చాంపియన్స్‌ ట్రోఫీ ఆడేందుకు టీమిండియా పాకిస్తాన్‌కు వెళ్లదని భారత క్రికెట్‌ నియంత్రణ మండలి(బీసీసీఐ) ఉపాధ్యక్షుడు, కాంగ్రెస్‌ నేత రాజీవ్‌ శుక్లా మరోసారి సంకేతాలు ఇచ్చారు. ఆటగాళ్ల భద్రతే తమకు మొదటి ప్రాధాన్యం అని పునరుద్ఘాటించారు. కాగా వచ్చే ఏడాది జరుగనున్న ఐసీసీ చాంపియన్స్‌ ట్రోఫీ ఆతిథ్య హక్కులకు పాకిస్తాన్‌ దక్కించుకున్న విషయం తెలిసిందే.వన్డే ఫార్మాట్లో జరుగనున్న ఈ మెగా ఈవెంట్‌కు టీమిండియాతో పాటు ఆస్ట్రేలియా, దక్షిణాఫ్రికా, ఇంగ్లండ్‌, న్యూజిలాండ్‌, అఫ్గనిస్తాన్‌, బంగ్లాదేశ్‌లతో పాటు ఆతిథ్య దేశ హోదాలో పాక్‌ అర్హత సాధించింది. సొంతగడ్డపై డిఫెండింగ్‌ చాంపియన్‌ హోదాలో బరిలోకి దిగాలని ఉవ్విళ్లూరుతోంది.అయితే, ఇరుదేశాల మధ్య పరిస్థితులు, భద్రతాకారణాల దృష్ట్యా బీసీసీఐ తమ జట్టును పాకిస్తాన్‌కు పంపేందుకు ససేమిరా అంటోంది. ఇదే విషయాన్ని అంతర్జాతీయ క్రికెట్‌ మండలికి కూడా చెప్పింది. టీమిండియా ఆడే మ్యాచ్‌ల కోసం తటస్థ వేదికలను ఎంపిక చేయాలని విజ్ఞప్తి చేసింది. అయితే, పాక్‌ క్రికెట్‌ బోర్డు మాత్రం ఇందుకు అంగీకరించడం లేదు.వేరే ఆప్షన్లు కూడా ఉన్నాయిటీమిండియా తమ దేశానికి రావాల్సిందేనని పట్టుబడుతోంది. ఇలాంటి తరుణంలో శుక్రవారం ఐసీసీ వర్చువల్‌ సమావేశం ఏర్పాటు చేసింది. నేటితో చాంపియన్స్‌ ట్రోఫీ వేదికపై స్పష్టత వచ్చే అవకాశం ఉంది. ఈ నేపథ్యంలో రాజీవ్‌ శుక్లాను మీడియా పలకరించగా.. ‘‘మేము ఈ విషయంలో చర్చలు జరుపుతున్నాం. పరిస్థితులకు అనుగుణంగా తుది నిర్ణయం ఉంటుంది.ఏదేమైనా ఆటగాళ్ల భద్రతే మాకు మొదటి ప్రాధాన్యం. హైబ్రిడ్‌ మోడల్‌ అనే ఆప్షన్‌ కూడా ఉంది. అదే కాకుండా ఇంకా వేరే ఆప్షన్లు కూడా ఉన్నాయి. వాటి గురించి చర్చ జరుగుతోంది’’ అని పేర్కొన్నారు.#WATCH | Delhi: On Champions Trophy in Pakistan, BCCI vice president & Congress leader Rajeev Shukla says, "Our discussions are going on. A decision will be taken after looking at the situation. Our top priority is the safety of the players. Hybrid mode is also an option,… pic.twitter.com/daIaqIEyZ2— ANI (@ANI) November 29, 2024 విదేశాంగ శాఖ కూడా ఇదే మాటటీమిండియాను పాకిస్తాన్‌ పంపే ప్రసక్తి లేదని భారత విదేశాంగ మంత్రిత్వ శాఖ(ఎమ్‌ఈఏ) స్పష్టం చేసింది. ఈ విషయాన్ని ఎమ్‌ఈఏ అధికార ప్రతినిధి రణధీర్‌ జైస్వాల్‌ ధ్రువీకరించారు. ఈ మేరకు శుక్రవారం ఆయన మీడియాతో మాట్లాడుతూ.. ‘‘ఆటగాళ్ల భద్రత విషయంలో బీసీసీఐ ఆందోళనలు లేవనెత్తింది. ఇందుకు సంబంధించి ప్రకటన కూడా విడుదల చేసింది. కాబట్టి భారత జట్టు అక్కడికి వెళ్లే అవకాశమే కనిపించడం లేదు’’ అని పేర్కొన్నారు.చదవండి: స్వర్ణ పతక విజేతను ప్రోత్సహించే తీరిదేనా?: సుప్రీం కోర్టు అసంతృప్తి#WATCH | Delhi: On Indian cricket team participating in Pakistan, MEA Spokesperson Randhir Jaiswal says, "... The BCCI has issued a statement... They have said that there are security concerns there and therefore it is unlikely that the team will be going there..." pic.twitter.com/qRJPYPejZd— ANI (@ANI) November 29, 2024

చాంపియన్స్‌ ట్రోఫీ-2025 ఆడేందుకు టీమిండియా పాకిస్తాన్‌కు వెళ్తుందా? లేదా? అన్న అంశంపై భారత క్రికెట్‌ నియంత్రణ మండలి(బీసీసీఐ) ఉపాధ్యక్షుడు రాజీవ్‌ శుక్లా స్పందించాడు. భారత ప్రభుత్వ నిర్ణయాన్ని అనుసరించే తమ కార్యాచరణ ఉంటుందని స్పష్టం చేశాడు. కాగా వచ్చే ఏడాది పాకిస్తాన్‌ వేదికగా ఫిబ్రవరి 19- మార్చి 9 వరకు చాంపియన్స్‌ ట్రోఫీ నిర్వహించనున్నారు.పాల్గొనే జట్లు ఇవేఈ ఐసీసీ టోర్నీకి వన్డే వరల్డ్‌కప్‌-2023 విజేత ఆస్ట్రేలియా, రన్నరప్‌ టీమిండియా, ఆతిథ్య పాకిస్తాన్‌, దక్షిణాఫ్రికా, ఇంగ్లండ్‌, న్యూజిలాండ్‌, అఫ్గనిస్తాన్‌ అర్హత సాధించాయి. అయితే, పాక్‌లో ఈ ఈవెంట్‌ జరుగనుండటంతో రోహిత్‌ సేన అక్కడికి వెళ్లకుండా.. తమ మ్యాచ్‌లను తటస్థ వేదికలపై ఆడనుందనే వార్తలు వచ్చాయి. అయితే, పాక్‌ బోర్డు మాత్రం ఇందుకు ససేమిరా అంటోందని.. టీమిండియాను తమ దేశానికి రప్పించే బాధ్యతను ఐసీసీకి అప్పగించినట్లు తెలిసింది.భారత ప్రభుత్వం అనుమతి తీసుకున్న తర్వాతేఈ నేపథ్యంలో చాంపియన్స్‌ ట్రోఫీ వేదికను పాకిస్తాన్‌ నుంచి తరలించే యోచన లేదని ఐసీసీ చీఫ్‌ ఎగ్జిక్యూటివ్‌ జాఫ్రీ అలార్డిస్‌ పేర్కొనడం ఇందుకు బలాన్నిచ్చింది. అయితే, బీసీసీఐ కూడా వెనక్కి తగ్గే సూచనలు కనబడటం లేదు. ఈ క్రమంలో తాజాగా ఈ విషయంపై రాజీవ్‌ శుక్లా మాట్లాడుతూ.. ‘‘ఇప్పటి వరకు చాంపియన్స్‌ ట్రోఫీలో పాల్గొనడం గురించి మేము ఎలాంటి నిర్ణయం తీసుకోలేదు.భారత ప్రభుత్వం అనుమతి తీసుకున్న తర్వాతే అంతర్జాతీయ మ్యాచ్‌ల కోసం మేము వివిధ దేశాలకు ప్రయాణిస్తాం. ఇప్పుడు కూడా అంతే. ప్రభుత్వం ఏ నిర్ణయం తీసుకుంటే అందుకు అనుగుణంగానే మా కార్యాచరణ ఉంటుంది. మా జట్టు ఒక దేశానికి వెళ్లాలా లేదా అనేది భారత ప్రభుత్వమే నిర్ణయిస్తుంది’’ అని స్పష్టం చేశాడు. కాగా ముంబై దాడుల తర్వాత టీమిండియా- పాకిస్తాన్‌ ఇంతవరకు ద్వైపాక్షిక సిరీస్‌లలో ముఖాముఖి తలపడలేదు. చివరగా 2008లో భారత జట్టు పాక్‌ పర్యటనకు వెళ్లింది. అయితే, గతేడాది వన్డే వరల్డ్‌కప్‌ ఆడేందుకు పాకిస్తాన్‌ జట్టు ఇక్కడకు వచ్చింది.చదవండి: IND vs BAN: విరాట్ కోహ్లి వ‌ర‌ల్డ్ రికార్డు.. టెస్టు క్రికెట్ చ‌రిత్ర‌లోనే

