ఇంగ్లండ్‌ విధ్వంసకర వీరుడు లియామ్‌ లివింగ్‌స్టోన్‌ ప్రపంచ నంబర్‌ వన్‌గా అవతరించాడు. ఐసీసీ తాజా టీ20 ర్యాంకింగ్స్‌ ఆల్‌రౌండర్ల జాబితాలో అగ్రస్థానంలో నిలిచాడు. ఆస్ట్రేలియాతో ఇటీవల జరిగిన టీ20 సిరీస్‌లో సత్తా చాటి.. ఏకంగా ఏడు స్థానాలు ఎగబాకి.. నంబర్‌ వన్‌ ర్యాంకును సొంతం చేసుకున్నాడు. అంతేకాదు.. తన కెరీర్‌లోనే అత్యుత్తమంగా 253 రేటింగ్‌ పాయింట్లతో లివింగ్‌స్టోన్‌ నంబర్‌ వన్‌ ఆల్‌రౌండర్‌గా నిలిచాడు. ఆస్ట్రేలియా స్టార్‌ మార్కస్‌ స్టొయినిస్‌(211 రేటింగ్‌ పాయింట్లు)ను అగ్రస్థానం నుంచి వెనక్కి నెట్టి.. అతడికి అందనంత ఎత్తులో నిలిచాడు. కాగా ఇటీవల ఆస్ట్రేలియాతో జరిగిన మూడు మ్యాచ్‌ల టీ20 సిరీస్‌లో లివింగ్‌స్టోన్‌ అదరగొట్టాడు.ఆసీస్‌తో సిరీస్‌లో అదరగొట్టిసౌతాంప్టన్‌లో జరిగిన తొలి మ్యాచ్‌లో బ్యాటర్‌గా 37 పరుగులు చేయడంతో పాటు.. 22 పరుగులు మాత్రమే ఇచ్చి.. మూడు వికెట్లు తీసిన ఈ స్పిన్‌ బౌలింగ్‌ ఆల్‌రౌండర్‌.. రెండో టీ20లో విశ్వరూపం ప్రదర్శించాడు. కార్డిఫ్‌లో జరిగిన ఈ మ్యాచ్‌లో 47 బంతుల్లోనే 87 పరుగులు చేసిన లివింగ్‌స్టోన్‌.. కేవలం 16 పరుగులు ఇచ్చి రెండు వికెట్లు తీశాడు. నంబర్‌ వన్‌ బ్యాటర్‌ అతడేతద్వారా ఇంగ్లండ్‌ను గెలిపించి ప్లేయర్‌ ఆఫ్‌ ది మ్యాచ్‌గా నిలిచాడు. ఇక ఈ సిరీస్‌లో ఆసీస్‌- ఇంగ్లండ్‌ చెరో మ్యాచ్‌ గెలవగా.. మూడో టీ20 వర్షం కారణంగా రద్దైంది. కాగా 2017లో ఇంగ్లండ్‌ తరఫున అంతర్జాతీయ క్రికెట్‌లో అరంగేట్రం చేసిన 31 ఏళ్ల లివింగ్‌స్టోన్‌.. ఇప్పటి వరకు ఒక టెస్టు, 25 వన్డేలు, 50 టీ20లు ఆడాడు. ఆయా ఫార్మాట్లలో వరుసగా 16, 558, 815 పరుగులు చేయడంతో పాటు.. వన్డేల్లో 17, టీ20లలో 29 వికెట్లు పడగొట్టాడు. ఇదిలా ఉంటే.. ఐసీసీ టీ20 బ్యాటర్ల జాబితాలో ఆస్ట్రేలియా స్టార్‌ ట్రవిస్‌ హెడ్‌ తన టాప్‌ ర్యాంకును మరింత పదిలం చేసుకోగా.. లివింగ్‌స్టోన్‌ 17 స్థానాలు మెరుగుపరచుకుని 33వ ర్యాంకు సంపాదించాడు. బౌలర్ల టాప్‌-5 యథాతథంఇక బౌలర్ల విషయానికొస్తే.. ఇంగ్లండ్‌ స్పిన్నర్‌ ఆదిల్‌ రషీద్‌ నంబర్‌ వన్‌గా కొనసాగుతుండగా.. వెస్టిండీస్‌ పేసర్‌ అకీల్‌ హొసేన్‌, అఫ్గనిస్తాన్‌ స్పిన్నర్‌ రషీద్‌ ఖాన్‌, వెస్టిండీస్‌ బౌలర్‌ గుడకేశ్‌ మోటీ, శ్రీలంక వనిందు హసరంగ టాప్‌-5లో తమ స్థానాలను నిలబెట్టుకున్నారు. అయితే, ఆస్ట్రేలియా స్పిన్నర్‌ ఆడం జంపా సౌతాఫ్రికా స్పీడ్‌స్టర్‌ అన్రిచ్‌ నోర్జేను వెనక్కినెట్టి ఆరోస్థానానికి చేరుకున్నాడు. కాగా టీ20 ఆల్‌రౌండర్ల జాబితాలో టీమిండియా నుంచి హార్దిక్‌ పాండ్యా ఒక్కడే టాప్‌-10(ఏడో స్థానం)లో ఉన్నాడు.ఐసీసీ తాజా టీ20 ఆల్‌రౌండర్ల ర్యాంకింగ్స్‌- టాప్‌ 51. లియామ్‌ లివి​ంగ్‌స్టోన్‌(ఇంగ్లండ్‌)- 252 రేటింగ్‌ పాయింట్లు2. మార్కస్‌ స్టొయినిస్‌(ఆస్ట్రేలియా)- 211 రేటింగ్‌ పాయింట్లు3. సికందర్‌ రజా(జింబాబ్వే)- 208 రేటింగ్‌ పాయింట్లు4. షకీబ్‌ అల్‌ హసన్‌(బంగ్లాదేశ్‌)- 206 రేటింగ్‌ పాయింట్లు5. వనిందు హసరంగ(శ్రీలంక)- 206 రేటింగ్‌ పాయింట్లు.చదవండి: నాకంటే నీకే బాగా తెలుసు కదా: కోహ్లికి షాకిచ్చిన గంభీర్‌!

ఐసీసీ టీ20 ర్యాకింగ్స్‌లో టీమిండియా స్టార్ ఆల్‌రౌండ‌ర్‌ హార్దిక్ పాండ్యా స‌త్తాచాటాడు. టీ20ల్లో నెం1 ఆల్‌రౌండ‌ర్‌గా హార్దిక్ పాండ్యా అవ‌త‌రించాడు. రెండు స్థానాలు ఎగబాకి శ్రీలంక కెప్టెన్ వనిందు హసరంగతో అగ్రస్థానాన్ని హార్దిక్‌ పంచుకున్నాడు.ప్రస్తుతం వీరిద్దరూ 222 రేటింగ్ పాయింట్లతో సమంగా ఉన్నారు. ఇటీవల ముగిసిన టీ20 వరల్డ్‌ కప్‌-2024లో హార్దిక్‌ పాండ్యా అద్భుతమైన ప్రదర్శన కనబరిచాడు. ఆల్‌రౌండ్‌ షోతో అదరగొట్టిన పాండ్యా.. భారత్‌ రెండో సారి టీ20 వరల్డ్‌ ఛాంపియన్స్‌గా నిలవడంలో కీలక పాత్ర పోషించాడు. దక్షిణాఫ్రికాతో జరిగిన ఫైనల్లోనూ పాండ్యా సంచలన ప్రదర్శన కనబరిచాడు. ప్రోటీస్‌ విధ్వంసకర బ్యాటర్లు హెన్రిచ్‌ క్లాసెన్‌, డేవిడ్‌ మిల్లర్‌ను ఔట్‌ చేసి భారత్‌ను విజేతగా నిలిపాడు. ఓవరాల్‌గా ఈ టోర్నీలో పాండ్యా 6 ఇన్నింగ్స్‌లలో 151.57 స్ట్రైక్ రేట్‌తో 144 పరుగులు చేశాడు. అటు బౌలింగ్‌లోనూ 11 వికెట్లు పడగొట్టాడు. ఇక టీ20 వరల్డ్‌కప్‌ సమయంలో ఆల్‌రౌండర్ల ర్యాంకింగ్స్‌లో అగ్రస్ధానంలో ఉన్న అఫ్గానిస్తాన్‌ ఆల్‌రౌండర్‌ మహ్మద్‌ నబీ ఏకంగా ఆరో స్థానానికి పడిపోయాడు. అదే విధంగా ఈ పొట్టి ప్రపంచకప్‌లో అదరగొట్టిన ఆసీస్‌ ఆల్‌రౌండర్‌ మార్కస్‌ స్టోయినిష్‌ ఒక్క స్ధానం ఎగబాకి మూడో ర్యాంక్‌కు చేరుకున్నాడు. ఇక జింబాబ్వే ఆల్‌రౌండర్‌ సికందర్ రజా, బంగ్లాదేశ్ ఆల్ రౌండర్‌ షకీబ్ అల్ హసన్ వరుసగా నాలుగు ఐదు స్ధానాల్లో నిలిచారు.

ఐసీసీ టీ20 ర్యాంకింగ్స్‌లో టీమిండియా స్టార్‌ బ్యాటర్‌ సూర్యకుమార్‌ యాదవ్‌ తన అగ్రస్థానం కోల్పోయాడు. దాదాపు ఏడాదిన్నర కాలంగా టాప్‌ ర్యాంకులో కొనసాగుతున్న ఈ ముంబై క్రికెటర్‌ రెండో స్థానానికి పడిపోయాడు.గత కొంతకాలంగా పొట్టి ఫార్మాట్‌లో నిలకడగా రాణిస్తున్న ఆస్ట్రేలియా విధ్వంసకర ఓపెనర్‌ ట్రవిస్‌ హెడ్‌ నంబర్‌ వన్‌ ర్యాంకు సాధించాడు. అయితే, ఈ ఇద్దరి మధ్య కేవలం రెండు రేటింగ్‌ పాయింట్ల తేడా మాత్రమే ఉండటం గమనార్హం.ఆరంభంలో తడ‘బ్యా’టు కాగా టీ20 ప్రపంచకప్‌-2024 టోర్నీ ఆరంభంలో సూర్యకుమార్‌ యాదవ్‌ పరుగులు రాబట్టలేక సతమతమయ్యాడు. ఆ తర్వాత అమెరికా(50 నాటౌట్‌), అఫ్గనిస్తాన్‌(28 బంతుల్లో 53) జట్లపై వరుసగా హాఫ్‌ సెంచరీలతో మెరిశాడు.ఇక వరల్డ్‌కప్‌ తాజా ఎడిషన్‌లో 33 ఏళ్ల ఈ ముంబై బ్యాటర్‌.. ఇప్పటి వరకు ఆరు ఇన్నింగ్స్‌లో కలిపి 139.25 స్ట్రైక్‌రేటుతో 149 పరుగులు చేశాడు.అద్భుత ప్రదర్శనమరోవైపు.. 30 ఏళ్ల ఎడమచేతి వాటం బ్యాటర్‌ ట్రవిస్‌ హెడ్‌ టీ20 ప్రపంచకప్‌-2024లో అద్భుత ప్రదర్శనతో ఆకట్టుకున్నాడు. సూపర్‌-8 మ్యాచ్‌లో టీమిండియాపై అర్థ శతకం(43 బంతుల్లో 76)తో దుమ్ములేపాడు. ఆడిన ఏడు ఇన్నింగ్స్‌లో కలిపి ఓవరాల్‌గా సగటు 42.50, స్ట్రైక్‌రేటు 158.38తో 255 పరుగులు సాధించాడు.ఇందులో మూడు హాఫ్‌ సెంచరీలు ఉన్నాయి. ఈ క్రమంలో హెడ్‌ ఐసీసీ ర్యాంకింగ్స్‌లో ఏకంగా నాలుగు స్థానాలు ఎగబాకి అగ్రపీఠం కైవసం చేసుకున్నాడు. ఇదిలా ఉంటే.. టీమిండియా ఈ టోర్నీలో సెమీస్‌ చేరగా.. ఆస్ట్రేలియా సూపర్‌-8 దశలోనే నిష్క్రమించింది.ఐసీసీ టీ20 బ్యాటింగ్‌ తాజా ర్యాంకింగ్స్‌- టాప్‌-5 బ్యాటర్లు వీరే1. ట్రవిస్‌ హెడ్‌(ఆస్ట్రేలియా)- 844 రేటింగ్‌ పాయింట్లు2. సూర్యకుమార్‌ యాదవ్‌(ఇండియా)- 842 రేటింగ్‌ పాయింట్లు3. ఫిల్‌ సాల్ట్‌(ఇంగ్లండ్‌)- 816 రేటింగ్‌ పాయింట్లు4. బాబర్‌ ఆజం(పాకిస్తాన్‌)- 755 రేటింగ్‌ పాయింట్లు5. మహ్మద్‌ రిజ్వాన్‌(పాకిస్తాన్‌)- 746 రేటింగ్‌ పాయింట్లు.

