పుష్ప విలన్ డాలీ ధనుంజయ్ ఈ ఏడాది ఫిబ్రవరిలో వివాహాబంధంలోకి అడుగుపెట్టారు. పుష్ప సినిమాలో విలన్‌గా మెప్పించిన డాలీ ధనుంజయ్‌.. డాక్టర్ ధన్యత గౌరాక్లర్‌ మెడలో మూడు ముళ్లు వేశారు. మైసూరులో ఏర్పాటు చేసిన భారీ వేదికపై పెళ్లి వేడుక గ్రాండ్‌గా జరిగింది. ఈ పెళ్లి వేడుకలో కన్నడ సినీ ప్రముఖులు, సన్నిహితులు, స్నేహితులు హాజరయ్యారు. ఈ వెడ్డింగ్‌ కోసం మైసూర్ ప్యాలెస్ పక్కన ఉన్న ఎగ్జిబిషన్ గ్రౌండ్స్‌లో ఏర్పాటు చేశారు. పుష్ప- 2 సినిమా దర్శకుడు సుకుమార్ సైతం డాలీ ధనంజయ్ పెళ్లికి హాజరయ్యారు.అయితే పెళ్లి తర్వాత తొలిసారి తన భార్య ధన్యతతో కలిసి ఆధ్యాత్మిక బాటపట్టారు డాలీ ధనుంజయ్. తన సతీమణితో కలిసి ఉగాది రోజున ప్రముఖ సిద్దేశ్వర స్వామి ఆలయాన్ని సందర్శించారు. దీనికి సంబంధించిన ఫోటోలను సోషల్ మీడియా ద్వారా పంచుకున్నారు. అంతేకాకుండా కన్నడలో తాను నిర్మించిన విద్యావతి అనే మూవీ పోస్టర్‌తో ప్రమోషన్స్ కూడా నిర్వహించారు. వచ్చేనెల 10న విద్యావతి సినిమా థియేటర్లలో సందడి చేయనుందని ఇన్‌స్టాలో పోస్ట్ చేశారు. ప్రస్తుతం ఈ పోస్ట్‌ సోషల్ మీడియాలో తెగ వైరలవుతోంది.కాగా.. కన్నడలో హీరో కమ్ విలన్‌గా పలు సినిమాలు చేసి చాలా గుర్తింపు తెచ‍్చుకున్న నటుడు ధనంజయ. ఫ్యాన్స్ ఇతడిని ముద్దుగా డాలీ అని పిలుస్తారు. ఇతడి యాక్టింగ్ నచ్చి డైరెక్టర్ సుకుమార్ తన 'పుష్ప'లో జాలీరెడ్డి రోల్ ఇచ్చారు. తనదైన స్లాంగ్‌తో ఫెర్ఫెక్ట్ విలనిజం చూపించాడు. డిసెంబర్‌లో రిలీజైన పుష్ప-2 ది రూల్ సీక్వెల్‌లోనూ అదరగొట్టేశాడు. View this post on Instagram A post shared by Daali Dhananjaya (@dhananjaya_ka)

పుష్ప అంటే ఫ్లవర్‌ అనుకుంటివా ఫైరు.. కాదుకాదు, వైల్డ్‌ ఫైరు.. అని నిరూపించాడు ఐకాన్‌ స్టార్‌ అల్లు అర్జున్‌ (Allu Arjun). పుష్ప ఫ్రాంచైజీ (Pushpa Movie)తో బాక్సాఫీస్‌ రికార్డులు తిరగరాశాడు. పుష్ప 1.. 2021లో విడుదల కాగా దాని సీక్వెల్‌ 2024లో రిలీజైంది. మరి పుష్ప 3 ఎప్పుడు? అని ఫ్యాన్స్‌ ఆతృతగా ఎదురుచూస్తున్నారు.వారి ఎదురుచూపులకు నిర్మాత రవిశంకర్‌ తెర దించాడు. 2028లో పుష్ప 3 (Pushpa 3 Movie) విడుదల చేస్తామని వెల్లడించాడు. విజయవాడలో ఆదివారం జరిగిన రాబిన్‌హుడ్‌ ప్రెస్‌మీట్‌లో ఈ విషయాన్ని తెలిపాడు. అలాగే బన్నీ.. ప్రస్తుతం అట్లీతో ఓ సినిమా చేస్తున్న సంగతిని కూడా బయటపెట్టాడు.పుష్పరాజ్‌ ప్రయాణం ఎలా మొదలైందంటే?అల్లు అర్జున్‌, రష్మిక మందన్నా ప్రధాన పాత్రలో నటించిన చిత్రం పుష్ప (Pushpa: The Rise). ఫహద్‌ ఫాజిల్‌, సునీల్‌, డాలి ధనంజయ, అజయ్‌ ఘోష్‌, జగదీశ్‌ ప్రతాప్‌, అనసూయ కీలక పాత్రలు పోషించారు. సుకుమార్‌ దర్శకత్వం వహించిన ఈ మూవీకి శ్రీకాంత్‌ విస్స డైలాగ్స్‌ రాశాడు. మైత్రీమూవీ మేకర్స్‌ బ్యానర్‌పై నవీన్‌ ఎర్నేని, యలమంచిలి రవిశంకర్‌ నిర్మించారు.దేవిశ్రీప్రసాద్‌ సంగీతం అందించిన ఈ మూవీ 2021 డిసెంబర్‌ 17న ప్రేక్షకుల ముందుకు వచ్చింది. రూ.350 కోట్లకు పైగా వసూలు చేసింది. దీంతో దీనికి సీక్వెల్‌గా పుష్ప: ద రూల్‌ తెరకెక్కింది. 2024 డిసెంబర్‌ 5న రిలీజైన ఈ మూవీ ప్రపంచ వ్యాప్తంగా రూ.1650 కోట్లు రాబట్టింది. బాక్సాఫీస్‌ వద్ద వసూళ్ల ఊచకోత సృష్టించిన పుష్ప 2కి సీక్వెల్‌ ఉంటుందని చిత్రయూనిట్‌ ఎప్పుడో ప్రకటించింది. తాజాగా రిలీజ్‌ ఎప్పుడో కూడా చెప్పేయడంతో ఫ్యాన్స్‌ సంతోషం వ్యక్తం చేస్తున్నారు.చదవండి: ఆ సినిమా చూస్తుంటే చేదు గతం కళ్లముందుకు..: టాలీవుడ్‌ హీరోయిన్‌

సాక్షి, హైదరాబాద్‌: తెలంగాణలో అల్లు అర్జున్, పుష్ప సినిమా విషయంలో రాజకీయ ప్రకంపనలు ఇంకా కొనసాగుతూనే ఉన్నాయి. ఇక, తాజాగా పుష్ప సినిమాపై మంత్రి మంత్రి సీతక్క సంచలన వ్యాఖ్యలు చేశారు. ఒక స్మగ్లర్ సినిమాకు అవార్డు ఇవ్వడం దేనికి సంకేతమని ప్రశ్నించారు.మంత్రి సీతక్క తాజాగా మీడియాతో మాట్లాడుతూ.. అల్లు అర్జున్‌ నటించిన పుష్ప సినిమాలో ‍స్మగ్లర్‌ను హీరో చేశారు.. పోలీసును విలన్ చేశారు. ఒక స్మగ్లర్‌ పోలీసుల దుస్తులు విప్పి నిలబెడితే జాతీయ స్థాయిలో అవార్డులు ఇవ్వడం దేనికి సంకేతం. ఇలాంటి సినిమాలు నేర ప్రవృత్తిని పెంచేలా ఉన్నాయి. మానవతా దృక్పథం ఉన్న సినిమాలు రావాలి. జైభీమ్‌ వంటి సందేశాత్మక చిత్రాలకు అవార్డులు రాలేదు. అలాంటి సినిమాలకు ప్రోత్సహకాలు లేవు అంటూ ఘాటు విమర్శలు చేశారు. ఇదిలా ఉండగా పుష్ప-2 సినిమా రిలీజ్‌ సందర్భంగా సంధ్య థియేటర్‌ వద్ద తొక్కిసలాట ఘటనలో ఒక మహిళ మృతి చెందింది. ఈ ఘటనపై కేసు నమోదు కాగా.. అల్లు అర్జున్‌ అరెస్టై జైలుకు కూడా వెళ్లి.. మధ్యంతర బెయిల్‌ మీద బయటకు వచ్చారు. అయితే ఈ వ్యవహారం తెలంగాణ రాజకీయంగానూ రచ్చ రేపింది. ప్రతిపక్ష బీఆర్‌ఎస్‌, బీజేపీలు అల్లు అర్జున్‌కు మద్ధతుగా నిలిచాయి. రేవంత్‌ సర్కార్‌పై తీవ్ర స్థాయిలో విరుచుకుపడుతున్నాయి. అయితే.. కాంగ్రెస్‌ మాత్రం పోలీసుల చర్యలను సమర్థిస్తూ..అల్లు అర్జున్‌దే మొత్తం తప్పు అంటూ వాదిస్తూ వస్తోంది. దీంతో, ఈ వ్యవహరంలో రోజుకో కొత్త ట్విస్ట్‌ చోటుచేసుకుంటోంది.

సాక్షి, న్యూఢిల్లీ: దేశవ్యాప్తంగా పుష్ప–2 సినిమా మేనియా నడుస్తోంది. అదిప్పుడు రాజకీయాలనూ ప్రభావితం చేస్తోంది. ఢిల్లీ మాజీ ముఖ్యమంత్రి అరవింద్‌ కేజ్రీవాల్‌ కూడా ఇప్పుడు ‘తగ్గేదే లే’అంటున్నారు. తాజాగా ఆయన పుష్ప అవతారమెత్తారు. ‘కేజ్రీవాల్‌.. ఝుకేగా నహీ’అనే ట్యాగ్‌ లైన్‌ తో ఆప్‌ రిలీజ్‌ చేసిన పోస్టర్‌ సోషల్‌ మీడియాలో వైరల్‌ అవుతోంది. ‘కేజ్రీవాల్‌ కుంభకోణాల సాలీడు గూడు’అంటూ బీజేపీ రిలీజ్‌ చేసిన పోస్టర్‌కు ఆప్‌ ఇచ్చిన కౌంటర్‌ ‘టాక్‌ ఆఫ్‌ ద టౌన్‌’గా మారింది. ఎన్నికలకు రెండు నెలల ముందే బీజేపీ వర్సెస్‌ ఆప్‌ పోస్టర్‌ వార్‌ చలి కాలంలోనూ పొలిటికల్‌ హీట్‌ పెంచుతోంది. బీజేపీ పోస్టర్‌లో ఏముంది?ఢిల్లీలో ఆమ్‌ ఆద్మీ పార్టీ ప్రభుత్వం మోసాల కు పాల్పడుతోందంటూ బీజేపీ శనివారం పోస్టర్‌ను విడుదల చేసింది. ఈ పోస్టర్‌లో ఢిల్లీ మాజీ ముఖ్యమంత్రి, ఆప్‌ జాతీయ కన్వీ నర్‌ కేజ్రీవాల్‌ను హైలైట్‌ చేసింది. మద్యం విధానంలో కుంభకోణం ఆరోపణలు, మొహల్లా క్లినిక్, హవాలా, భద్రత, రేషన్, పానిక్‌ బటన్, శీష్‌ మహల్, మందులు, ఢిల్లీ జల్‌ బోర్డ్, క్లాస్‌రూమ్, సీసీటీవీ స్కామ్‌లను ప్రస్తావిస్తూ. ’కేజ్రీవాల్‌ కుంభకోణాల సాలెగూడు’అని ట్యాగ్‌లైన్‌ పెట్టింది.కేజ్రీవాల్‌ పుష్ప అవతార్‌బీజేపీ పోస్టర్‌కు ఆదివారం ఆమ్‌ ఆద్మీ పార్టీ.. పాన్‌ ఇండియా సినిమా పుష్ప రేంజ్‌లో కౌంటర్‌ ఇచ్చింది. పుష్ప పోస్టర్‌లో హీరో అల్లు అర్జున్‌ ముఖాన్ని తీసేసి ఆ స్థానంలో కేజ్రీవా ల్‌ ఫేస్‌ పెట్టారు. ఒక చేతిలో ఆ పార్టీ గుర్తు చీపురు పట్టుకున్నట్లు చూపించారు. ’కేజ్రీవా ల్‌ ఝుకేగా నహీ (కేజ్రీవాల్‌ తలవంచడు)’ టైటిల్‌ పెట్టారు. పోస్టర్‌ కింద ‘కేజ్రీవాల్‌ ఫోర్త్‌ టర్మ్‌ కమింగ్‌ సూన్‌’అంటూ ట్యాగ్‌లైన్‌ ఇచ్చారు. వచ్చే ఎన్నికల్లో ఆప్‌ ఇదే పోస్టర్‌ను ప్రచార అస్త్రంగా మార్చుకునే అవకాశముందని విశ్లేషకులు అభిప్రాయపడుతున్నారు. ఢిల్లీలోని 70 అసెంబ్లీ స్థానాలకు ఫిబ్రవరిలో ఎన్నికలు జరగనున్నాయి. 1998 నుంచి బీజేపీ ఢిల్లీలో అధికారానికి దూరంగా ఉంది. 2015 నుంచి ఇక్కడ ఆప్‌ సొంతంగా అధికారంలో ఉంది.

చిత్తూరు, సాక్షి: సీఎం చంద్రబాబు ప్రాతినిథ్యం వహిస్తున్న కుప్పంలో.. అల్లు అర్జున్‌ ఫ్యాన్స్‌కి కోపమొచ్చింది. తమ అభిమాన నటుడి సినిమా ప్రదర్శించకుండా అధికారులు ఓ థియేటర్‌ను సీజ్‌ చేయడంపై రగిలిపోతున్నారు. స్థానికంగా ఓ నేతకు చెందిన రెండు థియేటర్లలో పుష్ప 2 చిత్రం ప్రదర్శిస్తున్నారు. అయితే.. ఎన్‌వోసీ సర్టిఫికెట్‌ లేకుండా సినిమా ప్రదర్శిస్తున్నారంటూ అధికారులు షోలను అర్ధాంతరంగా నిలిపివేయించి మరీ తాళాలు వేశారు. దీంతో అభిమానులు తీవ్ర నిరాశకు గురయ్యారు. లైసెన్సు రెన్యూవల్ చేసుకోకుండా థియేటర్‌ రన్‌ చేస్తున్నారని అధికారులు చెబుతుండగా.. ఇది కక్ష సాధింపు చర్యలో భాగమై ఉండొచ్చంటూ ఫ్యాన్స్‌ వాదిస్తున్నారు. మరోవైపు వారాంతం కావడంతో కొత్త సినిమా చూద్దామని థియేటర్‌కు వస్తున్న ప్రేక్షకులు.. గేటుకు తాళాలు చూసి నిరాశతో వెనుదిరుగుతున్నారు. ఇదీ చదవండి: టార్గెట్‌ అల్లు అర్జున్‌.. రాజకీయ సెగ!

హైదరాబాద్‌, సాక్షి: అల్లు అర్జున్‌-సుకుమార్‌ ‘పుష్ప-2’ చిత్ర విడుదలకు తెలంగాణ హైకోర్టు క్లియరెన్స్‌ ఇచ్చింది. సినిమా టికెట్‌ ధరల పెంపు వివాదంపై దాఖలైన పిటిషన్‌ను మంగళవారం విచారణ జరిపిన హైకోర్టు.. ఈ మేరకు విడుదల చేసుకునేందుకు మైత్రీ మూవీ మేకర్స్‌కు అనుమతి ఇచ్చింది. అదే టైంలో బెనిఫిట్‌ ద్వారా వచ్చే వసూళ్ల వివరాలను తమకు తదుపరి విచారణలో అందజేయాలని ప్రొడక్షన్‌ హౌజ్‌ను ఆదేశించింది. పుష్ప 2 సినిమా టికెట్ ధరల పెంపు వివాదంపై హైకోర్టు విచారణ జరిగింది. బెనిఫిట్‌ షోపేరుతో రూ.800 వసూలు చేయడం అన్యాయమని, బెనిఫిట్ షో ద్వారా వచ్చే డబ్బును ఎక్కడికి మల్లిస్తున్నారో తెలియాల్సిన అవసరం ఉందని పిటిషనర్ సతీష్‌ కోరారు. అయితే..చివరి నిమిషంలో సినిమా విడుదలను అడ్డుకోలేమని చెబుతూ విడుదలకు హైకోర్టు క్లియరెన్స్‌చ్చింది. పూర్తి నివేదిక పరిశీలించి ఆదేశాలు ఇస్తామని పేర్కొంది. అలాగే.. టికెట్‌ ధరల పెంపు ప్రభుత్వ జీవోలను సైతం పరిశీలిస్తామన్న హైకోర్టు తెలిపింది. కౌంటర్ దాఖలు చేయడానికి నిర్మాత తరఫు న్యాయవాది సమయం కోరగా, తదుపరి విచారణను డిసెంబరు 17వ తేదీకి న్యాయమూర్తి వాయిదా వేశారు. దీంతో చిత్ర నిర్మాణ సంస్థ నిర్దేశించిన విధంగానే టికెట్ల ధరలు కొనసాగనున్నాయి. అలాగే.. బెనిఫిట్‌ షో వసూళ్ల పూర్తి వివరాలు రెండు వారాల్లో సమర్పించాలని మైత్రి మూవీస్ కు హైకోర్టు స్పష్టం చేసింది.ఇక.. రాత్రి 10గం. షోవేస్తే.. అది అయిపోయే సరికి 1గం. అవుతుందని, తద్వారా పిల్లలకు నిద్ర లేకుండా పోతుందని, వాళ్లకు నిద్ర ఎంతో అవసరమని హైకోర్టు అభిప్రాయపడింది. వాదనలు ఇలా.. మొదటి 15రోజులు సైతం అధిక డబ్బులు వసూలు చేస్తున్నారు: పిటిషనర్‌ తరఫు లాయర్‌భారీ బడ్జెట్‌తో సినిమా చిత్రీకరించడంతో టికెట్ ధరలు పెంచాల్సి వచ్చింది: మైత్రీమూవీ మేకర్స్ తరఫు లాయర్‌‘ప్రభుత్వమే టికెట్ రేట్లు పెంచడానికి అనుమతించి కదా’: హైకోర్టుటికెట్ రేట్ల పెంపు వల్ల అభిమానులపై భారం పడుతోంది. అర్ధరాత్రి 1 గంటకు, తెల్లవారుజామున నాలుగు గంటలకు షోలు పెట్టి ప్రజలను ఇబ్బందులకు గురి చేస్తున్నారు: పిటిషనర్‌ తరపు న్యాయవాదిపెంచిన రేట్ల ద్వారా వచ్చిన ఆదాయం ఛారిటీ, సీఎం, పీఎం సహాయ నిధి ఖాతాలో వెళ్లడం లేదు. కేవలం నిర్మాత మాత్రమే లబ్ది పొందుతున్నాడు: పిటిషనర్‌ తరపు న్యాయవాదిటికెట్ ధరలతో పోలిస్తే థియేటర్లలో పాప్‌కార్న్, మంచి నీళ్ల బాటిళ్లను అధిక ధరలకు విక్రయిస్తున్నారు కదా. బెనిఫిట్‌ షోకు ఒక వ్యక్తి 10మంది కుటుంబ సభ్యులతో కలిసి వెళ్తే రూ.8వేలు అవుతుంది కదా: హైకోర్టు న్యాయమూర్తిబెనిఫిట్‌ షో కేవలం హీరో అభిమానుల సంఘాలకు మాత్రమే. అందుకే రేట్లు పెంచారు: నిర్మాత తరపు న్యాయవాది పుష్ప ది రూల్‌ స్క్రీనింగ్‌కు తెలంగాణ సర్కార్‌ ఇచ్చిన అనుమతులుడిసెంబర్ 4న రాత్రి 9.30 గంటలకే పడనున్న బెనిఫిట్ షోరాత్రి 9.30 షోకు టికెట్ ధరను అదనంగా రూ.800 వర్తింపు. రాష్ట్రవ్యాప్తంగా సింగిల్ స్క్రీన్, మల్టీఫ్లెక్స్‌ ఏదైనా సరే ప్రస్తుతం ఉన్న టికెట్‌ ధరకు అదనంగా రూ.800 చెల్లించాల్సిందే.అర్ధరాత్రి 1 గంట నుంచి తెల్లవారుజామున 4 గంటల వరకు అదనపు షోలకు కూడా అనుమతిడిసెంబర్ 5 నుంచి 8 వరకు సింగిల్ స్క్రీన్‌లలో రూ.150, మల్టీఫ్లెక్స్‌లో రూ.200 పెంపు.డిసెంబర్ 9 నుంచి 16 వరకు సింగిల్ స్క్రీన్‌లో రూ.105, మల్టీఫ్లెక్స్‌లో రూ.150 పెంపు.డిసెంబర్ 17 నుంచి 23 వరకు సింగిల్ స్క్రీన్‌లో రూ.20, మల్టీఫ్లెక్స్‌లో రూ.50 పెంపునకు అనుమతి అల్లు అర్జున్‌-సుకుమార్‌ కాంబోలో రాబోతున్న పుష్ప 2 డిసెంబర్‌ 5వ తేదీన ప్రపంచవ్యాప్తంగా 12 వేల స్క్రీన్‌లలో గ్రాండ్‌గా విడుదల కానుంది. 2021 డిసెంబర్‌లో రిలీజ్‌ అయిన పుష్ప మొదటి భాగం సంచలనాలు సృష్టించగా.. ఇప్పుడు రెండో భాగం మీద భారీ అంచనాలే ఉన్నాయి.

బాహుబలి తర్వాత ఆ స్థాయిలో తెలుగు సినిమా గురించి చర్చ సుకుమార్-అల్లు అర్జున్​ల ‘పుష్ప’తోనే నడిచింది. దాదాపు 70 ఏళ్లుగా ఊరిస్తూ వచ్చిన జాతీయ ఉత్తమ నటుడు అవార్డు ఎట్టకేలకు ఓ తెలుగు నటుడిని వరించింది ఈ చిత్రంతోనే. మూడేళ్ల కిందట వచ్చిన ఈ చిత్ర మొదటి భాగం ఏ స్థాయిలో హిట్‌ అయ్యిందో ప్రత్యేకించి చెప్పనక్కర్లేదు. అందుకే ఇప్పుడు రెండో భాగం భారీ అంచనాల నడుమ ఆరు భాషల్లో.. 12వేలకు పైగా స్క్రీన్‌లలో డిసెంబర్​ 5న గ్రాండ్​ రిలీజ్‌కు రెడీ అయ్యింది. ఈ మేనియా నడుమే అసలు పుష్పగాడి కథ ఎలా పుట్టిందో ఓసారి గుర్తు చేసుకుందాం. పుష్పరాజ్‌.. తన ఇంటిపేరును కూడా చెప్పుకోలేని స్టేజ్‌లో అవమానాలు ఎదుర్కొనే ఓ మొరటు యువకుడు. అయినా సెల్ఫ్‌ రెస్‌పెక్ట్‌ విషయంలో ‘నీ యవ్వ.. తగ్గేదే లే’’ అంటాడు. ఓనర్‌ ముందే ఇస్టయిల్‌గా కుర్చీలో కూర్చుని ఆ ఉద్యోగానికి కాలదన్ని మరీ ఎర్ర చందనం ముఠాలో చేరతాడు. అడవిలో స్మగ్లింగ్‌ కోసం కూలీగా వెళ్లి.. క్రమక్రమంగా శత్రువుల్ని పెంచుకుంటూ ఆ మాఫియాకి కింగ్‌గా ఎలా ఎదిగాడన్నది పుష్ప ది రైజ్​ కథ. ఈ మధ్యలో తల్లి పార్వతమ్మ, సవతి అన్న ఫ్యామిలీ సెంటిమెంట్‌.. దానికి సమాంతరంగానే శ్రీవల్లితో ప్రేమాయణం కూడా నడుస్తుంది. ఆఖర్లో షెకావత్‌ సర్‌తో నడిచే బ్రాండ్‌ ట్రాక్‌తో కథకు కొనసాగింపుగా పుష్పగాడి పెళ్లిలోనే ‘‘శుభం కార్డు’’ పడుతుంది. మొదటిపార్ట్‌లో పుట్టుకొచ్చిన ఎనిమీస్​ మధ్యే పుష్పగాడి రూల్‌ ఎలా నడుస్తుందనే దానితో సుకుమార్​ రెండో పార్ట్​ను చూపించబోతున్నారు!. అయితే..👉పుష్ప కథ, కాస్టింగ్​ దగ్గరి నుంచి.. చాలా విషయాల్లో దర్శకుడు సుకుమార్‌ అనుకున్నది అనుకున్నట్లు జరగలేదు!. దశాబ్దాల కిందట ఏపీలో జరిగిన వాస్తవ ఘటనల స్ఫూర్తితో పుష్ప కథను రాసుకున్నాడు సుక్కూ. ఆయన దానిని ఓ వెబ్‌ సిరీస్‌గా తీయాలని భావించాడు. కానీ, ఆ తర్వాత ఎందుకనో నిర్ణయం మార్చుకుని ఫీచర్‌ ఫిల్మ్‌ వైపు మొగ్గు చూపాడు. 👉ఈ కథతో ఓ అగ్రహీరోను సంప్రదిస్తే.. ఆయన సై అన్నాడు. ప్రాజెక్టు ప్రారంభ పనుల్లోనూ ఆ హీరో సుక్కూతో కలిసి పాలుపంచుకున్నాడు. తీరా.. అనివార్య కారణాల వల్ల ఆయన తప్పుకోగా.. తాను వ్యక్తిగతంగా ఎంతో ఇష్టపడే హీరో అల్లు అర్జున్‌ దగ్గరకే ఆ కథ చేరింది. అయితే ఆ స్టార్‌ హీరోతో తీయాలనుకున్న కథ వేరైనా.. బ్యాక్‌డ్రాప్‌ మాత్రం ఇదేనని సుకుమార్‌ తర్వాత క్లారిటీ ఇచ్చారు కూడా.👉కాస్టింగ్​లో విషయంలోనూ సుక్కూ లెక్క తప్పింది. కీలక పాత్రలకు అనుకున్నవాళ్లతో కాకుండా వేరే వాళ్లను ఎంచుకోవాల్సి వచ్చింది. మైత్రి మేకర్స్​ సుకుమార్​తో కొత్త సినిమా అనౌన్స్​ చేసింది 2019 జులైలో. అదే ఏడాది దసరాకు ఈ చిత్రం షూటింగ్​ ప్రారంభం అవుతుందని ప్రకటించింది. ఈలోపు అయితే అది కాస్త ఆలస్యమై.. అక్టోబర్‌ 30వ తేదీన కొంతమంది కాస్టింగ్​తో పూజా కార్యక్రమం ద్వారా ముహూర్తం షాట్‌తో లాంఛనంగా ప్రారంభమైంది. 👉ఇక రెగ్యులర్​ షెడ్యూల్​ను అదే ఏడాదిలో కేరళలో యాక్షన్‌ షూట్‌తో ప్రారంభించాలనుకున్నప్పటికీ.. అప్పటికే అల్లు అర్జున్​ అల వైకుంఠపురంలో ఉండడంతో ఆలస్యమైంది. ఆపై 2020 మార్చ్‌లో కేరళ షెడ్యూల్‌తో షూటింగ్‌ మొదలుకావాల్సింది.కానీ, కరోనాతో సినిమాకు అడ్డుపడింది. అక్కడి నుంచి పుష్పకు సినిమా కష్టాలే నడిచాయి.👉2020 ఏప్రిల్‌ 8వ తేదీ.. అల్లు అర్జున్‌ పుట్టిన రోజు సందర్భంగా రగ్​డ్​ లుక్​తో పుష్ప ఫస్ట్‌ లుక్‌ రిలీజ్‌ అయ్యి హాట్​ టాపిక్​గా మారింది.First Look and the Title of my next movie “ P U S H P A “ . Directed by dearest Sukumar garu . Music by dearest friend @ThisIsDSP . Really excited about this one. Hoping all of you like it . @iamRashmika @MythriOfficial #MuttamsettyMedia pic.twitter.com/G8ElmLKqUq— Allu Arjun (@alluarjun) April 8, 2020👉అయితే చిత్ర షూటింగ్ ఏరకంగానూ మేకర్స్​ అనుకున్న విధంగా జరగలేదు. కరోనా పరిస్థితులే అందుకు కారణం. ఆంక్షల కారణంగా లిమిట్​ మెంబర్స్​తో.. ముందుగా అనుకున్న లోకేషన్లలో కాకుండా ప్రత్యామ్నాయ ప్రాంతాల్లో షూట్‌ కానిచ్చారు. ఏపీ, తమిళనాడు అటవీ ప్రాంతంలో 200 రోజులు షూటింగ్​ జరుపుకోవడం, అదీ కరోనా లాంటి టైంలో.. మాములు విషయం కాదు. ఇక్కడ మరో ముఖ్యమైన విషయం చెప్పాలి. 👉కరోనాతో కుదేలైన రంగాల్లో చలన చిత్ర రంగం కూడా ఉంది. షూటింగ్‌లు లేక వేల మంది టెక్నీషియన్లకు ఉపాధి లేకుండా పోయింది. ఆ టైంలో ధైర్యంగా షూటింగ్‌తో ‘పుష్ప’ ఎంతో మందికి ఆసరాగా నిలబడింది. అంతేకాదు విదేశీ టెక్నిషియన్లను ప్రాధాన్యత ఇస్తున్న టైంలో.. స్వదేశీ వాళ్లకు అవకాశం ఇవ్వాలని మేకర్లు భావించారు. అలా కరోనా టైంలో ప్యూర్​ ‘మేక్‌ ఇన్‌‌ ఇండియా’ ప్రాజెక్టుగానూ పుష్ప ది రైజ్‌ గుర్తింపు దక్కించుకుంది. 👉కరోనా వైరస్​ టైంలో అష్టకష్టాలు పడినా రిలీజ్‌ విషయంలోనూ అనుకున్నది జరగలేదు. 2021 పంద్రాగష్టు వారంలో విడుదల చేయాలనుకుంటే.. అది కాస్త డిసెంబర్‌ 17కి చేరింది. పుష్ప ది రైజ్​ లాంటి సినిమా తీయడం అసమాన విషయం. నా ఒక్కడికే కాదు రెండేళ్లపాటు ఈ చిత్రం కోసం పని చేసిన వాళ్లందరికీ ఇది నాలుగు చిత్రాలతో సమానం. ::: పుష్ప ప్రమోషన్​లో అల్లు అర్జున్​ 👉2021 డిసెంబర్‌లో అల్లు అర్జున్​ కెరీర్​లో ఫస్ట్​ పాన్​ ఇండియా చిత్రంగా రిలీజ్​ అయ్యింది పుష్ప ది రైజ్​. అయితే.. రిలీజ్​ అయ్యాక తెలుగులో మిక్స్‌డ్‌ రివ్యూస్‌ రాబట్టింది. కానీ, హిందీతో పాటు మిగతా భాషల్లో బ్లాక్‌ బస్టర్‌ టాక్‌ సంపాదించుకుంది. ఆ ఏడాది అత్యధిక కలెక్షన్లు రాబట్టిన చిత్రంగా నిలిచింది.👉ముఖ్యంగా డీఎస్పీ అందించిన పాటలు.. అన్ని భాషల్లో సూపర్‌ హిట్‌ అయ్యి గ్లోబల్​ వైడ్​గా ట్రెండింగ్​ అయ్యాయి. సెలబ్రిటీలు సైతం ఆ ట్రెండ్​ను ఫాలో అయ్యారు. బన్నీ స్టెప్పులు రీల్స్​ రూపంలో సోషల్‌ మీడియాతో పాపులారిటీ సంపాదించుకున్నాయి. ఇంకోవైపు.. ‘‘తగ్గేదే లే’’, ‘‘పుష్ప అంటే ఫ్లవర్​ అనుకుంటివా.. ఫైరు”లాంటి డైలాగులు పొలిటికల్​ గానూ ఒక ఊపు ఉపడం గమనార్హం. View this post on Instagram A post shared by David Warner (@davidwarner31)#PushpaCelebrityFanatics" Now a days, all around everyone discussing about one film #Pushpa " ❤️‍🔥When Defence Minister of India @rajnathsingh ji mentioned about Pushpa euphoria & dialogue. This shows to what extent the reach & impact @alluarjun made 🙏💥 pic.twitter.com/Cuu1K0TXnX— Ghouse Allu Arjun fans Wgl (@AlluWgl) October 23, 2024👉సుకుమార్​ ‘పుష్ప ది రైజ్​’.. 2022లో రష్యన్​ భాషలో డబ్‌ అయ్యి అక్కడి థియేటర్లలో సందడి చేసింది. అంతేకాదు అదే ఏడాది మాస్కో ఇంటర్నేషనల్‌ ఫిల్మ్‌ ఫెస్టివల్‌లోనూ ‘‘బ్లాక్‌బస్టర్‌ హిట్స్‌ ఫ్రమ్‌ ఎరౌండ్‌ ది వరల్డ్‌’’ కేటగిరీలో ప్రదర్శితమైంది. అలా పుష్ప అంటే నేషనల్​ కాదు.. ఇంటర్నేషనల్​ అని ప్రూవ్​ చేసుకుంది.👉హిందీలో పుష్ప కేరక్టర్‌కు డబ్బింగ్‌ చెప్పింది నటుడు శ్రేయాస్‌ తల్పడే. తమిళంలో డబ్బింగ్‌ ఆర్టిస్ట్‌ కేపీ శేఖర్‌ చెప్పారు. ఇక మలయాళంలో అల్లు అర్జున్‌కు ఉన్న క్రేజ్‌ గురించి ప్రత్యేకంగా చెప్పనక్కర్లేదు. తెలుగు నుంచి మలయాళంలో డబ్‌ అయ్యే ఆయన ప్రతీ చిత్రానికి ఫిల్మ్‌ మేకర్‌ జిస్‌ జాయ్‌ వాయిస్‌ ఇస్తున్నారు. పుష్పకి కూడా ఆయనే డబ్‌ చెప్పారు. 👉షెకావత్‌ కేరక్టర్‌కు ఒక్క హిందీలో తప్ప(రాజేష్‌ ఖట్టర్‌) మిగతా అన్ని భాషల్లో ఫహద్‌ ఫాజిల్‌ సొంత వాయిస్‌ ఇచ్చుకున్నారు. ఈ కేరక్టర్‌కు సుకుమార్‌ మొదట బెంగాలీ నటుడు ‘జిషు సేన్ గు‌ప్తా’(భీష్మ ఫేం) అనుకున్నారు. ఆ తర్వాత కోలీవుడ్​ విలక్షణ నటుడు విజయ్‌ సేతుపతిని తీసుకోవాలనుకున్నారు. ఆ ప్రయత్నం ఫలించకపోవడంతో.. విక్రమ్‌, మాధవన్‌, ఆర్య, బాబీ సింహా ఇలా పలువురి పేర్లను పరిశీలించారు. చివరకు మలయాళ నటుడు ఫహద్‌ ఫాజిల్‌తో సుకుమార్​ ఫిక్స్‌ అయ్యారు.:: వెబ్​ డెస్క్​ ప్రత్యేకం

క్లాసిక్‌, బ్లాక్‌బస్టర్‌ సినిమాలను మళ్లీ రిలీజ్‌ చేయడం ఇప్పుడు ప్యాషన్‌ అయిపోయింది. అల్లు అర్జున్‌ ప్రధాన పాత్రలో నటించిన సూపర్‌ హిట్‌ మూవీ పుష్పను ఇటీవలే మళ్లీ విడుదల చేశాడు. నవంబర్‌ 22 నుంచి ఈ మూవీ హిందీ వర్షన్‌ థియేటర్లలో ఆడుతోంది. దీనితో పాటు హిందీ కల్ట్‌ క్లాసిక్‌ కరణ్‌ అర్జున్‌ కూడా ఒకేరోజు రిలీజైంది. షారూఖ్‌ ఖాన్‌, సల్మాన్‌ ఖాన్‌ ప్రధాన పాత్రల్లో నటించిన ఈ చిత్రం వారం రోజుల్లో రూ.1 కోటి వసూలు చేసింది.ఏ సినిమా కలెక్షన్స్‌ ఎంతంటే?పుష్ప కేవలం రూ.70 లక్షలు మాత్రమే రాబట్టింది. రీరిలీజ్‌ ట్రెండ్‌లో కరణ్‌ అర్జున్‌, పుష్ప రెండూ నిరాశపర్చాయి. ఇకపోతే షారూఖ్‌ ఖాన్‌ 'కల్‌ హో నా హో' సినిమా కూడా నవంబర్‌ 15న రీరిలీజ్‌ అవగా ఇప్పటికీ థియేటర్లలో విజయవంతంగా ఆడుతోంది. ఈ చిత్రం పది రోజుల్లోనే రూ.3.70 కోట్లు వసూలు చేసింది.పుష్ప 2ఇకపోతే అల్లు అర్జున్‌ పుష్ప 2 మూవీ డిసెంబర్‌ 5న విడుదల కానుంది. సుకుమార్‌ దర్శకత్వం వహిస్తున్న ఈ చిత్రంలో రష్మిక మందన్న హీరోయిన్‌గా నటిస్తోంది. దేవి శ్రీప్రసాద్‌ సంగీతం అందిస్తున్న ఈ సినిమాను మైత్రీమూవీ మేకర్స్‌ బ్యానర్‌పై నవీన్ యెర్నేని, యలమంచిలి రవిశంకర్ నిర్మించారు.

'పుష్ప' సినిమాలో జాలిరెడ్డిగా తనదైన విలనిజం చూపించిన కన్నడ నటుడు ధనంజయ.. పెళ్లికి రెడీ అయిపోయాడు. కర్ణాటక రాష్ట్ర దినోత్సవం సందర్భంగా నవంబర్ 1న తనకు కాబోయే భార్యని పరిచయం చేశాడు. దీంతో రహస్యంగా నిశ్చితార్థం అయిన విషయం బయటపడింది.(ఇదీ చదవండి: మొదటి పెళ్లిరోజు.. స్పెషల్ వీడియోతో వరుణ్ తేజ్-లావణ్య)కన్నడలో హీరో కమ్ విలన్‌గా పలు సినిమాలు చేసి చాలా గుర్తింపు తెచ‍్చుకున్న నటుడు ధనంజయ. ఫ్యాన్స్ ఇతడిని ముద్దుగా డాలీ అని పిలుస్తారు. ఇతడి యాక్టింగ్ నచ్చి, సుకుమార్ తన 'పుష్ప'లో జాలీరెడ్డి రోల్ ఇచ్చారు. తనదైన స్లాంగ్‌తో ఫెర్ఫెక్ట్ విలనిజం చూపించాడు. త్వరలో సీక్వెల్‌లోనూ అదరగొట్టేయనున్నాడు.ధనంజయ్ ఎంగేజ్‌మెంట్ విషయానికొస్తే ధన్యతని పెళ్లి చేసుకోబోతున్నాడు. చిత్రదుర్గ ప్రాంతానికి చెందిన ఈమె డాక్టర్. గైనకాలజీలో ఈమె స్పెషలిస్ట్. వీళ్లిద్దరికీ చాలా క్రితం నుంచే పరిచయం. తొలుత స్నేహితులుగా ఉండేవారు. క్రమంగా ప్రేమలో పడ్డారు. ఇప్పుడు పెద్దల అంగీకారంతో నిశ్చితార్థం చేసుకున్నారు. ఈ క్రమంలోనే ఫ్యాన్స్, సహ నటీనటులు శుభాకాంక్షలు చెబుతున్నారు. వచ్చే ఫిబ్రవరిలో పెళ్లి జరగొచ్చని తెలుస్తోంది.(ఇదీ చదవండి: ఈ శుక్రవారం ఓటీటీలోకి వచ్చేసిన 15 సినిమాలు) View this post on Instagram A post shared by Daali Dhananjaya (@dhananjaya_ka)

సినిమా హీరోలపై ఆంధ్రప్రదేశ్‌ ఉప ముఖ్యమంత్రి పవన్‌ కల్యాణ్‌ సంచలన వ్యాఖ్యలు చేశారు. ఒకప్పుడు సినిమాల్లో హీరో అడవులను కాపాడేవాడని.. ఇప్పుడు స్మగ్లింగ్ చేయడమే హీరోయిజం అయ్యిందని వ్యాఖ్యానించారు. బెంగళూరు పర్యటనలో ఉన్న ఆయన గురువారం మీడియాతో మాట్లాడుతూ.. ‘40 ఏళ్ల క్రితం సినిమాల్లో హీరో అడవులను కాపాడేవాడు. కానీ ఇప్పుడు హీరోనే అడవులను నరికి స్మగ్లింగ్‌ చేస్తున్నాడు. ఒక్క సినిమా వ్యక్తిగా అలాంటి సినిమాలు చేయడం నాకు కష్టం. అది బయటికి మంచి మెసేజ్ ను ఇవ్వలేదు ’ అని పవన్‌ అన్నారు.‘పుష్ప’గురించేనా?పవన్‌ వ్యాఖ్యలు ప్రస్తుతం సోషల్‌ మీడియాలో వైరల్‌ అవుతుంది. ఐకాన్‌ స్టార్‌ అల్లు అర్జున్‌ను ఉద్దేశించే ఈ వ్యాఖ్యలు చేశాడని నెటిజన్స్‌ అభిప్రాయపడుతున్నారు. పుష్ప సినిమాలో అల్లు అర్జున్‌ గందపు చెక్కలు స్మగ్లింగ్‌ చేసే వ్యక్తిగా నటించాడు. ఆ చిత్రం బాక్సాఫీస్‌ వద్ద సూపర్‌ హిట్‌గా నిలిచింది. ముఖ్యంగా నార్త్ ఆడియన్స్‌ అల్లు నటనకు ఫిదా అయ్యారు. ఈ చిత్రం బన్నీకి జాతీయ అవార్డును కూడా తెచ్చిపెట్టింది. అలాంటి సినిమాపై పవన్‌ కల్యాణ్‌ పరోక్షంగా సెటైర్లు వేశాడని సోషల్‌ మీడియాలో ప్రచారం జరుగుతుంది.

'పుష్ప' విలన్ ఫహాద్ ఫాజిల్ అరుదైన వ్యాధి బారిన పడ్డాడు. ఈ విషయాన్ని స్వయంగా తానే బయటపెట్టాడు. 41 ఏళ్ల వయసులో ADHD (అటెన్షన్ డెఫిసిట్ హైపర్ యాక్టివిటీ డిజార్డర్) సమస్య తనకు నిర్ధారణ అయినట్లు చెప్పాడు. ఇది మెదడు పనితీరుపై ప్రభావం చూపిస్తుందని అన్నాడు. తాజాగా ఓ కార్యక్రమంలోనే పాల్గొన్న ఫహాద్.. తనకున్న సమస్యకి చికిత్స కోసం డాక్టర్ సలహా అడిగాడు.(ఇదీ చదవండి: పెళ్లయిన మూడు నెలలకే విడిపోతున్నారా? అసలు విషయం ఇది)చిన్నతనంలో ఈ వ్యాధి బయటపడితే దీన్ని నయం చేయొచ్చని, కానీ తాను 41 ఏళ్ల వయసులో దీని బారిన పడ్డాడని ఫహాద్ చెప్పుకొచ్చాడు. దీంతో తాను జీవితాంతం ఈ వ్యాధితో బాధపడాల్సిందే అని అన్నాడు. ఇకపోతే ఈ వ్యాధి రావడం వల్ల ఏకాగ్రత లేకపోవడం, హైపర్ యాక్టివ్, హైపర్ ఫోకస్ లాంటి లక్షణాలు కనిపిస్తాయి.మలయాళ సినిమాలతో గుర్తింపు తెచ్చుకున్న ఇతడు.. 'పుష్ప'తో తెలుగులోకి ఎంట్రీ ఇచ్చాడు. తొలిభాగంలో చాలా తక్కువ సేపు కనిపించాడు. కానీ ఆగస్టు 15న రాబోతున్న 'పుష్ప 2'లో మాత్రం ఎ‍క్కువగానే ఉండబోతున్నాడు. ఇప్పటికే ఇతడి సీన్స్ షూటింగ్ పూర్తయింది. మరోవైపు రీసెంట్‌గా 'ఆవేశం' అనే మలయాళ మూవీతో బ్లాక్ బస్టర్ సక్సెస్ అందుకున్నాడు. రూ.30 కోట్లతో తీసిన ఈ చిత్రం రూ.150 కోట్లకు పైగా వసూళ్లు సాధించింది. ఈ ఏడాదిలో అత్యధిక కలెక్షన్స్ సాధించిన మలయాళ చిత్రాల్లో ఒకటిగా నిలిచింది.(ఇదీ చదవండి: ఆనంద్, నువ్వు నా ఫ్యామిలీ రా.. రష్మిక ఇంట్రెస్టింగ్ కామెంట్స్)

పుష్ప సినిమా బ్లాక్‌ బస్టర్‌ హిట్‌ కావడంతో  స్టయిలిష్‌ స్టార్‌ అల్లు అర్జున్‌ రేంజ్‌  పీక్‌కు చేరింది.  ఈ మూవీకి జాతీయ ఉత్తమ అవార్డు గెలుచు కుని మరో మెట్టు ఎక్కాడు అల్లు అర్జున్. దీనికి సీక్వెల్‌గా వస్తున్న 'పుష్ప 2: ది రూల్' పై అంచనాలు కూడా అదే రేంజ్‌లో ఉన్నాయి.  దీనికి తగ్గట్టుగానే ‌పుష్ప 2 సినిమా టీజర్‌లో అల్లు అర్జున్ నీలి రంగు చీర, నగలు, నిమ్మకాయ దండలతో వెరైటీ లుక్‌ హాట్‌టాపిక్‌గా నిలిచింది. దీంతో  అభిమాన హీరో  కొత్త ట్రెండ్ సెట్ చేయడం ఖాయమని ఫిక్స్‌ అయిపోయారు ఫ్యాన్స్‌.  2003లో గంగోత్రి సినిమాతో తెరంగేట్రం చేసిన అల్లు అ‍ర్జున్‌ ..ఈ మూవీలో లేడీ గెటప్‌తో  కనిపించి అలరించాడు. తాజాగా పుష్ప-2 సినిమాలో కూడా అమ్మవారి భీకర రూపంతో ఫ్యాన్స్‌ని మరింత ఎట్రాక్ట్‌ చేస్తున్నాడు. ఎర్రచందనం, తిరుపతి జిల్లాలో కథ సాగుతుంది కనుక ఇది గంగమ్మ జాతర నేపథ్యమే   ఈ లుక్‌అని అభిమానులు అంచనా వేస్తున్నారు. ఈ నేపథ్యంలో అసలు ఏంటీ గంగమ్మ జాతర తెలుసుకుందాం రండి. తిరుపతి గ్రామదేవత శ్రీ తిరుపతి తాతయ్యగుంట గంగమ్మ  జాతర అత్యంత ఉత్సాహంగా జరుపుకుంటారు. గంగమ్మ జాతరకు 900 ఏళ్ల చరిత్ర ఉంది. గ్రామదేవతగా అవతరించిన గంగమ్మ.. సాక్షాత్తు తిరుమల శ్రీవారి చెల్లెలని భావిస్తారు. వారం రోజుల పాటు జరిగే గంగమ్మ జాతరకు ఒక ప్రత్యేకత ఉంది. గంగమ్మ జాతర విశిష్టత పూర్వం తిరుపతిని పాలెగాళ్లు పరిపాలించే రోజుల్లో ఒక పాలెగాడు తన రాజ్యంలోని అందమైన యువతులను బలాత్కరించేవాడట. కొత్తగా పెళ్ళైన వధువులంతా మొదటిరాత్రి తనతో గడపాలంటూ ఆంక్షలు విధించి వేధించేవాడట. ఈ పాలెగాడిని అంతమొందించి స్త్రీ జాతిని రక్షించేందుకు జగన్మాత తిరుపతికి 2 కి.మీ దూరంలోని అవిలాల గ్రామంలో కైకాల కులంలో గంగమ్మగా జన్మించిందని భావిస్తారు భక్తులు. యుక్త వయసుకొచ్చిన గంగమ్మపై యథావిధిగా పాలెగాడి కన్నుపడి ఆమెను బలాత్కరించబోయాడట. దీంతో గంగమ్మ తన విశ్వరూపాన్ని ప్రదర్శించింది.. తనను అంతమొందించేందుకు అవతరించిన పరాశక్తే గంగమ్మ అని తెలుసుకున్న పాలెగాడు పారిపోయి దాక్కోవడంతో అనేక వేషాలు ధరించి మూడు రోజులపాటు గాలించినా ఫలితం దక్కలేదు. దీంతో  నాలుగోరోజు గంగమ్మ-దొరవేషం వేసి,  పాలెగాడిని అంత మొందించిందని భక్తుల విశ్వాసం. ఈ దుష్టశిక్షణను తలచుకుంటూ ఆ తల్లి తమను చల్లగా కాపాడాలని కోరుకుంటూ ఏటా ప్రజలు ఈ జాతర చేసుకుంటారు.  ఈ జాతరలో తొలి రోజున బైరాగివేషం ,రెండోరోజు బండవేషం,మూడోరోజు తోటివేషం,నాలుగోరోజు దొరవేషం వేసుకుంటారు. నాలుగో రోజున పాలెగాడిని సంహరించిన గంగమ్మ ఐదోరోజున మాతంగి వేషం ధరిస్తారు.  ఆరోరోజు సున్నపుకుండల వేషం వేస్తారు. ఏడోరోజున జాతరలో భాగంగా సప్పరాల ఉత్సవం జరుగుతుంది. గోపురాన్ని పోలిన సప్పరాలను (వెదురు బద్దలతో) తయారుచేసి వాటిని శరీరంపై నిలబెట్టుకుంటారు. అలా చేస్తే కోరిన కోర్కెలు నెరవేరుతాయని ప్రతీతి. అదేరోజున కైకాల కులస్థులు పేరంటాళ్ళ వేషం వేస్తారు.మగవారు ఆడవేషం వేసుకుని అమ్మవారిని దర్శించుకుంటారు. ఇలా చేస్తే అమ్మవారు అనుగ్రహించి తమ కోర్కెలు తీరుస్తుందని భక్తుల నమ్మకం. పేరంటాలు వేషంలోఉన్న కైకాల కులస్థులు ఆలయానికి చేరుకుని నీలం రంగు ద్రవంతో బంకమట్టిని కలిపి అమ్మవారి భీకరమైన విశ్వరూపాన్నితయారుచేస్తారు. భక్తులంతా అమ్మవారి విశ్వరూపాన్ని దర్శించుకున్నాక ఆ విగ్రహం నుంచిమట్టిని తీసి భక్తులకు ప్రసాదంగా అందజేస్తారు. ఎనిమిదిరోజులపాటు ఘనంగా జరిగిన జాతర ఈ ఘట్టంతో ముగుస్తుంది.  బన్నీ న్యూ లుక్‌ రహస్యం వీడాలంటే  సినిమా రిలీజ్‌ వరకు వెయిట్‌ చేయాల్సిందే. మరోవైపు పుష్ప 2: ది రూల్ టీజర్‌కి రెస్పాన్స్  ఒక రేంజ్‌లో ఉంది.  బన్నీ   మాతంగి  లుక్‌ చూసి  ఫ్యాన్స్‌ ఫిదా అవుతున్నారు. ‘‘మరో  బ్లాక్‌బస్టర్‌..బన్నీకి మరో జాతీయ అవార్డు పక్కా" అని కమెంట్‌ చేశారు.

ఐకాన్ స్టార్ అల్లు అర్జున్‌ నటించిన పుష్ప బాక్సాఫీస్‌ను షేక్ చేసింది. సుకుమార్‌ డైరెక్షన్‌లో తెరకెక్కించిన ఈ చిత్రం పలు రికార్డులు కొల్లగొట్టింది. ఈ చిత్రంలో రష్మిక మందన్నా హీరోయిన్‌గా నటించింది. శ్రీవల్లిగా టాలీవుడ్‌ను అభిమానులను అలరించింది. ఎర్రచందనం సిండికేట్ నేపథ్యంలో తెరకెక్కించిన ఈ సినిమాతో అల్లు అర్జున్‌ను ఓ రేంజ్ స్థాయికి తీసుకెళ్లింది. అంతే కాకుండా ఈ సినిమాకు జాతీయ ఉత్తమ నటుడిగా అవార్డ్ కూడా అందుకున్నారు. అయితే ఈ సినిమాలో పుష్పరాజ్‌ మేనరిజానికి సినీ ప్రియులు ఫిదా అయిపోయారు. ముఖ్యంగా భుజం కాస్తా పైకి ఎత్తి బన్నీ నటించిన తీరు అందరినీ ఆకట్టుకుంది. ఇప్పటికీ ఆ స్టైల్‌కు క్రేజ్ ఏ మాత్రం తగ్గలేదు. ఏది ఏమైనా ఈ చిత్రంలో అల్లు అర్జున్‌ డైలాగ్స్, వాకింగ్ స్టైల్‌ ఫ్యాన్స్‌ను తెగ ఆకట్టుకున్నాయి. పుష్ప.. పుష్పరాజ్.. తగ్గేదేలే అనే డైలాగ్‌ అభిమానులను ఓ ఊపు ఊపేసింది. పుష్ప సినిమాలో ముఖ్యంగా అల్లు అర్జున్ నడక ఎప్పటికీ మర్చిపోలేరు.  అయితే ‍అచ్చం అల్లు అర్జున్‌ లాగే ఆ వాకింగ్‌ స్టైల్‌ను టాలీవుడ్‌ హీరో చేసి చూపించారు. కాకపోతే ఇప్పుడు కాదండోయ్. దాదాపు 22 ఏళ్ల క్రితమే శ్రీహరి అలాంటి మేనరిజంతో మెప్పించారు. ఇది చూసిన టాలీవుడ్‌ ఫ్యాన్స్‌ షాకవుతున్నారు. 2002లో వచ్చిన పృథ్వీ నారాయణ అనే చిత్రంలో సేమ్ బన్నీ వాకింగ్‌ స్టైల్‌తో అదరగొట్టారు. దీనికి సంబంధించిన వీడియో నెట్టింట వైరల్‌గా మారింది. ఇది చూసిన నెటిజన్స్ శ్రీహరి అద్భుతంగా చేశారంటూ కామెంట్స్ చేశారు. మరికొందరేమో పుష్ప మేనరిజం కాపీ కొట్టారా? అంటూ డౌటానుమానం వ్యక్తం చేస్తున్నారు. కాగా.. ప్రస్తుతం బన్నీ పుష్ప-2 సినిమాతో బిజీగా ఉన్నారు. ఈ మూవీ ఆగస్టు 15న ప్రేక్షకుల ముందుకు రానుంది.  pushpa walking style appatlone srihari gaaru 👌❤️ pic.twitter.com/4PJj9Y1Z1Z — celluloidpanda (@celluloidpanda) March 25, 2024

‘ఊ అంటావా మావ.. ’ అంటూ ‘పుష్ప’లోని ప్రత్యేక పాటలో వీలైనంత గ్లామరస్‌గా కనిపించడంతో పాటు హాట్‌ స్టెప్స్‌తో, హాట్‌ హాట్‌ హావభావాలతో ఐటమ్‌ సాంగ్‌ లవర్స్‌ని ఆకట్టుకున్నారు సమంత. అయితే ఈ బ్యూటీ ఈ రేంజ్‌లో చేయడం చాలామందిని షాక్‌కి గురి చేసింది. ‘అవసరమా?’ అని చర్చించుకున్నవాళ్లూ ఉన్నారు. సమంత కూడా ఈ పాట చేసినప్పుడు చాలా అసౌకర్యంగా ఫీలయ్యారట. ఆ విషయం గురించి ఇటీవల ఓ సందర్భంలో మాట్లాడుతూ – ‘‘ఊ అంటావా..’ పాట ఫస్ట్‌ షాట్‌ తీసేటప్పుడు భయంగా అనిపించింది. నా కాళ్లు వణికాయి. నేను అంత అందంగా ఉండనని, కొందరు అమ్మాయిల్లా బాగుండననీ అనుకుంటుంటాను. దాంతో నాకు ‘ఊ అంటావా..’ పాట సవాల్‌లా అనిపించింది. అయితే సెక్సీగా కనిపించడం అనేది నా ఆలోచన కాదు కాబట్టి ఆ పాట చిత్రీకరణ అప్పుడు వణికిపోయాను. కానీ ఓ వ్యక్తిగా, నటిగా నాకు అసౌకర్యంగా అనిపించినవి, క్లిష్టమైన  పరిస్థితులను ఎదుర్కోవడం నుంచే నేను ఎదిగాను. ‘ఊ అంటావా..’ పాట నాకు సౌకర్యం కాదనిపించినా కొత్తగా ఏదైనా చేయాలని చేశాను. నిజానికి ఆ పాట లిరిక్స్‌ నాకు సవాల్‌గా అనిపించాయి. అమ్మాయిలంటే అందం మాత్రమే కాదనేలా ఆ పాట ఉంటుంది. అది నచ్చి చేశాను’’ అన్నారు. ఇకపై ఇలాంటి పాటలు చేస్తారా? అనే ప్రశ్నకు ‘‘లేదు.. ఎందుకంటే ఇలాంటి సవాళ్లను స్వీకరించాలనుకోవడంలేదు’’ అన్నారు సమంత. ఇక ప్రత్యేక పాటలకు సమంత ‘ఊహూ’ అంటారని స్పష్టమైపోయింది.