ఐసీసీ చాంపియన్స్‌ ట్రోఫీ-2025 నిర్వహణ హక్కులను దక్కించుకున్న పాకిస్తాన్.. మెగా టోర్నీని ఘనంగా నిర్వహించేందుకు సిద్ధమవుతోంది. వచ్చే ఏడాది జరుగనున్న ఈ ఈవెంట్‌ కోసం ఇప్పటికే కరాచీ, లాహోర్‌, రావల్పిండిలను వేదికలుగా ఖరారు చేసింది.అవకాశమే లేదుఈ నేపథ్యంలో ఈ వన్డే ఫార్మాట్‌ టోర్నీ ఆడేందుకు టీమిండియా పాకిస్తాన్‌కు వెళ్తుందా? అన్న సందేహాలు తలెత్తాయి. దాయాది దేశాల మధ్య ఉద్రిక్తల నేపథ్యంలో భారత జట్టు పాక్‌లో పర్యటించే అవకాశమే లేదని విశ్లేషకులు అంటున్నారు.గతంలో ఆసియా వన్డే కప్‌-2023 నిర్వహణ హక్కులను పాకిస్తాన్‌ క్రికెట్‌ బోర్డు దక్కించుకున్నప్పటికీ.. టీమిండియా భద్రతా కారణాల దృష్ట్యా హైబ్రిడ్‌ మోడల్‌లో నిర్వహించిన విషయాన్ని గుర్తు చేస్తున్నారు. కాగా ఆసియా కప్‌లో భారత జట్టు తమ మ్యాచ్‌లన్నీ శ్రీలంకలో ఆడిన విషయం తెలిసిందే.బీసీసీఐ స్పందన ఇదేఈ నేపథ్యంలో భారత క్రికెట్‌ నియంత్రణ మండలి ఉపాధ్యక్షుడు రాజీవ్‌ శుక్లా కీలక వ్యాఖ్యలు చేశాడు. ‘‘చాంపియన్స్‌ ట్రోఫీ విషయంలో భారత ప్రభుత్వం ఎలా చెబితే మేము అలా నడుచుకుంటాం.కేంద్రం అనుమతినిస్తేనే టీమిండియాను పాకిస్తాన్‌కు పంపిస్తాం. ప్రభుత్వం నిర్ణయాన్ని బట్టే మేము ముందుకు వెళ్తాం’’ అని రాజీవ్‌ శుక్లా స్పష్టం చేశాడు. కాగా ఆసియా వన్డే కప్‌-2023లో రోహిత్‌ సేన విజేతగా నిలవగా.. శ్రీలంక రన్నరప్‌తో సరిపెట్టుకుంది.ఇక ఆఖరిసారి 2017లో నిర్వహించిన చాంపియన్స్‌ ట్రోఫీలో చాంపియన్‌గా నిలిచిన పాకిస్తాన్‌ ఈసారి డిఫెండింగ్‌ చాంపియన్‌గా బరిలోకి దిగనుంది. సొంతగడ్డపై ఈవెంట్‌ జరుగనుండటం బాబర్‌ ఆజం బృందానికి సానుకూలాంశంగా పరిణమించింది.చదవండి: Rohit Sharma Crying Video: కన్నీళ్లు పెట్టుకున్న రోహిత్‌ శర్మ.. వీడియో వైరల్‌#WATCH | Delhi: On the Champion Trophy to be held in Pakistan next year, BCCI vice-president Rajeev Shukla said, "In the case of the Champion Trophy, we will do whatever the Government of India will tell us to do. We send our team only when the Government of India gives us… pic.twitter.com/TeA3dZ5Twn— ANI (@ANI) May 6, 2024

BCCI President Roger Binny Visit To Pakistan: పాకిస్తాన్‌ క్రికెట్‌ బోర్డుకు భారత క్రికెట్‌ నియంత్రణ మండలి అధ్యక్షుడు రోజర్‌ బిన్నీ ధన్యవాదాలు తెలిపారు. తమను పాకిస్తాన్‌కు ఆహ్వానించినందుకు సంతోషంగా ఉందని హర్షం వ్యక్తం చేశారు. కాగా ఆసియా కప్‌-2023 నిర్వహణ హక్కులను పాకిస్తాన్‌ దక్కించుకున్న విషయం తెలిసిందే. అయితే, భద్రతా కారణాల దృష్ట్యా టీమిండియాను అక్కడికి పంపేది లేదని బీసీసీఐ కార్యదర్శి, ఆసియా క్రికెట్‌ మండలి(ఏసీసీ) అధ్యక్షుడు జై షా స్పష్టం చేశారు. ఈ క్రమంలో చర్చోపర్చల అనంతరం శ్రీలంకతో కలిసి హైబ్రిడ్‌ విధానంలో ఈ వన్డే ఈవెంట్‌కు ఆతిథ్యం ఇచ్చేందుకు పీసీబీ సిద్ధపడింది. ఆ మ్యాచ్‌లన్నీ శ్రీలంకలోనే ఇందుకు తగ్గట్లుగానే భారత జట్టు ఆడే మ్యాచ్‌లన్నింటితో పాటు ఫైనల్‌ కూడా శ్రీలంకలోనే జరుగనుంది. ఇదిలా ఉంటే.. ఏసీసీ సభ్యులు, ఆసియా కప్‌లో భాగమైన జట్ల క్రికెట్‌ బోర్డు మెంబర్స్‌ను పీసీబీ డిన్నర్‌కు ఆహ్వానించింది. PC: PCB ఈ క్రమంలో బీసీసీఐ బాస్‌ రోజర్‌ బిన్నీతో పాటు.. ఉపాధ్యక్షుడు రాజీవ్‌ శుక్లా సోమవారం నాటి పీసీబీ విందుకు హాజరయ్యారు. లాహోర్‌లో జరిగిన ఈ కార్యక్రమంలో రోజర్‌ బిన్నీ మాట్లాడుతూ.. దాయాదుల పోరు గురించి ఆసక్తికర వ్యాఖ్యలు చేశారు.  థాంక్యూ పీసీబీ ‘‘మమ్మల్ని ఇక్కడకు ఆహ్వానించిన పాకిస్తాన్‌ క్రికెట్‌ బోర్డుకు బీసీసీఐ తరఫున కృతజ్ఞతలు చెబుతున్నా. బీసీసీతో పాటు భారత్‌లో ఉన్న క్రికెట్‌ ప్రేమికుల తరఫున కూడా నేనే విష్‌ చేస్తున్నా. ఇండియా- పాకిస్తాన్‌ మ్యాచ్‌ అంటేనే అందరికీ పండుగ. రోడ్లు మొత్తం ఖాళీ అవుతాయి మ్యాచ్‌ మొదలైందంటే చాలు.. ప్రతి ఒక్కరు అలెర్ట్‌ అయిపోతారు. పనులన్నీ పక్కనపెట్టేస్తారు. రోడ్లు మొత్తం ఖాళీ అయిపోతాయి. ప్రతి ఒక్కరు క్రికెట్‌ చూసేందుకు టీవీ ముందు కూర్చుంటారు’’ అంటూ రోజర్‌ బిన్నీ చిరకాల ప్రత్యర్థుల క్రికెట్‌ పోరు గురించి కామెంట్‌ చేశారు. పల్లెకెలెలో మ్యాచ్‌ అద్భుతంగా సాగిందని.. వర్షం అంతరాయం కలిగించి ఉండకపోతే.. ఫలితం చూసే వాళ్లమని పేర్కొన్నారు. పీసీబీ ఆహ్వానం మేరకు సరిహద్దులు దాటి వచ్చామన్న బిన్నీ.. ఇదొక అద్భుతమైన అనుభవమని సంతోషం వ్యక్తం చేశారు. కాగా ఆసియా కప్‌-2023లో భారత్‌- పాక్‌ మ్యాచ్‌ వర్షం కారణంగా రద్దైన విషయం తెలిసిందే. అది స్వర్ణయుగం ఇక రాజీవ్‌ శుక్లా మాట్లాడుతూ..  2004 తర్వాత మళ్లీ పాకిస్తాన్‌కు రావడం ఇదే మొదటిసారి అని పేర్కొన్నారు. అప్పట్లో ఇండియా- పాకిస్తాన్‌కు స్వర్ణయుగమని గత జ్ఞాపకాలు గుర్తు చేసుకున్నారు. కాగా పాకిస్తాన్‌ వేదికగా ఆగష్టు 30న ఆరంభమైన ఆసియా టోర్నీ సెప్టెంబరు 17న శ్రీలంకలో జరుగనున్న ఫైనల్‌తో ముగియనుంది. చదవండి: WC 2023: ఇద్దరూ తుదిజట్టులో ఉంటే తప్పేంటి?: బీసీసీఐ చీఫ్‌ సెలక్టర్‌   BCCI President Roger Binny's speech at the PCB Gala Dinner at the Governor's House in Lahore.#AsiaCup2023 pic.twitter.com/Zl2tq5MHxW — Pakistan Cricket (@TheRealPCB) September 4, 2023 BCCI Vice-President Rajeev Shukla's speech at the PCB grand gala dinner at Governor's House, Lahore.#AsiaCup2023 pic.twitter.com/OdOmI4Ddcl — Pakistan Cricket (@TheRealPCB) September 4, 2023

