య జరిగినప్పుడు ఎవరు ముఖ్యమంత్రిగా ఉన్నారు? ఆ టైంలో ఆయన(చంద్రబాబు నాయుడు) ఎందుకు క్రైమ్ సీను కాపాడలేకపోయారు?. ఎందుకు వివేకానంద రెడ్డి డెడ్ బాడీని మూవ్ చేశారు? ఎందుకు హడావుడిగా పోస్టుమార్టం చేయించారు? నేరానికి ఉపయోగించిన ఆయుధాన్ని ఎందుకు సీజ్ చేయలేదు?. చంద్రబాబు ముఖ్యమంత్రిగా ఉన్నప్పుడు సీబీఐ దర్యాప్తు ఎందుకు చేయించలేదు? చంద్రబాబును ఇప్పటివరకు ఎందుకు ప్రశ్నించలేదు? అని ప్రశ్నల వర్షం గుప్పించారు కేఏ పాల్‌.  ఈ ప్రశ్నలన్నింటికీ చంద్రబాబు సమాధానం చెప్పాలి. మీరు లేదంటే మీ నాయకులే ఈ పని చేయించారా?. 2019 ఎన్నికల్లో జగన్‌మోహన్‌రెడ్డికి చెడ్డ పేరు తీసుకురావాలని చూశారా? అని అనుమానాలు వ్యక్తం చేశారాయన. అలాగే.. సీబీఐ దర్యాప్తు కరెక్ట్ యాంగిల్ లో జరిగే వరకు ఊరుకోను అంటూ వ్యాఖ్యానించారు. ఎన్నికల్లో అవకతవకలకు ప్రయత్నాలూ చేశారని టీడీపీ అధినేతపై కేఏ పాల్‌ మండిపడ్డారు. ‘మళ్లీ మీ ఓటు బ్యాంకు పెరగాలని చూశారు. నా బీఫాం వాడుకొని 38 మందిని  నిలబెట్టారు. వైఎస్సార్‌సీపీ అభ్యర్థుల పేర్లను పోలిన పేర్లను ప్రజాశాంతి పేరు మీద చంద్ర బాబు అభ్యర్థులను నిలబెట్టారని ఆరోపించారు కేఏ పాల్‌.  

సాక్షి ప్రత్యేకం: కామారెడ్డి రైతులు తెలంగాణ చీఫ్‌ జస్టిస్‌ ఉజ్జల్ భుయాన్‌కు హృదయపూర్వక శుభాకాంక్షలు తెలియజేశారు. తీర్పుతో తమకు న్యాయం అందించినందుకు కృతజ్ఞత ప్రదర్శించారు.  సీజే ఉజ్జల్‌ భుయాన్‌తో పాటు తీర్పు వెలువరించిన సహ న్యాయమూర్తి జస్టిస్‌ తుకారాం చిత్రానికీ పాలాభిషేకం జరిగింది. ఇక్కడిదాకా బాగానే ఉంది. పనిలో పనిగా ఆ ఫ్లెక్సీలో ప్రజాశాంతి పార్టీ అధ్యక్షుడు కేఏ పాల్‌ కనిపించారు. ఆయనపై మిల్క్‌బాత్‌తో పాటు బోనస్‌గా పొగడ్తల వర్షం కురిసింది. ఎందుకంటే ఆయన వాదపటిమ ఎఫెక్ట్‌ వల్లే న్యాయపీఠం దద్దరిల్లి.. దెబ్బకు న్యాయమూర్తులు దిగొచ్చారట!. యస్‌.. ఒక పార్టీ అధ్యక్షుడు. స్వయంగా తన వాదనలను ధర్మాసనం ముందు వినిపించాడట. ఇది ప్రపంచంలో మునుపెన్నడూ చోటుచేసుకుని చారిత్రక ఘట్టమట. పైగా ఒక్కసారిగా కాదు.. కోర్టు ఆయన వాదనలను  పదే పదే విందట. రైతులూ రెప్పేయకుండా పాల్‌ వాదనలూ వింటూ ఉండిపోయారట.  అఫ్‌కోర్స్‌..  ఆ ఓపికకుగానూ ఆయన న్యాయమూర్తులకు కృతజ్ఞతలు కూడా తెలియజేశారట. ప్రభుత్వం కామారెడ్డి మాస్టర్‌ప్లాన్‌ వ్యవహారాన్ని కోర్టులోనూ నిలువరించాలని యత్నించినా.. పాల్‌ మాత్రం తొణకలేదట. కేసీఆర్‌ సర్కార్‌ మోకాలు అడ్డుపెడితే.. హైజంప్‌ చేసి మరీ పోరాటపటిమ కనబరిచారట పాల్‌.    కేఏపాల్‌ ఫీట్స్‌ ఎప్పుడూ చూపరులను ఆకట్టుకుంటాయి. సోషల్‌ మీడియాలో మస్త్‌ ఎంటర్‌టైన్‌మెంట్‌ పంచుతాయి.  ఒకప్పుడు.. ఇప్పటికీ.. ఎప్పటికీ కూడా!. అవి శ్రుతి మించినా.. నవ్వుకునేవాళ్లు లేకపోలేదు. అయినా.. డోంట్‌ కేర్‌ అనడం ఆయన నైజం. అందుకు ఎగ్జాంపుల్‌ కామారెడ్డి మాస్టర్‌ప్లాన్‌ కోర్టు వ్యవహారం.  