పెన్షన్‌ సదుపాయంతో కూడిన మ్యూచువల్‌ ఫండ్స్‌ పథకాలు, డెట్‌ ఫండ్స్‌ విషయంలో పన్ను ప్రయోజనాలు కలి్పంచాలంటూ మ్యూచువల్‌ ఫండ్స్‌ సంస్థల అసోసియేషన్‌ (యాంఫి) కేంద్ర ఆర్థిక మంత్రిని కోరింది. బడ్జెట్‌కు ముందు తమ డిమాండ్లను ఆర్థిక మంత్రికి దృష్టికి తీసుకెళ్లింది. జాతీయ పింఛను పథకం(ఎన్‌పీఎస్‌)లో పెట్టుబడులకు సెక్షన్‌ 80సీసీడీ కింద కలి్పస్తున్న పన్ను మినహాయింపును పెన్షన్‌ ప్రయోజనంతో కూడిన మ్యూచువల్‌ ఫండ్స్‌ (మ్యూచువల్‌ ఫండ్స్‌ లింక్డ్‌ రిటైర్మెంట్‌ స్కీమ్స్‌)కు సైతం అమలు చేయాలని కోరింది. అలాగే, డెట్‌ మ్యూచువల్‌ ఫండ్స్‌లో మూడేళ్లు, అంతకుమించిన పెట్టుబడులను ఉపసంహరించుకున్నప్పుడు.. వచి్చన లాభంపై డిబెంచర్లకు మాదిరే ఫ్లాట్‌ 10% పన్నును, ద్రవ్యోల్బణం మినహాయింపు ప్రయోజనం లేకుండా అమలు చేయాలని విజ్ఞప్తి చేసింది. ఈక్విటీల్లో 35% వరకు పెట్టుబడులు పెట్టే డెట్‌ ఫండ్స్‌కు గతేడాది విధించిన స్వల్పకాల మూలధన లాభాల పన్నును తిరిగి పరిశీలించాలని కోరింది. బాండ్లలో పెట్టుబడులకు ప్రోత్సాహం డెట్‌ ఫండ్స్‌ ద్వారా బాండ్లలో పెట్టుబడులకు రిటైల్‌ ఇన్వెస్టర్లను ప్రోత్సహించాలని కూడా ఆర్థిక మంత్రిని యాంఫి కోరింది. డిబెంచర్లు, ప్రభుత్వ సెక్యూరిటీలకు మాదిరే పన్ను రేట్లు అమలు చేయాలని, ఇందుకు ఫైనాన్స్‌ యాక్ట్, 2023లోని సెక్షన్‌ 50ఏఏను సవరించాలని వినతిపత్రంలో పేర్కొంది. స్టార్టప్‌లపై ఏంజెల్‌ ట్యాక్స్‌ ఎత్తేయాలి.. స్టార్టప్‌లపై ఏంజెల్‌ ట్యాక్స్‌ ఎత్తివేయాలంటూ పరిశ్రమలు, వాణిజ్య ప్రోత్సాహక విభాగం (డీపీఐఐటీ) కేంద్ర ఆర్థిక శాఖకు సూచించింది. స్టాక్‌ ఎక్సే్ఛంజ్‌లలో లిస్ట్‌ కాని స్టార్టప్‌లు జారీ చేసే షేర్ల విలువ మదింపునకు గాను డీపీఐఐటీ గతేడాది సెప్టెంబర్‌లో కొత్త నిబంధనలు తీసుకొచి్చంది. పారదర్శక మార్కెట్‌ విలువ కంటే అధిక ధరపై షేర్లు జారీ చేసే స్టార్టప్‌లు ఈ పన్ను చెల్లించాల్సి ఉంటుంది. దీన్ని తొలగిస్తే స్టార్టప్‌లను ప్రోత్సహించినట్టు అవుతుంది. – సాక్షి, బిజినెస్‌ డెస్క్‌

ఎన్‌పీఎస్‌ టైర్‌1 ఖాతాదారులకు అదనంగా రూ.50,000 పెట్టుబడి మొత్తంపై పన్ను ఆదా ఉందని తెలిసింది. నూతన పన్ను విధానంలోనూ దీన్ని వినియోగించుకోవచ్చా?      – జయంతి రామన్‌  నూతన పన్ను విధానం కింద, ఎన్‌పీఎస్‌ టైర్‌1 ఖాతాలో ఇన్వెస్ట్‌ చేస్తున్నట్టు అయితే, మీరు అదనంగా రూ.50,000 మొత్తంపై పన్ను ఆదా చేసుకునేందుకు అవకాశం లేదు. పాత పన్ను విధానంలో ఉన్న వారే రూ.50,000 మొత్తంపై అదనపు పన్ను ప్రయోజనాన్ని క్లెయిమ్‌ చేసుకోగలరు. కాకపోతే మీరు పనిచేసే సంస్థలో మీ తరఫున యాజమాన్యం ఎన్‌పీఎస్‌ ఖాతాకు జమ చేస్తున్నట్టు అయితే అప్పుడు అదనపు క్లెయిమ్‌కు అవకాశం ఉంది. మీ మూల వేతనం, డీఏలో గరిష్టంగా 10% మేర పన్ను మినహాయింపును పొందొచ్చు. ఒకవేళ మీరు ప్రభుత్వ ఉద్యోగి అయితే మూలవేతనం, డీఏలో 14% పన్ను మినహాయింపు క్లెయిమ్‌ చేసుకోవచ్చు.   నా వద్ద 2016–17 సంవత్సరానికి సంబంధించి 20 యూనిట్ల సావరీన్‌ గోల్డ్‌ బాండ్లు (ఎస్‌జీబీలు) ఉన్నాయి. 2024 నవంబర్‌ 17తో వీటి గడువు ముగిసిపోతుంది. నగదు బదులు 20 గ్రాముల బంగారం తీసుకోవచ్చా?     – వసంత పరిమి   సావరీన్‌ గోల్డ్‌ బాండ్లలో పెట్టుబడుల కాల వ్యవధి ముగిసిన సమయంలో భౌతిక బంగారాన్ని క్లెయిమ్‌ చేసుకునేందుకు అవకాశం లేదు. భౌతిక బంగారాన్ని కలిగి ఉండడానికి ప్రత్యామ్నాయంగా తీసుకొచ్చిన సాధనం ఎస్‌జీబీ. ఎస్‌జీబీ కాల వ్యవధి ఎనిమిదేళ్లు. ఐదేళ్ల పాటు పెట్టుబడులకు లాకిన్‌ ఉంటుంది. ఐదేళ్లు ముగిసిన తర్వాత ఉపసంహరించుకునేందుకు అవకాశం ఉంది. లాభంపై పన్ను మినహాయింపు కోరుకునే వారు ఎనిమిదేళ్ల పాటు కొనసాగించాల్సి ఉంటుంది. మెచ్యూరిటీ ముగిసే తేదీకి మూడు రోజుల ముందు  24 క్యారట్ల బంగారం సగటు ధర ఆధారంగా చెల్లింపులు చేస్తారు. ఇన్వెస్టర్‌ ఎస్‌జీబీ కొనుగోలు సమయంలో ఇచ్చిన బ్యాంక్‌ ఖాతాతోనే గడువు అనంతరం మెచ్యూరిటీ మొత్తం జమ అవుతుంది.   పన్ను ఆదా ప్రయోజనంతో కూడిన ఈఎల్‌ఎస్‌ఎస్‌ పథకంలో నాకు పెట్టుబడులు ఉన్నాయి. వీటిని అదే అస్సెట్‌ మేనేజ్‌మెంట్‌ నిర్వహించే పన్ను ఆదా ప్రయోజం లేని ఇతర ఈక్విటీ పథకంలోకి మార్చుకోవచ్చా?     – రవి గుప్తా  ఇందుకు అవకాశం లేదు. ఈక్విటీ లింక్డ్‌ సేవింగ్స్‌ స్కీమ్‌ (ఈఎల్‌ఎస్‌ఎస్‌) పెట్టుబడులకు మూడేళ్ల లాకిన్‌ పీరియడ్‌ ఉంటుంది. కనుక ఈ మూడేళ్ల లాకిన్‌ పూర్తయిన తర్వాతే సదరు ఈఎల్‌ఎస్‌ఎస్‌ ఫండ్‌లోని పెట్టుబడులను ఇతర పథకంలోకి మార్చుకునేందుకు వీలుంటుంది. ఒక పథకం నుంచి మరో పథకంలోకి పెట్టుబడులు మళ్లించుకోవడాన్ని స్విచింగ్‌గా పిలుస్తారు. అన్ని మ్యూచువల్‌ ఫండ్స్‌ సంస్థలు దీన్ని ఆఫర్‌ చేస్తున్నాయి. అదే ఏఎంసీకి చెందిన రెండు పథకాల మధ్య పెట్టుబడులను స్విచింగ్‌ చేసుకోవచ్చు. బ్యాంక్‌ ఖాతాలోకి పంపించుకుని, ఇన్వెస్ట్‌ చేయాల్సిన అవసరం ఇక్కడ ఏర్పడదు. ఈఎల్‌ఎస్‌ఎస్‌ ఫండ్స్‌ గడువులోపు (మూడేళ్లు) స్విచింగ్‌ను అనుమతించడం లేదు. ఒకవేళ ఇన్వెస్టర్‌ మరణించిన సందర్భంలో.. సంబంధిత పెట్టుబడికి కనీసం ఏడాది ముగిసిన తర్వాతే నామినీ ఉపసంహరించుకోవడానికి అనుమతి ఉంటుంది. - సమాధానాలు - ధీరేంద్ర కుమార్‌, సీఈవో, వ్యాల్యూ రీసెర్చ్‌ 

ఆదాయపన్ను చట్టంలో పన్ను ఆదాకు ఎన్నో మార్గాలున్నాయి. వీటిని పూర్తిగా వినియోగించుకుంటే ఎంతో ఆదా చేసుకోవచ్చు. అందుకు గతం నుంచి ఉన్న పాత విధానంలోనే కొనసాగాల్సి ఉంటుంది. ఎన్నో సాధనాల్లో పెట్టుబడులు పెట్టాలి. అప్పుడే పన్ను ఆదా ప్రయోజనాలను గరిష్ట పరిమితి మేరకు పొందగలరు. అందరికీ అన్ని సాధనాలు అనుకూలమని చెప్పలేం. వీటిల్లో పెట్టుబడులకు నిరీ్ణత కాలం పాటు లాకిన్‌ ఉంటుంది. కొన్నింటితోపాటు రిస్‌్కను కూడా ఆహా్వనించాల్సి వస్తుంది. తమ లక్ష్యాలు, రాబడి ఆకాంక్షలకు అనుగుణంగా వీటిని ఎంపిక చేసుకోవాలి. ► రాబడులు 5–6 శాతం ► లాకిన్‌ పీరియడ్‌: ఐదేళ్లు జీవిత బీమా పాలసీలు పన్ను ఆదా కోసం తీసుకునేవి కావు. జీవితంలో అన్ని ఆరి్థక లక్ష్యాలకు రక్షణ కలి్పంచే సాధనం జీవిత బీమా. ఆరోగ్య బీమాని సైతం ఆరోగ్య విపత్తుల నుంచి రక్షించే సాధనంగానే చూడాలి. ఆర్జించే వ్యక్తి దురదృష్ట వశాత్తూ మరణిస్తే, బీమా పరిహారం రూపంలో వచ్చే మొత్తం సదరు కుటుంబాన్ని ఆదుకునే విధంగా ఉండాలి. కనుక బీమా పాలసీలను ఎప్పుడూ రక్షణ కోణంలోనే చూసి తీసుకోవాలి. పొదుపుతో సంబంధం లేని, టర్మ్‌ ప్లాన్లు మెరుగైనవి. టర్మ్‌ ప్లాన్‌కు చెల్లించే ప్రీమియాన్ని సెక్షన్‌ 80సీ కింద చూపించుకుని పన్ను ఆదా చేసుకోవచ్చు. ఆరోగ్య బీమాకు చెల్లించే ప్రీమియం 60 ఏళ్లలోపు వారు అయితే సెక్షన్‌ 80డీ కింద గరిష్టంగా రూ.25,000 మొత్తంపై పన్ను మినహాయింపును పొందొచ్చు. 60 ఏళ్లు నిండిన వారికి అయితే ఈ పరిమితి రూ.50,000గా ఉంది. 30 ఏళ్ల వ్యక్తి రూ.కోటి బీమాతో టర్మ్‌ ప్లాన్‌ తీసుకుంటే ఏటా రూ.12,000–14,000 ప్రీమియం కింద చెల్లించాలి. అదే వ్యక్తి రూ.50 లక్షల ఎండోమెంట్‌ ప్లాన్‌ తీసుకుంటే ఏటా రూ.5 లక్షలు ప్రీమియం చెల్లించాల్సి ఉంటుంది. జీవిత బీమా పాలసీలలో మరణించిన సందర్భాల్లో వచ్చే పరిహారం, కాలవ్యవధి ముగిసే వరకు జీవించి ఉంటే వచ్చే మెచ్యూరిటీ బెనిఫిట్‌పై పూర్తిగా పన్ను మిహాయింపు ఉంటుంది. కాకపోతే పన్ను మినహాయింపు కోరుకునే వారు ఎండోమెంట్‌ ప్లాన్లకు చెల్లించే వార్షిక ప్రీమియం రూ.2.5 లక్షలకు మించకూడదు. యులిప్‌ ప్లాన్లలో అయితే వా ర్షిక ప్రీమియానికి కవరేజీ కనీసం 10 రెట్లు అయినా ఉండాలి.   ► రాబడులు 7–8 % మధ్య ► లాకిన్‌ పీరియడ్‌: ఐదేళ్లు వీటిల్లో పెట్టుబడిపై సెక్షన్‌ 80సీ కింద పన్ను ప్రయోజనం ఉంది. కానీ, రాబడి పన్ను పరిధిలోకి వస్తుంది. ఇన్వెస్టర్‌ తన ఆదాయంలో చూపించి, ఏ శ్లాబులో ఉంటే ఆ ప్రకారం రేటు చెల్లించాలి. 30 శాతం పన్ను పరిధిలో ఉన్న వారికి పన్ను పోను నికర రాబడి 5 శాతం కంటే తక్కువే. కాకపోతే వేగంగా, సులభంగా ఇన్వెస్ట్‌ చేసుకోగల సౌలభ్యం ఇందులో ఉంది. ట్యాక్స్‌ సేవింగ్‌ ఎఫ్‌డీ, ఎన్‌ఎస్‌సీలో పెట్టుబడిని ఐదేళ్లకు ముందే ఉపసంహరించుకోవడం కుదరదు. ఇన్వెస్టర్‌ మరణించిన సందర్భాల్లోనే దీనికి మినహాయింపు ఉంటుంది. బ్యాంక్‌ ఎఫ్‌డీ కంటే ఎన్‌ఎస్‌సీలోనే కాస్తంత మెరుగ్గా వడ్డీ రేటు 7.7 శాతం ఉంది.   ► ప్రస్తుత రాబడి 7.1% ► లాకిన్‌: 15 ఏళ్లు   ఇది రిస్‌్కలేని డెట్‌ సాధనం. ఇందులో రాబడిపై ఎలాంటి పన్ను లేకపోవడం అదనపు ఆకర్షణ. పీపీఎఫ్‌ పథకం కాల వ్యవధి 15 ఏళ్లు. ఈ పథకంలో ప్రస్తుత రేటు 7.1 శాతంగా ఉంది. సెక్షన్‌ 80సీ కింద ఈ సాధనంలో రూ.1.5 లక్షల పెట్టుబడిపై పన్ను మినహాయింపు పొందొచ్చు. ఒకవేళ సెక్షన్‌ 80సీ కింద పూర్తి పరిమితి (రూ.1.5 లక్షలు) మేరకు ఇతర సాధనాల్లో ఇన్వెస్ట్‌ చేసిన వారు, రాబడిపైనా పన్ను మినహాయింపు ప్రయోజనం కోసం పీపీఎఫ్‌లో ఇన్వెస్ట్‌ చేసుకోవచ్చు. పిల్లల ఉన్నత విద్యకు దీన్ని పరిశీలించొచ్చు. ఇందులో పాక్షిక ఉపసంహరణలకే అనుమతి ఉంటుంది. ప్రారంభించి ఐదేళ్లు నిండిన తర్వాత ఇందుకు అనుమతిస్తారు. ప్రముఖ బ్యాంక్‌లు, పోస్టాఫీసుల్లో దీన్ని ప్రారంభించొచ్చు ► ప్రస్తుత వడ్డీ రేటు 8.2 శాతం ► లాకిన్‌ పీరియడ్‌: ఐదేళ్లు 60 ఏళ్లు నిండిన వృద్ధులకు రిస్‌్కలేని రాబడి సాధనం ఇది. కేంద్ర ప్రభుత్వ హామీతో కూడిన పథకం. ప్రస్తుతం ఇందులో రాబడి 8.2 శాతంగా ఉంది. బ్యాంక్‌ ఫిక్స్‌డ్‌ డిపాజిట్ల కంటే రాబడి ఎక్కువ. పెట్టుబడి కాల వ్యవధి ఐదేళ్లు. ఆ తర్వాత నుంచి ప్రతి మూడేళ్లకు ఒకసారి చొప్పున కాల వ్యవధి పెంచుకుంటూ వెళ్లొచ్చు. పొడిగించుకునే సమయంలో ఉన్న రేటు తదుపరి కాలానికి వర్తిస్తుంది. ఇందులో పెట్టుబడిపై ప్రతి మూడు నెలలకు ఒకసారి వడ్డీ చెల్లింపులు లభిస్తాయి. ఒక వ్యక్తి ఇందులో గరిష్టంగా రూ.30 లక్షలు ఇన్వెస్ట్‌ చేసుకోవచ్చు. సెక్షన్‌ 80సీ కింద రూ.1.5 లక్షల పెట్టుబడిపై పన్ను మినహాయింపు ప్రయోజనం ఉంది. పెట్టుబడిపై వచ్చే రాబడి పన్ను పరిధిలోకే వస్తుంది. ఒక ఆర్థిక సంవత్సరంలో రూ.50,000 వరకు వడ్డీ ఆదాయంపై పన్ను మినహాయింపు ప్రయోజనం ఆదాయపన్ను చట్టం కింద వృద్ధులకు ఉంది. అంటే రూ.6.25 లక్షల వరకు పెట్టుబడిపై వచ్చే రాబడి పన్ను మినహాయింపు అయిన రూ.50 వేలలోపే ఉంటుంది. 60 ఏళ్లు నిండిన వారు, ముందస్తు పదవీ విరమణ పొందిన వారు 58 ఏళ్ల తర్వాత ఈ పథకంలో ఇన్వెస్ట్‌ చేసుకోవచ్చు. రక్షణ సిబ్బందికి వయో పరిమితి లేదు.   ► గడిచిన ఐదేళ్లలో కనిష్ట రాబడి: 8.16% ► పెట్టుబడులకు లాకిన్‌: 60 ఏళ్లు వరకు పన్ను ఆదాకు మెరుగైన సాధనాల్లో ఇదీ ఒకటి. ఒకవైపు విశ్రాంత జీవనం కోసం నిధిని సమకూర్చుకూర్చుకుంటూ, మరోవైపు పన్ను ఆదా చేసుకునే ప్రయోజనంతో వస్తుంది. గరిష్టంగా ఒక వ్యక్తి ఒక ఆరి్థక సంవత్సరంలో రూ.2 లక్షల పెట్టుబడిపై పన్ను లేకుండా చూసుకోవచ్చు. సెక్షన్‌ 80సీసీడీ(1) కింద రూ.1.5 లక్షలు, 80సీసీడీ(1బి)కింద రూ.50వేలపై పన్ను మినహాయింపు ఉంది. సెక్షన్‌ 80సీ కింద రూ.1.5 లక్షల గరిష్ట పరిమితి పరిధిలోకే సెక్షన్‌ 80సీసీడీ (1) కూడా వస్తుంది. దీనికి అదనంగా మరో రూ.50వేలను ఎన్‌పీఎస్‌లో ఇన్వెస్ట్‌ చేసి సెక్షన్‌ 80సీసీడీ (1బి) కింద క్లెయిమ్‌ చేసుకోవచ్చు. ఇక సెక్షన్‌ 80సీసీడీ (2) కింద కంపెనీ యాజమాన్యం ఉద్యోగి ఎన్‌పీఎస్‌ ఖాతాకు జమ చేస్తే.. ఉద్యోగి వేతనంలో 10 శాతాన్ని క్లెయిమ్‌ చేసుకోవచ్చు. ఎన్‌పీఎస్‌లో యాక్టివ్‌ ఆప్షన్‌ కింద ఈక్విటీలకు గరష్టంగా 75 శాతం కేటాయింపులు చేసుకోవచ్చు. అంతేకాదు ఏడాదిలో పెట్టుబడుల కేటాయింపులను (ఈక్విటీ, డెట్, ఏఐఎఫ్‌) నాలుగు పర్యాయాలు సవరించుకోవచ్చు. పెన్షన్‌ ఫండ్‌ మేనేజర్లనూ మార్చుకోవచ్చు. సిస్టమ్యాటిక్‌ విత్‌డ్రాయల్‌ ఆప్షన్‌ (ఎస్‌డబ్ల్యూపీ/క్రమానుగతంగా ఉపసంహరణ)ను కూడా పీఎఫ్‌ఆర్‌డీఏ ప్రవేశపెట్టింది. దీనివల్ల గడువు తీరిన తర్వాత ఒకే విడత కాకుండా, నెలవారీగా కావాల్సినంత వెనక్కి తీసుకోవచ్చు. గడిచిన ఏడాది కాలంలో ఎన్‌పీఎస్‌ ఫండ్స్‌ మంచి పనితీరు చూపించాయి. ఇక ముందూ ఇదే పనితీరు ఉంటుందని అంచనా. ఎన్‌పీఎస్‌లో ఈక్విటీ ఫండ్స్‌ అధిక శాతం పెట్టుబడులను లార్జ్‌క్యాప్‌ కంపెనీలకు కేటాయిస్తాయి. కనుక రిస్క్‌ దాదాపు చాలా తక్కువ. ► ఐదేళ్లలో వార్షిక రాబడి 7–14 శాతం ► లాకిన్‌ పీరియడ్‌: రిటైర్మెంట్‌ వరకు బీమా కంపెనీలు ఆఫర్‌ చేసే పెన్షన్‌ ప్లాన్లు కూడా ఉన్నాయి. కాకపోతే చార్జీలు, సౌలభ్యం, పన్ను ప్రయోజనాల కోణంలో ఎన్‌పీఎస్‌ కంటే ఇవి మెరుగైనవి కావు. జీవిత బీమా కంపెనీల పెన్షన్‌ ప్లాన్లు సాధారణంగా యులిప్‌ల మాదిరి పనిచేస్తాయి. కానీ, ఎన్‌పీఎస్, యులిప్‌లలో ఉండే పన్ను ప్రయోజనాలను దృష్టిలో పెట్టుకుని చూస్తే, పెన్షన్‌ ప్లాన్లు అంత ఆకర్షణీయం కాదని చెప్పుకోవచ్చు. పెన్షన్‌ ప్లాన్లకు సెక్షన్‌ 80సీసీడీ కింద పన్ను ప్రయోజనం కలి్పంచాలని బీమా పరిశ్రమ ఎప్పటి నుంచో డిమాండ్‌ చేస్తున్నా, అది సాకారం కావడం లేదు. ప్రస్తుతం ఎన్‌పీఎస్‌కు ఈ సెక్షన్‌ కింద అదనపు పన్ను మినహాయింపు ప్రయోజనం కల్పిస్తున్నారు. ఎన్‌పీఎస్‌లో ఫండ్‌ మేనేజర్‌ పనితీరు నచ్చకపోతే, మరో ఫండ్‌ మేనేజర్‌ కిందకు పెట్టుబడులను మార్చుకోవచ్చు. కానీ బీమా కంపెనీల పెన్షన్‌ ప్లాన్లలో చివరి వరకు అదే కంపెనీతో కొసాగాల్సి వస్తుంది. యాన్యుటీలపై పన్ను ఎత్తివేస్తే అప్పుడు ఈ ఉత్పత్తి ఆకర్షణీయంగా మారుతుందన్నది నిపుణుల అంచనా.   ► రాబడులు: గత ఐదేళ్లలో 7–9 % ► లాకిన్‌ పీరియడ్‌: ఐదేళ్లు ఈఎల్‌ఎస్‌ఎస్‌ ఫండ్స్‌ పెట్టుబడులను పూర్తిగా ఈక్విట్లీలోనే పెట్టేస్తాయి. కానీ, రిటైర్మెంట్‌ ఫండ్స్‌ అలా కాదు. ఈక్విటీతోపాటు డెట్‌ సాధనాల్లోనూ కొంత పెట్టుబడులు పెడతాయి. దీంతో డెట్‌ పెట్టుబడులు పోర్ట్‌ఫోలియోకి స్థిరత్వాన్ని ఇస్తాయి. ఈక్విటీ భాగం అధిక రాబడులకు వీలు కలి్పస్తుంది. సెక్షన్‌ 80సీ కింద వీటిల్లో పెట్టుబడులపై ఒక ఆరి్థక సంవత్సరంలో రూ.1.5 లక్షల మొత్తంపై పన్ను మినహాయింపు పొందొచ్చు. ఈ విభాగంలో యూటీఐ రిటైర్మెంట్‌ ఫండ్‌ మెరుగైన పనితీరు చూపించే వాటిల్లో ఒకటి. తక్కువ రిస్‌్కతో, మెరుగైన రాబడులను ఇస్తోంది. మొత్తం పెట్టుబడుల్లో ఈక్విటీలకు కేటాయింపులు 40 శాతంలోపే ఉన్నాయి. తక్కువ రిస్క్‌ కోరుకుంటూ, విశ్రాంత నిధిని ఏర్పాటు చేసుకోవాలని భావించే వారు వీటిని ఎంపిక చేసుకోవచ్చు. కాకపోతే ఈ పథకాల్లో పెట్టుబడులపై లాకిన్‌ ఐదేళ్లుగా ఉంటుంది. ఫ్రాంక్లిన్‌ పెన్షన్‌ ఫండ్‌ అయితే 58 ఏళ్లు నిండడానికి ముందే పెట్టుబడులను ఉపసంహరించుకుంటే ఎగ్జిట్‌ లోడ్‌ చార్జీలు విధిస్తోంది. ► ఇందులో రాబడి ప్రస్తుతం 8.2 శాతం ► లాకిన్‌ పీరియడ్‌: కుమార్తెకు 18 ఏళ్లు వచ్చే వరకు ఇటీవలే ఈ పథకంలో వడ్డీ రేటును 8.2 శాతానికి పెంచారు. సీనియర్‌ సిటిజన్‌ సేవింగ్స్‌ స్కీమ్‌ మాదిరే వడ్డీ రేటు, కేంద్ర సర్కారు గ్యారంటీతో కూడిన రిస్క్‌ లేని సాధనం ఇది. తల్లిదండ్రులు గరిష్టంగా ఇద్దరు కుమార్తెల పేరిట ఈ పథకంలో ఇన్వెస్ట్‌ చేసుకోగలరు. ఇద్దరి పేరిట గరిష్టంగా ఒక ఆరి్థక సంవత్సరంలో రూ.1.5 లక్షల వరకు పెట్టుబడి పెట్టుకోవచ్చు. ఈ మొత్తంపై సెక్షన్‌ 80సీ కింద మినహాయింపు క్లెయిమ్‌ చేసుకోవచ్చు. ఇందులో రాబడిపై పూర్తి పన్ను మినహాయింపు ఉంది. పథకాన్ని ప్రారంభించాలంటే కుమార్తెల వయసు 10 లోపు ఉండాలన్నది నిబంధన. పోస్టాఫీసులు, బ్యాంక్‌ల్లో ఈ స్కీమ్‌ కింద ఖాతాను ప్రారంభించొచ్చు. ఆర్‌బీఐ వచ్చే ఆరి్థక సంవత్సరం ద్వితీయ భాగంలో ఆర్‌బీఐ వడ్డీ రేట్ల కోత చేపడుతుందని అంచనా. ప్రతి త్రైమాసికం ఆరంభంలో చిన్న మొత్తాల పొదుపు పథకాల రేట్లను కేంద్ర సర్కారు సవరిస్తుంటుంది. కనుక సుకన్య సమృద్ధి యోజనలో ప్రస్తుత రేటు 8.2 శాతం ఎక్కువ కాలం కొనసాగుతుందని ఆశించరాదు. కాకపోతే ఇందులో రాబడిపై ఎలాంటి పన్ను లేనందున, కుమార్తెల భవిష్యత్‌ అవసరాలకు సంబంధించిన పెట్టుబడుల్లో కొంత మొత్తాన్ని రిస్‌్కలేని ఈ పథకానికి కేటాయించుకోవచ్చు.   ► గడిచిన ఐదేళ్ల కాలంలో కనిష్ట వార్షిక రాబడి 8.15 శాతం ► లాకిన్‌ పీరియడ్‌: ఐదేళ్లు యూనిట్డ్‌ లింక్డ్‌ ఇన్సూరెన్స్‌ ప్లాన్లలో (యులిప్‌లు) పెట్టుబడులపైనా పన్ను ప్రయోజనాలు ఉన్నాయి. కాకపోతే ఈఎల్‌ఎస్‌ఎస్‌ మాదిరిగా పెట్టుబడులకు అంత సౌకర్యవంగా ఉండవు. పోర్ట్‌ఫోలియో వివరాలు తెలుసుకోవడం కూడా సౌకర్యంగా కష్టమే. కాకపోతే యులిప్‌ల నుంచి దీర్ఘకాలంలో మెరుగైన రాబడిని ఆశించొచ్చు. పైగా పన్ను ఆదాకు అవకాశం ఉంటుంది. బీమా రక్షణ కూడా కొంత లభిస్తుంది. ఈఎల్‌ఎస్‌ఎస్‌ ఫండ్స్‌లో పెట్టుబడిపై పన్ను మిననహాయింపు ఉంటుందే కానీ, లాభాల ఉపసంహరణ పన్ను పరిధిలోకి వస్తుంది. ఒక ఆరి్థక సంవత్సరంలో లాభం రూ.లక్షకు మించితే 10 శాతం పన్ను చెల్లించాలి. కానీ, యులిప్‌లలో రాబడి ఎంత వచి్చనా కానీ, గడువు తీరిన తర్వాత ఉపసంహరించుకునే మొత్తంపై పన్ను ఉండదు. ఈ ప్రయోజనం కోసం చెల్లించే ప్రీమియానికి బీమా రక్షణ కనీసం 10 రెట్లు అధికంగా ఉండాలని సెక్షన్‌ 10(10డి) చెబుతోంది. యులిప్‌ పాలసీలోనూ ఈక్విటీ, డెట్‌ విభాగాల మధ్య ఇన్వెస్టర్‌ తన స్వేచ్ఛ ప్రకారం పెట్టుబడుల ప్రాధాన్యతలను మార్చుకోవచ్చు. అలా మార్చుకున్నప్పటికీ పన్ను బాధ్యత ఉండదు. యులిప్‌ ప్లాన్లలో ఐదేళ్ల తర్వాత నుంచి పాక్షిక ఉపసంహరణకు అవకాశం ఉంటుంది. యులిప్‌ ప్లాన్లలో బీమా రక్షణ పరిమితంగానే ఉండడం ప్రతికూలం. వార్షిక ప్రీమియానికి 10–12 రెట్ల వరకే రక్షణ ఎంపిక చేసుకోగలరు. అంటే ఏడాదికి రూ.1–1.20 లక్షలు చెల్లించినా, లభించే రక్షణ రూ.10–12 లక్షలకు మించదు. కనుక తగినంత జీవిత బీమా కోసం టర్మ్‌ ప్లాన్‌ కూడా తీసుకోవాల్సి రావచ్చు. యులిప్‌ను రిటైర్మెంట్‌ను దృష్టిలో పెట్టుకుని ఎంపిక చేసుకోవాలి. దీర్ఘకాలం పాటు కొనసాగాల్సి ఉంటుంది. ► గడిచిన ఐదేళ్ల కాలంలో ఏటా సగటు రాబడి 17 శాతం ►  లాకిన్‌ పీరియడ్‌: మూడేళ్లు ఈక్విటీ లింక్డ్‌ సేవింగ్స్‌ స్కీమ్‌ (ఈఎల్‌ఎస్‌ఎస్‌) ఫండ్స్‌ కూడా దీర్ఘకాలంలో ఇన్వెస్టర్లకు మెరుగైన రాబడులను అందిస్తున్నాయి. ఇవి ప్రధానంగా లార్జ్‌క్యాప్‌లో ఎక్కువ పెట్టుబడులు పెడతాయి. కనుక సమీప కాలంలో వీటిల్లో రాబడులు మెరుగ్గానే ఉంటాయని అంచనా. రాబడులు, భద్రత, లాకిన్‌ పీరియడ్‌ తదితర అంశాల పరంగా చూస్తే ఎన్‌పీఎస్‌ తర్వాత, ఎన్‌పీఎస్‌తో సమానంగా ఈఎల్‌ఎస్‌ఎస్‌ ఫండ్స్‌ కూడా ఆకర్షణీయంగా కనిపిస్తున్నాయి. ఈఎల్‌ఎస్‌ఎస్‌లో ఎక్స్‌పెన్స్‌ రేషియో చాలా తక్కువగా ఉంటుంది. పైగా పారదర్శకత ఎక్కువ. పెట్టుబడుల పోర్ట్‌ఫోలియోను ఎప్పటికప్పుడు తెలుసుకోవచ్చు. పెట్టుబడికి లాకిన్‌ కేవలం మూడేళ్లుగానే ఉంటుంది. సిస్టమ్యాటిక్‌ ఇన్వెస్ట్‌మెంట్‌ ప్లాన్‌ (సిప్‌) ద్వారా ఈఎల్‌ఎస్‌ఎస్‌లో ఇన్వెస్ట్‌ చేసుకోవడం వల్ల రిస్‌్కను సమర్థవంతంగా అధిగమించొచ్చు. సెక్షన్‌ 80సీ కింద ఒక ఆరి్థక సంవత్సరంలో రూ.1.5 లక్షల వరకు ఈఎల్‌ఎస్‌ఎస్‌లో ఇన్వెస్ట్‌ చేసి పన్ను మినహాయింపు పొందొచ్చు. ఈఎల్‌ఎస్‌ఎస్‌ విభాగంలో సగటు రాబడులు ఏడాది కాలంలో 19 శాతం, మూడేళ్లలో 18.50 శాతం, ఐదేళ్లలో 17 శాతం, ఏడేళ్లలో 15.46 శాతం, పదేళ్లలో ఏటా 16.60 శాతం చొప్పున ఉన్నాయి. 

