ఫేమస్‌ అవడానికో లేదా డబ్బు సంపాదించడానికో బిగ్‌బాస్‌ షోకు వచ్చేవాళ్లు చాలామందే ఉన్నారు! అయితే వచ్చిన ప్రతి ఒక్కరూ అంతో ఇంతో డబ్బు వెనకేసుకుంటారేమో కానీ మంచి పేరు రావడం కష్టం. ఇక్కడ అడుగుపెట్టినవాళ్లలో నెగెటివిటీని మూటగట్టుకుని బయటకు వెళ్లినవాళ్లే ఎక్కువ. కొందరు మాత్రమే తామేంటో నిరూపించుకుని విజేతలుగా నిలిచి ప్రేక్షకుల మనసులు గెలిచారు. మరి ఇప్పటివరకు జరిగిన సీజన్లలో గెలిచినవారు ఇప్పుడు ఏం చేస్తున్నారో చూసేద్దాం..బిగ్‌బాస్‌ 1బిగ్‌బాస్‌ తెలుగు మొదటి సీజన్‌లో సినీ బ్యాక్‌గ్రౌండ్‌ ఉన్న కంటెస్టెంట్లనే ఎక్కువగా తీసుకొచ్చారు. నవదీప్‌, హరితేజ, ఆదర్శ్‌ అందరినీ వెనక్కు నెట్టి శివబాలాజీ విజేతగా నిలిచాడు. ఈ విజయంతో తన కెరీర్‌ ఏమైనా మారిందా? అంటే లేదనే చెప్పాలి. 2017లో బిగ్‌బాస్‌ 1 సీజన్‌ జరగ్గా దాదాపు ఐదేళ్ల విరామం తర్వాత 2022లో మళ్లీ బిగ్‌స్క్రీన్‌పై కనిపించాడు. ఒకప్పటి అంత స్పీడుగా సినిమాలు చేయకపోయినా ఆచితూచి ప్రాజెక్టులు ఎంపిక చేసుకుంటున్నాడు.బిగ్‌బాస్‌ 2బిగ్‌బాస్‌ రెండో సీజన్‌లో కౌశల్‌ మండా విజయం సాధించాడు. ఇతడి కోసం జనాలు ర్యాలీ చేయడం అప్పట్లో సంచలనం సృష్టించింది. తన చేతిలో బోలెడన్ని ఆఫర్లు ఉన్నాయి, సినిమాలు చేస్తున్నాను అని చెప్పుకునే అతడు ఎక్కువగా బుల్లితెరపై ప్రసారమయ్యే సీరియల్‌, షోలలోనే కనిపిస్తున్నాడు తప్ప సినిమాల ఊసే లేదు.బిగ్‌బాస్‌ 3శ్రీముఖిని వెనక్కు నెట్టి రాహుల్‌ సిప్లిగంజ్‌ బిగ్‌బాస్‌ 3 టైటిల్‌ ఎగరేసుకుపోయాడు. ఇతడికి ఉన్న టాలెంట్‌తో పెద్ద సినిమాల్లోనూ పాటలు పాడే ఛాన్సులు అందుకున్నాడు. అలా ఆర్‌ఆర్‌ఆర్‌ మూవీలోని ఆస్కార్‌ విన్నింగ్‌ సాంగ్‌ 'నాటు నాటు..'ను కాలభైరవతో కలిసి ఆలపించాడు. బిగ్‌బాస్‌కు వెళ్లొచ్చాక స్టార్‌ స్టేటస్‌ అందుకున్న ఏకైక విన్నర్‌ బహుశా ఇతడే కావచ్చు.బిగ్‌బాస్‌ 4కండబలం కన్నా బుద్ధిబలం ముఖ్యం అని నిరూపించాడు అభిజిత్‌. ఎక్కువగా టాస్కులు గెలవకపోయినా మైండ్‌ గేమ్‌ ఆడి, తన ప్రవర్తనతో టైటిల్‌ గెలిచేశాడు. బిగ్‌బాస్‌ తర్వాత రెండేళ్లు గ్యాప్‌ తీసుకుని మోడ్రన్‌ లవ్‌ హైదరాబాద్‌ అనే సిరీస్‌లో తళుక్కున మెరిశాడు. మళ్లీ రెండేళ్లు గ్యాప్‌ తీసుకుని మెగా కోడలు లావణ్య త్రిపాఠితో కలిసి మిస్‌ పర్ఫెక్ట్‌ అనే వెబ్‌ సిరీస్‌ చేశాడు. ఇప్పుడు మళ్లీ ఖాళీగానే ఉన్నట్లున్నాడు.బిగ్‌బాస్‌ 5బిగ్‌బాస్‌ ఐదో సీజన్‌లో వీజే సన్నీ విన్నర్‌గా నిలిచాడు. అప్పటివరకు సీరియల్స్‌లోనే కనిపించిన అతడిని వెండితెరకు పరిచయం చేయడానికి ఈ షో మంచి ప్లాట్‌ఫామ్‌ అని భావించాడు. బిగ్‌బాస్‌ విజేతగా బయటకు వచ్చి హీరోగా ఏడాదికో సినిమా చేశాడు. కానీ మంచి హిట్టు అందుకోలేకపోయాడు.'బిగ్‌బాస్‌ 6ఈ సీజన్‌ విన్నర్‌ సింగర్‌ రేవంత్‌ మంచి టాలెంటెడ్‌. అప్పటివరకు ఎన్నో హిట్‌ సాంగ్స్‌ పాడాడు. ఈ షో తర్వాత కూడా తన జీవితం అలాగే కొనసాగిందే తప్ప ఊహించని మలుపులు అయితే ఏమీ జరగలేదు. ఇంకా చెప్పాలంటే అప్పటికన్నా ఇప్పుడే కాస్త ఆఫర్లు తగ్గాయి.బిగ్‌బాస్‌ 7రైతుబిడ్డ.. ఈ ఒకే ఒక్క పదం అతడిని బిగ్‌బాస్‌ విన్నర్‌ను చేసింది. గెలిస్తే రైతులకు సాయం చేస్తానంటూ ఆర్భాటాలు పోయిన ఇతడు ఆ తర్వాత ఒకరిద్దరికి సాయం చేసి చేతులు దులిపేసుకున్నాడు. ఈ బిగ్‌బాస్‌ షో తర్వాత కూడా ఎప్పటిలాగే రోజూ పొలం వీడియోలు చేసుకుంటూ బతికేస్తున్నాడు.బిగ్‌బాస్‌ నాన్‌స్టాప్‌ (ఓటీటీ)హీరోయిన్‌ బిందుమాధవి.. లేడీ ఫైటర్‌గా పోరాడి బిగ్‌బాస్‌ నాన్‌స్టాప్‌ టైటిల్‌ ఎగరేసుకుపోయింది. ఈ తెలుగమ్మాయికి బిగ్‌బాస్‌ తర్వాత మంచి అవకాశాలే వచ్చాయి. యాంగర్‌ టేల్స్‌, న్యూసెన్స్‌, మాన్షన్‌ 24, పరువు వెబ్‌ సిరీస్‌లలో కనిపించింది. అయితే ఇప్పటికీ తమిళంలోనే సినిమాలు చేస్తోంది తప్ప టాలీవుడ్‌లో మాత్రం రీఎంట్రీ ఇవ్వలేదు.ఇప్పటివరకు బిగ్‌బాస్‌ గెలిచినవారి జాతకాలు ఇలా ఉన్నాయి. మరి ఈసారి ఇంట్లో అడుగుపెట్టిన పద్నాలుగో మందిలో ఎవరు గెలుస్తారో? తర్వాత వారి కెరీర్‌ ఎలా ఉంటుందో చూడాలి!

సినిమా పరిశ్రమలో కష్ట సుఖాలు, ఒడిదుడుకులను దాటుకుని వచ్చిన వారే విజేతలుగా నిలబడతారు. దీనికి బిగ్ బాస్ ఫేమ్ కౌశల్ నిదర్శనమని టాలీవుడ్ హీరో మంచు మనోజ్ తెలిపారు. మణి దీప్ ఎంటర్టైన్మెంట్ పతాకం పై కౌశల్ మంద, లీషా ఎక్లైర్స్  హీరో హీరోయిన్ లుగా శంకర్ దర్శకత్వంలో సస్పెన్స్ థ్రిల్లర్ చిత్రం "రైట్" రూపొందించారు. మలయాళంలో జీతూ జోసెఫ్ దర్శకత్వంలో విడుదలై విజయవంతమైన 'మెమోరీస్' చిత్రాన్ని తెలుగులో నిర్మాతలు లుకలాపు మధు, మహంకాళి దివాకర్ లు సంయుక్తంగా  రీమేక్ సినిమాగా నిర్మించారు. డిసెంబర్ 30న విడుదల కానున్న ఈ సినిమా ప్రీ రిలీజ్, ట్రైలర్ లాంచ్ కార్యక్రమాన్ని ప్రసాద్ ల్యాబ్ లో ఏర్పాటు చేశారు. ఈ సంధర్భంగా ముఖ్య అతిథిగా హాజరైన మంచు మనోజ్ మాట్లాడుతూ... స్వశక్తితో ఎదిగిన వ్యక్తి కౌశల్, తనకంటూ ఒక ఆర్మీనే రూపొందడం సామాన్యమైన విషయం కాదు. ఏ చెట్టుకు అంతే గాలి అన్నట్టు ఎన్నో స్ట్రగుల్స్ చూసి వచ్చిన, కష్టపడే తత్వమున్న కౌశల్ ఇయర్ ఎండింగ్ లో హిట్ కొట్టి తన ప్రస్థానాన్ని కొనసాగించాలని అన్నారు. రైట్ మూవీ ట్రైలర్ చాలా బాగుంది, ఈ సినిమా తప్పకుండా హిట్ కొడుతుందని ఆశించారు.   హీరో కౌశల్ మాట్లాడుతూ.., నటుడిగా మంచి పేరు సంపాదించాలని 18 ఏళ్ల వయసులో రాజ కుమారుడు సినిమాతో పరిశ్రమకు వచ్చానని గుర్తు చేసుకున్నారు. 24 ఏళ్ల తరువాత బిగ్ బాస్ రూపంలో తనకు కలసి వచ్చిందని, తన కోసం ఒక ఆర్మీ తయారు కావడం అదృష్టమని అన్నారు. తన ఆర్మీ అందరినీ కలుసుకోవడానికి దాదాపు 8 నెలలు అన్ని ప్రాంతాలు తిరిగానని, ఆ సమయంలో తన ఫ్యాన్స్ తనని హీరోగా చూడాలనే కోరికను తెలుపడంతో హీరోగా వస్తున్నాను. కరోనా సమయంలో ఎన్నో ఒడిదుడుకులను దాటుకుని షూటింగ్ పూర్తి చేశాం, ప్రతీ ఒక్కరికీ ఈ సినిమా నచ్చుతుందని కౌశల్ తెలిపారు.