టీమిండియా ఆల్‌రౌండర్‌ అక్షర్‌ పటేల్‌ ఐసీసీ ర్యాంకింగ్స్‌లో దుమ్ములేపాడు. టీ20 మెన్స్‌ ర్యాంకింగ్స్‌ ఈ లెఫ్టార్మ్‌ స్పిన్నర్‌ ​తొలిసారిగా మూడో స్థానం సంపాదించాడు. బౌలర్ల జాబితాలో ఇంగ్లండ్‌ స్టార్‌ ఆదిల్‌ రషీద్‌, శ్రీలంక కీలక ఆటగాడు వనిందు హసరంగ తర్వాతి స్థానం ఆక్రమించాడు.వెస్టిండీస్‌ లెఫ్టార్మ్‌ స్పిన్నర్‌ అకీల్‌ హొసేన్‌ సౌతాఫ్రికాతో సిరీస్‌లో తేలిపోవడంతో ఐదు స్థానాలు దిగజారగా.. అతడి స్థానాన్ని అక్షర్‌ పటేల్‌ భర్తీ చేశాడు. ఇక టీమిండియా నుంచి మరో స్పిన్నర్‌ రవి బిష్ణోయి టాప్‌-5లో చోటు దక్కించుకోవడం విశేషం.ఐసీసీ టీ20 మెన్స్‌ తాజా బౌలింగ్‌ ర్యాంకింగ్స్‌ టాప్‌-51. ఆదిల్‌ రషీద్‌- ఇంగ్లండ్‌- 722 రేటింగ్‌ పాయింట్లు2. వనిందు హసరంగ- శ్రీలంక- 687 రేటింగ్‌ పాయింట్లు3. అక్షర్‌ పటేల్‌- ఇండియా- 660 రేటింగ్‌ పాయింట్లు4. మహీశ్‌ తీక్షణ- శ్రీలంక- 659 రేటింగ్‌ పాయింట్లు5. రవి బిష్ణోయి- ఇండియా- 659 రేటింగ్‌ పాయింట్లు.మనోడే మళ్లీ నంబర్‌ వన్‌ బౌలర్ల సంగతి ఇలా ఉంటే.. టీ20 బ్యాటర్ల జాబితాలో టీమిండియా స్టార్‌ సూర్యకుమార్‌ యాదవ్‌ తన అగ్రస్థానాన్ని నిలబెట్టుకున్నాడు. అదే విధంగా టాప్‌-6 ఆటగాళ్లంతా తమ తమ స్థానాల్లో కొనసాగుతుండగా.. ఇంగ్లంఢ్‌ సారథి జోస్‌ బట్లర్‌ ఒక ర్యాంకు మెరుగుపరచుకుని ఏడో స్థానానికి చేరుకున్నాడు.ఇక వెస్టిండీస్‌ స్టార్‌ బ్రాండన్‌ కింగ్‌ ఏకంగా ఐదుస్థానాలు ఎగబాకి ఎనిమిదో ర్యాంకు సాధించాడు.ఐసీసీ మెన్స్‌ టీ20 తాజా బ్యాటింగ్‌ ర్యాంకింగ్స్‌ టాప్‌-51. సూర్యకుమార్‌ యాదవ్‌- ఇండియా- 861 పాయింట్లు2. ఫిల్‌ సాల్ట్‌- ఇంగ్లండ్‌- 788 పాయింట్లు3. మహ్మద్‌ రిజ్వాన్‌- పాకిస్తాన్‌- 769 పాయింట్లు4. బాబర్‌ ఆజం- పాకిస్తాన్‌- 761 పాయింట్లు5. ఐడెన్‌ మార్క్రమ్‌- సౌతాఫ్రికా- 733 పాయింట్లు.చదవండి: Hardik-Natasa: ఇక్కడ బాగుంది.. హార్దిక్‌ పాండ్యా పోస్ట్‌ వైరల్‌

ఐసీసీ తాజాగా (భారత్‌-ఆఫ్ఘనిస్తాన్‌ మూడో టీ20 అనంతరం) విడుదల చేసిన టీ20 ర్యాంకింగ్స్‌లో టీమిండియా ఆటగాళ్లు​ సత్తా చాటారు. బ్యాటింగ్‌లో యశస్వి జైస్వాల్‌, బౌలింగ్‌లో అక్షర్‌ పటేల్‌ టాప్‌-10లోకి దూసుకొచ్చారు. ఆఫ్ఘనిస్తాన్‌తో రెండో టీ20లో మెరుపు ఇన్నింగ్స్‌తో విజృంభించిన యశస్వి.. ఏడు స్థానాలు మెరుగుపర్చుకుని ఆరో స్థానానికి ఎగబాకగా.. ఇదే సిరీస్‌లో విశేషంగా రాణించిన అక్షర్‌ పటేల్‌ ఏకంగా 12 స్థానాలు ఎగబాకి ఐదో ప్లేస్‌కు చేరుకున్నాడు. ఆఫ్ఘనిస్తాన్‌ సిరీస్‌లో ఆడనప్పటికీ  సూర్యకుమార్‌ యాదవ్‌ టాప్‌ ప్లేస్‌ను కాపాడుకోగా.. ఆఫ్ఘన్‌ సిరీస్‌కు దూరమైన రుతురాజ్‌ ఓ స్థానం కోల్పోయి తొమ్మిదో ప్లేస్‌కు పడిపోయాడు. ఈ జాబితాలో ఫిలప్‌ సాల్ట్‌, మొహమ్మద్‌ రిజ్వాన్‌, బాబర్‌ ఆజమ్‌, ఎయిడెన్‌ మార్క్రమ్‌ రెండు నుంచి ఐదు స్థానాల్లో ఉన్నారు.  బౌలింగ్‌ విషయానికొస్తే.. ర్యాంకింగ్స్‌లో అక్షర్‌ పటేల్‌ ఎఫెక్ట్‌ సహచర బౌలర్‌ రవి భిష్ణోయ్‌పై పడింది. తాజా ర్యాంకింగ్స్‌లో బిష్ణోయ్‌ ఏకంగా నాలుగు స్థానాలు దిగజారి ఆరో ప్లేస్‌కు పడిపోయాడు. జింబాబ్వే సిరీస్‌లో రాణించిన లంక బౌలర్లు హసరంగ, తీక్షణ ఒకటి, రెండు స్థానాలు మెరుగుపర్చుకుని సంయుక్తంగా మూడో స్థానానికి ఎగబాకారు.  ఆదిల్‌ రషీద్‌ అగ్రస్థానంలో కొనసాగుతుండగా.. అకీల్‌ హొసేన్‌ ఓ స్థానం మెరుగుపర్చుకుని రెండో ప్లేస్‌కు చేరాడు.  ఇదిలా ఉంటే, ఆఫ్ఘనిస్తాన్‌తో నిన్న ముగిసిన టీ20 సిరీస్‌ను టీమిండియా 3-0 తేడాతో క్లీన్‌ స్వీప్‌ చేసింది. రసవత్తరంగా సాగిన నిన్నటి సమరంలో భారత్‌ రెండో సూపర్‌ ఓవర్‌లో విజయం సాధించింది. తొలుత రోహిత్‌ శర్మ మెరుపు శతకంతో విరుచుకుపడటంతో భారత్‌ 212 పరుగులు చేయగా.. ఛేదనలో ఆఫ్ఘనిస్తాన్‌ కూడా అంతే స్కోర్‌ చేసింది. దీంతో మ్యాచ్‌ టై అయ్యి సూపర్‌ ఓవర్‌కు దారి తీసింది. సూపర్‌ ఓవర్‌లో సైతం మరోసారి స్కోర్లు సమం కావడంతో రెండో సూపర్‌ ఓవర్‌ అనివార్యమైంది. ఈ సూపర్‌ ఓవర్‌లో భారత్‌ ఎట్టకేలకు విజయం సాధించింది.