దేశమంతా ఎంతో ఆతృతగా ఎదురుచూస్తున్న 2024-25 కేంద్ర మధ్యంతర బడ్జెట్‌ను ఆర్థిక మంత్రి నిర్మలా సీతారామన్‌ ఫిబ్రవరి 1న పార్లమెంటులో ప్రవేశపెట్టన్నారు. ఈ బడ్జెట్‌పై దేశంలోని అన్ని  వర్గాలవారు వివిధ ప్రయోజనాలు ఆశిస్తున్నారు. ముఖ్యంగా పన్ను చెల్లింపుదారులు ఈసారి ఏవైనా పన్ను ప్రయోజనాలు  ఉంటాయా అని ఆసక్తిగా ఉన్నారు.  ఈసారి ప్రవేశపెట్టేది సమగ్ర బడ్జెట్ కాకపోయినా కొన్ని సానుకూల మార్పులపై పన్ను చెల్లింపుదారులలో ఆశలు ఉన్నాయి. 2024 లోక్‌సభ ఎన్నికలు పూర్తయి కొత్త ప్రభుత్వం ఏర్పడిన తర్వాతే ప్రధాన పన్ను ప్రయోజనాలు ఉంటాయని ట్యాక్స్‌ ఎక్స్‌పర్ట్స్‌ చెబుతున్నారు. అయినప్పటికీ ఈ మధ్యంతర బడ్జెట్‌లో పన్ను చెల్లింపు ఊరటనిచ్చే కొన్ని చిన్న సర్దుబాట్లు ఉండవచ్చని అంచనా వేస్తున్నారు. అవి ఏవేవీ అన్నది ఇక్కడ చూద్దాం.. బెంగళూరుకు హెచ్‌ఆర్‌ఏ మినహాయింపు చట్ట ప్రకారం మెట్రో నగరంగా బెంగళూరును గుర్తించినప్పటికీ, ఆదాయపు పన్ను విషయాల పరంగా బెంగళూరును ఇప్పటికీ నాన్-మెట్రో సిటీగా పరిగణిస్తున్నారు. ఈ బడ్జెట్‌లో బెంగళూరును మెట్రో నగరంగా వర్గీకరించి హెచ్‌ఆర్‌ఏ మినహాయింపు పరిమితిని 40 శాతం నుంచి 50 శాతానికి పెంచాలని నిపుణులు ప్రతిపాదించారు. సెక్షన్ 80D మినహాయింపు పరిమితి పెరుగుతున్న వైద్య ఖర్చుల నేపథ్యంలో మెడికల్ ఇన్సూరెన్స్ ప్రీమియంల కోసం సెక్షన్ 80D కింద మినహాయింపు పరిమితిని పెంచే అవకాశం ఉంది. ఇది సాధారణ ప్రజలకు రూ.25,000 నుంచి రూ.50,000కు, సీనియర్‌ సిటిజన్‌లకు రూ.50,000 నుంచి రూ.75,000కు పెంచవచ్చని పన్ను నిపుణులు అంచనా వేస్తున్నారు. దీంతోపాటు ఆరోగ్య సంరక్షణ సేవలకు పన్ను తగ్గింపులను సులభతరం చేయడానికి కొత్త పన్ను విధానంలోకి సెక్షన్ 80D ప్రయోజనాలను తీసుకొస్తారన్న ఊహాగానాలు ఉన్నాయి. గృహ కొనుగోలుదారులకు టీడీఎస్‌ పరిమితి ప్రస్తుతం ఆస్తి కొనుగోళ్లపై టీడీఎస్‌ మినహాయింపు పరిమితి రూ. 50 లక్షలు ఉంది. ఈ పరిమితిని మించితే 1 శాతం టీడీఎస్‌ ఉంది. ఆస్తి కొనుగోళ్లపై టీడీఎస్‌ మినహాయింపులకు సంబంధించి ఈ మధ్యంతర బడ్జెట్ ఆస్తులు విక్రయించే ఎన్‌ఆర్‌ఐలకు మరింత పారదర్శకత, అవగాహన తీసుకొస్తుందని భావిస్తున్నారు. మూలధన లాభాలపై పన్ను సరళీకరణ పెట్టుబడి ఆదాయానికి సంబంధించి ప్రస్తుత పన్ను వ్యవస్థలో ఉన్న  సంక్లిష్టతను ఎత్తి చూపుతూ ట్యాక్స్‌ నిపుణులు కొన్ని సూచనలు చేశారు. ఇండెక్సేషన్‌కు సంబంధించిన నియమాలను సరళీకృతం చేయడం, లిస్టెడ్‌, అన్‌లిస్టెడ్‌ సెక్యూరిటీల పన్నులో సమానత్వాన్ని తీసుకురావడం వంటివి ఈ సూచనల్లో ఉన్నాయి.

న్యూఢిల్లీ: ప్రభుత్వ గుర్తింపు కలిగిన 2,975 స్టార్టప్‌లకు ఆదాయపన్ను నుంచి మినహాయింపు లభించింది. 2023 డిసెంబర్‌ 31 నాటికి 1,17,254 స్టార్టప్‌లు ప్రభుత్వ గుర్తింపును పొందినట్టు పారిశ్రామిక ప్రోత్సాహక, అంతర్గత వాణిజ్య విభాగం (డీపీఐఐటీ) జాయింట్‌ సెక్రటరీ సంజీవ్‌ తెలిపారు. ఆదాయపన్ను మినహాయింపు పొందిన స్టార్టప్‌లు 2023 మార్చి నాటికి 1,100గానే ఉన్నాయని, వాటి సంఖ్య ఇప్పుడు 2,975కు పెరిగినట్టు చెప్పారు. అర్హత సరి్టఫికెట్‌లు మంజూరు చేసేందుకు వీలుగా, దరఖాస్తులను వేగవంతంగా పరిశీలించేందుకు ఒక ప్రామాణిక నిర్వహణ విధానాన్ని (ఎస్‌వోపీ) రూపొందిస్తున్నట్టు ప్రకటించారు. ఈ సరి్టఫికెట్‌ ఆధారంగానే పన్ను మినహాయింపును క్లెయిమ్‌ చేసుకోవడానికి అవకాశం ఉంటుందన్నారు. పెండింగ్‌లో ఉన్న సుమారు 1,500 దరఖాస్తులను మార్చి 31లోపే పరిష్కరించాల్సి ఉంటుందన్నారు. ‘‘స్టార్టప్‌లకు వ్యాపార నిర్వహణను మరింత సులభంగా మార్చేందుకు మొత్తం విధానాన్నే మారుస్తున్నాం. అవి ఎలాంటి సమస్యలు ఎదుర్కోకుండా చూస్తున్నాం’’అని సంజీవ్‌ తెలిపారు. ఇప్పటికే 1,800 పేటెంట్‌లను స్టార్టప్‌లకు జారీ చేసినట్టు చెప్పారు. స్టార్టప్‌లకు నిధుల కొరతపై ఎదురైన ప్రశ్నకు స్పందిస్తూ.. ఇప్పుడు ఈ ధోరణిలో మార్పు వచి్చందని, స్టార్టప్‌లు సైతం డెట్‌ నిధుల కోసం చూస్తున్నట్టు తెలిపారు. ‘‘ఈక్విటీ రూపంలో నిధులు తగ్గి ఉండొచ్చు. అలా అని వాటికి నిధులు లభించడం లేదని చెప్పడానికి లేదు. స్టార్టప్‌లు ఐపీవో మార్గాన్ని కూడా ఎంపిక చేసుకుంటున్నాయి’’అని వివరించారు. స్టార్టప్‌ల కోసం స్టార్టప్‌ ఇండియా సీడ్‌ ఫండ్, ఫండ్‌ ఆఫ్‌ ఫండ్, క్రెడిట్‌ గ్యారంటీ స్కీమ్‌ తదితర పథకాలను కేంద్ర సర్కారు ప్రవేశపెట్టినట్టు చెప్పారు.

దేశ పౌరులకు కెనడా ప్రభుత్వం శుభవార్త చెప్పింది. తొలిసారి సొంతింటి కలల్ని నిజం చేసేలా 40,000 డాలర్ల (భారత కరెన్సీలో రూ.33,04,918) వరకు డబ్బుల్ని ఆదా చేసుకునే వెసలు బాటు కల్పించింది. దీంతో పాటు విధులు నిర్వహించే వారికి వర్క్‌ పర్మిట్‌, ఇతర దేశాలకు చెందిన విద్యార్ధులు కెనడాలో నివసిస్తున్నట్లైతే వారికి వీసా ఎలిజిబులిటీ గడువును పొడిగించింది. ఇందుకోసం అర్హులు నివాసానికి సంబంధించిన  పత్రాల్ని అందించాల్సి ఉంటుంది.  ప్రభుత్వం తీసుకున్న నిర్ణయం కెనడాలో సొంత ఇల్లు తీసుకోవాలని ఉండి, ఆర్ధిక ఇబ్బందులు కారణంగా ఆగిపోయిన వారికి మరింత ప్రయోజనం చేకూరుతుంది. పన్ను ప్రోత్సాహకాలు పొందడంతో పాటు డబ్బు ఆదా అవుతుంది. దీంతో పాటు ఇతర దేశాల నుంచి వచ్చి కెనడాలో పనిచేస్తున్న ఉద్యోగులు, విద్యార్ధులు సైతం సొంతింటిని కొనుగోలు చేసే వీలు కలుగుతుంది.  వర్క్ పర్మిట్ హోల్డర్లు, ఇతర దేశాల విద్యార్థులను ఆహ్వానించి వారికి అవకాశాలు కల్పించే విషయంలో తమ నిబద్ధతను చాటి చెప్తుంది. అదే సమయంలో కొత్తగా వచ్చిన వారు కెనడాలో కొత్త ఇల్లు తీసుకునే సదుపాయం ఉంటుంది.    ఫస్ట్‌ హోం సేవింగ్స్‌ అకౌంట్‌ (ఎఫ్‌హెచ్‌ఎస్‌ఏ) అర్హతలు  కెనడా ప్రభుత్వం అందించే పథకంతో లబ్ధి పొందాలంటే కొన్ని అర్హతలు కావాల్సి ఉంటుంది. ఇందుకోసం ఫస్ట్‌ హోం సేవింగ్స్‌ అకౌంట్‌ తప్పని సరి వీటితో పాటు   తొలిసారి ఇల్లు కొనుగోలు చేస్తేనే : కెనడాలో గడిచిన ఐదేళ్లలో  భార్య లేదా భర్త / భాగస్వామి పేరు మీదు ఇల్లు కొనుగోలు చేయకూడదు. కనీసం 18 సంవత్సరాలు నిండాలి : ఎఫ్‌హెచ్‌ఎస్‌ఏ అకౌంట్‌ను ప్రారంభించిన నాటికి అర్హులైన వయస్సు 18 ఏళ్ల నుంచి 71 ఏళ్ల వయస్సు ఉండాలి.  కెనడియన్ నివాసి : కెనడియన్ రెసిడెంట్ (పౌరులు, శాశ్వత నివాసితులు, ఆదాయపు పన్ను ప్రయోజనాల కోసం నివాస అవసరాలను తీర్చే కొంతమంది తాత్కాలిక నివాసితులు). వర్క్ పర్మిట్ హోల్డర్లు, అంతర్జాతీయ విద్యార్థులు నివాసితులుగా అర్హత పొందడానికి ట్యాక్స్‌ ఇయర్‌ సంవత్సరంలో కనీసం 183 రోజులు దేశంలో నివసించాలి. ఆర్థిక సంస్థలు ప్రస్తుతం అందిస్తున్న మూడు రకాల ఎఫ్‌హెచ్‌ఎస్‌ఏ అకౌంట్లు  డిపాజిటరీ ఎఫ్‌హెచ్‌ఎస్‌ఏ : ఇది నగదు, టర్మ్ డిపాజిట్లు లేదా గ్యారెంటీడ్ ఇన్వెస్ట్‌మెంట్‌ సర్టిఫికేట్లు (జిఐసి) కలిగి ఉన్న బ్యాంకు ఖాతా. ట్రస్ట్డ్ ఎఫ్‌హెచ్‌ఎస్‌ఏ : ఈ ఖాతాను ట్రస్టీగా ట్రస్ట్ కంపెనీతో తెరవవచ్చు. నగదు, టర్మ్ డిపాజిట్లు,జీఐసీలు, ప్రభుత్వ .. కార్పొరేట్ బాండ్లు, మ్యూచువల్ ఫండ్స్,  నిర్దేశిత స్టాక్ ఎక్ఛేంజ్‌లలో లిస్ట్‌ అయిన కంపెనీల్లో పెట్టుబడులు పెట్టేందుకు అర్హతను కలిగి ఉంటుంది.  ఇన్స్యూర్డ్‌ ఎఫ్‌హెచ్‌ఎస్‌ఏ :  ఇది యాన్యుటీ (లైసెన్స్ పొందిన యాన్యుటీ ప్రొవైడర్‌) ఒప్పందం. కాగా, అర్హత కలిగిన నివాసాలలో సింగిల్-ఫ్యామిలీ గృహాలు, పాక్షికంగా విడిపోయిన గృహాలు, టౌన్‌ షిప్‌లు, కండోమినియం యూనిట్లు (లేదా కాండోలు), అపార్ట్మెంట్ యూనిట్లు, మొబైల్ గృహాలు ఉన్నాయి.