భారత్‌ వేదికగా అక్టోబర్‌ 5 నుంచి నవంబర్‌ 19 వరకు ఐసీసీ వన్డే వరల్డ్‌కప్‌ జరగనుంది. ఈ మేరకు ఐసీసీ మంగళవారం వరల్డ్‌కప్‌కు సంబంధించిన షెడ్యూల్‌ను రిలీజ్‌ చేసింది. మొత్తం 48 మ్యాచ్‌లు జరగనుండగా.. అందులో 45 లీగ్‌ దశలో.. మరో మూడు నాకౌట్‌ మ్యాచ్‌లు(రెండు సెమీఫైనల్స్‌, ఒక ఫైనల్‌) ఉన్నాయి. కాగా ఈ మ్యాచ్‌లకు పది వేదికలను ఖరారు చేసిన బీసీసీఐ.. వార్మప్‌ మ్యాచ్‌లకు మరో రెండు మైదానాలను(త్రివేండం, గుహవాటి) ఎంపిక చేసింది.  అయితే ఈ వరల్డ్‌కప్‌కు పలు స్టేడియాలకు మ్యాచ్‌లు కేటాయించకపోవడంపై ఆయా రాష్ట్ర క్రికెట్‌ అసోసియేషన్‌లు గుర్రుగా ఉన్నాయి. వరల్డ్‌కప్‌ వేదికల ఎంపికలో తమకు అన్యాయం జరిగిందంటూ ఆరోపణలు చేశారు. ఈసారి వరల్డ్‌కప్‌ వేదికల జాబితాలో నాగ్‌పూర్‌, మొహాలీ, జైపూర్‌ లాంటివి ఉన్నాయి. ముఖ్యంగా మొహాలీ వేదికపై దుమారం నెలకొంది. 1996 నుంచి ప్రపంచకప్ మ్యాచులకు ఇది వేదికగా ఉంటూ వస్తోంది. దీంతో ఈ స్టేడియాన్ని ఎంపిక చేయకపోవడంపై పంజాబ్ క్రీడా మంత్రి గుర్మీత్ సింగ్ విమర్శించారు. రాజకీయ జోక్యం వల్లే మొహాలిని పక్కన పెట్టారని ఆరోపించారు. బీసీసీఐ వద్ద ఈ అంశం లేవనెత్తుతామని గుర్మీత్ సింగ్ ప్రకటించారు. అహ్మదాబాద్ వేదికకు లబ్ధి చేసేందుకే మొహాలీకి చేయిచ్చారని కాంగ్రెస్ సీనియర్ నేత శశి థరూర్ సైతం విమర్శించారు. ఈ విమర్శలపై బీసీసీఐ వైస్ ప్రెసిడెంట్ రాజీవ్ శుక్లా స్పందించారు. ''ప్రపంచ కప్‌ కోసం తొలిసారి పన్నెండు వేదికలను ఎంపిక చేశాం. ఇందులో చాలా వేదికలు గత ప్రపంచ కప్‌ల కోసం ఎంపిక కాలేదు. ఈ 12 వేదికల్లో తిరువనంతపురం, గువాహటి స్టేడియాల్లో వార్మప్‌ మ్యాచ్‌లు జరుగుతాయి. మిగతావన్నీ లీగ్‌లు, నాకౌట్‌ మ్యాచ్‌లకు ఆతిథ్యం ఇస్తాయి.  మరిన్ని వసతులను కల్పించడంతోనే వాటికి అవకాశం వచ్చింది. సౌత్‌ జోన్‌ నుంచి నాలుగు, సెంట్రల్‌ జోన్‌ నుంచి ఒకటి, వెస్ట్‌ జోన్ నుంచి రెండు, నార్త్‌ జోన్ నుంచి రెండు వేదికలను ఎంపిక చేశాం. అలాగే ఢిల్లీ, ధర్మశాలలోనూ మ్యాచ్‌లు జరుగుతాయి.  మ్యాచ్‌లను కేటాయించడంపై ఏ వేదికపైనా వివక్షత చూపలేదు. ద్వైపాక్షిక సిరీస్‌ మ్యాచ్‌లను మొహాలీ వేదికగానే నిర్వహించాం. విరాట్ కోహ్లి వందో టెస్టు మ్యాచ్‌ కూడా మొహాలీలో జరిగింది. మొహాలీలోని మల్లాన్‌పుర్‌ స్టేడియం సిద్ధమవుతోంది. ఒకవేళ రెడీగా ఉండుంటే వరల్డ్ కప్‌ మ్యాచ్‌కు వేదికయ్యే పరిస్థితి ఉండేది. ఇప్పుడున్న మైదానం ఐసీసీ స్టాండర్డ్స్‌కు తగ్గట్టుగా లేదు. అందుకే ఈసారి అవకాశం రాలేదు. ద్వైపాక్షిక సిరీస్‌ మ్యాచ్‌లను కేటాయించాం. వరల్డ్ కప్‌ కోసం మైదానాల ఎంపికలో ఐసీసీ నిర్ణయమే కీలకం. తిరువనంతపురంలో తొలిసారి వార్మప్‌ మ్యాచ్‌ను నిర్వహిస్తున్నారు. అందులోనూ ఎన్నోసార్లు చర్చల తర్వాతే నిర్ణయం తీసుకోవడం జరిగింది. ఈసారి చాలా స్టేడియాలు కొత్తగా ఆతిథ్యం ఇవ్వబోతున్నాయి'' అని శుక్లా వెల్లడించారు. చదవండి: వరుసగా ఏడు ఓవర్లు బౌలింగ్‌.. పూర్తిగా కోలుకున్నట్లేనా!  2011 నుంచి ఆతిథ్య జట్టుదే.. ఈ లెక్కన వరల్డ్‌కప్‌ మనదేనా అంటూ జోస్యం!

టీమిండియా మాజీ కెప్టెన్‌, భారత క్రికెట్‌ నియంత్రణ మండలి ప్రస్తుత అధ్యక్షుడు సౌరవ్‌ గంగూలీ శుక్రవారం 50వ పడిలో అడుగుపెట్టనున్నాడు. అయితే, పుట్టినరోజు వేడుకలు మాత్రం ఒకరోజు ముందుగానే మొదలైపోయాయి. ఐపీఎల్‌ మాజీ చైర్మన్‌ రాజీవ్‌ శుక్లా, ఒకప్పటి సహచర ఆటగాడు, టీమిండియా దిగ్గజం సచిన్‌ టెండుల్కర్‌తో కలిసి గంగూలీ బర్త్‌డే సెలబ్రేట్‌ చేసుకున్నాడు. ఇందుకు సంబంధించిన ఫొటోలను రాజీవ్‌ శుక్లా ట్విటర్‌లో షేర్‌ చేశాడు. ‘‘సౌరవ్‌ గంగూలీ 50వ పుట్టినరోజు సెలబ్రేట్‌ చేశాము. ఆయన ఆయురారోగ్యాలతో ఉండాలి. సంతోషకర జీవితం గడపాలి’’ అని ఆకాంక్షించారు. ఈ ఫొటో ప్రస్తుతం సోషల్‌ మీడియాలో వైరల్‌ అవుతోంది. కాగా టీమిండియా ఇంగ్లండ్‌ పర్యటన నేపథ్యంలో గంగూలీ సైతం యూకేలోనే ఉన్నట్లు తెలుస్తోంది. ఇక రీషెడ్యూల్డ్‌ టెస్టు విషయానికొస్తే.. టీమిండియా ఇంగ్లండ్‌ చేతిలో 7 వికెట్ల తేడాతో పరాజయం పాలైంది. గురువారం(జూలై 7) నుంచి ఇరు జట్ల మధ్య టీ20 సిరీస్‌ మొదలుకానుంది. చదవండి: Wasim Jaffer: 'టెస్టుల్లో అతడికి సచిన్‌ రికార్డు బ్రేక్‌ చేసే సత్తా ఉంది' Celebrated the 50th birthday of Sourav Ganguli.wishing him happy & healthy life ahead. ⁦@SGanguly99⁩ ⁦@sachin_rt⁩ ⁦@JayShah⁩ ⁦@BCCI⁩ pic.twitter.com/KBXbBajp3s — Rajeev Shukla (@ShuklaRajiv) July 7, 2022

Dawood Ibrahim Wife Aide Accuses Hardik Pandya and Rajiv Shukla: టీ20 ప్రపంచకప్‌-2021లో ఆశించిన మేర రాణించకపోవడంతో న్యూజిలాండ్‌తో టీ20 సిరీస్‌ కోసం ఎంపిక చేసిన భారత జట్టులో చోటు కోల్పోయిన టీమిండియా ఆల్‌ రౌండర్‌ హార్ధిక్ పాండ్యాకు మరో షాక్‌ తగిలింది. అండర్‌ వరల్డ్‌ మాఫియా డాన్‌ దావూద్ ఇబ్రహీం సహాయకుడు రియాజ్ భాటి భార్య రెహ్నుమా భాటి.. హార్ధిక్ పాండ్యాతో పాటు మునాఫ్ పటేల్, పృథ్వీరాజ్‌ కొఠారీ, మాజీ బీసీసీఐ చైర్మన్‌ రాజీవ్ శుక్లాలపై సంచలన ఆరోపణలు చేసింది. సదరు వ్యక్తులంతా తనను లైంగిక వేధింపులకు గురి చేసి, అత్యాచారానికి పాల్పడ్డారని ఆరోపిస్తూ ముంబైలోని సాంతా క్రూజ్‌ పోలీసులకు ఫిర్యాదు చేసింది. COMPLAINT COPY EXCLUSIVE‼️ https://t.co/Nj2U9UoA8P pic.twitter.com/o5uWCoDfLx — Sameet Thakkar (@thakkar_sameet) November 10, 2021 తన భర్త రియాజ్ భాటి స్వప్రయోజనాల కోసం అతని వ్యాపార భాగస్వామ్యులతో శారీరక సంబంధం పెట్టుకోవాలని ఒత్తిడి చేసేవాడని, అలా కొందరు హై ప్రొఫైల్ సెలబ్రిటీల వద్దకు తనను పంపాడని రెహ్నుమా ఫిర్యాదులో పేర్కొన్నట్లు తెలుస్తోంది. అయితే, రెహ్నుమా ఇచ్చిన ఫిర్యాదులో సరైన అడ్రస్ లేకపోవడం పలు అనుమానాలకు తావిస్తోంది. ఇదిలా ఉంటే, హార్ధిక్‌.. గతంలో ‘కాఫీ విత్ కరణ్ షో’లో వివాదాస్పద కామెంట్లు చేసి ఓ మ్యాచ్‌ నిషేధానికి గురైన సంగతి తెలిసిందే. ప్రస్తుతం హార్ధిక్‌.. భార్య నటాశాతో కలిసి మాల్దీవుల్లో హాలీడేస్ ఎంజాయ్ చేస్తున్నట్లు సమాచారం. చదవండి: "గంగూలీతో విభేదాలు నిజమే.." రవిశాస్త్రి సంచలన వ్యాఖ్యలు

దుబాయ్‌: విదేశీ ఆటగాళ్లు అందుబాటులో లేకపోయినంత మాత్రానా ఐపీఎల్‌ 2021 సీజన్‌ నిర్వహణ ఆగదని బీసీసీఐ ఉపాధ్యక్షుడు రాజీవ్‌ శుక్లా కీలక వ్యాఖ్యలు చేశారు. ప్రస్తుత ప్రణాళిక ప్రకారమే యూఏఈ వేదికగా సెప్టెంబరు 18 నుంచి అక్టోబరు 10 మధ్యలో లీగ్‌ను నిర్వహిస్తామని ఆయన వెల్లడించారు. టీ20 ప్రపంచకప్‌కు ముందు ఐపీఎల్‌ మిగిలిన మ్యాచ్‌లను ఎట్టి పరిస్థితుల్లో పూర్తి చేయాలని బీసీసీఐ పట్టుదలతో ఉన్నట్లు పేర్కొన్నారు. కొందరు విదేశీ ఆటగాళ్లు లీగ్‌కు దూరంగా ఉన్నా, భారత స్టార్‌ ఆటగాళ్లు లీగ్‌కు వన్నె తెస్తారని ఆశాభావం వ్యక్తం చేశారు.  వెస్టిండీస్‌ పర్యటన నిమిత్తం కొందరు, వ్యక్తిగత కారణాలచే మరికొందరు ఆసీస్‌ ఆటగాళ్లు ఐపీఎల్‌కు దూరంగా ఉండాలని నిర్ణయించుకున్నట్లు వస్తున్న వార్తలు వాస్తవమేనని, ఈ విషయమై ఆయా ఫ్రాంఛైజీలు ప్రత్యామ్నాయ మార్గాలు అన్వేషించే పనిలో నిమగ్నమై ఉన్నాయని ఆయన తెలిపారు. ఐపీఎల్‌ నిర్వహణ ప్రణాళిక, షెడ్యూల్‌ తదితర అంశాలపై చర్చించేందకు బీసీసీఐ ఆఫీస్‌ బేరర్లు త్వరలోనే యూఏఈలో సమావేశమవుతారని ప్రకటించారు. కాగా, పలువురు విదేశీ ఆటగాళ్లు తమతమ అంతర్జాతీయ జట్లకు ప్రాతినిధ్యం వహించాల్సి ఉండటంతో లీగ్‌కు దూరంగా ఉంటారని వార్తలు వెలువడుతున్న నేపథ్యంలో శుక్లా వ్యాఖ్యలు ప్రాధాన్యత సంతరించుకున్నాయి. ఇదిలా ఉంటే, భారత్‌లో కరోనా కేసులు అధికమవడం కారణంగా మే 4న ఐపీఎల్‌ 14 ఎడిషన్‌ నిరవధికంగా వాయిదా పడిన విషయం తెలిసిందే.  చదవండి: ప్రేయసిని హత్తుకుని భావోద్వేగానికి లోనైన ఆసీస్‌ క్రికెటర్‌..