ఈ అమ్మాయి గురించి ఎవరికీ పెద్దగా తెలిసి ఉండకపోవచ్చు. కానీ ఈమె తండ్రి గురించి టాలీవుడ్‌లో ఎవరినీ అడిగినా సరే చెప్పేస్తారు. ఎందుకంటే స్వతహాగా టీచర్ అయిన ఇతడు.. ఎవరి దగ్గర పనిచేయకుండానే ఇండస్ట్రీలోకి వచ్చాడు. తనదైన మార్క్ చిత్రాలతో గుర్తింపు తెచ్చుకున్నాడు. ఓ రెండు మూడేళ్ల క్రితం మాత్రం తన లేటెస్ట్ సినిమాతో పాన్ ఇండియా లెవల్లో సెన్సేషన్ క్రియేట్ చేశాడు. ఇప్పుడు ఆ దర్శకుడి కూతురి ఫొటోలు వైరల్ అవుతున్నాయి. ఈ అమ్మాయి పేరు సుకృతి వేణి. తండ్రి పేరు సుకుమార్. యస్.. మీరు ఊహించింది కరెక్టే. పైన ఫొటోలో కనిపిస్తున్న అమ్మాయి డైరెక్టర్ సుకుమార్ కూతురే. తాజాగా ఈమె పుట్టినరోజు సెలబ్రేషన్స్ జరిగాయి. ఈ క్రమంలోనే సుకుమార్ భార్య తబిత కొన్ని ఫొటోలని ఇన్ స్టాలో పోస్ట్ చేసింది. ఇందులో సుకృతిని చూస్తే సడన్‌గా గుర్తుపట్టలేరు. ఎందుకంటే గతంలో ఒకటి రెండు సార్లు కనిపించిన కాస్త చిన్నపిల్లలా అనిపించింది. కానీ ఇప్పుడు టీనేజీలోకి వచ్చేసింది. (ఇదీ చదవండి: చాన్నాళ్ల తర్వాత ఓటీటీలోకి వచ్చేసిన తెలుగు సినిమాలు) అయితే సడన్‌గా సుకుమార్ కూతురు ఫొటో చూసి.. అందంగా ఉన్నారని కామెంట్స్ పెడుతున్నారు. అలానే ఈ అమ్మాయి.. త్వరలో సినిమాల్లోకి ఎంట్రీ ఇస్తుందేమోనని అంటున్నారు. అయితే సుకృతికి యాక్టింగ్ టాలెంట్ ఉందా లేదా? అనేది పక్కనబెడితే పాడే ప్రతిభ ఉంది. ఎందుకంటే సొంతంగా యూట్యూబ్ ఛానెల్ కూడా ఈమెకి ఉంది. అలానే అమెరికాలోని మసాచుసెట్స్ బెర్కెలే మ్యూజిక్ కాలేజీలో కోర్స్ చేస్తున్నట్లు ఉంది. ఇవన్నీ చూస్తుంటే సింగర్ అయ్యేలా కనిపిస్తుంది.  ఒకవేళ సింగర్ అయితే అప్పుడు తెలుగు సినిమాల్లో పాడుతుందా? లేదంటే పాప్ సింగర్ అవుతుందా అనేది చూడాలి. ఇకపోతే 'పుష్ప' ప్రీ రిలీజ్ ఈవెంట్‌లో అల్లు అర్జున్‌ని 'బన్నీ మామ' అని పిలుస్తూ క్యూట్‌గా మాట్లాడింది ఈమెనే. కావాలంటే యూట్యూబ్‌లో వీడియో చూడండి. సో అదన్నమాట విషయం. (ఇదీ చదవండి: చెల్లి ఎంగేజ్‌మెంట్.. డ్యాన్స్‌తో దుమ్మురేపిన సాయిపల్లవి!) View this post on Instagram A post shared by Thabitha Bandreddi (@thabitha_sukumar) View this post on Instagram A post shared by Thabitha Bandreddi (@thabitha_sukumar)

సుకుమార్‌- అల్లు అర్జున్‌ కాంబినేషన్‌లో తెరకెక్కిన చిత్రం 'పుష్ప' 2021 డిసెంబర్‌ 17న పాన్‌ ఇండియా రేంజ్‌లో విడుదలైంది. మైత్రి మూవీ మేకర్స్‌ ఈ సినిమా కోసం సుమారు రూ. 170 కోట్లు ఖర్చు చేసినట్లు నివేదికలు ఉన్నాయి. బన్నీ- రష్మిక మందన్నల యాక్టింగ్‌ ఈ సినిమా విజయానికి బలమైన కారణమైతే.. సినిమా చివరి భాగంలో ఫహద్‌ ఫాజిల్‌ పాత్ర హైలెట్‌గా నిలిచింది. ప్రముఖ హీరోయిన్‌ సమంత ఈ సినిమా కోసం 'ఉ అంటావా... ఊ  ఊ అంటావా..'  పాటలో ప్రత్యేకంగా కనిపించింది. ఇలా పుష్ప సినిమాకు ఎన్నో అదనపు ఆకర్షణలతో విడుదలై.. ఇండియన్‌ బాక్సాఫీస్‌ వద్ద సుమారుగా రూ.  373 కోట్ల గ్రాస్‌ కలెక్షన్స్‌ రాబట్టినట్లు సమాచారం. నేటికి (డిసెంబర్‌ 17) ఈ సినిమా విడదులై రెండు ఏళ్లు పూర్తి చేసుకుంది. ఈ నేపథ్యంలో ఈ సినిమా క్రియేట్‌ చేసిన రికార్డులతో పాటు పలు ఆసక్తకరమైన విషయాలు మరోసారి గుర్తుచేసుకుందాం. ► అల్లు అర్జున్‌కు పుష్ప తొలి పాన్‌ ఇండియా సినిమా..  తెలుగు, తమిళ, కన్నడ, మలయాళ, హిందీ భాషల్లో ఏక కాలంలో విడుదల చేశారు. ► ఎర్రచందనం స్మగ్లింగ్‌ నేపథ్యంలో సాగిన ఈ సినిమా నిడివి 2: 59 గంటలు. 'పుష్ప' అత్యధిక భాగం అడవుల్లోనే షూట్‌ చేశారు. అందుకోసం మారేడుమిల్లి అడవులను ఎంపిక చేసుకున్నారు. ► అల్లు అర్జున్‌ 'పుష్ప' గెటప్‌లో రెడీ అయ్యేందుకు మేకప్‌ కోసం దాదాపు రెండు గంటల సమయం పట్టేదని బన్నీ చెప్పాడు. తెల్లవారుజామున 4.30 నిద్రలేచి సెట్‌కు వెళ్లితే..  ఉదయం 5 నుంచి 7 వరకూ మేకప్‌ కోసమే సమయం పట్టేదట. షూటింగ్‌ పనులు పూర్తయ్యాక మేకప్ తీయడానికి 30 నిమిషాల సమయం పట్టేదని బన్నీ గతంలో చెప్పాడు. ► ఈ సినిమాలోని పాటలు అన్నీ కలిపి యూట్యూబ్‌లో 7బిలియన్‌ వ్యూస్‌ సాధించాయి. అంటే 700కోట్ల మంది వీక్షించారు. ఇండియాలో ఈ రికార్డు సాధించిన తొలి చిత్రంగా పుష్ప రికార్డుకెక్కింది. ► యూట్యూబ్‌ 'టాప్‌ 100 గ్లోబల్‌ సాంగ్స్‌' జాబితాలో 'ఊ అంటావా మావ.. ఊఊ అంటావా!' పాట మొదటి స్థానంలో నిలవగా.. 'సామీ సామీ' పాట రెండో స్థానం దక్కించుకుంది. దాక్కో దాక్కో మేక 24వ స్థానంలో ఉంటే  శ్రీవల్లి సాంగ్‌ 74వ ప్లేసులో నిలిచింది. ఏయ్‌ బిడ్డా ఇది నా అడ్డా అనే పాట మాత్రం 97వ స్థానంలో నిలిచింది. ► 'ఆర్య'తో బన్నీకి సూపర్‌ హిట్‌ ఇచ్చిన సుకుమార్‌.. దాదాపు పదేళ్ల తర్వాత 'పుష్ప' కోసం మళ్లీ వాళ్లిద్దరూ ఈ ప్రాజెక్ట్‌ కోసం చేతులు కలిపారు. ► ప్రపంచవ్యాప్తంగా పుష్ప రూ.373కోట్లు (గ్రాస్‌) వసూలు చేసింది. ఒక్క హిందీలోనే రూ.108 కోట్లు (నెట్‌) కలెక్షన్లు రాబట్టడం విశేషం. 2021లో విడుదలైన చిత్రాల్లో అత్యధిక గ్రాస్‌ వసూళ్లు సాధించిన చిత్రంగా పుష్ప రికార్డు క్రియేట్‌ చేసింది.  ►ఓటీటీలోనూ 'పుష్ప' గాడు దుమ్ములేపాడు. 2022లో అమెజాన్‌ప్రైమ్‌ వీడియోలో అత్యధికమంది వీక్షించిన మూవీగా నిలిచింది. టెలివిజన్‌లోనూ పుష్పరాజ్‌ ఏమాత్రం తగ్గలేదు. 2022లో అత్యధిక టీఆర్‌పీ రేటింగ్‌ సాధించిన చిత్రంగా పుష్ప నిలిచింది. అప్పట్లో 10మిలియన్‌+ ఇన్‌స్టా రీల్స్‌ క్రియేట్‌ చేసి ఇండియాలో పుష్పతో ఇన్‌స్టాగ్రామ్‌నే షేక్‌ చేశాడు.  ► అవార్డుల విషయంలోనూ 'తగ్గేదేలే' అంటూ దూసుకుపోయాడు. ఏడు ఫిల్మ్‌ఫేర్ అవార్డులతో పాటు ఏడు సైమా అవార్డులు ఈ చిత్రానికి దక్కాయి. ఉత్తమ చిత్రం, ఉత్తమ దర్శకుడు, ఉత్తమ నటుడు, ఉత్తమ సంగీత దర్శకుడు, ఉత్తమ గీత రచయిత, ఉత్తమ సినిమాటోగ్రఫీ విభాగాల్లో అవార్డులు వచ్చాయి. ► ఫిల్మ్‌ ఆఫ్‌ ది ఇయర్‌గా దాదాసాహెబ్ ఫాల్కే అవార్డ్- 2022 పుష్పకు దక్కింది ► పుష్ప సినిమాకు రెండు జాతీయ అవార్డులు దక్కాయి. ఉత్తమ హీరోగా అల్లు అర్జున్‌, ఉత్తమ సంగీత దర్శకుడిగా దేవిశ్రీ ప్రసాద్‌కు దక్కాయి. ► 7 ‘సాక్షి ఎక్సలెన్స్‌’ అవార్డ్స్‌ను దక్కించుకున్న పుష్ప.

పుష్ప సినిమాతో అల్లు అర్జున్‌ పాన్‌ ఇండియా హీరోగా గుర్తింపు పొందాడు. దీంతో అతని రెమ్యునరేషన్‌తో పాటు పలు యాడ్‌ రెమ్యునరేషన్‌ కూడా పెరిగింది. సుకుమార్‌ డైరెక్ట్‌ చేసి పుష్ప నుంచి పార్ట్‌ -2 త్వరలో విడుదల కానుంది. 2024 కొత్త ఏడాదిలో బన్నీ పేరు మరోసారి పాన్‌ ఇండియా రేంజ్‌లో వెలిగిపోవడం ఖాయం. ఇలాంటి సమయంలో కొన్ని కంపెనీలు తమ ఉత్పత్తుల కోసం యాడ్స్‌ రూపంలో ప్రమోట్‌ చేయాలని కోరడం సహజం. ఈ క్రమంలో అంతర్జాతీయ స్థాయిలో గుర్తింపు ఉన్న ఒక మద్యం కంపెనీకి చెందిన తమ ఉత్పత్తులను ప్రమోట్‌ చేయాలని కోరాయాట. అందుకు సుమారు రూ. 10 కోట్లు ఆఫర్‌ చేశాయట. కేవలం 60 సెకండ్లు మాత్రమే తమ యాడ్‌లో కనిపిస్తే చాలని కోరాయట.. కానీ ఈ డీల్‌ను అల్లు అర్జున్‌ సున్నితంగా రిజెక్ట్‌ చేశారని సమాచారం.  మద్యం, సిగరెట్స్, గుట్కా తదితర దుర్వ్యసనాల యాడ్స్‌లలో నటిస్తే సమాజంలో చెడును వ్యాప్తి చేసినట్లు అవుతుందని అయన చెప్పారట.. అందు కోసం ఎంత రెమ్యునరేషన్‌ ఇచ్చినా తాను చేయనని చెప్పి పంపించేశాడట బన్నీ. ప్రజలకు హానికరం చేసే వస్తువులను ప్రమోట్‌ చేసి వాటి ద్వారా వచ్చే డబ్బు తనకు అవసరం లేదని ఆయన ఫ్యాన్స్‌ కామెంట్ల రూపంలో తెలుపుతున్నారు. సరోగేట్‌ యాడ్స్‌ నిషేధం మద్యం, సిగరెట్స్, గుట్కా తదితర హానికరమైన వాటిని సరోగేట్‌ యాడ్స్‌ అంటారు. నియోగదారులను తప్పుదోవ పట్టించేలా ఉండే ప్రకటనల (యాడ్స్‌) నియంత్రణకు కేంద్రం మార్గదర్శకాలను నిర్ణయించింది. ఈ మేరకు సరోగేట్‌ యాడ్స్‌ (ప్రచారం చేయడానికి వీల్లేని ఉత్పత్తులకు సంబంధించి వాటి పేరుతోనే అదేరీతిలో ఉండే వేరే ఉత్పత్తులను చూపించడం)ని కూడా నిషేధించింది. బాలీవుడ్ దిగ్గజం అమితాబ్ బచ్చన్  గతంలో ఒక పాన్ మసాలా  ప్రొడక్ట్ తో కుదుర్చుకున్న బ్రాండ్ అంబాసిడర్ కాంట్రాక్టును రద్దు చేసుకున్న విషయం తెలిసిందే. అలాగే ప్రమోషనల్ డబ్బులను కూడా వాపసు ఇచ్చేశారు. ఈ పాన్ మసాలా ప్రకటనను చట్టం నిషేధించిన సరోగేట్ యాడ్స్ గా పరిగణిస్తారని బిగ్ బీ కి తెలియక ఒప్పుకున్నట్లు ఆయన తెలిపిన విషయం తెలిసిందే. భారతదేశంలో ఎందుకు నేరం కేబుల్ టెలివిజన్ నెట్‌వర్క్స్ చట్టం 1995 ద్వారా పొగాకు, మద్యం, సిగరెట్లు వంటి ఉత్పత్తుల ప్రకటనలపై భారత్‌లో  నిషేధం ఉంది. దీంతో సెలబ్రీటిలతో ఈ సరోగేట్ ప్రకటనలు పుట్టుకొచ్చాయి. ప్రజల ఆరోగ్యానికి హానికరమైన ఉత్పత్తుల ప్రకటనలు ఉండకూడదని భారత ప్రభుత్వం నిర్ణయించింది.  టొబాకో ప్రొడక్ట్స్ యాక్ట్ 2003, సెక్షన్ 5 అనే చట్టాన్ని కూడా ప్రభుత్వం తీసుకొచ్చింది. సిగరెట్లు, పొగాకు వంటి హానకరమైన ఉత్పత్తుల వినియోగాన్ని ప్రత్యక్షంగా లేదా పరోక్షంగా ప్రోత్సహించ కూడదని ఆ చట్టం చెబుతుంది. దీంతో ప్రస్తుతం చాలామంది సెలబ్రిటీలు వాటిని ప్రమోట్‌ చేయడం లేదు.

పంజగుట్ట:‘పుష్ప’సినిమాలో హీరో స్నేహితునిగా నటించి ఎంతో క్రేజ్‌ సంపాదించుకున్న నటుడు జగదీశ్‌ అలియాస్‌ కేశవ (మచ్చా) ఓ యువతి ఆత్మహత్యకు కారణమయ్యాడు. పంజగుట్ట పోలీసులు బుధవారం అతన్ని అదుపులోకి తీసుకుని రిమాండ్‌కు తరలించారు. కేసు పూర్వాపరాలిలా.. కాకినాడకు చెందిన యువ తి ఓ సంస్థలో ప్రైవేట్‌ ఉద్యోగం చేస్తూనే, సినిమాల్లో జూనియర్‌ ఆరి్టస్టుగా నటిస్తుండేది. పంజగుట్ట పోలీస్‌స్టేషన్‌ పరిధిలోని సంగీత్‌నగర్‌లో అపార్ట్‌మెంట్‌లో ఓ ఫ్లాట్‌లో నివసిస్తుండేది. తల్లి దండ్రులు కాకినాడలోనే ఉండగా, ఆమెకు భర్తతో విడాకులు అయ్యాయి. కొంతకాలం కిందట ఆ యువతికి మణికొండలో నివసించే నటుడు జగదీశ్‌ పరిచయమయ్యాడు. పరిచయం కాస్తా ప్రేమగా మారి కొద్దిరోజులు లివింగ్‌ రిలేషన్‌లో ఉన్నారు. జగదీశ్‌ ఆ యువతిని కాదని మరో యువతిని వివాహం చేసుకోవడంతో ఆమె జగదీశ్‌ను దూరం పెట్టసాగింది. ఫోన్‌ చేసినా లిఫ్ట్‌ చేసేది కాదు.  రహస్యంగా ఫొటోలు తీసి బ్లాక్‌ మెయిల్‌ చేసి  ఈ క్రమంలో గత నెల 27న మహిళ నివసించే ఫ్లాట్‌ వద్దకు వచ్చిన జగదీశ్‌.. సదరు మహిళ మరో యువకునితో సన్నిహితంగా ఉన్న ఫొటోలను కిటికీలోనుంచి తీశాడు. ఆ తర్వాత డోర్‌కొట్టి లోనికి వెళ్లి మీ బాగోతం మొత్తం రికార్డ్‌ చేశానంటూ వారిని బెదిరించాడు. ఫొటోలు డిలీట్‌ చెయ్యా లని ఎంత బతిమిలాడినా వినలేదు. దీంతో ఆ యువతి, యువకుడు పోలీసులకు ఫోన్‌ చేస్తామనడంతో అక్కడ నుంచి వెళ్లిపోయాడు. మరుసటి రోజు కూడా ఫోన్‌లో వేధించాడు. 29వ తేదీ ఉదయం ఆ యువతి మరొకరితో సన్నిహితంగా ఉన్న ఫొటో పంపించి.. ఇలాంటి ఫొటోలుఇంకా చాలా ఉన్నాయనీ, అవన్నీ బయటపెడతానని బెదిరించాడు. దీంతో తీవ్ర ఆందోళన, ఒత్తిడికి గురైన యువతి ఫ్యాన్‌కు ఉరివేసుకుని ఆత్మహత్యకు పాల్పడింది. ఎలాంటి సూసైడ్‌ నోట్‌ లేకపోవడంతో ఆత్మహత్య కేసు నమోదు చేసుకున్న పోలీసులు కేసు దర్యాప్తు చేపట్టారు. మరుసటిరోజు యువతి బంధువులు జగదీశ్‌ వేధింపులను పోలీసులకు వివరించగా ఆ మేరకు కేసు పెట్టారు. అప్పటి నుంచి పరారీలో ఉన్న నిందితుడు జగదీశ్‌ను పోలీసులు బుధవారం అరెస్టు చేసి రిమాండ్‌కు తరలించారు.

'పుష్ప' సినిమాలో అల్లు అర్జున్ ఫ్రెండ్ పాత్ర చేసిన నటుడు జగదీష్‌ని పంజాగుట్ట పోలీసులు అరెస్ట్ చేశారు. ఓ మహిళ ఆత్మహత్య చేసుకోవడమే దీనికి కారణమని తెలుస్తోంది. ప్రస్తుతం ఈ విషయం కాస్త ఇండస్ట్రీలో హాట్ టాపిక్ అయిపోయింది. క్యారెక్టర్ ఆర్టిస్టుగా పలు సినిమాలు చేస్తున్న ఈ నటుడు ఇప్పుడు పోలీసుల అదుపులో ఉండటం షాకింగ్‌గా అనిపించింది.  ఇంతకీ ఏమైంది? ఓ జూనియర్ ఆర్టిస్టు.. మరో వ్యక్తితో ఉన్నప్పుడు నటుడు జగదీశ్ ఫొటోలు తీశాడు. వాటిని సోషల్ మీడియాలో పోస్ట్ చేస్తానని బెదిరించాడు. ఈ వేధింపులు తాళలేక మనస్తాపానికి గురైన సదరు మహిళ (జూనియర్ ఆర్టిస్టు).. గత నెల 29న ఉరేసుకుని ఆత్మహత్య చేసుకుంది. ఈ ఘటనపై కేసు నమోదు చేసిన పోలీసులు.. మహిళ ఆత్మహత్యకు గల కారణాలు తెలుసుకున్నారు. దీనంతటికి కారణం 'పుష్ప' నటుడు జగదీష్ అని నిర్ధారించుకున్నారు.  అయితే గత కొన్నిరోజుల నుంచి తప్పించుకుని తిరుగుతున్న ఇతడిని.. అరెస్ట్ చేసి, కోర్టులో బుధవారం హాజరు పరిచారు. ఆత్మహత్య చేసుకున్న మహిళతో గతంలో జగదీశ్‌కు సినీ రంగంలో పరిచయం ఉందని పోలీసులు తెలిపారు. ఇక జగదీష్ కెరీర్ విషయానికొస్తే.. మల్లేశం, జార్జిరెడ్డి, పలాస 1978 తదితర చిత్రాల్లో సహాయ పాత్రలు చేసి గుర్తింపు తెచ్చుకున్నాడు. అలా సుకుమార్ దృష్టిలో పడి 'పుష్ప' లాంటి పాన్ ఇండియా మూవీలో అవకాశం దక్కించుకున్నాడు. మచ్చ మచ్చ అని అల్లు అర్జున్ కూడా ఉండే పాత్రలో కామెడీ పండించాడు. 'సత్తిగాని రెండెకరాలు' అనే సినిమాలో హీరోగానూ నటించాడు. 'పుష్ప 2'తో బిజీగా ఉన్న ఇతడు అరెస్ట్ ఇప్పుడు ఒక్కసారిగా అందరినీ అవాక్కయ్యేలా చేసింది.

జాతీయ అవార్డుల కార్యక్రమం ఢిల్లీలో అంగరంగ వైభవంగా జరిగింది. రాష్ట్రపతి ద్రౌపతి ముర్ము చేతుల మీదుగా తెలుగు హీరో అల్లు అర్జున్ అవార్డు అందుకున్నాడు. 'పుష్ప' చిత్రానికి గానూ ఉత్తమ నటుడిగా ఈ అవార్డు సొంతం చేసుకున్నాడు. అయితే తెలుగు సినీ చరిత్రలో ఈ పురస్కారం దక్కించుకున్న తొలి తెలుగు నటుడిగా సరికొత్త చరిత్ర సృష్టించాడు. (ఇదీ చదవండి: లియో నిర్మాతలకు షాకిచ్చిన మద్రాస్ హైకోర్ట్!) ఈసారి జాతీయ అవార్డులతో తెలుగు సినిమా కళకళలాడిపోయింది. ఉత్తమ నటుడిగా అల్లు అర్జున్.. రాష్ట్రపతి నుంచి పురస్కారం అందుకోగా.. 'ఉప్పెన'కి బుచ్చిబాబు, 'పుష్ప' సంగీత దర్శకుడు దేవిశ్రీ ప్రసాద్, 'ఆర్ఆర్ఆర్' సినిమాకుగాను నేపథ్య సంగీతానికి కీరవాణి, కొరియోగ్రఫీకి ప్రేమ్ రక్షిత్, స్పెషల్ ఎఫెక్ట్స్‌కి శ్రీనివాస్ మోహన్, ప్లే బ్యాక్ సింగర్ కాలభైరవ, స్టంట్ కొరియోగ్రఫీకి కింగ్ సోలమన్ అవార్డులు అందుకున్నారు. అలానే 'కొండపొలం' పాటకు చంద్రబోస్ కూడా జాతీయ అవార్డులు అందుకున్నారు.  View this post on Instagram A post shared by Mythri Movie Makers (@mythriofficial) View this post on Instagram A post shared by Mythri Movie Makers (@mythriofficial) జాతీయ అవార్డుల పూర్తి జాబితా ఇదే  ఉత్తమ నటుడు: అల్లు అర్జున్ (పుష్ప) ఉత్తమ నటి: ఆలియా భట్ (గంగూబాయి) & కృతిసనన్ (మిమీ) ఉత్తమ సహాయ నటి: పల్లవి జోషి (ద కశ్మీరీ ఫైల్స్ - హిందీ) ఉత్తమ సహాయ నటుడు: పంకజ్ త్రిపాఠీ (మిమీ- హిందీ) ఉత్తమ దర్శకుడు: నిఖిల్ మహాజన్ (గోదావరి - మరాఠీ సినిమా) ఉత్తమ సంగీత దర్శకుడు (సాంగ్స్‌): పుష్ప- దేవిశ్రీ ప్రసాద్ ఉత్తమ మ్యూజిక్‌ డైరెక్టర్‌ (బీజీఎమ్‌) :  ఆర్ఆర్ఆర్- ఎమ్.ఎమ్ కీరవాణి బెస్ట్‌ ఫీచర్‌ ఫిలిం: రాకెట్రీ: ద నంబీ ఎఫెక్ట్ (హిందీ) ఉత్తమ పిల్లల చిత్రం: గాంధీ & కో (గుజరాతీ) ఉత్తమ కొరియోగ్రఫీ: ఆర్ఆర్ఆర్-ప్రేమ్ రక్షిత్ ఉత్తమ మేకప్‌ ఆర్టిస్ట్‌: ప్రీతిశీల్ సింగ్ డిసౌజా (గంగూబాయి కతియావాడి) ఉత్తమ స్పెషల్ ఎఫెక్ట్స్: ఆర్ఆర్ఆర్-శ్రీనివాస్ మోహన్ బెస్ట్‌ ఫీమేల్‌ ప్లేబ్యాక్‌ సింగర్‌: శ్రేయా ఘోషల్ (ఇరవిన్ నిహాల్ - తమిళ మూవీ) బెస్ట్‌ మేల్‌ ప్లేబ్యాక్‌ సింగర్‌: కాలభైరవ (ఆర్ఆర్ఆర్ - కొమురం భీముడో) ఉత్తమ లిరిక్స్‌: చంద్రబోస్-కొండపొలం మూవీ (తెలుగు) ఉత్తమ యాక్షన్‌ డైరెక్షన్‌ అవార్డ్‌(స్టంట్‌ కొరియోగ్రఫీ): ఆర్ఆర్ఆర్- కింగ్ సోలమన్ ఉత్తమ కాస్ట్యూమ్‌ డిజైనర్‌: వీరా కపూర్ ఏ (సర్దార్ ఉద్దామ్-హిందీ) ఉత్తమ ప్రొడక్షన్‌ డిజైన్‌: దిమిత్రీ మాలిక్ & మాన్సి ధ్రువ్ మెహతా (సర్దార్ ఉద్దామ్) ఉత్తమ ఎడిటింగ్‌: సంజయ్ లీలా భన్సాలీ (గంగూబాయి కతియావాడి మూవీ) బెస్ట్‌ ఆడియోగ్రఫీ (లొకేషన్‌ సౌండ్‌ రికార్డిస్ట్‌): అరుణ్ అశోక్ & సోనూ కేపీ (చవిట్టు మూవీ-మలయాళం) బెస్ట్‌ ఆడియోగ్రఫీ (సౌండ్‌ డిజైనర్‌) : అనీష్ బసు (జీలీ మూవీ- బెంగాలీ) బెస్ట్‌ ఆడియోగ్రఫీ (రీరికార్డిస్ట్‌ ఆఫ్‌ ద ఫైనల్‌ మిక్స్‌డ్‌ ట్రాక్‌): సినోయ్ జోసెఫ్ (సర్దార్ ఉద్దామ్-హిందీ) బెస్ట్‌ స్క్రీన్‌ప్లే (ఒరిజినల్‌): షాహీ కబీర్ (నాయట్టు సినిమా-మలయాళం) బెస్ట్‌ స్క్రీన్‌ప్లే (డైలాగ్‌ రైటర్‌) : ప్రకాశ్ కపాడియా & ఉత్కర్షిణి వశిష్ట (గంగూబాయి కతియావాడి) బెస్ట్‌ సినిమాటోగ్రఫీ: అవిక్ ముఖోపాధ్యాయ్ (సర్దార్ ఉద్దామ్ మూవీ-హిందీ) ఉత్తమ చైల్డ్‌ ఆర్టిస్ట్‌: భవిన్ రబరీ (ఛెల్లో షో - గుజరాతీ సినిమా) బెస్ట్‌ ఫిలిం ఆన్‌ ఎన్వైర్‌మెంట్‌ కంజర్వేషన్‌: అవషావ్యూహం (మలయాళం) బెస్ట్‌ ఫిలిం ఆన్‌ సోషల్‌ ఇష్యూస్‌: అనునాద్-ద రెజోనెన్స్ (అస్సామీస్)  బెస్ట్‌ పాపులర్‌ ఫిలిం ఆన్‌ ప్రొవైడింగ్‌ హోల్‌సమ్‌ ఎంటర్‌టైన్‌మెంట్‌:  ఆర్ఆర్ఆర్ ఇందిరాగాంధీ అవార్డ్‌ ఫర్‌ బెస్ట్‌ డెబ్యూ ఫిలిం ఆఫ్‌ ఎ డైరెక్టర్‌: మెప్పాడియన్ (మలయాళం) స్పెషల్ జ్యూరీ అవార్డ్: షేర్ షా (హిందీ సినిమా) నర్గీస్ దత్ అవార్డ్ ఫర్ బెస్ట్ ఫిల్మ్ ఆన్ నేషనల్ ఇంటిగ్రేషన్: ద కశ్మీరీ ఫైల్స్ (హిందీ) భాషల వారీగా ఉత్తమ చిత్రాలు బెస్ట్ మీషింగ్ ఫిల్మ్: బూంబా రైడ్  బెస్ట్ అస్సామీస్ ఫిల్మ్: అనుర్  బెస్ట్ బెంగాలీ ఫిల్మ్: కల్కొకో-హౌస్ ఆఫ్ టైమ్ బెస్ట్ హిందీ ఫిల్మ్: సర్దార్ ఉద్దామ్ బెస్ట్ గుజరాతీ ఫిల్మ్: లాస్ట్ ఫిల్మ్ షో బెస్ట్ కన్నడ ఫిల్మ్: చార్లి 777 బెస్ట్ మైథిలీ ఫిల్మ్: సమాంతర్ బెస్ట్ మరాఠీ ఫిల్మ్: ఏక్ దా కై ఝాలా బెస్ట్ మలయాళ ఫిల్మ్: హోమ్ బెస్ట్ మెయిటెయిలోన్ ఫిల్మ్: ఏక్ హోయిగీ యమ్ (అవర్ హౌమ్) బెస్ట్ ఒడియా ఫిల్మ్: ప్రతిక్ష‍్య (ద వెయిట్) బెస్ట్ తమిళ్ ఫిల్మ్: కడైసి వివసై (ద లాస్ట్ ఫార్మర్) బెస్ట్ తెలుగు ఫిల్మ్: ఉప్పెన నాన్‌ ఫీచర్‌ ఫిలింస్‌ బెస్ట్ నాన్ ఫీచర్ ఫిల్మ్: ఏక్ థా గావ్ (గర్హివాలీ - హిందీ) బెస్ట్‌ వాయిస్‌ ఓవర్‌: కులదా కుమార్ భట్టాచారి (హాథీ బందూ) బెస్ట్‌ మ్యూజిక్‌ డైరెక్షన్‌: ఇషాన్ దీవేచా (సక్కలెంట్) బెస్ట్‌ ఎడిటింగ్‌: అబ్రో బెనర్జీ (ఇఫ్ మెమొరీ సెర్వ్స్ మీ రైట్) బెస్ట్‌ ఆన్‌లొకేషన్‌ సౌండ్‌ రికార్డిస్ట్‌: సురుచి శర్మ (మీన్ రాగా) బెస్ట్‌ ఆడియోగ్రఫీ(ఫైనల్‌ మిక్స్‌డ్‌ ట్రాక్‌): ఉన్ని కృష్ణన్ (ఏక్ థా గావ్) బెస్ట్‌ సినిమాటోగ్రఫీ: బిట్టూ రావత్ (పాతాళ్ తీ) ఉత్తమ డైరెక్షన్‌: బకుల్ మతియానీ (స్మైల్ ప్లీజ్) ఉత్తమ కుటుంబ కథా చిత్రం: చాంద్ సాన్సీ (హిందీ) ఉత్తమ షార్ట్‌ ఫిక్షన్‌ ఫిలిం:  దాల్ బాత్ (గుజరాతీ) స్పెషల్‌ జ్యూరీ అవార్డ్‌: రేఖా మూవీ (మరాఠీ) బెస్ట్ ఏనిమేషన్ ఫిల్మ్: కండిట్టుండూ (మలయాళం) బెస్ట్‌ ఇన్వెస్టిగేటివ్‌ ఫిలిం: లుకింగ్ ఫర్ చలాన్ (ఇంగ్లీష్) బెస్ట్‌ ఎక్స్‌ప్లోరేషన్‌ ఫిలిం: ఆయుష్మాన్ (ఇంగ్లీష్-కన్నడ) బెస్ట్‌ ఎడ్యుకేషనల్‌ ఫిలిం: సిర్పంగిలన్ సిర్పంగల్ (తమిళం) బెస్ట్‌ ఫిలిం ఆన్‌ సోషల్‌ ఇష్యూస్‌(షేర్‌డ్): మీతూ దీ (ఇంగ్లీష్) & త్రీ టూ వన్ (మరాఠీ-హిందీ) బెస్ట్‌ ఎన్వైర్‌మెంట్‌ ఫిలిం: మున్నం వలవు (మలయాళం) బెస్ట్‌ ప్రమోషనల్‌ ఫిలిం: వర్లీ ఆర్ట్ (ఇంగ్లీష్) బెస్ట్‌ సైన్స్‌ అండ్‌ టెక్నాలజీ ఫిలిం: ఇథోస్ ఆఫ్ డార్క్‌నెస్ (హిందీ-బెంగాలీ) బెస్ట్‌ ఆర్ట్స్‌ అండ్‌ కల్చర్‌ ఫిలింస్‌: టీఎన్ కృష్ణన్ బౌ స్ట్రింగ్స్ టూ డివైన్ బెస్ట్‌ బయోగ్రాఫికల్‌ ఫిలిం(షేర్‌డ్): రుఖు మతిర్ దుఖు మహీ (బెంగాలీ) & బియాండ్ బ్లాస్ట్ (మణిపురి) బెస్ట్‌ ఎత్నోగ్రాఫిక్‌ ఫిలిం: ఫైర్ ఆన్ ఎడ్జ్ (టివా) బెస్ట్‌ డెబ్యూ నాన్‌ ఫియేచర్‌ ఫిలిం ఆఫ్‌ ఎ డైరెక్టర్‌:  పాంచిక (గుజరాతీ- డైరెక్టర్ అంకిత్ కొఠారీ)

సినిమాలంటే అందరికీ ఆసక్తి కదా. మామూలు జనాలకు మరీ ఎక్కువ. అందుకే జనాలందరికీ సినిమా భాషలోనే తమ అర్జీలు చెప్పుకుంటే పరమ క్యాచీగా ఉంటుందనుకున్నాయి రాజకీయ పార్టీలు. బాడీ లాంగ్వేజీలోలాగా... తమనే గెలిపించాలంటూ ‘మూవీ లాంగ్వేజీ’లో పొలిటికల్‌ పార్టీలు విన్నవించుకోవాలని నిర్ణయించుకుంటే... ఆ వచ్చే అభ్యర్థనలకు ఊహారూపమే ఈ   వాక్యాలు...   ‘పుష్ప సినిమా చూశారుగా అందరూ. అందులోని పాటలో హీరో చెప్పు జారిపోలా. అచ్చం అలాగే జారింది మా అధికారం కూడా. అయితే హీరోగారి గూడ పైకి లేచి నిలబడింది చూశారా... ఈసారి అచ్చం మీరూ మమ్మల్ని పైకి లేపండి. గూడను కాదు... మా చేతిని. అదే... చేతి గుర్తును.’’  ‘ప్రజలారా... చేతిగుర్తు వారి మాటలు చెవిన పెట్టకండి. అసలు పుష్ప అంటే ఏమిటి? పువ్వు! దీని బట్టి తెలియడంల్యా.. ఎవరికి ఓటెయ్యాలో! పుష్పకు ఓటెయ్యండి. అంటే ‘పువ్వు గుర్తు’కు అని అర్థం. పువ్వు గుర్తు అంటే కమలం పార్టీ అని విజ్ఞులైన మీకు వేరే చెప్పాలా?’’  ‘ఈ పువ్వు గుర్తువారూ, ఆ చెయ్యి గుర్తు వారూ ఎలాంటివాళ్లు? ఆ సినిమాలోనే చూశారుగా. గంధం చెక్కల ఆచూకీ చెప్పేదాకా కారెక్కించి తిప్పుతారు. తీరా ఆచూకీ దొరికాక... హీరో కారెక్కబోతుంటే కార్లోంచి కాలు పక్కకు లాగేస్తారు. నాల్రూపాయలు పారేసి... షేర్‌ ఆటోలో రమ్మంటారు. ఓడనెక్కేదాక ఓడమల్లయ్యా... ఓడ దిగాక బోడ మల్లయ్య. ఇలాంటి పార్టీలకా మీ ఓటు? పాపం... హీరో అప్పటికప్పుడు కారు కొనాల్సి వచ్చింది. హీరో కొన్నదేమిటి? ‘కారు’! ఆ సంగతి గుర్తుపెట్టుకోండి. అసలు మా కారు గుర్తుకు ఓటేస్తే... కృతజ్ఞతకొద్దీ ఎప్పుడూ కార్లోనే తిప్పుతాం. కారు దిగకండి... మమ్మల్నీ దించకండి. కారు స్పీడు విషయంలో మీరు తగ్గేదేల్యా... మమ్మల్ని తగ్గించేదే ల్యా’’ సినిమా అభ్యర్థనలు పూర్తయ్యాయి.   ఆరోగ్యాన్ని కాపాడుకోవాలంటూ హెచ్చరించే కేన్సర్‌ క్యారెక్టర్‌ ‘ముఖేశ్‌’ఈసారి ఈ సినిమా యాడ్స్‌ అయ్యాక వచ్చాడు. అతడు చెప్పేదేమిటంటే...   ‘‘అసలా మూవీ హీరోయే ఓ ఎర్రచందనం స్మగ్లర్‌.  అతడు చేసేదే అడవుల్ని నరకడం.  మీకు అర్థమవ్వడం కోసం ఎంతటి సినిమా ఉపమాలిచ్చినా సరే...  ఈ నెగెటివ్‌ కేరెక్టర్ల పట్ల పాజిటివ్‌ కోణంలో కాకుండా  అసలు కేరెక్టర్లను గుర్తెరిగి ఎంచుకోండి.  ఐదేళ్ల పాటు హాయిగా మిమ్మల్ని మీరే పరిపాలించుకోండి.   

అల్లు అర్జున్‌, రష్మిక మందన్నా కలిసి నటించిన పుష్ప చిత్రం ఎంతటి ఘనవిజయం సాధించిందో అందరికి తెలిసిందే. ముఖ్యంగా ఆ సినిమాలోని ‘రారా సామి’పాటకు రష్మిక వేసిన స్టెప్పులు బాగా వైరల్‌ అయ్యాయి. అప్పట్లో ఎక్కడ చూసిన ఈ పాటే మోగేది. చాలా మంది రీల్స్‌ చేసి.. ఈ పాటను వైరల్‌ చేశారు. పలువురు హీరోయిన్లు కూడా ఈ పాటకు స్టెప్పులేశారు. సినిమా విడుదలై రెండేళ్లు కావోస్తున్న ‘రారా సామి’ క్రేజ్‌ మాత్రం తగ్గట్లేదు. తాజాగా ఈ పాటకు దాదాపు ఐదేళ్లు వయసు ఉన్న చిన్నారి చిందులేసి అలరించింది. మహారాష్ట్రకు చెందిన ఆ చిన్నారి.. స్కూల్‌ కల్చరల్‌ ప్రోగ్రామ్‌లో భాగంగా రారా సామి పాటకు డ్యాన్స్‌ చేసింది. ఆమెతో పాటు మిగతా విద్యార్థులు కూడా స్టెప్పులేసి అలరించారు. ప్రస్తుతం ఈ వీడియో తెగ వైరల్ అవుతుంది. దీనిని రష్మిక ఎక్స్‌(ట్విటర్‌)లో షేర్‌ చేస్తూ.., ‘సో క్యూట్’ అంటూ అని క్యాప్షన్‌ ఇచ్చింది.  So cute 🥰 https://t.co/bfXDGQ8dMJ — Rashmika Mandanna (@iamRashmika) October 2, 2023

సాక్షి ప్రతినిధి, కరీంనగర్‌: అడవిలో చెట్లు కొట్టుకునే కూలోడు అంతర్జాతీయ స్మగ్లర్‌గా ఎదిగిన కథ ‘పుష్ప’ సినిమా. వాస్తవానికి అలాంటి ఘటనలు నిజ జీవితంలో జరగవు. కానీ.. ఉమ్మడి కరీంనగర్‌లో పీ డీఎస్‌ బియ్యం కొనుగోలు చేసి.. అధిక ధరలకు ఇ తర రాష్ట్రాలకు ఎగుమతి చేసే వ్యాపారిని చూస్తే ని జమే అనిపిస్తోంది. ‘ఏక్‌ రూపాయ్‌వాలా’ కోడ్‌ నే మ్‌తో అధికారులు ముద్దుగా పిలుచుకునే ఈ స్మగ్లర్‌ నెట్‌వర్క్‌ ఒకప్పుడు పాత కరీంనగర్‌ జిల్లాకే పరిమి తం. నేడు ఇతర రాష్ట్రాలకు విస్తరించింది. రెండేళ్ల క్రితం ఉమ్మడి జిల్లా దాటి మహారాష్ట్రలో ఎంటర్‌ అ య్యాడు. ఆ సమయంలో అతడి దందా.. పీడీఎస్‌ బియ్యాన్ని రాష్ట్ర సరిహద్దులు దాటిస్తున్న తీరును ‘సాక్షి’ దినపత్రిక ‘ఏక్‌ రూపాయ్‌వాలా’ శీర్షికన వ రుస కథనాలు ప్రచురించింది. వీటిపై డీజీపీ కార్యాలయం స్పందించి దాడులకు ఆదేశించింది. అప్పటి కరీంనగర్‌ సీపీ సత్యనారాయణ నేతృత్వంలో టా స్క్‌ఫోర్స్‌ బృందాలు వరుస దాడులతో విరుచుకుపడ్డాయి. పీడీఎస్‌ బియ్యాన్ని అక్రమంగా తరలిస్తున్న వారిని బైండోవర్‌ కూడా చేశాయి. దీంతో కొంతకా లం సదరు వ్యాపారి, అతని అనుచరులు కార్యకలాపాలు నిలిపివేశారు. సైకిళ్లతో మొదలై.. గూడ్స్‌ రైళ్లలో తరలించే స్థాయికి.. ఒకప్పుడు గ్రామాల్లో సైకిళ్లపై తిరుగుతూ.. పీడీఎస్‌ బియ్యాన్ని సేకరించి వాహనాల్లో తరలించడంలో ఏక్‌ రూపాయ్‌వాలాది అందెవేసిన చేయి. అప్పట్లో హుజూరాబాద్‌ ఉప ఎన్నిక, ఎమ్మెల్సీ ఎన్నికలు వ రుసగా రావడం.. పత్రికల్లో వరుస కథనాలు రావడంతో అతడి వ్యాపారం సుప్తావస్థలోకి వెళ్లింది. ఆ తర్వాత కొత్త పద్ధతిలో వ్యాపారంలోకి దిగాడు. అధి కారులకు లంచాలిస్తూ.. మహారాష్ట్రకు బియ్యం తరలించడం కంటే అధికారికంగానే ఎగుమతి చేయాల ని నిర్ణయించాడు. అదునుకోసం చూస్తున్న అతడికి తమిళనాడు తెలంగాణ ప్రభుత్వానికి బియ్యం కో సం చేసిన వినతి ఆసరాగా దొరికింది. రూ.37.50కు కిలో చొప్పున కావాలని తమిళనాడు కోరడం.. ఆ డీల్‌ రద్దు కావడంతో ‘ఏక్‌ రూపాయ్‌వాలా’ రంగంలోకి దిగాడు. కిలో రూ.31.50కే ఇస్తామని డీల్‌ కుది ర్చినట్లు సమాచారం. ఎగుమతికి కావాల్సిన బి య్యంలో తనవంతుగా పీడీఎస్‌ రైస్‌ ఇచ్చేందుకు సి ద్ధమయ్యాడు. అతడికి కావాల్సినంత బియ్యం ఇచ్చేందుకు ఉమ్మడి జిల్లాలోని పలువురు రైస్‌మిల్లర్లు కూడా సమ్మతించారని తెలిసింది. ఇందులో కస్ట మ్‌ మిల్లింగ్‌ రైస్‌ (సీఎంఆర్‌)ఉన్నట్లు తెలిసింది. వా రం వ్యవధిలో దాదాపు ఐదు వేల టన్నుల బియ్యాన్ని కరీంనగర్‌ నుంచి గూడ్స్‌ ద్వారా ఎగుమతి చేసినట్లు సమాచారం. వీటివిలువ దాదాపు రూ.160 కోట్ల వరకు ఉంటుందని సమాచారం. డిమాండ్‌ నేపథ్యంలో మరోరూ.60 కోట్ల విలువైన 2వేల ట న్నుల బియ్యాన్ని తరలించేందుకు రంగం సిద్ధమైంది. ఇందుకు మరో గూడ్స్‌రేక్‌ (కొన్ని బోగీలతో కూ డిన రైలు)ను ఇప్పటికే బుక్‌చేశారని సమాచారం. ఇంత జరుగుతున్నా.. సివిల్‌ సప్లయి అధికారులు, పోలీసులకు సమాచారం లేకపోవడం గమనార్హం. అటెన్షన్‌ డైవర్షన్‌లో అందెవేసిన చేయి.. తెలంగాణ, మహారాష్ట్రలో పీడీఎస్‌ బియ్యం అక్రమ రవాణాలో ‘ఏక్‌ రూపాయ్‌వాలా’ది అందె వేసిన చే యి. అచ్చం వీరప్పన్‌ తరహాలో.. పోలీసులు బందో బస్తుల్లో నిమగ్నమయ్యే సందర్భాల్లోనే భారీ వాహనాల్లో టన్నుల కొద్దీ బియ్యం రాష్ట్ర సరిహద్దులు దా టిస్తాడు. ఇపుడు బహిరంగ దందా చేస్తున్న నేపథ్యంలోనూ చాలా జాగ్రత్తలు తీసుకున్నాడు. తమ పై సివిల్‌ సప్లయీస్‌, పోలీసుల కన్ను పడకుండా.. గణేశ్‌ ఉత్సవాల్లో అధికారులు తలమునకలైన సందర్భాన్ని వాడుకుని రైలు ద్వారా తెలివిగా.. పకడ్బందీగా తమిళనాడుకు బియ్యం ఎగుమతి చేశా డు. త్వరలో ఎన్నికలకోడ్‌ రాబోతోంది. కోడ్‌ వస్తే వాహన తనిఖీలు పెరుగుతాయి. దానికి ముందే రెండోవిడత సరుకు పంపేలా ఏర్పాట్లు పూర్తయ్యాయని సమాచారం. కిలో రూపాయి బియ్యాన్ని రూ. 4 లేదా రూ.5 కమీషన్‌ చొప్పున విక్రయించే ‘ఏక్‌ రూపాయ్‌ వాలా’ నేడు రూ.వందల కోట్ల వ్యాపారా నికి పడగలెత్తిన తీరు సినిమా కథను తలపిస్తోంది. ఫిర్యాదు వచ్చింది చర్యలు తీసుకుంటాం కరీంనగర్‌ నుంచి తమిళనాడుకు సీఎంఆర్‌ బియ్యం అక్రమంగా వెళ్తున్నాయని మాకు అధికారికంగా ఫిర్యాదు వచ్చింది. వెంటనే అడిషనల్‌ కలెక్టర్‌, సివిల్‌ సప్లయీస్‌ ఉన్నతాధికారులకు చేరవేశాను. వారు స్పందించి రంగంలోకి దిగారు. అధికారులు ఇచ్చే నివేదిక ఆధారంగా చర్యలు తీసుకుంటాం. – రవీందర్‌ సింగ్‌,  సివిల్‌ సప్లయీస్‌ కార్పొరేషన్‌ చైర్మన్‌

పుష్ప.. పుష్పరాజ్‌.. అప్పుడే వేట మొదలుపెట్టాడు. పుష్ప సినిమాకు కలెక్షన్స్‌ మాత్రమే కాదు అవార్డులు సైతం వచ్చాయి. 69 ఏళ్లుగా అందని ద్రాక్షగా ఉన్న జాతీయ ఉత్తమ నటుడి అవార్డును పుష్పరాజ్‌ తన వశం చేసుకున్నాడు. ఇటీవల ప్రకటించిన జాతీయ అవార్డుల్లో అల్లు అర్జున్‌కు ఉత్తమ నటుడి పురస్కారం వరించింది. దీనిపై యావత్‌ తెలుగు ప్రజలు సంబరాలు చేసుకున్నారు. ఈ అవార్డుతో తన రేంజ్‌ ఏంటో మరోసారి చూపించాడు పుష్పరాజ్‌. ఇకపోతే ప్రస్తుతం పుష్ప 2 షూటింగ్‌ జరుగుతున్న సంగతి తెలిసిందే! మొదటిదాన్ని మించిపోయేలా రెండో పార్ట్‌  తీయాలని ప్రయత్నిస్తున్నాడు సుకుమార్‌. మేకింగ్‌ దశలోనే పుష్ప 2కి అదిరిపోయే ఆఫర్స్‌ వస్తున్నట్లు తెలుస్తోంది. బాలీవుడ్‌కు చెందిన ప్రముఖ డిస్ట్రిబ్యూషన్‌ సంస్థ ఏకంగా రూ.1000 కోట్లు ఆఫర్‌ చేసినట్లు టాక్‌! పుష్ప 2 సినిమాకు సంబంధించిన అన్ని రకాల హక్కులను తమకు సొంతం చేయాలని, అలాగైతే వెయ్యి కోట్లు ఇస్తామని ముందుకు వచ్చినట్లు ప్రచారం నడుస్తోంది.  మరి ఈ ఆఫర్‌కు పుష్ప మేకర్స్‌ ఎలా స్పందించారు? అసలు ఈ ప్రచారంలో నిజమెంత? అన్నది తెలియాల్సి ఉంది. చదవండి: మొదటి వారం నామినేషన్స్‌లో 8 మంది.. ఎవరెవరంటే?

‘‘ఒకరు అదే పనిగా మనల్ని విమర్శిస్తున్నారంటే మనం ఎదిగినట్లే... బయటకు చెప్పలేం... చాలా అవమానాలుంటాయి.. నాది అత్యాస.. నాకు అన్నీ కావాలి...   నేషనల్‌ బెస్ట్‌ హీరో అని ఊరికే ఇచ్చేయరు’’... ఇంకా ఇలాంటి ఆసక్తికరమైన విషయాలను ‘సాక్షి’తో ప్రత్యేకంగా పంచుకున్నారు అల్లు అర్జున్‌. ‘జాతీయ ఉత్తమ నటుడు’ అవార్డు దక్కించుకున్న ఆనందంలో ఉన్న అల్లు అర్జున్‌తో శనివారం జరిపిన ఇంటర్వ్యూలోని విశేషాలు ఈ విధంగా... ► జాతీయ ఉత్తమ నటుడి ప్రకటన రాగానే మీ రియాక్షన్‌? అల్లు అర్జున్‌: ఇంగ్లీష్‌లో ఎలైటెడ్‌ (ఉక్కిరి బిక్కిరి.. పట్టరానంత ఆనందం...) అంటారు. నా ఫీలింగ్‌ అదే. అయితే ఈ అవార్డు నాకు వచ్చింది నా వల్ల కాదు. సుకుమార్‌ వల్ల వచ్చిందన్నది నా ఫస్ట్‌ ఫీలింగ్‌. అవార్డు ప్రకటన రాగానే నేను, సుకుమార్‌ ఆప్యాయంగా హత్తుకుని, ఆ ఉద్విగ్న క్షణాల్లో అలా ఓ నిమిషానికి పైగా ఉండిపోయాం. మైత్రీ మూవీ మేకర్స్‌ కాకుండా ‘పుష్ప’ని ఎవరు తీసినా ఈ సినిమా ఇంత బాగా వచ్చి ఉండేది కాదు. నాతో ‘పుష్ప’ తీశారని అలా అనడంలేదు. ‘రంగస్థలం’ చూసినçప్పుడే ‘మైత్రీ సపోర్ట్‌ చేసింది కాబట్టే నువ్వు అనుకున్న సినిమా తీయగలిగావు. ఈ సినిమాని వేరే ఏ బేనర్‌తో చేసినా తీయలేకపోయేవాడివి’ అని సుకుమార్‌తో అన్నాను. ‘పుష్ప’కి కూడా ఇదే వర్తిస్తుంది. ► ఈ తరంలో తెలుగులో ఉన్న ‘బెస్ట్‌ యాక్టర్స్‌’లో మీరు ఒకరు. ముందు తరాల్లో ఎందరో ‘బెస్ట్‌ యాక్టర్స్‌’ ఉన్నారు. వారికి ఉత్తమ జాతీయ నటుడు అవార్డు లభించలేదు. ఈ విషయంపై మీ అభి్రపాయం.. నాకు అవార్డు వచ్చినందుకు ఎంత హ్యాపీగా ఉందో.. ముందు తరాల వారికీ, నా సమకాలీన నటులకు అవార్డు రాలేదన్నది అంతే బాధాకరమైన విషయం. వారంతా అర్హులే. జాతీయ అవార్డు దక్కించుకునే స్థాయి నటనను అందరూ ప్రదర్శించారు. కానీ ఎందుకో వారికి రాలేదు. సామర్థ్యం లేక వారికి అవార్డులు రాలేదనుకుంటే అది మన తెలివితక్కువతనమే. మన పరిశ్రమలో ఎప్పుడూ గొప్ప నటులు ఉంటూనే ఉన్నారు. కానీ ఎందుకో కుదర్లేదు.. ఈసారి కుదిరింది. ► అంటే.. కాస్త అదృష్టం కూడా కలిసి రావాలంటారా? అదృష్టాన్ని నమ్మను. మన కృషి మనం చేస్తూ ఉంటే సరైన చాన్స్, టైమ్‌ వచ్చినప్పుడు కొడితే ఆ పాయింట్‌ను అదృష్టం అంటా. మంచి పెర్ఫార్మెన్స్‌ ఇచ్చే విషయంలో నేను ఎప్పుడూ కృషి చేస్తూనే ఉన్నాను. ఇక ఇప్పుడు తెలుగు సినిమాలకు దేశవ్యాప్త గుర్తింపు దక్కడం, తెలుగు సినిమాలపై అందరి దృష్టి పడటం అనేది అవకాశం. సో... నా కృషికి చాన్స్, టైమ్‌ కలిసి స్ట్రైక్‌ అయ్యాయి. ఇది లక్‌ అంటాను. ► మీ 20 ఏళ్ల సక్సెస్‌ఫుల్‌ కెరీర్‌లో మీ కుటుంబం, అభిమానుల, ఇండస్ట్రీ భాగస్వామ్యం ఎంత.. నా సక్సెస్‌లో అందరి సపోర్ట్‌ ఉంది. ఏ సపోర్ట్‌ లేదని అనలేను. నా ఫ్యామిలీ, ఇండస్ట్రీ సపోర్ట్‌ ఉంది. ఎక్కువ శాతం ఉన్న నా సొంత ఫ్యాన్స్‌ సపోర్ట్‌తో పాటు మెగా ఫ్యాన్స్, ఇతర హీరోల ఫ్యాన్స్‌ ప్రోత్సాహం కూడా ఉంది. ► మీ కెరీర్‌ ఫస్ట్‌ మొదలైంది మెగా ఫ్యాన్స్‌ సపోర్ట్‌తోనే. ఆ తర్వాత మీకు సొంత ఆర్మీ (అభిమానులు) ఏర్పాటైంది. ఇలా ఓన్‌ ఫ్యాన్‌ బేస్‌ డెవలప్‌ అయ్యాక పాజిటివిటీతో పాటు  నెగటివిటీ కూడా వచ్చింది. ఈ విషయాన్ని ఎలా చూస్తారు.. నేనే కాదు.. ప్రపంచంలో ఉన్న ఏ వ్యక్తి అయినా ఒకచోటు నుంచి మొదలై, జీవితంలో ఎదిగే క్రమంలో కొంత టైమ్‌ గడిచాక తనకంటూ ఓ డెవలప్‌మెంట్‌ జరుగుతుంది. అది సహజం.. ఇందుకు ఉదాహరణగా చాలామంది ఉన్నారు. కొన్నిసార్లు పిల్లలు తమ తల్లిదండ్రుల కన్నా ఉన్నత స్థాయికి చేరుకుంటారు. ఇదొక సహజమైన ప్రయాణం. ► కానీ ఎక్కడ మొదలయ్యారో ఆ నీడలో ఉండాలని వేరేవాళ్లు అనుకోవడం సహజంగా జరుగుతుంటుంది.. నేనేమనుకుంటానంటే.. ఒకరు విశేషంగా ఎదుగుతూ, ఓ లెవల్‌కి వచ్చాక.. వారు మన దగ్గర ఉండలేరని వారికే అర్థం అయిపోతుంది.. వాళ్లు ఇక్కడ సరిపోరని. అది పేరెంట్స్‌ అయినా కావొచ్చు.. ఫ్యామిలీలో ఎవరైనా కావొచ్చు. అయితే వాళ్లు ఎప్పుడు కోరుకుంటారంటే.. వాళ్లకంటే తక్కువగా ఉన్నప్పుడో.. ఇప్పుడు వాళ్లు ఎంత ఉన్నారో.. మనం అంతే ఉన్నప్పుడు ఎందుకు బయటకు వెళ్లాలని కోరుకుంటారు. అదే మనం ‘టెన్‌ ఎక్స్‌’ ఎదిగాం అనుకుంటే అప్పుడు వాళ్లు కోరుకోరు. ఇదంతా సైజ్‌ డిఫరెన్స్‌పై ఆధారపడి ఉంటుంది. ► చిరంజీవిగారి ఇంటికి వెళ్లారు కదా. ఆయన స్పందన.. చిరంజీవిగారు చాలా మంచి మాట అన్నారు. ఓ జాతీయ అవార్డు రావడానికి ఓ నటుడికి కావాల్సిన కారణాలు ఇరవై ఉంటే.. అన్ని కారణాల్లోనూ నువ్వు వంద మార్కులు కొడతావ్‌ అన్నారు. బాడీ లాంగ్వేజ్‌.. మేకప్‌ కావొచ్చు... సంభాషణల ఉచ్చారణ కావొచ్చు.. ఇలా కొన్ని చెప్పుకుంటూ వచ్చారు. చిరంజీవిగారికి ఉన్న అనుభవంతో ఓ విషయాన్ని ఆయన మనకన్నా బాగా చూడగలరు. బాగా పెర్ఫార్మ్‌ చేశావ్‌. చెప్పాలంటే.. నీకు ఇవ్వకపోతే తప్పయిపోయేది అనే స్థాయిలో పెర్ఫార్మ్‌ చేశావన్నారు. ► ఏదైనా మనకు దక్కినప్పుడు అందుకు మనం నిజంగా అర్హులమేనా? అనే ఓ ఆలోచన కలగడం సహజం. నేషనల్‌ అవార్డు ప్రకటించినప్పుడు అలాంటి ఆలోచన మీకేమైనా కలిగిందా? నేనూ సుకుమార్‌గారు ఎప్పుడూ నిజం అనేది ఒకటి ఉంటుందని మాట్లాడుకుంటుంటాం. మేం నిజాయితీగా కష్టపడ్డాం. ఆ కష్టం ప్రజలకు కనెక్ట్‌ అయ్యింది. ఇది నిజం. ఒక సినిమా బాగుందా? లేదా అనేది నిజం మాట్లాడుతుంది. బాగోలేని సినిమాను నేను ఎంత ప్రమోట్‌ చేసినా వర్కౌట్‌ కాదు. కానీ మనం నిజాయితీగా కష్టపడ్డప్పుడు ఆ కష్టమే మాట్లాడుతుంది. అది నిజం. అప్పుడు నిజం దానంతట అదే మాట్లాడుతుంది. ఒకవేళ నేను సినిమాలో బాగా యాక్ట్‌ చేసి, నేనే బాగోలేదని చెప్పినా కూడా నా మాట ఎవరూ నమ్మరు. ఎందుకంటే నిజం నాకంటే గొప్పది.. నన్ను మించినది అనేది నా అభప్రాయం. ► తెలుగు సినిమాకు ఈ ఏడాది ఎక్కువగా జాతీయ అవార్డులు వచ్చాయి... ఈ విషయం గురించి ఏమంటారు? ఈ గౌరవం దక్కడానికి ‘ఆర్‌ఆర్‌ఆర్‌’ సినిమాను ముఖ్య కారణంగా చెప్పుకోవాలి.. ‘పుష్ప’ కూడా. ‘ఆర్‌ఆర్‌ఆర్‌’కు ప్రపంచవ్యాప్తంగా గుర్తింపు లభించింది. దీంతో జాతీయ స్థాయిలో ‘ఆర్‌ఆర్‌ఆర్‌’ను గౌరవించుకోకపోతే అది తప్పవుతుందనే ఓ ప్రత్యేక ఫీలింగ్‌ ఆ సినిమాపై ఉంది. ఏదో ఆస్కార్స్‌కు వెళ్లింది కదా అని కాకుండా నిజంగా ఆ సినిమాకు సంబంధించి ఎవరెవరికి రావాలో వారికి ఇచ్చారు. తెలుగు సినిమాకు ప్రాముఖ్యత చేకూర్చారు. అందుకు తగ్గ కష్టం కూడా ఆ సినిమాలు పడ్డాయి. ప్రస్తుతం దేశవ్యాప్తంగా తెలుగు ఇండస్ట్రీ ప్రామిసింగ్‌గా ఉంది. ఈ ఇంపాక్ట్‌ వారిపై (జ్యూరీని ఉద్దేశిస్తూ..) కూడా ఉంటుంది.   ► ఈ సమయంలో మీ తాత (ప్రముఖ నటుడు అల్లు రామలింగయ్య)గారు ఉండి ఉంటే సంతోషించేవారు.. ఆయన జీవించి ఉన్నట్లయితే.. ఇన్నేళ్ల చరిత్రలో నా మనవడు కొట్టాడు. తన జీవితానికి ఇది చాలని ఆయన ఫీలయ్యే సందర్భం కచ్చితంగా అయ్యుండేది. ఆ విషయం పక్కన పెడితే... నేను నేషనల్‌ అవార్డుని సాధించడం మా నాన్నగారు చూడగలిగారు. నాకు అదే చాలా అదృష్టం.   ► ‘పుష్ప’లో నటనపరంగా తగ్గేదే లే అన్నట్లు నటించారు. ‘ఆర్‌ఆర్‌ఆర్‌’లో ఎన్టీఆర్, రామ్‌చరణ్‌ అద్భుత నటనతో పాటు ఆ సినిమా ఆస్కార్‌తో గ్లోబల్‌గా రీచ్‌ అయింది. తమిళ ‘జై భీమ్‌’లో సూర్య నటన అద్భుతం.. ఈ పెద్ద పోటీలో జాతీయ అవార్డు ఎవరికి దక్కుతుందనే కోణంలో ఆలోచించారా? మనం సౌత్‌లో ఉన్నాం కాబట్టి ఈ రెండు సినిమాల గురించే మాట్లాడటం సహజం. అయితే పోటీలో హిందీ నుంచి ‘షేర్షా, సర్దార్‌ ఉద్దమ్‌’ వంటి చిత్రాలు ఉన్నాయి. ఇంకా వేరే భాషల నుంచి వేరే చిత్రాల్లో నటించిన హీరోలు ఉన్నారు. పోటీలో 20 మందికి పైగా ఉన్నారు. కానీ ఫైనల్‌గా నేషనల్‌ హీరో ఒక్కడే. ఈ ప్రాసెస్‌లో ‘పుష్ప’ హీరోకి అవార్డు దక్కే అర్హత పూర్తిగా ఉంది. ఎందుకంటే నేషనల్‌ హీరోని సెలక్ట్‌ చేసేటప్పుడు అతని నటన చూస్తారు.. సినిమాని కాదు. అయినా బెస్ట్‌ ఫిలిం కింద నేషనల్‌ అవార్డుకి ‘పుష్ప’ని తీసుకోరు. ఎందుకంటే స్మగ్లింగ్‌ బ్యాక్‌డ్రాప్‌ కాబట్టి. అందుకే ఉత్తమ చిత్రం కేటగిరీకి మేం ‘పుష్ప’ని పంపించలేదు. బెస్ట్‌ యాక్టర్‌ కేటగిరీ అనేది పూర్తిగా నటనని బేస్‌ చేసుకునే ఇస్తారు. ఆ విధంగా పుష్పరాజ్‌.. బెస్ట్‌ అనుకుని, నామినేషన్‌కి పంపించాం. మా నమ్మకం నిజమైంది. ► 20 ఏళ్ల కెరీర్‌.. 20 మందికి పైగా హీరోలతో పోటీ పడి నేషనల్‌ అవార్డు తెచ్చుకున్న ఈ ఆనందంలో మీ కెరీర్‌ని విశ్లేషించుకుంటే ఏమనిపిస్తోంది? యాక్చువల్‌గా ఇలా ఆనందంగా ఉన్నప్పుడు కాదు.. ‘సాడ్‌ మూమెంట్స్‌’ అప్పుడే ఎక్కువ ఎనలైజ్‌ చేసుకుంటాం. హ్యాపీ అప్పుడు హాయిగా అలా వెళ్లిపోతాం. 20 ఏళ్ల లైఫ్‌ టైమ్‌లో ఏ మనిషికైనా హ్యాపీ.. సాడ్‌ ఈ రెండూ ఉంటాయి. బయట చూసేవాళ్లకు అంతా స్మూత్‌గా ఉన్నట్లు కనిపిస్తుంది కానీ ఏ మనిషి జీవితం కూడా ఈ రెండూ లేకుండా ఫ్రిజ్‌లో పెట్టిన మటన్‌లా ఫ్రీజ్‌ అయిపోవడం జరగదు (నవ్వుతూ). ఏ చెట్టుకి ఆ గాలి. బయటకు చెప్పలేకపోవచ్చు కానీ.. చాలా అవమానాలు ఉంటాయి. ఆ చెప్పలేనివి జరిగినప్పుడు విశ్లేషణ అనేది మొదలవుతుంది. అందులోంచే నేర్చుకోవడం, నడుచుకోవడం కూడా తెలుస్తుంది. ► మీరన్నట్లు అవమానాలు సహజం. పైగా ఇప్పుడీ డిజిటల్‌ వరల్డ్‌లో ట్రోల్స్‌ ఎక్కువ.. వీటిని పట్టించుకుంటారా? హండ్రెడ్‌ పర్సంట్‌ అన్నీ పట్టించుకుంటాను. కాకపోతే ‘ఫన్‌’గా తీసుకుంటాను. మన కోసం ఒకళ్లు పని గట్టుకుని టైమ్‌ కేటాయించి, అదే పనిగా విమర్శిస్తున్నారంటే మనం ఎదిగినట్లే కదా (నవ్వుతూ). మా స్టాఫ్‌లో ఒకరు.. ‘చూడండి సార్‌.. మీ గురించి ఇలా అనుకుంటున్నారు’ అంటే, ‘మంచిదే కదా.. మనం ఎదిగినట్లు అర్థం’ అన్నాను. ఏమీ లేకుండా మిగిలిపోయినవాళ్లను ఎవరూ పట్టించుకోరు. సో.. మనల్ని పట్టించుకున్నారంటేనే మనం సాధిస్తున్నాం అని అర్థం. ► మరి.. ‘మెగా ఫ్యాన్స్‌’, ‘అల్లు అర్జున్‌ ఆర్మీ’ అంటూ ఫ్యాన్‌ వార్‌ జరుగుతుంటుంది కదా.. ఆ వార్‌ని కూడా పట్టించుకుంటారా? నేను ఏదైనా ఒకటి పట్టించుకోనంటే ఆ ఫ్యాన్‌ వార్‌ని మాత్రమే. నేనస్సలు పట్టించుకోను. ఎందుకు పట్టించుకునేంత టైమ్‌ లేదు. ఫ్యాన్స్‌ పని ఫ్యాన్స్‌ చూసుకుంటారు. నా పని నేను చూసుకుంటాను.   ► వసూళ్లు, అవార్డుల గురించి పట్టించుకుంటారా..? వీటి గురించి అయితే పక్కాగా ఆలోచిస్తాను. వేరే వాటి గురించి ఆలోచించను. నా ఫోకస్‌ అంతా వాటిపైనే ఉంటుంది. మిగతావారి గురించి నాకు తెలియదు కానీ నాకు మాత్రం అన్నీ కావాలి. అవార్డులు కావాలి... కలెక్షన్స్‌ కావాలి. ప్రజల్లో పేరు, నా సినిమా నిర్మాతలకు డబ్బులు రావాలి. జనాలకు పిచ్చెక్కిపోయే సినిమాలు ఇవ్వాలి.. ఇలా నాకు అన్నీ కావాలి. ఆ క్లారిటీ నాకు ఉంది. నాది అత్యాశ.. నాకు అన్నీ కావాలి. అందుకే తగ్గేదే లే అంటూ హార్డ్‌ వర్క్‌ చేస్తాను. ఆగేదే లే అంటూ సినిమాలు చేసుకుంటూ వెళతాను.. ► ‘పుష్ప 2’ తర్వాత మీ ప్రాజెక్ట్‌? ప్రస్తుతం ‘పుష్ప 2’ కోసం దేశవ్యాప్తంగా ప్రేక్షకులు ఎదురు చూస్తున్నారు. వాళ్లకు న్యాయం చేయాలనే ఆలోచనే ప్రజెంట్‌ నా మైండ్‌లో ఉంది. ‘పుష్ప 2’ తర్వాత నా తర్వాతి సినిమాపై మరింత క్లారిటీ ఇస్తాను.   ► ‘నా పేరు సూర్య.. నా ఇల్లు ఇండియా’ సినిమా తర్వాత మీరు కొంత గ్యాప్‌ తీసుకున్నారు. ఆ తర్వాత మీరు చేసిన ‘అల.. వైకుంఠపురములో.., పుష్ప’ హిట్‌. ఆ గ్యాప్‌లో మిమ్మల్ని మీరు తెలుసుకోవడమే ఈ హిట్స్‌కి కారణమా.. నా గురించి నేను వంద శాతం తెలుసుకోవడానికి ఆ సమయం నాకు దొరికినట్లయింది. నేను ఏం తప్పులు చేశాను? ఎటు వెళ్తున్నాను అని ఆలోచించుకున్నాను. కొందరు సలహాలు ఇచ్చారు. చెప్పాలంటే నన్ను నేను సరిద్దుకున్న సమయం అది. అలా నన్ను నేను సరిదిద్దుకుని ఇకనుంచి తగ్గేదే లే... ఆపేదేలే అనుకున్నాను. ► జాతీయ ఉత్తమ నటుడిగా అవార్డు సాధించారు. ఇక వాట్‌ నెక్ట్స్‌ అనే ప్రెజర్‌ ఏమైనా? దేశవ్యాప్తంగా సినిమా పెరుగుతోంది. తెలుగు సినిమా మరింతగా ప్రగతి పథంలో ముందుకు వెళుతోంది. ఇప్పుడు మనం ఏ ప్రయోగాలు చేసినా రిసీవ్‌ చేసుకోవడానికి ప్రజలు కూడా సిద్ధంగా ఉన్నారు. ఇది ప్రెజర్‌ కాదు.. పెద్ద అడ్వాంటేజ్‌ అని చెప్పవచ్చు. చెప్పాలంటే ఎవరికైనా ప్రెజర్‌ లేదూ అంటే అది మనకే. తెలుగు పరిశ్రమతో పోటీపడాలని ఇతర ఇండస్ట్రీలు ఒత్తిడికి గురవుతున్నాయి. ► మీ నాన్నగారు (నిర్మాత అల్లు అరవింద్‌) చాలా సంతోషపడి ఉంటారు. అలాగే మీ కుటుంబ సభ్యులు ఎలా స్పందించారు... అవార్డు సాధించిన నాకన్నా.. మా నాన్నగారికి ఎక్కువ శుభాకాంక్షలు వచ్చాయి (నవ్వుతూ). మా అమ్మ అయితే ఆనందంతో మాట్లాడలేకపోయారు. అమ్మ హగ్‌లోనే ఆమె సంతోషం  అర్థమైపోయింది. అలాగే నా సినిమా  గురించి మా ఆవిడ (స్నేహా) ఎప్పుడూ భావోద్వేగానికి లోనవ్వదు. కానీ తొలిసారి ఎమోషన్‌కి గురై, నన్ను హత్తుకుంది.  