ఆదాయపు పన్ను చెల్లింపుదారులు ఏటా ఇన్‌కం ట్యాక్స్‌ రిటర్న్స్‌ దాఖలు చేయడం తప్పనిసరి. అసెస్‌మెంట్‌ ఇయర్‌ 2023-24కు ఈ ఏడాది జులై31వ తేదీలోగా ఐటీఆర్‌ దాఖలు చేయాల్సి ఉంది. తమ ఉద్యోగులకు పన్ను భారం తగ్గించేందుకు యాజమాన్యాలు అలవెన్స్‌ల రూపంలో కొన్ని ప్రయోజనాలను అందిస్తుంటాయి. ఐటీఆర్‌ దాఖలు చేసే సమయంలో ఈ ఏడు అలవెన్స్‌లను సద్వినియోగం చేసుకుంటే పెద్ద మొత్తంలో ట్యాక్స్‌ ఆదా చేసుకోవచ్చు. అవేంటో చూద్దాం.. 1.హౌస్‌ రెంట్‌ అలవెన్స్‌ (సెక్షన్‌ 10(13ఏ): అద్దె ఇళ్లలో నివాసం ఉండే ఉద్యోగులు హౌస్‌ రెంట్‌ అలవెన్స్‌ (HRA) రూపంలో పన్ను ప్రయోజనం పొందవచ్చు. మెట్రో నగరాల్లో నివసించేవారు తమ జీతంలో (బేసిక్‌, డీఏతో కలిపి) 50 శాతంపై, నాన్‌ మెట్రో నగరాల్లో నివసించేవారు 40 శాతంపై పన్ను మినహాయింపు పొందవచ్చు. చెల్లించే అద్దె వార్షిక జీతంలో 10 శాతానికి మించరాదు. 2.లీవ్‌ ట్రావెల్‌ కన్సెషన్‌ లేదా అసిస్టెన్స్‌ (సెక్షన్‌ 10(5)):  ఈ అలవెన్స్‌ కింద ఉద్యోగులు సెలవుపై దేశంలో ఎక్కడ పర్యటించినా ఆ ప్రయాణ ఖర్చుపై పన్ను ఉండదు. అయితే  రైలు, విమానాలు, ఇతర ప్రజా రవాణా సాధానాల ద్వారా మాత్రమే ప్రయాణించాలి. అయితే నాలుగు కేలండర్‌ ఇయర్లలో రెండుసార్లకు మాత్రమే ఈ మినహాయింపు పొందొచ్చు. ఇంకా సెక్షన్ 10(14) కింద మరికొన్ని అలవెన్సులు ఉన్నాయి. 3.చిల్డ్రన్‌ ఎడ్యుకేషన్‌ అలవెన్స్‌: ఇది పిల్లల చదువులపై చేసే ఖర్చుకు సంబంధించింది. కుటుంబంలో గరిష్టంగా ఇద్దరు పిల్లలకు నెలకు రూ.100 చొప్పున మినహాయింపు పొందవచ్చు. 4.యూనిఫాం అలవెన్స్‌: విధి నిర్వహణలో ధరించే యూనిఫాం కొనుగోలు, నిర్వహణ కోసం చేసే ఖర్చుపై ఈ అలవెన్స్‌ కింద పన్ను ఆదా చేసుకోవచ్చు. 5.పుస్తకాలు, పీరియాడికల్స్‌ అలవెన్స్‌: ఆదాయపు శాఖ నియమాల ప్రకారం.. పుస్తకాలు, న్యూస్‌పేపర్లు, జర్నల్స్‌, పీరియాడికల్స్‌ వంటివి కొనుగోలు చేసి దానికి సంబంధించి రీయింబర్స్‌మెంట్‌ పొందితే దానిపై పన్ను ఉండదు. 6.రీలొకేషన్‌ అలవెన్స్‌: కంపెనీలు ఉద్యోగులను ఒక ప్రాంతం నుంచి మరొక ప్రాంతానికి బదిలీ చేస్తుంటాయి. ఇలాంటప్పుడు ఆ ఉద్యోగి సామాన్లను తరలించేందుకు అయిన ఖర్చు, తమ కార్ల తరలింపు, రిజిస్ట్రేషన్లకు అయ్యే ఖర్చు, రైలు, విమాన టికెట్లు, ప్రాథమికంగా 15 రోజుల వసతికి అయ్యే ఖర్చును కంపెనీలు తిరిగి చెల్లిస్తాయి. ఈ రీయింబర్స్‌మెంటుపైనా ట్యాక్స్‌ మినహాయింపు ఉంటుంది. 7.హెల్పర్‌ అలవెన్స్‌: విధి నిర్వహణలో భాగంగా సహాయకుడుని నియమించుకునేందుకు కంపెనీలు అనుమతిస్తే ఈ అలవెన్స్‌ వర్తిస్తుంది.

ఉమ్మడి కుటుంబంతో పలు పన్ను ప్రయోజనాలు ఉంటాయి. ఈ కింద పేర్కొన్న ఉదాహరణలతో ఉమ్మడి కుటుంబం ద్వారా పన్ను ఎలా తగ్గించుకోవాలో తెలుసుకోవచ్చు.  ►  పూర్వీకుల నాటి పొలం. పోలవరం ప్రాజెక్టు మొదలుపెట్టడంతో నష్టపరిహారం వచ్చింది. వరహాలగారి వసంతమ్మగారికి. ఆమెకు ముగ్గురు అబ్బాయిలు. భర్త లేరు. నష్టపరిహారాన్ని ఫిక్సిడ్‌ డిపాజిట్‌ చేశారు ఉమ్మడి కుటుంబం మీద. వడ్డీ ప్రతి ఏటా రూ. 12 లక్షలు వస్తుంది. వసంతమ్మగారికి ప్రతి నెలా రూ. 1,00,000 పెన్షన్‌ వస్తుంది. ముగ్గురు పిల్లలూ ఉద్యోగస్తులే. అందరికీ అదే రేంజిలో జీతభత్యాలు. ►  పూర్వీకులు ఇచ్చిన భవంతి మీద అద్దె ఏటా రూ. 9,00,000 వస్తుంది శ్రేష్టిగారికి. ఆయనకు కంపెనీలో పెద్ద ఉద్యోగం. రూ. 30,00,000 జీతం. శ్రేష్టిగారి తమ్ముడికి మంచి ఉద్యోగం, పెద్ద జీతం. అద్దెను ఎవ్వరూ వారి స్వంత అసెస్‌మెంట్‌లో చూపించరు. కుటుంబం పేరు మీదే లెక్కాడొక్కా.  ►  తనకున్న ఎనిమిది ఇళ్లనూ చూపిస్తూ, ఎటువంటి ఎగవేత లేకుండా అన్నింటికి పక్కా అగ్రిమెంట్లు, రెంట్లు, టీడీఎస్‌లు, పన్ను చెల్లింపులు సక్రమంగా చూపిస్తూ చక్రం తిప్పుతారు చక్రధర రావు చక చకా.  ►     తాతల నాటి ఇన్వెస్ట్‌మెంట్లు, షేర్లు, డిబెంచర్లమీద ఆదాయాన్ని కుటుంబం పేరిటే లెక్కిస్తున్నారు కోట్లకు ఎగబాకిన కోటేశ్వరరావు ఈ రోజుకీ.  ►      పూర్వీకుల నాటి నుంచి ఎంతో కలిసి వస్తున్న వ్యాపారం. మూడు పువ్వులు ఆరు కాయలుగా సాగుతున్నాయి ఎంతో మందికి. పేరు పక్కన ‘సన్స్‌’, పేరు పక్కన ‘బ్రదర్స్‌’ ఇటువంటి బాపతే. తాతల నాటి నుంచి వంశపారంపర్యంగా సంక్రమించిన ఆస్తి పాస్తులే నాడూ, నేడూ శ్రీరామరక్ష అని గుర్తుపెట్టుకోండి.   ఇక్కడ కుటుంబ వడ్డీ కుటుంబానికే వచ్చింది కాబట్టి అలా లెక్కించాలి. అప్పుడు పన్ను భారం రూ. 1,17,000 అవుతుంది. అలా కాకుండా రూ. 12,00,000 వడ్డీని నలుగురికి సమానంగా పంచితే తలా రూ. 3,00,000 వస్తుంది. ఒక్కొక్కరికి రూ. 93,600 చొప్పున అదనంగా పన్నుభారం పడుతుంది. 80సి, 80డి ప్రయోజనం అదనంగా రాదు. మొత్తం మీద రూ. 3,74,400 మిగులుతుంది. ఈ మేరకు పన్ను మిగిలినట్లే.  

క్రాంతి (40) ఓ ప్రైవేటు కంపెనీ ఉద్యోగి. భార్య, ఇద్దరు పిల్లలు ఉన్నారు. ఏడాది క్రితమే ఒక కంపెనీ నుంచి మరొక కంపెనీకి మెరుగైన ప్యాకేజీ కోసం మారాడు. కొన్ని నెలలు గడిచిన తర్వాతే, మెరుగైన ప్యాకేజీ ఎందుకిచ్చారో అతడికి బోధపడింది. ఉదయం 7 గంటలకు వెళితే రాత్రి ఇంటికొచ్చేసరికి 10 అవుతోంది. ‘మనకొద్దురా బాబూ ఈ జాబు’ అనుకుని ఉన్నట్టుండి రాజీనామా ఇచ్చేశాడు. మరో కంపెనీలో ఉద్యోగం కోసం వెతుకులాట మొదలు పెట్టాడు. కానీ, దురదృష్టం ప్రమాదం రూపంలో ఎదురైంది. బైక్‌పై వెళుతున్న సమయంలో ప్రమాదం కారణంగా తీవ్ర గాయాలయ్యాయి. కాలికి, చేతికి ప్లేట్లు వేయాల్సి వచ్చింది. ఆసుపత్రి బిల్లు సుమారు రూ.4 లక్షలు వచ్చింది. ఈ మొత్తాన్ని అతడు క్రెడిట్‌ కార్డుపై సర్దుబాటు చేయాల్సి వచ్చింది. కారణం పాత కంపెనీలో ఉన్న గ్రూప్‌ హెల్త్‌ ఇన్సూరెన్స్‌ కవరేజీ.. రాజీనామా ఇచ్చిన నెలతోనే ముగిసిపోయింది. అది తప్ప అతడికి మరో ప్లాన్‌ లేదు. ఈ చిన్న తప్పిదం అతడి మూడేళ్ల పొదుపు సొమ్మును పట్టుకుపోయింది. అందుకే హెల్త్‌ ఇన్సూరెన్స్‌ ప్రాధాన్యతను సరిగ్గా అర్థం చేసుకోవాలి. పనిచేస్తున్న కంపెనీలపై ఆధారపడకుండా, తమకంటూ మెరుగైన కవరేజీతో రక్షణ కల్పించుకున్నప్పుడే ఇలాంటి పరిస్థితులు ఎదురుకాకుండా చూసుకోవచ్చు. మనిషి ప్రాణాలను కాపాడే విషయంలో, ఆయువును పెంచడంలో వైద్య రంగం ఎంతో ప్రగతి సాధించింది. కానీ, ఇందుకు అదనపు ఖర్చు అవుతుంది. నేడు జీవన శైలి వ్యాధులు పెరిగిపోయాయి. కేన్సర్‌ మహమ్మారి మన సమాజంలో వేగంగా విస్తరిస్తోంది. మధుమేహం, రక్తపోటు, గుండె జబ్బులు, మూత్రపిండాలు, లివర్‌ వ్యాధులు కూడా పెరుగుతున్నాయి. ఇవన్నీ మారిన జీవనశైలి కారణంగా ప్రబలుతున్నవే. వీటికయ్యే వ్యయం సామాన్యులు, మధ్య తరగతి ప్రజల వల్ల అయ్యే పనికాదు. పైగా ఏటేటా వైద్య చికిత్సల వ్యయాలు 10–15 శాతం మేర భారమవుతున్నాయి. అందుకే హెల్త్‌ ఇన్సూరెన్స్‌ తీసుకోవాలి. ఏటా కొంత ప్రీమియం చెల్లించడం ద్వారా కుటుంబం అంతటికీ రక్షణ కల్పించుకోవచ్చు. ఏటా తమ ఆదాయం నుంచి కొంత మొత్తాన్ని ప్రీమియం రూపంలో చెల్లించడం అసాధ్యమేమీ కాదు. కానీ, ఆరోగ్య సమస్య లేదా ప్రమాదం కారణంగా హాస్పిటల్‌లోచేరితే వచ్చే బిల్లును పాకెట్‌ నుంచి చెల్లించడం నిజంగా తలకు మించిన భారం అవుతుంది. దీని కారణంగా అప్పుల పాలు అయ్యే ప్రమాదం కూడా ఉంటుంది. కరోనా మహమ్మారి సామాన్య, మధ్యతరగతి కుటుంబాలు ఎన్నింటినో అప్పుల పాలు చేసింది. ఆస్తులున్న వారు అమ్ముకుని ఒడ్డెక్కాల్సి వచ్చింది. ఈ అనుభవాలు, వాస్తవలను చూసిన తర్వాత అయినా ప్రతి ఒక్క కుటుంబం ఏదో ఒక రూపంలో హెల్త్‌ కవరేజీ ఉండేలా చూసుకోవాలి. ప్రయోజనాలు.. ఆరోగ్య అత్యవసర సమయాల్లో ఆదుకునే సాధనం హెల్త్‌ ఇన్సూరెన్స్‌. ఇది ఉంటే అనారోగ్యం కారణంగా హాస్పిటల్‌లో చేరాల్సి వస్తే అక్కడ చికిత్సల చార్జీలు, వైద్యుల కన్సల్టేషన్, అంబులెన్స్‌ చార్జీలు, రూమ్‌ చార్జీలను బీమా కంపెనీలు చెల్లిస్తాయి. అంతేకాదు డిశ్చార్జ్‌ చేసిన తర్వాత కొన్ని రోజుల పాటు ఔషధాలు, వైద్య పరీక్షలకు అయ్యే వ్యయాలను కూడా భరిస్తాయి. హాస్పిటల్‌లో చేరడానికి ముందు అదే సమస్య కోసం నిర్ణీత రోజుల కు చేసిన వైద్య వ్యయాలను సైతం చెల్లిస్తాయి.   ఆర్థిక స్థిరత్వం వైద్యం ఎప్పుడు అవసరపడుతుందన్నది ఎవరూ చెప్పలేరు. ఎలాంటి చికిత్స అవసరపడుతుంది? ఎంత ఖర్చవుతుందన్నది ఊహించడం కష్టం. అలాంటి పరిస్థితి వస్తే పొదుపు సొమ్ము అంతా కరిగిపోకుండా, అప్పుల పాలు కాకుండా, ఉన్న ఆస్తులు అమ్ముకోవాల్సిన అగత్యం రాకుండా హెల్త్‌ ఇన్సూరెన్స్‌ ఆదుకుంటుంది. అందుకే హెల్త్‌ ఇన్సూరెన్స్‌ అనేది ఆర్థికంగా ఆదుకునే సాధనం కూడా అవుతుంది.   మెరుగైన వైద్య చికిత్సలు/రక్షణ తమతోపాటు, తమపై ఆధారపడిన వారికి హెల్త్‌ ఇన్సూరెన్స్‌ తీసుకోవడం వల్ల.. వైద్యం అవసరమైన సందర్భంలో వెనుకాడాల్సిన పని ఉండదు. అదే హెల్త్‌ ప్లాన్‌ లేదనుకోండి.. తగినంత ఆర్థిక పొదుపుల్లేనప్పుడు, హాస్పిటల్‌కు వెళ్లే విషయంలో చికిత్సల వ్యయాల గురించి ఒకటికి రెండు సార్లు ఆలోచిస్తారు. అదే హెల్త్‌ ఇన్సూరెన్స్‌ ఉంటే మంచి హాస్పిటల్‌కు వెళ్లి, ఖర్చుకు వెనుకాడకుండా నాణ్యమైన వైద్యం పొందే ధైర్యం వస్తుంది. ఖర్చు గురించి కాకుండా, మంచి చికిత్స గురించి ఆలోచించే స్వేచ్ఛ హెల్త్‌ ప్లాన్‌తో వస్తుంది. జీవిత లక్ష్యాలకు మిగులు వైద్య చికిత్సల వ్యయాలు ఏటేటా పెరుగుతుంటాయి. ముఖ్యంగా నేడు వాతావరణ కాలుష్యం, జీవనశైలి వల్ల మధుమేహం, గుండె జబ్బులు, కేన్సర్‌ కేసులు గణనీయంగా పెరిగిపోతున్నాయి. వీటికి పెద్ద మొత్తంలో ఖర్చవుతోంది. ఈ భారాన్ని తమపై పడకుండా చూసుకుంటే.. జీవితంలో ముఖ్యమైన పిల్లల విద్య, వారి వివాహాలు, సొంతిల్లు, రిటైర్మెంట్‌ కోసం ఇన్వెస్ట్‌ చేసుకోవడానికి వెసులుబాటు ఉంటుంది. హెల్త్‌ మాదిరిగా ఈ లక్ష్యాలకు ఎలాంటి కవరేజీ ఉండదని గుర్తు పెట్టుకోవాలి.    పన్ను ప్రయోజనాలు హెల్త్‌ ఇన్సూరెన్స్‌ వల్ల పన్ను ప్రయోజనాలు కూడా ఉన్నాయి. సెక్షన్‌ 80డీ కింద 60 ఏళ్లలోపు వ్యక్తులు, తాను, తన జీవిత భాగస్వామి, పిల్లల కోసం చెల్లించే హెల్త్‌ ఇన్సరెన్స్‌ ప్రీమియం ఒక ఆర్థిక సంవత్సరంలో రూ.25,000 వరకు ఉంటే, ఈ మొత్తంపై పన్ను మినహాయింపును క్లెయిమ్‌ చేసుకోవచ్చు. 60 ఏళ్లు నిండిన వృద్ధులకు రూ.50వేల ప్రీమియంపై ఆదాయపన్ను మినహాయింపు ఉంది.   సొంతంగా ఉండాల్సిందే ప్రైవేటు రంగంలో పనిచేసే వారికి ఆయా సంస్థలు గ్రూప్‌ హెల్త్‌ ఇన్సూరెన్స్‌ పాలసీని అందిస్తుంటాయి. దీంతో వారు విడిగా హెల్త్‌ ప్లాన్‌ ఎందుకులేనని అనుకుంటుంటారు. కానీ, ప్రైవేటు రంగంలో ఉద్యోగాలకు భద్రత ఉండదని తెలుసు. కంపెనీలు ఇచ్చే గ్రూప్‌ హెల్త్‌ కవరేజీ.. ఉద్యోగం మానివేయడంతో నిలిచిపోతుంది. అందుకుని విడిగా ఒక ఫ్యామిలీ ఫ్లోటర్‌ ప్లాన్‌ తప్పకుండా తీసుకోవాలి. పనిచేస్తున్న సంస్థ నుంచి మెరుగైన కవరేజీ లేకపోయినా, ఇది ఆదుకుంటుంది. తక్కువ కవరేజీకి తీసుకుని, దానికి సూపర్‌ టాపప్‌ జోడించుకోవచ్చు. ఎంత ముందు అయితే అంత మంచిది వైవాహిక జీవితం ఆరంభించినప్పుడు లేదా ఉద్యోగ జీవితం ఆరంభించినప్పుడే హెల్త్‌ కవరేజీ ఉండాలి. 20ప్లస్‌లోనే ఆరోగ్య బీమా తీసుకోవడం వల్ల భవిష్యత్తులో క్లెయిమ్‌ల తిరస్కరణ సమస్య ఎదురుకాదు. ఎందుకంటే 20ప్లస్‌లో ఆరోగ్య సమస్యలు దాదాపుగా ఉండవు. కానీ, నేడు 30 దాటిన దగ్గర్నుంచి రక్తపోటు, కొలెస్ట్రాల్, మధుమేహం, శ్వాసకోస సమస్యలు వేధిస్తున్నాయి. ఆలస్యం చేసినకొద్దీ, ఇవన్నీ పూర్వం నుంచి ఉన్న ఆరోగ్య సమస్యల కిందకు వస్తాయి. కనుక వీటిని పాలసీ డిక్లరేషన్‌లో తప్పకుండా వెల్లడించాలి. అలా చేసినప్పుడు అధిక ప్రీమియం చెల్లించుకోవాల్సి వస్తుంది. పైగా అప్పటికే ఉన్న వాటికి కవరేజీ కోసం 3–4 ఏళ్లు వేచి చూడాల్సి రావచ్చు. పలు రకాల ప్లాన్లు.. వ్యక్తిగత ఆరోగ్య బీమా, ఫ్యామిలీ ఫ్లోటర్, క్రిటికల్‌ ఇల్‌నెస్, టాపప్, సూపర్‌ టాపప్‌ ఇలా పలు రకాల పాలసీలు ఉన్నాయి. బేసిక్‌ ప్లాన్‌ ఏదైనా కానీ, కాంప్రహెన్సివ్‌ అయి ఉండాలి. అంటే అన్ని రకాల కవరేజీలతో కూడి ఉండాలి. వివాహం అయిన వారు కుటుంబం అంతటికీ ఫ్యామిలీ ఫ్లోటర్‌ తీసుకోవాలి. వృద్ధులైన తల్లిదండ్రులు ఆధారపడి ఉంటే, వారికి విడిగా మరో ప్లాన్‌ తీసుకోవడం వల్ల ప్రీమియం భారం తగ్గించుకోవచ్చు. ఇక క్రిటికల్‌ ఇల్‌నెస్‌ ప్లాన్లు అనేవి.. కేన్సర్, మూత్ర పిండాల సమస్యలు, గుండె జబ్బులు, లివర్‌ ఫెయిల్యూర్, స్ట్రోక్‌ ఇలా దీర్ఘకాలిక సమస్యలు నిర్ధారణ అయినప్పుడు బీమా మొత్తాన్ని ఒకే విడత చెల్లించే ప్లాన్లు. టాపప్‌ ప్లాన్లు అనేవి.. బేసిక్‌ హెల్త్‌ కవరేజీ మించి వైద్య చికిత్సల వ్యయాలు అయినప్పుడు.. బేసిక్‌ కవరేజీ పోను అదనపు మొత్తాన్ని చెల్లించేవి. వీటిని దృష్టిలో పెట్టుకోవాలి..   ► ఎంపిక చేసుకునే బీమా కంపెనీ జాబితాలో ఎన్ని నెట్‌వర్క్‌ హాస్పిటల్స్‌ ఉన్నాయనేది చూడాలి. ముఖ్యంగా మీరు నివాసం ఉంటున్న పట్టణంలో ఎన్ని హాస్పిటల్స్‌ బీమా కంపెనీ నెట్‌వర్క్‌ కింద ఉన్నాయో చూడాలి. నెట్‌వర్క్‌ హాస్పిటల్‌ అయితే నగదు రహిత వైద్యం పొందొచ్చు. లేదంటే చికిత్సల ఖర్చు అంతా సొంతంగా భరించి, తర్వాత క్లెయిమ్‌ చేసుకోవాల్సి వస్తుంది. ఇది కొంచెం శ్రమతో, సమయంతో కూడుకున్నది అవుతుంది.   ► బీమా కంపెనీ క్లెయిమ్‌ సెటిల్‌మెంట్‌ రేషియోను చూడాలి. తనవద్దకు వచ్చే క్లెయిమ్‌లలో ఎన్నింటికి చెల్లింపులు చేస్తుంది.. అలాగే వచ్చిన క్లెయిమ్‌ అమౌంట్‌లో, ఎంత మొత్తానికి చెల్లింపులు చేసిందనే విషయాన్ని ముందే తెలుసుకోవాలి. కొన్ని బీమా కంపెనీలు పూర్తిగా తిరస్కరిస్తే, కొన్ని కంపెనీలు క్లెయిమ్‌లో కోతలు పెడుతుంటాయి. కనీసం 90 శాతానికి పైనే సెటిల్‌మెంట్‌ రేషియో ఉన్న వాటిని ఎంపిక చేసుకోవడం మంచిది. ► హాస్పిటల్‌లో చేరడానికి ముందు, డిశ్చార్జ్‌ అయిన తర్వాత ఎన్ని రోజులకు కవరేజీ ఉంటుందో (ప్రీ అండ్‌ పోస్ట్‌ హాస్పిటలైజేషన్‌) చూడాలి. సాధారణంగా 30–180 రోజుల వరకు ఈ కాలం ఉంటుంది. గరిష్ట కాలానికి చెల్లింపులు చేసే ప్లాన్లు అయితే అనుకూలం. ఎందుకంటే కొన్ని సమస్యలకు డిశ్చార్జ్‌ తర్వాత కూడా చాలా కాలం పాటు ఔషధాలు తీసుకోవాల్సి రావడం, మళ్లీ, మళ్లీ వైద్యుల రివ్యూలు అవసరపడతాయి.   ► ఎంపిక చేసుకునే ప్లాన్‌కు తప్పకుండా రీస్టోరేషన్‌ సదుపాయం ఉండాలి. అంటే ఒక పాలసీ సంవత్సరంలో ఎవరైనా హాస్పిటల్‌లో చేరి కవరేజీ మొత్తం ఖర్చయిపోతే ఈ ఫీచర్‌ అక్కరకు వస్తుంది. కొన్ని ఒకటి నుంచి మూడు సార్లు రీస్టోరేషన్‌ ఇస్తుంటే, కొన్ని అన్‌లిమిటెడ్‌ రీస్టోరేషన్‌ ను కూడా ఆఫర్‌ చేస్తున్నాయి. దీనివల్ల అదే ఏడాది తదనంతరం హాస్పిటలైజేషన్‌కూ కవరేజీ ఉంటుంది.    ► రూమ్‌ రెంట్‌ పరిమితులు, కోపే ఆప్షన్‌ లేని ప్లాన్‌ తీసుకుంటే భవిష్యత్తులో సమస్యలు ఉండవు. కోపే ఆప్షన్‌లో క్లెయిమ్‌ ఎదురైన ప్రతి సందర్భంలోనూ పాలసీదారు తనవంతు కొంత భరించడం. రూమ్‌ రెంట్‌ పరంగా షేరింగ్, సింగిల్‌ రూమ్‌ అనే పరిమితులు ఉంటే, హాస్పిటల్‌లో చేరినప్పుడు ఆయా రూమ్‌ల్లోనే చేరుతున్నామా? అన్నది జాగ్రత్త పడాలి. లేదంటే ఈ రూపంలోనూ పాలసీదారుపై అదనపు భారం పడుతుంది.   ► నో క్లెయిమ్‌ బోనస్‌ ఫీచర్‌ కూడా ఉపయోగకరం. దీనికింద క్లెయిమ్‌ చేయని ప్రతీ సంవత్సరానికి నిర్ణీత శాతం మేర కవరేజీని బీమా కంపెనీలు పెంచుతాయి. క్లెయిమ్‌ వస్తే అంతే మేర తగ్గిస్తాయి.   ► డైలీ క్యాష్‌ బెనిఫిట్‌ను చాలా బీమా కంపెనీలు ఆఫర్‌ చేస్తున్నాయి. ఆసుపత్రిలో ఎక్కువరోజుల పాటు ఉండాల్సి వస్తే, పేషెంట్‌కు సాయంగా ఉండేవారికి అయ్యే వ్యయాలకు ఇది పనికొస్తుంది.      ► అదనపు సభ్యులను చేర్చుకునే ఫీచర్‌ ఉండాలి.    ► డేకేర్‌ చికిత్సలకు కవరేజీ ఇచ్చే ప్లాన్‌ మంచిది. కొత్త టెక్నాలజీలు, పరిశోధనలతో కొన్ని సమస్యలకు చికిత్సలు తేలిగ్గా మారుతున్నాయి. వీటికి ఆసుపత్రిలో చేరాల్సిన అవసరం పడదు. కానీ, బీమా కంపెనీలు ఆఫర్‌ చేసే ఇండెమ్నిటీ ప్లాన్లలో కవరేజీ కోసం కనీసం 24 గంటల పాటు అడ్మిట్‌ కావాల్సి ఉంటుంది. డేకేర్‌ చికిత్సలకు ఇది వర్తించదు.   ► అంబులెన్స్‌ చార్జీలను చెల్లించేలా ఉండాలి.   ► ఆధునిక, రోబోటిక్‌ చికిత్సలకు, అవయవమార్పిడి చికిత్సలకు కూడా కవరేజీ ఉండాలి.   ► పెళ్లయి, పిల్లలు ఇంకా లేని వారు అయితే తప్ప కుండా మేటర్నిటీ కవరేజీ ఉండే ప్లాన్‌కు వెళ్లాలి. ► ఏడాదికోసారి ముందస్తు వ్యాధి నిర్ధారణ పరీక్షలను బీమా కంపెనీ ఉచితంగా ఆఫర్‌ చేస్తుందా? అన్నది చూడాలి.    ► పాలసీ తీసుకునే నాటికే ఉన్న వ్యాధులకు కవరేజీ కోసం సాధారణంగా 4 ఏళ్ల వరకు వేచి ఉండాల్సి రావచ్చు. ఆ కాలంలో ముందు నుంచి ఉన్న వాటికి క్లెయిమ్‌ చేసుకోలేరు. కొన్ని ప్లాన్లు 1–2 ఏళ్ల వెయిటింగ్‌ పీరియడ్‌తో ఉంటున్నాయి. కాకపోతే వీటి ప్రీమియం అధికంగా ఉంటుంది. ► తీసుకున్న ప్లాన్‌ జీవిత కాలం పాటు రెన్యువల్‌ చేసుకునే ఫీచర్‌తో ఉండాలి.   ► హెల్త్‌ ఇన్సూరెన్స్‌ ప్లాన్‌ తీసుకునే ముందు కంపెనీ సేవల నాణ్యత, ఎంత వేగంగా చెల్లింపులు చేస్తుంది? ఇతర కంపెనీల ప్లాన్లతో పోలిస్తే ప్రీమియం వ్యత్యాసం ఎంతన్నది తెలుసుకోవాలి.   ► కొన్ని రకాల చికిత్సలకు కవరేజీ ఉండదు. పైగా కొన్ని రకాల చికిత్సలకు 2 ఏళ్లపాటు వెయిటింగ్‌ పీరియడ్‌ ఉంటుంది. వీటి వివరాలను పాలసీ వర్డింగ్‌ డాక్యుమెంట్‌ చదివి తెలుసుకోవాలి.