ICC T20I Rankings: Ravi Bishnoi Top Spot in Bowling Charts: రవి బిష్ణోయి.. టీమిండియా యువ స్పిన్‌ సంచలనం.. అంతర్జాతీయ క్రికెట్‌లో అడుగుపెట్టిన ఏడాది కాలంలోనే పొట్టి ఫార్మాట్లో నంబర్‌ వన్‌ బౌలర్‌గా ఎదిగాడు. అడపాదడపా వచ్చిన అవకాశాలను పూర్తిగా సద్వినియోగం చేసుకుంటూ ఐసీసీ టీ20 ర్యాంకింగ్స్‌లో అగ్రస్థానం సంపాదించాడు. రాజస్తాన్‌లోని జోధ్‌పూర్‌లో 2000వ సంవత్సరంలో సెప్టెంబరు 5న జన్మించాడు రవి. క్రికెటర్‌ కావాలన్న కలతో చిన్ననాటి నుంచే కఠోర శ్రమకోర్చిన అతడు.. లెగ్‌ బ్రేక్‌ స్పిన్నర్‌గా ఎదిగాడు. దేశవాళీ క్రికెట్‌లో తొలుత రాజస్తాన్‌కు ఆడిన రవి బిష్ణోయి.. ఇటీవలే గుజరాత్‌ జట్టుకు మారాడు. ఇక ఎంతో మంది యువ క్రికెటర్ల మాదిరిగానే రవి బిష్ణోయి కూడా అండర్‌-19 క్రికెట్‌ వరల్డ్‌కప్‌ ద్వారా తొలుత వెలుగులోకి వచ్చాడు. సౌతాఫ్రికాలో 2020లో జరిగిన ఈ ఐసీసీ టోర్నీలో మొత్తంగా 17 వికెట్లతో సత్తా చాటి ఇండియన్‌ ప్రీమియర్‌ లీగ్‌ ఫ్రాంఛైజీల దృష్టిలో పడ్డాడు. ఈ క్రమంలో ఐపీఎల్‌-2020 సీజన్‌లో పంజాబ్‌ కింగ్స్‌ ద్వారా అరంగేట్రం చేసిన అతడు.. తొలి మ్యాచ్‌లో ఢిల్లీ క్యాపిటల్స్‌పై ఒక వికెట్‌ సాధించాడు. ఆ తర్వాత 2022లో లక్నో సూపర్‌జెయింట్స్‌కు మారిన రవి బిష్ణోయి.. ఆ సీజన్‌లో మొత్తంగా 14 మ్యాచ్‌లు ఆడి 13 వికెట్లు పడగొట్టాడు. ఈ క్రమంలో టీమిండియా సెలక్టర్ల దృష్టిని ఆకర్షించిన ఈ రైటార్మ్‌ స్పిన్నర్‌.. వెస్టిండీస్‌తో టీ20 సిరీస్‌కు ఎంపికయ్యాడు. కోల్‌కతాలోని ప్రఖ్యాత ఈడెన్‌ గార్డెన్స్‌ వేదికగా 2022లో అంతర్జాతీయ క్రికెట్‌లో అరంగేట్రం చేసిన రవి బిష్ణోయి.. తొలి మ్యాచ్‌లోనే రెండు వికెట్లు పడగొట్టి సత్తా చాటాడు. ఆ తర్వాత వచ్చిన ప్రతి అవకాశాన్ని సద్వినియోగం చేసుకున్న రవి.. సౌతాఫ్రికాతో సిరీస్‌ సందర్భంగా వన్డేల్లో ఎంట్రీ ఇచ్చాడు. ఈ క్రమంలో ఇప్పటి వరకు మొత్తంగా టీమిండియా తరఫున 21 టీ20లు ఆడిన రవి బిష్ణోయి.. 34 వికెట్లు తీశాడు. అతడి అత్యుత్తమ గణాంకాలు 4/16. ఇక ఆడిన ఏకైక వన్డేలోనూ ఒక వికెట్‌ తన ఖాతాలో వేసుకున్నాడు 23 ఏళ్ల రవి.  ఇటీవల ఆస్ట్రేలియాతో స్వదేశంలో ఐదు మ్యాచ్‌ల టీ20 సిరీస్‌ సందర్భంగా.. రవి బిష్ణోయి మొత్తంగా తొమ్మిది వికెట్లు పడగొట్టాడు. తద్వారా తాజా ఐసీసీ టీ20 బౌలింగ్‌ ర్యాంకింగ్స్‌లో అఫ్గనిస్తాన్‌ స్పిన్నర్‌ రషీద్‌ ఖాన్‌ను వెనక్కినెట్టి అగ్రస్థానం ఆక్రమించాడు. ఆసీస్‌తో సిరీస్‌ను టీమిండియా 4-1తో గెలవడంలో తన వంతు పాత్ర పోషించి ప్లేయర్‌ ఆఫ్‌ ది సిరీస్‌గా నిలవడంతో పాటు.. ప్రపంచ నంబర్‌ వన్‌ బౌలర్‌గానూ అవతరించాడు రవి. నిలకడైనా ఆట తీరుతో అంతర్జాతీయ క్రికెట్‌లో అడుగుపెట్టిన ఏడాది కాలంలోనే టాప్‌ బౌలర్‌గా నిలిచాడు. టీ20 వరల్డ్‌కప్‌-2024కు ముందు ఈ మేరకు అద్భుత ప్రదర్శనతో టీమిండియాలో తన స్థానం దాదాపుగా ఖాయం చేసుకున్నాడు. తద్వారా వెటరన్‌ స్పిన్నర్‌ యజువేంద్ర చహల్‌ ప్రపంచకప్‌ ఆశలకు పరోక్షంగా గండికొట్టాడు. రవీంద్ర జడేజా, రవిచంద్రన్‌ అశ్విన్‌, యజువేంద్ర చహల్‌, అక్షర్‌ పటేల్‌ల రూపంలో గట్టి పోటీ ఎదుర్కొని..  ఈ స్థాయికి చేరుకున్నాడు. ఐసీసీ తాజా టీ20 ర్యాంకింగ్స్‌- టాప్‌-5 బౌలర్లు వీరే ►రవి బిష్ణోయి(ఇండియా)- 699 రేటింగ్‌ పాయింట్లు ►రషీద్‌ ఖాన్‌(అఫ్గనిస్తాన్‌)- 692 రేటింగ్‌ పాయింట్లు ►వనిందు హసరంగ(శ్రీలంక)- 679 రేటింగ్‌ పాయింట్లు ►ఆదిల్‌ రషీద్‌ (ఇంగ్లండ్‌)- 679 రేటింగ్‌ పాయింట్లు ►మహీశ్‌ తీక్షణ(శ్రీలంక)- 677 రేటింగ్‌ పాయింట్లు. చదవండి: నువ్వే నా ప్రపంచం.. నా సర్వస్వం: బుమ్రా భార్య భావోద్వేగ పోస్ట్‌ A thrilling finish to an action-packed T20I series 👏👏#TeamIndia | #INDvAUS | @IDFCFIRSTBank pic.twitter.com/Cu9BjqojQK — BCCI (@BCCI) December 3, 2023

ఐసీసీ ఇవాళ (మే 2) విడుదల చేసిన వార్షిక టీమ్‌ ర్యాంకింగ్స్‌లో టీమిండియా హవా నడిచింది. టెస్ట్‌ల్లో ఆస్ట్రేలియాను కిందకు దించి అగ్రపీఠాన్ని అధిరోహించిన భారత జట్టు.. టీ20 ర్యాంకింగ్స్‌లో మరో రెండు పాయింట్లు పెంచుకుని (267) అగ్రస్థానాన్ని మరింత పదిలం చేసుకుంది. దీంతో జగజ్జేత, టీ20 వరల్డ్‌ ఛాంపియన్‌ ఇంగ్లండ్‌ (259) కూడా భారత్‌ తర్వాతి స్థానానికే పరిమితమైంది. టీమిండియాకు ఇంగ్లండ్‌కు మధ్య 8 పాయింట్ల వ్యత్యాసం ఉంది.   వార్షిక ర్యాంకింగ్స్‌లో భారత్‌ (267), ఇంగ్లండ్‌ (259) తర్వాత న్యూజిలాండ్‌ (256), పాకిస్థాన్‌ (254), సౌతాఫ్రికా (253), ఆస్ట్రేలియా (248), వెస్టిండీస్‌ (238), శ్రీలంక (237), బంగ్లాదేశ్‌ (222), ఆఫ్ఘనిస్థాన్‌ (219) వరుసగా 3 నుంచి 10 స్థానాల్లో నిలిచాయి.  కాగా, వార్షిక ర్యాంకింగ్‌లకు ఇప్పటివరకు జరిగిన సిరీస్‌లతో పాటు 2020 మే- 2022 మే మధ్యలో జరిగిన సిరీస్‌లను కూడా పరిగణనలోకి తీసుకుంటారు. 20-22 మధ్యలో పూర్తైన సిరీస్‌లకు 50 శాతం, ఆతర్వాత జరిగిన సిరీస్‌లకు 100 శాతం పాయింట్లు కేటాయిస్తారు. 2020 మే తర్వాత టీ20ల్లో టీమిండియాకు ఘనమైన రికార్డు ఉంది. రోహిత్‌ సేన ఈ మధ్యకాలంలో ఆడిన ఒకే ఒక ద్వైపాక్షిక సిరీస్‌లో (శ్రీలంక చేతిలో) మాత్రమే ఓడింది. 2022లో సౌతాఫ్రికాతో జరిగిన ఓ సిరీస్‌ డ్రా కాగా.. మిగితా 13 సిరీస్‌ల్లో భారత్‌ జయకేతనం ఎగురవేసింది. తాజాగా విడుదల చేసిన ర్యాంకింగ్స్‌లో న్యూజిలాండ్‌ జట్టు రెండు స్థానాలు మెరుగుపర్చుకుని 5 నుంచి మూడో స్థానానికి చేరుకుంది.   

ICC T20 Rankings: భారత స్టార్‌ బ్యాటర్‌ సూర్యకుమార్‌ యాదవ్‌ అంతర్జాతీయ క్రికెట్‌ కౌన్సిల్‌ టి20 ర్యాంకింగ్స్‌లో నంబర్‌వన్‌ స్థానంలో కొనసాగుతున్నాడు. గత ఏడాది నవంబర్‌ 2న సూర్య టాప్‌ ర్యాంక్‌లోకి దూసుకొచ్చాడు. బుధవారం (ఏప్రిల్‌ 26) విడుదల చేసిన తాజా ర్యాంకింగ్స్‌లో సూర్య 906 రేటింగ్‌ పాయింట్లతో అగ్ర స్థానంలోనే ఉన్నాడు. రిజ్వాన్‌ (811 పాయింట్లు) రెండో ర్యాంక్‌లో, బాబర్‌ ఆజమ్‌ (756 పాయింట్లు) మూడో ర్యాంక్‌లో కొనసాగుతున్నారు.  చదవండి: Hardik Pandya: కెప్టెన్‌ అన్న అహంకారంతో విర్రవీగుతున్నాడు, తీసేయండి..! బాబర్‌ ఆజమ్‌ శతక్కొట్టినా, సూర్యకుమార్‌ను కదిలించలేకపోయాడు.. స్వదేశంలో న్యూజిలాండ్‌తో జరిగిన టీ20 మ్యాచ్‌లో (5 మ్యాచ్‌ల సిరీస్‌లో భాగంగా జరిగిన రెండో టీ20) సూపర్‌ సెంచరీతో (58 బంతుల్లో 101) చెలరేగిన పాక్‌ కెప్టెన్‌ బాబర్‌ ఆజమ్‌ తాజాగా విడుదల చేసిన టీ20 ర్యాంకింగ్స్‌లో మాత్రం ప్రభావం చూపించలేకపోయాడు. బాబర్‌ శతక్కొట్టినా అతని ర్యాంకింగ్‌లో ఎలాంటి మార్పు లేదు. అతను ఇంకా మూడో స్థానంలో కొనసాగుతున్నాడు. ఇదే సిరీస్‌ మహ్మద్‌ రిజ్వాన్‌ కూడా రెండు హాఫ్‌ సెంచరీలు చేసినప్పటికీ అతని ర్యాంక్‌ కూడా మారలేదు. అతను రెండో ర్యాంక్‌లోనే కొనసాగుతున్నాడు.   చదవండి: Rahane: ఇప్పుడేం చూశారు.. ముందుంది ముసళ్ల పండుగ, సినిమా చూపిస్తా..!