ముంబై: కరోనా కారణంగా వాయిదా పడిన ఇండియన్‌ ప్రీమియర్‌ లీగ్‌ (ఐపీఎల్‌)లో మిగిలిన మ్యాచ్‌లను యునైటెడ్‌ అరబ్‌ ఎమిరేట్స్‌ (యూఏఈ)లో నిర్వహించాలని బీసీసీఐ నిర్ణయించింది. శనివారం జరిగిన ప్రత్యేక సర్వసభ్య సమావేశం (ఎస్‌జీఎం) అనంతరం బోర్డు తమ నిర్ణయాన్ని ప్రకటించింది. అయితే ఏ తేదీల్లో నిర్వహిస్తామనే విషయంపై పూర్తి స్పష్టత రాలేదు. అయితే సెప్టెంబర్‌ 18 నుంచి అక్టోబర్‌ 12 మధ్య లీగ్‌ జరగవచ్చని బోర్డు వర్గాల సమాచారం.  2021 ఐపీఎల్‌లో 29 మ్యాచ్‌లు నిర్వహించిన అనంతరం అనూహ్యంగా ఆటగాళ్లకు కరోనా సోకడంతో తప్పనిసరి పరిస్థితుల్లో లీగ్‌ను వాయిదా వేస్తున్నట్లు బీసీసీఐ ప్రకటించింది. ప్లే ఆఫ్స్‌ సహా లీగ్‌లో మరో 31 మ్యాచ్‌లు జరగాల్సి ఉంది. భారత్‌లో కరోనా తీవ్రత మరింత పెరిగిపోవడంతో ఈ సీజన్‌లో మన దేశంలో మాత్రం మ్యాచ్‌లు నిర్వహించలేమని స్పష్టమైంది. దాంతో ప్రత్యామ్నాయ వేదికగా మరోసారి యూఏఈవైపే బీసీసీఐ చూసింది. 2020లో మొత్తం టోర్నీకి ఆతిథ్యమిచ్చిన దుబాయ్, అబుదాబి, షార్జా మైదానాల్లోనే ఈ మ్యాచ్‌లు జరగనున్నాయి. అయితే బీసీసీఐ అధికారిక ప్రకటనలో కోవిడ్‌–19 కారణంగా వేదిక మారినట్లు కాకుండా సెప్టెంబర్‌–అక్టోబర్‌ సమయంలో భారత్‌లో వర్షాకాలం కాబట్టి మ్యాచ్‌లు ఇబ్బంది కలగకుండా వేదిక మార్చినట్లు ఉండటం గమనార్హం. మరోవైపు తాజా షెడ్యూల్‌ ప్రకారం చూస్తే తమ ఆటగాళ్లు ఐపీఎల్‌లో ఆడరని ఇంగ్లండ్‌ బోర్డు ఇప్పటికే ప్రకటించగా... కీలకమైన ఆస్ట్రేలియా బోర్డు ఇంకా ఎలాంటి నిర్ణయం తీసుకోలేదు. ఎస్‌జీఎంలో విదేశీ ఆటగాళ్ల విషయంపై కూడా చర్చ జరిగింది. అయితే ఎవరు వచ్చినా రాకున్నా, ఏ బోర్డునూ బతిమాలబోమని, మిగిలిన మ్యాచ్‌లను పూర్తి చేయడమే లక్ష్యమని బీసీసీఐ ఉన్నతాధికారి ఒకరు వ్యాఖ్యానించారు. అయితే విండీస్‌ ఆటగాళ్ల కోసం కరీబియన్‌ ప్రీమియర్‌ లీగ్‌ షెడ్యూల్‌లో మార్పులు చేయాలని బోర్డు కోరినట్లు అంతర్గత సమాచారం. ఆటగాళ్లు ఎవరైనా అందుబాటులో లేకపోతే వారి స్థానాల్లో మరొకరిని తీసుకునేందుకు ఫ్రాంచైజీలను బోర్డు అనుమతిస్తుంది.   హెచ్‌సీఏ నుంచి అజహరుద్దీన్‌... సుదీర్ఘ వివాదం అనంతరం బీసీసీఐ వర్చువల్‌ సమావేశంలో హైదరాబాద్‌ క్రికెట్‌ అసోసియేషన్‌ (హెచ్‌సీఏ) తరఫున అధ్యక్షుడు మొహమ్మద్‌ అజహరుద్దీన్‌ హాజరయ్యాడు. అజహర్‌ వైరి వర్గం కొన్నాళ్ల క్రితం హెచ్‌సీఏ ప్రతినిధిగా శివలాల్‌ యాదవ్‌ పేరును ప్రతిపాదించి పంపించినా... బోర్డు దానిని పట్టించుకోకుండా అజహర్‌కే అవకాశం కల్పించింది. టి20 వరల్డ్‌కప్‌ కోసం వేచి చూద్దాం  కరోనాతో ఐపీఎల్‌ విదేశానికి తరలి పోగా... అక్టోబర్‌–నవంబర్‌లోనే జరగాల్సిన టి20 ప్రపంచకప్‌ను భారత్‌ నిర్వహించగలదా అనే సందేహాలు తలెత్తుతున్నాయి. 16 జట్లతో ఒక ఐసీసీ ఈవెంట్‌ను జరపడం అంత సులువు కాదు. అప్పటికి భారత్‌లో కోవిడ్‌–19 కేసుల పరిస్థితి ఎలా ఉంటుందో ఎవరూ చెప్పలేరు కానీ... పూర్తిగా వైరస్‌ తగ్గిపోతుందనుకోవడం కూడా అత్యాశే. అందుకే బోర్డు వేచి చూసే ధోరణిలో ఉంది. భారత్‌ నుంచి టి20 ప్రపంచకప్‌ను తరలించే ఆలోచనతో ఉన్న ఐసీసీని బీసీసీఐ మరో నెలరోజులు గడువు ఇవ్వాలని కోరనుంది. వరల్డ్‌కప్‌ను సమస్యలు లేకుండా నిర్వహించే క్రమంలో ఒకే ప్రాంతంలో అన్ని మ్యాచ్‌లు నిర్వహించాలనే ఆలోచనతో కూడా బోర్డు ఉంది. ముంబైలోని మూడు స్టేడియాలతో పాటు దగ్గర్లోనే పుణేను వాడుకుంటే ఎలా ఉంటుందనేది ఒక సూచన. జూన్‌ 1న జరిగే ఐసీసీ సమావేశంలో పాల్గొనేందుకు సోమవారం బీసీసీఐ అధ్యక్షుడు గంగూలీ, కార్యదర్శి జై షా, ఉపాధ్యక్షుడు రాజీవ్‌ శుక్లా దుబాయ్‌ వెళ్లనున్నారు. అక్కడే ఐపీఎల్‌ నిర్వహణ గురించి యూఏఈ బోర్డుతో కూడా చర్చిస్తారు. మరోవైపు రంజీ క్రికెటర్లకు నష్టపరిహారం ఇచ్చే అంశంపై ఈ సమావేశంలో ఎలాంటి చర్చా జరగలేదు.   (చదవండి: IPL 2021: ఎప్పుడు నిర్వహిద్దాం?)

ముంబై: దేశంలో కరోనా మహమ్మారి రెండో దశలో కోరలు చాస్తున్న వేళ, ఐపీఎల్‌లో పాల్గొనే ఆటగాళ్లను కాపాడుకోవాలంటే వ్యాక్సినేషన్‌ ఒక్కటే మార్గమని బీసీసీఐ ఉపాధ్య‌క్షుడు రాజీవ్ శుక్లా అభిప్రాయపడ్డారు. ప్లేయ‌ర్లకు వ్యాక్సినేష‌న్ అంశంపై బీసీసీఐ ఆలోచ‌న చేస్తున్న‌ట్లు, తర్వలో దీనికి సంబంధించి ఆరోగ్య శాఖతో సంప్రదింపులు జరుపనున్నట్టు ఆయన వెల్ల‌డించారు. కరోనా ఎప్పుడు అంతమవుతుందో ఎవ్వరికీ తేలీదు కాబట్టి, ఆటగాళ్ల ఆరోగ్య పరిరక్షణ దృష్ట్యా వ్యాక్సినేషన్‌ ఉత్తమమైన మార్గమని అభిప్రాయపడుతున్నట్లు పేర్కొన్నారు. కోవిడ్‌ కేసులు రోజురోజుకు పెరుగుతున్న నేప‌థ్యంలో ఐపీఎల్ కోసం అన్ని ముందు జాగ్ర‌త్త‌లు తీసుకుంటున్న‌ట్లు తెలిపారు. ముందుగా ప్రకటించిన ఆరు వేదిక‌ల్లో మ్యాచ్‌లు తప్పక నిర్వ‌హిస్తామ‌ని, ఆ దిశ‌గా బ‌యో బ‌బుల్ కూడా ఏర్పాటు చేశామ‌ని చెప్పుకొచ్చారు. ఖాళీ స్టేడియాల్లోనే టోర్నీ మొత్తం కొన‌సాగుతుంద‌ని స్ప‌ష్టం చేశారు. ఇదిలా ఉండగా, ఇప్పటికే ముగ్గురు ఆటగాళ్లు వైరస్‌ బారిన పడటంతో ఆటగాళ్లతో సహా ఆయా యాజమాన్యాలు, బీసీసీఐ ఆందోళన చెందుతున్నాయి. తొలుత కేకేఆర్‌ ఆటగాడు నితీష్‌ రాణాకు వైరస్‌ నిర్ధారణ కాగా, అతరువాత ఢిల్లీ క్యాపిటల్స్‌ ఆల్‌రౌండర్‌ అక్షర్‌ పటేల్‌కు కరోనా పాజిటివ్‌గా తేలింది. తాజాగా, ఆర్‌సీబీ యువ ఆటగాడు దేవ్‌దత్‌ పడిక్కల్‌ను సైతం కరోనా కాటువేయడంతో ఆయా ఫ్రాంఛైజీలు, బీసీసీఐ కరోనా కట్టడి మార్గాలను అన్వేషించే పనిలో నిమగ్నమైంది. అందులో భాగంగానే ఆటగాళ్లకు వ్యాక్సినేషన్‌ ప్రస్థావనకు తెరపైకి తెచ్చింది.  చదవండి: భార్యకు వివాహ వార్షికోత్సవ శుభాకాంక్షలు తెలిపిన వార్నర్‌  