ఉద్యోగం చేస్తే ప్రతి నెలా జీతం వస్తుంది ఈ కాన్సెప్ట్‌ మనందరికి తెలసిందే. అయితే మన జేబులోకి వచ్చే జీతం మాత్రమే మనకు ముఖ్యంగా కనిపిస్తుంది, కానీ సీటీసీలో(CTC) చాలా భాగాల ఉంటాయి. మన పని బట్టి వాటికి అలవెన్స్‌లు కూడా అందుకుంటాం. అవి రవాణా భత్యం, టూర్ డ్యూటీ అలవెన్స్, మొబైల్ రీయింబర్స్‌మెంట్, కన్వీనియన్స్ అలవెన్స్ వంటి రకరకాలు ఉంటాయి.  ఇక్కడే దాగిన ఓ విషయం ఏంటంటే.. మనం అలవెన్స్‌ల బిల్లులు లేకపోతే మనపై టాక్స్‌ భారం పడతుందండోయ్‌.  బిల్లలు తప్పనిసరి.. లేదంటే కంపెనీ నుంచి ఉద్యోగులు పొందే అలవెన్స్‌లపై ఆదాయపు పన్ను మినహాయింపు పొందే అవకాశం ఉంటుంది. అయితే అందుకోసం ఉద్యోగులు కచ్చితంగా వారి అలవెన్స్‌ బిల్లులు సమర్పించాలి. ఒకవేళ బిల్లులు సమర్పించపోతే వాటిపై పన్ను కట్టాల్సి వస్తుంది. ఒక ఉద్యోగి పొందుతున్న అలవెన్సులు పన్ను పరిధిలోకి వస్తే, వారికి టీడీఎస్‌ (TDS) కూడా వర్తిస్తుంది. అలవెన్సులపై వర్తించే టీడీఎస్‌ అనేది ఉద్యోగి ఎంచుకున్న ఆదాయపు పన్ను విధానంపై ఆధారపడి ఉంటుంది. అందువల్ల, టాక్స్‌ బెనిఫిట్స్‌ పొందాలంటే ఉద్యోగులు బిల్లులను నిర్వహించడం చాలా ముఖ్యం. ఆదాయపు పన్ను రిటర్న్‌ను దాఖలు చేసేటప్పుడు ఉద్యోగి అతని బిల్లులను సమర్పించాల్సిన అవసరం లేనప్పటికీ, ఆదాయపు పన్ను శాఖ ఒకవేళ మీకు పన్నుకు సంబంధించిన నోటీసు పంపితే, ఆ సమయంలో పన్ను మినహాయింపును క్లెయిమ్ చేసినట్లు రుజువును సమర్పించాల్సి ఉంటుంది. అయితే ఇక్కడ వ్యక్తి తన ఉద్యోగ బాధ్యతలకు సంబంధించి ఖర్చు చేసిన అలవెన్స్‌లకు మాత్రమే ట్యాక్స్ మినహాయింపు పొందే అవకాశం ఉందనే విషయాన్ని గమనించాలి. ఇన్‌కమ్ ట్యాక్స్ చట్టం 1961లోని సెక్షన్ 10 (14)i ప్రకారం ఏం చెప్తోందంటే.. ‘ఆదాయపు పన్ను చట్టాల ప్రకారం తన ఉద్యోగ బాధ్యతలరీత్యా వ్యక్తి పొందే ఏ అలవెన్స్‌లైనా వాటి నుంచి పన్ను మినహాయింపు లభిస్తుంది. చదవండి: Flipkart: కొత్త సేవలను ప్రారంభించిన ఫ్లిప్‌కార్ట్‌.. ఆఫర్లు, డిస్కౌంట్ల విషయంలో తగ్గేదేలే!

మీ ఇంట్లో అమ్మాయి ఉందా? అయితే ఈ పథకం మీ కోసమే. ముఖ్యంగా పెట్టుబడలు పెట్టాలనుకునేవారికి ఈ పథకం ఓ వరమని ఆర్ధిక నిపుణులు చెబుతున్నారు. సుకన్య సమృద్ధి యోజన పథకంతో పాటు మరెన్నో ఇతర పెట్టుబడి మార్గాలున్నాయి. అవేంటో తెలుసుకుందాం.   సుకన్య సమృద్ధి యోజన ఆడపిల్లల కోసం ప్రత్యేకంగా తెచ్చిన స్కీము..సుకన్య సమృద్ధి అకౌంటు. బేటీ బజావో బేటీ పఢావో అన్న నినాదంతో అమల్లోకి వచ్చింది. వడ్డీ 7.6 శాతం. కనీసం రూ. 1,000, గరిష్టంగా రూ. 1,50,000 ఇన్వెస్ట్‌ చేయొచ్చు. 15 సంవత్సరాల కాల వ్యవధి ఉంటుంది. సెక్షన్‌ 80సి కింద రూ. 1,50,000 వరకు మినహాయింపు లభిస్తుంది. అంతే కాదు వడ్డీకి కూడా మినహాయింపు ఉంటుంది. అంటే మన భాషలో  ఈ.ఈ.ఈ మధ్యలో విత్‌డ్రా చేసుకోవచ్చు. బ్యాంకులు ఈ స్కీమును అమలుపరుస్తున్నాయి.  మ్యుచువల్‌ ఫండ్స్‌ కొంత మంది మ్యుచువల్‌ ఫండ్స్‌ను ఆశ్రయిస్తారు. ఇలా ఇన్వెస్ట్‌ చేసినందుకు 80సి కింద మినహాయింపు ఉంది. ఎంతైనా ఇన్వెస్ట్‌ చేయొచ్చు. కానీ స్థిరంగా, తప్పనిసరిగా ఇంత ఆదాయం వస్తుందనే గ్యారంటీ లేదు. హెచ్చుతగ్గులు సహజం. కానీ స్కీముల్లో నిర్దేశిత శాతం మేరకు డివిడెండ్లు రావచ్చు. అయితే, డివిడెండ్లను ఆదాయంగా పరిగణించి పన్ను వేస్తారు. పన్ను భారం పోగా మిగతాది డివిడెండు. లాభసాటిగా ఉంటేనే ఈ ఫండ్స్‌ ఉపయోగం. ఏజెంట్లు ఏవేవో చార్టులు, బొమ్మలు, గ్రాఫులు, అంకెలు చూపించి ఎర వేస్తారు. జాగ్రత్త.   కడుపులో చల్ల కదలని బేరం ఏమిటంటే.. కడుపులో చల్ల కదలని బేరం ఏమిటంటే.. బ్యాంకు పొదుపు ఖాతాల్లోని జమ. చాలా తక్కువ వడ్డీ 2 నుండి 4 శాతం వరకు వస్తోంది. భద్రత ఎక్కువ. మీరు ఎప్పుడంటే అప్పుడు విత్‌డ్రా చేసుకోవచ్చు. ఇప్పుడయితే, ఏటీఎం కార్డులు వచ్చాయి. ఎటువంటి ఆంక్షలు, పరిమితులు లేవు. టీడీఎస్‌ లేదు. ఆదాయం.. అంటే వడ్డీ మీద రూ. 10,000 దాకా మినహాయింపు. సీనియర్‌ సిటిజన్‌లకు 80 టీటీడీ సెక్షన్‌ ప్రకారం రూ. 50,000 వరకూ మినహాయింపు.  కొంత మంది బ్యాంకుల్లో ఫిక్సిడ్‌ డిపాజిట్లు చేస్తుంటారు. బ్యాంకుని బట్టి, కాల వ్యవధిని బట్టి వడ్డీ రేటు మొత్తం మారుతుంటుంది. స్థిరమైన ఆదాయం. ఎటువంటి పరిమితులు లేవు. మీ ఓపిక. కాల వ్యవధి మీ ఇష్టం. బ్యాంకుల్లో వివిధ రకాలు అమల్లో ఉన్నాయి. వాటి ప్రకారం ఎంచుకోవచ్చు. టీడీఎస్‌ తప్పనిసరి. 80సి కింద మినహాయింపు రావాలంటే 5 సంవత్సరాల కాల వ్యవధి ఉంటుంది. 80 టీటీబీ కింద సీనియర్‌ సిటిజన్లకు రూ. 50,000కు వడ్డీ మినహాయింపు లభిస్తుంది. జీవిత బీమా పథకంలో ఎన్నెన్నో పాలసీలు ఉన్నాయి. సెక్యూరిటీ ఎక్కువ. ఆదాయం గ్యారంటీ. పన్ను మినహాయింపు ప్రయోజనం. మెచ్యురిటీ అప్పుడు ట్యా క్స్‌ భారం లేదు. అంటే  ఈ ఈ ఈ అన్నమాట.  ఇలా ఎన్నెన్నో స్కీములు, పథకాలు ఉన్నాయి. పిల్లలను చదివించడానికి, స్కూలులో చెల్లించే ట్యూషన్‌ ఫీజులకు కూడా మినహాయింపులు ఉన్నాయి. అయితే, ఇద్దరు పిల్లలకు మాత్రమే వర్తిస్తుంది. ఒకవేళ ముగ్గురు పిల్లలు ఉన్నారనుకోండి. ఒకరి విషయంలో క్లెయిమ్‌ చేయలేము. అప్పుడు తక్కువ ఫీజు క్లెయిమ్‌ చేయవద్దు. భార్యభర్తలు ఇద్దరూ ఆదాయపు పన్ను కడుతున్నారనుకోండి. ఇద్దరు పిల్లల ట్యూషన్‌ ఫీజు ఒకరు, మిగతా ఒక్కరి ఫీజును ఇంకొకరు క్లెయిమ్‌ చేయవచ్చు.  ప్లానింగ్‌లోని కొన్ని విషయాలు చట్టంలో ఉండవు. మనం మన ప్రాధాన్య, అవసరం మొదలైనవి దృష్టిలో పెట్టుకోవచ్చు. పన్ను భారం తగ్గించే ప్రయత్నంలో నిజాయితీకి నీళ్లు వదలకూడదు. నీతి నిజాయితీ విషయాల్లో ‘తగ్గేదే వద్దు‘.