టాలీవుడ్ అభిమానులను అలరించిన బిగ్‌బాస్ తెలుగు సీజన్‌-7 రియాలిటీ షో ఘనంగా ముగిసింది. ఈ సీజన్‌లో రైతుబిడ్డగా ఎంట్రీ ఇచ్చిన పల్లవి ప్రశాంత్‌ విజేతగా నిలిచాడు. అంతా బాగానే ఉన్నా.. అయితే ఈ షో ముగిసిన తర్వాత జరిగిన దాడులే ప్రస్తుతం చర్చనీయాంశంగా మారాయి. తాజాగా ఈ వివాదంపై బిగ్‌బాస్‌ సీజన్-2 విన్నర్ కౌశల్ స్పందించారు. ఈ మేరకు తన ఇన్‌స్టాలో పోస్ట్ చేశారు. బిగ్‌బాస్‌ షో కేవలం ఆట మాత్రమేనని అన్నారు.  కౌశల్ తన ఇన్‌స్టాలో రాస్తూ..'బిగ్‌బాస్‌ షో కేవలం ఆట మాత్రమేనని.. వ్యక్తిగతంగా తీసుకోకూడదని గుర్తుంచుకోవాలి. ఈ షోలో ఒకరితో ఒకరు పోటీపడిన తర్వాత కూడా, కంటెస్టెంట్లు బయటకు వచ్చి మంచి స్నేహితులుగా ఉంటారు. గేమ్‌ను గెలవడానికి  వ్యూహాలు ఉపయోగించాల్సి రావచ్చు. కానీ చివరికీ ఇది కేవలం గేమ్ మాత్రమే.  ఎవరూ దీన్ని సీరియస్‌గా పరిగణించకూడదు. ఒక పోటీదారుడి అభిమానులు.. ఇతర పోటీదారులపై భౌతికపరమైన దాడి చేయడం నిరుత్సాహానికి గురిచేసింది. ఇటువంటి ప్రవర్తన ఈ షో ప్రదర్శనకు ప్రతికూలంగా మారుతుంది. ఇలాంటి సంఘటనలు సెలబ్రిటీలను అందులో పాల్గొనకుండా చేసే ప్రమాదముంది. షో  ముగిసిన తర్వాత కంటెస్టెంట్స్ వారి జీవితాలతో ముందుకు సాగనివ్వాలి. వీరు భావోద్వేగాలు కలిగిన నిజమైన వ్యక్తులు. కేవలం ఆటలోని పాత్రలు మాత్రమే కాదని గుర్తుంచుకోవడం ముఖ్యం. ఆడియన్స్‌గా మనం వారి వ్యక్తిగత జీవితాలను గౌరవిద్దాం' అని రాసుకొచ్చారు.  కౌశల్ సోషల్ మీడియాలో రాస్తూ..' మనుషులుగా మన చర్యలే మన ప్రవర్తనను తెలియజేస్తాయి. ఇతరులతో సంభాషించేటప్పుడు.. ముఖ్యంగా మనం అభిమానించే వారితో మాట్లాడేప్పుడు దీన్ని గుర్తుంచుకోవడం ముఖ్యం. సోషల్ మీడియా ద్వారా ఎవరికైనా ప్రేమ, మద్దతును చూపించడం సహజమే. కానీ సరిహద్దులను ఎప్పుడూ దాటకూడదని గుర్తుంచుకోవడం ముఖ్యం. ఇది మన ప్రేమను చూపుతున్న వ్యక్తి మానసిక ఆరోగ్యంపై కూడా ప్రతికూల ప్రభావం చూపుతుంది. ఇలాంటి వ్యక్తులు తమకు కుటుంబాలు ఉన్నాయనే వాస్తవాన్ని గుర్తుంచుకోవడం చాలా ముఖ్యం. వారు కూడా మీరు చేసే పనుల ద్వారా ప్రభావితమవుతారు. ప్రొఫెషనల్‌ నటులుగా ఇండస్ట్రీలో ఎదగడానికి, వారి కుటుంబాల కోసం ఎంతో కష్టపడి పని చేస్తారు. వారు అనుభవించే బాధ, ఒత్తిడిని అర్థం చేసుకోవడం, వారితో గౌరవంగా ఉండటం మాకు ఎంతో సహాయపడుతుంది. మనం మనుషుల్లా ప్రవర్తిద్దాం. మన పట్ల, మన కుటుంబాల పట్ల మనం కోరుకునే దయ, సానుభూతిని ఇతరులతోనూ చూపిద్దాం. ఈ చిల్లర పనుల వల్ల కలిగే బాధ నాకు తెలుసు. దయచేసి ఆపండి. వారి జీవితాలను సంతోషంగా జీవించనివ్వండి' అంటూ పోస్ట్ చేశారు. ప్రస్తుతం ఈ పోస్ట్ సోషల్ మీడియాలో వైరల్‌గా మారింది.  View this post on Instagram A post shared by Kaushal Manda (@kaushalmanda)

లక్నో: ఉత్తరప్రదేశ్‌లో కేంద్రమంత్రి నివాసంలో ఓ యువకుడు అనుమానాస్పద స్థితితో మృతిచెందడం కలకలం రేపుతోంది. హౌసింగ్, పట్టణ వ్యవహారాల శాఖ సహాయ మంత్రి కౌశల్‌ కుమార్‌ నివాసంలో తలకు బుల్లెట్‌ తగిలిన గాయాలతో రక్తపు మడుగులో ప్రాణాలు విడిచాడు. ఈ ఘటన లక్నోలోని బెగారియా గ్రామంలో శుక్రవారం ఉదంయ 4 గంటల సమయంలో జరిగింది. సమాచారం అందుకున్న పోలీసులుసంఘటన స్థలానికి చేరుకున్నారు. కేంద్రమంత్రి కుమారుడు వికాస్‌ పేరుతో రిజిస్ట్రర్‌ అయిన తుపాకీని పోలీసులు స్వాధీనం చేసుకున్నారు.మృతుడిని వినయ్‌ శ్రీవాస్తవగా పోలీసులు గుర్తించారు. అతడు మంత్రి కుమారుడు వికాస్‌ కిషోర్‌ స్నేహితుడిగా తెలిసింది. అయితే ఆ ఇంటిని ప్రస్తుతం మంత్రి ఉపయోగించడం లేదు. అంతేగాక శ్రీ వాస్తవ మరణించిన సమయంలో మంత్రిగానీ, అతని కొడుకు గానీ ఆ ఇంట్లో లేరని పోలీసులు పేర్కొన్నారు. దీనిపై కేసు నమోదు చేసి దర్యాప్తు చేస్తున్నారు. మృతదేహాన్ని పోస్టుమార్టం నిమిత్తం చేరుకున్నారు. ఘటన సమయంలో ఇంట్లో ఉన్న ఆరుగురిని ప్రశ్నిస్తున్నారు. డాగ్‌ స్క్వాడ్‌, క్రైమ్‌ బ్రాంచ్‌ పోలీసులు, ఫోరెన్సిక్‌ బృందాలు ఘటనా ప్రాంతానికి వెళ్లి ఆధారాలను సేకరించాయి. చదవండి: బాబు ‘బ్లాక్‌మనీ యవ్వారం’.. బిగ్‌ ట్విస్ట్‌ ఇదిలా ఉండగా మృతుడి సోదరుడు మాత్రం తన అన్నయ్య మరణంలో కుట్ర దాగుందని ఆరోపించారు. అయితే ఈ కుట్రలో మంత్రి కుమారుడి ప్రమేయం ఉందా అని ప్రశ్నించగా.. ‘మంత్రి కొడుకు వికాస్ ఎక్కడికి వెళ్లినా తన గన్‌ను వెంట తీసుకెళ్లేవాడు. అతను కచ్చితంగా పిస్టల్ తీసుకెళ్లి ఉండాల్సింది.. ఢిల్లీకి వెళ్లినా, ఎక్కడికైనా వెళ్లినా దాన్ని వెంట తీసుకెళ్లేవాడని ఖచ్చితంగా చెప్పగలను. నిన్న ఎందుకు తీసుకోలేదో నాకు తెలీదు.. ఇది పక్కా ప్లాన్.. మా అన్నయ్యను ఎందుకు, ఎవరు చంపారో తెలియాలి’ అని ప్రశ్నించాడు. మృతుడి సోదరుడి ఆరోపణలపై కేంద్రమంత్రి స్పందించారు. వికాస్‌ గురువారం మధ్యాహ్నమే ఢిల్లీకి వెళ్లాడని తెలిపారు. ఇందుకు బోర్డింగ్‌ పాస్‌లు కూడా సాక్ష్యంగా  చూపించారు. పిస్తోల్‌కు నేషనల్‌ లైసెన్స్‌ లేదని, అందుకే తన కొడుకు పిస్టల్‌ని తనతో తీసుకెళ్లలేదని చెప్పారు. జరిగింది విచారకరమని.. విషయం తెలిసిన వెంటనే పోలీస్‌ కమిషనర్‌కు తెలియజేసినట్లు పేర్కొన్నారు. ఘటనపై విచారణ జరుగుతోందని నిందితులను వదిలిపెట్టమని, దోషులెవరైనా శిక్షిస్తామని తెలిపారు. బాధితుడి కుటుంబానికి తాము అన్ని విధాలుగా అండగా ఉంటామన్నారు.

