Summer Drink- Kokum Solkadhi Juice: కొంకణి కూరల్లో పులుపు కోసం వాడే ప్రధాన పదార్థం కొకుమ్‌. వేసవిలో భోజనం తరువాత ఈ జ్యూస్‌ను తప్పని సరిగా తాగుతారు . ఇది ఆకలిని నియంత్రించి, అధిక బరువుని తగ్గిస్తుంది  జీర్ణక్రియ సక్రమంగా జరిగేలా చేసి, గ్యాస్‌ ఎసిడిటీ సమస్యలను దరిచేరనియ్యదు. దీనిలోని యాంటీఆక్సిడెంట్స్‌ చర్మ ఆరోగ్యాన్ని పరిరక్షిస్తాయి. ఈ జ్యూస్‌ శరీరానికి సహజ సిద్ధమైన చల్లదనాన్ని అందిస్తుంది.  కొకుమ్‌ (సొల్‌కది) జ్యూస్ తయారీకి కావలసినవి:  ►ఎండు కొకుమ్స్‌ – 12 ►చిక్కటి కొబ్బరి పాలు – ఒకటిన్నర కప్పులు ►కొత్తిమీర తరుగు – రెండు టేబుల్‌ స్పూన్లు ►ఉప్పు – రుచికి సరిపడా ►నూనె – ఒకటిన్నర టేబుల్‌ స్పూన్లు ►ఆవాలు – టీస్పూను ►జీలకర్ర – టీస్పూను ►కరివేపాకు – ఒక రెమ్మ ►ఇంగువ – చిటికెడు ►వెల్లుల్లి రెబ్బలు – రెండు.  తయారీ:  ►కొకుమ్స్‌ను శుభ్రంగా కడిగి, కప్పు నీటిలో అరగంటపాటు నానబెట్టుకోవాలి  ►అరగంట తరువాత కొకుమ్స్‌ను బాగా పిసకాలి. తరువాత వడగట్టి రసాన్ని వేరు చేయాలి  ►ఇప్పుడు ఈ రసానికి రెండు కప్పులు నీళ్లు, కొబ్బరి పాలు, రుచికి సరిపడా ఉప్పువేసి కలిపి పక్కనపెట్టుకోవాలి  ►బాణలిలో ఆయిల్‌ వేడెక్కిన తరువాత ఆవాలు, జీలకర్ర వేసి చిటపటలాడనివ్వాలి  ►ఇప్పుడు ఇంగువ కరివేపాకు, వెల్లుల్లిని దంచి వేయాలి  ►ఇవన్నీ వేగాక కొకుమ్‌ జ్యూస్‌లో కలిపి, రెండు గంటల పాటు రిఫ్రిజిరేటర్‌లో పెట్టాలి  ►చల్లబడిన జ్యూస్‌లో చివరిగా కొత్తిమీరతో గార్నిష్‌ చేసి సర్వ్‌ చేసుకోవాలి.  ఇది కూడా ట్రై చేయండి: Pineapple- Keera: పైనాపిల్‌ కీరా జ్యూస్‌ తాగుతున్నారా.. ఇందులోని బ్రోమెలైన్‌ అనే ఎంజైమ్‌ వల్ల!

Summer Drinks- Pineapple Keera Juice: పైనాపిల్, కీరా ముక్కల్లో విటమిన్‌ సి, ఐరన్‌ పుష్కలంగా ఉంటాయి. ఇవి రెండు చర్మాన్ని పొడిబారనియకుండా కాపాడతాయి. విటమిన్‌ సి ప్రోటిన్‌తో కలిసి ముఖం మీద ముడతలు రాకుండా చేయడంలో కీలక పాత్ర పోషిస్తుంది. సెబేసియస్‌ గ్రంథుల పనితీరు మెరుగుపడి, చర్మం తేమగా ఉంటుంది. వీటిని కలిపి తయారు చేసిన జ్యూస్‌లో బ్రోమెలైన్‌ అనే ఎంజైమ్‌ ఉంటుంది. ఇది యాంటీఇన్‌ఫ్లమేటరి విధులను నిర్వహిస్తుంది. క్యాన్సర్‌ కణాల పెరుగుదలను నియంత్రిస్తుంది. తరచూ ఈ డ్రింక్‌ తాగడం వల్ల క్యాన్సర్‌ ముప్పు కూడా తగ్గుతుంది. పొటాషియం, ఫాస్ఫరస్, మెగ్నీషియంలు ఉండడం వల్ల రక్త పీడనం నియంత్రణలో ఉంటుంది.    పైనాపిల్‌ కీరా జ్యూస్‌ తయారీకి కావలసినవి: ►పైనాపిల్‌ ముక్కలు – ఒకటింబావు కప్పులు ►కీర దోసకాయ ముక్కలు – కప్పు ►యాపిల్‌ ముక్కలు – అరకప్పు ►తేనె – రెండు టేబుల్‌ స్పూన్లు ►నిమ్మరసం – రెండు టేబుల్‌ స్పూన్లు ►ఐస్‌ క్యూబ్స్‌ – ఎనిమిది.  పైనాపిల్‌ కీరా జ్యూస్‌ తయారీ: ►కీరా, యాపిల్‌ ముక్కలను తొక్కతీయకుండా తీసుకోవాలి. ►పైనాపిల్, కీరా, యాపిల్‌ ముక్కలను బ్లెండర్‌లో వేసి మెత్తగా గ్రైండ్‌ చేయాలి. ►ఇవన్నీ మెత్తగా అయ్యాక జ్యూస్‌ను గ్లాసులో వడగట్టుకోవాలి. ►వడగట్టిన జ్యూస్‌లో నిమ్మరసం, తేనె వేసి కలపాలి. ∙ ►చివరిగా ఐస్‌క్యూబ్స్‌ వేసి సర్వ్‌ చేసుకోవాలి. వేసవిలో ట్రై చేయండి: Summer Drinks: యాపిల్‌, నేరేడు.. జ్యూస్‌ కలిపి తాగితే.. కలిగే లాభాలివే!

Jackfruit Surprising Health Benefits: పనసలోని యాంటీఆక్సిడెంట్స్‌ క్యాన్సర్, టైప్‌ –2 డయాబెటీస్, గుండె సంబంధిత వ్యాధులను దరిచేరనీయ్యవు. యాంటీ ఆక్సిడెంట్స్‌తోపాటు యాంటీ ఇన్‌ఫ్లమేటరీ గుణాలు రక్తంలోని గ్లూకోజ్, రక్తపీడనం, కొలెస్ట్రాల్‌ స్థాయులను నియంత్రణలో ఉంచుతాయి.  ►పనస తొనలతో పాటు కొబ్బరి పాలు, బెల్లంను కలిపి తీసుకోవడం వల్ల శరీరానికి ఆరోగ్యకరమైన కొవ్వులు అందుతాయి. ►పనస జ్యూస్‌ తాగినప్పుడు పొట్ట నిండిన భావన కలిగి ఎక్కువసేపు ఆకలి వేయదు. ►ఫలితంగా తక్కువ ఆహారం తీసుకోవడం వల్ల బరువు నియంత్రణలో ఉంటుంది. ►విటమిన్‌ సి, ఈ, లారిక్‌ యాసిడ్‌లలోని యాంటీసెప్టిక్‌ గుణాల వల్ల బ్యాక్టీరియా, వైరస్, శిలీంధ్రాల వల్ల కలిగే వ్యాధులు దరిచేరవు.  ►కొబ్బరిపాలు, బెల్లంలలో కావల్సినంత ఐరన్‌ ఉంటుంది. ►దీని జ్యూస్‌ తాగడంవల్ల హిమోగ్లోబిన్‌ స్థాయులు పెరగి రక్త హీనత సమస్య ఎదురవదు.  ►జీర్ణవ్యవస్థ పనితీరు మెరుగుపపడుతుంది. ►చర్మం, వెంట్రుకల ఆరోగ్యాన్ని పెంపొందించడంలో ఈ జ్యూస్‌ ప్రముఖ పాత్ర పోషిస్తుంది.   జాక్‌ఫ్రూట్‌ షేక్‌కు కావలసినవి: ►గింజలు తీసిన పనస తొనలు – రెండు కప్పులు ►చిక్కటి కొబ్బరి పాలు – కప్పున్నర ►బెల్లం తరుగు – నాలుగు టేబుల్‌ స్పూన్లు ►నీళ్లు – అరకప్పు, ఐస్‌ క్యూబ్స్‌ – ఎనిమిది.   తయారీ...  ►పనస తొనలను సన్నగా తరిగి బ్లెండర్‌లో వేయాలి  ►తొనలకు బెల్లం, కొబ్బరిపాలను జోడించి మెత్తగా గ్రైండ్‌ చేయాలి  ►మెత్తగా నలిగిన తరువాత ఐస్‌ క్యూబ్స్, అర కప్పు నీళ్లుపోసి మరోసారి గ్రైండ్‌ చేయాలి.   ►అన్నీ చక్కగా గ్రైండ్‌ అయ్యాక వెంటనే గ్లాసులో పోసుకుని సర్వ్‌ చేసుకోవాలి.   వేసవిలో ట్రై చేయండి: Summer Drinks: యాపిల్‌, నేరేడు.. జ్యూస్‌ కలిపి తాగితే.. కలిగే లాభాలివే!  

Summer Drinks: Apple Blueberry Juice: యాపిల్‌ నేరేడు జ్యూస్‌లో పీచుపదార్థంతోపాటు విటమిన్‌ సి, విటమిన్‌ ఏ ఇంకా ఐరన్, మెగ్నీషియం, పొటాషియం, గ్లూకోజ్, ప్రోటిన్‌ పోషకాలు శరీరానికి పుష్కలంగా అందుతాయి. దీనిలోని యాంటీ ఆక్సిడెంట్స్, ఫ్లేవనాయిడ్స్‌ ఫ్రీ ర్యాడికల్స్‌తో పోరాడి సెల్‌ డ్యామేజ్‌ను నియంత్రిస్తాయి. ఈ జ్యూస్‌ జీర్ణవ్యవస్థ, గుండె పనితీరుని క్రమబద్ధీకరిస్తుంది. నోటి ఆరోగ్యాన్ని పెంపొందించడంతోపాటు, చర్మం నిగారింపుకు తోడ్పడుతుంది. తక్కువ క్యాలరీలు ఉండడం వల్ల బరువు తగ్గాలనుకునేవారికి సైతం వేసవిలో ఈ డ్రింక్‌ చాలా బాగా ఉపయోగపడుతుంది.  యాపిల్‌ నేరేడు జ్యూస్‌ తయారీకి కావలసినవి: ►గింజలు తీసేసిన నేరేడు పండ్లు – కప్పు ►యాపిల్‌ ముక్కలు – కప్పు ►బ్లాక్‌ సాల్ట్‌ – పావు టీస్పూను ►అల్లం – చిన్న ముక్క ►చాట్‌ మసాలా – చిటికెడు ►నిమ్మరసం – టేబుల్‌ స్పూను ►ఐస్‌ క్యూబ్స్‌ – ఐదు ►తేనె – రెండు టేబుల్‌ స్పూన్లు.   తయారీ: ►నేరేడు, యాపిల్‌ ముక్కలు, అల్లం ముక్కలను బ్లెండర్‌లో వేసి మెత్తగా గ్రైండ్‌ చేయాలి. ►ముక్కలు నలిగాక, కప్పు నీళ్లు, నిమ్మరసం వేసి మరోసారి గ్రైండ్‌ చేయాలి. ►ఇప్పుడు ఈ జ్యూస్‌ను వడగట్టకుండా గ్లాసులో పోసి, తేనె, చాట్‌ మసాలా, ఐస్‌క్యూబ్స్‌ వేసి సర్వ్‌ చేసుకోవాలి. ∙ వేసవిలో ట్రై చేయండి: Pomegranate Strawberry Juice: దానిమ్మ స్ట్రాబెరీ జ్యూస్‌.. పోషకాలెన్నో!  Banana Milkshake: బరువు తగ్గాలా.. తియ్యటి పెరుగు, చల్లని పాలు.. ఇది తాగితే!

Summer Drink- Pomegranate Strawberry Juice: స్ట్రాబెరీలో విటమిన్‌ సి, కె, పీచుపదార్థం, ఫోలిక్‌ యాసిడ్, మ్యాంగనీస్, పొటా షియం పుష్కలంగా ఉంటాయి. ఇక, దానిమ్మగింజల్లో యాంటీ ఆక్సిడెంట్స్, విటమిన్‌ సి, ఇ, కె, ఫోలేట్, పొటాషియం ఉంటాయి.  కాబట్టి దానిమ్మ స్ట్రాబెరీ జ్యూస్‌తో పై పోషకాలన్నీ శరీరానికి అంది.. జీర్ణక్రియ సక్రమంగా జరగడంతోపాటు, అధిక రక్తపీడనం నియంత్రణలో ఉంటుంది. యాంటీ ఆక్సిడెంట్స్, విటమిన్స్, ఖనిజ పోషకాలు శరీరంలోని మలినాలను తొలగించి, రోగనిరోధక శక్తిని పెంపొందిస్తాయి.   దానిమ్మ స్ట్రాబెరీ జ్యూస్‌  తయారీకి కావలసినవి: ►దానిమ్మ గింజలు –రెండు కప్పులు ►స్ట్రాబెరీలు – ఆరు ►రాక్‌సాల్ట్‌ – టీస్పూను ►జీలకర్రపొడి – అరటీస్పూను ►నీళ్లు – పావు కప్పు ►ఐస్‌ క్యూబ్స్‌ – పది.  దానిమ్మ స్ట్రాబెరీ జ్యూస్‌  తయారీ: ►స్ట్రాబెరీలను శుభ్రంగా కడిగి ముక్కలుగా తరగాలి.  ►బ్లెండర్‌లో దానిమ్మ గింజలు, స్ట్రాబెరీ ముక్కలు, రాక్‌ సాల్ట్‌ను వేసి మెత్తగా గ్రైండ్‌ చేయాలి.  ► గ్రైండ్‌ అయిన మిశ్రమాన్ని వడగట్టి జ్యూస్‌ను విడిగా తీసుకోవాలి.   ►ఇప్పుడు జ్యూస్‌లో జీలకర్రపొడి, ఐస్‌క్యూబ్స్‌ వేసి బాగా కలిపి సర్వ్‌ చేసుకోవాలి. జ్యూస్‌ మరింత రుచిగా ఉండాలంటేæ తేనెను కలుపుకోవచ్చు.    ►తాజాగా ఉన్న స్ట్రాబెరీ, దానిమ్మ గింజలతో చేసే ఈడ్రింక్‌ మంచి రిఫ్రెషింగ్‌ జ్యూస్‌గా పనిచేస్తుంది.  ►దీనిలో పంచదార వేయకపోవడం, వీగన్, గులెటిన్‌ ఫ్రీ కూడా కాబట్టి ఉపవాసంలో ఉన్నవారు కూడా ఈ జ్యూస్‌ను నిరభ్యంతరంగా తాగవచ్చు.  వేసవిలో ట్రై చేయండి: Banana Milkshake: బరువు తగ్గాలా.. తియ్యటి పెరుగు, చల్లని పాలు.. ఇది తాగితే! Carrot Apple Juice Health Benefits: రోజుకొక గ్లాసు ఈ జ్యూస్‌ తాగారంటే.. ఎన్నో ఆరోగ్య ప్రయోజనాలు      