దేశంలో క్రమ క్రమంగా ఎలక్ట్రిక్ వాహనాలకు డిమాండ్ పెరుగుతోంది. ఇప్పటికే చాలా మంది ఎలక్ట్రిక్ వాహనాలు కొనుగోలు వైపు మొగ్గుచూపుతున్నారు. పెట్రోల్, డీజిల్ ధరలు ఆకాశాన్ని తాకడం, వాయు కాలుష్యం పెరగడం వంటి  కారణాల చేత చాలా మంది ఎలక్ట్రిక్ వాహనాలను కొనేందుకు ఆసక్తి చూపిస్తున్నారు. అంతేకాదు భవిష్యత్ అంతా ఎలక్ట్రిక్ వెహికల్స్‌దే. పెట్రోల్, డీజిల్ వెహికల్స్ కొనుగోలు చేస్తే కొన్నేళ్ల తర్వాత ఇబ్బందులు ఎదుర్కోవలసి రావొచ్చు. ప్రస్తుతం ఢిల్లీలో 15 ఏళ్లు దాటిన వెహికల్స్‌పై నిషేధం ఉంది. దేశంలో ఎలక్ట్రిక్ వాహనాల అమ్మకాలను ప్రోత్సహించేందుకు భారత ప్రభుత్వం ప్రత్యేకంగా పన్ను ప్రయోజనాలను అందిస్తుంది. భార‌త ఆదాయ‌పు ప‌న్ను చట్టాల ప్ర‌కారం వ్య‌క్తిగ‌తంగా వినియోగించే కార్లు ల‌గ్జ‌రి ఉత్ప‌త్తుల‌ కింద‌కి వ‌స్తాయి. అందువ‌ల్ల ఉద్యోగ‌స్తుల‌కు కారు రుణాల‌పై ఎలాంటి ప‌న్ను ప్ర‌యోజ‌నాలు ల‌భించ‌వు. అయితే కొత్త‌గా చేర్చిన సెక్ష‌న్ 80ఈఈబి కింద రుణం తీసుకుని ఎల‌క్ట్రిక్ వెహిక‌ల్స్‌ కొనుగోలు చేసిన వారికి మాత్రం ప‌న్ను ప్ర‌యోజ‌నాలు ల‌భిస్తాయి. ఆదాయపు పన్ను చట్టంలోని సెక్షన్ 80ఈఈబీ కింద రూ.1.5 లక్షల వరకు ఆదా చేసుకోవచ్చు. ఈవీ వినియోగాన్ని పెంచేందుకు ప్ర‌భుత్వం ఈ కొత్త సెక్ష‌న్‌ను తీసుకొచ్చింది.  సెక్ష‌న్ 80ఈఈబి కింద పన్ను మిన‌హాయింపు పొందాలంటే.. ఈ మినహాయింపు ప్రతి వ్యక్తికి ఒక్కసారి మాత్రమే లభిస్తుంది. అంటే ఒక వ్యక్తి కొనుగోలు చేసే మొదటి ఎలక్ట్రిక్ వాహనానికి మాత్రమే పన్ను మిన‌హాయింపు లభిస్తుంది. బ్యాంకు లేదా  బ్యాంకింగ్ యేతర ఆర్థిక సంస్థ ఎన్‌బీఎఫ్‌సి నుంచి ఎలక్ట్రిక్ వాహన కోసం రుణం పొంది ఉండాలి.  ఏప్రిల్ 1, 2019 - మార్చి 31, 2023 మధ్య లోన్ మంజూరై ఉండాలి. 2020-2021 ఆర్థిక సంవత్సరం నుంచి సెక్షన్ 80ఈఈబీ కింద పన్ను ప్రోత్సాహకాలు అందుబాటులో ఉన్నాయి. రుణం కోసం చెల్లించే వ‌డ్డీపై మాత్ర‌మే రూ.1.50 ల‌క్ష‌ల మిన‌హాయింపు వ‌ర్తిస్తుంది.  వ్య‌క్తిగ‌త ప‌న్ను చెల్లింపుదారుల‌కు మాత్ర‌మే ఈ మిన‌హాయింపు ఉంటుంది. వ్యాపార సంస్థలకు ఈ పన్ను మిన‌హాయింపు లభించదు. (చదవండి: రైల్వే ప్రయాణికుల కోసం, కేంద్రం కీలక నిర్ణయం) 

ఆటోమొబైల్‌ రంగంలో ఎలక్ట్రిక్‌ వెహికల్స్‌ సందడి చేస్తున్నాయి. పెట్రో ధరలు పెరిగిపోతుండడం, పెట్రో వాహనాల నుంచి ఎలక్ట్రిక్‌ వాహనాలపై అప్‌గ్రేడ్‌ అవ్వడంతో ఈవీ వెహికల్స్‌ సత్తా చాటుతున్నాయి. ఇటీవల  జస్ట్ డయల్ కన్స్యూమర్ ఇన్‌సైట్‌ నిర్వహించిన సర్వే సైతం ఇదే విషయాన్ని స్పష్టం చేసింది. ఈ ఏడాది ఎలక్ట్రానిక్‌ స్కూటర్‌లు అత్యధికంగా 220.7 శాతం మేర డిమాండ్‌ను సాధించగా, ఎలక్ట్రిక్‌ కార్లు 132.4 శాతం, ఎలక్ట్రానిక్‌ బైక్స్‌ 115.3 శాతం, ఎలక్ట్రానిక్‌ సైకిళ్లు 66.8 శాతం డిమాండ్ పెరిగినట్లు జస్ట్‌ డయల్‌ తన నివేదికలో పేర్కొంది. అయితే భారత్‌లో ఈవీ వెహికల్స్‌ కొనుగోలు చేస్తే ఆర్ధికంగా కాకుండా, ట్యాక్స్‌ పరంగా అనేక ప్రయోజనాలు పొందవచ్చని మార్కెట్‌ నిపుణులు చెబుతున్నారు.   ఈవీ వెహికల్స్‌తో ట్యాక్స్‌ బెన్‌పిట్స్‌  ఆదాయపు పన్ను నిబంధనల ప్రకారం వ్యక్తిగత ఉపయోగం కోసం కొనుగోలు చేసిన కార్లు లగ్జరీ ఉత్పత్తులుగా పరిగణించబడతాయి. కాబట్టి  వినియోగదారులు కారు రుణాలపై ఎలాంటి పన్ను ప్రయోజనాలను పొందలేరు. కానీ ఈవీ వెహికల్స్‌ విషయంలో అందుకు భిన్నంగా ఉంది. మనదేశంలో కేంద్ర రాష్ట్రప్రభుత్వాలు ఈవీ వెహికల్స్‌ వినియోగాన్ని ప్రోత్సహిస్తుంది. ఇందులో భాగంగా సెక్షన్ 80EEB ప్రకారం..ఉద్యోగస్తులు రుణంపై  ఈవీ కారును కొనుగోలు చేస్తే.. తీసుకున్న లోన్‌ పై చెల్లించే వడ్డీలో రూ.1.5 లక్షల పన్ను మినహాయింపు పొందవచ్చు.    ఈవీ వెహికల్స్‌ రుణాలపై పన్ను మినహాయింపులు ►సెక్షన్ 80EEB కింద  ఎలక్ట్రికల్‌ వెహికల్‌ లోన్‌ చెల్లించే సమయంలో రూ. 1,50,000 వరకు మొత్తం పన్ను మినహాయింపు పొందవచ్చు. ఈ పన్ను మినహాయింపు ఫోర్‌ వీలర్‌, టూ వీలర్‌ ఎలక్ట్రిక్‌ వెహికల్స్‌ కొనుగోలు చేసిన వారికి మాత్రమే వర్తిస్తుంది.    ► సెక్షన్ 80EEB క్రింది షరతులకు లోబడి ఉంటుంది. ఈ మినహాయింపును ఎవరైనా ఒక్కసారి మాత్రమే పొందవచ్చు. అంటే ఇప్పటికే ఈవీ వెహికల్ ఉండి, మళ్లీ ఈవీ వెహికల్‌ను కొనుగోలు చేసే వారిని అనర్హులుగా భావిస్తారు.     ►ఈ మినహాయింపు రుణంపై ఈవీని కొనుగోలు చేసే వ్యక్తులకు మాత్రమే. ఈవీకి రుణ ఫైనాన్సింగ్ ఆర్థిక సంస్థలు లేదా ఎన్‌ఎఫ్‌బీసీల నుండి పొందవచ్చు.   ►ఈవీ పన్ను మినహాయింపు వ్యాపారాలకు కాదు. వ్యక్తులు మాత్రమే పొందగలరు. ► ఏప్రిల్ 1, 2019 నుండి మార్చి 31, 2023 మధ్య కాలంలో తీసుకున్న అన్ని ఈవీ లోన్ చెల్లింపుల కోసం సెక్షన్ కింద పన్ను మినహాయింపు పొందవచ్చు. సెక్షన్ 80EEB కింద పన్ను ప్రయోజనాలను ఫైనాన్షియల్‌ ఇయర్‌ 2020-2021 నుండి పొందవచ్చు. చదవండి : ఎలక్ట్రిక్‌ వాహనాలపై క్రేజ్‌ మరీ ఇంతగా ఉందా...!

నేను ప్రైవేట్‌ సంస్థలో పని చేస్తున్నాను. జీతం రూ. 8 లక్షలు. పాన్‌ ఉంది. రిటర్న్‌ వేయటం లేదు. ప్రతి సంవత్సరం మా యజమాని కొంత మొత్తం ఇన్‌కం ట్యాక్స్‌ నిమిత్తం కట్‌ చేస్తారు. వివరాలు ఇవ్వడం లేదు – ఎస్‌ రామచంద్ర నాయుడు, మెదక్‌ మీ తరఫు నుంచి ఆలోచిస్తే, మీరు స్వయంగా ఆదాయపు పన్ను చట్టప్రకారం ట్యాక్సబుల్‌ ఇన్‌కం ఉంది కాబట్టి ప్రతి సంవత్సరం రిటర్ను దాఖలు చేయాలి. మార్చి 21తో ముగిసే ఆర్థిక సంవత్సరానికి గాను రిటర్ను దాఖలు చేయండి. ఆన్‌లైన్‌లో వేయవచ్చు. ఇక రిటర్ను వేయడానికి మీ జీతం వివరాలు, ఇతర ఆదాయపు వివరాలు, బ్యాంకు అకౌంటు వివరాలు, బ్యాంకులో జమ అయిన వడ్డీ, రెడీగా ఉండాలి. దీనితో పాటు మీ యజమాని మీకు ఫారం 16 ఇవ్వాలి. అడగండి. ఫారం 16లో అన్ని వివరాలు ఇవ్వాలి. పన్ను భారాన్ని మీ యజమాని మీ దగ్గర్నుండి ’కట్‌’ చేశారు కాబట్టి ఆ వివరాలు వారి దగ్గర ఉంటాయి. దీన్నే టీడీఎస్‌ అంటారు. అలా కట్‌ చేసిన మొత్తాన్ని మీ యజమాని సకాలంలో ప్రభుత్వానికి చెల్లించాలి,. ఆ తర్వాత ఆ వివరాలను అప్‌లోడ్‌ చేయించాలి. మొత్తం సమాచారం ఫారం ’26 అ ’లో కనిపిస్తుంది. ఇలా కనిపించిందంటే మీరేం గాభరా పడనక్కర్లేదు. ఆ వివరాలతో మీరు దాఖలు చేసుకోవచ్చు. అలా కాకుండా, మీ దగ్గర్నుంచి ’కట్‌’ చేసి, ఆ మొత్తాన్ని మీ తరఫున ప్రభుత్వానికి చెల్లించకపోవటం చట్టరీత్యా నేరం. చట్టరీత్యా శిక్ష పడుతుంది. కాబట్టి పూర్తిగా చెక్‌ చేసుకోండి. అన్నీ సవ్యంగా ఉంటే సరి. లేదంటే మీ ఉద్యోగస్తులందరూ కలిసి యజమానిని అడగండి. సమస్య సమసిపోతుంది. లేదంటే తగిన సాక్ష్యాధారాలతో ఆదాయపు పన్ను అధికారులకు తెలియజేయండి. సీనియర్‌ సిటిజన్‌లకు సంబంధించి ఆదాయపు పన్ను చట్టంలోని అంశాలు తెలియజేయగలరు – కేఆర్‌ రెడ్డి, ఏలూరు  సీనియర్‌ సిటిజన్‌లకు ఆదాయపు పన్ను చట్టం ప్రకారం కొన్ని ప్రయోజనాలు ఉన్నాయి. ఇవి కేవలం రెసిడెంట్‌లకు మాత్రమే వర్తిస్తాయి. నాన్‌ రెసిడెంట్‌లకు వర్తించవు. 60 సం.లు దాటి, 80 సం.ల లోపు ఉన్న వారిని సీనియర్‌ సిటిజన్‌లు అంటారు. 80 సం.లు దాటిన వారిని వెరీ సీనియర్‌ సిటిజన్‌లు అంటారు. 31–3–2021 నాటికి ఈ రూలు వర్తింపచేస్తారు. చాలా మంది రిటర్నులు దాఖలు చేసిన తేదీకి వర్తిస్తుంది అని అనుకుంటారు. 60 సం. లోపు వారికి బేసిక్‌ లిమిట్‌ రూ.2,50,000, 60–80 సం.ల వారికి ఇది రూ. 3,00,000 కాగా, 80 సం.లు దాటిన వారికి బేసిక్‌ లిమిట్‌ రూ. 5,00,000గా ఉంది. అడ్వాన్స్‌ ట్యాక్స్‌ చెల్లింపులో మినహాయింపు ఉంది. సీనియర్‌ సిటిజన్‌లకు వ్యాపారం/వృత్తి నుంచి ఆదాయం లేకపోతే వారు ముందుగా అడ్వాన్స్‌ ట్యాక్స్‌ చెల్లించాల్సిన అవసరం లేదు. వ్యాపారం/వృత్తి నుంచి ఆదాయం వచ్చే వారికి ఈ మినహాయింపు లేదు. 80  ఖీఖీఆ ప్రకారం రూ. 50,000 వరకు నిర్దేశిత వడ్డీ మీద మినహాయింపు ఉంది. టీడీఎస్‌ మినహాయింపు ఉంది. ప్రతి బ్యాంకు నుంచి వచ్చే వడ్డీ (మొత్తం వడ్డీ కాదు) రూ. 50,000 దాటకపోతే టీడీఎస్‌ ఉండదు. 80  ఈఈఆ ప్రకారం వైద్య చికిత్స నిమిత్తం మినహాయింపులు ఉన్నాయి. అలాగే 80 ఈ ప్రకారం ఇన్సూరెన్స్‌ క్లెయిమ్, వైద్య చికిత్స కోసం మినహాయింపులు ఉన్నాయి. 75 ఏళ్లు దాటిన వారు రిటర్నులు వేయనవసరం లేదు.    - కేసీహెచ్‌ ఏవీఎస్‌ఎన్‌ మూర్తి, కేవీఎన్‌ లావణ్య ట్యాక్సేషన్‌ నిఫుణులు

సాక్షి, న్యూఢిల్లీ: ఆరేళ్ళలో దేశంలోని కార్పోరేట్లకు పన్నుల మినహాయింపులు, ప్రోత్సాహకాలు, వివిధ తగ్గింపుల రూపంలో రూ.6,07,583.04 కోట్లను మినహాయించినట్లు కేంద్రప్రభుత్వం వెల్లడించింది. మంగళవారం రాజ్యసభలో సీపీఐ (ఎం) ఎంపీ కెకె రాగేష్‌ అడిగిన ప్రశ్నకు కేంద్ర ఆర్థిక శాఖ సహాయ మంత్రి అనురాగ్‌ సింగ్‌ ఠాకూర్‌ లిఖితపూర్వక సమాధానం ఇచ్చారు. 2015–16 ఆర్థిక సంవత్సరంలో రూ. 1,15,176.50 కోట్లు, 2016–17లో రూ.1,30,184.41 కోట్లు, 2017–18లో రూ.1,20,069.67 కోట్లు, 2018–19లో రూ.1,25,891.78 కోట్లు, 2019–20 ఆర్థిక సంవత్సరంలో రూ.1,16,260.68 కోట్లు దేశంలోని పెట్టుబడిదారులకు పన్ను మినహాయిం పులు ఇచ్చినట్టు కేంద్ర మంత్రి స్పష్టం చేశారు.  చట్టం ప్రకారమే.. ఆదాయ పన్ను చట్టం–1961 ప్రకారమే కార్పోరేట్లకు పన్నుల మినహాయింపులు, ప్రోత్సాహకాలు, వివిధ తగ్గింపులు కేంద్ర ప్రభుత్వం ఇస్తుందని, ఆర్థికంగా ఇబ్బందులో ఉన్న కంపెనీలకు ఊతం ఇచ్చేందుకు ఈ చర్యలు ఉపయోగకరంగా ఉంటాయని పేర్కొన్నారు. దేశంలో ప్రాంతీయ అసమానతలను తొలగించే చర్యల్లో భాగంగా పెట్టుబడిదారులకి కార్పొరేట్‌ ట్యాక్స్‌ మినహాయింపులిచ్చినట్టు కేంద్ర ఆర్థిక శాఖ సహాయ మంత్రి వెల్లడించారు.  ఒక నిర్దిష్ట రంగాన్ని లక్ష్యంగా చేసుకోవడానికి లేదా ప్రాంతీయ అసమాన పరిస్థితులను తగ్గించడానికి సాధారణంగా పన్ను ప్రోత్సాహకం అందిస్తామని పేర్కొన్నారు. ప్రభుత్వం పేర్కొన్న ప్రాంతాలలో వివిధ పారిశ్రామిక యూనిట్లను ఏర్పాటు చేయడానికి ఆయా పెట్టుబడిదారులు ఈ పన్ను మినహాయింపులను వినియోగిస్తారని మంత్రి అనురాగ్‌ సింగ్‌ ఠాకూర్‌ వెల్లడించారు.  

అహ్మదాబాద్‌: ఇరవై ఐదేళ్ల సీఏ విద్యార్థిని వడోదరలో జీఎస్‌టీ అధికారులు అరెస్ట్‌ చేశారు. టాక్స్‌ ఎగ్గొట్టడానికి ఫేక్‌ కంపెనీలను సృష్టించి 50.2 కోట్ల రూపాయల మేరకు తప్పుదారి పట్టించాడు. దీంతో అధికారులు అతనిని అరెస్ట్‌ చేశారు. గుజరాత్‌లోని వడోదరాకు చెందిన మనీష్‌ కుమార్‌ ఖత్రీ 115 షల్‌ కంపెనీలు సృష్టించి, వివిధ రూపాలలో పన్ను ఎగ్గొట్టాడు. అనుమానాస్పద టాక్స్‌ పేయర్స్‌ను వెలికితీసే ప్రయత్నంలో ఖత్రీ వ్యవహారం రాష్ట్ర‌ జీఎస్‌టీ అధికారుల దృష్టికి వచ్చింది. ఖత్రీ నకిలీ ఇన్‌వాయిస్‌లు సృ‍ష్టించి టాక్స్‌ కట్టాల్సిన డబ్బును వివిధ  కంపెనీలకు తరలించి 50 కోట్ల రూపాయలకు పైగా మోసానికి పాల్పడినట్లు అధికారులు గుర్తించారు. దాహుద్‌ అనే చిన్న గ్రామంలో ఉన్న అమాయకుల నుంచి వారి బ్యాంక్‌ ఖాతా వివరాలు తెలుసుకొని వారి పేరు మీద ఈ కంపెనీలు సృష్టించినట్లు అధికారులు కనుగొన్నారు. వారికి నెలకు కొంత మొత్తం చెల్లిస్తానని ఖత్రీ ఒప్పందం చేసుకున్నట్లు తెలుస్తోంది. అయితే కొన్ని కంపెనీలు పన్నులు ఎగ్గొట్టేందుకు సహకారం అందించేందుకుఫేక్‌ వెబ్‌సైట్‌తో నకిలీ‌ కంపెనీలు సృష్టించినట్లు  ఖత్రీ అంగీకరించాడు. చదవండి: గుజరాత్‌లో విషాదం: ముగ్గురు మృతి