టీవీ నటుడు, మోడల్‌ అయినటువంటి కౌశల్‌ బిగ్‌బాస్‌ షోతో ఊహించని పాపులారిటీని సొంతం చేసుకున్నాడు. బిగ్‌బాస్‌ సీజన్‌-2 విన్నర్‌గా టైటిల్‌ సొంతం చేసుకుని మంచి గుర్తింపు తెచ్చుకున్నాడు. అయినప్పటికీ అవకాశాల విషయంలో పెద్ద మార్పు కనిపించలేదు. కొన్ని యాడ్‌ ఫిలిమ్స్‌ తీస్తూ బిజీగా ఉన్నారు. తాజాగ  తన తండ్రికి ఆరోగ్యం బాగా లేదని ఓ వీడియోను కౌశల్‌ షేర్ చేశాడు. (ఇదీ చదవండి: బిగ్‌ బాస్‌ చరిత్రలో ఇలాంటి పని చేసింది ఆమె మాత్రమే) తన తండ్రికి ఆరోగ్యం బాగోలేక ఆస్పత్రిలో చేర్పించినట్లు కౌశల్‌ చెప్పారు. కానీ ఏ కారణం వల్ల ఆయన్ను ఆస్పత్రిలో చేర్పించాల్సి వచ్చిందని మాత్రం తెలుపలేదు. ఆయన తండ్రి సుందరయ్య బెడ్‌పై పడుకుని ఉన్న వీడియోను తన ఇన్‌స్టాగ్రామ్‌ ద్వారా కౌశల్‌ షేర్‌ చేశాడు. పిల్లలను తల్లిదండ్రులు ఎంతో ప్రేమగా చూసుకుని ఉండి ఉంటారు.. కాబట్టి వారికి ఏదైనా ఆరోగ్య సమస్య వస్తే అంతే ప్రేమగా చూసుకోవాల్సిన బాధ్యత తమపై ఉంటుందని వీడియోతో పాటు ఆయన చెప్పుకొచ్చాడు. కౌశల్‌ తండ్రి సుందరయ్య కూడా బుల్లితెరపై పలు సీరియల్స్‌లలో నటించాడు. తన తండ్రి కోసం ప్రత్యేకంగా ఒక ఇంటిని కూడా కౌశల్‌ నిర్మించారు. ఆయన కోసం ఒక ఇంటిని నిర్మించి ఇవ్వాలనే కోరిక ఎప్పటి నుంచో ఉండేదని అది ఇప్పుడు తీరందని గతంలో కౌశల్‌ చెప్పుకొచ్చాడు. అభిమానుల ఆశీస్సులతో ఆయన కోలుకుంటున్నారని కౌశల్‌ తెలిపాడు.  View this post on Instagram A post shared by Kaushal Manda (@kaushalmanda)

ప్రకృతి వైపరీత్యాలు సంభవించినప్పుడు నిరాశ్రయులైన ప్రజల కోసం  27 సంవత్సరాల కౌశల్‌ శెట్టి ‘నోస్టోస్‌ హోమ్స్‌’ పేరుతో స్వచ్ఛందసంస్థను ప్రారంభించి దేశవ్యాప్తంగా సహాయక కార్యక్రమాలలో పాల్గొంటున్నాడు. నిరాశ్రయుల కోసం ఈ సంస్థ తేలికపాటి, ఈజీ ట్రాన్స్‌పోర్టబుల్‌ షెల్టర్స్‌ను రూపొందించింది... ‘అనుభవమైతేగానీ తత్వం బోధపడదు’ అంటారు. ‘తత్వం’ మాట ఎలా ఉన్నా కౌశల్‌ షెట్టికి ‘కర్తవ్యం’ బోధపడింది. షెట్టిదీ కర్నాటకలోని ఉడిపికి సమీపంలోని మది అనే గ్రామం. పచ్చదనానికి ఈ గ్రామం పర్‌ఫెక్ట్‌ అడ్రస్‌. అలాంటి పచ్చటి ఊరు కాస్తా ఘటప్రభ నది పొంగి పొర్లడంతో అల్లకల్లోలం అయింది. అంతెత్తు చెట్లు నిలువునా కూలి పోయాయి. పొలాలు మునిగిపోయాయి. ఇండ్లు ఘోరంగా దెబ్బతిన్నాయి. ఇంట్లో ఉండలేని పరిస్థితి. దీంతో ప్రజలు తట్టాబుట్టా సర్దుకొని ఊరు విడిచి తోచిన దిక్కుకు వెళ్లారు. షెట్టి కుటుంబం ముంబైకి వెళ్లింది. ముంబైకి వెళుతున్నప్పుడు షెట్టి మనసు బాధతో నలిగిపోయింది. దీనికి కారణం...ఎటు పోవాలో తెలియక, గత్యంతరం లేని పరిస్థితుల్లో ఆ ఊళ్లోనే ఉండిపోయిన ప్రజలు. సంవత్సరాలు గడుస్తున్నా ఆ బాధ తన నుంచి దూరం కాలేదు. ఖరగ్‌పూర్‌లోని ఇండియన్‌ ఇన్‌స్టిట్యూట్‌ ఆఫ్‌ టెక్నాలజీలో చదుకునే రోజుల్లో మరోసారి తుఫాను బీభత్సాన్ని, బాధితులు, నిరాశ్రయుల కష్టాలు, కన్నీళ్లను దగ్గర నుంచి చూశాడు. ‘ఇలా బాధ పడుతూ కూర్చోవడం తప్ప నేను ఏం చేయలేనా!’ అనుకున్నాడు షెట్టి. ఎన్నో రకాలుగా ఆలోచించిన తరువాత... తన స్నేహితుడు మాధవ్‌ దత్‌తో కలిసి ‘నోస్టోస్‌ హోమ్‌’ అనే స్వచ్ఛంద సంస్థను ప్రారంభించాడు. ‘ప్రకృతి వైపరీత్యాల కారణంగా ప్రతి సంవత్సరం వందలాది మంది ప్రజలు నిరాశ్రయులవుతున్నారు. అలాంటి వారికి నిలువ నీడ కల్పించడానికి మా సంస్థ ద్వారా కృషి చేస్తున్నాం’ అంటున్నాడు షెట్టి. తమ సంస్థ ట్రాన్స్‌పోర్టబుల్‌ హోమ్స్‌ గురించి చెబుతూ... ‘పర్సనల్‌ డిగ్నిటీ, ప్రైవసీతో కూడిన హోమ్స్‌ ఇవి’ అంటాడు షెట్టి. ‘నోస్టోస్‌ హోమ్‌’ సంస్థ అస్సాం, నాగాలాండ్‌ రాష్ట్రాలతో పాటు ఆఫ్రిక దేశాలలోనూ సేవలు అందిస్తోంది. కౌశల్‌ చేపట్టే సేవాకార్యక్రమాలకు అంతర్జాతీయ స్థాయిలో ప్రశంసలు లభిస్తున్నాయి. ‘తక్కువ సమయంలోనే బాధితులకు సహాయం అందించి నిరాశ్రయులకు అండగా నిలబడింది కౌశల్‌ బృందం. నిపుణుల సహాయంతో సౌకర్యాలు సమకూర్చారు’ అంటున్నాడు హాబిటాట్‌ ఫర్‌ హ్యూమానిటీ మలావి నేషనల్‌ డైరెక్టర్‌ కపీరా. ఇక షెట్టి భవిష్యత్‌ లక్ష్యం విషయానికి వస్తే... తన సేవాకార్యక్రమాలను మరింత విస్తృతం చేయాలనుకుంటున్నాడు. మారుమూల ప్రాంతాలలో వైద్య సౌకర్యాల మెరుగుదల కోసం కృషి చేయాలనుకుంటున్నాడు. ‘నోస్టోస్‌ హోమ్‌’తో తొలి అడుగు వేసినప్పుడు ‘నిజంగా నేను చేయగలనా?’ అనే సందేహం షెట్టికి వచ్చేది. మంచి పని కోసం బయలు దేరినప్పుడు ఎన్నో ద్వారాలు మన కోసం తెరుచుకుంటాయి...అన్నట్లుగా షెట్టికి ఎంతోమంది ఎన్నో రకాలుగా సహాయం అందించారు. కొన్ని అడుగులు పడిన తరువాత శెట్టికి తనపై తనకు ఎంతో నమ్మకం వచ్చింది. ఆ నమ్మకమే మరిన్ని సేవాకార్యక్రమాలు చేపట్టాలనే లక్ష్యం నిర్దేశించుకోవడానికి కారణం అయింది.