టీమిండియా స్టార్‌ సూర్యకుమార్‌ యాదవ్‌ టి20 బ్యాటింగ్‌ ర్యాంకింగ్స్‌లో నెంబర్‌వన్‌ స్థానాన్ని నిలుపుకున్నాడు. బుధవారం ఐసీసీ టి20 ర్యాంకింగ్స్‌ను విడుదల చేసింది. ఈ నేపథ్యంలో బ్యాటింగ్‌ విభాగంలో సూర్యకుమార్‌ 906 రేటింగ్‌ పాయింట్లతో అగ్రస్థానాన్ని కాపాడుకున్నాడు. తర్వాతి స్థానంలో పాకిస్తాన్‌ వికెట్‌ కీపర్‌ మహ్మద్‌ రిజ్వాన్‌(811 పాయింట్లు) ఉన్నాడు. ఇక మూడో స్థానంలో పాక్‌ కెప్టెన్‌ బాబర్‌ ఆజం(755 పాయింట్లు), సౌతాఫ్రికా స్టార్‌ ఐడెన్‌ మార్క్రమ్‌ 748 పాయింట్లతో నాలుగో స్థానంలో ఉండగా.. 745 పాయింట్లతో న్యూజిలాండ్‌ బ్యాటర్‌ డెవాన్‌ కాన్వే ఐదో స్థానంలో ఉన్నాడు. ఇక కోహ్లి 15వ స్థానంలో ఉండగా.. మిగతా టీమిండియా బ్యాటర్లు ఎవరు టాప్‌-20లో చోటు దక్కించుకోలేకపోయారు. అయితే ఇటీవలే ప్రారంభమైన ఐపీఎల్‌ 16వ సీజన్‌లోనూ సూర్యకుమార్‌ తన పేలవ ఫామ్‌ను కొనసాగిస్తున్నాడు. మూడు మ్యాచ్‌ల్లో వరుసగా 12,1,0 పరుగులు చేశాడు. ఇందులో ఒక గోల్డెన్‌ డక్‌ కూడా ఉంది. అయితే సూర్య నెంబర్‌వన్‌ స్థానంలో కొనసాగాడానికి మ్యాచ్‌లు అంతర్జాతీయంగా మ్యాచ్‌లు జరగకపోవడమే. ఇక పాకిస్తాన్‌, న్యూజిలాండ్‌ మధ్య ప్రారంభమవనున్న ఐదు మ్యాచ్‌ల టి20 సిరీస్‌తో ర్యాంకింగ్స్‌లో మార్పులు చోటుచేసుకునే అవకాశం ఉంది. సూర్య వెనకాలే ఉన్న మహ్మద​ రిజ్వాన్‌, బాబర్‌ ఆజంలు సిరీస్‌లో రాణిస్తే సూర్యను దాటే చాన్స్‌ ఉంది. ఇక బౌలింగ్‌ విభాగంలో అఫ్గానిస్తాన్‌ స్టార్‌ స్పిన్నర్‌ రషీద్‌ ఖాన్‌ తొలి స్థానంలో ఉండగా.. ఫజల్లా ఫరుకీ రెండు, జోష్‌ హాజిల్‌వుడ్‌ మూడు, వనిందు హసరంగా నాలుగో స్థానంలో ఉన్నాడు. టీమిండియా నుంచి ఒక్క బౌలర్‌ కూడా టాప్‌-10లో చోటు దక్కించుకోవడం గమనార్హం. చదవండి: మైదానంలోనే కాదు.. డ్రెస్సింగ్‌రూమ్‌లోనూ మనోడే హీరో!

ICC T20I Bowling Rankings: ఐసీసీ టీ20 ర్యాంకింగ్స్‌లో అఫ్గనిస్తాన్‌ బౌలర్‌ రషీద్‌ ఖాన్‌ సత్తా చాటాడు. పాకిస్తాన్‌తో టీ20 సిరీస్‌లో అదరగొట్టిన ఈ లెగ్‌ స్పిన్నర్‌ మరోసారి అగ్రస్థానానికి చేరుకున్నాడు. శ్రీలంక స్పిన్నర్‌ వనిందు హసరంగను వెనక్కినెట్టి మొదటి ర్యాంకు సాధించాడు. టీ20 ఫార్మాట్‌లో 2018లో తొలిసారి అగ్రపీఠాన్ని అధిరోహించిన రషీద్‌ ఖాన్‌.. మరోసారి వరల్డ్‌ నంబర్‌ 1గా నిలిచాడు. కాగా షార్జా వేదికగా పాకిస్తాన్‌తో జరిగిన టీ20 సిరీస్‌లో రషీద్‌ ఖాన్‌ పొదుపుగా బౌలింగ్‌ చేశాడు. మూడు మ్యాచ్‌ల సిరీస్‌లో భాగంగా.. తొలి టీ20లో ఒక వికెట్‌ తీసిన ఈ అఫ్గన్‌ సారథి.. రెండో మ్యాచ్‌లోనూ ఒక వికెట్‌ పడగొట్టాడు. ఆఖరిదైన మూడో టీ20లోనూ ఒక వికెట్‌తో మెరిశాడు.  టాప్‌-3లో ఇద్దరు.. ఈ క్రమంలో 710 రేటింగ్‌ పాయింట్లతో హసరంగను అధిగమించి ప్రథమ స్థానాన్ని ఆక్రమించాడు. అఫ్గన్‌కు చెందిన పేసర్‌ ఫజల్‌హక్‌ ఫారూకీ మూడో స్థానంలోకి దూసుకువచ్చాడు. పాక్‌తో సిరీస్‌లో 5 వికెట్లతో చెలరేగిన అతడు టాప్‌-5లో అడుగుపెట్టాడు. దీంతో ఐపీఎల్‌-2023కి ముందు మంచి బూస్టప్‌ లభించిందంటూ సన్‌రైజర్స్‌ హైదరాబాద్‌ ఫ్యాన్స్‌ ఖుషీ అవుతున్నారు. కాగా ఈ సీజన్‌లో ఫారూకీ ఎస్‌ఆర్‌హెచ్‌కు ప్రాతినిథ్యం వహించనున్నాడు. ఇక మిస్టరీ స్పిన్నర్‌ ముజీబ్‌ ఉర్‌ రెహ్మాన్‌ ఎనిమిదో ర్యాంకుకు ఎగబాకాడు. ఇదిలా ఉంటే.. పాకిస్తాన్‌తో టీ20 సిరీస్‌ను 2-1తో గెలిచిన రషీద్‌ బృందం చరిత్ర సృష్టించిన విషయం తెలిసిందే.  ఐసీసీ టీ20 బౌలింగ్‌ తాజా ర్యాంకింగ్స్‌ 1. రషీద్‌ ఖాన్‌- అఫ్గనిస్తాన్‌- 710 పాయింట్లు 2. వనిందు హసరంగ- శ్రీలంక- 695 పాయింట్లు 3. ఫజల్‌హక్‌ ఫారూకీ- అఫ్గనిస్తాన్‌- 692 పాయింట్లు 4. జోష్‌ హాజిల్‌వుడ్‌- ఆస్ట్రేలియా- 690 పాయింట్లు 5. ఆదిల్‌ రషీద్‌- ఇంగ్లండ్‌- 684 పాయింట్లు View this post on Instagram A post shared by SunRisers Hyderabad (@sunrisershyd)

ఐసీసీ తాజాగా (ఫిబ్రవరి 8) విడుదల చేసిన టీ20 ర్యాంకింగ్స్‌లో టీమిండియా ఆటగాళ్లు సత్తా చాటారు. న్యూజిలాండ్‌పై సిరీస్‌ విక్టరీ (2-1) సాధించడంతో భారత ఆటగాళ్ల ర్యాంక్‌లు అమాంతం పెరిగిపోయాయి. యువ సంచలనం శుభ్‌మన్‌ గిల్‌ ఏకంగా 168 స్థానాలు ఎగబాకి 30 స్థానానికి చేరుకోగా.. ఆల్‌రౌండర్ల విభాగంలో హార్ధిక్‌ పాండ్యా అగ్రస్థానానికి అతి చేరువలో రెండో స్థానంలో ఉన్నాడు. కివీస్‌తో సిరీస్‌లో పర్వాలేదనిపించిన అర్షదీప్‌ సింగ్‌ 8 స్థానాలు ఎగబాకి 13వ స్థానానికి చేరుకున్నాడు. టీమిండియా విధ్వంసకర ఆటగాడు, మిస్టర్‌ 360 డిగ్రీస్‌ ప్లేయర్‌ సూర్యకుమార్‌ యాదవ్‌ బ్యాటింగ్‌ విభాగంలో అగ్రస్థానంలో కొనసాగుతుండగా.. బౌలింగ్‌లో రషీద్‌ ఖాన్‌, ఆల్‌రౌండర్ల విభాగంలో షకీబ్‌ అల్‌ హసన్‌ టాప్‌ ర్యాంక్‌ల్లో కొనసాగుతున్నారు. బ్యాటింగ్‌ విభాగంలో టీమిండియా ఆటగాళ్లు విరాట్‌ కోహ్లి ఒక స్థానం దిగజారగా (14 నుంచి 15), కేఎల్‌ రాహుల్‌ 2 స్థానాలు దిగజారి 27కు, కెప్టెన్‌ రోహిత్‌ శర్మ ఒక స్థానం దిగజారి 28 నుంచి 29 స్థానానికి చేరుకున్నాడు. టాప్‌ 30లో మొత్తంగా ఐదుగురు టీమిండియా ఆటగాళ్లు ఉన్నారు. సూర్యకుమార్‌ తర్వాత మహ్మద్‌ రిజ్వాన్‌, బాబర్‌ ఆజమ్‌, డెవాన్‌ కాన్డే, డేవిడ్‌ మలాన్‌, రిలీ రొస్సో, ఆరోన్‌ ఫించ్‌ గ్లెన్‌ ఫిలిప్స్‌, అలెక్స్‌ హేల్స్‌ టాప్‌-10లో ఉన్నారు.  బౌలింగ్‌ కేటగిరి టాప్‌-30లో నలుగురు టీమిండియా ఆటగాళ్లు ఉన్నారు. అర్షదీప్‌ 13, భువనేశ్వర్‌ కుమార్‌ 21, అశ్విన్‌ 29, అక్షర్‌ పటేల్‌ 30వ స్థానంలో నిలిచారు. రషీద్‌ తర్వాత వనిందు హసరంగ, ఆదిల్‌ రషీద్‌, జోష్‌ హేజిల్‌వుడ్‌, సామ్‌ కర్రన్‌, తబ్రేజ్‌ షంషి, ఆడమ్‌ జంపా, ముజీబుర్‌ రెహ్మాన్‌, అన్రిచ్‌ నోర్జే, మిచెల్‌ సాంట్నర్‌ టాప్‌-10లో ఉన్నారు. ఆల్‌రౌండర్ల విభాగంలో షకీబ్‌, హార్ధిక్‌ తర్వాత మహ్మద్‌ నబీ, హసరంగ, జెజె స్మిట్‌, సికందర్‌ రజా, డేవిడ్‌ వీస్‌, స్టొయినిస్‌, మొయిన్‌ అలీ, మ్యాక్స్‌వెల్‌ టాప్‌-10లో ఉన్నారు. ఇదిలా ఉంటే, టీమిండియా ఆటగాడు సూర్యకుమార్‌ యాదవ్‌ ఆల్‌టైమ్‌ బెస్ట్‌ రేటింగ్‌ పాయింట్లు సాధించడానికి మరో 9 పాయింట్లు దూరంలో ఉన్నాడు. ప్రస్తుతం​ స్కై ఖాతాలో 906 పాయింట్లు, ఉండగా ఆల్‌టైమ్‌ బెస్ట్‌ రేటింగ్‌ పాయింట్లు డేవిడ్‌ మలాన్‌ పేరిట ఉన్నాయి. మలాన్‌ 2020లో 915 రేటింగ్‌ పాయింట్లు సాధించాడు. ఇక ఆల్‌రౌండర్ల విభాగంలో హార్ధిక్‌ పాండ్యా అగ్రస్థానానికి చేరుకునేందుకు మరో 2 రేటింగ్‌ పాయింట్ల దూరంలో ఉన్నాడు.  