జాతీయ అవార్డుల్లో తెలుగు సినిమా సత్తా చాటింది. అలానే మిగతా దక్షిణాది భాషల్లోని చిత్రాలు సైతం అవార్డులు గెలుచుకున్నాయి.  'పుష్ప' మూవీకిగానూ ఉత్తమ నటుడిగా అల్లు అర్జున్ అవార్డు గెలుచుకోవడం మాత్రం టాలీవుడ్‌లో హాట్ టాపిక్‌గా మారిపోయింది. అలానే 'ఆర్ఆర్ఆర్'కి ఏకంగా ఆరు పురస్కారాలు దక్కడం కూడా టాక్ ఆఫ్ ది టౌన్‌గా నిలిచింది. (ఇదీ చదవండి: మహేశ్‌బాబు.. జాతీయ అవార్డు మిస్ చేసుకున్నాడా?) అయితే చాలామంది ఎవరెవరికి ఎన్ని అవార్డులు వచ్చాయనేది చూస్తుంటే.. సినీ ప్రేమికులు మాత్రం ఏ సినిమా ఏ ఓటీటీలో ఉందా అని తెగ వెతికేస్తున్నారు. అయితే అలాంటి వాళ్ల కోసం మేం ఆ లిస్టుతో వచ్చేశాం. అవార్డులు గెలుచుకున్న చిత్రాలు ప్రస్తుతం ఏ ఓటీటీల్లో అందుబాటులో ఉన్నాయనేది తెలియాలంటే దిగువన లిస్ట్‌పై అలా ఓ లుక్కేసేయండి. నేషనల్ అవార్డ్ మూవీస్- ఓటీటీ ఆర్ఆర్ఆర్ - జీ5, డిస్నీ ప్లస్ హాట్‌స్టార్ (తెలుగు) పుష్ప - అమెజాన్ ప్రైమ్ (తెలుగు) రాకెట్రీ: ద నంబి ఎఫెక్ట్ - జియో సినిమా (తెలుగు-హిందీ) ఉప్పెన - నెట్‌ఫ్లిక్స్ (తెలుగు) కొండపొలం - నెట్‌ఫ్లిక్స్ (తెలుగు) ద కశ్మీర్ ఫైల్స్ - జీ5 (తెలుగు డబ్బింగ్) చార్లి 777 - అమెజాన్ ప్రైమ్ (తెలుగు డబ్బింగ్) గంగూబాయి కతియావాడి - నెట్‌ఫ్లిక్స్ (తెలుగు డబ్బింగ్) మిమీ - నెట్‌ఫ్లిక్స్ (హిందీ) #Home - అమెజాన్ ప్రైమ్ (తెలుగు డబ్బింగ్) షేర్‌షా - అమెజాన్ ప్రైమ్ (హిందీ) సర్దార్ ఉద్దామ్ సింగ్ - అమెజాన్ ప్రైమ్ (హిందీ) కడైసి వివసయ్ - సోనీ లివ్ (తెలుగు డబ్బింగ్) నాయట్టు - నెట్‌ఫ్లిక్స్ ‍(తెలుగు డబ్బింగ్) (ఇదీ చదవండి: బ్రహ్మానందం ఇంటికెళ్లిన బన్నీ.. కారణం అదేనా?)

స్టార్ హీరో అల్లు అర్జున్.. ఉత్తమ నటుడిగా జాతీయ అవార్డు గెలుచుకోవడం టాక్ ఆఫ్ ది ఇండస్ట్రీ అయిపోయింది. 'పుష్ప' మూవీ రిలీజైనప్పుడు బన్నీ గురించి ఎంత మాట్లాడుకున్నారో.. అవార్డు రావడంతో అంతకంటే ఎక్కువగానే మాట్లాడుకుంటున్నారు. అదే టైంలో హీరో మహేశ్ బాబు మంచి ఛాన్స్ మిస్ చేసుకున్నాడని నెటిజన్స్ అభిప్రాయపడుతున్నారు.  ఫస్ట్ ఛాయిస్ మహేశ్ 'రంగస్థలం' లాంటి బ్లాక్‌బస్టర్ హిట్ కొట్టిన తర్వాత మహేశ్‌తో సినిమా చేయాలని డైరెక్టర్ సుకుమార్ ఫిక్సయ్యాడు. ముందుగా తెలంగాణ బ్యాక్‌డ్రాప్‌తో ఓ స్టోరీ అనుకున్నారట. కొన్నాళ్లకు ఎర్ర చందనం స్మగ్లింగ్‌పై సుక్కు.. ఓ లైన్ రెడీ చేశాడు. మహేశ్‌తో ఈ మూవీ చేయాలనుకుని.. ఏడాది పాటు దీనిపై వర్క్ చేశారట. కానీ మహేశ్ ఈ ప్రాజెక్ట్ నుంచి తప్పుకొన్నాడు. అప్పట్లో దీనిపై మహేశ్ ట్వీట్ కూడా పెట్టాడు.  Due to creative differences, my film with Sukumar is not happening. I wish him all the best on the announcement of his new project. Respect always for a film maker par exellence. 1 Nenokkadine will remain as a cult classic. Enjoyed every moment working on that film. — Mahesh Babu (@urstrulyMahesh) March 4, 2019 (ఇదీ చదవండి: బ్రహ్మానందం ఇంటికెళ్లిన బన్నీ.. కారణం అదేనా?) లైన్‌లోకి బన్నీ మహేశ్‌తో సినిమా అనుకున్నప్పుడు ఓ లైన్ రెడీ చేసిన సుకుమార్.. దాన్ని బాగా డెవలప్ చేసి అల్లు అర్జున్ కి వినిపించాడట. అలా ఈ కాంబో సెట్ అయింది. ఆ తర్వాత ఈ సినిమా.. పాన్ ఇండియా స్థాయిలో సెన్సేషన్ సృష్టించింది. ఇప్పుడు 'పుష్ప' అనేది మూవీ కాదు బ్రాండ్ అనేంతలా మారిపోయింది. అల్లు అర్జున్ కి నటుడిగా ప్రపంచవ్యాప్తంగా గుర్తింపు తీసుకొచ్చింది. ఛాన్స్ మిస్? ఇప్పుడు 'పుష్ప' సినిమాకుగానూ అల్లు అర్జున్‌కి జాతీయ అవార్డు రావడంతో మహేశ్ పేరు మరోసారి తెరపైకి వచ్చింది. అయితే సుక్కు.. మహేశ్ తో సినిమా చేయాలనుకున్నప్పుడు హీరోగా పోలీస్ క్యారెక్టర్ అనుకున్నారట. కానీ బన్నీ లైన్ లోకి వచ్చేసరికి అది కాస్త కూలీ టూ డాన్ పాత్రగా మారింది. కాబట్టి మహేశ్ ఎలాంటి అవకాశం మిస్ చేసుకోలేదని చెప్పొచ్చు. ఎందుకంటే ఈ రెండు వేేర్వేరు. ఒకవేళ ఈ ప్రాజెక్ట్ చేసుంటే అప్పుడు మహేశ్‌కి జాతీయ అవార్డు వచ్చుండేదా లేదా అనేది అప్పుడు తెలిసేది తప్పు ఇప్పుడు ఈ డిస్కషన్ అనవసరం. (ఇదీ చదవండి: 'పుష్ప'కి జాతీయ అవార్డులు.. ఆ అంశాలే కలిసొచ్చాయా?)

పుష్ప.. పుష్పరాజ్‌.. తగ్గేదేలే.. అంటూ ఒక్క డైలాగ్‌తో అరాచకం సృష్టించాడు అల్లు అర్జున్‌. బాక్సాఫీస్‌ దగ్గర కలెక్షన్లతో రికార్డులు తిరగరాసిన ఇతడు తాజాగా ఎవరూ ఊహించని అవార్డు అందుకున్నాడు. 69 ఏళ్లుగా అందని ద్రాక్షగా ఉన్న జాతీయ ఉత్తమ నటుడి అవార్డును కొల్లగొట్టాడు. తెలుగు సినీచరిత్రలోనే బెస్ట్‌ యాక్టర్‌ అవార్డు అందుకున్న తొలి హీరోగా చరిత్ర సృష్టించాడు. దీంతో బన్నీ ఇంట పండగ వాతావరణం నెలకొంది. పుష్ప సినిమాకుగానూ బన్నీకి అవార్డు వరించిన క్రమంలో డైరెక్టర్‌ సుకుమార్‌ తీవ్ర భావోద్వేగానికి లోనయ్యాడు. అల్లు అర్జున్‌ను హత్తుకుని ఆనందంతో ఏడ్చేశాడు. కొద్ది క్షణాలపాటు బన్నీని పట్టుకుని ఎమోషనలయ్యాడు. ఇందుకు సంబంధించిన వీడియో సోషల్‌ మీడియాలో వైరల్‌గా మారింది. చదవండి: ఉత్తమ నటుడిగా జాతీయ అవార్డు.. అల్లు అర్జున్‌ ఫస్ట్‌ రియాక్షన్‌ ఇదే!

ఆస్ట్రేలియా స్టార్‌ డేవిడ్‌ వార్నర్‌కు భారతీయ సినిమాలంటే అమితమైన ప్రేమ. ముఖ్యంగా తెలుగు సినిమాలపై ఆ ప్రేమ మరింత ఎక్కువగా ఉంటుంది. పుష్ప సినిమా వచ్చి ఏడాది దాటిపోయినా ఇంకా వార్నర్‌ 'తగ్గేదే లే' అంటూ తిరుగతున్నాడు. ఇప్పట్లో 'పుష్ప' మేనియా వార్నర్‌ను వదిలేలా లేదు. తాజగా టీమిండియాతో వన్డే సిరీస్‌ గెలిచాకా ట్రోఫీ అందుకునే సమయంలో వార్నర్‌ పుష్ప సెలబ్రేషన్స్‌ చేయడం వైరల్‌గా మారింది. చెన్నై వేదికగా జరిగిన చివరి వన్డేలో టీమిండియా 21 పరుగుల తేడాతో ఓటమి చవిచూసింది. దీంతో 2-1తో ఆస్ట్రేలియా సిరీస్‌ను కైవసం చేసుకుంది. మూడో వ‌న్డేలో విక్ట‌రీ త‌ర్వాత ఆసీస్ జ‌ట్టు ట్రోఫీ అందుకున్న స‌మ‌యంలో వార్న‌ర్ త‌న‌దైన స్టైల్‌లో ఎంజాయ్ చేశాడు. పుష్ప చిత్రంలోని 'త‌గ్గేదే లే' అన్న ఫేమ‌స్ డైలాగ్‌తో హీరో అల్లుఅర్జున్‌ ఇచ్చిన ఫోజును వార్న‌ర్ ఇమిటేట్ చేశాడు. ప్లేయ‌ర్ల‌తో గ్రూపు ఫోటో దిగిన స‌మ‌యంలో వార్న‌ర్.. త‌గ్గేదేలే అంటూ హ‌ల్‌చ‌ల్ చేశాడు. ఫీల్డింగ్ చేస్తున్న స‌మ‌యంలో కూడా పుష్ప చిత్రంలో అల్లు అర్జున్‌ వాకింగ్‌ స్టైల్‌ను ఇమిటేట్‌ చేయడం కూడా బాగా ఆసక్తి కలిగించింది. ఆసీస్‌ నిర్దేశించిన 270 పరుగుల లక్ష్యఛేదనలో టీమ్‌ఇండియా 49.1 ఓవర్లలో 248 పరుగులకు పరిమితమైంది. విరాట్‌ కోహ్లీ(54), హార్దిక్‌ పాండ్యా(40) చెప్పుకోదగ్గ ప్రదర్శన కనబరిచారు. ఆడమ్‌ జంపా(4/45) నాలుగు వికెట్లతో విజృంభించాడు. తొలుత ఆసీస్‌ 49 ఓవర్లలో 269 పరుగులు చేసింది. మిచెల్‌ మార్ష్‌(47) టాప్‌ స్కోరర్‌గా నిలిచాడు. హార్దిక్‌ పాండ్యా (3/44), కుల్దీప్‌ యాదవ్‌(3/56) మూడేసి వికెట్లు తీశారు. జంపాకు ‘మ్యాన్‌ ఆఫ్‌ ద మ్యాచ్‌’, మార్ష్‌కు ‘ప్లేయర్‌ ఆఫ్‌ ద సిరీస్‌’ దక్కాయి. Gd morning 🖤🖤#Warner and #Pushpa ... A never ending story 🔥🔥@alluarjun @davidwarner31 co fan 😅 pic.twitter.com/NcIkuFBEFM — Stylish 🌟 Shiva goud AA Dhf (@ShivagoudAA) March 23, 2023 చదవండి: పంజాబ్‌ కింగ్స్‌కు ఏకకాలంలో గుడ్‌న్యూస్‌.. బ్యాడ్‌న్యూస్‌ దేశం క్లిష్ట పరిస్థితుల్లో.. వాళ్లకు ప్లాట్లు, ఖరీదైన ఫోన్లు?

ఈ మధ్య కాలంలో టాలీవుడ్‌లో రీరిలీజ్‌ల ట్రెండ్‌ నడుస్తోంది. స్టార్‌ హీరోలు నటించిన సూపర్‌ హిట్‌ చిత్రాలను మళ్లీ థియేటర్స్‌లో ప్రదర్శిస్తూ.. అభిమానులను అలరిస్తున్నారు. హీరోల పుట్టినరోజు లేదా ఏదైన పండగ రోజు చూస్కొని పాత సినిమాలను మళ్లీ విడుదల చేస్తున్నారు. ముఖ్యంగా స్టార్‌ హీరోలు మహేశ్‌బాబు, ఎన్టీఆర్‌, పవన్‌ కల్యాణ్‌, చిరంజీవి, వెంకటేశ్‌, బాలకృష్ణల సినిమాలు రీరిలీజై.. మంచి వసూళ్లను రాబడుతున్నాయి. దీంతో స్పెషల్‌ డే వస్తే చాలు ఓల్డ్‌ సూపర్‌ హిట్‌ మూవీస్‌.. రీరిలీజ్‌కు రెడీ అవుతున్నాయి. శివరాత్రి సందర్భంగా ఫిబ్రవరి 18న కూడా చాలా సినిమాలు మళ్లీ థియేటర్స్‌లో సందడి చేయడానికి సిద్దమవుతున్నాయి. శివరాత్రి రోజు రీరిలీజ్‌కు రెడీ అయిన స్టార్‌ హీరోల సినిమాలపై ఓలుక్కేద్దాం.  పుష్ప ది రైజ్‌ ఐకాన్‌స్టార్‌ అల్లు అర్జున్‌, క్రియేటివ్‌ డైరెక్టర్‌ సుకుమార్‌ కాంబోలో వచ్చిన హ్యాట్రిక్‌ చిత్రం పుష్ప. 2021 డిసెంబర్‌ 17న విడుదలైన ఈ చిత్రం బాక్సాఫీస్‌ వద్ద కాసుల వర్షం కురిపించింది.  మహా శివరాత్రిని పురస్కరించుకొని  ఫిబ్రవరి 18న హైదరాబాద్‌లోని సుష్మ 70 ఎమ్‌ఎమ్‌ థియేటర్‌లో ఉదయం 3 గంటలకు స్పెషల్‌ షో వేయనున్నారు.  అఖండ.. నందమూరి నటసింహం బాలకృష్ణ, బోయపాటి కాంబినేషన్‌లో వచ్చిన హ్యాట్రిక్‌ మూవీ అఖండ. 2021 డిసెంబర్‌లో విడుదలైన ఈ చిత్రం బాక్సాఫీస్‌ వద్ద భారీ వసూళ్ల రాబట్టింది. ఇందులో అఘోరాగా బాలయ్య నటన అందరిని ఆకట్టుకుంది. శివరాత్రి సందర్భంగా ఈ సినిమా మళ్లీ విడుదల కాబోతుంది.  ఫిబ్రవరి 18న హైదరాబాద్‌లోని సుదర్శన్‌ 35 ఎమ్‌ఎమ్‌ థియేటర్‌లో అర్థరాత్రి 12.15 నిమిషాలకు, సుష్మ 70 ఎమ్‌ఎమ్‌ థియేటర్స్‌లో రాత్రి 11.49 గంటలకు ఈ సినిమాను ప్రదర్శించనున్నారు.  వాల్తేరు వీరయ్య మెగాస్టార్‌ చిరంజీవి, రవితేజ కలిసి నటించిన బ్లాక్‌ బస్టర్‌ చిత్రం వాల్తేరు వీరయ్య కూడా మళ్లీ థియేటర్స్‌లో సందడి చేయనుంది. శివరాత్రి పురస్కరించుకొని  ఫిబ్రవరి 18న సంధ్య 70 ఎమ్ఎమ్ లో అర్థ రాత్రి 12.15గంటలకు, అలాగే ఉదయం 3 గంటలకు  వాల్తేరు వీరయ్య స్పెషల్‌ షో వేయనున్నారు.  కాంతార చిన్న చిత్రంగా విడుదలై భారీ విజయం సాధించిన కన్నడ చిత్రం ‘కాంతార’. ఈ చిత్రం కన్నడ వెర్షన్ గతేడాది సెప్టెంబర్‌  30న విడుదలై సంచలనం సృష్టించింది. ఇదే పేరుతో టాలీవుడ్‌లో అక్టోబర్‌ 15న విడుదలై..ఇక్కడ కూడా భారీ వసూళ్లను రాబట్టింది. రిషబ్‌ శెట్టి స్వీయ దర్శకత్వం వహించిన ఈ చిత్రం శివరాత్రి రోజు హైదరాబాద్‌లోని సప్తగిరి 70ఎమ్‌ఎమ్‌ థియేటర్‌లో అర్థరాత్రి 12 గంటలకు, ఉదయం 3 గంటలకు ప్రదర్శంచనున్నారు.  టెంపర్‌ యంగ్‌ టైగర్‌ ఎన్టీఆర్‌, డేరింగ్‌ అండ్‌ డ్యాషింగ్‌ డైరెక్టర్‌  పూరి జగన్నాథ్‌ కాంబినేషన్‌లో వచ్చిన టెంపర్‌ మూవి ఎంత సూపర్‌ హిట్‌ అయిందో అందరికి తెలిసిందే. ఎన్టీఆర్‌ని కొత్త లుక్‌లో చూపించడమే కాదు.. యాక్టింగ్‌లోనూ మరో యాంగిల్‌ని ప్రేక్షకులకు తెలియజేసిన చిత్రమిది. ఈ చిత్రాన్ని మహాశివరాత్రి సందర్భంగా హైదరాబాద్‌లోని దేవి థియేటర్స్‌లో అర్థరాత్రి 12.15 గంటలకు, సంధ్య థియేటర్స్‌లో అర్థరాత్రి 12.30 గంటలకు ప్రదర్శించనున్నారు. వీటితో పాటు మహేశ్‌బాబు నటించిన సరిలేరే నీకెవ్వరు సినిమా కొత్తపేటలోని మహాలక్ష్మీ కాంప్లెక్స్‌లో శనివారం అర్థరాత్రి 11.59 గంటలకు,  దూకుడు చిత్రం సుదర్శన్‌లో ఉదయం 3 గంటలకు ప్రదర్శించనున్నారు. అలాగే పవన్‌ కల్యాణ్‌ నటించిన భీమ్లా నాయక్‌ చిత్రం కూడా మహాలక్ష్మీ కాంప్లెక్స్‌లో ఉదయం 3 గంటలకు విడుదల కానుంది. 

అన్ని సినిమాలకూ కథ ఉంటుంది. కొన్ని సినిమాలకు పెద్ద కథ ఉంటుంది. అయితే ఆ పెద్ద కథని రెండున్నర గంటల్లో చూపించలేరు. అందుకే రెండు మూడు భాగాలుగా చూపిస్తారు. అలా ఈ ఏడాది ఇటు సౌత్‌ అటు నార్త్‌లో ‘పార్ట్‌ 2’ సినిమాలు చాలానే రానున్నాయి. తొలి భాగం విడుదలై, ఘనవిజయం సాధించిన నేపథ్యంలో మలి భాగంపై భారీ అంచనాలు నెలకొన్నాయి. ఇక కొన్ని చిత్రాలైతే తొలి, మలి భాగం రెండూ ఆన్‌సెట్స్‌లో ఉన్నాయి. ఈ చిత్రాల గురించి తెలుసుకుందాం. హీరో అల్లు అర్జున్, దర్శకుడు సుకుమార్‌ కాంబినేషన్‌లో తెరకెక్కుతున్న చిత్రం ‘పుష్ప’. ఈ చిత్రం తొలి భాగం ‘పుష్ప: ది రైజ్‌’ 2021 డిసెంబరులో రిలీజై సూపర్‌హిట్‌ అయింది. దీంతో మలి భాగం ‘పుష్ప: ది రైజ్‌’పై మరింత ఫోకస్‌ పెట్టింది ఈ టీమ్‌. ఈ సినిమా షూటింగ్‌ వైజాగ్‌లో జరుగుతోంది. ‘పుష్ప: ది రూల్‌’ను ఈ ఏడాదే రిలీజ్‌ చేయా లనుకుంటున్నారు. మరోవైపు మణిరత్నం దర్శకత్వంలో రూపొందిన హిస్టారికల్‌ ఫిల్మ్‌ ‘పొన్నియిన్‌ సెల్వన్‌’. విక్రమ్, ‘జయం’ రవి, కార్తీ, ఐశ్వర్యా రాయ్, త్రిష ఈ చిత్రంలో ప్రధాన పాత్రధారులు. ఈ చిత్రం తొలి భాగం గత ఏడాది సెప్టెంబరులో విడుదలై ఘనవిజయం సాధించింది. ఆల్రెడీ షూటింగ్‌ కూడా పూర్తి చేసుకున్న రెండో భాగం ఈ ఏడాది ఏప్రిల్‌ 28న విడుదల కానుంది. అలాగే తమిళంలో ‘వడ చెన్నై’, ‘అసురన్‌’ వంటి సూపర్‌ హిట్స్‌ను అందించిన దర్శకుడు వెట్రిమారన్‌ ప్రస్తుతం ‘విడుదలై’ అనే సినిమాను తీస్తున్నారు. విజయ్‌ సేతుపతి, సూరి హీరోలుగా నటిస్తున్న ఈ చిత్రం రెండు భాగాలుగా విడుదల కానుంది. రెండు భాగాలకు సంబంధించిన మేజర్‌ షూటింగ్‌ పూర్తయింది. మొదటి భాగాన్ని ఈ ఏడాది వేసవిలో, రెండో బాగాన్ని ఈ ఏడాది చివర్లో విడుదల చేయాలనుకుంటున్నారు. అదే విధంగా మరో తమిళ దర్శకుడు గౌతమ్‌ మీనన్‌ తెరకెక్కించిన తమిళ చిత్రం ‘వెందు తనిందదు కాడు’ (తెలుగులో ‘ది లైఫ్‌ ఆఫ్‌ ముత్తు) చిత్రం రెండు భాగాలుగా ప్రేక్షకుల ముందుకు రానుంది. తొలి భాగం గత ఏడాది సెప్టెంబరులో విడుదలైంది. మలి భాగం రిలీజ్‌పై త్వరలో ఓ స్పష్టత రానుంది. అదే విధంగా గౌతమ్‌ మీనన్‌ దర్శకత్వంలోనే విక్రమ్‌ హీరోగా ‘ధృవనక్షత్రం’ అనే సినిమా తెరకెక్కింది. ఈ చిత్రం రెండు భాగాలుగా ప్రేక్షకుల ముందకు రానుందని కోలీవుడ్‌లో వార్తలు వినిపిస్తున్నాయి. తొలి భాగాన్ని ఈ ఏడాదిలో రిలీజ్‌ చేయాలనే ఆలోచనలో ఉన్నారట. అటు మలయాళంలో ‘రామ్‌’ రెండు భాగాలుగా రూపొందుతోంది. మోహన్‌లాల్‌కు ‘దృశ్యం’, ‘దృశ్యం 2’ వంటి హిట్స్‌ను అందించిన జీతూ జోసెఫ్‌ ఈ సినిమాకు దర్శకుడు. సౌత్‌లోనే కాదు నార్త్‌లోనూ ఈ ట్రెండ్‌ కనిపిస్తోంది. రణ్‌బీర్‌ కపూర్‌ హీరోగా అయాన్‌ ముఖర్జీ దర్శకత్వంలో రూపొందుతున్న చిత్రం ‘బ్రహ్మాస్త్ర’. ట్రయాలజీగా ఈ సినిమాను తీస్తున్నారు. తొలి భాగం విడుదలైన విషయం తెలిసిందే. మలి భాగం త్వరలోనే సెట్స్‌కి వెళ్లనుంది. అలాగే జాన్‌ అబ్రహాం హీరోగా రూపొందిన ‘ఎటాక్‌’ తొలి భాగం గత ఏడాది ఏప్రిల్‌లో రిలీజైంది. మలి భాగం రెడీ అవుతోంది. ఇవే కాదు.. రెండు భాగాల చిత్రాలు కొన్ని సెట్స్‌లో, ఇంకొన్ని చర్చల దశల్లో ఉన్నాయి.   ప్రస్తుతం నాగ్‌ అశ్విన్‌ దర్శకత్వంలో ‘ప్రాజెక్ట్‌ కె’, ప్రశాంత్‌ నీల్‌ డైరెక్షన్‌లో ‘సలార్‌’ చిత్రాలు చేస్తున్నారు ప్రభాస్‌. ఈ చిత్రాలు రెండు భాగాలుగా విడుదల కానున్నాయని టాక్‌. అలాగే హీరో ఎన్టీఆర్, దర్శకుడు వెట్రిమారన్‌ కాంబినేషన్‌లో ఓ సినిమా ఉందనే టాక్‌ తెరపైకి వచ్చిన సంగతి తెలిసిందే. కాగా ఈ చిత్రం రెండు భాగాలుగా ప్రేక్షకుల ముందుకు రానుందని, తొలి భాగంలో ఎన్టీఆర్‌ హీరోగా, రెండో భాగంలో ధనుష్‌ హీరోగా కనిపిస్తారనే ప్రచారం జరుగుతోంది. ఇక సూర్య హీరోగా శివ డైరెక్షన్‌లో రూపొందుతున్న చిత్రం కూడా రెండు భాగాలుగా వస్తుందని టాక్‌. ఇంకా బాలీవుడ్‌ నిర్మాతలతో కలిసి  ప్రముఖ నిర్మాత అల్లు అరవింద్, రామాయణం ఆధారంగా ఓ భారీ చిత్రాన్ని ప్లాన్‌ చేసిన సంగతి గుర్తుండే ఉంటుంది. ఈ సినిమా రెండు భాగాలు రానుందని టాక్‌.  

2023లో ఉన్నప్పుడు 40, 50, 60 ఏళ్లు... అంతకుమించి వెనక్కి వెళ్లే అవకాశం వస్తే...? రియల్‌ లైఫ్‌లో సాధ్యం కాకపోవచ్చు. కానీ రీల్‌ లైఫ్‌లో ఏదైనా సాధ్యమే. కాలం వెనక్కి వెళ్లొచ్చు.. ముందుకూ వెళ్లొచ్చు. ఇప్పుడు కాలం వెనక్కి వెళ్లే కథలు వెండితెరపైకి రావడానికి రెడీ అవుతున్నాయి. ఆ చిత్రాల గురించి తెలుసుకుందాం. స్టువర్టుపురం దొంగగా ముద్రపడిన టైగర్‌ నాగేశ్వరరావు జీవితం ఆధారంగా రూపొందుతున్న సినిమా ‘టైగర్‌ నాగేశ్వరరావు’. హీరో రవితేజ టైటిల్‌ రోల్‌లో వంశీ దర్శకత్వంలో అభిషేక్‌ నామా ఈ సినిమాను నిర్మిస్తున్నారు. స్టువర్టుపురంలో 1970–1980 కాలంలో చోటుచేసుకున్న ఘటనల ఆధారంగా రూపొందుతున్న చిత్రం ఇది. వీలైనంత త్వరగా ఈ చిత్రం పూర్తి చేసి ఈ ఏడాదే థియేటర్స్‌లోకి తీసుకురావాలనుకుంటున్నారు మేకర్స్‌. ఇక పాన్‌ ఇండియా స్టార్‌ ప్రభాస్‌ ప్రస్తుతం హీరోగా చేస్తున్న చిత్రాల్లో ‘సలార్‌’ ఒకటి. ‘కేజీఎఫ్‌’ ఫేమ్‌ ప్రశాంత్‌ నీల్‌ దర్శకత్వంలో తెరకెక్కుతున్న ఈ చిత్రం 1970 బ్యాక్‌డ్రాప్‌లో ఉంటుందన్న టాక్‌ ఆల్రెడీ ఫిల్మ్‌నగర్‌లో వినిపిస్తున్న సంగతి తెలిసిందే. విజయ్‌ కిరగందూర్‌ నిర్మిస్తున్న ‘సలార్‌’ చిత్రం ఈ ఏడాది సెప్టెంబరు 28న విడుదల కానుంది. మరోవైపు రామ్‌చరణ్‌ హీరోగా శంకర్‌ దర్శకత్వంలో ఓ పాన్‌ ఇండియా మూవీ తెరకెక్కుతున్న సంగతి తెలిసిందే. ఈ చిత్రంలో రామ్‌చరణ్‌ క్యారెక్టర్‌లో షేడ్స్‌ ఉంటాయి. రామ్‌చరణ్‌ తండ్రీకొడుకులుగా ద్విపాత్రాభినయం చేస్తున్నారు. తండ్రి పాత్ర సన్నివేశాలన్నీ 1960–1970 బ్యాక్‌డ్రాప్‌కి సంబంధింనవని తెలిసింది. ఐఏఎస్‌ ఆఫీసర్ల నేపథ్యంలో పొలిటికల్‌ యాక్షన్‌ డ్రామాగా ఈ సినిమాను ‘దిల్‌’ రాజు, శిరీష్‌లు నిర్మిస్తున్నారు. ఇంకోవైపు అల్లు అర్జున్‌ హీరోగా సుకుమార్‌ దర్శకత్వం వహిస్తున్న ‘పుష్ప’ చిత్రకథ 1990 బ్యాక్‌డ్రాప్‌ నుంచే ఆరంభం అవుతుంది. రెండు భాగాల ఈ సినిమాలోని తొలి భాగం ‘పుష్ప: ది రైజ్‌’ గత ఏడాది డిసెంబరు 19న విడుదలై సంచలన విజయం సాధించిన సంగతి తెలిసిందే. ఇప్పుడు ‘పుష్ప’ రెండో భాగం ‘పుష్ప: ది రైజ్‌’ నిర్మాణంలో ఉంది. ఈ సినిమాకు కూడా 1990 బ్యాక్‌డ్రాప్‌ ఉంటుందని స్పష్టంగా తెలుస్తోంది. మైత్రీ మూవీ మేకర్స్‌ పతాకంపై నవీన్‌ ఎర్నేని, వై. రవిశంకర్‌ నిర్మిస్తున్న ఈ సినిమా ఈ ఏడాది వర్లో రిలీజ్‌ అయ్యే అవకాశం ఉంది. ఇదిలా ఉంటే ఈ వేసవిలో థియేటర్స్‌లో ఆడియన్స్‌కు ‘దసరా’ చూపేందుకు రెడీ అవుతున్నారు హీరో నాని. శ్రీకాంత్‌ ఓదెల దర్శకత్వంలో నాని హీరోగా ఈ సినిమాను సుధాకర్‌ చెరుకూరి నిర్మిస్తున్నారు. 1980–1990 బ్యాక్‌డ్రాప్‌లో తెలంగాణలోని సింగరేణి బొగ్గు గనుల పరిసర  ప్రాంతాల్లో ఉన్న ఓ గ్రామం నేపథ్యంలో ఈ సినిమా సాగుతుందని తెలిసింది. ఆ గ్రామంలో నెలకొన్న పరిస్థితులను ధరణి (నాని) ఏ విధంగా పరిష్కరించాడు, వెన్నెల (ఇందులో హీరోయిన్‌ కీర్తీ సురేష్‌ పాత్ర)తో అతని లవ్‌స్టోరీ ఏమైంది? అన్నదే ‘దసరా’ ప్రధాన కథాంశం. మరోవైపు ‘డెవిల్‌’ సినిమా కోసం 1945వ కాలం నాటి బ్రిటిష్‌ సీక్రెట్‌ ఏజెంట్‌గా మారిపోయారు కల్యాణ్‌ రామ్‌. స్వాతంత్య్రం రాకముందు బ్రిటిష్‌వాళ్లు పరి΄ాలింన మద్రాస్‌ ప్రెసిడెన్సీలో జరిగిన కొన్ని రహస్య అంశాల ఆధారంగా ఈ సినిమాను తెరకెక్కిస్తున్నారు. అప్పటి బ్రిటిష్‌ ప్రభుత్వానికి సంబంధించి ఎవరికీ తెలియని ఓ రహస్యాన్ని ఛేదించడానికి గూఢచారిగా కల్యాణ్‌ రామ్‌ ఏం చేశారు? అన్నదే ‘డెవిల్‌’ కథాంశం. నవీన్‌ మేడారం దర్శకత్వంలో అభిషేక్‌ నామా నిర్మిస్తున్న ఈ సినిమా ఈ ఏడాదే థియేటర్స్‌లోకి రానుంది. ఇంకోవైపు ‘హరోం హర’ అంటున్నారు హీరో సుధీర్‌బాబు. జ్ఞాన సాగర్‌ ద్వారక దర్శకత్వంలో సుధీర్‌బాబు హీరోగా నటిస్తున్న చిత్రం ఇది. ‘ది రివోల్ట్‌’ అనేది క్యాప్షన్‌. సుమంత్‌. జి నాయుడు నిర్మిస్తున్న ఈ సినిమా 1989 నాటి కుప్పం నేపథ్యంలో సాగుతుంది. తమిళ ఇండస్ట్రీలోనూ కొన్ని సినిమాలు ఉన్నాయి. హీరో కమల్‌హాసన్, దర్శకుడు శంకర్‌ కాంబినేషన్‌లో వచ్చిన ‘భారతీయుడు’ సినిమాకు సీక్వెల్‌గా వీరి కాంబినేషన్‌లోనే ప్రస్తుతం ‘ఇండియన్‌ 2’ తెరకెక్కుతోన్న సంగతి తెలిసిందే. ఈ సినిమా ప్రధానంగా స్వాతంత్య్రానికి పూర్వం అంటే 1920–1930 నేపథ్యంలో సాగుతుందని తెలిసింది. ఇక ధనుష్‌ హీరోగా నటిస్తున్న తాజా ΄ాన్‌ ఇండియన్‌ ఫిల్మ్‌ ‘కెప్టెన్‌ మిల్లర్‌’ది 1930–1940 బ్యాక్‌డ్రాప్‌ అని త్ర యూనిట్‌ ఆల్రెడీ ప్రకటింంది. అరుణమాదేశ్వరన్‌ దర్శకత్వం వహిస్తున్న ఈ సినిమాలో కన్నడ ప్రముఖ నటుడు శివరాజ్‌కుమార్, సందీప్‌ కిషన్‌ కీ రోల్స్‌ చేస్తున్నారు. ఈ చిత్రాలే కాదు.. దర్శకుడు వెట్రిమారన్‌తో సర్య కమిట్‌ అయిన ‘వాడివాసల్‌’, శివ దర్శకత్వంలో సర్య చేస్తున్న 42వ సినిమాలు కూడా గతంలోకి తీసుకెళ్లేవే. 1990 బ్యాక్‌డ్రాప్‌ అంటే బొమ్మ హిట్టే అని గత ఏడాది బాక్సాఫీస్‌ లెక్కలు చెబుతున్నాయి. హిట్‌ రిపీట్‌ అయితే సినిమా ఇండస్ట్రీ బాగుంటుంది కాబట్టి.. రిపీట్‌ అవ్వాలని కోరుకుంటుంటారు. గత ఏడాది తెలుగులో బిగ్గెస్ట్‌ హిట్‌గా నిలి, బాక్సాఫీస్‌ వద్ద దాదాపు ర. 1300 కోట్ల గ్రాస్‌ను వసలు చేసిన ‘ఆర్‌ఆర్‌ఆర్‌’ సినిమా 1920 బ్యాక్‌డ్రాప్‌లో ర΄÷ందింది. ఇక సువరు 90 కోట్ల ర΄ాయల గ్రాస్‌ కలెక్షన్స్‌ను రాబట్టి సపర్‌హిట్‌గా నిలిన ‘సీతారామం’ చిత్రకథ 1964–1985 బ్యాక్‌డ్రాప్‌లో సాగుతుందన్న సంగతి తెలిసిందే. ఈ చిత్రాలే కాదు... బాక్సాఫీస్‌ వద్ద ర. 1100 కోట్లు రాబట్టిన ‘కేజీఎఫ్‌: ఛాప్టర్‌ 2 (1980 నేపథ్యంలో...), ర. 400 కోట్లకు పైగా వసలు చేసిన కన్నడ బ్లాక్‌బస్టర్‌ ‘కాంతార’ (కథ 1847లో స్టార్ట్‌ అయినా మేజర్‌ కథాంశం, స్క్రీన్‌ ప్లే..1990 బ్యాక్‌డ్రాప్‌లోనే సాగుతుంది), హిందీలో ర. 300కోట్లకు పైగా వసలు చేసిన సపర్‌హిట్‌ మూవీ ‘ది కశ్మీరీ ‡ఫైల్స్‌’ (స్క్రీన్‌ ప్లే 2020లో స్టార్ట్‌ అయినా... కథ మేజర్‌గా 1989–1990 నేపథ్యంలోనే సాగుతుంది) కొన్నేళ్లు వెనక్కి తీసుకెళ్లే చిత్రాలే కావడం విశేషం. ఈ జాబితాలో మరికొన్ని సినిమాలు కూడా ఉన్నాయి. యాక్షన్, థ్రిల్లర్‌ అంశాలతో పాటు ఆధ్యాత్మిక అంశాలతో ఈ సినిమా రూపొందుతోంది. ఈ చిత్రాన్ని ఈ ఏడాదే విడుదల చేయాలనుకుంటున్నారు. ఇక ప్రస్తుతం ‘విరసాక్ష’ సినిమాలో హీరోగా నటిస్తున్నారు సాయిధరమ్‌ తేజ్‌. 1990 నేపథ్యంలో ఓ ఫారెస్ట్‌ బేస్డ్‌ విలేజ్‌లో సాగే థ్రిల్లర్‌ సినిమా ఇది. మూఢ నమ్మకాలు, సైన్స్, ఆధ్యాత్మిక అంశాలతో ఈ సినిమాను తెరకెక్కిస్తున్నారని టాక్‌. కార్తీక్‌ దండు దర్శకత్వంలో బీవీఎన్‌ఎస్‌ ప్రసాద్‌ నిర్మిస్తున్న ఈ సినిమా ఏప్రిల్‌ 21న రిలీజ్‌ కానుంది. ఈ చిత్రాలే కాదు... 1990ల నేపథ్యంలో రూపొందుతోన్న మరికొన్ని చిత్రాలు ప్రేక్షకులను అలరించేందుకు రెడీ అవుతున్నాయి.

ఐకాన్‌ స్టార్‌ అల్లు అర్జున్‌, క్రియేటివ్‌ డైరెక్టర్‌ సుకుమార్‌ కాంబినేషన్‌లో తెరకెక్కిన చిత్రం ‘పుష్ప’. గతేడాది డిసెంబర్‌లో విడుదలైన ఈ చిత్రం.. ఇండియన్‌ బాక్సాఫీస్‌ని షేక్‌ చేసింది.  ‘పుష్ప అంటే ఫ్లవర్‌‌‌‌ అనుకుంటివా ఫైర్.. తగ్గేదే లే’ అంటూ ఇండియన్‌ బాక్సాఫీస్‌పై దాడి చేసి కోట్ల రూపాయలను కొల్లగొట్టేశాడు ‘పుష్పరాజ్‌’. ఈ మూవీ ఫస్ట్‌పార్ట్‌ పుష్పా: ది రైజ్‌ రిలీజై ఈ రోజుకి(డిసెంబర్‌ 17) సరిగ్గా ఏడాది. ఈ సందర్భంగా మూవీ యూనిట్‌ ఓ స్పెషల్‌ పోస్ట్‌ షేర్‌ చేసింది. ఈ మూవీ వచ్చి ఏడాది అయిన పుష్ప రాజ్ సృష్టించిన ఇంపాక్ట్ ఇప్పటికి అలానే ఉంది.  చదవండి: పట్టలేని సంతోషంతో భార్యను హగ్‌ చేసుకున్న అభిషేక్‌.. ఆ రూమర్లకు ఈ వీడియో చెక్‌ ఇక ప్రపంచవ్యాప్తంగా ఈ సినిమా సృష్టించిన సంచలనం, గెలుచుకున్న అవార్డులు, కలెక్ట్‌ చేసిన మొత్తం వసూళ్లను ఈ సందర్భంగా వెల్లడిచింది మూవీ యూనిట్‌. పుష్పరాజ్‌తో రిలీజ్‌ చేసిన ఈ పోస్టర్‌లో ఈ చిత్రం ప్రపంచవ్యాప్తంగా రూ. 365 కోట్లు కలెక్ట్‌ చేసిందని, ఇక పాటలు 6 బిలియన్ల వ్యూస్‌ రాబట్టి తొలి భారత చిత్రంగా నిలిచిందని పేర్కొంది. అదే విధంగా ఇండియన్‌ ఫిలిం ఆఫ్‌ ది ఈయర్‌గా దాదా సాహెబ్‌ ఫాల్కే అవార్డు కూడా గెలిచిందని, అమెజాన్‌ ప్రైంలో అత్యధికంగా చూసిన ఇండియన్‌ మూవీగా పుష్ప నిలిచిందని తెలిపారు. 7 ఫలింఫేర్‌ అవార్డ్స్‌, 7 సైమా ఆవార్ట్స్‌తో పాటు.. చదవండి: రామ్‌ చరణ్‌పై ‘కింగ్‌ ఖాన్‌’ షారుక్‌ ఆసక్తికర వ్యాఖ్యలు 7 సాక్షి ఎక్స్‌లెన్స్‌ అవార్డులను కైవసం చేసుకున్నట్లు వెల్లడించింది పుష్ప టీం. అలా ఇండియాలో సెన్సెషన్‌ క్రియేట్‌ చేసిన ఈ మూవీ ఇటీవల రష్యాలో కూడా విడుదలైన సంగతి తెలిసిందే. డిసెంబర్‌ 8, 2022లో రష్యా వ్యాప్తంగా గ్రాండ్‌గా రిలీజ్‌ అయిన ఈ చిత్రం అక్కడ సైతం కలెక్షన్స్‌ కొల్లగొడుతోంది. ఈ మూవీ ప్రమోషన్స్‌లో భాగంగా పుష్ప టీం రష్యాలో పర్యటించింది. ఈ సందర్భంగా రష్యా టూర్‌లో భాగంగా పుష్ప టీం తీసుకున్న ఫొటోను సంగీత దర్శకుడు దేవిశ్రీ ప్రసాద్‌ ఫొటోను షేర్‌ చేశాడు. కాగా పుష్ప పార్ట్‌ 2 రిలీజ్‌ డేట్‌ కోసం ప్రేక్షకులంత ఆసక్తిగా ఎదురు చూస్తున్నారు. ఈ మూవీ ప్రస్తుతం షూటింగ్‌ను జరుపుకుంటోంది.  1 year for the Pan Indian Blockbuster #PushpaTheRise 🔥 1 year for Icon Star @alluarjun setting the screens on fire as #PushpaRaj 🔥 1 year for the sensation at the Indian Box Office 🔥#1YearForIndianHGOTYPushpa @iamRashmika @aryasukku @ThisIsDSP @MythriOfficial pic.twitter.com/3bqf52fb7B — Pushpa (@PushpaMovie) December 17, 2022 View this post on Instagram A post shared by Devi Sri Prasad (@thisisdsp)

'సినిమా చూపిస్త మామా.. నీకు సినిమా చూపిస్త మామా.. సీనుసీనుకీ నీతో నేను సీటీ కొట్టిస్త మామా.. ఇది ఓ పాటలోని లిరిక్‌.. కానీ అక్షరాలా ఇదే నిజం చేసి చూపించాయి కొన్ని సినిమాలు.. చిన్న, పెద్ద సినిమాలెన్నో ఈసారి భారీ విజయాన్ని మూటగట్టుకుని ప్రేక్షకుడితో నిజంగానే సీటీ కొట్టించాయి. థియేటర్‌లోనే కాదు, ఓటీటీలో కూడా రచ్చ లేపాయి. అలా ఇండియాలో అమెజాన్‌ ప్రైమ్‌ వీడియోలో ఎక్కువ మంచి చూసిన టాప్‌ 10 సినిమాల్లో మొదటి ఐదు చిత్రాలు సౌత్‌వే కావడం గమనార్హం. ఇంతకీ ఆ సినిమాలేంటో చూసేద్దాం... 1. పుష్ప 2. కేజీఎఫ్‌ 2 3. కేజీఎఫ్‌ 1 4. సీతారామం 5. పొన్నియన్‌ సెల్వన్‌ 1 6. బచ్చన్‌ పాండే 7. జుగ్‌ జుగ్‌ జియో 8. రన్‌వే 34 9. జురాసిక్‌ వరల్డ్‌ డొమైన్‌ 10. గెహ్రియాన్‌ చదవండి: భార్యను కౌగిట్లో బంధించిన తారక్‌ అర్జున్‌ కల్యాణ్‌ దృష్టిలో శ్రీసత్య కంటెంట్‌ మాత్రమే!

ప్రస్తుతం పాన్‌ ఇండియా చిత్రాల హవా నడుస్తోంది. భారీ బడ్జెట్‌, స్టార్‌ నటీనటులు అనే సంబంధం లేకుండ కంటెంట్‌ ఉన్న చిత్రాలకు ప్రేక్షకులు బ్రహ్మారథం పడుతున్నారు. బాషతో సంబంధం లేకుండ సౌత్‌ సినిమాలకు నార్త్‌లో సైతం విశేష ఆదరణ లభిస్తోంది. ఇందుకు ఇటీవల విడుదలైన కాంతార చిత్రమే ఉదాహరణ. ఈ ప్రాంతీయ సినిమా వచ్చిన ఈ కన్నడ మూవీ దేశవ్యాప్తంగా సంచలన విజయం సాధించింది. దీంతో పాన్‌ ఇండియా అనే అంశం ప్రస్తుతం బాలీవుడ్‌లో చర్చనీయాంశమైంది. చదవండి: వాల్తేరు వీరయ్య: కేక పుట్టిస్తున్న రవితేజ ఫస్ట్‌లుక్‌ టీజర్‌ ఈ నేపథ్యంలో కాంతార మూవీపై స్టార్‌ డైరెక్టర్‌ అనురాగ్‌ కశ్చప్‌ చేసిన వ్యాఖ్యలు హాట్‌టాపిక్‌ నిలిచాయి. సైరత్ మూవీ విజయం మరాఠి ఇండస్ట్రీని నాశనం చేసిందని గతంలో ఆ మూవీ డైరెక్టర్‌ నాగరాజు మంజులే చేసిన వ్యాఖ్యలను అనురాగ్‌ గుర్తు చేశాడు. ప్రాంతీయ సినిమాలు, సొంత కథల సినిమాలు మంచి విజయం సాధించినప్పటికీ.. వాటి సక్సెస్‌ కారణంగా ఇండస్ట్రీ నాశనమైపోతుందంటూ సంచలన వ్యాఖ్యలు చేశాడు. అలాగే ప్రస్తుతం ఇండస్ట్రీలో పాన్‌ ఇండియా కల్చర్‌ హవా కొనసాగుతుందని, దానివల్ల బాలీవుడ్‌ ఇండస్ట్రీ నాశనమైపోతుందన్నాడు.    చదవండి: అంజలి పెళ్లి చేసుకుందా? క్లారిటీ ఇచ్చిన హీరోయిన్‌ ఈ మేరకు ఆయన మాట్లాడుతూ.. ‘‘ప్రస్తుతం ఇండస్ట్రీలో పాన్‌ ఇండియా చిత్రాల హవా నడుస్తోంది. దీంతో ఈ ట్రెండ్‌పైనే బాలీవుడ్‌ దర్శక-నిర్మాతలు దృష్టిపెడుతున్నారు. ఇప్పుడు ఇదే బాలీవుడ్‌ను నాశనం చేస్తోంది. పుష్ప, కేజీయఫ్‌ 2, కాంతార వంటి చిత్రాలు దేశవ్యాప్తంగా బ్లాక్‌బస్టర్‌ హిట్‌ అయ్యిండోచ్చు. కానీ అలాంటి సినిమాలు బాలీవుడ్‌లో వర్కౌట్‌ కావు. వాటినే కాపీ కొట్టి పాన్‌ ఇండియా సినిమాలుగా తీయాలని చూస్తే మాత్రం బాలీవుడ్‌కు భారీ నష్టం తప్పుదు. ప్రస్తుతం బాలీవుడ్‌కు కావాల్సింది పాన్‌ ఇండియా సినిమాలు కాదు. ఇండస్ట్రీకి ధైర్యం చెప్పే సినిమాలు కావాలి. కథల్లో ఎప్పుడూ కొత్తదనం ఉండాలి.. అప్పుడే సినిమాలు హిట్‌ అవుతాయి’’ అని అనురాగ్‌ పేర్కొన్నాడు.  

కోల్‌కతా: సినిమా డైలాగులు పేల్చడం రాజకీయ నాయకులకు ఈమధ్య బాగా అలవాటైంది. అయితే పంచ్‌ కోసం పేలుస్తున్న ఆ డైలాగులు.. ఒక్కోసారి బెడిసి కొడుతున్నాయి కూడా. తృణమూల్‌ కాంగ్రెస్‌ నేత మనోజ్‌ తివారీ తాజాగా అల్లు అర్జున్‌ పుష్ఫ సినిమాలోంచి కొట్టిన డైలాగ్‌.. బీజేపీకి బాగా కోపం తెప్పించింది.  మొత్తం బెంగాల్‌ ప్రభుత్వం తీరే పుష్ప సినిమాలాగా ఉంది. ఎర్ర చందనపు స్మగర్ల సినిమాలో ఏవో డైలాగులు కొడితే.. ఇక్కడి టీఎంసీ నేత కూడా అలాగే డైలాగులు కొడుతున్నాడు. ఒకరేమో యువత హక్కులను దోచుకుంటున్నారు. మరొకరేమో స్కామ్‌లు చేసి వాళ్ల భవిష్యత్తుతో ఆడుకుంటున్నారు. టీఎంసీ నేతల తీరు.. ఆ సినిమాలోని ఎర్ర చందనపు స్మగ్లర్లలాగే ఉంది. వాళ్లతో పాటు ఆ పార్టీ ఒరిజినల్‌ క్యారెక్టర్లను బయటపెడుతోంది అంటూ బీజేపీ నేత ఉమేశ్‌ రాయ్‌ మండిపడ్డారు.  క్రికెటర్‌ నుంచి రాజకీయ నేత, రాష్ట్ర క్రీడాశాఖ మంత్రిగా ఎదిగిన మనోజ్‌ తివారీ.. ఆదివారం ఓ ర్యాలీలో పార్టీ కార్యకర్తలంతా సంఘటితంగా ఉండాలని ఆకాంక్షించారు. ఈ క్రమంలో.. పుష్ప సినిమాలోని ఝుకేగా నహీ సాలా' (తెలుగులో నీయవ్వ.. తగ్గేదే లే) అంటూ బీజేపీకి సవాల్‌ విసిరాడు. ఈ వ్యాఖ్యలపైనే బీజేపీ భగ్గుమంది. అయితే.. ర్యాలీ సందర్భంగా ఆయన చేసిన వ్యాఖ్యలు దుమారం రేపడంతో..  మీడియా ప్రతినిధులు ఆయన తీరును ప్రశ్నించారు. దీంతో ఆయన  నేను అలా మాట్లాడి ఉండాల్సింది కాదు.. ఆ డైలాగ్‌ కొట్టాల్సింది కాదు అని తివారీ క్షమాపణలు చెప్పారు.

పుష్ప అంటే ఫ్లవర్‌ అనుకుంటివా.. ఫైర్‌, తగ్గేదేలే అంటూ చిత్తూరు మేనరిజమ్‌ డైలాగ్స్‌తో సినీలవర్స్‌ను ఎంటర్‌టైన్‌ చేశాడు అల్లు అర్జున్‌. ఈ మూవీతో బాక్సాఫీస్‌ను గడగడలాడించిన బన్నీ ఇప్పుడు పుష్ప సీక్వెల్‌తో బిజీగా ఉన్నాడు. ఇదిలా ఉంటే అల్లు అర్జున్‌ ఎవరో తనకు తెలియదంటూ షాకింగ్‌ కామెంట్స్‌ చేసింది అలనాటి నటి, నర్తకి ఎల్‌ విజయలక్ష్మి. తెలుగు, తమిళం, మలయాళ, హిందీ భాషల్లో నటించిన ఆమె పెళ్లి తర్వాత అమెరికా వెళ్లిపోయి అక్కడే సెటిలైంది. తాజాగా ఇండియాకు వచ్చిన ఆమె ఓ ఇంటర్వ్యూలో ఆసక్తికర విషయాలు చెప్పుకొచ్చింది. ఐదేళ్ల వయసులోనే డ్యాన్స్‌ షో చూసి యథాతథంగా అలాగే స్టెప్పులేసేదాన్ని అని చెప్పుకొచ్చింది. నందమూరి తారకరామారావుగారు తనను కోడలా.. కోడలా.. అని పిలిచేవారంటూ మురిసిపోయింది. ఈ మధ్య ఏదైనా సినిమా చూశారా? అన్న ప్రశ్నకు పుష్ప సినిమా చూశానంది. అందులో నటించిన హీరో ఎవరో తెలుసుగా అనేలోపే తనకు తెలియదని చెప్పింది. అతడు అల్లు రామలింగయ్యగారి మనవడు అని చెప్పడంతో ఆశ్చర్యపోయిన నటి.. ఈ మధ్యకాలంలో హీరోల గురించి అడుగుతుంటే రామానాయుడు మనవడు, నాగేశ్వరరావు మనవడు అని ఇలాగే చెప్తున్నారని పేర్కొంది. కాగా ఇటీవల విజయలక్ష్మి ఎన్టీఆర్‌ పురస్కారాన్ని అందుకుంది. ఈ అవార్డు స్వీకరించేందుకు దాదాపు యాభై ఏళ్ల తర్వాత ఆమె అమెరికా నుంచి తెనాలి రావడం కొసమెరుపు. చదవండి: బిగ్‌బాస్‌: టికెట్‌ టు ఫినాలే బరిలో నిలబడ్డ లేడీ కంటెస్టెంట్‌ అర్ధరాత్రి ప్రభాస్‌ చేసిన పనికి సూర్య షాక్‌

‘పుష్ప అంటే ఫ్లవర్‌‌‌‌ అనుకుంటివా ఫైర్.. తగ్గేదే లే’ అంటూ ఇండియన్‌ బాక్సాఫీస్‌పై దాడి చేసి కోట్ల రూపాయలను కొల్లగొట్టేశాడు ‘పుష్పరాజ్‌’. ఐకాన్‌ స్టార్‌ అల్లు అర్జున్‌, క్రియేటివ్‌ డైరెక్టర్‌ సుకుమార్‌ కాంబినేషన్‌లో తెరకెక్కిన చిత్రం ‘పుష్ప’. గతేడాది డిసెంబర్‌లో విడుదలైన ఈ చిత్రం.. ఇండియన్‌ బాక్సాఫీస్‌ని షేక్‌ చేసింది.  ఈ చిత్రం రిలీజై దాదాపు  ఏడాది కావొస్తున్నా పుష్ప రాజ్ సృష్టించిన ఇంపాక్ట్ ఇప్పటకి అలానే ఉంది.  ఇండియాలో సెన్సేషన్ క్రియేట్ చేసిన ఈ మూవీ ఇప్పుడు రష్యాలో రిలీజ్‌‌కు రెడీ అవుతోంది. డిసెంబర్ 8న రష్యాలో గ్రాండ్ గా పుష్ప చిత్రం విడుదల కాబోతుంది. ప్రమోషన్‌లో భాగంగా మంగళవారం పుష్ప రష్యన్‌ ట్రైలర్‌ని కూడా విడుదల చేశారు మేకర్స్‌.  విడుదలకు ఇంకా వారం రోజులు మాత్రమే గడువు ఉండడంతో ప్రమోషన్స్ కోసం చిత్ర యూనిట్ రష్యా వెళ్లారు. అక్కడ వారికి ఘన స్వాగతం లభించింది. డిసెంబర్ 1న మాస్కోలో, 3న సెయింట్ పీటర్స్‌‌బర్గ్‌‌లో ప్రీమియర్‌‌‌‌ షోస్‌‌ ప్లాన్ చేశారు. మాస్కోలో జరిగే ప్రీమియర్‌‌‌‌ షోలో అల్లు అర్జున్, రష్మికతో పాటు దర్శకుడు సుకుమార్, నిర్మాత రవిశంకర్ పాల్గొని అక్కడి మీడియాతో ఇంటరాక్ట్ అవనున్నారు.  ఇక రష్యాలో ఈ సినిమా ఏ స్థాయిలో రికార్డ్ సృష్టించబోతుందో చూడాలి.