బిగ్‌బాస్‌ కంటెస్టంట్‌తో స్టార్‌ మా బీబీ జోడి అనే డాన్స్‌ షో చేస్తున్న సంగతి తెలిసిందే. బిగ్‌బాస్‌లో పాల్గొన్న పలువుడు కంటెస్టెంట్స్‌ జోడిగా పెర్పామెన్స్‌ ఇస్తున్నారు. ఇందులో సహా కంటెస్టెంట్స్‌ జోడిగా మార్కులు ఇవ్వాల్సి ఉంటుంది. ఈ క్రమంలో వారు బిగ్‌బాస్‌ హౌజ్‌లో మాదిగా స్కోర్స్‌ విషయంలో స్ట్రాటజీ అప్లై చేసే అవకాశం ఉంది. ఈ నేపథ్యంలో ఓ జోడి తమ స్ట్రాటజీ  వాడి ఎలిమేనేట్‌ అయ్యింది. ఇక దీనిని తప్పు బడుతూ షో జడ్జస్‌ అయిన తరుణ్‌ మాస్టర్‌, నటి రాధపై అసహనం వ్యక్తం చేశాడు బిగ్‌బాస్‌ విన్నర్‌, నటుడు కౌశల్‌ మండా.  చదవండి: టాలీవుడ్‌లో మరో విషాదం.. ‘శంకరాభరణం’ మూవీ ఎడిటర్‌ మృతి ఇంతకి ఏం జరిగిందంటే.. ఈ బీబీ జోడి షోలో పలువురు బిగ్‌బాస్‌ కంటెస్టెంట్స్‌ జోడి కట్టి తమ డాన్స్‌ పర్ఫామెన్స్‌తో అదరగొడుతున్నారు. అందులో చెప్పుకొదగ్గ జోడిల్లో రవికృష్ణ, భాను జోడి ఒకటి. చెప్పాలంటే బిబి జోడి టైటిల్‌ కొట్టే సత్తా వారిలో ఉంది. అయితే గతవారం జరిగిన ఎపిసోడ్‌లో రవి, భాను స్ట్రాటజీ వాడి షో నుంచి వెళ్లిపోవాల్సిన పరిస్థితి వచ్చింది. తమ కో-కంటెస్టెంట్స్‌ అయిన వాసంతి-అర్జున్‌ కల్యాణ్‌ జోడి తమ డాన్స్‌తో జడ్జస్‌ను మెప్పించారు. వారి చేత వావ్‌ అంటూ ప్రశంసలు అందుకున్నారు. ఇక సహ కంటెస్టెంట్స్‌ కూడా వారి డాన్స్‌ని మెచ్చకుంటూ స్కోర్స్‌ ఇచ్చారు. అయితే రవి-భాను మాత్రం ఒక్క మార్కే ఇచ్చి షాకిచ్చారు.  ఇది నిజమా? ప్రాంక్‌గా అని జడ్జస్‌ అడుగగా.. ఇది తమ స్ట్రాటజీ అని సమాధానం ఇచ్చారు. నిజానికి వారి ప్రెర్ఫామెన్స్‌కి 10 మార్కులు ఇవ్వాలి, కానీ తాము సేవ్‌ అవ్వాలంటే వారికి ఒక్క మార్కు ఇచ్చామన్నారు. దీంతో జడ్జస్‌ కూడా తమ స్ట్రాటజీని వాడి వారికి అతి తక్కువ మార్కులు ఇచ్చారు. ఫలితంగా భాను-రవి ఎలిమేనేషన్‌ ఫేస్‌ చేసి షో నుంచి వెళ్లిపోయారు. ఇక దీనిపై కౌశల్‌ మండా స్పందిస్తూ జడ్జస్‌పై తీరు తప్పుబడ్డాడు. ఈ మేరకు ఫేస్‌బుక్‌లో వివాదస్పద పోస్ట్‌ షేర్‌ చేశౠడు. ‘నా ఉద్దేశం ప్రకారం బీబీ జోడి విజేతలు రవి,భాను శ్రీ. ఎందుకంటే.. వాళ్లు డ్యాన్స్ చేసిన విధానం, ప్రతి రౌండ్‌లో పింక్ సీటు గెలుచుకున్న తీరు అద్భుతం. చదవండి: ఆ మూవీ నుంచి విజయ్‌ సేతుపతి తప్పుకున్నాడా? కారణం ఇదేనా! బిగ్‌బాస్ పోటీదారులుగా వారి వ్యూహాల ప్రకారం ఆడటానికి వారికి అన్ని హక్కు ఉంది. కానీ న్యాయనిర్ణేతలకు లేదు. జడ్జస్‌ కేవలం కంటస్టెంట్స్‌ డాన్స్‌ మాత్రమే జడ్జ్‌ చేయాలి, వారి వ్యూహలను కాదు. బిగ్‌బాస్‌లో ఏ జోడి గెలిచిన అది రవి-భాను తర్వాతే అనేది నా అభిప్రాయం. నాకు అనిపించింది చెప్పాను. నిజాన్ని మనసులోనే దాచుకోలేను. క్షమించండి జడ్జస్‌’ అంటూ షాకింగ్‌ కామెంట్స్‌ చేశాడు. ఇక దీనిపై నెటిజన్లు రకరకాలుగా స్పందిస్తున్నారు. కొందరు కౌశల్‌కు మద్దతు తెలుపుతుంటే మరికొందర అతడిని తప్పుబడుతున్నారు. రవి భాను కేవలం ఒక్క మార్క్‌ ఇవ్వడం కరెక్ట్‌ కాదంటూ కామెంట్స్‌ చేస్తున్నారు. అయితే ఇదే షోలో కౌశల్‌ కూడా కంటెస్టెంట్‌గా ఉండటం గమనార్హం. అభినయ శ్రీతో జోడి కట్టి తన డాన్స్‌తో మెప్పిస్తున్నాడు కౌశల్‌. 

బిగ్‌బాస్‌ విన్నర్‌, నటుడు కౌశల్‌ మండా తన తండ్రికి మర్చిపోలేని బహుమతి ఇచ్చాడు. ఓ కొత్త ఫ్లాట్‌ను ఆయనకు గిఫ్ట్‌గా ఇచ్చాడు. తండ్రికి ఒక్కమాట కూడా చెప్పకుండా ఆ కొత్తింటికి ఆయన్ను తీసుకువచ్చి ఇదే నీ ఇల్లు డాడీ అంటూ సర్‌ప్రైజ్‌ చేశాడు. ఊహించని సర్‌ప్రైజ్‌తో కౌశల్‌ తండ్రి ఆనందాశ్చర్యంలో తేలిపోయాడు. కాగా 2021లో ఫాదర్స్‌ డే రోజు కౌశల్‌ తండ్రి నాకంటూ ఓ చిన్ని ఇల్లు కావాలి అని అడిగాడు. అప్పటినుంచి అదే మనసులో పెట్టుకున్న నటుడు ఎట్టకేలకు ఈ ఏడాది హైదరాబాద్‌లో ఆయనకు ఓ ఇల్లు కొనిచ్చాడు. ఈ సందర్భంగా ఆయన మాట్లాడుతూ.. 'ఫైనల్‌గా నా బాధ్యత తీరిపోయింది. నాన్న వైజాగ్‌లో ఇల్లు కావాలని అడిగాడు. కానీ నాన్న హైదరాబాద్‌లోనే ఉంటున్నారు కాబట్టి ఇక్కడే సింగిల్‌ బెడ్‌రూమ్‌ ఫ్లాట్‌ కొన్నాను. 2023 ప్రారంభంలోనే ఇల్లు కొనేశాను. ఆయనకు ఇది గిఫ్ట్‌గా ఇచ్చాను' అని చెప్పుకొచ్చాడు. ఈ గుడ్‌న్యూస్‌ను అభిమానులతో పంచుకుంటూ గృహప్రవేశం వీడియోను షేర్‌ చేశాడు. ఇది చూసిన అభిమానులు 'తండ్రి కల నెరవేర్చావు, గ్రేట్‌', 'మాట మీద నిలబడ్డావన్నా' అంటూ కామెంట్లు చేస్తున్నారు.

వినోదానికి లేదు ఫుల్‌స్టాప్‌ అంటూ వచ్చింది బిగ్‌బాస్‌ నాన్‌స్టాప్‌. హౌస్‌లో 24 గంటలు ఏం జరిగిందో ప్రత్యక్ష ప్రసారం ద్వారా చూడండంటూ ప్రేక్షకులను ఊరించింది. అదెలా సాధ్యమని ప్రశ్నించిన నోళ్లను 24/7 లైవ్‌ స్ట్రీమింగ్‌తో ఆశ్చర్యపరిచింది. అయితే రోజంతా షో చూడటం సాధ్యపడనివాళ్ల కోసం ప్రతిరోజు ఒక గంటపాటు ఎపిసోడ్‌ ప్రసారం చేస్తోంది. ఇప్పటికే షో ప్రారంభమై రెండు వారాలు పూర్తవగా ముమైత్‌ ఖాన్‌, శ్రీరాపాక ఎలిమినేట్‌ అయ్యారు. తాజాగా బిగ్‌బాస్‌ నాన్‌స్టాప్‌ షోపై ఆసక్తికర కామెంట్లు చేశాడు బిగ్‌బాస్‌ మాజీ విన్నర్‌ కౌశల్‌ మండా. 'బిగ్‌బాస్‌ షోలో ఎవరు గెలుస్తారన్నదానిపై నా అంచనాలు ఎప్పుడూ తప్పలేదు. ఈసారి బిగ్‌బాస్‌ ఓటీటీ సీజన్‌లో బిందుమాధవి గెలుస్తుంది. కొన్ని ప్రోమోలు చూశాను. అందులో బిందుమాధవి యాటిట్యూడ్‌, ఆమె సామర్థ్యాలు ఆవిడే గెలుస్తాయని చెప్తున్నాయి. రీ ఎంట్రీ ఇచ్చిన కొందరు కంటెస్టెంట్లు బిగ్‌బాస్‌ గేమ్‌ను అర్థం చేసుకోవడంలో ఇప్పటికీ తడబడటం చూస్తుంటే నవ్వొస్తోంది' అంటూ ఇన్‌స్టాగ్రామ్‌ స్టోరీలో రాసుకొచ్చాడు. మరి నిజంగానే కౌశల్‌ మండా జోస్యం నిజమవుతుందా? లేదా? అనేది చూడాలి! చదవండి: నా ఫ్రెండ్‌ను నేనే చంపానంటున్నారు, అవును, నావల్లే: హీరోయిన్‌

‘‘రైట్‌’ చిత్రం ఫస్ట్‌లుక్, మోషన్‌ పోస్టర్‌ బాగుంది. ఈ సినిమా ఘన విజయం సాధించి, యూనిట్‌కి మంచి పేరు, డబ్బు తీసుకురావాలి’’ అని హీరో వెంకటేశ్‌ అన్నారు. ‘బిగ్‌బాస్‌ 2’ విన్నర్‌ కౌశల్‌ మండ, లీషా ఎక్లైర్స్‌ జంటగా శంకర్‌ దర్శకత్వంలో తెరకెక్కిన చిత్రం ‘రైట్‌’. మహంకాళి దివాకర్, లుకలాపు మధు నిర్మించిన ఈ సినిమా ఫస్ట్‌లుక్‌ అండ్‌ మోషన్‌ పోస్టర్‌ను వెంకటేశ్‌ విడుదల చేశారు. కౌశల్‌ మాట్లాడుతూ–‘‘మలయాళ చిత్రం ‘మెమోరీస్‌’కు తెలుగు రీమేక్‌ ‘రైట్‌’. ‘బిగ్‌బాస్‌’ షోలో నన్ను ఆదరించినట్లే మా సినిమాను కూడా ప్రేక్షకులు ఆదరించాలి’’ అన్నారు. ‘‘రైట్‌’ విడుదల తేదీని త్వరలో ప్రకటిస్తాం’’ అన్నారు నిర్మాతలు. ఈ సినిమాకు సంగీతం: విజయ్‌ కూరాకుల  