దుబాయ్‌: అంతర్జాతీయ క్రికెట్‌ మండలి (ఐసీసీ) మహిళల టి20 బౌలర్ల ర్యాంకింగ్స్‌లో భారత ప్లేయర్‌ స్నేహ్‌ రాణా తన కెరీర్‌ బెస్ట్‌ ర్యాంక్‌ను అందుకుంది. దక్షిణాఫ్రికాతో జరిగిన ముక్కోణపు టోర్నీ ఫైనల్లో రెండు వికెట్లు పడగొట్టిన స్నేహ్‌ నాలుగు స్థానాలు ఎగబాకి ఆరో ర్యాంక్‌లో నిలిచింది. భారత్‌కే చెందిన దీప్తి శర్మ, రేణుక సింగ్‌ ఒక్కో స్థానం పడిపోయి వరుసగా మూడు, ఎనిమిది ర్యాంకుల్లో నిలిచారు. ఇక ఇంగ్లండ్‌కు చెందిన సోఫీ ఎక్కిల్‌స్టోన్‌ 763 పాయింట్లతో తొలి స్థానంలో ఉండగా.. సౌతాఫ్రికాకు చెందిన నొన్‌కులుకో లాబా 753 పాయింట్లతో రెండో స్థానంలో ఉంది. బ్యాటర్ల ర్యాంకింగ్స్‌లో స్మృతి మంధాన మూడో స్థానంలో, షఫాలీ వర్మ ఎనిమిదో స్థానంలో కొనసాగుతున్నారు. ఇక టాప్‌లో ఆస్ట్రేలియాకు చెందిన తాహిలా మెక్‌గ్రాత్‌ 803 పాయింట్లతో కొనసాగుతుంది. టి20 ర్యాంకింగ్స్‌లో తాహిలా 800 పాయింట్లు అందుకోవడం ఇదే తొలిసారి.ఇంతకముందు చార్లెట్‌ ఎడ్‌వర్డ్స్‌ జూన్‌ 2009లో 843 పాయింట్లతో కెరీర్‌ బెస్ట్‌ రేటింగ్‌ పాయింట్లు అందుకుంది. చదవండి: డబ్ల్యూపీఎల్‌ వేలం.. బరిలో 409 మంది 

ICC Men's T20I Batting Rankings- Suryakumar Yadav: పొట్టి ఫార్మాట్‌లో టీమిండియా స్టార్‌ సూర్యకుమార్‌ యాదవ్‌ హవా కొనసాగుతోంది. ఐసీసీ టీ20 ర్యాంకింగ్స్‌లోనూ అగ్రస్థానాన్ని నిలబెట్టుకున్న మిస్టర్‌ 360.. ఇంగ్లండ్‌ బ్యాటర్‌ డేవిడ్‌ మలన్‌ అరుదైన రికార్డుపై కన్నేశాడు. కాగా న్యూజిలాండ్‌తో స్వదేశంలో న్యూజిలాండ్‌తో జరుగుతున్న టీ20 సిరీస్‌తో సూర్య బిజీగా ఉన్న విషయం తెలిసిందే. రాంచీ మ్యాచ్‌తో.. ఈ క్రమంలో రాంచిలో జరిగిన తొలి మ్యాచ్‌లో 34 బంతుల్లో 47 పరుగులు చేసిన సూర్యకుమార్‌ యాదవ్‌.. 910 రేటింగ్‌ పాయింట్లు సాధించి సత్తా చాటాడు. అయితే, రెండో టీ20లో 31 బంతుల్లో 26 పరుగులు చేసి ఆఖరి వరకు అజేయంగా నిలిచాడు. ఈ నేపథ్యంలో రెండు పాయింట్లు కోల్పోయి 908 రేటింగ్‌ పాయింట్ల వద్ద నిలిచిపోయాడు. మలన్‌ ఆల్‌టైం రికార్డు అయితే, అహ్మదాబాద్‌లో ఆఖరిదైన మూడో టీ20లో ఈ ముంబైకర్‌ బ్యాట్‌ ఝులిపిస్తే గనుక కెరీర్‌ బెస్ట్‌ రేటింగ్‌ అందుకునే అవకాశం ఉంది. కాగా 2020లో ఇంగ్లండ్‌ బ్యాటర్‌ డేవిడ్‌ మలన్‌ 915 పాయింట్లతో టీ20 ర్యాంకింగ్స్‌లో సత్తా చాటాడు. పాయింట్ల రికార్డు విషయంలో సూర్య ప్రస్తుతం మలన్‌ తర్వాతి స్థానంలో కొనసాగుతున్నాడు.  ఇక టీ20 ఫార్మాట్‌లో దుమ్మురేపుతున్న సూర్యకుమార్‌ యాదవ్‌.. ఐసీసీ టీ20 క్రికెటర్‌ ఆఫ్‌ ది ఇయర్‌ అవార్డుకు ఎంపికైన విషయం తెలిసిందే. ఇదిలా ఉంటే టీమిండియాతో సిరీస్‌లో సత్తా చాటిన కివీస్‌ ఓపెనర్‌ ఫిన్‌ అలెన్‌.. ఎనిమిది స్థానాలు ఎగబాకి 19వ ర్యాంకుకు చేరుకున్నాడు. అదే విధంగా డారిల్‌ మిచెల్‌ తొమ్మిది స్థానాలు మెరుగుపరచుకుని 29వ స్థానంలో నిలిచాడు. ఐసీసీ టీ20 బ్యాటింగ్‌ ర్యాంకింగ్స్‌- టాప్‌-5లో ఉన్నది వీళ్లే 1.సూర్యకుమార్‌ యాదవ్‌(908 పాయింట్లు)- ఇండియా 2. మహ్మద్‌ రిజ్వాన్‌ (836)- పాకిస్తాన్‌ 3. డెవాన్‌ కాన్వే(788)- న్యూజిలాండ్‌ 4. బాబర్‌ ఆజం(778)- పాకిస్తాన్‌ 5. ఎయిడెన్‌ మార్కరమ్‌(748)- సౌతాఫ్రికా చదవండి: Hanuma Vihari: శభాష్‌ విహారి.. నీ పోరాటానికి సలాం, మణికట్టు గాయమైనా ఒంటి చేత్తో వీరోచిత పోరాటం Prithvi Shaw: పృథ్వీ షాకు నో ఛాన్స్‌! ఓపెనర్లుగా గిల్‌- ఇషాన్‌ జోడీనే.. ఎందుకంటే.. Ind Vs NZ: ఏదైతేనేం.. హార్దిక్‌ అలా! సూర్య ఇలా!... ఎన్నో మార్పులు.. భావోద్వేగానికి లోనైన ‘స్కై’

అంతర్జాతీయ క్రికెట్‌ మండలి (ఐసీసీ) మహిళల టి20 బౌలర్ల ర్యాంకింగ్స్‌లో భారత ఆల్‌రౌండర్‌ దీప్తి శర్మ మూడో ర్యాంక్‌ నుంచి రెండో ర్యాంక్‌కు చేరుకుంది. దక్షిణాఫ్రికాలో జరుగుతున్న ముక్కోణపు టి20 టోర్నీలో దీప్తి 9 వికెట్లు పడగొట్టింది. అగ్రస్థానంలో ఉన్న సోఫీ ఎకిల్‌స్టోన్‌ (ఇంగ్లండ్‌)కు దీప్తికి కేవలం 26 రేటింగ్‌ పాయింట్ల వ్యత్యాసమే ఉంది. రేపు దక్షిణాఫ్రికాతో జరిగే ఫైనల్లో భారత స్పిన్నర్‌ తన జోరు కొనసాగిస్తే టాప్‌ ర్యాంక్‌ సాకారమయ్యే చాన్స్‌ ఉంది. టాప్‌–10లో మరో ఇద్దరు భారత బౌలర్లు రేణుక (7వ), స్నేహ్‌ రాణా (10వ) ఉన్నారు.   చదవండి: భారత పర్యటనలో ‘వార్మప్‌’ ఆడకపోవడం సరైందే: స్మిత్‌  Virat Kohli: మ్యాచ్‌లు లేకుంటే ఆధ్యాత్మిక ధోరణిలోకి

ICC T20 Rankings: టీమిండియా డాషింగ్‌ బ్యాటర్‌, మిస్టర్‌ 360 డిగ్రీస్‌ ప్లేయర్‌ సూర్యకుమార్‌ యాదవ్‌ టీ20 క్రికెట్‌లో భారత్‌ తరఫున ఎవరికీ సాధ్యం కాని అత్యంత అరుదైన రికార్డును సొంతం చేసుకున్నాడు. ఐసీసీ తాజాగా విడుదల చేసిన టీ20 ర్యాంకింగ్స్‌లో 908 రేటింగ్‌ పాయింట్స్‌ సాధించి, పొట్టి ఫార్మాట్‌లో అగ్రస్థానాన్ని మరింత పదిలం చేసుకున్న స్కై.. 900 అంతకంటే ఎక్కువ రేటింగ్‌ పాయింట్స్‌ సాధించిన మొట్టమొదటి భారత ప్లేయర్‌గా రికార్డుల్లోకెక్కాడు. ఇటీవల శ్రీలంకతో జరిగిన మూడో టీ20లో 45 బంతుల్లోనే విధ్వంసకర శతకం బాదిన సూర్యకుమార్‌.. తొలిసారి 900 రేటింగ్‌ పాయింట్స్‌ మార్కును తాకి, టీ20 ర్యాంకింగ్స్‌లో ఎవరికీ అంతనంత ఎత్తుకు దూసుకెళ్లాడు. టీ20 ర్యాంకింగ్స్‌ చరిత్రలో గతంలో డేవిడ్‌ మలాన్‌, ఆరోన్‌ ఫించ్‌లు మాత్రమే 900 రేటింగ్‌ పాయింట్స్‌ను సాధించగా.. తాజాగా స్కై వీరిద్దరి సరసన చేరాడు. తాజా ర్యాంకింగ్స్‌లో స్కై తర్వాత అల్లంత దూరాన పాకిస్తాన్‌ ఆటగాడు మహ్మద్‌ రిజ్వాన్‌ ఉన్నాడు. రిజ్వాన్‌.. 836 రేటింగ్‌ పాయింట్లతో రెండో స్థానంలో ఉన్నాడు.  ఆ తర్వాత డెవాన్‌ కాన్వే, బాబర్‌ ఆజమ్‌, ఎయిడెన్‌ మార్క్రమ్‌, డేవిడ్‌ మలాన్‌, గ్లెన్‌ ఫిలిప్స్‌, రిలీ రొస్సో, ఆరోన్‌ ఫించ్‌, అలెక్స్‌ హేల్స్‌ వరుసగా 3 నుంచి 10 స్థానాల్లో ఉన్నారు. ఈ జాబితాలో టీమిండియా మాజీ కెప్టెన్‌ విరాట్‌ కోహ్లి 631 రేటింగ్‌ పాయింట్స్‌తో 13వ ప్లేస్‌లో నిలిచాడు. టాప్‌-20లో టీమిండియా తరఫున స్కై, విరాట్‌లు మాత్రమే ఉన్నారు. కాగా, లంకపై మూడో టీ20లో మెరుపు శతకం బాదిన సూర్యకుమార్‌కు అదే జట్టుతో జరిగిన తొలి వన్డేలో చోటు దక్కకపోవడం విశేషం. ఇప్పటివరకు 45 టీ20 మ్యాచ్‌లు ఆడిన సూర్య.. 46.41 సగటున 180.34 స్ట్రయిక్‌ రేట్‌తో 1578 పరుగులు చేశాడు. ఇందులో 3 సెంచరీలు, 13 హాఫ్‌ సెంచరీలు ఉన్నాయి. అలాగే టీమిండియా తరఫున 16 వన్డేలు ఆడిన స్కై.. 32 సగటున, 100.5 స్ట్రయిక్‌ రేట్‌తో 384 పరుగులు చేశాడు. ఇందులో 2 అర్ధసెంచరీలు ఉన్నాయి. 