‘పుష్ప’ సినిమాతో అల్లు అర్జున్‌ పాన్‌ ఇండియా స్టార్‌ అయ్యాడు. గతేడాదిలో విడుదలైన ఈ చిత్రం ఇండియన్‌ బాక్సాఫీస్‌ని షేక్‌ చేసింది. పుష్పరాజ్‌గా బన్నీ నటనకు యావత్‌ భారత్‌ సినీలోకం బ్రహ్మరథం పట్టారు. దీంతో ఈ చిత్రం నిర్మాతలకు కాసుల వర్షం కురిపించడంతో పాటు అవార్డుల పంటను కూడా పండిస్తోంది. ఇప్పటికే ‘పుష్ప’లో అల్లు అర్జున్‌ నటనకుగాను ఫిలింఫేర్‌, సైమా అవార్డులు రాగా.. తాజాగా బన్ని ఖాతలో మరో అవార్డును చేరింది. ఎంటర్‌టైన్‌ కేటగిరిలో ఇండియన్‌ ఆఫ్‌ ది ఇయర్‌ అవార్డును గెలుచుకున్నాడు బన్నీ. ఈ అవార్డును  ఢిల్లీలో కేంద్రమంత్రి స్మృతి ఇరానీ చేతులు మీదుగా అందుకున్నాడు. (చదవండి: అనుష్కపై గరికపాటి కొంటె వ్యాఖ్యలు.. ఆర్జీవీ ట్వీట్‌ వైరల్‌) దాదాపు 20 ఏళ్ల తర్వాత ఉత్తరాదికి చెందిన అవార్డును అందుకున్న దక్షిణాది నటుడిగా అల్లు అర్జున్‌ నిలవడం గమనార్హం. ఈ సందర్భంగా అల్లు అర్జున్‌ మాట్లాడుతూ.. ‘నేను చిత్ర పరిశ్రమలో 20 ఏళ్లుగా పనిచేస్తున్నాను. నేను దక్షిణాదిలో ఎన్నో అవార్డులు అందుకున్నాను. ఉత్తరాది నుంచి అవార్డులు అందుకోవడం ఇదే తొలిసారి కాబట్టి ఇది నాకు చాలా ప్రత్యేకం’అంటూ చెప్పుకొచ్చారు.  ఈ అవార్డును కోవిడ్‌ వారియర్స్‌  డాక్టర్లు, నర్సులు, ఆరోగ్య కార్యకర్తలకు అంకింతం చేశాడు. 

హీరో అల్లు అర్జున్, దర్శకుడు సుకుమార్‌ కాంబినేషన్‌లో రూపొందిన ‘పుష్ప’ తొలి భాగం ‘పుష్ప: ది రైజ్‌’ ఘనవిజయం సాధించిన సంగతి తెలిసిందే. దీంతో ‘పుష్ప’ మలి భాగం ‘పుష్ప: ది రైజ్‌’పై మరింత దృష్టి పెట్టింది టీమ్‌. ఈ సినిమా రెగ్యులర్‌ షూటింగ్‌ను ఈ నెల 20న ప్రారంభించేందుకు సన్నాహాలు జరుగుతున్నాయి. తగ్గేదే లే అంటూ.. నాన్‌స్టాప్‌గా షూటింగ్‌ చేయడానికి టీమ్‌ ప్లాన్‌ చేసిందని సమాచారం. చదవండి: Suriya: ‘నాకు ఆ పాత్ర చేయడం ఇష్టం లేదు, ఆయన కోసమే ఒప్పుకున్నా’ ఈ షెడ్యూల్‌లోనే హీరో హీరోయిన్లు అల్లు అర్జున్, రష్మికా మందన్నాలు కూడా పాల్గొంటారని తెలిసింది. ఇందులో పుష్పరాజ్‌ పాత్రలో అల్లు అర్జున్, శ్రీవల్లి పాత్రలో రష్మిక మందన్నా నటిస్తున్న సంగతి తెలిసిందే. మైత్రీ మూవీ మేకర్స్‌ పతాకంపై నవీన్‌ ఎర్నేని, వై. రవిశంకర్‌ నిర్మిస్తున్న సినిమా ఇది. ఫాహద్‌ ఫాజిల్, ధనుంజయ, సునీల్, అనసూయ భరద్వాజ్‌ కీలక పాత్రలు పోషిస్తున్న ఈ సినిమాకు దేవిశ్రీ ప్రసాద్‌ సంగీతం అందిస్తున్నారు.    

అల్లు అ‍ర్జున్‌ హీరోగా సుకుమార్‌ దర్శకత్వంలో తెరకెక్కిన 'పుష్ప' సినిమా అవార్డుల్లోనూ తగ్గేదేలె అంటోంది. పాన్‌ ఇండియా స్థాయిలో క్రేజ్‌ సంపాదించుకున్న ఈ సినిమా ఎన్నో రికార్డులను తిరగరాసింది. తాజాగా ప్రతిష్టాత్మక 67వ ఫిల్మ్ ఫేర్ అవార్డుల్లోనూ పుష్ప క్లీన్‌ స్వీప్‌ చేసేసింది. ఏకంగా 7 ఫిల్మ్‌ఫేర్ అవార్డులను సొంతం చేసుకుని సత్తాచాటింది. ఉత్తమ డైరెక్టర్, ఉత్తమ నటుడు, ఉత్తమ చిత్రం, ఉత్తమ సినిమాటోగ్రఫీ, ఉత్తమ నిర్మాత, ఉత్తమ మేల్ సింగర్, ఉత్తమ ఫిమేల్ సింగర్, ఉత్తమ మ్యూజిక్ ఆల్బమ్‌ విభాగాల్లో పుష్ప చిత్రానికి అవార్డుల పంట పండింది. ఈ సందర్భంగా అల్లు అర్జున్‌ ట్విట్టర్‌ వేదికగా ప్రేక్షకులకు ధన్యవాదాలు తెలిపాడు. ఫిల్మ్‌ఫేర్‌ అవార్డుల్లో పుష్ప క్లీన్‌ స్వీప్‌.. థ్యాంక్యూ అంటూ ట్వీట్‌ చేశాడు.  ఫిల్మ్‌ఫేర్‌ అవార్డులో..;పుష్ప;కి అవార్డు పంట ♦ ఉత్తమ నటుడు: అల్లు అర్జున్‌  ​​​​♦ ఉత్తమ దర్శకుడు: సుకుమార్‌  ♦ఉత్తమ చిత్రం: పుష్ప - ది రైజ్ ♦​​​​ ఉత్తమ సంగీత దర్శకుడు: దేవిశ్రీ ప్రసాద్‌  ​​​​♦ఉత్తమ గాయకుడు: సిద్ద్‌ శ్రీరామ్‌ (శ్రీవల్లి..) ♦ఉత్తమ గాయని: ఇంద్రావతి చౌహాన్‌ ( ఊ అంటావా మావ) ​​​​♦ ఉత్తమ సినిమాటోగ్రాఫర్‌: మిరోస్లా బ్రొజెక్ (పుష్ప - ది రైజ్)   THANK YOU 🖤 pic.twitter.com/1zlOcNx2sS — Allu Arjun (@alluarjun) October 10, 2022 #PUSHPA CLEAN SWEEP AT @filmfare . BEST ACTOR , BEST DIR , BEST MUSIC DIR , BEST CINEMATOGRAPHY , BEST MALE SINGER , BEST FEMALE SINGER & BEST FILM . THANK YOU ALL . HUMBLED 🙏🏽 — Allu Arjun (@alluarjun) October 10, 2022

టాలీవుడ్‌తో పాటు బాలీవుడ్‌ను సైతం ఊపేసిన సినిమా 'పుష్ప- ది రైజ్'. గతేడాది డిసెంబర్‌లో విడుదలైన ఈ చిత్రం బాక్సాఫీస్ వద్ద భారీ విజయాన్ని సాధించింది. అందాల భామ రష్మికతో బన్నీ స్టెప్పులు యూత్‌ను ఓ రేంజ్‌లో ఆకట్టుకున్నాయి. ఈ సినిమాలోని సాంగ్స్‌ దేశవ్యాప్తంగా ప్రాముఖ్యం పొందాయి. పుష్ప సినిమాతో అల్లుఅర్జున్‌కు ప్రపంచవ్యాప్తంగా క్రేజ్ పెరిగిపోయింది. ఈ బ్లాక్ బస్టర్‌ చిత్రానికి సుకుమార్‌ దర్శకత్వం వహించారు.       (చదవండి: క్రేజీ అప్‌డేట్‌.. ఆ రోజు నుంచే ‘పుష్ప-2’ రెగ్యులర్‌ షూటింగ్‌!)  ఇటీవల ఓ పత్రికకు ఇచ్చిన ఇంటర్వ్యూలో బన్నీ ఈ సినిమాపై  ఆసక్తికర విషయాన్ని వెల్లడించారు. ఆయన మాట్లాడతూ 'పుష్ప మూవీ ఇంతపెద్ద విజయం సాధిస్తుందనుకోలేదు. ఇది నాకు ఆశ్చర్యాన్ని కలిగించింది. ఈ చిత్రంలో నేను లేకుంటే ఇంత ప్రేమను పొందడానికి నాకు దాదాపు 20 సంవత్సరాలు పట్టేది. 'పుష్ప-2' పై కూడా ప్రేక్షకుల్లో భారీ అంచనాలు ఉన్నాయి. దానికి తగ్గట్లుగానే ప్రయత్నిస్తాం' అని అన్నారు. 

పుష్పరాజ్‌ మళ్లీ సెట్స్‌లోకి అడుగుపెట్టే సమయం ఆసన్నమైంది. హీరో అల్లు అర్జున్, దర్శకుడు సుకుమార్‌ కాంబినేషన్‌లో వచ్చిన ‘పుష్ప: ది రైజ్‌’ గత ఏడాది డిసెంబరులో విడుదలై అద్భుత విజయం సాధించింది. ఇందులో పుష్పరాజ్‌ పాత్రలో నటించారు అల్లు అర్జున్‌. తాజాగా రెండో భాగం ‘పుష్ప: ది రూల్‌’కు రంగం సిద్ధం చేశారు సుకుమార్‌ అండ్‌ కో. ఇటీవలే ‘పుష్ప: ది రైజ్‌’ పూజా కార్యక్రమాలు కూడా జరిగాయి. ఈ సినిమా రెగ్యులర్‌ షూటింగ్‌ అక్టోబరు 1 నుంచి ప్రారంభం కానుందని టాక్‌.  చదవండి: అలనాటి హీరోయిన్‌ గౌతమి కూతురిని చూశారా? త్వరలో హీరోయిన్‌గా ఎంట్రీ! ఈ షెడ్యూల్‌లో కొన్ని కీలక సన్నివేశాలను ప్లాన్‌ చేశారు చిత్రయూనిట్‌. కొందరు హాలీవుడ్‌ టెక్నీషియన్స్‌ కూడా ఈ సినిమాకు వర్క్‌ చేస్తున్నారట. మైత్రీమూవీ మేకర్స్‌ పతాకంపై నవీన్‌ ఎర్నేని, వై.రవిశంకర్‌ నిర్మిస్తున్నారు. తొలిభాగంలో అల్లు అర్జున్‌తో జోడీ కట్టిన రష్మికా మందన్నానే రెండో భాగంలోనూ హీరోయిన్‌. ఫాహద్‌ ఫాజిల్, సునీల్, అనసూయ కీలక పాత్రల్లో నటిస్తున్న ఈ సినిమాకు దేవి శ్రీ ప్రసాద్‌ సంగీతం అందిస్తున్నారు. కాగా ‘పుష్ప: ది రూల్‌’ సినిమాను వచ్చే ఏడాది రిలీజ్‌ చేయాలనుకుంటున్నారు.

ఉక్కునగరం(విశాఖపట్నం): స్టీల్‌ప్లాంట్‌లో పుష్ప సినిమా తరహా దొంగతనానికి యత్నించిన వ్యక్తి సీఐఎస్‌ఎఫ్‌ తనిఖీల్లో పట్టుబడ్డాడు. ప్రత్యక్ష సాక్షుల కథనం మేరకు వివరాలివి.. స్టీల్‌ప్లాంట్‌ స్ట్రక్చరల్‌ మిల్‌లో 56 మిల్లీమీటర్‌ వ్యాసం కలిగిన రౌండ్‌ బార్‌లు తయారు చేస్తుంటారు. అలా తయారైన వాటిలో పగుళ్లు, సరైన సైజు లేని వాటిని స్క్రాప్‌ కింద పక్కన పెడతారు. వాటిని ఎస్‌ఎస్‌డీ విభాగానికి చెందిన కాంట్రాక్టర్‌ ద్వారా స్టీల్‌ మెల్ట్‌షాప్‌కు తరలించి రీ మెల్టింగ్‌ చేస్తారు. చదవండి: అదే బావి.. నాడు భర్త, నేడు భార్య  గురువారం ఉదయం షిఫ్ట్‌లో సుమారు 6.30 ప్రాంతంలో ఒక మినీ వ్యాను మెయిన్‌ గేటు అవుట్‌ గేటు ద్వారా బయటకు వెళ్లడానికి వచ్చింది. అక్కడ తనిఖీ చేస్తున్న సీఐఎస్‌ఎఫ్‌ సిబ్బంది వాహనాన్ని క్షుణ్ణంగా పరిశీలించగా వెనుక భాగం అనుమానాస్పదంగా కనిపించింది. దాన్ని తనిఖీ చేయగా షీట్ల కింద సుమారు 40 రౌండ్‌ బార్‌ ముక్కలు బయటపడ్డాయి. అవాక్కైన సిబ్బంది వెంటనే డ్రైవర్‌ను అదుపులోకి తీసుకున్నారు. అయితే గుట్టుగా ఈ వ్యవహారం ఎన్నాళ్లుగా సాగుతుందో అనే అనుమానాలు వ్యక్తమవుతున్నాయి. పట్టుబడిన వాహనం నంబర్‌ను చూస్తే అది కూడా ఒరిజినల్‌ కాదనే సందేహాలు వ్యక్తమవుతున్నాయి. దీని వెనుక ఉన్న ముఠా బయటపడితేనే అన్ని వివరాలు తెలిసే అవకాశం ఉంది. సీఐఎస్‌ఎఫ్‌ సిబ్బంది నిందితుడిని, చోరీ సొత్తును స్టీల్‌ప్లాంట్‌ పోలీసులకు అప్పగించారు. 

హీరోయిన్ రష్మిక మందన్నా క్రేజ్ ఏ మాత్రం తగ‍్గడం లేదు.  వరుస ఆఫర‍్లతో  కెరీర్‍లో దూసుకెళ్తోంది.  సౌత్ ఇండియాలో ఇప్పటికే ఆమెకు భారీ డిమాండ్ ఉండగా.. బాలీవుడ్‌లోనూ ఆమె కోసం అక్కడి దర్శకనిర్మాతలు వరుస కడుతున‍్నారు.  ఇప్పటికే ఈ భామ బాలీవుడ్‌లో నటించిన  ‘గుడ్ బై’, ‘మిషన్ మజ్ను’ రిలీజ్‌ అయ‍్యేందుకు రెడీ అయ్యాయి.  మరో చిత్రం ‘యానిమల్’  చిత్రీకరణ కొనసాగుతోంది. తాజాగా ఈ నేషనల్‌ క్రష్‌ని మరో భారీ ఆఫర్‌ వరించినట్లు తెలుస్తోంది. అనురాగ్ బసు ప్రతిష్టాత్మకంగా తెరకెక్కిస్తున్న ‘ఆషికీ 3’లో రష్మికను హీరోయిన్‌గా తీసుకున్నట్లు సమాచారం.  అయితే తాజాగా రష్మికకు మరో భారీ ఆఫర్ వరించినట్లు తెలుస్తోంది. ‘ఆషికీ 3’లో ఈ ముద్దుగుమ్మను  హీరోయిన్‌గా తీసుకున్నట్లు సమాచారం అందుతోంది. ఈ మధ్యే కథ విన్న రష్మిక వెంటనే సినిమాకు గ్రీన్‌ సిగ్నల్‌ ఇచ్చిందట.  ఈ విషయాన్ని  త్వరలోనే చిత్రబృందం అధికారికంగా వెల్లడించనున్నారు.  ఆషికీ 3 హీరో కార్తీక్ ఆర్యన్‌తో కలిసి రష్మిక  ఇటీవల ఓ యాడ్‌లో నటించింది. ఇద్దరి జోడీ బాగా సెట్ అయిందని  బాలీవుడ్  ఫ్యాన్స్ కామెంట్స్‌ చేస్తున్నారు. ఈ నేపథ్యంలో ‘ఆషికీ-3’లో ఈ  జంట నటిస్తే సినిమా హిట్ అవడం ఖాయమంటున్నారు. (చదవండి: విజయ్‌తో రష‍్మిక మందన్నా సెల్ఫీ వైరల్) ఇప్పటికే బాలీవుడ్‌లో ‘ఆషికీ’ సీక్వెల్స్‌కు మంచి ఆదరణ ఉంది. 1990లో రాహుల్ రాయ్, అను అగర్వాల్ జంటగా నటించిన ‘ఆషికీ’ అప్పట్లో పెద్ద విజయాన‍్ని సొంతం చేసుకుంది. ఆ చిత్రానికి కొనసాగింపుగా 2013లో వచ్చిన ‘ఆషికీ 2’ సైతం సూపర్ హిట్‌గా నిలిచింది. ఈ సినిమా జోడి ఆదిత్య రాయ్ కపూర్, శ్రద్ధా కపూర్ మంచి పేరు తెచ్చుకున్నారు.  

అల్లు అర్జున్‌-సుకుమార్‌ కాంబినేషన్‌లో తెరకెక్కిన పుష్ప మూవీ ఎంతటి విజయం సాధించిందో ప్రత్యేకంగా చెప్పనక్కర్లేదు. ఇందులో హీరోయిన్‌గా నటించిన రష్మిక రేంజ్‌ ఒక్కసారిగా పెరిగిపోయింది. దీంతో ఆమె పాన్‌ ఇండియా నటిగా మారిపోయింది. ఇక కలెక్షన్ల పరంగా పుష్ప బక్సాఫీసు వద్ద  సృష్టించిన సునామి అంతాఇంత కాదు. పుష్పకు ఈ రేంజ్‌లో గుర్తింపు రావడానికి ఇందులోని పాటలు కూడా ప్రధాన పాత్ర పోషించాయి.  ఇప్పటికీ ఈ పాటలు మారుమోగుతూనే ఉన్నాయి. ముఖ్యంగా రష్మిక రారా సామి పాట బాగా ఆకట్టుకుంది. సోషల్‌ మీడియాలో ఎక్కడ చూసి ఈ పాట రీల్స్‌యే దర్శనమిచ్చాయి. చదవండి: మళ్లీ బుక్కైన తమన్‌.. ‘ఏంటమ్మా.. ఇది’ అంటూ మెగా ఫ్యాన్స్‌ ఫైర్‌ ఇక ఇందులో రారా సామి అంటూ రష్మిక నడుం వంచి వేసిన హుక్‌ స్టెప్‌ను ప్రతి ఒక్కరు ఫాలో అయ్యారు. తాజాగా ఇదే పాటకు ఓ చిన్నారి డాన్స్‌ చేసిన వీడియో ప్రస్తుతం సోషల్‌ మీడియాలో ట్రెండ్‌ అవుతోంది. స్కూల్లో తన స్నేహితులతో కలిసి రారా సామి అంటూ ఈ చిన్నారి డాన్స్‌ చేస్తూ రష్మిక హుక్‌ స్టెప్‌ను అనుసరించింది. ఆ చిన్నారి డాన్స్‌కు ఫిదా అయిన ఓ నెటిజన్‌ ఈ వీడియోను తన ట్విటర్‌ అకౌంట్‌లో షేర్‌ చేశాడు. దీంతో వైరల్‌గా మారిన ఈ వీడియో రష్మిక కంటపడింది. ఇక ఈ ట్వీట్‌ను రష్మిక రీట్వీట్‌ చేస్తూ.. ‘షి మేడ్‌ మై డే. ఈ రోజుకు ఇది చాలు. ఈ క్యూటీని కలవాలనుకుంటున్నా. ఎలా?’ అంటూ పాప అడ్రస్‌ కావాలంటూ రష్మిక ఆరా తీసింది.    చదవండి: రణ్‌వీర్‌ చెంప చెల్లుమనిపించిన బాడిగార్డ్‌! అసలేం జరిగిందంటే.. Maaaaadddddeeeeee myyyyy daaaaaay.. I want to meet this cutie..💘 how can I? 🥹 https://t.co/RxJXWzPlsK — Rashmika Mandanna (@iamRashmika) September 14, 2022

పుష్ప చిత్రంలో పల్లెటూరి యువతిగా చక్కని నటనను ప్రదర్శించి ప్రశంసలు పొందిన హీరోయిన రష్మిక మందన్నా. తెలుగులో టాప్‌ హీరోయిన్‌గా రాణిస్తున్న ఈ బ్యూటీ తమిళంలో కార్తీకి జంటగా సుల్తాన్‌ చిత్రంతో ఎంట్రీ ఇచ్చింది. అయితే ఆ చిత్రం ఆమెకు ఆశించిన పేరు తీసుకురాలేదనే చెప్పాలి. ఇక ఇటీవల బాలీవుడ్‌లోనూ అడుగుపెట్టిన రష్మిక అక్కడ చకచకా రెండు చిత్రాలను పూర్తి చేసింది. అక్కడ మరో చిత్రం చేతిలో ఉంది. ఈ సమయంలో తమిళంలో మరోసారి తన అదృష్టాన్ని పరీక్షించుకునేందుకు సిద్ధమైంది. విజయ్‌ జంటగా తమిళం, తెలుగు భాషల్లో రూపొందుతున్న వారీసు చిత్రంలో నటిస్తోంది. (చదవండి: వారంటే మా నాన్నకు చాలా గౌరవం: అమితాబ్‌) కాగా ఈ అమ్మడు అల్లు అర్జున్‌తో జతకట్టిన తెలుగు చిత్రం పుష్ప...  ఐదు సైమా అవార్డులను కొల్లగొట్టింది. అయితే అందులో ఏ కేటగిరీలోనూ ఈ అమ్మడికి అవార్డు రాకపోవడం విచారించదగ్గ విషయమే. అయితే ఆ విషయాన్ని అస్సలు పట్టించుకోని రష్మికపై కనీసం స్పందించలేదు. అయితే ఇటీవల ఓ భేటీలో తన స్నేహితులు, హాస్టల్‌ జీవితం గురించి ఈమె చెప్పుకొచ్చింది. అందులో తన బాల్యం హాస్టల్‌లోనే గడిచిపోయిందని చెప్పింది. తాను ఎక్కడికి వెళ్లినా స్నేహితులు చుట్టూ ఉండే వారని, వారినే.. తన కుటుంబంగా భావించానని పేర్కొంది.   ఉపాధ్యాయులతోనూ గౌరవంగా ప్రవర్తించే దానినని, వారిలో తన అమ్మను చూసుకునేదాన్ని తెలిపింది. ఇప్పటికీ తన స్నేహితులను కుటుంబంగా భావిస్తానని చెప్పింది. ఇకపోతే హైస్కూల్‌లో తాను సగటు విద్యార్థినేనని తెలిపింది. అయితే ప్లస్‌–2, డిగ్రీలో మాత్రం తాను క్లాస్‌ టాపర్‌గా  నిలిచానని చెప్పింది. తనకు గణితం, బయాలజీ వంటి సబ్జెక్టులంటే భయమని, అందుకే ప్లస్‌–2లో తనకు ఇష్టమైన సీఈసీ గ్రూపును తీసుకుని డిగ్రీ వరకు ఉత్తమ ప్రతిభ కనబరిచానని వెల్లడించింది.

టాలెంటెడ్ ఉంటే తెలుగు పరిశ్రమలో అవకాశాలు ఎప్పుడూ తలుపు తడుతూనే ఉంటాయి అంటుంది నటి అక్షర. పుష్ప చిత్రంలో హీరో వదిన పాత్రలో నటించి మంచి గుర్తింపు తెచ్చుకుంది ఈ తెలుగమ్మాయి. కల్యాణ్‌ రామ్‌ ‘ఎంత మంచివాడవురా’ చిత్రంతో టాలీవుడ్‌ ఎంట్రీ ఇచ్చింది ఈ బ్యూటీ. ఆ చిత్రంలో పెళ్లి కూతురి పాత్రలో నటించింది. ఆ తర్వాత రామ్‌ ‘రెడ్‌’ చిత్రంలో మంచి పాత్ర పోషించి, మెప్పించడంతో సుకుమార్‌ ‘పుష్ప’లో అవకాశం కల్పించాడు.  ప్రస్తుతం పుష్ప పార్ట్‌ 2 చిత్రంతో పాటు రవితేజ, సుధీర్‌ వర్మ కాంబినేషన్‌లో వస్తున్న ‘రావణాసుర’లో ఓ విభిన్నమైన రోల్‌లో నటిస్తోంది. తాజాగా ఆమె మీడియాతో ముచ్చటిస్తూ.. నటనకు ప్రాధాన్యం ఉన్న పాత్రలను పోషించి, నటిగా మంచి గుర్తింపు తెచ్చుకోవాలనేదే తన లక్ష్యమని పేర్కొంది. తనలో టాలెంట్‌ చూసి అవకాశాలు ఇస్తున్న దర్శక నిర్మాతలకు ఈ సందర్భంగా ఆమె కృతజ్ఞతలు తెలిపింది. త్వరలోనే మరిన్ని వైవిధ్యమైన పాత్రలతో తెలుగు ప్రేక్షకులను అలరిస్తానని చెబుతోంది. 

అల్లు అర్జున్‌ హీరోగా సుకుమార్‌ దర్శకత్వంలో తెరకెక్కిన ‘పుష్ప: ది రైజ్‌’ ఎంత హిట్‌ అయిందో ప్రత్యేకించి చెప్పక్కర్లేదు. రష్మికా మందన్న హీరోయిన్‌గా నటించిన ఈ చిత్రంలో సునీల్, అనసూయ, ఫాహద్‌ ఫాజిల్‌ కీలక పాత్రల్లో నటించారు. నవీన్‌ యెర్నేని, వై. రవిశంకర్‌ నిర్మించిన ఈ సినిమా గత ఏడాది డిసెంబర్‌ 17న తెలుగు, కన్నడ, తమిళ, మలయాళ, హిందీ భాషల్లో విడుదలై సూపర్‌హిట్‌గా నిలిచింది. కాగా ‘పుష్ప’ తొలి భాగం బ్లాక్‌ బస్టర్‌ అవడంతో సీక్వెల్‌పై (పుష్ప: ది రూల్‌) భారీ అంచనాలు ఉన్నాయి. తొలి భాగంలో పుష్పరాజ్‌గా ఆకట్టుకున్న అల్లు అర్జున్‌ ‘పుష్ప: ది రూల్‌’లో కొంచెం డిఫరెంట్‌ లుక్‌లో కనిపించనున్నారు. ఇందుకోసం లుక్‌ టెస్ట్‌ చేశారు. అల్లు అర్జున్‌కి బాలీవుడ్‌ ప్రముఖ మేకప్‌ ఆర్టిస్ట్‌ ప్రీతీ షీల్‌ మేకప్‌ చేశారు. ప్రోస్థటిక్‌ మేకప్‌ చేశారని తెలిసింది. గత రెండు రోజుల్లో ఈ లుక్‌ టెస్ట్‌ జరిగింది. ఈ లుక్‌ పై సుకుమార్‌ సంతోషంగా ఉన్నారని టాక్‌. రెండో భాగంలోనూ రష్మికా మందన్న హీరోయిన్‌గా నటించనున్నారు. ఈ నెల 22న ఈ చిత్రం షూటింగ్‌ హైదరాబాద్‌లో ఆరంభమవుతుందని తెలిసింది. ఫస్ట్‌ పార్ట్‌కి సంగీతం అందించిన దేవిశ్రీ ప్రసాద్‌ రెండో భాగానికి కూడా ఆ బాధ్యతను నిర్వర్తిస్తున్నారు.

‘‘ఫలానా స్క్రిప్ట్‌ను ఎంచుకుంటే అది జరుగుతుందేమో! ఫలానా స్క్రిప్ట్‌ను ఎంచుకోకపోతే మరొకటి జరుగుతుందేమో అని హైరానా పడను. జరిగేదే జరుగుతుందనుకుని నా గట్‌ ఫీలింగ్‌తో స్క్రిప్ట్స్‌ ఎంచుకుంటాను’’ అన్నారు రష్మికా మందన్నా. అమితాబ్‌ బచ్చన్, రష్మికా మందన్నా ప్రధాన పాత్రల్లో నటింన హిందీ చిత్రం ‘గుడ్‌ బై’. వికాశ్‌ బాల్‌ దర్శకత్వంలో రపొందిన ఈ సినివ అక్టోబరు 7న థియేటర్స్‌లో రిలీజ్‌ కానుంది. హిందీలో రష్మికా మందన్నాకు ఇదే తొలి చిత్రం. ఈ సినిమా ట్రైలర్‌ లాంచ్‌ ఈవెంట్‌లో పాల్గొన్న రష్మికా మందన్నాను ‘మీరు ఏ విషయానికి గుడ్‌ బై చెప్పాలనుకుంటున్నారు’ అని ఓ విలేకరి అడగ్గా.. ‘‘నెగిటివిటీకి గుడ్‌ బై చెప్పాలనుకుంటున్నాను. చదవండి: ‘సరిలేరు నీకెవ్వరు’ మూవీ నాకు మైనస్‌ అయ్యింది: సంగీత షాకింగ్‌ కామెంట్స్‌ నేను చాలా పాజిటివ్‌ పర్సన్‌ని. మనందరం నెగిటివిటీకి గుడ్‌ బై చెప్పాలని, ప్రపంచం అంతా పాజిటివ్‌నెస్‌తో నిండిపోవాలని కోరుకుంటున్నాను’’ అని పేర్కొన్నారు. ఇదిలా ఉంటే అల్లు అర్జున్, రష్మిక జంటగా సుకువర్‌  దర్శకత్వంలో రపొందిన ‘పుష్ప: ది రైజ్‌’ మంచి విజయం సాధించిన విషయం తెలిసిందే. దీంతో ఈ సినివ విజయం సాధించిన విషయం తెలిసిందే. దీంతో ఈ సినిమా నెక్ట్స్‌ పార్ట్‌ ‘పుష్ప: ది రైజ్‌’పై భారీ అంచనాలు ఉన్నాయి. ఇంకా రెండో భాగం చిత్రీకరణ ఆరంభం కాలేదు. అయితే ఈ సినిమా షూటింగ్‌లో మరో రెండు రోజుల్లో జాయిన్‌ అవుతున్నట్లుగా రష్మిక అప్‌డేట్‌ ఇచ్చారు. చదవండి: చై-సామ్‌ విడాకులపై సమంత తండ్రి ఎమోషనల్‌

దేశవ్యాప్తంగా వినాయక చవితి పండుగ శోభ కనిపిస్తోంది. నవరాత్రోత్సవాలు జరిపేందుకు ప్రతివీధిలోనూ మండపాలు ముస్తాబయ్యాయి. వినాయక చవితి సంబరాలతో నగరాలన్నీ సందడిగా మారాయి.. ఏ గల్లీలో అడుగు పెట్టినా గణనాథుని రూపాలే దర్శనమిస్తున్నాయి. ప్రతిచోటా రకరకాల రూపాల్లో వినాయక ప్రతిమలు మండపాల్లో కొలువుదీరాయి. అయితే కొన్ని ప్రదేశాల్లో డిఫరెంట్‌ గణేష్‌ రూపాలు భక్తులను ఆకట్టుకుంటున్నాయి.  వినాయక విగ్రహాల మీద సినిమాల ప్రభావం కూడా చాలానే ఉంది. గత కొన్నేళ్లుగా సినిమాలోని హీరోలు, వారు పోషించిన పాత్రల రూపంలో వినాయకుడిని తయారు చేస్తున్నారు. ఈ ఏడాది కూడా కొందరి హీరోల రూపంలో ప్రతిష్టించారు. తాజాగా ఓచోట పుష్పలో అల్లు అర్జున్ తగ్గేదేలే అన్నట్లు విగ్రహాన్ని రూపొందించారు. మరోచోట ఆర్ఆర్ఆర్‌లో రామ్ చరణ్ సినిమా క్లైమాక్స్‌లో పరుగెడుతూ ఉన్నటువంటి, బాణాన్ని ఎక్కుపెడుతున్న గెటప్‌లో ఉన్నాడు గణేషుడు.. అలాగే ఎన్టీఆర్‌ భీం రూపంలో..కేజీఎఫ్‌లో యశ్‌ రూపంలో విఘ్నేశుడి విగ్రహాలు దర్శనమిస్తున్నాయి. ఇక బన్నీ, ఎన్టీఆర్‌, చరణ్‌, యశ్‌ ఫ్యాన్స్‌ వీటిని సోషల్‌ మీడియాలో షేర్‌ చేస్తూ తెగ ఖుషీ అవుతున్నారు. ఇక సాధారణ జనాలు సైతం ఆ విగ్రహాలను చూసేందుకు ఆసక్తి కనబరుస్తున్నారు.  ఈ వెరైటీ వినాయకుడి విగ్రహాలు ఇప్పుడు తెగ వైరల్ అవుతున్నాయి.  PushparAAj...Thaggedhe Le 🔥 Allu Arjun Film roles & Ganesh Idols Never Ending Festival VIBE!! 🔥🔥🤩 This time In Pushpa Raj Avatar 🌟🔥#GaneshChaturthi #PushpaTheRule #AlluArjun pic.twitter.com/YuCYEAziMV — Trinadh❤️AADHF🪓 (@TrinadhAADHF) August 30, 2022

Allu Arjun Pushpa 2 Movie Pooja Ceremony Will Start On August 22: ఐకాన్‌ స్టార్‌ అల్లు అర్జున్‌, క్రియేటివ్‌ డైరెక్టర్‌ సుకుమార్‌ కాంబినేషన్‌లో వచ్చిన పుష్ప మూవీ క్రియేట్‌ చేసిన సెన్సేషన్‌ అంతా ఇంతా కాదు. పాన్‌ వరల్డ్‌ స్థాయిలో పుష్పరాజ్‌ వైరల్‌ అయ్యాడు. డైలాగ్స్‌, సాంగ్స్‌, స్టెప్పులు.. ఇలా ప్రతీదీ ట్రెండ్‌ అయ్యాయి. ముఖ్యంగా ‘తగ్గేదేలే’ అనే డైలాగ్‌ ఓ స్వాగ్‌ క్రియేట్ చేసింది. ఈ ఒక్క డైలాగ్‌కు ప్రపంచంలోని సినీ ప్రియులంతా ఫిదా అయ్యారు. వాటిని రీల్స్‌ రూపంలో చేస్తూ ట్రెండ్‌ క్రియేట్‌ చేశారు. ఇంకా సమంత గ్లామర్‌, తనతోపాటు అల్లు అర్జున్‌ డ్యాన్స్‌, ఫహాద్‌ ఫాజిల్‌ యాక్టింగ్ అదనపు ఆకర్షణగా నిలిచాయి.  ఇక ఇప్పుడు ప్రేక్షకులంతా ఎదురు చూసేది 'పుష్ప 2' కోసమే. ఆ సినిమాను అప్పుడు స్టార్ట్ చేస్తాం.. ఇప్పుడు ప్రారంభిస్తున్నారు అంటూ అనేక వార్తలు సోషల్ మీడియాలో చక్కర్లు కొట్టాయి. అంతేకాకుండా అందులో విలన్‌గా ఆ స్టార్‌ హీరోలు, ఈ బాలీవుడ్ నటులు నటిస్తున్నారని అని ప్రచారం జరిగింది. మరోవైపు అసలు స్క్రిప్టే పూర్తి కాలేదు అని వార్తలు వినిపించాయి. అయితే ఎట్టకేలకు ఆ వార్తలన్నింటికి తెర దించుతూ 'పుష్ప: ది రూల్‌'ను స్టార్ట్ చేయనున్నాడు సుకుమార్‌.  చదవండి:  పాపం హిందీ హీరోలు!.. ఎరక్కపోయి ఇరుక్కున్న హృతిక్ రోషన్‌ సోమవారం అంటే ఆగస్టు 22న 'పుష్ప 2: ది రూల్‌' పూజా కార్యక్రమాన్ని మొదలు పెట్టనుంది చిత్రబృందం. ఈ విషయాన్ని అధికారికంగా సోషల్ మీడియా వేదికగా ప్రకటించింది. అలాగే ఈ సినిమా చిత్రీకరణ సెప్టెంబర్‌ 15 నుంచి ప్రారంభించనున్నట్లు సమాచారం. ఆగస్టు 22నే మెగాస్టార్‌ చిరంజీవి పుట్టినరోజు కావడం విశేషం. కాగా ఈ సినిమాను రూ. 400 కోట్ల బడ్జెట్‌తో తెరకెక్కించనున్నట్లు ఆ మధ్య టాక్‌ వినిపించింది.  చదవండి: తన భార్య సొంత చెల్లిని పెళ్లాడిన స్టార్‌ హీరో.. కష్టాలతో జీవితం After September 15th... — Sarath Chandra Naidu (@imsarathchandra) August 21, 2022

దక్షిణాది భాషల్లో రూపొందుతున్న సినిమాలకు ఒకే వేదికపై అవార్డులను అందిస్తున్న సంస్థ సైమా(సౌత్‌ ఇండియన్‌ ఇంటర్‌నేషనల్‌ మూవీ అవార్డ్స్‌). ఈ ఏడాది ఈ వేడుకను  సెప్టెంబర్‌ 10,11 తేదీలలో బెంగళూరులో జరపనున్నారు. ఈ నేపథ్యంలో సైమా వేదికగా తలపడనున్న సినిమాల జాబితాను విడుదల చేశారు. తెలుగు నుంచి పుష్ప, అఖండ, జాతిరత్నాలు,  ఉప్పెన చిత్రాలు ఎక్కువ విభాగాలలో నామినేట్‌ అయ్యాయి. తెలుగు నుంచి పుష్ప అత్యధికంగా 12 విభాగాల్లో నామినేట్‌ అవ్వడం గమనార్హం. తమిళ్‌ నుంచి ‘కర్ణన్‌(10)’, కన్నడ నుంచి ‘రాబర్డ్‌’, మలయాళం నుంచి ‘మిన్నల్‌ మురళీ’ చిత్రాలు అత్యధిక నామినేషన్స్‌ పొందాయి. ఈ మొత్తం నామినేషన్స్‌ నుంచి విన్నర్‌ను ఆన్‌లైన్‌ ఓటింగ్‌ ద్వారా ఎంపిక చేసి అవార్డులు అందిస్తారు. ప్రేక్షకులు తమ అభిమాన నటీనటులు, సాంకేతిక నిపుణులకు సైమా వెబ్‌సైట్‌కు వెళ్లి ఓటు వేయాల్సి ఉంటుందని సంస్థ నిర్వాహకులు తెలిపారు.  సైమా అవార్డులకు నామినేట్‌ అయిన చిత్రాలివే.. టాలీవుడ్‌ పుష్ప(అల్లు అర్జున్‌) : 12 అఖండ(బాలకృష్ణ): 10 జాతిరత్నాలు(నవీన్‌ పొలిశెట్టి): 8 ఉప్పెన(వైష్ణవ్‌ తేజ్‌):8 కోలీవుడ్‌ కర్ణన్‌(ధనుష్‌): 10 డాక్టర్‌(శివ కార్తికేయన్‌): 9 మాస్టర్‌(విజయ్‌): 7 తలైవి(కంగనా రనౌత్‌): 7 మాలీవుడ్‌ మిన్నల్‌ మురళీ(టోవినో థామస్‌): 10 కురుప్‌(దుల్కర్‌ సల్మాన్‌):8 మాలిక్‌(ఫహద్‌ పాజిల్‌):6 జోజీ(ఫహద్‌ ఫాజిల్‌):6   శాండల్‌వుడ్‌  రాబర్ట్‌(దర్శన్‌):10 గరుడ గమన వృషభ వాహన(రాజ్‌ బి.శెట్టి): 8 యువరత్న(పునీత్‌ రాజ్‌కుమార్‌): 7

అల్లు అర్జున్‌ నటించిన పాన్‌ ఇండియా మూవీ ‘పుష్ప’ విజయంలో దేవీశ్రీ ప్రసాద్‌ అందించిన పాటలు కీలక పాత్ర పోషించాయి. పాన్ ఇండియా మార్కెట్ లో పుష్ప ను గ్రాండ్ గా ఇంట్రడ్యూస్ చేసేందుకు సినిమాకు సూపర్ ఓపెనింగ్స్ ను అందించేందుకు చాలా హెల్ప్ అయ్యాయి. దేశాన్ని మొత్తాన్ని రాక్ స్టార్ బీట్స్ , బన్ని స్టెప్స్ ఊపేశాయి. ఇప్పుడు పుష్ప-2పై పాన్‌ ఇండియా స్థాయిలో భారీ అంచనాలు ఏర్పడ్డాయి. (చదవండి: సీతారామం’ఫస్ట్‌ రివ్యూ: థియేటర్‌ ఎక్స్‌పీరియన్స్‌కు సరైన మూవీ!) దీంతో సుకుమార్‌ మరింత జాగ్రత్తగా స్క్రిప్ట్‌ రెడీ చేసుకుంటున్నాడు. సెప్టెంబర్ నుంచి పుష్ప పార్ట్ 2 సెట్స్ పైకి వెళ్తోంది. అయితే సుకుమార్ కంటే కూడా సీక్వెల్ విషయంలో దేవిశ్రీ ప్రసాద్‌ పైనే ఎక్కువ ప్రెజర్ ఉంది. ఈ సారి రాక్ స్టార్ ఎలాంటి ట్యూన్స్ అందిస్తాడు అనేది ఇంట్రెస్టింగ్ గా మారింది. అందుకు తగ్గట్లే రాక్ స్టార్ అదిరిపోయే ట్యూన్స్ కంపోజ్ చేశాడట. మరోసారి దేవి ట్రాక్స్ సెన్సేషన్ సృష్టించడం ఖాయం అంటోంది చిత్ర యూనిట్‌. కానీ పుష్ప  తర్వాత వచ్చిన సినిమాలకు దేవి అందించిన పాటలేవి అంతగా ఆకట్టుకోలేదు. గుడ్ లక్ సఖి, ఖిలాడి, ఆడవాళ్లు మీకు జోహార్లు, లాంటి చిత్రాలకు రాక్ స్టార్ కంపోజ్ చేసిన సాంగ్స్ సినిమాకు హెల్ప్ కాలేదు. ఎఫ్ 3, ది వారియర్ మూవీస్ కు మాత్రం దేవి ఇచ్చిన పాటలు కొంత ఇంప్రెస్ చేశాయి. ఈ దశలో పుష్ప 2కు దేవి అంచనాలు మించి ట్యూన్స్ అందించగలడా అంటే రాక్ స్టార్ ఎక్స్ పీరియెన్స్ ను తక్కువ అంచనా వేయద్దు అంటున్నారు అతని ఫ్యాన్స్. ఈ సారి ఊ ఆంటావా , శ్రీవల్లి,  సామిసామి మించిన ట్యూన్స్ తో తిరిగొస్తాడని అభిమానులు నమ్మకంగా ఉన్నారు.

సాక్షి, ముంబై: ప్రతీకార రాజకీయాలతో శివ సేనను విచ్ఛిన్నం చేయాలని ప్రయత్నిస్తున్నారని, అందులో భాగంగానే సంజయ్‌ రౌత్‌పై ఈడీ అస్త్రాన్ని ప్రయోగించారని శివ సేన చీఫ్‌ ఉద్ధవ్‌ థాక్రే.. తీవ్ర స్థాయిలో రాజకీయ ప్రత్యర్థులపై విరుచుకుపడ్డారు.  ‘మాకు వ్యతిరేకంగా ఎవరు మాట్లాడితే వాళ్లను తుడిచిపెట్టేస్తాం’ అనే ధోరణితో దర్యాప్తు ఏజెన్సీల ద్వారా ప్రతీకార రాజకీయాలకు పాల్పడుతున్నారు. సంజయ్‌ రౌత్‌ను చూస్తే చాలా గర్వంగా ఉంది. అయినా ఏ దశలోనూ ఎక్కడా వెనక్కి తగ్గలేదు. పుష్ప అనే సినిమాలో ఓ పాపులర్‌ డైలాగ్‌ ఉంది. ఝుకేగా నహీ(తగ్గేదే లే) అని. అది రౌత్‌కు అన్నివిధాల సరిపోతుంది. నిజమైన శివసైనికుడిగా ఆయన వ్యవహరించారు. కొందరిలా ఆయన ఈడీ బూచికి భయపడలేదు. పిరికిపందలా వెన్నుచూపలేదు. ఎక్కడా తగ్గలేదు. బాలా సాహెబ్‌ చూపిన మార్గం ఇదే. రౌత్‌ నిజమైన శివ సైనికుడు అంటూ ఉద్ధవ్‌ థాక్రే ప్రశంసలు గుప్పించారు.  సోమవారం మధ్యాహ్నాం రౌత్‌ కుటుంబ సభ్యులను కలిసి పరామర్శించిన అనంతరం.. ఉద్దవ్‌ థాక్రే పైవ్యాఖ్యలు చేశారు. ఈ క్రమంలో రౌత్‌కుటుంబ సభ్యులు సైతం బీజేపీపై మండిపడ్డారు. బీజేపీపై సంజయ్‌ రౌత్‌ సహేతుక విమర్శలతో విరుచుకుపడుతున్నారని, అందుకే భయపడే ఈడీని ఆయనపై ప్రయోగించిందని బీజేపీపై సంజయ్‌ రౌత్‌ కుటుంబం ధ్వజమెత్తింది. ఇదిలా ఉంటే.. పత్రా చాల్‌ భూకుంభకోణానికి సంబంధించి ఆదివారం సంజయ్‌ రౌత్‌ ఇంటిపై ఈడీ సోదాలు నిర్వహించింది. ఆరేడు గంటలపాటు ఆయన్ని పశ్నించి.. చివరికి అర్ధరాత్రి హైడ్రామా నడుమ అరెస్ట్‌ చేసింది. సోమవారం మనీల్యాండరింగ్‌ ఆరోపణలపై అరెస్టైన సంజయ్‌ రౌత్‌ను.. నాలుగు రోజులపాటు ఈడీ కస్టడీకి అప్పగించింది ముంబై కోర్టు.

‘పుష్ప’ చిత్రంలో ఐకాన్‌ స్టార్‌ అల్లు అర్జున్‌ క్రేజ్‌ అమాంతం పెరిగిపోయింది. ఇప్పుడాయన పాన్‌ ఇండియా స్టార్స్‌ లిస్ట్‌లో చేరాడు. టాలీవుడ్‌లో మాత్రమే కాకుండా.. బాలీవుడ్‌లోనూ బన్నీకి ఫ్యాన్‌ ఫాలోయింగ్‌ పెరిగింది. సినీ ప్రియులంతా పుష్ప 2 కోసం ఎంతో ఆతృతగా ఎదురుచూస్తున్నారు. త్వరలోనే ఈ చిత్రం షూటింట్‌ మొదలు కానుంది. ఇలాంటి తరుణంలో బన్ని న్యూలుక్‌లో దర్శనమిచ్చి అందరికి షాకిచ్చాడు. (చదవండి: సల్మాన్‌తో మెగాస్టార్‌ స్టెప్పులు.. కనువిందు ఖాయం) కొద్దిగా నెరసిన గెడ్డం, నోట్లో సిగరేట్‌, చెవికి పోగు పెట్టి రఫ్‌లో లుక్‌లో కనిపించాడు బన్ని. అయితే ఈ నయా లుక్‌ సినిమా కోసం కాదు. ఓ యాడ్‌ షూటింగ్‌ కోసం బన్ని ఇలా కనిపించాడు. ఇటీవలే త్రివిక్రమ్‌ శ్రీనివాస్‌ దర్శకత్వంలో ఓ యాడ్‌ చిత్రీకరణలో పాల్గొన్న బన్ని..తాజాగా హరీశ్‌ శంకర్‌ డైరెక్షన్‌లో మరో యాడ్‌ చేశాడు. దాని కోసమే బన్ని ఇలా నయా లుక్‌లో కనిపించాడు. ఈ ఫోటోని బన్ని సోషల్‌ మీడియా ద్వారా అభిమానులతో పంచుకోగా.. కొన్ని క్షణాల్లోనే అది నెట్టింట వైరల్‌ అయింది. బన్ని నయా లుక్‌కి ఫ్యాన్స్‌ ఫిదా అయ్యారు. లైకులు, రీట్వీట్లతో సోషల్‌ మీడియాని హోరెత్తిస్తున్నారు. సుకుమార్‌ దర్శకత్వం వహిస్తున్న పుష్ప 2 షూటింగ్‌ త్వరలోనే ప్రారంభం కానుంది. దాదాపు రూ. 400 కోట్ల బడ్జెట్ తో ఈ చిత్రం రూపొందుతుంది. మారేడుమిల్లి అడవుల్లోనే ఎక్కువ భాగం షూటింగ్ షెడ్యూల్స్ ఫిక్స్ చేశాడు సుకుమార్. జనవరితో షూటింగ్ కంప్లీట్ చేసి, మరో నాలుగు నెలలు పోస్ట్ ప్రోడకన్ కు టైమ్ ఇచ్చి, వచ్చే వేసవి లో పుష్పరాజ్ గ్రాండ్ రీఎంట్రీకి ప్లాన్ చేస్తున్నారు. 🖤 pic.twitter.com/wm1GuLLmsA — Allu Arjun (@alluarjun) July 29, 2022

గురుశిష్యులిద్దరూ స్టార్‌ హీరోల సినిమాలు పట్టాలెక్కించే పనిలో బిజీగా ఉన్నారు. సుకుమార్‌ పుష్ప 2 స్క్రిప్ట్‌ మీద, బుచ్చిబాబు ఎన్టీఆర్‌ మూవీ స్క్రిప్ట్‌ మీద కసరత్తు చేస్తున్నారు. ఈ క్రమంలో వీరు కలిసి చర్చిస్తున్న ఫొటోలు కొన్ని సోషల్‌ మీడియాలో ప్రత్యక్షమయ్యాయి. దీంతో పుష్ప 2 కోసం సుకుమార్‌ బుచ్చిబాబు సలహాలు తీసుకుంటున్నాడంటూ పుకార్లు షికార్లు చేశాయి. తాజాగా ఈ రూమర్స్‌పై బుచ్చిబాబు స్పందించాడు. 'తన గురువుతో కలిసి దిగిన ఫొటో షేర్‌ చేస్తూ.. ఈ ఫొటో నేను తర్వాత చేయబోయే నా సినిమా కథ గురించి చర్చిస్తున్న సందర్భంలోది. మా గురువుగారు సుకుమార్‌ సర్‌ నా కోసం, నా సినిమా కథ కోసం సాయం చేయడానికి వచ్చారు. సుకుమార్‌ సర్‌ సినిమా కథలో కూర్చుని చర్చించేంత స్థాయి నాకు లేదు, రాదు. ఆయన నుంచి నేర్చుకోవడమే తప్ప ఆయనకు ఇచ్చేంత లేదు' అని క్లారిటీ ఇచ్చాడు. ఇక పుష్ప సీక్వెల్‌ విషయానికి వస్తే ఈ చిత్రాన్ని ఆగస్టులో మొదలుపెట్టాలని భావించారు. కానీ నిర్మాతల మండలి ఆగస్టు 1 నుంచి షూటింగ్స్‌ బంద్‌ అని పేర్కొనడంతో చిత్రీకరణ మరింత ఆలస్యమయ్యే అవకాశముంది. ఈ photo నేను తరువాత చేయబోయే నాసినిమాకథ Discussion సందర్భంలోది మాగురువుగారు@aryasukku సుకుమార్ Sir నా కోసం నా సినిమా కథ కోసం Help చేయడానికి వచ్చారు. సుకుమార్ Sir సినిమా కథలో కూర్చుని Discussion చేసేంత స్థాయి నాకు లేదు రాదు.ఆయన నుంచి నేర్చుకోవడం తీసుకోవడమే తప్ప , ఆయనకి ఇచ్చేంత లేదు pic.twitter.com/KN7qmbLg6X — BuchiBabuSana (@BuchiBabuSana) July 28, 2022 చదవండి: చైతూతో కలిసి ఉన్న ఇంటినే ఎక్కువ రేటుకు కొనుక్కున్న సామ్‌ విజయ్‌ పాడిన ‘లైగర్‌’ యాటిట్యూడ్ సాంగ్‌ విన్నారా? చిత‌క్కొట్టేశాడుగా..

తమిళ చిత్రం సుల్తాన్‌లో కార్తీతో జోడీ కట్టనుంది పుష్ప బ్యూటీ రష్మిక. తెలుగు, తమిళ భాషల్లో బ్లాక్‌బస్టర్‌ హిట్‌ అందుకున్న పుష్ప చిత్రంలో నటించి రష్మిక మందన్నా అతి తక్కువ సమయంలోనే స్టార్‌ హీరోయిన్‌ అయిపోయింది. ఎక్కడకు వెళ్లిన తన క్యూట్‌ స్మైల్‌తో అభిమానులను ఫిదా చేస్తోంది. ప్రస్తుతం విజయ్‌ సరసన శ్రీవల్లి అనే చిత్రంలో నటిస్తోంది ఈ అమ్మడు. మరోపక్క హిందీ సినిమాల్లోనూ నటిస్తూ బిజీగా గడుపుతోంది. ఈ సందర్భంగా రష్మిక మాట్లాడుతూ ‘విజయ్‌ సరసన నటించాలనేది నా కలల్లో ఒకటి. అది కూడా పూర్తయిందని ఓ ఇంటర్య్వూలో చెప్పింది. నటీనటులు తమ సినిమాలు బాగా ఆడాలని కోరుకోవడం సహజం. కానీ సినిమా ఇండస్ట్రీకి వచ్చాక అన్ని భాషల్లో విడుదలయ్యే సినిమాల్లో నటించి ఇండియన్‌ హీరోయిన్‌గా గుర్తింపు తెచ్చుకోవాలని అనుకుంటోందట రష్మిక. అది ‘పుష్ప’ చిత్రంతో తన కోరిక తీరిందని, ఇప్పుడు హిందీ చిత్రం గుడ్‌ బై చిత్ర షూటింగ్‌ సమయంలో అమితాబ్‌ బచ్చన్‌తో కలిసి పుట్టినరోజు జరుపుకున్నానని,  ఇంతకంటే ఇంకేం కావాలి చెప్పండి అంటోంది ఈ అమ్మడు. 

టాలీవుడ్‌లో షూటింగ్‌లు బంద్‌ కానున్నాయంటూ కొన్నిరోజులుగా ఊరిస్తున్న ఊహాగానాలు నిజమే అయ్యాయి. ఆగస్టు 1 నుంచి సినిమా షూటింగ్స్‌కు బ్రేక్‌ పడనుంది. దీంతో పెద్ద సినిమాలన్నీ వాయిదా పడే అవకాశం ఉంది. అటు ఓటీటీ రిలీజ్‌పైనా కఠిన నిర్ణయాలు తీసుకుంది ప్రొడ్యూసర్స్‌ గిల్డ్‌. భారీ బడ్జెట్‌ సినిమాలు థియేటర్‌లో రిలీజైన 10 వారాల తర్వాత ఓటీటీలో విడుదల చేయాలని తేల్చి చెప్పింది. మామూలు బడ్జెట్‌తో తీసిన సినిమాలను నాలుగు వారాల తర్వాత ఓటీటీలో స్ట్రీమింగ్‌ చేసుకోవచ్చని సూచించింది. అలాగే ఆరు కోట్ల లోపు బడ్జెట్‌తో తెరకెక్కిన సినిమాల ఓటీటీ రిలీజ్‌ అంశంపై ఫెడరేషన్‌తో చర్చించాకే ఓ నిర్ణయం తీసుకుంటామంది. షూటింగ్స్‌ బంద్‌తో ఎఫెక్ట్‌ అయ్యే పెద్ద సినిమాలివే.. ► బాబీ - చిరంజీవి సినిమా ► గాడ్‌ ఫాదర్‌ ► మెహర్‌ రమేశ్‌- చిరంజీవి ► గోపీచంద్‌ మలినేని- బాలకృష్ణ (NBK107) ► హరిహర వీరమల్లు ► శంకర్‌- రామ్‌చరణ్‌ (RC15) ► వంశీ పైడిపల్లి- విజయ్‌ ► ఖుషీ ► యశోద ► ఏజెంట్‌ ఇవి కాకుండా పుష్ప2, భవదీయుడు భగత్‌ సింగ్‌, త్రివిక్రమ్‌- మహేశ్‌ కాంబినేషన్‌లో ఓ మూవీ, కొరటాల శివ- తారక్‌ కాంబినేషన్‌లోని భారీ చిత్రాలు సెట్స్‌కు వెళ్లేందుకు రెడీ అవుతుండగా తాజా నిర్ణయంతో వాటికి ఆదిలోనే ఆటంకం ఏర్పడినట్లయింది. చదవండి: ఆగస్టు 1 నుంచి సినిమా షూటింగ్స్‌ బంద్‌!

పుష్ప స్వాగ్‌ ఇంకా తగ్గలేదు. పుష్ప డైలాగ్స్‌, సాంగ్స్‌, మేనరిజమ్‌ తరచూ వినిపిస్తూ, కనిపిస్తూనే ఉన్నాయి. ఇదే సమయంలో పుష్ప 2లో ఇతర స్టార్స్‌ నటించబోతున్నారంటూ వార్తలు ఊరిస్తున్నాయి. ఫ్యామిలీ మ్యాన్‌ నటుడు మనోజ్‌ భాజ్‌పాయ్‌ కూడా పుష్ప: ది రూల్‌లో భాగం కానున్నాడంటూ ఊహాగానాలు ఊపందుకున్న విషయం తెలిసిందే! తాజాగా ఈ రూమర్స్‌పై మనోజ్‌ స్పందించాడు. మీకిలాంటి వార్తలు ఎవరు చెప్తార్రా నాయనా? అంటూ ఆ వార్తల్లో ఎటువంటి నిజం లేదని తేల్చేశాడు. దీంతో మనోజ్‌ పుష్ప సీక్వెల్‌లో భాగం కాలేదని స్పష్టమైంది. ఇక మనోజ్‌ భాజ్‌పాయ్‌ విషయానికి వస్తే అతడు చివరగా సైలెన్స్‌.. కెన్‌ యు హియర్‌ ఇట్‌, డయల్‌ 100 సినిమాల్లో నటించాడు. ప్రస్తుతం అతడి చేతిలో గుల్‌మొహర్‌ సినిమా, సూప్‌, ఫ్యామిలీ మ్యాన్‌ 3 వెబ్‌ సిరీస్‌ ఉన్నాయి. कहाँ कहाँ से समाचार लातें हैं आप लोग ? 😂😂 https://t.co/O6RBDwMUAK — manoj bajpayee (@BajpayeeManoj) July 20, 2022 చదవండి: రూ.1000 కోట్లు చాలా మామూలు విషయం అంటున్న హీరో ప్రాణాంతక వ్యాధి బారిన హీరోయిన్‌, 2 సార్లు చావు అంచుల వరకు..

అల్లు అర్జున్‌- సుకుమార్‌ కాంబినేషన్‌లో వచ్చిన 'పుష్ప' సినిమా బ్లాక్‌ బస్టర్‌ విజయాన్ని సొంతం చేసుకున్న సంగతి తెలిసిందే. పాన్‌ ఇండియా లెవల్‌లో ఈ సినిమా సెన్సేషన్‌ క్రియేట్‌ చేసింది. దీంతో పుష్ప-2పై భారీ అంచనాలు నెలకొన్నాయి. ఈ సినిమా కోసం ప్రేక్షకులు ఆసక్తిగా ఎదురుచూస్తున్నారు. అయితే తాజాగా ఈ సినిమాకు సంబంధించి ఓ ఇంట్రెస్టింగ్‌ న్యూస్‌ నెట్టింట చక్కర్లు కొడుతుంది. పుష్ప-2లో బాలీవుడ్‌ విలక్షణ నటుడు, ఫ్యామిలీ మ్యాన్‌ ఫేం మనోజ్‌ భాజ్‌పాయి నటించనున్నట్లు టాక్‌ వినిపిస్తుంది. ఇప్పటికే సుకుమార్‌ ఆయనకు స్క్రిప్ట్‌ వినిపించగా, వెంటనే గ్రీన్‌ సిగ్నల్‌ ఇచ్చినట్లు తెలుస్తోంది. మరి ఇందులో ఎంత వరకు నిజం ఉందన్నది త్వరలోనే తెలియనుంది. ఇక గతంలో అల్లు అర్జున్‌-మనోజ్‌ భాజ్‌పాయి కలిసి హ్యాపీ సినిమాలో నటించిన సంగతి తెలిసిందే. మళ్లీ ఇన్నాళ్లకు ఒకే స్క్రీన్‌పై వీరు కనిపించనున్నట్లు సమాచారం. 