టీవీ నటుడు, మోడల్‌ కౌశల్‌ బిగ్‌బాస్‌ షోతో ఊహించని పాపులారిటీని సొంతం చేసుకున్నాడు. కేవలం ఒకే ఒక్క నిమ్మకాయ ఎపిసోడ్‌తో కౌశల్‌ దశ తిరిగిందనడంలో ఏమాత్రం అతిశయోక్తి లేదు. ఫలితంగా బిగ్‌బాస్‌ సీజన్‌-2 విన్నర్‌గా టైటిల్‌ సొంతం చేసుకున్నాడు. అయినప్పటికీ అవకాశాల విషయంలో పెద్ద మార్పు కనిపించలేదు. తాజాగా ఓ యూట్యూబ్‌ ఛానల్‌కి ఇచ్చిన ఇంటర్వ్యూలో కౌశల్‌ పలు ఆసక్తికర విషయాలను పంచుకున్నాడు. ఈ సందర్భంగా సినిమా అవకాశాలపై మాట్లాడుతూ.. కొన్ని కథలు నచ్చకపోవడం వల్ల వదులుకున్నానని, మరికొన్ని రెమ్యునరేషన్‌ డిమాండ్‌ పరంగా ఆఫర్లు రావడం లేదన్నాడు.  చదవండి: ‘ఖిలాడి’ మూవీ రివ్యూ ‘నేను 86 సినిమాల్లో నటించాను. కానీ అవి నాకు పెద్దగా గుర్తింపు తెచ్చిపెట్టలేదు. దీనికి కారణంగా సినిమాలపై నేను పెద్దగా ఆసక్తి చూపకపోవడం. సినిమా చాన్స్‌ కావాలంటూ నేనేప్పుడు దర్శక-నిర్మాతలను అడగలేదు. వాళ్లే ఫోన్‌ చేసి అవకాశం ఉందని చెప్తే చేశాను. కొంతమంది అవకాశాలు కావాలంటూ వాళ్ల వద్దకు తరచూ వెళ్లి అడుక్కుంటారు. కానీ నా స్టైల్‌ అది కాదు’ అంటూ ఆసక్తికర వ్యాఖ్యలు చేశాడు. అలాగే నా స్టైల్‌, టాలెంట్‌ చూసి ఆఫర్లు వస్తే చేస్తాను కానీ,  ఛాన్స్ ఇవ్వండి అని అడుక్కొను. పైగా నేను చాలా బిజీ, సొంతంగా నాకు ప్రొడక్షన్ హౌస్ ఉంది. ప్రతిరోజు షూట్స్‌, ఫ్యాషన్ షోస్, యాడ్స్ జరుగుతుంటాయి’ అంటూ చెప్పుకొచ్చాడు.  చదవండి: కాజల్‌ బాడీపై ట్రోల్స్‌.. స్పందించిన సమంత, లక్ష్మి మంచు ఇక ఓ సినిమా తన కెరీర్‌ను నాశనం చేసిందంటూ సంచలన వ్యాఖ్యలు చేశాడు కౌశల్‌. ‘మా అమ్మకి క్యాన్సర్ బాధపడుతున్న సమయంలో డబ్బు అవసరం చాలా వచ్చింది. అప్పుడు మేము ఆర్థిక ఇబ్బందుల్లో ఉన్నాం. హాస్పటల్‌లో డబ్బులు కట్టడం కోసమే అప్పట్లో నేను ఒక సినిమాకి కమిట్ అయ్యాను. ఆ మూవీకి నా రెమ్యునరేషన్‌ రూ.50 వేలు ఇచ్చారు. కానీ ఆ సినిమా వల్లే నా కెరియర్ నాశనం అయ్యింది. సమాజానికి ఒక సందేశంగా ఉంటుందని ఆ సినిమా చేశా. కానీ అది అడల్ట్ మూవీ కావడంతో.. కౌశల్ అడల్ట్ మూవీస్ చేస్తాడనే ముద్ర పడింది’ అన్నాడు. చదవండి: 60వ పుట్టిన రోజు: కీలక ప్రకటన ఇచ్చిన జగపతి బాబు అదే సమయంలో ఎయిడ్స్‌ వ్యాధి ప్రభావం ఎక్కువగా ఉండేది. దానిపై అవగాహనలో భాగంగా ఈ సినిమా తీశాం. కానీ అందులోని నా పాత్ర నెగిటివ్‌ ఇంప్రెషన్‌ పడింది. ఆ విమర్శలు, ట్రోలింగ్‌ నుంచి బయటపడేందుకు చాలా టైం పట్టింది. ఆ తర్వాత చక్రవాకం సీరియల్ చేశాక నాపై ఉన్న బ్యాడ్ ఒపీనియన్ పోయింది’ అన్నాడు. కౌశల్‌కు అంతగా చేదు అనభవాన్ని ఇచ్చిన ఆ అడల్ట్‌ మూవీపై పేరు స్వర్ణ. ఈ సినిమాలో రమ్య శ్రీ హీరోయిన్ కాగా.. షకీలా, రేష్మ ఇతర పాత్రల్లో నటించారు. రమ్య శ్రీ ఇంట్లో పనోడిగా చేరిన కౌశల్.. కోరిక తీర్చమంటూ ఆమె వెంటపడే నెగిటివ్‌ రోల్‌ చేశాడు. చివరికి ఈ సినిమాలో కౌశల్‌ కట్టుకున్న భార్య చేతిలో చనిపోతాడు. 

Kaushal Manda Comments On Deepthi Sunaina And Bigg Boss: టీవీ నటుడు, మోడల్‌ కౌశల్‌ బిగ్‌బాస్‌ షోతో ఊహించని పాపులారిటీని సొంతం చేసుకున్నాడు. కేవలం ఒకే ఒక్క నిమ్మకాయ ఎపిసోడ్‌తో కౌశల్‌ దశ తిరిగిందనడంలో ఏమాత్రం అతిశయోక్తి లేదు. ఫలితంగా బిగ్‌బాస్‌ సీజన్‌-2 విన్నర్‌గా టైటిల్‌ సొంతం చేసుకున్నాడు. అయినప్పటికీ అవకాశాల విషయంలో పెద్ద మార్పు కనిపించలేదు. తాజాగా ఓ యూట్యూబ్‌ ఛానల్‌కి ఇచ్చిన ఇంటర్వ్యూలో కౌశల్‌ పలు ఆసక్తికర విషయాలను పంచుకున్నాడు. 'బిగ్‌బాస్‌ టైటిల్‌ గెలిచిన తర్వాత  ఎవరూ చేయని విధంగా తన గెలుపు కోసం కష్టపడిన వారందరిని కలిసిశానని కౌశల్‌ పేర్కొన్నాడు. ఇండియాలోనే కాకుండా విదేశాల్లో ఉన్న వాళ్లు కూడా నాకోసం నిలబడ్డారు. అందుకే అక్కడికి వెళ్లి మరీ నా కృతఙ్ఞత తెలుపుకున్నా. ఇక సినిమాల విషయానికి వస్తే.. కొన్ని కథలు తనకు నచ్చకపోవడం వల్ల వదులుకుంటే, కొన్ని రెమ్యునరేషన్‌ ఎక్కువ డిమాండ్‌ చేయడం వల్ల ఆఫర్లు రాకపోవచ్చు. ఇక మిగిలిన వాళ్లతో పోలిస్తే నాకు  తక్కువ రెమ్యునరేషనే ఇచ్చారు, నాకింత గుర్తింపు వస్తుందని వాళ్లు కూడా ఊహించి ఉండరు. అసలు టీవీ నుంచి తీసుకున్న కంటెస్టెంట్లలో నేనే మొదటి వ్యక్తిని. నా తర్వాతి నుంచి ఇప్పుడు ప్రతీ సీజన్‌లో బుల్లితెర నుంచి తప్పకుండా తీసుకుంటున్నారు. వాళ్లందరికి ఇలా ఆఫర్స్‌ వస్తున్నాయంటే అది నా వల్లే అని చెప్పొచ్చు. బిగ్‌బాస్‌ షోలో నా అనుభవం అంత వయసు కూడా లేని దీప్తి సునైనా నేను రెండు వారాల్లో వెళ్లిపోతానని చెప్పడంతో కౌశల్‌ అంటే ఏంటో నిరూపించాలనుకున్నా. కష్టపడి టైటిల్‌ గెలిచా' అని వివరించాడు. ప్రస్తుతం కౌశల్‌ చేసిన ఈ కామెంట్స్‌ నెట్టింట వైరల్‌గా మారాయి.  చదవండి: మై లవ్‌ ఈజ్‌ గాన్‌, అయినా పోతే పోనీ అంటున్న షణ్ముక్‌

టైటిల్‌ : అతడు ఆమె ప్రియుడు నటీనటులు: సునీల్, బెనర్జీ, కౌషల్, భూషణ్, మహేశ్వరి, దియా, జెన్నీ తదితరులు... సంగీతం : ప్రద్యోతన్ కెమెరా-ఎడిటర్ : మీర్  నిర్మాణ సారథ్యం: అమర్, నిర్మాతలు: రవి కనగాల-రామ్ తుమ్మలపల్లి కథ-మాటలు-స్క్రీన్ ప్లే-దర్శకత్వం: యండమూరి వీరేంద్రనాథ్‌ విడుదల తేది: ఫిబ్రవరి4, 2022 ప్రముఖ రచయిత యండమూరి వీరేంద్రనాథ్ నవలలు ఎంతలా ఫేమస్‌ అయ్యాయో ప్రత్యేకంగా చెప్పాల్సిన పనిలేదు. ఆయన రాసిన చాలా నవలలు సినిమాలుగా కూడా వచ్చాయి. ఓ వైపు మాటల రచయితగా మరోవైపు వ్యక్తిత్వ వికాస రచనలు చేస్తూ అనేక నవలలతో పాటు నాటికలు రాసారాయన. అగ్నిప్రవేశం, స్టూవర్ట్ పురం పోలీస్ స్టేషన్ లాంటి సినిమాల ద్వారా డైరెక్టర్ గానూ తనను తాను ప్రూవ్ చేసుకున్న యండమూరి తాజాగా తన నవల “అతడు ఆమె ప్రియుడు” ద్వారా మళ్లీ దర్శకుడిగా సెకండ్ ఇన్నింగ్స్ స్టార్ట్ చేశారు. ఈ సినిమా శుక్రవారం రిలీజైంది. యండమూరి రచనా శైలి, దర్శకత్వంతో పాటు ఆకట్టుకునే టైటిల్ కావడంతో భారీ అంచనాల మధ్య సినిమా విడుదలైంది. మరి సినిమా ఎలా ఉందో రివ్యూలో చూద్దాం. ‘అతడు ఆమె ప్రియుడు’కథేంటంటే..? బెనర్జీ, సునీల్, కౌషల్ పాత్రల చుట్టూ ఈ సినిమా కథ నడుస్తుంది. ప్రకృతిలో అనూహ్యమైన మార్పులు చోటు చేసుకుని ప్రళయం రాబోతున్నట్లు వార్తలు వస్తాయి. ఉరుములు మెరుపులతో భయంకరమైన గాలి వాన మొదలౌతుంది. ఆ సమయంలో కౌషల్, సునీల్  బెనర్జీ ఇంట్లో ఆశ్రయం పొందుతారు. మరికొన్ని గంటల్లో యుగాంతం కాబోతోందని ఆ ఇంట్లో ఉన్న తమ ముగ్గురికే బతికే అవకాశం ఉందని చెబుతాడు. అయితే తమలో ఒకరు ప్రాణ త్యాగం చేసి వారి స్ధానంలో ఒక స్త్రీకి అవకాశం ఇస్తే భవిష్యత్తులో మానవజాతి అంతం కాకుండా ఉంటుందని బెనర్జీ చెబుతాడు. దాంతో కౌషల్, సునీల్ ఆలోచనలో పడతారు. అసలు ప్రకృతి విపత్తు రావడానికి కారణం ఏంటి? బెనర్జీకి మాత్రమే తెలిసిన ఆ రహస్యం ఏంటి? సునీల్, కౌశల్ లో ఎవరు ప్రాణ త్యాగం చేస్తారు? ఆ ఇంట్లో అడుగుపెట్టిన స్త్రీ ఎవరు? బెనర్జీ చెప్పినట్లు యుగాంతం అవుతుందా?అన్నదే సినిమా కథ. ఎవరెలా చేశారంటే? ప్రొఫెసర్ పాత్రలో బెనర్జీ నటన ఆద్యంతం ఆకట్టుకుంది. ప్రవర పాత్రలో సునీల్ నవ్వులు పూయించారు. ఓ వైపు ప్రళయం వస్తోందని తెలిసి భయపడుతూనే మరోవైపు కామెడీని పండించారు. స్త్రీమూర్తి ఔన్నత్యం గురించి కౌషల్ ఏకధాటిగా చెప్పిన డైలాగ్ సినిమాలో హైలైట్ అని చెప్పాలి. ధారాళంగా ఆయన చెప్పిన డైలాగ్ కి ప్రేక్షకులు చప్పట్లు కొడతారు. కౌషల్ ప్రతీకారం తీర్చుకునే పాత్రలో నటించిన భూషణ్ (ప్రముఖ నటుడు నాగభూషణం మనవడు) ద్విపాత్రాభినయంతో అలరించాడు.    ఎలా ఉందంటే..? సినిమాలోని సంభాషణలు కొన్నిచోట్ల ఆలోపించే చేసేలా ఉన్నాయి. బ్యాగ్రౌండ్ మ్యూజిక్ మనసుని హత్తుకుంది. కథని రక్తి కట్టించేలా చూపించడంలో దర్శకుడు సక్సెస్ అయినప్పటికీ సీన్ బై సీన్ ప్రేక్షకుల్లో మరికొంత ఉత్కంఠ కలిగించేలా చూపించి ఉంటే బాగుండేది. ఏది ఏమైనా ప్రేమంటే సెక్స్, స్నేహమనే భావనలో ఉంటున్న యూత్ కి ఈ సినిమా ద్వారా రచయిత మంచి మెసేజ్  ఇచ్చాడని చెప్పవచ్చు. 