భారత మహిళలతో టీ20 సిరీస్‌లో అదరగొడుతున్న ఆస్ట్రేలియా బ్యాటర్‌ తహీలా మెక్‌గ్రాత్‌.. ఐసీసీ మహిళల టీ20 ర్యాంకింగ్స్‌లో అగ్రస్థానానికి చేరుకుంది. ముంబై వేదికగా జరిగిన తొలి రెండు టీ20ల్లో మెక్‌గ్రాత్‌ అద్భుతమైన ప్రదర్శన కనబరిచింది. రెండు మ్యాచ్‌లు కలిపి మెక్‌గ్రాత్‌ 110 పరుగులు సాధించింది. ఈ క్రమంలో తన సహచర క్రికెటర్లు , బెత్‌ మూనీ, మెగ్‌ లానింగ్‌, భారత స్టార్‌ ఓపెనర్‌  స్మృతి మంధానలను అధిగమించి మెక్‌గ్రాత్‌ టాప్‌ ర్యాంక్‌కు చేరుకుంది. కాగా ఈ ఏడాది ఆగస్టు నుంచి ఇప్పటివరకు తొలి స్థానంలో మూనీ కొనసాగింది. ఇక ఐసీసీ మహిళల టీ20 ర్యాంకింగ్స్‌లో నెం1 ర్యాంక్‌ సాధించిన 12 ఆస్ట్రేలియా బ్యాటర్‌గా మెక్‌గ్రాత్‌ నిలిచింది.మెక్‌గ్రాత్‌ తన కెరీర్‌లో కేవలం 16 టీ20 మ్యాచ్‌లు మాత్రమే ఆడి నెం1 ర్యాంక్‌ను తన ఖతాలో వేసుకుంది. కాగా ఐసీసీ మహిళల టీ20 ర్యాంకింగ్స్‌ టాప్‌-10లో భారత నుంచి ముగ్గురు బ్యాటర్లు ఉన్నారు. మూడో స్థానంలో భారత స్టార్‌ ఓపెనర్‌ స్మృతి మంధాన, ఆరు, తొమ్మిది ర్యాంక్‌లలో షషాలీ వర్మ, రోడ్రిగ్స్‌ కొనసాగుతున్నారు. చదవండి: IND vs BAN 1st Test: కోహ్లి, పంత్‌ 125 పరుగులు చేస్తారు! వారిద్దరూ 20 వికెట్లు తీస్తారు..

ఐసీసీ తాజాగా విడుదల చేసిన టీ20 ర్యాంకింగ్స్‌లో టీమిండియా మాజీ కెప్టెన్‌, రన్‌ మెషీన్‌ విరాట్‌ కోహ్లి ర్యాంక్‌ మరింత దిగజారింది. టీ20 వరల్డ్‌కప్‌-2022లో 4 హాఫ్‌ సెంచరీలు చేసిన కోహ్లి ర్యాంక్‌ పడిపోవడం అందరినీ ఆశ్చర్యానికి గురి చేస్తుంది. గత వారం ర్యాంకింగ్స్‌లో 11వ స్థానంలో ఉండిన కింగ్‌.. తాజా ర్యాంకింగ్స్‌లో రెండు స్థానాలు కోల్పోయి 13వ ప్లేస్‌కు పడిపోయాడు. న్యూజిలాండ్‌తో జరిగిన సిరీస్‌లో పాల్గొనకపోవడం కూడా కోహ్లి ర్యాంక్‌ పడిపోవడానికి కారణమైంది. ఇక, న్యూజిలాండ్‌తో సిరీస్‌లో సుడిగాలి శతకంతో రెచ్చిపోయిన సూర్యకుమార్‌.. రేటింగ్‌ పాయింట్లను (890) భారీగా పెంచుకుని అగ్రపీఠాన్ని మరింత పదిలం చేసుకున్నాడు. ఈ జాబితాలో రెండో స్థానంలో ఉన్న మహ్మద్‌ రిజ్వాన్‌ (836)కు సూర్యకుమార్‌కు ఏకంగా 54 పాయింట్ల వ్యత్యాసం ఏర్పడింది. భారత్‌తో సిరీస్‌లో హాఫ్‌సెంచరీతో రాణించిన డెవాన్‌ కాన్వే.. ఓ స్థానం మెరుగుపర్చుకుని మూడో స్థానానికి చేరుకోగా.. పాక్‌ కెప్టెన్‌ బాబర్‌ ఆజమ్‌ నాలుగో ప్లేస్‌కు పడిపోయాడు. వీరి తర్వాత  మార్క్రమ్‌, డేవిడ్‌ మలాన్‌, గ్లెన్‌ ఫిలిప్స్‌, రిల్లీ రొస్సో, ఫించ్‌. పథుమ్‌ సిస్సంక, అలెక్స్‌ హేల్స్‌, బట్లర్‌ వరుసగా 4 నుంచి 12 స్థానాల్లో నిలిచారు. టీమిండియా ఓపెనర్లు రోహిత్‌ శర్మ 3 స్థానాలు దిగజారి 21వ స్థానంలో, కేఎల్‌ రాహుల్‌ రెండు స్థానాలు కోల్పోయి 19వ ప్లేస్‌లో ఉన్నారు.  బౌలర్ల ర్యాంకింగ్స్‌ విషయానికొస్తే..  లంక స్పిన్నర్‌ హసరంగ అగ్రస్థానాన్ని నిలబెట్టుకోగా.. రషీద్‌ ఖాన్‌, ఆదిల్‌ రషీద్‌ వరుసగా 2, 3 స్థానాల్లో కొనసాగుతున్నారు. టీమిండియా నుంచి టాప్‌-10 బౌలర్లలో ఒక్కరూ లేకపోవడం​ చింతించ దగ్గ విషయం. ఆల్‌రౌండర్ల విభాగంలో బంగ్లా స్కిప్పర్‌ షకీబ్‌ టాప్‌లో కొనసాగుతుండగా.. మహ్మద్‌ నబీ, హార్ధిక్‌ పాండ్యా 2, 3 ప్లేస్‌ల్లో నిలిచారు. 

ఐసీసీ టి20 ర్యాంకింగ్స్‌లో బ్యాటింగ్‌ విభాగంలో టీమిండియా స్టార్‌ సూర్యకుమార్‌ అగ్రస్థానంలో ఉన్న సంగతి తెలిసిందే. తాజాగా విడుదల చేసిన ర్యాంకింగ్స్‌లో సూర్య తన స్థానాన్ని మరింత పదిలం చేసు​కున్నాడు. న్యూజిలాండ్‌తో రెండో టి20లో సెంచరీతో చెలరేగిన సూర్యకుమార్‌ 890 పాయింట్లతో కెరీర్‌ బెస్ట్‌ రేటింగ్‌ పాయింట్లు సాధించి అందనంత ఎత్తులో ఉన్నాడు. ఇక రెండో స్థానంలో ఉన్న పాకిస్తాన్‌ ఓపెనర్‌ మహ్మద్‌ రిజ్వాన్‌కు 836 పాయింట్లు ఉన్నాయి. తొలి రెండు స్థానాల్లో ఉన్న సూర్యకుమార్‌, రిజ్వాన్‌ల మధ్య వ్యత్యాసం 54 పాయింట్లుగా ఉంది. ఇక టీమిండియాతో సిరీస్‌లో ఆకట్టకున్న కివీస్‌ బ్యాటర్‌ డెవన్‌ కాన్వే ఒక స్థానం ఎగబాకి 788 పాయింట్లతో మూడో స్థానానికి చేరుకోగా.. బాబర్‌ ఆజం 778 పాయింట్లతో నాలుగో స్థానంలో ఉన్నాడు. ఇక కివీస్‌తో సిరీస్‌ టీమిండియా కెప్టెన్‌గా వ్యవహరించిన ఆల్‌రౌండ్‌ హార్దిక్‌ పాండ్యా 50వ స్థానానికి చేరుకున్నాడు.  ఇక టీమిండియా రన్‌మెషిన్‌ విరాట్‌ కోహ్లి రెండు స్థానాలు దిగజారి 650 పాయింట్లతో 13వ స్థానంలో నిలిచాడు. ఇక బౌలింగ్‌ విభాగంలో టీమిండియా నుంచి భువనేశ్వర్‌ కుమార్‌ 11వ స్థానంలో ఉండగా.. కివీస్‌తో సిరీస్‌లో రాణించిన అర్ష్‌దీప్‌ సింగ్‌ ఒకస్థానం ఎగబాకి 21వ స్థానంలో నిలిచాడు. స్పిన్నర్‌ చహల్‌ 8 స్థానాలు ఎగబాకి 40వ స్థానానికి చేరుకున్నాడు. ఇక 704 పాయింట్లో లంక స్పిన్నర్‌ హసరంగా తొలి స్థానంలో ఉండగా.. రషీద్‌ ఖాన్‌, ఆదిల్‌ రషీద్‌లు వరుసగా రెండు, మూడు స్థానాల్లో కొనసాగుతున్నారు.   🔹 Suryakumar Yadav continues to shine 🔹 A host of Australia stars make big gains The latest movements on the @MRFWorldwide ICC Men's Player Rankings ⬇️ https://t.co/3WOEsj9HrQ — ICC (@ICC) November 23, 2022 చదవండి: అల్లర్లకు ఆస్కారం.. టీమిండియాతో వన్డే వేదికను మార్చిన బంగ్లా జాతీయ గీతం పాడనందుకు ఆటగాళ్లను చంపాలనుకున్నారు..!