బంగారం ధరలు గడిచిన ఏడాది కాలంలో 40 శాతానికి పైగా ర్యాలీ చేశాయి. ఇన్వెస్టర్ల పోర్ట్‌ఫోలియోలో బంగారానికి తప్పకుండా చోటు ఇవ్వాలన్నది నిపుణుల సూచన. ఆ దిశగా బంగారంలో పెట్టుబడులు పెడితే మంచిదే. కానీ, ప్రత్యేక అవసరాల కోసం, స్వల్ప కాల అవసరాల కోసం బంగారంలో ఇన్వెస్ట్‌ చేసే వారూ ఉన్నారు. ప్రస్తుత విపత్తు సమయంలో ప్రతికూలతలను గట్టెక్కేందుకు... సార్వభౌమ బంగారం బాండ్లలో (గోల్డ్‌ బాండ్స్‌/ఎస్‌జీబీ) పెట్టుబడులను తీసేసుకోవాలని అనుకునే వారు లేకపోలేదు. బంగారం ఈటీఎఫ్‌ల్లో ఇన్వెస్ట్‌ చేసిన వారు వాటిని విక్రయించుకోవడం ఎంతో సులభం. కానీ, భారత ప్రభుత్వం జారీ చేసే సౌర్వభౌమ బంగారం బాండ్లలో ఇన్వెస్ట్‌ చేసిన వారికి మాత్రం ఆప్షన్లు పరిమితం.     ∙ ఈ ఏడాది ఇప్పటి వరకు చూస్తే నిఫ్టీ ప్రధాన సూచీ 21 శాతం మేర నష్టపోతే, ఇదే సమయంలో బంగారం ధరలు 17 శాతం మేర ప్రియంగా మారాయి. దీంతో గోల్డ్‌ ఈటీఎఫ్‌లు, ఈ బంగారం, బంగారంలో ఇన్వెస్ట్‌ చేసే మ్యూచువల్‌ ఫండ్స్, ఎస్‌జీబీలో పెట్టుబడులపై లాభాల వర్షం కురిసింది. ముఖ్యంగా ఎస్‌జీబీల్లో గడిచిన ఐదేళ్ల కాలంలో ఇన్వెస్ట్‌ చేసిన వారి పంట పండింది. భౌతిక బంగారంలో పెట్టుబడులను నిరుత్సాహపరచడం, బంగారంలో పెట్టుబడులకు డిజిటల్‌ దిశగా మళ్లించడమే ఎస్‌జీబీని తీసుకురావడంలోని ఉద్దేశ్యం. ఈ ప్రయోజనం కొంత వరకు నెరవేరిందనే చెప్పుకోవాలి. భాతిక బంగారంతో పోలిస్తే ఎస్‌జీబీలో పెట్టుబడులపై వార్షికంగా 2.50% వడ్డీ లభిస్తుంది. అదే సమయంలో బంగారం ధరలు పెరిగితే రెండు విధాలుగా ప్రయోజనం కలుగుతుంది. ఎస్‌జీబీ మొదటి ఇష్యూ 2015 నవంబర్‌లో సిరీస్‌–1 పేరుతో వచ్చింది. అప్పటి నుంచి చూస్తే బంగారం ధరల్లో ర్యాలీ కారణంగా పెట్టుబడి 84 శాతం వృద్ధి చెందింది. అదే విధంగా 2019–20 ఆర్థిక సంవత్సరం జూన్‌ మాసంలో ఎస్‌జీబీ ఇష్యూలో ఇన్వెస్ట్‌మెంట్‌పైనా రాబడి 48 శాతంగా ఉంది. విక్రయించడానికి సరైన సమయమేనా..? చరిత్రను పరిశీలిస్తే.. ప్రతీ మార్కెట్‌ సైకిల్‌ (వివిధ సందర్భాలు)లోనూ బంగారం ర్యాలీ చేసినట్టు ఆధారాల్లేవు.  బంగారానికి సురక్షిత పెట్టుబడి సాధనమనే ప్రత్యేక గుర్తింపు ఉంది. అందుకే ఆర్థిక సంక్షోభాలు, స్టాక్‌ మార్కెట్ల పతనాల్లో బంగారంలో ఇన్వెస్ట్‌ చేసేందుకు ప్రపంచవ్యాప్తంగా ఇన్వెస్టర్లు పోటీపడతారు. ఫలితంగా ఆయా సందర్భాల్లో బంగారం ధరల్లో ర్యాలీ నడుస్తుంటుంది. 2019 మధ్య భాగం నుంచి బంగారంలో ర్యాలీ రావడానికి తోడ్పడిన పరిణామం.. అమెరికా–చైనా మధ్య వాణిజ్య యుద్ధమనే చెప్పుకోవాలి.  దాంతో బంగారానికి డిమాండ్‌ పెరిగింది. ఆ తర్వాత కరోనా వైరస్‌ ప్రపంచ దేశాలపై పంజా విసరడం, ఆర్థిక వ్యవస్థలు సంక్షోభాల్లోకి జారిపోవడం చూస్తూనే ఉన్నాం. ప్రపంచదేశాలు, కేంద్ర బ్యాంకులు అన్ని చేతులతోనూ నిధులను పంప్‌ చేసే కార్యక్రమాలు చేస్తున్నప్పటికీ.. సహజ శక్తి తిరిగి ఆర్థిక వ్యవస్థల్లోకి వచ్చి చేరాలంటే అందుకు కొంత కాలం పడుతుందని.. 2021 వరకు ఒత్తిళ్లు కొనసాగుతాయన్న అంచనాలు నిపుణుల నుంచి వస్తున్నాయి. కనుక బంగారంలో ర్యాలీ మరికొంత కాలం పాటు ఉంటుందని నిపుణులు అంచనా వేస్తున్నారు. ఇన్వెస్టర్లు పెట్టుబడుల్లో 5–10 శాతాన్ని బంగారానికి కేటాయించుకోవచ్చు. కనుక పెట్టుబడుల కోణంలో ఎస్‌జీబీల్లో ఇన్వెస్ట్‌ చేసుకుని ఉంటే వాటిని కొనసాగించుకోవచ్చు. ఒకవేళ ప్రస్తుత లాక్‌డౌన్‌ కారణంగా ఆర్థిక సమస్యలను ఎదుర్కొంటున్న వారు.. లేదా కొంత మేర పెట్టుబడులను దీర్ఘకాలానికి ఈక్విటీల కోసం కేటాయించుకోవాలనుకుంటే.. ఎస్‌జీబీల నుంచి కొంత మొత్తాన్ని వెనక్కి తీసుకోవచ్చు. సెకండరీ మార్కెట్‌... సార్వభౌమ బంగారం బాండ్‌ (ఎస్‌జీబీ)లో పెట్టుబడులకు 8 ఏళ్ల కాలవ్యవధి. కాకపోతే 5వ ఏట చివరి నుంచి వైదొలిగేందుకు అవకాశం ఉంటుంది. కానీ, ఆ లోపు విక్రయించాలంటే అందుకు సెకండరీ మార్కెట్‌ ఒక్కటే అవకాశం. 2015 నవంబర్‌ నుంచి ఇప్పటి వరకు 37 సిరీస్‌ల ఎస్‌జీబీ ఇష్యూలు ముగిశాయి. ఇవన్నీ కూడా బీఎస్‌ఈ, ఎన్‌ఎస్‌ఈలో క్యాష్‌ విభాగంలో ట్రేడవుతున్నాయి. కాకపోతే సెకండరీ మార్కెట్‌లో ఎస్‌జీబీలను విక్రయించాలన్నా లేదా ఇన్వెస్ట్‌ చేయాలన్నా అందుకు ట్రేడింగ్, డీమ్యాట్‌ ఖాతాలు ఉండడం అవసరం. అదే విధంగా ఎన్‌ఎస్‌ఈ, బీఎస్‌ఈల్లో తగినంత లిక్విడిటీ (ట్రేడింగ్‌ పరిమాణం) ఉంటేనే వీటిని సరైన ధరలకు విక్రయించుకోవడం వీలవుతుంది. కానీ, చాలా వరకు ఎస్‌జీబీ ఇష్యూలకు ట్రేడింగ్‌ వ్యాల్యూమ్‌ చాలా తక్కువగా ఉంటోంది. ఎన్‌ఎస్‌ఈలో గడిచిన ఏడాది కాలంలో సగటు రోజువారీ ట్రేడింగ్‌ విలువ రూ.1.2 కోట్లుగానే ఉండడం గమనార్హం. కొన్నింటిలో మాత్రం ఈ ఇబ్బం ది లేదు. మొత్తం 37 సిరీస్‌లలో 12 సిరీస్‌ల్లో.. గడిచిన 3 నెలల్లో చూస్తే రోజువారీ ట్రేడింగ్‌ 100 యూనిట్లు, అంతకంటే ఎక్కువగానే నమోదవుతున్నాయి. ఎస్‌జీబీఏయూజీ27 (ఎన్‌ఎస్‌ఈ కోడ్‌), ఎస్‌జీబీఎన్‌వోబీ24, ఎస్‌జీబీఏయూజీ24, ఎస్‌జీబీఎంఏవై25, ఎస్‌జీబీఎస్‌ఈపీ24ల్లో రోజువారీ ట్రేడింగ్‌ వ్యాల్యూమ్‌ 801–340 యూనిట్ల మధ్య ఉండడాన్ని గమనించాలి. కాకపోతే ప్రతీ రోజూ ఇంతే స్థాయిలో ట్రేడింగ్‌ పరిమాణం ఉండడం లేదు.  ముఖ్యంగా ఎక్కువ మంది బ్రోకర్లు ఎస్‌బీజీల క్రయ విక్రయాలకు అనుమతించడం లేదు. ఎందుకంటే రెండు డిపాజిటరీల మధ్య (ఎన్‌ఎస్‌డీఎల్, సీడీఎస్‌ఎల్‌) ఈ బాండ్లకు సంబంధించి సెటిల్‌మెంట్‌ అవకాశం లేదు. అయితే, అటువైపు విక్ర యించేవారు, ఇటు కొనుగోలు చేసే వారు ఒకే డిపాజిటరీ పరిధిలో (అయితే ఎన్‌ఎస్‌డీఎల్‌ లేదా సీడీఎస్‌ఎల్‌) ఉంటే క్రయ విక్రయాలకు  ఇబ్బంది లేదు. అమ్మే వ్యక్తి, కొనుగోలు చేసే వ్యక్తి డీమ్యాట్‌ ఖాతాలు వేర్వేరు డిపాజిటరీల్లో ఉంటేనే సమస్య. ప్రముఖ బ్రోకింగ్‌ సంస్థలు... హెచ్‌డీఎఫ్‌సీ సెక్యూరిటీస్, జెరోదా ఎస్‌జీబీ యూనిట్ల కొనుగోలు, అమ్మకాలకు అవకాశం కల్పిస్తున్నాయి. ప్రతీ రూ.100 విలువపై 10 పైసల నుంచి 50 పైసల వరకు బ్రోకరేజీ చార్జీలుగా చెల్లించాలి. ఎస్‌జీబీ అంటే... ఎనిమిదేళ్ల కాల వ్యవధి కలిగిన బంగారం బాండ్‌. ఇందులో ఒక ఇన్వెస్టర్‌ ఒక గ్రాము నుంచి 4 కిలోల వరకు కొనచ్చు. ఆన్‌లైన్‌లో దరఖాస్తు చేసుకుని, ఆన్‌లైన్‌లో చెల్లింపులు చేసిన వారికి రూ.50 డిస్కౌంట్‌. ఏ ఇష్యూలో అయినా రిటైల్‌ ఇన్వెస్టర్లు ఆన్‌లైన్‌ చెల్లింపులు చేయడం ద్వారా గ్రాముపై రూ.50 డిస్కౌంట్‌ పొందొచ్చు. గడువు తీరే నాటికి మార్కెట్‌ రేటు ప్రకారం చెల్లింపులు జరుగుతాయి. అదే విధంగా బాండ్‌లో పెట్టుబడి విలువపై వార్షికంగా 2.50 శాతం వడ్డీని చెల్లించడం జరుగుతుంది. దీర్ఘకాల లక్ష్యాల కోసం బంగారాన్ని కొద్ది కొద్దిగా సమకూర్చుకోవాలని అనుకునే వారికి, బంగారంలో ఇన్వెస్ట్‌ చేద్దామనుకునే వారికి అందుబాటులో ఉన్న సాధనాల్లో ఇది మెరుగైనదని నిపుణుల విశ్లేషణ. ఇందులో పెట్టుబడులకు పూర్తి రక్షణ ఉంటుంది. వడ్డీ ఆదాయం లభిస్తుంది. పూర్తి కాలం ఉంచుకుంటే లాభాలపై పైసా పన్ను కట్టక్కర్లేదు. ఇవన్నీ సానుకూలతలు. ఇన్వెస్ట్‌ చేసిన ధర కంటే బం గారం ధరలు కిందకు పడిపోయి దీర్ఘకాలం పాటు అదే స్థాయిల్లో కొనసాగితే నష్టాలు ఎదుర్కోవాలి. ఆర్‌బీఐ విండో.. ఎస్‌జీబీలకు ఐదేళ్లు లాకిన్‌. ఐదవ ఏట, ఆరవ ఏట, ఏడవ ఏట చివర్లో ఈ బాండ్లలో పెట్టుబడులను వెనక్కి తీసుకోవచ్చు. ఇందుకోసం 30 రోజుల ముందుగా ఆర్‌బీఐ బైబ్యాక్‌ విండో ప్రారంభమవుతుంది. పన్ను బాధ్యత ఎస్‌జీబీల్లో పెట్టుబడులను పూర్తి ఎనిమిదేళ్లు కొనసాగించితే మూలధన లాభాల పన్ను నుంచి మినహాయింపుంటుంది.  గడువులోపే సెకండరీ మార్కెట్‌ లేదా ఆర్‌బీఐ బైబ్యాక్‌ విండో ద్వారా విక్రయించినట్టయితే పన్ను చెల్లించాలి. 36 నెలల్లోపు విక్రయించడం వల్ల లాభం సమకూరితే.. ఆ మొత్తాన్ని వ్యక్తిగత వార్షిక ఆదాయంలో చూపించి, నిర్ణీత శ్లా్లబు రేటు ప్రకారం పన్ను చెల్లించాలి.

దేశీయంగా రియల్టీ రంగం ప్రత్యక్షంగా, పరోక్షంగా అత్యధికంగా ఉద్యోగాలు కల్పించే రంగాల్లో రెండో స్థానంలో ఉంటుంది. స్థూల దేశీయోత్పత్తిలో దీని వాటా సుమారు 10 శాతం. రియల్టీ రంగంలో కమర్షియల్‌ లీజింగ్, లావాదేవీల వృద్ధి మెరుగ్గానే ఉన్నా.. రెసిడెన్షియల్‌ రంగం అంతంత మాత్రంగానే ఉంటోంది. ప్రాజెక్టుల జాప్యం, నాన్‌–బ్యాంకింగ్‌ ఫైనాన్స్‌ కంపెనీలు కుదేలవడం తదితర అంశాలతో గృహాల కొనుగోలుదారులు.. కొనుగోలు నిర్ణయాలను వాయిదా వేసుకుంటూ ఉన్నారు. అటు బ్యాంకులు కూడా మొండిబాకీల వసూలు పనిలో పడి కొత్త, పాత ప్రాజెక్టులకు రుణాలివ్వడంపై పెద్దగా దృష్టి సారించడం లేదు. ఈ నేపథ్యంలో ఆఖరు దశలో నిల్చిపోయిన ప్రాజెక్టులకు తోడ్పాటు అందించేందుకు కేంద్ర ప్రభుత్వం రూ. 25,000 కోట్లతో ఫండ్‌ ఏర్పాటు చేయడం రియల్టీ రంగానికి కాస్త ఊరటనిచ్చే అంశం. దీంతో పాటు రాబోయే బడ్జెట్‌లో ఈ రంగానికి ఊతమిచ్చేలా తీసుకోతగిన మరిన్ని చర్యల గురించి అంచనాలు నెలకొన్నాయి. ►అన్నింటికన్నా ముందుగా కొనుగోలుదారుల్లో సెంటిమెంటు మెరుగుపర్చాలి. ఇందుకోసం గృహ రుణాలకు సంబంధించి పరిమితంగా కనీసం ఏడాది వ్యవధికైనా వడ్డీ/అసలుపై గణనీయంగా ఆదాయపు పన్ను మినహాయింపులు కల్పించవచ్చు. ప్రస్తుతం రూ. 1.5 లక్షలుగా ఉన్న మినహాయింపును వచ్చే ఆర్థిక సంవత్సరంలో ఇళ్లు కొనుగోలు చేసే అందరికీ రూ. 7.5 లక్షలకు పెంచే అంశాన్ని ప్రభుత్వం పరిశీలించాలి. దీంతో డిమాండ్, అమ్మకాలకూ ఊతం లభించగలదు. రూ. 1.5 కోట్లు – రూ. 2 కోట్ల దాకా ఖరీదు చేసే ఇళ్ల కొనుగోలుదారులకు కూడా ప్రోత్సాహకంగా ఉండగలదు.   ►2020 మార్చి 31లోగా కుదుర్చుకున్న, నమోదు చేసుకున్న రియల్టీ లావాదేవీలపై స్టాంపు డ్యూటీ 50%  తగ్గించాలి.  ►గృహ రుణాలపై వడ్డీ రేట్లను వార్షికంగా 7 శాతం స్థాయికి తగ్గించాలి. ►బ్యాంకులు తమ విచక్షణాధికారంతో రుణాల ను పునర్‌వ్యవస్థీకరించడం లేదా మొండిబాకీలకు సంబంధించి వన్‌టైమ్‌ రోలోవర్‌ అవకాశా లను రియల్టీ రంగానికి కూడా వర్తింపచేయాలి.   ►పట్టణాల్లో పెరుగుతున్న జనాభాకు రెంటల్‌ హౌసింగ్‌ విధానానికి ఊతమివ్వాలి.   ►నిధుల లభ్యతపరమైన సవాళ్ల నుంచి రియల్టీ రంగాన్ని గట్టెక్కించాలి. ఇందుకు ద్రవ్యవిధానాలపరంగా సాహసోపేతమైన చర్యలు అవసరం.  ►పొజెషన్‌ ఇచ్చే దాకా వడ్డీని డెవలపరే భరించేలా వడ్డీ రాయితీ పథకాలను పునరుద్ధరించాలి.   ►అఫోర్డబుల్‌ హౌసింగ్‌ నిర్వచనాన్ని సవరించాలి. రూ. 45 లక్షల ధర పరిమితిని తక్షణమే తొలగించి, 60/90 చ.మీ. కన్నా తక్కువ ఉన్న అన్ని ఇళ్లకు ప్రయోజనాలు వర్తింపచేయాలి.   ►నిర్మాణంలో ఉన్న ప్రాపర్టీల విషయంలో ఆదాయపు పన్ను మినహాయింపుపరమైన మినహాయింపులు లభించకపోతుండటంతో ఆ వర్గం కొనుగోలుదారులకు సమస్యాత్మకంగా ఉంటోంది. పెండింగ్‌ ప్రాజెక్టులు మూడు–నాలుగేళ్లలో పూర్తయ్యేలా చర్యలు తీసుకున్న దరిమిలా.. ఆ మేరకు కొనుగోలుదారులకు కూడా పన్నుపరమైన ఊరట కల్పించవచ్చు.  ►వాణిజ్యపరమైన రియల్టీ ప్రాజెక్టుల వస్తు,సేవల పన్ను (జీఎస్‌టీ)పై నెలకొన్న గందరగోళాన్ని తొలగించాలి. లీజింగ్‌ కోసం అభివృద్ధి చేసిన ప్రాపర్టీలను సర్వీస్‌ కింద పరిగణించి 18 శాతం జీఎస్‌టీ విధిస్తున్నారు. దీనివల్ల నిర్మాణ వ్యయాలు పెరిగిపోతున్నాయి. పన్ను ప్రయోజనాలు మరిన్ని కల్పించాలి: సీఐఐ  న్యూఢిల్లీ: రియల్‌ ఎస్టేట్‌ రంగం నిధుల సంక్షోభంతో కొట్టుమిట్టాడుతున్న నేపథ్యంలో డిమాండ్‌కు ఊతమిచ్చేలా గృహాల కొనుగోలుదారులకు మరిన్ని పన్నుపరమైన ప్రయోజనాలు కల్పించాలని పరిశ్రమల సమాఖ్య సీఐఐ కోరింది. కనీసం 6–7% జీడీపీ వృద్ధి సాధించాలంటే రియల్టీ రంగానికి తోడ్పడేలా స్పష్టమైన ప్రణాళిక అవసరమని పేర్కొంది. దీనితో  సంఘటిత,  అసంఘటిత రంగంలోనూ ఉద్యోగాల కల్పనకు దోహదపడుతుందని వివరించింది. రియల్టీకి నిధులపరమైన మద్దతుతో పాటు డిమాండ్‌కు ఊతమిచ్చే చర్యలు అవసరమని వివరించింది. ‘అన్ని ప్రాపర్టీలపై తీసుకున్న గృహ రుణాల వడ్డీ చెల్లింపులపై గరిష్ట పన్ను మినహాయింపు పరిమితిని రూ. 2,00,000 నుంచి రూ. 5,00,000కు పెంచాలి‘ అని పేర్కొంది. అలాగే ప్రధానమంత్రి ఆవాస్‌ యోజన(పీఎంఏవై) పథకానికి ఎంఐజీ1,2 కేటగిరీల వారి ఆదాయ పరిమితిని ఇప్పుడున్న రూ.12–18 లక్షల నుంచి రూ. 18–25 లక్షలకు పెంచాలని తెలిపింది.