క‌రోనా మ‌హ‌మ్మారి జ‌నాల‌ను ప‌ట్టిపీడిస్తోంది. దేశంలో క‌రోనా త‌గ్గుముఖం ప‌ట్టింద‌నుకునేలోపే కొత్త వేరియంట్లు పుట్టుకొస్తూ ప్ర‌జ‌ల‌ను భ‌య‌భ్రాంతుల‌కు గురి చేస్తున్నాయి. చిత్ర‌ప‌రిశ్ర‌మ‌లోనూ ఎంతోమంది ఈ వైర‌స్ బారిన ప‌డ‌గా తాజాగా బిగ్‌బాస్ కంటెస్టెంట్లు కౌశ‌ల్‌, స‌ర‌యుల‌కు కోవిడ్ పాజిటివ్ అని తేలింది. బిగ్‌బాస్ రెండో సీజ‌న్ విన్న‌ర్ కౌశ‌ల్ మండా ఈ విష‌యాన్ని సోష‌ల్ మీడియా వేదిక‌గా వెల్ల‌డించాడు. View this post on Instagram A post shared by k a u s h a l M a n d a (@kaushalmanda) 'క‌రోనా పాజిటివ్ అని నిర్ధార‌ణ అయింది. స్వ‌ల్ప ల‌క్ష‌ణాలున్నాయి. ఇంట్లోనే స్వీయ‌నిర్బంధంలో ఉన్నాను. గ‌త వారం రోజుల్లో న‌న్ను క‌లిసిన అంద‌రూ కోవిడ్ టెస్ట్ చేయించుకోవాల‌ని కోరుతున్నాను. గుంపులుగా గుమిగూడ‌కండి. వ్యాక్సిన్ వేయించుకోండి, మాస్కులు ధ‌రించండి. క‌ర‌చాల‌నం, సెల్ఫీలు మానేయండి. నేను షేక్ హ్యాండ్ ఇవ్వ‌డం మానేయ‌కే ఈ ప‌రిస్థితి తెచ్చుకున్నాను' అని రాసుకొచ్చాడు. బిగ్‌బాస్ తెలుగు ఐదో సీజ‌న్ కంటెస్టెంట్‌ స‌ర‌యూ సైతం త‌న‌కు పాజిటివ్ వ‌చ్చింద‌ని ఇన్‌స్టాగ్రామ్ పోస్ట్ ద్వారా తెలియ‌జేసింది. View this post on Instagram A post shared by 7 Arts Sarayu (@7arts_sarayu)

‘‘అతడు ఆమె ప్రియుడు’ సినిమా టీజర్‌ చాలా బాగుంది. ఈ సినిమా అద్భుత విజయం సాధించి, యూనిట్‌కి మంచి పేరు, డబ్బులు రావాలి’’ అని ఆంధ్రప్రదేశ్‌ రాష్ట్ర మంత్రి అవంతి శ్రీనివాస్‌ అన్నారు. సునీల్, కౌశల్, బెనర్జీ, మహేశ్వరి ముఖ్య పాత్రల్లో యండమూరి వీరేంద్రనాథ్‌ దర్శకత్వంలో తెరకెక్కిన చిత్రం ‘అతడు ఆమె ప్రియుడు’. కూనం కృష్ణకుమారి సమర్పణలో రవి కనగాల, రామ్‌ తుమ్మలపల్లి నిర్మించిన ఈ చిత్రం టీజర్‌ని అవంతి శ్రీనివాస్‌ విడుదల చేశారు. యండమూరి వీరేంద్రనాథ్‌ మాట్లాడుతూ– ‘‘చిరంజీవి నటించిన పలు బ్లాక్‌ బస్టర్స్‌కు కథలు అందించిన నేను ఆయనకు పెద్ద ఫ్యాన్‌. రవి కనగాల–తుమ్మలపల్లి ఖర్చుకు వెనకాడకుండా ఈ సినిమా నిర్మించారు’’ అన్నారు. ‘‘అతి త్వరలో మా సినిమా విడుదల కానుంది’’ అన్నారు రవి కనగాల, రామ్‌ తుమ్మలపల్లి.

Bigg Boss Telugu 5: కౌశ‌ల్ మండా.. బిగ్‌బాస్ తెలుగు రెండో సీజ‌న్ విన్న‌ర్ ఈయ‌న‌. బిగ్‌బాస్ షో త‌ర్వాత అత‌డి రేంజే మారిపోతుందనుకున్నారు. కానీ అందుకు భిన్నంగా వాతావ‌ర‌ణం సైలెంట్ అయిపోయింది. చ‌డీచ‌ప్పుడు లేకుండా యూట్యూబ్ వీడియోలు చేసుకుంటూ పోతున్నాడు. ప్ర‌స్తుతం కౌశ‌ల్ అత‌డు ఆమె ప్రియుడు సినిమాలో న‌టిస్తున్నాడు. ఇందులో సునీల్ క‌థానాయ‌కుడిగా క‌నిపించ‌నున్నాడు. త్వ‌ర‌లో ఈ చిత్రం రిలీజ్‌కు రెడీ అవుతోంది. ఈ సంద‌ర్భంగా అత‌డు ఓ ఇంట‌ర్వ్యూలో మాట్లాడుతూ.. బిగ్‌బాస్ షో గురించి ఆస‌క్తిక‌ర వ్యాఖ్య‌లు చేశాడు. 'బిగ్‌బాస్ 5 పెద్ద‌గా థ్రిల్ అనిపించ‌డం లేదు. ప్రేక్ష‌కుల‌ను మెప్పించ‌గ‌లిగేవారే టాప్ 5కు చేరుతారు. ఈసారైనా గ‌ర్ల్స్ గెలుస్తార‌నుకున్నాం.. కానీ అమ్మాయిల‌కంత స్కోప్ లేదు. త‌ప్ప‌కుండా అబ్బాయిలే ట్రోఫీ గెలుస్తారు' అని జోస్యం చెప్పాడు. బిగ్‌బాస్ షో తీరు చూస్తుంటే కౌశ‌ల్ చెప్పిందే నిజ‌మ‌య్యేట్లు క‌నిపిస్తోంది. 19 మంది కంటెస్టెంట్ల‌తో ప్రారంభ‌మైన ఈ షోలో ప్ర‌స్తుతం 11 మందే మిగిలారు. 8 మంది ఎలిమినేట్ అయ్యారు. అందులో న‌ట‌రాజ్ మాస్ట‌ర్‌, లోబో మిన‌హా.. స‌ర‌యు, ఉమాదేవి, ల‌హ‌రి, శ్వేత‌, హ‌మీదా, ప్రియ‌.. ఇలా ఆరుగురు లేడీ కంటెస్టెంట్లు బ‌య‌ట‌కు వెళ్లిపోయారు. ప్ర‌స్తుతం హౌస్‌లో సిరి, కాజ‌ల్‌, ప్రియాంక సింగ్‌, యానీ ఉన్నారు. వీరిలో పింకీ మాన‌స్ చుట్టూ ప్ర‌ద‌క్షిణ చేస్తుంటే కాజ‌ల్ స్ట్రాట‌జీ జ‌పం చేస్తోంది. యానీ మాస్ట‌ర్ ఎప్పుడెలా ఉంటుందో ఎవ‌రూ చెప్ప‌లేరు. ఇక సిరి ఆడుతుంది కానీ ష‌ణ్ముఖ్‌, జెస్సీల‌తో మాత్ర‌మే ఎక్కువ‌గా ఉంటూ నెగెటివ్ పేరు సంపాదిస్తోంది. రానున్న వారాల్లో వీరిలో ఇద్ద‌రు, ముగ్గురు ఎలిమినేట్ అయ్యే ఛాన్సులున్నాయి. మిగిలిన ఒక‌రిద్ద‌రు ఫినాలేకి వెళ్లినా గెలిచే అవ‌కాశాలు ఏ కోశానా క‌నిపించ‌డం లేదు. కాబ‌ట్టి ఈసారి కూడా అమ్మాయిని బిగ్‌బాస్ విజేత‌గా చూడాల‌న్న ఎంతో మంది క‌ల క‌ల‌గానే మిగిలిపోనున్న‌ట్లు క‌నిపిస్తోంది.