Summer Drink- Banana Milkshake: వేసవిలో బనానా మిల్క్‌ షేక్‌ ఉపశమనాన్ని ఇస్తుంది. పంచదార వేయకుండా తయారు చేసిన జ్యూస్‌ కాబట్టి దీనిని డయాబెటీస్‌ ఉన్నవారు కూడా తాగవచ్చు. దీనిలోని ప్రోబయోటిక్స్, ఆరోగ్యవంతమైన కార్బొహైడ్రేట్స్‌ తీసుకున్న ఆహారాన్ని త్వరగా జీర్ణం చేసి పొట్టని తేలిగ్గా ఉంచుతాయి. ఐరన్‌ అధికంగా ఉండడం వల్ల రక్తహీనత సమస్య ఏర్పడదు. క్యాలరీలు తక్కువగా ఉండి, యాంటీ ఆక్సిడెంట్స్, పొటాషియం అధికంగా ఉన్న ఈ జ్యూస్‌ తాగితే దాహం తీరడంతోపాటు, కడుపునిండిన భావనతో ఆకలి త్వరగా వేయదు. వేసవిలో బరువు తగ్గాలనుకునేవారు దీనిని ట్రై చేస్తే బెటర్‌. బనానా మిల్క్‌షేక్‌ తయారీకి కావలసినవి: ►అరటిపండ్లు – రెండు ( తొక్కతీసి ముక్కలుగా తరుక్కోవాలి) ►తియ్యటి పెరుగు – అరకప్పు ►చల్లటి పాలు – ఒకటిన్నర కప్పులు ►యాలకుల పొడి: అర టీ స్పూన్‌. బనానా మిల్క్‌షేక్‌ తయారీ: ►బ్లెండర్‌లో అరటిపండు ముక్కలు వేయాలి. ►దీనిలో పెరుగు, చల్లటి పాలు పోసి మెత్తగా గ్రైండ్‌ చేసుకోవాలి. ►చివరలో యాలకుల పొడి కూడా వేసి మరోసారి బ్లెండ్‌చేసుకోవాలి. ►ఈ మిశ్రమాన్ని గ్లాసులో పోసి, ఐస్‌ క్యూబ్స్‌ వేసి సెర్వ్‌ చేసుకోవాలి. వేసవిలో ట్రై చేయండి:  Watermelon Apple Juice: వేసవిలో పుచ్చకాయ, యాపిల్‌ జ్యూస్‌ కలిపి తాగుతున్నారా.. అయితే! Carrot Apple Juice Health Benefits: రోజుకొక గ్లాసు ఈ జ్యూస్‌ తాగారంటే.. ఎన్నో ఆరోగ్య ప్రయోజనాలు

వేసవిలో  పుచ్చకాయ యాపిల్‌ జ్యూస్‌ మంచి రుచికరమైన రిఫ్రెషింగ్‌ డ్రింక్‌. పుచ్చకాయలోని నీరు శరీరాన్ని చల్లగా ఉంచుతుంది. యాపిల్‌లో ఉన్న పోషకాలు శరీరానికి అంది ఆరోగ్యాన్ని మెరుగుపరుస్తాయి. ఈ రెండింటినీ కలిపి తాగడం వల్ల దాహం తీరడంతో పాటు, శరీరానికి కావాల్సిన అనేక ఖనిజ పోషకాలు అందుతాయి. పుచ్చకాయ యాపిల్‌ జ్యూస్‌ తయారీకి కావాల్సినవి: ►గింజలు తీసిన పుచ్చకాయ ముక్కలు- రెండు కప్పులు ►పంచదార- రెండు టేబుల్‌ స్పూన్లు ►యాపిల్‌- పెద్దది ఒకటి ►రాక్‌సాల్ట్‌- టీస్పూను ►జీలకర్ర పొడి- అర టీ స్పూను ►ఐస్‌ క్యూబ్స్‌- అరకప్పు ►పుదీనా ఆకులు- ఐదు తయారీ: ►పుచ్చకాయ ముక్కల్ని బ్లెండర్‌లో వేయాలి. ►ముక్కలతో పాటు పంచదార, రాక్‌సాల్ట్‌ వేసి మెత్తగా గ్రైండ్‌ చేయాలి ►ఇవన్నీ నలిగాక జీలకర్ర పొడి, ఐస్‌క్యూబ్స్‌ వేసి మరోసారి గ్రైండ్‌ చేయాలి ►గ్రైండ్‌ అయిన జ్యూస్‌ను ఒక పాత్రలో తీసుకోవాలి ►ఇప్పుడు యాపిల్‌ తొక్కతీసి గ్రేటర్‌తో సన్నగా తురిమి జ్యూస్‌లో వేసి చక్కగా కలుపుకోవాలి. ►జ్యూస్‌ను గ్లాస్‌లో పోసి, సన్నగా తరిగిన పుదీనా ఆకులను వేసి సర్వ్‌ చేసుకోవాలి. వేసవిలో ట్రై చేయండి: Carrot Apple Juice Health Benefits: రోజుకొక గ్లాసు ఈ జ్యూస్‌ తాగారంటే.. ఎన్నో ఆరోగ్య ప్రయోజనాలు Mango Mastani: మ్యాంగో మస్తానీ తాగుతున్నారా.. ఇందులోని సెలీనియం వల్ల!

Summer Drinks- Carrot Apple Juice: తియ్యగా పుల్లగా ఎంతో రుచిగా ఉండే క్యారట్‌ యాపిల్‌ జ్యూస్‌ వేసవిలో తాగడానికి చాలా బావుంటుంది. దీనిలో ఫాలీఫీనాల్స్,  పొటాషియంలు అధికంగా ఉంటాయి. ఇవి గుండె ఆరోగ్యాన్ని మెరుగుపరచడంతోపాటు, ఆల్జీమర్స్‌ ముప్పుని తగ్గిస్తాయి. ►విటమిన్‌ ఎ కంటి ఆరోగ్యాన్ని కాపాడడంలో ప్రముఖ పాత్ర పోషిస్తుంది. ►అల్లం, క్యారట్, యాపిల్‌ కలిపి తీసుకోవడం వల్ల యాంటీ ఆక్సిడెంట్, యాంటీ ఇన్‌ఫ్లమేటరి గుణాలు శరీరానికి పుష్కలంగా అందుతాయి. ►దీనివల్ల దీర్ఘకాలిక కిడ్నీ వ్యాధులు దరిచేరవు. ఆరెంజ్‌లోని విటమిన్‌ సి శరీరానికి తగినంత అందుతుంది. ►రోజుకొక గ్లాసు ఈ జ్యూస్‌ తాగడం వల్ల ఎముకలు, దంతాలు దృఢంగా తయారవుతాయి. క్యారట్‌ యాపిల్‌ జ్యూస్‌ తయారీకి కావలసినవి: తొక్కతీసి తరిగిన క్యారట్‌ ముక్కలు – కప్పు, యాపిల్‌ ముక్కలు – కప్పు, తొక్క తీసిన నారింజ లేదా కమలా తొనలు – కప్పు, అల్లం తరుగు – టీస్పూను, ఐస్‌ క్యూబ్స్‌ – కప్పు.  తయారీ విధానం: ►ముక్కలన్నింటిని బ్లెండర్లో వేసి మెత్తగా గ్రైండ్‌ చేయాలి. ►అన్ని ముక్కలు మెదిగాక కొన్ని ఐస్‌క్యూబ్స్‌ వేసి మరోసారి గ్రైండ్‌ చేయాలి. ►ఇప్పుడు ఈ మిశ్రమాన్ని వడగట్టి జ్యూస్‌ని గ్లాసులో వేయాలి. ►దీనిలో ఐస్‌క్యూబ్స్‌ వేసి సర్వ్‌ చేసుకోవాలి. వేసవిలో ట్రై చేయండి: Mango Mastani: మ్యాంగో మస్తానీ తాగుతున్నారా.. ఇందులోని సెలీనియం వల్ల!

Summer Drinks: వేసవి అంటే మామిడి పండ్ల సీజన్‌. కేవలం పండ్లతోనే కాదు.. పచ్చి మామిడితోనూ ఎన్నో ఆరోగ్య లాభాలు ఉన్నాయి. అవేంటో చూద్దాం. ►పచ్చిమామిడికాయ ముక్కలను ఉప్పుతో కలిపి తీసుకోవడం వల్ల శరీరంలోని నీరు బయటకు పోకుండా ఉంటుంది. ►అంతేగాక శరీర ఉష్ణోగ్రతలు నియంత్రణలో ఉంటాయి. ►దీనితో తయారు చేసే కచ్చీకేరి షర్బత్‌ షర్బత్‌లో పుష్కలంగా సి విటమిన్‌ ఉండడం వల్ల, సి విటమిన్‌ లోపం వల్ల వచ్చే స్కర్వి వ్యాధిని ఈ డ్రింక్‌ నిరోధిస్తుంది.  ►వేసవిలో అధిక ఉష్ణోగ్రతల వల్ల చెమట రూపంలో చాలా నీరు పోతుంది. ఈ నీటిలో కీలకమైన ఖనిజ పోషకాలు ఐరన్, సోడియం, క్లోరైడ్‌లు కూడా బయటకు వెళ్లి పోతాయి. ►పచ్చిమామిడి ఈ పోషకాలను బయటకు పోనీయకుండా నియంత్రిస్తుంది. ►అజీర్ణం, డయేరియా వంటి ఉదర సమస్యలు ఈ షర్బత్‌ తాగితే తగ్గుతాయి.  ►పచ్చిమామిడి రక్తహీనత, క్యాన్సర్, అధిక రక్తస్రావాన్ని నిరోధించడంతోపాటు, రోగనిరోధక వ్యవస్థను మరింత దృఢంగా మారుస్తుంది.  ►పచ్చిమామిడి కాలేయ ఆరోగ్యాన్ని పెంపొందిస్తుంది. ►దంతాలు, చిగుళ్లను కూడా రక్షిస్తుంది. ►నోటి నుంచి వెలువడే దుర్వాసనను రానివ్వదు.  ►మరి ఇన్ని ఆరోగ్య ప్రయోజనాలు కలిగి ఉన్న పచ్చి మామిడితో కచ్చీకేరి షర్బత్‌ షర్బత్‌ ఎలా తయారు చేసుకోవాలో తెలుసుకుందామా! కచ్చీకేరి షర్బత్‌ తయారీకి కావలసినవి: తొక్కతీసిన పచ్చిమామిడికాయ ముక్కలు – అరకప్పు, పుదీనా ఆకులు – పది, పంచదార – టీస్పూను, వేయించిన జీలకర్ర పొడి – టీస్పూను, రాక్‌సాల్ట్‌ – టీస్పూను, నీళ్లు – మూడు కప్పులు, ఐస్‌క్యూబ్స్‌ – ఆరు.   తయారీ: ►మామిడికాయ ముక్కలు, పంచదార, పుదీనా ఆకులు, జీలకర్ర పొడి , రాక్‌సాల్ట్‌ను బ్లెండర్‌లో వేసి మెత్తగా గ్రైండ్‌ చేయాలి  ►ఇవన్నీ గ్రైండ్‌ అయ్యాక నీళ్లుపోసి మరోసారి గ్రైండ్‌ చేయాలి  ►ఈ మిశ్రమాన్ని వడగట్టి జ్యూస్‌ని గ్లాస్‌లో తీసుకుని ఐస్‌క్యూబ్స్‌ వేసుకుంటే రుచికరమైన, ఆరోగ్యకరమైన సమ్మర్‌ డ్రింక్‌ కచ్చీ కేరి షర్బత్‌ రెడీ. వేసవిలో ట్రై చేయండి: Mango Mastani: మ్యాంగో మస్తానీ తాగుతున్నారా.. ఇందులోని సెలీనియం వల్ల!

Summer Drinks- Mango Mastani Recipe: మంచి ఎండలో బయట నుంచి ఇంటికి వచ్చాక మ్యాంగో మస్తానీ తాగితే దాహం తీరుతుంది. ఎంతో రుచిగా ఉండే ఈ మస్తానీ తాగే కొద్ది తాగాలనిపిస్తుంది. ఈ ఒక్క జ్యూస్‌ తాగడం వల్ల.. విటమిన్‌ ఎ, బి2, బి6, బి12, సి, డి, క్యాల్షియం, అయోడిన్, ఫాస్ఫరస్, పొటాషియం, పీచుపదార్థం, ఫోలేట్, మెగ్నీషియం, మ్యాంగనీస్, సెలీనియంలు శరీరానికి పుష్కలంగా అందుతాయి. యాంటీ ఆక్సిడెంట్‌ అయిన సెలీనియం రోగ నిరోధక శక్తిని పెంపొందించడంలో తోడ్పడుతుంది. మ్యాంగో మస్తానీ తయారీకి కావాల్సినవి: మామిడి పండు ముక్కలు – కప్పు, చల్లటి క్రీమ్‌ మిల్క్‌ – కప్పు, జాజికాయ పొడి – చిటికెడు, ఐస్‌క్యూబ్స్‌ – పావు కప్పు, పంచదార – ఒకటిన్నర టేబుల్‌ స్పూన్లు, ఐస్‌క్రీమ్‌ – రెండు స్కూపులు, చెర్రీ, పిస్తా, బాదం పప్పు, టూటీప్రూటీ, మామిడి ముక్కలు – గార్నిష్‌కు సరిపడా, ఉప్పు – చిటికెడు.  మ్యాంగో మస్తానీ తయారీ విధానం:   ►మామిడి పండు ముక్కల్ని బ్లెండర్లో వేయాలి. ►దీనిలో పంచదార, జాజికాయ పొడి, ఉప్పు వేసి ప్యూరీలా గ్రైండ్‌ చేయాలి. ►ఈ ప్యూరీలో పాలు, ఐస్‌క్యూబ్స్‌ వేసి మరోసారి గ్రైండ్‌ చేయాలి. ►ఇప్పుడు ఈ మిశ్రమాన్ని అంగుళం గ్యాప్‌ ఉండేలా గ్లాసులో పోయాలి. ►గ్లాసులో గ్యాప్‌ ఉన్న దగ్గర ఐస్‌క్రీమ్, మామిడి పండు ముక్కలు, డ్రైఫ్రూట్స్‌తో గార్నిష్‌ చేసి సర్వ్‌ చేసుకోవాలి.   వేసవిలో ట్రై చేయండి: Summer Drinks: రోజు గ్లాసు బీట్‌రూట్‌ – దానిమ్మ జ్యూస్‌ తాగారంటే..