పుష్ప సినిమా మరో అరుదైన రికార్డు అందుకుంది. ఇప్పటికే పుష్ప మేనరిజమ్స్ ఏ స్థాయిలో పాపులర్ అయ్యాయో ప్రత్యేకంగా చెప్పనక్కర్లేదు. అలాగే పాటలు కూడా అదే స్థాయిలో సంచలనాలు సృష్టించాయి. తాజాగా పుష్ప మ్యూజిక్ ఆల్బమ్ ఏకంగా 5 బిలియన్ వ్యూస్ సాధించింది. అంటే అక్షరాలా 500 కోట్ల వ్యూస్ అన్నమాట. ఇండియన్ సినిమాలో ఈ ఘనత సాధించిన మొదటి హీరో ఐకాన్ స్టార్ అల్లు అర్జున్. దేవీ శ్రీ ప్రసాద్ సంగీతం అందిచిన పుష్ప ఆల్బమ్ అన్నిచోట్లా అద్భుతాలు చేసింది. దాక్కో దాక్కో మేక, ఏయ్ బిడ్డా, ఊ అంటావా ఉఊ అంటావా పాటలకు ప్రపంచ వ్యాప్తంగా చాలా క్రేజ్ వచ్చింది. అలాగే సోషల్ మీడియా రీల్స్‌లో శ్రీవల్లి స్టెప్ సృష్టించిన రికార్డుల గురించి ఎంత చెప్పుకున్నా తక్కువే! ప్రతీ పాటను ఆడియన్స్ అద్భుతంగా రిసీవ్ చేసుకున్నారు కాబట్టే ఇండియాలో మరే సినిమాకు సాధ్యం కాని రీతిలో 500 కోట్ల వ్యూస్ సాధించింది పుష్ప మ్యూజిక్ ఆల్బమ్. దీనికి ముందు అల వైకుంఠపురములో సినిమా కూడా మ్యూజికల్‌గా సంచలనాలు సృష్టించింది. పుష్ప అదే కంటిన్యూ చేసింది. పుష్ప తనకు మైల్ స్టోన్ మూవీ అవుతుందని ముందు నుంచి చెప్తూనే ఉన్నారు అల్లు అర్జున్. అలా ఆయన చెప్పిన ప్రతీ అంచనా నిజమైపోతుందిప్పుడు. ఈ మధ్యే బాలీవుడ్ దిగ్గజ దర్శకుడు రాజ్ కుమార్ హిరాణి పంపిన మెసేజ్ వైరల్ అయ్యింది. ప్రతీ సీన్ అద్భుతంగా ఉందని.. అలాటి సినిమా అసలు ఎలా తీసారో కూడా అంతుచిక్కడం లేదంటూ సుకుమార్‌ను ఆకాశానికి ఎత్తేసారు రాజ్ కుమార్ హిరాణి. సినిమాకు మొదటి రోజు డివైడ్ టాక్ వచ్చినపుడు కూడా ఫలితంపై నమ్మకంగానే ఉన్నారు బన్నీ. కచ్చితంగా ఈ సినిమా సంచలన విజయం సాధిస్తుందని చెప్పారు. ఆయన చెప్పినట్లుగానే పుష్ప ఏకంగా రూ.350 కోట్లు వసూలు చేసింది. నేషనల్, ఇంటర్నేషనల్ స్టార్స్ కూడా పుష్ప తరహాలో తగ్గేదే లే అన్నారు.. ఇంకా అంటూనే ఉన్నారు. అటు రాజకీయ నాయకులు సైతం పుష్ప మేనరిజమ్స్ వాడుతూనే ఉన్నారు. చదవండి: ప్రముఖ నటి కుమార్తెపై ట్రోలింగ్‌.. హీరోయిన్‌ స్ట్రాంగ్ రిప్లై 2022లో వచ్చిన టాప్‌ 10 సినిమాల లిస్ట్‌ ఇదిగో!

Trolls On Allu Arjun New Look: ఐకాన్‌ స్టార్‌ అల్లు అర్జున్‌కు సౌత్‌లో విపరితమైన క్రేజ్‌ ఉంది.  ఆయన స్టైల్‌కు, మ్యానరిజంకు ఫ్యాన్స్‌ ఫిదా అవుతుంటారు. తరచూ కొత్త లుక్‌తో బన్నీ అభిమానులను అలరిస్తుంటాడు. తెలుగులోనే కాదు తమిళ, కన్నడ, మలయాళంలో సైతం బన్నీకి వీపరీతమైన ఫ్యాన్‌ ఫాలోయింగ్‌ ఉంది. తాజాగా పుష్ప మూవీతో నార్త్‌లో సైతం మంచి ఫాలోయింగ్‌ను సంపాదించుకున్నాడు బన్నీ. ఈ సినిమాలో పుష్పరాజ్‌గా అతడు సంపాదించుకున్న క్రేజ్‌అంతా ఇంత కాదు. చదవండి: తల్లి కాబోతున్న ఆలియా.. నీతూ కపూర్‌ రియాక్షన్‌ చూశారా! తగ్గేదే లే అనే డైలాగ్‌తో అల్లు అర్జున్‌ ప్రతి ఒక్కరిని ఆకట్టుకున్నాడు. అందుకే పుష్ప డైలాగ్స్‌ను కేవలం దేశంలోనే కాదు విదేశాల్లో సైతం ఫాలోయ్యారు. ఈ నేపథ్యంలో సోషల్‌ మీడియాలో ఎక్కడ చూసిన పుష్ప మానియానే కనిపించింది. ఇక శ్రీవల్లి పాటలో అల్లు అర్జున్‌ హుక్‌ స్టెప్‌ను ప్రతి ఒక్కరు అనుసరించారు. అంతలా పుష్ప మూవీలో తన లుక్‌, ఆటిట్యూడ్‌తో ఆకట్టుకున్న బన్నీ తాజా లుక్‌పై నార్త్‌ నెటిజన్లు దారుణంగా ట్రోల్‌ చేస్తున్నారు. అల్లు అర్జున్‌ ప్రస్తుతం పుష్ప: ది రూల్‌ మూవీ షూటింగ్‌తో బిజీగా ఉన్నాడు. హైదరాబాద్‌తో పాటు భారత్‌లోని పలు లోకేషన్లో పుష్ప పార్ట్‌ 2 షూటింగ్‌ను జరుపుకుంటుంది. ఇటీవల హైదరాబాద్‌ ఈ మూవీ షూటింగ్‌ను జరుపుకోగా ఇందుకు సంబంధించిన బన్నీ లుక్‌ లీకైంది. మానవ్‌ మంగ్లాని అనే బాలీవుడ్‌ ఫొట్రోగాఫర్‌ పుష్ప 2కు సంబంధించిన అల్లు అర్జున్‌ లుక్‌ను తన ఇన్‌స్టాగ్రామ్‌లో షేర్ చేశాడు. ఇందులో బన్నీ కాస్తా బొద్దుగా.. గుండ్రాలు తిరిగిన హేర్‌ స్టైల్‌తో దర్శనం ఇచ్చాడు. ఇక లావుగా తయారైన బన్నీ లుక్‌పై నార్త్‌ నెటిజన్లు రకరకాలుగా కామెంట్స్‌ చేస్తున్నారు. ‘‘ వడా పావ్’ అంటూ ఓ నెటిజన్‌ కామెంట్‌ చేయగా.. లావెక్కాడు. క్రికెటర్‌ మలింగా లా ఉన్నాడు’, ‘ఓ మై గాడ్‌ స్టైలిష్‌ స్టార్‌కు ఏమైంది ఇలా తయారయ్యాడు, ఈయన నిజంగానే అ‍ల్లు అర్జున్‌? బాబోయ్‌ చాలా బరువెక్కాడు’’ అంటూ కొందరూ కామెంట్స్‌ చేస్తున్నారు. చదవండి: అందులో దక్షిణాది నుంచి అల్లు అర్జున్‌, కాజల్‌ టాప్‌ ఇక మరికొందరు నెటిజన్లు బన్నీ వస్తున్న ట్రోల్స్‌ను ఖండిస్తూ ‘పుష్ప: ది రూల్‌ కోసం ఆయన కాస్తా లావుగా తయారవ్వాల్సి ఉంది. అందుకే ఆయన బరువెక్కారు’ అంటూ వివరణ ఇస్తున్నారు. మొత్తానికి పుష్ప 2లో బన్నీ కాస్తా బోద్దుగా కనిపించనున్నాడని తెలుస్తోంది. ఇదిలా ఉంటే పుష్ప 2లో శ్రీవల్లి పాత్ర(రష్మిక మందన్నా) చనిపోతుందంటూ కొద్ది రోజులుగా సోషల్‌ మీడియాలో జోరుగా ప్రచారం జరుగుతున్న సంగతి తెలిసిందే. ఈ రూమర్స్‌లోపై నిర్మాత వై. రవిశంకర్‌ క్లారిటీ ఇచ్చాడు. ఓ చానల్‌తో ముచ్చటించిన ఆయన శ్రీవల్లి పాత్రపై వస్తున్న వార్తల్లో నిజం లేదని, ఇప్పటి వరకు పూర్తి కథ తామే వినలేదని, ఇవన్ని వట్టి పుకార్లలేనిన కొట్టిపారేశాడు.  View this post on Instagram A post shared by Manav Manglani (@manav.manglani)

సౌత్‌లో స్టార్‌ హీరోయిన్‌గా పేరు తెచ్చుకుంది సమంత. ఆమెకున్న ఫ్యాన్ ఫాలోయింగ్ గురించి ప్రత్యేకంగా చెప్పాల్సిన అవసరం లేదు. 'ది ఫ్యామిలీ మేన్ 2'తో బాలీవుడ్‌లోనూ అభిమానులను సంపాదించుకుంది సామ్. అంతేకాకుండా 'పుష్ప' చిత్రంలో చేసిన 'ఊ అంటావా మావా' స్పెషల్‌ సాంగ్‌తో అనేక మంది చేత 'ఊ' కొట్టేలా చేసింది. ఈ పాటలో తన డ్యాన్స్, ఎక్స్‌ప్రెషన్స్‌తో ప్రతి ఒక్కరిని ఫిదా చేసింది. అయితే తాజాగా బాలీవుడ్‌ కండల వీరుడు సల్మాన్‌ ఖాన్‌ ఈ పాటను తనదైన స్టైల్‌లో ప్రస్తావించాడు. దీనికి సంబంధించిన వీడియో ప్రస్తుతం నెట్టింట చక్కర్లు కొడుతోంది.  ఇటీవల జరిగిన ఓ ఈవెంట్‌లో సల్మాన్‌ ఖాన్‌ పాల్గొన్నాడు. ఇందులో భాగంగా 'సల్మాన్‌ ఖాన్‌ను ఇన్‌స్పైర్‌ (ప్రభావితం) చేసిన సినిమా గానీ, పాట గానీ ఏదైనా ఉందా ?' అని సల్లూ భాయిని యాంకర్‌ ప్రశ్నించింది. దీనికి సమాధానంగా సల్మాన్‌ 'ఊ అంటావా మావా' అని హమ్‌ చేశాడు. ఈ వీడియోను సల్మాన్‌ ఖాన్‌ ఫ్యాన్‌ ట్విటర్‌లో షేర్‌ చేశాడు. ఈ ట్వీట్‌ను సామ్‌ రీట్వీట్‌ను చేస్తూ ఎరుపు రంగులో ఉన్న హార్ట్‌ ఎమోజీస్‌తో పంచుకుంది. కాగా సమంత ప్రస్తుతం చేతినిండా సినిమాలతో ఫుల్‌ బిజీగా ఉంది. యశోద, శాకుంతలం, ఖుషితోపాటు పలు బాలీవుడ్‌, హాలీవుడ్‌ ప్రాజెక్ట్‌లలో సామ్‌ నటిస్తున్న విషయం తెలిసిందే.  చదవండి: చై-సామ్‌ బాటలో మరో టాలీవుడ్‌ జంట?   ♥️♥️♥️ https://t.co/UzkF0PVspl — Samantha (@Samanthaprabhu2) June 26, 2022 చదవండి: హీరోను దుమ్మెత్తిపోసిన నెటిజన్లు.. సైలెంట్‌గా ఉండమని కామెంట్లు.. 'నువ్వే కావాలి' నటుడికి నిర్మాత బెదిరింపులు.. పోలీసులకు ఫిర్యాదు

స్టైలిష్‌ స్టార్‌ అల్లు అర్జున్‌, క్రియేటివ్‌ డైరెక్టర్‌ సుకుమార్‌ కాంబినేషన్‌లో వచ్చిన పుష్ప మూవీ క్రియేట్‌ చేసిన సెన్సేషన్‌ అంతా ఇంతా కాదు. పాన్‌ వరల్డ్‌ స్థాయిలో పుష్పరాజ్‌ వైరల్‌ అయ్యాడు. డైలాగ్స్‌, సాంగ్స్‌, స్టెప్పులు..ఇలా ప్రతీదీ ట్రెండ్‌ అయ్యాయి. ముఖ్యంగా ‘తగ్గేదేలే’అనే డైలాగ్‌ గురించి ప్రత్యేకంగా చెప్పనక్కర్లేదు. ఈ ఒక్క డైలాగ్‌కు ప్రపంచంలోని సినీ ప్రియులంతా ఫిదా అయ్యారు. అంతేకాకుండా ఇందులో శ్రీవల్లిగా నెషనల్‌ క్రష్‌ రష్మిక మందన్నా అదరగొట్టింది. రష్మిక, బన్నీల మధ్య వచ్చే సీన్లు, కెమిస్ట్రీ సినిమాకు బాగా వర్కౌట్ అయింది. కాగా 'పుష్ప'కు సీక్వెల్‌గా 'పుష్ప: ది రూల్‌' వస్తున్న విషయం తెలిసిందే.  మొదటి పార్ట్‌లో అలరించిన శ్రీవల్లి పాత్ర సెకండ్ పార్ట్‌లో చనిపోతుందన్న వార్తలు గత కొద్దిరోజులుగా తెగ షికార్లు చేస్తున్నాయి. ఈ వార్తలపై నిర్మాత వై. రవి శంకర్ తాజాగా క్లారిటీ ఇచ్చారు. 'అదంతా చెత్త. నాన్సెన్స్‌. నిజానికి పుష్ప 2 కథేంటో మాకే సరిగ్గా తెలియదు. అవన్నీ వట్టి ఊహాగానాలు మాత్రమే. అందులో ఎలాంటి నిజం లేదు. ఒక్కో సమయంలో పలు వెబ్‌సైట్‌లు, టీవీ ఛానెల్స్‌ సినిమాలపై ఇలానే రాస్తాయి. కానీ వాటి గురించి వారికి ఏం తెలియదు. కాబట్టి దాన్ని నమ్ముతారు' అని వై రవి శంకర్‌ పేర్కొన్నారు. కాగా పుష్ప 2 సినిమా షూటింగ్‌ ఆగస్టులో ప్రారంభం కానుంది. ఆలాగే డిసెంబర్‌లో విడుదల చేసేందుకు మేకర్స్ ప్లాన్ చేస్తున్నారు. ఈ సినిమా బడ్జెట్ సుమారు రూ. 400 కోట్లు అని సమాచారం.  చదవండి: కమెడియన్‌ లైంగిక వేధింపులు.. 50 ఏళ్ల తర్వాత తీర్పు.. శరద్‌ పవార్‌పై అనుచిత వ్యాఖ్యలు చేసిన నటికి బెయిల్‌..

అడవిలో వేటకు దిగారు హీరోలు.. ఒకరి వేట అక్రమార్కులను అంతం చేయడం కోసం.. ఒకరి వేట స్మగ్లింగ్‌ చేయడం కోసం.. ఎవరి వేట ఏదైనా అంతిమంగా బాక్సాఫీస్‌ వసూళ్ల వేట కోసమే. కొందరు తెలుగు హీరోలు, దర్శకులు అడవి బాట పట్టారు. అడవి నేపథ్యంలో కథలను వెండితెరపైకి తీసుకువస్తున్నారు. ఈ మధ్య ‘అడవి’ సినిమాలు కొన్ని వచ్చాయి. ఇక రానున్న ఫారెస్ట్‌ బ్యాక్‌డ్రాప్‌ చిత్రాల గురించి తెలుసుకుందాం.  హీరో అల్లు అర్జున్‌– దర్శకుడు సుకుమార్‌ కాంబినేషన్‌లో రూపొందిన ‘ఆర్య’, ‘ఆర్య 2’ చిత్రాలు లవ్‌స్టోరీగా ప్రేక్షకులను మెప్పించాయి. ఈ ఇద్దరి కాంబినేషన్‌లో వచ్చిన మూడో చిత్రం ‘పుష్ప’ ఫుల్‌ మాస్‌ ఎంటర్‌టైనర్‌. కంప్లీట్‌ ఫారెస్ట్‌ బ్యాక్‌డ్రాప్‌ స్టోరీ అని తెలిసిందే. గత ఏడాది డిసెంబరులో విడుదలైన ‘పుష్ప’ ఫస్ట్‌ పార్ట్‌ ‘పుష్ప: ది రైజ్‌’ ఎంతటి ఘనవిజయం సాధించిందో ప్రత్యేకంగా చెప్పక్కర్లేదు. ఈ చిత్రంలో పుష్పరాజ్‌గా అల్లు అర్జున్‌ రెచ్చిపోయి నటించారు. ‘పుష్ప: ది రైజ్‌’ ఇచ్చిన విజయంతో మరింత జోష్‌తో ‘పుష్ప’లో రెండో భాగమైన ‘పుష్ప: ది రూల్‌’పై ఫోకస్‌ పెట్టారు అల్లు అర్జున్, సుకుమార్‌.  ‘పుష్ప: ది రైజ్‌’ అడవి బ్యాక్‌డ్రాప్‌లో సాగినట్లే ‘పుష్ప: ది రూల్‌’ కూడా అడవి బ్యాక్‌డ్రాపే. ఈ ఏడాది ఆగస్టులో షూటింగ్‌ ప్రారంభం కానుందని తెలిసింది. ఇక ‘విరాటపర్వం’ కోసం వెండితెర విప్లవకారుడు రవన్న అవతారం ఎత్తారు హీరో రానా. సాయిపల్లవి హీరోయిన్‌గా నటించిన ఈ సినిమాకు వేణు ఊడుగుల దర్శకుడు. 1990 నాటి పరిస్థితుల ఆధారంగా నక్సలిజం నేపథ్యంలో రూపొందిన ఈ చిత్రం ఎక్కువ శాతం షూటింగ్‌ అడవిలోనే జరిగింది. ప్రియమణి, నందితాదాస్, నవీన్‌చంద్ర, జరీనా వాహబ్‌ ప్రధాన పాత్రల్లో నటించిన ఈ చిత్రం ఈ నెల 17న రిలీజ్‌ కానుంది. మరోవైపు ఇటీవలి కాలంలో మారేడుమిల్లి ఫారెస్ట్‌లోనే ఎక్కువ టైమ్‌ స్పెండ్‌ చేశారట ‘అల్లరి’ నరేశ్‌. ఎందుకంటే... ‘ఇట్లు మారేడుమిల్లి ప్రజానీకం’ సినిమా కోసం. అడవిలో నివాసం ఉండే ఓ ఆదివాసీ  తెగ సమస్యలను పరిష్కరించే వ్యక్తి పాత్రలో నటిస్తున్నారు ‘అల్లరి’ నరేశ్‌. ఈ సినిమా కథనం కూడా అడవి నేపథ్యంలోనే ఉంటుంది. ఈ చిత్రానికి ఏఆర్‌ మోహన్‌ దర్శకత్వం వహిస్తున్నారు. మరోవైపు ‘సింబా’ చిత్రం కోసం ఫారెస్ట్‌మేన్‌గా మారిపోయారు జగపతిబాబు. దర్శకుడు సంపత్‌ నంది కథ అందిచడంతో పాటు ఓ నిర్మాతగా ఉన్న ఈ సినిమాకు మురళీ మోహన్‌ రెడ్డి దర్శకుడు. ఈ చిత్రంలో ప్రకృతి ప్రేమికుడి పాత్రలో కనిపిస్తారు జగపతిబాబు. పర్యావరణ అంశాల నేపథ్యంలో సినిమా కాబట్టి ‘సింబా’ మేజర్‌  షూటింగ్‌ అడవి బ్యాక్‌ డ్రాప్‌లో ఉంటుందనుకోవచ్చు. అలాగే దివంగత నటుడు హరనాథ్‌ మనవడు విరాట్‌రాజ్‌ ‘సీతామనోహర శ్రీరాఘవ’ చిత్రంతో హీరోగా పరిచయం అవుతున్న సంగతి తెలిసిందే. ఈ సినిమా అడవి బ్యాక్‌డ్రాప్‌లోనే సాగుతుంది. ఇక ఈ ఏడాది  రిలీజైన ‘భీమ్లా నాయక్‌’, ‘ఆర్‌ఆర్‌ఆర్‌’, ‘ఆచార్య’, చిత్రాలు కూడా అడవి నేపథ్యంతో కూడుకున్నవే. రాబోయే రోజుల్లో మరికొన్ని అడవి కథలు వెండితెర పైకి రానున్నాయి.    అడవి బాటలోనే మహేశ్‌-రాజమౌళి సినిమా కూడా: హీరో మహేశ్‌బాబు–దర్శకుడు రాజమౌళి కాంబినేషన్‌లో ఓ భారీ సినిమా రూపుదిద్దుకోనున్న సంగతి తెలిసిందే. ఆఫ్రికన్‌ అడవుల నేపథ్యంలో ఈ సినిమా ఉంటుందనే వార్తలు వస్తున్నాయి. ఈ సినిమాకు కథ అందిస్తున్న రచయిత విజయేంద్రప్రసాద్‌ సైతం మహేశ్‌ సినిమా ఫారెస్ట్‌ బ్యాక్‌డ్రాప్‌లోనే ఉంటుందని పేర్కొన్నారు.  

పుష్ప సినిమా సమంత వల్లే హిట్‌ అయ్యింది ప్రముఖ నటుడు, సీనియర్‌ హీరో భానుచందర్‌ అన్నాడు. ఇటీవల ఓ యూట్యూబ్‌లో చానల్‌తో ముచ్చటించిన ఆయన పలు ఆసక్తికర వ్యాఖ్యలు చేశాడు. బాలీవుడ్‌ను టాలీవుడ్‌ ఓవర్‌ చేస్తుందని అందరు అంటున్నారు దీనిపై మీ అభిప్రాయం ఏంటని యాంకర్‌ అడగ్గా.. ఆయన అవును అన్నారు. ‘ఇటీవల కాలంలో వచ్చిన ఎన్నో సౌత్‌ సినిమాలు ఎంత పెద్ద హిట్‌ అయ్యాయో తెలిసిందే. చదవండి: రాత్రి 11 గంటలు, కానిస్టేబుల్‌ వల్ల అభద్రతకు గురయ్యా: హీరోయిన్‌ అంతేందుకు ఇటీవల రిలీజ్‌ అయిన పుష్ప మూవీ ఎంతటి విజయం సాధించిందో చూశాం కదా. ముఖ్యంగా ఈ సినిమా ఆ ఒక్క పాట వల్లే పెద్ద హిట్‌ అయ్యింది. అదే ఊ అంటావా మావ.. ఊఊ ఉంటావా సాంగ్‌. సమంత నటించిన ఈ పాట తమిళం, మాళయాళంలో కూడా మారుమోగింది’ అన్నారు. అనంతరం ఆయన ఎలాంటి వారైనా ఆరోగ్యాన్ని కాపాడుకోవాలన్నారు. ఎంతపెద్ద సెలబ్రెటీలు అయినా, వారి ఎంతటి పేరు ప్రతిష్టలు ఉన్నా అవి మనల్ని కాపాడలేవన్నారు. ఎంత డబ్బు సంపాదించినా ఆరోగ్యం జాగ్రత్తగా ఉంచుకోవడం ముఖ్యమని ఆయన సూచించారు. 

స్టైలీష్‌ స్టార్‌ అల్లు అర్జున్‌, క్రియేటివ్‌ డైరెక్టర్‌ సుకుమార్‌ కాంబినేషన్‌లో వచ్చిన పుష్ప మూవీ క్రియేట్‌ చేసిన సెన్సేషన్‌ అంతా ఇంతా కాదు. పాన్‌ వరల్డ్‌ స్థాయిలో పుష్పరాజ్‌ వైరల్‌ అయ్యాడు. డైలాగ్స్‌, సాంగ్స్‌, స్టెప్పులు..ఇలా ప్రతీదీ ట్రెండ్‌ అయ్యాయి. ముఖ్యంగా ‘తగ్గేదేలే’అనే డైలాగ్‌ గురించి ప్రత్యేకంగా చెప్పనక్కర్లేదు. ఈ ఒక్క డైలాగ్‌కు ప్రపంచంలోని సినీ ప్రియులంతా ఫిదా అయ్యారు. ఈ రేంజ్ క్రేజ్ ఉన్న పుష్పకు పార్ట్ 2 అంటే  ఎలా ఉండాలి? అందుకే లేట్ గా వచ్చిన లేటేస్ట్ గా వస్తామంటున్నాడు సుకుమార్. పుష్పతో ట్రెండ్‌ చేసిన సుక్కు.. పార్ట్‌ 2కు మాత్రం పాన్‌ ఇండియా ట్రెండ్‌ని ఫాలో కావాలనుకుంటున్నాడట. గతంలో వచ్చిన బాహుబలి, రీసెంట్‌గా విడుదలైన కేజీయఫ్‌-2లో హీరో వర్సెస్‌ విలన్‌ వార్‌ని నెక్ట్స్‌  లెవల్‌లో చూపించారు. అందుకే ఈ రెండు సీక్వెల్‌ చిత్రాలు సూపర్‌ హిట్‌ అయ్యాయి. (చదవండి: 12 రోజులు..రూ.200 కోట్లు.. ‘సర్కారు వారి పాట’ రికార్డు) ఇప్పుడు ఇదే ట్రెండ్ ను పుష్ప రాజ్  కూడా ఫాలో అవుతాడని చెబుతున్నాడు సుకుమార్. సెకండ్ పార్ట్ లో అల్లు అర్జున్ ,ఫాహద్ ఫాజిల్ మధ్య గేమ్ సీన్‌ సినిమాకు హైలైట్ గా నిలువనుందని క్లారిటీ ఇచ్చేశాడు. ఫస్ట్ పార్ట్ కంటే సెకండ్ పార్ట్ ఇంకా ఇంప్రెసివ్ గా ఉంటుందనీ, కొన్ని సీన్స్ అయితే అబ్బురపరుస్తాయని రీసెంట్ గా ఓ ఇంటర్వ్యూలో చెప్పుకొచ్చాడు . జులై నుంచి సెకండ్ పార్ట్ షూట్ ప్రారంభం కానుంది. దాదాపు రూ. 400 కోట్ల బడ్జెట్ తో ఈ చిత్రం రూపొందుతుంది. మారేడుమిల్లి అడవుల్లోనే ఎక్కువ భాగం షూటింగ్ షెడ్యూల్స్ ఫిక్స్ చేసాడు సుకుమార్. జనవరితో షూటింగ్ కంప్లీట్ చేసి, మరో నాలుగు నెలలు పోస్ట్ ప్రోడకన్ కు టైమ్ ఇచ్చి, వచ్చే వేసవి లో పుష్పరాజ్ గ్రాండ్ రీఎంట్రీకి ప్లాన్ చేస్తున్నారు. 

‘ఊ బోలెగా యా.. ఉఊ బోలేగా’(పుష్ప సినిమాలోని ఊ అంటావా..ఊ ఊ అంటావా హిందీ వెర్షన్‌) అంటూ తన గాత్రంతో బాలీవుడ్‌ ఆడియన్స్‌ని ఉర్రూతలూగించిన సింగర్‌  కనికాకపూర్‌ రెండో పెళ్లి చేసుకుంది. లండన్‌కు చెందిని ఓ వ్యాపారవేత్త గౌతమ్‌ హతిరమనిని కనికా పెళ్లాడింది. లండన్‌లోని ఓ ప్రముఖ హోటల్‌లో జరిగిన ఈ వివాహ వేడుకలో రామ్‌ చరణ్‌ సతీమణి, కనికా స్నేహితురాలు ఉపాసన పాల్గొని సందడి చేశారు. దీనికి సంబంధించిన ఫోటోలను సోషల్‌ మీడియా ద్వారా అభిమానులతో పంచుకుంటూ.. నూతన వధూవరులకు శుభాకాంక్షలు తెలిపారు. కాగా, కనికకు ఇంతకు ముందే పెళ్లి అయింది. 1988లో లండన్‌కు చెందని వ్యాపారవేత్తను పెళ్లి చేసుకొని.. మనస్పర్థలు రావడంతో 2012లో విడాకులు తీసుకున్నారు. వీరికి ముగ్గురు పిల్లలు ఉన్నారు. విడాకుల అనంతరం..కెరీర్‌పై దృష్టిపెట్టిన కనికా.. రాగిణి, ఎంఎంఎస్‌ సినిమా పాటలతో ఫేమస్‌ అయింది. వీటితో పాటు ప్రైవేట్‌ ఆల్బమ్స్‌ కూడా చేసింది. ఇక పుష్ప హిందీ వెర్షన్‌లోని ఊ బోలెగా యా.. ఉఊ బోలేగా సాంగ్‌తో కనిక మరింత ఫేమస్‌ అయింది.

సమంత స్సెషల్‌ సాంగ్‌ ‘ఊ అంటావా.. మావ ఊఊ అంటావా సింగర్‌కు ఇంద్రావతి చౌహాన్‌కు అరుదైన గౌరవం దక్కింది. ఈ పాటకు గాను ఆమె బిహైండ్‌వుండ్‌ వారి గోల్డ్‌ మెడల్‌ను అందుకోనుంది. ప్రముఖ డిజిటల్‌ మీడియా గ్రూప్‌ బిహైండ్‌వుడ్‌ సంస్థ ఈ ఏడాది19 ఏళ్లను పూర్తి చేసుకుంది. ఈ సందర్భంగా ఈ సంస్థ యానివర్సరి సెలెబ్రెషన్స్‌లో భాగంగా మే 22న ఈ ఏడాది అత్యధిక ప్రజాదరణ  పొందిన సినిమాలు, ఉత్తమ నటులు, సింగర్స్‌కు గోల్డ్‌ మెడల్స్‌ను ప్రదానం చేయనుంది. ఈ నేపథ్యంలో ఈ ఏడాది బిహైండ్‌వుడ్‌ గోల్డ్‌ మెడల్‌ ప్రదానోత్సవానికి ఆమెను ఎంపిక చేశారు. చదవండి: హీరోయిన్‌ ప్రణీత సీమంతం ఫంక్షన్‌, ఫొటోలు వైరల్‌ ఈ సందర్భంగా ఇంద్రావతి ఈ విషయాన్ని సోషల్‌ మీడియా వేదికగా పంచుకుంటూ ఆనందం వ్యక్తం చేసింది. ‘నిజంగా నేను ఆశీర్వాదించబడ్డాను. మే 22 ఊ అంటావా.. ఊఊ అంటావా పాటకు గోల్డ్‌ మెడల్‌ తీసుకోబోతున్నాను. బెస్ట్‌ థింగ్స్‌ ఎప్పుడు ఊహించకుండానే వస్తాయి. నాకు ఈ గుర్తింపు రావడానికి కారణంగా దేవిశ్రీ ప్రసాద్‌ గారు. ఆయనకు నేను ఎప్పటికి కృతజ్ఞురాలిని. థ్యాంక్యూ సార్‌. ఇది నిజంగా గర్వించే విషయం’ అంటూ రాసుకొచ్చింది. కాగా ఇంద్రావతి ప్రముఖ సింగర్‌ మంగ్లీ సోదరి అనే విషయం తెలిసిందే. కాగా సుకుమార్‌- అల్లు అర్జున్‌ కాంబినేషన్‌లో వచ్చిన 'పుష్ప' సినిమా ఎంతటి ఘనవిజయం సాధించిందో ప్రత్యేకంగా చెప్పనక్కర్లేదు. చదవండి: భర్త విక్కీ కౌశల్‌కు కత్రీనా స్వీటెస్ట్‌ బర్త్‌డే విషెస్‌ పాన్‌ ఇండియా సినిమాగా రూపొందిన ఈ మూవీ బ్లాక్‌బస్టర్‌ హిట్‌ అందుకుంది. ఇక విడుదలకు ముందే పుష్ప.. పాటలతో రికార్డులు సృష్టించింది. ఇందులో సమంత నటించిన స్పెషల్‌ సాంగ్‌ యూట్యూబ్‌ను షేక్‌ చేసింది. ఈ పాటను ఎన్నో వివాదాలు చూట్టుముట్టిన అదే స్థాయిలో రికార్డు క్రియేట్‌ చేసింది. సోషల్‌ మీడియా ఎక్కడ విన్న ఊ అంటావా? పాటే వినిపిస్తోంది. ఈ మూవీ విడుదలై సూమారు 5 నెలల గడుస్తున్నా ఇప్పటికీ ఈ పాట మేనియా ఏమాత్రం తగ్గలేదు. అంతేకాదు ఇటీవల ఓ ఇంటర్నేషనల్‌ మ్యూజిక్‌ ఫెస్టివల్‌లో ఈ పాటను ప్రదర్శించడం విశేషం. I'm really so blessed that I'm going to receiving the gold medal on may 22 for oo antava mava song #pushpa movie😍. Best things happen unexpectedly!!! I'm really very much excited and can't express my happiness💃.I will always owe to the @ThisIsDSP sir🙏🏻🙏🏻😍..this is proud moment pic.twitter.com/zVDNuiBFIn — Indravathi Chauhan (@IndravathiChauh) May 15, 2022

Ranveer Singh About His Favourite Song Is Samantha Oo Antava: బాలీవుడ్‌ యంగ్‌ హీరో రణ్‌వీర్‌ సింగ్‌ ఇటీవల కపిల్ దేవ్ బయోపిక్‌ '83' చిత్రంతో అలరించాడు. తాజాగా రణ్‌వీర్ సింగ్ నటిస్తున్న విభిన్న చిత్రం 'జయేశ్‌భాయ్‌ జోర్దార్‌'. దివ్యాంగ్‌ ఠక్కర్ డైరెక్షన్‌లో వస్తున్న ఈ మూవీలో 'అర్జున్‌ రెడ్డి' ఫేమ్‌ షాలినీ పాండేతోపాటు అనన్య నాగల్ల కీలక పాత్రలో నటిస్తోంది. ప్రస్తుతం ఈ మూవీ ప్రమోషన్‌లో బిజీగా ఉన్నాడు రణ్‌వీర్‌ సింగ్‌. ఈ క్రమంలో ఓ ఇంటర్వ్యూలో రణ్‌వీర్‌కు ఆసక్తికర ప్రశ్న ఎదురైంది.  ఈ ఇంటర్వ్యూలో హోస్ట్‌ రణ్‌వీర్‌ సింగ్‌ను 'తెలుగులో మీకు నచ్చిన పాట ఏది ?' అని అడిగాడు. దీనికి అల్లు అర్జున్‌ హీరోగా చేసిన పాన్‌ ఇండియా మూవీ 'పుష్ప: ది రైజ్‌'లోని 'ఊ అంటావా మావా' అనే సాంగ్‌ ఇష్టమని తెలిపాడు రణ్‌వీర్. దీని గురించి రణ్‌వీర్‌ సింగ్‌ మాట్లాడుతూ 'ఈ మధ్య కాలంలో నాకు బాగా నచ్చిన పాట ఊ అంటావా మావా. ఆ సాంగ్ ప్లే అయినప్పుడు ఐయామ్‌ గోయింగ్‌ మ్యాడ్‌. ఆ పాట మీనింగ్‌ నాకు తెలియదు. కానీ నా మనసుకు మాత్రం బాగా నచ్చింది. అందుకే ఆ పాటంటే అంత ఇష్టం నాకు. 'అని పేర్కొన్నాడు. పుష్ప మూవీలో సమంత నర్తించిన ఈ స్పెషల్‌ సాంగ్‌ ఎన్ని రికార్డులు క్రియేట్‌ చేసిందో తెలిసిందే. చదవండి: ఓటీటీలోకి సిద్ధార్థ్‌.. స్ట్రీమింగ్‌ ఆ రోజు నుంచే.. Oo antava from Pushpa is one of my favourite song in recent time: Ranveer Singh 🎧🎺🎻🎸🎶🎵🎼🎹🥁@alluarjun #AlluArjun #Sukumar @ThisIsDSP @Samanthaprabhu2 #RanveerSingh #Pushpa #OoAntavaOoOoAntava pic.twitter.com/6yi5osOwuk — Sreedhar Marati (@SreedharSri4u) May 10, 2022     var request = 'https://www.sakshi.com/knowwidget/kwstr_4331451957.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

బరంపురం: ‘పుష్ప’మేనియా గురించి ప్రత్యేకంగా చెప్పాలా?.. అల్లు అర్జున్‌ సినిమా ఎఫెక్ట్‌ ఇంకా కొనసాగుతూనే ఉంది. అయితే తాజాగా ఓస్కూల్‌లో పోరగాళ్లు శ్రీవల్లి పాటకు పుష్పరాజ్‌ లెవల్‌లోనే చిందులేశారు. దీంతో ఆ స్కూల్‌ ప్రధానోపాధ్యాయురాలిపై వేటు వేశారు అధికారులు.  ఒడిశాలోని గంజాం జిల్లాలో హింజిల్‌కట్‌ బ్లాక్‌లో ఉన్న ఓ స్కూల్లో విద్యార్థులు ‘పుష్ప’ పాటకు క్లాస్‌రూములోనే డ్యాన్స్‌ చేశారు. దాంతో స్కూల్‌ ప్రధానోపాధ్యాయురాలిని అధికారులు సస్పెండ్‌ చేశారు. బారాముందాలి హైస్కూల్‌లో పదో తరగతి విద్యార్థులు కొందరు టీచర్లు లేని సమయంలో డిజి క్లాస్‌రూమ్‌లోని ఎల్‌ఈడీ స్క్రీన్‌పై పుష్ప సినిమాలోని ‘శ్రీవల్లి...’ పాటకు చిందేశారు. అంతటితో ఆగకుండా మరికొన్ని సినిమా పాటలు వేసుకుని.. తెగ చిందులు వేశారు. ఇందుకు సంబంధించిన వీడియోలు వైరల్‌ అయ్యాయి. దీంతో విధి నిర్వహణలో నిర్లక్ష్యంగా ఉన్నారంటూ ప్రధానోపాధ్యాయురాలు సుజాతపై వేటు వేశారు జిల్లా విద్యాధికారులు.

అధికారం ఉందని ఓ మహిళను అడ్డుపెట్టుకుని తనపై అక్రమ కేసు బనాయించారంటూ బీజేపీపై ఆరోపణలు గుప్పించాడు గుజరాత్‌ ఎమ్మెల్యే జిగ్నేష్‌ మెవానీ. అస్సాంలో మహిళా కానిస్టేబుల్‌ను దుర్భాషలాడిన చేసిన కేసులో జిగ్నేష్‌ మేవానీకి శుక్రవారం బెయిల్‌ లభించిన విషయం తెలిసిందే. బెయిల్‌పై బయటికి వచ్చి రాగానే అ‍ల్లు అర్జున్‌ పుష్ప సినిమాలోని ఫేమస్‌ డైలాగ్‌ కొట్టాడాయన. పుష్ప సినిమాలోని ఝుకేగా నహీ(తలవంచను).. తగ్గేదే లే.. డైలాగ్‌తో ఓ మీడియా ఛానెల్‌ ముందు పుష్పరాజ్‌ తరహా మేనరిజాన్ని ప్రదర్శించాడు జిగ్నేష్‌ మేవానీ. ‘‘నా అరెస్ట్‌ సాధారణ విషయం కాదు. పీఎంవోలో ఉన్న పొలిటికల్‌ బాస్‌ల సూచనలతోనే జరిగింది. నేను చేసిన ట్వీట్‌లో తప్పేం లేదు. ఆ విషయం ఇప్పటికీ గర్వంగా చెప్తున్నా..  జరిగిన మతఘర్షణలను, అల్లర్లను చూసి ఈ దేశంలో ఒక పౌరుడిగా శాంతి సామరస్యాలను కాపాడమని దేశ ప్రధానిని కోరా. అడగడానికి నాకు హక్కు ఉంది. అంటేకాదు చట్ట సభ ప్రతినిధిగా శాంతిని పాటించాలని ప్రజలను కోరా. అది నా విధి. అదేగా నేను చేసింది. దానికే కేసు పెట్టి అరెస్ట్‌ చేశారు అని మేవానీ తెలిపారు.    ఆపై ఒక ఆడదాన్ని అడ్డుపెట్టి.. కథను అల్లి మరో కేసు పెట్టారు. పిరికిపంద చర్యే ఇది. గుజరాత్‌ ఎన్నికలు దగ్గర పడుతున్నాయి కదా అందుకే బీజేపీ ఇలా చేస్తోంది అని మేవానీ ఆరోపించారు. అరెస్ట్‌ వేళ తనకు మద్దతు ఇచ్చిన అస్సాం ప్రజానీకానికి, కాంగ్రెస్‌కు ధన్యవాదాలు తెలిపాడాయన. అలాగే ఎక్కడో అస్సాంలో తనను అరెస్ట్‌ చేయడం, కేసులు బనాయించి బయటకు రాకుండా చేయడం.. ముమ్మాటికీ బీజేపీ కుట్రే అని అంటున్నాడు. ప్రశ్నించేవారిపై అక్రమంగా కేసులు బనాయిస్తున్నారు వీళ్లు. అలాగే ఎన్నికలు దగ్గర పడుతుండడంతో నన్నూ టార్గెట్‌ చేశారు. దళితులు, గుజరాత్‌ ప్రజలు ఇదంతా గమనిస్తున్నారు. సరైన టైంలో బుద్ధి చెప్తారు. గుజరాత్‌ ఎన్నికల్లో వాళ్లు(బీజేపీ) మూల్యం చెల్లించుకోక తప్పదు. అని పేర్కొన్నాడు ఎమ్మెల్యే మేవానీ. (చదవండి:ఎట్టకేలకుజిగ్నేష్‌ మేవానీకి బెయిల్‌) పోలీసులపై కోర్టు ఆగ్రహం మహిళా కానిస్టేబుల్‌పై దాడి కేసులో గుజరాత్ ఎమ్మెల్యే జిగ్నేష్ మేవానీని ‘‘కావాలనే’’ ఇరికించేందుకు ప్రయత్నించారంటూ అస్సాం పోలీసులపై అక్కడి కోర్టు మండిపడింది. బార్‌పేట కోర్టు మేవానీకి బెయిల్‌ మంజూర్‌ చేసే క్రమంలో తీవ్రంగా పోలీసులను మందలించింది. రాష్ట్రాన్ని పోలీస్‌ స్టేట్‌గా మార్చాలనుకుంటున్నారా? అని ప్రశ్నించింది.

తెలుగు చిత్ర పరిశ్రమలో ఒక్కోసారి ఒక్కో ట్రెండ్‌ నడుస్తుంటుంది. ఇప్పుడు సీక్వెల్స్‌ జోరు కొనసాగుతోంది. దాదాపు అరడజను సినిమాల సీక్వెల్స్‌ నిర్మాణంలో ఉంటే, ప్రకటించిన సీక్వెల్స్‌ కూడా అరడజనుకు పైగా ఉన్నాయి. ‘సీక్వెల్‌ నామ సంవత్సరం’ అనేలా ఒకే ఏడాదిలో తెలుగులో ఇన్ని సీక్వెల్స్‌ రూపొందడం ఇదే మొదటిసారి. మొదటి భాగాన్ని ఆదరించిన ప్రేక్షకులు  ‘తరువాయి భాగం’ కోసం ఆసక్తిగా ఎదురు చూస్తున్నారు. ఇక సీక్వెల్‌ సినిమాల గురించి తెలుసుకుందాం.  త్రిబుల్‌ సందడి... ‘ఎఫ్‌ 2’ సినిమాతో సంక్రాంతి అల్లుళ్లుగా కడుపుబ్బా నవ్వించారు వెంకటేశ్, వరుణ్‌ తేజ్‌. అనిల్‌ రావిపూడి దర్శకత్వంలో ఈ చిత్రాన్ని ‘దిల్‌’ రాజు నిర్మించారు. తమన్నా, మెహరీన్‌ కథానాయికలుగా నటించిన ‘ఎఫ్‌ 2’ 2019 జనవరి 12న విడుదలై ఘనవిజయం సాధించింది. ఫ్రస్ట్రేషన్‌లో ఉన్నవారికి ఈ సినిమా ద్వారా ‘వెంకీ ఆసనం’ నేర్పించారు వెంకటేశ్‌. తోడల్లుళ్లుగా వెంకీ–వరుణ్‌లు చేసిన డబుల్‌ సందడిని ప్రేక్షకులు ఫుల్‌గా ఎంజాయ్‌ చేశారు. ఆ ఆనందాన్ని త్రిబుల్‌ చేయడానికి ‘ఎఫ్‌ 3’తో ప్రేక్షకుల ముందుకు వస్తోంది చిత్రయూనిట్‌. ‘ఎఫ్‌ 2’కి సీక్వెల్‌గా రూపొందిన ఈ చిత్రంలో వెంకటేశ్, వరుణ్‌ తేజ్‌ హీరోలుగా తమన్నా, మెహరీన్, సోనాల్‌ చౌహాన్‌ హీరోయిన్లుగా నటించారు. అనిల్‌ రావిపూడి దర్శకత్వం వహించారు. ‘దిల్‌’ రాజు సమర్పణలో శిరీష్‌ నిర్మించిన ‘ఎఫ్‌ 3’ మే 27న విడుదలవుతోంది. రాజేంద్ర ప్రసాద్, సునీల్‌ కీలక పాత్రలు చేసిన ఈ చిత్రంలో హీరోయిన్‌ పూజా హెగ్డే ఓ ప్రత్యేక పాట చేశారు. ‘ఎఫ్‌ 2’ మంచి విజయం సాధించడంతో ‘ఎఫ్‌ 3’ పై ఇటు ఇండస్ట్రీలో, అటు ప్రేక్షకుల్లో మంచి అంచనాలున్నాయి.   తగ్గేదే లే అంటూ... ‘తగ్గేదే లే’... ఈ మధ్య బాగా వినిపిస్తున్న మాట ఇది. ‘పుష్ప’ సినిమాలో హీరో అల్లు అర్జున్‌ చెప్పిన ఈ డైలాగ్‌ ఎంత పాపులర్‌ అయిందో ప్రత్యేకించి చెప్పక్కర్లేదు. ఎర్రచందనం అక్రమ రవాణా నేపథ్యంలో తెరకెక్కిన ఈ చిత్రంలో పుష్పరాజ్‌గా అల్లు అర్జున్‌ ఒదిగిపోయిన తీరుకి మంచి మార్కులు పడ్డాయి. ‘ఆర్య, ఆర్య 2’ వంటి హిట్‌ చిత్రాల తర్వాత హీరో అల్లు అర్జున్‌– డైరెక్టర్‌ సుకుమార్‌ కాంబినేషన్‌లో వచ్చిన హ్యాట్రిక్‌ చిత్రం ‘పుష్ప’: ది రైజ్‌. ఇందులో రష్మిక మందన్నా హీరోయిన్‌. నవీన్‌ ఎర్నేని, వై. రవిశంకర్‌ నిర్మించిన ఈ సినిమా గత ఏడాది డిసెంబరు 17న విడుదలై బాక్సాఫీస్‌ వద్ద భారీ వసూళ్లు రాబట్టింది. ‘తగ్గేదే లే’ అంటూ.. ఈ చిత్రానికి సీక్వెల్‌ ప్రకటించింది టీమ్‌. ప్రస్తుతం ‘పుష్ప 2’ని పట్టాలెక్కించే పనిలో ఉన్నారు. త్వరలోనే ఈ సినిమా షూటింగ్‌ మొదలు పెట్టనున్నారు. గత ఏడాది ‘పుష్ప’ విడుదలైన తేదీ (డిసెంబరు 17)నే ఈ ఏడాది డిసెంబరులో ‘పుష్ప 2’ని రిలీజ్‌ చేయనున్నట్లు చిత్రబృందం అధికారికంగా ప్రకటించింది.   ఎనిమిదేళ్లకు సీక్వెల్‌...  నిఖిల్‌ హీరోగా నటించిన సస్పెన్స్‌ థ్రిల్లర్‌ ‘కార్తికేయ’. చందు మొండేటి దర్శకత్వం వహించిన ఈ చిత్రంలో స్వాతి హీరోయిన్‌గా నటించారు. వెంకట్‌ శ్రీనివాస్‌ నిర్మించిన ఈ సినిమా 2014 అక్టోబర్‌ 14న విడుదలై ఘనవిజయం సాధించింది. నిఖిల్‌ కెరీర్‌లో బిగ్గెస్ట్‌ హిట్‌గా నిలిచిన చిత్రమిది. ‘కార్తికేయ’ విడుదలైన ఎనిమిదేళ్లకు సీక్వెల్‌గా ‘కార్తికేయ 2’ తెరకెక్కుతోంది. నిఖిల్‌ హీరోగా చందు మొండేటి దర్శకత్వంలోనే తెరకెక్కుతోన్న ఈ చిత్రంలో అనుపమా పరమేశ్వరన్‌ హీరోయిన్‌. టీజీ విశ్వప్రసాద్, అభిషేక్‌ అగర్వాల్‌ నిర్మిస్తున్న ‘కార్తికేయ 2’ షూటింగ్‌ శరవేగంగా జరుగుతోంది. జూలై 22న ఈ చిత్రాన్ని విడుదల చేయనున్నట్లు చిత్రబృందం అధికారికంగా ప్రకటించింది.   మళ్లీ హిట్‌ కోసం...   వైవిధ్యమైన చిత్రాలతో హిట్స్‌ అందుకుంటున్న హీరో నాని నిర్మించిన చిత్రం ‘హిట్‌’. విశ్వక్‌ సేన్, రుహానీ శర్మ జంటగా నటించారు. శైలేష్‌ కొలను దర్శకత్వం వహించారు. నాని సమర్పణలో ప్రశాంతి తిపిర్నేని నిర్మించారు. క్రైమ్‌ ఇన్వెస్టిగేటివ్‌ థ్రిల్లర్‌గా రూపొందిన ‘హిట్‌’ 2020 ఫిబ్రవరి 28న విడుదలై మంచి హిట్‌గా నిలిచింది. ఇందులో విశ్వక్‌ సేన్‌ తెలంగాణ క్రైమ్‌ ఇన్వెస్టిగేటివ్‌ డిపార్ట్‌మెంట్‌ అధికారిగా చక్కని నటన కనబరిచారు. ఈ చిత్రానికి సీక్వెల్‌గా ‘హిట్‌ 2’ని తీస్తున్నారు. శైలేష్‌ కొలను దర్శకత్వం వహిస్తున్న ఈ చిత్రాన్ని నాని సమర్పణలో ప్రశాంతి తిపిర్నేని నిర్మిస్తున్నారు. అయితే ‘హిట్‌ 2’కి హీరో, హీరోయిన్‌ మారారు. అడివి శేష్‌ హీరోగా నటిస్తున్న ఈ చిత్రంలో మీనాక్షీ చౌదరి హీరోయిన్‌గా నటిస్తున్నారు. ప్రస్తుతం ఈ సినిమా షూటింగ్‌ జరుగుతోంది. ఇవి విడుదలకు సిద్ధంగా ఉన్న, నిర్మాణంలో ఉన్న చిత్రాలైతే మరికొన్ని సీక్వెల్స్‌ కూడా రూపొందనున్నాయి. ఆ చిత్రాలేంటంటే..    రవితేజ హీరోగా రాజమౌళి దర్శకత్వం వహించిన ‘విక్రమార్కుడు’కి సీక్వెల్, రవితేజ హీరోగా గోపీచంద్‌ మలినేని తెరకెక్కించిన ‘క్రాక్‌’కి సీక్వెల్, గోపీచంద్‌ హీరోగా శ్రీవాస్‌ దర్శకత్వం వహించిన ‘లక్ష్యం’కి సీక్వెల్, మంచు విష్ణు హీరోగా శ్రీను వైట్ల దర్శకత్వంలో రూపొందిన ‘ఢీ’ సీక్వెల్‌ కూడా రానున్నాయి. ఇంకా ఉదయ్‌ కిరణ్‌ని హీరోగా పరిచయం చేస్తూ తేజ దర్శకత్వం వహించిన ‘చిత్రం’ (2000) మూవీకి సీక్వెల్‌గా ‘చిత్రం 1.1’ తెరకెక్కనుంది. అలాగే అడివి శేష్‌ ‘గూఢచారి’, తేజా సజ్జ ‘జాంబి రెడ్డి’, నవీన్‌ పోలిశెట్టి ‘జాతిరత్నాలు, ఏజెంట్‌ సాయి శ్రీనివాస ఆత్రేయ’, విశ్వక్‌ సేన్‌ దర్శకత్వం వహించి, హీరోగా నటించిన ‘ఫలక్‌నుమా దాస్‌’, సిద్ధు జొన్నలగడ్డ ‘డీజే టిల్లు’ వంటి చిత్రాల సీక్వెల్స్‌ షూటింగ్‌ ఆరంభం కావాల్సి ఉంది.  చదవండి: ఏంటి, పుష్ప 2 సినిమాకు బన్నీ అన్ని కోట్లు తీసుకుంటున్నాడా? టాలీవుడ్‌లో బెస్ట్‌ డ్యాన్సర్స్‌ వాళ్లే: చిరంజీవి     var request = 'https://www.sakshi.com/knowwidget/kwstr_4251450496.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

బాహుబలి, కేజీఎఫ్‌, పుష్ప, ఆర్‌ఆర్‌ఆర్‌ సినిమాలు హిందీ బాక్సాఫీస్‌ను ఏ రేంజ్‌లో రఫ్ఫాడించాయో మనందరికీ తెలుసు. ఒక్క హిందీలోనే వంద, రెండు వందల కోట్లను సైతం అవలీలగా రాబడుతూ హిందీ సినిమాలకే గట్టి పోటీనిస్తున్నాయి సౌత్‌ మూవీస్‌. ఈ క్రమంలో అల్లు అర్జున్‌ ప్రధాన పాత్రలో నటిస్తున్న పుష్ప 2 మూవీపై భారీ అంచనాలు నెలకొన్నాయి. బాలీవుడ్‌లో సౌత్‌ ఇండియన్‌ మూవీస్‌ హవా నడుస్తుండటంతో పుష్ప పార్ట్‌ 1 కంటే సెకండ్‌ పార్ట్‌ మరిన్ని కలెక్షన్లు సాధించే అవకాశం ఉందని జోరుగా ప్రచారం జరుగుతోంది. ఇదిలా ఉంటే 'పుష్ప: ది రూల్‌' సినిమా కోసం అల్లు అర్జున్‌ భారీ ఎత్తున పారితోషికం తీసుకుంటున్నట్లు వార్తలు వస్తున్నాయి. ఏకంగా రూ.100 కోట్ల మేర రెమ్యునరేషన్‌ డిమాండ్‌ చేసినట్లు సోషల్‌ మీడియాలో ఓ వార్త వైరల్‌గా మారింది. పుష్ప మొదటి భాగానికి రూ.50 కోట్లు తీసుకున్న ఐకాన్‌ స్టార్‌ సీక్వెల్‌కు రెట్టింపు డబ్బులు కోరడమేంటని ఫిల్మీదునియాలో జోరుగా చర్చ నడుస్తోంది. కాగా పుష్ప 2 మూవీకి సుకుమార్‌ దర్శకత్వం వహిస్తుండగా రష్మిక మందన్నా హీరోయిన్‌గా నటించనుంది. చదవండి: 'నటుడిగా పనికిరావు, పోయి ఇంకేదైనా పని చూసుకో అని హేళన చేశారు' 'పోకిరి' ఆఫర్‌ను రిజెక్ట్‌ చేసిన హీరోయిన్స్‌

Abhishek Bachchan On Pan India Movies Does not Believe In The Term: బాలీవుడ్‌ హీరో అభిషేక్ బచ్చన్‌ ఇటీవల 'దస్వీ' చిత్రంతో నేరుగా ఓటీటీ ద్వారా ప్రేక్షకుల ముందుకు వచ్చాడు. చదువుకు ఉన్న ప్రాధాన్యత తెలుపుతూ తెరకెక్కిన ఈ చిత్రం మంచి విజయం సాధించింది. అయితే తాజాగా ఓ ఇంటర్వ్యూలో పాన్ ఇండియా చిత్రాలపై తన అభిప్రాయాన్ని పంచుకున్నాడు అభిషేక్. పాన్‌ ఇండియా పదంపై తనకు నమ్మకం లేదన్నాడు. బాలీవుడ్‌ సినిమాల్లో కంటెంట్‌ లేదన్న వాదనను తిరస్కరించాడు. ప్రతి నటుడు భారతీయ చలనచిత్ర పరిశ్రమలో భాగమని అభిషేక్‌ బచ్చన్ అభిప్రాయపడ్డాడు.  'పాన్‌ ఇండియా అనే పదంపై నాకు నమ్మకం లేదు. మరేదైనా ఇండస్ట్రీకి ఈ పదాన్ని వాడుతున్నామా ? లేదు కదా. కేజీఎఫ్‌ 2, పుష్ప, ఆర్ఆర్ఆర్ చిత్రాలు హిందీలో మంచి వసూళ్లు సాధించాయి. మంచి సినిమా హిట్‌ అవుతుంది. లేకుంటే ప్లాప్ ఎక్కడైనా ప్లాప్‌ అవుతుంది. బాలీవుడ్‌లో మంచి కంటెంట్ సినిమాలు రావట్లేదనడం సరికాదు. గంగుబాయి కతియావాడి, సూర్యవంశీ మంచి హిట్‌ సాధించాయి. రీమేక్ అనేది ఎప్పుడూ జరిగేదే. అది ఒక చాయిస్ మాత్రమే. మన దగ్గర సినీ ప్రియులు ఎక్కవ. సినిమాకు భాషతో పనిలేదు. ఏ భాషలో వచ్చిన అంతిమంగా అది సినిమానే. వివిధ భాషల్లో పనిచేసినా, మనమందరం భారత చిత్ర పరిశ్రమలో భాగమే. ఏదిఏమైనా మనమందరం ఓ పెద్ద కుటుంబానికి చెందినవాళ్లమే.' అని అభిషేక్ బచ్చన్ తెలిపాడు. కాగా అభిషేక్ బచ్చన్‌ ప్రస్తుతం 'బ్రీత్‌' వెబ్‌ సిరీస్‌ మూడో సీజన్‌లో నటిస్తున్నాడని సమాచారం.  చదవండి: అభిషేక్‌ బచ్చన్‌ అలరించిన ఓటీటీ చిత్రాలు ఇవే..     var request = 'https://www.sakshi.com/knowwidget/kwstr_891253233.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

గత కొంతకాలంగా దక్షిణాది చిత్రాలు భారతీయ సినిమాకు కేరాఫ్‌ అడ్రస్‌గా నిలుస్తున్నాయి. అక్కడి జనాలు మన చిత్రాల మేకింగ్‌, టేకింగ్‌, యాక్టింగ్‌లకు బ్రహ్మరథం పడుతున్నారు. అక్కడ ప్రస్తుతం దక్షిణాది చిత్రాలదే హవా. తాజాగా రాకింగ్‌ స్టార్‌ యశ్‌ 'కేజీయఫ్‌-2'తో హిందీలో రికార్డుల మీద రికార్డులు సృష్టిస్తున్నాడు. దాంతో ఈ చిత్ర ప్రభావం రాబోయే సినిమాలపై పడనుందా అంటే అవుననే అంటున్నారు సినీ విశ్లేషకులు. 'కేజీయఫ్‌: చాప్టర్‌1'కు కొనసాగింపుగా 'కేజీయఫ్‌-2' వచ్చిన సంగతి తెలిసిందే. ఇక ఆ చిత్రం తొలి భాగంతో పోలిస్తే రెండో భాగంలో కథతో పాటు హీరో ఎలివేషన్స్‌ ఓ రేంజ్‌లో ప్రేక్షకులను ఆకట్టుకున్నాయి. అయితే ప్రస్తుతం సీక్వెల్స్‌ చేస్తున్న దర్శకులకు 'కేజీయఫ్‌-2' భారీ హీట్‌ కావడంతో ఇతర చిత్రాల మేకర్స్‌కు అది ఒకింత తలనొప్పిగా మారిందంటున్నారు విశ్లేషకులు. ఎందుకంటే తొలి భాగంతో పోలిస్తే రెండో భాగం ఏమాత్రం తగ్గినా దాన్ని ప్రేక్షకుడు జీర్ణించుకోలేకపోవచ్చు. మొదటి పార్ట్‌, రెండో పార్ట్‌ను పోల్చి చూడటంతో దానిపై రకరకాల చర్చలు జరిగే అవకాశం ఉంది. అది చిత్ర ఫలితంపై తీవ్ర ప్రభావం పడే అవకాశం కూడా ఉందంటున్నారు. అయితే సీక్వెల్స్‌ విషయంలో 'కేజీయఫ్‌' చిత్రంలానే ఐకాన్‌ స్టార్‌ అల్లు అర్జున్‌ 'పుష్ప' రెండో భాగం కూడా పాన్‌ ఇండియా లెవల్లో త్వరలో ప్రేక్షకుల ముందుకు రానుంది. మరి రాఖీభాయ్‌ పాత్రలా పవర్‌ఫుల్‌ ఎలివేషన్స్‌తో 'పుష్ప' పాత్ర ఉంటుందా? అసలు పుష్ప ఎర్రచందనం సిండికేట్‌ను ఎలా నడిపించాడు? భన్వర్‌ సింగ్‌ షెకావత్‌తో పాటు మంగళం శ్రీనులను ఎలా ఎదుర్కొని నిలిచాడు? లాంటి పలు ప్రశ్నలు ప్రస్తుతం ప్రేక్షకులను తొలిచేస్తున్నాయి. దీంతో చిత్ర బృందం సైతం అభిమానుల అంచనాలను అందుకునేలా పలు సన్నివేశాలను రాసుకుంటోందని సమాచారం. అయితే దర్శకుడు సుకుమార్‌ మాత్రం తగ్గేదేలే అనేలా పుష్పరాజ్‌ పాత్రను మరింత ఎలివేట్‌ చేసేలా పుష్ప-2 కథ, కథనాలను మలుస్తున్నాడని తెలుస్తోంది.