ఈ సారి బిగ్‌బాస్‌ హౌజ్‌లో తొలి రోజే గొడవలు మొదలయ్యాయి. సోమవారం జరిగిన ఎపిసోడ్‌లో కంటెస్టెంట్స్‌ మధ్య వివాదాలు తలెత్తాయి. ఒకరి నెగిటివిటి ఒకరూ బయటపెట్టడంతో రచ్చ రచ్చ జరిగింది. ఆదివారం బిగ్‌బాస్‌ 5 తెలుగు సీజన్‌ ప్రారంభమైన సంగతి తెలిసిందే. ఈ క్రమంలో నిన్నటి ఎపిసోడ్‌లో నామినేషన్స్‌ ప్రక్రియ జరిగింది.  ఈ నేపథ్యంలో నామినేట్‌ చేసే సభ్యులను ఎందుకు చేస్తున్నామో వివరించే క్రమంలో వారితో అయిన మిస్‌ కమ్యూనికేషన్‌ వల్ల హౌజ్‌మెట్స్‌ మధ్య గొడవలు తలెత్తాయి. అయితే ఎక్కువ మంది ఇంటి సభ్యులు జస్సీని  నామినేట్‌ చేశారు. చదవండి: బిగ్‌బాస్‌ 5: నాగార్జున రెమ్యునరేషన్‌ మామూలుగా లేదుగా! కాగా జస్సీ మోడలింగ్‌ బ్యాక్‌గ్రౌండ్‌తో హౌజ్‌లో అడుగు పెట్టిన సంగతి తెలిసిందే. కాగా జస్సీ ఓ సందర్భంలో మాట్లాడిన తీరు తమకు నచ్చలేదంటూ కొంతమంది తమ అభిప్రాయాన్ని వెల్లడించారు. నామినేషన్‌ సమయంలో విశ్వకు, జస్సీకి మధ్య జరిగిన చిన్నపాటి డిస్కషన్‌లో జస్సీ బాధపడ్డాడు. ఆ తర్వాత నటరాజ్‌ మాస్టర్‌ కూడా జస్సీని నామినేట్‌ చేస్తూ ‘చిన్నోడా నిన్ను చూస్తే అయాకుడిలా ఉన్నావు, ఈ హౌజ్‌లో నువ్వు ఉండలేవు అనిపిస్తుంది. అందుకే నామినేట్‌ చేస్తున్న’ అంటూ లిన చెప్పడంతో వెంటనే జస్సీ కన్నీరు పెట్టుకున్నాడు. చదవండి: Bigg Boss 5 Telugu: వీడియోతో దొరికిపోయిన లోబో..నెటిజన్ల ట్రోల్స్‌ దీంతో అందరూ అతడి ఓదార్చడం జరిగింది. దీనిపై బిగ్‌బాస్‌ సీజన్‌ 2 విజేత కౌశల్‌ సోషల్‌ మీడియా వేదికగా స్పందించాడు. తోటి మోడల్‌గా జస్సీకి మద్దతుగా నిలిచాడు. అతడిని ఉద్దేశిస్తూ ఇన్‌స్టాగ్రామ్‌లో స్టోరీ షేర్‌ చేస్తూ.. ‘నా తర్వాత, సీజన్‌ 3లో అలీ రేజా తర్వాత మోడలింగ్‌ బ్యాక్‌గ్రౌండ్‌ నుంచి వచ్చింది నువ్వే. మోడల్స్‌ కన్నీళ్లు పెట్టకూడదు. తమ యాటిట్యూడ్‌లో ప్రేమని గెలుచుకోవాలి.  అలా ఏడిస్తే మొదటగా హౌజ్‌ నుంచి ముందుగా నువ్వే బయటకు వస్తావు. జాగ్రత్తగా ఆడు. ఆల్‌ ది బెస్ట్‌’ అని సూచించాడు. కాగా ఈ నామినేషన్ ప్ర‌క్రియ‌లో కాజల్‌, హమీదా, జెస్సీ, రవి, మానస్‌, సరయూలు ఈ వీకెండ్‌ హౌజ్‌ నుంచి బయటకు వెళ్లే సభ్యులుగా డేంజ‌ర్ జోన్‌లో ఉన్నారు.

ప్రముఖ రచయిత యండమూరి వీరేంద్రనాథ్‌ దర్శకత్వం వహిస్తున్న తాజా చిత్రానికి ‘అతడు.. ఆమె.. ప్రియుడు’ టైటిల్‌ ఖరారైంది. ప్రముఖ నటుడు సునీల్, ‘బిగ్‌ బాస్‌’ ఫేమ్‌ కౌశల్,  సీనియర్‌ నటుడు బెనర్జీ హీరోలుగా నటిస్తున్న ఈ చిత్రంలో మహేశ్వరి, ప్రియాంక, సుపూర్ణ హీరోయిన్లు. రవి కనగాల, రామ్‌ తుమ్మలపల్లి  నిర్మిస్తున్న ఈ సినిమా శనివారం ప్రారంభమైంది. నటుడు నాగబాబు కెమెరా స్విచ్చాన్‌ చేయగా, దర్శకులు కోదండ రామిరెడ్డి గౌరవ దర్శకత్వం వహించారు. ‘‘మొన్న చాటింగ్‌.. నిన్న డేటింగ్‌.. ఈ రోజు మీటింగ్‌.. రేపు..’ అని హీరోయిన్‌ చెప్పిన డైలాగ్‌తో మొదలైన తొలి సీన్‌కి దర్శకుడు అజయ్‌ కుమార్‌ క్లాప్‌ ఇచ్చారు. ‘‘యండమూరిగారి దర్శకత్వంలో ‘నల్లంచు తెల్లచీర’ సినిమా తర్వాత వెంటనే ఆయన డైరెక్షన్‌లోనే ‘అతడు.. ఆమె.. ప్రియుడు’ సినిమాను నిర్మిస్తున్నందుకు ఆనందంగా ఉంది’’ అన్నారు నిర్మాతలు. ఈ చిత్రానికి కూనం కృష్ణకుమారి, కూనం ఝాన్సీ సహ నిర్మాతలు.

kaushal Manda: కౌశల్‌ మండా.. ఈ పేరు తెలియని బిగ్‌బాస్‌ ప్రేక్షకులు లేరంటే అతిశయోక్తి కాదు. ఎలాంటి అంచనాలు లేకుండా మామూలుగా హౌస్‌లోకి ఎంట్రీ ఇచ్చిన అతడు రెండో సీజన్‌ విన్నర్‌గా నిలిచి అందరి దృష్టిని ఆకర్షించాడు. బిగ్‌బాస్‌ షో తర్వాత అతడికి బోలెడన్ని సినిమా ఆఫర్లు వచ్చాయంటూ నెట్టింట రూమర్లు రౌండేశాయి కానీ అవేవీ నిజం కాలేదు. అయితే కొన్ని చిత్రాల్లో మాత్రం సపోర్టివ్‌ రోల్స్‌ అవకాశాలు వస్తున్నాయి. ఈ క్రమంలో ప్రస్తుతం అతడు హీరో ఆది 'బ్లాక్‌' సినిమాలో పవర్‌ఫుల్‌ పోలీసాఫీసర్‌ పాత్రలో నటిస్తున్నాడు. కానీ ఇంతవరకు హీరో రోల్‌ మాత్రం చేయలేదు. బిగ్‌బాస్‌ రెండో సీజన్‌ వచ్చి మూడేళ్లు దాటిపోయినా ఇంతవరకు కథానాయకుడిగా సినిమా చేయకపోవడంతో ఫ్యాన్స్‌ కొంత నిరాశలో ఉన్నారు. అయితే తన అభిమానుల దిగులును పటాపంచలు చేస్తూ ఓ శుభవార్త చెప్పాడు కౌశల్‌. రైట్‌ సినిమాలో హీరోగా చేస్తున్నానంటూ పోస్టర్‌ను షేర్‌ చేశాడు.  "గత మూడు సంవత్సరాలుగా నన్ను అభిమానిస్తూ.. పీపుల్‌ స్టార్‌గా పిలుచుకుంటూ ఆనందిస్తూ, అన్నా నిన్ను బిగ్‌స్క్రీన్‌ మీద హీరోగా చూడాలనుంది, ఆ అవకాశం మాకెప్పుడు వస్తుంది? అంటూ ప్రతిరోజూ అడిగే వారి కోరిక తీర్చటమే నా కలగా మార్చిన నా అభిమానులందరికీ ఒకటి చెప్పాలనుకుంటున్నా. ఈ రోజు మీ అందరిరోజుగా చేస్తూ నేను హీరోగా నటిస్తున్న రైట్‌ మూవీ ముహూర్తం షాట్‌ మీతో పంచుకోవాలని అనుకుంటున్నా. ఎప్పటిలాగే మీ ప్రేమ, అభిమానం నా మీద, మా మూవీ యూనిట్‌ మొత్తం మీద చూపిస్తారని నాకు తెలుసు" అంటూ పోస్ట్‌ పెట్టాడు. ఇన్నాళ్లకు నటుడు కౌశల్‌ హీరో అవుతుండటంతో అభిమానులు కూడా సంతోషం వ్యక్తం చేశారు. అయితే కొందరు మాత్రం పీపుల్‌ స్టారా? ఇదెప్పుడు పెట్టారు? ఈ మధ్య ఎవరికి వాళ్లే స్టార్‌ ట్యాగ్‌ తగిలించుకోవడం ప్యాషన్‌ అయిపోయింది అంటూ కౌంటర్లు వేస్తున్నారు. View this post on Instagram A post shared by k a u s h a l M a n d a (@kaushalmanda) View this post on Instagram A post shared by k a u s h a l M a n d a (@kaushalmanda)