ఇండోర్‌: ప్రస్తుత క్రికెట్‌లో ప్రధానంగా చర్చ జరుగుతున్న అంశం ‘ధోని రిటైర్మెంట్‌ ఎప్పుడు?’. టెస్టు క్రికెట్‌కు 2014లోనే వీడ్కోలు పలికిన ఎంఎస్‌ ధోని.. పరిమిత ఓవర్ల క్రికెట్‌ మాత్రమే ఆడుతున్నాడు. కాగా, ఇంగ్లండ్‌ వేదికగా జరిగిన వన్డే ప్రపంచకప్‌ అనంతరం మళ్లీ ఇప్పటివరకు ధోని టీమిండియా జెర్సీ ధరించలేదు. కొంతకాలం ఆర్మీకి సేవలందించాలని కొన్ని నెలలు క్రికెట్‌కు దూరంగా ఉండగా.. ప్రస్తుతం సెలక్షన్స్‌కు స్వతహగా అతడే దూరంగా ఉంటున్నాడని బయట టాక్‌. దీంతో ధోని రిటైర్మెంట్‌ అంశం తీవ్ర చర్చనీయాంశమైంది. ఈ క్రమంలో ఇండియన్‌ ప్రీమియర్‌ లీగ్‌(ఐపీఎల్‌) మాజీ ఛైర్మన్‌ రాజీవ్‌ శుక్ల ధోని గురించి పలు ఆసక్తికర వ్యాఖ్యలు చేశాడు.  ‘ధోని ఒక గొప్ప క్రికెటర్‌. సారథిగా, ఆటగాడిగా టీమిండియాకు ఎన్నో చిరస్మరణీయ విజయాలను అందించాడు. అతడు ఇంకా చాలా క్రికెట్‌ ఆడాల్సి ఉంది. కానీ, రిటైర్మెంట్‌పై తుది నిర్ణయం అతడి చేతుల్లోనే ఉంటుంది. ఆ విషయంలో బీసీసీఐతో సహా మరొకరు జోక్యం చేసుకోలేరు. రిటైర్మెంట్‌పై నిర్ణయం తీసుకునే పూర్తి స్వేచ్ఛను ప్రతీ ఒక్క క్రికెటర్‌కు బీసీసీఐ ఇచ్చింది. వారు తీసుకున్న నిర్ణయాన్ని బీసీసీఐ స్వాగతిస్తుంది తప్ప ఎలాంటి అభ్యంతరం చెప్పదు’అంటూ శుక్ల పేర్కొన్నాడు. ఇక ధోని భవిత్యం త్వరలో జరగబోయే ఐపీఎల్‌తో తేలనుందని క్రికెట్‌ పండితులు పేర్కొంటున్నారు. ఈ మెగా టోర్నీలో రాణించి ఈ ఏడాది చివర్లో జరిగే టీ20 ప్రపంచకప్‌లో ధోని టీమిండియా తరుపున ఆడతాడని అతడి ఫ్యాన్స్‌ ఆశాభావం వ్యక్తం చేస్తున్నారు.   చదవండి: పులిని పులి ఫొటో తీసింది..! అందుకే ధోని బెస్ట్‌ కెప్టెన్‌

న్యూఢిల్లీ: యూపీఏ ప్రభుత్వంలోనూ సర్జికల్‌ స్ట్రైక్స్‌ చేపట్టామని వెల్లడించిన కాంగ్రెస్‌ అందుకు సంబంధించిన జాబితాను బహిర్గతం చేసింది. తాము అధికారంలో ఉన్నప్పుడు ఆరు సర్జికల్‌ స్ట్రైక్స్‌ చేపట్టామని, కానీ ఏనాడు వాటిని రాజకీయాల కోసం వినియోగించుకోలేదని కాంగ్రెస్‌ పేర్కొంది. కాంగ్రెస్‌ పార్టీ అధికార ప్రతినిధి రాజీవ్‌ శుక్లా గురువారం మీడియా సమావేశంలో జాబితాను వెల్లడించారు. 2008 జూన్‌ 19న పూంచ్‌లోని భట్టల్‌ సెక్టార్‌ ప్రాంతంలో, 2011 ఆగస్టు 30–సెప్టెంబర్‌ 1 తేదీల్లో కేల్‌లో నీలమ్‌ నదీ ప్రాంతంలోని శార్దా సెక్టార్‌లో, 2013 జనవరి 6న సవన్‌ పత్ర చెక్‌పోస్ట్‌ వద్ద, 2013 జూలై 27–28 తేదీల్లో నజపిర్‌ సెక్టార్‌లో, 2013 ఆగస్టు 6న నీలమ్‌ లోయ ప్రాంతంలో, మరొకటి 2013 డిసెంబర్‌ 23న చేపట్టినట్లు తెలిపారు. అలాగే వాజ్‌పేయ్‌ ప్రభుత్వంలోనూ రెండు సర్జికల్‌ స్ట్రైక్స్‌ జరిపినట్లు వెల్లడించారు. 2000 జనవరి 21న నీలమ్‌ నది ప్రాంతంలోని నదలా ఎన్‌క్లేవ్, 2003 సెప్టెంబర్‌ 18న పూంచ్‌లోని బార్హో సెక్టార్‌లో దాడులు చేసినట్లు తెలిపారు.   మన్మోహన్‌ ఇంటర్వ్యూ తర్వాత... యూపీఏ హయాంలోనూ సర్జికల్‌ స్ట్రైక్స్‌ చేపట్టినట్లు మాజీ ప్రధాని మన్మోహన్‌ సింగ్‌ హిందుస్తాన్‌ టైమ్స్‌కు ఇచ్చిన ఇంటర్వ్యూలో చెప్పారు. అప్పటి నుంచి బీజేపీ–కాంగ్రెస్‌ మధ్య మాటల యుద్ధం తీవ్రమైంది.

ముంబై : దాయాది పాకిస్తాన్‌తో ద్వైపాక్షిక సిరీస్‌లు ఆడే అవకాశమే లేదని ఐపీఎల్‌ ఛైర్మన్‌ రాజీవ్ శుక్లా స్పష్టం చేశారు. పుల్వామా ఉగ్రదాడిపై  ఆయన స్పందించారు. ప్రభుత్వ అంగీకారం లేకుండా పాకిస్తాన్‌తో క్రికెట్ ఆడే ప్రసక్తే లేదన్నారు. ఈ విషయంలో తమ వైఖరిపై స్పష్టత ఉందన్నారు. వాస్తవానికి క్రీడలకు ఈ పరిణామాలతో సంబంధం ఉండదని, కానీ ఎవరైనా ఉగ్రవాదానికి ఊతమిస్తున్నారంటే... దాని ప్రభావం కచ్చితంగా క్రీడలపై పడుతుందన్నారు.    ఇంగ్లండ్‌ వేదికగా జరగబోయే ప్రపంచ కప్‌లో పాక్‌తో భారత్ ఆడుతుందా అన్న ప్రశ్నకు శుక్లా సమాధానం దాటవేశారు. ప్రస్తుతం దీనిపై ఏమీ చెప్పలేనన్నారు. ‘‘ప్రపంచకప్‌కు ఇంకా చాలా రోజుల సమయం ఉంది. ఏం జరుగుతుందో చూద్దాం...’’అని పేర్కొన్నారు. పుల్వామా దాడితో యావత్‌ భారత్‌ పాకిస్తాన్‌పై రగిలిపోతున్న సంగతి తెలిసిందే. ఈ జనాగ్రహాన్ని సమర్ధించిన శుక్లా... ఉగ్రవాదానికి కొమ్ముకాయడం మానుకోవాలంటూ పాక్‌కు హితవు పలికారు. గత గురువారం(ఫిబ్రవరి14న) జమ్మూకశ్మీర్‌లోని పుల్వామాలో సీఆర్‌పీఎఫ్ కాన్వాయ్‌పై ఆత్మాహుతి దాడి జరగడంతో 40 మంది సైనికులు వీరమరణం పొందిన విషయం తెలిసిందే.