కావలసినవి: వేయించిన శనగపప్పు – కప్పు, నిమ్మకాయలు – రెండు, పంచదార పొడి – రెండు టేబుల్‌ స్పూన్లు, పుదీనా ఆకులు – ఏడు, పచ్చిమిర్చి – ఒకటి (సన్నగా తరగాలి), జీలకర్ర పొడి – అరటీస్పూను, బ్లాక్‌ సాల్ట్‌ – పావు టీస్పూను, సాధారణ సాల్ట్‌ – పావు టీస్పూను, ఐస్‌క్యూబ్స్‌ – పావు కప్పు. తయారీ:  ∙శనగపప్పుని మిక్సీజార్‌లో వేసి మెత్తగా పొడిచేయాలి. ఈ పొడిని జల్లెడపట్టుకుని ఒకగిన్నెలోకి తీసుకోవాలి. ∙శనగపిండిలో కొద్దిగా నీళ్లుపోసి ఉండలు లేకుండా కలపాలి. తరువాత కప్పు నీళ్లుపోసి మరోసారి కలుపుకోవాలి ∙ఇప్పుడు దీనిలో బ్లాక్‌సాల్ట్, సాధారణ సాల్ట్, పంచదార పొడి, జీలకర్ర పొడి, పచ్చిమిర్చి తరుగు, నిమ్మరసం, పుదీనా ఆకులను సన్నగా తరిగి వేసి చక్కగా కలపాలి ∙చివరిగా ఐస్‌క్యూబ్స్‌ వేసి సర్వ్‌చేసుకుంటే సత్తు షర్బత్‌ ఎంతో రుచిగా ఉంటుంది.  ఈ షర్బత్‌లోని ఉప్పు, ఐరన్, పీచుపదార్థం జీర్ణక్రియను సక్రమంగా జరిగేలా చేసి గ్యాస్, ఎసిడిటీ, మలబద్ధ్దకం వంటి సమస్యలను దరిచేరనివ్వవు. దీనిని పరగడుపున తీసుకుంటే మరింత బాగా పనిచేస్తుంది∙ శరీరంలోని టాక్సిన్‌లను బయటకు పంపి మంచి డీటాక్సింగ్‌ ఏజెంట్‌గా పనిచేస్తుంది. వేసవిలో రోజుకొక గ్లాస్‌ తాగితే.. దాహం తీరడంతోపాటు, శరీరానికి వేడిచేయకుండా ఉంటుంది.    

కావలసినవి: బత్తాయిలు – మూడు, పైనాపిల్‌ ముక్కలు – కప్పు, పంచదార – టేబుల్‌ స్పూను, ఐస్‌క్యూబ్స్‌ – ఐదు.  తయారీ విధానం: ►బత్తాయిలను రెండు ముక్కలుగా కట్‌ చేసి జ్యూస్‌ తీసి పక్కన పెట్టుకోవాలి.  ►పైనాపిల్‌ ముక్కలు, పంచదారను బ్లెండర్‌లో వేసి మెత్తగా గ్రైండ్‌ చేయాలి  ► పైనాపిల్‌ ముక్కలు గ్రైండ్‌ అయ్యాక బత్తాయి జ్యూస్‌ను వేసి మరోసారి గ్రైండ్‌ చేసి వడగట్టాలి.  ► వడగట్టిన జ్యూస్‌ను గ్లాసులో పోసి ఐస్‌క్యూబ్స్‌ వేసి సర్వ్‌ చేసుకోవాలి.  పైనాపిల్‌-బత్తాయి జ్యూస్‌ పోషకాల విలువలు.. ►పైనాపిల్, బత్తాయిలలో విటమిన్‌ సి పుష్కలంగా ఉంటుంది.  ►పుల్లగా, తియ్యగా ఉండే ఈ జ్యూస్‌ దాహం తీరుస్తుంది.  ►  జీర్ణక్రియ సక్రమంగా జరిగేలా చేయడమేగాక, రోగనిరోధక వ్యవస్థను మెరుగుపరుస్తుంది.  ► డీటాక్సింగ్‌ ఏజెంట్‌గా పనిచేసి ఒత్తిడి, కాలుష్య ప్రభావాలను తగ్గిస్తుంది. ►వర్క్‌అవుట్‌లు చేసేవారికి ఈ జ్యూస్‌ బాగా పనిచేస్తుంది. కండరాల తిమ్మిరిని తగ్గిస్తుంది.  ►దీనిలోని యాంటీ ఆక్సిడెంట్లు, యాంటీ బ్యాక్టీరియల్‌ గుణాలు కంటికి సంబంధించిన ఇన్‌ఫెక్షన్‌లను రానివ్వవు.  ►చర్మాన్ని ఆరోగ్యంగా ఉంచి యవ్వనంగా కనిపించేలా చేస్తుంది.  ►  జుట్టుకి పోషకాలనందించి వెంట్రుకలు చిట్లకుండా చేస్తుంది.   

కావలసినవి బీట్‌రూట్‌ – మీడియం సైజువి రెండు, దానిమ్మ – రెండు, పుదీనా ఆకులు – పది, తేనె – రెండు టేబుల్‌ స్పూన్లు, నిమ్మరసం – అరచెక్క.  తయారీ విధానం ►బీట్‌రూట్‌ను తొక్కతీసి ముక్కలుగా తరగాలి  ►దానిమ్మ గింజలను ఒలుచుకోవాలి  ►బ్లెండర్‌లో బీట్‌రూట్‌ ముక్కలు, దానిమ్మ గింజలు, పుదీనా ఆకులు వేసి గ్రైండ్‌ చేయాలి  ►గ్రైండ్‌ అయిన మిశ్రమాన్ని వడపోసి జ్యూస్‌ను  గ్లాసులో పోయాలి  ► దీనిలో తేనె, నిమ్మరసం కలిపి సర్వ్‌ చేసుకోవాలి.  దానిమ్మ-బీట్‌రూట్‌ జ్యూస్‌ ఉపయోగాలు ►వేసవిలో దాహం తీర్చే డ్రింకేగాక, మంచి డీటాక్స్‌ డ్రింక్‌గా ఈ జ్యూస్‌ పనిచేస్తుంది.  ► బీట్‌రూట్‌ రోగనిరోధక వ్యస్థను మరింత దృఢంగా మారుస్తుంది.  ►దానిమ్మ గింజలు, బీట్‌ రూట్‌ను కలిపి తీసుకోవడం వల్ల రక్త హీనత సమస్య తగ్గుతుంది  ►ఈ జ్యూస్‌లో ఉన్న పుష్కలమైన యాంటీ ఆక్సిడెంట్స్‌ రక్తపీడనాన్ని నియంత్రణలో ఉంచుతాయి.  ►బీట్‌రూట్‌లో.. ఐరన్, క్యాల్షియం, జింక్, సోడియం, మెగ్నీషియం, విటమిన్‌ ఎ, బీ 6, సి, ఫోలేట్,, నియాసిన్‌లు..æ, దానిమ్మ గింజల్లోని.. విటమిన్‌ బి, సి, కె, పొటాషియం, పీచుపదార్థాలు శరీరానికి పుష్కలంగా అందుతాయి.  ►రోజుకొక గ్లాసు తాగడం వల్ల చర్మానికి, జుట్టుకు పోషణ అందుతుంది.    

కావలసినవి:  తొక్క తీసిన బొప్పాయిపండు ముక్కలు – కప్పు, తేనె – టేబుల్‌ స్పూను, మజ్జిగ – కప్పు, యాలకులపొడి – చిటికెడు, పుదీనా తరుగు – టీస్పూను, ఐస్‌క్యూబ్స్‌ – పావుకప్పు, నిమ్మరసం – టీస్పూను.  తయారీ విధానం.. ►బొప్పాయి ముక్కలను బ్లెండర్‌లో వేసి మెత్తగా గ్రైండ్‌ చేయాలి  ►తరువాత తేనె, పుదీనా తరుగు, యాలకుల పొడి వేసి మరోసారి గ్రైండ్‌ చేయాలి.  ►ఇవన్నీ గ్రైండ్‌ అయ్యాక ఐస్‌క్యూబ్స్‌ మజ్జిగ, నిమ్మరసం వేసి గ్రైండ్‌ చేసి, సర్వ్‌ చేసుకోవాలి.  ►బొప్పాయిలోని పాపిన్‌ అనే ఎంజైమ్‌ జీర్ణవ్యవస్థ సక్రమంగా పని చేసేలా చేస్తుంది.  ►దీనిలో విటమిన్‌ సి, కార్బోహైడ్రేట్స్, పీచుపదార్థం, ప్రోటిన్, విటమిన్‌ ఎ, ఫోలేట్, పొటాషియం, క్యాల్షియం, మెగ్నీషియం, విటమిన్‌ బి1, బి 3, బి 5, ఇ, ఐరన్‌ లు, కెరోటినాయిడ్స్‌ శరీరానికి అంది జీవక్రియలు క్రమబద్ధీకరిస్తాయి.  ►బొప్పాయి, తేనెను కలిపి తీసుకోవడం వల్ల రోగనిరోధక శక్తి పెరుగుతుంది  ►ఈ లస్సీని రోజుకొక గ్లాసు చొప్పున క్రమం తప్పకుండా తాగితే బరువు నియంత్రణలో ఉంటుంది. 

Summer Drink- Sorakaya Juice: సొరకాయలో విటమిన్లు, పొటాషియం, ఐరన్‌లు, పీచుపదార్థం పుష్కలంగా ఉంటాయి. అందువల్ల సొరకాయ జ్యూస్‌ తాగితే బరువు తగ్గుతారు.  దీనిలోని పీచుపదార్థం జీర్ణక్రియను మెరుగుపరుస్తుంది. అదే విధంగా.. పొటాషియం అధిక రక్తపోటును నియంత్రణలో ఉంచుతుంది. రోజూ ఈ డ్రింక్‌ తాగడం వల్ల కాలేయ సంబంధ సమస్యలు తగ్గుముఖం పడతాయి. ఐస్‌క్యూబ్స్‌ వేయకుండా చేసిన సొరకాయ జ్యూస్‌ను పరగడుపున తాగితే మరిన్ని ఆరోగ్య ప్రయోజనాలు చేకూరతాయి.   సొరకాయ జ్యూస్‌ తయారీకి కావలసినవి: ►సొరకాయ – మీడియం సైజుది ఒకటి ►పుదీనా ఆకులు – పది ►అల్లం – అరంగుళం ముక్క ►నిమ్మకాయ – ఒకటి ►బ్లాక్‌ సాల్ట్‌ – రుచికి సరిపడా ►ఐస్‌ క్యూబ్స్‌ – అరకప్పు. తయారీ విధానం: ►సొరకాయ తొక్కతీసి శుభ్రంగా కడిగి ముక్కలుగా తరిగి బ్లెండర్‌లో వేయాలి. ►దీనిలోనే తొక్కతీసిన అల్లం, పుదీనా, రుచికి సరిపడా బ్లాక్‌సాల్ట్, ఐస్‌ క్యూబ్స్‌వేసి మెత్తగా గ్రైండ్‌ చేయాలి. ►గ్రైండ్‌ అయిన మిశ్రమాన్ని పలుచని వస్త్రంలో వడగట్టి జ్యూస్‌ను తీసుకోవాలి. ►ఈ జ్యూస్‌లో నిమ్మరసం పిండి సర్వ్‌ చేసుకోవాలి. చదవండి👉🏾Thati Munjala Smoothie: తాటి ముంజలలో ఫైటో కెమికల్స్ పుష్కలం.. కాబట్టి.. చదవండి👉🏾ప్రెగ్నెన్సీ సమయంలో చేపలు, లివర్‌ను తినొచ్చా?

Summer Drinks- Elaichi Sharbat: ఇలాచి షర్బత్‌ తాగితే వేసవి కాలంలో ఎదురయ్యే గుండెల్లో మంట, ఎసిడిటీ వంటి సమస్యలు ఇట్టే తగ్గిపోతాయి. అధిక రక్తపోటును నియంత్రించే గుణాలు ఈ డ్రింక్‌లో పుష్కలంగా ఉన్నాయి. యాలకుల్లో ఉన్న ఔషధ గుణాలు మహిళల్లో తరచూ ఎదురయ్యే మూత్రనాళ ఇన్ఫెక్షన్లు తగ్గిస్తాయి. ఈ డ్రింక్‌ తాగడం వల్ల  క్యాల్షియం, పీచుపదార్థం శరీరానికి పుష్కలంగా అందుతాయి.     ఇలాచి షర్బత్‌ తయారీకి కావలసినవి: యాలక్కాయలు – కప్పు, పంచదార – కేజీ, రోజ్‌ వాటర్‌ – పావు కప్పు, గ్రీన్‌ ఫుడ్‌ కలర్‌ – పావు టీస్పూను, నిమ్మకాయలు – రెండు.  ఇలాచి షర్బత్‌ తయారీ విధానం: ►యాలక్కాయలను శుభ్రంగా కడిగి, రెండు కప్పుల నీళ్లుపోసి రాత్రంతా నానబెట్టుకోవాలి. ►నానిన యాలక్కాయలను నీటితోపాటు మిక్సీజార్‌లో వేసి బరకగా గ్రైండ్‌ చేయాలి. ►స్టవ్‌మీద పాత్రను పెట్టి లీటరు నీళ్లు, గ్రైండ్‌ చేసిన యాలక్కాయల మిశ్రమాన్ని వేసి సన్నని మంట మీద ఇరవై నిమిషాలపాటు మరిగించాలి. ►మరిగిన మిశ్రమాన్ని పలుచటి వస్త్రంలో వడగట్టి నీటిని తీసుకోవాలి. ►ఇప్పుడు స్టవ్‌ మీద మరో పాత్రను పెట్టి వడగట్టిన నీటిని అందులో పోయాలి. ►దీనిలో పంచదార వేసి సన్నని మంటమీద పదిహేను నిమిషాలపాటు మరిగించాలి. ►తరువాత రోజ్‌వాటర్, గ్రీన్‌ ఫుడ్‌ కలర్, నిమ్మకాయల రసం పిండి, చక్కగా కలపాలి. ►ఈ మిశ్రమం సిరప్‌లా చిక్కబడేంత వరకు మరిగించి దించేయాలి ∙మిశ్రమం చల్లారాక ఎయిర్‌టైట్‌ కంటైనర్‌లో వేసి రిఫ్రిజిరేటర్‌లో నిల్వ చేసుకోవాలి. ►రెండు నెలలపాటు నిల్వ ఉండే ఈ ఇలాచీ షర్బత్‌ను కప్పు పాలు, లేదా గ్లాస్‌ నీళ్లలో రెండు టేబుల్‌ స్పూన్ల చొప్పున కలుపుకుని తాగాలి.   చదవండి👉🏾Thati Munjala Smoothie: తాటి ముంజలలో ఫైటో కెమికల్స్ పుష్కలం.. కాబట్టి..