ఇంగ్లండ్‌ విధ్వంసకర బ్యాటర్‌ అలెక్స్‌ హేల్స్‌ ఐసీసీ టి20 ర్యాంకింగ్స్‌లో దుమ్మురేపాడు. బుధవారం ఐసీసీ విడుదల చేసిన తాజా బ్యాటింగ్‌ ర్యాంకింగ్స్‌లో హేల్స్‌ ఏకంగా 22 స్థానాలు ఎగబాకి 12వ స్థానానికి చేరుకున్నాడు. టి20 ప్రపంచకప్‌లో టీమిండియాతో జరిగిన సెమీఫైనల్‌ మ్యాచ్‌లో అలెక్స్‌ హేల్స్‌ 47 బంతుల్లోనే 86 పరుగులతో విధ్వంసం సృష్టించాడు. అతని ధాటికి టీమిండియా 10 వికెట్ల తేడాతో ఓడి టోర్నీ నుంచి నిష్క్రమించింది. ఇక ఈ ప్రపంచకప్‌లో అలెక్స్‌ హేల్స్‌ 212పరుగులు సాధించి టోర్నీలో అత్యధిక పరుగులు చేసిన టాప్‌-10 జాబితాలో చోటు దక్కించుకున్నాడు.  ఇక టీమిండియా సంచలనం సూర్యకుమార్‌ యాదవ్‌ మాత్రం నెంబర్‌వన్‌ స్థానాన్ని మరింత పదిలం చేసుకున్నాడు. టి20 ప్రపంచకప్‌లో 239 పరుగులు చేసిన సూర్యకుమార్‌ టోర్నీలో అత్యధిక పరుగుల చేసిన జాబితాలో మూడో స్థానంలో ఉన్నాడు. బ్యాటింగ్‌ ర్యాంకింగ్స్‌లో నెంబర్‌వన్‌గా ఉన్న సూర్యకుమార్‌ ఖాతాలో 859 పాయింట్లు ఉన్నాయి. ఇక ఆ తర్వాత పాకిస్తాన్‌ ఓపెనర్‌ మహ్మద్‌ రిజ్వాన్‌ 836 పాయింట్లతో రెండో స్థానంలో ఉండగా.. పాక్‌ కెప్టెన్‌ బాబర్‌ ఆజం 778 పాయింట్లతో మూడోస్థానానికి చేరుకోగా.. ఒక స్థానం పడిపోయిన న్యూజిలాండ్‌ బ్యాటర్‌ డెవన్‌ కాన్వే 771 పాయింట్లతో నాలుగో స్థానంలో ఉన్నాడు. ఆ తర్వాత వరుసగా మార్ర్కమ్‌, డేవిడ్‌ మలాన్‌, రిలీ రొసౌ, గ్లెన్‌ ఫిలిప్స్‌, ఆరోన్‌ ఫించ్‌, పాతుమ్‌ నిస్సాంకలు ఉన్నారు. ఇక బౌలర్ల ర్యాంకింగ్స్‌ విషయానికి వస్తే ఇంగ్లండ్‌ బౌలర్లు ఆదిల్‌ రషీద్‌, సామ్‌ కరన్‌లు ముందంజ వేశారు. టి20 ప్రపంచకప్‌లో టీమిండియాతో సెమీఫైనల్‌, పాకిస్తాన్‌తో ఫైనల్లో మంచి ప్రదర్శన కనబరిచిన రషీద్‌ ఐదు స్థానాలు ఎగబాకి మూడో స్థానంలో నిలవగా.. ఆల్‌రౌండర్‌ సామ్‌ కరన్‌ రెండు స్థానాలు ఎగబాకి టాప్‌-5కి చేరుకున్నాడు. ఇక లంక స్పిన్నర్‌ వనిందు హసరంగా 704 పాయింట్లతో అగ్రస్థానంలో ఉండగా.. ఆఫ్గన్‌ బౌలర్‌ రషీద్‌ ఖాన్‌ రెండో స్థానంలో ఉన్నాడు. Top #T20WorldCup performers biggest gainers in the latest @MRFWorldwide ICC Men’s T20I Player Rankings. Details 👇https://t.co/MKEWVUpZCs — ICC (@ICC) November 16, 2022 చదవండి: అశ్విన్‌ విషయంలో రాజస్తాన్‌ రాయల్స్‌ దిమ్మతిరిగే కౌంటర్‌

ఐసీసీ తాజాగా (నవంబర్‌ 2) విడుదల చేసిన టీ20 ర్యాంకింగ్స్‌లో టీమిండియా డిషింగ్‌ క్రికెటర్‌ సూర్యకుమార్‌ యాదవ్‌ అగ్రస్థానానికి దూసుకొచ్చాడు. టీ20 వరల్డ్‌కప్‌-2022లో అద్భుత ప్రదర్శన కనబరుస్తున్న సూర్య భాయ్‌.. తొలిసారి టీ20 ర్యాంకింగ్స్‌లో అగ్రపీఠాన్ని అధిరోహించాడు. టీమిండియా తరఫున గతంలో విరాట్‌ కోహ్లి మాత్రమే టాప్‌లో కొనసాగాడు.  ప్రస్తుతం జరుగుతున్న టీ20 ప్రపంచకప్‌లో నెదర్లాండ్స్‌ (51), సౌతాఫ్రికాలపై (68) వరుస హాఫ్‌ సెంచరీలు బాదిన సూర్యకుమార్‌.. మొత్తం 863 రేటింగ్‌ పాయింట్లు తన ఖాతాలో వేసుకుని టాప్‌కు చేరాడు. ఇంతకుముందు టాప్‌లో ఉన్న పాక్‌ ఆటగాడు మహ్మద్‌ రిజ్వాన్‌.. వరల్డ్‌కప్‌లో ఆశించిన మేరకు ప్రభావం చూపలేక అగ్రస్థానాన్ని కోల్పోయాడు. Suryakumar Yadav has replaced Mohammad Rizwan at the top of the T20I Batting Rankings #Cricket #T20WorldCup pic.twitter.com/jDT4dIuzIj — Saj Sadiq (@SajSadiqCricket) November 2, 2022 వరల్డ్‌కప్‌లో 3 మ్యాచ్‌లు ఆడిన రిజ్వాన్‌ ఒక్క మ్యాచ్‌లో మాత్రం 49 పరుగులు చేసి పర్వాలేదనిపించాడు. ప్రస్తుతం రెండో స్థానానికి దిగజారిన రిజ్వాన్‌ ఖాతాలో 842 పాయింట్లు ఉన్నాయి. సూర్య, రిజ్వాన్‌ తర్వాత మూడో ప్లేస్‌లో న్యూజిలాండ్‌ క్రికెటర్‌ డెవాన్‌ కాన్వే ఉన్నాడు. కాన్వే ఖాతాలో 792 రేటింగ్‌ పాయింట్లు ఉన్నాయి. ఈ జాబితాలో టీమిండియా స్టార్‌ ప్లేయర్‌ కింగ్‌ కోహ్లి 638 రేటింగ్‌ పాయింట్స్‌తో పదో స్థానంలో కొనసాగుతున్నాడు. ప్రస్తుతం జరుగుతున్న వరల్డ్‌కప్‌లో సూపర్‌ ఫామ్‌లో ఉన్న కోహ్లి.. సౌతాఫ్రికాతో జరిగిన మ్యాచ్‌లో మాత్రమే నిరాశపరిచాడు. ఈ మ్యాచ్‌లో కింగ్‌ కేవలం 12 పరుగులు మాతమే చేసి ఔటయ్యాడు. అంతకుముందు తొలి మ్యాచ్‌లో పాకిస్తాన్‌పై చారిత్రక ఇన్నింగ్స్‌ (82 నాటౌట్‌) ఆడిన కోహ్లి.. అనంతరం నెదర్లాండ్స్‌తో జరిగిన మ్యాచ్‌లో కూడా అజేయమైన అర్ధ సెంచరీతో (62) రాణించాడు. ప్రస్తుతం బంగ్లాదేశ్‌తో జరుగుతున్న మ్యాచ్‌లోనూ కింగ్‌ కోహ్లి రెచ్చిపోయాడు. 44 బంతుల్లో 64 పరుగులతో అజేయంగా నిలిచాడు.   

చిరకాల ప్రత్యర్థి పాకిస్తాన్‌తో మ్యాచ్‌లో సూపర్‌ ఇన్నింగ్స్‌(53 బంతుల్లో 82 నాటౌట్‌) ఆడిన టీమిండియా రన్‌మెషిన్‌ విరాట్‌ కోహ్లి ఐసీసీ ర్యాంకింగ్స్‌లో ఎగబాకాడు. టి20 ప్రపంచకప్‌కు ముందు 14వ స్థానంలో ఉన్న కోహ్లి.. పాక్‌పై ఆడిన ఒక్క ఇన్నింగ్స్‌తో టాప్‌-10లో చోటుదక్కించుకన్నాడు. బుధవారం ఐసీసీ విడుదల చేసిన ఐసీసీ టి20 ర్యాంకింగ్స్‌లో కింగ్‌ కోహ్లి 635 పాయింట్లతో తొమ్మిదో స్థానంలో నిలిచాడు. పాక్‌పై మాస్టర్‌ క్లాస్‌ ఇన్నింగ్స్‌తో ఆకట్టుకున్న కోహ్లి ఆరు స్థానాలు ఎగబాకాడు. గతేడాది నవంబర్‌లో జరిగిన టి20 ప్రపంచకప్‌ అనంతరం కోహ్లి ఐసీసీ టి20 టాప్‌-10 ర్యాంకింగ్స్‌లో చోటు కోల్పోయాడు. ఆ తర్వాత కూడా పెద్దగా రాణించని కోహ్లి 4 టి20లు కలిపి 81 పరుగులు మాత్రమే చేశాడు. ఆ తర్వాత ఆసియా కప్‌లో తిరిగి ఫామ్‌లోకి వచ్చిన కోహ్లి.. రెండు అర్థసెంచరీలతో పాటు అఫ్గానిస్తాన్‌పై సూపర్‌ శతకంతో అలరించాడు. అయితే సరిగ్గా ఏడాది వ్యవధిలోనే మళ్లీ అదే టి20 ప్రపంచకప్‌లో సూపర్‌ ఇన్నింగ్స్‌ ఆడి టాప్‌-10లోకి వచ్చాడు. ఇక టీమిండియా నుంచి టాప్‌-10లో ఇద్దరు మాత్రమే ఉన్నారు. మొన్నటిదాకా రెండో స్థానంలో ఉన్న సూర్యకుమార్‌ యాదవ్‌ 828 పాయింట్లతో తాజాగా మూడో స్థానానికి పడిపోయాడు. ఆస్ట్రేలియాతో మ్యాచ్‌లో హాఫ్‌ సెంచరీతో అదరగొట్టిన డెవాన్‌ కాన్వే 831 పాయింట్లతో రెండో స్థానానికి చేరుకోగా.. పాకిస్తాన్‌ వికెట్‌ కీపర్‌ మహ్మద్‌ రిజ్వాన్‌ మాత్రం 849 పాయింట్లతో తొలి స్థానాన్ని నిలబెట్టుకున్నాడు. ఇక టీమిండియాతో మ్యాచ్‌లో గోల్డెన్‌ డకౌట్‌గా వెనుదిరిగిన బాబర్‌ ఆజం 799 పాయింట్లతో నాలుగో స్థానానికి పడిపోయాడు. ఇక సౌతాఫ్రికా హిట్టర్‌ ఐడెన్‌ మార్క్రమ్‌ 762 పాయింట్లతో ఐదో స్థానంలో కొనసాగుతున్నాడు. చదవండి: టీ20లకు కోహ్లి గుడ్‌ బై చెప్పాలి.. ఎందుకంటే!      var request = 'https://www.sakshi.com/knowwidget/kwstr_4911494512.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        }); Virat Kohli on the rise 👊 The Indian star's sensational innings against Pakistan sees him surge up in the latest @MRFWorldwide ICC Men's T20I Player Rankings 📈 Details ⬇https://t.co/Up2Id40ri0 — ICC (@ICC) October 26, 2022