సాక్షి, హైదరాబాద్‌: ఏ లక్ష్యంతో అయితే తెలంగాణ రాష్ట్రాన్ని కాంగ్రెస్‌ పార్టీ ఏర్పాటు చేసిందో ఆ లక్ష్యం నెరవేరలేదని, కేసీఆర్‌ హయాంలో తెలంగాణ సర్వనాశనం అయిందని కేంద్ర మాజీ మంత్రి, ఏఐసీసీ అధికార ప్రతినిధి రాజీవ్‌శుక్లా వ్యాఖ్యానించారు. ఫాంహౌస్‌ నుంచి పాలన సాగించిన కేసీఆర్‌ నియం తలా వ్యవహరించారని, ప్రజాస్వామ్యంలో ఇది సరైంది కాదని అభిప్రాయపడ్డారు. ఆదివారం హైదరాబాద్‌కు వచ్చిన ఆయన గాంధీభవన్‌లో టీపీసీసీ కిసాన్‌సెల్‌ చైర్మన్‌ కోదండరెడ్డి, ఏఐసీసీ ప్రతినిధులు ప్రశాంత్, ఫయీమ్, సత్యప్రకాశ్, యతీశ్, సురేశ్‌కుమార్‌లతో కలిసి విలేకరులతో మాట్లాడారు. తెలం గాణ రాష్ట్ర గమనంలో ఈ ఎన్నికలు చాలా కీలకమైనవన్నారు. లక్షలాది మంది యువతకు ఉద్యోగాలు కల్పిస్తానని చెప్పిన కేసీఆర్‌ తన కుటుంబంలో మాత్ర మే ఉపాధి చూపెట్టారని, తెలంగాణ యువతను నిర్వీర్యం చేశారన్నారు. నిరుద్యోగంలో తెలంగాణ దేశంలోనే మూడోస్థానంలో ఉండటం పరిస్థితికి అద్దం పడుతోందన్నారు. రాష్ట్రసాధన కోసం ప్రాణత్యాగం చేసిన 1,200 మంది అమరవీరుల కుటుం బాలకు న్యాయం చేయడంలోనూ కేసీఆర్, టీఆర్‌ఎస్‌ ప్రభుత్వం విఫలమయ్యాయన్నారు. తెలంగాణ ఇచ్చిన ఘనత కాంగ్రెస్‌ పార్టీకి, సోనియాగాంధీకి, అప్పటి ప్రధాని మన్మోహన్‌కు మాత్రమే దక్కుతుం దని, కాంగ్రెస్‌ ఇవ్వాలనుకోకపోతే కేసీఆర్‌ తెలంగాణ సాధించగలిగేవాడా అని ప్రశ్నించారు. ఈ ఎన్నికల తర్వాత తెలంగాణలో మార్పు తప్పకుండా వస్తుం దని, కాంగ్రెస్‌ ప్రభుత్వం ఏర్పాటై తీరుతుందన్నారు. కాంగ్రెస్‌ నేతృత్వంలోని కూటమికి 80 సీట్లు తప్పకుండా వస్తాయన్నారు. టికెట్ల గురించి కాంగ్రెస్‌లో జరుగుతున్న గొడవల గురించి ప్రశ్నించగా, టికెట్ల గురించి గొడవలు జరగని పార్టీ ఏదీ ఉండదని, ఇది సర్వసాధారణమేనని చెప్పారు. కేంద్రంలో అధికారంలో ఉన్న నరేంద్రమోదీ, రాష్ట్రాన్ని పాలిస్తోన్న కేసీఆర్‌లది జబర్దస్త్‌ జోడీ అని, అబద్ధాలు చెప్పడంలో ఇద్దరిదీ ఒకటే నైజం అని విమర్శించారు. 

న్యూఢిల్లీ: ఉత్తరప్రదేశ్‌ క్రికెట్‌ అసోసియేషన్‌ (యూపీసీఏ) సెలక్షన్‌ ప్రక్రియలో అవకతవకలు జరుగుతున్నాయనే ఆరోపణలు గుప్పుమన్న నేపథ్యంలో ఓ అధికారిపై సస్పెన్షన్‌ వేటు పడింది. ఐపీఎల్‌ చైర్మన్, యూపీసీఏ కార్యదర్శి రాజీవ్‌ శుక్లా వర్గానికి చెందిన అక్రమ్‌ సైఫీపై అవినీతి ఆరోపణలు రావడంతో అతన్ని విధుల నుంచి తొలగించారు. ఈ అంశాన్ని తీవ్రంగా పరిగణించిన బీసీసీఐ అవినీతి నిరోధక శాఖ పూర్తి వ్యవహారంపై దర్యాప్తు ప్రారంభించింది. ఓ జాతీయ మీడియా జరిపిన స్టింగ్‌ ఆపరేషన్‌లో అక్రమ్‌ సైఫీ... రాష్ట్ర జట్టులో చోటు కోసం యత్నిస్తున్న యువ ఆటగాడు రాహుల్‌ శర్మ నుంచి ముడుపులు కోరడంతో పాటు ఆటగాళ్లకు తప్పుడు వయసు ధ్రువీకరణ పత్రాలు ఇస్తున్నట్లు తేలింది. ఈ అంశాలను ఆ ఛానల్‌ ప్రసారం చేయడంతో బీసీసీఐ క్రమశిక్షణ చర్యలు తీసుకుంది. 

ముంబై: మహిళా క్రికెటర్ల కోసం ఇండియన్ ప్రీమియర్ లీగ్ (ఐపీఎల్‌) తరహాలో బీసీసీఐ ఈ నెల 22న ఒక టీ20 మ్యాచ్‌ నిర్వహించబోతున్న సంగతి తెలిసిందే. ముంబైలో ఈనెల 22న జరగనున్న ఐపీఎల్‌-11 తొలి క్వాలిఫయర్‌ మ్యాచ్‌కు ముందు ఈ మ్యాచ్‌ను నిర్వహిస్తారు. భారత మహిళా క్రికెటర్లతో పాటు విదేశీ మహిళా ప్లేయర్లు ఈ టీ20 మ్యాచ్‌లో ఆడనున్నారు. మధ్యాహ్నం 2 గంటలకు మొదలయ్యే ఈ మ్యాచ్‌ను స్టార్‌ స్పోర్ట్స్‌–1లో ప్రత్యక్ష ప్రసారం చేస్తారు. ఈ నెల 22న ఐపీఎల్‌లో భాగంగా వాంఖడే మైదానంలో రాత్రి 8గంటలకు క్వాలిఫయర్‌-1 జరగనుంది. ఇరు జట్లకు కెప్టెన్లుగా భారత మహిళా స్టార్ క్రికెటర్లు హర్మన్‌ప్రీత్‌ కౌర్, స్మృతి మంధానలు వ్యవరిస్తారని ఐపీఎల్‌ ఛైర్మన్‌ రాజీవ్‌ శుక్లా ప్రకటించారు. తాజాగా బీసీసీఐ జట్లను, జట్టు ప్లేయర్లను వెల్లడించింది. 26 మంది మహిళా క్రికెటర్లను ఎంపిక చేయగా.. ఇందులో ఆస్ట్రేలియా, న్యూజిలాండ్, ఇంగ్లండ్‌లకు చెందిన వారు 10 మంది ఉన్నారు. భారత మహిళా క్రికెటర్లు అధిక సంఖ్యలో ఈ టీ20 మ్యాచ్‌కు ప్రాతినిధ్యం వహించనున్నారు. టీ20 క్రికెట్‌కు ప్రాధాన్యం పెంచేందుకు విదేశీ మహిళా క్రికెటర్లు కూడా ఆసక్తి చూపిస్తున్నారు. రెండు జట్లు: ఐపీఎల్‌ ట్రయల్‌ బ్లేజర్స్: స్మృతి మంధాన(కెప్టెన్‌), అలిస్సా హీలీ(కీపర్‌), సుజీ బేట్స్‌, దీప్తి శర్మ, బెత్‌ మూనీ, జెమీమా రోడ్రిక్స్‌, డానియెల్లె హాజెల్‌, శిఖా పాండే, లీ టహుహు, జులన్‌ గోస్వామి, ఏక్తా బిస్త్‌, పూనమ్‌ యాదవ్‌, హేమలత.  కోచ్: తుషార్ ఆర్థో ఐపీఎల్‌ సూపర్ ‌నోవాస్‌: హర్మన్‌ప్రీత్‌ కౌర్‌(కెప్టెన్‌), తానియా భాటియా(కీపర్‌) మిథాలీ రాజ్‌, మెగ్‌ లానింగ్‌, సోఫీ డివైన్‌, ఎల్లీస్ పెర్రీ, వేద కృష్ణమూర్తి, మోన మెశ్రమ్‌, పూజా వస్త్రాకర్, మేగన్‌ స్క్కూట్‌, రాజేశ్వరి గైక్వాడ్‌, అనూజ పాటిల్‌  కోచ్‌: బిజు జార్జ్‌

ముంబై : ఇండియన్‌ ప్రీమియర్‌ లీగ్‌ (ఐపీఎల్‌)-11 సీజన్‌లో ప్లే ఆఫ్‌, ఫైనల్‌ మ్యాచ్‌ల సమయాల్లో మార్పు చోటుచేసుకుంది. ప్రస్తుత సమయం కంటే ఓ గంట ముందుగానే మ్యాచ్‌లు ప్రారంభం కానున్నాయి. అభిమానుల ఇబ్బందుల దృష్ట్యా ఈ నిర్ణయం తీసుకున్నట్లు ఐపీఎల్‌ చైర్మన్‌ రాజీవ్‌ శుక్లా బుధవారం మీడియాకు తెలిపారు. ‘‘గత కొన్నేళ్లుగా ఐపీఎల్‌కు వస్తున్న ఆదరణ గురించి ప్రత్యేకంగా చెప్పాల్సిన అవసరంలేదు. టీవీ, మైదానాల్లో చూసే ప్రేక్షకుల సంఖ్య గణనీయంగా పెరుగుతోంది. వారికి ఇబ్బందులు తలెత్తకుండా ప్లే ఆఫ్‌, ఫైనల్ మ్యాచ్‌లను ఓ గంట ముందు ప్రారంభించాలని నిర్ణయించాం. దీంతో మ్యాచ్‌లు 7 గంటలకే ప్రారంభం కానున్నాయి. ఇది కేవలం మైదానంలోని అభిమానుల కోసమే కాకుండా టీవీ ప్రేక్షకులను సైతం దృష్టిలో ఉంచుకొని తీసుకున్న నిర్ణయం. మ్యాచ్‌లు ఆలస్యం కావడంతో మైదాన, టీవీ ప్రేక్షకులకు ఉదయం లేచి, కాలేజీలు, ఉద్యోగాలకు వెళ్లడం కష్టంగా ఉంటుంది. దీంతో మ్యాచ్‌ సమయాలను మార్చాం’ అని శుక్లా పేర్కొన్నాడు.  ప్రస్తుతం రాత్రి 8 గంటలకు ప్రారంభమవుతున్న మ్యాచ్‌లు  రాత్రి 11.30 ముగుస్తున్నాయి. ఇక స్లో ఓవర్ రేట్‌ కారణంగా కొన్ని మ్యాచ్‌లు అర్థరాత్రి 12 తర్వాత ముగుస్తున్నాయి. వర్షం అంతరాయం కలిగిస్తే ఇక అంతే సంగతులు. దీంతో ప్రేక్షకులు తీవ్ర ఇబ్బందులకు గురవుతున్నారు.