Summer Drinks- Neer Mor: పెరుగుతో తయారు చేసే  నీర్‌ మోర్‌ను మంచి ఎండల్లో తాగడం వల్ల డీహైడ్రేషన్‌కు గురికారు. దాహం కూడా తీరుతుంది. జీర్ణక్రియను సక్రమంగా జరిగేలా ప్రోత్సహించి, ఎసిడిటీ సమస్యలను దరిచేరనివ్వదు. రక్త పోటు(బీపీ)ను నియంత్రణలో ఉంచుతుంది. మరి ఇంకెందుకు ఆలస్యం ఈ సమ్మర్‌ డ్రింక్‌ తయారీ విధానం తెలుసుకుందామా!  నీర్‌ మోర్‌ తయారీకి కావలసినవి: ►పెరుగు – కప్పు, నీళ్లు – కప్పు ►అల్లం తరుగు – టీస్పూను ►మిరియాల పొడి – పావు టీస్పూను ►పచ్చిమిర్చి – ఒకటి ►కరివేప ఆకులు – ఏడు, కొత్తిమీర తరుగు – రెండు టేబుల్‌ స్పూన్లు ►ఉప్పు – రుచికి సరిపడా.  ►తాలింపునకు: ఆయిల్‌ – టీస్పూను, ఆవాలు – పావు టీస్పూను, ఇంగువ – చిటికెడు.  నీర్‌ మోర్‌ తయారీ విధానం: ►బ్లెండర్లో కప్పు పెరుగు, అల్లం, పచ్చిమిర్చి, మిరియాల పొడి, కరివేపాకు వేసి గ్రైండ్‌ చేయాలి. ►ఇవన్నీ గ్రైండ్‌ అయ్యాక కప్పు నీళ్లు, రుచికి సరిపడా ఉప్పు వేసి మరోసారి గ్రైండ్‌ చేయాలి. ►ఈ మిశ్రమాన్ని గ్లాసులో పోసి కొత్తిమీర తరుగు వేసి పక్కన పెట్టుకోవాలి. ►ఇప్పుడు బాణలిలో ఆయిల్‌ వేసి వేడెక్కాక ఆవాలు వేసి చిటపటలాడనివ్వాలి. ►తర్వాత ఇంగువ వేసి దించేయాలి. ►తాలింపు మిశ్రమాన్ని మజ్జిగ మిశ్రమంలో వేసి తిప్పితే నీర్‌ మోర్‌ రెడీ. దీనిని వెంటనే తాగితే చాలా బావుంటుంది. చదవండి👉🏾 Maredu Juice: మారేడు జ్యూస్‌ తాగుతున్నారా.. ఇందులోని టానిన్, పెక్టిన్‌ల వల్ల.. చదవండి👉🏾Thati Munjala Smoothie: తాటి ముంజలలో ఫైటో కెమికల్స్ పుష్కలం.. కాబట్టి..

Summer Drinks- Pine Mango Juice: వేసవికాలంలో బయటకు వెళ్లేముందు పైన్‌ మ్యాంగో జ్యూస్‌ తాగితే దాహం వేయదు. దీనిలో విటమిన్లు, ఖనిజ పోషకాలు, యాంటీ ఆక్సిడెంట్స్‌ పుష్కలంగా ఉంటాయి.  మామిడి పండులోని బీటా కెరోటిన్, విటమిన్‌ సి, ఐరన్, పొటాషియం రోగనిరోధక శక్తిని పెంచడంలో ప్రముఖ పాత్ర పోషిస్తాయి.  దీనిలోని పోషకాలు కండరాలను ఆరోగ్యంగా ఉంచుతాయి. ఇక పైనాపిల్‌లోని మాంగనీస్, జింక్, బీ 6, సీ విటమిన్‌ శరీరానికి శక్తిని అందిస్తాయి. జింక్‌ ఫాస్పరస్, క్యాల్షియం, క్లోరిన్, ఐరన్, విటమిన్‌ ‘కే’లు కండరాల ఎదుగుదల, రోగనిరోధక వ్యస్థ పనితీరులో కీలక పాత్ర పోషిస్తాయి.  మరి ఈ సమ్మర్‌ డ్రింక్‌ తయారీ విధానం తెలుసుకుందామా! పైన్‌ మ్యాంగో జ్యూస్‌ తయారీకి కావలసినవి: ►మామిడిపండు ముక్కలు – రెండు కప్పులు ►పైనాపిల్‌ ముక్కలు – కప్పు ►పంచదార – రెండు టీస్పూన్లు ►నిమ్మరసం – అరటీస్పూను ►ఐస్‌ ముక్కలు – అరకప్పు ►పుదీనా తరుగు – టీస్పూను. పైన్‌ మ్యాంగో జ్యూస్‌ తయారీ విధానం:  ►మామిడి, పైనాపిల్‌ ముక్కలు, పంచదార, పుదీనా, నిమ్మరసం, ఐస్‌ ముక్కలు, రెండు కప్పుల నీళ్లను బ్లెండర్‌లో వేసి గ్రైండ్‌ చేయాలి. ►మెత్తగా గ్రైండ్‌ చేసిన జ్యూస్‌ మిశ్రమాన్ని వెంటనే సర్వ్‌ చేసుకుంటే చల్లగా ఎంతో రుచిగా ఉంటుంది. చదవండి👉🏾Thati Munjala Smoothie: తాటి ముంజలలో ఫైటో కెమికల్స్ పుష్కలం.. కాబట్టి..

Summer Drinks- Gulkand Banana Milkshake: గులాబీ రేకులతో తయారు చేసే గుల్‌ఖండ్‌ను పాన్‌లో ముఖ్యమైన పదార్థంగా వాడతారు. భోజనం తరువాత ఇది మంచి మౌత్‌ ఫ్రెష్‌నర్‌గా పనిచేస్తుంది. ఇక గుల్‌ఖండ్‌ బనానా మిల్క్‌ షేక్‌లో యాంటీ బ్యాక్టీరియల్, యాంటీవైరల్‌ గుణాలు పుష్కలంగా ఉండి, మొటిమలు రానివ్వవు. ఈ మిల్క్‌షేక్‌ను రాత్రి పడుకునే ముందు తాగితే, శరీరానికి సహజసిద్ధమైన చల్లదనాన్ని అందించి మంచి నిద్రకు ఉపక్రమించేలా చేస్తుంది. ఒత్తిడి, నీరసం, అలసటను తగ్గించి మైండ్‌ను ఫ్రెష్‌గా ఉంచుతుంది. దీనిలో వాడిన కొబ్బరిపాలు, అరటిపండ్లు శరీరానికి కావాల్సిన పోషకాలను అందిస్తాయి.   గుల్‌ఖండ్‌ బనానా మిల్క్‌ షేక్‌ తయారీకి కావలసినవి  అరటిపండ్లు – పెద్దవి రెండు, గుల్‌ఖండ్‌ – మూడు టేబుల్‌ స్పూన్లు, కొబ్బరి పాలు – రెండు కప్పులు, రోజ్‌ ఎసెన్స్‌ – రెండు టీస్పూన్లు, ఐస్‌ క్యూబ్‌లు – మిల్క్‌ షేక్‌కు సరిపడా.  గుల్‌ఖండ్‌ బనానా మిల్క్‌ షేక్‌ తయారీ విధానం ►అరటిపండ్లను తొక్కతీసి ముక్కలు చేసి బ్లెండర్‌లో వేయాలి. ►దీనిలో గుల్‌ఖండ్, కొబ్బరి పాలు వేసి గ్రైండ్‌ చేయాలి. ►ఇవన్నీ గ్రైండ్‌ అయ్యాక మిశ్రమాన్ని గ్లాసులో పోసి ఐస్‌క్యూబ్‌లు, రోజ్‌ ఎసెన్స్‌ చల్లుకుని సర్వ్‌ చేసుకోవాలి.  ►ఈ మిల్క్‌షేక్‌ మరింత తియ్యగా కావాలనుకుంటే పంచదార లేదా ఏదైనా స్వీట్నర్, ఒక స్కూప్‌ వెనీలా ఐస్‌క్రీమ్‌ వేసి కలుపుకోవాలి. చదవండి👉🏾Mango Health Benefits: సీజన్‌ కదా అని మామిడి పండ్లు లాగించేస్తున్నారా? ఇందులోని క్వార్సెటిన్‌ వల్ల.. 

Summer Drinks- Thati Munjala Smoothie: ముంజలలో ఫైటో కెమికల్స్, యాంటీ ఇన్‌ఫ్లమేటరీ, యాంటీ ఆక్సిడెంట్‌ గుణాలు పుష్కలంగా ఉంటాయి. ఇవి వృద్ధాప్యఛాయలను త్వరగా రానివ్వకుండా నెమ్మదిపరుస్తాయి. అనారోగ్యాలను దరిచేరనియ్యవు. బరువు తగ్గాలనుకునేవారికి ఇది మంచి డ్రింక్‌గా పనిచేస్తుంది. శరీరానికి పోషకాలను అందించడంతోపాటు తక్కువ క్యాలరీలు ఉండడం వల్ల బరువు నియంత్రణలో ఉంటుంది.  మండే ఎండల్లో ముంజల స్మూతీ తాగితే వడదెబ్బకు గురికారు. చురుక్కుమనే ఎండల వల్ల చర్మం పై ఏర్పడే చెమటకాయలు, దద్దుర్లు రావు. అజీర్ణం, కడుపు ఉబ్బరం, మలబద్ధకం వంటి సమస్యలో బాధపడుతున్న వారు ఈ జ్యూస్‌ తాగితే జీర్ణవ్యవస్థ సక్రమంగా పనిచేసి సమస్యలన్నింటికి చక్కటి పరిష్కారం దొరుకుతుంది.  పాలిచ్చే తల్లులుకు దీనిని తాగితే పుష్కలమైన పోషకాలు అందుతాయి. ఫలితంగా తల్లిపాల నాణ్యత కూడా పెరుగుతుంది.  ఈ జ్యూస్‌లోని పుష్కలమైన ఖనిజ పోషకాలు, విటమిన్లు రోగనిరోధక వ్యవస్థను మరింత సమర్థవంతంగా పనిచేసేలా ప్రేరేపిస్తాయి.  ముంజల స్మూతీ తయారీకి కావలసినవి తాటి ముంజలు – ఆరు, కాచిన చల్లటి చిక్కటి పాలు – రెండు కప్పులు, పంచదార – మూడు టేబుల్‌ స్పూన్లు, నానబెట్టిన సబ్జాగింజలు – టేబుల్‌ స్పూను.  తయారీ:  ►ముందుగా తాటిముంజలను తొక్కలు లేకుండా శుభ్రం చేసి మెత్తగా గ్రైండ్‌ చేసి పక్కన పెట్టుకోవాలి  ►మిక్సీజార్‌లో పాలు, పంచదార వేసి నిమిషం పాటు గ్రైండ్‌ చేయాలి  ►ఇప్పుడు పాలమిశ్రమాన్ని మెత్తగా రుబ్బుకున్న తాటిముంజల మిశ్రమంలో వేసి కలపాలి. దీనిలో సబ్జాగింజలు వేసి చక్కగా కలుపుకుని సర్వ్‌ చేసుకోవాలి.  చదవండి👉🏾 Muskmelon Mojito Health Benefits: కొవ్వులు తక్కువ.. బరువు తగ్గాలనుకునేవాళ్లకు ఇది చాలా మంచిది! Maredu Juice: మారేడు జ్యూస్‌ తాగుతున్నారా.. ఇందులోని టానిన్, పెక్టిన్‌ల వల్ల.. Palmyra Palm: వేసవిలో తాటి ముంజలు తింటున్నారా.. ఈ విషయాలు తెలుసా?

Summer Drink- Muskmelon Mojito: కర్బూజాలో శరీరానికి అవసరమైన ముఖ్యమైన పోషకాలు, పుష్కలంగా నీరు ఉంటాయి. వేసవిలో దీనితో తయారు చేసే మస్క్‌ మిలాన్‌ మొజిటో తాగిన వెంటనే పొట్టనిండిన భావన కలిగి దాహం తీరి ఫ్రెష్‌గా అనిపిస్తుంది. యాంటీ ఆక్సిడెంట్స్, విటమిన్‌ సీ, బీటా కెరోటిన్‌లు రోగనిరోధక వ్యవస్థను మరింత సమర్థవంతంగా పనిచేసేలా చేస్తాయి. పీచుపదార్థం అధికంగా ఉండడం, గ్లైసిమిక్స్‌ ఇండెక్స్, కొవ్వులు తక్కువగా ఉండడం వల్ల బరువు తగ్గాలనుకునేవారికి ఇది బాగా పనిచేస్తుంది. బ్లడ్‌ సుగర్‌ స్థాయులను నియంత్రణలో ఉంచుతూ బరువుని అదుపులో ఉంచుతుంది.     మస్క్‌ మిలాన్‌ మొజిటో తయారీకి కావలసినవి: తొక్కతీసిన కర్బూజా ముక్కలు – కప్పు, పుదీనా ఆకులు – ఆరు, నిమ్మరసం – అరచెక్క రసం, పంచదార – టీస్పూను, సోడా, నీళ్లు, ఐస్‌ ముక్కలు  – మోజిటోకు సరిపడా.  మస్క్‌ మిలాన్‌ మొజిటో తయారీ విధానం: ►కర్బూజ ముక్కలు, పంచదారను మిక్సీలో వేసి గ్రైండ్‌ చేయాలి. ►ఇవి గ్రైండ్‌ అయ్యాక పుదీనా ఆకులు, నిమ్మరసం వేసి మరోసారి గ్రైండ్‌ చేయాలి. ►ఇప్పుడు గ్లాస్‌లో ఐస్‌ ముక్కలు వేయాలి. దీనిలోనే గ్రైండ్‌ చేసిన మస్క్‌మిలాన్‌ మిశ్రమం వేయాలి. ►ఈ మిశ్రమంలో సోడా నీళ్లు వేసి సర్వ్‌ చేసుకోవాలి. చదవండి👉🏾Maredu Juice: మారేడు జ్యూస్‌ తాగుతున్నారా.. ఇందులోని టానిన్, పెక్టిన్‌ల వల్ల..