ఇటీవల విడుదలైన పుష్ప సినిమాలో ఓ సీన్‌ ఇది. ఎర్రచందనం దుంగలను స్మగ్లర్లు ఓ ప్రదేశంలో దాచి ఉంచుతారు. ఆ ప్రదేశం గురించి పోలీసులు తెలుసుకుంటారు. వారు అక్కడికి వెళ్తున్న సమాచారం స్మగ్లర్లకు చేరడంతో ఆ సినిమా హీరో, మరికొందరు వెంటనే దుంగలను పక్కనే ఉన్న నీటి ప్రవాహంలోకి నెట్టేస్తారు. హీరో తన అనుచరుడి ద్వారా జలాశయ అధికారికి ముడుపులిచ్చి గేట్లు మూయించేస్తాడు. ఈ సీన్‌ మొత్తం రక్తి కట్టిస్తుంది. ఇలాంటి సీన్‌ జిల్లాలోని సోమశిల జలాశయంలో జరుగుతున్నట్లు తెలుస్తోంది. కొందరు విలువైన దుంగలను నరికించి ఎవరికీ అనుమానం రాకుండా జలాశయంలో దాచేస్తున్న వైనం వెలుగులోకి వచ్చింది. సాక్షి, నెల్లూరు: జిల్లా జలనిధిగా ఉన్న సోమశిల జలాశయం లోతట్టు ప్రాంతం ఎక్కవ భాగం వైఎస్సార్‌ జిల్లాలో ఉంది. రెండు జిల్లాల సరిహద్దుగా ఉన్న ఆ ప్రాంతంలో రిజర్వు ఫారెస్ట్‌ సుమారు 48 చదరపు కి.మీ విస్తరించి ఉంది. ఆ ఫారెస్ట్‌లో ఎర్రచందనం వృక్షాలున్నాయి. నాణ్యత కలిగిన దుంగలు ఇక్కడ లభిస్తుండడంతో అక్రమార్కులు ఆ ప్రాంతాన్ని అడ్డాగా మార్చుకున్నారు. దీనికితోడు జలాశయ లోతట్టు ప్రాంతం కావడంతో రవాణా మార్గానికి అనువుగా ఉండదు. దీంతో అటవీ, పోలీస్‌ శాఖల అధికారులు ఆ వైపు వెళ్లేందుకు ఇష్టపడరు. దీంతో స్మగ్లర్లు రెచ్చిపోతుంటారు.  తమ పరిధి కాదంటూ..  గతంలో సోమశిల జలాశయంలో ఓ ఇంజినీర్‌ లోతట్టు ప్రాంతానికి వెళ్లే ప్రధాన రహదారి గేటు తాళం తనవద్దే ఉంచుకుని అక్రమ చేపల వేటకు, ఎర్ర స్మగ్లర్లకు రాత్రి వేళల్లో సహకరించి అధికారులకు దొరికిన సందర్భం ఉంది. కానీ ఆ అధికారి రాజకీయ పరపతితో కేసు లేకుండా తప్పించుకోగలిగాడు. మూడు రోజుల క్రితం 11 దుంగలు జలాశయంలో బయటపడ్డాయి. వాస్తవానికి దీని గురించి ముందే తెలిసినా అటవీశాఖ, పోలీస్‌ అధికారులు ఎవరికి వారు తమ పరిధిలో కాదంటూ పట్టించుకోలేదు. తాజాగా దుంగల ఫొటోలతో సహా సోషల్‌ మీడియాలో రావడంతో హడావుడిగా స్వాధీనం చేసుకున్నట్లుగా అటవీ శాఖ ప్రకటించింది.  ఇలా చేస్తున్నారు.. జలాశయం లోతట్టు ప్రాంతంలో ఇరువైపులా చేపలు పట్టే జాలర్లు ఆవాసాలను ఏర్పాటు చేసుకున్నారు. అక్కడే ఉంటూ చేపలు పట్టి ఇతర రాష్ట్రాలకు ఎగుమతి చేస్తుంటారు. స్థానికంగా ఎర్ర స్మగ్లర్లకు సహకరించే వ్యక్తుల ద్వారా కొందరు జాలర్లతో పరిచయం పెంచుకుని వారి ద్వారా పడవలో లోతట్టు ప్రాంతాలకు చేరుకుంటున్నారు. అలాగే తమిళ కూలీలను కూడా ఇదే పద్ధతిలో చేర్చి ఎర్ర వృక్షాలను నరికిస్తున్నట్లు తెలుస్తోంది. ఆ దుంగలను జలాశయం లోతట్టు కోనల్లోని నీటిలో నిల్వ ఉంచుతారని చెబుతున్నారు. ఒకవేళ అధికారులు దాడులు చేసినా కనిపించని విధంగా నీటిలో డంపింగ్‌ చేస్తారు. వారికి అనువైన సమయంలో ఆ డంప్‌ను రవాణా చేసుకుంటారు. ఇలా విలువైన సంపద తరలిపోతున్నా అధికారుల్లో చలనం లేదనే విమర్శలున్నాయి. పక్కా సమాచారం ఉన్నా..  స్థానికంగా ఉన్న ఎర్ర అక్రమార్కుల సహకారంతోనే దుంగలు తరలుతున్నాయన్నది జగమెరిగిన సత్యం. ఎవరు దొంగలో కూడా స్థానిక అటవీ, పోలీస్‌ శాఖకు పక్కా సమాచారం ఉంది. అయితే అక్రమార్కులతో ఉన్న లోపాయికారి ఒప్పందంతో వారు పట్టుకోవడం లేదనే ఆరోపణలున్నాయి. ఒకవేళ ఏదైనా ఒత్తిడి వచ్చినా, సమాచారం బహిరంగమైతే అప్పటికప్పుడు అధికారులు నాణ్యత లేని దుంగలను స్వాధీనం చేసుకున్నట్లు ప్రకటనలు చేసి చేతులు దులుపుకుంటున్నారనే ప్రచారం ఉంది. మూడు రోజుల క్రితం జరిగిన దుంగల విషయంలో కూడా అధికారులు పట్టించుకోకపోగా సమాచారం ఇచ్చిన మీడియాపై రుసరుసలాడడం వారి లోపాయికారి ఒప్పందానికి నిదర్శనమని పలువురు అభిప్రాయపడుతున్నారు.  మీరు చెబితే సస్పెండ్‌ చేయాలా?  సోమశిల జలాశయంలో ఎర్రచందనం దుంగల డంప్‌పై మీడియా సమాచారం ఇస్తే వెంటనే మేము స్థానిక అధికారులను సస్పెండ్‌ చేయాలా?. మూడు రోజల క్రితం జరిగింది అని చెబుతున్నారు. అవన్ని మేము పరిశీలిస్తాం. విచారణ జరిపిస్తాం.  – షణ్ముగకుమార్, డీఎఫ్‌ఓ, నెల్లూరు  

సాక్షి, హైదరాబాద్‌:  బాలీవుడ్‌ హీరోయిన్‌ రవీనా టాండన్‌ టాలీవుడ్‌ స్టార్‌ హీరోయిన్‌ అల్లు అర్జున్‌పై తన అభిమానాన్ని చాటుకుంది. ఇటీవల పలు భాషల్లో విడుదలైన  కలెక్షన్ల  సునామీ  సృష్టిస్తున్న కేజీఎఫ్‌-2 మూవీపై బన్నీ ట్వీట్‌కు రిప్లై ఇచ్చిన రవీనా  ‘‘ థ్యాంక్యూ. అల్లు అర్జున్‌.. నేను మీకు పెద్ద ఫ్యాన్‌ను..పుష్ప సినిమాలో నచ్చారు. మరిన్ని బ్లాక్‌ బస్టర్స్‌ రావాలి’’ అంటూ విష్‌ చేశారు. దీంతో  ఇప్పటికే పుష్ప మూవీ ప్రభంజనాన్ని తెగ ఎంజాయ్‌ చేస్తున్న బన్నీ ఫ్యాన్స్‌ మరింత మురిసిపోతున్నారు.  కేజీఎఫ్‌-2 ఘన విజయంపై స్పందించిన బన్నీ కేజీఎఫ్‌-2 టీమ్‌ మొత్తానికి ప్రత్యేక అభినందనలు తెలిపారు.  ముఖ్యంగా ఈ మూవీ హీరో యశ్‌,  బాలీవుడ్‌ నటుడు, సంజయ్‌ దత్‌, రవీనా టాండన్‌, శ్రీనిధి శెట్టి తదితర నటీనటులను ప్రసంశించారు. అంతేకాదు అద్భుతం అంటూ మ్యూజిక్‌ డైరెక్టర్‌ రవితోపాటు, ఇతర టెక్నీషియన్స్‌ అందర్నీ అభినందిస్తూ  అల్లు అర్జున్‌ ట్వీట్‌ చేశారు. అలాగే అద్భుతమైన సినిమాను అందించారు అంటూ  దర్శకుడు ప్రశాంత్‌ నీల్‌కు కూడా కృతజ్ఞతలు తెలిపారు బన్నీ. కాగా ఏప్రిల్‌ 7న ప్రపంచవ్యాప్తంగా విడుదలైన కేజీఎఫ్‌ చాప్టర్‌-2 రికార్డు వసూళ్లతో దూసుకుపోతోంది. బాక్సాఫీస్‌ రికార్డులను బద్దలు కొడుతున్న తొలి కన్నడ చిత్రంగా ఘనతను చాటుకుటున్న సంగతి తెలిసిందే. Thank you @alluarjun 😊😊🙏🏻🙏🏻💛 am a huge fan ! Loved you in #pushpa and many more to come! https://t.co/1zqpc4puVD — Raveena Tandon (@TandonRaveena) April 22, 2022

పాన్ ఇండియా సినిమాలు వేరు,పాన్ ఇండియా సీక్వెల్స్ వేరు. పాన్ ఇండియా సినిమా హిట్టైతే, ఆ సినిమా నుంచి వచ్చే సీక్వెల్ కు కనివిని ఎరుగని రీతిలో క్రేజ్ కనిపిస్తోంది. ముందు బాహుబలి 2, ఇప్పుడు కేజీయఫ్ 2 .. ఈ ట్రెండ్ చూస్టుంటే నెక్ట్స్ పుష్పరాజ్ కూడా బాక్సాఫీస్ ను రూల్ చేసే అవకాశాలు ఎక్కువగా ఉన్నాయి. కేజీయఫ్ 2కు వచ్చిన క్రేజ్, ఈ సినిమా బద్దలు కొడుతున్న కలెక్షన్స్ గురించి విన్న తర్వాత పుష్ప టీమ్ లో మరింత జోష్ పెరగడం ఖాయం.పాన్ ఇండియా సినిమాలకు ఒక క్రేజ్ కనిపిస్తే, పాన్ ఇండియా సీక్వెల్స్ కు నెక్ట్స్ లెవల్లో క్రేజ్ కనిపిస్తోంది. అది బాహుబలి 2తో ఒకసారి ప్రూవ్ అయింది. ఇప్పుడు రాఖీభాయ్ రూలింగ్ తో మరోసారి పాన్ ఇండియా సీక్వెల్స్ కు ఏ రేంజ్ లో క్రేజ్ ఉందో అర్ధమైంది. బాహుబలి 2, కేజీయఫ్ 2 రిలీజ్ హంగామాను రిపీట్ చేసే అవకాశాలు ఒక్క పుష్ప 2కు మాత్రమే ఉన్నాయి. అంతగా ఈ పుష్ప పార్ట్ 1 ఆడియెన్స్ లోకి వెళ్లింది.అందుకు తగ్గట్లే పుష్ప పార్ట్ 2ను కూడా సుకుమార్ తెరకెక్కించగలిగితే మాత్రం టాలీవుడ్ మరో ప్యాన్ ఇండియా బ్లాక్ బస్టర్ అందుకోవడం ఖాయం. మరోవైపు రూ.1000 కోట్లు కొల్లగొట్టిన ఆర్ ఆర్ ఆర్ సీక్వెల్ పై రాజమౌళి మౌనంగా ఉన్నాడు.కాని ఫ్యూచర్ లో బాహుబలి 3ని తీసుకొస్తాను అంటున్నాడు. బాహుబలి 3 థియేటర్స్ కు వచ్చిన రోజున మాత్రం ఇండియన్ సినిమా మరో ఎత్తు ఎదగడం ఖాయం.ఈసారి రాజమౌళి సినిమా మినిమం రెండు వేల కోట్ల వసూళ్లను కొల్లగొట్టడం కన్ ఫామ్.ఎందుకంటే నాలుగేళ్ల క్రితం విడుదలైన బాహుబలి 2 అప్పుడే 1600 కోట్లుకుపైగా కొల్లగొట్టింది. ఫ్యూచర్ లో ఈ సినిమా సీక్వెల్ కు మరింత క్రేజ్ పెరిగే అవకాశాలు ఉన్నాయి. అందుకే మినిమం 2 వేల కోట్ల మార్క్ అంటున్నాయి ట్రేడ్ వర్గాలు.

పాన్ ఇండియా స్టార్ డమ్ కోసం రష్మిక సీరియస్ గా ట్రై చేస్తోంది. సరిలేరు నీకెవ్వరు, పుష్ప చిత్రాలతో టాలీవుడ్ లో లీడింగ్ లేడీగా మారింది రష్మిక. త్వరలో పుష్ప2లో నటించబోతోంది. కోలీవుడ్ పై కూడా రష్మిక సీరియస్ గా ఫోకస్ పెట్టింది. బీస్ట్ హీరో విజయ్ తో కలసి కొత్త చిత్రంలో నటించబోతోంది. విజయ్ నటిస్తున్న ఈ తెలుగు,తమిళ చిత్రాన్ని వంశీ పైడిపల్లి తెరకెక్కిస్తున్నాడు. కోలీవుడ్  లో టాప్ ఫామ్ లో ఉన్న విజయ్ తో మూవీ ఛాన్స్ అంటే తమిళ సినీ పరిశ్రమలో రష్మికకు ఇన్ స్టెంట్ గా స్టార్ డమ్ కన్ ఫామ్ అన్నట్లే లెక్క. హిందీలోనూ రెండు పెద్ద సినిమాల్లో నటిస్తోంది. అమితాబ్ తో కలసి గుడ్ బై, సిద్ధార్ద్ మల్హోత్రా జతగా మిషన్ మజ్ను చిత్రాల్లో కనిపించనుంది. ఈ రెండు సినిమాలు ఈ ఏడాదే బాలీవుడ్ ఆడియెన్స్ ముందుకు రానున్నాయి. పుష్పతో ఆల్రెడీ బాలీవుడ్ ఆడియెన్స్ కు దగ్గరైంది రష్మిక. ఈ రెండు స్ట్రెయిట్ హిందీ మూవీస్ కూడా వర్క్ అవుట్ అయితే మాత్రం నేషన్ క్రష్‌ అక్కడ మామూలుగా ఉండదు. సొంత ఇండస్ట్రీ శాండల్ వుడ్ లో ఎలాగూ రష్మికకు స్టార్ ఇమేజ్ ఉంది. ఇప్పుడు దుల్కర్ సల్మాన్ సినిమా సీతారామం మూవీతో మాలీవుడ్ ఎంట్రీ ఇస్తోంది. ఈ సినిమాలో ఆఫ్రిన్ పాత్రలో కనిపించబోతోంది రష్మిక.పేరుకి తెలుగు చిత్రమే అయిన సీతారామం మూవీని మాలీవుడ్, కోలీవుడ్ లో కూడా విడుదల చేయబోతున్నారు. హను రాఘవపూడి మేకింగ్ లో తెరకెక్కుతున్న చిత్రమిది. మాలీవుడ్ డెబ్యూట్ మూవీనే అక్కడి హార్ట్ త్రోబ్ దుల్కర్ చిత్రం కావడంతో, రష్మిక ఆల్ మోస్ట్ పాన్ ఇండియా హీరోయిన్ గా దూసుకుపోతున్నట్లే లెక్క.     var request = 'https://www.sakshi.com/knowwidget/kwstr_1141264918.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

అ‍ల్లు అర్జున్‌-సుకుమార్‌ కాంబినేషన్‌లో వచ్చిన 'పుష్ప' సినిమా సృష్టించిన రికార్డుల గురించి ప్రత్యేకంగా చెప్పాల్సిన పనిలేదు. తెలుగులోనే కాకుండా పాన్‌ ఇండియా స్థాయిలో ఈ చిత్రం బాక్సాఫీస్‌ వద్ద రికార్డుల మోత మోగించింది. ఇక ఈ సినిమాలోని పాటలు, డైలాగులు సోషల్‌ మీడియాను ఓ రేంజ్‌లో షేక్‌ చేశాయి. ముఖ్యంగా బన్నీ మ్యానరిజంకు ప్రేక్షకులు ఫిదా అయ్యారు. ఇదిలా ఉండగా ఈ చిత్రం​ విడుదలై సుమారు నాలుగు నెలలు కావొస్తున్నా పుష్ప క్రేజ్‌ మాత్రం ఇంకా తగ్గలేదు. ఇటీవలె పశ్చిమ బెంగాల్‌లో పదో తరగతి పరీక్షలు జరిగాయి. ఈ సందర్భంగా ఓ విద్యార్థి ఆన్సర్‌ షీట్‌లో సమాధానాలకు బదులు పుష్ప డైలాగులు రాశాడు.  ‘పుష్ప, పుష్ప రాజ్‌.. అపున్ లిఖేగా నహీ(పరీక్ష రాసేదేలే)’అని రాసేశాడు. దీనికి సంబంధించిన ఆన్సర్‌ షీట్‌ను ఉపాధ్యాయుడు ఫోటో తీసి సోషల్‌ మీడియాలో షేర్‌ చేశాడు. దీంతో ప్రస్తుతం ఈ ఫోటో నెట్టింట తెగ వైరల్‌గా మారింది.   answer sheet me v pushpa raj🤣🤣 pic.twitter.com/3RVwDwB4to — Manoj Sarkar (@manojsarkarus) April 4, 2022

దర్శకుడు సుకుమార్, ఐకాన్ స్టార్ అల్లు అర్జున్ కాంబినేషన్‌లో వచ్చిన పుష్ప సినిమా దేశవ్యాప్తంగా సంచలన విజయం సాధించిన విషయం తెలిసిందే. ఈ మూవీలో బన్నీ నటనకు ప్రతి ఒక్కరూ ఫిదా అయిపోయారు. ఇక సినిమాలోని డైలాగులు, పాటలు అన్నీ సూపర్‌హిట్‌గా నిలిచాయి. ముఖ్యంగా శ్రీవల్లి, సమంత ఐటెం సాంగ్‌ ఊ అంటావా.. ఊఊ ఉంటావా, రారా సామీ పాటలు ఎంతగా పాపులర్‌ అయ్యాయో ప్రత్యేకంగా చెప్పనక్కర్లేదు. ఇప్పటీకి సోషల్‌ మీడియా ప్లాట్‌ఫా, పలు ఈవెంట్లలో ఈ పాటలే మారుమోగుతున్నాయి. చదవండి: సూర్య ఈటీ మూవీ ఓటీటీ రిలీజ్‌ డేట్‌ ఫిక్స్‌, ఆ రోజు నుంచే స్ట్రీమింగ్‌ ఇక మూవీ విడుదలైన నాలుగు నెలలు కావోస్తున్న ఇప్పటికీ పుష్ప మేనియా తగ్గలేదు. తాజాగా ఇందులో రారా సామీ పాటకు ఇద్దరు ఇండియన్‌ అమెరికా అమ్మాయిలు స్టెప్పులేసిన వీడియో నెట్టింట హల్‌చల్‌ చేస్తోంది. రాధాప్రియాంక అనే ఇన్‌స్టాగ్రామ్‌ ఖాతాలో ఈ వీడియోను షేర్‌ చేశారు. ఇద్దరు అమ్మాయిలు లంగాఓణిలు ధరించి రారా సామీ పాటకు డాన్స్‌ చేస్తూ కనిపించారు. దీనికి ‘సామీ ఫ్యాన్స్‌’ అనే క్యాప్షన్‌తో షేర్‌ చేసిన ఈ వీడియో ప్రస్తుతం సోషల్‌ మీడియాలో వైరల్‌గా మారింది.   చదవండి: ఆర్‌ఆర్‌ఆర్‌, డైరెక్టర్‌ రాజమౌళిపై కంగనా కామెంట్స్‌, పోస్ట్‌ వైరల్‌ View this post on Instagram A post shared by Radhapriyanka (@radhapriyanka)

సుకుమార్‌- అల్లు అర్జున్‌ కాంబినేషన్‌లో వచ్చిన 'పుష్ప' సినిమా ఎంతటి ఘనవిజయం సాధించిందో ప్రత్యేకంగా చెప్పనక్కర్లేదు. పాన్‌ ఇండియా సినిమాగా రూపొందిన ఈ మూవీ బ్లాక్‌బస్టర్‌ హిట్‌ అందుకుంది. ఇక విడుదలకు ముందే పుష్ప.. పాటలతో రికార్డులు సృష్టించింది. ఇందులోని రారా సామీ, టైటిల్‌ సాంగ్‌లకు విపరీతమైన రెస్పాన్స్‌ వచ్చింది. ఇక సమంత నటించిన స్పెషల్‌ సాంగ్‌ యూట్యూబ్‌ను షేక్‌ చేసింది. ఈ పాటను ఎన్నో వివాదాలు చూట్టుముట్టిన అదే స్థాయిలో రికార్డు క్రియేట్‌ చేసింది. సోషల్‌ మీడియా ఎక్కడ విన్న ఊ అంటావా? పాటే వినిపిస్తోంది. చదవండి: ఆసక్తికర సన్నివేశాలతో ‘కేజీఎఫ్‌ 2’ ట్రైలర్‌, ఫ్యాన్స్‌కు పండగే.. ఈ మూవీ విడుదలైన నాలుగు నెలలు గడిచిన ఇప్పటికీ ఈ పాట క్రేజ్‌ ఏమాత్రం తగ్గలేదు. దీనికి తాజాగా జరిగిన ఈ సంఘటనే ఉదాహరణ. ఇంటర్నేషనల్‌ లెవల్‌లో సమంత ఐటెం సాంగ్‌ గుర్తింపు పొందింది. రీసెంట్‌గా అమెరికాలో జరిగిన ఓ మ్యూజిక్‌ ఫెస్టివల్‌లో ఊ అంటావా.. ఊ అంటావా పాట వినిపించడం అందరిని ఆశ్చర్యాన్ని కలిగించింది. ఇది చూసి సమంత సైతం నమ్మలేకపోయింది. తన పాటకు ఈ రెంజ్‌లో రెస్పాన్స్‌ వస్తుందని ఊహించని సామ్‌ ఆనందం పట్టలేక ఇందుకు సంబంధించిన వీడియోలను, ట్వీట్‌లను తన సోషల్‌ మీడియా ఖాతాల్లో పంచుకుంటుంది. చదవండి: ‘ఆర్‌ఆర్‌ఆర్‌’ మూవీపై బాబు గోగినేని వివాదస్పద రివ్యూ, ఏమన్నాడంటే అమెరికాలోని ఫ్లోరిడాలో మార్చిలో అల్ట్రా మైమీ పేరుతో ప్రతి ఏడాది గ్రాండ్‌ మ్యూజిక్ ఫెస్టివల్‏ను నిర్వహిస్తారు.  లక్షలాది మంది ఆడియన్స్ మధ్య ఈ వేడుక ఘనంగా జరుగుతుంది. ఈ క్రమంలో రీసెంట్‌గా నిర్వహించిన ఈ మ్యూజిక్‌ ఫెస్టివల్‌ వేదికపై సమంత నటించి ఊ అంటావా.. ఊహు అంటావా పాటను ప్రదర్శించారు. ఇందుకు సంబంధించిన వీడియోను ఓ నెటిజన్ షేర్ చేస్తూ.. ఇది నమ్మశక్యం కానీ రిచ్.. పాన్ ఇండియానా కాదు.. పాన్ వరల్డ్ మూవీ పుష్ప’ అంటూ  సినిమాపై ప్రశంసలు కురిపించాడు. ఇక అతని ట్వీట్‏ను సమంత రీట్వీట్ చేస్తూ నిజమేనా ? ఇది అల్ట్రా మైమీ మ్యూజిక్ ఫెస్టివల్ లోనా ? అంటూ ఆశ్చర్యం వ్యక్తం చేసింది. 😳 Are you sure this is #ultramiami .. 😱😱😱 https://t.co/gpWui0Ruwz — Samantha (@Samanthaprabhu2) March 27, 2022

సుకుమార్‌- అల్లు అర్జున్‌ కాంబినేషన్‌లో వచ్చిన 'పుష్ప' సినిమా ఎంత పెద్ద హిట్‌ అయిందో ప్రత్యేకంగా చెప్పానక్కర్లేదు. పాన్‌ ఇండియా లెవల్‌లో బాక్సాఫీస్‌ రికార్డులను బద్దలు కొట్టిన ఈ చిత్రానికి  సీక్వెల్‌ రాబోతున్న విషయం తెలిసిందే. ప్రస్తుతం దానికి సంబంధించిన పనులు జరుగుతున్నాయి. తాజాగా ఈ సినిమాకి సంబంధించి ఓ వార్త ఇప్పుడు సోషల్‌ మీడియాలో తెగ వైరల్‌ అవుతుంది. 'ఊ అంటావా ఉఊ అంటావా మావా' అనే పాటతో ఊపేసిన సమంతలో కూడా మెరవనున్నట్లు టాక్‌ వినిపిస్తుంది. అయితే ఐటెం సాంగ్‌ కోసం కాదు.. ఓ స్పెషల్‌ రోల్‌ కోసం ఆమెను రంగంలోకి దించనున్నట్లు తెలుస్తుంది. పుష్ప విజయంలో కీలక పాత్ర పోషించిన సమంతను సీక్వెల్‌లో కూడా భాగస్వామ్యం చేయాలని సుక్కు భావిస్తున్నారట. ఇప్పటికే దీనికి సంబంధించన చర్చలు కూడా జరిగినట్లు సమాచారం​. ఇక పుష్ప-2 కూడా బన్నీకి జోడీగా రష్మిక మందన్నా కంటిన్యూ కానుంది.  

Sneha Reddy’s father felicitates Allu Arjun: ఐకాన్‌ స్టార్‌ అల్లు అర్జున్ నటించిన ‘పుష్ప’ సినిమా బాక్సాఫీస్ వద్ద కలెక్షన్ల వర్షం కురిపించిన విషయం తెలిసిందే. ఇక ఈ నేపథ్యంలో బన్ని సతీమణి స్నేహారెడ్డి తండ్రి చంద్రశేఖర్ రెడ్డి తన అల్లుడు అల్లు అర్జున్ కోసం గ్రాండ్‌ పార్టీని ఏర్పాటు చేశారు. ఓ ప్రముఖ స్టార్‌ హోటల్‌లో పుష్ప సక్సెస్ పార్టీ జరిగినట్టు సమాచారం. చంద్రశేఖర్ రెడ్డి బన్నికి పిల్లనిచ్చిన స్వంత మామగారు. ఇక ఆయన ఇప్పటి వరకు సినిమా జ‌నాలకు, సినిమా ఫంక్షన్లకు పరిచయం తక్కువనే చెప్పాలి. అయితే తొలిసారి అల్లు అర్జున్ కోసం ఇలాంటి పార్టీ ఇచ్చారు. అంతేకాక ఆయనే స్వయంగా సినిమా జ‌నాలను ఆహ్వానించడం విశేషం. పుష్పరాజ్‌గా అద్బుతంగా నటించిన అల్లు అర్జున్‌ను చంద్రశేఖర్ రెడ్డి సత్కరించారు. ఇక ఈ కార్యక్రమానికి మెగాస్టార్ చిరంజీవి-సురేఖా దంపతులతో పాటు అల్లు అరవింద్‌, అల్లు స్నేహారెడ్డి, త్రివిక్రమ్ శ్రీనివాస్‌, క్రిష్ జాగర్లమూడి, హరీష్ శంకర్‌, గుణశేఖర్‌తో పాటు పలువురు ఈవెంట్‌కు హాజరయినట్టు తెలుస్తోంది. ఇక  ఈ పార్టీలో మెగాస్టార్‌ చిరంజీవి స్పెషల్‌ అట్రాక్షన్‌గా నిలిచారు. ఇక బన్ని సినిమాల విషయానికొస్తే..‘పుష్ప’ రెండో భాగం ‘పుష్ప: ది రూల్‌’ చిత్రం షూటింగ్‌ త్వరలోనే ప్రారంభం కానుంది. ఇదిలా ఉంటే అల్లు అర్జున్‌ తర్వాత చిత్రం సంజయ్‌లీలా భన్సాలీతో చేయబోతున్నట్లు వార్తలు వినిపిస్తున్నాయి. అలాగే  రాజమౌళి దర్శకత్వంలోనూ బన్నీ నటించబోతున్నట్లు సమాచారం. 

ఐకాన్‌ స్టార్‌ అల్లు అర్జున్‌, నేషనల్‌ క్రష్‌ రష్మిక మందన్నా జంటగా నటించిన చిత్రం 'పుష్ప: ది రైజ్‌'. క్రియేటివ్‌ డైరెక్టర్‌ సుకుమార్‌ దర్శకత్వంలో తెరకెక్కిన ఈ సినిమా డిసెంబర్‌ 17న ప్రపంచవ్యాప్తంగా విడుదలై బాక్సాఫీస్‌ వద్ద రికార్డులు సృష్టించింది. అలాగే జనవరి 7న ఓటీటీలో రిలీజైన పుష్పరాజ్‌ అంతకుమించిన రెస్పాన్స్‌ తెచ్చుకున్నాడు. తమిళం, మలయాళం, కన్నడ, హిందీ భాషల్లోనూ బ్లాక్‌ బస్టర్‌ హిట్‌గా నిలిచాడు. ఈ సినిమాలో బన్నీ యాక్టింగ్‌తో పాటు పాటలు కూడా బాగా హైలైట్‌ అయ్యాయి. ఈ సినిమాలోని డైలాగ్‌లు, పాటలు అభిమానులను విపరీతంగా ఆకట్టుకున్నాయి. అందుకే సెలబ్రిటీలు, అభిమానులు సినిమా డైలాగ్‌లు, కవర్‌ సాంగ్స్‌తో వీడియోలు రూపొందిస్తున్నారు. చదవండి:  'శ్రీవల్లి' పాట పాడిన ట్రాఫిక్‌ పోలీస్‌.. అది కూడా మరాఠీ వెర్షన్‌లో అందులో ముఖ్యంగా 'చూపే బంగారమాయేనా శ్రీవల్లి' సాంగ్‌పై కవర్‌ సాంగ్స్‌ చేస్తూ అనేకమంది నెటిజన్స్‌ అలరించారు. 'తగ్గేదే లే..' అంటూ శ్రీవల్లి సాంగ్‌లోని అల్లు అర్జున్‌ హుక్ స్టెప్‌ వేస్తూ అదరగొట్టారు. అంతేకాకుండా మహారాష్ట్రలోని పూణెకి చెందిన ఓ ట్రాఫిక్‌ పోలీస్‌ మరాఠీ భాషలో 'శ్రీవల్లి' పాటకు లిరిక్స్‌ రాసి స్వయంగా పాడాడు. ఇప్పుడు తాజాగా ఈ పాటను సంగీత వాయిద్యాలతో ట్యూన్‌ చేశారు ముంబై పోలీసులు. ఎప్పుడూ ప్రజల రక్షణ కోసం పాటుపడే పోలీసులు తమలోని మరో కళను బయటపెట్టారు. బ్యాండ్‌తో శ్రీవల్లి సాంగ్‌ను కంపోజ్‌ చేసి ఆకట్టుకున్నారు. ఇవే కాకుండా సినిమాల్లోని పలు హిట్‌ సాంగ్స్‌ను ట్యూన్‌ చేస్తున్నారు ఈ పోలీసులు. అలాగే మహిళల రక్షణ కోసం పలు వీడియోలు చేసి తమ యూట్యూబ్‌ ఛానెల్‌లో పోస్ట్ చేస్తున్నారు.  చదవండి: శ్రీవల్లి పాటకు 100 మిలియన్ల వ్యూస్‌

'పుష్ప: ది రైజ్‌’ మూవీ గతేడాది క్రిస్మిస్‌కు విడుదలై బ్లాక్‌బస్టర్‌ హిట్‌ అందుకుంది. క్రియేటివ్‌ డైరెక్టర్‌ సుకురామ్‌-అల్లు అర్జున్‌ కాంబోలో పాన్‌ ఇండియా చిత్రంగా పుష్ప తెరకెక్కింది. ఈ మూవీ సీక్వెల్‌గా పుష్ప: ది రూలర్‌ పార్ట్‌ 2 ప్రస్తుతం రూపొందుతోన్న సంగతి తెలిసిందే. ఇదిలా ఉండే పార్ట్‌ 1 విడుదలకు ముందే పాటలు, ట్రైలర్‌తో సన్సెషన్‌ క్రియేట్‌ చేసింది. ఇందులోని రారా సామీ, సమంత స్పెషల్‌ సాంగ్‌ ఊ అంటావా మావా ఊఊ అంటావా పాటలు ఏ రెంజ్‌లో విజయం సాధించాయో ప్రత్యేకంగా చెప్పనక్కర్లేదు. ముఖ్యంగా ఊ అంటావా పాట అయితే రికార్డు సృష్టించింది. ఈ పాటను వివాదాలు చూట్టుముట్టినప్పటికీ, వ్యూస్‌ పరంగా ట్రెండింగ్‌లో దూసుకుపోయింది. చదవండి: ఫుడ్‌ డెలివరి బాయ్‌గా మారిన స్టార్‌ కమెడియన్‌, ఫొటో వైరల్‌ ఇక అదే రెంజ్‌లో పార్ట్‌ 2కి కూడా సుక్కు-దేవిశ్రీ ఓ మాస్‌ మసాలా స్పెషల్‌ సాంగ్‌కు ప్లాన్ చేస్తున్నాడట. పార్ట్‌ 1లో సమంత అదరగొట్టగా.. పార్ట్‌ 2 కోసం బాలీవుడ్‌ బ్యూటీని సంప్రదించినట్లు జోరుగా ప్రచారం జరుగుతోంది. బాలీవుడ్‌ హీరోయిన్‌ దిశా పటానీతో ఈ సారి మాస్‌ స్టెప్పులు వేయించేందుకు సుక్కు ప్లాన్‌ చేస్తున్నాడట. త్వరలోనే దిశాతో చర్చలు కూడా జరపనున్నారని వార్తలు వినిపిస్తుండగా.. ఇప్పటికే ఆమెను సంప్రదించారని, దీనికి దిశా కూడా గ్రీన్‌ సిగ్నల్‌ ఇచ్చిందంటూ ఫిలిం దూనియాలో గుసగుసలు వినిపిస్తున్నాయి. మరి ఇందులో నిజమెంతుందో తెలియాలంటే అధికారిక ప్రకటన వచ్చేవరకు వేచి చూడాలి.  చదవండి: ‘ది కశ్మీర్‌ ఫైల్స్‌’ మూవీపై ప్రకాశ్‌ రాజ్‌ షాకింగ్‌ కామెంట్స్‌, ట్వీట్‌ వైరల్‌

అలనాటి తారలు వరసగా రీఎంట్రీ ఇస్తున్నారు. ఒకప్పుడు టాలీవుడ్‌ వెండితెర ఏలిన స్టార్‌ హీరోయిన్లు తల్లి పాత్రలతో అలరించేందుకు రెడీ అవుతున్నారు. ఇప్పటికే  రాధిక, ఖుష్భు, ఆమని వంటి నటీమణులు రీఎంట్రీ ఇవ్వగా.. ఇటీవల రాధేశ్యామ్‌ వంటి పాన్‌ ఇండియా మూవీతో బాలీవుడ్‌ నటి భాగ్యశ్రీ రీఎంట్రీ ఇచ్చిన సంగతి తెలిసిందే. దీంతో స్టార్‌ హీరో ప్రాజెక్ట్స్‌ సీనియర్‌ నటీమణులు ఎంట్రీ ఇవ్వడం ట్రెండ్‌గా మారింది. తాజాగా 90ల్లో స్టార్‌ హీరోయిన్‌గా పేరు తెచ్చుకున్న నటి ఇంద్రజ కూడా వెండితెర ఎంట్రీకి రెడీ అయ్యింది. చదవండి: స్పెషల్‌ సాంగ్‌కు రష్మిక షాకింగ్‌ రెమ్యునరేషన్‌, నిర్మాతలకు చుక్కలు ఇప్పటికే బుల్లితెరపై అలరిస్తున్న ఆమె ‘స్టాండప్‌ రాహుల్‌’ మూవీతో బిగ్‌స్క్రీన్‌పై సందడి చేయబోతోంది. ఈ మూవీలో రాజ్‌ తరుణ్‌కు ఇంద్రజ తల్లి పాత్రలో నటించనుంది. ఇదిలా ఉంటే ఇప్పడు ఆమెకు పాన్‌ ఇండియా ఆఫర్‌ వచ్చినట్లు జోరుగా ప్రచారం జరుగుతుంది. ఇప్పటికే ఫస్ట్‌ పార్ట్‌ బ్లాక్‌బస్టర్‌ హిట్‌ అందుకున్న ‘పుష్ప: ది రైజ్‌’.. ప్రస్తుతం  పార్ట్‌ 2ను రూపొందుతోంది. క్రియేటివ్‌ డైరెక్టర్‌ తెరకెక్కిస్తున్న ఈ పాన్‌ ఇండియా చిత్రంలో అ‍్లలు అర్జున్‌, రష్మిక మందన్నా లీడ్‌ రోల్‌లు పోషిస్తున్నారు. చదవండి: స్పెయిన్‌లో పెళ్లి సందడి హీరోయిన్‌తో రవితేజ రొమాన్స్‌.. ప్రస్తుతం పుష్ప పార్ట్‌2 రూపొందించే బిజీలో అల్లు అర్జున్‌, సుక్కు ఉన్నారు. ఇందులో ఓ కీలక పాత్ర కోసం సుక్కు ఇంద్రజ స్పందించారట. ‘పుష్ప’ సినిమాలో ఉన్న నటీనటులే పుష్ప 2 లో ఉంటారని గతంలో సుకుమార్‌ క్లారిటీ ఇవ్వగా.. ఇప్పుడు కథలో కొన్ని మార్పులు చేసి, అందుకు తగ్గట్టే పాత్రలను ఎంచుకుంటున్నాడని గుసగుసలు వినిపిస్తున్నాయి. అందులో ఓ కీ రోల్‌ కోసం ఇంద్రజ సుక్కు చర్చలు జరిపాడట, దీనికి ఆమె గ్రీన్‌ సిగ్నల్‌ కూడా ఇచ్చినట్లు ప్రస్తుతం ఫిలిం దూనియాలో ఈ వార్త గుప్పుమంటోంది. ఇక ఇదే కనుక నిజమైతే ఇంద్రజ రేంజ్ ఎక్కడికో వెళ్లిపోతుంది అనడంలో ఎటువంటి సందేహం లేదు.

అత్యంత కొద్ది సమయంలోనే మోస్ట్‌ పాపులారిటీ సంపాదించుకున్నాడు రౌడీ హీరో విజయ్‌ దేవరకొండ. ప్రస్తుతం టాలీవుడ్‌లో మంచి డిమాండ్‌ ఉన్న స్టార్లలో విజయ్‌ ఒకరని చెప్పడంలో సందేహం లేదు. అర్జున్ రెడ్డి, గీత గోవిందం, డియర్ కామ్రెడ్‌ చిత్రాల భారీ విజయంతో విజయ్‌కు మంచి పేరు వచ్చింది. అయితే రెండేళ్లనుంచి ఈ రౌడీ హీరో సినిమా రాలేదు. అయితే తన ఫ్యాన్స్‌ను రెండేళ్లు వెయిట్‌ చేయించిన విజయ్‌ డ్యాషింగ్‌ డైరెక్టర్‌ పూరీ జగన్నాథ్‌ డైరెక్షెన్‌లో తెరకెక్కుతున్న 'లైగర్‌' మూవీతో ఐఫీస్ట్‌ ఇవ్వనున్నాడు. ఇవే కాకుండా మరికొన్ని క్రేజీ ప్రాజెక్ట్స్‌తో విజయ్‌ తన అభిమానులను అలరించనున్నాడని టాక్‌ వినిపిస్తోంది.  జనవరి ప్రారంభంలో క్రియేటివ్ డైరెక్టర్‌ పుట్టినరోజున విజయ్‌ చేసిన ట్వీట్‌ పలు ఆసక్తిర విషయాలకు హింట్‌ ఇస్తోందని తెలుస్తోంది. అల్లు అర్జున్‌తో 'పుష్ప: ది రైజ్‌' సినిమా రూపొందించి భారీ హిట్ కొట్టాడు సుకుమార్. త్వరలో ఈ సినిమా రెండో భాగం 'పుష్ప: ది రూల్‌' షూటింగ్ ప్రారంభం కానుంది. ఈ సినిమా తర్వాత 'పుష్ప: ది ర్యాంపేజ్‌' అనే టైటిల్‌తో సుకుమార్‌, విజయ్ దేవరకొండల చిత్రం రానుందని ఊహాగానాలు వినిపిస్తున్నాయి. ఈ చర్చ సోషల్ మీడియాలో జోరుగానే సాగింది. సమంత, నాగ చైతన్యల సూపర్‌ హిట్ ఫిల్మ్‌ మజిలీ డైరెక్టర్‌ శివ నిర్వాణతో కూడా విజయ్‌ ఓ సినిమా తీయనున్నాడని సమాచారం. బిజీ షెడ్యూల్స్ వల్ల ఈ మూవీకి డేట్స్‌ కుదరట్లేదని తెలుస్తోంది. ఇందులో సమంతనే హీరోయిన్‌గా అనుకుంటున్నట్లు టాలీవుడ్ వర్గాల భోగట్టా. ఈ మూవీకి కోలీవుడ్ సెన్సేషన్‌ అనిరుధ్‌ సంగీతం అందించనున్నాడని టాక్‌.    Happy Birthday @aryasukku sir - I wish you the best of health & happiness! Cannot wait to start the film with you :) love and hugs 🤗🤍 2021 - The Rise 2022 - The Rule 2023 - The Rampage pic.twitter.com/lxNt45NS0o — Vijay Deverakonda (@TheDeverakonda) January 11, 2022 ఇవేకాకుండా మళ్లీ పూరీ జగన్నాథ్‌ డైరెక్షన్‌లో విజయ్‌ దేవరకొండ 'జనగణమన' సినిమా చేయనున్నాడని సమాచారం. పూరీ జగన్నాథ్ డ్రీమ్‌ ప్రాజెక్ట్‌ అయిన ఈ మూవీని మొదట మహేశ్ బాబుతో తెరకెక్కిస్తున్నట్లు ప్రకటించారు. తర్వాత ఏమైందో ఏమో కానీ ఈ సినిమా పట్టాలెక్కలేదు. ఇప్పుడు ఈ చిత్రాన్ని విజయ్‌తో తీయనున్నట్లు తెలుస్తోంది. వీటితోపాటు స్టార్‌ డైరెక్టర్‌లు అయిన త్రివిక్రమ్‌ శ్రీనివాస్, శివ కొరటాల దర్శకత్వంలోనూ ఈ రౌడీ హీరో సినిమా చేయనున్నట్లు గుసగుసలు వినిపిస్తున్నాయి. మరీ ఇవి ఎంతవరకూ నిజమో వేచి చూడాలి.  చదవండి: విజయ్‌ దేవరకొండ త్రోబ్యాక్‌ వీడియో.. పూరీ జగన్నాథ్‌ షాక్‌

Ind Vs Sl 2nd Test: టీమిండియా కెప్టెన్‌గా రోహిత్‌ శర్మ పగ్గాలు చేపట్టిన నాటి నుంచి వరుస విజయాలు సాధిస్తున్నాడు. అతడి సారథ్యంలో టీమిండియా క్లీన్‌స్వీప్‌లు చేస్తూ సత్తా చాటుతోంది. ఈ క్రమంలో ఇప్పటికే జట్టు పరంగా భారత్‌, కెప్టెన్‌గా రోహిత్‌ శర్మ ఖాతాలో పలు రికార్డులు నమోదయ్యాయి. శ్రీలంకతో టెస్టు సిరీస్‌ వైట్‌వాష్‌ తర్వాత... పూర్తిస్థాయి కెప్టెన్‌గా అరంగేట్ర సిరీస్‌లలో (మూడు ఫార్మాట్లు) క్లీన్ స్వీప్ విజయాలు సాధించిన మొట్టమొదటి సారథిగా రోహిత్ శర్మ రికార్డు సృష్టించాడు. ఇక స్వదేశంలో వరుసగా 15 సిరీస్‌లు గెలిచిన ఏకైక జట్టుగా భారత జట్టు చరిత్రకెక్కింది. ఈ క్రమంలో రోహిత్‌ శర్మపై ప్రశంసల జల్లు కురుస్తోంది. ఇక టీమిండియా మాజీ ఆటగాడు వసీం జాఫర్‌ సోషల్‌ మీడియాలో యాక్టివ్‌గా ఉంటాడన్న సంగతి ప్రత్యేకంగా చెప్పనక్కర్లేదు. ట్రెండ్‌కు తగ్గట్లుగా మీమ్‌లు షేర్‌ చేస్తూ నెటిజన్లను ఆకట్టుకోవడం ఆయన ప్రత్యేకత. శ్రీలంకతో రెండో టెస్టులో విజయంతో సిరీస్‌ను క్లీన్‌స్వీప్‌ చేసి.. మరో వైట్‌వాష్‌ సాధించిన కెప్టెన్‌ రోహిత్‌ శర్మను ఉద్దేశించి అదిరిపోయే మీమ్‌ పంచుకున్నారు. పుష్ప మేనియాను గుర్తు చేస్తూ.. టాలీవుడ్‌ స్టార్‌ అల్లు అర్జున్‌ పుష్ప మాస్‌లుక్‌ను షేర్‌ చేసిన వసీం జాఫర్‌.. ‘‘పూర్తిస్థాయి కెప్టెన్‌ అయిన నాటి నుంచి.. న్యూజిలాండ్‌తో టీ20 సిరీస్‌ 3-0, వెస్టిండీస్‌ వన్డే సిరీస్‌ 3-0, వెస్టిండీస్‌తో టీ20 సిరీస్‌ 3-0, శ్రీలంకతో టీ20 సిరీస్‌ 3-0, శ్రీలంకతో టెస్టు సిరీస్‌ 2-0.. నేను ఓడేదేలే సాలా’’ అంటూ క్యాప్షన్‌ ఇచ్చారు. ఈ మీమ్‌ చూసి రోహిత్‌ ఫ్యాన్స్‌ ఖుషీ అవుతున్నారు. పుష్ప అంటే ఫైరూ.. రోహిత్‌ అంటే హిట్టూ ఓడేదేలే సాలా... దటీజ్‌ మై కెప్టెన్‌ నిజం చెప్పారు మీరు’’ అంటూ కామెంట్లు చేస్తున్నారు. చదవండి: Ind Vs Sl 2nd Test- WTC: దక్షిణాఫ్రికాలో ఓడటం మన అవకాశాలను దెబ్బ తీసింది.. కానీ: రోహిత్‌ శర్మ CHAMPIONS #TeamIndia @Paytm #INDvSL pic.twitter.com/GhLlAl1H0W — BCCI (@BCCI) March 14, 2022 Since @ImRo45 became full time Captain: 3-0 vs NZ (T20I) 3-0 vs WI (ODI) 3-0 vs WI (T20I) 3-0 vs SL (T20I) 2-0 vs SL (Tests) #INDvSL pic.twitter.com/ojREzqlA6M — Wasim Jaffer (@WasimJaffer14) March 14, 2022

ఐకాన్‌ స్టార్‌ అల్లు అర్జున్‌ హీరోగా నటించిన ‘పుష్ప’చిత్రం రికార్డులకు కేరాఫ్‌గా నిలుస్తోంది. గతేడాది డిసెంబర్‌లో విడుదలైన ఈమూవీ క్రేజ్‌ ఇప్పటికీ కొనసాగుతుంది. మరీ ముఖ్యంగా ఈ సినిమాలోని ‘తగ్గేదేలే’అనే డైలాగ్‌ వయసుతో సంబంధం లేకుండా అందరూ వాడేస్తున్నారు. సామాన్య ప్రజలతో పాటు సినీ, రాజకీయ, క్రీడా ప్రముఖులు కూడా పుష్ప డైలాగ్స్‌ని వాడుకుంటున్నారు. ఇటీవల జరిగిన ఇండియా, శ్రీలంక మ్యాచ్‌లో ద్ర జడేజా సెంచరీ చేసిన తర్వాత, వికెట్ తీసిన తర్వాత తగ్గేదే లే అంటూ తన ట్రేడ్ మార్క్ సెలబ్రేషన్ చేసుకున్నాడు. డేవిడ్ వార్నర్, రవీంద్ర జడేజా, సురేష్ రైనా, రవిచంద్రన్ అశ్విన్, సూర్య కుమార్ యాదవ్, ఇషాన్ కిషన్ సహా చాలామంది ఫేమస్ క్రికెటర్స్ పుష్ప సినిమా డైలాగ్స్ చెప్పి గ్లోబల్ వైడ్ ట్రెండింగ్ చేశారు. తాజాగా సెన్సేషనల్ హీరో రణవీర్ సింగ్ కూడా తగ్గేదే లే అనేశాడు.రాజకీయ నాయకులు కూడా పుష్ప సినిమా డైలాగులు తమ ప్రచారంలో వాడుకుంటున్నారు. ఫ్లవర్ కాదు ఫైర్ అంటూ స్పీచ్ ఇస్తున్నారు. ఒక సినిమాలోని డైలాగ్స్‌ని ప్రపంచ వ్యాప్తంగా ఇంతమంది వాడుకోవడం బహుశా ఒక్క పుష్పకే సొంతం కావొచ్చు.  ఇప్పట్లో ఈ క్రేజు తగ్గేలా కనిపించడం లేదు.  ఈ సినిమాతో అల్లు అర్జున్ ఇండియన్ సినిమాలో తన ఇమేజ్ ను మరింత పెంచుకున్నాడు అనడంలో ఎలాంటి సందేహం లేదు.

Pushpa Movie Dialogue Jukebox Released: క్రియేటివ్‌ డైరెక్టర్‌ సుకుమార్‌, ఐకాన్‌ స్టార్ అల్లు అర్జున్‌ కాంబొలో వచ్చిన హ్యాట్రిక్‌ మూవీ 'పుష్ప: ది రైజ్‌'. గతేడాది డిసెంబర్‌ 17న వరల్డ్‌ వైడ్‌గా థియేటర్లలో రిలీజైన ఈ  చిత్రం సంచలన విజయం సాధించింది. ప్రపంచవ్యాప్తంగా సుమారు రూ. 330 కోట్లకుపైగా వసూళ్లు రాబట్టింది. వసూళ్ల కలెక్షన్లను పక్కన పెడితే పుష్ప మేనియా కూడా విపరీతంగా పాపులర్‌ అయింది. పుష్ప క్యారెక్టర్‌లోని బన్నీ నటనకు ప్రతి ఒక్కరూ ఫిదా అయిపోయారు. సినిమాలోని డైలాగులు, పాటలు అన్నీ సూపర్‌హిట్‌గా నిలిచాయి. దీంతో పుష్ప క్యారెక్టర్‌ను అనుకరిస్తూ ప్రపంచం నలుమూలల నుంచి సినీ, క్రికెట్ సెలబ్రిటీలు ప్రత్యేక వీడియోలు క్రియేట్‌ చేసి సోషల్‌ మీడియాలో రిలీజ్‌ చేశారు. అవి ఎంతో ట్రెండ్‌ కూడా అయ్యాయి.   ప్రస్తుతం ఈ సినిమా రెండో భాగం 'పుష్ప: ది రూల్‌' చిత్రీకరణ ఏప్రిల్‌లో ప్రారంభం కానుంది. ఈలోపు ఈ మూవీకి సంబంధించిన ఆసక్తికర వీడియోను విడుదల చేశారు మేకర్స్‌. ఇదివరకూ సినిమా పాటల జ్యూక్‌ బాక్స్‌ను రిలీజ్‌ చేసేవారు. ఇప్పుడు సరికొత్త విధానానిని నాంది పలుకుతూ పుష‍్ప డైలాగ్‌ జ్యూక్ బాక్స్‌ను విడుదల చేశారు మేకర్స్‌. పుష్ప మూవీలో అల్లు అర్జున్‌ పలికిన కొన్ని పాపులర్‌ డైలాగ్‌లతో ఈ జ్యూక్‌ బాక్స్‌ ఉంది. ఈ వీడియో సుమారు 21 నిమిషాల నిడివితో ఉంది. ఈ డైలాగ్ జ్యూక్‌ బాక్స్‌కు మంచి స్పందన వస్తోంది. మరి ఈ విధానాన్ని భవిష్యత్తులో దర్శకనిర్మాతలు అనుసరిస్తారేమో చూడాలి. 

తెలుగు సినిమాల్లో ఒకప్పుడు హీరో అంటే..రాముడు మంచి బాలుడిలా ఉండేవాడు. ఎటువంటి బ్యాడ్‌ హ్యబిట్స్‌ లేకుండా నుదిట బొట్టు పెట్టుకొని చాలా క్లాస్‌గా,నీట్‌గా ఉండేవాడు.ఆ తర్వాత వచ్చిన కొంత మంది మాస​్‌ డైరెక్టర్స్‌ హీరోని కాస్త రఫ్‌గా చూపించడం మొదలుపెట్టారు. అంటే ఫుల్‌గా హెయిర్‌, గడ్డం పెంచి, టీషర్ట్‌ కొంచెం మడతెట్టి కంప్లీట్‌ రఫ్‌ లుక్‌లో కనించారు. ప్రేక్షకులు కూడా అదే ట్రెండ్‌ని ఫాలో అయ్యారు. అలా కొంతకాలం నడించింది.కానీ ఇప్పుడు మళ్లీ మన హీరోలు మారిపోయారు. తమ ఇమేజ్‌ని పక్కన పెట్టి సరికొత్త ప్రయోగాలు చేస్తున్నారు. ఈ మధ్య కాలంలో హీరోలు ఎక్కువగా  లోపం ఉన్న కథలను ఎంచుకుంటున్నారు. దర్శకులు కూడా హీరోలకి ఏదో ఒక జుబ్బు అంటకట్టి ప్రేక్షకుల్లో ఆ పాత్రపై సింపతి పెంచి సినిమాను హిట్‌ చేసుకుంటున్నారు. లోపంతో వచ్చి ప్రేక్షకులకు బాగా కనెక్ట్‌ అయినా చిత్రాలపై ఓ లుక్కేద్దాం  ‘పుష్ప’భారం అంతా భుజంపైనే..  ఐకాన్‌ స్టార్‌ అల్లు అర్జున్‌ హీరోగా నటించిన పాన్‌ ఇండియా చిత్రం పుష్పం. ఇందులో బన్నీ గుబురు గడ్డం, రింగులు తిరిగిన జుట్టు, కమిలిని చర్మంతో డీ–గ్లామరస్‌ పాత్రలో కనిపించాడు. అలాగే ఎడమ భుజం పైకి(షోల్డర్‌ ఇన్‌బ్యాలెన్స్‌)ఉన్న వ్యక్తిగా కనిపించి, నటనపరంగా ‘తగ్గేదే లే’అని నిరూపించారు. ఎర్ర చందనం స్మంగ్లింగ్‌ నేపథ్యంలో తెరకెక్కిన ఈ చిత్రం గతేడాది డిసెంబర్‌ 17న విడుదలై, బాక్సాఫీస్‌ వద్ద కాసుల వర్షం కురిపించింది. దాదాపు రూ.300 కోట్లకు పైగా రాబట్టి..  బన్నీ కెరీర్‌లోనే అత్యధిక వసూళ్లని రాబట్టిన చిత్రంగా నిలిచింది. మూవీలో అల్లు అర్జున్‌ ఫేమస్‌ డైలాగ్‌ ‘తగ్గేదే లే’ను సామాన్య ప్రజలతో పాటు సినీ సెలబ్రెటీల, రాజకీయ నాయకులకు వరకు వాడేస్తున్నారు.  సౌండ్‌ ఇంజనీర్‌గా చించేసిన చెర్రీ క్రియేటీవ్‌ డైరెక్టర్‌ సుకుమార్‌- రామ్‌ చరణ్‌ కాంబినేషన్‌లో వచ్చిన సూపర్‌ హిట్‌ చిత్రం ‘రంగస్థలం’. 2018 మార్చి 30న విడుదలైన ఈ సినిమా.. టాలీవుడ్‌ రికార్డులన్నీ బద్దలుకొట్టింది.అంతేకాదు ఎన్నో అవార్డులను సొంతం చేసుకుంది.ఇక ఈసినిమాకు మెయిన్ పిల్లర్ ఎవరంటే రామ్ చరణ్ అని చెప్పడంలో ఎలాంటి సందేహం లేదు. యాక్షన్‌ డ్రామాగా తెరకెక్కిన ఈ సినిమాలో రామ్ చరణ్..  వినికిడి లోపం ఉన్న చిట్టిబాబు(సౌండ్‌ ఇంజనీర్‌ చిట్టిబాబు) త్రలో నటించి అదరగొట్టేవాడు. మైత్రీ మూవీ మేకర్స్‌ నిర్మించిన ఈ చిత్రంలో సమంత హీరోయిన్‌గా నటించింది. ‘బ్లైండ్‌’గా దూసుకెళ్లిన రవితేజ మాస్‌ మహారాజ రవితేజ, యంగ్‌ సెన్సేషన్‌ డైరెక్టర్‌ అనిల్‌ రావిపూడి కాంబోలో వచ్చిన సూపర్‌ హిట్‌ మూవీ ‘రాజా ది గ్రేట్‌’. 2017లో ఫన్ అండ్ ఫ్యామిలీ ఎమోషన్స్‌గా వచ్చిన ఈ చిత్రం ప్రేక్షకులను కడుపుబ్బా నవ్వించింది. ఇందులో రవితేజని అంధుడిగా చూపించి మెప్పించాడు అనిల్‌ రావిపూడి.ఐమామ్ ది బ్లైండ్.. బ‌ట్ ఐయామ్ ది ట్రైన్డ్ అంటూ ర‌వితేజ చెప్పే డైలాగ్‌కి ఫ్యాన్స్‌ ఫిదా అయ్యారు.  ఓసీడీతో నవ్వించిన‘మహానుభావుడు’ మారుతి దర్శకత్వంలో శర్వానంద్, మెహరీన్‌ జంటగా నటించిన చిత్రం ‘మహానుభావుడు’(2017). ఈ సినిమాలో హీరో ఓసీడితో బాధపడుతుంటాడు. క్లీన్‌గా ఉండకపోతే అతనికి అస్సల్‌ నచ్చదు. హీరోకి ఉన్న ఈ బలహీనతే.. సినిమాని సూపర్‌  హిట్‌ చేసింది. నత్తితో మెప్పించిన ఎన్టీఆర్‌ జూనియర్ ఎన్టీఆర్ – బాబీ కాంబినేషన్‌లో వచ్చిన చిత్రం ‘జై లవ కుశ’. తొలిసారి ఎన్టీఆర్‌ త్రిపాత్రాభినయం చేసిన చిత్రమిది. భారీ అంచనాల మధ్య 2017లో ప్రేక్షకుల ముందుకు వచ్చిన ఈ చిత్రంలో తారక్‌ జై, లవ, కుశ పాత్రల్లో నటించాడు. అయితే వాటిలో లవ, కుశ పాత్రలు సాధరణంగానే ఉన్నప్పటికీ.. జై పాత్రకు మాత్రం లోపం ఉన్నట్లు చూపించాడు దర్శకుడు. నెగెటివ్‌ షేడ్స్‌ ఉన్న ఈ పాత్రలో ఎన్టీఆర్‌కు నత్తి ఉంటుంది. ఈ సినిమాలో ఈ పాత్రే కీలకం అని చెప్పాలి. నత్తితో ఎన్టీఆర్‌ చేసిన విలనిజం అందరిని మెప్పించింది.  ప్రయోగానికి ‘ఊపిరి’అందించిన నాగ్‌ ప్రయోగాలు చేయడంలో కింగ్‌ నాగార్జున ఎప్పుడూ ముందుంటాడు. తన కెరీర్‌ని ఒక్కసారి పరిశీలిస్తే.. ప్రయోగాలు చేసిన చిత్రాలే ఎక్కువగా ఉంటాయి. ఆయన చేసిన ప్రయోగాల్లో ‘ఊపిరి’ చిత్రం ఒకటి. 2016లో విడుదలైన ఈ చిత్రంలో నాగార్జున అంగవైకల్యం ఉన్న వ్యక్తిగా నటించాడు. సినిమా మొత​ం వీల్‌ చైర్‌లోనే ఉండి, తనదైన నటనతో మెప్పించాడు. కార్తి, తమన్నా ఇతర కీలక పాత్రల్లో నటించిన ఈ చిత్రం.. తెలుగుతో పాటు తమిళంలోనూ విడుదలై ఘన విజయం సాధించింది. సినిమాలో కంటెంట్ ఉంటే హీరో ఎలా ఉన్న ప్రేక్షకులు  సినిమా చూస్తారని ఈ చిత్రం నిరూపించింది. అంతేకాదు యంగ్‌ హీరోలు ఇలాంటి ప్రయోగాలు చేయడానికి ధైర్యం ఇచ్చిదీ చిత్రం.  మతిమరుపుతో.. మనసు దోచేసిన నాని మారుతి దర్శకత్వంలో  నాని, లావణ్య త్రిపాఠి హీరో హీరోయిన్లు గా తెరకెక్కిన సినిమా భలే భలే మగాడివోయ్. 2015లో వచ్చిన ఈ సినిమాలో నాని మతిమరుపు వ్యాధితో బాధపడుతాడు. ప్రేమించిన అమ్మాయికి తన వ్యాధి తెలియకుండా.. ఆయన పడిన కష్టాలు థియేటర్స్‌లో నవ్వులు పూయించాయి. అప్పటికే వరుస ప్లాపులతో సతమతమవుతున్న నానికి ఈ మూవీ మంచి బ్రేక్‌ ఇచ్చింది. మహేశ్‌ నటించిన వన్‌ చిత్రం కూడా కొంచెం అటు ఇటుగా మతిమరుపు ఉన్న క్యారెక్టర్‌గానే ఉంటుంది.  ఈ చిత్రాలే కాదు అంధగాడులో అంధుడిగా రాజ్‌ తరుణ్‌,, అర్జున్‌ రెడ్డిలో షా​ర్ట్‌ టెంపర్‌ ఉన్న వ్యక్తిగా విజయ్‌దేవరకొండ, అతిథి దేవో భవలో మోనో ఫోబియా ఉన్న వక్తిగా ఆది సాయికుమార్‌ తమ నటనతో మెప్పించారు.