కోల్‌కతా : ఇండియన్ ప్రీమియర్ లీగ్(ఐపీఎల్)-11 సీజన్‌ షెడ్యూల్‌ వేదికల్లో స్పల్ప మార్పు చోటుచేసుకుంది. ముందస్తుగా ప్రకటించిన షెడ్యూల్ ప్రకారం ఎలిమినేటర్, క్వాలిఫయర్ 2 మ్యాచ్‌లకు పుణే మైదానం (మహారాష్ట్ర క్రికెట్‌ అసోసియేషన్‌ (ఎంసీఏ) స్టేడియం) ఆతిథ్యమివ్వాల్సి ఉంది. అయితే రెండు మ్యాచ్‌ల వేదికలను కోల్‌కతాలోని ఈడెన్‌ గార్డెన్స్‌కు తరలిస్తూ శుక్రవారం ఐపీఎల్‌ పాలకమండలి నిర్ణయం తీసుకుంది. మే 23, 25 తేదీల్లో ఎలిమినేటర్, క్వాలిఫయర్ 2 మ్యాచ్‌లు కోల్‌కతాలో జరుగుతాయని ఐపీఎల్ గవర్నింగ్ కౌన్సిల్ ఛైర్మన్ రాజీవ్ శుక్లా తెలిపారు.  పుణే స్టేడియం కన్నా చరిత్రాత్మక ఈడెన్ గార్డెన్స్ సామర్థ్యం ఎక్కువగా ఉండటంతో ఐపీఎల్‌ పాలకమండలి ఈ నిర్ణయం తీసుకున్నట్లు తెలుస్తోంది. ఈడెన్‌లో 67వేల మంది అభిమానులు మ్యాచ్‌ను వీక్షించేందుకు అవకాశం ఉంది. క్వాలిఫయర్ 1 యథావిధిగా ముంబైలోని వాంఖెడే స్టేడియంలోనే మే 22న జరగనుంది. మే 27న టోర్నీ ఫైనల్ మ్యాచ్‌కు కూడా ఈ మైదానమే ఆతిథ్యమివ్వనుంది. తొలుత ఎలిమినేటర్‌, క్వాలిఫయర్‌ 2 మ్యాచ్‌లకు చెన్నై సూపర్‌ కింగ్స్‌ హోం గ్రౌండ్‌ చపాక్‌ స్టేడియం ఆతిథ్యమివ్వాల్సిండగా.. కావేరీ వివాదంతో ఆ జట్టు సొంతమైదానంగా పుణెలో ఆడుతున్న విషయం తెలిసిందే.

న్యూఢిల్లీ : మైదానంలో​ అంపైర్లు అప్రమత్తంగా వ్యవహరించాలని ఐపీఎల్‌ చైర్మన్‌ రాజీవ్‌ శుక్లా సూచించారు. రాజస్తాన్‌ రాయల్స్‌, సన్‌రైజర్స్‌ మ్యాచ్‌లో ఓవర్‌లో 7 బంతులు వేయించడం.. ఉప్పల్‌లో చెన్నై-సన్‌రైజర్స్‌ మ్యాచ్‌లో స్పష్టమైన నోబాల్‌ను ఇవ్వకపోవడంతో అంపైర్ల విమర్శలు వచ్చిన విషయం తెలిసిందే. ఈ నేపథ్యంలో సోమవారం ఢిల్లీ డేర్‌ డెవిల్స్‌, కింగ్స్‌ పంజాబ్‌ మ్యాచ్‌కు హజరైన శుక్లా.. అంపైర్ల తప్పిదాలపై స్పందించారు. ‘ఇలాంటి తప్పిదాలు కొన్ని సార్లు జరుగుతుంటాయి. అంపైర్లు అప్రమత్తంగా వ్యవహరించేలా మ్యాచ్‌ రిఫరీలు వారితో చర్చించాలని’ పేర్కొన్నారు. ఇలాంటి చిన్న తప్పిదాలు జరగకుండా అంపైర్లు అవసరమైతే టెక్నాలజీ సాయం తీసుకోవాలని మరో ఐపీఎల్‌ అధికారి అభిప్రాయపడ్డారు. ఎవరు కావాలని తప్పిదాలు చేయరని ఆయన పేర్కొన్నారు. ఇక చెన్నై మ్యాచ్‌లో సన్‌రైజర్స్‌ ఓటమికి అంపైర్‌ నిర్ణయమే కారణమని అభిమానులు ఆగ్రహం వ్యక్తం చేసిన విషయం తెలిసిందే. సన్‌రైజర్స్‌-రాజస్తాన్‌ మ్యాచ్‌లో ఘోర తప్పిదం పాండ్యా నాటౌట్‌..! చిర్రెత్తిన కోహ్లీ ‘అంపైర్‌ వల్లే సన్‌రైజర్స్‌ ఓటమి’  

ముంబై : ట్యాంపరింగ్‌ వివాదంలో చిక్కుకున్న ఆస్ట్రేలియా ఆటగాళ్లు స్టీవ్‌ స్మిత్‌, డేవిడ్‌ వార్నర్‌లకు దెబ్బ మీద దెబ్బ తగలుతోంది. ఇప్పటికే వారి దేశ బోర్డు క్రికెట్‌ ఆస్ట్రేలియా (సీఏ) ఏడాది పాటు నిషేధం విధించగా.. ఈ ఆటగాళ్లు ప్రాతినిథ్యం వహిస్తున్న ఐపీఎల్‌ జట్లు కెప్టెన్సీ నుంచి తప్పించాయి. కెప్టెన్సీ ఊడినా ఐపీఎల్‌లో ఆడొచ్చు అని భావించిన ఈ ఆటగాళ్లకు ఐపీఎల్‌ కమిషనర్‌ రాజీవ్‌ శుక్లా గట్టి షాకిచ్చారు. క్రికెట్‌ ఆస్ట్రేలియా ఏడాది పాటు నిషేధం విధించడంతో స్మిత్‌, వార్నర్‌లను ఈ సీజన్‌ ఐపీఎల్‌కు అనుమతించేది లేదని స్పష్టం చేశాడు. ఆయన బుధవారం మీడియాతో మాట్లాడుతూ.. వార్నర్‌, స్మిత్‌లు ప్రాతినిథ్యం వహిస్తున్న ఫ్రాంచైజీలు వారి స్థానాల్లో ఇతర ఆటగాళ్లను తీసుకోవాలని సూచించారు. ఈ ఇద్దరిని ఈ సీజన్‌ ఐపీఎల్‌లోకి అనుమతించేది లేదని పేర్కొన్నారు. ఈ నిర్ణయంతో సన్‌ రైజర్స్‌ హైదరాబాద్‌, రాజస్థాన్‌ రాయల్స్‌ ఫ్రాంచైజీలకు గట్టి ఎదురుదెబ్బ తగిలింది. కెప్టెన్సీ నుంచి తొలిగించినా ఆటగాడిగానైనా జట్టులో కొనసాగుతారని అందరు భావించారు. తాజా నిర్ణయంతో ఈ ఫ్రాంచైజీలు వారిని భర్తీ చేయగల విదేశీ ఆటగాళ్ల అన్వేషణలో పడ్డాయి. డేవిడ్‌ వార్నర్‌ దూరమవ్వడంతో  సన్‌రైజర్స్‌ హైదరాబాద్‌ సగం బలం కోల్పోనుంది. ముఖ్యంగా జట్టు బ్యాటింగ్‌ బాధ్యతను గత రెండు సీజన్లలో వార్నర్‌ ఒంటి చేత్తో భుజాన మోసాడు. దీంతోనే సన్‌రైజర్స్‌ యాజమాన్యం వార్నర్‌ను వదులుకోకుండా అంటిపెట్టుకున్న విషయం తెలిసిందే.  ఇప్పటికే కెప్టెన్‌గా ఎవరిని నియమించాలని  తలపట్టుకుంటున్న సన్‌రైజర్స్‌ యాజమాన్యానికి తాజా నిర్ణయం మరింత ఆందోళనకు గురి చేస్తోంది. వార్నర్‌ స్థానాన్ని భర్తీ చేసే ఆటగాడు హైదరాబాద్‌ జట్టుకు ఇప్పటికిప్పుడు దొరకడం కష్టమేనని క్రీడా విశ్లేషకులు అభిప్రాయపడుతున్నారు.  

న్యూఢిల్లీ:రాబోవు ఇండియన్‌ ప్రీమియర్‌ లీగ్‌(ఐపీఎల్‌) సీజన్‌ లో జరిగే మ్యాచ్‌ల సమయాలు మారే అవకాశం కనిపిస్తోంది. ఈ టోర్నీ నిర‍్వహించే సమయంలో ఇప్పటివరకూ తొలి మ్యాచ్‌ సాయంత్రం 4 గంటలకు, రెండో మ్యాచ్‌ రాత్రి 8 గంటలకు నిర్వహించే వారు. అయితే ఇక నుంచి రెండో మ్యాచ్‌ను 7గంటలకు నిర్వహించాలనే యోచనలో ఐపీఎల్‌ నిర్వాహకులు ఉన్నారు. రాత్రి 8 గంటలకు ప్రారంభమయ్యే రెండో మ్యాచ్‌ ముగిసే సరికి అర్ధరాత్రి దాటుతున్న కారణం చేత దాన్ని ఒక గంట ముందుకు తీసుకురావాలని ఆలోచన ఉంది. అంతేకాదు ఇంటి దగ్గర ఉండి చూసే ప్రేక్షకులు సైతం పూర్తిగా మ్యాచ్‌లను వీక్షించలేకపోతున్నారు. వీటిని దృష్టిలో పెట్టుకున్న నిర్వాహకులు వచ్చే ఏడాది నుంచి రెండో మ్యాచ్‌ను సాయంత్రం 7గంటలకే ప్రారంభించాలన్న ప్రతిపాదనను ఫ్రాంఛైజీల ముందుంచారు. ఈ ప్రతిపాదనకు అందరూ అంగీకారం తెలపడంతో  దీనిపై ఐపీఎల్‌ ఛైర్మన్‌ రాజీవ్‌ శుక్లా స్టార్‌ ఇండియా ప్రతినిధులతో మాట్లాడనున్నారు.'డిసెంబరు 5న ఢిల్లీలో స్టార్‌ ఇండియా ప్రతినిధులతో జరిగే సమావేశంలో ఈ అంశాన్ని వారి ముందు ఉంచుతా. రెండో మ్యాచ్‌ సాయంత్రం 7గంటలకే నిర్వహిస్తాం' అని ఐపీఎల్‌ చైర్మన్‌ రాజీవ్‌ శుక్లా తెలిపారు. అయితే రెండో మ్యాచ్‌ రాత్రి 7 గంటలకు నిర్వహిస్తే, తొలి మ్యాచ్‌ ను గంట ముందుగా అంటే మధ్యాహ్నం 3 గంటలకు ఆరంభిస్తారు.