Summer Drink- Maredu Juice: మారేడు జ్యూస్‌ శరీరంలోని టాక్సిన్‌లను బయటకు పంపి శరీరానికి తక్షణ శక్తిని అందిస్తుంది. శరీరానికి చల్లదనంతోపాటు ఫ్రెష్‌నెస్‌ ఇస్తుంది. ఈ జ్యూస్‌లోని టానిన్, పెక్టిన్‌లు డయేరియాను తరిమికొట్టడంలో ప్రముఖ పాత్రపోషిస్తాయి. విటమిన్‌ సీ, క్యాల్షియం, పీచుపదార్థం, ప్రోటీన్, ఐరన్‌లు పుష్కలంగా ఉండి, జీర్ణక్రియ సక్రమంగా జరిగేలా చేసి పొట్టను ఆరోగ్యంగా ఉంచుతాయి. వేసవిలో వెంటనే దాహార్తి తీరాలంటే మారేడు జ్యూస్‌ చక్కగా పనిచేస్తుంది. ఇంకెందుకు ఆలస్యం ఇలా సింపుల్‌గా ఇంట్లోనే ఈ సమ్మర్‌ డ్రింక్‌ను తయారుచేసుకోండి. మారేడు జ్యూస్‌ తయారీకి కావలసిన పదార్థాలు: పండిన మారేడు – ఒకటి, పంచదార లేదా బెల్లం – రుచికి సరిపడా, దాల్చిన చెక్కపొడి – పావు టీస్పూను, జాజికాయ పొడి – పావు టీస్పూను, చల్లటి నీళ్లు – జ్యూస్‌కు సరిపడా.  మారేడు జ్యూస్‌ తయారీ ఇలా: ►ముందుగా మారేడు పండును పగులకొట్టి లోపలి గుజ్జును వేరుచేయాలి. ►తీసిన గుజ్జునుంచి విత్తనాలు, పీచు వేరుచేసి, జ్యూస్‌ను పిండుకోవాలి. ►జ్యూస్‌ను వడగట్టి రుచికి సరిపడా పంచదార లేదా బెల్లం వేయాలి. ►దీనిలో చల్లటి నీళ్లు పోసి పంచదార కరిగేంత వరకు తిప్పుకోవాలి. ►చివరిగా దాల్చిన చెక్క, జాజికాయ పొడి వేసి సర్వ్‌ చేసుకోవాలి. చదవండి👉🏾Palmyra Palm: వేసవిలో తాటి ముంజలు తింటున్నారా.. ఈ విషయాలు తెలుసా?

మ్యాంగో గ్రీన్‌ స్మూతి.. ఉదయం ఆల్పాహారంగానూ, సాయంత్రాల్లో స్నాక్స్‌తోపాటు ఈ స్మూతీ తీసుకుంటే రుచిగా హెల్థీగా ఉంటుంది. బాదం పాలలో కేలరీలు తక్కువగా ఉంటాయి. ఇది తాగడం వల్ల బరువు పెరుగుతామన్న భయం లేదు.  మామిడిపండులో ఉన్న విటమిన్‌ సీ, యాంటీఆక్సిడెంట్స్‌ శరీరానికి అంది రోగనిరోధక శక్తి పెరుగుతుంది. అరటిపండులోని పొటాషియం, పీచుపదార్థం, పాలకూరలోని ఐరన్, విటమిన్‌ కే లు చర్మం, జుట్టుకు పోషణ అందిస్తాయి.   మ్యాంగో గ్రీన్‌ స్మూతి తయారీకి కావలసిన పదార్థాలు: చల్లటి మామిడిపండు ముక్కలు – ఒకటిన్నర కప్పులు, అరటి పండు – ఒకటి, లేత పాలకూర – కప్పు, బాదం పాలు – పావు కప్పు.  తయారీ:   మామిడి ముక్కలు, తొక్కతీసిన అరటిపండు, పాలకూర, బాదం పాలను మిక్సీజార్‌లో వేసి మేత్తగా గ్రైండ్‌ చేసుకోవాలి.  గ్రైండ్‌ చేసిన వెంటనే ఈ స్మూతీని సర్వ్‌ చేసేకుంటే చాలారుచిగా ఉంటుంది.   చదవండి👉🏾 Best Calcium Rich Foods: కాల్షియం లోపిస్తే..? ఎదురయ్యే సమస్యలు ఇవే! ఇవి తిన్నారంటే..

Mango Peppermint Lassi Recipe: పుదీనా, నిమ్మరసం ఆహారం చక్కగా జీర్ణమయ్యేలా చేస్తాయి. ఇక వేసవిలో లభించే మామిడిపండు కలిగించే ఆరోగ్య ప్రయోజనాల గురించి ప్రత్యేకంగా చెప్పనక్కర్లేదు ఇందులోని పొటాషియం, మెగ్నీషియం బీపీని కంట్రోల్‌ చేస్తాయి. విటమిన్‌ సీ రోగ నిరోధక శక్తిని పెంపొందిస్తుంది. ఇలా చెప్పుకొంటూ పోతే ఇంకెన్నో ఉపయోగాలు. మరి మండే ఎండల్లో మధ్యాహ్నం పూట వీటితో తయారు చేసిన మ్యాంగో పిప్మర్మెంట్‌ లస్సీ తాగితే దాహార్తి తీరుతుంది. అంతేకాదు ఇందులోని పోషకాలు చర్మం, జుట్టుని ఆరోగ్యంగా ఉంచుతాయి. ఇంకెందుకు ఆలస్యం ఈ ఇంట్లో ఈ సమ్మర్‌ డ్రింక్‌ను ఈజీగా తయారు చేసుకోండి. మ్యాంగో పిప్మర్మెంట్‌ లస్సీ తయారీకి కావాల్సిన పదార్థాలు: మామిడిపండు గుజ్జు – కప్పు, పంచదార – నాలుగు టేబుల్‌ స్పూన్లు, పుదీనా తరుగు – మూడు టేబుల్‌ స్పూన్లు, యాలకుల పొడి – టీస్పూను, నిమ్మరసం – టేబుల్‌ స్పూను, పెరుగు – నాలుగు కప్పులు, ఐస్‌ ముక్కలు – కప్పు తయారీ విధానం: బ్లెండర్‌లో మామిడి పండు గుజ్జు, పుదీనా, పాలు, యాలకుల పొడి, నిమ్మరసం వేసి గ్రైండ్‌ చేయాలి. ఇవన్నీ గ్రైండ్‌ అయ్యాక పెరుగు, ఐస్‌ ముక్కలు వేసి మరోసారి గ్రైండ్‌ చేసి సర్వ్‌చేసుకోవాలి. చదవండి👉🏾Boppayi Banana Smoothie: ఈ స్మూతీ తాగితే కలిగే ఆరోగ్య ప్రయోజనాలు తెలిస్తే!

Summer Drinks- Boppayi Banana Smoothie: బొప్పాయి బనానా స్మూతీలో యాంటీ ఆక్సిడెంట్స్, కెరాటిన్స్, విటమిన్‌ సీ, ఫ్లేవనాయిడ్స్‌ పుష్కలంగా ఉంటాయి. బొప్పాయిలో ఫోలేట్, పాంథోనిక్‌ యాసిడ్, ఖనిజ పోషకాలు పొటాషియం, కాపర్, మెగ్నీషియంలతోపాటు పీచుపదార్థం కూడా ఉంటుంది. ఈ స్మూతి తాగడం వల్ల ఈ పోషకాలన్నీ శరీరానికి అందడంతోపాటు, గుండె ఆరోగ్యం మెరుగుపడుతుంది. కోలన్‌ క్యాన్సర్‌ ముప్పు తగ్గుతుంది. వేసవిలో తాగే స్మూతీ ఆరోగ్యానికి మేలు చేస్తుంది. బొప్పాయి బనానా స్మూతీ తయారీకి కావలసిన పదార్థాలు: పాలు – రెండు కప్పులు, తొక్కతీసిన బొప్పాయి పండు ముక్కలు – అరకప్పు, బాగా పండిన అరటి పండు – ఒకటి (ముక్కలు తరగాలి),  కర్జూరపండ్లు – ఆరు, ఐస్‌ ముక్కలు – ఆరు, చాక్లెట్‌ తరుగు – గార్నిష్‌కు సరిపడా.  తయారీ: ►బొప్పాయి, అరటి పండు ముక్కలను, కప్పు పాలు, ఐస్‌ముక్కలను బ్లెండర్‌లో వేసి స్మూత్‌గా వచ్చేంత వరకు గ్రైండ్‌ చేయాలి. ►ముక్కలన్నీ మెదిగాక, కర్జూరం పండ్లలో గింజలు తీసేసి వేయాలి. ►మిగిలిన కప్పు పాలను పోసి మరోసారి గ్రైండ్‌ చేసుకోవాలి. ►ఈ మిశ్రమాన్ని గ్లాస్‌లో పోసి చాక్లెట్‌ తరుగుతో గార్నిష్‌ చేస్తే ఎంతో రుచికరమైన బొప్పాయి బనానా స్మూతీ రెడీ. చదవండి👉🏾 Poha Banana Shake: ఫైబర్‌, ఐరన్‌ అధికం.. బరువు తగ్గాలనుకుంటే ఈ జ్యూస్‌ తాగితే!

Sugarcane Juice Health Benefits- వేసవి ఎండల్లో మంచినీళ్లు ఎన్ని తాగినా దాహం తీరినట్లు అనిపించదు. అలాంటప్పుడు చక్కెర అధికంగా కలిపిన శీతల పానీయాలనో, పండ్ల రసాలనో ఆశ్రయించే బదులు నిమ్మ, అల్లంతో చేసిన సహజసిద్ధమైన చెరుకు రసం ఒకటి లేదా రెండు గ్లాసులు తాగి చూడండి. దాహార్తి తీరడంతోపాటు చాలా తెరపిగా ఉంటుంది. కేవలం దాహం తీరడమే కాదు, చెరుకురసం వల్ల ఎన్నో ఆరోగ్య ప్రయోజనాలున్నాయి.  చెరుకు రసం- ఆరోగ్య లాభాలు: ►అలసటగా... నీరసంగా అనిపించినప్పుడు చెరకు రసం తాగితే వెంటనే శక్తిని పొందవచ్చు. ఇది సహజ చక్కెరలను, ఇనుమును కలిగి ఉండటం వల్ల శరీరానికి తక్షణ శక్తిని ఇస్తుంది. ►డీహైడ్రేషన్‌ను నివారిస్తుంది.  ►శరీరం నుండి అనవసరమైన నీటిని బయటకు పంపుతుంది. తద్వారా వేసవిలో చాలామందికి సాధారణంగా వచ్చే ఇన్ఫెక్షన్లను నివారిస్తుంది. ►మెదడులో వృద్ధాప్య సంకేతాలను నివారిస్తుంది. ►మూత్రపిండాలు, కాలేయం పనితీరును మెరుగుపరుస్తుంది.  ►చెరుకులో ఫైబర్‌ ఎక్కువగా ఉండడం వలన జీర్ణ ప్రక్రియను వేగవంతం చేసి, మలబద్ధకాన్ని దూరం చేస్తుంది. ►చెరుకు రసం తాగడం వలన వీర్యకణాల నాణ్యత పెరగడంతోపాటు సంతానోత్పత్తి అవకాశాలు మెరుగుపడతాయని కొన్ని పరిశోధనల ద్వారా తెలిసింది.  ►బాలింతలు చెరుకు రసం తాగడం వలన వాళ్లలో పాల ఉత్పత్తి అధికం అవుతుంది. ►చెరుకు రసం క్రమం తప్పకుండా తీసుకోవడం వల్ల చర్మం మృదువుగా, మేలైన నిగారింపుతో మెరిసిపోతుంది. అలానే ముఖంపై ఏర్పడే మొటిమలు కూడా తగ్గిపోతాయి. ►చెరకు రసంలో యాంటీ ఆక్సిడెంట్లు పుష్కలంగా ఉండటం వల్ల కొత్త కణాలకు జీవం చేకూరుతుంది.  చదవండి: Poha Banana Shake: ఫైబర్‌, ఐరన్‌ అధికం.. బరువు తగ్గాలనుకుంటే ఈ జ్యూస్‌ తాగితే!

Apple Carrot Orange Juice Recipe Health Benefits- యాపిల్‌ క్యారట్‌ ఆరెంజ్‌ జ్యూస్‌లో విటమిన్‌ సి, ఏ, యాంటీ ఆక్సిడెంట్స్, బీటా కెరోటిన్స్‌ పుష్కలంగా ఉండి ఫ్రీ రాడికల్స్‌పై పోరాడతాయి. క్యారట్, యాపిల్, ఆరెంజ్‌లు శరీరానికి కావాల్సిన పోషకాలను అందించి రోగనిరోధక శక్తిని పెంచుతాయి. మండే ఎండల్లో ఈ జ్యూస్‌ తియ్యగా, పుల్లని రుచితో ఉండి దాహార్తిని తీరుస్తుంది.    కావలసినవి: క్యారట్స్‌ – రెండు, యాపిల్స్‌ – రెండు, ఆరెంజెస్‌ – మూడు, నీళ్లు – కప్పు, అల్లం రసం – అరటీస్పూను, పసుపు – పావు టీస్పూను, మిరియాల పొడి – పావు టీస్పూను, ఐస్‌ ముక్కలు – నాలుగు.  తయారీ: క్యారట్స్, యాపిల్స్‌ను తొక్క, గింజలు తీసి ముక్కలుగా తరగాలి. ఆరెంజ్‌లను తొక్కతీసి జ్యూస్‌ తీసుకోవాలి. క్యారట్‌ ముక్కలను బ్లెండర్‌లో వేయాలి. దీనిలో ఆరెంజ్‌ జ్యూస్‌ వేసి మెత్తగా గ్రైండ్‌ చేయాలి. క్యారట్‌ గ్రైండ్‌ అయ్యాక యాపిల్‌ ముక్కలు, అల్లం రసం, పసుపు, మిరియాలపొడి, నీళ్లు పోసి మరోసారి చక్కగా గ్రైండ్‌ చేసుకుని గ్లాసులో పోసుకోవాలి. దీనిలో కొద్దిగా ఐస్‌ ముక్కలను వేసుకుని తాగితే జ్యూస్‌ చాలా బావుంటుంది. చదవండి: Poha Banana Shake: ఫైబర్‌, ఐరన్‌ అధికం.. బరువు తగ్గాలనుకుంటే ఈ జ్యూస్‌ తాగితే!