Surya Kumar Yadav: ఐసీసీ తాజాగా విడుదల చేసిన టీ20 ర్యాంకింగ్స్‌లో టీమిండియా స్టార్‌ బ్యాటర్‌ సూర్యకుమార్‌ యాదవ్‌ రెండో స్థానానికి పడిపోయాడు. గత వారం ర్యాంకింగ్స్‌లో టాప్‌ లేపిన (అగ్రస్థానం) సూర్య.. దక్షిణాఫ్రికాతో జరిగిన మూడో టీ20లో విఫలం కావడంతో అగ్రస్థానాన్ని కోల్పోయాడు. గత కొంతకాలంగా టీ20ల్లో ఆకాశమే హద్దుగా చెలరేగుతున్న సూర్యకుమార్‌ తన టాప్‌ ర్యాంక్‌ను ఎక్కువ రోజులు కాపాడుకోలేకపోయాడు. దక్షిణాఫ్రికాతో జరిగిన తొలి రెండు మ్యాచ్‌ల్లో విధ్వంసకర హాఫ్‌ సెంచరీలతో చెలరేగిన సూర్యకుమార్ యాదవ్‌ ఆఖరి టీ20లో కేవలం 8 పరుగులు మాత్రమే చేసి నిరుత్సాహపరిచాడు. తాజా ర్యాంకింగ్స్‌లో పాక్‌ ఓపెనర్‌ మహ్మద్‌ రిజ్వాన్‌ తిరిగి అగ్రపీఠాన్ని అధిరోహించగా.. బాబర్‌ ఆజమ్‌ మూడులో దక్షిణాఫ్రికా ఆటగాడు ఎయిడెన్‌ మార్క్రమ్‌, డేవిడ్‌ మలాన్‌ (ఇంగ్లండ్‌), ఆరోన్‌ ఫించ్‌, డెవాన్‌ కాన్వే (న్యూజిలాండ్‌), పథుమ్‌ నిస్సంక (శ్రీలంక), మహ్మద్‌ వసీం (యూఏఈ), మార్టిన్‌ గప్తిల్‌ వరుసగా నాలుగు నుంచి పది స్థానాల్లో నిలిచారు. ఇక బౌలర్ల విషయానికొస్తే.. తాజా ర్యాంకింగ్స్‌లో జోష్‌ హేజిల్‌వుడ్‌. రషీద్‌ ఖాన్‌, వనిందు హసరంగ టాప్‌-3లో కొనసాగుతున్నారు.   

ICC T20 Batting Latest Rankings: టీ20 తాజా ర్యాకింగ్స్‌ను అంతర్జాతీయ క్రికెట్‌ మండలి బుధవారం విడుదల చేసింది. ఇందులో టీమిండియా బ్యాటర్‌ సూర్యకుమార్‌ యాదవ్‌ సత్తా చాటాడు. అద్భుత ఫామ్‌లో ఉన్న అతడు మరోసారి కెరీర్‌ బెస్ట్‌ ర్యాంకుకు చేరుకున్నాడు. కాగా ఆస్ట్రేలియాతో స్వదేశంలో జరిగిన టీ20 సిరీస్‌లో సూర్య రాణించిన విషయం తెలిసిందే.  ముఖ్యంగా హైదరాబాద్‌లో జరిగిన మూడో టీ20లో అద్భుత ఇన్నింగ్స్‌ ఆడాడు. 36 బంతుల్లో 5 ఫోర్లు, 5 సిక్స్‌ల సాయంతో 69 పరుగులు చేశాడు. తద్వారా జట్టు విజయంలో కీలక పాత్ర పోషించి ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు.ఈ క్రమంలో 801 రేటింగ్‌ పాయింట్లు సాధించిన ఈ ముంబై బ్యాటర్‌ మరోసారి రెండో ర్యాంకు అందుకున్నాడు. ఇక పాకిస్తాన్‌ ఓపెనర్‌ మహ్మద్‌ రిజ్వాన్‌ 861 పాయింట్లతో అగ్రస్థానంలో కొనసాగుతున్నాడు.  కోహ్లి ర్యాంకు ఎంతంటే! దక్షిణాఫ్రికా బ్యాటర్‌ ఎయిడెన్‌ మార్కరమ్‌ రెండో ర్యాంకు కోల్పోయి.. నాలుగో స్థానానికి పడిపోగా.. పాక్‌ సారథి బాబర్‌ ఆజం ఒక ర్యాంకు మెరుగుపరచుకుని మూడో స్థానానికి చేరుకున్నాడు. ఇంగ్లండ్‌ స్వదేశంలో ఏడు మ్యాచ్‌ టీ20 సిరీస్‌లో భాగంగా బాబర్‌.. రెండో మ్యాచ్‌లో 110 పరుగులతో అజేయంగా నిలిచాడు. ఇదిలా ఉంటే.. టీమిండియా మాజీ సారథి విరాట్‌ కోహ్లి ఒక స్థానం మెరుగుపరచుకుని 15వ ర్యాంకుకు చేరుకున్నాడు. ఇక టీమిండియా కెప్టెన్‌ రోహిత్‌ శర్మ 13వ స్థానంలో ఉన్నాడు. ఐసీసీ టీ20 బ్యాటింగ్‌ తాజా ర్యాంకింగ్స్‌ టాప్‌-5లో ఉన్నది వీళ్లే 1. మహ్మద్‌ రిజ్వాన్‌(పాకిస్తాన్‌) 2. సూర్యకుమార్‌ యాదవ్‌(ఇండియా) 3. బాబర్‌ ఆజం(పాకిస్తాన్‌) 4. ఎయిడెన్‌ మార్కరమ్‌(దక్షిణాఫ్రికా) 5. ఆరోన్‌ ఫించ్‌(ఆస్ట్రేలియా) చదవండి: Ind Vs SA 1st T20: అతడు లేని జట్టు బలహీనం.. టీమిండియా ఓడిపోతుంది: భారత మాజీ క్రికెటర్‌

దుబాయ్‌: ప్రపంచ చాంపియన్‌ ఆస్ట్రేలియాపై టి20 సిరీస్‌ను గెల్చుకున్న భారత జట్టు అంతర్జాతీయ క్రికెట్‌ కౌన్సిల్‌ (ఐసీసీ) టీమ్‌ ర్యాంకింగ్స్‌లో తన టాప్‌ ర్యాంక్‌ను పటిష్టం చేసుకుంది. సోమవారం విడుదల చేసిన టీమ్‌ ర్యాంకింగ్స్‌లో రోహిత్‌ శర్మ బృందం 268 పాయింట్లతో అగ్రస్థానంలో కొనసాగుతోంది. 261 పాయింట్లతో ఇంగ్లండ్‌ రెండో స్థానంలో ఉండగా... 258 పాయింట్లతో దక్షిణాఫ్రికా, పాకిస్తాన్‌ సంయుక్తంగా మూడో స్థానంలో ఉన్నాయి. ఇంగ్లండ్‌తో ఏడు టి20 మ్యాచ్‌ల సిరీస్‌లో మిగిలిన మూడు మ్యాచ్‌ల్లో పాకిస్తాన్‌ గెలిస్తే రెండో ర్యాంక్‌కు ఎగబాకే అవకాశం ఉంది. l252 పాయింట్లతో న్యూజిలాండ్‌ ఐదో స్థానంలో నిలిచింది. 250 పాయింట్లతో ఆరో ర్యాంక్‌లో ఉన్న ఆస్ట్రేలియా సొంతగడ్డపై ప్రపంచకప్‌నకు ముందు వెస్టిండీస్‌తో రెండు, ఇంగ్లండ్‌తో మూడు టి20 మ్యాచ్‌లు ఆడనుంది. చదవండి: IND Vs SA: దక్షిణాఫ్రికాతో టీ20 సిరీస్‌.. హార్దిక్‌ దూరం.. యువ ఆల్‌రౌండర్‌కు చోటు!

Ind Vs Aus 1st T20- ICC Latest T20 Rankings- Suryakumar Yadav: ఐసీసీ తాజా టీ20 ర్యాంకింగ్స్‌లో టీమిండియా బ్యాటర్‌ సూర్యకుమార్‌ యాదవ్‌ అదరగొట్టాడు. పాకిస్తాన్‌ కెప్టెన్‌ బాబర్‌ ఆజంను అధిగమించి మూడో ర్యాంకుకు చేరుకున్నాడు. ఆస్ట్రేలియాతో స్వదేశంలో మొదటి టీ20లో సూర్యకుమార్‌ అద్భుత ఇన్నింగ్స్‌ ఆడిన విషయం తెలిసిందే. మొహాలీ వేదికగా మంగళవారం జరిగిన మ్యాచ్‌లో 25 బంతులు ఎదుర్కొన్న సూర్య.. రెండు ఫోర్లు, నాలుగు సిక్సర్ల సాయంతో 46 పరుగులు సాధించాడు. దిగజారుతున్న బాబర్‌ ర్యాంకు ఈ నేపథ్యంలో 780 పాయింట్లతో టీ20 బ్యాటింగ్‌ ర్యాంకింగ్స్‌లో మూడో స్థానానికి చేరుకున్నాడు. ఇదిలా ఉంటే.. పాకిస్తాన్‌ ఓపెనర్‌ మహ్మద్‌ రిజ్వాన్‌ తన అగ్రస్థానాన్ని పదిలం చేసుకున్నాడు. ఇక ఎయిడెన్‌ మార్కరమ్‌ రెండో స్థానంలో కొనసాగుతున్నాడు. ఇక పాక్‌ కెప్టెన్‌ బాబర్‌ ఆజం ర్యాంకు పతనం కొనసాగుతోంది. ఆసియా కప్‌-2022 టీ20 టోర్నీలో వైఫల్యం కారణంగా మూడో స్థానానికి పరిమితమైన బాబర్‌.. బుధవారం ఐసీసీ విడుదల చేసిన ర్యాంకింగ్స్‌లో మరో స్థానం దిగజారి నాలుగో ర్యాంకుకు పడిపోయాడు. ఇక ఆసీస్‌తో తొలి టీ20లో విఫలమైన టీమిండియా స్టార్‌ విరాట్‌ కోహ్లి(2 పరుగులు) ఒక ర్యాంకు కోల్పోయి పదహారో స్థానానికి పరిమితమయ్యాడు. ఐసీసీ టీ20 బ్యాటింగ్‌ తాజా ర్యాంకింగ్స్‌ టాప్‌-5లో ఉన్నది వీళ్లే 1. మహ్మద్‌ రిజ్వాన్‌(పాకిస్తాన్‌) 2. ఎయిడెన్‌ మార్కరమ్‌(దక్షిణాఫ్రికా) 3. సూర్యకుమార్‌ యాదవ్‌(ఇండియా) 4. బాబర్‌ ఆజం(పాకిస్తాన్‌) 5. డేవిడ్‌ మలన్‌(ఇంగ్లండ్‌) చదవండి: Ind Vs Aus 1st T20: పాండ్యా భావోద్వేగం! పాక్‌తో మ్యాచ్‌లోనూ ఓడిపోవాలంటూ నటి ట్వీట్‌! మీ వాళ్లేదో పొడిచేసినట్టు?!