ఆస్ట్రేలియా స్టార్‌ డేవిడ్‌ వార్నర్‌ ఎంటర్‌టైన్‌మెంట్‌ కా బాప్‌లా తయారయ్యాడు. ముఖ్యంగా ఐకాన్‌ స్టార్‌ అల్లుఅర్జున్‌ సినిమాల్లోని సన్నివేశాలు, పాటలు, డైలాగ్స్‌ను అనుకరిస్తూ అభిమానులను ఎంటర్‌టైన్‌ చేస్తున్నాడు. పుష్ప సినిమాలో డైలాగ్స్‌తో పాట శ్రీవల్లీ పాటకు స్టెప్పులేసిన వార్నర్‌ తాజాగా సామి సామి పాటను అనుకరించాడు. సామి.. సామి అని రష్మిక అంటుంటే..  అల్లు అర్జున్‌ ఫోటోను తన ఫేస్‌తో మార్ఫింగ్‌ చేసిన డేవిడ్‌ వార్నర్‌ ఆమెను కొంటెచూపులతో కైపెక్కించాడు. ఆ తర్వాత పాటకు సంబంధించి అల్లు అర్జున్‌ను అనుకరించాడు. దీనికి సంబంధించిన వీడియో వార్నర్‌ తన ఇన్‌స్టాగ్రామ్‌లో షేర్‌ చేయడంతో వైరల్‌గా మారింది.   ఇక డేవిడ్‌ వార్నర్‌ ప్రస్తుతం పాక్‌ పర్యటనకు వెళ్లేందుకు సిద్ధమవుతున్నాడు. దాదాపు 24 ఏళ్ల తర్వాత ఆస్ట్రేలియా జట్టు పాకిస్తాన్‌లో పర్యటించనుంది. పాక్‌ గడ్డపై ఆసీస్‌ మూడు టెస్టులు, మూడు వన్డేలు, ఒక టి20 మ్యాచ్‌ ఆడనుంది.  మార్చి 8 నుంచి ప్రారంభం కానున్న ఈ సిరీస్‌ ఏప్రిల్‌ 5 వరకు జరగనుంది. View this post on Instagram A post shared by David Warner (@davidwarner31)

ఐకాన్‌ స్టార్‌ అల్లు అర్జున్‌-సుకుమార్‌ కాంబినేషన్‌లో తెరకెక్కిన 'పుష్ప: ది రైజ్‌' ఎంతటి ఘనవిజయం సాధించిందో ప్రత్యేకంగా చెప్పనక్కర్లేదు. డిసెంబర్‌17న విడుదలైన ఈ చిత్రం ఈ ఏడాది బ్లాక్‌ బస్టర్‌ హిట్‌గా నిలిచింది. బాలీవుడ్‌లోనూ మంచి వసూళ్లను సాధించింది. ఇప్పటికే  ప్రపంచ వ్యాప్తంగా రూ. 300కోట్ల ట్రేడ్‌ మార్క్‌ను దాటేసిన పుష్ప.. త్వరలోనే పార్ట్‌ 2 షూటింగ్‌ను మొదల పెట్టనుంది. అయితే సేమ్‌ లొకేషన్స్‌లోనే కదా పార్ట్‌ 2 ఉండేది.. షూటింగ్‌ శరవేగంగా జరిగపోతుందిలే అని అంతా అనుకున్నారు. చదవండి: ఆ బడా నిర్మాత కొడుకుతో ‘గని’ మూవీ హీరోయిన్‌ ప్రేమయాణం.. కానీ సుకుమార్‌ అందరి అంచనాలను తలకిందులు చేస్తూ పార్ట్‌ 2 కోసం కొత్త లొకేషన్స్‌ చూస్తున్నాడట. అయితే పార్ట్‌ 2ను సౌత్‌లో కాకుండా నార్త్‌లో ఎక్కువగా చిత్రీకరించాలని భావిస్తున్నాడట మన లెక్కల డైరెక్టర్‌. ఎందుకంటే బాలీవుడ్‌ పుష్ప రూ. 100 కోట్లపైనే వసూలు చేసిన సంగతి తెలిసిందే. దీంతో హిందీ ప్రేక్షకులను ఓన్‌ చేసుకునేందుకు సుక్కు అక్కడి లోకేషన్స్‌లోనే  పుష్ప 2ను షూటింగ్‌ జరపాలనుకుంటున్నాడట. అంతేకాదు మంచి హైప్‌ ఇచ్చేందుకు బాలీవుడ్ స్టార్ హీరోను కూడా కీలకమైన పాత్ర కోసం తీసుకుంటున్నారని అంటున్నారు. చదవండి: ఛీఛీ ఇలాంటి చెత్త వీడియోలో నటించడమేంటి, కాస్తా చూసుకో: కీర్తిపై దారుణమైన ట్రోల్స్‌ కాగా పార్ట్‌ 1లో ఎర్ర చందనం స్మగ్లర్‌గా కనిపించిన బన్నీ చివరిలో స్మగ్లింగ్‌ దందాను హెడ్‌గా కనిపిస్తాడు. ఇలా అందరిని శాసించే స్థాయికి ఎదిగిన పుష్పరాజ్‌ ఆ తర్వాత ఏసీపీ దరావత్‌ సింగ్‌ను చుక్కలు చూపిస్తాడట. ఈ క్రమంలో ఇద్దరి మధ్య చోటు చేసుకునే సన్నివేశాలు చాలా ఆసక్తిగా ఉండనున్నాయట. ఇక పుష్పరాజ్‌ భార్యగా రష్మిక కనిపించనుండగా అందుకు తగ్గట్టే పాటలు, ఫైట్‌ సీన్స్‌ ఉండనున్నాయి. ప్రస్తుతం చర్చల దశలో ఉన్న ‘పుష్ప’ పార్ట్‌ 2 అతిత్వరలోనే సెట్స్‌పై రానుందని సమాచారం. 

1st T20 IND Vs SL: టీమిండియా ఆల్‌రౌండర్‌ రవీంద్ర జడేజా శ్రీలంకతో టి20 సిరీస్‌ ద్వారా రీఎంట్రీ ఇచ్చిన సంగతి తెలిసిందే. బ్యాటింగ్‌లో పెద్దగా అవకాశం రానప్పటికి.. బౌలింగ్‌లో జడ్డూ తన మార్క్‌ను చూపించాడు. 4 ఓవర్లు వేసిన జడేజా 28 పరుగులిచ్చి ఒక వికెట్‌ తీశాడు. 10 పరుగులు చేసిన వికెట్‌ కీపర్‌ చండిమల్‌ను ఔట్‌ చేసిన జడేజా 'అల్లుఅర్జున్‌ 'పుష్ప''ను అనుకరించాడు. ఇషాన్‌ కిషన్ స్టంప్‌ ఔట్‌ చేయగానే.. జడేజా తన చేతితో గడ్డాన్ని నిమురుతూ తగ్గేదే లే(మై జూకేకా నహీ) అనడం సోషల్‌ మీడియాలో వైరల్‌గా మారింది. పుష్ప సినిమా వచ్చి మూడు నెలల  కావొస్తున్నా.. దాని ఇంపాక్ట్‌ మాత్రం ఇప్పటికి పోవడం లేదు.  కాగా మ్యాచ్‌ విషయానికి వస్తే టీమిండియా 62 పరుగుల తేడాతో ఘన విజయం సాధించింది. మొదట బ్యాటింగ్‌కు దిగిన టీమిండియా నిర్ణీత 20 ఓవర్లలో 2 వికెట్ల నష్టానికి 199 పరుగుల భారీస్కోరు చేసింది. అనంతరం కష్టసాధ్యమైన లక్ష్యాన్ని ఛేదించేందుకు బరిలోకి దిగిన శ్రీలంక 20 ఓవర్లలో 6 వికెట్లకు 137 పరుగులకే పరిమితమైంది. చరిత్‌ అసలంక (47 బంతుల్లో 53 నాటౌట్‌; 5 ఫోర్లు) రాణించాడు.   చదవండి: 'పనికిమాలిన చర్య.. రష్యాకు రేసింగ్‌కు వెళితే చెప్పుతో కొట్టుకున్నట్లే' Ishan Kishan: ఇషాన్‌ అరుదైన ఫీట్‌.. ధోని, పంత్‌లకు సాధ్యం కాలేదు Ravindra Jadeja be like:- Jhukega nahi saala #IndianCricketTeam #IndvsSL #CricketLive #GAMEDAY pic.twitter.com/Sbl7H2Pdbn — Rutuja Umale (@rutuja_umale) February 24, 2022

ఐకాన్‌ స్టార్‌ అల్లు అర్జున్‌ నటించిన పాన్‌ ఇండియా మూవీ "పుష్ప" కేవలం సినిమా ప్రపంచాన్నే కాకుండా యావత్‌ జగత్తును ఉర్రూతలూగిస్తుందనడంలో ఎటువంటి సందేహం లేదు. ఈ మూవీ విడుద‌లై నెల‌లు గ‌డుస్తున్నా దీనికున్న‌ క్రేజ్ ఏమాత్రం త‌గ్గ‌డంలేదు. సామాన్యుల నుంచి సెలబ్రిటీల వరకు అంతా పుష్ప మ‌త్తులోనే ఉన్నారు. టీమిండియా క్రికెట‌ర్ల‌నైతే పుష్ప ఫోబియా వ‌ద‌ల‌నంటుంది. ముఖ్యంగా ఇందులోనే 'తగ్గేదేలే' డైలాగ్‌ను భార‌త క్రికెట‌ర్లు ఇంకా జ‌పిస్తూనే ఉన్నారు.  View this post on Instagram A post shared by Yuzvendra Chahal (@yuzi_chahal23) తాజాగా టీమిండియా స్టార్ స్పిన్న‌ర్  యుజ్వేంద్ర చహల్ స‌హ‌చ‌ర క్రికెటర్లైన న‌వ్‌దీప్ సైనీ, హర్‌ప్రీత్‌ బ్రార్‌తో కలిసి బస్సుల్లో ప్రయాణిస్తూ తగ్గేదేలా హిందీ డైలాగ్‌కు రీల్స్‌ చేశాడు. దీనికి సంబంధించిన వీడియో ప్రస్తుతం నెట్టింట వైర‌ల‌వుతోంది. త‌గ్గేదేలే డైలాగ్‌కు క్రికెట‌ర్ల‌ హావభావాలు అభిమాన‌లును తెగ‌ ఆకట్టుకుంటున్నాయి. ఈ వీడియోను చహల్‌ ఇన్‌స్టా పోస్ట్‌ చేయగా లైక్‌లు , కామెంట్ల‌ వర్షం కురుస్తుంది. శ్రీలంక‌తో సిరీస్‌లోనూ ఏ మ‌త్రం త‌గ్గొద్దంటూ అభిమానులు కామెంట్ల ద్వారా క్రికెట‌ర్ల‌ను ఎంక‌రేజ్ చేస్తున్నారు.  ఇదిలా ఉంటే, లంక‌తో టీ20 సిరీస్ ఫిబ్ర‌వ‌రి 24 నుంచి ప్రారంభం కానున్న విష‌యం తెలిసిందే. లక్నో వేదిక‌గా తొలి టీ20, ఫిబ్ర‌వ‌రి 26, 27 తేదీల్లో ధ‌ర్మ‌శాల వేదిక‌గా రెండు, మూడు టీ20లు జ‌ర‌గ‌నున్నాయి. అనంత‌రం మార్చి 4-8 వ‌ర‌కు మొహాలీలో తొలి టెస్టు, మార్చి 12-16 వ‌ర‌కు బెంగ‌ళూరు వేదిక‌గా రెండో టెస్టు(డే అండ్ నైట్) జ‌ర‌గ‌నుంది.  చ‌ద‌వండి: Ind Vs SL: జట్టులోకి తిరిగి రావడం సంతోషంగా ఉంది: టీమిండియా ఆల్‌రౌండర్‌  

దర్శకుడు సుకుమార్, ఐకాన్ స్టార్ అల్లు అర్జున్ కాంబినేషన్‌లో వచ్చిన పుష్ప సినిమా దేశవ్యాప్తంగా సంచలన విజయం సాధించిన విషయం తెలిసిందే . పుష్ప క్యారెక్టర్‌లోని బన్నీ నటనకు ప్రతి ఒక్కరూ ఫిదా అయిపోయారు. సినిమాలోని డైలాగులు, పాటలు అన్నీ సూపర్‌హిట్‌గా నిలిచాయి. దీంతో పుష్ప క్యారెక్టర్‌ను అనుకరిస్తూ ప్రపంచం నలుమూలల నుంచి సినీ, క్రికెట్ సెలబ్రిటీలు ప్రత్యేక వీడియోలు క్రియేట్‌ చేసి సోషల్‌ మీడియాలో రిలీజ్‌ చేస్తున్నారు. సినిమా పేరుతో చిప్స్‌ ప్యాకెట్స్‌ కూడా వచ్చాయి. తాజాగా పుష్ప సినిమా మరోసారి వార్తల్లోకి ఎక్కింది. విభిన్న రకాల దుస్తులను తయారు చేయంలో సూరత్‌ ప్రసిద్ధి చెందిన విషయం. అక్కడ చరణ్‌జీత్‌ క్లాత్‌ మార్కెట్‌ ప్రస్తుతం ఈ క్లాత్‌ మార్కెట్‌ పుష్ప సినిమా పోస్టర్లతో చీరలు రూపొందించింది. పుష్ప సినిమా పాపులర్‌ అవ్వడంతో ఈ సినిమాతో ప్రత్యేకంగా చీరలు రూపొందించాలని ఈ కంపెనీ యజమాని చరణ్‌పాల్‌ సింగ్‌కు ఆలోచన వచ్చింది. దీంతో ఆలోచనను ఆచరణలో పెట్టి కొన్ని చీరలను తయారు చేశాడు. దీనికి సంబంధించిన ఫోటోలను తన సోషల్‌ మీడియాలో పోస్టుచేశాడు. చదవండి: ‘కచ్చా బాదం’ పాటకు అర్హ డ్యాన్స్‌, వీడియో షేర్‌ చేసి మురిసిపోయిన బన్నీ ఇంకేముంది ఈ ఫోటోలు వైరల్‌ అవ్వడంతో దేశ వ్యాప్తంగా వస్త్ర వ్యాపారుల నుంచి భారీ డిమాండ్లు రావడం ప్రారంభమైంది. ఈ విషయంపై చరణపాల్‌ మాట్లాడుతూ.. రాజస్థాన్, మహారాష్ట్ర, ఉత్తరప్రదేశ్, ఛత్తీస్‌గఢ్ వంటి రాష్ట్రాల నుంచి తన 'పుష్ప' చీరల కోసం ఆర్డర్లు వస్తున్నాయని తెలిపారు. పుష్ప వచ్చి రెండు నెలలు దగ్గర పడుతున్న ఈ సినిమాకున్న క్రేజ్‌ తగ్గడం లేదని వీటన్నింటిని చూస్తే అర్థం చేసుకోవచ్చు.

ప్యాన్​ ఇండియా మూవీ ప్రచారంతో రిలీజ్​ అయిన అల్లు అర్జున్ ‘పుష్ప’ సినిమా ఊహించని రేంజ్​లో సక్సెస్​ అయ్యింది. సుకుమార్​ డైరెక్షన్​లో వచ్చిన ఈ మూవీ.. నెగెటివ్​ టాక్​ నుంచి క్రమక్రమంగా పుంజుకుని భారీ సక్సెస్​ను అందుకోవడం విశేషం. సౌత్​నే కాదు.. నార్త్​లోనూ పుష్పమేనియా మామూలుగా కొనసాగడం లేదు. స్పోర్ట్స్​, సినీ సెలబ్రిటీల నుంచి ప్రస్తుత ఎన్నికల తరుణంలో రాజకీయ నాయకుల దాకా పుష్పను అనుకరణ.. అనుసరణ చేసేస్తున్నారు. తాజాగా బీజేపీ కీలక నేత రాజ్​నాథ్​ సింగ్ సైతం ఈ లిస్ట్​లో చేరిపోయారు.   ఉత్తరాఖండ్ అసెంబ్లీ ఎన్నికల ప్రచారంలో కేంద్ర రక్షణ మంత్రి రాజ్​నాథ్​ సింగ్​ ప్రసంగిస్తూ 'పుష్ప' సినిమాను ప్రస్తావించారు. ఈ సినిమాకు, సీఎం పుష్కర్ కు మధ్య పోలిక తీసుకొచ్చారు. ఇప్పుడు అందరూ ఒక సినిమా గురించి మాట్లాడుకుంటున్నారని... ఆ సినిమా పేరు 'పుష్ప' అని రాజ్ నాథ్ చెప్పారు. ఉత్తరాఖండ్ లో కూడా ఒక పుష్ప (సీఎం పుష్కర్ థామి) ఉన్నారని అన్నారు.  ఈ పుష్ప చాలా సౌమ్యంగా, సింపుల్ గా ఉంటారని, కాంగ్రెస్​ ఈయన్ని ఉత్త  పుష్ప అనుకుంటోంది. కానీ, ఈయనలో ఫ్లవర్(పేరులో అని ఆయన ఉద్దేశం) ఉంది ఫైర్ కూడా ఉందని చెప్పారు. పుష్కర్ ను ఎవరూ ఆపలేరని... ఈయన తగ్గేదేలే అని వ్యాఖ్యానిస్తూ జనాల్లో ఉత్సాహాన్ని నింపారు. తగ్గేదేలే, పుష్ప అంటే ఫ్లవర్ కాదు ఫైర్ అనే డైలాగులు ప్రస్తుతం ఎన్నికల సీజన్​లో జనాలకు ఎట్రాక్ట్​ చేయడానికి తెగ వాడేస్తున్నారు మరి!. ఇంకోపక్క ‘పుష్ప ఇన్​స్పిరేషన్​తో..’ నేరాలు చోటు చేసుకుండడం గమనార్హం.

ఐకాన్‌ స్టార్‌ అల్లు అర్జున్‌ నటించిన 'పుష్ప: ది రైజ్‌’ ఎంతటి విజయం సాధించిందో ప్రత్యేకంగా చెప్పనక్కర్లేదు. గతేడాది డిసెంబర్‌ 17న ప్రపంచ వ్యాప్తంగా విడుదలైన ఈ మూవీ బ్లాక్‌బస్టర్‌ హిట్‌ అందుకుంది. కరోనా సమయంలోనూ అత్యధిక కలెక్షన్లతో దూసుకుపోయిన పుష్ప రూ. 300 కోట్లకు పైగా వసూళ్లు రాబట్టింది. అంతటి ఘనవిజయం సాధించిన పుష్ప మూవీపై ప్రశంసలతో పాటు విమర్శలు కూడా వస్తున్నాయి. ఇప్పటికే ప్రముఖ ప్రవచన కర్త ప్రవచన కర్త గరికపాటి నరసింహారావు మండిపడ్డారు. హీరోను స్మగ్లర్‌గా చూపించి సమాజానికి ఏం మెసేజ్‌ ఇద్దామనుకుంటున్నారంటూ పుష్ప మూవీ డైరెక్టర్‌, హీరోని కడిగిపారేశారు. దీంతో గరికపాటి వ్యాఖ్యలు చర్చకు దారితీశాయి. ఇదిలా ఉంటే తాజాగా పుష్ప మూవీ టీఆర్‌ఎస్‌ నేత అనుచిత వ్యాఖ్యలు చేశారు.  ప్రముఖ టీఆర్‌ఎస్‌ నాయకుడు,  తెలంగాణ గాయకుడు సాయి చంద్ పుష్ప సినిమా డైరెక్టర్‌ హీరోపై సంచలన వ్యాఖ్యలు చేశారు. ఓ స్కూల్‌ కార్యక్రమానికి ముఖ్య అతిథిగా వచ్చిన ఆయన మాట్లాడుతూ.. విద్యార్థుల అల్లరిని ఉద్దేశిస్తూ పుష్ప మూవీపై విరుచుకుపడ్డారు. ఆ పిల్లాడు చూడండి పుష్పలో హీరో అనుకుంటున్నాడు. అందులో హీరో అన్నట్లుగానే తగ్గేదే లే అన్నట్టుగా వాడి వ్యవహరం కనిపిస్తోంది. అంతేకాదు ఇలాంటి హౌళగాళ్లను హీరోలు పెట్టి తగ్గేదే లే అని డైలాగ్‌ చెప్పించినప్పటి నుంచి పిల్లలను ఆపుడు కష్టంగా మారిందంటూ పుష్ప మూవీ హీరో, డైరెక్టర్‌పై ఆయన దుర్భాషలాడారు. దీంతో ప్రస్తుతం ఆయన కామెంట్స్‌ నెట్టింట హాట్‌టాపిక్‌గా మారాయి. 

ఐకాన్‌ స్టార్‌ అల్లు అర్జున్‌ నటించిన 'పుష్ప' క్రేజ్‌ గురించి ప్రత్యేకంగా చెప్పనక్కర్లేదు. దక్షిణాది సహా నార్త్‌లోనూ అల్లు అర్జున్‌కు ప్రేక్షకులు ఫిదా అవుతున్నారు. ఇక ఈ సినిమాలోని పాటలు, డైలాగులు సోషల్‌ మీడియాను ఓ రేంజ్‌లో ఊపేస్తున్నాయి. ఇక పుష్ప చిత్రంలోని 'శ్రీవల్లీ' సాంగ్‌ అన్ని భాషల్లోనూ సూపర్‌ హిట్టయ్యింది. ముఖ్యంగా అల్లు అర్జున్‌ చేసిన సిగ్నేచర్‌ స్టెప్‌ నెట్టింట తెగ వైరల్‌ అవుతుంది.   చదవండి: సుందరం మాస్టర్‌పై నటి సుధ సంచలన వ్యాఖ్యలు, సెట్‌లో అందరి ముందే.. ఈ పాట వినిపిస్తే చాలు బన్నీ సిగ్నేచర్‌ స్టెప్‌ను అనుసరించకుండ ఉండలేకపోతున్నారు నెటిజన్లు. చిన్నారుల నుంచి ముసలివాళ్ల వరకు బన్నీ స్టేప్‌కు కాలు కదుపుతున్నారు. తాజాగా ఓ ఏడాది బుడ్డోడు శ్రీవల్లి పాటలోని అల్లు అర్జున్‌ సిగ్నేచర్‌ స్టేప్‌కు కాలు కదిపాడు. టీవీలో శ్రీవల్లి పాట వస్తుండగా.. అందులో బన్నీని చూసి ఈ బుడ్డోడు భుజం పైకెత్తి చూట్టు తిరగడం స్టార్ట్‌ చేశాడు. ఈ ప్రస్తుతం వీడియో నెట్టింట వైరల్‌ అవుతోంది. ఈ వైరల్‌ వీడియోలో బుడ్డోడిని చూసి అంతా ఫిదా అవుతూ తమదైన శైలిలో కామెంట్స్‌ చేస్తున్నారు. 

ఐకాన్‌ స్టార్‌ అల్లు అర్జున్‌, క్రియేటివ్‌ డైరెక్టర్‌ సుకుమార్‌ కాంబినేషన్‌లో వచ్చిన హ్యాట్రిక్‌ మూవీ ‘పుష్ప’ థియేటర్స్‌లో 50 రోజులు పూర్తి చేసుకుంది. భారీ అంచనాల మధ్య గతేడాది డిసెంబర్‌ 17న ప్రేక్షకుల ముందుకు ఈ చిత్రం.. అదే రేంజ్‌లో కలెక్షన్లను రాబడుతూ..2021లో ఇండియన్ ఫిల్మ్ ఇండస్ట్రీలో బిగ్గెస్ట్ గ్రాసర్ గా నిలిచింది. అంతేకాదు బన్ని కెరీర్ లో తొలిసారి 300 కోట్ల క్లబ్ లోకి ఎంట్రీ ఇచ్చిన మూవీగా రికార్డుల్లోకి ఎక్కింది పుష్ప. తాజాగా ఈ సినిమా విడుదలై  50 రోజులు పూర్తి అయిన సందర్భంగా మరోసారి ఇప్పటివరకు ఈ సినిమాకి ప్రపంచవ్యాప్తంగా వచ్చిన కలెక్షన్స్‌ని ప్రకటించింది చిత్ర బృందం. ఈ మూవీ ఇప్పటి వరకు ప్రపంచ వ్యాప్తంగా రూ.365 కోట్లు గ్రాస్ వసూలు చేసింది. ఈ విషయాన్ని చిత్ర బృందం సోషల్ మీడియా ద్వారా అధికారికంగా వెల్లడించారు. మైత్రి మూవీ మేకర్స్, ముత్తంశెట్టి మీడియా సంయుక్త సమర్పణలో రూపొందిన ఈ సినిమాలో రష్మిక హీరోయిన్‌గా నటించింది. సునీల్, అనసూయ, జగదీష్ ప్రతాప్ భండారీ తదితరులు ఇతర కీలక పాత్రల్లో నటించారు. త్వరలోనే ఈ మూవీ పార్ట్‌ 2 షూటింగ్‌ ప్రారంభం కానుంది.  50 Days for the AAll India MASSive Blockbuster #PushpaTheRise 💥#50DaysForBlockbusterPushpa 🔥 Icon Star @alluarjun National Crush @iamRashmika Creative @aryasukku Rockstar @ThisIsDSP Explosive Combo on the way to Create Magic for Part 02 💖 pic.twitter.com/PkqmyPqHKh — Mythri Movie Makers (@MythriOfficial) February 4, 2022

ఎర్ర చందనం స్మగ్లింగ్‌ నేపథ్యంలో వచ్చిన ‘పుష్ప’ సినిమా ఎంత హిట్‌ అయ్యిందో అందరికీ తెలిసిందే. ఇందులో స్టైలిష్‌ స్టార్‌ అల్లు అర్జున్‌ చెప్పిన తగ్గేదేలే డైలాగ్‌ ప్రేక్షకులను విపరీతంగా ఆకర్షించింది. సినిమా వచ్చినప్పటి నుంచి ప్రతి చోట, అందరి నోటా ఈ డైలాగే వినిపిస్తోంది. తాజాగా అచ్చం పుష్ప సినిమాను ఆదర్శంగా తీసుకొని ఓ వ్యక్తి ఎర్రచందనం స్మగ్లింగ్ చేయడానికి ప్రయత్నించాడు. అయితే పక్కా ప్లాన్‌తో వెళ్లిన ఆ స్మగ్లర్‌కు పోలీసులు ఊహించని షాక్‌ ఇచ్చారు. వివరాల్లోకి వెళితే… కర్ణాటకలోని బెంగుళూరు సమీపంలోని అనేకల్‌కు చెందిన సయ్యద్ యాసిన్ అనే స్మగ్లర్‌ పోలీసులకు చిక్కకుండా ఎర్ర చందనాన్ని అనుకున్న గమ్యానికి చేరవేయడంలో దిట్ట. అచ్చం పుష్ప సినిమా మాదిరే పోలీసులకు అనుమానం రాకుండా చాకచక్యంగా వ్యవహరిస్తూ ప్రతి చెక్ పోస్ట్‌ దాటిస్తూ సరుకును రవాణా చేస్తుంటాడు. ఎప్పటిలాగే తన ట్రక్కులో కర్ణాటక-ఆంధ్ర సరిహద్దు నుంచి మహారాష్ట్రకు మార్గమధ్యంలో ఎర్రచందనం స్మగ్లింగ్ చేసేందుకు బయలు దేరాడు. చదవండి: వివాహేతర సంబంధం: 16 ఏళ్ల క్రితం పెళ్లి, భర్త అడ్డొస్తున్నాడనే ప్రియుడితో కలిసి.. లారీ ముందు భాగంలో కోవిడ్ బాధితులకు పండ్లు సరఫరా చేసేవాహనం అని రాయించి.. లారీలో ఎర్ర చందనం దుంగలతో పాటు కొన్ని పండ్లు కూడా లోడ్ చేయించుకుని బయలు దేరాడు. ఆంధ్ర, కర్ణాటక చెక్ పోస్టుల్లో అధికారుల కళ్లు కప్పి జనవరి 31న మహారాష్ట్రకు చేరుకున్నాడు. మహారాష్ట్రలోని సాంగ్లీ జిల్లా మీరజ్ నగర్ వద్ద సరిహద్దు దాటుతుండగా పోలీసులు అతన్ని పట్టుకున్నారు. పోలీసులు తనిఖీ చేసి అతని నుంచి రూ.2.45 కోట్ల విలువైన చందనంతో పాటు రూ.10 లక్షల విలువైన లారీని స్వాధీనం చేసుకున్నారు. చదవండి: స్కూల్‌ భవనం వెనక్కి తీసుకెళ్లి.. విద్యార్థినిపై ఆరుగురు టీనేజర్ల లైంగిక దాడి

ఐకానిక్​ స్టార్​ అల్లు అర్జున్, క్రియేటివ్​ డైరెక్టర్​ సుకుమార్ కాంబోలో వచ్చిన హ్యాట్రిక్​ చిత్రం 'పుష్ప: ది రైజ్'​. పాన్‌ ఇండియా స్థాయిలో తెరకెక్కిన ఈ చిత్రం గతేడాది డిసెంబర్​ 17న విడుదలై బ్లాక్‌బస్టర్‌గా నిలిచింది. కరోనా సమయంలోనూ అత్యధిక కలెక్షన్లతో దూసుకుపోయిన పుష్ప రూ. 300 కోట్లకు పైగా వసూళ్లు రాబట్టింది. అంతేకాదు 2021లో ఇండియన్ ఫిల్మ్ ఇండస్ట్రీలో బిగ్గెస్ట్ గ్రాసర్‌ నిలవడం మాత్రమే కాదు బన్ని కెరీర్‌లో రూ. 300 కోట్ల క్లబ్‌లోకి చేరిన తొలి చిత్రంగా పుష్ప నిలిచింది. ఎర్ర చందనం స్మగ్లింగ్‌ నేపథ్యంలో రూపొందిన ఈ మూవీ అన్ని భాషల్లోనూ ‘తగ్గేదే లే’ అంటూ దూసుకుపోతున్న ఈ మూవీపై తాజాగా ప్రముఖ ప్రవచన కర్త గరికపాటి నరసింహారావు ఆగ్రహం వ్యక్తం చేశారు.  చదవండి: ట్రోల్స్‌పై ప్రియమణి స్పందన, వారికి మాత్రమే సమాధానంగా ఉంటాను.. ఇటీవల కేంద్ర ప్రభుత్వం ఆయనకు పద్మశ్రీ అవార్డు ప్రకటించిన సంగతి తెలిసిందే. ఈ నేపథ్యంలో గరికపాటి దంపతులు ఇటీవల ఓ ఛానల్‌కు ఇంటర్వ్యూ ఇచ్చారు. ఈ సందర్భంగా గరికపాటి మాట్లాడుతూ.. సినిమాలు సమాజాన్ని బాగా ప్రభావితం చేస్తున్నాయన్నారు. సమాజానికి మంచి సందేశం ఇచ్చేలా ప్రస్తుతం సినిమాలు ఉండటం లేదని.. ఇటీవల వచ్చిన పుష్ప సినిమానే ఉదాహరణ అన్నారు. హీరోని స్మగ్లర్‌గా చూపించడం ఏంటని, పైగా స్మగ్లింగ్‌ చేస్తూ తగ్గేదే లే అనే డైలాగ్‌ చెప్పడం ఎంతవరకు కరెక్ట్‌ అంటూ అసహనం వ్యక్తం చేశారు. ‘సినిమా మొత్తం స్మగ్లింగ్‌ చూపించి.. చివరి అయిదు నిమిషాలు మంచి చూపిస్తాం. తదుపరి భాగం వరకు వేచి చూడండి’ అని చెప్పారు. అంటే రెండో పార్ట్‌ వచ్చేలోపు  సమాజం చెడిపోదా? అని మండిపడ్డారు. చదవండి: వరుణ్‌ తేజ్‌తో పెళ్లిపై తొలిసారి స్పందించిన లావణ్య, ఏం చెప్పిందంటే.. ఇది ఎక్కడి న్యాయం, నేరం చేసే వ్యక్తి తగ్గేదే లే అంటాడా? ఇప్పుడు ఇదొక సూక్తి అయిపోయింది. అసలు దీనితో సమాజానికి ఏం సందేశం ఇస్తున్నట్లు అంటూ అసహనం వ్యక్తం చేశారు. ఇప్పుడు ఓ కుర్రాడు ఎవరినైనా గూబమీద కొట్టి తగ్గేదే లే అంటున్నాడని.. దీనికి కారణం ఎవరని అడిగారు. ఈ డైలాగ్ తనకు కోపం తెప్పిస్తోందని అన్నారు. ఈ డైలాగ్ వల్ల సమాజంలో నేరాలు పెరిగిపోతున్నాయని ఆగ్రహం వ్యక్తం చేశారు. ఆ సినిమా హీరోని కానీ, డైరెక్టర్‌ని కానీ తనకు సమాధానం చెప్పమనండని, వారిద్దరినీ అక్కడే కడిగిపారేస్తానంటూ ఆయన  తీవ్ర వ్యాఖ్యలు చేశారు. 'తగ్గేదే లే' అనే డైలాగ్‌ను శ్రీరాముడు, హరిశ్చంద్రుడు వంటివారు వాడాలని... అంతేకానీ, ఒక స్మగ్లర్ ఎలా వాడతాడని గరికపాటి విరుచుకుపడ్డారు. మరి ఆయన వ్యాఖ్యలపై 'పుష్ప' టీమ్ ఎలా స్పందిస్తుందో వేచి చూడాలి.

'పుష్ప.. పుష్పరాజ్‌.. నీ యవ్వ తగ్గేదేలే..' ఈ డైలాగ్‌ వల్లించడం ఒక్కటే కాదు.. 'చూపే బంగారమాయెనా.. శ్రీవల్లి..' అంటూ 'పుష్ప' సినిమాలో అల్లు అర్జున్‌ వేసిన హుక్‌ స్టెప్పు వేస్తూ సోషల్‌ మీడియాను షేక్‌ చేస్తున్నారు సెలబ్రిటీలు. ఇదే సినిమాలోని 'ఊ అంటావా మావా ఉఊ అంటావా మావా..' పాటకు వస్తున్న ఆదరణ గురించి ప్రత్యేకంగా చెప్పక్కర్లేదు. సమంత పర్ఫామ్‌ చేసిన ఈ పాట దేశమంతా మార్మోగిపోతోంది. ఇందులో సమంతకు స్టెప్పులు నేర్పించింది మరెవరో కాదు బాలీవుడ్‌ ప్రముఖ కొరియోగ్రాఫర్‌ గణేశ్‌ ఆచార్య. తాజాగా అతడు ఓ ఇంటర్వ్యూలో మాట్లాడుతూ.. 'తెలుగులో సరైనోడు, డీజే సినిమాలకు కొరియోగ్రఫీ చేశాను. పుష్పలో దాక్కో దాక్కో మేక సాంగ్‌ కూడా నేనే చేశాను. ఆ తర్వాత వేరే పని మీద నేను బిజీ అయ్యాను. డిసెంబర్‌ 17న రిలీజ్‌ అన్నారు. అదే నెలలో రెండో లేదా మూడో తారీఖుకో నాకు అల్లు అర్జున్‌ ఫోన్‌ చేసి.. మాస్టర్‌జీ ఒక సాంగ్‌ చేయాలన్నారు. చాలా తక్కువ టైమ్‌ ఉంది, అందులోనూ ఆ మరుసటి రోజే నాకు కంటికి ఒక సర్జరీ చేయించుకోవాల్సింది ఉండటంతో కుదరకపోవచ్చని చెప్పాను. వెంటనే పుష్ప నిర్మాతలు డాక్టర్‌కు ఫోన్‌ చేసి మరో డేట్‌ సెట్‌ చేసి నన్ను రమ్మని ఆహ్వానించారు. అలా రెండు రోజుల పాటు రిహార్సల్స్‌ చేసి ఆ తర్వాత సాంగ్‌ షూట్‌ చేశాం. సమంతకు నేను కొరియోగ్రఫీ చేయడం ఇదే తొలిసారి. ఆమె చాలా నర్వస్‌గా ఉంది. ఎందుకంటే ఈ పాటను అనుకోవడం, అందుకు సమంతను ఒప్పించడం చకచకా జరిగిపోయింది. ఈ సాంగ్‌కు నేనే డ్యాన్స్‌ మాస్టర్‌ అని అప్పటివరకు ఆమెకు తెలీనే లేదు. నాకు వల్గర్‌ స్టెప్స్‌ వేయించబుద్ధి కాదు, కాకపోతే కొంత డిఫరెంట్‌గా, ఆటిట్యూడ్‌ కనిపించేలా స్టెప్పులేయించాను' అని చెప్పుకొచ్చాడు గణేశ్‌ ఆచార్య.

Pushpa Movie Hindi Version Earns 100 Crores In India: ఐకానిక్​ స్టార్​ అల్లు అర్జున్, క్రియేటివ్​ డైరెక్టర్​ సుకుమార్ కాంబోలో వచ్చిన హ్యాట్రిక్​ చిత్రం 'పుష్ప: ది రైజ్'​. గతేడాది డిసెంబర్​ 17న విడుదలైన ఈ చిత్రం భారీ హిట్​ కొట్టింది. కరోనా సమయంలోనూ అత్యధిక కలెక్షన్లతో దూసుకపోయింది. ఈ సినిమా ఇప్పటి వరకు రూ. 300 కోట్లు రాబట్టిందని చిత్ర యూనిట్ ప్రకటించింది. 2021లో ఇండియన్ ఫిల్మ్ ఇండస్ట్రీలో బిగ్గెస్ట్ గ్రాసర్ గా నిలవడం మాత్రమే కాదు బన్ని కెరీర్ లో తొలిసారి రూ. 300 కోట్ల క్లబ్ లోకి ఎంట్రీ ఇచ్చిన మూవీగా రికార్డుల్లోకి ఎక్కింది పుష్ప.  అయితే తాజాగా పుష్ప మరో రికార్డును సొంతం చేసుకుంది. హిందీలో ఈ మూవీ రూ. 100 కోట్లు కలెక్షన్లు రాబట్టి రికార్డు సృష్టించింది. సినిమాకు ముందు నుంచే భారీ హైప్ రావడం అందుకు తగినట్లు సుకుమార్ టేకింగ్​, బన్నీ, రష్మిక మందన్నా, సమంత స్పెషల్​ సాంగ్​ ప్రతీ ఒక్కరూ మూవీ విజయం సాధించేలా చేశాయి. అలాగే పుష్ప సాంగ్స్​, డైలాగ్స్​, మ్యానరిజంపై వచ్చిన రీల్స్​ సోషల్​ మీడియాలో వైరల్​ కావడంతో సినిమా మరింత పాపులర్​ అయింది.  ఓటీటీలో విడుదలైన తర్వాత కూడా థియేటర్లలో మంచి స్పందన రావడం ఈ చిత్రానికే చూశానని ప్రముఖ బాలీవుడ్​ క్రిటిక్​ తరుణ్​ ఆదర్శ్​ ఇటీవల ట్వీట్​ చేశారంటే పుష్ప ఎంతలా ఆకట్టుకుంటుందో అర్థమవుతుంది. మొన్నటి వరకూ తెలుగు, మలయాళంలో అభిమానులు ఉన్న బన్నీకి పుష్పతో నార్త్​లో కూడా ఫ్యాన్ ఫాలోయింగ్​ సంపాదించుకున్నాడు. 

క్రికెట్‌ ప్రపంచాన్ని ‘పుష్ప’ ఫీవర్‌ వెంటాడుతోంది. ఇప్పటికే టీమిండియా క్రికెటర్లు రవీంద్ర జడేజా, శిఖర్‌ ధావన్‌, సురేశ్‌ రైనా, హార్దిక్‌ పాండ్యా తదితరులు ఈ సినిమాలోని పలు పాటలకు స్టెప్పులేయగా.. ఆస్ట్రేలియా క్రికెటర్‌ డేవిడ్‌ వార్నర్‌ రోజుకో వీడియోతో అలరిస్తున్నాడు. తాజాగా టీమిండియా స్టార్‌ స్పిన్నర్‌ రవిచంద్రన్‌ అశ్విన్‌ కూడా ఈ జాబితాలో చేరిపోయాడు. ఐకాన్‌ స్టార్‌ అల్లు అర్జున్‌ నటించిన పుష్పలోని శ్రీవల్లి పాటకు తనదైన శైలిలో స్టెప్పులేశాడు. అందరిలా బన్నీని అనుకరిస్తూ కాకుండా బ్యాట్‌ చేతబట్టి వెరైటీగా కాలుకదిపాడు. ఈ క్రమంలో స్లిప్పర్‌ ఊడిపోయినా సరే.. ఏకాగ్రత కోల్పోకుండా చాలా శ్రద్ధగా స్టెప్పు పూర్తి చేశాడు. ఇందుకు సంబంధించిన వీడియో సోషల్‌ మీడియాలో వైరల్‌ అవుతోంది. దీనిపై స్పందించిన భారత ఫీల్డింగ్‌ మాజీ కోచ్‌ ఆర్‌ శ్రీధర్‌ తగ్గేది లేదు అంటూ కామెంట్‌ చేశాడు. ఇక మరికొంత మంది ఫ్యాన్స్‌ మాత్రం... ‘‘ఇదేందయ్యా ఇది మేము చూడలా... ఏదేమైనా అందరిలా అల్లు అర్జున్‌ను కాపీ కొట్టకుండా ఓ క్రికెటర్‌లా నీదైన శైలిలో స్టెప్పులేశావు... బాగుంది అశూ’’ అంటూ సరదాగా ట్రోల్‌ చేస్తున్నారు.  కాగా ఇటీవల దక్షిణాఫ్రికా పర్యటనలో భాగంగా టెస్టు, వన్డే సిరీస్‌లో పాల్గొన్న అశ్విన్‌కు పెద్దగా కలిసిరాలేదు. టెస్టు సిరీస్‌లో కేవలం మూడు వికెట్లు తీసిన అశూ... రెండు వన్డేల్లో కలిపి కేవలం ఒకే వికెట్‌ తీయగలిగాడు. ఈ క్రమంలో వెస్టిండీస్‌తో స్వదేశంలో జరుగనున్న పరిమిత ఓవర్ల సిరీస్‌ ఆడనున్న జట్టులో చోటు దక్కించుకోలేకపోయాడు. చదవండి: IND vs WI: టీమిండియా వైస్ కెప్టెన్‌గా రిష‌భ్‌ పంత్‌! View this post on Instagram A post shared by Ashwin (@rashwin99)

పుష్పకు ముందు అల్లు అర్జున్‌ పేరు టాలీవుడ్ , మాలీవుడ్ లోనే రిపీటెడ్ గా వినిపించేది. కాని పార్ట్ 1 రిలీజైన తర్వాత బన్ని క్రేజ్‌ ప్రపంచ వ్యాప్తంగా మారింది. గతేడాది డిసెంబర్‌ 17న విడుదలైన ఈ మూవీ.. బాక్సాఫీస్‌ రికార్డులను బద్దలు కొట్టింది. బన్నీ కెరీర్‌లోనే అత్యధిక వసూళ్లని రాబట్టిన చిత్రంగా నిలిచింది. అంచనాలకు మించి ఉత్తరాదిన రూ.100 కోట్లు కొల్లగొట్టి మరోసారి టాలీవుడ్‌ సత్తాని చూపించాడు. ప్రస్తుతం బన్నీ ‘పుష్ప’సక్సెస్‌ని ఎంజాయ్‌ చేస్తున్నాడు. సెలబ్రెషన్స్‌ కోసం దుబాయ్‌ వెళ్లి..  అక్కడి అందాలను ఆస్వాదించాడు. దాదాపు 16 రోజుల తర్వాత అల్లు అర్జున్‌ తిరిగి హైదరాబాద్‌ వచ్చాడు. ఈ సందర్భంగా బన్నీకి ఆయన ముద్దుల తనయ అల్లు అర్హ వెరైటీ స్వాగతం పలికి సర్‌ప్రైజ్‌ చేసింది. గులాబీ పూల రెక్కలు, ఆకులతో ‘వెల్కమ్‌ నాన్న’అని రాసి బన్నీకి ఇంట్లోకి స్వాగతం చెప్పింది. తన కూతురు చెప్పిన వెరైటీ స్వాగతానికి అల్లు అర్జున్‌ మురిపిపోయాడు. ఆ ఫోటోని సోషల్‌ మీడియా ద్వారా అభిమానులతో పంచుకుంటూ.. ‘పదహారు రోజుల తరువాత స్వీటెస్ట్ వెల్కమ్` అంటూ క్యాప్షన్ ఇచ్చాడు. ప్రస్తుతం ఆ ఫోటో నెట్టింట వైరల్‌ అయింది.  View this post on Instagram A post shared by Allu Arjun (@alluarjunonline)

ఆస్ట్రేలియా స్టార్‌ ఓపెనర్‌ డేవిడ్‌ వార్నర్‌ను ‘పుష్ప’ మానియా వదలడం లేదు. ఇప్పటికే ఈ సినిమాలోని.. ‘‘ఏయ్‌ బిడ్డా.. ఇది నా అడ్డా’’ పాటకు కాలు కదిపిన వార్నర్‌..  శ్రీ వల్లి పాటకు కూడా అదిరిపోయేలా స్టెప్పులేశాడు. అతడి కూతుళ్లు సైతం ‘సామీ నా సామీ’ పాటకు తమదైన శైలిలో డాన్స్‌ చేసి అలరించారు. తాజాగా మరోసారి పుష్ప పట్ల అభిమానం చాటుకున్నాడు ఈ సన్‌రైజర్స్‌ హైదరాబాద్‌ మాజీ కెప్టెన్‌. ఈ సారి... ‘‘పుష్ప అంటే ఫ్లవర్‌ అనుకుంటివా? ఫైర్‌’’  అంటూ డైలాగ్‌తో అలరించాడు. కూతురితో కలిసి హిందీ డైలాగ్‌కు లిప్‌ సింక్‌ చేశాడు. సోషల్‌ మీడియాలో యాక్టివ్‌గా ఉండే వార్నర్‌ ఇందుకు సంబంధించిన వీడియోను ఇన్‌స్టాగ్రామ్‌లో షేర్‌ చేశాడు. ‘‘నా కోసం ఈ డైలాగ్‌ పూర్తి చేయండి. ఇండియా మొత్తం జాయిన్‌ అవ్వాలి. సరిగా లిప్‌ సింక్‌ చేయలేకపోయాను సారీ’’అంటూ క్యాప్షన్‌ జతచేశాడు. ఈ వీడియో ప్రస్తుతం వైరల్‌ అవుతోంది. వార్నర్‌ భార్య కాండిస్‌ వార్నర్‌.. కూతురిని ఎంకరేజ్‌ చేస్తూ ‘గో ఇండీ’ అంటూ కామెంట్‌ చేశారు. ఇక ఐకాన్‌ స్టార్‌ అల్లు అర్జున్‌ సైతం ఈ వీడియోపై స్పందించాడు. ఫైర్‌ ఎమోజీలను జతచేశాడు.  కాగా వార్నర్‌ ఇటీవల ఇంగ్లండ్‌తో జరిగిన ప్రతిష్టాత్మక యాషెస్‌ సిరీస్‌లో ఆడాడు. ఇక ఐపీఎల్‌ మెగా వేలం-2022 నేపథ్యంలో అతడు ఆక్షన్‌లోకి రానున్నాడు. సన్‌రైజర్స్‌కు టైటిల్‌ అందించిన వార్నర్‌ను ఆ జట్టు రిటైన్‌ చేసుకోలేదన్న సంగతి తెలిసిందే. ఇక టీ20 వరల్డ్‌కప్‌-2021 టోర్నీలో అద్భుత ప్రదర్శనతో ప్లేయర్‌ ఆఫ్‌ ది టోర్నీ అవార్డు అందుకున్న వార్నర్‌ భాయ్‌ కోసం ఈసారి వేలంలో ఫ్రాంఛైజీల మధ్య పోటాపోటీ నెలకొనే అవకాశం ఉంది. చదవండి: India Test Captain: రోహిత్‌ శర్మపై టీమిండియా మాజీ సెలక్టర్‌ సంచలన వ్యాఖ్యలు... సిరీస్‌కు ముందు గాయపడే కెప్టెన్‌ అవసరమా? Aakash Chopra : అతను కెప్టెన్‌ కాలేడు.. అయినా భారీ ధర పలకడం ఖాయం..! IND vs WI: టీమిండియా వైస్ కెప్టెన్‌గా రిష‌బ్ పంత్‌! View this post on Instagram A post shared by David Warner (@davidwarner31)

'పుష్ప‌.. పుష్ప‌రాజ్‌.. నీ య‌వ్వ త‌గ్గేదే లే..' డైలాగ్ దేశ‌మంతటా మార్మోగిపోతోంది. పుష్ప చిత్ర‌యూనిట్‌, న‌టీన‌టులు కూడా దీనికి ఈ రేంజ్‌లో ఆద‌ర‌ణ ల‌భిస్తుంద‌ని ఊహించి ఉండ‌రు. క‌రోనా కాలంలోనూ క‌లెక్ష‌న్లు కొల్ల‌గొడుతూ బాక్సాఫీస్‌పై దండ‌యాత్ర చేసింది పుష్ప‌. తాజాగా ఈ సినిమా గురించి ఓ ఆస‌క్తికర వార్త నెట్టింట చ‌క్క‌ర్లు కొడుతోంది. పుష్ప సినిమా కోసం ముందుగా ఎవ‌రెవ‌ర్ని సంప్ర‌దించారు? ఎవ‌రు తిర‌స్క‌రించారు? అంటూ ఓ లిస్ట్ వైర‌ల్ అవుతోంది. దీని ప్ర‌కారం.. ద‌ర్శ‌కుడు సుకుమార్ పుష్ప స్క్రిప్ట్‌ను బ‌న్నీ కంటే ముందు మ‌హేశ్‌బాబుకు వివ‌రించాడ‌ట‌. అయితే మ‌హేశ్ మేకోవ‌ర్‌కు సిద్ధంగా లేడ‌ని, స్క్రీన్‌పై నెగెటివ్ క్యారెక్ట‌ర్‌ను చూపించ‌డానికి ఇష్ట‌ప‌డ‌క నిస్సంకోచంగా కుద‌ర‌ద‌ని తేల్చి చెప్పిన‌ట్లు తెలుస్తోంది. 'ఊ అంటావా' సాంగ్‌కు బాలీవుడ్ బ్యూటీ దిశా ప‌టానీని తీసుకోవాల‌నుకున్నార‌ట‌. ఇందుకోసం ఆమెకు ఎంత రెమ్యున‌రేష‌న్ అయినా ఇవ్వ‌డానికి సిద్ధప‌డిన‌ప్ప‌టికీ ప‌లు కార‌ణాల‌తో ఆమె ఈ ఆఫ‌ర్‌ను తిర‌స్క‌రించిన‌ట్లు టాక్‌. ఆ త‌ర్వాత నోరా ఫ‌తేహీని సంప్ర‌దించ‌గా ఆమె భారీ మొత్తాన్ని డిమాండ్ చేయ‌డంతో ప‌క్క‌న పెట్టేశార‌ట‌. శ్రీవ‌ల్లి పాత్ర‌కు తొలుత ర‌ష్మిక‌ను అనుకోలేద‌ని, ఈ క్యారెక్ట‌ర్‌కు స‌మంత అయితే క‌రెక్ట్‌గా సూట్ అవుతుంద‌ని భావించిన‌ట్లు వినికిడి. కానీ ఆమె ఈ ఆఫ‌ర్‌కు నో చెప్ప‌డంతో అలా ఈ పాత్ర ర‌ష్మిక‌ను వ‌రించింది. స‌మంత‌ను 'ఊ అంటావా' సాంగ్ చేయ‌డానికి ఒప్పించ‌డం కోసం ఎంత‌గానో క‌ష్ట‌ప‌డ్డ విష‌యం తెలిసిందే! అలాగే ఫ‌హ‌ద్ ఫాజిల్ పోషించిన పోలీసాఫీస‌ర్ పాత్ర మొద‌ట విజ‌య్ సేతుప‌తి ద‌గ్గ‌ర‌కు వెళ్ల‌గా డేట్స్ కార‌ణంగా దాన్ని తిర‌స్క‌రించిన‌ట్లు తెలుస్తోంది.

Allu Arjun Enjoys The Dubai Skyline In Style: అల్లు అర్జున్‌ 'పుష్ప' సినిమాతో బ్లాక్‌ బస్టర్‌ హిట్‌ని సొంతం చేసుకున్నాడు. పాన్‌ ఇండియ స్థాయిలో తెరకెక్కిన ఈ చిత్రంలో బన్నీ నటనకు ప్రేక్షకులు ఫిదా అవుతున్నారు. ఇక పుష్ప పాటలు సోషల్‌ మీడియాను ఏ రేంజ్‌లో ఊపేస్తున్నాయో ప్రత్యేకంగా చెప్పాల్సిన పనిలేదు. ప్రస్తుతం పుష్ప సక్సెస్‌ను ఎంజాయ్‌ చేస్తున్న బన్నీ కుటుంబంతో కలిసి దుబాయ్‌ వెళ్లాడు. ఈ సందర్భంగా దుబాయ్ స్కైలైన్ వ్యూని ఎంజాయ్‌ చేస్తూ యమ స్టైలిష్‌గా ఫోటోకు ఫోజులిచ్చాడు బన్నీ. ఈ ఫోటోను తన ఇన్‌స్టాగ్రామ్‌లో షేర్‌ చేసిన కాసేపటికే ఈ పోస్ట్‌ వైరల్‌గా మారింది. ఇక పుష్ప పార్ట్‌-2 షూటింగ్‌ ఫిబ్రవరిలో ప్రారంభం కానుంది.  View this post on Instagram A post shared by Allu Arjun (@alluarjunonline)

బంగ్లాదేశ్‌ స్టార్‌ ఆల్‌రౌండర్‌ షకీబ్‌ అల్‌ హసన్‌.. డేవిడ్‌ వార్నర్‌, డ్వేన్‌ బ్రావో, సురేశ్‌ రైనాల సరసన చేరాడు. అయితే క్రికెట్‌ రికార్డులు అనుకుంటే పొరబడినట్లే. ఎందుకంటే షకీబ్‌ జాయిన్‌ అయింది.. పుష్ప సినిమా క్లబ్‌లో. ఏ ముహుర్తానా పుష్ప సినిమా మొదలైందో గాని..థియేటర్ల నుంచి సినిమా వెళ్లిపోయినప్పటికి.. దాని ప్రభావం మాత్రం జనాలను విడవడం లేదు. పాటలు, డైలాగ్స్‌ ఇలా చెప్పుకుంటూ పోతే.. ఇంకా చాలా విశేషాలున్నాయి. ఇప్పటికే డేవిడ్‌ వార్నర్‌ నుంచి డ్వేన్‌ బ్రావో దాకా.. రవీంద్ర జడేజా నుంచి సురేశ్‌ రైనా వరకు పుష్ప సినిమాలో నుంచి ఏదో ఒక దానిపై వీడియోలు చేసి జనాలను ఎంటర్‌టైన్‌ చేస్తున్నారు.  తాజాగా షకీబ్‌ అల్‌ హసన్‌ బంగ్లాదేశ్‌ ప్రీమియర్‌ లీగ్‌(బీపీఎల్‌)లో మరోసారి పుష్ప స్టెప్పులతో మెరిశాడు. అయితే చివర్లో షకీబ్‌ ఇచ్చిన ట్విస్ట్‌ మాత్రం అదిరింది. చదవండి: Dwayne Bravo: వికెట్ ప‌డ‌గొట్టాడు.. శ్రీవల్లి పాటకు స్టెప్పులేశాడు లీగ్‌లో భాగంగా కొమిల్లా విక్టోరియన్స్‌, ఫార్చూన్‌ బారిషల్‌ మధ్య మ్యాచ్‌ జరిగింది. కొమిల్లా విక్టోరియన్స్‌ ఇన్నింగ్స్‌ సమయంలో డుప్లెసిస్‌ను ఔట్‌ చేసిన తర్వాత.. షకీబ్‌ అ‍ల్లు అర్జున్‌ ''తగ్గేదే లే'' మేనరిజమ్‌కు శ్రీవల్లీ పాటను జత చేసి డ్యాన్స్‌ చేశాడు.  శ్రీవల్లీ పాటలో లెగ్‌ మూమెంట్‌ ఎంత పాపులర్‌ అయిందో అందరికి తెలిసిందే. అయితే షకీబ్‌ మాత్రం లెగ్‌ మూమెంట్‌ కాకుండా.. తన చేతులతోనే.. ఒకవైపు తగ్గేదే లే అంటూనే.. మరోవైపు శ్రీవల్లీ పాట డ్యాన్స్‌ చూపించాడు. షకీబ్‌ చేసిన కొత్త స్టెప్‌ను ట్విటర్‌లో షేర్‌ చేయగా.. అది కాస్తా వైరల్‌ అయింది.  ఇక మ్యాచ్‌లో షకీబ్‌ సారధ్యంలోని ఫార్చూన్‌ బారీషల్‌ 63 పరుగుల తేడాతో ఘోర పరాజయం చవిచూసింది. తొలుత బ్యాటింగ్‌ చేసిన కొమిల్లా విక్టోరియన్స్‌ నిర్ణీత 20 ఓవర్లలో 7 వికెట్ల నష్టానికి 158 పరుగులు చేసింది. మహ్మదుల్‌ హసన్‌ జాయ్‌ 48 పరుగులతో టాప్‌ స్కోరర్‌గా నిలిచాడు. అనంతరం బ్యాటింగ్‌ చేసిన ఫార్చూన్‌ బారిషల్‌ 95 పరుగులకే కుప్పకూలింది.   చదవండి: తలకు బలమైన గాయం.. అనుకున్నది సాధించాడు After Nazmul Islam, then @DJBravo47, and now the Bangladeshi 🐐 @Sah75official displaying the #Pushpa move! 🥳 The @alluarjun movie has really taken over the #BBPL2022. 🔥 📺 Catch these antics for just ₹5, LIVE on #FanCode 👉 https://t.co/lr5xUr0sLW#BPLonFanCode #alluarjun pic.twitter.com/9TAn8xqksr — FanCode (@FanCode) January 26, 2022

Hardik Pandya And His Nani Dancing For Pushpa Srivalli Step: ఐకాన్‌ స్టార్‌ అల్లు అర్జున్‌ నటించిన పాన్‌ ఇండియా మూవీ "పుష్ప" కేవలం సినిమా ప్రపంచాన్నే కాకుండా యావత్‌ జగత్తును ఉర్రూతలూగిస్తుందనడంలో ఎటువంటి సందేహం లేదు. దేశ, విదేశాలకు చెందిన సామాన్యుల దగ్గరి నుండి సినిమా స్టార్లు, సెలబ్రిటీలు, స్టార్‌ క్రికెటర్లు.. ఇలా దాదాపు ప్రతి ఒక్కరికి ప్రస్తుతం పుష్ప ఫోబియా పట్టుకుంది. ఈ సినిమాలోని పాటలు, డైలాగులు, డ్యాన్సులకు ఫిదా అయిన జనం.. సందర్భంతో సంబంధం లేకుండా ఎప్పుడు పడితే అప్పుడు, ఎక్కడ పడితే అక్కడ తమ టాలెంట్‌కి పని చెబుతూ సరదా తీర్చుకుంటున్నారు.  View this post on Instagram A post shared by Hardik Himanshu Pandya (@hardikpandya93) ఇంతటితో ఆగకుండా వారు చేసిన డ్యాన్సులు, ఇమిటేట్‌ చేసిన డైలాగులను సోషల్‌మీడియాలో పోస్ట్‌ చేసి సంబరపడిపోతున్నారు. తాజాగా, ఓ బామ్మ సైతం తాను కూడా తగ్గేదేలేదంటూ పుష్పలోని శ్రీవల్లి సాంగ్‌ను చిందేసింది. ఈ హడావుడి చేసిన ముసలావిడ ఎవరో అనామకురాలనుకుంటే పొరపాటే. టీమిండియా స్టార్‌ ఆల్‌రౌండర్‌ హార్ధిక్‌ పాండ్యా నాన్నమ్మ అయిన ఈ బామ్మ.. వయసు సహకరించకపోయినా ఎంతో ఉత్సాహంతో పాటకు స్టెప్పేసింది. ఆమె పక్కనే హార్ధిక్‌ పాండ్యా కూడా ఉన్నాడు. "అవర్‌ ఓన్‌ పుష్ప నాని" అంటూ హార్ధిక్‌ ఈ పోస్ట్‌కు క్యాప్షన్‌ జోడించాడు. ఈ వీడియో ప్రస్తుతం సోషల్‌మీడియలో వైరలవుతోంది. నెటిజన్లు బామ్మ డ్యాన్స్‌కు ఫిదా అవుతున్నారు.    చదవండి: వికెట్ ప‌డ‌గొట్టాడు.. శ్రీవల్లి పాటకు స్టెప్పులేశాడు

పుష్పకు ముందు అల్లు అర్జున్‌ పేరు టాలీవుడ్ , మాలీవుడ్ లోనే రిపీటెడ్ గా వినిపించేది. కాని పార్ట్ 1 రిలీజైన తర్వాత బన్ని ఇప్పుడు బాలీవుడ్ మోస్ట్ వాంటెడ్ హీరోగా మారాడు. పుష్ప పార్ట్ 2 కోసం బీటౌన్ ఆడియెన్స్ చాలా ఈగర్ గా వెయిట్ చేస్తున్నారు. రెండో భాగం రిలీజ్ చేస్తే బాహుబలి 2 అంత పెద్ద హిట్ చేసి పెడతాం అంటున్నారట. బహుబలి 2 హిందీ వర్షన్‌ రూ.500 కోట్లకు పైగా కొల్లగొట్టింది. ఇప్పటికీ ఈ రికార్డ్ పదిలంగా ఉంది. బాలీవుడ్ బిగ్గెస్ట్ స్టార్స్ సల్మాన్, షారుఖ్, ఆమిర్, అజయ్ ,అక్షయ్, హృతిక్, రణభీర్,రణవీర్,ఎవరూ కూడా ఈ మార్క్ ను టచ్ చేయలేదు. అయితే ఈ రికార్డ్‌ ను బన్ని బద్దలు కొడతాడని చెబుతున్నాడు పుష్ప పార్ట్ 2 హిందీ రైట్స్ కొనుగోలు చేసిన మనీష్ షా. పుష్ప 2 కోసం బాలీవుడ్ ఆడియెన్స్ చాలా ఈగర్ గా వెయిట్ చేస్తున్నారని, ఈ సినిమా సీక్వెల్ హిందీ వర్షన్ సూపర్బ్ రెస్పాన్స్ అందుకుంటుందని అన్ని కుదిరితే బాహుబలి 2 నెలకొల్పిన 500 కోట్ల వసూళ్లను కూడా అధిగమిస్తుందని తెలిపాడు మనీష్ షా. అంతే కాదు ఈ పుష్ప 2 ఈ ఏడాది విడుదల కాదు అంటున్నాడు. పుష్ప2 స్టోరీని పాన్‌ ఇండియా ఆడియెన్స్ కు నచ్చే విధంగా సుకుమార్ రీరైట్ చేస్తున్నాడట. పుష్పరాజ్ క్యారెక్టర్ ను మరింత పవర్ ఫుల్ గా డిజైన్ చేస్తున్నాడట సుకుమార్. ఈ ఏడాది మార్చి నుంచి ఈ సినిమా షూటింగ్ స్టార్ట్ అవుతున్నట్లు తెలుస్తోంది.  దాదాపు 250 రోజుల పాటు చిత్రీకరణ జరపుకుంటుందట. భారీ బడ్జెట్ తో సీక్వెల్ ను తెరకెక్కించబోతున్నారట. అందుకే 2022లో కాకుండా 2023లో పుష్ప2ను విడుదల చేసేందుకు దర్శకనిర్మాతలు ప్రయత్నిస్తున్నారట. అదే నిజమైతే బన్ని ఫ్యాన్స్ పుష్ప2 కోసం మరో ఏడాది వెయిట్ చేయాల్సిందే.