Summer Drinks- Poha Banana Shake Recipe: అటుకుల్లో పీచు పదార్థం ఎక్కువగా ఉండడం వల్ల ఆహారం మంచిగా జీర్ణమయ్యేలా చేస్తుంది. వీటితో తయారు చేసే పోహా బనానా షేక్‌లో ప్రోబయోటిక్స్, ఆరోగ్యవంతమైన కార్బొహైడ్రేట్స్‌ తీసుకున్న ఆహారాన్ని త్వరగా జీర్ణం చేసి పొట్టని తేలిగ్గా ఉంచుతాయి. ఐరన్‌ కూడా అధికంగా ఉండడం వల్ల రక్తహీనత సమస్య ఏర్పడదు. వేసవిలో బరువు తగ్గాలనుకునేవారు క్యాలరీలు తక్కువగా ఉండి, యాంటీ ఆక్సిడెంట్స్, పొటాషియంలు అధికంగా ఉన్న ఈ జ్యూస్‌ తాగితే దాహం తీరడంతోపాటు, కడుపునిండిన భావనతో ఆకలి త్వరగా వేయదు.   పోహా బనానా షేక్‌ తయారీకి కావలసినవి: అటుకులు – పావు కప్పు(శుభ్రంగా కడిగి పదిహేను నిమిషాలపాటు నానబెట్టుకోవాలి), అరటిపండ్లు – రెండు ( తొక్కతీసి ముక్కలుగా తరుక్కోవాలి), తియ్యటి పెరుగు – అరకప్పు,  చల్లటి పాలు – ఒకటిన్నర కప్పులు.  తయారీ: బ్లెండర్‌లో అరటిపండు ముక్కలు, నానబెట్టిన అటుకులను వేయాలి. దీనిలో పెరుగు, చల్లటి పాలు పోసి మెత్తగా గ్రైండ్‌ చేసుకోవాలి. ఈ మిశ్రమాన్ని గ్లాసులో పోసి సర్వ్‌ చేసుకోవాలి. పంచదార వేయకుండా తయారు చేసిన జ్యూస్‌ కాబట్టి దీనిని డయాబెటీస్‌ ఉన్నవారు కూడా తాగవచ్చు. చదవండి: Healthy Weight Gain Tips: గుడ్లు, బెల్లం, తేనె, అవకాడో.. పిల్లలకు వీటిని తినిపిస్తే..

Summer Drink- Masala Chaas: ఎండాకాలంలో మసాలా చాస్‌ మంచి రిఫ్రెషింగ్‌ డ్రింక్‌గా పనిచేస్తుంది. శరీరాన్ని చల్లబరిచి వేడిచేయకుండా చూస్తుంది. కేలరీలు తక్కువగా ఉండి, మంచి రుచితో దాహార్తిని ఇట్టే తీరుస్తుంది. మసాలా చాస్‌ కావలసిన పదార్థాలు: పెరుగు – కప్పు, పచ్చిమిర్చి – ఒకటి, అల్లం – చిన్నముక్క, పుదీనా ఆకులు – నాలుగు, కొత్తిమీర తరుగు – రెండు టీస్పూన్లు, ఇంగువ – చిటికెడు, కరివేపాకు – ఒక రెమ్మ, నెయ్యి – టీస్పూను, జీలకర్ర – అరటీస్పూను, ఉప్పు – రుచికి సరిపడినంత.  తయారీ: పెరుగుని బ్లెండర్‌లో వేయాలి. దీనిలోనే పచ్చిమిర్చి, అల్లం, పుదీనా ఆకులను ముక్కలుగా తరిగి వేయాలి  తరువాత కొద్దిగా కరివేపాకు, ఇంగువ, సగం జీలకర్ర, రుచికి సరిపడా ఉప్పు వేసి గ్రైండ్‌ చేయాలి. ఇప్పుడు మూడు కప్పులు నీళ్లుపోసి మరోసారి గ్రైండ్‌ చేయాలి. బాణలిలో నెయ్యి వేసి వేడెక్కనివ్వాలి. వేడెక్కిన తరువాత జీలకర్ర, రెండు కరివేపాకు రెబ్బలు వేసి దోరగా వేయించి గ్రైండ్‌ చేసిన మజ్జిగను వేయాలి. దీనిలో రెండు మూడు ఐస్‌ముక్కలు వేసి సర్వ్‌ చేసుకోవాలి.    చదవండి: Health Tips: పాలకూర, టీ, చేపలు.. ఇంకా.. వీటితో బ్రెయిన్‌ పవర్‌ పెంచుకోవచ్చు!

వేసవి కాలంలో సాధారణంగా ఎదురయ్యే సమస్యలు అతిగా దాహంవేయడం, ఆకలి తక్కువగా ఉండడం. ఇది క్రమేణా ఎసిడిటీకి దారితీస్తుంది. ఏదైనా తిన్నవెంటనే వాంతయ్యేలా అనిపిస్తుంది. అయితే, ఈ టీ తాగడం వల్ల ఈ సమస్యలు రావు. అంతేగాక ఇది డీహైడ్రేషన్‌కు గురి కానియ్యదు. శరీరానికి చలవ చేస్తుంది.    కూలిం‍గ్‌ టీ తయారీకి కావలసినవి: నీళ్లు – కప్పున్నర, లవంగాలు – రెండు, యాలకులు – రెండు, ధనియాలు – టీస్పూను, జీలకర్ర – టీస్పూను, పంచదార – ఒకటిన్నర టీస్పూన్లు. తయారీ విధానం..  ►లవంగాలు, యాలకులను కచ్చాపచ్చాగా దంచి కప్పున్నర నీటిలో వేయాలి. ►వీటితోపాటు ధనియాలు, జీలకర్ర కూడా వేయాలి.  ►ఈ నీటిని పదినిమిషాల పాటు సన్నని మంట మీద మరిగించాలి  ►పది నిమిషాల తరువాత పంచదార వేసి  ఐదు నిమిషాలు మరిగించి దించేయాలి.  ►ఈ టీని ఉదయం అల్పాహారం తర్వాత గానీ సాయంత్రం గానీ తాగవచ్చు.  చదవండి: Inti Panta: జానెడు జాగా ఖాళీగా ఉంచరు.. అక్కడ కూరగాయలన్నీ ఉచితమే!      

మండే ఎండల్లో శరీరానికి వేడి చేయకుండా చల్లదనాన్ని అదించే వివిధ రకాల జావలను మన పూర్వికులనుంచి తాగుతూనే ఉన్నాం. ఈ మధ్యకాలంలో రకరకాల శీతలపానీయాలకు అలవాటు పడి జావలు తాగడానికి పెద్దగా ఆసక్తి కనబరచడం లేదు. అయితే మన వంటింట్లో దొరికే కొన్ని రకాల పిండి దినుసులతో జావచేసుకోని తాగడం వల్ల  శరీరానికి కావాల్సిన పోషకాలు పుష్కలంగా అందడంతోపాటు, శరీరానికి హాని చేసే వేడి కూడా ఇట్టే తగ్గిపోతుంది. నిమిషాల వ్యవధిలో ఎంతో రుచికరమైన జావలను ఎలా తయారు చేసుకోవచ్చో చూద్దాం...  జొన్నగటక  కావలసినవి: జొన్నపిండి – రెండు టేబుల్‌ స్పూన్లు, జీలకర్ర – టీస్పూను, ఉప్పు – రుచికి సరిపడా, అల్లం – అంగుళం ముక్క(తురుముకోవాలి) మజ్జిగ – కప్పు, కొత్తిమీర తరుగు – పావు కప్పు, క్యారట్‌ తురుము – పావు కప్పు.  తయారీ:  ముందుగా జొన్నపిండిని ఒక గిన్నెలో వేసి కొద్దిగా నీళ్లుపోసుకుని ఉండలు లేకుండా గరిటజారుగా కలపి పక్కనపెట్టుకోవాలి  జీలకర్రను దోరగా వేయించి, పొడిచేసి పెట్టుకోవాలి.  స్టవ్‌ మీద రెండు కప్పుల నీళ్లను వేడిచేయాలి. నీళ్లు బాగా మరిగినప్పుడు కలిపి పెట్టుకున్న జొన్నపిండి మిశ్రమాన్ని నీళ్లలో వేసి తిప్పుతూ ఉడికించాలి.  జొన్నపిండి మిశ్రమాన్ని సన్నని మంట మీద బాగా ఉడికిస్తూ..పిండి మిశ్రమం దగ్గర పడుతున్నప్పుడు రుచికి సరిపడా ఉప్పు, జీలకర్ర పొడి, అల్లం తురుము వేసి స్టవ్‌ మీద నుంచి దించేయాలి.  ఈ జావ చల్లారాక మజ్జిగ, కొత్తిమీర తరుగు, క్యారట్‌ తురుము వేసి సర్వ్‌ చేసుకోవాలి. ఈ జావ తాగితే శరీరం చల్లబడడమేగాక, బరువు తగ్గాలనుకునే వారు బరువు కూడా తగ్గుతారు. దీనిలో పుష్కలంగా పోషకాలు, విటమిన్లు రక్తంలోని గ్లూకోజ్‌ స్థాయులను నియంత్రణలో ఉంచుతాయి.  బనాన మాల్ట్‌ కావలసినవి:  ఓట్స్‌ – అరకప్పు, పాలు – మూడు కప్పులు, దాల్చిన చెక్క పొడి – టీస్పూను, అరటి పండు – ఒకటి, తెనే – రెండు టేబుల్‌ స్పూన్లు.  తయారీ: ∙ ముందుగా జావకాచే పాత్రలో ఓట్స్, పాలు వేసి సన్నని మంట మీద ఉడికించాలి. ∙ తిప్పుతూ ఐదు నిమిషాలు ఉడికించిన తరువాత దాల్చిన చెక్కపొడి వేయాలి. మిశ్రమం దగ్గర పడ్డప్పుడు.. చిదుముకున్న అరటి పండు, తెనే వేసి కలిపితే అరటి జావ రెడీ. వేడివేడిగా సర్వ్‌ చేసుకుంటే ఇది చాలా బావుంటుంది.  ∙జావ మరీ మందంగా అనిపిస్తే నీళ్లు కలుపుకోవచ్చు.  బార్లీ  కావలసినవి:  బార్లీ గింజలు – రెండు టేబుల్‌ స్పూన్లు, నీళ్లు – ఐదు కప్పులు, ఉప్పు – చిటికెడు, పంచదార – పావు కప్పు, పాలు – రెండు కప్పులు.  తయారీ:  ముందుగా బార్లీగింజలను దోరగా వేయించి పొడిచేసి పక్కనపెట్టుకోవాలి. మందపాటి పాత్రలో ఐదు కప్పుల నీళ్లుపోసి మరిగించాలి ∙నీళ్లు మరిగేటప్పుడు బార్లీ పొడిని నీటిలో వేసి గరిటజారుడుగా కలుపుకోవాలి ∙ మరుగుతున్న నీటిలో ఈ గరిటజారుడు పిండిని వేసి తిప్పుతూ ఉడికించాలి. ఐదునిమిషాల తరువాత ఉప్పు, పంచదార, పాలు వేసి ఉడికించాలి ∙మిశ్రమం దగ్గరపడిన తరువాత స్టవ్‌మీద నుంచి దించేసి సర్వ్‌చేసుకోవాలి.  ఓట్స్‌ కావలసినవి: ఓట్స్‌ – కప్పున్నర‡ క్యారట్‌ ముక్కలు – అరకప్పు, బంగాళ దుంప ముక్కలు – అరకప్పు, పచ్చిబఠాణి – అరకప్పు, మిరియాల పొడి – పావు టీస్పూను, ఉప్పు – రుచికి సరిపడా  తయారీ: ∙ ముందుగా ఓట్స్‌ను దోరగా వేయించి పక్కన పెట్టుకోవాలి  వేయించిన ఓట్స్‌లో బంగాళ దుంప ముక్కలు, పచ్చిబఠాణి, క్యారట్‌ ముక్కలు రుచికి సరిపడా ఉప్పు,నాలుగు కప్పులు నీళ్లు పోసి సన్నని మంటమీద ఉడికించాలి ∙ ముక్కలన్ని ఉడికి మిశ్రమం దగ్గర పడినప్పుడు ఉప్పు, మిరియాలపొడి వేసి దించేస్తే ఓట్స్‌ జావ రెడీ.  మల్టీగ్రెయిన్‌   కావలసినవి:  మల్టీ గ్రెయిన్స్‌ పొడి – నాలుగు టేబుల్‌ స్పూన్లు( జొన్నలు, సజ్జలు, రాగులు, గోధుమలు, సిరిధాన్యాలు, బాదం పప్పు, అవిసె గింజలను తీసుకుని దోరగా వేయించి పొడి చేసుకోవాలి), బియ్యం – టీస్పూను, ఉప్పు – రుచికి సరిపడా, మజ్జిగ – నాలుగు గ్లాసులు  తయారీ: ∙ గిన్నెలో నాలుగు గ్లాసులు నీళ్లు బియ్యం పోసి మరిగించాలి. ∙నాలుగు టేబుల్‌ స్పూన్ల మల్టీగ్రెయిన్‌ పొడిలో నీళ్లు పోసి ఉండలు లేకుండా కలపి పెట్టుకోవాలి. ∙ నీళ్లు మరిగిన తరువాత కలిపిపెట్టుకున్న మల్టీ గ్రెయిన్‌ పొడి వేయాలి. ∙ ఉడుకుతున్నప్పుడే రుచికి సరిపడా ఉప్పు వేసి కలిపి స్టవ్‌ మీద నుంచి దించేయాలి. ∙చల్లారాక మజ్జిగ వేసి సర్వ్‌ చేసుకోవాలి.  రాగి  కావలసినవి:  రాగి పిండి – మూడు టేబుల్‌ స్పూన్లు, నీళ్లు రెండు కప్పులు, మజ్జిగ – ఒకటిన్నర కప్పులు, ఉల్లిపాయ – ఒకటి (సన్నగా తరగాలి) పచ్చిమిర్చి తరుగు – రెండు టీస్పూన్లు, కొత్తిమీర తరుగు – టేబుల్‌ స్పూను, ఉప్పు – రుచికి సరిపడా, కరివేపాకు – ఒక రెమ్మ.  తయారీ: ∙ రాగిపిండిలో కొద్దిగా నీళ్లుపోసి ఉండలు లేకుండా కలపుకోవాలి ∙స్టవ్‌ మీద గిన్నె పెట్టి కప్పున్నర నీళ్లుపోసి మరిగించాలి ∙ నీళ్లు మరిగేటప్పుడు కలిపి పెట్టుకున్న రాగిపిండి వేసి కలపాలి ఐదు నిమిషాలు ఉడికాక ఉల్లిపాయ ముక్కలు, పచ్చిమిర్చి, కొత్తిమీర తరుగు, రుచికి సరిపడా ఉప్పు, కరివేపాకు వేసి బాగా కలిపి దించేయాలి. ∙ చల్లారకా సర్వ్‌ చేసుకుంటే రాగి జావ ఎంతో రుచిగా ఉంటుంది.  సగ్గుజావ  కావలసినవి: సగ్గుబియ్యం – కప్పు, నీళ్లు – ఆరు కప్పులు, మజ్జిగ – రెండు గ్లాసులు, ఉప్పు – రుచికి సరిపడా.  తయారీ: ∙ ముందుగా సగ్గుబియ్యాన్ని రెండుమూడు సార్లు శుభ్రంగా కడిగి నీటిని వంచేయాలి ∙సగ్గుబియ్యం మునిగే అన్ని నీళ్లుపోసి ఆరుగంటలపాటు నానబెట్టుకోవాలి  జావతయారు చేసుకోవడానికి మందపాటి పాత్ర తీసుకుని ఆరు కప్పుల నీళ్లు పోసి మరిగించాలి.  నీళ్లు మరిగాక నానిన సగ్గుబియ్యాన్ని వడగట్టి వేడినీటిలో వేసి మూతపెట్టకుండా సన్నని మంటమీద ఉడికించుకోవాలి ∙మధ్య మధ్యలో తిప్పుతుండాలి సగ్గుబియ్యం ఉడికిన తరువాత స్టవ్‌ మీద నుంచి దించేసి చల్లారనివ్వాలి. ∙ సగ్గుబియ్యం జావ పూర్తిగా చల్లారిన తరువాతే జావలో మజ్జిగ పోసి కలపాలి.(జావ వేడిగా ఉన్నప్పుడు మజ్జిగ పోస్తే మజ్జిగ విరిగిపోతాయి) ∙మజ్జిగ కలిపాక రుచికి సరిపడా ఉప్పు వేసి సర్వ్‌ చేసుకోవాలి. ∙ ఈ జావ తాగడం వల్ల ఒంట్లోని వేడి మొత్తం వెంటనే తగ్గిపోతుంది  ∙ఉడికించిన సగ్గుబియ్యం మిశ్రమాన్ని రిఫ్రిజిరేటర్‌లో నిల్వచేసుకోని రోజూ కొద్దిగా మజ్జిగలో కలుపుకుని  తాగవచ్చు.  రవ్వ జావ  కావలసినవి:  ఆయిల్‌ – టేబుల్‌ స్పూను, సన్నని గోధుమ రవ్వ – కప్పు, బాదం పాలు – రెండున్నర కప్పులు, యాలకులపొడి – ముప్పావు టీస్పూను, డ్రైఫ్రూట్స్‌ పలుకులు – రెండు టేబుల్‌ స్పూన్లు, పంచదార – పావు కప్పు, కిస్‌మిస్‌లు – టేబుల్‌ స్పూను, పిస్తా, కుంకుమ పువ్వు – గార్నిష్‌కు సరిపడా.   తయారీ:∙ ముందుగా వేడెక్కిన బాణలిలో ఆయిల్‌ వేయాలి. దీనిలో గోధుమ రవ్వ వేసి దోరగా వేయించుకోవాలి. ∙ రవ్వ వేగాక బాదంపాలు, యాలకులపొడి, డ్రైఫ్రూట్స్‌ వేసి ఉడికించాలి  రవ్వ దాదాపు ఉడికిన తరువాత పంచదార వేసి కలిపి, మూతపెట్టి సన్నని మంట మీద పదినిమిషాలు ఉడికించాలి. ∙ పదినిమిషాల తరువాత ఉడికిన మిశ్రమంపై పిస్తా, కుంకుమ పువ్వు చల్లుకుని సర్వ్‌చేసుకోవాలి.   