ఈ రోజుల్లో భార్యాభర్తలిద్దరూ సంపాదిస్తేనేకానీ నగరాల్లో జీవనశైలికి అనుగుణంగా బతుకుబండి నడిచే పరిస్థితులు లేవు. అలాంటిది... ఇల్లు సమకూర్చుకోవడం ఎంత పెద్ద ప్రహసనమో చెప్పనక్కర్లేదు!! అయితే, గృహ రుణం ఒక్కరి పేరుతో తీసుకునేకంటే దంపతులు కలసి తీసుకోవడం వల్ల ఎన్నో ప్రయోజనాలు ఉన్నాయనేది నిపుణుల మాట. అధిక మొత్తంలో రుణం సమకూరడమేకాదు, పన్ను ప్రయోజనాలు... తక్కువ నెలవారీ వాయిదా(ఈఎంఐ) వంటి లాభాలెన్నో జాయింట్‌ హోమ్‌లోన్‌తో పొందొచ్చు. కొత్తింటి ప్రణాళికల్లో ఉన్నవారికి ఉమ్మడి గృహ రుణంపై అవగాహన కల్పించే కథనమిది... శ్రీనివాస కుమార్‌ (40) సాఫ్ట్‌వేర్‌ ఇంజనీర్‌. ఆయన శ్రీమతి సుమలత (37) కూడా ప్రైవేటు రంగంలో ఉద్యోగం చేస్తున్నారు. వీరు 2013లో జాయింట్‌ హోమ్‌ లోన్‌ (ఉమ్మడిగా గృహ రుణం)ను ఎల్‌ఐసీ హౌసింగ్‌ ఫైనాన్స్‌ నుంచి తీసుకున్నారు. ఇలా కలసి తీసుకోవడానికి కారణం జాయింట్‌ లోన్‌పై వడ్డీ రేటు తక్కువగా ఆఫర్‌ చేయడమే. రూ.44 లక్షల రుణం తీసుకున్నారు. వడ్డీ రేటు నాడు  9.5 శాతంగా ఉంటే, శ్రీనివాస కుమార్‌ దంపతులకు ఎల్‌ఐసీ హౌసింగ్‌ ఫైనాన్స్‌ 10 శాతం డిస్కౌంట్‌ ఆఫర్‌ చేసింది. పైగా ఉమ్మడిగా దరఖాస్తు చేసుకోవడం వల్ల రుణ అర్హత అధికంగా ఉంటుంది. రుణంపై తక్కువ వడ్డీ రేటుకు తోడు, అర్హత మెరుగ్గా ఉండడమే తాము జాయింట్‌లోన్‌ తీసుకోవడానికి కారణాలుగా శ్రీనివాస్‌ కుమార్‌ వెల్లడించారు. జాయింట్‌ లోన్‌ ద్వారా మంచి ప్రాంతంలో ఖరీదైన ఇంటిని కొనుగోలు చేసుకునేందుకు వీలు పడుతుంది. బడ్జెట్‌ ఎక్కువైనా కానీ, ఇద్దరు పేరిట రుణం తీసుకుంటున్నారు కనుక అధిక అర్హతలతో బ్యాంకు కూడా ఎక్కువే ఆఫర్‌ చేస్తుంది. దంపతులు ఇద్దరూ ఉద్యోగులైనా లేదా ఆర్జనా పరులైతే, కలసి ఉమ్మడి రుణం తీసుకోవడం వల్ల ఎంతో లాభం ఉంటుందని ఆర్థిక నిపుణుల విశ్లేషణ. మీరు నవ దంపతులు అయి ఉండి, ఇద్దరూ ఆర్జనా పరులైతే కలసి గృహ రుణం తీసుకునే ఆలోచన తప్పకుండా చేయవచ్చు. ‘‘రియల్‌ ఎస్టేట్‌ కొనుగోలు అధిక వ్యయంతో కూడుకుని ఉంటుంది. దీంతో సొంతింటి కల అన్నది ఒక్కరే ఆర్జనా పరులున్న కుటుంబానికి అంత సులభం కాకపోవచ్చు. అటువంటి సందర్భాల్లో జీవిత భాగస్వామి సహ రుణ గ్రహీతగా చేరడం వల్ల ఇద్దరి ఆర్జనను కలపడం, ఇద్దరి క్రెడిట్‌ స్కోరుతో మరింత మొత్తం గృహ రుణాన్ని తక్కువ వడ్డీ రేటుకే సొంతం చేసుకోవచ్చు’’ అని బ్యాంకు బజార్‌ సీఈవో ఆదిల్‌శెట్టి పేర్కొన్నారు. కలసి తీసుకోవడం వల్ల ప్రయోజనాలను పరిశీలించినట్టయితే... భారీ మొత్తంలో రుణం ఇద్దరు కలసి ఉమ్మడిగా రుణానికి దరఖాస్తు చేసుకోవడం ద్వారా అర్హత ఎక్కువగా ఉంటుంది. దీంతో భార్యాభర్తల ఆదాయాన్ని కలిపి చూసి బ్యాంకు పెద్ద మొత్తంలో రుణాన్ని ఆఫర్‌ చేస్తుంది. ఉదాహరణకు మీరు రూ.కోటి విలువైన ఇంటిని కొనుగోలు చేయాలని భావిస్తే.. అందుకు మీ వంతు డౌన్‌ పేమెంట్‌ 20 శాతం (రూ.20లక్షలు) పోను మరో రూ.80 లక్షలను 20 ఏళ్ల కాలానికి రుణంగా తీసుకోవాల్సి ఉంటుందని అనుకుంటే, అప్పుడు 8.5 శాతం వడ్డీ రేటు ఆధారంగా ప్రతీ నెలా చెల్లించాల్సిన ఈఎంఐ రూ.70,000 అవుతుంది. సాధారణంగా రుణగ్రహీత ప్రతీ నెలా నికరంగా అందుకునే వేతనంలో గరిష్టంగా 50 శాతం వరకూ ఈఎంఐ కింద బ్యాంకులు అనుమతిస్తుంటాయి. దీని ప్రకారం రూ.80 లక్షల గృహ రుణం తీసుకోవాలంటే, ప్రతీ నెలా నికరంగా రూ.1.4 లక్షలను అందుకోవాల్సి ఉంటుంది. ఒకవేళ జీవిత భాగస్వామి కూడా ఆర్జిస్తున్నట్టు అయితే.. ఇద్దరూ కలసి ఈ మొత్తాన్ని చెల్లించే శక్తి కలిగి ఉంటే సరిపోతుంది. ఇంకా ఎక్కువే చెల్లించే సామర్థ్యం ఉంటే మరింత సౌకర్యవంతమైన, విలాసవంతమైన ఇంటి కోసం ఇంకా అధిక రుణం తీసుకునేందుకు ప్లాన్‌ చేసుకోవచ్చు.   వేగంగా చెల్లింపులు ఇద్దరు కలసి రుణం తీసుకుంటే, తిరిగి చెల్లించడం సులభం కావడమే కాకుండా, వేగంగా దాన్ని తీర్చేయవచ్చు. వార్షికంగా వచ్చే బోనస్‌లు, పనితీరు ఆధారంగా వచ్చే పారితోషికాన్ని ఇలా గృహ రుణం తీర్చేందుకు వినియోగించినా వాస్తవ కాల వ్యవధి కంటే ముందే గృహ రుణం ముగిసిపోతుంది. ఎందుకంటే చెల్లింపులపై ఎటువంటి నియంత్రణలు ఉండవు. దీనివల్ల వడ్డీ భారం కూడా తగ్గిపోతుంది.   రిజిస్ట్రేషన్‌ వ్యయం తక్కువ కొన్ని బ్యాంకులు మహిళా రుణ గ్రహీతలకు తక్కువ వడ్డీకే గృహ రుణాలను ఆఫర్‌ చేస్తున్నాయి. కొన్ని రాష్ట్రాల్లో అయితే మహిళలకు ఇల్లు/ఫ్లాట్‌ రిజిస్ట్రేషన్‌పై స్టాంప్‌ డ్యూటీ తక్కువగా అమల్లో ఉంది. ‘‘ఉమ్మడి గృహ రుణంలో ప్రధాన దరఖాస్తు దారుగా భార్య ఉంటే వ్యయాలను తగ్గించుకోవచ్చు. గృహ రుణంపై తక్కువ వడ్డీ రేటుకు తోడు, రిజిష్ట్రేషన్‌ చార్జీలో తగ్గింపు ప్రయోజనాలను అందుకోవచ్చు’’ అ ని మైమనీమంత్రా డాట్‌ కామ్‌ ఎండీ రాజ్‌ ఖోస్లా చెప్పారు.   క్రెడిట్‌ స్కోరుపై ప్రభావం ఉమ్మడిగా రుణం తీసుకుంటే దంపతులిద్దరిపై సమానంగా చెల్లింపుల భాధ్య త ఉంటుంది. ఏదైనా కారణం వల్ల ఒకరు ఉద్యోగం కోల్పోతే ఆ మేరకు గృహ రుణ ఈఎంఐ చెల్లింపులో నెలసరి వాటా అందకపోవచ్చు. ఈ కారణంగా ఈఎంఐ చెల్లింపులో వైఫల్యం చెందితే అప్పుడు ఇద్దరి క్రెడిట్‌ స్కోరుపైనా ప్రతికూల ప్రభావం పడుతుంది. ‘‘తిరిగి చెల్లింపుల బాధ్యత దంపతులపై పూర్తిగా ఉంటుంది. ఒక్కరు చెల్లింపుల్లో వైఫల్యం చెందినా ఇద్దరి క్రెడిట్‌ స్కోరుపై ప్రభావం పడుతుంది’’ అని ఆదిల్‌శెట్టి తెలిపారు. పన్ను ప్రయోజనాలు ఉమ్మడిగా గృహ రుణం తీసుకోవడం వల్ల అధిక పన్ను ప్రయోజనం కూడా లభిస్తుంది. దంపతులు ఉమ్మడిగా రూ.7 లక్షల వరకు పన్ను ప్రయోజనాన్ని పొందొచ్చు. సెక్షన్‌ 80సీ కింద చెరో రూ.1.5 లక్షల చొప్పున రూ.3లక్షలు, సెక్షన్‌ 24(బి) కింద రూ.4లక్షల వడ్డీపై (చెరో రూ.2లక్షలు) పన్ను ప్రయోజనం లభిస్తుంది. మధ్యాదాయ వర్గాల నుంచి కొంచెం అధిక ఆర్జనా పరులకు ఈ మేరకు పన్ను ఆదా రూపంలో గణనీయంగానే మిగులుతుంది. వీటిని అనుసరిస్తే మేలు.. రుణాన్ని తిరిగి చెల్లించాల్సిన కాల వ్యవధిలో ఇంటి యజమాని మరణిస్తే న్యాయపరమైన సమస్యలు తలెత్తకుండా ఉండేందుకు విల్లు రాసుకోవడం మంచిది. ఇక వైవాహిక జీవితం నూటికి నూరు పాళ్లు కలసి సాగుతుందని నేటి రోజుల్లో చెప్పడం కష్టమే. కనుక ఉమ్మడిగా గృహ రుణానికి వెళ్లే దంపతులు.. ఇంటిలో వాటా, తిరిగి రుణానికి చేయాల్సిన చెల్లింపులు, ఇతర అంశాలపై స్పష్టమైన ఒప్పందం చేసుకోవడం ఇంకా మంచిది. దీనివల్ల భవిష్యత్తులో ఒకవేళ ఇద్దరూ విడిపోవాల్సి వస్తే ఎటువంటి ఇబ్బందులు రాకుండా ఉంటాయి. ఇక గృహ రుణం తీసుకునే సమయంలోనే రుణానికి సరిపడా కవరేజీతో టర్మ్‌ ఇన్సూరెన్స్‌ కూడా తీసుకోవడం తప్పనిసరిగా చేయాల్సినది. రుణ గ్రహీతకు ఏదైనా జరిగితే, కుటుంబంపై రుణ చెల్లింపుల బాధ్యతలు పడకుండా ఉండేందుకు ఇది సాయపడుతుంది. ముఖ్యంగా ఉమ్మడి గృహ రుణ గ్రహీతల్లో ఒకరు మరణించడం వల్ల మరొకరిపై చెల్లింపుల బాధ్యత పడకుండా ఈ టర్మ్‌ప్లాన్‌ ఆదుకుంటుంది. విడాకులు, మరణం... దంపతులు ఉమ్మడిగా గృహ రుణం తీసుకున్న తర్వాత జీవితంలో ఇకమీదట కలసి సాగకూడదని విడాకులకు వెళితే పరిస్థితి ఏమిటి..? గృహ రుణాన్ని తిరిగి చెల్లించడం తప్పనిసరి. కాకపోతే ఇందుకు మార్గాన్ని వారే అన్వేషించుకోవాలి. ‘‘బ్యాంకు తన బకాయిలను వసూలు చేసుకునేందుకు చర్యలు చేపడుతుంది. అవసరమైతే న్యాయపరమైన చర్యలనూ చేపట్టవచ్చు. అందుకని భవిష్యత్తులో విడిపోవాల్సి వస్తే గృహ రుణ చెల్లింపుల విషయంలో ఏ విధంగా వ్యవహరించాలనే దానిపై దంపతులు ముందుగానే ఓ స్పష్టమైన అంగీకారానికి రావడం మంచిది’’ అని ఆదిల్‌శెట్టి సూచించారు. ఇక దురదృష్టవశాత్తూ ఉమ్మడి గృహ రుణం తీసుకున్న తర్వాత దంపతుల్లో ఒకరు మరణించినట్టయితే అప్పుడు చెల్లింపుల బాధ్యత పూర్తిగా రెండోవారిపై పడుతుంది.

కొన్ని ఆప్షన్లు కంపెనీలకే కాదు... వినియోగదారులకూ మేలు చేస్తాయి. ఉదాహరణకు జీవిత బీమా పాలసీ అనేది, పెరిగే బాధ్యతలకు అనుగుణంగా కవరేజీ దానంతట అదే పెరుగుతూ వెళితే ఎంత సౌకర్యంగా ఉంటుందో ఆలోచించండి. అలాగే, సెక్షన్‌  80సీ కింద పన్ను రాయితీలు కూడా. సంబంధిత సాధనాల్లో ఇన్వెస్ట్‌ చేసే వారి ఆర్థిక జీవితం మెరుగ్గా ఉంటుంది. అదే సమయంలో వారి పెట్టుబడులపై కంపెనీలకు రాబడులు వస్తాయి.  ఇటు వ్యక్తిగతంగా లాభాలను చేకూర్చుతూనే మరోవైపు ఆర్థికవ్యవస్థకూ ప్రయోజనం చేసే పథకాల గురించిన చర్చే ఈ వారం ప్రాఫిట్‌ ప్లస్‌ కథనం... మ్యూచువల్‌ ఫండ్స్‌లో ఇన్వెస్ట్‌ చేసే వారిలో చాలా మంది తమ పెరుగుతున్న ఆదాయానికి తగినట్టు పెట్టుబడులను పెంచుకోరు. ఇటువంటి వారిని దృష్టిలో ఉంచుకుని మ్యూచువల్‌ ఫండ్స్‌ సంస్థలు (ఏఎంసీలు) స్టెప్‌ అప్‌ లేదా టాపప్‌ సిప్‌లను ఆఫర్‌ చేస్తున్నాయి. అంటే ప్రతి నెలా చేస్తున్న సిప్‌ మొత్తం, నిర్ణీత కాలానికి ఓ సారి (వార్షికంగా లేదా మీరు నిర్ణయించిన దాని ప్రకారం) నిర్ణీత శాతం పెరుగుతూ ఉంటుంది. దీంతో, ఇన్వెస్టర్లు స్వయంగా సిప్‌ను పెంచుకోవాల్సిన అవసరం ఉండదు. ఒక్క టాపప్‌ సిప్‌ ఆప్షన్‌ ఎంచుకుంటే చాలు, మ్యూచువల్‌ ఫండ్స్‌ సంస్థే ఆ పని చేసేస్తుంది.     ఇక బ్యాంకు సేవింగ్స్‌ ఖాతాల్లో రాబడులు తక్కువేనన్న విషయం తెలిసిందే. సేవింగ్స్‌ ఖాతాలో మిగులు నిధులను, లిక్విడ్‌ ఫండ్స్‌లోకి సులభంగా బదలాయించుకోవడం ద్వారా అధిక రాబడులు పొందే అవకాశాన్ని మ్యూచువల్‌ ఫండ్స్‌ సంస్థలు కల్పిస్తున్నాయి. ఫలితంగా లిక్విడ్‌ ఫండ్స్‌లోకి నిధుల రాక పెరిగింది. ఉదాహరణకు ఆదిత్య బిర్లా సన్‌ లైఫ్‌ ఏఎంసీ సంస్థ ‘యాక్టివ్‌ అకౌంట్‌ యాప్‌’ను ఆఫర్‌ చేస్తోంది. ఈ యాప్‌ను  ఇన్‌స్టాల్‌ చేసుకుని, తమ వివరాలను ఇవ్వడం ద్వారా అకౌంట్‌ను క్రియేట్‌ చేసుకోవచ్చు. ఆ తర్వాత ఒక్క సింగిల్‌ క్లిక్‌తోనే ఈ యాప్‌ సాయంతో బ్యాంకు సేవింగ్స్‌ ఖాతా బ్యాలెన్స్‌ను లిక్విడ్‌ ఫండ్‌లోకి  పంపుకోవచ్చు.     మ్యూచువల్‌ ఫండ్స్‌ పథకాల్లో ఇన్వెస్ట్‌ చేయాలని చాలా మంది అనుకుంటుంటారు. కానీ, పెట్టుబడుల కేటాయింపు విషయంలో వారికి సమస్య ఎదురవుతుంది. ఈక్విటీల్లో ఎంత ఇన్వెస్ట్‌ చేయాలి, డెట్‌లో ఎంత ఇన్వెస్ట్‌ చేయాలన్నది వారి సందేహం. ఇన్వెస్టర్ల తరఫున ఈ బాధ్యతను తీసుకుని ఇన్వెస్ట్‌ చేసేవే బ్యాలెన్స్‌డ్‌ అడ్వాంటేజ్‌ ఫండ్స్‌. ‘‘ఈక్విటీల విలువ (వ్యాల్యూషన్స్‌) పెరిగింద నుకోండి, ఆ సమయంలో ఈక్విటీల్లో పెట్టుబడులను తగ్గించి, డెట్‌ విభాగంలో పెట్టుబడులు పెంచడం ఈ పథకాల్లో జరుగుతుంది. అలాగే, ఈక్విటీ మార్కెట్లు బాగా దిద్దుబాటుకు గురై, స్టాక్స్‌ ఆకర్షణీయంగా ఉన్నాయనుకోండి, అప్పుడు డెట్‌ విభాగంలో పెట్టుబడులు తగ్గించి, ఈక్విటీల్లో పెంచడం జరుగుతుంది. దీంతో ఈక్విటీ మార్కెట్లు అస్థిరతంగా మారినా, డెట్‌ విభాగంలోని పెట్టుబడుల వల్ల ఆ ప్రభావం తగ్గించడం జరుగుతుంది’’ అని ఐసీఐసీఐ ప్రుడెన్షియల్‌ అస్సెట్‌ మేనేజ్‌మెంట్‌ కంపెనీ సీఐవో, ఈడీ ఎస్‌.నరేష్‌  తెలిపారు. స్వీప్‌ అకౌంట్లు ఇప్పుడు చాలా బ్యాంకులు స్వీప్‌ అకౌంట్లను ఆఫర్‌ చేస్తున్నాయి. ఈ ఖాతాల్లో కనీస బ్యాలెన్స్‌ రూ.10,000–25,000 మధ్య ఉంటుంది. ఇది బ్యాంకులను బట్టి వేర్వేరుగా ఉండొ చ్చు. నిర్ణీత బ్యాలెన్స్‌కు మించి అదనంగా ఉన్న బ్యాలెన్స్‌ను ఫిక్స్‌డ్‌ డిపాజిట్‌గా బ్యాంకు మారుస్తుంది. ఇదంతా ఆటోమేటిగ్గా జరిగిపోతుంటుంది. సేవింగ్స్‌ ఖాతాల్లో బ్యాలెన్స్‌పై వార్షికంగా 3.5 శాతం వడ్డీనే గిడుతుందని తెలిసిందే. అదే ఫిక్స్‌డ్‌ డిపాజిట్‌గా మార్చడం వల్ల అధిక వడ్డీ రేటు పొందే అవకాశం లభిస్తుంది. కస్టమర్‌ బ్యాంకుకు వెళ్లి తన సేవింగ్స్‌ బ్యాంకు ఖాతాను స్వీప్‌ అకౌంట్‌గా మార్చుకుంటే సరిపోతుంది. బీమా డిజైనర్‌ పాలసీలు వ్యక్తి వయసును బట్టి వివిధ దశల్లో బీమా కవరేజీ అవసరాలు మారిపోతుంటాయి. యువతీ, యువకులు వివాహ జీవితంలోకి అడుగుపెట్టిన తర్వాత బాధ్యతలు అధికమవుతాయి. అలాగే, వారికి పిల్లలు జన్మించిన తర్వాత బాధ్యతలు ఇంకాస్త పెరుగుతాయి. అందుకనే బీమా సంస్థలు వీటిని దృష్టిలో ఉంచుకుని ప్రత్యేకంగా డిజైన్‌  చేసిన పాలసీలను ఆఫర్‌ చేస్తున్నాయి. టర్మ్‌ ప్లాన్‌ లలో సమ్‌ అష్యూరెన్స్‌ నిర్ణీత కాలానికి (ఐదేళ్లు) ఒకసారి ఆటోమేటిగ్గా పెరిగిపోతుంది.  సాధారణ టర్మ్‌ ప్లాన్‌ తీసుకుని, తమ అవసరాలకు అనుగుణంగా మళ్లీ అదనపు టర్మ్‌ ప్లాన్‌  తీసుకోవడం, అందుకోసం వైద్య పరీక్షలు తరహా ఫార్మాలిటీస్‌ను పూర్తి చేయడం కంటే బీమా మొత్తాన్ని పెంచుకునేందుకు ఈ తరహా పాలసీలు అనుకూలంగా ఉంటాయి. విడిగా టర్మ్‌ ప్లాన్‌  తీసుకోవడంతో పోలిస్తే, ఇలా ఉన్న ప్లాన్స్‌లోనే ఆటోమేటిగ్గా కవరేజీ పెరగడం వల్ల చెల్లించాల్సిన ప్రీమియం తక్కువగా ఉండడం మరో సానుకూలత. పన్ను రాయితీలు.. ఇక కేంద్ర ప్రభుత్వం ఇస్తున్న ఆదాయపన్ను రాయితీలు కూడా... వ్యక్తులు తమ ఆర్థిక క్రమశిక్షణ మెరుగుపరిచేందుకు ఇస్తున్న ప్రోత్సాహకాలుగానే చూడాల్సి ఉంటుంది. రాయితీల కోసమైనా వ్యక్తులు జీవిత బీమా, రిటైర్మెంట్‌ ప్లాన్లు, ఇతర పెట్టుబడి సాధనాల వంటి వాటిపైపు దృష్టి సారిస్తారని అంచనా. ఆర్థిక సంవత్సరం చివర్లో సెక్షన్‌  80సీ కింద పన్ను ప్రయోజనాలకు అర్హమైన పథకాల్లో పెట్టుబడులు పెట్టేందుకు వేతన జీవులు పరుగులు పెట్టడం ఇదే తెలియజేస్తుంది. కేంద్ర ప్రభుత్వరంగ సంస్థల ఈటీఎఫ్‌ (సీపీఎస్‌ఈ ఈటీఎఫ్‌)లో పెట్టుబడులకూ ఇకపై సెక్షన్‌ 80సీ కింద పన్ను ప్రయోజనాన్ని కల్పిస్తున్నట్టు తాజా బడ్జెట్‌లో కేంద్ర ఆర్థిక మంత్రి నిర్మలా సీతారామన్‌  ప్రకటించడం మరొకటి. ఇక విశ్రాంత జీవన అవసరాలను ముందుగానే గుర్తించి, రిటైర్మెంట్‌ పథకమైన ఎన్‌పీఎస్‌లో ఇన్వెస్ట్‌ చేయించేందుకు ఎన్‌పీఎస్‌లో పెట్టుబడులకూ కేంద్ర ప్రభుత్వం ప్రోత్సాహకాలు ఇస్తోంది. సెక్షన్‌  80సీ కింద రూ.1.5 లక్షల ఆదాయ రాయితీకి అదనంగా ఎన్‌పీఎస్‌లో రూ.50వేల పెట్టుబడికి సెక్షన్‌  80సీసీడీ 1బీ కింద పూర్తి పన్ను ప్రోత్సాహకాలు ఉన్నాయి. తాజా బడ్జెట్‌లోనూ ఎన్‌పీఎస్‌ పథకానికి సంబంధించి రాయితీలను కల్పించారు. లైఫ్‌సైకిల్‌ ఫండ్‌ ఇక ఎన్‌పీఎస్‌ పథకంలోని లైఫ్‌సైకిల్‌ ఫండ్‌ కూడా ప్రోత్సాహకమే. ఎన్‌పీఎస్‌లో చాలా మంది రిటైల్‌ ఇన్వెస్టర్లకు ఈక్విటీలు, కార్పొరేట్, ప్రభుత్వ బాండ్లు, ఆల్టర్నేటివ్‌ ఇన్వెస్ట్‌మెంట్‌లో ఏ విభాగంలో ఎంత ఇన్వెస్ట్‌ చేయాలనే విషయాన్ని క్లిష్టంగా చూస్తున్నారు. అదే లైఫ్‌ సైకిల్‌ ఫండ్‌ ఎంచుకుంటే, ఇన్వెస్టర్‌ వయసు ఆధారంగా ఆయా విభాగాలకు కేటాయింపులు జరుగుతుంటాయి. వయసు పెరుగుతూ, రిటైర్మెంట్‌ సమీపిస్తుంటే, ఈక్విటీలకు వాటా తగ్గుతూ డెట్‌ విభాగాలకు పెరగడం ఇందులో చూడొచ్చు. ఇక ఈ ఆర్థిక సంవత్సరం బడ్జెట్‌లో అందుబాటు ధరల గృహాలకు  (రూ.45 లక్షల వరకు) మరో ప్రోత్సాహకంగా, ఇంటి రుణంపై చెల్లించే వడ్డీ రాయితీని మరో రూ.1.5 లక్షలు పెంచారు. అంటే ఒక ఆర్థిక సంవత్సరంలో ఇంటి రుణంపై చెల్లించే వడ్డీ రూ.3.5 లక్షల వరకు ఆదాయపన్ను రాయితీ పొందొచ్చు. ఇది మొదటిసారి ఇంటి కొనుగోలుదారులకు ప్రోత్సాహకంగానే పనిచేస్తుందన్నారు దీపేష్‌ రాఘవ్‌. ప్రోత్సాహకాలతో జాగ్రత్త ► ఇన్‌స్టంట్‌ పర్సనల్‌ లోన్స్‌ ఆన్‌లైన్‌ లోనే, కొన్ని క్లిక్‌లతోనే పొందొచ్చనే ఆఫర్లను ప్రోత్సాహకాలుగా చూడొద్దు. ఇవి అధిక రుణ భారం పెంచే ప్రమాదం ఉంది.   ► ప్రతీ నెలా మీ చేతికి అందే వేతనంలో ఇంటి రుణ ఈఎంఐ 50 శాతం మించకుండా చూసుకోవాలి.   ► వినియోగ వస్తువులకు రుణాలను తీసుకోరాదన్న సూత్రానికి కట్టుబడి ఉండాలి. కేవలం ఇల్లు వంటి విలువైన ఆస్తి సమకూర్చుకునేందుకు రుణం తీసుకోవడం సమంజసం అవుతుంది. ► ఆకట్టుకునే బెనిఫిట్స్‌ను చూపించి సంప్రదాయ ఎండోమెంట్‌ బీమా పాలసీలను అంటగట్టే ప్రయత్నాన్ని బీమా సంస్థలు, ఏజెంట్లు చేస్తుంటారు. వీటిల్లో రాబడుల తక్కువగా ఉంటాయన్న విషయాన్ని గమనించాలి. ప్రత్యేకించి ఆయా సందర్భాల్లో రాబడులపై దృష్టి పెట్టాలి. ► మాల్స్‌కు వెళ్లినప్పుడు వారి మాయల్లో పడి ఏవి పడితే అవి కొనుగోలు చేయకుండా ఉండేందుకు గాను క్రెడిట్, డెబిట్‌ కార్డుల వంటి ప్లాస్టిక్‌ మనీని తీసుకెళ్లొద్దు. కావల్సినంత నగదునే వెంట తీసుకెళ్లడం మంచిది.