కేసీఆర్‌ ప్రభుత్వం కోర్టు ఆదేశాలను దిక్కరించి.. అనుమతి లేకుండా పేదల నుంచి భూముల్ని లాక్కుంది. అవును.. పాల్‌గారూ మీరు చెప్పింది ముమ్మాటికీ నిజమే అన్నారట సీజే!. వెంటనే మాస్టర్‌ప్లాన్‌ రద్దు చేయాలని చెబుతూ కొత్త ఆదేశాలు జారీ చేశారట. పాల్‌ ఏం వాదించారోగానీ.. సీజే బెంచ్‌ మాత్రం ఫిదా అయ్యిందట. వెరసి.. జనవరి 30, 2023 తెలంగాణ చరిత్రలో సువర్ణ అక్షరాలతో లిఖించదగ్గ రోజు అయ్యిందట. కేఏ పాల్‌ నేరుగా చెప్పిన పదిహేడు పాయింట్లకు.. గౌరవ ఉన్నత న్యాయస్థానమే చలించిపోయిందట. ఆ ఫలితమే.. తెలంగాణ ప్రభుత్వాన్ని కామారెడ్డి మాస్టర్‌ ప్లాన్‌ రద్దు చేయాలని ఆదేశించేలా చేసిందట. ఏమో మరి ఈ విడ్డూరం!. అందుకే పేద రైతుల పాలిట పెన్నిధి అంటూ పాల్‌పై ప్రశంసల అభిషేకం కురిస్తున్నారు శ్రేయోభిలాషులు. అంతేకాదు.. పలువురు ఫైర్‌ బ్రాండ్‌లు, రాజకీయ ఉద్దండులు ఉన్న తెలంగాణలో.. కేసీఆర్‌ పాలిట ఏకైక పోరాట సింహం పాల్‌ మాత్రమే అంటున్నారు ఆయన వీర  శ్రేయాభిలాషులు. అందుకేనేమో.. కామారెడ్డి రైతుల్లో కలిసిపోయి.. పాల్‌ ఫొటోను ఇరికించి మరీ! పాలాభిషేకం చేశారట.  అన్నట్లు కేసీఆర్‌ కొత్తగా కట్టిన సెక్రటేరియెట్‌ ప్రారంభ కార్యక్రమం ఎందుకు వాయిదా పడిందో తెలుసా?.. దట్‌ ఎంటైర్‌ క్రెడిట్‌ గోస్‌ టూ కే.ఎ.పాల్‌. దానిని నిలువరించాలని ఐదుసార్లు వాదించారట ఆయన!. ప్చ్‌.. ఎంతైనా పాల్‌ కేక.. ఆ వినోదానికైనా పాలాభిషేకం జరగాల్సిందే!.

సాక్షి, హైదరాబాద్‌: జనసేన అధినేత పవన్‌ కల్యాణ్‌పై ప్రజా శాంతి పార్టీ అధినేత కేఏ పాల్ సంచలన వ్యాఖ్యలు చేశారు. అసలు పవన్‌కు బుర్ర ఉందా? అంటూ ఆసక్తికర వ్యాఖ్యలు చేశారు. తన ఓటమికి ప్రజలే కారణమంటూ పవన్‌ మాట్లాడటం అనేది తెలివి తక్కువతనం అంటూ ఘాటుగా విమర్శలు చేశారు.  కాగా, కేఏ పాల్‌ మీడియాతో మాట్లాడుతూ.. పవన్‌ కల్యాణ్‌ నీకు ఓట్లు వేయకపోతే ప్రజలును తిట్టేస్తావా?. ఎన్నికల్లో ఓడిస్తున్నారనే కారణంతో టీడీపీ చంద్రబాబుతో పొత్తు పెట్టుకుంటున్నానని చెప్పడం ఎంత వరకు కరెక్ట్‌. ముఖ్యమంత్రిని చెయ్యాలనే కండిషన్‌తో చంద్రబాబుతో పొత్తు పెట్టుకుంటానని చెప్పడం పెద్ద తప్పు. నీకు పదవులు ఇస్తామని హామీ ఇస్తే ఎవరి పార్టీలోకి అయినా వెళ్లిపోతావా?. కేంద్ర మంత్రి పదవి, ఎంపీ పదవి ఇస్తామని ఏ పార్టీ అయినా చెబితే వారికే సపోర్ట్‌ చేస్తావా?.  చంద్రబాబు నిన్ను ముఖ్యమంత్రిని చేస్తానంటే ఎలా నమ్మావు. తన కొడుకు లోకేష్‌ను కాదని నిన్ను ముఖ్యమంత్రిని ఎలా చేస్తాడు. కనీస జ్ఞానం ఉండాలనే ఉద్దేశంతోనే దేవుడు తెలివి తేటలను ఇచ్చాడని, దాని వాడాలని కేఏ పాల్.. పవన్‌ సూచించారు. ప్రజలను మోసం చేయడానికే పవన్ కల్యాణ్ ఇలాంటి వ్యాఖ్యలు చేస్తున్నాడు.  ప్రజలు తెలివైనా వారు నిన్ను అసలు గెలిపించరు అంటూ విమర్శలు చేశారు.  సందుల్లో మీటింగ్స్‌ పెట్టకండి.. బహిరంగ సభలు బహిరంగంగానే మీటింగ్‌లు పెట్టండి అని అన్నాను. అందులో తప్పేముంది. జనం ఎక్కువ సంఖ్యలో వచ్చారని చూపించడానికే చంద్రబాబు ఇలా చేస్తున్నాడు. చంద్రబాబు చేసింది తప్పు. చంద్రబాబు సభల విషయంలో ముఖ్యమంత్రి వైఎస్‌ జగన్‌మోహన్‌ రెడ్డి, డీజీపీ రాజేంద్రనాథ్‌ రెడ్డికి కంగ్రాట్స్‌ చెబుతున్నాను. వాళ్లు చేసింది కరెక్ట్‌ అంటూ ప్రశంసించారు.