Muskmelon Juice Recipe- Health Benefits In Telugu: వేసవిలో విరివిగా దొరికే పండ్లలో కర్బూజ ఒకటి. దోసజాతికి చెందిన ఈ పండును ఈ సీజన్‌లో తింటే చలవచేస్తుంది అంటారు. సహజంగా ఇది మరీ అంతగా తియ్యగా ఉండదు. కాబట్టి కాస్త పంచదార వేసి జ్యూస్‌ రూపంలో తీసుకుంటే రుచిగా ఉంటుంది. అంతేకాదు ఇందులో ఆరోగ్యానికి మేలు చేసే కారకాలు ఉన్నందున వీలు చిక్కినప్పుడల్లా తీసుకోవడం మంచిది. కర్బూజా జ్యూస్‌ తయారీ ►అరకేజీ మస్క్‌మిలాన్‌ (కర్బూజ) ముక్కలను మిక్సీజార్‌ లో వేసుకోవాలి. ►దీనిలో రెండు అంగుళాల అల్లం ముక్కను తురుముకుని వేయాలి. ►రుచికి సరిపడా పంచదార, చిటికెడు ఉప్పు, టీస్పూను మిరియాల పొడి వేసి మెత్తగా గ్రైండ్‌ చేయాలి. ►గ్రైండ్‌ చేసిన మిశ్రమాన్ని ఒక గ్లాసులో తీసుకుని నిమ్మరసం, ఐస్‌ ముక్కలు వేసి కలిపి సర్వ్‌ చేసుకోవాలి.  ఆరోగ్య ప్రయోజనాలు ►మస్క్‌మిలన్‌లో పొటాషియం పుష్కలంగా ఉంటుంది. ►రక్త పీడనం ఎక్కువగా ఉన్న వారు ఈ జ్యూస్‌ తాగడం వల్ల పొటాషియం స్థాయులు రక్తపీడనాన్ని క్రమబద్ధీకరించి, బీపీని నియంత్రణలో ఉంచుతాయి.  ►జ్యూస్‌లో ఉన్న విటమిన్‌ ఏ, బీటా కెరోటిన్‌లు కంటిలో శుక్లం ఏర్పడకుండా నిరోధిస్తాయి.  ►దీనిలోని పోషకాలతో కూడిన కార్బోహైడ్రేట్స్‌ బరువుని నియంత్రణలో ఉంచుతాయి.   ►ఆకలి లేమితో బాధపడేవారికి ఇది స్వాభావికమైన ఔషధంగా పనిచేస్తుంది. ఆకలిని పుట్టిస్తుంది. ► అసిడిటీని , అల్సర్‌ వంటి సమస్యలను దూరం చేస్తుంది. ► ఇందులో విటమిన్‌ సి పుష్కలం. వ్యాధినిరోధకతను సమకూరుస్తుంది. ► కర్బూజలో ఐరన్‌ పాళ్లు ఎక్కువ. రక్తహీనత సమస్య ఉన్నవాళ్లు దీనిని తీసుకోవడం మేలు. చదవండి: Pineapple Cake: ఈ పదార్థాలు ఉంటే చాలు.. పైనాపిల్‌ కేక్‌ రెడీ!

మహారాష్ట్ర, గుజరాత్‌ ప్రాంతాల్లో వేసవిలో ‘పీయూష్‌’ అనే పానీయాన్ని విరివిగా తాగుతారు. దాదాపు దీని తయారీ లస్సీ మాదిరిగానే ఉంటుంది. బాగా చిలికిన పెరుగులో పంచదారతో పాటు శ్రీఖండ్‌ అనే సంప్రదాయ మిఠాయిని, జాజికాయ పొడి, ఏలకుల పొడి వంటివి చేర్చడం వల్ల దీనికొక విలక్షణమైన రుచి ఏర్పడుతుంది. ‘పీయూషం’ అంటే అమృతం అనే అర్థం ఉంది. ‘పీయూష్‌’ పానీయం అమృతసమానంగా ఉంటుందని మరాఠీ, గుజరాతీ ప్రజలు చెబుతారు. చదవండి: Health Tips: ఇవి తింటే బీపీ అదుపులో ఉంటుంది! ఉత్తరాది రాష్ట్రాల్లో జల్‌జీరా, ఆమ్‌ కా పన్నా, ఖస్‌ఖస్, రూహ్‌ అఫ్జా వంటి సంప్రదాయ పానీయాలను వేసవిలో విరివిగా వినియోగిస్తారు. జీలకర్ర, మిరియాలు వంటివి కలిపి తయారుచేసే జల్‌జీరాను సాధారణంగా భోజనానికి ముందు సేవిస్తారు. దీనివల్ల అలసట తీరి, ఆకలి పుడుతుందని, జీర్ణశక్తి మెరుగుపడుతుందని చెబుతారు. పచ్చి మామిడికాయలతో తయారుచేసే ఆమ్‌ కా పన్నా, వట్టివేళ్లు, గసగసాలు కలిపి తయారుచేసే ఖస్‌ఖస్‌ పానీయాలను కొన్ని ప్రాంతాల్లో ఇష్టంగా సేవిస్తారు. గులాబీరేకుల కషాయానికి చక్కెర పాకాన్ని జోడించి తయారు చేసే ‘రూహ్‌ అఫ్జా’తో నేరుగా షర్బత్‌ తయారు చేసుకోవడమే కాకుండా, దీనిని లస్సీ, మిల్క్‌షేక్, ఐస్‌క్రీమ్‌ల వంటి వాటిలోనూ అదనపు రుచికోసం ఉపయోగిస్తారు. ఘజియాబాద్‌కు చెందిన హఫీజ్‌ అబ్దుల్‌ మజీద్‌ అనే యునాని వైద్యుడు శతాబ్ది కిందట రూపొందించిన ‘రూఫ్‌ అఫ్జా’ భారత ఉపఖండమంతటా విరివిగా వినియోగంలో ఉంది. కొన్ని ప్రాంతాల్లో చందనం పొడి, కుంకుమపువ్వు, పంచదార, నిమ్మరసం కలిపి తయారు చేసే చందన షర్బత్‌ను కూడా వేసవి పానీయంగా సేవిస్తారు. ఇవన్నీ ఆరోగ్యానికి ఎలాంటి ఇబ్బంది కలిగించకుండా, వేసవితాపాన్ని తీర్చడంలో బాగా దోహదపడతాయి. ఈ వేసవిలో మీరూ వీటి రుచులను ఆస్వాదించండి.

సుర్రుమనే ఎండల ధాటిని తలచుకుంటేనే ఒళ్లంతా చెమటలు పట్టేస్తుంది కదూ! మరీ అంత ఆందోళన చెందాల్సిన అవసరం లేదు. ఈ వేసవిని గట్టెక్కేయడానికి చల్లచల్లని సుగంధ షర్బత్‌ వంటి సంప్రదాయ రుచులను ప్రయత్నించండి. వేసవిలో ఆరోగ్యానికి ఢోకా లేకుండానే ఆనందాన్ని, ఆహ్లాదాన్ని సొంతం చేసుకోండి.  సుగంధ షర్బత్‌ను నన్నారి షర్బత్‌ అని కూడా అంటారు. సుగంధిపాల చెట్టు వేళ్లను కత్తిరించి, వాటిని బాగా ఎండబెట్టిన తర్వాత కషాయం చేస్తారు. ఆ కషాయానికి పంచదార చేర్చి, సిరప్‌లాంటి పాకాన్ని తయారు చేస్తారు. ఈ సిరప్‌తో సోడాను కలిపి తయారు చేసే షర్బత్‌ రాయలసీమ ప్రత్యేక పానీయం. ఇటీవలికాలంలో ఇది ఇతర ప్రాంతాలకు విస్తరించినా, నన్నారి షర్బత్‌ తయారీలో రాయలసీమవాసుల నైపుణ్యమే వేరు. సుగంధపాల చెట్టు వేళ్లను ఆయుర్వేద చికిత్సల్లో ఉపయోగిస్తారు. వేసవితాపాన్ని తగ్గించడంలోను, చర్మ ఆరోగ్యాన్ని కాపాడటంలో సుగంధ కషాయం అద్భుతంగా పనిచేస్తుందని చెబుతారు.  చదవండి: చద్దన్నం ప్రయోజనాలు ఇవే.. రోజూ తిన్నారంటే..