 న్యూఢల్లీ‌: క్రికెట్‌ లీగుల్లో ఐపీఎల్‌కు ఉండే క్రేజే వేరు. అటు ఆటగాళ్లకు, ఇటు బోర్డుకు కాసుల వర్షం కురిపిస్తోంది. భారత్‌లో నిర్వహించే ఈ టోర్నీ క్రికెట్‌లో అత్యంత ప్రాచుర్యం పొందింది. ఈ టోర్నీని చూడటానికి పలు దేశాలనుంచి క్రికెట్‌ అభిమానులు పెద్ద ఎత్తునే వస్తారు.  ఐపీఎల్‌కు ఉన్న క్రేజ్‌ను దృష్టిలో పెట్టుకుని మినీ ఐపీఎల్‌ టోర్నీని ప్రవేశపెట్టే యోచనలో బీసీసీఐ ఉన్నట్లు సమాచారం. ప్రపంచవ్యాప్తంగా క్రేజ్‌ ఉన్న ఐపీఎల్‌ని ఏడాదిలో ఒకసారి మాత్రమే నిర్వహించడం సబబుకాదని ఐపీఎల్‌ చీఫ్‌ రాజీవ్‌ శుక్లా అన్నారు.
 
 గతంలో నిర్వహించిన ఛాంపియన్స్‌ లీగ్‌ టీ20 ఫెయిల్‌ అవడంతో, ఇప్పుడు ఆ స్థానంలో ఈ మినీ ఐపీఎల్‌ ప్రవేశపెట్టాలని బీసీసీఐతో చర్చలు జరుపుతున్నట్లు ఆయన వెల్లడించారు.  ప్రస్తుతం మినీ ఐపీఎల్‌ నిర్వహణపై చర్చలు జరుగుతున్నాయని,  త్వరలోనే మినీ ఐపీఎల్‌ టోర్నీని విదేశాల్లో నిర్వహిస్తామని  రాజీవ్‌ తెలిపారు. అన్నీ సక్రమంగా జరిగితే దుబాయ్‌లో మినీ ఐపీఎల్‌  నిర్వహించే అవకాశం ఉందని రాజీవ్‌ అభిప్రాయపడ్డారు.
 
 అంతే కాకుండా అభిమానుల రెట్టింపు ఆనందం  కోసం​ 2018లో జరగనున్న ఐపీఎల్‌లో చాలా మార్పులు చోటుచేసుకుంటాయన్నారు. రానున్న పది ఏళ్లలో ఐపీఎల్‌ మరింత ఎక్కువ మందికి చేరువయ్యేలా, ఆకట్టుకునేలా ప్రణాళికలు చేస్తున్నట్లు శుక్లా తెలిపారు. ఫ్రాంచైజీ జట్టు, బీసీసీఐతో ఆదాయాన్ని పంచుకునే విధానం గురించి ఆలోచిస్తున్నట్లు చెప్పారు. ఐపీఎల్‌-11వ సీజన్‌లో 8 జట్లే ఆడతాయని తెలిపారు. ఛాంపియన్స్‌ ట్రోఫీ లాంటి టోర్నీకి ముందు ఐపీఎల్‌ ఆడటం ఆటగాళ్లకు ఎంతో లాభించిందని, ఫిట్‌నెస్‌ మెరుగుపరుచుకుని టోర్నీలో పాల్గొన్నారని శుక్లా తెలిపారు.


 చైర్మన్‌గా రాజీవ్‌ శుక్లా  
 ఏడుగురికి స్థానం  
 లోధా సంస్కరణల అమలుపై ఏర్పాటు  
 
 న్యూఢిల్లీ: లోధా ప్యానెల్‌ సూచించిన సంస్కరణల అమలు కోసం బీసీసీఐ ఏర్పాటు చేసిన కమిటీలో భారత మాజీ కెప్టెన్‌ సౌరవ్‌ గంగూలీకి చోటు దక్కింది. ఏడుగురితో కూడిన ఈ కమిటీ లోధా సంస్కరణల అమల్లో ఎదురవుతున్న ఇబ్బందులపై నివేదిక ఇవ్వనుంది. సోమవారం జరిగిన బోర్డు ప్రత్యేక సర్వసభ్య సమావేశం (ఎస్‌జీఎం)లో ఈ మేరకు నిర్ణయం తీసుకున్న విషయం తెలిసిందే. కమిటీకి రాజీవ్‌ శుక్లా చైర్మన్‌గా... బోర్డు కార్యదర్శి అమితాబ్‌ చౌదరి కన్వీనర్‌గా వ్యవహరిస్తారు.
 
  మిగతా సభ్యుల్లో టీసీ మ్యాథ్యూ (కేరళ క్రికెట్‌ సంఘం మాజీ అధ్యక్షులు), నబా భట్టాచార్జీ (మేఘాలయ క్రికెట్‌ సంఘం కార్యదర్శి), జయ్‌ షా (బీజేపీ అధ్యక్షుడు అమిత్‌ షా కుమారుడు, గుజరాత్‌ క్రికెట్‌ సంఘం కార్యదర్శి), బీసీసీఐ కోశాధికారి అనిరుధ్‌ చౌదరి ఉన్నారు. ఈనెల 30న కమిటీ తొలి సమావేశం జరిగే అవకాశం ఉంది. లోధా ప్యానెల్‌ ప్రతిపాదనల్లో కొన్నింటిని కచ్చితంగా అమలు చేయాల్సిందేనని గతంలో సుప్రీం కోర్టు తీర్పునిచ్చింది. కానీ ఈ తీర్పులో ఉన్న కొన్ని క్లిష్టమైన విషయాలను గుర్తించి ఈ కమిటీ బీసీసీఐకి 15 రోజుల్లో నివేదికను సమర్పించాల్సి ఉంటుంది.
 
 ‘లోధా ప్రతిపాదనల అమలుపై కోర్టులో వచ్చే నెల 14న విచారణ జరగనుంది. వీలైనంత త్వరగా సమావేశం తేదీని ఖరారు చేసుకుని వచ్చే నెల 10నే నివేదిక అందించాల్సి ఉంటుంది. బోర్డు తాత్కాలిక అధ్యక్షుడు వీకే ఖన్నాకు కమిటీ తుది నివేదికను సమర్పిస్తుంది. ఆ తర్వాత మరోసారి ఎస్‌జీఎంలో చర్చ జరుగుతుంది’ అని కార్యదర్శి అమితాబ్‌ చౌదరి తెలిపారు. ఒక రాష్ట్రం ఒక ఓటు, ఆఫీస్‌ బేరర్ల గరిష్ట వయస్సు 70 ఏళ్లకు మించకపోవడం, మూడేళ్ల కూలింగ్‌ పీరియడ్, జాతీయ సెలక్షన్‌ ప్యానెల్‌లో సభ్యుల సంఖ్యపై బీసీసీఐ సభ్యులకు తీవ్ర అభ్యంతరాలున్నాయి.


 కేంద్ర, రాష్ట్ర ప్రభుత్వాలపై ఏఐసీసీ నేత శుక్లా ధ్వజం
 
 సాక్షి, హైదరాబాద్‌: రైతులు అప్పులతో ఆత్మహత్యలు చేసుకుంటుంటే పట్టించుకోని కేంద్ర ప్రభుత్వం బడా కంపెనీల వేలకోట్ల అప్పులను మాఫీ చేస్తోందని ఏఐసీసీ అధికారప్రతినిధి రాజీవ్‌ శుక్లా విమర్శించారు. టీపీసీసీ అధ్యక్షుడు ఎన్‌.ఉత్తమ్‌కుమార్‌రెడ్డి, ఏఐసీసీ కార్యదర్శి వి.హన్మంతరావుతో కలసి సోమవారం ఆయన గాంధీభవన్‌లో విలేకరులతో మాట్లాడారు. దేశంలో రోజుకు 35 మంది రైతులు సగటున ఆత్మహత్యలకు పాల్పడుతున్నారని శుక్లా చెప్పారు. వ్యవసాయం తీవ్ర సంక్షోభంలో పడిపోయిందని, పంటలకు సబ్సిడీ ఇవ్వకుండా, పండించిన పంటలకు గిట్టుబాటుధర కల్పించకుండా కేంద్ర ప్రభుత్వం రైతాంగాన్ని నిర్లక్ష్యం చేస్తోందని విమర్శించారు. 
 
 అధికారంలోకి వచ్చిన వెంటనే వ్యవసాయరంగంలో స్వామినాథన్‌ సిఫారసులను అమలుచేస్తామని హామీ ఇచ్చిన ప్రధాని నరేంద్ర మోదీ మూడేళ్లుగా ఏం చేశారని ప్రశ్నించారు. వ్యవసాయపెట్టుబడులపై 50 శాతం లాభానికి పంటలను అమ్ముకునే విధంగా రైతులను తీర్చిదిద్దుతామని చెప్పి ఇప్పుడు పట్టించుకోవడంలేదన్నారు.   కేంద్రం అమలు చేస్తున్న ఫసల్‌ బీమా పథకం రైతులకు కాకుండా బీమా కంపెనీలకే ఉపయోగపడు తోందని ఆరోపించారు. ఈ పథకం వల్ల కంపెనీలు రైతుల నుంచి రూ.10,376 కోట్ల  లాభం పొందాయని వివరించారు. రాష్ట్రప్రభుత్వం కూడా రైతుల పట్ల తీవ్రమైన నిర్లక్ష్యంతో వ్యవహరిస్తోందన్నారు. మద్దతు ధరలు ఇవ్వాలని అడిగిన పాపానికి రైతులపై కేసులు పెట్టడం, చేతులకు బేడీలు వేయడం వంటి కిరాతకాలకు పాల్పడుతోందని రాజీవ్‌ శుక్లా ధ్వజమెత్తారు. రైతుల పట్ల అనుచితుంగా,  నిర్లక్ష్యంగా వ్యవహరిస్తున్న బీజేపీకి, టీఆర్‌ఎస్‌కు రైతులే తగిన గుణపాఠం చెప్తారని హెచ్చరించారు.