Suresh Raina Dance For Srivalli Song: పాన్‌ ఇండియా మూవీ "పుష్ప" మేనియా క్రికెట్‌ ప్రపంచాన్ని ఊపేస్తుంది. ఆస్ట్రేలియా స్టార్‌ బ్యాటర్‌ డేవిడ్‌ వార్నర్‌, ప్రముఖ టీమిండియా క్రికెటర్లు శిఖర్‌ ధవన్‌, రవీంద్ర జడేజా, సూర్యకుమార్‌ యాదవ్‌, ఇషాన్‌ కిషన్‌లు తగ్గేదేలే అంటూ పుష్ప సినిమా పాటలు, డైలాగులతో ఇరగదీశారు. తాజాగా ఈ జాబితాలోకి టీమిండియా మాజీ క్రికెటర్ సురేష్ రైనా కూడా చేరాడు. పుష్ప సినిమాలోని సూపర్‌ హిట్‌ సాంగ్‌ "చూపే బంగారమాయనే శ్రీవల్లి.." పాటకు స్టెప్పులేసి అదరహో అనిపించాడు. రైనాతో పాటు అతని కుటుంబ సభ్యులు కూడా బన్నీ సాంగ్‌కు చిందేశారు.  దీనికి సంబంధించిన వీడియోను రైనా.. తన ఇన్‌స్టాగ్రామ్‌లో పోస్ట్‌ చేస్తూ.. బన్నీపై ప్రశంసల వర్షం కురిపించాడు. పుష్ప సినిమాను చూశాన‌ని, అందులో అల్లు అర్జున్ న‌ట‌న అద్భుంతంగా ఉందని కొనియాడాడు. బన్నీ మన్ముందు మ‌రిన్ని విజ‌యాలు సాధించాల‌ని ఆకాంక్షిస్తూ.. త‌న ఇన్‌స్టా ఖాతాలో రాసుకొచ్చాడు. రైనా చేసిన ఈ వీడియో ప్రస్తుతం నెట్టింట వైర‌లవుతుంది. రైనా ఫ్యాన్స్‌తో పాటు బన్నీ అభిమానులు లైక్‌లు, కామెంట్లతో సోషల్‌మీడియాను హోరెత్తిస్తున్నారు. View this post on Instagram A post shared by Suresh Raina (@sureshraina3) కాగా,  రైనా 2020 ఆగస్ట్‌లో అంతర్జాతీయ క్రికెట్‌కు వీడ్కోలు పలికిన విషయం తెలిసిందే. రైనా భారత్ తరఫున 18 టెస్ట్‌లు, 226 వన్డేలు, 78 టీ20లు ఆడాడు. రైనా.. ఐపీఎల్‌ గత సీజన్ వరకు చెన్నై సూపర్ కింగ్స్ తరఫున కీలక ఆటగాడిగా కొనసాగాడు. అయితే ఐపీఎల్ 2022 మెగా వేలానికి ముందు సీఎస్‌కే అతన్ని రీటైన్ చేసుకోలేదు. దీంతో అతను 2 కోట్ల బేస్‌ ధర విభాగంలో  వేలంలో పాల్గొననున్నాడు. 35 ఏళ్ల రైనా.. ఐపీఎల్‌లో 205 మ్యాచ్‌ల్లో 5528 పరుగులు చేశాడు. చదవండి: ఇన్ని రోజులు కెప్టెన్‌గా ఉన్నావు కాబట్టి నడిచింది.. ఇకపై కుదరదు..!

Viral Video: Man Uses Pushpa Srivalli Song Step To Calm Down Crying Baby: ఐకాన్‌ స్టార్‌ అల్లు అర్జున్‌ నటించిన 'పుష్ప' క్రేజ్‌ గురించి ప్రత్యేకంగా చెప్పనక్కర్లేదు. దక్షిణాది సహా నార్త్‌లోనూ అల్లు అర్జున్‌కు ప్రేక్షకులు ఫిదా అవుతున్నారు. ఇక ఈ సినిమాలోని పాటలు, డైలాగులు సోషల్‌ మీడియాను ఓ రేంజ్‌లో ఊపేస్తున్నాయి. ఇక పుష్ప చిత్రంలోని 'శ్రీవల్లీ' సాంగ్‌ అన్ని భాషల్లోనూ సూపర్‌ హిట్టయ్యింది. ముఖ్యంగా అల్లు అర్జున్‌ చేసిన సిగ్నేచర్‌ స్టెప్‌ నెట్టింట తెగ వైరల్‌ అవుతుంది. తాజాగా షాదాబ్‌ అలీ ఖాన్‌ అనే ఓ నెటిజన్‌ సైతం శ్రీవల్లీ సాంగ్‌ హుక్‌ స్టెప్పులేస్తూ ఏడుస్తున్న పాపాయిని జో కొట్టాడు. దీనికి సంబంధించిన ఓ వీడియోను షేర్‌ చేస్తూ.. పాపను హ్యాపీ చేయడానికి  శ్రీవల్లి స్టెప్‌ పర్‌ఫెక్ట్‌ అంటూ ఇన్‌స్టాగ్రామ్‌లో షేర్‌ చేయడంతో ఈ వీడియో ప్రస్తుతం నెట్టింట చక్కర్లు కొడుతుంది. ఇక ఒరిజినల్‌ శ్రీవల్లీ సాంగ్‌ యూట్యూబ్‌లో దుమ్మురేపుతుంది. ఇప్పటికే ఈ సాంగ్‌ 80మిలియన్‌ వ్యూస్‌తో  దూసుకుపోతుంది. తెలుగులో సిద్‌ శ్రీరామ్‌ ఈ పాటను పాడగా, హిందీ వెర్షన్‌లో జావేద్‌ అలీ పాడారు.  View this post on Instagram A post shared by Sʜᴀᴅᴀʙ Aʟɪ Kʜᴀɴ 🖤 (@beingshadabkhan.27)

అల్లు అర్జున్‌ పుష్ప సినిమా క్రేజ్‌ మాములుగా లేదు. దేశాలు దాటి విదేశాలను చుట్టేస్తున్న పుష్ప మేనియా ఇప్పుడు బంగ్లాదేశ్‌ ప్రీమియర్‌ లీగ్‌(బీపీఎల్‌ 2022)కు కూడా పాకింది. పుష్ప సినిమాలో అల్లు అర్జున్‌ చెప్పిన..'' యవ్వ తగ్గేదే లే..'' అన్న డైలాగ్‌ ఎంత పాపులర్‌ అయిందో ప్రత్యేకంగా చెప్పనవసరం లేదు. ఇప్పటికే టీమిండియా క్రికెటర్లు సహా ఆస్ట్రేలియా క్రికెటర్‌ డేవిడ్‌ వార్నర్‌ తమదైన శైలిలో పుష్ప సినిమా డైలాగ్‌ చెప్పి అందరి దృష్టిని ఆకర్షించారు. తాజాగా బీబీఎల్‌ 2022 లీగ్‌ మ్యాచ్‌లో అమితే హసన్‌ అనే బౌలర్‌ ప్రత్యర్థి బ్యాట్స్‌మన్‌ను ఎల్బీగా వెనక్కి పంపాడు. వికెట్‌ తీసిన ఆనందంలో.. అల్లు అర్జున్‌ను గుర్తు చేస్తూ తన గడ్డంపై చేయి పెట్టి ''నీ యవ్వ..తగ్గేదే లే'' అన్నట్లుగా మేనరిజం చేసి చూపించాడు. ప్రస్తుతం దీనికి సంబంధించిన వీడియో యూట్యూబ్‌ను షేక్‌ చేస్తుంది. కాగా పుష్పలోని ''శ్రీవల్లీ'' పాటకు ఇటీవలే వార్నర్‌ స్టెప్పులు వేయడం సోషల్‌ మీడియాలో తెగ వైరల్‌ అయింది.

ఢిల్లీ: జనాల మీద సినిమా ప్రభావం గురించి ప్రత్యేకంగా తెలియంది కాదు. సందేశాత్మక చిత్రాల్లోనూ సరదాను వెతుక్కనే స్వభావం మన సగటు ఆడియొన్స్‌ది. పైగా ‘సినిమాలోని సన్నివేశాలు ఎవరినీ ఉద్దేశించినవి కావు. కేవలం కల్పితాలే. అనుకరించకండి’ అంటూ సినిమా ముందు వచ్చే విజ్ఞప్తులను పట్టించుకునేవాళ్లు కనిపించరు!. ప్రత్యేకించి అందులోని ఘట్టాల అనుకరణ.. సరదా వరకైతే పర్వాలేదు. అదే సీరియస్‌ మలుపు తీసుకుంటే..   దేశ రాజధాని పరిధిలో జరిగిన ఓ నేరం ఇప్పుడు ‘సినిమా ఇచ్చే సందేశం’ గురించి చర్చనీయాంశంగా మారింది. న్యూఢిల్లీ జహంగీర్‌పురిలో జరిగిన ఓ హత్య కేసు విచారణ చేపట్టిన పోలీసులకు విస్తుపోయే విషయాలు తెలిశాయి. అల్లు అర్జున్‌ ‘పుష్ప-ది రైజ్‌’ సినిమాతో పాటు ఓ హిందీ వెబ్‌ సిరీస్‌ స్ఫూర్తితో నేర ప్రవృత్తిలోకి దిగామంటూ ముగ్గురు టీనేజర్లు స్టేట్‌మెంట్‌ ఇవ్వడం కలకలం రేపింది.   నిందితులు వెల్లడించిన వివరాల ప్రకారం.. స్థానికంగా ఓ బస్తీలో నివాసం ఉంటున్న ముగ్గురు టీనేజర్లలో ఒకడు ‘బద్నాం’ పేరుతో ఒక గ్యాంగ్‌ను ఏర్పాటు చేశాడు. ఆ ఏరియాలో పాపులర్‌ కావాలనే ఉద్దేశంతో తరచూ ఇతరులకు  దమ్‌కీ ఇస్తూ.. ఆ ఘటనలను షార్ట్‌ వీడియోలుగా ఇన్‌స్టాగ్రామ్‌లో పోస్ట్‌ చేస్తూ వస్తున్నారు. ఈ క్రమంలో తాజాగా ‘పుష్ప’ సినిమా చూసిన ఆ గ్యాంగ్‌.. అందులో పుష్పరాజ్‌లా ఎదగాలనే ప్లాన్‌వేసింది. ఇందుకోసం అటుగా వెళ్తున్న ఓ అమాయకుడిని ఎంచుకుంది.   ఆ యువకుడిని చావబాదుతూ.. ఆ వీడియోను రికార్డు చేశారు. వాళ్లను చెదరగొట్టి.. కొనఊపిరితో ఉన్న ఆ వ్యక్తిని ఆస్పత్రికి తరలించారు స్థానికులు. బాబు జగ్జీవన్‌ రామ్‌ ఆస్పత్రిలో ఆ వ్యక్తి మృతి చెందగా.. బాధితుడిని 24 ఏళ్ల శిబుగా గుర్తించారు. అతని బంధువుల ఫిర్యాదు మేరకు కేసు నమోదు చేసుకున్న పోలీసులు విచారణ చేపట్టారు. సీసీటీవీ ఫుటేజీ ఆధారంగా బద్నాం గ్యాంగ్‌ను అరెస్ట్‌ చేసి మీడియా ముందు ప్రవేశపెట్టారు. తమను తాము ప్రమోట్‌ చేసుకునే ఉద్దేశంతో, గ్యాంగ్‌స్టర్‌లుగా ఎదగాలన్న ఉద్దేశంతో పుష్ప సినిమాను, బౌకాల్‌ సిరీస్‌ను స్ఫూర్తిగా తీసుకున్నామని, వాటిల్లో హీరోల మాదిరిగా ఎదిగే ప్రయత్నం చేశామని చెప్పడంతో కంగుతినడం పోలీసులు వంతూ అయ్యింది. ఈ నేరంలో ముగ్గురు మైనర్లు కావడం విశేషం.

ఆస్ట్రేలియన్‌ విధ్వంసకర క్రికెటర్‌ డేవిడ్‌ వార్నర్‌ మరోసారి తనదైన స్టైల్లో మెరిశాడు. ఇప్పటికే పుష్ప సినిమా డైలాగ్‌తో పాటు ''ఏయ్‌ బిడ్డా.. ఇది నా అడ్డా'' పాటకు స్టెప్పులేసిన వార్నర్‌.. తాజాగా శ్రీవల్లీ పాటకు అదిరిపోయే స్టెప్పులేశాడు. అచ్చం అల్లు అర్జున్‌ను గుర్తుచేస్తూ అతనిలానే పాదాలను కదిలించిన వార్నర్‌  తన స్టెప్పులతో ఆకట్టుకున్నాడు. ఈ వీడియోనూ వార్నర్‌ తన ఇన్‌స్టా​గ్రామ్‌లో షేర్‌ చేయగా.. కొద్ది నిమిషాల్లోనే వైరల్‌గా మారింది. అంతకముందు పుష్ప సినిమాలోని యవ్వా తగ్గేదేలే అన్న డైలాగ్‌ను వార్నర్‌ తన మేనరిజంతో చెప్పగా.. అల్లు అర్జున్‌ వెంటనే రియాక్టయ్యాడు. యవ్వ తగ్గేదేలే వార్నర్‌.. అంటూ క్యాప్షన్‌ జత చేశాడు. వార్నర్‌ స్టెప్పులపై మీరు ఒక లుక్కేయండి.. చదవండి: David Warner: 'వార్నర్‌ సార్‌.. భారత పౌరసత్వం తీసుకోండి'.. View this post on Instagram A post shared by David Warner (@davidwarner31)

తమిళ నటుడు హరీశ్‌ ఉత్తమన్‌ ఓ ఇంటివాడయ్యాడు. మలయాళ నటి చిన్ను కురువిల్లను పెళ్లాడాడు. గురువారం(జనవరి 20న) కేరళ మవెలిక్కరలోని రిజిస్ట్రార్‌ ఆఫీస్‌లో వీరి వివాహం జరిగింది. ఈ వేడుకకు ఇరు కుటుంబాలు సహా అత్యంత దగ్గరి బంధువులు మాత్రమే హాజరయ్యారు.  ఇదిలా ఉంటే చిన్ను పలు మలయాళ చిత్రాల్లో నటించింది. 'నార్త్‌ 24 కతమ్‌', 'కసాబా', 'లుక్కా చుప్పి' వంటి పలు చిత్రాలతో ప్రేక్షకులను అలరించింది. ఇక హరీశ్‌ విషయానికి వస్తే అతడు 'తని ఒరువన్‌', 'తొడారి', 'భైరవ', 'పాండ్య నాయుడు', 'పాయుం పులి', 'నట్పే తునై' తదితర చిత్రాల్లో నటించాడు. శ్రీమంతుడు, అశ్వత్థామ, వి, నాంది చిత్రాలతో తెలుగు ప్రేక్షకులకూ చేరువయ్యాడు. కాగా ఇతడు 2018లో మేకప్‌ ఆర్టిస్ట్‌ అమృత కల్యాణ్‌పుర్‌ను వివాహమాడాడు. కానీ వీరి మధ్య పొరపచ్చాలు రావడంతో ఏడాదికే విడిపోయారు.

Pushpa Movie Collection Bollywood: సుకుమార్ దర్శకత్వంలో ఐకాన్ స్టార్ అల్లు అర్జున్ హీరోగా నటించిన పాన్‌ ఇండియా చిత్రం ‘పుష్ప’ ది రైజ్ గతేడాది డిసెంబర్ 17న విడుదలైన విషయం తెలిసిందే. ఇక ఈ చిత్రం అల్లు అర్జున్ కెరీర్‌లోనే తిరుగులేని బ్లాక్ బస్టర్‌ హిట్‌గా నిలిచింది. ఈ చిత్రం నైజాంలో ఆల్ టైమ్ రికార్డ్ క్రియేట్ చేసి సంచలనం సృష్టించింది.  అటు బాలివుడ్‌లో కూడా పుష్ప రాజ్ తన సత్తా చాటుతున్నాడు. ముఖ్యంగా అక్కడ 'కేజీఎఫ్' రికార్డును ‘పుష్ప’ బద్దలు కొట్టినట్టు సమాచారం.  బాలివుడ్‌ హీరోల సినిమాకు ఎలాంటీ రెస్పాన్స్ వస్తుందో ఆ రేంజ్‌లోనే పుష్పకు వసూళ్ళు రావడం గమనార్హం. ఇలా బన్ని తన మొదటి పాన్‌ ఇండియా చిత్రంతోనే తిరుగులేని రికార్డు సృష్టించి ఇక తగ్గేదేలే అంటున్నాడు.

I And B Ministry Shares Meme On Allu Arjun Pushpa: ఎక్కడా చూసిన 'పుష్ప' ఫీవరే కనిపిస్తోంది. సామాన్యులు, తారలు, పోలీసులు 'పుష్ప' సినిమాలోని డైలాగ్‌లు, మ్యానరిజాన్ని స్పూఫ్‌, కవర్స్‌గా మలిచారు. పుష్ప చిత్రానికి వచ్చిన క్రేజ్‌తో ట్రాఫిక్‌ నిబంధనలపై అవగాహన కల్పించారు. రకరకాల మీమ్స్‌ను రూపొందించి సోషల్ మీడియాలో పోస్ట్‌ చేస్తూ 'పుష్ప' ట్రెండ్‌ను ఫాలో అవుతున్నారు. తాజాగా రాజకీయనాయకులు సైతం 'పుష్పరాజ్‌'ను బాగా వాడేసుకుంటున్నారు. కేంద్ర సమాచార, ప్రసార మంత్రిత్వ శాఖ కూడా కరోనా నిబంధనలపై ప్రజలకు అవగాహన కల్పించేందుకు పుష్పరాజ్‌ డైలాగ్‌ను ఎంచుకుంది. ఈ డైలాగ్‌తో ఒక మీమ్ క్రియేట్‌ చేసి సోషల్‌ మీడియాలో పోస్ట్‌ చేసింది.  (చదవండి: హెల్మెట్‌తో 'పుష్ప'రాజ్.. పోలీసుల అవగాహన) కొవిడ్‌పై తాజా సమాచారాన్ని ప్రజలకు అందించేందుకు '#IndiaFightsCorona@COVIDNewsByMIB' అనే పేరుతో సమాచార మంత్రిత్వ శాఖ ప్రత్యేకంగా ఓ ట్విటర్ పేజీని ఇటీవల తీసుకొచ్చింది. ఈ ట్విటర్ అకౌంట్‌లో పుష్ప సినిమాలో అల్లు అర్జున్‌ స్టిల్‌ను ఎడిట్‌ చేసి బన్నీకి మాస్క్‌ పెట్టారు. ఈ ఎడిట్‌ చేసిన ఫొటోపై 'తగ్గేదేలే' డైలాగ్‌ను 'డెల్టా అయినా ఒమిక్రాన్‌  అయినా.. మాస్క్‌ తీసేదేలే..' అని రాశారు. ఇంకా ఆ పోస్ట్‌లో 'పుష్ప.. పుష్పరాజ్‌.. ఎవరైనా.. కరోనాపై మన పోరు ఇంకా కొనసాగుతూనే ఉంది. ఈ నాలుగు విషయాలను ఎప్పటికీ మర్చిపోవద్దు. ఎల్లప్పుడూ మాస్క్‌ ధరించాలి. తరచూ చేతులను శానిటైజర్‌తో శుభ్రపరచుకోవాలని. భౌతిక దూరాన్ని పాటించాలి. తప్పనిసరిగా వ్యాక్సిన్‌ వేయించుకోవాలి.' అని ట్వీట్‌ చేశారు. దీంతోపాటు 'పుష్ప' మూవీలోని హీరోహీరోయిన్లు అయినా బన్నీ, రష్మిక మందన్నాను ట్యాగ్‌ చేశారు.    #Pushpa..#PushpaRaj ho ya koi bhi, Our fight against #COVID19 is still on! 🛡️Keep following #COVIDAppropriateBehaviour 👇 ✅Always wear a #mask ✅Wash/sanitize hands regularly ✅Maintain distancing ✅Get fully #vaccinated#IndiaFightsCorona #We4Vaccine @alluarjun @iamRashmika pic.twitter.com/Mlzj9tnWL5 — #IndiaFightsCorona (@COVIDNewsByMIB) January 19, 2022 (చదవండి: ముంబైలో 'పుష్ప' ఫీవర్‌.. లోకల్‌ ట్రైన్‌లో శ్రీవల్లి హుక్ స్టెప్పు)

టాలీవుడ్‌ ఐకాన్‌ స్టార్‌ అల్లు అర్జున్ హీరోగా వచ్చిన పాన్‌ఇండియా మూవీ ‘పుప్ప’ మూవీ బాక్సాఫీసు వద్ద మంచి వసూళ్లు రాబట్టింది. అయితే ఇందులోని పాటలన్నీ ప్రేక్షకులను ఉర్రూతలూగించిన విషయం తెలిసింతే. ముఖ్యంగా హీరోయిన్‌ సమంత ఆడిపాడిన 'ఊ అంటావా మావా.. ఊఊ అంటావా' పాటకు పెద్దఎత్తున ప్రజాదరణ లభిస్తోంది. ఎక్కడ చూసినా ఈ పాటనే వినిపిస్తోంది. పలువురు ఈ పాటకు డ్యాన్స్‌ చేసి సోషల్‌ మీడియాలో పోస్ట్‌ చేస్తున్నారు. అయితే తాజాగా ఈ పాట ఆఫ్రికా దేశమైన టాంజానియా వరకు పాకిపోయింది. టాంజానియా సోషల్ మీడియా స్టార్ కిలిపాల్ ‘ఊ అంటావా.. ఊఊ అంటావా’ పాటకు తనదైనశైలిలో స్టెప్పులేసి, ఆ వీడియోను తన ఇన్‌స్టాగ్రామ్ ఖాతాలో పోస్టుచేశాడు. దీంతో ఈ పాట సోషల్‌ వీడియోలో వైరల్ మారింది. ఈ వీడియోను వీక్షించిన నెటిజన్లు.. లక్షల్లో లైక్‌ చేస్తున్నారు. కిలిపాల్‌కు ఇప్పటికే ఇన్‌స్టాగ్రామ్‌లో భారీ ఫాలోయింగ్ ఉన్న విషయం తెలిసిందే. కాగా, కిలిపాల్ సోదరి నీమాపాల్ కూడా సోషల్ మీడియా స్టార్‌గా మంచి గుర్తింపు తెచ్చుకుంది. ఇప్పటికే కిలిపాల్‌ పుష్ఫ మూవీలోని ‘సామి’ పాటకు డ్యాన్స్‌ను చేసి ఆకట్టుకున్నాడు. ఆర్‌ఆర్‌ఆర్‌ సినిమాలో ‘నాటు నాటు’ పాటకు కూడా ఎన్టీఆర్, రామ్‌చరణ్‌ల్లాగే డ్యాన్స్ చేసి అలరించాడు కిలిపాల్. అలాగే ప్రభాస్ రాధేశ్యామ్ చిత్రంతో పాటు పలు బాలీవుడ్ హిట్ సాంగ్స్‌కు లిప్ సింక్ చేస్తూ పాడటం, డ్యాన్స్ చేయడంతో కిలిపాల్, ఆయన చెల్లెలు నీమాపాల్ ఇన్‌స్టాగ్రామ్‌లో అభిమానుల్ని సంపాదించుకున్నారు. 

Pushpa Movie Allu Arjun Srivalli Song Hook Step In Mumbai Trains: జనాల్లో పుష్ప ఫీవర్‌ ఇంకా తగ్గినట్లు కనిపించడం లేదు. పుష్ప చిత్రాన్ని, అల్లు అర్జున్‌ మ్యానరిజాన్ని ఎవరికీ నచ్చినట్లు వారు వాడేస్తున్నారు. సినిమాలోని బన్ని యాక్టింగ్‌కు అశేషప్రేక్షక జనం ఫిదా అయ్యారు. అందులోని పాటలు మరింత హైలెట్‌ అయ్యాయి. సాంగ్స్‌ లిరికల్‌ వీడియోలు విడుదలైనప్పుడే వాటిని స్పూఫ్‌, కవర్స్‌లా తెగ వాడేశారు. ప్రస్తుతం వాణిజ్య సంస్థలు, హైదారబాద్‌ పోలీసులు సైతం పుష్పరాజ్‌ను బీభత్సంగా ఉపయోగించుకున్నారు. ఇటీవల శ్రీవల్లి సాంగ్‌ను మరాఠీ భాషలో రాసి మరీ పాట పాడాడు ఓ ట్రాఫిక్‌ పోలీసు. తాజాగా ఇదే పాటపై అల్లు అర్జున్‌ చేసిన డ్యాన్స్‌ను అనుకరిస్తూ వైరల్‌ అయ్యాడు ఒక ఇన్‌స్టా గ్రామ్‌ యూజర్.  ముంబైకి చెందిన ధీరజ్‌ సనప్‌ శ్రీవల్లి పాటలోని అల్లు అర్జున్‌ హుక్‌ స్టెప్పును అనుకరిస్తూ వీడియో చేశాడు. ఆ స్టెప్పుతోనే ముంబై లోకల్‌ ట్రైన్‌లోకి వెళ్లడం, ప్రజల మధ్య తిరగడం, ఎస్కలేటర్‌ ఎక్కడం వంటివి చేస్తూ నవ్వు తెప్పిస్తున్నాడు. అల్లు అర్జున్‌ మ్యానరిజంతో హుక్‌ స్టెప్పు వేస్తే ధీరజ్‌ అదే స్టెప్పును సరదాగా అనుకరిస్తూ వీడియో చేసి నెట్టింట్లో వదిలాడు. ఇక ఇది చూసిన నెటిజన్స్‌ కామెంట్‌ రూపంలో మెచ్చుకుంటున్నారు. ఆదివారం అప్‌లోడ్‌ చేసిన ఈ వీడియోకు ప్రస్తుతం లక్షకుపైగా వీక్షణలు వచ్చాయి.    View this post on Instagram A post shared by Dhiraj sanap (@dhirajjjjj_) ఇదీ చదవండి: హెల్మెట్‌తో 'పుష్ప'రాజ్.. అవగాహన కోసం పోలీసుల వాడకం

Hyderabad Traffic Police Using Pushpa Poster Urge Wear Helmets: ప్రజల్లో 'పుష్ప'రాజ్‌ ఫీవర్‌ ఇప్పట్లో తగ్గేలా లేదు. పుష్ప సినిమాలోని పాటలు, డైలాగ్‌లు ప్రేక్షక జనాల్లో ఓ రేంజ్‌లో నాటుకుపోయాయి. డైలాగ్‌లు, పాటలను స్పూఫ్స్‌, కవర్‌ సాంగ్స్‌గా మలుస్తూ సోషల్‌ మీడియాలో పోస్ట్‌ చేస్తున్నారు. తమదైన శైలీలో పుష్పరాజ్‌ డైలాగ్‌లు కొట్టడం, అవి వైరల్‌ కావడం చూస్తూనే ఉన్నాం. అంతేకాకుండా సినిమాలోని క్యారెక్టర్లను ఎవరికీ నచ్చినట్లు వారు వాడుకుంటున్నారు. ప్రముఖ వాణిజ్య సంస్థ 'అమూల్‌' తన వ్యాపారం కోసం 'పుష్పక్ ది స్లైస్‌.. అమూల్ హావ్ స‌మ్ అమ్ములు, అర్జున్‌..' అనే కార్టూన్‌ను షేర్‌ చేసింది. దీనికి బన్నీ కూడా స్పందించాడు. దీంతో ఆ వాణిజ్య ప్రకటన వైరల్‌గా మారింది.  తాజాగా హైదరాబాద్ ట్రాఫిక్‌ పోలీసులు పుష్పరాజ్‌ను వాడటం ఆసక్తికరంగా మారింది. ద్విచక్రవాహనదారులు హెల్మెట్‌ను కచ్చితంగా ధరించాలనే నియమంపై కార్యక్రమం చేపట్టారు. పుష్ప సినిమాలో బైక్‌పై వెళుతున్న అల్లు అర్జున్‌ హెల్మెట్‌ ధరించి ఉన్నట్లుగా మార్ఫింగ్ చేశారు. ఈ హైదరాబాద్‌ ట్రాఫిక్‌ పోలీస్‌ ట్విటర్‌ పేజీలో షేర్‌ చేశారు. ఆ ఫొటోపై 'హెల్మెట్‌ తప్పని  సరి.. తగ్గేదే లే..' అంటూ రాసి ఉంది. అలాగే 'హెల్మెట్‌ ధరించండి. అది మిమ్మల్ని కాపాడుతుంది.' అంటూ ట్వీట్‌ చేశారు పోలీసులు. ఐకానిక్ స్టార్‌ అల్లు అర్జున్, క్రియేటివ్ డైరెక్టర్‌ సుకుమార్‌  కాంబోలో వచ్చిన ఈ చిత్రం ఎంతటి ఘనవిజయాన్ని సొంతం చేసుకుందో తెలిసిందే. అందుకే ఈ సినిమాతో హెల్మెట్‌ ధరించడంపై అవగాహన కల్పిస్తే జనాల్లోకి బాగా వెళ్తుందని పోలీసులు భావించినట్లు తెలుస్తోంది.    #HYDTPweBringAwareness Wear Helmet. It saves you #WearHelmet #Helmet #ThaggedheLe@jtcptrfhyd @dcptraffic1hyd. pic.twitter.com/VyGMUY43O8 — Hyderabad Traffic Police (@HYDTP) January 14, 2022 ఇదీ చదవండి: పుష్ప‌ను వాడేసిన అమూల్‌, కామెంట్ చేసిన బ‌న్నీ

Amul Pushpak The Slice Poster: ఇండ‌స్ట్రీలో పాన్ ఇండియా సినిమాల హ‌వా న‌డుస్తోంది. తెలుగులో వ‌రుస పెట్టి పాన్ ఇండియా చిత్రాలు తీస్తున్న స‌మ‌యంలో పుష్ప దేశవ్యాప్తంగా రిలీజై భారీ హిట్ అందుకుంది. పాన్ ఇండియా సినిమా విజ‌యాన్ని అందుకుంటే ఎలా ఉంటుందో రుచి చూపించాడు బ‌న్నీ. నార్త్‌, సౌత్ అన్న తేడా లేకుండా అంత‌టా ఈ సినిమా మార్మోగిపోతోంది. ఇలాంటి స‌మ‌యంలో ఈ క్రేజ్‌ను త‌న‌కు అనుకూలంగా మలుచుకుంది అమూల్‌. అదెలాగంటారా?  సాధార‌ణంగా అమూల్‌ వ్యాపార వాణిజ్య ప్ర‌క‌ట‌నలో చిన్న‌పిల్ల‌లు ఉంటారు. అయితే తాజాగా అమూల్ రిలీజ్ చేసిన పోస్ట‌ర్‌లో పుష్ప‌రాజ్‌, శ్రీవ‌ల్లి ఉన్నారు. 'పుష్ప‌క్ ది స్లైస్‌.. అమూల్ హావ్ స‌మ్ అమ్ములు, అర్జున్‌..'  అంటూ కార్టూన్‌ను షేర్ చేసింది. దీనికి బ‌న్నీ రిప్లై ఇస్తూ 'అల్లు టు మల్లు టు అమ్ములు అర్జున్' అని కామెంట్ చేశాడు. బ్రాండ్ ప్ర‌మోష‌న్ కోసం పుష్ప క్యారెక్ట‌ర్ల‌ను బాగానే వాడుకుంటున్నారంటూ అమూల్‌ను మెచ్చుకుంటున్నారు నెటిజ‌న్లు. కాగా క్రియేటివ్ డైరెక్ట‌ర్ సుకుమార్ ద‌ర్శ‌క‌త్వం వ‌హించిన ఈ మూవీ డిసెంబ‌ర్ 17న థియేట‌ర్ల‌లో విడుద‌లైంది. దీనికి సీక్వెల్‌గా పుష్ప‌: ద రూల్ తెర‌కెక్క‌నుండ‌గా ఇది ఈ ఏడాది చివ‌రికి రిలీజ్ చేయాల‌ని భావిస్తున్నారు. View this post on Instagram A post shared by Amul - The Taste of India (@amul_india)

ఊ అంటావా మావా.. ఉఊ అంటావా మావా.. ఈ పాట ఏ రేంజ్‌లో హిట్ అయిందో ప్ర‌త్యేకంగా చెప్ప‌న‌వ‌స‌రం లేదు. స‌మంత అంద‌చందాలు, స్టెప్పులు ప్రేక్ష‌కుల‌ను విప‌రీతంగా ఆక‌ర్షించాయి. ఈ సాంగ్ ఎంత వివాద‌మ‌య్యిందో అంత‌కంటే ఎక్కువ సెన్సేష‌నల్ హిట్ అయింది. అయితే ఈ పాట‌లో ఆడిపాడేందుకు స‌మంత ముందు ఒప్పుకోలేద‌ట‌. కానీ బ‌న్నీ ద‌గ్గ‌రుండి ఆమెను ఒప్పించ‌డంతో పుష్ప‌లో సామ్ స్పెష‌ల్ సాంగ్‌లో క‌నిపించింది. ఇక ఈ సాంగ్ కోసం రూ.5 కోట్లు ఖ‌ర్చు చేయ‌గా అందులో స‌మంతకు కోటిన్న‌ర రూపాయ‌ల పారితోషికం ఇచ్చిన‌ట్లు మొద‌ట్లో వార్త‌లు వ‌చ్చాయి. కానీ జాతీయ మీడియాలో వ‌స్తున్న క‌థ‌నాల ప్ర‌కారం సామ్ మూడు నిమిషాల పాట‌ కోసం ఏకంగా రూ.5 కోట్లు తీసుకుంద‌ట‌. ఈ పాట‌కు దేవిశ్రీప్ర‌సాద్ సంగీతం అందించ‌గా ఇంద్ర‌వ‌తి చౌహాన్ ఆల‌పించారు. కాగా అల్లు అర్జున్‌, ర‌ష్మిక మంద‌న్నా జంట‌గా న‌టించిన పుష్ప చిత్రం డిసెంబ‌ర్ 17న విడుద‌లైంది. పాన్ ఇండియా చిత్రంగా రిలీజైన ఈ మూవీ ఇప్ప‌టివ‌ర‌కు రూ.300 కోట్ల‌కు పైగా వ‌సూళ్లు సాధించింది.

పుష్ప సినిమా విడుద‌లై నెల రోజులు కావ‌స్తున్నా దాని క్రేజ్ మాత్రం ఇంచు కూడా త‌గ్గ‌లేదు. ఇప్ప‌టికీ పుష్ప డైలాగులు, పాట‌లు మార్మోగుతూనే ఉన్నాయి. బాక్సాఫీస్‌ను ద‌డ‌ద‌డ‌లాడించిన ఈ మూవీ ఓటీటీ ప్లాట్‌ఫామ్ అమెజాన్ ప్రైమ్‌లో కూడా ర‌ఫ్ఫాడిస్తోంది. తాజాగా పుష్ప చిత్రాన్ని లోక‌నాయకుడు క‌మ‌ల్ హాస‌న్ వీక్షించాడు. మ్యూజిక్ డైరెక్ట‌ర్ దేవిశ్రీప్ర‌సాద్‌తో క‌లిసి చూశారు. ఈ విష‌యాన్ని రాక్‌స్టార్ ట్విట‌ర్‌లో అభిమానుల‌తో పంచుకున్నాడు. 'ప్రియ‌మైన క‌మ‌ల్ హాస‌న్ స‌ర్‌, మీరు స‌మ‌యం తీసుకుని పుష్ప సినిమాను వీక్షించినందుకు ధ‌న్య‌వాదాలు. మా ప‌నితీరుపై ప్ర‌శంస‌లు కురిపించిన మీకు కృత‌జ్ఞ‌త‌లు' అని చెప్తూ క‌మ‌ల్‌తో దిగిన ఫొటోను షేర్ చేశాడు. ప్ర‌స్తుతం ఈ ఫొటో వైర‌ల్‌గా మారింది. ఇది చూసిన అల్లు అర్జున్ త‌మ‌ సినిమా చూసిన క‌మ‌ల్‌కు ధ‌న్యవాదాలు తెలిపాడు. పుష్ప: ద రైజ్‌ను తెరకెక్కించిన సుకుమార్ రెండో భాగాన్ని ప్రారంభించేందుకు రెడీ అవుతున్నాడు. వ‌చ్చే నెల‌లో ఈ సినిమా షూటింగ్ మొద‌ల‌వుతుండ‌గా డిసెంబ‌ర్‌క‌ల్లా రిలీజ్ చేయాల‌ని భావిస్తున్నారు. Thank you for watching #Pushpa @ikamalhaasan garu . Humbled 🙏🏼 — Allu Arjun (@alluarjun) January 15, 2022

Pune Police Sings Pushpa Srivalli Song In Marathi Version: ఐకాన్‌ స్టార్‌ అల్లు అర్జున్‌, నేషనల్‌ క్రష్‌ రష్మిక మందన్నా జంటగా నటించిన చిత్రం 'పుష్ప: ది రైజ్‌'. క్రియేటివ్‌ డైరెక్టర్‌ సుకుమార్‌ దర్శకత్వంలో తెరకెక్కిన ఈ సినిమా డిసెంబర్‌ 17న ప్రపంచవ్యాప్తంగా విడుదలై బాక్సాఫీస్‌ వద్ద రికార్డులు సృష్టించింది. అలాగే జనవరి 7న ఓటీటీలో రిలీజైన పుష్పరాజ్‌ అంతకుమించి రెస్పాన్స్‌ తెచ్చుకున్నాడు. తమిళం, మలయాళం, కన్నడ, హిందీ భాషల్లోనూ బ్లాక్‌ బస్టర్‌ హిట్‌గా నిలిచాడు. ఈ సినిమాలో బన్నీ యాక్టింగ్‌తో పాటు పాటలు కూడా బాగా హైలైట్‌ అయ్యాయి. ఈ సినిమాలోని డైలాగ్‌లు, పాటలు అభిమానులను విపరీతంగా ఆకట్టుకున్నాయి. అందుకే సెలబ్రిటీలు, అభిమానులు సినిమా డైలాగ్‌లు, కవర్‌ సాంగ్స్‌తో వీడియోలు రూపొందిస్తున్నారు. ఈ సినిమాలో బాగా హైలెట్‌ అయిన పాటల్లో 'చూపే బంగారమాయేనా శ్రీవల్లి' సాంగ్‌ ఒకటి. ఈ పాటకు యూట్యూబ్‌లో 100 మిలియన్స్‌కు పైగా వ్యూస్‌ వచ్చాయి. చంద్రబోస్‌ రాసిన ఈ పాటను సిద్‌ శ్రీరామ్‌ ఆలపించగా.. దేవిశ్రీ ప్రసాద్‌ సంగీతం అందించారు. అయితే తాజాగా మహారాష్ట్రలోని పూణెకి చెందిన ఓ ట్రాఫిక్‌ పోలీస్‌ మరాఠీ భాషలో 'శ్రీవల్లి' పాటకు లిరిక్స్‌ రాసి స్వయంగా పాడాడు. ప్రస్తుతం ఈ వీడియో సోషల్‌ మీడియాలో వైరల్‌ అవుతోంది. ఆ ట్రాఫిక్ పోలీస్‌ పేరు అతీశ్ ఖరాడే. వృత్తిపరంగా అతీశ్‌ ట్రాఫిక్‌ పోలీస్‌ అయినా తనలో మంచి గాయకున్నాడని ఈ సాంగ్‌ చూస్తే అర్థమవుతుంది. ఓవైపు విధులు నిర్వర్తిస్తూ మరోవైపు గాయకుడిగా తానేంటో నిరూపిస్తున్నాడు. ఇటీవల విడుదలైన హిట్‌ సాంగ్స్‌ను పాడుతూ తన ఏకే పోలీస్‌ యూట్యూబ్‌ ఛానెల్‌లో అప్‌లోడ్‌ చేస్తున్నాడు. ఇందులో భాగంగానే శ్రీవల్లి పాటను మరాఠీ వెర్షన్‌లో పాడి సూపర్‌గా ఆకట్టుకుంటున్నాడు.  ఇదీ చదవండి:  'పుష్ప'రాజ్‌కు బాలీవుడ్‌ ఫిదా.. జాన్వీ కపూర్‌ ప్రశంసలు

ఐకాన్‌ స్టార్‌ అల్లు అర్జున్‌ సోషల్‌ మీడియాలో ఎంత యాక్టీవ్‌గా ఉంటారో అందరికి తెలిసిందే. సినిమా కబుర్లతో పాటు వ్యక్తిగత విషయాలను కూడా సోషల్‌ మీడియా ద్వారా ఎప్పటికప్పుడు అభిమానులతో పంచుకుంటాడు. అందుకే ఆయనకు రోజు రోజుకి ఫాలోవర్స్‌ పెరిగిపోతున్నారు. తాజాగా మరో రికార్డు సొంతం చేసుకున్నారు అల్లు అర్జున్. ఈయన ఇన్‌స్టాగ్రామ్ ఖాతాలో ఏకంగా 15 మిలియన్ ఫాలోయర్స్ ఉన్నారు. సౌత్ ఇండస్ట్రీలో ఈ రికార్డు అందుకున్న తొలి హీరో ఈయనే కావడం గమనార్హం. తనకు 15 మిలియన్ ఫాలోయర్స్ రావడంపై అల్లు అర్జున్ కూడా ఆనందంగా ఫీల్ అయ్యారు. ఇంత సపోర్ట్ చేస్తున్నందుకు అభిమానులకు మనస్పూర్తిగా ధన్యవాదాలు తెలిపారు. ట్విట్టర్‌లోనూ అల్లు అర్జున్‌కు 6 మిలియన్ ఫాలోయర్స్ పైగా ఉన్నారు. అలాగే ఫేస్ బుక్‌లో అయితే ఏకంగా 21 మిలియన్ ఫాలోయర్స్ పైగా సంపాదించుకున్నారు.  ఇక సినిమాల విషయానికొస్తే.. ఆయన నటించిన తొలి పాన్‌ ఇండియా చిత్రం ‘పుష్ప’బాక్సాఫీస్‌ వద్ద దూసుకెళ్తుంది. గతేడాది డిసెంబర్ 17న రిలీజైన ఈ సినిమా ఇప్పటి వరకు 300 కోట్లకు పైగా వసూళ్ల రాబట్టింది. 2021లో ఇండియన్ ఫిల్మ్ ఇండస్ట్రీలో బిగ్గెస్ట్ గ్రాసర్ గా నిలవడం మాత్రమే కాదు బన్ని కెరీర్ లో తొలిసారి 300 కోట్ల క్లబ్ లోకి ఎంట్రీ ఇచ్చిన మూవీగా రికార్డుల్లోకి ఎక్కింది పుష్ప. ప్రస్తుతం ఈ మూవీ ప్రముఖ ఓటీటీ అమెజాన్‌ ప్రైమ్‌ వీడియోలో స్ట్రీమింగ్‌ అవుతోంది.   View this post on Instagram A post shared by Allu Arjun (@alluarjunonline)

టీమిండియా ఆల్‌రౌండర్‌ రవీంద్ర జడేజా సోషల్‌ మీడియాలో యాక్టివ్‌గా ఉంటాడన్న సంగతి తెలిసిందే. ట్రెండ్‌ను బట్టి ఎప్పటికప్పుడు వీడియోలు పోస్ట్‌ చేస్తూ అభిమానులను అలరిస్తుంటాడు. ఇక ఇప్పటికే అల్లు అర్జున్‌  ‘పుష్ప’ మూవీ ట్రాన్స్‌లో పడిపోయిన జడ్డూ భాయ్‌... ''పుష్ప.. పుష్పరాజ్‌.. దీనమ్మ తగ్గేదే లే..''  అంటూ డైలాగ్‌ చెప్పి అందరినీ ఆకట్టుకున్నాడు. తాజాగా మరోసారి ఈ సినిమాకు సంబంధించిన పోస్ట్‌తో ముందుకు వచ్చాడు. పుష్పరాజ్‌గా అల్లు అర్జున్‌ లుక్‌ను రీక్రియేట్‌ చేసి ఆశ్చర్యపరిచాడు. ‘‘పుష్ప అంటే ఫ్లవర్‌ అనుకున్నావా.. ఫైరూ..’’ అంటూ నోట్లో బీడీతో మాస్‌ లుక్‌తో సర్‌ప్రైజ్‌ చేశాడు. అయితే.. ఇది కేవలం గ్రాఫికల్‌ రిప్రజెంటేషన్‌ మాత్రమేనని, సిగరెట్‌, బీడీ, పొగాకు సేవనం ఆరోగ్యానికి హానికరం అనే నోట్‌తో సామాజిక బాధ్యతను చాటుకున్నాడు.  ప్రస్తుతం ఈ ఫొటో సోషల్‌ మీడియాలో వైరల్‌ అవుతోంది. ‘‘టాలీవుడ్‌ నీకోసం ఎదురుచూస్తోంది జడ్డూ భాయ్‌.. ఏయ్‌ బిడ్డా.. ఇది జడ్డూ కా అడ్డా’’ అంటూ తెలుగు నెటిజనం కామెంట్లు చేస్తున్నారు. ఇక ఐకాన్‌ స్టార్‌ అల్లు అర్జున్‌ కూడా జడ్డూ పోస్టుపై స్పందించాడు. ‘‘తగ్గేదేలే’’ అంటూ ఫైర్‌ ఎమోజీలను జతచేశాడు. కాగా జడేజా గాయం కారణంగా దక్షిణాఫ్రికా టూర్‌కు దూరమైన సంగతి తెలిసిందే. బెంగళూరులోని జాతీయ క్రికెట్‌ అకాడమీలో చికిత్స తీసుకుంటున్నాడు. ఇక గబ్బర్‌ శిఖర్‌ ధావన్‌ సైతం పుష్పరాజ్‌గా మారి అభిమానులను ఆకట్టుకున్న సంగతి తెలిసిందే. చదవండి: Jasprit Bumrah Vs Marco Jansen: బుమ్రాతో వైరం.. ఫలితం అనుభవించాడు View this post on Instagram A post shared by Ravindrasinh jadeja (@ravindra.jadeja)

అల్లు అర్జున్‌-సుకుమార్‌ కాంబినేషన్‌లో తెరకెక్కిన పాన్‌ ఇండియా చిత్రం పుష్ప. ఈ సినిమా విడుదలై మూడు వారాలైనా ఇప్పటికీ కలెక్షన్ల సునామీ సృష్టిస్తుంది. తెలుగుతో పాటు అన్ని భాషల్లోనూ మంచి వసూళ్లు రాబడుతుంది. ప్రపంచ వ్యాప్తంగా ఇప్పటికే రూ. 300కోట్లకు పైగా ట్రేడ్‌ మార్క్‌ను దాటేసి సక్సెస్‌ఫుల్‌గా దూసుకెళ్తుంది. అయతే విడుదలకు ముందే పుష్ప రికార్డులు సృష్టించింది. ఈ మూవీలోని ప్రతి పాట ట్రెండింగ్‌లో నిలిచింది. రారా.. సామీ అయితే ఏకంగా ఎల్లలు దాటింది. విదేశీయులు సైతం ఈ పాటకు డ్యాన్స్‌ చేసిన వీడియోలు నెట్టింట దర్శనమిస్తున్నాయి. చదవండి: గుడ్‌న్యూస్‌ చెప్పిన త్రిష, కానీ సంతోషంగా లేనంటూ ట్వీట్‌.. ఇదిలా ఉంటే ఇక పుష్పలో సమంత చేసిన స్పెషల్‌ సాంగ్‌కు వచ్చిన రెస్పాన్స్‌ అంతాఇంతా కాదు. ఈ పాట ఎంత హిట్‌ అయ్యిందో అదే స్థాయిలో వివాదాలు కూడా చుట్టుముట్టాయి. ఈ పాటలో లిరిక్స్‌ పురుషులను కించపరిచేలా ఉన్నాయంటూ పురుష సంఘాలు అభ్యంతరకం వ్యక్తం చేశాయి. ఓ వైపు వివాదాల్లో చిక్కుకుంటూనే.. మరోవైపు యూట్యూబ్‌లో రికార్డు స్థాయిలో వ్యూస్‌ రాబట్టింది ఈ సాంగ్‌. అయితే స్టార్‌ హీరోయిన్‌ అయిన సమంత ఈ పాటలో నర్తించడం అందరిని ఆశ్చర్యపరిచింది. తనకు ఇందంతా అవసరమా, స్పెషల్ సాంగ్స్‌ చేయడం ఏంటంటూ ఆమెపై పలువురు విమర్శలు గుప్పించారు. చదవండి: సల్మాన్‌ ఖాన్‌తో సీక్రెట్‌ డేటింగ్‌, క్లారిటీ ఇచ్చిన నటి సమంత.. ఈ నేపథ్యంలో పుష్పలో  ఈ సాంగ్‌ చేయడానికి సమంత మొదట అభ్యంతరం చెప్పిందని, ఈ పాటకు కోసం తనని ఒప్పించామని పుష్ప డైరెక్టర్‌ సుకుమార్‌, హీరో అల్లు అర్జున్‌ మూవీ ఈవెంట్స్‌లో చెప్పుకొచ్చిన సంగతి తెలిసిందే. తాజాగా ఈ విషయంపై సమంత స్పందించింది. ఓ ఛానల్‌కు ఇచ్చిన ఇంటర్య్వూలో ఈ స్పెషల్‌ సాంగ్‌ చేయడానికి ముఖ్యకారణం అల్లు అర్జున్‌ అంటూ ఆసక్తికర వ్యాఖ్యలు చేసింది. ఈ మేరకు ఆమె మాట్లాడుతూ.. ‘స్పెషల్‌ సాంగ్ చేయడానికి ముందు భయపడ్డాను. చేయాలా? వద్దా? అన్న సందిగ్ధంలో ఉండిపోయాను. ఆ సమయంలో బన్నీ నాకు స్ఫూర్తినిచ్చాడు. ఆ పాటలో నటిస్తే ఎంత పేరొస్తుందో కూర్చోబెట్టి మరి వివరించాడు. దీంతో బన్నీ మాటలు విన్నాక ఎలాంటి సందిగ్ధం లేకుండా ఒకే చెప్పేశా’ అంటూ చెప్పుకొచ్చింది. అంతేగాక బన్నీ ప్రోత్సాహకం లేకుంటే ఈ పాటలో అసలు నటించేదాన్ని కాదని చెప్పింది సామ్‌.

యువ ఆటగాళ్లు రాణిస్తుండడంతో గతకొంత కాలంగా బెంచ్‌కే పరిమితమైన టీమిండియా సీనియర్‌ ప్లేయర్‌ శిఖర్‌ ధవన్‌ సోషల్‌మీడియాలో యాక్టివ్‌గా ఉంటున్నాడు. రకరకాల ఫన్నీ మీమ్స్‌తో పాటు డ్యాన్స్‌లు, హిట్‌ సినిమాల్లోని పాపులర్‌ డైలాగ్‌లతో నెట్టింట హల్‌చల్‌ చేస్తున్నాడు. తాజాగా స్టైలిష్‌ స్టార్‌ అల్లు అర్జున్‌ పాన్‌ ఇండియా మూవీ 'పుష్ప'లోని సూపర్‌ హిట్‌ డైలాగ్‌ను హిందీలో చెప్పి బన్నీ ఫ్యాన్స్‌ను విపరీతంగా ఆకట్టుకున్నాడు. తగ్గేదేలే అంటూ బల్ల బద్ధలు కొట్టాడు. పుష్ప... పుష్పరాజ్‌... మై ఝుకేగా నై(తగ్గేదేలే) అంటూ అదిరిపోయే రేంజ్‌లో హావభావాలు పలికించాడు.  View this post on Instagram A post shared by Shikhar Dhawan (@shikhardofficial) తమ అభిమాన హీరో పవర్‌ఫుల్‌ డైలాగ్‌ని గబ్బర్‌ అదిపోయే రేంజ్‌లో చెప్పడంతో బన్నీ ఫ్యాన్స్‌ ఫిదా అవుతున్నారు. గబ్బర్‌ను ప్రశంసలతో ముంచెత్తుతూ, త్వరలో జరగనున్న దక్షిణాఫ్రికా వన్డే సిరీస్‌ కోసం ఆల్‌ ద బెస్ట్‌ చెబుతున్నారు. ఇదిలా ఉంటే, జనవరి 19 నుంచి ప్రారంభంకానున్న దక్షిణాఫ్రికా వన్డే సిరీస్‌ కోసం ఎంపిక చేసిన భారత జట్టులో ధవన్‌ చోటు దక్కించుకున్నాడు. ధవన్‌ చివరిసారిగా గతేడాది శ్రీలంకలో పర్యటించిన భారత జట్టుకు నాయకత్వం వహించాడు.    చదవండి: IND Vs SA 3rd Test: ద్రవిడ్‌ రికార్డ్‌ బద్దలు కొట్టిన కోహ్లి

క్రియేటివ్‌ డైరెక్టర్‌ సుకుమార్‌, రాక్‌స్టార్‌ దేవిశ్రీప్రసాద్‌లు ఎంత మంచి స్నేహితులో అందరికి తెలిసిందే. సుక్కు నుంచి ఒక సినిమా వస్తే..దానికి కచ్చితం దేవినే సంగీతం అందించాలి. పాటలు కూడా సూపర్‌ హిట్‌ అవ్వాల్సిందే. ఆర్య నుంచి మొదలు మొన్నటి పుష్ప వరకు.. సుక్కు ప్రతి సినిమాకు అద్భుతమైన సంగీతాన్ని అందించాడు దేవీశ్రీ ప్రసాద్‌. నేడు(జనవరి 11)సుకుమార్‌ పుట్టిన రోజు. ఈ సందర్భంగా తన స్నేహితుడికి పాట రూపంలో బర్త్‌డే విషెస్‌ తెలియజేశాడు డీఎస్పీ. పుష్ప మూవీలోని ‘శ్రీవల్లీ’పాటకుపేరడీగా ఈ బర్త్‌డే సాంగ్‌ సాగుతుంది. 

Janhvi Kapoor Praises Allu Arjun For Pushpa Movie: స్టైలిష్‌ స్టార్‌ అల్లు అర్జున్‌, క్రియేటివ్‌ డైరెక్టర్‌ సుకుమార్‌ కాంబినేషనల్‌లో వచ్చిన క్రేజీ హ్యాట‍్రిక్‌ చిత్రం 'పుష్ప: ది రైజ్'. డిసెంబర్‌ 17న ప్రేక్షకుల ముందుకు వచ్చిన ఈ పాన్‌ ఇండియా మూవీ బ్లాక్‌బ‍స్టర్‌ హిట్‌గా నిలిచింది. తెలుగులో మించి హిందీలో అత్యధిక కలెక్షన్లు రాబట్టింది. ఇటీవల ప్రముఖ ఓటీటీ దిగ్గజం అమెజాన్‌ ప్రైమ్‌ వీడియోలో జనవరి 7న దక్షిణాది భాషల్లో విడుదలైంది పుష్ప చిత్రం. కానీ హిందీలో ఇంకా విడుదల కాలేదు. త్వరలో జనవరి 14న సంక్రాంతి కానుకగా హిందీలో కూడా రిలీజ్‌ చేయనుంది అమెజాన్‌. ఇదిలా ఉంటే బాలీవుడ్‌లో 'పుష్ప' ఫైర్ గట్టిగానే అంటుకుంది. స్టార్‌ హీరోలు, ప్రొడ్యూసర్లతోపాటు హీరోయిన్లు కూడా పుష్ప రాజ్‌కు ఫిదా అవుతున్నారు.  ఈ సినిమాలో అల్లు అర్జున్‌ నటనపై రీసెంట్‌గా దర్శకనిర్మాత కరణ్‌ జోహార్‌ ప్రశంసలు కురిపించిన సంగతి తెలిసిందే. అలాగే బాలీవుడ్ హీరో అర్జున్‌ కపూర్‌ కూడా అల్లు అర్జున్‌ను, 'పుష్ప' సినిమాను పొగిడాడు. ఆర్య సినిమా నుంచే బన్నీకి ఫ్యాన్‌ అంటూ తన ఇన్‌స్టా గ్రామ్‌లో రాసుకొచ్చాడు. తాజాగా అర్జున్‌ చెల్లెలు జాన్వీ కపూర్‌ సైతం పుష్పరాజ్‌ను మెచ్చుకోకుండా ఉండలేకపోయింది. సోషల్‌ మీడియా వేదికగా పుష్ప చిత్రంలో అల్లు అర్జున్‌ యాక్టింగ్‌పై ప్రశంసలు కురిపించింది. అంతేకాకుండా ప్రపంంచంలోనే కూలెస్ట్‌ మ్యాన్‌ అంటూ స్టోరీ పెట్టింది. ఇప్పటికే బీటౌన్‌లో రౌడీ హీరో విజయ్‌ దేవరకొండ, ఎన్టీఆర్‌, రామ్‌ చరణ్‌లకు మంచి గుర్తింపు ఉంది. తాజాగా అల్లు అర్జున్‌ కూడా బాలీవుడ్‌లో ఫ్యాన్‌ ఫాలోయింగ్‌ సంపాదించుకోవడం 'అబ్బా సాయిరాం' అన్నట్లుగా ఉంది.  ఇదీ చదవండి: నోట్లో థర్మామీటర్‌తో జాన్వీ.. కరోనాగా అనుమానం

కరోనా వల్ల అన్ని వ్యాపారాలు దెబ్బతింటే ఓటీటీ మాత్రం పుంజుకుంది. ఎన్నడూ లేనంతగా రెట్టింపు ఆదాయంతో తన వ్యాపారాన్ని విస్తరించుకుంటూ పోయింది. అలా ఓటీటీల మధ్య కూడా పోటీ విపరీతంగా పెరిగిపోయింది. ప్రపంచవ్యాప్తంగా నెట్‌ఫ్లిక్స్‌ హవా ఉంటే భారత్‌లో మాత్రం అమెజాన్‌ ప్రైమ్‌ పైచేయి సాధించింది. తాజాగా నెట్‌ఫ్లిక్స్‌ 'మీరు ఏ సినిమా చూడాలనుకుంటున్నారు?' అని ట్వీట్‌ చేసింది. దీనికి అమెజాన్‌ ప్రైమ్‌ వీడియో 'అందరూ పుష్ప: ద రైజ్‌ చూస్తున్నారు' అంటూ సమాధానమిచ్చింది. 'అంటే ఆ అందరిలో మేము కూడా ఉన్నామా? ఊ అనం, అలాగే ఉహూ కూడా అనం' అని బదులిచ్చింది. మొత్తానికి ఈ ట్వీట్లు ప్రస్తుతం వైరల్‌ అవుతున్నాయి. ఇదిలా ఉంటే అల్లు అర్జున్‌ ప్రధాన పాత్రలో నటించిన పుష్ప సినిమా అమెజాన్‌ ప్రైమ్‌లో స్ట్రీమింగ్‌ అవుతున్న విషయం తెలిసిందే! థియేటర్లలో రికార్డులు బద్ధలుకొట్టిన ఈ సినిమా ఓటీటీలో ఇంకెన్ని రికార్డులు సృష్టిస్తుందో చూడాలి! Saturday night! What's on your watchlist? 🍿 — Netflix India (@NetflixIndia) January 8, 2022 everyone’s watching Pushpa: The Rise 👀 https://t.co/cASFnyyvN5 — amazon prime video IN (@PrimeVideoIN) January 8, 2022 Are we “everyone”? Ooh anam. Kaani oohoo kooda anam 👀 https://t.co/jWwH6Y8nmw — Netflix India (@NetflixIndia) January 8, 2022

‘పుష్ప’ చిత్రంలోని ‘ఊ అంటావా మావ, ఉ ఊ అంటావా మావ..’ పాటలో సమంత వేసిన స్టెప్పులు ఫ్యాన్స్‌ని ఫుల్‌ ఖుషీ చేశాయి. అంతేకాదు.. ‘పుష్ప’ లో అల్లు అర్జున్‌ డ్యాన్స్‌లకు ఆయన అభిమానులు సంబరపడిపోయారు. ఈ సినిమాకి కొరియోగ్రఫీ చేసి అల్లు అర్జున్, సమంతల ప్రశంసలు అందుకున్నారు నృత్య దర్శకుడు విజయ్‌ పొలంకి. ఈ సందర్భంగా ఆయన మాట్లాడుతూ–‘‘పలాస 1978’ లో హిట్‌ అయిన ‘నక్కిలీసు గొలుసు..’పాట నాకు మంచి పేరు తెచ్చి పెట్టింది. ‘విజేత, కొబ్బరిమట్ట, శశి’ ఇటీవల ‘పుష్ప, హీరో’ చిత్రాలకు నృత్యరీతులు సమకూర్చాను. ప్రస్తుతం ‘నరకాసుర’ చిత్రంతో పాటు మరికొన్ని ప్రాజెక్ట్స్‌ చేస్తున్నా’’ అన్నారు. 

Arjun Kapoor: అల్లుఅర్జున్‌ పుష్పరాజ్‌గా నటించిన చిత్రం 'పుష్ప: ది రైజ్‌'. ఈ సినిమా విడుదలైనప్పటి నుంచి అంచనాలను మించి వసూళ్లు అందుకుంటూ ఇండస్ట్రీని ఓ ఊపు ఊపేస్తోంది. మరీ ముఖ్యంగా బాలీవుడ్‌లో ప్రకంపనలు సృష్టిస్తున్న పుష్ప చిత్రాన్ని అక్కడి సెలబ్రిటీలు సైతం మెచ్చుకోకుండా ఉండలేకపోతున్నారు. తాజాగా పుష్ప ఫస్ట్‌ పార్ట్‌ చూసిన అర్జున్‌ కుమార్‌ ఈ సినిమాతో పాటు అందులో నటించిన బన్నీపై ప్రశంసలు కురిపించాడు. ఆర్య సినిమా నుంచే బన్నీకి ఫ్యాన్‌ అంటూ తన ఇన్‌స్టాగ్రామ్‌లో రాసుకొచ్చాడు. 'పుష్ప సినిమా కాదు, ఇదొక అనుభవం.. యాటిట్యూడ్‌, కూల్‌నెస్‌ రెండూ కలగలిపిన ఒక మృదువైన పొయెటిక్‌ మోషన్‌ పిక్చర్‌. అల్లు అర్జున్‌ అభిమానిగా ఆయన ఆర్య నుంచి పుష్ప వరకు ఎదిగిన తీరు చూస్తుంటే చాలా గర్వంగా ఉంది. పుష్ప అంటే ఫ్లవర్‌ అనుకుంటివా? ఫైరూ.. అని అర్జున్‌ రాసుకొచ్చాడు. దీనిపై అల్లు అర్జున్‌ స్పందిస్తూ.. 'మీరు ఆ ఫైర్‌ను ఫీలైనందుకు హ్యాపీగా ఉంది. మీ ప్రేమాభిమానాలకు ధన్యవాదాలు' అని రిప్లై ఇచ్చాడు. ఇదిలా ఉంటే అర్జున్‌ కపూర్‌ కరోనా బారిన పడిన విషయం తెలిసిందే. ప్రస్తుతం అతడు బికనీర్‌లో క్వారంటైన్‌లో ఉన్నాడు.