Coconut Water Benefit In Summer: వేసవిలో అత్యద్భుతమైన సహజ పానీయం కొబ్బరినీరు. దీనికోసం ప్రత్యేకించి ఎలాంటి తంటాలు పడనక్కర్లేదు. కొబ్బరిబోండాన్ని కొట్టి నేరుగా లోపలి నీరు తాగేయడమే. కొబ్బరినీటిలో పోషకాలు పుష్కలంగా ఉంటాయి. ఇందులోని విటమిన్లు, ఖనిజాలు శరీరానికి శక్తినిస్తాయి. కొబ్బరిని పండించే ప్రతి దేశంలోనూ ప్రజలు కొబ్బరినీటిని ఇష్టంగా తాగుతారు. ముఖ్యంగా సముద్రతీర ప్రాంతాల్లో కొబ్బరినీటి వినియోగం ఎక్కువ. దాదాపు నాలుగైదు దశాబ్దాల కిందట కాంబోడియాలో కొబ్బరినీటిని రోగులకు సెలైన్‌గా కూడా ఇచ్చేవారు. వేసవితాపం నుంచి కొబ్బరినీరు తక్షణ ఉపశమనం కలిగిస్తుంది. వేసవిలో విజృంభించే కామెర్లు, అతిసార వంటి రోగాలతో బాధపడేవారికి కొబ్బరినీరు చాలా సురక్షితమైన పానీయం.   చదవండి: Ambali Health Benefits: అంబలి తాగుతున్నారా.. స్థూలకాయం, మధుమేహం.. ఇంకా

వేసవిలో మరో అద్భుతమైన ఆహారం అంబలి. సాధారణంగా రాగిపిండితో అంబలిని తయారు చేస్తారు. ఒక్కోసారి ఇతర తృణధాన్యాల పిండిని కూడా వాడతారు. రాగిపిండితో జారుగా తయారు చేసుకునే జావను అంబలి అని, రాగిజావ అని రాగిమాల్ట్‌ అని రకరకాల పేర్లతో పిలుస్తారు. అంబలిలో మజ్జిగ కలుపుకొని తీసుకుంటే, వేసవి తీవ్రతను తట్టుకునే శక్తి వస్తుంది. అంబలి సర్వకాలాల్లోనూ తీసుకోదగినదే అయినా, వేసవిలో దీనిని తీసుకోవడం ఆరోగ్యరీత్యా చాలా అవసరం. బరువు తగ్గాలనుకునేవారు కాలాలతో నిమిత్తం లేకుండా, ప్రతిరోజూ అంబలి తీసుకోవచ్చు. అంబలి తీసుకుంటే త్వరగా ఆకలి కాకుండా ఉంటుంది. ఇందులో పోషకాలు పుష్కలంగా ఉండటమే కాకుండా, కేలరీలు తక్కువగా ఉంటాయి. అందువల్ల స్థూలకాయానికి, దానివల్ల తలెత్తే మధుమేహం వంటి ఇతర ఆరోగ్య సమస్యలకు అంబలి చక్కని విరుగుడు. చద్దన్నం మాదిరిగానే అంబలి వినియోగం కూడా కొంతకాలం వెనుకబడినా, ఇటీవలి కాలంలో దీని వినియోగం బాగా పెరిగింది.   చదవండి: Sugarcane Juice Health Benefits: చెరకురసం తీసేప్పుడు అల్లం, నిమ్మకాయ, పుదీనా కూడా కలిపి నలగ్గొడుతున్నారా.. అయితే

Bellam Panakam: సంప్రదాయ వేసవి పానీయాల్లో పానకానిది ప్రత్యేక స్థానం. ఇది అచ్చమైన తెలుగు పానీయం. బెల్లంతో తయారు చేసే పానకాన్ని పూజల్లో నైవేద్యంగా కూడా పెడతారు. ముఖ్యంగా వేసవి ప్రారంభంలో వచ్చే శ్రీరామనవమి రోజున రాములవారికి వడపప్పు, పానకం నైవేద్యంగా సమర్పించడం ఆనవాయితీ. ఇక బెల్లం పానకంలో ఏలకులు, మిరియాలు, అల్లం వంటివి చేర్చడం వల్ల పానకానికి అదనపు రుచి వస్తుంది. వేసవితాపం నుంచి ఉపశమనం కలిగించే పానకం జీర్ణశక్తిని మెరుగుపరుస్తుంది. తెలుగువారి పానకం మాదిరిగానే ఒడియా ప్రజలు ‘పొణా’ అనే పానీయాన్ని తయారు చేస్తారు. ఒడియా ప్రజల నూతన సంవత్సరం మేష సంక్రాంతి రోజున వస్తుంది. ఆ రోజున వీధి వీధినా చలివేంద్రాలను ఏర్పాటు చేసి, జనాలకు ఉచితంగా ‘పొణా’ను పంచిపెడతారు. అందువల్ల ఈ పండుగను ‘పొణా సంక్రాంతి’ అని కూడా అంటారు. ‘పొణా’ తయారీలో ప్రధానంగా నవాతుబెల్లాన్ని ఉపయోగిస్తారు.‘పొణా’లో పచ్చిమామిడి ముక్కలు, కొబ్బరికోరు, అరటిపండు ముక్కలు, జీడిపప్పు, కిస్మిస్‌ వంటివి కూడా చేరుస్తారు. ‘పొణా’ సేవనంతోనే ఒడియా ప్రజలు వేసవికి స్వాగతం పలుకుతారు.  చదవండి: Bad Habits: వాష్‌రూమ్‌ వాడి సరిగ్గా నీళ్లు కొట్టరు.. ఎలా చెప్తే మారతారు మగాళ్లు?


 కీరా షర్‌బత్
 కావలసినవి: కీరా రసం- అరగ్లాస్; మంచి నీళ్లు - ఒక గ్లాస్; నిమ్మకాయ - ఒకటి; చక్కెర - తగినంత; ఉప్పు - చిటికెడు; మిరియాల పొడి - చిటికెడు
 తయారి: మంచినీటిలో కీరా రసం కలిపిన తర్వాత నిమ్మ కాయ రసం పిండాలి. దానిలో చక్కెర, ఉప్పు, మిరియాలపొడి బాగా కరిగే వరకు కలుపు కోవాలి. పైనుంచి సన్నగా తరిగిన పుదీనా ఆకులను వేసుకోవాలి.
  
 ఆపిల్ సినమిన్ జ్యూస్
 పీచు పదార్థాలు, ఐరన్, కాల్షియం సుగుణాలు దాల్చినచెక్కలో ఉండే యాంటీ ఆక్సిడెంట్లు ఆపిల్‌లో సమృద్ధిగా లభిస్తాయి. వీటితో తయారు చేసిన జ్యూస్‌ని తీసుకుంటే ఆరోగ్యం పదిలంగా ఉంటుంది.
  
 కావల్సినవి:
 వెన్న తీసిన పాలు - ఒక కప్పు
 మీగడ తీసిన తాజా పెరుగు - ఒక కప్పు
 యాపిల్ (చిన్నసైజు) - ఒకటి
 దాల్చినచెక్క పొడి - చిటికెడు
 తయారి: యాపిల్ శుభ్రపరిచి పీల్ చేయాలి. చిన్న ముక్కలుగా కట్ చేసుకుని, దీనికి మిగతా పదార్థాలన్నీ కలిపి మెత్తగా అయ్యేలా బ్లెండ్‌చేసి ఫ్రిజ్‌లో వుంచాలి. చల్ల చల్లని సినమిన్ స్మూతి రుచిని ఆస్వాదించండి.


 ఎండలు మండిపోతున్నాయి. దాహంతో నోళ్లు పిడచకట్టుకపోతున్నాయి. కానీ వేడికి భయపడి ఇంట్లో కూర్చోగలమా? ఏ పనీ చేయకుండా ఉండిపోగలమా? వీల్లేదు కదా! అందుకే ఒక పని చేయండి. ఇక్కడ మేం మీకోసం ఇచ్చిన సమ్మర్ డ్రింక్స్‌ను సేవించండి. ఎండను చితకబాదేయండి!
  
 రాగి-ఆల్మండ్ షేక్
 కావలసినవి: రాగిపిండి - 4 చెంచాలు, పాలు - 1 కప్పు, బాదంపప్పు - అరకప్పు, చక్కెర - పావుకప్పు, లవంగాల పొడి - చిటికెడు
  
 తయారీ: రాగిపిండిని అరకప్పు నీళ్లలో కలిపి స్టౌమీద పెట్టాలి. కొంచెం మరిగే వరకూ ఉంచి దించేయాలి. పాలను కాచి చల్లార్చాలి. బాదంపప్పును కాసేపు నీటిలో నానబెట్టి, తొక్క ఒలిచెయ్యాలి. ఇప్పుడు వీటన్నిటితో పాటు చక్కెరను కూడా కలిపి మిక్సీలో బాగా బ్లెండ్ చేయాలి. చివరగా గ్లాసుల్లో పోసి, లవంగాల పొడి చల్లి దించేయాలి. దీన్ని ఫ్రిజ్‌లో పెట్టి, చల్లగా అయ్యాక తరిగిన బాదం పప్పులను పైన చల్లి సర్వ్ చేయాలి.
  
 కుకుంబర్ కూలర్
 కావలసినవి: కీరా దోసకాయ - 1, నీళ్లు - ఒకటిన్నర కప్పు, చక్కెర - నాలుగైదు చెంచాలు, ఉప్పు - చిటికెడు, మిరియాల పొడి - అర చెంచా, పుదీనా రసం - అర చెంచా, ఐస్ క్యూబ్స్ - కాలసినన్ని
  
 తయారీ: కీరా దోసకాయ చెక్కు తీసేసి, ముక్కలుగా కోసుకోవాలి. ఈ ముక్కలు, చక్కెర, ఉప్పు, పుదీనా రసం, ఐస్‌క్యూబ్స్ కలిపి మిక్సీలో వేసి బ్లెండ్ చేయాలి. తర్వాత నీళ్లు పోసి మళ్లీ బ్లెండ్ చేయాలి. దీన్ని గ్లాసుల్లో పోసి నిమ్మరసం పిండాలి. చివరగా మిరియాల పొడి చల్లి సర్వ్ చేయాలి.
  
 వాటర్‌మెలన్ మార్గరీటా
 కావలసినవి: పుచ్చకాయ ముక్కలు - 2 కప్పులు, నీళ్లు - 1 కప్పు, చక్కెర - పావుకప్పు, సోడా - 1 గ్లాసు, మిరియాల పొడి - 1 చెంచా, ఐస్ క్యూబ్స్ - కావలసినన్ని
  
 తయారీ: పుచ్చకాయ ముక్కల్లో గింజలు లేకుండా చూసుకోవాలి. వీటిని చక్కెరతో కలిపి మిక్సీలో వేసి మెత్తగా చేయాలి. తర్వాత నీళ్లు, ఐస్ క్యూబ్స్ వేసి మరోసారి బాగా బ్లెండ్ చేయాలి. తర్వాత గ్లాసుల్లో సగం వరకూ పోయాలి. మిగతా సగం సోడా వేసి సర్వ్ చేయాలి. ఇష్టం ఉంటే కొద్దిగా నిమ్మరసం వేసుకోవచ్చు.
  
 కోకోనట్ కూలర్
 కావలసినవి:  కొబ్బరిపాలు - 1 గ్లాసు, నీళ్లు - 1 గ్లాసు, చక్కెర - పావుకప్పు, పైనాపిల్ ముక్కలు - పావుకప్పు, దాల్చినచెక్క పొడి - చిటికెడు, ఐస్‌క్యూబ్స్ - కావలసినన్ని
  
 తయారీ: కొబ్బరిపాలు, నీళ్లు, చక్కెర మిక్సీలో వేసి బాగా బ్లెండ్ చేయాలి. పైనాపిల్ ముక్కలను ఓ గిన్నెలో వేసి, కొద్దిగా నీళ్లు పోసి స్టౌ మీద పెట్టాలి. బాగా ఉడికిపోయి నీళ్లు రంగు మారిపోయిన తర్వాత ముక్కల్ని తీసి పారేయాలి. మిగిలిన నీటిని చిక్కగా అయ్యేవరకూ మరిగించాలి. తర్వాత దించి చల్లార్చాలి. ఈ జ్యూస్‌ని కొబ్బరిపాల మిశ్రమంలో కలిపి, ఐస్‌ముక్కలు కూడా వేసి మిక్సీలో బాగా బ్లెండ్ చేయాలి. చివరగా దాల్చినచెక్క పొడి కలిపి సర్వ్ చేయాలి. సర్వ్ చేసేటప్పుడు బాగా సన్నగా  తరిగిన కొబ్బరి ముక్కలు, పైనాపిల్ ముక్కలు కూడా వేస్తే బాగుంటుంది.
  
 క్యారెట్ డిలైట్
 కావలసినవి: క్యారెట్లు - 2, పాలు - 1 కప్పు, నీళ్లు - అరకప్పు, చక్కెర - 4 చెంచాలు, క్రీమ్ - 2 చెంచాలు
 
 తయారీ: క్యారెట్ల పై చెక్కు తీసేయాలి. తర్వాత ముక్కలుగా కోసి, నీళ్లతో కలిపి బ్లెండ్ చేయాలి. మెత్తగా అయ్యిన తర్వాత చక్కెర, పాలు కూడా వేసి బాగా మిక్సీ పట్టాలి. తర్వాత తీసి ఫ్రిజ్‌లో పెట్టేయాలి. చల్లగా అయ్యిన తర్వాత క్రీమ్‌ను కలిపి, గ్లాసుల్లో పోసి సర్వ్ చేయాలి.
  
 స్పైసీ లస్సీ
 కావలసినవి: మజ్జిగ - 2 గ్లాసులు, సన్నగా తరిగిన పుదీనా - 2 చెంచాలు, సన్నగా తరిగిన కరివేపాకు - 1 చెంచా, సన్నగా తరిగిన కొత్తిమీర - 1 చెంచా, లవంగాల పొడి - చిటికెడు, మిరియాల పొడి - చిటికెడు, దాల్చినచెక్క పొడి - చిటికెడు, ఉప్పు - తగినంత
  
 తయారీ: ఓ గిన్నెలో మజ్జిగ, పుదీనా, కరివేపాకు, కొత్తిమీర, ఉప్పు వేసి కలపాలి. దీన్ని ఓసారి మిక్సీలో వేసి బాగా బ్లెండ్ చేయాలి. తర్వాత లవంగాల పొడి, మిరియాల పొడి వేసి కలపాలి. ఆపైన ఫ్రిజ్‌లో పెట్టి, చివరగా గ్లాసుల్లో పోసి, పైన పుదీనా ఆకులు వేసి సర్వ్ చేయాలి.
  
 షికంజీ
 కావలసినవి: నీళ్లు - 2 కప్పులు, నిమ్మరసం - 2 చెంచాలు, చక్కెర - 3 చెంచాలు, జీలకర్ర పొడి - 1 చెంచా, నల్ల ఉప్పు - అర చెంచా, మిరియాల పొడి - చిటికెడు, ఐస్‌క్యూబ్స్ - కావలసినన్ని, పుదీనా ఆకులు - కొద్దిగా
  
 తయారీ: ఓ బౌల్‌లో నీళ్లు తీసుకుని, అందులో నిమ్మరసం, చక్కెర, నల్ల ఉప్పు, జీలకర్ర పొడి, మిరియాల పొడి వేసి బాగా కలపాలి. చక్కెర కరిగిపోయేంత వరకూ కలపాలి. తర్వాత ఐస్‌క్యూబ్స్‌తో పాటు మిక్సీలో వేసి ఓసారి బ్లెండ్ చేయాలి. తర్వాత గ్లాసుల్లో పోసి, పుదీనా వేసి సర్వ్ చేయాలి.
  
 సబ్జా లెమనేడ్
 కావలసినవి: సబ్జా గింజలు - పావుకప్పు, నీళ్లు - 1 గ్లాసు,  చక్కెర - 4 చెంచాలు, నిమ్మకాయ - 1, మిరియాల పొడి - చిటికెడు, ఉప్పు - తగినంత
  
 తయారీ: ముందుగా ఓ గిన్నెలో నీళ్లు, సబ్జా గింజలు వేసి స్టౌ మీద పెట్టాలి. నీళ్లు మరుగుతుండగా చక్కెర వేయాలి. గింజలు ఉడికిపోయి, ట్రాన్స్‌పరెంట్‌గా అయ్యాక దించేసి చల్లారబెట్టాలి. దీనిలో నిమ్మరసం పిండి, మిరియాల పొడి, ఉప్పు చల్లి ఫ్రిజ్‌లో పెట్టాలి. చల్లబడిన తర్వాత సర్వ్ చేయాలి.