 ♦ ఏం జరిగినా ఒక కారణం ఉంటందున్న నేహా  ♦దానికోసం వెయిటింగ్‌ అంటున్న బుట్టబొమ్మ  ♦ వెడ్డింగ్‌ యానివర్సిరీ వేడుకల్లో అష్మిత  ♦ కవ్విస్తోన్న బిగ్‌బాస్‌ బ్యూటీ హారిక  ♦ సాఫ్ట్‌ హార్ట్‌ ఉండాలంటున్న హీనా ఖాన్‌  ♦ గుర్రపు స్వారీలో కౌశల్‌ మండా ♦ బాధలో ఉన్న యాంకర్‌ రష్మీ..ఆన్సర్‌ ఇదేనట  ♦ వర్కవుట్‌ గ్లో అంటోన్న నటి షెఫాలి  ♦ విలేజ్‌ లుక్‌లో టీవీ నటి శిల్పా  ♦ ఫన్‌ వీకెండ్‌ అంటోన్న అదితి View this post on Instagram A post shared by Pooja Hegde (@hegdepooja) View this post on Instagram A post shared by Ashmita karnani (@ashmita_9) View this post on Instagram A post shared by Anchor Neha (@chowdaryneha) View this post on Instagram A post shared by Alekhya Harika (@alekhyaharika_) View this post on Instagram A post shared by HK (@realhinakhan) View this post on Instagram A post shared by k a u s h a l M a n d a (@kaushalmanda) View this post on Instagram A post shared by Sekhar Master (@sekharmaster) View this post on Instagram A post shared by Anchor Shilpa Chakravarthy (@tvshilpa) View this post on Instagram A post shared by Aditi Bhatia 🎭 (@aditi_bhatia4) View this post on Instagram A post shared by Rashmi Gautam (@rashmigautam) View this post on Instagram A post shared by Shefali Jariwala 🧿 (@shefalijariwala)

ప్రస్తుతం కరోనా పరిస్థితులు సాధారణ స్థితికి వస్తున్నాయి. కరోనా కేసులు రోజురోజుకు తగ్గుముఖం పడుతుండటంతో ప్రజలు ఊపిరి పీల్చుకుంటున్నారు. ఈ క్రమంలో రాష్ట్ర ప్రభుత్వాలు లాక్‌డౌన్‌లో సడలింపులు ఇస్తున్నాయి. దీంతో పలు షూటింగులు తిరిగి పున: ప్రారంభం అవుతున్నాయి. ఈ నేపథ్యంలో బిగ్‌బాస్‌ సీజన్‌ 2 విన్నర్‌, నటుడు కౌశల్‌ మండా తిరిగి షూటింగ్‌లో పాల్గొన్నట్లు తాజాగా సోషల్‌ మీడియా వేదికగా వెల్లడించాడు. సెకండ్‌ వేవ్‌ లాక్‌డౌన్‌ అనంతరం తొలిసారి షూటింగ్‌లో పాల్గొన్న కౌశల్‌ తన ఇన్‌స్టాగ్రామ్‌ పోస్టులో ‘2 నెలల తర్వాత ఫస్ట్‌ డే షూటింగ్‌.. పోమ్మా కరోనా ఇకచాలు’ ఫన్నీ క్యాప్షన్‌తో ఫొటో షేర్‌ చేశాడు. దీంతో ప్రస్తుతం ఈ పోస్టు సోషల్‌ మీడియాలో వైరల్‌గా మారింది. కరోనా మీద సెటైరికల్‌గా స్పందించిన కౌశల్‌ పోస్టుపై నెటిజన్లు తమదైన శైలిలో కామెంట్స్‌ పెడుతున్నారు. కాగా కౌశల్‌ ప్రస్తుతం ఆది సాయి కుమార్ సినిమాలో బ్లాక్‌ మూవీలో నటిస్తున్నాడు. ఇందులో ఓ పవర్ పోలీస్ ఆఫీసర్‌గా కౌశల్‌ కనిపించనున్నాడు.  View this post on Instagram A post shared by k a u s h a l M a n d a (@kaushalmanda)

బిగ్‌బాస్‌ రియాలిటీ షో ద్వారా ఒక్కసారిగా పాపులర్‌ అయిన నటడు కౌశల్‌ మండా. అప్పటివరకు బుల్లితెరపై యాంకర్‌గా, నటుడిగా గుర్తింపు పొందినా బిగ్‌బాస్‌తో ఎనలేని క్రేజ్‌ దక్కించుకున్నాడు. బిగ్‌బాస్‌ రెండో సీజన్‌లో విన్నర్‌గా నిలిచి లక్షలాది మంది అభిమాలను సంపాదించుకున్నాడు. షో నుంచి బయటకు వచ్చాక ‘కౌశల్‌ ఆర్మీ’పేరుతో కొన్ని రోజులు వార్తల్లో కూడా నిలిచాడు. ఆ తర్వాత  కాంట్రవర్సి లను కూడా ఎదుర్కొన్నాడు. ఇటీవల భార్య నీలిమ ఆరోగ్యంపై కౌశల్‌ చేసిన పోస్టులు అభిమానుల్లో ఆందోళన కలిగించాయి. ఈ క్రమంలో తన ఆరోగ్య పరిస్థితిని వివరిస్తూ నీలిమ సెల్ఫీ వీడియోను రిలీజ్‌ చేసిన సంగతి తెలిసిందే. యూకేలో ఉద్యోగం చేస్తున్నానని, ఆ సమయంలో తాను కోవిడ​ బారినపడినట్లు నీలిమ పేర్కొంది. అయితే అక్కడ పరిస్థితులు దారుణంగా ఉన్నాయని, తనకు సరైన ట్రీట్‌మెంట్‌ అందడం లేదని ఆందోళన వ్యక్తం చేసింది. అక్కడి వైద్య సిబ్బంది తనకు కేవలం పారాసిటమాల్‌ టాబ్లెట్‌ మాత్రమే ఇచ్చారని వివరించింది. దీంతో నీలిమ త్వరగా కోలుకోవాలంటూ కౌశల్‌ అభిమానులు సహా పలువరు నెటిజన్లు కోరుకున్నారు. తాజాగా నీలిమ కరోనా నుంచి కోలుకున్నారు. కోవిడ్‌ వచ్చిన 8వ రోజే తనకు నెగిటివ్‌ రావడంతో ఆమె వెంటనే ఇండియాకు చేరుకున్నారు. ఈ విషయాన్ని కౌశల్‌ దృవీకరించారు. నేషనల్‌ హెల్త్‌ సర్వీసెస్‌( NHS )నుంచి తనకు సర్టిఫికెట్‌ వచ్చింది. దీంతో నీలిమ భారత్‌కు చేరుకుంది. మీ అందరి ప్రార్థనలకు ధన్యవాదాలు..జై పారాసిటమాల్‌ అంటూ ఇన్‌స్టాలో పోస్ట్‌ చేశారు. తన ఆరోగ్యం గురించి ప్రార్థనలు చేసిన ప్రతి ఒక్కరికి నీలిమ సైతం కృతఙ్ఞతలు తెలిపారు. ఇక కౌశల్‌ పోస్టుతో అతని అభిమానులు సైతం సంతోషం వ్యక్తం చేశారు.  View this post on Instagram A post shared by k a u s h a l M a n d a (@kaushalmanda) చదవండి : బిగ్‌బాస్‌ ఫేమ్‌ నోయల్‌ మళ్లీ పెళ్లి చేసుకోబోతున్నాడా? ఇండియాలో కన్నా ఇక్కడే దారుణం: కౌశల్‌ భార్య

కౌశల్‌ మండా.. బిగ్‌బాస్‌ రియాలిటీ షో ద్వారా ఎంతోమంది అభిమానులను సొంతం చేసుకున్న​ అతడు ఇటీవల తన భార్య నీలిమ ఆరోగ్యం గురించి ఆందోళన వ్యక్తం చేశాడు. 'ఏదో సాధించాలని వెళ్లిపోయావు.. ఏదో ఒకటి సాధించాలని జీవితంతో పోరాడుతున్నావు, నీకున్న ధైర్యంతో అది సాధిస్తావని తెలుసు, త్వరగా కోలుకోవాలని కోరుకుంటున్నా, లవ్‌ యూ, మిస్‌ యూ నీలిమ' అంటూ సోషల్‌ మీడియాలో వరుస పోస్టులు పెట్టాడు. దీంతో కౌశల్‌ భార్యకు ఏమైందంటూ అభిమానులు కలవరపడ్డారు. ఈ క్రమంలో తన ఆరోగ్య పరిస్థితిని వివరిస్తూ నీలిమ సెల్ఫీ వీడియోను రిలీజ్‌ చేసింది. "నేను యూకేలో ఉద్యోగం చేస్తున్నాను. అక్కడ పనిచేసే చోట ఏడు రోజుల క్రితం నాకు కరోనా సోకింది. ఇండియాలో చాలా దారుణమైన, భయంకర పరిస్థితులు ఉన్నాయని అనుకుంటారు. కానీ ఇక్కడే ఘోరంగా ఉంది. కోవిడ్‌ పాజిటివ్‌ అని తేలాక శ్వాస సమస్యలు ఎదురయ్యాయి. ఛాతీలో నొప్పితో పాటు ఆయాసం కూడా వచ్చింది. నా పరిస్థితి బాగోలేదు, ఆరోగ్య సమస్యలు వేధిస్తున్నాయని చెప్తే వారు కేవలం పారాసిటమాల్‌ టాబ్లెట్‌ మాత్రమే ఇచ్చారు. పెద్దగా పట్టించుకోలేదు" "నిజానికి యూకేలో ట్రీట్‌మెంట్‌ గొప్పగా ఉంటుందనుకున్నా, కానీ ఇది నిజంగా ఓ చేదు అనుభవం. ఎమర్జెన్సీ అనగానే ఇండియాలో త్వరగా అడ్మిట్‌ చేసుకుని వైద్యం అందిస్తారు. కానీ ఇక్కడలా కాదు. ఈ విషయంలో నాకు చాలా భయమేసింది. ఇండియాలోనే కరోనాకు మంచి వైద్యం అందిస్తారు. కాబట్టి మీరెవరూ భయపడొద్దు.  మీ అందరి ప్రార్థనల వల్ల ఇప్పుడు నేను బాగానే ఉన్నాను. ఆక్సిమీటర్‌తో నా పల్స్‌ చెక్‌ చేసుకుంటున్నాను. నేను త్వరలోనే భారత్‌కు తిరిగొస్తాను" అని నీలిమ చెప్పుకొచ్చింది. చదవండి: భార్యపై కౌశల్‌ ఎమోషనల్‌ పోస్ట్‌.. అభిమానుల ఆందోళన Nikhil: తొమ్మిది సార్లు ప్రయత్నించినా విఫలం.. నిఖిల్‌ ఆసహనం