 రానున్న బడ్జెట్‌లో ఈక్విటీ స్కీమ్స్‌పై దీర్ఘకాలిక మూలధన లాభాల పన్ను విధించే అవకాశాలున్నాయని మిత్రులంటున్నారు. అలా జరుగుతుందా ? అందుకని ఈక్విటీ మ్యూచువల్ ఫండ్స్ యూనిట్లను విక్రయించాలనుకుంటున్నాను. నాది సరైన నిర్ణయమేనా? దీర్ఘకాలిక మూలధన లాభాల పన్ను ఉన్నా కూడా ఈ మ్యూచువల్ ఫండ్స్‌లో ఇన్వెస్ట్‌మెంట్స్ కొనసాగించమంటారా? వివరించగలరు.
 - శశికాంత్, హైదరాబాద్
  
 మ్యూచువల్ ఫండ్ ఈక్విటీ స్కీమ్స్‌పై దీర్ఘకాలిక మూలధన లాభాల పన్ను విధించే అవకాశాలను అంచనా వేయలేం. బడ్జెట్ వరకూ వేచి చూడడమే మంచిది. అయితే దీర్ఘకాలిక మూలధన లాభాల పన్ను విధిస్తుందన్న అంచనాలతో ఈ మ్యూచువల్ ఫండ్ యూనిట్లను విక్రయించడం సరైన నిర్ణయం  కాదు. మీ ఇన్వెస్ట్‌మెంట్స్‌ను కొనసాగించండి. ఈ విషయమై బడ్జెట్‌లో ఒక స్పష్టత వచ్చే వరకూ ఓపికపట్టండి. పన్ను మినహాయింపులున్నాయన్న ఒకే ఒక్క కారణంతో మ్యూచువల్ ఫండ్స్‌లో ఇన్వెస్ట్ చేయకూడదన్న విషయం గుర్తించుకోండి.
 
 మీ దీర్ఘకాలిక ఆర్థిక లక్ష్యాల సాధన కోసం ఈక్విటీలో ఇన్వెస్ట్ చేయడమే ఉత్తమం. ఎందుకంటే, దీర్ఘకాలంలో మరే ఇతర ఇన్వెస్ట్‌మెంట్ సాధనాలకంటే కూడా ఈక్విటీలపైననే అధిక రాబడులు వస్తాయి. మూలధన లాభాల పన్ను మినహాయింపు లభించడమనేది అదనపు ప్రయోజనం మాత్రమే. అందుకని ప్రభుత్వం రానున్న బడ్జెట్‌లో ఈక్విటీలపై మూలధన లాభాల పన్ను విధించినప్పటికీ, ఈక్విటీ ఇన్వెస్ట్‌మెంట్స్ ప్రాధాన్యత ఏమీ తగ్గదు. అయితే ఇలా పన్ను విధిస్తే లాభాల్లో కొంత కోత  ఉంటుంది.
 
 దీర్ఘకాలిక మూలధన లాభాల పన్ను ఉండొచ్చన్న ఒకే ఒక కారణంతో ఈక్విటీ ఇన్వెస్ట్‌మెంట్స్ నుంచి వైదొలగాలనుకోవడం సరైన వ్యూహం కాదు. దీర్ఘకాలంలో మంచి రాబడులనిచ్చేలా ఈక్విటీ ఇన్వెస్ట్‌మెంట్స్‌కు ప్రత్యామ్నాయమేదీ లేదు. అందుకని పన్నులు విధించినా సరే, ఈక్విటీ ఇన్వెస్ట్‌మెంట్స్‌ను కొనసాగించండి.
  
 నేను నెలకు రూ.10,000 చొప్పున ఈక్విటీ లింక్డ్ సేవింగ్స్ స్కీమ్స్(ఈఎల్‌ఎస్‌ఎస్)ఇన్వెస్ట్ చేస్తున్నాను. లాక్-ఇన్-పీరియడ్‌కు ముందే ఈ ఇన్వెస్ట్‌మెంట్స్‌ను ఉపసంహరించుకోవచ్చా? ఏమైనా అత్యవసర సందర్భాలు వస్తే ఎంతో కొంత జరిమానా చెల్లించి ఈ సొమ్ములను ఉపసంహరించుకునే వెసులుబాటు ఉందా ?
 - రవళి, విశాఖపట్టణం
  
 పన్ను ప్రయోజనాలు లభించే ప్రతీ ఇన్వెస్ట్‌మెంట్‌కు లాక్-ఇన్-పీరియడ్ తప్పనిసరిగా ఉంటుంది. అలాగే ఈక్విటీ లింక్డ్ సేవింగ్స్ స్కీమ్(ఈఎల్‌ఎస్‌ఎస్)కు మూడేళ్ల లాక్-ఇన్-పీరియడ్ ఉంటుంది. ఈ లాక్-ఇన్-పీరియడ్‌కు ముందే ఈఎల్‌ఎస్‌ఎస్ ఇన్వెస్ట్‌మెంట్స్‌ను ఉపసంహరించుకోవడం కుదరదు. జరిమానా చెల్లించి లాక్-ఇన్-పీరియడ్ కంటే ముందే మీ ఇన్వెస్ట్‌మెంట్స్‌ను వెనక్కి తీసుకునే వెసులుబాటు లేదు.
  
 నేను అక్టోబర్ 2005లో ఐసీఐసీఐ ప్రు లైఫ్‌టైమ్ పెన్షన్ ప్లాన్ టూ ను తీసుకున్నాను. వార్షిక ప్రీమియం రూ.15,000 చొప్పున చెల్లిస్తున్నాను. ఇప్పుడు నాకు డబ్బులు అవసరమయ్యాయి. మెచ్యూరిటీకి ముందే ఈ స్కీమ్‌ను క్లోజ్ చేయవచ్చా?  ఇలా క్లోజ్ చేస్తే నేనేమైనా పన్నులు చెల్లించాల్సి ఉంటుందా? లేకుంటే ఈ స్కీమ్‌లో కొనసాగమంటారా?
  - ఆనంద్, విజయవాడ
  
 ఐసీఐసీఐ ప్రు లైఫ్‌టైమ్ పెన్షన్ ప్లాన్ టూ అనేది యూనిట్ లింక్డ్ పెన్షన్ ప్లాన్(యూలిప్). మీరు క్రమం తప్పకుండా ఇన్వెస్ట్ చేసి, రిటైర్మెంట్ ఫండ్ ఏర్పాటు చేసుకోవడానికి ఈ ప్లాన్ ఉపకరిస్తుంది. మీరు రిటైర్ కావాలనుకున్నప్పుడు యాన్యుటీని కొనుగోలు చేయాలి. మీకు ఇప్పుడు ఈ ఇన్వెస్ట్‌మెంట్స్ అవసరమైన పక్షంలో, యాన్యుటీ కొనుగోలు అవసరం లేదనుకుంటే, ఈ పాలసీని సరెండర్ చేసుకోవచ్చు. మీరు ఈ స్కీమ్‌లో ఇన్వెస్ట్ చేసి పదేళ్లు దాటాయి. కనుక మీరు ఈ పాలసీని సరెండర్ చేస్తే మీరు ఎలాంటి సరెండర్ చార్జీలు చెల్లించాల్సిన పనిలేదు.
 
 మీరు సరెండర్ చేసేటప్పుడు ఫండ్ వాల్యూ ఎంత ఉంటుందో అంతే మొత్తం కూడా సరెండర్ వాల్యూగా వస్తుంది. మీకు వర్తించే ఆదాయపు పన్ను స్లాబ్ ప్రకారం, ఈ సరెండర్ విలువపై పన్ను చెల్లించాల్సి ఉంటుంది. ఇన్వెస్ట్‌మెంట్‌తో కలగలసి ఉన్న బీమా ప్లాన్‌లు తగిన రాబడులనివ్వలేవని చెబుతుంటాం. ఈ ప్లాన్‌లు ఖరీదైనవే కాకుండా, చాలా చార్జీలు వీటిల్లో ఉంటాయి.
 
 ఇవి తగినంత బీమా రక్షణ ఇవ్వలేవు. ఇన్వెస్ట్ చేయడానికి తగిన సాధనాలు కూడా కావు. అందుకనే ఇన్వెస్టర్లు ఎప్పుడూ బీమాకు, ఇన్వెస్ట్‌మెంట్స్‌కు వేర్వేరు సాధానాల్లో ఇన్వెస్ట్ చేయాలి. జీవిత బీమా కోసం టర్మ్ ప్లాన్‌లను ఎంచుకోవాలి. వీటికి ప్రీమియం తక్కువ. బీమా ప్రయోజనాలు ఎక్కువగా ఉంటాయి. ఇక దీర్ఘకాలిక ఆర్థిక లక్ష్యాల సాధన కోసం ఈక్విటీ మ్యూచువల్ ఫండ్స్‌లో ఇన్వెస్ట్ చేయాలి.
 
 - ధీరేంద్ర కుమార్
  సీఈవో, వ్యాల్యూ రీసెర్చ్


 - డిపాజిట్లు, డెట్ ఫండ్స్ కంటే మెరుగైన రాబడి
 - ఎగుడు దిగుడు మార్కెట్లో ఇంకాస్త అధికం
 - పన్ను ప్రయోజనాలు కూడా అధికమే
 - స్వల్పకాలిక ఇన్వెస్టర్లకి ఆర్బిట్రేజ్ ఫండ్లే ప్రత్యామ్నాయం
 ఒకరకంగా చెప్పాలంటే ఈ ఫండ్లు నష్టాలనందించటమనేది ఎక్కడో తప్ప జరగదు. మార్కెట్లు పడుతున్నా, పెరుగుతున్నా వీటి పనితీరు భిన్నంగా ఉంటుంది కనక ఇవి లాభాలార్జించడానికే ఎక్కువ అవకాశం ఉంటుంది. కాకపోతే మరీ ఈక్విటీ ఫండ్లలా మార్కెట్లు బాగున్నపుడు ఏడాదిలో 30 శాతం లాభాలివ్వటం... బాగులేనపుడు 30 శాతం నష్టాలివ్వటమనేది వీటిలో జరగదు. వీటిలో లాభాలొచ్చే అవకాశమే ఎక్కువగా ఉంటుంది. కాకపోతే ఇవి పరిమితంగానే ఉంటాయి. బ్యాంకు వడ్డీకన్నా ఎక్కువ ఉంటాయనేది మాత్రం చెప్పొచ్చు. అందుకే... ఈ ఒడిదుడుకుల మార్కెట్లో ఆర్బిట్రేజ్ ఫండ్స్‌ను ఆశ్రయించేవారి సంఖ్య పెరుగుతోంది. గతేడాది కేవలం రూ.13,885 కోట్లుగా ఉన్న ఆర్బిట్రేజ్ ఫండ్స్ ఇన్వెస్ట్‌మెంట్ విలువ ఇప్పుడు రూ.27,000 కోట్లు దాటింది. అంటే దాదాపు రెట్టింపయింది. దీన్నిబట్టే వీటికున్న డిమాండ్‌ను అర్థం చేసుకోవచ్చు. ఈ ఫండ్స్‌పై అవగాహన కల్పించేదే ఈ వారం ‘ప్రాఫిట్ ప్లస్’ ప్రధాన కథనం..
  
 ఆర్బిట్రేజ్ ఫండ్స్ కొత్తవేమీ కావు. ఎప్పటి నుంచో అందుబాటులో ఉన్నవే. కొన్ని ఫైనాన్షియల్ సంస్థలైతే అచ్చంగా ఆర్బిట్రేజ్ ట్రేడింగ్ మాత్రమే చేస్తాయి కూడా. కాకపోతే వీటిపై రిటైల్ ఇన్వెస్టర్లకు అవగాహన మాత్రం తక్కువే ఉంది. గతేడాది డెట్ ఫండ్స్ పన్ను ప్రయోజనాలను తగ్గించడం... వడ్డీరేట్లు కూడా తగ్గటంతో ఇన్వెస్టర్లు ఆర్బిట్రేజ్ వంటి ఇతర ప్రత్యామ్నాయ పథకాల కేసి చూస్తున్నారు. ఈక్విటీ ఫండ్స్‌తో పోలిస్తే రిస్క్ తక్కువగా ఉండే ఈ ఫండ్లు... చాలా సందర్భాల్లో బ్యాంకు డిపాజిట్ల కంటే రెండుమూడు శాతం అధిక రాబడినే అందిస్తున్నాయి. ఇక బ్యాంకు డిపాజిట్లు, డెట్ ఫండ్స్‌తో పోలిస్తే పన్ను భారం వీటిలో తక్కువ. ఈ ఆకర్షణలే వీటివైపు రిటైలర్లు మొగ్గేలా చేస్తున్నాయిపుడు.
  
 ఎవరికి అనుకూలం..
 స్వల్పకాలంలో బ్యాంకు డిపాజిట్ల కంటే అధికాదాయం కావాలనుకునే వారికి ఇవి అనుకూలమైనవని చెప్పొచ్చు. సాధారణంగా మూడు నుంచి ఆరు నెలల కాలపరిమితిలో ఇన్వెస్ట్ చేయొచ్చు. అదే పన్ను ప్రయోజనాల కోసమైతే 12 నెలల వరకు వేచి చూడొచ్చు. అంతేకాని వీటిని దీర్ఘకాలిక పెట్టుబడి సాధనంగా పరిగణించకూడదు.


 డిపాజిట్లు, డెట్ ఫండ్స్‌తో పోలిస్తే ఆర్బిట్రేజ్ ఫండ్స్‌లో ఆకర్షణీయమైన పన్ను ప్రయోజనాలున్నాయని చెప్పొచ్చు. ఇన్వెస్టర్ల నుంచి సేకరించిన మొత్తంలో 65 శాతం కంటే అధికంగా ఈక్విటీల్లో ఇన్వెస్ట్ చేస్తారు కాబట్టి వీటిని ఈక్విటీ ఫండ్స్‌గానే పరిగణిస్తారు. దీంతో ఏడాది దాటిన తర్వాత వచ్చే లాభాలపై ఎలాంటి పన్ను భారం ఉండదు. అదే ఏడాదిలోగా వైదొలిగితే 15 శాతం స్వల్పకాలిక మూలధన లాభ పన్ను, ఆ పన్నుపై 3 శాతం సర్ చార్జీ చెల్లించాల్సి ఉంటుంది. అదే బ్యాంకు డిపాజిట్లలో వచ్చే వడ్డీ ఆదాయంపై మీ శ్లాబును బట్టి పన్ను భారం ఏర్పడుతుంది. అలాగే ఏడాదికి వడ్డీ రూ.10,000 దాటితే టీడీఎస్ కూడా చెల్లించాల్సి ఉంటుంది. ఇక డెట్ ఫండ్స్ విషయానికి వస్తే లాంగ్ టర్మ్ క్యాపిటల్ గెయిన్స్ ట్యాక్స్ వర్తింపు పరిమితిని ఏడాది నుంచి మూడేళ్లకు పెంచారు. దీంతో డెట్ ఫండ్స్ పన్ను ప్రయోజన ఆకర్షణను కోల్పోయాయి.


  ప్రజల్లో పొదుపు శక్తిని ప్రోత్సహించడానికి కేంద్రం అనేక పన్ను రాయితీలిస్తోంది. ఇందుకోసం ఆదాయపు పన్ను చట్టంలో 80సీ పేరుతో ప్రత్యేకంగా ఒక సెక్షన్‌ను ఏర్పాటు చేశారు. కానీ చాలామంది సెక్షన్ 80సీ అనగానే బీమా, పీపీఎఫ్, పీఎఫ్ ఇన్వెస్ట్‌మెంట్స్ అని మాత్రమే అనుకుంటారు. కానీ ఈ సెక్షన్ ద్వారా పన్ను ప్రయోజనాలు పొందేందుకు అనేక పథకాలున్నాయి. సెక్షన్ 80సీలో ఉండి అంతగా ప్రాచుర్యం లేని ఇన్వెస్ట్‌మెంట్ పథకాల గురించి ఈ వారం తెలుసుకుందాం. వీటిల్లో ఏ పథకాన్ని ఎంచుకున్నా.. గరిష్టంగా రూ. 1.50 లక్షల వరకే పన్ను ప్రయోజనాలు లభిస్తాయి.
 
  యులిప్
  ఇన్వెస్ట్‌మెంట్, బీమా, పన్ను ప్రయోజనాలను యూనిట్ లింక్డ్ ఇన్సూరెన్స్ ప్లాన్ (యులిప్) అందిస్తుంది. చెల్లించిన ప్రీమియాన్ని వివిధ ఈక్విటీ, డెట్ పథకాల్లో ఇన్వెస్ట్ చేసి వాటిలో వచ్చే లాభనష్టాలను అందిస్తాయి. కాబట్టి వీటి రాబడులపై ఎటువంటి హామీ ఉండదు. వీటిల్లో ఇన్వెస్ట్ చేసిన ఐదేళ్ల వరకు వైదొలిగే అవకాశం లేదు. ఇవి దీర్ఘకాలిక ఇన్వెస్ట్‌మెంట్ సాధనాలుగానే పరిగణించాలి. చిన్న వయస్సు ఉండి, రిస్క్ సామర్థ్యం ఉన్న వారికి ఈ పథకాలు అనువుగా ఉంటాయి.
 
  ఈఎల్‌ఎస్‌ఎస్
  ఈక్విటీ లింక్డ్ సేవింగ్ స్కీం లేదా ట్యాక్స్ సేవింగ్ ఫండ్స్. వీటి రాబడులు కూడా ఈక్విటీ మార్కెట్స్‌పై ఆధారపడి ఉంటాయి. పన్ను ఆదాచేసే పథకాలన్నింటిలోకి తక్కువ లాకిన్ పీరియడ్‌ను కలిగివున్న పథకమిది. వీటి రాబడిపై ఎటువంటి పన్ను భారం ఉండకపోవడం, ఇన్వెస్ట్ చేసిన మూడు సంవత్సరాల తర్వాత ఎప్పుడైనా వైదొలిగే అవకాశం ఉండటం ప్రధాన ఆకర్షణ. వీటి రాబడులు మార్కెట్ల ఒడిదుడుకులకు అనుగుణంగా మారతాయి. ఇవి దీర్ఘకాలిక దృష్టితో సిప్ విధానంలో ఇన్వెస్ట్ చేయడానికి అనుకూలమైనవి. అధిక రాబడిని ఆశించే వారు, రిస్క్‌కు సిద్ధపడ్డవారు ఇన్వెస్ట్ చేయొచ్చు. డివిడెండ్ ఆప్షన్‌ను ఎంచుకుంటే పన్ను భారం లేని ఆదాయాన్ని మధ్యమధ్యలో పొందే అవకాశం ఉంది?
 
  స్టాంప్ డ్యూటీ
  ఇంటిని కొనుగోలు చేసినప్పుడు చెల్లించే స్టాంప్ డ్యూటీ, రిజిస్ట్రేషన్ చార్జీల వ్యయాన్ని సెక్షన్ 80సీ ద్వారా పన్ను మినహాయింపులు పొందవచ్చు. ఇంటిని కొన్న సంవత్సరంలో మాత్రమే ఈ మినహాయింపులను క్లెయిమ్ చేసుకోవాలి.
 
  ఇంటి రుణం
  రుణం తీసుకొని ఇంటిని నిర్మించిన వారికి రెండు సెక్షన్ల ద్వారా పన్ను ప్రయోజనాలు లభిస్తాయి. చెల్లిస్తున్న రుణంలో అసలుకు (అంటే వడ్డీ కాకుండా)చెల్లించే మొత్తాన్ని సెక్షన్ 80సీ కింద ప్రయోజనం పొందవచ్చు. అదే రుణానికి చెల్లించే వడ్డీపై సెక్షన్ 24(బీ) కింద గరిష్టంగా రూ. 2 లక్షల వరకు పన్ను మినహాయింపు పొందవచ్చు.
  
  సుకన్య సమృద్ధి..
  దీన్ని కేంద్రం ఈ మధ్యే ప్రవేశపెట్టింది. ప్రస్తుతం అందుబాటులో ఉన్న సేవింగ్ పథకాల్లో అత్యధిక కాలపరిమితి దీనికే ఉంది. దీని కాలపరిమితి అమ్మాయికి 21 ఏళ్లు లేదా వివాహ తేదీ ఏది ముందైతే అది. ఈ పథకంపై అందించే వడ్డీ ఏటా మారుతుంది. ఈ ఏడాది వడ్డీరేటును 9.2 శాతంగా ప్రకటించారు. ఈ పథకంలో ఇన్వెస్ట్ చేసిన మొత్తంపై సెక్షన్ 80సీ పన్ను మినహాయింపులు లభిస్తాయి. ఒక అమ్మాయిపై ఒక ఖాతా మాత్రమే ప్రారంభించగలరు. గరిష్టంగా ఇద్దరు అమ్మాయిల పేరిట ప్రారంభించొచ్చు. దగ్గర్లోని పోస్టాఫీసులో  ఈ పథకాన్ని ప్రారంభించొచ్చు.
  
  పెన్షన్ పథకాలు..
  పెన్షన్ నిధి కోసం ఇన్వెస్ట్ చేసే యాన్యుటీ ప్లాన్ కూడా ఈ సెక్షన్ పరిధిలోకి వస్తాయి. ఎల్‌ఐసీతో సహా అనేక బీమా కంపెనీలు ఈ పథకాలను అందిస్తున్నాయి.
 
  ఎన్‌ఎస్‌సీ, డిపాజిట్లు..
  పోస్టాఫీసు అందించే నేషనల్ సేవింగ్స్ సర్టిఫికెట్స్, ఐదేళ్ల పోస్టాఫీసు, బ్యాంకు డిపాజిట్లు కూడా సెక్షన్ 80సీ పరిధిలోకి వస్తాయి. రిస్క్ లేకుండా స్థిరమైన వడ్డీ ఆదాయం కావాలనుకునే వారికి ఇవి బాగుంటాయి. కానీ ఈ పథకాల వడ్డీపై పన్ను భారం ఉంటుంది. దీన్ని ప్రతి ఏటా ఆదాయంగా చూపించాల్సి ఉంటుంది.
 
  ట్యూషన్ ఫీజులు..
  పిల్లల చదువులకయ్యే వ్యయాలపై కూడా పన్ను మినహాయింపులు పొందవచ్చు. ఇది మీరు చెల్లించే మొత్తం ఫీజులపై లభించదు. కేవలం అందులో పేర్కొన్న ట్యూషన్ ఫీజుకు మాత్రమే ఇది వర్తిస్తుంది. అంతేకాని డొనేషన్స్, ల్యాబ్, డెవలప్‌మెంట్ ఫండ్ రూపంలో వసూలు చేసే ఫీజులకు ఇది వర్తించదు. నర్సరీ విద్య నుంచి విశ్వవిద్యాలయం కోర్సులకు వరకు ఇది వర్తిస్తుంది. కాని గరిష్టంగా ఇద్దరు పిల్లలకు మాత్రమే వర్తిస్తుంది.